آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-02-17, 06:32 PM
| #361 | ||||||||
  
|  السلام عليكم ورحمة الله وبركاته مرحبا فيتامين شكراً على البارت&شكراً نبض افكاري توقعت المنتدى متهكر لاني ماقدرت اسجل فيه بس اذا تعديلات في المنتدى يهون كل شيء نبدأ بالبارت:- ابو كايد للحين ماعرفنا شخصيته عدل بس بهالبارت وضح لي انه قوي الشخصية وحنون بس مايبين هالحنان لعياله منهو ماجد؟!شخصية جديدة ترفة ومفلح ترفة وقعت ولاحد سما عليها واضح انها تتمنى شخص مثل مفلح يكون زوج لها لدرجة تنازلها عن كبريائها واظهار ضعفها الانثوي لك يدافع عنها وتحس بانوثتها وان هناك رجل خلفها يدافع عنها اما عن سالفة الخنجر معليش تستاهل ياخذ الخنجر ليش تحارشه وتطول لسانها وهذا العبوس ابتسم ونسى جوزاء وشجرتها وصار بدالها ترفة وذكراها علي ونايفة معروف ان الرجل لا يحب ان تخنقه المرأة بالتصاقها فيه ومن الجيد ان النايفة ابتعدت عن علي اتمنى ان لا تبقى على طلعات فقط اتمنى ان تطور من نفسها وان تعيش لنفسها وليد وصيتة ادري ماراح تتقبلون تعليقي🙃 صيتة اكبر غلط انها نزلت وخلت وليد يدري انها شافته اولاً الرجل مهما احب امرأة لا يحب ان تراه ذليل وهي شافته يبيع جح وقعدت تعايره ثانيا هي تعرف انه يحبها وكل شوي قاهرته بسالفة راكان وكلامها انها راح ترز اخوه مو حلوة ابدا في حقه ثالثا الكف الي جاها تستاهله رابعا نصيحتي لكل فتاة تظن ان الزوج كالوالدين ان تغير فكرتها >عندما قالت صيتة امي وابوي مامدوا يدهم علي كذلك يجب احترام الزوج لك يخاف الله فيك>رأيي لاني لا ارى احترام بين صيتة ووليد لا ن وليد قاعد يبذل جهد ومع الضغط النفسي وقرب انتهاء المده جات تعايره وتنزل من عزومه كنت اتمنى على معرفتنا بشخصيتها القوية ان تكون حكيمة بنفس الوقت وان لا تنزل حتى لا تضايق وليد الناظرة سلمى اعجبتني عقوبتها للبنات فالخدم بشر يتعبون ووليسوا الات ومن اخطأ فعليه ان يصحح خطأه تقبلن مروري لكن مني كل التقدير والاحترام | ||||||||
|  |
|
20-02-17, 01:37 AM
| #362 | ||||
| نجم روايتي 
| جزيتي الجنه غاليتي ربي يسعدك ويحفظك ويرضي عليكي شكرا جزيلا رووووووعه الجزء كما اعتدنا منك لكي كل الشكر والتقدير والاحترام ....جزيتي الجنه فيتامين ربي يوفقك لكل خير ويحفظك لكي كل الشكر والتقدير والاحترام ... | ||||
|
| |
|
20-02-17, 06:45 PM
| #363 | |||||
| كاتبة في منتدى الروايات والقصص المنقولة 
| اقتباس:
ردي راح اكتبه من وجهة نظر صيته صيته كانت تسئله سؤال تعجب ماهو احتقار بمعنى انها شايفه ماهو هذا النوع من الشغل الي راح يدخل عليه فلوس كانت تبي تناقشه وتتفاهم معه بس هو هب فيها وهددها بانه راح يتركها لاخوه وصيته اساسا ماهي خايفه من تركه لها بلعكس تتمنى الفكه منه بس الي حادها عليه وجود اخوه في السالفه وانها ماتبي تكون له واهو يقولها بخليك له فردت عليه بنفس الاسلوب بنسبه لرايي انا الاثنين غلطانين ووليد دائما يستفز صيته بما انه هو الطرف الي يحب المفروض يكون اكثر مراعاه لمشاعرها | |||||
|
| |
|
20-02-17, 06:51 PM
| #364 | |||||
| كاتبة في منتدى الروايات والقصص المنقولة
| اقتباس:
اللهم امين لي ولك ولعامة المسلمين جزاك الله خير الجزاء على دعواتك | |||||
|
| |
|
21-02-17, 01:14 AM
| #365 | ||||
| عضو موقوف
| وصلت الى اقرار الوصيه عندما قال المحامي مضمون الوصيه وان هناك ضرفان الاول الي قرأه والثاني عندما قال ان جدها طلب ان تفتحو في اليوم الاخير لتنفيذ الوصيه وهي حرة ان فتحتة وعرفت محتوى فيها تفرجي لوالدها وعمها او فيها تحرقة وما حدا يعرف شو في .... انا بعتقد والله اعلم ان يكون مكتوب فيه انها محرره من تنفييذ الوصيه وفيها ترفض وليد واعتقد هي هنا راح تكتشف انها تحب وليد واكيد راح تختاره بعد ما كانت تحس نفسها ان هل شي مفروض عليها ومجبوره تعمله والان هي راح تعمله بأرادتها وبختيارها ..هذا تكهن فقط والله اعلم والكاتبه طبعآ هههه جاري تكمله الفصول 😙😙😙😙 | ||||
|
| |
|
21-02-17, 01:28 AM
| #366 | ||||||||
| مراقبة عامة ومشرفة منتدى الروايات المنقولة  
| عند صيته في غرفتها بعد مارجعت من سوق الخضره قيدها نزلت عباتها وواقفه قدام المرايه تحسس خدها الي صفقها عليه وليد هين ياوليد انا الخبله الي سلمت بوصية جدي وقلت دام قالو اخذيه اخذه وامشي حالي بس لا وش حادني اخذ واحد ماابيه والابيني وبينه اي تفاهم اصلا مانعرف نتكلم مع بعض كلمتين على بعض بدون اهواش دائما يتعمد يستفزني وحاط في راسه اني ملكيه خاصه له مايعرف يتحاور بمنطق كل شي يبيه بالقوه والغصب المهم عنده انه هو يبيني بس والاكلف نفسه يسئل انا اابيه ولا لا ومع اني قلتله بصريح العباره واكثر من مره اني ماابيه مناشبني والايتزوجني لايكون مافيه بنات غيري اف منه ومن الحاحه واف من هالوصيه الي افرضته علي فرض اناماقاهرني الااني اغصب نفسي عليه وكل مابديت اتعود على انه بيكون زوجي وابدا اتقبله واحاول اقرب منه يطلعلي بسالفه تبعدني عنه اكثر من قبل مليون مره اه ياجدي لوتدري وش سويت فيني بوصيتك وعلى طاري الوصيه راحت لمكتبها اجلست على الكرسي الدوار ومدت يدها لواحد من دروجه الجانبيه افتحت الدرج وطلعت الوصيه منه قلبت الظرف المسكر في يدها بتفكير ياترى وشهي وصية جدي الثانيه خلوني افكر بمنطقيه واكيد راح اوصل لمضمون الوصيه وفي النهايه جدي شخص واضح ومباشر ماعنده لف ودوران طيب جدي وش قال في الوصيه في اخر يوم من المهله اذا ماقدر وليد يجمع المهر يملكون لراكان الا اذا انا عطيتهم الوصيه الي معي هنا ينفذون الي في الوصيه الي معي ويتركون الي في الوصيه العامه والي هو زواجي من راكان لان وليد ماقدر يجمع المهر معناته الوصيه الي معي تعطيني الحق في اني اختار بين وليد وراكان لانه اكد على انه لوجمع المهر فمعناته يملكون له في كل الحالات اها يعني الوصيه الي معي مالها اهميه الا اذا وليد ماقدر يجمع المهر اما اذا قدر يجمعه مالها قيمه طيب ياترى وليد وش كثر جمع وبيقدر يكمل المهر او لا موكأنه فيه نور في اخر النفق راكان انا متاكده انه يعتبرني اخته بضبط مثل ماانا اعتبره واكيد هو مايبيني خير شر معناته لوتزوجته راح يكون زواجنا زواج على ورق صحيح ان مجرد الفكره بشعه بس دامها اجراء شكلي بتكون اهون بكثير من اني اتورط مع وليد واكيد راكان بيطلقني في اقرب فرصه وبمجرد مااطلب منه الطلاق ويمكن هو الي يقولي انه هالزواج بينتهي بمجرد مايتم في عيون الناس وبكذا راح ارجع لاهلي زي ماطلعت من عندهم من غير مايلمسني حتى لانه اولا يعتبرني مثل اخته وثانيا يعرف ان اخوه يبيني يعني مستحيل يناضر فيني وبكذا افتك من مصيدة الوصيه بكل سهوله لانه لو اخذت وليد صعب اني افتك منه ويمكن يرفض يطلقني مهما سويت عاد اهو نحيس ويدور علي الزله عند وليد وكايد وسلمان سلمان : انا متاكد ان الوصيه الي عندها تخيرها بينك وبين راكان وليد : الظاهر كذا لانه قال اذا جبت المهر يملكون لي واذا ماجبته يملكون لراكان الااذا هي عطتهم الوصيه الي معها كايد : بس معناته مالها تفسير ثاني اكيد جدك بيخيرها بينكم بس وش بتسوي لو اختارت اخوك وليد : لامستحيل تختاره هي تعتبره واحد من اخوانها سلمان :ياسلام وش معنى هو واحد من اخوانها وانت لا وليد :هههههههه لاني عدوها من عرفتها واهي شايلتني على راسها نفس المصيبه وكله من وصية جدي هو قايل لها الوصيه بنفسه يعني قايل لها تتزوجني وماتاخذ احد غيري وهالكلام واهي بزره سلمان :ههههههههههههه ماتنلام اجل كاتم على نفسها من صغر كايد : ههههههههه اكيد كل ماشافت واحد يجوز الها قالت الله ياخذ ولد عمي حرمني منك هههه سلمان ووليد اضحكو معه لاكن هالكلمه ذكرت وليد بشخص حاول ينساه معقوله يكون كرها له علشانه حرمها من نمر معقوله تكون فعلا تبيه وانجبرت ترفضه علشان الوصيه وليه لا حقدها علي ماهو طبيعي ابد اه منك ياصيته ياترى وش تفكرين فيه بعد ماضربتك اكيد ماراح تعدين هالكف على خير بس وش بتسوين وكيف بتنتقمين ..............تنتقم ................. معقوله تسويها وتنتقم الله يستر المهله ماباقي منها الااسبوع انا لازم اشوفها قبل يخلص هالاسبوع صحى من هواجسه على صوت كايد :ياشباب نسيت اقول لكم بكره انتم معزومين عندي على رجعة ماجد من السفر غداء ان شاء الله في البيت وليد :صارله اسبوعين اواكثر من رجع وللحين ماشفناه كايد : انا بنفسي ماشفته الامرتين وعلى السريع تخبر امه راجعه من سفرة علاج وجماعتهم مستلمينهم عزايم وزيارات سلمان :الله يخليها لهم عند وصايف مجهزين الضيافه وجالسين في الصاله ام عبد الكريم ووصايف والجازي وينتظرون ابورعد واهله الجازي لابسه تنوره سوداء ضيقه وطويله وعليها بلوزه انيقه ومن اختيارها وصايف لابسه تنوره جنز وبلوزه حرير وام عبد الكريم لابسه جلابيه ناعمه ام عبد الكريم تفرك فخذها بيدها ولاحظتها الجازي :جده تبيني ادلك لك ارجولك الجده بامتنان :اي والله ياوليدي قايمتن تعورني ويوم تدلكينها تهدى قامت الجازي واجلست في الارض عند ارجول جدتها وبدت تدلكها اشوي وادخلو ابو رعد واهله بعد مافتحو لهم الخدم فزت الجازي واقفه بابتسامه وتقدمت لابوها تسلم عليه : هلا يبه هلابالغالي هلابتاج راسي عبد الكريم ابتسم لها وهو يسلم عليها ويمسح على شعرها : الله ابقها هلابنتي هلاعيوني انتي وصايف بمزح : اقول وخري عن اخوي ترا بديت اغار اضحكو الموجدين وعد :اقول ترا انا اصغر منكم انا بس الي اتدلع على ابوي وخرو عنه كلكم الجازي : انتي قيدك اخذتي نصيبك من ابوي انا باقي ماخذت نصيبي كله ههههههههههههههههههههه ضحكه جماعيه تقدمت الجازي لام يزن وسلمت عليها :هلا خالتي وشلونك ان شاء الله بخير ام يزن بابتسامه بخير ياجعلك بخيرانتي بعد ام يزن تقدمت لرعد وسلمت عليه وباست راسه :وشلونك رعد وينك امس بتوديني المطعم ولاشفتك رعد ابتسم : انشغلت والله وبعدين السواقين مسوين زحمه برا ورامارحتي معهم الجازي : وع وش ابي في السواقين انا ابي اطلع مع اخواني يزن تقدم يسلم عليها :مع اني ماحب طلعات البنات بس والايهمك بكره اوديك انتي والبنات لمطعم على كيفك وتوه فاتح جديد يارا بوناسه : واو هذا الي امس قلت لماما ابي اروحله وعيت سلمو على بعض كلهم وجلسو ام يزن ياسبحان الله جهد وصايف وتعبها على هالبنت مبين حيل خاصه في اخلاقها صايره ذربه وتعرف السنع وذوقها تحسن كثير ماقول صار توب بس جميل مافيه شي شاذ زي قبل صحيح معرفتها مازالت قليله وعلى قدها بس موب مشكله دامها بدت تتقبل اختلاف الناس عنها وتحترمهم بنفقدها اذا ارجعت لخوالها زواجها من ولد خالها مابقى عليه شي الله يسعدها وعد : انا اقول نروح بكره لسوق قبل واذا خلصنا منه نروح المطعم وصايف : يكون احسن الزواج مابقى عليه شي والجازي باقي ماخلصت اغراضها الجازي : بضحكه الله يرحم يوم خميت جهازي كله في اسبوع والحين لنا شهر من سوق لسوق وماهو مبين انا بنخلص الحريم والبنات اضحكو ههههههههه وصايف وبضحكه : لاتكفين لاتجبين طاري جهازك الاول يصيبني مغص لاذكرته ام يزن بضحكه : انا ماقهرني كثر الفستان الي لبستيه في عزومة اهله الجازي فرطت ضحك :حرام عليك ياخالتي كان يهبل بس انتي الي ماتعرفين ههههههههههههههههههههههههه ضحكه نسائيه جماعيه والرجال في جهه يسولفون مع بعض الجازي الله يذكرك بالخير يافهد توني ادري اني كنت مصيبه في حياتك ليتني تعلمت وتسنعت قبل لااخذك كان حياتي معك بتكون احسن منها مع اي رجال ثاني سمعت انك خطبت بنت عمك الله يوفقك معها وانا مسامحتك على كل الي صار بينا واتمنى انك انت تسامحني انا الحين عرفت اغلاطي كلها وشفت كيف كانو الناس يشوفوني قبل عمتي ماقصرت تعبت معي كثير علمتني ودربتني على اشيا ماكنت اعرف عنها شي وخلتني اختلط بالناس واعرفهم زين واعرف كيف يتعاملون ويوم اتذكر حياتي قبل اعرف اني طحت في اغلاط كثيره وكبيره واولها غيرتي من صيته الي مالها سنع البنت ماهي يمي وعايشتن حياتها وانا احشرها في كل شي غصب هذا كله كوم والكوافيره الي العبت علي كوم ثاني ياني كنت غبيه وعلى نياتي واصدق كل شي المهم الحين اني برجع لاهلي وناسي الي تعودت عليهم وعلى عيشتهم البسيطه وان شاء الله اعيش سعيده واتوفق مع ولد خالي عند انس ومناير مناير مجهزه القهوه والحلى والمعجنات وتنتظر انس يرجع من المزرعه بعد صلاة المغرب كلها اشويات ووصل انس ناضر فيها كيف جالسه على راس السفره تنتظره ابتسم لها بحب : لاانتي كذا بتخلين عمي ابومطلق يعلقني على اعلى نخله في المزرعه ابتسمت مناير : ياساتر يارب وليش يعلقك جدي في النخله انس واهو يجلس جنبها وياخذ يدها يبوسها : لأنك تسرقيني من مجلسه واهو مايحب احد يغيب عن مجلسه بذات مجلس بعد المغرب ذا مجلس الزامي والبارح اشوفه يقدح بعيونه يمي وشكل العقاب العسير جايني في الطريق مناير :هههههه جدي مسوي رعب واهو اطيب منه مافيه انس :هههههه هو مافيه اطيب منه بس لاعصب وخري عن طريقه وبعدين عمي كله هيبه الواحد يستحي يخالفه مناير عقدة حواجبها : موكنك قاعد تقول اخر مره اجلس معك بعد المغرب انس هز راسه بايه واهو يضحك :ههههههههه عمي ماينمزح معه انتي خلي جلستك الظهر في الشرقيه مضاوي وشيخه في غرفة مضاوي شيخه تفتش الكيس الي جابنه من السوق العصر :اف العالم تدرس وحنا نجهز لعرس الغفله مضاوي : ياسمج اخوك وولد عمك مسرعهم على العرس بعد الاختبارات بشهر مالت عليهم مايعرفون يشاورون شيخه عقدت حواجبها وحطت يدها في خصرها باعتراض : ياسلام اخوك وولد عمك على اساس انتي طالعه منهم ترا كلهم اعيال خوالك مالت عليك وعليهم اثنينهم مضاوي اجلست مقابله لشيخه على السرير :المهم الحين ليش مانخلي التسوق لين نخلص ادراسه مابقى شي على الاختبارات النهائيه شيخه : انا اقول الاوقات الي ماعندنا فيها مذاكره زي اليوم نروح فيها لسوق خاصه اذا كان فيه تخفيضات علشان نستفيد من التخفيض ونوفر شي من المهر في ايدينا بعد العرس يمكن نحتاج شي مضاوي هزت راسها بموافقه : اكيد بنحتاج صديقتي تهاني تقول اختها اصرفت مهرها كله يوم جت عند الرجال لقته متدين علشان العرس وحالته حاله تقول اقعدو كم شهر مطبخهم مافيه غير الطحين والرز واساسيات الاساسيات ولا المصيبه اذا اخذو جولة زيارات على الاقارب علشان يوفرون حق الأكل شيخه مطت عيونها : اف اف الله لايحطنا محلهم بس خلي عنك التشائم ترا لابيتنا والابيت عمي ناقصهم شي صحيح نمر باقي يدرس بس بعد يشتغل مع الدراسه وابوي ماراح يخليه لواحتاج شي وعماد قيده خلص ويشتغل يعني موب كل شي تسمعينه تتوهمين انه بيصير في حياتك مضاوي بشهقه : الحين من قال بنوفر افلوس يمكن نحتاجها شيخه بتوضيح : انا قلت بس قصدي نحتاج كوافيره غاليه نحتاج هديه لأحد نحتاج نثريات ومصاريف من تحت الطاوله ايام الخجل والدلع في بداية زواجنا زي كذا مضاوي تحك راسها :اها .....اشوى طمنتيني جاهن صوت ام مضاوي من الصاله تنادي : يابنات قدر المرقوق على النار قيد الحمته انضجت قومن رقنه شيخه مدة بوزها :يوه من المرقوق ورق عجينته شي اكرهه ياعالم مضاوي اخذت الكيس من بينهن وارمته على شيخه وهربت وبصوت عالي علشان تسمعها :اقول قومي وتعالي اعلمك السنع لاتفضحينا في عمادوه شيخه وخرت الكيس والحقتها تركض :خلي سنعك لنميروه مانبي من وراك سنع ام مضاوي جالسه في الصاله تتفرج على التلفزيون ومرنها البنات يتراكضن تلفتت حولها ماشافت شي تحذفهن فيه غير علبة المنديل اخذتها واحذفتها عليهن والاصابت والاوحده منهن : انتن متى بتعقلن كل وحده رجالها يحتريها على الباب واهي تراكض مثل البزران شيخه ومضاوي اوصلن المطبخ واهن ميتات ضحك على الرميه الي جتهن شيخه بضحك :ياحليل عمتي بغيت اصدق واروح ادور عمودي عند الباب مضاوي تمثل الاستفراغ :وع وش ذا الدلع الي يحوم الكبد اسمعي بس الدلع الي على اصوله نمري ياختي شي فخم الصراحه شيخه بتهديد :هين عند نمر ان ماقلتله انك اتدلعينه نمري قالت اسمه بهنوصه مضاوي سوت نفسها خايف وخمت راس شيخه تبوسه :هه وهذي بوسه توبه ماعاد اعودها اصلا محد يعرف لدلع غيرك شيخه مشت لدولاب المطبخ وشالت طاسة العجين من فوق رخامته وجابتها مدتها لمضاوي :خذي رقي عجين المرقوق وقولي عند عمتي اني رقيته معك عشان ماقول لنمر ولا ترى بخلي لين تصرين موجوده واقول قدامك مضاوي اخذت الطاسه بسرعه :لا والي يرحم والديك كله والاانك تسميجين وانا فيه هاتي انا ارق المرقوق وامدحك واالقمك بعد تدللي انتي بس عند الشباب في الاستراحه الوقت المغرب والشباب مجتمعين في الاستراحه حقت كايد كايد يتكلم مع سلمان :ليش ماجيت اليوم على الغداء سلمان : انا اي عزيمة غدا صعب احضرها ارجع من الجامعه دايخ وانام سيده خاصه اني في سنة تخرج ووقت اختبارات يعني زين يوم اجي اجلس معكم وليد منسدح على الكنب وسرحان وفجأه قام جلس : ياخي اقهوتكم وين راسي مصدع كايد :دقيقه ويجيبها القهوجي توني قايله يجيب اقهوه وشاهي هنا دخل عليهم ماجد ومن غير نفس :السلام عليكم ردو كايد ووليد وهم مكانهم لانهم شايفينه على الغداء وسلمان قام سلم عليه وماحبه ابد ماجد يناضر في سلمان ووليد بتكبر وليد مطنشه والااهتم لتصرفاته اما سلمان انفقعت مرارته لمى شاف كيف يناضر فيه بتكبر وغرور اشر جهة ارجوله :شفها طاحت جنب انعولك وليد وكايد الي يعرفون عبط سلمان ناضرو في بعض بضحكه مكتومه اما ماجد قعد يناضر ارجوله بيشوف وش الي طاحت ماشاف شي رفع راسه لسلمان وهو عاقد حواجبه :وشهي سلمان بسخريه عينك الي تقلبها فينا كأنك شايف ناس من كوب ثاني وليد وكايد :هههههههههههه ماجد ناضرهم بعصبيه :اسمج من كذا مابعد شفت سلمان شاف القهوجي جاب القهوه وحطها على الطاوله راح لها شالها بطوفريتها وجلس في الارض وحط القهوه قدامه دخل القهوجي مره ثانيه بطوفريه فيها الحلا والمعجنات اشرله سلمان يجيبها عنده واهو متعمد ينرفز ماجد الي جلس على الكنب قريب من كايد :الي يبي قهوه ينزل يجلس في الارض انارجال بدوي ولاعندي تفندي وليد فاهم سلمان واعجبته حركته خل ذاك المغرور ينفقع قام وجلس جنب سلمان وخبط فخذ سلمان بيده :صب قهوه لابوه من تفندي الي يحرمنا قهوتك كايد ابتسم لماجد الي مكشر بقرف من تصرفات سلمان وقام اسحبه بيده :قم تقهو جلست الارض تجيب العافيه ماجد قام مع كايد واخذ من الكنب مخده حطها تحته وجلس عليها : علشانك بس والا الهمجي ذا ماينجلس معه سلمان ناضره برفعت حاجب ورجع يتقهوى والاعبره كايد تضايق من تعامل ماجد مع اصدقائه : انا ماخاوي همج وسلمان رجال كفو سلمان ابتسم لكايد وماجد عصب :يعني انا الي ماني بكفو كايد :انا ماقلت كذا ولومانت بكفو كان ماخاويتك السنين هذي كلها بس لاتستعجل في احكامك وانا متاكد انك اذا عرفت الشباب بتحبهم سلمان بلعانه :انا لاتحبني اخاف اكره نفسي اذا انت حبيتني كايد اخبطه على راسه :سلمانوه وتبن ماجد حامت كبده من المتخلف ذا :الله يصبر الارض عليك وليد عطى سلمان نضره يعني مشها علشان كايد وسلمان حده منغث اكره ماعنده الانسان المتكبر مايقدر يصبر عليه سحب واحد من صحون الحلا وحط حرته فيه | ||||||||
|
| |
|
21-02-17, 01:36 PM
| #369 | ||||||||
| السلام عليكم ورحمة الله وبركاته كل الشكر لكما فيتامين & نبض أفكاري وجه نظرك كاتبتي قد تكون صحيحة لو كانت صيتة على نياتها ولكنها ذكية جداً ونزلت عشان تقهره واثبت هذا بارت اليوم فيبدو انها تصارع لكي لا تتزوج وليد رغم اني شعرت بانها تميل له هل حقاً الوصية جابرتها على وليد يمكن اذا سوت الي في راسها واخذت راكان راح تندم على تفريطها بوليد البارتات الجاية مع اقتراب مدة الانتهاء راح يصير فيها انفجارات الله يستر شيخة ومضاوي رجعونا لاول البارتات الفتيات البسيطات نقاشهم وترتيبهم لمهورهم بقالب كوميدي جداً رائع اتمنى لهما التوفيق وان ينسى نمر صيتة ولا يكون كفهد الغالية الجازي وتغييرها للافضل ولله الحمد وتغير رعد ويزن في معاملتها واخواتها كذلك واحترامها لابيها وزوجة ابيها كل هذا كان بعد الله بفضل وصايف وتصالحها مع نفسها حيث احببت حديثها عن فهد وصيتة فالجازي معدنها طيب ولكن الظروف خانتها يا نبض هل يكون سلمان ولد خالها الي بيتزوجها🤔؟احسهم لايقين لبعض مناير وانس ومازال التوفيق والهناء يلازمهم واتمنى ان تستمر حياتهم هكذا اخيراً شلة وليد اجتمعوا مع ماجد في هذا البارت رأينا جانب واحد من ماجد وهو التكبر ربما يغار على كايد فقد اصبح له اصدقاء اخرين غيره لهذا يعاملهم بعلو سلمان انسان نظيف الي في قلبه على لسانه وليد باقي اسبوع وتظهر النتيجة هل صيته من نصيبك ولا بتلعبها بنت عمك وتاخذ اخوك؟! تقبلن مروري لكن مني كل التقدير والاحترام | ||||||||
|
| |
|
21-02-17, 05:36 PM
| #370 | |||||
| كاتبة في منتدى الروايات والقصص المنقولة
| اقتباس:
وجزاك الله خير | |||||
|
| |
|
| أدوات الموضوع | |
| انواع عرض الموضوع | |
|
|
415Likes
.png)
.png)
العرض العادي
