اللي يزعل ماهو إنك على غيري مغصوبةإللي يزعل لاصار بينكم طفل وصرتي تودينه/لحفيدة كاملة

[Ome]

بليس افتحوا الرواية وكملوها بليس حبيتها 😢😢😢😢😢😢😢😢😢😢😢😢😢😢😢😢😢

[لامارا]

41






بالمقهى .
طالعهم وعيونه عليها جالسه وقدامها فيصل ترك يد ود بقوه وهو يتوجهه لطاوله ويوقف قدامها ولحين مصدوم : وش تسوين مععه .
قاطعه صوت شايع وهو يحط محفضته : جايه معي وش تبي فيها ؟!
ألتفت عليه بعصبيه : انا اكلمها ما اكلمك بععدين يومها جايه معك تخليهم بروحهم ليه ؟!
فيصل بسخريه : لا تخاف م سوينا شي .
مشعل وعيونه على لتين : م كلمتك .
وقفت وانا اطالع بخطيبته تطالعنا وواضح انها ما تدري شسالفه وبخبث عشان احرق قلبه : شايع فيصل يالله مشينا مو ناوين تعشوني شكلكم ؟!
ابتسمت من كلامها وانا اوقف : يالله انا بطلع وانتظركم بالسياره .
شايع بخبث : اوكاي ادفع الحساب وجاي .
طالعتها وانا اسمعها وبغضب : لتين بتجي معي انا .
طالعته وانا ارفع حاجبي : والله ياحبيبي انا جايه معهم مو معك بععدين يالمحترم تارك بنت الناس وراك .
دفيت شايع وانا امسك يدها وسحبتها معي وانا اقرب من ود بعصبيه : امششي .
طلعوا من المقهى وماجد واقف يطالعهم " فتح باب السياره وهو يأمرها تركب " ..
لتين بصرخه : فكني شتبي مني ؟!
مشعل بصوت عالي : بأخذك معي علشان اربيك اذا ما ربوك اهلك .
دفيته عني وانا اصرخ فيه : تتكلم عن التربيه رب نفسك بعدها تعال .
شايع جاء يركض هو وفيصل سحبها شايع : تععالي يالله .
اعطيته نظره وانا امسك يد شايع ماشين لسيارة فيصل تحت انظار مشعل المقهور والغاضب والمعصب .

بيت متعب ..
وصلنا لبيت فتحت لها الباب لمن دخلت قفلت الباب ورجعت لسيارتي ورحت لـ بيت أهلي أمي متصله تبيني .
دخلت وانا اسمع الباب يتسكر عرفته طلع توجهة لغرفه فسخت عبايتي وانا اجلس على السرير ويدي ترجف م ادري أبكي افرح مشاعر متلخبطه اللي بمكاني م اعرف ايش بيكون شعورها غير انها بتكون في كامل سعادتها لكن انا ايش صار لي وقفت وانا اتوجهه لـ الحمام غسلت وجهي كم مرا طالعت بنفسي بالمراياء وانا امسح دموعي ليه ابكي لييييييه ؟!
" ‏باللحظه إللي ما لقيت فيها احد يسمعّني .. بكيّت💔" .
بكيت بكيت إلين حسيت بشهقاتي راح تقتلني وبوقتها قلبييي بيوقف سحبت نفسي لداخل الغرفه حاولت اهدي من نفسي بس احسني منهاره لـ اخر درجه سحبت علبة المؤويه حاولت اشرب عل تخف الشهقات وأوقف بكي مرت ساعات إلين سكنت تعوذت من بليس ودخلت الحمام اخذت دش بارد وتوضيت وطلعت اصلي ركعتين وانا اصلي بكيت ودعيت ربي يجبر كسر قلبييييي ويقويني حسيت براحه بعد الصلاة لبست لبس يريحني وطلعت دخلت المطبخ صلحت لي كوب قهوة سودا مره وأخذت قطع شكولاته وجلست مقابل الـ Tv وبالي بععيد وانا سرحانه تذكرت قصة ذكرتها احد الصديقات لنا أبتسمت بخبث وانا اوقف واتوجهه لغرفه النوم " أخذت لي فستان بدون اكمام ناعم وماسك على الجسم لنص الفخد بالون البني الفاتح سويت شعري كيرلي حطيت ميك اب تعطرت وطالعت بنفسي وانا أبتسم من الخطوه اللي بسويها طلعت لصاله وجلست اكمل قهوتي .
على الساعه وحده اليل فتحت الباب .
دخلت وانا مالي خلقق تعشيت مع اهلي ورجعت لبيت ابي انام وراي دوام الساعه ست الصبح لـ ثنتين الظهر سمعت صوت الـ Tv عالي استغربت مشيت لصاله وطالعتها جالسه وتسرب قهوه دخلت وانا أسلم .
قبل يدخل سمعت صوت المفتاح لمن فتح الباب دخل وسلم وعيوني لسى تطالع الـ Tv حسيت فيه يكلمني .
متعب : يالله قومي نامي .
ولسى اطالع المسلسل : نام انت .
تنهدت وتوجهة لغرفه مع اني مستغرب حركاتها لبسها تسريحة شعرها شسالفتها دخلت الحمام اخذت شور وانسدحت بنام تقلبت على سريري م جاء النوم قمت وطلعت لصاله شفتها منسدحه وواضح انها مو لم الـ Tv عقدت حواجبي وانا اصوت لها : عنود .
طالعته وانا اتعدل : نعم .
طالعتها وبين فيها التعب وشكلها تظغط على حالها : قومي نوممي .
وقفت وانا اخذ كوب القهوة : ما فيني نوم بجلس لفجر .
قربت منها وانا أمسك يدها : عنود شوفي وجهك تعالي نامي واتركي العناد على جنب .
سحبت يدي منه وانا اطالع بعيونه : لا تلمسي وانا بكيفي انام ما انام براحتي اوكاي .
تعوذت من بليس وانا اسحب الكوب منها واحطه على الطاوله وأسحبها بيدها لغرفه دخلت وقفلت الباب وطالعتها : م فيك نوم اجلسي بسريرك لين يجيك النوم كيذا حلو .
طالعته : جوالي بالصاله .
انسدحت وانا اعطيها ظهري : اقعدي بدون جوال ومن بكرا بوديك بيت اهلك جهزي حالك .
طالعت في ظهره وانا مقهوره منه : يكون أحسن .
سكرت عيوني وانا اتجاهل كلامها مرت دقايق واحس النوم سيطر علي جلست على الكنب وسندت رأسي ورحت بسابع نومه نمت مدري عن حالي .
م سمعت لها صوت ألتفت عليها وطالعتها جالسه ومسنده راسها على الكنبه تنهدت بتعب قمت وانا اشيلها بين يدي حطيتها على السرير غطيتها وانسدحت ابي النوم لكن النوم مجافي عيوني .

بععد ايام ..
بالسوق " روان , وفارس , وفيصل , شايع , ماجد , لتين , مريام , مرجانه , تركيه " ..
مجتمعين كلهم بنفس السوق " فيصل وشايع وماجد ولتين علشان ينفذون الخطه " .. وبأقي البنات لتمويه ..
فيصل بهمس لـ لتين : عاجبك هالفستان ؟!
طالعته وانا ارد اطالع بالفستان وماجد يصورنا : لأ مو مناسب .
ماجد يطالعها : لتين هذا خامس فستان م اعجبك بسرعه اختاري .
طالعتهم وانا مو عاجبني الوضع : الله الله شسوي اذا صار م اعجبني اي فستان .
شايع قرب منهم : تعالوا لـ هاك المحل راح يعجبها بسرعه .
فيصل : يالله مشينا .
طلعوا لمحل اللي قالهم شايع عنهه بدا فيصل يدور والعيال يدورون فستان يناسب ذوق لتين الين لقوا فستان بالون البنسفجي الصدر قصة 7 كيذا بدون أكمام يوصل لنص الساق مخصر من فوق وواسع لتحت الخصر .
أخذو الفستان وصاروا يدورون على فستان ثاني وماجد لازال يصور ..
بععد م خلصوا التسوق تقابل فيصل ولتين وشايع وماجد يراقبونهم ..
فيصل يمد ليدها الكيس : ملبوس العافيه .
طالعته وانا اخذ الكيس : يععافيك .
فيصل : كأن ودي أشوفك وانتي لبسته لكن الشكوى لله .
طنشت كلامه : الحين خلصوا تصوير ولا لسى ؟!
فيصل يقرب منها بهمس : واذا خلصوا بس اسمعي الفستان اذا لبستيه وخلصتي منه حطيه بكيسته وارسليه لي ويكون افضل م تغسلينه .
نفصت عيني فيه : م تحس انك قليل ادب .
ابتسمت لها : ولا يهك بنعقل .

بععد هاليوم الكل رجع لبيته ..

يوم زواج
" هديل & راكان " ..
بالقاعه الكوافيرا تصلح العروس والعنود جالسه تساعد امها وتشوف الناقص ..

بمكان ثاني
عند ماجد وشايع وفيصل بالجوال ..
اتفقوا يرسلون الصور على مشععل ..
شايع يكلم فيصل : انت عطيت اختك الفستان البنسفجي ؟!
فيصل : اي عطيتها ولتين معها الأسود ..
ماجد يطالع فيهم : حلو وراحت أول صورهه .
شايع : وصورتي متى بترسلها ؟!
ماجد : بععد الزواج وبععد م يتأكد بعيونه .
فيصل يوقف : يالله عن اذنكم بروح اغسل سيارتي .
شايع : بدري والله الحين تغسلها .
فيصل : شسوي تو اتذكر يالله سلامم .
شايع وماجد : سلام .


بالزواج ..
على الساعة 11 جاوا الضيوف اللي هم المعازيم القاعة م شاءالله صارت متروسه حريم ..
ععند العنود حست بتعب وجلست على أقرب كرسي تحس بدوخه وغثيان وصداعع من صحت م أكلت شي حاولت توقف م قدرت شافت لتين وروان وتركيه يمشون نادت عليهم .
لتين بخوف : عنود شفيك ؟!
تركيه تمسك يدها : تعبانه انتي ؟!
عنود بأرهاق : ابي كأس مؤويه بارد وشي أكله .
روان تطالعهم : لتين روحي جيبي لها بسرعه .
بعدت عنها وانا اطالع بالبنات : انتبهوا لها م بتأخر .
تركتهم وانا اتوجهه لـ وحده من الطاولات أخذت علبة مؤويه وظليت أخذ من صحن المعجنات واخذت عصير ورجعت لهم .
تركيه تسحب المؤويه وتفتح العلبه : سمي بالله .
اخذتها ويدي ترجف سميت بالله وشربت حسيت حلقي تبلل بالمؤويه بعد ما كان جاف .
ظليت جالسه لفتره وانا بمكاني إلين خف الصداعع والأرهاق ومثل م يقول اذا جاك الصداعع " اذا أجعك بطنك أحرمه واذا اجعك راسك أكرمه " اهم شي فهمتوا .
المهم قامت وقالت لهم بتروح ترتاح عند اختها هديل ..

على الطاوله ..
مريام : لتين فستانك مثل روان ؟!
لتين بتصريفه : شفتي الصدفه انا جابه لي شايع على ذوقه .
روان تضحك : وانا فيصل جابه لي هديه .
مرجانه تطالعهم : غريبه يعني مأخذين نفس الفستان بس الألوان تختلف مع ان كلنا بنفس السوق.
لتين بهدوء : ععادي امكن يبونا نلبس سوا .
تولين بهمس لـ لتين : اومي تبيك تعالي سلمي عليها .
لتين توقف : عن اذنكم بنات .
البنات : اذنك معك .

بطاوله ثانيـه :
ام ذياب وأختها ام سلطان وأم فيصل وامها جالسين وام فيصل تصب لهم قهوة ويسولفون ويحلون بالحلى ..
لتين تقرب منهم : السلام .
سلمت على راس أمها وسلمت عليهم وجلست بين امها وجدة فيصل .
امها وهي تمسح على رأسها : شخبارك وكيفها صحتك ؟!
لتين تبتسم : الحممدلله ما ععلي بألفففف خير انتي كيفك طمنيني عنك اتصلت فيك وما رديتي ؟
بعدها أخذتهم السوالف .

بطاوله ثانيه :
ام مشعل وام رياض وام فهد وام تركي جالسين لحالهم يحلون ويتقهون .
ام مشعل : الأ وين عروستنا ؟!
ام رياض : هذيك مع مريام ععند البنات .
ام مشعل بفخر : اقول خواتي شوفوا زوجت ولدي مشعل ود .
ام فهد وهي موب مرتاحه ابداً : اها الله يوفقهم .
ام رياض بنغزه : الا وين زوجته الأولى م خليتونا نشوفها .
ام فهد وهي تطالع لتين جالسه عند امها : وش تبين فيها الله يستر عليهاا .
ام رياض اللي م ارتاحت ابداً لـ ام فهد : وش ذا السؤول ولا حرام م نشوف جارت بنتي بععدين هي خلاص موب راجعه لزوجها ؟!
ام تركي : الا ان شاءالله بترجعع له .
ام فهد توقف : عن اذنكم بروح الحمام .
وقفت وانا اتوجهه لـ طاولة اللي فيها لتين سلمت عليهم وسحبتها معي بحجة اني ابيها تروح معي الحمام .
لتين تبتسم : خلاص بنتظرك هنا راح اعدل الميك اب .
ام فهد بحنيه : توععديني م تروحين .
هزيت راسي وانا مستغربه : وععد .
دخلت الحمام وهي ظلت عند المرايا .
شويات ودخلت حياة معصبه وتكلم روحها : قسم بالله مريضين وخطيبة اخوها مريضه مريضه .
طالعتها وابتسمت بوجها : شفيك ؟!
فتحت المؤويه وغسلت يدي مع ان ما فيها شي بس احس اني حيل مقهوره : مريام بقتلها بنت عمك هذي .
توي بطلع الا سمعت صوت بنتي تتكلم مع لتين ظليت بداخل الحمام اسمعهم .
لتين تقرب منها : ليه ايش مسويه ؟!
حياة بقهر : تخيلي جالسه تدورك ومعها المشئومه خطيبة مشعل عشان تشوفك اقتلها ولا اقتلها .
طالعتها بستغراب : تبي تشوفني ؟!
حياة بكره : اي تبي تشوفك جعلها العمى قاهرتني هي ودلعها الماصخ بععدين احسها تدور المشاكل مدري وش حببهم فيها .
لتين بهمس : اسمعي انا بروح ععند العنود لانها عند هديل وبكذا م راح تدري وين انا فيه لاني م ابي اتمشكل معهم .
حياة : لا حبيبتي بعدين نسيتي ترا اللي بيتزوج ولد خالتي يصير ولد خالة مريام اكيد بتدورك عندهـ ..
م امدا تكمل كلامها الا مريام تدخل : سلاام تعبنا واحنا ندورك بكل مكان .
لتين وحياة : وعليكم السلام .
مريام ببتسامه : لتين هذي ود .. ود هذي لتين .
لتين ببرود : اهلنن .
ود بدلع وهي تقيمها : مرحبا .
شويات وطلعت الخاله ام فهد : وش عندكم هنا ؟!
حياة : انتي بالحمام ؟!
امها : اي يمك بغيتي شي ؟!
حياة تشد على جوالها : سلامتك , قلت اطلع انا ولتين البنات ينتظرونا .
امها : اي اجل روحوا لهم لا تتأخرون .
حياة : يالله لتين .
لتين تمسك يدها : مشينا .

بقسم الرجال :
توه يفتح جواله الا انصدم من الصور والحكي ..
بمكان ثاني ..
ماجد شايع فيصل جالسين بجنب بعض وعيونهم تراقب مشعل .
شايع بهمس : شافها يعيال .
فيصل : خل نشوف ردة فعله .
ماجد يبتسم : الحين تشوفون .
طلع جواله وهو يكتب رساله " اذا مو مصدق رح شف فستانها " .

ععنده مشعل م حس بحاله الا وقف وطلع برا الصالة وقف بالشارع وهو يجري اتصال " طلعوا وراه ماجد وفيصل وشايع ظلوا يطالعونه " ..

بداخل القاعه .
رن جوال مرجانه رفعته وراحت تكلم .
مشعل : وين لتين ؟!
مرجانه بستغراب : جالسه هناك .
مشعل بعصبيه : قولي لها سلمان ينتظرك برا وخليها تلبس عبايتها فيه رجاجيل برا .
مرجانه على نياتها : طايب .
سكرت منه وراحت لم لتين بهمس عشان ود م تسمع : لتين تعالي معي .
وقفت وانا اطالعها : هلا .
مرجانه : اش اسمه سلمان ينتظرك برا بس يقول البسي عبايتك لان برا رجاجيل .
لتين بستغراب : غريبه شعنده .
مرجانه ترفع كتوفها : والله مدري بس مشعل يقول ان سلمان ينتظرك .
لتين : اوكاي .
رحت لطاوله أخذت شنطتي الصغيره بداخلها جوالي وعبايتي لبستها وطلعت برا م شفت أحد استغرب جيت برجع ادخل الا سمعت احد ينادي : لتينن .
التفت على مصدر الصوت وطالعته مشعل : نعم .
قرب مني وبهمس : تعالي اخوك هنا لا يكون مخبره احد ؟!
لتين وبالها كله مع سلمان : اش فيه سلمان ؟!
مسكت يدها وانا اشد عليها : تعالي وتعرفين .
مشيت معه من خوفي على سلمان ..

بمكان قريب :
فيصل يطالعهم : خخير طلعت معه ؟!
ماجد يطالعه : لا تنسى انها زوجته .
فيصل بقهر وهو يطالعهم : بس م اتفقنا على كيذا .
شايع يكلم بالجوال ابوه يناديه طالعهم : عيال ابوي يناديني تعالوا معي .
فيصل : والخططه .
ماجد يمشي بجنب شايع : لحقين عليهم بس تعال انت لاحد يشك فينا وبععدين احنا في بدايه الخطه .

فتح لها باب السياره : اركبي لين يجي سلمان .
طالعته : وليه اركب .
طالعتها وانا احاول امسك اعصابي : اذكري الله لا يشوفك احد بسرعه .
استغربت وانا أركب سكر الباب الا ركب وحرك السياره طالعته بستغراب : وسلمان ؟!
كان يسمعني بس مطنشني استغربت منه خفت طلعت جوالي بتصل على سلمان م حسيت فيه الا اخذ جوالي وفتح الدريشه وذبه ورجع يسكرها .
انصدمت ظليت اطالعه وجهه صاير يخوف شفته يسحب جواله ويجري اتصال شفته يتكلم عن حجز وبعده سكر وقتها حسيت بقلبي يوقف من الخوف .

بالقصر :
زفوا العروسه هي وزوجها وانواع الصراخ والوناسه بعد الزفه الكل راح يبارك لعروسه ويدعي لها بالتوفيق وبالحياة الهنيه ..
العنود جالسه تطالع بالمعازيم وهما يباركون لـ اختها نزلت دمعتها كانت تتمنى يكون زواجها مثل اختها لكن الحياة م صفت لها حسيت بجوالي يرن .
طالعت بالاسم " متعب " فتحت الخط : هلا .
متعب : سلام .
العنود : عليكم السلام " ورديت اسكت " .
متعب : اطلعي انا برا .
العنود بستغراب : بس لسى الزوا .
قاطعتها : قلت اطلعي بسرعه .
سكر الخط بوجهي تنهدت وانا اوقف اخذت عبايتي لبستها وطلعت بدون لا اودع احد ركبت السياره بدون صوت حرك لبيت بعد م وصلت نزلت ودخل الغرفه من كثر ما انا منقرفه منه دخلت على طول الحمام فسخت الفستان ومسحت الميك اب واخذت دش عناد كيذا م ابيه يشوفني لان وقتها كنت متجهزه بالقصر .
دخلت لغرفه وسمعت صوت المؤويه دقايق وطلعت بروبها وبيدها فستانها طالعتها مع اني كنت ابي " اشوفها بكشختها لكن انصدمت لمن شفتها ماسحه كل شي " وقفت وانا اخذ شماغي بقهر : انا طالع وامكن اتاخر .
م رديت عليه مع اني اشوف القهر بعيونه اول م طلع مشطت شعري وسكرت الانوار ونمت .

بالمطار :
دقايق واعلنوا عن الرحله طالعته وجهه بس اللي يخوف لكن لا صوت ولا شي كيذا ساكت بس مرعب تنهدت وانا امشي معه مثل م يقول " لا أسمع لا أراء لأ أتكلم " ركبنا الطيارة وانطلقنا كلها دقايق ووصلنا نزلنا وشفته طالع لبرا وقف تاكسي وركبنا وتوجهنا لفندق .
كلها كم ساعه ووصلنا لـ الفندق دخلنا واخذنا المفتاح ورحنا لـ جهه جناحنا فتح الباب دخلنا وسكر الباب توي بمشي الا سحب يدي وكـففففففففففففففففففف🎉.

‏گ نصيحة مُخلدة ..
‏لا تطلب الشيء مرتين .. إلا من الله !"

[لامارا]

42






بالشرقيه ..
بالزواج ..
تولين : بنات لتين وينهاا ؟!
مرجانه : طلعت عندها شغله .
تاله ترفع حاجبها : شغغل مع مين وليه م قالت لنا ؟!
تركيه تسكر جوالها : جوالها مقفل !
مريام تقرب منهم : بنات يالله نرقص .
تاله مشت تاركه الطاوله وهي تحاول تتصل على لتين والجوال مقفل استغربت وهي تطالع تركيه تكلم بالجوال ومعصبه قربت منها .
تركيه بصراخ : من جدك انت هااا وليه تخليها تروح معه ؟!
صرخ فيها وهو يطالع ماجد : شسوي بععدين هو زوجها وخير شتبين منها ؟!
تاله تسحب الجوال منها : شايع جوال لتين مقفل ليت تسأل زوجها ليه مقفل وخل تفتحه لنا .
شايع بفهاوه : تاله ؟!
تاله بعصبيه : يالله بسرعه اتصل فيه .
شايع بحب : طايب كم تاله ععندي .
سكرت منه وهي تطالع بعيون تركيه : لتين م قالت لك شي ؟!
تركيه تأخذ جوالها : لا والله .

برا صالة الرجال .
اتصل بجوال مشعل ولحين م مسك الخط معه تنهدت وهو يرجع يتصل مرا ثانيه دقايق وانفتح الخط : خخير .
شايع يعقد حواجبه : وينها لتين ؟!
مشعل يرفع حاجبه : شتبي فيهاا ؟!
شايع يحاول يمسك اعصابه : انا سألتك وينهاا وجوالها مقفل .
مشعل يضحك بسخريه : هههههههههه قصدك جوالها والله ذبيته عند شارع المملكه تبيه تعال دوره شي ثاني ؟!
شايع بفهاوه : بالرياض انت ؟!
مشعل بسخريه : مو زين تتصل على ناس متزوجين بهالوقت عشان تسأل هالأساله عيب .
شايع بعصبيه : الحين اسالك خخير تستهبل معي ؟!
مشعل يعدل صوته : انت مو بزر يالله سكر الخط ولتين عندي .
شايع بعصبيه : اذا عندك انت وينك وليه تأخذها ؟!
شوي الا تسكر الخط بوجهه رجع يتصل طلع الجوال مقفل عصب زياده وهو يدخل الصاله ويسحب ماجد وفيصل معه برا ..
ماجد يطالعه : خخير وش فيك بسم الله .
فيصل : شفيك ؟!
شايع بعصبيه : اخوك الحيوان اخذ اختي وذب جوالها وحضرته جالس يتمصخر علي وش ذااا ؟!
فيصل يطالعه : وين اخذها ؟!
شايع معصب : مدري مدري وين .
ماجد يطالعه ويفرك يديه في بعض : اهدا انت الحين وهي مو مع احد غريب كل الحكايه انها مع زوجها .
شايع وفيصل صرخوا فيه : والخططه ؟!
ماجد يطالعهم : خلاص برجع اتصل فيه انا .
شايع : وش تتصل عليه قفل جواله بوجهي .

بالرياض ..
كلها كم ساعه ووصلنا لـ الفندق دخلنا واخذنا المفتاح ورحنا لـ جهه جناحنا فتح الباب دخلنا وسكر الباب توي بمشي الا سحب يدي وكـففففففففففففففففففف.
حسيت بالصمم م ععاد اسمع شي من الكف اللي جاء بخدي حسيت فيه يسحب شعري وعيونه تحرق وجهي : حسبالك بخليك توطوطين مع فيصل بكل مكان ؟!
طالعته وانا خايفه واحاول ابعد يديه عن شعري وانا اترجاه : فك شعري تكفىىىىىىىىىىى .
طالعت فيها وانا أشوف الفستان تذكرت الصوره وبدقيقه تحولت لوحش وانقضيت عليها بديت اضرب فيها والفستان قطعته " اذا تذكرون افلام كرتون سندريلا وبنات زوجة ابوها لما قطعوا فستانها " انا بهالوقت صرت افنع منهم م رحمتها هي وصراخها وترجيها لي حسيت بالتعب وبعدت عنها وانا اطالع بيدي فيها بقايا شعرها ومن فستانها اللي قطعته طالعتها وانا اشوتها اخذت شماغي وطلعت من الفندق ولقيتني مأخذ تأكسي وماسك خط لشرقيه .
بكيت الين قلت بس حاولت أوقف بس م قدرت احس بأني متكسره وم فيني ولا عظظم سليم ..

يوم جديد ..

بيت ابو مشعل ..
ابوه يستفسر : وين زوجتك ؟!
مشعل وهو يشرب شاي : اي وححدهه ؟!
ابوه : وش اي وحده انت الحين مالك الا وحده الين تتزوج الثانيه .
مشعل يطالع بجواله : ود وعند اهلها ولتين بالبيت .
ابوه : اي بيت ؟!
مشعل يوقف : انا عندي شغل توصي شي ؟!
ابوه بعصبيه : انا لمن اكلمك واسالك توقف وتجاوب على السؤال مو توقف وكأني اصغر عيالك .
مشعل يبوس راسه : اسف والله راسي يعورني وابي ارتاح وانت يبه الله يهديك تسألني يعني وين بتكون لتين غير بالبيت .
ابوه : روح روح الله يهديك .
طالعت من البيت وانا اتوجهه لعمل اشوف متى تبداء اجازتي .

بيت ام سلطان ..
تاله تطالع في امها : اتصلي فيه اسالي عنها ؟!
امها : وش اتصل ياوجهه استح البنت مع زوجها .
تاله بقلق : يمااا والله م ارتحت اتصلي اسالي عنها .
امها توقف : ما راح اتصل خليهم امكن زانت اوضاعهم الله يسعدهم ويبعد عنهم الحسد .

بيت ام ذياب .
شايع : الكلببببب قفل بوجهي .
تركيه تطالع فيه : والله من الغباء بععدين ليه رمى جوالها م قال لك ؟!
شايع بسخريه : هه الا قال هذا حيواان .
تركيه : اتصل فيه خلني اكلمه .
شايع يطالعها : احلفي بس يالله هناك بس والله قلت ادب .
تركيه تلعب بشعرها : اووووووف .

بالفندق ..
راكان يطالعها : ‏هذا مساء الشوق لـ عيونك السود
‏وهذا مساء..الـذوق والنـور نـورك 💕.
هديل نزلت راسها بخجل .
قربت منها وانا ابوس راسها : الله نروح المطار بأقي على رحلتنا ساعتين .
هزيت راسي وانا أوقف : طايب .
اخذنا شنطنا وطلعنا متوجهين لـ المطار رحلتنا شوي وبيعلنون عنها ..

بالرياض ..
بيت ام ععادل ..
رنيم تجهز سفرت الغداء وتطالع في الصحون وبتفكير : انا متحلممه في لتين لكن الحلم م اذكرهه !
الجده تدخل عليها : من تكلمينن ؟!
رنيم تلتفت على جدتها : ها ولا شي انتي اجلسي وانا بجيب الغداء .
الجده تجلس : اخوانس وينهم ؟
رنيم : ععادل بالطريق شوي ويوصل وريمان تتروش .
الجده تسحب الجريده : اهلس وصلوا ولا توهم ؟!
رنيمم توزع السلطه : اتصلت فيهم قبل شوي ويقولون توهم بيوصلون لـ الطايف .
الجده تلبس نظاراتها : الله يسهل دربهم .

بالفندق ..
صحيت من النومم واحس حالي متكسرهه طالعت بالساعه قدها وحده وقفت بصعوبه ودخلت لحمام طالعت بوجهي وبالكحل اللي سال من كثر البكى غسلته وانا اطلع خذيت شنطتي وفتحتها طلعت منديلي المعططر ومسحت وجهي اخذت الكريم ودهنت وجهي لبست عبايتي وصليت الظهر والفجر الله لا تعاقبنا بعد م خلصت جلست على الكنب وعيوني بالفراغ افكر بحالي وايش أسوي ..

بالشرقيه ..
بيت ام فهد ..
حياة تحط الغداء على السفره وقامت تناديهم لـ الغغداء كلها دقايق الا هم مجتمعينن حول الغداء ..
ابو فهد : اليوم ععندكم برنامج ولا لا ؟
ام فهد : لا م عندنا شي ليه ؟
ابو فهد : اجل تجهزوا عازمكم اليوم برا .
حسناء بوناسه : واااااااو والله انك اطلققق ابو .
فهد : ودي اطلع معكم بس ععندي مناوبه .
ابوه : بسلامتك أجل ..

بيت ابو راكان ..
ريان ينسدح على الكنبه : اخخخخ وين سريري .
امه بعصبيه : قووم يذا الشايب الناس تحمد الله بععد الغداء وانت تتسدح وتبطح قممم .
ريان يسحب الخداديه لتحت راسه : والله جاني النوم وش حاطين بغغداكم ؟!
غاليه : كل شي حاطينه .
ريان : م سألتك انتي اسأل امي .
امه تشيل الصحون : قممم أسق الزرع اللي بالحوش اليوم دورك .
ريان يرفع حاجبه : البارح كان على مين ؟!
غاليه بلقافه : على غالي واليوم عليك .
ريان يسحب علبة المنديل : وليل م كلمتس انتي الا ترد علي انقلععي لا اطعنس .
امه : يالله قممم اسقه عشان توديني السوق .
ريان يجلس : الله الله وش عندك ؟!
امه : مالك شغغل بعد صلاة العصر ابيك توديني السوق .
ريان يطلع جواله : اجل دورو لي مره من الحين مشاوير وطلبات خل اتزوج احسن .
امه تطلع من الصاله : لا عقلت وانا امك وتوظفت ان شاءالله خطبت لك وش له اظلم بنت الناس معك .
غاليه تلحق امها وهي تمد لسانها على ريان : صادقه اومي وش له .
ريان يسحب علبة المنديل ويذبها عليها الا على دخلت غالي وبراسها وبصرخه : وجعععع .
ريان يوقف : محد قالك تدخلين سلام .
غالي : مجنون .


بيت ابو فيصل ..
ام فيصل : ترا امي اليوم بتجي .
ابو فيصل : الله يحيها اذا ناقص البيت شي ولا محتاجين شي علموا فيصل يجيبها .
روان : يباا ابي السوق انا .
ابوها : شععندك ؟!
روان تطالع امها يعني ساعديني : اءاء .
امها : تبي اغراض لها .
فيصل يوقف : عن اذنكم بروح انام .
امه : باقي شوي على الاذان اجلس ليمن تصلي .
فيصل : بروح اتلين شوي .
طلع وهو يتصل بشايع الا م انتبه لـ ابوه وراه .
فيصل : ها بشر وش صار ؟!
شايع يطلع لغرفته : اتصلت فيه وم يرد بععدين شفته اليوم ععند المحطه .
فيصل ناسي امر اللي وراه : طايب ماجد م كلمته تشوف الخطه لازم نكملها والصور لازم يرسلها كلها .
شايع : انت وينك ؟!
فيصل : بروح غرفتي ليه ؟!
شايع : اجل تعال وانا بكلم ماجد يجي .
فيصل : طايب انا الحين بس ابدل ملابسي وجاي وين نتقابل بعدين خل يجيب الصور والجوال عشان نكمل الباقي .
شايع : طايب طايب تعال ،،،،،،،،،، .
فيصل : دقايق وجاي .
سكرت الجوال الا على صوت : وش خطه وايش صور ؟!
فيصل يلتفت وراه بصدمه : تتجسس علي يبه ؟!
ابوه بعصبيه : اي اتجسس عليك وش عندك وهالمكالمات والاجازه اللي ماخذها ؟!
فيصل عصب : انا ما خذيت اجازه وبكره دوامي والمكالمات اكلم واحد من العيال .
ابوه بعصبيه : والله يفيصل ان كانت السالفه تتعلق بـ لتين ان .
فيصل يقاطعه بقهر : الله يأخذها الله يأخذها خلاصصص لتين نسيتها وانت تحاول تذكرني فيها خلاصصص والله خلاصصص .
مشيت طالع من البيت م ععاد اتحمل والله ركبت سيارتي ورحت المحطه اعبي بانزين شوي وبينقطع من سيارتي تنهدت وانا اطالع مشعل واقف يعبي بانزين صديت عنه وانا مقهور مقهور تذكرت ان معي صور لـ لتين .
طلعت جوالي الثاني محد يعرفه وارسلت له الصوره وانا استعجل كتبت الكلام وارسلتها على رقمه وحركت من المحطه وانا احاول اظبط اعصابي .

‏مثل ما احنا :
‏نخبّي حبّنا فينا ،
‏وتفضحنا ملامحنا !
‏نبي نقول ..
‏وخجلنا نقول !
‏قدرنا بالهوى مجهول !
‏يعلّقنا الخجل بالنصف
‏لا جينا ..
‏ولا رحنا !

[higher79]

مش معقولة بين جزء وجزء أسابيع. . راح ننسي الأحداث 😭😭

[لامارا]

43




بععد مرور أسبوع بالتمام ..

رجعع مشعل لرياض وأخذ لتين لـ شقه مستقله لكن " كل واحد بحاله " ..
فيصل رجع لـ الخرج وطلب نقل لرياض علشان يكون أقرب له اذا بيروح الشرقيه ..
العنود ومتعب " حياتهم م فيها تغيرات " العنود بس تكشخ وتلبس " تتزبرق قدام متعب " ومتعب محتار معها ومأخذه عقله " ..
شايع لازال متمسك بحبه لـ تاله وهي كمان لا زالت متمسكه لكن حب بالخفاء ..
تركية لا زالت تحلم بسلمان وبالحب اللي متعلقه فيه ..
فارس يحاول يلقى فرصه يشوف فيها تولين ..
هديل وراكان رجعوا من شهر العسل وحياتهم مليانه بالحب والأحترام ..
&&&&&&&&&&&&&&&&&&&
بالرياض ..
فتح باب الشقه بععد م رن الجرس " وكانت يديه محمله بأكياس العثيم " توجهه لمطبخ وحطهم طلع لصاله وكالعاده جالسه في مكانها المعتاد بكنبه منفرده وقدام Tv جلس مقابل لها " ظلوا ساكتين لمدة ثلاث دقايق " شويات وتكلم .
عدل جلسته وهو يطالعها : لتين خليك معي شوي .
ألتفت عليه وطالعته وانا ساكته " انتظره يتكلم " ..
أخذت نفس وانا أشبك اصابع يدي ببعض : اليوم بمشي لـ الشرقيه لان بكره زواجي ..
تعرفون لمن ينكسر الكأس بأرضية رخام " أشبه بقلبي بعد م سمعت كلامه " ..
طالعت فيها لا حركه ولا ردة فعل ساكنه وقفت وجلست على ركبتي قدامها : لا يصير بخاطرك شي وقبلها قد قلت لك الشرعع حلل اربع وبكرا زواجي وبعده بسافر اسبوع بالكثير وراجع ان شاءالله .
طالعت فيه وانا أمسك نفسي لأ أبكي : طيب .
شويات وطلع ظرف من جيب ثوبه وهو يمده لي مسك يدي وحطه في باطن يدي وتنهد : سامحيني كل اللي صار منك انتي وهذي لك ويالله تأمريني على شي .
طالعت فيه حاولت وحاولت امنع دموعي لكن الألم والحزن قدرو علي بكيت بدون صوت بكيت بكيت كل حاجه ..
وقف وهو يبوس راسي : ودعتك الله ..
مشى متوجهه لباب فتح الباب وطلع أخر م سمعت صوته قفل الباب وهو يتقفل " لحظتها بكيت بكيت بدل م كان بكاي مكتوم طلع العكس ظليت أبكي بصوت عالي م في احد ععندي يواسيني لا أمي ولا اخواتي ولا اخواني انا هنا لحالي بعيده كم كيلو عن الشرقيه م فيه احد يشاركني همي ولا حزني اللي فيني " صح كنت اقول ععادي يتزوج بس لااا حتى لو كنت الثانيه او الثالثه هو زوجي وراح تشاركني وحده فيه حنا يالبنات كذابات لمن نقول خل الرجال يتزوج علي بس بداخلنا ننكسر نموت نشتعل من الغير م يكون موجود طول اليوم عندك الا اذا كان هاليوم هو يومك وبكره رايح لزوجته الثانيه " لكن اللي تقول خله يتزوج ععادي والوضع عندها زين فهي م حبت زوجها ولا زوجها حبها " بس انا الحين احبه وربي وربي أحبببببببببببببببببببه لمن فكر يتزوج علي حبيته بعد م نوى يبعد عني ليييييييييييييه كيذا لييييييه احببببببه وهو ضربني كذبني وشك فيني ليييييييه " ..
&&&&&&&&&&&&&&&&&&&&&
بيت ام عادل ..
رنيم جالسه عند رجول الجده وتهمزها وتسولف معها قطع عليهم صوت جوال الجده يرن وقفت رنيم تجيبه وهي تطالع الرقم ..
رنيم ترفع حواجبها : جده هذا رقم مشعل .
الجده تأخذ الجوال : لا يكون متصل يعزمني على زواجه !؟.
رنيم تجلس : ردي وشوفي ايش يقول .
الجده فتحت الخط وسؤال عن الحال والأحوال إلين تكلم مشعل : جده ترا لتين عندكم بالرياض الحين انا ماشي لشرقيه وهي بالشقه بعطيك رقمها الجديد وعطيه رنيم بنت عمتي تتواصل معها اذا احتاجت شي .
الجده بنبره غاضبه : وش هو له يومك تاركها هنا ليه م اخذتها وحطيتها عند اهلها انت ادمي ؟!
مشعل بكذب : هي رافضه تروح الشرقيه شسوي لها .
الجده : وش يخليها ترفض ععاد وراء م جبتها قبل تروح منت بصاحي تاركها لحالها .
مشعل يبي ينهي الأتصال : تأخذين الرقم ؟!
الجده : اصبر شوي , رنيم جيبي ورقه وقلم ولا جوالس .
رنيم توقف : ان شاءالله .
دقايق وجات الجده : سجلي 055 .
مشعل : توصين شي ؟!
الجده : ابداً سلامتك مع انه ضايقن خاطري منك .
مشعل ماله بالكلام : يالله فمان الله .
سكرت الجده وسحبت شيلتها وتمسح دموعها رنيم بخوف : يماااا وش فيك ؟!
الجده : وشفيني قومني البنت اللي حاطها بشقة ورايح لشرقيه يتزوج .
رنيم : لتين ؟!!!
الجده ؛ اي لتين لا اذن العصر رحنا نجيبها وش له تقعد لحالها لين يجي الثور .
رنيم : اوكاي .
&&&&&&&&&&&&&&&&
بالشرقيه اليوم الثاني ..
بيت ابو مشعل الوضع محتاس اليوم زواج مشعل & وود .
البيت مقلوب فوق تحت الزواج راح يكون بالبيت لـ الحريم ولرجال أستراحه لأن الزواج مختصر على طلب مشعل ..
دخل الجناح وهو يفسخ ثوبه ويحس بالتعب جلس على السرير يحاول يأخذ قيلوه صغيره لكن باله مشغول مو لم احد ومنشغل بـ لتين تنهدت وهو يسحب جواله ويتصل فيها ثلاث مكالمات وما ترد عليه " هو عارف ان جدته خذت لتين عندها من قالهم هاك اليوم أكيد زعلانه " .
ترك جواله وكلها دقايق ونامم .
تحت بالصاله ..
ام مشعل : زيني اللي عندك لا لا مكانها مهوب مناسب حطيها وراء لا لا وراء قلت وانتي حطي الشموع هناك عند الطاوله .
ماجد يقاطعها : الله الله كل هالتجهيزات .
امه تلتفت عليه : وانت وش عندك جاي ؟!
ماجد يطالع بأمة بستنكار : ياويلي بععد بتطرديني ؟!
امه مسكت يده وسحبته على جنب : الأ بسألك وجاوبني بصدق ياويلك إن كذبت .
ماجد يطالع بأمه : وش صاير ؟!!
امه عصبت : ما صار شي انا بس بسألك وانت جاوب .
ماجد يتكتف : وش سؤالك ؟!
شدت على يديه وهي تطرح سؤالها : زوجة اخوك الأوله وينها ؟!
عقدت حواجبي : قصدك لتين ؟!
امه : اي اي وينها ؟!
ماجد يرفع اكتوفه : وانا شيدريني عنها .
امه : متأكد ؟!!
ماجد يهز رأسه بكذب : اي متأكد .
مشى تارك امه وهو يصعد لغرفته وهو يستغفر ربه .
&&&&&&&&&&&&&&
بعد صلاة العشاء ..
بيت ابو مشعل الكل جهز لبس لبس الزواج وتعدل والبخور مشتعله والأنوار كلها مفتحه والضيوف بدوا يجون ..
عند مشعل جالس معهم ويبتسم بالغصب وعيونه على شايع يحسه مو معهم جالس بجنب إبوه وبالغصب وبجنبه ذياب يهمس له تنهدت وهو يتمتم بداخله " اذا انت يا شايع مغصوب على الجيه انا بعد خذيت قرار خطأ بحق نفسي ليت الزمن يرجع وراء " ..
ماجد يطالع مشعل بهمس : ولد لا تكشر لو م تبي كنسل ابو العرس .
مشعل بهم : خلها على الله .
ماجد يعدل شماغه : المهم ابتسم وخل عنك التكشيره كنك بنت هذا اللي جبته لنفسك سلم هذا صديق ابوي اللي بتركيا عرفته .
مشعل سلم عليه وبارك له وراح ألتفت مشعل على ماجد : متى يخلص العرس ؟!
ماجد يلتفت عليه : شوي بس امي تقول بأقي الزفه يزفونك معها .
مشعل يعقد حواجبه : ومن قالك اني بنزف ؟!!
ماجد يهمس له : زوجتك تبيكم تنزفون مع بعض تخيل ترفض ؟!
مشعل اللي عصب : زفه ما راح انزف فاهم وعلم أمك واللي معها .
بععد مرور ساعات على الزواج " بالداخل عند الحريمم ماجد خبر إمه بحكي مشعل وانه رافض الزفه وتفشلت م تدري إيش تقول لـ ود وأهلها " ..
بالغرفه ..
دخلت ام مشعل ومعها المبخرهه وببتسامه : م شاءالله تبارك الله قريتي اذكارك يمي ؟!
ود بدون نفس : ايوا " وين مشعل الحين بتبداء الزفه ؟
ام مشعل بتصريفه وترقع الوضع : مشعل يقول م راح انزف يقول انزفي لحالك علشان تطلعون لفندق بدري وتلحقون على رحلتكم .
ود بعصبيه : مو على كيفه خالتي قولي له يجي انا تعبت علشان اختار اجمل زفه لنا الأثنين والحين يقول لا .
ام مشعل تطالعها ومصدومه من طول لسانها : تعوذي من بليس وخلينا نبداء الزفه عشان م تتأخرون .
ود شوي وبتبكي : ألغوا الزفه خلاص اذا مشعل مو جاي مو لازم أنزف لحالي .
حياة وهي من خلف الباب : أحسن شي سواه ولد خالتي تف عليها وعلى زفتها .
بععد م انتقل الخبر لـ ألغاء الزفه طلعت ود لمشعل وتوجهوا لـ الفندق ..
&&&&&&&&&&&&&&
بالرياض ..
بالصاله جالسين الجده والعمه والبنات يتقهون ..
الجده تطالعهم : وين لتين ؟!
رنيم : جالسه بالغرفه تقول تعبانه شوي .
العمه حصه بحزن على حالها : الله يكون بعونها ويصبر قلبها المسكين ..
الكل : أمين .
شويات وقامت الجده وهي تتسند على عكازها لمن الدرج .
عند لتين منسدحه على سرير رنيم وتطالع بالفراغ اليوم زواج مشعل وبالها مشغول بأشياء كثير وأولها إيش جالس يسوي الحين " الساعه حوالي الوحده " وين راح يسافرون وش بيسون كل هذا وأكثر يدور في بالها قطع عليها دق الباب .
تعدلت وهي تجلس بهدوء : أدخل .
فتحت الجده الباب وهي تدخل لداخل الغرفه : السلام .
وقفت لتين وهي تروح تمسك يد جدتها بحنيه : شفيك يا جده راقيه الدرج وهو تعب عليك كان علمتيني أنا أنزل تحت عندك .
الجده وهي تجلس وتمسح على رأس لتين : رقيت الدرج لأني جايه أعطيك كم كلمه وبروح أنوم .
لتين تطالع بعيون جدتها : امريني .
الجده تمسك يدها : أسمعيني ولأ تقاطعيني لين أخلص كلامي وبعدها لك حرية الأختيار وهذي حياتك .
لتين بهدوء : أسمعك .
الجده تحط عكازها على جنب وبحنيه : اليوم تزوج مشعل عليك الزوجة الثانيه وأنتي عارفه إن هذا محلله ربي وإن له الحق يأخذ فوقك ثلاث والشرع حلله وقبله ربي محلله ومهوب زين نحرم شي ربي محلله " اللي بقوله يا بنتي قد قالته لي المرحومه أمي يوم تزوج علي جدك " م كنت مقصره عليه بشيء من يدخل يلقى ريحة البيت بخور والأكل جاهز وملابسه مغسله وم قصرت عليه بشيء لكن الرجاجيل يالتين والله لو كنتي مو مقصره وقايمه بيتك أكيد انه بيتزوج وأغلب الرجال يدور الشقى لنفسه لو انه مرتاح ومثل م يقول المثل " الرجال ما يملى عينه الأ التراب " لو كانت زوجته ملكة جمال وقايمه بواجباتها على أكمل وجهه لازم إنه بيتزوج فهمتي ؟
لتين بغصه : اي .
الجده تشد على يدها : لذالك يا بنتي أرضي بقضاء الله وأسمعيني زين وخلي هالكلام حلق بأذنك زين عشان ترتاحين " الحين مشعل معطيك فلوس ؟!
لتين تمسح دمعتها : اعطاني 50 ألف .
الجده تبتسم : م شاءالله أجل أسمعي وسوي مثل م أقولك وأنتي براحتك " دام هالفلوس معك روحي لسوق وأشتري كل شي تحتاجينه لو تبين قصي شعرك أصبغيه الون اللي تبين لا تخلين زواجه عليك يكسرك أبدا أبدا لا تخلينه يكسرك " الجده وهي تطالع لتين تمسح دموعها اللي م وقفت " أبكي إمكن ترتاحين طلعي اللي جواتك والله يصبرك .
لتين تمسح دموعها : كملي يا جده أسمعك .
الجده تأخذ نفس : وان جاء وخذاك لبيتك إياني وإياك تسألينه وين رحت وين جيت وش سويت وان جاء يومك وليلتك " رحبي فيه ولا تجيبين طاري زوجته الثانيه " خليه كأنه زوجك لحالك ان دخل رحبي فيه وان جاء خلي بيتك ريحته حلوه واكله جاهز وملابسه مغسله وإياني وإياك تسألينه وين رحت وين جيت وان طلع لأ تسألينه وين بتروح وش بتسوي أبد أستودعيه الله لين تجي ليلتك الثانيه " ترا الرجاجيل م يحبون هالأساله وش سويت ولا وين رحت " خليك في حالك واهتمي بنفسك وان م كانت ليلتك اطلعي ونسي عمرك سوي اللي تبين وكأنك عزابيه " وان جات ليلتك هالله هالله فيه ترا الرجاجيل هالأفعال تأخذ قلوبهم أخذ " وعن تجربه وانا أمك لا تقولين انها خربت حياتك وهدمت سعادتكم وأغلب الزوجات يقولن لازم نوري الزوجة الثانيه الويل عشانها أخذت زوجي مني لا يا بنتي الحكي ذا غلط وألف غلط هي مثلك تبي بيت وعيال وزوج يستر عليها وهي م راحت ابداً لزوجك وقالت له تعال تزوجني هي بعد مسكينه لكن لا تحاولين تخربين بيتها بعدين تدعي عليك وتصيبك دعوتها وربي م يرضى بالظلم ان شفتيها فمرحبا ومسهلا والوجهه من الوجهه أبيض يمك .
بععد م أنتهى الحوار ودخل الحكي بمخ لتين وتربع وأقتنعت فيه ضمة جدتها وجلست تبكي بحضنها وقلبها يتقطع .
الجده وهي تمسح دموعها : الله يسعد قلبك يمي .
&&&&&&&&&&&
بالشرقيه >> تحديداً بالفندق ..
دخلوا الأوتيل وعيونه تتحشى تطالع فيها وتنهد وهو يفسخ شماغه ويطلع جواله بدون لا يطالعها : بدلي لبسك علشان نتعشى ونطلع لمطار .
ود بجرائه وهي تقرب منه : طايب ليه م تطالعني ؟!
مشعل طالعها منصدم من جرائتها وبنفسه " فرق بينها وبين لتين تنهد وهو يصد عنها : انا طالع بدلي لين ارجع .
مشى وهو مطنشها تتكلم مع نفسها فتح الباب وطلع نزل تحت بالحديقه وهو يدور بالأرقام على رقمها جلس على أقرب كرسي وجلس عليه سكر جواله وتنهد مرت حوالي نص ساعه رفع جواله وهو يظغط على الأرقام دقايق وظغط على جاري الأتصال أرتجفت يديه وهو ينتظرها تفتح الخط ..
بالرياض ..
وقفت الجده وهي تسحب البطانيه وهي تغطيها وتسمي عليها طالعت بجوالها ينور قربت وهي ترفع الجوال لعيونها مستغربه م فيه أسمه كله نقطه تنهدت وهي ترجع الجوال أخذت عكازها وهي تمشي لباب سكرت الأنوار وطلعت ..
بالشرقيه ..
أتصل حوالي 17 مكالمه لكن لا رد وقف وهو فاقد الأمل انها ترد عليه مشى لداخل الفندق دخل وطالعها جالسه بقميص أشبه بالمفسخ صد عنها وهو يدخل الحمام غسل وجهه وطلع لقاها تطقطق على جوالها دقايق الا العشاء واصل جلسوا وهما ساكتين ..
بعد العشاء اللي صار فطور وقف وهو يكلمها : بدلي لبسك خلينا نلحق على الطياره .
ود بزعل : يعني م راح ننام هنا ؟!!
صديت عنها وانا اخذ شماغي : لا تأخرينا .
بالمطار ..
على الساعه 4:30 ص أقلعت الطياره بعد م أستقروا بالطياره
ود بدلع وهي تمسك يد مشعل : بيبي لوين مأخذني ؟!
مشعل وهو مشمئز من الكلمه الأولى : لـ دبي .
ود تمد بوزها : لاااا م أبغا دبي كان سألتني وين أبغا أروح .
مشعل يسحب يده من يدها : كلها أسبوعين وراجعين .
ود بقهر : بس أسبوعين ليه انت كيذا مفروض شهر علشان يكون شهر عسل .
مشعل بملل سحب المخده وتسند على وراء وسكر عيونه بمعنى سكري حلقك وبدون حكي .
ود بملل طلبت لها عصير تنعش نفسها شوي وأخذت مجله تقراء فيها .
بمخ مشعل وهو مسكر عيونه مشغول باله بالتين من قبل يرقى الطياره وهو يتصل ويتصل لكن لا أجابه ولا رد تنهد وخلقه ضايق وزاد عليه زوجته هذي يحاول يتأقلم معها لكن لا جدوى .
بععد ساعات ووصلولهم لدبي .
دخلوا الفندق اللي حاجزين فيه فسخ بلوزته وأخذ فوطته ودخل الحمام يأخذ شور دقايق وطلع لبس بجامته وطالعها بوجهه ناظرها " هي جميله بس مخرب وجها كثرت الميك اب ومغيره ملامحها بالحيل لو تحط خفيف يكون احسن " لبسه برمودا وتشيرت حفر وشعرها كيرلي "
أخذ له نفس وبهدواء : الحين بننام ولمن نصبح ونشبع نوم نطلع نأكل ولا تبين اطلب لك قبل لا أنام ؟!
وهي تطالعه بزعل : م ابي شي تصبح على خير .
مشت من جنبه وهي تأخذ ملابسها وتدخل الحمام تنهد وهو يتوجهه لسرير أنسدح وأخذ جواله اتصل على رقمها مرات كثيره لكن لا رد ابداً سكر جواله وهو يسحب البطانيه وينام .
طلعت من الحمام بقميص نوم أحمر وريحة العطر اللي سبقتها قربت من السرير وهي تطالعه نايم انسدحت بجنبه وهي تتعمد تلصق فيه الين سحبت يده وحطتها على صدرها سكرت عيونها ونامت " مشعل كان حاس فيها وحب يجاريها " ..
الساعه 5 صحينا من النومم مع انو نفسي انام بس يقاله جوعان وبيطلع يأكل دخلت الحمام وتروشت وبدلت واخذت شنطتي وطلعنا نأكل بعد الغداء اللي بيطلع حسبت عشاء ظلينا نمشي قطع علي صوته : ود خليك هنا بدخل هالمحل وراجع .
هزيت رأسي له وانا جالسه اصور سناب مع الحماس اتصل جوالي وطلع رقم غريب لا شعورياً خفت سميت بالله وفتحت الخط وبتوتر : نعمم !.
الطرف الثاني : ألفففف مبروك الزواج " يا ود .
لأ شعورياً ألتفت وراي أشوف اذا مشعل موجود وبخوف : شتبي من وين جبت رقمي هذا ؟!!
ضحك بسخريه وهو يبتسم : ابداً من أمك أخذته يعني سويتيها وتزوجتيه ؟!
ود بصدمه : أمي اعطتك رقمممي !!!!!
حس بتوترها وحب ينهي الكلام : لا صرتي لحالك كلميني باي .
تسكر الخط وارتاعت من صوت مشعل : ود .
ود بتوتر : هـ هلاا هلاا .
مشعل بستغراب : وش فيك ؟!
ود تدخل جوالها بالشنطه : ولا شي خل نمشي .

‏فِ صلواتكم اليوميّه القادمه إدعوا الله أن لا يطعمكم الحّيره بين أمرين ، ولا يُحسسكم بالندم ، ولا يُريكم قيمة الأشياء بعد زوالها.

[higher79]

ياريت ماتتاخري علينا بالاجزاء الجاية 😭😭😭

[higher79]

وين باقي الرواية. ،!!

[لامارا]

44



بععد مرور أسبوع وثلاث أيام " رجع مشعل وود لـ الشرقيه " ..

يوم الجمعه بيت أبو مشعل مجتمعين على العشاء.
أبو مشعل يطالع مشعل : متى بتجيب زوجتك ؟!
مشعل يطالع أبوه : زوجتي هنا تتعشاء!!
أبوه يرفع حاجبه : زوجتك الأولى .
مشعل يطالع بصحنه : اليوم بعد صلاة العشا بروح الرياض والفجر إن شاءالله هنا .
أبوه : وين بتحطها فيه ؟!
مشعل يشرب كأس المؤويه : الأولى والثانيه بيسكنون بداخل الفله وحده فوق ووحده تحت .
أبوه يطالعه : متأكد .
امه بتدخل : وليه تحطهم سوا كل وحده حطها لحالها .
مشعل يطالع امه : عندك بيت أعطيني عشان احط وحده فيه .
ماجد بعد صمت : ليه م تحط وحده بشقه والثانيه في بيت ؟!
مشعل يتكتف : ومن احط بالبيت الزوجة الاولى ولا الثانيه .
ابوه وامه بصوت واحد لكن الأختيار مختلف : ابوه" الأولى " امه " الثانيه " ..
مشعل يترك الملعقه ويوقف : الحمدلله وانا اقرر من أحط يالله انا ماشي .
ماجد أبتسم بعد م طلع اخوه : يحطهم كلهم سوا والبيت كله سوا ؛ سوا فوق ولا تحت .
امه بعصبيه : انت أسكت .
&&&&&&&&&&&&&&&&&&
الساعه 11 .
بالرياض طالعين يتمشون " عادل وريمان ورنيم ولتين " بععد م تعشوا في مطعم هندي على ذوق ععادل طلعوا يمشون بشوارع الرياض ..
رنيم : ععادل بطلبك طلب أخير .
ععادل يقصر على صوت المسجل : وش بعد عندك ؟!
رنيم : انا جوعانه .
ععادل بصدمه : إيشششش والعشاء اللي كليتيه ؟!
ريمان تساعدها : مودينا لمطعم هندي بعدين هو حار اكيد راح من بطننا .
ععادل عارف خواته وبستهبال : اذا لتين جوعانه وديتكم لمطعم .
رنيم تطالع لتين الميته ضحك وعلى الصامت : اي ميته جوع حتى هي .
عادل : هاا لتين انتي جوعانه ؟!
ريمان : ياوجهه أستح وش تسألها اكيد جوعانه .
ععادل : طايب طايب وش تبون اي مطعم ؟!
رنيم : بشارع التحليه مطعم شورما يجنن .
ععادل : وش اسمه ععاد ؟!
رنيم : م اذكر بس اسمه شورما كيذا ريمان ؟!
لتين تهمس لها : أمبروطور شورما على ما اعتقد .
ريمان : اسمه أمبروطور الشورما كيذا على م اعتقد خن ادوره بالنت .
ععادل : بسرعه .
&&&&&&&&&&&&&
على طريق الشرقيه رايح لرياض أخذ جواله وهو يتصل على رقم جدته عارف ان لتين م راح ترد عليه كلها دقايق وردت جدته .
الجده : الو.
مشعل يستعد لكلام جدته او اي هجوم منها : السلام عليكم كيف حالك طيبه اخبار عمتي وعيالها وابو عادل ؟!
الجده : الحمدلله ما عليهم بخير ولتين بخير انت شخبارك واخبار اهلك ؟!
مشعل ضرب جبهته نسى يسأل عن لتين وذكرته : الحمدلله الحال يسرك الا بسألك يا جده لتين قريبه عندك عطينيها .
الجده تمد رجولها : لتين طالعه مع البنات وراء م تتصل على جوالها ؟!
مشعل يتنهدت : م ترد على اتصالتي .
الجده : وش تبي اقول لها عشان لا رجعت اعلمها .
مشعل : الحين انا بالطريق وبجي اخذها ياليت تعلمينها .
الجده : تأخذها لوين ؟!
مشعل : لبيتي يالله انا بسكر تأمرين شي ؟
الجده تتنهدت : ابداً سلامتك ولا تسرع .
&&&&&&&&&&&&&&
بالشرقيه .
بيت متعب والعنود ..
جالسه ترتب المجلس بععد أخر سهره كانت عنده بعد م خلصت بخرت المجلس وسكرت الباب وطلعت تتروش وتبدل ملابسها بعد م خلصت الشور طلعت وهي تختار لها لبس ناعم لبست فستان بالون الرمادي يوصل لتحت الركبه بأكمام صغيره رفعت شعرها لفوق إخذت عطرها جادور وبخت منه أخذت جوالها وجلست بالصاله كالعاده الين وقت النوم .
دخل لبيت القى السلام ودخل لحمام تروش وبدل لبسه وطالعها : يالله ألبسي عبايتك.
طالعته بستغراب : لوين ؟!
طلعت جوالي وانا اطالع الساعه : عازمك على العشاء .
العنود بهدوء : توي متعشيه مقدر اطلع .
طالعتها بصمت وشفتها ساكته وتطالع الـ Tv تنهدت وانا ارجع لغرفه وافسخ ثوبي وارمي شماغي واحاول م ابين لها اني تنرفزت لبست بدلتي وطلعت من البيت .
تنهدت وانا اسمع صوت الباب يتسكر : مو اسفه على كسرة خاطرك قبلها كسرت قلبييي .
بالسياره .
سحبت جوالي وانا اتصل على الفندق يلغون الحجز اللي حجزته وانا اتوجهه لعمل " كيذا تنرفزت وبحط حرتي بالعمل " .
&&&&&&&&&&&&&&
بيت أم سلطان ..
بغرفة تاله مقابلها اللآب وتطالع مسلسلها " مره توقفه وتسولف مع تولين ومره ترجع تشغله وتكمل متابعه " ..
تولين : طايب بععد بكره الجمعه عند مين ؟!
تاله توقف المسلسل : والله مدري محد تكلم بععدين كيف نجتمع ولتين مهيب فيه ؟
تولين توقف وتجلس مقابل أختها : أسمعي بس يويلك إن قلتي لـ أحد خليه سر .
تاله بفضول : والله م إقول بس تكلمي .
تولين بهمس : جدتي متصله على عمي ابو مشعل وقالت له إنهم يبون يروحون لمزرعه أسبوع وعلى م اعتقد انه الأسبوع الجاي لان جدتي بتجي بكره .
تاله بوناسه : أحلللفي .
تولين : قسم .
تاله : بس انتي وش عرفك بعدين عمي مهوب عندنا عشان تسمعين منه .
تولين : ياحبيبي ومنال وين راحت خبرتني على طول .
تاله : وه وناسه ونااااااسه .
تولين : بالحيل وناسه .
قطع عليهم دخول سلمان : بنات من شافت الكبك الرسمي ؟!
تاله : م شفته .
تولين : أسال أمي لاني اخذت ثوبك علشانها بتغسله .
سلمان : ياليل قومي دوريه امي مهيب فيه رايحه بيت خالتي .
تاله : احلللف .
سلمان مو فاضي : وش له احللف وحده منكم تروح تدور الكبك حقي .
تولين توقف : اصبر بروح اكلمها .
طلعت لغرفتها أخذت جوالها وهي تتصل في امها بعد دقايق سكرت .
سلمان : ها وينه ؟!
تولين : تقول على طاولتك حاطته .
سلمان : طايب يالله سلام .
راح سلمان وهي راحت لغرفة تولين لان البيت م فيه احد .
&&&&&&&&&&&&&&&
بيت ام فهد .
حياة منسدحه وتحاول م تنام : حسناء تكفين صلحي قهوة م صارت النوم فيني .
حسناء على جوالها : خبل أنتي ترمس قهوة خلصتيه وتبين ثاني لا بالله انجنيتي .
حياة بنعاس : اخبر الناس تشرب قهوه تصحصح وانا من اشربها يزيد النوم مو يطير اخخخ بس .
دخلت امهم لصاله معها قاتوه وصحون وملاعق : بنات تعالوا شوفوا وش جاينا .
حياة تطالع القاتوه : اوخص وش جايبه ؟!
امها : المحل اللي جنبنا مرسلين لنا عارفين اختك حسناء مهوسه بالتصوير والشهره مرسلينها يالله حسناء صوري صوري واعلني بس بعد م نذوقها .
حياة مع ان فيها النوم جلست تضحك على حكي امها بدت تقرب عندهم وهي تأخذ السكين وتقطع وحسنا تصور وتقول بعد م اذوقها راح احط مكان المحل بدو يأكلون والقاتوه طعمها جمممميل يبكي من حلاته .
حياة : م توقعت طعمها كيذا تخبل .
حسناء وهي تأكل : اي م شاءالله الطعم يهبل م شاءالله .
امهم : يالله لا تأكلونها كلها خلي لـ أبوك وأخوك .
حياة اللي بدت تصحصح : من عينيا .
&&&&&&&&&&
بيت ام راكان .
طالعين مشوار وما فيه الا ريان وغاليه جالسين بالصاله .
ريان يسكر جواله : وانتي وراك م رحتي مع اهلي ؟!
غاليه تطالع الـ Tv : مالي خلق ألبس واصلح شعري واطلع معهم .
ريان : الله الله .
غاليه تطالعه : الله الله مرتين .
ريان يطالعها : أقول طفي ذا البلاء وخلينا نطلع نتعشى ميت من الجوع .
غاليه تطالعه بصدمه : من جدك ؟!
ريان : لا من عمي يالله قومي البسي عبايتك وتعالي لسياره .
وقفت وانا اسكر الـ Tv وركض لغرفتي سحبت عبايتي واخذت شنطتي الصغيره وجوالي وشاحني المتنقل وفلوسي مع اني عارفه ريان بيقول م معي فلوس كثيره اكيد بيطلب مني طلعت وركبت السياره وحركنا لمطعم نتعشى .
&&&&&&&&&&&
بيت ابو فيصل .
ام فيصل:الحين وراك م تنقل قريب عندنا بتحول لرياض ليه ؟!
فيصل منسدح عند امه وباله مشغول : ايش تبيني اسوي !
امه بحزن على حال ولدها : ياولدي ذا الحال بيقتلك وش رايك اخطب لك تتزوج وكود تنسى بنت عمك .
فيصل يطالع امه : وظنك لا تزوجت نسيتها يمااا انا احبهااا احبهااا .
امه : طايب وراك م خطبتها من عمك قبل م يخطبها مشعل ؟!
فيصل يجلس ويطالع امه : تحسبيني م كلمته الا قلت له وقال لتين لمشعل محجوزه .
امه توقف وتجلس بجنبه : شرايك اخطب لك تركيه بنت ابو ذياب ؟!
فيصل يعقد حواجبه : قصدك اختها ؟!
امه تبتسم : ايه اختها م شاءالله بنت اخلاق ومحترمه وراعية بيت .
فيصل يهز رأسه : يمااا لا تحاولين انا م في راسي الا لتين وهذي الله يستر عليهاا .
امه تشد على يده : ي ولدي لازم تقنع نفسك لتين متزوجة وانت لازم تتزوج وتنساها هي تزوجت وراحت في حال سبيلها والله يوفقها بس انت يولدي وافق اخطب لك اختها .
فيصل يوقف : م ابي بنت غير لتين اذا تقدرين تزوجيني لتين موافق غير لتين لااا .
طالعت فيه وهو يطلع من الصاله تنهدت وانا أسرح بكلام أمي : " مالك الا تخطبين له وترا اختها بنت ناس وما شاءالله اخلاق وتنشرى اخطبيها لـ فيصل كود يرد حاله مثل أول وينسى لتين " : .
ركبت سيارتي متوجهه لرياض بروح ععند عادل كود انساها شوي .
&&&&&&&&&&&
" لمعلوميه : محد يدري ان لتين بالرياض الا اهلها وبيت عمها ابو مشعل الباقي م يدرون " ..
&&&&&&&&&&&&
بالرياض .
على الساعه 12 رجعوا لبيت وكانت الجده والعمه بنتظارهم ..
ععادل يدخل وهو يعقد حواجبه : الله الله ورا م نمتو يالدجاج ؟!
ريمان تطالعهم : وش عندكم ؟!
رنيم ولتين يدخلون : سلام .
الجده : وعليكم السلام يالله على غرفكم وانتي ي لتين تعالي غرفتي .
طالعت بجدتي بعد م راح عادل : سلامات وش فيه ؟!
الجده : ما فيه شي بس تعالي وراي وانتن روحن لغرفتكن .
ريمان تهمس لرنيم : وش عندهم ؟!
رنيم ترفع كتوفها : علمي علمك يالله امشي .
عنند لتين مشت وراء جدتها وعمتها دخلوا لغرفه وسكروا الباب .
الجده : ابيك الحين تدخلين لحمام وتتروشين وتتنظفين كأنك عروس فاهمه ؟!
طالعت جدتي بستغراب : وش فيه صاير شي ؟!
العمه : مشعل جاي يأخذك الحين ادخلي تروشي وتنظفي بعده اطلعي اهم شي خذي راحتك .
طالعت فيهم وقلبييي يرجف : مشعل ؟!
الجده تمسك يدي وتمشيني لحمام : ادخلي الحين وعمتك بتجيب اغراضك ادخلي .
دخلت لحمام وسكرت الباب وتسندت عليه وعقلي يردد " مشعل ؛ مشعل ؛ مشعل ؛ مشعل " كنت مرتاحه قبل ليه يجي الحين ليه وين امي ابي اممي شسوي الحين ما ابيه وربي م ابيه شسوي بعمري شسسوي " ..
العمه تطق الباب : لتين افتحي .
فتحت الباب وانا اخذ اغراضي سكرت الباب شغلت المؤويه ودخلت تحتها احس جسمي يرجف مو بس جسمي الا روحي ترجف تنهدت وانا بتحت المؤويه وأفكاري كلها تضاربت إيش اسوي إيش اقول له إيش أرد عليه حاولت أشغل نفسي بتنظيف جسمي مع انه نظيف كلها دقايق وطلعت والفوطه على شعري اللي طال على طول صار لنص ظهري يبي لي اقصه .
طالعتني جدتي : وش فيك يبنتي ؟!
طالعتها وعقلي متشتت : خايفه .
قربت مني وهي تحضني وتسمي علي لأ شعورياً دموعي بدو ينزلون أحس روحي ترجف : سمي بالله وذا زوجك انتي بس توكلي على الله وان شاءالله مو صاير الا كل خير .
لتين : وش بيسوي معي.
الجده تطمنها : م راح يسوي شي بعدين أنتي زوجته الأولى بس خلك عاقله ورزينه ولا تسمعين كلام احد .
لتين تدفن راسها بحضن جدتها : ادعيلي .
الجده تمسح على راسها : الله يوفقس يبنيتي ويسخره لس ويبعد عنس اللي يضرس .
لتين بهمس : أمين .
الجده تبعدها عنها : الحين أخليس تتزينين شوي ورجلك جاي .
طلعت جدتي من عندي وانا بديت أنشف شعري ووسارحه بأفكاري إيش أسوي معه بععد دقايق خلصت من شعري بديت أرسم الكحل وبععد م خلصت أخذت فستان ناعم لونه أسود يوصل لتحت الركبه بحيث يكون فيه فتحه من قدام وتصير الجهه اليمنى أطول من اليسار علاق لبست أكسسواراتي وصندل عالي لونه لحمي جهزت شنطتي ودخلت جدتي وعمتي شويات وجوا رنيم وديما .
جدتي تجلس بجنبي : ما شاءالله تبارك الله الله يحفظك يبنتي قريتي المعوذات .
هزيت راسي بأيه وانا ساكته .
عمتي تمسح دمعتها : الله يوفقك يعيني والله يسخره لك .
وطلعت بعدها وهي تبكي؛عورني قلبييي وانا اسمع صوتها احسهم خايفين علي .
رنيم : بنشتاقلك .
ريمان : اي والله بتوحشينا وبتوحشنا طلعات اليل معك .
طالعتهم وانا احاول امسك عبرتي : حتى انتوا بتوحشوني .
&&&&&&&&&&&&
بسيارت مشعل ..
وصلت لرياض وطالعت بالساعه الوقت متأخر أخذت جوالي وانا أتصل في أحد الفنادق صعبه أرجع الحين بالأول خل ارتاح بعدين لأ أصبحت مشيت لشرقيه؛بععد م حجزت توجهت لبيت جدتي وانا اتصل بجدتي واعلمها اني على وصول وخل لتين تتجهز ..
&&&&&&&&&&&&
من خبرتني جدتي انه جاي قلبيييي مدري شصابه احسه بأي دقيقه بيوقف من الخوف؛ظلت جدتي تقراء علي وتهديني وعمتي معاد شفتها جابو البنات اغراضي وعبايتي الا جوال جدتي يتصل طلع مشعل يقول انه عند الباب .
وقفت جدتي وهي تروح ريمان تقول لعادل يفتح الباب له ..
دخل مشعل وطلعت عليه جدتي وسلم عليها وهي توصيه علي وانه يحافظ علي بعدها نادتني أطلع لبست عبايتي بمساعدة رنيم الرجفه اللي فيني مو راضيه تهداء مشيت وانا اسحب خطاي ركبوا اغراضي السياره وهو جالس ينتظرني عند جدتي اما عادل دخل لملحق سلمتني جدتي لمشعل وطلعت واسمع صوت تسكيرت باب وعطر أعرفه والله اعرفه حسيته من قوة الريحة دخل بعقلي الا شكلي اتخيل الاا أتخيل لااا حقيقه الا حقيقه هذا عطره العطر اعرفه من عطور القورشي ألتفت وراي وانا أطالع الشخص الواقف يطالعني ظليت دقايق ساعات حسيت الوقت وقف ما فيه الا انا والعطر والشخص صديت بوجهي ومشيت لسياره.


‏‏شميت عطركّ وخانتني تعابيري
واقفيت خايف تخون عيوني العبرة ..
.

[higher79]

اخيرا نزل .. لا تتاخري علينا .. ومشكورة ع هالبارت

[higher79]

وين التكملة. . نسيتينا مرة ثانية. .!!