روايــتـــي: بقـلك گـل اللـي بقـلبـي بـس حـط يـدك علـى يــدي.

[لِـيلاس آلـراشد.]

سلام عليكم ورحمة الله وبركاته

روايتي الجديده راح انزل بارت واذا شفت تفاعل وناس حابه اني اكمل راح انزل لكم كامل البارتات

انا كاتبه مبتدئه اتمنى منكم دعم روايتي الجديده وابي تفاعل منكم بليز.

[لِـيلاس آلـراشد.]

بـسـم اللـه الــرحمــن الــرحــيم

بعـد ان خضت تجربه ف عالم الروايات وقرات وعشت مع كل كلمه احاسيس الكاتبه وتعبيرهاا حبيت اجرب حظي واكتب(اهم شي البدايه لغه عربيه بعدين رجعت طبيعتي*_*)
طبعا بقول لكم وش الروايات اللي قريتهاا واثرت فيني بشكل(امانه لاتطلع حرارة انفاسك بحضن غيري للكاتبه،ساندرا،،شوفوا اي روايه كتبتهاا ساندرا روعععه ،روايات كثيره قريتهاا بس لو اقلكم وشهي م راح اخلص، يلا نبدا.

روايــتـــي: بقـل? گـل اللـي بقـلبـي بـس حـط يـد? علـى يــدي.للـكاتبه: ﴿لِيـلاس..

صحت من النوم ع صوت منبه جوالهاا راحت الحمام(اكرم الله القارئين)غسلت وجهاا وبدلت ملابسهاا الا ع صوت طق الباب عرفت انه محمد من طريقة دقه للباب.
ملاذ: ادخل
دخل محمد وهو بيتسم ل اخته ذات 18 سنه:صبـاح الخـير للحـلوين.
ابتسمت ملاذ: صبـاح النـور والسـرور
,

محمد:يلا جهزي وافطري عشان اوصلك المدرسه بدري
ملاذ:اوكـي(ملاذ ب اندفاع)محمد محمد
التفت لهاا محمد ب استغراب:سمـي
ملاذ:لقيت وظيفه
اعطاهاا ظهره وبنبرة حزن:الله كريم(وطلع من الغرفه)
(جهزت ولبست ورتبت كتبهاا وحطت الاشياء اللي لابد منهاا واهم شي مرايه وماسكرا ومشط وروج ورسم حواجب واخيرا والاهم عـطـر)
نزلت باست راس ابوهاا وامهاا وجلست تفطر
ابو محمد(صالح):يبه ملاذ
ملاذ ب انتباه:سـم يبـه
ابو محمد(صالح):كم بقي وتتخرجين
ملاذ ببتسامه:قريب ان شاءلله
ابو محمد(صالح):الله يوفقك وانا ابوك وييسر لك كل عسير يارب
ابتسم محمد ع دعاوي ابوه:افا وانا ي الغالي
ابو محمد ببتسامه:عاد انت الخير والبركه
ابتسمو سوا وكل واحد منهم عرف وش معنى كلمته وانه عضيد وسند ل ملاذ وانهاا ماله غيرهاا (راح اعلمكم وش سر ها العايله بس كلشي بوقته حلو*_*)
اخذتهم السواليف ومحمد اعجبه الوضع وتسحب لعند الباب عشان م تحس ملاذ ابتسمت امه ع حركات ولدهاا اللي مهما كبر ف السن يضل صغير ف عينهاا
ام محمد(منيره):ملاذ ي المفهيه شوفي محمد وين
ملاذ ب رعب من حركات محمد صارت تتلفت وتناظره عند باب الشارع يرفع لهاا حواجبه:يلا ي سلحفاء الحقيني
ملاذ شالت الشنطه والعبايه وسلمت ع امهاا وابوهاا وصارت تركض للباب :محمد ي الحرامي والله حرام عليك كليوم نفس الموال يعني
محمد بضحكه:سشوي اذا انتي تتكلمين وم تعرفين سكرين فمك هاه
ملاذ تعدل الطرحه(الشيله)ع راسهاا وتناضره بنص عين:اقول لايكثر بس
محمد فقع ضحك ع شكلهاا المعصب:اعصابنا
ملاذ:اركب اركب وانت ساكت بس
ركبو ومحمد شغل المسجل ع اعلى صوت ويرقص
ملاذ:يالله صباح خير طفته (وضربت محمد ع كتفه)انت متى بتتعلم هاه متى بس
محمد بتريقه:زوجيني واتعلم
ملاذ:حرام اظلم بنت الناس اخذ ذنبهاا بعدين انا
محمد بقهر: ها ها ها مره تضحكين
ملاذ فقعت ضحك وردت له الكلمه:اعصابنا
وصلوا المدرسه وابتسم لهاا محمد :وصلنا
ملاذ ببتسامه:انتبه ع نفسك امانه(وبحزن)ترا مالنا غيرك
محمد حضنهاا وباس جبينهاا مثل كل مره:من عيوني ي ملاذي اللي الجى له ف كل اموري احبك وانتبهي ع نفسك بعد
نزلت ودخلت المدرسه ومحمد تابعهاا بنضره لين اختفت وحرك يدور شغل وهو مهموم يبي يلقى اي وضيفه بس عشان يأمن عيشه مناسبه لهله

اعرفكم ع العايله(الام منيره،،الاب صالح،،محمد،،ملاذ منيره عمرهاا38سنه صغيره ف سنهاا بس اللي يشوفهاا يعطيهاا اكبر بسسب مرضهاا (القـلب والضغـط)صالح 47سنه طبعا صار عليه حادث وصار مشلول ع كرسي متحرك (راح اعلمكم كلشي بس خلو الوضع يهدا*_-) محمد عمره 26سنه متخرح من الثانويه ويدور وظيفه ابيض ويتميز بطوله وعرضه من ناحيه الصدر له عوارض شعره كثير ملامحه رايقه وفلاوي بشكل من يجتمع هو و ملاذ خلاص انتهى العالم هههههه ويشبه ابوه من ناحية الملامح والرجوله وخشونه الصوت الحاده)
(ملاذ: طولهاا حلو مايله للقصر شعرهاا اسود كثيف يصل خصرهاا وكيرلي تشبه محمد ب العيون الواسعه والرموش بيضااء ملامحهاا مناسبه لوجهاا مب ذاك الجمال بس بياضهاا يجذب طبعا ملامحهاا بنت بس التصرفات م فيهاا من الانوثه شي و عنيده ومحد يط راسه براسهاا )

دخلت المدرسه نزلت عباتهاا جاتهاا ملاك صحبتها الروح ب الروح وم تثق ف احد كثرهاا
ملاك تركض ناحيتهاا:ملاااااذي
حضنتهاا ملاذ بحب:عيون ملاذك
ملاك:احبك والخالق الا اخبارك دقيت عليك امس م تردين
ملاذ:والله محمد سهرني ل الساعه12 وبعدهاا نمت
ملاك:يـ لبيه بس ليتني انا مب انتي
ملاذ ضحكت ع خبال صحبتهاا:امشي امشي محد بيجيب فينا العيد غيرك
مللاك:قولي الله يخليني لك محد يونسك غيري
ملاذ:جعلني لك بس
ابتسمت ملاك ودخلو ع الكلاس

عند محمد مر من شركه ابوه السابقه وقف شوي(اهخ يبه والله لاخذ لك حقك كامل والله م اخليهم يتهنوا ب ها الفلوس والله م اخليهم يلعبون بحلالك وتعبك طول السنين)مشى وكمل لطريقه المجهول

ف حي ثاني ف شركه راقيه شركه تعبر عن ثرا وترف راعيهاا ويتوسط المكتب المنحوت من الخشب والطلاء الابيض والجلسات ب اللون الاسود تضيف لمسه سحريه وفخامة المكتب
تـركي:مساعد قلت لك اجل هـا الملفات اليوم وارسلهاا العصر لبيتي
مساعد بقهر:بعرف تداوم الشركه وانت م تشتغل ليش
تركي حط القلم عند راسه:كيفي ياخي شركتي وانا حر
مساعد بغيض:ترككي
تركي قفع ضحك:عيونه العسليه
مساعد:مالت ع هالعيون ي مخرفن البنات
تركي بغرور:وش ذنبي اذا انا وسيم
مساعد:تلايط ب الله
تركي بقهر:قم قم اذلف انا غلطان اتكلم مع هالوجيه
مساعد ب انتصار: تستاهل
تركي قام من الكرسي مساعد ركض للباب تركي:ههههههههههههه ي خواف
مساعد عند الباب:خلي احد يرسل الملفات(وبدلع زي البنات)باااي
تركي بقرف:وع الله يحوم كبدك ي شيخ
مساعد فقع ضحك وطلع

الساعه12:00 ف بيت ام تركي

ام تركي(عواطف):يمه رسيل دقي ع تركي تاخر
رسيل:يمه تلاقيه غايص ب الصفقات ك العاده
ام تركي:م يخالف يمه دقي.شوفيه
رسيل تنهدت:ان شاءلله يمه
راحت لتليفون ودقت عليه:الـو
تركي:هلا رسيل
رسيل:امي تسأل وينك م بتتغدى عندنا
تركي:لالا م راح اتغدى ف البيت اليوم
رسيل:اوكـي براحتك
تركي:قلي لامي والله مشغول متى م خلصت وريحت جيت
رسيل:م يخالف الله معاك
قفلت منه:يمه يقول م راح يتغدى هنا
ام تركي:الله يعينه وييسرله لو مجاهد يرضى ويساعده بدل ها العسكريه احسنله
رسيل:الله كريم يمه
ام تركي:ونعم ب الله

اعرفكم ع عايلة ام تركي(ام تركي عواطف 39سنه تهتم ب نفسهاا وع الموضه وشكلهاا مرره صغير ف السن يعني اللي يشوفهاا يقول ذي مب متزوجه ولا مخلفه عيال
هنوف:اخت تركي الكبيره متزوجه معاهاا ايمن ومؤمن توائم و بنت اسمهاا ريمان

رسيل:متخرجه من الثانويه مب حابه تكمل دراسه طويله بيضاء نحيفه عكس هنوف اللي جسمهاا جميل ومتناسق انفهاا طويل شفتهاا صغيره شعرهاا بني نص ضهرهاا هي وهنوف نسخه من بعض اللي يفرق بينهم الجسم لدرجه ان اللي يشوفهم يقل توائم

مناير:اخر العنقود تدرس ثاني ثنوي ملامحهاا فتنه شعرهاا اسود لرقبتهاا بيضاء وجسمهاا خيالي حواجبهاا مرسومه وعيونهاا واسعه ورموشهاا كثيفه وعدستهاا لونهاا عسلي تقربيا هيا احلى وحده من البنات ملامحهاا نسخه من تركي بس تركي احلى شوي عربجيه بشكل تحب الجنوز وم فيهاا من حركات الانوثه شي (لحظه لحظه كانهاا تشبه احد ايوا بضبط تشبه ملاذ)
تركي:عمره 28سنه اكبر واحد ف العايله وهو اللي ماسك حلال ابوه بعد وفاته اسمر عريض من ناحية الصدر شديد وعصبي اغلب الاوقات بس انه حنون يشيل هم كل اللي ف البيت وم يرضى الخدش ع احد من اهله وكلشي يطلبوه يلقوه متوفر انفه طويل عيونه عسليه شعره اسود وكثيف له عوارض وطويل ب الحييل عنيد وم يرضى ب الظلم والغلط.
مجاهد:25سنه يشتغل عسكري ف الدوادمي ويغيب عنهم ب الشهور ملامحه جميله يشبه تركي ب اشياء بسيطه بس تركي اوسم. )

عند ملاذ طلعت معلمة الكيمياء حطت راسها ع الطاوله وبتعب:اخخ ي راسي معد يستوعب شي
ملاك:ي شيخه كلهاا شهور وننتهي
ملاذ ناضرتها بحزن:ملاك بليز حاولي ف اهلك تكملي جامعه
ملاك:والله حاولت بس اخوي مب راضي يقول ثنويه تكفيك
ملاذ بهم:الله ييسرهاا تدرين ملاك
التفتت لهاا ملاك:وش ي عيونهاا
ابتسمت ملاذ:اختلط فيني شعورين فرحي بتخرج وحزني ع فراقك
ملاك ببتسامه:ي شيخه اللي يسمعك يقول م راح نتقابل ان شاءلله اجيك البيت ونجلس وانام عندك بعد
ضحكت ملاذ وبحب:يديمك ربي كثر م تريحيني بكلامك
ملاك:امين وياك ي ملاذي
دق الجرس وطلعوا ملاذ تلبس عباتها:يلا ملاك معي
ملاك:لالا مشعل بيجي الحين
ملاذ:يلا م في مشكله عشان تروحي بدري وكيذا
ملاك:اوكـي يلا
لبسوا وطلعوا ركبت ملاذ:حمـود
محمد:سسمـي
ملاذ:ملاك بتروح معانا
محمد:م في مشكله حياهاا
جات ملاك وركبت:سـلام عليكـم
محمد وملاذ:عليكم السلام.
محمد:كيفك ملاك
ملاك:بخير عساك بخير
محمد:عساه دوم
ملاك: امين وياك يارب
وحركوا لبيت ملاك
دخلت ملاك البيت:يمه يمممه
ام مشعل:نعم يمه
ملاك:يمهه بموت جوعاانه
ام مشعل:ولايهمك يمه بدلي وانا بجهز الغدا
ملاك بتمثيل:اسرعي ي امـااه سـأموت جوعا
ام مشعل بضحكه:اقول روحي بدلي بس وانزلي
ملاك: اوكـي الا اقول يمه وين مشعل؟!!
ام مشعل:راح البقاله ناقصتني شوية اغراض
ملاك:اهاه
وطلعت بدلت ونزلت تحضر مع امهاا ع بال م يجي مشعل

عند محمد وملاذ
محمد:احس ذي البنت مستحيل تعقل
ملاذ:تدري انت وياهاا لاجتمعتوا احسكم طاوه لقت غطاهاا
محمد:ههههههههه لاي شيخه
محمد:اليوم مريت شركة ابوي
ملاذ بلهفه:دخلتهاا؟كيف ي محمد تغيرت صح؟
محمد بهم:لا والله م دخلتهاا بس شفتهاا من براء
ملاذ:حسبي الله بس



انـتهـااء الـبــــاااارت1
ي ترى وش سر هالعائله؟!!
ملاك بتكمل الجامعه؟!!
عائلة تركي بيكون لهاا دخل ف احداث البارت الجاي؟!!

تـعـلـيـقـك الــطيـف,,انـتـقـادك بـ ادب!.

[محبوبة فلسطين]

وعليكم السلام
نزلي حبيبتي وان شاء الله تلاقي متابعين
بس لو حطيتي عنوان مناسب عشان نعرف عن ايش الرواية لانو انتي حاطة نقطة!!
موفقة عزيزتي
بانتظار البارت

[لِـيلاس آلـراشد.]

الــبــااارت الــــثـــانــــي2

دخـلت مـلاذ البيت قابلت امهاا وابوهاا وسلمت عليهم:سلام عليكم
ام محمد:هلا والله يمه عليكم السلام تو مانور البيت
ملاذ ببتسامه:بوجودكم ي الغوالي
ام محمد:يلا يمه تبين احضر لك الغدا
ملاذ:لا والله يمه م اشتهي ببدل وبنام احس اني تعبانه
ام محمد:براحتك يمه
طلعت تبدل طق باب الغرفه
ملاذ عرفت من ب الباب:لا تدخل
فتح محمد الباب:سلامم
ملاذ بضحكه ع شكله:يعني انت تفهم العكس ولا وشهو؟
محمد:يمكن افهم العكس
ملاذ:هاه شتبي؟!
محمد:شوفي ملاذ هذي يمكن مليون مره اسئلك فيهاا وش صار ف الثلاث سنوات اللي قضيتيها عند عمي؟
حست بجسمهاا كله يرجف وجهها انقلب لونه:ممصار شي ليه
محمد بعدم تصديق:طيب كيف رجعنا وانتي كنتي منومه؟
ملاذ:قالك عمي اني طحت مع الدرج
محمد:لسى مصره يعني؟
ملاذ تغير الموضوع:يلا محمد عاد انا بنام مره تعبانه صح بكره الحفل حق تخرجي ابي امي تروحه
عرف محمد بتغيرها للموضوع:اهاه يلا مبروك مقدما
ملاذ:افا بس مبروك ف في هدايا ولا بارتي ولاشي
محمد:اذا تبين قوليلي ب الاول.....
ملاذ قاطعته بدموع:محمد اذا منجد تحبني امانه لاتفتح هالموضوع
محمد حضنهاا بقوه:هذا هو الشي اللي يخليني ابغى اعرف ليش كل م افتح هالموضوع تبكين وتخافين ليشش؟؟؟!!!
ملاذ:بس م احب انت تعرف ان عمي م يحبنا عشان كذا كرهت عيشتي عنده بس
محمد:بس هذا هو الموضوع!!
ملاذ:ايـه
محمد:يلا جهزي بعد المغرب اوديك السوق تاخذين اغراض الحفل
ملاذ ب انكسار:ان شاءلله
اعطاهاا ضهره طالع بس نادته:محمد
التفت:سمي؟
ملاذ:زعلان
محمد:لا ي عيون محمد مب زعللان بس تاكدي اي شي يضايقك ترا يضايقني
ملاذ ببتسامه:عساك لي ذخر وسند
ابتسملهاا وطلع
,قفلت الباب طاحت ع ركبهاا تبكي كل م تذكرت السنوات الثلاث تحس اهلهاا كانو يكرهوهاا يوم ودوهاا هناك تذكرت كل شي الظرب والذل والعذاب هذا كوم وولد عمهاا حمد كوم ثاني مسحت دموعهاا وراحت تبدل عشان تنام

عند عايلة ملاك
(طبعا ابوهاا متوفي معاهاا3اخوان وهي البنت الوحيد فيهم اكبر اخوانهاا مشعل عمره29موضف ف شركه م يبي يتزوج وشايل امه واخته وشديد ع ملاك شوي ملامه حلوه اسمر عريض الصدر شعرره لرقبته وانفه طويل يعني مملوح ، عمار 24سنه يدرس ف معهد للعلوم التقنيه
اخرهم عمر19سنه عاطل ديما هو وملاك مقالب ف اهل البيت
ملاك:18سنه صديقة ملاذ الروح ب الروح جمييله بيضاء حيل وملامحهاا روعه جسمهاا مرسوم تشبه مشعل شوي)



دخل مشعل:يمه انا جيت
ام مشعل:هلا يمه يعطيك العافيه ي وليدي
مشعل باس راس امه:يعافيك ي الغاليه ويطول ف عمرك
نزلت ملاك:هالله هالله وش هالدلع كله لمشعل
مشعل بضحكه:انتبهي لوجهك لاينفقع من كثر الضيقه بس
ملاك:هه مره تضح
ام مشعل:بدينا الموال يعني
مشعل:خلاص ي الغاليه ببدل والله حيل جوعان
ملاك:الا اقول مشعل
مشعل:هلا
ملاك:غريب جاي بدري؟
مشعل:استأذنت واخذت اجازه عشان حفلك ي قلبي
ملاك بوناسه:ي عمررري م نحرم ي اغلى اخو
مشعل انبسط ع وناستها:ولا منك يارب


عـائله ابـو محـمـد
طقت منيره الباب:يمه ملاك اذن يلا قومي
ملاذ بكسل:ان شاءلله يمه
قامت توضت وصلت وجهزت واخذت عباتهاا ونزلت لقتهم مجتمعين ع قهوه وحلى
ملاذ:افـا م انتضرتوني
ام محمد:دوب قربته وكنت جايه اناديك
ابو محمد:وانا اقدر اكل بدونك
ملاذ:اللـه لايحرمني منكم يارب
الكل:امين
محمد:يلا خذي كم فنجال عشان نروح قبل العشاء
ملاذ:ان شاءالله
جلسوا يسولفوا
محمد:يلا بنتاخر
ملاذ:يـلا
محمد:اقول يمه م بتروحين معانا
ام محمد:لا والله يمه مالي خلق المجمعات وزحمتهاا
محمد:براحتك ي الغاليه تامرون ع شي.
ام محمد،ابو محمد:سـلامتكم
محمد:يلا ف امـانه
طلعوا وركبوا السياره
محمد:ملاذ كم مره اقولك لاتلبسين بنطلون واحنا طالعين مكان
ملاذ:الله محمد م فيهاا شي
محمد بنص عين:م فيهاا شي؟
ملاذ:اي والله
محمد:اخخ منك بس
حرك محمد وشغل المسجل و اشتغلت اغنية يـراودنـي
ملاذ:اللـه خليهاا محمد
محمد:مخيسه
ملاذ:بـ العكس اموت فيهاا
محمد:اكره الاغاني الكئيبه اللي زي كذا
ملاذ:من اسمعهاا اتذكركم مدري ليه؟
محمد بضحكه:يمكن عشان كنت اهاوش ابوي عشانهاا مع اني اكرهاا بس كنت احب اعانده واشغلهاا
ملاذ فقعت ضحك:وكنا انا وامي نبيها وانتم تتهاوشون
محمد:ههههههههههههههه مودكم واحد
وصلوا ونزلوا محمد:يلا امشي
ملاذ تعدل حبل سبورتهاا:ثواني بس
......بصـدمه:مـلاذ
التفتت ملاذ وبصراخ:مـلللااكك
حضنوا بعض ويضحكوا
محمد سلم ع مشعل
مشعل:شف ذا المتخلفات يحضنوا بعض ف مكان عام يحسبوا انفسهم ف البيت
محمد اللي ميت ضحك:ممره مدري شيحسون فيه
مشعل:نسوي زيهم؟
محمد بضحكه:تمزح انت وجهك
مشعل:ياخي خل نجرب شعورهم
محمد:نروح حممات الرجال ونسوي زيهم
مشعل ميت ضحك:قدام
ملاذ:شفي ي ملاك يتريقوا علينا
ملاك:افـا يـ ذا العلم(بنص عين)صحيح اللي تقوله ي محمد
محمد مسوي خايف:تكذب عليك لاتصدقينهاا
ملاك:احسـب!
مشعل:ياخي ليش عطيتهاا جوهاا الحين تصدق نفسهاا
محمد:خليهاا عشان تتفرعن عليكم
مشعل:بيروح اليوم واحنا نسولف يعني؟
محمد:يلا رايحين
مشعل:اقول محمد شرايرك نخليهم يتسيوقون وحنا نروح ستاربوكس؟
محمد:والله ي اخوك اني اخاف على ملاذ
مشعل :ي شيخ مافيهم الا العافيه ان شاءلله
محمد:توكلنا ع الله
محمد اعطى ملاك بطاقة الصراف
ملاذ:اول مره التسوق وحدي عاد بجرب اعتمد ع نفسي
محمد:انتي بعيوني بزر حتى لو شفت الشيب غطى راسك
ملاك:بدت رومنصية الاخ الحنون
محمد:اعطي مشعل كورسات ف الحنان
ملاك:تكفى عاد
محمد بضحكه:اخليه يرجع البيت يبي يخطب ع طول
ملاك:الله وش هالحنان اللي يزوج
محمد بخبث:هذا حناني تبين تجربين؟
ملاك انحرجت ووجهاا تحسه حمر:اقول ملاذ امشي بس
محمد فقع ضحك:يلا ي مشعل مشينا
مشعل ببتسامه:يلا
ملاذ:عمررري ع اللي خجلت
ملاك:يمه حسيت قلبي بيوقف
ملاذ:ملاك؟
ملاك:هلا
ملاذ:انتـي تحبيـنه؟
ملاك:يمكن اسوي خاقه بس والله م شوفه الا زي مشعل
ملاذ:يمكن يجمعكم القدر
ملاك:يمه ملاذ كلامك هذا يخوفني احسك كاهنه
ملاذ:هههههههههههههههه وش كاهنه انتي الثانيه
ملاك:يلا وش الاشياء اللي تلزمنا (وبدو يشترون الاشياء اللي تلزم الحفل)


عند محمد ومشعل وصلوا ستاربوكس وجلسوا ع الطاولات
محمد:اخخ ي اخوك متخيل اني بفارق ذي البنت بيوم
مشعل:هذا الدنيا تجمع وتفرق
محمد:اي والله الله لايقدر وافارقهاا
مشعل:امين بس ياخوك لازم تتعود ع نفسهاا فكل شي
محمد:دامهاا معي م ابيهاا تعتمد ع احد ولا ع نفسهاا كلشي علي انا
مشعل:محد بيكبر راسهاا غير هالدلع
محمد:معرفتهاا لسى

...عـائلـة ام تـركـي...
نزلت مناير من الدرج:رسييل رسسيل(محد رد)اللـه وين الناس
ام تركي:حنـا بـ صاله تعالي يمه
مناير:بدري الحين تردون
ام تركي:رسيل ب المطبخ تشرف ع العشاء
مناير:اقول ذي لو تكمل دراستهاا ابرك
ام تركي:يمه مناير لاتجرحينا خلاص كل واحد وميوله
مناير تاكل حلو:بكيفهاا
دخلت رسيل:اهلن مناير
مناير:هلايتس زود
رسيل:كيف يومتس؟
مناير:عال العال
مناير:الا صدق يمه عندنا وحده تجنن يمه وهاديه وناعمه وتخبل واسلوبهاا روعه يوم سألت البنات عنهاا قالو لي جنوبيه
ام تركي ب استغراب:يمكن عشان شغل ابوهاا او شي غريبه وش يجيبهاا الرياض؟
مناير ب تفكير:والله مدري!

فتح الباب ودخل تركي:سللام عليكم
الكل:عليكم السلام والرحمه

جلس ع الكنبه وحط يده ع راسه:اهخخ ي ربي
ام تركي:تغديت يمه؟
تركي :اي الحمدالله
ام تركي:عساه هنا وعافيه
تركي ببتسامه:امين ي الغاليه
مناير:الله لنا
تركي:الغيره ذبحت حمير ترا عادي ام تدلع ولدهاا وشفيهاا ي غيوره وانا ولدهاا البكر واستهال كل هالدلع ولا كيف يمه
ام تركي:لا ي وليدي صدقت.
مناير:الله الله كل هالكلام رد ع جمله وحده ياساتر
تركي بضحكه:اخوك متاثر بصفقاته
مناير:انا اشهد
تركي التفت لـ امه:وش ف بنتك اليوم حتسيها غريب
ام تركي:من صحبتها الجنوبيه
تركي:اكشخ جنوبيه
مناير:ايـه جنوبيه وتخبل بعد تبيهاا(وبغمزه)حليله لك
تتركي:لا انتي استخفيتي رسمي
ام تركي:اقول تركي
تركي عرف موضوع امه ويدعي ع مناير ف خاطره:هلا يمه
ام تركي:ي يمه انت رجال م ينقصك شي جمال ومال ومصلي ليش م تتزوج وتستقل بحياتك
تركي:مو وقته يمه مو وقته
ام تركي:يمه ابي اشوف عيالك قبل الله ياخذ امانته
تركي باس راسهاا:بعد عمرن طويل
مناير:ازوجك الجنوبيه؟
تركي:ب الله قمي من وجهيي
مناير:جلست جنبه وهمستله:ترا شعرهاا طويل
تركي:صدز؟
مناير فقعت ضحك:الحين صدز واول استخفيت رسمي
تركي:هههههههههههههههه يمه منك
ام تركي:هاه شقلت
تركي:افكر
ام تركي البنت موجوده:خذ عبير بنت خالتك
مناير:وع عبير علبة الالوان
ام تركي بعصبيه:عيب عليك ذي بنت خالتك
مناير بعصبيه:تخسى والله مب بنت خالتي اللي تهيني وطلع عني كلام
تركي:تهينك؟
مناير نسيت وتحاول ترقع: انا بروح انام تصبحون ع خير
طلعن من الصاله وراحت للغرفه
تركي:يمه صدز حتسيهاا عبير اهانتهاا وطلعت عنهاا حتسي؟
ام تركي:ي يمه سوء فهم بينهم
تركي:والله لو عرفت الصحيح م ارحمها
ام تركي:تعوذ من ابليس ومالك شغل بحتسي النسوان
تركي :يسير خير (شال شماغه وباس راسهاا)تصبحي ع خير ي الغاليه
ام تركي:وانت من اهله
ام تركي:علامك يمه ساكته؟
رسيل:شتبيني اقول
ام تركي:اي شي الا يمه وش رايك بعـبير
رسيل:والله يمه اشوف انهاا م تناسب تركي ولاهي يمه
ام تركي:ليش وش فيها؟
رسيل: مدري هي حقت موضات ودلع ومكياج ومايعه
وهذا م يناسب شخصية تركي
ام تركي:الله كريم يمه

[um soso]

السلام عليكم ورحمة الله وبركاته

اهلا بك في وحي الاعضاء
اتمنى ان تجدي كل ما تتمنيه من نجاح ومتابعه جيدة
وجدت روايتك بقسم الروايات المكتمله
سانقلها للقسم العام يتابعها معك القراء وعند انتهائها الاشراف ينقلها



ارجو منك المرور على هذا الموضوع للاطلاع على قوانين القسم
https://www.rewity.com/forum/t285382.html

ارجو منك المرور على موضوع تعدد العضويات فهو مهم جدا
https://www.rewity.com/forum/t291277.html