06-10-16, 12:55 PM
| #52 | |||||
| نجم روايتي وكاتبة في قسم قصص من وحي الأعضاء وأميرة حزب روايتى للفكر الحر  
|  الجزء الأول صحيت متأخرة عن عادتها و مصدعة بسبب بكاءها الطويل ليلة امس .. اخذت دوش سريع لتخفف صداعها ولبست ملابسها ونزلت للطابق الأول من الدرج الداخلي للفيلا .. بسبب عدم اهتمامها بوضع اي زينة على وجهها فالموضوع مابياخذ منها دقائق وبتكون جاهزة للشغل ... صبحت على ابوها وامها وتناولت قهوتها الى بتجهزلها اياها امها كل صبح وطلعت ركض لسيارتها .. كل عمرها بتحب تصحى بكير.. بتحب تبدأ اليوم من أوله .. هالعادة اكتسبتها من ابوها وحرصت عليها من ايام ماكانت بنت 10 سنين .. لكن بعد الازمة الى مرت فيها زاد تعلقها بهالعادة زيادة لدرجة حرصها على حضور البزوغ الأول لأشعة الشمس كل صبح .. هالمنظر بالنسبة لها therapeutic وبيمثل لها الأمل الى بتحلم فيه وبتتمناه وبتنتظر يتحقق ..... شيء تاني بتحبه وبتحرص عليها انها توصل قبل الموظفين على المكتب لحتى ترتب امورها وتراجع جدول اعمالها وتعرف شو لازم ترسل وشو لازم تستلم من الأعمال خلال اليوم .. صبحت على الأمن بمصفات الشركات وهي بتتناول مجموعة ملفات من سيارتها .. شركتهم مستأجرة دور واحد من هالمبنى والمهندس فهيم بيطمح يحول شركتهم الى شركة عملاقة تحتاج الى مبنى خاص فيها حتى تقدر تدير مشاريعها .. عندها يقين ان مديرها العبقري قادر على هالشيء خاصة مع انجازاته ونشاطه وذكاؤه في ادارة الشركة .. هالسنين القليلة الى عملت فيها تحت اشرافه تعلمت منه كتير .. اصلا هم بيكونو فريق ممتاز بسبب انهم مكرسين كل وقتهم لعملهم .. بتشعر بالشفقة على زوجته وابناؤه .. بتحاول تشيل بعض مهامه حتى يرجع لبيته بكير ويستمتع شوي مع عائلته .. مشيت للدرج المؤدي للطابق الرئيسي للمبنى لأن المصاعد ما بتنزل للمصفات .. بهالأثناء رن منبه جوالها يذكرها بأحد مواعيد اجندتها .. مابين الابتوب الحاملته على كتفها والملفات الحاملتهم بأيد والقهوة الحاملتها بالأيد الثاني كان من المستحيل تقدر تتناول جوالها من جيبها من غير ماتحصل كارثة .. وفعلا حصلت الكارثة لما ما انتبهت على الدرجة الأخيرة ووقعت مع كل الى بأيدها على الأرض وهي بتشتم بالغضب ...... تأكدت من حجابها قبل ماتلملم اغراضها وهي بتدعي ربها ينقذ ملفاتها من اي نقطة قهوة قد تضطرها لأعادة طباعة كل هالأوراق وتنسيقها من جديد .. ( انت بخير يا انسة ؟ بتحتاجي مساعدة ؟) من غير ماترفع راسها للمتحدث جاوبت ( شكرا.. انا بخير ) واستمرت بتجميع اوراقها المبعثرة بكل مكان .. تجاهلت المتطفل الى نزل لمستواها يساعدها بجمع اوراقها .. وقفت واطلعت فيه بهدوء وهي بتقول برسمية ومن غير ماتبتسم ( شكرا ) ومن غير ماتنتظر رده توجهت للمصعد .. تجاهلت الخطوات الهادئة المتطفلة الى لحقتها للمصعد وشغلت نفسها بترتب الملفات الى بأيدها .. و أول ما انفتح المصعد دخلت فيه وضغطت الطابق الرابع ورجعت ركزت بأوراقها وهي متجاهلة تماما الغريب الى لحقها لداخل المصعد .. فكرت بينها وبين حالها " قد يكون بيشتغل بأحد الشركات الموجودة بهالمبنى .. لا تتوتري دلال وتجاهليه تماما " .. كلام نقطه لسانها مخالف تماما لكل اوامر عقلها الي ترك التفكير بالملفات واتجه بكل خلاياه ناحية الغريب .. شكله اقلقها ووترها كتير .. مع انه لابس بدلة رسمية انيقة وشكلها غالية لكن ملامحه المخفية خلف لحيته الطويله الكثيفه والغير مهذبه حفزت جهازها الدفاعي تجاهه .. كانت قلقة وصاحية لدرجة عدها لأنفاسه ... أول ما وقف المصعد عند الطابق الرابع طلعت منه بخطوات سريعة وهي بتتنفس الصعداء .. لكن لما لحقها الغريب التفتت له وهي بتشحذ شجاعتها واطلعت بعيونه وهي بتقول بحدة ( اعتقد شكرتك على مساعدتك .. مافي داعي لهالحركات .. ) التفتت لتدخل من باب الشركة .. فار دمها لما لحقها لجوا الشركة فرمت ملفاتها على مكتب الاستقبال وهي بتصرخ بغضب (ارجوك .. نحن في مكان عمل محترم .. واذا مخيلتك المريضة بتصور لك شي فأنت غلطان .. انت .. ) قاطعها صوت المهندس فهيم وهو بيقول بلهجة ودودة ( عمر.. اخيرا شرفت الشركة !! ) عقدت حواجبها بإستغراب وهي بتشوف السلام الحار الى تبادله فهيم مع المدعو "عمر" اطلعت بفهيم الى شاور عليها وهو بيقول ( وتعرفت على الأستاذة دلال !؟ شو هالسرعة الى عايش فيها يارجل !! ههههه .. على فكرة ا/دلال من اهم وانشط موظفين الشركة .... تفضل تفضل انا مجهز القهوة بمكتبي وبنتظرك ) رجعت التفتت للغريب وهي عاقدة حواجبها وعقلها بيفكر بهوية هالشخص الى بيخاطبه مديرها بأريحية .. التحليل الوحيد المنطقي الى خطر ببالها " صديق قديم لفهيم " .. برر عقلها حضور هالـ"صديقة " للشركة بهالوقت المبكر " المهندس فهيم دائما مشغول وماعنده وقت لمقابلة صديقه القديم الا بهالوقت " .... على العموم الموضوع مابيهمها .. المهم انه مو متحرش منحرف الافكار .. تنفست بعمق وهي بتفكر ان ماعندها وقت تضيعه اكثر من هيك .. هي بأشد الحاجة للتركيز خاصة ان عندها برزنتيشن بعد اقل من ساعتين .. رفعت عيونها لوجه الغريب وهي بتقول بجمود ونبرة رتيبه ( بعتذر سيد عمر على سوء التفاهم .. ) التفتت لفهيم وهي بتكمل ( انا بمكتبي اذا بتحتاجني ) ولملمت اغراضها وتركتهم .. .... بقيت عيونه تتابعها لحتى اختفت عن نظره قبل مايلتفت لصديق عمره فهيم الى بيسحبه من ايده ليدخله لمكتبه وهو بيقول بمودة ( ياشيخ عاش من شافك .. 3 سنوات من اخر مرة شفتك فيها .. بشو مشغول كل هالقد ومو فاضي لحدا !؟ ) ضحك فهيم وهو بيضيف ( وشو هالستايل الغريب !! مازهقت من ستايل رجل الغابات ) ابتسم عمر وهو بيجلس على احد الكنبات الموجودة بالمكتب .. تجاهل تعليق صديق عمره على شكله ( انت اكثر واحد بيعرف ظروفي يافهيم .. انت بتعرف بالسنوات الخمس الأخيرة كم تعقدت الأمور معي .. ) هز فهيم راسه بتفهم وهو بيعلق ( الله يكون بعونك ويسر امرك .. كيف الوالدة ان شاء الله بخير ؟ ) ابتسم عمر وهو بيقول بجدية ( هلأ اتركنا من المجاملات الفاضية وخلينا ندخل بالشغل .. انا جاي لفترة قصيرة وبدي انهي اكبر عدد ممكن من المهام المتراكمة ) دخلت مكتبها وبسرعة بدأت بالعمل .. عندهم اجتماع مهم اليوم مع عميل وفهيم طلب منها مجموعة من البرزنتيشنز الى بتشرح خدمات الشركة وبتلمع انجازاتها .. لهيك نسيت الغريب "عمر" وركزت بعملها وماقطع تركيزها الا تلفون المكتب بيرن ومديرها بيذكرها بوقت الإجتماع بعد ربع ساعة وبيطمأن ان كل شيء جاهز وبيرجع بيذكرها بأهمية ان يكون البرزينتيشن خالي من اي اخطاء لأهمية الإجتماع واهمية الحاضرين فيه .... دخلت الحمام الخاص بالسيدات القريب من مكتبها .. فكت حجابها و غسلت وجهها بمي بارد لحتى تخفف من الأرهاق الواضح على وجهها .. بأصابعها لملمت شعرها القصير لتخفيه تحت ربطة قماش بتلبسها تحت الحجاب لتمنع هروب اي خصلة شعر من تحت حجابها .. ابتسمت بحسرة وهي بتتذكر شعرها الطويل .. كل ما وقفت امام المرآه تتمشط بتتذكره .. كان حسام يحب شعرها ويتغزل فيه دائما .. لهيك اول شي عملته بعد انفصالهم انها قصته .. لهلأ مو فاهم ليش قصته !! ومو متذكره شو كان مبررها لقصه .. وشو كان السبب الى دفعها لقصة !! .. لكن من وقتها احتفظت بهالستايل ورفضت تتركه يطول مرة تانية .. قبل ماتسرح بخيالها اكثر مع حسام قطع افكارها رنة المنبه بجوالها فركضت بسرعة لمكتبها وتناولت كمبيوترها وبخطوات سريعة توجهت لغرفة الإجتماعات ... في غرفة الإجتماعات .. جهزت البروجكتر قبل ماتجلس بمكانها المعتاد وتراجع العرض .. رفعت راسها اول ماسمعت صوت مديرها بيعلن دخوله للغرفة لكن نظراتها جمدت على الشخص الى دخل خلفه ( مرحبا ا/دلال .. بنلتقي مرة تانية وبشكل اكثر رسمية هالمرة ) رجعت بنظرها فورا لفهيم لحتى تفهم شو صاير!! لكن تفسير فيهم صدمها اكثر ( د.عمر صاحب الشركة بده يأخذ فكرة عن اخر انجازات الشركة والمشاريع الحالية الى بنعمل عليها ) حاول عقلها يستوعب الجملة بسرعة "د.عمر صاحب الشركة !! .. كيف صاحب الشركة وهاي اول مرة بتشوفه او بتسمع عنه !! .. وين كان وليش مابيدير شركته بنفسه !! " .. الإرتباك ظهر واضح على ملامحها وهالشي ماخفي على "صاحب الشركة" ..... نظراته وترتها وكأنه بيذكرها بموقف الصبح وتصرفها السخيف معه .. لهيك نزلت عيونها وهي بتقول بإقتضاب ( تشرفنا د.عمر) التفتت لمديرها وهي بتسأل (ابدأ بالعرض ولا رح ننتظر شخص اخر يحضر معنا الإجتماع؟ ) ضحك فيهم وهو بيلتفت لعمر وبيقول ( رح يعجبك التعامل مع دلال .. موظفة نشيطة وذكية وبتتعلم بسرعة ومابتحب تضيع ثانية او حتى جزء من الثانية ) التفت لها فهيم وهو بيكمل ( ابدي ولكن بالأول اعطيه فكرة عن عملك ) ....هزت راسها بطيب وهي بتوقف وبتتناول مؤشر الشاشة ( ببساطة انا ادير مشاريع الشركة بالتعاون مع فريق عمل مميز ... يبدأ دوري بالمشروع من نقطة كتابة العرض الى تسليم المشروع للعميل ) اخذت نفس والتفتت لشاشة العرض وهي بتتجاهل نظرات "البوس الكبير" لكن قبل ماتضغط على زر التشغيل كتمت انفاسها وهي بتسمع ( انا ماجيت من امريكا لهون لحتى اسمع "ببساطة" كيف بيسير العمل هون .. احتاج التفصيل ا/دلال لحتى الم بدور كل موظف واقدر مدى اهمية وجوده من .. عدمها ) استفزتها طريقته بالحكي ونبرة الصوت الى استخدمها خاصة تأكيده على كلمة "عدمها" وكأنه بيقلل من اهمية وجودها بالشركة .. لهيك بكل هدوء رجعت المؤشر على الطاولة وسحبت الكرسي الى جنبها وجلست مواجهه له وشبكت اصابعها امامها على الطاولة وهي بتتقدم شوي للأمام وبتقول بنبرة جادة ولكن فيها شيء من الحدة ( بتفضل اشرح لك طريقة عملي بالعربي ولا بالأنجليزي د.عمر بما انك جاي من .. "امريكا" ) .... ابتسم بسخرية وهو بيطلع بعيونها بتحدي مماثل وبيشبك اصابعه امامه وبتقدم للأمام شوي بنفس طريقتها وهو بيرد ( بالعربي ) ابقت عيونها مركزة بعيونه وهي بتشرح بهدوء ( عملي يبدأ يا دكتور من بعد مابيحصل قسم المبيعات على نسخة من المناقصة وبيحددو احتياجات العميل وقتها ببدأ بكتابة العرض بالتعاون مع فريق المحاسبة .... ) وبدأت تسرد كل تفاصيل عملها بشكل مفصل وممل وهي على نفس جلستها وعيونها مركزة بعيون "البوس" متجاهلة الكلمات الى بيرميها لها فهيم لحتى يهديها ويكسر التنشن الى حدث بين افضل موظفة عنده وبين رب العمل ... لما خلصت من شرح كل مهامها قالت ( واضح ولا بتحتاج الى توضيح زياده !؟) .. ديق عيونه وهو بيطلع بعيونها الى بتهاجمه بتحدي شرس لتدافع عن كرامتها الى اهانها بجملته الاخيرة .. رجع لورا ليسند ظهره بالكرسي وهو بيقول بصيغة الأمر (ابدي بالبرزنتيشن ) بللت شفايفها بغضب وهي بتحاول تسيطر على رغبة العض عليهم من قهرها منه ومن نبرة صوته واسلوبه المستفز .. لكنها وقفت بهدوء وهي بتتناول المؤشر .. فكرت تنسى كل قواعد الأتكيت وتعطي ظهرها “للبوس” المستفز قليل الأدب لحتى تعرفه مقامه .. لكنها تراجعت باللحظة الأخيرة وفتحت البروجكتر وركزت بعرضها متجاهلة النظر له ومكتفية بتقديم العرض كعادتها بكل احترافية ....بعد ماخلصت التفتت لمديرها الى سأل ( كيف د.عمر ان شاء الله كل الأمور واضحة ؟) .. اطلع عمر بدلال قبل ما يلتفت لصديق عمره ويجاوب وهو بيوقف ( واضحة .. لكن .. مازال عندي اسئلة .. ) فتحت عيونها بصدمة وتذمر لما التفت لها مديرها ( دلال مابدي يبقى سؤال واحد برأس د.عمر .. مسؤوليتك تجاوبي على كل اسئلته وتساعديه يلم بكل امور الشركة ) .. انتقلت عيونها بتلقائية لعمر .. قاومت العض على طرف شفتها بغيظ من نظراته الى بتطلع فيها بأستعلاء واضح ... قاومت بشدة رغبتها بالصراخ بوجه المستفز .. بلعت ريقها وهي بتقول برسمية بتحاول تخفي خلفها الغليان الى بداخلها منه ( حاضر .. تفضل د.عمر .. انا مستعدة للإجابة على كل اسئلتك ) .. لكن عمر تجاهل كلامها و التفت ليمشي لجهة الباب ( هلأ مو فاضي.. عندي مشاغل مهمه لازم اخلصها .. لكن توقعي بأي وقت اطلب اجتماع اخر معك يا .. أ/دلال ) ماعرفت تعمل شي مفيد لساعات بعد الإجتماع .. دمها فاير من صاحب الشركة لدرجة انها انفجرت بمساعدتها لخطأ بسيط .. ما طلعت من حالتها هاي الا لما عرض عليها احد اعضاء فريقها مشكلة كبيرة ظهرت بأحد المشاريع الى بتديرها وقرب تسليمها .. وقتها كل خلايا عقلها ركزت على المشكلة وايجاد حل مناسب لها واهم شي حل يناسب العميل ولا يؤثر على ميزانية المشروع او وقت التسليم .. بعد عناء واجتماعات طويلة لدراسة وحل المشكلة وصلت مع فريقها لحل .. وبعد مجموعة من الأتصالات اقتنع العميل بدراسة الحل المقترح خاصة بعد وعدها له بعدم وجود اي زيادة على الميزانية المتفق عليها .. اطلعت بساعة ايدها وهي بتطلب من مساعدتها تكتب خطاب رسمي للعميل تحدد فيه بنقاط واضحة المشكلة وطريقة حلها وتطلب منه بأخر الخطاب ارسال الموافقة السريعة حتى تكون كورقة رسمية تقدمها لمديرها وقت اعلامه بالتغييرات .. فركت جبينها بتعب وهي بتتناول جوالها من جيبها حتى تتصل بأمها لتخبرها انها رح تتأخر ولكن مقاطعة احد الموظفين نستها الإتصال .. مشيت لجهازها وبدأت تطبع خطاب لمديرها لحتى تخبره بالمشكلة الى واجهتهم وكيف حلوها وانها رح ترفق له موافقة العميل فور وصولها .. فور انتهاءها من الايميل رفعت راسها وقالت ( ياجماعة يعطيكم العافية .. بأمكانكم تنصرفوا بس رجاء الكل يكون متواجد الساعة 8 صباحا بكرا ضروري ) التفتت لمساعتدها وضافت ( ارسلي لي موافقة العميل اول مابتوصلك .. رجاء صفاء مابدي اي تأخر ) هزت صفاء راسها بطيب وهي بتلم اغراضها ( حاضر .. تصبحي على خير ) ابتسمت لها دلال ابتسامة سريعة قبل ماترجع للملفات الى معها لتعمل على تعديلها حتى تكون كل الملفات تحتوى على سكشن الحالة الجديدة والحل المقترح لها مع خطوات الحل الى عمل عليها الفريق لساعات طويلة حتى ينجزوها .. هي موسوسه بعملها لدرجة ان هيك امور بتحب تعملها بأيدها حتى تتأكد ان كل الملفات صحيحة .. واذا اوكلت المهمة لشخص بتراجع الملفات كلمة كلمة وبتقارنها .. مابتقبل تنقص نقطة او فاصلة .. كل ملفات المشاريع الى بتديرها دقيقة ومنظمة بشكل يسهل على الإدارة مراجعتها وقراءتها بأي وقت ... كعادتها لما بتندمج بالشغل بتنسى كلشي حولها ومابتعود بتسمع او بتحس بشي غير صوت افكارها و حروف الكي بورد الى بتطبع عليه بسرعة .. لهيك اول ماسمعت ( انت لسى بالمكتب !؟) صرخت برعب وهي بتوقف وايدها على صدرها لتهدي نبضات قلبها .... لكن رعبها تحول لغضب اول ماشافت صاحب السؤال .. اطلعت بساعتها .. كانت تجاوزت 9 .. تذمرت بينها وبين حالها من عدم انتباهها للوقت وبدأت تلملم اغراضها وهي بتفكر بقلق بالأعصار الى رح يقابلها بالبيت خاصة ان جوالها على وضعيت الصامت .. من حركاتها ونبرة صوتها كان واضح انها معصبه ( كان عندي شغل ضروري .. هلأ ماشيه ) ... سند حاله بإتسرخاء على إطار الباب وكتف ايداه امامه وهو بيطلع فيها كيف بتجمع ملفاتها وبترمي اغراضها بشنتتها .. في رغبة بداخله بتنق عليه حتى يستفزها ويشعلل غضبها اكثر .. بالعادة مابيستجيب لهيك رغبات ولدانيه .. لا عمره ولا مركزه بيسمح بهيك تصرف لكنه ماقدر يضيع فرصة استفزازها خاصة بعد اجتماع الصبح الى استمتع به جدا...... ملامحها بتعكس بشكل لايصدق مشاعرها وتفكيرها لدرجة انه قرأ افكارها بالإجتماع وسمع كل المسبات الى وجهتها له وهي بتطلع فيه بصمت .. ( مهتمة لهالدرجة بعملك مثل ما بيكرر فهيم ولا بتحاولي توهمي رب العمل الى ظهر فجأة بأهميتك وتفانيكي بالعمل !!) ماقدر يخفي الأبتسامة الى انرسمت على شفايفه وهو بيشوف اولا : صدمتها بجملته .. ثانيا : كم الشتائم الى انهالت عليه من افكارها وعيونها الى بتديقها فيه بغضب .. لكن فمها ماقال الا جملة وحدة وهي بتحط شنتتها على كتفها وبتمشي بإتجاه الباب لتطلع من المكتب ومتجاهلة النظر له ( بإمكانك تعرف الإجابة بنفسك من تقارير الشركة .. عن اذنك ) ... تركها تتجاوزه وهو بيراقبها بعيون متفحصة .. حضر للشركة بهالوقت ليقابل فهيم ويتناقش معه بموضوع مو بهالاهمية وممكن يتأجل .. لكن عقله الاواعي جابه .... فضوله بيحوم حول "هالانثى" الى لفتت نظره الصبح .. مو بجمالها .. ولا بأناقتها .. بل بتصرفاتها الغريبة .. بنظرة عيونها البراقة .. بجملها المختصرة .. بصوتها صاحب الرذم الرتيب المتزن ... عنده فضول يعرف شو الشخصية المختبئة خلف هالقناع !؟ ... همس وهو بيدخل ايداه بجيوبه وبيمشي لمكتب فيهم ( انا متأكد من وجود قطة وديعة خلف قناع اللبوة الشرسة الى بتلبسيه ) ...... هزت راسها بأدب وهي بتستمع لمحاضرة امها .. هالمحاضرة لازم تعاد كل مرة بتتأخر فيها بالشغل .. محاضرة مؤلمة لها .. بتذكرها بالظلم الى حل عليها .. بتذكرها بالألم الى بتحاول تهرب منه بالغرق بشغلها .. كررت بداخلها كلمة امها الى بتبدأ فيها كل جمل المحاضرة “انت مطلقة” .. والمجتمع لا يرحم المطلقة .. وامها كفرد من هالمجمتع بتفكر بنفس الطريقة !! .. مع انها متألمة على بنتها الا انها بتفكر بنفس العقلية وبتستخدم نفس الألفاظ الظالمة الى بيطلقها المجتمع على اي بنت بحالتها .. هي متأكدة من حب امها لها .. ومتأكدة أن امها مو قصدها تألمها .. متأكدة كمان ان من اهم اولويات امها تزويجها ........ احيانا بتشعر انها وسمة العار في هالعائلة المثالية بكل شيء !! ...... تنهدت بسرها وهي بتفكر " ياترا لو عرفت ماما اني مازالت بتحب حسام المتسبب بهالعار شو بتعمل !! " .. همست لحتى تنهي المحاضرة .. ( خلص ماما بوعدك اتصل فيكي قبل ما انشغل بالعمل .. ) قاطعتها امها بغضب ( بوعدك بوعدك .. كم مرة وعدتيني واخلفتي !! ) بهاللحظة تدخل ابو فارس ( خلص دلال .. المرة الجاي اعملي مثل مابتقول امك ) هزت راسها بطيب وباست راس امها وطلعت لشقتها ركض .. بعد ماغابت بنته عن عينه التفت لزوجته وهمس بلوم ( على مهلك على البنت .. وين كانت يعني غير بشغلها !! .. بكفيها الى فيها ) .. دمعت عيونها ( كل مابشوفها بتغرف اكتر بشغلها بيحترق قلبي عليها .. ومو طالع بأيدي شي لحتى اسعدها ) رد عليها زوجها ( بلى طالع بأيدك انك تتمهلي عليها شوي وتقدري الظروف الى مرت فيها .. البنت لسى تعبانة) ... بحسرة علقت ( مارح ترتاح الا لما يجيها الى ينسيها الى مرت فيه .. بنتي وبعرفها .. ) هز ابوفارس راسه ( يأم فارس حرام عليكي .. انا بحكي بالشرق وانت بالغرب .. صحيح البنت مارح تهدء نفسيتها الا لما يمتلى قلبها بالحب والإستقرار لكنها بحاجة لوقت .. عطيها شويت وقت وبكفي ضغط عليها !! .. ) بحسرة ردت ( انا مستعدة اعطيها كل الوقت الى بتحتاجه .. بس المشكلة الزمن بيمر .. والبنت بتكبر .. وكل مالها بتغرق اكثر .. هاي مرت 4 سنين ومافي حدا دق بابنا يخطبها ..) .............. ( كله بأيده سبحانه مو بأيدنا ) ................ ( ونعم بالله .. بس نحن كمان علينا نسعى .. وانا رح اسعى لحتى اريح بنتي وازوجها سيد سيده لحسام ) ..... هز ابو فارس راسه ( لاحول ولا قوة الا بالله .. شيلي البنت من راسك الله يرضى عليك .. وكلشي بوقته حلو ) .. هزت راسها بطيب ( انت ماعليك مني انا رح اعرف كيف اتصرف واحل مشكلة بنتي ,, ) هز رأسه بقلة حيلة وترك زوجته وهو غافل عن الى بيدور براسها وبتسعى له من ايام .... يادوب دخلت شقتها ورن جوالها .. ردت بسرعة اول ماشافت اسم المتصل ( مسااء الخير ياحلى سيدة اعمال بالدنيا ) ابتسمت بحب لأختها الكبيرة .. الشخص الوحيد الى بيفهمها وبيفهم بصدق الى بتمر فيه .. جلست على سريرها وهي بتقول ( مساء الخير ماسة .. الظاهر ماما خبرتك !؟) ضحكت ماسة وهي بتعلق ( دلول حبيبتي .. امك وبتعرفيها .. لما بتزعل مابتخلي حدا مابتخبره .. وتوقعي انها خبرت فارس بأمريكا كمان .. ) هديت ضحكت ماسة قبل ماتكمل ( ماما صحيح عصبية وبتخانق لكن بتحبك كتير وبتخاف عليك اكتر ) .... هزت راسها ( بعرف .. مو زعلانة .. ) بغضب متصنع ردت ماسة ( اصلا لو كنت زعلانة كنت خانقتك .. هاي ماما يادلول ورضاها واجب ) همست بصوت يادوب يطلع ( بعرف .. والى بتأمر فيه بيمشي .. لا تقلقي ماسة من هالشي .. سدقيني لما قلت لك مو زعلانة .. انا تعودت على اسلوب ماما ومتفهمة تماما السبب وراه ) ... بفخر علقت اختها ( حبيبة قلبي يادلول .. ياريت نرجس تاخذ شوي من عقلك وفهمك !! ) تغيرت نبرة ماسة وهي بتكمل ( على سيرة نرجس .. البنت هلكتني منشان دروس السواقة .. مو حضرتك وعدتيها .. اوفي بوعدك ياخانم وعطيها كم درس خليها تحل عن راسي .. والله كل يوم نق نق نق مابتخليني اعرف اشتغل شي بالبيت .. وانا مالي خلق اعلمها .. ) ابتسمت بحب وهي بترد ( اوكي .. جيبيها لمكتبي بكرا على 6 وانا بعطيها شي ساعة درس سواقة .. تكرم عيونها حبيبة خالة ) بتعب ردت اختها ( مو شاطط البنت علينا الا دلعك هدا ) بعتاب علقت دلال ( حرام عليكي .. هاي بنتك الوحيدة على 4 شباب .. عطيها حقها من الدلال !!) ......... ( انت ام الدلال .. دللي البنت لتشبعي .. بشوفك بكرا على الـ 6 ..سلام ) .. لكن قبل ماتغلق الخط همست لتطيب خاطر اختها ( دلال .. ماما حاسه فيكي ومو قصدها تزعجك .. هي بس قلقانة عليكي وبتعبر عن قلقها بطريقتها .. كأم مو متحملة تشوفك حزينة امامها .. مو متحملة توقف عاجزة امامك وماتقدر تأمن لك السعادة الى بتتمنيها .. ) تجمعت الدموع بعيونها وهي بتهز راسها بتفهم كامل لكل كلمة قالتها اختها وقبل ماتفلت منها شهقة بكاء كتمتها بأيدها بقوة .. لكن ماسة حاسة بأختها الصغيرة وعارفة الضغط الكبير الى عايشته ببيت اهلها .. وبتحاول قدر الإمكان تساندها وتخفف الضغط عليها .. لكن لبيت أهلها عادات صعب تُتَجاوز ولأهلها طِباع صعب تتغير بهالعمر .. هذا غير انها ساكنة بمنطقة بعيدة شوي عنهم بحكم شغل زوجها ودراسة اولادها مع هيك بتحاول تكون متواجدة دائما منشان اختها على الاقل لتحسسها ان في شخص بالعائلة فاهم وحاسس بكل الى بتمر فيه ... بتردد سألتها ( لسى بتاخذى حبوبك ؟) ... بلعت ريقها وحاولت تتماسك وتسيطر على صوتها قبل ماتهمس بكذب لأختها الكبيرة ( اي ) .. بحب ودعم ردت ماسة ( حبيبتي دلول .. كل عمرك عاقلة .. لا توقفي الدواء ابدا الا بمشورة الطبيب .. لنا جلسة مطولة قريبا ان شاء الله .. يالله حبيبتي بتركك ترتاحي اكيد تعبانة بعد يوم عمل طويل .. سلام ) .. انهت المكاملة وتركت العنان لدموعها .. كم بيحز بقلبها نظرة الحزن و الحسرة بعيون امها وابوها .. مابأيدها تعمل شي .. هيك الله كتب عليها ولازم تتحمل ... لازم تتحمل نظرة الانكسار الى بتشوفها بعيون ابوها وهو بيبتسم لها كل يوم الصبح قبل ماتطلع لشغلها .. لازم تتحمل احراج امها وحزنها لما بتتكلم عنها في الجمعات النسائية الأسبوعية الى بتحضرها .. فوق كل حزنها وآلمها لازم تتحمل ضغط المجتمع عليها ... غطت وجها بأيداها ورجعت تبكي .. لكنها فجأة رفعت ايداها عن وجهها وابتسمت وهي بتشوف خياله امامها .. طالع من الحمام بعد دوش طويل .. كالعادة مانشّف شعره وتركه ينقط مي .. غمضت عيونها هي بتحس بقطرات المي بتملء وجهها من حركته الصبيانة الى بيعملها دائما بعد الحمام لييتخلص من المي الى بشعره .. همست وهي بترفع ايدها امامها لتحمي حالها من المي ( بكفي حسام بكفي مليت الدنيا مي .. بالله مابتدوخ من هز راسك بهالسـر .. ) .. الكلمات ماتت اول مافتحت عيونها وشافت الفراغ امامها .. حاولت تبلع الغصة القاتلة الى حستها بصدرها ولكن الألم كان اكبر من تحملها .. رمت حالها على السرير وخبت وجهها باللحاف وهي بتبكي .. لأربع سنوات بكاءها كان من غير صوت لحتى ماتحسس اهلها .. بكاء بيزيد من آلمها بدل مايفرغه .. بكاء يحصر حزنها والمها بينها وبين نفسها ليقطع قلبها وينقش فيه ذكرى كل آها كتمتها ودمعة خبتها .. بكاء بيخف تدريجيا لا لأنها ارتاحت وفرّغت الى بقلبها .. بل لأن قواها خارت وماعاد فيها تكتم اكثر فبتستسلم للنوم على الجزء من اللحاف الى شهد انهيارها وامتص دموعها بصمت يشابه صمتها ... على مهل فتحت عيونها وهي عاقدة حواجبها .. مدت ايدها لتغلق المنبه وهي بتأن من التعب .. كل جسمها بيوجعها من نومتها الخطأ .. مدت ايدها لدرج الكمودينة جنبها وتناولت علبة حبوب .. مسجت راسها الى رح ينفجر من الصداع وهي بتطلع باللعلبة المحكمة .. من 6 اشهر موقفه الدوا لكن التعب الى حاسة فيه اليوم اضطرها انها تاخذ حبتين على امل يخفف الآلم براسها و بقلبها ... بصعوبة شدت حالها ودخلت للحمام لتأخذ دوش بارد يصحصحها .. اطلعت على نفسها بالمرايه .. هاي اول مرة بتفكر تحط مكياج لتخفي تنفيخ واحمرار وجهها .. لكنها تجاهلت الأمر ولبست ملابسها ونزلت للمطبخ .. اول ماشافتها امها سألتها بقلق ( شو صاير .. ليش هيك وجهك !؟ ) مثلت انها بتعطس اكثر من مرة قبل ماتقول ( مزكمه .. ) اقتربت منها بسرعة وحطت ايدها على جبهت بنتها لحتى تقيس حرارتها .. عقدت حواجبها وهي بتقول ( فيكي حراره خفيفة .. اخذتي شي !؟) هزت دلال راسها بلأ .. مشيت سمر لصيدلية البيت وتناولت حبتين بندول قبل ماتمشي للثلاجة وتصب كاسة حليب وتدفيها وتعطيها لبنتها وهي بتلومها ( هذا كله من اهمالك بصحتك واجهادك الزايد بالعمل .. انا رح كلم صلاح حتى يحكي مع مديرك .. مو معقول كل هالشغل فوق راسك انت بس !! ) بلعت الدوا بسرعة قبل ماتقول ( الشغل ماله دخل .. انا مبارح كل اليوم جالسة امام المكيف ويمكن هذا السبب ) تناولت حجابها ولسبته فقالت امها بإستنكار ( لسى بكير !! وان شاء الله طالعة من غير فطور !!) .. اطلعت بصورتها المعكوسة على باب المكرويف وهي بتضبط حجابها وبتقول ( مستعجلة كتير ماما .. عندي مشكلة بالمشروع .. ادعيلي ) وطلعت بسرعة لكنها رجعت لتضيف ( اليوم رح اعطي نرجس درس سواقه .. يمكن اتأخر شوي ) هزت سمر راسها بطيب .. باست ايد امها وطلعت لتلحق على موعدها .... ****** وحداني ح عيش كده وحداني .... ولا قول يا غرام أبدا تاني .... بعد اللي فاتوني لأشـــجاني .... يـحرم على قلبي ووجداني .... وحداني ح عيش كده وحداني رفع صوت الإذاعة اول ماوقف على الإشارة قبل الشركة .. نقر بأصابعه على دركسيون السيارة وهو بيرجع يدندن مع الأغنية وعيونه على صورته المعكوسة بمراية السيارة وكأنه بيوجه لنفسه كلمات الاغنية وحداني ح عيش غصبا عني .... وخلاص انا حانسى اللي جرى لي .... انا كنت بحب ومتهني .... ولا كانش يخطر على بالي .... الغالي يهون وحبيبي يخون .... وازاي الأيام تخلف ظني .... وحداني ح عيش كده وحداني كمل دندنة مع الأغنية وهو بيدخل لمصفات الشركة ... صف سيارته بالمكان المخصص له .. اغلق الإذاعة وتناول فناجين القهوة الى اشتراهم من المقهى القريب من الشركة .. توجه للدرج وهو لسى بيدندن الأغنية .. تناول فنجان قهوة وناوله للحارس الى سلم عليه بأحترام .. ابتسم له بمودة ردا على شكر الحارس وهو بيكمل دندنة وبيطلع للطابق الارضي للشركة لياخذ المصعد .. اليوم مزاجه رايق كتير خاصة بعد ما اطمن على المزرعة وكل الموجودين فيها .. ابتسم وهو بيضغط زر 4 ليطلع لمكاتب الشركة .. كل عمره بيحب الإثارة و الغموض وهالمزرعة مثال لكل شيء بيحبه .. مشط شعره الكثيف بأصابعه وهو بيكمل دندنة بكلمات نفس الآغنية .. طلع من المصعد وتوجه مباشرة لمكتب صديقة فهيم ليضيفه فنجان قهوة لكنه بنص الطريق توقف وهو بيزم شفايفه بتفكير وخلال جزء من الثانية توجه بسرعة لمكتب اللبوة الشرسة الى اعلنت الحرب الباردة عليه من اول لقاء .. بطئت خطواته اول ما اقترب من مكتبها .. وعند الباب توقف لما شاف مجموعة من الموظفين معها بالمكتب .. اول ما اجت عيونه عليها ابتسم بإستمتاع وهو بيشوفها بتتكلم بجدية وبتوجه اوامرها بكل حزم وقوة لاعضاء فريقها الى منهم رجال اكبر منها عمرا و اضخم حجما .. لكن ابتسامته اختفت لما لاحظ شحوب وجهها وحركة اصابعها على جبينها الى بتدل على ارهاق وتعب .. كان مفكر يدخل ويفور دمها شوي و يعمل بلبله بهالاجتماع الصغير لكن شكلها خلاه يتراجع بخطوات هادئه ويرجع يمشي لمكتب صاحبه ... ****** من الصبح بكير كان الفريق كله متجمع وبيشتغل تحت قيادتها لتدارك الوقت وتعديل الخطط و التأكد من سير الإجراءات لتتناسب مع قرارات الأمس .. جاهدت كتير لتحافظ على تركيزها خاصة مع الحبوب الى اخذتها الصبح والى من اول اعراضها الجانبية الغثيان .. الغثيان منعها من شرب القهوة وهالشي زاد الصداع عليها .. مما ادى الى زيادة حدتها في اعطاء الأوامر للفريق ومعالجتها للنقاشات بينهم وماقدرت تركز بالعمل الا لما بدأت الأعراض تخف بالتدريج لحتى وصلت لمرحلة مكنتها من شرب فنجان قهوة ليخفف حدة الصداع ويزيد قدرتها على التركيز ..... الكل كان غرقان بالشغل ومضى الوقت بسرعة وما نبهها من تركيزها الا طرق خفيف على باب مكتبها المغلق .. بعد ما اذنت للطارق بالدخول انفتح الباب ودخلت بنت اختها نرجس الى بتقول بعتاب ( الظاهر نسيتيني ) .. ابتسمت لها بحب وهي بتوقف وبتلمها لحضنها ( حبيبتي معقول انساكي !؟ انا بنسى حالي ومابنساكي ..) ضمتها وهي بتسأل ( وين امك ؟ ) ... ردت نرجس وهي بتبتعد شوي عن حضن خالتها ( ماما نزلتني ومشيت بسرعة ) بحماس سحبتها من ايدها وهي بتكمل (بسرعة بليز بدي نبدأ اول درس بليز بليز ) سحبت دلال ايدها وهي بتضحك بمرح ( طيب طيب .. بس اضب اغراضي ) بنزق علقت نرجس ( بسرعة بليز دلال هلأ بيجي يزن ياخذني ) ضحكت دلال وهي بتعلق ( تسمعك ستك بتندهيلي بأسمي من غير خالة ) جلست نرجس على ايد الكنبة وهي بتقول ( انا مابنده لك بأسمك الا لما بنكون مع بعض .. تحسبا يعني ) هزت دلال راسها وهي بتبتسم لنرجس قبل ما تلتفت لمكتبها و تضب ملفاتها وترتبهم .. سبحان الله شوفة بنت اختها نستها كل تعبها .. نرجس اسم على مسمى .. الوحيدة من بين اخوتها الى اخذت من جمال امها .. لما كانت امها صبية مافي عائلة ما طلبتها لأبنهم وبالأخر انس كان صاحب النصيب الى حظي بجميلة المدينة .. عيون زرق وشعر اشقر وبشرة وردية وطول وقوام مياس .. و نرجس نسخة مصغرة عن امها الا ان الكل بيقول ان طباعها نسخة عن خالتها دلال طبعا قبل الأزمة ... مابتنكر ان في البداية كانت بتغار منها كتير خاصة اول ماولدت .. جمالها وانبهار الكل فيها كان سبب رئيسي لغيرتها منها .. لكن الأن الأمر مختلف تماما .. نرجس بالنسبة لها اختها الصغيرة الى بتستمتع بحديثها البريئ وحماسها عن كل شيء حولها بالحياة ... التفتت بسرعة لللشخص الى قال ( ا/دلال .. غرفة الإجتماعات 5 دقائق .. عندي اسئلة لازم اعرف اجوبتها ) ... عقدت حواجبها وهي بتطّلع فيه قبل ماتطّلع بساعة ايدها وهي متقصدة وبتقول ( هل ممكن تأجيل الإجتماع لبكرا د.عمر لأن الأن انتهى دوامي !) بالعادة مستحيل تفضّل شيء عن العمل ولو كان الطلب جاء من مديرها او اي احد ثاني كانت كنسلت الطلعة كلها حتى تنهي العمل لكن بما ان الطلب جاي من د.عمر فمافي داعي تنقض وعدها لنرجس منشانه .. انتبه عمر على الصبية الواقفة بطرف المكتب وهي عاقدة ايداها خلفها وبتبتسم له بلطف .. رحب فيها بهزة براسه قبل مايلتفت لدلال ويقول ببرود ( مو مشكلة .. بكرا بنلتقي الصبح .. اعملي حسابك تكوني بمكتبي الساعة 9 ) وطلع من المكتب بسرعة .. بعد ما اختفى نطت نرجس لجهة خالتها وهي بتقول بلهفة ( مين هدا !؟ ) بتريقة جاوبتها وهي بتكمل ضب الملفات ("البوس" الكبير ) لمعت عيون نرجس بإعجاب وهي بتعلق بصوت هامس مسحور ( He is dreamy) ضحكت دلال بمرح وهي بتسحب بنت اختها الرومنسية وراها وبتقول ( عيب عليكي يابنت والله لأخبر امك لحتى تفرك تمك بالفلفل الأحمر لتحرمي تحكي كلام اكبر من عمرك ) ضحكت نرجس بمرح وهي بتعلق ( بعرفك مارح تخبريها .. اصلا انت الشخص الوحيد الى بقدر اتكلم معه بحرية .. والشخص الوحيد الى مابيستخدم كلمة عيب قبل وبعد وفي نص كل جملة ) اطلعت بخالتها وهي بتأكد ( وبعدين انا ماقلت الا الحقيقة .. "بوسك" وسيم كتير خالتي .. ) غمزتها بمكر وهي بتكمل ( هلأ عرفنا ليش بتتأخري بالشغل كل يوم ) ضربتها دلال على راسها بخفة وهي بتعلق بغيظ ( امشي .. امشي احسن ما اقص لسانك .. هاي اخرت الافلام الرومنسية الى بتابعيها .. خربت عقلك وافكارك .. وياريت تعلمتي منها الأنجليزي!! .. ما تعلمتي الا الكلمات الى مارح تنفعك بدراستك ) .. بتذمر علقت نرجس وهي بتخبط الأرض برجلها بطفولة معترضة على كلام خالتها ( دلاااااال !! ) بجدية ردت وهي بترفع اصبعها بتهديد ( هش هش ولا كلمة والا والله بلغي درس السواقة ) سدت نرجس تمها بأيداها التنتين وهي بتهز راسها بتوسل لحتى ماتلغي خالتها الدرس .. حطت شنتتها على كتفها وهي بتقول ( يالله لأشوف .. مابدي اتأخر على البيت .. بعدين ستك بتزعل ) .... ****** من غير ما يلتفت للممرضة قال بالانجليزي ( ادخلي المريض التالي ) ... ورجع يكتب على اللابتوب لحتى نبهه صوت الممرضة (د.يزن المريضة جاهزة وتنتظرك) .... هز راسه بطيب وهو بينهي اخر جملة من تقرير المريض السابق قبل مايوقف ويمشي لدرج المعدات .. اول ما التفت عيونه اجت على الست الكبيرة اللابسه جلباب وحجاب اسود .. تناول كفوف مطاطيه ولبسها وهو بيقول ( تفضلي خالتي شو مشكلتك ؟).. ردت الست ( مو انا المريضة يادكتور ) .. عيونه تتحول للست الثانية الى جالسة على كرسي الفحص ولابسه نفس حجاب الست الكبيره ومغطيه وجهها كمان .. وجهه كلامه للمريضة ( سلمات اختي .. خبريني شو المشكلة ؟) شاور للممرضة تجهز المريضة .. جاوبته الست الكبيره بالنيابة عن المريضة وهي بتبتسم( معليش دكتور .. حفيدتي مابتفهم لهجتنا منيح ) ... رفع حواجبه بأستغراب فكملت الست ( بتتكلم الفصحى بس ) كان على وشك تفلت منه ضحكة لولا انه كتمها حتى ما يجرح مريضته ورسم الجدية والرسمية على وجهه وهو بيستمع للست الى بتكمل ( لنا شهرين يادكتور بنعاني بسبب أسنانها .. ماعاد ليلنا ليل ولا نهارنا نهار .. ماخليت وصفه الا وعطيتها اياها .... لكن من غير فايده .. بالعكس آلمها زاد وحرارتها صارت ترتفع .. جارتنا نصحتني اخذها لعندك ومدحت من شغلك كتير .. فجبتها وجيت وبنسأل ربنا يجلع الشفاء على ايداك) .. ابتسم للست الكبيره وهو بيقل ( ان شاء الله ) جلس على الكرسي المخصص له امام كرسي الفحص وهو بيقول بهدوء وجديه .. وبالفصحى . ( من فضلك .. اكشفي وجهك حتى افحصك ) سمع الحجه الى وراه بتقول ( فاطمة .... اطيعي الطبيب .. اكشفي عن وجهك ياابنتي ) .. لكن المريضة همست بإحراج ( حسنا جدتي .. ولكن ..) وجهت المريضة "الغريبة" كلامها ليزن وهي بتقول بأحراج واضح ( حضرت الطبيب .. هل من الممكن ان ابقي الغطاء مسدولا على الجزء الذى ليس له علاقة بمكان الألم ؟) الصوت الناعم المبحوح باغته لثواني لأنه خالف الصورة الى رسمها عقله عن المريضة الملفحة بالسواد امامه .. لكن ثواني وطار الاستغراب .. الموضوع مابيهمه .. مريضه وبس .. هيك بيتعامل مع كل المرضى "النساء" الى بيعالجهم .. بالعامية رد ( اختي .. لازم تكشفي كل الوجهه حتى اقدر اعالجك ) بسرعة وبنبرة حادة زعجته قالت ستها ( فاطمة .. لا تتصرفي كالأطفال .. دعي الطبيب يباشر عمله ..) ... لحظات واصابعها المرتجفه بشكل واضح رغم الكفوف السود الى بتغطيهم ارتفعت لطرف غطاء وجهها وعلى مهل رفعته .. شعر باضطراب بسيط وهو بيشوف الوجه المضيء المورد المختفي خلف هالغطاء .. لكنه استعاد هدوءه بسرعة وهو بيقول بجدية وتذكر يستخدم الفصحى هالمرة ( افتحي فمك .. شاوري لي على مكان الآلم ) ......... لاحظ ان عيونها كل فترة الفحص كانت منحرفه للجهة المخالفة له ولا رفعتهم ولا مره لجهته .. واذا سألها سؤال بتجاوب بهزه من راسها بس .. بل كانت منكمشة كل الوقت على حالها وبتحاول تبعد عن لمسات جسمه غير المقصودة لجسمها لما بيميل لحتى يأخذ نظره من زاويه صعبه .. بعد فحص وتصوير اكتشف المشكلة ..عمل بعض الاجراءات اللازمة لتسكن الآلم قبل ما يلتفت للحجة ويقول ( لازم جلسات تانية ياخالتي .. المشكلة موصله للعصب ولازم التنظيف يكون على مراحل .. ) وقف وهو بيكمل ( والوصفات الشعبية الى استخدمتيها خالتي اثرت على اللثة وسببت التهاب باللثة المحيطة بالضرس .. ) التفت للصبيه الى قالت بتوتر بعد ماغطت وجهها بحجابها ( جدتي .. كأني فهمت اننا بحاجة للعودة مرة اخرى !!) ... هز راسه بأي وهو بينزع الكفوف وبيرد بالفصحى حتى تفهم عليه ( يلزمك 3 جلسات على الأقل ويجب ان نبدأ بها بسرعة .. وان تكون متقاربة والا ستخسرين ضرسك ) بضيق قالت الحجه ( ابني مابيصير نخلص العلاج كله اليوم بما اننا جينا وجينا ؟ ) ... ( والله ياخالتي مابقدر .. لازم التنظيف يكون على مراحل .. ويتنظف ويتعقم الضرس منيح في كل مرحلة والا رح ترجع لها المشكلة مره تانية .. انا هلأ حطيت لها مسكن رح ينتهي مفعوله بعد 24 ساعة لهيك ياريت تعملو موعد قبل انتهاء المسكن ) وقفت الحجه وهي بتقول بقلة حيلة ( ان شاء الله .. الله يسر ..) شاورت لحفيدتها وهي بتقول بضيق ( تعالي فاطمة اسنديني .. ) .. بخطوات سريعة اقتربت من ستها .. سمعها بتهمس بخجل ( جدتي .. اسأليه عن امكانية اكمالي العلاج عند طبيبة يرشحها لنا ويثق بها فأنا افضل سيدة على .. ) .. قاطعتها ستها وهي بتنهرها ( لا تكثري الكلام يابنت فلم اعد بعمر يسمح لي بالمناهدة والاخذ والرد) ماغاب عنه قسوة ايد الست الكبيرة الى تمسكت بأيد المريضة "فاطمة " وهي بتقول جملتها الاخيرة .. عمل نفسه مشغول ببعض الأمور حتى مايحرج الصبية .. وقبل ماتخرج من عيادته ..فضوله دفعه ليلتفت ناحيتها ويتأمل طولها وهيكل جمسها العام الواضح من تحت جلبابها الأسود الواسع .. لكنه بسرعة غض طرفة وهو بيذكر ربه وبيستعيذ من الشيطان الرجيم وبيجلس على مكتبه ليكتب التقرير حول حالة المريضة الغريبة الى زارته اليوم .... "فاطمة " ****** واقف امام الشباك مكتف ايداه بيطلع بالسيارة الى بتتحرك برعانه بالمصفات.. رجليه اخذته لمكتبها ليطئن عليها بعد مالاحظ شحوب وجهها معظم النهار .... من اول ما وقعت عينه عليها وشعور غريب بالحماية متحفز بداخله !! عمره ماشعر بهالطريقة تجاه اي انسان ماعدا لين .. وبعد انتقاله للمزرعة وتهئية الجو المناسب لها اختفى هالشعور .. لكنه ظهر وبقوة اكبر مع انسانة مابيعرف عنها شي !! ..انسانة شغلت حيز كبير من تفكيرة خلال هاليومين ....... مشط شعره بعصبيه وهو مازال بيطلع بالسيارة .. انشغاله وتفكيره بها موتره ومقلقه كمان .. خاصة ان مشاعره كرجل بدأت تتحرك وتشتعل بطريقة غريبة ماجربها من قبل !! .. انزعاج قريب من الغضب اجتاحه وهو بيفكر بهوية البنت الى فوجئ فيها بمكتبها ....... همس بضيق وعيونه مافارقت السيارة " كم عمرها !؟ شكلها مابيوحي ان عندها بنت بهالعمر !! معقول تكون متزوجة بعمر صغير !! .. بس مافي خاتم بأيدها !! .. المشكلة ان الكل بينده لها بالأستاذة .. !!" .... ضرب الجدار بقبضته وهو بينهر نفسه بقوة بسبب سماحه لعقله يتمادى بالتفكير فيها " بكفي سخافات ياعمر !! .. لسى امس عرفت ان هالانسانة موجودة بالكون !! ليش مشغول فكرك فيها كل هالشي !! " ..... ترك الشباك بسرعة كمحاولة منه بالسيطرة على افكاره تجاهها ورجع جلس امام فهيم الغرقان بمراجعة بعض الملفات الى اعطاه اياها وعليها ملاحظاته .. ثواني ولا شعوريا رجع يفكر فيها وعقله يطرح اسئلة حولها تثير فضوله اكثر واكثر .. تأفف بنزق من افكاره الى بتدخله بمتاهات مالها نهاية ...... رفع فهيم راسه وهو بيتسائل ( في شي عمر !؟ ) اطلع بصاحبه للحظات قبل مايسأل ( بتثق بدلال كتير .. شو السبب !؟) تفاجأ بسؤاله لكنه جاوب بكل هدوء ( دلال ذكية كتير .. بتتعلم بسرعة واثبتت جدارتها بوقت قصير كتير .. ) ... سند فهيم ظهره للكرسي وهو بيكمل ( هذا غير انها من عائلة كريمة ومعروفة .. انا بعرف ابن خالها من ايام الدراسة وهو الى قدم لها على الوظيفه عندنا ) ....... عقد عمر حواجبه وهو بيسأل ( يعني تعينت بالمحسوبيه !؟) ... ضحك فهيم وهو بيرد ( لا تقلق ياصاحبي .. انا حريص على تعين افضل الموظفين في الشركة .. ولو ماكانت قد الشغل كنت من الفترة التجريبية مشيتها ) تغيرت ملامح فهيم وهو بيكمل ( للأمانه ابن خالها طلب مني اوظفها بأي شيء .. كان بده يساعدها بأي وسيلة .. ) ........ تقدم عمر بجلسته للأمام شوي وهو بيسأل بأهتمام ( ليش يساعدها !! .. هل عائلتها بتمر بضائقة مالية !!؟) .. بسرعة رد فهيم ( لالا .. دلال من عائلة مستواها المادي جيد جدا .. بس على حسب ماسمعت كانت بتمر بتجربة صعبة مابعرف تفاصيلها .. كل الى بعرفه انها اثرت عليها كتير وقريبها كان حابب يشغلها بشئ ليساعدها ويطالعها من هالأزمة ) .... اول شئ جاء بباله هو تجربة حب فاشلة .. شتم بداخله الشعور المزعج الى ملء قلبه اول ما فكر انها عاشت قصة حب جنونية تركت اثرها العميق عليها ... بعصبية واضحة وقف بسرعة ورجع للشباك يطلع بالسيارة الى مازالت بتحوم بالمصفات الخارجية للشركة وهو بيقاوم الافكار الشيطانية الى بتدور بعقله واشعلت غضبه ...... استغرب فهيم حالة الأنفعال الى ظهرت على ملامح صديقه و الغضب الواضح في حركاته ومشيته للشباك فقال ليدافع عن دلال ( ما اعتقد ان التجربة الى مرت فيها بتأثر على سمعتها او على اي شيء له علاقة بالشركة .. من سنتين البنت بتشتغل بالشركة وماشفنا منها الا كل ادب واحترام واخلاص بالعمل ) هز عمر راسه بطيب وعيونه لسى بتراقب السيارة وعقله بيفكر .. هو اكثر واحد بيفهم معنى قصة حب فاشلة .. هو اكثر واحد بيفهم معنى مشاعر حب تأجج كل خلية من خلاياك توقا للمسات محبوب .. لهيك فكرة انها عاشت قصة حب تخليها تنهار لدرجة ان قريبها يبحث لها عن شيء يساعدها تخرج من هالانهيار خلت دمه يغلي ويفور بشعور غضب غريب .. ديق عيونه بالسيارة الثانية الى وقفت جنب سيارتها .. اقترب زيادة من الشباك ليكشف الشاب الى طلع من السيارة وسلم عليها بحرارة قبل ماتركب معه الصبية وهي بتودعها .. افكار كتيرة بدأت تدور براسه لتحلل الموقف وهوية الأشخاص وبنفس الوقت سؤال كبير دار بداخله جمد عقله عن التفكير .. " ليش !! ليش غاضب ومنزعج كل هالشي !!؟ " عقله لم يسعفه ليجد جواب شافي لهالسؤال لكن قدر يضع يده على مطلب واضح وملح ولازم يشبعه ...... طالعه من افكاره سؤال فهيم ( بشو سارح ياعمر ؟ ) ........ لف وجهه لفهيم وهو مديق عيونه بتفكير قبل مايلتفت له بكل جسمه وهو بيقول ( بدي ملف دلال .. فوراً ) .... | |||||
|
|
06-10-16, 02:41 PM
| #56 | ||||
| نجم روايتي وفراشة الروايات المنقولة 
| بدايه فاشله بين عمر ودلال جعاتها تتصرف معه بكره ونفور وجعله يتبع اسلوب الاستفزاز معها عمر او البوس الكبير هناك شى كبير حصل بحياته ماضيه ليس خالي يوجد حزن ووجع وهروب يمكن هو اضطر للعوده بسبب عائلته لين هي اخته ام ابنته وماسر المزرعه واهتمامه بها دلال لفتت نظره واصبح عنده اهتمام بمعرفه قصتها هو ظن ان علاقه حب فاشله جعلتها اله العمل فمجرد تفكيره انها كانت بعلاقه حب جعلته غاضب كيف لو عرف انها كانت متزوجه وهي الان مطلقه هل سينظر لها كما ينظر المجتمع للمراه المطلقه ام ان حياته بامريكا جعلته متطور بس لااعتقد عمر تفكيره شرقي ودلال بالستار التي تختبئ ورائه اثار اهتمامه وهو يسعى لفهمها \\\دلال مازالت تعيش مع ذكرياتها واعتقد انها تشعر انها مازالت مرتبطه بحسام مجرد توقفها عن العمل تبدا الذكريات بالاندفاع وهي كل يوم تعيش الم الفراق لذلك وصله البكاء لتوصل جسمها الى التعب ولتغرق بالغيبوبه التي تنسيها حسام ولكن لمتى تستطيع الاستحمال وماهي الحبوب التي تاخذها اعتقد انها مهدئ للاعصاب ولكنها لاتريد النسيان لذلك قطعتها دلال هل ممكن ان تخرج من معاناتها لما تعرف سبب طلاقها ام كما تظن امها بحب جديد لااعتقد لانها لن تسمح للحب مجرد مروره من امامها والشى الوحيد الذي ممكن يدخل الحب لحياتها بالاجبار والغصب \\\\ام دلال مازالت بعلقيه المجتمع المتخلف ان المراءه المطلقه عار ويجب باي طريقه تزويجها وهذا سخف وتخلف المطلقه ليس ذنب بل هو ماحللل الله وممكن ان المطلقه تعمل وتحافظ على نفسها من دون زواج فالاساس هو الاخلاق وليس اللقب \\\\يزيد ماسر فاطمه وحفيدتها عجبني سترها وحتى انها تريد دكتوره لمعالجتها ولكن الدين يسر هل سيكون هناك قصه تربطهم البدايه قويه ياسحابه والمكتوب مبين من عنوانه روايه روعه وقصص مميزه مشكوره على البارت وبانتظار القادم | ||||
|
|
|
06-10-16, 02:48 PM
| #57 | ||||
| نجم روايتي 
| اهم سؤال بقي عالق بتفكيري بعد نهاية الجزء هو : الحبوب اللي بتاخدها دلال حبوووب ماذاا ؟؟ اغلب الظن انها حبوب مضادة للاكتئاب بعد طلاقها دخلت في اكتئاب حاد وخصوصا انها وبعد اربع سنوات مازالت تبكي وتتذكر ايامها مع حسام!!! الامر لايتعلق بقصة حب عادية بل بحالة عشق ������ وعمر البيغ بوس العائد من الغربة وتأثره بدلال هل هي بداية قصة عشق جديدة وهل دلال قادرة هل الحب من جديد؟؟؟؟؟؟ اسئلة كثييييييرة ������ وايضا ما قصة فاطمة ؟؟ غموووض كثييير والاجابات في الفصول القادمة...ونحن في الانتظار بالتوفيييق �������� | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
25Likes
.png)
.png)
العرض العادي
