آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-10-16, 07:21 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  حب يغمر القلب / للكاتبة nado cat ، مصرية مكتملة
| |||||||||||||
|  |
|
07-10-16, 01:32 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته ازيكم يا أحلى بنات ؟ عاملين ايه ؟ وحشتونى جداً اوى يارب تكونوا كويسين النهاردة وبعد نجاح قصتى السابقة وبناءاً على طلب الفتوكات هعمل قصة جديدة وهى * حب يغمر القلب * اتمنى إنها تنال إعجابكم انتظرونى فى الحلقة الأولى من قصة *حب يغمر القلب* وهى قصة تختلف عن بقيت قصصى السابقة تحياتى يا حياتي.....  | ||||
|
| |
|
07-10-16, 01:33 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الأولى *لقاء من غير ميعاد* والله لو انتي شايفة كده ماشي فى بيت فى حى المنيل تستيقظ فتاة على صوت المنبة المصرى الأصيل الى ممكن صوته يصحى الى فى بورسعيد مش بس الى فى البيت صحيت ومسكته وقالت بطلتنا البطلة:تصدق انا حبيتك..لا بجد حبيتك..يعنى انا حاسه إن هيكون فى بينا حب كبيير اوى...وحاسة إنى هاجى فى يوم وارميك من الشباك..لا وليه انا لسه هستنى اليوم دا وقامت اخدت المنبه وفتحت البلاكونة وهووب رمته فى سرعة ثوانى سمعت الصوت:آآآآآآه البنت قفلت الشباك ولا أكنها عملت حاجة البطلة:احم احم...اما اروح افطر بقى وفتحت الباب وطلعت مبتسمة جداً استنوا استنوا استنوا انتوا عارفين مين دى؟ تعالوا اعرفكم شذى*بنوتة ذات وجه ملائكى..لما تبصلها ترتاحى حاجة كدا لله فى لله شقية جداً وروحها مرحة اوى..ومتفائلة دايماً..اول ما تشوفها تتفائل بتفائلها خريجة كلية فنون..رسامة مية مية وبتحب والغناء وصوتها جميل جداً جدها فاتح محل زهور وورد مشهور جداً هى بقى بتساعده فيه أكمنه راجل كبير يعنى..ولأن هى بتحب الورود وتحب زرعه وكدا..ووالد شذى متوفى* وطلعت تفطر جاتلها مامتها وقالت الام:شكلك عاملة مصيبة شذى:انا..انا(وبرقة)دانا طيبة خالص انا اعمل كدا توءتوء خالص الام:طب يلا عشان تفطرى شذى:no noميرسى انا هفطر مع جدو الام:برضة هتروحى؟ شذى مع شوية من البكش شذى:يعنى ياقمر انت هيحصل ايه لو روحت الام وهى متجهة إلى المطبخ الام:هيحصل إنى مش عايزاكى تروحى واخدت صنية الفطار وطلعت بره المطبخ ووراها شذى شذى:ياماما عشان خاطرى الام:طب ياشذى اما نشوف اخرتها شذى مبتسمة:عسل ياعسل وراحت لبست لبسها كدا  وطلعت من الأوضة ونزلت جرى لقت راجل دماغة متعورة وملفوفة بشااش شذى بخبث:ايه دا حضرتك كويس؟ الراجل:اه الحمد الله يابنتى..منه لله الى رمه المنبه وحط ايده على دماغه بألم شذى :معلش ياحج الدنيا بقى فيها مجناين كتيير كويس إنك كويس الراجل:الحمد الله يابنتى ..انما..انتى مين؟ شذى بإرتباك:انا..انا واحدة ساكنه هنا وشوفت المفترية الى رمت المنبة الراجل:هى ست كمان شذى:اه ياعمى ..بعد إذنك بقى..اه دى بتتأسفلك وجريت على المحل واول ما وصلت لقت جدها قاعد على المكتب ومش واخد باله إنها دخلت شذى:ياصباح الخير يالى معانا الجد بصلها وابتسم وقال الجد:صباح الخير ياحبيبتى شذى:ايه ياحاج الى واخد عقلك الجد:ااااه هنبتدى بقى الحوارات بتاعت كل يوم شذى:خلاص ياعم ..بكرة تقولى(ولعبت حواجبها) وجريت بشقاوة الجد بضحك:ربنا يخليكى ياشذى ليا شذى جات ببراد سقى الزرع وقال للجد شذى:انا هاروح اسقى الزرع ياجدو الجد:ماشى ياعيون جدو..بس مش هتفطرى؟ شذى:هاخد واحد وخلاص (واحد ساندويتش) الجد:طيب وطلعت شذى وقعدت تسقى الجونينة الى قدام المحل وهى بتغنى روح ربنا يخليك ليا ويحلى صورتك فى عنيا انا فين هالاقى الحنية اللى انت جيت وادتهالى روح ربنا ما يوم يبعدنى عنك يامن روحى واخدنى فى الدنيا اية هايعوضنى لو سبتنى حتى ثوانى دة انا بفهمك من نظرة عين من غير كلام بعرف قصدك فى البعد عنك ارضى بمين انت اللى فى القلب لوحدك واديرت وهى فى ايديها البراد بس هوووووووب وقع منها بس مش اى وقعة دا وقع على واحد شذى بإرتباك:انا اسفة ...حضرتك كويس؟ الشاب:مش تاخدى بالك وتشوفى شغلك شذى ببرود:خلاص قولنا اسفين (شذى من اهم صفاتها العند واللماضة...وربنا يستر) الشاب:يعنى غلطانة وبتتكلمى ببرود شذى:بص يا استاذ انا غلطت حقك عليا..اكتر من كدا معنديش ..(ببرود)المحل محلك شذى بصوت واطى:دا شكله مجنون الشاب:بتقولى حاجة شذى:واشمعنا دى الى سمعتها..قصدى تأمر بإيه الشاب:هو المحل دا مفيهوش حد شذى:اومال انا بعمل ايه قدامك؟ ..حضرتك عايز ايه الشاب بصوت واطى:داخل محل ورد هكون عاوز ايه شذى:افندم شذى"فينا من التريقة دى" الشاب: عايز بوكيه ورد شيك شذى:طيب اتفضل ودخلت المحل ودخل هو معاها وقفت شذى وقالت شذى:عايز البوكيه لمين؟ الشاب بإستغراب:اشمعنا شذى"دايبة فى غرام عيونك" شذى:يعنى عايزه لحبيبة لمريض لمريضة للعائلة الشاب:لا لحبيبه شذى:ااه..طب ثوانى الشاب:اتفضلى شذى"اخص..لحبيبه..اما شباب الأيام دى اخص اخص يعنى" وجهزت البوكيه وكان جدها بيصلى ولفته لفه جميلة وكان عبارة عن ورد جورى احمر (اصلها بتحب النوع دا اوى) وراحت ادتهوله وقالت شذى:20 جنية الشاب:طيب شكراً وطلع الفلوس وادهلها اخدت الفلوس حطتها فى المكتب وقالت وهى بتطلع كارت للمحل مع إبتسامة شذى:نورت الشاب :شكراً وخرج الشاب وشذى قعدت وقالت فى سرها شذى:ايه العالم دى ياربى جه جدها واول ما شافته قامت عشان يقعد الجد:ايه ياست زوزو عاملة مشاكل ليه شذى:متقلقل ياجدى دا واحد كان عايز يتعمله عامرة الجد:ههه..والله انا حاسس إنك هتودينا ورا الشمس شذى:عيب دانت عارفنى انا هوديكوا ورا القمر عايز تروح الشمس توكتوك بجنيه هتبقى هناك الجد:هههههههههه الجد:طب بصى ياشذى عايزك توضبى مواصفات البوكيهات دى شذى:من عيونى الجوز ومناخيرة لوز وجهزت شذى البوكيهات وعلى اخر اليوم روح جدها وشذى كعادتهاقعدت اودام المحل سرحت فى منظر الجنينة وكتبت فى مذكراتها واستغربت لما شافت الأستاذ بتاع الورد بيمشى من بعيد دخلت جوا المحل فوراً خافت جداً منه دخلت شذى المحل ودارت الشكوك شذى:جاى ليه دا؟..لا يكون عايز يسرق المحل؟..ولا يكون الصبح كان بيعاين الموقع ودلوقتى هيسرق؟؟..ولا ليكون عفريت؟..يانهار اسود الله ما احفظنا شافت ظله بيقترب من الباب لاكن دقيقة وبعد وكاد يكون اختفى شذى فتحت حته صغيره من الباب وطلعت راسها منها وبصت لقته مشى شذى:الحمد الله وجابت المفتاح وخرجت وقفلت بسرعة بالمفتاح وجريت على بيتها فى رعب طلعت وخبطت مامتها فتحتلها لقت وشها مصفر ومخطوف الام بتدخلها وبتقول:ايه ياشذى مال وشك مخطوف كدا شذى:ابداً ياماما بس اخدتها جرى"وهى بتجرى لأوضتها"ماالجرى رياضة ودى كانت احدى وسائل شذى للهرب الام:ااااه مش هعرف اخد منك يا حق ولا باطل يابنت سعيد دخلت عشان تقول لشذى العشا لاقتها نايمة بهدومها الام حاولت تصحيها لا حياة لمن تنادى غطتها وباست راسها وطلعت بره الأوضة باحبه يا ماما انتهت الحلقة ومن الحلقة دى اتعرفنا على بطلتنا شذى انتظرونى فى الحلقة القادمة لتبدأ قصة قصتى منتظراكم ياقمرات ومنتظرة اعرف رأيكم | ||||
|
| |
|
07-10-16, 07:48 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثانية *الصدمة* باحبه يا ماما تانى يوم صحيت شذى على موبايلها بيرن *مش ندمان علشانى خسرتك واندم لية مابقاش فاضل منك اللى اتعلق بية اللى قصادى خيال لحبيب مابقاش موجود طيب لية هاندم على حاجة مابقاش ليها وجود* مسكته لقت الى بيرن(نارى) "ناريمان بتدلعها بنارى" شذى ردت بنوم وقال شذى:ايوة يا نارى نارى:ايوة ياشذى..اتأخرتى ليه يابت انا مستنياكى تحت البيت شذى:ليه هى الساعة كام؟ نارى:الساعة 3 ياكسولة شذى:طب وايه يعنى نارى:والنادى؟ شذى:اه صحيح داحنا معادنا النهاردة نارى:ايوة وخلصى بسرعة شذى:طب طب سلام وقفلت معاها وطلعت لمامتها تصبح وقالت شذى:كدا ياماما متصحنيش؟ الام:انا قولت مش هتروحى..وبعدين بصى لنفسك دانتى نايمة بهدوم الخروج شذى بصت على نفسها:ايدا صحيح الام:يلا خودى شاور والبسى عشان تلحقى شذى:طب وبعد نص ساعة كانت شذى مخلصة وجاهزة وكله وكانت لابسه كدا  نزلت وطبعاً نارى مسابتهاش نارى:تعرفى انك جزمة وقديمة شذى:ههههه طب خليها جديدة نارى:موقفانى هنا قد كدا عشان البرنسيسة شذى تلبس شذى:متزعلش نفسك ياتوتى هنوصل إن شاء الله وقالت بزعيق كهزار شذى :ماهو انتى الى مأخرانا بلبسك دا ايييه نص ساعة بتلبسى نارى بخبث:انا برضة شذى:احم احم يلا يلا على المحاضرة نارى:يلا يامغلبانى وراحوا النادى استنوا انتوا رايحين معاهم كدا من غير ما تعرفوا مين ((نارى)) اعرفكم بناريمان او نارى ناريمان"بنوتة جميلة رقيقة نوعاً ما يعنى متكلمتش عمرها كله مع ولد غير ((اخوها)) هى وشذى عاملين زى القط والفار بيحبوا يشاكسوا فى بعض لاكن فى الأصل بيحبوا بعض موووت اوىى يعنى ميغركمش ولما بنت بيحصلها حاجة سواء مهمة او لاء بتحكى للتانية انتيييخ يعنى وهى وشذى فولة واتقسمت نصين شبه بعض فى حاجات كتيير منهم لو ولد استجرأ وكلمهم يبقى والدته داعية عليهـ" وراحوا النادى وهما داخلين خبطوا فى واحد بس الواحد دا مهمهوش الخبطة ومشى وكمل طريقة شذى:ايه قلة الذوق دى ناس مبتفهمش نارى كتمة ضحكتها:خلاص ياشوشو يلا شذى:اضحكى ياختى..دا غلطان لا وكمان ولا اكنه اتنيل خبط فيا نارى:يلا ياشذى مش من اولها وراحواا كافيتيريا فى النادى وشذى لسه محمرة من الغضب نارى:خلاص فوكك بقى شذى:انا حاسه انى شوفته نارى:انا حاسه إنك هبلة شذى: بس يابت..اااه افتكرته تعرفى مين دا؟ نارى:ها شذى:دا الراجل الى جالى امبارح المحل شذى:ودا على اساس انى عارفة الراجل ياهطلة شذى:طيب طيب هقولك وقالتلها نارى:تلاقيه كان بيجرى ورا الحبيبة وضحكت شذى بإبتسامة:اكييد نارى:ايه دا شوفتى مين جااى وراكى شذى:طب متبصلوش لاحسن يفتكر نفسه شخصية نارى:لا ياختى مليش دحوة دا لو قلب بطة بعييينه شذى:ياعينى عليك ياشادى نارى ضربتها فى كتفها شذى:آآآه قرب شادى وقال شادى:ازيكم يابنات؟ نارى شدت شذى من ايديها عشان يقوموا لانها عارفة غرضه وقالت نارى بتأمر نارى:اولاً اسمنا انسات وثانياً تقولنا ازيكم بتاع ايه شادى:يا نارى نارى مقاطعة:انسة نارى لو سمحت شادى:يا انسة نارى انا بحبك والله مش عايزة تصدقى ليه نارى:اولاً انا مبفكرش فى التفاهات دى خلاص؟ وجت تمشى مسكها من ايديها ووقفها نارى بصتله بصة غضب وبصت على ايديه شادى ساب بسرعة الصراحة هو (خاف) شادى:طب نتكلم طيب نارى ببرود:خلص الكلام شادى:يانارى انا مستعد استحمل اى حاجة عشانك نارى مسكت كوباية اليمون ودلقتها على التيشيرت بتاعه شذى شهقت بصوت واطى وضحكت عليه وحطت ايديها على بقها لاكن فى بالها قالت"يستاهل" نارى ببرود:استحمل بقى دى.سلام..(وقدمت خطوطين ورجعت تانى)واه لما اقول خلص الكلام يبقى خلص وطبعاً ألنادى اتلم كله يتفرج الحمد الله مصر لسه بخير ياجماعة المهم نارى مشيت وهى ساحبة شذى ميته على روحها من الضحك شذى:هههههههههه ..لالا مش مصدقة..هههههههه دانتى فضيحة نارى:احسن عشان يحرم شذى: دانتى حمتيه يابنتى نارى:يستااااااااهل هوا ميعرفش انا مين ولا ايه؟ شذى:ياهيرووووووو نارى:طبعاً يابنتى ............... فى الناحية التانية شادى واقف زى الصنم تعالوا اعرفكم بشادى الأول شادى"شاب وسيم طيب شوية لاكن مبيظهرش دا شوية ...دا زى ما بيقولوا عليه دنجوان الجامعة ومخلص جامعة..وكان مع نارى فى الجامعة كل البنات بتموت عليه وهو ياحرام مبيحبش هو بس ياعينى ملعبش غير بــ 1..2..6..10..يعنى عدى للنهاية وبما إن مفيش نهاية يبقى شادى كمان ملوش نهاية مكممممل وربنا يستر" صاحب شادى راحله وقاله صاحبه:مش قولتلك مش سكتك شادى بنرفزة:ممكن تسكت يارامى؟ رامى:خلاص اسكت اسكت..وبعدين هى هتعصبك تتطلعه عليا شادى:ااه بقى..وبعدين غلطت فى ايه لما قولتلها كدا؟ رامى قاله وهو على وشك المشيان رامى:غلطت لأنك مبتحبهاش يا صاحبى..دى نصيحة منى ابعد عنها دى مش زى شاهى ولا ماجى ولا سوزان ولا روبى شادى:ليه يعنى ما كلهم زى بعض وبكرة تجينى(وبصله بتحدى)وبكره افكرك رامى وهو بيمشى:انا نصحتك ياصاحبى ..سلاام..(بسخرية)ااه وابقى شيل التيشيرت دا للذكرى الخالدة..ولما بكره تهزئك هبقى برضه افكرك شادى اتعصب جداً وروح على البيت يفكر ويدبر ويخطط "دا شادى ياجماعة " فى النادى بعد ما اخدوا جولتهم شذى:طب بصى ايه رأيك تروحى معايا المحل نارى:اوكيك وراحت نارى معاها وقعدوا شوية سرحانين فى الورود وبعدين مشيت نارى على بيتها وشذى فضلت قاعدة تتأمل الطبيعة"رومانسية ياجماعة" وقعدت لبليل وشافت نفس الموقف بتاع امبارح لقت الأستاذ الى خبط فيها وبتاع الورد فى نفس الحالة بتاعة امبارح دخلت جرى على المحل وقفلت وراها وشافت الظل بيقترب ويقترب ويقترب بسرعة جابت عصاية خشب وفتحت الباب وطراااااااااخ على راس الأستاذ ياترى هيفوق منها؟ شذى بقت فى موقف لا يثرى له خايفة تسعفة لــيطلع حرامى شذى واقفة اودام الباب من جوا المحل وهو اودام الباب من برا واقع اثار الخبطة شذى:مانا لو اسعفته افرضى طلع مجرم وضربنى؟..ايه الى بفكر فيه دا لالالا دا دكتور فى الجامعة طب شوفى ياختى المصيبة الى انتى فيها دى اخدت الأستاذ على جوا وحطته على كنبه فى اوضه فى المحل وسابت باب المحل مفتوح وجابت برفان ورشت حواليه وحاولت تفوقه بعد معاناه فاق وحرك راسه ببطأ بس لاكن متكلمش واضح إنه فقد النطق ياجبارة ياشذى المهم اول ما حرك راسه انهالت عليه شذى بالأسئلة شذى بإرتباك:حضرتك كويس؟..يعنى حاسس بإيه ؟؟مالك يعنى وكل دا وهو ساكت بعد شوية قال الأستاذ:هو انا مين شذى بكف على كف شذى:انت مين..لا حول ولا قوة إلا بالله.انا الى المفروض اسألك...استنى كدا وطلعت البطاقة من جيبه وقرت الأسم وقالتله شذى: فارس محمد أحمد فارس بعدم تذكر فارس:انا اسمى فارس ؟ شذى :لا حول ولا قوة إلا بالله..اه والله فارس:انتى مين؟ شذى"الواد اتهطل..يالهوى ليكون فقد الذاكرة..انا لازم اروح بيه المستشفى" شذى:استاذ فارس ممكن تيجى معايا فارس:لفين؟ شذى:هنروح مستشفى فارس:ليه هو انا عيان؟ شذى:هنتأكد هناك يا أستاذ فارس وطلع معاها فارس مسلم خالص وفعلاً مش فاكر حاجة وركبت عربيتها وراحت لمستشفى قريبه منهم ودخلت للدكتور وقالتله على الموضوع ككل كشف الدكتور على فارس واخد شذى على جمب وقال شذى:خير يادكتور طمنى الدكتور:هو عنده فقدان ذاكرة إن فى حاجة تقيله وقعت على دماغة او خبط فى حاجة شذى:متفكرنيش يادكتور..المهم يعنى الفقدان الذاكرة دا بيتعالج ازاى؟ الدكتور:إنه يفتكر كل حاجة بالتدريج ولازم يكون عنده قبول ولازم تساعديه(كان بيتكلم على اساس انها خطيبته) هو حضرتك خطيبته؟ شذى بدموع:بعد كل دا يادكتور..حتى لو مش خطيبته لازم اساعدة الدكتور:طيب...عمتاً هتيجوا هنا كل اسبوع عشان نشوف التقدم الى بيحصل شذى:طب يادكتور..اساعدة ازاى؟ الدكتور:حاولى تجيبى موبايله تسمعيه اغانى من عليه اكيد هو حاطط اغانى عليه بتمثلة ذكرى معينه..وريله صور حد من قرايبه او يعرفه بالتدريج ..وخلى بالك لو عملتى كل دا مرة واحدة وفجأة هيحصله حالة إنهيار عصبى حاد وأثرها هيبقى على المخ شديد شذى بدموع:كان فين ليا دا بس ياربى الدكتور:بعد إذنك..هو ممكن يطلع من دلوقت شذى:ميرسى يادكتور وراحت شذى لفارس وقالت شذى:يلا يااستاذ فارس عشان نمشى فارس:انا جيت هنا ليه والدكتور قالك ايه؟ شذى بإرتباك:قالى..قالى...انت عندك فقدان فى الذاكرة فارس:طب وانا هفتكر ازاى.. وايه الى هيحصل؟ شذى:هنشوف كل حاجة بإذن الله بس تعالى معايا هحجزلك فى فندق مؤقت فارس:طيب ومشيوا وفارس دماغة بتودى وتجييب وبيحاول يفتكر لاكن ذاكرته خانته شذى بقى بتفكر فى المصيبة الى هى فيها المهم راحوا فندق وفارس ادى للرسيبشن البطاقة والراجل قال الراجل:البطاقة منتهية يافندم بص فارس لشذى وشذى بصتله وبعدين بصت للراجل وقالت شذى:طب شكراً واخدت البطاقة وخرجوا وقفوا شوية اودام الفندق وبعد تفكير قالت شذى شذى:طب كدا مفيش غير حل واحد فارس:ايه هو؟ شذى:حضرتك هتيجى معايا البيت فارس استغرب واتدهش وقال فارس:نعم؟..ازاى؟ شذى مبتسمة ابتسمامة خفيفة وقالت شذى:قصدى عمارتنا احنا عندنا فيها بيت تانى يادكتوور فارس:طب وعندك فى البيت؟ شذى:متقلقش هقدر اقنع ماما فارس:انا متشكر جداً شذى" يارب سهلها" شذى:لالا خالص انا معملتش حاجة ومشيوا وفارس مستغرب بتعمل كل دا ليه؟ مينفعش يقولها يعملها مشكلة من دلوقت عشان هو تايه وهى الوحيدة الى هتساعده ووصلوا البيت وشذى فتحت الباب بالمفتاح بترقب لقت مامتها بتفتحه شذى"كمللللللللت" ............... باحبه يا ماما انتهت الحلقة وياترى رد فعل مامة شذى ايه؟ هنعرف فى الحلقة الجايية منتظراكم ياقمرات ومنتظرة اعرف رأيكم سلاموووز | ||||
|
| |
|
07-10-16, 07:49 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثالثة "معايا ومش معايا" باحبه يا ماما ووصلوا البيت وشذى فتحت الباب بالمفتاح بترقب لقت مامتها بتفتحه شذى"كمللللللللت" الام بلهفة:ايه ياشذى ايه الى اخرك؟ شذى"ابداً مفيش ياماما هقولك بعدين الام بصت لفارس وبصت لشذى بإستفهام شذى قالت بسرعة شذى:طب اتفضل يا استاذ فارس استريح فى الصالون وثوانى وهجيب لحضرتك مفتاح الشقة ومشيت مع مامتها الى بتقولها الام:مفتاح شقة ايه ؟ ووقفوا فى الطرقة يتكلموا شذى:شقتنا الى فوق الام:نعم؟انتى بتهزرى صح؟..(وبتشاور على فارس) ..دا واحد منعرفهوش ازاى يعنى؟ شذى:ماما وطى صوتك الام وطت صوتها شوية لاكن قالت بنرفزة الام:اهوو وطينا صوتنا ..لاكن شقة لأ ياشذى لأ..وبعدين تعالى هنا مين دا شذى قالتلها الى حصل الام:اااه ماانا عايشة عشان ادفع تمن مصايبك شذى:يامامى عشان خاطرى (مبتقولش مامى الا لما بتطلب حاجة) الام:بلا مامى بلا زفت..افردى طلع حرامى شذى:ياماما حرام دا منظر حرامى..حلوة دى حرامى فاقد الذاكرة هو فى اهي ولا ايه الام:هو كدا وخلاص مفتاح مفيش شذى:يامامتى الام:لأ يعنى لأ شذى:ياماما عشان خاطرى فترة بس صغيرة الام سكتت ومردتش شذى:ياسوسو ياقمر الام بنرفزة:طب فترة صغيرة بسسس شذى:اه ياقمر صغيرة على طول ..ايدك على المفتاح بقى عشان افتحله الشقة الام:نعم ياشذى؟..واضح إنك اتنجيتى..تطلعى مع واحد غريب(وشاورت على فارس)وتفتحيله الشقة متديله المفتاح وخلاض شذى مسكت صوباع مامتها وقالت شذى:هو الصوباع دا محيرك ليه ..ياست الكل عشان اعرفه مكان الشقة كمان هيلف على كل شقق العمارة هو الام:والناس لما يشفوكى شذى:ياماما ..ياماما مفيش غير شقتنا وشقة الدكتورة ليلى الى بترجع الفجر ودى صحبتك ..والشقتين فاضيين منهم واحدة هيعد فيها فارس..وبعدين حد يقدر يتكلم دانا اقطعله لسانة الام: اااه ياختى فى الأول بتعمليلى هركليز وبعدين بتبقى كتكتوت مبلول..برضة لأ شذى:ميرسى اوى ياعسل واخدت المفتاح وطاارت ودى كانت احدى وسائل شذى للتثبيت او الهرووب الام: انتى يابت..ماشى ماشى ياشذى ااااه منك.بس اما تيجى شذى طلعت لقت فارس بيتفرج على الصور ومركز على صورتها وهى صغيرة شذى بصوت واطى:ماشى ياماما ياما قولتلك متحطيش الصورة دى كدا اودام الناس الراجل هيتريق عليا دلوقت وقالت بصوت محرج شذى:استاذ فارس فارس لفلها وحست إنه هيقول حاجة على الصورة قالت بسرعة شذى:هتطلع تشوف الشقة؟ فارس:الى تشوفيه شذى:طب اتفضل مشيت شذى وورااها فارس وطلعت للشقة وفتحتها وشذى قالت لفارس شذى:اتفضل دخل فارس وهى وقفت عن عتبة الباب شذى:ها حلوة؟ فارس:اه اه طبعاً شكراً شذى:طب بص بقى البيت بيتك ..بس هتلاقيه مطرب شوية ومكركب..معلش اصله بقاله فترة مقفول فارس:مش مهم عادى شذى:طب خلاص..تصبح على خير بس ممشيتش فارس عايز يقول حاجة بس محرج اوىى شذى حست بالى عايز يقوله بذكائها الى مش موجود على طوول شذى:دقايق ويكون العشا عندك ..سلام ونزلت جرى لأنها عارفه إنه هيناقشها او يسألها وهى مش عايزة اسأله فارس ارتسمت على وشه ابتسامة استغراب على كل حاجة ومازال مستغرب ليه بتعمل كدا المهم نزلت شذى لمامتها الى كانت واقفة اودام الباب وحاطه ايديها فى وسطها ومستحلفلها عدت من جمبها ولا أكن حاجة حصلت ودخلت على المطبخ وطلعت جبنة واكل العشا الخفيف الام راحت وراها على المطبخ وقالتلها الأم:موديه الأكل دا فين؟ شذى:لفارس الام:لالا انتى عايزة تشلينى صح؟..قولى إنك بتهزرى شذى:لا مبهزرش ياماما الام:انتى اكيد اتجننتى انا كونت عارفة إنك مجنونة لاكن مش لدرجة كدا شذى:لا ياماما انا مش مجنونة وخلاص بقى اهو نكسب ثواب ياحجة الام:انا مش هسكت اكتر من كدا ياشذى شذى:ياماما ايه الى هيحصل الام:وتطلعيله انتى الأكل بتاع ايه؟ شذى وهى شايلة الصنية شذى :خلاص طلعيهوله انتى الام:ااااااه انتى يابنتى ناوية تفرسينى تشلينى تخنقينى شذى:ياماما اهدى بس ياحبيبتى بصى اعتبريه ياستى اى حد مأجر الشقة الام:اما نشوف النهاية ايه شذى:خير إن شاء الله الام:ماشى يابنت بطنى ..6 دقايق ولاقيكى اهنا شذى:اشمعنا 6..فرقت ايه عن 5 على الأقل 5 مشهورة اكتر الام:بتتتتت هتشلينى يابت انا مش نقصاكى..هما 5 شذى:احبك وانت متنرفز واخدت الأكل وطلعت لفارس ودماغها بتجيب وتودى ومش عارفة هتعمل ايه فى المصيبة دى المهم شذى طلعت بالأكل لقت الباب مفتوح لاكن مفيش حركة فى البيت شذى"ايه دا هو مات ولا ايه..اتلمى يابت ياشذى..ههههه" دخلت لقته نايم على الكنبه وزى ما يكون راحت عليه نومه شذى حطت الأكل بسرعه على الترابيزة جمب الباب على طوول (يعنى مدخلتش ها) وخرجت وقفلت الباب وطلعت البيت وقالت لمامتها شذى:اهو جيت بدرى الام:طب ادخلى يلا غيرى هدومك عشان تتعشى..ولينا كلام على العشى شذى:حاضر وغيرت شذى هدومها واتعشت وطبعاً كان العشا لا يخلوا من المناوشات والكلام الكتييير بس فى الأخر شذى ثبتتها وبعد ما اتعشت ودخلت قعدت على سريرها تفكر فى الى حصل شذى"انا مش مصدقة..كل دا النهاردة حصل دا كان يوم تقيييل بشكل...بس بس انا هعمل ايه فى مشكلة فارس؟..ساعديه على قد ما تقدرى ..لأنك السبب فى دا كله وخليكى فاكرة..يووووه ارحمنى بقى اوف" فضلت على دا الحال وفى الأخر غلبها التفكيير ونامت صحيت تانى يوم على صوت مامتها بتقولها الام:قومى ياشذى يلا انا نازلة شذى قامت وحاولت تفوق وقال شذى:ليه ياماما؟ الام:لأ بس اصل عمك قال انه عايزنى فى موضوع مهم شذى:طب بس متتأخريش انا بقلق من الراجل دا الام:طب ماشى مش هتاخر بصى انا عملتلك الغدا هتلاقيه فى الحلل على البوتاجاز والفطار هتعمليه انتى خلاص؟..واوعى تطلعى فوق لفارس شذى:اممممم الاخيرة دى لازمن الام:اه لازمن شذى:انا هطلع السطح حنان:طيب ماشى..سلام شذى:سلام ونزلت مامة شذى وشذى قعدت تفطر وبعدين جابت كتبها وطلعت تذاكر فى السطح وبتفكر فى فارس لاكن حاولت متشغلش بالها وبعد ساعة كدا شافتت ......................... صحى من النوم استغرب انه نام هنا وبعدين افتكر الى حصل امبارح كان جعااان اوىى قام ولقى الأكل وورقة مكتوب فيها "صباح الخير..متبقاش تنام وتسيب باب الشقة مفتوح" فارس ابتسم وفطر وبعديها زهق اوى حط ايده على جيبه لقى موبايله مسكه وقعد يدور فيه وهو بيشبه على المنظر العام للموبايل ككل وحس إنه جواه فضول وشغف كبير إنه يشوف فيه ايه فضل يدور يدور ويحاول يفتكر وشغل اغنية كانت بتمثلة ذكرى شبه على الأغنية وأكنه لسه سامعها من ايام لاكن مش قادرة ذاكرته تجيبه لأكتر من كدا وفضل على الصراع دا بينه وبين ذاكرته لحد ما حس بصداع جامد اوىى حاول يعمل حاجة معرفش بعدها بشوية......... ......................... كانت قاعدة بتذاكر لاكن بتفكر فى فارس وفى حكايته الكبيييرة دى اصل ياجماعة برضوا الموضوع مش صغيير خالص المهم قعدت شوية ولقت اودامها حاجة اتخضت منها ................... قاعدة فى اوضتها بتسمع اغنية بتحبها جداً وبتمثلها الحب..والى هو تعب القلب دا بالنسبالها اصلها بينى وبينكم واخدة تجربة واحدة فى الحب مكملتش مثلها ولانها شايفة كل الى بيحبوا بيتعذبوا وثانياً إنهم كلهم زى بعض المهم قعدت على النت شوية وبعدين لقت حد داخل عليها الأوضة اول ما شافته قامت جرى بفرحه حضنته نارى:سوووما حبي..كل دا غياب "كانت سلمى بنت خالتها" سلمى:معلش يانونو وادينى جيت ياستى وهما لسه فى حضن بعض كل دا قال نارى بعد ما بعدت عنها راحوا قعدوا على السرير البنتين نارى:ايه ياخبارك يابنتى سلمى:بخيير يانونو انتى اخبارك ايه؟ وقفوا وقفوا وقفوا سلمى"بنوتة جميلة ليها وجه جمييل ومنور دايماً..الى يشوفها يحبها جداً ..بتحب تكوون طبيعية محبتش ..او حبت..ممعرفش هنعرف مع الأحداث..مامتها وباباها متوفيين فى حادثة ومامة نارى تبقى خالتها وهى الى مربياااها " نارى:كويسة الحمد الله سلمى:واخبار محمد ايه؟ دخل من الباب وقتها محمد محمد:ايه دا سلمى هنا سلمى:اكيد لقيت البيت منور زيادة عرفت غنى هنا محمد:ياه على التواضع اقدملكم محمد محمد"شاب وسيم خريج هندسة وبيشتغل مهندس فى شركة معرووفة..وخاطب الليدى رانيا..بس فى سر فى حياته محدش يعرفه..هنعرفه إحنا مع الأحداث..طيب اوى وذكى جداً وإجتماعى " سلمى مبتسمة:التواضع من اخلاقى يامحمد محمد:فعلاَ نارى:ايه ياحاج محمد جيت ليه محمد:ايه جاى اسلم عليكى نارى:لا مش عايزين محمد:خلاص جاى اسلم على بنت خالتى سلمى:لأ مش عايزين محمد:ايه دا ايه دا بقى كدا نارى وسلمى هزوا راسهم بأه محمد:طب ماشى ماشى..عمتاً انا كنت جاى اقولكم إن رانيا جاية النهاردة سلمى ونارى بصوا لبعض وبعديها سلمى بصت لتحتيها ونارى بصتله بسكوت اعرفكم برانيا..... .اه ياجماعة لازم تعرفوها دى البــرنسيسة رانيا بتاعتنا رانيا"بنت نص جميلة..لا هى جميلة ولا هى وحشة..لاكن طبعاً الميك اب عامل عمايله فيها..اقدمهلكم دى تبقى خطيبة محمد..مامته مش مقتنعة بيها ولا نارى وبيقولوا عليها الكونتيسه رانيا..رانيا مش قلبها ابيييض خالص ولا طيبة يعنى لو حد غلط فى حقها غلطة صغيرة يكون ليله نهارة والعكس صحيح...رانيا ليها دور فى قصتى وهيآثر كمان فى ابطالى"ـ الموهم محمد استغرب الجو الى اتكهرب دا محمد لسه هيتكلم جت الست الوالدة الام:ايه يامحمد واقف هنا ليه ماتسيب اختك وبنت خالتك فى حالهم محمد:ايه ياماما هو انا هقتلهم الام:لا هو انا مش عرفاك يابتاع المقالب محمد:لااا دا كان زماان انا كبرت خلاص الام: لا ياحبيبى مكبرتش مين الى ضحك عليك وقالك كدا؟ محمد:ايه ياماما الإحراج دا داحنا عندنا ضيوف الام:سلمى مش غريبة ولا ايه ياسلومة؟ماهى عارفة كل مصايبك محمد:ياختىىىىى انا كدا اتفضحت رسمى سلمى ونارى كانوا بيتوشوا هنا وبيقولوا كلام بصوت واطى واتفقوا إن سلمى هتنزل تشم هوا عشان مخنوقة جداً سلمى عدت من بين ماما ومحمد عشان تنزل وموطية راسها فى الأرضة وساكته الام:ايه ياسلوومة رايحة فين؟ سلمى مردتش الام:سلمى سلمى انتبهت وبصت لطنط وقالت سلمى:ها..كنتى بتقولى حاجة ياطنط الام:الى واخد عقلك...بقولك رايحة فين؟ سلمى:ولا حاجة هنزل اجيب حاجة واجى الام:بدرى كدا سلمى:ولا بدرى ولا حاجة"حست إنها كئيبة شوية قالت بمرح"بنت اختك بميت راجل ياقمرتى الام مبتسمة:طب ما محمد ينزل معاكى عشان اطمن عليكى محمد"اوبااااا" سلمى احمرت اوى واتكسفت ومعرفتش ترد عايزة توافق ومش عايزة بصت لنارى مستنجدة محمد لسه هيتكلم قالت نارى بسرعة وهى باصه لمحمد بتمنعه عن الكلام نارى:لا ياماما متقلقيش على بنت اختك دى ارجل منى سلمى بصتلها بصه نارية سلمى"انا قولتلك اتصرفى لاكن مش للدرجاتى يادزمة" طنط مامة نارى صممت وطنط لما تحت حاجة فى دماغها هتعلمها بهدووء خالص دخل محمد يجهز والام دخلت المطبخ وسلمى قعدت على طرابيزه السفره وتحرك رجلها زى الأطفال وتاكل فى ايديها ونارى رايحة جايية اودامها سلمى بنرفزة:بس بقى يابنتى خيلتينى نارى:ايه ياسلومة هتتعصبى عليا سلمى اتنفست واكنها عايزة تطفى النار الى جواها وقالت سلمى:مش قصدى يانارى بس انتى عارفة نارى:ما عشان عارفة عايزة اعرف ليه ماما مصره سلمى:يلا مش فارقه يعنى من غير ما طنط ما توافق كانت هى هى كدا كدا بايظة نارى:والله انا حاسه إن الموضوع فشنك سلمى:ليه يعنى؟ نارى:قلب الأخت ياختى سلمى:طب ياختى متشوفى اخوكى اتأخر ليه نارى:طيب طيب ياساتر عليكى سلمى:بت نارى:انا عايزاكى تجمدى كدا سلمى:ونبى ..انا رايحة احارب نارى بغمزة:اممممم سلمى:بصى هتضربى ساعتها طلع محمد محمد:ايه دا مين هيتضرب؟ سلمى:اختك محمد:يلا مش اشكال انا مش عايزها عمتاً نارى:اه يا اندال يادزم..ايه ياعم محمد محمد:بس يافردة باتا شمال وغمزلها يفكرها بحاجة افتكرتها نارى نارى:هههههه...هههه..ههههه ماشى يامودى محمد:امشى يابت سلمى:بسم الله ماشاء الله عليكوا اسمحولى ابخركوا نارى:انتى الى جبتيه لنفسك سلمى"من زمااااااااان" محمد:طب يلا سلمى:ها..اه يلا وطلع محمد فتحلها الباب خرجت وخرج وراها ومحمد لسه هيقفل الباب قالتله نارى نارى:هى رانيا جاية؟ محمد:لا كلمتها ولغيت الميعاد نارى:احسن حاجة عملتها يا اخويا ياحبيبى محمد:طب سلام مش وقته وقفل الباب ونزل ورا سلمى خرجت سلمى وساكته خالص جداً ولا بتتكلم وباصه للنيل اه اصل محمد وداها على كوبرى بتحب تقف عليه لما تبقى مخنوقة ولأن وهو عارف إنها بتحبه اوىى سلمى"ياااه فى شرع مين دا..يعنى معايا ومش معايا ..نفسى تبقى معايا بجد يامحمد..بقلبك وعقلك وروحك" دمعت اوى ومحستش بنفسها ودموعها بتنزل وكانت بشهق بالراحة خايفة لا يسمعها لاكن مكانتش قادرة المكان الوحيد الى بترتاح فيه وبتطلع الى جواها مقدرتش تقف ومتقولش حاجة سمع صوتها وقال بقلق محمد:سلمى مالك؟ سلمى مازالت على دا الحال محمد:مالك؟ لقاها بتبصله بجدية وفجأة سلمى أتعصبت ووووو.. ....................... وانتهت الحلقة واتمنى تكون عجبتكم ياقمراتى ومستنياكم يا بناات ومتنسووش تقولولى رأيكم سلامووكا | ||||
|
| |
|
07-10-16, 07:49 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الرابعة *آهات القلب* باحبه يا ماما فجأة سلمى أتعصبت وبصتله بعصبية و مسحت دموعها وراحت للعربية وفتحت الباب ووقفت و لفتله وقالت سلمى:انا عايزة اروح محمد:مالك يابنتى....ولا تكونيش بتحبى؟ سلمى بنرفزة وعصبية: محبتش ومبحبش ومش هحب ودخلت العربية وقفلت الباب او رزعته وبصتله من الشباك وقالت سلمى:هتروحنى ولا انزل اركب تاكسى محمد:لالا وعلى ايه يابنت الحلال هروحك وركب العربية وفى باله مليون سؤال اما سلمى بتعيط بهدوء وبعديها بشوية لقته رايح لمكان بيت خالتها ام نارى قالتله سلمى سلمى:انت رايح فين؟ محمد:مش قولتى عايزة تروحى...هنروح سلمى:انا عايزة اروح بيتى محمد وقف العربية وبصلها وهو مذهول ومندهش ومش مصدق ماكانت كويسة محمد:فى ايه؟..انتى حالك مش مظبوط من الصبح سلمى:عادى يعنى..حاجة اعتقد إنها متهمكش او تهمك متفرقش سلمى"ما هو انا تعبت محايله ودلع بقى..خلاص كله انتهى..مش يجرحنى واعامله احسن معاملة..وطول مانا بعامله كويس هجرح قلبى اكتر" محمد بهدوء فيه نبرة غضب محمد:واضح إنك لازم تروحى دلوقتى وحالاً عشان تهدى لأنك لو هتفضلى على الطريقة دى مش هينفع سلمى ببرود:ياريت وبسرعة محمد بصلها بذهول وهى باصه الناحية التانية فى الشباك ودموعها بتنزل بصمت ساق وهو كتلة من الغضب ووصلوا لبيتها نزلت سلمى من غير ولا كلمه ولا حتى بصتله وتجاهلته وأكنه هوا ورزعت باب العربية لما طلعت وطلعت جرى على بيتها ودموعها سبقاها محمد بحيرة "مالها دى " لغز حله عند سلمى ونارى بسسس بس ايه هو الحل ؟..هنعرفه على مدار الحلقات ................. قاعد فى اوضته بيفكر فى اى خطه لكن ولأول مرة يعجز عن ايجاد خطة شادى"انا مالى كدا خايب المرة دى..ما هى زيها زى سوزانا وشاهى وماجى وروبى...لالالا اعقل دى الجامعة كلها بتجرى وراها اما التانين كانوا الجامعة بتجرى منهم...ياسلام مانا بنات الجامعة كلها بتجرى ورايا..اهدى بقى دى مش زيهم دى هتكون نهايتك..ها لا ياخويا زيهم كلهم وكلهم زى بعض" المهم قام قال يقعد عالى النت وفتح الفيس بوك وقعد يكلم اصحابه كتيير وقبل ما يقوم لقى اكاونت اسمه " princess nare " شادى"تفتكر الى فى بالى؟" دخل البروفيل بتاعها ملقاش اى صور حتى صورتها الرمزية بنوتة بتجرى فى جنينة وضوء الشمس معكوس على شعرها الذهبى سرح شوية شادى فى الصورة مع إنها مش حقيقة وبعديها فاق لما لقى الأكاونت اون لاين شادى"انا لو كلمتها احتمال تهزئنى..تهزئك؟دانت طيب دى بس بس هتوريك النجوم فى عز الضهر..اسكت يلا بقى" وفضل على دا الحال ومبعتلهاش فى النهاية ............... نارى قاعدة على اللاب بتاعها وسمعت الباب بيتقفل يادوبك فتحت الفيس وقامت وسابته مفتوح وراحت لمحمد لأنها متأكدة انه هوا نارى كانت فرحانة وماشية بتتنطط (عادى يعنى) لحد ما وصلت للباب وشافته لوحده نارى ابتدت الفرحة تروح من على وشها تدريجياً نارى:فين سلمى يامحمد؟ محمد: روحت نارى عقدت حواجبها وقالت نارى:نعم!!..دى كانت هتبات محمد:اهو طلبت إنى اوصلها لبيتها نارى:هو محصلش حاجة محمد:حاجة فى ايه يانارى..انا عايز انام تصبحى على خير نارى:طب طب طمنى كانت كويسة محمد ادير وبصلها دقيقتين ودخل اوضته نارى:لالا انا عارفة يامحمد الصامت مش هاخد منك عقاد نافع واخدت التليفون الأرضى ودخلت اوضتها وطلب نمرة بيت سلمى وبعد ربع ساعة رن على التليفون اتفتح الخط لكن سمعت نارى حاجة خضتها وقلقتها اكتر واكتر ............... محمد قاعد فى اوضته تايه بيفكر فى حاجات كتيير مش هنعرفها دلوقت لاكن مش طايق نفسه..ازاى تكلمه كدا؟ ازاى وليه؟ طب اشمعنا هوا عملها ايه؟ فضلت الشكوك والاحتمالات تدور فى دماغة ............. بعد ساعة شافت شذى فارس دااايخ اوى وشكله مش مظبوط اتخضت فى الأول وجريت عليه بعديها سندته وقعدته على كنبه فى السطح وبعدين حطت ايديها على راسه لقته سخن اوى شذى:ياخبر؟..هو ايه الى حصل؟ فارس مش قادر ينطق ولا يتكلم شذى:طب طب ثوانى وطلعت واتصلت بالدكتور المشرف على حالته فاكرينه؟ الدكتور:الو شذى:ايوة يا استاذ نادر الدكتور:اهلاً انسه شذى..اخبار استاذ فارس ايه؟ شذى:اخباره مش كويسة خالص الدكتور:ليه خير حصل اهيه؟ شذى:سخن اوى يادكتور وبينه بيتألم الدكتور:طب تعالوا المستشفى شذى:مش هينفع يادكتور مش قادر يتحرك الدكتور:طب هاتى عنوانك وانا اجي شذى:طب يادكتور..المنيل الروضة الدكتور:طيب انا جاى بسرعة شذى:ياريت يادكتور وقفل الدكتور ومسافة السكة وكان جه للسطوح كشف عليه وعلى وشه علامات القلق شذى بقلق:خير يادكتور؟ الدكتور:مش خير خالص..انا قولت لحضرتك متخليهوش يفتكر كل حاجة فجأة شذى:والله يادكتور ما فكرته اصلاً بحاجة الدكتور:يبقى هو حاول يفتكر..وحصل صراع بينه وبين ذاكرته ودى كانت نتيجته شذى:طب والحل يادكتور؟ الدكتور:بصى هتعمليله كمادات مع الأدوية دى خلاص؟ شذى:طب يادكتور الدكتور:والسبوع الجاى تجولى شذى:طيب يادكتور..انا اسفة تعبناك معانا الدكتور:مفيش تعب ولا حاجة ووصلت الدكتور لحد تحت وطلعت على بيتها عملت كمادات وطلعت لفارس وقعدت جمبه وحطت الكمادات على وشه وكل دا وهو مغمض عيونه مش قادر يفتحها ولا يبذل اى مجهود حتى يفتح عنيه شذى فضلت تبصله وكان صعبان عليها اوى ودموعها غصب عنها نزلت بهدووء شذى"انا السبب انا السبب..غبية وادى اخرت غبائى..خسر حياته العمليه وكل حاجة حلوة خسرها...واما يعرف ياعالم هيجراله ايه" ووقفت دموعها وسرحت فيه فضلت تعمله كمادات وتغيرها ورن تليفونه الى كان معاه لما طلع ووكان على الأرض اخدته وشافت الى بيتكلم وكان (هانى) فتحت ومتكلمتش هانى:فينك يادكتور فارس..ايه يابنى مش هتيجى الجامعة دانت عمرك ما عملتها دانت اسمك مشهور بالإنضباط وبعد الكلام دا كله لقى محدش بيرد هانى:الوو الوو؟فارس مبتردش ليه؟ شذى قفلت بسرعة شذى"كويس ادينى عرفت حاجة.. يعنى هو دكتور فى الجامعة" وفضل الموضوع شاغلها وفضلت تعمله الكمادات وتغيرها لحد ما فاق ونزلت السخونية شوية وفتح عنيه بإرهاق شذى بفرح غريب حست بيه شذى:استاذ فارس..حضرتك بخير؟ فارس:ااااه..حاسس بوجع فى راسى اوي وقالها بتعب وارهاق شذى دمعت تانى وقالت بصوت عادى شذى:خير يادكتور إن شاء الله فارس بص لشذى بإرهاق وقال فارس:هو انا ايه الى جرالى؟ شذى:انا لقيت حضرتك طالع هنا وكان شكلك تعبان وكنت سخن اوى طلبت الدكتور وقال ان دا نتيجة صراع بينك وبين ذاكرتك فارس:آآه شذى:انا كنت عايزة اقولك حاجة فارس:اتفضلى شذى:انت عارف بتشتغل ايه؟ فارس:ايه؟ شذى:دكتور فى الجامعة فارس بذهول:ايه؟ شذى:انا عارفة إن الموضوع صعب عليك بس هيتحل إن شاء الله وهترجع احسن من الأول بعديها فارس:ازاى؟..وانا مش عارف افتكر حتى الى ذاكرته شذى:متقلقش ..بس ممكن ياريت دا ميتقررش تانى؟ فارس:وافضل كدا تايه مش فاكر حاجة ولا عارف ..ولا حتى لاقى حد يساعدنى شذى بتلقائية بدون تفكيير شذى:ايه الكلام دا اومال انا بعمل ايه يادكتور؟ فارس:انتى انسانه كويسة اوى ياشذى شذى بكسوف:ميرسى يادكتور فارس:ممكن اسألك سؤال؟ شذى بتوتر غريب شذى:اتفضل فارس:هو انتى بتعملى كل دا ليه؟ شذى"يالهوى هرد عليه بإيه؟..احسن حاجة الإستهبال" شذى:بعمل ايه يعنى؟ فارس:يعنى بتساعدينى رغم إنك متعرفنيش شذى:ها..عادى فارس"عادى!!!" وساد الصمت بينهم فارس محتار جداً وايه الصعب فى الى قالوا ومالوش اجابة؟ اما شذى مش عارفة تعمل ايه ولغاية امتى هيمتد كذبها؟ شذى حبت تقطع الصمت دا وقالت وفارس كذلك قالوا الإتنين فى نفس الوقت شذى وفارس:انت فطرت\شكراً على الفطار فارس وشذى ضحكوا شذى:طيب هسيبك تريح شوية وهنزل ولسه بتلم حاجاتها فارس بيحاول يقوم فارس:لالا انا الى هنزل انتى كنتى بتذاكرى شذى:اممممم..عمتا ً انا هنزل اجيب حاجات فارس:ينفع انزل معاكى اهوو اتعرف على المكان هنا شوية شذى:بس انت تعبان؟ فارس:لا انا حاسس إنى احسن شذى:طيب ثوانى هنزل اغير هدومى واجى فارس:طيب ونزلت شذى غيرت ولبست كدا  وطلعت السطح اول ما فارس شافها سرح فيها شذى اتكسفت وقالت شذى:مش يلا؟ فارس:ااه اه يلا ونزلوا وكانت شذى نازلة تتمشى على النيل فارس رن موبايله وكان مكتوب على الموبايل "ليلى" شذى حست إحساس غريب وبسرعة جداً عملت حاجة غريبة ................... مامته خرجت (اصلها بتعمل شوبنج) وهو قاعد يتفرج على التليفزيون واخته بتذاكر (اه ما هو ليه اخت) وبعدين موبايله رن وكان صاحبه رامى شادى:ايوة يا رامى رامى:ايه ياسيدى مالك من يوم النادى وانت قافش شادى:عادى يابنى..خير رامى:خير ياشيدو بقولك هتخرج النهاردة؟ شادى:احتمال لأ رامى:ليه شادى: زهقان على تعبان رامى:وهو الى زهقان يقعد فى البيت..ولا نارى لسه معلقة معاك..يابنى سيبها بدل ما هى تعلقك شادى:مش عارف مالها نارى دى الى بتخوفونى منها..دى زى اقل بنت عرفتها رامى:شادى فكر...انت كدا داخل برجلك للى هيطلع عينك شادى:بكرة تشوف ياسى رامى رامى:ماشى ياشيدو انا حذرتك ..سلام شادى:سلام وقفل وسرح فى باله شادى"مالها يعنى نارى الى بيحذرونى منها...دى اقل من اى واحدة عرفتها..توء توء متكدبش بقى انت لو كانت اقل من اى واحدة عرفتها مكنتش جريت وراها...اه هى جميلة لاكن دا تقل بنات ..انت اصلاً هتودينا فى داهية وترجع تعيط...ملكش دعوة والى فى دماغى هيمشى " قطع عنه تفكيره جاتله اخته بتقوله اخته:شادى انا عايزة انزل شادى:طب ما تنزلى يا شيرى شيرى:لوحدى؟..وبعدين ماما معتبه عليا منزلش لوحدى شادى:مانتى عارفة ماما Normal بالنسبالها يعنى شيرين قعدت جمبه وقالت بلهجة زعل شيرين:شيدوو انا عايزة انزل معاك ياحبيبى شادى:لازم ياشيرين انا تعبان شيرين:عشان خاطرى ياشيدوو بقى يلا شادى:طيب روحى البسى وانا هدخل البس شيرين باسته بفرحة ودخلت اوضتها تلبس شادى قام لبس ونزل راحوا نادى واتمشوا ورجعوا البيت ملقوش مامتهم عادى خالص شيرين نامت وشادى كان بيفكر فى حاجة ونااام ....................... اتصلت نارى ببيت سلمى تطمن عليها وبعد مرااات كتيرةردت سلمى بصوت مرهق جداً وضعييف اوى سلمى:الو يانارى نارى بخضة:مال صوتك ياسلمى ياحبيبتى ومالك؟ سلمى:مالى يعنى..اهو عايشة نارى:معلش ياحبيبتى استحملى...بس عشان خاطرى متعمليش فى نفسك كدا هاجيلك سلمى:مش قادرة يانارى مقدرتش استحمل يبقى معايا ومش معايا نارى:ربنا هيفرجها إن شاء الله ياسلمى سلمى:لا لا خلاص انا هنساه ايوة هنساه عادى يعنى..هيحصل ايه؟ايوة مش هيحصل حاجة..هنساه..(وسكتت شوية وبعياط)لالا مش هقدر انساه نارى نزلت دموعها حزناً على بنت خالتها واختها نارى:سلمى عشان خاطرى..بصى انا هاجى اخدك تباتى معايا سلمى:لأ يانارى معلش انا عايزة اقعد لوحدى نارى:ما يا اما اجى اقعد معاكى يا تيجى تقعدى معايا سلمى:لا تعالى انتى انا مش هينفع اجيلكم دلوقتى مش عايزة اشوفه نارى:طب انا هجيلك هخليه يوصلنى واجيلك سلمى:يوصلك بس ها نارى:ماشى سلام سلمى:سلام وقفلت ونارى لبست وراحت لمحمد وخبطت على الباب وقال محمد محمد:ادخل نارى:محمد انا عايزاك توصلنى لسلمى محمد:ليه؟ نارى:ايه الى ليه كدا محمد:لا وانا عايز اعرف ليه نارى:عادى يعنى وانت مالك محمد:نااارى نارى:ايه يامحمد عادى عايزة اروحلها محمد"مش هعرف اخد منك لا حق ولا باطل نارى:هتيجى ولا انزل لوحدى محمد:اطلعى بره طيب عشان اغير هدومى نارى:طيب وطلعت وبعديها بدقايق طلع محمد واستأذنت نارى من مامتها وقالتلها فى الخباثة إنها هتبات عند سلمى عشان تعبانة ومامتها اتخضت ووافقت إكمن يعنى سلمى عايشة لوحدها وقالتلها تبقى تطمنها وبعدين نزلوا ركبوا الإتنين فى العربية بصمت محمد مبيتكلمش بس هيتجنن ويشوف ليه سلمى بتعمل كدا معاااه هو بس ووصلوا لبيتها ونزلت نارى من العربية ولسه محمد هينزل نارى:رايح فين؟..انا هطلعلها مانت عارف قاعدة لوحدها..سلام ومشيت وراح عند باب عمارتها ورنتلها عشان تنزل تفتحلها الباب بتاع العمارة(اصله مقفول بالمفتاح) سلمى نزلت بحالها زى ما هو حتى مغسلتش وشها واخدت المفتاح بتاع العمارة ونزلت بتجرى عايزة تترمى فى حضن...فى حضن نارى ماهى ملهاش غيرها ونزلتلها فعلاً وفتحت باب العمارة واترمت فى حضنها جامد وانهارت فى البكاء نارى بتمسح على شعرها وبطبطب عليها وبعد 10 دقايق على دا الحال نارى قالت بنبرة هادية نارى:اهدى ياروحى اهدى..احنا فى الشارع يلا نطلع ونتكلم براحتنا انا قاعدة معاكى اليوم كله سلمى بعدت وهى بتشهق زى الأطفال ومسحت دموعها بشهق برضوا زى الأطفال واخدتها نارى وطلعوا لبيتها مين كان متابع الموقف؟ محمد كان هيتجنن ويعرف لييه كل دا ركب عربيته ودماغه بتجيب وتودى وسرح وفوقه من سرحانه إنه........ ................. فارس رن موبايله وكان مكتوب على الموبايل "ليلى" شذى حست إحساس غريب وبسرعة جداً عملت حاجة غريبة واخدت الموبايل بسرعة من ايده وقفلته فارس بصلها بإستغراب مستفسر شذى:مش هنحتاجه الفترة دى خاالص..عشان ميجراش الى جرى النهاردة ..خلاص؟ فارس:خلاص ووقفوا عند الكوبرى وسرحت شذى فيه واما فارس كان سرحان برضوا بس قال فارس فارس:هسألك سؤال غرييب شوية..انتى بتحبى؟ شذى استغربت السؤال بس قالت متعارضش على حاجة هايفة شذى بسرعة:لالالالالا خالص فارس بإستغراب:ايه الخضة دى؟ شذى:لا ابداً بس مفيش حد بيحب مرتاح فارس:نظرية برضوا شذى:انا ونارى مسمينا فى الجامعة الشاويش عطية فارس بضحك:هو فى شاويش حلو كدا؟ شذى اتكسفت وقالت شذى:احم احم فارس:ههه خلاص خلاص اسف شذى:متتأسفش يادكتور فارس:وليه بقى مسمينكم كدا؟ شذى:عشان اى ولد بيكلمنا بتبقى الحجة والدته داعيه عليه فارس:ههه شذى:دا اخرهم شادى فارس:شادى مين؟ شذى:دا واحد كدا او زى ما تقول دنجوان الجامعة مفيش دفعة بنات عدت من تحت ايده سالكه..وصعب عليه نارى إنها موقعتش فى حبه وبيمثل عليها الحب..بس مقولكش نارى ادته حتت كوباية لمون..فريش فارس:هههه...لا بجد دانتوا الشاويش عطية بجد شذى:بقى كداا؟ فارس:ما بالطريقة دى تبقوا فعلاً كدا شذى:ماشى هعديها بس عشان ضيفى فارس:بس سؤال يعنى..انتى من الصبح بتقولى نارى مين نارى؟شذى مبتسمة:هو انا مقلتلكش فارس:لأ شذى:نارى دى توأم روحى ..اختى الى مجابتهاش ماما صاحبتى من اولى ابتدائى لحد دلوقتى فارس:لااا واضح إنكم اصدقاء فعلاً شذى:الا صحيح قولى انت هتعمل ايه فى موضوع الجامعة؟ فارس بحيرة:مش عارف؟ شذى:انا شايفة إنك تروح للمدير وتكلموا وتاخد مدة اجازة فارس:وهتفيد بإيه الأجازة؟ شذى:لا هتفيييد كتيير بس اسمع كلامى فارس:طب ليه يعنى شذى:هتذاكر فارس:نعم؟لا بتهزرى شذى:no فارس:وهرجع لأيام طب تانى؟ شذى:مقدمكش حل غير كدا فارس:صعب اوى شذى:ما لازم تعمل كدا عقبال ما ترجعلك الذاكرة عشان المدة دى مينفعش تغيبها عن الجامعة فارس:يعنى مفيش إلا كدا شذى:ايووة..وبعدين يلا بقى عشان اتاخرت فارس:يلا وروحوا بس طول الطريق كانوا لوك لوك لوك كلااام كتييييير وشذى الحقيقة دوشته جداً ووصلت وسلموا على بعض ودخل فارس نااام ودخلت شذى لقت مامتها قاعدة فى اوضتها وشكلها مهموم راحتلها وقالتلها شذى:مالك يامامتى الام:انا الى مالى..كنتى فينشذى:كنت..كنت مع فارسالام:انتى ناوية تشلينى ياشذى..يعنى قعد هنا وقولنا ماشى لاكن تخرجى معاه كمان شذى:ياماما والله متأخرنا الام:خلاص انتهينا خشى نامىشذى:سيبك انت ياجميل...صحيح عملتى ايه مع عمى الام بشرود:ها؟..ابداً شذى:مالك ياماما انتى فيكى حاجة والحاجة دى متعلقة بعمى الام بحيرة:ااه شذى:انا قولتلك بلاش تروحيله الراجل دا مجنون الام:طب اسمعينى ياشذى عشان نقرر شذى:اتفضلى الام:عمك عمك..قال..قال شذى بحيرة:ايه ياماما؟ الام:زى مانتى عارفة ابوكى كان قايل الوصية تتفتح لما شذى يبقى عندها 23 سنة شذى:اه صحيح..اه قال كدا الام بصت فى الأرض ورفعت راسها وقالت بسرعة الام:خلاص خلاص هتعرفى بعدين شذى:قوليلى ياماما الام:خلاص ياشذى بعدين شذى:براحتك ياماما ..................... باحبه يا ماما انتهت الحلقة وياترى ايه الوصية؟ سؤال هنعرف إجابته على مدار الحلقات منتظراكم يا بنات وأهى الحلقة طوييلة اهى اطول حلقة فى كل قصصى الى فاتت ومتنسوش تقولولى رأيكم | ||||
|
| |
|
07-10-16, 07:50 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الخامسة "قلبك هنساه..وحبى انا همحيه" باحبه يا ماما صحيت سلمى مصدعة جداً وبصت على نارى الى كانت قاعدة على الكنبة بس نايمة وكانت سلمى نايمة على رجلها وفاردة جسمها على الكنبة وابتسمت ونيمتها على الكنبه وغطتها ورمت نفسها على الكرسى وآهات الحب مش سايباها ونار الحب بتاكل فيها وافتكرت الى حصل امبارح ككل ونزلت دموعها بس بهدوء تااام غمضت عيونها بهدوء وافتكرت زماان ..................... فلاش باك كانت فى 3 اعدادى "ومامتها وبابها توفوا فى حادثة لما كانت فى 6 ابتدائى وكانت قاعدة عند خالتها" وكانت قاعدة على اعصابها اصل كان يومها طلوع نتيجة محمد كانت على نار زى ماتكون نتيجتها بالظبط وفجأة الباب رن الجرس فتحت ولقت على وشه علامات الحزن وبصلها بحزن وبعدين بص فى الأرض بحزن سلمى:ايه يامحمد؟..عملت ايه طمنى فضل على دا الحال كام دقيقة سلمى خلاص كان هيغمى عليها وقالت سلمى:رد عليا يا محمد عملت ايه وخلاص كانت عيونها دمعت محمد فجأة شالها ولف بيها جامد وقال محمد:97% ياسلومتى وبعد دقيقيتين مروا على سلمى ببطئ كانت بتستوعب الى حصل نزلها ووقفها قدامه وخدودها احمرت اوىى وفضلت بصاله مزهولة وبعدها فاقت من الصدمة وجريت على اوضتها وفتحت الباب ولسه هتدخل لفت وقالتله سلمى:مبروك ودخلت جرى ابتسم على كسووفها وهى دخلت اوضتها فضلت تلف فى الأوضة وتدوووور وكانت فرحانة جداً رغم إنها كانت مكسووفة مووت ................... فاقت من ذكرياتها لقت نفسها بتبتسم ودموعها بتنزل مسحت دموعها ولقت التليفون الأرضى بيرن راحت ترد لقت خالتها سلمى:ايوة ياماما ازيك سلوى"مامة نارى ومحمد وخالتها" سلوى:مش كويسة ابداً ياسلمى سلوى:ليه خير ياماما سلوى:محمد عمل حادثة ونقلوه على المستشفى سلمى اتجمدت مكانها ودموعها الحاجة االوحيدة الى تحركت فيها ونزلت من عيونها متقدرش تسمع حاجة تمس روحها بسوء ومتحزنش ومتبكيش سلمى بسرعة فاقت على صوت سلوى سلمى:طب ياماما عنوان المستشفى ايه وهاجى انا ونارى سلوى:مستشفى ــــــــــــــ سلمى:طب سلام يامااما سلام وصحت نارى وقالتلها وكان رد فعلها لا يقل عن رد فعل سلمى لبسوا ونزلوا الإتنين بسرعة وركبوا تاكسى وراحوا على عنوان المستشفى وسألوا على مكانه وقالولهم وطلعوا لقوا سلوى منهارة من العياط قعدت نارى تهديها لاكن سلمى اخدت جمب بعيد عنهم ودارت بإيديها بوشها وبكت اكتر بعد ما الدكتور قالهم إنه حالته خطيرة استأذنوا من الدكتور إنهم يدخلولوا حتى لو واحدة واحدة بس يشوفوا ووافق بشرط إنهم ميزودوش عن 5 دقايق دخلت الأم وبعدين نارى وبعدين جه الدور على سلمى كانت بتقدم رجل وتأخر رجل بس وقفت ومكانتش عايزة تدخل لاكن اتغلب عليها قلبها زى كل مرة ودخلت وقعدت جمبه وبكت بحرارة وكانت بتشهق من غير صوت زى الأطفال وقالت سلمى:الف سلامة عليك يامحمد...ياريتنى كنت انا ياريتنى...انا عمرى ما حبيت حد كدا...بس انت مش اى حد...حتى لما قررت ابعد رجعت...انت مكتوبلى ولا ايه يا ابن خالتى...بس خلاص حتى لو مش هكون ليك المهم اشوف بسمتك..(وبعياط اكتر)اصحى يا محمد عشان خاطرى جت الممرضة وقتها الممرضة:يلا يا أنسة المدة خلصت لو قعدتى اكتر هيبقى خطر عليه طلعت سلمى وعيونها على محمد ومن ساعة ما طلعت قاعدة على جمب لوحدها للعلم سلوى بلغت رانيا بمرض محمد..لاكن رانيا قالت بلا مبالاه إنها هتيجى بكرة وعدت 4 ايام ومحمد على نفس الحالة ورانيا مجاتش وخالتو ونارى وسلمى بايتين ودموعهم مسابتهمش ولا جفت وفى اليوم الخامس قالتلهم سلمى إنها هتجيب حاجة وتيجى ولاكن هى كانت رايحة على الكوبرى تفضفض ليه وصلت سلمى للكوبرى ووقفت وقالت بحزن سلمى:حبيبى تعب...عارفة إنه اصلاً مكانش ليا..بس صدقنى حاسة هيكون ليا...وحتى لو مكانش بحب اشوف بسمته اوىى ..آآآآآآآآه لو تعرف الى جوايا ...خلاص انا مش هبعد تانى طلاما فى البعد عذاب وفى القرب عذاب.. عذاب فى قربه احسن على الأقل هشوف بسمته وهشوفه وفضلت تتكلم كتيير ورجعت وهى واصلة لقرار إنها مش هتسيبة وسمعتهم بيقولوا إنه فاق وحالته اتحسنت طبعاً فرحت جداً لاكن مكانتش عايزة تدخل خرجت الأم تسأل الدكتور عن حالته ونارى تجيبله اكل وسلمى لسه هتدخل لقت الى بيزقها بعيد عن الباب سلمى بذهول:رانيا؟ رانيا بطريقة سوقيه رانيا:ايوة ياحبيبتى رانيا سلمى بإرتباك:اهلاً يارانيا انتى جايية لمحمد؟ رانيا:اه طبعاً..محمد حبيبى وخطيبى انا بس..فاهمانى ياست سلمى..(وقربت منه وضربتها على خدها بصوباعها بخفة وتحدى)محمد بتاعى انا ياسلمى وعمرك ما هتخليه يحبك ولا عمرك هتاخديه منى سلمى بعصبية سلمى:ايه الى انتى بتقولــ رانيا مقاطعة:ششششششش مش عايزة دوشة عشان حبيبى ميصحاش سلمى دمعت ومشيت بسرعة من ادام رانيا من كلام وراحت لمكان نارى لقتها بتتكلم فى التليفون وبتشاورلها تتطلع الاكل لمحمد سلمى بنرفزة:لأ نارى بعدت التليفون وقالت نارى:عشان خاطرى ياسلومتى سلمى:لأ يانارى الى ماتتسمى جوا نارى:متكلميهاش سلمى:طيب يانارى عشان خاطرك بس ووافقت بإستسلام واخدت الأكل وطلعت وكانت عايزاها متكلمهاش اخدت الصنية ووقفت ورا الباب وسمعت الى متمنتش تسمعوا سمعت الحوار دا رانيا بدلع:بحبك ياقلبى محمد:وانا كمان بحبك يارينو رانيا:بص ياحبيبى هطلب منك طلب محمد:اؤمرى ياقلبى رانيا:انا مش عايزاك تكلم البت الى اسمها سلمى دى تانى محمد صعق وسكت بيستوعب برا سلمى شهقت وحطت ايديها على بقها ودموعها نزلت بصمت مش قادرة تتخيل سلمى"لعبتيها صح يارانيا..هتبعدى عنى حبيبى وهتقطعى كل الأمالى الى موجودة ليا" سلمى منتظرة رد محمد بفارغ الصبر والــ 5 دقايق فاتوا عليها 5 سنين سلمى"لأ لأ يايوسف ارفض..متساعدهاش على إنها تبعدنا" محمد:ليه يارانيا؟ رانيا:هو كدا..يانا ياهيا سكت محمد مصعوق وسلمى بره حزينة ومنتظرة رده بفارغ الصبر محمد"سامحينى ياسلمى" محمدرد وهو بيعرق بشدة ومرتبك محمد:حح..ح..حا..حاضر يا رانيا رانيا:ايوة كدا ياحبيبى وابتسمت ابتسامة ماكرة خبيثة مأخدش محمد باله منها سلمى وقعت منها الصنية ودموعها نزلت جامد وبالصدفة كانت معدية ممرضة راحتلها وقالتلها بقلق الممرضة:حضرتك كويسة ياانسة سلمى مسمعتهاش الممرضة:يا انسة سلمى:ها..لالا كويسة. وطلعت تجرى وكانت هتعمل كذا حادثة ووصلت بيتها ودخلت اوضتها ورمت نفسها على سريرها منهارة من البكاء وفضلت تقول بصراخ سلمى:هنسااااااااك يامحمد..(بسخرية)ياحبيييبى...� �هقتل قلبى وادوس عليه..وهنساااااااااااااااا اك ................. الوضع عند شذى ماشى تمام بقالهم شهر وبتتعامل هى وفارس وبقوا اكتر من الإخوات كمان وبتحكى شذى لفارس كل حاجة مضايقها وبتفرح لما بيخرجوا مع بعض وبتبقى سعييدة اوى والإتنين مبيخبوش على بعض حاجة وفى يوم عند شذى بليل وهما بيتعشوا ولسه قاعدين قالت الأم الام:شذى انا عايزة اقولك على حاجة شذى:قولى ياماما الام:فاكرة من فترة لما كان عمك عايزنى شذى:اه ياماما..وكنتى متضايقة الام:انا هقولك كنت متضايقة ليه..انتى عارفة ابوكى شارط إن عشان الوصية تتفتح يكون عمرك 23 سنة شذى:اه ياماما وبعدين الام:الوصية اتفتحت..وياريتها ما اتفتحت شذى:ليه ياماما خير؟ الأم:خلاص ياشذى هقولك بعديين شذى:فى ايه ياماما بتهربى منى كل شوية من الموضوع دا ليه ليه الام:خلاص ياشذى قولنا بعديين مشيت شذى لأوضتها والام قعدت حيرانةسهر"سامحينى ياشذى بس مش هقدر اقولك هلاقيلها حل ..ماهو مش هينفع ابوظ صورة ابوها فى عيونها ..حرام عليكى اومال تعذبى البنت على وهم فاضى..بس بقى اسكت منك لله ياسعيد عذبتنا وانت عايش وبتعذبنا وانت ميت " رجع محمد من المستشفى وملاحظ انقطاع سلمى الكبيير عنه دا ولو جت لنارى مبتكلموش حتى وجت سلمى يوم لنارى وفتحلها محمد محمد مبتسم:أهلاً ياسلمى سلمى:طيب ..نارى موجودة محمد"مالها دى" محمد:اه موجودة اتفضلى دخلت سلمى وهى باصه قدامها ولا حتى بصت ليه محمد استغربها ووقفل الباب وقالها يوسف:سلمى سلمى لفتله وقالت ببرود سلمى:نعم محمد:مالك الايام دى محمد:عادى يعنى ...انا داخلة لنارى..واه مفيش سبب عشان تعرفه اصلاً..وانت عايز تعرف ليه ؟ محمد:عادى يعنى أخ بيطمن على اخته سلمى بسخرية:اااااه اخ...اوك وابتسمت بسخرية وتريقه ودخلت اوضة نارى ومحمد مستغرب ودخل اوضته هو كمان دخلت سلمى لنارى وحضنتها اصلها بقالها كتيير مراحتلهاش نارى:كدا يادزمة بقالك كتير مش بتيجى سلمى:معلش يانونو انتى عارفة الى فيها نارى:لو اعرف بس ايه الى غيرك مانا اقنعتك اخر مرة سلمى:ياحبيبتى خلاص محمد بالنسبالى راح وانتهى كمان نارى بإستغراب:للدرجادى ياسلمى..وبعدين هو حصل ايه؟ سلمى مبتسمة:واكتر كمان..حصل ايه بقى مش مهم..قوليلى اخبار الفيس ايه؟ نارى:كويس..ايه دا ايه دا دا حد باعتلى رساله سلمى:طب افتحيها نارى:دا اسمهSHEDO سلمى:الله الله وبقالك شيدو كمان نارى:بس يابت ياترى دا الى فى بالى وبالكم ولا؟ المهم فتحت الرسالة لقتها رساله عادية إن واحد معجب بيها(ماهى الحاجات دى بتحصل كتيير فى الفيس) لاكن من مين معرفتش تعرفوا انتوا بقى من مين؟ مش مهم هنعرف بعديين .................... تانى يووم المغرب كدا شذى كانت زهقانة مووت طلعت تتمشى فى السطح وكان يوم جمعه لقت فارس قاعد فووق واودامه ترابيزه عليها ورق كتيير وهو كان منهمك فيه استغلت فرصة إنشغاله واتسحبت لعنده وقالت بصويت شذى:فاااااااااااااااااارس فارس اتخض وبصلها وقال فارس:والله قاعد هنا مسافرتش..وبعدين فى حد ينادى على حد كدا حتى مفيش احم احم شذى:توء انا عايزة اخضك فارس:طيب ايه ورا طلتك البهية شذى: امممممممم ..ابتاً فارس بنص عين:فعلاً شذى:بصراحة لأ فارس:انا قولت كدا من الأول..خير شذى:زهقانة وعايزة انزل ((متستغربوش ماهى بتعتبره اخووها او....... ، اخوها برضوا )) فارس فهم بس بيستهبل فارس:طيب ماشى انزلى شذى:تصدق إنى مش هاجى اقولك حاجة تانى فارس:استنى يامجنونة هنا..روحى البسى شذى بإستهبال وهى بتلعب فى خصلة من شعرها شذى:ليه؟ فارس وهو بيقعد فارس:خلاص بلاش شذى بسرعة:لالالا خلاص هنزل البس واطلعلك..طب وشغلك فارس:خلاص خلصته يلا بقى هترغى كتير ولبست كدا ..............  وكانت قمررر ونزلوا الإتنين واتمشوا وراحوا الكرنيش وطلبت شذى ترمس شذى:عايزة ترمس فارس:متأكدة شذى:ااااه فارس:خلاص هاجبلك إيس كريم شذى فهمته وقالت شذى:اااااه..اوكى هاتلى إيس كرييم فارس:تمام هجيبلك ترمس ودى كانت إحدى ومواقفهم (مش بقوولكم) كانت قاعدة على ثور الكوبرى وبتهز رجليها وفارس فضل يقنع فيها ساعات إنها تقوم وهى ابببببببداً وممكن تقع طب وبعديين دى دماغها وألف سيف تفضل قاعدة فارس:قومى ياشذى شذى:توء فارس:مش هقوول تانى شذى:توء توء فارس:كدا؟..طيب وبص الناحية التانية عمل نفسه مشغول بحاجة وشذى إستغربت إنه معملش حاجة بس فى ظرف ثانية اتغير تفكيرها حصل ايه؟........... ......................... باحبه يا ماما وانتهت الحلقة وياترى ايه الوصية وايه الى حصل عند شذى؟ هنعرف دا فى الحلقة الجايية ومنتظراكم يا قمرات ومتنسووش تقولولى رأيكم سلاموكا باحبه يا ماما | ||||
|
| |
|
07-10-16, 07:50 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السادسة "الوصية" باحبه يا ماما فى ظرف ثانية فارس بصلها فجأة وشدها لتحت عشان تنزل وإكمن شذى خفيفة نزلت معاااه وتملكها الخوف فى اللحظة دى وهوا ماسكها بينزلها هى مسكت فى ايديه جااامد وهى نازله اوبباااااا خبطت فيه جامد بقت لازقه فيه واتكسفت جداً (شذى من النوع الى ساعات لما بيتكسف بيدارى بعصبيته) طبعاً بعدت بسرعة وقالت بعصبية شذى:افرض كونت وقعت على وشى..كنت هتفرح فارس بخبث لأنه فاهمها:معلش شذى اتكسفت أكتر وعرفت إنه فاهمها شذى:اووووووف بقى...مش هروح؟ فارس مسك نفسه من الضحك وقال فارس:اتفضلى يامولاتى شذى بصتله بغييظ ومشيت وصلوا الإتنين البيت وسهر فتحت وقالت الأم:كدا ياشذى ..كدا يافارس تأخرها فارس:معلش ياطنط..متأخرناش اوىى يعنى ..دا حتى انا مرجعها فى الميعاد شذى:ياحلاوتكوا واحدة تقول تأخرها ..والتانى مرجعها فى الميعاد..وانا قرطاس ترمس الام:بطلى لماضة ياست شوشو وادخلى يالا شذى:طب داخلة داخلة..(وغمزت لفارس بضحكة شقية)ايوة ياعم متوصى عليك ابتسم فارس ودخلت شذى وفارس لسه هيمشى قالت سهر بإرتباك سهر:فارس فارس بص لسهر وسهر قالت بإرتباك سهر:عاايزاك فى حاجة فارس:خير ياطنط؟ سهر:اتفضل طيب ودخل قعد فى الصالون وقلق كتييير فارس:خير ياطنط؟ سهر:انا كنت عايزاك فى موضوع بس محرجة شوية فارس:خير؟ سهر:من كام يوم اتفتحت وصية والد شذى ..وهو موصى عشان تاخد الميراث وشركاته وكل حاجة عملها...لازم تتجوز وإلا هتبقى ملك اخوه والى هوا عم شذى..واخوه هو وابنه محدش يرتحلهم ولو اخدوا كل حاجات والد شذى هتبقى سمعة الشركة راحت فارس:ازاى والد شذى يعمل كدا؟ سهر:والد شذى عمره ماكان بيخاف على مصلحتها..مكانش اب صالح..(الجو توتر اوى وهى بصت لتحت ودمعت وبسرعة مسحت دموعها وبصتله)عمتاً..انا طلبى منك محرج شووية لاكن اما مقداميش غيرك فارس:اتفضلى انا تحت امرك سهر بإرتباك:تتجوز شذى فارس:............... ايه رد فارس؟ ....................... تسمع اغانى على الموبايل وسمعت الأغنية دى كل اللى حلمت بيه مبقاش دلوقتى ليا نظراتك ليا ليه مبقتش هى هى نفسى اعرف بس ايه اللى عملتو غلطت فيه بتقلو لمين لوم مش ليا انا قلبى ازاى اقولى ان انت بعد الشوق ده كله ان انت خلاص بقيت مش مننا طب فكر تانى لو مرة عشانى قبل ماتنسانى تروح ماتجيش ازاى مش حاسة بيك وانا خايفة من شوية اصلك باين عليك مبقتش تخاف عليا لو انت نستنى عمرى فى يوم ماهقدر انى انسى قلبى ازاى هتقدر تخسره قول ايه اللى بعدك عنى لو بتحب لسه هقدر وانت جمبى اغيره طب فكر تانى لو مرة عشانى قبل ماتنسانى تروح ماتجيش اصلها بتحب الحزين اوىى وبعديين فتحت الفيس لقت ................. قاعدة وسط اصحابها بتضحك على كلام عادى بس يمكن عشان متظهرش الى جواها قالت سلمى:انا هاقوم اجيب بيبسى روز"صاحبتها الانتيخ ومازالت" روز:هاتيلى شيبسى سلمى:طب ياطفلة..حد عايز حاجة؟ الباقى:noooo سلمى:طيب ومشيت واول ما لفت وبعدت اتنهدت من جواها ومحت وش المبتسم وفكرت فى حالها ودا حال سلمى مقدرتش تنسى محمد ولا هتقدر لاكن المعاملة مازالت زى ما هى مبتتحسنش فاكرة إنها كدا بتاخد حقها منه لاكن هى كدا بتعذب نفسها اكتر مشيت بتفكر وراحت للكافيتريا وجابت بيبسى وشيبسى وهى لافه كانت فاتحة البيبسى وخبطت فى فى..محمد طبعاً البيبسى اتدلق قالت سلمى بنرفزة من غير ما تبص لمحمد سلمى:ايه دا مش تفتح وبعدين بصتله لما لقته متأثرتش خالص ولا حاجة اتغيرت ومازالت على غضبها محمد:سلمى..ااسف مشوفتشكيش سلمى:يعنى ايه يعنى دى كان فضلها شوية وتغرقنى محمد:خلاص معلش انا هاجيبلك واحدة تانية سلمى:لا يا ابن خالتى مش عايزة حاجة تانية كتر خيرك ومشيت وهى مكشرة ومتنرفزة وقفها محمد ومسكها من معصمها وشدها وقفها قدامه وقال محمد بنرفزة:ممكن اعرف بتكلمينى كدا ليه؟ سلمى بلا مبالاه وهى بتشيل ايديها سلمى: no comment محمد بعصبية وأمر:انتى تتكلمى عدل معايا فاهمة..وأما اسألك تجاوبى بنفس الطريقة سلمى:ليه يعنى؟ محمد:عشان انا ابن خالتك الأكبر منك سلمى كان نفسها تصرخ وتقول سلمى"وحبييييييييييييييييي� �ببببى" سلمى:طيب okهبقى اعمل حسابى المرة الجايية محمد:انتى مالك بقيتى باردة كدا ليه سلمى: كدا ياسى محمد عشان مفيش حاجة فى الدنيا تخلينا ناخدها جد ولا نحرق دمنا عشانها...(وبصتله اوى)ولا حد نحبه بإخلاص...(وهى باصه بعيد)طنش تعيش منتعش محمد:لا اكيد انتى سلمى تانية سلمى بإبتسامة باردة:فعلاً..انا سلمى تانية..وفرحانة إنى واحدة تانية محمد:بس انتى كدا سلبية سلمى:ماياما كنت ايجابية اخدت ايه غير جرح القلب ووجعه..اخدت ايه غير الإهانة وإنى بدى ومباخدش..وبعد إذنك عشان اتأخرت على اصحابى محمد:اتفضلى بس لينا كلام تانى فى موضوعك سلمى بصتله وقالت بإستهزاء سلمى:طب متنساش تبقى تقول لرانيا خطيبتك على مقابلتنا دى لاحسن تزعل هى برضة مش شارطه عليك متكلمنيش محمد اتذهل ومتكلمش كلمة سلمى بضحكة استهزاء والدموع فى عيونها سلمى:سلام ياابن خالتى ومشيت سلمى ودموعها بتنزل وراحت للبنات قالتلهم إنها هتمشى وراحت على الكوبرى سرحت فيه زى عادتها وروحت البيت حزينة على حالها لا قادرة تدمع ولا تبكى .................... قاعد محتار مدهوش مذهول..حزين خايف متكلمش كلمة قالت هى بحزن سهر:لولا إنك انت الوحيد الى اتطمن إنه مش داخل على طمع مكنتش قولتلك يافارس..انا اسفة حطيتك فى موقف صعب لاكن الإختيار ليك انا مش هجبر عليك فارس ساكت لسة تحت تأثير الصدمة بعد عشر دقايق عدوا عليكم عشر سنين فارس:طب ممكن ياطنط تسبينى احسبها يوم او يومين وهرد على حضرتك سهر سكتت شوية وقالت سهر:لو هتفكر فى المقابل فا.. قاطعها فارس وقال وهو مبتسم إبتسامة بهتانة فارس:لا ياطنط انا مبفكرش فى الحاجات دى..بعد إذنك سهر مستوقفاه بترجى سهر:فارس ياريت متتأخرش فى الرد عشان لو مكانش اعرف اتصرف قبل المدة ما تخلص فارس:حاضر ومشى فارس حيران لو وافق هيعذب شذى لما يسيبها هو عارف إنها مش هتحبه لاكن تعلقها بيه هيخليها تخبه غصب عنها ولأن مفيش حد فى حياتها حيران لأن القرار مش سهل مذهول لأنه مكانش يتوقع دا يطلع من أب ابداً فكرررر كتير وفى النهاية توصل لقرار ...................... تانى يووم خلص محاضرته وراح قعد فى مكتبه وكان اودامه ورق كتيير وبيشتغل خبط الباب والى بيخبط دخل بدون إستئذان وقال الى خبط:يعنى لو مكنتش اسأل متسألش انت؟ فارس بص بإستغراب للى دخل والى هى كانت بنت فافى وقال فارس:مين انتى البنت:ايه دا مش معقول لحقت تنسانى؟ فارس:انسى مين.. انا معرفكيش اتفضلى بره البنت:ايه دا ايه دا والله وطلعلك صوت وبقيت تتكلم فارس بنرفزة:انا مسمحلكيش بكدا..انتى اتعديتى حدودك وأكتر من كدا هطلبلك الأمن البنت:والله نسيت ليلى فارس"ليلى..انا سمعت الإسم دا قبل كدا فارس:انا معرفش حد بالإسم دا واتفضلى لو سمحتى شوفى وراكى ايه عشان انا ورايا شغل مش فاضى ليلى:اوكى يافارس بكرة تعرف مشيت ليلى وفارس بيحاول يفتكر الصوت دا هو متأكد إنه سمعه قبل كدا فارس كان فى مرحلة العلاج بالنسبة للذاكرة كان بيتابع مع شذى والدكتور لاكن بقاله بتاع كام يوم مش بيحاول يفتكر بقى قاعد مش فاهم حاجة حس بخنقة جامد وقام ساب المكتب وطلع بره الجامعة خالص وقعد يتمشى وبيحاول يفتكر ...................... فجأة وهى كانت بتسمع الأغنية على اللاب لقت جالها رسالة على الفيس بووك بتقول "مشيت وياك طريقى وكنت حالف اكملة ماجاش على بالى خالص اللى كنت بتعملة صغرت فى عينى اكتر من اللى كنت اتخيلة فهمت ان اللى بينا دة كان غلط من اولة انا فوقت متأخر لقيتك هادد اللى بنية ويارتنى كنت اقدر اسامحك بس هاعمل اية خلتنى مستخسر اعيشلك حتى لو ليومين انا كنت مستنى تشيلنى جو حضـــن عنيك وطلعت بتخونى ولسة عايزنى ابقــى عليك دى الغلطة مش منى ومحدش عارف الخير فين معاك غمضت عينى وكنت ماشى بنيتى لية استخسرت فيا اشوف فى حضنك فرحتى ياريت ترتاح وتـــــــــــهدى علشان خلاص من نحيتـــي هاعيش بعدك واكمل ايوة هامشى فى سكتى" كلمات الأغنية عجبتها أوى بحثت عنها فى جوجل وجابتها وسمعتها عجبتها جداً ومن وقتها بتسمعها كتييير وتعتبر اغنيتها المفضلة (بتحب الحزاينى) رغم إنها متعرفش مين بعتها ويمكن الى باعتها مكانش قاصد بس انتوا بقى تعرفوا مين بعتها انا اعرف لاكن مش هقولكوا دا الصبر حلو ............................ كان قاعد مع صحابه سرحان جداً ومش مركز قاله صاحبه الأنتيخ فى الخباثة بصوت واطى صاحبه:انت ياسى محمد محمد بصله بإنتباه وقال محمد:نعم ياخالد خالد صاحبه خالد:ايه يابنى انت بتحب على مراتك محمد بخضه:مراتى مين؟ خالد:ايه يابنى مش تقريباً قريب هتتجوز محمد:خلاص عملتنى متجوز بعد يومين هتعملنى مخلف كمان خالد:ايه يامعلم مالك محمد:ولا حاجة بس زهقان شوية خالد:إلا انت اخبارك ايه؟ محمد:اخبارى ايه فى ايه خالد غمزله محمد:لاااا انسى خلاص انتهى خالد:لا بجد محمد:اه بجد وقفل على الموضوع بقى مش ناقص خالد:انا حاسس إنى لو قعدت هتدينى قلمين محمد سكت ومتكلمش خالد:خلاص والله خالد اندمج مع الجميع لاكن فى باله خالد"مش عارف ليه محير نفسك ياصاحبى..اما نشوف اخرة داومتك ايه" تانى يوم على ابطالنا صحيت مبتسمة وسعيدة انا جتلكـ هنا لوحدي وحنتلكـ وبكرة الوقت يثبتلك بحبكـ اد اية وبهواكـ ماجبتش حـــــــــــــــــــاجة من عندى دة احساسى فى بعدكـ روحى بتقاسى مابرتاحش الا وانا ويـــــــــــــــــاكــ مسكته بسرعة دى عادتها اول ما الموبايل يرن ولقتها نمرة غريبة شذى مش من عادتها ترد على النمر الغريبة عشان كدا مردتش لاكن اتكررت الرنة كتييير اوى ردت شذى اخيراً لما زهقت شذى:الو مين معايا المتصل:ايه يابنتى نسيانى شذى:الصوت دا انا عارفاه المتصلة:بقى كدا ياارنب تنسانى شذى:ارنب؟..لا مش معقول..لالالالالا....ياسو ياسمين:ايوة ياشذى لا انا زحلانة بقى اغيب كل دا متسأليش برنة شذى:دانا حصلى كتييير ياياسو ياسمين:خير ياختى ارغى خلصيلى الكارت شذى:هههههههه لسه زى مانتى بترمى دبش ياسمين:يابنتى متغيرتش...المهم وحشتييييييينى جداً انتى والبت نارى مش هشوفكم؟ شذى:انتى مش فى اسكندرية ياسمين:لا استقريت فى مصر..نقلت يعنى شذى:ياجاااااامد دانا اخيراً هلاقى حد يسلينى زى القرد بالظبط ياسمين:بس يادزمة..الموهم لسه الشقة فاضية شذى:اممممممم ياسمين:اوعوا تكونوا سكنتوها؟ شذى:بصى ممكن تاخدى الشقة التانية ياسمين:ليه بقى؟" شذى:ما دا الى حصلى هحكيلك بقى لم ااشوفك ياسمين:انتى يابت هتسيبينى على نار كدا شذى:هتعرفى يافضولية ياسمين:طووويب انا هاجى كمان كام يوم شذى:طيب لما تييجى رنى بس اوكييك ياسمين:اوكى خلاص شذى:طب عايزة حاجة؟..انا هقفل بقى ياسمين:انا بقول كدا برضوا الكارت بيصفر شذى:ههههههههه سلام ياقردة ياسمين:هههه سلام يا أرنب وقفلوا البنتين وتعالوا بقى اعرفكم بياسمين ياسمين"بنوتة جميلة رقيقة نوعاً ما..بس عشان نكون على نور مع الى تعرفه بس...لاكن الى متعرفهوش ترمى دبش جامد ومش بهزار...كانت بتدرس فى القاهرة..لاكن حصلت حاجات خلتها تنقل للإسكندرية ودلوقتى اهىى هترجع ...ياسمين كان ليها حكاية هنا فى القاهرة ودا الى اتسبب فى نقلها للأسكندرية وكان بناءاً على طلبها..وهنعرفها مع الأحداث..ياسمين ونارى وشذى كانوا ومازالوا الثلاثى المرح اوى" نرجع تانى قفلت شذى وقالت لمامتها وفرحت مامتها برجوع ياسمين وراحت كلمت نارى ودار الحوار دا شذى:ازيك يانرمورتى نارى:بخير ياشوشتى ..اخبارك ايه؟ شذى:الحمد الله نارى:ايه الى غيبك النهاردة بقى؟ شذى:عادى..بقولك تعاليلى وحشتينى نارى:اممممممممممم شذى:يلا يانونو بقى نارى:حاضر من عنيا انا كونت بتقل بس شذى:رزله نارى:هههههه يلا سلام شذى:هستناكى نارى:كمان ساعة هكون عندك شذى:اوك وبعد ساعة بالظبط جت نارى ودخلوا قعدوا فى اوضتها وقالت شذى لنارى إن ياسمين جاية نارى بان على وشها تعابير حارت شذى عن تفسيرها شذى:ايه يانارى مش فرحانة؟ نارى:ها..لالالا ابداً فرحانة..بس.بس..انتى عارفة معناه ايه إنها راجعة الجامعة شذى بإستفهام:ايه يعنى نارى:شذى انتى نسيتى ولا ايه شذى:خلاص يابنت الموضوع دا عدى وفات نارى:لأ معدش ولا فات وتلاقيها راجعة عشان كدا شذى:يعنى نطردها ونرجعها اسكندرية نارى:لا بس وجودها هنا فى خطر عليها شذى بعصبية:انتى بتتكلمى أكن واحد عايز يقتلها نارى:اكتر ياشذى اكتر انتى مش عارفة هيحصل ايه شذى:للدرجادى عارفة الى هيحصل نارى:عارفة وشايفة كمان شذى:شايفة ايه بقى؟ نارى:مش مهم الى شوفته بس المهم إن رجوعها دا مش هيعدى بالساهل ولازم هتخسر وهتخسر اوى كمان شذى بعصبية وشخطت فى نارى شذى:أنتى مش عايزاها تفرح..عايزة تفضلى باعداها عننا يانارى عشان موضوع اهبل نارى دمعت:انا خايفة عليها صدقينى مش عايزاها تروح مننا احنا تعبنا اوى فاكرة ياشذى تعبنا..وهى تعبت اكتر مننا ميلون مرة..ومش عايزة اتعبها ولا نتعب احنا كمانفاكرة ..انا خايفة عليها والله شذى حست غنها افورت اوى حضنتها وقالت شذى:خلاص يانارى هى كبرت واكيد هتعرف مصلحتها يابنتى واصلاً الموضوع تلاقيه عدى وخلاص وبعدتها وقالت شذى:احنا هنقلبها نكد صح..ونبى انا جيباكى تفرحينى مش تنكدينى نارى:طب تعالى نخرج ياقمرتى شذى:اوكيييك..خلينى مقضياها خرووج مع كل الى يجيلى نارى:هههه مبتقوليش لأ انتى شذى:ابتتتتتاً وخرجوا الإتنين وراحوا محلات فى المنيل للملابس واشتروا هدوم وإكسسوريز وكل واحدة روحت على بيييتها شذى ونارى انبسطووا جداً فى الخروجة وختموها إنهم راحوا اتمشوا على الكوبرى ونارى راحت تجيب لهم ايس كريم من (الجوكى) "حتت محل فى المنيل بتاع ايس كريم تووحفة ابقى اعزمكم مرة عليه..احم احم " وشذى واقفة لوحديتها وبعدين..وبعديين............... ................... باحبه يا ماما وانتهت الحلقة وياترى ايه قرار فارس؟ وايه الى حصل على الكوبرى؟ هنعرف كل دا فى الحلقة الجاية منتظراكم ياقمرات ومتنسوش تقولولى رأيكم سلامووكا باحبه يا ماما | ||||
|
| |
|
07-10-16, 07:51 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة السابعة " تتجوزينى؟ " باحبه يا ماما ووصلوا عند الكوبرى مكان الى بيحبوووه ونارى راحت تجيب لهم ايس كريم من (الجوكى..حتت محل فى المنيل بتاع ايس كريم تووحفة ابقى اعزمكم مرة عليه..احم احم ) وشذى واقفة لوحدها..وبعدين ......... ................................. صحيت سلمى من نومتها على الكنبة بلبسها من امبارح وافتكرت الى حصل وقعدت تعيط بغزارة وضمت رجليها ليها وقالت سلمى:انت ايه يا أخى مش عايز تسيبنى ارتاح ليه...ارحمنى بقى...بس انا الغلطانة انا الى بحبك والله بحبك..(وقامت وقفت اودام صورة باباها ومامتها)سيبتونى ليه سيبتونى ليه قربتوه من قلبى ليه ليييه...سبتينى ليه ياماما هترمى دلوقتى فى حضن مين وانا تعبانة..هقول لمين وافضفضله ها...هعمل ايه بس فى حياتى اتكتب عليا كدا من غير اب ولا ام ولا حبيب وقلب مجروح ليه بس ليه..انتو الى عملتوا فيا كدا انتوا السبب(بصريخ)انتوووووووو السببببب ووقعت على ألأرض بتبكى وفضلت على الحال دا شوية بس حصلت حاجة خوفتها لقت حد بيحاول يفتح الباب راحت ووقفت بعيد عنه بشوية وحست إن حركتها اتشلت ياترى ايه دا؟ ........................... عند محمد فى البيت عايز يعرف مالها سلمى وهيتجنن جداً على رأى نارى اصله متعودش على كدا كان قاعد اودام التليفزيون ماسك الريموت بيحول وهو مش مركز بيحول وخلاص جت مامته عدت من اودامه ولا اخد باله ومازال بيحول قعدت جمبه وشالت الريموت من ايديها هو فاق من سرحانه وهى قالتله الام:ايه يا محمد مالك سرحان مش عوايدك محمد:ها ابداً مفيش حاجة الام:طب بقولك ايه محمد:ايه الام:عايزاك تودى حاجة لسلمى محمد:لأ الام:ليه يابنى محمد حس إنه رد بتسرع محمد:مفيش ياماما بس اصل الام مقاطعة:قولى بقى سرحانك دا فى سلمى يوسف:سلمى ايه ياماما انا خاطب الام:ياشيخ روح ودى تتسمى واحدة دى بت مايعة كدا ومبتتكسفش خالص..انما سلمى بنت خالتك دى عسل جمال وشياكة وكفاية زوقها فى الكلام ورقتها محمد"بسسسسسس بقىىىىىى" محمد:من الأخر ياماما عايزانى اوديلها ايه الام:خليك كدا توه ياخويا محمد:ياماما الام:رانيا دى هتقصرلى عمرى مش عارفة هتبقى ازاى مرات ابنى محمد سكت متكلمش وفى باله بيفكر فى حاجة كدا الام:بص هتاخد الأكل دا توديهولها محمد:وانا مرسال الام:يابنى انا عارفاها مهملة فى اكلها ومبتهتمش بنفسها انت مشوفتش لما بتجينا بتبقى ضعيفة ورفيعة ازاى محمد:طيب ياماما هقوم البس الام:وانا هحضر الأكل محمد:طيب وقام لبس وراح لسلمى وهو طالع سمع صوت صويت فى العمارة جرى بسرعة وسرع فى طلوعة بس ياترى الصوت دا يرتبط بسلمى؟ ولو فعلاً كدا لييه ها وحصل ايه؟ ............................. سمعت صوت اشبه بصوت تعرفه صوت:دلوقتى بتعملى ايه هنا؟ شذى:فارس شذى :انت ايه الى جابك هنا؟(وبسرعة)وشكلك كدا مش تمام فارس:ماله شكلى شذى:شكل حاجة حصلت حزينة كئيبة وحشة فارس:امممممم يعنى شذى:طب احكى فارس:لازم شذى:لو محكتش (شاورت بصوباعها السبابة)هخاصمك وهمشى فارس:هقولك وحكالها على ليلى وشذى قلبها انقبض اوى شذى:اكيد واحدة بترمى نفسها عليك فارس:بس ليلى دا نفس الإسم الى رن على موبايلى من فترة شذى ارتبكت وتوترت فارس:ايه مالك شذى:انا.مالى..انا كويسة فارس:شكلك متوترة شذى:ها لا ابداً متشغلش بالك فارس:انتى صحيح كنتى هنا ليه شذى:عاتى..اصلى انا ونارى هنا نزلنا نتمشى..وهى راحت تجيب أيس كريم من الجوكى وبعديها بصت فى النيل وسرحوا الإتنين فارس:شذى شذى بصتله وبس فارس:شذى..( بإرتباك وترقب) تتجوزينى شذى فضلت 10 دقايق مذهولة مدهوشة جداً مبانش على وشها أى تعابير يقدر يميز بيها فارس قرارها شذى اخيراً بعد نص ساعة شذى:.............. ............................. تملكها الخوف وابتدت تعيط من غير صوت سلمى بعدت عن الباب ومتكلمتش وقعدت فى الأرض ببطئ حست إنها خلاص هتموت او حاجة مثيلة لكدا فجأة اتفتح الباب بقوه ودخل واحد شكله لسه طالع من السجن وشكله ميدلش على الخير ابداً سلمى اول ما اتفتح الباب بالطريقة دى اترعشت اوى وفضلت تترعش خايفة جداً قرب الراجل منها ومسكها من دراعها وووو .......................... باحبه يا ماما وانتهت الحلقة وياترى الراجل هيعمل ايه فى سلمى؟ وعايز ايه؟ والأهم بقى شذى ردها ايه فى القرار الكبير دا؟ كل دا هنعرفه فى الحلقة القااادمة منتظراكم يا قمرات ومتنسووش تقولولى رأيكم انتظروونى سلامووو | ||||
|
| |
|
07-10-16, 07:51 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثامنة "بحـبَـك" باحبه يا ماما قرب الراجل منها ومسكها من دراعها وتناه على ضهرها وقال الراجل:فين الفلوس والحاجات الغالية الى هنا يابت سلمى برعشة وعياط سلمى:لييه لييه (سلمى تبقى فى حالات التوتر غبيية اوى) الراجل قرص على ايديها اقوى وقال الراجل بسخرية:هيكون ليه ياقطة..عشان اخدهم طبعاً ولوى ايديها جامد سلمى بآلم:آآآآآه ايدى طب سيب ايدى وانا هديك كل حاجة كلها الراجل:لا ياناصحة هتدخلى تشاوريلى على مكان الحاجة وانتى كدا سلمى عيطت جامد مصدومة اصلها متحطش فيه قبل كدا الراجل:يلا خلصيينى وإلا مش هيحصلك طيب سلمى:انت مجنوون..بقولك سيبنى قالتها بزعيق الراجل:لو اتكلمتى كدا تانى هموتك فاهمانى وساب ايديها وحاوطها وحط ايديه حوالين رقبتها وكان فيها مطوة تهديد إنه هيموتها سلمى وطت صوتها نوعاً ما وقالت سلمى:طيب ماشى بس سيبنى بس وانا انا هديلك كل حاجة وكانوا مديين ظهرهم للباب دخل محمد وقتها وحط الأكل بهدوء على كرسى قرب الباب وسمع صوتها بتعيط ركبه الجنون وقال محمد:سيبها الراجل لف بيها وهى بصت لمحمد بتستنجد بيه وقال سلمى:الحقنى يا محمممد وكانت طلع الراجل مطوة وحطها على رقبة سلمى الراجل:لو قربت هقتلها محمد قال بهداوة بيستدرجه محمد:مش هقرب بس متمسهاش فاهم الراجل:لما تطلع الفلوس والدهب الى هنا وانت كمان تطلع كل الى معاك محمد:سيبها بقولك وهتاخد الى انت عايزه الراجل:وانا غبى؟ محمد:ماهو الطريقة دى قدمت اوى..فا لو عايز تطلع بقرشين سيبها الراجل:بطلوا لكاعة (وقال لسلمى)فين الاوضة الى فيها فلوس محمد شاور لسلمى لأ براسه إنها متقولوش سلمى سمعت كلامه لاكن غمضت عنيها بخوف. تحسباً للى هيعمله الراجل محمد:يعنى مش هتسيبها؟. ماشى هوريك الراجل:هتعمل ايييه؟ خليك واقف عندك متتحركش وإلا الأمورة هتروح محمد فكر سلمى بحاجة سلمى افتكرتها لاكن كانت خايفة شجعها محمد بنظراته سلمى خبطت الراجل راسه براسها وادته بكوعها فى بطنه وجريت ورا محمد الراجل بآلم ولسه هيتكلم مستنهوش محمد وضربه لاكن الراجل استجمع قواه وطلع يجرى من البيت وطلع من العمارة جرى وراه محمد ونزل بس ملحقهوش محمد طلع لسلمى تانى واول ما طلع لقاها قاعدة فى الأرض ضمه رجليها ليها وبتعيط جاامد مستحملش يشوفها كدا وضمها ليه يهديها يوسف:اهدى يا سلمى خلاص سلمى بتشهق جامد لاكن كانت حاسة بأمان..وحست نفس إحساسها لما حضنها لما كاان فى ثانوى حست بإحساس جمييل اوى وقتها رغم الخطر الى كانت فيه..لاكن افتكرت إن مش من حقها تحس الإحساس دا ولو لثانية محمد بقى حس بإحساس غرييب لاكن حبه (الإحساس ها) وووو..بلاش نتكلم عن احساسه دلوقت بعدت سلمى عنه وبصتله وهى فى بتعيط سلمى:انت كويس؟؟ محمد:الحمد الله متقلقيش..انتى الى كويسة سلمى مسحت دموعها ورجعت شعرها من على وشها بتوتر وقالت سلمى:اه الحمد الله وحطت ايديها على ضربه ضربهاله الراجل فى وشه محمد لا أرادية محمد:آآآه سلمى بقلق:بتوجعك؟ محمد:متشغليش بالك سلمى:لالالا انا هجيبلك مطهر بس ثوانى وراحت الحمام تجيب المطهرات من مكان مخصص محمد شاف اوضه بابها مفتوحة وشاف جزء من حيطة الأوضة متعلق عليها صور كتيير شده فضوله يشوفها بقى يقدم رجل ورجل لأ لحد ما وصل لمدخل الأوضة دخل ولقى صور كتيير اوى فى كل مكان حيطة الاوضة كلها صور لسلمى وليهم يعنى صور ليها مع نارى ومحمد وصور لنارى ويوسف وصور لكل الى بتحبهم محمد فضل يشوف كل الصور لحد ما لقى صورة جميلة اوى لسلمى كانت لابسه فيها سوارية وكانت حاطه مكياج رقيق كان منظرها مالكى كانت جميلة ابتسم وشاف بقيت الصور وجه يطلع شاف صورة على الكوميدينو وكانت ليه هو وهى لوحدهم بس وكانت مقطوعة والجزء الى فيه سلمى فى ناحية والجزء الى فه محمد فى ناحية مسكهم محمد واتنرفز إنها عملت كدا بس مبينش قال يمكن غصب عنها اصلها الصورة دى غالية عليهم اوى وكل واحد معاه نسخة محتفظ بيها لاكن اتنرفز اكتر اوى لما لقى كذا صورة ليهم مع بعض متقطعة ومرميه عرف وقتها إنه تعمد..ربط دا بطريقتها معاه وكان على اخره جت وقتها سلمى وبنبرة جافة شوية سلمى:يلا عشان اطهرهالك سلمى"يارب ما يسألنى" ولفت بضهرها ومشيت لحد نص الطرقة من غير ما تسمع رد وقفها محمد لما قال محمد:ايه الى قطع الصورة دى ؟ سلمى اتوترت اوى ولفت وقالت بنفس النبرة سلمى:عادى اتقطعت محمد:ومين الى قطعهاا سلمى:عادى يا محمد صورة واتقطعت محمد قربلها وقال محمد:دى مش اى صورة يا سلمى..ومش دى بس الى اتقطعت دى كل صورنا ممكن اعرف ليه؟ سلمى بعدت وقالت سلمى:لا بالنسبالى اى صورة..وعادى يعنى اتقطعوا (سلمى كانت حاسه إنها بتستهبل اوى يعنى) محمد:والله..(وقال بنبرة جد)وقطعتيها ليه إن شاء الله سلمى اتوترت ومردتش محمد قال بنرفزة محمد:بصى بقى يابنت خالتى انا مستغربك اوى بتقطعى صورنا بتعلى صوتك بتستهرى ولا بتحترمينى ..ممكن اعرف بتعملى ليه كدا.؟ لأنك هتندمى لو مدتنيش جواب دلوقت سلمى دمعت وقالت سلمى:هندم اكتر من ندمى محمد بزعيق محمد:ردى على سؤالى ياسلمى سلمى بزعيق وصراخ عالى سلمى:انتى بتكلمنى أكنى انا المذنبة يا يوسف بيه ايه هترمى اللوم عليا محمد ببصة غضب ممزوجة ببعض من التعجب محمد:زعقى كمان سلمى:ايوة هزعق(ودمعت)هزعق عشان زهقت وتعبت مش هقدر استحمل كدا ...بتعاتبنى ليه..ها رد عليا ...خطيبى (بدموع)حبيبى ..(سكتت شوية وقالت) اه حبيبى محمد بصلها بذهول ودهشة سلمى كملت سلمى بدموع وجرأه استغربتها سلمى بعد كدا سلمى:اه حبيبى واول حب واخر حب ليا...واصعب صدمة فى حياتى قتلتنى وبتقتلنى ميت مرة..إنك خطبت يامحمد..عرفت ليه قطعت صورنا..عشان بحاول انساك ولو إنى لو نسيت روحى مش هنساك..بس اهو محاولة فاشلة"بضحكة"اتعلمت منك ازاى اعرف اقسى واجرح...ماهو الى عملته فيا مش شوية...انا كل الى بطلبه منك تسيبنى فى حالى ...انا بقولك الكلام دا يمكن تحس بيا وترحمنى منك.. اوعى تفتكره سهل إنى اقوله انا دلوقت بتعذب عذاب عمرى محمد كل دا لأول مرة يدمع وتكون دموعة هتنزل يرن موبايله يمسكه محمد بتوتر وميردش سلمى بآلم وآسى:رد عليها اكيد وحشتها ووحشتك..رد انا هسكت اهو (وحطت ايديها على بقها بغيظ ودموعه بتنزل بإنهيار) قرب محمد منها وقال محمد:اهدى يا سلمى اهدى سلمى:انت ايه ..ازاى بتهدينى وانت عارف الى فيا..اه منت مجربتش حد يجرحك قبل كدا ..اطلع بره يا ابن خالتى بررررررره محمد:مش هسيبك إلا لما تهدى سلمى:وانت فاكر بوجودك هتهدينى انت لما تمشى انا ههدى محمد اثرت فيه اوى الجملة دى وبصلها شوية واخد مفاتيح العربية وراح عند الباب وقال محمد:انا هجيب نجار يصلح الباب ادخلى انتى اوضتك سلمى وجعتها بنت خالتى اوى وأكنها اول مرة تسمعها منه سلمى لسه هترد بتحدى محمد بنرفزة:قولت ادخلىىىىىىىىى سلمى اترعشت والخوف بان فى عنيها ودخلت جرى على اوضتها وقفلت الباب وراها ومسكت صورة ليهم مش متقطعة كانت مخبياهم وحضنتها جاااااامد وهاتك ياعياط سلمى:انا غبية غبية قولتله ليه...مكانش لازم اقوله..بس بحبه ...هبص فى وشه تانى ازاى ...وادينى عرفت اجابته على حبى..كنت عايزة فى وهم بس كان بيحلالى لاكن دلوقتى حتى الوهم مش هعيشوا..آآآآآآآه منك ياقلبى عذبتنى معاك وفضلت على الحال دا ...................... محمد جاب النجار وصلح الباب وبعدها اخد حاجته ومشى وساق العربية وفضل سايق كتيير رايح جاى رايح جاى مش عارف يروح فين بس كان بيفتكر زمان لما كانت عندهم واد ايه كانت جميلة كانت زى الفراشة كانت احلى بنت شافتها عينه انما دلوقت محمد قاعد فى العربية بيخبط بإيدة على الدريكسيون متنرفز جداً وفضل يلوم نفسه وتفكيره إنه السبب الوحيد الى خلاها متكونش سعيدة طول الوقت ولا بتهتم بنفسها ولا اى حاجة ورن تليفونه بإسم رانيا مسك التليفون وكنسل ورماه جمبه على الكرسى كان عايزها تتقى شره دلوقت لاكنها كانت مصرة تتلقى قدرها فضلت تررررن كتيير وفى المرة الــ مية رد محمد كانت متعصبة متعرفش الى مستنيها رانيا بنرفزة:ايه ياسى محمد مالك مبتردش ليه محمد جز على سنانة وقال محمد:قولى ياشر اشتر يارانيا وياتقفلى ياتقولى عايزة ايه وتقفلى برضه رانيا بنفس اللهجة رانيا:اكيد طبعاً مش فايقلى ايه كنت مع مين إن شاء الله محمد بنفس الطريقة:رانيا انا مش فايقلك فعلاً رانيا:اومال هتفوق لمين لست سلمى؟ محمد خلاص زى ما يكون قنبلة وانفجرت محمد بعصبية:اوعى تجيبى سيرة سلمى على لسانك فاهمة...وقولى عايزة ايه واقفلى ...ولا متقوليش انتى اصلاً هتعصبينى وانا مش ناقصك وقفل المكالمة وقفل التليفيون كله ورماه جمبه .................. رانيا بنظرة غل رانيا بتكلم نفسها: بقى كدا ياسى محمد..اكيد ماشى ورا الشحرورة سلمى..عاجباك اوى يا خويا طب مخطبتهاش ليه؟..(بحقد)لاااأ انا مش هقعد ااتفرج واطلع من المولد بلا حمص..اكييد هشوفلك صرفة ياسى محمد هو انا هغلب فى حتت عيل وعيلة زيكم(بضحكة)دانا استاذة الله قطع كلامها دخل عليها ابن عمتها سامر:رونى يلا رانيا:خير يا سامر سامر:مش هنخرج ياحجة رانيا:اووه ماى جد..تصدق هنسى شوفت الغم الى انا فيه سامر:ايه يابنتى رانيا:الأخ العاشق الولهان محمد سامر بسخرية:ماله حبيب ماما رانيا:شكله مييت فى دباديب سلمى سامر:اووووه نوو..مش معقول..معلش ياحبيبتى تعوضييه رانيا وبدوت مقدمات قعدت تضحك ربع ساعة رامىسامر رانيا:اصلك بتقول وبكل حزن إنى (وتضحك جامد لدرجة وشها يحمر) كح كح.هههههههه..كححح..بتقول إنى اعوضه..الكلام دا لو ياحرااام بحبه..داا انا وخداه تسليه اهوو اقلبه شوية سامر بضحك:ليه ياختى هو انتى ناقصك رانيا:اهوو بسلى وقتى يا خويا اومال اقعد كدا فاضية سامر:لا بتتعبى الحقيقة شقيانة..طب ما تسيبيه لسلمى ياستى رانيا:نعم ياروحى..اسيبه لمين سمعنى..انت مش عارفنى..انا كان ممكن اسيبه لو سلمى مش بتحبه ..لاكن طلاما بتحبه لايمكن ياقلبى اسيبه..انا لو اللعبة الى فى ايدى مرغووبة مش هسيبها لو مش مرغووبة فى داهية ..اصل وحياتك سلمى دى من ايام الجامعة عاملالى فيها الخضرة سامر:خضرة؟؟؟ خضرة ايه؟ رانيا:الخضرة الشريفة..بس انا هجيب راسها الأرض وغصب عنها هيجوا الإتنين يترجونى .عشان ارحمهم بس انا مش هسيبهم وانا رانيا يامعلم مش اى حد..يابنى دانا بعرف اربعه معااه فى نفس الوقت واخرهم ولييد هيجى يخطبنى يوم الجمعة الجاية بان على وش سامر الذهول والتعجب ولكنه فرحان ببنت عمته سامر:يابنت اللذينه..ايه الأفكار دى ياختى..اومال مش عايزة توقعيلى البت الى عايزها ليه رانيا:مين؟ سامر:اخته ياختى رانيا:ناريمان سامر:ونبى معرف إسمها رانيا:يابنى دى سكه وكرافتة سامر:اموت انا واعيد السنة فى دا رانيا:ياسلام ياروحى من عيونى هيجيبهالك ..شكة دبووس..المهم تبقى مبسوط يانصى التانى سامر بشر:خلاص هستناكى تجيبيها..يانصى التانى وضربوا كف على كف بضحكة شرانية وراحوا يسهروا فى نادى ليلى(انتوا عارفين اسمه ) ...................... شذى بذهول اهبل:ازز..ازاى شذى فى بالها"يااااه..اوافق ولا توء..توافقى طبعاً دا فارس الى معجبة بيه ياستى..لالالا دا كان كلام..انتى تقدرى تكدبى عليهم كلهم ياشذى لاكن انا نفسك وفاهماكى..اممم..بلا اممم بلا بمم مش دا الى بتبقى سعييدة وانتى معاه وبتحكيله على كل حاجة ..يووه بقى بتكثف..مش وقت كثوف ردى عليه وخلصينا .اممممممممم" فارس:ايه هو انا قولت حاجة غلط شذى هزت راسها بأه وبعدين بــ لا فارس:يلا ياشذى نروح بدل ما تفضحينا شذى فاقت من ذهولها وقالت شذى:استنى هنا انت بتتكلم جد فارس:اومال بهزر شذى"شكلى هتجن" فارس بلهجة جدية فارس: قرارك ايه؟ شذى بصتله:فجأة كدا فارس:انا مش هقولك بحبك لأنى مش بتاع كدا وانتى عارفانى..ودخلت من الباب ها هتفتحى الباب ولا هتقفليه شذى بحلقتله شوية وقالت بعديها شذى:لالالالا فارس :ايه مليقش ولا ايه شذى:لأ تليق..قصدى ..يوووه فارس:ههههه شذى:بتضحك ماشى وقامت تمشى فارس مسكها من دراعها ولفها ليه وقال فارس:خلاص يامجنوونة مش عارفة ازاى هتبقى مراتى شذى:تانى لا شكلك عايزنى ازحل فارس:ويهون عليكى جوزك قالها وهو بيضحك شذى ضربته فى كتفه بكل قوتها المرة دى فارس:يامجنووووونة هتجبس على كدا وقالت شذى:طب مش موافقة فارس:والله؟...طيب ونزل قعد على ركبه ومسك ايديها وقال فارس:تتجوزينى شذى شالت ايديها وقالت شذى: قوم يامجنون قبل ما الناس تتلم فارس:ها اقوم ولا توافقى شذى سكتت واحمرت فارس مسك ايديها وقال فارس:نعيد الموقف..تتج شذى:خلاص خلاص يامجنووون موافقة فارس:موافقة؟؟ شذى:ايوة ..قوم بقى فضحتنا (فارس كان بيتمنى ترفض عشان ميعذبهاش وهو عارفها طيبة واكيد هتتعلق بيه..لاكن شاء القدر) ......................... وتانى يووم طلعت شذى تفطر مع مامتها وقالت لمامتها على فارس شذى بإرتباك وكسوف:ماما انا فى عريس متقدملى سهر بخضة الام:ايه؟..مين؟ شذى مستغربة خضتها وقالت شذى بكسوف :ف..فارس الام ارتاحت وفى ثوانى تغير تعبير وشها للضحكة وقالت الأم:وانتى موافقة.؟ شذى:الراأى رأيك ياماما الام:طلاما هتوافقى انا موافقة شذى قامت باستها الام جواها حزين لاكن لازم ترسم البسمة فى خارجها الام:للدرجادى الله الله على دا حب شذى بكسوف:ها؟..انا الحمد الله اكلت الام ابتسمت لسخرية القدر وقامت كلمت الام اخو جوزها الام:ايوة يا رأفت رأفت:ازيك ياسهر الام:احنا لقينا عريس رأفت سكت بيستوعب الصدمة رأفت"ايييه ازاى؟..لحقتوا...وانا الى كونت فاكرك ياعماد هيبقى العز دا كله من نصيبك...بس بكرة يبقى فعلاً من نصيبك مانا مش هسيبهم" سهر افتكرته مات من الصدمة لأنها عارفة إنه عايزها تتجوز ابنه سهر:الوووو رأفت:ايوة ياسهر ...ومين دا إن شاء الله قالها بغيظ ونرفزة واضحين سهر:شئ ميخصكش المهم كتب الكتاب والفرح هيبقوا فى يوم واحد ومش هتبقى فى خطوبة رأفت:ومالك مستعجلة ليه وضحك سهر بعصبية ونرفزة سهر:اوووووف...خلصنى يارأفت رأفت"من عنيا ياسهر هخلصك " رأفت بس فى شرط سهر:نعم ..شرط ايه دا كمان رأفت:............... سهر:نعععم؟...ايه الكلام دا احنا متفقناش على كدا .............................. النهاردة ياسمين وصلت القاهرة واول ما نزلت من القطر حست بحاجة قوية بتشدها طلعت بره المحطة وشاورت لتاكسى ياسمين:تااااااااكسى لاكن سمعت حد بيشاور معاها لتاكسى بصت للى شاور وصعقت مما رأت ياسمين"مصطفى" مصطفى"ياسمين" فضلت بصاله وهو باصصلها الإتنين فضلوا على الحال دا باصين فى عيون بعض وبعد 10 دقايق بصت ياسمين فى الارض (اخيراً افتكرت تتكسف ياجماعة) وبص مصطفى فى الأرض مرتبك ورفع راسه وقال مصطفى:ياسمين ازيك ياسمين وهى باصه لتحت وبتجيب موبايله من الشنطة ياسمين:الحمد الله وجاب الموبايل وكانت نارى بتطمن عليها كانت بتكلمها لاكن مش على بالها الى فى بالها ياسمين"يااااه وحشتنى يامصطفى ووحشنى صوتك..لاكن خلاص كله راح" وقفلت ورجعت موبايلها وقال مصطفى مصطفى:انتى لسه راجعة؟ زاحت شعرها من على عنيها وقالت ياسمين:انت شايف ايه وبصت على الشنط مصطفى بص على الشنط وقال مصطفى:نورتى القاهرة ياسمين:منورة بأهلها ياباشمهندس ...بعد إذنك مصطفى سكت مرتبك بيفكر فى حاجة محتار وعارف ياسمين مجنونة يعنى ممكن تضربه فيها مصطفى اتجرأ وقال مصطفى:ياسمين ياسمين وقفت وبصتله مستنياه يتكلم مصطفى طلع كارت واداهولها ياسمين بصت فيه وقالت ياسمين:امممم...مصطفى سامى ..ايه دا؟ وشاورت بالكارت مصطفى:دا الكارت بتاعى فيه نمرة تليفونى (بإرتباك)يعنى ..لو حبيتى تكلمينى وقالها بإرتباك وحرج قالت بنبرة تبين إنه عادى يعنى بالنسبالها ياسمين:معتقدش ياباشمهندس إنى هتصل بيك ..لاكن انا متعودتش اكسف حد ..شكراً على الكارت..بعد إذنك مصطفى:ياسمين استنى وقفت ياسمين وبصتله واتكلمت عيونهم مصطفى بآلم"يااااه ياياسمين مش هتنسيلى" ياسمين بحزن"مش هنسالك يامصطفى ياريت النسيان سهل كنت نسيت " مصطفى"مكانش بإيدى والله" ياسمين"بس خدعتنى وجرحتنى ودا اشد جرح" مصطفى"انا دلوقتى بس عرفت إنى فرطت فى اغلى حاجة" ياسمين"دلوقتى بس عرفت إنى اغلى حاجة عندك" مصطفى"خلاااااااااص كله ضاح" ياسمين"ايوة كله ضاااااع يامصطفى صح مشتقالك لاكن ..لاكن خلاص انا كمان مش بإيدى" وبصت الناحية التانية مسحت دموعها بسرعة وقالت بنبرة حاولت متخليهاش حزينة ياسمين:بعد إذنك لاكن عرف من نبره صوتها إنها بتتعذب لاكن مش بإيده راحت ياسمين اول حاجة لشذى وكانت الساعة 11 الصبح وشذى كانت لسه نايمة طلعت من اوضتها متجهة للباب شذى بقريفة:ميين وفتحت الباب فتحت اول ما شافتها قعدت تدعك فى عنيها وقالت شذى:دا بجد ولا اكون بحلم؟ ياسمين هزت راسها بأه وحضنوا بعض جامد وفضلوا يصرخوا من الفرحة بتاع ربع ساعة جت مامتها من اوضتها على الصوت وقلقت وقالت الأم:ايه ياشذى فى ايه صحيتى الشارع كله سابوا بعض وبعديها قالت شذى شذى:ياسمين ياماما الأم بفرحة:سوسووو...كل دى غيبة وحضنوا بعض وبعدوا وقالت ياسمين ياسمين:معلش ياطنط ادينى جيت مش هتنقل من هنا اهون الام:تنورى ياحبيبتى ...انا هدخل اكمل نومى وانتو براحتكوا اصلى عندى مشوار كمان شوية شذى:طب ياماما ياسمين:متخافيش ياقمر مش هنزعجك الام:ماشى يابكاشة ودخلت الأم اوضتها شذى:يلا يا ياسمين دانتى وحشانى موز ولعلمك هتباتى معايا النهاردة ياسمين:بس شذى:يلا ياسوما دى مش اول مرة مانتى عملتيها كتييير ياسمين مبتسمة:اوك واخدوا الشنط ودخلوا لأوضة شذى وغيرت ياسمين هدومها وقعدوا الإتنين جمب بعض على السرير وقالتلها ياسمين ياسمين:احكيييلى بقى عملتى ايه؟ شذى:لاااااا دى قاعدة طويلة ..اكيد انتى تعبانة من السفر ..نامى وهنبقى نتكلم بليل ياسمين:اااه كلام بليل دا وحشنى...وابقى خلى البت نونو تيجى شذى:من عونيا دى مش لاقية حاجة تعملها ياسمين:طب يلا نامى ياقردة شذى:ههه تصبحى على خير ياسمين:وانتى من اهله ياقمر ............................ صحيت لقت نفسها نايمة على الأرض ورا باب اوضتها كانت مصدعة جداً اصلها فضلت تعيط لحد ما نامت مسكت دماغها وقعدت تفتكر الى حصل واول ما افتكرت نزلت دمعتها بهدوء وراحت قعدت فى سريرها متحركتش وضمت رجليها لصدرها وبتسترجع كل حاجة حاسة إن روحها بتروح والأمل الوحيد الى كان ليها راح فضلت على الحال دا اليوم كله مقامتش حتى تشرب ........................... نارى بقى قاعدة فى اوضتها مستغربة الأحوال الغريبة دى محمد راجع متكلمش وسلمى مبتردش على الموبايل وقلبها كان حاسس إن الإتنين ليهم علاقة ببعض الموهم الضهر كدا قالتلها مامتها الام:روحى يانارى صحى اخوكى نارى:طيب وراحت لأوضة محمد بس استغربت لما لقته قاعد سرحان ومش ملاحظ دخولها اصلاً ومش بيناكفها زى كل مرة قفلت الباب وراها وراحت جمبه وهزته وقالت بصوت واطى نارى:محمد محمد فاق من سرحانه ومن غير ما يبصلها وقال محمد:نعم نارى:مالك وقعدت قدامه محمد بدون مقدمات بصلها وقال محمد بجدية:كنتى تعرفى إن سلمى بتحبنى؟ نارى اندهشت لاكن مبانش عليها قد ما بان عليها التوتر الزايد اوى فضلت تدعك فى ايديها وكانت متوترة جداً محمد بزعيق:انطقى نارى اتنفضت وقالت بخوف نارى:ايوة قام محمد وقف وقال بعصبية محمد:ومقولتليش ليه كونتى مستنية ايه ردى وقفت قصاده وقالت نارى:كنت عايزنى اقولك ايه اقولك إن سلمى بتحبك وانت خاطب..مكانش هينفع كنت هجرح كرامتها زى مانت جرت قلبها محمد:جرحتها ..أنا معرفش بحبها كان بيهرب بالإجابة دى من نظرات العتاب واللوم الى فى عيون نارى وقبلهم كان بيقنع نفسه بالإجابة دى نارى بزعيق لأنه عصبهاب بإجابته دى نارى:نعم..محمد مش هنهزر بقى انت عارف إنها بتحبك وجااايز تكون انت كمان بتحبها وأكتر...(هنا عينه ااتفتحت بدهشة)...متقوليش بقى إنك مش عارف بحبها ها...كان كل تصرف بتعمله هى يدل على كدا ...وانت الوحيد الى كانت بتسمع كلامه..وانت الوحيد الى بيطلعها من زعلها ويضحكها...وانت الوحيد الى بتاخد برأيك ..وانت وانت وانت...ها اقولك كمان..اقولك إنك زى ابوها وامها واخوها وكمان حبيبها..اقولك ولا فوقت من الغيبوبة الى انت فيها دى..واقولك إنك انت كمان مكنتش بتقتنع بحاجة إلا منها..اقولك إنك بتبقى قلقان عليها ولا أكنها مراتك اقولك إنك بتفرح لما بتشوفها سعيدة اقولك إنك بتحزن لما بتشوفها حزيينة ..كان باين فى عيونكم الحب اوى بس ياخسارة ضيعته محمد هبد نفسها على الكرسى ومتكلمش نارى نزلت لمستواه وقالتلها نارى بهدوء:فكر كويس يا محمد انت بتحبها(بصلها محمد)ايوة بتحبها ودا فى عيونك واكبر دليل إنك مبتكلمش حد من امبارح ولا حتى بتضحك ولا بتتكلم...بس جايز دا تخيل من عندى وانت مبتحبهاش...بس برضوا انا مش غبية للدرجادى.. لو بتحبها ومتأكد قولها يا محمد قولها سلمى شافت كتير فى دنيتها واتعذبت كفاية متستخسرش فيها يومين سعادة تعيشهم متستخسرش...الى بيحب حد مبيستخسرش فيه وبيضحى عشانه محمد الموضوع فى باله محفور وعمره ما تشال لاكن حاول يطلعهم من المود دا وقالها محمد: انتى فيلسوفة بقى نارى بصت فى عيونه نارى:مش هتعرف تهرب منى على فكرة...بتحبها؟ محمد:عايز انام يانارى مش وقته نارى على نفس الوضعية نارى:بتحبها؟؟؟؟ محمد:........... ................................. وبليل بقى اتصلت شذى بنارى لاكن نارى اعتذرت على انها تيجى وحكت لشذى على الى حصل شذى عذرتها وسهروا مع بعض بليل فى اوضتها شذى وياسمين قاعدين جمب بعض على الكنبه فى اوضة شذى ومشغلين فيلم اجنبى على الكمبيوتر وبياكلوا لب وفشار وبيشربوا بيبسى كانوا مقضينها وقاعدين شوية يحكوا وشوية يتفرجوا شذى:دانا حصلى حاجات كتيير اوى يا يااسوو ياسمين:احكى ياختى انا جايية مخصووص عشان تحكى بس قبل ما تحكى اسمعى دى الأول شذى:خيير ياسمين سكتت شوية وقالت ياسمين:مصطفى شذى وشها قلب ميت لون وبصتلها وقالت شذى:ماله ياسمين:قابلته النهاردة فى محطة القطر صدفة شذى:امممم صدفة؟ ياسمين:والله ياشذى ..بس بصراحة صاحبتك قسيت عليه شوية شذى بصتلها وهى فاتحة عيونها على الأخر شذى:تانى ياياسمين هنعيدوا ياسمين دمعت:مش بإيدى ياشذى شذى ضمتها ومشت ايديها على شعرها وقالت شذى:دا الى انا كنت خايفة منه لما ترجعى ياسمين:انا حاسة إنى قسيت عليه ومسمعتهوش وعيطت وبعدت عنها وبصتلها وقالت ياسمين:تفتكرى لو كنت سمعته مكانش هييبقى دا حالى شذى دمعت اول ما شافت نظرة الأمل الزائف الى جوا عيونها حست بيها حست إنها بتعلق نفسها بوهم حاسة إنها عايزة اى حاجة ترجعه رغم عدم اقتناع شذى بالأمر لاكن متقدرش تنقاشها فى الحالة دى شذى:اهدى ياسوسو وسيبى الموضوع على الله وهتلاقيه بيتحل لوحده ياسمين مسحت دموعها تماماً وقالت مبتسمة ياسمين:نكدت عليكى معلش شذى:ايه يابت الكلام دا احنا بينا كدا برضوا ياسمين:قوليلى بقى انتى اخبارك ايه شذى بسرحان:اااااه ياسمين قامت نطت فى نص الأوضة وقالت بصرييييخ ياسمين:بتحببببببببببببببب� �ببى شذى وقفت اودامها ووقفتها وقالت شذى:بس يابت اسكتى هتفضحينا احنا بلييييل ياسمين بذهول:مش مصدقة والله شذى:ياختى ولا انا بس تصدقى لسه مش عارفه حب ولا لأ..بس سعييدة وبس ياسمين:الله الله...احكى دا فى داهية الفيلم وقفلت التى فى وقالتلها حكاية فارس وطوول الحكاية بتمدح فييه لحد لما طللب ايديها ياسمين بذهول:دا بجد ولا حقيقى شذى:لا بجد ياسمين سكتت شوية متكلمتش خايفة لا صاحبتها تشرب من نفس الكاس الى شربت منه كاس"جراح الحب ..وناره" سكتت شوية وبصت لبعييد وسرحت لما كان مصطفى برضوا مخليها ملكة ومحسسها بإحساس اجمل إحساس فى الدنيا لاكن ياخسااااااااارة اتهز عرش الملكة وضااااااعت فوقتها شذى من سرحانها شذى:ايه يابت بدل ما تباركيلى ياسمين بسرحان:الف مبروك بس ..بس..متأكدة إنه بيحبك؟ شذى بحيرة:مكانش طلب الطلب دا ..وايه الى يجبره يعنى ياسمين:انتى بتحبيه؟ شذى:بصى..هو انا ببقى سعيدة لما ابقى معااه وخصوصاً فى الأيام الأخيرة..بقى جزء كبييييييير اوى فى حياتى نصها واكتر كمااان...(بكسوف)وانتى عاررفة سرحت ياسمين ونزلت دموعها شذى بخضة:مالك ياسومتى ياسمين على حالها:نفس الكلام الى قولتهولك على مصطفى شذى قلبها اتخطف وانقبض وقالتلها شذى:تقصدى ايه وبان على وشها كل علامات الحزن والزعل ياسمين ابتسمت وبصتلها وقالت ياسمين بفرفشة:دا يعنى إننا زى بعض ياقطة حتى فى الكلام كانت عارفة إنها مش هتخيل على شذى لاكن ماهو مينفعش تنكد عليها برضوا ولا ايه؟ شذى بعدم إقتناع:اااااه...طيب ياسمين:مش هتورينى عريسك شذى:دلوقت ياست الحجة إحنا خلاص على الفجر ياسمين:اه صحيح ..وبعدين مش هتبقى مراتوا ورفعت حواجبها شذى ضربتها بالمخدة وقالتلها شذى:اوكيييييك ياظالم لك يوم تترد فيه المظالم ياسمين:ايه جو الضوء الشارد دا شذى:مش عارفة ضحكوا البنتين وهما الإتنين متظاهرين بالسعادة رغم إن كل واحدة بتفكر فى كلام التانية ياسمين قلقـانة على شذى موت وشذى خايفة من اى خطوة تخطوها الأن واستر يالى بتستر ......................................... باحبه يا ماما وانتهت الحلقة ياترى ايه الى اشترطه رأفت؟ ومحمد بيحب سلمى؟ولا مجرد بنت خالته؟ وياترى ايه الى هيحصل لأبطالى كمان وكمان؟ انتظرونى فى الحلقة القادمة ومتنسووش تقولولى رأيكم سلامووو عليكوو | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
