آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-07-16, 05:24 AM
| #21 | |||||||||
| مشرفة منتدى عبير وأحلام وعضو فريق الكتابة للروايات الرومانسية وماسة الرومانسية  
|  الرواية روعة يا امانى درة اورنا مازالت صغيرة على الزواج بس بتحب حمزة هو كمان بيحبها رغم فارق السن بس بطريقته هو عايز تنساق له كلمته بس هى التى تمشى بغض النظر عن رايها او حلمها مثل رفضه التام انها تكمل تعليمة درة هتتعب اوى مع حمزة واظن دنيا السكرتيرة بتاعته هتسبب مشاكل كتير بينهم امانى عايزة اعرف اسم روايتك الاولى تسلم الايادى يا قمر فى انتظار القادم بشوق | |||||||||
|  |
|
14-07-16, 09:31 AM
| #22 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| اقتباس:
هذا رابطها https://www.rewity.com/forum/t346358.html | ||||||||
|
| |
|
14-07-16, 01:11 PM
| #24 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| يا مساء الجمال اسحب كل كلامي اللي قلته بالتعليق السابق عن حمزة الحنين المراعي ده طلع دماغه فيها فردة جزمة و لسانه مركب فيه مبرد يعني نازل اوامر و زعيق في الغلبانه و هي هبلة و ﻻ حول لها و ﻻ قوة مرات صاحبه و سكرتيرته مفهمتش ايه مشكلتها بالظبط و الاهم ايه مشكلته يعني لو هو انسان محترم و عنده رجولة ﻻزم يمشيها عشان خاطر صاحبه اما هي فتولع بجاز ان شاء الله بنت التيت دي شرب و مسخرة و بتعزم حبيبها في بيت جوزها يجوسها اتوبيس سياحي فاخر بعون الله منتظرين زيارة حمزة و درة لاسيوط و نشوف ايه اللي هيحصل هناك | ||||||||
|
| |
|
14-07-16, 02:19 PM
| #25 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| بدايه لاتبشر بالخير ولكن ماذا نقول هذا حال الكثير في مجتمعنا تحكمات حمزه مغمسه بلسانه المعسول شتت رنا وهي غبيه مع سبق الاصرار والترصد بعض الاحيان البراءه اذا كانت زياده تصل لدرجة الغباء ماذا حصل بين رامي والجد ؟؟ بالانتظار | |||||||
|
| |
|
14-07-16, 03:29 PM
| #26 | ||||
| كاتبة في قصص من وحي الاعضاء
| (الحلقه الرابعه) أغلقت رنا الهاتف مع حمزه وأجهشت بالبكاء على السرير وتعالت شهقاتها وهى تتذكر أنها للتو فقدت أجمل وأهم أحلامها ،ببساطه بكلمه واحده أنتهى حلمها ،حلمها وحلم والدها وأخيها ،نعم أخيها الذى رغم ظروفه وموارده المحدوده الا انه حارب معاها طوال سنوات الثانويه لتحصل على كل المساعدات من دروس فقط لكى تحصل على المجموع الذى سيؤهلها لتصبح الدكتوره رنا واليوم ،اليوم فقط الذى من المفترض ان يكون أسعد أيام حياتها فقدت حلمها ،هل هذه هى الحياه تربح شيئا لتخسر أمامه شيئاً أمسكت رنا بهاتفها وقررت ان تتصل بساره فهى الوحيده التى من الممكن ان تساعدها فهى لا تستطيع ان تذهب وتخبر أخيها بكل بساطه أنها للتو وافقت أن تتنازل عن حلمها وحلمه حتى دون ان تعرف السبب رنا: الو ساره ساره: أيه رنا مال صوتك رنا ببكاء: أنا محتاجاكى اوى ياساره ممكن تنزلى شويه ساره: مانا لسه طالعه من عندكم والوقت أتأخر ،بابا مش هيرضى رنا : أرجوكى يا ساره ، محتجالك اوى أنتبهت ساره ان رنا تبكى فقالت: رنا انتى بتعيطى رنا: اه ساره: ليه يابنتى دانا سايباكى مبسوطه ايه الى حصل رنا:أنزلى وانا احكيلك ،بس لما تشوفى ماما او رامى ماتقوليش انى كلمتك وبعييط ساره: قلقتينى اوى ،انا نازله أستأذنت ساره من والدها الذى وافق بعد العديد من التحايلات ونزلت الى رنا ،فتحت لها الباب خالتها فأخبرتها انها تريد شاحن الهاتف من رنا ودخلت الى رنا الغرفه التى وجدتها عيونها منتفخه وأنفها حمراء من أثر البكاء ساره: رنا فى ايه ،طمنينى رنا ببكاء: حمزه قالى مفيش جامعه تنهدت ساره بأرتياح وقالت: عشان كده بتعييطى ،يخربيتك وقعتى قلبى رنا: وهى دى حاجه سهله بقولك مش هدخل الجامعه ساره : وايه يعنى يعنى الى دخلوها عمل ايه ،بس قولى لى هو قال لأ ليه رنا: مقاليش ساره : يعنى ايه ،اهدى كده وأحكيلى قصت رنا على ساره المحادثه بينها وبين حمزه وطريقة حمزه فى فرض رأيه ساره: انتى عبيطه يا رنا رنا: ليه ساره: يعنى هو يأمرك بحاجه ومن غير سبب ويقولك قولى حاضر وانت تروحى تقولى حاضر رنا: أمال اقول ايه ساره: تقولى ليه ،عشان ايه ،عايزه اعرف السبب وبعد ماتسمعى السبب لو أقتنعتى قولى حاضر لو ما أقتنعتيش ماتقوليش رنا: طب ماهو قالى لما يعوز يقولى على السبب هيقولى ساره: يا سلام ،وانتى سكتى رنا: أمال أتخانق معاه ساره: هو يتتخانقى يا أما تستسلمى مفيش عندك حل وسط ،يابنتى لازم يكون لك رد فعل مدروس ومحسوب لازم كل حاجه بتعمليها تكونى بتعمليها عن أقتناع من جواكى مش عشان هو عايز كده بس رنا: بس هو كده هيزعل ساره: أكيد هيزعل فى الاول بس بعدها هيتعود وهيعرف ان كل حاجه لازم يكون لها سبب وانك مش آله تقول حاضر من غير ماتفهم ،لأ انتى بنى آدمه ليكى تفكيرك وعندك دماغ تحركك مش هو الى يحركك رنا: طب انا هعمل ايه دلوقتى ساره: بصى ياستى بما انك خلاص اتنيلتى وقلتى حاضر فمش هينفع ترجعى ف كلامك بس هنسيبهاله المره دى ،بس أى حاجه بعد كده أسألى عن الاسباب ولو رفض يبقى مفيش حاضر ،مفيش حاضر من غير ماتسمعى وتقتنعى كمان رنا: طب والجامعه ساره: يا رنا يعنى هما الى دخلوا الجامعه عملوا ايه ولا خدوا ايه مامسيرك هتقعدى ف البيت زيى ويروح تعبك ع الفاضى وماينوبك بس غير وجع القلب ومشواير ع الفاضى رنا: بس ده حلمى ساره: محدش بياخد كل حاجه يا رنا ،انتى أتجوزتى حمزه الى مكنتيش تحلمى انه ف يوم من الايام انه يقولك أزيد من أزيك يابنت عمى ،حمزه الانصارى الى كل بنات عيلتك بتحسدك عليه وهيعييشك فى مستوى احسن بكتير اوى من الى انتى عايشه فيه وهيكون عندك بيت جميل ،ايه المشكله يعنى لو قصاد ده أتخليتى عن حلمك فى انك تكونى الدكتوره رنا رنا: أيوه بس آبيه رامى هيزعل وانا مش عارفه اقوله أزاى ساره: ماتسبقيش الاحداث ،ممكن اوى ماتجبيش مجموع طب وساعتها تقولى له انك عايزه طب ومدام ماجتش يبقى مش عايزه تكملى خالص رنا: طب لو جبت مجموع يدخلنى طب ساره: ياستى وقتها قولى له انك اكتشفتى انك مش هتعرفى توفقى بين الجامعه وتجهيزات الفرح رنا: مش عارفه ساره: هو ده الحل الى قدامك بلاش تقولى حمزه انتى شفتى انهارده كانوا ناقص يضربوا بعض ع السفره ،تفتكرى رامى هيسكت لو عرف انه منعك من الجامعه رنا: صح عندك حق ساره: المهم دلوقتى سيبك من ده ،هتعملى ايه مع حمزه رنا: خلاص بعد كده هاخد بالى ومش هقول حاضر ساره: والمره دى ،مش معنى انه خلاكى تعملى الى هو عايزه انك تعديهاله ، عايزاكى تعقبيه رنا: أعاقبه أزاى ساره: اه تعاقبيه ، تزعلى منه وماتضحكيش معاه ولازم يعرف ان سبب زعلك انه أجبرك تقولى حاضر من غير ماتقتنعى رنا: انتى شايفه كده ساره : هو مفيش غير كده رنا:/ انا متشكره أوى ياساره ،مش عارفه من غيرك كنت هعمل ايه ،كلامك معايه ريحنى ساره : عشان أقنعتك وقلت لك الى خلاكى مرتاحه وعشان كده أرتاحتى وحمزه لو كان عمل كده كنتى هتتقبلى الموضوع ومش هتزعلى وهو ده الى لازم يفهمه ويبطل طريقة سي السيد دى رنا : تفتكرى هقدر أغيره رنا: تقدرى ،بس بطلى الضعف الى انتى فيه رنا/: هحاول ساره: أسيبك انا واطلع لحسن بابا نزلى بالعافيه رنا: ماشى ياحبيبتى ،تصبحى على خير ساره : وانتى من اهله صعدت ساره الى شقتها وتركت رنا بعد شعرت بالراحه ولو قليلاً وحديثها مع ساره ( ساره هى بنت أخت ساميه وتقطن فى الشقه التى تعلوهم مع والدتها والدها وأخويها تبلغ من العمر ٢٣عام متخرجه كلية الآداب ومخطوبه لرامى منذ سنتين بعد قصة حب دامت لخمس سنوات ، اما عن صفاتها فهى عادية الملاح ،عيون بنيه ،بشره خمريه وشعر ليس بالناعم او بالخشن وجسد ممتلئ بعض الشئ ، ولكن اهم مايمنيزها روحها الطيبه والشقيه فى ذات الوقت وحبها الشديد لرانا لانها تعتبرها بمثابة شقيقه لها ) بدلت رنا ملابسها. ثم صلت ركعتين دعت فيهم ربها أن يعوضها عن حلمها الضائع ،انتبهت لصوت رساله على هاتفها ففتحتها فوجدتها رساله من حمزه مضمونها( لو صاحيه رنيلى ) رنت رنا على حمزه فأغلق الخط وهاتفها حمزه: صاحيه لسه رنا : آه حمزه: بتعملى ايه رنا: كنت بصلى وداخله انام حمزه: دعتيلى رنا: آه حمزه: طب ياستى تقبل الله رنا: منا ومنك حمزه: لما سجلت رقمك دورت على اواتس آب بتاعك مش لقيت رنا: معنديش حمزه: ليه رنا بحرج: مهو عشان جهازى مش فيه نت حمزه: ليه رنا: عشان قديم حمزه: أها ، ماشى انا قلت اقولك انى وصلت رنا : حمدلله على سلامتك حمزه: ماشى روحى نامى ،واحلمى بيه رنا: هحاول ،تصبح على خير حمزه:لوفكرتى فيه قبل ماتنامى هتحلمى بيه ...... رنا وهى تضرب بكلام ساره عرض الحائط وتقول:حاضر بعدا أغلقت رنا هاتفها قالت لنفسها: حتى الحلم بيك أمر ياحمزه ،ربنا يقدرنى عليك ........................ أستيقظت رنا فى اليوم التالى مبكراً وبعدما تناولت فطورها بدأت فى تنضيف البيت مع والدتها تجهيزاً لاستقبال حماتها ،هاتفها حمزه صباحاً وأخبرها بميعاد وصول والدته وصلت الحاجه زينب والدة حمزه ( الحاجه زينب والدة حمزه ،سيده فى العقد الخامس من عمرها ورغم كبر سنها مازالت محتفظه برونقها وجمالها ، تحسبها لأول وهله سيده هادئة الطباع ولكن بعد التعامل معها تكتشف انها لها طباع حاده وعنيده جداً ، لديها من الاولاد ثلاث ، حنان وهى متزوجه من سعودى وتعيش معه فى بلاده وحمزه وطارق وهو الصغير ، بعدما توفى والد حمزه أصبح حمزه هو المسئول عن العائله لذلك تعتبره. والدته ليس فقط أبنها بل سندها وعونها ف الحياه ،تغار عليه بشده وخصوصاً من رنا لانها شعرت ان حمزه يكن لها مشاعر مختلفه عن اى فتاه أخرى ،هى تعلم ان أبنها لوسامته ومركزه تتهافت عليه الفتيات ،ولكن رنا لها مكانه خاصه ) سلمت زينب على رنا وحاولت بقدر الامكان ان تكون طريقتها ودوده معها زينب: عامله ايه يا رنا رنا: الحمد لله ياطنط زينب : ماتزعلش منى عشان مشيت بسرعه وقت كتب الكتاب ،اصل انتى عارفه مشوار طنطتك رقيه بعيد وكنت عايزه أوصلها قبل الليل ما يليل رنا: وهى عامله ايه زينب /: بخير ياحبيبتى ساميه: منورانا يا حاجه زينب زينب: بنورك ياحبيبتى زينب: خدى يا رنا حمزه بعتلك معايه امانه أخرجت زينب من شنطتها شنطه وأعتطتها لرنا ففتحتها رنا وشهقت عندما وجدت ما بداخلها ، وجدت رنا ف الشنطه هاتف جوال من أحدث الهواتف الموجوده ف السوق والذى يعنى ان ثمنه لوحده ثروه صغيره رنا: ده عشانى زينب بتهكم: امال عشانى ،والله انا قلت له ملوش لزمه وانتوا أوله بالفلوس دى لبيتكم بعد كده بس هو حمزه كده دماغه ناشفه وأيده مخرومه ويصرف ع الفاضى والمليان حزنت رنا من كلام حماتها وذهبت فرحتها التى شعرت بها بهديية حمزه ساميه متداركه الموقف: قومى ياحبيبتى كلمى جوزك أشكريه قامت رنا مسرعه وتوجهت الى غرفتها لتهاتف حمزه او بمعنى أدق لتهرب من حماتها بعدما أغلقت رنا الغرفه قالت زينب: شفتى البت قامت أزاى ولا حتى قالت عن أذنك ساميه: معلش ياحاجه هى ساعات كده مابتاخدش بالها زينب: لأ معلش مهو دورنا احنا الكبار نوعيها ساميه: وماله ياحبيبتى ،هى هتبقى مرات ابنك وانت توعيها زينب: ربنا يسهل ............................... هاتفت رنا حمزه وانتظرت ليرد عليها حمزه: حبيبى رنا بخجل: أزيك يا حمزه حمزه: بخير عشان سمعت صوتك رنا: شكراً ياحمزه بس مكنش فى داعى تكلف نفسك حمزه : مفيش تكلفه ولا حاجه رنا: أزاى بئه انا عارفه انه غالى اوى حمزه: مفيش حاجه تغلى عليكى ،ولو مش عجبك وعايزه نوع تانى شاورى انتى بس ويكون عندك بكره رنا: لأ طبعاً عجبنى ومش عايزه غيره كفايه انك انت الى نقيته حمزه: انا جبتلك احدث حاجه رنا: كنت جبت اى جهاز فى نت وخلاص ،بجد ده غالى اوى حمزه: ازاى بئه الغالى للغالى رنا بخجل: ربنا يخليك ليه حمزه: ويخليكى ليه ،ياله بسرعه عايزك تفتحى وتنزلى الواتس وعايزك طول النهار تقولى لى بتعملى ايه ،كل لما تعملى حاجه تكتبى لى ع الواتس عايز احس انى معاكى ضحكت رنا برقه وقالت: بس انا كده هشغلك حمزه: مهو ده فايدة الواتس انتى تكتبى وانا وقت ما أكون فاضى أشوف ،ماشى ياحبيبى رنا: ماشى حمزه : مضطر أقفل عندى أجتماع مهم رنا: ماشى هظبط الجهاز واكلمك أغلقت رنا الهاتف وبعدها سمعت طرقات ع الباب فسمحت للطارق بالدخول ،فكانت ساره ساره: مين الحيزبون الى برا دى رنا بضحك: أخص عليكى يا ساره دى حماتى ساره: دى حماتك ،الله يكون فى عونك ،دى شكلها شديده اوى رنا: مش عارفه ساعات بحسها طيبه ساره: والنبى انتى الى طيبه انتبهت ساره الى الهاتف الجديد الموجود على المكتب ساره: أش أش .... بتاع مين ده رنا بسعاده: حمزه بعتهولى مع مامته ساره : واااو ،بجد واااو انتى عارفه. ده تمنه لوحده مايقلش عن ٦الآف جنيه والله وبقيتى من الطبقه الهاى يارنا ،شفتى مش قلت لك ،اهو بيعوضك عن الجامعه رنا: لأ ده هو عشان انتبه انى مش عندى واتس فجبلى جهاز يكون فيه واتس ساره: اسمعى منى لو كان عايز جهاز بواتس كان جبلك اى جهاز والسلام ،يعنى جهاز زى بتاعى او بتاع رامى لكن هو جبلك احدث حاجه واغلى حاجه ،نوع من انواع المصالحه والتعويض رنا : تفتكرى ساره : اكيد رنا: طب خدى بئه ظبطيهولى ونزلى لى الواتس عليه عقبال ما أشوف حماتى المصونه ساره:طبعا مش هسألك عملتى زعلانه ولا لأ لأن واضح انك معملتيش حاجه من الى قلنا عليه رنا بارتباك:مهو..... أصل ساره:لا أصل ولا فصل روحى شوفى حماتك ......... خرجت رنا من الغرفه وجلست قليلاً مع حماتها ، وبعدها ذهبت على وعد بزياره أخرى لتذوق طعام رنا كما قالت كانت الجلسه تتخللها الكلمات الازعه تاره والمحبه تاره ،أصابت رنا الحيره من طريقة حماتها الغريبه التى لاتعرف ان تصنفها بالقسوه او بالحنان جلس حمزه فى مكتبه ودخلت دنيا مساعدته عليه حمزه: متأخره نص ساعه بحالها دنيا: حرام عليك مش كفايه منزلنى الجمعه من بيتى وانا مصدعه حمزه: انتى عارفه سبب صداعك يا دنيا دنيا: عارفه حمزه: عارف ان الجمعه أجازتك بس انتى عارفه ان العميله الى جايه تبع أمجد حسان جايه انهارده ومانفعش نحدد ميعاد تانى دنيا: تمام ،هشرب قهوه وأفوق. وأجبلك الملف حمزه : هى اسمها ايه دنيا: صفا ،اسمها صفا .... سوريه ياحمزه حمزه: واااو ... سوريه حلو اوى الشغل ده خرجت دنيا وبعدها بقليل عادت بملف يحتوى على معلومات عن المدعوه صفا الحسينى بعد قليل بدأ الاجتماع ودخلت صفا الى مكتب حمزه ( صفا الحسينى تبلغ من العمر ٢٨عام طويله ذو بشره بيضاء وعيون سوداء وشعر عجرى أسود طويل يصل الى منتصف خصرها وجسد ممتلئ فى الاماكن الصحيحه ) صفا وهى تسلم على حمزه : أهلين فيك مستر حمزه حمزه وهو مبهور من جمالها: يا أهلاً بيكى ، مدام ولا صفا : ولا مستر حمزه مازالنى أنسه حمزه: معقول هى الرجاله اتعمت فى سوريا ولا أيه صفا: ههههه ولا ما بعرف حمزه بمكر: بس انا بعرف ..... أتفضلى سحب حمزه لها كرسياً بجانبه وجلس بجانبها محاميها المدعو فهد وعلى الجانب الآخر جلست دنيا أستنشق حمزه عطرها فقال: أسمحيلى الاول انى أسجل أعجابى بالبرفيوم بتاعك صفا: ميرسى مستر حمزه ،انت مذوق كتير حمزه بهمس : وانتى حلوه كتير أبتسمت صفا وهى تنظر الى فهد ودنيا الذين انشغلوا بترتيب الأوراق لبدء الاجتماع ولم يستمعوا الى جملته أما حمزه أبتسم بأنتصار فقد علم ان كلامه وغزله أصاب وتر الانوثه عند صفا أستمر الاجتماع لمدة ثلاث ساعات وبعدها طلب فهد أستراحه وقام هو وصفا الى مكتب دنيا لمناقشة بعض المستجدات قالت دنيا بعدما خرجوا: ماينفعش كده ياحمزه حمزه: هو ايه اى ماينفعش دنيا: طريقتك مع الى اسمها صفا دى ، دانت شويه هتقولها رقم أوضتك كام فى الفندق حمزه : دنيا.... انتى عارفه ان ده مش أسلوبى وانتى عارفه انى أخرى كلمتين مجامله وخلاص دنيا: حتى لو كده ان كان ده بيحصل فى الاول ماينفعش يحصل دلوقتى ،انت بقيت راجل متجوز حمزه: وده ايه علاقته بده دنيا: دى خيانه لرنا حمزه: خيانه ،ايه دخل رنا ف الموضوع اصلاً وبعدين انا عمرى ما أقدر أخونها دنيا: ونظراتك وكلامك لصفا دى مش خيانه حمزه: طبعاً مش خيانه دنيا وهى تقوم من مجلسها : أنت بتضحك على نفسك ياحمزه بعد هذه الجمله خرجت دنيا من الغرفه وتركت حمزه لأفكاره ولكن سرعان مانفضها بأقناع نفسه انه لم ولن يخون رنا وما يحدث ماهو سوا الا بعض مجاملات يحتاجها العمل ، ولكى يسكت بواقى ضميره هاتف رنا رنا: الو حمزه: رنا ، انا بحبك أوى ( وهكذا يحلل الرجل لنفسه الخيانه ... فالخيانه فى نظره هى فقط ماتحدث فى السرير اما الغزل والنظر الى أمرأه غير زوجته ماهو الا نوع من المجاملات التى يفرضها العمل .... بعضهم سكت ضميره بكلمة حب لزوجته أو هديه وأغلبهم ضميره مات وليس هناك أمل فى أحيائه ) #أنت دائى ودوائى بقلمى أمانى الياسمين التعديل الأخير تم بواسطة rontii ; 15-07-16 الساعة 10:50 AM | ||||
|
| |
|
15-07-16, 12:09 PM
| #29 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| حمزة يجيك و يحط عليك انت و امك يا بعيد يعني مش كفاية عليها انت لا كمان الست امك هتنفخ البت ربنا صغيرة مقدرش الومها علي تصرفتها واضح برائتها و انها مقفول عليها جامد بدون اي خبرة و ده مخليها عحينة طريه في ايد اللي ما يتسمي | ||||||||
|
| |
|
15-07-16, 11:12 PM
| #30 | ||||
| كاتبة في قصص من وحي الاعضاء
| ( الحلقه الخامسه) حمزه: رنا أنا بحبك أوى رنا :أيه حمزه: بقولك بحبك أوى ،بجد بحبك .... أنتى أحلى حاجه حصلت لى ... أنتى حلم كنت بتمناه من زماااان وربنا حققه ليه رنا:......... حمزه: رنا حبيبتى معايه رنا بصوت خافت : معاك يا حمزه حمزه: سمعتينى رنا: آه حمزه: طب أيه مش هتردى عليه رنا: أرد أقول أيه حمزه: قولى الى حساه ... مش لازم تقولى بحبك ... قولى الى حاسه بيه بس رنا بتنهيده: الى حساه مش هعرف أقوله حمزه: أمم ،حاولى رنا بخجل: صدقنى مش هعرف حمزه: مش مهم ، أنا عارف أنك خجوله وأنك مش هتعرفى تعبرى وعارف كمان أن دى أول تجربه ليكى فعشان كده مش هضغط عليكى ،يكفينى أحساس أنك معايه وأنك بقيتى ملكى رنا: أنا مبسوطه أنى معاك حمزه: وأنا أكتر يا دره صدقينى رنا: خلصت أجتماعك حمزه: أنا فى بريك وهكمل تانى رنا: طب روح مش هعطلك حمزه: ولا يهمك الدنيا كلها تستنى عشان حبيبى رنا: أنا كده هتغر حمزه: ياحبيبى براحتك ولا يهمك وفى تلك اللحظه طرقت دنيا الباب ثم دخلت وهى تقول : حمزه الجماعه جاهزين حمزه : حبيبى مضطر أقفل رنا: ما قلنا كده م الأول حمزه: لو عايز تتكلمى ألغى الأجتماع فوراً رنا: لأ طبعاً.... روح شوف شغلك ربنا يوفقك حمزه : ماشى ياحبيبى هخلص وأكلمك .... بس ماتنسيش رسايل الواتس عايز أحس أنى دايماً معاكى وعارف بتعملى أيه رنا : حاضر ،سلام حمزه: سلام أغلق حمزه الهاتف و أستكمل أجتماعه مرة أخرى ، بدأت التفاوض عن شركه جديده بين صفا وحمزه وتم تجهيز الاوراق القانونيه للشركه وأتفقوا على موعد آخر لتوقيع العقود أنصرفت صفا ومحاميها بعد تبادل أرقام الهواتف بينها وبين حمزه بحجة العمل بالطبع ولكن هناك نوايا آخرى الله وحده يعلم بها ............... مرت الأيام ولا يوجد هناك أحداث جديده تذكر ، كل يوم أتصالات صباحاً ومساءاً بين حمزه ورنا يبث فيها أجمل كلام العشق لها وهى لا ترد سوا بالقليل فما زال خجلها يمنعها من ترديد كلمات الحب له ، كانت دائماً محافظه على رسائل الواتس آب التى تكتب فيها ما يحدث معها فى اليوم كله كما طلب منها ... فى الأول كانت ترى الأمر غريب ولكن بعدها أعتادت عليه وأصبحت أجرأ ،فدائماً ما كانت تخجل او تخاف أن تقوله وجهاً لوجه او عبر الهاتف كانت تكتبه فى صورة رسائل لذلك أحبت رنا الواتس آب لانه كان بالنسبة لها منفذ لخجلها وخوفها من ردود أفعال حمزه ،فبرغم من حنانه وحبه الا انها مازالت تهابه وتخشى ردود أفعاله جاء يوم الخميس موعد ذهاب رنا ورامى الى القاهره ومنها سيسافر رنا وحمزه الى أسيوط وصلت رنا ورامى بسيارتهم الى المكان المتفق عليه وهناك وجدوا حمزه منتظرهم بسيارته ،سلم رامى على حمزه وأعطاه شنطة رنا رامى: الأمانه معاك أهيه ،خمس صوابع فى الايدين وخمس صوابع فى الرجلين ،ترجعلى ناقصه حاجه أدبحك حمزه وهى يأخذ رنا من يديها : مش ده لو رجعتهالك أصلاً ، أنا بفكر أخطفها خجلت رنا وأحمرت خدودها بشده فقال رامى : لا ياخفيف انت ماتعرفنيش كله الا رنا دانا مايكفنيش فيك عيلتك كلها حمزه: ياعم براحه دى مراتى برضو رامى: لسه ،لسه سنه حمزه: طب روح يا عم عشان تلحق توصل رامى: هو انتوا ناوين ترجعوا أمتى حمزه: فجر الاحد ان شاء الله مش هينفع أتاأخر أكتر من كده رامى: طب هتجيب رنا ولا آجى أخدها حمزه: سيبها لظروفها أنا مش عارف وقتها ايه الى هيتم بس على تليفونات رامى : ماشى أقترب رامى من رنا وأمسكها من ذراعيها وقبلها على جبينها وقال: خلى بالك من نفسك يا حبيبتى ودايماً تليفونك معاكى عشان أكلمك وأطمن عليكى رنا: حاضر رامى : لا أله الا الله رنا : محمد رسول الله حمزه: ماخلاص ياجدع هى رايحه تحارب ،دى رايحه عند أهلها رامى بضيق : ياله روحوا وسوق على مهلك ياحمزه سحب حمزه رنا من يديها وقال : حاضر وهنحط الحزام فتح حمزه باب السياره لرنا وأدخلها ثم توجه لمقعد السائق وفتحه وجلس على كرسييه ، التفت حمزه لرنا ثم أمسك كفها وقبلها وقال: وحشتينى أوى رنا بخجل: وانت كمان حمزه : لأ كده ماينفعش ،انا كده مش هعرف أركز فى السواقه والمسافه طويله رنا: وانا عملت أيه حمزه: كل ده ومش عارفه رنا: لأ مش عارفه حمزه: طب بذمتك حد يبقى حلو كده رنا بخجل: خضتنى ياحمزه حمزه: سلامتك من الخضه يا روح قلب حمزه رنا: طب أيه مش هنمشى حمزه: تؤ ، انا شايف نفض ف العربيه وأفضل باصص لك كده رنا: ياله ياحمزه حمزه: حاضر ياستى ،حزامك ياقمر حاولت رنا ربط حزامها ولكنها لم تعرف حمزه: تسمحيلى رنا: ها حمزه: هربطلك حزامك رنا: اه ،ماشى أقترب حمزه من رنا وربط لها حمزه ، شعرت رنا بالارتباك من قرب حمزه منها بهذه الدرجه فأغمضت عينيها من شدة خجلها عندما أقترب حمزه من رنا ونظر اليها فوجدها مغمضه عيونها من شدة الخجل فلم يتمالك نفسه وقبلها قبله سريعه على شفتيها وتراجع شهقت رنا من المفاجأه وقالت : حمزه أحنا ف الشارع حمزه وهو يتراجع مكانه : معلش مقدرتش أمسك نفسى رنا : ممكن كان حد يشوفنا التفت حمزه حوله وقال: تصدقى ممكن ، ياله عديت على خير انتى السبب على فكره رنا: انا حمزه: اه انتى مهو محدش يبقى حلو كده رنا بأبتسامه: طب ياله أتحرك حمزه : ياله توكلنا على الله تحرك حمزه بالسياره وبعد قليل قال : رنا رنا: نعم حمزه: لسه زعلانه عشان موضوع الجامعه رنا بحزن : انت ليه فتحت الموضوع تانى حمزه وهو يضع أحدى يديه على جانب وجهها : رنا مش عايز أشوفك زعلانه وخصوصاً لو انا الى مزعلك رنا: انا مش زعلانه حمزه: جايز احنا ما تعاملناش مع بعض غير من قريب بس انا بقيت حافظك وعارف انك زعلانه رنا: ..... حمزه: مش عايزك تكدبى عليه يا رنا ، انتى زعلانه رنا: اه زعلانه ياحمزه ،بس صدقنى انى اعمل الحاجه الى تريحك عندى اهم من اى حاجه حمزه : انتى ماتعرفيش جملتك دى عملت فيه ايه ،حسستنى اد ايه انتى انسانه جميله وربنا كرمنى بيكى ...... رنا انتى بريئه اوى وطيبه أوى وانا مش قاصد أزعلك او أحرمك من حلمك كل الحكايه انى راجل غيور رنا: غيور حمزه: اه غيور ، بغير عليكى مش متخيل انك تكونى فى جامعه مجتمع مفتوح والناس تشوفك وممكن حد يعجب بيكى ويبصلك ويحاول كمان يكلمك رنا: حمزه: انا كنت ف مدرسه مشتركه وعمر ماحد أتعدى حدوده معايه حمزه: الجامعه غير ، هناك مجتمع مفتوح من غير حاكم ولا قوانين ،هتلاقى الى بيستظرف والى بيحاول يجر كلام وانتى مش هتعرفى تصدى حد رنا: لو انا مش بكلم حد أكيد محدش هيجى يكلمنى ، المحترمه بتبان حمزه: ده كان زمان دلوقتى مابقوش يفرقوا بين المحترمه والى مش محترمه ، دلوقتى المنقبه الى مخبيه نفسها عن الناس ،بتتعاكس أكتر من الى ماشيه بشعرها ، احنا بقينا ف مجتمع غريب مبقاش فىه رادع لا دين ولا أخلاق رنا: يعنى معنى كده أتحبس فى البيت حمزه: لأ طبعاً انا مش هحبسك ،بس ف نفس الوقت مش هرميكى فى مجتمع مفتوح تتعرضى فيه لمضايقات ، رنا انتى بريئه اوى وطيبه أوى وانا بخاف عليكى أوى وبحبك أوى أوى ، فعشان خاطرى مش عايزك تزعلى عشان الى بقوله فى مصلحتك رنا بأبتسامه: خلاص ياحمزه مش زعلانه أمسك حمزه كفها وقبله وقال : حبيبى قلبه أبيض أوى ياناس ، ربنا يخليكى ليه يا أحلى حاجه ف عمرى رنا بخجل: ويخليك ليه ظل حمزه طوال الطريق الى أسيوط ممسكاً بكفها فى أحدى يديه وعندما كانت يحتاجها لأستعمال يديه يتركها ثم يرجع يأخذها مره أخرى. ، توقفوا مرتيين للأستراحه وبعدها أستمروا فى طريقهم ، ظلوا طوال الطريق يتحدثوا فكانت هذه تعتبر اطول مده يتحدثوا فيها وجهاً لوجه مع بعض وصل حمزه ورنا الى أسيوط بعد ساعات طويله من السفر ووصلوا الى منزل جدهم كان منزل الجد كرم عباره عن بيت كبير من دورين يحاوطها أرض كبيره مزروعه بأشجار الفاكهه ومشتل للورد وخلف البيت أسطبل للخيول أستقبلهم أحد العاملين بالمنزل وحمل شنطهم ودخل رنا وحمزه الى المنزل أستقبلتهم الحاجه فاطمه الجده بترحاب شديد وقبلت حمزه كثيراً وقبلها حمزه فى يديها وعلى جبينها الجده: حمدلله ع السلامه يا ولدى حمزه: الله يسلمك يا جدتى الجده: تعالى ياحبيبتى ،تعالى ياغاليه يابنت الغاليين أقتربت رنا منها فأحتضنتها بشده وقالت ا: ياحبيبتى يا بتى ، بقيتى شبه أمك الخاج الناطج رنا: وحشتينى والله ياجدتى الجده: وانتى كمان يا حبة الجلب ، روح خشى لجدك فى الجاعه لحسن هيتجنن ويشوفك وكل شويه يطلع فى الساعه رنا: حاضر ،والتفتت الى حمزه : جايه ياحمزه حمزه: اه ،ياله دخلت رنا الى جدها القاعه وكانت عباره عن غرفه فيها أربع من الكنب الكبير ويجلس الجد فى منتصف الغرفه على أحدى هذه الكنب الجد: تعالى يا روح جدك ،اتوحشتك جوى جرت رنا الى جدها وأحتضنته بشده وقبلت يديه هتف حمزه: طب من الواضح انك مش شايفنى خالص ياجدى ،اروح انا الجد/: ايوه مهمتك خلصت مش وصلت الدره خلاص روح حمزه: كده يا جدى الجد: ممكن نشربوك شاى حمزه: لأ بلاش يا دوبك ألحق أروح الجد: يستحسن بردك ..... تعالى ياحمزه تعالى يا أسد أقترب حمزه من جده وسلم عليه وقبل يده : عامل ايه ياجدى ،صحتك عامله ايه الجد/: أنى بخير مدام الدره بخير حمزه: يارب دايماً ياجدى الجد: كيفك يابنتى ،الواد ده عامل فيكى ايه انا خبره طبع صعب بس جلبه طيب وانا متوكد انه بيحبك رنا بخجل : الحمد لله ياجدى الجد ضاحكاً: مادام أستحيتى كده يبقى مريحك ربنا يهنيكوا يا بتى حمزه: يارب يا جدى الجد: ياله خدوا بعضكم وأطلعوا على أوضكم والعشا هيجيلكم فوج عشان انتوا أكيد تعبانين م السفر حمزه: ماشى ياله يا رنا أمسكها حمزه من يديها وصعدوا كلا منهم الى غرفته حمزه أمام غرفة رنا : تصبحى على خير رنا : وانت من أهله أقترب منها وكان سيقبلها ولكنها وضعت يديها على فمه وقالت بهمس: حمزه ممكن حد يشوفنا تراجع حمزه وقال: عندك حق ،بصى عايزك تصحى ٦الصبح وتصحينى رنا: ليه حمزه: هتعرفى بعدين رنا:حاضر ترك حمزه وذهب الى غرفته بدل كلاً منهما ملابسه وتناولوا عشائهم وناموا بعدها سريعاً من شدة التعب أستيقظت رنا من النوم على صلاة الفجر وصلت الفجر وانتظرت حتى السادسه وهاتفت حمزه حمزه بصوت نائم: فى احلى من انى أصحى على صوتك الصبح رنا: صباح الخير حمزه: صباح الفل ،البسى هدومك واستنينى تحت ، اه والبسى بنطلون رنا: ليه حمزه: هتعرفى بعدين ،ياله بسرعه ارتدت رنا تونك من اللون البنى طويل وأسفله بنطلون من اللون البيج وحجاباً يجمع بين اللونين ، نزلت رنا الى الاسفل فوجدت حمزه ينتظرها ولم يعطها فرصه حتى لالقاء التحيه وسحبها من يديها فى اتجاه أسطبل الخيول رنا: حمزه ،انت سحبنى كده ليه ،كنت عايزه اصبح على جدتى انا سامعه صوتها فى المطبخ حمزه: لما نيجى رنا : نيجى منين حمزه: ركبتى خيل قبل كده رنا: عمرى وبخاف منه حمزه: هتخافى وانا معاكى رنا: لأ بس حمزه: مفيش بس انا كلمت على السايس وهيحضرلك مرجانه دى فرسه هاديه ومش بتخوف وبتمشى على مهلها رنا: وهتبقى جمبى حمزه وهو ينظر فى عيونها: طول عمرى أبتسمت رنا وقالت : موافقه أحضر على السايس الفرسه وساعد حمزه رنا على الركوب وأمسك باللجام وسار بها بدأحمزه بسحب لجام الفرس وسار بها فى الاراضى الشاسعه الموجوده خلف البيت حتى مسافه كبيره وبعدها توقف رنا: وقفت ليه ياحمزه ، اكيد تعبت انا عماله اقولك كفايه وانت مش بتسمعنى واحنا بعدنا أوى لم يرد عليها حمزه وسار الى خلف الفرس رنا: حمزه مش بترد عليه ليه وليه.... ولم تكمل رنا جملتها فكان حمزه قد أعتلى الحصان خلفها وأحاطها بيديه ليمسك اللجام أرتبكت رنا كثيراً وخجلت من قرب حمزه الشديد وقالت بخجل : حمزه ،ماينفعش كده حمزه : بصرف النظر عن انك مراتى ،كمان انا بعدت عن الناس هنا مفيش غير انا وانتى ولسه هنبعد أكتر رنا: أبعد من كده ،هنروح فين مط حمزه شفتيها وقال : مش مهم فين المهم نكون مع بعض ،صح رنا: صح أبتسم حمزه ولكز الحصان لينطلق بهم الى بعيييييد ........ التعديل الأخير تم بواسطة rontii ; 16-07-16 الساعة 12:37 AM | ||||
|
| |
|
| أدوات الموضوع | |
| انواع عرض الموضوع | |
|
|
37Likes
.png)
.png)
العرض العادي
