من شفتها وقلبي وياها / للكاتبة طيبة القلب، اماراتية مكتملة

[لامارا]

البارت التاسع ..


فطوم : مرحبااااا
منصور : هلا والله اشحالج
فطوم : تمام اشحالك انت
منصور : بخير والله صدق هالخبر اللي سمعناه
فطوم : هيه
منصور : منو هذا اللي خطبج اعرفه انا
فطوم : هيه واحد من بوظبي
منصور : حلفي من بوظبي منو أنا اعرفه
فطوم : اظني تعرف قوم سالم
منصور : أي سالم
فطوم : اللي كانو يسكنون عدالكم ولدهم سالم اللي كان يدس في بريطانيا والعام تخرج
منصور : هيه عرفته ولد محمد .......
فطوم : هيه هو
منصور : لايكون وافقتي
فطوم تريد تغايظه ... ماادري بس الريال يمدحونه .. بس بعدهم مايوا يرمسون بس مطرشين جماعة يرمسونا
منصور : يعني انت بتوافقين عليه
فطوم : ماادري يمكن ؟؟؟؟؟؟
منصور : والله اذا خذتيه بجلب حياتج فوق تحت
فطوم تبتسم .... : هههههههه ماتقدر
منصور : اوكيه خذيه شوفي شو بصير له
فطوم زاغت قالت خيبه والله يسويها منصور ..
فطوم : برايك منصور شي في خاطرك انا بطلع
منصور : لا سلامتج بس ......
فطوم : بس شوووو
منصور : لا ماشي سلامتج
فطوم : الله يسلمك برايك مع السلامة
منصور : الله وياج


طلعت فطوم من المسنجر وسارت عند الريم في الصالة ..
فطوم : الله ياخذ ودوم
الريم : لييييييش ؟؟؟؟؟
فطوم : قالت حق منصور اني انخطبت
الريم : حلفي هاي مينونه هم بعدهم مايو يرمسون يمكن يغيرون رايهم
فطوم : دخيييييلج منصور معصب ومتحلفلي اذا خذيته بجلب حياتي
الريم : حليله منصور وااايد عليه الصراحه
فطوم اطالعها بعين : ليييييش والله ؟؟
الريم : والله صدق حراااام مايستاهل منصور اللي تسوين فيه انت تدرين انه يحبج ومستحيييييييل يحب ودوم
فطوم تنزل راسه : انزين شووو تبيني اسوي مااقدر اكسر بخاطر ودوم حتى هيه تحبه حليلها
الريم : ودوم اصلا ماتحبه هيه عيبها بس
فطوم : انزين والحل ؟؟؟؟؟؟
الريم : ماادري الصراحه يبالها تفكير طوووووووويل

يوصل مسج لتلفون فطوم .....
تفج فطوم المسج (( عرفت قدري عندهم مالي معزة في قلبهم ... أبني قصور المحبة والهدم هو طبعهم )) """ منصور """"

الريم : من منو المسج
فطوم : منصور
الريم : يبي التلفون اشوف
تعطي فطوم التلفون الريم ويوصل المسج الثاني (( بغيتك أكثر من اللي بكا في ليلة الزفة .. يشوف اللي تمناها تحل لواحد غيره ))
الريم : والله حرام عليج
فطوم : شووو حرام ماشفتيه يوم يرمس ودوم
الريم : تعرفين انه يغايظج ومايريد يكسر بخاطر ودوم
فطوم : سيري لا صدق عصبت منه يوم يالس تغزل ابها
الريم : ههههههه ياويلي علي اللي يغارون
فطوم تفر عليها المخدة .. يبي يبي تلفوني لا اصفعج الحين ...
ويوصل المسج الثالث (( بحظر زفافك يا حياتي بحظر زفاف اللي هويته .. وبرزف عشانك لا تحاتي بهديك كل اللي بغيته .. بهديك دمعي وعبراتي والهم اللي فيني رميته .. وبحظر ولو بعرسك مماتي وشايل معي قلب نسيته .. ))

فطوم من قرت المسج يلست اتصيح .
الريم تشل التلفون وتقرأ المسج
الريم : فطوم والله اذا ماقلتي لمنصور انج تحبيه وتوقفين ودوم عند حدها .. والله اني اللي برمسها وبوقفها عند حدها ..
فطوم : لادخييييييييلج اباها هيه تودره وتخليه حقي
الريم : انزين شو ناويه اتسوين
فطوم : بعدين بقول لج
الريم : انزين طلبتج لاترديني وغلاتي عندج رمسي منصور
فطوم : خلاص اوكيه عشان خاطر عيونج
ادق فطوم حق منصور بس محد يرد على التلفون
فطوم : محد يرد يمكن زعل لني مارديت على مسجاته
الريم : كله منج معذبه اخويه
فطوم : جب جب يعني هو مب معذبني انا اكثر منه متعذبه ومتحمله عشانه بس
الريم : لا تسمعج ودوم الحين وتصفعج
فطوم : تخسي إلا هيه تحلم تاخذ منصور
الريم : ياويلي يا ويلي
فطوم : سكتي عني خليني ادق مرة ثانية يمكن يرد
ادق فطوم بس محد يرد عليها
فطوم : اووووووف حرااااام شو هااااا
الريم : دواج حد قالج ماتردين عليه من قبل
يرد يطرش منصور مسج حق فطوم (( سمحيلي فديتج انا في الكلية عندي محاضرة ))
ترد اطرش فطوم له مسج (( مسموح حبيبي ))
منصور من قرا المسج الفرحة ماشالته واعتذر حق الاستاذ وطلع ودق حق فطوم ..
فطوم : خيبه منصور دق
الريم : عطيني انا برد


الريم : الووووووو
منصور : اهلين
الريم : اشحالك
منصور : بخير ..
الريم : واخبارك
منصور : سيري جلبي ويهج عطيني حبيبتي ارمسها
الريم : اكين اكين منو حبيبتك لا حبيبي مغلط هذا بيت خلفان مب بيت ودوم
منصور عصب من الريم : ايه والله لو كنت عندج جان صفعتج تحلمين انت اخذ ودوم لا حبيبتي حقي فطوم بخذها غصبا عن اللي يبا واللي مايبا
الريم : باسم الله هدي محد بياخذها فطوم ارتاح
منصور : ادري ... مب لازم اتقولين عطيني ارمسها

فطوم : الووووو
منصور ميت من الفر ح : هلا والله
فطوم : اهلين اشحالك
منصور : بخير دام اني سمعت حسج
فطوم : ............
منصور : فطوم دخيييييييلج عيدي الكلمة اللي كتبتيها في المسج
فطوم : ماكتبت شي في المسج
منصور : لا كتبتي شي عيدها دخييييييلج
فطوم : مااذكر شو كاتبه في المسج
منصور : ايه لا تستهبلين عليه
فطوم : ............
منصور : المهم انا برمس ودوم وبقولها اني مااحبها
فطوم : لااااااااااا حرام
منصور : مب غصب (( ماينجبر قلب على قلب ))
فطوم : لاحرام عليك
منصور : فطوم انا احبج انت
فطوم : وانا قلت لك انك انت مثل اخويه لاغير
منصور عصب منها : فطوم انت تحبني وانا ادري
فطوم قافطه : لا منووووووو قال
منصور : قلبي
فطوم : لاغلطان قلبك انا مستحيييييل .. انت مثل اخويه انت ماتفهم
منصور خلاااص عصب وماقدر يرمس بكلمة ..
فطوم : منصور
منصور : .........

فطوم : ..............
منصور : اوكيه خلاص باي
سيده سكر الخط ما خلاها ترمس بكلمة

الريم : فطوم والله انج هبله ومينونه بعد
فطوم : ليييييش والله
الريم : كل مرة تقولين له إنج ماتحبينه
فطوم : انزين شو تبيني اسوي
الريم : خلاص خلج جذيه على طول اللين ودوم تاخذه اوكيه
فطوم : ...........





الساعة 3.30 الظهر

في الحديقة ... أبو سيف وام سيف والريم وفطوم ومنصور الزغنوطي .. وسيف وشمة وسلامة يالسين يلعبون كورة قدم


الريم :فطوم قومي نلعب وياهم
فطوم : يلا قومي
بو سيف : انا بعد بعلب وياكم
فطوم تناقز : الله ابويه بيلعب ويانا
بو سيف : يلا ام سيف قومي لعبي ويانا
أم سيف : يالله بستر وين تبوني اللعب الحين لو يشوفني حد بقولون خرفت الحرمة
بو سيف : كيييفج بس شجعيني
أم سيف : اكييييييد لازم


فريق فطوم والريم وسيف ..
وفريق بو سيف وشمة وسلامة
الكورة عند سيف
سيف : فطوم سيري عند الكول بشوت عليج الكورة
تربع فطوم عند الكول ..
بو سيف يريد ياخذ الكورة من عند سيف بس سيف بسرعه يشوتها على فطوم
الريم : فطوم بسرعه سجلي
تحاول شمة تمسك الكورة بس ماقدرت
تسجل فطوم كووووووول
الريم : ايوه كووووووول
بو سيف : لا مايوز غلط
بو سيف يطالع ام سيف صح أم سيف غلط ماايوز
أم سيف : لاااااااااا كول
بو سيف : براويكم يلا شموه عقي عليه الكورة
أم سيف : خلفان تلفونك يصيح
وسار بو سيف صوب ام سيف وشل تلفونه ..

بو سيف : الووووووو
؟؟؟؟ : السلام عليكم
بو سيف : وعليكم السلام
؟؟؟؟ : معاك المستشفى
بو سيف قلبه يدق : خير انشالله
؟؟؟؟؟؟ : والله اخوك مطر مسوي حادث
بو سيف : شوووووو متى
؟؟؟؟ : والله من قبل ساعة تقريبا هو وعياله
بو سيف : خلاص انا الحين ياي

ويبند بو سيف من الريال ..
أم سيف : خير شو صاير
بو سيف : انشالله خير برايج انا طالع شي في خاطرج
أم سيف : خلفان دخيييييلك قول طيحت قلبي
بو سيف : والله مطر وعياله مسوين حادث
أم سيف : متى توني من ساعه مرمسه حرمته وقالت بسيرون العزبة
بو سيف : ماادري والله برايج انا بسير الدختر
ام سيف : بسير وياك
بو سيف : لا انت يلسي هنيه وبسويلج تلفون
ام سيف : خلاص عيل أول ماتوصل بشرني
بو سيف انشالله وسيده سار ركب سيارتة وسار صوب المستشفى ......

ويحصل عبدالله وروضة يالسين على الكرسي
بو سيف : ها عبدالله وين ابوك عيل
عبدالله : ماادري بس راشد يلفون ايديه
بو سيف : وامك
عبدالله : امي داخل ويا راشد

يطلع الدكتور من الجهة الثانية .. يسير صوب بو سيف .. السلام عليكم
بو سيف : وعليكم السلام ها دكتور بشر مطر شي فيه
الدكتور : انت اخوه
بو سيف : هيه
الدكتور يطالع عيال مطر : تفضل داخل بكلمك ...

[لامارا]

البارت العاشر ..

يطلع الدكتور من الجهة الثانية .. يسير صوب بو سيف .. السلام عليكم
بو سيف : وعليكم السلام ها دكتور بشر مطر شي فيه
الدكتور : انت اخوه
بو سيف : هيه
الدكتور يطالع عيال مطر : تفضل داخل بكلمك ...



يسير بو سيف مع الدكتور داخل
بو سيف : دكتور دخيلك قول اشفيه اخوي
الدكتور : والله الصراحه ماادري شو اقول بس تعرف اخوك فيه السكري ..
بو سيف : ادري ان اخويه في السكري

الدكتور : مطر في غيبوبة سكر وحالته خطيرة ونحن مجطينه تحت المراقبة
بو سيف : لا مستحيييل اخوي مابموت
الدكتور يسير صوب بو سيف ويمسكه من جتفه .. استغفر ربك اخوك نحن محطينة تحت المراقبة وانشالله تتحسن حالته
بو سيف : انزين انا بسفره برع
الدكتور : لا حالته ماتتحمل السفر وبعدين علاجهم اللي برع نفس علاجنا
بو سيف : انزين انا اريد اشوفه
الدكتور : بخليك اتشوفه بس بلغ عياله انهم ماينفعلون ولايدشون عليه لأن حالته مش مستقره بعدها
بو سيف : خلاص انا برمس عياله
الدكتور : خلاص عيل تفضل وياي


تطلع أم سعيد مع راشد من عند الدكتور وتربع روضة تلاوي امها وتصيح
أم سعيد : روضه اشفيج
روضة : ابويه مات
أم سعيد : باسم الله على ابوج منو قال
روضة : الدكتور شل عمي خلفان وساروا داخل عشان مانسمع شو يقولون
ام سعيد : انت هدي الحين وانا بسير ارمس الدكتور وانشالله كل خير
عبدالله : أمايه وين عيل ودوم
أم سعيد : ودوم داخل عند السستر تخليلها لزقه في يبهتها
راشد : امايه انا اريد اشوف ابويه
أم سعيد : انزين بنسير الحين بنتريا ودوم اتخلص
تطلع ودوم من عند السستر ومخليه ايدها على يبهتها .. آآآآآآآخ يعور
أم سعيد : يلا انقفضي بنسير انطالع ابوج لا ياه شيء
ودوم : لييييش ابويه وينه
عبدالله : ماادري بس عمي خلفان سار ويا الدكتور
ودوم : باسم الله على ابويه انشالله ماياه شيء


تسير أم سعيد وعياله صوب الدكتور ...
تدخل داخل حجرة الدكتور بس مالقت حد
أم سعيد : وينه هذا الدكتور
ودوم : تعالي امايه نطلع بنسأل السستر

أم سعيد كانت تريد تطلع من حجرة الدكتور بس دخل الدكتور معاه بو سيف
أم سيعد : ها دكتور بشر مطر شي فيه
الدكتور : الحمد لله مطر مافيه شيء
يطلع الدكتور برع ويخلي بو سيف معاهم
ودوم : عمي دخيلك ابوه شي فيه
بو سيف : لا ابوج الحمد لله مافيه شي بس هو الحين مخلينه تحت المراقبه
عبدالله : لا ليييييييييييش
بو سيف : ابوكم الحين في غيبوبة سكر
أم سعيد : لا وينه اريد اشوفه
بو سيف : محد بيدخل عليه لأنه في المراقبه محد بشوفه اللين 24 ساعة
ودوم : لا شو بصبرني 24 ساعه اريد اشوف ابويه
بو سيف : لاإله إلا الله قلت لج 24 ساعه
راشد يلس يصيح .. وااااااااااااااااااه ولحقته روضه بصيااااح . انجلبت المستشفى صياح راشد وروضه

بو سيف : الحين شو بسوي بهل البلشه ..
ويطلع تلفونه ويدق حق أم سيف
أبو سيف : الووووو
أم سيف : ها خلفان بشر
أبو سيف : شو اقول لج والله اخويه حالته حاله
ام سيف : ليش شو بلاه
ابو سيف : بغيبوبة سكر
ام سيف : الحمد لله على كل حال وانزين وعياله وحرمته انشالله بخير
ابو سيف : لا حرمته وعياله الحمد لله مافيهم شيء بس جالبين المستشفى صياح
ام سيف : خلاص انا الحين بيي
بو سيف : انزين يبي معاج الريم وفطوم
ام سيف : انشالله وبيب سيف ويايه بعد
ابو سيف : خلاص عيل برايج فمان الله
ام سيف : الله يحفظك


أم سيف : فطوووووووووووم
فطوم : ............
ام سيف : فطوووووووم وينج تعالي
فطوم : امايه انا فوق
ام سيف : تعالي نزلي بسرعه
تنزل فطوم بسرعه وراها الريم
فطوم : هااا امايه شو فيج
ام سيف : سيري لبسن عبيكن بنسير المستشفى
الريم : ليييش عموه منو في المستشفى
ام سيف : مطر سوى حادث ويا عياله
فطوم : لا لا يكون شي ياهم
ام سيف : لا عياله كلهم بخير بس هو حليله مسكين بغيبوبة سكر
فطوم : انزين يلا الريم بسرعه انسير نلبس عبينا
الريم : يلا
ام سيف : بسرعة انا بقول حق الدريول يطلع السيارة اترياكن لا تتأخرن


في المستشفى
في زاوية المستشفى ودوم ماسكه تلفونها ادق حق اخوها سعيد
ودوم : الووووو
سعيد : اهلين
ودوم اتصيح ......
سعيد : ودوم خير اشفيج
ودوم وبصوت متقطع : ابـ ..أبـ .. أبويه
سعيد : اشفيه ابويه
ودوم : في المستشفى
سعيد : اشفيه
ودوم : غيبوبة سكر
سعيد : لا كييييييييف
ودوم : سوينا حادث اليوم العصر
سعيد : كلكم بخير
ودوم : كلنا بخير بس ابويه مخلينه تحت المراقبة
سعيد : خلاص انا انشالله باجر بالجثير بكون عندكم
ودوم : خلاص برايكم فمان الله
سعيد : مع السلامة

في نفس الوقت اتي الريم وفطوم صوب ودوم
فطوم تلاوي على ودوم
فطوم : الحمدلله على السلامة
ودوم وتصييييييح ....
الريم : ايه ودوم فضحتينا العرب كلهم يطالعونا
ودوم : ابويه بموت
فطوم : لا انشالله لاتفاولين على عمي
الريم : انشالله يقوم بالسلامة
ودوم : انشالله
وايلسن على الكرسي

في فرنسا ....
سعيد يالس على الكرسي ومنزل راسه ومخلي ايده على راسه .. يدخل منصور
منصور : سعيد اشفيك
سعيد : ..........
منصور : بو عسكور بلاك شي يعورك
يرفع سعيد راسه والدموع في عيونه
منصور : سعيد اشفيييييييييك ارمس
سعيد : ابويه في المستشفى
منصور : بلاه
سعيد : غيبوبة سكر ومخلينه تحت المراقبة
منصور : وانت بدال مايالس تدعيله يالس اتصيح يالله بالستر
سعيد : منصور هذا ابويه
منصور : والله ادري انه ابوك
سعيد : انا باجر برد العين
منصور : وووووين بترد باجلنا ثلاث ايام بنرد اتريا شوي
سعيد : مااقدر لازم ارد
منصور : انزين شو فرقن الا ثلاث ايام بناخذ الشهادة وبنرد خلاص مالنا رجعه فرنسا
سعيد : خلاص بتريا ثلاث ايام وبنشوف
منصور خلاص انا بدق وبطمنك .. يشل منصور تلفونه ويدق حق الريم .. بس تلفونها مغلق ويدق حق فطوم

فطوم اطلع تلفونها من الشنطة وتشوف رقم منصور وتسير بعيد عن الريم ودوم
فطوم : الووووووو
منصور : اهلين
فطوم : هلا
منصور : اشحالج
فطوم : بخير ونعمة
منصور : انت وين
فطوم : في المستشفى
منصور : ها بشري عمج بخير

فطوم : والله ماادري انا ماشفته بس مخلينه تحت المراقبة وخلال 24 ساعة بنشوفه
منصور : انزين وعياله كلهم بخير
فطوم : الحمد لله كلهم بخير
منصور : خلاص انا مابطول عليج وبشرينا أول بأول
فطوم : انشالله
منصور : يلا مع السلامة
فطوم : مع السلامة

وتسير صوب الريم ودوم ..
الريم : منو اللي داق
فطوم اطالع ودوم ,,,,,,, لا وحدة من ربيعاتي
الريم : اهاااااا
ودوم : قومن نسير عند امايه

يو سيف : يلا قومن سيرن البيت
أم سعيد : لا انا بيلس هنيه
بو سيف : وين بتلسين .. قومن سيرن البيت ومن اصبح أفلح
أم سيف : قومن بنات سيرن ركبن السيارة
الريم : يلا ودوم قومي ويانا ...
ويقومن الحريم والأولاد والبنات وساروا البيت


في حجرة فطوم ..
الريم ودوم وفطوم يالسات ايصلن العشاء .. فطوم تخلص صلاتها ويلست على الكرسي تترياهن يخلص الصلاة ..
فطوم اتشل تلفونها وطرش مسج حق منصور (( الحمد لله يقول الدكتور عمي تحسنت حالته شوي ))
يقرأ منصور المسج .. ويرد يطرش (( الحمد لله وخبريني بكل شي ،،، وتصبحين على خير ))
ترد اطرش فطوم (( وأنت من أهله )) ،،،، وتغلق تلفونها
الريم : فطوم شو اسوين
فطوم : لا يالس اللعب بالتلفون
ودوم : اريد ارقد
فطوم : حتى انا الصراحه
الريم : لا انا مافيني ارقاد
فطوم : عيل طلعي برع نحن بنرقد
الريم : برايكن انا بسير عند الحريم
وتطلع الريم برع الحجرة وفطوم ودوم رقدن ...



الساعة 9.30
ودوم : فطوووووم يلا بسرعه اريد اسير المستشفى
فطوم : باسم الله تريي بنسير ويا قوم أمايه
ودوم : أمايه وأمج سارن من الصبح
الريم تفرج عيونها : اوووووف مايخلون حد يرقد
ودوم : يلا تراني بسري عنكن
فطوم : ههههههه مع منو بتسيرين اكيد قوم امايه شالات الدريول
ودوم : عادي بخذ تكسي
الريم : هههههههههه حلووووووووه
ودوم : والله مايالسه اطنز
فطوم : والله انج خبلة بتسوينها
الريم : هههههههههههههه
فطوم :" بدق حق امايه بقولها اطرش الدريول


فطوم : الوووووووو
أم سيف : اهلين
فطوم : اشحالج امايه
ام سيف : الحمد لله
فطوم : اشحاله عمي انشالله بخير
أم سيف : الحمد لله طلعوه من تحت المراقبة والحين نقلوه حجر
فطوم : والله
ام سيف : هيه والله يرمس بعد الحمد لله رجعت حالته الطبيعية
فطوم : انزين امايه طرشي الدريول بني المستشفى ودوم طاره البيت تريد اتي
ام سيف : خلاص بطرشه الحين وعي منصور اخوج ويبيه وياج
فطوم : اوكييييه خلاص باي


ودوم : هاااااا بشري شو صحة ابويه الحين
فطوم : نقلوه حجرة خاصة ورجعت حالته الطبيعية
الريم : الحمد لله الشر طار
ودوم : بسير ادق حق سعيد ابشره
تنقز الريم من الشبرية حق منو بدقين
ودوم : جلبي ويهج بدق حق اخويه
الريم : ودوم حبيبتي خليني انا ببشره
ودوم : يلا يلا جلبي ويهج هذا اللي ناقص بعد
فطوم تضحك : حراااام خليها عشان خاطريه
ودوم اطالع الريم ورافعه خشمها أول حبيني على راسي وبخليج اترمسينه
الريم : اتخسين انيوم السماء اقربلج
ودوم : ههههههههه عيل تحلمين ترمسينه
الريم : ودوم يلا عاد لا أذلينا
ودوم : خلاص مابنذلج بس خمس دقايق رمسيه أخافج تخسريني
الريم : ههههههههه زطيه
ودوم : اندوج التلفون بسرعه

ادق الريم حق سعيد ....
سعيد : الوووووووووو
الريم : اهلين اشحالك سعيد
سعيد انقبض قلبه : هلا والله بخير ونعمة منو انت
الريم : اناااا الريم
سعيد : هلا والله بشيخة البنات
الريم : هلا فيك
سعيد : اشحالج
الريم : الحمد لله .. سعيد ابشرك ابوك بخير ونقلوه غرفة خاصة ويقولون رجعت حالته الطبيعية
سعيد : الله يبشرج بالخيييييير الغالية
الريم : خلاص عيل بخليك
سعيد :افااااااا ليييييييش
الريم : اسمحلي بنسير المستشفى توصي على شي
سعيد : هيه
الريم : شووووووو
سعيد : هالله هالله بعمرج
الريم متشققه : انشالله حتى انت هالله هالله بعمرك
سعيد : انشالله برايج عيل سلمي عليهم
الريم : سلام يوصل مع السلامة

تسكر الريم عن سعيد ...
فطوم : ياويل حاااااالي انا
الريم : ..............
ودوم : والله انج فايجه يلا بسرعه اتلبسن بيي الدريول الحين
فطوم : يلا الريم انسير نتلبس
الريم سرحانه ...........
فطوم : الرررررررررريم
الريم : هااااا
فطوم : اللي ماخذ عقلج يتهنابه
الريم :آآآآآآآآآآآآآآآآمين
ودوم : يلا بسرعه لاتأخرنا



الساعة 10.40في المستشفى
تدخل الريم ودوم وفطوم شاله باقة ورد
الريم ودوم وفطوم : اسلام عليكم
الجميع : وعليكم السلام
تربع ودوم عند ابوها وتحبه الحمد لله على السلامة ابويه
بو سعيد : الله يسلمج
الريم : الحمد لله علىالسلامة عمي
بو سعيد : الله يسلمج ياالغالية
تسير فطوم تخلي الوردة على الطاوله وتحب راس عمها .... ماتشووووف شر يا عمي
بو سعيد : الشر مااييج فديتج ....


يمسك بو سعيد ودود من أذنها ...
بو سعيد : ودوم ... منو اللي قال حق سعيد هاه

ودوم : آآآآآآي اذني
بو سعيد : لييييش ازيغين الولد
ودوم : والله لازم يعرف
أم سعيد : زيغتي الولد الحين محتشر يريد يرد
ودوم : ههههههه والله ماكنت اتوقعه بحتشر
ام سعيد : حليله الا منصور ماسكنه يهدي فيه
بو سعيد : محتشر يريد يرد بس منصور يقوله يو الأحد بردون
فطوم : لاااااااااااااااااااااا
بو سيف : بلاج
فطوم : نتائج الثانوية العامة يوم الأحد
الريم : والله صدقج ذكرتيني
ام سيف : الله يوفقن انشالله
الريم + ودوم + فطوم : انشالله

بو سعيد : متى برخصوني
بو سيف : ماادري والله بس الدكتور قال يوم بينضبط السكري عندك
بو سعيد : لا انا اريد اطلع اليوم
ام سعيد : وووووين اليوم ارتاح اشوي
بو سعيد : شو ماتبيني
ام سعيد : انا مااباك لا والله حشااااا انا مااستغنى عنك
بو سيف : يا ويلي انا مب جدامنا خلاص كبرنا على هذا الكلام
بو سعيد : جان كبرت إلا أنت انا بعدني صغيروني لازم ادلعني حرمتيه اشوي

ام سيف وام سعيد يضحكن ... اما البنات طلعن برع يتمشن ....




تـــــــــــــــــخــــــ ـــطــــــف الأيــــــااااااااااام بــــــســــــــرعة ....



يوم الأحد ...
فطوم من الساعة 5 الفير قايمة ويالسه على الكمبيوتر تتريا النتيجه والريم وياها وحالتهن حاله ...
الساعه 5.30 ادق ودوم ..
فطوم : الووووووو
ودوم : هااا بشري ماطلعن النتائج
فطوم : لا بعدهن
ودوم : انزين انا بسير اشغل النت برايج

<<
<<<
<<<<
<<<<<<
الريم : اووووووووف تعبت الحين الساعة 7 وبعدهن النتائج ماطلعن
فطوم : والله انا ميتة خوف
الريم : انا ماسويت زين في الكيمياء
فطوم : والله انا زايغة من الرياضيات
الريم : انشالله خير يا ربي

[لامارا]

البارت الـ 11 ..



الساعة 9.30
طــــــــــــلــــــعـن النتائج (( كم تتوقعون النسبة )))

الريم : فطووووووووووم لحقي
فطوم تربع من الصالة ... هااااااا شو صاااااار
الريم : نجحت
فطوم : حلفي تربع تلوي عليها وانا
الريم : ماحصلت اسمج لحظة اشويه دوري وياي
فطوم : ووووووووينه اسمي
الريم : هذوه اسم موزوه ربيعتيه
فطوم : والله انج فايجه دوري اسمي
الريم : انززززين هاذوووووه
فطوم : اسمي وينه
الريم : مب اسمج اسم ودوم نجحت
فطوم : ياحظها وين اسمي
الريم ادور ويا فطوم
فطوم : نزلي الصفحة تحت شوي
الريم : انزين
فطوم : هاااااااذوه اسميه نجحت تنقز تلوي على الريم ويلسن يصيحن
فطوم : تعالي بسرعه ببشر ابويه
الريم : برايج نزلي انا بدق حق امايه ابشرها
تربع فطوم تحت وتلقى اماها وتبشرها وتحب امها وتناقز فوق وتحت ..
أم سيف : مبروووووك حبيبتي
فطوم :الله يبارك فيج يا أغلى أم في العالم
أم سيف : بشرتي ابوج
فطوم : لا ابويه وينه
ام سيف : في الدوام
فطوم : خلاص انا بتصل فيه وببشره


وتتصل فطوم بأبوها وتبشره وتسير عند الريم فوق اطالعها
فطوم : هااا رمستي امج
الريم : هيه وتقولج مبرووووك
فطوم : الله يبارك فيها يا ربي
الريم : دقت ودوم وتسلم عليج وتبارك لج
فطوم : رمستها تحت يوم امايه تبارك حق امها

الريم : بدق حق موزوه ربيعتيه
فطوم : وأنا بعد برمس اسوم بطالعها

ويلسن يدقدقن تلفون ويباركن حق بعض (( من حقهن ثانوية عامة ))




النسبة هيه ؟؟؟؟؟؟؟؟؟!!!!!!!!!!!!!

فطوم ...( علمي ) 88.3%
الريم ...( علمي ) 85.6%
ودوم ...( أدبي ) 90.7%



الساعة 5.30 العصر
يوصل منصور وسعيد من فرنسا ..
منصور وسعيد وأهل منصور كلهم يايين صوب العين ............................


على الساعة 8.42 وصلوا العين ..
سار منصور وسعيد يشترون هدايه حق الريم وودوم وفطوم من باريس غاليري .. ويشترون عشا .. اما ابو منصور وأم منصور وحمدان وهنود والبشكاره ساروا صوب بيت بو سيف ...
في الصالة كانت يالسة الريم وفطوم يسولفن .. ويدق جرس الباب وتسير الخدامة تفج الباب ..
بو منصور : السلام عليييييييييييييييكم
الريم وفطوم : وعليكم السلام
تسير الريم وفطوم يسلمن عليهم .
بو منصور : مبروك النجاح
الريم : الله يبارك فيك ابويه
فطوم : الله يبارك فيك خالي
بو منصور : وينهم عيل اهل البيت
فطوم : امايه فوق وابويه في الخيمة .
بو منصور : خلاص عيل انا بسير الخيمة ..
تسير فطوم تزقر امها من فوق ..

في الصالة ..
الريم : وين منصور ليييييش مايا وياكم
ام منصور : يه سار اييب عشا
الريم : بروحه محد وياه
فطوم : كحكحكحكحكحكحكحكح
الريم اطالع فطوم وتخزها بعين عشان تسكت
أم منصور : لا وياه سعيد
الريم : اهااااااا
أم سيف : لييييش معبلين على أعماركم
ام منصور : لا عباله ولاشياته
ام سيف : انزين عيل انا بسير ادق حق ام سعيد عشان كلهم ايون هنيه
أم منصور : ليش هيه ماتدري بأن العشا هنيه
أم سيف : لا كنا بنسير العزبة نتعشا
ام منصور : انزين ليش مانسير الحين
ام سيف : ماادري بس بو سيف يبانا نبات في العزبة مافينا الحين ما ولمنا كشارنا
ام منصور : خلاص بنخليها باجر

تسير ام سيف ادق حق ام سعيد عشان ايون ..
الريم وفطوم يالسات في الصالة ويا ام الريم يسولفن ..
إلا شويي حد يهرن بسياته برع
ام منصور : يمكن منصور وصل
الريم اطالع من الدريشه : هيه هم

يدق منصور على تلفون امه ..
ام منصور : الوووووو
منصور : هاااا امايه وين انزل العشا
ام منصور : يبوه داخل
منصور : انزين زقري البشاكير عشان يساعدنا
ام منصور : خلاص انشالله برايك

ام منصور : الريم سيري زقري البشاكير عشان يشل العشا من السيارة
الريم : انزين
تسير الريم وفطوم صوب المطبخ التحضيري اللي داخل .. بس ماحصلن البشاكير الداخل
الريم : وينهن
فطوم : يمكن في المطبخ اللي برع
الريم : انزين تعالي نطلع
فطوم : وين تبين منصور وسعيد برع
الريم تمط فطوم من ايدها : ويا ويهج اريد اشوف سعيد تعالي بسلم عليه
فطوم : ههههههه ضحكتيني نقعي لا مالي ويهه اطالع منصور
الريم : ليييييييش والله
فطوم : ماادري عشان سالفه الخطوبه
الريم : اوهووووو تعالي فكينا خلينا نستغل الجوووو محد وياهم
فطوم : خلاص يلا نطلع

سعيد منسدح على الكرسي لنه واااايد تعبان ياي سيدة من دبي اللين بوظبي اللين العين ,,, ومنصور فاج السيارة من ورى وينزل الأكل
منصور : سعيد تعال ساعدني كله راقد
سعيد : ...................
منصور : سعييييييييييييييييييييد
سعيد : شوووووووو
منصور : تعال نزل وياي
سعيد : مافيني نزل بروحك
منصور : صدق مافيك ادب مخلني بروحي اشتغل
سعيد : هههههههه اللي يقول يالس تذبح الحين
منصور : تنكت ويا ويهك ..
سعيد : لا احاااااول
منصور طاحت من ايده الكيسة
سعيد : منصوووووووور لايكون كسرت الهدايه
منصور : سعيد اللحق العطور ماليلك انكسرن
سعيد ينقز ويسير صوب منصور
منصور : ههههههههههههههههههههههههه ههههههههههه
سعيد : ويا ويهك زيغتني
منصور : حشاااااا الا هديه
سعيد : لا عاد كله ولا هاي الهديه
منصور : لييييييييييش عشانه حق الريم
سعيد استحى من منصور وانصدم كيف يعرف سالفته ويا الريم ... ويسكت ولا رمس ..
اتي الريم وفطوم ........
الريم : اسلام عليكم
منصور : وعليكم السلام
الريم اطالع سعيد : اشحالك سعيد
سعيد : الحمد لله اشحالج انت
الريم : الحمد لله
سعيد : مبرووووووك النسبة
الريم : الله يبارك فيك

منصور يطالع فطوم ويناظرها بنظرات بس مارمس ولا كلمة ..بس فطوم تداركت الموقف وسارت تسلم عى سعيد ..
فطوم اطالع منصور : اشحالك منصور
منصور : الحمد لله
فطوم : الناس يباركونا بالنجاح
منصور يطالعها بنظرات احتقار : مبرووووووووك
فطوم : الله يبارك فيك
فطوم حست ان منصور مضايج منها بس طنشت هذا اللي قدرت اتسويه
منصور : الريم تعالي شلي العشا داخل
الريم : فطوم تعالي ساعديني
تسير فطوم ويا الريم ينزل العشا
يسير منصور جدام .. ويلحقه سعيد ..
سعيد : بلاك اشفيك اعتفست
منصور : لا ماشي
سعيد : انزين متى بتعطيهن الهدايه
منصور : لا بخلي البشكارة تعطيهن انا الصراحه استحي
سعيد : خلاص عيل
منصور : تعالي نسير الخيمة عندهم
سعيد : يلا

منصور : الريم يوم تخلصين سكري السيارة
الريم : اوكيييييييييه
يسير سعيد ومنصور صوب الخيمة ..
الريم : شكله سعيد تعبان
فطوم : .............
الريم : يمكن من تعب الطيارة
فطوم : .................
الريم : يلا بسرعه نزلي وياي
فطوم : ...............
الريم : حووووووووو انا منو ارمس
فطوم : هااا شووو
الريم : وين وصلتي
فطوم : وياج
الريم : ماضني
فطوم : تبين الصدق
الريم : هيه
فطوم : منصور ماادري شو بلاه اضني زعلان مني
الريم : عشان سالفه العرس
فطوم : هيه
الريم : انزين رمسيه
فطوم : ماادري بشوف
الريم : يلا انزين فكيني بسرعه
تدخل سيارة قوم ودوم البيت ..........
فطوم : عمي وصل
الريم : انسير انسلم فضيحه شافونا
فطوم : انزين

سارن وسلمن عليهم ..
بو سعيد : وينه عيل خلفان
فطوم : في الخيمة كلهم
بو سعيد : برايكم انا بسير عندهم
الريم : ودوم تعالي شلي ويانا العشا
ودوم : انزين
فطوم : ودوم زقري بشكارتكم تشل ويانا
ودوم : ايه دانتي تعالي شلي وينا

يشلن العشا .. وفي المطبخ يالسات يحطن العشا
المهم .. كلهم تعشوا .. وسعيد سار بيتهم الساعة 10لأنه كان تعبان يريد يرقد .. ومنصور بعد سار يرقد لأنه كان وااااايد تعبان (( حليله والله )) ..


الريم : شوو ها لييييييش سعيد يروح بيتهم
فطوم : هههههههه شو تبينه
الريم : اسولف وياه
فطوم : والله انج حركات
الريم : لا حركات ولاشي
فطوم : ايه نسير نرقد باجر من الصبح لازم انقوم
الريم : ليييييييش والله
فطوم : ليش ماتدرين بنسير العزبة
الريم : لا منو قال
فطوم : امايه قالت بنسير من الصبح وبنبات في العزبة كمن يوم
الريم : حلفي ومنو بروح ويانا
فطوم : نحن وقوم عمي وانتوا وخالي سالم بعد بيي وقوم خالوه
الريم : أي خاله فيهم
فطوم : خالوه حمده
الريم : حلفي عموه حمده بتي
فطوم : هيه
الريم : بتي ميروه و يزوي
فطوم : هيه بيون كلهم يلا عاد قومي ورايه نشه الصبح
الريم : يلا
وسارت الريم وفطوم يرقدن ....
هذي حمده خالة فطوم وعمة الريم وتسكن في العين بس مب وايد وياهم مثل عائلة الريم وفطوم وودوم ،،،،، المهم عندها ثلاث بنات 4 أولاد البنات ميره أول جامعة واليازية أول ثنوي وشيخة معرسه وماخذه ولد عمها في دبي ومحمد 4ابتدائي وسالم 2اعدادي يعني قد سيف أخوه فطوم وحمدان أخوه الريم مبارك في الجامعة وعلي في أول روضه ...


الساعة 8 الصبح
كلهم يالسين في الخيمة عائلة بو سعيد وبو منصور وبو سيف ...

في الصاله الفوقيه ......
فطوم : ايه ريموه خليتي اغراضج كلهم
الريم : هيه كله شليته
فطوم : مانسيتي شي
الريم : اوهوووووو منو بلبس انا ولا انت
فطوم : ههههههه ياغبيه اذا عيبني شي بلبسه
الريم : ههههههههه تحلمين تلبسين ملابسي
فطوم : مب كيفج
ودوم : اسميكن حشره
الريم :انزين طوفي جدامي بسيرون الحين
فطوم : يلا بسرعه انحول تحت

في الخيمة ....
الريم : يلا متى بنسير
بو سيف : الحين يلا قوموا
الريم : وين منصور مابسير ويانا
ام منصور : وين منصور وسعيد قبلنا سايرين
الريم : ليش يروحون قبلنا
ام سيف : شالين الدراجات وعبدالله وراشد وحمدان وسيف كلهم هناك
هنود : لااااااا بيحيزون الدراجات
بو سيف : لا وايد دراجات هناك
هنود : كلهم بياخذونهن الاولاد
ام سيف : يوم بخلصون الاولاد ركبن انتن
سلامه : ههههههههه يحلمون مايخصنا الدراجات الكبار حقنا
الريم + فطوم : ههههههههههههه
فطوم : اتخيل الاولاد راكبين الدراجات الصغار

بو منصور : يلا قوموا شكلكم انتوا مابتخلصون سوالفكم

وكلهم ركبوا السيايير وانطقوا إلى وقع الحدث وهو (( العزبة ))

في العزبة الكل مستانسين ..
هنود وسلامي محتشرات يريدن يركبن الدراجات بس رويض كانت عندها دراجه وكل حين تغايظهن وعاد تبدأ المناحه عندهم ..
هنود : منصووووور عطني الدراجه
منصور : يا حشرتج .... سعيد تعال بننزل
سعيد : انزين
تركب هنود دراجه منصور وسلامي ركبت دراجه سعيد ..
عبدالله : اقووووول تعالوا
راشد : شووووو
عبدالله : تعالوا بنسوي سباق شو رايكم
حمدان : اوكيه موافقين
هنود : بندش وياكم السباق
سيف : اوكيه يلا
المشتركين في السباق عبدالله ، سيف ، حمدان ، راشد ، هنود ، سلامي ، رويض ..

من جهة الحريم يالسات داقات سوالف ويا الريايل اللي هم ( بو سعيد ، بو منصور ، بو سيف ، أم سيف ، ام منصور ، وام سعيد ، ومنصور ولد بو سيف )

أما من جهة البنات الريم وودوم وفطوم يالسات في العرقوب اللي عدال العزبة

منصور وسعيد ساروا عند البشاكير وعطوهن الأكياس وكتبوا على كل كيس اسماء الريم وفطوم ودوم

اين البشاكير ويعطن الأكياس حق الريم وفطوم ودوم ..
كل وحده حصلت كيستين من سعيد وحده ومن منصور وحده ..
الريم : الله سعيد يابلي هديه
ودوم : حتى انا منصور فديته يابلي هديه
فطوم : ايه لاتفدينه لاالحين ارفسج رفسه
دوم : والله كيفي
الريم تغمز حق فطوم عشان تسكت
فطوم : ويا ويهج عيب لاتفدين الريال شو تبنه
ودوم : هههههههههههه
ويلسن يتغايظن وكل وحده تروي الثانيه هديتها وتغايظها .......

من جهه منصور وسعيد يالسين يسولفون
منصور : ايه انا واعد الريم وفطوم اوديهن مكان
سعيد : لييييييش
منصور : قلت لهن عشان نسبة الثنويه العامة
سعيد : وين بتوديهن
منصور : ماادري بس افكر انسير صلاله
سعيد : والله فكره
منصور : والله افكر كلنا انسير
سعيد : والله صدق من سنتين ماسرت صلاله
منصور : حتى انا بشوف قوم ابويه وامايه شو بقولون

الساعه 9.30
وصلت حمده وعيالها العزبة بس ريلها كان مسافر عشان جيه مايا وياهم

ساروا سالم ومحمد صوب الاولاد ومبارك سار صوب سعيد ومنصور


مبارك : السلام عليكم شباب
منصور : هلا والله
ويسلمون على بعض ..
سعيد : كومن سافا بروك
مبارك : سافا بيا ميغسي
منصور يكلم مبارك : فو باغليه فخونسيه
مبارك : جو باغل فخونسيه انبو
سعيد : هههههههههه ياحيك لاقطلك كمن كلمة
مبارك : شووو تتطنز حضرتك
منصور : افااااا يا بروك يطنز ولا تقومله
مبارك يوقف ويوقف سعيد
سعيد : شوووو بتسوي يعني
مبارك : نضارب
منصور : ايه من صجك انت محد يمزح وياك
مبارك : لا محد يمزح إلا اصفعه اليوم عشان يعرف مع منو يرمس
سعيد : ضحطتني مع منو يعني ارمس
منصور : ايه عيب ارياييل اشطولكم وتضاربون
مبارك طاح على العرقوب : ههههههههههههههههههههههههه ه
سعيد يطالعه : اتخبل الريال
مبارك : انتووووا مرة اتصدقون
منصور : ويا ويهك زيغتني تحسبتك صدق بضارب
مبارك : هههههههههههههههه امزح


من الجهة الثانية
فطوم : ايه قومن خاله حمده وصلوا انسير انسلم
الريم : يلا قومن خاطريه اسمع سوالف ميروه في الجامعة
فطوم : صدقج حتى سوالف يزوي ويا ربيعاتيها يضحكن والله انهن سوالف


سارن البنات يسلمن ..
حمده : هاااا فطوم كبرتي
فطوم : ههههههههه توج اتجوفيني
حمده : والله الا من شهر تقريبا ماشفتج
فطوم : لا اكثر من شهر
حمده : شو اسوي بيتكم بعيد عنا
فطوم : مب عذر
حمده : لازم انت اللي اتين
فطوم اطالع امها : امايه ماتخليني
ام سيف : حشا عليه كل مرة اقولج تعالي انت اللي ماتبين
فطوم : ايه امايه على الاقل جاملي فضحتينا
حمده : يامكرج

فطوم : خلاص بيكم وعد
يزوي : نترياج آنسه فطامي
فطوم : اوكيه خلاص وعد
الريم : يلا بنات انسير
ميروه : وين بتروحن
فطوم : نيلس على هذاج العرقوب
يزوي : اوكيه يلا

سارن عند العرقوب ........
يزوري : لحظه لحد يركب ؟؟؟؟؟؟؟؟؟
ودوم : لييييييييش
يزوي : بنسوي سباق اللي تركب أول وحده العرقوب شو رايكم
ميروه : انا موافقه
فطوم : يلا
يزوي : يلا وقفن على خط واحد استعدن بعد من واحد اللين الثلاثه وركبن اوكيييييه
الريم : اوكيه يلا
يزوي : واااااااااااااااااااااحد
......................
اثنيييييييييييييييييييييي ين .................


ثلاااااااثة ..............
ينطلقن البنات بسرعه بس فطوم ماسكه في يزوي عشان ماتغلبها ..
وتمسك الريم بميروه بس ميره ادزها واطيييييييييييح الريم من فوق العرقوب اللين تحت ....

يشوفها منصور وسعيد .......
منصور : الريييييييييييييم
وايي يربع بسرعه
ويلحقه سعيد
مبارك وقف في مكنه يطالع شووووووو صار

سعيد بسرعه يركض وغلب منصور ويشل الريم
بس الريم كان كله ويهااااااا دم ....

[لامارا]

البارت الـ 12 ..



سعيد بسرعه يركض وغلب منصور ويشل الريم
بس الريم كان كله ويهااااااا دم ....
يشل سعيد ويهه الريم من الأرض ويرفع راسها الريم مغمضه عيونها ويصب دم من يبهتها انفلعت البنت ويمسك سفرته ويمش الدم من ويها وتفج الريم عيونها وتشوف سعيد جدامها بس من شافت ويهه سعيد غمضت عيونها كانت مدوخه لأنها طاحت على الحصى اللي تحت العرقوب وايي منصور ويوقف بعيد يطالع لأن مايريد يقفط سعيد وتنزل فطوم وميروه ويزوي ودوم يسيرن صوب الريم ..
فطوم : الرررررررررررريم حبيبتي
سعيد : شليها وياي بنوديها البيت
فطوم : منصووووور تعاااال
ايي منصور ويمسك الريم ..
منصور : الريم تسمعيني
الريم تفج عيونها وتسكرهن
ميروه : كله مني انا .. انا اللي دزيتها
فطوم : لا تلومين عمرج ماحصل إلا الخير
يزوي : ودوم قومي وياي نيب ماي انرش عليها
ودوم : يلا بسرعه انسير
يخلي منصور الريم على ريوله ..
سعيد : انا بسير اييب لزقه حق الجرح
منصور : بسرعه
سعيد : اوكيه
كانت كندورة سعيد كله دم لن مسك اريم يوم رفعها من الارض

تيلس ميروه ويا الريم ..
منصور : الريم شي يعورج
تفج الريم عيونها : لا
منصور : قومي بوديج المستشفى
الريم : لا مافيه داعي إلا يرح
ميروه : حشاااا هب يرح خلص دمج

الريم : ههههه عندي وايد دم
اتي يزوي ودوم ..
منصور : عطيني انا بغسل ويها
ويغسل منصور ويه الريم
منصور : ها شو تحسين الحين
الريم : الحمدلله احسن
فطوم : وينه هذا سعيد حشااا هب لزقه راح اييب
ميروه : هكوه الحين ياه
يلف منصور يطالع سعيد يشوف مبارك يطالعهم من بعيد
منصور : خيبه بروك محد وياه
فطوم : انا بسير اطالع شكله زايغ الريال

تسير فطوم عند مبارك ....
فطوم : السلام عليكم
مبارك : وعليكم السلام
فطوم : اشحالك مبارك
مبارك : تمام اشحالج انت
فطوم : تمام
مبارك : ها بشري شي ياها الريم
فطوم : لا ماشي إلا يرح في ببهتها
مبارك : الحمد لله يوم ماياها شي
فطوم : الحمد لله
مبارك : الريم اخت منصور صح
فطوم : هيه
مبارك : عيل ليييييييييش سعيد مشطط
فطوم : هههههههههههههه
مبارك : ليش اضحكين شو السالفه
فطوم : يا طويل العمر سعيد يحب الريم
مبارك : واشوفه الريال اعتفس يوم شافها طاحت
فطوم : حليله والله شكله طاااايح طيحه
مبارك : هيه تحبه
فطوم : تبى الصدق
مبارك : ماتحبه صح
فطوم : لااااااا تحبه بس سعيد مايدري
مبارك : حراااااااااام عليكم
فطوم : ايه مبارك اوعدني انك ماتخبره
مبارك : وعد لا تحاتين
فطوم اطالع مبارك وتقول في خاطرهاااا واااايد كشخه ،،،،،
مبارك مطول شعره شوي وهو وااايد أبيض ومايل للحمره شوووووي وعيونه وساع ولحيته مخففنها على الأخر يعني ريال ماعليه كلام ....
مبارك : انزين هيه الريم مب ناويه تخبره
فطوم : ................
مبارك : حوووووووو
فطوم : شوووووووووووو
مبارك : وين وصلتي
فطوم : وياك بس افكر
مبارك : بمنووووو
فطوم : ههههههه بالريم وسعيد
مبارك : تحريت بعد
فطوم : شووووو قصدك
مبارك : لا ماقصدي شي بس اقولج الريم مابتقول حق سعيد
فطوم : ماادري والله بس اخرتها لازم بيعرف
مبارك : انزين انسير عندهم انطالعهم شوو صار
فطوم : يلا

تسير فطوم ومبارك عندهم وفطوم وهيه نازله من العرقوب اللي كان يالس عليه مبارك كانت بتتخرطف إلا مبارك مسكها من ايدها .. تنزل فطوم ويا مبارك من العرقوب بس مبارك مابطل ايدها تم ماسكنها اللين ماوصلوا عند موقع الحدث (( عند قوم منصور ))
منصور يطالع فطوم ومبارك يوم هم يايين ومبارك ماسكنها من ايدها خلاااااااص اعتفس ويهه منصور شوي وبقوم يصفع مبارك فطوم من شافت منصور يطالها تمط ايدها اونها بتعدل شيلتها ..
مبارك : السلام عليكم
سعيد : هلا مبارك
مبارك : هاااااا الريم سلامات ماتشوفين شر
الريم : الله يسلمك
مبارك يطالع سعيد : يعله في سعيد ولافيج
سعيد : انشالله عااد كله ولا الريم
مبارك : شووو الريم ماتعرفين تركبين العرقوب
الريم : أسأل اختك ميروه هيه اللي دزتني
ميروه : والله محد قالج تمسكين فيني
سعيد : ليش انت كنتن تربعن
ودوم : كنا نسوي سباق
منصور : ههههههههه والله انكن سوالف
يزوي : شووو انسوي انغير جووو طفرنا
مبارك وهو يرمس الريم : المره الثانية لاتسوين سباق وياهم
سعيد : بعد يبالها كلاااام تحرم تسوي وياهن سباق
الريم : انشالله من عيوني

مبارك : اقووووول انسير العزبة عندهم
ميروه : يلا صدق قوموا
منصور : الريم ترومين تقومين ولا اشلج
الريم : ههههههه لا اروم اقوم
يسيرون كلهم العزبة

سار سعيد يغير ملابسه والريم وفطوم سارن داخل والباجين تموا برع البيت يعابلون في الغدا ويا الحريم ..
ودوم : ميرووووووه تعالي قطعي وياي السلطة
ميروه : مايخصني يالسه اشوي البطاطا
ودوم : ويا ويهج يزوي تعالي ساعديني
يزوي : اوكييييييه
أم منصور : ايه قطعنها زين السلطة لاتفضحنا جدام العرب
ودوم : انشالله


في البيت ....
الريم : والله مفتشله
فطوم : لييييييييش
الريم : من سعيد يوم شل ويهي من الأرض من فجيت عيوني وشفته جدامي طاح قلبي
فطوم : حليله والله كان زااايغ عليج
الريم : فديته يا ربي
فطوم : شفتي مبارك اشحلاته
الريم : طالع على شويخ حليو
فطوم : وين من زمان ماشفتها شويخ
الريم : شو تسوي بعيد في دبي
فطوم : انزين قومي انسير انطالعهم اذا يريدون مساعده برع
الريم : لا مافيني مدوخه من الطيحه اريد ارتاح
فطوم : خلاص انا بطلع بخليج تريحيين شوي
الريم : اوكيه برايج الغاليه
فطوم : الريم بقول لج شي
الريم : شووووووو
فطوم : انا وايد ارتاااااحلج
الريم : تصدقين حتى انا محد يعرف اسراري غيرج
فطوم : فديتج ياربي شوووو كثر احبج
تقوم الريم وتحب فطوم على خدها
الريم : يلا عاد عيوني خليني اريد اريح شوي
فطوم : برايج

تسير فطوم اتساعدهم في الغدا ...
الساعه 1.30
الكل يالس يتغدى ..
الريم : ايه وين الروب
ميروه : عند الرياييل سير هاتيه
الريم : اوهوووووو مافيني
ميروه : كيفج محد يريد روب غيرج
الريم : امري لله بسير اييبه
سارت الريم تيب الروب من عند الرياييل بس شافت سعيد مايالس يتغدا وياهم جافته يالس بعيد عنهم يرمس تلفون وشكله معصب ويزاعج وهو يرمس ..
الريم : خيبه اشفيه سعيد معصب اسير ارمسه ولا لا .. اوهوووو لا مافيني اخاف يعصب علي ... احسن برمسه بعدين عشان أعرف شو فيه ...

ردت الريم عند البنات ..
فطوم : وين الروب عيل
الريم : خلاص ما اريد
ودوم : اكييييييييد ماشافت اللي تباه
فطوم تريد تغير السالفه ..
فطوم : اقوووول شو رايكم نلعب كروك بعد الغدا
يزوي : والله فكره من زمان مالعبت كروك
ميروه : شوو تقولين عني انا عيل من أيام الإعدادية مالعبت

فطوم : خلاص بعد الغدا بنلعب
سلامه : عادي نحن نلعب وياكم
الريم : هيه عاادي عشان نستوي وايد بنات


بعد الغدا سارن البنات يلعبن كروك ...
ايون الأولاد بدرجاتهم ( سعيد ومبارك وعبدالله وسيف و راشد وحمدان وسالم ومحمد )
وبدرجاتهم ورا البنات .. والبنات يربعن واللي اطيح واللي ازاعج عشان محد يدعمها واللي اطير شيلتها بس الكل كان مرتبش ..
الريم : ايه حرااااااام تعبت
يلحقها سعيد بدراجته : الريييييييم بدعمج
الريم : لا دخيلك
سعيد : يوقف عدالها ..
سعيد : الريييييييييم احبج
الريم : ............
يسير سعيد عنها صوب البنات الثانيات ...
ايي منصور بالكروزل ..
منصور : ويه البنات هنيه بسرعه يلا ركبن ورا
ويركبن البنات في الكروزل يحاول حمدان يركب بس منصور ماطاع حد يركب وياهم
يحمل منصور البنات في الكروزل ( الريم وفطوم وودوم وميروه ويزوي وسلامه وهنود ورويض وشموه )
يطلع منصور برع العزبة والبنات في السيارة ورا ويلحقه سعيد ومبارك بالدراجات بس منصور كان مطيربها السيارة وكل ماتريد وحده من البنات توقف تمسكها الثانية ..
الريم : منصور دخيييييلك شوي شوي
منصور : بس ولا وحده منكن ترمس
وكل مازاعجن سرعبهن زيادة .. وكل وحده زايغه ماسكه بالثانية ..
سعيد ومبارك ورى السيارة ..
سعيد : الريم تمسكي لااطيحين
الريم : سعييييييد دخيلك قوله يوقف
سعيد : ماطاع بس انت اتمسكي لا طيحين
مبارك : فطووووووووم يلسي لا توقفين
فطوم : دخييييييلكم وقفوه
يدق مبارك حق منصور تلفون بس منصور مايرد عليه ..
يسير مبارك بدراجته عدال منصور ..
مبارك : منصور وقف البنات تلعوزن
منصور يغايظ ويلف الصوب الثاني .. واتي سيارة شباب ..
الشباب : اهووووووووووو .... ويلحقون البنات
مبارك وسعيد معصبين على الأخر
مبارك : خييييييييير شو تبون
الشباب قافطين منهم ...
ويسيرون الشباب عنهم بس سعيد ومبارك قافطين من الشباب اللي يوا ...
اما البنات كانن متغشيات بشيلهن بس شو يتغشن مايقدرن اللي اطير شيلتها واللي قابظه بالثانية بس شووووووو كان موقف رهيب والله ..
كانت فطوم تريد توقف بس منصور ما لاحظها إنها وافقه ويلف بالسيارة وتظرب خاصرت فطوم بحديده السيارة
فطوم : آآآآآآآآآآآآآآآآآآآآآآآآآ آآآآخ
الريم : فطوم شوووو ياج
فطوم : خاصرتيه بمووووووووت
ميروه : منصور وقف فطوم تعورت
منصور مطنش يتحسبهن يمثلن
يزوي اتصييييييييح : منصور دخييييييلك وقف خلاص
مبارك : فطووووووم اشفيها
الريم : ضربتها الحديده بخاصرتها
فطوم : بموووووووووت أبااااااا اماااايه
مبارك : فطوووووووم لاتصارخين
يسير مبارك عدال منصور : منصور وقف فطوم تعورت
منصور : سير يقصن عليك
مبارك : والله صدق فطوم اتصيح

يسير منصور العزبة ويلحقه سعيد ومبارك بدرجاتهم ..

يوقف منصور في العزبة ويركض يطالع فطوم شو بلاها
منصور : فطووووم تعورتي
فطوم اتصيح من خاصرتها ..
مبارك : انت ماتسمع انقول لك وقف الحين البنت تعورت
منصور : والله مب قصدي
فطوم : آآآآآآآآآآآآآخ
مبارك : سلامتج الغاليه ماتشوفين شر
منصور وهو معصب من مبارك : يالسه تمثل مافيها شي
مبارك عصب من منصور ويوقف يريد يصفع منصور
يمسك مبارك منصور من ركبته ..
تسير وفطوم تمط مبارك من منصور عشان مايتصافعون وشلته الجهة الثانية ترمسه ....

[لامارا]

البارت الـ 13 ..




تسير وفطوم تمط مبارك من منصور عشان مايتصافعون وشلته الجهة الثانية ترمسه ....



في جهة فطوم ومبارك ...
فطوم : مبارك شووووو فيك تعرف إن منصور مب قصده
مبارك : ادري بس الصراحه عصبت منه ليييييش جيه حركاته
تسكت فطوم لحظه ... شووووو اقول لك يا مبارك لو تدري اللي بيني وبين منصور جان تحسفت علينا ..
فطوم : مبارك دخيلك لاتسويلي مشاكل مع منصور
مبارك يطالعها ويتأمل عيونها ويقول في خاطره في هالعيون لمحه حزن بس ياليت اعرفها ..
مبارك : خلاص وعد الحين بسير ارمسه واتأسف منه بعد شي في خاطرج
فطوم : تسلم ماتقصر يا ولد الخاله


اما من الجهة الثانية كان منصور صدق صدق معصب على الأخير... وقف منصور يريد يسير عنهم
الريم : منصووور وين تبا
منصور : بسير ارتاح
يسير منصور وتلحقه ودوم ..

تسير فطوم ومبارك الجهة الثانية
فطوم : وين منصور
الريم : سار وعنده ودوم
مبارك : خلاص يلا قوموا نسير عند اهلنا بتلقونهم محتشرين علينا الحين


الساعة 6.12
يسيرون كلهم ايلسون ويا أهلهم
بو منصور : ها مبارك متى ناوي تعرس
مبارك : انشالله جريب
بو منصور : انت سعيد
سعيد يطالع الريم : انشالله جريب
الريم قفط ويها وتنزل راسها ..
ام سعيد : انا محطيه عيني على بنت حلال حق سعيد ..
بو منصور : منوووووو هاي بنت الحلال
ام سعيد : حق غير الريم شيخة الحريم
سعيد يطالع الريم ويضحك ...
ام منصور : هاي الساعة المباركة
الريم استحت منهم وسارت عنهم
مبارك : زين جيه خليتوا البنت تستحي
فطوم : انا بسير ارمسها

تلحق فطوم الريم البيت .. ادش فطوم الصالة وتلقا منصور يالس ويا ودوم ..
منصور : من شاف فطوم خلا عمره يضحك بس عشان يغايظها .. بس فطوم خلت عمرها عادي ماتحس ولاتغار
فطوم : وووووين الريم
منصور : سارت داخل
فطوم : اوكييييه مابخرب عليكم
منصور من سمع هالرمسه عصب صدق على فطوم بس مسك عمره لا يقوم يرتكب جريمه في ودوم ..

تسير فطوم عند الريم ..
فطوم : هااااااا العرووووس اشفيج
الريم : ويا ويهج فضحتوني
فطوم : من قدج
الريم : ايه مااريد اعرس خلاص
فطوم : لييييش والله
الريم : اريد ادش الجامعة واكمل دراستيه
فطوم : عادي مب لازم ادرسين
الريم : لا والله انت بتكملن دراستكن وانا تبوني اجابل سعيد
فطوم : مب هذا اللي تبينه يا ريموه
الريم : انا ماقلت مااريد سعيد
فطوم : عيل شووو غناتي قلتي
الريم : ماادري بس اخاف سعيد مايخليني اكمل دراستي
فطوم : شووو لج بالدراسه وعوار الراس جابلي سعيد ابرك لج
الريم : لاااااااااا حراااااااااام خسارة دراستيه وتعبيه
فطوم : ههههههههههه لا ماضني سعيد بخليج اتكملين دراستج
الريم : حلفي
فطوم : اكيييييييد لأن سعيد واحد عاقل ودارس في فرنسا اكيييييد مابخرب عليج مستقبلج
الريم : بشرتيني
فطوم : والله ياحظه سعيد يوم بياخذ وحده شراتج
الريم : هههههههههههه اصلا انا يابختني فيه
فطوم : ايه عااد عن الغرور
الريم : خليني اشوف نفسي شوي
فطوم : كييييييييفج

وسارت الريم تسحي شعرها وفطوم انسدحت على الشبريه تفكر ..
الريم حست ان فطوم شي بلاهاااا
الريم : فطوم اشفيج
فطوم : ماشي
الريم : فطوم مب علي اعرفج زيييييين يوم تكونين مضايجه
فطوم : والله اني تعبت من كثر ماافكر بمنصور وهو ابد واااااايد متجاهلني
الريم : حرام عليج انت اللي مااادزيله ويهه
فطوم : شوووو اسوي غصبا عني
الريم : فطوم رمسيه وقولي كل اللي في خاطرج
فطوم : ماأقدر والله ما أقدر اجرح ودوم
الريم : انزين اللين متى
فطوم : ماادري بس خلاص غيري السالفه خلينا نطلع
الريم : لاااا والله مااطلع انا مستحيه وقافطه منهم
فطوم : اوهووووووو نسينا
الريم : انت تريدين اطلعين برايج طلعي
فطوم : لا خلاص مابطلع
الريم : ليش غيرتي رايج
فطوم : مااريد اشوف ودوم ويا منصور في الصاله
الريم : احسن يلسي وياي

إلا شوي حد يدق الباب
الريم : منووووو
أنا ودوم فجن الباب
فطوم : دشي الباب مفتوح
تدخل ودوم وتيلس وياهن
ودوم : اشفيكن
فطوم : اوهوووووو ماتدرين
ودوم : شووووو
فطوم : الريم خطبوها حق سعيد
ودوم : حلفي في ذمتج
فطوم : هيه
ودوم : ايه حرمه اخويه صدق
الريم : ويا شكلج لازم تفتخرين
ودوم : احم احم ضحكتيني
الريم : ههههههه سيري لااااا

فطوم تريد تطلع تستغل الفرصة عشان ترمس منصور لأنه أكييييييد قاعد في الصاله بروحه
فطوم : سمحولي بسير اطالع ميروه ويزوي
الريم : برايج ودوم بتيلس وياي

تطلع فطوم وتسير صوب الصالة بس مالقت غير حمدان وسيف وعبدالله وراشد ومحمد يلعبون ورقة ..
فطوم : شوو تسون
راشد : نلعب ورقة
فطوم : من متى انتوا هنيه
راشد : من قبل شوي
فطوم : برايكم

تطلع فطوم وتسير برع البيت يمكن تلقى منصور .. بس مالقت حد برع غير سعيد ومبارك يلعبون دراجات ..
تسير تيلس على الكرسي ..
يشوفها مبارك منزلها راسها وتفكر ..
يسير صوبها مبارك ..
مبارك : احم احم
ترفع فطوم ويها بس كانن دموع في عيونها
مبارك : فطوووم بلاج
فطوم : ماشي
مبارك ايلس عدالها : وهذي الدموع شو تفسيرهن
فطوم تمش عيونها وتحاول انها تبتسم : لا هذيل مش دموع .. بس غبار دخل في عيوني
مبارك يدري انها تقص عليه : متأكدة
توقف فطوم : هيه متأكدة
مبارك : انزين ليش وقفتي وين بتروحين
فطوم : بسير ازكر يزوي وميروه من عند قوم أمايه
مبارك : برايج ..

من جهة منصور كان يالس بعيد شوي عن العزبة وهو يفكر .. الحين مبارك يحب فطوم ولا .. لا مااضني فطوم تحبني انا .. لا شو تحبني انا هيه قالت انها تعتبرني مثل اخوها يعني مستحيل تحبني .. انزين بس اشوف مبارك وايد وياها شو سالفته لا يكون ...... يلس يفكر اللين تعب من التفكير

منصور : اووووووف الله ياخذك يا بليس بسير اصلي ابرك لي من التفكير اللي ماله فايده وانا حارق نفسي عشانها والله انها ماتستاهل كل هذا ..


في جهة البيت كانت الريم يالسه في المطبخ تسوي عصير حقها . يدخل سعيد ..
سعيد : احم احم ..
بس الريم مخليه عمرها ماتسمعه
يسير سعيد ويشل كوب العصير من ايدها ويشربه ويرجعه حقها تسلمين يا زوجتي بس الريم مارمست لفت خلت الكوب على الطاولة تريد تطلع
يمسكها سعيد من ايدها
سعيد : الريم
الريم : نعم
سعيد : شوووو فيج
الريم : ماشي
سعيد : لا يكون زعلانه
الريم : لا مب زعلانه
سعيد : عيل عشان سالفة العرس
الريم : ............
سعيد : الريم انت ماتبيني
الريم : ............
سعيد : الريم ردي علي دخيلج انت ماتحبيني
الريم : سعيد
سعيد : عونج
الريم : اذا خذتك بتخليني اكمل دراستيه
سعيد : اكيييييييييد لاااا
الريم : لا حرام اكرهك
سعيد : شووووووو كل ها بس عشان الدراسه
الريم : هيه عيل شوووو
سعيد : لا امزح وياج اكيييد بخليج تكملين الدراسه
الريم : احلف
سعيد : والله بس بشرط
الريم : شووووووو
سعيد : عدلي كلمتج
الريم : أي كلمة
سعيد : اكرهك اللي قلتيها قبل شووووي
الريم : خلاااص مااكرهك
سعيد : حلفي بس انتي
الريم : والله
سعيد : وياويهج تحسبتج بتقولين احبك
الريم : صح ذكرتني
سعيد : شوووووو
الريم : منو كنت ترمس على الغدا
سعيد يلس على الكرسي : هذا وااحد حمار
الريم : ههههههههه
سعيد : صدق والله هذا هزاع ربيعي
الريم : ليش كنت معصب
سعيد : سافر يسوي عمليه ولا قالي
الريم : لييييش شو فيه مريض
سعيد : عنده كيس دهني في عيونه
الريم : والله حليله ما يستاهل
سعيد : برايج بسير ارمسه اكيد طلعو من غرفة العمليات
الريم : برايك الله يحفظك
يطلع سعيد ويتصل بهزاع .. بس لقى تلفونه مغلق
سعيد : اوهووووو اكيد بعده تعبان خلاص برد بعدين اتصل فيه ...

الساعة 7.30
الكل قاعد برع العزبة ..
مبارك وسعيد يالسين يشوون حق العشا وشلة سيف يلعبون كيرم .. والبنات الصغار داخل يطالعن التلفزيون والباقين كلهم متولفين يسولفون ..
أم منصور : شوو سويتوا بسالفة اللي خطب فطوم
ام سيف : والله ماادري انشغلنا ولاردينالهم خبر
منصور يطالع فطوم .. وفطوم منزلة راسها مستحية
بو سيف : هاااااا فطوم انتي تبينه ولا لا
فطوم : والله الشور شورك يا بويه اللي تشوفه
منصور من سمع كلام فطوم قام وسار عنهم داخل ..
ومنصور وهو قايم يطالع فطوم .. وفطوم حست انه معصب منها ..

بو سيف : والله انا يافطوم مااريدج تاخذينه تعرفي بعد هو في بوظبي ونحن في العين وهذا حياته كها سفر بسفر يعني مابنجوفج وهو وايد اكبر منج
ام سيف : حتى قلت جذيه
فطوم : اللي تشوفنه انا مااريد ابتعد عنكم

فطوم اطالع الريم بعين وتغمزلها عشان منصور ..
الريم سوت حركه بفطوم على أساس انها تقوم تلحق منصور وترمسه ..
الريم : فطوم تعالي اباج بسالفه
تقوم فطوم والريم وسارن البيت وتلقى منصور منسدح على الكرسي .. تطلع الريم وتخلي فطوم مع منصور ..............

قبل ماتطلع الريم .. تزقرها فطوم .. تسير الريم صوب فطوم ..
تقرص الريم فطوم وتغمز لها فطوم فهمتها يعني تبا تغايظه شوي
الريم : منصور نحن يايين نتخبرك عن المعرس .. يعني اوصفه حق فطوم تدري انها ماشافته
منصور يحر فطوم بعين ويقول : لاه وإلا تبيني اوصفه
الريم : هيه عيل شو خااااانتك اخويه ابلاش
منصور : وكيف تبيني اوصف هاااااااه
الريم : يعني قولنا عنه وعن اخلاقه اخااااف بعين تبتلش فيه فطوم ..
منصور يخز فطوم بعين ويقول : فطووووم انتي تبين تعرسين يعني عااااادي عندج تروحين بوظبي وتنزل فطوم راسها مستحيه منه أو بالأحرى ماتعرف شووووو تقول قالها منصور : جااااااااااااااااااااوبي
فطوم : اذا كان زين ليش لاااااا
منصور خلاص بينفجر والشرااااار يطلع من عيونه يقول في خاطره اجتله هااااي شوووو اسويبها ليس تغايظني ........

الريم من شاااافت الوضع متكهرب فحبت تنسحب بهدووووووء عشان يرمسون على راحتهم ...


تسير فطوم تريد تيلس عدال منصور بس منصور وقف يريد يسير ..
فطوم : منصور
منصور لاف ويهه الصوب الثاني : .............
فطوم : منصور اريد اقووووول كل اللي عندي
منصور لف صوبها : شوووو بتقولين مثلا خلاص كل شي انتها
فطوم : دخييييييلك اسمعني للمرة الأخير
منصور يلس على الكرسي وخله عينه بعين فطوم : يلا قولي كل اللي عندج
توقف فطوم وتسير صوب الدريشة : منصوووووور ... تسكت شوي وتاخذ نفس طووووووووويل ...
منصور ابويه خلاص برد الريال اللي ياي يخطبي
منصور : لا حراام ليييييش
فطوم تلف صوبه : شوووو قصدك
منصور : فطوم سمعيني انا ادري انج تحبيني واتموووووووتين فيني مثل ماانا امووووت فيج ..
فطوم تلف صوب الدريش والدموع في عيونها : ههههههههههههههههههههههههه ههه
منصور : ليييييييش اضحكين
فطوم : قلت لك اني مستحيل احبك
منصور : أللين متى بتلسين اتقصين على عمرج
فطوم : .................
منصور : فطوم يا اليوم واللي لازم تعرفين فيه ان ...
فطوم : ان شوووووو
يلف منصور الجهة الثانية ..
منصور : ان ......... ،،،، يصيح تلفونه في نفس الوقت ..
منصور : هلا والله ،،
؟؟؟؟؟؟؟؟؟؟؟؟؟؟
بخير وسهاله ،،
؟؟؟؟؟؟؟؟؟؟؟؟؟؟؟
عااااش من سمع هالصوت ..
؟؟؟؟؟؟؟؟؟؟
اقول لحظه شوووووي

منصور : فطوم سمحيلي بطلع عندي مكالمة ضرورية
فطوم : خلاص برايك .
يطلع منصور برع وتيلس فطوم تفكر بكلام منصور ..
فطوم : ياربي شووو كان بقووول ،، ليش جيه انا نحسه اووووووف تعبت
تدخل ميروه والريم : حووووووووووو
فطوم منسدحه على الكرسي : .............
الريم : فطوووووووم
فطوم : شووووو خيييييييير
الريم : اشفيج معصبة
فطوم : اخوووووووج حد غيره
ميروه : شوووو السالفه
الريم : لا ماشي
ميروه : يلا عاد فطوم حبيبتي قولي لي شو السالفه
فطوم : ماشي خلي الريم تخبرج انا بسير ارقد
الريم : ماتبين عشا
فطوم : لا
الريم : ومنصور
فطوم : سلمي عليه برايكم تصبحون على خير
وسارت فطوم ترقد ..
ميروه : الريم شو السالفه
الريم : السالفه هيه يا طويلة العمر .................................................. .................................................. .................الخ
ميروه : حلفي بذمتج
الريم : هيه
ميروه : انزين ودوم تدري ان فطوم تحبه ولا
الريم : لاااااا
ميروه تربع عند الباب : انا برمسها
الريم تربع عندها : ايه انت خبله لاتخبرينها
ميروه : لا لازم تدري
الريم : دخيلج لاتقولين حق ودوم مافينا على المشاكل
ميروه تسير تيلس على الكرسي وتعق شيلتها : كيفكم بس السالفه ماينسكت عنها
الريم : بشوووف فطوم شو قالت لمنصور

اتي شمه : ايه عشااا بسرعه
الريم : يلا ميروه انسير
ميره : يلا قومي
يصيح تلفون الريم ..
ميروه : منو متصل
الريم : ربيعتيه
ميروه : ليش اتصيح صيحه وتسكر
الريم : لا اكيد عندها شي خلاص بشل وياي التلفون يمكن ادق

عند العشا تسير الريم تخلي اللحم اللي شاوينه مبارك وسعيد في الصحن عشان يتعشن وخلت تلفونها على الطاولة وسارت صوب البنات ..


ام سيف : الريم وينها فطوم ماتريد عشااااا
الريم وهيه ازاعج من بعيد : لا سارت ترقد
ام سيف : ليش شي يعورها
الريم : لا

في نفس الوقت يسير سعيد صوب الشوي ويحصل تلفون الريم ويسير يصيح تلفونه عشان يطلع الرقم ،، يوم كان برجع التلفون مكانه وصل مسج للريم ويفجة ويقرأ شوو مطرشين حصل ربيعتها مطرشه (( ريموه الدبه وينج حرقت تلفونج ردي علي اترياج )
يرد التلفون مكانه وسار صوب الرياييل

الساعة 10.30
ام منصور : يلا قوموا رقدوا باجر بنرد بيوتنا
ابو سيف : هيه والله عندي زام في بوظبي اسبوعين
الريم : يلا بنات قومن نرقد
حمده : ميروه فديتج شلي علاوي رقد
ام سيف : الريم طالعي منصور اذا وعا ولا لا
الريم : انشالله
وسارن يرقدن
الريم توها مخليه راسها على المخده .. يوصلها مسج ..( تصبحين على خير يا الغالية )
الريم : منوووو مطرش الرقم غريب ،، اوهووووو شو لي بعوار الراس اغلق تلفوني احسن ..
غلقت الريم تلفونها وخلت راسها على المخده ورقدت ..

اما من جهة سعيد احليله الريال يالس يطرش مسجات .. ايي منصور
منصور : ايه سعوووووووووود
سعيد وهو يعابل بتلفونه : ازقر الرياييل بأساميهم
منصور : سير فايج انت اقول صدق هزاع سوا عميله
سعيد وهو بعده يعابل بالتلفون : هيه وطلع ورمسته
منصور : والله واشحاله الحين :
سعيد : الحمدلله اشوى من قبل
منصور : ايه شووو تعابل انت
سعيد : ماشي اطرش مسجات
منصور : انت متى بتيوز
سعيد : شوووو
منصور : بس من المغازل
سعيد يودر تلفونه ويطالع منصور : ايه انا ودرت المغازل انزين
منصور : اوهووووووو من متى
سعيد : من يوم ماشفتها
منصور : احلف انت بس يعني ودرتهن كلهن
سعيد : هيه عيل شووووووو خلاص استويت معرس
منصور : والله من متى منو هاي اللي بتاخذك
سعيد : ليييييش ماتدري
منصور : لااااا بشوووو
سعيد : خطبولي اختك الريم
منصور : احلف منو خطبها لك
سعيد : امايه فديتها يعني مااخلا منها
منصور : لا حبيبي منو قال اني بيوزك اختيه
سعيد : لييييش مب تارس عينك
منصور : اختيه ماتريد واحد مغازلجي عشان يلعوزها
سعيد : والله يا منصور اني ودرت هاي الخرابيط من يوم ماشفت الريم
منصور : والله
سعيد : ايه والله حراااام عليك لاتشوه سمعتيه عندها
منصور : خلاص يصير خير ،، بسير ارقد انا
سعيد : تصبح على خير
منصور : وانت من اهله ،،، وانت ماتريد ترقد
سعيد : لا بيلس شوي افكر
منصور : يلس يلس احرسنا زين فهمت
سعيد يفره بدبة الماي : سير ارقد فكني خلني بروحي
منصور : برايك بسير اريح ...

يسير منصور الحجرة .. وينسدح على الشبرية ويطلع تلفونه ويدق حق فطوم ..............بس التلفون مغلق ..
منصور : اوووووف بسير ارقد عيل باجر برمسها


من باجر الصبح الساعه 7.30

كلهم يالسين يتريقون ..
ايي منصور : السلام عليكم
الكل : وعليكم السلام
منصور يطالع فطوم : فطوم صبيلي جاي
فطوم اطالعه وهيه تبتسم : اوكيه
بو سيف : يلا هبابنا حموا كشاركم
منصور : وين تبون
بو سيف : بنرد خلاص ورانا اشغال
منصور : لا حرام ماتهنينا
بو سيف : إلا يومين نحن يايين هنيه
ام منصور : هيه والله وايد حر
مبارك : صدق انه مخبل حد ايي العزبة ويبات فهلحر ..
حمده : صدق والله
منصور : انا قرررت انا نسير صلاله شو رايكم
الريم : هيه والله صدق
منصور : هاي مفاجئتيه للريم وفطوم يوم نجاحهن وانا واعدنهن
فطوم اطالع منصور وتضحك له ..
بو سيف : لا انا ورايه زام اسبوعين
منصور : عادي نحن بنسير وانت يوم تخلص زامك تلحقنا
ام سيف : صدق انا عن نفسي اريد اسير اتفري شوي
بو منصور : خلاص اللي تشوفونه
يسيرن البنات يتمشن قبل لايسيرون من العزبة
ودوم : والله خياااانه
يزوي : لييييييش
ودوم : طالعي الريم وفطوم لابسات نفس الشي
الريم تسير تمسك ايد فطوم : كييييييفنا
يزوي : مالت حد يلبس تنورة وقميص في العزبة
فطوم : هيه عااااااادي نحن مطورات هههههههههه
يزوي : ههههههههه مشكله الغجر
ودوم : يزوي انسير انسير عنهم
الريم : مالت
فطوم : الريم بسرعه انسير نحيز الدراجات
تربع الريم وفطوم وراها يزوي وودوم يتسابقن على الدراجات
تحيز الريم وفطوم الدراجات
الريم : ودوم سيري ركبي هذيج الصغيره
فطوم : ههههههههههههههه

يزوي : ودوم انسير انطالعهم كلهم راكبين الخيول
ودوم : حلفي منو ياب الخيول
يزوي : مبارك وربيعه عبد العزيز
ودوم : ربيعه وينه
يزوي : سار عزبتهم
فطوم : سيرن طالعن بس مابخلونكن تركبن
ودوم : بقول حق اخويه يركبني
يزوي : حتى انا
الريم : بقول حق ريلي مايركبج
ودوم : انت مرة مستعيله على العرس
تشغل فطوم دراجتها وتنطلق وتلحقها الريم
ايون الاولا بدراجاته
ودوم : راشد عطونا هذيل الدراجات
عبدالله : اصلا نحن امبونا بننزل بنسير نركب الخيول
يزوي : متى بنرد البيت
حمدان : بعد الغدا
ودوم : حلف
حمدان : والله
يزوي : يلا ركبي نسير انغايظهن شوي
فطوم : ايه تعالن
يزوي : شووووووو
فطوم : بنسوي سباق واللي تفوز تطلب اللي تباه
ودوم : اوكيه موافقه بغسلكن غسان
فطوم : سيري نقعي ترومين على بنت خلفان
يزوي : ههههههه بنشوف
الريم : يلا بسرعه
يبدأ السباق

تنطلق الريم في البدايه وتلحقها ودوم وبعدين يزوي فطوم كانت في الأخير اطالع منصور بروحه يالس على العرقوب وتريد تسير ترمسة

تغلب ودوم وبعدين الريم وبعدين يزوي وبعدين فطوم
ودوم : اوهوووو بنت خلفان في النهاية
فطوم : عااااادي اصلا انا تنازلت
يزوي : هههههههههه مشكله اللي واثقين من اعمارهم
فطوم : مب فايجتلكن انا الحين بسير عندي شغله لازم اخلصها
الريم : برياج سيري نحن بنسير انطالعهم ويا خيولهم كلهم متولفين هناك
ودوم : يلا بسرعه قبل لايردون الخيول
يسيرن الريم وودوم ويزوي عندهم ..
اما فطوم تسير صوب منصور اللي يالس على العرقوب
فطوم تتقرب من منصور : السلام عليكم
يوقف منصو : وعليكم السلام
فطوم : ممكن ايلس وياك
منصور : يتي والله يباج
فطوم : ليش
منصور : اريدج بسالفه امس ....................

[لامارا]

البارت الـ 14 ..



اما فطوم تسير صوب منصور اللي يالس على العرقوب
فطوم تتقرب من منصور : السلام عليكم
يوقف منصور : وعليكم السلام
فطوم : ممكن ايلس وياك
منصور : يتي والله يباج
فطوم : ليش
منصور : اريدج بسالفه امس ....................
فطوم : خيييييير انشالله
منصور : فطوم انا الصراحه وبدون لف ودوران نحن من كنا صغار وقبل ماننتقل بوظبي كنت اعزج وأقدرج لأنج بنت عمته وأكثر يمكن تقولين اني حبيتج بس لاتخلين في بالج هذا لتسليه لا والله قبل كل شي انت بنت عمته يعني اللي ماارضاه لج اكيييييد ماارضاه لي . بس انت جرحتيني بكلامج والله ماتخيلين شو كثر تلومت بذاج اليوم اني قلت لج اني احبج وانج مابتكونين لغيري بس ماادري كنت اتحسبج تحبيني وتقدريني . بس عصبت من الخاطر يوم قلتي انج تعتبريني مثل اخوج انا مااعترض على هاي نحن اخوان قبل لانكون شي ثاني حتى انا اعتبرج مثل اختي واكثر بس من سمعتها على لسانج الكلام طلع لا إرادي بس سمحيلي بذاج اليوم ضايقتج أو قلت كلام جرحج بس ماادري انا ليييييييييش اعتقد انج تحبيني مثل ماانا احبج .
فطوم تلف ويها وتريد تسير ....
منصور : فطووووووووووووووووم
فطوم وهيه لافه ويها عنه ..: لاااااااااااااااااااااااا اااااااااااااا مااحبك
منصور ينزل راسه : فطووووووم حلفي
فطوم : احبك بس مثل اخويه لاشي ثاني
منصور : لااااااااااا مستحيييييييييييييييل قلبي يقووووووووووووووووووووول ..( تقاطعه فطوم ) ....
فطوم : لاااااااا لاتكمل لأنك غلطاااااااااااااااااااااا اااااااااااااان وعايش بأوهااااااام
منصور : ليييييييييييييييش تنكرين هذا الشي
فطوم تلف صوبه وعيونها كلها دمووووووع : هذا الواقع وانت ماتريد اتصدق
منصور : حراااااااااااااااااااااام عليج لين متى بتمين جذيه
فطوم : خلاااااااااااااااص انسااااااا كل شي
منصور : شوووووووو انسااااااا
فطوم : تعرف ان ودوم تحبك يعني حاااااااااول انك اتحبها
منصور : لوووووووووو امووووووت والله مااخذها
فطوم : منصووووووور
منصور يسير صوبها : سمعيني انت تحبيني قوليها وفكي عمرج
فطوم : لااااااااا قلت لك لا ماتفهم
منصور عصب منها ماحس بعمره إلا طرااااااااااااااااااك على ويها
فطوم ويهاااااا استوى احمررررررررر ... كانت قويه من الخاطر الظربه
منصور يلف الصوب الثاني يريد يسير يجوف ودوم واقفه في مكانه وفاجه عيوووووووونهااااااا وتصييييييح ..
منصور : وانت من متى هنيه
ودوم واقفه اريولها مايقدرن يشلنها وتسير تربع ..
منصور يلف صوب فطوم : فطوووووم
فطوم تسير تربع وراااااا ودوم ..
منصور : شووووووو سويت انا بس والله انها تستااااااهل الطرااااك

تدخل ودوم الحجرة وتقفل على عمرها وتلحقها فطوم .
ودوم منسدحه على الشبريه اتصييييييييح
فطوم : ودوم
ودوم : طلعي برع مااريد اشوووووووفج
فطوم : سمعيني انت فاهمه غلط
ودوم : لا كنت فاهمه غلط والحين فهمت صح
فطوم : انااااااا مااحبه مااحبه ماتفهمين
ودوم : سيري قصي على غيري انت لييييييش اجذبين
فطوم تحاول تهدي فيها : ودوم نسي اللي سمعتيه انا قلت له انه مثل اخوووي يعني مستحيل اخذه في يوم من الأيام
ودوم ترفع راسها : فطوم قولي الصدق والله اني مابزعل
فطوم : هذاااا الصدق ليش ماتصدقووووون
ودوم : جذااااااااااااابه انت تحبينه وتسير اطلع دفتر الخواطر ماليل فطوم .. وهذاااااا هو الدليل
فطوم تسير تمط الدفتر : لااااااا كيف وصل عندج
ودوم : حصلته مرة وانت تكتبين فليل ورقتي وشليته وقريته
فطوم تنزل راسها : ودوم والله انا مااريد افرق بينكم
ودوم اتصيييييح بصوت عالي وتسير تلوي على فطوم : سمحييييييييلي والله اني انا مااحب منصور بس كنت اغايظج كنت اتحسبج تحبينه بس كنت اريد اجوفج تحبينه ولا لا عشان جذيه سرت اقولج اني اوني احب منصور
فطوم ترفع راسها : لااااااااا مستحيل
ودوم : هيه والله
فطوم : فقتج سباله حرقتي اعصااااابي
ودوم : الحين تسيرين تكلمين منصور
فطوم : لا مستحيل والله ماسير
ودوم : عشان خاطريه
فطوم : لا عقب الصفعه اللي حصلتها والله مااسير
ودوم : هههههههه قويه كانت ماعورتج
فطوم : شو ماعورتي طالعي ويهي علمت فقته سبال
ودوم : حليله كان واثق من عمره
فطوم : قومي قومي مااريد اذكر السالفه
ودوم : وين تبين
فطوم : بسير اغسل ويهي وخليله ثلج حشااااا احسه يتحارق مب يدين عليه
ودوم : هههههههه والله انج قويه
فطوم : ههههههه يلا يلا قومي وياي
ودوم : لحظه بغسل ويهي لايشوفني حد كنت صايحه
فطوم : اوكيه انا بسير اييب ثلج

تسير فطوم صوب المطبخ وتدخل وتفج الثلاجه تريد تشل ثلج ..
مبارك : ايه شووووو اسوين
فطوم من سمعت صوت مبارك ارتبكت وتريد تطلع وغطت ويها بشيلتها عشان مايشوف الضربه وهيه تريد تطلع
مبارك :" فطووووووووم
فطوم وهيه لافه ويها عنه : شوووووو
مبارك : شووووووو فيه ويهح
فطوم : ماشي
مبارك : اوكيه لفي
فطوم : ماشي يعني ماشي
وتسير تربع الحجرة وتقفل الباب
فطوم : اوووووووف شو هالبلشه
تسير تخلي ثلج على ويها .. حتى خف شوي ..

تطلع وتسير الصاله تيلس اتشغل التلفزيون وتخلي اف أم .. اين البنات ...
الريم : عاااااشت يالسه في البراد ونحن يالسين في الحر
فطوم : والله محد كلفج وقال لج سيري يلسي في الحر
تسير يزوي تيلس عدال فطوم وقالت لها طولي شوي ..
ايلسن كلهن يصفكن وقامت رويض وشموه يرقصن
ميروه : عااااااش عاش ورى ورى وتصفق
يزوي : فطووووم قومي رقصي
فطوم : هههههههههه سيري نقعي
يزوي : يلا فطوم
الريم : يزوي قومي انت رقصي
يزوي : في عرسج برقص
الريم : خلاص عيل مابنيب رقاصات في العرس بنخليج انت ترقصين على الكوشه
ميروه : ههههههه عشان سيده اقرب مقبره
يزوي : ههههههههههه حلووووووه
فطوم : ايه يوعاااااااانه ماكلينا شي

الريم : حتى انا ميته يووووووع
ميروه : حشااا ترين للين الغدا
فطوم : لا خاطريه من المطعم
الريم : خلاص شوو رايكم اندق حق الدريول اييب لنا سندويجات
يزوي : انا موافقه
الريم : شوو تبون بسير ادقله
فطوم : انا زنجر وكوكتيل
يزوي : حتى انا بس اريد فريش برتقال
الريم : ميروه شوو تبين
ميروه : أي شي
الريم : اوكيييييييه
تسير تشل الريم التلفون تريد ادق بس يدخلن الحريم
ام منصور : يلا قومن بنرد البيت
الريم : ليييييييييش
ام منصور : ابوج يبونه في الشغل دقوله لازم يرد ضروري
الريم : لاااااا شو هالنحاسه انزين امايه بنرد بوظبي نحن
ام منصور : ماادري
الريم : خلونا نرد عشان اريد اييب اغراضي من هناك حق صلاله
ام منصور : صح والله ذكرتيني نسيت السالفه
فطوم : يلا قومن نخلي اغراضنا
ودوم : انا جهزت اغراضي
الريم : يلا قومن
يركبن البنات كلهن مع منصور .. وأما الحريم ركبن مع مبارك وسعيد ركب الأولاد .. وأبو منصور وأبو سيف وأبو سعيد ساروا يعزون ريال يعرفونه مات ..
في سيارة منصور كانن الريم ميروه يسولفن أما فطوم قافطه من منصور ومعصبه على الأخر على الطراك اللي حصلته منه .. اصلا فطوم ماكانت بتركب وياه بس الحريم قالن البنات يركبن مع منصور فسكتت عشان مافيها على حشره الحريم .. نرجع لمنصور في السيارة يالس يعابل بالمسجل .. الريم : ايه منصور خل شي راسي عورني شوووو ادور .. منصور : اوهووو ماشي ..
يخلي منصور غنية (( كنت أظن هالدمعة اللي وسط عيني وأنت رايح جت معاي تودعك .. لين طاحت مني كانها ماتبيني .. من غلاك ودها ترحل معك .. هذا قلبي وهذي عيني وذي سنيني مايبونك ترحل وكيف أقنعك .. حتى روحي واقفه بينك وبيني لاهيه عندي ولاهيه تقدر تمنعك .. خذتني كلي أنا وش باقي فيني .. خايف أوقف وألقى ظلي يتبعك روح وسافر بس طلبتك يا ظنيني على الأقل مااشوفك أسمعك .. روح وسافر بس توعدني تجيني وانت سالم للي ينطر مرجعك .. عم عني روح ولي رب يعيني .. الله يعلم كيف حال مودعك .. كنت أحسد من كثر شوقي وحنيني .. حتى هذا الخاتم اللي في اصبعك .. كنت اظن هالدمعة اللي وسط عيني وأنت رايح جت معاي تودعك .. لين طاحت من كانها ماتبيني .. من غلاك ودها ترحل معك ......))

من سمعت فطوم الغنية عرفت انها حقها بس سوت طااااااااااااااااف .......
الريم : منصور خطفنا على المطعم
منصور : ليش شو تبين
الريم : نريد سندويجات وعصير
منصور : اوكيييييه
يغير منصور طريجه عن طريج مبارك وسعيد ..
ام سيف : وين يبا منصور
مبارك : اشدراني
ام سيف : دقله وطالعه وين ساير
يدق مبارك حق منصور
منصور : الووووووو
مبارك : هاااا وين تبا
منصور : البنات يبن من المطعم
مبارك : اوكيه باي

ام سيف : وووووين يبا
مبارك : يشتري حق البنات من المطعم
ام منصور : حشاااااا شوو بطونهن هذيل
ام سيف : اشدراني فيهن كله ياكلن عافان الله

ينزل منصور يشتري من المطعم .. تسير فطوم تغير الغنية .. وخلت غنية (( ودي أشرح لك عن اللي بي وأقول أنك أغلا من نسخ روحي علي .. وانك أغلى يا خجول ويمكن أغلا من الغلا نفسه شوي .......))

يوم ركب منصور السيارة وسمع الغنية يبند المسجل ..ويحر فطوم بعين بس فطوم نفس كل مرة أوني طااااااااااااااااف ...

الساعة 4 العصر
في البيت منصور راكب السيارة يتريا اهله عشان بسيرون بوظبي يوم وبردون عشان بسيرون صلالة ..
منصور : شووووو يسون هالكثر حشاااااا لو بروحن عرس ماادري شو بسون
يسير يدق منصور على تلفون امه بس محد يرد ويدق على تلفون الريم بس مغلق التلفون وبعدين يدق على تلفون البيت
ترن ترن ترن تررررررررررررن
فطوم : الووووووووو
منصور : هلا
فطوم : .............
منصور : قولي حق امايه بسرعه
فطوم : اوكيه
تنزل الريم وامها وحمدان بس هنود ماطاعت تروح تريد اتم في العين
يسير منصور وأهله بوظبي .......
يخطف هاليوم بسرعه ..
يوم اللي بسافرون فيه صلاله .. فطوم يالسه مع أمها في الصالة ....
فطوم : امايه متى الطيارة
ام سيف : العصر
فطوم : يعني الساعة كم ؟؟؟؟؟
ام سيف : يمكن 4
فطوم : وقوم خالي متى بيون
ام سيف : ماادري
فطوم : اقول وخالي سالم بي
ام سيف : لا
فطوم : حشاااااا اول قال بي العزبة ولا يا ويانا والحين صلالة ولابي
ام سيف : سالم مسافر من يومين
فطوم : ووووين
ام سيف : سوريا ساير ويا ربعه
فطوم : يحظه
ام سيف : خل عنج تراج اليوم بتسيرين صلاله
فطوم : انزززين ماقلت شي احسن اسكت لاتكنسلون سيرتنا لصلاله

الساعة 2.30
يوصلون قوم منصور من بوظبي
كلهم اجتمعو في بيت بو سيف ..
على الساعة 3 كلهم ساروا صوب المطار .
في المطار ماشالله العائلة ترست المطار
فطوم والريم يالسات على الكرسي أما ودوم ويزوي سارن يشترن حلاوه ..... وميروه ويا الحريم يالسه
فطوم : مشالله نحن وايدين
الريم : الطيارة كلها حقنا
فطوم : ويا ويهج قولي ماشالله
الريم : ماشالله

الساعة 4.02
كلهم ساروا يركبون الطيارة في الطيارة الريم وفطوم يالسات أأأأأأخر شي .. ومنصور شال الطيارة بصياحه
فطوم : اااااااااااايه بس خلاص فضحتنا الخلق كلهم يطالعونا ..
الريم : بس سكتي اخوج حشرنا
فطوم : بسير اشله عند امايه حشرني
الريم : شووووو يريد
فطوم : كله من ودوم غربلات ابليسها شاريه حلاوه وهو يريد البلونات اللي في المطار
الريم : ليش مااشتروله
فطوم : الغبية ودوم يوم ركبنا الطيارة قالت انه يريد البلونات
الريم : منصور تعال انا بشله عند امه
فطوم : احسن فكيتيني منه
يلسوااااا ساعتين في الطيارة ......
وصلوا صلالة .....
استاجرولهم فله ...
سارن البنات يصلن بعدين نزل عند الحريم
الريم : اماااايا نبي نطلع
ام منصور : تونا الا واصلين وين تبين تروحين
الريم : نحووووط
ام منصور : باجر انشالله
الريم : لاااااااا نحن مابنيسلن دقيقة في البيت
ام منصور : حق شو خذنا بيت
الريم : نخلي اغراضنا فيه
حمده ( ام مبارك ) : صدقهن البنات وين نيلس في البيت نحن يايين نحوط مايايين نيلس في البيت
ام سيف : وينهم الاولاد
ميروه : برع
ام سيف : خلاص سيرن لبسن عبيكن
الريم : اوكيه
سارن يلبسن عبيهن وكلهم طلعوا في السيايير ساروا لفولهم لفه .. وساروا صوب حديقة واشتروا عشا ويلسوا يتعشون هناك ..

الساعه 10.30
رجعوا البيت وساروا يرقدون ...
الريم وفطوم يالسات يسولفن ومشغلات الليتات في الحجرة
ميروه مخليه المخده على ويها : ايه بندن الليتات
الريم : مانابا
ميروه : يلا حشرتنا طلعن برع يلسن للين ماتشبعن
فطوم : خلاص انا برقد عشان باجر لازم انقوم عشان نحوط
ميروه : سويتن خير فينا
سارت الريم وفطوم يرقدن ..
أما مبارك وسعيد ومنصور يالسين يلعبون ورقة ..
سعيد حشرهم كله يقولهم بعرس بعرس
منصور : سعيييييييد بسك خلاص تراني مابيوزك اختيه
سعيد : سير الشور مب شورك
منصور : انزين بنشوف
سعيد : ههههههههه ضحكتني
منصور : خلاص حتى انا قررت اعرس
سعيد : منو هاي اللي بتاخذك
منصور : امممممم مافكرت فيها بس اريد وحده حلوووووووووه مثلي خخخخخخخخ
سعيد : خلاص بيوزك بنتي شو رايك
منصور : سير اعرس اول انت بعدين ييب سيرة العيال
مبارك : ايه بسكم ماعندكم غير العرس
سعيد : صح ذكرتني منصور دقيت حق هزاع
منصور : لا والله امس مرمسنه
سعيد يطلع تلفونه ويتصل بهزاع بس تلفونه مغلق
منصور : الله ياخ عدوك الساعه 2 وادق حق الريال يمكن راقد
سعيد : اشدراني فيه هذا ليله نهار ونهاره ليل ماينعرف له
مبارك : قوووموا انسير نرقد الخلق كلهم رقود


الساعة 7
ميروه : آآآآآآآآآآآيه
تقوم فطوم : ايه اشفيج حشرتينا
ميروه : قومن بسكن رقاد
فطوم : طلعي برع لااصفعج على ويهج
ميروه تسير تبند المكيف وتفج الدريشه : يلا رقدي الحين
فطوم تفرها بالمخده : والله انج سباله
ميروه ترد تفرها بالمخده : بسج قومي ماتبن تحوطن
فطوم تمط اللحاف من ودوم : يلا قومي
ودوم : حشرتنا مااريد اسير
اتي يزوي وهيه كااااااشخه على الأخير لابستلج تنوره جنز زرقاء وقميص أحمر ومجحله عيونها : يلا هوانم قومن
فطوم : ووووين تبين بكل هالكشخه
يزوي تعد شيلتها : بنسير انحووووط
فطوم : ههههههههه
يزوي : ميروه حبيتي اختي سيري لبسي شراتي
ميروه : لامافيني خاطريه بالوردي
يزوي : فقت ويهج
فطوم قامت من السبرية وسارت صوب الكبت وهيه فايجه اتنقي شوو بتلبس
فطوم : اووووووووه شو اللبس .. ميروه شو رايج تنورة بيضة وقميص سماوي وبدي سماوي ..
ميروه : اوكيه يلا بس بسرعه فكنا
تسير يزوي عند ودوم : وانت حضرتج متى بتقومين
ودوم : اوووف الحين بقوم
فطوم : يزووووي وينه الريم
يزوي : وين هاي من الساعه 5 قايمة
فطوم : حلفي وينها الحين
يزوي : يالسه ويا ام ودوم
فطوم : طبعا مع عمتها ملعونه الصير
ميروه يالسه اجحل عيونها : مب هينه هاي البنت من الحين تتمصلح
تشل فطوم ملابسها وتسير الحمام تتسبح ..
ميروه : فطوم بسرعه لاتتأخرين
فطوم : اوكيه عشر دقايق وبنزل
يزوي : انا بنزل بسير عند الريم
ميروه : ودوم وانت متى بتنشين
ودوم : خمس دقايق وبقوم
ميروه : كييييفج نحن بنسير عنج يلسي بروحج في البيت

تنزل ودوم تحت
يزوي تسير تيلس عدال اخوها مبارك ويلست اتسولف وياه
مبارك : وينها فطوم عيل لايكون بعدها راقده
يزوي : لا يالسه تتلبس
ام سعيد : اقول ام منصور شو رايج نسوي الملجه السنه
ام منصور : ماادريبكم والله
ام سعيد تلف صوب الريم : ها فديتج الريم شو رايج
الريم تنزل راسها : كيفكم اللي تشوفونه


في جهة فطوم يالسه اتسحي شعرها وماشالله شعره يخبل اسووووود مب طويل وايد اللين خاصرته يوصل المهم توها ودوم طالعه من الحمام ومتلبسه
ودوم : ايه صبري اترييني لاتنزلين
فطوم : سيري نقعي بيلس اترياج اللين تخلصين
ودوم : فقت ويهج برايج
فطوم اجحل عيونها وتتعطر وتنزل

وفطوم وهيه نازله من الدري كانت تخبل الصراحه
ميروه : هلا والله بشيخة
فطوم : السلام عليكم
الجميع : وعليكم السلام
فطوم : اشحااالكم جميعا
كلهم يردون عليها : بخير
مبارك : فطوم تعالي
تسير فطوم تيلس عدال يزوي لأنها كانت يالسه عدال مبارك ..
فطوم : نعم
مبارك : منصور يترياج برع يريد يرمسج
فطوم : منووووو
مبارك : منصور
فطوم : لامابسير
مبارك : لا حرام من ساعه يترياج برع
فطوم : مابسير سير قوله لايترياني
مبارك : انزين انا بسير وياج يلا عاد قومي مااقدر ازاعج بصوت عالي
فطوم : اوكيه انت سير وانا بلحقك
مبارك : اوكيه لاتتاخرين
فطوم : اوكيييييه

يطلع مبارك ويسير عند منصور
مبارك : ها بعدك يالس
منصور : ليش وينه فطوم عيل
مبارك : الحين بتي
إلا وشوي اتي فطوم
فطوم : السلام عليكم
منصور وهو يبتسم : وعليكم السلام هلا اشحالج
فطوم وبدون نفس : بخييييييير
منصور : ليش جيه ترمسيني
مبارك : عيل انا اترخص
فطوم تريد تقول حق مبارك ايلس وياهم .. بس ماعطاها فرصه بسرعه سار
منصور : فطوم اسف
فطوم : على شو تتأسف عشان الضربه
منصور : والله سمحيلي ادري اني غلطت بهاي بس ماادري كيف يتني الجرأة وصفعتج
فطوم : ماتقصر وايي منك اكثر
منصور : شووووو هاي نقمه
فطوم : فسرها كيف ماتريد انا الحين لازم ارد داخل
منصور : فطوم دخيييييييلج سمعيني أخر مرة
فطوم : خلاص يكفي اللي ياني منك
منصور : لا وانت حشااج ماسويتي لي شيء
فطوم : خلاص حصل خير وانا نسيته اللي استوى
منصور : والله
فطوم : هيه
منصور : .........
فطوم : خلاص برد داخل
فطوم تريد تسير وتلف ويها
منصور : فطوم تحبيني
فطوم : ...............
وتسير عنه ولاردت عليه
منصور : اوهوووووو ليش ماترد ،، اكيد تحبني

[لامارا]

البارت الـ 15 ..



الساعه 9
كلهم في السيايير ..
في سيارة سعيد .. عبدالله وراشد وحمدان وسيف وسالم ومحمد وهنود وسلامه ورويض وشمه
في سيارة منصور الحريم
في سيارة مبارك البنات ( الريم وفطوم ويزوي ودوم وميروه والبشاكير )


قبل بوصفلكم صلاله ...
احم احم ...... الشوارع جناااااااااااااان .. على يمينك ويسارك شير جوز الهند .. حتى الدواوير حلوووووه فيها حركات خطيييييييييرة من الشلالات والغزلان .. ينصدم الواحد يوم يروح يتحووط يلقى أول تراب بعدين يبال خضره .. .. المهم نرجع حق العائلة الكريمة .. ساروا أول شيء يبل إيتين اليبل كااان أخضر الجووو كان روعه ماعليه كلام ماينعرف الصبح من الظهر من العصر .. والسيايير كلها تحوووط هناك وكان كله اليبل أهالي من الإمارات وكان اليبل مرتفع وكلها ضباب واللي يسوق شوي شوي لأنه ماينشاف .. المهم كلهم ينزلون من السيارة ويترابعولكم الأولاد فوق اليبل
ام سيف : ايه شوي شوي ركبوا اليبل لحد يتعور فيكم ..
ويترابعن شموه وشلتها
الريم : حشاااااااا مب شايفين خير
فطوم : هههههههههههههههههه أخ بطني فضحتينا العرب بسمعونج
الريم : صدق والله فشله كل واحد شال نعاله ويربع
فطوم : دخييييلج نصهم عقوا نعولهم في السيارة
ميروه : ايه يزوي وين كيمرة الفيديو
يزوي : داخل سيارة مبارك
ميروه : بسير ايبها
فطوم : هاتي كيمرتيه بعد
ميروه : اوكييييييه

من جهة الحريم يبرزن ولاعليهم من الناس ويا دلالهن ويطيحن سوالف وخرابيط بس أكثر سوالفهم عن ملجة الريم ..
اما منصور وسعيد ومبارك ساروا يتمشون صوب اليبل
البنات والله انهن نكته الريم ماسكه كيمرا وميروه كيمرا وفطوم كيمرا .. اللي تصور الحريم واللي تصور اليبل واللي تقول حق اللي فوق اليبل يوقفون عشان تاخذ صورة تذكاريه ..
فطوم تسير تصور اليبل ومعاها سيف حاشرنها يريد يصور
سيف : ايه عاد عطيني انا بصور
فطوم : سير سير اشدراك بتصوير
سيف : يلا عاااااااد بس شوي
فطوم وزاعج عليه : قلت لك لاااا يعني لااااا ماتفهم

سيف : ايه عطيني لا اصفعج
فطوم : ههههههه ضحكتني
ويلس سيف يضارب وياها .. أي منصور .
منصور : سيييييف
سيف : نعم
منصور : عيب شوووو هاااااا فضحتنا عيب اليبل كلها قبايل شووو بقولون عنا
سيف : ماعليه فقت ويهج براويج .
ويسير سيف عنهم
بس فطوم بوووو لباااااااس سارت اونها تصور يلحقها منصور يمشي عدالها
منصور : فطوم عطيني انا بصور
فطوم : لا عادي انا بصور
منصور : يلا عاد لاترديني
فطوم : اوكيييه ........ واتعطي منصور الكيمرا
يشل منصور الكيمرا أونه يصور بس يوم تلف فطوم يخلي الكيمرا عليها ..
فطوم : ايه شووو هاااا بتحترق الكيمرا
منصور : من حلااااااتج طبعاااااا
فطوم : هههههههه لا تطنز
منصور : تبين الصدق
فطوم : هييييييه
منصور : الصراحه انت ولايد حلوة واليوم طالعه غييييير شكل
فطوم : شكرا أخجلت تواضعي
منصور : والله حتى مااريدج تسيرين بعيد عنهم ولاتمشين بروحج تعرفين بعد اليبل كله عرب يعني اللي بشوفج بتخبل
فطوم تريد تسير عنه : منصور عطني الكيمرا بسير عن البنات
منصور يعطيها الكيمرا ..
منصور : فطوووووم
فطوم : نعم
منصور : لاتسيرين بعيد عن البنات ولاتمشين بروحج
فطوم : انشالله
وتسير فطوم عند البنات كانن يالسات وياكل بوفاك عمان وداغوس .. ويشربن عصيييير .. وداقات سوالف ...
فطوم : اقول الريم ماشي باجي عن ملجتج وانت ابد مااستعديتي
الريم : شووو تبيني اسوي يعني
ميروه : باجي ثلاث اسابيع
الريم : خييييبه حلفي
فطوم : سمعت قوم امايه يقولن
الريم : يوم بنرد من صلاله بجهز بسرعه حق الملجه
يزوي : وهذاا سعيد حق شوو مستعيل
ودوم : عااااشق وهيمان
الريم : جب جب جلبي ويهج ماناقصه على مغايضج
فطوم : عادي بكفنج اسبوعين تجهزين فيهن إلا ملجه مب عرس
الريم : غيرن السالفه تراني بصيح
فطوم : خلاص كله ولاصياحج شو بسكتج
ميروه : ايه كم الساعه
اطالع ودوم الساعه : خيبه الساعه 1 الظهر
ميروه : خيييبه مسرعه الوقت خطف
فطوم : الجو هنيه مايقول الظهر
الريم : انسير انصلي

سارن البنات يصلن .. بعدين سارن عند الحريم ..
الريم : امايه بنتغدى هنيه ولا بنروح البيت
ام منصور : لا مابنرد البيت هنيه حلو الجو حق شو انسير انضيج على اعمارنا
الريم : والله صدقج امايه هنيه الجوو ماشالله حلو
ام سيف : انتن صليتن الحين
البنات كلهن ويا بعض : على النبي
حمده ( ام مبارك) : سيرن قولن حق قوم مبارك يسيرون يشترون غدا وايبونه هنيه

الريم : بنتم بروحنا هنيه
ام منصور : يالله بستر هنيه كلها البقعه عرب يعني ماشي خوف

يسيرن البنات صوب الأولاد
مبارك : هلا والله بالبنات
ميروه : مبارك يقولون قوم امايه سيروا اشتروا غدا لأن بنتغدى هنيه
مبارك : انشالله ،، يلا شباب قوموا وياي
سعيد : انا ماساير بيلس هنيه سير انت ومنصور
منصور : خلاص عيل قوم مبارك خلنا نسير
سار مبارك ومنصور يشترون غدا وبردون
البنات يلسن مع سعيد يسولفن
ودوم : سعيد قوم حوطنا بسيارة
سعيد : لامافيني
فطوم : يلا سعيد دخيلك
سعيد : وين اوديكن
ميروه : صح والله حوطنا على اليبل كامل
سعيد : لا والله
ودوم : هيه
سعيد : لاساير ولاعندي خبر
فطوم : عشاااااان خاطر ...... واطالع الريم
سعيد فهمها شو قصدها : خلاص بس عشانهم بوديكن
فطوم : خلاص يوم نبا شي من سعيد بنقوله عشان خاطرهم ..
سعيد : هههههههه يلا يلا ركبن السيارة
الريم منزله راسها مستحيه منهم ...

سار سعيد يحوطهن بالسيارة على اليبل كاامل
فطوم : الله صدق هالمكان فناااااااااان ماعليه كلام
ميروه : إللي يشوف هذا اليبل مايقول في دول الخليج

[لامارا]

البارت الـ 16 ..


سار سعيد يحوطهن بالسيارة على اليبل كاامل
فطوم : الله صدق هالمكان فناااااااااان ماعليه كلام
ميروه : إللي يشوف هذا اليبل مايقول في دول الخليج
يوديهن سعيد عند ضريح سيدنا أيوب ..
كان كبييييييييير بس وايد حلوووو .. تمشي شوي تلقى مصلى للنساء والرجال ... بعدين دخلهن حجرة .. مغطايه بسيادات ومدخنه الحجرة ..
الريم : ووووووع شووو هالريحه
فطوم : بس بسمعونج ورانا حريم
الريم : لاعة جبدي من الريحه أأأأأأخ شوووووو هالريحه ..
سعيد : شوووو الشيخه الريم تبين يدخنونها بالعود حقج
الريم : المفروض هذا
سعيد : هههههههه ضحكتيني فديتج
الريم ويهاااااا أحمر
يزوي : إحم إحم يزوي واقفه
سعيد يضرب يزوي على راسها : يا الساحره
يزوي : هههههههههه
سعيد : انزين يلا طوفن جدام
وداهن سعيد عند باب تحت .. وكان ريال واقف يخبرهم .. أول مافتحوا الباب شافوا ريل كبييييرة وريل خيل .. أونه الريل الكبيرة ريل سيدنا أيوب و ريل خيله ...
سعيد : يزوي لاتروحين بعيد تعالي هنيه
يزوي : لاتخاف علي حرمه
سعيد : أي حرمه دخيلج ماطلعتي من البيضة
يزوي : سمعتك تراني
سعيد : شووووو يعني تعالي فكينا بسرعه
يزوي : انزييييييين حشرتنا
ودوم : اقول سعيد
سعيد : خير
ودوم : خلنا نرد اخاف يعصبون علينا
سعيد يطالع الريم : ها شو تقولين نرد ولا
يزوي : هيه خلنا نرد اكيد قوم مبارك وصلوا
سعيد : مشكله الرزه إنت منو رمسج
يزوي : أنا الناطق الرسمي للريم صح ريموه
الريم اطالع سعيد وتضحك : صح غناتي يزوي
سعيد : يلا انزين بسرعه فكنا من حشرتكن منو يشل بنات وياه ..

يرد سعيد ويا البنات عند الحريم .. قبل ماينزل سعيد من السيارة صاح تلفونه .. بس مارد عليه .. ورد مرة ثانيه صاح التلفون شله بسرعه ونزل من السيارة وسار بعيد عنهم ..
ميروه : والله شاكه
فطوم : بشوه
ميروه : سعيد يرمس بنيه
فطوم : اشدراج
ميروه : سمعته يقولها صبري شوي
الريم واقفه وياهن وتسمع كل شي وعيونها انترسن دموع .. بس فطوم حبت تغير الموضوع
فطوم : ميروه اكيد تتخيلين
ميروه : والله اني سمعته
الريم وهيه ماسكه عمرها : قومن انسير عنده اريد اسمعه
فطوم تغمز لميروه : الريم استهدي بالله اكيد هاي ميروه تتخيل
الريم وهيه معصبه : بتقومين وياي ولا بسير بروحي
فطوم : انزين هدي لا يشوفنج الحريم
الريم : يلا بسرعه قبل لايسكر من عندها
تقوم فطوم وياها الريم وميروه ويزوي ودوم .. سارن صوب سعيد كان يرمس تلفون ..
الريم بس وقفن هنيه عشان مايشوفنا ..
سعيد مالاحظ انه حد كان يراقبه ماخذ راحته داق سوالف
سعيد : دخيلج فهميني مااقدر
................
الريم : فطوم سمعتي بأذنج
فطوم : ...............
سعيد : خلاص فالج طيب حبيبتي
الريم من سمعة كلمة حبيبتي ماقدرت تمسك عمرها يلست اتصيح ..
سعيد لف يشوف منو اللي يصيح يوم شافهن واقفات يطالعن والريم منهاره وتصيح .. يلس يطالع ..
سعيد : انتن ؟؟؟؟؟؟؟؟؟!!!!!!!!!!!
البنات : ...........................
تربع الريم وهيه تصيح وتربع وراها فطوم ..
ودوم : صدق ماتستحي
سعيد : ......................
ودوم : تستاهل اللي بتسويه فيك
سعيد : .................
تسير ودوم وميروه ويزوي عن سعيد يخلنه بمصيبته اللي يابها حق عمره ..

فطوم يالسه تهدي في الريم عشان تسكت بس ماقدرت تهديها ..
الريم : اكرهاااااااااااااااا مستحييييييييييل اخذه لو اموت
فطوم : الريم فديتج هدي مااحب اشوفج جذيه
الريم : والله انه خايس بس مستحيل اسكتله
فطوم : دخيلج سكتي الحين بسمعونج قوم امايه واكيد بيدرن بالسالفه الريم دخيلج لاتكبرين السالفه وتستوي مشاكل مافينا عل عوار الراس
الريم تاخذ نفس طويل وتمش دموعها : صدق خبله اصيح على هالأشكال يسير عندها اللي لاقطنها من الشوارع
يزوي : ههههههههههههه
الريم : وانت حق شو اضحكين اللي فيني يكفيني
فطوم : بس خلاص فكنا مافينا نحن مب في البيت يوم انسير البيت يصير خير
ميروه : ودوم قومي انسير نيب ماي عشان الريم تغسل ويها


سعيد حالته حاله .. مايعرف وين يودي ويهه من الريم ..
سعيد : شوووو سويت انا والله اني مينون الله عاطني وحده لاشفت بجمالها واخلاقها واسير اربع ورى هالبنات اللي ماادري شو من الشي هن .. شوووو سويت انا ياربي .. الحين لو درا منصور والله ماايوزني اخته اكيد من حقه ماايوزني ..
يقاطعه حبل أفكاره صوت منصور ومبارك ..
منصور : سعووووود
سعيد : ها ..هــ هااااا شووووو
منصور : باسم الله عليك لايكون ضربك يني
سعيد وهو مرتبك : أي يني واي خرابيط الله يهديك
مبارك : عيل بلاك وين وصلت
سعيد : ماشي .. إلا هنيه
منصور : زين يلا قوم نتغدا
سعيد : يلا قوموا


من جهة البنات .. يحاولن في الريم تقوم تتغذا بس هيه ابدا مب طايعه ماتريد اجابل شيفة سعيد
فطوم : ياغبيه قومي عشان تبينين له انج مب مهتمه فيه
الريم : مافيني مااريد اقوم اخاف اذا شفت ويهه اضارب وياه
يزوي : الله وناسه بنشهد حدث عالمي وفريد من نوعه
البنات : هههههههههههه
الريم : والله انكن فايجات احر ماعندي ابرد ماعندكن
ميروه : قومي لاتفضحينا
فطوم : صدق والله خليج قويه جدامه عشان يعرف انج مانجرحتي من كلامه
الريم : اخاف
فطوم : قوي قلبج وخليج قويه
الريم : انزين يلسن شوي خمس دقايق اللين مااهدي شوي بعدين بنسير
فطوم : انزين خلاص يلا ضحكي بس
الريم تبتسم ابتسامه بس في قلبها كلها حزن وكره لليوم اللي عرفت فيه سعيد وللحظه اللي سمحت لقلبها يحبه ..


من الجهة الثانية الكل كان يالس الحريم والعيال والشباب
ام منصور : وينهن هذيل البنات مايبن غدا
ام مبارك : والله صدقج سارن ولا ردن
ام سعيد : سعيد ابوي دق على ودوم قالهن تعالن
سعيد بتردد : انشالله امايه
يدق سعيد على تلفون ودوم .....ترررررررررن ..تررررررررن
ودوم : هذا سعيد
الريم : مب الفايده جانه سعيد
فطوم : ردي عليه
ودوم : الوووو
سعيد : هلا
ودوم : خير
سعيد : قوم امايه يقولن تعالن بسرعه
ودوم : اوكيه باي

فطوم :شووووو يبون
ودوم : قوم امايه يبونه نسير
ميروه : يلا قومن الريم خليج حرمه ولاجنه شي مستوي
الريم : لاتوصين من هاي اللحظه بتبدأ المعركة
يزوي : ياسلااااااااام اسمينا بنشهد هذي المعركه
الريم : لاتطنزين الأيام يايه وبتعرفين منو الريم
فطوم : يلا لاحقين على المعركه


سارن البنات عندهم .... البنات : السلام عليكم
الجميع : وعليكم السلام
ام سيف : وينكن حشا من ساعه نترياكن
فطوم : سمحونا بس كلنا نخطط
ام مبارك تضحك : حق شو تخططن
فطوم اطالع سعيد : حق المعركة
ام منصور : أي معركة هاي اللي بتسونها
الريم تقرص فطوم عشان تسكت : لا ... امزح
ام سيف : والله انكن حركات .. يلا قربن نتغدا برد الغدا
سعيد يريد يرفع عيونه في عيون الريم بس مب قادر يواجها .. اما الريم من برع هالله هالله ومن داخل يعلم الله ..

منصور : عقب الغدا بنرد البيت
فطوم : صح بنسير نرتاح
ام سيف : خلاص انشالله



الساعه : 5.30 العصر
كانن البنات يالسات برع يسولفن ويغيرن على الريم الجو عشان تنسا اللي استواه ..
ايي مبارك وسعيد ..
الريم من شافت سعيد قامت تريد اتسير داخل ..
مبارك : اشفيها الريم من شافتنا شردت ولا عشان شافت سعيد واستحت وسارت داخل
فطوم اطالع سعيد : لا ماشي بس جذيه سارت تريد ترتااااااح
مبارك : اهااااااا .. اقول فطوم تعالي اباج بسالفه
فطوم : خير شو صاير
مبارك : لا بس تعالي بعدين بتعرفين
دخلت فطوم ويا مبارك داخل .. ويلسوا في الصاله يخبرها السالفه

كان مبارك يالس يرمس فطوم بسالفه منصور وانها وايد معذبتنه وياها ..
فطوم ودموعها في عيونها : مبارك دخيلك افهمني مبارك : شو افهمج خبريني شو الحل الحين
فطوم : دخيييييييلك لا تعذبني
في هاللحظه ايي منصور ويسمعها تقول حق مبارك دخيلك لاتعذبني وهيه تصيح .. منصور لفت فيه الدنيا ماقدر يتصور اللي كان شاك فيه طلع صح .. كل اللي كان متوقعنه طلع كله صح وان فطوم تحب مبارك ومبارك يحبها .. منصور ماقدر يمسك عمره يلس يطالع ودموعه ينزل وهو مب حاس بعمره .. فطوم انتبهت لمنصور وقفت في مكانها اطالعه ..
منصور لف عنهم وسار الحجرة وسكر الباب على عمره ..
اما مبارك ماشاف منصور يوم كان واقف لأنه كان عاطنه ظهره
مبارك : والحين فطوم رمسيه حرام عليج
فطوم : مبارك خلني في حالي
سارت فطوم حجرتها وحالتها حاله ...

اما منصور كانت حالته لاتسر عدو ولا صديق ..
منصور : لا مستحيل فطوم تحبه فطوم تحبني انا تحبني انا .. انا شو يالس اقول شو اقص على عمري سمعتها بإذني تقوله لاتعذبني شو يعني كلامها اكييييييد تحبه مايباله شك .. ليش ياربي ليش انا من كنت صغير وانا اعزها واقدرها ويوم شفتها في بوظبي خذت تفكيري وقلبي .. ليش ياربي تعذبني ليش ياربي كل اللي يحب لازم يتعذب شو سويت انا بحياتي عشان اشوف اللي اشوفه الحين ..
منصور يحاول يهدي عمره شوي : لازم انساها والله انه ماتستاهل اني افكر فيها أو دموعي تنزل عشانها .. فيه مية وحده تستاهلني مب هاي اللي ماتعرف المشاعر والحب ..
يمسك تلفونها ويطرشلها مسج : خيانة وإنتهت آخر سوالف عشقي المجنون .. في ليلة حلمي الوردي تحطم في نهايتها .. في ذيك الليلة كان أهون عليه أحيا بدون عيون ولا أشوف اللي شفته من حبيبة قلبي ساعتها ... خياااااااااانه .. آآآآآآآآآآآآآه .. خياااااااااانه ..

فطوم من سمعة نغمة المسج انقبض قلبها حست انه من منصور .. شلت عمرها وسارت فجت شنطتها وطلعت التلفون وبينها وبين نفسها : يا ربي مايكون المسج من منصور ..
جااااااااري فتح الرساله والصدمه الكبرى طاحت على راسها ..
فطوم : لااااااااااامستحييييييييي يل ليش فاهم غلط لا ياربي شو بقول عني الحين لازم يعرف السالفه لازم ..
اترد اطرش له ( منصور دخيلك انت فاهم غلط )

يرد عليها منصور بمسج ( أرجوك تسكت لا تكلم ولابحرف .. مالك عذر مالك كلام تقوله .. ياشيخ آسف وين بلقى لها صرف .. مادام قلبك انكشف لي ميوله )
فطوم ( ياناس خلي راح عني وانا اشوف .. ياناس ذاك اللي أحبه تخلى .. ياناس قولوا له ترى القلب ملهوف )
منصور ( لك تحياتي ابا أرحل .. رحله من دون جيه ألف شكر على الخيانه .. ألف شكر للأسية وإنتي وحده بكيفج .. حبي عشره .. حبي ميه )
فطوم ( حتى بالمحبة يكذبون .. )
منصور ( الحب للي يقدرون المحبة .. ماهو للناس مايراعون الاحساس .. وفن الهوى ياناس ماينلعب به .. صعب ولاتنبض به قلوب يباس )
فطوم ( منصور دخيلك اسمعني للمره الأخيره وبعدين ارمس )
منصور ( خلاص مااريد اسمع منج شي ولو سمحتي يا بنت عمتي مسحي رقمي من تلفونج وخلاص لاطرشين مسجات .. الصراحه قلبي عاااااااافج )
فطوم من قرت المسج عصبت على الأخر وغلقت تلفونها وفرت عمرها على الشبريه ويلست اتصيح وادش عليها الريم ..
الريم :فطووووووم بلاج
فطوم : ................
الريم : فطوم قولي شو صار لا يكون ..
وتقاطعها فطوم : منصووووووور
الريم : شو سوى
فطوم تشل راسها وتقولها السالفه كاملة
الريم : والله ماعندج سالفه يالسه اتصيحين عليه نحن شو قلنا خلاص بنعلن الحرب عليهم كلهم
فطوم : والله تنكتين بعد اقولج يتحسبني احب مبارك وانت تقولين لي حرب
الريم : والله مبارك احسن واحد فيهم
فطوم : لا حبيبتي كلهم من نفس الطينة
الريم : خليها علي والله لايندمون كلهم على اللي يسوونه فينا
فطوم تعدل يلستها : وشووووووو بتسوين يا أم الأفكار
الريم : سمعيني زين .. بس قبل وين باقي الشلة
فطوم : برع يالسات ويا سعيد
الريم : ووووووووع مالقن غير سعيد ايلسن وياه دقي على تلفون ودوم وقوليلها اتي
فطوم : تشل تلفونها وادق حق ودوم
ودوم : الووووووو
فطوم : إإإإإإإإيه تعالن داخل بسرعه فيه اجتماع
ودوم : اوكيه باي

ودوم ترمس اميروه ويزوي : يلا قومن نسير داخل في إجتماع عشان المعركه
سعيد : وين ايلس بروحي هنيه
ودوم : ايلس كلمها شووو رايك احسن لك
سعيد : ودووووووووم
ودوم وهيه سايره داخل : شووووووو قلت شي غلط
.. وتدخل عنه داخل .

وانسدح سعيد على الكرسي يفكر بحل حق مشكلته .. وايي مبارك وهو يدندن : أبرك الساعات وأطيبها .. يوم أشوفك يا بعد عمري .. راحة الدنيا أحسبها .. في وجودك يا سنا البدري ....
سعيد : والله أنك متفيج
مبارك : حبيبي هدي أعصابك .. كله ولا عتابك
سعيد : بروووك يوز عني والله تراني واصل حدي
مبارك : شووووووهاال البلشه اليوم الكل واصل حده بلاكم نحن يايين نستانس مب نضايج
سعيد يعدل يلسته : وين منصور
مبارك : ليش انا مب تارس عينك
سعيد : محد يفهمني كثره
مبارك : انزين جربني يمكن أنفع
سعيد : سير أزقر منصور وتعال
مبارك : شووووووووو اشتغل عندك
سعيد : هاي من أولها
مبارك : شووو من أولها مافهمت
سعيد : في موضوع خطير لازم يباله حل قوم يلا ازقر منصور
مبارك : والله عمره طويل الريال هذوه وصل
منصور : هاااااا أكيد تحشون فيني
سعيد : أفاااااااا والله انا حبيبك وربيعك بحش فيك
منصور : ززين والله زين يوم حد يحاتيني
سعيد : منصور ايلس لازم نستعد حق الحرب
مبارك : هههههههههه شووووو استويت يا البنات حرب
سعيد : اوهوووووو مبارك انا ارمس جد مايالس امزح
مبارك : حتى انا ارمس عم ولا خال كككككككككككك
سعيد : مباااااااااااااارك بتيوز ولا اقوم لك
منصور وقلبه يحترق كاره مبارك وده يقوم يجتله : بس عاد اشطولكم وبتضاربون
سعيد : منصور سمع لازم تعرف شو صار اليوم
منصور : شوووووو
سعيد : السالفه ...........................الخ
منصور معصب : حلف بس انت
سعيد : منصور دخيلك والله مااقصد
منصور : شوووو ماتقصد لاتنسا هذي اختي يعني ماارضالها
سعيد : خلاص دريت بس تعرف انت ماقدر اتعدل مره وحده لازم شوي حتى ينصلح حالي
منصور : استغفر الله .. واقول انا ليش يقولن حرب
سعيد : تراها حرب كبيرة ناويات علينا
منصور : خلاص ولايهمك انا بدش المعركة وياك
مبارك : اقول تسلحوو زين تراها حرب مب لعب ههههههههههههههه
منصور : كككككككككك تنكت بعد
مبارك : اوهوووووو نسيت خلاص بدش وياكم المعركه بس إذا تعورت عليكم
سعيد : اقوووول أول شي لازم أنكون مستانسين ونضحك من الخاطر
منصور : أكيييد مايباله كلام
سعيد : لازم نسوي ربشه شوي
مبارك : شوووووو بتسوي بتفجر قنابل من أولها
سعيد : مبارك أنت كله طايح طنازه اليوم
مبارك : شووووو اسوي اغير الجوووو كله متكهرب
سعيد : منصور قوم شغل سيارتك
منصور : ليييييييش
سعيد : شغل المسجل وطول عليه
منصور : بتيول
سعيد : هيه
منصور : والله مافيك حيله يا ولد مطر
مبارك : الله وناسه
سعيد : مبارك سير أزقر الأولاد الباقين ( عبدالله وسيف وراشد وحمدان ومحمد وسالم )
سار منصور شغل السيارة وطول على المسجل أأأأخر ويلسوا كلهم اييولن

يزوي : شووووو هالحشره شو مستوي
تسير ميروه اطالع الدريشه : لحقن
يترابعن البنات كلهن عند الدريشه
الريم : مالت يبون يلفتون نظرنا
فطوم : فديته منصور يعرف ايول
الريم : فطووووووووم شو قلنا
فطوم : خلااااااص نسيت

تطلع أم منصور : شووووووو هالحشره اللي مستويه
الريم : امايه لحقي هذا ولدج مستخف برع فضحنا جدام الخلق
يطلعن الحريم ويطلعن البنات وياهن ..
منصور من شاف أمه اطالعه .. يسير أونه أيبس عند أمه
وعيووونه كلها عند فطوم يغايظها
الريم : أمااايه هزبيه فضحونا شوو بقولون الناس عنا مستخفين محد غيرنا
ام منصور : منصور
منصور مسك المسجبه بإيده : نعم يا أم منصور
أم منصور : بند المسجل فضحتونا
منصور : أمايه عادي فديتج
أم منصور : سير بند بسرعه جدامي
البنات : ههههههههههههههههه
سعيد ومنصور ومبارك الشرار طالع من عيونهم .

الريم يلا بنات انسير داخل
الريم اطالع الشباب : النتيجه للحين 1 / صفر
منصور يطالع سعيد : بدت المعركه يا بو عسكور
سعيد و مبارك : .............................

[لامارا]

البارت الـ 17 ..


الريم يلا بنات انسير داخل
الريم اطالع الشباب : النتيجه للحين 1 / صفر
منصور يطالع سعيد : بدت المعركه يا بو عسكور
سعيد و مبارك : .............................
منصور : والله تشجعت أكثر الحين
سعيد : والله لراويج ياعروسة المستقبل


يدخلن البنات .. داخل الحجرة ويسكرن الباب
اطيح يزوي على الشبريه : هههههههههههه والله بموت من الضحك
فطوم : والله الشرار طالع من عيونهم
ميروه : انا شكلي بطلع من المعركة أخاف مافيني على المشاكل
الريم تضربها على جتفها : سيري والله انج خوافه
ميروه : والله إنكن تزيغن
الريم : كيفج حبيبتي تريدين اطلعين من المعركة طلعي من الحين
ودوم : ميروه شوووووو هالرمسه
ميروه : أخاف والله ماتعرفينهم زين
يقاطعها صوت تلفون فطوم
الريم : لايكون .... وتقاطعها فطوم : لا هذا أبويه
فطوم : الووووووو
بو سيف : هلا والله
فطوم : هلا ابويه اشحالك عساك بخير
بوسيف : بخير مانشكي باس ومن صوبج
فطوم : والله كلهم بخير
بوسيف : انشالله مستانسين
فطوم : الحمدلله نترياكم توصلون
بوسيف : لا ابويه مابني نحن
فطوم : لييييييييش
بوسيف : خلاص انت بتردون باجر
فطوم : شوووووو منو قال ؟؟؟ وليييييييش ؟؟
بوسيف : منصور يبونه بشغل ضروري يرد
فطوم : شووووو هاااااا مااستانسنا
بوسف : والله دار خليفة ماعليها كلام
فطوم : والنعم والله بس ماقلنا شي
بوسيف : بتستانسون هنيه بعد بخطوبة الريم انشالله
فطوم اطالع الريم وتغمزلها : انشالله ابويه
بوسيف : وينها عيل امج من ساعه ادق على تلفونها ومغلق
فطوم : ماادريبها والله بس صبر شوي بوديلها التلفون

تطلع فطوم من الحجرة وتزقر أمها ...
فطوم : أماااااااااااااااايه
أم سيف : خير اشعندج
فطوم : تلفون ابويه
ام سيف : هاتي التلفون

تطلع فطوم وتسير الصاله وتعطي امها التلفون
فطوم : امايه يوم بتخلصين طرشي تلفوني الحجرة
ام سيف تأشرلها بإيدها عشان تسير

ترد فطوم الحجرة .. وهيه ادندن .. :يا صاحبي وش فيك قاعد لحالك .. وليش انت متغير ومشغول بالك .. صارحني قاسمني عناك وهمومك .. ماأطيق أشوفك متعب الهم حالك
ترد عليها الريم : ياصاحبي ضاقت علي الليالي .. باللي شغل قلبي وفكري وبالي .. خوفي أسولف وأخسر إنسان غالي .. يا أخسرك أو أخسره في بالي ..
فطوم : ياصاحبي وش فيك
الريم : ياصاحبي مهموم
فطوم : حيرتني وأحترت باللي تقوله .. وإن كان عندك سر بالله قوله .. ماعاش من يخسر غلاك بسهوله .. ولاعاش من يقطع بعمره وصاله ..
الريم : خايف أقول وأصدم إحساس قلبك .. واحد لعبي بالغرام ولعبك .. هو حبني وإنت تذكر يحبك .. لاهو وفاء حبي ولاهو وفالك
فطوم : ياصاحبي وش فيك
الريم : ياصاحبي تعبان
فطوم : يعني أنا وأنت بهالحب ضعنا .. واللي نحبه ياحسافه خدعنا .. ماإنت الغلامه وداني فوق معنى .. والغدر طال إحساس قلبي وطاله ..
الريم : هذا الذي وصال بينك وبيني .. وأسهر عيونك في غرامه وعيني .. كلمة أحبك لي تجيلك تجيني .. والشوق نفس الشوق جاني وجالك ..
فطوم : ياصاحبي وش فيك
الريم : والله تعبان
فطوم : ياصاحبي مهما تكون الحقيقة .. أو تشتعل بالقلب مية حريقه .. أنا من اللي صعب يخسر رفيقه .. لجل المحبة أو أبدل بداله ..
الريم : وانا من أجل الحب ما أخسر رفيقي .. ولا أغير عن طريقه طريقي .. واللي جمعني معك حبٌ حقيقي .. لك ماتبي حتى حياتي بدالي
فطوم : ياصاحبي وش فيك
الريم : لا لا لا يهمك
فطوم : ماأطيق أشوفك متعب الهم حالك ..
الريم وهيه بعدها ادندن : بس خلااااااص وسلاااااامتكم
يزوي وميروه ودوم يصفقن ..
يزوي : والله مافيكن حيله
الريم : مشكورة هذا من طيب أصلج
ميروه : والله خطيرة روعه شووووو متفقات انتن
فطوم تسير تيلس عدال الريم وتخلي ايدها على جتف الريم : انا والريم روح وحده في جسمنا وقلوبنا عند بعض والله ماتعرفون شوووو كثر أحبها
الريم تحب فطوم على خدها : فديييييييتج ياربي حتى انا احبج
يزوي : لاااااااااا ونحن وين رحنا
توقف فطوم وتفج الدريشه : يزوي سمعيني انت بنت خالتيه يعني مش وايد وياج كثر الريم وهذي أول مرة نطلع ويا بعض يعني بعدني مش للين هناك وياكن حتى ودوم صح انا وياها وايد ويا بعض بس مااقولها كل اللي في قلبي مثل الريم يعني فهميها انا احب اقول كل شي حق الريم ويمكن مع الايام اقولج كل اللي عندي
ميروه : اما انا ارتاح اكثر شي حق ربيعتيه نورة
الريم : اما انا تعرفون حق منو ارتاح بدون مااقول
ودوم : انا ماعندي حد محدد
يزوي : الحمد لله حتى انا ماعندي حد اقوله لأني مااحب اقول حق حد لأني مااثق في حد
فطوم : انزين خلونا من هذي السالفه لازم نفكر الحين شو بنسوي
الريم : انزين تعالي يلسي عشان نخطط زين مازين
ميروه : يعني انت مصرات على الحرب
ودوم : اذا ماتبين عادي طلعي بس لاتفتنين
ميروه : ههههه شو قالولج فتانه
ودوم : لا مااقصد
فطوم : لا ميروه انتي اكبرنا يعني تعرفين اكثر منا يعني مانستغنا عنج
ميروه : اوكيه بس خلن الفكره اليديده علي
الريم : اوكيه يا الزعيمة
فطوم : اووووووه نسيت
الريم : شووووووو
فطوم : الريم تعرفين شو قال ابويه
الريم : شوووووو
فطوم : قال بنرد باجر لازم عشان اونه منصور عنده شغل ولازم يسير
الريم : لا شووووهاااااا
فطوم : وازيدج بعد وقال بتفرحون بخطوبة الريم
الريم تغير لون ويها : اووووووف
فطوم : شوووووو بتسوين الحين
الريم : بخذه بعد شو بسوي
يزوي : شووووووو تخبلتي
الريم : سمعن اللي استوى لازم يتم سر بينا ومااريد حد يعرف خاصة أمهاتنا يعني نحن متفقين على كل شي قبل مانكشف سعيد يعني انا مااقدر ارده الحين وإذا قلت لهم اللي استواه اكيد بتعصب عموه ام سعيد وبتعصب امايه ومستحيل تخليني اخذ سعيد وبتستوي المشاكل
فطوم : انزين بس.....
الريم ودموعها في عيونها : هذا حظي لازم ارضى فيه ماأريد اسوي مشاكل بين عائلتنا حرام ادفعهم غلطة سعيد
فطوم : بس الريم خلاص طبن السالفه خلونا في المهم
ميروه : انا بسير اييب عصير حقنا وبرجع اوكيه
ودوم : يلا ميروه انا بقوم وياج
طلعت ميروه ودوم سارن المطبخ اييبن عصير وهن سايرات شافن الشباب يالسين في الصاله
بس طنشن ودخلن المطبخ وهن طالعات المطبخ
منصور : حووووو قولن حق فطوم تلفونها في الصاله

سارن داخل وخبرن فطوم وفطوم طلعت معصبه
فطوم سارت صوبهم
فطوم : منصور
مبارك يوم شاف فطوم حب يخليها وهيه منصور بروحهم وشل سعيد وطلع برع
منصور : نعم
فطوم : هات تلفوني
منصور : مب عندي
فطوم : عند منو
منصور : هكوه على الطاولة ولاتتهمين بعدين والله ماسكيته بس شليته من الكرسي وخليته على الطاولة حتى مافجيت وشفت
فطوم سارت صوب الطاولة وشلت تلفونها : منصور
منصور لف يريد يطلع برع
فطوم : منصور اسمعني للمرة الأخيره دخيلك
منصور : شوووو بتقولين مثلا انا مثل اخوج ومبارك ..وتقاطعه فطوم
فطوم : لاااااااحرام عليك انت غلطان
منصور : شوو غلطان سمعتج اتقولين له لاتعذبني شو قصدج فيها
فطوم تتنهد : بخبرك كل شي وانت كيفك بتصدقني ولا لا
منصور : انزين خلينا نطلع برع احسن أحس عمري مخنوق داخل
فطوم : انزين
طلع منصور وفطوم من البيت وساروا برع
منصور : يلا قولي اسمعج
فطوم : بقول كل شي بس بشرط ماترد علي ولابكلمة
منصور : موافق
فطوم : منصور مبارك زقرني كان يرمسني عشانك يقولي حرام باللي تسوينه في منصور ويقولي حسي فيه وانا رديت عليه حرام لاتعذبني اكثر مب انا متعذبه
منصور نزل راسه وابتسم .........
فطوم : هذي هيه السالفه ومشكوووور على المسجات الحلوة وتلف وسارت عنه
سار منصور وانسدح تحت الشيره : والله شووووو سويت انا شكيت فيها حرام عليه .. بس والله ارتحت من رمستها لازم اعتذر حقها والله ماتستاهل المسجات اللي طرشتهن


الساعه 7.32
الحريم والشباب الكبار والصغار يالسين في الصاله والبنات الصغار يالسات بعد
ام سيف : هنود سيري زقريهن البنات
سارت هنود تزقرهن
فطوم : خير امايه
ام سيف : يلسن ويانا بغيتكن بسالفه
فطوم : خير امايه
ام سيف : سيرن لمن قشاركن لازم باجر انرد
هنود : لا لييييييش
ام سيف : منصور عنده شغل ولازم يرد ضروري
فطوم : انشالله
سارن البنات يلمن اقشارهن ..
وعقب ماخلصن سارن يلعبن كيرم بس حصلن الكيرم عند منصور ومبارك

الريم : اوووووف شو هاااا
منصور : خير لييييش تتأففين
الريم : نريد الكيرم
منصور : بشرط
الريم : شووووو
منصور : ادشون ثنتين ونحن ثنين شو تقولين
الريم : اوكيه موافقه
وتلف الريم صوب البنات : منو بدش تلعب وياي
فطوم : انا
منصور : يلا مبارك انت وياي
مبارك : لامافيني بسير ارقد تعبان
سعيد يطالع الريم : انا بدش وياكم
منصور : اوكيه يلا

يلسوا يلعبون يبون يطلعون حد .. بس ماقدروا ويت الساعة 12 وبعدهم ماخلصوا
ميروه : بسكم بنسير نرقد
فطوم : سيرن برايكم انا اليوم مابرقد لين حد يفوز
يزوي : والله برايكم مااشوف من الرقاد
سارن البنات يرقدن
بقت فطوم والريم ومنصور وسعيد يلعبون
وشوي وتطلع الريم من اللعبة
الريم : فطوم انت الأمل الوحيد لاتخلينهم يفوزون
منصور : ههههه بعد هاي فيها حرب
الريم : هيه اكيد فيها حرب
فطوم : افااااا يالريم مابخليهم يتعادلون ويانا
منصور : الريم سيري هاتينا ماي
الريم : انزين

بعد نص ساعه طلع منصور وتمت فطوم وسعيد يلعبون
الريم : فطوم دخيلج لاتخلينه يفوز
سعيد : انا مستعد اتنازل عن اللعبة عشانج
الريم من طرف خشمها : لامايحتاي انا اثق في قدرات فطوم

سعيد : ..........................

تقريبا بعد ربع ساعه فازت فطوم على سعيد بس فرحة الريم كانت كبيرة يقول ماخذه كاس
الريم : اخيرا
منصور : اوووف تعبت بسير ارقد
سعيد : مبروك الفوز الريم
الريم اطالعه من طرف عينها : عشان تعرفون قدرنا زين
مطت الريم فطوم وسارن يرقدن
منصور : يلا سعيد قوم نرقد
سعيد : لامافيني رقاد
منصور : الله ياخذ عدوك طالع الساعه 2.30
سعيد : برايك سير رقد انا بيلس شوي
منصور : برايك تصبح على خير
سعيد انسدح على الكرسي ويلس يفكر في الريم وكيف بكلمها ..
سعيد : آآآآآآخ ياقلبي والله مادري كيف بخلي عيني في عيونها والله اني مستحي منها ........ وينج يالريم وتشوفين قدرج وغلاتج عندي .. سمحيلي يالغالية والله ماكان قصدي شوووو اسوي بحياتي ماقدر اتغير في دقيقه .. بس مهما تسوين لو تذبحيني بتمين الغالية واللي عمري مابزعل منها واقطع عمري عشان رضاها ..
تاخذه الأفكار يمين ويسار حتى داخ ورقد ..


الساعه 11.30
كانوا كلهم في المطار يتريون طيارتهم ..
سعيد يتحرقص لأنه كان مقرر يسير يرمس الريم بس ماحصل الفرصه عشان يرمسها ..
سار اشترى وردة وقرر انه هو يسير يعطيها واللي يصير ما يصير
سعيد يمشي وخطواته ثجيله عليه لأنه بيواجه الريم جدام البنات ..
كانن البنات يالسات على الكراسي بروحهن بطرف ..
وايي سعيد ويوقف في ويهه الريم وترفع الريم عيونها ..
سعيد يخلي الوردة جدام عيونها : خذ وردة العمر من فضلك .. خذها من ايدين مهديها .. مازفت لحد من قبلك .. يانهر جاري يغذيها .. روح المولع فدا عمرك .. أرضاك فالوقت يرضيها .. خليتها من لحض سمرك .. في الود تامر وتنهيها ..
توقف الريم ويوقفن وراها البنات .. بس ولا وحده رمسة ويقاطعهم صوت (( على المسافرين رحلة رقم 2014 التوجه إلى بوابه المغادرين فوراً أكرر النداء )) ..تشل الريم الوردة وتمط وياها فطوم بسرعه تسير بدون ماترد عليه
يزوي تقلد سعيد : خذ وردة العمر من فضلك
سعيد يطالع الريم وهيه تمشي : يزوي عيب
ودوم : أول مرة أعرف إن أخويه رومانسي
سعيد : والله انكن متفيجات يلا بسرعه ماسمعتن بنسير
يسير سعيد وخاطره يرمس الريم وترد عليه
في الطياره .. الريم ماسكه الوردة وهيه سرحانه
فطوم : حوووووووو وين وصلتي
الريم : وياج
فطوم : لاعند سعيد
الريم : تخسين
فطوم : لا والله ذابة البنت يوم عطوها الوردة
الريم : تصدقين فطوم توني أعرف سعيد رومانسي
فطوم : هههههههههههه
الريم : اووووف محد فاهمني
فطوم : دخيلج لاتعكرين مزاجي بسوالفج انت وسعيد
الريم : والله انج سباله مب منج من اللي يشكيلج
فطوم : أمس كنتي تكرهينه وماتبينه واليوم متي يوم عطاج الوردة
الريم : قلت لج محد فاهمني
فطوم : اووووف منج خليج يا فارس المستقبل بسير اشوف قوم ميروه
الريم تلف صوب الدريشه وتفكر في سعيد : أأأأأخ منك ياسعيد كيف معذبني وياك .. مهما سويت بتم غالي مهما صار .. بس لازم تعرف قدري وماتفرط فيني عشان بنات الشوارع .. بس والله عيونه يت في عيوني ماقدرت امسك عمري زين ماطحت عليهم ..
وتقاطعها صوت سلامه (( 2 ابتدائي أخت فطوم .. لايكون نسيتوها ))
سلامه : ريموه عطيني الوردة
الريم : شوووووو سيري لا
سلامه : دخيلج حرام
الريم : اسفه حبيبتي
سلامه : انزين منو عطاج اياها
الريم : ريلي عطاني وردة
سلامه : شوو تقصين علي
الريم : سلامي سيري عني لااضربج
تسير سلامي وهيه تتحرطم .. وسارت تتخبر سعيد ومبارك عن الريم
الريم : سعيد منو ريل الريم
سعيد يطالع مبارك وهو مبتسم : ...........
مبارك : ليييييش منو قالج
الريم : هيه قالت
شل سعيد سلامه وخلاها في ثبانه : قولي لي شو صار بالضبط
سلامه : سرت قلت لها عطيني الوردة بس ماطاعت وقالت ريلها عطاها الورة
مبارك وهو ناقع من الضحك : هههههههههههههههههههههه
سعيد : انزين تريدين تعرفين منو ريلها
سلامه : منوووو انت تعرفه
سعيد : هيه اكيد اعرفها
سلامه : منو انا اعرفه
سعيد : بعدين بتعرفينه بس سيري عند الريم وقوليلها يقولج ريلج يحبج وسامحيه
سلامه : انزين
سارت سلامه عند الريم
سلامه : الرررررريم
الريم : خير شو تبين
سلامه : يقولج ريلج يحبج وسامحيه
الريم وهو تضحك : هههههههه منو اللي وصلج الكلام
سلامه : سعيد
الريم : سيري قوليله هيه ماتحبك ومب مسامحتنك
سلامه : انزين
سارت سلامه عند سعيد
سلامه : سعيد قالت الريم انها هيه ماتحبه ومامسامحتنه
مبارك خلاص بموت من الضحك على سعيد : ههههههههههههههه
سعيد والشرار طالع من عيونه : خلاص سلامي سيري عند قوم امج
سارت سلامه عند امها ..
مبارك : هههههههههههههه
سعيد : بروك خلاص عاد لا أفج حرتي فيك
مبارك : ولا ماتحبك العروس ههههههههه
سعيد : مبارك
مبارك : خلاص بيسر عنك لاتجتلني بسبتها
سعيد : أحسن بتسوي خير يوم بتفارج
مبارك : والله ماتستاهل قعدتيه وياك بيسر عندهم احسن لي عنك
سار مبارك عن سعيد ويخليه بأفكاره
سعيد : لييييش جيه قالت اكيد بعدها معصبه علي ..


الساعه 2 الظهر
طلعوا من المطار وساروا البيت ..
في بيت بو سيف ..
ام سيف : يالله كيف اشتقت للبيت
فطوم : يالله عاد يا امايه إلا يومين
ام سيف : هاليومين جنهن سنتين
منصور يطالع فطوم ويضحك : اكيد ماشافت اللي في بالها
ام سيف : منصور يالله بالستر شو قصدك
وقف منصور يريد يسير : بو العيال حد غيره
ام سيف تريد تغير السالفه : وانت وين ساير
منصور : بسير اسلم على الربع تعرفين بعد باجر برد بوظبي وخلاص مابتشوفيني شرات الحين مجابلنكم اربع وعشرين ساعه بيلس احاتي الشغل بعدين
انقبض قلبها فطوم من سمعة الرمسه ..
ام سيف : لييييش يالله بالستر
منصور : تعرفين بعد عموه الشغل خلاص جريب بنودع البطاليه مالتنا
ام منصور : الله يوفقك يا وليدي وسوق شوي شوي وانشالله اسمعك تحاتي حرمتك ياربي
منصور يطالع فطوم : انشالله الله يسمع منج
فطوم ويها استوى مثل الطماطه وتنزل راسها ..
منصور يطالع امه: بعد امايه فيه اوامر ثانيه
فطوم بسرعه بدون تردد : هيه فيه
انصدم منصور من ردة فعلها والكل يطالعها
منصور : شوووو بعد
فطوم : ههههههه سلامتك
منصور : الله يسلمج يلا عيل اترخص منكم

ام سعيد : اقول ام منصور
ام منصور : عونج
ام سعيد : شو رايكم انخلي الأسبوع الياي الملجه تعرفين بعد سعيد بمسكونه زام اسبوعين بعدين ماشي وقت
ام منصور : والله ماادريبكم اللي تشوفونه
قامت الريم وسارت عنهم فوق ..
ام منصور حست ان بنتها شي فيها ..وقامت ولحقتها
ام منصور : الريم فديتج اشفيج
الريم : سلامتج امايه ماشي
ام منصور : ماتريدين سعيد
الريم اطالع امها وعيونها ادمع وتنزل راسها
ام منصور : الريم قولي اذا ماتبينه مش غصب
الريم : لا والله اريده عادي ماعندي مانع
ام منصور : عيل ليش اتصيحين
الريم : ماادري احسن اني مضيجه واريد اطلع كل اللي في قلبي
ام منصور : قوليلي بابنتي انا امج وبفهمج اكثر وحده
الريم : لا والله امايه تعرفين دلع البنات يعني قبل العرس
ام منصور : يعني مب عشان سعيد
الريم : لا والله مب عشان سعيد
ام منصور : برايج خلاص انا سايره عندهم
الريم : امايه متى بنرد بوظبي
ام منصور : باجر الصبح
تطلع ام منصور عنها .. وتسير الريم تفج الدريشه وتشوف سعيد منسدح على الكرسي في الحديقة ويرمس تلفون : أأأأأأأخ ياسعيد متى بتتعدل اكيد يالس يرمسها الحين ،، أوف لو اعرف رقمك جان راويتك الشغل كيف ،،، والله فكره اكيد فطوم تعرف الرقم لازم اخذه منها ..
سارت الريم تسبح ولبست بجامتها وانسدحت على الشبرية وتدخل فطوم
فطوم : ها الريم هديتي
الريم : ههههههههه
فطوم : اشفيج
الريم : فطوم طلبتج
فطوم : شووووووو
الريم : تعرفين رقم سعيد
فطوم : شووووووو اكيد ينيتي
الريم : فطوم صدق ماامزح
فطوم : شو تبينه
الريم : عطيني الرقم بعدين بتعرفين السالفه
تشل الريم تلفونها وادق حق سعيد وتحاول انها تغير صوتها ..
سعيد : اقول هزاع برايك عندي خط
هزاع : برايك الله وياك سلم على منصور
سعيد : سلام يوصل فمان الله

يرد سعيد على الخط : الووووووووو
الريم احم احم : الووووووو
سعيد : هلا منو وياي
الريم : انت منو
سعيد : والله انت اللي داقه
الريم : سمحلي اخوي بس بغيت اتخبرك هذا مب رقم محمد
سعيد : لاأختي غلطانه
الريم : انزين هذا تلفون منو
سعيد : اوووف قلت لج غلطانه ماتفهمين هذا مب رقم محمد يعني سمحيلي
الريم : اشفيك اخوي معصب
سعيد : الصراحه يأختي بلا هالحركات البنات تراها مكشوفه
الريم : انزين انت ليش عصبت انا شو قلت الحين
سعيد : ياأختي فكينا من شرج انا ريال معرس وأحب حرمتي ومستحيل اقص عليها عشانج
الريم : .................
سعيد يبند الخط في ويها ...
الريم امبطله عيونها : ................
فطوم : حووووو شو صار وياج
الريم : لامااصدق اللي سمعته
فطوم : شوووووو صار
الريم : تعرفين شو قال
فطوم : شوووووو
الريم : ياأختي فكينا من شرج أنا ريال معرس وأحب حرمتي ومستحيل اقص عليها عشانج
فطوم : بذمتج قال جيه
الريم : والله انه جيه قال
فطوم : يحليلك يا ولد عمي
الريم : لامستحيل هذا سعيد
فطوم : والله انه يعزج ويحبج بعد
الريم : ووووع لو سوا ماسوا بتم سبال
فطوم : ليش
الريم : يسير عند حبيبته
فطوم : ايه عاد عقلي تعرفين الأسبوع الياي الملجه
الريم : حتى ولو مابغير شي في الموضوع
فطوم : انزين شو بتسوين
الريم : اقول فطوم شو رايج نسير العصر السوق وتعرفين بعد باجر بنرد بوظبي يعني بتروحين ويانا بوظبي لازم تزهبين وياي حق الملجه من بوظبي
فطوم : انا موافقه نسير السوق العصر بس سيرة بوظبي يمكن
الريم : ليش والله مب كيفج
فطوم : اذا وافقة امايه ماعندي مانع اسير
الريم : لا ولا يهمج عموه بطيع خلي عنج
فطوم : انزين الريم منو بودينا السوق العصر
الريم : الدريول بعد منو
فطوم : ههههههه الدريول محد في المزرعة
الريم : اوووووف عادي منصور بودينا

فطوم : لا مابسير ويا منصور
الريم : إيه عاد لاتخربين عليه
فطوم : انزين لاتحشرينا قومي خليني ارقد الحين
الريم : وين ترقدين قلنا بنسير السوق
فطوم : الله ياخذج شي سوق الحين الساعه 3 الظهر
الريم : انزين لاترقدين وايد
فطوم : ليش انت وين بتسيرين
الريم : بسير الم قشاري
فطوم : انزين سكري الباب وراج وبندي الليت
الريم : انزيييييين

[لامارا]

البارت الـ 18 ..





الساعة 3.45
الريم يالسه في الصالة أجلب في هالتلفزيون ..
فطوم : حوووووو
الريم : باسم الله زيغتيني
فطوم : اقوووووول
الريم : توج بترقدين اشياج لايكون حلمتيني
فطوم : هههههه ..
الريم : انزين اشعندج
فطوم : شووووو نسيتي المعركة
الريم : لامانسيت
فطوم : انزين شووو بنسوي
الريم : فطوم تستهبلين انت
فطوم : لاأحاول
الريم : خلاص انسي سالفة المعركة
فطوم : لاااااااااا لييييييش حرام والله كان وناسه
الريم : مايصير ،، لأن نحن باجر بنرد بوظبي وقوم ودوم بعيد عنا وقوم ميروه راحو بيتهم يعني مايصير
فطوم : صح نسيت
الريم : سيري سيري كملي رقادج بعدين بنسير السوق
فطوم سارت تيلس عدال الريم : خلاااااص طار الرقاد
الريم : أحسن عشان تلسين وياي تونسيني
فطوم تشل الريموت وتيلس تبدل في هالقنوات : اووووف ملل
الريم : إلا من كمن ساعة يايين من صلاله
فطوم : إلا يومين يلسنا فيها
الريم : اقوووول فطوم
فطوم : خير
الريم : والله اني زايغه من الملجه
فطوم : ليييييش عاااادي
الريم : والله حاسه انه شي بصير قلبي ناغزني
فطوم : شووووو بصير يعني إلا ملجه
الريم تفرها بالمخده : ماتفهمين غبية
فطوم : هيه فهمت عشان بيدخل عليج سعيد في الملجه
الريم : وين أنا وين أنتي
فطوم : طبي سالفه الملجه يصير خير أللين ذاج اليوم .. دقي لمنصور قولي له متى بودينا
تشل الريم تلفونها وادق لمنصور
الريم : الووووووو
منصور : هلا
الريم : وين انت
منصور : في المول
الريم : شوووو اسوي
منصور : يالس على النت لييييش شي تبون
الريم : اممممممم هيه
منصور : شووووو
الريم : اباك توديني السوق اليوم
منصور : انزين عقب صلاة المغرب اوكيه
الريم : اوكييييه بااااي

فطوم : هااااا شوو قال
الريم : بودينا عقب المغرب
فطوم : وينه هو
الريم : في المول يالس على النت
فطوم : حلفي
الريم : والله لييييش
فطوم قامت : بسير اشغل النت
الريم : والله انج متفيجه
فطوم : كيفي

سارت فطوم شغلت النت ودخلت المسنجر
فطوم : اووووف محد أون لاين
والله ملل طفره محد يدش ... وينه عيل منصور أونه يالس على النت .. أوهوووو أحسن لي ابند النت

شلت تلفونها ويلست تلعب باللعبة .. شوي ويصيح تلفونها
فطوم : الووووو
أسوم : هلااااا والله بالقاطعه
فطوم : هلاااا والله اسومه اشحالج
أسوم : بخير وسهاله اشحالج انت
فطوم : بخير ونعمة
اسوم : هاااا بعدج طايحه في صلالة
فطوم : ياليت اليوم وصلنا العين
اسوم : وين مايلستو عيل
فطوم : شوووو انسوي منصور ولد خالي عليه شغل والريم اجهز للملجه
اسوم : شووووو ملجة الريم
فطوم : اوو نسيت اقولج ،، سمعي الخميس الياي ملجة الريم بياخذها سعيد أخو ودوم
اسوم : وين كل هذا صار
فطوم : ماادري والله شافوا الريم وخطبوها حق سعيد
اسوم : يحليلج يا الريم ،، يلا عقبالج فطوم
فطوم : لاااااا مستحيل
اسوم : ليييييييش
فطوم : مااريد اعرس مافيني
اسوم : انزين خلينا من سالفة العرس ،، شوو عشان التسجيل في الجامعة
فطوم : اوووو تصدقين نسيت سالفة الجامعة والتسجيل
اسوم : ويا ويهج من يومين البنات يسجلن
فطوم : خلاص باجر بنسير اوكيه
اسوم : اوكيه خلاص باي
فطوم : بااااي

اتسير فطوم عند الريم في الصالة
فطوم : الريم
الريم : خير
فطوم : اويه نسينا سالفة الجامعة
الريم : صح والله نسيت
فطوم : انا باجر بسير اسجل
الريم : وين باجر بنروح بوظبي
فطوم : حبيبتي الجامعة أهم
الريم : انزين انا بسجل في جامعة زايد
فطوم : شووووو لاحبيبتي انت بتين تسكنين في العين
الريم : انزين متى العرس بكون
فطوم : امممممم اكيد السنه
الريم : لا مااريد
فطوم : شووووو ماتريدين مب كيفج
الريم : انزين لا تسجلين باجر اترييني بنسجل ويابعض
فطوم : متى يعني
الريم : ورا باجر عشان بسير اييب اوراقي من بوظبي
فطوم : اووووكيه خلاص ،، يلا قوي انصلي العصر
الريم : يلا ..


الساعة 7.30
الريم تدخل على فطوم
الريم : يلا بسرعه
فطوم : انزين خليني الف شعري
الريم : اوووف منج اخرتينا
فطوم : مابطير السوق
الريم : طالعي الساعه الحين سبع ونص
فطوم : انزييين الحين بلبس عباتي
الريم : اقوول شوو بنشتري
فطوم : لا والله عيل حق شوو انسير السوق

الريم : شو رايج نشتري قطع الفساتين وبنفصلهن في بوظبي
فطوم : اوكيه يلا طلعي خلصت

في السيارة ...
منصور : هاااا وين تبن اوديكن
الريم : مااعرف أي مكان
منصور : شوووو أي مكان
فطوم : ودنا المول
الريم : ليييييش المول
فطوم : الريم اشفيج بنشتري قطع الفساتين
منصور : هههههههههه الريم ماتعرف شرقها من غربها
الريم : والله ماادري شوو فيني حاسه شي بصير
منصور : توكلي على ربج وانشالله خير
الريم اطالع برع وتقول في خاطرها : الله يستر يارب مايصير شي وانشالله سعيد يكون بخير

يصيح تلفون منصور ويطالع فطوم ويضحك ..
منصور : هلااااا والله بالمعرس
سعيد : اهلين هااااا وينك
منصور : والله ساير السوق
سعيد : شوو اسوي
منصور : شال العروس ماادري شو تريد من السوق
سعيد يتنهد : منصور طلبتك
منصور : طلب وفالك طيب
سعيد : فالك مايخيب بس بغيت ........... (( ويسكت ))
منصور : خير يابوعسكور
سعيد : بغيت رقم الريم
منصور يطالع الريم ويضحك : ليييييش شوو تباه
سعيد يتأفف : دخيلك عشان سالفة صلالة
منصور : اهاااااا ،،، انزين هم عدالي تريد ترمسهم
سعيد : لا مب الحين بس عطني الرقم
منصور لحظه بشاورهم
سعيد : لااااا دخيلك مااريد تعرف اني بدقلها
منصور : اوكيه بدقلك بعدين
سعيد : انزين يلا باي

فطوم : منصور شوو يريد سعيد
منصور : لا بس يسلم
الريم ماعاطنهم ويهه اطالع برع مستهمه ...؟؟؟؟؟؟


في بوظبي
عائلة بومنصور .. توهم واصلين من العين
الريم سارت حجرتها .. اتفر عمرها على الشبريه
الريم : والله اشتقتلج ياحجرتيه .. ويقاطعها صوت المسج ..(( ياليتني إنسان معدوم الاحساس .. ماأحس بفرقاك ولاأبكي على غيابك ))

الريم : هذااا رقم سعيد . خيبه من وين ياب رقميه .. ياويلي اخافه عرف يوم دقيت استهبل عليه .. ويوصل المسج الثاني (( محظوظ من يهوى له إنسان يهواه .. ومحظوظ من خله يراعي شعوره ))
الريم : شوووو اسوي احسن اطنش مابرد على مسجاته .. ويصيح التلفون ..
الريم : ياويلي دق لامابرد لو يموت ..
بس سعيد حرقه التلفون وهيه ماترد ... يطرش لها مسج (( ردي علي اباج بسالفه ضروري))
الريم : لاااااااا وينج يافطوم لو كنت عندي الحين ..
ويرد يتصل سعيد .. والريم متردده .. بس ماطاعت ترد عليه ..
سعيد عصب على الأخر ويرد يطرش لها مسج (( أنسى ياقلبي هواهم ليش ترضى بالمذله .. هم تسلوبك تراهم وإنت ياغافل لك الله ))
الريم ترد أطرش له مسج (( مع غيري ألعب وبين له مهاراتك .. لو كنت مثلك بدون إحساس لاعبتك ))
سعيد (( لا تجرح إحساسي أنا إنسان حساسي .. ليتك تداريني وتحس ياجاسي .. ))
الريم ماردت عليه ،، بس سعيد رد وطرش مسج (( ابسألك يابحر ليش أمواجك تعاني .. أنت مثلي يا بحر فاقد عزيز وغالي ))
الريم (( ما أرد للجمرة وأشيلها بكفي .. جرحتني مرة واظنها تكفي ))
سعيد يدق تلفون يريد يتفاهم وياها ،، بس الريم معنده ماطاعت ترد .. رد سعيد يطرش مسج (( الريم ردي علي ،، وإذا مابتردين قولي ))
يرد يتصل فيها .. الريم : ارد ولا لا .. برد بشوفه شوو يريد

الريم بتردد : الوووووو
سعيد : اخيرا رديتي علي
الريم : .............
سعيد : اشحالج الريم
الريم : بخير اشحالك انت
سعيد : من سمعة حسج اكيد بكون بخير
الريم : .............
سعيد : سمعيني ادري انج مضيجه علي عشان سالفه صلالة بس ..... وتقاطعه الريم : هذي مب أول مرة تذكر سالفه يبل حفيت ولا أذكرك
سعيد : ادري بس تعرفين الشباب لازم يمرون بهذي المرحلة
الريم : لا مب شرط عندك مثلا اخوي منصور مايطالع البنات ولا يخصه بهسوالف
سعيد : خلاص سمحيلي واوعدج والله مااعيدها ولا بطالع حد غيرج بس دخيلج رضي علي
الريم :............
سعيد : الريم .شفت بنات وايد ورمسة بنات وايد بس عمري ماطيحني في هواهن ولا حبيت حد إلا انت .. صح اني ارمسهن بس والله اتسلى
الريم : مب حرام عليك تتسلى بمشاعرهن
سعيد : خلاص دخيلج الريم لااذكرين .. والله وراسج عقب هذيج اللي رمستها في صلالة مارمست حد غيرها واذا تبيني اغير رقميه انا حاضر بس انت قولي
الريم : خلاص حصل خير .. وانا لازم اسكر عنك الحين
سعيد : خلاص برايج مع السلامة
الريم : الله وياك

تخطف الأيام بسرعه وماشي باقي عن الملجه غير يومين
فطوم : اقووووول الريم
الريم : شووووو
فطوم : متى بتي راعيه الصالون عشان الحنا
الريم : اليوم العصر بتحنين وياي
فطوم : هيه عيل شووووو
الريم : رمستي ودوم
فطوم : رمستها باجر بيتحنن هيه ويزوي وميروه ويا بعض
الريم : اهاااا .
تسكت الريم وتيلس اطالع المجله .. فطوم يالسه اتفكر ..
فطوم تفكر : وينه منصور الحين ثلاث ايام ولاشفته مع اني 24 ساعه طايحه في بيتهم ..
تشل تلفونها واطرش مسج (( يادنيا ضيعتينا وتوهتينا وعاندينا بس تكفين أنا والغلا كله لاتفرقينا )) .......... بس لاجواب من منصور ؟؟؟؟؟
ترد اطرش مسج ثاني (( وين غايب عن عيوني وين يامطول بغيباتك .. )) ........ بس لاجواب من منصور .

تقاطعها الريم : فطوم
فطوم : ها هاااااااا
الريم : وين وصلتي
فطوم : يالسه العب بالتلفون
الريم : انزين خلينا ننزل طفرت
فطوم : اوكيه يلا قومي يا العروس
الريم ويها طماطه : فطوووووم
فطوم : خلا خلاص يلا ننزل ..

في الحديقة الريم يالسه تشرب جاي .. وفطوم تلعب كورة مع هنود .. يدخل منصور البيت .. بس ماراح صوبهن سيده سار البيت . وفطوم اطالعه وهو يدخل البيت
فطوم : اشفيييييه منصور
الريم : اشدراني
فطوم : الريم سيري طالعيه دخيلج
الريم : شوووو يهمج
فطوم : اكيد يهمني انت تعرفين بغلاة منصور عندي
الريم : انزين ...
سارت الريم داخل البيت عند منصور اطالعه شوووو بلاه __