26-07-16, 02:02 AM
| #91 | ||||||||
|  .البارت الخامس والعشرين انا انكتبلي عمر وانت بين ايديا وحاجات كتير كانت بعيده زمان عليا لاقيتها فيك وانا بين ايديك كل اللى ضاع لاقيته تاني وهربت ليك من كل حاجه مخوفاني وجريت عليك أيامي جبنك عشتها وحياتي بيك كملتها انا كنت قبلك واحده ناسيه نفسها قدام عينيك أنا صعب الاقى كلام اقوله ده كل حلم زمان أنا كان نفسي اطوله انا شفته فيك ازاى اعيش الدنيا لو ما تكنش فيها كلمة حبيبى مش هنادي لحد بيها غير بس ليك أيامي جبنك عشتها وحياتي بيك كملتها أيامي جبنك عشتها وحياتي بيك كملتها انا كنت قبلك واحده ناسيه نفسها .................................................. .......... عبير: ايوه دا حلو اوى نورا: انا مش متخيله انى ممكن البس دا ادام ادهم عبير: عادى يا نورا دا جوزك وانتى حلاله نورا: ما انا عارفه بس دا لبس من غير هدوم عبير: هههههه حلوه اوى لبس من غير هدوم دى نورا: انتى بتهرجى يا عبير انا حاسه ان انا مش هعرف اتأقلم مع اللبس البناتى دا عبير: يا حبيبتى واحده واحده وكله هييجى مع الوقت وكمان ادهم بيحبك رغم لبسك الرجالى امال بقى لما يشوفك بالحاجات دى ربنا يستر عليه نورا: والله انتى فايقه اوى عبير: بمناسبه الفوقان مش ناويه نروح للمحامى علشان نفتح وصيه بابا الله يرحمه نورا: انا برده كنت بفكر فى كده عبير: خلاص نكلمه ونروحله نورا: ماشى مش يلا بينا نروح وكفايه كدا عبير: لا لسه البرمودات والكاشات مايوه نورا: لا بجد انا تعبت عبير: لسه بدرى على التعب يا عروسه ........................................... عفاف: والله يا سمر انتى كنتى ماليه عليا البيت سمر:معلشى يا ماما انا لازم بردوا اروح بيتى عفاف: ربنا يهنيكى يا حبيبتى وخلى بالك من ادم سمر: حاضر يا حبيبتى وعلى العموم ادهم كلها اسبوعين ويتجوز ويملا البيت عليكى عفاف: ربنا يهنيكوا يا عيالى يا رب سمر: يا رب يا ماما وليد: يلا يا حبيبتى سمر: يلا بينا معلشى شيل الشنطه دى وليد: حاضر خلى بالك وانتى ماشيه بأدم سمر: متخافشى يا حبيبي عفاف: مع السلامه يا حبايبي خلوا بالكوا من بعض وليد: متخافيش عليهم يا ماما فى عنيا عفاف: تسلم عنيك يا حبيبي ........................................... المحامى:اتفضلوا اقعدوا نورا:شكرا حضرتك عامل ايه المحامى: الحمد لله يا بنتى عامله ايه يا عبير عبير: الحمد لله يا عمو المحامى: انا مستنيكوا من زمان بس محبتشى اضغط عليكوا نورا: معلشى يا عمو كل شئ بأوان المحامى: على العموم انكوا تيجوا متأخر احسن من انكوا متجوش خالص والدكم الله يرحمه كان سايب وصيته يلا نفتحها بسم الله الرحمن الرحيم بناتى حبايبى زوجتى العزيزه الغاليه اكيد مدام بتقرزا الوصيه يبقى ربنا افتكرنى برحمته عايزكوا متزعلوش منى لو كنت عملت حاجه فى يوم زعلتكم لانكم انتوا اللى انا طلعت بيه من الدنيا اولا_زوجتى الغاليه ربنا يحفظك ويكرمك لانك كنتى ليه نعم الزوجه الوفيه وربيتى بناتنا احسن تربيه خلى بالك من نفسك انتى والبنات ثانيا:عبير الدلوعه حبيبة بابا خلى بالك من محمد الراجل ده بيحبك اوى اسعديه يا بنتى وكونى ليه نعم الزوجه الصالحه انتى عارفه انى بحبك لانك دلوعتى فخلى بالك من نفسك يا حبيبتى ثالثا:نورا انتى بنتى وابنى وضهرى وسندى انا هارف انى شيلتك هم انتى ملكيش ذنب فيه بس معملتى ليكى على انك ولد مكنتشى كرها فيكى لا انا وربنا وحده الا عالم انا بحبك اد ايه دا انتى اول العين ما شافت بس كنت عايزك تكونى راجل البيت من بعدى ربنا يسعدك يا بنتى وليا طلب عندك عيشى حياتك وخدى قراراتك من جواكى وعيشى سنك يا جبيبتى انا طول عمرى فخور بيكى انتى واختك خلوا بالكوا من بعض يا حبايبى رابعا:بالنسبه للورث انا قسمته عليكم بحق ربنا ابقوا افتكرونى وادعولى بالرحمه مع السلامه يا حبايبي ربنا يجمعنى بيكم على خير والسلام علبكم ورحمه الله وبركاته المحامى ؛طبعا بعد وفات الوالده ورثها هيتقسم عليكوا لان مفيش اقارب نورا: اللى حضرتك تشوفه .................................... ادهم: يعنى ايه يا عبير هتكون راحت فين عبير: والله معرفشى هى بعد ما طلعنا من عند المحامى وصلتنى ومشت وبعد كده حاولت اكلمها معرفتش اوصلها فقولت اكلمك ادهم: خلاص انا هدور عليها عبير: ابقى طمنى بالله عليك ادهم: حاضر ان شاء الله خير جلال: فيه ايه يا ادهم ادهم: ابدا نورا بعد ما طلعت من عند المحامى عبير مش عارفه توصلها جلال: خلاص روحلها البيت الاول يمكن نايمه ومش حاسه بالتليفون وهو بيرن ادهم: عندك حق انا هروح البيت الاول جلال: وانا جاى معاك يلا بينا ادهم: نورا نورا افتحى انا عارف انك جوه جلال: اهدا يا ادهم مش البواب قال انها طلعت ومنزلتشى ممكن نايمه ادهم: انا قلقان كان لازم اروح معاها ومسبهاش لوحدها جلال: ان شاء الله خير اهدا ادهم: نورا لفتحى يا حبيبتى متقلقنيش عليكى انا. .... وقبل ان يكمل كلامه كان باب الشقه يفتح ونورا ترمى نفسها فى احضان ادهم باكيه نورا: انا تعبانه اوى يا ادهم ادهم: وهو يحملها وهى مازالت بأحضانه ويدخل بها الشقه ادهم: مالك يا حبيبتى اهدى ايه اللى حصل نورا: انا بابا وماما وحشونى اوى ادهم ؛اهدى طيب ربنا يرحمهم جلال:انا همشى خلى بالك منها سلام ادهم: بنظره امتنان لتفهم جلال للموقف:ماشى يا جلال معلشى تعبتك معايا جلال: متقولشى كدا سلام ادهم :ممكن اعرف ايه اللى حصل نورا: انا تعبت اوى يا ادهم عاؤف بابا طالب منى ايه فى وصيته ادهم: وهوومازال محتضنها ويربت على شعرها: طالب ايه يا حبيبتى نورا: ،انى اعيش حياتى بس اعيشها ازاى بعد دا كله ازاى وانا طول عمرى بابا بيحسسنى انى ابنه مش بنته لدرجه انى نسيت انى بنت بس رغم دا كله واحشنى اوى وكان نفسى يكون معايا دلوقتى ادهم: قولى ربنا يرحمه يا حبيبتى كمان انتى مفكيش حاجه وحشه ولو علشان انك خشنه شويه وحياتك عندى بتبقى وانتى خشنه احلى من وانتى بناتى نورا: يعنى انت مش حاسس انك ندمان ادهم: ندمان من ايه ندمان انى حبيتك وخطبتك وكلها اسبوعين وتبقى مراتى ادام ربنا والناس لا الحاجه الوحيده اللى ممكن اندم عليها لو سبتك تضيعى من ايدى نورا: ربنا يخليك ليا ادهم: وهو يقبلها على قمه رأسها : ويخليكى ليه يا حياتى .......................................... يوسف: اهلا بالعريس ايه يا راجل فى حد يبقى فرحه بعد بكره وييجى الشغل. ادهم: ابدا جاى بس انأكد ان اجازتى اتمضت واعزم شويه ناس من هنا يوسف: ربنا يهنيك يا عم قولى بقا هتروح شهر عسل فين ادهم: انا كنت عايز اخدها واسافر بره مصر بس هيه بتقول شرم الشيخ حلوه يوسف: ربنا يهنيكوا يا عم طارق: وهو يدخل اليهم:اهلا بعرسنا اللى هيرفع رأسنا ادهم: بالله عليك ما تنق يا شيخ الحاجات دى بتتنظر طارق: ايه خايف ولا ايه اشرب بيريل واسترجل ههههههههه ادهم: ،وهو يقترب منه ليلكمه:لا انت مش هتسكت الا لما اربيك يوسف: خلاص يا ادهم وفر القوه دى لبعد بكره طارق: هههههههههههه حلوه يا يوسف ادهم: تصدقوا انكم انتوا الاتنين ارزل من بعض وانا همشى واسبكم بدال متنشونى عين تجيبونى الارض ................................... فى قاعه الفرح كان الجميع سعيد بهذه الزيجه فنجد محمود وعفاف يقفون ليحيوا الضيوف وسمر ووليد وعبير ومحمد:يجلسون وينظرون نظرات حب وفرحه للعروسين ونجد ايضا ادهم الذى ينظر لنورا التى تألقت بفستانها الابيض الجميل الذى زادها جمالا على جمال حتى طلب الدي جاى من العروسين النزول لرقصه السلو ادهم: وهو يراقص نورا:الف مبروك يا حياتى نورا: الله يبارك فيك مبسوط ادهم: دا احلى يوم فى عمرى نورا: ربنا يقدرنى واخلى ايامك كلها سعاده حب ادهم: طول ما انا هعاكى هبقى سعيد ربنا ميحرمنيش منك ابدا نورا:ولا منك يا حبيبي فى هذه الاثناء كانت امراءه تلبس نقاب تدخل الى قاعه الفرح وتسلم على والد ادهم ووالدته بحجه انها صديقه لنورا وتتجه ناحيه نورا المبتسمه لادهم بحب وادهم المحتضن نورا ويضمها لصدره بعشق تتجه لهم وقلبها ملئ بالحقد والغل وتفتح حقيبتها وتخرج مسدسها لتصوب مسدسها الغادر ناحيه ادهم لتقتل فرحتهم جميعا .................................. البارت السادس والعشرين ابتديت انا اعيش بقيت عشقه الحياه والناس كل يوم ورا يوم يدوب قلبى من الاحساس روحى فيك وانا ليك لقيت نفسى حبيبي خلاص فينك من زمان قولهالى تانى دى كلمه حب بس كفايه تنسينى اللى كان قولهالى تانى حبيبى بحس من جوايا معاك قلبى فى امان كمان قرب كمان قولهالى تانى معقول على طول كدا حنت قلوبنا اوام دى حاجات مستحيل ولا يوصفها اى كلام انا مين انا فين حقيقه ولا دى احلام .................................................. .......... فى هذه الاثناء كانت امراءه تلبس نقاب تدخل الى قاعه الفرح وتسلم على والد ادهم ووالدته بحجه انها صديقه لنورا وتتجه ناحيه نورا المبتسمه لادهم بحب وادهم المحتضن نورا ويضمها لصدره بعشق تتجه لهم وقلبها ملئ بالحقد والغل وتفتح حقيبتها وتخرج مسدسها لتصوب مسدسها الغادر ناحيه ادهم لتقتل فرحتهم جميعا قبل ذلك بقليل ادهم: مالك يا حبيبتى ساكته ليه نورا: اصلى طول عمرى ما فرحتش كدا فخايفه ادهم: خايفه منى نورا: لا انا خايفه عليك ادهم: من ايه يا قلبى نورا:من.. ادهم :مالك فيكى ايه نورا: انتم عندكم حد منقب فى العيله ادهم: لا ليه قبل ان يكمل كلامه كانت نورا ترفع قدمها وفى ثوانى كانت نورا ترفع مسدسها وتقف امامه وهنا لاحظ وجود امرأه منقبه ترفع مسدسها فى مقابل نورا امال: اهلا بالعروسه كده ينفع بوظتيلى المفاجأه نورا: ارمى المسدس اللى فى ايدك وفى خلال لحظات كان كل الضباط الموجودين فى القاعه ير فعون اسلحتهم فى مقابل امال ادهم: انتى مين يا ست انتى امال:وهى ترفع النقاب ليظهر وجهها:انا امال يا ادهم اللى بعتها عاشان الحقيره دى ادهم: اتكلمى عدل على مراتى فاهمه امال: متنساش انى لسه ماسكه المسدس ولغايه دلوقتى بتكلم بلسانى متخلنيش اتكلم بالمسدس طارق: اهدى يا امال ونزلى المسدس يوسف: انتى كده هتأزى نفسك امال: محدش ليه دعوه انا النهارده يا قاتل يا مقتول جلال:بصى كده حوليكى انت موقفك ضعيف جدا امال: لا طول ما المسدس معايا انا موقفى كويس كان فى هذا الوقت محمد يحتضن عبير ليحميها وكذلك وليد الذى وقف امام سمر التى تحمل طفلها ادم وتنظر لامال بخوف نورا: ارمى المسدس وسلمى نفسك وكله هيبقى تمام امال: لا لازم قلبك يتحرق ذى ما انا قلبى محروق ادهم: كل ده علشان الفلوس امال: فلوس ايه انت عارف انى مش محتاجه انا كنت بقول كده علشان محدش يعرف انا بحبك اد ايه لكن انا مستعده اسيب كل حاجه علشان خاطرك ونتجوز ونعيش مع بعض نورا: انتى مجنونه ادهم بيحبنى انا وجوزى انا مش انتى امال: انا كنت ناويه احرمك منه علشان تنقهرى ههههههههههه بس لا انا هحرمه منك علشان قلبه يتحرق عليكى ذى ما قلبى محروق عليه فى هذا الوقت كان جلال قد اعطا اشاره لادهم يعلمه انه سينقض على امال وفى ثوانى كان ادهم يحتضن نورا لصدره بحيث يكون ظهره لامال وقفز جلال على امال وانطلقت طلقه من المسدس الذى معها ولكن لم تصب احد وتم القبض عليها ادهم: حبيبتى انت كويسه نورا:وهى تتحسس صدر ادهم وظهره :انت كويس انا سمعت صوت رصاصه ادهم: وهو يحتضنها انا كويس مدام انتى كويسه محمود: الحمد لله انكم كويسين انا مش عارف امال عملت كدا ليه ربنا يهديها عفاف: ربنا ستر يالا كمل فرحك يا حبيبي ادهم: وهو يحمل نورا:لا انا كدا تمام كفايه عليا كدا يوسف: هتعمل ايه يا مجنون ادهم: هأخد مراتى وامشى يا عم العمر مش بعزقه انا عايز ادخل دنيا محمد: ايه رأيك فى الكلام ده يا عروسه نورا: احمرت خجلا ولم تتكلم طارق: عملت ايه فى نورا يا ادهم لولا انها لسه ماسكه مسدسها انا كنت قولت انك غيرتها جلال: فعلا انا اول مره اشوفها مكسوفه ادهم: محدش ليه دعوه بمراتى وكمان انتوا لسه هترغوا انا ماشى وبالفعل تركهم ادهم وخرج من القاعه وهو مازال يحمل نورا حتى فتح له حارس الجراج باب السياره فوضع نورا برقه على الكرسى وركب بجوارها ادهم:مالك يا عمرى ساكته ليه نورا: طاب وهقول ايه ادهم: متقوليش حاجه النهارده مش يوم الكلام النهارده يوم الافعال فأحمرت نورا خجلا و أحنت رأسها ارضا فأبتسم ادهم لها وقاد سيارته ليصل للفندق .............................................. فى منزل محمد وعبير محمد: انتى كويسه يا حبيبتى عبير: الحمد لله انا فلبى كان هيقف محمد: بعد الشر على قلبك يا قلبى عبير: الحمد لله عدت على خير محمد: الحمد لله تعالى ريحى جسمك علشان الحمل عبير: حاضر انا بجد مش قادره اقف محمد: حبيبة بابا عامله ايه عبير: الحمد لله عماله تلعب كوره على اخرها محمد: ربنا يخليكوا ليا يا رب عبير:ويخليك لينا يا حبيبي ......................................... عفاف: مالك يا محمود من ساعت ما رجعنا من الفرح وانت ساكت محمود: انا مش عارف افرح ولا ازعل عفاف: ليه كده ربنا ما يجيب زعل محمود: مش عارف افرح لابنى ولا ازعل على بنت اخويا عفاف: معلشى يا حاج انت عارف لو مكنوش مسكوها ربنا وحده اللى عالم كانت هتأذى مين محمود: الحمد لله ربنا ستر انا لو مكنتش عارف ابنى كنت قلت انه عشمها بحاجه عفاف: لا يا حاج ادهم مش كده محمود: على العموم ربنا يعنيه عفاف:يارب يا حاج يا رب ........................................... وليد: ها ادم نام سمر: ايوه يا حبيبي محتاج حاجه وليد: بأبتسامه خبيثه:انا عايز حاجات مش حاجه واحده سمر:بأبتسامه جميله:،انت عايز ايه بالظبط وليد: انا عايز كل خير اصلك وحشانى اوى اوى سمر: وهى تحتضنه':وانت كمان والله واحشنى وليد:وهو يحملها:مدام كدا يلا بينا نشبع من بعض قبل ادم ما يصحا سمر: هههههههههه ماشى ............................................... فى الفندق دخل ادهم الجناح وهو يحمل نورا ووضعها بمنتصف الغرفه واخذ الشنط من الشيال واقفل باب الغرفه ادهم: الف مبروك يا حياتى نورا: ربنا يبارك فيك ادهم: بحبك اوى بعشقم نورا: وانا كمان بموت فيك فأحتصنها ادهم قريبا من قلبه وقبلها على رأسها ادهم: تحبى تتعشى نورا: لا ماليش نفس ادهم: خلاص روحى غيرى فستانك وانا مستنيكى نورا: وانت ادهم: انا هغير فى الحمام اللى بره نورا:ماشى بعد اذنك واتجهت نورا للغرفه ودخلتها لكى تغير ملابسها وغيرتها بقميص وروب ابيض حرير مطرز ولبست اسدال الصلاه وخرجت له وجدته يرتدى بيجامه دهبى رجالى وعليها روب دى شامبر ادهم: ايه الجمال ده يلا نصلى نورا: يلا بينا وبالفعل اتموا صلاتهم وقرأ ادهم على رأسها دعاء الزوج وبعد الانتهاء من الادعيه ادهم: وهو يفك طرحه الاسدال:الله اكبر ايه الجمال ده الاسدال هياكل منك حته نورا: بخجل :ميرسى يا ادهم اقترب ادهم منها واخذ يقبلها على جبينها وعينيها حتى وصل لشفتاها فقبلها قبلات ليست بقليله وحملها ودخل بها الغرفه ليبدوا معا حياتهم الزوجيه بعد مده ليست بالقصيره كانت نورا تنام على صدر ادهم وهو يمسد بيده شعرها ويقبلها على قمه رأسها ويحمد ربه انه قد جمعهم معا بالحلال فى الصباح. استيقظت نورا على لمسات دافئه على وجنتيها وفمها فأبتسمت وفتحت عينيها نورا: صباح الخير ادهم: صباح الفل والورد والياسمين على احلى عروسه فى الدنيا نورا: ربنا يخليك ليا ادهم: رايحه فين نورا:هقوم اطلب لينا فطار علشان ميعاد الطياره اد،:انا عايز اكل بس مش اكل الفندق نورا: امال تأكل منين ادهم: وهو يحتضنها:،اكلك انتى نورا: ههههه ادهم بلاش الكلام ده ادهم: صح عندك حق نحن رجال افعال لا اقوال نورا:،هههههههههههههه مجنون وانتشرت ضحكاتهم لتملئ الغرفه بسعاده وهناء ................................................ الخاتمه روحي وخداني تخدني معاك و عايزاني ادوب في هواك واقولك امرك اؤمرني منايا رضاك معاك انت الحياه تتعاش ومن غيرك دي متسواش وطول عمري انا و قلبي بنستناك دي الحقيقة حبي ليك له ميت طريقة عمري ما هسيبك دقيقه لو لفين وياك.... مكنتش عارفه عايشه لمين و بيا الدنيا رايحه لفين وجودك جنبي عوضني بأحلى سنين لقيت فيك إلي انا عايزاه واكتر من الي بتمناه وحاسه بجد انا وانت بنبني حياه دي الحقيقة حبي ليك ليه ميت طريقة عمرى ما هسيبك دقيقه لو لفين وياك .................................................. ........... ادهم: اهدى يا حبيبتى ان شاء الله خير نورا:بس هم اتأخروا اوى جوه محمد: ربنا يستر انا بردوا قلقان اوى عفاف: هى البكريه كده يا بنى ربنا يقومها بالسلامه وهنا خرج الطبيب من غرفه العمليات محمد: طمنى يا دكتور مراتى عامله ايه الدكتور :بأبتسامه:الف مبروك المدام جابت بنت ذى الثمر محمد: الحمد لله وهى عامله ايه الدكتور: ذى الفل وممكن تدخلولها لما ينقلوها اوضه عاديه ادهم: الف مبروك يا محمد محمد: الله يبارك فيك عقبالك ادهم: وهو يضم نورا اليه :هانت كلها سبع شهور وبعد المباركات اتجهوا جميعا لغرفه عبير نورا ؛وهى تقبل عبير:حمد الله على سلامتك يا حبيبت عبير: الله يسلم يا نورا ربنا يقومك بالسلامه محمد: بص كدا يا ادهم مش البنت كلها انا ادهم: ليه كدا يا عبير البت دي هتبور محمد: تبور مين يا بابا انا بنتى ذى القمر عبير: هاتها اشيلها يا حبيبي محمد: اتفضلى وسمى عبير: بسم الله الرحمن الرحيم الله اكبر ذى القمر نورا:هتبقى ان شاء الله عروسه ذى القمر عفاف: هتسموها ايه بقى محمد :عبير حبيبتى اللى تسميها عبير :امم عايزه اسميها رزان حلو محمد ؛،جميل يا حبيبتى عفاف: ربنا يخليكوا لبعض وتتربى فى عزكم ............................................. ومرت الايام على ابطالنا مليئه بالسعاده بعد مرور 8سنوات اصبح لدى وليد وسمر :ادم 8 سنوات و ملك 5سنوات وينتظرون طفل جديد بعد شهران ومحمد وعبير: رزان 7سنوات ونصف وامجد 4سنوات جلال ومنال:ميار 13سنه واحمد 6 سنوات ونصف ادهم ونورا:مراد 7سنوات وسما وجنا تؤام سنه ونصف ادم:بص يا بابا بتعمل ازاى وليد: سبها براحتها يا حبيبي عيب ادم:ازاى يعنى دى واقفه تتكلم مع ابن خالو ادهم وتهزر معاه سمر: وفيها ايه يا حبيبي يعنى ادم :بضيق:مفيش حاجه انا رايح العب وليد: شكلنا عندنا حبيب فى العيله ادهم: وهو قادم من بعيد وهو يحمل طفله:يعنى هيطلع لحد غريب طالع حبيب لابوه وليد: بكره نشوف مراد هيعمل فيك ايه سمر:وهى تأخذ الطفله من ادهم: هات سما حبيبت عمتو ادهم: اتفضلى امال فين محمد وعبير سمر: بيحاولوا يصالحوا رزان ادم زعلها نورا: ادهم خلى مراد معاك مش عارفه أرضع جنا ادهم: تعالى يا سى مراد عملت ايه لابن عمتك مراد:انا مش عملت حاجه انا كنت بكلم رزان وهو زعل ادهم: زعل ليه مراد:،علشان هو عايزها تلعب معاه هو وبس نورا:يا نهارى شفتوا الولد بيقول ايه مبقاش فى اطفال خلاص سمر:ههههههه انتى بتقولى فيهاملك امبارح تقولى ايه مامى انتى عندك نونو فى بطنك فقولتلها اه قالتلى بتحبيه فقولتلها طبعا قالتلى امال كلتيه ليه الجميع: هههههههههههههه وليد:ربنا يخليكوا ليا يا رب سمر: ويخليك لينا محمد: وليد ابعد ابنك عن بنتى وليد: ليه دا انا ابنى حتى طالب الحلال فأنفجر الجميع بالضحك سمر: متزعليش منه يا رزان انا هشدلك ودنه رزان:ماشى يا طنط بس شديها بالراحه محمد: وهو يغمز لوليد:براحه ليه يا رزان رزان: ببراءه:علشان متوجعهوش واوا عبير: بنتى حنينه وقلبه ابيض محمد: وهو يضم عبير من خصرها :حنينه وقمر ذى مامتها نظرت له عبير بحب محمود: يا حلاوه احنا مش هنتغدا النهارده ولا ايه عفاف: يلا يا حبايبى الاكل محمود: وهو يغمز لها :، احنا لو استنينه الحبيبه دول يخلصوا مش هنأكل النهارده ادهم: والله اللى غيران مننا يعمل ذينا فقام محمود بضم عفتف اليه محمود: هو انت فاكر انك لوحدك اللى معاك مراتك والا ايه نظرت عفاف الى ابناءها نعم فهم جميعا ابنائها حتى ولو لم تلدهم فهى تحب نورا وعبير ومحمد ووليد كأبناءها فشكرت الله وحمدته على نعمته .................................... ادهم: ،ها ناموا نورا: الحمد لله لسه نايمين دلوقتى مراد نام ادهم: ايوه مسبنيش غير لما وعدته يلعب مع ملك لما يصحى نورا: الولد ده هيجننى ادهم: اه والله ما شاء الله عليك نورا: فعلا طالع ذكى لباباه ادهم: وهو يحتضنها:وطالع بردوا قمر لمامته نورا: ربنا يخليك لبنا يا رب ادهم: مندمتيش انك سبتى الشغل نورا: ابدا بابا كانت وصيته انى اعمل اللى اانا حاساه جوايا وانا حسيت ان انت وولادى وبيتى محتاجنى اكتر ضمها اليه وقبل قمه رأسها ادهم: ربنا يخليكى لينا كلنا نورا: صحيح هنروح النادى امتى ادهم: بكره العصر علشان نقابل جلال وعالته هناك نورا: خلاص وكلم يوسف يجيب مرانه وابنه وييجى ادهم: ان شاء الله نورا ؛مالك سرحت فى ايه ادهم: طارق وحشنى اوي نورا: مش هو هيرجع من السفر الشهر.االى جاى هانت ادهم:ربنا يهديه ويسيب حياه العزوبيه دى بقى نورا: انا مش عارفه هو معارض الجواز ليه ادهم:وهو يتأملها :فعلا دا حتى الجواز جميل وناعم وطعمه ذى العسل نورا:بأبتسامه: هو مين ده ادهم: وهو يجذبها نحو احضانه:انتى طبعا هو فيه حد فى حلاوتك نورا: ههههه احنا مش كنا بنتكلم عن طارق دلوقتى ادهم: طارق ربنا يوفقه ويوفقنا فى اللى احنا فيه ركزي معايا بقى نورا: ما انا مركزه اهو ادهم: ايوه كدا احبك وانتى مركزه نورا: انا بموت فيك ادهم:وانتى بقيتى ادمان بالنسبه ليا واحتضنها اقرب اليه واقترب من اذنها وقال ادهم: بهمس:ادمنتك حبيبتى .................................................. وفى النهايه لا ليست النهايه انها البدايه فالحياه كما تعطينا تأخذ منا وبهذا عاش ابطالنا يتمتعون بحبهم تاره ويحزنون ويشاكسون بعضهم تاره فهذا هو الحب نعم الحب موجود حتى لو لم نصادفه فلقد اراد الله ان يجده البعض وان يظل البعض الاخر يبحث عنه فلا يوجد امامنا الا الامل ............................................ الى اللقاء فى روايه جديده ان شاء الله | ||||||||
|  |
|
26-07-16, 02:04 AM
| #92 | |||||||||||
| اقتباس:
اقتباس:
اقتباس:
وشكرا لمتابعتكوا لقصتى وعلى اما اللقاء فى روايه جديده | |||||||||||
|
| |
|
27-07-16, 05:57 PM
| #96 | |||||||||||
| اقتباس:
اقتباس:
اقتباس:
| |||||||||||
|
| |
|
27-07-16, 06:25 PM
| #97 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| مبروووووك اكتمال الرواية و اسفة للتاخير نهاية جميل و تجربة مماعه انبسطت اني كنت معاكي فيها اتمني روايتك الجديدة تكون اكثر نضح و نجاح و بالتوفيق ان شاء الله | ||||||||
|
| |
|
29-07-16, 11:47 AM
| #98 | |||||||||
| اقتباس:
| |||||||||
|
| |
 |
| أدوات الموضوع | |
| انواع عرض الموضوع | |
|
|
.png)
.png)
العرض العادي
