آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-12-16, 09:27 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  انت فرحة قدر ،انت فرحة عمر ،انت وحدك فرحتي –بسمتي-راحتي. / للكاتبة ابيك لدنيتي ملجأ
التعديل الأخير تم بواسطة لامارا ; 12-12-16 الساعة 05:11 PM | |||||||||||||
|  |
|
10-12-16, 09:28 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم تبدأ حياتنا مع ارتباط شخصين مراحل مررنا بها أيام مضت لم نحس أو نشعر بها مشاهد ،تتكون في أذهاننا مشاهد ،كلمات ،بعثرة أفكار. كلمات تخرج منا تعبر عما بدواخلنا مشاهد تأثر فينا أما ببسمة أو ضحكة أو صدفه أو حزن رغم هذا فأننا نكمل حياتنا بيقين أن هناك الجميل في يوم ما أو مكان ما أو شخص ما. حياتنا ليست إلا كتاب نمر بجميع صفحاته وجميع أسطره لنعيش كلمة كلمة في هذا الكتاب ،الذي هو عبارة عن سلسلة من كتب سابقة بدأت باالاجداد ليجتمعنا الآباء ثم الاحفاد ،من هنا أنتج مؤلفتي الأولى عندما وصلت لهذه المرحلة من عمري فسأنتج كلمات من خيالي لتصبح جمل فعبارات ذات معنى لأكون قصة لأب وأم رزقهم المولى عز وجل بالأبناء ليعيشون لتربيتهم ومشاهدة ثمرتهم الناتجة في جميع مراحلهم حتى تصبح شجرة كاملة وتنتج الثمار. (انت فرحة قدر ،انت فرحة عمر ،انت وحدك فرحتي –بسمتي-راحتي.) هذه مؤلفتي الاولى سأضعها بين ايديكم اتمنى ان تنال اعجابكم. قبل البدء في روايتي الاولى اود توضيح بعض النقاط. 1. لا تلهكم عن الصلاة اسأل الله ان نكون من المحافظين عليها. 2. اقبل الانتقاد وليس التجريح اترفع عن الرد للإساءة فالله حسيب بيني وبينكم. 3. لا احلل نقلها بدون ذكر اسمي ( ابيك لدنيتي ملجأ)  الشخصيات: العائلة الاولى : فهد الاب 60سنة مريم الام 50سنة الأبناء : جسار 30 عسكري رتبة رائد. حاتم 28 محامي. بسام 26 طيار دانة 24سنة ريم 22سنة رنا 19سنة العائلة الثانية: ناصر الاب 58سنة لولوة الام 49سنة الأبناء: كنان 29 محامي. نايف 27 دكتور. فادي 25معلم. فاتن 23سنة لمياء 22سنة نوف20سنة هنادي 19 سنة العائلة الثالثة: منصور الاب 55 سنة فاطمة الام 49 سنة الابناء: راجح 31 سنة له شركة رائف 29 سنة شريك راجح في الشركة ثامر 27 سنة مهندس جابر 25 سنة معلم وجد23 سنة غيداء 21 سنة سديم 19 سنة . التعديل الأخير تم بواسطة لامارا ; 12-12-16 الساعة 05:04 PM | ||||
|
| |
|
10-12-16, 09:31 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الاول: متجمعين كالعادة في كل جمعة عن الجد واللي يتخلف في هذا اليوم يا ويلة من زعل الجد. عند البنات متجمعين في غرفة قدامهم كل ما لذ وطاب اللي تاكل واللي تلعب في الجوال واللي منسدحه رنا :بنات طفشت وش رأيكم نطلع الحديقة. دانة :اطلعي محد ماسكك بس ان شاء الله يشوفك جسار ويوريك الطفش رنا :اعوذ بالله مالقيت غير جسار اطيح في يده يختي يوم انك بتدعين كان دعيتي دعون زينة اطيح في واحد من المزايين ماحست غير المخدة في وجهها سديم: وانا نسيتيني ابي واحد من المزايين اللي تقولين عنهم رنا :الحين حركتي البايخه عشان كذا انا اوريك وتقوم بتمسكها لكن سديم اسرع منها هربت وخرجت برا في الحديقة وصراخهم وصل للعيال خرج جسار وجابر بسرعة خايفين يكون فيه شي جسار يوم شافهم معاد شاف شي قدامه من العصبية. جسار بعصبيه وحده :وقفي انتي وهي الحين الصراخ ذا كلة على الفاضي نحسب ان فيكم شي ويرجفون من الخوف وفي الاخير تستهبلين انتي وهي . شد على اسنانة الحين وش اسوي فيكم اصواتكم واصلة لاخر الدنيا. جابر كان معصب بس يوم شاف جسار كذا انبسط عارف انه بيكفر فيهم وماراح يمشي حركتهم الا بعقاب. رنا وسديم يرجفون من الخوف غير كذا مايقدرون يمشون وهو معصب وهو يتكلم ويزيدون الطين بلة بس برضه ماهم راضين على اشكالهم كذا قدامهم سديم من الخوف عيونها دمعت بس ماسكه نفسها ماتبي تبكي قدامهم. رنا :اخر مره جسار والله ماتنعاد توبه جابر :الحين توبه ولية مانعقل من اول عن الحركات اللي مالها داعي وتعرفون انها غلط الحين لو فيه احد زاير جدي غيرنا بالله كيف وجيهنا قدامهم سديم نزلت دموعها وبقهر :اظن ما سوينا شي حرام صح غلطنا وطلعت اصواتنا بس خلاص ماله داعي كل ذا. جابر :بسرعة راح لعندها ومسك يدها لفها لجهته بيكمل خصام بس يوم شاف دموعها انصدم وضمها كله ولا دموع دلوعته لو سوت بلاوي الدنيا كلها. خلاص حبيبتي بس معاد تنعاد جسار :لا مو كل بساطة يعدي الامر كذا لازم عقاب وقرصة اذن. جابر :جسار مالة داعي خلاص بعد ما فية غيرنا بالنسبة لي انا اختي متتعاقب عندك اختك تصرف معها يالله سدومه حبيبتي مسحي دموعك وادخلي داخل. جسار سكت ماله حق على اخته بس كان مقهر واكيد ما بياكلها غير رنا اللي حست ان الجو كتم انفاسها جابر دخل عند الشباب بعد ما راحت سديم هنا رنا حست انه خلاص موتها قرب جسار :بدون أي نقاش او اعتراض دقايق وانتي هنا ولابسة العباية. رنا :لية وين بتوديني. جسار :بسرعة قلت بدون أي نقاش خمس دقايق وانتي جنبي في السيارة بحدة شوي وصوت عالي بسرعة اشوف تحركي. دخل عند العيال وهو معصب ولا احد من العيال ناقشه عارفين لو حتى سألوه بيحط حرته فيهم هم عارفين كله ولا صوت الحريم يعلى بوجود الرجاجيل غيور جداً وغيرته تحرق اللي قدامة حاتم يوم شاف اخوه سألة وين رايح اخذ مفاتيحه وجوالة ولا رد علية خرج بسرعة ولحقة حاتم حاتم :جسار وين رايح لا تطنش. جسار :باخذ رنا وبروح البيت. حاتم :ليه اتوقع ان خلاص هزئتها قدام جابر وصوتك واصل عندنا فتعوذ من الشيطان ولا تسوي لها شي انت عارف كيف هي متعلقه فيك انت بذات فلا تضرها ترا عادي كانوا يلعبون وتلقاهم مع الحماس ماحسوا على انفسهم لين طبيت عليهم ياخي ما يحتاج كل ذا اخذتها ورحت البيت وش بتسوي بتحرمها من الجلسة مع البنات والله ياجدي ليوريك شغلك. خرجت رنا بسرعة وراحت عند جسار ومسكت يده وهي منزلة راسها ماتبي تطالع فيه ويشوف دموعها مقهوره منه حيل لانه فشلها قدام جابر وبعد ماتدري وين بيوديها كله ذا عشان صوتها طلع هي من الحماس ما حست على نفسها وندمت يوم خاصمها حاتم :رنا حبيبتي روحي داخل هو بس شوي عصب. رنا ماتكلمت ماتبي تتكلم حتى ما توضح لهم انها تبكي جسار ندم انه قسى عليها هو عصب وطينها بس مايعرف يمسك اعصابه هو انقهر انه الشباب سمعوا صوتها وصوتها عورة حن عليها ضمها كاعتذار وهي هنا ما قدرت تتحمل على طول طلعت شهقتها رنا :والله ما ما ماحسيت على نفسي ولا ابي ازعلك بس انت ما قدرت تكمل من البكي هنا جسار انقهر من نفسه وتمنى انه ماسوا هذا كلة زاد وحضنها بقوة جسار :خلاص حبيبتي انا اسف وبعد لك رضوة مني ها وش بعد تبين ابتسم حاتم :ههههه بعد وش الرضوة بس ها انا لي نصيب منها ولا لا غمز لجسار جسار :لا بس لحبيبة قلب اخوها انت برا الحسبة. حاتم :افأ يا النذل هذا وانا اللي هديتك رنو لا ترضين علية رنا ابتسمت على اخوانها ومن بين دموعها :اصلن انا ماقدر ازعل على احد فيكم انت سعادتي كيف تبيني انحرم من سعادتي بالزعل حاتم :الله كلام كبير بس انا بنشب لكم ها جسار وش الرضوة جسار :ابد بوديها السوق واشتري لها اشياء في خاطرها ثم بوديها مطعم بس ها محد معنا من البنات ولا احد يدري قولي لهم رحنا نلفلف بس حاتم :اجل يالله مشينا كم عندنا رنو خرجوا الثلاثة مع بعض وهم مبسوطين وجسار نسى اللي صار. عند البنات : انقهروا على اللي صار لرنا بس ما بيدهم شي سديم :هفففف الجلسة بدون رنو مالها طعم. فاتن :ليه والجيش اللي قدامك موع اجبينك سديم :قلتيها موعاجبيني ريم :ليت جسار اخذك بعد معاه ووراك شغلك سديم :نقزتك عندها ايه دقي عليه وقولي ارجع وخذ سدومه معاك ليه تعاقب توؤمها وهي لا ريم فتحت عيونها تسوي نفسها مصدمة وهي متعودة على حركاتها :خلاص بقول له يرجع واقرب خرابه يرميك فيها يمكن تعقلين على الساعة 11 دخلت رنا وهي مبسوطة البنات يطالعون فيها مستغربين ليه تبتسم وهي خرجت زعلانه وجسار بعد زعلان ومعصب حده وجد :غريبة رنو مبتسمة رنا تبي تقهرهم هي عارفة وش اللي في بالهم :ابد الله يسلمكم ب اخوي حبيبي اخذني ورضاني ولا ازيدكم من الشعر بيت وداني السوق وعشاني في افخم مطعم سديم :لا ياشيخة الحين انا متهزئه معاك وفي الاخير انتي اللي فليتيها رنا ببتسامة تبي تزيد تقهرها :والله انتي ما شفت فزعتك لي يوم اخوك قال وتقلد صوته " عندك اختك تصرف معها يالله سدومه حبيبتي مسحي دموعك وادخلي داخل." ما اشوفك غير طرتي داخل فاتن تضحك وتزيد تقهر سديم :اجل الجلسة بدونها مالها طعم وهي ناسيتك ههههههههه البنات ضحكوا على سديم اللي سكتت وهي مقهورة رنا راحت لعندها وباستها :وه بس فديت الناس اللي مبوزين اصلن ما نسيتك وجبت لك بلوفر الهلال سديم صارخت وضمتها :شفتم كيف وتلوموني في حبها البنات ضحكوا عليهم ويدعون في قلوبهم ان الله يديم محبتهم وصداقتهم ولا يفترقون اما عند العيال: راجح :عيال شرايكم بكره نروح السوق من زمان ما خرجنا كنان :ايوالله صادق من زمان كل واحد انشغل في العمل ومرة واحدة العشاء على حسابك قالها ببتسامة. راجح :قلك الحين بتحجر لي ياخي العشاء على حسابي يا البخيل كنان :هههههههههه انا بخيل خلاص العشاء بيني وبينك. الجد :دامك ناوين الخرجه وانتم شباب ودايم تخرجون خذوا البنات معاكم. الشباب بصوت واحد :لالا مانبيهم الجد :دامكم كذا انا حلفت ماتخرجون الا معاهم. الشباب سكتوا ومقهورين فادي بصوت واطي :انت مالقيت تتكلم الا قادام جدي تدري انه دايم في صف البنات الجد :وش تبربر ارفع صوتك كان عندك اعتراض على كلامي فادي ببتسامه مع خرشه :لا لك الحشيمه يا جدي كلمتك تمشي واحنا ما نشوف الدرب الجد :غصب عنك وحتى وانت ببزرانك تمشي عليك. العيال كاتمين ضحكتمهم بالغصب وفادي مقهور طاح في لسان جده. دخلت الجده :يالله يا عيالي العشاء فادي :الحمدلله انقذتيني يااحلى جده الساعة 2 تفرقت العوايل وكل واحد راح لبيته اليوم الثاني: في السوق الشباب مقهورين من البنات ما خلوا مكان ما دخلوه وهم مستحيل يتركونهم لحالهم نايف :هي انتم عاد خلصونا ترا ملينا وانتم اغلب الاشياء مو محتاجينها بس عناد فينا يالله اشوف كلكم قدامي على المطاعم ريم :لا لسى اشياء ناقصتنا راجح :قلنا خلاص انتم مو وجه طلعات كأنكم ما شفتم خير. لمياء :خلاص يا بنات. بعد العشاء اغلب الشباب خرجوا عشان يتقابلون في الاستراحة واللي بيرجع البنات هم ثامر ورائف. اللي مع ثامر :فاتن وغيداء وسديم ونوف ولمياء اما رائف :وجد ولمياء ودانه وريم ورنا طبعا رائف كان فرحته كبيره لان اللي يحبها معاه وطول الطريق بس يطالع فيها لاحظت نظراته لها واربكتها وحست ان الطريق طويل بعد ماوصلوا البنات نزل ثامر وركب مع رائف ثامر : مابغينا نفيتك منهم قسم نشبه رائف ببتسامه :اه ياخي ليت الطريق اطول من كذا ثامر :وش عنده الحبيب من اللي مخرفنتك ويضحك رائف :انت ما عندك اسلوب وش اللي مخرفنتني ثامره :هههههههههه اندري عنك شوف نفسك لهذي الدرجة تبي الطريق طويل. رائف :بلاك ما حبيت لكن يارب يا ثامر تحب وتصير خروف وتركب على راسك ثامر :اقول اسكت بس دام بحب وبصير زي وضعك مانبيه في بيت ناصر: نوف وهي تدور وما خلت مكان ما طالعت فيه ولا كيس الا وشافت فيه :بنات ما شفتم شنطتي ما لقيتها لمياء :الا كانت معاك يوم طلعنا السياره هنادي :اكيد نسيتيها في السيارة كلمي وجد تسأل ثامر اذا شافها ولا لا نوف :يا ربي فيها اغارض مهمه اخاف يشوفها الملقوف. فاتن :لا ثامر ما يسوي الحركات هذي نوف :الله يستر. عند الشباب بعد ما تفرقوا ثامر مر على سيارته لانه موقفها في الطريق ما كان له خلق يسوق ركب السيارة وهو في الطريق لاحظ شي ورا وصل البيت وقام شاف شنطة في باله اكيد لوحده من خواتي بس مابعطيها خلها ثاني مره تنتبه لاغراضها دخل غرفته وكان الجوال يرن وما سكت فتح الشنطة ولا فيها شي استغرب لمن يكون جاه فضول يعرف شنطة مين اكيد مو لخواتي فتح الجوال شاف رسالة فتحها يمكن تكون رسالة من صاحبة الجوال فتحها وانصدم من الكلام اللي فيها. لهنا ويكون خلص البارت الاول ثامر وش شاف في شنطة نوف وش محتوى الرسالة. | ||||
|
| |
|
10-12-16, 10:54 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني: الخذلان شيء لا تغفره قلوبنا! يظل عالقاً بنا مهما ادعينا أننا نسينا. عند ثامر مصدوم من الرساله واللي شافه بدى الشيطان يلعب به والقهر يملى قلبه رجع يفتش في الجوال يبي يعرف لمين شاف صورها في الجوال زاد انقهر وحلف ليوريها شغلها دق على جواله وسجل الرقم رجع الاغراض وندى سديم سديم :هلا بنور العين ثامر :سدومه في شنطة لقيتها في السيارة ماني عراف لمين شوفيها. يبي يعرف مين لانهم ومو قادر يتمالك اعصابه من اللي شافه سديم :اشبك حبيبي تعبان فيك شي ثامر حاول يبتسم :لا بس ما قلتي لي شنطة مين سديم :اكيد نوف ثامر :اها طيب وصلي لها الشنطة وقولي ثامر يقول ثاني مره انتبهي لاغراضك هذي المرة انا اللي شفتها ثاني مره بتطيح في يد واحد غريب والله العالم وش بيصير بعدين. سديم :هههههههه هي دومها كذا تنسى اغراضها ثامر :خلاص ياقلبي والله تعبان وابي انام سديم :طيب تصبح على خير خرجت سديم وتركت ثامر في افكاره جالس يفكر في الرسالة وحبوب منع الحمل الدليل اللي اثبت له ان الرسالة محتوها صدق ليه يا بنت عمي كذا وش مقصر فيه عمي معكم ولا نهاية الدلع واخوانك كل واحد اطيب من الثاني لكن مصيرك بين يديني واعلمك الحق من الباطل والله لوريك كيف الدلع اليوم الثاني ثامر راح لابوه وقال لابوه ابي اتزوج واخطب لي نوف ابوه فرح واخيراً واحد من العايله تحرك ويبي يتزوج منصور جالس يكلم ناصر واعطاه خبر انهم يبون نوف لثامر رد ناصر انه بيستشير البنت وانه ثامر رجال وما ينرد وفرح هو بعد ناصر راح لنوف ناصر :يبه نوف انت كبرتي وصرتي قد المسؤولية وكلن يتمناك وجاك زين الرجاجيل وصراحة ما ينرد شبه كامل والكامل وجه سبحانه ان وافقتي بتسعدينا وان رفضتي ما بنغصبك بس تأكدي ان فرحان وكنت اتمناه ولو ما اشوف زين لك ما مدحته كل هذا الكلا م وهي منزله راسها ولا هي قادره ترفع راسها من الخجل ابوها ابتسم :تراه ثامر ولد اخوي نوف بلعت ريقها ما تدري ليه دب الخوف في قلبها طلع ابوها وهي تفكر تعوذت من الشيطان وقامت عند خواتها اللي يطقطقون عليها وهي مطنشه وبعض الاحيان تضحك في بيت فهد جالسين كلهم واحلى لمه عساها دايمه فهد :سمعتم اخر خبر جسار ببتسامه يطالع في ابوه :لا والله يابوجسار هات العلوم اللي عندك فهد :ثامر خطب بنت عمكم نوف حاتم :او حركات ولا يقول لنا كذا فجئه فهد :يقول لكم ليه يستشيركم يخب عليكم يعزمكم وبس حاتم :افأ يابوجسار اشبك علينا فهد :ودي افرح فيكم واحد صك 31 والثاني قريب منه واصغركم 26 وفرحانين انت وهو لكم سنه قدام بعدها اقسم لكم انه زواجكم الثلاثه في يوم واحد بسام :لا لا كبيره ابو جسار معصب من يدك ذي ليدك ذي لو الحين تبي تخطب لنا محنا بقايلين لا جسار :ياخي انطم وتكلم عن نفسك انا عن نفسي باقي ما حسيت ان الوقت مناسب رنا :وين مومناسب اذا صكيت الاربعين يناسبك ياخي بتفشلنا في بنات الناس بعدين بيقولون شايب. جسار قام :انا اوريك الشايب وش بيسوي فيك رنا صارخة مع ضحكه يوم شافته قريب منها حاتم يضحك عليها اهربي بسرعه قرب منك يبيها تخاف اكثر زاد صراخها وهي تهرب وجسار يضحك ويلحقها مسكها ورفعها فوق رنا :بابا قول له يتركني جسار :هههههههههههههههه الحين اتركك مو شايب رنا :امززح زينة الشباب جسار :لا بدور بك لين تدوخين اخذ بها كم لفه في مكانه لين حس انها داخت ونزلها رنا اول ما وقفها طاحت وهو يضحك عليها والكل يضحك رنا :حمار دخت جسار :احم تبين لفه ثانية اوريك الحمار رنا :صرخت لالا تكفى ابعد ياخي نمزح ها بسكت بس كف شرك عني وحطت يدها على فمها ضحكت امهم :ياولدي اتركها حرام عليك نرجع لثامر: ماسك الجوال ويفكر ارسل لها ولا لا له ساعه على هذا الوضع اخر شي قرر انه يرسل ثامر :السلام عليكم كيفك نوف انا ثامر وابي اكلمك. نوف شافت الرساله واستغربت وش يبي منها طنشت ثامر شافها متصله وشاف الرساله صحين ازرق انقهر يعني مسويه نفسها ما تبي ترد ومطنشه لكن هين رجع دق عليها اعطته مشغول عصب زياده بعدها وصلت له رساله منها اهلن ثامر وعليكم السلام ثامر بليز بلاش حركات مراهقين اذا عند موضوع اجله بعدين ثامر :متى يعني نوف :ثامر انا بوافق لا تخليني اغير رأيي فيك الله يخليك ثامر معاد تكلم وصل للي يبيه رجع ارسل لها :نوف قولي لعمي انك موافقه ابي نملك بدري انا مستعجل شوي. نوف فتحت الرساله وخافت تحس انه وراه شي بعد اسبوع اعلنت الموافقه على ثامر واما الباقين على وضعهم تحدد وقت الملكة بعد اسبوع الكل انشغل يجهز في يوم الملكه : ثامر كان جالس على نار وده الوقت يمشي ويشوفها حاس ان حياته صعبه معها بس هو اختار ذا الطريق ومعاد فيه تراجع ابد تمت الملكه وجاء الوقت اللي يشوفها دخل ولبسها الشبكة وقال يبي يجلس معاها لوحدهم خرج الكل من عندهم على طلبه قفل الباب يبي يتفاهم معاها ثامر :نوف مدري كيف ابدأ بس ابي اعرف شي صدمني يوم شفته نوف طالعت فيه بستغراب :اللي هو ثامر :الحبوب اللي كانت في شنطتك اش كان وضعها نوف انصدمت من كلام ما قدرت تتكلم ثامر :نوف سألتك انتظر جواب نوف :يعني انت خطبتني عشان هذا السبب ثامر :ايه عشان هذا السبب وعشان الرساله اللي شفتها نوف طالعت فيه بستغراب :أي رساله تتكلم عنها ثامر انقهر وبعصبيه :كل هذا تمثيل مسويه بريئة ترا ماني بزر ما افهم ابي تفسير نوف وقفت :دام هذا اسلوبك وهذا تفكيرك ما راح ابرر شيء وراح اقول لبابا اني ما ابيك غلطت يوم وافقت ثامر :انا اوريك الحين ما فيه مجال للتفاهم بس المره الجايه ماني بتاركك لين اعرف الحقيقه هين يانويف خرج بسرعه وبعصبيه اول ماوصل للشباب تصنع الابتسامه كنان :اوه ابوالشباب من قدك بس ها لازم تعلمنا وش سويت ووش شعورك ثامر ابتسم على تفكيره وبضحكه :تزوج ووقتها تعرف شعوري نايف :يعني تنصحنا ثامر :ايه بس استعجل جابر :ما اظن احد بيستعجل زيك في اسبوعين قررت وخطبت وجهزت كل شيء وملكت على ايش مستعجل ما ادري ثامر :ههههههههه وزواجي بعد شهر رائف :هي يالحييب هدي وش بعد شهر مو قادر تصبر ثامر بجديه شوي :عاد انا حددت وانتهى بعد شهر ماني متراجع لو ايش ولا احد يناقش سكتوا الشباب راجح حس ان اخوه فيه شي بس ما حب يتدخل انتهت الليله على خير والكل رجع لبيته اتفقوا على الزواج انه بعد شهر زي ماقال ثامر اما نوف انصدمت بس مابيدها شيء بعد اسبوع كان فيه جمعه في بيت ابو راجح عند البنات: لمياء :بنات وش رأيكم اليوم نسهر لين الصباح ماورنا شي البنات :خلاص تم غيداء :بنات بما انه زواج نوفتي بعد 3 اسابيع شرايكم نروح بكره السوق ونقسم الاغراض بيننا عشان تخلص بدري ريم :صح اخر اسبوع يبي لها تهتم في نفسها نوف :تسوون فيه خير شوي جات رساله على جوال وجد طالعت في نوف وابتسمت بخبث :نوف عادي تطلعين فوق 3 غرفه على اليمين تلاقين فيها شاحن جوالي بيطفي وعندي شغله ضرورية نوف :طيب حبيبتي دقايق بس وجد بعد ما راحت نوف طالعت في البنات :بنات ولا وحده تطلع فوق ثامر بيطلع لها ولا يبي احد يقرب يقول مانعته من شوفتها والزواج باقي له 3 اسابيع. البنات ضحكوا وجلسوا يطقطقون. عند نوف طلعت وتفاجئت بالي فيها جات بتخرج بس هو كان اسرع منها مسكها وسحبها وقفل الباب ثامر ببتسامة ارعبتها :دخول الحمام مو زي خروجه ياحلوتي. نوف :وش تبي مني افتح الباب والله لاصارخ واجمعهم عليك واقول لهم كل شي ثامر :عادي يا قلبي بقول اشتقت لها وجت لين عندي وزوجها ولا احد له كلمة علي نوف نزلت رسها طيب قول وش تبي خلصني ثامر :اللي ابيه اعرف الحقيقه اش جاب الحبوب والرساله وش العلاقه بينهم نوف بعناد :قلت لك ماني مبرره شي لك ثامر :ترا انتي اللي بتخسرين والخساره كبيره هالمره اختصري على نفسك وجاوبي نوف خافت بس عاندت :قلت لك ما بقول شيء وربي لو ما فتحت الباب ما يصير لك خير ثامر :يعني مصره على كلامك نوف :ايه مصره ثامر قرب منها وهي رجعت على ورا بخوف ثامر :امممممم شرايك بس اتأكد انك ما تواعدين شباب نوف بقهر وخوف :اش مضمون الرسالة قول وانا اقول لك الحقيقه لهنا وانتهى البارت الثاني | ||||
|
| |
|
10-12-16, 10:55 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث: ثامر شد على يدها وبقهر :مضمونها نوفتي اشتري اقوى نوع حبوب منع الحمل واذا اشتريتيها اعطيني موعد نتقابل فيه فك يدها بعصبيه واعطها ظهر اش مبرر هذي الاشياء من المرسل وليش الموعد ها تكلمي مين وقولي الصدق لانه موبصالحك تكذبين نوف والعبره خانقتها ومقهوره انه فيه واحد في عايلتهم تفكيره كذا وين الكلام اللي قاله ابوها عنه وينه ما شافت منه ولا شي وهو قاعد يتهمها في شرفها ولا بعد قرر الجواب هو مو قاعد يسأل هو يتهم ومتأكده ان جوابها لا بينفع ولا بيفيد :انا قلت لك قبل ما ببرر وانت جاوبت وانتهيت قاعد تتهم اني اعرف او مصاحبه واحد ايوه اعرف واحد عندك شي لف لها وهو مقهور من كلامها :يعني بقوة عين تتكلمين انا ما اتهمتك انا ابي تفسير وانتي من يوم الملكه مو راضيه تتكلمين ولا تردين نوف :مالك شغل فيني وطلقني احسن لك والله لاعلم ابوي بكلامك واخليه يعرف حقيقتك ثامر تبين الطلاق والفلته ها انا اوريك قرب منها ومو شايف قدامه شي سحبها من يدها تحت معارضتها بس مع كل هذا ما اهتم يبي يطلع حرته فيها عند البنات فاتن :مو كأن نوف تأخرت وجد :تراه زوجها خليهم دام ما احد انتبه اكيد شوي وتنزل لمياء :بنات ابي اروح اعدل شكلي بس ماابي اطلع فوق اخاف اقابل ثامر وجد :فيه غرفة راجح في القسم اللي جنب المطبخ لمياء :طيب تعالي معي وجد :روحي حبيبتي محد من اخواني يدخل اصلن غرفته بس الخدامه ترتب وهو مابيدخل الا اذا دق علينا لمياء: طيب خير عند الشباب رائف :راجح خويي بيمر الحين يبي الاوراق راجح :طيب بدق على الشغاله تشوف لي الطريق واجيبها قام راجح عند لمياء اعجبتها الغرفه ومن لقافتها صارت تفتش شافت صندوق صغير شدها الفضول تعرف وش فيه متطمنه انه ما احد بيدخل عليها جلست على الكرسي وفتحت الصندوق انصدمت من اللي فيه كانت صور لراجح مع حرمه وولد صغير تقريباً سنتين شافت ورقة وفتحتها جلست تقرى فيها زادت صدمتها بس ماامدها تفكر في اللي شافته الا وانفتح الباب. راجح :انتي وش تسوين هنا لمياء بتلعثم :انا شسمه ذا راجح :انتي ايش انتي ملقوفه ولقافتك ذي بتوديك في داهيه لمياء :راجح والله ما اعلم احد اتركني في حالي قسم مااقول شي ولا كأني شفت شي راجح بعصبيه :انتي على بالك اني بصدقك فيه واحده عاقله تدخل غرفة ولد ماتدري مين وتفتش فيها اهلي وهم اهلي عمرهم ما تلقفوا على اغراضي وانتي بكل بساطه عرفتي اللي مخبية من سنين لمياء :انت م غلطت بعدين هم معاد هم بحياتك خلاص ماتوا ليه خايف راجح :ماني خايف بس ما ابي احد يعرف لمياء :خلاص والله ما اعلم راجح :على بالك بترك لا غلطانه بكره بخطبك من عمي وياويلك ترفضي وطلع جواله وصورها قال شوفي بس بوريها عمي واخوانك واقول بنتكم جتني في غرفتي لمياء :راجح لا الله يخليك راجح :لا ياحلوه لو وافقتي ما بضرك لمياء :خلاص بوافق بس ابعد بطلع راجح :انقلعي عن وجهي رجع الصندوق مكانه واخذ اوراقه وخرج نرجع لثامر ونوف: بعد عنها حس بالندم بس خلاص صار اللي صار ومعاد ينفع الندم نوف بجمود :اظن كذا تأكدت وابعدت شكوكك بس ماراح اسامحك تدري ما راح ابكي ولا راح ازعل لانك زوجي وهذا حقك ما راح اعترض لكن عمري ما راح اسامحك ثامر :تستاهلين انتي اللي جنيتي على نفسك والحين روحي استعملي الحبوب عشان ما تحملين قام واعطها ظهره ودخل الحمام نوف مجرد م قفل الباب نزلت دموعها غبيه غبيه ليش ما بررت وافتكيت ليه عاندت الحين وش بيفيدني الندم حاولت تسكت قبل ما يخرج ويشوف دموعها خرج من الحمام وقامت هي للحمام عدلت شكلها وخرجت نوف :اسمعني عمري ما غلطت بس بقول لك انه هذي الحبوب لصاحبتي وزوجها مانعها من الحبوب وهي ماتبي تحمل لانه ولدت بعمليه وما مر سنه عليها والنوع اللي تاخذه قوي وقالت على موعد عشان اقابلها بدون ما يحس زوجها والرساله ترا ما شفتها بس هذا اتفاقنا روح يا ولد عمي الله يسامحك على سويته فيني اما بالنسبه لإتهامك فيني ماراح اسامحك خرجت من عنده وهو مقهور عارف ان الوضع تأزم بينهم بقوه بس صار اللي صار هنا اتوقف عن تكملة البارت للاسبوع القادم بإذن الله ثامر وراجح مامصير علاقتهم بنوف ولمياء والباقين هل ستستمر حياتهم على هذا الوضع هذا ما سنكتشفه في البارتات القادمة. | ||||
|
| |
|
10-12-16, 10:56 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني من البارت الثالث: أكثر الاشياء ارهاقاً للنفس هو كتمان ما نحتاج قولة.! عند الشباب: بسام :والله مره سويت حركة نذالة في رنا وهي في ثاني ثانوي قهرتني مرة كان جسار رايح العمل في الصباح وهي مسكت الا انا اللي اوديها المدرسه يابنت الحلال بعدي عني ماني فايق وراي اشغال وهي راكبه راسها لين خاصمني ابوي وقتها حقدت عليها قلت والله لوريك شغلك المهم طق عرق النذاله فيني قلت هين ان ما فشلتك اليوم قدام صاحبتك عاد عارف انه صاحبتها حقت مظاهر وذاهههههههه جابر بمقاطعه :والله اتوقع انه هي اللي فشلتك حاتم تذكر الموقف وضحك :والله انها بنت ابوها محد يقدر عليها بسام :اص خلوني اكمل ولا قسم معاد اقول جابر :لا لا كمل بسام :المهم والله اروح استلف وانيت واركب فيه ذاك الخروف وامر لها قلت اطلعي انا برا واذا صاحبتك لسى فيه خلها تطلع نوصلها على طريقنا رنا :طيب المهم وتطلع وتدق عليه وينك بسام:انا واقف عند الوانيت المهم حسيت وقتها اني فشلتها وتجيك هي وصاحبتها وتمر من جني قالت صاحبتها مو ذا اخوك نوف :لا ذا واحد يشبهه وتمر من جنبي وتطلع جوالها يعني اني بدق عليك وينك طيب خلاص انا برجع الجامعه والله وتدخل الكلبه وتدق على ابوي وتقول بسام ما مر علي يقول مشغول مع اصحابه وترسل لي ذاك الرساله قسم لو ماحركت من قدام البوابه لقول لابوي انك تدخن عاد هي ماسكه علي من اول والله حركت وانا مقهور رجعت البيت مع ابوي وانا اكلتها تهزيئه جابر :هههههههههههههههههههه توقعت اختك زي سدومه مرة فشلتي واكلت ذاك الضربه بس قسم طلعتها من عينها كانت تبي السوق وقتها ما فيه الا انا ورفضت راحت تبكبك عند ابوي وابي اشياء ضرورية والاخت بس طفشانه عاد جاء ابوي واعطاني ذاك الامر وطول الطريق وانا اخاصمها وهي ساكته قلت كل ذا عشان السوق غريبه ما ترد المهم دخلنا محل وكان فيه واحد تشبهها في الهيئه المهم النذله ضيعتني ودقت علي قالت تعال انا واقفه في ذاك المكان المهم واروح امسك البنت من يدها والله لا يوريك صرخت البنت ولمت الدنيا اختي تعوذي من الشيطان غلطت احسبك اختي وهي ما غير تصايح ههههههههههه والله وقتها تمنيت اسد حلقها بس بزيد الطين بله والكلبه اختفت وجاك ذاك الرجال ونتضارب بعدها جات فرحانه واخذ اغراضها وارجعها كلها وعلى البيت وسحبت جوالها شهر بسام :ههههههههههههههه لا اجل اختي ارحم من اختك الله يعين اللي بياخذهم جابر :شهر بس وهم مرجعينهم لنا نرجع للبنات: هنادي :متى اتزوج واسحب عليكم قسم معاد تشوفوني الا بعد سنه فاتن :من زينك عاد وجد بنظرة خبث :ليه بتقطعين العالم عشان رجال بس هنادي :وه بس فديته اكيد بينسيني العالم كله وجد :هههههههه وسخه تراه بيطفش منك ومصيرك لنا هنادي :ههههههههههه امزح معكم اصلن ما بعطيه وجه كل يوم عندكم فاتن :انتي يا نشبة يا تطفشين الرجال دانه :بخطبك لاخوي بسام وقته كله سفر عشان يجيبك عند اهلك وتجلسين فتره واذا رجع اخذك عنده فتره وعلى ذا الموال لا تطفشون من بعض ولا تطفشينه بأهلك هنادي :ههههههههههه ليه تبيني ابتلي بطيار واحرق قلبي بسفراته لا خليه يتزوج واحده تتحمل عملة دانه :ليه موعاجبك شغله هنادي :لا وع ابي لي دكتور ولا عسكري لبى بس بالصدفه سمعهم بسام لانه وقتها كان يكلم ومر من عند باب المطبخ اللي يخرج على الحديقه واصواتهم كانت شويه عاليه من الحماس وقتها انقهر من كلامها وصار يتردد في راسه الكلام دخلت نوف على البنات وهي مقهوره من اللي صار كانت تتمنى زواج كامل زي أي بنت وتعيش حياتها مع زوجها بسعادة بس ثامر شوه صورة الزواج في بالها فاتن :نوف طولتي وش كنتي تسوين نوف ببتسامة :ولا شي عادي طلعت وشفت ثامر وجلسنا نسولف فاتن دققت في شكلها :نوف ليه شكلك كذا نوف بلعت غصتها وبالقوه تكلمت وتذكرت كل اللي صار :وش فيه شكلي فاتن :خافت من اللي في بالها وعشان تتأكد سحبت بلوزتها وانصدمت من اثر الجرح وباين انه توه :نوف وش ذا تكلمي قسم لااقول لابوي نوف هنا ما قدرتت تتحمل وعيون البنات كلها عليها وانهارت مره واحده :اص ولا كلمة مالكم دخل بالي فيه وجلست على الارض وهي تشاهق كأنها طفله واخذوا لعبتها بالقوة البنات بسرعة تجمعوا عندها واللي راحت تقفل باب المطبخ لانه مو من صالحهم يشوفها احد بذا الشكل وجد :نوف حبيبتي وش فيك تكلمي ثامر سوا لك شي نوف :اخوك دمرني قتل احساس حلو كنت اتمناه بسبب شي تافه خطبني واتهمني والحين كمل علي اخوك اناني شكاك اخوك حطمني اه شقول بس البنات انصدموا من وضعها وجد تمنت انها ما سمعت الكلام هذا وفيهم من نزلت دموعها على شكلها وباين انها مجروحه وجرحها كبير كبير ولا راح تنسى عمرهم ماتوقعوا بيوم ان واحده من العايله بيصير لها كذا نوف اختفى صوتها واغمى عليها هنا البنات ارتبكوا واللي زاد صياحها دانه بعصبيه :اص ولا نفس جيبوا عطر ولا مويه بسرعه قدرت تتدارك الوضع جابوا عطر شمموها وغسلوا وجهها بدت تصحى شالوها البنات وطلعوها غرفة وجد دانه :ولا وحده تجلس هنا انا بجلس معاها خرجوا البنات وجلست دانه تقرى عليها لانه ما فيه كلمة بتريحها زي القران بيهديها ويشرح صدرها هدت نوف وبدت تتكلم : ليه ما خاف علي انا بنت عمة قبل ما اكون زوجته دانه : خلاص حبيبتي هذا القدر وما بيدك شي واللي صار لك مو حرام انا ما ادري وش سبب المشكلة بس تراه زوجك ويوم بتكونين في بيته والله يصلح مابينكم نوف :انا خايفه ابوي يعرف او احمل دانه :لا تخافين حبيبتي البنات ما راح يقولون لاحد والزواج كلها 3 اسابيع ان شاء الله يعني حتى لو حملتي ما احد بيعرف نوف :اه بس دانه :اص حبيبتي ما تدرين يمكن يكون خيره وعسى ان تكرهوا شيء وهو خير لكم صدقيني ان ربي ارحم فيك من نفسك واللي صار حلال مو حرام وثامر يمكن عصب وانتم توكم مملكين على بعض ولا تعرفون عن بعض شي والحياه قدامكم ان شاء الله تكون حياتك معاه افراح بس انتي لا يدخل الشيطان الحزن في قلبك نوف :الحمدلله على كل حال دانه :قومي غسلي وجهك والحين بجيب لك عصير بارد وتعالي انزلي للبنات تراهم شوي ويتجننون على وضعك تقول انك بتموتين نوف ببتسامه :تتفاولين علي يالحمارة دانه فرحت انها ابتسمت :عاد اذا جاء يومك بتموتين ما باليد حيله نوف ضحكت :خلاص خلاص عارفه من ورا قلبك ذا الكلام دانه :هههههههههههههههههه ياحبني لك انتظرك برا خرجت دانه للبنات وحذرتهم يفتحون الموضوع ويسولفون عادي ولا كأنه صاير شي لمياء سرحانه اه يااختي والله وطحنا في يدين عيال عمي وكل واحد العن من الثاني عند الشباب خرج لهم ثامر حاتم :اوه وينك مختي لك ساعتين ثامر :وش دخلك زوجتي وانا ما ادري حاتم :لا والله قلعتك بس ترا عيال عمي هنا الحين افتن عليك ثامر :اقول انطم بس قال افتن عليك والله ولا جبت لهم طاري ماحس غير المخده في وجهه كنان :اقول لا تخليها تطق في الراس واخلي زواجك بعد شهرين ثامر نط عنده وباس خشمه :انفدا ذا الخشم امزح بس تعرف ذا الفتان قلت اسكته حاتم :هههههههههههههههههههههههه� �هههههههههه جاك من يهجدك اجل اللي قبل شوي هياط اخس على بعض الرجاجيل اذا هايطوا ثامر: اقول بتنكتم ولا اشلون حاتم :لون احمر ثامر :هههههههههههههههه اقول تراك فايق حاتم :لالا بعد الاخلاق قافله من مفارق الاحباب ثامر :ايه وش عندك حاتم :ابد بس مسكت عليك انتهت الليله على خير ثامر ماهو انطباعه على اللي صار راجح هل فعلاً بيتزوج لمياء او تخويف فقط بسام ما اثر كلام هنادي عليه هنا وانتهى البارت الثالث . | ||||
|
| |
|
18-12-16, 12:11 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع: في بيت فهد: بسام :بكره عندي رحلة العصر دانه :كم يوم بسام :3 ايام دانه :عملك اخذك منا بسام تذكر كلام هنادي وببتسامه مصطنعة :شسوي عاد امنيت حياتي اني اصير طيار دانه من قلب :الله يوفقك يااخوي وييسر دربك وين ما رحت رنا :والله اني اكشخ فيك قدام البنات حاتم :شف الحمارة ليه احنا مو مالين عينك رنا بمشاغبة جلست جنبة وباسة خده تعرف انه ما يحب احد يبوسه:شوف انت يكفي انك اخوي بس عاد هو طيار وهيبه وذا حاتم :الحين البوسه هذي ليه رنا :شسوي من حبي لك قرص اذنها :كم مرة اقول لك لا تبوسيني رنا :الحين اذا تزوجت ما بتبوسك زوجتك بسام :هههههههه الا هو اللي بيبوسها ما بينتظرها دانه :منجد الحين حتوم بالله كيف اذا تزوجت جسار دخل وسمع كلامهم :عاد هو اذا تزوج يبي لنا نحط في بيته كمرات نشوف حركاته رنا بحماس :منجد بسويها حاتم :الحين تركتم السوالف وحلت لكم سالفة زوجتي والله عاد زوجتي نتفاهم انا وهي واسوي اللي يعجبني وانتي اهجدي ما راح اخليك تدخلين البيت من الاساس ريم جابت حلا وقهوة :الله اخواني كلهم هنا اقول جسوري روح بدل وتعال اجلس معنا من زمان ما جلسنا نسولف كل واحد مشغول في العمل. جسار :طيب شرايكم دام انا رجعت بدري اليوم نطلع نتمشى بعد المغرب حاتم :قدام بس باقي امي وابوي اذا صحوا قلنا لهم في بيت ناصر: لولوة :ها يمه نوف خلصتي اغراضك باقي اسبوعين عن زواجك نوف وهي كارهه الطاري :ايه يمه لسى اشياء بسيطة ان شاء الله اخلص بدري. لولوة :الله يسعدك يا بنتي والله بفقد حسك ناصر ببتسامه :وين ان شاء الله كل يوم وهي عندنا عاد اول شهر ماني بمكلمه بخليه براحته بس بعدها يا ويله مني ابي اشوف بنتي كل يوم نوف وهي مبسوطة من كلام ابوها :أي والله حتى اول شهر انشب له والله الود ودي اسكن عندكم ناصر بضحكه :لا قويه ذي والله ان يفتن علي عند اخوي ويقول اخوك ناشب لي في زوجتي وكل يوم يبها قدامه وانا توي عريس نوف خجلت من كلام ابوها وسكتت جات رسالة على جوالها كانت من ثامر :نوف انا تركتك ذا الاسبوع عشان تهدين اسف على اللي صار ترا الغلط منا الاثنين واعترف لك ان الغلط راكبني يا بنت عمي بس اتمنى نبدى من جديد عشان حياتنا تمشي نوف قامت غرفتها لانها ما تضمن نفسها ماتبكي قدام امها وابوها ردت عليه :الله العالم اني ما حقدت على اللي سويته فيني كثر ما حقدت على اتهامك لي كيف تبيني اسامحك وانا ما شفت غير سلبياتك كيف تبي قلبي يسامح وانت حتى كلمه زينه ما قلتها لي كان الصمت في البداية هو كلامك بعدها اتهمتني ونفذت عقابك انت صدمتني يوم الملكة بسؤالك وانا حتى ما عرفت اسلوبك اتركني للايام يمكن تنسيني ثامر شاف ردها وفي باله صح كلامك بس معاد نقدر نتراجع وحياتنا ما اضمن كيف بتكون بس ربي يسهلها دخل راجح على ثامر :السلام عليكم ثامر :وعليكم السلام راجح :اسمع بستشيرك في شيء بس اجلت كل شي لبعد زواجك ثامر :قول راجح :قررت اتزوج ثامر :مين راجح :لمياء بنت عمي ثامر :والله لمياء احسها صغيره عليك عندك دانه اكبر بنات عمي راجح :ههههههه ابي اصير عديلك ثامر :مدري بس احسها صغيره راجح :اذا على فرق العمر عادي اهم شيء التفاهم بيننا ثامر :الله يكتب لك اللي فيه الخير متى بتقول لابوي راجح :بعد زواجك احسن. ثامر :الله يوفقك واشوف عيالك حولك . مرت الاسبوعين على الكل خفيفه من غير أي جديد يوم الزواج عند الرجال ثامر الكل يذكر الله عليه كان واقف بهيبته ولابس البشت الاسود اللي زاد في جماله العيال كل شوي واحد يرمي كلمة عليه وهو مطنش ومبتسم اما عند نوف الخوف ماكلها ومن الربكه نست المسكة حقتها في البيت نوف :بنات نسيت مسكتي من بيروح يجبها كنان جاب لي اغراضي في المغرب بس نسيتها وما راح يطلعون اخواني غيداء :اخواني اكيد ما بطلعون لانهم الحين مع ابوي يستقبلون المعازيم صبر بكلم جابر جابر :هلا غيداء تبون شي غيداء :جابر حبيبي نوف نست اغراض مهمه وزفتها قربت توديني بيت عمي ناصر نجيبها جابر: والله الحين مشغولين بالعشاء استني اشوف الوضع وادق عليك دخل جابر وقابله حاتم في الطريق جابر :حاتم عادي توصل اختي بيت عمي ناصر فيه اغراض مهمة لنوف بتجيبها حاتم :ابشر ما طلبت شيء جابر طلع مفتاح سيارته واعطاه لحاتم :خذ عشان ما بتعرف سيارتك حاتم طيب هات مو مشكلة دق عليها جابر وقال لها تطلع طلعت غيداء وجات بتركب بس لاحظت انه مو اخوها ركبت ورا حاتم :معليش اخوك مشغول بالعشاء مع الشباب نوف :لا عادي مو مشكله وصلوا البيت واخذت المسكه جات بتقفل الباب ماحست غير باللي يمسكها من ورا ويحط المسدس في راسها طاحت الاغراض من يدها حاتم شافه ونزل بسرعه الرجال: وقف عندك أي حركه موبصالحكم حاتم :وش تبي الرجال :اللي ابيه الحين تمشي وتركب السياره من غير أي شوشرة وتطلع جوالك وتقفله بسرعة غيداء :تبكي من الخوف والرعب اللي هي فيه حاتم :طيب اترك البنت الرجال :لا ما صدقت امسكم فضيحتكم على يدي يا عيال الفيصل امش قدامي شوي ندا رجاله وغطوا عيونه واخذوه والرجال اخذ غيداء معاه مجرد ما دخل السيارة بخ في وجهها شي نومها بعد ساعتين جابر يدق على حاتم بس الجوال مقفل دق على وجد وجد :هلا جابر جابر :غيداء رجعت وجد :لا انت مارحت معها وبعدين وينها تأخرت خلاص نوف بتنزف جابر :وجد سلام طلع جابر بسرعه راح لبيت عمه شاف سيارته فيه ولا احد فيها خاف كثير وجاء بيدخل البيت بس شاف المسكه طايحه هنا دخل البيت ينادي حاتم حاتم خرجت الشغاله :خير بابا فيه شي جابر :حاتم وين الشغاله :حاتم مين جابر :فيه بنت دخلت هنا الشغاله :ايوه اخذت اغراض وخرجت جابر معاد فيه حيل اخته وولد عمه مختفين وهو تفكيره راح فيه لبعيد المفروض انه هو اللي جابها خرج برا وشاف السيارة شغاله دق على حاتم بس جواله مقفل جلس عند الباب وين يروح ووش يقول لاهله دق على جوال غيداء ردت نوف :هلا جابر :مين نوف :انا نوف جابر :نوف انزفي لا تستنين المسكه نوف بخوف :جابر اش فيه جابر :نوف انزفي ولا تسألين المسكة مالقينها ولا في وقت نجيب لك بديل واحنا جايين في الطرق نوف :طيب جابر رجع يحاول يدق على حاتم بس مقفل انقهر وحاس انه بينفجر هنا واتوقف عن التكملة غيداء وحاتم اش بيصير لهم وبالنسبة لاهلهم ماردت فعلهم من اختفائهم نوف وثامر هل بيتقبلون بعض وتتعدل حياتهم. | ||||
|
| |
|
18-12-16, 12:11 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم هناك اوقات عصيبة نعيشها ونتمنى ان تكون حلم ايام مقدرة لنا منذ زمن فيها الخير بحلوها ومرها لان من قدرها رحيم. انزفت نوف كأميرة كل النظرات موجهه لها كل من حولها ينظر لها بأعجاب وذكر اسم الرحمن عليها. نوف الفتاه التي ببرأتها وجمال روحها احبها الكثير كانت تتحرك والبسمة على محياها والقلوب فرحِه لها سعيدة بتلك اللحظات رغم ما مرت به سعيدة لانها رأت الفرحة على وجة عائلتها وصلت الى الكوشة ولم تفارقها البسمة إلى ان رأت دمعة سقطت من والدتها نوف: ماما الله يخليك الا دموعك لولوه :فرحانه لك يابنتي احلى يوم وشفتك عوسة نوف :الله يخليك لي وضمت امها وبدت تبكي الكل هنا بكى فاطمة مسحت دمعتها :افأ يالولوه بنتك طلعت من عندك لبيت زوجها وانا امها الثانية بعدين من بعد المكان يعني البيت في البيت بس غيرت غرفتها لولوه ضحكت :في ذي صدقتي وعارفة انك امها لابس ذي دموع الفرح. دفتها فاطمة :ابعدي خربت مكياج البنت خلي ولدي يتهنى فيها. نوف خجلت وكتصريفة :تعالوا ابي اتصور معاكم انتم والبنات دانة :هههههههههههههه تصرفين ها الله يعين ثويمر عليك انشهد بتضيع علومة نوف :وانا اشهد لو ما انطميت لاوريك شغلك قدام الناس. دانه :لاخلاص بسكت عند جابر : ما قدر يرجع للقصر وهو في الحالة ذي دق على امه وقال لها ان غيداء معاه تعبت شوي ورجعوا البيت عند ثامر :عيال انا طالع وبنتظركم برا وترا زعلان على حاتم وجابر الشباب بترقيع :اكيد عندهم شي مهم ثامر :يالله بدق عليهم عشان يطلعون لي نوف انتظركم برا انتهت الليلة على الخير البنات مالاحظوا اختفاء غيداء لان جابر حذرهم ان احد يدخل لها بعذر انها نامت بالقوه من التعب ومايبي احد يزعجها. عند حاتم وغيداء بعد ما دخلوهم الشقه وكانت خارج الرياض حاتم :وش تبون منا اتركوا البنت ترجع لاهلها وخلوني انا. الرجال بضحكه مليئة بالشر :يعني مو اختك يبي يتأكد حاتم :اظن مو شغلك. الرجال :امممممممممم مستحيل اتركها وانا بكرة بتكون معلوماتكم بالتفصيل عندي فختصر على نفسك. حاتم بيأس :بنت عمي. الرجال :تصدق جتني على طبق من ذهب وبرد لاهلك الصاع صاعين اشوفكم عايشين حياتكم بعد مادمروا حياتي وسمعتكم الطيبه ذي بلطخها. حاتم بعصبية :ترام موبصالحك كل اللي تسوية لعلمك بس نقدر نوديك في داهيه. الرجال :اوه بحكم انك محامي تقدر توديني في داهية بس تدري كل شيء عادي بس بعد ما ادمركم عاد كانت خططي شيء ثاني بس قلت لك جت على طبق من ذهب حالياً مابسوي لكم شيء بتركم هنا في الشقة كم شهر على حسب اللي اشوفه انتشر عنكم والكل يتكلم عن فضيحة احفاد الفيصل الكل بيقول انك خطفتها حفيد الفيصل خطف ابنة عمة لاسباب مجهولة في يوم زواج ابن عمة وشقيقها او ان هناك سبب اخر فهل هناك قصة حب. حاتم بقهر وعصبية :ياكلب والله لادمر حياتك تفهم والله لاخليك تتمنى الموت الرجال :ههههههههههههههه الحين بترك بسةقبل ما انفذ بديل للي كنت مخططه تصدق لو انها اختك كان خليت رجالي يلعبون فيها بس دام ماباقي وقت وتصحى وهي بنت عمك بغير المخطط بأمر لرجاله :فسخوا عبايتها وقطعوا الملابس اللي عليها ولا تنسى شوية من دم الغزال على الملابس ورجولها. حاتم بصراخ :لا تقربون منها ياكلاب لا ويتحرك بعصبية بس مقيدينه ولا قدر يسوي شي من القهر انه ماقدر يحمي عرضة نزلت دموعة صح ما قربوا منها بس يكفي ان انهم شافوها بدون ملابس ضربوة على راسة وفقد الوعي بعدها خرجوا من الشقة بعد ماقفلوها. اما عند ثامر ونوف:وصلو جناحهم. ثامر :نوف روحي بدلي وتعالي لازم نتكلم. نوف :طيب بعد وقت خرجت نوف كأي بنت في يومها لابسة روب نوم طويل وساتر ابيض والتوتر والقلق باين عليها. ثامر شافها وابتسم :تعالي نوف اجلسي جنبي يمكن ماتجيني الشجاعة اتكلم وانتي قدامي نوف :طيب ثامر :اسف ماردت نوف خنقتها العبرة ثامر :صدقيني نوف اسف انا مو بس قهرتك وخربت عليك حتى على نفسي نوف انتي زوجتي ومصيرنا ارتبط على بعض مايصير نخلي الماضي يأثر على حياتنا ومستقبلنا الحين اللي ابية تصفى نفوسنا على بعض هذا اليوم بداية حياتنا مكان واحد يجمعنا اللي صار خيرة لنا ولا ماكان الحين انتي قدامي مسك يدها وباسها ارتجفت نوف واكرر اسف عارف ما بتعدل شيء وبالنسبة لحياتنا مع بعض تأكدي اني بسعدك قد ما اقدر نوف :وانا بعد اسفة كان المفروض ما اعاندك الخطأ منا الاثنين ثامر مد ذراعه لها وهي قربت وضمتة وهو بدوره شدها في حضنه وكان يكرر اسف هنا وف انفجرت تبكي كان هذا اليوم جميل بالنسبة لهم وتصافت النفوس فهل هذه اخر الاختلافات والمشاكل. اليوم الثاني عند جابر الكل يسألة عن غيداء جابر :انا بقول وينها بس بعد ما يكونوا اعمامي هنا. فاطمة :جابر بنتي وينها فيها شي جابر نزل راسة مايدري كيف يواجه امه اجتمع الكل في بيت منصور على حسب طلب جابر حتى البنات كانوا متواجدات لابسين العبايات وجالسات في مكان واحد جابر يتكلم بتوتر :عمي فهد اكيد فاقد حاتم. فهد :صح من امس بس وينه جابر بنفس التوتر :واهلي فاقدين غيداء بدى الخوف والقلق على الكل منصور : جابر يابوك تكلم اقلقتنا فيهم شي صار لهم شي جابر :امس في الليل وبدى يحكي لهم اللي صار...... منصور بنفعال :انت كيف تخليها معاه ولوحدهم بعد انت صاحي ما فيه عقل الحين وين ندورهم ولد اخوي وبنتي سود الله وجوهكم فهد :حاتم مايغلط ولدي واعرفه اكيد صاير لهم شي منصور بعصبية :كيف صاير لهم شيء والسيارة هنا انت تسمع صدقني لو اشوف ولدك مارحمتة لا هو ولا بنتي. ناصر :تعوذوا من الشيطان لو غلطوا كانوا سكتوا وبعدها خطبها ولا ابن امه عرف شيء حاتم ما يسويها حاتم رجال زبعدين كيف السيارة هنا كان اخذها. ناصر :صدقوني عيالنا صاير لهم شيء الكل سكت بعد كلام ناصر وبدوا يفكرون مصيبة وحلت عليهم. منصور :طيب نبلغ الشرطه فهد :انت صاحي تبي الخبر ينتشر خلنا ندور عليهم. نرجع للعرسان صحت نوف بدري كانت جالسه على الجوال خرج ثامر لقاها جالسة وباين عليها الطفش ثامر :افأ عروسة وشكلها ثاني يوم كذا نوف ابتسمت طالعت فيه :البركة فيك مخليني لوحدي. ثامر يحك راسه :عارف اني طولت في النوم بس زي ماانتي عارفة امس ما نمنا بدري نوف :لا ترقع انا صحيت بدري ثامر :ههههههههههههه يعني ماتترقع نوف :ابد ابد قرب منها ثامر وجلس جنبها باس خدها :حقك علينا وضمها :الحين قومي تجهزي نروح مطعم ونتغدى وبعدها نروح لعمي شفت رسالة من جابر يقول تعال ابيكم في موضوع ضروري الكل بيجتمع هناك نوف :طيب بعد ما تغدوا راحوا لاهلهم وعرفوا اللي صار كان حالهم من حال الكل توقعاتكم للي بيصير وما التغيرات التي سوف تحدث للبقيه هذا ما سوف نكتشفه في البارتات القادمه اسفه لابي عطلان م اقدر انزل شي هذا الاسبوع لقائنا الاسبوع المقبل دمتم بسعاده | ||||
|
| |
|
20-12-16, 09:16 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس: ثامر :يبه احنا لازم نبلغ انا متأكد انهم صاير لهم شيء ولا اهم شي سمعتكم ترا بعطيكم كم يوم بس صدقوني بعاد انا بروح للمركز وابلغ منصور :شوف ما احنا ناقصين تهورك ولا تحسب لكلامنا حساب أي حركة بتسويها تجي تكلمنا ولا محنا مالين عينك ثامر هو ماسك اعصابه :محشوم يبه بس اختي لو ما رجعت بذي اليومين ببلغ ولا احد هامني غيرها حاتم رجال بس هي بنت فهد :ثامر محنا عجزانين ندور على عيالنا ثامر فلتت اعصابه :لا احد يناقشني قلت لكم يومين وخرج وهو معصب دق على نوف :اطلعي انا برا نوف بصوت مبحوح من البكي لانها حست انها السبب :طيب روح البيت وانا بلحقك ثامر :طيب استناك سلام نوف :سلام لبست عبايتها وطلعت دخلت عند ثامر كان منسدح ويده على عيونه بمجرد ماحس بدخولها طالع فيها حس ان فيها شي ثامر :نوف شفيك نوف بالقوه تتكلم ماتبي تبكي قدامه ثامر: نوف انا اتكلم ماني ناقص حركاتك اش فيه يوم حس انها مطوله وهي مكانها ماتحركت قام لها مسك يدها وبيده الثانية رفع راسها مجرد ما طالعت فيه طاحت دموعها وضمته :اسفه ثامر انا السبب لو ما راحت عشاني ما كان صار كذا. ثامر :اشششش ما ابي اسمع ذا الكلام انتي مالك ذنب هذا المكتوب ولا ندري وين الخيره في الامر هذا نوف ببكي :طيب اعمامي وش قرروا يسوون ثامر بستهزاء :يقولون بندور عليهم على بالهم هين الامر بس قسم يومين وبعدها على المركز ولاهو برادني عنه الا الموت ثامر :كيف امي وخالتي مريم نوف :قطعوا قلبي كل واحده حالها اردى من الثاني نهدي واحده نرجع للثانيه الله يصبر قلوبهم لازم اكون معاهم يا ثامر. ثامر :طيب حبيبتي روحي لهم انا مالي خلق اروح عندهم قاهرني برودهم نوف :طيب تبي شي قبل ما اروح ثامر :جيبي لي حبوب صداع بنام شويه بعدين بطلع مع كنان نفكر في حل بعيد عنهم نوف :طيب جابت حبوب وكوب مويه اخذها ثامر منها بس م ترك يدها حط المويه على الكومدينه سحب نوف وجلسها في حضنه حس انه محتاج لحضنها ضمها نوف ارتجفت ما تعودت عليه والحين وضعهم مايسمح تتركه حست انه محتاجها اكثر من أي شخص ولو ما وقفت معاه في هذ الظروف ما فيها خير قررت تجلس بقربه لين ينام وتطلع نوف :تبين اسوي لك مساج ثامر :لا خليك كذا خليك جنبي مقهور من كل ش خايف على غيداء وحاتم انا ماقهرني الا تفكيرهم خايفين انهم سووا الغلط وهربوا ما كأنها عارفين من هو حاتم ومن غيداء وخايفين على سمعتهم نوف :ثامر لا تلومهم مصدومين وما استوعبوا شيء ثامر :نوف لا تروحين اللحين خليك معي لين اطلع نوف :طيب الحين انت ارتاح وربي كريم عند حاتم وغيداء غيداء صحت وبمجرد ما شافت وضعها جلست تصارخ وتبكي وتضرب نفسها :ضعت انا ضعت تدمر مستقلبي اه كيف اقابل اهلي وجلست تضرب نفسها بهستيريا شافت حاتم طايح راحت لعنده جلست تهز فيه حاتم قوم شوف وش صار فينا حاتم ضيعوني وتهزه بجنون حاتم قوم لا تموت كيف اجلس بين وحوش ضيعوني قوم لا تخليني لوحدي بينهم قوم وشوف عارك وش سووا فيه حاتم بدى يحس ان فيه احد يتكلم بس مو قادر يركز او يسمع الصوت زين اما غيداء مو مركز تهز فيه وتبكي بجنون فتح عيونه وشافها تهز فيه وتبكي :غيداء غيداء :حاتم شوف وش سووا فيني ضيعوني دمروا مستقبلي كيف ارجع لاهلي قولي كيف حاتم :لا يا غيداء ما قربوا لك غيداء : تضحك علي انت شايف شكلي كيف وبصراخ وهي تضرب نفسها انتهيت خلاص شرفي راح حاتم مسكها عشان ما تأذي نفسها :بس قلت لك بس ما صار لك شي هم بس يبون يعذبونك غيداء بصراخ :لا تكذب عشان تسكتني شوف وضعي كيف حاتم ما تحمل خاف تجبها صدمه وضعهم ما يساعد ابد ضربها كف سكتت قام وضربها واحد ثاني نوف بس دموعها تنزل بعدها ما حس الا وهي طايحه حاتم :ياربي لطفك ورحمتك تحرك من مكانه اخذ عبايتها ولبسها عشان يسترها بعدها راح يدور في الشقة يبي مويه يصحيها بها رجع لعندها بعد دقايق بلل وجها بالمويه نوف تسمعيني ورجع يكب موية على وجهها غيداء رجعت لوعيها :حاتم يعني صدق اللي صار ورجعت تبكي حاتم :غيداء ماسووا لك شي والله ما قربوا منك بس يبون يعذبونا هذا كله تمثيل عليك يبونك توصلين للجنون غيداء وهي تبكي وبشده :بس يا ولد عمي لا تحاول انك تشيل اللي شفته من راسي تبيني اصدقك وانا شفت ملابسي مقطعة ومو علي تبيني اصدق وانا شفت الدم على ملابسي لا تحاول كيف ارجع لاهلي وانا كذا حسبي الله ونعم الوكيل حاتم مو عارف كيف يقنعها عارف انهم مسكوها من اكثر شي يوجع البنت ويقهرها عارف انها مستحيل تصدقه الا بدليل حاتم :لا يهمك اصلن مو ناوين يرجعونا او يفكون قيدنا بيحبسونا هنا لين ربي يفرجها من عنده هونيها يابنت عمي وتهون وصدقيني محد لمسك منهم غيداء بخوف وبكى :وش يبون منا حاتم لا تخليهم يلمسوني مره ثانية والله اقتل نفسي حاتم :مستحيل اخلي احد يقرب منك غيداء :حاتم انا خايفة هم وش يبون منا حاتم يبي يطمنها :هم كل اللي يبونه يحرقون قلب اهلنا فينا بس ان شاء الله نلقى حل قريب. في الوقت هذا انفتح الباب عليهم دخل واحد حاتم كان بيقوم الرجال طلع المسدس بسرعه نقزت غيداء ورا حاتم تمسكت في ظهره وجلست تبكي من الخوف الرجال:ولا حركه وانا جايب اغراض لكم امرني فيها العم اكل واغراض تكفيكم وقت طويل وشوية ملابس وقالي اوصل رسالة لك حاتم بستهزاء :لا ولله فيه الخير طيب مره اقلب وجهك مع اغراضك محنا بحاجتها الرجال :لا تطولها وهي قصير ماني فاضي لك هذي الاغراض وبكيفكم فيها المهم قالي اوصل لك معلومه خروج منها ما فيه قبل ما ينتشر الخبر انك انت وبنت عمك هربتم غيداء :يا حيوان ما تخافون الله الله ينتقم منكم وتشوفونها في اولادكم الرجال : اسكتي قبل لا اوريك شغلك عدل سامعتني ترا محد برادني عنك حاتم : كل تبن بس قرب منها وشوف لا تحسب انك شايل سلاح خلاص رجال ترا مرجلتك كلها في السلاح تف على اشكالك انت من شبه الرجال الرجال :اقول ياولد ابوك ترا رصاصه تقضي عليك بعدها ورني مراجلك حاتم تقدم منه وهو صوب المسدس على راسه غيداء مسكت حاتم بقوه وهي ترجف من الخوف خايفه يصير لحاتم شيء من لها يحميها بعده وهو وعدها :لا يا حاتم الله يخليك من لي بعدك حاتم انت وعدتني الرجال :تقدم شوي اقسم بالله ما اتردد لحظه اني ارميك فخلك مكانك احسن حاتم :اه يالكلب قسم بالله حسابك بعدين الرجال :لا تكثر حكي انا بطلع ولعلمك فيه حارس برا وفيه غيره حول العماره يعني لا تحاول تسوي شيء متى ماقال العم افراج بتطلعون غير كذا ما عندي حاتم :انقلع ولا عاد اشوف احد فيكم وحسابكم بعدين خرج الرجال وقفل الباب وراه غيداء وهي تبكي ومعاد فيها حيل :حاتم لا تخوفني كذا انا مالي غيرك لو صار لك شي يكفي اللي عملوه فيني كيف لو صار لك اكيد بيجي اليوم اللي بنخرج فيه وبيتحاسبون على فعلتهم ربي حسيبهم مابيدنا شي حاتم : انتِ مو راضيه تصدقين محد لمسك يعني ليه بكذب عليك غيداء :حاتم انا مليت خلاص لازم نرضى وكيف تبيني اصدق وانا شفت حالتي حاتم بصراخ :انتِ تبين تجيبين لي الجنان وبعدين يكفي وضعنا هذا انا ماني ناقصك وش اسوي عشان تصدقين غيداء تركته تبي تختلي بنفسها شافت غرفه ودخلتها وقفلت الباب بعدها رجعت لحالتها تبكي وتدعي عليهم كيف اصدق يا حاتم وانا شفت دمي حولي كيف تبيني اصدقك وانا شفت ملابسي مقطعينها وانت ما تدري عن شيء غايب عن وعيك ماراح اصدق اه يارب خذ روحي ولا ارجع لاهلي ناقصه وشرفي وشرفهم ضاع يارب حررني من نفسي جلست تبكي لين نامت نامت ودموعها على خذها حسرة على اللي ضاع منها حسرة على بعدها عنها اهلها دموع خوف من بكره ومن اللي منتظرها منهم هل ياترى بيضيع شرفها في يوم وهل بترجع لاهلها او بتظل حبيسهم لهم حتى تموت ماهو المستقبل المنتظر لها . في بيت منصور: منصور :بس يا فاطمة ما ينفع اللي تسوينه في نفسك حرام فاطمة وهي تبكي ودموعها ما وقفت من يوم عرفت انها فقدت بنتها :بنتي ضاعت مني يامنصور بنتنا ضاعت كأن الارض انشقت وبلعتها منصور : لا تزيدينها علي بوضعك ذا لا تزيديني هم على همي اللي كسر ظهري بكره بروح ايلغ معاد فيني صبر فاطمة : روح الحين ليه ننتظر لين بكرة يوم وكأننا على جمر وش يصبرنا لبكرة منصور :بكرة الصباح وانا في المركز بس الحين ارتاحي انتِ واوعدك بكره بروح فاطمة :كيف تبيني ارتاح وبنتي مو عندي وقلبي موم تطمن عليها منصور :بس يا فطمة بس الله يرضى لي عليك بس قومي صلي لك ركعتين وادعي لها اللي مايخيب ظن عبده فيه ارحم فيها مني ومنك قومي وتعالي نامي فاطمة :وانت وين رايح في ذا الوقت منصور :بروح اشوف العيال نامو حالهم مو عاجبني ما ادري اشيل هم مين ولا مين فاطمة :بجي معاك منصور :لا سوي اللي قلت لك عليه شوي وبجي لا تهدين حيلي فاطمة ماتبي تزيد عليه حتى هو مو احسن منها على الاقل هي تبكي وتطلع اللي في قلبها بس هو يكتم ويبان عليه الهم والتعب :طيب بس لا تتأخر عشان ننام خرج منصور وراح غرفة البنات شاف وجد وسديم منسدحات بس باين انهم صاحين دخل شاف وجد تبكي :ليه يابنتي والله وبإذن الله ما يمر يومين الا وهي حولنا وجد :قامت وضمت ابوها :بابا ما تعودنا على فراقها دايم قبل ما ننام تجاننا ونتخاصم لين نطنشها وبعدها تطفش وتنام والله يا بابا لخليها براحها بس ترجع لنا والله ما اعاندها واسوي لها اللي تبيه منصور يمسح على ظهر بنته وشاف سديم مو احسن من حال اختها مد لها يده وهي كأنها ما صدقت ارتمت في حضنة ضم بناته ونزلت دموعه بكى ماهو قادر يتحمل فقد وحدة من بناته مو عارف هي حية ولا ميته مخطوفة ولا مقتوله شيء فوق طاقته وبناته هنا حالهم ما يسر حتى العدو وزجته حلها كل شوي يتردى ما هو عارف كيف يلملم عائلته كيف يشيل الحزن من قلوبهم قبل قلبة رفعت وجد راسها يوم حست بدموع ابوها :بابا الا انت ما ابي اشوف دموعك لا تضعف اكيد بترج عمو صح منصور :صح يا قلب ابوك صح ان شاء الله ما تطول وان شاء الله تكون بخير امسحوا دموعكم وكل واحدة على فراشها لا تفكرون ان شاء الله احلها قريب وجد وسديم تركوا ابوهم مسحوا دموعهم بعدها تقدمت وجد من ابوها باست خده تصبح على خير وبعدها سديم منصور :وانتم من اهله شغل قران عند بناته ما في احسن من ذكر الرحمن للقلوب طمئنينة وراحة بال خرج وهو يوستودعهم الله في قلبة ويحفظهم له راح غرفة الاولاد شاف رائف وراجح وجابر كل واحد ماسك جواله وباين عليه الشرود منصور :ناموا ياعيال بكره ورنا شغل بصحيكم بدري العيال بأصوات متفاوته :ابشر طيب ان شاء الله منصور :بكره بروح ابلغ راجح :احسن حل والله المفروض من امس منصور :المكتوب بيصير الحين كل واحد يترك جواله وينام ادري انكم ماسكينه وكل واحد يفكر بس من الحين اعطيكم خبر بكرة ابيكم مصحصحين تصبحون على خير العيال : وانت من اهله. طبعا في بيت فهد لا يقل حالهم عن حال عئلة منصور كذلك عائلة ناصر ناموا الكل متمنين ان يحل عليهم يوم جديد مفرح برجوع فردين غاليين من العائلة فهم منذ الصغر لم يفترقوا يوماً هل سوف يعود الفرح للعائلة من جديد ام انه سوف يتردى هنا اتوقف عن الجزء الاول من البارات الخامس بموعد الخميس بإذن الله دمتم بخير | ||||
|
| |
|
23-12-16, 06:48 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تكملة الجزء الثاني من البارت الخامس اليوم الثاني : في بيت ثامر : نوف :ثامر قوم طفشتني ثامر :نوف اخرجي وقفلي النور ما نمت زين بس ساعة نوف :قوم معاد فيه نوم افطر بعدين روح عند عمي الشباب كلهم بعد ساعه بيروحون عنده كلمتني وجد وقالت ضروري تكون فيه. ثامر :يعني ما بتخرجين. نوف :هههههههههههه لا قبل ما اشوفك قمت لا ثامر :قدها. نوف :اجل لو ماني بقدها ماجيتك ثامر :ياليل القروشة بحده شوي نوف نوف :لبيه امر تدلل ثامر ابتسم وفيه النوم :والله بقوم بس ماابي افطر على طول بروح معاهم القسم نوف :لا انت ماتعشيت يالله عاد بلا دلع. ثامر :هف على قروشتك هذي معاد برجع انام نوف ببتسامة انتصار :احسن هذا المطلوب ثامر :انا اوريك الاحسن ورمى اللحاف بسرعه نوف صارخت وقامت تجري نوف وهي تحت الدرج وهو فوق:تعالي يالمزعجة نوف :بايعه نفسي اجيك هههههههههههههه ثامر : اجل ثاني مره لا تسوين شي وانتِ مو قده نوف :اقول لا تكثر حكي بس اخلص علينا ثامر :بعد تنافخ هين يانويف الحين اوريك بس خليني اتروش نوف :خير ان شاء الله ترا بحط الفطور بروح بيت عمي ثامر :لا نروح سوا استنيني نوف :هه هه عشان تتمنذل فيني. ثامر :اذا مو الحين بعدين نوف :المهم علمتك بروح ثامر هز راسه ودخل الحمام بعدها جاء في باله فكره ابتسم وخرج من الحمام اخذ الفوطه ونشف وجهه وبدل ملابسه ببنطول وتيشيرت عشان ياخذ راحتة فيه اكثر من الثوب لبس ساعته وتعطر نزل للمطبخ بدون ما يطلع صوت شافها مشغوله تجهز الفطور دخل المطبخ وقفل الباب نوف حست عليه لفت وشهقت ثامر ابتسم بنذاله :الحين وريني كيف تهربين نوف بلعت ريقها بالقوه وابتسمت ابتسامة خرشه :لا ثامر مو منجدك. ثامر :الا والله منجدي دخل المفتاح في جيبه وجلس على الكرسي الحين اعطيني الفطور وبعدها افكر وش اعاقبك فيه نوف :ثامر لا تكون نذل والله ابيك تفطر مااكلت شيء من امس ثامر قام لعندها وهي ترجع على ورا لين حاصرها على الجدار ابتسم وقرص اذنها :عشان تصحيني زي الاوادم يالمزعجه وتسمعين الكلام. نوف ارتبكت من قربه :اي طيب بعد ثامر :احم الحين بترك لين تخلصين نوف بنفسها :افف ثقيل دم الحين كيف اخرج مسويه حنونه مالت بس مالت جهزت الفطور حطته على الطاولة : امممم خلاص جهزته افتح الباب ثامر : احلفي بس نوف :والله خلني اروح البنات كل شوي يدقون علي ثامر :تو تو اجلسي قدامي عشان تنفتح نفسي للاكل ونروح سوا نوف :هفف طيب عند حاتم وغيداء : غيداء صحت وشافت الغرفة اللي هي فيها تذكرت غرفتها هي وخواتها تذكرت آخر يوم يوم زواج ثامر صحت من ازعاج خواتها يجهزون اغراضهم :وبعدين يعني قلت لكم جهزوا اغراضكم من الليل ماتسمعون والحين انا اللي اكلتها. وجد :اقول قومي ترا مايمدي معاد فيه وقت سديم نطت عند غيداء وهزت السرير غيداء :سديم اقلبي وجهك قبل ما اسبب لك عاهه واخلي الكل يحكي فيها سديم :ما اهون عليك غيداء : الا تهونين عند نومي سديم :ما اصدق اسمعي قومي نروح نجنن ثامر وجد :منجد شرايكم بنات دام اخر مره بينام هنا غيداء تحمست وطار النوم : والله فكره عاد نخليها ذكرى له. وجد :طيب قومي غسلي وتروشي ننتظرك لا تطولين ثواني خرجت غيداء جففت شعرها بعدها راحت للبنات :يالله دخلوا غرفة العيال شافوا ثامر ما قام وكان مغطي وجهه تقدموا البنات من السرير وبصوت واحد :قوم الساعه 6 العصر سديم تهز فيه انصدمت يوم صرخ فيها :وبعدين ياحيوانه البنات بلعوا العافية راجح :قسم بالله ان عديت لين ثلاثة وشفت واحده واقفه لاكفر فيكم لفوا وشافوا ثامر ميت ضحك :من حفر حفرة لاخيه وقع فيها. راجح :انا اش قلت باقي واقفات البنات بس سمعوا كلامه حطوا رجولهم انتبهت غيداء للباب وكان حاتم يدق مسحت دموعها حاتم :غيداء انتي صاحيه غيداء :ايوه حاتم بغيت شيء حاتم :ايه افتحي الباب وخذي الاكل غيداء :مالي نفس حاتم :غيداء ما يصير لك يومين ما اكلتي شي غيداء :احسن خلني اموت حاتم :لاحول ولا قوة الا بالله اسمعيني غيداء انا لقيت حل بس اول شيء ابيك تاكلين غيداء بفرحه :احلف حاتم :والله بس ابيك تاكلين عشان يكون فيك طاقه غيداء :طيب قول حاتم :لا اول شي كلي غيداء :طيب قامت فتحت الباب واخذت الاكل :ابي اغسل حاتم :طيب شوفي دورة المياه بعد الغرفة ذي على اليمين غيداء: طيب راحت غسلت ورجعت سمت بالله واكلت شوي حاتم والله معاد اقدر حاتم: طيب اهم شي اكلتي والحين ابيك تاخذين من الملابس اللي جابوها وتلبسين وبعدها تعالي غيداء كانت بترد بالرفض سبقها حاتم : غيداء مضطرين الله يعافيك سوي اللي اقول لك عليه وحاولي تتروشين غيداء بيأس :طيب اللي تشوفة بعد مدة غيداء :حاتم قول فكرتك حاتم اسمعي :................ وقال لها الفكره وغادة انبسطت حست بشوية امل. غيداء :طيب متى ننفذ الفكرة حاتم :اذا جاء وقتها بخبرك ثامر ونوف: ثامر :الحمدلله نوف :هيا افتح الباب ثامر :من عيوني بس ابي مويه بارده نوف بطفش من حركاته :طيب وبعدها بتفتح الباب ولا ثامر ببتسامه :اكيد بفتحه لاني بطلع لابوي نوف :مو قلت نطلع سوا ثامر وعلى نفس ابتسامته :ما اظن بيمديك تخلصين ونطلع سوا نوف :البس عبايتي بس اعطته الكوب وهو طلع المفتاح ومده لها ماصدقت نوف وصلت للباب وشهقت يوم حست بالموية على راسها انصدمت من حركته ثامر ببتسامه مستهزئة :هذا جزاتك انا طالع نوف طالعت فيه وعيونها مليانه دموع :الحين عشان ابيك تفطر تسوي كذا ثامر قرب منها وباس خدها :سوري بس رد على نذالتك سلام نوف بصوت شبه مسموع :وقح نذل ثامر :ههههههههههههه ترا سمعتك بس بعدين اوريك نوف :قلعتك لف لها ثامر صرخة وطلعت الدرج بسرعة :اتحداك تلحقني ثامر :ترا مو في صالحك لو لحقتك مدت لسانها :طيب وانا اتحداك ورني اللي في راسك طلع ثامر استغرب انها ما تحركت من مكانها يوم وصل عندها نوف ضمته بنذاله وبللت التيشيرت حقه عرف انها قاصده من اول رفع واحد من حواجبه وببتسامه وراها خبث :دام بللتيني بالموية ولازم ابدل انتي جنيتي على نفسك رفعها بين يدينه وتوجه للغرفة هنا نوف عرفت نيته من الخوف :لا ثامر الله يخليك والله معاد اعاندك ثامر :تو تو انتي اللي بديتي نوف : ثامر سوي لي أي شي والله راضيه فيه بس لا تسوي اللي في راسك دخل الغرفة وحطها على السرير فسخ بلوزته وقرب منها هنا نوف تذكرت يوم العزيمه يوم قرب منها نزلت دموعها :ثامر لا تذبحني ثاني مره ما فيني اتحمل خلني اتقبلك تكفى خلني انسى وشهقت من البكي ثامر انصدم من ردت فعلها عرف انها ما نست بس كانت تكابر على نفسها بعد عنها ثامر راح جهة الدولاب اخذ له تيشرت ولبسة راح لجهتها باس خدها :اسف وخرج نوف جلست تبكي والله حاولت انسى بس ماقدرت انت اللي زرعت الخوف فيني قامت نوف اخذت ملابسها ودخلت تتروش عند حاتم وغيداء : حاتم يضرب خدود غيداء :غيداء اصحي بس مافي امل قام ودق الباب وهو يصارخ افتحوا ياكلاب فتح الحارس :خير فيه شيء حاتم :تكفى ابي اروح المستشفى البنت طاحت علي مدري اش فيها الحارس :صبر بكلم العم حاتم بصراخ :انت ما تسمع اقول لك طايحه الرجال لف وطلع جواله وكلمه خلص المكالمه ناظر في حاتم :اصبر بندق على ممرضه تجي هنا حاتم :متى اذا راحت من يدي الحارس :ماراح تطول. في بيت منصور :الشباب كانوا جالسين حوله وكذاك ناصر وفهد منصور :الحين اللي بيروحون معي ناصر فهد وراجح وجسار وكنان فهد :توكلنا على الله نرجع عند حاتم: بعد انتظار تقريباً نص ساعه وصلت الممرضة :معليش ماابي احد يدخل معي دخلت الممرضة قربت من غيداء بدت تفحصها فتحت غيداء عيونها الممرضة : صحيتي غيداء هزت راسها الممرضة :اللي فيك مجرد ارهاق لا تخافين غيداء :ارجوك ساعديني تكفين واحد خطفنا انا وولد عمي وحبسنا هنا الممرضة حست بالخوف من المكان اللي هي فيه :كيف اقدر اساعدك غيداء :الحين بعطيك رقم ارسلي له مكاننا هو ولد عمي وعسكري وبيعرف يتصرف الممرضة طلعت جوالها وسجلت الرقم :طيب حالياً بعطيك مغذي اول شي جسمك محتاج لتغذية وثاني شيء عشان اصرفهم غيداء هزت راسها بالموافقة وبدت تحس براحة بس الباقي على اهلهم خرجت الممرضه وقدرت تضبط نفسها عشان ماتبين شيء :الحمدلله على سلامتها اللي فيها ارهاق وقلة اكل سبب لها ضعف في جسمها وبكذا صار لها الاغماء ابتسم حاتم :الله يسلمك وشكراً الممرضه ولو واجبنا الحين 10 دقايق وانزل المغذي بعد مدة خلصت الدكتورة شغلها وطلعت في بيت منصور دخل ثامر وسلم على خواته راح لامه وباس راسها ويدها جلس جنبها ثامر :كيفك ياغلاتي فاطمة :الحمدلله عايشين ثامر :امي ما ابي اشوفك كذا انا عندي امل كبير انه بنلقاهم في اليومين ذي فاطمه :الله يسمع منك ياولدي والله يوم المنى ثامر :وين نوف فاطمه :في المطبخ تسوي قهوه ثامر قام :طيب بروح اشوفها دخل المطبخ وكانت نوف تجهز القهوه ولا انتبهت له راح عندها ومسك خصرها سحبها وحاوطها بيده نوف شهقت :خوفتني طيب تكلم ثامر ابتسم وباس خدها :انا اسف نوف انتفضت وهو حس فيها تركها وقال :ريحة القهوة تعدل المزاج عجلي نفسي فيها ما شربت في المجلس نوف طالعت فيه وابتسمت :الحين اجيبها بس روح لعمتي. هنا وينتهي البارت الخامس توقعاتكم للاحداث القادمة هل بتوصل الدكتورة لجسار قبل البلاغ وهل سوف تتغير مجرى الاحداث في البارتات القادمه للاحسن ام للاسوء | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
