آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-12-16, 10:41 PM
| #191 | ||||||||
| مراقبة عامة ومشرفة منتدى الروايات المنقولة  
|  الذين يشاهدون محتوى الموضوع الآن : 13 ( الأعضاء 7 والزوار 6) فيتامين سي, sweetmimi2, ROSMARRY, سمواحساس, Moonkhad, جنغوما, nooe قراءة ممتعة لكم ..... وردود ممتعة للكاتبة ..... | ||||||||
|  |
|
03-12-16, 11:31 PM
| #192 | ||||
| نجم روايتي وفراشة الروايات المنقولة 
| مشكوره فيتامين على النقل نمر طلع خبيث وعرف كيف يبعد عماد عن خطبه بنت عمته بس شو حيكون رايئها اما على فطلع نذل كبير وياريت النايفه تسمع شو عم يحكي عنها وانه مجبور وام ابراهيم عرفت تطلع من هل الوضع وهي كسبانه وياتري على وام ابراهيم لما يعرفوا بحمل النايفه كيف حيكون رده فعلهم \\\\راكان طلع هو الي سمع عن الوصيه ووقف بوجه وليد الي رفض صيته عم يخليه يتخبط انا صراحه مابلومه واحد عم يبين حبه وماعم يلاقي الا الصد والرفض بس بعد كلام راشد بعتقد انه حيعدل حاله بس بعد ماقرر ابو وليد يخطبها رسمي هل ستلين وتقبل ام ستحضر شرط تعجز فيه وليد وتنتقم لانه فكر يخطب | ||||
|
| |
|
05-12-16, 07:08 PM
| #194 | ||||||||
| مراقبة عامة ومشرفة منتدى الروايات المنقولة
| بيت ابو ابراهيم ابو ابراهيم توه داخل من برا مرالمطبخ لقى ام ابراهيم مجهزه طوفرية القهوه والشاهي وقاعده تقطع الحلى وتصفه في صحون وفيه صحون ثانيه مرتب فيها قطع بتزا وفطاير قعد يتأملها لابسه تنوره ضيقه وعليها بلوزه ناعمه وانيقه وشعرها مستشور وشكله خيال خاصه مع الصبغه الجديده ومضبطه المكياج وطالع انيقه ومرتبه ياه اخيرا رضت علينا دخل علي المطبخ وقرب من ام ابراهيم وحظنها من ورا وهي باقي تقطع الحلى وتصفه في صحون التفتت عليه بابتسامه وعطته بوسه وارجعت تقطع ابوابراهيم مشتاق لها ولرومانسيتها باسها على خدودها الاثنين :الله القمر راضي علي اليوم ترا حطيت الفلوس الي طلبتيها في حسابك ام ابراهيم : تسلم معناته لازم نسافر دبي باسرع وقت ابو ابراهيم : وقف جنبها وكتف ايديه على صدره ودبي وش نبي فيها ان شاء الله ام ابراهيم بابتسامه ونضرة رجاء مع دلع : حبيبي ابي اشتري ذهب قبل عرس فهد قريب رجل سلمى ثم لاتنسى انك مسفر ذي الي مدري وش اسمها المهم دامك سفرتها صارلي عندك سفره الزاميه ابو ابراهيم : بس النايفه ماراحت مكان الا مكه ام ابراهيم : والي يروح من الرياض لمكه مايسمونه مسافر وبعدين هي اختارت مكه هذا شي راجع لها بس انا ماني مجبوره اسافر على ذوقها وانا ابي دبي ذهبهم يمدحونه يعني تقدر تقول حج وحاجه اتسوق من ذاك الذهب الزين ونفس الوقت نتمشى وندلع انفسنا قالته وهي تصف الصحون في طوفريه كبيره علشان تطلع فيها لصاله خلصت من صف الصحون والتفتت على علي تعال انكمل كلامنا في الصاله اخذت طوفرية الحلا وودتها الصاله صفتها على السفره الي سبق ومدتها هناك وارجعت تجيب باقي الصحون ابو ابراهيم اخذ طوفرية القهوه والشاهي وداها معه في ذا الوقت انزلو اعياله كلهم من فوق لان ام ابراهيم سبق وارسلت لهم انوار تناديهم وهي الي جهزت معها الحلى والمعجنات اجلسو كلهم في الارض حوالين السفره والتلفزيون مفتوح قدامهم كان علي جالس في صدر الجلسه على يمينه ابراهيم وعلى يساره ام ابراهيم انوار جنب ابراهيم واخذت طوفرية القهوه عندها تصبها مناير جنب انوار انوار صبت لابوها ثم لامها ثم لابراهيم بعده مناير واخيرا لنفسها وبدو يتقهوون ويحلون ابو ابراهيم تذكر سالفة ام ابراهيم في المطبخ : تقولين تبين تسافرين لدبي وفيه احد يبدي دبي على مكه ابراهيم بفزعه لامه : اذا الغاليه تبي دبي سفرها ومكه انا اوديها لها هي والبنات وعلى احسابي كم ام ابراهيم عندنا ام ابراهيم ابتسمت بأمتنان لولدها ايه هذا الي حبه صادق ومافيه ريبه ياعساني افداه : تسلم يابعد عمري انت علي ناضر في ابراهيم وبعده ناضر في امه اشوف الدلع متعدي الحكور بلاسماجه انت وياها والا اشوفك ادلع امرتي ابراهيم فقع ضحك ههههههههههه والله شكلك غيران يبه تراها امي الغاليه الله لايحرمني هالوجه الحسن والعيون الحلوه علي ابتسم على ضحك ابراهيم اشتاقله واشتاق لضحكه وامزوحه : ترا ان عدتها ماعاد فيه دبي ابراهيم : لاخلاص كله والادبي اهم شي امي حياتي تروح تستانس علي : عطاه نظره بمعنى وبعدين معك ابراهيم يسوي نفسه قال الكلام بلغلط ويخبط جبهته بيده يوه اسف اسف قصدي اهم شي مرتك حياتك تروح تستانس علي يضحك :دامك عدلتها خلاص بوديها كم ام ابراهيم عندنا اعيالها بحماس : وحده ام ابراهيم تضحك هههههههههه وبمزح : اشوى طمنتوني احسبني ثنتين انوار : ودي اقول جيبيلي جلابيه فخمه من دبي بس خساره ملبس جلابيات مناير : ماعليه جيبي لعمه سلمى علي : وجوزاء بعد مناير وانوار مع بعض : لا انتبهن انهن قالنه سوا وتفشلن اما علي وسع عيونه وليش لا مناير وانوار قيد وصلتهم الاخبار ان جوزاء سبب زواج النايفه وابوهم علشان كذا حاقدين عليها مناير استعادت السالفه كلها في ذهنها وانقلب حالها فوق حدر وعصبت فزت من مكانها وعيونها غرقانه ادموع وقبل تصعد من عندهم التفت على ابوها تحسبنا ماندري انها راس الحيه الي اخطبتلك النايفه عساهن للموت الثنتين علي عصب : بنت لاتدعين على عماتك مناير : عساهن للعمى الي يعميهن وصعدت تركض لغرفتها ام ابراهيم تنكدت من الطاري واكرهت علي وقربه بس مع ذالك تمت جالسه وماقالت شي علشان مايقول تحرضين العيال انوار عيونها غرقانه دموع وجالسه مكانها تحاول تتجاوز المشاعر القاسيه الي اجتاحتها الحين ابوي مايدري انا متوذين من هالثنتين ومانبلع طاريهن لازم في كل جلسه ينكد علينا بسيرتهن ماشوفه يطري جدي الي طاريه يفتح النفس والو بيتكلم عنه بيجلس اشهور يتكلم من غير مانمل من طاريه ليش مايتكلم عن عمامي المزارع اي شي وش معنا هالثنتين اقرون الشيطان الي لازم ينكد علينا بطاريهن ابراهيم لاحول والاقوة الابالله ماعاد نجلس ساعة زمان مع بعض بدون نكد يعني لازم يتذكر حزب المشعوذات حقاته مايرتاح الاعلى طاريهن وعشان يغير الموضوع : يبه وش بتسوق لابوفهد عانيه علي يدري ان ابراهيم يصرف بس مشى معه في السالفه انت وش رايك نشتريلهم حاشي والا نعطيهم فلوس ابراهيم : بيني وبينك الحاشي غثى من يروح يدور ويشري وبعدها حتى هم بيبلشون فيه ويروحون يبيعونه الاحط قيمة الحاشي في ظرف وعطهم اياها اسهل لنا وافيد لهم علي : شورك واهداية الله مد يده بلفنجال لانوار بس انوار كانت سرحانه ودموعها تصب من غير ماتحس وهي تفكر ياترى لو جاله اعيال بيروح عندها وينسانا وليه ماينسانا اذا هالحين لاراح لها مسحنا من تفكيره بلكامل اجل بعدين وش بيسوي وبعدين اكيد بيصر كل همه النايفه واعيالها ولو نتزوج انا ومناير ويصير بينا وبين الرياجيل مشاكل بيسحب علينا ماضنتي ياقف معنا في شي دام هالزفت وراه اكيد بتحرضه علينا وتقوله مالك دخل في مشاكلهم لاتتدخل وليش يدخل اصلا هو متى حل مشاكله مع امي علشان يحل مشاكلنا ابراهيم علي وحتى ام ابراهيم كلهم لاحظو دموعها وسجتها ومن الخرعه اثبتو مكانهم مايدرون وش فيها كان ابراهيم اول واحد سيطر على انفعالاته فز من مكانه وسحب انوار لحظنه : وش فيك نوارتي ليش تبكين بسم الله عليك انوار حست بحنيت اخوها ودفنت راسها في صدره وزاد بكاها علي وام ابراهيم قربو منهم يحاولون يهدون انوار وهي تزيد بكى علي وهو يمسح على شعرها ويحاول يسحبها من صدر ابراهيم لصدره بس هي تبعد عنه وتتشبث بابراهيم اكثر : وش فيك انتي ليش تبكين كذا انوار سؤال ابوها اطلق السانها واطلق مشاعر القهر والغضب الي صار لها كم شهر تحاول تكبتها داخلها : يبه ماتدري ليش ابكي ماتدري انت وش سويت فينا ليه تتزوج على امي ليه امي وش سوتلك وليش تجيب النايفه بذاك اليوم في حفلة ابراهيم ماتدري وش سويت يوم جبتها انت ذبحتنا قهرتنا خليتنا نتمنى الموت والانشوف قهر امي بذيك الساعه ليه اهم شي النايفه ووناسه النايفه وامي ماعليك منها امي هي الي عاشت معك اكثر من عشرين سنه امي هي الي جابتلك اعيال امي هي الي صبرت عليك وعلى كره اهلك لها مع انها ماسوت لهم شي وانهارت تبكي وتتنهد وماعاد اقدرت تسيطر على دموعها تحاول تسكت اعجزت كل مالها بكاها يزيد ام ابراهيم انفجعت على بنتها وعلي نفس الشي ام ابراهيم تحاول تهديها وهي باقي في حضن ابراهيم وابراهيم يمسح على شعرها ويسمي عليها ويقراء عليها قرآن ام ابراهيم : بس نوارتي الله يخليك بس لاتبكين وبعدين انا وابوك تصالحنا خلاص والنايفه ماعلي منها مافيها زود عني والاعن الحريم الي غيري وبعدين هي في بيتها وحنا في بيتنا ماعلينا منها علي : يابوتس اذا على النايفه ابشري ماعاد تدخل مناسباتكم ابد وامك هذا انا راضيتها وتبشر بكل الي تبي انتي بس هدي عمرك ذبحك البكى وبعدين امك هي الغاليه وشلون ماغليها وهي امكم الله يهداك ابراهيم مقهور على اخته وعلى الوضع الي وصلوله انوار هي اكثر وحده اضغطت على عمرها وحاولت تكون هاديه علشان تداري خاطر امها وهذي هي اليوم انهارت على اتفه سبب على طاري جوزاء الي يعتبرونها سبب زواج ابوهم استمر ابراهيم يقراء على انوار لحد مانامت في حظنه ورغم انها كبيره الا ان وزنها ماكان ذاك الزود بنسبه لابراهيم لمى شالها ووداها سريرها ونيمها فيه خاصه ان جسمه رياضي علي تكدر وحس اشكثر زواجه كان مشوه نفسيات اعياله وامأثر فيها هو لوكان يدري انهم بيزعلون لهادرجه ماكان تزوج من اساسه عند الجازي وبدريه الي راحن يكملن جولة التسوق الجازي : يابنت الفلوس الي معي خلصت والماخوذه هذي معرف اصرف منها انتي تعرفين لها والا بدريه : اذا انتي يابنت التاجر الي على قولتهم يكح فلوس ماتعرفين لها تبيني انا الحافيه المنتفه اعرف اقول عاني البليه الي يسحبون منها الفلوس خلينا نعطي الرجال الي واقفن عندها البطاقه وهو يدبرنا الجازي : مالنا الا كذا امشي نروحله بتهرجين والااهرجه انا بدريه : ابد محد يماريتس في الهرج تقدمي تقدمن الجازي وبدريه من الشاب الي واقف عند الصرافه ودوبه خلص الجازي : السلام عليكم يالاخو الشاب : وعليكم السلام اي خدمه الجازي : ياخوي انا معي بطاقة حقة الصرف هذي الي تصرف الفلوس الشاب : ايه فاهم عليك وش فيها الجازي : نبي فلوس بس مانعرف نطلعها من هالصندوق ماندري كيف يسوابها الشاب باستغراب : اذا ماتعرفين تستخدمينها كيف طلعتيها الجازي : ابوي الي طلعا الي بدريه بلقافه : ابك ابوها راعي درهمان من الروس الكبار وهذي مهبولتن تاكل الرقاع طول عمرها عايشتن مع امها في قريه مااروحت ريح الفلوس الا امس الشاب ماقدر يمسك نفسه هههههههههههههههههههههههه الله يوسع اصدوركن كانكن وسعتن صدري وضحكتني وهي ضايقه في وجهي اسمعن انا بخدمكن بضمير بس علشانكن ضحكتني على هالصبح اسمعن ذي البطاقه لو طاحت في يد احد وهو يعرف الرقم السري حقها سحب فلوسكن كلها هاتي البطاقه الجازي مدت البطاقه عليه : خذ الشاب كم الرقم السري الجازي : دقيقه عمتي كاتبته لي في اورقه دورت في الشنطه وطلعت ورقه صغيره مدتها له الشاب : كم تبين تسحبين الجازي : نبي كومت افلوس ورانا مقاضن واجد الشاب : اعلى مبلغ اقدر اسحبه خمسه الاف الجازي : الشكوى لله جبها الشاب سحب الفلوس ومدها للجازي ويوم طلعت بيانات عملية السحب انصدم من الرصيد اما هالخبله الي ماتدري وين ربي حاطها عندها ميتين الف وانا اتنحش من الديانه ناظر في البطاقه الي في يده نفس البنك الي هو يتعامل معه لو بدلت البطاقات ميب داريه وبحركه سريعه اخذ بطاقة الجازي ومد عليها بطاقته الي شبه خاليه لاكن استوقفه دعوات انهلت عليه الجازي : مشكور الله انه يوفقك ويستر عليك ويجعلك من كل ضيقه فرج عز الله انك فرجت علينا الله انه يبارك في عمرك ومالك واعيالك ويجعلك من الصالحين بدريه : اللهم امين الله انه يرزقك ويوسع رزقك والله انك سويت فينا معروف يمال الجنه البارده لك ولوالدينك الشاب استحى كيف يسرقهن وهن يدعن له كذا الا خلوني ارد بطاقتهن عليهن عسى ربي ينفعني بدعواتهن ولأن بطاقته في يده اليمين وبطاقت الجازي في يده اليسار سوى نفسه يضم ايديه مع بعض وبدل بين البطاقتين من غير محد ينتبه وعطاهن بطاقتهن والورقه الي فيها الرقم السري معها : انتبهن البطاقه ذي لاعاد تعطنها احد يصرف لكن خلو الي سواها لكم يعلمكم كيف تستعملونها والا خلوه يصرف لكم الفلوس بنفسه والاترى فلوسكم بتنسرق الجازي : مشكور على النصيحه ماقصرت الله يجزاك خير الشاب راح في طريقه والبنات راحن يتسوقن الجازي : هاه وش نسوي هالحين مانقدر نشتري الذهب اليوم بدريه الذهب خليه بكره والابعده كلمي ابوك وقولي عطني دراهمي في يدي وفكني من البطاقات والدنفسه الجازي : اجل اليوم وش نشتري بدريه : خلينا نروح لبسطة الحريم عندهن هاك الجلابيات والقمصان الروز والملابس الداخليه الي مافيه مثلها الجازي : انتي وش عرفتس هالسوق كل شين تعرفينه فيه بدريه :تذكرين هاك السنه يوم اجي مع امي ونقعد عند خوالي اسبوعين الجازي : ايه اذكر ياوجه الله من هاك الايام اكلني الخلا الحالي بدريه : بس هاك الوقت حريم خوالي جابنا معهن اله كم مره لين عرفناه وعرفنا محلاته حريم خوالي وحتى خالاتي يمدحنه يقولن ماناخذ حاجتنا الامنه في بيت حمود يوم الأثنين الي قبل عرس فهد محمد وحمود في المجلس يتقهوون محمد : انا جاي ابيك تشاور صيته في وليد كانها وافقت خلينا ملكتهم عصر الجمعه يوم صباحة عرس فهد وكان ماهي موافقه نبيك تحاول تقنعها بمعرفتك انا اعرف صيته زين ماتردلك كلمه حمود : والله ياخوك وليد زي ماهو ولدك انا اعده من اعيالي ولااتمنى لصيته واحدن غيره لاكن البنت لها حق انها تتزوج الشخص الي هي تقتنع فيه وانا بشاورها واشور عليها اما الغصيبه ابد مغصبها محمد : اجل رح شاورها وعطني ردها حمود : وليد موب قايل من قبل لاتشورونها لين اقول لكم محمد : وليد يبيها اليوم قبل بكره مير خايفن يجي يدورها وترده قلت اخذ شورها ونحطه قدام الامر الواقع ان بغت موافقه والارفض صيته كانت في جناحها تتفقد اغراضها الي جهزتها لعرس فهد اذا ناقصها شي يمدي تروح لسوق تجيبه وفجأه سمعت طق على باب الجناح راحت تفتح افتحت وشافت ابوها وبأبتسامه : هلا والله تو مانور الجناح تفضل يبه حمود يرد لها الابتسامه : الجناح منور بنور بنيتي ام الصيت صيته : لا دام قلت ام الصيت وراك علم هاه وش عندك يابو صيته قالته وهي تجلس هي وياه على الكنب في صالة جناحها حمود جلس بهدؤ وهو يتأمل بنته سكت ثواني اخذ يدها بين ايديه اسمعيني صيته انا تقريبا متأكد ان عندك خلفيه عن الموضوع الي راح اكلمك فيه علشان كذا ببدا فيه مباشره وباختصار سكت لحظه يتأملها ثم اردف وليد خطبك وش رايك صيته نزلت راسها بهدؤ تفكر ثم سكرت عيونها بألم اخذت نفس عميق وازفرته ارفعت راسها كأنها تناظر السقف لولا ان عيونها مازالت مغلقه كل هذا وابوها يتأمل حركاتها وبدى يحس ان عندها كلام ودها تقوله ويمكن متردده اوباقي ترتبه في ذهنها صيته نزلت راسها وهي تفتح عيونها حتى استقرت نظراتها في عيون ابوها تكلمت بحزن : ياليتني اقدر ارفض يبه كان رفضت حمود عوره قلبه على الحزن الي شافه في عيون بنته : ومن قال انك ماتقدرين ترفضين اذا ماتبينه ارفضيه ومحد يقدر يغصبك على شي صيته : يبه لا انا والا انت والاحتى هو نقدر نرفض هالزواج تدري ليش لأن جدي الله يرحمه وصاني اني ماتزوج احد غيره حمود انصدم بلكلام الي يسمعه وفتح عيونه على وسعها موصيك ماتاخذين الاوليد ومخليتني استقبل الخطاب وتعطيني رايك فيهم ومتجاهله وصية جدك صيته : لا ماتجاهلتها هو وصاني وانا صغيره وماكنت اعرف معنى كلامه لأنه قالي انتي لولد عمك وليد احفظي الوصيه زين ولاتنسينها بس بعدها بمده سمعت سوالف الحريم وعرفت وش معنى ان البنت تكون لولد عمها كانت تتكلم وعيونها متعلقه في عيون ابوها السنتهم تتكلم واعيونهم تتكلم بكلام ثاني رغم لومه لها كانت تشوف في عيونه نظرة اسف نظرة حنيه نظرة مسانده وحمايه كملت كلام بعد ماخذت استراحه على محجر عين ابوها يوم عرفت معنى كلامه كرهت وليد ومع الوقت نسيت الوصيه وبقى كرهي لوليد عايش معي مدري ليه اكرهه بس الي اعرفه اني ماكرهت احد غيره ومن مده قصيره تذكرت الوصيه مره ثانيه بس صدقني يبه ماتذكرتها الامن بعد خطبة رعد حمود وهو يضمها لصدره بحنيه : وليه تكرهينه وليد رجال والنعم فيه وصدقيني انا يابوك ماعمري تمنيتلك من بعد فهد الاوليد وفي المده الاخيره تأكدة انه انسبلك حتى من فهد صيته : يبه المشكله ماهي في وليد كثر ماهي في وصية جدي يايبه جدي حرمني من اهم حق من حقوقي تدري جدي وش قال يوم وصاني اتزوج وليد يقول ولد عمك رخو يبي من ياقف في ظهره سامع يبه طاح من عينه وسماه لي لو انا الي طايحه من عينه ياترى بيسميني له عشان يرفعني معه والابيتكاثره علي حمود الله يرحمك يايبه اوجعت ابنيتي : يابوتس جدك الله يرحمه مع انه مات وانتي توك صغيره الاانه متأملن فيتس خير ويحبتس ودايم يمدحتس ويقول محد بيجيب حمدان الاصيته من حبه لك وهو ماقال كذا الامن ثقته فيك وفي انك تقدرين تأثرين في وليد وتغيرينه وهو دايم يقول صيته ناركم الحيه ودايم يقول ماتجيبون مثل صيته فجدتس يحبتس وضن انه يمون عليتس افا ياصيته يعني جدك مايمون عليتس يوم تزعلين من وصيته صيته سالت دمعه يتيمه على خدها وكانها لانت مع كلام ابوها امسحت دمعتها بسرعه بضهر يدها وارجعت تناضر في عيون ابوها : يمون على ارقبتي يبه وابشر اني لانفذ وصيته بس هي غصه بالحلق عيت تروح حمود تنهد راحمن حال بنته وهي مازالت في حظنه اشوي تدس راسها في صدره واشوي تناضر في عيونه صار يمسح على راسها وضهرها بيد ويلمها لصدره بيد : سلامتك من الغصه ................... : وليد تراه رجال يستاهلتس وماجايتس احسن منه وهذا هو مستعد يسوي اي شي علشانك وكمله وهو ينتظر موافقتك وياما طلب مني اقنعتس فيه يعني وليد يبيتس من نفسه من قبل يدري بالوصيه وبعدين وين الرخو الي يقول عنه جدك وليد بسم الله عليه بيد وحده يطرح رجالين هههههه صيته ابتسمت على ضحكت ابوها : يبه واحنا راجعين من عرس هيفاء تهاوش مع ثلاثه شباب وصفقهم كلهم وحنا في السياره كنا نقول اذا قدرو عليه بنفزع له بس بعدين يالله صبرنا لانفزع لالضعوف الي صفقهم حمود : هههههههه يستاهلون ماجاهم اكيد انهم غلطانين عليه وليد باله وسيع ومايزعل بسهوله صيته تذكرت كيف يعصب منها كل ماشافته : الا زعول حمود حس انها بدت تتقبله : عاد معتس يحقله يزعل انتي مسويتن فيه الهوايل صيته تذكرت تاريخها الطويل في اذية وليد وادفنت راسها في صدر ابوها بحياء حمود سكت عنها لحظه ثم تكلم عمتس محمد ينتظرني في المجلس يبي ردك ويقول اذا صيته موافقه نبي الملكه عصر الجمعه بعد العرس هاه وش رايك نفرح عمك تراه هو وعمتك سلمى مايبون غيرك ويتمنون الساعه الي يشوفونك فيها في بيتهم وانتي زوجة وليد صيته اخذت نفس عميق وازفرته ثم هزت راسها بلموافقه ابوها بقى حاضنها دقايق لحد ماهدت ثم باس راسها وبارك لها ونزل يبلغ محمد بموافقتها انتشر خبر موافقة صيته على وليد وان الملكه عصر الجمعه في العائله كلها في بيت محمد فرحتهم بالخبر لاتوصف كانو مجتمعين في الصاله ينتظرون وليد يرجع من الاستراحه علشان يبشرونه وليد طلعت من الدوام وانا حدي تعبان وزهقان رحت للشباب في الاستراحه ابي اتونس اشوي بس ماش سالفت صيته والوصيه واخر موقف لي معها كل ذي الاشياء مسببه لي قلق غير طبيعي ماقدرت انسجم مع جو الشباب ورجعت للبيت دخلت البيت لقيت اهلي كلهم مجتمعين في الصاله وباين عليهم الوناسه سلمت واتجهة لدرج باصعد لجناحي لاكن راكان المطفوق والي كان ينزل مع الدرج يوم دخلت وقفني قبل اصل لدرج وصار يدور علي ويغنيلي دنيا حظوظ .. دنيا حظوظ والله رمى حظي معاه عندي حبيب ماله حبيب إلا الذي يمشي برضاه من وين وين يا ناس وين ألقاه يعني في هواه أصبر عليه وان غاب اجيه وهو يتحداني بخطاه وان قلت أبيه .. شالحل فيه لاني في أرضه او سماه أنا بجهاد وهو بعناد .. والمشكلة يعرف غلاه حاولت أقول الشرح يطول .. أشرق وتمنعني الدموع الاغنيه كلمات احمد الشرقاوي راكان يدور علي ويرقص ويغني والبنات يصفقون وامي وابوي يتفرجون علينا ويضحكون وتالي تحمسو وصارو يصفقون مع البنات دخلت معهم جو غصب عني وصرت ارقص مع راكان لحد ماخلص الاغنيه وانا ماني فاهم شي البنات صفو جنب بعض وقامو يغطرفون وهلا تقلد المسلسلات الف الصلاة والسلام عليك ياحبيب الله محمد كللللللللللللوش امي اخيرن انقذتني من الحيره ام وليد وهي تقوم وتقرب من وليد وتبوسه على جبينه الف مبروك ابوك اليوم خطبلك صيته وهي موافقه وملكتكم ان شاء الله يوم الجمعه العصر رغم اني عارف انها وافقت علشان الوصيه موب علشاني ومع ان ابوي راح خطب من غير مايقولي بس الخبر وانا اسمعه كان لذيذ ومدري كيف فرحت فيه وكني اول مره اسمع خبر موافقتها بصراحه السعاده كانت حاضره في قلبي وبقوه بمجرد ماسمعت الخبر من امي تجمعو كلهم حولي يسلمون علي ويباركون لي ويوم وصلت عند ابوي خميته وحظنته بقوه وهو حظني وهو يباركلي ويدعيلي ابوي ماهو من النوع الي يحب الاحظان ومع ذالك عطاني جوي شكله مايبي يخرب علي فرحتي ماطولت وبعدة عنه قبل يطفش ثم يرفسني هههههه قبلها بيوم الجنوب بيت النايفه جوزاء جايه بتتعشى عند النايفه والوقت الحين بعد العشاء مباشره جالسات يتقهون ويسولفن النايفه : علي صارله اكثر من اسبوع ماكلمني قلبي اكلني عليه ماتدرين عنه جوزاء : مدري لي مده ماكلمت اهل الرياض واخذت التلفون من جنبها وحطته قدام النايفه خذي كلميه اخذت النايفه التلفون ودقت على بيت علي من الجهه الأخرى كانت انوار ومناير جالسات يتفرجن على التلفزيون ودق عندهم التلفون انوار كانت القريبه من التلفون طلت في الكاشف واعرفت الرقم : وع هذي مرت ابوي مناير : جد وخري اشوف واخذت السماعه ترد بعد السلام النايفه : وين علي مناير : باباتي مسافر دبي النايفه اه يالقهر مسافر ولاعلمني هين : ايه تذكرت هو قايل ان عنده شغل في دبي بس انا ناسيه مناير بدلع : واي باباتي اكيد قالك كذا لانه مايحب يعلم حياالله احد بتحركاته بس اهو مسفر مامي لدبي عشان تشتري لها صوغه جديده مع انه ماما قالت الثمانين الف الي اعطاهم لها ماهي مستاهله روحه لدبي ويكفي تشتري من اسواق الرياض بس بابا اصر يوديها دبي عشان عندنا عرس قريب ويبي يشوفها في احلى صوره ولو قصرت عليها الفلوس موب مشكله يكملها من عنده النايفه فاتحه فمها وتسمع الرصاص الي انطلق لقلبها مباشره سمعت مناير لنهايه وسكرت السماعه من غير والاكلمه :ال xxxxxxxxxx موديها تتمشى ودافع لها ثمانين الف وانا الي مهري اربعين الف مادفع منه والااريال اصلا عرسي كله مادفع فيه فلس واحد البيت من عند عمي والمهر والعرس اخوانه وحتى مفلح وانس متقاطين فيه اخ يالقهر ولابعد موديها دبي تشري ذهبها من هناك ليه ان شاء الله قلت الاسواق في الرياض جوزاء : اصبري ماتدرين يمكن البنت تكذب خليني ادق على سلمى وانشدها النايفه اشهقت بروعه : البنت الي ردت علي يعني مخلين البنات في البيت واكيد مانهم تاركينهم بدون رجال عندهم يعني حتى ابراهيم في البيت يعني الكلب الحيوان رايح معها الحاله الخاين الوصخ ويقول قلبي طول عمره لك واثاريه يكذب لونه صادق كان على الاقل اخذ اعياله معه موب رايح يستفرد فيها الحاله اه ياحر قلبي جوزاء انقهرت من قهر النايفه : اقول اسكتي بكلم سلمى واشوف واخذت التلفون تدق على سلمى ولاادري هل كان من حسن حظها او سؤه ان سلمى جنب التلفون وردة بعد ماشافت الرقم واعرفت انه بيت اخوها وبعد السلام جوزاء : علي وينه فيه سلمى افهمت انها دامها عند النايفه اكيد النايفه هي الي طلبت منها تتصل سلمى : مسافر لدبي جوزاء : والمسعده معه سلمى : اسمها ام ابراهيم واي نعم معه هو اصلا ماراح الا علشانها عندنا عرس ولد عمت اعيالي ووداها تاخذ ذهبها الي بتحضربه العرس مناك جوزاء : عشتو وليه ان شاء الله مافيه اسواق في الرياض سلمى : عاد المقصد موب السوق وبس بيتشمون الحالهم على راحتهم بعيد عن العيال جوزاء طقت من الغيض والنايفه حاطه اذنها على السماعه وتسمع معها ومن القهر ماقدرت تمسك نفسها النايفه : جعلها ماترجع سلمى : جعلها ترجع سالمه وتكيد كل من يتمنى الشر الها ثم علمي الي عندك محد قالها تترك الرياجيل الي ماعندهم احد غيرها وتتبع مقفي مع مره ومع السلامه عندي شغل وسكرت جوزاء والنايفه طقن ثنتينهن وسرى ليلهن كله يسبن في ام ابراهيم وينبشن ماضيها كله بطول والعرض مادرن الا مفلح يطق الباب يبي جوزاء تسري وهنا انتبهن انهن ماسون عشاء والاتعشن | ||||||||
|
| |
|
10-12-16, 07:59 AM
| #196 | ||||||||
| مراقبة عامة ومشرفة منتدى الروايات المنقولة
| يوم الثلاثاء في بيت حمود كان جالس على واحد من الكراسي الخشبيه خلف طاوله مستطيله في حديقة بيته وهو يتصفح جريده الرياض فجأه سمع صوت خطوات تقترب منه رفع راسه يشوف من جاي شاف صيته داخله ومعها كيس صيته :السلام عليكم وانحنت على راس ابوها تقبله حمود : هلا وغلا وعليكم السلام من وين جايه صيته : جايه من المشغل رحت اطلع فستاني حمود : وعساه مضبوط صيته : اي الحمد لله طلع زي ماطلبته بالضبط زين ان اتعبي على دورة القماش ماراح خساره انتبهو اثنينهم لصوت السياره الي دخلت لكراج الفيلا وبعدها جاهم راكان من جهة الكراج راكان : السلام عليكم حمود وصيته : وعليكم السلام راكان التفت على صيته زين انك لابسه عباتك جاهزه كأنك داريه اني جاي اخذك حمود : على وين راكان : حماتك طلع في راسها نخل من بنات اخوك قالت رح جبلي صيته تتفاهم مع بنات عمها قبل اصعد لهن وانتفهن صيته : ليش وش فيهن البنات راكان : امي متفقه معهن يلبسن فساتين عرس هيفاء في عرس فهد لأن مابينهم فرق كلها اسبوعين والبنات كانو موافقين بس اليوم غيرو رايهم وملزمين يشترون فساتين جديده وامي معيه حمود : افاوليه تمنعهن يشترن لعرس فهد فساتين اذا عرس فهد مانشرى له فساتين اجل من الي ينشراله ورد يده لمخباه وطلع البوك وسحب منه كومة فلوس من غير مايعدها وسحب يد صيته وحط الفلوس فيها خذي هذي الفلوس وفساتين البنات هديه من عندي والتفت على راكان اسمع هالحين تاخذ صيته وتروح تاخذ البنات وتوديهن السوق يشترن فساتين وخلني اسمع انك رجعتهن قبل يخلصن مقاضيهن كلها راكان وهو يبتسم لعمه :ابشر كم حمود عندنا وكم فهد حمود نادا زياد وعناد وجوه يركضون عناد : نعم يبه حمود : روحو وصلو اختكم مع راكان لبيت عمكم وانزلو عند عمتكم ام وليد عناد التفت على صيته الي مازالت جالسه وراكان واقف : امشي يابنت وتستري لاشوف عيونك طالعه هنا راكان وحمود طقوها ضحك صيته التفتت على عناد : لاياشيخ على اساس مطلعه عيوني انا الحين عناد : اعلمك قبل تطلع علشان لو طلعت بعدها افقعها لك راكان فقع ضحك واول ماهدت موجة الضحك عنده : عناد تكفى قلي من وين سمعت ذا الجمله عناد : ماسمعت من احد جبتها من راسي زياد بلقافه : لاتكذب هذا كلام فهد دايم يقول كذا للبنات اذا اركبو معه حمود : زين اجل انا هالحين تطمنت انك بتروحين مع واحد حريص على الستر صيته : افا يبه ماهي بنتك الي تحرص حمود : وانا اشهد انك حريصه يابوتس ولاينحط عليتس رقيب مير انعلم اخوانتس الغيره على محارمهم راكان : يالله بعد اذنك عمي بنمشي يادوب نلحق على السوق حمود : الله يحميكم ويستر عليكم راحو راكان وصيته وعناد وزياد لبيت ابووليد اول ماوصلو انزلو كلهم وادخلو سواء لصاله الي كانت ام وليد جالسه فيها سلمت صيته والعيال على ام وليد وبعدها صيته : عمه ترا ابوي متكفل بفساتين البنات ويقول فساتينهم هديه من عنده ومايرضى ابد انهم يروحون لعرس فهد بفساتين مشريتن لغيره ام وليد بحرج : الله يهدي حمود والله ماعييت علشان الفلوس بس مالها لازمه يشرون فساتين وفساتينهم جديده مالها اسبوعين صيته : عاد ابوي ملزم يشترون اجداد وهذي فلوسهم معي ومرسلني مع راكان عشان نوديهم لسوق هالحين ام وليد : دامه ملزم كيفه مع بنات اخوه ماني برادتن هديته لهن ام وليد : زياد حبيبي رح للبنات قلهم يلبسون اعبيهم وينزلون علشان يروحون مع راكان لسوق كلها دقاقيق وانزلن البنات مع الدرج يركضون حلا وهي تنزل : يابعد قلبي ياماماتي انا داريه انا مانهون عليك نروح لعرس ولد عمتي بفساتين ملبوسه ام وليد : لابالله انه يهون ترا مالبستوها الامره وحده في عرس اختكم مير الله يكثر خير حمود الي فزع لكن هلا : والله اني داريه ان بنت ابومطلق لاصبت رايها على شي اجمدت الصبه وماعاد فيه قوه تكسرها حلا : يالبى عمي الحنون ياناس والتفتت يم صيته تعالي ابوستس ياريحة الغالي انتي صيته : مشكوره مابيلتس بوسه البسي نقابك خلصينا خلينا نمشي على كلمتها نزل وليد من الدرج ويوم شافهم مجتمعين وقف في نص الدرج ورمى عليهم السلام وهم ردو راكان يبي يتجنب اي حساسيات مع وليد ولانه توقع ان وليد راح يغار لو عرف انه بيودي البنات السوق وصيته معهم التفت على وليد : زين انك موجود اجل ود البنات السوق انت وليد يكمل نزول مع الدرج من غير اهتمام : انا عندي شغل ماني فاضي للبنات واسواقهم يمه تبين شي ام وليد : وين بتروح وليد : بامر على فهد اشوف اذا محتاج شي ام وليد : الله يستر عليكم وليد استدار وطلع من غير مايهتم لوجود صيته تحت استغراب الجميع اماصيته والبنات راحو مع راكان لسوق وفي السياره كانت هلا جنب راكان وصيته وراها وحلا ورى راكان هلا : موب ملاحظين ان وليد فيه شي متغير حلا باستعجال : الا اول مره يسحب على صيته حتى يوم كان يكرها مستحيل يفوت فرصه من غير مايتليقف عليها صيته انحرجت ان البنات قاعدين يناقشون علاقتها بوليد قدام راكان خاصه انها الحين خطيبته رسمي : ماسمعتي الي يقول الثقل صنعه شكل اخوتس حاب يجرب الصنعه راكان بقهر من تجاهل وليد لصيته : الأخ ضمن وضعه قال اسوي فيها ثقل وعقل عند وليد راح لفهد في البيت وطلع له فهد في الحديقه فهد بعد السلام : اقلط وليد : ماجيت علشان اقلط قلي خلصت اغراضك والا نروح الحين انا وياك نكمل الناقص فهد بضحكه : تكفى عاد يالاغراض ترى كلها كم ثوب قيدني فصلتها وليد يغمز له : خل عنك الثياب ماتبي حركات دلع وولع وبنات عمهن فهد هههههههههه :تصدق عاد هالخرابيط مادل طريقها خير شر وليد بحماس : امش معي وانا اخليك خبير من الطراز الأول فهد وهو يمشي مع وليد لسيارته : شورك واهداية الله فهد مايلبس غير الثياب حتى ملابس رياضه مايلبس وكان وده ياخذ ملابس سبور وحركات بس ماعنده فكره حتى عن المحلات الي تبيع هالملابس ووليد خبير في هالمجال ومع ان فهد ماتوقع ابد ان وليد ممكن يهتم فيه والا في عرسه بس ماينكر انه كان سعيد بجيت وليد علشانه مهما كان يبقى ولد خاله ووجوده معه في مثل هالوقت له وزنه واهميته نرجع لراكان والبنات في احد محلات الفساتين الفخمه كانو يمشون في مجموعه وحده وفجأه راكان وصيته اشرو على نفس الفستان : شوفو ذا روعه كان فستان اسود قمه في النعومه والاناقه حلا : هههههههه العن ابو اتحاد الذوق ياشيخ هلا :ههههههههههه والله لو وليد هنا لنموت ماشترينا هالفستان دام راكان وصيته اختاروه مع بعض راكان : والله عاد موب جريمه اذا ذوقنا راقي واي شخص عنده ذوق راقي اكيد بيعجبه هالفستان صيته : اقول بلا هرج زايد الفستان رايق ويناسبك هلا حلا : ياسلام وليش مايكون لي انا صيته : من شفته تخيلته على هلا راكان : هههههه حتى انا اول ماشفته ماتخيلته الاعلى هلا هلا : وافديت الناس الذوق الي تتخيلني وتختارلي حلا تكش عليهم كلهم : مالت بس لاتخلوني اكلم اخوي الذوق واخليه يجي يختارلي راكان : اجل من هالحين ارجعي لسياره وبكره اخوتس الذوق على قولتس يوديك صيته : وترى محد برايح معكم انتي وياه حلا : انتي بالذات ماهو من صالحك اقوله هالكلمتين الي قلتيها ان ماسحبك وراه في اسواق الرياض كلها صيته : ومن قال اني على كيفك انتي وياه راكان : حلا تسوقي وانتي ساكته والا ترى ام وليد وراك وخليها تعرف عن خرابيطك الي قاعده تقولينها لصيته حلا تخم راس صيته وتبوسه : لا خلاص توبه ماعودها كله والا ام وليد عادي عندها تحرمني من عرس فهد وعرس وليد وراه صيته تدفها بشويش : وخري يالخبله فشلتينا قدام الناس اخذو الفستان الاسود لهلا وراحو يدورون فستان لحلا عند فهد ووليد في احد المحلات الرجاليه الفخمه قيدهم نقو كم جنز وكم تيشرت وليد يسحب فهد معه تعال شف الشورتات ذي فخامه فهد باعتراض : لا عاد ترى انا ساكن مع اهلي ويني ووين الشورتات وليد : ياخي تراك بتسافر وحتى عند اهلك لك جناحك تلبس فيه الي تبي وبعدين تلقى المسكينه لها شهرين رايحه جايه لسوق تنقيلك افخم الملابس من حقها هي بعد تلبس وتكشخ علشانها فهد بدى يقتنع بكلام وليد : ياسيدي نكشخ ليه مانكشخ وبدى ينقي كم شورت نرجع لراكان والي معه بعد ماشترو فستان هلا صارو يدورن لحلا ادخلو محل واضح ان بضاعته مميزه وفعلا كلها دقايق من دخولهم المحل وشافت حلا فستان تركوازي جدا جميل طلعته من بين الفساتين والتفتت على البنات وراكان هاه وش رايكم صيته : بصراحه روعه وماأتخيله على احد غيرك راكان : انا بعد اشوف انه مره مناسب لك هلا : يجنن اول مره اشوف قماش مشغول بلفخامه ذي اخذو الفستان الي عجبهم وراحو يشترون الجزم والاكسسوارات كلها نصف ساعه بعد ماخلصو من الفساتين وكملو اغراضهم كلها وهذا هم في السياره راجعين راكان : نروح لبيتنا قبل والابيت عمي هلا : خل نروح لبيت عمي علشان نشكره على الفساتين وباكلم امي من اهناك اذا وافقت جلسنا نتعشى عندهم صيته : انا كلم عمتي واقول الها وترا بكره على خير اذا رجعنا من العرس بترجعون معي زي لمى انا رجعت معكم من عرس هيفاء حلا : اكيد بنرجع معك دام ملكتك انتي ووليد في العصر على اخر كلام حلا اوصلو لبيت حمود وانزلو من السياره وكملو سوالف وهم يمشون جهة البيت وليد قيده رجع هو وفهد من السوق وواقف مع حمود قدام مدخل البيت وشافو راكان والبنات وهم يمشون يمهم وليد لاحظ راكان يمشي قدام والبنات الثلاث يمشن وراه وهو يلتفت عليهم ويسولف معهم ويضحكون دايم اذا قابلت راكان تقعد تسولف وتضحك معه وانا بعمرها ماضحكت معي والاحتى بلغلط اي سالفه تبتدي بينا تنتهي بهوشه البنات تقدمو يسلمون على حمود هلا : مشكور عمي على الفساتين حلا : سلمت وكررت نفس كلام هلا حمود بابتسامه مافيه شي يستاهل الشكر اذا ماجبت لبنات اخوي الوحيد اجل من الي يستاهل غيرهن الهدايا صيته تمثل الغيره : بنتك صيته بس هي الي تستاهل هداياك حلا بشهقه : هي انتي سلامات تراه عمي روحي لعمتس يجيبلك هدايا صيته بثقه : والله ان رحت لعمي وعمتي انهم يغرقوني بالهدايا حمود بضحكه ماظنيت اخيي يعرف للهدايا كلهم ضحكو على تعليق حمود وبعدها البنات ادخلن داخل البيت والعيال ادخلو مع عمهم للمجلس صيته تعمدت تتجاهل وليد طول ماهي واقفه معهم كرد على تجاهله لها في بيتهم وهي تعرف ان عمها خطبها من غير علمه لان البنات قالو لها وهذا الشي مضايقها في الحرس الوطني بيت ابو ابراهيم ابو ابراهيم وام ابراهيم قيدهم امس واصلين ابو ابراهيم في الصاله ينتظر بناته ينزلون بيوديهم السوق باقيلهم اغراض علشان عرس فهد علي دام البنات يلبسون خل اكلم النايفه اكيد الحين مشتاقه لي موت وقبل يمد يده لتلفون انزلن البنات جاهزات اها دام البنات جو ماله داعي اكلمها قدامهم وازعلهم انتضرتني خمسه وعشرين سنه وش عاد اسبوع والتفت لبناته :مشينا مناير : بابا يصير نمر المشغل بعد السوق بنحجز عندهم علشان العرس علي : يصير ياعيون بابا ليش مايصير يوم الإربعاء قبل عرس فهد بيوم الجميع مشغولين بالترتيبات النهائيه لعرس فهد في شقة الجازي وخالها بدريه والجازي جالسات في غرفة الجازي يرتبن شنطة الجازي الي بتاخذها معها للقصر بدريه : اليوم بيجيك احد من هالمزينات الي لهم اسبوع وهن سردادي مردادي يحوسن في خشتك الجازي : يالوفي منهن اثرهن يعرفن شين مانعرفه شوفي وش سون في جسمي صايرن جلدي يلمع مثل الزبده بدريه : العلم يوم اقولهن سون لي زيها ويقولن الحجز للعروس بس الجازي : الاماشفتي ريستهن كيف تبحلق فيني بنص عين حاقرتني تقول انتي من وين يعرف ام يزن بدريه : يافرقى منها الظاهر انها تعرف عمتك من مبطي يوم شافتنا قالت هالفقيرات وش جابهن لاهل العز الجازي : في هاذي بالعون بتشوف الفرق انتي لو تشوفين اهل ابوي ماتصدقين اشكالهم ولبسهم نفس الممثلات الي نشوفهم في التلفزون بدريه : ياليتني احضر عرسك مير خالي يقول لامشت الجازي مع اهلها للقاعه بنمشي حنا للحفر الجازي : ايه خالي يقول ناس ماعرفهم ولاجاني منهم عزيمه ولاني برايحن لهم مع ان ابوي اعزمه بس يقول مالي لزوم ماعرف احد ولاحد يعرفني الجازي تذكرت شي قامت فتحت الدولاب وطلعت منه شنطة يد وجت اجلست مع بدريه على السرير افتحت جيب الشنطه الصغير وطلعت الفلوس الي فيه كلها وحطتها في يد بدريه اخذي هذي عشره الاف اريال زي ماعطيت مرت خالي ومعها زود الفلوس الي معي كله ماعادني في حاجته بدريه تبي تحلف انها ماتاخذها لاكن الجازي اسبقتها بالحلف : ياحول منتس يالجازي ماخليتي معتس شي يكفي المية الف الي عطيتيها عمي ثم العشره الي عطيتيها مرت عمي الجازي : قليله في حقكم وبعدين خالي اله عمر يصرف علي مافيها شي لاساعدته يسد بعض اديونه وانتي تعرفين ان ابوي جابلي الميتين الف كنه جايبن ميتين اريال ويقول المبلغ الي تبينه بس علميني وارسله لك طوالي والحمد لله ذهبي كفاه ثمانين الف وين تبيني اودي الباقي اروحبه لرجال ليه وش عازتي فيه الا انفعبه عمي الي رباني ازين وابرك بدريه : طيب خلي الصرف معك يمكن تعتازين شي الجازي : انا حلفت مايبقى معي والاحتى الريال واغراضي كلها كامله ولاني في عازت شي وبعدين عازتي على رجالي في بيت ابوابراهيم علي في المجلس يتصل على النايفه لحظه وجاه الرد الو علي: ياهلا وغلا بحياتي وروحي ودنياي كلها النايفه : هذا انت زين الي تذكرت رقم بيتي من الي تبرع وعطاك اياه علي : افا وانا اقدر انسى حياتي واي شي يخصها النايفه : لوني حياتك ماوديت عجوزك لدبي تتمشى معها وتتشرى لها الذهب علي عصب انا اقعد عندها شهر وزياده ماعمر ام ابراهيم انشدتني عنها وهذي بتحاسبني على اسبوع : ترا عجوزي اصغر منتس باسنتين كامله وفوقها كم شهر واضن اني وديتس قبلها لمكه والاتدخلت فيتس وفي روحتس النايفه عصبت بزياده : وبعد تدافع عنها اسمع زي ماوديتها توديني وزي ماشريت لها تشريلي والعرس الي عندكم باحضره زي ماتحضره هي علي عصب زود على تعصيبتها : اسمعي عاد روحتها جت بعد روحتك انتي وماعاد لتس عندي سفر اما الذهب هذا ارضاوتها يوم حطيتك فوق راسها تبين ارضاوه زيها اخطبيلي الثالثه وعقب مااعرس اعطيك ارضاوه زي ام ابراهيم وبعطيها معتس بعد اما العرس الي عندنا مانتس بحاضرته ولالتس فيه دخل ودام ذا هرجك مع السلامه عندي شغل وطبق بسماعة التلفون علي اف بدى عاد نكد الحريم انا شلي قردني وخلاني اتزوج لو قاعد على امرتي واعيالي اصرف اف بس النايفه هي الحب القديم والغلا كله صح هي الحب بس كنت عايش بدونها مستانس ولاقاصرني شي ومانكر اني سعيد معها ومستانس بوجودها في حياتي بس بعد سببتلي مشاكل توجع يكفي اعيالي ونفسيتهم الي انزلت للقاع بسبتها النايفه رمت سماعة التلفون في الارض من غير ماتهتم انها ترجعها مكانها وانخرطت في بكاء مرير انا يسكر السماعه في وجهي انا ينافخ علي انا ماعنده مانع يتزوج علي وحده ثالثه انا ياعلي ينحط على راسي مره اه يالقهر ياحسافت العمر الي قظيته احتريك واتمنى بس شوفتك لو من بعيد بس هين انا اوريك خلك تجي على بالك بسكتلك عند فهد بكره عرسه واليوم وصل صديق عمره نمر من الشرقيه وهذا هو معه رايحين لسوق يشترون بشت فهد الي تعمد يخليه لين يوصل نمر ويروحون ياخذونه سواء في سيارة فهد فهد : تدري ان خوينا اخذ القطوه وملكته عصر الجمعه الي بعد بكره نمر التفت على فهد بشهقه : من جدك انت وليدوه الدلوعه البنيه ماخذ صيته فهد : هههههههههههههههه يرحم امك وانت لهالحين معلق عند وليد حق الدوادمي الرجال تراه تغير واتحداك تقول عنه دلوعه وهو في وضعه الحين ياخوك انا وياك لو نصف جنبه باعذر الي يقول عنا دلوعات دامنا صافين معه نمر بغيض : وانت وش سويت فهد : والاشي قلتله مبروك وانتهت السالفه انا هالحين رجال متزوج وعرسي بكره والاعاد في راسي غير زوجتي وبس وصيته الله يوفقها مع الي اختارته من باعنا بعناه حتى لوكان غالي نمر : تدري حتى انا خطبت بنت عمتى فهد بوناسه الف مبروك متى نمر : للحين ماصار شي رسمي خطبتها من عمتي وعمتي وبنتها موافقات بس ننتظر لين نرجع من الرياض علشان اخطبها من عمها رسمي | ||||||||
|
| |
|
10-12-16, 02:39 PM
| #197 | ||||
| نجم روايتي وفراشة الروايات المنقولة
| وليد طريقه التطنيش الي عم يعملها مع صيته حتازم الامور اكثر واصلا صيته حتردها باقوى لانها اعند منه واضح حنعيش حرب ضروس بينهم فهد عجبني تقبله لخطبه صيته ووليد واستمر بحياته وماوقف عند رفضها وعم يجهز حاله للجازي الي حينصدم من الذوق وتجهيزاتها وخاصه الريش \\\\النايفه غلطت بتصرفها مع علي واظهارها غيرتها وعلي بدا يندم على زواجه منها بس كيف حيكون رده فعله لما يعرف بحملها واضح ان عائله علي حتمر بتخبطات كثيره البارت حلو مشكوره فيتامين على النقل | ||||
|
| |
|
11-12-16, 08:16 AM
| #199 | ||||
| نجم روايتي وفراشة الروايات المنقولة 
| مشكورة فيتامين ، فصل حلو وليد وصيتة ، شد وشذب والجاي اقوى واصعب ، فهد راضي بحياته ومستعد لبداية جديدة مع الجازي ، هو يتجهز من ارقى المحلات وهي خمت الريش والقمصان من الاسواق الشعبية يا ترى حيصير في توافق وقبول بينهم او نفور ومقارنات من اولها ، وكيف حتكون علاقة الجازي بأهل فهد ابراهيم ، تستاهل ما جاك ، من هالحال واردى ، وابتدا نكد الثنتين يا بو ثنتين ، ، بانتظار عرس فهد وجازي اللي اكيد حيكون عامر بالاحداث ودي | ||||
|
| |
|
12-12-16, 03:49 AM
| #200 | ||||||||
| مراقبة عامة ومشرفة منتدى الروايات المنقولة
| يوم عرس فهد فهد يوم العرس هو واحد من الايام الي يتمنى اي شاب انه يكون حوله اعيال عم اكثار يحسسونه ان وراه عزوه ومع انه ماعندي اعيال عم بس اعيال خوالي ماقصرو من الصبح وهم مجتمعين عندي في البيت ومع اني متعود على اعيال خالي حمود وحتى راكان الا ان وليد هو الشخص الي اكتشفته اليوم مدري ليه كنت ماخذ منه موقف سلبي طول السنين الي راحت لاكن وجوده معي طوال الثلاث ايام السابقه خلتني اعرفه عن قرب وليد رجل منظم وانيق وذوق والأهم انه رجل بمعنى الكلمه ويعتمد عليه اليوم بس اقدر اقول اني افتخر بكونه ولد خالي نمر كنت متوقع ان فهد بيحتاجني جنبه اخلصله اموره لاكن تفاجأت بعيال خاله صاكين عليه ومايمديه يطلب شي الاووفروه اله خاصه الي اسمه وليد موب مخليني اقرب من شي خاصه يوم طلبت من فهد اني اوديه الحلاق قال انه حاجز حلاق من قبل ومظبط معه موعد الحلاقه وفعلا هو الي اخذه بسيارته للحلاق وانا لحقتهم مع باقي الشباب اول مره احس ان القرابه ممكن تنتصر على الصداقه خاصه في الاوقات المهمه الي مثل هذي والي اي صديق يحب يكون فيها هو اول من يهتم بامور صديقه لاكنه يتفاجأ ان الاقارب اسبقوه على صديقه وموب تاركين له مجال ياخذ الدور الي يتمناه وليد فهد اول شاب يتزوج في العائله صحيح انه موب ولد عمي والايشيل نفس اسم عائلتي بس يبقى ولد عمتي وماله اعيال عم يوقفون معه في مثل هاليوم علشان كذا حنا اعيال خواله لازم نقوم بلمهمه ذي اشوف نمر يترزز يبي يسوي كل شي بس مستحيل نخلي ولد عمتنا للغريب يسنعه وكأن ماوراه عزوه تركي فهد اخوي ومثالي الاعلى وعزوتي واكثر من كل كذا بكثير ماتوقع اني بافرح في عرسي مثل مأنا فرحان لفهد الله يوفقه ويسعده مدري اذا الجازي تستاهله او لا بس الي قاهرني ان الي تستاهله من قلب ارفضته صحيح يوم خطبها ماكنت مقتنع انها تناسبه لان كل واحد فيهم شخصيته تناطح الثاني بس بعد صيته على كثر ماشفت وسمعت عن البنات محد مثلها قمه في كل شي وهذي هي راحت لوليد اه يالقهر بيتمشيخ على الكل حتى على فهد لان الي ياخذ صيته مستحيل يعيش حياه عاديه صيته شيخه وتطير الي تاخذه لسماء مقول اني اكره وليد بلعكس احبه واتمناله كل خير بس الحين اقدر احطه هو وفهد في كفه وحده واذا اخذ صيته بترجح كفته على كفة فهد وهذا الي مضايقني فهد اخوي ومبي احد يسبقه في اي شي محمد اليوم عرس فهد وياكثر غلاه هالانسان كنت اتمنى تكون عروسته صيته بس دامها راحت لوليد الله يسعدها اهم شي ماطلعت من العائله خساره يتعب ابوي في تربيتها لين اطلعت قمه في كل شي وبعدها تروح بعيد الحمد لله انها اخذت وليد ان شاء الله بتجيب للعائله اعيال يرفعون الراس ويكونون فخر لال حمدان كلهم زي ما امهم فخر لنا كلنا الحين راكان فهد شخصيه محبوبه في العائله كلها واليوم الكل يحسون سعادتهم وصلت مداها لعيون فهد الله يوفقه محد يقدر يشوفه اليوم والايتذكر صيته الي عاش عمره كله يقول انها بتكون زوجته وام اعياله صحيح انه يستاهلها بس الصدق ماقدر امنع نفسي من اني اتمناها لاخوي مهما كانت معزة فهد مابديه على وليد وبعدين زواج صيته ووليد من مصلحة العائله كلها صيته انسانه مميزه وفريده من نوعها ووليد ماهو اقل تميز منها وكلهم يشيلون اسم حمدان واهم الي لازم يجيبون حمدان وريث حمدان العود سالم ماضنتي بافرح بعرس احد مثل مافرحت بعرس فهد الا لوكان محمد اخوي ياخساره ياصيته ضيعتي فهد من بين ايدينك محد يستاهلك غيره والاحتى وليد صحيح مع وليد بيرجع نسب اعيالك للعائله الي انا متاكد انهم بيكونون فخر لنا كلنا بس حتى فهد يشاركنا جانب من العائله وجده جدي واكيد اعيال يتربون بين فهد وصيته بيكونون غير عن الكل يكفي تاثيرهم على عناد وهم ماعطوه نص اهتمامهم اجل الي بيربونه من اوله لاتلاه وش بيطلع الله يسعدك يافهد والله يسعد وليد وصيته ابو فهد اليوم سعادتي مالها حد ولالها شبيه هذا فهد ماهو اولدي وبس ذا روحي الي اعيش ابها توني كنت داخل القاعه وجت صيته تبارك لي ياليتني ماشفتها هالبنت لها غلا في قلبي محد ياصله صحيح اني اشك انها تناسب فهد بس بعد مافيه ابو يشوفها ويعرف زين اخلاقها وزين اطبوعها ومايتمناها لولده هالبنت فيها ذكاء وفيها حكمه وفيها قوة شخصيه وقوة راي هذي لو تاخذ ارخمه طلع من تحت ايدينها فارس اجل وشلون لواخذت واحد طول عمره فارس ياخوفي ماتكون الجازي العوض في صيته اه ومن قال ان صيته لها عوض انا اشهد انها الفريده الي مالها شبيه ولايسد محلها احد حمود فهد اولدي وقطعه من قلبي الله يسعده ويعوضه عن صيته خير ياقلبي ياصيته ادري ان ابوي الله يرحمه اوجعها بوصيته بس وليد يستاهلها يوم قالت لفهد انها تبي واحد بحر تعجبت من كلامها وقلت وش هالواحد الي بيكون بحر بس بعد ماشفت وليد بعد رجعته من السفر وشفت كيف يعاملها تأكدت انه البحر الي بتغرق قطوتي فيه محمد ابو وليد اليوم عرس فهد ولد اختي قمرا الله انه يقر عينها ابه ويسعده ويوفقه صحيح اني فرحان لولد اختي بس فرحتي انه ماخذ صيته وانها صارت من نصيب وليد اكبر بكثير صيته هي الي بتجيب لنا حمدان الجديد باذن الله وحمدان بيشيل اسمي واسم حمدان الكبير يامتى اشوفه متكي في وسط مجلسي ياسعد عينن تشوفه في استقبال عرس فهد كانت صيته واقفه في الاستقبال بكل فخامه وشموخ تلبس فستان ابيض مشغول بلكامل بخليط من الشك والتطريز بنقشه غايه في الروعه وقماش غايه في الفخامه كان الفستان ظيق بقصة سمكه تبتدي من منتصف الفخذ وفي وسط الفستان قصه صغيره جدا تلتف على الخصر كالحزام من قماش اسود متناسق بعنايه مع قماش الفستان الأساسي ومن نفس القماش الاسود ينزل خطين على جانبي الفستان انطلاقا من الخصر في غاية النحف وكذالك اكمام الفستان الجبنيز كانت من نفس القماش الاسود كانت تطعيمه خفيفه وانيقه للغايه زاد اناقتها مكياجها الفخم الاحترافي مع تسريحه على احدث تصفيفات اشهر خبراء الشعر العالميين والي اجلست تدرب عليها يومين وهو وقت جدا طويل بنسبه لخبيره مثلها ولم تكن الصعوبه في تنفيذ التسريحه بقدر ماكانت في انها ستنفذها لنفسها جت ساره لابسه فستان ليلكي انيق وبمكياج وتسريحه شديدة الاناقه والاكنها اقل احتراف من مظهر صيته المتكامل بتناسق عجيب ووقفت على الجهه الثانيه من الاستقبال مقابله لصيته مباشره واسرحت في تفاصيلها ساره اه يالقهر واقفه في الاستقبال وبتتشقق من الوناسه وهي كان المفروض يكون مكانها اهناك في غرفة العروس تتزين لفهد صحيح اني ماعرف الجازي بس مهما كانت مميزاتها مستحيل توصل مواصيلها وانا اكثر وحده تعرف زين ان فهد ماتليق فيه الا هالمغروره حاولت تسيطر على انفعالها لاكنها فشلت وانطلقت على صيته من القهر الي تحس فيه : مبسوطه حظرت جنابك بعد ماقطعتي قلبه برفضك اله جايه تستقبلين في عرسه وكأنك ماسويتي شي صيته : اي نعم مبسوطه ومن قلب ويمكن فرحانه بفهد وعرسه اكثر منك فهد اخوي وماعمري شفته الاواحد من اخواني واذ فيه احد بيسبق محمد في فرحتي ابه فالأكيد انه بيكون فهد الله يسعده ويوفقه ساره : انا ماعمري شفت اهبل منتس كيف اخوك وانتي تغطين عنه وبعدين انتي تدرين زين وش كثر يحبك ماهان عليتس تبردين قلبه وتاخذينه ومع الوقت تعودين عليه صيته : ساره الرجال عريس الليله وحتى انا مخطبوبه فماله داعي الكلام هذا كله سكري السالفه الله يرحم والديك قبل يدخل احد ويسمعنا وننفظح في ذا اليل ساره سكتت وهي مغبونه على اخوها دقايق وادخلت شيخه وامها ومضاوي وامها صيته : كللللللللللللللوش ياهلا ومرحبا تو مانورة القاعه وتقدمت تسلم عليهم وساره نفس الشي استقبلتهم بنفس الحفاوه ام نمر: وين الناس صيته : ادخلو يصلون وبيجون الحين اذا ماصليتو ادخلو صلو قبل يجون الناس ام نمر : لا ماصلينا تعالي ياساره وريني وين غرفتهم راحت ساره مع ام نمر وام مضاوي واقعدة مضاوي وشيخه عند صيته صيته تلتفت لشيخه : ماعرفتيني على القمر الي معك شيخه حبت تختبر صيته : هذي خطيبة نمر مضاوي بنت عمتي وعلى غير توقع شيخه ابتسمت صيته بوناسه وخمت مضاوي تسلم عليها مره ثانيه وهي تبارك لها : الف مبروك ياعروسه يازين ماختار نمر مضاوي ابتسمت بخجل وهي تشوف لطافة صيته معها :الله يبارك فيك عقبالك صيته بابتسامة ثقه : وانا قيدني انخطبت مضاوي وهي مازالت خجلانه :الف مبروك صيته : الله يبارك فيك شيخه تقرص صيته مع خصرها : يالنذله وانا اخر من يعلم صيته بضحكه وهي توخر يد شيخه : غصب عني كنا محتاسين في التجهيز لعرس فهد وبعدين حبيت اقولها لك مباشر شيخه تخم صيته وتحظنها : الف مبروك ومن سعيد الحظ الي اخذ جوهرة ال حمدان النادره صيته بابتسامه واثقه : الله يبارك فيك وهو ولد عمي وليد شيخه بشهقه: اما عاد الخكري صيته : لو قايلها واحد غيرك كان يمديني نحرته انسي ايام الجهل والمراهقه وليد الحين رجال يعز قبيله شيخه : دامك وافقتي عليه وكاد انه يعز قبايل مهوب قبيلتن وحده هنا الحريم جو ياقفون في الاستقبال وصيته راحت مع شيخه ومضاوي يصلون عند الجازي في جناح العروسه خبيرت التجميل تزينها وهي متضايقه صلاة المغرب مابقى شي ويطلع وقتها وهذي ماخلصت الجازي : خلاص وقفي شوي باصلي وارجع تكملين الخبيره : لا مافيه كلها دقايق ونخلص بعدها اعملي الي بدك اياه الجازي استسلمت وخلتها تكمل شغل اذن العشاء والمزينه باقي تشتغل واستمرت يجي نصف ساعه بعدها استلمتها خبيرة الشعر والجازي مع الحوسه نست الصلاة اجهزة الجازي اخيرا تقريبا بعد صلاة العشاء بساعه ونصف قامت علشان تقضي صلاة المغرب وتصلي العشاء كانت تسريحتها كامله والابسه تاجها ومركبه الطرحه وهذا كله خلاها تلاقي صعوبه انها تلف شرشف الصلاه على راسها وخوف ان التسريحه تخترب وتحت تحذيرات الخبيرات رمت الشرشف على راسها من غير ماتلفه وكانت كل ماركعت او اسجدت يبين شعرها غير انها كانت تركع وتسجد بصعوبه من سبة جيبون الفستان خلصت الجازي صلاة ولقت عمتها وصايف تنتظرها تقدمت منها وصايف باستها بخفه علشان ماتحوس مكياجها مبروك الف مبروك الجازي ابتسمت لعمتها بخجل اخيرا شافت احد من اهلها من يوم اوصلت القاعه العصر واهي مع ليليى وطاقم الخبيرات الي يلبسونها وتوها عمتها تجيها اه ياليتك يابدريه فيه والله ماتخليني دقيقه وحده عمتها امسكتها بيدها وصلتها للغرفه الي جهزو كوشتها فيها وكانت قمه في الفخامه بظبط زي مالجازي الان من شدة فخامتها ربما اعتقد من يشاهدها انها احدى الاميرات كانت تلبس فستان ابيض بقصه فرنسيه فخمه وبطرحه فرنسيه كذالك عقدها وتاجها وحتى اسوارتها وخواتمها كلها الماس في الواقع الجازي تعتقد انه كرستال فخم هالناس كل شي عندهم اكثر فخامه من المعتاد اكيد كرستالهم بعد افخم من كرستال الضعوف الي زينا لاكن توصية عمتها اصدمتها وصايف : اسمعي تاجك وعقدك وكل هالألماس الي تلبسينه لاتسافرين فيه لاينسرق منك اكيد زوجك عنده خزنه في بيتهم دامه تاجر خليه يحطه في الخزنه عنده قبل تمشون الجازي باستغراب : يعني ويش الماس يعننه كرستال زين ولمعته قويه عادي ماهمني اهم شي اذهبي وصايف ماتدري وين تروح من جهل هالبنت العميق مع ان معها الثانويه الي يسمعها ويشوف تصرفاتها يقول ماعمرها طبت المدرسه : يمه ذا الماس يعني اغلى من الذهب بواجد انتي الحين لابسه مليون ونص مع فستانك وكل لبسك الجازي انفجعت من الرقم الي عمتها تعمدت تخفظه نوعا ما علشان ماتفجعها بس الظاهر هي في كل الحالات مفجوعه مفجوعه قامت تمسح مجوهراتها بنظرة تفحص عميقه معقوله كلام عمتي يكون صدق علشان كذا ليلى يوم شافت طقم الكرستال الي انا شريته انا وبدريه بسبعين اريال وحنا متحسفاتن عليها اخذته وارمته في الزباله وهي تقول هيدا مابتلبسو بنتو للأستاز عبد الكريم لك خدامتك مابتلبسو اثرها خابرتن وراها ظرب افلوس مهوب لعب عاد من كثر هالالماس الي يقولنه كلها قلاده ناشبتن في نحري واسوارتين وثلاثة خواتم وهالتاج المرتز فوق راسي وانا شاريتن ذهبن يقطع القلب ويكسيني كلي بثمانين الف ياوك ياوجه الله العرب ذولا كم افلوسهم صحت من هواجسها على صوت عمتها وهي تقدملها صحن فيه مني ساندوتش بحشوات مختلفه :خذي اكلي الجوع موب زين الجازي : مبي شي ماشتهيه وصايف حتى لو ماتشتهين اغصبي عمرك الجازي : مقدر لو اكلت زعته مابيه تكفين لاتغصبيني وصايف : على الاقل اشربي عصير الجازي اخذت الكوب وحطته على طاولة الخدمه : خليه هنا لابغيته شربته وصايف : انا بنزل ارقص وارجع لك وبخلي ليلى عندك لابغيتي شي ارسليها تعلمني الجازي : زين انزلت وصايف للمعازيم تحت والجازي التفتت على ليلى : تكفين ليلى شوفي صرفه للاكل ذا والعصير ورجعي الكوب فاضي عندي علشان عمتي لاشافته تحسبني شربته ليلى : بس مابيصير تظلي جوعانه الجازي : تكفين اكليه انتي مقدر اكل ابد ليلى : خلاص انا بدي اكل من صحن الساندوتشات واشرب العصير وهيك راح يتاكدو انك اكلتي | ||||||||
|
| |
|
| أدوات الموضوع | |
| انواع عرض الموضوع | |
|
|
415Likes
.png)
العرض العادي
