ظلمتني ولكن عشقتك،بقلم/ ربي رضاك والجنة ،مصرية (مكتملة)

[فيتامين سي]

الحلقة العاشرة

"مراد" بتهكم : عارف انت بتفكرنى بأيه .. بالطفل الى مامته رايحة مشوار وبيتحايل عليها تاخده معاه
ضحك "أدهم" بشدة ثم نظر الى "مراد" قائلا : عندك حق والله
"مروان" بغيظ : أضحكوا أضحكوا .. ثم نظر الي "أدهم" وقال : نطقت دلؤتى بس من شوية كانت القطة آكلة لسانك .. أخلص بقي ورد عليا مش موافق أروح معاك ليه
نظر له "أدهم" ثم قال ببرود : عايز ايه يا "مروان"
"مروان" بغيظ : نعم كل ده ومش عارف انا عايز ايه .. عايزك تخدنى معاك ياعم
"أدهم" بنفاذ صبر : ماشي تعالى معايا .. ثم أردف بجدية : بس خد بالك انا اخدتك معايا عشان زنك ده مش اكتر
"مروان" بإبتسامة فرح : حبيبي يابن عمى والله
"مراد" بجدية : ياريت متتأخروش هناك .. عندنا شغل كتير
"أدهم" بجدية : متخفش انا حتفق معاها على الى احنا عيزينه وحاجى على طول
أومأ له "مراد" رأسه بصمت
خرج "أدهم" و "مروان" من الغرفة وتوجهوا الى الجراج ليستقلوا سيارة "أدهم"
فى الطريق كان الصمت يلازمهم فكل منهم منشغل بالتفكير فى شئ معين
ف"أدهم" يفكر فى هموم عمله التى تنتظره
أما "مروان" فيفكر فى الفتاة التي سيُقابلاها بعد قليل
قطع هذا الصمت صوت "مروان" وهو يقول متسائلاً : هي الديزينر ديه اسمها ايه يا "أدهم"
"أدهم" بجدية دون ان ينظر اليه : "قمر" .. صمت قليلا ثم أكمل : "قمر حسين"
أومأ "مروان" رأسه وهو يردد اسمها "قمر"
ثم قال بصوت منخفض نسبياً : وياترى شكلها قمر فعلا ولا اسم بس
نظر له "أدهم" ثم قال بإستغراب : بتقول حاجة
هز "مروان" له رأسه بالنفي فنظر "أدهم" مجددا الي الطريق
أما "مروان" فأخذ يتخيل ملامح "قمر" وهو يسأل نفسه " ما هو لون عيونها .. ما هو لون بشرتها .. هل هي طويلة ام قصيرة ! .. نحيفة ام سمينة ! "
أفاق من شروده على صوت "أدهم" وهو يقول : يلا يا"مروان" وصلنا
نظر "مروان" من نافذة السيارة الى مبني الشركة التى توقف عنده "أدهم" بسيارته
ثم قال بتساؤل : هي ديه الشركة الى بتشتغل فيها
أومأ له "ادهم" رأسه قائلا بجدية : ايوة .. شركة جدها .. ثم أدرف بتساؤل : حتفضل قاعد فى العربية ولا ايه
نزل "مرون" من السيارة ثم دخل مع "أدهم" الي الشركة
دلتهم موظفة الاستقبال على مكتب "مجدى"
صعد "أدهم" بصحبة "مروان" الى مكتب "مجدى" .. تحدث "أدهم" مع سكرتيرة مكتب "مجدى" ليذكرها بموعده معه
أومأت السكرتيرة رأسها ثم دخلت الي مكتب "مجدى" لتخبره بوجود "أدهم"
خرجت السكرتيرة ثم ألتفتت الي "أدهم" قائلة : أتفضلوا .. الحج مستنيكوا جوا
أومأ له "أدهم" رأسه ثم دخل إلي المكتب يتبعه "مروان"
وقف لهم "مجدى" ثم قال بإبتسامة : اهلا اهلا .. منورين والله
"أدهم" بإبتسامة مُماثلة : اهلا بحضرتك
- أتفضلوا أقعدوا
جلس "أدهم" و"مروان" على الكراسي التي أمام مكتب "مجدى"
نظر لهم "مجدى" ثم قال بتساؤل : تشربوا ايه
"مروان" بجدية : لا شكرا .. احنا مش جاين عشان نشرب
"مجدى" بإبتسامة : جاين عشان "قمر" مش كده
أومأ له "أدهم" رأسه بصمت
"مجدى" : طيب ثواني حخلي السكرتيرة تناديها .. أكمل حديثه بصوت عالي نسبيا ً : ياسمين .. ياسمين !
دخلت السكرتيرة قائلة بجدية : أيوة ياحج
"مجدى" بأسلوب أمر : نادى "قمر" قوليلها أستاذ "أدهم" جه ومستنيها
ياسمين : حاضر ياحج
ثم خرجت وأغلقت الباب خلفها وتوجهت الي مكتب "قمر"
طرقات الباب بخفة فأذنت لها "قمر" بالدخول
ياسمين بجدية : آنسة "قمر" الحج عايزك وبيقولك إن أستاذ "أدهم" جه ومستنيكي فى مكتب الحج
"قمر" وهي تتذكر : اه صح نسيت خالص انه جي دلؤتى .. ثم أكملت بإبتسامة : ماشي يا ياسمين انا رايحة
أومأت "ياسمين" رأسها ثم خرجت وأغلقت الباب
أما "قمر" فتركت الاوراق التى كانت تحملها وخرجت من مكتبها وتوجهت الي مكتب "مجدى"
------

[فيتامين سي]

الحلقة الحادية عشر

ياسمين بجدية : آنسة "قمر" الحج عايزك وبيقولك إن أستاذ "أدهم" جه ومستنيكي فى مكتب الحج
"قمر" وهي تتذكر : اه صح نسيت خالص انه جي دلؤتى .. ثم أكملت بإبتسامة : ماشي يا ياسمين انا رايحة
أومأت "ياسمين" رأسها ثم خرجت وأغلقت الباب
أما "قمر" فتركت الاوراق التى كانت تحملها وخرجت من مكتبها وتوجهت الي مكتب "مجدى"
طرقت الباب عدة طرقات بخفة وعندما سمعت صوت "مجدي" يأذن لها بالدخول دخلت وأغلقت الباب خلفها
نظر لها "مجدى" قائلاً بجدية : تعالي يا "قمر" يابنتي .. أستاذ "أدهم" جي من ساعتها
"قمر" بجدية : أيوة ياجدو "ياسمين" قالتلى
جلست "قمر" على كرسي قريب من "مجدى" ثم نظرت الى "أدهم" قائلة بجدية : منور يا أستاذ "أدهم"
أومأ لها "أدهم" رأسه ثم قال بجدية : نتكلم فى الى احنا جايين عشانه بقي
تحدث "أدهم" مع "قمر" على كل الشروط التي يوريدها فى التصميم والمدة التى يجب ان تنهي فيها التصميم
أما "مروان" فكانت أنظاره معلقة على "قمر" وأخذ يحدث نفسه قائلاً : "ديه اجمل من الشكل الى انا اتخيلتهولها"
أنهي "أدهم" كلامه مع "قمر" قائلاً لها : بس فى حاجة عايز اطلبها منك
"قمر" بجدية : أتفضل
"أدهم" : ممكن لما تروحي المطبعه وتطبعي التصميم يبقي تجيبهولنا الشركة .. عشان محدش حيعرف يجي ياخده
"قمر" بتفكير : طيب ماشي ححاول
أومأ لها رأسه ثم وقف وقال لها بجديه : حنتعبك معانا يا انسة "قمر"
"قمر" بجدية : لا تعب ولا حاجة
"أدهم" : طيب عن إذنكم .. ثم نظر الي "مروان" قائلاً : يلا بينا
"مجدى" بإبتسامه : نورتونا والله
خرج "أدهم" مع "مروان" من الشركة ثم توجها الي الجراج واستقالا سيارة "أدهم"
كالعادة صار "أدهم" مسرعاً بسيارته
وبعد دقائق قليلة وصلا الي الشركة
توجه "أدهم" و"مروان" الي غرفة "مراد"
طرق "أدهم" الباب ثم فتحه ببطئ و"مروان" يتبعه
نظر "مراد" "لأدهم" ثم قال متسائلاً : روحتولها؟
جلس "أدهم" و"مروان" على الكراسي التى تقابل مكتب "مراد"
أومأ "أدهم" "لمراد" رأسه قائلا بجدية : أيوة .. وقولتلها كمان انها تجبلنا الديزين بعد ما يطبع عشان مش حنعرف نروح احنا نجيبه
"مراد" بتساؤل : وقالتلك ايه؟
"أدهم" : حتحاول تيجي
أومأ "مراد" رأسه ثم عاد ينظر الى أوراقه
ران الصمت بينهم لبعض دقائق
وقطع هذا الصمت صوت "مروان" وهو يقول : بس طلعت مزة
نظر له "مراد" وقال بتساؤل : هي مين؟
"مروان" : "قمر" حتكون مين يعني
قبل إن يتكلم "مراد" قال "أدهم" بتساؤل: أنت اهم حاجة عندك الشكل وبس ؟
أومأ له "مروان" رأسه
صمتوا لبعض الثوانى فقال "مروان" بأبتسامة : بس والله "قمر" ديه اسم على مسمى .. قمر فعلا
نظر له "أدهم" بغيظ ثم قال : لم نفسك بقي وأستك .. كفياك كلام على الناس .. بيقولوا عندك اخت بردو
"مروان" بدهشة : وهو انا بتكلم عليها بحاجة مش كويسة ! .. بالعكس انا بقول انها قمورة
"مراد" بعصبية : ما "أدهم" قصده انك لما تقول عليها قمورة ومزة ومش عارف ايه حتلاقي الي بيقول على اختك كده
"مروان" بلامبالاة : طيب وفيها ايه .. عادى
"أدهم" بعصبية : عادى بالنبسة ليك .. اما بالنسبة لأهالي البنات التانية فهما مش بيستحملوا حد يتكلم على بناتهم سوء بطريقة كويسة ولا وحشة
زفر "مروان" بغيظ ثم قال ببرود : بقولكم ايه انا رايح اشوف شغلي مش ناقص جو النصايح بتاعكم ده
ثم قام سريعاً واغلق الباب بعده
***
مرت الايام سريعا حتى جاء اليوم الذي يسبق اليوم الذي ستذهب فيه "قمر" الي شركة "أدهم" و "مراد"
كانت جالسة مع أختها "سما" يتحدثون
فقالت لها "قمر" متسائلة : حتعملي بكره شوبينج مع "أيمان" مش كده؟
"سما" بجدية : أه ان شاء الله
أومأت "قمر" رأسها بتفهم ثم قالت لها بتساؤل : انتى حتاخدى العربية بتاعتك معاكى ولا لاء
"سما" بإستغراب : ايوة كالعادة .. بتسألي ليه؟
"قمر" بجدية : عادى بسأل .. ثم أردفت بتساؤل : طيب ينفع انزل معاكى وفي طريقكم تودونى الشركة بتاعت "مراد" عشان اوديلوا الديزين؟
أومأت "سما" رأسها ثم قالت بجدية : ماشي مفيش مشاكل
"قمر" بإبتسامة شكر : الف شكر يا سمسمتى .. ثم أدرفت بجدية : بالمرة أروح معاكم عشان حشتريلي هدوم .. وبالمرة أشم نفسي شوية الواحد زهق من القاعدة فى البيت ولو خرج بيبقي اخره الشغل
"سما" وهي تضحك : عندك حق والله
قامت "سما" لتغلق النور وهي تقول : يلا بقي قومى روحى أوضتك عشان انا وانتى ننام شوية قبل الفجر
أومأت لها "قمر" رأسها ثم توجهت الي غرفتها وهي لا تعلم ماذا ينتظرها الغد
-------

[فيتامين سي]

الحلقة الثانية عشر

"سما" وهي تضحك : عندك حق والله
قامت "سما" لتغلق النور وهي تقول : يلا بقي قومى روحى أوضتك عشان ننام شوية قبل الفجر
أومأت لها "قمر" رأسها ثم توجهت الي غرفتها وهي لا تعلم ماذا ينتظرها الغد
أستيقظت كل من "قمر" و "سما" ليؤديا صلاة الفجر
بعد انتهائهم من الصلاة ذكرت "قمر" "سما" بالموعد التي حددته لتوصلها الي الشركة بسيارتها
وأكدت عليها أنها ستذهب معها هي و "إيمان" الي مول التسوق لتشتري لها هي الاخري بعض الثياب
ذهبت كلاً منهم الي غرفتها لتٌكمل نومها
فى الساعة العاشرة صباحا أستيقظت كلاً من "قمر" و "سما"
ومارسا يومهم بشكل عادي حتى جائت الساعة الثالثة عصراُ
أرتدت كلاً منهم ملابسها
ثم أستقالا سيارة "سما" وأنطلقوا إلي منزل "إيمان"
ما إن ركبوا السيارة حتي أنطلقت بهم "سما" وكانت فى الوقت ذاته تخرج هاتفها من حقيبتها لتتصل "بإيمان"
بعد ثوانى قليلة من إتصال "سما" "بإيمان"
أتها صوت "إيمان" وهي تقول : ألو .. أيوة ياسمسم
"سما" بإبتسامة : السلام عليكم يا "إيمان" .. أيه خلصتي ولا لسه
"إيمان" : أه خلصت .. مستنياكوا اهو
"سما" : طيب هحاول متأخرش عليكي .. ثم أردفت تذكر إياها : بس متنسيش اننا حنروح مع "قمر" الشركة الاول عشان تودي الديزين ده "لمراد" باين
"إيمان" : أه ياسمسم فاكرة متخفيش
"سما" : طيب كويس .. سلام بقي ومسافة السكه وحنكون عندك
ودعت "إيمان" "سما" ثم أغلقت الخط و ظلت تنتظرهم حتي أتوا
نزلت "إيمان" من منزلها ثم توجهت الى سيارة "سما"
سلمت عليهم ثم أنطلقت بهم "سما" الي الشركة
عندما وصلوا نظرت "سما" الي "قمر" وقالت لها : الشارع الي قبل ده فيه محل عصير حنشتروا منه عصير أكون ماخلصتي .. وأكيد لما تنزلى حتلاقينا
أومأت "قمر" لها رأسها وهي تقول : ماشي .. إن شاء الله مش حتأخر
ثم توجهت الي الشركة بينما أنطلقت "سما" بسيارتها الي محل العصائر
دخلت "قمر" الي الشركة ولحسن حظها وجدت "مراد" يمشي بإتجاه الي الباب
وقعت أنظاره عليها فإبتسم لها قائلا بجدية : ازيك يا آنسة "قمر" ثم أردف بمزاح : كويس إنك جيتي ولحقتيني قبل ما أمشي
"قمر" بحرج : معلش يا أستاذ "مراد" إني جيت من غير ما إبلغ حضرتك بـــ ..
قأطعها "مراد" قائلاً بجدية : مفيش إى مشاكل ولا يهمك
أبتسمت "قمر" لزوقه ثم قالت بجدية وهي تعطي له التصميم : أتفضل الديزين اهو .. ياريت تشوفه عشان لو فيه اى حاجة مش عجبة حضرتك أعدلها
أخذ "مراد: الأوراق منها دون إن يفتحها ثم قال بجدية : مش محتاج إني أشوفه .. انا شوفته لما بعتيهولي على الايميل قبل ماتطبعيه .. وبعدين انا عارف كويس اوى إن شغلك على طول بيبقي ممتاز
أنصبغت وجنتى "قمر" باللون الاحمر ثم قالت بخجل دون إن تنظر إليه : طيب حتى أكد عليه تاني .. يمكن حاجة متعجبش حضرتك
"مراد" بجدية : طيب حشوفه .. مع إني متأكد إني مش حلاقي فيه غلطة
بالفعل نظر "مراد" إلي التصميم وكما توقع لم يجد به إي خطأ
نقل نظره إلي "قمر" ثم قال بجدية : زى ماقولتلك مافيهوش إي غلطة
"قمر" بإبتسامة : طيب الحمدلله .. ثم أردفت بجدية : عن إذنك حضرتك عشان لازم أمشي
"مراد" بجدية : طيب حتي اشربي حاجة قبل ماتمشي
"قمر" : معلش مش حينفع لإني مستعجلة والله .. أصل أختي مستنياني عشان أمشي معاها
أومأ لها "مراد" رأسه متفهماً ثم قال بإبتسامته الجاذبة : مرة تانية إن شاء الله
فقالت "قمر" بجدية : إن شاء الله .. ثم أردفت وهي تتجه نحو الباب : السلام عليكم
"مراد" وهو مازال محتفظ بإبتسامته : وعليكم السلام
و أنتظر حتي خرجت من الشركة تماماً ثم توجه هو الآخر إلي باب الشركة ليستقل سيارته
----------

[فيتامين سي]

الحلقة الثالثة عشر

فقالت "قمر" بجدية : إن شاء الله .. ثم أردفت وهي تتجه نحو الباب : السلام عليكم
"مراد" وهو مازال محتفظ بإبتسامته : وعليكم السلام
و أنتظر حتي خرجت من الشركة تماماً ثم توجه هو الآخر إلي باب الشركة ليستقل سيارته
عندما خرجت "قمر" من الشركة وقفت علي الرصيف الذي يجاور المبني ثم أجرت مكالمة هاتفية "لسما" ولكن لم يأتيها اي رد
أما "مراد" فقد كان أستقل سيارته التي يوقفها بجوار الشركة حرك موتورها ثم نظر الى المرآة التى توجد فى أعلى السيارة لكي يتأكد إنه لا يوجد أحد يمشي فالطريق
بالفعل كان الطريق فارغاً فلم يكن فيه سوا "مراد" وسيارته و"قمر" التى كانت تقف على الرصيف ولم يراها "مراد"
نظر مرة إلي المرآة ليتأكد مرة آخري ثم بدأ يرجع بسيارته
شعر بهزة في جيب الجاكيت الذي يرتديها فأدخل يده ليخرج هاتفه الذي كان ينبئه عن اتصال من والدته
رد عليها و أنشغل معاها فى الحديث وهو يقود السيارة
بينما "قمر" كانت تحاول الاتصال مرة أخرى "بسما" ليأتيها وآخيراً ردها
"قمر" بقلق : أيوة ياسما بتصل بيكي من ساعتها مش بتردي ليه
"سما" بإعتذار : معلش يا "قمر" مأخدتش بالي من الفون وانا بكلم "إيمان" .. ثم أردفت بتسأول : خلصتي ولا لسه
"قمر" بجدية : أيوة خلصت من ساعتها .. ثم أردفت بتسأول : أنتي فين دلؤتى
"سما" : في الشارع الي جمب الشارع الى انتى فين
"قمر" : طيب حجيلك اهو .. يلا سلام
ثم أغلقت الهاتف ونزلت من على الرصيف
كان الطريق الذي تسير به "قمر" هو نفس الطريق الذي يسير به "مراد"
كان "مراد" يرجع بسيارته الي الوراء وهو مشغول بالتحدث مع والدته حتي انه لم يلاحظ سير "قمر" فى نفس الاتجاه الذي يسير فيه
وفجأة !
أنصدمت السيارة "بقمر" صدمة قوية
فوقعت مغشياً عليها
اما "مراد" فشعر بهزة قوية فى السيارة فنزل منها مسرعاً
ليجدها مغشياً عليها والدماء تنزف منها
هوى قلبه عندما رأها بهذه الحالة
فجذع على ركبتيه امامها وهو يشعر انه لا يقوى على فعل شئ
ظل ينظر لها بصدمة وكأن صاعقة قد أُصابته
لم يشعر بنفسه الا وهو يحملها ويتجه الي سيارته ثم فتح الباب الخلفي لها ووضعها بحرص ثم أغلق الباب
ثم توجه الى باب السائق بسرعة وقام بفتحة
نظر عليها نظرة سريعة ثم نقل نظره الي الطريق
وانطلق مسرعا حتي وصل الي اقرب مشفي
نزل من السيارة ثم فتح الباب الخلفي وحمل "قمر"
ودخل الي المشفي بسرعة
وما إن دخل المشفي حتي وجد ممرضة تسير فى طريقه فصرخ فيها قائلاً : عايز دكتور بسرعة
نظرت له الممرضة بغضب فلماذا يصرخ بها ما ذنبها هي
ثم نقلت نظرها الي "قمر" وأشفقت عليها حقاً
فلمحت ترول قريبا منها فجذبته وقالت "لمراد" بجدية : نيمها هنا
بالفعل وضعها "مراد" على الترول فدفعته الممرضة
ثم نظرت الي "مراد" قائلة : احنا حندخلوها اوضة العمليات .. شكلها عايزة عملية
أومأ لها "مراد" رأسه ثم قال بتساؤل : هي حالتها خطيرة للدرجة ديه ؟
مطت الممرضة شفتيها ثم قالت بعدم علم : الله اعلم .. ان شاء الله تبقي كويسة
"مراد" بخفوت : ان شاء الله
دخلت الممرضة "بقمر" الي غرفت العمليات لتترك "مراد" وحيداً وأفكاره مشتتة
أدخل يده في جيبه ثم اخرج هاتفه اللعين وأتصل "بأدهم"
ماهي الا ثوانى حتي أتاه صوت "أدهم" وهو يقول : السلام عليكم .. ايوة يا "مراد"
"مراد" وهو يحاول ان يتحكم فى أعصابه التى تدهورت : أيوة يا "أدهم" انت فين
"أدهم" بجدية : انا فى الشركة .. ثم أردف بتساؤل : في حاجة ولا ايه
تجاهل "مراد" سؤاله ثم قال بجدية : طيب تعالالى انا فى مستشفي "..."
كرر "أدهم" سؤاله قائلاً : طيب طمني بس في ايه .. ثم أردف متسائلاً : انت كويس طيب؟
تنهد "مراد" بنفاذ صبر ثم قال : طيب ممكن تيجي وانت حتعرف كل حاجة
"أدهم" بجدية : طيب انا جيالك حالاً مسافة السكة
ثم أغلق الخط و وضع مفاتيحه وهاتفه في جايبة وأتجه الي الجراج ليستقل سيارته
ركب سيارته ثم أنتطلق مسرعا كالعادة الي المشفي التى أخبره "مراد" عنها
أوقف سيارته عند المشفي ثم دخل اليها
احتار اين يذهب فأتصل "بمراد" ليخبره بمكانه
أغلق الخط عندما علم مكان "مراد" ثم توجه اليه
صُدم "أدهم" بشدة عندما وجد بقع من الدماء منتشرة على قميص "مراد"
قال "أدهم" بصدمة : ايه الدم ده .. ثم أقترب من "مراد" وأمسكه من كتفه قائلاً بخضة : انت كويس ؟ .. ايه الدم ده
---------

[فيتامين سي]

الحلقة الرابعة عشر

احتار اين يذهب فأتصل "بمراد" ليخبره بمكانه
أغلق الخط عندما علم مكان "مراد" ثم توجه اليه
صُدم "أدهم" بشدة عندما وجد بقع من الدماء منتشرة على قميص "مراد"
قال "أدهم" بصدمة : ايه الدم ده .. ثم أقترب من "مراد" وأمسكه من كتفه قائلاً بخضة : انت كويس ؟ .. ايه الدم ده
أومأ له "مراد" رأسه ثم قال مطمئناً إيها : متقلقش انا كويس
"أدهم" بتساؤل : اومال ايه الدم ده
تنهد "مراد" تنهيدة طويلة ثم قص على "أدهم" كل ما حدث
كان فم "أدهم" فارغ من الدهشة وهو يستمع الي "مراد" ثم قال "لمراد" بصدمة : انا مش مصدق بجد .. ازاى ده يحصل
"مراد" بحزن : قدري وقدرها حنعمل ايه
"أدهم" بخفوت : ربنا يشفيها .. ثم أردف متسائلاً : هي بقلها قد ايه فى اوضة العمليات
"مراد" بجدية : تقريبا ساعة الا ربع .. صمت قليلا ثم قال : انا عايزة أبلغ اى حد من اهلها بس المشكلة انى معرفش اي رقم ليهم
فكر "أدهم" ثم قال : اكيد لما خبطها كان معاها موبايل ولا حاجة
تذكر "مراد" ثم قال بجدية : ايوة كان معاها موبايلها .. بس تقريبا فاصل
زم "أدهم" شفتيه ثم قال له : طيب هات مفاتيح عربيتك
أخرج "مراد" مفاتيح سيارته من جيب الجاكيت ثم قال متسائلاً : حتعمل ايه؟
"أدهم" بجدية : حجرب افتحه وحتصل بحد من اهلها اكيد يعني حاطة ارقامهم على موبايلها
أومأ له "مراد" رأسه ثم نظر أمامه وهو شارد
نظر له "أدهم" بإشفاق ثم إتجه الي المكان الذي أوقفه به "مراد" سيارته
فتح "أدهم" الباب الامامي للسيارة ثم أخذ يبحث عن هاتف "قمر"
وبعد وقت قصير وجد هاتف لم يراه من قبل فأستنتج أنه هاتف "قمر"
حاول إن يفتح الهاتف فكان مغلقلاً كما قال له "مراد"
حاول إن يفتحه ولحسن حظه فُتح الهاتف
ظل يعبث فيه ليصل إلي إى رقم من أرقام عائلتها وكان الحظ يبتسم له فوجد أن آخر رقم قد أتصلت به مُسجل بإسم " My sister "
وعلى الفور ضغط أتصال
***
"انا قلقانة عليها اوى .. موبايلها مقفولة من ساعتها"
نطقت "سما" هذه العبارة "لإيمان" وهي تشعر بالخوف بشدة
"إيمان: وهي تفكر : مش يمكن تكون نست وروحت بيتكم ؟
"سما" وهي تبكى : لاء طبعا ازاى .. ماهي لما أتصلت بيا قولتلها تجيلي الشارع الي احنا واقفين فيه حتكون روحت ازاى
زمت "إيمان" شفتيها ثم ربتت على كتف "سما" لتهدئها
حاولت "سما" أكثر من مرة الأتصال "بقمر" ولكن كان الرد (هذا الرقم مغلق او غير مٌتاح)
نفذ صبر "سما" فألقت هاتفها بطريقة عشوائية ثم وضعت وجهها بين كفيها وبدأت فى البكاء
أشفقت عليها "إيمان" فربتت على كتفها وهي إن تطمئنها قائلة : أهدي يا "سما" إن شاء الله تفتح موبايلها ونعرف منها هي فين
"سما" بخفوت : يارب يا "إيمان" ياارب
بعد عدة دقائق سمعت "سما" صوت هاتفها الذي يعلن عن أتصال جديد أخذته بسرعة وإبتسمت إبتسامة واسعة عندما رأت إسم "قمر" على الشاشة
مسحت دموعها بسرعة ثم ردت علي الاتصال قائلة بقلق : الو .. ايوة يا "قمر" انتى فين قلقتينا عليكى
أزداد خوفها عندما سمعت صوت "أدهم" الرجولى وهو يقول بجدية : السلام عليكم .. حضرتك أخت "قمر حسين"
"سما" بخوف : ايوة أنا .. خير في ايه "قمر" فين
"أدهم" بجدية : طيب ممكن تيجي مستشفي " ....."
"سما" بخضة : ليه "قمر" مالها
تنهد "أدهم" ثم قال لها : أختك عملت حادثة .. عربية خبطت فيها وهي دلؤتى فى المستشفي بتعمل عملية
"سما" ببكاء : عربية ايه ديه الى خبطت فيها .. حصل امتي كل ده
"ادهم" بنفاذ صبر : ممكن تيجي وبعدين يبقي اعرفي كل حاجة
"سما" ما بين دموعها : حاضر انا جاية حالا
"أدهم" بجدية : لما تيجي أطلعي عنبر " .... "
"سما" : طيب ماشي
ثم أغلقت الهاتف وأنطلق بسيارته
ظلت "إيمان" تسألها بعض الاسئلة عن هذا الاتصال ولكن "سما" ظلت صامتة تفكر "بقمر"
وصلت الي المشفي بسرعة ثم نزلت من السيارة واجهت الي العنبر الذي أخبرها عن "أدهم" تتبعها "إيمان" الذي لم يتفاجئ "أدهم" عندما رأها فسبق لها أن قالت له انها صديقة "قمر"
نظر "أدهم" "لسما" ثم قال بتخمين : أخت "قمر" مش كده
أومأت رأسها ثم قالت بخوف : هى فين دلؤتى
"أدهم" بجدية : فى اوضة العمليات
"سما" بتساؤل : هو ايه الي حصل
تنهد "أدهم" ونظر الي "مراد" الذي لم تصدر من اى ردة فعل غير انه وضعه وجهه بين كفيي يده
نقل "أدهم" نظره الي "سما" ثم قص عليها الذي سمعه من "مراد" عن الحادث
أستمعت "سما" الي "أدهم" بهدوء ممزوج بالخوف شعرت ان قلبها سيتوقف من كثرة ضرباته
نظرت الي "مراد" بحدة ثم قالت بغضب : منك لله .. انت السبب فى كل ده .. مكنتش شايفها يعني وهي ماشية وراك .. من حقك مانت مشغول فى موبايلك حتشوفها ازاى
نظر لها "مراد" بغضب مُماثل ولكنه حاول ان يتملك اعصابه فالخطأ خطائه مهما أنكر ذالك
وقف "مراد" أمامها ثم قال بهدوء مصطنع : وهي كانت عنيها فين وهي ماشية ماشفتش العربية وانا راجع بيها .. ثم أردف ساخر : ولا لسه مفكرة نفسها عيلة صغيرة عايزة الى يقولها خدى بالك من السكة وانتى ماشية
"سما" بحدة : ماخدتش بالها من العربية ومحستش بيها فيها ايه يعني .. انت الى مفروض كنت تفضل باصص فى المراية لحد ماتتأكد ان مفيش حد ماشي فى الشارع خالص
أقترب منها "مراد" أكثر ثم قال محذراً وهو يشير لها بإصبعه السبابة : انا لحد دلؤتى بحاول اتمالك اعصابي ومش عايز ابقي عصبي عشان عندي دم وبقول زى ماهي غلطتها غلطتي بردو .. بس والله لو سمعت صوتك تاني لوريكي وش تاني ليا أظن مش حتحبي تشوفيه .. فهدي كده ومتخلنيش اتعصب
ثم تركها وذهب ليجلس فيه مكانه مجدداً
نبرته أخافتها فجلست على المقعد بجانب "إيمان" ثم أخذت تردد بخفوت : (اللهم يا رب الناس اذهب عنها الباس و اشفها انت الشافي لا شفاء الا شفاؤك شفاء لا يغادر معها سقما الله يسر لها اجراء العملية و اطرح البركة في ايدي من سخرتهم لاجراء العملية)
---------

[فيتامين سي]

الحلقة الخامسة عشر


نبرته أخافتها فجلست على المقعد بجانب "إيمان" ثم أخذت تردد بخفوت : (اللهم يا رب الناس اذهب عنها الباس و اشفها انت الشافي لا شفاء الا شفاؤك شفاء لا يغادر معها سقما الله يسر لها اجراء العملية و اطرح البركة في ايدي من سخرتهم لاجراء العملية)
اما "أدهم" جلس بجوار "مراد" وربت على كتفه فأوماء له "مراد" رأسه
وأخذ يردد قوله (ربي لا أسألك رد القضاء ولكن أسألك اللطف فيه)
بعد نصف ساعة خرج الطبيب من حجرة العمليات
أتجهوا جميعاً نحوه ولكن "سما" كانت أسرعهم فسألته بخوف : ها يادكتور العملية اخبارها ايه
نظر الطبيب لها ثم قال مطمئناً لها : الحمدلله هي كويسة بس لسه مافقتش من البنج .. ثم أكمل بأسف : بس ادعولها تقدر تمشي على رجليها تاني
وقعت الكلمات ثقيلة على آذانهم كلهم والاخص "مراد" الذي اتسعت عيناه من الدهشة
اما "سما" ارتمت في احضان "إيمان" وبدأت فى البكاء
أقترب "أدهم" من "مراد" ثم وضع يده على كتف "مراد" قائلاً له بجدية : إن شاء الله كله يبقي تمام .. متقلقش
"مراد" وهو شارد : مقلقش ازاى .. بيقولك مش حتقدر تمشي على رجليها .. ثم أردف بندم : كل ده بسببي انا
ربت "أدهم" على كتفه قائلاً بجدية : ماهي بردو الي غبية مأخدتش بالها من العربية يعني
"مراد" بجدية : قدر الله ماشاء فعل
قطع حديثهم كلمات "سما" الغاضبة وهي تنظر الي "مراد" بحدة : منك لله هاديت كده .. أديها مش حتمشي على رجليها تانى وكل ده بسببك .. يارب تكون أتقرصت عشان تعرف بيقولوا ليه متتكلمش في التليفون وانت بتسوق .. بس ازاى .. ازاى الباشا يضيع تليفون جيله عشان يشوف الطريق وهو ماشي
أزاح "مراد" يد "أدهم" من على كتفه ثم نظر الي "سما" بغضب وسار بنحوها
فأمسكه "أدهم" من معصمه قائلاً له بجدية : أهدى يا "مراد" وسيبك منها
أفلت "مراد" يده من قبضة "أدهم" ثم أقترب من "سما" وأمسكها من ذراعها بعنف قائلاً بحدة: انتي عارفة انتى بتتكلمى مع مين بالطريقة ديه .. انا "مراد إبراهيم" الي عمر ما حد اتكلم معاه او اتكلم عنه بطريقة مش كويسة .. انا دايما راسي مرفوعة بكلام الناس عني .. تيجي حتة بت زيك تتكلم معايا انا كده .. زادت قوة قبضته على زراعها وهو يقول : وبعدين انا لو واحد جبان كنت زمانى لما شوفت اختك غرقانه فى دمها جريت وسبتها مش جبتها لحد هنا وفضلت واقف معاها .. ياريت بقي تهنيني بسكاتك ومسمعش صوتك خالص .. انا اعصابي بايظة زيكم بالظبط .. ولو بجد خايفة على نفسك ابعدي عني دلؤتى
ثم أفلتها بعنف ونزل ليجلس فى سيارته
نظر "أدهم" لها بحدة ثم قال لها بعصبية : عجبك كده دلؤتى .. يارب فعلا تهنينا بسكاتك
ثم أتجهت الي نفس المكان الذي ذهب اليه "مراد"
فتح باب السيارة ثم جلس بجانبه قائلاً له : أهدى يا "مراد" متخليش بت زي ديه تحرق دمك
"مراد" بغضب : والله العظيم عندى أستعداد اطلع اكسرلها عضمها وانيمها نومة اختها
"أدهم" بجدية : مفيش اى حاجة حتتغير بالطريقة ديه .. معلش اختها بردو وزعلانة عليها
تنهد "مراد" تنهيدة طويلة ثم قال بهدوء : انا عايز راجل هو الى يقف معانا مش حتة عيلة
أومأ "أدهم" رأسه قائلا : كنت لسه حقولها تكلمها والدها
أومأ "مراد" رأسه بصمت
فخرج "أدهم" من السيارة ثم صعد الي المكان الذي تقف "سما" به
نظر لها ببرود قائلاً بجدية : ياريت لو تكلمى والدك عشان تعرفيه
أومأت له رأسها ثم مسحت دموعها وأخرجت هاتفها وأتصلت بوالدها
بعد وقت قصير جداً أتاها صوت والدها القائل بجدية :السلام عليكم .. أيوة ياحببتى
"سما" ببكاء : ايوة يابابا
"حسين" بقلق : في ايه مالك يا "سما" بتعيطي ليه؟
"سما" بصوت منبوح من البكاء : "قمر" عملت حادثة
"حسين" بصدمة : ايه .. امتى حصل الكلام ده
"سما" : من ساعتين او تلاتة تقريبا
"حسين" بعتاب ممزوج بالقلق : وماتصلتيش بيا من ساعتها ليه يابنتى
"سما" : مش وقته الكلام ده يابابا .. تعالي بسرعة بس
"حسين" : ماشي يا "سما" انا جي حالاً
أغلق الهاتف ثم خرج من مكتبه الذي في منزله بسرعة ولكن أوقفته "هدى" قائلة : رايحة فين ياحج
فكر "حسين" بسرعة أيخبرها أم لا .. ووجد ان الحل هو عدم أخبارها ولكن بدون كذب
"حسين" وهو يحاول إن يكون هادئاً : رايح أزور واحد أعرفه في المستشفي عشان عمل حادثة
"هدي" بإستغراب : مين ده يعني؟
تنهد "حسين" ثم قال وهو يسير : لما أجي يبقي اقولك
ثم تركها وأستقل سيارته وأنطلق مسرعاُ الي المشفي
---------

[فيتامين سي]

الحلقة السادسة عشر


"هدي" بإستغراب : مين ده يعني؟
تنهد "حسين" ثم قال وهو يسير : لما أجي يبقي اقولك
ثم تركها وأستقل سيارته وأنطلق مسرعاُ الي المشفي
عندما وصل أتصل "بسما" ليعلم اي مكانها
فأخبرته بالعنبر التى تقف به فصعد بسرعة إليها
عندما وصل الي العنبر صارت "سما" إليه ثم أرتمت فى أحضانه
ربت عليها قائلاُ بتساؤل : ايه الي حصل
قصت عليه "سما" علي ماحدث ببكاء
أستمعها لها "حسين" بهدوء ثم نظر الي "مراد" الشارد قائلا بخفوت : هو ده
نظرت "سما" الي "مراد" ثم أومأت رأسها بصمت
تركها "حسين" ثم ذهب إلي "مراد" ربت على كتفه فنظر له "مراد" قائلاً بتساؤل : حضرتك والد "قمر"
أومأ له "حسين" رأسه فقال "مراد" بسرعة : انا عارف ان كل ده حصل بسببي .. وبجد مش عارف اقول لحضرتك ايه ولا حتي اعمل ايه بس بجد انــ ..
قاطعه "حسين" قائلاً بهدوء : خلاص يابني قدر الله وماشاء الله .. زى ماكنت غلطتك هي غلطتها انتو الاتنين كنتوا سرحانين .. تنهد ثم أكمل : مفيش دلؤتى غير ‘ن احنا ندعولها
"مراد" بخفوت : ربنا يشفيها
ربت "حسين" على كتفه ثم تركه وذهب ليجلس بجانب "سما"
اما "مراد" أقترب من "أدهم" قائلاً له بجدية : روح يا انت يا "أدهم" .. عشان لو أتأخرنا أكتر من كده ماما حتشك إن في حاجة
"أدهم" بجدية : طيب ماتروح انت .. انت شكلك مرهق اوى
"مراد" بتصميم : لاء انا مينفعش انا اروح .. أسمع كلامى وروح انت ولو سألوك عليا قولهم عنده شغل كتير وحينام فى الشركة
"أدهم" بإستغراب : عايزني اكدب عليهم
"مراد" بتساؤل : اومال عايز تقولها انى خبطت بنت بالعربية تتجنن عليا ! .. صمت قليلاً ثم قال بتفكير : طيب خلاص بلاش تقولها عنده شغل كتير .. قولها فى واحد صاحبه فى المستشفي وقاعد معاه لحد مايفوق
فكر "أدهم" ثم قال بجدية : طيب حقولها كده .. أديها حاجة قريبة من الحقيقة وخلاص
أومأ "مراد" رأسه ثم قال بجدية : بس حتعبك بقي .. يبقي هاتلي قميص البسه بدل الى اتغرق دم ده
"أدهم" بملل : حاضر .. ثم أردف بمزاح : أفضل انت اقرفني بطلاباتك ديه
"مراد" وهو يحاول إن يخفي إبتسامته : يابني حضحكني وده مش وقت ضحك خالص
"أدهم" بمزاح : ياخي كبر بقي .. ده حتي ابوها بيقول انها غلطتها بردو متشيلش نفسك الهم بقي
أبتسم له "مراد" قائلاً بجدية : طيب روح يلا هاتلي قميص تاني .. ثم أردف بمزاح : قرفان من نفسي والله
ضحك "أدهم" بخفوت ثم قال بجدية : طيب حروح وهحاول متأخرش عليك
ربت "مراد" على كتفه وودعه
أنطلق "أدهم" بسرعة وبعد وقت قصير وصل الي منزله
فتحه الباب بمفاتيحه ثم دخل وأغلق الباب خلفه
كاد إن يصعد الي غرفته ولكن أوقفته كلمات والدته المتسائلة : "كنت فين لحد دلؤتى يا "أدهم" وفين أخوك"
نظرت إليه بإبتسامة ثم توجه نحوها وقبلها من رأسها قائلا ليغير زمام الحديث : إزيك ياست الكل عاملة ايه
نظرت له بحدة قائلا بتصميم : كنت فين لحد دلؤتى .. واخوك مرجعش ليه؟ .. متهربش من الكلام
تنهد "أدهم" ثم قال بجدية : كان عندي شغل كتير فتأخرت أما "مراد" فقاعد مع واحد صحبه فى المستشفي عشان عمل حادثة
"كريمة" بإستغراب : صاحبه مين ده؟
زم "أدهم" شفتاه ثم قال بعدم علم : مش عارف بصراحة .. ثم أردف بسرعة : انا بقي عايز اطلع اجبله هدوم عشان عايز يغير هدومه
خطى خطوتين ولكن أوقفته والدته عندما أمسكته من ساعده قائلة بقلق : أخوك ماله يا "أدهم"
نظر لها بتعجب ثم قال بإستغراب : حيكون ماله ياماما
"كريمة بقلق : مش عارفة انا حاسة إن أخوك حاصله حاجة
تنهد "أدهم" بضيق ثم قال بجدية : متقلقيش "مراد" كويس
"كريمة" : طيب أحلفلي بالله انه كويس
"أدهم" بسرعة : والله العظيم "مراد" كويس .. صدقتيني كده ياماما .. ممكن أطلع بقي أجبله هدوم
أومأت رأسه ثم تركته يصعد وهي تقول بخفوت : يارب يا "أدهم" حلفان ميكونش كدب
صعد "أدهم" إلي غرفة "مراد" وفتح دولابه وأغرق منها قميص أسود اللون ثم أغلق مجدداً ونزل بسرعة متجهاً الي سيارته
نظر إلي والدته فكانت تجلس فى غرفة المعيشة تقرأ بعض آيات الله
شعرت بوجوده فنظرت لها قائلة بتساؤل : حتتأخر؟
هز رأسه نفياً ثم قال بجدية : حوديلوا القميص وحرجع تانى
أومأت له رأسها ثم عادت تنظر في مصحفها
نظر لها "أدهم" وهو يشعر بالذنب لأنه لم يخبرها الحقيقة .. ولكنه يعلم والدته ! .. سوف تقلب الدنيا رأساً علي عقب اذا علمت ما حدث
نفض تلك الافكار من رأسه ثم اتجه الي سيارته وقادها بسرعه حتي وصل الي المشفي
أتصل "بمراد" ليخبره بوجوده فستأذن "مراد" من "حسين" ثم نزل الي المكان الذي يقف فيه
فتح باب السيارة ثم جلس بجانبه وقال له بتساؤل : جبتلي القميص
أومأ "أدهم" رأسه ثم أعطاه له
نظر "مراد" بدهشة الي القميص ثم نقل نظره المليئة بالدهشة والاستغراب الي "أدهم" ثم قال له بإستغراب : جيبهولي لونه اسود ليه يا خويا .. ثم أردف بضيق : هي ناقصة سواد
ضحك "أدهم" ثم قال بمزاح : الى جه فى أيدي بقي ياعم .. صمت قليل ثم قال بجدية : علي فكرة أمك سألتنى عليك
"مراد" بسرعة : اوعى تكون قولتلها حاجة
"أدهم" : عيب عليك لاء طبعاً .. انا قولتلها نك قاعد مع صاحب فى المستشفي .. سألتني صاحبك مين فقولتلها معرفش
أومأ "مراد" رأسه وهو يبدل قميصه قائلاً له : الله ينور عليك .. صمت قليلاً ثم قال بضيق عندما أنتهى من أرتداء قميصه : منك لله ياخي انتى والاسود الي جيبهولي ده .. عايزهم يقولوا ايه بيفول علي البت انها ماتت
ضحك "أدهم" ثم قال بمزاح : لا ان شاء الله متوصلش لموت عشان بالشكل ده انت الى حتروح فيها
"مراد" وهو يبتسم : ربنا يستر .. روح انت بقي عشان الحاجة كريمة متقلقش عليك
قال كلماته تلك وهو ينزل من السيارة
أومأ له "أدهم" رأسه ثم قال بجدية : لو فاقت يبقي قولي
أومأ له "مراد" رأسه
ثم صعد وتركه الي المشفي التى كرها وكره الوقوف بها
أما "أدهم" أنطلق بسيارته بسرعة كالعادة متجهاً الي الفيلا التى يقطن بها
عندما صعد "مراد" الي المكان الذي يتواجد به "حسين" و "سما" و "إيمان"
لم يجد سوى "إيمان" فنظر لممكان بدهشة ثم قال بإستغراب موجهاً حديثه "لإيمان" : أومال فين والد "قمر" وأختها
نظرت له بتمعن وهي شارده فى جماله الذي أظهره قميصه الاسود
ثم قالت وهي تدقق النظر فيه : دخلوا "لقمر" في الأوضة
"مراد" بدهشة : هي فاقت؟
أومأت "إيمان" برأسها بصمت
تنهد "مراد" برحة ثم أخرج هاتفه من جيب بنطاله وبعث "لأهم" رسالة يقول فيها
" الحمدلله ربي بيحبني ! ... "قمر" فاقت وماماتتش"
---------

[فيتامين سي]

الحلقة السابعة عشر


"مراد" بدهشة : هي فاقت؟
أومأت "إيمان" برأسها بصمت
تنهد "مراد" برحة ثم أخرج هاتفه من جيب بنطاله وبعث "لأهم" رسالة يقول فيها
" الحمدلله ربي بيحبني ! ... "قمر" فاقت وماماتتش"
وبعد دقائق أتاه رد "أدهم" " ههههههههه .. الحمدلله"
رأى "مراد" رد "أدهم" و هو يبتسم ثم وضع هاتفه في جيب بنطاله ونقل نظره الي "سما" التي خرجت من غرفة "قمر" لتجلس مع "إيمان"
تنحنح "مراد" ثم قال بتساؤل مٌجهاً حديثه "لسما" : والدك لسه جوه مش كده
أومأ "سما" رأسها قائلة : ايوة معها فى الاوضة .. صمتت قليلاً ثم أكملت بجدية : لو حابب تدخله أتفضل
أومأ رأسه قائلاً بتساؤل : هي اهنو اوضة
أشارت له الي الغرفة التي توجد بها "قمر"
تنهد "مراد" تنهيدة طويلة ثم اتجه الي الباب وطرق عليه برفق
سمع صوت "حسين" يأذن له بالدخول ففتح الباب ببطئ
نظر له "حسين" مبتسماً ثم قال بجدية : اتفضل يابني
دخل "مراد" الغرفة و اول ماوقعت عينه عليه كانت "قمر" نظر لها بشفقة ثم قال بحنان : أخبارك ايه دلؤتى
"قمر" بصوت متعب : الحمدلله كويسة
"مراد" بنفس اللهجة : طيب حاسة بأيه
"قمر" : انا حاسة بجسمي كله وعارفة احركه الا رجلي مش عارفة ليه
نظر لها "مراد" بصدمه ولم يعرف بماذا يُجيبها
أنقذه "حسين" بقوله الجاد : معلش يا حببتى حتلاقيه من آثر البنج ولا حاجة
أومأت "قمر" رآسها قائلة : انا بردو بقول كده
"مراد" بإسف : انا بجد مش عارف اقولك ايه .. كل الى حصلك ده بسببي
"قمر" وهي تحاول ان تبستم : مافيش حاجة تتأسف عليها .. انا بردو اعتبر السبب فى الى حصلي ده مش انت لوحدك
أبتسم "مراد" قائلاً بجدية : ربنا يشفيكي وتطلعى من هنا بالسلامة
أبتسمت وهي تقول بخفوت : يارب
بعد لحظات قليلة سمعوا طرقات على الباب وبعدها دخول الطبيب المختص لعلاج حالة "قمر"
نقل نظرهم بين "حسين" و "مراد" و"قمر"
ثم تعلقت انظاره "بقمر" وقال بإبتسامة : ازيك يا "قمر" اخبارك ايه النهاردة
أومأت رأسها وهي تقول بتعب : الحمدلله يادكتور كويسة
الطبيب بتساؤل : طيب ورجلك ؟ حاسة بيها
هزت رأسها بالنفي ثم قالت : لاء مش حاسة بيها خالص
زم الطبيب شفتيه ثم قال بجدية : إن شاء الله حتبقي كويسة متخفيش
ثم نظر الي "حسين" قائلاً : ممكن ثوانى يا أستاذ "حسين"
قبل أن يرد أو يتحرك "حسين"
هب "مراد" واقفاً وهو يقول بجدية : طيب انا حطلع بره عشان عايز اعمل تليفون مهم
أومأ "حسين" رأسه ثم قال بطيبة : ماشي يابني برحتك
خرج "مراد" يتبعه الطبيب و"حسين"
وقف "حسين" مع الطبيب في ركن فى آخر الممر ثم تنهد بضيق
نظر له "حسين" بخوف ثم قال بقلق : خير يا دكتور في ايه
نظر له بضيق ثم قال بأسى : بنتك يا استاذ "حسين" ... صمت ولم يكمل
"حسين" بإستغراب : خير يادكتور في ايه
الطبيب بضيق : بنت حضرتك مش حتقدر تمشي علي رجليها تانى .. إلا لو عملت عملية
أتسعت عيناه من الصدمة وشعر أنه لا يقوي على فعل شئ
نظر له بصدمة ثم قال وهو يحاول ان يتكلم : يعني ايه .. يعني بنتى مش حتمشي تانى على رجليها
هز رأسه بالنفي قائلا : للأسف لاء .. بس لو عملت العملية ديه حتمشي زى الاول واحسن كمان
"حسين" بحزن شديد : يارب .. ثم أكمل بخفوت : حقولها ازاى بس
ربت الطبيب على كتفه ثم تركه وذهب
تركه الطبيب لتأتى له "سما" قائلة بتساؤل : في ايه يابابا .. الدكتور كان بيقولك ايه
أخذها فى أحضانه وهو يحاول ان يكتم دموعه قائلاً بحزن شديد : "قمر" مش حتقدر تمشي على رجليها تاني
أبتعدت عن أحضانه وهي تشعر بالصدمة قالت بدهشة : ازاى .. انت بتتكلم بجد يابابا
"حسين" بحزن : ايوة يابنتى الدكتور لسه قايلي كده .. انا مش عارف حقولهالها ازاى ديه
"سما" بحزن : ياحببتى يا "قمر" .. ثم أردفت بغضب وهي تبكي : منك لله يا الي اسمك "مراد" انت .. انت السبب في كل ده
"حسين" بحزم : خلاص يا "سما" قولتلك كانت غلطة اختك بردو
أستغفرت ربها ثم قالت بخفوت : يارب هونها عليها يارب
ربتت على كتفها بحنان قائلاً : روحي انتي يابنتى أمك زمانها شكت ان في حاجه .. صمت قليلا ثم أكمل : وانا حدخل أحاول أفهم "قمر"
تنهدت بضيق ثم قالت بتساؤل : ماما لو سألتني اقولها ايه
"حسين" بجدية : حتقوليلها الحقيقة حتعملي ايه يعني .. قولنلها ماقولنلهاش حتعرف بس تعرف دلؤتى وتبقي زعلانة وفي الاخر تاخد على الوضع احسن من انها تزعل بسبب حالتها وتزعل مننا اننا مقولنلهاش
أومأت رأسها بتفهم قائلاً عندك حق يابابا .. ربنا يصبرنا كلنا .. ويقويكي يا "قمر" على محنتك
"حسين" بخفوت : أمين .. ثم اكمل بجدية : يلا ياحببتى روحي ريحي شوية
أومأت رأسها ثم أحتضنته قائلة : ان شاء الله محنة وحتعدي يابابا
ربت علي كتفها بحنان قائل : ان شاء الله ياحببتى
تركته ثم اتجهت الي سيارتها وكلا منهم شارد فى عالم اخر
---------

[فيتامين سي]

الحلقة الثامنة عشر


أومأت رأسها ثم أحتضنته قائلة : ان شاء الله محنة وحتعدي يابابا
ربت علي كتفها بحنان قائل : ان شاء الله ياحببتى
تركته ثم اتجهت الي سيارتها وكلا منهم شارد فى عالم اخر
***
ذهبت "سما" الي منزلها وهي تفكر فى ردة فعل والدتها حين تعلم بحادث "قمر"
دخلت مسرعة وهي تدعي الله إن لا تراها والدتها
ولكن لم يحدث كما تمنت .. سمعت صوت والدتها القلق وهي تنادي عليها
نظرت لها "سما" وهي تحاول ان ترسم ابتسامة حتي ولو كانت صغيرة على شفتيها ولكن فشلت
نظرت لها "هدي" بخوف ثم قالت بقلق : كنتٍ فين كل ده يا "سما" ثم أخذت تتمعن فيها وهي تقول : و
"قمر" فين
نظرت لها "سما" بدموع ثم قالت بصوت باكي : "قمر" عملت حادثة ياماما
نظرت لها "هدي" بصدمة ثم اقتربت منها قائلا بخضه : ايه الى انتي بتقوليه ده .. حصل ازاى ده
قصت لها "سما" كل ماحدث وهي تحاول ان تتماسك امامها
اما "هدى" كانت تستمع لها ودموعها تنزل فى صمت وفمها متسع من الدهشة
وفجأة تركتها "هدي" واتجهت مسرعة الي غرفتها و"سما" تلحقها وهي تقول بقلق : ياماما رايحة فين .. ياماما اهدي بس
لم تجيبها "هدى" بل شُرعت فى تبديل ملابسها
نظرت لها "سما" بحزن على حالتها ثم قالت بتساؤل : حتروحي فين بس الوقت ده
نظرت لها "هدي" بغضب ثم قالت بإنفعال : رايحة لبنتي حكون رايحة فين يعني
اقترب منها "سما" ثم قالت بهدوء كي تهدأ والدتها : ياماما وجودك معاها ملوش لازم دلؤتى .. حتروحي تعملي ايه بقي
"هدى" بحزن : حروح اواسيها .. اكيد الخبر ده مش حيبقي سهل عليها
ربتت "سما" على كتفاها ثم قالت بجدية : ياحببتي بابا موجود وهو حيقدر يفهمها بهدوء .. ثم أردفت بمزاح : وبعدين انتي ياهدهد لو روحتي هناك حتوهميها اكتر مش حتواسيها
ضربتها بخفة على كتفها ثم قالت بعتاب : وده وقت هزار برضو
أحتنضنتها "سما" ثم قالت بجدية : خير ان شاء الله ياحببتى .. اهدى انتى كده وبكره ان شاء الله يبقي نروحلها
***
كانت شاردة تنظر الي سقف الغرفة التى بها وتفكر في نفسها وفيما حدث لها
أفاقت من شرودها على صوت الباب وهو يُفتح ومن ثم دخول والدها
جلس بجانبها على طرف السرير فإبتسمت له قائلا بتساؤل : الدكتور كان عايزك فى ايه يابابا
نظر لها وهو لا يعرف ماذا يقول
ربتت "قمر" على يده ثم قالت بتساؤل : يابابا الدكتور قال لحضرتك ايه
تنهد "حسين" بقلة حيلة ثم سألها بطيبة : لسه مش حاسة برجلك ياحببتي؟
هزت رأسها بالنفي قائلة بحزن : لا مش حاسه بيها
تنهد "حسين" بضيق ثم قال بطيبة : طبعا ياحببتى انتى عارفة ان " الله اذا احب عبدأ ابتلاه "
أومأت "قمر" رأسها في صمت فأكمل "حسين" قائلاً : وربنا بيحبك يا "قمر" عشان كده حابب يبتليكي
ظلت تنظر له بصمت ولم تصدر منها اي ردة فعل منها
تنهد "حسين" تنهيدة طويلة ثم قال بضيق : ربنا حطك فى امتحان ياحببتي .. صمت قليل ثم اكمل بصوت متقطع : والامتحان هو انك مش حتقدر تمشي على رجلك تانى
نظرت له "قمر" بصدمة وهي لا تصدق ماتسمع ثم أسندت ضهرها الي وساده السرير التي تجلس عليه وأخذت تبكي بصمت
نظر لها "حسين" بألم ثم قال بحزن : يابنتي متعمليش كده فى نفسك .. ده قضاء وقدر ياحببتى
ظلت تبكي بشدة فأخذه "حسين" فى أحضانه وهو يربت عليها كي تهدأ وهو يقول لها : اومال لو مكنتيش واحدة عارفة ربنا يابنتى كنتي عملتى ايه
"قمر" ببكاء : طيب يابابا حضرتك عايزنى اعمل ايه .. أفرح يعني
ربتت "حسين" على كتفها قائلاً : لآ ياحببتى مش عايزك تفرحي بس فى نفس الوقت مش عايزك تزعلي .. اكيد الي حصلك ده وراه خير .. ثم أردفت بجدية : وبعدين الدكتور قالي انك حترجعي تمشي تانى بس لو عملتي عملية
"قمر" : لا مش حعمل حاجة .. انا بكره العمليات وبكره الدكاترة .. انا مش حعمل عمليات تاني
ربت "حسين" علي كتفها بحنان فهو يعلم انها تثرثر بهذا الكلام بسبب صدمتها ليس اكثر
"حسين" بطيبة : طيب ياحببتى الي عيزاه حيتعمل
أبتعدت "قمر" عنه ثم قالت بتعب : انا حريح شوية عشان بجد دماغي حتنفجر من الصداع
ربت "حسين" على كتفها ثم غادر الغرفة تاركاً إياها شاردة فى عالم اخر
خرج "حسين" من الغرفة ليجد "مراد" جالس يعبث فى هاتفه بشرود
أفاق من شروده حين ربت "حسين" على كتفه قائلاً بحنية : قوم روح يابنى .. انت شكلك مرهق اوى
هب "مراد" واقفاً أحتراماً له ثم قال بجدية : لا ولا مرهق ولا حاجة .. ثم أردف بتساؤل : هو الدكتور قال لحضرتك ايه علي "قمر"
تنهد "حسين" بضيق قائلا : مش حتقدر تمشي تانى علي رجليها الا لو عملت عملية
نظرت له "مراد" بصدمة ثم قال بحزن : لا حول ولا قوة الا بالله .. وهي عملت ايه لما عرفت
"حسين" بضيق : اتصدمت طبعا
"مراد" بخفوت : لا حول ولا قوة الا بالله
"حسين" بجدية : اسمعني بس يابني وقوم انت روح
"مراد"بإعتراض : لا انا حفضل قاعد مع حضرتك .. مش حسيبك لوحدك
ربت "حسين" على كتفه قائلا بطيبة : ربنا يحفظك يابني
أبتسم "مراد" لطيبته بصمت
***
مر عليهم اليل سريعاً وهم مستيقظين
"حسين" بين الحين والاخر يدخل الغرفة ليطمئن على إبنته
بينما "مراد" كان يحاول ان ينهي اعماله عبر هاتفه
***
فى الصباح الباكر ذهبت "هدي" بصحبة "سما" الي المشفي
كانت "هدي" تشعر بغضب الشديد من "حسين" عندما رأته
لانه اخفى عليها خبر حادث "قمر"
ولكن سرعان ما اختفي غضبها عندما رآت "قمر"
أحتضنتها بقوة وهي تقول ببكاء : ياحببتي الف مليون سلامة .. الاهي انا ولا انتى
"قمر" بتعب : بعد الشر عليكي .. لا انا ولا انتى
"هدي" بعتاب : كده .. كده يا "قمر" اكون انا اخر من يعلم بإنك عملتى حادثة
"قمر" بصوت متعب : والله ياماما انا كنت مفكراهم قلولك وحضرتك كنتي حتيجي الصبح عشان كده مقولتش لحد يقولك
"هدى" بضيق : ماهو للأسف اختك مقلتليش غير لما رجعت فى نص الليل ومرضتش انها تخليني اجيلك .. مع انه كان على عيني
ربتت "قمر" على كتفاها قائلة بطيبة : خلاص يا ماما ولا يهمك
آخذوا يتحدثون عن ماذا ستفعله "قمر" بخصوص قدميها و هل ستوافق علي العملية ام لا
حتي قطع حديثهم طرقات على الباب ومن ثم دخول الطبيب
---------

[فيتامين سي]

الحلقة التاسعة عشر

ربتت "قمر" على كتفاها قائلة بطيبة : خلاص يا ماما ولا يهمك
آخذوا يتحدثون عن ماذا ستفعله "قمر" بخصوص قدميها و هل ستوافق علي العملية ام لا
قطع حديثهم طرقات على الباب ومن ثم دخول الطبيب
ألقى عليهم السلام ثم وجه نظر الى "قمر" قائلاً بتساؤل : اخبارك ايه يا "قمر"
"قمر" بجدية : الحمدلله يادكتور احسن من الاول
الطبيب بجدية : انا عارف ان خبر رجلك ده مكنش سهل عليكي .. بس فكرة انك متعمليش العملية فديه فكرة مش صح ولو فعلا معملتيش العملية حتندمي فى الاخر
"قمر" بعدم اهتمام : ربنا يسهل يادكتور .. لما اخرج من هنا يمكن اغير رأيي
الطبيب : وهو ده الي انا عايزه فعلا .. عموما انتي فاضلك كام يوم وتخرجى من هنا
"قمر" بحماس : كام يوم الى هما قد ايه يعني
الطبيب بجدية : أسبوع .. بس ياريت تاخدي الدوا في معاده عشان لو حصل غير كده حتقعدي هنا فترة اطول
قالت بخفوت : إن شاء الله
مر الاسبوع الذي حدده الطبيب سريعا
كانت تشعر بالسعاده تغمر كل عضو فى جسمها وأخيرا سوف تخرج من هذا السجن الابيض التي تجلس به
نزل "حسين" الي الحسابات ليدفع مصاريف المشفي
ولكنه تفاجئ عندما عرف من موظفة الاستقبال انها مدفوعة
اخذ يفكر ويخمن .. من الذي دفع المصاريف؟
صعد مجدداً الي غرفة "قمر" ثم قال لها بضيق : مش عارف مين الي دفع فاتورة المستشفي
نظر "قمر" له بدهشة ثم قالت بتساؤل : يمكن "مراد" هو الى دفعها
ظل يفكر ثم قال لها بتساؤل : وهو ليه يعمل كده
"قمر" بعدم علم : الله اعلم
"حسين" بجدية : بس والله إنسان زوق جدا
أبتسمت "قمر" ولم تعلق
فسألها والدها : انتي تعرفي رقمه يابنتى
فكرت قليلا ثم قالت بتذكر : تقريبا كان سايب رقمه فى الشركه
"حسين" بجدية : ماشي ياحببتى .. اهم حاجة دلؤتى يلا نروح البيت عشان عارف انك اتخنقتي من المكان ده
أومأت له رأسها فساعدها على ركوب الكرسي المتحرك
أخذت تصبر نفسها على حالتها الجديدة وهي تقول بخفوت : الحمدلله مهما حصلي برضو الحمدلله .. كله قضاء وقدر
وصلت الي بيتها اخيرا وهي تشعر بالاشتياق الشديد له
أستقبلتها والدتها وأختها وجميع الخادمات وعلي ألسنتهم عبارة واحدة " حمدلله على السلامة ياحببتي .. البيت نور"
كانت تبتسم مجاملة لهم ثم قالت بهمس "لسما" : انا عايزة اطلع اوضتي عشان اريح شوية
أومأت"سما" رأسها ثم وضعت يديها على مقابض كرسي "قمر" و سارت بها الي غرفتها
ساعدتها "سما" على النوم فى سريرها ثم جلست علي طرف سريرها وقالت لها بحنان : برضو يا "قمر" مش حتعملي العملية
"قمر" ببرود : تانى يا "سما" تانى .. انا مش عايزة اتكلم فى الموضوع ده
"سما" بسرعة : خلاص ياحببتى الى يريحك
أبتسمت لها "قمر" ثم قالت بجدية : "سما" ممكن تنزلى تناديلي بابا .. عايزة اكلمه فى حاجة
أومأت "سما" رأسها قائلة : حاضر ياحببتى
ثم تركتها ونزلت لتخبر والدها بإن "قمر" تحتاجه
ثم توجهت الي غرفتها لتترك "قمر" مع والدهم لوحدها
بعد دقائق قليلاً طرق "حسين" الباب علي "قمر" ثم دخل بسرعة
جلس على طرف سريرها ثم قال بجدية : خير ياحببتى .. "سما" قالتلي انك عيزانى
تنهدت ثم قالت بصوت متقطع : بابا لو سمحت .. انا كنت حابة اقولك حاجة
نظر لها بإستغراب ولم يعلق
فأكملت قائلة : انا عايزة اعيش حياتي عادي .. عايزة اعشها كان مفيش حاجة حصلتلي
"حسين" بجدية : حقك طبعا .. بس انتي قصدك ايه يعني
"قمر" : يعني يابابا .. عايزة انزل الشغل عادى
نظر لها بدهشة ثم قال بإستغراب : عايزة تنزلى الشغل ازاى بحالتك ديه .. انتى مبقتيش زى الاول يا "قمر" .. وضعك اختلف انتى دلؤتى بقيتي قاعدة على كرسي متحرك .. ثم أردف بتساؤل : حتنزلى تشتغلي ازاى بقي
شعرت بألم كلماته فلم تعلق
شعر "حسين" بثقل كلماته فربت علي يدها قائلة بجدية : انا مش قصدي ياحببتى اقولك كده .. بس الي عايز اوصلهولك انك مش حتعرفي تنزلى تشتغلي وانتى كده
"قمر" بإلم : خلاص يابابا فهمت قصد حضرتك
تنهد بضيق ثم قال بنفاذ صبر : خلاص يا "قمر" حفكر فى موضوعك ده .. بس لو وفقت يبقي في بشرط
نظرت له بحماس فأكمل بجدية : السواق حيوديكي الشركة و حياخدك منها
"قمر" بضيق : يابابا ماحضرتك عارف اني مش بحب اركب مع السواق بحب اروح برحتي وارجع برحتي
"حسين" بصرامه : يبقي خلاص مفيش مرواح الشركة
"قمر" بسرعة : خلاص يابابا موافقة .. السواق حيوديني وحيجبني
أبتسم ثم قال بتساؤل : بس عايزة تروحي الشركة ليه؟
"قمر" : عشان عايزة احسن ان مفيش حاجة حصلتلي .. عايزة احس اني واحدة عاديه مجرلهاش حاجة .. ثم أردفت بسخرية : اما لو فضلت قاعدة في البيت حيفضلوا يحسسونى انى فعلا عاجزة وطبعا حضرتك عارف كلمهم ياحببتى يابنتى .. الاهي انا ولا انتى .. الكلام الي يعصب الواحد ده
ضحك ثم ربت علي يديها قائلا بإبتسامة : خلاص ياحببتى اعملي الي يعجبك
قبل رأسها ثم قال بجدية : نامي شوية يا بنتي
ثم تركها وخرج من الغرفة
ظلت تفكر فيما ستفعله حتي غلبها النوم فراحت في نوم عميق
------