آخر 10 مشاركات
أسيرة الثلاثمائة يوم *مكتملة * (الكاتـب : ملك علي - )           »          شيوخ لا تعترف بالغزل -ج3 من سلسلة أسياد الغرام- لفاتنة الرومانسية: عبير قائد *مكتملة* (الكاتـب : noor1984 - )           »          إحساس جديد *متميزة و مكتملة* (الكاتـب : سحابه نقيه 1 - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أرملة أخيه-قلوب زائرة(ج1 سلسلة حكايات سريه) للكاتبة : عبير محمد قائد*كاملة&الروابط* (الكاتـب : قلوب أحلام - )           »          خادمة القصر (الكاتـب : اسماعيل موسى - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          هيا نجدد إيماننا 2024 (الكاتـب : رانو قنديل - )           »          سجل هنا حضورك اليومي (الكاتـب : فراس الاصيل - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 09-10-16, 11:23 PM   #31

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الـ 29
ـــــــــــــــــــــــــ ــــــ

كان المفروض تقولولى
تفوهت بها نور بغضب وهى تتحدث مع والديها
محمد :طيب اهدى الاول ..انا شخصيا لسه عارف امبارح ..بس قولنا نقولك النهاردة
زينب :طيب ريحينا بقى ..رأيك ايه
نور بحنق :مش موافقة ..ثم نهضت وذهبت الى غرفتها
رآها جدها وهى خارجة غاضبة من غرفة ابيها فذهب الى ابنه
على :انت قولت ايه لنور خلاها تخرج متضايقة
محمد :يابابا زى ما انت قولتلى ..بس هى رفضت من غير ما حتى تفكر
على :طيب انا هروح اتكلم معاها
زينب :سيبها يا بابا على راحتها هى خلاص رفضت
على :طيب على الاقل اعرف هى رفضت ليه
xxxxxxxxxxxx
زفرت بضيق وهى تسير فى غرفتها ذهابا وايابا
سمعت احد يطرق على باب غرفتها فركضت لتفتح
نور :نعم عاوز ايه
دلف ياسين وهو يقول :ايه يا نور مش طايقة نفسك ليه
نور :مفيش ..كنت عايز حاجة
ياسين :كنت عاوز اعرف وافقتى ولا ..بس شكلك بيقول ولا
تنهدت بقوة وذهبت لتقف امام النافذة ..فوقف بجوارها
وهتف قائلا :رفضتى ليه بقى
نور :رفضت وخلاص من غير سبب ..استريحت
ياسين :ياشيخة مش هتلاقى بعد كده ..الفرص بتقل صدقينى ..ياسمين نفدت خلاص ..لكن الدور عليكى بقى ومش هتلاقى حد يبصلك حتى ..مش عشان انتى لسه صغيرة تتأمرى على خلق الله..وبعدين انا عايز افهم ازاى ادهم العاقل يبص لواحدة عيلة زيك ..صدقينى دى فرصة محدش بعد كده هيبصلك
نظرت اليه بتعجب
ياسين مازحا وهو يضربها على رأسها :اه طبعا محدش هيبصلك ..ومتحطيش فى بالك انى ممكن اعبرك ..انا مرتبط يا حبيبتى
ضحكت رغما عنها :انت بتهزر يا ياسين ..طب قولى انا هبصلك ازاى
ياسين بجدية :بجد يا نور فكرى كده بهدوء واختارى صح انتى مش صغيرة
قاطعهم دخول جدهم ..فألتفتوا اليه قائلين :جدو
على :خبطت كتير ومفتحتيش
نور بأبتسامة :مسمعتش اصل ياسين كان بيكلمنى فمخدتش بالى نظر على لياسين ففهم وخرج
امسك يدها واجلسها على المقد وجلس قبالها
على :ممكن اعرف حبيبة جدو رفضت ليه
نور :ما بابا رفض اصلا
على :لا محمد رفض ياسر لكن أدهم لسه مردش عليه
نور :طب بابا رفض ياسر ليه
على :لأنه لسه صغير وميقدرش يشيل مسؤلية ..لكن لو انتى وافقتى يبقى فيها كلام تانى
نور هتفت مسرعة :لا مش عاوزة انا اصلا رافضة وكويس ان بابا رفض لأن ياسر بعتبره زى اخويا
على :طب وأدهم رفضتيه ليه
نور :مش عاوزة ده مغرور اوى وشايف نفسه مش عارفة على ايه
على :هو ده بس سبب رفضك ..انه شايف نفسه
اومأت برأسها بنعم وقالت :ومغرور
فضحك على قائلا :ده لعب عيال يا نور ..اهم حاجة اخلاقه وانه بيحبك بجد ..وراجل يعتمد عليه ويتحمل المسئولية..لكن تقوليلى مغرور ومش عارف ايه دى مش اسباب تخليكى ترفضى
عبست نور وقطبت جبينها :ياجدو ده مستفز ..رايح بيستفزنى ويقولى انى هوافق وواثق اوى ..انا بقى لازم اخليه يعرف ان مش كل حاجة يقولها صح
على بجدية :هى لعبة يا نور ..ايه دور القط والفار ده
نور :اصلك انت متعرفش يا جدو ....
وسردت له ما قاله لياسر فى الجامعة
ما ان انتهت حتى ضحك على
نور :جدو انت بتضحك على ايه
على :فعلا هو واثق من نفسه بس مش مغرور زى ما انتى بتقولى ..بس اللى بيحب بيغير
نور بدهشة :بيغير !
على :ايوه لما شافك واقفة مع ياسر وسألك عن سبب رفضك فهو اتدخل وقال كده
ابتسمت تلقائيا عند تذكرها ما حدث
اقترب منها :ها نرد عليه نقوله ايه
نور :طيب انت رأيك ايه يا جدو
على بخبث :هتلاقى رأيى فى ردك انتى
نور بتلقائية عفوية :ايه ده يعنى انت موافق
فضحك حتى ادمعت عينه مما جعل وجنتيها تصطبع بحمرة الخجل
فعانقها وقبل جبينها :كبرتى يا حبيبة جدو

ـــــــــــــــــــــــــ ـــــــــــــــــــــــــ ــــــــــــ
مضت الايام سريعا وانتهت امتحانات نصف العام
وقامت حفلة خطوبة نور وادهم التى كانت فى الفيلا ولم يقوموا بدعوة احد ..فقد كانت بين الاسرتين فقط ..بناء على رغبة نور
وبعد اسبوع كانوا يقوموا بتحضير حفلة كتب الكتاب
فلم يتمكنوا من السفر الى المنصورة بسبب انشغالهم بتحضير الحفلة التى سوف تقام فى احدى السفن الفخمة


ـــــــــــــــــــــــــ ـــــــــــــــــــــــــ ــــــــــــــــــــــ

♥ قبلت زواجها ♥ تلك الكلمة التى أعلنت انها اصبحت زوجته
كلمة نطقها عمر وهو ينظر فى عيونها بحب ليرى لمعة الفرحة فى عيناها

عانقتها علا بفرحة ودموعها تسيل
ياسمين بتأثر :يا ماما انا كده هعيط ..خلاص بقى
علا :دى دموع الفرحة يا حبيبتى
فأتت سارة وقامت بمعانقة ياسمين
سارة :الف مبروك يا حبيبتى عقبال فرحكم يارب
ياسمين :شكرا يا طنط
سارة :طنط ايه بقى انا خلاص بقيت ماما
ابتسمت ياسمين :حاضر يا ماما
وجدته واقف خلف والدته ينظر اليها بحب وفرحة ..فأبتسمت ابتسامة ساحرة ..فأرسل اليها قبلة فى الهواء ..فحدقت به بخجل
نظرت سارة الى ما تنظر اليه
سارة وهى تمسك يده وتضع فيها يد ياسمين :يلا خد عروستك يا عمر
عمر وهو يمسك يد ياسمين :عليا النعمة يا ماما انتى عسل
ثم ذهب بها ليقف بعيدا عنهم
عمر بفرحة :خلاص بقيتى مراتى يا ياسمين
نظرت اليه بخجل
فأردف قائلا :هو انا كل ما هقولك حاجة تتكسفى ..لا حرام عليكى بجد
ياسمين :يعنى المفروض اقولك ايه يا عمر
عمر :اولا عمر دى ..شيليها ونادينى بحاجة تانية
ياسمين متصنعة عدم الفهم :يعنى اقولك يا حسين مثلا
عمر :يا سلام يعنى مش فاهمة
ياسمين بمزاح :فاهمة بس بستعبط
امسك يديها وقبلها:بحبك يا بت
رفعت حاجبيها :بت! هو ده اخرك فى الرومانسية
عمر :لا طبعا الرومانسية لسه هتيجى بس مش دلوقتى ..ثم غمز لها بعينه
استدارت لتنظر الى النيل لتخفى خجلها ..فأمسك كتفيها وادارها لتكون امامه مباشرة
عمر بحب :بحبك من اول مرة شوفتك فيها ..حبيت جنونك وشقاوتك ..حبيت كل حاجة فيكى ..كسوفك اللى هيجننى ده ..وبوعدك انى هفضل احبك لغاية اخر يوم فى عمرى
نظرت الي عينيه بتمعن :بس انا مبحبكش
نظر اليها بصدمة :ايه
ابتسمت برقة :ايوه مبحبكش ..لو قولتلك بحبك هبقى بكدب عليك ..لأن مهما قولت مش هيكون زى اللى انا بحسه..فكلمة بحبك دى قليلة عليك
ثم صمتت لبرهة وقالت بخجل :أنا بموت فيك يا عمورتى
كان ثغره يبتسم فرحا ..فعانقها بعيونه وقال :ده انتى طلعتى رومانسية اهو .. بس تصدقى انك مجنونة يا قلب عمورتك
ياسمين :شكرا
عمر :انتى زعلتى ولا ايه ..يعنى توقفى قلبى وتقوليلى مبحبكش ..تبقى مجنونة ولا لآ
عبست وقالت بزعل مصطنع :ماشى يا عمر ..انا بجد زعلانة منك
عمر :طب انا هصالحك ..فأقترب منها
لتبتعد هى وتتراجع للخلف بخوف :انت هتعمل ايه
ضحك عمر :انتى اتهبلتى يا ياسمين انا جوزك يا حبيبتى ..وبعدين متخافيش كده مش هاكلك ..قربى ومتخافيش
اقتربت منه بحذر ..فأدارها لناحية النيل لترى قدوم يخت مزين بطريقة جميلة ومكتوب عليه (ياسمينة عمر♥) ..فنظرت اليه بتساؤل وعدم فهم..فقال :مش انتى زعلانة ..سيبينى انا بقى اصالحك بمعرفتى ..بس مش دلوقتى ..تعالى نروحلهم الاول


ـــــــــــــــــــــــــ ــــــــــــــــــــــ

واقف بجوارها ينظر الى ملامح وجهها البريئة ..ليبتسم عندما وجدها تبتسم عند سماعها كلمة (قبلت زواجها ) فمال على اذنها قائلا :عقبالنا احنا كمان
قالت بخجل دون ان تنظر اليه :ان شاء الله
أدهم :نور
رفعت رأسها له :نعم
أدهم :تعالى معايا عايز اقولك حاجة
نور بإستغراب :طب ما تقول
أدهم :مش هنا ..تعالى بس
سار ادهم امامها وهى تسير خلفه ..وجدته ابتعد عن مكان الحفلة
فقالت :أدهم انت مودينى فين ..ماتقول هنا انت عاوزنى فى ايه
أدهم بنبرة حانية :متخافيش مش هخطفك يانور
وجدته صعد على متن السفينة
أدهم وهو يمده لها :تعالى يلا
مدت يدها له بتردد وصعدت
وجدت المكان مظلم فشعرت بالخوف من ذلك الظلام الحالك
فهمس فى اذنها :متخافيش وانا جانبك ..ثم ترك يدها
نور بنبره اشبه بالبكاء :أدهم انت روحت فين
ربت على يديها بحنان :قولتلك متخافيش ..انا هنا
تشبثت بيده :طب هو فى ايه
تركها مجددا لتسمعه يقول :فاكرة يوم الخطوبة لما قولتيلى اشمعنى انا اللى خطبتنى
نور :ايوه وساعتها انت مردتش عليا
أدهم :هرد عليكى دلوقتى
اشعلت الاضواء لتتفاجأ وهى تشعر بالأنبهار بأن المكان ملئ بالبلالين الحمراء ومكتوب عليها
) i love you Nour )
وامامها مجموعة كبيرة من البلالين على هيئة قلب كبير
فسمعت صوته وهو يقول :بصى لفوق شوية
رفعت رأسها قليلا لترى تلك الالعاب النارية التى زينت السماء بأسمها وأسمه وكلمة (بحبك)
لم تصدق فشعرت بأنها محلقة فى السماء من فرحتها ..بحثت بعيونها عنه وظلت تلتفت حولها لكنها لم تجده
فسمعت صوته من خلفها ..استدارت لتراه يخرج من خلف القلب الكبير وهو حامل بيده بوكيه ورد كبير من ورد الجورى والتوليب الاحمر
نظرت اليه بحب واعجاب :أدهم
أدهم بحب :بــــــــحـــــبــــــــ� �ـك
لمعت عيناها فرحا ..ودت لو ركضت اليه واحتضنته
اقترب منها بأبتسامته الجذابة واعطاها البوكيه
امسكته وهى تنظر اليه بأعين لامعة
أدهم :بصى جواه
نظرت بداخله لترى كل أنواع الشيكولاته التى تعشقها
نور بسعادة :أدهم انا
قاطعها هو :شششش...متقوليش حاجة
نور بصدق :صدقنى انا نفسى أرد عليك بس مش هينفع اقولها دلوقتى
أدهم وهو ينظر فى عيناها :وانا مش عاوز اسمعها منك دلوقتى ..كفاية انك معايا
صمتوا لتتحدث لغة العيون ..فالعين هى أصدق حديث يخرج من القلب
امسك يدها وهو يقول :تسمحيلى بالرقصة دى
اومأت برأسها ..فألتقط منها البوكيه ووضعه على الطاولة ..وذهب بها الى المنتصف وتحاوطهم البلالين وتخرج من جانبهم فقاقيع المياه الملونة ..وبدأوا بالرقص السلو على موسيقى هادئة
كانت تنظر فى عيونة التى ذابت فيها عشقا
أدهم :انا عارف اللى بيدور فى دماغك ..هجاوبك عليها ..انا ملاقتش غير المناسبة دى اللى اعملك فيها المفاجأة دى ..انتى اخترتى اننا منعملش حفلة كبيرة فى الخطوبة برغم انها كانت فكرتك ..لكن حسيت انى مفرحتكيش ..بس انا بتمنى انى اكون دلوقتى
قاطعته نور :أدهم انا حاسة انى طايرة من الفرحة ..بجد احلى مفاجأة حصلتلى فى حياتى


ـــــــــــــــــــــــــ ـــــــــــــــــــــ

وجدته واقف بمفرده يعبث بهاتفه فذهبت ووقفت بجواره
ايسل بأبتسامة :ممكن اقف
التفت اليها فقال وهو متصنع البرود :ما انتى وقفتى اهو
ايسل بغضب :يعنى امشى
ضحك ياسين :ياايسل بهزر معاكى انتى كل حاجة تاخديها بجد
فأبتسمت قائلة :مبروك عقبالك
ياسين :الله يبارك فيكى وعقبالك انتى كمان ..ده اذا لقيتى يعنى
رفعت حاجبيها :نعم ايه اذا لقيت دى ..انا لو قولت يا جواز السما دى هتمطر عرسان بس النفس بس
ضحك ياسين لتنظر اليه بغيظ وكادت ان تذهب
ياسين :تعالى هنا رايحة فين
ايسل مازحة :هروح ادورلى على عريس من هنا
ياسين مازحا وهو يعدل الجرافت التى يرتديها :طب ما العريس واقف اودامك اهو ..ولا انتى عامية مبتشوفيش
ابتسمت بخجل ونظرت امامها
لاحظ ياسين خجلها :خلاص بهزر معاكى وربنا..بس على فكرة شكلك حلو بالطرحة
ايسل بأندفاع :بجد حلوة فيا
ابتسم ياسين ثم اومأ برأسه


ـــــــــــــــــــــــــ ــــــــــــــــــــــــ

بعد انتهاء الحفلة كان واقف يتحدث مع والدها
سامح :خلى بالك منها يا عمر دى بنتى امانة معاك
عمر وهو ينظر لياسمين بعشق :صدقنى دى فى عيونى وقلبى
سامح :طيب متأخرهاش تجيبها لغاية جوة فى الفيلا
عمر :والله لو تحب لغاية باب اوضتها
ضربه سامح على ذراعه :يا واد اتلم ..يلا خودها وحطها فى عيونك
امسك عمر يدها وركض بها لأسفل
ياسمين متسائلة :عمر انت هتودينى فين
عمر :انتى ناسية انى هصالحك
صمتت لتجده يركب اليخت واستدار لها وهو يمد لها يده :يلا تعالى
نظرت الى اليخت ثم اليه بسعادة فمدت له يدها لكنه حملها بخفة ووضعها على المقعد
ياسمين بخجل :ايه ياعمر ما انا كنت هعرف انط
عمر بحب :يعنى انا غلطان عشان خوفت عليكى لتقعى
اومأت برأسها نافية ..ثم نهضت لتجول بعيناها على اليخت
امسك يديها وهو يقول :تعالى معايا
ياسمين :على فين
عمر :تشوفينى وانا بسوقه
ياسمين :هو ده بتاعك
عمر :لا مأجره ..ايوه طبعا بتاعى ده انا سميته بيكى
نظرت اليه بسعادة ثم ذهبت معه وهو يقود
بعد ربع ساعة كان واقف به فى منتصف النيل
وجدته ينهض ويصعد لأعلى ..فقالت :عمر رايح فين
عمر :لما اقولك اطلعى تطلعى
ياسمين :حاضر
بعد دقيقة وجدته ينادى عليها فصعدت لتتفاجأ به واقف بجانب طاولة موضوع عليها عشاء وشمعة فى المنتصف وزهرية ورد
اقتربت منه ياسمين قائلة بصدق :عمر انا بعشقك بجد ..بس ده كتير اوى عليا
قبلها من جبينها بحب :مفيش حاجة كتيرة عليكى
ثم اخرج لها المقعد لتجلس ..وذهب وجلس على المقعد قبالها
وبدأت نظرات العشق تتبادل بينهم


ـــــــــــــــــــــــــ ـــــــــــــــ

ابدلت ملابسها وجلست على فراشها تنظر الى البوكيه بأبتسامة
وهى تتذكر ما حدث ..اخرجت منه الشيكولاته الموجودة بداخلة
وبدأت فى تناولهم ..سمعت صوت رنين هاتفها فنظرت الى الشاشة وردت على الفور
أدهم :مش قولتلك اول ما توصلى تتصلى بيا
نور :منا قولت اكيد انت نمت ..فمردتش اصحيك
أدهم :انا مبنمش طلاما لسه مطمنتش عليكى ..قوليلى بتعملى ايه دلوقتى
نور :بصراحة باكل فى الشيكولاته اللى انت جبتهالى
أرتسمت ابتسامة على ثغره:طيب يلا نامى بقى انتى اتأخرتى كده
نور :حاضر هنام دلوقتى
أدهم :عايزة حاجة
نور :سلامتك
أدهم :تصبحى على خير ..سلام
نور بهيام :وانت من اهل الخير
اغلقت هاتفها وظلت تقفز على فراشها ثم امسكت دميتها شون
واحتضنته
xxxxxxxx
مضت الاجازة سريعا وبدأت الدراسة
يقوم عمر يوميا بتوصيل ياسمين الى كليتها
واحيانا أدهم يقوم بتوصيل نور
وزادت مقابلات ياسين لأيسل


ـــــــــــــــــــــــــ ــــــــــــ

ظهر عليها اثار التعب والارهاق الشديد
جالسة على فراشها تتحسس بطنها المتكورة امامها بسعادة
فهتفت صديقتها :ربنا يقومك بالسلامة يا الين
الين :ربنا يخليكى يا مى ..برغم انى خايفة بس مشتاقة اشوفه اوى ..ثم قالت بفرحة عارمة : انتى عارفة انا جبتله لبس كتير اوى وكريم جابله لعب كتيرة كل يوم وهو جاى يجيبله لعب
وماما وطنط سهام مدلعنى على الاخر
مى بسعادة لسعادة صديقتها :طيب كريم عامل ايه معاكى
الين بحب :كريم مفيش زيه انا بحبه اوى بعشقه ..مش مخلينى اعمل حاجة خالص حتى مش بيخلينى اقوم من على السرير
وماما وطنط مامة كريم هما بيعملوا كل حاجة ..وكريم وهو رايح الشغل بيوصيهم عليا وكل شوية يتصل يطمن عليا
مى :طب طمنينى مامتك بتعامل كريم ازاى
الين :انا بصراحة مش مصدقة خالص ..ماما اتغيرت 180 درجة ..بقت بتعامله كويس وهو حتى بيقولها يا شوشو زى ما انا بقولها ..بس بتغير من طنط سهام (والدة كريم)
دى حتى وافقت تيجى تقعد هنا لما لقتنى بشكر فيها دايما
مى :الحمدالله ..طيب انا لازم امشى بقى انا كده اتأخرت
الين :لسه بدرى يا مى
مى :هجيلك تانى صدقينى
خرجت مى من الغرفة لتقابل كريم سلمت عليه وذهبت
ليدخل هو الغرفة وينظر اليها بحب
الين بفرحة :كيمو جيت بدرى
عانقها كريم بحنان ثم جلس بجوارها :خلصت على طول وجيتلك ..عامله ايه دلوقتى
الين وهى تحتضن ذراعه ووضعت رأسها على صدره :كويسه الحمدالله
كريم وهو يضع يده على بطنها :وحبيب بابا عامل ايه النهاردة
وضعت يدها على يده :تاعبنى خالص يا كيمو كل شوية بيضربنى
اقترب من بطنها وقال :متتعبش ماما بدل ما اطلعه عليك لما تيجى
ثم اقترب منها وطبع قبلة رقيقة على وجنتيها


ـــــــــــــــــــــــــ ـــــــــــ

جالسة بجانبه فى الحديقة وهو يقوم بسقاية الزهور
كانت تود ان تسأله هل ماذال يفكر فيها
فقالت بحذر :ياسين ..هو انت لغاية دلوقتى يعنى
فهم ياسين ما سوف تتفوه به قال :لأ
نور بتعجب :هو ايه اللى لأ
ياسين :اجابة السؤال اللى هتقوليه ..اطمنى انا خلاص نسيتها ومبقتش بفكر فيها
تنهدت بأرتياح ثم قالت بخبث :طيب مفيش حد تانى
نظر اليها بتمعن :انتى بتلفى وتدورى على ايه يانور
نور ببراءة :انا بلف وادور ..انا بطمن عليك بس
ياسين :طيب اطمنى على الاخر
نور بفضول:يعنى فى صح
ابتسم ياسين ولم يجيب
نور :طب هى مين ..انا اعرفها صح
نظر اليها مطولا ..ثم قال
ياسين :أدهم عامل معاكى ايه
نور بأعين لامعة : انت بتهرب من الاجابة ماشى يا ياسين .. بس أدهم كويس جدا معايا ..يعنى انا الاول كنت مفكراه مغرور وشايف نفسه ومستفز .. لكن ده طلع طيب اوى يا ياسين
ياسين بغيرة :خلاص يا نور يارتنى ما سألت
ابتسمت ووضعت يده على كتفيه :انت بتغير يا ياسين
ياسين وهو يبعد يدها :اوعى يا بت ..يلا امشى أدهم زمانه جاى
نور :يا سلام ..الا قولى يا ياسين ايسل عامله ايه
ياسين :ما تسأليها مهى جاية معاهم
نور :على رأيك هبقى اسألها
ثم نهضت ودلفت الى الداخل
لكنها لم تنتبه الى شخص كان واقف بعيدا


ـــــــــــــــــــــــــ ـــــــــــــــ

أضافت الحياة لمسة بنكهة السعادة
وحتى لا نمل فلا مانع
من اضافة لمسة بنكهة اخرى


مقتطفات من البارت القادم

قاطعها أدهم وقال بجدية :نور إحنا هنتجوز فى اجازة اخر السنة
................................................
نور :انت ليه دايما كل حاجة تقولها هى اللى تتنفذ ..عايز تلغى شخصيتى وخلاص
................................................
عمر :انتى ليه مش واثقه فيا
..................................................
صمتت لبرهة لتتنهد بقوة وتهطل دموعها :اناغلطانة لما حبيتك ..انا بكرهك يا ياسين
..............................................
نظر ياسين اليها مطولا ثم ضمها اليه بحب :نور انا بجد بحبك اوى
............................................
حدقت به بذهول :نعم ..ايه اللى انت بتقوله ده




يتبع.....

بقلم \ أسماء خالد البحيرى




لامارا غير متواجد حالياً   رد مع اقتباس
قديم 09-10-16, 11:23 PM   #32

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت الـ 30
ـــــــــــــــــــــــــ ــــ


كان ينظر اليها بطريقة لم تستطيع فهمها فجعلتها تشعر بأنها فعلت شئ خطأ
بعد ما تناولوا الغداء خرجوا جميعا ليجلسوا فى الحديقة
جلس عمر مع ياسمين ناحية المسبح
بينما هو جلس فى الحديقة على الحشائش الخضراء فجلست بجانبه لكنها تركت مسافة كبيرة بينهم ..فنظر اليها بسخرية ثم نظر بعيدا عنها
شعرت بالضجر من عدم اهتمامه بها فقالت متسائلة :أدهم هو انت زعلان منى
لم يلتفت اليها ..فقالت بحنق :رد عليا ..طب انا عملت ايه خلاك تزعل منى كده
أدهم بغضب :يعنى مش عارفة عملتى ايه
نور نافية :لا مش عارفة ..لو انا عملت حاجة ياريت تقولى لكن متسيبنيش كده وتعاملنى بالطريقة دى
أدهم بتلميح :نور انا مش قولتلك قبل كده خدى بالك من تصرفاتك
نور بإستغراب :ايوه ..وهو انا عملت حاجة غلط دلوقتى
أدهم بنظرة ذات معنى :هو انتى هزارك دايما بالطريقة دى
نور بعدم فهم :مش فاهمة يعنى ايه
أدهم :أقصد هزارك مع ياسين ..مينفعش اصلا أنك تهزرى معاه ..أنا عارف إنك بتعتبريه زى اخوكى عشان متربين مع بعض ..لكن بردو ده غريب عنك
كادت ان ترد لكن قاطعهم مجئ زينب وهى حاملة صينية العصير تناولتها نور منها ووضعتها على الارض ورحلت والدتها
نور بحنق :أدهم عشان تبقى عارف
قاطعها أدهم وقال بجدية :نور إحنا هنتجوز فى اجازة اخر السنة
حدقت به بذهول :نعم ..ايه اللى انت بتقوله ده
أدهم :زى ما سمعتى اول ما تاخدى الاجازة نعمل كتب الكتاب والفرح فى يوم واحد
نور رافضة :لا طبعا مستحيل ..انت جاى تدينى قرار ولا تاخد رأيى ..المفروض كنت تاخد رأيى الاول
أدهم بجدية :الاتنين ..وادينى باخد رأيك دلوقتى ..قولتى ايه
نهضت نور وعقدت ساعديها بغضب وقالت :مش موافقة
وقف قبالها :ليه بقى هو فى حاجة
نور :انت ليه دايما كل حاجة تقولها هى اللى تتنفذ ..عايز تلغى شخصيتى وخلاص
أدهم بذهول :انا يا نور ..انا عايز الغى شخصيتك ..يعنى عشان بحبك وعاوزك تبقى معايا يبقى بلغى شخصيتك
صمتت قليلا لتهدأ ثم قالت
نور :مش انت قولتلى بعد ما أخلص
أدهم :ايوه ..بس مش هتفرق يعنى
نور :لا هتفرق يا أدهم ..أنا لسه بدرس وكمان فى سنة اولى ..ومش عايزة حاجة تشغلنى ..لكن الجواز هيشغلنى ولو احنا
لم تكمل جملتها وصمتت بخجل
ابتسم هو وقال :موضوع الاطفال ده هنخليه بعد ما تخلصى دراسة ..ومتخافيش مش هعطلك ولا هشغلك خالص ..وههيألك كل حاجة للمذاكرة ..ومش هخليكى تعملى حاجة اكنك عايشة هنا بالظبط ..بس بجد مش هينفع كده ..يعنى هنقعد 3 سنين خطوبة ده غير السنة دى
نور بتردد :يا أدهم افهمنى
أدهم بحنان :صدقينى مش هخليكى تندمى إنك اختارتى كده ..بس انتى وافقى
نور بعد تفكير :طيب هتقول ايه لبابا لأنه مستحيل يوافق
أبتسم أدهم وهتف قائلا :متقلقيش عمو محمد أنا هشوفه وفى واحد هيساعدنا فى الموضوع ده ..وانتى عارفاه
ثم غمز لها بعينه
ففهمت مقصده وابتسمت


ـــــــــــــــــــــــــ ـــــــ

ياعمر قولى بقى ايه المفاجأة
تفوهت بها ياسمين وهى جالسة بجانبه امام المسبح
عمر :وهو لو انا لو قولتلك عليها دلوقتى هتبقى مفاجأة
ياسمين بنصف عين :يعنى مش هتقول
عمر :لا
نظرت اليه بمكر ووضعت يدها فى المسبح وقامت برش قطرات المياه عليه وركضت
عمر وهو يركض خلفها :والله لهوريكى يا ياسمين
ظل يركض خلفها حتى امسك بها
ياسمين بتوسل :خلاص ياعمر سيبنى والله كنت بهزر
عمر :إحنا قولنا ايه ..يلا اتأسفى والا هرميكى فى البيسين
ياسمين بدلال:واهون عليك اغرق .انا مبعرفش اعوم
تأثر عمر بدلالها :ياسمين اتعدلى كده احسنلك ..يلا اتأسفى
ياسمين برقة :انا أسفة يا عمورتى
عمر :ياسمين حرام عليكى اتعدلى ..بلاش الرقة دى وحياة ابوكى
ياسمين :طيب عشان خاطرى قولى ايه هى
عمر بنفاذ صبر :هتعرفى كمان اسبوع خلاص استريحتى
ياسمين :لا لسه ما انت مقولتش حاجة
عمر بجدية :انتى وراكى ايه يوم الجمعة
ياسمين :مفيش بقعد اذاكر
عمر :طيب على اخر النهار تكونى جاهزة عشان هاجى اخدك
ياسمين :حاضر


ـــــــــــــــــــــــــ ـــــــــــ

تسير وهى ناظرة حولها بإنبهار من تلك الحديقة الجميلة التى يبدو انها مرسومة على ايدى فنان محترف
مليئة بالزهور بكل انواعها واشجار الفاكهة المزروعة على الجانبين ..لفت انتباهها صوت قطف شئ
فنظرت امامها وجدته يقطف بعض الزهور
توجهت نحوه قائلة بلوم :حرام عليك تقطفهم شكلهم حلو كده
ابتسم لها قائلا :بيطلع غيره عادى يعنى ..اصلى انا متعود من الوقت للتانى لازم اعمل بوكيه لنور وياسمين من الورد ده
ابتسمت وهى تنظر الى ذلك البوكيه الموضوع جانبه بإعجاب ..انتبه لها وهى تنظر الى الزهور فأمسكه ونهض ليقف قبالها
مد يده لها به :طلاما عجبك خديه
ايسل بدهشة :اخده
اومأ برأسه ..فقالت بحرج :بس ده لأختك او بتاع نور
ياسين :عادى يعنى أعمل غيره
اخذته منه بفرحة لتنظر الى اشكال الزهور الموضوعة فيه بإحترافية مع تناسق الالوان
ياسين وهو يشير لها :دى زهرة الاوركيد ودى هيدرانجيا
ايسل :حلوين اوى يا ياسين ..شكرا
ياسين :تحبى تتفرجى على بقية الجنينة لسه فى انواع كتير من الورد
اومأت برأسها ..فسارت بجواره وهى شارده فيه ..تنظر الى ملامح وجهه وهو يحدثها عن كل شئ فى الحديقة ..تبتسم عندما تجده يبتسم ..فهى تشعر بفرحة عارمة عندما علمت من نور انه لا يفكر فى فرح
التفت اليها فاجأة ليجدها تنظر اليه باسمة
فقال بتعجب :ايسل انتى معايا
خرجت من شرودها ونظرت بعيدا وقالت بحرج :معلش سرحت شوية ..كنت بتقول حاجة
ياسين :لا ابدا يلا نرجع
ايسل :يلا


ـــــــــــــــــــــــــ ـــــــــ

مضى الاسبوع سريعا ليأتى يوم الجمعة
جلسوا هم الثلاثة فى حجرة المكتب
حاول الجد ان يقنعهم بعدما اخبره أدهم عن الفرح
على :انتوا مالكم فى ايه مهى دى سنة الحياة ..ما نور مسيرها هتتجوزه يعنى اذا مكنش دلوقتى فهيبقى بعدين
محمد :يا بابا نور مش اد المسئولية ..دى مبتعرفش تعمل حاجة نهائى
على :أدهم قالى انه مش هيخليها تعمل حاجة وهيعاملها زيكم
زينب :يابابا دى عندها 19 سنة هنستعجل ليه بس
على :مش بالسن يا زينب ما انتى اتجوزتى محمد وانتى ادها
زينب :أيامى تختلف عن دلوقتى
على :نفسى افهم انتى معترضة ليه ..بردو الخطوبة مكنتيش عاوزاها تتم
زينب :انا قلقانة بس مش عارفة من ايه ..متستعجلوش عليها انا عايزة مصلحتها بردو ..بس بلاش السنة دى
على :مخلاص بقى يا زينب ..يعنى ادهم هياكلها مهو بدل ما يخرج بيها كل شوية ..اهى تبقى مراته وفى بيته ..واديكى بتشوفى هو بيحبها ازاى
وبعد طول النقاش أقنعهم على ووافقوا
xxxxxxxx
بعدما علمت نور من جدها هاتفت أدهم واخبرته
وبعد ما اغلق معها ذهب الى غرفة والديه ليجد نيفين وايسل جالسين معه
نيفين :شكلك مبسوط ..فرحنا معاك
جلس بجانب والده على الفراش :خلاص وافقوا اننا نعمل الفرح فى الاجازة اللى جاية
أحمد بفرحة :الف مبروك يا حبيبى
أدهم :ربنا يخليك يا بابا
أيسل وهى تقبله من وجنتيه :مبروك يا دومى وعقبالى انا كمان
أدهم :لا لسه بدرى عليكى يا حبيبتى
عبست ايسل وجلست بجانب والدها من الجهة الاخرى :اشمعنى نور يعنى مهى ادى
ضحك أحمد قائلا :اول ما يجى اللى يتقدملك هوافق على طول
قبلته ايسل بفرحة
نظر الى والدته :ايه يا ماما انتى مش فرحانة
نيفين :لا طبعا يا حبيبى فرحانة ..طلاما حاجة هتفرحك يبقى هتفرحنى انا كمان
أدهم :اومال ساكتة ليه
نيفين :منا بتكلم اهو ..مبروك يا حبيبى ..وطلاما انت عايز كده يبقى خلاص انا مش هتدخل تانى


ـــــــــــــــــــــــــ ــــــ

جالسة فى الحديقة تنتظره ما ان رن عليها حتى خرجت مسرعة
وجدته واقف مستند على سيارته السوداء الفارهة
اقترب منها وهمس فى اذنها :وحشتينى
ياسمين :وانت كمان ..ثم قالت بلهفة :ايه بقى المفاجأة
عمر :هو ده اللى همك
ياسمين :ياعمر بقى انت مخلينى اسبوع بحاله بفكر هى ايه
عمر بأبتسامة :طب يلا اركبى
فتح لها باب السيارة ثم ذهب واستقلها ورحل
لكن بعد عدة دقائق اوقف السيارة بجانب الطريق
ياسمين بإستغراب :وقفت ليه
عمر :ياسمين انا عاوز اخد رأيك فى حاجة بس اللى انتى عاوزاه انا هوافق عليه
ياسمين :قول طيب
عمر :من غير ما تقاطعينى اسمعينى للأخر .. انا فكرت اننا نعمل الفرح لما تخلصى سنة تالته وهيكون اودامك سنة وتخلصى ..بس بجد انا عايزك جانبى يا ياسمين ..مبقتش مستحمل انك بقيتى مراتى وبعيدة عنى ..ولما اعوز اشوفك يبقى بمواعيد ..انا مبشوفكيش غير وانا بوصلك الجامعة ..فلو انا اتجوزتك فى الاجازة هتكونى معايا على طول ..انا ده رأيى لكن لو عندك اعتراض قولى وصدقينى انا هحترمه وهوافق عليه
كانت تقفز من الفرحة بداخلها ارتسم على ثغرها ابتسامة ساحرة :عمر انا موافقة
لم يصدق ما سمعت فقالت :انا موافقة
احتضنها عمر من سعادته ..فأبتعدت عنه بخجل ونظرت امامها
عمر بمرح :خلاص مش هعمل كده تانى لغاية الفرح ..بس بوصيلى
نظرت اليه ووجنتيها تكاد ان تنفجر من حمرة الخجل :بس فى مشكلة انت هتقنع بابا ازاى
عمر :سيبيها عليا بس
وقام بتشغيل محرك السيارة
ياسمين :انت مودينى فين بقى
امسك يدها وقبلها :كلها ربع ساعة وهتعرفى
بعد ما مضى الوقت ..صف سيارته فى احدى المناطق الراقية
نظرت ياسمين حولها :احنا فين ياعمر
عمر :هتعرفى دلوقتى يلا انزلى بس
ترجلوا من السيارة ..ودخلوا فى مبنى كبيرة صعدوا فى المصعد
نظرت اليه بتساؤل ليقابلها بإبتسامة ..بعد ما فتح المصعد توجه بها امام احدى الشقق الموجودة فى الطابق وهو ماذال ممسك يدها..اخرج المفتاح من جيب بنطاله ..وفتح الباب
عمر :يلا ادخلى
ياسمين بتردد :عمر فى ايه
امسك يدها وادخلها واغلق الباب خلفه
نظرت حولها لتجدها شقة كبيرة دوبليكس ..ثم نظرت الى الباب المغلق وقالت بخوف :عمر افتح الباب
عمر بعتاب :ياسمين انا جوزك على فكرة ..وبعدين انتى ليه مش واثقة فيا ..انا قولت هتفرحى اول ما تشوفى المكان اللى هنعيش فيه
شعرت بالضيق من نفسها فقالت :صدقنى مش قصدى يا عمر والله ..ثم قالت بمرح :مش ناوى تفرجنى عليها
ابتسم وامسك يدها مجددا بفرحة وظلوا يجولوا فى الشقة
عمر :تعالى نطلع فوق هتشوفى نظام تانى
ترددت قليلا ..فقال عمر :خلاص يا ياسمين تعالى نروح
صعدت هى فأستدارت له :مش هتطلع ولا ايه ..على فكرة انا بثق فيك اكتر من نفسى
ظلت تنظر الى الشقة بفرحة
ادخلها غرفة كبيرة وقال :دى هتبقى بتاعتنا
احمرت وجنتيها خجلا ..وخرجت لتدخل الغرفة التالية
فقالوا هما معا :دى للبيبى
ثم نظروا لبعض وضحكوا
ياسمين :طب وتحت
عمر :بصى انتى شوفى هتخلى انهى للضيوف والحاجات دى
لكن الدور ده لينا احنا بس
xxxxxxxxxxxxxxxx*
بعد ما عمر اقنع سامح وافق ..واتفق هو وياسمين انهم سيقوموا بحفلة بسيطة ويسافروا ليقضوا شهر العسل فى فرنسا..وانهم سيأتوا قبل زفاف أدهم ونور

مضت ايام الدراسة سريعا واتت الاجازة ..سافر عمر وياسمين الى فرنسا ..بينما نور وأدهم كانوا مشغولين بتحضير الفرح

ـــــــــــــــــــــــــ ــــــــــ

ذهب الى الجامعة ليقوم بعمل شئ فى شئون الطلبة
وبعد ما انتهى خرج ليتجه نحو سيارته فسمعها تنادى عليه فنظر
اليها بدهشة :ايسل ..انتى بتعملى ايه هنا
ايسل بأبتسامة :جيت اقابل صاحبتى
ياسين :اومال هى فين
ايسل :خطيبها جه واخدها
ياسين :طيب انا كنت مروح تعالى اوصلك فى طريقى
قطع حديثه سماع صوتها من خلفه
فأستدار اليها بذهول وتعجب :فرح
وقفت امامه بأرتباك :ازيك يا ياسين
ياسين دون ان ينظر اليها :تمام اوى الحمدالله ..كنتى عايزة حاجة
فرح :بقى هو ده ردك ليا يا ياسين
ياسين بحدة :يعنى عاوزانى اقولك ايه
واقفة بينهم تنظر الى فرح بغيظ
فقالت فرح :انا عاوزة اتكلم معاك طيب
نظر الى ايسل فقال:قولى انتى عايزة ايه هنا
فرح بدموع :انا لغاية دلوقتى لسه بحبك ..اول ما عرفت افسخ خطوبتى حاولت كتير اكلمك بس معرفتش ..فجيت هنا بالصدفة وشوفتك
كاد قلبه ان يرق لها لكنه قال بجمود :والمفروض انى اصدق
فرح :صدقنى يا ياسين
تدخلت ايسل عندما وجدته يرق لها :لا بقى انتى عاوزة منه ايه تانى ..انتى لو كنتى بتحبيه فعلا مكنتيش اتخطبتى
فرح بحدة :انتى مين اصلا عشان تتكلمى
ياسين وهويمسك يد ايسل :دى خطيبتى يا فرح
نظرت اليه غير مصدقة فقالت بخفوت :خطيبتك
ياسين مؤكدا:ايوه
نظرت اليه مطولا ثم رحلت
لينظر الى ايسل ليجدها تسيل دموعها
ياسين بفزع :ايسل مالك
سحبت يدها منه بعنف وقالت :اقولك مالى ..اقولك انك واحد مبتحسش ..اقولك انك لغاية دلوقتى منسيتهاش
بتغيظها بيا يا ياسين ..انا فعلا غلطانة لما
صمتت لبرهة لتتنهد بقوة وتهطل دموعها :اناغلطانة لما حبيتك بس انت متستاهلش ..انا بكرهك يا ياسين
تركته ورحلت
ليقف هو مذهول من ما سمعه منها حاول ان يلحقها لكنها كانت رحلت
xxxxxxxxxxxxxxxx
جالسين فى احدى المطاعم الفخمة المطلة على النيل
ياه الايام عدت بسرعة كلها اسبوع
تفوهت بها نور بفرحة
أدهم :فرحانة يا نور بجد
نور :طبعا ..بس انا مكنش عندى امل اننا نخلص الفيلا قبل الفرح
أدهم :يلا كلها اسبوع وهتتحبسى
شعرت بالتوتر :انت بتخوفنى منك ليه يا ادهم
ضحك أدهم :بتخافى منى يا نور ..ده الاسبوع اللى جاى هتبقى مراتى ونعيش فى بيت واحد
نور :ما انت بتقول هتحبسنى
أدهم :ايوه هحبسك عشان محدش يشوفك غيرى
ابتسمت بخجل وقالت :تعرف يا أدهم انا اول مرة شوفتك فيها
قاطعها هو:لما قولتى عليا مجنون
نور بحرج :مهو انت اللى اتعصبت عليا ساعتها
أدهم :طيب كملى
نور :يعنى بصراحة قولت عليك شايف نفسك اوى ومغرور ومستفز و
قاطعها ادهم :ايه كل ده انتى كنتى بتكرهينى للدرجة دى
ضحكت نور :لا موصلتش انى اكرهك منا معرفكش اصلا عشان اكرهك..يعنى مش كل حاجة بنشوفها بعنينا ناخد عليها انطباع غلط ..زيى انا كده لما شوفتك بس لما عرفتك غيرت فكرتى عنك .. بس كنت بحب استفزك اوى وفى اليوم اللى كنت عندك فى الفيلا لما قطفت التوت ..كنت مبسوطة لما ضحكت عليك
ضحك أدهم لطفولتها :عارفة يا نور اللى شدنى ليكى برائتك وطفولتك دى مفيش منها دلوقتى
رن هاتفها فنظرت اليه ولم تجيب ..لكنه ظل يرن
أدهم :مين اللى بيتصل
نور :ده ياسين
فنظر اليها :ما تردى طيب
ردت نور عليه لتتغير ملامح وجهها ثم اغلقت معه
أدهم بغيرة :كان عاوز ايه
نور بأرتباك :كان بيطمن عليا
أدهم بشك :ويطمن عليكى ليه مهو عارف انك معايا
تهجم وجهها :فى ايه يا ادهم عادى يعنى مهو دايما بيطمن عليا حتى وانا معاه فى البيت
أدهم :طب ومردتيش على طول ليه
نور :فى ايه يا ادهم بالظبط
أدهم :نور بصى عشان نبقى واضحين مع بعض..مش كل مرة تقوليلى
قاطعته نور وقالت بصرامة :أدهم عشان تبقى عارف انا وياسين وياسمين اخوات
أدهم :يا نور مش معنى انكوا متربين مع بعض تبقوا اخوات ما عمر متربى معانا بس فى حدود ما بينه وبين ايسل
نظرت اليه بضيق
فرن هاتفه ليجدها والدته
نيفين ببكاء :الحق يا أدهم أحمد تعب اوى ودلوقتى فى المستشفى
اغلق معها ووضع المال على الطاولة ونهض مسرعا
نور بفزع:فى ايه يا ادهم
أدهم :تعالى الاول مفيش وقت
ركض بها الى السيارة واستقلوها ورحل
نور :قولى فى ايه
ادهم بعصبية ويزيد من السرعة :بابا تعب ودلوقتى فى المستشفى
نور :طيب هدى نفسك ان شاء الله هيبقى كويس


ـــــــــــــــــــــــــ ــــــــــ

صف سيارته بطريقة مخالفة وركض مسرعا الى الاستقبال
أدهم :لو سمحتى احمد الحسينى فين دلوقتى
الممرضة :فى قسم الطوارئ
ركض أدهم بسرعة وهى خلفه
وجد والدته جالسة تبكى وضامة ايسل ..ما ان رأته ايسل ركضت اليه واجهشت فى البكاء
ربت على ظهرها بحنان :بس خلاص هيبقى كويس ان شاء الله
ثم اقترب من والدته وجثى امامها :ماما ايه اللى حصل
نيفين ودموعها تسيل :مش عارفة انا لقيته سخن فجأة ووشه اصفر اوى
خرج الدكتور فركضوا اليه
أدهم :بابا ماله يا دكتور
الدكتور بأسى :احنا لازم نعمله العملية فورا ..حالته بتسوء كل يوم
أدهم :طيب خلاص انا هسفره بره
الدكتور :حضرتك احنا عندنا هنا الامكانيات لزراعة الكبد ..بس طلاما عايز تسفره يبقى وديه المانيا ..انا هبعت ورقه لخبير هناك وان شاء الله يسافر خلال الاسبوع ده
أدهم :طيب نقدر ندخله دلوقتى
الدكتور :اه ينفع بس متطولوش
أدهم:شكرا يا دكتور
دلفت نيفين وايسل بينما هو تذكر انها كانت معه ..فبحث عنها ليجدها واقفة بعيدا بعض الشئ ..فذهب اليها
أدهم :نور معلش انك جيتى هنا بس انا
قاطعته نور بحنان :أدهم انا المفروض ابقى جانبك فى اى وقت فى مشاكلك قبل فرحك ..طمنى عمو احمد عامل ايه
جلس أدهم على المقعد الموجود بالطرقة :حالته بتسوء ..لازم اسفره يعمل العملية
نور بدهشة :هو تعبان للدرجة دى ..هو عنده ايه
أدهم :التهاب كبد فيروس بى
نور :ان شاء الله هيبقى كويس ..متقلقش العمليات دى بتنجح
نظر اليها قائلا :ان شاء الله ..يلا عشان تروحى
نور :لا انا قاعدة معاك لازم اطمن على عمو احمد
أدهم بصرامة :نور اسمعى الكلام ..انا هتصل بالسواق يجى
نور :لا ملوش لزوم انا اتصلت بياسين عشان يجى..هخليه يروحنى
نظر اليها بضيق ..فوجده قادم
ياسين :أدهم نور قالتلى على اللى حصل ..ان شاء الله هيبقى كويس متقلقش
أدهم : ان شاء الله
وجد والدته واخته خارجين من الغرفة واخبروه ان والده يريده
فدخل حجرته ..اقتربت نور من نيفين وربتت على كتفيها ..بينما هو وجدها تبعد عنهم فسار خلفها
ياسين :ايسل
نظرت اليه بعيون حمراء من كثرة البكاء :نعم عاوز ايه
ياسين :انا عايز اقولك
قاطعته هى بحده :لو سمحت انا مش عاوزة اسمع حاجة ..سيبنى فى حالى الله يخليك
xxxxxxxxxxxx
يربت على يده ومال عليها ليقبلها
أدهم بأبتسامة :هتبقى كويس ..هنسافر المانيا خلال الاسبوع ده
احمد بجدية :أدهم انا مش هسافر غير لما احضر فرحك
أدهم :الفرح نأجله لما نيجى
أحمد بصرامة :متتعبنيش ..انا قولت هحضر فرحك الاول ..والفرح فى معاده مش هيتأجل سامع
أدهم معترضا :يابابا
احمد :خلاص اللى قولته يتسمع
xxxxxxxx*
قد حل المساء فلم تستطيع ان تراه ..فذهبت مع ياسين الى المنزل ..بينما هو خرج فسأل عنها فأخبروه انها رحلت معه

xxxx
فى منتصف الليل واقفة فى شرفتها تنظر الى تلك النجوم اللامعة
نظرت لأسفل لتراه جالس فى الحديقة فذهبت اليه
ياسين :ايه اللى مصحيكى لغاية دلوقتى
جلست بجواره :مجاليش نوم قلقانة شوية
ياسين :من ايه
نور بتردد :فكرت فى الكلام اللى قولتهولى صدقنى مش هقدر
.....
بعد ما ذهبت والدته الى المنزل لتحضر اغراضها ..ظلت اخته معه فى المستشفى جالسين امام غرفته..اراد ان يسمع صوتها .. فبعد قليلا ليتصل بها حتى يطمأن عليها لكنها لم ترد ظل يحاول لكن بدون فائدة ..فشعر بالقلق
xxxxxxxx*
نهض بفرحة ليقف قبالها
ياسين :بجد يانور
اومأت رأسها ثم قالت بقلق :بس انا خايفة من ردة فعله لما يعرف فى الوقت ده
ربت على ذراعها :متخافيش انا اللى هتصدر انتى مالكيش دعوة
نور :ربنا يستر بقى
نظر ياسين اليها مطولا ثم ضمها اليه بحب :نور انا بجد بحبك اوى
ابتسمت هى :وانا كمان


لم ينتبهوا ان هناك احد يراهم يكاد ان يفتك بهم
وقف مذهولا من هول صدمته


مقتطفات من البارت القادم
دفعته عنها بخوف :لو قربت منى هصوت
............................................
أدهم بقسوة :أطلعى برة ..مش عاوز اشوفك تانى
.........................................
انخرطت فى البكاء :أدهم انت فاهم انت بتعمل ايه..انت بتظلمنى من غير ما اعمل حاجة..ولو خرجت من هنا صدقنى عمرى ما هرجعلك حتى لو حصل ايه
....................................
زينب ببكاء :يعنى بنتى مش هتتكلم تانى
..................................
ياسين وهو يمسح الدماء السائلة من فمه :والله لهتدفع التمن غالى


يتبع.....

بقلم \ أسماء خالد البحيرى



لامارا غير متواجد حالياً   رد مع اقتباس
قديم 09-10-16, 11:28 PM   #33

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الـ 31
ـــــــــــــــــــــــــ ـــــــــــ

فى الصباح ذهبت الى المستشفى
تعجبت من طريقته معها ..لا يعيرها اى اهتمام ولا يتحدث معها حتى انه لا ينظر فى وجهها
مر حوالى ثلاثة ايام لا يهاتفها حاولت هى ان تتحدث معه لكنه يغلق هاتفه
فعزمت على ان تذهب الى شركته حتى تقابله
اخبرته السكرتيرة بوجودها فطلب منها ان تجعلها تنتظر برغم انه ليس مشغول
وبعد مرور نصف ساعة امرها بأن تدخلها..دخلت هى
وجدته واضع قدمه على مكتبه لا مبالى لها
أدهم بجمود :اهلا
نور :ازيك يا ادهم
أدهم ببرود :تمام اوى ..واقفة ليه اتفضلى اقعدى
جلست وهى تنظر اليه
أدهم :ايه سبب الزيارة دى
نور بإستغراب من بروده :اصلى بقالى 3 ايام مش بشوفك ولا انت حتى بتتصل بيا
أدهم :كنت مشغول شوية ..بس هو ده سبب مجيك لهنا
اومأت برأسها ..فقال :بس شكلك بيقول انك عايزة تقولى حاجة
شعرت بالتوتر فركت يدها بإرتباك :لا خلاص مش لازم مش وقته
أدهم بصرامة :نور قولى انتى مش جاية لغاية هنا وتسكتى
اجمعت كلمتها بصعوبة ..وبعد ما انتهت لم تجد منه اى رد فعل نظرت اليه وجدت نظرة فى عيونة فشلت فى معرفة معناها
نور :انت ساكت ليه ما ترد
نهض ووقف قبالها وقال بسخرية :بقى هى الحكاية كده
عصفورين بحجر واحد يعنى
نور بعدم فهم :يعنى ايه
ادهم ببرود :يعنى مش موافق
اعطاها ظهره ووقف امام النافذة الزجاجية ينظر الى الا شئ
شعرت بأنه يخبئ شئ فى جعبته ..فأقتربت منه قليلا :أدهم مالك ..طريقتك اتغيرت ليه
أدهم بحدة :مالها طريقتى مش عجباكى ..ثم قال بنبره ذات مغزى :ولا بتعجبك حاجة تانية
نور بحدة مماثلة :انت تقصد ايه ..بطل تكلمنى بالالغاز دى ..واتكلم عدل
امسك ذراعها بقوة :مش انتى اللى هتقوليلى اتكلم ازاى ..فاهمة
افلتت ذراعها بصعوبة وقالت بدموع :انت مش طبيعى ..أنت اتغيرت كده ليه ..لو فى حاجة حصلت قولى لكن متعاملنيش كده ..قولى انا عملت ايه
أدهم بسخرية وهو يقترب منها :لا مش بتعملى حاجة خالص ..صمت لعدة ثوانى وهو يرى دموعها تسيل ..كاد قلبه ان يرق لكن قال بجمود :بطلى دموع التماسيح دى ..بقى بتلعبى بيا يا نور
رجعت للخلف بخوف وقالت من بين دموعها :انا بجد مش فاهمة حاجة..وبلعب بيك ازاى
أدهم ومازال يقترب منها حتى التصقت بالحائط..شعرت بأنفاسه الساخنة تلفح وجهها كادت ان تحرقها
فدفعته عنها بخوف :لو قربت منى هصوت
ابتسم أدهم واقترب منها مجددا ووضع يديه على الحائط :بجد هتصوتى ده انا حتى خطيبك واولى من
نور ببكاء :أبعد عنى يا أدهم ..انت فيك ايه ..بجد انا بقيت بخاف منك
نظر اليها بسخرية ثم ضرب يده بقوة على الحائط فجعلها تنتفض
أدهم بقسوة :أطلعى برة ..مش عاوز اشوفك تانى
نظرت اليه بصدمة لا تصدق ما سمعت فأستدار لها بعيون يتطاير منها الشرر ..حمراء من كثرة الغضب :سمعتى انا قولت ايه
انخرطت فى البكاء :أدهم انت فاهم انت بتعمل ايه..انت بتظلمنى من غير ما اعمل حاجة..ولو خرجت من هنا صدقنى عمرى ما هرجعلك حتى لو حصل ايه
نظر اليها بطريقة كادت ان تحرقها ..ثم نظر الى يدها فأمسكها واخرج من اصبعها الخاتم بعنف مما جعلها تتألم
أدهم :بره يا نور ..و اعطاها ظهره
ظلت واقفة لبضع دقائق ثم خرجت بلا عودة


ـــــــــــــــــــــــــ ـــ

تخرج ملابسها من الدولاب وتقوم بوضعها فى حقيبتها الكبيرة
فدلفت والدتها :يلا يا ايسل انتى كل ده مخلصتيش
ايسل :خلاص يا ماما قربت ..ثم اسطردت قائلة :بس متعرفيش ايه اللى خلى ادهم يغير رأيه ونسافر قبل فرحه
نيفين :مش عارفة والله ..هو اصلا بقاله كام يوم متغير ومش طايق نفسه
ايسل :هو فى حاجة حصلت بينه وبين نور
نيفين :بردو مش عارفة بس انا لاحظت لما جت المستشفى مكلمهاش
ايسل :طيب هنعمل ايه أكيد فى حاجة حصلت المفروض نكلمه
نيفين :انا مش عاوزه اتدخل ..اهم حاجة دلوقتى ان احمد يعمل العملية
xxxxxxxx*
عادت الى المنزل بحالة لا يرثى لها ذهبت الى غرفتها سريعا حتى لا تلتقى بأحد ..أغلقت الغرفة عليها وتمددت على الفراش دون ان تبدل ملابسها ..حاولت ان تنام دون ان تفكر فى شئ
لكن صورته امامها وهو يسحب الخاتم من اصبعها بعنف
xxxxxxxx
دخل الى فيلته التى اسمتها (جنتنا) ينظر فى ارجاءها ..ينظر الى لماستها التى وضعتها..تذكر نظرة الكسرة التى كانت تنظر بها له وهى تقول انه ظلمها ..ايمكن ان اكون ظلمتها ولكن ماذا عن ما رأيت ..فأشتعل غضبا عندما تذكرها وهى تحتضنه
نظر الى تلك المزهرية التى وضعتها فأمسكها والقاها على الارض لتتحطم الى اشلاء صغيرة ..ثم امسك الستائر يمزقها ويركل الطاولة من امامه ..ظل يكسر اى شئ امامه حتى خارت قواه وجلس على الارض بأعين دامعة لأول مرة يبكى
ليخرج النار المشتعله بداخل قلبه


ـــــــــــــــــــــــــ ـــــــــــــ

هى نور فين
تفوهت بها والدتها لسعاد
سعاد :شوفتها من شوية كانت جاية من بره ناديت عليها لكن مسمعتنيش
نهضت زينب :طيب انا هروح اشوفها
ذهبت الى غرفة ابنتها ..طرقت الباب عدة مرات لكنها لم تفتح حتى انها لم تجيب ..فحاولت ان تفتحته لكن بلا فائدة فهى اغلقته من الداخل
زينب بقلق :نور افتحى الباب ..لم تسمع صوتها فقالت بصوت عالى :يا نور افتحى..ظلت تطرق على الباب كاد ان ينكسر
فأتى ياسين على صوتها :فى ايه يا عمتو
زينب بخوف :مش عارفة نور جوة ومش بتفتح ولا بترد حتى
ابعدها عن الباب فوقف ليطرق بقوة :نور افتحى
زينب بقلق :اكسره يا ياسين
ظل ياسين يدفع الباب بكتفيه حتى انكسر
دلفوا ليجدوها ممدة على الفراش فاتحة عيناها وتسيل منها الدموع فى صمت
وقف ياسين ينظر اليها دون ان يتحرك
اقتربت منها زينب بفزع وربتت عليها لتجدها تتصبب عرقا وترتعش
زينب بهلع :نور كلمينى ..طيب بصيلى عشان خاطرى ..ثم نظرت الى ياسين بأعين دامعة :ياسين روح بسرعة هات دكتور شادى اللى ساكن فى الفيلا اللى جانبنا
ذهب ياسين مسرعا وهو يركض ..بينما صعدت سعاد ودلفت الحجرة بهلع
سعاد :ايه اللى حصل لنور ..دى كانت كويسه
زينب ببكاء :مش عارفة
ما هى الا عدة دقائق ..وجاء ياسين ومعه الدكتور
خرجوا من الحجرة لكن ظلت زينب معها
بعد ما انتهى من فحصها اعطاها حقنة مهدأة
وخرج من الحجرة وخلفه زينب
وجدت الجميع واقفين فقد اخبرهم ياسين بما حدث
محمد :فى ايه يا دكتور شادى مالها بنتى
شادى :عندها انهيار عصبى حاد
محمد :طب سببه ايه
شادى :اتعرضت لصدمة قوية خلتها تفقد النطق
زينب ببكاء :يعنى بنتى مش هتتكلم تانى
شادى :لا هتتكلم بس هتاخد وقتها على حسب حالتها
محمد :دى فرحها الاسبوع اللى جاى وكانت فرحانة ازاى يحصل كده
شادى :لما تفوق هنحاول نعرف منها
محمد :طيب المفروض نعمل ايه دلوقتى ليها نسفرها يعنى ولا اعملها ايه
شادى :لالا الموضوع مش مستاهل سفر ..انا ممكن انقلها المستشفى عندى وتكون تحت ملاحظتى
قالت زينب معترضة :لا مستشفى لا احنا هنوفرلها كل حاجة هنا بس بلاش مستشفيات
شادى :خلاص على راحتكم انا هكلم الممرضة اخليها مخصصة ليها عشان معاد الحقنة
xxxxxxxx*
واقف مذهول من ما يسمعه فتذكر انها ذهبت اليه فتركهم دون ان ينتبه له احد ..واستقل سيارته ورحل الى مكان يعرفه جيدا
xxxxxxxx
دلفت حجرته لتجده قد انتهى من وضع ملابسه فى الحقيبة
ايسل :أدهم ممكن اعرف ايه اللى بيحصل
أدهم بجمود :ايه اللى بيحصل مش فاهم
ايسل :مش انت قولت هتعمل الفرح قبل ما نسافر
أدهم :مش هستنى لما بابا يتعب اكتر من كده
ايسل بحذر :هو فى حاجة حصلت بينك وبين نور
التفت اليها بحدة جعلتها تصمت ..كادت ان تخرج لكنها انتبهت الى ذلك الخاتم الموضوع على الكمودينو ..فأمسكته لتحدق بشدة
ايسل بصدمة :أدهم خاتم نور معاك ليه
امسكه منها بعنف والقاه على الارض ..وقال محذرا :ايسل انا مش عاوز اتكلم فى الموضوع ده فاهمة ..ياريت تسيبينى
ايسل بحدة :لا بقى مش كل حاجة تعملها من دماغك من غير ما تقولنا فى ايه ..ليه سيبت نور
أدهم بأنفعال وصوت عالى :قولتلك سيبينى واخرجى بره
خرجت من الحجرة عندما سمعت صوت الجرس
فركضت لتفتح لتنصدم عندما وجدته امامها
سلم عليها بدون ان تنظر اليه
ياسين :أدهم فين
ايسل :فى اوضته
ياسين :طيب بلغيه انى هنا وخليه يجى بسرعة
ادخلته حجرة المكتب وذهبت لتخبر اخيها ما ان سمع اسمه حتى هبط سريعا وقبل ان يدخل وجه كلامه لأخته قائلا بصرامة :اطلعى فوق ومتنزليش فاهمة
اومأت برأسها لكنها لم تصعد وظلت واقفة
دخل الحجرة واغلق الباب خلفه
نظر اليه بحدة :عاوز ايه
ياسين وقد ايقن انه السبب فى ما حدث لنور ..فأتجه نحوه وامسك بقميصه :انت قولت ايه لنور
ابعده أدهم بقوة :احترم نفسك وشوف انت بتكلم مين
ياسين بحدة :هكون بكلم مين يعنى واحد واطى ..رد عليا وقول قولتلها ايه يا اما قسما بالله ما هيهمنى حد وهتشوف هعمل ايه
أدهم ببرود :يااه للدرجة دى ..والله غلطانة نور مش كانت قالتلك على الاقل هتلاقى اللى يطبطب عليها
لم يتحمل منه هذا الهراء فهجم عليه يلكمه فى وجهه :انت اتعديت حدودك اوى
سالت الدماء من انفه وكاد ياسين ان يصد له ضربة اخرى لكن أدهم كان اسرع منه

واقفة تبكى فى الخارج من صوتهم العالى وعندما شعرت بأنهم امسكوا فى شجار بعض فتحت الباب لتنفزع من شكل الدماء السائلة منهم..فصرخت
أدهم بحدة :اخرجى بره مش قولتلك اطلعى
ياسين وهو يمسح الدماء السائلة من فمه :والله لهتدفع التمن غالى
كاد ياسين ان يخرج لكنه اوقفه ادهم بكلمه جعلته يستشاط غضبا ورحل
خرج أدهم ليجد اخته مازالت واقفة
فقال بصرامة :اعملى حسابك احنا هنعيش فى المانيا على طول فاهمة


ـــــــــــــــــــــــــ ـــــــــــ

عاد الى المنزل ودخل الى غرفته مسرعا حتى لا يراه احد بهذه الهيئة
ليجد والده يدخل دون ان يطرق الباب
ياسين دون ان ينظر اليه :فى حاجة يا بابا
سامح وهو يرفع وجهه ويقول بصدمة :ايه اللى عمل فيك كده
ياسين :مفيش يا بابا وقعت
سامح بحدة :ياسين متستهبلش وقول ايه اللى حصل ..انت اكيد عارف السبب اللى خلى نور كده
صمت ولم يجيب وجلس على المقعد بتعب
فأتجه نحوه سامح بأنفعال :متخلص وقول اللى حصل لنور وايه اللى حصل معاك انت كمان
ياسين بعصبية :أدهم ساب نور
سامح بصدمة :ايه ..وانت عرفت ازاى
سرد ياسين له ما حدث ..وبعد ما انتهى
نهض سامح بعصبية فأمسكه ياسين :ايه يا بابا رايح فين
سامح :الواطى ازاى يعمل كده هو فاكر انها لعبة ملهاش اهل ..رايح يسيبها قبل الفرح بأسبوع ..طب يقولنا ايه اللى حصل خلاه يعمل كده
ياسين :بابا متتكلمش دلوقتى
سامح بأنفعال :ازاى متكلمش ده انا هروح اشوفه دلوقتى
ياسين :بابا متروحش فى حته البيه هيسافر خلاص عشان عملية ابوه ..بس اهم حاجة دلوقتى متقولش لعمى محمد كفاية اللى هما فيه
سامح بعصبية : انت بتقول ايه ..ده لازم يعرف ..سيبنى بقى
xxxxxxxx*
حجز فى طائرة خاصة للعناية بوالده ..فقد بدأ إجراءات السفر من ثلاثة ايام
والأن هو قد خرج من ارض مصر

عند ما حل المساء
كانوا واقفين هم الاربعة امام فيلا الحسينى ليجدوها مغلقة ..فسألوا الحارس الذى اخبرهم بأنهم تركوا الفيلا وسافروا منذ قليل من اجل عملية أحمد


بعد مرور أسبوعين


أصبحت مثل الجسد البالى بدون روح ..لا تتوقف عن البكاء ..تنظر امامها بشرود ودموعها لا تجف
جالسة على فراشها ساندة ظهرها على الوسادة ومعلق بيدها محاليل
ربتت والدتها عليها محاولة رسم ابتسامتها :نور حبيبتى لسه بردو مش عاوزة تاكلى انا عملتلك الاكلة اللى بتحبيها ..لم تنظر اليها كأنها فى عالم أخر مغيبة عن الوعى ولكن فاتحة عيناها فقط
فقالت زينب بدموع وهى تمسح على شعر ابنتها :طيب اشربى العصير عشان خاطرى ..وضعت الماصة فى الكوب ووضعتها فى فمها ..لكنها لم تشرب شئ
دلف محمد وجلس بجانبها :عاملة ايه النهاردة يا حبيبة بابا
نظرت اليه زينب بحدة :بتسأل عامله ايه وانت السبب فى اللى حصلها
محمد بصدمة :انا يا زينب
زينب ببكاء :ايوه انت ..انت اللى وافقت عليه على اساس ان البنت كبرت ومش هتلاقى بعد كده ..ان شاء الله عنها ما اتجوزت طلاما هيحصلها كده ..قعدت اقولك مش مطمنة للموضوع ده بس انت وافقت انها تتجوزه ..و أدى النتيجة سابها ومنعرفش ايه اللى حصل لكل ده..ويكون فى علمك لو بنتى حصلها حاجة هحملك انت المسئولية ..وتركته وذهبت
بينما هو سالت دمعة على وجنته وهو يرى ابنته بهذه الحالة ..أصبحت تأن كثيرا وتبكى بصمت
دخلت الممرضة وأحضرت الحقنة لتعطيهالها
فخرج محمد منكس الرأس حزينا على ابنته
xxxxxxxxxxxx
تلملم ملابسها بعصبية وتضعها فى الحقيبة ..فأتى اليها واخرج الملابس مرة اخرى
فقالت ياسمين بعصبية :يا عمر سيبنى بقى
عمر :يا حبيبتى مش هينفع اللى انتى بتعمليه ده
نظرت اليه بدموع :سيبنى انا عايزة انزل مصر
امسك كتفيها بحنان لتجلس :عشان خاطرى بطلى عياط واهدى ..مش هينفع تركبى الطيارة ..الدكتور قال بعد 3 شهور عشان يكون الحمل ثبت
اجهشت فى البكاء :هو اصلا ده حصل ازاى مش احنا قولنا بعد ما أخلص
مد يده ليمسح دموعها :ربنا عاوز كده هنقول لا يعنى
ياسمين : بس انا مش عاوزة دلوقتى ..بسببه مش هعرف اسافر
ثم صمتت لبرهة وقالت :انا هنزله
نظر اليها بغضب ولم يتحدث حتى لا يغضبها بحديثه فصمت قليلا وتنهد بقوة وقال :ايه يا ياسمين عايزة تقتلى روح جواكى
ياسمين بصدمة :اقتله
عمر :ايوه تقتليه اومال انتى فاكرة ايه ..ثم جثى امامها وقال:يا حبيبتى دى هدية من ربنا لينا
بكت أكثر :بس انا عاوزة انزل ..بيقولوا نور تعبانة اوى يا عمر دول حتى مش بيخلونى اكلمها ..ثم قالت بحدة :كل ده بسبب ابن خالتك اللى ميستاهلهاش
ضمها اليه بحنان :طيب اهدى متعيطيش ..هى اكيد صدمة وهتبقى كويسة ان شاء الله
دفعته بعيدا عنها :مهو كل ده بسببه هو
عمر :طيب انا ذنبى ايه ..منا كنت هنا معاكى ومعرفش حاجة
ضمت ركبتيها لصدرها وظلت تبكى
مسح على شعرها :استحملى ال 3 شهور دول وهننزل على طول أول ما الدكتور يقول ..واحنا هنتابعهم بالموبايل ..اهدى بقى عشان خاطرى


ـــــــــــــــــــــــــ ــــــــ

بعد ما نجحت العملية ظل هناك لفترة النقاهة حتى يتم شفاؤه بالكامل
بينما هو كان لا يفكر فى شئ سوى انه سيستقر هنا بعيدا عنها حتى لا يتذكرها ..فبدأ فى اجراءات الاقامة هو واخته


بعد مرور ثلاثة اشهر


عادوا جميعا الى المنصورة وقد قرر محمد عدم العودة الى القاهرة مرة اخرى والبقاء هنا دائما ..وقام بنقل اوراقها من جامعة القاهرة الى المنصورة
حتى تتحسن حالتها ..فقد بدأت حالتها بالتحسن لكنها مازالت لا تتحدث مع أحد ولا تخرج من البيت فقط تقف فى الشرفة
حاول ياسين معها كثيرا ان يعرف منها السبب لكنها كانت ترد بدموعها
عادت ياسمين من فرنسا واول شئ فعلته هو التوجه الى المنصورة ..برغم حزنهم على نور الا انهم فرحوا بخبر حملها
اطرقت باب غرفتها ودلفت لتجدها واقفة فى الشرفة بشرود فأقتربت منها بهدوء ووضعت يدها على كتفيها :نور
التفتت اليها نور لتنصدم ياسمين منها فقد اصبح لونها شاحب وفقدت الكثير من وزنها
لم تصدق نور عيناها فأبتسمت وعانقتها بشدة حتى انها بكت
ياسمين بدموع :وحشتينى اوى ..انا اسفة انى مجتش على طول بس انتى عرفتى اللى منعنى
ابتعدت نور عنها حاولت ان تتحدث معها لكنها فشلت ..فقالت ياسمين وهى تضع يد نور على بطنها :بيسلم عليكى
ابتسمت نور بصعوبة
سحبتها ياسمين من يدها للداخل وجلسوا على الفراش
ياسمين :فى حاجات كتيرة اوى عايزة احكيهالك يا نور ..بجد واحشنى كلامنا وقعدتنا مع بعض
أدمعت عين نور فأحتضنتها ياسمين : انسيه عشان خاطرى ..انتى عارفة احنا هنرجع تانى زى الاول ..مفيش حاجة هتفرقنا هخلى عمر يسبنى هنا ..ونرجع تانى انا وانتى وياسين وكمان هيزيد علينا واحد بس هيكون صغنتوت ..قالت ذلك وهى تشير على بطنها ..ثم قالت :ونلعب سوى مع الخرفان حتى كمان نرجع تانى نسرق التوت
بكت نور عندما تذكرت فقالت ياسمين :انا حاسة بيكى والله ..بس عشان خاطرى انسيه ..ده بنى ادم معندهوش دم ولا يستاهلك ولا يستحق التفكير فيه ..مش ده بردو كان كلامك لياسين
نور وهى تأن لصعوبة خروج الكلام
مدت يدها لها وهى تشير على اصبعها ..لم تفهم ياسمين شئ
حتى ان بدأت يدها بالارتعاش ..فزعت ياسمين وخرجت مسرعة تنادى الممرضة ..فأعطتها الحقنة لتهدأ
الممرضة :معلش سيبيها ترتاح
xxxxxxxxxxxxxxxx
ذهبت الى غرفة اخيها أحتضنته بشدة واجهشت فى البكاء
ياسين وهو يربت على ظهرها :خلاص يا ياسمين ان شاء الله كل حاجة مع الوقت هتتصلح بس نصبر شوية
ياسمين ببكاء :مكنتش متصورة انها هتكون كده ..هو عمل فيها ايه
ياسين :ياريتنى كنت اعرف بس المشكلة انها مش بتتكلم
كل اللى نعرفه انه سابها
xxxxxxxx*
ظلت حياتهم بهذا النمط الكئيب
حتى بعد ما اصبحت نور تتحدث وعادت الى حياتها الجامعية الا انها ليست مثل ذى قبل ..فقد اصبحت مثل الزهرة الذابلة
تبتسم رغما عنها حتى لا تشعرهم بالقلق عليها
xxxxxxxx
عاد أحمد الى مصر هو ونيفين بعد تحسن صحته ..بينما اولاده ظلوا هناك .. حاول كثيرا مع ابنه ليعرف سبب انفصاله من نور لكنه لا يقول شئ ..ولا يستطيع ان يقابل عائلة المنشاوى بسبب موقف ابنه معهم


ـــــــــــــــــــــــــ ـــــــ


بعد مرور ثلاثة اعوام
مقتطفة من البارت القادم

عمر :نور اتجوزت ياسين وخلفت بنت


يتبع......


بقلم \ أسماء خالد البحيرى






لامارا غير متواجد حالياً   رد مع اقتباس
قديم 09-10-16, 11:28 PM   #34

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت الـ 32
ـــــــــــــــــــــــــ ـــــ

بعد ما انتهت من اعداد حقيبتها للعودة الى مصر لقضاء الاجازة مع والديها
اخرجت من حقيبتها ورقة مطوية التى احتفظت بها اينما كانت
فتحت الورقة لتقرأ محتواها للمرة التى لا تعرف عددها
بدأت عيناها تدمع من اول كلمة

انا اسف بجد وعارف ان ليكى الحق تزعلى منى بس انتى ظلمتينى ..أنا بجد نسيتها خلاص لما عرفت ان حبى ليها كان مجرد تعود ومكنش حب ..وأكتشفت كده لما حبيتك عرفت يعنى ايه حب بجد ..بس انا بحس وعارف انك انتى كمان بتحبينى ..بس مكنش ينفع اقولك دلوقتى ..وعشان متضعيش منى خليت نور تكلم ادهم وتقوله انى بحبك ومستعد اتقدملك بس لما اخلص جامعة عشان اثبتلك انى بحبك ومكنتش بغيظها بيكى ..انا بجد بحبك يا ايسل
ياسين

أغلقت الورقة وتذكرت عندما اتى اليهم اخر مرة فى الفيلا ليلتقى بأخيها وهذه كانت اخر مرة تراه فيها ..وهو يسلم عليها اعطاها تلك الورقة ..نظرت الى الورقة وبكت عند تذكرها كلمة اخيها له وهو يقول لياسين قبل ان يرحل (ياسين ..طلبك مرفوض ..انا معنديش اخوات للجواز )
حتى الان لا تعرف لماذا رفض وما هو سبب شجارهم وتركه لنور
مسحت دموعها سريعا ووضعت الورقة فى حقيبتها عندما سمعته يطرق على الباب ..فسمحت له بالدخول
أدهم :يلا فاضل ساعة على الطيارة
ايسل :ماشى انا خلصت من بدرى


ـــــــــــــــــــــــــ ــــــــ

تسير فى المزرعة وهى ماسكة لجام مهرتها تنظر حولها بعيونها الحزينة التى اصبحت لا تعرف معنى السعادة..فهتفت بحزن دفين :ياسين عشان خاطرى متسافرش انا معرفش اعيش من غيرك ..انت السبب انى ارجع لحياتى الطبيعية
امسك وجهها بحنان :بس انا هسافر عشان الشغل وانتى خلاص دلوقتى مش محتجانى فى حاجة
ادمعت عيناها واحتضنته :لا ده اكتر وقت انا محتاجاك فيه ..عشان خاطرى خليك معايا ..خلى اى حد يسافر بدالك
ابعدها عنه برفق ومسح دموعها وقال مازحا :مكنتش اعرف انك بتحبينى اوى كده
ابتسمت من بين دموعها :يعنى مش هتسافر
وضع يده فى جيب بنطاله :مش عارف بس اوعدك هحاول اخلى اى حد يسافر بدالى
اكملوا سير حتى وصلوا عند تلك الشجرة الكبيرة التى اعتادوا ان يجلسوا اسفلها ..جلست هى ونظرت تراقب شروق الشمس المتسللة من خلف الاراضى الخضراء ..ربط لجام المهرة فى الشجرة وجلس بجوارها ينظر هو الاخر للشمس..ليتذكر كلمتها عندما رأها تنظر لشروق الشمس وهى تقول :تخيل شروق الشمس بنستناه عشان نشوفه بس فى ناس برغم انها شايفاه لكن مبتحسش بجماله طلاما قلبها مطفى وحزين
ابتسم بوهن عندما تذكرها
وكزته نور :ياسين
التفت لها قائلا :بتقولى حاجة يا ايسل
ربتت على ذراعه :انا نور يا ياسين مش ايسل
ثم نظرت امامها قائلة :ياريتنا نقدر نتحكم فى قلوبنا ..بس مفيش الا هو اللى بيتعبنا
ياسين :عندك حق ياريت لو نقدر ..ساعات الحب الغلط بيكسر القلب
نظرت اليه بحدة :حبك لأيسل مكنش غلط عشان ينكسر قلبك اللى كسره اخوها مش هى ..وهو اللى كسرنى
ياسين :خلاص يا نور عشان خاطرى اهدى
تنهدت بقوة :يلا قوم نمشى زمانهم صحيوا


ـــــــــــــــــــــــــ ـــــــــــ

انتظرهم فى المطار بعد ما علم منه انه سيأتى اليوم ..رءاه اتى ومعه اخته ..ركض اليه واحتضنه بشده وسلم على ايسل
عمر :وحشتونى اوى والله ..كل ده يا أدهم
أدهم :معرفتش انزل السنة اللى فاتت بسبب الشغل ..استنينا ايسل تخلص وننزل نقضى الاجازة هنا
عمر :هو انت مش هتستقر هنا
أدهم بجدية :لا هرجع تانى بعد الاجازة
عمر موجه كلامه لإيسل :بس كبرتى يا ايسل واحلويتى
خجلت ايسل :تقصد ايه يعنى انا الاول مكنتش حلوة
أدهم :وانا فى وسطيكوا ايه
ايسل :ياسمين عاملة ايه ومصطفى بجد عايزة اشوفه
عمر وهو يتجه بهم نحو السيارة :كويسيين الحمدالله هما حاليا فى المنصورة هبقى اخدك معايا
أدهم بصرامة :مفيش مرواح فى حته
نظر اليه عمر بعدم رضا واستقلوا السيارة ورحلوا
xxxxxxxx*
جالسة على الاريكة ممددة قدميها عليها وممسكه بطبق الفاكهة وضعاه على بطنها المتكورة تأكل وهى تشاهد التلفيزيون
فأتى اليها اخيها وهو حامل طفلها ووضعه امامها
ياسمين بحدة :اوعى من وشى يا ياسين عايزة اتفرج على الحلقة الاخيرة
ياسين :ياشيخة ارحمى بقى ..خدى ابنك جننى ..واوعى تخليه يطلعلى فى الاوضة يا اما هرميهولك من فوق ..قال جملته وذهب
بينما هى نظرت الى ابنها الذى يشبه اباه كثيرا قبلته ووضعته بجانبها :تعالى يا حبيبى انت عملت لخالو ايه
مصطفى ببراءه :معملتث حاجة يا مامى انا جبت الولق بتاعه من على مكتبه وعملت بيه ملكب عثان احطه فى الميه بس والله مس عملت حاجة
ضحكت على براءته وقبلت يده :طيب اقعد هنا جانبى عشان اتفرج على المسلسل
قطب جبينه :انا عاوز العب مع بابى
ياسمين :بابى هيجى كمان شوية ..يلا اقعد ساكت بقى
اتت علا فركض اليها حفيدها
قبلته علا وهى تحمله ثم وجهت كلامها لياسمين :يلا يا ياسمين قومى ياسر هو ومراته قربوا ييجوا
ياسمين :ماما مش قادرة اعمل حاجة انا حامل وقربت اولد
ضربتها علا على رأسها :هو حد قالك تعملى حاجة انا بقولك اطلعى فوق فى اوضتك وجهزى نفسك
ياسمين :حاضر ..يلا يا مصطفى عشان اغيرلك انت كمان


ـــــــــــــــــــــــــ ـــــــــــ

بابا حضرتك عارف انا رأيى ايه فى الموضوع ده ..فياريت تسيبنى براحتى
تفوه بها أدهم وهو يتحدث مع والده
أحمد بصرامة :هو انا ماليش كلمة عليك خالص ..كل حاجة بتعملها من دماغك ولا كأن حد ليه كلمة عليك
أدهم :يا بابا
أحمد بحدة :متقاطعنيش وانا بتكلم ..كفاية بقى روحت سيبت البنت قبل فرحها بأسبوع ولغاية دلوقتى محدش يعرف السبب ايه خليتنى مش عارف احط عينى فى عينهم من عملتك السودة بتتصرف زى الشباب الطايشة ..وغير كده اخدت اختك وسافرت بيها وجاى دلوقتى تقولى انا نازل بس اجازة ..انت عايز تموتنى
أدهم :بعد الشر عليك يا بابا ..بس انا خلاص هيأت حياتى هناك وشغلى ومش مستعد اهد كل ده تانى
أحمد :والله يا أدهم لو سافرت هعتبر ان ماليش ابن ..واختك مالكش دعوة بيها فاهم
كانوا يتحدثوا امامهم فتدخل عمر :خلاص يا عمى سيبوه دلوقتى يهدى ويستريح من السفر وبعدين ابقى كلمه
صعد عمر بأدهم الى غرفته ..فجلس أدهم بغضب وهو يزفر
عمر :عمى أحمد عنده حق يا أدهم فى كل كلمة قالها ..انت بقيت بتتصرف بطريقة غريبة اوى
أدهم :لو سمحت يا عمر انا مش عاوز اتكلم
عمر :لا هتتكلم انا مردتش اخلى عمى أحمد يتكلم اكتر من كده عشان ميتعبش ..لكن انت ايه اللى جرالك ..ايه السبب اللى خلاك تسيب نور
أدهم بأنفعال :عمر انا مش عاوز اتكلم دلوقتى ممكن..انا بجد تعبان
نهض عمر :خلاص على راحتك ..بس انا هسافر دلوقتى
أدهم :هتروح المنصورة دلوقتى
عمر :ايوه بقالى اسبوعين مروحتش ومصطفى كلمنى النهاردة وهو بيعيط عاوزنى اجيله
أدهم :ربنا يخليهولك انا عاوز اشوفه ..انا شوفته بس فى الصور
عمر باسما :هجيبهولك وتشوفه وكمان ممكن تلحق تشوف عبدالرحمن قرب يجى
أدهم :ان شاء الله ..وياسمين عامله ايه
عمر :الحمدالله ربنا يقومهالى بالسلامة ..ثم اسطرد قائلا :مش عايز تطمن على حد تانى
فهم أدهم مقصده فنهض ووقف فى الشرفة :لا
نظر فى ساعته وقال :طيب الحق انا امشى عشان متأخرش عليهم
قبل ان يغادر اوقفه أدهم :استنى يا عمر ..انا كمان هسافر المنصورة
اندهش عمر :نعم ..عاوز ايه من هناك
أدهم وهو يلتقط مفاتيح سيارته :هبيع الفيلا خلاص ملهاش لازمة ..هكلم عم حسين يشوف اى حد يشتريها
عمر :على راحتك يلا


ـــــــــــــــــــــــــ ـــــــــ

قاموا بإشعال الفحم الموضوع على الشواية وبدأوا بتقطيع اللحم
فقالت زينب قبل ان تضع اللحم على الفحم :علا احنا نسينا نجيب الصويا
علا :خلاص يا زينب تبلى اللحمة بأى حاجة تانية
زينب :لا نور وياسمين بيحبوها بالصويا
علا :خلاص هبعت ياسين يروح يجيب
كان واقف بجوارهم فقال :خلاص يا طنط انا هروح اجيبها
علا :بس يا ياسر انا هبعت ياسين
ياسر باسما :خلاص والله انا هروح ..فى حاجة تانية عايزنها
علا :لا ياحبيبى
صرخت يارا فى ابنتها التى لم تكمل عامين :بس بقى يا شهد زهقتينى
اتت نور لتحملها :حرام عليكى يا يارا بتزعقيلها ليه
يارا :شبطانة فى ياسر والا تروح معاه
قبلت نور الصغيرة وقالت :خلاص تخرجى معايا انا واوريكى الخرفان الصغيرة
اومأت الطفلة بنعم من بين دموعها
يارا :بس يا نور تروحى بيها فين اقعدى اقعدى
ابتسمت نور : لا عشان متزعلش ..ثم وجهت كلامها للصغيرة وهى تسير :يلا قولى لماما باى
جالس وحوله ابناءه فهتف على :سامح قول لياسين انه مش هيسافر انا خلاص هبعت اكرم بداله
سامح :ماشى يا بابا ما حامد قالى
على :واعملوا حسابكم انا مش هنزل القاهرة تانى للشركة ..كفاية عليا المزرعة هنا ..عايز استريح بقى كفاية عليا كده
حامد :ربنا يديك الصحة يا بابا
قاطعهم مجئ مصطفى وهو يركض الى جده وهو حامل كرته الصغيرة
مصطفى :جدو تعالى العب معايا بالكوله ..خالو مس عاوز يلعب
حمله سامح ووضعه على قدمه :بس جدو دلوقتى تعبان كمان شوية نلعب سوى ماشى
عبس الصغير ونزل من على قدمه :ماسى
ركض الى والدته التى كانت واقفة مع يارا ..قام بشد عبايتها
فنظرت اليه ياسمين :عاوز ايه تانى يا مصطفى
مصطفى وهو مازال عابس :جدو وخالو مس عاوزين يلعبوا معايا بالكوله تعالى انتى العبى معايا
حملته ياسمين :بص بابا زمانه فى الطريق لما يجى يبقى يلعب معاك ..ثم نظرت الى يارا :معلش يا يارا هوديه لماما وجيالك
يارا :ماشى يا حبيبتى
ما ان رأتها علا حملاه حتى قالت بعتاب :يا ياسمين غلط عليكى تشليه وانتى حامل
ياسمين وهى تعطيه لها :خفيف يا ماما ..خليه معاكى ده مش مخلينى اعرف اعمل حاجة
جاء ياسين يبحث عن نور لم يجدها فسأل عنها والدتها :عمتو زينب فين نور
زينب :راحت بشهد عند عم جابر تفرجها على الخرفان الصغيرة
ياسين :طيب
زينب :كنت عايز حاجة يا حبيبى
ياسين :لا اصلى ملقتهاش
زينب :طب روح هاتها عشان هنشوى دلوقتى
ذهب ياسين ليجدها على الطريق الرئيسى واقفة بجانب الخرفان الصغيرة حاملة شهد
فأتجه نحوها وحمل منها الطفلة :يلا بقى هيشوا دلوقتى
نور :حاضر
سارت بجواره وهى متأبطة فى ذراعه
كانوا عائدين بسياراتهم مر عمر بجانبهم ولم ينتبه لهم بينما ادهم نظر اليهم بصدمة


ـــــــــــــــــــــــــ ــــــــــــ

نظر الى الفيلا من الخارج وجدها اصبحت مهملة تساقطت اوراق الاشجار اتجه نحو الباب ليجده مغطى بالغبار فدخلوا سحب عمر الغطاء الملئ بالغبار الموجود على الاثاث وجلسوا ليستريحوا
عمر :ايه الكهنة دى ..الفيلا اتبهدلت خالص
أدهم بتهجم :مهو مفيش حد بيدخلها عايزها تبقى عامله ازاى
لاحظ عمر عبوسه :طيب ياعم براحة ..مالك قلبت كده ليه
أدهم بإندفاع :انت ليه مقولتليش ان نور اتجوزت ياسين
عمر بتعجب :نعم وانت شوفتهم فين اصلا وجبت الكلام ده منين
أدهم :لسه دلوقتى شايفهم وانا فى الطريق وكمان معاهم بنتهم
ضحك عمر وقال بسخرية :يا راجل نور اتجوزت ياسين وخلفت بنت كمان
ثم انفجر من الضحك
استشاط ادهم غضبا :انت بتضحك على ايه
عمر وهو مازال يضحك :انت فى حاجة فى مخك يا أدهم او شارب حاجة
أدهم بصرامة :متتكلم عدل يا عمر
عمر بعد ما هدأ:طب قولى ازاى ده اخوها
أدهم بعد استيعاب : اخوها ازاى يعنى ..هو عشان ابن عمها يبقى اخوها
عمر مفسرا:لا اخوها فى الرضاعة
كأن دلو من الثلج سقط فوق رأسه ..توقف الزمن به عند تلك النقطة ..تذكر ما حدث كأن اخر لقاء بينهم يمر امام عينه كلمتها وهى تقول انت بتظلمنى..ضاع من عمرهم 3 سنوات بسببه ..اصبح مثل التائه بعيون حائرة
عمر :أدهم هو فى حاجة مالك
أدهم بخفوت :اخوات فى الرضاعة ازاى نور اصغر منهم وملهاش اخوات
عمر :طنط زينب كانت مخلفة قبل نور ولد كان اسمه محمود تعبت لما ولدته فرضعته طنط علا فبقى اخو ياسين وياسمين بس مات لما كان عنده سنتين وكده نور بقت اختهم ..بس كده هى دى الحكاية
وضع يده على رأسه وارجع شعره بعصبية ونهض ينظر حوله كالتائه
عمر بإستغراب :أدهم قولى فى ايه
أدهم :سيبنى فى اللى انا فيه
عمر بشك :أدهم انت كنت بتحسب نور على علاقة بياسين وعشان كده سيبتها صح
نظر له بندم ولم يتحدث ..فتأكد عمر ضغط على اسنانه ونظر اليه بغضب وأحكم قبضة يده بقوه ولكمه لتنزف الدماء من فمه
تراجع ادهم للخلف :عمر انت اتجننت
عمر وهو يمسكه من قميصه ويدفعه على الحائط :هو انت لسه شوفت جنان ..ايه اللى انت هببته ده حرام عليك يا اخى ..تضيع من عمرك 3 سنين على حاجة تافهة بسبب غباءك وتسرعك اللى موديك فى داهية
دفعه أدهم بعيدا عنه :كنت عاوزنى اعمل ايه يعنى وانا كل ده بحسبها بتعتبر زى اخوها واشوفها حضناه قولى كنت اعمل ايه
ضربه عمر مجددا :كنت تواجهها مش تسيبها قبل فرحها بكام يوم ..عارف بسببك انت نور قعدت اد ايه مبتتكلمش اكتر من تلت شهور وكل ده بسبب غباءك ..بسببك سابوا القاهرة باللى فيها عشان متفتكرش اى حاجة ليها علاقة بيك بس جم هنا وانت سايب جانبهم بصمة منك ..بجد حرام عليك ..انت عارف انت تستاهل كل اللى جرالك انك تتحرم منها 3 سنين وبعد كده تعرف انك ظالمها ..تستاهل انها مش طايقة تبص فى وشك ولا تسمع سيرتك ..بس هى ذنبها ايه فى كسرة قلبها اللى انت السبب فيها..ترضى حد يعمل كده فى ايسل ..ها قولى ..وياريت عليها وبس لا ده انت كسرت قلب اختك وياسين لما رفضته مع انه كان ناوى يتقدملها بس انت بسبب غباءك روحت قولتله معنديش اخوات للجواز عشان افتكرته انه بيلعب بيها زى ما هى بتلعب بيك صح ..بجد حرام عليك 3 قلوب حطمتهم..وكمان ظلمت نفسك بس انا مش زعلان عليك لأنك تستاهل ..بس اللى صعبان عليا التلاتة التانين
ينظر اليه ودموعه تسيل على وجنتيه بغزارة شعر بكم غباءه وانه يكاد ان يكون فقدها للأبد
بكى نعم بكى بصوت عالى.. خارت قواه وجلس على الارض مثل الطفل التائه الذى ضاع من والدته ظل يتذكرها ..تذكرها عندما اهانهنا فى شركته وطردها ..تذكر نظرة الكسرة فى عيونها ..تذكر طريقته وهو يخلع من اصبعها الخاتم..كلمتها وهى تقول انت بتظلمنى من غير ما اعمل حاجة ..يا له من احمق وغبى
تذكر عندما كانت تحدثه بخوف وهى تقول له موضوع ياسين
فلااااش باااك
نور بأرتباك :بصراحة يا أدهم ياسين بيحب ايسل وكان عاوز يتقدملها بس لما يخلص جامعته عشان يكون ابتدى يشتغل
أدهم بحدة :هو قالها حاجة
نور مسرعة :لا والله مقالهاش حاجة ولا هى تعرف اصلا ..بس هو بجد بيحبها
أدهم بسخرية :وهو عينك لسانه ..ما يجى هو ويكلمنى
نور :ما هو قالى انى افاتحك الاول واشوف رأيك ايه ..ها قولت ايه
لم تجد منه رد فنظرت اليه وجدت نظرة فى عيونة فشلت فى معرفة معناها
نور :انت ساكت ليه ما ترد
نهض ووقف قبالها وقال بسخرية :بقى هى الحكاية كده
عصفورين بحجر واحد يعنى
نور بعدم فهم :يعنى ايه
ادهم ببرود :يعنى مش موافق
باااااك
نظر عمر اليه بشفقة فلأول مرة يراه يبكى وبهذا الضعف ..فهو دائما يظهر انه قوى ولا شئ يؤثر عليه
جثى امامه واحتضنه وظل يربت على ظهره
عمر :خلاص يا أدهم ياريت كان العياط بيفيد بحاجة او بيرجع اللى فات
أدهم :انا عاوز اكلمها ساعدنى يا عمر لو انت فعلا مستعد تساعدنى
عمر بأسى :صدقنى لو ينفع كنت ساعدتك ..بس الموضوع مش بالسهولة دى ..اللى انت عملته فيها مش سهل يتنسى او تسامحك عليه ..ولو حد من عيلتها عرف انك هنا مش عارف ممكن يعملوا فيك ايه
أدهم :مش مهم بس ساعدنى الله يخليك ..عاوزها تسامحنى ومستعد اعمل اى حاجة
عمر :هحاول يا أدهم اعمل اللى اقدر عليه بس صدقنى هيبقى صعب اوى ومحتاج صبر ..ثم اسطرد قائلا :طيب بالنسبة لأختك وياسين والمشكلة الكبيرة عيلة نور
أدهم :انا هحاول اصلح اللى انا هببته وهتكلم مع ياسين وبالنسبة لعيلتها فأنا هكلمهم وعارف ردة فعلهم هتبقى عاملة ازاى بس عشان خاطرها هعمل اى حاجة
عمر مقترحا :طيب ما تخلى خالتو وعمى احمد يجوا يتكلموا معاهم
أدهم :انا اللى عملت المشكلة دى وانا ان شاء الله اللى هحلها ..وكمان بابا وماما ميقدروش يبصوا فى وشهم بسببى انا
نظر عمر فى ساعته ثم نهض :طيب معلش يا أدهم انا لازم اروحلهم عشان اتأخرت عليهم ..عايزك تصبر بقى مشوارك طويل وهيبدأ من دلوقتى
ابتسم أدهم بأمل :حاضر ان شاء الله
عمر قبل ان يرحل :انا اسف بجد عشان ضربتك بس انت بصراحة تستاهل اكتر
أدهم :فعلا استاهل اكتر ..بس فوقتنى
ابتسم عمر واحتضنه ورحل


ـــــــــــــــــــــــــ ـــــــــ

يتصاعد الدخان برائحة اللحم الشهية ..واقفة بجانب الشواية تشم الرائحة
ياسمين :الله بجد حلوة الريحة دى
ضحكت نور على شكلها :بس ليفتكروكى مدمنة هتودينا فى داهية
ياسمين :انا عايزة اكل بقى
نور :ماتكلى هو حد ماسكك
ياسمين وهى تكاد ان تضع قطعة من اللحم فى فمها لكنها تراجعت ووضعتها مرة اخرى :لا هستنى عمر زمانه فى الطريق
ابتسمت نور :ربنا يخليكوا لبعض
ما ان انتهت من جملتها حتى سمعوه مهلهلا يقول :الله على ريحة الشوى جايبة اخر المنصورة
ضحك سامح :هو انت دايما كده يابنى
ابتسم عمر :اعمل ايه يعنى كفاية بنتك اللى جابتلى المرض بسبب اكلها المحروق
ذهب عمر ليسلم عليهم جميعا ..فركض ابنه مسرعا نحوه
مصطفى :بابى
حمله عمر وقبله ثم رفعه لأعلى وهو يقول :اه كبرت اهو وهتبقى بطل
ابتسم الصغير ووضع رأسه على كتفيه
ليقبله عمر من جبينه ..فأتجه نحو زوجته ونور
عمر :عامله ايه يا نور
ابتسمت نور :تمام الحمدالله ..حمدالله على السلامة
عمر :الله يسلمك
نور وهى تحمل منه مصطفى :طيب بعد اذنك بقى ..يلا يا درش نروح ناكل سوى
نظر الى زوجته ليجدها عابسه فأقترب منها وطبع قبلة على وجنتيها :فى حد يزعل من عمورته بردو
ياسمين بعتاب ولوم :اسبوعين يا عمر ..تبعد عنى اسبوعين
عمر :والله ما كان بأيدى الشركة بقت كلها على كتافى انا ..ثم قبل يدها :خلاص سماح
ابتسمت ياسمين :ماشى هسامحك المرة دى
عمر :طيب مفيش حمدالله على السلامة
ياسمين برقة :حمدالله على سلامتك يا حبيبى..وحشتنى اوى
عمر بخفوت :اتلمى بلاش الرقة دى دلوقتى الناس قاعدة هاه
ابتسمت ياسمين ..فقال عمر :عبدالرحمن عامل ايه
ياسمين :انت بردو مصر تسميه عبدالرحمن
عمر :ايوه مش احنا اتفقنا على كده
اومأت برأسها وقالت :يلا اطلع خد شاور وهطلعلك بالأكل انا مكلتش مستنياك
عمر :لا انا هاكل معاكوا هنا ..يلا تعالى معايا على بال ما اخلص
ذهبت معه الى غرفتها لتجده يجلس على الفراش بإرهاق
ياسمين بقلق وهى تجلس قباله وتضع يدها على شعره :عمر انت تعبان
عمر بدون مقدمات :أدهم رجع وهو حاليا هنا فى الفيلا
انتفضت ياسمين ونهضت بعصبية :نعم ايه اللى جابه ده هو مش مكفيه اللى عمله ..رجع تانى ليه ..قوله يروح مطرح ما جه مش عاوزين نشوفه ولا نسمع صوته حتى
وقف عمر يحاول تهدأتها :ياسمين اهدى شوية مينفعش كده ..انتى ممكن تولدى
ياسمين وكأنها لم تسمعه :بقولك ايه ياعمر انا مش مستحملة اسمع سيرته ..الله يخليك لو نور شافته هنا هتتعب وانا مش مستعدة نرجع تانى لنقطة البداية ..ولو حد من اعمامى او جدو شافه ممكن يموتوه
عمر :طيب اهدى
ياسمين بحدة :متقوليش اهدى انا مش مجنونة ولا بشد فى شعرى ..كفاية اوى اللى عمله فى نور عاوز ايه تانى ..خلاها بقت مرمية ولا بتتكلم ولا بتعمل حاجة بقى عياطها هو الرد علينا ..فادنا هو بأيه لما حصلها كده ..ولا هيفدنا بأيه لما يحصلها حاجة تانية ..قوله يسافر تانى ويبعد عننا
فشل فى تهدأتها فقال بإنفعال :انا هساعد أدهم انه يرجع لنور تانى وهعمل اى حاجة عشان يرجعوا لبعض وانتى كمان هتساعدينى
ياسمين بإنفعال مماثل :مستحيل اعمل كده ومش هساعدك ولا هعمل حاجة عايزنى اساعدك عشان تساعد اللى اذى اختى وسابها قبل فرحها بكام يوم
عمر :طيب ممكن تهدى واحكيلك اللى حصل


ـــــــــــــــــــــــــ ـــــــــــــ

بعد ما حل المساء
جلس فى فيلته وحيدا اغلق جميع الانوار ليحاول ان يفكر كيف يستطيع ان يجعلها تسامحه..فذهب ليقف امام النافذة

ذهبوا جميعا للنوم بينما هى ظلت مستيقظة مثل عادتها وخرجت من الفيلا كما تفعل كل يوم لتذهب وتجلس امام فيلته
جلست على ذلك الحجر الذى اعتادت ان تجلس عليه ظلت تبكى وهى تنظر الى الفيلا التى لا حياة فيها ..تتذكر شريط حياتها من اول ما رأته حتى ما فعله بها وتركها ..تلعن نفسها انها لم تستطيع ان تنساه ..وكيف تنساه وهى اصبحت كالظمآن لروأياه كيف ان تنساه واسمه قدر حفر فى قلبها ..ويحك ياقلب مازلت تحب شخص قد اهانك وتركك ..برغم ما فعله فيها الا انها مازات تحبه ولا تستطيع نسيانه ..كل يوم يزيد حبها له ويكبر بداخلها ظلت هكذا تنتحب وتبكى كأنها تشكى له وتلومه على ما فعله بها
مسحت دموعها واقتربت من البوابة تنظر الى الظلام الدامس الذى اصبح رفيق هذا البيت
كادت ان تمشى ولكن يد سحبتها للداخل





انتظرونى فى البارت الأخير

بقلم \ أسماء خالد البحيرى



لامارا غير متواجد حالياً   رد مع اقتباس
قديم 09-10-16, 11:28 PM   #35

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


البارت الـ 33 والأخير
ـــــــــــــــــــــــــ ـــــــــــ

مسحت دموعها واقتربت من البوابة تنظر الى الظلام الدامس الذى اصبح رفيق هذا البيت
كادت ان تمشى ولكن يد سحبتها للداخل
شعرت بالفزع وكادت ان تصرخ ولكن وضع يده على فمها ودلف بها الى الدخل ..لم تراه من شدة الظلام لكنها شعرت انه هو ..اشعل الضوء وهو مازال ممسك بها ..حدقت به ونظرت اليه بصدمة وتتكرر فى اذنها جملته (أطلعى برة ..مش عاوز اشوفك تانى) ولا ترى شئ سوى وهو يخلع الخاتم من اصبعها بعنف
افلتت يدها منه بعنف ودفعته بعيدا عنها ..نظرت اليه بلوم وعتاب حاولت ان تنظر اليه بكره ولكنها لم تفلح..بدأت دموعها بالتراكم حاولت جاهدة على عدم هبوطها حتى لا يظهر ضعفها و لكن عيونها ابت وزرفت دموعها رغما عنها ..نظر اليها بندم جامح واسف وتجمعت الدموع فى مقلتيه لروأيتها هكذا اصبحت مثل الوردة الذابلة ..بعد ما كانت ازهى زهرة فى الحديقة و بكل سهولة اتى هو وقطفها
استدارت نحو الباب لترحل لكنه امسك بها ..لم تشعر بنفسها الا وهى تصفعه على وجهه
ابعدت يده وقالت بحدة والدموع على وجنتيها :اوعى تلمسنى ..ابعد عنى
لم يفعل شئ فهو يستحق اكثر من ذلك
وقف امام الباب ليمنعها من الرحيل وقال بندم :انا اسف ..بجد اسف
تراجعت للخلف وها قد اتت اليها الفرصة لتنفجر فيه فأقتربت منه مجددا وظلت تضربه بكلتا يديها على صدره بكل قوتها وهى تقول بصراخ :اسف ..اسف على ايه بالظبط ..اسف انك ظلمتنى ولا عشان سيبتنى قبل فرحى بكام يوم من غير ما اعرف السبب ايه لغاية دلوقتى ولا اسف عشان الطريقة الزبالة اللى عاملتنى بيها ولا لما طردتنى من شركتك ولا لما شديت منى الخاتم كأنى واحدة من الشارع
امسك يديها وحاول تهدأتها :نور ارجوكى اهدى
نور بعصبية وهى تدفعه مجددا :متنطقش اسمى على لسانك ..انت رجعت تانى ليه عاوز منى ايه بعد اللى عملته فيا ..بسببك انت حياتى اتغيرت وبقيت تعيسة مبقتش اعرف طريق للفرحة ..قبل ما تظهر فى حياتى كنت معرفش طريق الحزن ده ولا الكئابة ..حولتنى من نور البنت اللى بتحب اللعب ومبتحبش تشوف حد متضايق او زعلان لواحدة تانية انا معرفهاش ..جيت خربت حياتنا كلنا
وجاى بعد 3 سنين بكل سهولة تقولى اسف ومعتبر انى ممكن اسامحك على اساس انى لسه نور بتاعة زمان اللى بتسامح من كلمة
أدهم بتوسل :طيب ممكن تسمعينى واقولك السبب اللى خلانى ابعد
نور بحدة :مش عاوزة اسمع حاجة
كادت ان تمشى لكنه امسكها من ذراعها وقال بصرامة :لا هتسمعينى انا فى اليوم اللى بابا راح فيه المستشفى لما خرجت من عنده ملاقتكيش وقالولى انك روحتى مع ياسين ..بليل قعدت اتصل بيكى مكنتيش بتردى قلقت عليكى وجتلك الفيلا وشوفتك وانتى حاضنة ياسين و
قاطعته هى بإنفعال :وكنت بتحسب انى على علاقة بيه ..عشان كده لما روحتلك المستشفى مبصتش فى وشى وقعدت كام يوم مش بتكلمنى و لما جتلك الشركة كان كلامك كله تجريح فيا وانا معرفش السبب ايه ..برغم انى قولتلك انه اخويا
أدهم بحدة :كنتى عاوزانى اعمل ايه يعنى لما اشوفك كده..وانتى مفهمتنيش انه اخوكى فى الرضاعة ..انا كل ده كنت بحسب انك بتعتبريه زى اخوكى
نور بدموع :كنت تيجى وتواجهنى لكن متعملش فيا كده مش كل حاجة بنشوفها بعنينا نصدقها لكن انت صدقت ده عشان كنت بتشك فيا ..انت تعرف قبل ما تيجى هو كان بيكلمنى فى ايه
فلاااااش باااك
فى منتصف الليل واقفة فى شرفتها تنظر الى تلك النجوم اللامعة
نظرت لأسفل لتراه جالس فى الحديقة فذهبت اليه
ياسين :ايه اللى مصحيكى لغاية دلوقتى
جلست بجواره :مجاليش نوم قلقانة شوية
ياسين :من ايه
نور بتردد :فكرت فى الكلام اللى قولتهولى صدقنى مش هقدر اقوله انك عاوز تتقدملها
ياسين :يا نور انا بقولك عرفيه انى بحبها ومستعد اتقدملها بس لما اخلص جامعة واشتغل وانا كلها سنة واتخرج
نور :طيب انت فعلا بتحبها بجد ولا ايه ..يعنى انت نسيت فرح فعلا
ياسين بصدق :والله بحبها بجد وعارف انها بتحبنى بس مكنتش ببين لها.. ولما كنت بشوفها واقفة مع حد كنت بغير عليها ومبلاقيش حاجة اتحجج بيها واقولهالها غير انى اقولها انا زى اخوكى ..وبالنسبة لفرح انا اكتشفت انه مكنش حب ده كان مجرد حب مراهقة على تعود يعنى سنتين جامعة مع بعض
نور :طيب عمو سامح عارف
ياسين :انا قولتله وهو موافق طلاما بعد ما اخلص
عندما شعرت بصدق كلامه قالت :خلاص انا موافقة وهقوله
نهض بفرحة ليقف قبالها
ياسين :بجد يانور
اومأت رأسها ثم قالت بقلق :بس انا خايفة من ردة فعله لما يعرف فى الوقت ده ..يعنى عمو احمد فى المستشفى تعبان واقوله كده
ربت على ذراعها :متخافيش انا اللى هتصدر انتى مالكيش دعوة..انتى عليكى بس تقوليله انى بحبها وفعلا عايز اتقدملها وبعدين انا هكلمه
نور :ربنا يستر بقى
نظر ياسين اليها مطولا ثم ضمها اليه بحب :نور انا بجد بحبك اوى
ابتسمت هى :وانا كمان
بااااك
أجهشت فى البكاء وخارت قواها لم تستطيع الوقوف فجلست على الارض :عشان كده قولتلى انى بلعب بيك
أدهم بتأثر وجثى امامها :صدقينى انا مستاهلش دموعك دى.. انا مستعد اعمل اى حاجة بس سامحينى يا نور عشان خاطرى
نظرت اليه بلوم وظلت تبكى ..ادمعت عيناه واقترب منها ومد يده ليمسح دموعها لكنها انتفضت ونهضت سريعا وهى تمسح دموعها بعنف :قولتلك متلمسنيش
تركته واتجهت نحو الباب وقبل ان تفتحه سمعته يقول :نور انا لسه بحبك
نظرت اليه بحدة :وانا بكرهك
أدهم :انتى كدابة عينيكى بتقول غير كده ..ولو كنتى بتكرهينى يبقى ايه اللى خلاكى تيجى قدام البيت وتقعدى
ارتبكت نور فقالت بنبره حادة :باجى عشان افتكر اللى عملته فيا واكرهك اكتر
وقف هو ينفث بضيق وهو يقول :بردو يا نور مش هسيبك
بينما هى ما ان استدارت حتى بكت ..وركضت الى منزلها


ـــــــــــــــــــــــــ ـــــــــــــــ

استيقظ من نومه على صوتها فتح عينه بنعاس ليجدها تلبس طفلهما
ياسمين وهى تلبسه حذاءه :يلا يا حبيبى روح لتيته عشان هى مستنياك تحت
ركض مصطفى مسرعا ..لينظر اليها بتساؤل :مصطفى رايح فين
ياسمين دون ان تنظر اليه :ماما هتروح السوبر ماركت وهو شبط فيها ..ثم التقطت المنشفة واعطتها له :حضرتلك الحمام
نهض من على الفراش ووقف قبالها ..ادار وجهها بأنامله :ياسمين انتى لسه زعلانة منى
نظرت بعيدا ولم تجيب ..فقال :صدقينى انا مكنش قصدى انى اتعصب عليكى ..بس انتى اللى نرفزتينى لما اتكلمتى عليه بالطريقة دى متنسيش انه ابن خالتى وغير كده انا بعتبره اخويا
التفتت اليه بحدة :ونور اختى والله ..وياريت ياعمر متطلبش منى انى اساعدك فى الموضوع ده لأنى بجد انا مش هقدر
عمر :خلاص يا ياسمين اللى يريحك اعمليه وانا مش هغصب عليكى


ـــــــــــــــــــــــــ

خرج وقام بشراء بعض الاغراض وكان فى طريقه الى الفيلا لفت انتباهه عندما وجده واقف على الطريق مع بعض الرجال
صف السيارة بجانب الطريق وترجل منها ليجده بدأ بالسير معهم فنادى عليه أدهم :ياسين
استدار ياسين له وقف ينظر اليه مطولا فلم يتوقع ان يراه
أدهم :ممكن نتكلم
انقلبت نظرته الى شرر يتطاير من الغضب..قبل ان يقترب منه استأذن منهم واتجه نحوه قائلا وهو يدفعه بقوة :انت عاوز ايه تانى ..ايه اللى رجعك
كاد ان يدفعه مجددا الا ان يده ادهم امسكته وقال بجدية :انا عاذرك وعارف انك عندك حق بس ممكن تسمعنى
ياسين :مش عاوز اسمع منك حاجة ..وياريت ترجع مطرح ما جيت
استدار ليرحل لكن امسكه ادهم من ذراعه ..أدهم بنبره صارمة :مش هتمشى غير لما تسمعنى
وقف ياسين بعد اصراره وبعد ما انهى حديثه حتى قال ياسين بحدة :بس ميدكش الحق انك تسيبها بالطريقة دى
أدهم :لو كنت مكانى كنت هتعمل ايه
ياسين بغضب :انا مش غبى عشان ابقى مكانك ..بس لو كنت مكانك هواجهها باللى شوفته ومسيبهاش بالطريقة دى انت عارف نور تعبت ازاى وكانت عايشة على المهدءات..انت ترضى اعمل كده فى اختك
صمت أدهم وقال بندم :صدقنى انا ندمان
ياسين :ياريت الندم بينفع
أدهم بصدق :انا والله مستعد اعمل اى حاجة عشان هى تسامحنى
ياسين :معتقدش باللى انت عملته ده تسامحك ..نور اتغيرت ومبقتش بتثق فى حد
أدهم بأمل :هحاول ..ثم اسطرد قائلا :بس انا دلوقتى كنت عايز اعرفك سبب رفضى ليك ..صدقنى انا مكنش هيبقى عندى اى اعتراض عليك بس اللى شوفته خلانى احس انك بتلعب بأختى
ياسين :طيب انت حسيت انى بلعب بأختك فسافرت بيها على اساس انك بتحميها منى ..طب انا دلوقتى اعمل فيك ايه وانت دمرت اختى
أدهم بندم شديد :والله مكنتش اعرف
ياسين :طيب المطلوب منى ايه دلوقتى
أدهم :تساعدنى ارجع لنور


ـــــــــــــــــــــــــ ـــــــ

بعد مرور يومين
وصل احمد وزوجته وابنته المنصورة بعد ما طلب منه عمر ان يأتى
وبعد ما جلسوا وتحدثوا فيما سوف يفعلوه
هتف احمد قائلا :انت عارف يا أدهم والله لو كانت نور بنتى او ايسل مكانها وحصل معاها كده والله ما كنت هبص فى وشك واحتمال كنت قتلتك..بس انا مش عارف بأى عين هكلمهم
قال عمر :مش وقت الكلام ده يا عمى اهم حاجة دلوقتى ان نحاول نصلح اللى اتكسر ..ثم وجه كلامه لأدهم :وانت يا ادهم تروح دلوقتى الفيلا هتلاقيهم كلهم هناك
تدخلت نيفين بخوف :يروح فين افرض عملوا فيه حاجة
احمد :يعنى هيعملوا فيه ايه يعنى ..ثم قال بذات مغزى :هو عمل حاجة لا سمح الله
زفر ادهم بضيق ونهض ..لتهتف والدته :ادهم رايح فين
أدهم :هعمل اللى اتفقنا عليه


ـــــــــــــــــــــــــ ـــــــ

كانت جالسة معهم لكنها فى عالم اخر فلاحظت شرودها ووجهها العابس فمالت على اذنها :نور انتى كويسه
اماءت برأسها :ايوه كويسه
ياسمين :اومال مالك مش بتتكلمى ليه
نور :عادى اصلى مصدعة شوية
ياسمين بقلق :تحبى اجبلك حاجة للصداع
ابتسمت بوهن :لا انا هبقى كويسه بس عايزة انام شوية ..هطلع انا
محمد :رايحة فين يا نور
نور :هطلع اوضتى يا بابا عايزة انام شوية
محمد :انتى تعبانة يا حبيبتى
نور :لا بس عايزة انام..بعد اذنكم
صعدت اول درجتين من السلم ..فرن جرس الفيلا لتسمع صوت ابيها العالى فنظرت اليه لتنصدم به
ما ان رآه محمد تذكر ما فعله بإبنته فلكمه بقوة وامسكه من قميصه :انت ليك عين تيجى هنا بعد اللى عملته
أدهم بهدوء :ممكن تسمعنى
محمد بغضب جامح :اسمع ايه ده انا هموتك دلوقتى
ركض ياسين مسرعا ليخلصه من يده لكنه لم يتركه
ليسمع صوت ابيه الصارم :محمد سيبه
نظر محمد الى ابيه وهو مازال ممسك به ..فقال على :قولتلك سيبه
نظر اليه بغضب ودفعه بقوة
نظر على الى أدهم بصرامة :جيت ليه
أدهم :عايز اتكلم معاكم .. انا عارف انى غلطت بس ممكن تسمعونى
خرجت زينب من المطبخ على صوتهم العالى لتراه واقف معهم فقالت بصريخ :اطلع بره انت ملكش حاجة هنا عشان تورينا وشك..كفاية اللى عملتوه عايز ايه تانى..اطلع بره
امسكتها سعاد وهى تقول :اهدى يا زينب عيب الراجل فى بيتنا
فقال الجد بصرامة :سعاد اطلعى انتى وهى فوق
صعدت بها سعاد بينما هى ظلت واقفة تنظر اليه فسحبتها ياسمين وصعدت بها
على :اتفضل نتكلم جوه
دلفوا جميعا حجرة المكتب ..فأستدار على له وهو يقول :قسما بالله يا ادهم انا لو كنت طولتك يومها لكنت قتلتك بأيدى ..عشان انت عارف كويس نور بالنسبالى ايه وانا الوحيد اللى ساعدتك انك تتجوزها ووقفت جانبك وكنت فى صفك ..تيجى انت تعمل فيها كده
أدهم :والله انا معذور انا
قاطعه محمد بسخرية :وايه اللى عذرك ان شاء الله
لم يعبأ لسخريته وبدأ فى سرد ما حدث..ليهتف محمد بعد ما انهى حديثه :انت تنسى الموضوع ده خالص ..وبنتى انساها فاهم ..قال جملته وخرج من الحجرة
فأردف على :انا وثقت فيك المرة اللى فاتت وشوفت النتيجة ..مش هقدر اثق فيك تانى واحنا ما صدقنا انها رجعت كويسه
قال ذلك وهو ينهض ..ثم تركه وخرج
لينظر ياسين له قائلا :مش قولتلك محدش هيسامحك
أدهم بعزم وتصميم :بس انا هحاول تانى


ـــــــــــــــــــــــــ ـــــــــــــ

كانت تبكى وهى متشبثة بها ..فربتت عليها ياسمين بشفقة
ياسمين :يا نور انا عايزة افهم انتى بتعيطى ليه دلوقتى ..مش انتى كنتى نسيتيه وهو ميفرقش معاكى ..ليه بقى عامله فى نفسك كده
نور من بين دموعها :انا منسيتهوش يا ياسمين مقدرتش انساه
ياسمين :انتى لسه بتحبيه يا نور
نظرت اليها ولم تجيب ..فقالت ياسمين بدهشة :بعد كل اللى عمله
نور بعصبية :اعمل ايه يعنى فى قلبى اللى بيحبه برغم اللى حصل
ياسمين :طلاما كده مسامحتهوش ليه
نور :بحبه لكن مقدرش اسامحه
xxxxxxxxxxxx
خلاص بقى انت عملت اللى عليك يبقى نرجع
تفوهت بها نيفين بغضب
أحمد بصرامة :مهى عشان مش بنتك بتقولى كده ..حطى نفسك مكانهم ولا مكان امها ..كنتى هتعملى ايه
صمتت نيفين ولم تجيب
أحمد :انا هروحلهم وانتى هتيجى معايا ..بس مش دلوقتى عشان يكونوا هدوا شوية

بعد مرور ثلاثة ايام ذهب احمد ونيفين الى فيلا المنشاوى وتحدثوا معهم حتى انهم تحدثوا مع نور ولكن الامر ليس بهذه السهولة
ظلوا يترددوا على فيلتهم طوال الشهر حتى بدأوا يلينوا
xxxxxxxxxxxx
خلاص يا محمد والله انا اعتذرت لنور يعنى ماليش اى معزة عندك
تفوه بها احمد وهو جالس معهم فى فيلتهم
محمد :والله ابدا بس
قاطعه احمد :مفيش بس ده كان سوء تفاهم وانا مقدر موقفكم بس ادهم والله ندمان ومستعد يعمل اى حاجة عشان يرجعلها
تنهد محمد بضيق ..فقال على :انا واثق فى ادهم كويس وعارف انه ندمان وبرغم اللى عمله بس انا سامحته لحاجة واحدة ..انه فعلا بيحبها ولو مش بيحبها مكنش هيجيلى كل يوم يترجانى انى اسامحه و اساعده يرجعلها
احمد :طيب يا محمد قولت ايه
محمد بنفاذ صبر :هقول ايه لا اله الا الله ..هديله فرصة تانية..بس هى مش بسهولة هتوافق ..بس انا هحاول معاها
احمد : طب نور فين عاوز اتكلم معاها
محمد :نور خرجت من شوية


ـــــــــــــــــــــــــ ـــــــ

جلست فى مكانها المعتاد اسفل الشجرة ..هى تعلم انه الان فى بيتهم ..فرحلت قبل ان تراه خوفا من قلبها ان يضعف امامه
كنت متأكد انى هلاقيكى هنا
انتفضت لتنظر اليه وجدته هو ..فنظرت اليه بحدة ونهضت لتغادر ..فوقف قبالها :يا نور والله ندمان
نور دون ان تنظر اليه :لو سمحت عدينى
أدهم :نور اللى بيحب بيسامح ويغفر
نظرت اليه بتهكم :ده اذا كان فى حب من اصله
أدهم :عينيكى بتقول غير كده
نظرت بعيدا حتى لا تفضحها عيونها اكثر من ذلك
أدهم :كل بنى ادم بيغلط وبيتغفرله ..وانا غلطت سامحينى بقى
نور :مش بالسهولة دى زى ما انت فاكر ..بعد اذنك
تنهد بضيق وهو ينظر اليها حتى اختفت تماما من امامه


ـــــــــــــــــــــــــ ــــــــ

كانت تسير به وهى تحمله بسعادة فقبلته من وجنتيه
ايسل :تعرف انك حلو اوى زى عمر وياسمين
فأتى صوت من خلفها يقول :لا طالع حلو لخالو
ابتسمت عندما علمت انه هو ..فأستدارت اليه فأرتمى عليه الصغير
ايسل :ازيك يا ياسين
ياسين :كويس الحمدالله..انتى عامله ايه
ايسل بإبتسامة :تمام
نظر ياسين الى مصطفى الذى نام على كتفيه ..فنظر اليها مطولا فقالت بحرج :بتبوصلى كده ليه
ياسين :متغيرتيش يا ايسل
ايسل :ولا انت
ياسين :طيب هنفضل واقفين كده ..انتى كنتى رايحة فين
ايسل :كنت بمشى مصطفى عشان كان بيعيط
ياسين :طيب تعالى اوصلك لغاية البيت
ساروا سويا و قلبها يقفز فرحا لرؤيته
فقال ياسين دون ان ينظر اليها : مش تباركيلى يا ايسل
خفق قلبها وقالت بخوف :اباركلك على ايه
نظر فى عيناها بعمق وقال :اصلى هخطب قريب
ايسل بصدمة :ايه هتخطب
ابتسم من داخله :ايوه ..مفيش مبروك
حاولت جاهدة ان تمنع دموعها :مبروك ..انا لازم امشى انا سلام
ابتسم وقال :طيب مش عايزة تعرفى اسمها ايه
سارت ولم تلتفت اليه
فقال :مبروك عليكى انا يا ايسل
وقفت بدهشة لم تصدق ما قاله فنظرت اليه بعدم استيعاب فقال :باباكى وافق واخوكى كمان
ابتسمت بفرحة ولم تتفوه ببنت شفه طوال الطريق حتى اوصلها امام الفيلا ..وقبل ان تدخل قالت :على فكرة يا ياسين مكنتش اعرف ان خطك وحش اوى كده
ودخلت مسرعة
ليبتسم هو وينظر الى مصطفى الذى مازال نائم ورحل


ـــــــــــــــــــــــــ ــــــــــ

دخل الشرفة ليجدها جالسة تحتسى الشاى ..فأقترب منها وطبع قبلة على وجنتيها ..فنظرت اليه بحب :كنت فين
عمر :أدهم كان عاوزنى ورحتله
ياسمين :كان عاوز ايه
عمر :اكيد بيكلمنى على نور ..كده مفضلش الا هى وطنط زينب كلهم الحمدالله بدأوا يسامحوه الا هما
ياسمين :تصدق برغم اللى عملوا بس صعب عليا من المرمطة دى بس يستاهل بصراحة
عمر :ما هو الحب بيعمل اكتر من كده..ثم قال متسائلا :اومال فين مصطفى
ياسمين :ايسل اخدته تتمشى بيه شوية
عمر :طب ونور فين دلوقتى وطنط زينب
ياسمين بنصف عين :انا مش مستريحالك فى ايه
ضحك عمر :هتعرفى دلوقتى بس جاوبى عليا
ياسمين :نور خرجت من بدرى ..وطنط زينب على ما اعتقد فى الجنينة
عمر :كويس اوى ..واخرج الهاتف من جيبه وقام بأجراء مكالمة
ياسمين :فهمنى بقى
عمر :أدهم هيجى دلوقتى وهتفهمى كل حاجة
xxxxxxxx*
بعد مرور نصف ساعة كان جالس امامها
أدهم :والله يا طنط زينب بحبها بجد ولو مكنتش بحبها كان ايه اللى خلانى عمال اكلمكم شهر بحاله عشان تسامحونى
نظرت اليه بحنق :دى بنتى يا ادهم ومش سهل عليا اللى انت عملته
أدهم :والله كان غصب عنى ادينى فرصة كمان وانا هثبتلك كده ..ها موافقة
نظرت اليه وقالت :طيب هتعمل ايه
ابتسم ادهم بفرحة فالأن لا توجد امامه اى عقبة
أدهم :هقولك بس محتاج منكم كلكم تساعدونى


ـــــــــــــــــــــــــ ــــــــــ

مر شهرين وأدهم يحاول ان يتحدث مع نور وهى لا تعطيه مجال للحديث ..وفى حفلة خطوبة ياسين وايسل تعجبت نور منه اعتقدت انه سيتحدث معها مجددا لكنها كانت مخطئة..لم ينظر اليها ولا تحدث معها.. فأعتقدت انه مل منها ولا يريدها فشعرت بغصة
فى صباح اليوم التالى استيقظت مبكرا ..فلم تجد احد مستيقظ فخرجت لتتمشى
تنفست الهواء المختلط بالندى فأغمضت عيناها وهى تشعر بالاسترخاء وعلى ثغرها ابتسامة
شعرت بشئ اظلم على عيناها ..ففتحت عيناها ببطأ لتجده امامها
فقالت بحدة :نعم
أدهم بحزن :لسه بردو يا نور مش طيقانى ومش عايزة تسامحينى
صمتت ولم تجيب فرد قلبها يحثها على ان تسامحه ولكن عقلها تذمر والجم لسانها
فقال أدهم :خلاص يا نور انا قررت انى هبعد تانى طلاما مش عايزة تشوفينى ..صمت قليلا ليراقب ملامح وجهها فقال :انا هسافر النهاردة
نظرت اليه بصدمة ولكن حاولت ان تصمد امامه فقالت بنبرة خالية من المشاعر :انا ميهمنيش ..اعمل اللى انت عايزه
وتركته وذهبت لتترك لتلك الدمعة التحرر من عيناها
بينما هو اخرج هاتفه واجرى اتصال


ـــــــــــــــــــــــــ ــــــ

يلا بسرعة يا ياسمين نور جت اوعى تنسى هتعملى ايه
تفوه بها عمر وهو واقف فى الشرفة عندما رأى نور
ياسمين وهى تركض :طيب متقلقش مش ناسية
ضحك عمر وقال مازحا :بس متجريش لتولدى مش وقتك خالص
ضحكت ياسمين :ماشى يا عمر
خرجت لتجد نور تركض الى غرفتها فذهبت خلفها
وجدتها جلست على الفراش وانفجرت من البكاء
ياسمين بفزع :نور انتى بتعيطى ليه ..قوليلى حصل ايه
نور :هيسافر يا ياسمين ..أدهم هيسافر ويسيبنى تانى
ياسمين وهى تربت عليها :مش ده اللى انتى كنتى عاوزاه
نور نافية :لا
ياسمين :ما هو يا نور قعد يتحايل عليكى تسامحيه ..3 شهور عمال يتكلم معاكى وانتى مرضتيش
نور :منا كنت لازم اعذبه زى ما عمل معايا بس هو اللى زهق بسرعة وهيسافر تانى
ياسمين :يعنى انتى مسمحاه
نور :ايوه مسمحاه من ساعتها ..بس هعمل ايه دلوقتى ..انا مش هقدر على بعده تانى
ياسمين :طيب ممكن تيجى معايا دلوقتى
نور :على فين
ياسمين:جدو عاوزك ضرورى
ذهبت بها الى غرفة جدها ..ظل يتحدث معها وبعد اصرار منه ان تخرج معه فى المساء وافقت ..فدلفت ياسمين وهى حامله ملابس انيقة للغاية اجبرت نور على ارتدائها


ـــــــــــــــــــــــــ ـــــــــ

عندما حل المساء
كانت بمفردها فى الغرفة لم تسمع صوت احد فخرجت لتجد السكون يعم المكان ..ولكن وجدت اضواء مشتعلة فى الحديقة فخرجت لتتفاجأ بالجميع ..والحديقة مزينة بالشموع والبلالين والارض مزينة بالورود المتناثرة على شكل قلوب..فسمعت صوته وهو يقول :بحبك ..ايوه بحبك ومقدرش استغنى عنك وصدقينى هعوضك على كل اللى فات وبطلب منك تسامحينى ..وبعتذرلك اودامهم كلهم ..نور أنا اسف
بحثت عنه لتجده متجه نحوها وهو فى ابهى هيئته
أقترب منها وهو يقول بأبتسامة ساحرة :نور تتجوزينى
نظرت اليه بسعادة وهى لم تصدق عيناها فنظرت الى والدها ووالدتها ومن ثم جدها لتجدهم يومأون برأسهم فكادت ان تنطق الا وصوت
ااااااااااااااه
فنظروا جميعا الى مصدر الصوت
ليجدوا ...ياسمين بصراخ :الحقونى بولد


ـــــــــــــــــــــــــ ــــــــ

بعد مرور خمس اعوام

فى المنصورة
جالسة فى الحديقة تشعر بسعادة غامرة ..فأتى اليها وقبل رأسها فنظرت اليه بحب
نور :صباح الخير يا حبيبى
أدهم :صباح النور ياقلبى ..ايه اللى مقعدك هنا
نور :مستنية على وملك خرجوا مع عم جابر من شوية
لم تكمل جملتها الا ورأت على ذو الخمس اعوام ممسك بكتف اخته ..ملك ذو الثلاث اعوام وهى تحمل بيدها خروف صغير للغاية ولكن يبدو انه ثقيل عليها
على :مامى ملك سرقت الخروف من عم جابر
قطبت جبينها وهى مازالت ممسكه بالخروف :انا مش سيقت حاجة يا مامى عم جابى هو ادهويى
ابتسم ادهم :طب يلا يا ملك سيبى الخروف ده دلوقتى عشان تغيرى ..يلا يا على خد اختك واطلعوا ومامى هاتيجى وراكوا
ذهب اطفاله وهو ينظر اليهم بسعادة فقال :مش بتفكرك بحد البت دى
نظر اليها وجدها مقطبة الجبين وواضعة يدها على انفها
فقال بقلق :نور مالك انتى كويسه
نور :دايخة شوية بس ..ممكن يا حبيبى تغيرلهم انت ..انا مش طايقة ريحة الخرفان معدتى قلبت
غمز لها بعيونه :ايه التالت فى السكه ولا ايه
نور بخجل :باين كده يا دومى


ـــــــــــــــــــــــــ ــــــــــــ

تقوم بلف طرحتها وهى تيقظه
ياسمين بصراخ :يا عمر اصحى بقى جننتنى
استيقظ وهو يفرك بعينه :عايزة ايه
ياسمين بغيظ :قوم انا خلصت ..انت نسيت النهاردة الجمعة هنروح المنصورة
عمر وهو ينهض :معلش نسيت ..هغير بسرعة
ياسمين :بقولك ايه ما انت متسهرليش طول الليل مع عيالك تلعبلى بلايستيشن وتيجى تأخرنى يلا بسرعة على بال ما اصحى مصطفى وعبدالرحمن


ـــــــــــــــــــــــــ ــــــــــ

يا ياسين خد عيالك من وشى يا اما هرمهملك من البلاكونة..وخاصة وئام خدها من اودامى
تفوهت بها ايسل بتعب
نظر الى بناته ذو الثلاث اعوام واقفين ببراءة كأن لم يفعلوا شئ..فنظراليهم بحيرة فهم توأم متطابق تماما
فهتف قائلا :ابراهيم تعالى هنا
نظروا اليه هما الاثنين ثم نظروا الى بعض فأبتسموا بخبث واتت
الفتاة ببراءة :نعم يا بابى
ياسين بشك :بت عملتى ايه لمامى
الفتاة ببراءة :مش عملت حاجة يا بابى انا بقولها كلتى اخويا ليه
نظر اليها بدقة فأمسك وجهها ولم يرى الحسنة التى يميزهم بها فقال وهو رافعا حاجبيه:بت انتى مش ابراهيم انتى حسام
وسام بزعل :بابى انا وسام مش حسام
ياسين :طب جيتى ليه انا ناديت على ابراهيم ..يلا امشى بدل ما اقول لمامى تبلعك جانب اخوكم


اسر يا اسر
تفوه بها كريم وهو ينادى على ابنه ذو التسع اعوام
اتى اليه ابنه مسرعا :ايوه يا بابى
كريم :فين رهف اختك
اسر :مع شوشو(شاكيرا) فى الجنينة
كريم:طيب يا حبيبى روح اندهلهم ..فذهب الى زوجته الواقفة فى المطبخ فطبع قبلة على رقبتها
انتفضت الين :كيمو خضتنى
كريم :يلا يا حبيبتى استعجلى شوية احنا كده هنتأخر على العيد ميلاد ..أدهم ممكن يزعل لو اتأخرنا
الين :حاضر يا حبيبى ثوانى وهروح البس


الحب كما يقال انه يذل صاحبه بل ويعذبه ويحمله مشاق حبه
فمن يتعذب في الحب فقد عاش الحب بكل تفاصيله
(انها السعادة مغلفة بالعذاب)


ـــــــــــــــــــــــــ ـــــــــــــــ

بعد مرور عشرون عاما


فى احدى القاعات الفخمة يدخل ياسين متأبط ذراع ابنتيه الاثنتين ليجد على ومصطفى واقفين امامه بأبتسامتهم الجذابة
ياسين وهو يعطيهم بناته :خلوا بالكم منهم حطوهم فى عينيكوا فاهمين ..بس اوعوا تتلغبطوا فيهم ..خد يا على حسام اهى
وانت يا مصطفى خد ابراهيم
أدهم :انت مش هتبطل تنادى عيالك بالاسامى دى حرام عليك اتعقدوا
ايسل :قوله يا ادهم ده جننى ابراهيم حسن وحسام حسن طول الوقت لما انا والبنات نسينا اساميهم..مفيش غير ابنه يوسف اللى بينطق اسمه صح
فأتت نور التى لم يؤثر عليها الكبر فقالت :ماشاء الله عليهم ربنا يحميهم
فبحثت عن ابنتها ملك لتجدها واقفة مع زوجها
مامى انا كمان عاوزة اتجوز
تفوهت بها ابنتها سما (ابنتها الصغيره ذو ال19 عام )
فنظرت اليها نور قائلة :متستعجليش يا حبيبتى
عمر :تعالى هنا يا حبيبتى هجيبلك عريس لقطة
ياسمين مازحة :واول حرف من اسمه عبدالرحمن


ـــــــــــــــــــــــــ ــــــــــــــ

عادوا من الفرح وهم فى حالة من السعادة ..ذهبت الى غرفة ابنتها وجدتها قد ذهبت فى سبات عميق فقبلتها واغلقت الضوء وخرجت ..دلفت حجرتها وهى حاملة صينية الشاى وضعتها على الطاولة ..وجدته جالس امام الحاسوب الخاص به فجلست بجانبه لتجده يكتب (تــــــمــــــــت)
فنظرت اليه قائلة بتساؤل :نفسى اعرف انت بتكتب ايه ..بقالى سنتين بشوفك عمال تكتب فى الموضوع ده ..ولما اسألك تقولى بعدين ..مش ناوى تقولى بقى
نظر اليها بحب :دى يا حبيبتى قصة حياتى كلها وحياتك انتى كمان ..وناوى ان شاء الله اعمله كتاب وادى لولادنا كل واحد منهم نسخة
نور بتعجب :انت بتتكلم بجد
امسك يدها وقبلها :طبعا يا حبيبتى بتكلم بجد ..وكمان بدور على اسم ليه ..ممكن تفكرى معايا على اسم
ابتسمت بسعادة وقالت بعد تفكير :قلوب عاشقة
نظر اليها بعمق :هسميه بأول شخصية شوفتك بيها
نور وهى تتذكر اول لقاء بينهم فقالت :راعية غنم يا ادهم
نظر اليها بحب وقال معدلا :أحببت راعية الغنم



الــــــــــــنــــــــــ ـهـــــــــــــــايــــــ ـــــــــة

تـــــــــــمــــــــت بحمد الله

بقلم \ أسماء خالد البحيرى


وبكده اقدر اقولكم اشوفكوا على خير وهتوحشونى اوى يا فتوكاتى يا حبايبى..بتمنى ان روايتى تكون نالت اعجابكم واستمتعتم بيها
احب اوجه شكر خاص لبابا وماما واخواتى اللى شجعونى فى كتابتها
وطبعا الفتوكات اللى شجعونى برأيهم اللى اسعدنى
وبرغم ان فى فتوكات كانوا متابعين روايتى وبعد كده بقوا يقرأوا فقط من غير ما يقولوا رأيهم
وفى فتوكات كتير جدا متابعينى بصمت بيقرأوا البارت ويمشوا وانا عارفاهم كلهم
بس برغم كده انا فرحانة انهم متابعينى وبيستنوا معاد البارت ويدخلوا يقرأوه
وطبعا بشكر الزوار اللى متابعينى
و الفانز بتوعى اللى على الفيس بوك(انا اتشهرت يا فتوكاتى من غير ما اعرف لقيت الرواية بتاعتى نزلت على صفحة على الفيس بوك )
وفرحانة ان حكاية المقتطفات عجبتكم وفى فتوكة هنا من اللى
متابعينى عملت مقتطفات فى قصتها بجد فرحت اوى
ان شاء الله السنة الجاية هرجعلكم بروايتى الثانية بإذن الله
بجد هتوحشونى اووووى
عايزة منكم تدعولى ان ربنا يوفقنى فى دراستى (انا ثانوية عامة )
وادخل الكلية اللى بتمناها
وكفاية كده صدعتكم
السلام عليكم ورحمة الله وبركاته
فى امان الله


(انا لا احل لأى شخص نقل روايتى بدون ذكر اسمى عليها )


لامارا غير متواجد حالياً   رد مع اقتباس
قديم 25-06-17, 04:33 PM   #36

Topaz.

مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية

 
الصورة الرمزية Topaz.

? العضوٌ??? » 379889
?  التسِجيلٌ » Jul 2016
? مشَارَ?اتْي » 7,035
?  مُ?إني » العِرَاقْ
? الًجنِس »
? دولتي » دولتي Iraq
?  نُقآطِيْ » Topaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond reputeTopaz. has a reputation beyond repute
¬» مشروبك   water
¬» قناتك nicklodeon
?? ??? ~
اللهّم خِفَافًا لا لنا ولا علينا ، لا نُؤذِي ولا نُؤذَى ، لا نَجرَحُ ولا نُجرَح ، لا نَهينُ ولا نُهان ، اللهم عبورًا خفيفًا ؛ لا نشقى بأحدٍ ولا يشقى بنا أحد .
Icon26



Topaz. غير متواجد حالياً   رد مع اقتباس
قديم 26-05-18, 03:31 PM   #37

Beboali

? العضوٌ??? » 418896
?  التسِجيلٌ » Feb 2018
? مشَارَ?اتْي » 14
?  نُقآطِيْ » Beboali is on a distinguished road
افتراضي

لا اله الا الله

Beboali غير متواجد حالياً   رد مع اقتباس
قديم 26-05-18, 03:32 PM   #38

Beboali

? العضوٌ??? » 418896
?  التسِجيلٌ » Feb 2018
? مشَارَ?اتْي » 14
?  نُقآطِيْ » Beboali is on a distinguished road
افتراضي

لا الا الا الله

Beboali غير متواجد حالياً   رد مع اقتباس
قديم 12-08-19, 03:03 PM   #39

ENG.RG

? العضوٌ??? » 412063
?  التسِجيلٌ » Nov 2017
? مشَارَ?اتْي » 453
?  نُقآطِيْ » ENG.RG is on a distinguished road
افتراضي

شـكــ وبارك الله فيك ـــرا لك ... لك مني أجمل تحية .

ENG.RG غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:51 AM



Powered by vBulletin®
Copyright ©2000 - 2024, vBulletin Solutions, Inc.