آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-01-17, 02:22 AM
| #14 | ||||
| كاتبة في قسم قصص من وحي الأعضاء 
|  البارت الثاني بعد عدة أيام في منزل سيف الدين صباحا طلب آسر من والده الحديث في موضوع ما ودلفا إلي المكتب وبعد أن جلسا اخبره انه قد فسخ خطبته من إنجي.. ولكنه تفاجئ بمعرفة والده بالموضوع والذي بدوره طلب ان يتحدث معه بأمر هام.. تنحنح آسر واردف بنبرة جادة: بابا...انا وانجي سبنا بعض.. هز سيف رأسه بلا مبالاه مردفا ببساطة: عارف.... وانا عايزك في موضوع.. اعتدل آسر في جلسته ونظر لوالده بتركيز وتسائل بإهتمام: خير؟؟... ابتسم سيف الدين وقال بجدية دون مقدمات بلهجة آمرة: انت هتتجوز فريده.. نظر له آسر ببلاهة ثم رمش بعينيه وانتفض واقفا وقال بحدة وهو يلوي شفته العليا بإستياء: ناااعم... وده من ايه ان شاء الله.... ليجيبه سيف الدين ببرود وتقرير: انا قولت كده.... وابوها موافق.. إحتقن وجه اسر وقال بنبرة محتدة بعصبيه: إنت و ابوها ...وأنا إيه طيشه... مليش رأي.. ضحك سيف الدين بسخرية وهو يحرك رأسه ويقول بتهكم: إنت متعصب كده ليه ...إنت مش هتموت عليها وعايز تتجوزها اشاح اسر بوجهه بعيدا عن والده وقال بنبرة حانقة: ده كان زمان...انا اصلا مش طايقها.. تقوم تقولي اتجوزها ليضيف سيف الدين بنبرة متهكمة بإستخفاف: لهو إنت فاكر إن كلامك ده هيخيل عليا.. انا اصلا عارف انك عملت التمثليه ديه وخطبت انجي علشان تغيظ فريده... إرتبك آسر في وقفته وقال بنبرة معترضة بتعلثم: انت...انت بتقول ايه يابابا... انا.. نهض سيف الدين وتحرك في إتجاهه ووقف مواجها له وقال بنبرة جادة: اللي سمعته.. انت بتحب فريده.. وأنا بقولك لازم تتجوزها... زفر آسر بحنق شديد وتململ في وقفته فوالده يعرف انه يحبها ولكنه لا يعرف ماضيها السئ وهو يجبره علي الزواج منها ويبدو من وجهه انه جاد ولن يعدل عن موقفه لذلك فكر في انه يمكن ان يظهر الرفض من فريدة فأردف بنبرة ماكرة وإبتسامه مترقبة: وحتي لو وافقت....هيا مش هترضي. .انت شفت هيا عملت ايه المرة اللي فاتت. نظر له سيف الدين بتركيز محاولا سبر اغوار عقله وقال بنبرة جادة: ملكش دعوة بفريده ...ابوها هيقنعها.. ولو حكمت هيجبرها.. كان آسر ينظر لوالده بترقب وإهتمام بما يقوله فماذا يحدث ليجعل فريدة تتزوجه ولكنه شعر بالغيظ الشديد حين سمع والده يقول انهم سيجبروها بالزواج منه ليهتف بإحتجاج وإستنكار: وليه ان شاء الله..هوا انا فيه حاجة تتعيب لامؤاخذه.. ...انا الف واحده تتمناني... تيجي حته بت زي دي ترفضني إبتسم سيف الدين بخبث ونظر له بإستخفاف مصطنع واردف بنبرة ماكرة:علمي علمك... بصراحة يا كازنوفا ...هيا الوحيده اللي معصلجة معاك... ومخليه سمعتك علي المحك ياتلحق يامتلحقش... ثم مط شفتيه بعدم إهتمام وقال بتنهيدة مصطنعة.. بس شكلك خايف لترفضك.. عندك حق إنت مش هتقدر عليها.. ليهتف آسر بحده: قصدك ايه؟.. أكمل سيف الدين بخبث وتحسر مصطنع: يعني مش هتقدر تقنعها بيك ...بصراحه يا اسر كفاءتك قلت في موضوع البنات ده ..شكلك هتعتزل الملاعب قريب...خايف لتعلم عليك تاني ايه الراجل ده ...اب فري خالص بيحرض ابنه علي قله الادب ...بصراحة البيت ده عايز تربيه ونظام جديد خالص ...احم احم نرجع للقصة إحتقن وجه آسر وإشتعلت عيناه بغضب شديد وهتف بنبرة محتجة بغيظ: انت بتقول ايه...انا بت مفعوصة زي فريده مش هقدر عليها... ثم رفع رأسه قائلا بتحدي.. ماشي يا بابا انا موافق اني اتجوز فريده... وهقنعها.. وهتشوف.. ابتسم سيف الدين إبتسامه انتصار وقال بتنهيدة مثقلة بترقب: اديني هستني يا اسر.. >>>>>>>>>>>>>>>>>>>>>>> اخبر سيف الدين سليم ان اسر قد وافق علي طلب الزواج من فريده و سيقنعها بالزواج منه وهو يعلم ان آسر ما إن يضع شئ برأسه سينفذه خاصة إذا كان يعتبره تحدي بالنسبة له.. هتف سليم بلهفة: يعني اسر وافق يا سيف.. ضحك سيف الدين قائلا بهدوء: ايوة يا سليم.. وبصراحة انا دوست علي الجرح .وقولتله انه خايف انه ميقدرش علي فريده...وهوا اتجنن.. ليضحك سليم قائلا بإرتياح: هههههه... كويس اوي يا سيف كده سهل عليا الموضوع مع فريده ...انا هقولها .. ومتوقع رد فعلها.. سيف الدين:اكيد قنبله هتنفجر... بس اسر هيقنعها.... تنهد سليم بتثاقل وقلق: بس انا عارف فريده عنديه ومجنونه... يا خوفي ميقدرش عليها.. ولكن سيف الدين طمئنه: متقلقش...اسر هيعرف يقنعها ..ده واخد الموضوع تحدي.. ومدام نوي عليه .يبقي هيعمله... انت متعرفش القشاش.. هز سليم رأسه مردفا بتوجس: يا خوفي يا سيف..فريده عامله زي القطر اللي مش بيوقف علي محطات... يدخلوا في بعض وتحصل كارثه سيف:ربنا يستر يا سليم...سيبنا نتفرج بس عليهم.. >>>>>>>>>>>>>>>>>>>>>>>>>>>>>> في غرفة آسر كان يجلس شاردا يفكر كيف سيقنع فردية بالزواج منه وكيف سيقبل هو بها بعد ما عرفغه عنها ولكن قطع شروده صوت يوسف الذي دلف عليه متسائلا.. يوسف:مالك يا معلم قاعد كده ليه.. مش عوايدك انك تقعد لوحدك في الاوضه.. اجفل آسر من صوت يوسف ونظر له متسائلا بخفوت: هه...انت بتقول حاجة يا يوسف؟؟... قرن يوسف حاجبيه وهو ينظر له بتعجب وقال: لا ده انت مش معايا خالص ...مالك فيه ايه.. فضفض يا خويا زم آسر شفتيه وقال بإمتعاض: هتجوز فريده..... فغر يوسف فاهه وإتسعت عيناه بذهول هاتفا بإنشداه: ايييييه انت مش لسه فاسخ خطوبتك من إنجي أول إمبارح.. لحقت وبعدين هي فريدة وافقت ترجعلك؟.. زفر اسر بضيق وقال بنبرة حانقة: لسه معرفش هتوافق ولا لا ...بس لازم اخليها توافق يوسف باستغراب:لازم ليه.. ثم تسائل بتوجس حذر.. اوعي تكون علشان المقالب اللي عملتها فيك زم آسر شفتيه بحنق وقال بتأفف: اهو كده وخلاص يا جو... بقولك ايه... الواد ادم فين.. هز يوسف رأسه بإمتعاض وقال معاتبا: بقيت تخبي عني يا كازنوفا بس ماشي ...مشفتوش.. كان في الشركه ولسه مرجعش... اومئ اسر برأسه بتفهم ثم قال بهدوء: طيب ماشي... معلش سيبني يا جو دلوقتي عايز اقعد لوحدي ثم قال لنفسه بتحدي.. يانا يانتي يا فريده وهتجوزك حتي ولو غصب عنك >>>>>>>>>>>>>>>>>>>>>>>>>> في فيلا سليم الحسيني جن جنون فريدة حين اخبرها والدها بخطبتها من آسر وأقامت الدنيا ولم تقعدها رافضة رفضا قاطعا.. هتفت فريده بغضب مستنكرة: نااااعم.... انت بتقول ايه ...انا اتجوز اسر.. مش ممكن هز سليم كتفه بلا مبالاة مردفا ببرود: اللي سمعتيه.. ابوه طلب ايدك مني ...وانا وافقت.. لتهدر فريده بعصبيه: ازاي يعني... وانا مليش راي. ..وبعدين حضرتك تقبل بده انت ناسي ان اسر خاطب بنت خالته.. سليم:انفصلوا عن بعض... وهوا عايزك.. اضافت ليلي محاوله إقناعها: الولد شاريكي يا فريده.. إمتعضت فريده من الحديث ثم قالت بسخرية حادة: ايه اللي هو عايزك... ليه علبه شيكولاته هيشتريها... انا لايمكن اوافق علي المهزله ديه.. إندفعت ليلي قائلة: يا حبيبتي.. اسر راجل ميتعيبش وبعدين هيقدر يحميكي.. قرنت فريدة حاجبيها وتسائلت بإهتمام وترقب: يحميني... يحميني من ايه بالظبط... ليه هوا انا عايزة حمايه نظر سليم لليلي شذرا وقال مصححا: قصدها... انه حماكي لما كانوا هيموتوكي.. ثم قال بنبرة جادة.. ...وبعدين انتي مش مش عايزة تسافري.. يبقي هتتجوزي اسر.. هتفت فريده بعصبيه وهي تلوح بيديها: ايه.. هو يا اما اسافر...يا اتجوزه. ..هو فيه ايه بالظبط.. انا مستحيل اقبل بده. رفع سليم رأسه بجدية وقال بنبرة لا تحتمل الجدل: انا اديت الراجل كلمه... ايه هطلعيني صغير قدامه.. هزت فريده كتفها بلا مبالاة وقالت بنبرة مترفعة: والله انا مقلتش لحضرتك تديله كلمه.. ثم قالت بإستهزاء.. ...اقولك جوزه مامي إشتعلت عينا سليم وقال ناهرا إياها بحده: انتي بتستهبلي... انا قولت كلمه واحده.. هتتجوزيه يعني هتتجوزيه.. إبتسمت فريده بسخرية وقالت بنبرة غامضة: وانا موافقه اتجوزه.. لتهتف ليلي بلهفة: بجد... انتي موافقه تتجوزيه.. لتومئ فريده برأسها قائلة بجدية: ايوة ... في حالة واحده بس.. تسائل سليم بترقب: اللي هي ايه؟.. فريده وهي تصعد الي غرفتها قائلة بنبرة ساخرة: لما يشوف حلمه ودنه ...او يعرف يعض قفاه... >>>>>>>>>>>>>>>>>>>>>>>>>>>> في صباح اليوم التالي هبطت فريده من غرفتها لتذهب لعملها كعادتها ولكنها وجدت آسر بلأسفل مع والديها لتشتعل غيظا.. زفرت فريده بحنق وتمتمت بضيق: اصطبحنا واصطبح القلب للمرار من تاني ...انا عارفة اليوم يوم اسود مدام اصطبحت بوش الغراب ده لمحها اسر فإبتسم إبتسامه بارده قائلا بترحيب: اهلا ..اهلا.. صباح الخير يا خطيبتي.. جذت فريده علي اسنانها وهتفت بعصبيه مستنكرة: خطيبه مين ..انت طافح ايه ع الصبح. ..ابقي غير الصنف علشان التهيؤات ديه تسائل اسر ببرود مستفز: ليه يا قلبي.. هوا مش عمي قالك إني طلبت إيدك وهو وافق.. تبقي خطيبتي ولا مش خطيبتي.. لتقول فريده بعصبيه ساخرة: ده عند ام لطفي.. اللي بتولع وتطفي ...بقولك ايه اطلع من دماغي انا مش فيقالك ع الصبح عنفتها ليلي بإمتعاض مستنكرة: ايه يا فريده الطريقه اللي بتتكلمي بيها ديه ...جبتي الكلام الوحش ده منين ويعنفها سليم بحده:اتكلمي عدل مع خطيبك يا فريده.. إتجه اسر إلي فريده وامسك بذراعها برقه مصطنعة وقال ببرود وهو يجذبها بغل وقوة تجاهه: معلش سيبها يا عمي تتدلع.. انا راضي واكمل وهو يجذ علي اسنانه.. انا اقبل اي حاجة من حبيبه قلبي... مش كده يا قلبي.. قامت فريدة بلكز آسر بقوة في جانبهوهي تهمس بغيظ: وجع في قلبك... ابعد عني أحسنلك.. تأوه اسر من قوة الضربة ولكنه كتم المه ونظر لها بتوعد وقال بهمس: ااااه.. ماشي حسابنا بعدين.. ثم قال بنبرة عالية بإبتسامة مصطنعة.. يلا يا قلبي ع الشغل.. عقدت فريده ذراعيها امام صدرقها وقالت بنبرة مستفزة: ريح نفسك ...انا مش رايحه حته...طرقنا بقي.. ليقول اسر بعتاب وإستنكار: ازاي ده احنا ورانا شغل متلتل... وبعدين عايزين نخلص علشان نتفرغ لفرحنا... يلا يا قلبي.. ثم سحب ذراع فريدة بقوه ساحبا إياها خلفه بقوة مانعا أي إعتراض لها وقال بإبتسامة وهو يتجه للخارج.. سلام ياعمي.. سلام يا لولا.. هتف سليم بنبرة راجية: خلي بالك منها يا اسر.. ليومئ اسر برأسه مطمئنا: ديه في عنيا.. مش هسيبها من ايديا... متقلقش... سلام.. وتودعهم ليلي: سلام .... ربنا يهديكم علي بعض يا حبايبي.. وتلتفت مكملة لسليم بقلق.. سليم انا خايفة فريده مش هتوافق.. ولكن سليم قال بنبرة واثقة: متقلقيش ...اسر هيقدر عليها >>>>>>>>>>>>>>>>>>>>>>> في السياره في طريقهم للحي لمتابعة الاعمال.. كان آسر يتحدث مستفزا فريدة التي تكاد تشتعل غضبا منه ولكنه قال بنبرة تقرير متسلطة: يلا ياحبيبتي...عايزين نفكر في الفرح... ونجهز لجوازنا.. إلتفت فريده إليه مواجهة إليه وهي تقول بغل: ديه هتبقي جنازتك.. مش جوازتك... انت بتستهبل مش كده.. ولكن اسر قال ببساطة: لا يا قلبي..انا بتكلم جد ...هتجوزك.. ثم إلتفت إلي الطريق المزدحم وزفر في ضيق من المنطقة الشعبية التي يعمل بها وهتف بحنق.. ...اووف انا مش عارف امته نخلص من ام المشروع ده ...حاجة تخنق ضحكت فريده بسخريه وقالت بنبرة مستهزئة: ايه يا سوسو... مش قادر تستحمل الزحمه.. زم اسر شفتيه بإمتعاض وقال بضيق وهو يشير للطريق: انتي مش شايفة.. المكان عامل ازاي.. اخلص من ام المشروع ونتجوز و..... عقدت فريده ذراعيها امام صدرها وقالت بنبرة مترفعة بإزدراء: وانا لايمكن اتجوز واحد زيك ابدا.. ليلوي اسر شفته العليا وينظر لها قائلا بنبرة متهكمة: ليه ياختي... ناقص رجل ولا ايد... ولا مش راجل.. لتضحك فريدة بهزء وهي تنظر له نظره محتقرة وتقول بسخرية: ههههه...راجل قوي ..ماهو باين.... إحتقن وجه اسر وقال بنبرة حادة غاضبة محذره: يا بت انتي انا ارجل من عليتكم كلها.. ... لمي لسانك وربنا انا ماسك نفسي عليكي بالعافيه لتلوي فريده شفتيها بتعوج وتقول: ماهو باين يا سيد الرجاله... ده انت كل مانيجي هنا بتبقي مش طايق روحك... انت واحد لا يعتمد عليك.. ليقول اسر بغضب متوعدا: انا.. عارفة لولا اننا في الشارع كنت عرفتك تتكلمي ازاي.. لتمط فريده شفتها السفلي وتقول بإستفزاز: بق... كلك بق... انت اصلا متقدرش تستحمل تقعد هنا يومين علي بعض جذ اسر علي اسنانه متسائلا بترقب متحفز: قصدك ايييييييه؟..... فريدة: انت عيل نايتي متقدرش تتخلي عن العربيه واللبس الغالي والديلفري والتكييف اتحداك انك تقدر تمشي من غيرهم.. اسر وقد استشاط غضبا: .انا عيل نايتي... ثم جذب ذراعها بقوة إليه وقال بنبرة مترفعة.. يبقي انتي يا حلوة متعرفنيش انا يا ماما روحت اماكن زي ديه وانيل منها بعدد شعر راسك واعرف حاجات انتي يا قطة متعرفيهاش ولا حتي تتخيليها لتضيف فريدة بسخرية: بق.. كلك كلام مفيش فعل تقصد بالاماكن ديه انت اتفرجت عليها في التي في.. ولا علي النت.. كان اسر يقاوم رغبته في تحطيم رأسها ولكنه قال بتحدي: يعني انتي برضو مصممه اني عيل فرفور طب انا هثبتلك يا فريدة اني مش كدة وهقعد هنا في الحي اسبوع.. لتضحك فريدة وهي تقول بإستخفاف: هههههههه ولا هتقدر حتي علي يومين.. ولكن اسر قال بتحدي وإصرار: لا هقدر بس انتي كمان هتقعدي معايا.. لتلوي فريدة شفتها السفلي قائلة بإستنكار: نعم وانا اقعد معاك ليه.. نظر لها اسر نظرة ذات مغزي وقال بتهكم: مش انتي عملالي فيها بنت بلد وتقدري تتحملي المكان هنا وبخبث وعلشان تتاكدي اني مش هزوغ.. فريدة: .وانا مالي انت اللي عايز تثبت.. إبتسم اسر بمكر وقال بترقب: ايه يا قطة انتي خايفة انك متقدريش تتحملي القعدة وتطلعي انتي اللي بق علي الفاضي.. ثم قال بنبرة جادة.. لو كسبت الرهان توافقي تتجوزيني.. ولو خسرت هسيبك في حالك.. إلتمعت فكرة في رأس فريدة وهي تنظر له بإبتسامة مريبة مفكرة في انها لن تدعه يكسب الرهان وستريه الويل لتقول بنبرة جادة بتحدي: ماشي يا اسر انا موافقه.... و هقعد هنا بس انت هتقعد في الحته اللي انا هخترهالك.. لينظر لها اسر قائلا بنبرة ساخرة: اها الحته اللي تختاريها اه علشان تحطيني في بيت وينهار واموت.. لا يا ماما انا وانتي في مكان واحد.. قرنت فريدة حاجبيها بعدم فهم وتسائلت بحدة: نعم انت بتقول ايه ازاي يعني انا وانت في مكان واحد انت اتجنيت.. ليضيف اسر بسخريه: يعني هيا جديدة عليكي انك تكوني مع راجل.. عنفته فريدة بحده: انت بتقول ايه قلب اسر عينيه بملل وقال بتهكم: قصدي يعني التعامل في الشغل.... متتعصبيش كده ها قولتي ايه.. فريدة بعد تفكير: ماشي موافقة انا وانت هنقعد عند زوزو اسر: ماشي المهم في مكان واحد بس ازاي إبتسمت فريدة بمكر وقالت: لا ياحلو انا وانت هنقعد عند زوزو اه بس انا في شقتها وانت في الاوضة اللي فوق السطوح.. ليلوي اسر شفتيه ويقول بإستنكار: نعم ياختي فوق السطوح.. لتومئ فريدة برأسها بتأكيد مضيفة: ايوة امال عايزني احجزلك في الشيراتون.. وبعدين انت تطول تقعد فيها ديه اصلا من احلي الاوض شرحه وبرحه ده انت اصلا هتكون متنعم فيها ها قولت ايه اسر بضيق: ماشي موافق.. فريدة: حيث كدة بقي من بكرة تسيب مفاتيح العربية والكريدت كارد بتوعك مع ادم.. اسر : نعم وده ليه ان شاء الله.. فريدة: اصبر بس طبعا العربية مش هتحتاجها هنا لانك هتكون قريب من الموقع وكمان هنا مش بيستعملوا كريدت.. اسر: و افرضي حبيت اروح حته تبع الشغل هصرف منين ان شاء الله.. فريدة: هخلي ادم يوصلك وكمان هخليه يعملك يوميه زي العمال.. صاح اسر بغضب مستنكرا: انتي اتهبلتي.. بقي هتساوي مهندس بشويه عمال.. فريدة معللة: الله امال هتعيش عيشتهم ازاي.. زفر اسر بنفاذ صبر وقال: اللهم طولك ياروح .بصي انا همشي معاكي لحد الاخر بس زي ما انا ليه يوميه انتي برضو.. فريدة:موافقة.. اسر: ماشي....نخلص شغل.. و انا همشي واروح اجيب لبسي وبكرة نتقابل.. لوحت فريدة بيدها وقالت بنبرة سريعة: لا لا لا لبس لا متجبش حاجة.. ليهدر اسر بعصبية: انتي غبية امال هلبس ايه في ام الزفت ده.. لتبتسم فريدة بخبث: لا اطمن من ناحية اللبس انا هقول لادم وهوا هيظبطك ..... ثم مدت يدها لمصافحة آسر قائلة.. ديل.. ليزفر اسر ويمد يده مصافحا اياها: ديل.... وهنشوف مين هيعيط في الاخر يا قطه.. لتقول فريدة بهدوء: ماشي...... ثم تنظر أمامها وهي تقول لنفسها بتوعد.. ده انت هتشوف ايام سودة هنا استني عليا.... ان ماخليتك تقول حقي برقبتي وتخلع من ام الجوازة ديه... مبقاش انا فريده.. >>>>>>>>>>>>>>>>>>>>>>>>>>>> | ||||
|  |
|
10-01-17, 09:22 PM
| #15 | ||||
| كاتبة في قسم قصص من وحي الأعضاء
| البارت الثالث اتفق اسر و فريده علي البقاء اسبوع كامل في الحي وذلك ليروا من سيربح الرهان ...اذا استطاع اسر ان يتحمل الصمود هناك فستوافق فريده علي الزواج منه ...واذا خسر فسيقنع والدها انه يرفض الزواج منها >>>>>>>>>>>>>>>>>> في فيلا سليم الحسيني اقنعت فريدة والديها بالمكوث لمدة اسبوع هناك وذلك لوجود الكثير من الاعمال والعودة متاخرة .... وحيث انها ليست المرة الاولي التي تمكث فيها هناك... وايضا اسر سيمكث هناك سليم:انتي اتجننتي...لا يمكن اوافق... فريده:يابابي انا هكون كويسه هناك... بعدين ديه مش اول مرة ليلي:مش ممكن يا فريده...احنا عايزينك تبعدي عن المنطقة ديه ..وانتي عايزة تقعدي فيها...وبعد اللي حصلك هنا...لا فريده:يامامي...ماهو اسر هيقعد هناك برضو... سليم بدهشه:هيقعد هناك في المنطقة ديه... بس برضو لا ...انا مليش دعوة باسر فريده:يا بابي ...انتي مش عايزني اتجوز اسر... سليم:ايوة فريده:يبقي خلاص...الفترة ديه هنقرب من بعض... وهعرف اذا كان اتغير او لا...واوعدك لو وافقت اني اقعد هناك هوافق علي جوازي من اسر سليم بتفكير:يعني هتوافقي ..لو قعدتي هناك معاه فريده :ايوه... سليم:ماشي يا فريده انا موافق... بس اسر يكون معاكي في كل مكان فريده بفرحه:ميرسي يا بابي ولنفسها وهي تصعد الدرج: ههههه...قال اوافق قال. ..ده انا هخليه يتوب ويصلي...ويجي يبوس ايد بابي انه ميتجوزنيش... ليلي:بس يا سليم...انت ازاي توافق علي كده سليم:متقلقيش ...اسر معاها... وديه الطريقة الوحيده اللي هتوافق بيها... >>>>>>>>>>>>>>>>>>>>>> في فيلا سيف الدين ادم وهو يدلف لغرفه اسر:صحيح الكلام اللي قالته فريده ده يا اسر...هتروح تقعد هناك في الحي يوسف:هااااااااار اسوح....انت هتقعد في حي شعبي اسر بضيق:ايوة...وبعدين هيا اول مرة... ادم:طب وليه ده كله....وبجد انت خطبتها ...طب وهيا وافقت ازاي اسر:يعني ايه ازاي...زي الناس...طلبت ايدها وابوها وافق يوسف:طب وايه لزمه المرواح هناك انت وهيا. ..هتعملوا ايه..فطمنا يا معلم... اسر:بقولك ايه خلصنا ...انا عايز كده واتفقت معاها ادم:بس ديه قالتلي اخد منك مفاتيح العربيه والكريدت... اسر:ايوة خدهم ...عندك ع المكتب... يوسف:طب وهتتصرف ازاي هناك يا معلم ...من غير العربيه و الكريدت اسر:بصوا انا اصلا مش طايق نفسي... اخرجوا بره الوقتي...بدل ما اطلع عفاريتي عليكم يوسف:وعلي ايه...نخرج بالذوق احسن...الله معك يا اخي...ههههه >>>>>>>>>>>>>>>>><<<<<<<<<<<<<<<<<<< في الصباح حضر كل من اسر و فريده وكانت فريده تحمل حقيبة صغيرة بها ملابسها التي ستحتاجها في منزل زوزو فريدة وهي تحدث ادم:ها يا ادم اخدت منه مفاتيح العربية والكريدت ادم باستغراب: ايوة.... بصراحة انا مش عارف ايه اللي طق في نفوخكم علشان تعملو كده .... وبعدين يوميه ايه اللي انتو عايزينها فريده:يوووووه بقي يا ادم ....خلاص احنا اتفقنا وخلاص اسر بضيق:اخلص يا عم ..... وانتي يا ست هانم انا مجبتش غير شويه لبس ضروري ...فين اللبس اللي هلبسه فريده بخبث: يلا يا ادم خد اسر ووديه علي محل اللبس اللي انت بتجيب منه الحاجات بتاعتك اللي في الوكاله اسر بغضب: لاااااااااااااا...... ده انتي اتهبلتي في مخك انا اسر سيف الدين البس من الوكاله علي اخر الزمن فريده :ايوة مدام وافقت علي الموضوع يبقي تكمله للاخر وبعدين مالها الوكاله ما ادم بيلبس منها اهو وزي الفل اسر وهو ينظر الي ادم: وانتي ان شاء الله عايزاني البس زي الاراجوز ده ادم: الله .... انت هتلبخ ولا ايه..... ماله لبسي ماهو زي الفل وشيك وماشي هنا اسر: يا شيخ اتلهي انت بتسمي ده لبس فريده: اه لبس.... وبعدين هوا ده اللي ينفع هنا ...ويلا يا ادم بقي خده عبال ما اخلي زوزو تحضرله الاوضة اللي فوق السطوح ادم:كمان الاوضة اللي فوق السطوح...... لا يا سعدك يا هناك يا اسر انت بقيت من ساكني العلالي ومش اي اي اسر بضيق: بقولك ايه اخلص في يومك... واتنيل قدامي علشان نجيب الزفت من البتاعة اللي بتقول عليها.... بس هيا فين عربيتك ادم:ماهي قدامك اهيه اسر وهو يفرغ فاهه: نعم ....هيه ديه... ديه كوهنه.... بقي انا اركب ديه مستحيل ادم: ومالها ديه ماهي شغاله وعفيه ...وحماله اسيه ..... انت تلاقي زيها ديه دلوقتي فريده:من فضلك... متغلطش في فله . .. انت فعلا متستهلش تركب فيها..... اقولك قضيها ميكروبازات اسر:كمان مكروبازات .... بقولك ايه يا ادم مشي قدامي بقي بدل ما ارتكب في البت ديه جنايه ركب اسر السيارة في ضيق وانطلق ادم الي الوكاله لشراء الملابس لاسر فريده:ههههههههههه.... انت لسه شوفت حاجة >>>>>>>>>>>>>>>>>>>>>>>>>>>>>>>> عند زوزو اخبرت فريده زوزو ان اسر سيقطن في الغرفه التي في السطوح لمدة اسبوع وهي ستمكث معها.. زوزو بفرحة:يعني انتي هتقعدي معايا هنا اسبوع يا ديده فريده:ايوة يا زوزو ...ومش بس كده اسر هيقعد معانا ...بس في الاوضه اللي فوق السطوح زوزو باستغراب:وده ليه يا فريده...ايه اللي يخليه يعمل كده... فريده:ابدا...عادي يا زوزو...علشان الشغل زوزو :فريده مش عليا...قري واعترفي باللي بيحصل فريده:بصراحه يا زوزو...اسر عايز يتجوزني... زوزو بفرحة:بجد ...انا كنت عارفه انه بيحبك من نظراته ...وغيظه ليكي مع...بس لحظه ...هوا مش كان خاطب فريده:ماهو سابها...اللي عرفته انه عمل كده علشان يستفزني بس... زوزو:انا قلت كده...وافقي بقي...شكله ابن حلال ..ميتعيبش...واهو اول ماعرف انك هتقعدي هنا مرضيش يسيبك... فريده:اوافق ايه يا زوزو...لا طبعا ...وبعدين ده رهان بينا... زوزو بدهشه:رهان....رهان ايه...فريده فهميني ايه اللي بيحصل بالظبط فريده:رهان بينا انا وهوا...لو قدر يستحمل القعده هنا اسبوع هوافق ...لكن لو مقدرش ...مش هتجوزه ... زوزو باستنكار:وده ينفع برضو يا فريده...ده اسمه لعب عيال ..الحاجات ديه مفيهاش هزار...وبعدين مش انتي بتحبيه ...ليه يا بنتي وجع القلب ده فريده:اهو اللي حصل بقي...فانا عايزاكي يا زوزو يا جميل ...تحضريله الاوضه اللي فوق السطوح علشان يقعد فيها زوزو :براحتك...انا هخلي حد ينضفها ...وينضف الحمام بتاعها كويس فريده:لا لا لا...هوا هياخد الاوضه اللي من غير حمام...هيستخدم الحمام المشترك زوزو:كمان يا فريده...انتي ناويه علي ايه بالظبط.. .خدي بالك...الانسان برضو ليه طاقه ...وتحمل. .لو خلصوا متلوميش غير نفسك... وبصراحة هوا استحملك كتير... فريده :خلاص بقي يازوزو....هو وافق...وخلصنا زوزو:براحتكم...انتو احرار... بالفعل جعلت زوزو احدهم يقوم بتنظيف السطوح والغرفتان للظروف كان السطوح عباره عن ثلاث غرف واحده بها حمام واثنان بدونهم وفي الخارج حمام مشترك للجميع وصنبور مياه وكانت هناك غرفه مسكونت من احد الافراد ...والاخرتان فارغتان >>>>>>>>>>>>>>>>>>>>>>> انتهي اسر وادم من شراء الملابس من الوكاله وسط تزمر اسر وعادوا الي الحي ليري اسر غرفته اسر بغضب:بقي انا علي اخر الزمن البس اللبس ده... ادم:ااااه ياني ...وانت عاجبك حاجة...ده انت لففتني الوكاله كلها علي ما اشتريت اللبس...بس انا اللي نقتهولك الاول كان احلي اسر بغيظ:انت تخرس خالص...بقي بتسمي ده لبس ..ده لبس بهلوان.. صعد ادم واسر الي منزل زوزو وطرقوا الباب وفتحت فريده : اخيرا جيتوا ايه اللي اخركم كل ده... ادم:ابدا ...علي بال ما لفينا وجبنا اللبس... وسعي بقي علشان ندخل انا هلكان وجعان... فريده:لا..احنا هنطلع الاول ....علشان اسر يشوف الاوضه بتاعته ويحط حاجته ...وبعدين ننزل ناكل...يلا بينا صعد الجميع الي السطوح في الدور الرابع وارشدت فريده اسر الي الغرفه ودلف الجميع... اسر وهو يتفحص الغرفة والتي كانت مكونه من ...سرير متوسط الحجم وترابيزة ...وتلفاز قديم نوعا ما.. .وعلاقه ملابس خلف الباب... اسر:امال فين الحمام... فريده ببراءة مصطنعه:مفيهاش حمام... اسر بغضب:احنا هنستعبط...امال هتصرف انا ازاي... فريده:الاوضه مفيهاش حمام...بس فيه حمام خارجي مشترك... اراد ادم ان يتحدث ويخبر اسر ان هناك غرفه اخري بها حمام ولكن فريده منعته ولكزته ليصمت ادم:الاوضه ديه مفيهاش...بس الاوضه التانيه ف.....اااااااه فريده:الاوضه التانيه كده برضو هنا الحمام مشترك ...صرف نفسك علي كده...يا اما لو مش هتقدر اتفضل قول من اولها... اسر بغيظ وهو يجذ علي اسنانه....ماااااااشي... خليني معاكي لاخر الطريق...اتنيلي قدامي وريني الحمام المشترك ده... فريده بابتسامه ماكرة:اتفضل... عندما راي اسر الحمام المشترك : بصدمه هوا ده....ده كمان بلدي... فريده:ايوة يا اسر ...ده كده صحي اكتر...لو مش عاجبك بلاش اسر بغيظ:لا عاجبني...فيه حاجة تانيه...عايزة توريهاني... فريده بابتسامه مكر:لا ..كده خلصنا ...خد بقي مفتاح الاوضه بتاعتك ...ويلا بينا علشان نتغدي... ادم وهو يهمس لفريده:ده انتي جبارة يا شيخة... اسر :اتفضلي...ولنفسه...(ماشي يا فريده ...بس نتجوز وانا هطلعه علي عين اللي خلفوكي ...هخليكي تبكي بدل الدموع دم) في الاسفل علي الغداء زوزو:ها يا اسر ...عجبتك الاوضه اللي فوق ....انا قلت لفريده تاخد الاوضه التا.... فريده بسرعة:لا ....عجبته اوي ...اوي يا زوزو... اسر بغيظ مكتوم:بس يا رب مكونش هسبب لكم اي ازعاج... ابراهيم:ابدا يابني ...مفيش ازعاج..ده انا مبسوط من قعدتكم معانا هنا... زوزو:وان كان ع الاكل متشلش هم..اكلك من عندنا يا اسر اسر:لا متتعبيش نفسك يا زوزو انا هتصرف... ابراهيم:عيب كده يا اسر انت ضيفنا.. وبعدين ده لو ادم اللي كان مكانك كان ما صدق ادم وهو ياكل:الله...ليه كده يابو خليل...ما كنا كويسين.. .انت بتسيحلي قدام اخويا يعني...مش زوزو اللي خلتني ادمن علي اكلها...يعني انتو تعودونا ع الاكل وفي الاخر تذلونا باللقمه زوزو بضحكه:هههههه...ميقصدش يا ادم.. انت عارف ابو خليل..ميعزش عليك حاجة ادم:ولا يقصد...انا اصلا مش بيهمني...واديني باكل اهو .. ابراهيم:ههههههه...الف هنا يا ادم... وانت يا اسر عايزك كده زيه متتكسفش اسر:ربنا يسهل... ادم:بت يا فريده مالك ساكته كده ليه. ..اقولك قومي اعملي شاي يحبس الاكله ديه... فريده:انتي تاني يا ادم...شاي تاني...انت محرمتش من المرة اللي فاتت وكمان بتطول لسانك....ابو خليل ادم:لا مش قصدي خالص يابو خليل. ..يعني لوسمحتي يا فريده ممكن شاي من اديكي الحلوة ديه اسر بغيظ:ولا انت بتعاكسها قدامي...اتلم لاعدلك.. ادم:خلاص خلاص...انا بهزر يا رمضان انت مبتهزرش اسر :لا يا خويا مبهزرش... فريده لتستفز اسر:من عنيا يا دومي انت تؤمر ...حالا الشاي هيكون جاهز نظر اسر لفريده شزرا والتي ذهبت من امامه بابتسامه مستفزة ...اكمل لنفسهحزينةاعملي ما بدالك يا فريده كله هيطلع عليكي في الاخر ) انتهي اليوم وصعد اسر الي الغرفه في ضيق ...واثناء تواجده في الغرفه طرق باب غرفته...فتح اسر الباب ووجد اسر باستغراب:نعم...حضرتك عايز حاجة عمر:انا عمر جارك اللي في الاوضة اللي قصادك ديه اسر بضيق وهو ينظر الي عمر :اهلا...تشرفنا .. عمر:انا عرفت من عم ابراهيم ان الاوضه سكنت وانك كمان المهندس المشرف علي الموقع... اسر:ايوة انا...خير انت كنت عايز حاجة يعني.. عمر وقد شعر بالاحراج:ابدا...انا بس حبيت اني اتعرف عليك بما اننا ساكنين في مكان واحد..ويعني لو عوذت حاجة انا موجود... اسر:شكرا يا سيدي...لما اعوذ هبقي اطلب... عمر:طيب تصبح علي خير...يا بشمهندس.. اسر وهو يغلق الباب :وانت من اهله... >>>>>>>>>>>>>>>>>>>>>>> في الصباح عاني اسر من الارهاق لعدم قدرته من النوم في ذلك المكان وايضا بدا عليه الضيق و الغضب من استخدامه لذلك الحمام المشترك.. هبط الي الاسفل ووجد ابراهيم قد عاد من الخارج واحضر معه الطعام.. ابراهيم:الله...انت نزلت يا اسر...ده انا كنت هبعتلك حد ينده عليك علشان تفطر معانا...بما انك نزلت يلا بقي ادخل معايا اسر:متشكر يا عم ابراهيم...ملوش لزوم انا مش بفطر ...ولو جعت ابقي اشوف اي حاجة اكلها برا ابراهيم:كده برضو يا اسر...انت كده بتحط تكليف ما بينا...انا كده ازعل... اسر:مش قصدي بس... ابراهيم:مبسش بص انا عايزك تعتبر ان البيت بيتك ..وانت زي ابني..خليك زي ادم اخوك.. ده لو هنا كان زمانه نط علي طول ..اتفضل بقي معايا اسر علي مضض:حاضر يا عم ابراهيم دق الباب فريده وهي تفتح الباب وتاخد الطعام منه: كل ده تاخير يابو خليل...انا هموت من الجوع... ابراهيم بضحكه:معلش يا فريده...انا جبتلك الاكل اللي بتحبيه اهو ...اتفضل يا اسر فريده:اسر...انت هنا...ايه اللي جابك زوزو من خلفها وهي تضربها علي راسها برقه: عيب كده...اتفضل يا اسر...ثواني و الفطار هيكون جاهر ...وانتي تعالي معايا ع المطبخ يلا تناول الجميع الافطار وذهب كل من اسر وفريده الي عملهم فريده بمكر:مالك يا اسر شكلك مرهق انت منمتش كويس ولا ايه... اسر بضيق:لا نمت كويس.... فريده:مش باين عليك... اسر بضيق:بقولك ايه ...اخلصي وخلينا نشوف شعلنا .. فريده بابتسامه واسعة لضيق اسر:من عنيا...يلا بينا كان اسر يشعر بالضيق طول اليوم والارهاق وكانت فريده تتابع ذلك بسعاده انتهي اليوم وصعد اسر الي غرفته وراح في سبات عميق من التعب >>>>>>>>>>>>>>>>>>>>>> في اليوم التالي بعد ان انتهي اسر و فريده من العمل وعادوا الي المنزل كان اسر قد غفا قليلا في غرفته ولكنه استيقظ علي اصوات عاليه وضحكات في الخارج اسر لنفسه:ايه قله الزوق ديه ...هوا انا ناقص قرف ...لحظة واحدة الصوت ده مش غريب عليا...وبغضب وقعتك سودة... | ||||
|
| |
|
10-01-17, 11:50 PM
| #17 | |||||
| كاتبة في قسم قصص من وحي الأعضاء
| اقتباس:
| |||||
|
| |
|
12-01-17, 01:07 AM
| #19 | ||||
| كاتبة في قسم قصص من وحي الأعضاء
| البارت الرابع في اليوم التالي بعد ان انتهي اسر و فريده من العمل وعادوا الي المنزل كان اسر قد غفا قليلا في غرفته ولكنه استيقظ علي اصوات عاليه وضحكات في الخارج اسر لنفسه:ايه قله الزوق ديه ...هوا انا ناقص قرف ...لحظة واحدة الصوت ده مش غريب عليا...وبغضب وقعتك سودة... خرج اسر من الغرفه و الشرر يتطاير من عينيه وبالفعل علم ان صاحبه الصوت هي فريده التي كانت تتحدث مع عمر فريده:ههههههه..مش ممكن يا عمر انت فظيع..فعلا عملت كده عمر:اه والله ...بس ربنا ستر ومعرفش ان انا اللي عملت كده فريده:هههههه...والله الدكتور بتاعك ده لو كان عرف انك انت اللي كبيت الغرا علي الكرسي بتاعه كان فصلك... عمر:ماهوا دكتور رخم شايف نفسه علينا...بس مقلكيش علي منظره لما حاول يقف ومعرفش ...وفي الاخر شلناه بالكرسي لغايه الاوضه بتاعته وقلع بنطالونه ولبس واحد غيره.... من يومها قبل ما يقعد ع الكرسي يمسحه كويس ويشوفه لحسن يحصله زي المرة اللي فاتت فريده:هههههههه...يعني جبت للدكتور عقده ...هههههه مش قادرة اتخيل بصراحه اسر بغضب وصوت جهوري:اقدر اعرف ايه اللي بيحصل هنا ....وايه الضحك ده كله عمر:اهلا يا بشمهندس ...معلش ازعجناك... فريده:ايه يا اسر داخل بزعابيبك كده ليه... اسر بعصبيه:انتي هتستهبلي...ايه المياصة و الضحك ده كله صوتك واصل لعندي في الاوضة...وبعدين بتنيلي ايه هنا ... فريده بحده:ماتتكلم معايا كويس...انت بتزعقلي ليه. ..وبعدين انت مش شايفني بتكلم مع عمر... اسر بغضب:لا شكرا ع المعلومه افدتيني الصراحه. ..وانتي تتكلمي معاه ليه اصلا... عمر:اهدوا يا جماعة...مش كده ... اسر بغضب:من فضلك متتدخلش في اللي ملكش فيه ...متدخلش بيني وبين خطيبتي... عمر:خطيبتك...انا اسف مكنتش اعرف... انا بعتذر لو كنت سببت مشكله بينكم... فريده بحده:انا مش خطيبه حد ...وبعدين انت بتعتذر علي ايه يا عمر ...احنا معملناش حاجة غلط...هوا بس البشمهندس اللي بيتلكك... اسر بغضب :انا بتلكك طب ماشي... امسك اسر يد فريده بقوة وسحبها خلفه الي الغرفه... دفع اسر فريده بقوة الي الداخل وصفع الباب خلفه بقوة >>>>>>>>>>>>>>>>>>>>>>>>> عند ادم وهو يتحدث الي والده:بابا.. انا كنت عايزك في موضوع مهم... سيف:خير يا ادم...قول يا حبيبي ادم بتنحنح:احم ..احم...بصراحة يا بابا...اناا كنت عايز اخطب.. سيف بفرحه:بجد يا ادم...ويا تري مين سعيده الحظ ديه... ادم:يعني يا بابا...بص ...انت تعرفها...كاميليا..اللي معانا في الشركه..وانا بحبها من فترة سيف:يعني انت بتحبها...طب واشمعنه دلوقتي...اللي اتكلمت فيه ادم:اصل بصراحة البت ممكن تتطير مني سيف باستغراب :ازاي يعني... ادم تذكر تلك المحادثة بينه وبين فريده في الشركه اخر مرة ادم:ايه يا فريده انتي مش بتكلمي كاميليا اليومين دول فريده ليه يعني...وبعدين هيا مش معاك في الشركه... ادم:ايوة..بس حاسسها متغيرة شويه.. فريده:متغيرة من ناحيه ايه...وقولي ادم:ابدا...بس مش بتقف تتكلم معايا زي الاول ...لما بكلمها بتلخص في كلمتين وتمشي فريده بخبث:ابدا ...اصل يا ادم كل الحكايه ...انها ابتدت تمل منك ...وبتفكر تشوف حالها ادم بعصبيه خفيفة:ازاي يعني مش فاهم.. فريده بمكر:ابدا...اصل فيه عريس متقدم لها وهيا بتفكر توافق.. ادم بغضب :نععععم...عريس مين... طب وانا.. فريده :وانت ايه يا ادم...انت كنت قولتلها ..ولا فتحت معاها حاجة ...انت حتي ملمحتش ليها..هتعرف ازاي انك عايزها وهنا دخلت كاميليا:فريده كان فيه...انت هنا يا ادم شكلك مشغوله يا فريده...اجيلك وقت تاني فريده:لا مش مشغوله يا كامي...ده انا حتي كنت بقول لادم علي موضوع العريس اللي متقدملك... كاميليا باندهاش:عريس... عريس ايه...انا... فريده بسرعة وهي تغمز لكاميليا:العريس يا كاميليا اللي كنتي بتقولي انك هتوافقي عليه... كاميليا وهي تحاول ان تجاري فريده:اااااااه...العريس ..ابدا انا لسه بفكر يا فريده ادم وقد نهض بغضب وخرج من المكتب وصفع الباب بقوة... ادم لنفسه:لاااااااااا انا كده البت هتروح من ايدي...انا لازم اتصرف... عوده الي الان سيف:اهاااا...قولتلي ...طيب عموما انا موافق. ..بس الاول لما نخلص من موضوع اسر وفريده الاول ادم:بس يا بابا...ديه ممكن توافق علي العريس...موضوع اسر وفريده ده مطول دول اتنين مجانين....ده انا ممكن اعنس لو استنيتهم... سيف بضحكه:لا متقلقش...انا هبقي افاتح ابوها في الموضوع ونربط كلام ادم بفرحه وهو يقبل والده:الله عليك يا حجوج...اموت فيك يا مجمع الاحباب... سيف بضحكه:ماشي يا سيدي...وانا يهمني غير سعادتكم.. >>>>>>>>>>>>>>>>>>>>>>>>>>>>> اسر بغضب :انا بتلكك طب ماشي... امسك اسر يد فريده بقوة وسحبها خلفه الي الغرفه... دفع اسر فريده بقوة الي الداخل وصفع الباب خلفه بقوة فريده :اااااي....ايدي سيبني...انت ساحبني علي فين...ااااه اسر بغضب:انا بتلكك....انتي عارفه انا ممكن اعمل فيكي ايه الوقتي... فريده ببعض الخوف ولكن تحاول ان تبدو متماسكه: انت ...انت ..ولا تقدر تعمل حاجة... اسر وهو يقترب منها:تحبي اوريكي ... فريده :وانا...انا عملت ايه يعني... اسر بهدوء ونبرة مخيفة:ابدا...اصحي علي صوتك وانتي قاعده تضحكي وتتمايعي مع البيه اللي بره...وهو يقلد فريده ...انت فظيع يا عمر..وهههههههه...ايه كان بيزغزغك مثلا... فريده بحدة:ماتحترم نفسك ...ايه يزغزغك ديه...انا ممكن .... اسر وقد اقترب منها:ممكن ايه...ها..ها..انتي عارفة ان انا محترم نفسي معاكي ع الاخر ...لكن لو حبيت اوريكي قله الاحترام ...هوريكي...مال اسر علي فريده وهمس في اذنها.. انتي عارفه انا ممكن اعمل معاكي ايه هنا في الاوضه ديه ودلوقتي.. فريده بخوف:ابعد عني...انت ..انت ..قليل الادب اسر وقد امسك بيدها:انا قليل الادب...وبلحظه قام اسر بسحبها ودفعها بشده لدرجة انها سقطت علي الارض...واكمل.. لا قله الادب ديه مش دلوقتي بعدين مش جديده عليكي... فريده بعصبيه:انت انسان غير محترم وهمجي وانا... اسر بعيون غاضبه وصوت ارعب فريده:اطلعي برة دلوقتي يا فريده ...بدل وعزة جلاله الله..اعمل معاكي حاجة تخليكي تندمي طول حياتك ...وتشوفي الهمجيه علي حق...برا..سحب اسر فريده والقاها خارج الغرفه واكمل بلهجة امرة:وحسك عينك اشوفك واقفه مع اللي اسمه عمر ده تاني.... اغلق اسر الباب في وجه فريده التي كانت مصدومه من طريقة تعامله ...هبطت فريده الي الاسفل في ضيق... وذهبت الي الغرفة ولم تخرج منها حتي الصباح في الصباح كان اليوم عطله من العمل في الموقع ...فتحت فريده الباب وذلك لوضع بعض الاكياس خارج المنزل ..ووجدت عمر ينزل فريده:صباح الخير يا عمر.. عمر بحرج:صباح الخير يا فريده...انا اسف ان كنت عملتلك مشكله مع خطيبك امبارح... فريده:مفيش حاجة حصلت ...هوا اسر بس عصبي حبتين. ..انا عايزاك انت اللي متزعلش منه...هوا هيهدي بعد شويه ...وبعدين انا عايزاك تشد حيلك في كليتك علشان تخلص ...ووظيفتك هتتثبت فيها اول ما تخلص في شركه الديكور... عمر بفرحة:بجد انا مش عارف اقولك ايه يا فريده.. فريده بابتسامه:متقوليش...انت بس تثبتلي انك قد المسئوليه ..وتنجح وترفع راسنا عمر:ان شاء الله..هكون عند حسن ظنك...بعد ازنك امشي انا بقي فريده:اتفضل يا عمر عمر طالب في السنه الثانيه من كليه الفنون الجميله توفي والده وهو في السابعة...ومكث مع والدته وتوفت وهو في المرحله الثانويه ..تولي رعايته زوزو وابراهيم ..وتمكن من دخول كليه الفنون الجميله وتعرفت عليه فريده وشجعته علي النجاح ..وذلك لانه طموح وموهوب وايضا مكافح فهو يعمل وهو في الدراسه ..ففريده وادم..يعتبرونه مثل اخيهم الصغير لمح اسر فريده تتحدث مع عمر وهو يهبط الدرج فاستشاط غضبا اسر :انتي اللي جبتيه لنفسك بقي...امسك اسر بجردل مياه كان في الاعلي و خدي بقي انتي فعلا محتاجة تفوقي وقام اسر بكب المياه علي فريده التي شهقت من المياه فريده:ااااااااااه.......ايه ده....انت نظرت الي الاعلي لتري اسر وعلي وجهه ابتسامه واسعة وهو يقول:حمام الهنا يا حلوة...ههههههه وهبط وبجوارها... انا قولت انك لسه نايمه ونسيتي اللي قولت عليه ...فقولت افوقك ..سلام يا قطه فتحت زوزو الباب ووجدت فريده مبتلة تماما... زوزو بخضة:ايييه يا فريده ده...مين اللي غرقك ميه كده ... وبضحكة عندما لمحت اسر ينزل علي الدرج. .هيا المطرة مطرت عليكي انتي بس ولا ايه فريده بغيظ:ابدا... باين حد كب مايه من فوق وهوا مش واخد باله... زوزو بضحكة:مش واخد باله برضو...ادخلي ...ادخلي بسرعه غيري ...بدل ما تاخدي برد...ويلا علشان تساعديني علشان ننضف البيت فريده بتذمر:ايه تنضيف...يووووووه يا زوزو... زوزو:انا قولت ايه...يلا غيري علشان نخلص بسرعه... فريده:حاضر...حاضر >>>>>>>>>>>>>>>>>>>>>>> في الشركه..طلب ادم كاميليا... كاميليا:خير يا ادم كنت عاوزني اقترب ادم من كاميليا وبلهجة امرة وغضب مصطنع:بصي بقي ... تروحي من هنا وتقولي لابوكي انه يرفض العريس اللي متقدملك...وحسك عينك اسمع انك واقفه مع حد غيري... كاميليا بخوف:قصدك ايه يا ادم...انت بتتكلم كده ليه... ادم بضحكه:قصدي ..اني محبش حد يتكلم مع خطيبتي كاميليا ببلاهه:خطيبه مين...انت.. ادم:انتي خطيبتي...بقولك ايه تروحي تقولي لابوكي اني هاجي اشرب معاه القهوة بكرة...علشان اخطبك كاميليا بعدم تصديق:بجد يا ادم...انا..انا مش مصدقة..انت عايز تتجوزني ادم بضحكه:الله ده انتي واقعه...ههههه...ايوة مش هستني لما توافقي علي العريس وتضيعي مني كاميليا:بس اصلا مكنش فيه عريس ادم باستغراب:ازاي واللي قالت عليه فريده... كاميليا:ده..ده مسلسل عملته عليك فريده ...علشان تخليك تتحرك شويه.. فلاش باك وهنا دخلت كاميليا:فريده كان فيه...انت هنا يا ادم شكلك مشغوله يا فريده...اجيلك وقت تاني فريده:لا مش مشغوله يا كامي...ده انا حتي كنت بقول لادم علي موضوع العريس اللي متقدملك... كاميليا باندهاش:عريس... عريس ايه...انا... فريده بسرعة وهي تغمز لكاميليا:العريس يا كاميليا اللي كنتي بتقولي انك هتوافقي عليه... كاميليا وهي تحاول ان تجاري فريده:اااااااه...العريس ..ابدا انا لسه بفكر يا فريده ادم وقد نهض بغضب وخرج من المكتب وصفع الباب بقوة... فريده:هههههه...شفتي عامل ازاي...ده هيموت...هههههه كاميليا:ايه يا فريده اللي قولتيه ده...عريس ايه اللي بتتكلمي عليه... فريده:عادي يا كامي ....انا لقيته مش عايز يتحرك ...قولت احركه انا..حبيت ابينله انك هتضيعي منه... كاميليا:بس ده متعصب ع الاخر...ده ممكن يسيبني خالص...وينساني... فريده:اسكتي ..انت هبله..اصبري بس ...يومين وهوا هيجيلك ...ويطلب القرب .. كاميليا:بجد يا فريده تفتكري... فريده:اكيد...استني وهتشوفي... باك ادم بغيظ:فريده ...يابنت ال...ماشي يا فريده...وانتي عملتيه معاها... كاميليا بسعاده:واهو جاب نتيجة...واتكلمت..اخيرا بقي ادم:يعني انا ادبست...ماشي كاميليا بحزن:يعني انا تدبيسه يا ادم... ادم بضحكه:واحلي تدبيسه يا كامي...يلا روحي علي شغلك ..ومتنسيش تقولي لباباكي اني جاي بكره... >>>>>>>>>>>>>>>>>>>>>>>>>> عاد اسر الي المنزل وفي الطريق وجد ابراهيم الذي طلب منه اخد بعض الاشياء معه وتوصيلها الي المنزل وصل اسر الي منزل زوزو ودق الباب ليفتح ويدخل اسر في نوبه من الضحك الهستيري... | ||||
|
| |
|
| أدوات الموضوع | |
| انواع عرض الموضوع | |
|
|
50Likes
العرض العادي
