آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-10-16, 02:00 PM
| #91 | ||||||||
  
|  السلام عليكم ورحمة الله وبركاته، شكرا نبض وشكرا فيتامين فقدنا صيتة والشلة الوقرة بهالبارت الجازي بطلة جديدة داخلة علينا ليش احس في شيء بيربطها بفهد؟! عجبني رد ام يزن على ليلى بعض الخدم يحبون يتجاوزون حدودهم وهي بعقلها الكبير وردها الحكيم وقفتهم عند حدهم وحددت مكان الجازي بالعايلة بس من ابو الجازي؟! ام ابراهيم على اني ماتعجبتي هالمره بس ماتنلام وطلعت حقيقتها وانقلبت على ام وليد الله يعين ابو ابراهيم والنايفه على الجاي تقبلن مروري لكن مني كل التقدير والاحترام | ||||||||
|  |
|
20-10-16, 11:01 PM
| #92 | ||||||||
| مراقبة عامة ومشرفة منتدى الروايات المنقولة  
| الشرقيه ام صالح وابو صالح باسطين لهم فرشه خفيفه على الشاطي وجالسين يسولفون جاهم صالح الي كان طالع يجيب فطور صالح : صباح الخير ام صالح وابو صالح ردو عليه صباح النور ياهلا ام صالح : هات الكيس الي في يدك وادخل ناد نوير شفها في المطبخ تسوي شاهي صالح عطاها اكياس الفطور ودخل لنوير شافها ترتب الكاسات في الطوفريه راح وقف قريب منها ونوير تجاهلته وراحت شالت ابريق الشاهي وحطته مع الكاسات صالح : انا اسف نوير استغربت والتفتت عليه صالح كمل اسف على كل الكلام الي قلته لك من قبل انا بصراحه فكرت في الموضوع زين وتوصلت لانه ماينفع تكونين زوجتي انا انسان لي اسمي ومكانتي وغير كذا ابي وحده واعيه وفاهمه الحياه صح واستدار وطلع من عندها بكل بساطه وبرود وكانه ماقال والاشي نوير انشلت من الصدمه ماقدرت ترد عليه والابحرف اصلا كل ذره في جسمها اصيبت بتبلد عجيب وش ذا وش قاعد يقول معقوله ناوي يطلقني ويتزوج وحده ثانيه طيب وانا كيف راح يكون وضعي وزوجته وشلون راح تتصرف معي اكيد بتقول ودها اهلها مبيها تجلس في بيتي بس لالا امي وابوي مستحيل يسمحون له ياذيني استفاقت من صدمتها على صوت ابوها ينادي يانوير وين رحتي انتي وشاهيك الفطور برد قررت انها تبين لصالح ان كلامه مأثر فيها علشان مايستظعفها ويستقوي عليها زياده التفتت على طوفرية الشاهي الجاهزه شالتها وراحت لهم على الفرشه وجلست بين امها وابوها وحاولت قد ماتقدر تتجاهل صالح صالح ساحب عليها سيفون ولاكنه سوى شي وجالس يفطر ويمزح مع ابوه وامه ولاجاب لها خبر خلصو فطور وشالت ام صالح ونوير السفره من على الفرشه وام صالح ضبطت القهوه وودتها للفرشه لقت صالح وابوه يتمشون على الشاطي راحت تمشى معهم نوير اول ماقامت من النوم كانت متحمسه للبحر والوناسه بس الحين ماعاد لها نفس في شي جلست عند القهوه تفكر في حالها لحد ماجو كلهم جلسو معها على الفرشه وبدو يتقهوون صالح : يمه ابيك تدورين لي حرمه ابي اتزوج ام صالح توسعت عيونها بروعه بس حاولت تبين طبيعيه على قد ماتقدر ام صالح : شرطي معك سنتين والسنتين باقن منها ثمانيت اشهر صالح : انا اقول دوري ماقلت ابعرس بكره وبعدين يادوب تدورين ويوم تلقين البنت الي على شروطي وننشد عنها وعن اهلها ونستعد للعرس تكون الثمانيه شهور خلصت ومعها كثرها ابو صالح يفكر هين ياصويلح على بالك امك بتخليك تاخذ غير بنيتها احد ابتسم لافكاره وطنش صالح وامه وكمل يتقهوى نوير مسويه ان الموضوع مايهمها في شي وتصب القهوه لابوها وتتقهوى معه وداخلها بركان ثاير من القهر والغيره ام صالح ماقدامها الاانها تجاري صالح لين تلقى صرفه وتقنعه بنوير ام صالح : ايه ووشهي اشروطك صالح تعمد يحط اوصاف بعيده كل البعد عن نوير - ابيها تكون فوق العشرين وتحت الخمسه وعشرين وابيها تكون مخلصه الجامعه او على الاقل مخلصه الثانوي وقاعده في البيت الي تدرس والي متوظفه ماابيهن وابيها مزيونه واهم شي عيونها وساع هو ماشاف نوير والايدري عن مستوى جمالها لاكنه شاف عيونها ويعرف انها وسط موب اوساع علشان كذا ركز على وساع العيون ام صالح تعرف ان شعر نوير ماله منافس علشان كذا اسئلت ايه وشعرها وشلون تبيه صالح تذكر شعر نوير الي شافه البارح كيف كان مايوصف من زينه فحب يقلل من قيمة الشعر قال عادي مايهمني الشعر ولو كان قصير اصرف موب كل ماجيت اطلع مكان قالت اصبر ازين شعري استشور مدري ايش اما الي شعرها قصير يادوب تنفظه نفظتين وينشف سيده نوير طقت من القهر وتحمد ربها انها بعبايتها ونقابها والاكان انفظحت من اول كلمتين ماصدقت ابوها خلص قهوه قامت تتمشى على الشاطي ام صالح اختبصت وركبها الهم هي متاكده ان صالح في الايام الاخيره قام يميل لنوير وش الي غيره كذا لايكون صاير بينهم شي اه منك ياصويلح اه | ||||||||
|
| |
|
22-10-16, 12:56 AM
| #93 | ||||||||
| مراقبة عامة ومشرفة منتدى الروايات المنقولة
| في الجنوب بعد مرور شهر من زواج علي والنايفه هذا هو علي يودع النايفه بيرجع لرياض طبعا علي حط لنايفه بيت غير عن البيت الي ينزل فيه اذا جاء للجنوب مع ام ابراهيم وهالبيت الي حط فيه النايفه جاه هديه من ابوه علي واقف اقبال النايفه قريب منها - مع السلامه يالنايفه ماودي اروح واخليك وراي لاكن الشكوا لله اجازتي خلصت النايفه قربت منه لحد مالتصقت فيه ورفعت وجهها لوجه تتأمل اعيونه وتمسح بيدها على كتفه ويدها الثانيه لافتها على وسطه - مر شهر ماكنه الى ساعه بعدني مامليت عيوني من شوفك بعدني ماقلتلك اشكثر انا احبك بعدني مشتاقه لك وضمته بقوه وعلي ضمها وماوده يبعد عنها دقيقه بس مجبور يرجع لعمله واعياله ايه اعياله ام ابراهيم ماعاد تهمه في شي اصلا من اول لحظه شاف فيها النايفه نسى ام ابراهيم واسنين ام ابراهيم - يابعد دنياي انتي هالشهر الي عشته معك لو اوزع ساعاته على سنين عمري كان عدوني اسعد رجل في العالم لو الامر راجع لي ماغبت عنك ثانيه وحده لاكن انتي تعرفين ان وراي عمل واعيال ملزوم فيهم النايفه : ادري يابعد روحي وعاذرتك رح الله معك استودعتك الله الذي لاتظيع ودائعه عند اهل الحرس ابو وليد نقل لبيته الجديد الي بناه قريب من اخوه ابوابراهيم وصل لبيته وتهاوش مع ام ابراهيم هوشه كبيره وحاليا مايتكلمون مع بعض وطبعا ابو ابراهيم يكلم النايفه في اليوم الواحد مرتين وثلاث واكثر في الشرقيه بعد سالفة صالح مر عليهم اليوم ممل ويضيق الخلق صالح هو الوحيد الي مستمتع بيومه سبح ولعب على الدباب البحري وراح تمشى وماخلى على قلبه شي رجع من تمشيته بعد صلات المغرب لقاهم في مكانهم المعتاد على الفرشه يتقهوون قريب من الشاطي سلم وجلس وصبتله امه فنجال قهوه وكملت تسولف مع نوير ام صالح : يانوير من يوم جينا ماشفتس سبحتي نوير : يمه ماعرف اسبح اصلا هذي اول مره اشوف البحر الله بس لوصيته هنيا الحين كان ماركدت لحظه لين تعلم السباحه ام صالح : ومنهي صيته هذي نوير ابتسمت على الذكرى وتحمست تسولف هذي بنت جيرانا في الدوادمي وحده تحب تتعلم كل شي جديد عليها كلهم استغربو اول مره نوير تتكلم عن حياتها السابقه باستثناء قصة هروبها كملت نوير تخيلي يمه يوم اسكنو عندنا في الحاره ماكان يدرس من البنات احد غيري مع ان خالها كان موجود في الحاره قبل يسكنونها بس مادرس بنته عاد يوم شافت كتبي تحمست لدراسه مره واطلبت ابوها يدرسها مع ان امها كانت رافضه بس ابوها مايرفض لها طلب ودرسها ونشبت لخالها لين وافق ان بنته تدرس معها عاد جارنا الثاني يوم شافهم كلهم سجلو بناتهم سجل بنته هو بعد ام صالح : ماشاء الله عليها هذي وجه خير نوير : كانت اقوى وحده فينا والي يطق في راسها تسويه وبحزن هي الي قالت لو انا مكانك ماتزوجت الشايب حتى لو انحاش وهنا اختنق صوتها ببكى وكملت وهي تشاهق بس ماقالت وش بتسوي بعد ماتنحاش ليتها علمتني ام صالح سالت دمعتها على خدها وشدت نوير على صدرها وابو صالح تقرب منهن وصار يمسح على كتفها بيده تعوذي من ابليس وانا ابوتس صالح انقهر وحس انه هو السبب في تذكيرها بالحاره واهلها عصب وصاح عليها لوهي مكانك وهذي وصوفها مانحاشت لاتصدقين كل شي ينقال التس | ||||||||
|
| |
|
22-10-16, 10:17 AM
| #94 | ||||||||
| السلام عليكم،مشكورة فيتامين على نقل البارت سلمت اناملك نبض ابو ابراهيم اتوقع عارف الي راح يصيرله من ام ابراهيم وماتوقع يترك النايفه ع طول بعيد عنه اكيد راح يجيبها عنده صالح ماله داعي مدري وش يحس فيه وهو يغايظ امه وابوه ونوير كلام صالح الاخير صحيح لو صيته مكانها ما كان انحاشت وطت راس ابوها بالارض والدليل موقفها من نمر تقبلن مروري لكن مني كل التقدير والاحترام | ||||||||
|
| |
|
22-10-16, 03:17 PM
| #95 | ||||||||
| مراقبة عامة ومشرفة منتدى الروايات المنقولة
| في يوم جديد في بيت ابو وليد الجديد البيت فيلا متوسطه بحديقه صغيره ومركن سيارات الفيلا دورين تحت المجالس وجناح الخدم وفوق جناح لام وليد وجناح مشترك للبنات عباره عن غرفتين كل بنتين لهم غرفه وصالة جلوس صغيره جناح لوليد عباره عن غرفة نوم وغرفة معدات رياضه وصالة جلوس وطبعا مازالت خاليه لحد مايرجع وليد وياثثها على ذوقه اما راكان اكتفى بغرفه وحده لانه طول الوقت مع اصدقائه او اعيال عمه ومايقعد في البيت كثير من التفاصيل المهمه ان المطبخ له باب يفتح على الحديقه الجانبيه للبيت علشان اذا كان فيه ظيوف يدخلون منه العيال من غير مايمرون من داخل البيت واول مايطلع احد من المطبخ يكون قدامه مساحه خضراء كلها ثيل ومزينه باحواض ورد موزعه بشكل مرتب وجميل في هالمساحه ثلاث طاولات دائريه وكراسي ومن فوق الطاولات فيه مظلات تحميها من المطر واشعة الشمس على نفس امتداد اجدار المطبخ يوجد مدخل ثاني يفتح على صاله جانبيه وهذا المدخل الي يدخلون منه الظيوف من النساء والي يطلع من هالباب لبرا راح يمر باب المطبخ الي يطلع على الحديقه وبعد باب المطبخ بمسافه راح ينتهي امتداد الفلا ويشبك هالممر مع الحديقه الاماميه اتمنى وصفي واضح في يوم وصول وليد وابراهيم وراشد من السفر وصلو في الليل متأخر ونامو وارتاحو وطبعا كلهم قضو اليوم كله مع اهاليهم وحمود واهله عند ابو وليد من قبل الظهر وكعادت اهالي العائدين من السفر كل واحد منهم راح يسوون له اهله حفله تخرج اما وليد ابوه قرر يسوي حفلته عشاء في ثاني ليله من وصوله وعمه حمود بيسويله عشاء الليله الي بعدها وابو فهد عشاء الليه الي بعدهم اما راشد ابوه بيسويله حفله كبيره في استراحه بعد اسبوع اما ابراهيم حفلته بعد اسبوعين لان اهله كلهم في الجنوب وصعب يجون لرياض في اقل من هالوقت عساس ينسقون اشغالهم ويرتبون اوضاعهم | ||||||||
|
| |
|
22-10-16, 03:19 PM
| #96 | ||||||||
| مراقبة عامة ومشرفة منتدى الروايات المنقولة
| ليلة حفلة تخرج وليد مع ضيق الوقت الا ان فرحت جميع افراد العائله برجعت وليد وتخرجه خلت الجميع يشاركون في تجهيز الحفله الشباب في الحديقه قاعدين يركبون على اغصان الاشجار وحوالين جذوعها لمبات ملونه صغيره وفي الارض حلقات حوالين جذع الشجره بلمبات اكبر وفرشو كم زوليه عشان لو احد حب يجلس في الحديقه من بعد الظهر وهم يشتغلون بدون توقف وعند الحريم نفس الوضع الي تنسق ورد على الطاولات والي تجهز صواني الحلا والمعجنات والي تبخر والي ترتب يادوب قدرو يخلصون ترتيب على اخر العصر واخيرا صار كل شي جاهز وطلعن الحريم كلهن لدور الثاني يلبسون بعد المغرب بدو الناس يوصلون وفي الاستقبال صيته لابسه فستان زهر صدر تول ماسك اكمامه كت ومن تحت منفوش على خفيف وطبعا طويل هلا وحلا تقريبا كلهم نفس القصه باقمشه مختلفه وحركات مختلفه في الموديل ساره جسمها مليان من كذا تلبس ضيق هيفاء لابسه فستان فستقي ضيق وانيق اما مناير وانوار لابسات تنانير ضيقه لحد الركبه مع توب سهره البنات كلهم حاطين مكياج باربري يعني بطريقه تبرز جمالهم من غير مايبين انهم حاطين مكياج اما انوار ومناير مثقلات الميك اب وكانهم حريم الحضور كان عددهم كبير والمجالس امتلت من الناس والبنات تعبو وهم يقدمون الضيافه ويصبون القهوه والشاي زياده على كرفهم الي من صبح في التجهيز للحفله اول مادخلو الحريم لصالة الطعام بدو البنات ينقلون الترامس والصواني للمطبخ عشان الخدم يغسلونها واهن الي راح يسون القهوه والشاي الجديده صيته اتجهت لدرج بتصعد وشافتها حلا -خير خير وين رايحه يالحبيبه المطبخ في انتظارك صيته : علشان كذا بصعد ابدل ملابسي واغسل خشتي واتعوذ من ابليس والبس عباتي ونقابي واجي للهم المطبخ حلا : الحمد لله والشكر وليه تنزلين وتلبسين عباتك تراالناس باقي هنا صيته : اذا على الناس ماعادني داخله عندهم وبعدين هم اكيد بيمشون بعد العشاء على طول اما ليش البس عباتي اكون مجنونه لو دخلت مطبخكم من دون عبايه ونقاب خاصه في وجود اخوتس المدرعم حلا : هههههههههها اذا على اخوي ركون صدقتي مدرعم ونص في المطبخ صيته بعد ماأزالت الميك آب بلكامل وبدلت فستانها بتنوره طويله وتيشرت مريح ولابسه عباتها ونقابها وهي الحين واقفه عند الفرن تصلح الشاهي لابوها حمود يحب الشاهي بنعناع وعلى وزنه معينه مايضبطها له الاصيته وهي متعوده بعد العشاء دائما تصلحه له الشغالات متوزعات فيه ثنتين في المطبخ ينظفن والباقيات ينظفن المجالس بعد ماطلعن منها الحريم للعشاء حلا وهلا وحده تصلح قهوه ووحده تصلح شاهي للرجال انوار ومناير يصفن الكاسات والفناجيل في الطوافير ساره مع الي يرتبون داخل البيت وكعادت راكان دخل مدرعم شايل طوفريه القهوه حقت الرياجيل ووليد كان داخل وراه وشافه دخل المطبخ توقع ان مافيه احد فدخل هو الثاني وراه سالم ومحمد وتركي كل واحد شايل في يده طوفريه بس نزلوها على وحده من الطاولات الي قبل باب المطبخ وارجعو راكان شاف بنات خاله ومسحهن بنظره شامله من فوق لتحت وهن والاعلى بالهن ثم التفت شاف صيته متستره ابتسم وفي نفسه دام بنت عمي متستره الباقيات قلعتهن وليد دخل وانصدم بنات خاله واقفات يناظرن فيه هو وراكان بقوات عين انحرج وصد صحيح جاي من بلد كل البنات فيها كاشفات وتعود على منظرهم بس حتى ولو ذولي مسلمات ويعرفن حكم الحجاب وشلون ياقفن كذا ليه ماطلعن يوم دخلو هم على صدته شاف صيته مع خواته بعباتها حمد ربه ان بنت عمه تستر -صلحو شاهي وقهوه وعجلوها هلا : حطت الدله والابريق في الطوفريه خذ هذي هي جاهزه تبون غيرها والا وليد : لا تكفي الناس تقريبا مابقى منهم احد راكان قيده طلع وشاف المواعين الي على الطاوله دخلها للمطبخ صيته عطت راكان شاهي ابوها واطلعت من المطبخ وهي طالعه شافت حرمتين اكبار في السن بيطلعن لبيوتهن مشت معهن للباب اتودعهن والحريم امسكن فيها يحققن معها واكتشفت انهن خوات الثنتين وصارن يمشن ويسحبن صيته معهن وصيته ابتلشت قالت ابروح لامي تناديني والعجز طناش دخل راكان ومعه صينيه وشاف صيته واقفه بين ام خويه رائد وخالته وهي تاشر عليه طنش ودخل المطبخ ام رائد واختها سحبن صيته معهن وهن يسئلنها عن نفسها واهلها لحد ماطلعنها معهن لجهة الرجال شافن مابقى بينهن وبين باب الشارع شي اتركنها وراحن صيته التفتت على جهة الرجال شافتهم جالسين على الزل ومابقى الا اهلها وكم واحد توقعت انهم خويا وليد طبعا الرجال شافو العجز وهن يجرن صيته معهن ويسولفن عليها قام حمود ناداها وراحت له وصلت صيته عند فرشة الرجال وسلمت بصوت جهوري واضح حمود : وش عندهن الحريم الي من شوي يسحبنك وراهن ضحكت صيته يبه ذولي صارلهن ساعه صاكات علي صكة شايبين يدورون اظحية العيد الي تغفص ايديني والي تجر شعري وماخلن ولابقن طاحن في استجواب هنا وصل راكان راجع من المطبخ التفتت عليه صيته وبضحكه تراك طالق طالق طالق بثلاث كل الي على الفرشه فقعو ضحك راكان : اقول على تبن انا الي اطلق موب انتي ابو وليد : افا متزوجين من ورانا صيته : عمي ذولي العجز الي من شوي صكن علي صكه قلت امي تناديني طنشن قلت ابوي يحتريني برا قالن ماعليه حنا نطلعتس معنا لاهذا راكان مارنا رايح للمطبخ قلت بس جاتس الفرج ياصيته قلت تشوفن ذا الي دخل قالن نشوفه قلت هذا رجلي خلوني اروح اجهزله القهوه لايطلقني ومير والعجيز تخمني باذني قالت هذا راكان السربوت خوي ولدي رائد عاد اختها طلعت بصيره قالت اتركيها عنتس ماتصلح هذي عوبا صيته تتكلم وكل الموجودين ميتين ضحك بذات رائد الي صيته ماتدري انه موجود وراكان صيته تكمل عاد الاسم فخم صراحه كنت بقول الها توريني ولدها ياكودنه يجوزلي واسري اكمل السهره معهن في ذا اليل بس عاد هالمره هن الي هجن مني راكان نقز قدام رائد وصار يأشر عليه هذا هو ولدها مافاتس شي رائد رز عمره والتفت على اخوان صيته جيبو المملك ياعيال صيته تفشلت ماتوقعت يكون رائد موجود ابد وعلشان تخفي فشلتها اشرت على رائد وهي تكلم راكان ابو كشره ذا لابالله مابيه رائد مات ضحك ياحيوانه انا ازين من ولد عمتس حمود :وهو باقي يضحك خلاص البنت عيت عنك صيته استدارت وراحت لداخل البيت وليد انقهر منها ومن طولت السانها خاصه ان راشد وابراهيم موجودين وبعد رائد اما الباقين ماغير اخوانها وابوها وعمها رائد عجبته صيته بس وينه ووين الزواج الحين وهو توه يدرس ابراهيم نفس وليد ماعجبه ان صيته قالت هالكلام قدامهم راشد : الفتت انتباهه وبقوه واضح انها شخصيه قياديه ومختلفه مختلفه حيل | ||||||||
|
| |
|
23-10-16, 04:32 AM
| #98 | ||||||||
| مراقبة عامة ومشرفة منتدى الروايات المنقولة
| الرياض قصر ال سويلم ام يزن : ليلى ياليلى ليلى جت نعم مدام ام يزن جهزو الضيافه ابو رعد على وصول هو والجازي وناديلي وعد ويارا راحت ليلى تسوي الي قالت لها عنه ام يزن وكلها دقايق ونزلو وعد ويارا عند امهم في الصاله وعد لابسه شورت جدا قصير مع بدي علاقي ويارا لابسه تنوره لنصف الفخذ وكمان بدي علاقي اجلسو البنات ام يزن : اسمعوني زين اختكم الجازي عاشت طول عمرها في حي فقير وشعبي يعني شي اكيد راح تجي لابسه ملابس موقد المستوى الي انتم متعودين عليه وكمان اكيد عاداتها طباعها راح تكون مختلفه عنا كل المطلوب منكم انكم تعاملونها باحترام كلمات تعالي ونقد مستفز مأبي نظرات احتقار وحركات استصغار مأبي وانتن تعرفن اشكثر انا اكره الي يعامل الناس من خلال ملابسهم لبسها ماعجبكم مو قضيه هي اختكم ولها زي مالكم ولازم تعاملونها باحترام وخاصه قدام الناس وعد : ماما نحترمها اوكي موقضيه بس بليز ماما لاتجبرينا نسولف معها وناخذها معنا مشاويرنا يارا : اي ماما واضح من كلامك انها مره مختلفه عنا مانبي نبتلش فيها ام يزن : والله هي اختكم والمفروض تعاملونها بضبط زي ماتتعاملون انتم الثنتين مع بعض بس مع ذالك مافيه احد ينغصب على تكوين علاقه مع اي احد ثاني وزي ماقلت لمى يجمعكم فيها اي مكان اويتكلم عنها اي احد عندكم تذكرو انها اختكم واحترمو هذا الشي مفهوم وعد ويارا مع بعض مفهوم ماما ام يزن : وبما انها مختلفه عنكم ياليت تراعون انها ماتلبس هالملابس الي انتم لابسينها وتقومون تلبسون لبس طويل على الاقل ماتصدمون البنت وقت استقبالها وعد ويارا ناظرو في بعض وعد : طيب والحفله المختلطه الي مسوينها لاستقبالها في اليل وش وضعها ام يزن : هذا مجتمعنا الي حنا عايشين فيه وهذي عاداتنا وتقاليدنا وشي طبيعي ماراح نغيرها علشانها وفي هالحفله هي راح تشوف حياتنا على طبيعتها عجبها اهلا وسهلا ماعجبها وتبي تعيش حياه محافظه زي ماعاشت طول عمرها ساعتها ابوك راح ينقلها تعيش عند الجده والعمه وصايف والحين قومو بدلو وانزلو فورا ابوكم على وصول بعد نصف ساعه من هالكلام وصل عبد الكريم وبنته الجازي الجازي انزلت من سيارت ابوها الفخمه وهي مبهوره بلي قاعده تشوفه واول شي انبهرت فيه هو ابوها نفسه توقعت تشوف شايب يتعكز على عصاه وكرشه قدامه متر بس تفاجأت بشخص يلق نضافه واناقه ووجهه يشع حياه مع السكسوكه الصغيره المرتبه بعنايه والي كانت شديدة السواد في الواقع كان اشيك وافخم من اطلق شاب شافته طول حياتها مع خوالها ارجعت من ذكرى شوفتها لابوها وكملت تأمل الفخامه الي تحيط فيها من كل جانب ماتدري تتعجب من بوابة القصر الضخمه والناس الي واقفين يحرسونها والا تتوه في تفاصيل الحديقه الشاسعه الي تحيط بالقصر من كل جانب مع تصاميمها العجيبه ونوافيرها وزهورها واشيا كثيره ماتدري وشهي اصلا والا هالمبنى ذا معقوله ذا كله بيت ياربي ماصدق فيه بيت بهالحجم يمكن مستشفى والامدرسه والا لا موب معقول اصلا المدارس والمستشفيات مستحيل يكونون بالفخامه ذي لايكون هذا قصر ايه شكله كذا اما يالجازي معقوله يكون فعلا قصر يعني ابوي غني مره اف اف اف ياخسارت عمرك الي ضاع في خرايب خوالك يالجازي كانت تهوجس وتمشي جنب ابوها بصمت دخلو داخل عبد الكريم تقدم وسلم على زوجته وبناته وشاف الجازي باقي مصنمه عند المدخل وراسها هو الشي الوحيد الي كان يتحرك بحركه دائريه تمسح المكان من حولها مسح شامل ابتسم وناداها يالجازي تعالي سلمي انتبهت الجازي وراحت يم ابوها شافت حرمه ماتقدر تقول انها صغيره بس بعد شكلها مايعطي انها ممكن تكون ام البنات الي واقفات قدامها بس هالحرمه والبنات الي معها لابسات ملابس نفس الفنانات الي اشوفهم في التلفزيون حتى شعورهن زيهن ام يزن كانت لابسه تنوره ضيقه لحد الركبه وبلوزه انيقه حيل وكعب وشعرها مقصوص مدرجات وملفف باناقه البنات لابسين بناطيل وتيشرتات بسيطه مع فلات وشعورهم مقصوصه قصات قصيره ابو رعد يشر على ام يزن هذي خالتك ام يزن تقدمت الجازي وسلمت عليها -وهذي اختك يارا تقدمت يارا للجازي وسلمت عليها - وهذي اختك وعد وتقدمت وعد وسلمت على الجازي الجازي كانت منزله بس نقابها وعباتها وطرحتها باقي عليها تقدمت لها ليلى وصافحتها وكانت الجازي راح تبوسها بس ليلى اشرت لها انه المصافحه كافيه ليلى انسه الجازي انا مديرة الخدم هون ويسعدني ارحب فيكي لو سمحتي انزعي العبايه والطرحه تاشيلهن في المكان المخصص الجازي نزلت عباتها وطرحتها واعطتهن ليلى مع النقاب وجلست في المكان الي اشرت عليه ام يزن ليلى اعطت العبايه الخادمه ونادت المضيفه تقدم القهوه والضيافه للجالسين مر الوقت وصار العصر والجازي في جناحها وحولها مجموعه من الخبيرات الي تسوي بدي كيرومنكير والي تنقي لها فستان مناسب للسهره الليله ماكان قدام الخبيرات وقت فما كانو يقدرون يسون الشي الكثير لاكنهن على كل حال ضبطن الجازي وطلعت انيقه حيل واكثر شي تعبتهن فيه الفستان لانها كانت ترفض اي فستان عاري وقصير طبعا ام يزن وبناتها مشو للقاعه من بدري ووصو ليلى تهتم بلبس الجازي وانها ماتجيبها الحفل الا في وقت متاخر اشوي عشان يكونون الناس قيدهم تجمعو كلهم وكانو مرتبين انه اول ماتوصل الجازي ياخذونها ابو رعد وام يزن ويعرفونها على الحضور وطبعا الجازي لحد الان ماتعرف شي عن طبيعة الحفله الجازي لحد الان موقادره تستوعب الي قاعد يصير معها من وصلت هالقصر تذكرت كيف انها ماشافت اخوانها رعد ويزن الى وقت الغداء واثنينهم سلمو عليها بعدم اهتمام اصلا حتى البنات ماكانو مهتمين فيها صحيح استقبلوها استقبال حلو وكانو يبتسمون في وجهها بس اكتفو بهذا المقدار من اللطافه والاحاولو يحتكون فيها ابد ليلى دخلت عند خبيرت التجميل - شو لسى ماخلصت - امبلى خلصنا -خدي انسه الجازي هي عبايتك الجديده بدك تلبسيها لحتى نمشي الجازي اشهقت من شكل العبايه الي مدتها لها وكانت عبايه مخصره مطرزه ومشكوكه بخرز الجازي : هالعبايه ماني بلابستها حتى لو اقعد في البيت وبلا حفلات بلا هم وين عبايتي الي جيت فيها ليلى : عبايتك رميتا لانو كتير عتيئه الجازي انجنت عليهم وارفضت تروح لاي مكان لحد ماجابت لها ليلى عباية كتف واسعه ومافيها زينه وطرحه ساده ونقاب مع انها طلبت عباية راس بس هذي افضل شي وفروه لها لبستها الجازي وانطلقو لمقر الحفل | ||||||||
|
| |
|
23-10-16, 10:05 PM
| #99 | ||||||||
| مراقبة عامة ومشرفة منتدى الروايات المنقولة
| الشرقيه في بيت ابو نمر باسطين فرشه في الحوش العصر وجالسات الحريم يتقهوون نمر من كتت مضاوي عليه الحلى وهو مجهز لها انتقام يبرد القلب بس ماش ماشافها صار لها شهر مختفيه مايشوفها والاحتى بصدفه واليوم هذي هي مع امه وعمته وشيخه لابسه جلالها ومتنقبه ومومبين منها غير اكفوفها حلو كفوفها تكفي سلم نمر وردو عليه السلام وامه وعمته كل وحده تعزم عليه يجلس جنبها دخل يده في مخباه ومر من جنب مضاوي وقال خلاص لاتهاوشون بجلس بينكن يالثنتين مضاوي جالسه بأمان الله مادرت الا الصرصور الي وش كبره موقع على يدها ماتدري من وين جاء صرخت برعب وانفضت يدها طاح الصرصور في حضنها زاد صياحها وقامت تنفض اجلالها وهي تصارخ صرصور صرصور وشيخه تصارخ معها على الطاري وتناقز وينه وينه نمر ميت من الضحك عليهن مضاوي شافت الصرصور طاح من ملابسها في الارض هجت لبيتهم ام نمر وام مضاوي مايدرن يضحكن من حال البنات والايهدنهن فصارن شوي يضحكن وشوي يقولن راح الصرصور اقعدن مافيه شي الصرصور طاح قريب من ام مضاوي ولاحظت شكله غريب مدت يدها ومسكته وتاكدة انه لعبه بلاستك هنى استوعبت وخبطت نمر بيدها على فخذه حرام عليك طيرت عقل بنيتي نمر وهو يضحك خليها تستاهل جزاء الحلى الي دبغته في وجهي ام نمر حرام عليك شايلن عليها لوقت ذا كله نمر لاموب شايل على احد بس يوم كتت الحلى علي حلفت اني لاردها الها وهذا انا اوفيت بحلفي شيخه اول ماعرفت ان الصرصور لعبه لحقت مضاوي بتعلمها دخلت مع باب الحوش الي بينهم وشافت جلال مضاوي مرمي بعده بشوي النقاب بعدهن الطرحه البنت تركض وترمي من ملابسها الله يستر لاالقى شي ثاني قدامي دخلت داخل تدورها لقتها في المطبخ تصب على ايديها فيري وديتول وتفركها باسفنجة المواعين شيخه جت تكت على المغسله عندها وبرواقه تصدقين الصرصور اذا مشاء على الجلد ماعاد يفيد فيه غير الصلخ وبحركه سريعه القطت من شبك الاواني سكين وقربت من مضاوي هاتي يدك اشوف مضاوي حدها قرفانه ومرتفع ضغطها اقول شويخه فارقي احسن لك لاحط سكينك في بطنك شيخه افا افا كل ذا علشان صرصور بلاستيك مضاوي قيدها خلصت غسيل ورايحه يم الباب تبي تطلع بس الكلمه وقفتها مكانها والتفتت على شيخه بشويش وش وش قلتي بلاستيك شيخه : ايه بلاستيك نمر هوالي جابه ورماه عليك علشان سالفة الحلى الي كبيتيه عليه مضاوي انقهرت الايالوصخ قلبي بغى يوقف من الروعه كله علشان صينية حلا طاحت عليه قبل شهر شيخه :قصدك انتي فركتيها في وجهه وهو حلف يردها لك وهذا هو بر بحلفه بس شكلك وانتي تنوقزين روعه ههههههههههههههااااا مضاوي بسخريه ههههه يعني انتي الي مانوقزتي اقول اذلفي عني لااطلع حرتي فيك وهين يانمير اذا تعرف تاخذ حقك انا بعد باخذ حقي شيخه : لابالله كدينا خير ولمتى ان شاء الله كل واحد منكم يتحلف في الثاني ترا كل الي صار تافه ومايستاهل اهجدي وخلي السالفه تنتهي على كذا مضاوي : وليش هو ماهجد وخلى السالفه تنتهي شيخه : ياليل النشبه منك انتي وياه قلعتكم باروح اتقهوى اصرف لي | ||||||||
|
| |
|
23-10-16, 10:05 PM
| #100 | ||||||||
| مراقبة عامة ومشرفة منتدى الروايات المنقولة
| الشرقيه الشاليه ام صالح عند نوير في غرفتها - اسمعيني زين يانوير والزمي علمي لاتضيعينه البنت عند الرجال تصير نجمه في سماء وصلها مستحيل وميؤسن منه لاكن عند زوجها يتغير الكلام هذا كله يابنتي عند زوجك لاتصيرين نجمه في سماء يفقد الأمل فيتس ويتركتس لغيرتس والاتصيرين ورده في ثراء يشمك ويرميك خليك مثل الرطبه الي في راس نخله الوصول الها صعب بس ماهو مستحيل وهي كلها خير وابركه وصالح زوجك رابيته على يدي ولوتسعين في الرياض كله على رجلتس مالقيتي مثله احد ولاصار السيف في يدتس لاتنطلينه وتخمين الخنجر ثم تندمين نوير : بس يمه صالح مايبيني ام صالح : صالح رجلتس حلالتس وانتي اولابه من غيرك لاتقولين مايبيني ماعليتس منه دامه لتس لاتخلين واحدتن غيرتس تاخذه منتس خليتس ذهينه واعرفي كيف تبرمين راسه لتس نوير : طيب وش اسوي علميني ام صالح : كل حرمه كيدها معلقن في جيدها متى ماحتاجته تلقاه انتي بس فكري ان مابقى معتس غير ثمانية اشهر ان ماخذتي عقل صالح وسكنتي قلبه في هالمده بتاخذه واحدتن غيرتس وانتي وعقلتس ومحبلتس وصنف حبلتس نوير لمعت عينها بتفكير وكان بوابة مغارت المكائد النسائيه انفتحت قدامها على مصراعيها - ابشري يمه بالي تكيد وتلف حبل الحديد خارج الشاليه على الشاطئي صالح جالس على صخره كبيره والموج يضرب في ارجوله الي مدليها في الماء ويفكر ياترى الي سويته صح ياصالح ايه صح ليه مايكون صح انا كل ماقربت منها تبعد عني وماسكه علي الشايب والشايب هالحين امي العبقريه بتسنعها لي من غير ماتعب نفسي وبدال ماركض وراها الداهيه ام صلوح بتخليها تلف وتدور حولي مثل xxxxب الساعه اعرف امي زين مستحيل تقبل اني اتزوج وحده ثانيه غير نوير واكيد انها ماسئلتني عن مواصفات الي ابيها الاعلشان تسكتني علبالها بتلعب علي هي وبنتها ويجيبن راسي غصب ياحليلك يمه ماتدرين اني ولدك ووراثن مخك العبقري والابعد ممرنه عدل في الشرطه والتحقيق على هالطاري ابتسم بارتياح ابتسامه واسعه ورفع راسه يتأمل النجوم | ||||||||
|
| |
|
| أدوات الموضوع | |
| انواع عرض الموضوع | |
|
|
415Likes
.png)
.png)
العرض العادي
