23-07-16, 05:18 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  سحر البراءة،للكاتبة/ضوء القـمر
التعديل الأخير تم بواسطة فيتامين سي ; 01-08-16 الساعة 04:10 PM | |||||||||||||||||
|  |
|
23-07-16, 05:35 AM
| #2 | ||||||||
| مراقبة عامة ومشرفة منتدى الروايات المنقولة
|  السسلام عليكم ورحمه الله وبركاته ... بسسم الله الرحمن الرحيم .... اليوم وبعد طول انتظار انتهيت من بناء اول عماراتي في مدينهه التألق والجمال والرقي والتميز .... تم بناءها داخل عقلي الباطن ترعرعت في عقلي وكبرت وتضخمت وأبت البقاء في عقلي واصرت خروجها الى الضوء ، لتذوق طعم النجاح ولتنضج من ملح الانتقادات البنائه .. اليوم سوف اقدم لكم اول رواياتي ، روايه .. سحـر البراءه .. روايتي بالعاميه حتى السرد سوف يكون بالعامي لكي تنال استحسان المتابعين ولتكون خفيفه لطيفه على قلوبهم .. روايتي ابعد ما يكون عن الابتذال او الجراءه الزايده ، فأنا بقدر تحمسي لإخراج روايتي الا اني متخوفه من ان اغضب رب العباد بأي زله .. الا اني اتكلت على رب العالمين و إنما الاعمال بالنيات .. * * والــان .. راح ابداء بوضع طووبتي الاولى وهي اساس عمارتي المتالقه << ~~~~~~~~~~~~~~~~~ ~~~~~~~~~~~~~~~~~ كان يجلس على كرسيه الاسود الجلدي وساند راسه على الطاوله المصنوعه من الرخام الذهبي وشعره الأسود الناعم مبعثر في كل مكان .. فتح عيونه بارهاق ووجهها الى ساعته السودا الفخمه وكانت تاشر الى ال1 am .. رفع جسمه بتعب ومسك رقبته وهو متالم ، جسمه كله يوجعه من طريقه نومته ، مسك راسه بالم والصداع مو راضي يتركه ، فتح درج مكتبه واخذ حبه بندول وبلعها بدون مويه .. ووقف بهدوء وخرج من مكتبه بعد ما سكر الباب الزجاجي الي يفصل بين المكتب وغرفه النوم .. وتوجه لسريره الذهبي الواسع الممزوج بالوان راقيه 'سماوي على رصاصي واسود وكان اللون الذهبي هو الي ماخذ المساحه الاكبر ' ، رمى نفسه بتعب على سريره المريح لعل وعسى يقدر ينام الى وقت دوامه. جســار.:عمره 33 سنه ، عازب< من اغنى رجال العالم عنده شركات ومحلات وxxxxات وقصور شيء يفوق الخيال انسان عبقري بمعنى الككلمه غامض وقاسي عايش لحاله في قصر من قصورره مع الخدم وبسس .. ماعنده اخوان او اخوات امه وابوه توفو في حادثه غامضه ماحد يعرفها غيره ، قاسي مع الككل مشاعره شبه معدومه وحيد وماله احد .. طويل وبنيته عريضه ملامحه حاده عيونه سوداء واسعه وشعره اسود داكن حريري انفه واقف وشفايفه عريضه وقاسيه وحواجبه كثيفه ومتصله ببعضها لونها اسود داكن رموشه معكوفه وكثيفه .. ~~~~~~~~~~~~~~~~~ ~~~~~~~~~~~~~~~~~ في الرياض.: في بيت من بيوتها المتهالكه يعيش بعض ابطال قصتي .: جلست ابرار على الكنبه البنيه المقطعه الموجوده عند باب بيتهم الحديدي .:آخخخ تعبت روابي وهي تقرص ابرار في كتفها.:قومي بلا ككسل ابرار وهي تمسك كتفها.:آي عوورتيني روابي بسخريه.:ارحميني يا رقيقه كانت ابرار بتتكلم بس سكتت اول ما شافت امها جايه من بعيد وهي ماسكه كيس اسود كبير . والابتسامه من الاذن للاذن جلست فاطمه على الكنبه وكانت تبغا تتكلم بس البنات سبقوها وووو ابرار وروابي بفضول .:ايش هذا الكيس؟ فاطمه بإبتسامه.:تبرعات جات اليوم لحيّنا .. وعاد انا رحت واخذت لنا كم شغله كلمه ((تبرعات)) اوجعت ابرار وروابي وحسووو بالضعف من وضعهم المزري هذا .. قالت ابرار بابتسامه مصطنعه:ايش جبتي ؟ فاطمه بسعاده.:هذي الجلابيه كانت مع التبرعات ومن حظي انها ماجات على ولا وحده من حريم الحي .. ماجات الا عليا انا ابرار باستغراب.: بس واضح انها فخمه وغاليه مره .. تتوقعي جات بالغلط ؟ نزلت فاطمه الجلابيه السوداء المطرزه بالفضي بشكل جميل وقالت بهم .:البطر يابنتي البطر اللهم ياكافي .. ناس يشترو بس للمنظره وبعدين يرموو بدون اهتمام روابي نزلت راسها وتنهدت بالم .:مايدروو انه في ناس يجروو وراء القرشش ابرار تصرف الموضوع.:طيب واحنا ايش جبتي لنا ؟ << فاطمه .: 47 سنه انسانه ضعيفه وبسسطيه هي وزوجها ناس بسيطين عايشين في بيت غرفتين صغار وحمام مشترك وصاله صغيرره جداً ومطبخ .. الدخل الوحيد لهم هو التطريز البنات مع امهم يطرزو وفي نهايه الاسبوع تروح فاطمه وتبيع القطع المطرزه هذا هو حالهم من يوم ما طاح صالح ((زوج فاطمه)) وانكسر حوضه وما صار يقدر يتحرك مثل قبل .. روابي.:25 سنه إنسانه طيبه وحنووونه الى ابعد حد تعشق الاطفال لحد الجنوون بس الى الان الله مارزقها بولد الحلال الي تجيب منه عيال .. قبل سنتين تقدم لها واحد بعمر جدها ورفضته .. ومن بعدها فقدت الامل بالزواج .. طولها متوسط برونزيه عيونها كبيره ورموشها كثيفه وعندها غمازه في خدها اليمين شفايفها صغار وخشمها واقف وشعرها الى اخر ظهرها لونه اسوود .. وجسمها حلو ويميل للنحف . ابرار .: 23 سنه انسانه مرجووجه وبايعه الدنيا الي في قلبها على لسانها .. أككبر امنياتها انها تغتني وتسعد امها وابوها واختها .. قصيره وحنطيه عيونها كبيره ورموشها طويله خشمها واقف وشفايفها مليانه شعرها اسود الى نهايه رقبتها .. نحييفه . ~~~~~~~~~~~~~~~~~ ~~~~~~~~~~~~~~~~~ في فله بسيطه يسكنها ناس بسيطين .. في الصاله للصغيره : محمد((الاب))بتنهيده.:اه يا منيره اه . الديون كاسره ظهري ومو عارف كيف باسددها منيره((الام))بتوتر.: طيب ايش بتسوي كيف بتتصرف ؟؟! محمد بعبره.: ما ادري يا منيره ما ادري منيره عاقده حواجبها وتفكر .: طيب ليش ماتتدين من رئيس الشركه وتسدد الديون الي عليك .. وبعدين بالتقسيط تسدد الباقي من راتبك . محمد بتعب.:راتبي يكفي ايش ولا ايش ،، ((وكمل بعبره)) وبعدين انا مالي قيمه في الشركه ، صاير وجودي مثل قِلّته منيره تواسيه.:لا يا محمد لا تقول كذا ..((كملت بتشجيع)) صدقني اذا تدينت من صاحب الشركه راح يصبر عليك وماراح يستعجلك . خاصتاً انه بطران وما بيهتم بمبلغ تافهه بالنسبه له ولأمواله وأملاكهه وبيصبر عليك . محمد.:لا مستحيل ما اقدر اتدين من المدير بالذات ((وبحقد)) انتي ما تعرفي هالإنسان ، هالإنسان شيطان على هيئـه بشر.. منيره بتنهيده.:لا تكبر الموضوع يا محمد مستحيل يكون في انسان خالي من المشاعر . حاول تستعطفه بكم كلمه ماراح يمانع اكيد محمد بقهر .: كل شخص في هالدنيا عنده مشاعر الا ((جســار)) .. اقولك هذا شيطان على هيئه بشر . محمد.:عمره 50 سنه انسان بسيط وضعيف وعلى نياته الي في قلبه على لسانه يشتغل موظف بسيط جداً وراتبه يادوب يكفيه وهو وزوجته وبنته الوحيده . ماعنده الا اخت وحده متزوجه واحد فقير على قد حاله عايشه في الرياض ومايشوفها الا في المناسبات منيره .:عمرها 43 سنه يتيمه مالها ام ولا اب ولا اخوان من يوم ما وعت على الدنيا وهي مع محمد ما عندها غير بنتها الوحيده ... ~~~~~~~~~~~~~~~~~ ~~~~~~~~~~~~~~~~~ كانت تجلس في غرفتها البسيطه والطفوليه تلعب بسلسله المفاتيح بطفش .:اف اف اف رمت السلسه على سريرها الوردي وقامت من كرسيها الخشبي وتوجهت للطاقه ((النافذه)) الصغيره الموجوده في غرفتها وهي تتأمل الشارع .. تأفأفت بملل وتوجهت لباب غرفتها البني مسكت مقبض الباب وهي ناويه تروح تقول لأبوها يطلعهم .. بس وقفت لفتره بسيطه وهي تسمع النقاش الدائم بين امها وابوها . وتراجعت وهي متالمه جلست على سريرها الوردي ومسكت دبدوبها الابيض وقالت بالم.:الـى متى ؟؟؟؟ نووف .:عمرها 19 سنه اول سنه في الجامعه قسمها انجليزي . طفووليه الى ابعد حد تعشق اللون الوردي وتحب الدباديب .. طولها متوسط بيضاء وشعرها بني فاتح طويل الى اخر ظهرها ، عيونها متوسطه ورموشها خفيفه وقصيره بس مع هذا هاله البرائه ما اختفت من عيونها ، عدستها لونها بني فاتح .. خشمها واقف وعرضه حلو.. شفايفها كبار ومليانه ولونها فاتح .جسمها حلو بس عندها كرشه صغيرونه .. ~~~~~~~~~~~~~~~~~ ~~~~~~~~~~~~~~~~~ في اكبر شركات المملكه .. شركه ضخمه الكبير والصغير يعرفها .. وآلاف من الناس اكبر امنياتهم انهم يتوظفو في هالشركه الي اسمها يتردد كالصدى داخل وخارج المملكه من بين الأسيااب الواسعه كان واقف الموظف الكبير في السن البسيط محمد في السيب الطويل الفخم المزين باجمل التحف والثريات كان واقف قدام باب خشبي طووويل . ووراء هالباب الطويل حيوان مفترس شرس في التعامل كل من يوقف قدامه يعمل له الف حساب .. نظره منه ترعبهم ، وهمسه منه تدمرهم دخل محمد بعد ما أُذن له بالدخول .. دخل وهو متوتر ومو عارف كيف يبداء.. جسار بهدوء وهو مركز مع الاوراق الي في يده .: اجلـس محمد هز راسه وجلس ... وبعد دقائق ... حس جسار انه الصمت طول ورفع راسه ووجه نظره لمحمد الي يطالعه بتوتر. ترك جسار الاوراق الي كان مشغول فيها وسند ظهره على الكرسي الاسود ووجه نظراته الحاده لمحمد.:خيـر ؟ محمد بلعثمه.:أ أ نـا . أ مم يعني أ جسار وهو يلعب بالقلم.:انت مديوووون وعلى حافه الإفلاس وووو((بخبث)) وتبغى تستقيل محمد بصدمه 'هذا ايش يقول . استقيل لا مستحيل' .:لالالا ((توتر وهو يشوف نظره جسار المرعبه)) اقصد يي يعني انا ابغى أ أ جسار بنظره حاده.:بسـرعه محمد بخوف.:انا ابغى اتدين منك مبلغ اسدد فيه ديوني وبعدين اسدد لك الي علي بالتقسيط جسار بابتسامه جانبيه .: اهــا .. ((بإبتسامه ساخره)) ومن وين ان شاء الله بتسدد الي عليك .. ((صمت لثواني وباستهزاء)) بتشحت ؟ محمد فتح فمه بصدمه من كلام جسار.:هـا ~~~~~~~~~~~~~~~~~ ~~~~~~~~~~~~~~~~~ كانت جالسه في كفتيريا الجامعه تشرب قهوه وتاكل بسكوت وماسكه في يدها كتاب ... وفجاءه تجي وحده من وراها وتغمض عيونها .. نوف بإبتسامه وبمزح..:اممممم وحده دبه وسودا وشينه احلام شالت يدها بزعل ..:الله يسامحك بسس اللحين انا دبه وسودا وشينه اقتربت منها نوف وقرصت خدها.:الا احلى وحده شفتها في حياتي احلام بتغلي.:أحسـب .. ((وفجاه التفتت لها وكانها تذكرت شيء)) ايوه صح تذكرت . انتي ليش ما جيتي المحاظره تراها مرا مهمه وفاتك كثير .. نوف بتنهيده.:اهه بس السواق الي يوديني ويجيبني صاير يتاخر عليا لأني تاخرت عن دفع اجرته هذاا الشهر احلام باسى على حال صديقتها..:الله يعينكك أحلامم .:19 سنه قسم انجليزي صديقه نوف من ايام الابتدائي .. مخطوبه لولد عمها << راح نتعرف عليه في الاجزاء الجايه. طيوبه وضعيفه وماتعرف الحقد والكره .. ملامحها بيبي مره وبنيتها صغيره .. بشرتها برونزيه وعيونها واسعه ورموشها طويله ومعكوفه خشمها واقف وفمها صغير مناسب وجهها . ~~~~~~~~~~~~~~~~~ ~~~~~~~~~~~~~~~~~ في قصر الجســـار ..... في المطبخ الداخلي((الرئيسي)) كان في اربع خدامات يخدمون جسـار *..اكله .. شربه .. ولبسه * وينظفون القصر مره وحده كل اسبوعين لانه القصر هادئ ومايعيش فيه الا جسار .. والخدامات يعيشوو تحت في البدروم . امينه وهي ماسكه الدجاجه وتنظفها لثاني يوم .:يلا يا بنات الهمه عايزين نخلص الغداء بدري النهرضه هند.:حاضر ياست امينه ريحيلنا حالك انتي بس ساره جالسه على الكرسي وحاطه رجل على رجل:اقول يا امينه الدجاجه الي في يدك اخذتيها من اي قفص؟ امينه بنظره حاده.:مالك انتي اخدتها من اي ئفص .. ((صرخت)) ايــه هوا أكل وبحلئه !!! كشرت ساره سلوى بسخريه .: ايمتى حتتكرمي ياست ساره وتؤومي ترتبي السفره ساره بتافأف.:يلا قايمه قامت ساره من مكانها وشالت صينيه المكرونه وتوجهت للباب بكسل صرخت سلوى.:سااااره ، مو معئوله انتي ع فكره ساره بقهر.:خير ايش فيه؟ سلوى.:نسيتي تاخدي المغرفه تمتمت ساره بعصبيه وتوجهت لغرفه الاكل سلوى بقهر.: عنجد .. الطول طول نخله والعئل عئل سخله ساره بصراخ.:قلتي شيء سلوى خانم سلوى .:سلامتكك أمينه .:46سنه مطلقه .. مصريه ، تشتغل في قصر الجسار من 10 سنين شافها جسار تغسل سيارات في الشوارع بعد ما طردوها عيالها من بيوتهم ، وعرض عليها جسار تشتغل عنده ، حازمه وقويه بس قلبها ابيض تعتبر ((هند وساره وسلوى)) بناتها تحبهم وتهتم فيهم وتعشق* جميله* بنت هند وتخليها تندايها تيتهه ((جده))، قصيره ومربربه شعرها طويل واشقر دائماً تعمله كعكه . عيونها صغار وخضراء . انفها واقف وعريض من تحت . فمها واسع ..ووجهها فيه بعض التجاعيد . ً هند.:38 سنه مصريه ارمله وعندها طفله واحده عمرها 4 سنين حملت فيها بعد طول انتظار ولكن بعد ولاده ابنتها ب شهرين توفي زوجها وجاءت السعوديه عشان تسترزق وتقدر تعيش هيا وبنتها خاصه ان امها وابوها متوفيين وماعندها اخوان ولا اخوات . اشتغلت في القصر من ثلاثه سنين . مكافحه وطيبه ومحترمه واكثر شيء تحبه في حياتها هي بنتها . طولها متوسط ملامحها هاديه بيضاء وشعرها اسود . ساره.:26 سنه سعوديه اخت واحد من موظفين جسار .. اخوها انسان ماعنده ذمه ولا ضمير ويبغا يفتك من اخته باي طريقه فشار على جسار انه يشغلها عنده ووافق جسار وهي من ثلاثه سنين تشتغل في القصر. طويله ونحيفه بشرتها برونزيه عيونها واسعه وبنيه انفها واقف وفمها واسع . سلوى.:28 سنه فلسطينيه يتيمه طلعت من دار الايتامم بعد ماتعذبت في طفولتها ومراهقتها ((لاحظو انا قلت انها يتيمه مو لقيطه)) .. وقررت انها تدرس وتشتغل بس اكتشفت انه هالشيء صعب كثير ومالقت شغل غير عند جسار ولها 5 سنين تشتغل في القصر .. توفى ابوها لما كان عمرها 7 سنين وبعده على طول توفت امها واخذوها دار الايتام خاصه انه ماعندها لا عمام ولا خوال .. وما اكتسبت من اهلها الا اللهجه الفلسطينه الي تتخللها بعض الكلمات للسعوديه . طولها متوسط عيونها زرقاء خشمها صغير وواقف شفايفها مليانه وجسمها حلو. ~~~~~~~~~~~~~~~~~ ~~~~~~~~~~~~~~~~~ دخلت البيت بتعب بعد يوم دراسي طويل رمت نفسها على الكنبه الحمراء ورمت شنطتها على الارض ... صرخت فيها امها الي كانت تكوي الملابس على الارض.: املــوه .. ككم مره اقولك لا ترمي شنطتك على الارض بهالطريقه حرام فيها قران وككتب دين امل ضربت جبهتها .: اوبسس اسفه نسيت ((ومسكت شنطتها وبهدوء سندتها على الكنبه)) امها بنظره.:انتبهي مره ثانيه امل .:طيب ((وبإنتباه)) ماجات احلام من الكليه ؟ الأم.:لا لسه ماجات .. تلاقيها على وصول . يلا قومي غيري ملابسك على ماتجي احلامم ، عشان احط الغداء امل وهي قايمه.؛اووووكي الام بعصبيه.:اوكي في عينك . تكلمي زي الناس امل تتحلطم .؛طيب طيب خلاص الأم .: سميه 45 سنه .. انسانه محترمه وطيبه وحازمه مع عيالها متدينه ومربيه عيالها على الدين الصحيح امل.:17 سنه ثاني ثانوي ((ادبي)) .. مرجووجه وفلاويه . مرحه لابعد حد . قصيره سمرا و عيونها واسعه وبنيه ورموشها كثيفه وطويله ، خشمها واقف وشفايفها صغيره ومبرومه .. مربربه نوعاً ما .. ~~~~~~~~~~~~~~~~~ ~~~~~~~~~~~~~~~~~ * * * نهايهه الجزءء الأول<< • رايككم في الروايه تحيـــااااتي | ||||||||
|
| |
|
23-07-16, 05:39 AM
| #3 | ||||||||
| مراقبة عامة ومشرفة منتدى الروايات المنقولة
| الجــز الثاني من روايتي الاولى (( سحـر البراءه )) ~~~~~~~~~~~~~~~~~ ~~~~~~~~~~~~~~~~~ بابتسامه جانبيه .: اهــا .. ((بإبتسامه ساخره)) ومن وين ان شاء الله بتسدد الي عليك .. ((صمت لثواني وباستهزاء)) بتشحت ؟ محمد فتح فمه بصدمه من كلام جسار.:هـا * * فاق محمد من سرحانه على صوت منيره وهي داخله عليه بصينيه الغداء.؛محمـد اعتدل محمد في جلسته وسند ظهره على الجدار الموفي ووجهه نظره لمنيره.:نعم ؟ منيره وهي تغرف لمحمد رز.؛ماقلت لي ايش صار معك اليوم ؟ محمد بتنهيده.:اه يا منيره اه منيره بقلق.:سلامتك من الاه .. خير ايش فيه محمد بهم.:داس على كرامتي . وما احترم الشيب الي ترس راسي نزلت منيره المغرفه والصحن من يدها ووجهت نظرها لمحمد وقالت بقلق.:ايش صار ؟ جلس محمد يقول لها كل الي صار من لما دخل على جسار المكتب الى ما استهزء فيه ... منيره بصدمه.:و و و و ((بلعت ريقها)) وبعدين ؟؟ محمد نزل راسه وتكلم بعد ما مسح دمعه فلتت من عينه.:ط ط طردني منيره مسكت راسها من هول الصدمه .:طررردكك .. مستحيـل محمد ووجهه اسود من الهموم.:لا مو مستحيل ، الي كنا خايفين منه صار منيره بضياع.؛ايش بنسوي ؟ ، كيف بنتصرف ؟ محمد .: ببيع البيت صرخت منيره.:تبيع البيت ؟؟؟ .. محمد انت عارف ايش قاعد تقول محمد يحاول يهدي منيره.:بس يا حرمه وطي صوتك لا تسمعك نوف . منيره تحاول تهدي نفسها.:واذا بعت البيت ، احنا فين حنروح ؟ محمد نزل راسه .:نروح لفاطمه .. نقعد عندها فتره الى ما يتعدل وضعنا منيره .:تضحك على مين يا محمد .. تبغانا نروح لفاطمه الي مانشوفها الا في الاعياد . هذا اذا شفناها محمد بتعب.:منيره بس عاد . لا تزوديها علي منيره.:للأسف يا محمد هذي هي الحقيقه مو انا الي ازودها عليك .. والله عيب علينا نروح لفاطمه بعد الفتره هذي كلها .، ايش تقول علينا الآدميه . ننساهم في الافراح ونذكرهم في الاحزان .. بعدين انت نسيت حالتهم الماديه يعني روحتنا ماراح تزيدهم الا فقر وهم وتعب . محمد بعصبيه.:هوهووو علينا بس عاد . انا رايح يعني رايح رضيتي او ما رضيتي منيره بهم.:الله يستـر .... ~~~~~~~~~~~~~~~~~ ~~~~~~~~~~~~~~~~~ في الرياض.: ابرار وهي تاكل الرز .: ماما متى راح نروح لخالي محمد وحشتني نوووفا روابي وهي تضرب ابرار على فمها.:تككلمي بعد ماتبلعي .. بلااا قرف ابرار وهي تبعد يد روابي عن فمها.:اوووف انا مو بزر تضربيني على فمي روابي بسخريه.:سووري ابرار خانوووم صالح بعصبيه.:بنت انتي وهيا .مافي احترامم ليا ولامكمم ابرار وروابي.:آسفين يبه صالح خلص غداء وقال.:فااطمه يلا ساعديني اغسل يدي فاطمه منزله راسها وسرحانه في صحنها. صالح .:فاطمه فاطمه ((صرخ)) فااااااااااطمه فزت فاطمه وقالت برعب.:هاااااه ايش فيه ؟ صالح.:ساعديني اغسل يدي وقفت بسرعه وهي تساعد صالح يجلس على كرسيه المتحركك ابرار وروابي تبادلو النظرات وهم حاسين ان امهم فيها شيء غريب . ~~~~~~~~~~~~~~~~~ ~~~~~~~~~~~~~~~~~ في قصر الجسـاااار .: كان يجلس على كرسيه الخشبي الهزاز وهو ماسك جريده اليوم ويقراء فيها بتمعن .. كان لابس قميص ابيض وبنطلون اسود وعليه حزام اسود وكان جاكيته معلق على حافه الككرسي الخشبي . رفع راسهه ووجه نظره للباب الزجاجي الي يفصل بين الصاله والحديقه .. وكانت واقفه سلوى عند الباب بلبسها ((اليونفورم)) المحتشم وكانت متحجبه بحجاب ابيض . اشر لها جسار ان تدخل .. دخلت سلوى بهدوء وتوجهت لجسار وحطت القهوه على الطاوله الزجاجيه وقالت بهدوء .:تامر ع شي تاني ؟ هز جسار راسه بالنفي .. انسحبت سلوى وتوجهت للباب لترجع على المطبخ الرئيسي .. جسار وككأنه تذكر شيء.:الا اقووول ((التفتت له سلوى)) قولي لامينه تجهز اليوم غذاء لشخصين سلوى .:حاضر .. شي تاني ؟ جسار.:لا تفضلي توجهت سلوى بسرعه للمطبخ الرئيسي ... وطلع جسار لغرفته عشان ينام الى موعد الغداء ... ~~~~~~~~~~~~~~~~~ ~~~~~~~~~~~~~~~~~ عند نـوف.: جالسه على مكتبها الوردي وحاطه كتبها عليه وقاعده تذاكر بانسجامم . دخلت عليها امها ((منيره)) بإبتسامه صغيره وهي ماسكه كوب حليب حاااار ... نوف شمت ريحه الحليب الي ملت الغرفه كلها ، التفتت لامها الي قالت بصووت مكتوم وهي تحط الكوب على المكتب.:تعالي معايا شويه يانوف نوف بقلق.:خير ماما ايش فيه ؟ منيره سحب نوف من يدها وجلستها على السرير الوردي .:انتي عارفه ان ابوكي غرقان بالديوون ووو ((بلعت ريقها)) احنا بنبيع البيت وبنروح نقعد عند عمتك فاطمه الى ما تفرج نوف اول شيء جا في بالها.؛والججامعه ؟ منيره بحزن على بنتها.:لازم تقدمي اعتذار هالترم .. نوف بصدمه.:إ إعتذار .، لا مستحيل اقتربت منيره من نوف ومسحت على راسها بحنان وقالت.؛نوفا حياتي .. انتي لازم تساعدينا ((وكملت بالم وهي تمسح دموع بنتها)) لا ياقلبي لا لا تبكي ياروح امك لا نوف وهي تبكي.؛ماما انا ما ابغى اترك الجامعه منيره تواسيها.:لا ياحياتي انتي مين قال انك بتتركيها . بس بتعتذري عن هالترمم وبعدين ترجعي نوف ببرائه.:جد ماما ؟ منيره بحب.:طبعاً يا روح ماما . ~~~~~~~~~~~~~~~~~ ~~~~~~~~~~~~~~~~~ في قصر الجســار .: في المطبخ الرئيسي .. جميله جالسه على الكرسي وهي تهز رجولها بكل برائه وتاكل خياره .... امينه وهي تغرف الاكل في الصحون.:يلا يا بنات كل وحده فيكوو تاخد صحن وتوديه للطاوله ((ككملت وهيا تطالع لساره بنص عين)) بهدوء لو سمحتو ساره تتأفأف.:والله انكم ظالميني انا مو مزعجه لهادرجه هند بضحكه.:لا ابداً مو مزعجه نزلت جميله من الكرسي وتوجه لساره ومسكت يدها.:انا بحبك اوووي يا طنط ساره نزلت ساره لمستوى جميله وباستها .:وانا احبك وامووت فيكي ياقلبي .. ((طالعت فيهم بغرور)) ومسكت صحن حلى المالتيزر وتوجهت لغرفه الاككل .. ضحكوو هند وامينه على هبال هالبنت .. وعلى خرجت ساره دخلت سلوى وهي تسب وتشتم. هند تكلم سلوى.:خير كفالله الشر . ايه الي حصل ؟ سلوى بعصبيه.: الزلمه الي برا سخيف وتاافه وحقير كمان .. لو اعدت دئيئه تانيه كان خلصت عليه .. هند.:لي ايه الي حصل ؟ رجعت سلوى بذاكرتها لقبل دقائق معدووده .: كانت تمشي ناحييه طاوله الطعامم وهي مساكه صحن المكروونه وكان ربطه جزمتها مفتووحه . ودعست على الحبال وطاحت على الارض وتناثرت المكرونه الحمراءء على الارض وبعض الصلصه على ملابسها .. وكان الرجال واقف عند راسها يضحكك .. قامت سلوى بعصبيه من الموقف السخيف الي انحطت فيه ووووو.. هند وامينه وجميله.:هههههههههههههههههه ههههه سلوى بعصبيه .:سخيفاااات .. اففف * * * كانت ساره تمشي على اطراف اصابعها حتى ما ينتبه جسار والي معه انها جات .. كانت ماسكه بيد صحن الحلى واليد الثانيه اليونفورم الكحلي الطويل .. وقفت عند طاوله الطعام وهي تشوف جسار والرجال الي معه الي كانو في الصاله المقابله لطاوله الطعام .. حطت اخر صحن من صحون الحلى على الطاوله الفاخره .. قربت يدها من المالتيزر الي كانت تغطي واجهت الحلى ومعطيتها شكل مغري ، اخذت حبه واكلتها بتلذذ . بعدت عن الطاوله وهي تحاول تقاوم حبات المالتيزر بس ماقدر وقالت في نفسها 'حبه كمان ماراح تاثر' اخذت حبه واثنين وثلاثه ووو واكلتها وهي ناسيه نفسها وما وعت على نفسها الا وهي مخلصه المالتيزر كلهه ، وقفت ساره بووورطه ووجهها صار احمر 'ياربي انا ايش سويت ' التفتت لباب المطبخ الرئيسي وكانت مستعده انها تجري باقصى سرعه قبل ما يجي احد ويشوفها بسس .. وجهها تصفق من الصدمه وهي تشوف واحد واقف وراها ومربع يدينه وكاتم ضحكته على شكلها .. حست بفشله ومسكت اليونفورم وراحت جري للمطبخ سكرت الباب وتسندت عليه وهي تتذكر شكله .. ضربت خدها بقووه 'هبله هبله هبله' .. التفتت ساره على جميله الي تضحك عليها .. راحت ساره تجري ورا جميله وهي تحاول تنسي الموقف المحرج الي قبل شويه .... جميله.:4 سنوات بنت هند .. طفله بريئه وحلوه .. شعرها الى كتوفها ولونه بني على اشقر وعيونها واسعه وعسليه وشفايفها صغار وعندها غمازتين ... تركي.:28 سنه . عازب<< . رججل اعمال .. عنده شركات وxxxxات تقريباً صيتها من صيت شركات الجسار .. عايش مع امه واخته في فله كبيره او ممكن نقول عليها قصر .. ابووه متوفي من 10 سنين ومن يومها وهو مسؤول عن امه واخته .. ماتزوج بسبب امه الي تغار عليه بدرجه فضيعه وماتبغا وحده تستحوذ عليه ((من وجهت نظرها)) .. طويل وبنيته عريضه عيونه واسعه ومكحله رموشه كثيفه خشمه واقف وفمه واسع وعنده غمازه في خده اليسار . ~~~~~~~~~~~~~~~~~ ~~~~~~~~~~~~~~~~~ جلست احلامم بصدمه على كرسيها الاسود الصغير الي قدام التسريحه . ومسكت جوالها الي كان بيطيح من يدها قالت بصوت مرتجف.:ننووووف .. اذا انتي تمزحي فمزحتكك باااايخهه ...، نوف خانقتها العبره.:لا ما امزحح .. انا بككره ماشيه الريااض . احلامم بالم.:يعني خلاص ماراح اشوفك ؟؟ نوف وهي تمسح دموعها قالت بسرررعه.:لا مين قال ان شاءالله بشووفك السمستر الجاي سمعت نوف شهقات احلامم ونزلت دموعها معاها.:احلااامم بس عاد زادت احلامم بالبككاءء نوف حست ان احلامم كل ماتسمع صوتها تزيد في البكاءء . فقالت.:يلا لووولي حياتي بقفل اللحين واككلمك ان شاء الله اول ما اوصل الرياض قفلت احلامم السماعه ورمت الجوال على سريرها الفوشي وزادت بالبككاء . وماكان حال نوف احسن منها .. .........:ليش هالدموع ابغا افهم انا كل ما اشوفك يا تبكين يا ماده البووز شبرين !! ~~~~~~~~~~~~~~~~~ ~~~~~~~~~~~~~~~~~ نهايه الجزء الثاني << توقعاتكمم ...،!! | ||||||||
|
| |
|
23-07-16, 05:41 AM
| #4 | ||||||||
| مراقبة عامة ومشرفة منتدى الروايات المنقولة
| الجــز الثـالث من روايتي الاولى (( سحـر البراءه )) ~~~~~~~~~~~~~~~~~ ~~~~~~~~~~~~~~~~~ جلست احلامم بصدمه على كرسيها الاسود الصغير الي قدام التسريحه . ومسكت جوالها الي كان بيطيح من يدها قالت بصوت مرتجف.:ننووووف .. اذا انتي تمزحي فمزحتكك باااايخهه ...، نوف خانقتها العبره.:لا ما امزحح .. انا بككره ماشيه الريااض . احلامم بالم.:يعني خلاص ماراح اشوفك ؟؟ نوف وهي تمسح دموعها قالت بسرررعه.:لا مين قال ان شاءالله بشووفك السمستر الجاي سمعت نوف شهقات احلامم ونزلت دموعها معاها.:احلااامم بس عاد زادت احلامم بالبككاءء نوف حست ان احلامم كل ماتسمع صوتها تزيد في البكاءء . فقالت.:يلا لووولي حياتي بقفل اللحين واككلمك ان شاء الله اول ما اوصل الرياض قفلت احلامم السماعه ورمت الجوال على سريرها الفوشي وزادت بالبككاء . وماكان حال نوف احسن منها .. .........:ليش هالدموع ابغا افهم انا كل ما اشوفك يا تبكين يا ماده البووز شبرين !! احلامم رفعت راسها ووجها احمر والدموع مغرقه عيونها.:عبدالملك ؟ عبدالملك سحبها من يدها ودخلها الحمام .:احنا حنتعارف .. يلا بسرعه غسلي وجهك وانزلي تحت امي تبغا تسلم عليكك نزلت احلام راسها بحزن من قساوه عبدالملك .:طيب غسلت احلام وجهها ولبست تيشرت من bebe لونه اسود وبنطلون جنز غامق مسكت شعرها ذيل حصان ونزلت كم خصله على وجهها وحطت كحل اسود وقلوس وردي وبلشر ... نزلت احلام للدور الارضي وتوجهت لمجلس الحريم كانت جالسه سميه ((ام احلام)) وام عبدالملك وامل قامت ام عبدالملك اول ماشافت احلام داخله عليهم .:اهلاً اهلاً اهلاً بمرت ولدي ((سلمت عليها بحراره)) اخباركك ياقلبي واخبار الجامعه معك ؟ احلام بخجل.:الحمدلله بخير ام عبدالملك وهي تبتسم.:ياعسـااهه دوم موو يوم امل مدت بوزها.:ما اشوفك ترحبي فيا زي ماترحبي باحلام ياعمهه . سميه رمت علبه المناديل على امل.:اسكتي بلا دلع ام عبدالملك وسميه واحلام ضحكو على امل .:هههههههههههههههه لاحظت موضي((ام عبدالملك)) ان احلام تدور بعيونها على احد ،، ابتسمت موضي وقالت.:عبدالملك طلع عنده شغله ضرووريه نزلت احلام راسها بضيقه وهيا عارفه انه عبدالملك طلع لانه مو طايق يشوف وجهها زي مايقول ربتت موضي على ظهر احلام وهمست لها.:راح يحبكك صدقيني .. اصبري عليه شوويهه << ابتسمت احلام بالم.: إن شاءء الله ام عبدالملك .:موضي 49 سنه ارمله . سنه انسانه راقيه ومحترمه وعن ١٠٠ رجال قويه وتعرف تاخذ حقها بيدها. عبدالملك.:26 سنه .. عايش حيااته لاشغله ولا مشغله وامه مخليته على راحته ، راعي طلعات واستراحات وبنات وامه لما عرفت بهالشيء خطبت له احلام وتتمنى انها تقدر تغير عبدالملك .. طويل وبنيته عريضه وجسمه رياضي شعره الى تحت اذنه لونه بني غامق عيونه ناعسه لونها عسلي خشمه واقف وفمه صغير . ~~~~~~~~~~~~~~~~~ ~~~~~~~~~~~~~~~~~ في الرياض .: ابرار.؛يمه ، قد ايش باقي على مايوصلووو ؟ روابي.:يمه ، موو كأنهم طولو !! فاطمه بعصبيه .:وصمه انتي وياااها .. بسس عاد صرعتوني ........بصراخ.:فاطمه يـا فاطمه فاااااطمه فاطمه راحت له جري في الغرفه الصغيره.:خير يا صالح ايش فيه صالح وهو يتسند عالجدار.:لالا مافي الا ككل خير طلع من جيب جلابيته ١٠٠ ريال ومدها لفاطمه.. اخذتها فاطمه بإستغراب.:ايش هذي صالح ينسدح بتعب.:روحي انتي وبناتك واشترو الي تحتاجونه جلست فاطمه عند رجووله بهدوء وقالت.لا ياصالح لا مستووره معانا والحمد لله .. حطها مع الفلوس الي مجمعها للبنات صالح بعصبيه.:فلوس البنات شيء وهذي شيء ثاني .. تنهدت فاطمه بقله حيله.:ان شاء الله دخلت ابرار للغرفه الصغيره وقالت بصراااخ.:خخالي جاااااااااااء لمعت عيون فاطمه بفرح .. وراحت تستقبل اخوووها . ~~~~~~~~~~~~~~~~~ ~~~~~~~~~~~~~~~~~ كان جالسس وباله كله مع البنت البريئه الي شافها امس .. مو قادر ينساها .. فيها براءه غريبه سحرته طول الليل يفككر فيها ومو قادر يرككز في الصفقه الي بين ايديه .. ضوب راسهه وقال بعصبيه.:اطلعي من تفككيري اطلعي . ..........:مين هذي الي تبغاها تطلع من تفكيركك تركي بتوتر .:امــي ! ام ترككي ((صباح)) وهي تجلس على الكرس البني الي قدام مكتب تركي.:ايوه امكك .. ما قلت لي من هذي الي تبغاها تطلع من تفكيرك ترككي بورطه.:احمم هذي ا ا ا .. ايوووه هذي الصفقه الجديده الي اشتغل عليها .. مو قادر اخلصص منها . صباح بنظره .:اهها احسسب تركي بقله حيله.:ايش تحسبي ؟ صباح.:لا ابداً .. الا ماقلت لي مع اي شرككه هالصفقه ! ترككي بتركيز.:مع شركه الجسـار .. صباح بانتباه.:شركه الجسار الي صاحبها الشاب جسااار .. تركي.:ايوه صباح تمسك يد تركي.:الا اقووول لكك تركي بعد انتباه.:نعم صباح تمسك ذقن تركي .:انتبه معايا تركي ترك اوراق الصفقه وركز مع امه.:خير صباح بتخطيط.:ايش رايك في جسار لاختك جوري تركي بضحكه وهو يسند ظهره على ظهر الككرسي البني.:جسسار هذا مو حق زواج ، بعدين جوري لسه صغيرهه وبينها وبين جسار كثير صباح بتساؤل.:ليش جسار ككم عمرهه ؟ تركي بتفكير.:حوالي 33 سنه صباح بصدمه .:33 .. انا توقعته اكثر شيء 26 ((وبتفككير)) وبعدين كل ماكنت اروح مكان اسمع .الشاب جسار والشاب جسار ، ((بتريقه)) قال شاب قال .. المفروض يلقبوونه بالشايب جسار تركي بضحكه.:على رايكك ..((وبتلميح)) ماتحسي اني انا ككمان ككم سنه واصير شايب ..! صباح فهمت تلميحه.:ايش تقصد ؟ ترككي .:اقصصد انك ما تبغي تصيري جده ؟؟ صباح.:مافي وحده في الدنيا ماتبغي تصير جدده ((وبغرور)) بس لازم ام حفيدي تكون من مستوانا مو اي وحده والسسلامم تنهد ترككي.:الله يهديكي يا امم ترككي . ام ترككي.:55 سنه إنسانه مغروووره وتحب نفسها . رافضه زواج ولدها رفضاً تاماً .. لانها تغااار على ولدها من ككل شيء وما تبغى تزوجه ابداً .. ~~~~~~~~~~~~~~~~~ ~~~~~~~~~~~~~~~~~ كان جالس على كرسيه الاسود وهو يستمع للموظف الجالس قدامه ويشرح له عن صفقه من الصفقات مع شركه من الشركات الصغيره الي تطمح لشراكه جساار .. جسار رمى الاورق على مكتبه بعصبيه وقال بنبره هاديه ارعبت الموظف.:اطلع برااا الموظف برعب ترك اوراق الشراككه على المكتب وخرجج من المكتب بسرعه . سند جسار ظهره على ظهر الكرسي الاسوود الجلدي وددخل اصابعه بين خصيلات شعره الاسوود الحريري الككثيف . تنهد وهو يحس بهمووومم على قلبه ... غمض عيوونه السوداء الواسعه وجاء على باله إمراءه طويله وبيضاء وشعرها اسود طويل وكثيف وناعم عيونها السوداء مليااانه حنان وحب .. نزلت دمعه حارهه يتيمه على خده وقال بهمسس.:ذبحني الشووووق .. وحشتيني ~~~~~~~~~~~~~~~~~ ~~~~~~~~~~~~~~~~~ جلست على السرير الصغير المتهالكك وقالت بفرح من اهتمامم بنات عماتها فيها.:وانتووو ككمان وحشتووني موووت ابرار جلست جنب نوف على السرير.:نوفا حيااتي انا وروابي دايما نتناوب على النومه على السرير يوم انا ويوم روابي فــ .. ااااااااي روابي فتحت عيونها بتنبيه لابرار بعد ما قرصتها في خصرها .. وقبل ماتتكلم ابرار قالت نووف .: بنات لو سمحتو لا تحسسوني اني غريبه عنككم .. الوضع الي انتووو عليه بيظل مثل ماهووو روابي.:بـس احنـ قاطعتها نووف.:لوو سمحتي يا روووبي ابتسمت روابي لنوووف ابرار بحماسس.؛نوفا تعرفي تطرزي ؟ روابي بعصبيه من تصرفات ابرار اللامباليه .. قالت بهمس ما سمعته نوف.:ابرااااروهه نووف بحماس طفوولي.:لا ما اعرف بس ابغا اتعلم .. انا كنت افششل وحده في الصف بالتطريز ابرار طنشت روابي وجلست جنب نوف ، مسكت قطعه قماش وبدات تعلمها الخطوات الاساسيه روابي ابتسمت وهي تشوف حماس ابرار ونوف همست.:بزران وربي.. هههههه ~~~~~~~~~~~~~~~~~ ~~~~~~~~~~~~~~~~~ في قصر الجسـار.: في مككتب جسار.: امينه بحزن على حال جسار.:ليه يابني مش عايز تاككل .. دنتا ليك ككم يووم مش على بعضكك .. مالكك ؟ جسار اكثر شيء يكرهه في حياته انه احد يسال عنه 'ككلهم كذابين'. قال.:امينه لو سمحتي اطلعي قبل ما اعصب امينه بشفقه .:بـسس جسار بنظره حاده وهو يضغط على اسنانه.:برااااا ارتجفت امينه من نظرت جسار وخرجت من المكتب بسررعه وتوجهت للدرج البني الموجود في زاويه الصاله الواسعه المُطله على الحديقه .. نزلت امينه من الدرج .. المُوجه الى الصاله الملوونه في البدرووم .. واول ما شافت البنات ... هند.:ايـه .. ماله السيد جسااار ساره.:ايش فيه ؟ سلوى.:شووبووو ؟ امينه ابتسمت وهي تششوف حبهم الاخوي لجسار واول ماتذكرت حاله تغيرت ملامحها.:مش عارفه ايه الي جراله . مبئاش جسار الي بنعرفه ساره عقدت حواجبها.:ككيف يعني ؟ امينه.:جسار فاقد حنان مامتو وباباه ماتو من زمان اوي ورباه جده الآسي ((القاسي)) شي طبيعي يككون بلا مشااعر وبهالأساااوه ((بهالقساوه)) هند بتاكيد.:شيء اككيد انه يككون هيك ومافي بحيااتو وحده تحبه وترعاه .. الراجل من هوا بيبي يحتاج للمره ((للمراه)) في البدايه تربيه امه . ثم يحب ويعتمد ع اخته ثم يتجوز سلوى بتنهيده.:ازا ككنتو تلمحوو لجوازا فبتكوونو غلطانين كتيرر .. ما بعتئد انه بيئدر يحب جووزتو وولادوو وهو بهالمشاعر الجاافه .. متل ما بتدعوو انه محتاج حنان واشكك في هالشيء.. ككمانا المره يالي بدو يتجوزا بدا حنان واكتر منوو كمان .. الانثى متطلباتا المعنويه اكتر بكتير من متطلباتا الماديه . ساره بصدق.:صراحه انا موفاهمه ولاشيء من الي قلتوووه امينه ضربتها على راسها.:لانكك خيخه ساره فتحت فمها.:خيخه ؟ الكل ماعدا ساره.:هههههههههههههههه وككملوو سهرتهم ضحكك ولعب وهم مايدرو بالي قعد طووول الليل يفككر بكلامهم الي حرك شيء في قلبه الساااككن << ~~~~~~~~~~~~~~~~~ ~~~~~~~~~~~~~~~~~ نهايه الجزءء الثالث .. توقعاتككم ..؟؟! | ||||||||
|
| |
|
23-07-16, 05:43 AM
| #5 | ||||||||
| مراقبة عامة ومشرفة منتدى الروايات المنقولة
| الجــزء الرابــع من روايتي الاولى (( سحـر البراءه )) ~~~~~~~~~~~~~~~~~ ~~~~~~~~~~~~~~~~~ في الشرقيه ..: في احدى استراحات الشباب ((مصخره وصياعه وقله ادب)) >> الله يكفينا شر هالناس الي انعدم الايمان من قلووبهم عبدالملك ماسك كاسه بيد ويغمز للبنت الي واقفه بعيد ، قال صاحبه الي واقف جنب عبدالملك .بقهر.:اموووت واعرف ليش البنات يجروون وراك .. ((وبنظره)) مافيك من الزين شيء عبدالملك بغروور.:انا الزين ككله . ((واكمل وهو يتوجه لوحده تاشرله)) جاااايلك ياحلوووهه ~~~~~~~~~~~~~~~~~ ~~~~~~~~~~~~~~~~~ في الرياض .: الساعه 4:00 الفجر .. فتحت عيوونها بتعب ، بعد ليله طويل ما قدرت تنامم فيها الا ككم ساعه بس .. مووو متعوده تنام الا على سريرها الي في غرفتها تنهدت بحزن.:الله يعين التفتت لروابي وابرار الي نايمين على الارض وابتسمت وهي تتذكر حبهم الكبير لها وخفه دمهم قامت من السرير وتوجهت للحمام غسلت وجهها وفرشت اسنانها وتوضت ومسكت شرشفها الوردي وصلت ...، نوف انهت صلاتها بـ.:السلام عليكم ورحمه الله .. السلام عليكم ورحمه الله فصخت شرشفها ورجعته مكانه وحاولت ترجع تنامم .. تقلبت وتقلبت .. بس ماقدرت تنام مسكت جوالها ((نوكيا آي 71 الأسود)) وهي تفككر تتصل على احلامم ولالا نوف تاففت وقالت في نفسها.:اكيد احلام ذحين نايمه وماهي داريه عني طالعت جوالها وضحكت على نفسها لما تذكرت ان ابوها الغى خدمه جوالها .. دمعت عينها لما تذكرت ابوووها الطيب الضعيف .. حست نفسها عاجزه عن مساعده ابوها ، مسحت دموعها واخذت نفس عميق وغمضت عيونها بعد ما اخذت عهد على نفسها انها تساعد ابوها ابتسمت ونامت بعد ماطمنت نفسها وهي تحلم بستقبل زااهر . ~~~~~~~~~~~~~~~~~ ~~~~~~~~~~~~~~~~~ في شرككه الجسـار.: كان جالس بهيبه على كرسيه الاسوود وهو ماسكك اوراق في يده ويقلب فيها بملل .. تأفف بطفش وهو يرمي الاوراق على المككتب وهو يتذككر كلامم امينه والبنات .. ^^ امينه.:جسار فاقد حنان مامتو وباباه ماتو من زمان اوي ورباه جده الآسي ((القاسي)) شي طبيعي يككون بلا مشااعر وبهالأساااوه ((بهالقساوه)) هند بتاكيد.:شيء اككيد انه يككون هيك ومافي بحيااتو وحده تحبه وترعاه .. الراجل من هوا بيبي يحتاج للمره ((للمراه)) .. في البدايه تربيه امه . ثم يحب ويعتمد ع اخته ثم يتجوز سلوى بتنهيده.:ازا ككنتو تلمحوو لجوازا فبتكوونو غلطانين كتيرر .. ما بعتئد انه بيئدر يحب جووزتو وولادوو وهو بهالمشاعر الجاافه .. متل ما بتدعوو انه محتاج حنان واشكك في هالشيء.. ككمانا المره يالي بدو يتجوزا بدا حنان واكتر منوو كمان .. الانثى متطلباتا المعنويه اكتر بكتير من متطلباتا الماديه . ^^ غمض عيوونه وهو يفككر ياترى كلامهم صحيح ؟؟! اعتدل في جلسته وهو ينتبه لورقه على مكتبه . مسكها وهو يقرأها بتمعن .. وقف بعصبيه ودفع كرسيه على ورا الى ما طاح وتوجه بعصبيه للسكرتير .. جساار بعصبيه وصراخ،:ابغا افههم ايش هذه الورقه ؟؟ السكرتير بتووتر.:أ أ بب .. أنا يعني جسار وهو يسحب السكرتير مع يده بقووه .:مين الي سمح لكك تدخل هالوورقه .. انا مووقلت ان هالموظف ينطرددد ؟؟ ((أككمل وهو يرص على اسنااانه)) انتم ما تعرفووو اني ما اعيد ككلمتي مرتين ؟ السكرتير نزل راسه بخوف وقال.:والله غصب عني .. واحد من اصدقاء محمد ترجاني انه يدخل الورقه وما كان عندي حل غير اني ادخله ، كان يجيني باستمرار عشان يدخل الورقه وككان يقوول لي ........((السكرتير وهو يتذككر كلامم الموظف الي من سن محمد )) الموووظف برججاء .:الله يسعدكك .. دخل التقرير هذا للمكتب وصدقني انه المدير ماراح يعصب السكرتير برفض .:لالا مستحيل .. الموظف برجاء.:الله يووفقك .. ترضى انكك تكون سبب في دمار عائله كامله ،، محمد رجال ضعيف وماوراه الا هالوظيفه ينسند فيها . .. بلع السكرتير ريقه من نظرت جسار.:وووبس جسار بسخريه.:يعني انتم كنتم متوقعين اني اوقع ورقه اعاده محمد للعمل مره ثانيه بدووون ما انتبه .. ((ومسكك ياقه السكرتير بقووه)) انتمم كيف تتجرءوو تسوو معايا شيء زي ككذا .. ايش شايفيني .. طرطووووور ؟؟ السكرتير بسرعه.:لالا والله مو ككذا .. ((بلع ريقه)) بسس يعني ممم محمد ((أككمل وهو يحاول يستلطفه)) محمد إنسان بسيط ماله في الدنيا غير زوجته وبنته والديوون غرقته واللحين الشرطه تدوور عليه بعد ما اشتكوو عليه الديانين ..! جسار بتعب من الجداال.:طيب طيب خلاصص .. بشووف بعدين ايش قصتهه . السكرتير براحه بعد ماتركه جسار .. وقال في نفسه.. :إنسان غريب . ~~~~~~~~~~~~~~~~~ ~~~~~~~~~~~~~~~~~ ترككي بحنيه وهو يمسح على شعر اختهه.:جووريه قولي لي ايش فيكي ؟ جوري ببكاء.:اتووقع ماما قالت لك ترككي وهو يجلس على الكرسيه الاصفر .. تنهد وقال.:ايوه قالت لي ، بس انا مو مصدق وابغاككي انتي الي تقوولي لي ! جوري وهي تلتفت على ترككي وعيونها غرقانه بالدمووع.:أنا ابغا اتركك المدرسه تركي .:ليـش ايش الي صار ؟ جوري بقهر.:ماا ابغا اروح المدرسه مووو غصب !! تركي بطوله بال .:ليـش .. ((أككمل وهو ينحني بإتجاه جوري)) في احد ضايقك ؟ جوي وهي ترمي نفسها في حضن تركي.:اهــئ ككلهم يكرهووني ويتطنزو علي لأني اهـئ اهئ دبه ترككي بورطه.:بس بس حبيبتي بس لاتبككي ! جوري زادت في البككاء .. تركي غمض عيونه لثواني . ثم فتحها وتنهد وقال..:مشككلتي اني ما أقدر ارفض لكك طلب جوري بنظره بريئه.:يعني ؟ تركي بإبتسامه.:يعني انا مواافق . جوري بسعاااده وقفت و باست راسه.:مشكووووور وراحت تجري . دخلت صباح الصاله الواسعه الي يطغي عليها اللون الموف والاصفر وهي مصدومه من تصرف ترككي حطت يدها على خصرها وقالت .:جبتكك عووون صرت لي فرعووون ((اكملت بعصبيه)) من جدكك انت كيف ترضى لها تترك المدرسه ؟؟ ترككي وهو يتسند على يد الكرسي .:يا يمه انتي اللحين راضيه بحالتها هذي ؟ ، راضيه بنفسيتها الدمااار هذي ؟ ، هي مراهقه وشيء طبيعي تتأثر وهي بهالحاله !! صباح بإستغراب.:اي حاااله تركي بإستغراب من امه.:يمــه ؟ انتي تمزحين صباح بعصبيه .:هو انا فاضيه لممازحتك ؟ .. تكلم بوضوح انا موفاهمه شيء تركي يعدل جلسته.:انتي تعرفي كمم وزنها ؟ بتدخل ع الميه كيلو وهي لسه ماككملت العشرين سنـه صباح وهي تسند راسها على ككفها.:اهــا .. ((اككملت بورطه)) طيب ايش اسوي لها انا .. الله يهديها هيا ككمان نفسها مفتووحه على طول . تركي بتفككر.:اتووقع انها لو طلعت من المدرسه فتره بتقعد فاضيه وبتفككر بوضعها وبتحاول تنقص وزنها . صباح بتنهيده.:الله يعين . جووي.:17 سنه ثاني ثانوي علمي .. اخت ترككي . حبووبه وطيبه ودمها خفيف ، حليووه وملامحها ناعمه بس عيبها الوحيد هو وزنها الي تعدى ال80 . ~~~~~~~~~~~~~~~~~ ~~~~~~~~~~~~~~~~~ .......:امـــل امـل ، أمــل وصمخ امل وهي تجري لعند ابوها .:نعم يبه ، خير ؟ الأب ((علي)).:فين امكك ؟ أمل .:في المطبـخ تسوي الغدااااء علي.:ناديـها بسـرعه . أمل عقدت حواجبها .:طيب بناديها . سميه وهي طالعه من المطبخ وتنشف يدها بالمنشفه .:خير يا علي ايش فيه ؟ علي وهو يطالع امل الواقفه جنب امها.:خلينا لحالنا . أمـل وهي تتوجه للمطبخ: طيب سميه بصوت عالي.:سككري على الرز لا ينحرق امل بنفس الصوت.:طــيب . جلست سميه جنب علي على الأرض ، وجهت نظرها لعلي المتسند على التكايه وقدامه صينيه القهوه والتمر.:خير يا علي ايش فيه ؟ علي وهو ينزل فنجان القهوه.:خير ، خير ان شاء الله ، دوبها اتصلت عليا اختي موضي وتبغاانا نعجل بزواج احلامم وعبدالملك سميه بإستغراب:.بس احنا متفقين ان الزواج يككون بعد ما تخلص احلام دراستها ، ولا انت ايش رايكك ؟ علي بحككمه.:انا اقوول انها تتزوج ، لاتنسي انهم مملكين من فترره طويله واحلام شااطره وتقدر توفق بين دراستها وبيتها وزوجها سميه بقله حيله.:هذا رايكك علي.:صدقيني هذا القرار الصحيح ، وككلام الناس مايرحم انتي شافيه نغزاتهم على بنتك في الطالعه والنازله عشان الملكه طوولت .((اككمل وهو حاس ان سميه بدات تقتنع)) ها ؟ ايش اقوولها سميه بإبتسامه.:عالبرككه ! علي .:50 سنه ((متقاعد)) حككيم ومحترم وطيب يحب بناته اككثر من نفسه ، اخوو موضي . ~~~~~~~~~~~~~~~~~ ~~~~~~~~~~~~~~~~~ في قصر الجســار.: في البدروم.: هند بشهقه .:يخرب بيت سنينك ياساااره .. ايـه ده ؟ ايه الي عملتيه في بنتي ده ؟ ساره وهي تلعب بالفرشه قالت بضحككه.:ولاشيء ، بس رسمت في وجهها.. فنانه اناا مووو !! هند وهي تطالع في وجه بنتها في صدمه دخلت سلوى وهي تشرب حليب واول ما التفتت على جميله.:كح كح كح كح فتحت عيوونها بصدمه.:شوو هاد ((التفتت على هند)) شوو يالي حصل لبنتك مالوو وجهها عامل هيك ؟ هند بقله حيله.:في غيرها ساره الهبله . سلوى نزلت كوب الحليب على الطاوله الزجاجيه وسحبت جميله الفرحااانه بالألوان الي على وجهها . مررت سلوى اصباعها على جبين جميله الملوون يالوان قوس قزح ثم التفتت على هند.:واضح ككتير ان هالألوان ما بتروح بسوووله ((اكملت)) الله يعينك على مابلاكي هند بتنهيده وهي تأشر على ساره الي تلعب بالألون بمرح.:ئصدك الله يعيننا على مابلانا ~~~~~~~~~~~~~~~~~ ~~~~~~~~~~~~~~~~~ عبدالملك بصوت عالي وهو يضرب الطاوله.:مستحـــيل موضي جالسه على الكرسي وماسكه في يدها ككتاب قالت بعدم اهتمام.:ايش الي مستحيل . عبدالملك وهو يسحب الكتاب من يد موضي ويرميه على الارض.:قلت لك مستحيل اتزوووج كاابوس هذي موضي وقفت وقالت بعصبيه.:كابووس هذي تسواكك وتسوى عشره من امثالك ياقليل الحيا عبدالملك يحاول يهدي نفسه .:يمــه قلت لك انا مااا ابغاها انتي ليش ماتبغي تفهميني موضي.:طيب ليش ملكت عليها اذا ككنت ماتبغاها ؟! عبدالملك وهو يفتح عيونه بقووه.:مو انتي الي غصبتيني عليها وسحبتي مني السياره والفيزا عشان اوافق على الملكه . موضي تمسك رأسها بتعب.:قلت لكك حتتزوجها رضيت ولا انرضيت عبدالملك بقهر.:اخر ككلام ؟ موضي بصراخ وهي تأشر على الباب الذهبي .:إطلع . إطلع من غررفتي ((اككملت وهي تجلس على سريرها بتعب)) وجهز نفسكك بعد ككم يوم نروح لخالك نتفق على تفاصيل العرس . خرج عبدالملك من الغرفه وسككر الباب ورااه بقووه. مووضي بصراخ.:وججع ! ~~~~~~~~~~~~~~~~~ ~~~~~~~~~~~~~~~~~ في الرياض .: روابي.:ابــرااار .. ابـراروهه ابرار وهي ماسككه قطعه قماش .:خيرر ايش تبين ؟ روابي،؛فين البيض ابووووي صرعني الا يبغاني اسوي بيض ع الفطور عشان خالي محمد يحبه . ابرار وهي تفككر.:اتوقع انه مخلص روابي بطفش.:لاااااا لاتقوليها ابرار وهي تضحكك.:خلاص قلتها روابي وهي ترمي على ابرار المخده .:ما تضحككي . خرجت روابي من الغرفه وهي تككلم نفسها.:ياربي من وين لي فلوووس فاطمه من وراها.:وايش تبغي بالفلوس روابي مبرطمه .:بيض .. اقصد ابووي الا يبغاني اسوي بيض على الفطوور وانا ماعندي ولا قررشش عشان اروح البقاله اشتري بيض . فاطمه وهي تطلع من جيبها 100 ريال.:خذي روابي فتحت عيوونها.:من فين لكك يمه ؟ فاطمه.:مالك دخل من فين جبتها روحي يلا وجيبي كرتون بيض ب 15 ((وبنص عين)) يعني ترجعيلي 85 ربال روابي تتافاف.:ليش شايفتي حرااميه ؟ فاطمه.:عن القرقه الزاايده روحي يلا وجيبي البيض ولاااا تتاخري روابي وهي تلبس عباتها الراس.:طيب ~~~~~~~~~~~~~~~~~ ~~~~~~~~~~~~~~~~~ في قصر ترككي .... في غرفه جووري .: جوري وهي جالسه على سريرها المدور الواسع بين الملابس الكثيره المرميه حولها .... عداله بطفش.:جوووري خلصينا ايش بتلبسي جوري .:مااا ادري ((التفتت عليها)) انتي قولي لي ايش البس ؟ عداله .:افف منكك انا ككل ما اقولك على شيء تقولي مو حلوو عليككي ايش اسوي لك ؟ جووري وقفت على السرير .:عدووله بصراحه انا جسمي موو حلو عداله بووورطه.:ها جوري .:قولي الصراحه عداله وهي تجلس على السرير.:الصراحه الصراحه. انتي اذا نحفتي شويتين تصيري زي القمر جوري نزلت راسها.:تعتقدي ؟ عداله بابتسامه.:انا متاككده ما اعتقد. ~~~~~~~~~~~~~~~~~ ~~~~~~~~~~~~~~~~~ نهايه الجزء الرابع<< . . توقعاااتككم ؟؟! | ||||||||
|
| |
|
23-07-16, 05:45 AM
| #6 | ||||||||
| مراقبة عامة ومشرفة منتدى الروايات المنقولة
| . الجزء الخامــس من روايتي سحر البراءه. ~~~~~~~~~~~~~~~~~ ~~~~~~~~~~~~~~~~~ في البقالــه:. كانت روابي واقفه عند الحلويات تنظر اليها بلهفه . روابي في نفسها:. "بحسره" حتى اقل الاشياء محرومين منها .. استغفر الله العظيم يارب نظرت روابي للساعه السوداء الي في يدها .: يوووووووه تاخرت وتوجهت بسررعه لطاوله الحساب . وقفت روابي عند طاوله الحساب وهي شايله طبق البيض وكان قدامها طفله بلبسها الممزق وكانت حافيه بدون جزمه .. نظرت روابي بإستغراب الى الطفله الي كانت شايله كيس حلويات وشبس كبير وعصير على الرغم من لبسها . وضعت الطفله الحلويات على الطاوله بينما كان البائع يحسب ، قال البائع .:25 . نظرت الطفله ببراءه واخذت الاشياء الي كانت في الكيس وكانت بتخرج .. توجه لها البائع وامسكها بقسووووه وقال.: فين رايح اعطيني فلووس قالت الطفله وعيونها لمعت من الدموع.: ماعندي البائع.: كيف يأني ما إندك .. هدا كلو فلوووس ما يسير تاخزيه بدون فلوس "كيف يعني ماعندك .. هذا كله بفلوس ما يسير تاخذيه بدون فلوس" نظرت روابي الى الطفله بحزن وأسى وللحظه فكرت انها تدفع للطفله لانها حزنت عليها بس جات على بالها امها " فاطمه: روحي يلا وجيبي كرتون بيض ب 15 ((وبنص عين)) يعني ترجعيلي 85 ريال" تنهدت روابي بحزن على الطفله ، نظرت الى الناس الي كانو ينظرو الى الموقف ببرود ،وفي نفسها"يالله ماعاد في احد فيه خير" في هذه الأثناء دخل رجل ريحه عطره تسبقه كان يمشي بتعجرف بس له كاريزما خلت كل الي في البقاله يلتفتو اليه . اخرج محفظته من جيبه ورمى 50 على الطاوله وقال.: اعطيني مالبورو ابيض (دخان) روابي فتحت عيوووونها بقوه "خمسين ريال عشان دخان ؟" انتبه الرجل للطفله الصغيره الي كانت واقفه قريب من رجله وعيونها فيها دموع . نزل الرجال لمستوى الطفله.: ايش فيكِ يا حلوه ، ليش تبكين؟ الطفله تنظر للبائع وكل همها الحلاوه وماردت. رفع الرجل نظره لروابي وقال.: بنتك؟ روابي بتوتر ماتوقعت يكلمها.: ل للا نظر الرجال للطفله وقالها .: فين ماما ؟ ماردت الطفله على سؤاله بس قالت.: ابغا الحلاوه نظر البائع للطفله بعصبيه .؛ لا مافي حلاوه انتي ما يعطيني فلوس وقف الرجال واخذ الدخان ورمى خمسين ثانيه عالطاوله وسحب كيس الحلاوه واعطاها للطفله . رفعت روابي عينها للرجل ونظرت باستغراب .. من بين كل الموجودين ما توقعت انه هو الي بيتعاطف مع الطفله.. نظرت الطفله للرجل بسعااده وقالت له.: شكررررررا .. انتااا حلووو ضحك الرجال بخفه.: عفواً (وبانتباه) ماقلتي لي فين ماما ؟ الطفله ببراءه .: ماما ؟ ماعندي وفي هذه اللحظه دخل ولد مراهق شكله في المتوسطه وقال بصوت مرتفع.: ماااريه .. كم مره قلت لك لا تروحي مكان بدوني ؟ ركضت الطفله ماريه الى الولد وقالت بسعاده.: شوووف حلاوه (واشارت الى الرجل) اعطاني هيا قال الولد .: شكرا الله يعطيك العافيه الرجل .: عفواً .. يلا خذ اختك وروح وانتبه لها مره ثانيه الولد.: ان شاء الله . نظرت روابي الى الموقف بذهووول .. ونظرت للرجال الي اخذ الدخان وخرج ، وقالت في نفسها" الحمدلله الدنيا لسه فيها خير" التفتت روابي بانزعاج للبائع الي كان ينادي عليها عشان تحاسب .: طيب طيب. ~~~~~~~~~~~~~~~~~ ~~~~~~~~~~~~~~~~~ في بيت ابو احلام .: كانت احلام تجلس على الكرسي وهي تنظر لنفسها في المرآه وقد كانت في احلى زينه ، كانت ترتدي فستان احمر نازل هالكتف وماسك عالجسم لتحت الركبه وكان مكياج عيونها مبرز لون العدسات الرصاصيه الي كانت روووعه مع بشرتها البرونزيه وشعرها الاسود الطويل الناعم كان نازل على وجهها معطيها رونق خاص . بس مع هالجمال الا انه كان الحزن مو مفارق عيونها .. تنهدت احلام وهي تتذكر كلام امها. "سميه .: احلام يا حبيبتي الملكه طولت خلاص لازم نحدد موعد الزواج (وبهدوء) هاه متى تبغي الزواج؟ انا اقول نخليه بعد هالسمستر شرايك؟ احلام من بين دموعها الي تحاول تخبيها عن امها.: اوك براحتكم سميه .: لا مو براحتنا براحتك انتي (وقالت بعد ما انتبهت لدموع بنتها) هااااااه ليش الدموع اللحين ؟ احلام.: انتو عارفين اني ما ابغا اتزوج اللحين وكنا متفقين انه بعد ما اخلص جامعه (شهقه) ورحتي انتي وابوي وسويتو الي فكرتو فيه بدون ما تسألوني ! سميه.:وانا اللحين ايش قاعده اسوي ؟ مو قاعده اسألك! احلام.: بعد ايش ؟! .. بعد ما كلمتو عمي وعمتي موضي واتفقتو على الزياره؟ اللحين جايه تسأليني ؟ سميه بتنهيده.: اللهم طولك يا رووووح ! .. (قالت وهي تحاول تهدي نفسها) انا وابوك سوينا الي فيه مصلحتك ! وفي النهايه كل شيء بيصير برضاك احلام بصوت عالي .: مصلحتي ماحد يعرفها غيري .. لا ماراح يصير شيء برضاي كل شيء بيصير بكيفكم .. وانا محد سآئل فيني سميه بحزم.: بنت ! .. وطي صوووتك ، انا اللحين جايه اسألك باحترام ليش ترفعي صوتك وتقلي ادبك؟ احلام بشهقات.: بس .... سميه.: بدون بسس .. انتي مو عارفه مصلحتك ، الزواج بيصير بعد السمستر وهالكلام انا قلته لام عبدالملك وقالت لي انه كل شيء تمام وبيحجزو القاعه كمان. وتوجهت سميه بعصبيه لخارج الغرفه ... احلام بضحكه من بين دموعها.: هههه جايه تسألني وهي قايله لعمتي موضي ومتفقه معاها .. ((غطت وجهها بيدينها)) ياربي رحمتك ." استفاقت احلام من ذكرياتها على صوت امل الي تقولها ان بيت عمها وصلو . ~~~~~~~~~~~~~~~~~ ~~~~~~~~~~~~~~~~~ شركــه الجسـار. كان يجلس على كرسيه الأسود وهو مسند رقبته على ظهر الكرسي رفع رأسه وفتح اول درج واخذ صديقه الصدوق الي ملازمه في كل مكان (البندول) واخذ حبتين ورجع سند رقبته على الكرسي ، رفع جسار راسه بعد ماسمع رنه جواله .. رفع الجوال ونظر في الاسم وكان المتصل "تركي " .. ابتسم جسار ابتسامه خفيفه لذكرى تركي ، وبدون تفكير رفع الجوال لأذنه وقال.: ياهلا بالقاطع تركي بضحكه.: افاااا الحين انا الي صرت قاطع؟! . جساااار.: لاتواخذني يا الحبيب بس انت عارف المشااغل . تركي .: ايوه عارف عارف بس برضو ما تتصل تسأل عن صاحبك؟ ، اشتقتلك يا شيخ جساار بضحكه صاخبه .: ههههههههههههههههه خلاص اجل مدام اشتقت لي تعال لي الخميس عازمك على احلى غدا تركي لمعت عيونه بلهفه .. واكمل بضحكه .: لا تتوقع مني اني ارفض جاااي يعني جاااي جساار.: ياهلا فيك بعد ما اغلق جسار من تركي ، اخذ جسار جواله ومحفظته من على المكتب وتوجه فورا للاستعلامات..... ~~~~~~~~~~~~~~~~~ ~~~~~~~~~~~~~~~~~ في الريــاض.: بيت صالـح.: كان محمد جالس بابتسامه وهو ينظر بأسى للرجل الطيب "صالح" الي استقبله في بيته عالرغم من حالتهم الماديه الصعبه لاحظت فاطمه نظرات اخوها محمد وقالت عشان تغير الموضوع.: ايوه يا محمد .. ماكملت لي السالفه ! محمد بتنهيده تعب.: اهه اه وش اقول ووش اخلي .. مديري حسبي الله عليه ما عنده رحمه .. طردني وبكل برود وللحين ما ادري ليش ؟! ،، محد يتجراء يكلمه او يوقف في طريقه، طاااغيه! فاطمه .: وشلون يعني يطردك بدون سبب .. طب روح واشتكيه البلد فيها قانووون محمد.:اشتكيه ؟! منجدك انتي .. بعدين انا مو فاضي خق هالسوالف كفايه الديانيين الي يدورو عليّ .. المشاكل وراي وين ما اروح ، انا مو ناقص..! فاطمه وهي تطبطب على كتف اخوها.: الله يعينك ويسترها معاك ياخوي.. صالح بانتباه.: ووش اسمه مديرك ذا؟ محمد.: جسار الـ... صالح.: اها جسار الـ.. سمعت عنه صيته في كل مكان(واستمر نقاشهم) في هذه الاثناء كانت "نوف" تستمع اليهم من وراء الباب وعيونها تلمع من الدموع على حال ابوها .. قالت نوف في نفسها.:حسبي الله ونعم الوكيل على كل ظالم ومفتري.. فزعت نوف لما حست بيد على كتفها والتفتت بحركه سريعه والتقت عيونها بعيون روابي الي كانت تنظر لها بحنان الاخت .. حركت نظره روابي اشياء كثير في قلب نوف الي كانت تحتاج احد تبكي وتشتكيله . حظنت روابي نوف بحنان .:حبيبتي مافي شيء يستاهل دموعكك ، لا تكوني حساسهه كذا احمدي ربك عالصحه والعافيه وان اهلك حولك ومعاككِ .. (اكملت وهي تمسح دموع نوف) يلا امسحي دموعك لا تشوفك امك وتشيل همكك عاد هيا مو ناقصها .. فتحت نوف فمها بترد الا ونقزت عليهم ابرار وقالت بزعل وبصوت عالي.: حظظن من غيري ابتسمت نوف على هباله ابرار .. روابي بضحكه.: تعالي معانا يالمرجوجه حظنت نوف ابرار وروابي وهيا حاسه براحه لا توصف مع بنات عمتها الي كانو يسهروا على راحتها... وتذكرت قول الله تعالي"عسى ان تكرهو شيئا وهو خير لكم" صدق الله العظيم ~~~~~~~~~~~~~~~~~ ~~~~~~~~~~~~~~~~~ في احد الشقق المفروشه .. كان يجلس وهو ماسك جواله بتوتر وهو متوقع اتصال اخر من امه الي وصلت اتصالاتها 47 اتصال .. وفعلاً كان توقعه في محله .. اهتز جواله واضاءت شاشه جواله باسمها "امي" .. اخذ نفس عمميق ورفع الجوال لاذنه وهو متوقع سيل طوويل من الشتاءم والعتاب.: الوووو موضي بعصبيه.: عبدالممممملك !! انت عارف انك مأخرنا عالجماعه .. صارت الساعه 9 واحنا لسه مارحنا .. مع انه اتفاقنا على الساعه سببعه وانت عارف هالكلاممم .. ليش هالتأخير ابغاااا افهم !! ... عبدالملك بهدوء.: امي انتي عارفه رايي بالموضوع وعارفه انا ليش ما جيت للان فلا تستفزيني وكنسلي الموضوع احسن لي ولكم موضي بصرررخه.: عبدالممممملك ، بلا قله ادب انت عارف انك تكلم امك مو واحد من اصحابك الصايعين .. تكلم بادب لا اقطع لساااانك ، الحق مو عليك الحق علي انا الي دلعتك .. عبدالملك (لا تعليق):........ موضي بحزم.: اقسسم بالله العلي العظيم الي ما احلف باسمه كذب لو ماجيت خلال نص ساعه لا اقول لأبوكك بكل بلااااويك. عبدالملك بتوتر.: (بلع ريقه) اي بلاااوي؟ موضي.: لا تخليني اتكلم الحين وافتح باب مو وقته .. بس انا كلمتي وحده وما اثنيها لو ما جيت اللحين لا اعلم ابوك وانت تعرف ابوك لا عصب ايش ممكن يسوي. غمض عبدالملك عيونه بورطه.: اوك جاي جاي نص ساعه وانا عندكم .. مع السلامه.. وضع جواله في جيب الثوب وتوجه لباب الشقه .: حسبي الله عليكِ يا نووره. ؟؟؟؟؟؟؟ ~~~~~~~~~~~~~~~~~ ~~~~~~~~~~~~~~~~~ في قصر الجســار.. الساعه 1:20 ليلاً "كانت جالسه في غرفتها بهدوء وهي تقراء احد الروايات الرومنسيه .. وضعت كتابها على السرير وتوجهت الى الباب بعد ما سمعت قهقهه واصوات غريبه من برا الغرفه .. فتحت الباب واخرجت راسها عشان تشوف .. فتحت عيووونها بقووووه من هول ما تراه ، سكرت الباب و وضعت يدها على فمها عشان ما تصدر صوت وينتبهو لها الي برا ، نزلت دموعها وهي تتذكر منظر اخوها السكران والبنات والشباب الي حوله وهم يشربو ويضحكو وكل واحد في دنيا ثانيه , حست بخطوات قريبه من الغرفه ، وبحركه سريعه قفلت الباب وجلست عالارض ، ارتجف جسمها برعب من صوت دق الباب وقالت بصوت مرتجف.: نعععم؟ فارس بضحكه قذره.:اخرجي ياساره .. بعرفك على ضيوفي ساره بقرف.: انت صاااحي بتعرفني على اصحابك؟ التفت فارس على اصحابه.: اوووووبا عع عصبت شريييفه مكككه (واكمل) لل لا ف في بناات زيكك كمماان نظرت ساره للباب بقرف وكانها تشوف اخوها.: خذ اصحااابك (وبسخريه) وصاحباتك الصيييّع واخرج برااا ، ولا والله لا اتصل بالشرطه قالت واحده من صاحبات فارس وهي تضرب يد صاحبها .: هههههههههههاي احنا صييع . فارس وهو يترنح قال بكلام متقطع بالكاد ينفهم.: ي ي يلا تتعالو نر نروح لا تكلم (شهقه) الشرررطه ،، هذي مج جنن مجنوونه وت وتسويهاااا توجهت ساره لسريرها وهي ترتجف ودفنت وجهها في مخدتها ونزلت دموعها وهي تتذكر امها وابوها .: شفتو فارس شفتو اخوي سندي شيسوي؟! " جلست سااااره بحركه سريعه وسارت تنظر في الغرفه ووجهها معرّق من الخوف بس حست بالراااحه لما طاحت عينها على جميله النايمه جنبها بهدوء .. اخذت نفس عمميق واستعاذت من الشيطان وانسدحت من جديد جنب جميله وغطت في نوم يتخلله الكوابيس والذكريات... ~~~~~~~~~~~~~~~~~ ~~~~~~~~~~~~~~~~~ في الرياض.؛ بيت صالح.: روابي بصووت عالي.؛ ابراااااروهه .. تعالي وشيلي معي ! ابرار.: لا رد همست روابي بعصبيه.: مو هوا ما في غير روابي في البيت هي الي تشيل وتحط !! دخلت نوف وهي تضحكك على حلطمة روابي.: ايش فيكِ .. ابرار نايمه . روابي بعصبيه.: مو هذا الي هي فالحه فيه ، النوووم والهبال. نوف بضحكه .: في هذي معاككِ حق ! وسارت نوف تشيل مع روابي الصحون وفي هاللحظه سمعت صوت رنه جواال.. مسكت نوف الجوال باستغراب وقالت في نفسها"جوال ابوي شكله نسيه" نظرت نوف في الرقم 'كان رقم غريب' انتاب نوف شعور غريب ، شعور بالخطر الي خلاها ترد.: الووو .....:السلام عليكم نوف.:وعليكم السلام .....:مو هذا جوال محمد الـ نوف "يعرف ابوي؟".: ايوه ، مين معي؟ .....: جساااار الـ... فتحت نوووف عيونها بقوووووه "جسااار؟" ~~~~~~~~~~~~~~~~~ ~~~~~~~~~~~~~~~~~ في احد مجاالـس النساااء من ذوي المستوي الراااقي.؛ ام علي.: صباح مو ناويه تزوجي ولدك؟ ،، ماشاء الله ولدك كامل والكامل الله . ام تركي بغرور.: اكيد بزوجه بس لسهه مالقيت له البنت الي تناسبه ،، مو اي بنت تناسب تركي الـ.. لازم تكون من الطبقه الراقيه وتكون جميله وذكيه ، وانتي قلتيها ولدي كامل والكمال لله حتى انا ابغا بنت مثاليه لولدي الوحيد. ام عبدالله وهي عارفه تفكير ام تركي.:ايوووه طبعاً ماشاء الله ولدك ذهب ما تلاقي مثله هاليومين ام علي باستغراب.: بس البنات الحلوين والمثقفين كثير .. يلا شدي حيلك ونقيله وحده نبي نفرح فيه .. تغيرت ملامح ام تركي وثبتت عيونها عالارض وسرحت ... ام عبدالله نغزت ام علي في كتفها.: ايوووه ايوووه ان شاء الله (وبهمس) غيري السالفه.. ام علي باستغراب.:ليش؟؟ ام عبدالله بهمس وهي ترص على اسنانها .:اذا ما تبغي الليله تنهد على راسك اسكتي.. ~~~~~~~~~~~~~~~~~ ~~~~~~~~~~~~~~~~~ نهااايه الجزء الخامس.: . . توقعاتكم؟؟ | ||||||||
|
| |
|
24-07-16, 01:56 AM
| #7 | ||||||||
| مراقبة عامة ومشرفة منتدى الروايات المنقولة
| . الجزء الســـادس من روايتي سحر البراءه. ~~~~~~~~~~~~~~~~~ ~~~~~~~~~~~~~~~~~ نظرت نوف في الرقم 'كان رقم غريب' انتاب نوف شعور غريب ، شعور بالخطر الي خلاها ترد.: الووو .....:السلام عليكم نوف.:وعليكم السلام .....:مو هذا جوال محمد الـ نوف "يعرف ابوي؟".: ايوه ، مين معي؟ .....: جساااار الـ... فتحت نوووف عيونها بقوووووه "جسااار؟" سكتت نووف لفتره طويله وشعرت بالتوتر وهي تسمع صوت انفاسه في الطرف الاخر .:........... في هاللحظه دخلت روابي وانتبهت لنوف الي كانت ماسكه جوال ابوها وتكلم احد والتوتر باين في وجهها .. اقتربت روابي من نوف واشترت بيدها بمعني .. مين ؟! فتحت نوف فمها عشان ترد على روابي بس قاطعها صوت ... جسااار باستغراااب.:الوووووو نوف بتوتر.: أي أيوه معك جساااار.: ممكن تعطيني محمد همست نوف لـِ نفسها بقهر.: محمد حاف؟ 'تقصد بدون استاذ او عمي'؟ بس للاسف ما كان مجرد همس لانه جسار سمعه وقال بنبره حاده .:نعمممم؟ ارتجفت يد نوف من الخوف .: ممم ااب ابوي مو موجد اللحين ، اذا رجع اقوله يكلمك .. (وقفلت المكالمه بدون ما تسمع رد) جلست نوف على الكنبه و اخذت نفس عميييق لتستعد لأسئله روابي ... عقدت روابي حواجبها وقال.: كنتي تكلمي مين؟ نوف بهدوء.:جسااار روابي.: مين جسـ..(فتحت عيونها بقوه وهي تنظر لنوف) جسار الـ.. مدير خالي الي طردهه ؟؟ نوف وهي تضع يدها على قلبها الي كانت دقاته السريعه تؤلمها.:ايوووه هو ذا روابي .: ومن فين عرف رقمكك؟ . تنهدت نوف.: مو رقمي .. هذا جوال بابا روابي باستنكار.: وكيف تردي على جوال ابوكي وهو مو موجود .. وياليت احد عادي لااا مالقيتي تردي الا على جساار... نوف بنبره حزينه.: روابي لا تزيديها عليا .. ما ادري ترا مو عوايدي ارد على جوال بابا بس مدري حسيت بشيء خلاني ارد . نقزت ابرار من باب المجلس وقالت.: لايكون حب التفتو روابي ونوف على ابرار في نفس الوقت .: بسم الله الرحمن الرحيم ! مشيت روابي بعصبيه لجهة ابرار الي كانت توها صاحيه من النوم وسحبتها مع اذنها وقال.: انا كم مره قلت لك لا تتسمعي لانها صفه شينه تخلي الناس تكرهك ، ولا عاد تطلعي للناس كذا وتفجعيهم..! ابعدت ابرار يد روابي عن اذنها وتوجهت لنوف وجلست جنبها.: يوووه يا روبي لسه تحسبيني بزر (والتفتت على نوف) ايوه كملي وبعدين !؟ ضحكت نوف على هبال ابرار واكملت .: ولاشيء بس طلب يكلم بابا وقلت له اذا جاء اخليه يكلمك (انتبهت نوف للي قالت وحست بالوررطه) يعني لازم اقول لبابا اني كلمت جسار ؟؟؟! روابي بسرعه.: ايوه طبعاً ولا عندك حل غيره ؟! نوف بخوف.: يمممه لا روابي لاقي لي حل ، والله لو عرف اني كلمت جسار لا ينتف شعري ! روابي بضحكه.: ههههههههه ليش انتي متعوده انه ابوكي اذا عصب ينتف شعرك ؟ نوف بعصبيه.:يوووووه انا في ايش وانتي في ايش في هالحظهه.. التفتو روابي ونوف لابرار مستغربين هدوؤها .. وفي نفس الوقت قفزت ابرار عالكنبه وقالت .: انا عندي ححل ! ~~~~~~~~~~~~~~~~~ ~~~~~~~~~~~~~~~~~ في شركة الجســار.: نزل جسار الجوال من اذنه ونظر فيه بصدمهه.:قفلت في وجهي؟؟ رفع الجوال لاذنه وهو مو مستوعب يمكن تكون عالخط وانا ملخبط .. " لالا قفلت في وجهي " اطلق جسار ابتسامه خفيف تلتها ضحكه خفيفه تلتها ضحكه صااخبه.:هههههههههههههههههه هههههههههههههه فجأه فتح الباب ودخل الموظف ونظر لجسار بدهشه لضحكته الي وصلت للممر.: استاذ جسار؟؟ اختفت ضحكه جسار في ثانيه .: نعم؟ الموظف تورط.: آه امم مم تبي قهوهه؟ جسار باستغراب.: لا خرج الموظف بسرعه بعد ماالقى نظره سريعه على وجه جسار بدون عقده حواجب ولا عصبيه.... نظر جسار الى الباب الي خرج منه الموظف وقال باستغراب.: شفيه ذا؟؟؟ ~~~~~~~~~~~~~~~~~ ~~~~~~~~~~~~~~~~~ في احد الفنادق في الرياض.: كان جالس بهدوء على السرير ومسند رأسه على ظهر السرير وفي يده صديقته الدائمه "السيجارهه" ، شعر بخطوات قادمه من خارج الغرفه وتوقفت الخطوات امام سريره . .........:ناااايف برضك ؟! انت ما تفهم !! انا كم مره قلت لك بّطل البطيييخه هذي ولا تفهم! اعتدل نايف في جلسته وقال.:بطيخه ايش الله يهديك .. هدي هدي يا ياسر واجلس جلس ياسر امام نايف عالسرير وهو يقول.: اللهم طووولكك يا روح .! مسك نايف باكيت الدخان وقربه من ياسر في محاوله لاستفزازه.:خذلك وحده واهدئ ياسر بعصبيه.: نااااااااايف نايف بضحكه خفيفه وهو يطفي سيجارته.: خير؟ ياسر.: متى بنروح الدمام؟ ، كأننا طولنا في الرياض ؟ نايف ببرود.: وليش مستعجل عالدمام؟ ياسر .: عشان نشوف جسار اجل ليش؟ .. بعدين احنا جيتنا الاساسيه للسعوديه كانت عشان جسار ! .. يعني لا تسويلي فيها مستغرب ولا مو عارف .، اعرف حركاتك يا نوويف نايف بتنهيده.: اوك اشوووف واردلك خبر. ياسر بحزم.: تشوف ايش؟ .. انت ماعندك شغل هنا ، اليوم لازم تروح وتحجز لنا عُلِم. نايف بابتسامه وهو يرفع يده بحركه زي العساكر.:عُلِم انسدح نايف عالسرير وهو يتأفف.: ما بقي الا البزارين يتحكمو فينا ياسر وهو ينسدح جمبه "قال بضحكه".:غصباً عنكك! نايف.:27 سنه متعجرف شرير طيب مرح عصبي كل هالصفات فيه مزاااجي بشكل عام .. وعلى الرغم من مزااجيته الا انه في شيء واحد ما يتغير وهو حبه لاخوه الصغيره 'ياسر' .. شعره بني غااامق وقصير ملامحه حاده وحواجبه كثيره . يااسر .: 17 سنه عكس نايف في كل شيء .. مسؤول حازم على الرغم من صغر سنه الا انه يعرف يتحكم في الامور ويعرف يتصرف يعتبر نايف ابووووه الي ما شافه ولا عرفه . ~~~~~~~~~~~~~~~~~ ~~~~~~~~~~~~~~~~~ كان جالس وهو يهز رجله بتوتر .. يحس نظرات امه تخترقه مع انها قاعده بعيد عنه الا انه يحس فيها وبنظراتها المتوعدهه . علي 'ابو احلام' بعتاب.:شلووونك يا عبدالملك ، من زمان عنكك .. يعني مو عوايدك ما تكلمني فتره طويله... عبدالملك بلع ريقه بتوتر وهو ينظر لامه الي عيونها اشتعلت نيران من كلام خاله 'خصوصاً انها موصيته يكلمهم كل فتره وما يقطعهم'.: مشاااغل والله يا خالي .. انت عارف . علي بتفهم.: ايوه عارف .. الله يوفقك يا ولدي ، بس اهم شيء ما تقطع بنتي ، عاد هي زوجتك.. (نظر عبدالملك لخاله وهو خايف انه يعاتبه لانه مايكلم بنته ومقاطعها 'لانه عارف ان امه ماراح تخليه في حاله اذا عرفت) اكمل علي.؛بس ماشاء الله عليك ما تتوصى احلام دايم تقولي انك تكلمها وتتطمن عليها (وضع يده على فخذ عبدالملك الي كان جالس جمبه) هذا العشم والله. اعتلت الدهشه وجه عبدالملك من كلام خاله'انا اكلم احلام؟؟ .. وضع يدهه على ذقنه وهو يحاول يتذكر متى كلمها' قطع حبل افكاره صوت خاله وهو يقول .: سميهه ، روحي نادي احلامم .. ليش ماجات للحين ؟ قامت سميه من مكانها.: طيب اللحين اناديها.. في عاللحظه دخلت احلامم وهي شايله صحن العصير .."ماطالعت لأي احد ولا حتى قالت السلام ، لانه كان كل تفكيرها في العصير الي في يدها 'خايفه تطيحه'" وضعت احلام العصير على الطاولهه الي تتوسط الغرفه ، ورفعت نظرها لعبدالملك الي كان جالس في صدر الغرفه وينظر لها نظرات اعجااب.. جلست احلام بجانب امها بعد ما سلمت على عمتها ... على الرغم من فرحتها بنظرات عبدالملك الا انها كانت عارفه انها نظرات اعجاب بشكلها لا اكثثر .. وانها لايمكن تكون نظرات حب ..! قالت احلام في نفسها .:اكيد هالنظرات شافوها بنات غيررري كثير 'وضحكة على نفسها بسخريه' ... ~~~~~~~~~~~~~~~~~ ~~~~~~~~~~~~~~~~~ في الرياض .: بيت صالح.؛...الساعه 6:30 pm كانت نوف واقفه عند باب الغرفه الي تودي على الصاله .. وكانت تنظر لابوها وامها وعمتها الي كانو يتناقشون في بعض المواضيع .. نظرت نوف لروابي الي مو عاجبها الحال ابداً ، وقالت نوف بتحطيم.: على فكره وجهك يقطع الرزق ! رفعت روابي حواجبها وقالت بنظره.: عشان مو عاجبني الكذب صار وجهي يقطع الرزق؟؟؟! التفتت ابرار على روابي وقالت.: هيا كذبه صغيرووونه ما راح تفرق بشيء؟ .. (وقالت بثقه) بعدين يجوز الكذب اذا كنتي بتطلعي نفسك من ورطه .. روابي وهي تضرب ابرار على كتفها.: ايوه ألفي دين من راسكك! .. استغفر الله العظيم يارب .(قاطعتها ابرار) .: انا بروح قبل ما تغير نوف رايها من كلامك .. ابرار وهي تفرك اياديها في بعض وتتوجه لخالها.: توكلنا على الله.. دخلت ابرار الصاله وتوجهت لخالها ، وقالت بصوت حزين وهادي على غير عوايدها.: خالي ابغا اقولك شيء . محمد باستغراب،: ايش ، قولي؟ ابرار وهي تنظر لامها وزوجه خاله قالت بخوف مصطنع.:لا ابغا اقولك شيء بيني وبينك ! فاطمه وهي عاقده حواجبها.: بنت !! ايش مسويه مصيبه؟ .. لا بارك الله في عدوينك .(قاطعها محمد) خلاص يا فاطمه اكلتي البنت بقشورها ، "قام محمد من مكانه .مسك ابرار من يدها وسحبها لزاويه الصاله " محمد.:شفيك يا بنتي؟ ابرار 'ودموع التماسيح في عيونها'.: خاالي بقولك بس تكفى لا تعصب مني انا مو قصدي . توتر محمد.: قولي يا بنت شفيك؟ نزلت ابرار راسها بندم مصطنع.:اممم بصراحه انا رديت على جوالك لما خرجت مع ابوي الصباح .. (نظرت لخالها وهي تحاول تنزل دموعها.: والمتصل كان مديرك (سكتت ببلشه لانها نسيت اسمه) فتح عيووونه بصدمه.: جساااار؟! . ابرار بمسكنه.: ايوووووه جسار وكان يبي يكلمك وقلتله انك مو موجود ، وقالي خليه يكلمني ضروري . تنهد محمد .: خلاص ماصار شيء ادخلي داخل مع البنات ويصير خير ابرار بخوف حقيقي هالمره.:بتقول لابوي؟ محمد وضع يده على كتفه.: لالا ماراح اقوله .. بس انتبهي تعيدي الحركه مره ثانيه ابرار بابتسامه لنوف الي كانت تراقبهم من بععيد.:ان شاء الله ودخلت ابرار راكضه لغرفه البنات وابتسامه واسعه كانت على وجهها وقالت باللهجه المصريه.:'بغمزه' كلو تمام يا معلمه.. حضنتها نوووف بحب وهي تقول .: تسلمي لي يا احلى بروووو في العالم . روابي بعدم رضا.: والله السالفه كلها مالها داعي ، يعني لو قالت نوف انها هي الي ردت ايش كان بيصير؟ ابرار وهي ترمي نفسها عالسرير.: اممم ما ادري ما تضمني ايش ممكن يصير .. بس انا لما قلت له ما قالي شيء لاني بنت اخته. ويستحي مني . تنهدت روابي من تفكير اختها وبنت خالها الهبله الي ماشيه وراها.: الحمدلله والشكر ~~~~~~~~~~~~~~~~~ ~~~~~~~~~~~~~~~~~ في الدمـام... بيت ابو احلام... كان تجلس وهي منزله راسها و ضامه يدينها ببعض وتهز رجولها من التوتر... رفعت راسها وطاحت عينها بعين عبدالملك الي كان ينظر اليها من ربع ساعه ولا رمشت عينه ولا نطق ولا كلمه ، وهذا الي زاد توترها.. للحظه فكره انها تقوم وتتركه لانه زودها وفي الوقت الي كانت بتقوم فيه اعتدل عبدالملك في جلسته وقال.: شوفي يابنت الخال .. انتي بنت خالي وزوجتي على عيني وراسي ، بس (بلعت احلام ريقها وكانها متوقعه ايش بيقول) بس حياتي الشخصيه مالك علاقه فيها ، يعني ما تسأليني عن روحاتي وجياتي لاني اكره حركات الحريم هذي .. وختمها بابتسامه.: فاهمه يا حلوه؟ سكتت احلام وماردت وهي تقول في نفسها"كيف يقول كذا لزوجته ، لا وهذا احنا لسه ما تزوجنا ولا رحت بيته" رفعت احلام رأسها لعبدالملك وكانت تبغا تعترض وتقول الي في قلبها ، بس انربط لسانها لما شافت عيونه .. ماقدرت تتكلم ، ظلت عيونها متعلقه بعيونه فتره وهي كارهه ضعفها الي يخليها ماتقدر ترد عليه .. احلام في نفسها.: ضعف ولاااا .... وقفت احلام بحركه سريعه متجهة للباب وهي تحاول تنفض هالافكار الي ممكن تكسرها في يوم من الايام ...... ~~~~~~~~~~~~~~~~~ ~~~~~~~~~~~~~~~~~ في قصر الجسااار ... غرفه جسار.: كان جالس على الكنبه الجلد السوداء .. وفي يده ككتاب يقراءه .. مسك جواله بعد ما اهتز معلناً وصول رساله .. وكان مضمون الرساله.: انا اللحين في الرياض ، لازم نتقابل في اسرع وقت .. بكره راح اجيك في الشركه ، لا تتهرب زي كل مره المرسـل.؛ نايف.. مسك جسار راسه وتنهد بتعب .: لاحول ولا قوه الا بالله ... ~~~~~~~~~~~~~~~~~ ~~~~~~~~~~~~~~~~~ في قصر الجسـار.: هند تغني وهيا تغسل المواعين .: حبيبي أرب بص وبص بص زعلان ازعل ازعل نص نص ، لحسن حبعد ابعد آه ونص وحتبئى انتا اكيد خسران . دخلت عليها ساره وهي مكششره.: جووووووك بيييض !! نظرت لها هند باستغراب.: ايه ده الي بيض ؟ ساره جلست على طاوله المطبخ الصغيره' مافيها تشرح'.: لا ولاشي بس نفسي آكل بيض هند وهي مو فاهمه شيء .: انتي بتئولي ايه؟ ساره وهي تضع راسها على الطاوله .: لا لا ولاشيء رجعت هند تكمل اغنيتها وهي تشتغل... وفجاءه التفت هند على ساره بعد ما سمعت صراخها .: آآآآآآآآآآآآآآآ. هند .: فيييي ايه؟ . فتحت هند عيونها بصدمه بعد ما شافت جميله وهي مو لابسه الا سروالها الداخلي ومتمسكه في ساره وشعرها ووجهها كله شااامبو ، صرخت هند وقالت.: ايييييه ده؟ .. ايه الي عمل فيكي كده يا بنتي؟ ما كانت جميله محتاجه للشرح لانه بعد ثواني معدووده دخلت سلوى المطبخ وما كانت حالتها احسن من جميله ... كانت رافعه اكمام قميصها الابيض ورابطه حجابها بطريقه غريبه ويدها كلله شامبو وملابسهاا كلها موووويه .. قالت سلوى بعصبيه.: جميييله ، تعالي لهون هلأ .. كيييف بتعملي معي هيك (رفعت نظرها لهند المصدومه) بنتك هي ما بتحترم حداااا! هند وهي تتوجه لبنتها .:هواااا ايه الي جرا؟ جميله ببراءه.: لا مش حاجي عندك .. (نظرت لامها) هي بتدخل الشامبووو جوا عينيا (عيوني) سلوى والدخان يطلع من راسها من العصبيه.: فعلاً انو لسانك بدووو أص .. وليكي عين كمان تحكي بعد ما بهدلتيني بالموويه وقفت ساااااره بعصبيه.: ببببس ، ماااالت عليكم وعلى الي عايشه معاكم !! .. الحق مو عليكم الحق عليا انا الهبله الي قاعده عندكم!! وتحركت بعصبيه وتوجهت لغرفتها...... نظرت سلوى لهند في استغراب من حالة ساره وعصبيتها المفاجأه .؟! ~~~~~~~~~~~~~~~~~ ~~~~~~~~~~~~~~~~~ في الرياض .: بيت صالح .. السـاعه 7:00 pm مسك محمد الحوال بتوتر وهو يفكر في السبب الي خلا جساار يتصل عليه؟! تنهد محمد بتعب وضغط على اسم جسار ورفع الجوال لإذنه.:...... جسار بنبره غامضه.: يا هلا والله كنت منتظر اتصالكك. محمد بتوتر.: اهلين .. شلونك يا استاذ جسار؟! جسار وهو يتذكر البنت الي كلمته الصباح 'قال بسخريه'.: بخير يا عمي محمد محمد حس بالسخريه الي كانت في نبرته وقال بعد ماتذكر ابرار.: اعتذر لك بالنيابه عن بنت اختي .. هي صغيره وطايشه وردت على جوالي بدون تفكير . جسار باستغراب"بنت اخته" .؛ لا ابداً عادي .. عموماً مو هذا موضوعنا انا اتصلت عليك عشان ابغاك في موضوع مهم .. ما ينفع في التلفون .. اذا عندك وقت تعال لي الشركه عشان نتفاهم،. محمد بورطه.: بس انا مو في الدمام .. انا اللحين في الرياض . جسار خطرت على باله فكره .: تمام ، اجل ارسل لي العنوان وانا جايك ! محمد بصدمه.: بتجي الرياض جسار ينهي الموضوع.: ايوه .. انتظر رسالتك . (وقفل المكالمه) نزل محمد الحوال بصدمه..؟؟! بيجي الرياض عشاني؟ ~~~~~~~ في هذه الاثناء كان جسار يسترجع ذاكرته لمكالمه الصباح.: " جساااار.: ممكن تعطيني محمد همست نوف لـِ نفسها بقهر.: محمد حاف؟ 'تقصد بدون استاذ او عمي'؟ بس للاسف ما كان مجرد همس لانه جسار سمعه وقال بنبره حاده .:نعمممم؟ ارتجفت يد نوف من الخوف .: ممم ااب ابوي مو موجد اللحين ، اذا رجع اقوله يكلمك .. (وقفلت المكالمه بدون ما تسمع رد) " جسار حط يده على ذقنه وعقد حواجبه .؛ انا متاكد انها قالت ابوي؟؟ ~~~~~~~~~~~~~~~~~ ~~~~~~~~~~~~~~~~~ في بيت ام عبدالملك... غرفه موضي... جلست موضي على الكنبه البنيه برررراحه ، احداث اليوم أرضتها لأبعد حد .. "توقعت انه عبدالملك يخرب الليله بس كويس نفع معاه التهديد" سندت رأسها على الكنبه وهي تدعي انه ربي يهدي عبدالملك ويحنن قلبه على احلااام... ~~~~~~~~~~~~~~~~~ ~~~~~~~~~~~~~~~~~ في الرياااض .... بيت صالح .. الساعه 10:30 pm غرفه البنات.... دق دق دق .. في هذه الاثناء .. كانت ابرار مشغوله في قطعه قماش .. وروابي نايمه عالسرير ونوف نايمه عالارض . دخل محمد وهو ينظر لابرار الي كانت مركزه في التطريز لدرجه انها ما انتبهت لدخوله.: ابرار انتبهت ابرار لصوت خالها .: نعممم محمد.:لا تخرجي الحوش لانه بيجيني جسار اللحين وبنقعد برره .. القهووهه جاهزه وكل شيء تمام لا تسوي شيء. ابرار بعدم اهتمام.: ان شاء الله محمد.: اذا صحيت وحده من البنات قولي لها هالكلام .. ابرار.: ان شاء الله * * * بعد نص ساعه .. فتحت نوف عيونها وحلقها ناشف من العطش ، قامت وشافت الساعه الي في يدها كانت 11:00 .. تمددت نووف ونظرت لابرار وابتسمت على شكلها الجدي وهي تطرز.: ابداً ما تنفع لها الجدييه .. وقفت نوف بس رجلها التوت وتمايلت وطاحت فوق روابي الي كانت نايمه عالسرير 'صرخت روابي' .: آآآآي .. عورتيني انتبهي!! نوف بهمس.: اسفه اسفه ،. لا ترفعي صوتك البيت كله نايم .. وفجاءه نقزت روابي وتوجهت للباب .. نوف باستغراب.: شفيكِ ما بتكملي نوم ؟ روااابي وهي تستنشق رائحه القهوه الي فاحت في البيت كله .: ريحه قهوووه امي نوف وهي تحاول تشمم.: انا مزكمه ،، مو شامّه شيء روابي.: ابرااااروه .. هو في احد بيجي ؟ ابرار بتركيز في القماشش.: مدري روابي باستغراب.:غريبه امي مسويه قهوه ومافي احد؟ نوف بعدم اهتمام .: عادي يمكن يكون ابوي مشتهيها وسوتها عشانه. خرجت روابي متوجهه لباب البيت وقالت ،:نوووف الريححه من الحوش ..! نوف .: قلت لك انا ما اشمم ، بعدين يمكن تكون الريحه من عند الجيران. روابي.: لالا انا متاكده هذي ريحه قهوه امي .. (فجاءه قالت روابي) نووووف سمعتي ؟ نوف.:ايش ؟ لا ما سمعت شيء ! روابي .: فيه صوت بررره (وبعد تفكير قالت) يمكن حرامي نوف بعدم اهتمام .: بلا هباله انا مو سامعه شيء .. واكيد ابوي هو الي قاعد بره بطلع اشوووفه ! ومسكت الشرشف الي كان جمبها ولفته عليها ، (لانه ممكن يكون زوج عمتها صالح مع ابوها .: وقفت عند الباب وكانت روابي واقفه وراها اخرجت نوف راسها ووووو * * في غرفه البنات.: وضعت ابرار القماش في العللبه بسعاده بعد ما انهتها وهي راضيه عن عملها .. التفتت ونظرت في الغرفه بس مالقيت نوف ولا روابي همست لنفسها.: فين راحـ...(فجاءه تذكرت كل شيء وكانه رجعتلها الذاكره) خرجت بسررررعه وصرخت.: نوووووووووف روااااااابي ..... ~~~~~~~~~~~~~~~~~ ~~~~~~~~~~~~~~~~~ نهايه الجزززء السادس... * * اتمنى ان اجد تفاعل اكبر ، وان كان عندك نقد على الروايه اتقبله وبدون زعل .. رجاءاً اسعدوني بتفاعلكم!! * توقعاتكم..! | ||||||||
|
| |
|
25-07-16, 12:49 AM
| #8 | ||||||||
| مراقبة عامة ومشرفة منتدى الروايات المنقولة
| الجزء الســابع من روايتي سحر البراءه.: ~~~~~~~~~~~~~~~~~ ~~~~~~~~~~~~~~~~~ في غرفه البنات.: وضعت ابرار القماش في العللبه بسعاده بعد ما انهتها وهي راضيه عن عملها .. التفتت ونظرت في الغرفه بس مالقيت نوف ولا روابي همست لنفسها.: فين راحـ...(فجاءه تذكرت كل شيء وكانه رجعتلها الذاكره) خرجت بسررررعه وصرخت.: نوووووووووف روااااااابي ..... قبل لحظات.... اخرجت نوف راسها من الباب الي كان يطل على الحوش (الحوش كان عباره عن سيب بالعرض وينتهي بمساحه مربعه صغيره نوعاً ما ) وهي تنظر ناحيه الجلسه الشعبيه البسيطه الي كان يطغي عليها اللون (الاسود-الاحمر) .. في هذه الاثناء كان جسار جالس على الجلسه وهو ينظر بتركيز الى جواله..كانت اصابعه تتحرك على شاشه الجوال وكانه يكتب رساله وكانت ملامحه توضح انه منزعج .. تراجعت نوف بعد ماشافت شخص غريب في الحوش .. نوف باستغراب.: مين ذا؟ والتفتت على روابي الي قالت.: ماشاء الله تبارك الله عليه جمااال يوسفي . نوف باستنكار.:امداكِ شفتي ؟! طنشتها روابي وقالت.: تعرفيه؟ نوف .: لا ما اعرفه ليش اسالك اذا اعرفه! وفجاءه طلعت لهم ابرار من العدم "كالعاده" وقبل ما تقول اي شيء خرج محمد من الغرفه وكان في يده علبه بندوول.. محمد بعصبيه خفيفه.: شتسوون هنا؟! .. انا مو قلت محد يخرج!! ابرار وهي تحاول ترقع الموضوع.:اسفه ياخالي بس كنت عطشانه واظطريت اخرج ، (واكملت عشان ما تعطي لمحمد فرصه يتكلم) يلا يا بنات ندخل الغرفه "التفتت على محمد" روح ياخالي لضيفك تاخرت عليه ... تنهد محمد.: طيب طيب نوف بسرعه.: بابا استني شوي ، ليش ماسك البندول (واكملت بخوف) لا يكون فيك شيء !؟ محمد.: لالا البندول مو لي ، بس حسيت الرجال تعبان فقلت اعطيه مسكن (قاطع نوف الي كانت بتسال عن هويه الرجال) يلا بلا كلام زايد روحو غرفتكم تاخرت عن الرجال.. الفتت روابي لابرار بعد ماراح خالها ، لانها كان حاسه انه اختها تعرف شيء .: ابرااروه! شسالفه مين الي برا شكلك تعرفين شيء ! ابرار بتوتر .: امشو الغرفه وبقولكم كل شيء . ~~~~~~~~~~ في الحووش.: تقدم محمد ناحيه جسار الي اعتدل في جلسته لما شافه ، ومد له البندول وقال .: تفضل يا ولدي ، حسيتك تعبان ومصدع من الطريق والجو بارد ،،خذلك حبه عشان ترتاح. جسار "اخذ الحبوب بدون اي كلمه اخذ حبه وحطها في فمه ووضع العلبه على السجاده امامه" انصدم محمد من حركه جسار ، توقع انه اقل شيء يبين انزعاجه مو عوايد جسار قال محمد في نفسه"غريبه" جلس محمد امام جسار باعتدال وقبل ما يقول اي شيء قال جسار الي كان متكئ على المسند الي جنبه.: اول شيء انا جايك عشان شيئين .. أولاً انا ابغاكك ترجع للشركه .(فتح محمد عيووونه بصدمه وقال.: ارجع الشركه ؟! ، "لمعت عيونه بشده من الفرح"(وقال بإندفاع) مشكور الله يعطيك العافيه ويجازيك خير على الي سويته معاي . قاطعه جسار بابتسامه خبيثه.: طيب ما تبي تسمع الشيء الثاني؟ محمد بابتسامه.: كمل يا ولدي . اعتدل جسار في جلسته وثبّت نظره في عيون محمد وقال.:انا جاي وطالب يد بنتك على سنه الله ورسوله . اختفت ابتسامه محمد و فتح فمه بصدمه .: هااااااااااااه؟ ~~~~~~~~~~ قبل لحظات.: في غرفه البنات.: كانت ابرار تجلس بين روابي ونوف وهي تحس نفسها في استجواب وهي كذلك ... روابي بنظره اخترقت ابرار.: تكلمي.. ابرار بتوتر.: اممممم انا عارفه مين الي جالس برا نوف وروابي بسرعه.: مين ؟ ابرار وهي تغمض عينها خايفه من ردة فعلهم .: جسسار نظرت نوف لروابي وبادلتها روابي النظره وقالو في نفس الوقت وبصوت عالي.: جسسسسار؟! نوف اول شيء جا في بالها وبخوف.: يمه لا يكون عرف اني انا الي كلمته ضربتها ابرار على راسها.: بلا هباله من فين بيعرف . روابي بتفكير.: ايش يبغا من خالي؟ (والتفتت على نوف) تتوقعي بيرجع خالي الشركه؟ نوف وهي مو متطمنه.:ممممم ما اظن .. لو بيرجعه من البدايه ليش طرده؟ .. انا حاسه انه في سالفه ثانيه (اكملت وهي تطلع عالسرير عشان تنظر من النافذه) ماراح؟ ابرار.: لا تطالعي ما تقدري تشوفي شيء من هنا . التفتت روابي على ابرار وقالت.: ابرار انتي ....... (قاطعتها نوف وهي تضع اصبعها على فمها): اشششششش... كإني سامعه شيء . قفزت ابرار بجانب نوف ، وضعت اذنها على النافذه وبعد ثواني معدوده قالت.: هذا مو صوت خالي؟ "مشكور الله يعطيك العافيه ويجازيك خير على الي سويته معاي ." نوف وهي حاطه اذنها على النافذه مع ابرار.: ايوه ايوه (وبتفكير) على ايش يشكره (وباندفاع) معقوله رجعه الشرركه؟؟! روابي وهي ترمي عليهم المخدات.: ووووجع انتي وياها .. مااايجوووز التصنت !! ابرار بعصبيه.:روااااابي ، اسكتي شوي بنسمع !! ووضعت اذنها على النافذه مره ثانيه وسمعت الي ما توقعت تسمعهه! "جسار .:انا جاي وطالب يد بنتك على سنه الله ورسوله ." شهقت ابراااار في صدمه ، بينما نوف جلست على السرير وفتحت عيوووونها بصدمه وهي تحاول تستوعب الي قاله جسار. انفجعت روابي من شهقه ابرار وشكل نوووف وهي تقول.: ايش فيه؟ .. ايش قالو؟ ابرار وهي تنظر الى نوف بقلق .. التفتت على روابي وقالت.: خخطب نوف..! روابي بصدمه.: نعععم؟ ~~~~~~~~~~~~~~~~~ ~~~~~~~~~~~~~~~~~ في احد شوارع الرياض... فتح جواله وهو يتفقد رسائله وتفاجأ برساله من جسار .: "انا في الرياض ارسلي عنوانك " قراء الرساله مره ومرتين وثلاث وهو مو مستوعب انه جسار رد عليه .. في العاده يطنشه !! ابتسم نايف ابتسامه بارده بعد ما هاجمته ذككريات !! ، ذكريات مو عارف اذا هي سعيده ولا حزينه ، يضحك ولا يبكي على تذكرها !؟ .. تنهد بتعب واخرج عشيقته"السيجاره" من فمه ورماها عالارض وداس عليها .. نظر الى السيجاره المحطمه تحت رجله وابتسم ابتسامه ميته"في يوم من الايام كنت مكانها" ~~~~~~~~~~~~~~~~~ ~~~~~~~~~~~~~~~~~ في احد فنادق الرياض.... الساعه 2:30 am كان يجلس على احد كنبات الصاله وامامه نايف الي حرقه بنظرات الكره والحقد والعتاب .... قال ياسر وهو يحاول يغير الجو المتوتر .:شلونك يا جسار ؟! .. من زمان عنكك يَ شيخ! جسار بابتسامه لياسر.:بخير الحمدلله .. تسلم يا ياسر بس انت عارف الظروف .......... قاطعه نايف بنظره حاده .: اي ظروف الي تخليك ما تحضر " جنازه جدك.؟! جسار بنفس النظره.: اظن انه هالشيء يخصني .. وولا احد له علاقه بقراري سواء حضرت او لا.. تنهد نايف وهو يحاول يمسك غضبه.: بس انت عارف انه جدي كاتب وصيه وهالوصيه ما انفتحت الى الآن بسببك..! جسـار.: وانت عارف انه انا قلت انه مالي اي علاقه بهالرجال ، وما ابغا من ثروته ولا قرش ، اشبع فيها انت واخوك.! نايف بعصبيه.: جسار احترم نفسكك .. وقف جسار وهو يقول .: انتو كلكم عارفين السبب في اني ما حضرت الجنازه ولا فتح الوصيه .! "اكمل بهدوء مخيف" رجاءا لا تجيب سيرة هالرجال قدامي مره ثانيه وانت بالذات عارف السبب! نايف بصراخ.: لا تتكلم عن جدك بهالطريقه ، هالرجال الي مو عاجبك له فضل عليكك . جسار عروق رقبته برزت و بنظره اخترقت نايف.: فضل ايش ؟ الجحييييم الي كنا عايشين فيه مع زوجته هذذا تسميه فضل؟؟! ياسر وهو يحاول يهدي بينهم.: صلو عالنبي يا جماعه شفيكم "التفت على جسار" جسار هدي شوي ترا ما يجوز تتكلم في الميت بهذي الطريقه ! ، الميت ماتجوز عليه الا الرحمه. سحب جسار مفاتيح السياره والجوال وخرج من الجناح بدون اي تعليق....... التفت ياسر على نايف الي اخرج علبه السجاير وسار يدخن بشراهه ، بس هالمره ماقدر يكلمه ياسر لان نايف كان فعلاً معصب.. تنهد ياسر بتعب.: استغفر الله العظيم واتوب اليه..! ~~~~~~~~~~~~~~~~~ ~~~~~~~~~~~~~~~~~ في الدمام .. يوم الخميس .. الساعه 6:30 بيت ام عبدالملك.. غرفه عبدالملك.. دخلت موضي الغرفه التي كان يطغي عليها اللون الكحلي ويتخللها بعض من اللون الاصفر ، توجهت للنافذه وفتحت الستاير ليتسلل ضوء الشمس الى عيني عبدالملك رفع رأسه وقال بنبره منزعجه.:اممممي سكري الستاير موضي وهي ترتجف من البرد.:يلااا قوم الساعه 6:30 , لا تتاخر على دوامك عبدالملك وهو يغطي وجهه باللحاف.: يا امي انا اعرف اصرف نفسي ، خلاص اتركيني انااام موضي وهي تسكر المكيف قالت بعصبيه.: طبعاااااً الواسطات هي التصريفه صح ؟! .. (قالت وهي تحاول تهدي نفسها) الله يهديه ابوك علمك على هالسكه.! وقف عبدالملك واتجه الى الحمام الداخلي للغرفه و بابتسامه:. مافي شيء يمشي في الدنيا بدون واسطه .. جلست موضي على السرير وهي مو عاجبها حال ولدها ، تنهدت بتعب وقله حيله وهي ترجع بذاكرتها لليوم الي عرفت فيه عن عمايل عبدالملك...... "في صاله بيت ام عبدالملك.: كانت تجلس موضي بهدوء وكعادتها كانت تقراء كتاب وتشرب قهـوتها زي كل يوم ... وفجاءه دق باب البيت ، نظرت موضي الى الباب وبعد ثواني جاءت الخدامه وفتحت الباب ، لتظهر من خلفه امرأهه بااارعه الجمال .. كان بياضها كبياض الثلج وشعرها البني الذي يتخلله بعض الخصلات الشقراء ينسدل بنعومه على اكتافها نظرت المرءاه بعينيها الناعستان العسليتان الى موضي وقالت.: ممكن نتكلم نظرت موضي الى المراءه في استغراب ودهشه!! ، وعلى وجهها مليون علامه استفهام!؟ اكملت المراءه.: لو سمحتي ماراح اخذ من وقتك كثير اشرت لها موضي على الكنب.: تفضلي ، استريحي جلست المراءه على الكنبه المواجهه لموضي وقالت.؛ انتي ام عبدالملك صحيح؟ موضي.: ايوه نعم انا ام عبدالملك .. حطت المراءه رجل على وجل وقالت.: انا اسمي نوووره زوجه ولدك ..! موضي بعدم تصديق.: انتي ايش تقولي ؟! نوره.: الي سمعتيه ، انا زوجه عبدالملك ، تزوجني مسيااار من ثلاثه شهور (اكملت وهي تمثل الحزن) واراد الله وحملت وولدك اجهضني (نزلت دموع التماسيح وهي تقول) مستحيل اسامحه راح اقتله وافضحه بين الناس واذا انتي مو مصدقتني انا عندي الدليل . موضي بشك من تصرفات نوره.: اي دليل اقتربت نوره من موضي واعطتها ورقه كان عباره عن تقرير طبي يوضح ان موت الجنين كان بسبب دواء خطير .. اكملت نوره.: وعلى فكره كان ممكن اروح للشرطه واخبرهم عن فعايل ولدكك ، وكنت راح ادخلكم في سين وجيم وانتم عائله لها سمعتها ومكانتها عشان كذا قلت اجي واخبرك اول بعدين اتصرف .(نظرت نوره الي عيون موضي الي كانت كلها شكك) كملت نوره.: امممم شكلك مو مصدقتني (التفتت نوره على شنطتها واخرجت منها صور لها ولعبدالملك.وورقه زواجهم ورمتها على موضي . مسكت موضي الصور وهي في قمه صدمتها في ولدها الوحيد .، نظرت موضي الى نوره الي كانت تنظر لها بابتسامه خبث تنهدت موضي وهي فاهمه المغزي وراء كلام نوره ونظراتها.. امسكت موضي بشنطتها واخرجت ورقه الشيكات والتفتت الى نورن وقالت.: بكم تبيعيني سكوتك؟! نظرت لها نوره وقالت بغمزه.:،انتي كذا فهمتيني ، (رفعت عيونها بتفكير) امممم 300 الف تكفي نظرت لها موضي باحتقار وكتبت المبلغ في الورقه ورمتها عليها.: تاخذي الفلوس وتخرجي من بيتي وما ابغا اشوفك ولا تشوفي عبدالملك مره ثانيه نوره بضحكه حقيره.: اوووووكي توجهت نوره لباب البيت وقبل ما تخرج التفتت لموضي وارسلت لها بوسه في الهواء وخرجت وهي تضحك... موضي بقرف .: تفوووووووو على هالاشكال .. حسافه الجمال فيكِ بس (مسكت الصور وهي تنظر اليهم بالم) هذي اخرة تربيتي فيك يا عبدالملك؟! .. حسبي الله ونعم الوكيل" استفاقت موضي من احلامها على صوت عبدالملك المستغرب.: امي ؟!؟ ماعندك دوام اليوم؟ ماردت عليهه.. ووقفت متوجهه الى الباب وخرجت بعد ما اعطت عبدالملك نظرات ما يفهم مغزاها الا هووو..! ~~~~~~~~~~~~~~~~~ ~~~~~~~~~~~~~~~~~ في الرياااض.... في بيت صالح.... الساعه 7:00 am كان محمد جالس ووجهه اسود من الهم ومنيره جالسه قدامه وحالتها مو احسن من حالته ... بالنسبه لمحمد ' من امس وهو يفكر في المصيبه الي قالها جسار .. مايدري هي مصيبه ولا نعمه؟! .. "قدر محمد يفهم المغزى من كلام جسار" .. ((محمد.: ارجع الشركه ؟! ، "لمعت عيونه بشده من الفرح"(وقال بإندفاع) مشكور الله يعطيك العافيه ويجازيك خير على الي سويته معاي . قاطعه جسار بابتسامه خبيثه.: طيب ما تبي تسمع الشيء الثاني؟ )) محمد لمنيره .: هذا يعني انه رجعتي للشركه مقابل زواجه لنوف!! منيره بخوف.؛ يعني ايش .. تكلم يا محمد لايكون ناوي تزوجها له ؟! محمد بتعب وقله حيله.؛ ما ادري يا منيره ما ادري ! (رفع راسه لمنيره) انتي عاجبك حالنا ؟ عاجبك قعدتنا هنا عاله على اختي وزوجها؟ .. بس .... قاطعته منيره ودموعها تنزل.: ماعندي مشكله لو نمت في الشوارع ، وعادي لو رحت انا وانت وشحتنا عشان نعيش .بس (شهقه) بس بنتي ما ارميها للمجهول وانا عايشه سعيده وهي تعيسه! محمد .: وانتي ايش عرّفك اذا بتكون تعيسه ولا سعيده ؟ مو جسار رجال مثله مثل اي رجال ممكن يجي ويخطب بنتنا ، عموماً في النهايه الراي رايها والشور شورها. منيره باستنكار.: رجال؟ مو على اساس انه شيطان على هيئه بشر ؟! وين راح هالكلام يا محمد محمد بعصبيه.:يوووووه منك يا منيره .. روحي عني اللحين ( ووقف متجه لغرفه البنات الي عارفه انهم صاحيين) منيره .: وييين راح؟ محمد.: رايح اكلم نوووف .... ~~~~~~~~~~~~~~~~~ ~~~~~~~~~~~~~~~~~ في قصر الجسـار.؛ كانت تتجول عيونه في القصر وهو يحاول يشوف طيفها .... بس طاحت عيونه على جسار الي تقدم ناحيته يسلم عليه... وبعد السلام والكلام جلسو يتبادلو اطراف الحديث ... قال تركي بنبره خبث.:كساااار(كلمه تركي المعتاده لجسار) .. اعترف ايش وراكك ؟! ، عيونك فيها كلام !! جسار بابتسامه.: دايماً كاشفني .. بس عشان كسسار ماراح اقول شيء تركي بضحكه.: وانا الصادق كسار وانت كسار .. دايم تنشف ريقي الى ما تتكلم .(مد يده للطاوله الصغيره التي امامه ، واخذ فنجان القهوه ) جسار بثقه.؛ انا بتـزوج .. تفّل 'بسق' تركي القهوه الي شربها .: كحححح كححح كح (اكمل بصدمه ) تتتزوج؟؟؟! جسار بقرف .؛ الله يقرف ابليسك .. كان شربت القهوه اول بعدين انصدم براحتك! تركي وهو لسه ما استوعب.: اتركَكْ من القهوه ..اللحين انت جد بتتزوج ولا تنكت (حط يده على ذقنه) جسار من متى ينكت!؟ جسار بثقه.: وانت قلتها انا ما انكت ، قلت الي صار، انا خطبت وخلصت ! في هذه الاثناء كانت ساره تمشي بالقرب من الصاله .. "وسمعت كلام جسار.: وانت قلتها انا ما انكت ، قلت الي صار، انا خطبت وخلصت !" طاحت الصينيه الحديد من يدها وصرخت بحركه لا اراديه.: خطبت ؟ التفت اليها جسار وتركي بصدمه من ظهورها المفاجئ ... ساره بخوف من الموقف الاهبل الي حطت نفسها فيه.: آه آنا يعني اسفه مو قصدي اتصنت مريت هنا بالغلط .(واكملت موجهه كلامها لجسار) مبرووك منك المال ومنها العيال .. "اكملت بعفويه" مع انه ما ينفع لك بس الله يوفقك 'استوعبت ساره الي قالته ' اقصد يعني اكيد بينفع لك بعدين (ضربت راسها وهي تحس انها خربتها) ان انا رايحه المطبخ ، عن اذنكم ..... ابتسم جسار ابتسامه تلتها ضحكه خفيفه على سار"متعود على الهبال" ، والتفت على تركي الصامت ، وكان بعد هالصمت ضحكه صاخبه سمعها كل من في القصر.:ههههههههههههههههههه هههههههههههه في الجهه الاخرى.: سمعت ساره صوت ضحكه تركي العاليه وقالت في نفسها.: الله يفشلني ضحّكت الرجال عليّ ، (وحاولت تهونها على نفسها) اصلاً عادي ضحكت مسلم .. لي الاجر ان شاء الله .. وراحت متجهه للمطبخ بعد ما حاولت تتناسى الموقف ... ~~~~~~~~~~~~~~~~~ ~~~~~~~~~~~~~~~~~ في الرياض.. بيت علي "ابو احلام"...... كانت ماسكه جوالها وهي تنظر اليه باستغراب .: ليش ما ترد ؟! هذي المكالمه الثالثه ولسّه ماردت ؟! هذه كانت كلمات احلام الي كانت تحاول الاتصال بنوف... جلست احلام على سريرها الابيض وهي تفكر في تجهيزها وامور الزواج ، قالت في نفسها.: ما ادري انبسط ولا ازعل" تنهدت بحزن على حالها وهي تسُب قلبها الي حطها في هالموقف ...... ~~~~~~~~~~~~~~~~~ ~~~~~~~~~~~~~~~~~ انتهــى الجزء السابع من روايتي .: سحر البراءه * * في انتظار تفاعلكم وآرائكم ï؟½ï؟½ | ||||||||
|
| |
|
27-07-16, 11:26 PM
| #9 | ||||||||
| مراقبة عامة ومشرفة منتدى الروايات المنقولة
| الجزء الثامن من روايتي سحر البراءه.: ~~~~~~~~~~~~~~~~~ ~~~~~~~~~~~~~~~~~ جلست احلام على سريرها الابيض وهي تفكر في تجهيزها وامور الزواج ، قالت في نفسها.: ما ادري انبسط ولا ازعل" تنهدت بحزن على حالها وهي تسُب قلبها الي حطها في هالموقف ...... نظرت احلام الى جوالها وهي تفكر "أتصل ؟؟ .. (قالت وهي تحاول تلغي الفكره) لالا اكيد بيقفل في وجهي ولا يقول لي كلام يجرحني ... (التفتت متجهه للباب وهي تحاول تتناسى الجوال) بس في النهايه قلبها غلب عقلها وخلاها تمسك الجوال وتضغط على اسمه بدون تفكير ..... ~~~~~~~~~~~~~~~~~ ~~~~~~~~~~~~~~~~~ في احد الاستراحات المختلطهه.... كان يجلس بجانب احدد اصحاب السوء .. اشار له صاحبه على بنت كان تنظر اليه من فتره كانت ذات جمال اوروبي بشرتها البيضاء الصافيه وشعرها الاشقر المتموج الذي يصل الى اكتافها وعيناها الخضراء ... تحرك عبدالملك بابتسامه وبيده كاس الخمر واتجه الى البنت وفي عينيه نظرات خبيثه.. تررررن ترررررن تررررن التفت صاحب عبدالملك الى الجوال الي كان يدق جنبه ... نظر "خالد" الى الجوال باستغراب كان رقم غريب ! ، مد يده ورد ..! احلام.؛ السلام عليكم خالد بخبث.: يا هلا ومرحبا نظرت احلام الى جوالها في استغراب وقالت في نفسها"هذا مو صوت عبدالملك؟" .: الووووو عبدالملك؟! خالد بابتسامه.: ما انفع انا ؟! احلام بتوتر.: لو سمحت اعطيني عبدالملك . في هذه الاثناء نظر عبدالملك باتجاه خالد الي كان يكلم بجواله !؟ توجه عبدالملك الى خالد بسرعه وسحب منه الجوال بعصبيه وهو خايف انه تكون امه هي المتصله .. نظر عبدالملك الى الجوال ، تنهد براحه لما شاف الرقم غريب .. رفع الجوال لاذنه وقال.: الو؟ مين معي احلام براحه لسماعها صوت عبدالملك.: انا احلام "وأكملت" بس مين هذا الي رد عليّ؟! عبدالملك عرق في جبهته برز من العصبيه صرخ على احلام .:انتي مين قالك تتصلي عليّ في وقت زي كذا ؟! .. ماعلموك اهلك ياماما انه عيب تزعجي احد في هالوقت . احلام بصدمه.: بسس انت مو احد ، بعدين انا اسفه اذا ازعجتك مو قصدي بس كنت ابغا اسمع صوتك . قفل عبدالملك الجوال في وجهها والتفت على خالد الي قال "بغمزه".: هذي مزه جديده ولا ايش .. "اكمل وهو يعض على شفايفه" صوتها *** اشتغلت النيران في عيون عبدالملك من العصبيه ، مسك خالد من قمصيه ورفعه عن الكرسي وضربه بووكس طيحه عالارض ... التفت كل من في القاعه على عبدالملك باستغراب ... قال عبدالملك بتهديد .: لا اشوووف وجهك هنا مررره ثانيه ولا واللـه لا امحيك من وجه الارض..! قام خالد من الارض وهو يمسح الدم الي على شفايفه .: طيب ياعبدالملك طيب "اكمل بهمس" نتحاااسـب! ~~~~~~~~~~~~~~~~~ ~~~~~~~~~~~~~~~~~ في الريـاض ... بيت صالح.... غرفـه البنات ... همست ابرار لروابي.: تتوقعي بتوافق ؟ روابي بنفس النبره.: مدري من امس ما اتكلمت مع احد وبس سرحانه .. بس بيني وبينك احسها بتوافق لانه لما كلمها خالي ما اعترضت ولا بينت انها متضايقه . ابرار بشك .: بس ايش الي يخلي واحد مثل جسار يخطب نوف ؟؟ ،. انا حاسه انه الموضوع فيه انّ " اكملت بخوف" تتوقعي اكتشف كذبتنا ؟ روابي بسخريه.: من فين بيعرف بالله ؟! بعدين انتو ما كذبتو على جسار انتو كذبتو على خالي " اكملت بالتلميح " شفتي عشان كذبتي كيف خايفه ومتوتره مع انه الموضوع ماله علاقه بالكذبه . تنهدت ابرار وهي تنظر الى نوف الي كانت سرحانه في الكوب الي بين يدينها ... ~~~~~~~~~~~~~~~~~ ~~~~~~~~~~~~~~~~~ في بيت ترككي ... غرفه جوووري... كانت جوري واقفه امام المرآه الطويله وهي تنظر الى نفسها بأسى .. تنهدت بتعب بعد مارمت نفسها على سريرها الوردي الكبير . وفجاءه ... دق جوالها ، نظرت جوري الي جوالها باستغراب وقالت في نفسها "غريبه مين يدق ؟! ، صاحباتي مو فاضيين لي وعندهم امتحانات 'وبتفكير' معقوله تركي؟! " .. وقفت بسرعه وتوجهت لجوالها بس كان الرقم غريب ؟ جوري.: الو ؟ مين معي ؟! .......... : هلا ي حلو ؟ جوري بشك .: خير مين معي ؟! ......... : فيصل وانتي جوري : ما اعرف احد بهالاسم فيصل : معليه عرفيني عليك يَ مزه جوري بعصبيه : ياخي خاف ربك ، ما عندك خووات انت ؟ فيصل بسخريه : ايه ما عندي ؟ جوري : شتبي بالضبط فيصل : اممم اُسلوبك عجبني تنهدت جوري بقله صبر.:،انت منجدك ولا تستهبل فيصل : روقي روقي شوي طيب كم عمرك ؟ جوري : مروقه اخر شي بس مو مروقه لإشكالك فيصل : معليه ي قلبي خلينا نتعرف وانا اروقك احلى ترويقه هنا جوري ما تحملت وقاحته وقفلت في وجهه ... قالت في نفسها" بالله كيف البنات ينخدعو بهالاشكال الواطيه" ~~~~~~~~~~~~~~~~~ ~~~~~~~~~~~~~~~~~ في بيت ام عبدالملك..... غرفه عبدالملك.... كان جالس على السرير بعصبيه وهو مو عارفه سببها .. ليش هالتوتر ؟ .. فتح الدرج بقووووه لدرجه انه خرج من مكانه وطاح عالارض .. انحنى عبدالملك للدرج واخذ حبه مسكن وانسدح على السرير في محاولات فاشله للنوووووم ~~~~~~~~~~~~~~~~~ في بيت ابو احلام...... غرفه احلام..... قبل كم ساعه .. "عبدالملك صرخ على احلام .:انتي مين قالك تتصلي عليّ في وقت زي كذا ؟! .. ماعلموك اهلك ياماما انه عيب تزعجي احد في هالوقت . احلام بصدمه.: بسس انت مو احد ، بعدين انا اسفه اذا ازعجتك مو قصدي بس كنت ابغا اسمع صوتك .. الووووو الووو عبدالملك نظرت احلام في الجوال واكتشفت انه سكر الجوال في وجهها . رمت احلام الجوال عالسرير بعصبيه ونزلت دموعها الي كانت تحاول تسيطر عليها .... وقالت بصوت باكي.: الحق مو عليك الحق عليّ الي اتصلت عليك وكلمتك ... رمت نفسها عالسرير وهي تضرب قلبها .: الله ياخذك ما عرفت مين تحب !! ~~~~~~~~~~~~~~~~~ ~~~~~~~~~~~~~~~~~ مقتطفات من الماضي..... " .......: لاااااااااااا لا تروح وتتركنا .. خذنا معااااااك .......: يا **** ****** فين تحسب نفسك بتروح مني ، انا ورااااك ورااااك والـ *** الي راح تحسبه بينفذ بجلده لاااااا راح ارجعه ورجله فوق خشمه التفت ببكاء وألـم على صوت الطفل الباكي الي كانت تحمله المراءه الشريره وهي تنظر الى الفراااغ بتووعد " قام من نووومه وهو يتعرق ، تنهد بتعب من الذكريات الي تلاحقه ، استعاذ بالله من الشيطان وانسدح عالسرير بتعب. ~~~~~~~~~~~~~~~~~ ~~~~~~~~~~~~~~~~~ كورنيش الدمـام.... الساعه 7:00 pm كان ينظر الى البحر والهواء يداعب شعره الناعم ،. اخذ نفس عميق واخرجه وكانه يخرج همومه وآلامه الي الهواء ، اغمض عينه وقد خطرت في خياله نفس المراءه الحسناء بنظرتها الحنونه و ابتسامتها المريحه .. اخذت الذكريات تهاجمه من كل مكان وفجاءه اخرجه من سرحانه صوت الطفل الذي كان يبكي بالقرب من كورته الممزقه.. نزل جسار لمستوى الطفل وقال.:ليش تبكي؟ رفع الطفل راسه بحزن.: الكوره خربانه .. وماما ماعندها فلوس تجيب كوره ثانيه. ابتسم جسار للطفل واخرج من جيبه 100 ريال واعطاها للطفل الي راح يجري لامه المسنّه بسعاده بالغه. نظرت المراءه لجسار وقالت بقلب صادق.: الله يوفقـك يا ولدي وييسر امورك ويسعدك زي ما اسعدت هاليتيم الفقير ويعطيك من حيث لا تحتسب ويعوضك كل قرش بعشره (وجهت المراءه راسها لجسار وقالت بتساؤل) انت متزوج؟! جسار باستغراب.: لا اكملت العجوز.؛ ويرزقك بالزوجه الصالحه التقيه الرضيّه الي تسعدك وتهنيك ويرزقك بالذريه الصالحه بقدرتك يارب العالمين (والتفتت لجسار) قول امين جسار بضحكه .: امين ~~~~~~~~~~~~~~~~~ ~~~~~~~~~~~~~~~~~ في الرياض ..... بيت صالح ...... كانت نوف تجلس بهدوء قدام ابوها وامها وكانو ابرار وروابي يجلسو بالقرب منها .... محمد لابرار وروابي .: اتركونا لوحدنا شوي. نظرت نوف لابوها ببرود .: لا بابا معليش ما ابغاهم يخرجو . هز محمد راسه بتفهم ، ثم نظر الى نوف وقال بتوتر.: ها حبيبتي ايش ردك؟! نظرت منيره الى نوف والدموع في عيونها .. حاسه انه بنتها تضيع قدام عيونها وهي مو قادره تسوي لها شيء . اكمل محمد.: نوف ! .. لا تضغطي على نفسك انتي عارفه انه الراي رايك واذا ما وافقتي براحتك انا ماراح اضغط عليككِ . ابتسمت نوف بخجل مصطنع وقالت.: بابا انا موافقه . روابي وابرار ومنيره بصدمه.: ايييش؟ وقف محمد بسعاده واتجهة الي نوف وقبّل رآسها.: مبروووووكك خرج محمد من الغرفه وهو يشعر بسعاده غامره كانه هم وانزاح اقتربت منيره من نوف وحطت يدها على شعر نوف وقالت بحنان: نووفه حبيبتي انتي متاكده من قرارك ؟ نوف بابتسامه حزينه.:ايوووه ماما .. استخرت وارتحت والخير في الي يختاره ربي تنهدت منيره وقالت.: الله يعين . قالت روابي بعد ما خرجت منيره من الغرفه.: نوووف ليش وافقتي ؟! ، خالي قالك انه ما بيغصبك على شيء كان رفضتي وارتحتي . انسدحت نوف على السرير.: ومين قالك اني مو مرتاحه . بالعكس انا مبسوووطه ابرار بعصبيه وهي تمسك وجه نوف.: بس هذا مو وجه وحده مبسوطه نوف بعصبيه .: يوووووووه خلاص اتركوني في حالي . اقتربت روابي من نوف وحضنتها .: خلاص حبيبتي محد بيضغط عليكِ .. الله يوفقك وفي هذه اللحظه نزلت دموع نوف كالشلال من حنان روابي الي كانت حاسه فيها. اخذت ابرار نفس عميق وهي تحاول تلطف الجو.: امممم خلونا نفكر بايجابيه .. اول شيء هو "بغمزه" حلو وشخصيه وووو رمت روابي المخده على ابرار وقالت بضحكه.: لا تتغزلي في زوج البنت ذحين تغار نوف بضحكه.: خليها تتغزل من اليوم لبكره لا تخافي ما بغار وكملو الليله سوالف وضحك وهم يحاولو يخففو عن نوف .. ~~~~~~~~~~~~~~~~~ ~~~~~~~~~~~~~~~~~ في قصـر الجسار.: في المطبخ.... هند بعدم تصديق.: انتي بتئولي ايه يا بت؟! . سلوى وهي تمسك جبهة ساره.: لاتكوني سخنانه يا بنت ساره وهي تبعد يد سلوى عن جبهتها قالت بعصبيه.: ليـش ما تصدقووووني؟! .. اقسم بالله اني سمعت جسار يقول لصاحبه انه خطب سلوى تحاول تستوعب .: يعني جسار بدوو يتجوز ؟! ساره بحماس.؛ ايوووووووه سلوى بتفكير.: طيب وامتا العرس؟ ساره.: ايش عرفني ؟! التفتت هند الى امينه الصامته.: خير يا امينه ليش ساكته امينه بهدوء.: لا ابداً مافيني شي ب( وبتفكير) س مستغربه ليش جسار قرر يتجوز كده فجأه نظرت هند الى سلوى وساره الي مازالو يتناقشو في الموضوع.: خلصنا بئا .. يالله كل وحده على شغلها ، ياخبر اليوم بفلوس بكره يبئا ببلاش ~~~~~~~~~~~~~~~~~ ~~~~~~~~~~~~~~~~~ في قصر الجسـار.: مكتب جسار.: كان يجلس بهدوء على مكتبه وهو يراجع بعض الاوراق المهمه .. وفجاءه حس باهتزاز جواله وكان المتصل "محمد" .. ابتسم جسار بغرابه ورفع الجوال لإذنه ينتظر صوت محمد... محمد.: السلام عليكم. جسـار.: وعليكم السلام .. (دخل في الموضوع مباشره) هاااه نقول مبروك؟ محمد بابتسامه .: قول مبروك .. بس هاااه لا اوصيك في بنتي تخليها في عيونك تنهد جسار وهو يمرر يده في شعره الاسود .: في عيوني ان شاء الله .. "واكمل" بس انت عارف ان جدي متوفي من فتره بسيطه فانا مو حاب اسوي حفله زواج كبيره ياريت لو يكون شيء مختصر وفي اقرب وقت . محمد باستنكار.؛ كيف يعني؟! جسار ببرود.: يعني حفله بسيطه الخميس الجاي عندي في البيت وصلى الله وبارك محمد بعدم رضا.: بس هذي بنتي الوحيده يا جسار ابغا افرح فيها . جسار بنبره غير قابله بالنقاش.؛ وانا قلت لا تفرح .. افرح بكيفك بس لو سمحت ابغاها تكون مختصره يعني الاقارب وبس . محمد بقله حيله.: ان شاء الله .. " وكملو نقاش في تفاصيل الزواج والمهر وغيره وطبعاً كلام جسار كان دايماً هو الي يمشي" ~~~~~~~~~~~~~~~~~ ~~~~~~~~~~~~~~~~~ نهااايه الجزء الثامـن ... * * اتمنى يكووون عجبكم... * عبدالملك هالشخصيه ابداً ابداً ماحبيتها لدرجه اني احيانا افكر اموتها وافتك منها 👊🏻 ، شرايكم 😁 * حبايبي حبيت اقولكم على شيء .. انا ما تهمني كثره الردود بقدر ما يهمني مضمووونها .. يعني اتمنى اقراء ردووود تبرد القلب .. في عضوووات ردودهم تحمسني لدرجه اني على طول ابداء في كتابه البارت التالي ..... حبيت اشكر متابعاتي الحماسيات الي حماسهم يدخل لقلبي ويعطيني دافع وحماس اني اكمل الروايه .. شكراً من القلب في انتظار توقعاتكم للبارت التالي ❤ | ||||||||
|
| |
|
30-07-16, 09:06 AM
| #10 | ||||||||
| مراقبة عامة ومشرفة منتدى الروايات المنقولة
| الجزء التااااسع من روايتي سحر البراءه.: ~~~~~~~~~~~~~~~~~ ~~~~~~~~~~~~~~~~~ . في احد فنادق الدمام...... الأربعاء....الساعه 1:00 am كانت تجلس على الكرسي الخشبي وهي تنظر الى السرير الواسع الي كانو نايمين عليه أبرار وروابي .. أخذت نفس عميق بعد ما التفتت على المرآه ونظرت الى وجهها .. أخذت نفس آخر وكأن الأكسجين بيخلص من الغرفة .. نظرت لنفسها وهي حاسه بالرعب .. الأسبوع مر بسرعه مخيفة .. التجهيزات والفستان .. كل شيء كان سريع لدرجه خوفتها .. هزت رأسها يمين ويسار وهي تحاول تبعد الأفكار والأسئلة الي راودتها ... ' كيف بتعامل معاه ؟ وكيف يبكون تعامله معاي ؟ .. بيتصرف وكأنه تزوج في ظروف عاديه ولا بتكون حياتنا غريبه ؟!' "خطرت على بالها أمها الي من يوم تحديد الزواج ودمعتها ما نشفت مع على خدها لانها كانت معارضه لطريقة الزواج وسرعته بس نوف كانت متجاهله الموضوع وكان كل الي في بالها انها تتخلص من التوتر الي عايشينه" تنهدت نوف بتعب ورمت نفسها على السرير بجانب أبرار وروابي وهي تدعي من قلبها انه ربي يسهل زواجها،،.، ~~~~~~~~~~~~~~~~~ ~~~~~~~~~~~~~~~~~ في قصر الجسـار... غرفه جسـار.... كان يجلس على كرسيه الأسود وعيناه تنبئ بخطر وابتسامة بارده زينت شفتاه... جسار وهو يحاول يتمالك أعصابه .: نايـف سكر الموضوع مو وقته "اكمل وهو يقاطع نايف الي كان بيتكلم" ممكن تسمعني شوي؟ نايف وهو يرص على أسنانه.: انت عارف ان هال موضوع ماراح يتسكر الين ما نوصل لحل "أكمل وهو يأخذ نفس" عموماً أتكلم انا اسمعك تنهد جسار براحه لانه نايف وأخيراً بيعطيه فرصه يتكلم : انا عازمك على زواجي بكره في القصر "أكمل بنبره غريبه" لازم تجي انت وياسر. همس نايف بابتسامه بارده.: ان شاء الله توجه جسار لسريره الذهبي الواسع .. ورمى نفسه بتعب ، غمض عيونه لوهله وهو يفكر باستغراب في رده فعل نايف ، توقع ان يعارض ويعصب ويهزئ كعادته بسبب وفاه جدهم الي ما مرت عليها فتره .. نفضالي هاجمت راسه وسلّم نفسه للنوم .. لانه ورآه يوم طووويل وحافل....! ~~~~~~~~~~~~~~~~~ في البدرووم.... غرفه ساره وسلوى... توجهو الخادمات لغرفهم بعد يوم طويل من التنظيف والترتيب والتجهيز .. كان يوم متعب بحق..! فهم اربع خادمات والقصر كبيـر ..! ساره بألم وهي تدلك رجوولها التي أخرجتها للتو من سطل الماء والملح قالت بتذمر.: ناس تكرف وناس تتزوج.. سمعتها سلوى التي كانت خارجه من الحمام وهي لابسه بجامتها الورديه وتلف شعرها بمنشفه.: انتي ما بتعرفي تشكري ربك؟! تمتمت ساره بهمس .: الحمدلله "أكملت بنبره عتاب أكثر من انها نبره كره وحقد" حسبي الله عليك يافارس نظرت لها سلوى من طرف عينها بحزن على حالها ، وضعت الكريم على التسريحة بعد ما انتهت من وضعه على وجهها ، غمضت عيونها ورجعت بذاكرتها لقبل 3سنين... " تجمعو الخادمات عند باب القصر على صوت جسـار الي كان ينادي لأمينه... تركزت أنظار الجميع على البنت الي كانت تقف وراء جسار ... كانت متلثمه وعيونها الحمراءء مازالت تذرف الدموع وتحضن شنطتها السوداء بخوف ... قال جسـار.:من اليوم ورايح ساره بتكون معاكم .. " وأكمل وهو يوجه كلامه لامينه" خذيها ووريها القصر وعلميها شغلها .... نظـر الجميع في ساره بتمعن بعد ما انصرف جسـار ' كانت ضعيفه هشـّه ترتجف كورقه خريف صفراء فقدت حياتها ' حتى انها أخذت وقت طويل لتحبهم وتعتاد عليهم" استفاقت سلوى من ذكرياتها على صوت امينه وهند الي كانو يتأكدوا من قائمه الطعام والمعازيم وغيرهاااا استعداداً لليوم الموووعود.... ~~~~~~~~~~~~~~~~~ ~~~~~~~~~~~~~~~~~ واخيـراً .. الخميـس .... في الفندق الســاعه 9:30 am فتحت عيونها على أصوات أبرار وروابي المتحمسة وهم يتحدثون عن ليلًـه الأحلام .. همست بسخريه"ليله الاحلام؟" ضحكت نوف بخفه وألم على تعبير أبرار البريئ ،.. انتبهت أبرار لنوف التي استيقظت لتوّها وقفزت على السرير بحركه سريعة وقالت بحماس.: يلا قوووومي"وبغمزه" ياااعروووووسه نوف بككسل وهي تغطي نفسها باللحاف بعد ما شافت الساعه.:يووووووه لسه بدري . كشفت أبرار عنها اللحاف وسحبتها من يدها باتجاه الحمام وكذالك فعلت روابي .. أبرار بتصميم.: لا تخرجي من الحمام قبل ساعه ونص .. نوف باستنكار.: ايش اسوي ساعه ونص في الحمام.. روابي بمرح.: اممممم نقدر نقول استجمام .. "وبغمزه" هدي اعصابك وقبل ما تقول نوف اي كلمه دفووها البنات لداخل الحمام وسكروا الباب ... كانت نوف بتصرخ وتأنبهم بس سكتت وهي تشم ريحه الزهور .. التفتت وفتحت عيوونها بتفاجئ كانت الإضاءة صفراء هادئة و ألبانيوم متوسط الحجم مليان بالماء الدافئ وتسبح عليه أوراق الزهور باللون الأحمر والأبيض .. اخذت نفس عميق وابتسمت بسعادة وحب لبنات عمتها الي عرفو يغيرو مزاجها .. ~~~~~~~~~~~~~~~~~ ~~~~~~~~~~~~~~~~~ الساعه pm 12:00.... صحيت منيره على صوت المنبه الي كانت حاطته على الساعه 12:00 عشان تصّحي البنات ويبدأو تجهيزات ... التفتت على محمد الي كان نايم براحه كبيره مع انه له فتره ما ينام الا بالمهدئات والأدوية ، وهي لأول مره من يوم تزوجته مو طايقه تشوف وجهه حاسه انه باع بنتها وببرود .. تنهدت بهم وقامت من السرير وتوجهت لغرفه البنـات .... فتحت منيره الباب بتفاجؤ ما توقعتهم يكونو صاحيين في ذا الوقت خصوصاً أنهم نامو متأخر ..! ضحكت بخفه على أشكالهم ... كانو نوف وروابي يضعون ماسك اللبن والخيار وهم منسدحين عالسرير بينما أبرار جالسه عالتسريحه وهي تحرك رجوولها وتأكل خيار .. روابي شالت الخيار من على عيونها وقالت بابتسامه بعد ما سمعت ضحكه منيره.: ياازين الضحكة ينااس نزلت أبرار من عالتسريحه وتوجهت لمنيرة وباستها بمرح.: تسلمي لنا يا ام العرووووسه ابتسمت منيره ابتسامه صغيره وقالت لإبرار.: وانتي ليش مو حاطه ماسك؟ أبرار وهي تأكل الخيار.: أنا مو حقت هالحركات ... نوف وهي منسدحه والخيار على عيونها.: ايوووه انتي مو فالحه الا في الهباله بوزت ابرار وقالت.: دايماً ظالميني. منيره بضحكه وهي تضرب أبرار بخفه على رأسها.: يلا عاد بلا هباله قومو تجهزو عشان نلحق الصالون. ~~~~~~~~~~~~~~~~~ ~~~~~~~~~~~~~~~~~ في احد بيوت الدمـاام... الســاعه 7:00 pm كانت تنظر الى البنات كل وحده أحلى من الثانيه وأجسامهم ولا عارضات الأزياء ، صحيح كان في بنات مليانات شوي بس مافي احد زيها .. كانت حالها استثنائية .. عالرغم من انه ملابسها من أغلى الماركات وذوقها حلووو. بس ماكانت تشوفه حلو عليها ..... عرفتوووها طبعاً "جوري" بطلتنا الضعيفة المدللـه . نظرت جوري الى صديقتها "عداله" الي اصرّت على قدومها للحفلة ... عداله بمجامله.: الله الله الله ايش الحلاوة هذي جوري بابتسامه بارده .: تسلمي لي التفتت عداله للخادمه الي كانت تناديها .: "نظرت لجوري وقالت" اعذريني حبيبتي بروح شوي وارجع جوري.: لا أبداً عادي انتظرك.. تنهدت جوري بملل وهي تنظر للبنات الي ترقص والي تسولف مع صديقتها والي تتصور .... .........: شوفي شوفي هالبنت "أكملت بضحكه" يووووه كيف عايشه بهذا الجسم ، لو انا مكانها كان انتحرت نزلت جوري نظرها للأرض وهي تسمع كلامهم عنها... ...... :"ردت صديقتها".:ايوووه شايفتها "وبسخريه" وبكل ثقه تحضر حفله ما اتحملت جوري كلماتهم الساخرة ونظرات باقي البنات .. وقفت بسرعه وتوجهت للمدخل وعيونها مليانه دموع مسكت الجوال وفي نفس اللحظه جاها اتصال . ردت جوري بسرعه قالت بصوت باكي .: عارف يلا تعال عند بيت عداله .. بسررررعه لا تتاخر .........: ليش البكا يا بعد قلبي! جوري بصدمه وهي تنظر لشاشة الجوال "رقم غريب"؛ ميين؟ فيصل بزعل.؛ افااااا نسيتيني؟! جوري "تذكرته" وقالت بعصبيه.: تر مره مو وقتك وماني رايقتلك . فيصل.:بـ (سكرت جوري الجوال في وجهه) .. واتصلت بالسواق الي كان قريب من بيت صديقتها وخرجت من البيت بعد ما اعتذرت من عداله... ~~~~~~~~~~~~~~~~~ ~~~~~~~~~~~~~~~~~ عند العروســه ... الســاعه 8:00 pm كانت جالسه في المقعد الثالث والأخير من السياره الكبيرة .. وفي المقعد الثاني كانت تجلس فيه أمها مع ابرار وروابي وفي الإمام السوااق وأبوها في الكرسي الي بجانبه .... حمدت نوف ربها مليون مره انها جلست لحالها في المقعد الأخير بسبب فستانها المنفوش بس الحقيقة انه نوف حاسه انه لو احد لمسها او قال لها كلمه بتنزل شلالات دموع من عيونها بدون توقف .. كانت دقات قلب نوف تزيد كل ما اقتربو من القصـر .. أخذت نفس عميق بعد ما شافت البوابة ، غمضت عيونها لثواني وفتحتها على صوت محمد الي قال.:،يلا انزلو وصلنا نزلت نوف من السياره بمساعده بنات عمتها وأمها نظرت نوف للباب البنـي الكبير وهي تحس انه بيغمى عليها من قوه نبضات قلبها ... مشيت الى الداخل بمساعده روابي الي مسكت يدها وإبرار الي شالت ذيل الفستان الطويل ... ~~~~~~~~~~~~~~~~~ ~~~~~~~~~~~~~~~~~ في قصـر تركي ..... غرفـه جوري... كانت تبكي وهي حاطه يدها على فمها وتضغط على عيونها بقووووه حتى سالت الكحل الأسود على خدودها .... ام تركي بحزن على حال بنتها .: جوري حبيبتي ايش فيكِ .. كنتي مبسوووطه قبل ما تروحي ايش الي قَلب حالك؟! جوري .: خلاص يا أمي اتركيني في حالي (نظرت الى ام تركي الي كانت لابسه ومتجهزه لزواج جسار) يلا انتي روحي الزواج ولا تهتمي ، "أكملت وهي تحاول تهدي نفسها" شغله سخيفه .. شعرت جوري بورطه وهي تسمع صوت أخوها يقترب من غرفتها وهو ينادي على امه .: يلا يا أمي تأخـ(سكت وهو ينظر لجوري) جوووري ؟ " أكمل وهو يحضنها" شفيكِ مين زعلك جوري وهي تمسح دمرعها قالت بصوت مكتوم.: لا ما فيني شيء يلا خذ أمي وروحو ، انا صرت أحسن سكت تركي احتراماً لخصوصيتها .. " خطرت على باله فكره" .: يلا قومي غسيل وجه والبسي وتمكيجي جوري باستغراب.: ليش ؟ تركي .: بتجي معانا " أكمل بنبره غير قابله للنقاش" يلا قومي ألبسي واتجهزي بسرعه .. ننتظرك لا تتاخري وخرج وهو يسحب امه الي على وجهها ابتسامه رضا وحب لولدها ... ~~~~~~~~~~~~~~~~~ ~~~~~~~~~~~~~~~~~ في قصر الجسـار... الســاعه 9:30 pm كانت نوف تجلس هي وبنات عمتها وأمها في إحدى الغرف الي أوصلتهم لها الخادمه ...... ابرار .: يووووووووه شفيه هذا مر راضي يتعدل. نظرت نوف لإبرار الي كانت مبتلشه في شعرها .. كانت ابرار لابسه فستان سماوي طويل نازل عالتكف سااده مافيه الا تطريز بسيط اضافته ابرار بنفسها من عند الصدر بالخرز الصغير الاتفاحي واكمامه طويله وماسك وفيه فتحة من الجنب تبداء من نص ساقتها .. وكانت مسويه تسريحه ناعمة تنتهي بخصلات مسويتها بالفير ..، مكياجها كان ناعم جداً مجرد شدو سماوي خفيف وروج لحمـي ردت عليها روابي .: انتي لو تتركي عنك الدفاشه يترتب شعرك ..! أما عن روابي فكانت تلبس فستان اسود توب طويل كان ماسك الين الركبه بعدين يوسع وكان فيه تطريز بالفضي عند الخصر .. كانت مسويه شعرها الأسود الطويل كيرلي أما من قدام فكانت منزله قذلتها الي تصل لنهايه وجهها بنعومة .. وكانت محدده عيونها بالاسود وحاطه روج اسود ناري . ابرار بتساؤل.: اللحين في زفّه ولا ايش ؟! منيره بحيره.: والله ما ادري ، وخالك ما تكلم وما قال شيء . روابي خطرت على بالها فكره.: انا بروح اسأل الخدامات .. شكلهم عرب يعني بعرف اتعامل معاهم وأكيد عندهم خبر .. منيره كانت لابسه جلابيه فخمه لونها كحلي واسعه وفيها تطريز بالفضي والذهبي ومسشوره شعرها وفاتحته . خرجت روابي وهي تايهه مو عارفه فين تروح بس قررت تتبع الأصوات وأكيد بتلاقي وحده من الخدامات .... وفعلاً قابلت روابي "ساره" الي كانت لابسه يونيفورم الخدم.: لو سمحتي التفتت لها ساره.:هلا؟ نظرت لها روابي باستغراب وقالت في نفسها "سعودية ؟" .: أمم كنت ابغا أسألك اذا فيه زفّه للعروس ولا لا ابتسمت ساره وقالت.:ايوه ويتكون الزفه عالساعه 11:00 .. والزفه بتكون للعروسه بس "أكملت ساره وهي تشرح لروابي كيف بتكون الزفه ومن فين بتبداء وفين بتمشي" مشيت روابي متجها للغرفه بعد ما شكرت ساره .. بس لاحظت روابي انها في طريق غريب ،. وقفت بخوف وهي تسمع صوت رجال ، تراجعت خطوتين بس وقفت لا ارادي وهي حاسه انه هالصوت مألوف .. وقفت وهي تحاول تتذكر "مين ؟ مين ؟ مين " شهقت بتفاجؤ (رجال البقالة) ؟؟؟ ~~~~~~~~~~~~~~~~~ ~~~~~~~~~~~~~~~~~ انتهـى البارت التااااسع. * * توقعاتكم !!! - كيف بتكون حياه نوف ؟! -هل لفيصل دور في حياه جوري ولا بس شخص سخيف بتتخلص منه جوري ! - مين هو رجال البقالة الي تذكرته روابي؟! ........ انتظروني الاحــد في بارت حاااافل بالأحداث....... عندي سؤال بسيط !! البارت قصير ؟! ولا اطوله شويه؟! | ||||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
