آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-11-16, 10:31 PM
| #11 | ||||||||
| مراقبة عامة ومشرفة منتدى الروايات المنقولة  
|  سعود يتصل حياتي نوف لبيه ياقلب نوفتك انا حطيت لك هدية نجاحك عند الباب سعووود مجنون انت كيف باخذها سعود يضحك ويقول تصرفي ناديت علاوي هو الوحيد الي يخدمك مقابل اكل ههههههه علاوي ياروح عمتك عندي جلكسي ومحتاره اعطيك او اعطي شموخ علاوي بعيون يخرج منها قلوب وورود اكيد تعطيني انا طيب انا حطيت كيسه عند الباب طيران جيبها وانا بجهزلك الجلكسي ورغم سمنته الا انه ركض يخاف شموخ تاخذ الجلكسي بداله وخلال دقيقتين الكيس بيدي وفجاءه صوت امي ورايه وششش هذا الي معك يانوف . *وقفه* احببتك فرسمتك بسماء صافيه ثم قبلتك على جبينك وتركتك لتنام بين النجوم وتتوسد القمر من بيت ندى عبدالله عبدالله ورد تعبانه مدري وشفيها عبدالله مفجوع وشفيهااااا وطلع الصاله لقاها تبكي احتضنها وسالها ورد وشبك ياعيون ابوك ورد ترجف يمممه خايفه خايفه شفت حلم مو كويس لاتتركني يابابه خلك معي انا احبك عبدالله عيونه امتلت دموع وكان يهمس لها انا مابتركك بس انتي بعد لاتتركيني ياورد ورد صار عمرها 11 سنه وصارت تسمع هذي الكلمه من ابوها كثير بس مو فاهمه وش يقصد . .. من بيتنا.. وش بيكون يعني يامامه كالعاده صبى مرسلتلي اغراض تبيني اجهز عملها الفني امي بستغراب كيف عمل فني باالاجازه انا وجهي علق وريقي جف وضحكت قلت ماتعرفين صبوي تحب الشقاء شاركت في ترم صيفي يدعم الموهوبين وتبي تشتهر على حساب تعبي بس ياالله لعيونها اقولها وانا اتكلم بصدري الله يستر الله يستر اخاف تفتح الكيس وماني عارفه انا وشفيه الله يسامحك ياسعود قطع تفكيري صوت علي يناديني عمه ممكن تزيديني جلكسي يالبى قلبك جابك الله لي هديه من السماء جيت مثل الشوف لعيون العماء ههههههههه ايييه علاوي تعال ندخل غرفتي واعطيك كثييير وطيرااان لغرفتي واصلاً ماكان عندي جلكسي قلت علاوي حبيبي بربط عيونك وبسويلك سبرايز ربطت عيونه ورحت حشيتله ساندوتش جبن وجبت عصير سنتوب وقلت له سبرايز وفتحت عيونه وعادي نسى الجلكسي اهم شي اكل قلت روح لمامه انا مشغوله فتحت الهديه وتفاجأت بشي ماتوقعته جوات الهديه ياالله ياالله . *وقفه* الماضي لن يعود والمستقبل في علم الغيب والقدر مكتوب فلاتحزن فحزنك لن يعيد ماضي ولن يغير مستقبل ولن يرد قدر فقط قل الحمدلله. .. من بيت خالتي.. فيصل يكلم خالتي فطوم يمممه ادري انها صغيره بس انا احبها احبها احجزوها لي وتخلص المتوسط ونملك وبعد ماتتخرج من الثانوي نتزوج شهد ترد على فيصل بطقطقه ليه تحجزها يالحبيب شايفها قطعة ارض ولا ناقه فيصل ياخذ نفس يمممه سكتي بنتك او تتحمل الي يجيها خاله فاطمه تصرخ بصوت عالي شششششهد اسكتي خليني اتفاهم مع اخوك شهد زعلت وقالت سكتنا يا ام عنتر بن شداد . يمه باقيلي 3سنوات واخلص الجامعه ويصير عمر ورد 14سنه و3سنوات اجمع فيها واكون نفسي وتصير بثالث ثانوي ماقلت زوجوني الليله انا قلت احجزيها يمممه ورد جداً جميله ومايختلف اثنين على جمالها وانا اعشقها وابيهااا لي وندى بنت خالتي عطر تحبني ومابترد طلبي فاطمه تسمع كلام فيصل ولما خلص قالت من عيوني بعد 6سنوات اخطبها وغير هذا الكلام ماعندي شهد ناظرت فيصل وابتسمت بسخريه وفيصل خرج من البيت زعلان. .. من غرفتي.. يعني يا صبى لما قاللي مالقيت طرحتك اثاريه كان لاقيها بس اعطاني الشال وقال عُهده واعطاني رقمه عشان اكلمه صبى تصفر وتقول والله طاح بحبك ومحد سمى عليه قولي وش حطلك بالصندوق غير طرحتك ياحبيبة سعود تطقطقين صبوي طيب طيب الايام دواره حطلي سلسال ذهب وساعه يمممه صبى تخيلي امي فتحت الصندوق صبى تضحك عادي قولي صبوي تصميمها محل ذهب وساعات بتسوي سوق من كرتون هاهاهاها خفيفة دم ماشاءالله سكري سكري سعود يتصل وقفلت ودخلت اكلم سعود ليه قلت انك مالقيت طرحتي مايبيلها ذكاء عشان التقي بعيونك مره ثانيه نوف انا قررت اخطبك مابي ابعد عنك اكثر احححبك والله احبك يانوفي انا تلعثمت من جدك سعود انا باقيلي 3سنوات بالثانويه والله بابه لو اسويلهم نهر النيل بدموعي مايوافق اتزوج الحين وانا بعد ياسعود ابي اكمل دراستي انت عارف وش كثر متعلقه بدراستي الباب دق طق طق طق هوقفلت الجوال . *وقفة* لاتخاف ياقلب من غدر الزمان يجبرك جابر قلوب اليائسين بعد سنه وخمسه شهور نواف صار جندي تخرج من دورته العسكريه وانا صرت بثاني ثانوي حبي لسعود تضاعف ووصلنا لحد الجنون كان سعود فرحان بقي سنه ونص ونتزوج مثل مااتفقنا ام سعود كل يوم تجيبله عروسه وهو يرفض ويمازحها توني صغير يمه هي تزعل عمرك الحين 27سنه وتقول باقي صغير سعود يبوسها ويقول قريب قريب ياغاليه ادعيلي بس. .. من صالة بيتنا.. الكل ينادي عليه مامه بابه نواف لولي نوووووف نوووف الا نواف يقول نوفتي نغزني قلبي من ياء التملك الي اخر اسمي يانواف يتبع | ||||||||
|  |
|
18-11-16, 11:09 PM
| #12 | ||||||||
| مراقبة عامة ومشرفة منتدى الروايات المنقولة
| ..من صالة بيتنا.. الكل ينادي عليه مامه بابه نواف لولي نوووووف نوووف الا نواف يقول نوفتي نغزني قلبي من ياء التملك الي آخر اسمي يا نواف وشششفيكم عسى ما شر قفزت لولي الملقوفه وقالت نواف يبي يتزوج انا قفزت عند نواف احححلف احححلف وضميته يا بعد عمر اختك الله يخليك الله يخليك تزوج صبى صديقتي قالت مامه ايه اصلاً صبى في بالي من زمان لولي تقفز وتجيب مجلة وتوري نواف شففف صبى تشبه هذي ونواف طلع من عيونه بوسات هههههههه قال مواااافق مواااافق اااااه راسي بابه يناظرني بسم الله عليك وشبك لا تخاف بابه أمكن من السهر الله يهديك يا بنتي دايم اوصيك لا تسهرين بابه بقولك شي قولي يا روح ابوك تكلمي يا نوفي انا شفت رؤيا بالمنام غريبه شفت ثعبااان كبيييييييير وضخم دخل عليه الغرفة وانت ذبحته. بابه يرد عليه يا رب خير يا رب خير اقترب عيد الأضحى وبدينا نقضي ونجهز يا ربيه صداع غريب اخذ بندول بس مافيه فائده جالسين نتابع مسلسل وفجأة صرت اشوف الواحد اثنين وبدات الهواجيس تلعب بمخي وما قلت لاحد شي أغمض عيوني وافتحها ويرجع نظري طبيعي وجانا العيد انا ابخر وارتب الحلويات لولي تكنس ومامه تساعد حنان في تجهيز الاطفال لانها حامل في 9 شهور وندى جابت قبل شهرين بنوته سمتها كندا مامه تنادي الي بيروح معي صلاة العيد يتجهز انا قمت واخذت ملابسي ودخلت البس لأكن للاسف يدي اليسار مااقدر ارفعها احس فيها مثل التماس الكهرب ناديت مامه وساعدتني وقالت أمكن شلتي شي ثقيل حسيت بالتعب قلت مامه ماعاد بروح اصلي معك جلست خايفه احس نصف وجهي متنمل رحمتك يا رب اتصل سعود وعايدني وقال وشفيه صوتك بكيت وعلمته وش احس فيه ارتبك وقال لا تخافين أمكن برد سكرت منه وما كنت ادري انها آخر مكالمه *وقفه* نار مخيفه تلتهم كل شي بطريقها الا تلك الأميره التي ارادت الانتحار رمت نفسها بوسط اللهب فتركتها لم تحرقها وكأنها تقول جعلني ربي برداً وسلاماً عليك انه القدر وانا. بعد ثلاثه ايام الدكتور يناظر بابه ويكلمه كل الفحوصات تثبت انها سليمه يادكتور فهمني كيف سليمه وانت شايف حالتها قدامك والله يا ابو نوف ما بيدنا شي ولا وضح شي رجعنا البيت وكاني جثه هامده اهلي كلهم حولي يتناوبون واحد ينامو وواحد يقوم اختي ساره تهمزني 24 ساعة وما توقف ولو وقفت تهميز اصارخ الم الم بجسمي نايف يروح البنك يطلب بطاقة فيزه عشان يجيبلي شي يفرحني عنده امل لو فرحت بطيب وساره تعطي نواف فلوس من الضمان وتجيب لي جوال الدمعة نايف يحط الاغراض في الارض بسكوت عصير فرشه معجون ليفه شكل سمكه كاكاوات حلويات وكل شي يخطر بالكم وكاني طفله بين يديه وللاسف فقدت النظر في عيني اليمنى وكنت اقرب وجهي من الاغراض عشان اشوفها ومر شهرين ثلاثه وانا حالتي كل يوم تزيد سوء الكل مجتمع ببيتنا الحزن سيطر على الكل امي ينزف قلبها حزن عليه وابويه يترجاني اكل ونايف يقرأ سورة البقرة وإذ تعب أعطى نواف يقرا بداله وسعود ما يدري وش فيني انقطعت عنه شهور وللاسف وزني خلال 4 شهور صار 35 كيلو وهو من قبل كان 55 كيلو الكل مجتمع عندي وطلعت ورد تبي تنزل لابوها مفتاحه نساه بالصالة وتفاجأت ب... يتبع | ||||||||
|
| |
|
19-11-16, 02:41 PM
| #13 | ||||||||
| مراقبة عامة ومشرفة منتدى الروايات المنقولة
| الكل مجتمع عندي وطلعت ورد تبي تنزل لابوها مفتاحه نساه بالصالة وتفاجأت بفيصل في الدرج ابتسمت وقالت بكل براءه هلا فصولي فيصل وقلبه يخفق هلا وردتي ورد ابتسمت انت نفس بابه يسميني وردتي تعال ابوسك بخدك وباسته بوسة طفوله طاهرة لاكنها قتلت قلبه وهو يتمنى يمشي عداد الأيام ويتزوجها فعشقه لها اعمى عيونه من ان يشوفها طفله وبعد 10 ايام امي تناديني وما ارد عليها صارخت ونادت اخواني محمد كان موجود ونواف حركوني ما اتحرك نقلوني للمستشفى كنت بحضن نواف وصلنا الطواري ودخلت الملاحظة بعد عمل اشاعه صبغيه للرأس تبين لهم جلطه بالجزء الأيسر من المخ وهم قبل 4 شهور قالو اني سليمه قدر ممتزج بالاهمال الطبي جلست شهر بالمستشفى وخرجت والحمد لله على كل حال خرجت كفيفة وفاقده للسمع والذوق وحاسة الشم أيضا الكل مصدوم والتقرير الطبي يوضح ان راي الاطباء بان 1٪ مثل حالتي ينجون من الوفاة الدماغية واني محظوظه جداً وان ليس هناك امل من رجوع حواسي *وقفه* رجوتك ربي بشكل ذليل وقلب كسير ان تجبر قلوبنا جبر يليق بجبرك --- انتهت سنه كامله وانا بنفس المكان ما اشوف شي ولا اسمع حتى الهمس الشي الوحيد الي كنت اسويه اناديهم اذ بغيت شي تحسنت كثير صرت اقدر اكل وانام ورجع وزني 50 استخدم ورفولين مسيل للدم ويحتاج تحاليل دم كل اسبوع مرتين قلبي ينادي سعود وكنت ابكي لاني عرفت انا انتهينا ومالنا نصيب ببعض قررت اخلي ساره تكلمه وتعلمه وش جرالي وناديتها وجات نسيت اقولكم كل واحد من اهلي يسويلي حركه اعرفه فيها مثلاً نواف يحط يده ع راسه وحنان تحط يدي ع انفها ومامه تمسك يدي بقوه وكذا صرت افرق بينهم حكيت لساره واشرتلي بعلامة صح بوسط كفي وتقصد فيها طيب بتصل بس ما دريت وش كانت ردت فعلها لما حكيت لها. *وقفه* موجوعه يا الله كل شي اصبح يؤلمني افتقدت ايام جميله لم يكن همي فيها الا احتضان دميتي واستيقاضي على صوت امي. - ساره اتصلت على سعود الوه الوه السلام عليكم ورحمة الله وعليكم السلام ورحمة الله وبركاته اهلين اختي مين معايه والله مدري وش اقول لك يا اخ سعود بس بدون مقدمات انا ساره اخت نوف سعود بصوت عالي خنقته العبرة تكفين قولي نوف وينها نوف وينها ارحمي حالي الله يرحم والديك واختصري الكلام وقولي لي انها بخير اكيد بخير | ||||||||
|
| |
|
19-11-16, 02:42 PM
| #14 | ||||||||
| مراقبة عامة ومشرفة منتدى الروايات المنقولة
| ساره تبكي وتقول انا لو كنت في غير هذي الظروف كان عاتبتك وقلت لك ليه كذا ليه تتواصل مع نوف بهذي ألطريقه ليه ما جيت مع الباب اذ كنت صدق تحبها قاطعها سعود وهو يصرخ طمنيني على نوف وبعدين أفهمك انا دمي تجمد بعروقي بسرعه تكلمي ساره تبكي وترد بصوت ممزوج بالحزن نوف ماهي بخير ماهي بخير يا سعود ومحتاجه دعواتنا سعود بردت فعل يقول لا نوف بخير وما فيها شي هذي خطه منك عشان تبعدينا من بعض والله اجي الليله اخطبها بس قولي الصدق أترجاك قولي الصدق ساره تبكي بصوت عالي للاسف يا سعود نوف فقدت النظر والسمع وحاسة الشم والتذوق نوف حيه بحواس ميته والدكتور قال الخلايا السمعية مستحيل ترجع من جديد لانها تلفت والعصب البصري أصابه ضمور نوف تعبانه تعبانه وقالت لي اكلمك واقولك لا تنتظرها سعود مارد وسكر الخط بدون ما يقول اي كلمه. بعد 5 شهور من مكالمه ساره وسعود كان سعود يتصل على ساره 4 مرات يوميا يتطمن على نوف وكان يتصدق كل يوم بنية شفاء حبيبته كان يقول يا رب قالو ما فيه امل تشفا وانت تقول لا يقنط من رحمة الله الا القوم الكافرين زِد الامل بقلبي وفرحني يا الله فرحني يا الله وقفه يا قسوة الايام ارجوك حني مليت من حزني ومن طول ليلي ..من صالتنا.. ريم تكلم مامه تقولها عمه ما علمتي ندى ان محمد صار عليه حادث وكانت رحمة الله قد غمرتني ابشركم في هذي ألحظه رجع لي سمعي رجعت اسمع بشكل طبيعي رجعت لي اول حاسه وهي السمع بعد سنه وخمسه شهور قفزت واقفه مو فرحه لاني سمعت بس خفت على اخويه صارخت وينه محمد ووش صابه امي تضمني وتبكي وتصارخ رجعت تسمع رجعت تسمع ريم طاحت سأجده لله البيت كل واحد يبشر الثاني وانا كل همي اخويه اخويه وينه ووش صابه وكنت انادي يمه وين محمد يمه وش فيه ..من بيت ندى.. اصحو كفايه نوم عبد الله ينادي ندى صحينا بس تعالي خذي جوالك مليون اتصال ندى تناظر جوالها يممممه استودعت الله هذولا اهلي استودعت الله وشفيهم كلهم متصلين عبد الله طيب شوفي ان شاء الله خير ندى تتصل وترد لولي ندى ندددى نوف رجعت تسمع والله رجعت تسمع ندى سجدة لله باكيه الحمد لله يا ربي الحمد لله ..من صالتنا.. هذا انا قدامك ما فيني شي حادث بسيط وكسر بأنفي فقط هاتي يدك احسسك ضميته وقلت الحمد لله أبويه يمسكني ويقول ايه والله الحمد لله اليوم الكل يجتمع باسوي مناسبه عائليه نفرح برجوع سمع نوفي وقفه على شباك الحنين أقف هناك وحيد لا صديق لي الا بقايا عطرك وجرح يهدي من دموع لم تتوقف ..من داخل غرفتي.. ساره وش البس اختاري لي لبس حلو وساعديني ساره ترد عليه لا نوفي قبل ما تلبسين اتصلي على سعود وطمنيه والله مسكين طول الوقت يسأل عنك وحالته ما تسرك قطع كلام ساره دخول بيبي ما سمعت صوته من قبل مين هذا ساره وجلست أتحسسه بيدي هذي همس بنت نايف انولدت وانتي بالمستشفى كنا نحطها بحضنك تذكرين ايه ايه اذكر بسم الله على قلبها دبدوبه ما لاحظت مراحل طفولتهم هي وكندا بنت ندى طول الوقت جالسه اتعذر باي شي اي شي بس عشان ما ترجع تفتح ساره معي سالفة سعود انا جدًا مشتاااقه له طول الوقت كانت سواليفه القديمة تنعاد بأذني وضحكته تخليني ابتسم وانا بعز مرضي كنت اسمعها كل ما استرجعت ذكرياته احبه ايييه احبه ساره أعطتني الجوال وحسستني رقم 2 وقالت خذي اضغطي هذا الرقم وبيتصل لك على جوال سعود وانا سويته لك اتصال سريع حزنت على نفسي لاني صرت محتاجه الناس بس كنت اقول انا لازم اكون قويه اتصلت ورد سعود يحسبها ساره الوه ..من بيت خاله فطوم.. فيصل يكلم شهد الله يا شهودي صار عمر ورد 15 وصارت تتغطى مني بذمتك شهودي ماهي قمر ماهي قمر شهد تضبط مكياجها وترد عليه الحمد لله والشكر انت ابد مو طبيعي فيصل يقول شهد ليه انتي كذا ليه مو مثل باقي الأخوات تاخذين وتعطين معي بالكلام الله يرحمك يا أبويه صدقت يوم قلت شهد شخصيتها غير عن كل العائلة ايه غير اخ فيصل ممكن تتفضل تطلع عشان البس ونطلع للعزيمه بدري مشتاقه اسولف مع نوف وقفه* تغيرت كثيراً لم أعد امتلك تلك الابتسامه الساحره بعد ان تقوست شفاتي تقويست حزن. نووووف نوووف يا ربي ماني مصدق يا رب يا حبيبي ما يكون حلم انا ابكي واتكلم بصوت أنهكه التعب وغيرته الايام بصدماتها ايه يا سعود انا نوف نوف الي هدها حبك وشوقها لك اكثر من هدت المرض سعود يبكي ويقول كيف ومتى رجعتي تسمعين وليه تركتيني تركتيني سنه و5 شهور ما تركتك سعود بس المرض هو الي ما تركني انا صرت ما اشوف ما اشوف يا سعود ما عليك يا روح سعود الي رجع لك سمعك قادر سبحانه يرجع لك نظرك هذا اختبار من ربي ولازم تكونين قويه وانا ما باتركك اوعدك عهد على سعود ما يتركك لو الثمن عمره. الساعة 8 مساء الكل مجتمع فرحانين برجوع سمعي ورد ما تركتني ولا لحظه تمسكني بيدي توديني اغسل وتقرب لي آكلي والكل يضحك ويسولف ..من مجلس الرجال.. ابو سامي ابيك بموضوع ابشر يا فيصل بعد العشا نطلع انا وياك نَفَر بالسيارة وقولي وش تبي بابه يكلم اخواني ابشركم فيه واحد قضى عني كل ديوني وبنتضامن وبنشتري بيت أدواره كثيرة ونتوسع نايف ونواف ومحمد بصوت فرحان الحمد لله يا ربي ما تضيق الا على ربي فرجها بابه يكلم الكل ويقول بنتي نوف قبل تمرض شافت رؤيا ولما فسرتها كان تفسيرها ان قتلي للثعبان الضخم هو قضاء ديني وتحقق الحمد لله ..من صالة الحريم.. شهد تكلم ورد تصدقين ورد ما الوم فيصل فيك انتي جميله وحنونه الله يحميك ورد باستغراب كيف يعني ما تلومين فيصل شهد تغمز لورد وتقول كلبشه حبك يا انسه ورد ورد حمر وجهها وقالت خاله نوف ابي ادخل غرفتك باقي ما صليت وقامت ..بعد العشا.. عبد الله يكلم أبويه جاد الله عليك يا عمي بابه يرد بالعافيه الله يديم مناسبات الفرح وعقبال ما اسوي مناسبه برجوع نظرها بعد الكل يقول امين امين امين فيصل هلا يا ابو سامي قم معايه أبغاك ابشر وقامو وركبو السيارة هاه أمرني يا فيصل تكلم براحتك واعتبرني ابوك والله يا ابو سامي اني معتبرك أبويه وغلاتك بقلبي ما يختلف عليها اثنين العلم وسلامتك مثل ما انت عارف اني خلصت الجامعة وأبشرك توظفت وظروفنا الماديه عال العال ولله الحمد أبويه الله يرحمه ما قصر امننا قبل يموت بفلوس وبيوت واراضي وانا ابي اتزوج ابو سامي يبتسم ما شاء الله والله لو شجن كبيره لأزوجك بها انت رجال وكفو ويا حظ من تصير زوج لبنته فيصل كان احد اعطاه كف وقال قصدك ورد لو كانت كبيره انت غلطت وقلت شجن وكانه يترجاه يعدل كلمته ليه استبعد ورد من الموضوع ضحك عبد الله وقال لا ما غلطت اقصد شجن لان ورد خط احمر هذي دلوعتي ومستحيل ازوجها فيصل ناظره وقال بس انا يا ابو سامي ابي احجز ورد وقدامها 3 سنوات لين تكمل الثانوي عبد الله باستغراب نعم فيصل وشبك يا ابو سامي ما قلت غلط انا احب ورد من صغرها وكنت احسب الايام عشان تكبر واتزوجها والله احطها بعيوني عبد الله يلطف الجو يا فيصل يا حبيبي بعد 3 سنوات ما ندري من يعيش ومن يموت خل كل شي بوقته وخلنا ناخذ عيالنا ونروح ننام بكره دوامات نزل فيصل من السيارة بدون ما يطلع بفائدة من النقاش نزل وعبد الله ينزف الم ويردد هذا اليوم الي كنت خايف منه من 15 سنه وقفه* صدى الاصوات في قلوبنا مزعج جداً ليته يتوقف قليلاً لكي ننام. ..من بيت ندى.. هي قالت كذا يا سامي أحرجتني قدام خالاتي تقهر تقهر سامي يكلم ورد طيب تتوقعين انها صادقه فيصل يحبك سااااامي خيييير كيف يحبني انا اصغر منه بكثيييير وانا اشوفه مثل اخويه اشوفه مثلك يا سمسم ..من غرفة ندى.. من يوم دخلنا وانت متضايق يا عبد الله خايف يا ندى خايف قلت لك مليون مره علمها بالحقيقه لاااا يا ندى ورد حساسه واخاف يجيها شي بس يا عبد الله الى متى ورد كبرت ولازم تعرف عبد الله يدعي يا رب ساعدني يا رب ساعدني ..من غرفتي.. ههههههههههه من جدك انت بتخطب وحده كفيفه بذمتك وش تستفيد مني انا كل الي اعرفه اضغط رقم 2 واتصل عليك سعود يعصب ويقول نوف لا عاد تقولين كذا انا مابي منك شي الا وجودك جنبي وبصير لك عيون بدال عيونك انا بكل اصرار والله ما اوافق والله ما اوافق ليه اظلمك معايه سعود يرد عليه لكل حادث حديث غيري الموضوع انتي وبعد أسبوع جوال أبويه يرن هلا وعليكم السلام مين ايه حياك الله تمام الحمد لله حياك الله اي وقت مو مشكله ايه فاضي الليله وسكر الخط... . ..يتبع.. | ||||||||
|
| |
|
22-11-16, 12:48 AM
| #15 | ||||||||
| مراقبة عامة ومشرفة منتدى الروايات المنقولة
| امي تسال مين وكانت اجابة ابويه كالصاعقة واحد يقول اسمه سعود يقول يبيني بموضوع امي ترد الله يستر اللهم اجعله خير انا كل ما فيني ينبض تعرق سخونه رجفه معقوله بيسويها طيب وش بيقول لابويه من وين جاب رقمه وكيف يا رب تعدي هذي الليله على خير قمت واتصلت بسعود وما يرد على اتصالاتي ..من المجلس الساعة 9 الليل.. ما قالك وش يبي لا والله يا نواف ما قالي شي ما قال الا ان اسمه سعود. طيب يا ابويه حبيت اقولك ان ابو صبى كلمني وقال بيسوي عشا عائلي الخميس الجاي باذن الله واخذ زوجتي لان صبى مصره ما تسوي حفله ولا عزيمه كبيره ما دامت نوف باقي تعبانه. خلاص وانا ابوك لا تضغطون عليها خلوها على راحتها انت تدري وش كثر تحب نوف ونوف وش كثر تحبها. جوال بابه يرن. هلا ابشر ابشر الحين نفتح الباب حياك الله ونزل نواف وفتح ورحب ودخله المجلس ... وقفه طفله ترسم حلمها بكراستها وتغفو فتسيل منها دمعه لخبطت كل مارسمت وامتزجت الالوان ... ..فيصل يكلم صديقه وليد.. لا يا وليد للحين ما نفذو فيه حكم القصاص وليد طيب يا فيصل ما فكرت تتنازل عنه لوجه الله فيصل فقد اعصابه وضرب الدركسون ترى مليت مليت وانا اقولك لا عاد تفتح معي هذا الموضوع خير يا وليد الي يسمعك يقول ان سعد عمك او ابوك ما بقى الا تقول انا بنسجن بداله وخلاص. ..من مجلسنا.. انا يا عمي سعود عسكري في الدفاع المدني كنت من الفرقه الي انقذتكم ايييه والله ذكرتك يا سعود يا الله انا من اول اقول شكلك مو غريب. امرني يا ولدي يا سعود. انا جاي اطلب يد بنتك الي انقذتها يوم طاحت اذا ما عندك مانع خذيت رقمك من الرجال الصحفي الي سوى معك مقابله. بابه يرد والعبره خانقته بس بنتي تعبانه بنتي فقدت نظرها يا سعود. سعود يرد بستغراب بحيث لا يثير الشك ليييه وكيف ومتى حكاله ابويه القصه بالتفصيل وكان رد سعود وانا راضي يا عمي فيها رغم كل الي قلت. نواف باستغراب اخ سعود البنت تعبااااانه استوعب صارت كفيفه كيف بتدير امورك كزوج لك حقوق وواجبات. سعود يبتسم بس انا راضي وعند كلمتي. انتهى سعود موضوعه وخرج. ..من بيت خاله فاطمه.. شهد تناظر جوالها يا الله مين هذا ووش يبي مني هذا سادس شهر كل يوم طالع لي برقم بارد عليه واشوف وش يبي. وتكتب مسج نعم من انت اخيرا رديتي اي شهد حرام عليك تعبتيني معك نعم من انت ووش تبي. انا وليد صديق فيصل ومابي شي غيرك امانتك ما تقفلين جوالك وافهمي مني انا اشوفك مع اخوك دايم وانا حبيتك وابيك على سنة الله ورسوله الي يبيني يجي مع الباب مو مع الجوال اخ وليد وانا بجي مع الباب بس بعد ما اعرف شخصيتك وتعرفين شخصيتي يا شهد شهد ترد بغباء ok بس بمسجات فقط وليد ok اتفقنا وبدات علاقتهم الغرامية ... وقفه قلبي أرجوك اخفض صوت نبضاتك فالحساد كثيرون. ... ..من صالتنا.. مامه تقول لا اكيد مانت صاحي كيف ازوجها مسكينه ما تشوف نايف يكلم نواف اكيد يستهبل ونواف يرد لا والله كان يتكلم بكل جديه وساره فرررررررحااااانه لان سعود رجال كفو وما تخلا عني ساره تكلم امي وليه لا يمه شوف عبد العزيز آل شيخ وبن باز من كبار العلماء ما منعهم فقدانهم البصر من ممارسة الحياة وما توقفت الدنيا على نظرهم نوف من حقها تعيش كإنسانه طبيعيه ومن حقها تسالونها عن رايها ومحد يقرر عنها. سمعتهم وانا واقفه ورى باب غرفتي رجعت سريري ومثلت النوم وانا ابكي تمنيت هذا النقاش صار وانا مبصره ومحد يشوفني بعين النقص والشفقة. ..من بيت ندى.. بكره نتايج تحاليل شجن يا رب يكون خير بابه لبيه يا ورد المدرسة طلبوني صوره من كرت العائلة ضروري بكره عبد الله بوجه مخطوف ويبي يصرف الموضوع لفي لفي باشوف شعرك وردتي كانك قصيتيه. بااابه كيف اقصه بدون ما استأذنك انا مو مجنونه ازعل عبودي ندى حست بتوتر عبد الله ونادت ورد تعالي غيري ملابس كندا حاضر يا ام سامي وانت لا تنسى يا ابو ورد جهز لي صوره من كرت العائلة طفشت وانا اطلبك يا بابه. ..من غرفتي.. انا اكلم سعود والله ما اوافق والله ما اوافق طيب نوف لا توافقين بس تحملي الخبر الي بيجيك عن سعود وعهد عليه ما ادخل بحرمه غيرك وان تسمعين خبر وفاتي بمجرد ما اسمع خبر رفضك سعوووووود سعووووووووود حرااام عليك ليه تسوي فيني كذا كفايه الي انا فيه نوف افهمي انتي الحلم الي احلم كل لحظه نوفي احبك والله مو بكيفي احبببك وفقدانك لنظرك مو عيب عشان أتركك بالعكس هذا وسام شرف لك لانك رضيتي بحكم ربك. الباب يدق طق طق طق ... وقفه اشتقت بقلمي لاكني وجدته قد جف عندما راني حزينه. ... ..من غرفتي.. هلا بابه اسمعيني نوفي باقولك كلام واوعديني ما تفهميني غلط. انا قلبي يخفق قول بابه اوعدك ما افهم غلط. تدرين يا نوفي ان الرجال الي جانا امس كان جاي عشان يخطبك. انا بوجه مذهول وكاني مو عارفه شي اشرت على صدري يخطبني انا. بابه يمسك يدي ايه انتي وش ناقصك يا نوفتي وانا خفت اقولك وتفهميني باني ابي الفكه منك واني متضايق منك عاااد انتي الله يهديك صايره حساسه بزياده هذي الايام. انا عشت وقتها لحظة صمت تخللها تفكير بتهديد سعود لو ما وافقت عليه بيسوي بنفسه شي. بابه يوقف ويقول فكري واستخيري معك شهر كااامل وبعدها قولي ردك لامك اذ تستحين مني باسني وخرج. ..من بيت ندى.. صلي على النبي وأحمدي الله على كل شي لا تزعلين ربك منك يا ام سامي. استودعتها الي خلقها حبيبة قلبي. الله يخليك استعجل بأوراقها مابيها تغسل كلى ابي نزرع لها اول ما يتطابق الدم وكلنا نروح نحلل شجن صغيره يا عبد الله ما تتحمل الغسيل ولا الاجهزة يا رب يا رب. *بعد شهر.. مامه انا استخرت وموافقه على سعود مامه ضمتني وقالت الله يقومني انا وشجن بالسلامه ونفرح فيك. نايف يكلم ابويه بس لو درى نواف ان عملية امي يوم الاثنين وما قلنا له بيزعل امي ترد على نايف لا لاحد يقوله شي لا تخربون عليه شهر العسل خلوهم ينبسطون. ..من بيت ندى.. مدري يا عبد الله لها اسبوعين متضايقه ليكون قلتي لها شي يا ندى وكان صوته معصب. ندى ترد بخوف لا والله لا والله ما قلت لها حرف بس يمكن خايفه على اختها. بروح اشوفلها ورد ما تخبي عليه شي. ... وقفه يكفينا لبس أقنعة الفرح لنخفي ملامح الحزن نختبئ خلف التمثيل فقط لنعيش. ... ..من بيت خاله فاطمه.. ما توقعت اني بحبك هالكثر يا وليد وليه شهودي لهذي الدرجه ما أنحب لا وليد بس انا على قولت فيصل اخويه ما عندي مشاعر وليد يضحك هههههههههه خلينا المشاعر له عنتر بن شداد على قولتك ولا بذمتك فيه انسان طبيعي يحب طفله. شهد تضحك وتنادي وليد بهمس وليد وليد يرد عليها يااااا عيون وليد شهد بخجل احبك والله احبك ..من غرفة ورد.. هاه للحين ما تبين تقولين لبابه وشفيك يا وردتي. ورد بنبرة زعل انا يا بابه متضايقه انت سويت تحليل انسجه لكل العائلة عشان تشوف مين الي يتطابق مع شجن ويتبرع لها بكليته الا انا وكاني مو اختها. عبد الله يضحك وقلبه يبكي ويرد على ورد بسسسس هذا الي مزعلك وانتي يا وردتي محد قالك ان اعضاءك كلها ما تتطابق مع اي انسان. ورد مفجوعه يممممه ليه وش فيني. عبد الله سحبها لحضنه وهو يضحك بصوت عالي بسم الله عليك لا تخافين بس انتي يا وردتي اعضاءك من ذهب والماس انتي غير يا غنوجتي. ورد تبوسه ايه كالعاده تلحس مخي بكلمتين لانك عارف ان قلبي الصغير ينبض بدمك يا عبودي. عبد الله لا من جد ورد انا ما خليتك تفحصين تطابق الأنسجة لانك ما وصلتي 18 سنه وما يقبلونك كمتبرعه. اهاه بابه توني فهمت ومحد طابق أنسجة شجن الا جدتي عطر سبحان الله. **وقفه** في منتصف الطريق وجدت طفله من نور تبتسم وكأنها تقول واصلي فان الله معك. ... ..من المستشفى يوم الاثنين.. الكل متوتر وندى تبكي يا رب ارحمهم برحمتك وارحم ضعفي وقلة حيلتي وقوم امي وبنتي بالسلامه. ابويه حالته ما تسر متوتر وما يبي يكلم احد نايف ومحمد بالاستراحه يحسبون الوقت عبد الله جالس في الارض والخوف طغى ملامحه ..من البيت.. انا ابكي ولولي تبكي بحضن ساره ساره تدعي ورد تاكل اضافيرها بفمها وخاناتها العبره وسامي ينوم كادي ..من المستشفى.. خاله فاطمه جات هااااه طمنوني اختي وينها نايف باقي يا خاله ما طلعت وخلال ثواني تخرج الممرضة مامه عطر كويس ما فيه خوف خلاص الحين يدخل الملاحظة. الكل يحمد الله الحمد لله الحمد لله الحمد لله. ندى بلهفة وشجن طلعت الممرضة لاااا مامه هذا زراعة صعب لازم 9 ساعه بعدين روح الملاحظة عبد الله يردد يا رب يا رب فيصل يكلم محمد كم صار لهم داخل محمد لهم من 7 الصباح والحين 12 الظهر جوال فيصل يرن فصول بطلع مع أميره اجهز عمل على البِور طلبتني الدكتوره بالجامعه فيصل خليه انا بسويه لك في الليل فيصل عاااد بدون تعقيد تكفى والله لو ابويه عايش ما يمنعني عاد شهد دايم تكسره بهذي الجمله كفايه كسره من بعد ما انقتل ابوه وما يبي شهد تحس بشعور انها يتيمه. طيب موافق اطلعي بس لا ياذن المغرب الا وانتي بالبيت شوفيني حذرتك. شهد وهي فرحاااانه ابشرررر ابشرررر وسكَّرت ... ..شهد تكلم وليد.. ياالله تعال انا جاهزه ابشري يا روح وليد ثواني وانزلي ... ..من بيتنا.. الوه الحمد لله خااااله ساره خاااله نوف ابشركم جدتي طلعوها غرفة التنويم وحالتها مستقره لولي تناظر ورد يا سبحان الله خاله ساره وخاله نوف اما انا خالة البطه السودا. ورد بإحراج ما قصدت والله. المهم انا باروح أرافق مع امي وانتي يا لولي انتبهي لنوف وانتي يا ورد انتبهي لكادي وانت يا سامي قوم وقف تاكسي. قالتها وكأنها طعنة قلبي بخنجر مسموم المفروض انا الي أدير بالي عليهم وصار العكس المفروض انا أرافق مع امي او اهتم في كادي يا رب اجبر خاطري واجعلني مثال في الصبر ناديت لولي جيبيلي مويه انا بدخل غرفتي بنام شوي وجيبي الدواء باخذه الحين وقته لولي كالعاده تتافف اووووف استغفر الله مالي حيل وقامت جابت لي علاجي وعلبة مويه وأعطتني على كثر ما هي عنيده الا اني احبها بجنون هذي البنت. ..من سيارة وليد.. شهد وين بنروح في هذا الحر وليد يبتسم ابتسامة خبث نروح شقتي مجهز لك مفاجأة. شهد مرعوبة لا وليد لا خلنا بالسيارة ما راح انزل. وليد يداريها يا روحي يا شهودتي تخافين من وليد حبيبك ركزي واستوعبي يا شهد انتي اخت اعز انسان ولي يضره يضرني انتي باذن الله ام عيالي احبك شهودتي. وكالعادة غباء شهد ملازمها من صغرها. وافقت ووصلو الشقه ونزلت.. ويا ليتها ماتت قبل تنزل فالموت اجمل بكثير من المفاجأة الي تنتظرها بالشقه. ... وقفه ازدحام الفرح امام باب القلوب كاافي ليثبت لك مدى انانية الحزن فقد أغلق على نفسه الباب وقرر ان يعيش بقلوبنا لوحده. ... ..من داخل غرفتي.. لا سعود وربي مو قصدي اني أجزع من قدر الله بس تعرف الواحد الي فقد شي لازم يكون حساس فتره لين يتعود. المهم نوفي اهم شي ربي يقوم امك بالسلامه هي وشجن ونملك ونفرح ونطلع من اجوا الحزن الي سيطرت علينا. سعود سعود لبيييه يا روح سعود انا بخجل يا لبى قلبك بس عندي سؤال. تفضلي يا دنيتي اسالي. سعود علمت امك وإخوانك اني كفيفه ولا بس قلت لهم بخطبها بدون ما تقولهم شي. والله يا نوفي ما قلت لهم وبخليهم امام الامر الواقع. انا بصوت عالي لاااا سعود حلفتك بربك ما تحطني بموقف سخيف مثل كذا. سعود سكت شوي ثم قال من عيوني مثل ما تبين يا نوفي.. ... يتبع | ||||||||
|
| |
|
28-11-16, 01:39 AM
| #16 | ||||||||
| مراقبة عامة ومشرفة منتدى الروايات المنقولة
| ..من شقة وليد.. ادخلي يا روح وليد ودخلت شهد المكان كله مظلم وزوايا البيت كله انوار خافته وموسيقه هاديه دخلت الصاله وجلسنا وليد على الكنب وليد عيون وليد انتي وليد انا خايفه افاااا تخافين وحبيبك معك كوني هاديه وبدون توتر انا ماراح ااذيك وفسخي عبايتك وتعالي اوريك المفاجأة. فسخت عبايتها وقامت وبدون ما تحس وهي تضبط شعرها وهو يتغزل فيها سحب جوالها وحطه بجيبه. خلصت ومسكها بيدها وهي بدأت تتطمن وخف توترها وصلو عند غرفه مغلقه دق الباب طق طق طق ناظرته وهي تضحك سم بالرحمن تدق على مين ليكون المفاجأة لها رجول ويدين تفتح الباب وضحكت. ضحكت وهي ما تدري انها اخر ضحكه بتضحكها ضحكت وهي ما تدري انها انتهت للابد وانصدمت لما سمعت صوت ياذن لهم بالدخول تفضل يا وليد السلام عليكم وعليكم السلام هذي شهد بنت سلطان بشحمها ولحمها مثل ما طلبت طال عمرك منصور يناظرها ويقول حيّاالله بنت سلطان ما بغيتي تجين يا قمر كل هذا ثقل شهد ماعاد تسمع شي الا صوت طنين في إذنها وصوت نبضاتها ياالله منصور انا استاذن اتوقع كذا مهمتي انتهت وليد وين تروح وانا يا وليد. قالتها شهد بصوت متقطع وماعاد قدرت توقف طاحت عند رجول وليد تترجاه وانا يا وليد رجعني بيتنا. منصور يكلم وليد خذ هذا الشيك الي وعدتك 150 الف وبالعافية عليك تستاهل يا بطل. وليد يبتسم ايه نسيت اقولك خذ جوالها وناوله جوال شهد وسحب رجله من بين يديها وخرج. ناظرها منصور اسمعي يا شهد خليك مطيعه ونفدي الي اقولك وخلال ساعه اكلم اختي الهام وسواقها يرجعونك بيتكم. ... **وقفه** صورنا جميله جدًا ونحن صغار لان ابتساماتنا لم تكن ترتسم لنخفي مافي صدورنا بل لاننا فعلاً سُعداء. ... ..من المستشفى الساعه 5 العصر.. السلام عليكم ورحمة الله وبركاته. الكل يرد وعليكم السلام ورحمة الله وبركاته. فيصل حياالله وليد حبيت أعرفكم على صديقي وأخويه وليد الكل يرد ما شاء الله الله يديم خوتكم وليد يكلم فيصل هاه طمني كيف خالتك ابشرك يا وليد كلهم بخير ونجحت العملية وليد يرد الحمد لله اعذرني وانا اخوك وربي كنت ابي اجيكم من بدري وأوقف معك بس راحت عليه نومه فيصل ما تقصر يا غالي الله يسعد قلبك هذا احنا جالسين وما بيدنا شي نسويه الا الدعاء لهم. فيصل يخرج جواله من جيبه ويتصل سلامات وشفيها هذي مقفله جوالها لا يكون فيها شي. وليد يقوم عن اذنك بروح دورة المياه اكرمكم الله. وطلع واتصل على منصور الوه منصور بسرعه خلها تفتح جوالها وتكلم فيصل لانه خاف لما لقى جوالها مغلق ولا تنسى تُمسح كل محادثاتي واتصالاتي من جوالها منصور يضحك ضحكة خبث لا تخاف يا بطل كل شي تمام وهي الحين في الطريق لبيتهم. ورجع لصالة الانتظار. فيصل يتصل على شهد بعد ساعه الوه هلا فيصل شهد خير خوفتيني ليه جوالك مغلق لا تخاف بس بطاريته طفت وتوني رجعت البيت وشحنته طيب وشفيك ليه صوتك كذا وحده من صديقاتي توفت وانا حزينه عليها اذكري الله شهودي انا الحين جايك. ..الساعه 11 الليل.. ندى بجنب شجن تدعيلها وشجن حالتها مستقره والعملية نجحت الحمد لله. ساره مع مامه بعد ما تعرضت لنقص أكسجين بعد حوالي ساعه لأكن الحين نايمه وتعدت مرحلة الخطر لله الحمد. خاله فاطمه عندنا في البيت نايمه والكل نايم بعد التعب الي جانا من الخوف والانتظار فيصل يهدي شهد ححححرام عليك تسوين بنفسك كذا ارضي بقضاء الله وقدره صديقتك هي الحين عند الي ارحم بها منك. اهدي يا شهودي الله يسعدك انا تعبان ودي انام وخايف عليك شهد بصوت ميت روح نام انا بخير يا فيصل. باس راسها وراح ينام. وهي تتذكر كل الي صار.. تتذكر لما أعطاها قميص نوم احمر وكان يصورها بجميع الاوضاع وهي تمثل كل الي يطلبه منها مقابل ما يلمسها ومقابل يرجعها لبيتهم. تتذكر وهي تسوي نفسها نايمه بحضنه وهي تسوي نفسها ترقص وهي تسوي نفسها تضحك و. و. و. و. وتسال نفسها وش يبغى بصوري طيب دامه ما آذاني في نفسي. ..بعد شهرين.. الحمد لله يا عبد الله شوف وجه شجن كيف صار منور ومتعافي الله يجزاك يا امي الجنه. من جد يا ندى يا خلتها بالاجر من احيا نفس فكأنما احيا الناس جميعاً. عبد الله باكلمك بموضوع مهم. وشفيك يا ندى ورد يا عبد الله صارت كبيره وما يجوز تكشف على اخواني وتبوسهم وتجلس باحضانهم هي ما تدري انهم مو أخوالها وانا وياك نتحمل ذنبها انت ما حليت المشكلة لما خليت اختك ترضعها عشان تبعد عنك الذنب وصرت خالها من الرضاعة بس اخواني حرام يتعاملون معها وكأنها بنت اختهم لا هم يدرون ولا هي تدري. عبد الله ما رد باي حرف الا بدموعه وفجأة جات ورد وسامي يركضون بابه بابه فكرنا وقررنا انك سافرنا جده بمناسبة سلامة شجن النزغه. وبنظرة ذكاء من ورد قفزت بحضن ابوها ومسكت وجهه بيدينها الثنتين بابه وشفيك ليه كنت تبكي بابه وششفيك وشششششششفيك تكلم يا نبضات ورد. عبد الله ما تحمل وقف وخرج من البيت وهو يتكلم بصوت منخفض تعبان يا ربي تعبان.. .... **وقفه** يا رب اني ارى بصيص نور للسعاده فعجل بها يا الله. ..... ..من غرفتي.. وربي يا نوف من قلت لهم انك كفيفه وهم قالبين الدنيا على راسي امي تقول والله لو تاخذها لاتبرا منك ليوم الدين واخواني نفس الكلام وجالسين يخطبون لي بكل بيت وانواع الكلام الي يجرح وأبشرك اخر شي توصلوله انهم يقولون اني مسحور ههههههه. انا ابكي وهو يتكلم نووووف خيييير تبكين لازم نكون اقوياء عشان نتعدى المصاعب الي بتواجهنا. نووووف اوعدني ما تضعفين ولا تصدقين اي كلام يوصل لك عني لاني اعرفهم اهلي نفسهم طوييييل ما راح يستسلمون بسهوله. كوني قويه واوعدك بكون جبل في وجه العاصفة. اوعدك انا بعد يا سعود ما اضعف وراح اخليك انت الي تضحك في النهاية. ..من بيت ندى.. والله ما تركك لين تقول لوردتك وشبك وليه كنت تبكي. عبد الله يلعب بشعر كادي ويستهبل على ورد اسمعي يا وردتي كنت ابكي لان امك ضربتني ورد تضحك وتقول ولا زال عبودي يلحس مخ ورد كالعاده بسرررررعه بابه تكلم ورايه اختبار. بعدين ليه انت هذاك اليوم يوم طلبتك كرت العائلة ما اعطيتني والغريبه انهم ما عاد طلبوني اياه. لاني خفت عليك يا ست ورد تشيلينه فيثقل عليك الشنطه فوصلته بنفسي للمدرسة خدامين للحلوين. ماشي بابه بعد الاختبارات نتفاهم وجهز الهديه لو سمحت من اللحين. حاضر يا وردت عبد الله من عنوني. ..من بيت خاله فاطمه.. الحمد لله يا فيصل شهودي نورت سفرتنا بعد شهرين فيصل يرد ايه يمه شهد قويه وتدري اننا كلنا بنموت وهذا مصيرنا وبعدين شهد تصبر عن كل شي الا الاكل روحي فتشي تحت سريرها اكيد تلاقين انواع الصحون تاكل بدون ما ندري مسويه حزينه شهد تبتسم بوجه ذابل وابتسامه باهته بدون ما ترد بحرف واحد. وقلب فيصل بيتقطع عليها اشتاق لطولة لسانها وعنادها. ..من صالتنا.. ابشرك يمممه صبى حااامل الكل صرخ الحمد لله الحمد لله نايف يناظر نواف وبتصير أب يالبزر نواف يطقطق على نايف لوسمحت اخ نايف انا ما اكلم عزابيه. نايف مقهور اقول انطم الي فيني مكفيني اشتقت لعيالي وربي صوت همس يلعب في مخي بابه يكلم نايف طيب مادام عمك صار طيب احجز لهم وخلهم يجون حتى احنا اشتقنا لهم من قبل تسوي امك العملية وهم مسافرين. نايف طيب يا غالي بكلم حنان اليوم واقول لها باذن الله. انا اكلم نايف بس قبل يجون رجاء خاص املا المطبخ مقاضي ولدك بيجي ياكل الأخضر واليابس. نايف مفجوع قولي ما شاء الله على ولدي خير يا نوف سكت دهراً ونطق كفراً. الكل يضحك واكثر ما ضحكهم وجه نايف وهو مفجوع على علاوي. ... **وقفه** بريق الألماس يوجعنا لانه يذكرنا بصفاء قلوب دُفنت تحت تراب الغدر فاطفأ بريقها للابد. ... ..من صالتنا.. جوال امي يرن. الوه اهلاً وعليكم السلام ورحمة الله وبركاته مين معي. معك ام سعود الي ضحكتي عليه وتبون تبتلونه ببنتكم العميا. اهلا بك يا ام سعود وشوي شوي خليني افهم منك وتفهمين مني. ما بيننا تفاهم يا ام نوف وروحو أرمو بلواكم على احد غير ولدي. الله يسامحك يا ام سعود والي في بنتي ماهو عيب هذا مكتوب كتبه علام الغيوب فلا تشمتين ما تدرين القدر وش مخبيلك. المهم يا ام نوف كلمه تاصلك وتتعداك ارفضو سعود وقولوله مالك نصيب عندنا ولا فتحملو اي شي يجيكم. اسمعي يا ام سعود والله ما نرفضه مادامه يبغى نوف ونوف راضيه فيه وتذكري انه لو اجتمعو الناس جميعهم على ان يضروك بشي لن يضروك الا بشي قد كتبه الله لك. وقفلت ام سعود الخط وهي معصبه. سعود يتصل.. هلا نوف من جد امي كلمت امك. ايييه سعود وهذي البداية الله يعيننا على الباقي. الي مستغربه يا نوفي كيف جابت رقم امك. مدري سعود بس اكيد سالت عنا باسم العائلة واحد اعطاها. انا بحدد الملكة بعد اسبوعين وبكلم عمي. بس سعود لازم اخوانك يجون معك جماعتنا ما بيرحموننا من الكلام بيقولون ليه جانا لوحده. بحاول فيهم باذن الله تفرج. ..بعد اسبوع.. بابه ابي فستان عشان ملكة خاله نوف. ابشري يا وردتي باقيلك بكره اختبار وتخلصين واشتريلك انتي وشجن وكندا ومامتك الي تبون. ورد حبيبي تدرين انك الوحيده من اخوانك مميزه بكل شي. كيف يا بابه ما فهمت. عبد الله يبلع ريقه ويحاول يمهد الموضوع , انا بافهمك مميزه اول شي بقلبي واحبك غير اخوانك ثاني شي انتي اجمل وحده ودلوعه ونعومه كامله والكامل الله ثالث شي انولدتي بجده وإخوانك في الرياض ورد ترفع حاجبها من جدك بابه معلومه غريبه احسب اني انولدت هنا. لا يا بابه ورد انولدتي في السنه الي انتدبوني لمهمة عمل بجده. وسالفه ثانيه اقولك اياها بعد ملكة خالتك وبعد ما تنجحين. حمستني بابه. ..من بيت سعود.. تكفى يا اخويه عادل تعال معي اقل شي انت هذولا الخمسه عيو يجون لا تفشلوني خالد الكبير يضحك ويقول حلوه لا تفشلوني على اساس ما انت متفشل خذيت لك وحده عميا. ما لكم دخل اخذ عميا اخذ بكما اخذ مشلوله هذا شي راجع لي وانا الي باعيش معاها مو انتو. يرد صالح اجل مادام مالنا دخل فليه تقول تعالو معي والله ما نجي معك واصلاً لو رحت لوحدك محد بيملك لك بيتفشلون من جماعتهم. سعود يرد وهو مخنوق ما بروح لوحدي الله معي سبحانه. يمه ابي فلوسي الي مجمعها عندك وصدمته امه بردها مالك عندي ولا ريال يا سعود وانا باعلمك كيف تعاند وتبيع امك عشان وحده ما تسوا. عاد هذا الامر الي ما حسب حسابه سعود باقي 5 ايام على الملكه لا شرا ذهب ولا جهز الصندوق ولا جاب هديه ولا معه مهر ... **وقفه** صرخة من اعماق الحنين أيقظت قلوب عشاق نائمين. .... ..من بيت خاله فاطمه.. لازم تحظرين ملكة بنت خالتك يا شهودي شهد بصوت مبحوح تكفين يمه لا تجبريني على شي ما ابغاه.من جدك يا شهد وربي نوف بتزعل. قولي اني تعبانه من اسناني. طيب الى متى وانتي علا هذا الحال خلاص يا بنتي لا تخلين الشيطان يلعب عليك. شهد تكلم نفسها يا رب اموت يا رب اموت قبل ينصدم فيصل فيني. ..من بيت سعود.. يمه أبوس رجولك ما معي فلوس ابي كل فلوسي الي جمعتها عندك يمه ارحميني الله يرحم والديك. لا ما باعطيك الا اذا رحت معي لخالتك وأخطب لك شفاء بنتها وعهد عليه اجيب لك انا وإخوانك اثاث البيت هديه اما اذا بتعصاني فورب البيت ما اعطيك ولا هلله وحده وتفضل اطلع من بيتي فكر يا سعود ولا ترفس النعمه. سعود معصب وبدون شعور يرفع صوته على امه اسمعيني يمه انا باطلع من بيتك وبتزوج نوف غصب عنكم كلكم لا بيمنعني فلوس ولا بيمنعني حظور اخواني معي وبتصرف بس بكره لحد منكم يدق بابي ويقول سامحنا يا سعود. وخرج من البيت يبكي دموع القهر على وجهه ضاقت به الدنيا رفع جواله واتصل على حلاق تركي اسمه برهان الوه برهان خلاص موافق أبيع لك سيارتي ب 40 الف بس ابي الفلوس بكره انا ورايه زواج ومستعجل الله يبارك فيك فمان الله وسكر الخط. واتصل على عايض صديقه. وعلمه كل الي صار وقال له جمع لي 10 من اخويانا عشان يحظرون ملكتي وكانهم اخواني وعيال عمي وقاله عايض ابشر وقفل الخط. ... **وقفه** اراك حزين فاقتربت منك لأكن دمعتي جارت بين رموشي حين وقفت أمامك ولم تراني يااااه كم انت مُتعب جدًا. ... ..قبل الملكة بيوم.. الكل متحمس ويجهز.. صبى شرتلي فستان ليلكي ججججميل مررره وساره راحت تعطي الكوفيرا العربون ولولي تسويلي قناع وطول الوقت نتهاوش ندى مجهزه الحلاوى بتشيل يديني نايف فرحان بعياله وصلو من السفر امي تكوي ثوب بابه وشماغه سعود يجهز صندوق الملكة ويشتري الشبكه شجن ترقص كل ما شغلو زفتي وبعد ما خلص سعود راح يستاجر سياره لين يطلع قرض ويشتري سياره كان يتمنى ان امه واخوانه يشاركونه فرحته بس للاسف قلوبهم قاسيه. ... **وقفه** ستلامس اصابعي كفوفك سينير الكون من جمال ابتسامتنا ساحتضنك حتى تشعر بنبضاتي وهي تقول لك انا لك وحدك يا عاشقي. ... ..يوم الملكه.. الكل وصل والمعازيم اكتملو هنا يباركون وهناك يرقصون والكل يسال غريبه كيف رضى يتزوجها وهي كفيفه قلة اسلوب واعتراض وكانهم ضامنين اقدارهم. وانا بالغرفة انتظر سعود يدخل يتصور معي متلهفه التقي فيه ويشوف حبه بوسط عيوني الي ما صارت تشوف شي الا صورته احبه والله احبه. وأخيراً دخل سعود وتمنيت اكلمه باللغة الي اعشقها من يوم كنت صغيره لغة العيون بس اكتفيت بسماع اجمل صوت وهو يقول للمصوره خلينا لوحدنا شوي. ..من صالة الحريم.. مامه تكلم خاله فاطمه طيب ليه ما اخذت بندول وجات كان نوف بتفرح فيها والله معليش يا عطر التمسي لها عذر فاطمه فاطمه شوفي مرام اخت صبى وش رايك تخطبينها لفيصل قمر ما شاء الله عليها. خاله فاطمه لا يا عطر فيصل ما يبي الا ورد بنت عبد الله. امي فرحانه من جدك انتي الله يكتبها من نصيبه وربي لائقين على بعض. ..من بيت خاله فاطمه.. شهد تاخذ المشرط وتقطع عروق يدها بعد ما كتبت رساله لوليد كتبت فيها ..وليد انا قررت الانتحار وبموت قبل تحققون مبتغاكم قبل تنزلون راس فيصل التراب , ارتاحو انا الي باتغطى بالتراب , بس حبيت اقولك قبل اموت , حسبي الله عليك ونعم الوكيل الله لا يحللكم ولا يسامحكم دنيا وآخره والقاكم امام الله. كتبتها وانتحرت. ..وليد يكلم منصور ويعلمه بالمسج منصور يصرخ الحق عليها تصرف والله لو تموت لأقتلك معها. وليد مفجوع وش اسوي وش اسوي. ..انا وسعود.. بعد خروج المصوره سعود قرب مني ومسك يدي وكان يقول راح التعب والله راح التعب وأخيراً صرتي زوجتي يا نوف مبروك عليه انك صرتي من نصيبي ومبروك عليك قلبي الي باع الكل لعيونك. كان يتكلم وانا قلبي يخفق ووجهي حاااار من كثرة الخجل رفع راسي بيده وقال احبك ولي خلق جمالك احبك. مسكت يده بقوه وبصوت ياالله ينسمع قلت وانا اموت فيك. تمنيت لو كان يوم زفافي مابي اعيش ولا دقيقه بدونه. ودخلت المصوره وصورتنا وبعدها خرج للرجال وانا بدأت زفتي وكانت ورد حبيبة خالتها هي الي ماسكه يدي. ..وليد يكلم اخته.. عرفتي وش تقولين انتبهي تغلطين وتخربين كل شي. اخته بملل يووووه فهمت والله فهمت. واتصلت على فيصل وتصارخ فيصل الحق الحق انا أميره صديقة شهد كلمتني وصوتها تعبان وما عاد ردت ألحقها الله يخليك جبت رقمك باسمك من دليل الهاتف اتصلت عليهم. فيصل يقفز مفجوع ويلحقه نواف ولد وشفيك ولد وشفيك ركب نواف معه وكان يمشي 180. وصل البيت وانصدم المكان بحر من الدم وشهد جثه هامده طلع الشارع يصرخ وكانه اصابه الجنون نواف يصارخ عليه ولاكن ما يرد وقرر نواف يدخل وانصدم حرك شهد لأكن للاسف جثه هامده رفع جواله وكلم الاسعاف وخلال 8 دقائق وصلت الاسعاف والشرطه كلم نواف اخوانه وابوه وكلهم حظرو ويال حسن الحظ الممرض يطمن فيصل ابشرك باقي فيها نبض استعجلو جيبو متبرعين بالدم ونقلوها المستشفى. ..كل الي بالصالة القاعه من الرجال صارو باستراحة المستشفى.. الي يتبرع بدم والي يهدي فيصل والي جاي يطمن. ... وقفه لا تتركيني وحدي فالدنيا مخيفه جداً ولا ارى حولي الا ضمائر ميته. ... ..اما من صالة الحريم.. الكل محتفل ومبسوطين وجاء وقت العشا خاله فاطمه تاخذ الحافظة وتحط فيها اكل لبنتها وتشيله لين تروح واقترب خروجنا المعازيم راحو جانا نايف وعبد الله وأخذونا خاله فاطمه تكلم نايف وين فيصل نايف مرتبك اكلته القطوه يا خاله انا ارد يوووه نايف انت وكلام الطيبين نايف يضحك نعم انا من الطيبين يا زوجة سعود عرف كيف يحرجني ويخليني اسكت خاله فاطمه انتي وامي لا تنزلون باوصلكم الطوارئ شهد انخفض عليها الضغط ووداها فيصل الطوارئ. خاله فاطمه تصارخ وتبكي يمه بنتي يمه بنتي. ..من المستشفى الدكتور يكلم سعود ووليد النذل الي مسوي صاحب واجب وهو جاي ينقل الاخبار. الدكتور احنا وقفنا النزيف بس للاسف حالته صعبه جداً ونجاتها تعتبر معجزه انتو ادعولها بس. فيصل يطيح ساجد ويبكي أترجاك يا رب أترجاك يا رب ووليد يرفعه ويرجف خوف لانها لو ماتت فهو أيضاً مصيره الموت. دخلت خاله فاطمه وعلموها الخبر وفقدت الوعي جاها انهيار عصبي وتنومت 3 ايام وخرجت وشهد بالعناية المركزه مافيه اي تحسن بيتنا رجع له الحزن من جديد وكان الفرح حالف ما يطول عندنا استغفر الله يا ربي اللهم لا اعتراض على حكمك. يوم فرحتنا بنايف ماتت زهور ويوم ملكتي تنتحر شهد وبعيد الأضحى أمرض انا وبزواج نواف مرضت شجن وصبى رفضت نحتفل لانها حزينه عليه. يا رب اجعلنا على حكمك من الصابرين. خاله فاطمه وفيصل حلف ابويه ما يروحون بيتهم لين تطلع شهد بالسلامه وجدتي جات من قريتنا وجلست معانا عشان خالتي فاطمه وسعود جالس يقدم بقرض ويدور سياره ومرت 9 شهور وشهد على نفس الحال ووليد مراقب من منصور لانه يخاف ينحاش وبعد سنه بالضبط. المستشفى يتصل ويطلب حظور فيصل وكلنا مفجوعين راحت امي وجدتي وابويه ونايف وعبد الله مع فيصل وكانت المفاجأة ان شهد صحت من غيبوبتها. اللهم لك الحمد كما ينبغي لجلال وجهك وعظيم سلطانك عجزو عن شفائها الاطباء لاكن رب الاطباء لم يعجز. لكم ان تتخيلو حجم فرحة خالتي وفيصل وحجم فرحتنا كلنا. لاكني متاكده ان فرحة وليد تعادل فرحتنا كلنا فشفاء شهد مقابل ان يعيش. ... وقفه كتبت اسمك بوسط الضباب هناك حيث لا احد يراك الا انا. ... وبعد اسبوع خرجت شهد وسوينا حفله في بيتنا وما اخفي عليكم اني صرت اخاف اننا نفرح ويدي على قلبي لا يصير شي وبيوم الحفل كان حاضر سعود وناداني ابويه وخلاني اجلس معه شوي شهد كانت تمثل انها مبسوطه وهي مكسووووره ونار قلبها ما تنطفي تمنت لو كانت ما صحت والكل مصدق ان سبب انتحارها حزنها على صديقتها طلبت مني قبل ادخل عند سعود طلب غريب قالت صح سعود في الدفاع المدني قلت ايه قالت ابي منه المفتاح الي يفتح كل الأبواب الي يستخدمونه الدفاع المدني وقت الضرورة. قلت بستغراب ليه قالت بعدين تفهمون كل شي طلبت سعود في البداية رفض لاكن ترجيته وقلت مابي اكسر بخاطرها وأخيراً وافق. خرجت وبشرتها وطلبت مني يكون سر بيننا ووعدتها. انتهت الحفله وكل واحد راح بيته. وانا الليله قررت انام بحضن امي ..من غرفة ندى.. من جدك قررت تعلمها وأخيراً المهم انتظر لين يروحون نايف وعياله وربي يا عبد الله خوفي من ربي يزيد كل ما شفتها تجلس بحضن احد من اخواني حرام والله حرام. من صالة ندى ورد تكلم خالها نايف. خالو يقولون خطك حلو اكتب اسمي ورني خطك نايف يقول تصدقين اسمك حلو ويذكرني باسم زهور انتي جمع ورده وزهور جمع زهره حنان انصدمت وامتلت عيونها دموع ولأول مره تصرخ بوجه نايف. خلاااااااص خلااااااااص زهور ماتت وارتاحت وانا الي تعذبت كل يوم تقتلني ارحمني حرااام عليك تراني بشر ولي قلب ولي مشاعر ولبست عبايتها وخرجت الحوش. نايف مصدوم وكانه توه يستوعب تصرفاته الي من 9 سنوات وقام شال همس ونادى عياله وخرج جات ندى ما لقت احد وعلمتها ورد وش صار قالت الله يهديك يا نايف الله يهديك. وقالت ورد حبيبي بابه يبغاك. ..من بيت خاله فاطمه.. باقي اسبوعين وينفذون حكم القصاص في سعد وأخيراً بيقصون بقاتل ابويه الله لا يسامحه. خاله فاطمه وشهد بصوت واحد ايييه والله الحمد لله الحمد لله. ..من غرفة ندى.. اجلسي يا وردتي ابيك بموضوع. ورد باستغراب وتقول في نفسها الله يستر لا يكون سامي قاله ان فيصل يحبني. لبيه بابه تكلم اسمعك يا اجمل من حكى في الكون. عبد الله بنفس عميق بسولفلك سالفه صارت معي وانا منتدب بجده قبل 15 سنه يوم انولدتي ورد متحمسه لحظه بابه بنادي سمسم يسمع معانا السالفه. لا يا ورد خلينا لوحدنا. حاضر بابه تفضل سولف. ..من غرفة نايف.. حنان وربي ما كان قصدي حنان حبيبتي اعذريني. تعبت يا نايف وانا التمس لك مليون عذر كل لحظه تجيب طاريها ناظر يدك ساعه مخلص حجرها مانت قادر تفكها لان زهور الي لبستك , افتح درجك عقدها الي ياما احتجنا للريال وما فكرت تبيعه , تعبت يا نايف تعبت. نايف بستغراب من جدك انتي تغارين من وحده ميته لا ابداً مو صاحيه. حنان ترد وهي تبكي اييييه يا نايف مو صاحيه لاني رضيت اعيش مع واحد قلبه ميت ميت. حنان ادري اني مقصر معك بمشاعري بس اوعدك يا عيوني راح ارضيك بس هدي نفسك والله اني احبك يا حناني ومنتي برخيصه عندي يا ام علي بس اعتبريني كنت غافل ونبهتيني تعالي جنبي جعلني فدوة هالعيون. ابتسمت حنان وكانها طفل كان محتاج كلمه حب من امه ومسح دموعها نايف. ..من غرفة شهد.. جوالها تجيه رسايل فتحتها واذا هو منصور كاتب شهد انا منصور وجاء الوقت الي تحققين لي الي ابغاه ولا بفضحكم فضيحه ماحصل مثلها من قبل. معك يومين وردي عليه يا قمر سلام. شهد ترجف وفي الحال كتبت له قول وش تبي يا حيوان. ... **وقفه** كل شي سيصبح جميل مادمت محسن ضنك بربك فلا تحزن فان الله معنا. ... ..من غرفتي.. مدري سعود احسه صعبه شهر شعبان الله يخليك خلنا ناجله لشهر شوال. حاضر نوفي خلاص بخليه ثالث يوم بعيد الفطر هاه حلو كذا. حلو يا سعودي وجداً مناسب. لحظه خليني انزل الجوال واصفق واصفر كاني سمعتك تدلعيني تقولين يا سعودي. انا ضحكت ورديت عليه بطقطقه , ومن قالك اني ادلعك انا يوم قلت يا سعودي اقصد جنسيتك فالمفروض قلتلي ابشري يا سعوديه هذي السالفه والسلام. سعود بقهر احلفي والله لو كنت عندك لوريك شغلك. وانا متت ضحك على نبرته الي تغيرت ناديته سعود احبك وربك. وعلى طول نسي انه زعلان. ..من غرفة ندى.. اسمعي السالفه يا ورد كنت مكلف بمداهمة فله كبيره مراقبه من سنتين وكانت العصابه الي تسكن هذي الفله لهم قضايا فساد كثيره ولاكن كان تهريبهم للمخدرات هو الشي الاساسي بالموضوع كان موجود بالفله حوالي 40 حرمه يستفيدون منهم في التهريب بطريقه تشيب الراس كانو يخلونهم يحملون ولما يولدون ياخذون الطفل ويجوفون امعاءه ويحطون بدالها كمية كبيره من المخدرات بدون لا رحمه ولا ضمير. وبعدها يمرون نقط التفتيش دون خوف ويوصلون البضاعه بسلام ثم يحرقون جثه الطفل او يغلونها في زيت حتى ما يبقى الا العظم ثم يدفنونه قساوة قلوب يا ورد والعياذ بالله ورد مفجوعه يمه يمه حسبي الله عليهم. المهم يا ورد في اليوم الي داهمناهم تعرضنا للخطر كانو ماخذين احتياطهم في كل شي وتبادلنا اطلاق النار وسيطرنا على الوضع وقبضنا على الي باقي عايش منهم والباقين ماتو ونص اخويانا بعد ماتو. ورد متاثره بعيون مليانه دموع يااا الله. بعد 3 ساعات صارت الفله فاضيه وقمنا نفتشها لقينا 7 مليون واسلحه و5 غرف مليانه مخدرات ومصنع خمر بالدور الي فوق واخر غرفه دخلناها في القبو الي تحت كان فيها 4 اطفال قربت منهم كانت اعمارهم حوالي اسبوعين حركتهم لاكن للاسف كانو متوفين الا طفله وحده انجاها الله كانو مجهزينها ومقربين منها كل شي لاكن ربك انجاها وتركوها لما بدات المداهمه. كانت اجمل طفله شافتها عيني حبيتها واخذتها على صدري وكانت جداً جوعانه وما عرفت اتصرف اتصلت على ندى قالت جيبها لي وعلى طول جبتك لامك. ورد تصحح كلمة ابوها الي نطقها بدون ما يحس بنفسه قصدك جبتها يا بابه. عبد الله مفجوع ابتسم بدون ما يصحح الكلمه وكمل كلامه. ضمتها ندى ورحت اجيب لها رضاعه وحليب رحت وكلي شوق متى ارجع واشيلها حبيتها تعلقت فيها اكثر من سامي اخذتها من حضن ندى ورضعتها ونومتها جنبي ونمت معها وكانت اجمل نومه صحيت من النوم وكلمت ندى وقلت ما راح اوديها دار الايتام راح اضبط اوراقها ونتبناها فرحت امك مررره. ورد قطعت كلامه واكيد امي كانت حامل فيني في 9 شهور لان ذيك السنه انولدت فيها وردتك بس تكفى يا بابه لا تقول اخذتها امها. عبد الله بوجه ملامحه متوتره لا يا ورد كيف تاخذها امها وامها حكمو عليها بالقصاص واصلاً ما ندري امها اي وحده فيهم. اجل يا بابه اكيد ماااتتت قهر كان صارت توامي. عبد الله مفجوع لا بسم الله عليها من الموت يومي قبل يومها ان شاء الله. هي لي كل حياتي وانا عشت كل تفاصيلها وخليت عمتك نوره ترضعها عشان اصير من محارمها. ورد بوجه مستغرب يا بابه لا تلحس مخي وينها الحين وين وديتها انا ما عمري شفتها بذمتك لا تشد اعصابي اكثر. عبد الله يرجف ويحس بشعور كان خايف منه من زمان وبنفس عميق قال لورد الحقيقه. البنت هي انتي انتي يا ورد. ورد تضحك وتقول بذمتك يا ابو ورد مالفلي سالفه ولي ساعه متحمسه معك واخر شي طلعت تطقطق عليه يا بابه حراااام عليك وربي صدقتك. عبد الله ما رد ولا بحرف. وورد باست خد ابوها وقالت ثاني مره لا عاد تحمسني بسالفه من خيالك قوم خلنا نروح ناكل فشار مع سمسم ومامه. ورد حبيبتي والله اني صادق بكل حرف قلته ورد انتي البنت الي ربيتها ولي صارت لي كل حياتي. ورد تصرخ مفجوعه وتهز كتوف ابوها وبدون شعور تقوله انت كذاب انت كذاب يا بابه انا ما اتحمل قول امزح ابوس رجلك قول امزح وخرجت من الغرفه ورمت نفسها بحضن امها وهي تقول ضميني ضميني ابويه خرف صار يقول كلام يخوف يمه شوفيه خليه يقولي انه يكذب انا يمه وردتك من بطنك صح من بطنك صح تعبتك يوم ولدتيني انا اسفه لاني تعبتك وصارت تضحك وتقول احكيلي يمه عن يوم ولادتي احسن من الخرابيط الي يخربطها ابويه تصدقين يمه توني ادري انك تحبيني اكثر من بابه. عبد الله جلس جنبها وضمها ولاكن فقدت الوعي بين يديه. ... وقفه ليت بامكاننا استبدال ذواكرنا او مسح مواقف اهلكنا التفكير فيها وليت السنين منصفه لقلوب امنت غدر الزمان فاصبحت من المغفلين. ... ..من غرفة شهد.. شهد متوتره بعد ما جاها رد منصور وكان اخر شي ممكن تتوقعه انه مصورها عشان هذا السبب وتوها عرفت ليه هذا المبلغ الكبير الي اعطاه لوليد اثاري السالفه كبيره لهذي الدرجه. يا الله انا وش سويت بنفسي وباخويه وليه اقتل فرحة امي الي تنتظرها من 9 سنوات يا رب ارحمني يا رب ارحمني. تفكيري ملخبط طيب كيف كيف انفذ طلبه ولو ما نفذته هو الي بينفذ تهديده هذا واحد نذل وحقير وما يهمه شي ولو نفذ تهديده وعلق صوري باستراحة اصدقاء فيصل وعلى سياراتهم وربي فيصل بيموت او يقتلني وتموت امي حسره علينا وليه ما يقدر يعلق صوري بالاستراحه وهو متعاون مع وليد الحقير. الي طلبه مني اهون بكثييير من اني اموت وسمعتي بالحظيظ بنفذ الي قال وبعدها والله ما يهنون بلحظة عيش. وردت على منصور ابشر بس كذا الموضوع بسيط. منصور تفاجأ من ردت فعلها وكان بيطير من الفرحه واتصل يبشر وليد. ....... يتبع البارت القادم الاخير باذن الله | ||||||||
|
| |
|
23-12-16, 08:57 AM
| #18 | ||||||||
| مراقبة عامة ومشرفة منتدى الروايات المنقولة
| ..من المستشفى.. ورد نايمه على السرير ما تسمع غير الأجهزة كل اخواني وخواتي حولها وما يدرون وش فيها عبد الله جالس في الأرض وما يبي يكلم احد , ندى دمعتها ما جفت , انا جالسه بجنب ورد واقرا الي حافظته من القرآن , بابه يقول مو معقوله كذا فجأة طاحت عليكم سامي يرد والله يا جدي كانت تتكلم كلام كثير مو مفهوم ثم اغمى عليها ابويه يا جدي عارف وش فيها اساله وخله يعلمنا حتى انا ابغى اعرف وش فيها اختي. ودخل الدكتور.. السلام عليكم ورحمة الله. الكل يرد بصوت واحد وعليكم السلام ورحمة الله. نايف قفز عند الدكتور تكفى طمننا قول شي يريحنا ورد شبه ميته يا دكتور ارحمنا الله يرحمك. الدكتور بالنسبة للنتايج الحيويه من ضغط وسكر ودقات قلب واكسجين كلها ظ،ظ ظ ظ? والتحاليل والاشعات ايضاً نتايجها طبيعيه بس للاسف ورد تعرضت لصدمه خلت عقلها الباطني يرفض الحياه وما تبي تعيش تبي تنام بدون ما تصحى للابد وكل شي بيد الله ثم يبيلها احد يقنعها تصحى او بتبقى نايمه لين تدهور اعضاءها الحيويه لا سمح الله وانا انصحكم تدورون دكتور نفسي شاطر واحنا بننقلها غرفه خاصه وممنوع المرافق لانا نبيها تسمع شي يضايقها تعالو وقت الزياره فقط. وخرج الدكتور بعد ما صدمنا بكلامه الكل يبكي بقلبه قبل عينه وعبد الله كانت حالته يرثى لها جالس على البلاط ودمعته على خده وما يتكلم خذاه نايف بالغصب ورحنا كلنا بيتنا بعد ما طلعو ورد غرفه خاصه. ... وقفه لا تخافي انا هنا سا اسهر بجانبك وساقرا لك قصص العشاق وسنضحك سويً دون ان يشعرون. ... ..من بيتنا الكل في حالة ذهول بعد ما علمتنا ندى بالحقيقه وامي تصرخ بطريقه هستيريه انتي كذابه كذابه . وابويه يقول مجانين انتو مجانين اكيد , نايف يقول مو انتي تقولين خبيتي خبر حملك عشان تفاجئينا بالبنوته وبعد ظ،ظ¥ سنه تجين تقولين مو بنتي , نواف يقول تطقطق عليكم مريضه هذي لا تصدقونها , وانا وخواتي نبكي ونحلف ندى ما تلعب باعصابنا لاكن سامي كان يناظر امه ويقول الله لا يسامحكم الله لا يسامحكم مثل ما كسرتو قلب اختي وخبيتو عنها الحقيقه لين كبرت , اخاف بكره تقولون انا مو ولدكم بعد وخرج من البيت. عبد الله نام بالمجلس وهو جالس نام بدون ما يحس بنفسه. ..من بيت خاله فاطمه.. فيصل متجمع بقلبه حزن العالم كله بعد ما علمته امه بتعب ورد وسبب تعبها ما تاثر كثير بالسبب لانه ما يهمه هي مين بنته الشي الوحيد الي يهمه هي كيف ترجع للحياه من جديد. كان ماسك دفتر خواطره ويكتب. عودي للحياه من اجلي تعالي امسك بيدك ونرحل بعيد هناك بغابة العشاق حيث لا احد يرانا سوى من خلقك بقلبي , تعالي لتري كم قصيده نظمتها برمش عينيك اقتربي مني واسمعي قلبي وهو يناديك .احبك. قاطع تفكيره سؤال امه تتوقع يا فيصل ليه منعو ما يرافق معها احد. فيصل ابتسم وكان سؤال امه فتح له باب امل. اكيد يمه عشان ترتاح بس نسيت اقولك يمه اني خذيت دوام اضافي ليلي لمدة ظ£ شهور. لييييه يا فيصل وانت تدري اني ما اصدق تجي من دوامك ورمضان قرب ليه يا فيصل. يمه يا حبيبي عشان بتفيدني ظ£ الشهور في ترقيتي مستقبلاً باذن الله وقام باس راسها ودخل غرفته. ..من غرفتي.. متضايقه يا سعود وربي بيتنا صار كنه مسلسل كل يوم اكشن جديد تعبنا والله تعبنا نبي نفرح مثل خلق الله. استغفري ربك يا نوفي هذا اختبار من الله قولي اللهم اجعلنا على حكمك من الصابرين ولنعمتك من الشاكرين , وتذكري ان كل شي باجره والقادم اجمل باذن الله , وتذكري اني احبك بجنون. ضحكت بصوت تعبان جداً وانا احبك اكثر سعودي. ..من بيت ندى.. عبد الله نايم على السرير وندى تنوم كندا وتبكي قام عبد الله بسرعه ندى تناديه عبد الله وين تروح ناظرها وما رد عليها وخلال ظ¥ دقائق تسمع صوته يرتفع وهو يبكي راحت حصلته بغرفة ورد يناظر اغراضها ويحتضن دميتها ويقول سامحيني يا وردتي ما عرفت اقنعك باسلوب جميل. تركته ندى ونام في سرير ورد وكانه طفل فقد امه. ..فيصل يكلم المحامي ايه ابغى تاجيل الحكم لين بعد ظ£ شهور تصرف وبعطيك حقك واكيد اهل سعد بيستانسون. .. من بيتنا.. ابويه يكلم امي ايه لازم يا عطر تروحين لندى لانه مهما صار مو وقت زعلك منها وورد بنتها وهي الي ربتها من صار عمرها ظ£ اسابيع نواف يكلمني.. يعني يا نوف ورد بتتغطى مننا احنا خوالها كيف تتغطى مننا. نايف يصرخ نواااف يا زينك ساكت مجنون انت ما تدري ان ورد تساوي عيوني مو على كيفهم يحرمونا منها هذي غلطتهم خلهم يتحملونها. امي تناظر نايف بس يا ابو علي لا تنسى ان هذا شرع الله وانك ما تعتبر محرم لورد. نايف قام معصب اوووف خلاص خلااااص فضوها سيره انا خالها لين اموت. ساره وين سامي نام يا ابويه بغرفتي يقطع القلب خايف على اخته وزعلان من اهله. ..من المستشفى بعد ظ¥ ايام من زيارات اهل ورد لها دون جدوى نفس الحال ما تغيرت جثه هامده رافضه تصحى والساعه ظ،ظ، الليل فيصل يكلم صديقه الممرض تطمن باذن الله محد ينتبه بما انها بغرفه خاصه ولو جاء احد باقول انا دكتور نفسي جابني والدها. ياالله بادخل شكراً لك. ودخل فيصل وكان قلبه يسابقه ليلامس يد ورد. جلس بجنبها مسك يدها وكانه العالم كله صار مالكه بكفوفه مسح على شعرها وهو يتامل جمالها يااااه ما تغيرتي يا ورد زدتي جمال ورد ادري انك تسمعيني وادري بعد انك عرفتي صوتي كل يوم بجيك واجلس بجنبك وبحكيلك كل يوم سالفه مهمه واسرار محد يعرفها الا انتي. لا تصحين ابقي مثل ما انتي بس حركي لو اصبعك عشان ادري انك تبين احكيلك او اذا طفشتي من كثر كلامي حركي اصابعك الثنتين وانا بسكت. واول شي بحكيه لك سالفه ابويه وصديقه سعد. اسمعيني يا ورد. ..من غرفتي.. تكفى يا سعود خلنا ناجل زواجنا لين تقوم ورد بالسلامه. خلينا من هذا الموضوع وعلميني شهد ما قالت لك ليه تبي المفتاح الي يفتح جميع الأبواب. لا والله يا سعود ما قالت تقول بعدين احكيلك.. الله يستر يا نوف والله ماني مرتاح لطلبها. ... *من المستشفى فيصل يحكي لورد السالفه. كان سعد ابو منصور صديق ابويه روح بروح كانو اخوان لدرجة ان سعد يتقاسم الخمسه ريال مع ابويه كانو يحبون بعض لدرجه أعجز عن وصفها من طفولتهم عايشين مع بعض لانهم كانو جيران وكملو دراستهم مع بعض وجمعو فلوسهم مع بعض ثم قسموها بالتساوي وكل واحد فتح شركه ونجحو في شغلهم وكانو كل ليل بعد صلاة العشا يجتمعون عندنا بالمجلس لدرجة اني كنت اسمي سعد يبه. وبعد ظ§ سنوات من تأسيس شركاتهم كانت شركة ابويه ناجحه ومطلوبه والكل يبي يشتريها بسبب سمعتها الطيبه وإنجازاتها. وجاء ابويه عرض من اكبر رجل اعمال بان يشتري شركة ابويه بظ©ظ ظ ظ ظ ظ ظ بشرط ان يبقون نفس العمال بالشركة فوافق ابويه بشرط ان يزيد رواتبهم وان لا يظلم فيهم احد ابداً. وتم توقيع العقد واستلام الشيك. ناظر فيصل في ورد وهو يقول متاكد انك تسمعيني يا وردتي وبتصحين باذن الله وبترجعين نفس قبل واحسن. وانتبه لدمعة نزلت من عينها قفز فيصل من الكرسي ومسح دمعتها وهو يبتسم ويقول الحمد لله الحمد لله كنت متاكد انها تسمعني. جلس وكمل القصه. ولما عرف سعد يا ورد بالمبلغ الي باع ابويه الشركه فيه جاء لأبويه وباركله وقال انا بهذي المناسبه باسويلك احتفال كبير بمزرعتي وفعلاً سوا لأبويه اكبر مناسبه وعزم فيها عدد كبير جداً وقدم لأبويه هديه. وبعدها باسبوع جانا المجلس وقال لأبويه اسحب المبلغ الي بحسابك كله وتعال معي عندي لك مفاجأة ما تخطر على بالك ابويه بستغراب لاكن المبلغ كبير كيف اخذه معي سعد يضحك ما عليك يا ابو فيصل حطه بشنطه وخذه وما بتندم ابويه لانه يثق بسعد اكثر من نفسه ابتسم وقال ابشر. ..من غرفة شهد.. يا وليد قل لمنصور ان فيصل اجل حكم القصاص لين بعد ظ£ شهور واني بتنازل ولا يهمكم وبقنع فيصل وامي بعد. وليد بنبرة فرح وانتصار تمام تمام يا شهد تعجبني البنت الي تعرف مصلحتها. ... فيصل يكمل لورد القصه وراح ابويه وسحب الفلوس كلها واتصل على سعد. الوه سعد وينك الفلوس كلها معي سعد تمام يا ابو فيصل روح البيت وبمرك بعد ساعه وفعلاً بعد ساعه مرنا البيت تغداء وخرجو وكان اخر مره اشوف ابويه فيها. نزل فيصل راسه ع السرير وجلس يبكي بحرقه وصوت عالي وكانت المفاجأة ان ورد ضغطت على أصابعه بقوه وكأنها تواسيه. قلبه يدق بسرررررعه ورفع راسه ومسح دموعه نسى حزنه لما تاكد انها تسمعه وتحن عليه حتى وهي بعز احتياجها ان احد يحن عليها. *شهد تكلم سواق جيرانهم مصري الجنسيه وتقول اهم شي حفظت اشكالهم تمام متى ما اجتمعو اعطيني خبر. *فيصل يكمل.. خذا ابويه يا ورد وخرج صحراء بعيده جداً ولما وصلو نزلو ونزل الفلوس وقال لأبويه انت كسبت مبلغ اكبر من مستواك انت وشركتك تدري يا ابو فيصل لو اشتغل ظ،ظ، سنه ما جمعت هذا المبلغ وكان ابويه يناظره بستغراب ثم رمى الولاعه وقال لأبويه تفضل أحرقها بيدك صرخ ابويه وقال لا يا سعد اكيد تمزح انت اخويه ولو تبي نتقاسمها بس احرقها مستحيل هذي تعب السنين هذا رزقي ما معي غيره طلع سعد المسدس وقال بسرعه احرقها واخذ منها سعد ظ£ظ ظ ظ ظ ظ ظ عشان محد يشك وخلا ابويه يحرق الباقي وابويه كان في انهيار ما قبل الموت صدمته في اخوه وصديقه اكبر من قهره على الفلوس. بعدها اطلق عليه النار وقتله. وبعد المغرب جانا يقول وين ابوك قلت ما بعد جانا غريبه ما طلعتو سوا قال طلعنا وخلاني انزله عند سوق الغنم وانا رحت مشغول وقال تعالني البيت بعد صلاة المغرب. وبعدها انقلبت حياتنا لحزن وقلق جلسنا ندور ابويه لمدة ظ¨ شهور وسعد يوهمنا انه يدور معنا ويتضاهر بالانهيار والحزن كان ممثل بارع. وبعد التحقيقات وجهود الحكومه وتشييك ع أرباح شركة سعد استغربو دخول ظ£ظ ظ ظ ظ ظ ظ في حسابه بنفس الاسبوع الي اختفى فيه ابويه رغم ان شركته لم تكسب الا ظ¦ظ الف فقط. وكثفو التحقيق عليه واعترف وكان اعترافه ومقتل ابويه صدمه ما بنفوق منها للابد. قام فيصل وقال انا بروح البيت يا ورد اذن الفجر امي بتقلق وبجيك بكره باذن الله بنفس الوقت. غطاها وطفى الأنوار وخرج وكله الم لانه تذكر جروحه القديمة لاكن الي هون عليه ان ورد كانت تسمعه.. **بعد شهرين من تعب ورد وزيارات اهلها واخواني المتكرره لها ما بان عليها اي تحسن ولا فائده من المستشفى سوا المغذي ومراقبة دقات قلبها. *شهد ترد على معاذ المصري.. هلا معاذ تمام متاكد انه وليد ومنصور تمام تمام طيب تعال خذني الساعه ظ¢ الفجر خاله فاطمه نايمه وفيصل عند ورد. خرجت شهد ووصلت الشقه فتحت بالمفتاح الي أعطاها سعود كانت حذره ولابسه قفازات دخلت بهدوء فتحت اسطوانت الغاز وبعدها كبت البنزين بكل مكان بالشقه رمت المفتاح وولعت نار ع الكنب وخرجت وقفلت وركبت مع معاذ واتصلت ع وليد رد وليد وفتح الاسبيكر بطلب من شهد لن أنساكم من دعواتي بالرحمه وعلمتهم وش سوت خرجو مثل المجانين لاكن النار كانت محيطه بهم من كل مكان وكان انفجار الغاز هو الشي الاخير الي سمعوه بحياتهم وماتو وانحرقو وكان شهد ولدت للحياه من جديد. كان موت وليد صدمه لفيصل لاكن كانت صدمته لما عرف ان وليد صديق منصور وعرف ليه وليد كان دايم يحاول في فيصل انه يتنازل عن سعد. مر شهر على وفاتهم والبحث الجنائي اثبت ان سبب الحريق انفجار أسطوانة الغاز. ... وقفه كنت اخاف من كل شي لأنني اشعر بالوحده والآن أصبحت لي انت كل الامان. ... *بعد زيارات فيصل لورد لمدة ظ£ اشهر قرر فيصل يقول لورد انه ما عاد بيجي لان محاولاته فشلت. وقال.. وورد حبيبتي لا تنسين ان عبد الله وندى ابوك وأمك مهما صار وان ابوك حالته ما تسر لا تقتلين ابوك وهو الي بسببه بعد الله عشتي وكبرتي وصرتي أميره ابوك يا ورد ما غلط بشي وانتي جالسه تقتلينه بدون اي ذنب اقترفه ورد حبيبي.انا قررت تكون هذي اخر جيه لي عندك بس اتمنى ما تكونين انانيه وتصحين عشان الناس الي حولك يكفيهم تعب والله يكفيهم. ولف ظهره بيخرج وتفاجأ بان ورد تناديه بصوت مبحوح فيصل لا تتركني لوحدي فيصل انا ابي الحياه عشانك. ناظرها وهو يرجف لا مستحيل مو مصدق فتحت عيونها وهي تبكي رجع ومسك يدها وهو يقول والله ما أتركك والله ما أتركك ... وقفه لم أكن اعلم انني بزاوية قلبك اتمرجح بأوتار العشق لاكنني علمت حين سمعتك تعزف بلحن الشوق لي. ... *اليوم الثاني المستشفى يتصل على عبد الله. الوه الوه اخ عبد الله اتمنى تحظر للدكتور بسرعه عبد الله مفجوع ليييييه ورد فيها شي ما ادري كل الي قاله لي الدكتور انه يبيك حاضر مسافة الطريق ان شاء الله وانا عندكم. وبعد ساعه ونصف وصل عبد الله للمستشفى ودخله الدكتور على ورد وهي جالسه تفطر صرخ عبد الله ودخل وضمها وهو يبكي بأعلى صوته وتفاجأ لما ضمته ورد وقالت بابه سامحني انت ابويه غصباً عن الدنيا كانت فرحة عبد الله تعادل الكون كله اخذها بحضنه وسحب إبرة المغذي من يدها ورد ااااه يا بابه ليه تسحبها لانك بتروحين معي الحين الحين لبسها عبايتها وخرج مثل المجنون وهي بيده وتضحك. وكان الفضل لله ثم للحب الصادق فيصل. ... وقفه اشتقت ان ارى لون السماء فهي الوحيده التي لا تتغير رغم تغير قلوب البشر. ... ..من صالة ندى... بعد ان فاجأها عبد الله بدخول ورد باقي تبكي ندى ومو راضيه تسكت وورد تُمسح دموعها وتضم امها وشجن تبوس ورد وكندا بحضنها وسامي يلعب بشعرها وعبد الله يكلم ويبشر ويعزم بمناسبة سلامة وردته. ...... ..بِعد مرور ظ¥ اشهر.. تحدد زواجي وملكة ورد وقررنا نحطها بنفس الليله ..من قاعة الاحتفالات.. انا لا أخفيكم ان الخوف يحيط بي من جميع الاتجاهات والأسئلة تزاحمت في تفكيري كيف بقدر اعيش في بيت لوحدي كيف بقدر أدير أموري وامور زوجي كيف بسعده كيف اخلي الناس الي وقفت بوجهه تشوفه اسعد انسان كيف وانا كفيفه لاكن انا قويه وما راح اخلي الحياه تهزمني قطع تفكيري صوت الباب ودخول ساره وهي تقول جاء وقت الزفه ياالله يا اجمل عروس دقات قلبي تزيد وتوتري لا يطاق اخذت نفس عميق ومسكت يدي شجن واتجهت للباب وكنت اسمع بداية زفتي ..طلي بالأبيض.. خرجت على صوت تصفير وتصفيق الحظور وكانت اجمل زفه كنت حريصه اكون واثقه بنفسي وارفع راس أميري وبعد ما وصلت الكوشه بدأت زفة حبيبة خالتها ورد بعد ما قضت اجمل ساعاتها مع فيصل وودعته لانه بيسافر يكمل دراسته في استراليا لاكن بعد تنفيذ حكم القصاص في سعد يوم الجمعة خاله فاطمه فرحتها ما توصف لما شافت الحياه رجعت ترسم ملامح الفرح على وجه شهد وندى فرحتها غير في بنتها ورد لاكن امي كانت حزينه لاني بتزوج واحد اهله مو راضين فيني لاني كفيفه وكانت خايفه عليه من المستقبل ...*وقفه* لا تحزني يا امي فإن الله معي. ... عشت مع سعود اجمل ايام حياتي ما بين دلع ودلال وتمرد طفوله كان ولا زال لي العين التي ارى بها لم اشعر في يوم انه تضايق مني ولا من طلباتي وكنت حريصه اخليه غير بعيون البشر وهو فعلاً غير. لقيت الحياه الزوجيه اسهل بكثير مما توقعتها بالنسبة للكفيفه وتحسفت لاني كبرت الموضوع وكنت خايفه ليلة زواجي. اقنعني سعود اكمل دراستي ورفضت ولاكنه اصر عليه وساعدني وكملت ثاني ثانوي وثالث ثانوي وكان يقرالي دروسي وانا احفظها تخرجت من الثانويه بتقدير ممتاز ولله الفضل ثم لسعود والآن انا اكتب نهاية روايتي وانا في السنه الاولى بجامعة الملك سعود. وقفه هكذا كانت صفحات كتابي ورقه لعبت بها الايام فأحرقت اطرافها وورقه حولتها الايام من الأبيض للرمادي وبعض اوراقي مزقتها بيدي كي لا يقرأها احد. اغلقت كتابي ورفعت قلمي ولا يزال في القلب غصه تزاحمت حولها الأمنيات. . . . . . الكاتبة: نوف الأسمري | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
