أحببت راعية الغنم / للكاتبة أسماء خالد البحيري ، مصرية مكتملة

[لامارا]

البارت الـ 19




قامت بإغلاق الانوار المضاءة بعد ما ذهب الجميع للنوم
كادت ان تصعد لكن اوقفها سماع صوت نحيب ..بحثت عن مصدر الصوت وجدته آتى من غرفة المكتب ..دلفت لتجد الغرفة مظلمة لكنها استطاعت ان ترى من ضوء القمر المتسلل
لتجد سعاد تصلى..نظرت اليها بشفقة
فوقفت خلفها تنتظرها حتى تنتهى فهى تعلم سبب هذا البكاء
بعد ان انتهت سعاد ظلت تدعى
التفتت خلفها لتجد علا جالسة
سعاد وهى تجفف دموعها التى سالت على وجنتيها
سعاد :انتى هنا من امتى
اتت علا اليها وجلست بجانبها
وعانقتها بشدة وبكت بصمت
مما جعل سعاد ان تبكى بشدة
وبعد ما هدأت
علا :سعاد دى قدرة ربنا ..مش يمكن ربنا شايلك الاحسن والافضل
سعاد بدموع :بس انا دلوقتى كبرت ..لكن غصب عنى يا علا محدش هيحس بيا ..انا كان نفسى ابقى ام واسمع كلمة ماما ..كان نفسى احس احساس الامومة ..ده كتير عليا
علا بعتاب :ليه كده يا سعاد دى حكمة ربنا وده قضاءه ..
وبعدين ياسين وياسمين ونور دول ايه ..مش ولادك بردو
ولا ايه ..مين اللى رباهم مش انتى ..دول حتى لما بيبقى فى حاجة
بيجوا يحكوهالك انتى ..سرهم كلو معاكى
سعاد :والله ربنا اللى يعلم انا بحبهم ازاى
لم تتركها علا حتى هدأت ..
__________
ايسل :يلا يا بابا احنا كده هنتأخر
احمد :مش لما نيفين تخلص و الين
ليأتى ادهم من الخارج :يلا يا جماعة هفضل مستنى تحت كتير
احمد :لسه نيفين والين مجهزوش .. ثم اسطرد قائلا :اومال فين عمر
ادهم :عمر مستنى تحت
ايسل :طب انا هنزل اقف معاه
وبعد قليل اتت نيفين والين
نيفين :بص يا احمد عشان تبقى عارف كده من اولها انا لايمكن اكل من الاكل اللى هناك
احمد :ليه بقى
نيفين :انا معرفش هما عاملينوا ازاى ولا بأيه وبعدين انا متعودة اكل من الاكل اللى بعمله
احمد:اه الاكل اللى بنروح المستشفى بعدها
نيفين بحدة :نعم
احمد :بقول على راحتك يلا بقى هنتأخر

________
بحثت عنه لتجده واقف امام البوابة..فسارت نحوه
ايسل :على فكرة يا عمر انت متغير اوى من امبارح
عمر :متغير ازاى يعنى
ايسل :يعنى مبتهزرش معايا ولا حتى بترخم عليا
ابتسم عمر :عشان تعرفى قمتى انى انا ادمان يابنتى محدش يقدر يستغنى عنى
ايسل :ياعم متتغرش اوى كده ...قولى بقى مالك..مهو انا مش هسيبك غير لما تقول
عمر بأبتسامة :مهو مفيش حاجة اقولهالك
ايسل بنصف عين :ياراجل ..على راحتك بس هعرف بردو
ثم ابتسمت عندما نظرت خلفه
التفت عمر الى ماتنظر اليه
وجد الجد على وعائلته
على :انتوا مش رايحيين ولا ايه
عمر :مستنيينهم ..على بال ما يخلصوا
هتفت ايسل قائلة :اهم جم ..
فساروا جميعا معا متجهيين الى فيلا عم حسين
كانت ياسمين تختلس النظر الى عمر..لتجده يتحدث مع ايسل فتشعر بالضيق
وكزتها نور ثم قالت بصوت خافت
نور :اتلمى بقى انا شيفاكى
ياسمين بتلعثم :ايه يانور انا عملت ايه
نور :ولا حاجة يا حبيبتى اصلى بحب اتبلا عليكى ...يلا بصى اودامك وانتى ماشية
_______
عندما دلفوا وجدوا اناس كثيرة ..فجلسوا فى حديقة الفيلا
قامت زوجات ابناء الحاج على بالذهاب الى زوجة عم حسين لمساعدتها
احمد بصوت خافت :يلا يا نيفين روحى معاهم
نيفين بعد فهم :اروح فين
احمد :روحى ساعديهم انتى مش شايفة
نيفين :نعم اروح فين 0.واساعد مين ..وانا مالى احنا جايين نضايف ولا نخدم
ثم قالت بعند :انا قاعدة هنا ومش هتحرك..وبعدين اكيد عندهم خدامين
احمد :اكيد فى بس انتى شوفتى الستات كلهم قاموا ..و انتى كده كده هتقومى عشان الرجالة هيقعدوا لوحدهم والستات لوحدهم ..فيلا قومى من دلوقتى
قامت نيفين بتأفف وذهبت الى سعاد
نيفين :هو انا المفروض اعمل ايه
سعاد :تعالى وزعى معانا الاكل
نيفين :لالا بقى انا نيفين هانم توزع الاكل بدل ما يجيلها لحد عندها
ضحكت سعاد :طب اتفضلى اقعدى واحنا هنجبهولك
ابتسمت نيفين :طيب انا هقعد هناك.. وكادت ان تمشى وجدت من يسحبها
نيفين :هو انتى يا ايسل ..عايزة ايه
ايسل بفرحة :يلا ياماما تعالى ساعدينا
نيفين :انا لا يمكن احط ايدى فى حاجة ..يلا امشى ..انا هروح اقعد مع الين
نظرت نيفين وهى تبحث عن الين وجدتها تساعدهم ..فنظرت اليها بعدم رضا
ايسل :ها هتيجى
_________
كانت زينب تقوم بوضع الطعام فى الاطباق
زينب :علا ودى الطبق ده هناك وخلى ام علاء تيجى مكانى على بال ما احضر المكان اللى هنقعد احنا فيه
لم تجد رد من علا فنظرت اليها وجدتها تضحك فى صمت
زينب :انتى بتضحكى على ايه يا علا
علا وهى تشير :بصى نيفين مرات استاذ احمد مش عارفة تعمل حاجة
ضحكت زينب :طب بس بقى واعملى اللى قولتلك عليه
______
رن هاتف عمر فخرج ليرد بعيدا عن الضوضاء
لمحته يتحدث فى الهاتف وهى تضع الاطباق على الطاولة فى الحديقة
لم تعرف ماذا تفعل..فهى لا تحب ان تغضب احد منها .. لم تشعر بنفسها الا وهى امامه
اغلق عمر الهاتف عندما رءاها واستدار ليرحل
لكنه توقف عندما سمعها
ياسمين وهى تفرك بيديها بأرتباك :انا اسفة ..بجد انا مكنتش اقصد
لم يلتفت اليها عمر وظل معطيها ظهره
فقالت ياسمين بحدة : عمر انا بكلمك يبقى تبصلى مش تدينى ضهرك
انا مبحبش حد يتجاهلنى
نظر اليها وقال ببرود:كده كويس يعنى يا انسه ياسمين ولا عايزانى اعملك ايه ..
ادمعت عيناها :على فكرة مبحبش حد يكلمنى بالطريقة دى
وبعدين انا اعتذرتلك على طريقتى لما كلمتك بيها
بس اظاهر انك مش مهتم بأعتذارى ليك
وانا اسفة تانى مرة عشان ضايقتك لما جيت
واستدارت لترحل لكن امسكها عمر من يدها
عمر :استنى بس يا ياسمين
نظرت ياسمين ليده التى تمسك بيدها
فترك يدها على الفور
عمر :انا اسف مكنش قصدى ..وبعدين انتى دلوقتى بتعيطى ليه
ياسمين وهىتزيل دموعها بيدها :انا مبعيطش ..انا مش بحب اضايق حد ولا حد يبقى زعلان منى
وجيت عشان اعتذرلك لكن انت تجاهلتنى
عمر :والله انا متجاهلتكيش ..وياستى انا اسف انا كمان
خلاص بقى شيلى التكشيرة دى
ابتسمت ياسمين :يعنى مش زعلان
عمر بأبتسامة حانية :لا مش زعلان ..ويلا ادخلى عشان محدش يشوفك وانتى واقفة كده
ابتسمت له ثم رحلت
_____
كان كريم يساعدهم فى وضع الطعام عند الرجال
حاولت كثيرا ان تحدثه لكنه كان لا يعطيها فرصة او مجال للحديث
سعاد :نور رنى على ياسين عشان يجيى هو كمان..مفيش حد بيودى عند الرجالة غير كريم وحسام جوز زهرة
نور :حاضر يا عمتو
حاولت نور عدة مرات ان تتصل به لكنه لا يرد
فذهبت الى المكان الذى يجلس فيه الرجال
وقفت بعيدا تبحث عنه وتنظر فى وجوه كل الحاضرين
نور بدهشة :يالهوى هو انا هلاقيه ازاى
فيأتى من خلفها
كريم متسائلا:نور انتى بتعملى ايه هنا
انتفضت نور :خضتنى يا استاذ كريم ..ثم اسطردت قائلة : بدور على ياسين
ابتسم كريم :هروح اندهولك ..
اكتفت بإماءة رأسها
______
كان ادهم يتحدث مع والده فجلس عمر بجانبه
ادهم بخبث :ايه سبب الضحكة اللى على وشك دى
عمر :ملكش دعوة انت خليك فى حالك
ادهم :ماشى ياعم .. مهو احنا لينا التكشيرة
فلمح نور وهى تتحدث مع كريم فتركهم واتجه نحوها
ادهم :انتى ايه اللى موقفك هنا
نور :كنت عايزة ياسين
ادهم :طب روحى انتى وانا هناديه
نور :متتعبش نفسك كريم هينداهله
ادهم بحدة :طب امشى يلا من هنا ..
نور : انا قولتلك انى مستنيه ياسين
ادهم :نور بقولك امشى انتى مش شايفة اننا هنا كلنا رجالة وانتى واقفة ..يلا امشى
انصاعت له ورحلت
-__________
امنية زوجة عم حسين
امنية :والله يا سعاد مش عارفة اقولكم ايه..احنا تعبناكوا معانا
ده انتوا اللى عملتوا كل حاجة
سعاد :متقوليش كده يا حاجة ده احنا اهل
اقعدى انتى جنب زهرة بنتك شوفيها لو عايزة حاجة
وانا هروح اصب العصير
_______
ياسمين :ياسين استنى شوية عشان تاخد العصير
ياسين :يوووه هو مفيش الا انا
نور وهى تعطيه الصينية :مهو انت اللى اودامنا يلا روح ودى الصينية دى
ياسمين :طيب وانا هروح اجيب باقى البنات عشان يجوا يساعدونا
تأخر كريم على الاتيان ليأخذ باقى العصائر
فذهبت نور وهى تجر العربة الموضوع عليها الصوانى
كريم :اسف والله يانور على التأخير هاتيها يلا
نور :لا روح انت خد اللى هناك وانا هدى دى لياسين
ما ان ذهب حتى وجدت ادهم امامها
ادهم :انا قولت ايه ..
نور :انا مستنية ياسين والله..
ادهم :طب ياريت نبطل رغى شوية مع اللى رايح واللى جاى
نور بعدم فهم :مش فاهمة انت تقصد ايه
ادهم:هاتى انا هدخلهم
نور :انت اللى هتوزع
اخذ منها العربة :اه فيها حاجة
__________
عندما بدأ الليل ينسدل
وقف الجميع فى الحديقة
وبدأوا بتشغيل اغانى السبوع
فقامت الاطفال الصغيرة بالركض نحو امنية زوجة حسين لأخذ الشموع وقاموا بأشعاله
نور قائلة لوالدتها :ماما انا عايزة شمع
زينب :بس يانور شمع ايه ده متبقيش طفلة اكبرى شوية..الشمع ده للصغيرين
تذمرت نور وعقدت حاجبيها وصمتت قليلا حتى جاءت اليها ياسمين باسمة
وسحبتها من يدها
نور :ايه يا ياسمين
ياسمين :يلا عشان ناخد احنا كمان شمع
زينب بأبتسامة :حتى انتى يا ياسمين يا عاقلة
ياسمين :الا الشمع ..الحاجات دى مفيهاش صغير وكبير
ثم ضحكت ورحلت هى ونور
بعد ما اخذوا الشمع وقاموا بأشعاله
اتى ياسين من خلفهم واطفأه
ياسمين بعصبية :ايه يا ياسين الرخامة دى
نور :انت عاوز ايه
ياسين :حبيت ارخم بس ...وركض من امامهم ..فركضت خلفه نور ..فتوقفت عندما شعرت بالتعب
نور :ماشى يا ياسين لما نروح
xxxxxxxx
كان يشاهدها وهو واقف بعيدا عنهما ...فشعر بالضيق
عندما وجدها تركض خلفه ...لكن لاحت ابتسامة على شفتيه
عند رؤيته لضحكتها
لا يعلم لماذا ذهب اليها عندما وجدها توقفت
ادهم بجدية :فى بنت تجرى كده اودام الناس
نور وهى تلهث :اصل ياسين طفا منى الشمعة
ابتسم ادهم من داخله على هذه الطفلة
فأخرج من جيب بدلته قداحته الفضية وقام بسحب يدها الممسكة بالشمعة واشعلها
كانت تنظر له بدهشة وكادت ان تسحب يدها من يده
لكنها سرحت فى تلك العيون الرمادية الحادة..
ليأتى طفل صغير نحوها
الطفل :ابله نور يلا نلعب
انتبهت نور له فسحبت يدها سريعا من يده واخفضت عيناها
فى خجل واصبحت وجنتيها حمراواتان
ثم ذهبت سريعا بدون ان تنظر اليه
_________


يتبع بأذن الله بقلم \أسماء خالد البحيرى

[لامارا]

البارت الـ 20


انتهى اليوم
وفى منتصف الليل
ينظر الى تلك السماء الصافية التى يزينها تلك النجوم اللامعة ويتوسطهم القمر المتلآلآ..وعلى ثغره ابتسامة صغيرة
فأتى ادهم اليه وجلس بجانيه :سرحان فى ايه كده
انتبه له عمر قائلا :مفيش بعد النجوم
ادهم :بعيدا عن التريقة..قولى بقى كنت متضايق من ايه
متحاولش تكدب قول مفيش مفر
عمر باسما :كل الحكاية ان .......
ادهم :انت حبيتها ولا ايه
عمر بأندهاش :حبيت ايه ياعم ده انا شوفتها مرتين تلاته
الحق احبها لا طبعا هو ممكن اعجاب مش اكتر
ادهم ساخرا :مجرد اعجاب وسرحان اوامال لو حاجة تانية كنت هتعمل ايه
عمر ناظرا اليه بعدم رضا :خليك انت فى عقدك دى وسيبنى فى حالى
ادهم ويهم بالنهوض :طب انا هروح انام مش قادر
عمر :خلاص روح انت وانا شوية وهاجى
_________
كانت جالسة فى حجرتها تشعر بالضيق
لماذا تغيرت معاملته معى
لم يعد يتحدث معى ..عندما احاول ان اتحدث معه يتركنى ويذهب ولم يجعل لى الفرصه ان اتحدث معه
تذكرت عندما شعرت بشعور غريب عندما رأته يتحدث مع نور
لم تشعر بهذا الشعور من قبل حتى مع ادهم
ايعقل ان اكون احببته
انتفضت الين عندما جالت هذه الكلمة فى خاطرها
هل من الممكن ان يكون هذا الحب
فأنا لم احب احدا من قبل
لكن عندما اكون معه اشعر بالاطمئنان ..اشعر بأننى اريد التحدث معه عندما لا يكون معى
وليكن احبه ..هل هو ايضا يحبنى
تذكرت عندما اخبرته فى النادى بموعد خطوبتها ..تغيرت ملامح وجهه الى الحزن وذهب ..ونظرة الهلع عندما رأها تبكى

تذكرت مواقف كثيرة ..لكن وماذا عن ادهم
ادهم لم اشعر معه بشئ على الاطلاق ..
فهو دائما مشغول عنى ..
ظلت تفكر كثيرا الى ان حسمت امرها
-__________
بعد مرور اسبوعين
كانوا جميعا جالسيين فى حديقة الفيلا
ايسل :بابا هو احنا خلاص هنرجع القاهرة
احمد :ايوه هنمشى بكرة ..انتى زهقتى ولا ايه
ايسل وهى تنظر حولها :لا بس انا حبيت هنا
تدخلت نيفين :حبيتى ايه هنا الناموس اللى هيموتنا
لالا ده انا مصدقت انى همشى
ادهم :بابا انا بفكر اشترى الفيلا دى من عم حسين
وفى الاجازة نيجى هنا
ايسل :والله فكرة حلوة
احمد :والله شوف اللى يريحك واعمله ..
نيفين :انا مش موافقة بدل ما تجيبها فى الساحل ولا الغردقة
تجيبها فى المنصورة
عمر :وانتى مزعلة نفسك ليه يا خالتو هو انتى اللى هتشتريها ولا ابنك
نظرت له بحدة :اخرس انت
عمر :انا هروح عند امى ولا تقولى اخرس ولا بتاع
ونهض ليرحل
احمد :استنى يا عمر انت رايح فين
عمر :رايح عند امى ..اقصد هتمشى شوية
ادهم :طيب انا هروح لعم حسين اتفق معاه
قالت الين سريعا :ادهم خدنى معاك
ادهم معترضا :اخدك فين ..هو انا خارج اتفسح
نيفين :ماتخدها معاك ..على الاقل تغير جو
يلا ياحبيبتى روحى معاه هو مش هيعترض
ادهم بضيق لينتهى من كلام والدته :طيب يلا
وبعد ان ذهبوا
نظرت ايسل لوالدها بضيق
احمد :مالك يا حبيبتى متضايقة ليه
ايسل :مفضلش الا انا
ممكن اروح عند نور شوية
احمد :هتعرفى تروحى
ايسل :ايوه طبعا هعرف
احمد :طيب روحى ..واول ما تروحى اتصلى بيا عرفينى
ايسل :حاضر
نظرت له نيفين بحنق :على فكرة انت مدلعهم اوى
احمد :مهو كفاية انتى عليهم
نيفين :تقصد ايه يا احمد
احمد ويهم بالنهوض :مقصدش حاجة ...انا رايح المزرعة شوية
__________
كانت تسير ساحبة الفرسة وهى تدندن ببعض الكلمات

فأتى من خلفها :فى حد يعمل كده
نظرت خلفها :تانى ..ولما بزعقلك بتزعل
ابتسم عمر :معلش مكنتش اقصد اخضك
ياسمين :طيب ..انت بتقولى فى حد يعمل كده على ايه
عمر :ياريت بعد كده وانتى ماشية متدندنيش
ولا تغنى طبعا افرضى حد سمعك
ياسمين :وانت مالك اغنى ولا مغنيش ده شئ ميخصكش
عمر بجدية :لا يخصنى ..اسمعى الكلام وخلاص
وبعدين انتى ماشية لوحدك ليه
لم ترد وسحبت الفرسه لتذهب
عمر بحدة وامسكها من يدها :لما اكون بكلمك تردى ومتمشيش
ياسمين وهى تحاول ان تفلت يدها :طيب سيب ايدى
افلت يدها ثم قال :سمعتى انا قولت ايه
ياسمين :انت ملكش الحق انك تكلمنى بالطريقة دى ولا
تمسكنى كده وبعدين اسمع كلامك بتاع ايه
عمر بجدية :هتعرفى بعدين ..
ياسمين :طيب ينفع امشى ده من بعد أذن حضرتك
عمر بأبتسامة :اه ينفع ..بس مش عاوزة تسلمى عليا قبل ما امشى
ياسمين بتساؤل :ليه يعنى انت رايح فين
عمر :هنرجع تانى القاهرة بكرة
بهت وجه ياسمين وقالت بحزن فشلت فى اخفاؤه :طيب تروح بالسلامة
وتركته وذهبت
ابتسم عمر بخبث وقال :طب ما كان من الاول
__________
كانوا يقومون بحزم امتعتهم
زينب :نور انتى متأكدة انك مش ناسية حاجة
نور :ايوه يا ماما لميت كل حاجة
زينب :طيب هروح انا احضر حاجتنا ..وانتى روحى بقى ساعدى عمتك علا
نور :هى ياسمين فين
زينب :خرجت من شوية ..يلا بطلى رغى وروحى ساعديها
ذهبت نور لعلا وجدتها انهت كل شئ
فذهبت لتبحث عن ياسين
وجدته فى الحديقة جالس امام حوض الزهور
ومعه اللابتوب يتصفح الانترنت
فجلست بجانبه وهى عابسه ..
نظر اليها ياسين :ايه يا نكد ..انتى جاية تنكدى عليا
نور :تصدق انا غلطانة انى جاية اقعد معاك
ياسين :بهزر ..مالك قالبة وشك ليه
نور :عشان هنمشى بكرة
ياسين:ما احنا هنيجى تانى يا نور فى الاجازة ..وبعدين ده مرشح كل مرة
تيجى تقوليلى كده وانا اقولك نفس الكلام
يلا امشى ده انتى نكد صح
نور :ماشى يا ياسين
وتركته وذهبت
.
.
لمح ياسين ايسل وهى اتيه
فأتجهت نحوه عندما رأته
ياسين :وانا اقول الفيلا نورت ليه
ايسل بخجل :ازيك يا ياسين
ياسين :تمام ...انتى ايه اللى جابك
ايسل :نعم
ياسين مدركا :اسف ..مش قصدى والله
اقصد انتى جاية ليه ..يوووه
منورة يا ايسل
ضحكت ايسل :خلاص خلاص ..فين نور
ياسين بفضول :انتى عاوزاها ليه
ايسل :كنت جاية اسلم عليها قبل ما امشى
ياسين :وانتى ماشية رايحة فين
ايسل :هنرجع القاهرة بكرة
ياسين :ااه ..نشوفك بقى فى القاهرة ..احنا كمان راجعين بكره
ايسل :طب اندهلى نور
ياسين :ادخليها جوه
ايسل بحرج :لا اندهلها
ياسين :طيب تعالى انا هدخلك
_________
وافق عم حسين على بيع الفيلا لادهم
كانت الين حزينة عندما علمت برجوع كريم القاهرة
بدون علمها ..فهى ايقنت انها حقا تحبه
كانت تسير مع ادهم
ادهم :الين مالك
انتبهت له :بتقول حاجة
ادهم :انتى تعبانة ولا حاجة
الين :لا ابدا ..ادهم كان فى موضوع عايزة اكلمك فيه
ادهم :طيب ينفع لما نرجع القاهرة
الين :ماشى
________
فى المساء
بعد ان ذهبوا جميعا الى النوم مبكرا
حامد :ايه يا سعاد مش هتنامى
سعاد :روح انت يا حامد وانا هاجى وراك
حامد :طيب متتأخريش عشان تعرفى تنامى
سعاد :حاضر
بعد ان ذهب
ذهبت سعاد لحجرة ياسمين ..بعد ان فتحت لها ياسمين
سعاد بخضة :مالك يا ياسمين انتى معيطة
كانت عيناها حمراء
ياسمين :عمتو انا عايزة اتكلم معاكى
وبعد مرور وقت ليس بطويل
سعاد وهى تربت على ياسمين :ياسمين انتى بتحبيه
ياسمين :مش عارفة ..بس لما قالى انه هيرجع اتضايقت انى خلاص مش هعرف اشوفه تانى
بس مش معقول اكون حبيته فى شهر
سعاد :حبيبتى الحب مش بعدد الايام ولا بالشهور ولا بالسنين
الحب ممكن يجى بنظرة واحدة
ياسمين :طب اعمل ايه دلوقتى يا عمتو ..
سعاد :هو بيحبك
ياسمين :مش عارفة هو مقاليش ..بس طريقة كلامه معايا
بتحسسنى بكده
سعاد :بصى يا حبيبتى هو لو بيحبك هيجى لباباكى
ويقوله ..
بس اهم حاجة دلوقتى انك تروحى تغسلى وشك
وتيجى تنامى عشان هنسافر بكرة
ومتحاوليش تفكرى كتير
ثم قبلتها وقالت :يلا اسمعى الكلام
ياسمين :حاضر يا عمتو
سعاد :تصبحى على خير يا حبيبتى
ياسمين :وانتى من اهل الخير
______

xxxx*
يتبع بأذن الله بقلم \أسماء خالد البحيرى

[لامارا]

البارت الـ 21



وقفوا جميعا امام الفيلا مستعدين للرحيل
الجد على :يلا بقى يا نور هنفضل واقفيين كتير
مش كل مرة توقفينا كده
نور :طيب مين هيعتنى بألين
محمد :متقلقيش عم سالم هيعتنى بيها
نور :مينفعش ناخدها معانا
محمد:ياحبيبتى مش هينفع اول ما تخدى الاجازة هبقى اجيبك
نور :طيب يلا
على :هنيجى اول ما تخدى الاجازة
حامد :بابا انت هتركب معانا تعالى يلا
واستقلوا سياراتهم وساروا فى طريقهم متجهين الى القاهرة
فى سيارة حامد
حامد :بابا انت اتفقت مع استاذ احمد بخصوص الشغل
على :اه هيبقى يجيلى الشركة فى القاهرة ونشوف..مهو خلص الشغل هنا
جالسة فى الخلف ..تخرج من الحقيبة علب عصير ..وتناولهم لهم
على بأبتسامة :انتى دايما كده يا سعاد
سعاد :ما انتوا مفطرتوش كويس
حامد بأبتسامة :ربنا يخليكى لينا

ُُُُُُُُُ
فى سيارة عمر
جلس احمد بجانبه فى الامام ..اما ايسل كانت نائمة فى الخلف
احمد :اعمل حسابك يا عمر ان النهاردة فى شغل يعنى هتيجى الشركة
عمر :ايه يا عمى شغل ايه بعد المشوار ده
ده انا ضهرى اتكسر من دلوقتى
احمد بصرامة :عمر بطل دلع بقى واتحمل المسئولية
اومال ازاى عايز تخطب
فتحت ايسل عيونها على هذه الكلمة واقتربت من مقعد عمر
ايسل بفضول :عمر انت هتخطب بجد
عمر :لا بهزار ..انتى مش كنتى نايمة
ثم نظر لاحمد بضيق
احمد بصوت خافت :الكلمة طلعت لوحدها
ايسل :متفهمونى فى ايه
احمد :مفيش يا حبيبتى كملى نوم يلا
ايسل :ااه طيب ...بس هعرف على فكرة

ُُُُُُُُُ
قام ادهم بتوصيل الين لمنزلها ورحل
عندما رأتها والدتها اتت مسرعة واحتضنتها
شاكيرا :عامله ايه يا حبيبتى ..ايه اخبار السفرية ...قوليلى
قربتى من ادهم ..احكيلى كل حاجة حصلت
الين بحنق :ماما ادينى فرصة اتكلم
انا لسه حتى مقعدتش ..وبعدين انا تعبانة وعايزة انام
وكادت ان تمشى لكنها انصدمت عندما رأت

ُُُُُُُُ
عندما وصل ادهم الفيلا
ذهبت والدته الى حجرتها لتستريح
ووجد اخته جالسه فى الصالون
جلس بجانبها بأرهاق شديد
ادهم :انتى قاعدة كده ليه
ايسل :بفكر يا ادهوم فى اللى سمعته
ادهم :طلاما فيها ادهوم يبقى فعلا بتفكرى ..قوليلى يا رويتر سمعتى ايه
ايسل :لا انت هتروح تقول ..وابقى انا كده طلعت فتانة ..بس كده كده الموضوع هيتعرف
امسك ادهم الوساده وضربها بها :متخلصى قولى
ضحكت ايسل وقالت :عمر هيخطب
ادهم بدهشة :يخطب ازاى ده مقاليش حاجة
ايسل :بابا بس اللى عارف
ادهم مستحلفا :والله لما اشوفك يا عمر
ايسل :وانت لسه هتشوفه ..قوم ده طلع ينام فى اوضتك
تركها وركض مسرعا

ُُُُُُُُ
فتح ادهم باب الغرفة بعنف
مما افزع عمر وجعله يستيقظ
عمر بعصبية :ايه يا ادهم حد يعمل كده
ادهم :وهو انت لسه شوفت حاجة
ثم امسك الوسادة والقاها عليه وكاد ان يضربه
عمر :ايه الغباوة دى ..فهمنى فى ايه
ادهم :بقى انا دايما احكيلك كل حاجة لما بكون متضايق ..واى حاجة بتحصلى بتكون انت اول واحد عارف .. لكن اعرف دلوقتى ان انت عايز تخطب .وانت كنت ناوى بقى تعرفنى على معاد الخطوبة امتى ...ولا كنت هتقولى بيها فى نفس اليوم
وضع عمر يده على فم ادهم :ايه راديو ...اخرس بقى
ادينى فرصة اتكلم
ادهم :اتفضل اتكلم
عمر :اولا البت اختك دى ليها حساب معايا عشان تسمع الكلام وتيجى تقولك
ادهم :ملكش دعوة بيها وورينى هتعملها ايه
عمر :متقاطعنيش بقى ...ياعم كل الحكاية انى كنت هقولك اول ما نيجى هنا ...بس ابوك هو الوحيد اللى عرف بعد ما ماما وبابا اتصلت بيهم وقولتلهم

لما كنا هناك فى المنصورة قبل ما نيجى بيومين
فلاش باك
كان عمر جالس فى الحديقة ليلا
فأتى احمد :ايه اللى مصحيك لحد دلوقتى يا عمر
عمر :مفيش يا عمى كنت بفكر فى حاجة
جلس احمد :ااه...ايه الحاجة اللى بتفكر فيها مخليه عينك بتلمع كده
عمر بحرج :احم احم ...انا هقولك
احمد :قول وانا سامعك
عمر :بصراحة بفكر احترم نفسى بقى واخطب
ابتسم احمد وقال بجدية :طيب البنت دى من القاهرة ولا من هنا
عمر :لا من هنا ..وانت كمان عارفها
احمد :مين اللى امها داعية عليها عشان ربنا يبتليها بيك
عمر :اخص عليك يا ابو حميد .. بقى انا ابتلاء .. على العموم هى ياسمين بنت عم سامح المنشاوى
احمد :ونعم الاخلاق البنت دى مؤدبة ومحترمة
يا زين ما اخترت..بس انت لحقت تحبها
عمر وهو يرجع رأسها للخلف :مش عارف يعنى فى الفترة القصيرة دى لحقت احبها ..بس اللى متأكد منه انى عايز ارتبط بيها لما بشوفها بحس انى مش على الارض ..حاسس انها فيها منى ..

أحمد : طيب انت فاتحتها فى الموضوع ده ولا كلمت حد من اهلها
عمر :لا انا اتصلت بـ بابا وماما عشان ينزلوا ويجوا
بس انا قولتلهم عليها
احمد :طيب خير ان شاء الله ..متتكلمش بقى فى حاجة لغاية ما نرجع القاهرة
بااااااااااك
ادهم :يا ابن الـــ
عمر :ايه هتغلط ليه ما انت عرفت خلاص
ادهم :ماشى يا عمر على العموم مبروك
عمر :الله يبارك فيك..ثم عانقه
ادهم :على فكرة ياسمين محترمة جدا فعلا يازين ما اخترت
ابتعد عنه عمر وتغيرت ملامحه وجهه
عمر :ما تحترم نفسك يا عم ادهم ...
ابتسم ادهم :هو انا قولت حاجة ..وبعدين انت بتغير يا جميل
عمر :اخرج يا ادهم سيبنى اريح بقى
ادهم :اخرج فين دى اوضتى
استلقى عمر على السرير وسحب الغطاء عليه
عمر :يلا اطلع بره بقى كفاية ان فى شركة كمان شوية

ُُُُُُُُُ
جلسوا جميعا على مائدة الطعام يتناولون وجبة الغداء
محمد :بابا هو احنا هنروح الشركة النهاردة
على :لا مفيش داعى نروح النهاردة ..
كفاية سفر النهاردة ده ...انا عايز كال وادخل اريح
ياسمين :بابا انا عايزة انزل اشترى هدوم للجامعة
سامح :مفيش مشكلة يا حبيبتى ..روحى انتى واخوكى فى الوقت اللى انتوا عايزينه
نور بفرحة :وانا كمان عايزة اجى اشترى ...انا مش مصدقة انى خلاص هدخل الجامعة
ياسين :صحيح الجامعات بتلم
نور :مهى فعلا لمت لما يبقى انت فيها
ياسين :طب شوفى مين اللى هتروحى معاه عشان تيجيبى هدومك
نور :قال يعنى مفيش الا انت اللى هيودينى
علا :بس بقى نفسى اشوفكم هاديين واحنا بناكل
خلوا الخناق لما نخلص اكل

ُُُُُُُُ
خرجت من المنزل وهى فى حالة لا يرثى لها
كانت تشعر بالضياع ..تود ان تبكى لكن دموعها
جفت لا تريد الخروج من مقلاتيها
تريد ان تصرخ ...لكن صوتها ابى ان يخرج
لا تعرف ماذا عساها ان تفعل
اول شخص اتى على خاطرها كان كريم
ظلت تتصل به مرارا لكنه لم يجيب
وفى المرة الاخيرة وجدت هاتفه مغلق
ظلت تبحث فى هاتفها على غير هدى
حتى وجدت اسم صديقتها مى ....اتصلت بها واخبرتها انها تريد ان تتحدث معها ..فعلمت انها فى النادى ..استقلت سيارتها وذهبت اليها
.
.

ُُُُُُُُُُُ
صفت سيارتها
وذهبت لتبحث عن صديقتها ...كانت عيناها تدور فى المكان
كالطفل الصغير التائه
رأتها صديقتها مى فركضت نحوها
مى بذعر:الين مالك يا حبيبتى
نظرت اليها الين واخيرا تركت لدموعها الانسياب
مى بهلع :فهمينى فى ايه ...بتعيطى كده ليه
طب تعالى نقعد طيب
اختارت مى طاولة بعيدة عن المارة
مى :الله يخليكى يا الين فى ايه ..قوليلى مقلقنيش عليكى
الين من بين دموعها :ماما
مى :طنط حصلها حاجة
الين تحرك رأسها نافية :لا اتجوزت
مى بصدمة :ايه اتجوزت ...طيب بصى اهدى كده وبطلى عياط
وفهمينى براحة
فلاااااا باك
الين :ماما انا تعبانة ..وكادت ان تمشى لكنها انصدمت عندما رأت شاب امامها مرتدى تيشرت كات وشورت
الين بحدة :انت مين ..ثم التفتت الى والدتها :مين ده
شاكيرا وهى تقف بجانبه :احب اقدملك يا حبيبتى هانى جوزى
الين بصدمة وعدم استيعاب :جوزك!! ..ازاى؟ اتجوزتيه امتى؟
شاكيرا :لما انتى سافرتى
الين بصوت عال نسبيا:يعنى انتى خلتينى اسافر عشان تروحى تتجوزى واحد اد بنتك
هانى وهو يضع يده على كتف شاكيرا :عيب يا الين متعليش صوتك على ماما
الين بصراخ :انت تخرس خالص فاهم
شاكيرا :الين اتكلمى بأدب
الين بأنهيار ودموع :ادب ايه اللى بتتكلمى عنه ...انتى لا يمكن تكونى ام انتى ...بجد حرام عليكى ... هو انا مش فارقة معاكى خالص
ده انا بعمل كل حاجة انتى بتقوليلى عليها ...خطبتينى لواحد
عشان فلوسه ..وانتى دلوقتى متجوزة عيل هيضحك عليكى
وياخد فلوسك ...

لم تشعر بنفسها الا بيد والدتها التى هوت على وجهها
وضعت الين يدها على وجهها بصدمة
ثم نظرت الى والدتها نظرة يختلط فيها العتاب واللوم والكره
جلست الين على الارض وهى تشعر انها فى حلم بل كابوس
لا يريد ان ينتهى
شاكيرا بصرامة :احترمى نفسك وانتى بتكلمينى ..انتى نسيتى نفسك ..هى دى التربية اللى ربتهالك
عجبك او مش عجبك هانى جوزى والموضوع منتهى
نظرت الى والدتها بعيون تائهة ..
هل هذه والدتها ام من
هانى وهو يسحب يد والدتها :متعصبيش نفسك يا حبيبتى
ثم تركوها وذهبوا
باااااااك
ما ان انتهت حتى انخرطت فى بكاء مرير
ظلت مى تواسيها قرابة نصف ساعة حتى هدأت قليلا
الين بصوت مبوح :عارفة يا مى انا دلوقتى فلا بقيت وحيدة
وماليش حد ...بابا الله يرحمه هو كان كل حاجة فى الدنيا ..
ليه سابنى ...استغفر الله العظيم
مى بعتاب :اخص عليكى يا الين طيب انا روحت فين ...وادهم
الين بسخرية :ادهم ايه يا مى انا خلاص هفسخ خطوبتى
مى :ايه تفسخيها انتى اتجننتى
الين :ده انا هبقى اتجننت فعلا لو فضلت معاه
ادهم مبيحبنيش حتى انا كمان مبحبهوش ولا عمرى حبيته
حتى الشخص الوحيد اللى حبيته ...اكتشفت انى بحبه فى الوقت الغلط
مى :مين ده اللى حبتيه
الين وهى تنظر الى الا شئ :كريم يا مى صاحب ادهم
مى :مش معقول ..وده حبيتيه امتى
الين :مش مهم حبيته امتى مش هيفيد بحاجة خلاص دلوقتى
مى وهى تربت على يد الين :طيب هتعملى ايه دلوقتى
الين بعزم :انا هسافر على اول طيارة لالمانيا يا مى
ُُُُُُُُ
xxxxxxxxxxxxxxxxxxxx
فى امان الله بقلم \أسماء خالد البحيرى

[لامارا]

البارت الـ 22
ـــــــــــــــــــــــــ ــــــ
فى الشركة الحسينى
طلب ادهم من نادين سكرتيرة مكتبه
ان تحضر له فنجان من القهوة
نادين :تؤمرنى بحاجة تانى يا فندم
ادهم وهو ينظر فى الورق :اه ابعتيلى استاذ عمر حالا
ما هى الا عدة دقائق وكان عمر جالس امامه
عمر :كنت عايزنى فى ايه
ادهم :عايزك تراجعلى على كل ورق مناقصة ....
عمر بجدية :ماشى ..بس انا كنت راجعته قبل ما اسافر
ادهم:معلش راجعه تانى ..انا عايزها ترسى علينا
المناقصة دى فاهم
عمر :خلاص متقلقش ..عايز حاجة تانى
ادهم :لا روح انت
بعد ان ذهب عمر ..رن هاتف ادهم..اخرجه من جيب بنطاله
لينظر الى الشاشة بتعجب ..فضغط على زر الرد
ادهم :ايوه يا الين..فى حاجة ولا ايه
الين :ادهم انا عايزة اتكلم معاك ضرورى
ادهم :معلش يا الين بس انا دلوقتى فى الشركة
الين بحزم :ادهم انا مش هاخد من وقتك كتير ..بس ضرورى النهاردة
ادهم :طب لو ينفع تيجى تعالى دلوقتى الشركة
الين :حاضر نص ساعة وهكون عندك
ـــــــــــــــــــــــــ

جالسة تشاهد التلفيزيون بملل
وياسمين جالسة بجانبها تأكل من طبق المكسرات
فأردفت ياسمين بضيق :نور ارسيلك بقى على قناة حولتينى
نور :مفيش حاجة جديدة ..ثم قالت بضيق :انا زهقانة مش متعودة اقعد كده ..
ياسمين :معلش بقى هنا مش المنصورة..هناك كنتى طول النهار بتبقى بره بألين او مع عم جابر
نور :تصدقى وحشتنى الين
ياسمين :هى لحقت ده احنا لسه جايين النهاردة
نور :ولو بردو وحشتنى .. انا مش متعودة على الحبسة كده والقعدة دى هناك احلى بكتير على الاقل بخرج كل شوية
وكفاية شكل الخضره اللى حوالينا
ياسمين:الايام هتعدى بسرعة ونروح تانى
نور :طب انا عاريزة اخرج دلوقتى
ياسمين :يعنى اعملك ايه ما تخرجى ..وهو انا مسكاكى
نور :متبقيش رخمة ..قومى اخرجى معايا
ياسمين :انتى مبتحسيش يا نور ...احنا لسه راجعين من شوية
من المنصورة ..وانتى تقوليلى عايزة اخرج
نظرت اليها بضيق ..ثم لفت انتباهها ياسين وهو مرتدى ملابسه الرياضية ومستعد للرحيل
نور بأبتسامة :ياسين انت رايح فين
ياسين :رايح النادى ..عندك مانع
نور بترجى :خدنى معاك ..عشان خاطرى يا ياسين انا زهقانة
ياسين بجدية :انتى لحقتى ..وبعدين اخدك فين انا رايح مع اصحابى انتى تيجى بقى تقعدى فين
ياسمين بسخرية :ميجراش حاجة خدها معاك وقعدها بعيد
ضربتها نور :ياسمين ممكن تسكتى
ياسين :طب انا هخرج النهاردة ..وبكرة هبقى اخرجك ياستى
تمام كده
نور :مش قدامى حل غير انى اوافق
ـــــــــــــــــــــــــ ــ

واقفة امام باب حجرة ابنتها تنظر فى ساعتها بضيق
نيفين :ايسل اخلصى بقى انتى كده هتأخرينى
فتحت ايسل الباب وهى تقول :خلاص ثانية بس اجيب شنطتى
نيفين :مش كنتى قعدتى النهاردة بدل ما تتعبى
ايسل وهى تمد شفتيها للأمام :يعنى هقعد لوحدى اعمل ايه
نيفين بتحذير :طيب متقوليش زهقت ويلا نمشى فاهمة
ايسل وهى تقبلها :حاضر مش هقول
ـــــــــــــــــــــــــ ـــــ
رن هاتف مكتبه
ادهم :ايوه يا نادين
نادين :انسة الين عايزة تقابل حضرتك
ادهم :دخليها فورا
ادخلتها نادين ..تقدمت نحوه وجلست على المقعد الامامى له
ادهم ملاحظا وجهها الحزين
ادهم :مالك يا الين
الين وهى تخلع الخاتم الذى زين اصبعها ..ووضعته امامه على المكتب
نظر ادهم الى الخاتم ثم نظر اليها بدهشة
الين بأبتسامة حزينة :خلاص يا ادهم كل واحد يروح لحاله
ادهم :الين انتى بتقولى ايه ..وبعدين ايه اللى غيرك كده...انتى كنتى كويسه لما روحتك
الين بدموع بسيطة :ادهم انا هبقى صريحة معاك وياريت تبقى صريح معايا
انت عمرك ما حبتنى وانا عارفة ان طنط نيفين هى اللى غصبتك عليا زى ما عملت معايا شاكيرا هانم وغصبتنى عليك
ادهم بأستغراب :شاكيرا هانم...مالك يا الين بتتكلمى بطريقة غريبة ليه كده
الين :هى دى الحقيقة يا ادهم ..انا مفيش حد بيحبنى ..حتى ماما اتخلت عنى وراحت اتجوزت
ادهم بعدم تصديق :ايه طنط شاكيرا اتجوزت ! امتى وازاى ؟
الين :مش مهم بقى مش هتفرق
ادهم مسطرد قائلا ليرد على كلمتها السابقة : مين اللى قال ان مفيش حد بيحبك ..انا بحـ
الين بأبتسامة :متكملش انت جايز بتحبنى بس كأخت زى ما انا بحبك كأخ ..
ادهم وقد شعر اتجاهها بالشفقة :طيب انتى دلوقتى هتعملى ايه
الين :انا هسافر المانيا عند عمى
ادهم :الين سبب سفرك مش مامتك ..ده فى حاجة تانية
الين :انا عايزة اهرب من نفسى يا ادهم ..انا تعبت بجد
بس يا ريت متزعلش منى لو فى يوم ضايقتك بحاجة
انا مش عايزة اخسرك كأخ ليا
ادهم :متقوليش كده يا الين انا عمرى ما زعلت منك ...
كفاية قلبك اللى مش بيشيل من حد...انا عايزك اى حاجة تطلبيها او محتاجة اى حاجة ياريت تكلمينى
نهضت الين وقالت وهى تودعه :طيب انا همشى بقى سلملى على ايسل
ادهم :انتى هتروحى تقعدى فين ...تعالى عندنا الفيلا
الين :شكرا يا ادهم ...بس انا هقعد عند مى صحبتى
ادهم :طيب مش هتقوليلى انتى هتسافرى امتى
الين :طيارتى بعد بكرة الساعة 9 الصبح
ـــــــــــــــــــــــــ ـــ
كان جالس مع اصدقاءه فى النادى
ياسر احد اصدقاء ياسين(وهو يكون ابن اخو سعاد) :بقى كل الغيبة دى يا ياسين
ياسين :ما انت عارف كنا فى المنصورة ولسه جايين النهاردة..بس والله ليكوا واحشة
ياسر :وعمتى عامله ايه
ياسين :كويسه كانت بتسلم عليك
قال احد اصدقاءه وهو ينظر بعيدا عنهم :يالهوى بصوا القمر اللى بيجرى هناك ده..فرس صح
ياسين دون ان ينظر :متلم نفسك بقى يا وليد انت مش هتبطل
وليد :ياعم اسكت انت ده انت فقرى
لكن بدون قصد وقعت عيناه على تلك الفتاة واندهش عندما
وجدها هى فستأذن منهم ونهض
وليد :هو زعل ولا ايه
ياسر :يابنى احترم نفسك بقى ده انت عندك اخوات بنات
ـــــــــــــــــــــــــ ـ
كانت تركض وهى مرتدية ترننج رياضى ضيق بعض الشئ
وواضعة كاب فوق رأسها..واخرجت منه شعرها بطريقة ذيل الحصان
ذهبت لتشترى شئ لتشربه فلحق بها
ايسل
تفوه بها هو بغضب
لتنظر هى خلفها ..عندما التفتت وجدته امامها فشعرت بالفرحة عندما رأته
ايسل بأبتسامة :ياسين ايه الصدفة دى
ياسين بحدة :انتى ايه القرف اللى لبساه ده
ايسل بدهشة :ده ترننج ..اصلى كنت بجرى
ياسين بسخرية :منا عارف والله ...انتى مش شيفاه انه ضيق
ايسل بصوت عال بعض الشئ:لا مش ضيق ...وانت ملكش دعوة باللى البسه
سحبها من يدها عندما وجد صوتها يعلى وبعض الناس التفتوا اليهم
ياسين بنظرة حادة :صوتك ميعلاش فاهمة ..وبعدين مينفعش اللى انتى لبساه ده .. ..انا محبش ان حد يتكلم عليكى..او يبص عليكى نظره وحشة
لم تعرف لماذا شعرت بفرحة تجتاحها عندما قال هذه الكلمات لكن سرعان ما اختفت هذه الفرحة
عندما قال :انتى زى ياسمين ونور وبعتبرك زيهم واللى مرضهوش عليهم مش هرضاه عليكى .. بعد كده عايزة تجرى اجرى فى بيتكم مش قدام الناس ثم تركها وذهب
ـــــــــــــــــــــــــ ـــــــ
فى المساء
ذهب عمر للمطار حتى يستقبل والديه
وذهبوا معا الى المنزل
وبعد ان استراحوا من السفر ..جلسوا فى الشرفة يحتسون الشاى
سارة :قولى يا واد عرفتها منين وازاى
رمزى والد عمر :براحة عليه يا سارة
سارة :عايزة اتطمن
عمر :متقلقيش يا ماما ..انا عرفتها فى المنصورة واللى شدنى ليها اخلاقها واحترامها
سارة وهى تغمز بعيناها :حلوة ياعمر
ابتسم عمر :حلوة بس يا ماما دى قمر
رمزى :طيب هنروح امتى نقابل والدها
عمر :انا بكرة هروحله الشركة واخد منه معاد
سارة :شركة ايه يابنى هى المواضيع دى فى الشركة برضو
عمر :ياماما اخد منه المعاد والمحله بالموضوع
ـــــــــــــــــــــــ
جلسوا يستمعون له
وما ان انتهى حتى قالت والدته بحدة
نيفين :انت عملتلها ايه
ادهم :عملت ايه يا ماما هى اللى طلبت كده وبعدين خلاص هى هتسافر
نيفين :اكيد انت اللى قولتلها حاجة تزعلها
كاد ادهم انت يتكلم لكن قاطعه والده
احمد :مخلاص يا نيفين البنت هى اللى جاتله وادتله الخاتم يبقى
خلاص مش حكاية هى
ايسل :بس انا مش مصدقة معقولة فى حد فى السن ده يتجوز
نيفين :وماله السن ده يعنى ...انتى شيفانى كبيرة يا ايسل
يعنى انتى تقصدى انى انا عجزت
ايسل :والله يا ماما مش قصدى
احمد وهو يشير لهم بالذهاب حتى لا يصطدموا معها بالكلام
احمد :ياحبيبتى البنت مش قصدها كده هى بس مستغربة انها تتجوز شاب صغير يعنى
ـــــــــــــــــــــــــ ــ

شعرت بالعطش فذهبت الى المطبخ لتشرب
لكنها سمعت صوت بكاء وانين فوقفت خلف الباب
فعلمت انها هى شعرت بالحزن على حال صديقتها
لا تريد ان تتوقف مكتوفة اليدين لا تفعل لها شئ
فعزمت على شئ سوف تفعله غدا

ــــــــــــــــــــــــ
ذهبت الى النادى وظلت تبحث عنه لكنها لم تجده
ولكنها وجدت صديقه فأتجهت نحوه
سليم :اهلا يا مى
مى :ازيك يا سليم... بقولك متعرفش فين كريم
سليم :لا معرفش ...بتسألى ليه
مى :هسألك سؤال وارجوك يا سليم تجاوبنى بصراحة
كريم بيحب الين ..فعلا
سليم بأرتباك :وانتى بتسألى ليه
مى بترجى :ارجوك جاوبنى
سليم :اه بيحبها ..بس هيفيد بأيه مهى مخطوبة
مى بفرحة :طيب متعرفش ممكن الاقيه فين
سليم :الحقيقة معرفش هو من ساعة ماجه القاهرة وانا مشوفتهوش
بس ممكن ادهم يكون عارف اصله ساعات بيروح هو وكريم للصيد فممكن يكون هناك
مى وهى تنهض :طب شكرا يا سليم
ــــــــــــــــــــ

طرقت هند سكرتيرة سامح مكتبه ودخلت
سامح :فى حاجة يا هند
هند :فى واحد بره عايز يقابل حضرتك ضرورى
سامح :مين
هند :اسمه عمر رمزى
سامح مسرعا :دخليه بسرعة
دخل عمر ورحب به سامح
سامح :تحب تشرب ايه
عمر :قهوة مظبوط
سامح :هند اتنين قهوة مظبوط
ثم التفت اليه قائلا
سامح :الشركة نورت يا بنى
عمر :شكرا يا عمى ..واسمحلى اقولك ياعمى ...انا عارف ان ده مش المكان المناسب اللى اكلمك فيه ..بس انا جيت هنا على اساس اخد رأيك الاول وبعدين اجى الفيلا عندكم لو وافقت
ها قولت ايه
سامح بعد فهم :هو انت قولت حاجة يابنى انا مفهمتش حاجة
عمر بحرج :اسف ...بس انا كنت عايز اجى اطلب ايد بنتك
ياسمين ..
سامح :طيب هو هينفع نتكلم هنا
عمر :انا جيت بس النهاردة عشان اعرف رأيك الاول فى الموضوع ..ولو حضرتك وافقت هاجى انا ووالدى ووالدتى البيت
سامح :طيب انا فاضى بكرة بعد العشا
عمر بسعادة :طيب ان شاء الله هكون عندكم بكره
وذهب وقلبه يخفق فرحا
ـــــــــــــــــــ
فى مكتب ادهم
نادين :استاذ ادهم فى واحدة بره عايزة تقابل حضرتك ضرورى
ادهم :نادين انا مشغول
نادين :قولتلها كده يا فندم بس هى مصره تقابلك ضرورى
دخلت مى بدون ان تستأذن
مى :اسفة على دخولى كده بس انا عايزة اكلمك ضرورى
ادهم بدهشة :مى !! ثم نظر الى نادين :طيب اتفضلى انتى يا نادين
مى :انا اسفة يا ادهم
ادهم :ولا يهمك ..بس فى ايه
مى :ادهم انا عايزاك تساعدنى اعرف مكان كريم
ادهم بأستغراب :كريم ...فى ايه بالظبط
قصت له مى عن حكاية الين وكريم
ادهم بحدة :هى ازاى مقالتليش حاجة زى كده
مى :مش مهم دلوقتى المهم انك تدور على كريم
الين هتسافر بكرة وانا استحالة اسيب صاحبتى تتعذب كده
ادهم :طيب بصى روحى انتى عند الين ..وانا هروح اشوفه
تقريبا عرفت هو فين ..وانا هكون معاكى بالموبايل

ـــــــــــــــــــــــــ ــــــــ

فى المساء
كانوا متجمعين فى الحديقة
سامح :انا عايز اقولكم حاجة ...فى عريس متقدم لياسمين
وهيجى بكرة
فرحوا جميعا لكن ياسمين لم تشعر بالفرحة
ياسمين :انا مش موافقة انا لسه بدرس
ياسين :ياشيخة انتى لاقية ...احمدى ربنا ان حد عبرك
سامح :بس يا ياسين ...ثم وجه كلامه لابنته
طيب شوفيه الاول
ياسمين بصوت اشبه للبكاء :يا بابا مش عاوزة
سامح :طيب بصى انا مش هغصب عليكى ...بس عشان الناس اللى هتيجى بكرة انتى قابليهم وبعد كده ارفضى
ياسمين بحنق :طيب ..ثم تركتهم وذهبت الى غرفتها
على بتساؤل :هو مين يابنى
سامح :انتوا تعرفوه كويس
على :يابنى قول
سامح :عمر رمزى ابن خالة ادهم الحسينى

ـــــــــــــــــــــــــ ـ

ظل يبحث عنه فى المكان الذى ظن انه فيه
حتى وجده
ـــــــــــــــــــــــــ ـــ

يتبع.....
بقلم \ أسماء خالد البحيرى

[لامارا]

البارت الـ 23
ـــــــــــــــــــــــــ ــــــــــــــــ



وجده جالس فى المكان الذى اعتادوا ان يأتوا اليه للصيد
اتجه نحوه وجلس بجانبه دون ان يتحدث ببنت شفه
انتبه له كريم ونظر اليه ثم نظر امامه
كريم بحزن :وحشك المكان ده ولا ايه ..فاكر اخر مرة جينا هنا
اومأ ادهم برأسه ثم قال بجدية :انت بتهرب ليه يا كريم
كريم بدهشة :بهرب ...ههرب من ايه يعنى
ادهم :متضحكش على نفسك..انا هتكلم فى اللى جاى عشانه اوعى تكون فاكر انى مش عارف ان انت بتحب الين
كريم بأرتباك :انا مبحبش حد ..انت جبت الكلام ده منين
ادهم بعصبية :انت ضعيف كده ليه ..مقولتش ليه انك بتحبها
المفروض لما تحب حد تتمسك بيه مش تسيبه يضيع منك
نهض كريم وكاد ان يمشى لكن امسكه ادهم من قميصه
ادهم بصرامة :لما اكلمك متسيبنيش وتمشى ..دافع عن حبك
كريم بحدة:سيبنى يا ادهم ..
ادهم بصوت جهورى :لا مش هسيبك غير لما تقولى
ارتفع صوت كريم :ايوه بحبها ..هى الوحيدة اللى حبيتها فى حياتى
ولا عمرى هحب حد تانى بعدها
ادهم وهو ماذال ممسك به:واللى يحب حد يسيبه يضيع منه
كريم :انا عملت كده عشان مخسرش صاحبى ....ابقى انا كده غلطان
ادهم وبدأ يتكلم بهدوء :طب ليه مقولتش من الاول انك بتحبها
كريم :بسبب مامتها ..لما حبيت الين مرضتش اقولها على مشاعرى تجاهها غير لما اكلم مامتها
صمت وابتسم بسخرية قائلا:وفعلا كلمتها قالتلى انى مش مناسب لبنتها ..بس فضلت بحب الين وحبها بيزيد يوم ورا يوم
مع ان الين محستش بحبى ليها خالص
ولما انت خطبتها مستحملتش انى اشوفها معاك
قاطعه ادهم :عشان كده روحت المنصورة
كريم :سيبنى يا ادهم الله يخليك
تركه ادهم وهو يشعر بالذنب تجاه صديقه فهو من سلب حبه
بدون قصد
سار كريم خطوات قليلة لكن استوقفه ادهم بقوله
ادهم :بس الين دلوقتى مبقتش خطيبتى ...هتسيبها بردو
استدار كريم له بدهشة
ادهم :انت لسه هتقف كده وتبصلى ...الين هتسافر بكرة الساعة 9 متضيعهاش تانى منك ..روحلها وقولها انك بتحبها
كريم بحزن :ادهم مش هينفع خلاص .. الين مبتحبنيش
ادهم :انت غبى يا كريم ..كل ده مش واخد بالك انها بتحبك
كريم بشبح ابتسامة :هى اللى قالتلك انها بتحبنى
ابتسم ادهم :مش لازم هى اللى قالتلى ولا لآ ..المهم دلوقتى انك متضيعهاش تانى
كريم :طب يلا انا رايحلها
ادهم :استنى بس يا كريم ..تروحلها فين بص الساعة كام
انا حجزتلك تذكرة بكرة لالمانيا ..يدوب روح حضر حاجتك عشان تلحق تسافر معاها
عانقه كريم بشدة :بجد يا ادهم مش عارف اقولك ايه
ادهم :متقولش حاجة ياريت كده اكون عملت اللى عليا
ـــــــــــــــــــــــــ ــــ


اطرقت نور باب حجرة ياسمين ثم دلفت عندما سمحت لها
لتجدها واقفة امام النافذة ..فوقفت بجوارها
نور :ممكن اعرف انتى رافضة الموضوع ليه
ياسمين بحزن :مش عاوزة اتجوز دلوقتى ..انا لسه بدرس
نور :ومين قال انك هتتجوزى دلوقتى ..ده الراجل جاى يشوف رأيك الاول وبعدين هتبقى خطوبة
ياسمين :معلش يا نور مش عايزة اتكلم فى الموضوع ده
نور :على فكرة انا عارفة انتى ليه رافضة الموضوع ده ..عشانه هو صح
ياسمين بأرتباك :تقصدى ايه ..وبعدين مين ده
نور وهى كاتمة ضحكتها :ولا حاجة متخديش فى بالك
ياسمين بحدة :نور متنسيش انى اكبر منك ..وعيب تكلمينى كده
نور :خلاص يا ياسمين انا اسفة ..واستدارت لترحل
فقالت ياسمين مسرعة :يا نور استنى متمشيش ..انا اللى اسفة
معلش انا بس متلغبطة متزعليش..هو يعنى
نور بأبتسامة :مزعلتش على فكرة ..بس انتى شكلك عايزة تقولى حاجة
ياسمين :انتى متعرفيش مين اللى عايز يخطبنى
نور بخبث :وانا هعرف منين يعنى ..هيجى بكرة ونشوفه..

&&&&&&&&
عاد من الخارج وجد الجميع نائميين فذهب الى غرفته واستلقى على فراشه بتعب فرن هاتفه نظر الى الشاشة ثم رد
ادهم :فى حد يتصل فى الوقت ده
عمر :مش وقتك ..المهم بكرة هتيجى معايا وانا رايح اخطب ياسمين
ادهم :انا هاجى معاك بمناسبة ايه ..مش المفروض انت رايح تتقدم الاول ..
عمر :ادهم انا متوتر خلقة ..فياريت تكون عندى بكرة من الصبح ..هستناك يلا سلام
نظر ادهم الى هاتفه بدهشة
ثم ذهب ليغتسل وبعد ربع ساعة كان مستلقى على فراشه
نظر بجانبه ليبتسم وهو يلتقط تلك الشريطة البيضاء الموضوعة على الكمودينو..نظر اليها بتمعن ليشرد عندما قامت بزيارتهم اول مره وقبل ان تغادر ..اعطته له كمعاهدة سلام بينهم حتى لا يتشاجروا مجددا
ليتذكر حديثها وهى تعطيها له ..فيقول وهو يلتقطها :ايه ده
هى بأبتسامة :دى معاهدة سلام عشان منتخانقش تانى
ادهم :بس انتى مش شايفة ان دى حركات اطفال
هى بعبوس :على فكرة انا بعمل كده مع ياسين وياسمين كمان عشان منتخانقش مع بعض
ضحك هو :خلاص متزعليش انا قبلت الفكرة وهاخدها
ابتسم عندما تذكر انه سوف يراها غدا
ثم ذهب فى سبات عميق
ـــــــــــــــــــــــــ
كانت جالسة بجانب صديقتها فى المطار
مى وهى تعانقها :هتوحشينى اوى يا حبيبتى خلى بالك من نفسك
واول ما توصلى اتصلى بيا
الين بدموع بسيطة :حاضر ..هبقى اكلمك بس عشان خاطرى يا مى اوعى تقولى لماما
مى :انا مش هكدب عليكى يا الين لو سألتنى عليكى هقولها
الين بأبتسامة سخرية :ده لو سألت بقى
ثم نظرت حولها وقالت بصوت خافت :اتأخرت كده ليه
الين :انتى مستنيه حد
مى نافية :لا ابدا ..
سمعت الين صوت نداء لتتوجه الى الطائرة :طيب يا حبيبتى انا لازم امشى..هتوحشينى اوى
ثم تركتها وسارت
انتبهت الين لشخص نادى عليها فأستدارت لتبتسم عندما رأته
ادهم :كده هتمشى من غير ما تسلمى عليا
اتجه نحوها
الين :كنت بحسبك مش هتيجى
ادهم مبتسما :عيب مجيش اسلم عليكى يا الين ..
وبعد ما ودعها ورحلت
مى بتساؤل :يا ادهم فين كريم
ادهم :كريم سافر مع الين
مى ببلاهه :نعم مين اللى سافر..انا مش فاهمة
ادهم :هقولك
ـــــــــــــــــــــ
جلست فى مقعدها بالطائرة ثم شردت عندما نظرت من زجاج النافذة
وقبل ان تقلع الطائرة نادت المضيفة بربط الاحزمة
اتى شاب وجلس بجانبها وقام بربط حزامها
انتبهت الين اليه والتفتت بعصبية : ايه ده انت ازاى
لم تكمل كلمتها ..لا تصدق عيناها ..هل ما رأت صحيح ام انها تتخيل ..ظلت تغلقهما لتتأكد
الين بصدمة :كريم
امسك كريم يدها وقبلها :ايوه كريم يا قلب كريم
انسابت دموعها تلقائيا فمد يده ليزيل تلك الدموع
كريم :لا عشان خاطرى دموع تانى لا انا من النهاردة مش هخليكى تعيطى ..ومش عايز اى حاجة تفرقنا عن بعض ابدا
لو تعرفى انا بحبك اد ايه
ابتسمت الين فى خجل :انت عرفت منين انى مسافرة
كريم :مستخسرة تقولهالى يا الين على العموم انا عارف انك بتحبينى وكفاية انى شايفها فى عيونك
وعرفت منين دى بقى ........
وقص لها ما حدث
الين :طيب انت هتسافر ليه
كريم :عشان فى واحدة بحبها رايح اطلب ايدها من عمها
ـــــــــــــــــــــ
طوال اليوم كانت شاردة حزينة
نور :ياسمين يلا عشان تلبسى الناس قربت تيجى
ياسمين بتذمر:حاضر هقوم
نور :فين الابتسامة ..هتقابلى الناس كده
ياسمين :اذا كان عاجب ..انا اصلا مش عايزة اخرج
نور :طيب براحتك ..يلا روحى عشان عمتو علا هتزعق
ذهبت ياسمين لتغير ملابسها
بينما ذهبت نورلعمها
سامح :راحت تغير ..ولا لسه قاعدة
نور :عيب عليك يا عمى انا نور برضو
ثم غمزت له بعيناها :بس ايه القمر ده هو مين العريس
ضحك سامح :بس يا بت يا بكاشة ..تسمعك علا تقول ايه
يلا روحى انتى غيرى
نور :ليه يا عمو هو انا هقعد معاكو
سامح :ايوه طبعا يا حبيبتى يلا بسرعة
ـــــــــــــــــــــ

صفوا سياراتهم فى الخارج واستقلوا منها
عمر بتوتر :ادهم كله مظبوط ولا ايه حاسس ان الجرافت مش معدوله
ادهم بجدية :ممكن تبطل توتر بقى ..اطمن كله مظبوط يلا ندخل بقى ولا هنفضل واقفيين
رمزى :يلا بقى يا عمر انت جايبنا عشان توقفنا بره
عمر :طيب يلا ..ادهم هات بوكيه الورد
احضره ادهم من سيارته
xxxxxxxxxxxxxxxx*
استقبلوهم بترحاب وجلسوا فى غرفة الصالون
وكأى اسرة مصرية اصيلة بعد ما رحبوا بهم بدأوا الحديث عن العمل
على : وحضرتك يا استاذ رمزى بتشتغل ايه
رمزى :اولا يا حاج انا زى ابنك فبلاش استاذ دى
انا مهندس بترول فى شركة ...
على :اه ..سمعت عنها مش دى اللى فى الامارات
رمزى :ايوه ياحاج منا بشتغل هناك
همس عمر لادهم :وبعدين هو بابا نسى الموضوع اللى جايين فيه ...هيفضلوا يتكلموا فى الشغل
ادهم بجدية :متقلقش دى البداية ..اسكت بقى
وبعد ما انتهوا من الحديث عن العمل
عمر لوالده :ايه يا بابا مش هتفاتحهم فى الموضوع
رمزى بجدية :احم ..حاج على انا كنت جاى النهاردة عشان
اطلب ايد الانسة ياسمين لعمر ابنى .
على بأبتسامة :انا والله يابنى معنديش مانع لانى عارف عمر كويس ..وبعتبره زى احفادى
لكن الرأى ده لسامح ابو ياسمين
رمزى :اه طبعا ...وانا عايز اعرف ردك يا استاذ سامح
سامح :انا مبدئيا موافق ..لانى عارف اخلاق عمر ..وانا مش هلاقى لبنتى احسن منه ..بس بردو الرأى رأيها
تدخلت سارة والدة عمر :طيب هى العروسة فين
علا بأبتسامة :ثوانى هندهلها
ذهبت علا اليها وجدتها جالسة لا مبالية ونور واقفة بجانبها
علا :يلا يا ياسمين الناس بره المفروض تدخلى
نهضت ياسمين :حاضر
اتت زينب وهى حاملة صينية موضوع عليها اكواب العصير
زينب :خدى يا ياسمين دخليها
ياسمين بحنق :يا عمتو هتقع منى ..دخليها انتى يا نور
نور :وانا مالى هو انا العروسة وبعدين اجمدى كده انتى خايفة من ايه
علا بصرامة :ياسمين انتى مش صغيرة عشان تقع منك يلا شيليها واخرجى
كانت تسير وهى ناظرة فى الارض قامت بإعطائهم و جاءت لتعطى عمر
عمر بأبتسامة :شكرا ..بس ارفعى راسك لتوقعيه علينا
لم تصدق اذنها هل هو حقا عمر ..نظرت اليه لا شعوريا
ثم ابتسمت لكن ارتجفت يدها وكادت ان تسقط الصينية من يدها لكن امسكت بها نور التى كانت خلفها :امشى هتفضحينا
اخذت منها الصينية واكملت هى لتعطى ادهم
وقبل ان يتناوله ادهم :ياريت ميكنش مصيره زى الشاى فاكرة
ثم تناوله منها ...ابتسمت نور عندما تذكرت وذهبت لتجلس بجانب والدتها
قالت سارة :تعالى اقعدى جنبى يا حبيبتى
جلست ياسمين بجانبها ..قبلتها سارة :ماشاء الله يا حبيبتى زى القمر
خجلت ياسمين ونظرت ارضا
وبعد ما تحدثوا خرجوا جميعا ليتركوهم
ظلت ياسمين ناظرة فى الارض ولم تتحدث
نهض عمر ليجلس على كرسى بجوارها
عمر :ياسمين هتفضلى باصة فى الارض ولا ايه
نظرت له ياسمين بخجل :نعم
ابتسم عمر لخجلها :انتى مش عايزة تعرفى عنى اى حاجة
ياسمين :مش عارفة قول انت
عمر بجدية :انا عمر رمزى السيوفى 24 سنة خريج ادارة اعمال وبشتغل فى شركة الحسينى ..وانتى بقى
ياسمين بحرج:انت عارف اسمى طبعا عندى 20 سنة ولسه بدرس فى السن والسنة دى ان شاء الله هبقى فى تالته..بس كده
ثم اسطردت قائلة :هو انت بتصلى ولا لأ
عمر بأبتسامة :اه الحمدالله الفرض بفرضه ومش بدخن
ومش بتاع بنات..وابن حلال اه والله وطيب خالص
ابتسمت ياسمين خجلا وكادت ان تنهض
عمر مسرعا :رايحة فين ..احنا لسه مخلصناش
وقفت ياسمين :نعم فى حاجة تانى
وقف امامها :انتى موافقة عليا ولا لآ
تعجبت ياسمين فقالت وهى تنظر فى الارض :هتعرف من بابا
وركضت سريعا
ـــــــــــــــــــــــــ ــــ

علا هامسة لنور :نور معلش روحى نادى ياسين
نور :هو فين اصلا
علا :مع ادهم فى الجنينة ..بس بسرعة
خرجت نور وجدته جالس يتحدث مع ادهم
نور:احم ..ياسين
التفت ياسين لها فقالت له ان والدته تريده فذهب بينما هى استدارت لترحل لكن استوقفها ادهم
ادهم :نور
شعرت بقشعريرة بسيطة عندما سمعت اسمها منه :نعم ..عايز حاجة
قرب ادهم منها قليلا :عامله ايه
نور :كويسه الحمدالله ..
ابتسم ادهم :مالك وشك مخطوف كده ليه
نور :ايه مفيش ..هى مجتش الين وايسل ليه
ادهم :ايسل هتيجى ان شاء الله فى الخطوبة ..لكن الين معتقدش هتيجى
نور بدهشة :ليه مش هتيجى
ادهم :الين سافرت الصبح المانيا..وكمان احتمال تكون اتخطبت
نظرت له ببلاهه :هو انت روحت المانيا
ضحك ادهم بشدة فزادت وسامته فغضبت منه
نور :انت بتضحك على ايه هو انا قولت حاجة تضحك
توقف ادهم عن الضحك وقال بجدية :انا والين مبقناش مخطوبين ..خلاص فهمتى
نور :ايه فهتى دى تقصد انى مبفهمش يعنى
لم يرد عليها و رحل
دبدبت على الارض بقدميها وقالت :مغرور اوى مش عارفة على ايه
ـــــــــــــــــــــــــ ـ


ذهب سامح لغرفة ابنته وجدها جالسة على فراشها ويبدوا عليها الفرحة
جلس بجانبها وضمها اليها
سامح بخبث :انا عارف انك رافضة الفكرة دلوقتى فالناس تحت مستنيين ردك ..فأنا هنزل اقولهم انك مش موافقة ..ومحدش هيقدر يجبرك على حاجة يا بنتى
انصدمت من كلام والدها فقالت على الفور وهى تبتعد عنه
ياسمين :بابا انا مقولتش انى مش موافقة
ابتسم والدها من ردة فعلها :يعنى انزل اقولهم انك موافقة
ابتسمت بخجل واومأت رأسها بنعم ..فقبلها والدها من جبينها
سامح :مبروك يا حبيبتى ..انا هنزل اقولهم
ياسمين متذكرة :بابا مش المفروض اصلى استخارة الاول
سامح بأبتسامة :اه طبعا يا حبيبتى ..انا هقولهم انى هرد عليهم بعد يومين تكونى انتى ادتينى رأيك النهائى
ــــــــــــــــــــ
بعد مرور يومان
اخبرهم برأيها واتفقوا على الخطوبة يوم الخميس القادم
جلسوا جميعا وقاموا بتهنيئها
فقال حامد :اهم حاجة يا ياسمين متنشغليش عن دراستك
ياسمين :ان شاء الله يا عمو
همست نور فى أذن ياسمين :ايه رأيك فى المفاجأة بقى
ياسمين :هو انتى كنتى عارفة ان عمر العريس
ابتسمت نور :طبعا ..انا نور بردو
ياسمين :والله لهوريكى يا نور عشان تقوليلى معرفش

لتمضى الايام سريعا ويأتى يوم الخميس

يتبع........

بقلم\أسماء خالد البحيرى

[لامارا]

البارت الـ 24
ــــــــــــــــــ

مرت الايام سريعا ليأتى يوم الخميس..امتلأت الفيلا بالمدعوين
وزينت الفيلا بالانوار الملونة والزهور ..ووضعوا فى المسبح بلالين
على شكل اسم عمر وياسمين باللون الاحمر والابيض..
وكانت البوابة عبارة عن بلالين باللون البنفسج فى ابيض ..
وقف على وابناءه لاستقبال بقية المدعوين ..ووقفت سعاد وزينب ونور فى الجهه الاخرى
xxxxxxxxxxxx*
جالسة فى غرفتها تشعر بالتوتر ومعها والدتها
علا :يابنتى بطلى بقى توتر ده انتى وترتينى انا
ياسمين :يا ماما خايفة اوى ..حاسة انى رايحة امتحان ..وكمان حاسة انى شكلى وحش
كانت مرتدية فستان نبيتى به فصوص فضية وطرحة نبيتى
وواضعة ميك اب هادئ..كان جمالها هادئ
علا :والله يا حبيبتى قمر ..مفيش داعى خالص للتوتر ده
وبعدين ده عمر وانتى عارفاه كويس ..يبقى ايه لزمته التوتر بقى
فتحت زينب الباب بعد ما طرقت ..واتجهت نحو ياسمين وسحبتها من يدها
فقالت ياسمين بفزع :فى ايه
زينب بضحك :يلا عمر وصل
ياسمين بصوت اشبه بالبكاء :مش عايزة اخرج يا عمتو خلينى هنا
زينب بصرامة :ياسمين بطلى دلع ويلا عمر واقف بره
ياسمين :طيب شكلى حلو
علا :اه يا حبيبتى ..يلا بقى
خرجت ياسمين مع والدتها لتجد عمر واقف مع والدها
كان فى غاية الوسامة (مرتدى حلة سوداء وقميص ابيض وجرافت نبيتى لون فستانها بناء على طلبها عندما اشترت الفستان )
فنظر اليها بإعجاب وذهب اليها ليقف فى مقابلتها
فقال هامسا :ايه القمر ده هو فى كده
قالت ياسمين بخجل مزود به نبره حدة :عمر عيب كده
عمر باسما:ده انا زى خطيبك يعنى
ليخرجه من حديثه صوت سامح قائلا
سامح :هتفضل واقف كده ولا مش هنخرج
تأبطت ياسمين ذراع عمر
فقال عمر :يلا عقبال الفرح
اكتفت بأبتسامة ونظرت فى الارض بخجل
ـــــــــــــــــــــــــ ـ

قبل وصول عمر كانت نور واقفة بجانب والدتها
نور بحنق :انا زهقت يا ماما من الوقفة دى ..حاسة انى شوية وهشحت
زينب :اومال مكناش احنا اللى هنقف مين اللى هيقف ..عقبال ما نقف يوم خطوبتك انتى كمان
نور :لا بعد الشر عليا انا لسة صغيرة..ثم اسطردت قائلة :انا عايزة اروح عند ياسمين
زينب :متستعجليش ما انتى على طول معاها ..لما يجى عمر ابقى روحى اقفى جنبها
لتنظر نور تجاه البوابة لتجد عمر ووالديه ..تلقائيا بحثت عيناها عنه لتجده خلف عمر يسير بجانب اخته وعلى محياه ابتسامة جذابة
كان وسيم بدرجة عالية (مرتدى حلة رمادية وقميص اسود )
ليخرجها من شرودها ايسل وهى واقفة امامها
ايسل :ايه يا نور انتى روحتى فين
نور بحرج :مروحتش منا اهو ..عامله ايه
ايسل بابتسامة :تمام اوى ..واخيرا عمر عملها وبقينا قرايب
نور بابتسامة :والله احلى حاجة ..
ايسل :طيب انا هدخل وانتى ابقى تعالى اقعدى جنبى
نور :حاضر
لتنظر جانبها لم تجد والدتها فتميل برأسها على سعاد :عمتو فين ماما
سعاد:راحت تقول لعلا ان عمر جه
نور :طيب احنا مش هندخل بقى
سعاد :انا عارفة انا كمان زهقت عايزة ادخل اشوف ياسمين
ـــــــــــــــــــــــــ ــ
ما ان رأوا عمر ومعه ياسمين قاموا بأشعال الالعاب الناريه وتشغيل الاغانى
اتجهوا الى الطاولة التى يجلس عليها والديه لتسلم عليهم
سارة بأبتسامة :بسم الله ما شاء الله يا حبيبتى ..تعالى اقعدى جنبى..
وقبل ان تجلس امسك عمر يدها ..ونظر الى والدته قائلا:ايه يا حاجة سارة تقعد فين مش لسه فى ناس هتسلم عليهم
ثم ابتسم لها ورحل ..
رمزى :بصى الواد عامل ازاى
سارة بفرحة لسعادة ابنها :ربنا يفرحه دايما يارب
xxxxxxxxxxxxxxxxxxxx
ياسمين :انت مودينى فين يا عمر ..وبعدين مخلتنيش ليه اقعد
عمر : يعنى هكون خاطفك..هو انتى فاكرة نفسك هتقعدى النهاردة ..
ثم اسطرد قائلا :ياسمين انتى مبسوطة
نظرت اليه بخجل واماءت برأسها
اتت صديقة لياسمين لتبارك لها ثم ذهبت
عمر بخبث :هو انتى كل اصحابك كده
ياسمين :مش فاهمة كده ازاى يعنى
عمر :يعنى حلوين ..متيجى تعرفينى عليهم
ياسمين بضيق وتجز على اسنانها :وماله
xxxxxxxxxxxxxxxxxxxx
علا بفرحة :بص يا سامح زى القمر ازاى ..ياسمين كبرت
ليقاطعها ياسين :كبرت ايه يا علا دى كانت لسه بتلعب مع الغنم امبارح ال كبرت
ضربه والده بخفه على ذراعه :يابنى بطل بقى انت دايما ناطت فى كل كلمة نقولها ..اتجدعن انت يا كبير واتخرج عشان نفرح بيك انت كمان
تهجم وجهه ليقول بحنق :معتقدش انا كده كويس
انتبهت نور لحديثه مع والده فمالت على اذنه قائلة :بقولك يا ياسين تعالى نروح لياسمين
ُُُُُُُُُُُ
بينما هما كانوا واقفين بجانب الطاولة التى يجلس عليها عائلة ادهم
ادهم :مبروك يا ياسمين ..ثم قال مازحا يشير على عمر :وربنا يعينك على ما ابتلاكى
ضحكت هى بخفوت ليغتاظ منها هو
فقال :ما تهدى بقى يا عم ادهم مش من اولها كده ..استنى حتى لما نلبس الدبل
ليأتى اليهم ياسين ومعه نور
نظرت ياسمين لها بضيق
نور :مالك يا ياسمينه يا حبيبتى بتبصيلى ليه كده
ياسمين :انتى كنتى فين كل ده
نور :كنت قاعدة هناك لاقيتك مجيتيش علينا قولت اجيلك انا
ياسين مازحا موجها كلامه لعمر :بص ياعمر عشان ابقى صريح معاك
انت رحمت الدنيا والبشرية كلها وظلمت نفسك
وكزته اخته وقالت بحده :ياسين
ضربته نور بخفه على كتفه قائلة :بلاش انت يا ياسين
نظر اليها بضيق على فعلتها كيف ان تمزح معه هكذا .. لكن لم ينتبه له احد
عمر :بس يا ياسين متعصبهاش فى الاخر هتطلعه عليا انا ..وانا راضى بنصيبى
ياسمين :بقى كده ..احنا لسه فى اولها على فكرة
عمر بضحك :الله يخربيتك يا ياسين
ياسين بجدية :انا بهزر طبعا ..أختى مفيش زيها ابدا ..ثم انحنى ليقبلها من جبهتها
عمر :ياسين مينفعش المنظر كده الناس تقول ايه
ياسين :اختى يا جدع الله ..
أدهم وهو ينظر بعيدا :طب اسمحيلنا بقى يا ياسمين ناخد منك عمر عشان اصحابه جم ..ثم نظر الى ياسين :وانت هتقف كده يلا تعالى
فذهبوا سويا
نور:تعالى عشان بنات خالتك جم
وقبل ان ترحل نادت على ايسل
ٌٌٌٌٌٌٌٌٌٌ
اتت اخت علا الكبرى تدعى حنان
حنان بتساؤل :اومال فين ياسمين عشان اسلم عليها
علا :واقفة مع اصحابها ..ثوانى اروح اندهالك
ـــــــــــــــــــــــــ ــــــــ
واقفين حولها يهنأوها ويمزحون معها
اردفت ابنه خالتها حنين قائلة وهى تغمز بعيناها لياسمين :الا قوليلى يا ياسمين القمر ده جبتيه منين
ياسمين بغيرة :مجبتهوش من حته هو اللى جالى
نور مازحة :تقدرى تقولى كده يا حنين حب من اول حادثة
حنين بتعجب :حادثة ..انا عارفة من اول نظرة
قاطع حديثهم مجئ علا لتخبر ابنتها عن قدوم خالتها
علا :بعد اذنكم يا بنات هاخد ياسمين
ٌٌٌٌٌٌٌٌ
انتى بتدورى على ايه
تفوهت بها نور وهى تراها تبحث بعيناها على احد
ايسل :بدور على ادهم انتى مشوفتهوش
نور :لا..انتى عايزة حاجة
ايسل :موبايلى معاه وعايزة اخده عشان اصور ياسمين وعمر مع بعض
نور :ما هما كده كده هيتصوروا
ايسل :لأ انا عايزة اصورهم
نور :طيب روحى شوفيه
تركتها ورحلت ..لتسمع احد ينادى عليها من خلفها ..فألتفتت لترى من ينادى عليها
نور بأبتسامة ساحرة :ياسر اذيك
ياسر يبادلها الابتسامة :الحمدالله كويس ..عامله ايه
نور :تمام ..جاى متأخر ليه انت مش عارف الحفلة معادها كام
ياسر :يدوب خلصت الشغل وجيت
نور بتساؤل :انت اشتغلت
ياسر :اه من شهر كده ..اومال فين ياسمين
نور :هتلاقيها عند جدو
ياسر :عقبالك
نور مازحة :لا ياعم مش عاوزة ..لما نفرح بيك انت الاول
ياسر :مش لما الاقيها الاول
نور :ان شاء الله هتلاقيها
ليقطع حديثهم ذلك الصوت من خلفهم :مساء الخير
لينظروا اليه
نور بتعجب من اين أتى :أدهم مساء النور ..ثم اسطردت قائلة :ياسر اقدملك أدهم ابن خالة عمر خطيب ياسمين
ثم نظرت لأدهم وهى تشير على ياسر :ياسر ابن اخو عمتو سعاد
ياسر وهو يمد يده بالمصافحة :مبروك يا أستاذ ادهم
أدهم ببرود :الله يبارك فيك ..ثم نظر لنور نظرة لم تفهمها
أدهم :مامتك عايزاكى
نور :طيب بعد أذنكم اروح اشوفها ..تركتهم وانصرفت
بينما أدهم نظر لياسر بحدة ورحل
ـــــــــــــــــــــــــ ـــــــــــ
والله وهتدخل القفص يا عمر
تفوه بها سليم صديقهم
عمر :قفص ايه ياعم انت هو انا لسه اتجوزت
سليم :مسيرك هتدخله ..ما انت بدأت اول خطوة
ياسين مازحا :قولتله كده بس هو حر
فقال احد اصدقاءه :انفد بجلدك لتقع زى ما احنا وقعنا واخرتها
جينا خطوبتك بالعافية
عمر ضاحكا :اسكتوا الله يخربيتكم ..انتوا جايين تفركشوا الدنيا ولا ايه فى مخابرات وسطينا
سليم :ليه يعنى ياعم في ايه
ياسين بأبتسامة :اصلى انا اخو العروسة

وقفت تبحث عن اخيها لتجد عمر مع مجموعة من الشباب فنظرت اليهم لم تجد اخيها معهم
فأنتبه لها فرمقها بنظرات غضب لعلها تذهب ..فوجدها ماذالت واقفة ..استأذن منهم واتجه نحوها
ياسين بغضب :انتى واقفة هنا بتعملى ايه
ايسل :بدور على ادهم
ياسين :ادهم لسه ماشى دلوقتى ..يلا اتفضلى امشى
ايسل بحدة :وانت مالك بتكلمنى كده ليه ..وبعدين انت مالك انت امشى ولا ممشيش ..شئ ميخصكش
ياسين وهو يزفر :بت هو انتى مبتفكريش ..انتى جاية تدورى على اخوكى وانتى واقفة اوادم شباب ..يلا روحى اقعدى مكانك
ايسل بعند :مش رايحة بقى ..وادينى واقفة
ياسين بصرامة :عارفة يا ايسل لو ممشيتيش دلوقتى والله لهتشوفى وش تانى ..احسنلك امشى
نظرت له بحنق ورحلت ..ليبتسم هو ويعود اليهم مرة ثانية
xxxxxxxxxxxxxxxx
بحثت عن والدتها لتجدها جالسة مع اخوات سعاد فتوجهت نحوها
نور :ماما انتى كنتى عايزانى ليه
زينب بإستغراب :مستغناش عنك يا حبيبتى ..
نور :مش انتى بعتيلى
زينب :لا يا حبيبتى
لتندهش هى لماذا قال لها ان والدتها تريدها ..بحثت عنه لتجده واقف بعيدا مع اخته ..فذهبت اليه
لتجد ايسل تأخذ منه هاتفها ورحلت لتلتقط بعض الصور لياسمين وعمر
بينما هو نظر اليها ببرود وقال :نعم ..كنتى عايزة حاجة
نور بغضب :ماما مكنتش عاوزانى ..انت ليه قولت كده
أدهم بنفس نبره البرود :مش لازم تعرفى
نور بحدة :هو ايه ده لعب عيال
أدهم بحدة :حضرتك خاطبة واقفه معاه وعقبالك وكلام فاضى
وكمان خدى بالك من تصرفاتك وانتى بتهزرى ..مينفعش تهزرى بالايد حتى لو كان ابن عمك
وتركها وذهب
ليتركها هى فى حيرتها
ـــــــــــــــــــــــــ ــــــــــــ
بعد انتهاء الحفلة
جالسة فى غرفتها تتطلع بسعادة الى ذلك الخاتم الذى يزين اصبعها
فهتفت قائلة :بجد كان احلى يوم فى حياتى ..انا فرحانة اوى
نور وهى تغمز بعيناها :بركاتك ياعم عمر
تمددت على الفراش وهى تلف خصلات شعرها على اصبعها :عارفة يا نور انا لما بشوف عمر ..ولا اقولك مش هقول انتى لسه صغيرة
نور وهى تضع الوسادة على وجهها :انتى بتتكلمى على سنتين فرق بينك وبينى ..ده انا اعقل منك ..قولى بقى
ياسمين :لا اصلك هتتريقى
نور :لا مش هتريق اخلصى بقى وقولى
ياسمين بهيام :لما بشوف عمر بحس ان قلبى هيخرج من مكانه بيفضل يدق جامد اوى ..احساس حلو وببقى مش عاوزة اسيبه
ببقى عايزة نفضل مع بعض ..بس انا طبعا مش ببينله حاجة خالص
لا تعلم لماذا خطر ببالها أدهم ..لتشرد فى نظرته لها التى لا تعرف معناها..وكلامه الذى يدل انه كان يراقبها
ياسمين :بت يانور
نور بأنتباه :نعم بتقولى حاجة
ياسمين بغيظ :طيب قومى بقى امشى ..بقى انا عمالة احكيلك وانتى مش هنا
نور :ماشى انا اصلا كنت هروح انام عايزة اصحى بدرى عشان الجامعة كفاية سهر بقى
ياسمين :الجامعة لسه يوم السبت
نور :يادى الغباء ..انا عايزة اتعود فى اليومين دول ..يلا تصبحى على خير
xxxxxxxxxxxx*
بينما هو كان واقف فى شرفته ينفث سيجارته بضيق
يتذكرها وهى تمزح معه فهو ابن عمها لكنه غريب عنها حتى لو تعتبره مثل اخيها لكنها لا يجوز ان تمزح معه بهذا الشكل
ويتذكرها وهى واقفة معه والبسمة على محياها
شعر بالضيق من نفسه لشعوره بالضيق عندما وجدها واقفة معه..ولماذا يفكر فيها دائما فهى فتاة عادية
فمن هى لتستحوذ على تفكيره
توقف عقله عند كلمة ابى ان يذكرها
القى سيجارته ودخل ليتمدد على فراشه ووضع الوسادة فوق رأسه ليخمد تفكيره
xxxxxxxxxxxx
صباح يوم السبت
لتبدأ الدراسة
اول يوم جـــــامـــــــعـــــــــ ـة
يتبع.....
بقلم \ أسماء خالد البحيرى

[لامارا]

البارت الـ 25
ـــــــــــــــــــــــــ ــــــــــ


صباح يوم السبت
لتبدأ الدراسة
اول يوم جـــــامـــــــعـــــــــ ـة

واقفة امام المرآة تمشط شعرها ..ليدق باب حجرتها
فتهتف قائلة :ادخل
أحمد:حبيبة بابا عامله ايه
ايسل بتوتر :بابا انا خايفة اوى ..مش عارفة هعمل ايه
أحمد باسما :لا متخافيش خالص هو ده احساس طبيعى عشان اول يوم لكن بعد كده هيبقى عادى ..
ايسل :طيب
احمد :انا كلمت ادهم ..هيجى معاكى عشان يوصلك اطمنى يعنى
وبما انه حافظ الجامعة فقولتله يوديكى لغاية المدرج
عقدت جبينها :بابا انا مش صغيرة ولا لسه فى مدرسة عشان يودينى لغاية المدرج
احمد :عشان ابقى مطمن عليكى
مازالت تشعر بالضيق
فقال :ليكى عندى مفاجأة ..فكرى كده ايه هى
ايسل وهى تمد شفيها للأمام :مش عارفة قول
أحمد وهو يعطيها مفاتيح لونها ذهبى
ايسل بسعادة وهى تقفز فرحا :جبتلى العربية..انا كنت بحسبك نسيت
أحمد:عيب عليكى انا بردو انسى حاجة وعدتك بيها ..مش انا قولتلك اول يوم جامعة هتكون عندك
قبلته من وجنته :ربنا يخليك ليا ..بس فى مشكلة انا مش بعرف اسوق
أحمد :هخلى عم صابر هو اللى يعلمك ..بس النهاردة اخوكى هو اللى هيوديكى ..ويلا بقى عشان اخوكى مستنيكى تحت
أيسل :طيب لونها ايه
أحمد :رمادى زى ما انتى كنتى حابه
xxxxxxxxxxxxxxxxxxxx
جالس منتظرهم فأخرج هاتفه حتى يأتوا
أنت هتروح الشركة من دلوقتى يا أدهم
تفوهت بها والدته وهى تجلس بجانبه
وضع هاتفه فى جيب بنطاله :لا ياماما هوصل ايسل الاول وبعدين هبقى اروح
نيفين :طيب يا حبيبى خلى بالك منها
ركضت نحوه وهى تصيح :يلا يا أدهم نمشى
أدهم :ما بدرى ..الشوفير بتاعك انا صح
أيسل :ده انت حبيبى يا دومى
أدهم :طب يلا
ـــــــــــــــــــــــــ ــــ

بعد ما انتهوا من تناول الفطار ..كادت ان تذهب لكن استوقفتها
ياسمين :انتى رايحة فين يا نور
نور :هروح احضر لبسى
ياسمين :تحضرى مين ..يلا روحى البسى عشان هتيجى معايا
نور :بس انا محاضرتى الساعة 12
ياسمين :منا قولت بدل ما انا محاضرتى الساعة 10 يبقى تيجى معايا وبالمرة اوريكى المدرج بتاعك ..واهو اكسب فيكى ثواب
نور وهى تقبلها :ربنا يخليكى ..انا كنت مش عارفة اعمل ايه
ياسمين :خلاص انتى هتشحتى يلا روحى والبسى بس بسرعة عشان منتأخرش
نور :حاضر
ابدلت ملابسها سريعا وعادت لتجدها منتظرها فى حجرة الصالون ..فبحثت بعيناها :اومال فين ياسين
ياسمين :طلع نام تانى وقالى انه مش هيروح النهاردة
نور :ليه بقى ..ثوانى هطلع اشوفه ومش هتأخر
دقت على باب حجرته لتسمع صوته يسمح لها بالدخول
نور : ما انت صاحى اهو ..يلا تعالى روح معانا
ياسين :مش عاوز اروح انا حر ..وبعدين يوم مش مهم
نور بحنق :والله عشان يوم مش مهم
ياسين :تقصدى ايه
نور :ولا حاجة
فهى علمت سبب عدم ذهابه فنظرت اليه بعدم رضا :براحتك يا ياسين متروحش
ثم صفعت الباب خلفها بقوة
xxxxxxxxxxxxxxxx*
فى سيارة ياسمين ..جلست نور بالمقعد الامامى بجوارها
ياسمين وهى تربط حزام الامان :نور اربطى الحزام
نور :انتى ناوية تعملى بينا حادثة ولا ايه
ياسمين :والله انزلك ..اقعدى كده واسمعى الكلام وياريت مترغيش كتير عشان اعرف اركز وانا بسوق
نور :حاضر هسكت اهو
xxxxxxxx
صف ادهم السيارة وترجل منها هو واخته
أدهم وهو يسير بجانبها :بصى كده من اولها ..متكلميش حد خالص ..شاب يقولك ممكن اقعد ولا الحوارات دى ..انتى فاهمة هتعملى ايه
قاطعته هى :ادهم حبيبى انت طول الطريق عمال تحفظنى والله حفظت تحب اسمعلك ..ورينى بقى فين الكلية بتاعتى
أدهم :طيب
أيسل بتذكر :اه يا ادهم متعرفش جدول مجموعة (د)
أدهم :معرفش ..وانتى عايزاه ليه
أيسل :عشان ابقى اشوف نور
أدهم بأهتمام:هى السن بردو
ايسل :اه
أدهم :كده كده مش هتبقى نفس المواعيد هى مجموعة (د) وانتى (أ)..ويلا بقى بطلى رغى احنا وصلنا
ويشير لها بأصبعه على المبنى
ايسل :طيب امشى انت بقى
ادهم بحزم :انا هاجى معاكى لغاية باب المدرج يلا
ايسل بتذمر :ادهم انا مش طفلة ..خلاص عرفت المبنى امشى انت
أدهم بصرامة :أيسل أمشى اودامى
أذعنت له وذهبا سويا

ـــــــــــــــــــــــــ ـــــــــ

تنظر حولها بأنبهار وفى نفس الوقت تنظر برهبة من هذا المكان الدخيل ..لترى اختلاط الفتيات مع الشباب وكأنه شئ عادى
ياسمين :ايه رأيك
نور :حلوة اوى بس انا خايفة اتوه
ياسمين بضحك :تتوهى ايه بس ..بصى اول أسبوع هتبقى عاملة زى القطة وخايفة ..بس بعد كده هتعرفى كل حاجة ..متخافيش انا هحاول اظبط مواعيد المحاضرات واجى معاكى وهشوف ياسين هيعمل ايه ..محلوله يعنى متخافيش ..وبعدين يا نور انتى لازم يا حبيبتى تعتمدى على نفسك مش كل حاجة تبقى معتمدة عليا او ياسين ..انا مش بقولك كده لحسن تاخديها بمعنى تانى ..انتى اكيد فهمانى لازم تعرفى العالم اللى حواليكى
خلاص انتى كبرتى
نور :فهماكى يا ياسمين ..ثم اسطردت قائلة :اه بمناسبة ياسين
شوفتى البيه ..انتى عارفة هو ليه مجاش
اومأت رأسها بضيق :ايوه عشان فرح
نور بحنق :يعنى ينفع كده يا ياسمين ..ده معناه انه لسه بيفكر فيها
ليقطع حديثهم صوت يعرفوه جيدا ..فيلتفتوا اليه ليجدوه هو
ياسمين بدهشة :عمر انت بتعمل ايه هنا
عمر بأبتسامة :جاى لخطيبتى عندك مانع
نور بحرج :احم احم ..طب امشى انا يعنى
عمر :معلش يا نور اصلها زى ما تكون شافت عفريت ..انتى عامله ايه
نور :تمام الحمدالله ..ثم التفتت لياسمين قائلة :ياسمين انا هروح اشوف المدرج بتاعى
ياسمين بجدية :لا استنى هنا ..انتى عارفة اصلا الاول هتروحى ازاى
نور :لا قوليلى اروح ازاى وانا هعرف
ياسمين :لا استنى هاجى معاكى
نور بعند :قولتلك انا هروح لوحدى ..قوليلى بقى امشى ازاى
رحلت بعد ما وصفت لها ياسمين كيف تذهب الى كليتها
نظرت الى عمر لتجده ينظر اليها بتمعن
ياسمين بخجل :بتبصلى كده ليه
عمر بلوم :مكنتيش عايزانى اجى
ياسمين :مقصدش والله ..بس انا مكنتش متخيلة أنك هتيجى ..اصلا انت عرفت منين معاد المحاضرة بتاعتى
عمر بتفاخر :مصادرى الخاصة
ياسمين :اااه يبقى ياسين
ياااااسمين
تفوهت بها فتاة واقفة بعيدا عنهم بعض الشئ ..تعرفها ياسمين جيدا
انتبه عمر لها فقال متسائلا :مين دى
ياسمين :دى يارا زميلتى فى الكلية ..معلش ياعمر انا لازم امشى عشان الدكتور اللى علينا بيقولوا عليه رخم وبيطرد وبيزعق
عمر :مين ده اللى يستجرأ يزعقلك ..طب يبقى يعمل كده بس
ياسمين :اه واشيل الماده بقى او اتفصل انا من الكلية صح ..انا لازم امشى
عمر :طيب خلى بالك من نفسك ..وياريت تخلى صاحبتك دى متناديش تانى عليكى بأسمك فاهمة
ياسمين بأبتسامة :حاضر
عمر :اه ومتكلميش اى حد ولا تقفى مع حد
ياسمين :حاضر ممكن امشى بقى
عمر باسما :اه ممكن ..لما تخلصى رنى عليا وانا هتصل بيكى

ـــــــــــــــــــــــــ ـــــــــ

تشعر بالخوف وهى واقفة تنظر الى تلك المبانى التى تحوطها
لا تعرف اى مبنى تتجه اليها
لفت انتباهه تلك الفتاة التى يعرفها جيدا فأبتسم على ملامح خوفها
فأتجه نحوها
أدهم بصوت رخيم :نور
التفتت اليه بذعر وعندما رأته شعرت بالاطمئنان فقالت :أدهم انت بتعمل ايه هنا
أدهم :كنت بوصل ايسل ..انتى ايه اللى جايبك بدرى اللى اعرفه ان (د) معادها مش دلوقتى
نور :جيت عشان اشوف المدرج بتاعى ..بدور عليه
أدهم بسخرية :بتدورى على عيل تايه ..ثم اسطرد قائلا بجدية :انتى المفروض دلوقتى هتكونى فى مدرج ايه
نور :مدرج....
أدهم بسخرية :وواقفة هنا ..المدرج بتاعك مش هنا ..ثم تابع بجدية :تعالى اوديكى
لم تعجبها طريقة كلامة فقالت ببرود:لا قولى اروح ازاى
أدهم ببرود مماثل :مبحبش اعيد كلامى ..بس لأخر مره تعالى اوديكى
نور بعند :خلاص مش عاوزة مساعدتك
أرتدى نظارته السوداء بغرور فقال :خلاص على راحتك ..سلام
نظرت اليه بتعجب وغضب فهى اعتقدت انه لن يتركها
ظلت تنظر عليه حتى اختفى تماما
فزفرت بضيق ثم لعنت نفسها على عنادها ..ماذا ستفعل الأن
نظرت مرة ثانية لعلها تجده لكن لم يكن له اثر
سارت عدة خطوات لتسمع صوته يقول :مش من هنا على فكرة ..انتى ماشية غلط
التفتت اليه بأبتسامة فشلت فى اخفاءها :أدهم ..ممكن تودينى
صمتت لعدة ثوانى عندما وجدته لا يصدر اى فعل فقالت بصوت خافت :انا اسفة
ليبتسم هو :ما كان من الاول ..يلا
ذهبا سويا ..كانت صامتة وهى تسير وتجول بعيناها فى المكان
لتتعجب من تلك العيون التى تنظر اليه بإعجاب وتتغامز عليه
فتنظر اليه تجده يسير بثقة غير مبالى بأحد
رسمت على ثغرها ابتسامة صغيرة ونظرت امامها حتى وصلوا
أدهم :هو ده المدرج بتاعك ..اكيد حفظتى
اومأت برأسها :اه حفظت ..شكرا بجد يا ادهم
نظر فى ساعته تانك السوداء الانيقة :الساعة 11 لسه فاضلك ساعة على محاضرتك
نور :انت عرفت منين معاد المحاضرة
أدهم وهو يشير على ورقة معلقة على الحائط خلفها :الجدول اهو
نور بحرج :طيب امشى انت بقى ..معلش عطلتك ..وشكرا لتانى مرة
أدهم غير مبالى لكلامها :انتى هتفضلى واقفة كده
نور وهى تمد شفتيها للامام :مش عارفة ..بس هقف هعمل ايه يعنى ..ثم نظرت اليه قائلة :ما تمشى بقى كده هتتأخر على شغلك
أدهم وهو يشير لها على احد المقاعد الموضوعة :طيب اقعدى هناك لغاية ما المحاضرة بتاعتك تبدأ ..ومتكلميش حد متعرفهوش فاهمة
نور مذعنة :حاضر
أدهم :طب عايزة حاجة
نور بأبتسامة رقيقة :شكرا
أدهم :خلى بالك من نفسك ..سلام
نور :سلام ..ظلت ناظرة عليه حتى اختفى من امامها
ـــــــــــــــــــــــــ ـ

مضى اليوم سريعا ليأتى المساء
جلست مع والديها تحدثهم عن ما حدث معها فى الجامعة
نور :بس شكلها سنة عسل باينة من اولها
زينب :ان شاء الله خير متقلقيش ..ثم تذكرت شئ :طلاما مواعيدك غير ياسمين انتى كده هتروحى ازاى
نور :عادى هروح منا مش صغيرة
محمد:زينب تقصد على اللى هيوصلك ..متقلقيش عامل حسابى جمال السواق بتاعى كلمته هو اللى هيوديكى بعد كده ويجيبك ..انا خلاص اتفقت معاه
نور بنعاس :طيب ..انا هطلع انام مش قادرة ..تصبحوا على خير
xxxxxxxx*
استيقظت على صوت رنين هاتفها ..التقطت هاتفها بتكاسل شديد
نظرت الى الشاشة بنعاس ..لتحدق بشدة وذعر عندما وجدت اسمه ..نظرت فى الساعة وجدتها 9 مساءا
ضغطت على زر الرد ووضعته على اذنها بتردد
فقالت بسرعة :انا اسفة والله بس انا نسيت خالص ارن عليك لما خرجت من الجامعة
عمر بحدة :كده تخضينى عليكى ..اتصل بيكى بيدى غير متاح
وبعدين ازاى تنسى طول اليوم
ياسمين بصدق :والله انا جيت من الكلية تعبانة فنمت على طول ولسه صاحية دلوقتى على اتصالك
عمر بصرامة :اخر مرة يا ياسمين ..انا لولا اتصلت بعمى وهو طمنى عليكى وقالى ان انتى جيتى من بدرى ..كنتى زمانك هتلاقينى عندك
ياسمين :طيب خلاص مش هنسى تانى
عمر بهدوء :خلاص ماشى ..احكيلى كل حاجة من ساعة ما مشيت
بدأت بسرد كل شئ حدث معها
xxxxxxxx
عندما وصلت للطابق الثانى تذكرت شئ فنظرت الى حجرته وجدت النور مضئ فعلمت انه مستيقظ فذهبت اليه ودقت الباب لتسمع صوته يأذن لها بالدخول ..دخلت لتجده جالس على فراشه وامامه اللابتوب الخاص به
جلست على مقعد مجاور لفراشه
ياسين بدون ان ينظر اليها:كنتى عايزة حاجة يا نور
نور بجدية :ممكن افهم بقى مجتش ليه النهاردة
ياسين وهو يزفر بضيق وماذال لا ينظر اليها :عادى يعنى ده اول يوم ..وبعدين هو تحقيق وانا معرفش
اغتاظت منه فنهضت واغلقت حاسوبه ..بينما هو نظر اليها ببرود ولم يصدر اى فعل
نور :متكدبش عليا ..انا عارفاك كويس يا ياسين ..
وعارفة كويس يا ياسين انت مروحتش ليه وانا عارفة ان انت عارف انى عارفة
ياسين مازحا :ايه عارفه ومش عارفة انتى توهتينى
نور بجدية :انا مبهزرش ..صمتت لثوانى وقالت :عشان فرح صح
نظر اليها بدهشة وارتباك :فرح ! انتى ايه اللى بتقوليه ده يا نور ..موضوع فرح انا نسيته
نور بحدة :لا انت مروحتش النهاردة عشان متشوفهاش ..طيب هتفضل طول السنة متروحش عشان خاطرها ..هتضيع مستقبلك عشانها ..تلاقيها عايشة حياتها عادى جدا ولا فى بالها اصلا
ياسين :يعنى انا اللى مش عايش حياتى ..منا اهو عادى انا كمان
نور:ياسين لأخر مرة هقولهالك ..انت مروحتش عشان متشوفهاش صح
نظر اليها بحزن ولم يجب ..فهى محقة هو لا يريد ان يراها
نور :يبقى انت لسه بتفكر فيها ..وكلامى معاك دخلته من ودن وخرجته من ودنك التانية
ياسين :لا مبفكرش فيها
نور :ده اكبر دليل انك لسه بتفكر فيها ..طلاما مروحتش عشانها الجامعة يبقى بتفكر فيها ..صدقنى يا ياسين هى عمرها ما حبتك ..لو كانت بتحبك مكنتش اتخطبت لحد غيرك ..شيلها من دماغك بقى
ياسين :والله يا نور بحاول انساها ..بس حكاية انى اشوفها فى الجامعة وكمان معايا فى نفس المدرج يبقى صعب
نور بصرامة :مفيش حاجة اسمها صعب ..انت تروح ولا تعبرها ولا تبص فى وشها حتى ..بينلها انها ولا فارقة معاك ..وصدقنى ربنا هيرزقك باللى احسن منها ..وشايلك الاحسن منها ..وكمان ان حاسة ان هيبعاتلك واحدة تحبك اوى
ابتسم هو :ان شاء الله
نور :يبقى هتروح بكرة الجامعة
ياسين :حاضر ..ثم اسطرد قائلا :اه صح انتى عملتى ايه النهاردة فى الجامعة
نور :انت لسه فاكر تقولى دلوقتى منا جيت من بدرى ..بس اه لو تعرف اللى جرالى ..ثم قصت عليه يومها
نور :اخس عليك بقى الغريب هو اللى يودينى المدرج وابن عمى موجود

مضى شهر سريعا من الدراسة


يتبع.....
بقلم \ أسماء خالد البحيرى

[لامارا]

البارت الـ 26
ـــــــــــــــــــــــــ ــــــــــــــــ


مضى شهر سريعا من الدراسة
زاد فيه تقرب عمر من ياسمين
واصبح ادهم يرى نور دائما
دخل غرفة اخته ليجدها تحضر ملابسها استعدادا للرحيل
فسألته بتعجب :أدهم كنت عايز حاجة
ذهب ليجلس على فراشها :ايه جاى اقعد مع اختى شوية فى حاجة ..عاملة ايه فى دراستك
ايسل :تمام اوى ..بس بيطلبوا مننا ابحاث كتيرة مش عارفة على ايه ده احنا اول شهر حتى
أدهم :اومال انتى عايزة كل حاجة راحة ..لازم تتعبى شوية
ايسل :طيب كنت عايز حاجة ..انا عايزة اغير

أدهم وهو يرفع حاجبيه :انتى بتطردينى يا ايسل
ايسل :اه ..انت هتأخرنى على المحاضرة
أدهم :طب يلا غيرى بسرعة عشان اوصلك
ايسل بتعجب :توصلنى! ما عم صابر بيودينى
أدهم :لا انا هوصلك فى مانع
ايسل بنصف عين :يسلام وده عشان خاطرى ولا عشان تشوف حد مثلا
أدهم بأرتباك اخفاه بنبره جدية :ايسل اتكلمى عدل انا اخوكى الكبير ..يعنى الحق عليا انى هوصلك
ايسل بخبث :ماشى براحتك ..بس احب اعرفك انها مش هتيجى بدرى النهاردة
أدهم :هى مين دى
أيسل:ولا حاجة ..لسه عايز توصلنى بردو
أدهم بغيظ :متستاهليش روحى لوحدك
ليخرج هو بينما هى ابتسمت بخبث
xxxxxxxx*
فى قاعة مليئة بالطلبة لهذا المعيد الذى يأتون اليه لشرحه المبسط
نجدهم جالسين بجانب بعض فى وسط المدرج يكتبون خلف المعيد
يارا هامسة لياسمين :انا مش عارفة اركز فى الكتابة ولا مع المعيد اللى هيخلينا نسقط ده
ابتسمت ياسمين ثم وكزتها بخفة :اتلمى انتى مركزه فى شكل المعيد احترمى نفسك
يارا بهيام :قمر اوى يخربيته
نظر اليهم ياسين بحدة ليصمتوا ..فنظروا لبعض وصمتوا
وبعد نصف ساعة كانت المحاضرة انتهت وبدأ الطلاب بالخروج
نهض ياسين :ايه هتفضلوا قاعدين كتير يلا قوموا
ياسمين :مش لما يخرجوا ولا نخرج فى الزحمة دى
ياسر :طيب انا خارج اقعد فى الكافيتريا ابقوا تعالوا ورايا
ياسين :استنى يابنى انا جاى معاك دول هيشلونا
وقبل ان يخرج نظر لأخته بحدة :متتأخريش
اماءت برأسها ثم نظرت ليارا لتجدها واضعة يدها على وجنتها بهيام
ياسمين وهى تلوح بيدها امامها :يارا انتى روحتى فين ..اوعى تكونى لسه مركزة فى دكتور زياد (المعيد)
يارا :لا طبعا ..بس شوفتى عمايله يا ياسمين بيحسسنى انى واحد صاحبه مش بيحس خالص بيا..شوفى 3 سنين مع بعض وهو مبيحسش
ياسمين وقد علمت ما فى بالها :سيبك منه يا يارا ..اهم حاجة ركزى فى المذاكرة
يارا وهى تلملم اشيائها :هو فى حاجة تانية بنركز فيها ..يلا نخرج
ـــــــــــــــــــــــــ ــــــــــــــــــــ
أعطته الدواء وقامت بقياس درجة حرارته وجدتها ليست مرتفعة
أحمد :خلاص يا نيفين انا كويس اهو
نيفين :يعنى الحق عليا انى بطمن عليك
قبل يدها :ربنا يخليكى ليا ..عارفة يا نيفين اكتر حاجة بحبها فيكى قلبك الابيض برغم تحكماتك وعصبيتك لكن مفيش احن منك
ابتسمت قائلة :منا ببقى عايزة مصلحتكم
صمتت قليلا لتفكر فى شئ
لاحظ احمد صمتها :نيفين بتفكرى فى ايه
نيفين :فى ادهم يعنى هيفضل كده ..مش المفروض يتجوز ..انا شوفت بنـ
قاطعها احمد سريعا :تانى يا نيفين انتى مش بتحرمى..سيبيه هو اللى يختار بقى
xxxxxxxxxxxxxxxx
خرجت من المطار متشبثة فى ذراعه بسعادة وينظر اليها بحب
الان اختلف الوضع فقد اصبحت زوجته التى يعشقها
استقلوا السيارة وقبل ان يتحرك بها
امسكت يده بتوتر ..نظر فى عيونها فعلم ما يجول بخاطرها
فضغط على يدها برفق ليطمأنها فقال بنبرة حانية :متخافيش طول منا معاكى ..وبعدين دى مهما كان مامتك واكيد انتى وحشاها
الين بتوتر :انا خايفة من ردة فعلها لما تشوفنى بعد الكلام اللى قالتهولى لما اتصلت بيها
كريم :بصى يا الين احنا معملناش حاجة غلط انا روحت طلبتك من عمك وهو وافق ولما اتصلنا بيها عشان نقولها على كتب الكتاب هى رفضت تانى ..خلاص بقى مكنش اودامنا حل تانى
هنفضل لغاية امتى كده ..متخافيش انا هبقى معاكى
الين بأبتسامة توتر :حاضر
كريم :طيب تحبى دلوقتى نروح على مامتك ولا تشوفى عيلتى الاول
الين :عرفنى على عيلتك الاول وبعدين نبقى نشوف ماما
xxxxxxxx

اتجه الى الطاولة وهو حامل بيده علب عصائر ووضعها امامهم
ياسر :متتعودوش على كده كتير ..مش كل مرة على حسابى
ياسين :انت جايبهم وباصص فيهم ..يلا اقعد بقى خلينا نركز
التقطت ياسمين العصير :شكرا يا ياسر ..ثم وجهت كلامها لصديقتها :يارا اشربى انتى من ساعة ما قعدنا وانتى مشيلتيش راسك ..يلا استريحى
رفعت رأسها بأرهاق ووضعت القلم على الطاولة :مش قادرة هو الدكتور ده فى حاجة فى مخه ..بقى يعملنا امتحان فى حاجات لسه مخدنهاش ..ده لو قاصد يشيلنا المادة مش هيعمل كده
ناولها ياسر العصير :يلا كلها سنة غير السنة دى ونخلص بقى من الهم ده
ياسمين وهى تلتفت حولها :هى نور أتأخرت ليه المفروض تكون جت من نص ساعة
ياسين :اتصلتى بيها الاول
وضعت يدها على جبينها :تصدق لا
اخرج الهاتف من جيب بنطاله واجرى اتصال بها لكنها لا ترد
ياسين :مبتردش
هتفت يارا :اهى جت وايسل معاها
اتجهوا نحوهم وجلسوا معهم
ياسمين بعتاب :اتأخرتى ليه يا نور
نور :اصلى استنيت ايسل على بال ما تخلص
ياسين :ومردتيش ليه لما اتصلت
نور :كنت قربت منكم
ياسر مقاطعا :ياجماعة براحة عليها سيبوها تاخد نفسها ..ثم نظر اليهم بأبتسامة :منورين يا بنات
التقطت يارا حقيبتها وهمت بالنهوض :طيب يا جماعة انا همشى بقى عشان مش قادرة بجد
ياسمين :تمشى ايه لسه فى محاضرة
يارا :هبقى انقلها منك ..وبالنسبة للتلخيص هكمله فى البيت وبكره نبقى نراجع سوا ..يلا سلام
نهض هو الاخر :استنى يا يارا اوصلك فى طريقى
ياسين بتعجب :انت كمان هتمشى
ياسر :ايوه يلا سلام
ايسل بحرج :هما مشيوا عشان انا جيت يعنى
ياسين بجدية :ايه اللى بتقوليه ده لا طبعا ما هما عارفينك اصلا وانتى كمان عارفاهم ..وبعدين هما اصلا فاشليين..سيبك انتى
ثم نهض :انا هروح اجيبلكم حاجة تشربوها عايزين ايه
نور :انا عصير جوافة
ياسين بأبتسامة :عارف والله ..وانتى يا ايسل
ايسل :زيها
رن هاتف ياسمين لتبتسم عندما رأت الاسم فردت على الفور
ياسمين :السلام عليكم ..ازيك يا عمر
عمر :وعليكم السلام ..انتى عامله ايه
ياسمين :كويسه ..فى حاجة ولا ايه
عمر :فى بنت تقول لخطيبها فى حاجة ..يعنى اقفل
ياسمين بتلعثم :لا مقصدش ..كنت عاوز ايه ..يووه عمر خلاص
ضحك هو :طيب خلاص اهدى ..انا معطلك عن حاجة دلوقتى
ياسمين بعفوية :لا خالص احنا لسه مخلصين مذاكرة
عمر :انتوا اللى هما مين
ياسمين :انا وياسين وياسر ويارا
عمر بغيرة :وياسر ده مين ان شاء الله يا ياسمين ..تقعدى ليه اصلا مع واحد
ياسمين :فى ايه ياعمر ده ابن اخو عمتو سعاد وبعدين هو انا قاعدة معاه لوحدى انا معايا صاحبتى واخويا وكنا بنذاكر وكمان نور جت ومعاها ايسل .
عمر بعصبية :بردو يا ياسمين وانتى مقولتيليش
ياسمين بعصبية مماثلة :انا شايفاها حاجة عادية ..وكمان ياسين لو شايف ان ياسر مش كويس عمره يا هيخلينى اقعد اتكلم معاه ..وعشان تبقى عارف انا كلامى معاه نادرا ماشى
مع ان ياسر بيعاملنى كأنى اخته بالظبط
بعد ان هدأ :طيب خلاص اهدى قولتلك قبل كده متعليش صوتك
ياسمين بغيظ :هو انا صوتى على خالص
عمر ببرود :وانا هستنى لما يعلى ..المهم انا عملك مفاجأة وهعزمك على الغدا ومفيش اى اعتراض
ياسمين بسخرية :ياسلام ما انت قولت
عمر :ممكن تسكتى ..عازمك على الغدا اه لكن المفاجأة مش دى لما تيجى هتعرفى
ياسمين :مش هينفع اجى ..انا مقولتش لبابا
عمر :ريحى نفسك انا اتصلت بيه قبلك ..هتخلصى امتى عشان اعدى عليكى
ياسمين :هخلص على 3 كده
عمر :تمام اوى ..خلاص استنينى جوه فى الجامعة ولما اتصل بيكى تخرجى
ياسمين :حاضر ..ثم اسطردت قائلة بتردد :عمر ينفع يعنى
عمر :ايه انتى بتقطعى ..عاوزة ايه قولى
ياسمين :يعنى لو ينفع اجيب نور معايا
عمر :مفيش مشكلة خليها تيجى
ياسمين بفرحة :طيب اقفل بقى عشان شغلك ..يلا سلام
عمر :سلام

انهت المكالمة لتنظر لنور بتعجب :اومال فين ايسل
نور :ما انتى مش معانا خالص ..مشيت عليها محاضرة دلوقتى
ياسمين :طيب اعملى حسابك انتى معزومة على الغدا النهاردة
نور بدهشة :ده مين اللى عازمنى
ياسمين :عمر عازمنا على الغدا بعد الجامعة وهيعملنا مفاجأة
نور بجدية :ياسمين عمر عازمك انتى يبقى انا هاجى اعمل ايه يعنى جاية زى المخبر يعنى ..لا معلش يا ياسمين مش هاجى
ياسمين بترجى :عشان خاطرى يا نور هو معندهوش مانع خالص والله وقالى هاتيها ..وبعدين تغيرى جو ولو على عمى انا هتصل بيه اقوله ماشى
تدخل ياسين :مش الهانم بردو عليها امتحان بعد كام يوم ..ليكى نفس تخرجى
ياسمين بأبتسامة حانية :مهو البركة فيك يا ياسو ..هتذاكرلى لما ارجع
ياسين :ولا اعرفك ماليش دعوة بيكى اصلا
ـــــــــــــــــــــــــ ـــــــــــــــــــــــــ ـــــــــ

كان يتحدث معها وهو جالس فى مكتب ادهم
عمر بجدية :اعمل حسابك انا هخرج النهاردة بدرى ادينى بقولك اهو من قبلها ..عشان متجيش تقولى مينفعش .
نظر اليه بنظرة خالية من اى تعبير ثم نظر ثانية فى الورق الموضوع امامه :اوكيه مفيش مشكلة روح بس متتعودش على كده ..بس انت هتخرج بدرى ليه
عمر :ال يعنى مسمعتنيش
أدهم بتعجب :سمعت ايه ..انت مش شايفنى وانا كنت بتكلم فى الموبايل هركز معاك يعنى
عمر :خلاص يا عم ..انا عازم ياسمين على الغدا
أدهم :ايوه الله يسهلك..عشان كده جايلى بلبس كاجول .. ناس تخرج وناس قاعدة للشغل
عمر :ده نظام حقد ده ولا ايه ..عقبالك انت كمان لما يسهلك ..الا قولى يا ادهم انت لغاية دلوقتى لسه محبتش يعنى ملاقتش البنت المناسبة ..ولا هتفضل طول عمرك فقرى
قذفه بالقلم :لا لسه محبتش انا معنديش وقت للشغل الفاضى ده
عمر بسخرية :يعنى فقرى ..عمرك ما هتجرب احساس الحب ده ..ولم يكمل حديثه :اه صح بتكلم مع مين ..نسيت ان انت معقد
أدهم بنفاذ صبر :طيب ..مش خلصت اتفضل على مكتبك
عمر :ماشى هروح ..ثم اسطرد قائلا :ما تيجى معانا
أدهم :اجى فين
عمر :ايه اللى تيجى فين ..على الغدا انا هعزمك ومش هدفعك حاجة
أدهم :وانا اجى اعمل ايه ان شاء الله ..امشى يا عمر ..انت مش شايف الشغل فوق دماغى اليومين دول من ساعة ما بابا قعد
فتح عمر الباب واستدار له :خلاص هروح انا بيهم
أدهم متعجبا :بيهم مين يعنى.. مش انت وياسمين
عمر بخبث :هو انا مقولتلكش ..نور هتيجى معانا ..يلا بقى عشان معطلكش ده الشغل فوق دماغك ..يلا سلام
xxxxxxxxxxxxxxxx
تنظر فى الساعة لتجدها 2.30 فزفرت بضيق وهى تنظر الى هؤلاء الطلاب ولم تجدهم بينهم ..ظلت تنظر اليهم حتى وجدتهم
خارجين سويا وعندما رأوها ذهبوا اليها
نور بضيق :كل ده انا رجلى وجعتنى من الوقفة
ياسين :معلش مهو الدكتور ده بينسى نفسه
ياسمين وهى تنظر فى ساعتها :طيب يلا يا نور هتصل بعمر اقوله اننا خلصنا وربع ساعة ويكون هنا
ثم نظرت لياسين :انت هتروح دلوقتى
ياسين :لا هطلع المكتبة اذاكر شوية وبعدين هروح
سحبت ياسمين يد نور :طيب يلا يا ياسو
xxxxxxxxxxxx
بعد ما انهى عمله نظر فى هاتفه بأبتسامة ثم وضعه فى جيب بنطاله ..واتجه نحو الباب ليفتحه وجده واقف امامه
عمر بدهشة :أدهم ايه اللى موقفك هنا
أدهم وهو يعدل هندامه :يلا هنتأخر كده
عمر بتعجب :نتأخر على ايه ..مش انت قولت مش هتيجى
عشان الشغل
أدهم :خلصت بدرى ..وغيرت رأيى فى مانع
عمر بذات مغزى :لا مفيش يلا
xxxxxxxxxxxx*
رن جرس الفيلا فذهبت سعاد لتفتح وجدته هو فعانقته ورحبت به ..دخلوا سويا وجلسوا فى الصالون
سعاد بلوم :بقى كده برضو يا ياسر مشوفكش غير فى مناسبة بس
ياسر :منا جتلك اهو يا عمتو ..وحشانى والله ..عامله ايه
سعاد :كويسه الحمدالله يا حبيبى ..والله وانتوا كلكوا واحشنى
سالم مجاش ليه ونيرة
ياسر :انا جاى من الكلية لهنا على طول
سعاد بقلق :فى حاجة ولا ايه
ياسر :لا مفيش ..بس كان فى موضوع ضرورى جاى اكلمك فيه
ـــــــــــــــــــــــــ ـــــــــــــــــ

توقفوا بسياراتهم أمام مدينة الملاهى ..استقل أدهم من سيارته وذهب لشراء التذاكر
بينما هما ظلوا فى السيارة
فقال عمر :ايه رأيكوا فى المفاجأة دى ..هناكل هنا وبعدين نلعب
ياسمين بفرحة :بجد مفاجأة حلوة اوى ياعمر ..يلا ندخل
نور :حلوة اوى انا بقالى كتير مجتش هنا
عمر :طب كويس انها عجبتكم ..يلا أدهم جاب التذاكر
وبعد ما دخلوا توقف عمر بهم قائلا :تحبوا نلعب الاول وبعدين ناكل ولا ايه
ياسمين وهى عيناها تدور بتلهف على الالعاب :انا بقول نعلب الاول
عمر :خلاص يبقى ناكل وبعدين نلعب
xxxxxxxxxxxxxxxx*

مش هينفع نعمله من النت احنا نروح المكتبة وندور على كتب تفيدنا عشان نعمل البحث
تفوهت بها فتاة تدعى (أية ) واقفة مع ايسل بعد ما انهوا محضراتهم
ايسل :طيب يلا نطلع دلوقتى
أية :مع ان ماليش مزاج ..بس يلا
ذهبوا الى مكتبة الجامعة ودلفوا بهدوء ليجدوا السكون يعم المكان ..بدأوا بالبحث عن كتب تساعدهم فى عمل البحث
أية وهى تنظر على شخص :طب بصى دكتور حسام قاعد هناك هروح اسأله يمكن يفيدنا
أيسل :طيب روحى انتى وانا هدور
ظلت تبحث من بين الكتب حتى وجدت كتاب يمكن ان يفيدها
استدارت للناحية الاخرى ..ارتسمت ابتسامة رقيقة على ثغرها عندما وجدته جالس ينظر فى الكتب الموضوعة امامه ..وقفت شاردة فى هيئته ..كان يبدو هادئ تماما عكس الشخصية التى تعرفها ..اخرجها من شرودها صديقتها
أية وهى تنظر الى ما تنظر اليه ايسل :بت يا ايسل انتى بتبصى على ايه
أيسل وماذالت مبتسمة :بتقولى حاجة
أية بهيام :بقول حاجة ..مكنتش اعرف عنك كده مين ده اللى بتعاكسيه
أيسل بدهشة :بعاكس مين انتى هتجبيلى مصيبة ..ده ياسين قريبى
غمزت بعيناها:ااه قولتيلى قريبك
ثم نظرت اليه مجددا لتجده رفع رأسه ولم ينتبه اليهم فقالت بأعجاب :الواد ده خطر هنا ..انا لو فضلت ثانية كمان هقولك هاتيلى رقمه واطنش خطيبى
نظرت اليها بضيق وقالت بغيرة واضحة :طيب متبصيش عليه
أية بخبث :انتى متأكدة انه قريبك بس
ايسل بأرتباك :اه اومال ايه ..ثم قالت بتهرب :قالك ايه الدكتور
اعطتها ورقة :دول اسماء الكتب بس طلعته منه بالعافية
رن هاتفها وكان المتصل والدتها فردت وبعد انتهاء المكالمة
أية :معلش يا ايسل انا لازم اروح إسلام خطيبى فى البيت ..سلام يا حبيبتى
أيسل :سلام
بحثت عن أسماء الكتب المكتوبة فى الورقة حتى وجدتهم
تناولتهم واتجهت نحوه بإبتسامة :ياسين
رفع رأسه فقال بدهشة :ايسل انتى ايه اللى مقعدك هنا لغاية دلوقتى
ايسل :طب ممكن اقعد
ياسين وهو يأخذ منها الكتب ووضعهم على الطاولة :اه طبعا اتفضلى
ايسل :عندى بحث فجيت هنا عشان ادور على كتب وجبتها
ياسين :اه ما هى اول سنة بتبقى تعب كده ..وهو يحدثها انتبه الى تلك الفتاة التى جلست على مقربة منهم ومعها شاب
فشعر بالحنق منها وكاد فكه ان ينكسر من ضغطه عليه
ايسل بتعجب لتغير وجهه :ياسين مالك انت كويس
ياسين بوجوم :اه كويس مفيش حاجة
نظرت الى تلك الفتاة بإستغراب شديد ثم نظرت الى ياسين ..ودت لو تعرف ما علاقتها به حتى يتغير هكذا
فقالت بفضول :انت تعرفها
ياسين بغضب :وانتى مالك ..خليكى فى اللى انتى فيه
ادمعت عيناها على الفور وهمت بالنهوض
لكنه اوقفها بصوته :انتى رايحة فين
ردت دون ان تنظر اليه :ماشية
نهض هو الاخر :طيب تعالى اوصلك
ايسل :لا شكرا السواق هيجيلى
ياسين :خلاص على راحتك ..سلام
نظرت اليه بضيق شديد وهى تراه يرحل ..ثم نظرت مرة اخرى الى تلك الفتاة ورحلت
ـــــــــــــــــــــــــ ــــــــــــــــــ

مقتطفات من البارت القادم


عمر بدون مقدمات :ياسمين احنا لازم نكتب الكتاب
..................................................
ياسمين :انا مش موافقة
.................................................
شاكيرا بأنفعال : انت هتطلقها غصب عنك
..............................................
الدكتور :مبروك المدام حامل
..........................................
أدهم بدون تفكير :انا بحب نور
............................................
يتبع........

بقلم\ أسماء خالد البحيرى

[لامارا]

البارت الـ 27

ـــــــــــــــــــــــــ ــ
حل المساء
حاولت ان تتجنب النظر اليه فعندما تلتقى عيناها به تشعر بخفقان قلبها يكاد ان تسمعه
كانت تسير أمامهم تنظر بفرحة الى تلك الالعاب
بينما هو كان يسير خلفها يتبعها بعيونه ..لا يعرف لماذا لا يستطيع ان يبعد نظره عنها
اما هما كانوا خلفهم بمسافة ليست كبيرة
عمر بجدية :ياسمين بصراحة فى موضوع عايز اكلمك فيه
ياسمين :قول..انا قولت خروجتك وراها حاجة
عمر بدون مقدمات :ياسمين احنا لازم نكتب الكتاب
ياسمين بدهشة :ايه ..احنا لسه مخطوبين
عمر :مهى فترة الخطوبة معموله للتعارف واحنا عارفين بعض كويس ..واظن انتى عارفة كل حاجة عنى ..يبقى لزمتها ايه ..وانا مش واخد راحتى كده .. ولو انتى لسه مش مرتاحة ليا يبقى
قاطعته ياسمين بسرعة :لا ياعمر مش كده
ابتسم عمر :بصى يا ياسمين انا مش عاوز افضل اخرج معاكى واتصل بيكى وانتى لسه مش مراتى ..مش عارف اكلمك او قولك على اللى حاسس بيه اظن انتى فهمانى
ولو على عمى سامح انا هكلمه
سعدت من داخلها وشعرت بالفخر على اختيارها له .فقالت :طيب كلم بابا وشوف هيقولك ايه
عمر بسعادة :يعنى موافقة
ياسمين بخجل :منا قولتلك قول لبابا
ـــــــــــــــــــــــــ ــــــــ

عقد حاجبيه عندما وجدها سرعت فى خطوتها فركض اليها
أدهم :نور انتى بتجرى ليه
نور وهى تشير نحو تلك اللعبة :نفسى اجرب اللعبة دى
فنظر الى ما تشير اليه فقال بجدية :دى نصب محدش بيكسب فيها غير بالحظ ومش اى حد بيلعبها
نور بتحدى :انا هكسب وهروح واجرب كمان
فتركته وذهبت ليبتسم هو بسخرية على ثقتها
وقفت امام اللعبة واعطاها الرجل ثلاثة حلقات
وجدته وقف خلفها يحاوطها فكان المكان مزدحم بالشباب ..نظرت اليه بتعجب وجدته ينظر اليها بسخرية فرمقته بتحدى
وبدأت بإلقاء الحلقة الاولى فلم توفق فيها حاولت فى الاثنتين الاخرتين لكن محاولتها باتت بالفشل
نظرت اليه بعفوية :كان عندك حق
قال بثقة :انا مبقولش حاجة وتطلع غلط ..يلانمشى
تدخل الرجل صاحب اللعبة :متجرب انت يابنى
أدهم :شكرا ثم وجه كلامه لها :يلا ولا هتقعدى هنا
فقال الرجل مجددا :وهتسيب خطيبتك تمشى وهى زعلانة ..يلا جرب وجبلها اللعبة اللى عاوزاها
شعرت بقشعريرة تسرى فى جسدها فنظرت اليه وجدته مبتسم فنظرت بعيدا لتتلاشى نظرته
بينما هو تناول حلقة واحدة فقط
الرجل وهو يمد يده بالحلقتين :اتفضل يا استاذ عشان لو خسرت
أدهم بثقة:مش هخسر
والقاها وبالفعل كانت موفقة
نظرت اليه بأنبهار
الرجل :تصدق انت الوحيد اللى جبتها من اول مرة ..تحب تختار ايه
أدهم لنور :شوفى انتى عايزة ايه ..يلا اختارى
نور بحرج :انت اللى كسبت يبقى شوف انت
أختار ادهم دبدوب على هيئة الخروف شون
فخرجوا سويا ليجدوا عمر وياسمين واقفين امامهم
عمر :انتوا هنا واحنا عمالين ندور عليكم
أدهم ويعطى اللعبة لنور :اصل نور حبت تجرب اللعبة دى
التقطت ياسمين منها اللعبة :ايه ده انتى كسبتى
كادت ان تتحدث لكنه قاطعها قائلا:اه كسبت
عمر :شون يا نور..انتى مش عاتقة هنا حتى.. كفاية فى المنصورة
أكتفت بأتسامة ونظرت الى أدهم بإمتنان لتجده ينظر اليها


ـــــــــــــــــــــــــ ـــــــــــــــــــــــ
كانوا فى الطريق بسيارته
فهتفت قائلة :عيلتك يا كريم طيبة اوى مكنتش متخيلة انهم هيتقبلونى بالسهولة دى ..وخاصة مامتك طيبة وحنينة اوى ربنا يخليهالك
امسك يدها وقبلها :ويخليكى ليا يا حبيبتى ..أهم حاجة انك اتبسطتى ..بس ايه رأيك فى فيلتنا هى مش كبيرة اوى بس
قاطعته هى قائلة بلوم :كريم انا ميهمنيش الكلام ده ..أهم حاجة عندى انى اكون معاك ومش مهم اى حاجة تانية ..وبالنسبة للفيلا فهى مش صغيرة خالص زى ما انت فاكر
ابتسم بسعادة :ربنا يقدرنى واسعدك
بعد قليل صف سيارته امام الفيلا
كريم :يلا يا الين انزلى
الين بتوتر :مش هتيجى معايا
كريم :متخافيش أنا قولتلك ايه ..أدخلى انتى الاول وانا بعدين هدخل وراكى
أومأت برأسها وترجلت من السيارة وسارت بخطوات ثقيلة حتى وصلت امام الباب اخرجت المفتاح من حقيبتها وفتحته
دلفت ببطأ تنظر فى اركان الفيلا لتجد سكون تام ..توقفت فاجأة عندما وجدت والدتها جالسة على الارض وحولها البوم الصور ..سالت دمعة من عيناها برغم ما حدث لكنها والدتها
فقالت بصوت متحشرج :ماما
نظرت شاكيرا لها بعدم تصديق فركضت نحوها :الين ..عانقتها بشدة ثم ابعدتها عنها لتنظر اليها..وجدتها تبكى جففت دموعها وقالت بلوم :كده تسيبينى يا الين ..تبعدى عنى كل ده
ارتمت الين فى حضنها قائلة :وحشتينى اوى يا ماما
مرت حوالى نصف ساعة من العتاب
كانت جالسة بجوار والدتها
فأردفت شاكيرا :شهر يا الين ..قدرتى تبعدى عنى كل ده
الين بلوم :يعنى مش عارفة ليه يا ماما ..ثم قالت متذكرة :هو فين صح
شاكيرا بحنق :طلقته الواطى كفاية انه كان السبب فى بعدك عنى
ثم نظرت الى الطرحة الموضوعة على رأسها :انتى لبستى الحجاب امتى
الين بفرحة :لما سافرت ..بس ايه رأيك شكلى حلو بيه صح
شاكيرا :بس انتى لسه صغيرة يا الين..
انتبهت الى تلك الدبلة المزينة اصبعها
فقالت بحدة وهى تمسك يديها :الين ايه ده ..اتجوزتى من ورايا
وقفت بتوتر قائلة :لا يا ماما مش من وراكى انتى عارفة ..انا اتصلت بيكى لكن
قاطعتها شاكيرا :لكن انا رفضت ..تقومى تتجوزيه
الين ببكاء :كنتى عاوزانى اعمل ايه يعنى فى الوقت اللى انتى اتخليتى عنى وروحتى اتجوزتى ..ملقتش حد جانبى غير الانسان اللى بيحبنى وسافر معايا مخصوص عشان يطلبنى من عمى
شاكيرا بسخرية :وعمك راح سمع كلامك ووافق ..بقى انا اللى سيبت هانى عشانك ..الاقيكى اتجوزتى ..صمتت لبرهة ثم قالت :انتى لازم تطلقى منه
الين بصراخ:انتى مسيبتهوش عشانى انا عارفة كويس انك سيبتيه عشان هو اتجوزك لفلوسك ..تنهدت بصعوبة ثم تابعت :أنا سمحتلك المرة الاولى إنك تخلينى اتخطب لواحد مبحبهوش ولا هو بيحبنى وكان غصب عنى ..لكن دلوقتى يا ماما أنا اسفة جدا مش هسمحلك تدمرى حياتى
رفعت يدها لتصفعها لكن يد امسكتها قبل ان تهوى على وجهها
كريم بغضب :مسمحش لأى حد يمد ايده على مراتى حتى لو كان انتى
شاكيرا :انت اتجننت ..ازاى تمسك ايدى كده ..لتلتفت الى ابنتها :بقى هو ده اللى روحتى تتجوزيه ..انتى مش هتخرجى من هنا فاهمة
كريم :شاكيرا هانم.. الين بقت مراتى خلاص واظن كلمتى هى اللى تمشى عليها
شاكيرا بأنفعال :انت تخرص خالص فاهم ..انت هتطلقها غصب عنك
كريم :والله اسأليها لو هى عايزة كده
شاكيرا :الين اختارى يا تعيشى معايا يا اما تمشى معاه وساعتها تنسينى
صمتت الين تنظر اليهم بأعين دامعة تأخذ نفسها بصعوبة ذهبت لتقف خلف زوجها ثم تحدثت ببكاء وهى صدرها يعلو ويهبط: حرام عليكى يا ماما انتى صعبان عليكى انى اكون عايشة حياتى مبسوطة
شاكيرا :انا يا الين ..انا بعمل كده لمصلحتك
الين :مصلحتى مع كريم وسعادتى معاه ..وانا استحالة اتخلى عنه ..وكمان مقدرش استغنى عنك ..متخلينيش اختار بينكم انا تعبت بجد
قالت جملتها الاخيرة وهى تغيب عن الوعى ..حملها كريم قبل ان تسقط ارضا
كريم بفزع :الين حبيبتى فوقى الله يخليكى
شاكيرا بصريخ :روح هات الدكتور بسرعة
ـــــــــــــــــــــــــ ـــــــــ


جالسة على فراشها تنظر الى تلك الدمية بشرود ..تتذكر نظراته لها ..اهتمامه بها ..مجرد التفكير به تشعر بخفقان قلبها
وضعت يدها على قلبها ليهدأ..لتتذكر كلام ياسمين عندما قالت لها ما ان ترى عمر وقلبها يخفق بشدة ولا يتوقف حتى مجرد التفكير ففسرت لها ان هذا هو الحب فعندما يعجب العقل بشخص فيترك للقلب مهمته
فحدقت بفزع ايمكن ان اكون احببته ولكن كيف ؟ومتى ؟
لكن القلب ليس له معاد ليخفق
التقطت الدمية لتتذكره وهو واقف خلفها محاوطها حتى لا يضايقها احد ..تشعر بالأمان عندما تكون معه ..فتذكرت عندما رأته فى الجامعة لتطمأن لرؤياه ..وتذكرت منذ قليل عندما رفضت ان تركب اللعبة لأرتفاعها خوفا منها
فلاااااش باااك
وقفوا جميعا امام لعبة الاعصار
فقالت ياسمين بإنبهار:عمر انا عايزة اركب دى بليز
عمر محذرا :هتصوتى دى مش سهلة
ياسمين بترجى :مش هصوت انا بحب اللعبة دى اوى
عمر :طب يلا انتى حرة بقى ..ثم نظر اليهم قائلا :انتوا مش هتركبوا ولا ايه ..ولا خايفيين
أدهم :ايه اللى يخوف فيها يعنى
نور بخوف :لا مش هركب انا بخاف من الحاجات العالية
ياسمين :عمر سيب نور عشان بتخاف فعلا ..خلاص اقفى هنا يا نور ومتتحركيش على بال ما نخلص
ثم ركضت مسرعة لتركب وبجانبها عمر
بينما هى نظرت لأدهم بتساؤل :مروحتش ليه انت مش هتركب
أدهم :مين اللى قال هركب طبعا ..وانتى كمان هتركبى
رجعت للخلف:انا لا ..اتفضل انت
أدهم بنظرة حانية :متخافيش انا معاكى
نور بتعجب :نعم
أدهم مسرعا :يلا اركبى متخافيش قولت ..اصلك مش هتقفى هنا لوحدك وانتى شايفة الناس كتير ازاى
كانت تود لو ركبت بجانب ياسمين لكن عمر كان جالس بجانبها
فجلست بخجل بجانبه ..ما ان بدأت اللعبة حتى اغلقت عيناها بخوف وصرخت
ضحك لمنظرها وعلى صراخها فأمسك يدها وربت عليها وقال بصوت عالى لتسمعه :متخافيش اهدى
ضغطت على يده بشدة ..فتحت عيناها لتظر لأسفل برعب وصرخت مجددا ثم نظرت اليه لتجده يضحك بشدة
باااااك
ابتسمت حين تذكرت ضحكته التى عشقتها ..تمددت على الفراش واحتضنت الدمية وارتسمت ابتسامة على ثغرها وذهبت فى سبات عميق
xxxxxxxxxxxx*
كان يفحصها الطبيب وهما ينظرون اليه بقلق
كريم بقلق :خير يا دكتور مالها
الدكتور بأبتسامة بشوشة :وحضرتك مخضوض كده ليه مفيش داعى لكل ده ...مبروك المدام حامل
ابتسمت شاكيرا تلقائيا وذهبت لتجلس بجانب ابنتها..وقد نسيت ما حدث منذ قليل
بينما هو كان غير مصدق :حضرتك بتتكلم بجد
الدكتور :ايوه مبروك
شاكيرا :طيب هى ليه مفاقتش لغاية دلوقتى
الدكتور :ده طبيعى مفيش حاجة متقلقوش ..خلال نص ساعة هتكون فاقت
ابتسم كريم بفرحة لكنه قال بقلق :بس ازاى احنا كنا راكبين النهاردة الطيارة
الدكتور متفهما :ايوه فاهم ..الحمدالله ربنا ستر بس اهم حاجة ابعدوا عنها الانفعال والتوتر..وانا كتبتلها فيتامينات
شاكيرا متدخلة :طيب الحاجات دى مش غلط عليها
الدكتور :لا يا فندم
قام كريم بتوصيله للخارج وحاسبه..ثم دلف مجددا
ليجدها محتضنة ابنتها فقال :انا هروح اجيب الحاجات اللى قال عليها الدكتور خلى بالك منها
اومأت برأسها وذهب
جلست تتأمل ابنتها وقالت بفرحة كأن لم يحدث شئ:مش قادرة اصدق انك هتبقى ام وانا هبقى تيتا..انا اسفة يا الين سامحينى
تنهدت بضيق اهى حقا لهذه الدرجة ام قاسية تود ان تسلب من ابنتها سعادتها حتى لو على حساب سعادتها هى
نظرت لأبنتها لتجدها بدأت تفيق
فتحت عيناها لتجدها بجانبها..ولم تجده ..نهضت بفزع وقالت :كريم فين
شاكيرا وهى تهدأها :بس يا حبيبتى اهدى ..كريم راح يجيب حاجة وجاى على طول
تنفست الصعداء ثم نظرت اليها قائلة :هو ايه اللى حصل
شاكيرا بأبتسامة :مبروك يا حبيبتى ..انتى هتبقى مامى
نظرت اليها غير مصدقة :انتى بتتكلمى بجد
اومأت برأسها :هتبقى احلى مامى
وضعت يدها على بطنها بفرحة وارتسمت البسمة على وجهها كله..ثم تهجم وجهها عندما تذكرت ما قالته والدتها منذ قليل فقالت برجاء :ماما ارجوكى متبعدنيش عن كريم انا بحبه اوى ومقدرش استغنى عنه ..ومش متخيلة حياتى من غيره..ارجوكى يا ماما
شاكيرا بلوم :طب وانا يا الين ..انتى بتفضليه عليا
الين وهى تقبل يدها :والله مش كده ..انتى ليكى معزة تانية يا ماما ..بس ارجوكى متخيرنيش ما بنكم
ابتسم عندما سمع كلماتها
التفتت نحو الباب لتجده واقف ينظر اليها بسعادة
ركضت نحوه وعانقته قائلة :انت هتبقى بابا يا كيمو
شاكيرا بحدة :الين مينفعش تجرى كده خلى بالك
كريم :ايوه يا الين انتى من هنا ورايح قعدتك كلها فى السرير مفيش حركة ..ثم اسطرد قائلا :لكن هسمحلك دلوقتى تمشى ..يلا حضرى نفسك عشان نروح
خرج من الغرفة واتبعته شاكيرا
شاكيرا بضيق :كريم
التفت اليها :نعم
شاكيرا بضيق :بص انت سمعت الدكتور قال بلاش نعرضها لانفعال
كريم :وهو انا قولت حاجة اخليها تنفعل ..ولا خيرتها ما بين حاجة
شاكيرا :طيب بنتى حامل ومحتاجة اللى يعتنى بيها ..وانت هتكون فى الشغل ..فأنا عاوزاها تقعد عندى هنا
كريم معترضا :معلش يا شاكيرا هانم ..مش هعرف اقعد فى مكان من غيرها
شاكيرا مقترحة بضيق :طيب اقعد هنا معاها
كريم بأبتسامة :طيب ما تتفضلى تقعدى معانا وكده هيبقى اريح لينا
شاكيرا :لا انا مش همشى من هنا
كريم :يبقى خلاص ..انا ممكن اسيبها تقعد عندك النهاردة لكن بكرة هاجى اخدها..ولو حبيتى تغيرى رأيك صدقينى مش هيبقى عندى مشكلة نهائيا
ـــــــــــــــــــــــــ ـــــ


فى صباح اليوم التالى
بعد ما ذهب ياسين مع نور الى الجامعة
طلبت سعاد من زينب ان تتحدث معها ..فذهبوا ليجلسوا فى الحديقة ليجدوا ياسمين جالسة تذاكر فنظروا اليها هما الاثنين فتعجبت من نظرتهم :شكلكوا عاوزنى اقوم صح
سعاد :ياريت ادخلى ذاكرى جوه
ياسمين بعند :طب مش قايمة ..يبقى هتقولوا حاجة مهمة متقلقوش مش هقول لحد والله ..انا بحب اسمع الحاجات السرية دى
زينب :طب تقعدى ومتفتحيش بوقك خالص فاهمة
ياسمين وهى تضع يدها على فمها واومأت بالموافقة
فنظرت زينب الى سعاد
زينب :ايه بقى يا سعاد الموضوع اللى كنتى عاوزانى فيه
سعاد :بصى كده من غير كلام كتير ..ياسر كلمنى على نور
زينب :ياسر مين
سعاد :ايه يا زينب ياسر ابن اخويا
زينب :ايوه معلش مش مركزة ..اتكلم عليها يعنى ايه
سعاد :يعنى بخصوص انه عايز يخطبها
زينب :مش ده اللى اد ياسين وياسمين
اومأت سعاد برأسها فقالت زينب :سعاد ده لسه بيدرس
سعاد: منا قولتله كده بس هو قالى...
لتقص عليها ما قاله عندما جاء امس
فلاااش باااك
سعاد :ايه بقى الموضوع ده
ياسر :عمتو انا عاوز اخطب نور
نظرت اليه بدهشة :نور ! دى لسه صغيرة يابنى ..وبعدين انت كمان صغير ..ده انت لسه بتدرس
ياسر :منا بشتغل حاليا وانتى عارفة مستوانا المادى كويس جدا
وبالنسبة للدراسة فكلها سنة واخلص
سعاد :طب وانت بتحبها
ياسر :بصراحة يعنى لسه محصلش حب..ده مجرد اعجاب بشخصيتها
سعاد :طيب انا مش موافقة يا ياسر
ياسر بوجوم :ليه
سعاد :عشان انتوا لسه صغيرين..لكن انا هعمل اللى عليا وهقول لمحمد واشوف رأيه ايه
باااك
هتفت ياسمين بصوت عالى :انا مش موفقة
نظروا اليها هما الاثنين وقالوا :قومى يا ياسمين على اوضتك
التقطت كتابها ورحلت
بينما زينب قالت :بصى يا سعاد نور لسه صغيرة وانا مش موافقة ..لكن هقول بردو لمحمد واشوف رأيه
xxxxxxxxxxxxxxxxxxxx*
جالس فى غرفته ينظر فى السقف بتأمل ليجد باب غرفته ينفتح على مصرعيه
فقال بضيق :انت يا بنى أدم مش قولتلك تخبط قبل ما تدخل
هتتعلم امتى
عمر :ياعم بقى سيبك انت من الحوارات دى
ادهم :انت ايه اللى جابك دلوقتى ..مش المفروض تكون فى الشركة
عمر :طب ما انت لسه مروحتش .يبقى نروح سوا
أدهم :كنت عايز ايه يخليك تيجى بدرى كده
عمر :بغض النظر عن التهزئ اللى من تحت لتحت ده ..بس انا هروح النهاردة اكلم عم سامح فى موضوع كتب الكتاب
أدهم بصدق :ان شاء الله يوافق ونفرح بيك بقى
عمر :يارب ..ونفرح بيك انت كمان
أدهم:منا قولتلك انا لأ سيبك منى
أحب عمر ان يشعل مشاعره فهو ملاحظ اهتامه بنور ..ويعلم انه يحبها لكنه يكابر
فقال :احسن حاجة ان بيت جدو على هيبقى فيه فرحين
أدهم :ليه مين اللى ناوى يتجوز ياسين مثلا
عمر بتمعن :لا نور
الفتت اليه بصدمة :نعم ..انت بتقول ايه
عمر ببرود :زى ما بقولك اتقدملها قريبها اللى اسمه ياسر
أدهم بأنفعال :وهى وافقت
عمر :مش عارف لسه ..بس فى احتمال انها توافق
أدهم بعصبية :لا اكيد مش هتوافق
عمر بنبرة ذات مغزى :طب وانت منفعل كده ليه اهدا ..وانت مالك اصلا توافق ولا متوافقش
أدهم بدون تفكير:انا بحب نور
ـــــــــــــــــــــــــ ـــــــــــ

مقتطفات من البارت القادم

محمد :نور متقدملها عريس
...................................
زينب :لا يامحمد انا قلبى مش مطمن
........................................
ايسل باندفاع:ايه علاقة ياسين بفرح
....................................
ياسر:ممكن افهم انتى رفضتينى ليه
........................................
استشاطت غضبا :وانت مين قالك انى هوافق اصلا
..........................................

يتبع.....
بقلم \ أسماء خالد البحيرى

[لامارا]

البارت الـ 28
ـــــــــــــــــــــــ

لمحها واقفة تضحك مع شاب ..فأستشاط غضبا وركض نحوها
ياسين بغضب :ايسل
التفتت اليه لتجده ينظر اليها بغضب ..فأستأذنت من ذلك الشاب
واتجهت نحوه
ايسل بحنق :نعم ..عاوز ايه
ياسين :مين ده اللى كنتى واقفة معاه
عقدت حاجبيها :وده ايه بقى ..وانت مالك
جز على اسنانه وقال :اتكلمى عدل احسنلك ..مين ده
ايسل :ده يبقى المعيد بتاعى ..فى حاجة تانى
استدارت لترحل لكنه اوقفها قائلا:المعيد بتاعك تقفى تضحكى معاه
فألتفتت اليه :هى فيها حاجة يعنى ..اظن حضرتك ملكش دخل ..فخليك فى اللى انت فيه
ابتسم غصب عنه ليقول :بقى هى الحكاية دى .يعنى انتى بتردهالى يا ايسل ..ماشى شكرا ياستى ..بس انا خايف عليكى من اى كلمة تتقال عليكى ..أدهم اخوكى فى البيت ..لكن انا هنا مكانه ..واظن دى مش حاجة تزعل
شعرت بالضجر مجددا منه فللمرة الثانية يقولها انها مثل اخته لكنها ابتسمت :ماشى شكرا ..على العموم انا كنت واقفة مع دكتور حاتم عشان بسأله على حاجة ..وضحكت لأن وانا بكلمه اتلغبطت فى الكلام ..بس كده
فأبتسم لطيبتها
هبت نسمة هواء ليتطاير شعرها وتتناثر خصلاته على وجهها فرفعته بعشوائية
ياسين :ملحوظة اخيرة يا ايسل ..ياريت وانتى هنا فى الجامعة تلمى شعرك ده
ايسل بصدق :انا والله كنت لماه بس مش عارفة التوكه فين
وهى تحدثه لفت انتباهها رؤية تلك الفتاة مجددا وهى تسير بجانبهم ..فنظر ياسين لها بلا مبالاه ثم التفتت الى ايسل ليجدها تنظر اليها
فهتف قائلا :انتى بتبصى على ايه
ايسل بفضول :انت تعرفها صح
ياسين بلا مبالاه :يعنى
شعرت بالضجر :طب هى مين ..تقربلك ايه يعنى
نظر اليها بتمعن فقال بذات مغزى :يهمك اوى تعرفى
ايسل بأرتباك :عادى يعنى ..لو مش عاوز خلاص
وضع يده فى جيب بنطاله :فرح ..اسمها فرح
قاطعهم مجئ يارا
يارا بتساؤل :ياسين هى ياسمين مجتش ليه
ياسين :اصلها تعبانة شوية
يارا :مالها
ياسين :متقلقيش اصل الهانم امبارح كانت فى الملاهى فتعبت من كتر اللعب
يارا :طب انا هروح المحاضرة هتبتدى متتأخرش بقى هحجزلك مكان جنبنا
xxxxxxxxxxxx
لا يعرف من اين يبدأ الموضوع ..ظل ينظر اليه بتوتر
فأردف سامح قائلا :يابنى بقالك نص ساعة باصصلى ..انت وترتنى ..ادخل فى الموضوع على طول يا عمر
استجمع الكلمات التى يبدأ بها وقال بجدية :بصراحة انا عاوز من بعد موافقتك طبعا يا عمى انى اكتب الكتاب ..وقبل ما ترد او تقول حاجة ..انا هقولك ليه
سامح مستمعا :اتفضل قول
عمر :أنا مش عاجبنى انى اخرج مع ياسمين ولسه مفيش حاجة تربطنى بيها غير خطوبة ..فأنا عاوز اكتب الكتاب عشان اعرف اكلمها براحتى واخرج معاها عادى
ارتسمت ابتسامة على ثغر سامح :عارف يا عمر انت كبرت فى نظرى بعد اللى قولته .بجد انت راجل ..بس انتوا لسه مكملتوش شهرين خطوبة
عمر بأمل :ياعمى الخطوبة معموله للتعارف وحضرتك اللى قولت كده كمان ..بس لزمتها ايه واحنا عارفين بعض كويس
يبقى ايه المانع بقى اننا نكتب الكتاب
سامح :بلاش استعجال يا عمر ..ياسمين كده هتتشغل عن دراستها و
قاطعه عمر :انا اسف لمقاطعة حضرتك ..بس انا مش هشغلها ولا هعطلها عن حاجة خالص ..وبعدين احنا لسه مش هنتجوز دلوقتى
ابتسم سامح على اصراره :طيب هشوف رأيها وهبقى ارد عليك ..بس انت والدك عارف باللى بتقوله
عمر :اه اكيد طبعا

ـــــــــــــــــــــــــ

بعد ما انتهت من المحاضرة خرجت من المدرج وسارت عدة خطوات لتتوقف عندما سمعت احد يناديها
فأستدارت لتنظر اليها بدهشة :ايسل ..انتى ايه اللى موقفك هنا
ايسل :كنت مستنياكى
نور :فى حاجة ولا ايه
ايسل :يعنى لازم يبقى فى حاجة ..انا بس كنت عاوزة اجى معاكى عشان اشوف ياسمين ..اصلى عرفت من ياسين انها تعبانة
نور :اه جسمها واجعها ..بس يلا تعالى
ايسل بتردد :مش هتستنى ياسين
نور :لا لسه عليه محاضرة ..يلا احنا ..بس انتى معاكى العربية ولا تركبى معايا
ايسل :لا هاجى معاكى

xxxxxxxxxxxx*
ما ان فتح باب الفيلا حتى وجدهم امامه
فقال بتساؤل :ايه ده انتوا خارجين
نيفين :ايوه رايحين المستشفى يا حبيبى النهاردة معاد التشيك اب وكمان هنشوف نتيجة التحاليل
أدهم :طيب يلا انا هاجى معاكم
احمد :لا يا ادهم خليك انت هنا عشان اختك لما تيجى تلاقيك ..ومتقلقش لو اتأخرت شوية هى اتصلت بيا وقالتلى انها رايحة مع نور البيت
أدهم :ماشى
شعر احمد بأنه يريد ان يقول شئ فقال لنيفين :نيفين ممكن تطلعى تشوفى موبايلى فوق ولا لآ
نيفين :حاضر
احمد :ها قولى عملت ايه
أدهم :قابلته واتكلمت معاه وقالى هيرد عليا بعدين
احمد :طيب متقلقش هيوافق وهتقول بابا قال
xxxxxxxx
دلفت حجرتها لتتفاجئ به جالس فى الشرفة يبدو انه يفكر فى شئ ما ..فقالت بقلق :محمد ايه اللى جابك بدرى ..فى ايه
محمد :اقعدى يا زينب
جلست قباله :فى ايه يا محمد
محمد :نور متقدملها عريس
زينب :هو ياسر كلمك ولا ايه
محمد بتعجب :ياسر ! لا ياسر مكلمنيش ..هو ياسر اتقدم لنور
زينب :ايوه ..حتى كلم سعاد امبارح وهى قالتلى النهاردة
محمد :والمفروض انا اخر من يعلم يعنى
زينب :بقولك انا معرفتش غير النهاردة الصبح وكنت ناوية اقولك لما تيجى
محمد بأنفعال :انا مش موافق بقى ..المفروض كان البيه يجى يكلمنى انا الاول
زينب :طب اهدى الاول ..انا اصلا كمان رافضة الموضوع نور لسه صغيرة على الكلام ده
ثم اسطردت قائلة :مين ده اللى كلمك على نور
محمد بعد ان هدأ :أدهم بن احمد الحسينى..اتصل بيا الصبح وطلب انه يشوفنى فقابلته بره
فلاااااش باااك
(بعد ما علم أدهم من عمر ان ياسر لم يتكلم مع محمد فى الموضوع وانه كان يمزح معه بموافقة نور فقرر ان يفاتح محمد قبله)
جلسوا فى كافيه مطل على النيل
محمد :خير يا أدهم..ايه الموضوع اللى انت عاوز تكلمنى فيه
أدهم :الموضوع بخصوص نور
محمد :مالها نور
أدهم :انا هدخل فى الموضوع على طول ..انا بصراحة بحبها و عاوز اتقدملها
اندهش محمد فهو لم يتوقع انه سيحدثه فى هذا الموضوع :معلش يابنى بس نور دى لسه صغيرة..دى لسه بتدرس
أدهم بجدية :يا أستاذ محمد نور مش صغيرة ولا حاجة ..ليه حضرتك بتحسبها بالسن..ولو على الدراسة انا مستعد استنهاها تخلص بس أخطبها دلوقتى عشان تبقى فى حاجة ربطانا ببعض ومسيبهاش تضيع منى
محمد :براحة عليا يا أدهم ..نور دى كل حاجة فى حياتى انا معنديش الا هى ومش مستعد انى
فهم أدهم ما سيقوله فقاطعه قائلا بثقة :انا فاهم حضرتك هتقول ايه ..اكيد حضرتك عارفنى كويس ..من ساعة ما عرفتنى شوفت حاجة منى مش كويسه
محمد بصدق :بصراحة لأ
أدهم :انا بجد بحبها
التمس محمد منه نبرة صدقه فقال :انت كلمتها فى حاجة
أدهم :لا طبعا ولا لمحتلها بحاجة خالص ..أنا جيت لحضرتك على طول
محمد :طب وانت ايه اللى خلاك عايز تخطبها
أدهم :عشان حبيتها ..حبيت فيها براءتها و
قاطعه محمد :يابنى راعى انك قاعد مع ابوها
ابتسم ادهم قائلا :مش بقول الصراحة
محمد بجدية :بس الحب مش كفاية ..انت متعرفهاش
أدهم :منا عشان كده عايز اخطبها ونتعرف على بعض
محمد :عجبانى صراحتك يا ادهم
ابتسم ادهم وقال :طيب قولت ايه
محمد :انا مبدأيا موافق بس لو وافقت اتمنى انك متعطلهاش عن دراستها ولا تخلينى اندم
أدهم :متقلقش خالص من الموضوع ده ..وصدقنى مش هتندم للحظة
محمد :طيب هكلمها وهبقى ارد عليك
بااااك
محمد بنبره ذات معنى :الراجل احترمنى وجه وكلمنى
زينب :لا يامحمد انا قلبى مش مطمن ..نور لسه صغيرة ومتقدرش تشيل مسئولية ..وبعدين احنا مش مستعجلين عليها
محمد :يا زينب هى قايمة تتجوز دى مجرد خطوبة ..استريحت لأدهم يبقى خير مستريحتش يبقى خلاص
زينب :شكلك بيقول موافق
محمد :بصراحة ايوه انا عارف ادهم كويس ..محترم واخلاقه كويسه
زينب :طيب ليه بقى رفضت ياسر
محمد :ده لسه بيدرس يا زينب ..لكن ادهم معتمد على نفسه
زينب :طيب هقول لسعاد ايه دى ممكن تزعل
محمد :دى حاجة متزعلش وبعدين انا لسه هكلم نور هشوف رأيها الاول

ـــــــــــــــــــــــــ ــــ

فى حجرة ياسمين ..جلسوا ثلاثتهم على الفراش
فيكى الخير يا ايسل والله ..انتى الوحيدة اللى سألتى عليا
تفوهت بها ياسمين
نور بغيظ :انتى هتعمليهم عليها ..ده وجع طبيعى
واحدة طول اليوم كانت بتعلب زى العيال عايزاها تبقى عاملة ازاى
ياسمين :يا سلام اومال مين اللى جريت امبارح عشان تلعب لعبة تافهة زيها ..يبقى مين فينا اللى عيل
ايسل :خلاص بقى انتوا الاتنين مكنتش كلمة دى ..ما علينا صاحبتك يارا سألت عليكى ياسين النهاردة
ياسمين :هبقى اتصل بيها ..ثم قالت بتعجب :انتى شوفتيهم ازاى
ايسل بعفوية :اصل ياسين جه وسلم عليا النهاردة
ابتسمت نور وغمزت لياسمين بدون ما تنتبه لها ايسل
فأردفت ايسل قائلة :ياسمين انتى تعرفى بنت اسمها فرح
ياسمين بمزاح :حددى فرح مين اصل الافراح كتير
نور :بطلى غلاسة يا ياسمين ..معلش يا ايسل خديها على اد عقلها
ايسل :معرفش فرح ايه بس انا شوفتها قبل كده مرتين وحسيت ان ياسين يعرفها
نظرت نور لياسمين ثم نظروا اليها
فقالت ياسمين :ايوه اعرفها مالها يعنى
ايسل بإندفاع :ايه علاقة ياسين بفرح
نظرت نور لياسمين بذات معنى ففهمتها ياسمين
ياسمين :طب انتى عرفتى منين اسمها
ايسل :ياسين هو اللى قالى على اسمها
ياسمين :طب انا هقولك بس متقوليش لياسين
ايسل :وعد مش هقول
ياسمين :ياسين بيحب فرح
تهجم وجهها ..فلاحظوا ذلك
فأكملت ياسمين سرد حكايتها مع ياسين
ما ان انتهت حتى هتفت ايسل بغضب :دى واحدة متستاهلش الحب ده ..ياسين يستحق بنت احسن منها ..احسن انه سابها
ابتسمت نور بخبث :فعلا يستحق احسن منها
ايسل بتساؤل :طب هو لسه بيحبها لغاية دلوقتى
نور :بصراحة هو بيحاول ينساها
ايسل :لازم ينساها دى مش بتحبه ..ثم لملمت اشيائها والتقطت حقيبتها
ياسمين :رايحة فين
نهضت ايسل لتقف امام المرآة :هروح بقى عشان متأخرش
ثم نظرت لياسمين :ياسمين معندكيش توكه اصل بتاعتى وقعت
فتحت درج التسريحة لتخرج لها توكة :اتفضلى وجديدة على فكرة
ايسل :شكرا ..ثم ربطت بها شعرها ورحلت
أردفت نور :خدتى بالك يا ياسمين
ياسمين :اكيد
كانت تنظر فى داخل حقيبتها فلم تنتبه له فأصطدمت به
فنظرت اليه وهى واضعه يدها على جبينها :ايه حيطة ماشية
ياسين :نعم ..ثم قال بتعجب :انتى بتعملى ايه هنا
ايسل بأرتباك :كنت بشوف ياسمين ..بعد اذنك
ياسين :استنى بس ..هتروحى ازاى
ايسل :هاخد تاكسى ..اصل عم صابر خليته يروح
ياسين :طب استنى هوصلك
ايسل :لا شكرا منا قولتلك هاخد تاكسى
كأنه لم يسمع منها شئ فسار امامها ولم يلتفت لها :يلا تعالى مبحبش اتكلم كتير
رفعت حاجبيها بأستغراب لكنها ابتسمت واتبعته
بينما كانت هناك عيون تنظر اليهم
واقفين فى الشرفة
فقالت ياسمين بهيام :الواد ياسين طلع جينتل اوى
نور بغيظ :ده وصلنى النهاردة بالعافية ماشى يا ياسين
xxxxxxxxxxxx
وافقت ياسمين على كتب الكتاب ..واتفقوا انه سيكون فى اجازة نصف العام
برغم ان عمر كان يريده مبكرا عن ذلك لكنه رضى حتى لا تنشغل عن دراستها
واخبرت زينب سعاد برفض محمد لطلب ياسر

ـــــــــــــــــــــــــ ـــــــــــ

فى صباح اليوم التالى
ذهبت بفردها الى الجامعة لحضور السكاشن
حتى انها لم ترى ايسل
كانت تشعر بالضيق ..ما ان انتهى اخر سكشن خرجت مسرعة
وقبل ان تصل الى البوابة ..اوقفها هو بوقوفه قبالها
نور بتعجب :ياسر فى حاجة
ياسر بجدية :ممكن افهم انتى رفضتينى ليه
نور بعدم فهم :مش فاهمة ..رفضت ايه
ياسر :انى اخطبك
نظرت اليه بذهول وافرغت فاه :نعم ..وكادت ان تتحدث لكنه قاطعها بصوته الرخيم وهو يقول :انا اقولك ليه.. عشان هى مخطوبة
التفتوا اليه هما الاثنين
فقال ياسر بدهشة :نعم صحيح الكلام ده يا نور
نظرت اليهم بعدم فهم ولم تتحدث لعدم استيعابها
ادهم بحدة :كلمنى انا
ياسر :اكلمك انت ليه انت مين اصلا عشان تدخل
وضع يده فى جيبه :انا ابقى خطيبها
ياسر :ازاى يعنى ..محدش قال و
قاطعه أدهم :اصلى انا كنت مفاتح عمى محمد من فترة وهو رد عليا
لم ينبت ببنت شفه وتركهم وذهب ..لينظر هو على نور ليجدها
تنظر الى الا شئ يبدو انها لم تستيعب ما قيل
لوح امام عيناها :نور انتى روحتى فين
نظرت اليه بحدة :ايه اللى انا سمعته ده ..خطيبى ازاى انا مش فاهمة ..انت اصلا ازاى تتجرأ تقول كده
أدهم بثقة :ما انتى فعلا خطيبتى
نور بصوت عال نسبيا :خطيبتك منين ..انا عايزة افهم ازاى
أدهم بحدة :وطى صوتك احسنلك .. ببساطة انا كلمت باباكى وهو قالى هيرد عليا لما ياخد رأيك
نور :طب ورد عليك ازاى من غير ما ياخد رأيى
أدهم :لا مهو لسه مردش عشان لسه مكلمكيش ..بس انتى هتوافقى
استشاطت غضبا :يا سلام مين قالك انى هوافق اصلا
أدهم ببرود:هتوافقى
نور :يعنى غصب عنى هوافق
أدهم بأبتسامة جذابة :لا مش غصب برضاكى هتوافقى ..يلا عشان نمشى ولا هنفضل واقفين
نظرت اليه ببلاهه ثم تركته وذهبت ..ليوقفها هو بنبره اخافتها :لو مشيتى تانى مرة وانا بكلمك مش عاوز اقولك ايه اللى هيحصل ..فأحسنلك تمشى اودامى
نور :انا هروح لوحدى
أدهم بسخرية :ازاى بقى ..عم جمال باباكى طلبه وراحله
اتفضلى اركبى
فتح لها باب السيارة لتظل هى واقفة تنظر اليه بضيق
فرمقها بنظرة اخافتها فركبت على الفور
ليبتسم هو من داخله واستقل السيارة
طوال الطريق كانت تنظر اليه بغضب ليقابلها هو بنظرة برود
ليجعلها تستشاط غضبا
اوصلها امام الفيلا
كادت ان تفتح الباب لكنه اوقفها بصوته :ايه رأيك نعمل الخطوبة مع كتب كتاب عمر وياسمين
نظرت اليه بحدة :مش لما اوافق اصلا ده اذا وافقت
أدهم بثقة :منا عارف ردك يا نور هتوافقى
نور :انت مغرور اوى ومستفز
أدهم :مش غرور دى ثقة انما مستفز مش هحاسبك عليها
ترجلت من السيارة وصفعت الباب بغضب واسرعت فى خطوتها خوفا منه
ابتسم عندما رأها تسرع فقال بصوت عالى :براحة على العربية عليها اقساط
لم تستطيع ان تمنع تلك الضحكة التى صدرت منها


مقتطفات البارت القادم


على :انت قولت ايه لنور خلاها تخرج متضايقة
.................................................
♥ قبلت زواجها ♥ تلك الكلمة التى أعلنت انها اصبحت زوجته
.................................................. ..
نظرت ياسمين الي عينيه بتمعن :بس انا مبحبكش
..................................................
ياسين بغيرة :خلاص يا نور يارتنى ما سألت
...............................................
ابتسمت ووضعت يده على كتفيه :انت بتغير يا ياسين
........................................
ياسين وهو يبعد يدها :يلا امشى أدهم زمانه جاى
..........................................
نور بنبره اشبه بالبكاء :أدهم انت روحت فين
................................................

يتبع.....



بقلم\ أسماء خالد البحيرى