اللي يزعل ماهو إنك على غيري مغصوبةإللي يزعل لاصار بينكم طفل وصرتي تودينه/لحفيدة كاملة

[لامارا]

في بيت ابو مشعل ..
نزلت وانا اجر خطواتي وصلت لغرفه ظليت جالسه على الكرسي لحين مصدومه " وكأني بحلم شويات وبصحى منه لا مو حلم كأنه مسلسل حلقه تمثيليه " لميت رجولي لصدري وانا احاول أسيطر على نبضات قلبي " سلطان طردني من البيت "💔 ليه كيذا شسويت بحياتي انا ايش الغلط اللي انا سويته عشان يجازوني كيذا سكرت عيوني بقوه ما ابي ابكي والله ما ابي ابكي تعبت من البكى الدموع ما ععاد تنفع معاي .
دخلت الغرفه وطالعت فيها طنشتها وانا أخذ بطانيتي ومخدتي واطلع من الغرفه واسكر الباب راح انام بالمجلس دقايق وبكيت بكيت قمت وانا افسخ عبايتي واسحب جوالي مالي الا هيفاء هي اللي فاهمتني ..
دخلت الحمام وانا اقفل الباب دقايق وانفتح الخط وانا ابكي : هيفااء قلبي يعورني هيفاااء انا تعبانه هيفاااء تسمعيني ؟
كنت جالس مع الشباب وطلعت من عندهم وانا افتح الخط الا سمعت صوتهاا " الأذن م تكذب باللي تسمعه " لتين تبكي وتناديني شفيهاا ليه تبكي ؟! ظليت اسمعهاا .
لتين تمسح دموعها : هيفاء ما هو لازم تتكلمين يكفي تسمعيني انا تعبت وربي تعبت انا تزوجت بالغصب وانا احب فيصل هيفاء انا رجعت لـ اهلي وصدمتي ان سلطان طردني من البيت هيفاااء انا من لي هيفااء انا بممموت 😢💔.
م قدرت اتحمل وانا اسمعها تبكي : لتين لا تبكين دموعك غاليه وش تبيني اسوي والله اسويه لك والله .
استغربت الصوت واحس اني اتخيل : والله صوت فيصل وربي صوته هيفااء انا بديت اتخيل صوت فيصل ولا انجنيت 😭😭؟!
فيصل : لا انا فيصل مو هيفاء لتين انا حبيبك لتين انا فيصل .
لتين بكت ما تدري شتسوي ظلت تبكي بدون م تتكلم : ............... ..
فيصل بحنيه : لتين تكفين خلااص وربي بكاك يعور قلبي تبين اجيك ؟!
لتين تمسح دموعها : لاا .. انا لازم اسكر .
فيصل بشوق : لحظة لتين ما شبعت منك وربي حاس فيك لتين .
لتين تطالع شكلها بالمراياء : مقدر مع السلامه .
فيصل : ‏" لاتحرمين المشتاق لذة حكاويش
‏ما يكفي أنش بعيدة عن عيونه 💛🎈" .
لتين ودها تكلمه لكن خايفه " تسمى خيانه " : فيصل ما اقدر انا اخون مشعل .
فيصل بحنيه : ومشعل ما يدري .
لتين سكتت وبهدوء : اوكاي الحين لازم انام .
فيصل يبتسم : نوم العوافي احلام سعيده .
لتين بهمس : يعافيك .
سكرت منه وانا احط الجوال على صدري وبهمس : " أنك تماماً كالصمغ، غير قابل للنزع مني، ومزعج! 😪 " ..
طلعت من الحمام " لا شعورياً حسيت برتياح " تذكرت سلطان وانا اسكر الانوار وانسدح وبألم وكسرت قلب " مصير ضميرك يصحى الله يكسر قلبك مثل ما كسرت قلبي " . سكرت عيوني وسمعت صوت تنبية بجوالي وكانت " هيفاء .. فيصل " تنهدت كيف لعب علي وانه صاحبتي هيفاء ابتسمت على غبائي فتحت الرساله وانا اقرا "عـن غـرام صويـحبي مانـيب عــاقل لـو نبـت ضـرس العـقل ملـيون مره 💛👌 " .
ابتسمت وانا امسح دمعتي الا الباب يفتح ودخل مشعل شايل بيديه مخدته سكر الباب وانا اسكر جوالي وانا اتظاهر بالنوم .. " من طلعت من الغرفه دخلت المجلس وانا انسدح حاولت انام لكن كل فكري فيها مشتاق لها وبين ما ابي اشوفها تعبت الين قمت وشلت اغراضي ودخلت الغرفه قربت من السرير وانا انسدح بجنبها وانا عارف انها لسى ما نامت تنهدت وانا اقرب منها واطالع بوجهاا : لتين .
اول ما سمعت صوته طالعت بعيونه وانا اصد عنه : انا بنام لا تزعجني .
مديت يدي وانا اسحبها لي : اشتقت لك .
بععدت يده عني وانا اصرخ بوجهه : ما ابي شوقك ما ابيك تفهم ما ابيك ماااا ابيك بسببك انطرت من بيتنا بسسببك طردني سلطان شفت الحين شصار انا انطردت " تكفى لا ععاد تكلمني " ..
اعطيته ظهري وانا امسح دموعي الا جوالي يتصل طنشته وانا احاول اسيطر على دموعي ..
دقايق سحبت جوالي وطلع تركيه قمت وانا ادخل الحمام فتحت الخط : هلااا .
تركيه : حيوانه لا يكون تبكين ؟!
تنهدت وانا امسح دموعي : لا ما ابكي .
شايع يسحب الجوال : ي الدلوعه بكرا بجي اخذك لبيتنا واذا طردوك بيتنا يوسعك واذا بيتنا ما وسعك توسعك عيوني .
قمت من السرير وانا مقهور خير تكلم بالحمام " اكيد تكلم فيصل " فتحت الباب وانا اشوفها متسنده على الجدار وتبتسم : تسلملي عيونك لا تخاف علي .
طالعت فيها وانا اقرب منها بهمس : من تكلمين ؟!
لتين : شايع انتظر شوي .
شايع يهاوش تركيه : تبن انقلعي البنت تبيني .
لتين تطالعه : شتبي ؟!
طالعت فيها وانا احاول اسيطر على اعصابي : اطلعي كلمي برا .
مشيت من قدامه وانا اجلس على الكرسي وانا اكلم شايع اللي ينادي : هلاا اي معك .
شايع يصارخ : واضح معي ي الدلوعه اسمعي بكرا انا عازمك على الغداء .
ابتسمت بحب يشبه لتصرفات سلمان : حبيبي انت اوكاي بس يكون على حسابك .
طلعت من الحمام وانسدحت على السرير وبيدي جوالي واذني عندها " وش هالحكي كله لشايع ي البخيله وانا مقهور " ..
تركيه تصارخ : بطعنكم وش تتفقون بدوني هاا ؟!
شايع يقهرها : لتين ما ناخذ بزران طايب .
لتين تبتسم " وناويه تقهر مشعل تحسب بهالحركات تشفي غليلها " : حبيبي والله اوكاي ما نأخذهم .
تركيه بعصبيه : والله اني اقول لـ امي ترفض تخليكم تطلعون لاني عارفه لا طلعتوا بتدشرون .
شايع يبتسم : المهم حبي راح اجيك بكرا اخذك خليك جاهزه .
وانا ابتسم له : اوكاي حبي طايب وسلمان بتعزمه معنا ؟!
تركيه بعصبيه : لا تعزمونه ما بأخذ راحتي زين .
شايع : احسن عشان اخذ راحتي مع لتين .
تركيه : حبيبي سلمان لا جاء اخذ لتين منك نفس كل مرا .
لتين جالسه تسمع لهم وتبتسم : لا ما راح يأخذني من حبيبي شايع اصلاً لان سلمان راح ينساني صح شايع .
شايع يضحك : صصصصصوووح .
لتين : تركيه انتي ما نمتي في بيتنا ؟!
تركيه : لاا ما ابيه ابي سريري .
شايع : خايفه من زوجها ينفرد فيها .
لتين ماتت ضحك على صراخ تركيه : يهيهيهييهيهيهيهيهيهيهيهيه يهيهيهيهيهيهيهيهيهيهيهيهي هيهيهيهيهيهيهيه شايع ي تبن حرام عليك .
شايع : فدووووه الضحكه جعل ما يضحك الا انتي .
لتين بخجل : تبن استحيت .
شايع يبتسم : ي الله لا تنسين وعدنا والحين نامي .
لتين ببتسامه : اوكاي حبي توصي شي ؟!
شايع : سلامة عيونك بروح اشوف زوجة سلمان .
لتين تضحك : حيوان حرام عليك .
شايع : ععادي ي الله انقلعي .
لتين : تبن باي .
شايع : سلام .
سكرت منه وانا اطالع بجوالي من زمان عنه .. ظليت اسمع سوالفهاا وتمنيت اني " شايع " وتكلمني كيذا تنهدت وانا اقوم واسكر الانوار وانسدح وانا اطالعها بعيوني . حسيت بتعب وانا جالسه قمت ورحت لسرير سكرت جوالي وانا استعد لنوم احس لحين يبي لي أنوم اسبوع اخذ كفايتي من النوم .
حسيت فيه ويديه تطوقني وهو يدفن وجهه بشعري بدون م يتكلم " قلبي زادت نبضاته وحسيته بيسمع صوته " سكرت عيوني وانا احاول اكون طبيعيه .
دقايق واخذنا النوم بدون م نحس بنفسنا ..

بدبي ..
ظلينا نمشي بالمول " وكان فيه مجموعة بنات يطالعون بمتعب " بدون شعور مديت يدي ومسكت يديه لدرجة طالع فيني وهو يبتسم ونزل راسه وهو يهمس لي : " ‏في إنتظار حُضن اليد اللي صاحبها مرتسخ ببالي دايمّاً أخيراً 💛!" . طالعت في عيونه وهو يطالع قدام وبصوت عالي شوي : لا تطالعيني طالعي طريقك لا تطيحين .
لا شعورياً ابتسمت " عليه لطافه تجذب الواحد " .
دخلنا لمحلات واحنا نأخذ عطور شنط بدل لـ ناصر ولد ميعاد اخته واي شي يعجبه يأخذه وانا اهز رأسي له لمن يقول " شرايك هذا حلو أخذه " ..
طلعنا لبحر وأحنا نمشي الهواء " منعش " وحق أثنين " ظلينا نمشي إلين وصلنا لمؤوية البحر " بدون شعور فسخت نعالي وانا أدخل رجولي بالمؤويه . اول ما قربنا من المؤويه طالعت فيها تفسخ نعالها تدخل داخل المؤويه سويت مثلهاا وانا أقرب منها وانا امد يدي واطوقها عليها ورأسي حطيته على كتفهاا " محتاج قربهاا لي حسيت بأرتجافها لمن حضنتها " .. وانا مسكره عيوني والمؤويه بارده حسيت فيه حضني حسيت بالخوف وقلبي نبضاته زادت وحسيت برتجاف جسمي حاولت ما ابين له وسكت .
قربت من اذنها وانا اهمس لها : " ‏أحُبك بأكملِك ، ماعدا حُضنك ف أنا أفيضُ عشقاً لهُ ☹❤ " .
حسيت وجهي انقلب لونه احمر من الحياء ومن كلامه ..
متعب بخبث : خلينا نتقدم شوي .
العنود بخوف : لالا م أبي .
متعب يبتسم : تخافين ؟!
العنود تلتفت عليه وتطالع بعيونه بعدها شتت نظراتها : يب .
متعب يمسك يدها : لا تخافين راح امسك .
العنود : لااا ما ابي روح لحالك .
متعب مشى بخبث : طايب .
ظليت اطالعه وهو يمشي على طول خفت عليه : يا مجنون ارجع .
طالعت فيها وانا اطرح نفسي بالمؤويه وبكذب : العنود اااء
العنوووود ساعديني .
طالعته لمن طاح خفت وانا اشوفه يناديني ركضت له له بصعوبه وانا انادي عليه وانا ابكي : متعب متعب .
متعب سكن وما تحرك خفت انه مات او قرصه شي جلست بالمؤويه وانا امسك يده واحاول ارفع راسه على رجلي وانا اشاهق : متععب متعععب قوووم لا تخليني متتتعب يمااااا يماااا .
كسرت خاطري وانا اسمعها تبكي قربت منها وانا احضنها : ما فيني شي يا مجنونه .
من الخوف حضنته وانا لسى ابكي : كنت بتموت وتخليني خل نطلع قووووم .
بستها على راسها وانا ابعدها عني : مجنونه لا تخافين شرايك بالمؤويه بس .
العنود بعصبيه : ما حلوه خل نطلع .
طالعت بعيونها وانا أبتسم : خفتي علي ؟!
صديت عنه وانا ألعب بالمؤويه : لااا ،
ابتسمت وانا امسك يدها : ومن اللي ماتت من البكى ؟!
العنود تطالع بالمؤويه : لاني خفت بس .
متعب : خفتي علي ؟!
العنود بملل من اسألته : يب .
رشيت عليها مؤويه : شكلي بسويها كل مرا .
العنود بنبره حاده وهي ترش عليه مؤويه : وشوف من بيساعدك وقتها .
ضحكت على اسلوبها : ما به الا زوجتي بتساعدني .
ظلينا نسولف وطلعنا من البحر وظلينا نمشي ليمن تنشف ملابسنا من المؤويه على الساعه ثلاث رجعنا بدلنا ملابسنا وانسدحت بنام شفتها واقفه عقدت حواجبي : شفيك ؟!
طالعته وانا افرك اصابع يدي : أبي بطانيه زياده .
جلست اطالع فيها : ليه ؟!
توترت ممدري شقول : برد .
ابتسمت لها : قصري على السبلت .
طالعته : ما يتقصر كله على البارد .
حطيت جوالي وانا اناديها : تععالي انا راح ادفيك .
وقفت وانا اطالعه وساكته : .................... ..
قمت وانا اسحبها مع يدها جلستها على السرير : نامي ولا اصبحنا طلبنا بطانيه .
العنود : اقولك برد ما اعرف انام بنام بالصاله .
طالعت فيها وبنفسي " تنامين بالصاله دليل ما تبين قربي والله تعقبين تطلعين تنومين هناك " قربت من السبلت وانا اطفيه : ي الله نومي والسبلت طفيناه لعيونك .
طالعته : وانت طايب ؟!
ابتسمت بوجهاا وانا انسدح : ععادي اللي تحبه زوجتي انا احبه .
تنهدت وانا اسحب البطانيه واحاول انام لكن ما عرفت دقايق وقمت شغلت السبلت ورجعت انسدح ما احب الهدوء لازم صوت ..
ابتسمت وانا ارفع حاجبي : اقول العنود شكلك احتريتي وقمتي تشغلين السبلت .
وانا احاول انام : يب .

.
﴿ ما أنزلنا عليك القرآن لتشقى ﴾
إذا دخل القرآن بأُنسه قلبًا، خرجت الدنيا بشقائها من ذلك القلب ..

[بحر الندى]

شـكــ وبارك الله فيك ـــرا لك ... لك مني أجمل تحية .

[لامارا]

37



بعد مرور " اسبوعين " ..

متعب رجع لـ الخبر بعد " شهر العسل اللي دام اسبوعين " وحياتهم م عليهاا لحين ماشيه " متعب " يحاول م يقصر معها و" العنود " تحاول تتأقلم معه وتفهم حالها انه زوجهاا وما لازم تنتقل لـ حل " الطلاق " ..

مشعل ولتين " لتين " تتجنبه علشان ما تتسبب بينهم المشاكل " مشعل " تناقض في شخصيته لمن يبيها يجيها ولمن يتضايق ينقلب عليها ويحاول يتجنبهاا .

لسى " ريمان " بحالة حزن بينها وبين نفسهاا ووتتحسر على الايام اللي مضت لكن إلين هالحين متمسكه " بحبهاا " ..

روميوا الثاني " فارس " حبه لتولين جالس يكبر بداخله ويشغل تفكيرهه بزياده عن اللأزوم .

حبيبنا الاول " شايع " عايش ما بين الحب وما بين انه يملك سيارته " عارف السبب لكن رافض يقتنع فيه للأسف " .

العمه ام ععادل رجعت لرياض لانه باقي على الدراسه اسبوعين فقط .

يوم السبت ..
في بيت ابو مشعل بداخل الغرفه واقفه قدامه .
مشعل يسكر شنطته : لا تحاولين اجلسي هنا عند اهلي سلطان وطردك وين بتروحين .
طالعته : شوف يأخي انا بروح بيت امي الثانيه فهمت الحين ما بجلس هنا والله ما اجلس .
طلعتها بعصبيه : وايش يمنعك ما تجلسين هنا ها ؟!
ودي اصكه بكف على أسألته : شوف اولاً ما ارتاح وما اخذ راحتي ابداً وماجد فيه واء .
قاطعتها بسخريه : ماجد يطلع النهار ويرجع تالي اليل دوري شي ثاني غيره .
تسندت على الباب بعناد : ما راح تطلع الا إلين توافق .
اخذت شنطتي وانا اطالعها : ي بنت وخري لا اتأخر .
انا بعناد : ماااااا فيه وافق بعده اطلع .
قربت منها وانا اسحبها : ما تفهمين ؟
طالعت فيه وانا انفص عيني : انت روح الحين وبعده والله اطلع .
التفت عليها : لتين عن الخبال .
تكتفت وانا ارفع حاجبي : انا قلت لك ي توافق ي اروح بدون ما تدري لحظه انا علمتك بروح لمن تروح .
قربت منها وانا امسكها مع اذنها : الحين وش اللي ما يصبرك كلها اسبوع وراجع اجلسي هنا .
حطيت يدي على يده : فك اذني وبععدين انا ما احب اجلس هنا لحالي وامي موجوده لا تصير اناني شه شه حتى ذياب يتصل شكله جاء .
مسكتها مع لحيها وانا معقد حواجبي : متصله عليه ؟!
طالعته بخوف : اي بس قلت له بتصل فيك شويات عشان تجي تأخذني بس انت ما رحت .
صرخت فيها : تبيني اصكك كفف كلميه وقولي له لا يجي انا بوديك لهم .
ابتسمت بوجهه وانا امسك الجوال : جد بتوديني ؟!
استغفرت ربي وانا اطالع فيها : اي ي الله كلميه .
شويات وسكرت وطالعته : خلاص قلت له .
طالعتها وفي بالي جاء طيف " فيصل " ظليت اطالع فيها وبالي مشغول .. اول ما طالعني خفت منه شفيه ذاا بعدت عنه وانا اسحب شنطتي واحط فيها ملابسي شويات وحسيت فيه يحضني لا شعورياً خفت شفيه ذاا .
بعد ما شفتها راحت ترتب قربت منها وانا احضنها وهمست عند اذنها : تروحين معي الرياض ؟!
ألتفت عليه وانا ارفع حاجبي : لااا .
طالعت بعيونها : ليه ؟!
شتت نظراتي عنه : كيذا ما احب اروح معك بعدين انا محتاجه اكون عزابيه لازوج ولا قلق .
نفصت عيني فيها : شقصدك ؟!
حاولت اغير الموضوع : بروح ابدل عشان توصلني ي ويلك لو تروح والله لـ اطعنك .
قربت منها وانا امسك خدودها : بنزل عند اهلي اذا خلصتي انزلي .
لتين تطالعه يأخذ شنطتها : طايب " بس لا عاد تمسك خدودي " .

الرياض ..
في بيت ام عادل .
ام عادل : رنيم م تقولين لي وش فيها أختك ؟!
رنيم تتابع مسلسلها : والله مدري من رجعنا من المطعم وهي متغيره حتى الاكل م تبيه .
امها تعقد حواجبها : بالمطعم م صار لها شي احد تعرض لها ؟!
رنيم تهز راسها : لاا تعشينا وطلعنا كلنا ورجعنا البيت ما صار شي بالمطعم .
امها توقف : بروح اشوفهاا .
رنيم تطالع في امها : اوكاي عسى تقولك .
" ‏حِرقة المشاعر علمتنَا النُوم الطِويل " .
طلعت ام ععادل وتوجهة لغرفة ريمان " فتحت الباب الغرفه ظلام الا نور الأبجوره خفيف ونايمه " قربت منها وهي تتحسس جبهتها لا يكون تعبانه وفيها حرارهه جلست جنبها وهي تمسح على راسها : ريمااانوو وش اللي مغيرك ؟ وش صاير لك ومخبيته عني ؟!
ريمان نايمه " تهرب من مشاعرها من احاسيسها من ألامها من وجعها لـ النوم " .
قمت وانا اطلع من الغرفه واسكر الباب .
ابو عادل من وراها : شفيها ريمان ؟!
ام عادل بحزن على حال بنتها : والله علمي علمك من رجعت هاك اليوم وحالها منكوس لا اكل زي الناس وكله تنام ولا حابسه نفسها .
ابو عادل : غريبه ومحد يعرف وش فيهاا ؟!
ام عادل تهز راسها : لا والله .
ابو عادل : هقوتك نوديها لـ شيخ يقراء عليها لا يكون فيها مس ولا شي .
ام عادل تطالع بزوجها : انتظر شوي لا صحت جلست معها وسألتها واذا م نفع مالنا الا اللي تقوله نوديها لشيخ يقراء عليها .
ابو عادل : ان شاءالله . انا طالع توصين شي ؟!
ام عادل : ابداً سلامتك .
طلع ابو عادل وام عادل راحت تجهز القهوة والشاي لجده .

بالخبر .
بيت ابو فيصل ..
جالسين بالصاله سوالف وضحك .. قطع عليهم كلام ابو فيصل : فيصل متى ناوي تتروج ؟!
لحظة صمت عمت على المكان " كلهم يطالعون بتجاه فيصل ينتظرون رده " ..
طالع في ابوه وبهدوء : ماني مستعد الحين الزواج يبيله مسؤوليه واستقرار وانا ماني مستعجل .
ابوه يرفع حاجبه : وش تنتظر أجل ؟!
سكت فتره وبعده طالع في ابوه : م انتظر شي بس انا ماابي اتزوج الحين .
امه حبت تشاركهم : في بالك وحده ولا أدور لك .
سكت فتره وانا أفكر بنفسي " اي في بالي بس لمن تتطلق أتزوجها مقدر اخذ وحده واظلمها معي " .
ابوه : اسمع ي فيصل اللي راح راح وشاف نصيبه ونصيبك راح يجي ؟!
طالعت في ابوي وانا أوقف : اذا بغيت اتزوج قلت لكم لكن لا تخطبون لي وحده وانا ما ابيها بعده اظلمها معي .
ابوه رفع حاجبه : اللي في بالك قريب بيجي لهم عيال وانت وش تنتظر شف حياتك والعمر يروح .
طالعت في ابوي وانا اعقد حواجبي : وش تقصد ؟!
وقفت وانا اقرب منه وانا احط يدي على كتفه بهمس : اللي تفكر فيها راحت مع نصيبها وانت بيجيك نصيبك .
عقدت حواجبي وانا انكر كلام ابوي : وش نصيبه وايش اللي تقصده ما فهمت عليك ؟!
ابوه : لتين " لـ مشعل وهذا نصيبها وأبتعد عنها .
طالعت في ابوي : لحظه وش هالكلام ؟!
ابوه يبعد عنه : انا طالع والكلام اللي قلته لك خله مرتسخ بعقلك .
فيصل بصرخه التفت على فارس : فاااااارس .
فارس طاحت من يده البياله : هااااا بسم الله .
قربت منه وانا امسكه من عند صدره : انت اللي قايل له صح انت اللي معلمه تكلم هاااا انت اللي معلمه ؟!
ابوه من وراه : فيصل اترك اخوك .
نفصت عيني فيه : اوريك ي فارس اوريك .
فارس يأخذ شماغه بعصبيه : وانا شدخلني لا سمعت شي جيت تقول ان انا معلمهم منت بصاحي .
فيصل بصراخ : اي انت اجل من غيرك يدري هااا من يدري غيرك من اللي بيعطيك فلوس وتعلمه من من .
امهم ماهي فاهمه شي : وش فيكم ؟!
ابو فيصل : فيصل اقصر صوتك وش ذا الحكي ؟!
فيصل بعصبيه : اوريك اوريك .
طلعت من البيت معصب من " غيره فارس قايل لـ ابوي اوريه الحيوان اوريه " .
بالبيت فارس يرقى لغرفته : مجنون كل شي بيحطه فيني .
ام فيصل : وش فيكم ليه فيصل عصب ؟!
ابو فيصل : ما فيه شي انا طالع .
كلهم تفرقوا اللي طلع واللي راح لغرفته ..

بيت ابو مشعل .
ماجد يطالع بـ امه : شفيك ؟!
امه تطالع بالفراغ : اخوك وش بينه وبين زوجته ؟
ماجد يفتح فمه : ليه ؟!
امه : احس انه ماهو مرتاح مع زوجته ؟
ماجد يمد رجوله : ي حليلك وش ماهو مرتاح ما ععليك تراه مرتاح ويحب زوجته .
امه تطالعه : وانت وش يدريك ؟!
ماجد بكذب : الله يسلمك لا جلست معه يتكلم عنها وانه يحبها ومرتاح معها .
امه بعدم اقتناع : وين شكله يكذب عليك انا لازم اخطب له بنت ام رياض .
ماجد يرفع حاجبه : وش ذا الكلام وش تخطبين له تخربين بيتهم يمه .
امه : وش اخربه انا اعرف اخوك ماهو مرتاح حتى ذاك اليوم نايم بالمجلس ان كانك ما تدري .
ماجد يحاول يشيل هالفكره من راس امه : ترا حرام يمااا وش تخطبين له اذا ماجاك وقالك وععاد انتي لا تروحين تخطبين له وبعدين لتين وش حلاتها وقايمتن فيه .
امه : انت وش يعرفك قم من عندي بس خل اكلم اختي .
ماجد يوقف : يماااا لا تخربين بيتهم بيدك دامهم مرتاحين تكفين يمااا .
امه تسحب سماعة التليفون : اقول اطلع خلني أكلم .
ماجد يطلع : الله يهديك " شذنب لتين تروحين تزوجين مشعل بالثانيه ؟!

ملاحظه : " التخبيب هو " : إفساد قلب المرأة على زوجها والعبد على سيده "لما روي أن رسول الله صلى الله عليه وسلم قال: "ملعون من خبب امرأة على زوجها أو عبداً على سيده"

لذالك نعطي مثال لـ " ام مشعل تبي تزوج ولدها بالثانيه " لحكيها انه ماهو مرتاح مع زوجته " بالبارت هذا راح يتوضح كل شي فمثلاً تحاول تفرق بينهم وتسبب المشاكل إلين ينفصلون او يصير بينهم شي .

إن شاءالله فهمتوا " لمن تكتبون بالنت عن " التخبيب " راح تعرفون " 🌚.

بيت ام سلطان ..
دخل سلطان وجلسوا يتغدون وامه صاده منه وتتغداء سعود يوقف : انعم الله عليكم .
امه : صحه وعافيه .
شويات وطلع من عندهم " وظلوا يأكلون " ..
سلمان : تاله عطيني اليمون .
تاله تأخذ الصحن : خله عندك .
نهال توقف : انا بروح اتجهز زوجي بيجي .
امها : بسلامتك .
طلعت وحل الصمت بينهم ..
تاله تهمس لـ تولين : قولي لـ امي بسرعه .
تولين : يمااا ععادي نروح لبيت عمي روان عازمتنا ؟!
امها : ومتى تروحون ؟!
تاله : المغرب بيجتمعون كلهم .
سلطان وهو يأكل : ما فيه تطلعون وتتركون أمي .
امه تطنشه : انتوا تجهزوا وسلمان يوديكم .
سلطان يلتفت على امه : يمممه .
امه تطنشه وتكلم سلمان : سلمان لا تنسى تأخذ الثياب علشان يكويهاا انا بروح ارتاح عليكم بالعافيه .
طلعت من عندهم وانا اتوجهه لغرفتي " ليه ي سلطان تسوي في إمك كيذا اذا انت اخوها الباقين وش بيسون فيهاا " ..
تاله وتولين أنسحبوا من الغرفه وتوجهوا لغرفهم وظل سلطان وسلمان ..
سلمان يطالع بسلطان : وش فيكم ؟
سلطان يطالع بصحنه : ولا شي .
سلمان يوقف : الحمدلله .
طلع وظل سلطان يطالع بالطاوله وهو معقد حواجبه ويفكر وش يسوي مع امه دقايق ووطلع لجناحه .
ظل على جواله يطالع بالأرقام ..
أمل تجلس بجنبه : سلطان إيش فيك حالك ما هو عاجبني ؟
سلطان وعيونه بجواله : ما فيني شي خليني لحالي .
امل وقفت بهدوء : تمام انا بروح لخالتي .
سلطان م رد عليها وهو يظغط على اتصال ....
مرت دقايق وهو يتصل لكن م انفتح الخط رمى جواله وهو يسحب الريموت ويغير القنوات .

بيت ابو ذياب ..
جالسين على سفرت الغداء .
تركيه : مرسله لي انا رساله اجل ما جاتك ؟!
لتين تطالع بجوالها بعد م تسكر الخط : الا وصلت لي بس شكلني موب رايحه .
ام ذياب : وليه ما تروحين ؟!
لتين تطالع بصحنها : كيذاا .
شايع يشوت رجلها من تحت الطاوله : ي الدلوعه وش اللي كيذا روحي ووسعي صدرك .
ذياب يبتسم : روحي واجلسي معهم بعد م تخلصون اتصلوا فيني .
امه : روحوا وانا بروح ععند اختي اجلس معهاا .
لتين : اوكاي .
بععد الغداء ذياب طلع وتركيه راحت تنام تقول فيها نوم وظل شايع وامه ولتين بالصاله ..
لتين بععد صمت : يماا عندي سؤال ابي اجابته .
ام ذياب تطالعها : هاتي سؤالك .
لتين تحط رأسها بحضن امها : سلطان لمن طردني اكيد عرفتي من تركيه وشايع كان يقول طالعه على امك " ايش كان يقصد " ؟!
شايع قام وجلس مقابلهم وهو ساكت : .......... ..
ام ذياب : متأكده تبين تعرفين ؟!
لتين تطالع في امها : اي وش السالفه .
ام ذياب : اجل أسمعيني ولا تقاطعيني إلين اخلص .
لتين : طايب .
ام ذياب : قبل سنين ابوك سافر لكويت عنده شغل وظل شهرين ورجع وقبل يرجع كان فيه شايب يشتغل معه تجاره وغيره فقام الشايب عرض على ابوك انه يتزوج بنته " لكن بنته كانت عاشقه تحب لها واحد وهو يحبها " فقام ابوك ورجع وكانت امك اللي هي ام سلطان عندها سلطان ونهال وسلمان وسعود لمن رجع ابوك حكى لـ امك السالفه ،
بالبدايه امك ام سلطان عصبت لكن بعدين رضت راح ابوك لكويت وتزوج بنت الشايب " لكن زوجته ما تبيه " ظلت وياه مشاكل وصار ابوك يروح اغلب وقته عند امك ام سلطان " وفي يوم من الايام " حملت زوجته هي وامك ام سلطان بيوم واحد حكمت ربي ابوك فرح بالخبر لكن زوجته لمن عرفت انها حامل " صارت تأكل مانع وتشيل اشياء ثقيله عشان الجنين يطيح " لكن ربي كاتب ان الطفل يعيش " وبنفس اليوم ولدوا بيوم واحد " امك ام سلطان جابت ولد لكنه توفى وزوجته الثانيه جابت بنت " وبعد الولاده انحاشت لـ اهلها وارسلت لـ ابوك يطلقها وانها ما تبي ترجع وبنتها ما تبيها " احتار ابوك شيسوي فقام اخذ البنت وعطاها " امك ام سلطان " فكنت انا والده بتركيه ومر على ولادتي اسبوعين مرت الايام وطلق ابوك زوجته وقال لها " بنتك توفت " وهي ما اهتمت في يوم من الايام تعبت اختي اللي هي " امك ام سلطان "
ودخلت لمستشفى وتنومت شهر وانا اخذت البنت وارضعتها مع تركيه الين طلعت " امك ام سلطان " من المستشفى .
شايع منسجم مع السالفه : يعني لتين بنت زوجته الثانيه ؟!
امه : اي فهمتي الحين ي بنتي ؟!
لتين تعدل جلستها : والحين زوجته وينها وش صار عليها ؟!
امها ام شايع : بعد م تطلقت وخلصت عدتها خطبها حبيبها وتزوجوا بعده دخلت المستشفى وتبين ان عندها ورم بالرحم ويمكن يأثر عليها فظطروا يشيلون الرحم بعد م سوت العمليه قالت لـ زوجها يطلقها لانها معاد تجيب عيال لكنه رفض وظلت معه .
لتين وعيونها مليانه دموع : والحين ؟!
ام ذياب : الحين عايشه بالكويت مع زوجهاا .
بكيت وانا اسمع الكلام " يعني الحين في بالها اني ميته كل هذا عشان حبيبهاا تسوي فيني كيذا اي قلب ام تترك بنتها وتنحاش علشان تتزوج حبيبها " بكيت بحضن امي إلين اخذني النوم .
شايع يمسح دموعه متأثر : حرااام .
امه تسحب منديل وتمسح دموعهاا : الله يهديهاا ويستر عليها .
شايع : والحين امها ما تدري عنهاا ؟!
امه : والله علمي علمك خالتك تقول ان عبدالعزيز قبل يتزوج قال السالفه لجد لتين وقال له انها عايشه .
شايع يطالع لتين : يعععمري الله يأخذ امهااا وش ذا الام اللي تترك مولودها وتروح ما عندها قلب ذي .
امه : شايع لا تدعي عليها ادع لها بالهدايه ما ندري وش فيها بععد .
شايع منفعل : حتى سلطان حيوان ليه يطردها ويقول لها هالكلام قسم بالله مالهم حققق .
ذياب يدخل عليهم : وش فيكم ؟
شايع ولحين منفعل : سالفة لتين قسم بالله تعور .
ذياب يطالع في امه وبالتين : الله يعين .
شايع منفعل : وين مكان امها بروح لها اكسر رأسها ميتت القلب فيه احد يترك بنته وش ذااا وش ذاااا ..
ذياب بهدوء : شايع لا تحط كل شي على امهاا " الغلط الأساسي من ابو البنت زوجها لواحد ما تبيه " ..
شايع يوقف ما يدري ليه كل هالانفعال : حتى ولو الام فيها لسان مفروض تقول لرجال او لـ ابوها موهوب كيذا يسون .
ذياب يطالع فيه وهو يطلع : على وين ؟!
شايع بنفعال : طالع .
مر الوقت وأذن العصر فتحت عيوني وانا احاول أتذكر أخر شي سكرت عيوني وانا أمنع دموعي بععد م تذكرت سمعت صوت ذياب قريب جاي لصاله قمت وانا أعدل جلستي شفته دخل وهو يبتسم : صحح النوم .
أبتسمت له : صح بدنك .
قرب وجلس بجنبني وهو يمسك يدي بحنان : لتين وانا أخوك الماضي راح واحنا عيال اليوم وما عليك بالكلام اللي يقولونه انك طالعه على إمك " بعدين الغلط مو على امك الغلط على جدك ابو امك هو اللي زوجها " اقولك شي لأ تأخذين فكره مو زينه عن امك بتظل إمك مهما سوت هي امك انتي الحين متزوجه وفي بيت زوجك لا تخلين كلامهم يستقر برأسك فاهمه ؟!
لتين بغصه : بس هي تـ .
ذياب يقاطعها : لا يالتين لا تحطين في ذمتك شي ما ندري ايش السبب يمكن امك تعبانه او شي " ما نربط هالشيء كله عشان حبيبها " .
لتين تغير الموضوع : وين تركيه ؟!
ذياب يبتسم عارف انها تغير السالفه : بغرفتها وامي الحين بتروح لـ أمك وشايع طالع مع سلمان .
لتين : سلمان جاي ؟!
ذياب : اي جاء وسأل عنك وقلنا نايمه .
لتين توقف : ليه ما صحيتوني ؟!
ذياب يوقف معها : ما حبينا نزعجك .

بععد صلاة العشاء ..
بيت ابو مشعل .. ام مشعل جالسه تكلم ولدهاا ..
بخبث : اي يوم شافتها راحت بيت خالتها حطت القهوه وش القصد من ذا كله ؟!
مشعل منسدح : ععادي يمه كلها جمعت بنات .
امه : وش جمعت بنات يوم جيت تروح جات الجمعه بينهم ؟!
مشعل يحاول ما يفكر : طايب شسوي جمعه خلهم يستانسون .
امه مقهوره من برود ولدها : كلمتك يوم وصلت ؟
مشعل م فهم : ايش ؟
امه : لتين كلمتك يوم وصلت ؟!
مشعل يطالع بالسقف " خلها امكن تشتاق وتتصل " : اي اتصلت .
امه تغير الموضوع : يوم السبت بسوي عزيمه واعزم ام رياض تجي تتعشى هي وبنتها .
مشعل عارف امه وش تفكر : ما شاءالله .
امه : وانت متى بترجعع ؟!
مشعل : لحين امكن اتصل في ذياب يجيب زوجتي ععندي .
امه بقهر : وش تبي فيهاا ؟!
مشعل يبتسم : ابيها .
امه : استأذنت منك عشان تروح القهوه !
مشعل يعقد حواجبه : لا والله .
امه بقهر : وان شاءالله بتطلع وهي ما استاذنت منك .
مشعل يصرف امه : ععادي عادي
.امه عصبت ولدها ما ينفع معه التليفون لازم وجهاً لوجهه : مع السلامه .
مشعل وكلام امه في باله : مع السلامه .
سكرت امه وظل يطالع بجواله " مشتاق يسمع صوتها يحس بفراغ لحاله " سحب بطانيته وفي باله فكرته اللي بيسويهاا .

بالرياض ..
ام عادل بعصبيه : وش اللي ما تبينه ريمااانو حالك هذا ماهو عاجبني .
ريمان وهي تبكي : اقولكم ما فيني شي اتركوني بس اتركوووني .
امها تمسكها مع يدها : ريمانوو والله لو ما تتكلمين وتقولين وش فيك ولا انا بتصرف بطريقتي ما صارت هذي نهارك ليل وليلك نهار وش غادي عليك حتى الأكل ما تبينه وش سالفتك ؟!
ريمان سكتت وهي تمنع شهقاتها تطلع : ............. ..
امها بعصبيه : بكرا العصر تتجهزين نوديك لـ الشيخ يقراء عليك .
ريمان زاد بكاها : اقولكم ما ابي انا ما فيني شي حرام انام النهار ولا حرام اصحى اليل ولا حرام ما اكل وش ذا اموت احسن لي .
رنيم واقفه وتطالعهم ما تدري شتسوي معهم " امها معصبه تبي تعرف ، وريمان تبكي وتصارخ " ..
امها بصوت حاد : اسمعيني ععاد حركات البزران هذي ما تمشي معي ترجعين من المطعم مقلوب حالك وش صاير لك " سألتك احد متحرش فيك قلتي لا سألتك متهاوشه مع احد قلتي لا سألتك يعورك شي قلتي لا "وراه ما تتكلمين طيب ؟!
ريمان وهي تمسح دموعها : ما ابي اعلم احد طايب فهمتوا الحين والحين اطلعوا .
رنيم بستغراب : وليه ما تعلمينا ؟!
ريمان تنسدح وتسحب البطانيه وتغطي نفسها بدون كلمه ، طلعوا ولسى ام عادل معصبه : وش هالبنت رإسها يابس اموت واعرف وش مغيرها ؟!
رنيم تجلس مقابل امها : يمه اتركيها مع الايام بنعرف وبتجي تقول لنا .
في بيت ابو فيصل ..
أغغلب البنات أجتمعوا وجلسوا يسولفون لين يجتمعون الباقين ..
غالي : وين ريمان لا يكون راحوا الرياض ؟!
تولين : يب راحوا ابوهم عنده عمل وبعدد ععادل عنده دوام .
ميساء : متى بنتقهوا ؟!
روان توقف : بروح اجيب جوالي اشوف وين الجازي وهديل ولتين وتركيه ؟
تاله : انا اتصلت في لتين تقول شوي وبيجون .
روان : اوكاي .
طلعت روان وهديل تدخل عليهم : سلام .
قاموا وسلموا وجلسوا يسولفون ودقايق شاركتهم الجلسه الجازي ..
برا وقفت سيارة ذياب نزلوا من السياره ودخلوا مع البوابه تركيه تلتفت على لتين : انتي اسبقيني انا بعدل نفسي عند الباب .
لتين تطالعها : طايب بس انتبهي لا يطلع عليك احد .
تركيه تغمز لها : لا تخافين ي الله روحي بدور وين حطيت الكحل فيه وشنطتي صغيره ويضيع فيها .
بالملحق جالس عند التلفزيون وبالي مشغول وسمعت صوت فذمتي انه صوت محبوبتي قمت وانا اوقف عند الباب واطالعها بعبايتها " صغيرتي وراها نحفانه كيذا " لا شعورياً ساقتني رجولي لها قربت الين صرت وراها وبهمس : حبي .
رحت وانا اترك تركيه مجنونه هالبنت مع انها متجهزه بالبيت لكن لازم تشوف وجهاا مشيت وحسيت فيه احد يناديني ألتفت وانا اطالعه قدامي سكت مصدومه " شفيه كيذا بشرته لونها تغير شواربه عوارضه شتت نظراتي وانا اعطيه ظهري بروح ادخل .
ألتفتت علي وهي تطالع فيني وكأنها مصدومه من شكلي شوي الا اعطتني ظهرها بتروح " والله ما تروحين " .

برا بالسياره ..
فارس : وين اغراضك فيه وانا بجيبها ؟!
ابوه يفتح الباب ويطالع سيارت فيصل : خلك فيه بنات بالبيت وبعدين فيصل هنا ؟!
فارس بدون اهتمام : اي توه راجع من الدوام سلم ومدري ايش وجاء .
ابوه يهز راسه : اها .
نزلت من السياره وانا ادخل مع الباب وانا أمشي طالعتهم ظليت واقف اشوف ولدي " شيسوي " ..

بيت ام سلطان ..
ام ذياب : وش اخبارك انتي ان شاءالله مرتاحه ؟!
ام سلطان : الحمدلله ما علينا لتين وش اخبارها سمعت ان مشعل حطها عندكم ؟!
ام ذياب تهون عليها : ما عليها سالكه مع العيال وترا قلت لها سالفة امها " فهده " .
ام سلطان تضرب على رجلها بصدمه : ايششش ؟!
ام ذياب : ايش ولا ما ايش البنت لازم تدري وشايله هم الكلام اللي قاله سلطان الله يهديه وانها " طالعه على امها " تسمع منا ولا تسمع من غيرنا ..
ام سلطان تنزل رأسها ورجعت تطالع في اختها : ما قالت شي ؟!
ام ذياب : بكت لمن سمعت السالفه ونامت بععدين الحمدلله طاح الحمل والهم اللي على قلبي وجاء اليوم اللي لازم تعرف فيه قصتها .
ام سلطان : وش اخبارها كلت صحتها ماهيب ذاك الزود من رجعت من السفر وهو رايح وزنها .
ام ذياب تطمن اختها " بعد اهي تصير امها " : ما عليك تغدت وقبل تطلع عطيتها كورن فليكس ولبن وبعدين بيتعشون عند روان لا تخافين عليها لتين ما ععاد هيب صغيره بس " بسألك ؟!
ام سلطان تمد الفنجال لـ اختها : أسألي تراك خوفتيني ؟!
ام ذياب تأخذ الفنجان : لا تخافين الا بسألك " لتين مرتاحه مع مشعل ولا لااا ؟!
ام سلطان بعد صمت : والله مدري كل ما أسالها تقول حياتي زينه وهالبنت ما تقول لي اجل قايله لك شي ؟!
ام ذياب تحط فنجالها وهي تطالع اختها : من جات ما شفتها مسكت جوالها ولا اتصلت بزوجها " الوحده تكون حرصه على زوجها وذي ابد وكأنها ارتاحت منه " !
ام سلطان : لتين من البدايه ما تبيه لكن تعرفين عبدالعزيز الله يرحمه كلمته لازم تمشي وزوجها ولد عمها .
ام ذياب : الله يرحمه واخوانا المسلمين " اجل كيذا ما ألومها البنت تسلك لنا وان هي مرتاحه شكلني بجلس معها اشوف " ؟!
ام سلطان بخوف من الفكره اللي براسها : اي تكفين أسأليها .

في بيت ام تركي ..
ام مشعل وام فهد جالسين بالصاله سوالف وضحك .
ام مشعل : على طاري ام رياض قررت أخطب بنتها لـ مشعل .
ام تركي تطالع اختها : ليه لتين وش فيها ؟!
ام مشعل بكذب : مشعل يقول ما ارتاح معها ومشاكلهم ما تخلص فقال أخطبي لي .
ام فهد تطالع اختها وهي تهز رأسها بأسف : لأ حول ولا قوة الا بالله .
ام تركي على نياتها : اذا هو قال كيذا اخطبي له وبععدين بنت ام رياض ما شاءالله حسن ودلال ودلع ومهتمه بنفسها وموظفه كامله والكامل الله .
ام مشعل تطالع ام فهد بنظره : بعزمها السبت هي وبنتها ويجلسون معنا .
ام فهد بقهر : ولتين وش بيصير عليها ؟!
ام مشعل : وش بيصير عليهاا هي الأولى وفي بيتها معززتن مكرمه والثانيه ععادي يحطها بشقه الشيء ما هوب صعب .
ام تركي : الله يكتب اللي فيه خير .
ام مشعل : اللهم امين ويكتبها نصيب لولدي .

‏قال رجل لحذيفة : إني أخشى أن أكون منافقًا
‏فقال: تصلي إذا خلوت، وتستغفر إذا أذنبت؟ قال: نعم، قال: إذهب فما جعلك الله منافقًا | ك. الترغيب 167

اعذروني والله جالسه اظغط على نفسي ولعيونكم راح انزل بارت " وراح يكون لي اجازه اسبوعين " لكن راح احاول اكتب وانزل وان شاءالله ما اتأخر 😂🌚.

[لامارا]

38


بالرياض ..
طلعت من غرفتها لمطبخ فتحت الثلاجه طلعت جيك المؤويه وصبت لها بالكأس وشربته دفعه وحده وهي تتنهدت على دخول عادل سمعها : شفيهاا دلوعة اخوها ؟!
ريمان ترفع عيونها تطالعه : ولاا شي .
قربت منها وانا اطالع عيونها وبهمس : الحب عذاب .
توسعت عيوني وانا اطالعه مصدومه : إيش ؟!
عادل يبعد عنها وهو يفتح الدرج يأخذ كأس : اللي سمعتيه بععدين وش لك بالحب هه حتى شوفي نفسك أهملتيها تصدقين لو احد مكاني ويدري بحبك وإنك تحبين كسر رأسك لكن انا ماني همجي بتحبين حبي اهلك امك ابوك اخوك اختك تحبين لك واحد ما يدري عن هوا دارك ليه ليه تجيبين الشقى لنفسك هااا ليه ؟!
طالعته ودموعي نزلت وبنفسي " والله مو بيدي قلبي اللي حبه قلبي " وبغصه : انا ما أحب شتقول أنت ؟!
عادل يضحك : الله الله طايب م يفز قلبك لو قلنا فارس ؟!
فتحت فمي وانا مصدومه منه : عادل .
حطيت الكأس على الرف وقربت منها وانا أشد على يدها : ريمان الحب مو حرام الحب زين لكن مشكلته انك تحبين واحد م يدري عنك ولا عن هوا دارك فارس يحب بنت خالي الله يرحمه من زمان بس ما كان واثق من حبه الا لين شافها بالصدفه وانتي بيجيك واحد وبيحبك وتتزوجينه وينسيك حبك لفارس فهمتي يقلبيي لا تطفين كيذا وتعذبين نفسك وهو ينام ويأكل ويطلع وانتي تحرقين في نفسك .
ريمان تحضنه وهي تبكي : م عرفت والله قلبي قلبييي يعورني م قدرت .
شديت عليها وانا أبتسم بحزن " أختي تحبه وانا عارف ان فارس م يحبها ولا يدري عنها اه بس ليت أقدر أشيل حبه من قلبك " : ريماااانوو اذا تبين تنسينه لا تجلسين بروحك ولا تفكرين فيه خليك مع امي ورنيم وان شاءالله تنسينه .
ريمان بحزن : طايب .
بعدت عنه وانا اطلع متوجهه لغرفتي , طالعتها طلعت تنهدت وانا اخذ الكأس وطلعت لصاله ..

بالخبر ..
بالملحق ..
صرخت بوجهه : شتبي انت ؟
تكتفت وانا اطالعها من فوق لتحت : أبيك .
مشيت بطلع لكنه سحبني : على وين ما بعد خلصت كلامي ؟!
طالعته وانا معصبه : شوف حركات الوغدان اتركها انا وحده متزوجه فاهم ؟!
طالعت بعيونهاا " اخ ي عيونها والله اجزم انها تحبني " : عيونك حلوه .
طنشته وانا اطلع جوالي بتصل في روان تجي تبعد اخوها مو ناقصه مشاكل انا حسيت فيه يسحب جوالي : لا لا ي حلوه لا تفكرين خلينا نتفاهم بعدين اطلعي .
صرخت فيه : فيصل عن الخبال وش نتفاهم عليه انا متزوجه م ت ز و ج ه فهمت الحين ؟!
طالعت فيها وبهمس : حبيتيه ؟!
طالعت فيه وسكت " ممدري شقول أحترت انا احبه ولاا لااا " ..
ابتسمت بفرحه : شفتي انتي لحين ما تحبينه أنتي تحبيني أنا انتي حقتي لحالي تعرفين ايش اللي فرحني لمن شفتك اخذتي مانع الحمل تأكدت انك ما تحبينه .
سكرت عيوني ونبضات قلبي في أزدياد : فيصل .
ابتسمت وانا أقرب منها : عيونه .
ما حسيت بنفسي الا صكيته كف : بععد عن طريقي .
قربت منها شوي الا يدها على خدي عطتني كف " لااا ي الحب لاااا مو انا اللي تعطيني كف لااا " ..
طالعت فيه وعيوني أمتلت دموع وربي خفت جلست ابكي : شسويت لكم انا قولوا لي شسويت يعني ما برتاح في حياتي يعني اموت احسن شتبون مني حرااام عليكم وربي حرام .
طالعت فيها وهي تبكي " طفلتي كاتمه بداخلها " : طلعي اللي كاتمته انا بسمعك .
أخذت شنطتي وانا اطالعه : فيصل واللي يرحم والديك ابععد عني خلني ارتاح في حياتي حتى لو تحبني انا تزوجت وزوجي م يرضى .
سحبتها بقوه لدرجة لو كانت شايله النقاب بست شفايفها من قربي لها : انتي لي فاهمه لتين لفيصل .
ألتفت وياه على صوته : خلصتوا ؟!
طالعت فيه لدرجة شنطتي طاحت بكيت من الخوف لا يا ربي ما كان ناقصني .
طالعت فيه وانا مو مهتم " هذي حبيبتي " ..
ابوه بنبره قاسيه : هذا اللي ربيتك عليه تلاحق البنت وهي متزوجه انت ما تستحي على وجهك متى بتكبر أنت ؟! وانتي وش تسوين هنا ؟!
قربت من عمي وانا ابكي : اساله اقوله من زمان ابعد عني لكن مو راضي وربي ي عمي مو تاركني بحالي .
فيصل يتكتف : لا لا مو كيذا حبيبتي اجل اذا تزوجنا وصارت بينا مشكله بتخبرين ابوي ؟!
طالعه ابوه بصدمه : وقص بهاللسان اطلع براا اطلعععع .
فيصل يبتسم بقهر : خل اشبع عيوني فيهاا .
ابوه بصرخه : فيصصصصصل .
فيصل قرب منهم وباس رأس ابوه : اسف ي طويل العمر الحين بطلع .
ألتفت عليها وبحركة سريعه باس خدها وتوجهه لباب " ابوه ولتين مصدومين " ..
ابوه بصدمه طاح ممغمي عليه " منصدم من ولدهه " ..
لتين فاتحه فمها وتطالع بظهرهه شوي وصرخت لمن شافت عمها طاح : فيصصصصصصصل .
طلعت وانا ابتسم اخيراً بستهاا ي لبيه وانا امشي بطلع سمعت صرختهاا ألتفت لملحق وانا اركض دخلت شفت ابوي بالارض ولتين تحاول تصحيه قربت منها بخوف : وش فيه ابوي ؟!
لتين تبكي : مممدري كله منك انت .
شلت ابوي وقلت لها تفتح الباب ركبته وسكرت الباب التفت عليها وانا اسحبها وادفها بداخل السياره : بسرعه نروح .
انصدمت لمن دفني بداخل السياره جيت بفتح الباب تقفل طالعت فيه بخوف : افتح افتح .
شويات وحركت لبرا البيت وانا ادعس على البانزين دقايق ووصلنا لمستشفى .

بالرياض ..
طلع لـ سيارته ووقفه صوت صاحبه : مشعل بتمشي ؟!
ألتفت عليه وهو يأشر بيده : اي راجع لـ الشرقيه الدوره بتكون هناك .
عبدالله : اجل حافظك الله .
ابتسمت له : ي الله توصي شي ؟!
عبدالله يبادله الابتسامه : سلامتك ي الله توكل .
اشرت له بيدي : فمان الله .
ركبت سيارتي وحركت ماسك خط لـ الشرقيه 700 كيلو لكن مع السرعه راح تقل المسافه .. طالعت بجوالي وانا مشتاق لها وهذا اول يوم واشتقت ي الله صبرني ..

بالـ الشرقيه ..
انتظرت وأنتظرت شفته تأخر طلعت جوالي وانا أتصل فيه الا رن جواله عندي ضحكت على نفسي لو أنزل بيكسر رأسي فيه بنات وتدخل ي الله شسوي الحين بنزل واللي فيها فيها ..
فتحت الباب ونزلت دخلت لحوش طالعت بأنوار الملحق مشغله جلست على الدرج انتظر ابوي وانا اسمع صراخ البنات وسوالفهم يماااامنهم ..

بالمستشفى ..
وصلوا نزل أبوهه شويات وحطوه على السرير وأخذوه ظليت واقف وانا افكر وش صار له ليه طاح تنهدت وانا ألتفت عليها شفتها واقفه تطالع بالعسكري قربت منها والغيره تأكل قلبي : عيونك نزليها وش له تطالعينه ؟!
ألتفت عليه وانا موب رايقه قلبي ماهو مرتاح ابداً : شيدخلك ابعععد عني .
ابتسمت بوجهاا وبهمس : سبحان الله ما تغيرتي الا اقول شرايك نهرب ؟!
نفصت عيني فيه : والله لو ما تبعد اني لـ اصرخ فيك واخليهم يجتمعون عليك بعععد .
قربت منها وعيوني تطالع بعيونها : ي الله أصرخي خليني اسمع صراخك وبصارخ معك .
تأففت منه ومن حركاته وانا اسمع جوالي يرن طلعته وطلع " . " مشعل جيت اصمته سحبه مني وطالع فيني بخبث .
انا هنا وقف الا بيوقف قلبييييي وش ناوي عليه .
رن جوالها وطلعته تشوف منو الا سحبت جوالها وانا اطالع بالاسم " . " ابتسمت بوجها وانا ناوي عليها نيه .
طالعته بخوف : لو سمحت هات جوالي .
ابتسمت بخبث : من ذااا ؟!
طالعته وقلبي نبضاته في اي دقيقه راح يوقف شناوي عليه هالحيوان : امي امممي تتصل .
رفعت حاجبي : وامك تسجلين اسمها نقطه ؟!
بلعت ريقي بخوف : هذا رقمها الثاني والحين هات جوالي .
هزيت رأسي بعناد : لا تحاولين بالأول بسلم عليها .
صرخت فيه بخوف لمن شفته بيفتح الخط : فيصصصل هذا مشعل لا تفتح الخط .
ضحكت بسخريه وانا اشوفها ترجف : ليه تكذبين وتقولين أنه امك ؟!
وربي كرهته زياده على حركاته البايخه : خلااص ععاد والحين عرفت عطني جوالي وخلني بحالي .
طالعت بالجوال رجع يتصل ثانيه : اسمعي ي أكلممه وبعده يطلقك وأخذك ولا تكلمينه وتقولين له يطلقك .
طالعت فيه بقهر : تحسب الحين لو طلقني بوافق عليك هاا لا تحلمم ي فيصل صح ما أحب مشعل ولا تحسب اني بععد احبك انااا اكرهك .
طالعت فيهاا : تكرهيني ؟!
صديت عنه وانا اتوجهه لـ استراحة النساء : اي .
طالعت فيها لين أختفت طالعت بالجوال لازال يرن صمته وحطيته بجيبي وظليت انتظر الدكتور يطلع يطمني ..

بيت متعب ..
جالسه قدام الـ Tv متعب طالع من العصر إلين هالحين وما رجع لبيت تنهدت وانا أقلب بالقنوات الطفش ذبحني عزمتني روان على القهوة لكن متعب رفض اطلع والحين هو برا البيت وش ذاا يا ربي جد بديت اطفش لازم اسوي شي ..
شويات ورن جوالها طالعت بالشاشه طلع متعب فتحت الخط بهدوء : هلاا .
متعب : سلام جهزي قهوة وشاي وحطيتها بالمجلس وسوي جمر لين اجي .
العنود بملل : طايب شي ثانـ .
ما امدا تكمل كلامها الا تسكر الخط تنهدت وهي تتوجهه لـ المطبخ وبدت تجهز الفناجيل والبيالات والقدوع " التمر " .. طلعتهم بالمجلس وهي تشغل الانوار وهي ترجع لمطبخ ظلت تطقطق بجوالها الين جاء متعب ..
العنود بهدوء : القهوة جاهزه .
متعب طالع فيها : طايب بروح اغير ثوبي وجاي .
العنود تطالع بجوالها بعدم اهتمام : طايب .
طلع من المطبخ دخل الغرفه وبدل ثوبه وجاء طالع برا الغرفه طالع بلبسها معلق على الشماعه عقد حواجبه وهو يشوفه طلع ودخل المطبخ وطالعها سرحانه : العنود .
ألتفت على صوته : هلاا هذي القهوة .
قربت منها بهمس : يعني بتلبسين ذاك اللبس لقهوة هاا ؟
طالعته وانا اعقد حواجبي : ايش ؟!
شديت على مسكت يدي : الفستان هذاك بتلبسينه لقهوة ؟!
طالعته وانا ابتسم : وش فيها فستان ناعمم .
نفصت عيني فيها : احلفي بس وش ناعمم هذا اشبه بقميص نوم هذا تلبسينه لي وععندي مهوب عندهم .
صديت عنه وانا احاول اسكر الموضوع : الضيف لا تخليه ينتظر .
طالعت فيها بسخريه : لا تخافين الضيف تعرفينه يععني عادي لو تأخرت عليه .
طالعته بتعقيدت حواجبي : شتقصد ؟!
ابتسمت بسخريه وانا اخذ القهوة وانا والله ماهيب نيتي كيذا بس قهرتني : راكان زوج هديل .
طالعت فيه وهو يطلع عورني قلبي وحسيت فيه وخز أبره أول م قال هالحكي مشيت طالعه من المطبخ وانا ادخل الحمام وأستفرغ كل اللي ببطني .

بالمستشفى ..
بععد م طلعوا عمي لغرفه جانبيه حطوا له مغذي دخلت عليه وانا صاده من فيصل سلمت على راسه : سلامتك ي عم م تشوف شر .
شديت على يدهاا : الشر م يجيك ي بنتي .
نزلت دموعي وانا ارمي نفسي على صدرهه : سامحني ي عممم سامحني .
حطيت يدي على ظهرها : مسامحك ي بنتي مسامحك قومي امسحي دموعك ي الله أشوف .
بعدت عنه وانا أمسح دموعي وبخنقه : قول له يتركني بحالي ي عممم م ابي اصير مثل أمي .
أنصدمت وانا اسمعها تقول هالحكي قربت وانا ألفها علي : أقص لسانك لو قلتي مثل هالحكي انتي م تشبهينها فاهمه هذيك مو امك انتي امك ام سلطان وام ذياب انتي ما تشبهينا .
بعدت يده وانا اصرخ فيه : الا بصير اشبها لو تطلقت وتزوجتك بصير مثلهاا فاهمم .
صرت فيها : لااا ما تشبهينا انتي غير ما تفهمين انتي غير .


على خط الشرقيه مستانس ومبسوط أتصل على فندق " سلفرتون" بحي العلياء وحجز لمدة أسبوع طلب عشاء ودور على الأرقام إلين وصل لرقمها أستانس يبي يسمع ردت فعلهاا" ضغط على زر الأتصال ........ لكن ما من مجيب رجع يتصل ثاني مرا لكن م فيه اي مجيب رجع يتصل ثالث مرا " ومثل م يقولون الله يستر من الثالثه " 👀!!

بالمستشفى
لسى يتهاوشون بالحكي ومطنشين صوت الجوال اللي يرن لمن رن الثالثه سحب الجوال وفتح الخط بصراخ : وبعدين ما ردينا تجلسون تزعجون ؟!
لحظة صمت عمت على المكان بععد الجوال وطالع فيه وفي الأسم المسجل رفع رأسه وطالعها مصدومه تطالع بالجوال .
على طول سكر الخط وقفل الجوال كامل وطالعها : وحده من البنات متصله .
طالعته وانا مو مرتاحه ولا متطمنه : متأكد ؟!
ذبيت الجوال عليها وانا أجلس : مشعل متصل ورديت بالغلط حسبته جوالي وانتي م تشبهين أمك .
مسكت جوالي قبل يطيح وقلبي يرجف : مشعل متصل ؟!
طالعت فيهم وأحس رأسي بينفجر وبصوت تعبان : أطلعوا برا أشوف .
ألتفت عليه ودموعي متجمعه بعيوني : كيففف ؟!
وقفت وانا أقرب منه : يعورك شي انادي الدكتور ؟!
طالعت فيه وانا اصد بوجهي : اطلععع برااا ولدي م يسوي ذا السوايا .
تنهدت وانا امسك يده : قلي شسوي يبه لا صرت مجنون فيها هاا يبه انا اعشقها اموت من دونها " ‏مجنون في حبها مجنون 💔" .
طالعت فيه ودمعتي نزلت : واللي يحب يسوي هالسواياء البنت متزوجة على ذمة رجال ي ولدي على ذمة رجال تبي ربي يغضب عليك تبيني اغضب عليك ؟!
طالعت فيها وهي جالسه ورديت اطالع في أبوي : فذمتي يبه حبها متمركزن على قلبيي لاني قادر أشيله ولأ قادر أمحيه ☹💔.
طالعتهم وانا أوقف : انا طالععه تصبح على خير عمي وأخر الأتعاب إن شاءالله .
طلعت من الغرفه وأنا أمسح دموعي أحس بالضياع ظليت وأقفه برا مو قادره أفتح جوالي " مو خوف " لا شعور غريب طالعت بالشارع تمنيت أرمي جوالي واهرب بس لوين أهرب في دقايق او ساعات بيلقوني لكن بععد أربع وعشرين ساعه من هروبي بس لوين أهرب لوين !!

بالسياره ..
طالعت بالجوال وبالأسمم بس الصوت صوته شجاب جوالها معه وكلامه " وبعدين ما ردينا تجلسون تزعجون ؟! " شكانوا يسون بس لتين بالعزيمه كيف راحت لفيصل لحظه أريام لازم أتصل في أريام سحبت جوالي وانا أبحث بالأرقام دقايق وضغطت جاري الأتصاال لكن م من مجيب رجعت أتصل ولا من مجيب مو وقتها وين رقم مرجانه دقايق واتصصلت ومسك الخط .
مرجانه : هلاا والله .
حاولت اضبط اعصابي : هلا فيك مرجانه انتي وينك الحين ؟!
مرجانه : بيت عمي .
وقفت بالمحطه أعبي بانزينن وانا اسألها : لتين قريبه منك ؟!
مرجانه تطالع بالبنات يتقهون : لاا لحين ما جات .
جن جنوني بالكامل : كيف ما جات بنت خالتها جايه ؟!
طالعت تركيه جالسه : اي موجوده .
وقتها ودي أدخل مع الجوال : أسالي وين لتين وعطيني اكلمها جوالها مقفل .
مرجانه : طايب سكر لمن اشوفها اخليهاا تكلـ .
قاطعتها واعصابي على الحافه : لا تسكرين بس بسرعه اسألي عنها .
مرجانه بصوت عالي : تركييه وين لتين ما جات معك ؟!
تركيه تو تنتبه : لحين ما دخلت هي سابقتني لداخل امكن عند المرايا او بالحمام .
روان توقف : بروح اشوفها تعالي مرجانه .
قمت معها دورنا عليها م فيه أثر لهاا رجعت لجوال : لتين مو فيه .
صرخت فيها : كيففف ماهيب فيه تستهبلين انتي ؟!
استغربت صراخه : والله العظيممم مدري .
روان : مرجانه اصبري فراس هناك تعالي نسأله نشوف .
مرجانه : طايب .
فراس جالس يلعب بلايستيشن .
روان : فراس ما شفت لتين ؟!
ألتفت عليهم وبكذب : راحت مع أبوي وفيصل .
مرجانه : وين راحوا ؟!
فراس يطالع الشاشه : ممدري والحين اطلعوا فارس الحين بيجي .
شويات ودخل عليهم فارس لبس ثوبه الزين وشماغه بيده م انتبه على مرجانه : فراس ما تدري اي مستشفى ودوه له ؟!
مرجانه اعطته ظهرها وطلع وهو يصارخ : خخير تدخلون هناا فراس بسرعه تعال .
فراس قام ومسكته روان : منو اللي بالمستشفى ؟!
فراس بععد يدها وطلع لـ فارس علمه ورجع لداخل وبستقباله مرجانه وروان .
فراس بكذب : خلاص بقول لكم بس لا تعلمون أحد لتين دخلت لبيتنا لمن شافت ابوي راحت تسلم عليه وهو جاء بيدخل الملحق زلق وطاح واغمى عليه فالتين صارخت الا فيصل جاي من برا شافها واخذ ابوي لمستشفى هو ولتين .
روان بصدمه : ايش والحين ابوي كيفه ؟!
فراس يطمنها : لا الحمدلله احسن بس عشان كان فيه حصى صغار زلق فيه .
مرجانه ناسيه امر مشعل : في اي مستشفى هم ؟!
فراس : مستشفى .................. .
أول م سمع كل الحكي سكر الجوال وتوجهه لشرقيه قاصد المستشفى ..

بالمستشفى ..
طلع وراها بععد م شافها طلعت شافها وقفت وبين انها محتاره قربت منها وانا اكلمها : تعالي أوصلك .
ألفت عليه بعصبيه : فكني منك ما أبي منك توصيل ولا غيره فكني منكككككك .
رفعت حاجبي : والله اجل وين بتسرحين له ؟!
صرخت فيه : إن شاءالله لـ جهنم مالك شغل فيني فاهم .
ركضت وانا ناويه أقطع الشارع عيوني أمتلت دموع واصوات م اقدر اسمعها م غير أسمع صوت بكاي شويات ووقفت بنص الشارع وانا اطالع بالسياره نسيت كل شي حاولت أمشي أكمل مشي لكن رجولي مثبته مو قادره اسمع صراخ بس أحسه برأسي مو حولي شويات وحسيت نفسي طايره سكرت عيوني وأنا أحس بألم برأسي ودموعي اللي حابستها أنفجرت كلها وبعده فقدت الوعي .
مشت من قدامي وانا أنتظر وش بتسوي الا اشوفها توقف بنص الشارع والسياره جايه صارخت عليها ابيها تبعد لكن م بععدت وشكل اللي بالسياره م انتبه لها ركضت بكل قوتي لها سحبتها وصدمتني السياره الا أحس رجلي أنكسرت ورأسها أنفجر ضرب بالرصيف سكرت عيوني من الألم حسيتها سكنت مالها حركه ولا حاجه حضنتها لصدري بقوتي وانا أسمي عليها شويات واجتمعوا علينا .

وصلت المستشفى وانا أدور على فيصل بس مالقيته قدامي سالت عن اسم ابوي واعطوني رقم الغرفه ركضت لها وانا أشوف ابوي منسدح واحسه سرحان قربت منه وانا ابوسه على رأسه واتحمدله بالسلامه .
طالعته : اجل وين فيصل ؟!
تنهدت وانا استغفرالله : اخوك طلع يشوف بنت عمك تهاوش معها رح شفهم وابعده منها .
فارس : وليل طايب شوي وراجع .
طلعت وانا أدور عليه شويات الا أشوف اللي بالسرير يسحبونها وفيصل على الكرسي المتحرك ركضت له بخوف : بسم الله وش فيك ؟!
طالعته وعيوني على السرير اللي دخلوه لغرفه : لتين ودني وراهم لا يكون صار لها شي بسرعه .
سحبت الكرسي من الرجال وانا ادفه لغرفه لكن منعونا ندخل طالعته وانا اساله وصدمني باللي قاله خفت يصير فيها شي ولا تموت " اخذت فيصل لدكتور وعملوا له اشاعه وطلع كسر برجله الساق سوو له تجبيرهه " وظلينا ننتظر الدكتور يطلع من الغرفه .

وصلت المستشفى وانا اطالع بالعالم وينها قاتلها قاتلها مستحيل أخليها طالعت من بعيد فارس ركضت له وانا أساله : وينهم قليلين الخاتمه ؟!
فارس يطالعه يحاول يهديه : اذكر الله ولتين بغرفة العمليات .
فتحت فمي اطالعه : إيشششش ؟!
فيصل من وراه : اللي سمعته أدع لهاا بدل ما تدور مشاكل .
مشعل ألتفت عليه وهو يمسكه مع ياقة ثوبه : وش سويت فيهااا هاااا وش سويت بزوجتي تكلممممم ؟!
فيصل يقهره : والله كنت ناوي اطلع وياها بس صار علينا حادث .
من الغبنه والقهر صكيته كففف : رخمممممممممه تخون ولد عمك ي الخسيس مهيب هذي تربية عمي لك .
فارس يبعده : خلاصص العالم تطالعكم وبعدين تحمد له بالسلامه أنقذ زوجتك ولا كان الحين ميته .
طالعته بعصبيه : كان خليتها تموت وما تساعدها فاهممم .
فيصل بسخريه : ليه تقارني بنفسك انا والله ماني بقاسي اني اترك حبيبتي تموت .
مشعل قرب منه وهو يمسكه : احترم نفسك زوجتي لا تقول لها حبيبتك .
قطع عليهم طلعت الدكتور من الغرفه ..
فارس تقدم منه : طمنا دكتور وش فيها ؟!
الدكتور : الحمدلله عملنا لها تخيط 14 رتبه بالراس والحين بننقلها لتحت الملاحظه علشان م يصير مضاعفات ويفظل تجلس أسبوع .
فارس بحزن : الله يكتب اللي فيه خير .
راح الدكتور وألتفت فارس عليهم : والحين سمعتوا وش قال الدكتور ي الله هناك وخلوا عنكم حركات البزران .
مشعل يعدل شماغه : تستاهل ما جاها .
مشى طالع من المستشفى رايح لبيت .. فارس يطالع فيصل وفيصل يطالعه مصدومين الواحد يسأل يروح يتطمن لكن هذا لاا طلع من المستشفى ..

أنتشر خبر الحادث اللي صار لـ لتين وفيصل بسرعة البرق اللي حزن واللي بكى واللي يتحمد لفيصل بالسلامه ..

بيت ابو مشعل ..
دخل لغرفة إمه وهو يجلس مقابل لها : يمااا .
ألتفت عليه : هلااا ي عيون أمك وش فيك ؟
هزيت رأسي : ما فيني شي .
قربت منه وانا احط يدي على فخذه : يمك هذا شي مكتوب ولتين أن شاءالله بتصحى واء .
قاطعتها وانا اطالعها : لا تطرين أسمها انا جايك أبيك تخطبين بنت ام رياض واذا وافقت ابي الملكه بعد يومين ابي أستقر .
امه بصدمه : ايش ؟!
وقفت : اللي سمعتيه اخطبيها لي ولا رحت أدور لي ي الله بروح انام تعبان .

بيت ام سلطان ..
امها جالسه تبكي وهي تكلم اختها : والحين وش قالوا عنها ؟
ام ذياب : للحين ما قالوا شي هذي هي تحت الملاحظه ععاد بيشوفون .
ام سلطان تبكي : خليك قريبه منها .
ام ذياب بحزن : لا تخافين انا عندها وانتي قومي وتوضي واستقبلي القبله وادعي لها .
ام سلطان : ان شاءالله " الحين كيففف صار الحادث " ؟!
ام ذياب : والله يختك فيصل يقول جات تقطع الشارع وطاحت شنطتها ونزلت تأخذها الا سياره جايه وكان بتصدمها لولا رحمت ربي جاء ععاد فيصل وسحبها من قدام السياره والمسكين انكسرت رجله الله يسعده ويكتب له لكل خير .
ام سلطان : اللهم أمين ي الله اخليك وانتبهي لها يمكن تصحى .
ام ذياب تطالع لتين والاجهزه حولها : ان شاءالله .
سكرت منها وانا اطالع بفيصل جالس على الكرسي وبين انه يتألم طالعت فيه وقلبيييي قارصني ان السالفه اللي قالوها لي " كذب " تنهدت وانا اجلس مقابل الغرفه ..

‏____ كَ نصّيحة العُمر؟.
‏" خل حيِاتك اغلبّها ضحك,بالغِ بفرحك💛 " .

[لامارا]

39



بععد يومين بالتمام ..
تمت الخطوبه والملكه بيوم " الخميس " بأقي يومين على الخميس ويتملك مشعل على بنت أم رياض ..

على شاطى نصف القمر جالس مع صاحبه ..
مرت ساعه وهم ساكتين هو ينتظره يتكلم على راحته ما يبي يظغط عليه بالحكي ..
طالع بالنورس اللي قدامه : شفت ربي عاقبها خانتني وصار لها حادث .
ألتفت عليه بهدوء : مشعل .
لفيت برأسي عليه وبغبنه : بسام لا تقول اعذرها ولا هي مسكينه هي تحبه من زمان .
بسام سكت م يدري ايش يقول : .............. ..
تنهدت وانا اطالع بالبحر : ممدري انا اللي اسويه صح ولاا خطأ هو انا أعاقبها ولأ أعاقب نفسي قاهرتني وغابتني يصير لها حادث معه وين كانوا ناوين يروحون ؟!
طالعت فيه : اسمعني ي مشعل اللي سويته انت غلطط انت كيذا تظلم بنت الناس معك البنت شذنبها تأخذها تبي تقهر زوجتك فيه مليون طريقه غير الزواج بس خلاص ما ععاد يمدي انت خطبت ووافقوا عليك والله يكتب لك كل خير .
تنهدت بتعب : شتبيني أسوي ؟!
بسام بستفسار : ولتين بتطلقها ؟!!

بالمستشفى ..
سلطان واقف قدام العنايه يطالعها : وش جابها مع فيصل ؟!
خالته ام ذياب : حكمت ربي تعب عمك وجات معه من الخوف .
سلطان يعقد حواجبه : ومشعل خاطب وبيتزوج عليها وأسأله اختي وش قصرت معك فيه قال روح أسالها وشوف وش هي مسويه وتحمد ربها أني ما راح اطلقها " لتين وش مسويه " ؟!
خالته بحده : اسمعني ي سلطان أبععد من بنتي وزوجها قليل خاتمه اجل زوجته تحت الملاحظه ورايح يخطب ذي سوايا رجال لكن ما فيه فايده وانت اطلعع ولا أشوفك عند بنتي .
سلطان يطالع خالته : اذا هي بنتك فهي أختي ؟!
سععود بقهر من وراه : يومك تقول انها أختك وراك تطردها من بيتنا من هالحين ابعد عن لتين .
سلطان يرفع حاجبه : انا طردتها علشان م تسوي مثل سوايا امها .
خالته : حدك ي سلطان وبنتي لا تدخل بنيتها والبنت المسكينه شذنبها تذب الكلام عليها وهي م تعرف عن السالفه شي والغلط مو على امها الغلط على ابو امها الجد عبدالكريم غصب امها على ابوك الله يرحمه ومن هالحين معاد ابي اسمع هالموضوع مفتوح عند لتين فاهم وي الله توكل .
سلطان يطالع لتين : خل تصحى وتجي لبيت واتفاهم معها .
رفعت حاجبي بسخريه : لا تفتح بطنك ان لتين بتجي لبيت لتين بتجلس في بيتي معززه مكرمه وبنتي م ترجع لبيت مطروده منه ولا نسيت ؟!
سلطان يطالع خالته : لا يكون بتكبرين راسها علينا ولتين مالها الا انا رضت ولا ما رضت .
خالته تطالع لتين وحاسه فيها وبغبنه : يومك تقول مالها الا انت ما ضنتي لتين تقبلك وتقبل عذرك ولتين لها ربها واخوانها سعود وسلمان وذياب وشايع ولا سلطان طردها وسحبها من غرفة امه كأنها خروف تساق لـ المقصب نسيت ولا اذكرك ؟!
سلطان طالع خالته م يدري شيقول او يرد عليها : انا اء .
سعود يطالع بخالته : توصين شي ي خاله انا ماشي .
خالته : سلامتك وسلمني على أمك .
سعود يبوس راسها : يوصل ان شاءالله فمان الله .
طلع سعود ولـ حقه سلطان بدون كلمه ركب سيارته وراح لبيت .

بعد صلاة المغرب " بيت أم راكان " ..
ريان وهو يأكل من صحن الجح : الحين مشععل ولد خالتي في وعيه يومه رايح يخطب وزوجته بالعنايه ؟!
امه وهي تشرب شاي : هذاك سمعت الخبر وما ندري عن الناس وايش علينا منهم .
ريان يرفع حاجبه : ما سألتي خالتي ؟!
راكان يقفل جواله ويطالع اخوه : وانت شعليك تسألها ولا ما تسألها وهو حر بنفسه يتزوج ما يتزوج براحته .
ريان : انا الحين وش قلت الله الله بس سألت ؟
امهم : خلاص خلونا من الناس وين ابوك راح لحين ما جاء ؟!
ريان يستهبل : راح لزوجته الثانيه .
امه تذب علبة المنديل عليه : قمم قم من عندي ياللي ما تستحي .
ريان يضحك : يمااااامنكم ي الحريممم انا م كاسر خاطري الا لتين اذا صحت وسمعت الخبر الا ليه ما يطلقها مشعل واتزوجها ؟!
امه تنفص عينها فيه : ريان وش صايبك اليوم قممم انقلع غرفتك ولا أطلععع .
راكان بستغراب : وش شارب انت ؟!
ريان يوقف : بطلعع مواعد مويججد وانا اخوك ما شربت شي بس شكل الجح حق اهلك منتهي تاريخه وتفاعل مع جسمي ي الله سلام .
امه : انتبه لنفسك وعن الهبال .
ريان يبتسم : من عيوني .
بععد م طلعع ريان وقف راكان : ي الله توصين شي ؟!
امه : على وين ؟!
راكان يبتسم : بروح أتعشى برا عازم هديل .
امه : م شاءالله رح الله يوفقك وعجلوا بالزواج وش تنتظرون ؟
راكان يبوس راسها : ان شاءالله .

بيت ام ثامر ..
الجازي واقفه تستنى ثامر : ي ولدددددددد اذن العشاء وانت كله تلبس ترا كله مستشفى ؟!
ثامر يطلع عليها لبس ثوبه وشماغه وريحة عطره سابقته : وش تسوين بأخوك يحب الكشخه .
الجازي تبتسم : ي عيني ي الله خل نروح الحين روان هناك بالمستشفى .
ثامر يمسك يدها : مشينا ي الله .
الجازي تمشي معه : ي الله .

بالمستشفى ..
طلعوا لتين من الملاحظظه لغرفه مستقله لكنها لسى نايمه علشان البنج " بكرا ان شاءالله تفيق من البنج " ..
دخلت روان لغرفه وطالعت في الخاله وبنتها جالسين وكانت شايله بيدها بأقة ورد كبيرهه سلمت عليهم وقربت من لتين وباست رأسها وجلست ساكته وحابسة دموعها .
تركيه : تولين وتاله ماجوا ؟!
امها : بيجون بععد صلاة العشاء سلمان مشغول وبيجيبهم بععد م يخلص .
تركيه : اها .
برا بالمشتسفى دخلت هي و ثامر وبيدها شايله ورد وعلية شكولاته وتسولف مع اخوها قطع عليها صوته : وقفي شوي بروح اسلم على رفيقي .
الجازي : طايب بس بسرعه .
قرب منه ثامر وسلم عليه ويأخذ اخبارهه ..
بندر : سلامات شعندك بالمستشفى ؟!
ثامر : جايب الاهل يزورون صاحبتهم .
بندر : الله يشفيهاا .
ثامر : وأنت شععندك هناا ؟!
بندر يطالع بطلال جاي : والله جيت أشوف بنت اخوي الله يرحممه صاير لها حادث الله يشفيها .
ثامر : اللهم أمين أجل هي زوجة مشعل ؟!
بندر يهز رأسه : الله الله " الله يشفيها " .
ثامر : اللهم أمين " ي الله انا أستاذن بوصل الأهل .
بندر يبتسم : خذ راحتك .
رجعع ثامر لها وراحوا لغرفه وصلها وطلعع جلسوا إلين أجتمعوا بالغرفه عند لتين ..
مرجانه : ما قالوا متى تصحى ؟!
الخاله ام ذياب : على حسب كلام الدكتور بكرا ان شاءالله لين تفيق من البنج .
مرجانه : الله يشفيهاا .
تولين جالسه عند رأسها وبهمس : لتين أصحي " مشعل خطب وبيتزوج عليك " وانتي لسى نايمه .
لتين بسبات عميق ما تحس بشيء أبداً وكأنها تهرب من الواقع ومن الحياه " بعض الهروب ، كرآمة وحياة أخرى" شويات واندق الباب الكل تغطى " طلع العم بندر " طلعوا برا الغرفه وهو دخل عليها قرب منها وباس راسها ودعاء لها وجلس مقابل لها وهو يمد يده ويمسك يدها ويشد عليها بهمس : " لا يسرقك شي .. وتغيبين .. لا ياخذك النوم منا 💔 "..
قطع عليه دخول شايع شايل بيديه باقة ورد قرب منها وهو يبوس رأسها وبهمس : شوفينا كلنا ععندك ي الله ععاندي النوم وأصحي .
بندر يطالع بشايع المتأثر : ان شاءالله بتصحى بكره .
شايع من كل قلبه : ياااااااااااااارب .
طالعه بندر : مشعل ما زارها ؟!
شايع بحقد : يععقب الحقير زوجته بالمستشفى وهو رايح يخطب أمحقق رجال خل تصحى بس إن اخليها تطلب الطلاق واء .
قاطعه بندر : له له تخرب بيتها بيدك أنتبه أنتبه كل شي الا إنك تخرب بيتها بيديك هي وزوجها يصلحون بلياي وبلياك يحلون مشاكلهم بنفسهم لا تتدخل .
شايع بغبنه : انت م شفت وش سوا اول م قالوا له فيصل وفارس كأن زوجته مو دخل وحده من غرف العمليات وش المعنى من هذا هاااا ؟!
تنهدت بندر وهو يوقف : اهم شي م تزيد عليها وخبر خطبة مشعل لاحد يعلمها به " يجي الله يسلمه ويقول لها " ولا لا يقول .
شايع يجلس بقهر : حتى لو م قلنا أكيد راح تسمع والخبر مصيره يوصلها منا ولا من غيرنا .
بندر بحيره : الله يكتب اللي فيه الخيره ي الله انا استاذن .
شايع يطالع فيها : الله معك .
طلع بندر وباله مشغول بالتين وخايف لمن تصحى وتسمع الخبر تنهدت وهو يركب سيارته متوجهه لبيته ..
عند شايع طالع فيها بالبس المستشفى وراسها ملفوف عليه بالشاش والأبره مغروزه بيدها ولون وجها شاحب طالع بشعرها تنهدت وهو يوقف ويقرب الكرسي من عندها جلس وطالع فيهامن قرب تكلم وكأنها تسمعه : تصدقين لو كنتي زوجتي وش بسوي لك والله والله وهذاني حلفت اني لـ أخبيك بداخل قلبييي وما أخلي شي يمسك الا اذا شي كاتبه ربي لك والله عيونك هذي لـ اخليها تبكي من السعاده لكن أنتي أختي صدقيني يالتين والله لو اقدر لـ أخلصك من مشعل الودر لكن وش في يدي .
تركيه من وراه دخلت وظلت تسمع كلامه عورها قلبها قربت منه وبحزن : ياليت .
صديت وانا امسح دموعي : من متى وانتي هنا ؟!
تركيه تجلس مقابله : من بديت تتكلم .
تنهدت وانا اوقف : انا طالع ونادي البنات وانتبهوا تزعجونها .
طالعت فيه بحنيه : ان شاءالله .
طلعت من الغرفه وانا أفكر وأفكر إيش أسوي ما لقيت نفسي الا وانا اطلع جوالي واتصل في مشعل ..

بيت ام سلطان ..
" هي الغيره تعوّر لـ هالدرجه والا قلوبنا بالاسَاس مـاتتحمّل؟💔."
جالسه بالصاله تهوجس في بنتها تنهدت بصوت مسموع وانا امسح دمعه متمرده من عيني ..
أمل زوجة سلطان : خالتي فيك شي ؟!
طالعتها وانا أبتسمم : فيني ان قلبيييي ماكلني على بنتي الحممدلله على كل حال .
امل بهدوء : ان شاءالله بتصحى وبتطلع وتجيك .
مسحت دمعتي بهمس : ان شاءالله .
شويات ودخل سلطان وسلم وجلس ..
أمل : تبي أحط لك عشاء ؟!
سلطان يطقطق بجواله : لا بس جيبي لي مؤويه .
قامت أمل : ان شاءالله .
سلطان يطالع إمه : الحين لتين اذا طلعت ما راح تجي هنا ؟
امه بهدوء : الله الله بتروح بيت إمها " وشددت على أخر كلمه " وعند أخواااااااانها .
سلطان يرفع حاجبه : ماهوب على كيفهاا بتطلع تجي هنا وخير تروح بيت خالتي انتي امها واحنا اخوانها .
أمل جات ومدت الكأس له وجلست بهدوء .
طالعته امه بسخريه : والله انتوا اخوانها والله لو قد كلامك هذا يمك كان ما طردتها من البيت والحمدلله عندها اخوانها ذياب وشايع .
سلطان بغيره : انا اخوها انااااا مهوب ذياب ولا شايع انا اخوها هي عاشت في بيتنا وعندي وعند ابوي الله يرحمه هم اخوانها بس بالرضاعه .
وقفت وانا ناويه اروح اكلم اختي اسأل عن بنتي : والحين جاء دورها تجلس عند اخوانها اللي ما بيفكرون يطردونها .
وقفت بعصبيه وانا أرمي الكأس بالأرض وانتثر القزاز من العصبيه والغيره " هي اختي عاشت في بيتنا معي ومع اخواني مو مع شايع وذياب مستحيل مستحيل " ..
طلعت من البيت وانا أحاول اهدي من اعصابي واضبطها .. اول ما طلعت سمعت صوت تكسير القزاز " الله يهديك هذا من سوايا يديك " ..
ركبت سيارتي كلها دقايق الا وانا واقف قدام البحر نزلت وسكرت الباب بأقوا م ععندي وانا ادخل رجولي بداخل المؤويه أحس بصدري حريقه صح غلطت بس ندمت والله ندمت بس صعبه اعتذر هي اختي واللي سويته من خوفي عليها وش بيفهمهم الحين لتين شايله بخاطرها مني مو بس لتين الكل شايل بخاطره مني يارباااااااااه ساعددني😪💔 .

بالشارع ..
طالعه من فوق لـ تحت : الحين انت بتتزوج صصدق ؟!!
طالعته مستغرب : الحين مطلعني من البيت علشان هالسؤال ؟!
وانا احاول أمسك اعصابي : جاوبني بعدين أسأل .
تكتفت وانا اطالعه : اي .
طالعت بالسيارات والهوا اللي يلعب بشعر رأسي : أختي وش قصرت معك فيه يوم انك تروح تخطب .
ابتسمت بهدوء : الشرع حلل أربع والزواج مهوب حرام .
تنهدت وانا اطالعه : بس كيذا الشرعع حلل اربع " طايب يوم تقول لـ سلطان روح اسال اختك ايش مسويه " وش معنى هالحكي ؟!
تسندت على السياره : اسمعني ي شايع انا ما راح أشرح لك أبداً وهذا شي بيني وبين زوجتي وانا عارف زوجتي ما راح تتكلم لذالك لا تتعب نفسك بالأساله .
طالعته وانا أبي اهفه بكف : طايب ليه تخطب يوم شفتها دخلت المستشفى حتى ما رحت تشوفها وتتطمن عليها مو هي زوجتك ؟!
مشعل ببرود : والله هذا شي راجع لي " اروح ولا ما أروح .
شايع يطالعه بخبث : لحظه لأ يكون خطبت علشان لتين وفيصل يـ ####### .
طالعه مشعل بصدمه : إيش ؟!
شايع بسخريه : أسمعني ي الحبيب تحسب بخطبتك هذي بتعاقب أختي كيذا لا والله واقولها لك انت ما تعاقب الا نفسك وتشقي نفسك وهي من تصحى ان شاءالله بتطلع وبترتاح من مقابل وجهك وهي الرابحه ولا هيب خسرانه شي لكن انت وش بتستفيد ؟!
سكت مصدوم اطالعه ما ععاد عندي كلام " حتى اخوها يدري بحبها لـ فيصل وش ذاا ؟!"
طالعته وانا أبتسم بخبث : تصبح على خير .
مشيت وانا أوقف لي تاكسي وتاركه مع صدمته رحمته بس خله يستأهل محد قاله كلش الا أختي اللي يمسها يمسني وانا ما ارضى عليها ابداً .


يوم جديد ..
الساعه خمس ونص العصر بالمستشفى صحت لتين قبلها بساعتين وما كان عندها الا امها ..
قربت منها وأنا أمسك يدها : تبين شي يعورك رأسك ؟!
هزيت رأسي بلا وانا أحس بصداع وألم قوي بنص راسي كل م أفكر أحس بالألم يزيد وأمي م قصرت من صحيت وهي تسألني تنهدت بحزن وانا اصد منها ودموعي تنزل أحس بألمم قوي قوي ابي اتذكر اخر حاجه بس مو قادره ..
قربت منها وانا امسح دموعها : بنتي وش فيك ؟!
طالعت بعيون أمي وانا أبكي بدون صوت : ممدري لييه أبكي مممدري .
شديت على يدها وانا احاول اطمنها : لتين بععد قلب أمك ما فيه شي تبكين عليه واذا على مشعل وسالفته مع فيصل انتي طالعه منها وانا واثقه فيك اهم شي لا تخوفين نفسك .
همست لـ امي : مشعل جاء هنا ؟!
طالعت فيها وأستغربت سؤالها : ليييه يمك تسألين ؟!
تنهدت وانا اصد من عيون أمي : جاوبيني .
تنهدت وانا اترك يدها : لا تهتمين فيه اهم شي الحين صحتك ومشعل لحقه عليه .
طالعت فيه وبعيونها المتغارقه دموع : ما جاء صح ؟!
تنهدت وبغصه : يبنتي خليك من مشعل الحين .
طالعتها وانا اشبك ايدي ببعض : يعني ما جاء يشوفني ؟
رفعت رأسي وانا أحضن يدها بيدي : اسمعيني ي بنتي ولأ يأثر فيك أبيك قوويه وما يهزك شي فاهمه .
خفق قلبي بخوف وانا اطالع بعيون أمي : وش فيه ؟!
طالعت بوسط عيونها : مشعل بيوم كنتي بالعمليه تهاوش مع فيصل وباليوم الثاني راح يخـ " سكت بخنقه بنتي بتنصدم وانا اخاف عليها " .
طالعت بأمي وبتعابير وجهاا وبخوف : راح وين مشعل وين راح يماااا ردي علي ؟!
مسحت دمعتي : يابنتي والله ما ودي اضيق صدرك ولا ابيك تسمعين الخبر من احد غيري ولا من بعيد وانا بقول لك و.
قطع عليهم صوته : انا زوجها وبقول لها .
تغطيت وانا ألتفت عليه : بدري والله توك تجي .
طنشتها وانا أطالع بالتين تطالع فيني : الحمدلله على السلامه .
طالعت فيه وأحس حلقي نشف م قدرت أتكلمم سكت وانا اطالعه ..
قربت منها وانا أسحب الكرسي واجلس قريب منها : أسمعيني انا ملكتي يوم الخميس هذا .
فزيت وانا اسمعه واطالع بعيونه وش يقول هذا وش ملكته وش يخربط ابي اتكلمم م ععاد فيني صوت وين لساني صوتي ليه م يطلع ليييييييييييييييييييييييي يييييييه .
طالعت فيها وفي فزتها اللي خفق معها قلبي وكأنها مقروصه وقفت وانا اقرب منها : لتين .
طالعت بعيونه ابي اتكلممم وين صوتي ويننننه ليه م يطلع ليهه صديت عنه وانا اطالع في أمي تهاوش مشعل .
امي بعصبيه وانفعال : كيذااا تقول لها تبي تجلطها انت صاحي هاااا مجنون انت وش قصتك ما تقول لي ؟!
طنشت عصبية امها وانا امسك يد لتين : لتين .
طالعت بيده وهي شاده على يدي وانا ساكته سمعته يتكلمم حتى اغغلب كلامه ما سمعته : انتي الزوجه الأولى وبتظلين في بيت اهلي معززه ومكرمه والبيت بحط فيه الزوجه الثانيه والشرعع حلل أربع .
رمشت بعيني وانا اطالع شايع يدخل وبصوت عالي : وش تسوي هنااااا ؟!
طالعته وانا ارفع حاجبي : ععند زوجتي .
شايع يطالع بالتين قربت منها بسرعه وانا اهزهاا : لتين لتين ..
شويات الا أرتخى جسمها وغابت عن الوععي ودخلت بالظلام " أحياناً نهرب من الحياه لـ النوم الطويل فنحسب إن هذا هو الحل الوحيد وإنه أفضل من المواجهه بالعكس الهروب مو حل أبداً 💔" .

بععد يومين طلعت لتين لبيت إمها ام ذياب والكل صار يزورها يبون يطلعونها من صدمتها لكنهاا ظلت صامته وبداخلها أعاصير مو قادره تهدا وتستكن " وجهه جامد وقلب يحترق " .. بكرا ملكت مشعل طالعت بنفسي بالمرايا واطالع بيدي خاتمم زواجي تنهدت وانا أفسخه وداخلي يصرخ " حبيتيه صصح ما تبين أحد يشاركك فيه وينك عنه قبل خسرتيه الحين خلاص دموعك ما تفيدك بكرا بيتزوج وزوجته بتأخذه منك وانتي خليك كيذا جامده مكسوره حزينه " عصبت صارخت وانا اكسر كل شي قدامي وانا أبكي "
كنت طالع من غرفتي تحت ينتظرني ماجد جاي يأخذني وانا جالس أسولفف معه استغربت الصراخ استاذنت من ماجد ونسيت اقفل الخط ركضت لغرفه جيت افتحها طلعت مقفله جلست اصارخ وانادي عليها اخاف تسوي بنفسها شي ..
شايعع بصراخ : لتييييين افتحي الباب لتييييين .
لتين بداخل الغرفه منهارهه وتبكي وتصارخ : انااا اكرههه ما احبه من يقول احببببه خل يطلقني انا ماااا ابيييه خل تشبععع منه ما ابيه ما ابيه منهو عشان قلبي يحبه انا ما احبه .
جات امها تركض على صراخ شايع بخوف : وش فيه شايع ؟!
شايع يركض لغرفه امه : لتين مدري وش صابها انهبلت وين المفاتيح فيه وينها ؟!
دخل الغرفه وصار يفتح كل الدروج يدور على علبة المفاتيح .
امها برجاء وهي تبكي : لتين حبيبتي افتحي الباب لتين لتتتتتتتين لا توجعععين قلبييييي افتحي .

تحت بالسياره .
ماجد مصدوم وهو يسمع الصوت والصراخ لا يكون صار لها شي سكرت الخط وانا اتصل في مشعل .
دقايق ورد وشكله نايممم .
وانا مسكر عيوني : وش تبي ؟!
صارخت بعصبيه : هيييه تعال لزوجتك انهبلت بسرعه قافله على نفسها شكلها و.
فزيت من السرير وانا البس ثوبي : وش فيهاا كيففف عرفت ويًنها الحين ؟!
ماجد يطالع الباب وهو يشوف شايع شايل اخته بين يديه وجاي لجههة ماجد سكر من اخوه وهو ينزل ويفتح الباب ويركب دقايق الا هم بالمستشفى .

شايعع رايح جاي وماجد ما يرد على اتصالات اخوه ومتوتر لتين كانت تنزف من راسها وش سوت بنفسها المجنونه الله يستر عليها ..
دقايق وطلع الدكتور ركضوا له بخوف : بشر دكتور ؟!
الدكتور ما عنده اسلوب : المريضه دخلت بغيبوبه .
شايع بصرخه : إيشششششش ؟!
الدكتور : الله الله والغيبوبه هذي هي اللي تصحى منها بالمعنى " المريض يدخل بغيبوبه ويرفض يصحى ويظل في غيبوبه " ..
من دون شعور جلست بصدمه : كيففف فهمني وش هالغيبوبه ؟!!
شويات وطلعت الدكتوره تركض : دكتور المريضه صحت والنزيف رجع من جديد .
ركض الدكتور لداخل الغرفه وماجد يطالع بالغرفه وبشايع عقله معاد يستوعب اي شي .

بععد شهر ..

مشعل تملك وزواجه بععد شهرين ..
لتين ظلت ععند إمها أم ذياب ..
فيصل " حلففف عليه أبوه إنه م يقرب من لتين ولأ تبرى منه " فضل إنه يطلب نقل وجاه النقل بالخرج ..
فارس صاير يقترب من سلمان وسعود وسلطان بزياده علشان " تولين " ..
ريمان لازالت على حالها وتفكر بالحب وفارس أحلامها " فارس " ..
راكان حددو الزواج بيكون بععد ثلاث أسابيع راح يكون زواج عائلي بينهم فقط ..
سلطان لازال متضايق " من سالفه لتين ليه تجلس عند خالته " ..
نهال ظلت بيتها وعند خالتها أم زوجها إلين تولد وترجع لبيت أهلهاا ..

بيت ابو مشعل ..
طالعه وهو يترك فنجال القهوة : وزوجتك متى بتجيبها ؟!
تركت الجوال وانا اطالعه : متى م تبي تجي .
نفصت عيني فيه : وش ذا الحكي انت صاير بينك وبينها شي ولا لعب بزران ؟!!
عدلت جلستي وانا أخذ فنجال وأصب قهوه : شقولك يعني هي الغلطانه وماهيب راضيه تعترف بغلطها فخلها عند اهلها ابرك لها .
رفعت حاجبي : لا يكون مشاكلكم بالنوم بس ومكبرينها ؟!
طالعته وانا أبتسم : لااا وين بععيد عن ذا لكن الله يزينهاا .
ابتسمت بوجهه اطمنه : الله يصلح ما بينكم وأسمع ترا لتين بنت عمك قبل ما تصير زوجتك فالله الله فيها حتى لو صارت مشاكل بينكم اجلسوا وحلوهاا وانتبهوا من الطلاق هذا خلوه اخر حل بينكم اخر حل وان كانك تبيني اكلمها فأنا جاهز .
تسندت وانا اطالع بجهات الأتصال " لتين " : لا تكلمها ولا حاجه خلها تجلس عند اهلها دامها مرتاحه وطلاق ماني مطلق لو على جثتي كلها ايام ان شاءالله ويتعدل الوضع .
شربت فنجالي كله وانا اغمز له : ي ولدي ترا هالحريمم ترضيهم كلمه حلوه ورده هديه طلعه سفرهه يعني انت خلك اول من يبادر بالأصلاح بينكم .
طالعت في ابوي وبنفسي : " هذي ما ترضيها ولا ترضيني اللي يرضيني احبسها بغرفه وبالعقال أبرد حرتي منهاا اخخخخ بس " .
طالعته : ي ولد وين رحت ؟!
هزيت راسي : معك مععك .
‏
‏يارب أدخل علينا رمضان و أنت راضٍ عنا
‏وأجعله شهرًا تتبدل فيه ذنوبنا إلى حسنات
‏واشرح صدورنا ويسّر أمورنا 💙.

[higher79]

السلام عليكم. .كيف مافي أجزاء. .وين بقية الرواية . .!!

[لامارا]

40




بيت ابو ذياب ..
تركيه تشغل الأنوار وبصراخ : خلاصصص خستي نوم قومي ي الله .
لفيت لجهه الثانيه بنزعاج : سكري الانوار ابي انوم م شبعت .
طلعت فيها بصدمه : اعنبوه تراك نايمه من الساعه ثمان اليل الين الحين الساعه ثنتين مجنونه كم ساعه تسع طعش ساعه ي دافع البلاااء قومي .
بعدت البطانيه بكسل : شعندك ؟!
قربت منها وانا اجلس على الطاوله الصغيره : قومي تروشي وبدلي لبسك وتعالي نجلس مع اهلي علشان نطلع العصر نتمشى كله محبوسين .
طالعت فيها وانا أهز رأسي : طايب شوي وأقوم اتروش .
تركيه توقف : ي الله بروح البس وأرجع ألقاك نايمه ياويلك مني .
لتين بتسليك : تمام تمام .
طلعت تركيه وهي تدخل لـ غغرفتها وحال لتين كاسر قلبهاا " كله تنام علشان م تفكر أو تواجهه اللي هي فيه " أخذت روبي وانا ادخل الحمام دقايق وطلعت وأنا أخذ ملابسي ألبسها .
بععد م طلعت تركيه سحبت جوالي وانا أفتحه وانا اكلم نفسي" لأ رساله لأ أتصال " .. لمتى بظل على هالحال أنتظر منه انا لازم أقفل جوالي إمكن لا قفلته يتصل أو يرسل " لا خير وش هالنظام اصلاً م راح يتصل ابداً من بععد المستشفى اخر مره وخلاص ما ععاد شفته " معقوله م اشتاق لي ؟!
‏" و هذا انا..‏انتظر اتصال او رساله..و ادري إن لا حياةَ لِـمن تُنادي💔".
رميت جوالي وانا أتوجهه لدورة المياه أخذ لي دوش كلها دقايق طلعت ولقيت بوجهي شايع عقدت حواجبي بستفهام : اهلنن !
شايع وهو يفتش بجوالها : صح النوم .
طالعته وانا لحين برأسي علامات استفهام : صح بدنك .
شايع وعيونه على الجوال بهمس : اليوم اتصل علي فيصل وقال يبي نجتمع عنده حكي بيقوله لك .
صرخت في شايع بدون شعور : وش يبي بععد هذا قله انا متزوجه خلاص ايام المراهقه انتهت لمتى ععاد ؟
طالعتها وانا ععارف انها بتقول كيذا قمت وانا اقرب منها : لتين حتى انا مثلك لمن كلمني بس اسمعي الحين هو جاي من الخرج خصيصاً أسمعي اللي بيقوله لك وبعده انتي براحتك .
اعطيته ظهري وانا أتوجهه لدولابي : اسفه ما ابي اسمع منه شي اللي فيني مكفيني بععدين خلاص كلها ايام وأخلع المتخلف مشعل واروح لـ امي بالكويت .
شايع يرفع حاجبه : تخلعينه ؟!
هزيت رأسي وقلبي يعورني : اي اخلعه .
شايع رجع يجلس : عساك على القوه مع انه مو حل يبرد القلب .
ألتفت عليه بستغراب : شقصدك ؟!
شايع يرجع على الجوال : اقول انه الحل هذا مو يبرد القلب يعني لو خلعتيه منتي مرتاحه يبي لك حل يخليه يندم عليك طول عمره شي يخليه م يبعد تفكيره عنك شي يخليك تحرقينه مثل م احرقك بخطبته وفكرت زواجه .
طالعته وانا أجلس على الكرسي القريب مني : طايب عندك حل ؟!
طالعتها وبهدوء : ععند فيصل .
وقفت بعصبيه : رجعنا على طاري فيصل لمتى يا شايع فيصل ما ابي اشوفه خلاص افهم .
ضحكت وانا اوقف واجلس بجنبها : اسمعي وش بيقول وبعده انتي براحتك مع ان فكرته دخلت مخي وبكذا تحرقينه صدقيني انتي اسمعيه وبعده انتي براحتك اذا موافقه ولا لا بس اسمعيه اسمعيه .
طالعته وانا احس بحقد تجاه مشعل اذا شي بيحرقه ليه ما احرقه وأكسر قلبه مثل ما كسر قلبي وصدمني بخبر خطبته هزيت راسي وانا اوقف : اوكاي بسمع وش يقول بعدين اقرر .
ابتسم شايع وهو يوقف : ععاد اقول لك شي بنروح لنفس المكان اللي بيروح له مشعل وبتحرقينه مرتين شفتي اخوك وولد عمك كيف يفكرون 😏.
طالعته وانا اعقد حواجبي : كيفففف ؟!
بستها بخدها وانا اترك جوالها : حبيبتي كل شي بوقته زين ولا تخبرين احد حتى تركيه لا تخبرينها اوكاي .
تنهدت بخوف : اوكاي .
طلع من الغرفه وانا أخذ لي لبس بنطلون أبيض وتشيرت ازرق واسع رفعت شعري على فوق لبست جزمتي وأخذت جوالي وانا ارسم على شفايفي ابتسامه لخاطر امي نزلت مالقيت احد استغربت دخلت المطبخ ما فيه احد عقدت حواجبي وينهم هذولااا تنهدت وانا ارجع أرقى وألقى بوجهي ذياب نازل وهو يبتسم : صح النومم .
ابتسمت له : صح بدنك وين امي ؟!
ذياب ينزل معها : طلعت مع ابوي بيحطها عند خالتي .
هزيت رأسي وانا امشي معه : اها .

بمكان ثاني وتحديداً بـ " المستشفى " 🚑.
طلعوا وكل واحد منهم ساكت " ما يحملون إي شعور بععد م سمعوا حكي الدكتوره " لو كان بمكانهم شخص ثاني امكن يبكي ويفرح بهالخبر الجميل " لكن للأسف لأ شعور ولأ فرح سكن هالشخصين ..🤦🏼‍♀💔.
ركبوا السياره ولازال الصمت مخيم على المكان بععد دقايق تكلم بهدوء : أسمعيني .
قاطعته وهي تطالع بالشوارع : الجنين ما راح أنزله .
طالعتها برفعة حاجب : يعني تبينه ؟!!
بلعت غصتي بألم : اي ابيه غيري تتمنى تكون حامل بطفل واحد بس " مستعده اسوي اي شي بس م انزله فاهم " .
تنهدت وانا اوقف قريب من البحر : انزلي .
فتحت الباب ونزلت ظلينا نمشي الين وصلنا لمظلات مركوزه ععند البحر جلست وجلس بجنبي .
شويات ونطق : اسمعيني ولا تقاطعيني ابداً الين اخلص الحكي .
خفق قلبي بخوف : اوكاي .
طالعت بالبحر وانا اطالع بالامواج تصدم بالصخور : شوفي مثل ما قلتي انك تبين الجنين لك الحريه في هذا لكن بععد م تولدينه راح توصلك ورقة طلاقك انتي بطريق وانا بطريق والولد لك هناك بيت راح اكتبه بأسمك وراح تعيشين فيه انتي وولدك بععده انا خلصت مهمتي تزوجتك وسترت عليك وعلشان ما تسببين مشاكل لصاحبي .
طالعته وعبرتي بحلقي تجمعت الدموع بعيني من كلامه حاولت ارد عليه لكن ما طلع معاي الا : قوم خل نرجع لبيت .

بيت ابو مشعل ..
نزل مع الدرج وهو يععدل شماغه وقابل بوجهه إمه أبتسم بوجها وهو يبوس رأسها : أنا طالع توصين شي ؟!
استغربت كل هالكشخه : على وين يمك ؟!
ابتسمت بوجها وانا ابين عكس اللي بداخلي : عازم ود على القهوة . " لمعلوميه " بنت ام رياض اسمها ود " ..
امه تغمز له : الله الله من هالحين .
ضحكت على حركتها وانا امشي متوجهه لباب : يالله بروح المسجد قبل تفوتني الصلاة .
امه بفرح : روح ياروح امك الله يوفقك .
طلعت من البيت وانا افتح باب سيارتي الا ماجد يركب جنبي : معك معك .
حركت لمسجد بععد الصلاة طلعت وانا أتأفف من اللي في بالي وأسب الحظه اللي بطلع فيها مع ود .
ماجد يطالعه بنص عين : لايكون بتروح تشوف لتين ؟!
طالعته وانا انفص عيني فيه : وش ابي فيهاا المهم ارجع على رجليك انا عندي مشوار .
ماجد يطالع بظهر مشعل وبهمس : اسفففف يأخوك بس تستاهل اللي بيجيك لتين ما تستاهل اللي يصير لها عارف انك بتروح لـ ود والله يهدي امي هي السبب تقول بزوجك بخطب لك وبعد ما صارت مشكله رحت تخطب الله يعينك على ما بلاك .
شفت ابوي يطلع من المسجد قربت منه ورجعنا على رجولنا لبيت بععد م وصلنا اخذت سيارتي وانا ألحق مشعل لبيت خطيبته .
وصلت لبيت وانا اطلع جوالي واتصل فيها ..
دقايق الا هي طالعه ركبت وهي تسلم رديت عليها وانا أتوجهه لـ مقهى " لاجونا على شاطى البحر " وقف السياره وترجل منها وهو يمشي وياها لداخل المقهى كان مرا رمنسي وهادي " وجهوهم لطاولتهم المخصصه والمحجوزه لهم " طلبوا لهم قهوة مع تحليه بسيطه .
برا المقهى رفع جواله وهو يتصل على رقم شايع دقايق ووصله الرد .
شايع : ها ؟
ماجد وكأنه لص : وينك ؟!
طالع بالتين جالسه بجنبه وواضح انها متوتره : خلاص شوي وواصلين .
ماجد يتنهد : بسرعه هذا فيصل جاء .
شايع : جبت البطاقه والجوال ؟!
ماجد : اي كل شي جاهز بس انت تعال .
شايع : خلاص شفتك سكر .
بععد دقايق أجتمعوا ولتين تطالع فيهم وعلامات أستفهام فوق راسها وش جمعهم هذولاا " شايع فيصل ماجد " غيرها هي وش سالفتهم ذولا ؟!
ماجد يطالعهم : يالله ادخلوا بسرعه .
شايع : طايب ركبت الشريحه ولا توك اهم شي يكون التصوير واضح زين .
ماجد : ما عليكم انتوا كل شي تمام بس ادخلوا .
فيصل : يالله بسم الله .
ماجد : لحظه لحظه لا تدخلون سوا .
كلهم طالعوه : اجل ؟!
ماجد : اول شي شايع واخته بععدين بعد دقايق تروح لهم يا فيصل فهمتوا علشان تكون الخطه واضحه علشان اخذ الصور زين .
فيصل : صادق ماجد يالله ادخلوا .

بيت ابو سلطان ..
سلمان جالس بالحديقة الحوش ويتكلم بالجوال ..
سلمان يضحك : الله الله ومتى طلعتوا ؟!
كادي : شسوي والله حتى م كنت متوقعه انو بنطلع .
سلمان : مهوب مشكله اهم شي استانستي .
كادي : الحمدلله .
سلمان بستفسار : ابوك موجود ؟!
كادي : لا طالع للأستراحه ليه ؟
سلمان بخوف عليها : اخاف يدخل عليك ويسمعك تكلميني ما ابي اسوي لك مشكله .
كادي تطمنه : ما عليك المهم انا استاذن اومي تناديني .
سلمان : اوكاي انتبهي لنفسك بععدين لا ناموا كلميني مو تسحبين مثل كل مرا .
كادي تضحك : طايب طايب .
سلمان : انتبهي لنفسك .
كادي : من عيوني وانت كمان انتبه على روحك ترا روحي معك .
سلمان : ولبى روحك باي .
كادي : وروحك . باي .

بـ المقهى .
دخلت مع شايع وانا لحين ممدري شسالفتهم جلسنا بالطاوله المحجوزه بـ اسم شايع سألني ايش اشرب او أكل قلت قهوة سودا بدون سكر " طلب له قهوه وشكولاته يحلي فيها جلست اطالع بالعالمم شويات ودخل علينا فيصل بكامل اناقته سحب له كرسي وجلس معنا جلسوا يسولفون وانا اسبح بخيالي قطع خيالي صوت شايع .
طالعوني وشايع يكلمني : لتين ؟
طالعته وانا اتجاهل وجود فيصل : هلااا .
شايع : اسمعي الحكي اللي بيقوله فيصل انا شوي بروح لماجد وراجع تمام . " جزء من الخطه " ..
لتين برتباك : لا تتأخر .
وقف شايع وطلع من المقهى وهو يركض لـ ماجد الواقف قريب من المدخل .
شايع : بسرعه خذ لهم صور .
ماجد وهو يلقط لهم صور : هذاني اصورهم .

بالمقهى ..
فيصل يطالع بكوب الشاي : كيفك ؟!
طالعت فيه وفي حركات يديه واضح انه متوتر اكثر مني : تمام " يالله قول شعندك ؟!
رفعت راسي وطالعت فيها : تبين تبردين قلبك وتردين كل شي وانه يندم على الساعه اللي قرر يخطب عليك ؟!
طالعت فيه وانا احط يدي على الطاوله : انا ما يهمني انه يخطب وبعدين الشرع حلل له اربع يعني بكيفه يأخذ ثلاث علي انا بس ابي ارد له الظلم اللي ظلمني اياه وارد حركاته كلها .
تكتفت وانا احط يدي على الطاوله وما بينا الا الحاجه اللي بداخلها السكر وصحن الحلى وانا ابتسم : حلو حلو اجل اسمعي الحكي اللي بقوله ..
جلس يتكلم وانا اسمع له بالحرف الواحد الين شاركنا شايع واحس الفكره دشت مخي .
شايع : وانا اقول مثلاً يختار لك الفستان حق زواج هديل .
رفعت راسي وانا اطالع فيه : فستان ؟!
فيصل يبتسم : ايوا فستان بيكون تبع الخطه اللي قلتها لك وبالنهايه راح يندم ويجيك يعتذر .
طالعت بفيصل " الحبي الاول حب المراهقه حب الطيش يوقف معاي علشان نرد الحركه في مشعل " ..
شفته طالعني وشتت نظراتي ..
قطع الحكي جوال فيصل فتح الخط وحطه على مكبر الصوت : هلا ماجد .
ماجد : يالله الخطه الاولى بسرعه تراه بيطلع .
فيصل : يالله سكر .
التفت شايع عليهم وهو يوقف : يالله بسم الله .
طالعتهم وانا لحين مستغربه رفعت راسي الا اطالع " مشعل وخطيبته " " وَ إعتادْ قَلبُيْ عَلىْ الكَسّرْ ، " شفت شايع يمشي متوجه لباب .
طالعني فيصل وكانه يقول " ‏كوِني قويه لأجلك أنتِ
واجهي مصاعب الحياة بمفردك كوني كما تحبين دائماً كوني صعبة الكسر" .
طالعته وانا اتنهد واحاول اوضح له ما فيني شي : بترجع لـ الخرج ؟!
طالعتها وانا ملاحظ في نبرتها : يومين بالكثير ان شاءالله .

عنند شايع واقف عند الباب بصوت عالي : فيصصصل .
الكل اللي بالمقهى ألتفت على الصوت ويطالعون اللي رد عليه .
فيصل : أرحـب .
ألتفت على الصوت وهو يطالع وتوسعت عيونـه من الصدمه 😳.

‏
‏﴿وإنه لكتابٌ عزيز﴾
‏فأعطِه أعزّ أوقاتك💙.

[rwy_e]

ضيفو روايتي انستقرام
https://www.instagram.com/p/BWlv42qgsUa/

روايه عشق طول العمر

[rwy_e]

المشاركة الأصلية كتبت بواسطة rwy_e

ضيفو روايتي انستقرام
https://www.instagram.com/p/BWlv42qgsUa/

روايه عشق طول العمر

https://www.instagram.com/p/BWlv42qgsUa/

روايه عشق طول العمر
https://www.instagram.com/p/BWlv42qgsUa/

روايه عشق طول العمر

[rwy_e]

المشاركة الأصلية كتبت بواسطة higher79

السلام عليكم. .كيف مافي أجزاء. .وين بقية الرواية . .!!

https://www.instagram.com/p/BWlv42qgsUa/

روايه عشق طول العمر
https://www.instagram.com/p/BWlv42qgsUa/

روايه عشق طول العمر
ضيفيني اختي