آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-07-16, 12:04 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  مشــــاعـــر زائــفــة، للكاتبة/ســارة عــادل، مصرية ، (مكتملة)
| |||||||||||||||||
|  |
|
20-07-16, 12:31 PM
| #2 | ||||||||
| مراقبة عامة ومشرفة منتدى الروايات المنقولة
|  الحلقة الأولى ف أوضة هادية ورقيقة نايمة نورة تلفونها بيرن بجرس المنبه بتمد ايدها ع الكوميدينوا بتطفيه وترجع تكمل نوم بتدخل مامتها مامة نورة : حرام عليكي يا بنتي ده كله نوم قومي يالا بقى انتي ايه مش ناوية تكبري نورة : حاضر يا ماما ... انا صاحية مش لازم التهزيء اللي على الصبح ده . مامة نورة : انتي لسه شوفتي تهزيء يا بارده يا تلمة يا حيوانة ..... انا مش عارفة اربيكي عشان تحسي بقيمة الوقت صاحبتك بقالها ساعة بتتصل وانتي والا انتي هنا بتقوم نورة من ع السرير وتقول لمامتها : خلاص اهو صحيت ... وبعدين هو انا مكتوب على وشي هزئني من فضلك عشان تشتمي فيا كده على طول مامة نورة : قومي يام لسانين الفطار عندك وانا هدخل اكمل نوم نورة حاضر ....... وبتقوم على مضض في اوضة عادية لكن فيها شيء جذاب وملفت للنظر شاب وسيم في بداية العشرينات من عمره واقف قدام المراية بيكمل لبسه بتدخل عليه مامته مامتة مروان : مروان ......... مروان مروان مبرودش و واضح عليه علامات الغضب والزعل مامة مروان : يا ابني حرام عليك انت داخل فتاني اسبوع مبتكلمناش والا بتاكل معانا خلاص بقا مروان : وانتي مش خلاص ليه يا ماما مامة مروان : يا ابني انت عارف ابوك موسوس ولما الضغط تعبه الشهر اللي فات قالي اعمل كده قبل ما يموت مروان : وانا يا ماما معنديش استعداد بسبب وسوسته دي واتجوز واحده اتعبها معايا و اظلمها معايا لاني مبحبهاش مامة مروان : يا حبيبي ما انت هتحبها مروان : اه هحبها تاخديني من ايدي زي العبيط وتقوليلي عزومة ومعرفة وكلنا رايحين وفجأة تسبقوني معاها وتمشوا وتقولولي نسيب العرسان يتعرفوا على بعض ....... دا انا كنت قاعد زي الاهبل مامة مروان :خلاص يا مروان بقا مروان : خلاص يا ماما بس اعرفي انتي وهو اني مش هتجوز الا اللي تخطفني وتخطف قلبي و لو ده حصل تاني انا هسيب البيت مش بس هخاصمكوا مامة مروان : حاضر يا ابني ربنا يسهلك ويسترها معاك ويفرحني بيك مروان : ماشي يا ماما وسعي بقا عشان الحق انزل زمان احمد قاعد ف الجامعة على نار سلام مامتة مروان : سلام #سارة_عادل التعديل الأخير تم بواسطة فيتامين سي ; 21-07-16 الساعة 05:11 AM | ||||||||
|
| |
|
20-07-16, 12:32 PM
| #3 | ||||||||
| مراقبة عامة ومشرفة منتدى الروايات المنقولة
| الحلقة الثانية نورة ف المطبخ بلبس البيت بتسمع خبط الباب بتروح تفتح و الأكل ف أيدها هنا : يا نهارك يا نورة ده كله ولسه ملبستيش يا بنتي هنتأخر و النهارده أول يوم نورة : يا بنتي دي جامعة مش درس ثانوي هنا : طب اخلصي هاتي الأكل ده أنا هعينوه وأنتي البسي أومال فين طنت نورة: نايمة بتدخل هنا تعين الأكل ونورة بتلبس هنا : يالا يا نورة نورة : خلصت اهو .... أنا عارفة لزمتها ايه حاسبات و معلومات اللي انتي عايزاها دي ما كنا خدنا اي تربية وقعدنا ف البيت هنا : مش مكسوفة من نفسك وانتي بتقولي كده نورة : خلاص خلاص ..... انتي هتفتحي فتهزيئي انتي كمان يالا بينا مروان سايق عربيته ف طريقه للجامعة بيكلم أحمد مروان:ايوه يا أحمد انا ف الطريق اهو ...... لم اجي هقلك ..... اه بخصوصه ....... ماشي يا نجم.... سلام بيحط احمد التلفون جنبه ويكمل سواقه وفاجأه بيقف مروان : يوه هو دا وقته هنا : يارب بس نلاقي مواصلات بعد لكاعتك دي نورة : يابنتي دي جامعة مش ورانا طبور الصباح و الأزاعة ياعني هنا : خلاص خلاص ...... انجزي قدامي بيقف مروان وينزل من العربية وبيدور على مكانيكي بيبص ف الساعة وبيلاقي الوقت اتأخر بياخد حاجته ويقفل عربيته ويوقف تاكسي مروان : بسرعة يا اسطى لو سمحت سواق التاكسي : عى فين يا ابني ؟ مروان : جامعة القاهرة سواق التاكسي : حاضر يا ابني نورة : تاكسي اهو يا هنا و بتوقفه وتركب هي وهنا هنا : جامعة القاهرة يا اسطى بعد اذنك هنا : يا اسطى شد حيلك شوية متأخرين السواق : ما انا سايق اهو يا بنتي اجري ياعني ؟ نورة : ههههههههههههههههههههههههه ههههههههه اخيرا بتوصل نورة و هنا و مروان الجامعه هنا داخلة تمشي بخطوات سريعة اقرب للجري ونورة وراها بتجري بتخبط ف شب مروان : هو فيه ايه النهارده هيا ناقصة نورة : انا اسفة مقصدش مروان بيبصلها بصمت شديد و استغراب نورة بتلم الحاجه وبتاخد حاجتها و بتدي مروان حاجته مروان واقف يبص لنورة وفاقد وعيه باي حاجة حةاليه بيجي احمد من وراه احمد : فيه ايه يا ابني انت بقالي ساعة برن عليك والتلفون ف ايدك مبترودش ليه ؟؟؟؟ ولقيتك و قعدت انادي عليك والا انت هنا مروان : ها معلش يا احمد انا مروح احمد : تروح فين ..... خد دا انت اكتشاف النهارده بياخد احمد مروان و يروح بيه الكافتريا احمد: ها بقى فيه ايه ويحكي مروان لأحمد اليوم من اوله احمد : ههههههههههههههههههههههه بذمتك في حد يرفض عروسة من ست الحبايب عشان وهم ف دماغه مروان : انت كمان يا احمد ...... خلاص هخليها تجبهالك و خليني انا ف اوهامي اللي محدش مقدرها احمد : يا ابني هو لسه في حاجه اسمها حب من اول نظره والا كان فيه اصلا مروان : فسلي اللي انا فيه دلوقتي يا خفه احمد : بصراحة مش عارف ايه دا بس اكيد في لغز وحاجه غريبه و البت دي فيها سر مروان : وانا بقى لازم اعرف السر ومش هخليه يضيع احمد : ربنا يقويك على اللي مش مقتنع بيه و مازلت مُصير مروان : ماشي يا احمد ..... هثبتلك احمد : اثبت لنفسك مش ليا مروان : ماشي بقا انا هقوم اجيب الجدول واروح عشان اشوف العربيه دي كمان احمد : خد انقله اهو انا جبته و يالا انا كمان مروح بينقل مروان الجدول و بيوقفوا تاكسي و يمشوا #سارة_عادل | ||||||||
|
| |
|
20-07-16, 12:33 PM
| #4 | ||||||||
| مراقبة عامة ومشرفة منتدى الروايات المنقولة
| الحلقة الثالثة نورة : انتي يا زفته عاجبك اللي حصل هنا : ايه اللي حصل امسكي الجدول اهو نورة : لا بس خبطت فواحد بسببك واحرجني لما كنت هعيط هنا : خلاص معلش انا اسفه يالا نروح نورة : ياعني ده كله عشان ننقل الجدول وبس حسبي الله يالا يالا بيوقفوا تاكسي ويروحوا هما الاتنين مروان بيدخل البيت مامته بتنادي عليه مستغربه رجوعه بدري مروان : معلش يا ماما انا هنام دلوقتي واقي صحيني العصر عشان العربية عملتها مامة مروان : وهو انت لحقت تروح الجامعة مروان : اه يا ماما انا اساسا رايح عشان اجيب الجدول بس مامة مروان : مش عارفه ليه مش مرتاحة مش انت مروان ابني مروان : جرا ايه يا ماما يا عني انا ازعق مش عاجب اتكلم بهدوء وبرود بردوا مش عاجب مامة مروان : خلاص خلاص انت هتفتح اتخمد مروان : بعد اذنك يا ماما اقفلي الباب وهتغدا لما اصحى عشان محدش يسأل تاني ويصحيني مامة مروان : طيب وانت هتنام ازاي و السمعات دي فودانك و المزيكا شغاله مروان : ييييييييييييييي علينا ..... انا عايز انام ...........انا عايز انام ......ايه اغنيها مامة مروان : طيب طيب .... اولع وبتخرج مامة مروان وتقفل الباب ومروان بيطفي النور وينام ومشغل الراديو ويبص للسقف ويركز فكلمات الاغنية ويدندن مع الاغنية حبيتك يوم ما اتلقينا لما حكينا اول كلام حبيتك واحلف ع لادا تسمع زياده دا انا مش بنام حبيتك يوم ما اتلقينا لما حكينا اول كلام حبيتك واحلف ع لادا تسمع زياده دا انا مش بنام الناس فعيني حاجة وانت حاجةتانية عندك مشاعري حتى خدها واسألها أنا صعب اعيش حياتي وانت لحظة بعيد ويبتسم ويبص للتلفون ويقول : ياعني دا رايك ياعم حماقي يارب عني وتطلع صح يارب ويقل الراديو و ينام نورة : ماما ... يا ماما .... انا جعانة فين الاكل هنا : فيه حاجه اسمها ازيك يا مفجوعة ...... ازيك ياطنط مامة نورة : ازيك يا روحي ...... شايفة الناس اللي بتفهم نورة : اه بتفهم وهوو في زي هنا ف الدنيا دي كلها بيفهم بصوا عشان انتوا لما بتتجمعوا بتيجي على راسي ..... انا جعانه ... في اكل والا اناام ؟ مامة نورة : لا نامي انا لسه مولعة ع اللحمة نورة : طيب تصبحوا على خير وب تتجه لأوضتها هنا : استني لما ادخل معاكي البس حاجه بيتي .... عن اذنك يا طنت هغير واجي مامة نورة : براحتك يا حببتي انا اصلا مستنياكي هنا ونورة ف أوضة نورة ...............نورة بتقلع طرحتها وبترميها على السرير بتيجي على هنا غصب عنها بيشدها ريحة البرفيوم الرجالي اللي لاقطه هنا بتشم بعمق : بت يا نوره ايه البرفيوم الرجالي الجامد اللي ف الاشرب بتاعك دا وبتشم بقوة اكتر بتحاول تميز نوع البرفيوم يخربيتك دا vip212 لزق ازاي دا ؟؟؟؟؟؟؟؟ | ||||||||
|
| |
|
20-07-16, 12:35 PM
| #5 | ||||||||
| مراقبة عامة ومشرفة منتدى الروايات المنقولة
| الحلقة الرابعة : هنا ونورة ف أوضة نورة ...............نورة بتقلع طرحتها وبترميها على السرير بتيجي على هنا غصب عنها بيشدها ريحة البرفيوم الرجالي اللي لاقطه هنا بتشم بعمق : بت يا نوره ايه البرفيوم الرجالي الجامد اللي ف الإيشارب بتاعك دا وبتشم بقوة اكتر بتحاول تميز نوع البرفيوم يخربيتك دا vip212 لزق ازاي دا ؟؟؟؟؟؟؟؟ بتمسك نورة الإشارب نورة : وريني كده وب تشم بعمق .... اه هو بس جه ازاي دا وبتحاول تفتكر .....ااااااااااااااه دا تلاقيه الواد اللي خبط فيه هنا : خبطي فيه ؟؟!!! دا امتى دا ؟؟!! احكي نورة : احكي ايه بني آدم وخبطنا فيه ب الغلط من سربعتك بالغلط و البرفيوم بتاعه لزق ف الإيشارب بتاعي ....... يتحكي فيها ايه دي .......... هاتي كده الإيشارب ده كده وبتحطه تحت المخده .....اطلعي بره يا رغاية عايزا انام وبتنام نورة مروان بيصحى من النوم رغم انه نام ساعتين بس بعد تعب ويوم طويل بأحداثه ألا انه حاسس بأنه مرتاح و خد كفايته من النوم اللي تعوضه احساسه ب التعب بيقوم ويفتح الباب يلقيهم قاعدين على تربيزة السفرة مامة مروان : دا اللي سبوني وتعبان ومحدش يصحيني و انا هتغدا لما اصحى مروان بيقرب منها يبوس راسها بعد ما باس راس باباه : والله يا ست الكل مش عارف انتي مركزه معايا كده ليه ........ الحكاية اني خدت كفايتي فوقت قصير ايه مش بتحصلك بابا مروان : امال لما انت هنا عربيتك مش تحت ليه ؟ مروان : ع الطريق عطلانه عما اكل و اخد دش و البس يكون العصر اذن اروح اشوفلها ميكانيكي بابا مروان : طب بما ان يومك بسنه و لما بتتلم على صحابك بتنسى الدنيا تخلص العربية و تروح تجيب اختك مروان : نعم ؟!! وجوزها ما يجبهاش ليه ؟؟! مامة مروان : جوزها طلع الضهر طلع مأمورية الضهر ومش هيرجع الا اخر الاسبوع مروان : ايه دا ؟! ياعني هالة هتبات معانا اليومين دول ........ شكلها مفهاش جامعة اليومين دول اصل سيف وحشني موت بابا مروان : و الله يا حج انت فاهمني غلط ....... انا بعيش يومين بس ..الشباب دا حاجة متتعوضش وانت سيد العارفين طبعا وبيقوم بسرعه قبل ما حد يفاتحه كالعادة فموضوع الجواز مروان : يالا الحمد لله اقوم انا عشان الحق اجيب هالة و تسلم ايدك يا ست الكل مش عاوزين حاجه اجيبها و انا جي مامة مروان : لا ياحبيبي .. تسلم نورة بتصحى تبص حواليها مستغربة ريحية البرفيوم اللي لازق ف مناخيرها وبتكلم نفسها .. ايه دا معقول ؟؟؟!! (فلاش باك ) نورة قاعده جمب مروان نايمة على صدره وهو محاوطها بدراعه نورة : ياه يا مروان حضنك حلو و دافي اوي مروان : ربنا يخليكي ليا يارب يا حُبي نورة : ياه يا مروان عارف رغم ان معنا الكلمه دي ان ربنا يخليني ليك طول ما انت عايش و ميبعدنيش عنك إلا اني بحس بحبك ليا فيها و قد ايه أنا شيء مهم فحياتك ( ف الواقع ) نورة ايدها على السرير لامسه الإيشارب نورة: اعني يوم ما احلم يا ربي احلم الحلم دا؟؟؟!! كله بسببك انت وبتبص لــ................ | ||||||||
|
| |
|
20-07-16, 12:36 PM
| #6 | ||||||||
| مراقبة عامة ومشرفة منتدى الروايات المنقولة
| الحلقة الخامسة :- ( ف الواقع ) نورة ايدها على السرير لامسه الإيشارب نورة: اعني يوم ما احلم يا ربي احلم الحلم دا؟؟؟!! كله بسببك انت وبتبص لإيشارب وبتحك فمناخيرها عشان الريحة تروح وف الأخر تقوم تجيب من البرفيوم بتاعها و تشمه وبارضوا بريفوم مروان لازق فمناخيرها بتقوم ومعاها الإيشارب وبتطلع لهم نورة:- امسكي يا ختي ريحته منيمتنيش ولازقه فمناخيري بغرا. هنا :- ماهي لازم تلزق مش نايمة عليها و بعدين لو ملزقتش يبقى انتي لوح تلج متأصل .......... يابنتي دا من الأنواع اللي بتجزب الست للراجل . نورة:- اهو اديكي قولتيلها الست انما انا لسه مقفلة ال 18 اول امبارح يا عيني ف أزهى عمري سيبيني فحالي بقى ولما اتجوز لقدر الله و يبقى معايا اورطة عيال ابقى سمعيني البؤين دول . هنا :- انا مش عارفه ايه توجهاتك ف الحياة عايشة عشان ايه لاحابة الشهادة والتعليم و الا الجواز و الخلفة والاليكي ف الشغل . نورة:- عايشة عشان اتنفس . هنا :- وانتي بتسمي دي حياة والا عيشة . نورة :- مجنونة بقا يا سيتي هتعملي ايه . مامة نورة :- لا يا حببتي انتي كده دخلتي ضمن المتخلفين . نورة :- أنا عارفه انكم لما بتتجمعوا بتيجي على دماغي .............. لما اقوم اخد دش واصلي و البس عشان ناكل و نمشي قبل ما الدراسة تبتدي صح و تقرفيني ب المزاكره . مروان بعد ما صلح العربية بيحاسب المكانيكي و بيركب الحق بقا اجيب هالة واقعد مع سيف شويه . ف بيت هالة هالة ف أوضة النوم بتجهز الحاجة و سيف جمبها الباب بيخبط هالة بتخرج من اوضة النوم تفتح هالة :- ايوه مين ؟ مروان :- افتحي يا لولو . هالة بتفتح بشوق :- مروان حبيبي ايه لسه فاكر ان ليك اخت ؟ مروان :- معلش ياهالة بس والله امك و ابوكي كانوا شالين تفكيري ودماغي بموضوع الجواز دا حتى شغل السنادي مشتغلتش . هالة :- معلش يا حبيبي انت عارف بابا . بيجي عليهم سيف 4 سنين من جا معاه الشنطة مفضيها و بيجري على مروان :- الوا وان مروان بيوطي يحضنه :- حبيب وان انت ايه يا عم مفيش بوسه ......... وبيقف بيه تاني وهو شايله هالة :- ربنا يهديك يا سيف دي المرة الألف يا ابني اعبي الشنطة و حضرتك تفضيها . سيف بيبص لمامته و الشنطة و لمروان و بيدي مامته الشنطة :- خدي و يوجه الكلام لمروان :- نعلب . هالة و مروان بيدحكوا على سيف مروان :- نعلب ياعم سيف يالا وانتي يالولو خلصي بسرعة و انا معاه اهو والا نويين نبات هنا هالة :- طيب تشرب ايه ؟؟ مروان :- مش عايز اشرب ...... انتي بس وراكي ايه هالة :- طيب ....... و بتمشي . مروان بيوجه كلامه لسيف :- ها يمعلم هنعلب ايه ؟ سيف :- نبوظ الدولاب و نفضي الشنطه لماما . مروان بيضدحك :- ياعم الحج قلنا نلعب مش نخرب . سيف يبصله و يقله :- تعايا اعلمك لبعة جديده . مروان بيمشي ورا سيف بياخدوا ع الـــ............ | ||||||||
|
| |
|
20-07-16, 12:37 PM
| #7 | ||||||||
| مراقبة عامة ومشرفة منتدى الروايات المنقولة
| الحلقة السادسة :- مروان بيمشي ورا سيف بياخدوا ع الحمام و يفتح البانيوا يملاه مروان : ايه ياعم انت عايز تعوم والا ايه ؟؟!! سيف : انتوا الكبار كده معندكوش صبر مروان بيدحك على كلام سيف اللي راح للغساله و فتح درج الصابون وخد باديه الصغيره مسحوق ورماه ف الميه مروان واقف مندهش : يخربيتك انت ايه و انا اقول امك خست كده ليه ............... يا هاله تعالي شوفي القرد اللي مخلفاه دا و بيشيله من دراعه يطلعه برا الحمام هالة بتيجي عليهم : ايه سي سيف و بتبص وتدحك هههههههههههههههه دي لعبته المفضلة انا على طول قافله الباب انا يدوبك بجيب الشامبوا بتاعه عشان احطه ف الشنطه لقيته بيفضيها طلعت اجري عليه لقيتك جي . مروان : د سفاح يا بنتي ..... قال تعالا نبوظ الدولاب و نفضي لماما الشنطه هالة :هههه تعالى يالا اغيرلك انا خلصت الشنطة خلاص . هنا ونورة ف الشارع نازلين يقعدوا فكافيه مروان سايق وجمبه هالة وسيف على رجلها بيفرمل بسرعه لما بيشوف نوره وهنا ماشيين ف الشارع هالة بخضه : في ايه يا مروان ؟؟!! مروان مبيرودش و بينزل يجري على نورة وهنا نورة و هنا بيدخلوا شارع جانبي بيلحقهم مروان عما يوصلوا بيكونوا اختفوا عن نظره بيرجع و هو مش عارف ماله و بيركب عربيته هالة : ايه يا مروان في ايه ؟؟! مروان بسرحان : ها ....... لا مفيش حاجه ...... متخديش ف بالك و بيسوق العربية ويمشي هنا و نورة ف طريقهم للبيت : هنا : ااه كان يوم حلو اسيبك بقى هنا و اروح انا. نورة : ماشي يا نونو اشوفك بكره بقا و سلميلي على طنط . هنا: يوصل بس ياريت تصحي بكره بدري . نورة : ماشي يا ستي ... يالا سلام . هنا : سلام . | ||||||||
|
| |
|
20-07-16, 12:39 PM
| #8 | ||||||||
| مراقبة عامة ومشرفة منتدى الروايات المنقولة
| الحلقة السابعة :- مروان وهالة وسيف داخلين البيت ........ سيف عامل دوضه و بيدور على جده وجدته سيف : آنه .... جدوه ..... وبيجري عليهم مامة مروان و باباه :حبيب آنه وجدوه مروان : اقفلوا الحمام من دلوقتي يا جماعه بسرعة و الدواليب بالمفتاح عشان دا طفل مش عادي . الكل بيدحك على سيف و هو باصص لمروان ورافع حاجب كلهم قاعدين سوا و مروان وسيف بيلاعبوا بعض و الكل بيتفرج و يدحك على حركات سيف وكلامه ... بيكسر السكوت مامة مروان : عقبال ما نشوف عيالك يا مروان و بتقوم تعمل العشا مروان من كلمة مامته قاعد سرحان هالة : ايه يا حبيبي مالك مش مظبوط ليه مروان : ها ... مفيش أنا كويس .... وبيتصل بأحمد و ينزل يقابله ف كافيه قاعد احمد و بيدخل عليه مروان ويقعد و يفضلوا يتكلموا احمد : ايه يا ابني انا مواريش غيرك و الا ايه مروان : والنبي مش ناقصه تريقتك احمد : بس انت مدي الموضوع أكبر من حجمه افرض حصلتها ف الشارع كنت عملت ايه مروان : معرفش انا اساساً محستش بنفسي و أنا بجري وراها بيفضلوا شوية مع بعض و بيمشوا كل واحد على بيته بعد ما اتفقوا يتقابلوا بكره تاني يوم في الجامعة هنا ونورة خارجين من محاضرة نورة : ايه دا بذمتك و دينك انتي فاهمه حاجه بالبلوه اللي بلتينا بيها دي انا لو شلت ماده بسببك السنادي هخسرك للأبد حسبي الله ونعم الوكيل كان مالي ومال الهبل دا بس يا ربي كان زمـ.............. هنا بتقاطعها : بتحسبني على مين و انا مالي لو سقطي ومالي لو شيلتي ماده ما انتي لازم تشيليها ب التشاؤم و الاستهتار دا وطول ما انتي كارها لكليه ونفسك مش هتفلحي . نورة :اسم الله عليكي ........ دا على اساس انك فاهمه كل كلمه من اللي اتقال جوه هنا : يا بنتي دا طبيعي عشان الموضوع لسه جديد و دي اول محاضرة بكره تتعودي نورة : انتي ازاي كده ......انا مش عارفه ماشيه وراكي ليه ايه اللي زانقني مجاليش هندسه خلاص كنت هدخل تجاره او فنون جميله وخلاص اهو ع الأقل حاجه ملموسه حاساها مش القرف دا هنا : قرف ؟!!! عشان انتي مش فاهماه قرف عشان انتي كسليه خلي عندك طموح انتي اقل من اللي اشتغل ف Microsoft ف ايه والا تفرقي ايه عن اللي اتخرج و شغال ف oracle فأيه ... هو مشش متخرج من هنا ....... ربنا كتبلك كده خلاص اشتغلي وابدعي نورة : ايه ام التفاؤل دا يا بنتي دا اهالينا نسيهم قالوا ياعني هتفتحوا سيبر وماله بيكسب برضوا انتي فمصر يا اما . هنا : ومصر بينا هتتغير والا مش دا اللي نزلنا عشانه انا و انتي يا نورة ف يناير . نورة: مش عارفه بقا ربنا يستر أنا مش متفأله . هنا :هيستر يا نوره بس دا قضاء ربنا كتبه لينا لازم نحسنه حتى لو هو زي ما بتقولي كده رغم انه احسن و أكبر بس انتي اتبسطي كده خليكي متفأله وربنا هيسترها نورة : انشاء الله مروان واقف جمبهم وسامعهم و فهم من الحوار انهم فرقة أولى أحمد بيجي عليه : ايه يا عم سرحان في ايه ؟؟؟ مروان بيجيله فكره يقولها لأحمد : واد يا احمد احمد : نعم مروان : احنا كنا عاملين ازاي السنه اللي فاتت احمد : انت بتفكرني ليه بس انا ما سدقت تاب علينا ربنا .... انت ايه اللي فكرك مروان: دفعة أولى السنادي صعبانين عليا فاكر السنه اللي فاتت كانوا بيقولونا ايه احمد :اه الدفع اللي قبلنا كانوا يفضلوا يدحكوا و يقولوا بكره تتعودوا الكل كده ... حتا الدكاتره تفضل تتنك و تقولك حظك بقا حاسبات و اولى لا وهنا لما كرهنا نفسنا مروان : عشان كده انا بفكر ف حاجة احمد : ايه ؟؟ مروان : احنا هنعلمهم ازاي يكتبوا محاضرات و يبيضوها و ينظموا الوقت و ازاي يذاكروا و يحسنوا مستواهم احمد : والله فكره و بجد احنا كان نفسنا فكده ليه نحرمهم من كده مروان : طب تعالا بقا نشوف بقية الدفعه و العيال احمد : يالا ....... | ||||||||
|
| |
|
20-07-16, 12:40 PM
| #9 | ||||||||
| مراقبة عامة ومشرفة منتدى الروايات المنقولة
| الحلقة الثامنة مروان : احنا هنعلمهم ازاي يكتبوا محاضرات و يبيضوها و ينظموا الوقت و ازاي يذاكروا و يحسنوا مستواهم احمد : والله فكره و بجد احنا كان نفسنا فكده ليه نحرمهم من كده مروان : طب تعالا بقا نشوف بقية الدفعه و العيال احمد : يالا بينا يروحوا لبقية الشلة و يعرضوا عليهم الفكرة . خالد :و الله فكره حلوة و احنا كمان السنادي فاضيين كتير عن السنة اللي فاتت . مها : وانا معاكوا و هقول للبنات . مروان : تمام يبقا كده ناقص بس موافقة الأدراة و الأتحاد و الدكاتره . احمد: انا عارف حد من الاتحاد هكلمهم و انت روح ع الادارة و خالد عليك بالدكاتره بعد ما ياخدوا موافقة الأداره ونصايح الدكاتره وتوجهاتهم و ينسقوا مواعيدهم من الكلية . هنا ونورة ف الكلية نورة لسه جاية بتقرب من هنا نورة : انت يا اختي فاضية اوي عماله تقريلي بزمتك عملتي ايه ف ال taske هنا : عندي اللي احسن من ال taske اتفضلي دفعة ثانية عاملة حملة تشرحلنا و تفهمنا نورة : دا على اساس اننا فاهمين من الدكاتره الخبره اللي بقالهم سنين و سنين لما نفهم من حبة عيال ز هنا : ماهو انتي لو تكبري دماغك و تبطلي تشاؤم كان نورة : طب يالا بينا نروح المعمل . تاني يوم ف الكليه بيجي معاد المحاضره اللي عاملها مروان واحمد . بيدخل مروان واحمد المدرج و بيدخل الطلاب الكل بيشتغل صح ما عدا مروان اللي كل تركيزه يشوف نورة فين و مش لاقيها بيستأذن ويخرج من المحاضره . نورة و هنا داخلين المحاضره بعد ما اقنعتها هنا انها تدخل وهما داخلين بتخبط ف مروان . نورة : ايه دا انت على طول كده مش شايف مروان : انت ايه اللي اخرك دا كله نورة : نعم دا على اساس ايه ان شاء الله مروان : انا سف ........... عن اذنك اتفضلي ..........و يمشي نورة بعد ما مشي : اتفضلي يا ستي وادي المحضره و الدفعه الهبله اللي جايين نحضرلها . | ||||||||
|
| |
|
20-07-16, 12:43 PM
| #10 | ||||||||
| مراقبة عامة ومشرفة منتدى الروايات المنقولة
| الحلقة التاسعة :- بيروح مروان سرحان ومتلخبط بيسلم على مامته و يدخل ينام و هو بيفكر فـ نورة اللي لحد دلوقتي ميعرفش اسمها حتى . نورة وهنا خارجين من المحاضرة بعد ما خلصت . هنا : ادي يا سيتي المحاضرة اللي مكونتيش عايزا تحضريها او نظمولنا وقتنا و مذاكرتنا بطريقة هايلة . نورة : فعلا طريقتهم حلوة بس انا اصلا كنت مقريفة من الصبح و كملة ب الأخ الأحول اللي كل مره يخط فيا ده هنا : معلش ماهو اعتذر اهو .. يالا بينا نروح و نبدأمن النهاردا . نورة : يالا . نورة و هنا بيروحوا بتوصل نورة للبيت و بتنام و بتحلم بمروان بتصحى ناسية الحلم و بتكمل اليوم عادي جدا مروان نورة مش بتروح من باله طول الوقت بيفكر فيها خايف متحضرش بس متأكد انها هتيجي لانها حضرت اول محاضره و بيدعي ربنا انها تيجي عشان تعبه ميروحش ع الفاضي خصوصا انه فكر كده مخصوص عشان يقرب منها . بيعدي يومين و هنا ونورة مستفيدين جدا من محاضرة تنظيم الوقت و المزاكره و بينذوها بالكلمة و مستنيين معاد المحاضرة الجاية عشان يرتاحوا اكتر و اكتر . مروان بيحضر مع صحابه المحاضره الجديده و كل تفكيره فــ نورة و نفسه حتى يعرف اسمها و بيدعي ربنا انها تيجي ف المحاضرة مروان عينه على كل اللي داخل و باين عليه التوتر جدا لحد ما بيشوف نورة . مروان : احمد احمد : نعم يا مروان مروان :انا اللي عايز اشرح محاضرة النهاردا . احمد : نعم ... ودا من ايه ان شاء الله .... انت اساسا كنت تايه و احنا بنجهز . مروان : انا عايز اشرح طيب و انتو جنبي لو وقعت . بيوافق احمد على مضض عشان ميزعلش صاحبه . هنا ونورة داخليين و قعدوا نورة لمحت مروان و متعرفش ازاي عنيها علقت عليه و سرحت فيه و فجأه افتكرت حلمها الاخير فلاش بااك ................ مروان : نورة .. ونورتي حياتي نورة : انت اللي كل دنيتي خلتني احب الحياة بعد ما كرهتها بعد بابا الله يرحمه . مروان : ربنا يقدرني و اسعدك يا ورداية حياتي . نورة : اكتر من كده سعادة انت حبيبي و اخويا وابويا ونفسي وكل حاجة ليا . هنا : نورة .. نورة .. سرحتي فين المحاضرة بدأت . نورة ها .... لا ... أنا هنا اهو . مروان : سلام عليكم انا مروان امين هقدم لكم المحاضرة النهاردا "و بتجيله فكرة انهم يطبوا عملي "هستاّنكوا تطبقوا اللي خدناه فـ المحاضره اللي فاتت عشان بس نشوف نسبة النجاح . و بيبدأ يشرح بتألق و كل صحابه منبهرين بيه . هنا : الواد ده شرحه جامد نورة سرحانه و بهيمان بتجاوب : ااه . مروان بيقرر ينزل و يشوف التلخيص اللي كتبو وراه وكل تفكيره انه خلاص خطوة و يعرف مين دي بينزل مروان و يمسك كشاكيل عشوائية . و بيسأل عن الأسامي وبيقول رايه وتعليقه لحد ما يوصل لنورة و بيعجبه خطها و تلخيصها و بيكتشف انها احلى من قريب مروان : تمام خالص يا بش مهندسه ... اسمك ايه ؟ نورة : نورة .... اسمي نورة . مروان مبسوط اكتر واكتر وحاسس بحاجة حلوة اوي و بيرد عليها بسعادة : نورة ونورتة المحاضرة و المكان و الجامعة و بيديها الأجندة بعد ما اكتشف انه مش لاقي كلام تاني يقوله نورة بتسمع منه الكلام و تفتكر الكلام وحالها متشلب | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
