العفريتة و الصخر *مميزة ومكتملة*بقلمي ديدي روايتي الرابعة..

[pretty dede]

البارت الحادي عشر..

في مكتب آمر مد يده بظرف الي رهف..

آمر بجدية: اتفضلي..
رهف وهي تقرن حاجبيها وتضيق عيناها بتساؤل متعجب: ايه ده..

آمر يتنهيدة: ديه فلوس..
رهف بدهشة: بس انا مش عايزة فلوس.. انا معايا..

آمر بحنق ونبرة حادة: هو انا بعزم عليكي..
ديه فلوس شغلك رسوماتك اللي رسمتيها..

رهف بأعين متسعة ونبرة متعجبة: بس انا مطلبتش فلوس
علي شغلي انا عملت كدة علشان عايزه.. اديهم لحد غيري..

ليتجه اليها آمر بنفاذ صبر ويكمل وهو يضع المظروف في يديها:
خدي وارحميني شويه.. كل اللي بيشتغل معايا بياخد فلوسه..
ايه عمرك مااشتغلتي واخدتي مرتب..

رهف وهي تهز كتفها بعدم اهتمام: لأ.. انا كنت برسم كده..
آمروهو يلوي شفتيه وبنبرة ممتعضة: علشان هبلة..

رهف وهي تنتصب رافعة رأسها وبنبرة حادة مستنكرة:
نعم.. انا ميهمنيش الفلوس.. مش محتاجاها..

آمر وهو ينظر اليها ويهز رأسه بضحكة مستهزئة
متهكما بسخرية: طبعا مانتي متعودة علي فلوس
بابي واللي عايزاه تلاقيه مجربتيش الشغل والمرمطة..

رهف وهي تهز ساقيها بعصبية وتزم شفتيها بغيظ:
لأ جربته معاك.. شكرا ع الفلوس بعد اذنك يابشمهندس..
وترحل من امامه وهي تغمغم بكلامات غير مفهومة..

ليتنهد آمر بتعب و يحدث نفسه وهو يرفع رأسه
يأسا: شكلي هتعب معاكي اوي يارهف..
>>>>>>>>>>>>>>>>>>>>>>>>>>>>>>>

في الخارج..

عمر وهو ينظر الي رهف بنظرات ضيقة
متسائلا: مالك يارهف وشك مقلوب ليه..
وبوجه باكي ونبرة يائسة.. الصخرة كدرك تاني..

رهف وهي تزفر بضيق: مفيش ياعمر.. خلاص انا اتعودت
علي لسانه الطويل.. ثم تنظر الي المظروف في
يدها وتبتسم.. اداني الفلوس ديه.. مرتبي..

ليبتسم عمر وبنبرة مرحة: اول مرتب
ليكي ياعفريته هانم المفروض تبخريه..

لتقرن رهف حاجبيها بتعجب: ابخره ليه ياعمر هو محسود ولا ايه..

عمر ضاحكا بخفة: لأ اصل اول مرتب بيكون ليه
هيبته كده.. احساس غريب اول حاجة تاخديها
بتعب جبينك.. ويقلب شفتيه بعدم رضا..
بس مشكلته انه بيطير بسرعة..

لتضحك رهف وهي لا تزال تنظر الي المظروف مكمله
بخفوت: اول مرتب ليه.. مش مصدقة انا اشتغل ويبقي ليا مرتب..

ليتسائل عمر بفضول: هااااا.. ناوية تعملي بيه ايه.. هتشتري ايه..

لتضحك رهف بخفة مكمله بنبرة مرحة: لأ.. ناويه
ابخره واشيله.. وبغمزة.. ده برضو من الصخرة..

ليهز عمر رأسه ضاحكا: وماله ياشابه
نبخروه ونشيلوه.. بس يلا بينا ع الشغل..

لتضحك رهف: يلا بينا ياحصبلة..
>>>>>>>>>>>>>>>>>>>>>>>>>>>>>>>>>>>>>

في الديسكو..

دليا وهي تزفر بملل: اوووووف..
ايه ده ملل رهيب مفيش حاجة نعملها..

لؤي بعدم اهتمام: عادي يادولي يعني
هنعمل ايه.. وبعدين رهف مختفيه ليه..
انا ابتديت اقلق عليها عمرها ما قطعت كدة..

داليا وهي تمط شفتيها: بتشتغل
دلوقتي يالؤي حتي انا مش بتكلمني كتير..

لؤي بإمتعاض: شغل ايه اللي بتشتغله هي محتاجة شغل
وبعدين برضو حتي لما كانت بتكون شغاله علي لوحاتها
كانت بتسهر معانا.. وبرفعة حاجب وشك..
فيه حاجة تانية.. رهف بتفكر في ايه..

شادي ضاحكا وبنبرة ماكرة: ايه يالؤي
وحشتك ريري.. معلش انت كدة بتجري ورا اللي
ينفضلك وبعد ما تاخد اللي انت عايزه بتسيبه..

لؤي بعصبية ونبرة حادة مستنكرة: قصدك ايه ياشادي.. يعني انا..

شادي مقاطعا بنبرة جادة ذات مغزي: متستهبلش يالؤي
انت هتموت علي رهف بس هي مطنشاك وده غايظك..

لؤي منتصبا بغضب وبنبرة هادرة: انت شكلك اتلحست ياشادي..
رهف صحبتي زيها زيك انت وداليا.. وانت عارف كدة كويس لو كان
في نيتي انها تكون زيها زي اي بنت اعرفها كنت عملت كده من زمان..

لتقاطعه داليا بنبرة جادة ونظرات حانقة: حتي لو حبيت يالؤي
رهف مش هتسمحلك.. وكفاية بقي انتو هتفضلوا تتخانقوا كده كتير..
احنا اصحاب ومش محتاجين اننا نتخانق علشان حاجات تافهة..
وتكمل بتنهيدة حارة.. انتو عارفين احنا اتعرفنا ازاي
اصحاب في مدرسة واتشكلنا علي كدة وكل واحد فينا
عارف شخصية التاني.. فبلاش نهد اللي بينا..

شادي بنبرة لامبالاة: خلاص مكنتش كلمة قولتها
هتسمعينا عهد الوفاء يادولي.. بقولك ايه بما ان رهف
مشغوله ايه رأيك نروحلها البيت ونسهر هناك..

ليزفر لؤي بحنق وبنبرة محتقنة: انا مش هروح عايز تروح اتفضل..
ليضحك شادي بسخرية: براحتك.. اقولك يلا بينا يادولي احنا..

ليرحلا سويا منطلقان الي منزل الكاشف.. وفي الطريق..

داليا بنبرة معاتبة: مكنش لازم تقول كدة للؤي ياشادي..
وبعدين انت عارف انه زيك مع رهف يمكن معجب
شويه بس مش هيمسها بسؤء ابدا..

ليزفر شادي بضيق: عارف يا داليا.. بس كان لازم اقوله
كده علشان يفوق لانه ابتدي يحلم ويفكر فيها وهي
بعيد وانتي عارفاها هي اللي كانت بتوقف تفكيره عند حده..

داليا بإبتسامة باهتة ونبرة خافته: ع الاقل واحد فيكم بيفكر ومعجب..
لينظر اليها بنظرات ضيقة وبنبرة متسائلة: بتقولي حاجة يادولي..

داليا وهي تتنهد بيأس: مفيش ياشادي..

في منزل الكاشف في الهاتف..

رهف بإبتسامة: ايوة يابابي كويسة..
رأفت بنبرة هادئة حانية: يعني مبسوطة ياريري في الشغل..

رهف بنبرة سعيدة: اوووي يابابي.. شاغل وقتي كله..
وبعدين اتعرفت علي ناس كتير.. وتكمل بضحكة ونبرة مرحة..
تصدق اني اتعرفت علي ابن رشوان.. اسمه عمر ودمه خفيف اوي..

رأفت بنبرة متعجبة: اول مره اعرف انك حابه الشغل
وانك تشغلي نفسك.. انا كنت فاكر انك مش هتتحملي..

لتميل عينا رهف بحزن وتكمل بنبرة خافته معاتبة: وانت معايا
زي الاول يابابي علشان تعرف انا بحب ايه ولا عايزة ايه..

ليتنهد رأفت بتثاقل ونبرة حانية مسترضية: عارف يارهف
اني مشغول عنك.. بس غصب عني ياحبيبتي.. انا بحاول
والله اخلص الشغل وارجع.. ده حتي اني بحاول انقل من
الشغل والشراكة من هنا لعندك.. ويصمت وهو يتأوه بألم..

رهف بأعين خائفة ونبرة متوترة: انت كويس
يابابي.. انت بتاخد دواك مش كدة..

ليبتسم رأفت بهدوء وبنبرة مطمئنة: متقلقيش ياريري..
انا كويس وباخد الدوا.. يلا.. ومتقلقيش هاجي عيد ميلادك..

ليشرق وجه رهف بسعادة وبنبرة فرحة: بجد.. هتيجي.. وافتكرته..

ليضحك رأفت وبنبرة مازحة: وده يوم اقدر
انساه يوم ولادتك ده حتي يوم تاريخي..

لتبتسم رهف بتأثر: اوك هنتظرك.. وبرفعه حاجب
ذات مغزي.. بس متنساش هديتي.. وتخلي خالد يبعتلي هديتي..

ليضحك رأفت وهو يهز رأسه يأسا: يعني هو هرب من البلد
من شوية ماهو من طلباتك.. وحتي هنا مش عتقاه.. حاضر هقوله..

ليقطع حديثهما..

ثريا بإقتضاب: رهف اصحابك تحت..
رهف وهي تقرن حاجبيها بتساؤل: اصحابي مين..

ثريا بإمتعاض ونبرة حانقة: اصحابك داليا وشادي..

ليرتفع حاجبي رهف بدهشة: بيعملوا ايه هنا.. طيب انا نازلالهم..
وتكمل لوالدها.. طيب يابابي اكلمك بعدين.. وبتذكير متنساش هديتي..

رأفت بنبرة هادئة: حاضر ياحبيبتي سلام..
رهف: سلام.. وتغلق هاتفها ثم تهبط لملاقاه اصدقائها..

شادي ضاحكا وبنبرة معاتبة: اهلا اهلا برهف هانم.. خلاص نسيتينا..

رهف بإبتسامة ونبرة متسائلة بدهشة:
اهلا شادي.. ازيك بس انتو بتعملوا ايه هنا..

شادي وهو يقرن حاجبيه بإمتعاض: ايه ياريري
مضايقة من وجودنا.. وحشتينا قولنا نيجي نشوفك..

رهف بإبتسامة ونبرة عادية: مش قصدي ياشادي..
بس غريبة تيجوا كدة وبعدين فين لؤي..

داليا ضاحكة بسخرية وبنبرة خافته: بيبكي ع الاطلال.. و
لرهف بنبرة متحمسة.. يلا ياريري هنسهر معاكي النهاردة هنا..
تعالي وورينا اخر رسوماتك وبعد كده نخلي شادي يعزفلنا ع الجيتار..

لتضحك رهف بخفة مكملة: ايه ده ديه ليله من ليالي زمان..
وماله يلا بينا.. تعالوا ورايا..
ليذهب الجميع الي مرسم رهف ويشاهدوا رسوماتها
ويعزف شادي علي جيتار متواجد في مرسمها ويظلوا
سويا حتي ساعة متأخرة ليلا ويرحلا بعد قضاء السهرة
وسط حنق ثريا وعدم رضاها عن اصدقاء رهف..
>>>>>>>>>>>>>>>>>>>>>>>>>>>>>>>>>>>>>>>>

في منزل القاضي إجتمع الجميع علي مائدة الطعام وكان عمر ورشوان حاضران..

رشوان بإبتسامة: والله كتر خيرك يامريم حاسة بينا كنا محتاجين الاكله ديه..
مريم بنبرة هادئة: بالهنا والشفا يارشوان.. وبعدين حد منعكم تيجوا هنا..

عمر ضاحكا بخفة: معلش ياخالتي مانتي عارفه ان معظم
اكلنا في النادي.. مين هيطبخلنا.. رشوان مثلا ..

مريم وهي تلوي شفتيها بعدم رضا وإمتعاض: مانا جبتلكم
شغالة تهتم بالبيت والاكل وانت واللي مشيتوها..

رشوان بتنهيدة: انتي عارفة يامريم اني مش برتاح للشغالين..
وبعدين ديه كانت عايزة تبات في البيت عندنا..

مريم وهي تزفر بحنق: طيب.. وتوجه حديثها الي آمر
المنشغل في طعامه.. مالك ياآمر.. ساكت يعني..

آمر بتنهيدة: مفيش باكل..
عمر وهو يميل بهمس: هو اخوكي ماله..

اروي وهي تمط شفتيها وهي تهمس: ولا اعرف
اديله مده علي كدة.. هي رهف عملتله حاجة..

عمر: ولا اي حاجة.. ده حتي هو عمال
يرخم ويأمر وينهي والبت مستحمله..

اروي وهي تزم شفتيها بتفكير: اممم.. شكله مش مطمني..

عمر بتنهيدة: طيب.. وبتساؤل مترقب.. الا قوليلي
انتي شاركتي في عمل حاجة من الوليمة ديه..

اروي ضاحكة بخفوت وهي تنظر الي والدتها بطرف عينيها:
لا طبعا انت تعرف عني كدة.. خالتك من ساعة الكيكة اياها
وهي وضحت الخطوط الحمرا ومش بتخليني اخطي المطبخ..

عمر وهو يلوي شفتيه بتعوج ونبرة متذمرة: يعني
حتي بعد مانتجوز هناكل من برا.. شكله مش مكتوبلي
الاكل البيتي غير عند امك..

اروي برفعه حاجب متوعدة: عندك اعتراض مثلا..

عمر ضاحكا بمرح: وانا اقدر يامنعكش.. ان شالله حتي
آكل من ع العربية بس نتجوز وتتفك العقدة..

اروي بتنهيدة حارة وهي ترفع عيناها بدعاء: ياااااارب..

رشوان بإبتسامة ونبرة متسائلة: الا اخبار رهف معاك ايه ياآمر..
لتتساؤل مريم بفضول: مين رهف ديه..

ليختنق آمر بالطعام عند سماع اسم رهف
ويسعل بشدة ويتناول كوب من الماء سريعا..

مريم بلهفة: انت كويس ياآمر..

آمر وهو يتنحنح ويجلي حنجرته
وبصوت متحشرج: ايوة كويس.. مفيش حاجة..

لتعيد مريم السؤال: طب مين رهف ديه..

ليفتح رشوان فمه للرد ولكن يقاطعه آمر بنبرة مختصرة:
واحدة شغالة معايا معرفة رشوان مش اكتر.. ويميل علي
رشوان الجالس بجواره متحدثا بخفوت ونبرة محذرة..
بلاش اسئلتك عن رهف قدام ماما علشان هيتفتح تحقيق
واحتمال الاقيها فوق دماغي بكرة في الشغل..

ليومأ رشوان برأسه متفها وهو يبتسم بخبث بعد
أن لمح توتر ملامح آمر عند ذكر اسم رهف..
>>>>>>>>>>>>>>>>>>>>>>>>>>>>>>>>

في الفندق كان آمر يتابع العمل ومنشغل كثيرا مع احد العمال
في حين كانت تتأمله رهف بحالمية ونظرات هائمة وفي يدها
دفتر لرسوماتها وبدون ان تشعر كانت ترسم أمر وهي تنظر اليه
بإبتسامة غريبة.. لتحين منه التفافه اليها ويرفع حاجبه بريبة

ثم يشير اليها بيده بحركه آمرة ان تعود الي عملها..

لتزم رهف شفتيها بغيظ ونظرات حانقة وتكمل وهي
تجذ علي اسنانها بغل: ياربي علي رخامتك متسلط..
ماشي وتنظر الي رسمتها لتمد يدها لنزعها من الدفتر
بغيظ ولكنها ترفع حاجبها وتلمع برأسها فكرة وتكمل رسمها وتنشغل به..

لتجد عمر من خلفها وبنبرة مذهوله: ايه ده.. وما يلبث ان ينفجر
ضحكا من الرسمة.. حيث رسمت رهف وجه آمر بشارب كبير ويرتدي
ملابس ديكتاتورية وبيده سوط وبعض الاشخاص تحت قدميه وهو يضرب
بيد من حديد.. وكتبت تحت الرسمه ديكتاتور لايعرف الرحمة..

ليتابع عمر وهو يلتقط انفاسه: بصراحة فظيعة..
ويسحبها من يدها وهو يتمعن النظر بها..

رهف وهي تنهض وتحاول اخذ الصورة منه وبنبرة منزعجة: هات ياعمر..

عمر وهو يرفع يده بعيدا وبنبرة مرحة: لا طبعا ديه تحفه فنيه..
وبتفكير.. بس لو الصخرة شافها مش بعيد يعمل فيكي زيهم كدة..

رهف وهي تزفر بغيظ: هو فعلا كدة.. انت مش شايفه..

واثناء حديثهم وجدالهم يجدوا من يسحب الورقة من يد عمر
وبعد ان رأها كانت علامات وجهه لا تفسر..

لتنظر اليه رهف وهي تبتلع ريقها بتوتر
وبنبرة متوجسة مهتزة: هو ماله حصله ايه..

عمر وهو ينظر بقلق الي وجه آمر الذي تحول الي قطعة
رخام صلبه وعيناه مسلطة علي رهف وهي تطلق شرارات
كفيله بتحويلها الي رماد: انا من رأيي تخلعي بدل ما هتتفعصي دلوقتي..

لتنظر رهف بخوف وبنبرة متسائلة: هو ماله كده اتجمد..
عمر: الهدوء الذي يسبق العاصفة.. اخلعي بقولك..

آمر وبنبرة جامدة وآعين مخيفة وهو يهمس بقوة شرسة:
فعلا انا بقول ترجعي علي شغلك احسن بدل ما تشوفي
الديكتاتور عديم الرحمة ممكن يعمل فيكي ايه.. وبلهجة آمرة
متوعدة.. وياريت تشوفي شغلك بدل التفاهة اللي بترسميها..
ويقبض علي الرسمة بعنف.. جعل أعين رهف تتسع برعب وهي
تبتلع ريقها بخوف وتتحرك يمينا ويسارا بإرتباك ثم تسرع
الخطي بعيدا عن غضب آمر الاسود..

آمر لنفسه بتوعد وهو ينظر الي الرسمة في مكتبه:
انا ديكتاتور عديم الرحمة.. ماشي يارهف.. ثم يميل برأسه
يمينا ويسارا وهو يتفحص الرسمة بتدقيق.. ويقضب حاجبيه
بنبرة ممتعضة وإستنكار.. بوظت وشي بالشنب ده..
ليه شايفاني من عصر الكفار.. ثم يبتسم بعفوية وهو يطوي الورقة
ويضعها بحافظته مكملا بنبرة مريبة.. مسيري هوريكي مين الديكتاتور ده يارهف..
>>>>>>>>>>>>>>>>>>>>>>>>>>>>>>>

عمر وهو يضيق عينيه بتساؤل: بتعملي ايه يارهف..

رهف وهي تشهق بخضة :عمر..
وبتنهيدة ارتياح.. افتكرتك الصخرة رعبتني..

عمر بأعين متسعة ذهولا ونبرة مشدوهة: انتي بتشربي سجاير..

رهف بضحكة ونبرة مرحة: ومش اي سجاير ديه محشية..
تخليك طاير.. الواد شادي آخر مرة شوفته ادهالي..

عمر وهو يشير اليها بخوف: طب ارميها آمر
لو شافك هيروح فيكي في مصيبة..

رهف وهي تزفر بضيق وبنبرة حانقة بملل: ياعم ارحمنا بقي..
ديه السيجارة ديه هي اللي بتخليني اتحمل رخامته..
وتمدها اليه..خد نفس جرب..هههههه..هتطير..

عمر بتوجس وهو يلوي شفتيه بتعوج ونبرة قلقة:
من ناحية هنطير هنطير.. بس علي قسم العظام..
ارميها يارهف ابوس ايدك..

رهف بضحكة وهي تمد يدها اليه: هههههه.. بوس يلا..
عمر بأعين متسعة ونبرة مشدوهة: مصيبة سودة هي اشتغلت..

رهف وهي تهز رأسها وتضحك ببلاهة: ايوة.. اصلها سريعة
المفعول.. خدلك نفس بس علشان تبقي معايا ع الخط..

عمر وهو ينظر حوله بتوتر وبنبرة ممتعضة: ياستي مش عايز..
مصيبة ايه ديه.. وبنبرة مترجيه بعد أن رأي رهف تتمايل بعدم اتزان..
لاااااا.. انا في عرضك فوقي كدة متوديناش في داهية..

لتدس رهف السيجارة في فم عمر بسرعة
ضاحكة بلا مبالاة: ههههه.. اشرب بقي وخليك كول..

عمر وهو يسعل وبنبرة متحشرجة: كح كح كح.. يخربيتك ايه ده..
ثم يرفع حاجبيه وبنبرة متسلية ضاحكا .. بس تصدقي حلوة..

رهف بغمزة ونبرة مرحة: فعلا.. احبك ياعموري..
عمر ضاحكا بقلة حيلة: ههههه عفريته هانم هتوديني في داهية..

رهف وهي تدخن السيجارة وتمدد ذراعها وتتمايل وهي
مغمضة العينين وبنبرة هائمة: طير ياعمر طير.. شايف العصافير..

لتتسع عينا عمر برعب ويكمل وهو يبتلع
ريقه بصعوبة: انا شايف اعاصير.. وبتعلثم.. آآآ.. آمر.. انت هنا..

آمر بنبرة خشنة وهو يقرن حاجبيه: فيه ايه.. بتعملوا ايه هنا..

رهف وبأعين متسعة وهي تواليه ظهرها وتجمدت
في مكانها ثم انتبهت سريعا القت السيجارة جانبا والتفتت
اليه وبتوتر وهي تبتلع ريقها وبنبرة مهتزة: الصخرة.. خير..

آمر وهو يضيق عيناه وينظر اليهما بتفحص
ونبرة شك: بتعملوا ايه.. ومالكم مش علي بعضكم..

رهف بضحكة متوترة بلهاء: مين احنا.. مالنا احنا زي الفل اهو..
عمر بضحكة: ايوة يا عفريته هانم زي الفل..

آمر وهو ينظر اليهم وبتساؤل: امال ايه الريحة الغريبة ده..
لينظر عمرورهف الي بعضهما بتوتر..

عمر بإرتباك: هه..اااااا..

رهف بأعين زائغة وهي تفكر سريعا: هه.. منعرفش..
انا مش شامة حاجة.. انت شامم حاجة اعمر..

عمر ببراءة: مين انا.. لأ.. شكلك بيتهيألك ياآمر..
آمر بتأكيد ونبرة واثقة: لأ.. فيه ريحة غريبة..

رهف بنبرة متوجسة: مفيش حاجة غريبة و لا تفيدة..
يلا ياعمر تعالي بسرعة الديك بيكاكي..

عمر بضحكة: ايوة سمعته يلا بينا علشان نلحق..
آمر بعدم فهم متسائلا: تلحقوا ايه.. انتو بتقولوا ايه..

رهف بضحكة: نلحق الديك..

عمر ضاحكا بمرح: ايوة قبل مايتنتف ريشه يلا ياعفريته هانم قدامي..

ويرحلوا سريعا..

رهف بنبرة قلقة: تفتكر حس بحاجة..
عمر بتوتر: مش عارف بس يلا بينا نخلع..

عند آمر وهو يحدث نفسه: انا شامم ريحة غريبة..

ويلتفت حوله ليجد دخان متصاعد ويقترب منها وينحني
ليجدها سيجارة ويمسكها ويقربها من انفه ثم يبعدها ويكمل
بضيق.. ديه سيجارة محشية كمان.. ويضيق عينيه بشك..
ثم تتسع بشدة ويكمل بغضب.. ياولاد ال.... بتحششوا وقعتكم سودة..
وبغضب هادر ونبرة صادحة هزت المكان.. رهفففففف..عمرررررررر...

ليتسمرا كلاهما في مكانهما..
عمر بعيون مرتعبة: البس.. روحنا بلاش..

رهف وهي تبتلع ريقها بخوف: عرف ازاي.. بص ولا كأننا نعرف..
ليسرع في الخطا اليهم وبأعين مشتعله ونبرة غاضبة: بقي بتحششوا..

رهف ببراءة: مين.. احنا مش ممكن..
عمر بتوتر: ابدا احنا وش ذلك..

آمر وهو يلوح بالسيجارة في وجههم بغيظ
ونبرة متوعدة: امال ديه ايه.. بصوا وقعتكم سودة..

رهف مدافعة وبنبرة حادة: الله واحنا مالنا
مش بتاعتنا..انت هتلبسنا مصيبة..

آمر بعد ان اقترب منها..

رهف بخوف وهي تبتلع ريقها بتوتر وتتراجع
الي الخلف: ايه انت بتعمل كدة ليه.. ابعد شويه..

آمر بعصبية ونبرة شرسة بعد ان وجد رائحة الدخان
متصاعدة من انفاسها: انتي تخرسي خالص..
ويمسك بعمر.. بتحشش ياعمر بقي كدة انا هربيك..

رهف وهي تبعده عن عمر وبنبرة مستنكرة: ايه ده..
مالك مستقوي كدة ليه.. ابعد.. قولنا مش بتاعتنا..

آمر بغضب وهو يهدر بعصبية صارمة:
اخرسي.. لسه دورك جاي ياصايعة..

رهف بغضبواعين مشتعلة: صايعة يامعقد.. طب اوعي بقي..
وتدفعه بعيدا.. وتمسك بيد عمر.. يلا اجري.. ليركضا سويا..

عمر بأعين متسعة بدهشة:
ايه الشجاعة اللي جتلك مرة واحدة ديه..

رهف: معرفش.. شكلها السيجارة..
عمر بتساؤل: طب هنروح فين..

رهف بعيون لامعة وإبتسامة مريبة: الخزنه اللي بابها حديد..
هي اللي بتنفع في المواقف ديه.. ليركضا ويدلفا الي الخزانه ويغلقا الباب..

ويصل اليهم آمر وبغضب: افتحوا هموتكم الليله..
عمر بنبرة مهدئة متوترة: استهدي بالله كدة.. واهدي اسفين..

آمر بغضب هادرا و هو يطرق الباب بعنف: افتح ياحيوان احسنلك..
عمر بخوف: لأ.. مش هفتح..

رهف مكمله بنبرة مستفزة: هنبات هنا الليلة سلام..

آمر بأعين تشع شررا ونبرة هادرة وهو يركل الباب
متوعدا بشراسة: افتح ياعمر احسنلك قافل علي
نفسك معاها في الخزنه.. هموتك..

عمر وهو يبتلع ريقه بتوتر وينظر الي رهف: يالهوي ده كدة هيشيط زيادة..
رهف وهي تنظر اليه مقرنة حاجبيها بعدم فهم وإستغراب: فيه ايه مالك..

عمر بوجه باكي ونبرة قلة حيلة: فيه اني
هطلع علشان متفرمش يا رهف.. اطلبيلي الاسعاف..

رهف بدهشة ونبرة متعجبة: وايه اللي يطلعك خليك لغاية مايهدي..

عمر وهو يلوي شفتيه بتعوج وبنبرة مستنكرة: بالمنظر ده
وانا معاكي وقافلين علي نفسنا ولوحدنا.. الوضع ده هيجننه زيادة..
ويفتح الباب بخوف.. اشهد ان لا اله الا الله.. وان محمد رسول الله..
وبعد ان فتح الباب يحمي وجهه بيديه ويكمل برعب.. بص انا فتحت
وخرجت.. وبوجه باكي.. ديه بتاعة رهف ياآمر مليش دعوة..

آمر وهو يكشر عن انيابه وبغضب: استلقي وعدك.. وانتي بعده ياصايعة..
عمروهو يشهق بخضة مصطنعة وأعين مشدوهة: ايه ده.. الحق حرامي..

رهف وهي تنظر بأعين قلقة ونبرة مهتزة بتساؤل: فين ده..

لينظرا الي حيث ينظر عمر ويركض الاخير وهو يكمل:
هرب زيي.. سلام معلش ياعفريته هانم العمر غالي..

رهف بأعين متسعة وهي تفرغ فاهها
وبذهول: بقي كدة ياعمر بتبعني.. واطي..

ليلتفت اليها آمر وبنظرات متوعدة: بقي بتحششي..

رهف وهي تتراجع للخلف وبخوف ولكن تحاول مداراته:
وانت مالك شريكي.. اعمل اللي انا عايزاه..

آمر وهو يجذ علي اسنانه بغل: وحياة طنط..
وصلت لكدة.. بصي هعجنك الليلة عمر خلع وسابك..
وانتي اللي هتاخدي النصيب كله..

رهف زهي تقرن حاجبيها بحنق ونبرة ممتعضة
بحدة: لأ بقي ملكش دعوة بيا.. انا حرة..

آمر بعصبية واعين مشتعلة غضبا
ونبرة مستهجنة: حرة في عينك.. انا هربيكي..

رهف وهي تشيح بيدها بملل: ياعم روح ربي
نفسك.. بص انا سيبالك المكان كله سلام..

ليمسكها من شعرها وبنبرة مخيفة هادئة: علي فين ياقطة..

رهف وهي تبتلع ريقها بتوجس وبنبرة قلقة: ايه ده احنا
فينا من كدة.. سيب شعري يابرنس ونتكلم بالراحة..

آمر بأعين متسعة ونبرة مشدوهة:برنس.. هي اشتغلت..
رهف بضحكة: من زماااااان..

آمر وهو يكور قبضة يده غضبا ويمسك بشعر
رهف بالاخري: يعني اعترفتي اهو..

رهف وهي تضع يدها علي فمها: اوبس طلعت اوت..
اسفين ياصخرة بس سيب شعري بقي..

آمر بغيظ ونبرة متوعدة: ده انا هطلع عينك.. ليبعد يديه عن شعرها
ويبدأ بتشمير ساعديه ويكمل بنبرة قاتمة.. استلقي وعدك بقي..
هطلع عليكي القديم والجديد..
>>>>>>>>>>>>>>>>>>>>>>>>>

[modyyasser43]

اجري يا بت دا انتي هتتعلقي انهارده

[pretty dede]

المشاركة الأصلية كتبت بواسطة modyyasser43

اجري يا بت دا انتي هتتعلقي انهارده

ههههههه.. هتجري فين ماعمر سابها وخلع وهي اللي هتدبس قلبي عندك ياريري..

[ساءر في ربى الزمن]

هههخهخهههخههخههههههههه فكرتنا لما بنبقى سرقين السياره ورجعين اخر اللليل من التفحيط ونضبط ونلبسها لاخويا الكبير وندخل ننام وهو يتعاقب علشان بيداري علينا

[pretty dede]

المشاركة الأصلية كتبت بواسطة ساءر في ربى الزمن

هههخهخهههخههخههههههههه فكرتنا لما بنبقى سرقين السياره ورجعين اخر اللليل من التفحيط ونضبط ونلبسها لاخويا الكبير وندخل ننام وهو يتعاقب علشان بيداري علينا

ههههههه.. طب العربية هينة لكن سجاير ومحشية معتقدش ديه سهلة.. هههههه.. عمر عمل زيك وخلع ولبسها لرهف..

[ام مريم ومالك]

الف مبروك روايتك الرابعة يا ديدى ... بقى نخلص من هولاكو يطلع لنا الصخرة
بس رهف مش زى ريم دكتورتنا الرقيقة ... دى ضايعة خالص وفى الطرواة
العم رشوان وعمر واحمد دول عسل ... اكمل باقى الفصول بقى
سلام يا قمر

[pretty dede]

المشاركة الأصلية كتبت بواسطة ام مريم ومالك

الف مبروك روايتك الرابعة يا ديدى ... بقى نخلص من هولاكو يطلع لنا الصخرة
بس رهف مش زى ريم دكتورتنا الرقيقة ... دى ضايعة خالص وفى الطرواة
العم رشوان وعمر واحمد دول عسل ... اكمل باقى الفصول بقى
سلام يا قمر

الله يبارك فيكي ياقمر.. ايوة طبعا الصخرة هههههه بس ده غير هولاكو لسانه مبرد وايده طويلة.. رهف برضو لسانها طويل.. هو فيه حد وي ريم عاشقة الشيكولاه هاااااح ارق شخصية كتبتها.. ايوة رشوانتي وعمورة واحمد دمهم خفيف.. قراءة ممتعة ههههههه والله يعينا علي الصخرة..

[ام مريم ومالك]

فين يا بنتى الجزء الثانى من جنونى وعنادك
مش قولتى حتنزليها بعد قاسى بالاكراة
عموما مستنين وادينا مستمتعين مع الصخرة وعفريته
بس بجد رهف لعبت فى عداد عمرها ... نروح نجهز للجنازة
مش برضوة بعد صلاة العصر

[pretty dede]

المشاركة الأصلية كتبت بواسطة ام مريم ومالك

فين يا بنتى الجزء الثانى من جنونى وعنادك
مش قولتى حتنزليها بعد قاسى بالاكراة
عموما مستنين وادينا مستمتعين مع الصخرة وعفريته
بس بجد رهف لعبت فى عداد عمرها ... نروح نجهز للجنازة
مش برضوة بعد صلاة العصر

معلش والله كنت هنزله وهو كامل عندي بس العفريتة والصهر نزلتها بداله تخلص وبإذن الله هنزلها علي طول.. رهف ايوة فعلا هتتروق هههههههه نجهز قسم العظام بقي مش هتوصل للموت

[pretty dede]

ﺍﻟﺒﺎﺭﺕ ﺍﻟﺜﺎﻧﻲ ﻋﺸﺮ

ﻟﻴﻠﺘﻔﺖ ﺍﻟﻴﻬﺎ ﺁﻣﺮ ﻭﺑﻨﻈﺮﺍﺕ ﻣﺘﻮﻋﺪﺓ : ﺑﻘﻲ ﺑﺘﺤﺸﺸﻲ ..

ﺭﻫﻒ ﻭﻫﻲ ﺗﺘﺮﺍﺟﻊ ﻟﻠﺨﻠﻒ ﻭﺑﺨﻮﻑ ﻭﻟﻜﻦ ﺗﺤﺎﻭﻝ ﻣﺪﺍﺭﺍﺗﻪ :
ﻭﺍﻧﺖ ﻣﺎﻟﻚ ﺷﺮﻳﻜﻲ .. ﺍﻋﻤﻞ ﺍﻟﻠﻲ ﺍﻧﺎ ﻋﺎﻳﺰﺍﻩ ..

ﺁﻣﺮ ﻭﻫﻮ ﻳﺠﺬ ﻋﻠﻲ ﺍﺳﻨﺎﻧﻪ ﺑﻐﻞ : ﻭﺣﻴﺎﺓ ﻃﻨﻂ ..
ﻭﺻﻠﺖ ﻟﻜﺪﺓ .. ﺑﺼﻲ ﻫﻌﺠﻨﻚ ﺍﻟﻠﻴﻠﺔ ﻋﻤﺮ ﺧﻠﻊ ﻭﺳﺎﺑﻚ ..
ﻭﺍﻧﺘﻲ ﺍﻟﻠﻲ ﻫﺘﺎﺧﺪﻱ ﺍﻟﻨﺼﻴﺐ ﻛﻠﻪ ..

ﺭﻫﻒ وهي ﺗﻘﺮﻥ ﺣﺎﺟﺒﻴﻬﺎ ﺑﺤﻨﻖ ﻭﻧﺒﺮﺓ ﻣﻤﺘﻌﻀﺔ
ﺑﺤﺪﺓ : ﻷ ﺑﻘﻲ ﻣﻠﻜﺶ ﺩﻋﻮﺓ ﺑﻴﺎ .. ﺍﻧﺎ ﺣﺮﺓ ..

ﺁﻣﺮ ﺑﻌﺼﺒﻴﺔ ﻭﺍﻋﻴﻦ ﻣﺸﺘﻌﻠﺔ ﻏﻀﺒﺎ ﻭ
ﻧﺒﺮﺓ ﻣﺴﺘﻬﺠﻨﺔ : ﺣﺮﺓ ﻓﻲ ﻋﻴﻨﻚ .. ﺍﻧﺎ ﻫﺮﺑﻴﻜﻲ ..

ﺭﻫﻒ ﻭﻫﻲ ﺗﺸﻴﺢ ﺑﻴﺪﻫﺎ ﺑﻤﻠﻞ : ﻳﺎﻋﻢ ﺭﻭﺡ ﺭﺑﻲ
ﻧﻔﺴﻚ .. ﺑﺺ ﺍﻧﺎ ﺳﻴﺒﺎﻟﻚ ﺍﻟﻤﻜﺎﻥ ﻛﻠﻪ ﺳﻼﻡ ..

ﻟﻴﻤﺴﻜﻬﺎ ﻣﻦ ﺷﻌﺮﻫﺎ ﻭﺑﻨﺒﺮﺓ ﻣﺨﻴﻔﺔ ﻫﺎﺩﺋﺔ : ﻋﻠﻲ ﻓﻴﻦ ﻳﺎﻗﻄﺔ ..
ﺭﻫﻒ ﻭﻫﻲ ﺗﺒﺘﻠﻊ ﺭﻳﻘﻬﺎ ﺑﺘﻮﺟﺲ ﻭﺑﻨﺒﺮﺓ ﻗﻠﻘﺔ : ﺍﻳﻪ ﺩﻩ
ﺍﺣﻨﺎ ﻓﻴﻨﺎ ﻣﻦ ﻛﺪﺓ .. ﺳﻴﺐ ﺷﻌﺮﻱ ﻳﺎﺑﺮﻧﺲ ﻭﻧﺘﻜﻠﻢ ﺑﺎﻟﺮﺍﺣﺔ ..

ﺁﻣﺮ ﺑﺄﻋﻴﻦ ﻣﺘﺴﻌﺔ ﻭﻧﺒﺮﺓ ﻣﺸﺪﻭﻫﺔ : ﺑﺮﻧﺲ .. ﻫﻲ ﺍﺷﺘﻐﻠﺖ ..
ﺭﻫﻒ ﺑﻀﺤﻜﺔ : ﻣﻦ ﺯﻣﺎﺍﺍﺍﺍﺍﻥ ..

ﺁﻣﺮ ﻭﻫﻮ ﻳﻜﻮﺭ ﻗﺒﻀﺔ ﻳﺪﻩ ﻏﻀﺒﺎ ﻭﻳﻤﺴﻚ ﺑﺸﻌﺮ
ﺭﻫﻒ ﺑﺎﻻﺧﺮﻱ : ﻳﻌﻨﻲ ﺍﻋﺘﺮﻓﺘﻲ ﺍﻫﻮ ..

ﺭﻫﻒ ﻭﻫﻲ ﺗﻀﻊ ﻳﺪﻫﺎ ﻋﻠﻲ ﻓﻤﻬﺎ : ﺍﻭﺑﺲ ﻃﻠﻌﺖ ﺍﻭﺕ ..
ﺍﺳﻔﻴﻦ ﻳﺎﺻﺨﺮﺓ ﺑﺲ ﺳﻴﺐ ﺷﻌﺮﻱ ﺑﻘﻲ ..

ﺁﻣﺮ ﺑﻐﻴﻆ ﻭﻧﺒﺮﺓ ﻣﺘﻮﻋﺪﺓ : ﺩﻩ ﺍﻧﺎ ﻫﻄﻠﻊ ﻋﻴﻨﻚ .. ﻟﻴﺒﻌﺪ ﻳﺪﻳﻪ ﻋﻦ ﺷﻌﺮﻫﺎ
ﻭﻳﺒﺪﺃ ﺑﺘﺸﻤﻴﺮ ﺳﺎﻋﺪﻳﻪ ﻭﻳﻜﻤﻞ ﺑﻨﺒﺮﺓ ﻗﺎﺗﻤﺔ .. ﺍﺳﺘﻠﻘﻲ ﻭﻋﺪﻙ ﺑﻘﻲ ..
ﻫﻄﻠﻊ ﻋﻠﻴﻜﻲ ﺍﻟﻘﺪﻳﻢ ﻭﺍﻟﺠﺪﻳﺪ ..

ﻟﺘﺘﺮﺍﺟﻊ ﻟﻠﺨﻠﻒ ﻓﺘﺘﻌﺜﺮ ﻓﻲ ﺍﻻﺷﻴﺎﺀ ﺍﻟﻤﻠﻘﺎﺓ ﺍﺭﺿﺎ
ﻭﺗﺴﻘﻂ ﻭﻫﻲ ﺗﺴﺘﻨﺪ ﻋﻠﻲ ﻛﻔﻴﻬﺎ ﻟﺘﺠﺮﺡ ﻣﻦ ﺟﺮﺍﺀ
ﻗﻄﻌﺔ ﻣﻦ ﺍﻟﺤﺪﻳﺪ ﺍﻟﻤﻠﻘﻲ ﺍﺭﺿﺎ ﻟﺘﺼﺮﺥ ﺑﺸﺪﺓ ..

ﺁﻣﺮ ﺑﻨﻈﺮﺍﺕ ﺿﻴﻘﺔ ﻭﻫﻮ ﻳﺰﻡ ﺷﻔﺘﻴﻪ ﺑﻐﻞ
ﻭﻧﺒﺮﺓ ﻣﺘﻮﻋﺪﺓ : ﺍﺻﺒﺮﻱ ﺍﻧﺎ ﻟﺴﻪ ﻋﻤﻠﺖ ﺣﺎﺟﺔ ..

ﺭﻫﻒ ﺑﺒﻜﺎﺀ ﻭﻫﻲ ﺗﻤﺴﻚ ﺑﻴﺪﻫﺎ ﻭﺑﻨﺒﺮﺓ ﻣﺘﺄﻟﻤﺔ : ﺍﻳﺪﻱ ﺍﻫﺊ ﺍﻫﺊ ..

ﻟﻴﻨﺘﺒﻪ ﺍﻟﻴﻬﺎ ﺁﻣﺮ ﻭﻳﺠﺜﻮ ﺳﺮﻳﻌﺎ ﻭﻳﻤﺴﻚ ﺑﻜﻔﻬﺎ ﻣﻜﻤﻼ
ﺑﺘﻮﺗﺮ ﻭﺃﻋﻴﻦ ﻗﻠﻘﺔ ﻭﻧﺒﺮﺓ ﻣﻠﻬﻮﻓﺔ : ﻣﺎﻟﻚ .. ﻭﻳﻨﻈﺮ ﺍﻟﻴﻬﺎ ..

ﺭﻫﻒ ﺑﺒﻜﺎﺀ : ﺍﻳﺪﻱ ﺍﺗﻌﻮﺭﺕ ﻳﺎﻣﺎﻣﻲ ..

ﺁﻣﺮ ﺑﻨﺒﺮﺓ ﻣﺘﺤﺸﺮﺟﺔ ﻗﻠﻘﺔ ﻭﻫﻮ ﻳﺴﺎﻋﺪﻫﺎ ﻋﻠﻲ ﺍﻟﻨﻬﻮﺽ : ﻳﺎﺭﺑﻲ .. ﻗﻮﻣﻲ ..

ﺭﻫﻒ ﺑﺄﻋﻴﻦ ﺑﺎﻛﻴﺔ ﻭﻫﻲ ﺗﺸﻬﻖ ﻣﺘﺴﺎﺋﻠﺔ :
ﻋﻠﻲ ﻓﻴﻦ .. ﺍﻳﺪﻱ ﻭﺟﻌﺎﻧﻲ .. ﺍﻫﺊ ﺍﻫﺊ ..

ﺁﻣﺮ ﺑﻮﺟﻪ ﻣﻤﺘﻘﻊ ﻭﻧﺒﺮﺓ ﺿﻴﻖ ﻭﻫﻮ ﻳﻘﺮﻥ ﺣﺎﺟﺒﻴﻪ :
ﺗﻌﺎﻟﻲ ﻫﻐﺴﻠﻚ ﺍﻳﺪﻙ ﻭﺍﺷﻮﻓﻬﺎ .. ﻭﻳﺴﺮﻉ ﻭﻳﻀﻊ ﻳﺪﻫﺎ ﺍﺳﻔﻞ ﺍﻟﻤﻴﺎﺓ ..

ﻟﺘﺼﺮﺥ ﺭﻫﻒ ﻣﺘﺄﻟﻤﺔ : ﻋﺎﺍﺍﺍﺍﺍﻱ .. ﺑﺘﻠﺴﻊ ..
ﺁﻣﺮ ﺑﻌﻼﻣﺎﺕ ﻭﺟﻪ ﻣﻨﺰﻋﺠﺔ ﺑﺈﻗﺘﻀﺎﺏ ﻭﻧﺒﺮﺓ ﺣﺎﻧﻘﺔ : ﻣﻌﻠﺶ ..

ﺛﻢ ﻳﺄﺧﺬﻫﺎ ﺍﻟﻲ ﺳﻴﺎﺭﺗﻪ ﻭﻳﺨﺮﺝ ﻋﻠﺒﺔ ﺍﻻﺳﻌﺎﻓﺎﺕ ﺍﻻﻭﻟﻴﺔ ..
ﺑﻌﺪ ﺍﻥ ﺍﺟﻠﺴﻬﺎ ﻋﻠﻲ ﺍﻟﻤﻘﻌﺪ .. ﻭﻳﻤﺴﺢ ﺑﺒﻌﺾ ﺍﻟﻘﻄﻦ ﻳﺪﻫﺎ ..

ﺭﻫﻒ ﻭﻫﻲ ﺗﻘﺮﻥ ﺣﺎﺟﺒﻴﻬﺎ ﻭﻣﺘﺄﻟﻤﺔ ﺑﻨﺒﺮﺓ متذمرة : ﺍﺍﺍﻱ .. ﺑﺘﻮﺟﻊ ..

ﺁﻣﺮ ﺑﺘﻨﻬﻴﺪﺓ : ﻣﻌﻠﺶ .. ﻭﻳﻨﻈﺮ ﺍﻟﻲ ﺍﻟﺠﺮﺡ ﺛﻢ ﻳﻨﻈﺮ ﺍﻟﻴﻬﺎ
ﺑﺄﻋﻴﻦ ﻣﺘﺴﻌﺔ ﻭﻧﺒﺮﺓ ﻣﺴﺘﻨﻜﺮﺓ ﻏﻴﻈﺎ .. ﺑﻘﻲ ﻋﺎﻣﻠﺔ
ﺩﻩ ﻛﻠﻪ ﻋﻠﺸﺎﻥ ﺍﻟﺠﺮﺡ ﺍﻟﺼﻐﻴﺮ ﺩﻩ ..

ﺭﻫﻒ ﺑﺄﻋﻴﻦ ﺩﺍﻣﻌﺔ ﻭﻫﻲ ﺗﺰﻡ ﺷﻔﺘﻴﻬﺎ ﺍﻟﻤﺮﺗﻌﺸﺔ
ﻭﺗﻘﺮﻥ ﺣﺎﺟﺒﻴﻬﺎ ﻭﺑﻨﺒﺮﺓ ﻣﺘﺒﺮﻣﺔ ﻣﻌﺎﺗﺒﺔ : ﺍﻧﺖ ﻣﻌﻨﺪﻛﺶ
ﻗﻠﺐ .. ﺍﻧﺎ ﺍﻳﺪﻱ ﺍﺗﻌﻮﺭﺕ ﺑﺴﺒﺒﻚ .. ﺣﺮﺍﻡ ﻋﻠﻴﻚ ..

ﺁﻣﺮ ﻭﻫﻮ ﻳﺰﻓﺮ ﺑﺈﻧﺰﻋﺎﺝ ﻭﻧﺒﺮﺓ ﺿﻴﻖ : ﺧﻼﺹ ﻣﻜﻨﺶ
ﻗﺼﺪﻱ .. ﻭﻳﻀﻊ ﻻﺻﻘﺔ ﻃﺒﻴﺔ ﻋﻠﻲ ﺍﻟﺠﺮﺡ ..

ﺭﻫﻒ ﻭﻫﻲ ﺗﻬﺠﺶ ﺑﺎﻟﺒﻜﺎﺀ ﻛﺎﻻﻃﻔﺎﻝ : ﻭﺟﻌﺎﻧﻲ .. ﺍﻫﺊ ﺍﻫﺊ ..

ﺁﻣﺮﻭﻫﻮ ﻳﺘﻨﻬﺪ ﻭﺑﻨﺒﺮﺓ ﻟﻮﻡ ﻣﻌﺘﺬﺭﺍ : ﺁﺳﻒ ﻳﺎﺭﻫﻒ ..
ﺑﺲ ﺍﻧﺘﻮ ﻋﺼﺒﺘﻮﻧﻲ .. ﺧﻼﺹ ﻫﻮﺻﻠﻚ ﺍﻟﺒﻴﺖ ..

ﺭﻫﻒ ﻭﻫﻲ ﺗﻤﺴﺢ ﺩﻣﻮﻋﻬﺎ ﻭﻫﻲ ﺗﺘﺴﺎﺅﻝ ﺑﻨﺒﺮﺓ
ﻣﺘﺤﺸﺮﺟﺔ : ﻭﻋﺮﺑﻴﺘﻲ .. ﻟﻮ ﺳﺒﺘﻬﺎ ﻫﻨﺎ ﻫﺎﺟﻲ ﺍﺯﺍﻱ ..

ﺁﻣﺮ ﻭﻫﻮ ﻳﺰﻓﺮ ﺑﻨﻔﺎﺫ ﺻﺒﺮ ﻭﻧﺒﺮﺓ ﺣﺎﻧﻘﺔ : ﺗﺎﻛﺴﻲ ﻳﺎﺭﻫﻒ ..
ﺑﻘﻮﻟﻚ ﺍﻳﻪ ﻳﻼ ﻋﻠﺸﺎﻥ ﻣﺘﻌﺼﺒﻨﻴﺶ ﺗﺎﻧﻲ ..

ﺭﻫﻒ ﺑﺈﻗﺘﻀﺎﺏ ﻭﻫﻲ ﺗﺰﻡ ﺷﻔﺘﻴﻬﺎ ﺑﺘﺬﻣﺮ ﻭ ﺗﻬﻤﻬﻢ ﻫﺎﻣﺴﺔ :
ﺍﻳﻪ ﺩﻩ ﺻﺨﺮﺓ ﻣﻔﻴﺶ ﺍﺣﺴﺎﺱ ﺍﻭ ﺗﻌﺎﻃﻒ ﻣﻊ ﺍﻟﻤﻮﻗﻒ .. ﻳﺎﺳﺎﺗﺮ ..

ﻭﻳﻨﻄﻠﻖ ﺁﻣﺮ ﻭﻳﻮﺻﻠﻬﺎ ﺍﻟﻲ ﻣﻨﺰﻟﻬﺎ ﻭﻳﻨﻄﻠﻖ ﻋﺎﺋﺪﺍ ﺍﻟﻲ ﻣﻨﺰﻟﻪ
ﻭﺑﻌﺪ ﻋﻮﺩﺗﻪ ﻭﻓﻲ ﻏﺮﻓﺘﻪ .. ﻭﻫﻮ ﻳﻨﻈﺮ ﻟﻨﻔﺴﻪ ﻓﻲ ﻣﺮﺁﺓ ﺍﻟﺤﻤﺎﻡ ..
ﻳﺤﺪﺙ ﻧﻔﺴﻪ ﻣﺘﺴﺎﺋﻼ ﺑﻨﺒﺮﺓ ﻣﺘﺤﻴﺮﺓ .. ﺍﻧﺎ ﺍﻳﻪ ﺍﻟﻠﻲ ﺣﺼﻠﻲ
ﺍﻭﻝ ﻣﺎ ﻣﺴﻜﺖ ﺍﻳﺪ ﻋﻤﺮ ﺍﺗﻌﺼﺒﺖ ﺟﺎﻣﺪ .. ﻭﻟﻤﺎ ﺩﺧﻠﻮﺍ ﺍﻟﺨﺰﻧﻪ
ﻭﻗﻔﻠﻮﻫﺎ ﻛﺎﻥ ﻫﺎﻳﻦ ﻋﻠﻴﺎ ﺍﻓﺠﺮ ﺍﻟﺒﺎﺏ ﻭﺍﻓﺠﺮ ﻋﻤﺮ ﻣﻌﺎﻩ ..
ﻭﻟﻤﺎ ﻭﻗﻌﺖ ﻭﺍﺗﺠﺮﺣﺖ ﺣﺴﻴﺖ ﻗﻠﺒﻲ ﻧﺰﻑ ﻭﻭﺟﻌﻨﻲ ..
ﺍﻧﺎ ﺟﺮﺍﻟﻲ ﺍﻳﻪ .. ﻛﻞ ﺍﻣﺎ ﺍﺷﻮﻓﻬﺎ ﺣﺎﻟﻲ ﺑﻴﺘﻠﻐﺒﻂ ..

ﻋﻤﻠﺘﻲ ﻓﻴﺎ ﺍﻳﻪ ﻳﺎﻋﻔﺮﻳﺘﻪ ﻫﺎﻧﻢ .. ﻭﺑﺘﻨﻬﻴﺪﺓ ﺣﺎﺭﺓ
ﻭﻫﻮ ﻳﺮﻓﻊ ﻳﺪﻩ ﻭﺃﺻﺎﺑﻌﻪ ﺗﺘﺨﻠﻞ ﺧﺼﻼﺕ ﺷﻌﺮﻩ ﺍﻟﻘﺼﻴﺮﺓ ..
ﻣﺶ ﻋﺎﺭﻑ ﺍﺧﺮﺗﻬﺎ ﻣﻌﺎﻛﻲ ﺍﻳﻪ .. ﻭﺗﺘﺴﻊ ﻋﻴﻨﺎﻩ ﺑﺸﺪﻩ
ﻭﻫﻮ ﻳﻜﻤﻞ ﺑﻨﺒﺮﺓ ﻣﺬﻫﻮﻟﺔ .. ﻣﻌﻘﻮﻟﻪ ﺍﻟﺼﺨﺮﺓ ﺗﻜﻮﻥ ﺑﻴﺤﺐ ..

ﺛﻢ ﻳﺤﺮﻙ ﺭﺃﺳﻪ ﻳﻤﻴﻨﺎ ﻭﻳﺴﺎﺭﺍ ﻛﺄﻧﻪ ﻳﻨﻔﺾ ﺗﻠﻚ ﺍﻻﻓﻜﺎﺭ ﻣﻦ ﺭﺃﺳﻪ ..
ﺛﻢ ﻳﻀﻊ ﺭﺃﺳﻪ ﺗﺤﺖ ﺍﻟﻤﺎﺀ ﺍﻟﺒﺎﺭﺩ ﻟﻌﻠﻬﺎ ﺗﻄﻔﺊ ﻟﻬﻴﺐ ﺗﻠﻚ ﺍﻻﻓﻜﺎﺭ ﺍﻟﺘﻲ
ﺗﻌﺼﻒ ﺑﻌﻘﻠﻪ ..
<<<<<<<<<<<<<<<<<<<<<<<<<<<<<<

ﻓﻲ ﺍﻟﻴﻮﻡ ﺍﻟﺘﺎﻟﻲ ﻋﻠﻲ ﻣﺎﺋﺪﺓ ﺍﻻﻓﻄﺎﺭ ﻓﻲ ﻣﻨﺰﻝ ﺍﻟﻘﺎﺿﻲ ..

ﻣﺮﻳﻢ ﺑﻨﺒﺮﺓ ﻫﺎﺩﺋﺔ ﻭﻫﻲ ﺗﻨﻈﺮ ﺍﻟﻲ ﺁﻣﺮ : ﺁﻣﺮ ﺍﻧﺎ ﻣﺴﺎﻓﺮﺓ ﺑﻜﺮﺓ ﺍﺳﻜﻨﺪﺭﻳﺔ ..
ﻟﻴﺘﺤﺪﺙ ﺁﻣﺮ ﺑﻨﺒﺮﺓ ﻣﻬﺘﻤﺔ : ﻟﻴﻪ ﻓﻴﻪ ﺣﺎﺟﺔ ﻳﺎﻣﺎﻣﺎ ..

ﻣﺮﻳﻢ ﺑﺘﻨﻬﻴﺪﺓ ﻭﻧﺒﺮﺓ ﻣﺘﺜﺎﻗﻠﺔ : ﻣﻔﻴﺶ ﺑﺲ ﺧﺎﻟﺘﻚ
ﻭﺣﺸﺘﻨﻲ ﻭﺍﻧﺎ ﻭﻋﺪﺗﻬﺎ ﺍﻧﻲ ﺍﺭﻭﺣﻠﻬﺎ ﻭﺍﻗﻌﺪ ﻣﻌﺎﻫﺎ ﻛﺎﻡ ﻳﻮﻡ ..

ﺁﻣﺮ ﻭﻫﻮ ﻳﺒﺘﺴﻢ ﻭﺑﻨﺒﺮﺓ ﻣﺘﻔﻬﻤﺔ : ﻃﻴﺐ ﻳﺎﻣﺎﻣﺎ ﺗﺮﻭﺣﻲ
ﻭﺗﺮﺟﻌﻲ ﺑﺎﻟﺴﻼﻣﺔ .. ﺍﺑﻘﻲ ﺳﻠﻤﻴﻠﻲ ﻋﻠﻴﻬﺎ ..

ﻣﺮﻳﻢ ﺑﻮﺟﻪ ﻣﻤﺘﻌﺾ ﻭﻧﺒﺮﺓ ﻣﻨﺰﻋﺠﺔ : ﺍﻧﺎ ﻣﺶ ﻋﺎﻳﺰﺓ ﺍﺳﻴﺒﻚ
ﻭﺍﺳﺎﻓﺮ .. ﻫﺘﻌﻤﻞ ﺍﻳﻪ ﻟﻮﺣﺪﻙ .. ﻭﺑﻌﺪﻳﻦ ﺍﺭﻭﻱ ﻫﺘﺴﺎﻓﺮ ﻣﻌﺎﻳﺎ ..

ﻟﻴﻀﺤﻚ ﺁﻣﺮ ﻭﺑﻨﺒﺮﺓ ﻣﻤﺎﺯﺣﺔ : ﻃﺐ ﻭﺑﻌﺪﻳﻦ ﻣﺶ ﻋﺎﻳﺰﺓ ﺗﺴﺒﻴﻨﻲ
ﻭﻣﺎﻟﻪ ﺧﻼﺹ ﻧﺴﻔﺮ ﺍﻭﺭﻱ ﻭﺧﻠﻴﻜﻲ ﻭﺍﻫﻮ ﻧﺮﺗﺎﺡ ﻣﻨﻬﺎ ﺷﻮﻳﻪ ..

ﺍﺭﻭﻱ ﻭﻫﻲ ﺗﻠﻮﻱ ﺷﻔﺘﻴﻬﺎ ﺑﺘﻌﻮﺝ ﻭﺗﻬﻤﺲ ﺑﺤﻨﻖ : ﻭﺍﻟﻠﻪ ﻟﻮ ﻋﻠﻴﺎ
ﻛﻨﺖ ﻫﺠﻴﺖ ﻣﻦ ﺯﻣﺎﻥ ﻣﻦ ﺍﻟﺒﻴﺖ ﺑﺲ ﻧﻌﻤﻞ ﺍﻳﻪ ..

ﻣﺮﻳﻢ ﺑﺈﻗﺘﻀﺎﺏ ﻭﻧﺒﺮﺓ ﺣﺎﺩﺓ ﺑﻌﺪﻡ ﺭﺿﺎ : ﺍﻧﺖ ﺑﺘﻬﺰﺭ ﻳﺎﺁﻣﺮ ﺍﻧﺖ ﻋﺎﺭﻑ
ﺍﻧﺎ ﺑﺒﻘﻲ ﻗﻠﻘﺎﻧﺔ ﻋﻠﻴﻚ ﻗﺪ ﺍﻳﻪ ﻟﻤﺎ ﺑﺴﺎﻓﺮ ﻭﻫﺘﺘﺼﺮﻑ ﺍﺯﺍﻱ ﻭﺗﺎﻛﻞ
ﺍﺯﺍﻱ .. ﻣﺎﻫﻮ ﻟﻮ ﻛﻨﺖ ﻣﺘﺠﻮﺯ ﻛﺎﻧﺖ ﻣﺮﺍﺗﻚ ﺍﻫﺘﻤﺖ ﺑﻴﻚ ﻭﺍﻧﺎ ﺍﺭﺗﺤﺖ ﺷﻮﻳﺔ ..

ﻟﻴﺰﻓﺮ ﺁﻣﺮ ﺑﻤﻠﻞ ﻭﺑﻨﺒﺮﺓ ﺣﺎﻧﻘﺔ : ﻫﻮ ﻳﻌﻨﻲ ﻣﻔﻴﺶ ﻣﺮﺓ ﻧﺘﻜﻠﻢ ﻓﻴﻬﺎ
ﻣﺘﻔﺘﺤﻴﺶ ﺍﻟﺴﻴﺮﺓ ﺩﻳﻪ .. ﺍﻳﻪ ﻳﺎﺍﻣﻲ ﺑﻘﻲ ﺍﻧﺎ ﺯﻫﻘﺖ .. ﻭﺑﻌﺪﻳﻦ
ﻣﺶ ﺍﻭﻝ ﻣﺮﺓ ﺗﺴﺎﻓﺮﻱ ﻳﻌﻨﻲ ﺍﻧﺎ ﺍﻗﺪﺭ ﺍﺗﺼﺮﻑ ﻭﺍﻋﺘﻤﺪ ﻋﻠﻲ ﻧﻔﺴﻲ ..

ﻟﺘﻠﻮﻱ ﻣﺮﻳﻢ ﺷﻔﺘﻴﻬﺎ ﺑﺘﺒﺮﻡ : ﻫﻮ ﺩﻩ ﺍﻟﻠﻲ ﻓﺎﻟﺢ ﻓﻴﻪ ..
ﺻﺒﺮﻧﻲ ﻳﺎﺭﺏ ﻋﻠﻲ ﻣﺎﺍﺑﺘﻠﻴﺘﻨﻲ .. ﻭﺗﺘﻨﻬﺪ ﺑﺘﻌﺐ ﻭﻳﺄﺱ ..
ﺑﺮﺍﺣﺘﻚ ﺍﻧﺎ ﺗﻌﺒﺖ ﻣﻨﻚ ﺍﻧﺎ ﻫﺴﺎﻓﺮ ﻭﺍﻧﺖ ﻣﻊ ﻧﻔﺴﻚ ..

ﻟﻴﺒﺘﺴﻢ ﺁﻣﺮ ﺇﺑﺘﺴﺎﻣﺔ ﺻﻔﺮﺍﺀ ﻭﺑﻨﺒﺮﺓ ﺑﺎﺭﺩﺓ : ﻣﻊ ﺍﻟﺴﻼﻣﺔ ..
ﻭﻳﻨﻬﺾ ﻭﻫﻮ ﻳﺰﻓﺮ .. ﺍﻧﺎ ﻫﻤﺸﻲ ﻭﺭﺍﻳﺢ ﺍﻟﺸﻐﻞ ﺩﻟﻮﻗﺘﻲ .. ﺳﻼﻡ ﻋﻠﻴﻜﻢ ..

ﻣﺮﻳﻢ ﺑﻨﺒﺮﺓ ﻣﺘﺒﺮﻣﺔ : ﻭﻋﻠﻴﻜﻢ ﺍﻟﺴﻼﻡ ..
ﺍﺭﻭﻱ ﺑﺈﺑﺘﺴﺎﻣﺔ ﻭﻫﻲ ﺗﺘﺴﺎﺋﻞ : ﺍﺣﻨﺎ ﻫﻨﻘﻌﺪ ﻗﺪ ﺍﻳﻪ ﻳﺎﻣﺎﻣﺎ ﻋﻨﺪ ﺧﺎﻟﺘﻲ ..

ﻣﺮﻳﻢ ﺑﺨﻔﻮﺕ : ﻣﺶ ﻋﺎﺭﻓﺔ ﻳﺎﺍﺭﻭﻱ ﺑﺲ ﺧﺎﻟﺘﻚ ﻭﺣﺸﺎﻧﻲ
ﻭﺍﻧﺎ ﻋﺎﻳﺰﺓ ﺍﻗﻌﺪ ﻣﻌﺎﻫﺎ ﻛﺘﻴﺮ ﺍﻧﺘﻲ ﻋﺎﺭﻓﺔ ﻣﺶ ﺑﻨﺰﻭﺭﻫﺎ ﻋﻠﻲ ﻃﻮﻝ ..

ﺍﺭﻭﻱ ﺑﻨﺒﺮﺓ ﺳﻌﻴﺪﺓ : ﻃﻴﺐ ﺣﻠﻮ ﻫﻨﻘﻀﻲ ﻛﺎﻡ ﻳﻮﻡ ﺣﻠﻮﻳﻦ ..

ﻣﺮﻳﻢ ﺑﻌﺪﻡ ﺍﻫﺘﻤﺎﻡ : ﺍﻩ .. ﻳﻼ ﺑﺲ ﻋﻠﺸﺎﻥ ﺗﺸﻮﻓﻲ ﺍﻟﻠﻲ
ﻫﺘﺎﺧﺪﻳﻪ ﻣﻌﺎﻛﻲ ﻭﺑﻼﺵ ﺷﻨﻄﺔ ﺍﻟﻤﻬﺎﺟﺮﻳﻦ ﺑﺘﺎﻋﺘﻚ ..
ﺍﺭﻭﻱ ﺿﺎﺣﻜﺔ : ﻣﺎﺷﻲ ﻣﺎﺷﻲ ..
<<<<<<<<<<<<<<<<<<<<<<<<<<<<<<<<<<<<<<

ﻓﻲ ﺍﻟﻔﻨﺪﻕ ..

ﻋﻤﺮ ﻭﻫﻮ ﻳﻀﺤﻚ ﻣﺘﺴﺎﺋﻼ : ﺍﺧﺒﺎﺭﻙ ﺍﻳﻪ ﻳﺎﻋﻔﺮﻳﺘﻪ ﻫﺎﻧﻢ ..
ﺍﻧﺎ ﻣﺶ ﺷﺎﻳﻒ ﺍﻱ ﺍﺻﺎﺑﺎﺕ ﻳﻌﻨﻲ ..

ﺭﻫﻒ ﺑﺈﻗﺘﻀﺎﺏ ﻭﻧﻈﺮﺍﺕ ﺣﺎﻧﻘﺔ ﻭﻫﻲ ﺗﺰﻡ ﺷﻔﺘﻴﻬﺎ
ﻭﺑﻨﺒﺮﺓ ﻣﻤﺘﻌﻀﺔ : ﺑﺺ ﻳﺎﻋﻤﺮ ﺍﺑﻌﺪ ﻋﻨﻲ .. ﺍﻧﺎ ﻣﺶ ﻋﺎﻳﺰﺓ ﺍﻛﻠﻤﻚ ..

ﻋﻤﺮ ﻭﻫﻮ ﻳﺮﻓﻊ ﺣﺎﺟﺒﻴﻪ ﺑﺪﻫﺸﺔ ﻭﺑﻨﺒﺮﺓ ﻣﺸﺪﻭﻫﺔ : ﺍﻧﺎ ﻟﻴﻪ .. ﻣﺎﻟﻚ ﺑﺲ ..

ﻟﺘﻠﺘﻔﺖ ﻟﻪ ﺭﻫﻒ ﺑﻨﻈﺮﺍﺕ ﻣﻐﺘﺎﻇﺔ ﻭﻧﺒﺮﺓ ﻣﻌﻨﻔﺔ : ﺗﺼﺪﻕ ﺍﻧﻚ
ﻣﻌﻨﺪﻛﺶ ﺩﻡ .. ﺑﻘﻲ ﻳﺎﻭﺍﻃﻲ ﺗﺨﻠﻊ ﻭ ﺗﺴﺒﻨﻲ ﺍﻧﺎ ﻟﻴﻪ ..

ﻟﻴﻀﺤﻚ ﻋﻤﺮ ﻭﻫﻮ ﻳﻄﺄﻃﺄ ﺭﺃﺳﻪ ﺑﺨﺠﻞ ﻭﺑﻨﺒﺮﺓ ﻣﺴﺘﺮﺿﻴﺔ :
ﻣﻌﻠﺶ ﻳﺎﺭﻫﻒ ﻏﺼﺐ ﻋﻨﻲ .. ﺍﻧﺎ ﻋﺎﺭﻑ ﺍﻧﻚ ﺯﻋﻼﻧﺔ ﺑﺲ
ﺍﻧﺘﻲ ﻣﺘﻌﺮﻓﻴﺶ ﺍﻳﻪ ﺍﻟﻠﻲ ﻛﺎﻥ ﻫﻴﺤﺼﻠﻲ .. ﻭﺑﻌﺪﻳﻦ ﺍﻧﺎ ﻋﺎﺭﻑ
ﺍﻥ ﺁﻣﺮ ﻣﻜﻨﺶ ﻫﻴﻌﻤﻠﻚ ﺣﺎﺟﺔ ﺩﻩ ﺑﺲ ﻛﺎﻥ ﻣﺠﺮﺩ ﺗﻬﺪﻳﺪ ..

ﺭﻫﻒ ﺑﻀﻴﻖ ﻭﻧﺒﺮﺓ ﻣﻤﺘﻌﻀﺔ : ﻻ ﺑﺮﺿﻮ ﺍﻧﺖ ﺧﻠﻌﺖ ﺍﺯﺍﻱ ﺗﺴﺒﻨﻲ ﻛﺪﺓ
ﻓﻴﻪ ﺍﻟﻠﻲ ﺑﻴﻨﺎ ﺑﺪﻝ ﻣﺎ ﺗﺎﺧﺪﻧﻲ ﻓﻲ ﺍﻳﺪﻙ ﺗﺠﺮﻱ ﻟﻮﺣﺪﻙ .. ﺑﺺ ﺍﻧﺎ ﺑﺠﺪ
ﺯﻋﻼﻧﺔ ..

ﻋﻤﺮ ﺑﻨﺒﺮﺓ ﻣﺴﺘﺮﺿﻴﺔ ﻭﻫﻮ ﻳﺒﺘﺴﻢ ﻣﺤﺎﻭﻻ ﺍﺳﺘﻌﻄﺎﻓﻬﺎ :
ﺧﻼﺹ ﻣﺘﺰﻋﻠﻴﺶ ﻭﺑﻌﺪﻳﻦ ﺍﺣﻨﺎ ﻟﻴﻨﺎ ﺑﺮﻛﺔ ﺍﻻ ﺍﻧﺘﻲ ..
ﻭﺑﺘﻨﻬﻴﺪﺓ ﻣﺜﻘﻠﺔ .. ﻭﻣﻴﻦ ﻏﻴﺮﻙ ﻫﻴﻬﻮﻥ ﻋﻠﻴﻨﺎ ﺍﻻﻳﺎﻡ ﺍﻟﻠﻲ ﺟﺎﻳﺔ ﻳﺎﺭﻫﻒ ..

ﺭﻫﻒ ﻭﻫﻲ ﺗﺮﻓﻊ ﺣﺎﺟﺒﻬﺎ ﻭﺗﻨﻈﺮ ﻟﻪ ﺑﺮﻳﺒﺔ ﻭﻧﺒﺮﺓ ﻣﺘﺴﺎﺋﻠﺔ
ﺑﺘﻮﺟﺲ : ﻣﺎﻟﻚ ﻳﺎﻋﻤﺮ ﺍﻧﺖ ﺿﺎﺭﺏ ﺣﺎﺟﺔ ﻉ ﺍﻟﺼﺒﺢ ﻓﻴﻪ ﺍﻳﻪ ..
ﺍﻫﻮﻥ ﻋﻠﻴﻚ ﺍﻳﻪ ﺑﺎﻟﻈﺒﻂ ..

ﻋﻤﺮ ﺑﻨﺒﺮﺓ ﺣﺰﻳﻨﺔ ﻭﻫﻮ ﻳﺤﻨﻲ ﻛﺘﻔﻴﻪ : ﺍﺭﻭﻱ
ﻣﺴﺎﻓﺮﺓ ﺍﺳﻜﻨﺪﺭﻳﺔ ﻛﺎﻡ ﻳﻮﻡ ﻭﻣﺶ ﻫﺸﻮﻓﻬﺎ ..

ﻟﺘﺒﺘﺴﻢ ﺭﻫﻒ ﺑﺮﻗﺔ ﻭﻫﻲ ﺗﻤﻴﻞ ﺑﻮﺟﻬﻬﺎ ﺑﻌﻄﻒ : ﺍﻳﻪ ﺩﻩ
ﻳﺎﻋﻤﺮ ﺍﻭﻝ ﻣﺮﺓ ﺍﺷﻮﻓﻚ ﻛﺪﺓ .. ﺗﺼﺪﻕ ﺻﻌﺒﺖ ﻋﻠﻴﺎ ﺍﻳﻪ ﺍﻟﺤﺐ ﺩﻩ ..
ﻭﺗﺘﻨﻬﺪ ﺑﻬﻴﺎﻡ .. ﻳﺎﺭﻳﺖ ﺍﻟﺼﺨﺮﺓ ﺑﻴﻘﻲ ﺯﻳﻚ ﻣﺶ ﺩﻳﻜﺘﺎﺗﻮﺭ ..

ﻋﻤﺮ ﺑﻨﺒﺮﺓ ﻋﺎﺷﻘﺔ ﻭﻧﻈﺮﺍﺕ ﺣﺎﻟﻤﺔ : ﺑﺤﺒﻬﺎ ﻣﻦ ﻭﺍﺣﻨﺎ ﺻﻐﻴﺮﻳﻦ ﻳﺎﺭﻫﻒ ..
ﻭﻳﻜﻤﻞ ﺿﺎﺣﻜﺎ .. ﻭﻫﻲ ﺩﺍﻳﻤﺎ ﻣﻌﺎﻳﺎ ﻉ ﺍﻟﺨﻂ ﻧﻔﺲ ﺗﻔﻜﻴﺮﻱ ..

ﺭﻫﻒ ﺿﺎﺣﻜﺔ ﻭﺑﻨﺒﺮﺓ ﻣﺮﺣﺔ : ﺧﻼﺹ ﻳﺎﻋﻤﺮ ﻋﻔﻮﻧﺎ ﻋﻨﻚ ﺭﺃﻓﻪ ﺑﺤﺎﻟﻚ
ﺑﺲ ﻳﻼ ﺑﻴﻨﺎ ﻧﺸﻮﻑ ﺷﻐﻠﻨﺎ ﻗﺒﻞ ﺍﻟﺼﺨﺮﺓ ﻣﺎ ﻳﺠﻲ ..
ﻋﻤﺮ ﺑﺈﺑﺘﺴﺎﻣﺔ : ﻳﻼ ﺑﻴﻨﺎ ﺑﺪﻝ ﻣﺎ ﻧﺘﻜﺪﺭ ﺗﺎﻧﻲ ..
<<<<<<<<<<<<<<<<<<<<<<<<<<<<<

ﻓﻲ ﻣﻨﺰﻝ ﺍﻟﻜﺎﺷﻒ ﻭﺻﻠﺖ ﻣﺎﺟﺪﺓ ﻟﺘﻨﻬﻲ ﺑﻌﺾ ﺍﻻﻋﻤﺎﻝ ﻟﻬﺎ ﻭﺗﺰﻭﺭ ﺭﻫﻒ ..

ﺭﻫﻒ ﺑﺈﺑﺘﺴﺎﻣﺔ ﻭﻧﺒﺮﺓ ﺳﻌﻴﺪﺓ : ﺍﻫﻼ ﺍﻫﻼ ﻋﻤﺘﻮ .. ﺣﻤﺪﻟﻠﻪ ﻉ ﺍﻟﺴﻼﻣﺔ ..
ﻣﺼﺪﻗﺘﺶ ﻟﻤﺎ ﺩﺍﺩﺓ ﺛﺮﻳﺎ ﻗﺎﻟﺘﻠﻲ ﺍﻧﻚ ﻭﺻﻠﺘﻲ ﻭﻧﺎﻳﻤﺔ ..

ﻣﺎﺟﺪﺓ ﺑﺈﺑﺘﺴﺎﻣﺔ ﺩﺍﻓﺌﺔ : ﺍﺯﻳﻚ ﻳﺎﺭﻳﺮﻱ .. ﻭﺣﺸﺘﻴﻨﻲ ..
ﺭﻫﻒ ﺑﻀﺤﻜﺔ ﻣﺮﺣﺔ : ﻛﻮﻳﺴﺔ .. ﻭﺑﺘﻨﻬﻴﺪﺓ ﻣﺜﻘﻠﺔ ﻣﺼﻄﻨﻌﺔ ..
ﻣﻌﻠﺶ ﺑﻘﻲ ﻳﺎﻣﺎﺟﺪﺓ ﻫﺎﻧﻢ ﺍﻟﺸﻐﻞ ﺍﻛﻞ ﺍﻟﻌﻴﺶ ﻣﺮ ..

ﻟﺘﻀﺤﻚ ﻣﺎﺟﺪﺓ ﻭﻫﻲ ﺗﻬﺰ ﺭﺃﺳﻬﺎ ﻳﺄﺳﺎ : ﺍﻛﻞ ﺍﻟﻌﻴﺶ ﻭﻣﺮ .. ﻃﻴﺐ ﻳﺎﺭﻫﻒ ..
ﺭﻫﻒ ﺑﺈﺑﺘﺴﺎﻣﺔ : ﺍﻳﻮﺓ ﻛﺪﺓ ﺍﺿﺤﻜﻲ ﻳﺎﻋﻤﺘﻮ ﻭﺭﻭﻗﻲ ..
ﺍﻧﺎ ﻋﺎﻳﺰﺓ ﺍﺗﻜﻠﻢ ﻣﻌﺎﻛﻲ ﻓﻲ ﻣﻮﺿﻮﻉ ..

ﻣﺎﺟﺪﺓ ﻭﻫﻲ ﺗﻘﺮﻥ ﺣﺎﺟﺒﻴﻬﺎ ﺑﺈﻫﺘﻤﺎﻡ : ﺧﻴﺮ ﻳﺎﺭﻫﻒ ﻓﻴﻪ ﺍﻳﻪ ..
ﺭﻫﻒ ﺑﻨﻈﺮﺍﺕ ﻣﺘﺮﻗﺒﺔ ﺑﺤﺬﺭ : ﺧﺎﻟﺪ ﻭﺳﺎﻟﻲ ..

ﻟﺘﺰﻓﺮ ﻣﺎﺟﺪﺓ ﺑﺤﻨﻖ ﻭﻧﺒﺮﺓ ﻣﺘﺸﻨﺠﺔ : ﺭﻫﻒ ﺍﻟﻤﻮﺿﻮﻉ ﺩﻩ ..

ﺭﻫﻒ ﻣﻘﺎﻃﻌﺔ ﺑﻨﺒﺮﺓ ﺭﺍﺟﻴﺔ : ﻳﺎﻋﻤﺘﻮ ﻃﺐ ﺍﺳﻤﻌﻴﻨﻲ
ﺍﻧﺘﻲ ﻣﻀﺎﻳﻘﺔ ﻣﻨﻬﺎ ﻟﻴﻪ ﺍﻟﺒﻨﺖ ﻛﻮﻳﺴﺔ ﻭﺧﺎﻟﺪ ﺑﻴﺤﺒﻬﺎ ..

ﻣﺎﺟﺪﺓ ﺑﻨﺒﺮﺓ ﺻﺎﺭﻣﺔ : ﺭﻫﻒ .. ﺍﻟﻤﻮﺿﻮﻉ ﺩﻩ ﺍﻧﺎ
ﻣﺶ ﻋﺎﻳﺰﺓ ﺍﺳﻤﻌﻪ ﺍﻧﺎ ﻗﻮﻟﺖ ﺭﺃﻳﻲ ﻭﺧﻠﺼﻨﺎ ..

ﺭﻫﻒ ﻭﻫﻲ ﺗﺤﻨﻲ ﻛﺘﻔﻴﻬﺎ ﺑﻴﺄﺱ ﻭﺗﺘﻨﻬﺪ ﺑﺘﻌﺐ : ﻃﻴﺐ ..
ﺛﻢ ﺗﻠﻤﻊ ﻋﻴﻨﺎﻫﺎ ﻭﺗﺒﺘﺴﻢ ﺑﻤﻜﺮ ﻭﺗﻜﻤﻞ ﺑﻨﺒﺮﺓ ﺧﺒﻴﺜﺔ ﻣﺘﺼﻨﻌﺔ
ﺍﻟﻼﻣﺒﺎﻻﺓ .. ﻃﻴﺐ ﻳﺎﻋﻤﺘﻮ ﺑﺲ ﻣﺘﺰﻋﻠﻴﺶ ﻟﻤﺎ ﺗﺒﻘﻲ ﻟﻮﺣﺪﻙ ..

ﻣﺎﺟﺪﺓ ﺑﺮﻓﻌﺔ ﺣﺎﺟﺐ ﻭﻧﺒﺮﺓ ﻣﺘﺴﺎﺋﻠﺔ ﺑﺘﻌﺠﺐ : ﻳﻌﻨﻲ ﺍﻳﻪ ..

ﺭﻫﻒ ﺑﺘﻨﻬﻴﺪﺓ ﻭﻧﺒﺮﺓ ﻣﺘﺄﺳﻔﺔ ﻣﺼﻄﻨﻌﺔ : ﻳﻌﻨﻲ ﻟﻤﺎ ﺧﺎﻟﺪ
ﻳﺘﻌﺐ ﻭﻳﺘﺠﻮﺯ ﺳﺎﻟﻲ ﺑﺪﻭﻥ ﺭﺿﺎﻛﻲ ﻭﻳﺴﺘﻘﺮ ﻫﻨﺎﻙ
ﻭﻣﻴﺮﺟﻌﺶ ﺗﺎﻧﻲ ﻭﺍﻧﺘﻲ ﻋﻠﻲ ﻣﻮﻗﻔﻚ ﺩﻩ ..

ﻣﺎﺟﺪﺓ ﻭﻫﻲ ﺗﻘﺮﻥ ﺣﺎﺟﺒﻴﻬﺎ ﻭﺗﻀﻴﻖ ﻋﻴﻨﺎﻫﺎ ﻟﻤﺤﺎﻭﻟﻪ
ﺍﺳﺘﻴﻌﺎﺏ ﺣﺪﻳﺚ ﺭﻫﻒ ﻣﺘﺴﺎﺋﻠﺔ ﺑﺘﺤﻔﺰ : ﻗﺼﺪﻙ ﺍﻳﻪ
ﺧﺎﻟﺪ ﻳﺘﺠﻮﺯ ﻣﻦ ﻏﻴﺮ ﺭﺿﺎﻳﺎ ﻭﻳﺴﺒﻨﻲ ..

ﺭﻫﻒ ﻭﻫﻲ ﺗﻠﻮﻱ ﺷﻔﺘﻴﻬﺎ ﻭﺗﻬﺰ ﻛﺘﻔﻬﺎ ﺑﻌﺪﻡ ﺍﻫﺘﻤﺎﻡ :
ﻣﻤﻜﻦ .. ﺍﻧﺘﻲ ﻋﺎﺭﻓﺔ ﺧﺎﻟﺪ ﻋﻨﻴﺪ .. ﻭﻛﻤﺎﻥ ﺑﻴﺤﺐ ﻭﺑﺼﺮﺍﺣﺔ
ﺍﻟﻌﻴﺸﺔ ﻫﻨﺎﻙ ﺣﻠﻮﺓ .. ﻭﻫﻴﻜﻮﻥ ﺍﺳﺮﻩ .. ﻭ .....

ﻟﺘﻘﺎﻃﻌﻬﺎ ﻣﺎﺟﺪﺓ ﺑﻨﺒﺮﺓ ﺣﺎﺩﺓ ﻏﺎﺿﺒﺔ ﺑﺈﺳﺘﻨﻜﺎﺭ : ﺍﻧﺘﻲ
ﺑﺘﻘﻮﻟﻲ ﺍﻳﻪ .. ﻣﺴﺘﺤﻴﻞ ﺧﺎﻟﺪ ﻳﻨﺴﺎﻧﻲ ﺍﻭ ﻳﺴﺒﻨﻲ ..

ﺭﻫﻒ ﻭﻫﻲ ﺗﻬﺰ ﺭﺃﺳﻬﺎ ﻭﺑﻨﺒﺮﺓ ﺑﺎﺭﺩﺓ ﻗﺎﺳﻴﺔ : ﻣﺶ ﻫﻘﻮﻝ
ﻫﻴﻨﺴﺎﻛﻲ .. ﺑﺲ ﻫﻴﻘﺘﺼﺮ ﺍﻟﻤﻮﺿﻮﻉ ﻋﻠﻲ ﺍﻻﺗﺼﺎﻻﺕ ﺑﺲ ..
ﻭﻟﻤﺎ ﻳﺨﻠﻒ ﺍﻛﻴﺪ ﻣﺮﺍﺗﻪ ﻣﺶ ﻫﺘﺴﻴﺐ ﻭﻻﺩﻫﺎ ﻳﺰﻭﺭﻭﺍ ﺟﺪﺗﻬﻢ
ﺍﻟﻠﻲ ﻛﺎﻧﺖ ﺭﺍﻓﻀﺔ ﺍﻟﺠﻮﺍﺯ .. ﻭﺑﻜﺪﺓ ﺍﺣﻔﺎﺩﻙ ﻣﺶ ﻫﻴﻌﺮﻓﻮﻛﻲ ..

ﻟﺘﺘﺤﺮﻙ ﺣﺪﻗﺘﻲ ﻣﺎﺟﺪﺓ ﺑﺘﻮﺗﺮ ﻭﻫﻲ ﺗﻔﻜﺮ ﺑﺰﻋﺮ ﻓﻲ ﺣﺪﻳﺚ ﺭﻫﻒ
ﻟﺘﺒﺘﺴﻢ ﺭﻫﻒ ﺑﺨﺒﺚ ﺛﻢ ﺗﻜﻤﻞ ﺑﺪﻭﻥ ﺭﺣﻤﺔ ﻻﺛﻨﺎﺀ ﻋﻤﺘﻬﺎ ﻋﻦ
ﻣﻮﻗﻔﻬﺎ .. ﻃﺒﻌﺎ ﻭﺧﺎﻟﺪ ﻣﺶ ﻣﻤﻜﻦ ﻳﺴﻴﺐ ﻣﺮﺍﺗﻪ ﻭﺷﻐﻠﻪ ﻭﺍﺳﺘﻘﺮﺍﺭﻩ
ﻫﻨﺎﻙ ﻋﻠﺸﺎﻥ ﻳﺠﻲ ﻳﺰﻭﺭﻙ ﻋﻠﻲ ﻃﻮﻝ ﺯﻱ ﺩﻟﻮﻗﺘﻲ ..

ﻣﺎﺟﺪﺓ ﻭﻫﻲ ﺗﺒﺘﻠﻊ ﺭﻳﻘﻬﺎ ﻭﻫﻲ ﺗﻨﻈﺮ ﺍﻟﻴﻬﺎ ﺑﺰﻋﺮ : ﻳﻌﻨﻲ ﺍﻳﻪ .. ﺍﻋﻤﻞ ﺍﻳﻪ ..

ﻟﺘﺒﺘﺴﻢ ﺭﻫﻒ ﺑﺮﻗﺔ ﻭﺑﻨﺒﺮﺓ ﻧﺎﺻﺤﺔ : ﻳﻌﻨﻲ ﺗﻮﺍﻓﻘﻲ ﻳﺎﻋﻤﺘﻮ ..
ﻭﺍﻓﻘﻲ ﻋﻠﻲ ﺟﻮﺍﺯﻫﻢ ﻭﺳﺎﻟﻲ ﻫﺘﺒﻘﻲ ﻣﻌﺎﻛﻲ ﻭﻫﺘﺤﺎﻭﻝ
ﺗﺮﺍﺿﻴﻜﻲ .. ﻭﻫﻤﺎ ﻫﻴﻘﺴﻤﻮﺍ ﻭﻗﺘﻬﻢ ﺑﻴﻦ ﻫﻨﺎ ﻭﻫﻨﺎﻙ ..
ﻭﺗﺘﻐﻴﺮ ﻧﺒﺮﺗﻬﺎ ﺍﻟﻲ ﻧﺒﺮﺓ ﻣﺤﺬﺭﺓ .. ﻭﺇﻻ ..

ﻣﺎﺟﺪﺓ ﺑﻨﺒﺮﺓ ﺧﺎﺋﻔﺔ ﻭﻫﻲ ﺗﺘﻠﻔﺖ ﺣﻮﻟﻬﺎ ﺑﺈﺭﺗﻴﺎﻉ :
ﻭﺇﻻ ﺍﻳﻪ .. ﻷ ﺍﻧﺎ ﻣﺶ ﻋﺎﻳﺰﺓ ﺧﺎﻟﺪ ﻳﺒﻌﺪ ﻋﻨﻲ ..

ﺭﻫﻒ ﺑﺈﺑﺘﺴﺎﻣﺔ ﻭﻧﺒﺮﺓ ﻫﺎﺩﺋﺔ ﻗﻮﻳﺔ : ﻳﺒﻘﻲ ﺗﺘﺼﻠﻲ ﺑﻴﻪ
ﻭﺗﻘﻮﻟﻴﻠﻪ ﺍﻧﻚ ﻣﻮﺍﻓﻘﺔ ﻭﺗﺒﺎﺭﻛﻲ ﻟﺴﺎﻟﻲ ..

ﻣﺎﺟﺪﺓ ﻭﻫﻲ ﺗﻨﻈﺮ ﺍﻟﻴﻬﺎ ﻭﺑﻨﺒﺮﺓ ﻣﻬﺘﺰﺓ ﻣﺘﺴﺎﺋﻠﺔ ﺑﺘﻮﺗﺮ : ﺍﻧﺘﻲ ﺷﺎﻳﻔﺔ ﻛﺪﺓ ..

ﺭﻫﻒ ﺑﻨﺒﺮﺓ ﻣﺎﻛﺮﺓ ﻭﻫﻲ ﺗﺘﺤﺪﺙ ﺑﺨﻔﻮﺕ : ﺍﻛﻴﺪ .. ﻳﻼ ﻳﻼ ﻳﺎﻋﻤﺘﻮ
ﺍﺗﺼﻠﻲ ﻭﻓﺮﺣﻴﻪ .. ﻭﻟﻨﻔﺴﻬﺎ ﺑﻨﺸﻮﺓ ﺇﻧﺘﺼﺎﺭ ﻭﺃﻋﻴﻦ ﻻﻣﻌﺔ ..
ﻳﻼ ﺑﻘﻲ ﺧﻠﻴﻪ ﻳﻔﺮﺡ ﻭﻛﻤﺎﻥ ﻳﺠﺒﻠﻲ ﺍﻟﻠﻮﺣﺔ ﻗﺒﻞ ﻣﺎ ﺣﺪ ﻳﺎﺧﺪﻫﺎ ..
<<<<<<<<<<<<<<<<<<<<<<<<<<<

ﻓﻲ ﺍﻟﻬﺎﺗﻒ ﺑﻌﺪ ﺳﻔﺮ ﻣﺮﻳﻢ ﻭﺍﺭﻭﻱ ..

ﻋﻤﺮ ﻣﺘﺴﺎﺋﻼ ﺑﺘﻨﻬﻴﺪﺓ ﺣﺎﺭﺓ : ﺍﺧﺒﺎﺭﻙ ﻳﺎﻣﻨﻌﻜﺶ ﻭﺣﺸﺘﻴﻨﻲ ..
ﺍﺭﻭﻱ ﺑﺈﺑﺘﺴﺎﻣﺔ ﻭﺍﺳﻌﺔ : ﻭﺍﻧﺖ ﻛﻤﺎﻥ ﻳﺎﻋﻤﺮ ﻋﺎﻣﻞ ﺍﻳﻪ ..

ﻋﻤﺮ ﻭﻫﻮ ﻳﻠﻮﻱ ﺷﻔﺘﻴﻪ ﺑﺘﻤﻠﻤﻞ : ﻳﻌﻨﻲ ﻫﻌﻤﻞ ﺍﻳﻪ ﻗﺎﻋﺪ
ﺯﻱ ﺍﻟﻌﻴﻞ ﺍﻟﻴﺘﻴﻢ ﺍﻟﻠﻲ ﻣﺴﺘﻨﻲ ﺍﻟﻔﺮﺝ .. ﺍﺧﻮﻛﻲ ﺑﻴﺸﻐﻠﻨﺎ
ﺯﻱ ﺍﻟﻌﺒﻴﺪ ﻭﻛﻤﺎﻥ ﺍﺑﻮﻳﺎ ﺍﺻﺮ ﻋﻠﻴﻪ ﺍﻧﻪ ﻳﺠﻲ ﻳﻘﻌﺪ
ﻋﻨﺪﻧﺎ ﻓﻲ ﺍﻟﺒﻴﺖ .. ﻭﺍﺻﺒﺤﻨﺎ ﺍﻟﻌﺰﺍﺏ ﺍﻟﺜﻼﺛﺔ ..

ﺍﺭﻭﻱ ﺿﺎﺣﻜﺔ ﻭﻫﻲ ﺗﺮﻓﻊ ﺣﺎﺟﺒﻴﻬﺎ ﺑﺪﻫﺸﺔ : ﻳﻌﻨﻲ ﺁﻣﺮ
ﻗﺎﻋﺪ ﻋﻨﺪﻛﻢ .. ﻏﺮﻳﺒﺔ ﻋﻤﺮﻩ ﻣﺎ ﻋﻤﻠﻬﺎ ﻭﺳﺎﺏ ﺍﻟﺒﻴﺖ ..

ﻋﻤﺮ ﺿﺎﺣﻜﺎ ﺑﻤﺮﺡ : ﺍﻧﺘﻲ ﻋﺎﺭﻓﺔ ﺭﺷﻮﺍﻥ ﺑﻘﻲ ﻟﻤﺎ ﻳﺤﻂ ﺣﺎﺟﺔ
ﻓﻲ ﺩﻣﺎﻏﻪ .. ﺑﺲ ﺍﻟﺸﻬﺎﺩﺓ ﻟﻠﻪ ﺍﺧﻮﻛﻲ ﺩﻩ ﻻ ﻳﻄﺎﻕ ..
ﺍﺣﻴﺎﻧﺎ ﺑﺘﺼﻌﺐ ﻋﻠﻴﺎ ﺍﻟﺒﺖ ﺭﻫﻒ ﻣﻦ ﺍﻟﺠﺮﻳﻤﺔ ﺍﻟﻠﻲ ﻫﻨﻌﻤﻠﻬﺎ ﻓﻴﻬﺎ ..

ﺍﺭﻭﻱ ﻭﻫﻲ ﺗﺰﻡ ﺷﻔﺘﻴﻬﺎ ﺑﻨﺒﺮﺓ ﻣﻌﺎﺗﺒﺔ : ﺑﺲ ﻳﺎﻋﻤﺮ ﺑﻘﻲ
ﺩﻩ ﺍﺧﻮﻳﺎ ﺑﺮﺿﻮ .. ﻭﺑﻌﺪﻳﻦ ﺁﻣﺮ ﻣﺶ ﻭﺣﺶ ﻟﻠﺪﺭﺟﺎﺩﻱ ..
ﺍﻧﺖ ﻣﺘﻌﺮﻓﺶ ﺩﻩ ﺣﻨﻴﻦ ﺍﻭﻱ ﺑﺲ ﻋﺼﺒﻲ ..

ﻋﻤﺮ ﻭﻫﻮ ﻳﻠﻮﻱ ﺷﻔﺘﻴﻪ ﺑﺘﻌﻮﺝ ﻭﺑﻨﺒﺮﺓ ﻣﺴﺘﻬﺠﻨﺔ : ﺣﻨﻴﻦ ﺍﻭﻱ ﻋﻠﻲ ﻳﺪﻱ ..
ﺑﻘﻮﻟﻚ ﺍﻳﻪ ﺳﻴﺒﻚ ﺍﻧﺘﻲ .. ﺍﺧﺒﺎﺭ ﺍﻟﺴﻔﺮﻳﺔ ﻋﻨﺪﻙ ﺍﻳﻪ .. ﻭﺧﺎﻟﺘﻲ ﺭﺑﺎﺏ ﻋﺎﻣﻠﺔ
ﺍﻳﻪ ..

ﺍﺭﻭﻱ ﺑﺈﺑﺘﺴﺎﻣﺔ ﺭﻗﻴﻘﺔ : ﻛﻮﻳﺴﺔ ﻭﻛﺎﻧﺖ ﺑﺘﺴﺄﻝ ﻋﻠﻴﻚ ﻭﻋﺎﻳﺰﺓ ﺗﺸﻮﻓﻚ ..

ﻋﻤﺮ ﻭﻫﻮ ﻳﺘﻨﻬﺪ ﺑﻘﻠﺔ ﺣﻴﻠﺔ : ﺍﻋﻤﻞ ﺍﻳﻪ ﻭﺍﻧﺎ ﻧﻔﺴﻲ ﻭﺍﻟﻠﻪ
ﻭﻫﻲ ﻭﺣﺸﺎﻧﻲ ﺑﺲ ﻧﻌﻤﻞ ﺍﻳﻪ ﻓﻲ ﺍﻟﺼﺨﺮﺓ ﺣﺘﻲ ﺍﻟﺰﻳﺎﺭﺍﺕ
ﻣﺶ ﻣﺨﻠﻲ ﺍﻟﻮﺍﺣﺪ ﻳﻌﺮﻑ ﻳﺸﻮﻑ ﺍﻫﻠﻪ ..

ﺍﺭﻭﻱ ﺑﻨﺒﺮﺓ ﻫﺎﺋﺔ ﻋﺬﺑﺔ : ﻣﻌﻠﺶ ﻳﺎﻋﻤﺮ ﻣﺴﻴﺮﻩ ﻟﻤﺎ
ﻳﻨﺸﻐﻞ ﻣﻊ ﺭﻫﻒ ﻫﻴﺤﺲ ﺑﻴﻨﺎ ﻭﻳﻔﻚ ﻋﻨﻚ ﺷﻮﻳﻪ ..

ﻋﻤﺮ ﺑﻨﺒﺮﺓ ﺭﺍﺟﻴﺔ : ﺭﺑﻨﺎ ﻳﺴﻤﻊ ﻣﻦ ﺑﻮﻗﻚ .. ﻳﻼ ﺍﻧﺎ ﺍﺳﻴﺒﻚ ﻋﻠﺸﺎﻥ
ﺍﺭﻭﺡ ﻟﺸﻐﻠﻲ ﺑﺪﻝ ﻣﺎ ﺍﻻﻗﻴﻪ ﻓﻮﻕ ﺩﻣﺎﻏﻲ .. ﻭﺑﺈﺑﺘﺴﺎﻣﺔ ﻭﻧﺒﺮﺓ ﺩﺍﻓﺌﺔ ..
ﻫﺘﻮﺣﺸﻴﻨﻲ ﻳﺎﺭﻭﺭﻭ ﻟﻐﺎﻳﺔ ﻣﺎ ﺗﺮﺟﻌﻲ ..

ﺍﺭﻭﻱ ﺑﻨﺒﺮﺓ ﻫﺎﺋﻤﺔ : ﻭﺍﻧﺖ ﻛﻤﺎﻥ ﻳﺎﻋﻤﺮ .. ﻳﻼ ﺑﻘﻲ ﺳﻼﻡ ..
ﻭﻟﻨﻔﺴﻬﺎ ﺑﺘﻔﻜﻴﺮ ﻭﻧﺒﺮﺓ ﻣﺘﻮﺟﺴﺔ .. ﺑﺲ ﺁﻣﺮ ﺍﺯﺍﻱ ﻣﺴﺘﺤﻤﻞ
ﻋﻤﺮ ﻭﻗﺎﻋﺪ ﻣﻌﺎﻩ ﺩﻩ ﺑﻴﺒﻘﻲ ﻣﺘﺤﻤﻠﻪ ﺑﺎﻟﻌﺎﻓﻴﺔ ﻓﻲ ﺍﻟﺸﻐﻞ ..
ﺍﻟﻤﻮﺿﻮﻉ ﻓﻴﻪ ﺇﻥ .. ﻳﻼ ﺍﺭﻭﺡ ﺍﺭﻭﻕ ﻧﻔﺴﻲ ﺍﻧﺎ ﺩﻟﻮﻗﺘﻲ
ﻗﺒﻞ ﻣﺎﻧﺮﺟﻊ ﻟﻠﺠﻮﻻﺕ ﺍﻟﺤﺮﺓ ﻣﻊ ﺭﻫﻒ ﻭﺁﻣﺮ ..
<<<<<<<<<<<<<<<<<<<<<<<<<<<<<<<<<

ﻓﻲ ﺍﻟﻬﺎﺗﻒ ..

ﺭﻫﻒ ﺑﻨﺒﺮﺓ ﻭﺍﺛﻘﺔ ﻭﻏﺮﻭﺭ : ﻳﺎﺑﻨﻲ ﺩﻳﻪ ﻗﺪﺭﺍﺕ ﻋﻠﺸﺎﻥ
ﺗﻌﺮﻑ ﺑﺲ ﺍﻥ ﺍﻧﺎ ﻟﻤﺎ ﺍﻗﻮﻟﻚ ﺣﺎﺟﺔ ﻻﺯﻡ ﺍﻧﻔﺬﻫﺎ ..

ﺧﺎﻟﺪ ﺑﻨﺒﺮﺓ ﺳﻌﻴﺪﺓ : ﺑﺠﺪ ﻣﺶ ﻣﺼﺪﻕ ﻳﺎﺭﻫﻒ .. ﺍﺯﺍﻱ
ﺧﻠﺘﻴﻬﺎ ﺗﻮﺍﻓﻖ ﻻ ﻭﺗﺘﺼﻞ ﺑﺴﺎﻟﻲ ﻭﺗﻬﻨﻴﻬﺎ ﻭﻛﻤﺎﻥ ﺗﻮﺻﻴﻬﺎ ﻋﻠﻴﺎ ..

ﺭﻫﻒ ﻭﻫﻲ ﺗﺘﻨﻬﺪ ﺑﺘﺜﺎﻗﻞ ﻣﺼﻄﻨﻊ ﻭﺑﻨﺒﺮﺓ ﺗﺮﻓﻊ : ﺑﺲ ﻋﻠﺸﺎﻥ
ﺗﻌﺮﻑ ﻗﻴﻤﺘﻲ .. ﺍﻋﻤﻞ ﺍﻟﺨﻴﺮ ﻭﺍﺭﻣﻴﻪ ﺍﻟﺒﺤﺮ ..

ﺧﺎﻟﺪ ﺑﺮﻓﻌﺔ ﺣﺎﺟﺐ ﻭﻧﺒﺮﺓ ﻣﺘﻬﻜﻤﺔ : ﺍﻋﻤﻞ ﺍﻟﺨﻴﺮ .. ﺩﻩ ﻋﻠﻲ
ﺍﺳﺎﺱ ﺍﻧﻚ ﻋﻤﻼﻩ ﻣﻦ ﻏﻴﺮ ﻣﻘﺎﺑﻞ .. ﻭﺍﻟﻠﻮﺣﺔ ﺍﻟﻠﻲ
ﻛﻠﻔﺘﻨﻲ ﻣﺮﺗﺐ ﺍﺭﺑﻊ ﺷﻬﻮﺭ ﺷﻐﻞ ﻫﻨﺎ ..

ﺭﻫﻒ ﺑﺈﺑﺘﺴﺎﻣﺔ ﻭﺍﺳﻌﺔ ﻭﺍﻋﻴﻦ ﻣﺘﺴﻌﺔ ﻻﻣﻌﺔ ﺑﺈﺷﺮﺍﻕ :
ﺍﻧﺖ ﺍﺷﺘﺮﻳﺘﻬﺎ ﻳﺎﺧﺎﻟﺪ .. ﻣﺶ ﻣﻤﻜﻦ .. ﻭﺗﺼﺮﺥ ﺑﺴﻌﺎﺩﺓ
ﻭﻫﻲ ﺗﻘﻔﺰ .. ﻳﺎﺍﺍﺍﺍﻱ ﺍﺧﻴﺮﺍ ﻛﻨﺖ ﻫﻤﻮﺕ ﻋﻠﻴﻬﺎ ..

ﻟﻴﺒﻌﺪ ﺧﺎﻟﺪ ﺍﻟﻬﺎﺗﻒ ﺑﺈﻧﺰﻋﺎﺝ ﻭﻫﻮ ﻳﻀﻊ ﺍﺻﺒﻌﻪ ﻓﻲ ﺍﺫﻧﻪ ﻟﻴﺪﻟﻜﻬﺎ
ﺇﺛﺮ ﺻﻮﺕ ﺭﻫﻒ ﺍﻟﺤﺎﺩ ﺍﻟﻤﺨﺘﺮﻕ ﻃﺒﻠﻪ ﺍﺫﻧﻪ ﺣﺘﻲ ﻛﺎﺩ ﻳﺼﻤﻬﺎ
ﺛﻢ ﻳﻀﻊ ﺍﻟﻬﺎﺗﻒ ﻣﺮﺓ ﺍﺧﺮﻱ ﻭﺑﻨﺒﺮﺓ ﻣﻨﺰﻋﺠﺔ ﺑﻀﻴﻖ : ﺩﻳﻪ ﻭﺩﺍﻧﻲ
ﺍﻟﻠﻲ ﺑﺘﺼﺮﺧﻲ ﻓﻴﻬﺎ ﻋﻠﻲ ﻓﻜﺮﺓ ﻣﺤﺘﺎﺟﻬﺎ ﺩﻳﻪ ﺍﻛﻞ ﻋﻴﺸﻲ ..
ﺍﻳﻮﺓ ﺟﺒﺘﻬﺎ ﺍﻫﺪﻱ ﺷﻮﻳﺔ ﺑﻼﺵ ﺗﻨﻄﻴﻂ .. ﻭﺑﻨﺒﺮﺓ ﺫﺍﺕ ﻣﻐﺰﻱ ..
ﻋﻠﻲ ﻓﻜﺮﺓ ﺩﻳﻪ ﻋﻠﺸﺎﻥ ﺍﻟﻠﻲ ﻋﻤﻠﺘﻴﻪ ﻣﻌﺎﻳﺎ .. ﻭﻛﻤﺎﻥ ﻫﺪﻳﻪ
ﻋﻴﺪ ﻣﻴﻼﺩﻙ ﺍﻧﺎ ﻣﺶ ﻫﺠﻴﺐ ﺣﺎﺟﺔ ﺗﺎﻧﻴﺔ ﺍﻧﺎ ﺑﻘﻮﻟﻚ ﺍﻫﻮ ..
ﻓﻠﺴﺘﻴﻨﻲ ﺣﺮﺍﻡ ﻋﻠﻴﻜﻲ ..

ﻟﺘﻀﺤﻚ ﺭﻫﻒ ﺑﺴﻌﺎﺩﺓ ﻭﺑﻨﺮﺓ ﻣﻌﺎﺗﺒﺔ : ﺍﺧﺺ ﻋﻠﻴﻚ ﻳﺎﺧﺎﻟﺪ ..
ﺍﻧﺎ ﺑﻄﻠﺐ ﻣﻨﻚ ﺣﺎﺟﺔ ﺑﺮﺿﻮ .. ﺩﻩ ﻣﻦ ﺍﻟﻌﺸﻢ ..

ﺧﺎﻟﺪ ﺑﺮﻓﻌﺔ ﺣﺎﺟﺐ ﻭﻧﺒﺮﺓ ﻣﺘﻬﻜﻤﺔ ﺑﺴﺨﺮﻳﺔ : ﺍﻟﻌﺸﻢ ..
ﻃﻴﺐ ﻳﺎﺧﺘﻲ ﺑﺲ ﺧﻔﻲ ﻋﺸﻤﻚ ﺑﻘﻲ ﺍﻟﻔﺘﺮﺓ ﺍﻟﻠﻲ ﺟﺎﻳﺔ ..
ﻋﻠﺸﺎﻥ ﺑﺎﻟﺸﻜﻞ ﺩﻩ ﻫﺤﺘﺎﺝ ﻗﺮﺽ ..

ﺭﻫﻒ ﺑﺈﺑﺘﺴﺎﻣﺔ ﺭﻗﻴﻘﺔ : ﻃﻴﺐ ﺧﻼﺹ .. ﻭﺑﻠﻬﺠﺔ ﺁﻣﺮﺓ ..
ﺣﺎﻓﻆ ﻋﻠﻲ ﺍﻟﻠﻮﺣﺔ ﻛﻮﻳﺲ ﺍﻭﻋﻲ ﺗﺘﺨﺪﺵ ﺳﺎﻣﻊ
ﻭﻳﺎﺭﻳﺖ ﺗﺤﺎﻭﻝ ﺗﺒﻌﺘﻬﺎﻟﻲ ﻣﻊ ﺍﻱ ﺣﺪ ﻗﺮﻳﺐ ..

ﺧﺎﻟﺪ ﻭﻫﻮ ﻳﺰﻓﺮ ﺑﻘﻠﻪ ﺣﻴﻠﺔ : ﺣﺎﺿﺮ ﻳﺎ ﺭﻫﻒ ﻫﺎﻧﻢ ﺗﺆﻣﺮﻱ ﺑﺤﺎﺟﺔ ﺗﺎﻧﻴﺔ ..
ﺭﻫﻒ ﺑﺘﺮﻓﻊ ﻭﻧﺒﺮﺓ ﻣﺘﻌﺎﻟﻴﺔ : ﻷ ﻣﻔﻴﺶ ﺣﺎﺟﺔ ﺗﺎﻧﻴﺔ ..

ﺧﺎﻟﺪ ﺑﻨﺒﺮﺓ ﺣﺎﺩﺓ ﻣﻌﻨﻔﺎ : ﻣﺎﺗﺘﻌﺪﻟﻲ ﻳﺎﺧﺘﻲ ﺍﻧﺘﻲ ﻫﺘﻌﻤﻠﻴﻬﻢ ﻋﻠﻴﺎ ..

ﺭﻫﻒ ﺿﺎﺣﻜﺔ ﺑﻤﺮﺡ : ﺧﻼﺹ ﺍﻧﺖ ﻫﺘﺘﻘﻤﺺ ﻳﺎﻋﺮﻳﺲ ..
ﻳﻼ ﻳﻼ ﺳﻼﻡ ﺑﻘﻲ ﻭﺳﻠﻤﻠﻲ ﻋﻠﻲ ﺳﺎﻟﻲ ﻟﻐﺎﻳﺔ ﻣﺎ ﺍﺷﻮﻓﻬﺎ ..

ﺧﺎﻟﺪ : ﻃﻴﺐ ﻳﻼ ﺳﻼﻡ ..
<<<<<<<<<<<<<<<<<<<<<<<<<<<<<<<

ﻭﺟﺪﺕ ﺭﻫﻒ ﺑﻌﺾ ﺍﻟﻌﺎﻣﻠﻴﻦ ﻣﻌﻬﺎ ﻳﻌﺒﺜﻮﻥ ﺑﻠﻮﺣﺎﺗﻬﺎ ﻭﻳﺒﺪﻟﻮﻥ ﺑﻌﺾ ﺍﻻﻟﻮﺍﻥ
ﺑﻬﺎ ..

ﺭﻫﻒ ﺑﺪﻫﺸﺔ ﻭﻫﻲ ﺗﺘﺴﺎﺋﻞ ﺑﺘﻌﺠﺐ : ﺍﻧﺘﻮ ﺑﺘﻌﻤﻠﻮﺍ ﺍﻳﻪ ..
ﺷﺬﺍ ﻭﻫﻲ ﺗﺰﻓﺮ ﺑﺤﻨﻖ : ﺍﻟﺒﺸﻤﻬﻨﺪﺱ
ﺁﻣﺮ ﻃﻠﺐ ﻧﻐﻴﺮ ﺍﻻﻟﻮﺍﻥ ﻋﻠﺸﺎﻥ ﻣﺶ ﻋﺎﺟﺒﺎﻩ ..

ﺭﻫﻒ ﺑﻨﺒﺮﺓ ﺣﺎﺩﺓ ﻭﺍﻋﻴﻦ ﻣﺸﺘﻌﻠﺔ ﺑﻌﺼﺒﻴﺔ :
ﻳﻌﻨﻲ ﺍﻳﻪ .. ﺩﻩ ﺷﻐﻠﻨﺎ ﻭﻣﻠﻬﻮﺵ ﺩﻋﻮﺓ ﺑﻴﻪ ..

ﺷﺬﺍ ﺑﻘﻠﺔ ﺣﻴﻠﻪ : ﻫﻮ ﻗﺎﻝ ﻛﺪﺓ ﻭﺍﺣﻨﺎ ﻣﻨﻘﺪﺭﺵ ﻧﻌﺎﺭﺿﻪ ..
ﺭﻫﻒ ﺑﻐﻀﺐ : ﻳﻌﻨﻲ ﻛﻤﺎﻥ ﺩﻩ ﺑﺄﻭﺍﻣﺮﻩ .. ﻓﻴﻪ ﺍﻳﻪ ﻳﺎﻋﻤﺮ ..

ﻋﻤﺮ ﻭﻫﻮ ﻳﻬﺰ ﻛﺘﻔﻴﻪ ﺑﻼ ﻣﺒﺎﻻﺓ : ﺍﻧﺎ ﻣﻠﻴﺶ ﺩﻋﻮﺓ ﺍﻧﺎ ﺑﻠﻐﺘﻬﻢ
ﺑﺄﻭﺍﻣﺮﻩ .. ﻭﺍﻧﺘﻲ ﻋﺎﻳﺰﺓ ﺗﻨﺎﻗﺸﻴﻪ ﺭﻭﺣﻴﻠﻪ ..

ﺭﻫﻒ ﺑﻨﻈﺮﺍﺕ ﺿﻴﻘﺔ ﻭﻫﻲ ﺗﺰﻡ ﺷﻔﺘﻴﻬﺎ ﺑﻐﻞ ﻣﺘﻮﻋﺪﺓ : ﺭﻳﺤﺎﻟﻪ ﻭﻳﺎﻧﺎ ﻳﺎﻫﻮ
ﺑﻘﻲ ..

ﻋﻤﺮ ﻣﻬﺪﺋﺎ ﻭﺑﻨﺮﺑﺔ ﻣﺘﺮﻳﺜﺔ : ﺍﻫﺪﻱ ﺑﻼﺵ ﺗﻬﻮﺭ ﻋﻠﺸﺎﻥ ﻣﻴﺰﻋﻠﻜﻴﺶ ..

ﺭﻫﻒ ﺑﻨﺒﺮﺓ ﻣﺮﻳﺒﺔ ﻭﺍﻋﻴﻦ ﻣﺸﺘﻌﻠﺔ ﺑﺈﺻﺮﺍﺭ :
ﻷ .. ﻭﺳﻊ ﺑﻘﻲ ..ﻣﺶ ﻛﻞ ﻣﺮﺓ ﻛﺪﺓ ..

ﻋﻤﺮ ﻣﻨﺎﺩﻳﺎ ﺍﻳﺎﻫﺎ ﺑﻘﻠﻖ : ﻳﺎﺭﻫﻒ ﺍﺳﺘﻨﻲ .. ﻭﻟﻨﻔﺴﻪ ﻭﻫﻮ
ﻳﺬﻫﺐ ﺧﻠﻔﻬﺎ .. ﺭﺑﻨﺎ ﻳﺴﺘﺮ ﻭﺁﻣﺮ ﻣﻴﺘﻌﺼﺒﺶ ﻋﻠﻴﻬﺎ ..

ﺍﻗﺘﺤﻤﺖ ﺭﻫﻒ ﺍﻟﻤﻜﺘﺐ ﺑﻐﻀﺐ ﻭﺍﺗﺠﻬﺖ
ﻧﺤﻮ ﺁﻣﺮ ﺍﻟﺬﻱ ﺩﻫﺶ ﻣﻦ ﺩﺧﻮﻟﻬﺎ ﺍﻟﻤﻔﺎﺟﺊ ..

ﺁﻣﺮ ﻭﻫﻮ ﻳﺠﻔﻞ ﺑﺄﻋﻴﻦ ﻣﺬﻫﻮﻟﺔ ﺛﻢ ﻳﻜﻤﻞ
ﺑﻨﺒﺮﺓ ﺣﺎﺩﺓ : ﻓﻴﻪ ﺍﻳﻪ .. ﺍﺯﺍﻱ ﺗﺪﺧﻠﻲ ﻛﺪﺓ ..

ﺭﻫﻒ ﺑﻌﺪ ﺍﻥ ﺍﻗﺘﺮﺑﺖ ﻣﻨﻪ ﺑﻨﻔﺎﺫ ﺻﺒﺮ ﻭﺑﻨﺒﺮﺓ ﻣﺘﺤﻔﺰﺓ
ﻭﻧﺒﺮﺓ ﻏﺎﺿﺒﺔ ﻭﺃﻋﻴﻦ ﻣﺸﺘﻌﻠﺔ : ﺍﺳﻤﻊ ﺑﻘﻲ ﺍﻧﺎ ﺍﺳﺘﺤﻤﻠﺖ
ﺭﺧﺎﻣﺘﻚ ﻭﺭﺯﺍﻟﺘﻚ ﻭﺻﺒﺮﺕ ﻋﻠﻴﻚ .. ﺗﻘﻮﻝ ﺩﻩ ﺣﺎﺿﺮ ﺍﻋﻤﻠﻲ
ﺩﻩ ﺣﺎﺿﺮ .. ﻭﺑﺼﻮﺕ ﻋﺎﻟﻲ ﻏﺎﺿﺐ ﻣﺤﺘﺪ .. ﻟﻜﻦ ﺗﻴﺠﻲ ﻭﺗﻠﻌﺐ
ﻓﻲ ﺭﺳﻮﻣﺎﺗﻲ ﻭﺗﻐﻴﺮ ﺍﻻﻟﻮﺍﻥ ﺑﺘﺎﻋﺘﻲ ﻷ .. ﻭﺍﻟﻒ ﻷ ..

ﺁﻣﺮ ﻭﻫﻮ ﻳﻘﻒ ﻟﻤﻮﺍﺟﻬﺘﻬﺎ ﺑﺄﻋﻴﻦ ﻣﺸﺘﻌﻠﺔ ﻭﻟﻬﺠﺔ ﺁﻣﺮﺓ
ﺑﻌﺼﺒﻴﺔ : ﺻﻮﺗﻚ ﻳﻮﻃﻲ ﻭﺍﻧﺘﻲ ﺑﺘﺘﻜﻠﻤﻲ ﻣﻌﺎﻳﺎ .. ﻭﺑﻌﺪﻳﻦ
ﺍﻧﺎ ﺍﻟﻤﺴﺌﻮﻝ ﻋﻦ ﺍﻟﻤﺸﺮﻭﻉ ﻟﻤﺎ ﺍﻗﻮﻝ ﺩﻩ ﻣﺶ ﻋﺎﺟﺒﻨﻲ
ﻳﺒﻘﻲ ﻷ .. ﻭﺍﻧﺘﻲ ﻋﻠﻴﻜﻲ ﺍﻟﺘﻨﻔﻴﺬ ..

ﺭﻫﻒ ﻣﻌﺘﺮﺿﺔ ﺑﻨﺒﺮﺓ ﺣﺎﺩﺓ ﻗﻮﻳﺔ : ﻷ .. ﺍﺣﻨﺎ ﻣﺶ ﻋﺒﻴﺪ
ﻋﻨﺪﻙ ﻧﻨﻔﺬ ﻣﻦ ﻏﻴﺮ ﻣﺎﻧﺘﻨﺎﻗﺶ .. ﺑﺺ ﺍﻧﺖ ..

ﺁﻣﺮ ﻣﻘﺎﻃﻌﺎ ﺑﺤﺰﻡ ﻭﻧﺒﺮﺓ ﺻﺎﺭﻣﺔ : ﻫﻮ ﺩﻩ ﺍﻟﻠﻲ ﻋﻨﺪﻱ ..
ﻟﺘﺸﺘﻌﻞ ﻋﻴﻨﺎ ﺭﻫﻒ ﻭﺗﺘﺠﻪ ﻧﺤﻮﻩ ﺑﺨﻄﻮﺍﺕ ﺛﺎﺑﺘﻪ ﻭﺗﻘﺘﺮﺏ
ﻣﻨﻪ ﻟﻴﺘﻮﺗﺮ ﺁﻣﺮ ﻭﻳﺘﺮﺍﺟﻊ ﺑﺨﻄﻮﺍﺕ ﻟﻠﺨﻠﻒ ﻣﻜﻤﻼ ﺑﺘﻮﺗﺮ .. ﺍﺑﻌﺪﻱ ﺷﻮﻳﻪ ..

ﺭﻫﻒ ﻭﻫﻲ ﺗﺠﺬ ﻋﻠﻲ ﺍﺳﻨﺎﻧﻬﺎ ﺑﻐﻀﺐ ﻭﻫﻲ ﺗﻤﺴﻚ ﺑﻴﺪﻫﺎ
ﻓﺮﺷﺎﻩ ﺍﻻﻟﻮﺍﻥ ﻭﺗﻮﺟﻬﻬﺎ ﻧﺤﻮ ﺁﻣﺮ ﻭﺑﺈﺷﺎﺭﺍﺕ ﺗﺤﺬﻳﺮﻳﺔ ﻭﻫﻲ
ﺗﺘﻚ ﻋﻠﻲ ﺍﻟﻜﻠﻤﺎﺕ ﻭﺑﻨﺒﺮﺓ ﻗﻮﻳﺔ : ﺑﺺ ﺍﻟﻠﻮﺣﺎﺕ ﻭﺍﻟﺮﺳﻮﻣﺎﺕ ﺩﻳﻪ
ﻣﺴﺌﻮﻟﻴﺘﻲ ﻣﺶ ﻫﺨﻠﻲ ﻭﺍﺣﺪ ﻣﻌﻘﺪ ﺯﻳﻚ ﻳﺪﺧﻞ ﻓﻲ ﺷﻐﻠﻲ ..

ﺁﻣﺮ ﺑﺄﻋﻴﻦ ﻣﺘﺴﻌﺔ ﻏﻀﺒﺎ ﻭﻧﺒﺮﺓ ﺣﺎﺩﺓ ﻣﺘﻮﻋﺪﺍ ﺑﺸﺮﺍﺳﺔ : ﻣﻌﻘﺪ ﻳﺎﺻﺎﻳﻌﺔ ﺩﻩ
ﺍﻧﺎ .....

ﺭﻫﻒ ﻣﻘﺎﻃﻌﺎ ﻭﻫﻲ ﺗﻬﺪﺭ ﺑﻨﺒﺮﺓ ﺻﺎﺭﻣﺔ ﺣﺎﺩﺓ ﺍﻟﺠﻤﺘﻪ : ﺍﺳﻜﺖ ..
ﺍﻧﺖ ﺍﻳﻪ ﻋﺮﻓﻨﺎ ﺍﻧﻚ ﺻﺨﺮﺓ ﻟﻜﻦ ﻋﻠﻲ ﻧﻔﺴﻚ ﻣﺶ ﻋﻠﻴﺎ ..
ﺍﺳﻤﻊ ﺑﻘﻲ ﻋﻠﺸﺎﻥ ﻧﺒﻘﻲ ﺣﻠﻮﻳﻦ ﻣﻊ ﺑﻌﺾ ﻭﻧﺨﻠﺺ ﻣﻦ
ﺍﻟﻤﺸﺮﻭﻉ ﺍﻟﺰﻓﺖ ﺩﻩ .. ﺍﻧﺖ ﻣﻠﻜﺶ ﺩﻋﻮﺓ ﺑﻴﺎ ﻭﺑﺸﻐﻠﻲ ﺳﺎﻣﻊ ..
<<<<<<<<<<<<<<<<<<<<<<<<<<<<<<<<<<<<<<