آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-07-16, 08:21 AM
| #11 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
|  اقتباس:
عادي ارسلي رساله الى رغد تبوك هي تغيير لك الاسم | ||||||||
|  |
|
12-07-16, 11:55 PM
| #12 | ||||
| كاتبة في قصص من وحي الاعضاء
| (الحلقه الثانيه) سقطت رنا مغشياً عليها ولكن ذراعى حمزه تلقفتها. ، أسندها حمزه على الاريكه وربها برفق على وجنتيها حمزه بقلق : رنا .... رنا حبيبتى .... فوقى أمسك حمزه بزجاجة مياه ونثر بضع قطرات على وجه رنا ،ومسح على وجهها برفق بيديه المبلله على وجنتيها بدأت رنا تستيقظ ببطء رنا بصوت وهن: أنا .... هو أيه الى حصل أبتعد عنها حمزه قليلاً ليترك لها فرصه للحركه بحريه حمزه: قومى بس أتعدلى لو قادره عشان لو حد دخل هيبقى شكلنا وحش أوى أنتبهت رنا لوضعها وأنها مده على الاريكه أمام حمزه ،أعتدلت رنا سرعه وهى تمسد على فستانها بعنف وترفعه من جهة الصدر وترتبه بعصبيه ضحك حمزه بشده على شكلها وقال: ماتخافيش أنتى كويسه ،القهوه ما فرتش رنا ببراءه : هو أنت كنت بتشرب قهوه وهنا قهقه حمزه بشده : هههههه، انتى مش ممكن يا رنا ،هو فى كده .... فى براءه كده رنا: مش فاهمه حاجه حمزه بأبتسامه : مش مهم تفهمى ،خليكى كده أحسن .... ده أصلاً الى شدنى ليكى خجلت رنا وأحممرت وجنتيها وقالت : أنا عرى ما أغمى عليه ،ايه الى حصل حمزه وهو يجلس بجانبها ويتناول كفها مابين كفيه: بجد انتى مش فاكره أيه الى حصل عضت رنا على شفتيها وقالت بصوت منخفض: انا كل الى فكراه انك زعلت منى لما قلت لك.... حزه مكملاً: آبيه ... وبعدها انا طلبت منك تقولى لى .... سكت متعمداً لتكمل رنا بهمس : حمزه حمزه مبتسماً: وأنا مقدرتش الصراحه أقاوم وانا بسمع اسمى بالجمال ده من شفايفك الحلوه دى فقت متهور وهنا انتفضت رنا وحاولت سحب يديها من يديه عندما تذكرت قبلته ، لم يفلتها حمزه من يديه وقال بهدوء: ممكن تهدى يارنا ، عشان نعرف نتكلم رنا: طب ممكن تسيب أيدى حمزه بحزم : لأ رنا: بس دى بتاعتى حمزه: أنتى منن انهارده بقيتى كلك بتاعتى ،ملكى رنا: أزاى بئه حمزه: بصى يا رنا وعايزك تفهمى الكلام الى بقوله لك ده .... أنا دلوقتى جوزك يعنى هكون أقرب حد ليكى هيكون بينا تفاصيل مش ممكن تكون بينك وبين أى راجل تانى مهماً كانت درجة قربته منك وطبعاً انا أقصد والدك الله يرحمه او حتى حد من أخواتك أو حتى أبنك الى هنخلفه بعد كده ان شاء الله ، فعشان كده كتب الكتاب فرصه ،تمهيد للى هيكون بينا بعد كده .... يمكن انا كنت معترض بشده ف الاول على اننا نأخر الجواز سنه بحالها بناء على رغبة رامى بس دلوقتى لقيت ان التأخير ده هيكون فى صالحنا ... نعتبرها فرصه تاخدى فيها عليه ،بس ده طبعاً هيحتاج منك شوية مجهود رنا: مجهود ازاى مش فاهمه حمزه: يعنى تحاولى تتخلصى ممن خوفك منى ،مش كل لا آجى ألمسك تتنفضى رنا: بس ده مش خوف حمزه: عارف ان فى خجل بس الخوف موجود أكتر وانا بحاول افه الخوف ده نابع من ايه ..... خوف نى انا شخصياً كحمزه ولا خوف من تجربه جديده عليكى رنا: هو .... يعنى حممزه: ها ردى خوف من ايه بالظبط رنا : اكيد مش خوف منك حمزه متنهداً: تمام ،طمنتينى ، انا مش عايزك تخافى منى انا عمرى ا هأذيكى ،لكن لو خوف ن حاجه جديده عليكى فيسعدنى انى أكون جمبك لغاية لما تتخلصى من خوفك وانتى هتساعدينى صح أومأت رنا برأسها علامممة الموافقه حمزه : جميل ، أيه رأيك نبتدى من دلوقتى فتحت رنا عيونها بشده وقالت : أزاى ضحك حمزه بشده : انا مش قصدى الى فهمتيه ، هنتكلم .………..... هنتكلم مع بعض عايز اسمعك وانتى بتتكلمى رنا: اقول ايه حمزه: قولى اى حاجه ،اقولك اتكلم انا وبعدها انتى ،ايه رأيك رنا: موافقه حمزه مداعباً: بس اوعى تضحكى عليه وتسيبينى اتكلم وما تتكلميش أبتسمت رنا وقالت : لأ ماتخافش تنهد حمزه وقال وهو ممازال محتضناً كفيها بين كفيه : هحكيلك عنى وعنك رنا تعجباً : انا وانت حمزه : اه ... انا و.... أنتى رنا: هو فى انا وانت حمممزه : فى ن زمان بس انتى ممش عارفه .... هحكيلك تحبى تسمعى رنا بأبتسامه : أكيد حمزه : الحكايه أبتديت يوم ما عرفنا ان عمى جمال الى هو باباكى الله يرحمه قالوا ان رجع تانى البلد وصالج جدى كرم بعد غياب اكتر من ١٠ سنين عنه بسبب غضب جدى عليه لانه ساب بنت عمه الى كان مختارهاله وأختار أبله ساميه زميلته فى الجامعه عشان يتجوزها ، رجع باباكى وأتجوز تانى بنت عمه الى هى مامتك الله يرحمها وجيتى انتى الدنيا وفى يومها أختار ربنا ياخد أمانته ومامتك تتوفى ..... مانساش شكل باباكى وهو ماسكك فى صوان العزا ومش عايز يفرقك ...... بصيت عليه من بعيد لقيتك بتعيطى اوى وهو مش عارف يسكتك وفى نفس الوقت مش عايز يسيبك لحد يسكتك ... أتقدمت منه ووقفت جمبه وطلبت منه أنى أشيلك وجوايا عارف ومتأكد انه هيرفض ،بس للمفاجأه أبتسم وخلانى أشيلك وكأنه كان مستنى أنى أطلبك ..... شيلتك ولقيت عمى بيحط أيدى على كتفى ويقول : أيه رأيك فى دره يا حمزه حمزه : حلوه ياعمى ،ربنا يخليهالك ويبارك لك فيها أبتسم جمال: ويبارك لك انت كمان فيها ، دى عروستك يا حمزه .... عروستك يا أسد ضحكت انا أوى ، أزاى تبقى عروستى وانا شاب عندى ١٥سنه وهى لسه بيبى فى اللفه والفرق بينا كبير اوى ، بس عمى رد وقالى بكل هدوء : دى حتى ماسكتتش غير لما شيلتها وفعلاً بصيت عليكى لقيتى سكتى وبتمصمصى فى صوابعك من الجوع .... حاجه أتحركت جوايه بس قلت اكيد صعبتى عليه ،وماخدتش فى بالى .... تعدى الايام وتفوت ورجع عمى تانى يعيش مع أبله ساميه وياخدك معاه وماشفكيش غير كل فين وفين بس لما كنت باجى أسكندريه عشان شغل وأتحجج وأقول عايزه أشوف بس فى الحقيقه كنت ببئه عايز أشوف عروستى كبرت وبقيت شكلها أزاى رنا: قصدك أنا حمزه : أه انتى ... رنا او دره مش المهم المهم انه أنتى رنا: بس انت عمرك مابصيتلى ولا حتى كلمتنى غير كام كلمه بالعدد حمزه: تقدرى تقولى كنت بقاوم الفكره انا شاب كبير وبعد وفاة أبويا بقيت ماسك كل شغله تقريباً يعنى بقيت راجل أعمال يعنى مش هروح أقول لطفله أنتى عروستى رنا بحنق: أنا طفله حمزه: كنتى طفله ودايما طفله لحد من سنتين رنا: وايه الى حصل من سنتين حمزه : كنت هنا بتحجج كالعاده أنى جاى أشوف رامى وكنت أعد معاه بره فى الصاله ولمحتك رنا: انا حمزه: أها ، لمحتك بتبصى عليه من ورا الستاره وأول لما لمحتك أنكسفتى وجريتى ،بس قبل ما تجرى حسيتك خطفتينى معاكى أحمرت رنا بشده عندما تذكرت هذا اليوم وكيف فرت هاربه من أمامه عندما ضبطها تسترق النظر اليه من خلف ستارتها حمزه : أفتكرتى رنا : اه حمزه: تانى مره يوم فرح محمود ابن عمك طه فى البلد رنا: بس يومها كان الحريم لوحدهم حمزه: لمحتك وانتى فى القاعه عندك جدك لما كنتى بتسلمى عليه وكان واخدك فى حضنه ، كنتم مندمجين ومحستوش بيه وانا واقف أتفرج عليكم وعلى ضحكم وهزاركم مع بعض ... عارفه ساعتها حسيت بأيه رنا: بأيه حمزه: حسيت أنى عايزه أخطفك من حضنه واقوله الحضن ده من حقى انا بس ، مش مسموح لحد يلمس عروستى وكأنى فجأه أتقبلت الفكره الى كنت رافضها من سنين وكان دايماً عمى الله يرحمه بيقنعنى بيها قبل مايموت رنا: وبعدها حمزه مبتسماً: حابه تسمعى أنتى رنا : طبعاً حمزه :/ يومها طلبت من جدك ، وهو فرح جداً بس قالى أصبر لما تخلص أمتحاناتك ، بس وقد كان رنا:......... حمزه: مش قلت لك هتضحكى عليه ومش هتحكى حاجه سحبت رنا أنفاسها وقالت: لأ هحكى حمزه: وانا سمعك رنا: طول عمرى بشوفك مع أبيه رامى ولما كنت بكلمك بقولك يا آبيه بس أحساسى بيك كان مختلف عن أحساسى برامى حمزه: أكيد هو أخوكى أنا لأ رنا بخجل: مش بس كده،مهو ولاد عمى طه مش أخواتى مع ذلك هما عندى زيهم زى نقول أدهم أخويه مش رامى لأن رامى أكتر من أخ بالنسبه لى حمزه: شكلى كده هبدأ أغير من رامى رنا : أوعى ،رامى عندى أغلى حاجه فى حياتى ،أبويه وأخويه وسندى وكل الى فى الدنيا حمزه : يعنى أنا طمعان تخدينا جمبه ولا حتى وراه ياستى ضحكت رنا برقه وقالت: مش قلنا أحساسى بيك كان مختلف حمزه: مختلف ، قلتى لى مختلف .... ينفع تقولى أزاى رنا : أنت بطلى حمزه: بطلك رنا: أها بطلى ... فاكر لما كنت عندنا وانا كنت تحت ف الشارع بجيب لماما ساميه حاجه والولد خبطنى بالكوره ووقعنى على وشى حمزه: فاكر رنا: نزلت ضربته وضربت الولاد كمان الى كانوا بيلعبوا معاه وقطعتلهم الكوره وبعد العنف والعصبيه دى كلها بصيت لى بكل حنيه وقلت لى : انتى كويسه يارنا، فى حاجه بتوجعك حمزه: كنت خايف عليكى اوى ،خوف خلانى مش قادر أميز انه ولد صغير وعنده تقريباً ١٢سنه وانا شاب عندى ٢٥ سنه يعنى ماينفعش ،بس مكنتش عارف انا بفكر ولا بتصرف أزاى رنا: اليوم ده مارحش من تفكييرى ومن يومها صورتك وانت قلقان عليه مش بتروح من بالى أبداً أبتسم حمزه : من الواضح كده أن بينا حاجات كتير وذكريات كل واحد فينا شايلها للتانى ،ممكن تكون لسه ماوصلتش لحب بس انا واثق بعد ما ناخد على بعض هتتحول لحب وحب جامد جداً كمان ... صح رنا بأبتسامه أظهرت غمازتيها : صح أقترب حمزه من رنا ووضع يديه على وجنتيها وقال: أنتى عارفه أنك حلوه أوى رنا بعفويه: وانت كمان ضحك حمزه وقال: عيونك الى حلوه ياستى عشان كده شايفانى حلوه ... فى الحقيقه فعلاً عيونك حلوه وحلوه اوى خجلت رنا وحاولت الهروب من نظراتها ولكنها لم تستطيع أو ببساطه لا تريد ، أقترب منها حمزه أكثر وقال بهمس : رنا أنا هبوسك ،ومش عايزك تغمى عليكى .... ده أمر لم يعطها فرصه للرد وأقترب من شفتيها وقبلها قبله طويله ، وان كانت الاولى تسببت فى أغماءه فالثانيه تسببت فى قطع أنفاسها أبتعد عنها حمزه ببطء عندما شعر بحاجتها وحاجته للهواء وأسند جبينه على جبينها ينظر فى عيونها وعلى شفتيها التى أصبحت موشومه بصك ملكيته ولم يتمالك نفسه وهم بأعادة تقبيلها ولكن صوت زوجة أبيها تناديها أعادهم الى رشدهم وجعلهم ينتفضوا مبتعدين عن بعض بسرعه ........... #أنت ودوائى #أمانى الياسمين التعديل الأخير تم بواسطة rontii ; 13-07-16 الساعة 12:24 AM | ||||
|
| |
|
13-07-16, 12:40 AM
| #13 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| حمزة طلع مش سهل و هيلعبﻻالبت علي الشنامل و هي اصلا هبلة و مش محتاحة مجهود الحمدلله ان القهوة مفارتش ههههههههه دي حتي عمرها ماشافت فيلم لكمال الشناوي و شادية و القهوة بتفور فيه كده بالذمة ههههههههه مقدرش أنكر لحد دلوقتي شخصية حمزة عجباني مراعي و متفاهم و دمه خفيف ربنا يستر من اللي جاي نصيحة صغنونه شوفي يا اماني برغم ان تعليقي مش بيكون فيه غير 4 كلمات صح املائيا هههههههههه و دي حاجة انا مشهورة بيها في المنتدي لكن انتي ككاتبه حاولي تراجعي الفصل عشان فيه حروف اوقات من سرعتنا و احنا بنكتب بتقع مننا و ده بيخرجنا من المود و احنا بنقري | ||||||||
|
| |
|
13-07-16, 09:03 AM
| #15 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| ماهذااااااااااااااااااا الاخ حمزه لازم يتبخر ... البنت اصلا هبله من بوسه اغمى عليها وجاي الاخ يكملها ويحكيلها حواديت الحمد لله ان الحاجه ساميه عملتلهم زي عادل امام  | |||||||
|
| |
|
13-07-16, 04:41 PM
| #18 | |||||
| كاتبة في قصص من وحي الاعضاء
| اقتباس:
| |||||
|
| |
|
13-07-16, 11:56 PM
| #19 | ||||
| كاتبة في قصص من وحي الاعضاء
| ( الحلقه الثالثه ) أبتعد حمزه ببطء عندما شعر بحاجته وحاجتها للهواء وأسند جبيينه على جبينها ينظر فى عيونها وعلى شفتيها التى أصبحت موشومه بصك ملكيته ولم يتمالك نفسه وهم بأعادة تقبيلها ولكن صوت زوجة أبيها تناديها أعادهم الى رشدهم وجعلهم ينتفضوا مبتعدين عن بعض سريعاً حمزه بصوت أجش: رنا ،مامتك بتنادى رنا: ها ، مين حمزه: لأ أبوس أيدك ، فوقى كده معايه ،ركزى أبله ساميه بتنادى .... ردى وقولى نعم .. جايه ... أى حاجه رنا: ها حمزه بصوت عالى نسبياً: رنا فوقى كده ، مش وقت سرحان .. ركزى ردى بصوت عالى وقولى جايه ياماما رنا : حاضر حمزه بحزم: مستنيه أيه دى تالت مره تنادى رنا: حاضر ،حاضر.... أيوه ياماما جايه حمزه: ياصلاة النبى ،يابنتى على صوتك عشان تسمعك رنا: حاضر حاضر.... وبصوت عالى ولكن مرتعش قالت : حاضر انا جايه ياماما حمزه : قومى ياله روحى شوفيها عايزه أيه رنا: أروح فين حمزه بغضب وهو يمسك ذراعها : رنا أرحمينى ،مامتك بتنادى وانتى قلت لها جايه ،قومى روحى ياله رنا: اه ،طيب حاضر قامت رنا مسرعه وخرجت من الباب فهى لم تختبر من قبل ذلك نظرات الغضب من حمزه وعندما نظر لها بغضب خافت كثيراً رنا : نعم ياماما بتندهى ساميه: بنده ده انا حسى اتنبح وانا بنادى ، فيه ايه واقعه على ودنك رنا : آسفه ماسمعتش ساميه: طيب تعالى حطى معايه العشا عشان خطيبك ياكل رنا: حاضر بدأوا فى وضع الطعام على السفره ورنا تحاول ان تتهرب من نظرات زوجة أبيها وكأنها مرتكبه جريمه ساميه: تمام كده ،روحى نادى رامى وساره وبعدها نادى خطيبك رنا: هى ساره لسه هنا ساميه : اه كتر خيرها ساعدتنى ننضف الشقه رنا: هى فين ساميه: مع رامى جوا فى الأوضه رنا: طب هنادى حمزه وبعدين أخبط عليهم ساميه بحزم: لأ أخوكى الأول رنا : حاضر التفتت رنا متجه الى غرفة أخيها ولكن ساميه أستوقفتها قائله : رنا فين حجابك رنا وهى تضع يديها على شعرها : ها، حمزه قالى عايز يشوف شعرى ساميه : ماقلنا كده م الأول ، روحى ياله ذهبت رنا الى غرفة أخيها وطرقت الباب وهى تبتسم لنفسها ففى ظروف أخرى كانت ستطرق ثم بعدها تدخل ولكن بعدما عرفت مايمكن أن يكون بين أى خطيبين خلف الابواب المغلقه فقررت ان تنتظر الأذن بالدخول صوت رامى اتاها من الداخل يأذن لها بالدخول دخلت رنا الى الغرفه فوجدت ساره تعيد ترتيب شعرها ففهمت ان حالهم ليس بأقل من حالها هى وحمزه من قليل رنا : آبيه ،ماما بتقولك تعالى الاكل جهز رامى: طب ياحبيبتى ،حمزه ع السفره رنا: لأ لسه هناديه رامى: طب روحى يارورو وانا هجيب ساره ونيجى رنا:/ ماشى قبل ان تخرج رنا سألتها ساره بخبث: رنا فين حجابك التفتت رنا وقالت بثقه لا تعلم من أين أتتها : خلعته ،حمزه كان عايز يشوف شعرى ساره : والله رنا: اه خرجت رنا من الغرفه قبل مزيد من الاسئله وذهبت الى غرفة الصالون ، دخلت رنا الغرفه فوجدت حمزه على كرسيه بجانب الشرفه ويدخن سيجاره رنا : حمزه التفت حمزه الى رنا مبتسماً: تعالى رنا: ماما بتقولك أتفضل أتعشى حمزه : طب هخلص السيجاره رنا: هو انت يعنى بتشرب سجاير علطول حمزه: اه علطول ، يضايقك ده رنا: اه،لأ .... أقصد انى بتضايق من ريحتها حمزه : طب عودى نفسك ماتضيقيش منها عشان أنا مش هبطلها قال ذلك وأطفأ السيجاره وقام متخطيها بأتجاه الباب ، وقف عند الباب وقال/ : ايه مش جايه ولا أيه كان رنا متفاجئه من رد حمزه عليها فهى كانت تتوقع انه حتى سيخبرها انها يحاول ان يمنعها من أجلها ولكن رده كان آخر ماكانت تتوقعه حمزه: رنا ،ياله التفتت رنا وقالت: حاضر مد. حمزه يديه الى رنا وقال : هاتى أيدك رنا بخجل : رامى وماما ساميه بره حمزه: عارف ، أنتى مراتى ومحدش ليه حاجه عندنا رنا: بس حمزه بحزم: مفيش بس ،هاتى أيدك وضعت رنا يديها فى يد حمزه فأمسكها وشدها بجانبه وقال بهمس بجانب أذنيها : أنتى مراتى ماتنسيش .... وماتنسيش كمان انى مابحبش حد يملى عليه تصرفاتى أبتعد عنها وسحبها وخرج الى غرفة السفره وصل رنا وحمزه الى الغرفه وهما متشابكين الأيدى ونظرات كلاً من رامى وساره وساميه عليهم سحب حمزه كرسى لرنا وأجلسها عليه ثم جلس بجانبها ساميه : ياله كلوا ، الأكل برد بدأ حمزه فى الطعام ورنا تحاول تمثيل انها تأكل ولكن فى الحقيقه هى تريد ان تفعل أى شئ لتتهرب من نظراتهم المتسلطه عليها بدأ حمزه الحديث موجهاً لرامى حمزه: رامى جدى كلمك رامى بضيق : أيوه حمزه : عرفت انه عايز يعمل كتب كتاب تانى لدره فى البلد هناك هنا قالت ساره بتعجب: مين دره رامى بهدوء: رنا أسمها الحقيقى دره ساره : ايه أزاى ،انا معرفش رامى: محدش بيناديها دره غير جدى حمزه بثقه: وأنا رامى: هى رنا ... أسمها رنا ساره: طب انا عايزه أفهم رنا جت منين سكت كلاً من رنا ورامى ورد حمزه بهدوء: رامى الى غير اسم دره الى رنا عشان يكون قريب من أسمه ومن ساعتها وهى رنا ساره: أها ،فهمت حمزه: المهم هو حدد الخميس الجاى نسافر له البلد وهو موضب كل حاجه رامى بغضب: انا مش فاهم يعنى ،كتب كتاب وأتكتب أزاى هيتكتب تانى حمزه بهدوء: هيتكتب تانى بس من غير ورق لأن الورق أتكتب هنا رامى: أنا وكيلها حمزه: وعشان كده هو عايزك تسافر معاها ومحدش هيكون وكيلها غيرك رامى: بس انا مش هسافر وهو عارف انى مش ممكن أخطى البلد حمزه: خلاص يبقى انا هاخد رنا واروح وعمى طه هو الى هيكون وكيلها رامى: لأ طبعاً انا مش موافق حمزه : أنت بتعقد الدنيا من غير لزمه يا رامى وبتحط رنا فى خلافات بينك وبين جدك رنا مش طرف فيها لانها ببساطه دول عيلتها رامى: رنا بنتى وانا كل عيلتها حمزه: ماتبقاش أنانى وتحرمها من أهلها لو هما عملولك حاجه فهى ماشفتش منهم غير كل خير رامى : هما فين أهلها دول ،مابيظهروش غير ف المناسبات حمزه: انت عارف ان ده مش تقصير من ناحيتهم ده أحترام للخصوصيه الى انت عاملها عليه رامى: ماتتكلمى يابنتى ،أنتى رأيك أيه مش انتى موافقه معايه ولا ايه قبل ان تجيب رنا رد حمزه: رامى من فضلك ماتحطش رنا فى الموقف ده ،ماتخليهاش فى حيره بين انها تراضينى او تراضيك رامى بسخريه : تراضيك ،انت مين أصلاً عشان تراضيك دى ماتعرفكش غير من ساعتين بس هب حمزه واقفاً وقال بغضب : بصى يا رامى انت بتعدى حدودك معايه وده شئ مش هسمح بيه والتفت الى رنا وقال : يوم الخميس هعدى عليكى ٥الصبح عشان نلحق نوصل البلد على بليل ياريت تكونى جاهزه قام حمزه متجهاً الى الباب فقامت رنا مسرعه خلفه وهى تنظر الى رامى بعتاب صامت ساره : بصراحه يا رامى ملكش حق الراجل مقلش حاجه وانت اتنرفزت من غير داعى ساميه : قوم يابنى مايصحش ينزل من عندنا زعلان رامى : حاضر ............... قامت رنا ولحقت حمزه على الباب رنا: حمزه حمزه : أيه يا رنا رنا: أنت ماشى حمزه: اه يادوبك ،انتى عارفه انا راجع القاهره عشان عندى شغل الصبح فيدوبك ألحق رنا: هتمشى وانت زعلان أبتسم حمزه ووضع يديه على وجنتيها وربت عليها وقال: مش زعلان ، انهارده ماينفعش أزعل رنا بحزن : حقك عليه انا رامى طيب هو بس الى ... حمزه: شششش، قلت لك مش زعلان ماينفعش ازعل انهارده أسعد يوم فى حياتى رنا بخجل : وانا كمان مبسوطه حمزه: يبقى خلاص ماتفكريش فى حاجه وانا هعدى عليكى يوم الخميس رنا: انا ممكن اخلى جدى يبعت لى السولق مش معقول تسافر من القاهره لاسكندريه ومن أسكندريه لأسيوط حمزه: لأ طبعاً ،انا هوديكى رنا: تعب عليك حمزه: فداكى ياستى كل التعب أبتسمت رنا ،فقال حمزه : مابلاش الضحكه دى بتخلينى اتهور وانا تهورى وحش رنا وقد أحمرت وجنتيها خجلاً : لأ ياله روح هنا جاء رامى خلفهم متنحنحاً وقال: أحم ، حمزه ماتزعلش منى حمزه: مش زعلان ياسيدى انت أخويه الصغير رامى: طب خلاص أنا هجيبلك رنا القاهره عشان المشوار يكون أقرب حمزه: ولو انى معنديسش مانع انى آجى اسكندريه عشان خاطر رنا بس ده عرض مقدرش أرفضه رامى: ماشى خلينا على تليفون حمزه: وفكر يمكن ترضى تيجى معانا رامى بحزم: لأ ،معلش مش هينفع حمزه : براحتك التفت حمزه لرنا وقال: خدى تليفونى سجلى لى رقمك أخذت رنا هاتفه وسجلت رقمها ثم أعطته له مره أخرى حمزه: تمام ، أنا ماشى عشان لسه هروح عند مامتى هى بايته عند قرايبنا الى هنا رنا: أنا ملحقتش أشوفها مشيت علطول حمزه: هتجيلك بكره ماتقلقيش رامى: طب انا داخل لحسن ساره بتنده حمزه : ماشى يا رامى ذهب رامى فالتفت الى رنا وقال : هتوحشينى لغاية يوم الخميس خجلت رنا وأطرقت برأسها وقالت بخفوت: وانت كمان أقترب منها ورفع ذقنها بيده وقال : بجد هتوحشينى أقترب منها وطبع قبله سريعه على شفتيها وهمس أمامهم وقال : خلى بالك على نفسك رنا وهى مغمضه عينيها : حاضر تركها حمزه وخرج من الباب ولكن رنا ظلت واقفه مكانها وهى تتلمس شفتيها بأصابعها تفاجئت رنا بمن يضع يديه على كتفيها فأنتفضت ساره : مشى على فكره رنا: خضتينى ياساره أخص عليكى ساره : أصلك سرحانه ومش على بعضك وشكلك مفضوح وخدودك بتحكى الف حكايه رنا: بجد يا ساره يعنى ممكن يكون آبيه فهم ساره : فهم ، يابنتى دى حاجه طبيعيه بتحصل عادى ،يابنتى انتى مكتوب كتابك يعنى جوزك رنا: ايوه بس ساره : مابسش ، رامى فاهم وعارف ببساطه لأننا كمان زيكم رنا بغمزه : أيوه ياعم مانا خدت بالى لما دخلت الأوضه انها رده ساره : ههههه، انهارده بس يابنتى احنا مخطوبين من سنتيين وقبلها ٥سنين حب ملتهب فى الظلام يعنى ببساطه قربنا نجيب عيال شهقت رنا وقالت: أيه انت وصلتوا للدرجه دى ساره: مجازاً يا أمى ،ايه انتى أى حاجه تصدقى يخرب بيتك ،المهم تعالى أحكيلى بالتفصيل عشان أديكى شوية نصايح عشان انتى خيبه خالص ذهبت رنا مع ساره الى غرفتها .... ذهب حمزه الى والدته لدى أقاربهم وودعها وبعدها سافر متجهاً الى القاهره ،فى الطريق رن هاتفه وعلى شاشته ظهر أسم مساعدته وسكرتارته /دنيا ( دنيا مساعدة حمزه وسكرتارته وساعده الايمن ويعتمد عليها حمزه فى كل شئ ، هى فى آواخر الثلاثينات من عمرها ولكن سنها لم يظهر عليها نظراً لاهتمامها الشديد بنفسها وهى زوجة عماد وهو من أعز أصدقاء حمزه / تكن لحمزه مشاعر حب وصارحته بها رلكن قوبلت مشاعرها بالرفض الشديد وذلك لحبه لرنا وأيضاً لانها زوجة صديقه ،أكتفت دنيا بوجودها بقرب حمزه حتى ولو بصفة مساعدته ) حمزه: الو دنيا دنيا بصوت مخنوق: أزيك ياحمزه حمزه : أنا بخير دنيا: خلاص حمزه: خلاص ايه دنيا : خلاص كتبت كتابك حمزه متنهداً: اه خلاص يا دنيا دنيا : أنت فين دلوقتى حمزه: ف الطريق ، فى الطريق راجع القاهره دنيا : طب ماتيجى عندنا حمزه: هو فين عماد دنيا : نزل راح يسهر حمزه: مانزلتيش معاه ليه دنيا: مخنوقه .... بشرب هنا تعالى اشرب معايه حمزه: مانتى عارفه انى مش بشرب وعارفه كمان انى مش ممكن أجى البيت وعماد مش موجود دنيا بسخريه: انهارده مختلف .... انهارده فرحك ياعريس حمزه: دنيا انتى عايزه ايه عشان من اواضح انك شاربه ومش فى وعيك وانا سايق ومش فايقلك ،أحسنلك روحى نامى عندك شغل الصبح دنيا: وبتقولى عنى سكرانه ،بكره الجمعه يا حمزه مفيش شغل حمزه: برضو روحى نامى دنيا : حمزه انا.... حمزه: تصبحى على خير يا دنيا أغلق حمزه الخط قبل ان ترد عليه وبعدها بحث عن رقم حبيبته وهاتفها رنا بخجل : الو حمزه: يا إحلى ألو رنا: حمزه حمزه: ده سؤال رنا: لأ كنت عارفه انك انت حمزه: أمممم ،يعنى مش سؤال رنا/: تؤ حمزه : بتعملى ايه رنا: مفيش ساره كانت معايه ولسه طالعه حالاً وبعدها أخدت اللاب بتاع رامى وأعده ع النت حمزه: ع الفيس رنا: تؤ مش عندى فيس حمزه: أحسن ، بس انا عندى رنا: عارفه بخش على صفحتك من عند آبيه رامى حمزه : ياسلام وبتخشى ليه رنا بخجل: بتفرج على صورك حمزه : وعجبتك رنا: تؤ حمزه: كدابه ،انتى قلت لى انى انا حلو انهارده رنا : بجاملك حمزه: حبيبتى بقيت شقيه ومشاكسه رنا بخجل وبصوت منخفض: حبيبتك حمزه:/ حبيبتى وروح قلبى وعمرى كله رنا:....... حمزه : رحتى فين رنا: معاك حمزه: طب مش هتقول لى بتعملى ايه ع النت رنا: مفيش كنت بشوف النتيجه طلعت ولا لسه حمزه : نتيجتك ،انتى قلقانه ... هتنجحى ان شاء الله رنا : انا واثقه ان شاء الله انى هنجح بس الى قلقانه منه المجموع ،نفسى أجيب مجموع يدخلنى طب حمزه : طب رنا: اه ، طب عارفه ان المشوار طويل بس ماتقلقش انا هعرف أوفق بين الدراسه والجامعه وكمان انا.... قاطعها حمزه بجديه : بس انتى يا رنا مش هتدخلى الجامعه رنا: ايه حمزه/: الى سمعتيه مفيش دخول للجامعه رنا: أزاى ده حلمى طول عمرى حمزه : بيتنا وحياتنا مع بعض أهم بكتير من حلمك رنا: حمزه انا مش هقصر من ناحيتك حمزه : عارف بس مفيش جامعه رنا: ده انا موته نفسى طول السنه مذاكره عشان أحقق الحلم ده وانت ف الآخر تيجى بكل بساطه تقولى مفيش جامعه حمزه:....... رنا : حمزه ، انا ممكن أدخل صيدله أخف شويه ف الدراسه أو حتى علوم حمزه: انا مش رافض الكليه يا رنا انا رافض فكرة الجامعه رنا ببكاء: طب ليه حمزه: عشان انا قلت كده واتعودى انى لما آقولك على حاجه تقولى حاضر رنا: من غير ما أفهم حمزه: لو فيه حاجه انا عايزك تفهميها أنا هفهمهالك رنا: طب فهمنى حمزه: من غير ما فهمك يمكن بعد كده هقولك أسبابى بس دلوقتى مش محتاج غير كلمة حاضر وبس رنا:....... حمزه: ماسمعتكيش يا رنا رنا بخفوت : حاضر ، تصبح على خير حمزه: وانتى من أهله ياحبيبتى ( تباً لأ مرأه حولت نفسها لعروسه خشبيه فى الظاهر يحركها الراجل من خيوطها كما يريد ولكن ف الحقيقه هو يخنقها بخيوطها حتى النفس الأخير) التعديل الأخير تم بواسطة um soso ; 14-07-16 الساعة 09:28 AM | ||||
|
| |
|
| أدوات الموضوع | |
| انواع عرض الموضوع | |
|
|
37Likes
.png)
العرض العادي
