آخر 10 مشاركات
ضلع قاصر *مميزة و مكتملة * (الكاتـب : أنشودة الندى - )           »          وحدها تراني (19) من سلسلة لا تعشقي أسمراً للكاتبة المبدعة: Hebat Allah (كاملة&مميزة) (الكاتـب : Hebat Allah - )           »          نقطة، و سطر قديم!! (1) *مميزه و مكتملة*.. سلسلة حكايات في سطور (الكاتـب : eman nassar - )           »          بين نبضة قلب و أخرى *مميزة ومكتملة * (الكاتـب : أغاني الشتاء.. - )           »          رغبة التنين (1) للكاتبة: Kristin Miller (رواية خيالية قصيرة) .. كاملة مع الرابط (الكاتـب : nagwa_ahmed5 - )           »          الحارس ومملكة الورود (3) لكاتبة: P.C. Cast كـــاملة *مميزة* (الكاتـب : Gege86 - )           »          274 - رماد الحب - آليسون فرايزر (الكاتـب : عنووود - )           »          271 - لحن الشتاء - كاتى ويليامز (الكاتـب : حنا - )           »          264 - صرخة قلب - هيلين بيانشين (الكاتـب : hAmAsAaAt - )           »          238 - نورا - ديبي ماكومبر (الكاتـب : ^RAYAHEEN^ - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 16-12-16, 02:57 PM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 واللِي عشق ضَي القُمر ماتجذبه لمعة نُجوم بقلم/ حِس.(مكتملة )






بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

اعضاء روايتي الغالين نقدم لكم رواية

(( واللِي عشق ضَي القُمر ماتجذبه لمعة نُجوم ))

بقلم/ حِس.



قراءة ممتعة للجميع ...


ندى تدى likes this.


التعديل الأخير تم بواسطة فيتامين سي ; 19-04-17 الساعة 11:51 AM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-12-16, 02:59 PM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


السلام عليكم ورحمة الله وبركاته



‏واللِي عشق ضَي القُمر ماتجذبه لمعة نُجوم
بقلمي : حِس.

،اتمنى اتوفق بروايتي وتعجبكم واحيز بمتابعتكم ،
ملاحظة: لاتستعجل بالحكم
ان أحسنت فمن الله،وان اخطات فمن نفسي والشيطان .




رابط لتحميل الرواية

https://www.rewity.com/forum/t373726.html#post12179632



التعديل الأخير تم بواسطة فيتامين سي ; 19-04-17 الساعة 12:01 PM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-12-16, 03:01 PM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بسم الله الرحِمن الرحيم .

وبهِ نستعين .
_____________________________


الأول .

6:13

رفعت راسها بتعب يأسة من ازعاج اختها لها قالت الجمله الي تعودت
تحكيها لاختها كل يوم
بصراخ :اسرار يااددبه مانب صاحيه انقلعي انقلعي اقشرتي عيشتي

بنفس النبرة وهي متعمدة تضايقها زي كل مرة
: لا ياشيخه .. وهي تلف معطيتها ظهرها

قومي وبطلي الي انتي فيه كل يوم ماطفشتي ؟ الساعه ست وربع يادوب تقومي للمدرسه ..لفت لها وهي تسحب اللحاف وتجري برا الغرفه وتكمل ..فوجهك كل يوم يادبه

قامت بقهر وهي تصايح على اختها اسرار : ياويلك مني اسراروه .. طلعت منها ضحكه لا ايراديه. واخيراً قامت من فراشها متوجهة للحمام


********

واقفه قدام المراية تتأمل عيونها الي تتمتع بسواد جذاب .. نزلت راسها للمغسلة وهي تغسل وجهها بالمويا، مدت يدها لرف الحمام تاخذ فرشتها وبدأت تفرش اسنانها وبدون ماتحس حست عيونها بدأت تحرقها ،، دليل على تجمع الدموع فيها

(( ميس خلاص اتماسكي!ماتعبتي من حالك مصيرك يجي يوم وينسيك اليوم الي مريتي فيه. غمضت عيونها بتعب وهي عازمه على قرارها ، بتنسى مهما كانت الظروف ولا راح ياثر هالشي على حياتها ))
..لفت راسها لااسرار وهي تدق بابها من جديد عشان تنزل ، تناولت المنشفه ونشفت وجهها وفتحت الباب متوجهة تجهز نفسها ،،


*********
بالصاله

؛ وراها ماتقوم اختك قومي ناديها مره ثانيه

اسرار بطفش ؛ يبه والله توها بتطلع من الحمام ، واذا ناديتها مابيتغير شي بنتك وخابرها

بتنهيدة ؛ خلاص يابو طلال الحين تجيكم


: ذاتتكمم مييث ..ويجري وهو يحضنها

ميس بابتسامه : هلا حبيبي وترفعه وتشيله متوجهة للطاوله عشان تجلس مع اهلها
حطت معاذ على كرسيه ومشت لابوها

وهي تبوس راسه : صباح الخير يبه.

ابو طلال : صباح الورد بنتي ..وشوله ذا التاخير

بابتسامه وهي تبوس راس امها ؛ والله نمت متأخره يبه وتكمل صباح الخير يمه
وراحت تسحب لها كرسي

ام طلال : صباح النور حبيبتي

\

ابو طلال،، شخصية حازمه والكل يشهد له بالخير بتعامله مع الناس ، راعي جود وكرم وناجح بمجال عمله ، ومتعامل مع اهم الاسماء بالبلد سفراته كثيره لكن يحاول قد ما يقدر ما يقصر مع عياله بشي ، طويل وجسمه مناسب لطوله عمره 48 ، اسمه نايف
***

ام طلال ، انسانة لا لها ولا عليها ، طيبة ومختلطه مع شغل زوجها ترافقه ببعض السفرات ، ومسجل بعض الاشياء باسمها ، حنونه وتهتم بشكلها ملامحها خليجيه تحب زوجها وعيالها عمرها 44 اسمها دلال ،
--



اسرار وهي ترفع حاجبها : وش ذا الي كل مره نايمه متاخر ماصارت

ميس بغيض : انتي انكتمي وتلتفت لابوها ..يبه والي يطول بعمرك اسراروه ذي لاعاد تصحيني

اسرار وهي مصغره عيونها :وليش ان شاءالله

ميس بنظرة :لانك ماتعرفين تصحين وكرهتيني في عيشتي

اسرار وهي تقلد كلامها بصوت يضحك : كرهتيني فعيشتي اننن انن

ام طلال : خلاص اسكتو جعلكم للي مانيب قايله افطرو واخلصوا
وتلتفت لزوجها

: الا ياابو طلال متى بتسافر للندن

بتتنهيدة : ان شاءالله قريب

وعم السكوت بينهم الي يتخلله اصوات الملاعق بصحونهم

دخل طلال بطلته الطاغيه والي زاد رزته الثوب والشماغ ،الي كان عاطي ابراز خفيف لجسمه الرياضي كان شعره اسود بسواد الليل كان كثيف بس موطويل ،خشمه الشامخ عيونه الرماديه الغامقه كان لون عيونه زي اخته ميس غامق وغريب ويجذب كانت ملامحه حاده وهاديه مع الذقن الخفيف والشنب بصوته الرجولي : السلام عليكم

الكل :وعليكم السلام

توجه طلال لابوه وامه وسلم عليهم
بطريقه لكرسيه قرص معاذ بخده وهو يشيله

ابتسمت ام طلال :عقبال ماشوف عيالك يا يمه

انعفس وجه طلال وابتسم : رجعنا يمه

ام طلال رفعت حاجبها : ابي اشوف عيالك ياوليدي عمرك صك ال 25 وانت ماتزوجت ليمتى يمه
تنهد طلال وهو يقلب بصحنه ..
اما ميس واسرار كانو يراقبو بصمت

*^*^*^*^*^
وقفت قدام المراية وهي تلقي نظره على شكلها اسمها ميس عمرها 18 ، ثالث ثانوي طيبة وكتومه وبنفس الوقت شخصيه مرحه ، تتعرفو عليها مع الوقت. اكثر. , كملت تامل
شعرها الأسود الغامق مره الي يوصلها لتحت خصرها بشبر رافعته كذيل حصان لما وصل لخصرها ، زينت وجهها بحلق بأذونها صغير مره عباره عن نقطة من الالماس ،، وجهها الي يملك ملامح حاده وبنفس الوقت براءة عيونها تطغي. عيون واسعه برموش طويله ولون اسود غامق ، لون عيونها كان غريب وجذاب لكل من يشوفه ، انف حاد شفايف متوسطة مايله للصغر ومليانه ، غمازه تزين خدها اذا ابتسمت ، نزلت عيونها تتامل جسمها ، متناسق لا نحيفه ولا دبه ، بشرتها بيضا تميل للحنطي ، رفعت قلم الاي لاينر وزينت عينها من الطرف ، ابتسمت برضا وهي تسكر ازارير عبايتها ومتوجهة لبرا راسمه على شفايفها ابتسامه متامله ليوم اجمل ..يمكن

*^*^*^*^*^*^*

: ههههههههههههههههه اخ اخ ، فاتك شكلها ياميس كنت ببموت من الضحك

ميس ويدها على بطنها من الضحك : اخ يا
بشرى تضحك وتكمل الله لا يحطني بموقفك

بشرى بقهر : ياكلبه يا امنيه لازم تتكلمي وقامت تضحك معاهم

امنيه : شسوي للحين اتذكر شكلك واضحك
هههههه لا ومن زينها خاقه عليه تقول اهه بنات يجنن حلاته وهو قاصفك هههههههههههههههه

ميس وهي تتنفس بصعوبه من الضحك : هههه اقول هههههـ اخ وهي تعدل قميصها خلاص يلا نمشي الفصل لاتجيكم ابله ايمان

***
لامه رجولها ودافنة وجهها بين ركبها ، وشعرها البني منسدل على ظهرها واكتافها ، شهقه ورا شهقه بمعنى اصح ذابحه نفسها بكا ، حست بخطوات تقرب لها ,خافت لايكون فهد اخوها والاستغراب اكثر كيف ماحست على الباب وهو ينفتح ، رفعت راسها بتردد كانت ليان اختها زفرت براحه وشافت بيدها صينيه لفطورها ،

$ ليــان $

دخلت عليها بهدوء عشان مااخوفها (( اخ يا رغد ، والله لو اني مكانك كنت مت قهر وزعل )) حطيت الصينيه جنبها ،
وتكلمت بتردد : ر رغد ، حبيبتي الي صار احنا عارفين انه مو ذنبك .. بس .. بس

قاطعتها ببكا : بس ايش ليان؟ ايش! ولا شي يبرر الي سواه
بشهقه
ولا شي ولا شي ! ورجعت دفنت راسها بين ركبها وهي تشاهق ،

ليان ودموعها بدات تنزل :انا عارفه مافي شي يبرر عارفه والله بس يمكن في شي مانعرفه ، لاتستعجلي بالحكم يارغد .. كملت
بعدين هذا قدر ومكتوب سواء كان فهد الي سواه او لا ،وكل شي خيره من ربي الزعل والبكا مارح يصلح شي
قربت لها وضمتها ورغد ضمتها اكثر وشدت عليها اكثر وهي مازالت تبكي

ليان رفعت راسها فوق وهي ضامه اختها (( يارب ، اشرح صدر اختي يارب ريحها وان كان انها تعرف السبب شي بيريحها ريحها يالله ، واهدي اخوي يارب ))
بعدت رغد عنها شوي لما حست انها هدت

بمرح :هيا يادبا شوفي غبت معاك مع انك ماتستاهلين
وقامت ومدت يدها لها ورفعتها
:يلا غسلي وافطري واجلسي معانا تحت ،،يلاا
اسمعي الكلام
*^*^*^*^*^*^^*

متفاجئة تشوف بنتها تنزل مع الدرج ومعها ليان ومبتسمين ،استغربت لانها كانت تبكي ومو راضية تفتح لها الباب بس بنفس الوقت ارتاحت وابتسمت
ام رائد : ياهلا والله ببناتي الغاليات
وقربت منها رغد وهي تبوسها

رغد بابتسامه : الله يسلمك يمه

ليان بزعل مصطنع :وانا مالي بوسه

ام رائد تضحك : قربي يالغيوره ،وباستها

ابتسمت ليان

رغد وهي تجلس جنب امها واختها وبدأت الكلام بتردد
:يمه ادري ان ..
قاطعتها ام رائد : يمه انا عارفه ماله
داعي تشرحين
رغد باصرار :يمه..لا اسمعيني
ام رائد كانها بتتكلم رافضة
رغد برجاء:تكفين..يمه انا ابي اتكلم
...اسمعيني
صح ان ماجد جاء وخطبني ، وفهد اوهمني بانه تركني بليله ملكتي ،زعلت على ماجد ولا رضيت اكلمه ويقولون سافر
رغد حست بغصه لكن كملت :يمه انا كلنا نسينا الموضوع وكرهنا ماجد مع ان كانت تربطني علاقه فيه ، والولد يايمه خطبني لأن مابغينا بعض الا بالحلال ، وبعد هذي السالفة انا انكسرت وكلنا انصدمنا منه ، وفهد بدون سابق انذار يجي ويشكك فيني .. يمد يده علي يا يمه
ونزلت دموعها .. وبعبره عشان ابوي مو موجود ،
ويعترف انه كان ورا كل هالشي الي سواه ولا اعطاني فرصة اتكلم ،يمه ماعاش الي يوطي روسكم بالارض انتي وابوي الله يرحمه واخواني
ماعشت يمه كان فكرت بالحرام ماعشت ،هذي مو تربيتكم لي ،مو جزائي لتعبكم علي ،وبو رائد بيظل مرتاح وفخور ببنته الي تموت ولاسودت وجهه ، بيحكو ويحسدونه عليها ،مو رغد يايمه ..وفهد يمه ذـ
وما استحملت انفجرت بالبكا بحضن اختها ،مشاعر حزن متضاربه ببعضها ،وفاة ابوها كانت صادمه لها ،وظلم اخوها وحركته الغير مفهومه لها ،وماجد هه ياماجد الي كانت تحبه اكثر من روحها والي عاشت بليالي سودا على ظن انه تركها بعد ماكانت افعاله تدل على عشقها ،ماتنكر انها ارتاحت لما عرفت الحقيقة ،بس مازالت حايره ليش تركها ...ليش

دخل عليهم فارس برجته المعتاده ووراه رائد وسمر
فارس :ييههلللاا بالحلوين

ضحكت ام رائد : هلا فيك يا وليدي
انتبهت سمر لدموع اختها
:ايش في ليش البكا رغوده

رغد بابتسامه : م ابكي ياقلبي كله من ليان خاصميها

ليان مبققه عيونها :اهب يالنصب بعدين تخاصمني ذا البزر

ضحكت سمر وكانت بترد بس والتفتت وهي تسمع الباب ينفتح

الخادمه دخلت عليهم : مودام ام رائيد هذا نفر هورمه برا يسأل انتي

ام رائد باهتمام واستغراب : دخليها دخليها

*^*^*^*^*^*^*^*
من الجهة الثانيه نزلت وهي تتأمل البيت الي قدامها ،، بالاصح الفله جذبها اناقه التصميم والمساحه الي مليانه ورد ابيض واحمر والخضار
والغرف الي على اليمين الي على طول حزرت انها للخدم والسواقيين

قاطعت تأملها الشغاله:تفزلي مدام

مشت الحرمه مع الشغالة وعيونها تتامل الي حولها
وصلو للباب الاسود الحديدي بتصميم يليق بجمال البيت من برا ، فتحت الشغاله الباب
ودخلو انبهرت من تصميم البيت الانيق
الي يطغي عليه اللون الاسود والذهبي والابيض
الي يتوسط الصالة درج كبير ببساط فضي يمتد على طول الدرج
حولت نظرها لوسط الصاله الي مأثثه بكنب راقي اسود بخداديات ذهبي
غير الورود والزينات الموزعه بطريقة راقيه في البيت والرسمات واللوح على الجدران
والتلفزيون الي ماخذه نص الجدار وتحتها مكتبه فيها كتب واشرطة وامور التلفزيون
صحت من انبهارها و الشغاله تدلها على ام رائد
الي صعد الكل لغرفه وظلت معها سمر

ام رائد (( شسالفه مين ذي اللهم خير )) بابتسامه : تفضلي اختي

الحرمه بادلتها الابتسامه : اهلا اختي ام رائد

اشرت ام رائد للخدامه تاخذ عبايه الحرمه وتصلح الضيافه

****
رمت شنطتها بتعب فالغرفه وجلست على سرير اختها ميس وهي تتامل انعكاس صورتها على المراية ، ملامحها كانت هادئة تسر الناظر عيونها واسعه لكن صغيره وعسليه فيها سمار خفيف وجسمها مليان و متناسق شعرها كان يوصل لنص ظهرها ولونه كستنائي ، خشمها حاد ومن عند الارنبه فيه حركه جميله مزينتها وحبه خال صغيره الله الله تنشاف فوق شفايفها الورديه المليانه ، صحت من تأملها وهي تناظر ورا لما دخلت اختها ، كانو بغرفه وحده يطغي عليها اللون الخمري والابيض ، غير غرفه الملابس الي فاتحه على غرفتهم وحمام جنبها
كانت سرايرهم جنب بعض بينهم كوميدينو وكل وحده لها مكتب خاص
كل شي كان مرتب والزينات تتوزع بالغرفه بشكل انيق

ميس بسرعه : الحمام لييييي
وجرت ودخلت وقفلت الباب لما شافت اسرار جايتها بسرعه

اسوار بغيض : طيب طيب يالصعلوكه

بينما طيف راحت تاخذ شاور
راحت اسرار وطلعت لها برمودا سودا وبلوزه باكمام طويله والكم من فوق فيه اشياء كحليه وطلعت شرابات كحلية

وهي تنتظر اختها تطلع

*^*^*^*^*^*^*^*^*

: هههههه ماشاءالله انت مشبك بنات الرياض كلهم

بضحكة وهو يرد على اخته : ههههه اذا اخوك وسيم والبنات يجرون وراه شيسوي

: يمه منك ماعرفتك

: الا ي خوله كيف اختباراتك

خوله بقهر :الحمدلله ،، ايش الطاري ذا ي عبدالعزيز الله يسد نفسك

ضحك عبد العزيز وهو يعرف كرهها للاختبارات

شالها بحركه مفاجئة وهو يدور فيها بالبيت ، الي كان أنيق بلون البحر والرمادي ، كان كل شي مرتب بدقة واناقه يدل الى رقُقي الي مصمم الأثاث ومنسق كل شي في محله ،، الابجورات ،، اللوحات ،، الورد ،، الطاولات المتوزعه مع الكنب ،، الخداديات كل شي كان متناسق ببعضه ومرتب
كان الرمادي يطغي اكثر ويتخلله اناقه لون البحر

خوله بصراخ وهي معلقه فوق كتف عبدالعزيز : يامجننوون نزليني نزلني بطيح عبدالعزيز .. وهي تضرب في كتفه

عبدالعزيز وهو يضحك : مين عمك ها

خوله بقهر : انت .. عبدالعزيز عمي بس نزلني الله يخليك
نزلها عبدالعزيز : ايوه ي عيني عليك
خوله بغيض : اقول لا يكثر انت ووجهك ذا

قربها معه للمرايه الي قدامهم ، شفيه وجهي حلاته فديتني

كان الشبه بين خوله واخوها عبدالعزيز كبير ، نفس لون العيون البني الأسر ، عيونهم ناعسه وواسعه ، نفس لون الشعر البني الغامق ، شفايفها المليانه وشعرها الي يوصل لتحت كتفها
وشعره الكثيف الي مو طويل لكن مو قصير مره ، كان الشبه بينهم كبير مره ملامحهم حاده زي بعض ، كل واحد تميز بشي يخص فيه بينهم فارق العمر
خولة 17 وهو 23

كانو يتأملو انفسهم بسرحان
بالمراية

خوله بسرحان : عبدالعزيز .. عبدالعزيز

عبدالعزيز بنفس السرحان : هاا ..

قامت خوله بسرعه وضربته ودفته وهي تجري وهو يلاحقها بصراخ

*^*^*^*^*^

كانت قاعده على سجادتها تصلي وتدعي ربها .. وهو الي يعلم بضيقتها .. ربها وبس
قامت بعد ماصلت الشفع والوتر ودعت ربها
شالت جلال الصلاة وحطته بالدولاب
ناظرت نفسها بالمرايه كانت لابسه بيجاما سودا وفاكه شعرها على راحته
لفت ورا وشافت اختها اسرار .. ابتسمت بعفويه وهي تعدلها وتغطيها كويس .. علت تبريد التكييف وطفت نور الابجورة ورمت نفسها عالسرير ونامت بدون محاولات من التعب

*^*^*^*^*^*^



بثقة:هه ،ولو يا أم رائد

ام رائد :اعلى ما فخيلك اركبيه يا "وباستهزاء" ام مراد .

ام مراد بهدوء مُطنش :يلا استأذن منك حبيبتي

ام رائد : قهوتك ي ام مراد

ام مراد وهي تقوم : مشروبة زاد الله فضلك
والتفت وهي تلبس العباية بعد ما اشرت ام رائد للخدامة ترافقها لبرا ،

****
***
**
*

اسرار : ميس بما ان اليوم كان أخر يوم اختبار
وعندنا اجازة اسبوعين ، بنقضيها كل يوم بنات عمك عندنا ولا احنا عندهم !

وبتفكير : لازم نغير روتيننا الاجازي

ميس بضحكة : الاجازي ، حلوة حلوة

اسرار بنص ابتسامه : ها ايش قلتي ؟

ميس بتفكير : خير ان شاءالله لو جا ابوي

وكملت تطقطق بجوالها


*^*^*^*^*^*

قراءة ممتعه انتظر ارائكم ..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-12-16, 07:54 PM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بِسم الله الرحمن الرحيم

وبهِ نستعين

_________________________
الثاني.

**

اسرار : ميس بما ان اليوم كان أخر يوم اختبار
وعندنا اجازة اسبوعين ، بنقضيها كل يوم بنات عمك عندنا ولا احنا عندهم !

وبتفكير : لازم نغير روتيننا الاجازي

ميس بضحكة : الاجازي ، حلوة حلوة

اسرار بنص ابتسامه : ها ايش قلتي ؟

ميس بتفكير : خير ان شاءالله لو جا ابوي

وكملت تطقطق بجوالها متجاهلة نظرات أسرار

اسرار وهي تلف تعطيها ظهرها ،
وبنبرة غاضبة .. : ابوي هنا من زمان .. خلي عنك هالجوال شوي وتعالي ننزل نكلم ابوي

ميس بتنهيدة : اوهو اسرار ، مو لازم الحين بعدين ابوي مشغول تعرفي طبيعه شغله المزحومة دايماً ،

اسرار وهي تلف عليها وتقعد قدامها : طب الاجازه قصيره حيل ، ومن زمان ما اجتمعنا يا ميس ما نجتمع الا عالفطور وكلن ينطلق لشغله والله اشتقت للمتنا والله
ميس بنبره حنونه : ابشري الحين ننزل ، وتمد يدها لاسرار متوجهين لتحت

*^*^*^*^*^*
بعد الظهر تلقاها

وبنبرة مهدده : ويل ويلك تضيعها من يدك!
وبصراخ : فاااهم!

رد عليه بسرعه : فاهم فاهم طال عمرك

زفر بضيق وهو يدخن سيجراته المالبورو
لف بعيونه يناظر الباب ينقفل وراه ،
ورجع ثبت نظره على شاشه الاب توب الي قدامه

#######

$ رغــد $
ذبحني الحر ، رفعت عيوني اتامل السما ورجعت عيوني لتحت وانا الم نفسي بايديني ، تاخر فراس غير عن العاده ، واليوم حر بعد غير عن العاده بعد .. زفرت بطفش وانا اتامل الطالبات يطلعون من المدرسه ، وعيوني تتنقل من مكان لمكان ، كان ودي اظل بالمدرسة بس الزحمه وسوالف الابلات طفشتني ،لا اله الا الله تأخر فراس مره والشارع بدا يفضى ، استقرت عيوني بالارض وانا افكر بالاشياء الي رح اشتريها

"""
""
"
: اففففف مو وقته !!

مازن بتعب وهو ينفض ايدينه :غرزت اي والله
فارس وهو يمسح العرق الي تجمع على جبينه
: رغد لها سنه تستناني تاخرت عليها
مازن: انت الله يهديك كان خليت رائد يجيبها وهو يجيب ليان
فارس وهو يزفر بضيق :شسوي كانت تبيني اوديها للمكتبه والسوق
مازن وهو يلف ويدور:احنا شجابنا لذا الطريق اصلا
كله تراب
فارس وهو يدخل ايده بجيبه : بتصل على رائد يجينا ورفع الجوال لاذنه

ان الهاتف المطلوب مغلق حالياً الرجاء معاودة الاتصال في وقت لاحق ، the number is...

وقفل الجوال بدون ما يسمع التكمله
بقهر : مقفل

مازن:بتصل على طلال ، عبدالله لو افجر جواله ما صحى هو وعبدالعزيز

الو ، ... ايه ..... مدري عنه مقفل .... مو معنا .. غرزت انا وفارس ...لا رغد ...ايه. طيب...
ورفع نظره لفارس وهو ياشرله يجيب رغد اول

اي ايه معاك...لا...مدرسة ال،، ...طيب لا تتاخر .. احنا ورا النور ... طيب تعال من ورا لاتغرز.. اوكيه باي

وهو يرجع جواله لجيبه : فالطريق

؛؛؛؛؛؛

وقفت وهي تتامل الستاره باللون الاسود بسور ابيض وصلتها تتامل المنظر الخارجي ، مساحه خضرا بجلسه صيفيه ومرجيحه بالخلف ، التفتت لورا وهي تشوف مازن جا ، بابتسامه : هلا اخوي العزيز

مازن وهو يرمي نفسه عالكنبة البيضا بخداديات سماويه وكحلية : هلا هلا ريومه

ريما بابتسامه : ابوي يسال عنك

مازن وهو يقوم : خير ان شاءالله

ورجع مع خطواته وهو يقول : صلحي لي شي باااارد

ريما بهدوء : اوكي

"""""""""""""

بهستيريه وخوف : ببعععدددد عني يااكلب بعد عني ياناسسس فررااسسس

الرجال وهو يحط على انفها منديل ويجرها للسيارة بسرعة خوف يشوفه احد
وكاتم ومتجاهل صرخاتها

.
.
.
.
.
.
ام رائد بقلق وهي تمشي بالمجلس
رايحة جاية : وينها اختتتك واخوك!!طيب سوق بس للعشا! والتفتت وهي تشوف فارس يدخل مع الباب والهم باين بعيونه

ام رائد وهي مقفله حواجبها : وين اختك فرااس!!!

فراس بتردد وخوف : ي يـ مه ر رـغد اختفت

جرت ليان بسرعه لامها وهي تشوفها تطيح وتصرخ : يمه يمه اهدي بنلاقيها

ام رائد : وينها اختك فراس وينها

فراس حكى لهم السالفة باختصار
وهو يتذكر لما جاهم طلال وهو يقول انه مالقاها
رجعو ودورو وسالو الادارة وخبروهم انها طلعت من اول ، لفو الرياض لف وهم يدورونها بس للاسف ما لقوها واستسلمو راجعين بنية يبلغو بكرا عنها

ام رائد من غير وعي وبصراخ : للياننن جيبي عبايتي يامجنونين بنتي بنتي مومعي الله عالم باراضيها بدور عنها بدور

فارس وهو يمسك يد امه ويهديها : امي دورنا عنها بكل الرياض ، انا وطلال ومازن ورائد
ما لقيناها يا امي وين بتطلعين الحين

ام رائد بمقاطعه : لااااا بنتي

فارس : امي والله بنطلع وبنبلغ الشرطة

ام رائد وهي ترفع ايدينها للسما : يارب احمي بنتي يارب

_______________________
قراءة ممتعه
عذراً للقصر



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 19-12-16, 12:51 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



‎بِسم الله الرحمن الرحيم

‎وبهٍ نستعين

__________________

- الثالث - 1

‎" طلال "

‎رجعت البيت وأنا دايخ ، كنا مقضينها دوارة على رغد وما لقيناها ! ، شي يحير فعلاً
‎مين الي له مصلحة يخطفها ! و وين راحت لو كان الموضوع بإرادتها , تعبت من التفكير وطلعت مع الدرج
‎بهدوء يشابه هدوء البيت الي الكل نام فيهمم
‎لفت نظري وانا بطريقي لغرفتي باب البنات مفتوح دخلت وانا ابتسم على منظرهم
‎طفيت الليت وسكرت الباب وراي وانا راجع لغرفتي

.
.
.
.
.
.
‎بإشمئزاز مرافق لسخرية : بأحلامك الوردية والله

‎رسم على شفايفه ابتسامه تحدي :مو انا الي انرفض يارغد !


‎رغد وهي مستغرة بداخلها من اكاذيب فهد
‎زفرت :انا ما سويت سواتك وهربت ,, كاني دجاجه

‎كانت عارفة حدة اسلوبها والكلام الي ترميه عليه من نص ساعه
‎لكنه كان نابع من قهر و حرقة قلب مكبوته من ايام طويلة

‎رمقها بنظرات تقيميه وهو طالع : كلامي ما اعيده

‎سندت راسها على الجدار ودموعها تحرق خدها ,حاولت تفك ايدينها بس ماقدرت كانت مربطة
‎بقوة قفلت عيونها وهي تتذكر أحداث الامس
‎ مرت عليها سيارة فجأة ونزل منها شخص ببدله سوداء
‎كانت تصرخ لعلى و عسى احد يسمع استنجادها لكن للاسف غطى انفها بمخدر ودخلها جوا السياره بسرعه

‎قفلت عيونها وفتحتها بسرعة ورا بعض ,وكانها تحاول تصفي ذهنها من الافكار السيئة ومن الخوف
‎الي سيطر عليها من الظلام والمكان الغريب البارد الي هي فيه

.

.
.
.
.
.
‎ميس بأبتسامة : هوو يمه ليش الدموع ! مو اول سفرة لابوي

‎ام طلال وهي تمسح دموعها : ما ادري

‎ابو طلال بحنية : خلاص يا مرة منيب مطول انا
‎كلها كم يوم وانا راجع ,وبابتسامة : لا تنسين ان وراكم طلال رجال عن الف رجال

‎ابتسمت ميس على طاريه : تبي اصحيه يبه لاجل تودعه

‎ابو طلال : لا يبه خليه تعبان
‎هز راسه وكانه اتذكر شي
‎ الا ياام طلال مافي اخبار جديدة عن رغد؟:

‎ام طلال بضيق : لا والله مافي اي شي للان

‎رفعت اسرار راسها على طاري رغد
‎تذكرت لما دخلت عليها ميس بالخبر الصاعق
‎" رغد انخطفت "
‎رغد كانت اقرب وحده لأسرار وكانت غاليه على قلبها حيل
‎الخبر انتشر بسرعه بين العائلة الي صدمهم كلهم
‎وسؤال واحد يتردد باذهانهم
‎مين له مصلحة
‎صحيح ان أبو رائد كان له سمعة بالبلد والكل يحترمه
‎وما كان له عدويين لاجل ينتقمون منه بهذي الطريقة وهو متوفي أساساً

‎صحت من سرحانها على ابوها الي ضمها
‎نزلت دموعها لا أيرادي
‎ بنتي ماله داعي البكى ان شاءاالله بيلقونها:
‎ساعديها بدعائك وترا ربي معاها وبيحميها

‎هزت اسرار راسها
‎ودع ابو طلال بناته وزوجته

‎خرج للسواق الي ينتظره برا

‎تتحركت السيارة متوجهة للمطار


.
.
.
.
.

‎قايلة لك لا تتصلين انتي ماتفهمين ماتفهمين !!:

‎ام مراد بهدوء : ابيها

‎ام رائد بقلة صبر : باي حق يا حرمة باي حق !

‎ام مراد بأندفاع : أمها

.
.
.
.
.

‎رمى نفسه عالكنبة وهو يغمض عيونه يتذكر الحديث الي دار بينه وبين ماجد

‎: ماجد افهمني البنت مختفيه

‎ماجد ببرود : عادي اذا لقيتوها برجع اخطبها

‎فهد بقلة صبر : يا ماجد يرحملي امك افهم مستحيل نوافق على الخطبة
‎اوكي انا موافق ولا تهمني بس وراها ام واخوان

‎ماجد : مو مشكلتي

‎فهد :
‎ايش المطلوب مني الحين انا

‎ماجد وهو يجيبها من الوتر الحساس : انا بعذب رغد تمام زي م تبي
‎وبدفعها هي واهلها ثمن المك انت وامك على كل لحظة اذوكم فيها
‎ها ايش قلت ؟

‎فهد بفرحة حاول يخفيها : وانا وش يضمن لي
ماجد:انت تعرف اننا اثنينا مطالبنا وحده
فهد :نلاقيها وهي لك
‎ قفل ماجد الخط وهو ضامن ان رغد صارت له
‎وصار الوقت انه يرجعها لاهلها

.
.
.
‎من ناحية ثانية عند فهد

‎كشر بضيق وهو يتذكر كرهه لرغد واهله الي عايش معاهم

‎وأبتسم متأمل خير بكلام ماجد الي على قولته بياخذ حقه ويبرد غله فيهم


.
.
.
.

‎: يلا قومي قامت قيامتك

‎رغد بغيض : قبلي ان شاءالله

‎قرب ماجد بعصبيه منها ومسك شعرها بقوة وثبتها على الجدار : لسانك لا تطوليه علي

‎رغد وهي تصرخ بالم : فك شعىري يا حيوان .. اااه راسي

‎ترك شعرها بعنف بطريقة خلتها تطيح على الأرض : يلا البسي عبايتك
‎رغد وهي تقفل عبايتها: ما برجع معاك ابي اخوي فرااس

‎ماجد حب يزرع داخلها الشك : ههههههههههههههه مسكينة انتي شكلهم لاعبين عليك
‎وما قالو لك الحقيقة باقي , لا تطلين فوق واجد بتنكسر رقبتك ،انتي مجرد متطفله على هذي العائله

‎رغد باستنكار واضح , حاولت تهدي نفسها و ركزت افكارها على انه
‎يبي يضايقها وبس باي كلام : رجعني
‎وأنت ساكت

.

.

.

.
توضيح بسيط للشخصيات

ابو طلال وزوجته ام طلال ،
طلال
ميس
اسرار
معاذ

ابو رائد سيف متوفي من جلطة قلبيه قبل سنتين
زوجته ام رائد ، سميه
رائد
فهد
فراس
رغد
ليان
سمر

ابو مازن عبدالله
وام مازن اروى
مازن
ريما
محمد

كل شخصية وطباعها بتتعرفو عليها مع الاحداث
احسن لاني مو من الي يحبو يطرحو كامل الشخصيات بالبداية كذا القارئ بينسى وبيكون الموضوع مزعج ف حبيت كل شخصية تتعرفو عليها على حسب ظهورها

نرجع للاحداث

.
.
.
.
.
بفرحة وهي تضم بنتها ودموعها تنزل : بنتي حبيبتي

رغد ما تنكر انها حاولت تكون قوية قدام ماجد بس كانت مشتاقة لاهلها واجد وخايفة لانه يقدر يسوي اي شي ، فكرت ايش ممكن تقول لاهلها ،، حبيبها و خطيبها السابق خطفها ؟ يهينها.. اكتفت بالسكوت الي حيرهم رغم محاولاتهم بانهم يعرفوا اي شيء بس الفرحة برجوع بنتهم كانت نوعا ما تساعدهم على التجاهل لحد ما تهدى

ضمت امها:وحشتيني يمه

-------
---
--

.. التكملة بكرا ان شاءالله
معليش والله بس تعبت سخونة وزكمه مفاجئة مدري من وين طلعت
يادوب عدلته وحاولت اطوله خصوصاً اني اكتب بالجوال.

شكراً لكل من تابعني واتمنى لو دخلت تقرا تترك تعليق يسعدني
وشكراً



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 21-12-16, 11:25 PM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم

وبهِ نستعين

______________________

الرابع ،

ضمت امها : وحشتيني يمه

ام رائد وهي تقرب بنتها لها : اشغلتي قلبي وفكري خفت عليك يارغد وين كنتي يمه

رغد بضيق وهي تدفن راسها بحضن امها: يمه تكفين

ام رائد : امري يا عيوني

رغد بخوف وهي تتذكر ماجد ؛ لاتخليني مهما صار

ام رائد بالم وهي تتذكر كلام ام مراد : اعوذ بالله بنيتي في احد يخلي روحه يا روح الروح

رغد بابتسامة : الله يخليك لي

ليان بابتسامة : واحنا مالنا رب وهي توقف جنب فراس

ام رائد بضحكة : انتو كلكم عيالي وحبايب قلبي

فراس وكانه يتذكر : يمه وينه فهد ما يجلس معنا واجد ولا نشوفه
عكس رائد الي الشغل كله عليه يحاول قدر م يمكن كل يوم يجلس معانا

كشرت رغد بضيق وبعدت عن حضن امها وكلام ماجد يتردد بأذنها ماتدري ليش كل شوي يطري في بالها والخوف يسكنها اذا تذكرته

ام رائد بتنهيدة : الله يهديه ياوليدي

هز راسه فراس

.
.
.
.
:مجنون انت ايش تقول!!

فهد ببرود : الولد شاري البنت وملكتهم بكرا ان شاءالله

رائد وهو يقوم بعصبية : لا مو على كيفك والله لو راسي يشم الهوا

فهد يطلع من بروده : انت شتبي وشوله الرفض ما تفهم انت ؟

رائد : انت م تستحي على وجهك! الولد تارك البنت من قبل وفاسخ خطبته معها ،، اذا انت مالك كرامه أحنا لنا ..و رغد بتغصبها على شي ماتبيه؟

وهو يقاطع فهد الي حرك شفايفه بيتكلم : انا قلت كلمتي وهي الي بتمشي

وطلع من الغرفه بقهر

- فهـد -
ضربت الطاولة بقهر
كيف الحين كل شي ضاع من ايدي ! رائد الكبير والكل راح يمشي على شوره وراح يخرب كل شي
غمض عيونه وهو يزفر

.
.
.
.
.
: ليش يا يمه ؟ كل ذا ماله داعي

ام مراد وهي تعطيه نظرة استحقار : انت مالك دخل و اسكت

مراد : يا يمه والله عيب الي بتسووه مافي شيء يجي بالغصب مافي والله

ام مراد بقهر : حرقت لي قلبي والله لا احرق قلبها

مراد وهو يهز راسه بضيق : لها ربي يا امي مو انت لان الي انتي الي بتسويه اكبر غلط

ام مراد : اقول انطم انطم .. انطممم

مراد وهو ياخذ مفاتيح سيارته متوجه لبرا .. حاول كثير مع امه لكن بلا فايدة

ام مراد وهي تحط رجل على رجل : قومي يابنت جيبي لي شي اشربه رفع ضغطي اخوك

دانه بهدوء وهي تقوم : ابشري يمه

.
.
.
.
: اااااه سيبي شعري يا كلبه اااه

ميس بضحك : مين عمتك مين

اسرار بقهر وهي ماسكة راسها : انتي انتي بس سيبي ياغبيه سيبي عورني راسي

ميس وهي تفك شعر اختها وتقوم : اص انا عمتك

لحقتها اسرار وهي تحاول تمسك شعرها : والله ماسيبك تخسين قال عمتي

وقفو على صوت الباب الي انفتح ودخل منه طلال

ميس بابتسامة وهي تلهث : هلا والله

طلال بادلها الابتسامه : هلا حبيبتي
وقرب لها وهو يمسك خدها

اسرار وهي تجري تحضنه : هلاا اخوي العزيز .. كملت بقهر وهي تناظر ميس شف المختله اختك طيحت شعري حشى واحد من العيال

طلال وهو يضحك : ماتتوبون انتو

ام طلال وهي تدخل : هلا هلا ولدي العاقل صجو راسي اخواتك بصراخهم

طلال وهو يبوس راس امه : هلا امي
.. ما يتوبون ابد هالشيطانات

اسرار : هي الي ما تتوب

ميس ببقت عيونها : يا نصابه

ام طلال : خلاص خلاص اسكتو
ولفت لطلال : جوعان يمه نحط العشا ؟

طلال وهو ينسدح عالكنبة؛ اي والله ياليت

.
.
.
.
فصلت الخط بقهر من الرقم الي يتصل عليها من الصباح وكل مافصلت يدق

رمت نفسها عالسرير بتعب وتفكير .. اشياء كثير ومشاكل كثير تصير بحياتها بعد وفاة ابوها .. بعد وفاة سندها عونها بسمتها بهالحياة .. دمعت عينها ورجعت ذاكرتها للوراء وهي تتذكر ابوها يموت قدامها ولا في يدها شي تسويه ، هذا الشي الي يغصها دايماً وكل ما تذكرت .. والشي الي غاصها اكثر المشاكل الي قاعده تطلع بحياتها كل يوم .. واولها ماجد
صحت من تفكيرها على رنة رسالة
مدت يدها للكوميدينو وهي تاخذ الجوال

" انا ماجد ..ردي لا اقوم عليك الأرض "
كشرت بضيق وقلبها تسرع دقاته
وشوي والرقم يتصل من جديد اخذت نفس وردت بتردد :الو
ماجد بعصبية : بدري ي ستي
رغد ببرود : ما ارد على ارقام غريبة .
ماجد : ما علي منك من اليوم وجاي ما اتصل الا وتردين فاهمه
صرخ بعد سكوتها الي دام : فاهمه ؟

رغد بتنهيدة : طيب ..اش تبي انت الحين ؟

ماجد وهو يبتسم نص ابتسامة : بكرا بجي واخطبك. ويا ويلك اذا ما وافقتي .. تعرفيني وفهد بيخليك توافقين غصب عنك

رغد بصراخ : انت ماتفهم ما ابيك ما ابيك ماعندك كرامة اطلع من حياتي

ماجد :لا ما عندي والي عندي قلته

رغد بصوت مخنوق:مابيك .. انت ليش تسوي فيني كذا وش سويت لك ؟

ماجد :والله كيفي

رغد : الله ينتقم منك .. الله ينتقم منك

وسكرت الخط في وجهه

-رغد-
دفنت راسي بالمخدة ودموعي تنزل ليش يسوي كذا فيني بدون سبب

بيندفن عمري مع شخص ما ابيه ولا اطيقه هانني بما فيه الكفاية ، انا مستغربة من نفسي ليه ساكتة
ايش الي يمنعني؟
ليش انفذ رغباته ليش!!
ليش اخضع له
ليش ؟.

-
رفعت السماعة بدون تردد
اخذت نفس لما سمعت صوته
: برفضك ، واعلى ما بخيلك اركبه انت م تقدر تسوي لي اي شي

ماجد ببرود وبيده دخانه : بسيطة افركش شغل اخوك رائد ، اطلع عليك اي سمعة سيئة امم .. زي انك بتطلعي مع عيال
وكمل باستهزاء : تعرفين كل شي سهل الفبركة واوراق مزوره تقفل شركة اخوك
لا وبعد سمعتك وصور عنك وتوصل لامك وتجيها جلطة هي بعد .. وضحك بسخريه

رغد ببكاء وصراخ : ااايش تبي منييي سيبني بحالي حرام عليك
وسكرت الخط وهي ترمي الجوال عالارض بقهر
مسكت راسها الي بدأ يصدع
وكلامه يتردد بإذنها

.
.
.
.
- ماجد -
هههههههه قلك ترفضني ، صدقيني رغد بتندمين على قوتك المصطنعه وطوله لسانك ، كل شي بينكشف وبتعرفين ان قوتك كلها بتروح هباء منثوراً . -


.
.
.
.
شارع طويل مزحوم بالناس .. السيارات .. ومحلات والمطر ينزل عالخفيف
فجأة كل شي يسود بوجهها‏ ويظهر الشخص الي تكره شوفته من كل قلب
كان يقرب منها بطريقة مخيفه
قامت مفزوعه من نومها
ونبضات قلبها تسرع
بدات الدموع تتجمع بعيونها مسكت راسها بايدينها وهي تقفل اذونها وتقفل عيونها بقوة
وكانها تحاول تهرب
بدأت تصرخ بدون وعي

_________
قراءة ممتعه


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 25-03-17, 02:58 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


♪♪
بِسم الله الرحمن الرحيم
وبهِ نستعين

________________________
-الخامس-

بدأت تصرخ بدون وعي وهي تقفل اذونها بقوة
وكل صرخه اقوى من الي قبلها

اسرار بفجع وهي توخر الفراش وتروح لها : ميس .. ميس حبيبتي بسم الله حلم اهدي ..

مسكت ايدينها وبعدتهم عن اذونها وهي تلمها لحضنها وتقرا عليها : تعوذي من الشيطان تعوذي من الشيطان كابوس بس ياعمري كابوس

ميس وهي تتمتم وسط بكائها : يبعد عني يبعد .. يبعد

غمضت عيونها اسرار وهي تشد عليها ومستمره بالقراية

انفتح الباب بسرعه ودخل معه طلال الي انفجع من الصراخ وكان محيووس شكله شعره مبعثر وعيونه الناعسه محمره من السهر وكانت بجامته السوداء محيوسه على جسمه
جرى لميس وهو يقول بخوف : بسم الله حبيبتي شفيك تعوذي من الشيطان
سحبها من حضن اسرار وهو يشد عليها .. : ميس عيوني .. شفيك تعوذي من الشيطان .. ميس انتي بخير .. تكلمي

ورفع نظره الاسرار بنظره متسأله اذا كان الشي الي في باله صح ولا لا
هزت اسرار راسها دليل على الموافقه
ورفعت كتوفها بقله حيله

اما طلال ظل شاد عليها

ميس وهي تبعد خصلات شعرها المبعثره على وجهها وتنسحب من حضن طلال بهدوء : ا ... انا كويسة .. خ خلاص

اسرار وهي تمد يدها للمناديل وتمدها لها : اكيد؟
ميس بهدوء وهي تاخذ المناديل : ايه
طلال بارتياح وهو يمسك ايدها : الحمدلله ... قومي غسلي وجهك ياقلبي
ميس وهي تقوم : ان شاءالله . خلاص ارجعو ناموا انا كويسة بغسل وبكون احسن .. وبنام

هز طلال راسه وهو طالع ما يبي يضغط عليها اهم شي انها هديت الحين

.
.
.
.
- ميس -
فتحت الموية بهدوء وانا اتامل نزولها مع الكباس .. هالشي يطاردني من اكثر من خمسه شهور حاولت انسى هاليوم بكل مافيني لكن للاسف ما قدرت .. يلاحقني ويكتمني وكان قدري كتب اني اعيش بخوف يطاردني .. يااارب صبرك
--
فكت الشباصه الي في شعرها ونزل وانسدل على كتوفها كان طويل ويجذب الكل مع سواده ..مدت ايديها بخفه تلمه من جديد وهي تتامل انعكاس صورتها على المراية .. رفعته فوق ومسكته بالشباصه .. مدت ايديها للموية وهي تغسل وجهها اكثر من مره

.
.
.
.

رفعت الجوال بقهر وهي تشوف الاسم الكريه بالنسبة لها يضوي الشاشه يالله صباح الخير الساعه 6 وهي ما نامت من قهرها ويتصل عليها الصباح بعد
ردت بهدوء : نعم
ماجد وهو يأشر للي قدامه يطلع : نعامة ترفسك
ردي باسلوب محترم على زوجك
رغد بقلة صبر وهي تمسك راسها : ايش تبي ؟
ماجد: اسمعي وياويلك تعصين الي اقوله .. اليوم بالليل .. بجي انا وهلي واظن تعرفين ليش
وكمل وهو يرجع على الكرسي ويسترخي عليه : عشان نملك وو ازيدك من الشعر بيتاً ي زوجتي العزيزه نملك اليوم وزواجنا بكرا وضحك بسخريه .. طبعاً ما يحتاج اقول لك ابد وش ممكن اسوي اذا رفضتي .. ياويلك رغد والله ياويلك
رجع يده ورا راسه وهو يقول .. اممم ويلا ابي اشوفك حلوة اليوم بااي قلبو
وسكر الخط بدون ما يعطيها فرصه تتكلم وهو يبتسم ابتسامه خبيثه

رفع يده للدرج وطلع مفاتيحه اخذها وهو يطلع متوجه لبيته ..

.
.
.
.

مسكت راسها بقهر وهي تحارب نزول دموعها .. ما بيدها تسوي اي شي .. مستحيل تخلي رائد ينكسر ظهره بسبب رفضها مستعدة تعيش بذل .. جدا مستعده ولا ان رائد يخسر

شغله الي معروف فيه او ينقال عنه كلام .. او يخيب ظن وفخر الناس فيه بسبب كلام كذب .. تذكرت تهديده الثاني وحست بقلبها ينقبض

امها !! اغلى من عيونها الاثنين .. مستحيل تسوي شي يشككها فيها مستحيل تخسر ثقه امها مستحيل تنزل راس امها .. مستحيل بمجرد ماتفكر انها ممكن تخسرها او ممكن تنأذي تتعوذ من الشيطان الف مره .. رغد كذا اهلها فالمرتبة الاولى خصوصاً امها
غمضت عيونها وهي تشوف ان ما قدامها حل غير الموافقة مع ان داخلها الف صراع عكس برودها الخارجي .. تحارب دموعها وهي من داخل تغلي

الشي الي مصعب عليها الموضوع اكثر واكثر ان هالطعنه من الانسان الي عشقته ..

تمددت عالسرير وهي تغمض عيونها ((بوافق ومستحيل أأذي اهلي .. مستعده اواجه كل شي الا هالشي .. مستحيل ))

.
.
.
.
.
.

بصدمه : رغد!! بنت عمي ماغيرها يبه
ابو مازن وهو يحط فنجال القهوه على الطاوله : اي والله
ام مازن بهدوء : هو يمه وشفيك مستغرب هم مملكين قبل .. بس صارت مشاكل .. ورفعت حاجبها بس سبحان الله النصيب نصيب
مازن بفهاوه : بس مو كانه كل شي صار بسرعه

ابو مازن بتفكير : عادي ابوي .. وهو يلتفت لزوجته .. المهم يا مرة اجهزو اليوم وما اوصيك لا تقصرين معهم

ام مازن وهي تقوم : افا عليك ما يصير الا الي يسرك

عبدالعزيز وهو يلف لريما : الحين القردة دي ببتزوج
ريما بغيض : قردة بعينك .. وهي تشرب العصير .. عادي وشفيها مب بزر

عبدالعزيز بتطنيش وهو يقوم : ننن قومي بس انا بروح مع خويي

هزت ريما راسها وهي تقلب بالمجله الي في حضنها

.
.
.
ابتسمت : افا عليك ما بنحتاج كوافيره انا الي بسويلك مكياجك
رغد وهي تحاول تبين طبيعيه وهي تتذكر كيف ميس شاطرة بالمكياج : تسلمين ي قلبي
ميس بابتسامه : الا وكبرتي يا رغدوه وبتتزوجين
رغد بضحكه يادوب تطلع : عقبالكم .. وهي تتذكر : الا وين اسرار
ميس وهي تتامل ايدها وتحركها : قدام التلفزيون تحت
المهم حبيبتي انا ما اطول عليك انتي عروسه وم عندك وقت وضحكت
رغد : اقول ترا الوقت ضيق بنمشي للسوق العصر ونرجع طيب
ميس : طيب .. يلا حبيبتي الوعد العصر
رغد : طيب ياقلبي .. وقفلت السماعه
قامت وهي تدخل الحمام بتاخذ شور
اليوم بتحاول تكون طبيعيه لاقصى درجه تقدر عليها .. بتنسى عالاقل قدام الناس واهلها ما تبي تشككهم بشي
دخلت داخل البانيو وهي تزبط درجه المويه وتفتحها وغمضت عيونها

تذكرت الحوار والنقاش الي صار قبل ساعه في البيت

.
.
ام رائد : وشلون يمه
فهد : يمه الولد شاري البنت وندمان
رائد برفض : وصل له رفضنا وقول لــ

رفع نظره لرغد الي قاطعته وهي تنزل مع الدرج : وليش الرفض ياخوي

رائد بتعجب : نسيتي الي سواه

رغد وههي ترفع نظرها لفهد وتنزل نظرها وضحكت ضحكه سخريه بداخلها فهد هو الي مفبرك كل شي بس اخفو هالشي عن رائد عشان رائد متهور ويمكن تصير مشاكل بينهم : الي فات مات يا اخوي وانا استخرت وارتحت .. ليش نوقف بوجه النصيب .. الولد ندمان وانا دام امي واخوي فهد موافقين انا موافقه ..

رائد : بس يا

رغد بمقاطعه وهي تاخذ نفس ولاول مره تكون بهالجرأة مع اخوانها : كانك مب موافق ياخوي يحرم علي .. بس انا اعرف سبب رفضك لكن ارتاح من ناحيتي

ليان وهي تتامل رغد وبداخلها الف علامه استفهام كيف تغير حال رغد وهي كانت كارهة ماجد اشد الكره

ام رائد : خلاص ابوي رائد .. كلنا موافقين وانت ادري انك موافق .. صح الولد غلط بس ندمان وكلنا نغلط نحن بشر ومو معصومين عن الخطأ
وان شاءالله هالزواج فاتحة خير ولفت نظرها لفارس الي كان مؤييد لرائد

هز رائد راسه وهو مرتاح شوي من كلام امه الي اقنعه : والله ان عادت حركته او كان يسوي شي مع رغد انه لا يندم

فهد بسرعه : يخسي اكيد كلنا ما رح نرضى .. وقال بصوت عالي .. ابلغه الموافقه ؟

هز الكل راسه حتى فراس صح انه رافض وفي شي مو مريحه داخلياً بس ما يقدر يوقف بطريق اخته استأذن وطلع لغرفته

رائد : بس وشلون اليوم مستحيل مانقدر لا والزواج بكرا !!

فهد بنفس سرعته السابقة : احنا بزبط كل شي ورغد تطلع مع بنات اعمامها وعماتها وامها وتحضر اليوم طويل والملكة فالليل ,,والزواج بيكون عائلي اساساً لان ماجد بيسافر وبياخذ معه رغد ك شهر عسل

كشرت رغد بضيق بداخلها بس ما بيدها تسوي اي شي

رائد بهدوء وهو يشوف الاصرار بعيونهم : طيب اتكلنا على الله وهو يقوم

قام فهد معه وهو راسم على شفايفه ابتسامه نصر وهو فرحان وييطير من الفرحة ،، اخيرا قدر انه يقنع كل اهله حتى رغد الي اقتنعت من حالها بس من فرحته طنش هالشي لان ما همه الا ان يتم كل شي على خير

.
.
.
رجعت لواقعها واستسلمت للدموع
حاولت تحاربها قدر ما تقدر لكن للاسف كل شي موقف في وجهها ..اخذت الليفه وبدات تنظف نفسها متجاهله دموعها ...بدات تحط من الماسكات والمقشرات وانواع العناية الي جابتها امها وليان

.
.
ريما بقهر : وينهم رغد وليان لنا ساعه نستناهم
عبدالعزيز وهو يقلدها من بعيد وهو واقف مع اولاد عمامه

ريما بعصبيية ونرفزه : اسسكت وهي تلتفت طفشتني تراك

عبدالعزيز بصوت يضحك : اثكت تفشتني تراك انننن اننن

ريما وهي وصلت معها : وقسم بالله ان ماسكتت لا ارميك بذا الصندل

ضحكو البنات والعيال عليهم
اما ريما نزلت راسها من الفشيله نست انهم بالمواقف وان عيال عمامها معها

رفعت راسها وهي تشوف رغد وليان وصلو مع فراس

تقدم محمد برزانه وهو يمد يده لفراس ويسلم عليه سلام الرجال المعتاد : اخبارك طيب مبسوط

فراس بعد م سلم على محمد السلام الاخير : الله يسلمك حبيبي اخبارك انت شمسوي

محمد بابتسامه : بخير الله يسلمك

اما رغد وليان راحو للبنات وفراس كمل يسلم على باقي العيال

وتوجهو داخلين للمول على امل يخلصو قبل المغرب

.
.
.
بتحدي : ما عليك امورك طيبه

بشك : اكيد؟ انا ابي حقي وبس

بابتسامه : افا عليك

.
.







_________
قراءة ممتعه

اشوفكم بكرا ان شاءالله


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 25-03-17, 02:59 AM   #8

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


♪♪
بِسم الله الرحمن الرحيم

وبهِ نستعين

___________________
- السادس -

بتحدي : ما عليك امورك طيبه

بشك : اكيد؟ انا ابي حقي وبس

بابتسامه : افا عليك

.
.
بتفكير وهي تقلب الفستان بيدها : ما عجبني
اسرار بهدوء : رغد ما عندنا وقت شفنا فوق 10 فساتين وما عجبوك

رغد وهي تلتفت على فراس : ماعجبني برضو .. يلا فراس نروح لذاك المحل

البنات بقلة صبر الي لفو السوق لف وما عجبها شي والوقت محدود

دخلو محل ثاني والبنات بدأوا يدوروا فيه ويشوفوا القطع الموجودة

اسرار بابتسامه : ريما

ريما وهي تتفرج على بلوزة : هممم

اسرار بنفس الابتسامه : شوفي ذا
ريما رفعت عيونها على الفستان الي تاشر عليه اسرار كان لونه اسود يوصل للكوع ولتحت الركبه فتحه الصدر مميزه وشبه واسعه من فوق رمادي فاتح باسود ومن تحت الصدر بشوي ماسك والباقي فضفاض بطريقه حلوه واسود

ريما : يجنن مره خذيه

اسرار : جد

ريما : اي والله

اسرار وهي تاخذه : خلاص بشوف المقاس وباخذه

ابتسمت ريما وراحت لرغد الي واقفه عند مجموعه فساتين : ما لقيتي شي
رغد بسرحان : لا باقي
ومشت خطوات مع ريما
وطاحت عينها على فستان معلق لحاله كان كم طويل ومن تحت طويل بعد للرجول من فوق لونه بيجي فخم وفتحه الصدر على شكل سبعه توصل لتحت الصدر ومن تحت لونه اسود مفصل على جسمها ومبرزه بطريقه حلوه

رغد بابتسامه : ابي ذا حلو مره

البنات مع بعض : اخيرا
وبدات تعليقات الاعجاب عليه
واخيرا حاسبو وطلعو وقابلو العيال الي كانو مخلصين اغراضهم من كبكات وجزم اكرمكم الله

طلا: خلصتو كل شي ؟


ميس : ايوه

طلعو بسرعه خوف على الوقت متوجهين للبيت

.
.
.
.

دخلت رغد للبيت مع البنات اما العيال وصلوهم ومشو الي اما يقضي حاجه او يتجهز او يساعد ..

تاملت رغد الديكور والزينه الي سووها فالبيت كان تنسيق مرتب من ورد احمر وابيض معلق بامكنه مختلفه وفي الدرج فرشوا بساط اسود
والطاولات كانت منتشره ومزينه بطريقه جدا فخمه
اللون الاسود والاحمر احتلو المكان وكل لون اخذ مكانه في شي

قاطعت ليان سرحانها : يلا نطلع ياعروسه

وسحبوها البنات فوق

.
.
.
.
.
رفع سلاحه بسرعه وهو يوجهه على ورا التفت بنظره بالمكان وهو يتاكد ان ما في احد
عقد حواجبه مستغرب من الصوت الي طلع بس مافي احد نزل المسدس وهو ماسكه بيده وكمل مشيه
بالمكان الي يتخلله نور بسيط وسط الظلام

كانت عيونه مثل ما يقولو اربع اربع لانه حس بشي غريب يلحقه مع انه كان يتفحص المكان وما يلقى احد

حس بصوت ثاني ولف عشان يشوف وهي واصله معه من هالاصوات الي تاكد له ان الموضوع غريب !!! لكن ما امداه يلتفت وحس بمسدس يتثبت على راسه غمض عيونه
وهو يرفع ايدينه بالهواء

بنبرة حاده : ارمي سلاحك

رد عليه بجمود : لا تلعب معي

يرص على اسنانه : ارميه .. وضغط على راسه بقوه كتهديد

رمى السلاح ووخره برجله
قال : ما انصحك تلعب معاي .. ابد ما انصحك

:كنسل الخطبه والاثنين بنعيش بسلام وبدون لعب

ضحك بسخريه : فاحلامك كمل بنبرة منخفضه : كانك رجال نزل السلاح نتفاهم

: والله ما يحصل لك خير ان ما كنستلها يا ماجد بن مشاري وضحك بسخريه

توسعت عيونه بصدمة .. مين هالشخص الي يعرف .. مين ! : من انت واش تبي

ببرود : كنسل الخطبه

: باحلامك احلم بهالشي وتراك جالس تاخرني ..

التفت وهو يحس بصوت جاي
قال بسرعه وهو ينزل المسدس ويحطه بخصره : الي عندي قلته وخرج بسرعه من المكان

.
.
.
.
قفلت الموية بهدوء وهي تسحب المنشفة من الرف .. خلاص ما عاد في اي مفر ساعات قليلة تربطها بماجد .. نزلت دموعها وهي تضغط على كتفها بقوة وبكيها يزيد ودموعها تحرق خدها .. تعبت تمثل .. تعبت تمثل دور رغد المبسوطة بزواجها وكانها اسعد عروسة في الدنيا رفعت ايديها وهي تلف المنشفه على راسها ودموعها مستمرة بالنزول ..وعيونه مثبته بمكان وتفكيرها يوديها ويجيبها
رفعت راسها على صوت دق الباب

:رغد.. بسرعه ما خلصتي

رغد وهي تمسح دموعها بسرعه وتروح للباب تفتحه : خلاص خلصت

ريما باستغراب : ليش محمرة عيونك

رغد بابتسامه : دخل فيها الشامبو

ضحكت ريما وهي تاخذ رغد تبدل ملابسها

.
.
.
.

اخذت نفس وهي تتامل تفسها بالمراية .. ماتنكر ان شكلها طالع حلو بفستانها البيجي والاسود الي ابرز جسمها بطريقه حلوة .. ومكياجها الي بني مدموج بالبيج مع رسمه الايلاينر والروج البني الفاتح .. وملامحها المتناسقه مع شعرها الي بس كوته ولفلفته من تحت بطريقه حلوة
ضغطت على ايدينها بتوتر وهي حاسة بالدموع
تمنت تكون مبسوطة بهاليوم مثل كل البنات .. حست بغصه لكت كتمتها بكلمه الحمدلله
اخذت نفس .. 2 4
وهي تحاول تخفي ملامحها

اسرار بابتسامه : يلا عيني الزفه

رغد عقدت حواجبها : بدري !

اسرار : لا مو بدري

اخذت رغد نفس وهي تغمض عيونها
وفتحتهم على دخول البنات .. ميس بفستانها الاسود وبسور فضي عند فتحة الصدر وتسريحتها ومكياجها الناعمين .. ليان بفستانها الخمري والمكياج الاسود الرايق
ريما بفستانها الليلكي والكعب الذهبي وشعرها الكيرلي مع الاي لاينر العريض والروج الغامق وابرزت جفنها بظل بني ..

ريما بابتسامه : خلصتو

اسرار وهي تشوف نفسها بالمراية فستانها الي اختارته بالسوق ومكياجها الذهبي الرايق وروجها الغامق وشعرها المفتوح على راحته : ايوه الزفه الحين بس ننتظر عمتي ام رائد

قربت اسرار من رغد وهي تمسك يدها : يلا حبيبتي

ومشو على دخول ام رائد الي ضمت بنتها وهي توصيها وتقرا عليها : الله يحفظك يا عيوني

رغد الي بدت الدموع تتجمع بعيونها :يـ يمه

البنات بصوت واحد : لاااا تبكين

قربت اسرار منها وهي تاخذ فرشة المكياج وتعدل تحت عيونها : لا تخربين مكياجك

ام رائد مسكت ايد رغد ونزلوا تحت

وكان بانتظارهم ام مازن وام طلال و خالة رغد ام تركي ..

زبطو رغد ووقفوها ببدايه الدرج والبنات يقرو عليها


.
.
.
.
- رغد -
حسيت ان دموعي بتنزل خلاص .. وحرارة جسمي بدات تزيد وكل الافكار السيئة تدور وتدور براسي .. شديت على يد اسرار بقوة وكاني استمد منها القوة .. رفعت راسي وانا اسمع صوت الموسيقى بدات .. يعني بانزف خلاص ..شفت امي تبتسم بوجهي وهي تمسك ايدي واسرار من اللجهة الثانيه وبدأنا ننزل الدرج واصوات الحريم والزغاريط تعلى
بس الموسيقى كانت اعلى منها


‎هذا البدر في جبينها
‎ ولا إبن عم البدر
‎هذا الثنا هذا الثنا
‎في خدها ولا الثنا من خدها

..
..
‎من قدها وجه الضيا
‎من قدها غصن الزهر
‎انا أشهد ان البنت
‎ هادي صدق ما حد قدها

..
‎يا سامعين صلوا وسلم على سيد
‎الانام محمد صلى الله عليه
‎يا سامعين صلوا وسلم على
‎ سيد الانام محمد صلى الله عليه

وبدات تكتمل الزفه ودموعي نزلت .. لا محال بنزولها .. ماعدت اتحمل اكبت اكثر شديت ايدي على ايد امي وانا يادوب انزل .. ابتسمت على ذوق رويدا بالزفه .. بنت خالتي ام تركي
ابتسمت مرة ثانية على غبائي بالتفكير
حسيت بصعوبه وانا انزل وكل ما نفسي ينقص
ودموعي تنزل بدون ما احس فيها

اخذت نفس بارتياح بعد ما خلصنا نزول الدرج

--
بدأوا الحريم بالسلام على رغد والتباريك
تزيد ..

ريما بابتسامه ؛ الف مبروك

رغد بخنقه : الله يبارك فيك

لفت على امها وهي تقول ان عمها يبيها توقع على الملكة غمضت عيونها بالم وهي تشوف ان هذا الواقع المحتم .. تمنت ان هذا ابوها مو عمها تمنت ان ابوها هنا ويوقف معها
كان ماجد ما استرجى .. كانت وقفت ماجد عند حده .. كانت وكانت والاهم انها كانت انبسطت .. وحست باحساس اي عروسة

مشت بهدوء مع امها
شافت فراس يبتسم لها وبايده الدفتر
مدت يدها للقلم وهي تغمض عيونها وتوقع بسرعه

.
.
.

ابو ماجد بابتسامه : الف مبروك يابو طلال

ابو طلال وهو يسلم على ابو ماجد : الله يبارك فيك ياخوي ..

طلال : الف مبروك ماجد منك المال ومنها العيال

ماجد : الله يبارك فيك يالغالي

فهد بابتسامه : الف مبروك حبيبي

بادله ماجد الابتسامه بس كانت ابتسامه نصر : يبـ

: الخطبة هذي مارح تكمل

الكل رفع عينه بوجه الي دخل .. طويل وجسمه عريض بعضلات خفيفه .. كان عنده دقن وشنب وغمازه بخدينه .. شعره كثيف على قصر الي تغطيه الغتره وحواجبه مرتبه وحاده ..

ابو طلال باستغراب :من انت

ماجد ببرود ظاهري وهو حافظ هالصوت: الخطبة تمت وخلصت .. اصلا بصفتك مين تتدخل ؟،

رد بنبرة حادة وهو يضغط على ايده من القهر ان كل شي تم وجاء متاخر : انت مالك حق في البنت ولا بالناس الي عايش بينهم .

.
.
.


لا تحرموني الردود لانها هي الي تدفعني لقدام

اشوفكم السبت على خير




قراءة ممتعة



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 25-03-17, 03:01 AM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


♪♪
صباح الورد يا حلوين
صحيت بدري وحبيت انزل لكم البارت لانه خلص والحين تقريبا سبت. ^_^

طبعاً انا ماني راضيه عن البارت حاسة انه مو في المستوى المطلوب الي كان فبالي يمكن لاني ماقدرت ارتب الاحداث لكن بنزله لكم لاني تعبت فيه وهو الانطلاقه لاحداث الرواية

نبدأ
بِسم الله الرحمن الرحيم

وبهِ نستعين

______________________

-السابع-

رد بنبرة حادة وهو يضغط على ايده من القهر ان كل شي تم وجاء متاخر : انت مالك حق في البنت ولا بالناس الي عايش بينهم .

رفع محمد نظره ببرود بين الطرفين. وهو يزفر ..

ماجد وهو يضبط اعصابه : انت وش قاعد تقول

رفع حاجبه بانتصار لانه حقق وعده : اتوقع انك عارف ايش اقول يا ماجد بن

ماجد بمقاطعه وهو يضغط على يده بقوة وتوتر : ش .. شتبي انت ومن انت اطلع برا لو سمحت هذي مناسبة عائليه

ضحك بسخريه وهو يجلس على كنبة فردية ويحط رجل على رجل : اجل وش مجلسك هنا ..

ابو طلال بتدخل : وش السالفة !

ببرود : السالفة يا عم ان ذا وابوه ضاحكين عليكم من 26 سنه ..

طلال وهو يقوم : وش تقول انت ؟

ابو ماجد وهو يمشي لعنده : لو سمحت اطلع برا ماحنا فاضين للعب بزوره

اما من جهة ثانيه محمد يراقب الشخص الي بدأ يرد

: تبي تعرف وش اقول ياعم وهو يعدل بجلسته ويشبك ايديه في بعض .. ويلتفت لفهد وماجد .. هونو على نفسكم ليه الخوف

فهد الي بدأ العرق يتجمع على جبينه
وقف جنب ماجد الي ما يقل عن حاله : لا مانبي نعرف شي اطلع برا .. وبنبرة اعلى .. بررا

ابو مازن بهدوء : اركد يا فهد نشوف وش بيقول .. وهو يلتفت الا وش اسمك؟

رفع حاجبه بابتسامه : منصور ..

مسك ماجد راسه وهو يطيح على ركبه :اطلع

فهد يجي جنب ماجد ويرفعه ويهمس بإذنه :لا تفضحنا قم

ابو طلال : هووو . وشفيك يا ماجد .. والتفت كمل منصور

منصور ببرود : ماجد وفهد بارك الله فيكم اذا نسيت شي ذكروني فيه وضحك بسخريه

رائد باستغراب : ايه ؟

.
.
.
.
-رغد-
مسكت راسي بتوتر وانا امشي واجي في الغرفه معاذ يقول دخل عليهم رجال واشياء ما ادري ايش هي
فركت ايديني بتوتر في بعض وانا ما ادري ايش سبب هالتوتر اصلاً .. أخذت نفس .. 2 4
وجلست وانا حاضنه رجولي واغمض عيوني
من الازعاج الي برا .. الاغاني اصواتها عالية
حاولوا البنات يخلوني ارقص معهم .. بس معاذ قلبني فوق تحت ياليتني ما سالته
ايش في يا رغد عادي يمكن واحد يبارك شي طبيعي .. لالا مدري ياربي ايش هذا التوتر الي صابني كل الي اعرفه اني ماني مرتاحة

--
خطرت ببالها فكرة ممكن تفيدها
مسكت جوالها وفتحته بخفه وهي تروح لمسجل الصوت بدأت التسجيل وهي تقوم تفتح الباب بهدوء تنادي من الدرج على معاذ . وكل ما مرت حرمة ترجع خوف تشوفها

معاذ وهو يجري لعندها : هله خاله رغت

رغد وهي تمد الجوال وتدخله في جيب معاذ : شوف حبيبي روح واجلس مع الرجال وابدا لا تتحرك الا اذا خلصو كلام وانتبه احد يشوفك بعدها ارجع لي اوكي .. خليك شاطر و بوديك الملاهي

معاذ ببراءة الاطفال : تيب

رجعت خطواتها لورا وهي تقفل الباب عليها بغرفتها لكن استوقفها صوت
..رغد وشفيك ما تنزلي عندنا..
رجعت وهي تاخذ نفس وتبتسم بوجه ام ماجد : مصدعه شوي ومالي خلق للاغاني
ام ماجد : ي حبي لك وياحظ ولدي فيك
ابتسمت بصعوبه على طاريه : الله يسلمك خالتي
رجعت لغرفتها بعد ما قالت ام ماجد لها انها لو تحسنت تنزل عندهم
جلست على السرير وهي تهز رجلها بتوتر لما تذكرت معاذ

..

..

..

محمد : ها قلتلها ؟
معاذ : ايوه ..
وهو يمد ايده له .. خالو ابا اجلس معاكم
محمد بهدوء .. : طيب تعال
معاذ : تيب

مسك ايد محمد وهو يمشي معه للمجلس
شال محمد معاذ وهو يدخل ويجلس ويجّلس معاذ في حضنه

رائد : ياخي ما عليك منهم تكلم تراك داخل علينا غريب وتبي تتكلم
وبهدوء : كانك بتتكلم اتكلم مب متكلم لو سمحت اطلع لانها زي ما قال لك مناسبة عائليه وانت تعطلنا

منصور استرخى عالكنبه الجلديه وعينه على معاذ الي عاقد حواجبه باستغراب ابتسم على براءته وهو يقول : ابشر

..

..

رغد فزت وهي تسمع الباب ينفتح : هلا خلصوا؟
معاذ وهو ينحني لجيبه : ايوه خاله


..

..

ماجد وهو يحس ان الدنيا ضاقت فيه : كذاب اطلع برا

فراس بجمود وهو يقرب من فهد ويمسك ياقه ثوبه : إيا الحقير وضربه كف الين رجع فهد على الجدار

: فراس انا اخوك والله اخوك هذا كذاب تصدق واحد من الشارع

فراس : ولا كلمه ابوي ما يجيب واحد خسيس زيك

انصدم ابو طلال من الي يصير قدامه صدمه ماجد صدمة رغد .. فهد .. كلام فراس .. منصور .. كل هاذي الصدمات اثرت فيه حاسس انه خذل اخوه .. حس بالغباء وكل شي كان يصير قدامه وهو ما ينتبه .. زي م يقولو نايمين والماي بتمشي تحتنا .
انحنى وهو يطيح على ركبه : بسسس



..
..
..

ام مراد واتوقع انك يا ابو رائد قالت لك زوجتك عنها هي تكون ..
ام رغد وفهد وهو يناظر ماجد بنظرات ناريه
وزوجها الي تزوجته
بعد ما تطلقت من ابو مراد هو يصير ابو ماجد .. وطبعا ام مراد ما تحملت ماجد يجلس معاها لانه ولد الي تغار منها وابو ماجد خلى ولده عند اخوه الي هو ابو ماجد قصدي عمه وهو يضحك بسخريه الي جالس قدامكم لان امه سافرت المانيا وتركته ..
وهو يسترخي عالكنبه ويناظر في محمد : والسر الي قاله ابو رائد لولد اخوه محمد ان ابو مراد بعد ما تطلق من ام مراد وبدأ المرض يهلكه خلى رغد عند صاحب عمره ابو رائد لانه ما كان يثق في غيره وكان يبي يبعدها عن ابو ماجد ومر شهرين وتوفى والشي الوحيد الي غفلو عنه انها مب محرمته ومع هذا ابو رائد كان يحاول يصدها حتى وهي بزر بس ماقدر كان شي داخله يتحرك تجاهها حتى خلى زوجته ترضعها وهي حامل بـ معاذ .. ورباها كل هالسنين .. وماجد وفهد وقفو ضد رغد .. فهد زي مايقول يبي ينتقم منها لان بعدها عذب امه وماجد يبي ينتقم لان ابوه رماه وما سال .. وهذي السالفه باختصار وهو يتكتف

طلال وهو ماسك راسه : وانت مين

منصور بابتسامه : اخو ماجد

..
..
طاحت عالارض بصدمه قبل ما يكتمل الحوار والجوال يطيح من ايدها معها
صارخت صرخة هزت اركان البيت
:مسسسسسستتحيييل ... مستتتحححييل بااااابااااا لللللااااااااا قفلت عيونها بقوة وهي تضغط ايدها في الارض

دخلت ريما بفجعه وهي تشوف شكل رغد الي فجعها اكثر : ايييش فييه رغد!!

رغد وهي تفتح الباب والدموع سيحت مكياجها والكحل الي كانت مزينه فيه عيونها قلب سواد محيط بعينها الي عفس شكلها بكبره


: ريما ابوي ابوي ابيه ابوي مستحيل
وهي تدف ريما الي مسكتها

قالت بصراخ : ابعدي عني ابوي تكفوون لااا


اجتمعو الحريم على رغد والجنون الي هي فيه ومنظر ريما وهي توقفها لكن الحمد لله الف مره ان الملكة عائلية ومافيه ناس كثير

اسرار وام رائد الي ماسكينها عشان يهدونها والف علامه استفهام في راسهم

اسرار : يامجنونه ايشششش فيه تكلمي!!!
رغد بصراخ مو طبيعي : ابي ابوي ذا الشي مستحيل ابعدو عني

.. بصرخة اقوى من الي سبقوها الي تلاها بكاء مرير .. : انتو ماتفهمون مستحيل ا .. نا انا .. ودفنت راسها في السرير وهي تشد على قبضه يدها بقوة

ام ماجد وهي ماسكة راسها وتتامل رغد : احد يفهمني وش صاير

ام مازن : محد يعرف مننا محد يعرف
وهي تلتفت على ريما : وش صار يا بنت

ريما بتوتر وهي تبكي : مـ ا اد ري انـ ا شـ فـ تها طـ ا يحه وتـ صارخ وماسكها جوالـ ها بـ .. بس

ام رائد : لا حول ولا قوة الا بالله لا حول ولا قوة الا بالله
فزت ام رائد على رغد الي قامت بسرعه وجنون وهي تسحب طرحتها وعبايتها وتلبسها بشكل محيوس

ام رائد وهي تحول بينها وبين الباب : مجنونة انتي وين رايحه

رغد بجمود بين شهقاتها : يمه ابعدي

ام رائد : لا والله !

رغد بصراخ : ييمه تكككفين
وهي تتعدى امها وتفتح الباب بسرعه

اسرار قامت بسرعه وهي تجري ورا رغد الي تنزل في الدرج : رغد ياهبله يامجنونه اوققي

صرخت بالم وهي تفصخ الكعب الي طيحها وتقوم بصعوبه : ررررررغد كفايه اوقفي

.
.
.
فهد قام بسرعه لابو طلال لكنه انصدم بالدفه القويه من طلال
طلال : مافيك ذرة رجوله

انحنى لابوه الي تجمعوا عليه
طلال: يبه بسم الله عليك تسمعني .. يبه

قام وهو يصب كاسة موية في الكاسة ويشّرب ابوه

ابو طلال بضعف بعد ما عدل جلسته بمساعده طلال : هذي نهايتك يا فهد .. صدمتي مو كافيه فيك وفي ماجد .. هاذي نهايتكم
وهو يكح بقوة .. لف لابو ماجد : وانا الي امنت فيك واعتبرتك اخ وسند لي .. وامنت فيك وفي ولدك زوج لرغد الي بمكان بنتي

ماجد بضياع وهو يقصف منصور بنظراته : عمي لا تفهم كذا

ابو طلال بصرخه : انت اسكت .. ماتستحي على نفسك للحين تنكر فعلتك الخسيسه انت وابوك

طلال وهو حاس بالغبنه وتفكيره مشتت بكل شي صار وكانه للان تحت ايطار الاستيعاب قرب من ماجد وهو يمسك ياقه ثوب ماجد : الله ياخذك الله ياخذك وهو يدفه عالارض بقوة

ماجد بهستيريه وحقد وهو يمسك كتفه : ايوه انا سويت هالشي ولولا هالمنصور كان انتقمت منكم
كلكم السبب ابوي وامي رموني كلكم السبب وهو يقرب من منصور بحقد : وانت السبب الاكبر ورفع ايده نية بالضرب

منصور وهو يبعد ايده ويدفه بقوة : انت ماعندك ولا ذرة من الرجوله والانسانيه اشك انك عاقل .. هم وش ذنبهم وش ذنب بنتهم .. انت اعمتك الغيره والحقد

ماجد : اسكت اسكت لا تتكلم مانت باخوي وهو يبعد .. مانت باخوي

مازن بصراخ بعد سكوت دام طول الجلسه :ولا حرف لـ ..

وقاطعه الباب الي انفتح ودخلت منه رغد بشكلها المجنون

بضياع وهي تقرب من فهد : ليه
صرخت بقوة وهي تقرب منه وتضرب فيه بدون وعي : لييييييه وش سويت لكم ليه ليه

فهد وهو يبعدها عنه : ر رغد

رغد بصراخ : اسكت مابي اسمع صوتك
وهي تطيح عالارض وتلم نفسها وتصرخ بقوة : وش سويت لكم انا ليش .. دفنت راسها بين رجولها وهي تضرب الارض بدون وعي وتحكم

ماجد قرب من رغد : حبيبتي لا تسوي في نفسك كذا

فزت رغد بسرعه : حبك ملك الموت يا خسيس

ماجد وهو يتحسس خده وصدى الكف يتردد باذنه : ادري انك تموتين فيني ومو حاسة بالي تسويه

اما رغد دفته بكل قوتها ورفست فيه بدون وعي : حقيييييير

منصور بسرعه : ابعد احسن لك

اما ماجد رفع حاجبه باستهزاء

تدخل فارس وهو يمسك رغد ويلمها ويطلعها برا لان الوضع زاد وهي مو حاسة انها بين رجال تجاهل ضرباتها على صدره وصراخها

تفاجئ باسرار واقفه عند الباب لف بسرعه حتى انه ماشاف منها شيء ولا قدر يعرفها غمض عيونه وهو يقول : شوفي لي طريق

اسرار بربكه وخوف وعيونها على رغد : ط طيب

جرت بسرعه ولبست جلالها وهي تتاكد ان مافي احد
رجعت لعندهم وهي تغطي وجهها : تفضل مافيه احد ودها غرفه رائد بعيد عن الحريم

هز راسه وهو ينحني ويشيل رغد من تحت ركبتها وهو يشوف انها هديت في حضنه و خفت من الصراخ والضرب .. لكن صدرها مازال ينخفض ويرتفع وشهقاتها تطلع عالخفيف

بعدت اسرار وهي تطلع لفوق تفتح الباب لهم
دخل فراس ومدد رغد على السرير .. طلع وهو يقفل الباب وهو يرجع للرجال بعد ما نادى اسرار تشوف اخته



**
**

**
**

اليوم الثاني
بعد ما تولى رائد تنظيف البيت عالسريع وصرف الرجال بعد نقاش كبير والكل توجه لبيته
اما البنات وام طلال فنامو في بيت ام رائد

ريما بهدوء وهي تبعد اللحاف وتشوف اسرار فارشه سجادتها ..
حست بالخجل لانهم في غرفه فراس : صباح الخير .. نمتي كويس

اسرار بابتسامه : صباح النور . نزلت عيونها وهي تفرك ايدينها ببعض : هو في احد مننا قدر ينام

ريما : الله يعين

اسرار وهي تقوم : المهم انا بكمل صلاتي

هزت ريما راسها

قامت ريما وهي تدخل الحمام تغسل وتتوضئ للصلاة

..

..

فصخت الجلال وهي تحطه عالسرير بعد ما رتبته رفعت عيونها وهي تشوف ريما تطلع من الحمام وهي لابسه جينز فاتح وبلوزه سودا باكمام طويله ساده : من وين جبتي اللبس

ريما وهي تتحسس وجهها وترتب شعرها في المرايه : من عند رغد

نزلت اسرار عيونها وهي تشوف انها باقي في الفستان وما ريحها بالنوم

قامت بتجيب لها غيار تاركة ريما الي بدات في الصلاة

..


..

رفعت راسها بتعب وهي تغمض عيونها وتفتحها .. حست بتعب مستولي على جسمها بعدت اللحاف ببطء وهي تنزل رجولها وتمسك راسها .. تذكرت الاحداث الي صارت امس .. مسحت دمعه نزلت بهدوء على خدها الناعم

استوعبت انها مو بغرفتها

قامت بدون تردد تمنع نفسها من التفكير وهي تدخل الحمام
قفلت الباب عليها وهي تتامل انعكاس صورتها في المراية .. عيونه محمره ومنتفخه .. وذابله ، بقايا المكياج .. حنت راسها ببطء وهي تغسله مره ومرتين وثلاث رفعت راسها وهي تتاكد انها نظفت وجهها . سحبت الشباصه الصغيره من راسها ونزل عليها ،بدات تلمه وتمسكه مره ثانيه بس كانت في خصل تنزل .. بعدتها ورا اذنها بطفش وهي تطلع
سحبت بيجاما مريحة من دولاب رائد .. اصغر وحده ولونها اسود .. ما تبي تطلع وتحتك باي احد


..
..
..
بفرح وهي تترك الملعقة في الصحن وتوقف تحضن بنتها :رغد

ابتسمت رغد بذبول وهي تجلس وتشوف الكل جالس عالطاولة

مدت يدها بتردد من القرار الي اتخذته
فتحت التسجيل بهدوء وحطت الجوال بنصف الطاوله وهي تتامل تعابير وجههم


**
**


قراءة ممتعه

اشوفكم الثلاثاء ان شااءالله



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 25-03-17, 03:02 AM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



♪♪
بِسم الله الرحمن الرحيم

وبهِ نستعين

~ْحــكـايـــة وردْ~
aln3imia
جود joj

كميه حب لكم ولدعمكم المتواصل لي
اشكركم من قلب وشكراً عظيمه لكل متابعين روايتي الجميلين
لا خلا ولا عدم وان شاء اكون في حسن ظنكم


______________
-الثامن-

مدت ايدها بتردد من القرار الي اتخذته , فتحت التسجيل بهدوء وحطت الجوال بنصف الطاوله وهي تتامل تعابير
وجههم ..


مدت ليان ايدها وحطتها على فمها وهي تقاوم الدموع .. للحين تحت ايطار الصدمه

رغد مو اختها مو بنت امها ولا ابوها , هي بنت شخص غريب عنها
شخص دخل عليهم بيوم وامها قالت انها مجرد وحده مضيعه "ام مراد" نزلت راسها دموعها نزلت معه

من جهة ثانيه .. فهد وماجد الي الكل وثق فيهم بالنهايه كانو مجرد كذابين .. ينتقمو من سراب
وفي الحالتين رغد يتيمه اب ابوها مات و خلاها عند رفيق عمره .. غمضت عيونها وهي تستوعب ان ماجد من عيله ثانيه
,, شهقت وهي تقوم عقلها عجز يرتب الاحداث ..


***

**

*

2:44 PM


بعصبيه : بتطلقها ورجلك فوق رقبتك

ماجد ببرود وهو يتكتف : حلالي ومالي احلموا عاد .

فراس وعيونه حمرت من العصبيه : لا نجرجك بالمحاكم يا ماجد

ماجد وهو يسحب نفس من السيجاره الي فيده : سوي مثل ما تبي , طلاق ماني مطلق
وهو يعدل جلسته ويطفي السيجاره في الطاوله بلا مباالاه : هاه تبون شي ثاني ؟

ابو طلال : ما نتشرف بواحد مثلك "وهو يرمقه بنظرات قرف من فوق تحت " والبنت ما تبيك
طلعت بلا كرامه بعد ؟ وضحك بسخريه

وكمل وهو يحد نظرته : بلاها الجرجره في المحاكم يا ماجد

رائد وقف بسرعه وهو يدفه بقوه : والله ثم والله وتالله لا تطلق يا حقير

ماجد بلا اهتمام وهو ينفض ثوبه : اما


ابو مازن وهو يقوم بغضب : عاجبتك فعايل ولدك يابو ماجد ! احنا رجال وبيننا كلام وش سواد الوجه هذا يا مشاري ؟

ابو ماجد وهو يبلع ريقه من نظرات ابنه : وهو الصادق حلاله وما بيطلقها وش تبون انتم

فهد بهدوء الي انتبه على ماجد: ماجد طلقها وريحنا

ماجد باستهزاء : لا يا شريف مكه , ناسي فعايلك وخططك معي الحين تجحدني ولا مسوي الي عقلت الحين
وختم كلامه بضحكه وهو يطلع سيجاره من البكت الي في ايده

رائد باستصغار : لا تحسبني ناسي فعلتك يا فهد ولا انت ياماجد وانا عارف كيف بتصرف معاكم
بس الحين تطلقها والا بتشوف شي ما يعجبك

ماجد : اقول انقلع بس مسوي تهدد
وهو يرص على اسنانه : ا ح ل م اني اطلق رغوده قال كلمته الاخيره
وهو متعمد ينرفزه فيها

فراس قام بسرعه وبدون تردد
وضربه كف علم اصابعه في خده
بدأ يضرب فيه بلا وعي والعصبيه واصله فيه لحدها .. للحين مو مستوعب رغد الي كانت اخته طول هالسنين مب اخته
حس بالغبنه وكان يضرب فيه متاجهل تدخلهم ضرب وضرب وفرغ حرته فيه

: قسم بالله لا تطلق يا خسيس

ماجد وهو يمسح الدم من شفايفه : قدها

فراس : ونص بعد وبتطلق كمان

ماجد وهو يقوم بعصوبه ويمشي بالعرج : نشوف
وطلع مع الباب الي لحقه ابوه بسرعه

ابو طلال وهو يضرب ايده على الطاوله بقهر : عاجبكم الي صاير
وش صاير فينا احنا وش صاير

ورفع عيونه على دخول طلال
: السلام عليكم

فارس والعصبيه تتطاير منه وحاط ايدينه بخصره : وعليكم السلام

وطلع من الغرفه بس وقف قبل لا يطلع : ماجد بيطلق يعني بيطلق حطو هالكلام في راسكم
وكمل مشيه وطلع لفوق

طلال : ايش فيه

ابو مازن وهو يمسك راسه بتنهيده : اتصل على المحامي يا طلال وعطني اياه



**
**
**

مشيت بغنج لحد ما وصلت لعنده ,,حركت ايدها على ازارير ثوبه بدلع : وش فيك حبيبي

ابو خالد وهو يبعدها : مافي شي

ام مراد بقهر : اكيد فكرك عند ست الحسن والدلال الي بالمانيا تسرح وتمرح و رمتك انت وولدك
ولا سالت عنكم

ابو خالد الي هو ابو ماجد الي متزوج ام رغد
قال بنرفزه : وش جاب هالطاااااري يامره!

ام مراد وهي تجلس : اجل وش فيه غيرها هالعقربه الله ياخذها

ابو خالد : اسكتي تراك صدعتيني كل قيل وقال العقربه والعقربه وهي ولا قربت مننا

ام مراد : هي السبب وهي الي تخرب بيننا

ابو خالد : لا ياشيخه ! مو انا الي رميت ولدي عشانك وطلقتها عشانك وهذا كلامك في النهايه

ام مراد تجاهلت السيناريو المعتاد حقه : ابي بنتي

ابو خالد وهو يحضن ولده خالد الي عمره ما تجاوز السنتين واللي كل ما شافه تذكر ماجد
يشبهه كثير ,, غمض عيونه وهو يبوسه ويشيله وهو يقوم : مو انتي رميتيها

ام مراد بقهر وهي تعلي صوتها عشان يسمعها : الحاااال من بعضضضه ,
وخفضت صوتها : بعدين انا ما رميتها ابوها هو الي اخذها مني ووداها خويه

ابو خالد قال كلمته الاخيره وهو يسكر الباب طالع : والله ؟ وانتي خليتيه وما سالتي عنها طول هالسنين

رمت الخداديه بقهر في الارض وهي تعض شفتها
ما تنكر انها تحن لبنتها من وقت لوقت .. هذا شعور الامومه وما تقدر تهرب منه
لكنها تبي بنتها لسبب واحد تبي تخليها السبب الي تقهر فيه عائله ابو رائد
تقهر زوجها كل احد ,, طليقه زوجها مها
كانت تكرهها والحقد عامي على عيونها ولا تعرف رغد وش دخلها في الموضوع عشان تقهرهم
الحقد اعمى تماما حتى انها تنتقم من سراب
صحيح ان ابو خالد سوا اشياء كثير لها , بس يقولك العين الي ما يملاها غير التراب

رفعت نظرها بقهر لولدها مراد الي كان مختلف
عن الكل وحابس نفسه في غرفته مع اشعاره والكاريزما الخاصه فيه
ولا يختلط باحد من اهله ..

زفرت بتعالي وهي تقوم للحديقه

**

قامت ببطء وهي تتغنج في مشيتها .. رغم انها ام لاربع اولاد وعمرها في ال 42
الا انها محافظة على شكلها وطريقة لبسها وحتى كلامها وحركاتها يدل على بنت مراهقه

قامت تفتح الباب الي يدق .. تاملت نفسها بالمراية لابسه بجاما روب عوديه وفاتحه شعرها اخذت الطرحه من التعليقه لفتها باهمال وهي تحط ايدها على مقبض الباب

: مين ؟

: افتحي

استغربت من الصوت وفتحت الباب باهتمام
وايدها تنفلت من مقبض الباب

هذا فلذه كبدها الي مستحيل تقاوم الشعور الي داهمها لما شافته
نفس الملامح وهو صغير نفس لون الشعر

البني . ملامحه البارده ..

قرب وهو يدخل مع الباب : مافي تفضل ؟

ام مراد وهي تلف ظهرها : ايش جابك ؟

فهد سكر الباب وسرع في خطواته حتى صار قدامها
كحركه تلقائيه منها حضنته بقوه

**


"وين الفراق إلي لو امشيه مالقاك

تعبت ادور درب ماينتهي لك

محبتك انغام .. "

سكر جواله بقهر وهو يشوف الرساله الي وصلت له من بنت خالته
ما يطيقها بحركاتها وما يعتبرها اكثر من اخت تربى معها , للاسف ماقدر يبادلها مشاعرها الي دايماً تنشب له فيها

رفع الجوال مره ثانيه وهو يشوف الرساله الي وصلت


"your mother ask About you, where are you Mansour"
(( مامتك تسال عنك .. وينك يامنصور؟))

طقطق فالكيبورد بطفش منها ومن رسائلها الي ماتخلص
سكر جواله وحطه في جيبه بعد ما كتبلها الرد

I am coming angham.. wait me
(( جاي يا انغام ,,انتظروني ))

حط ايديه في جيبه وهو يشد على نفسه ويزم شفايفه من البرد والتعب مبين في عيونه
طريقين سفر بدون راحه غير افكاره الي هدت حيله اكثر .. ماكان يبي يكذب على امه بس للاسف
مايقدر يخبرها انه كان في السعوديه


..
..

يمشي ببطء وهو يحرك مفتاح سيارته الي حاطه بتعليقه طويله .. يحركه يمين ويسار خلال مشيه بالممر الطويل الي
فيه كثير من الناس

نزل الثلاث درجات بهدوء .. حتى انفتح له مظهر المطار الكبير والجميل واصوات الرحلات تتعالى واصوات ازدحام الناس
وصوت عجلات حقائب السفر

وهو يفرك شفايفه باصابعه بتفكير ومصغر عيونه : شوف لي فينه بسرعه

: ابشر طال عمرك .. اسم الوالده عشان ابحث؟

تفل بالارض وكانه يقصده وبنبره حاده : مالك شغل في امي
انكته لي من تحت الارض ولا تكثر كلام
وقال وهو يلف ظهره

منصور ال ..

هز راسه بسرعه ما يبي يجادله في شي

..


..


..

عفست الورقه بايديها بقهر ورمتها في السله
ثالث رساله منه ,, تحس بالقرف وتبي ترمي كل شي يخصه عندها
بل وتبغى تاخذه قلبها وترميه وتدعس عليه عشان ما يحب مره ثانيه
ما ينخذل .. ويتعبها

فتحت الورقه الاخيره منه وهي مشمئزه من كذبه



" احبك يا روح الروح "

ضغطت عليها بقوه وعفستها وهي تقطعها وترميها بالارض
عضت شفاتها السفليه بقهر وهي تتضم رجولها لها

ما تنسى رده فعل اهلها لما عرفو ولا تنسى الصراخ الي قام فالبيت
بس رجعت لعادتها الجبانه هربت من بينهم .. ما تبي توضح ما تبي تتعب

اخذت نفس بسرعه وكانها تغيير ملامحها لما سمعت صوت الباب ينفتح

طلت براسها مع الباب وبابتسامه : صاحيه

رغد بهدوء : ايوه

قربت منها وهي تجلس جنبها : رغد انتي اختنا وحبيبتنا ومننا وفينا مهما كان الموضوع
لا يزعلك هالشي علاقتنا فيك اقوى من مجرد انها رضاعه
انتي اختنا وبتضلي كذا طول العمر .. ولا شي تغيير

ابتسمت رغد على براءه ليان وحضنتها : عارفه يا عمري لا تشيلي همي فديتك يا اجمل
اخت

ليان وهي تشد عليها وتغمض عيونها : فداك الكون
قالت بتردد : بخصوص ماجد جربي تفتحي معه صفحه جديده يا رغد
يمكن ربي ييسر بينكم

بعدت رغد بنرفزه : لا يا ليان وارجوك لا تطرينه
ماحنا بروايات ولا افلام ننغصب على بعض ونحب بعض بالنهايه
ارجوك لا تضيقينها علي اكثر كل الي ابيه اني اتطلق منه وافتك

ليان بندم : اسفه واوعدك ما عاد اطريه ولا اطري سالفه تضايقك ..

رغد : عادي ياقلبي .. حصل خير
يلا قومي بسوي لك شعرك

ابتسمت ليان وتذكرت ان اليوم جمعتها مع صحباتها
كانت بتكنسلها بس ماحبت عشان تبغي تبين الوضع عادي واكثر من عادي


.
.
.
.
.


فتح عيونه بانزعاج من النور الي دخل بعيونه
حرك رقبته ببطء ومد يده بس تفاجئ بعدم حراكها
نزل عيونه وهو يشوف نفسه مربط على الكرسي
رفع عيونه ثاني وهو يشوف المكان الي فيه
ضغط على ايديه بقوه وهو يتحرك
يحرك ايديه بقوه يبي يفلتها بس للاسف الي ربط الحبل كان مربطهم بقوه

: ساااعدووووني في احد يسمعني

غمض بقهر وهو يبي يتذكر اي شي وصله لهالمكان بس مافي شي ابدا
كل الي يتذكره انه كان يمشي وصحي هنا

رفع راسه بسرعه وهو يسمع اصوات سلاسل الباب تتحرك وانفتح الباب

: صح النوم يا حلو



منصور ببرود : ترا اقدر اجرجرك بالمحاكم على الي تسويه
خاطف شرطي مهم ويقدر يوديك في داهيه

قرب منه وهو يمسك فكه ويضغط عليه بقوه
ويرفع راسه حتى ثبت عيونه فيه : الحال من بعضه واعلى ما في خيلك اركبه

.. قد الحركه الي سويتها

منصور : قدها وانت تستاهل هالشي وزياده

ماجد بحمق : بدفعك الثمن .. خسرتني فرحتي ولذه انتقامي .. وخسرتني رغد

منصور بصراخ : اي انتقام يا ابله .. انت بكامل قواك العقليه !! اي انتقام

ماجد : انت اناني مثلهم ولا راح تحس فيني

منصور : اصحى يا ماجد من الي انتا فيه والله ما بيفيدك

ماجد وهو يسيب فكه بقوه : ماكنت حابب كـ مستقبليا يكون اخوي عدوي

منصور باستنكار من عقليته : عدوي !

ماجد : ايوه عدوي .. وبنشوف رغد لمين

منصور ضحك بقوه على تفكيره .. يحسبه يبي رغد .. قال بثقه وبرود : نشوف واكيد انت الي بتخسر وبتطلقها كمان

ماجد : الايام بيننا يا اخوي وكمل باستهزاء : نشوف مين راح يربح هالمعركه
ولا تفرح كثير لاني قادر على الي ماتقدر عليه واتوقع اني اثبتت لك الشي ذا

منصور : على فكره رغد ما همتني بس انا قد المعركه الي تقولها .. ولاني رجال
وناظره من فوق لتحت

ماجد وهو يطلع سيجارته : الي بيننا اكبر من رغد .. اكبر بكثير
وكمل وهو مقرب الولاعه على مستوى فمه ويشغل السيجاره : يا منصوري


نادى للحرس بحركه من ايده : فكوه وخلوه ينقلع برا وصلت له كلامي

..

بعــــــــــــــــد اسبوعيـــــــــــــــــــ ـــــن

مرت الاحداث هاديه وانشغلوا في الدوامات .. مازال طلال يلفلف من محامي لمحامي
والكل يسلمه رده بالرفض في هاذي القضيه .. ومشكله كل يومين بين الرجال
وسببها رفض ماجد بالطلاق
رغد .. على حالها شعور الضيقه يداهمها والتفكير الي يذبحها كل يوم
ام رائد .. ما بينت لرغد اي شي ورائد منع السيره تفنتح قدامها وبالبيت بشكل عام
منصور وماجد .. ما حصل احتكاك بعد اخر لقاء

..

..

رفعت المعسل بهدوء وهي تاخذ نفس عبئت فيه رئتها .. فتحت فمها وفرغت الكميه الي اخذتها
: ايوه اش الجديد

فهد وهو منسدح على الكنبه : ابد

ام مراد بعصبيه : وش ابده ! هذا جزائي سكنتك عندي في البيت ولميتك من مكان منبوذ فيه
عشان تساعدني وناخذ حقنا لازم تغير اجابتك والا بتتغير الحسبه

فهد : اوعدك بحاول بحاول والله

ام مراد وهي تزفر بطفش وترجع تاخذ نفس من الارجيله : ي ليت


**


**



**


- رغد -

حبيت امشي مع طيف وبشرى بدل ما ارجع مع فارس .. أستأذنت منه ومن امي وما رفضو بحكم انهم يعرفو صحباتي ..
اساساً المدرسه مو بعيده ومنها اغير جو
بالمشي مع البنات
رفعت راسي على حس بشرى

--

بشرى : اويلي بنات شوفو المز

رغد بطفش : ماتطفشي بالقز بالعالم ومن حركاتك

بشرى : امتع عيوني بالزين حاسده ليش .. وقالت بهيام وهي تحط ايدها تحت خدها
تخيلي يخطبني

انفجرت طيف من الضحك : يخطبك .. ااه
وانحنت تاخذ نفس وبضحكه : احلامك ورديه وش جاب الزين للشين


رغد : ترانا في الشاارع انتي وهيا خفضوا اصواتكم وعدلو مشيكم لحد
مانوصل كملوا قرقره في بيتكم عمى

بشرى : جتك المعقده

طيف : وهي الصادقه

بشرى باستنكار : لا ياشييييييييييخه !

رغد بانزعاج : بس بس اسكتوا

ناظرت طيف في بشرى وهي تلعب بعيونها بشكل يضحك

انفجرت بشرى بالضحك وما قدرت تتحمل : ااه رغد شوفي عيونها
وضحكت بقوه

هزت رغد راسها وهي كاتمه الضحكه


**

**


**

نزل من الباص الفضي بسرعه وهو يسحبها
ويدخلها لجوات السياره وياشر للسواق يحرك


..


..


ضغط على الشاشه وهو يكتب رسالته تاره
وياخذ نفس من سيجارته تاره


" ورقتي الاولى ورميتها .. وريني ايش عندك "

بعد الجوال عنه شوي وهو يشوف الاتصال الي يضوي الشاشه
فتح الخط : الو

الو .. حبيت اخبرك اتصل مره ثانيه يقنعني اني اتراجع عن رفضي

قال بعدم اهتمام : بلغه رفضك
قطع الخط بدون مايسمع رده


ونزل الجوال على الطاوله وهو يرسم على شفايفه ابتسامه تحدي وعيونه ضايعه في الفراغ

..

..


#انتهى

اشوفكم السبت بإذن الله


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:01 AM



Powered by vBulletin®
Copyright ©2000 - 2024, vBulletin Solutions, Inc.