19-02-17, 04:17 PM
| #312 | |||||
| نجم روايتي وكاتبة في منتدى الروايات والقصص المنقولة 
|  السلام عليكم ورحمة الله وبركاته : رد موحد يازينكم كلكم .. والله طولت وأنا أقرا وأعيد وأزيد في تعليق كل وحده .. إلي مروا .. وإلي علقوا وحللوا .. وطبعا وحدت الرد .. حتى أكسب وقت وأروح أجهز كت البارت .. من ينتظر البارت لازم يسجل حضور هينا .. موعدنا الساعه 11 بإذن الله الواحد الأحد .. وخساره الردود إلي طارت قسم بالله أنقهرت عليها .. بس الحمدالله .. تطمنوا ... قريتها حياكم الله جميعا .. طبعا للجدد ولاّ الباقين خلاص راعيين محل .. ريماس .. بقولتس شي .. زارا نسختن قديمه لازم لها تحديث قبل تكتب تعليق ...:lol: ماعاد بينت من أخذت عواد وقالت لا أحدن يجيه .. ياحبيلها والله .. أولا ..: لامارا .. لو ترجعين تحطين بس بيت الشعر .. الله يسعدتس .. ولا الردود العوض على الله ... ثانيا : تراجعت عن الشمع الأحمر يوم قريت تعليقاتكم الأخيره عن بتار .. ريماس ماشاء الله قدرتي تخلين دودي هه تخف عن حتسيها بخصوص بتار .. :lol: عاد والله توه توه ياجماعه .. أوكي ترا معكم أنا أغلط .. بس شوي خوذوا نفس ترا البارت الجاي .. بيقلب توقعاتكم .. شوفوا .. أبصراحة .. سالفة بتار ونوير .. تدورون حولها أنتم بتوقعاتكم .. لكن ماوصلتوا لها .. أقدر أقول بعضكم أصاب في توقع أشياء من القصه .. وأخطا في بعضها .. وتدرون وش مشكلتي إني لازلت أتفاجأ من بعضكم .. ماأقول شي تلميح إلا على طول ربي يحفظها خمنتها .. حتى أحيان أتعمد ما أنزّلها ستوري بالسناب ولا تسان أنكشفت الأحداث ... ههههههه .. بس أقولها والله بيني وبينها ثانيا : نادر .. وحده .. أصابت في تحليلها أقدر أقول بنسبة .. 80 بالميه .. أكيد عرفتوها ... مايحتاج أذكر أسمها ... أكيد عرفتوها .....؟! ثالثا : هموسه .. حبيت تعليقتس عن جلوي وكل وحده تدافع عنه والرومنسيه النوقيه قادمة وبقوة عاد قوتها ذي شينه زينه الله أعلم تحملوا هذا من تدافعون عنه ... :peace: .. تحيه للجيش الجلوي ... رابعا : أغلب التعليقات فرحانه أنه نوير أخذت أحد بعيد عن عيال عمها .. ولا توصوني عليها تراها بالحفظ والصون .. ^ ^ خامسا : نوره .. توقعاتكم حول سالفتها شبه شبه خطأ .. جايتكم الأحداث سادسا : عواد .. كيف تم الزواج بدونه .. ماشاء الله امول جاوبت والبنات بالسناب خمنوا .. وفالبارت الجاي عواد ماراح يسكت .. الوصايه ماتمت بشكل رسمي كأوراق فهمتوا ياجميلين .. .. أحبكم .. | |||||
|  |
|
19-02-17, 04:35 PM
| #313 | |||||||
| نجم روايتي 
| مساء / صباح كل خير وفرح وسعادة يارب 💕☘💦.. روعة الفصل تسلم أناملك الجميلة إبداع ما شاء الله 💜💜💜 كميه إحساس ومشاعر دخلت جو معها رائعة كريس في الوصف ☺💦🎊 ✔ نبدأ في توقعاتي للبارت:: - بتار | كان متوقع أن ابو عبدالله قايل لأهله عن هالزواج .. بس مفروض من عرف ان البيت م فيه رجال وان نوير م تعرف حتى اسمك وحتى لو عارفه عن الزواح ما تسوي اللي سويته جد درعمته كذا خير إن شاء الله وانتظر تفسير لحركته ايش مقصده منها يعني إثبات لها انه له الحق؟! او تمنى يشوفها وخصوصا انه عرف صوتها الاكيد ان نادر له يد في الموضوع وقال له صفات أخته وقوتها أحيانا نحب شخص بدون م نشوفه بس كلام وهذا حال بتار بناء أحلامه معها ..*بتار* وام نوق تعرف أم بتار مثل م ذكرتي في البارت السابق من قالت أم نوق كانت تعرف أم بتار والا قالت لي وزيدي معها نادر اكيد متكلم عن أخته لبتار والاكيد نادر طيب لكن أبوة غير عنه وهو يحاول يتقي شره ويمكن هو اتفق مع بتار أن أنه ياخذها بدل أبوه ..طيب لو أختها عندها ايش موقفك تهورك هذا له سبب والا صفاته اللي ذكرت م اتوقع منه يسوي كذا .. وتأكيد بتار على أن تجهيزها م يتعدى أسبوع إصرار غريب؟! والحين أبد يطلع من المستشفى ويعمل الزواج على طول ويحر بعض العرب موتوا حررره 1- ( ماأستوعب دخلتها .. وقفتها قباله بين أيديها سلاح .. هاللحظة المباغته لتوقعاته .. تهاجمه هاللي كانت بحياته مثل النور إلي دخل في أعماقه غصب عنه وأستقر .. ظل يتفحصها مأخوذ بأرتباكها وهي تشيل بين أصابعها الناعمه سلاح ..! يختلس من عيونها عيون الغضب الثاير في صدرها وصوتها .. هذي هي نوير إلي كانت جانب العتمه من حياته .. وياما حس في كره غريب لوجودها فالعتمه .. يحس أنها في يوم غير معروف .. بتقدر تسرق نظره بداخله غصب عنه) هذا كلام كبير يا بتار يعني اتطمن على النووري لكن عليك بالصبر بالصبر الجميل لأن مستحيل تتقبل الوضع بسرعة والا الومها الا الكرامة يا عين امك وخلانك .. ابوها م سواء خير فيها من دس الموضوع ليت تكلم من وقتها وخلاها ترضى متى م رضت على الاقل عندها علم وهو كانه ضامن الدنيا هذا هو مريض ولا يذكر شي يعني لو تزوجت غيره وش موقفها. يارب يطلع صاحب الرقم لكن من قالوا لي اذا الشريحة انكسرت م يقدرون يحددون مين لكن يوم من الأيام ينكشف المستور يا نورة 2- (لا تبكين ماجبتس تتمين حقتس وحقنا عشان أروح وأتركه ) هذا كلام بتار كان يوجه لأمه من بعد إطلاق الرصاصة بنفسه المهم عرفنا (حقنا) اللي يتمم زواجه في النوري لكن (حقتس) مدري ايش المقصود فيه يعني قصده بشكل عام يتمم زواجه في النوير أو مقصد ثاني . - نوير | يالله موقف كبير خوف ضعف قهر غضب شخص غريب يدخل بلا احم ولا دستور وفوقها مو مستترة والله غبنه ومالومها لو أخذت السلاح*لأن موقف يقهر ويدخل بدون رجال في البيت والله من حقها في السلاح ومن القهر االي فيها أخذت السلاح لكن اطلاق الرصاصة من الشد بينها وبين اختها اطلقت الرصاصة واتوقع من البداية نيتها تهديد صعب جد أحد يطلق الرصاصة على حيوان كيف بشر صعب جد هذا لو قلبها ميت م استبعد لكن وحده مثل نوير مستحيل تسويها بقصد وفوقها حست في الخطر ومن كلامه عرفت ان مصيبة جتها*وتوقعت وش صفته في حياتها .. الحين بنشوف جانب ثاني لنوير في غير المحيط اللي هي فيه عاد م ندري كيف أهل بتار معها خصوصا بعد إطلاق الرصاصة ؟! ومن كلام جلوي عن نوير زمان انه جدها يعززها ويقف في صفها ومن بداية رجوعهم بس يتصدد عنها وعلاقتهم مو مثل زمان معقول بس عشانها طولت لسانها* .. اتوقع من بعد موقف نوير وهي ترسل عواد ترفض تشوفه ولا تكلمه وفوقها راح يتخذها بتار وعواد على رجاء الله - وعد | موقف كبير عليك ليتك تتعضين ولا تتلقفين على شي مو لك موقفها من تركض تبي فزعه أحد يوجع القلب وهي مو صاحبة الشأن كيف النوير 💔 - عواد | يعرف بتار من شافه مو اول مره كيف يعرفه؟! .. أكثر واحد شايل هم اللي صار مو مثل أبوة وإخوانه يمكن لأن هو غير عنهم في الشخصية انسان عصبي وثاير وهو أكثر واحد يعرفهم من خلال حياته معهم وخصوصا نوق ونوير كيف يبونه يهدأ وهو في موقف م يدري وش نهايتة وخوف على نوير ومستقبلها حبهم بقلبه غير* بسسسس خرربها آخر شي من كلم نوق لازم تتحكم في اعصابك وتعرف ايش تتكلم فيه على كذا راح تخسسر واحد وراء الثاني جد كذا كلام أجل كيف كلام الناس لو انشرت السالفة 🗡* وبعدين كسر خاطري موقفه في الانتظار في المستشفى وكل هالتعب ولا نام ويالله يسند طوله لكن عند أهم لحظة سلطان النوم غلبه جلست أفكر من يقوم وكل شي متغير ينقهر زود حطيت نفسي مكانة وفوقها نوير تنازلت واستفزعت فيه عكس دايم يووه يالقهر يعني لو الحين يبي يبرر ويعتذر م عاد يفيد ولا ينفع {لا فات الفوت م ينفع الصوت}* - مشعل | تعاطف مع نوير يعني موقف كبير وفوقها واجهت الأمر م سكتت أخذت حقها بيدها وبعدين أهله سلبيين تجاه الموضوع اوكيه رمته ومن حقها متهجم كذا للبيت طيب عرف ليش صفتك داخل اكيد* م تأخذ السلاح بس تأخذ مدرعه عليه مثل م قال جلوي طيب حطكم بين خيارين لا ثالث لهم طيب ناقشوه تكلموا قولوا نبي تنتظر علينا نعطي البنت خبر وتجي تخطبها زي الناس مو لهدرجة راح الموضوع من يدهم* لكن الرجاء في الله م يخيب صح مشعل اعجبه تصرفها وتحسون تحسف انه راحت لغيره بس مناك راحت اللي يهز اسمه في المجالس - جلوي | مصائب قوم عند قوم فوائد* هذا يمثل جلوي والا الناس وين وهم وين .. والله طلعت شخصية ثانية لك مو الشخص اللي مدري كيف متهور وكلامه يغث المهم جلوي في هالبارت غير وجهه نظري له أول شي من قال 👇👇 1- ( جلوي : بس حقتس علي .. لأني موجود وأنتي مانتيب بخير للحين ) * اعتذر اخير وحس شوي على دمه بداية خير صح عاشوا مع بعض وتفرقوا سنين أكثر من كانوا مع بعض لكن م نسى اذا عصبت ايش تسوي وفيه موقف ثاني صار في أحد البارتات يدل انه م نسى تفاصيلها أي حب في قلبك يا جلوي لنوق* .. ثاني موقف من مع عواد من يحاول يهدي الوضع ولا يتهور عواد* وكلامه مع بتار يعني شخصية متزنه عكس قبل - نوق | تدرون راح يتغير الكثير في نوق من بعد هالموقف اللي بينها وبين جلوي اول موقف يكونون هادين فيه وفوقها نوق تطلب من جلوي وتقول تكفى .. يعني نقول بدت المياه ترجع لمجاريها واحس مشاعر نوق تجاه جلوي ماماتت لحد الآن موجودة بس يبي لها تثق في جلوي من جديد واتوقع راح يثبت نفسه وبجدارة بعد لكن لازم تأدبه صح عشان لا يلف لا يمين ولا يسار😎 *1- (جلوي : لتس علي يانوق ماأجعل قلبتس يذوق الضيم لشين يصير لخواتتس .. احتزمي بقول جلوي .. أحتزمي فيه)* 👇👇 هنا انا اقول مدى صدقك يا جلوي لنوق اتوقع هذه آخر فرصه له يا يكون أو لا يكون 2- ( جلوي بهدوء : قبل ماتحتسي بحقكك .. قلنا وش أنت ناوي تقول لا جت الشرطه .. تعرف إن المستشفى ماهيب ساكته ولا راح تتحمل أي مسؤوليه بتار وهو يرفع حاجبه اليسار : ماهوب هالشي بالذات هالحين بيعتمد على حقي .. ياآخذه وأغطي موضوع ماسوته بنت عبدالله .. ولاّ قلت الحق مثل ماهو وماحدن لايمني عواد صرخ بقوة وهو يرفع يده : داخلن في بيت أغراب وبيت عوايل وتقول حق يالنذل..! بتار رفع صوته حتى يكشف المستور : البيت ماهوب بيت أغراب .. نوير بنت عبدالله مزوجها لي أبوها راسها براس ناقتن تسانت من أحب النياق عند أبوي ومن أطيبهن .. وإلي أطلق عليها النار نادر أخوها وشرد مثل الضعيف ... ومن لقاه وعرفه أبوي رحمة الله عليه) انهد حيلك يا عواد من بعد م سمعت هالكلام يا كبرها اكيد كل العايلة كبير الموقف عليهم لكن عواد غير بنات عبدالله غير عنده .. المهم هالكلام المقتبس هو صح يقهر الموقف وغبنه لكن م زالت موجودة بشكل أو بآخر مثلا أبو يزوج بنته بواحد كبر جدها رجله والقبر مثلا أبو يبيع بنته بس عشان يأخذ مقابل مثلا متعاطين المخدرات والموقف كثيرة واللي يبيع بنته عشان دين وعبدالله عشان ينقذ ولدها يعني شي من الوقع نعيشه هالمواقف شي مو مستغرب صح يقهر وفيها هدر الكرامه لكن ع حسب الرجال يا يحسسك في رميه أبوك لك أو* يقدرك ويحترمك كل واحد واخلاقه وعلى م تربى عليه بسسسس مجرد م أذكر انا يا بنت كيف ابوي سوى فيه كذا وهو سندي في الدنيا هنا صعب البوح 💔💘 أما تهديد بتار أبد م كان صادق فيه مجرد استغلال للموقف شاف الوضع وأنهم يبون سمعه بنتهم أولا وأخيرا وفوقها مستحيل يضر نوير مسسستحيل وبعدها مو من المرجله ولا الشيخه يفضح البنت وفوقها هو اللي غلطان وبعدين في الورقة االي معه يقدر يأخذ زوجته بدون تهديد لكن استغل ضعفهم وتغلب عليهم وبعدين متأكدة انه عبدالله استفزع في نورة أخته وقال لها سالفة رمي نادر للناقة واكيد هي اللي شارت عليه يزوج ينته لجهمان بس عشان تقهر أم نوق في بنتها ومن هرب نادر وقالها عبدالله عن السالفة هي استغلت الفرصه وقالت ولد عبدالله رامي ناقتكم للجهمان وام جلوي ساعدتها لكن أحلى م فيه الموضوع أنها أخذت الولد مو الابو* .. وبعدين ليش شرط م تتزوج إلا بعد خمس سنوات اتوقع كان عمرها في بداية العشرينات سن مناسب لزواج ايش سر التأخير* هو طلب من ابو بتار يعني عشان ولده يعتمد على نفسه* والا كييف 🤔 .. وبعدين عقد الزواج م اتوقع فيه خلل دام انه بشهود وموافقه ولي أمرها* .. وبعدين عواد لحد الآن م صار الوصي رسميا على بنات عبدالله والا كان حل السالفة ولا وافق على هالزواج ولا استنجد في متعب هالبارد في المختصر م باليد حيله 💔* وحتى لو قدموا للمحكمة على اللي صار محد مستفيد شي يعني أبوها مزوجها انتم وش عليكم بالعكس فضيحة للنوير لو انتشر 1- (نوير وهي تدفن وجها بثوب أمها : باعني أبوي يمه .. باعني مثل ماباع نوق .. أم نوق بصوت فيه حرقه : تونا ماعرفنا شي يابنت الحلال* نوير تشاهق بقوة : أنا عرفت .. والله حسيت إن الأمر دام فيه أبوي ونادر هو زواج !) وين قصدها في البيعة في زواج نوق الأول أو الثاني* .. وهنا من قالت اعرف دام أبوي ونادر هو زواج؟! مدري انا محسنه الظن في نادر مو لهدرجة في السوء لكن يتقي شر أبوي ويجاريه* بادي ماله ظهور في هالبارت لكن اقولك صبر جميل والله المستعان على اللي راح تعرفه كنت ومازلت تحبها الله يصبرك هالابيات تمثل حال بادي واليوم قلبي من طوآريه ..| منصاب عقب الفراق وعقب دنياي .. جارت صديت ..| والدمعه على اطرآف الاهداب ولولا الضلوع ترد الاروآح .. طاآرت قمت اتذكر ..| وادري الوقت غلاب لين الهموم بجوف قلبي .. توآرت حكم القدر ..| مكتوب مامنه مجناب وجروح بعده داخل القلب .. ثارت *ترخص..| على شان الغضي كل الارقآب وكل الهموم تزول لو جات .. وزارت من عقبهاآ ..| قفلت انا كل الابوآب عفت الهوا من عقبها يوم .. سارت - *متعب | وش هالدرر اللي تطلع منك الناس محترقة وانت بارد والله لو قدامي أحد كذا وانا اناقشه في موضوع ويرد كذا كانت صارت علوم إلا كذا استفزاز .. عواد تجاهل متعب لأنه م يبي يحسسه انه مريض ولازم يساعده أحد بالعكس يساعد نفسه أفضل لأن لو ساعده راح ينكسر شي داخل متعب يعني شي صعب الوضع والله وكبير على متعب أتخيل لو ساعده عواد ينقهر زود على حاله .. الحين متعب راح يسافر ويعالج عاد اذا تعافى ويتعالج من إحساسه في النقص نشوف شخصية كيف 💜💕🍃. - أم نوق | من مصيبه إلى مصيبه م ارتاحت من تزوجت عبدلله يا صبرها عليه يا صبرها من قالت انتن عزوتي قصدها بناتها اوجعني قلبي عليها أما ذكرها لولدها* (حتى الولد إلي ماطاب ذكره وهو حي .. ماعاد طاب ذكره وهو ميت) أتمنى اشوف كيف كان نادر لأن لغز احسه مجبور يجاري أبوه في علومه ويبعد شره عن أمه وخواته .. وأمه م تذكرة بالخير والأم أعلم في ولدها* .. وام نوق كانت تعرف أم بتار لكن م عمرها ذكرت السالفة قلنا عبدالله تكتم عن الموضوع أم بتار ليش م تكلمت الواضح أن السالفة محصورة على أبو بتار ولده وعبدالله ولده ومع أم بتار وخلوها سر مدري جماعة بتار عارفين السالفة من بدايته والا بعد ما مرت سنين اذكروها والله مدري وين الحقيقة - أبو عبدالله | جاي تقول لأم نوق وبناتها العلم يا عزتي لكم وياليت العلم م يوصل نوير على الأقل الحين لحد م تحسسن الأوضاع شوي لو يندفن العلم من أهلها م اتوقع نورة وأم جلوي يسكتن يمكن هن يفضحن نفسهم بالسالفة لأن محد قال لهم والا أهل بتار وجماعته يتكلمون عن السالفة وتعرف النوير فيها* أحد الأمرين هو المتوقع . - عبدالله | لأي مدى وصل حالك ترمي بنتك هل خفت على ولدك والا خفت من ثمن الفلوس انك تدفعها واضح عليك وصل حبك للمادة وشجعك في الفلوس أولها بغيت تسرق أبوك وتحتال عليه وفضحته في المحاكم والاخرها بنتك وبيعتك لها .. موقف من يسأل من مبكيها قصده أم نوق مبكي سبحان من غير حال إلى حال الدنيا تدور . - أم جلوي | ربما ضره نافعه لولا سالفة نوير كان رحتي للجازي واحسها راح تقل ادبها عليها هي من قبل قليله أدب لكن الحين راح يزيد عيار قله الأدب بعد سوات جلوي وقال نورة الواسطه بينهم الله يرحم حالك يا ام جلوي راح تنهدر كرامتك بين جماعتك وزوجك وعيالك اذا عرفوا بسوالفك .. قال تساعد نورة توصل لجهمان عن طريق قاريبها لكن م تدري انه تدخلت في تزويج نوير - نورة | تهقون عبدالله ماسك عليها شي أو هي ماسك على عبدالله هالاثنين الله أعلم وش مخبين* .. نورة خاب ظنها تحسب انه الشايب مزوجها أبوها لكن م درت انه الولد موتي حره وقهر بغت تفضح نفسها عند أم جلوي من قالت كيف ابن جهمان مو جهمان بس نهايتك قريبه** وياليتها تشوف الفرحة بوجيه أم نوق وبناتها على الأقل لو انها متصنعه قدام الناس .. وقال منصور الفرحه الكبيرة في البيت يعني بإذن الله تنخذل نورة ولا تشوف القهر والدمع في عيونهم* 1- ( نوره بطنازة : بلاتس ماتدرين تسيف هالزواج بس على ورق ) هنا لغز اوكيه أتفق أبو بتار اتفق أن الزواج يكون بعد 5 سنين وفي الأساس كان عمر مناسب لبتار ونوير لزواج ايش السر هنا توقعون نورة لها دخل في تأخير الزواج لأن أبو بتار هو اللي آخر مو عبدالله .. والله راح نتشمت فيك يا نورة أجل تطنزين الحين تشوفي المهر والعرس وهديه بتار لنوير وفوقها يشوفها واتوقع راح يجيب الشبكة ويجبرهم يشوفها ويلبسها غصب عن نوير وأهلها بس بليييز نبي ابتسامة يا نوير تحر جوف المتشمتين* أولها نورة < فيس يرقص يالله من قالت نورة عيالي اعرف اللي دونهم* وراهم والله مسخرهم لي بالله هذه بر والا تربينهم على الغيبه والنميمه وعلوم الناس عندهم* م صنعتي الا شخصيات مهزوزة والله بالعكس عيال أم جلوي متربين احسن من عيالك - ونهاية المبكية وكــــــــــــت:: موقف نوير ومشاعرها شقد مكسورة وكلهم عاتبوها ليش رميتيه بالسلاح معليشش انتم خذلتوها خذلان والله من حقها وحقها وحقها العتب على بتار .. اول مره وآخرها تترجى أحد منهم لا عازه لكم .. وقالوا لها عطيه ولازم نوفي فيها ولا لك أحد غيره لابد في يوم وتنكشف الحقيقة المره* .. والشيخ كان مجبور على التمليك واضح م أعجب أن ولي أمرها مو موجود واكيد قالوا أبوها مريض وجدها ولي أمرها ومالومه ملكه في مستشفى لو يضيق من هالسالفة .. نوير مبروووك زواجك انتي والشيخ بتار متحمسه اعرف أكثر عنهم واضح أن نوير جاها تبلد واتوقع تمر الخمس دقائق بهدوء .. من تمسكت في جدها من قال زوجك طالب يجلس مع 5 دقائق وضحكته ضحكت قهر وتخفيف لموقف . . الحمدلله الأحد قريب نلتقي على خير وشكرا كريس على جمال وابداع الاحداث وواقعيتها جد تلامس الواقع شكرآ الف 💛❤ | |||||||
|
| |
|
19-02-17, 04:41 PM
| #315 | |||||||
| نجم روايتي
| مساء الخير والأنوار 💕💕💦 وهذا تسجيل دخول للبارت آخر الأوجاع يا المنتدى الغالي م بغى يفتح أجل كريس شرقنا وغربنا في سالفة نورة ذي حيه من تحت التبن مالت عليها 😑 وانا بحبك كثثثثير | |||||||
|
| |
|
19-02-17, 05:54 PM
| #317 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته كيف حالك إن شاء الله دائما بخير ؟ لا خطاوينا لا خطاوينا وراها لقى وان تلاقينا نتلاقى بشقى ولازم واحد فينا يضحي يقسى وينسى الذكرى ويمحي ومهما دمعي ودمعك هل بيدي وبيدك يبقى الحل اما بجرحك ولا بجرحي لازم واحد فينا يضحي  يا انت يا انا من هو اللي فينا بيبتدي خل نفتعل الفراق ونجرح الاشواق دام الحزن واحد ادري ترد تشتاق ومثلك انا باشتاق بس لازم نعاند ومهما دمعي ودمعك هل بيدي وبيدك يبقى الحل اما بجرحك ولا بجرحي لازم واحد فينا يضحي لا لا تخاف حاول حبيبي حاول حبيبي ولا تخاف لا لا تخاف قرر حبيبي قرر حبيبي ولا تخاف ما بقى بحبنا بعد شيّ عليه ينخاف خل الحزن مره يبدي ولو مره باختياري وباختيارك ومهما دمعي ودمعك هل بيدي وبيدك يبقى الحل اما بجرحك ولا بجرحي لازم واحد فينا يضحي كلمات: ساهر تسجيل حضور | ||||
|
| |
|
19-02-17, 08:55 PM
| #319 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
| تسجيل حضور الذين يشاهدون محتوى الموضوع الآن : 24 ( الأعضاء 13 والزوار 11) Topaz., فيتامين سي+, زينب12, مالي عزا من دونك, Ra Na, SABER BLO, امم حور, غروري مصدره أهلي, سلوى محمد محمد, آمال العيد, aa_ksa, اسيره الدمع التعديل الأخير تم بواسطة Topaz. ; 19-02-17 الساعة 09:33 PM | ||||||||||
| |
|
19-02-17, 09:05 PM
| #320 | |||||||||
| مراقبة عامة ومشرفة منتدى الروايات المنقولة  
| اقتباس:
يازين اللي كاشخ بالأحمر أمواااااااااه  تسجيل حضور لعيونك كريستو ولو إن البيت عندي مليان حضور يالله تحيي كل الحاضرين أول وتالي  | |||||||||
|
| |
 |
| أدوات الموضوع | |
| انواع عرض الموضوع | |
|
|
367Likes
.png)
العرض العادي
