07-04-17, 10:18 PM
| #33 | ||||||||
| مراقبة عامة ومشرفة منتدى الروايات المنقولة  
|  الجزء الخامس والعشرون من روايتي سحر البراءه.: ~~~~~~~~~~~~~~~~~ ~~~~~~~~~~~~~~~~~ . في بيت الجسـار.... فتحت امينه الباب بعد ما سمعت الجرس ، وكان وراه "تركـي".... امينه بترحيب.: اهلا وسهلا ي سيد تركي .. ازيك عامل ايه ؟ تركي بهدوء.: بخير الحمدلله امينه بسرعه وهي تدخله الصاله.: اتفضل اتفضل جلس بهدوء غريب على شخصيته المرحه وحط رجل على رجل ...... ~~~~ كانت نوف تنزل بنرفزه من اسلوب جسار الي صاير حاد بزياده هالفتره ،، لعنت نفسها مليون مررره لانها صرخت عليه في ذاك اليوم ... مشيت بسرعه جهت المطبخ واخذت المويه الدافيه لرضاعه لانا .. بس لما التفتت للدرج انتبهت للي جالس في الصاله وينظر لها بصدمه ونزل نظره بسرعه عنها .. شهقت بقوه لما انتبهت انه في رجال غريب في الصاله وواقفه قدامه بدون غطا .. طلعت ركض من الدرج بس ..: اخخخخ مسكت راسها بألم ورفعت راسها لجسار الي كان واقف قدامها وماسك يده المجبسه ... قال بحده.: انتبهـي .. بعدين ليش نازله تحت ماقالت لك امينه انه في رجال في الصاله ؟!همست نوف " امينه ؟ " قالت نوف بتوتر .: ههاه الا قالت لي بس نسيت . جسـار بنرفزه.: احد ينسى شيء زي كذا ؟؟؟ تجاهلته وتحركت من جنبه بس مسك معصمها بقوووه لين ابيضت اصابعه .: شافك ؟ نوف وهي تحاول تسحب يدها بالم "قالت بكذب".: لا "اكملت" جسار اترك يدي عورتني قال وهو يككززز على اسنانه .: اططلعي فوق ولا اسمع صوتك . نوف بالم .: طيب طيب اتركني تركها بقسوه ونزل لتحت بخطوات سريعه .. بينما هي طلعت بسسرعه وقلبها يرقع من الموقف السخيف الي طاحت فيه . دخلت غرفتها وجلست عالكنبه بسرعه وفي نفس اللحظه دخلت امينه الي قالت .؛ مدام نوف فيه راجل تحت .. متنزليش .. ازا عاوزه اي حاجه اساليني ... ابتسمت ابتسامه صفرا "همست لنفسها .: بدري الحين تقولي لي ..!" وقالت.: لا ماعليك ما ابغا شيء ~~~~~~~~~~~~~~~~~ دخل جسار على تركي المتوتر ووجه قلب الف لون .. تنحنح ووقف يسلم على جسار الي كان يسلم ببرود غريب على تركي .. لطالما كانت علاقتهم مريحه وكان تقريبا اقرب انسان له ....... جلس عالكنبه المقابله له ووجه ما يبشر بخير ... ابتسم تركي لتلطيف الجو.: هاه شالخبار ي كسار .. "حط يده على يد جسار المتجبسه وقال بعفويه وضحك"هاه شكلها توابع الزواج ؟؟! رفع نظره بخططر لتركي الي حس انه جاب العيد .. ابتسم بترقيع وبدا يتكلم في الشغل يمكن يهدي الوضع الي واضح انه مضايق جسار لسبب يجهله ..! ~~~~~~~~~~~~~~~~~ ~~~~~~~~~~~~~~~~~ في أمريكـا .: سحبها بقسوه وهو يقول بنرفزه .؛ مين هذا الي كنتي تسولفي معاه في الشارع ؟؟؟! وتضحكي بعد ؟؟ وتطيح عيني في عينك وانتي لاحيا ولا مستحا ؟!!! وفوق هذا كله راجعه متأخر ؟! عض على اسنانه لدرجه ان عروق رقبته بانت وقال بهدوء مخيف .: ممكن تقولي لي ي ست احلام وين كنتي كل هالوقت ؟؟؟ احلام برجفه والدموع في عيونها.:انـ انـ مـا عبدالملك بصراخ.: انططططططقي ...! غمضت عيونها بقوه وهي خايفه من تحوله المفاجئ ،. بس استغربت لما سمعت الصوت العادي الي قال.: ملوكـي .. اتركا عاراحتها "واقتربت بدلع وهي تسحبه بعيد عن احلام" ممكن ؟! دف نور عنه بنرفزه ودخل غرفته وسكر الباب باقوى ماعنده ..... اقتربت نور من احلام الي كانت حاطه يدها على اذنها من الخوف .... ابتسمت نور بالم وهي تمسك يد احلام الي كان ضاغط عليها عبدالملك بقوه.: يعورك ؟ احلام بهمس .: لا نظرت احلام لنور الي بداء وزنها يزيد .. سالتها بدون مقدمات.: قلتي له؟ نور بتوتر .: شو؟ سكتت احلام شوي وهي تطالع عيونها الي امتلأت بالدموع .. انصدمت من رده فعلها وقالت،: شفيك؟ نور بهمس مخنوق.: ما بدو ولاد ..! مابدو يجيب مني ولاد ..! احلام بتشتت.: كيف يعني؟ نور بانهيار.: ازا ئلتلو راح يطلئني ......! ~~~~~~~~~~~~~~~~~ ~~~~~~~~~~~~~~~~~ في الرياضض.: جلست عالسرير برجفه وهي مصدومه من الي شافته .. شافت رجال طويل ووسيم بس مو هو ..! مو الي تعلقت فيه بدون سابق انذار ... يمكن تكون غبيه لانها تعلقت بوهم بس .. بس ما تقبلت واقعها ......! نظرت لابرار الي تطالعها بصدمه ... همست روابي بخنقه.: ابرار ، ما ابيه ابرار بعدم استيعاب.: ايش الي ما تبيه ؟؟؟؟ "وبعصبيه" انتي اييش وراك؟! ليش ما تبييييه؟ روابي ودموعها تتسابق في النزول.: مـ ما .. "زفرت بضيق" ماادري ما ابيه ما ارتحت ابرار بعصبيه.: الحين تقولين ما ارتحت؟؟ بعد ما ابوي حدد موعد الملكه مع الرجال روابي بضيق.: عادي نكنسلها ابرار بجلطه من كلام اختها العاقله.: روابي ماعرفتك مجنونه كذا .. وبعدين نكنسلها يعني ايش يعني ؟؟؟؟! تحسبيها كلمه سهله ؟ روابي بكتمه .: ابرار تكفين ساعديني ابرار ولاول مره بقسسوه .: انا مالي دخل بالموضوع.. عندك ابوي تفاهمي معاه . همست روابي بصدمه من تصرف ابرار القاسي.: ابرار؟؟؟ قالت ابرار بلهجه جديه .: انا قلت الي عندي .. انا مصدومه فيك ي روابي ما توقعت حركات المراهقات هذي تطلع منك .. فكري بنفسك ي هبله .. صار عمرك 26 وما انخطبتي الا من متزوج او شايب ...! روابي .: بسس ابرار بنرفزه.: لا بس ولا شيء مادام سمعته كويسه ومافيه عيب ليش الدلع الي ماله داعي ..، واذا عندك كلام ثاني تفاهمي معاه . وطلعت ورزعت الباب بقووه..... اتسندت ابرار على الباب وهي تتمنى ان اختها تتزوج انسان كويس وتتطمن عليها في اقرب وقت ..! ~~~~~~~~~~~~~~~~ ~~~~~~~~~~~~~~~~ دخلت الشركه بكل هيبه واناقه تناسب زوجه رجل اعمال وام لرجل اعمال كبير .... وقفت عند الاستقبال .: لو سمحت ابغا اقابل الاستاذ جسار. ..........: الاستاذ جسار مو موجود. ام تركي باستغراب.: مو موجود ؟ .........: ايه الاستاذ جسار ماخذ اجازه ..! ام تركي باستفسار.: طيب وين الاقيه؟ .........: عالاغلب في بيته واذا تبغي معلومات اكثر توجهي للاستعلامات. ~~~~~~~~~~~~~~~ ~~~~~~~~~~~~~~~ كان منسدح عالسرير وسرحان كالعاده ... وقف جنبه وقال ،: ايش شاغل بالك ؟ نايف بابتسامه جانبيه.:انت عارف ياسسر .: امك ولا جسار ولا عايشه ؟ زفر نايف بضيق وقال.:كلهم جلس ياسر وهو يقول بحزن على حال اخوه .: ليش تضيق على نفسك وتشغل بالك باشياء انت عارف حلها ...! بس نايف بعصبيته المعتاده وقال بحده.: ايش الحل ؟؟ ايش الحل الي انا عارفه وما اسويه ؟ ايييش ايييش.؟! ياسر بطوله بال.: امك شذنبها تطنشها كل هالفتره ؟ نايف ببرود مقهور.: انت اخر واحد يسال ..! ياسر بهدوء.: تدري لو امي ترجع بعد هالسنين ،... قاطعه نايف بنفس الهدوء.: انت امك الله يرحمهـا ماتركتك بارادتها بس أمـي وضعها غير وانت عارف قصدي ...! " ووقف بضيق وهو يفتح باكيت الدخان الخامس لليوم" بينما كان ينظر له ياسسر بعدم رضا على حاله ...... ~~~~~~~~~~~~~~~~~~ ~~~~~~~~~~~~~~~~~~ دخلت ام تركي للقصر الي ينافس قصرهم في الفخامه والاناقه ... جلست عالكنب الجلدي وحطت رجل على رجل وطلبت من الخادمه تقابل "جسار" وهي ناويه اليوم تنهي موضوع "تركي وسساره" دخل جسار بهيبته المعتاده وهو لابس جنز ازرق غامق وقميص اسود رسمي ... نظرت له باعجاب .. وقفته رزته ملامحه الحاده كل شيء فيه يخلي الي قدامه يتوتر ...... ام تركي بثقل بناسب شخصيتها.: الحمدلله عالسلامه . رد عليها بهدوء .. ولازال مستغرب من زيارتها ، خصوصا ان تركي جاء وزاره اليوم .. هذا معناه انه ماعنده خبر بزيارتها ........ ~~~~~~~~~~~~~~~~~ ~~~~~~~~~~~~~~~~~ عند يوسسف.: فتحت له سناءء "الخادمه" وكانت تمشي وراه كالعاده تترجاه ياكل .. قال يوسف بنرفزه.؛ ممكن تطلعين سناء برجاء.: يوسف لو سمحت .. ليش ما تاكل ليش كذا يا ولدي .. والله حالك ما يرضي ربي .. لا تنام زي الناس ولا تاكل زي الناس صرخ بنرفزه .: بس عاد .. لا تنسي نفسك ، انتي في الاول والاخر خدامه . تراجعت العجوز سناء بصدمه وهمست .: اسفه اشر لها عالباب .: برا خرجت وراسها في الارض والدموع في عيونها .. مع انها متعوده على مزاجه الحاد واحيانا تطنيشه بس هذي اول مره يصرخ عليها .. اول مره يجرحها بهالطريقه.... اما يوسف .. ما حس بالي سواه لانه فعلا كان واصل حده منها .... رفع جواله وقال بهدوء .: بعد اسبوعين ..........: كفو ، من هنا بدا اللعب الصح "اكمل" وايش صار على عيال عبدالعزيز؟ يوسف ببرود.: عبدالعزيز مات بس صالح لسه عايش. ..........بصراخ.: ييوسف ..! عبدالعزيز مات بس عياله لسه عايشين .. ايش الي غير افكارك .. مين الي لاعب بعقلك . زفر يوسف بتعب منه ومن كلامه .: I will sleep now .. bye .. ........ عض على شفايفه بنرفزه من حركات يوسف المستفزه همس بحسره.: اه منك ي ولد الامريكيه ~~~~~~~~~~~~~~~~~ ~~~~~~~~~~~~~~~~~ في المستشفى.: جلس جنبها بسعاده وهو يمسح على وجهها الشاحب... سلطان بسعاده ما تنوصف.: الحمدلله عالسلامه همست زوجته "حنان" بتعب.: الله يسلمك .. "اكملت وعيونها تدور في الغرفه" وين بنتي؟ سلطان .: في الحفظ والصون حنان .: وينها ؟ "وبخوف" لايكون تركتها في البيت مع الخدامه . سلطان بابتسامه.:، لا .. تركتها عند ناس ثقه ..! حنان باستغراب.: مين؟ سلطان.: جسار الـ.... حنان بعتب.: الله يهديك .. ليش تثقل عالرجال..! سلطان بهمس وهو يمسح على شعرها.: اشششش لا تتكلمين ، انتي ارتاحي الحين . حنان بلهفه.: ابغا اشوف لانا سلطان بحنان.: ان شاء الله......... ~~~~~~~~~~~~~~~~~ ~~~~~~~~~~~~~~~~~ جالسه على سريرها بعد يوم عمل طويل كالعاده .. رفعت جوالها لما شافت اتصال من "ام تركي" ساره بتوتر.: هلا.؟ ام تركي بهدوء .: رتبي اغراضك انا جايه اخذك.! ساره بصدمه.: ايشش؟ ام تركي بدون نقاش.: انا كلمت جسار واتفقت معه اني اخذك .. اجهزي ..! نظرت ساره للجوال بصدمه ورفعت نظرها لسلوى الي سالت باستغراب............: ~~~~~~~~~~~~~~~~~ ~~~~~~~~~~~~~~~~~ قال باحترام.: ان شاء الله احل الموضوع ودي خلال فتره بسيطه عايشه بعصبيه.: ككيف يعني ودي ؟؟؟ انا كلمته بهدوء وطلبت منه بس هوو معنّد ومو راضي . المحامـي بهدوء.: ما عليه بس هذي قوانين .. لازم اقابله واتناقش معاه بالاول بعدين نتخذ الاجراءات المناسبه . عايشه بنرفزه.: لو سمحت انا ساكته عالموضوع لمده 6 شهووور ، فرجـاء لا تطول علي. المحامي وهو يوقف بادب.: ان شاء الله .. بكلم الاستاذ جسار واحدد موعد مع الورثه ومايصير الا كل خير. انا هي كانت جالسه على اعصابها .. تبغا تاخذ حقها من ورث زوجها "جد جسار ونايف وياسر" وترجع امريكا في اسرع وقت .. مو متعوده عالحياه في السعوديه ومو قادره تتقبلها ... اخذت نفس وهي خايفه من "سعاد" الانسانه الي ظهرت بعد كل هالسنين وماتدري الي ناويه عليه.........! بس الاكيد انها مو ناويتلها على خير .! ~~~~~~~~~~~~~~~~~ ~~~~~~~~~~~~~~~~~ في أمريكـا.: اخذت نفس وهي تتمشى في الحي الي صارت حافظته اكثر من نفسها وتشرب عصير بارد .. بدات تحس بالطفش فعلا في ذا المكان .. نظرت لسماء امريكا الصافيه وجوها العليل .. زفرت بضيق وهي تحس انها رمت نفسها .. ايش استفادت من امريكا؟ ليش كل ما تشوف وجهه تضعف وتنسى سبب جيتها ...... رمت العصير باهمال تجاه الزباله بس شهقت بصدمه اول ما شافت الباقي من العصير ينكب عليه ..... ضربت راسها على غباءها .. في احد يرمي العصير وباقي فيه شويه...! اقتربت منه وهي تطلع مناديل من شنطتها .: اسفه والله اسفه ماكان قصدي . .............وهو واضح عليه النرفزه.: لا ماعليك عادي . كان لابس بدله عباره عن قميص ابيض وجاكيت اسود وبنطلون اسود والنظارات الشمسيه على عيونه.. احلام بفشله.: والله من الغباء الي فيني .... "اكملت باحراج" ممكن تعطيني الجاكيت اغسله لك ..! ...........بطيبه.: لا والله خلاص ماله داعي احلام باصرار.: لو سمحت .. فصخ جاكيته لانه ما حب يطول الموضوع واعطاها .... في نفس اللحظه سمعت صوت نور الي جايه ناحيتها وشايله معاها اكياس .: احلااااااام . ........... .: اسمك احلام؟ احلام بخجل.: ايه ........: تشرفنا .. وانا فارسس..............!!!!! ~~~~~~~~~~~~~~~~~ ~~~~~~~~~~~~~~~~~ في قصر الجسـار.: كان يلعب مع لانا في غرفه نوف .. بينما هي جالسه بعيد عنهم وتحاول تتجاهله وتشغل نفسها في ترتيب ملابس لانا ..... لانه صاير هالفتره اسلوبه مستفز ومتعالي ..! قالت نوف بهدوء لسلوى الي واقفه عند الباب،: ادخخلي دخلت بابتسامه للانا الي راحت ترككض لها .. شالتها سلوى بهدوء واتجهت لجسار الي كان جالس باريحيه عالكنبه البنفسجيه. اعطته الجوال وقالت.: موبايلك عم يرن من فتره .. اتفضل. اخذ الجوال ورفعه لاذنه بسرعه اول ماشاف الاسم. وفي هاللحظه كانت سلوى بتخرج بس خافت تاخذ لانا معها .. لانه جسار يكره اي احد منهم ياخذ لانا بدون وجوده او وجود نوف ..! انتبهت نوف لنظرات سلوى المتردده واشرت لها تطلع وتاخذ لانا معها .. لانها بتطلع معاهم.... طلعت سلوى وهي شايله لانا الي كانت تصرخ بسعاده ..، بس تجمدت رجول نوف لما سمعته يقول.: ان شاءء الله .. تقدر في اي وقت تجي وتاخذها .....؟؟؟!!!!! ~~~~~~~~~~~~~~~~~ ~~~~~~~~~~~~~~~~~ انتهـى البارت،.... طبعا بعد هالفتره وبعد ماعرفت نفسي كيف اتاخر عليكم واحيانا كثيره تطلع لي اشياء من تحت الارض تخليني اتاخر عليكم .. لذلك قررت اني ماراح احدد لكم يوم معين ..! بس راح انزل لكم البارت كل اسبوع . بس على حسب ظروفي واوقات فراغي .. لاني احس اني ما انجز وما اكتب بابداع اذا كنت مضغوطه ...! واتمنى قراري ما يضايقكم .! * * انتظر ارائكم بشوق | ||||||||
|  |
 |
| أدوات الموضوع | |
| انواع عرض الموضوع | |
|
|
.png)
العرض العادي
