آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-01-17, 03:09 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  طعنتني بمئة سكين وكنت لك عن الف جثة / للكاتبة رافليسيا
التعديل الأخير تم بواسطة لامارا ; 25-01-17 الساعة 08:34 PM | |||||||||||||
|  |
|
11-01-17, 03:09 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  غرقت في بحر حزني ولا زلت على نزول طرقات أبواب الماضي تؤلمني في كل طرقه وجدت نوع من انواع الالم المندفن وخلف باب الماضي وجدت نيران تلتهم كل ما أحب لم أفكر في المستقبل كثيراً لأنني كنت قد تركته للايام ' ' ها أنا أُقدم لكم روآيتي الاولى تحمل في طياتها العديد من الشخصيات والعديد من القضايا .. قضايا مؤلمه .. قضايا جريئه .. قضايا منتشره .. ' ' ..(طعنتني بمئة سكين وكنت لك عن الف جثة)..  التعديل الأخير تم بواسطة لامارا ; 25-01-17 الساعة 08:28 PM | ||||
|
| |
|
11-01-17, 03:12 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:1 #طعنتني بمئة سكين وكنت لك عن الف جثه #رافليسيا# • • ياليتك ترجع لي لحضه .. وأكون لك حضن وامان ياليتك ترجع لي لحضه .. وتروي فقيدك الضميان ياليتك ترجع لي لحضه .. وأعلن بصوتي ولهان ياليتك ترجع لي لحضه .. اشوفك وأنسى الاحزان ' تِحرقنِي الشمس بوسط الشتا ** ناري ماهي شمس ناري فقدان ناري حب وصراخ وجدان ** ناري فراق الحب ناري قضبان قضبان سجنٍ دفن حبي وسهرني ايام **سجن قلبني وحش غريب جشعان ' خلف قضبان السواد والسجون الموحشه وصل لاذنيه صرخات مناديه باسمه ولأول مره بعد ما يقارب الـ8 سنوات لم يسمع ندائات اسمه الا في المحكمة .......:صقر بن متعب بن جارالله الـرافي رفع عيناه المرعبه ليقول بصوتة الخشن :نعم ......:تفضل معي صقر ونظراته الناريه تحرق اللذي أمامه بنظرات شرسه وقف بخطوات متمايله ليمشي مع مناديه لعله يكون الفرج في مكتبه وسط اوراقه الكثيره رفع عينه بعد ما سمع صوت دق الباب ........:تفضل دخل احد رجال الشرطه وأمامه صقر الغير مقيد كالعاده عند لقائهم وقف وبنبرة حازمه:تفضل يا صقر اجلس (طالع في الشرطي وقال) تقدر تطلع طلع الشرطي وجلس صقر وهو يطالع باللي قدّامه بنظرات حاقده وشرسه يخرج منها الكره الشديد طوال سنوات سجنه ......:صقر بما انه انتهت فترة عقوبتك اليوم وانتهى عقابك اللي فرضته المحكمة العليا وبمرسوم المحكمة ان اليوم الجمعة الموافق 24/8/1433 تم الإفراج عنك بعد انتهاء عقوبتك الرسمية وقع عليه الخبر كالصعقه 10 سنوات وهو خلف السجون اخيراً بيطلع ....:قبل كذا وقع على هذي الأوراق بدا صقر يوقع ورقة ورا وحده بعد فترة فتحت له تلك الأبواب وأخيراً تم الافراج عنه ملامحه البارده الجامدة لم تظهر اَي ابتهاج بخروجه شعر بحرارة شمس عروس البحر الأحمر وقد أزعجت عيناه صح انهم ردو له مفتاح سيارته واغراضة بس فين يروح أهله .... ضحك بسخرية من هذه الكلمة الأهل ...؟ راود خياله ذكرى أباه . . صقر اللذي كان مجرد شاب طائش رجائه الا منقطع :يبه نخيتك يبه لا تذبحني اكثر يبه ابو صقر بقسوة أكسبه الزمان ردائه اللئيم : قم لا بارك الله فيك من ولد لا انت بولد متعب الرافي يا اسود الوجه وش عاد أقول للرياجيل "ولدي زاني وتاجر مخدرات معروف " صقر وهو يمسك يد ابوه ويقبلها وسط رجاويه : يا يبه نخيتك ما نخيت الذيب يا يبه ابو صقر سحب يده بفضاضه من وده والقى رصاصته الحواريه الاخيرة : لا شي عندي لك ولا انت بولدي وعليك غضبي الى يوم يبعثون طلع ابو صقر وترك الشاب الصغير اللذي لم يتجاوز الـ22 من عمره خلف قضبان السجون المظلمه . . صقر بهدوء ركب سيارته وصار يمشي بها في إنحاء جده يشوفها غير عن اخر مره تطورت كثير تغيرت توقف بسيارته الفارهه واللتي كانت احدى ممتلكاته فلم ياخذها احد فحجزت في حجز السيارات عندما دخل هو السجن نسمت هواء عابره داعبت شعره الطويل نسبياً فقد البحر وريحته فقد البحر وشكله فقد البحر ونسيمه تامل البحر لعله ينسى ضيقته بين أصوات لعب الاطفال وتضارب الامواج وأصوات الاحاديث الكثيره كان يشكو همه لله ولم يترك صقر البحر دون ان يملأة بهمومه ملامحه الحاده وعيناه القاسية تنظر للبحر بنظره مستقيمه حاده تسلل لاذنيه صوت ترتاح له الابدان وترجف له القلوب كان صوت الاذان يصدح والامام بصوته الخاشع لربه لا يزال نظره مصوب للبحر وهو يحسب عدد ساعات بقائه في هذا المكان منذ وصوله لم يشعر بالوقت يمضي سريعاً انشغل بشكوة همه لربه بينه وبين ذاته توجه للمسجد البحري تأمله لدقائق ودخل بهدوء يصلي مع جماعة المصلين ويقرأ القران لعلة يطفئ نار قلبه وألمه وهمه صلى فرضه ثم صلى ركعتان لله ليكمل شكوة همه لربه ثم بدا يقرا القران بصوته العذب والمريح بصوت منخفض يعلم ان فرج همه من الله وحده • & & & • فـــي الــريـــاض في قاعة تملأها الفخامة يملأها الناس يملأها الصرخات بفرح الجميع يشعر بفرحه غامره تكتسيهم الا من قلب واحد قلب يشعر بالموت دقات قلبها تتسارع هاهي لحظات موتها البطيئة اجبرت على هذا الزواج اجبرت من قبله وهاهي اليوم تعلن انها زوجته بكامل رضاها بينما الحقيقه تنفي الامر وبقوه بالغه ليتها تستطيع الصراخ والرفض ليتها تستطيع البكاء لكن الامر الواقع كان أقوى .........:لين بعد 5 دقايق بنزفك ضبطي نفسك لين ؟؟! ما اعذبها من كلمه وما اعذب معناها قلبها ينبض بسرعه تشعر بالم في قلبها بدا صوت زفتها يصدح بالقاعه انطفئت الأنوار لتتوجه الأنوار لتلك الأميره ايه من الجمال شكلها ساحر اَي جمال رزقها به الله بالميكب الخفيف بالنسبه لعروس اللذي ابرز جمال ملامحها عيناها الرماديتان تبرق بوجع لأكن لم يركز احد بعينيها بتاتاً أصبحت النساء يتهامسون بجمالها أمها دموعها الحانيه تنزل بفرحه هاهي اكبر فراشاتها هاهي بثوبها الأبيض كان فستانها لا يقل جمال عن جمالها كانت الكريستالات أو دعونا نقول الماسات لنكون ابرزنا ثرائهم كما ظهر .. وخطوط كريستاليه مآسيه مائلة عند الخصر كان فستانها بموديل ( A-line ) من تحت الفستان كانت هناك نقوشات متنوعة باللون الفضي اللامع وبذيل طويل نسبياً لم يكن اقل فخامه من باقي الفستان جسدها الفاتن بتناسقة ابرز جمال فستانها مع صوت زفتها كانت خطواتها المتقاربة البطيئة تمشي بثقه وقلبها يصرخ بالم وتوتر في ممر مسيرها الاضواء الارجوانيه والأزهار تنثر حولها من قبل الصغيرات وقفت على المنصه لتبدأ الاضواء النارية حول المنصة (نجوم الليل) جلسة بهدوء وثقه لتعكس خوفها وصراخ قلبها .......:لين يمه مبروك يا روح أمك لين ابتسمت:يمه ،، دموعك مابي أشوفها يالغاليه أم لين:اخخخ يمك مدري كيف البيت بيصير بدونك .....:وانا ياحليلي ضعيفه مهما أسوي ما كأني سويت شي ضحكت لين بخفه بينما أم لين دقتها:وانتي متى بتعقلين وأشوفك عروس مثل اختك .......:انتي تحلمي كثير يا يمه لسا ما جا اللي يستاهل رفيف الـفهد امها:يلا يا لين الحين بيجي زوجك صرخت في داخلها برجاء :لا يا يمه مابيه مابيه تكفين ابعديني عنه مابيه أكرهه يا يمه ابعديني عنه تكفين ما مرت دقائق ليدخل بثقه رجوليه مع ابوه وأبو لين وإخوان لين ابو لين بعد ما سلم عليها :الله يسعدك ويوفقك يا بنتي منك العيال ومنه المال الله يعطيك قد طيبتك ولينك ولا يحرمك من الفرحه يا روح ابوك اخو لين (فواز): يا روح فواز الله يسعدك ويوفقك ومنك العيال ومنه المال اخو لين نواف بدراما مسطنعه وهبل وبالمصري:له له اية الكئابه اللي تمر بيا نو ماصدء لين حبيبة ئلبي بتتقوز وتتركني مع رفيف لئه لئه انا بؤلش مالها هالزواجه انا بدي اختي حبيبة ئلبي معي ابو لين دق نواف:ووجعه اعقل يا رجال نواف ضحك:الله يوفقك يا روح نواف وان سوالك هالوحش اللي هنا شي كلمه وحده ويكون بقبره ابتسمت لين بالم وهي تهز راسها جا دوره باس جبينها وجلس جنبها بسرعه حاس بقرف منها يبي بعدها ..صار وقت الزفه.. ودها تبكي و تصيح ووده يشفي غليله منها ركبو السياره وسط توصيات ابو لين وخلف سيارتهم سيارات البوديقارد ليضهروا بكامل ثرائهم وصلو الفندق ودخلو الغرفه ركضت لين لغرفة النوم عشان تبدل مسحت المكياج وفكت تسريحتها واسمنت بالحمام اللي بالغربه وبدلت ولبست بيجامه حرير وردي فاتح بأكمام طويله جلست على السرير والكره والخوف والتوتر يمتلكها دخل عليها وعلى عينيه نظرات الكره يعرف شكلها وشافها اكثر من مره لذلك شكلها ما حرك فيه شي أبد راح هو تروش ولبس وقرب منها ورفع يدها لتتحرك بسرعه وتستقر على خدها الم اجتاحها تسربت الدماء من فمها لتعلن المها تعلم بنيته من البدايه لذلك لم تصدم بفعلته ..........:لا تحسبيني تزوجتك حب أو حتى عشان اظهر انك مرتي أو شي لا يا حيوانه انا أخذتك جاريه عندي لا اكثر ولا اقل سامعه ؟؟ لفت وجهها عنه تعلن رفضها لكلامه قرب منها:مو انا بدر اللي تسويلي بنت هالحركه يا عديمة الكرامة تريك ببيتي وتحت رحمتي يعني لا تنسين نفسك ،، سامعه بدا جسمها بالرجفه قلبها كاسمها (لين) المها شديد فوق عدم رضاها بزواجها جعلها جاريه عنده كان بدر قد كسر كبريئها وجرحها كثير بدر اللي اجبرها تتزوجه بس ليش تزوجها دامة ما يبيها طلت فيه ثم لفت أخذت جلالها وسجادتها وطلعت من الغرفه مناجيه ربها ان يرحمها ويلين قلب بدر اللي حالف بانتقامه دعت ربها انه يبعدها عنه و يكفيها شره وقفت بهدوء ولفت نفسها بجلالها وراحت للكنب ونامت فوقه وسط استغفارها لربها • & & & • من جهه ثانيه في الكورنيش الشمالي بجده وباخر الليل .........:ووجعه توجع خشتش يا مال المرض .....:وياك يا زفته وكمان انتي هنا في جده يعني اتركي لهجة أهل الجنوب يا اختي ......:تَري كذا انا قاعده اسب اللهجة الجنوبيه لان لهجتهم أفضل وما تقتصر على حرف الـ(س) والـ(ش) في اخر الكلام لهجتهم أعمق وأجمل ،، بس دامني مقابله خشتش تيه اللي جابت لي الصمرقع فاكيد باحاول أتكلم زيش شوي عشان ما تطينين لي عيشتي ........:الحين انا اللي اطين لك عيشتك هاه ؟؟ ،، يلا اذلفي انا رايحه بأدق على صديقتي واخليها تجي اطلق من مقابل وجهك ........:امزح معش بس تعالي .......:هههههههه جد ما تكونين لورا اذا ما بطيتي لي كبدي لورا:وانتي ما تكوني سلمى اذا ما فقعتي لي قلبي سلمى ضحكت وضحكت معها لورا وصارو يمشون وطبعا ما احكي لكم انهم كسبو ذنوب كل الخلق الموجودين يحشون بفلانه يسبون فلانه ويعيبون بفلانه • — • ملاحظه :. لا تقتصر الروايه على هذي الشخصيات بس ... فيه شخصيات اكثر ... بالنسبه للتعريف بالشخصيات عن قرب فافضل إنكم تعرفون عليهم من احداث الروايه مو من وصف مقتصر على كم صفه بس .. أحب تتعرفون على الشخصيات عن طريق الأحداث . . اَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
12-01-17, 01:04 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:2 #طعنتني بمئة سكين وكنت لك عن الف جثة# #رافليسيا# • • آه يا ناري بوسط الجليد .. شفني جليد بس جوتي نار نار تذوّب الحديد .. نار تحكي بكبر وجهار أتعبتني الحياة واكتب لي قصيد .. يحكي سكوتي قبل بدا الإعصار تدري ان حبك في الوريد .. مير اني كنت اصرخ بحبك ليل ونهار ' ' شوفو القلب وش ذَا به شوفو الروحووش فيها من الاام شوفو شرايني ذابحها البرد من يدفي شرايني ومابها نار ذبحني البرد وذبحتني الاقدار لو اصرخ ليل ونهار باحبك ما وفيت بحبك يا نور هالدار ' ' وقف سيارته يفكر بمكان يروح له ويأويه يفكر بدار يحوي شتاته بعد تفكير طويل قرر يروح للرياض ويصرف الفلوس اللي معه كان المبلغ المودع في حسابة البنكي من قبل هائل ولما انسجن الفلوس الحرام كانت تودع لحساب بنكي ثاني لذلك ماحد صادر اَي شي من أملاكه (الحلال) كان يقدر يشتري قصور بس يكره جده ويكره فنادقها وشققها وبيوتها وكل ما فيها عافها وعاف طاريها طلع وبسرعة للرياض قرر في ذاته تكون بدايته من الرياض وهو في نيتة يتعدى ابوه في مجال التجاره اللي صقر يربح فيه وصل للرياض .. حس من زمان ما راحلها أخذ نفس طويل والهموم لا تزال تتزاحم الى قلبه لتاخذ مكانها في عذابه ' ' ليتني يا جده ما أفارق اراضيك بس همي كبير والظروف تغدر بي ، ، ألقى نظره حوله شاف الاضواء الكثيره اشتاق لها الاضواء 10 سنوات وهو عايش بظلمة السجون وجع كبير اجتاح قلبه دعا ربه في نفسه انه يرحمه برحمته اللتي وسعت كل شي وقف بسيارته امام فندق اقل ما يقال عنه انه فخم عادت به ذكرياته الى عائلته ... ' اَي عائله تركته وهو بأمس الحاجه لهم تنهد بوجع السنين السابقة نزل من سيارته بهدوء وتوجه لداخل الفندق لياخذ له غرفة وكل اماله أنة يشوف غرفته اللي كانت له يومه مع أهله ذكريات .. اخ منها تلك الذكريات ليتنا نمحوها بإرادتنا لنعيش اليوم بكل تفاصيله • & & & • بهدوء كانت جالسه في زاوية الغرفه وهي تحبس دموعها تكرهه وتكره انها تظهر ضعيفه قدّامه كان قلبها الصغير يبكي يبكي الم .. يبكي حرقه .. يبكي وهو يشكوشتاتها .. تذكرت غبائها ولحظات حبها له لكن للأسف هذا هو زوجها وهذا هو معيشها بجحيم سمعت صوته الرجولي : لين ،، يالين تعالي الله يأخذ شكلك يا بنت الـ#### احست بانكسار كلامه كلماته السامه للبدن تؤلمها رفعت راسها لتراه يبحث عنها وقفت على حيلها .. وصارت تمشي بخطوات متمايله قدمها تؤلمها بسبب ضربه لها منظرها الضعيف كان يكسر الصخور فكيف بقلوب البشر شعرها الحريري أخذ مكانه على عرش كتفيها تلك الاثار الارجوانيه تحت عينيها وفِي خدها وجرحها العميق تحت شفتها هذا هو الظاهر اما الاثار المختفيه تحت ثيابها فلن احكي عنها لانها مخفيه رفعت نظراتها له لتقول :هلا انا هنا مسكها من شعرها بقوه وسحبها له وقال:وش عندك قاعده بالزاوية لا يكون تكلمي حبيبك الجديد ،،، صراحه ما استغرب منك ذَا الشي يا### لين لفت ببصرها عنه سمم سمعها بألفاظه المسيئه للاخلاق مجتمعها الراقي والمخملي كان يقيها من سماع هذه الألفاظ لين بتعب :وش تبي ؟؟ بدر:تجهزي الحين طيارتنا لسويسرا لين بسرعه:بس انا مابي اسافر بدر:وهو بكيفي مثلاً أو حتى اني ابيك هذا أمي حجزته لنا مع الفندق لذلك مابي اسمع صوتك حتى واذلفي تجهزي لين من لفت ظهرها حست فيه يدفها بقوه لتصتدم بزاوية السرير الأثيري الواقع بمنتصف الغرفه فتحت عيناها بقوه الم .. الم فضيع كان بعظام حوضها الصغير دعت خالقها في سرها ان يرحمها اكملت مسيرها لكيلا يشعر بالمها • & & & • فـــي جــده .......:ســـلـــمـــى قطع يقطع يدينش سلمى بخوف:ليش وش سويت لورا:الحين لابسه بلوفري الأسود وكابه عليه لبن مدري زبادي مدري وش هو وفوق كذا ما غسلتيه سلمى:الله يأخذ ابليس فجعتيني ،، لا مو انا اللي لبسته ،، أخذته اختي الين تلبسه تلعب به وكبت زبادي عليه بالغلط قلت بغسله بعدين بس ما فضيت لورا:نـــعـــم ؟؟ سلمى ضحكت:وش فيك ؟؟ لورا:وورعتش تيه ليه ما تحملينها لبعيد انا باذبحها وامردغها قبله سلمى انتي بعقلش تخلينها تلبسه سلمى:هههههه خلاص توبه ،، البسي اَي شي ودولابي مفتوح كانك تبين تعويض لورا :يا صبر الارض ،، المهم الحين لازم نروح نزور ريم ورغد ياخي ناشبين ببلعومي مانيب قادره ابلعهم سلمى هزت راسها باسى: للأسف هذي اوامر عسكرية من أمي وامك ولازم تتنفذ لورا:هففف ،، اجل انا رايحه أبدل ملابسي وجايتش سلمى:لا خلك بعيد لا تجين لورا طلعت بسرعه لانها تأخرت وهي تعرف عاقبة تأخيرها لورا لبست وراحت لسلمى عشان تشوف سلمى :هاه سوما كيف شكلي سلمى بإعجاب :واو تهبلين حصني نفسك يا بنت ~ لورا ببشرتها الحنطيه كانت لابسه فستان بافتح درجات الأزرق وكانت حاطة ميكب خفيف جداً بما ان جمالها البدوي الاصيل يكفيها بشعرها الاسود الكثيف الطويل ورموشها كذلك عيناها الواسعه بلونها الاسود القاتم مع جسدها المتناسق كانت ايه من الجمال .. لم تكن سلمى اقل منها جمالاً فستانها الأبيض النقي كان بارز لجمالها ففي طبيعة الحال هما ابنتا عم لذلك كانتا تتشاركان نفس الجمال البدوي الا ان سلمى كان جسمها مليان شوي وكانت ببشره بيضاء صافيه ~ ركبو السياره بعد ما انتهى وتوجهو لـ(العزيمة المشؤمة) << كما سمتها لورا بـــعــد 30 دقــيـــقــِة لورا :حشى لو اننا رايحين الرياض ما احتجنا الوقت هذا كله سلمى:اقول لك اهجدي خلاص قلبتي لي عقلي لورا :اصلا انتي عندك عقل سلمى سكتت ولفت وجهها عنها وصلو لقصر كـــبـــيــر نزلو البنات وامهاتهم لورا:حتى قصرهم واضح انه قديم (لفت على امها) يمه تكفين نخيتك ما نخيت الذيب مابي اروح أم عزام (لورا): لورا ووجعه توجعش يا علة جعل الذيابه تنهش بعظامش ،، اصمختيني من مشينا وانتي تبربرين على راسي امشي قدامي قبل لا اشوتش عزام ضحك:لا لا يالغاليه اهون من كذا جواد ضحك بصوت صاخب: اوووح والله قويه يالغاليه بس لا تتعبين نفسش انا بشوتها بدالش لورا بقهر :ه ه ه ضريف سلمى شالت الين و دخلت وأمهم لحقتهم اما اخوان سلمى سلطان وسلمان << توام فدخلو قسم الرجال دخلو لورا وامها قسم الحريم بعد ما دخلو جواد وعزام لورا من شافت رغد وريم كشرت سلمى همست للورا:ياخي ليش تكرهينهم والله انهم حبوبات لورا كشرت اكثر وهي تقول :ياخي اكرهم ياخي ما ينبلعون سلمت لورا على البنات وهي ودها تذبحهم من كرهها لهم رغد بابتسامه : كيفك لورا انشاء الله ما تعبتو في طريق السفر ،، على علمي ان ابها بعيده عن جده بالطيارة فكيف بالسيارة لورا ابتسمت بتسليك: اصلا كنّا بنجي بالطيارة بس ما كان فيه رحلات لجده لذلك قررنا نجي بالسيارة ومنها نمر القنفذه عشان خالي ريم بتسليك:مشاء الله رغد دقت ريم بس ريم كشرت ولفت وجهها لورا بقهر لسلمى :وجع شوفي كيف لآفة راسها كأنها بعير مريضه سلمى ضحكت طالعو ريم ورغد في سلمى اللي كانت تضحك بشكل متواصل بينما لورا مكشره ريم بكره:ياست لورا لا يكون تحشي فينا لورا ابتسمت عشان تغيضها :لا انا ما احشكم وأنتو قدامي ريم ميلت فمها:واحنا قدامك؟؟ لورا :اوبس ما كان قصدي تطلع هالكلمة مني سلمى بحده :لورا لورا ببرائه:وانا قلت الصدق • & & & • ياليتني سكنت قلبك وامتلكته مثلما امتلكتني من قبل ' لين بحزن:بدر بدر بحده :خير لين:اتركني في الفندق انا مابي اسافر بدر وعيونه تشع لهب :ليش عشان تقابلين حبيب القلب يا حيوانه لين :بدر بدر عطا لين كف ولف عنها وتركها لين في نفسها وهي كآبته دموعها:بس انا مو كذا والله مو كذا هفففف طالعت في بدر اللي كان قدامها شخصيته تجذب اَي بنت تشوفه رجولته وهيبته تجبرك على السكوت مر في بالها طيف نظرته المتوحشة سكتت وهي تحس بخوف يجري بكل جسدها قبل كانت معجبه فيه اما الحين .. فهي تكرهه وبقوه بعد • — • — • لسا الشخصيات الجايه اكثر والاحداث القادمة بتكون صادمة ومؤلمه في نفس الوقت اَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
20-01-17, 10:10 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:3 #طعنتني بمئة سكين وكنت لك عن الف جثة# #رافليسيا# • • ياللي طعنتني بخناجر الموت اتركني ،، ترا عذابي كان اقوى اسمعني اليوم وابيك تفهمني ،، ارجع لي وخلنا سوى تراني احبك يا مالكي ارحمني ،، ترا حبك طعني يا ناسي الهوى ' ' مجروح يا عرب مجروح هو حبي هو عمري هو ملاذي مسموح يا مالك القلب مسموح لاني احبك يا غلا ناسي مجبور يا عاشقي مجبور من يقود القلب يوم العقل هاوي ' ' بين شوارع الرياض الممتلئة وفِي احد فنادقها واقف بهدوء امام النافذة الكبيره يتامل المنظر أمامه كانت شوارع الرياض في الليل للناظر بانوارها ساحره تأملها وهو بداخله ضايع عينه حاده مركزه لاكن قلبة متشتت لف بهدوء نزل بسرعه وخرج من الفندق .... راح لمحل للجوالات واشترى جوال جديد وطلع على شركة للاتصالات وطلع له شريحه جديدة مسك جواله القديم وهو يقلبه بين يدينه دق على اول رقم طرى في بالة صقر بهدوء وبرود:السلام عليكم ....:وعليكم السلام صقر بهدوء :يزيد ؟؟ يزيد بحذر:أية هلا معك يزيد ،، بس من انت ؟؟ صقر ببرود : صديقك السابق صقر يزيد وقف بسرعه وبيده جواله :اااايييششش ؟؟؟ ،، انت صقر !! صقر ببرود:أية انا صقر يا يزيد يزيد:لا لا لا لحضه خلني استوعب ،، صقر؟؟ صقر بطفش :لا انا طيف صقر يزيد:فينك ؟؟،، متى طلعت من السجن ؟؟ ،، وايش اخبارك ؟؟ ،، اسمع اقول لك انا جاي جده الحين السالفة يبيلها جلسه مو كلام في الجوال صقر ببرود:انا في الرياض يزيد:طيب فينك جايك الحين صقر :باقابلك في مطعمـ..... يزيد بسرعه:طيب جايك سكر صقر الخط واخذ مفاتيحه وراح على المطعم • & & & • تدري اني كنت احبك ؟.. تدري اني كنت بك هايم ؟.. لا تركز بالكلام ركز بكلمة (كنت) اية كنت .. بس الحين انت مجرد مفترس يلتهم فريسته اللي أضعفتها الظروف واتعبها الحنين ، في الطائرة اللتي تطفو فوق السحاب امواج الحزن تظرب راكبي سفينة السحب الم .. يتبعة الم في كل ثانية يتفاقم التعب ويهلكها الالم بطنها يوجعها ،، الدوخة تذبحها بس لازم تصبر وما تظهر المها لـ(بدر) لين بالم:انا بروح دورات المياة بدر طل عليها ولف وجهه وقفت لين بميلان وصارت تمشي بتمايل راحت دورات المياة والالم يذبحها لين بوجع ووجهها احمر :آآآه عضت شفتيها الى ان نزفت دمائها جا في بالها توقع للالم لاكن ؟؟ نفته على طول فهي للان مو متاكده من الموضوع لين بالم ودموع :آه يا بدر ليتني اعرف الصدق ،، بس ،، ليتني اعرف طلعت بهدوء وألم مثل ما دخلت ما تدري ... او بالاصح ما تشوف !! ضباب بدا يغطي عيونها وتشنج اصاب راسها وزرقه اكتست اطرافها ايش فيه وايش اللي تحس فيه ؟؟ دقيقة فقط ليبدا جسدها بالهوان لأكنها كانت جالسه لذلك محد حس عليها الا واحد ؟؟ هو السبب .. قرر يسكت وينكر كل شي .. • & & & • على مكتبها وبين اوراقها .......: الله يأخذ ابليسك يا حور يوم نكبتيني بذا الشغل كانت تتحلطم ولا زالت تتحلطم وتتافف وما انتبهت للي يراقبها كانت فاكة حجابها عشان تأخذ راحتها وهي تشتغل ما فكرت أنة سلاسل شعرها الحريرية حركت الا المشاعر في قلب احد رفعت عينها وهي معصبه لاكن سكتت منظرة كان كافي لاسكاتها الجمها منظره ونسي فمها الكلام تبادل نظرات لا اكثر نظرات مغرمه ونظرات مصدومه تكلم بسرعه :انا أسف استوعبت اللي صار احمر وجهها من الخجل والغضب صرخت بقوة :أستاذ فرأس اتوقع ما يحق لك تدخل المكتب بدون لا تدق الباب فراس بحب :نسيت كيف ادق الباب من شفتك صرخت بقوه:خيييير يا حقير الله يقرفك وش ذَا الكلام فراس :وليش ما تفهمين اني احبك يا جواهر جواهر بقوة وقهر:انا أكرهك يا حقير انقلع برا دقائق .. لتفتح عيناها بصدمة مديرها قدامها وهي بدون حجاب وكانت تصارخ حست برجفه تسري بجسدها جواهر بربكة: استاذ رعد ،،، انا ،، اقصد هو،، اقصد يعنيـ... قاطعه رعد بقسوة وبرود :فراس مالك اَي احقية تدخل غرف الموظفات بدون لا تدق الباب وانت تعرف عقوبة اللي سويته لذلك تفضل من غير كلام لغرفة إدارة الموظفين خذ ملفك واطلع برا الشركة فراس أنصدم : بسـ.. رعد بحدة : بسرعه انت مفصول فراس طلع بصدمة وانصياع لاوامر رعد وجواهر اللي ابتسمت وقالت :مشكور أستاذ رعد لف رعد عنها وطنشها وقال ببرود :تحجبي وطلع رعد من المكتب وترك جواهر • & & & • يا نسمت البرد خفي على روحي شوية ... ' بين ممرات المستشفى تركض بضياع تركض بشتات تدور عنه عن حب كل بنت الاول والأخير تركها بس فينة ؟؟ دموعها مأخذة مسارها على خديها الم قلبها المعتصر يقتلها صرخت بالم بعد ما وقفت قدام غرفت ( الانعاش): يـــــبــــة لا لا طلعوه من هنا هو ما يدخل هنا أبوي ما يدخل هنا فتحت الباب بسرعه ودخلت وسط الدكاتره اللي حاولو يمنعونها مسكت يد حبيبها الاول والوحيد (ابوها) وسط صرخاتها ودموعها كانت تتمتم : يبة اصحى يا يبة لا تتركني ماعد لي احد مالي احد بالدنيا غيرك. يبة تكفى اصحى يا يبة لا تذبحني يبة اصحى يا يبة اصحى ضمت يده لصدرها وسط ترجيتها له جو السكيورتي ومسكنها بقوه وطلعوها بالنسبه للجسد الميت في الداخل غطي وجهه بالفراش الأبيض هاهو ودع صغيرتي هاهو ترك اميرته بلا عرش هاهو ترك اسيرة الحزن وسط صرخاتها الراجين انهم يتركون ابوها وما يدخلونه ثلاجة الموتى صوتها المتالم كان ينادي : يبة انا ضي يا يبة انا ضيفك بنتك ووحيدتك تكفى اصحى يا يبة تكفى لا تتركني دخل الممرضين بسرير ابوها لثلاجة الموتى وتركو ميتة القلب في الخارج مات .. مات قلبها مع موت ابوها لدقائق توقفت دموعها وتجهم وجهها وفرغت نظراتها طلعت بسرعه برا المستشفى مات قلبها مات هاهي ضي قد تاهت توفي قلبها فلم يتبقى الا جسدها متحرك بدون روح • — • — • هذي كانت بداية الأحداث والجاي بيكون اقوى اَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
23-01-17, 07:08 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:4 #طعنتني بمئة سكين وكنت لك عن الف جثة# #رافليسيا# • • ياللي ملكت القلب ابعد عني سحرك .. السحر حرام يا مالك قلبي حرام مالي صرت أسير الزمن وأطيح باسرك .. خبرك تخلي الجميع يضرب لك سلام صرت سجين خلف قضبان قلبك .. اتركني وطلعني من سجونك كذا اتفقنا تمام بس ليتك تشوف ضعفي وسط طلك .. وليتك تشوف رجفتي لا شفتك وسط الكلام ' ' يا وطني وسط الضياع يا اماني وسط الحروب وسط كلامك أنسى نفسي مع حروفك صوتك طرب لاني احبك بس تدري لا غضبت ترجف شفاهي رعب وفِي لحضه ألاقي في حظنك امان وفِي قلبك سلام ' ' .....: صقر مستحيل اسوي اللي تبيه صقر ببرود:اجل انا استأذن وقف صقر بس يزيد سبقة :صقر ولد انت موب بعقلك تسوي ذَا الشي صقر بقوه : تساعدني والا ؟؟ يزيد بتفكير : طيب لحضه اجلس بفكر جلس صقر وعلى وجهه نضرات البرود يزيد : ياخي موضوعك صعب صقر ببرود: افهم من كلامك انك مارح تساعدني ،، طيب مشكور وآسف على الإزعاج يزيد :ياليل صبرك صقر طالع في يزيد بجمود ينتضر رده يزيد طالع في صقر وقال :الشكوى لله اوكي بساعدك ،، بس ان صار وانكشفت انا مالي دخل صقر بهدوء:طيب • & & & • تدري اني اموت الف مره في كل لحظه تعذبني فيها كنت احبك يعني ما أنكر قلبي اللي اذا شافك يخفق بقوة ' ' هبطت سفينة السحاب وعلى متنها بحارة الحزن وقراصنة الالم ' نزل وبيدينة تلك الملاك لم تشعر بأحد كانت غارقه في عالم السواد القاتم ' طلع برا المطار وبسرعة توجه لشقة في منطقة مهجورة هز راْسه يمين وشمال بس ما شاف احد ارتاح نسبياً دخل وحط لين وسكر الباب عليها بثلاث اقفال وطلع من الشقه ولا من علم ولا من درا –/ -/ -/ -/ -/ مر يوم يومين اسبوع شهر سنة سنتين ثلاث وأربع سنوات في السنة الخامسة ..... • & & & • في ذلك البيت المهترئ في فصل الشتاء وفِي الرياض تناظر النار بجمود تدرون .. كثير يقولون انها بدون قلب بس ماحد يعرف ان قلبها مات من موته رفعت نظرها لدائرة صغيره بيدها فتحتها شافت صورته لا بس كان هذا سلسال منه بعد كان حبها الاول والحب المولود معها تمتمت بحزن وحدة :تدري ان سبب موتك بيموت .. تدري ؟؟ ،، صدقني يا يبة أنة مارح يسلم وقفت على حيلها وطلعت برا بعباية خفيفه ولبس خفيف جداً وسط هذا البرد كان لبسها خفيف صارت تمشي متوجهه لشغلها..؟! وصلت لوحدة من الحارات الضيقة المهجورة دخلت بين الشوارع لين وصلت لبيت شوي ويطيح من كثر ماهو مهترئ قالت بصوت حاد :نجاد ،، نجاد وصلها صوته الرجولي :عيونة بقرف العالم كله قالت :وييع الله يقرفك ويقرف عيونك ،، اقول لك عطني البضاعة وانت ساكت نجاد بخبث:مقبولة منك يا عسل ،، بس البضاعة اليوم كبيره شوي وحاولي ماحد يشوفك ابداً يا ضياء ضي بهدوء:طيب فصخت ضي عبايتها ولبست كاب وبالطو اسود طويل ونظاره عادية بما انة الجو مغيم أصلاً طلعت ضي من الحاره وهي مخبية كمية كبيره من هالبضاعه المشبوهه في ملابسها وكانت مخبيهم بطريقة ذكية وكانت تمشي وهي معروفة باسمها وهويتها المزيفة (ضياء) وسط مشيها تجنبت مناطق التفتيش وأي زاوية فيها رجال شرطه او مباحث او اَي شي له علاقة بالامن كل شي كان مدروس بدقة عاليه ومخططات متقنة وصلت للمكان المحدد لتسليم البضاعة ضي (ضياء) بهدوء وغموض بعد ما ضخمت صوتها :سيد سلمان سلمان بغلظه :اوه ضياء هلا هلا نورت ضياء: بدون حكي فاضي ،، ابي اخلص اللي بيننا وأروح ،، لا تطولها هات المبلغ وانتهينا سلمان بجمود:سلطان أعطيه المبلغ سلطان تقدم واعطى ضياء الشنطه المحملة بالمبالغ الطائلة مسكت ضي (ضياء) الشنطه وفتحتها وصارت تتفقد الفلوس وتشوف اذا هي مزوره او لا بعد فتره ضياء بغضب:تستغفلني الفلوس مزوره سلمان بهدوء وثقه :لا مو مزوره وان كنت متاكد عطني إثبات انها مزوره ضياء بذكاء: واضح بالعادة الفلوس الاصلية الخط الفضي يكون فيه لمعه بس ذَا فضي غامق مايل للسواد وكمان ملمسها ناعم عكس الحقيقية رمت ضي الشنطه وقالت :مو انا اللي تلعب علي يا سلمان سلمان عض شفته بقهر من غباء اللي زورو له هالفلوس !! لفت ضي ظهرها وتركتهم بسرعه وخفة ضي في داخلها: يستغفلني انا ضي بنت عبدالعزيز يستغفلني ذَا ابتسمت على غبائه ومشت تاركته غارق في غيضه رجعت ضي للي كانت عنده قبل (نجاد) ضي بهدوء:انت بعقلك مرسلني عند ذول الاغبياء نجاد ضحك بخبث وغلضه:ليش هم اغبياء ؟؟ ،، أكيد شفتي عليهم شي ضي :شفت عليهم أشياء موب شي المهم ما علينا انه كأنو مزورين الفلوس بعدين انا سحبت نفسي وهربت من كشفتهم نجاد:كفو ذيبة من تدريب ذيب ضي بغرور:قصدك ذيبة فقط انت ما سويت شي نجاد:يلا روحي ارتاحي اليوم بكره ورآنا شغل طويل ضي :وليه انشاء الله ؟؟ نجاد: بكره بتعرفين • & & & • في سويسرا .. ' جالسه قدام الدفاية وبيدها كوب حليب كاكاو ساخن وفِي حضنها كتاب تقلب صفحاته وهي تقرا كل كلمة فيه بتفحص ....:ساره يا ساره لفت ساره وعلى وجهها ابتسامه ناعمة :هلا عمتي ...: وجع لا تقولي عمتي بيني وبينك ست سنوات لا اكثر قولي منيرة موب عمتي ساره ضحكت:قلت عمتي عشان استفزك لا اكثر تري والا انا ادري انك لسا شباب يا حلوه منيرة:اوكي شكراً ،، مشاء الله ما وراك جامعه يا ست ساره ساره بابتسامه نقيه:محاضرتي بعد ساعه يعني لسا فيه وقت منيرة:طيب ،، وش قاعده تقرين ؟؟ ساره : أبد والله اقرأ شعر منيرة:انا طالعه للشركة تصرفي وانتبيهي لنفسك ساره:اوكي منيرة وهي ترسل لسارة بوسه في الهوا :مع السلامه ساره اشرت لها بيدها :مع السلامه جلست ساره على الكرسي وهي تفكر تحس بضياع من فقدت ذاكرتها ولين الحين وهي بكل يوم تعيش صراع داخلي تحاول تتذكر او بالاصح تجبر نفسها تتذكر بس ذاكرتها ما تساعدها تحس بقهر من نفسها انها مو قادره تتذكر ماحست بدموعها الخائنه اللي بدأت تنهمر على خديها قهر يذبحها والم فضيع في قلبها يجبرها على البكاء ساره في نفسها :ليه ليه مو قادره اتذكر ليه ؟؟ وقفت ومسكت معطفها الطويل ولبستة ولبست شوزها (تكرومون)وطلعت ساره مسكت جوالها ودقت على اقرب صديقة لها (نهى) ساره بصوت مرتجف: نهى ابي اقابلك الحين ضروري نهى بخوف :سارونه وش فية صوتك ؟؟ ساره وهي تبكي : ابي اقابلك وأقول لك نهى:طيب جاية بس وين نتقابل ساره برجفه :تعالي في المطل يا نهى بسرعه نهى بسرعه :جايتك سكرت ساره الخط من نهى وتوجهو الثنتين للمطل كان فيه جلسات تطل على مناظر خضراء مبهره ومريحه للعينين جلسو نهى وسارة سارة نزلت دموعها بقهر: آه يا نهى مانيب فاكره شي هويتي واسمي اهلي وعزوتي وديرتي انا مين يا نهى انا ليش هنا يا نهى ضايعه مشتته نهى حست بشتات ساره بما انها اقرب صديقة لها لذلك وقفت وقربت لسارة وضمتها بقوه نهى بحنان:ساره لا تبكين يا روحي بيجي يوم وتعرفين لا تكدرين خلقك يا ساره ساره وسط دموعها:ضايعه يا نهى ضايعه مين انا ؟؟ يا نهى مين انا ؟؟ نهى:انتي ساره الى ان يكتب لك رب العباد وتتذكرين ولا تنسين يا عمري ان الله اذا أحب عبداً ابتلاه ساره:نهى ما اقدر صعب اني أعيش بهويه مزيفه نهى:ساره انتي مؤمنا بأمر الله ولا تجزعين وتسخطين فيسخط الله عليك ساره سكتت بس شهقاتها كانت تعاندها وتطلع ودموعها تنزل بدون توقف من الم قلبها • & & & • في أراضي المملكة وبالتحديد في عروس البحر الأحمر ' .....: أبوي طلبتك يا أبوي مابي اتزوج انا صغيره يا أبوي لا تذبحني يا أبوي .........:الرجال ما ينعاب يا بنت وهو جاي وشاريك ،، وانا عطيت الرجال كلمه وكلمتي ما تنثني وانتي يا جوري تردين كلمتي ؟؟ جوري:بس يا يبة انا صغيره مابي اتزوج توني توضفت توني يا يبه توني ابو جوري : يالله يا بنت روحي مع أمك اشتري لك شي زين تلبسينه في الليل قدام زوجك المستقبلي جوري حست بالم وقهر كيف ابوها يتحكم بمستقبلها لساتها صغيره توها متخرجة وتوها متوضفه تتزوج !!؟ الكلمة كانت كبيره عليها ومؤلمة لها حست بقلبها في كل مرة يدق كان يصرخ برفض جوري بالم وهمس راجي:أبوي لا تذبحني ابوها تجمدت خلاياه هذي بنته الوحيدة دلوعته العنيده تترجاه وبكل هذا الانكسار ما يتحمل قلبه هذا الالم بس وش يسوي الموضوع فيه قبايل وانساب صعب يرفض الرجال بعد ما عطاة كلمته وصعب يشوف بنته بكل هذا الانكسار يتبع رجولته وهيبته في المجالس والا يتبع ابوته وحنانه لبنته ووحيدته • & & & • في جده ' أصوات صراخ مزعجه أساس كل ازعاج في بيتهم يكون سببه اجتماع ( توم & جيري) اللي هم سلمى ولورا لورا تصارخ وتركض هاربه من سلمى:والله ما البس هالقرف اللي في يدينش الا على جثتي سلمى:وانا قلت والله لتلبسيته والحين بعد لورا:تحلمين مافيييه انسي اني البسة سلمى:لورااااا تأخرت وانا لسا اطاردك حتلبسينه غصبن عنك لورا:الله بلاني بش انتي اختبار على مقدار صبري انا قلت لا يعني لا سلمى رمت التنوره اللي كانت في يدها وقالت وشفتيها ترجف تعلن انها شوي وتبكي :الله يأخذك لورا نطت عند سلمى وقالت :وجع الحين بتبكين عشاني مالبست ذا سلمى لفت عن لورا وكانت بتمشي بس قالت لورا :خلاص بلبسه بس لا تزعلين سلمى نطت وقالت بصراخ :يس اخيراً طلعت روحي عشان اقنعك لورا:يا حيوانه هالحين كل هالمسرحيه عشان البسه سلمى:بليز لورا تكفين لورا:فوضت امري لله بروح البسه بس لا تستغربين اذا جيت لك وهو مقطوع سلمى:لا لا ياويلك تقصينها عشان ما تلبسينها لورا تكفين بس ذَا المره فاكره لما رحنا أبها وقلتي لي اروح مدرستك ولبست الثوب العسيري ذاك الحين ردي لي الدين والبسي هذي لورا:اوحح وش ذَا الذاكرة لو انه حاسب كان تفرمت ونسى سلمى:قطع قولي مشاء الله لورا:مشاء الله بسم الله ،، بروح البس سلمى:ايه ايه روحي البسي لورا:الشكوى لله سلمى:خلاااص اسكتي وروحي البسي لورا ضحكت:طيب خلاص بروح ،،، نسيت بروح اشرب ماء سلمى صرخت: لورااااا لورا ضحكت بصوت مره عالي : طيب طيب سمعو صوت من الدور اللي تحت ....: قطع بهالحنجره عشان ماعد نسمع صوتك هذا لورا بقمطه : مو هذا اخوي عزام سلمى ضحكت :الا هو لورا:اسكتي يا مال الوجع لا تضحكين سلمى تدف لورا:يلا اذلفي البسي الحين بعدين نتفاهم • & & & • في الرياض ' .....:عز يا عز عز بهدوء :هلا يزيد يزيد:امش مو انت من الصبح تقولي ذكرني بالاجتماع يلا امش على الاجتماع عز:طيب وقف عز بهدوء ومشى بخطوات رجوليه تبعث الهيبة وتبرز رجولته عز بهدوء : يزيد يزيد :هلا عز ببرود وهدوء : شكراً ومشى عز وترك يزيد يزيد :هيه انتظر ،، على وش الشكر عز دف يزيد من قدامة وقال بهدوء: على كل شي مشى عز وترك يزيد اللي كان يفهم عز اكثر من شخص ثاني بس انه ما توقع بيوم انه عز جامد القلب يشكر احد طنش يزيد الموضوع ودخل قاعة الاجتماعات بعد السلام جلسو كلهم وبدو الاجتماع كان الاجتماع حاد وكان عز يقول الكلام ويبدون الأعضاء بالحوار بحده مابين مؤيد لـ عز وما بين رافض طلعو من الاجتماع وبكذا يكون انتهى دوام عز ويزيد طلعو الاثنين من الشركه ومن الدوام الممل يزيد:يلا امش يا عز عشاك عندي الليله عز بهدوء :مالي نفس مشكور يزيد يزيد:اقول انا ما اشاورك انا اعطيك خبر لا اكثر امش ولا تكثر حكي عز هز راْسه ثم مشى عز مع يزيد صداقتهم قويه رغم تناقض شخصياتهم العجيب عز البارد المتجمد الهادي ويزيد الحيوي المزعج بالنسبه لـ عز كانت شخصياتهم جداً متناقضه بس تجمعهم صداقه حميمه وعشرة تسع سنوات سوى يزيد:ارحب يا ابو ذيب عز بهدوء :احنا في مطعم .. يزيد:ادري بس يعني ترحيب فيك ،، رغم انك ما تستاهل عز طنش كلام يزيد وجلس ببرود ويزيد راح يطلب • & & & • يا زمن كافيني اوجاع الهموم صارت صخر فوق قلبي كبير شفت في حياتي من الحزن انواع حزن قلبي يا حبيبي خطير ' ' في احد قصور الرياض الواسعه جالسه بهدوء منطوية على نفسها ....: يمة صدق لين ماتت ؟؟ أم نواف :رفيف يا بنتي هي انخطفت في سويسرا قبل خمس سنوات يعني اما تكون حيه وتكون تحت رحمة الله او تكون (اكملت بحزن) تحت التراب رفيف بصراخ: يمه ما ماتت لين ما ماتت قلبي يا يمه يقول لي خمس سنوات يا يمه ما شفتها تخيلي حجم عذابي أم نواف:اذا انتي هذا حزنك فما بالك بحزني عليها انا امها وهي ضناي وفلذت كبدي الضايع ،، أتمنى مثلك اني اصحى من النوم على وجهها وصوتها بس هذا قضاء ربي وقدره وما نبي نكون من القانطين من رحمة الله ،، الله يفرحنا بشوفتها يا رب ادعي يا بنتي لها والله بكائك والاكتئاب اللي انتي فيه ترا مارح يفيد انتي ادعي لها بس رفيف ضمت امها وبكت:اشتقت لها يا يمه هي اختي الكبيره يا يمة متحسفه على كل لحضه تركتها فيها على كل ثانيه طنشتها فيها ليتها تجي بس لحضه واقعد معها وما افارقها كله من بدر ليتك يا يمة ما زوجتوها له يا يمة أوجعني قلبي عليها كله من بدر ما صان الامانه ترك لين يا يمه وهرب وهذا هو الحين مختفي ما حد يدري عن هوا داره يمه ليتكم قتلتوه وأخذتو بحق لين هو تركها تموت يا يمه أم نواف : لا حول ولا قوة الا بالله انتي شفتيه يا بنتي من جا يقول لنا كان يبكي مثلك الحين كان يصرخ من قهره يا بنتي رفيف : يمة كذاب يا يمة كلها دموع تماسيح الله ياخذه ضيع اختي يا يمه ابي لين خمس سنين وانا ما شفتها او لمحتها حتى ،، يا يمه خمس سنين أم نواف : لا تدعين عليه هذا قضاء وقدر يا بنتي لا تقنطين من رحمة الله يا بنتي باْذن الله ترجع لنا لين رفيف سحبت نفسها من امها :والله ما أسامحه أبد ،، الله ياخذه ولا يسامحه الى يوم يبعثون وطلعت بسرعه على غرفتها تكمل سيل دموعها اللذي لم يتوقف منذ خمس سنين وقهرها كل يوم يزيد على اختها الوحيدة والكبيرة كرهت بدر لانه بنظرها سبب ضياع لين الكل اجزم بموتها الا رفيف كانت تقول أن لين ما ماتت أم لين كان حاله أردى من حال رفيف بس كانت ساكته ما تقول لأحد وكانت تحمد ربها على كل حال — • — • طيب بما انه لسا ما دخلنا في الحفر ولساتنا في المطبات فهذا البارت ماهو طويل وما وصفت كل شي موعدنا بالبارت الجاي واَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
25-01-17, 09:52 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:5 #طعنتني بمئة سكين وكنت لك عن الف جثة# #رافليسيا# • • اصارخ في كل وقت بحبك ،، واتمنى وادعي في كل لحضه تكون انت لي نصيب ودي أصير اليوم بقربك ،، وانام بحضنك وأكون منك في كل لحضه قريب تدري ما عشقت احد مثلك وربك ،، ولا حبيت في حياتي مثلك حبيب ارحمني وارحم قلبي طلبتك ،، ترا قلبي ضعيف وعسى جرحه يطيب ' ' احيانا عقولنا تضاد قلوبنا ** فنحتار بين العقل والعاطفة صرخت بالم الدنيا أني احبك ** ولا ازال غارقه في بحر حبك ' ' في ظلمت الليل وظلمت القلوب بيدها ايبادها وجنبها جوالها وجالسه على الكنبه بالمقلوب بحيث تكون رجلها فوق وباقي جسمها تحت تأففت بملل :ياخي طفش لا أفلام ولا مسلسلات ولا شي طفش هففف رفعت عيونها للي قدامها قالت باستغراب :جووج بنت ،، جويج جواهر جواهر استوعبت :هلا ريم ريم :وش فيك وضعك ما يعجب جواهر هزت راسها بنفي : لا لا ولاشي ريم :تخبين علي يا جوج جواهر:تقدري تقولي عقلي مو معي الحين اقول لك بعدين وقفت جواهر بسرعه وراحت لغرفتها دخلت جواهر الغرفه وهي باليالله حابسه دموعها وش هذا الإحساس اللي اجتاحها وش وضعها وش هذا الالم اللي اجتاح قلبها مخنوقه ..! تبي تصيح ..! تبي تشكي ..! بس كيف تبكي وتشكي والدنيا علمتها انها ما تثق بأحد أوجعها الكتمان من بعد ما انفصل فراس من شغله وهو يومياً يهددها كان يبيها ترجعه لشغله بأنها تتهم نفسها بس هي رفضت قطعياً انها تسوي اللي يقوله السؤال اللي روادها في لحضتها وش تسوي ؟؟ تقول لمديرها (رعد) يرجعه للشغل وانتهينا والا تضل تستحمل تهديداته وتنفذ اوامره جواهر بصوت مخنوق: الله لا يسامحك يا فراس ،، خنقتني ،، كانك تحبّني ارحمني لا تعذبني بالتفكير والخوف ريم جت عن جواهر وفتحت الباب بسرعه بعد ما سمعت صوت بكائها بس قبل كذا دقت ريم على حور وقالت لها تجي عشان حالة جواهر النفسية وبعدها راحت لجواهر وضمتها بقوه جواهر حست بالحاجه لهذا الحظن اللي يلمها بكت جواهر كثير لين جت حور << صديقة جواهر حور بحنان :جوج يا عمري وش فيك جواهر دفنت وجهها في حظن ريم اكثر حور :جوج ؟؟ اشرت حور لريم انها تطلع طلعت ريم وبقت حور مع جواهر المشتته حور بحنان:جويجتي تكفين تكلمي قولي لي وفضفضي لي يا عمري لا تكتمين ترا الكتمان يوجع وربك جواهر وسط شهقاتها : وش اقول ياحور وش اقول ؟؟ حور :كل شي ياعمري جواهر تمالكت نفسها بصعوبه سيطرت على دموعها وابتسمت وقالت :ياعمري يا حوري مافيني شي بس شوية دلع لا اكثر يا روحي لا تزعجين نفسك حور بحده :جواهر علي انا هالكلام جواهر خانتها دموعها ورجعت تنزل :آه يا حور تعبت وربي تعبت حور ضمت جواهر وقالت بحنان :تكلمي قولي لي وش فيك جواهر:تعرفي فراس اللي كان معنا قبل خمس سنوات حور:فراس بن وليد جواهر بدموع:وانتي تعرفي سبب فصله ؟؟ حور:انه دخل عندك وانتي بدون حجاب وقال كلام وصخ مثله جواهر هزت راسها وسط دموعها وقالت:ايه ولاني سبب فصله صار يهددني من وقتها حور:كلام بدون افعال لا تخافين جواهر هزت راسها بنفي وهي تبكي :فاكره ذيك الإشاعات اللي انتشرت عني قبل سنه ؟؟ حور باستغراب :ايه جواهر:كان هو اللي نشرها ،، وهددني بريم ونفذ تهديده ،، وهالمرة مهددني في شرفي يا جواهر حور انصدمت :اييش ؟؟ جواهر:والله والله يا حور انه هذا الصدق حور سكتت لان الصدمه كانت كافيه لالجام لسانها • & & & • تلك الصداقة الراسيه في عمق البحار لا يجب ان تسمى صداقة لانها في الحقيقة اخوه روحيه ' ابتسامتها المعروفة مرسومه على وجهها وبجانبها صديقتها او بالاصح اختها سمعو صوت صراخ منادي واضح عليه الملل : نــــهــــى لفو نهى وساره على الصوت كشرت نهى وساره ضحكت نهى بطفش :هاه رد بغضب :تري مهوب حباً فيك أناديك بس الدكتور يبيك وما كان فيه الا انا قدّامه فقال لي أناديك والا قطع بخشتك مانيب ميت عليها نهى عصبت:دامك موب ميت علي فأذلف عن وجهي ولا تناديني كنت تقدر تقول للاستاذ مشغول او تصرفه باي شي لاكن انت كذا نشبه احمر وجهه بغضب وقال بصراخ:يا حيوانه انا ما اطيقك هذي أوامر الدكتور وانا ما بضيع درجاتي عشانك يالـ.استغفر الله يا رب ساره تهدي الوضع : شباب هدو الوضع الموضوع مو مستاهل نهى اهدي وانت اهجد خلاص رد بوقاحة :تدرين مارح اعديها لك يا حلوه صدقيني في كل مره صحتي علي فيها كنت اراكم غلطك عليك صدقيني بتندمين وكمان خلّصو خلق الله عشان أنشب لك انتي تري اعتبرك واحد من أخوياي وانا مادري كيف جيتي انثى لانه امثالك حرام يطلق عليهم لقب أنثى نهى صرخت بكره :حدك ما خفت منك ياللي ما تستحي وقبل لا تشكك بأنوثتي روح شوف شواربك اشلون طلعت ،، بما ان الرجوله متبريه منك فما ادري شلون طلع لك هالشنب ولا شي فيك يدل على الرجوله لا أفعالك ولا اقوالك وانا اعتبرك وحده من زميلاتي لا اكثر لذلك انت بنظري زي البنات واذلف ارجع للسعوديه مثل ما كنت قبل كم يوم صدقني انك من رحت كان الوضع وش زينه يا عديم الرجوله جرح !! جرح متبادل بينهم هو جرح أنوثتها .. وهي جرحت رجولته .. بس الحقد كان اكبر عليه جرحها كان أقوى شي عليه شواربه ،، رجولته ،، كلها كانت رمز له بس هي في ثواني مسحت هالرموز وقدام كل الطلاب صح انه ماحد فهم بس برضو يصل الجرح جرح .. عض على شفته بقهر وهي نفس الشي تبادل نظرات كره في كلا الطرفين حلف في نفسه انه ينتقم منها بسبب انها قللت من رجولته رد بفحيح أفعى غاضيه : انتي يالحثاله تقولي عني كذا صوته لحاله كان يبعث الرعب فكيف بملامحه الحاده وعيونه الكارهه تبث سمها عليها نهى ما تنكر خوفها لاكن اللي حست فيه كان رجفه غريبة سرت في أنحاء جسدها قرب منها بخطوات ثابته قال بحقد :والله ثم والله انك حتندمين صدقيني بعد عنها وراح بعد ما بث سمه القاتل على اذنيها رعب اجتاحها ملامحه شكله عيونة !!! كل شي فيه كان يجبرك انك تخاف نهى برجفه :ساره مابي اقعد هنا سارة بناء على امر نهى هذا على طول مسكت نهى وسحبتها معها وركبو مع سواق ساره وعلى طول راحو المطل بحيث يريحون عيونهم بالمناظر ويصفون اذهانهم ساره في نفسها :انا ارتعبت فكيف بـ نهى بس وش همس لها ؟؟ ،، وش اللي قاله لها خلاها ترجف ،، معقوله هددها ؟؟ نهى برجفه :ساره ساره بسرعه:عيوني نهى:تدرين وش قال لي ،، تدرين وش همس لي ساره:وش قالك ؟؟ نهى وعيونها على المناظر الخضراء قدامها:حلف .. ساره ما فهمت :حلف ؟؟ نهى بخوف:حلف مرتين انه بيخليني أندم ساره ابتسمت :ياعمري يا نوني الحين خايفه عشانه هددك ؟؟ ،، لا تخافين يا قلبي صدقيني مارح يسوي لك شي هم كذا دايم يهددون بس ما ينفذون وبالله من يقدر ينتقم منك ،، وكمان يا عمري نوني ان كان بيضربك ففكه منه عشان ينفصل او يأخذ تحذير ويحمل ماده ويعرف ان الله حق وما يتعرض لك ولا لأي وحده ثانيه وان كان بيخلي المدرسين يرسبونك ويلعب بدرجاتك فأنا مارح اكون صديقتك على الفاضي لو اخلي منيرة تدخل معنا في السالفة عادي بس اهم شي انك ترتاحين ولا تخافين اما ان كان ناوي يستفزك ويتكلم عليك مثل اللي صار اليوم فالي صار اليوم بيصير مره ثانيه عادي صدقيني يهدد بدون لا يعرف وش يسوي نهى ارتاحت شوي :ريحتيني يا سارونه الله يريحك يا قلبي ساره بغرور وضحكه :عشان ما تنسين انه عندك صديقه اسطوريه مثلي نهى نفخة على الشعر اللي كان على وجهها وقالت : مغروره ،، اسمعي سوير ابي اكل ساره : ولا تفكرين حتى نهى بطفش : وليش يا ستي ساره:بحالتك ذي صدقيني بتقلبين كوره من كثر ما تاكلين صديقتي وأعرفك نهى:ياخي جيعانا هففف ساره:اصبري شوي بس خلنا الحين نقوم نمشي نهى بتكاسل: مافيني حيل ساره بحده :ايش ؟؟ نهى ببرود : ياشين صوتك خشن بدون لا تخشنيه ساره صاحت :ايه نهى:امزح امزح خلاص ساره تنهدت :ايه أحسن • & & & • صرخاتها الفرحه ملئت أذناه .....:يبه ترقيت يا يبه ترقيت رد بهدوء :مبروك يا بنتي .....: يبه وش فيك قال بحزن دفين :ليتك يا بنتي وافقتي على سعود شوفي من راح وماعد خطبك احد جوري : يا يبه والله عادي انا مالي نيه بالزواج وكمان لسا عمري 25 يعني لسا قدامي مشوار طويل ابو جوري :يا بنتي بتضيعين لو قعدتي على عنادك جوري :لا تخاف يا عمري الاجمل ابو جوري :الله يكملك بعقلك جوري :يبه انا طالعه مع صديقتي بنروح المول لانه في كم غرض ناقصني بروح اخذهم ثم بجي ابو جوري:ومن هي صديقتك جوري :رباب بنت مسفر ابو جوري :اجل انتبهي لنفسك يا روحي جوري باست راس ابوها وراحت وهي تدعي من قلبها ان الله يبعد طاري الزواج من بال ابوها هالسيره تضايقها وتوجعها كثير بس وش تسوي هيه تكره الجنس الذكري كلهم فما بال احد انها ترتبط بذكر وتصير ملكه ويتحكم فيها جوري بتأفف :استغفر الله العظيم يا رب طلعت جوري وراحت مع صديقتها رباب المول وسط تسوقهم وضحكهم وسوالفهم كأي صديقات واجتمعو في مول اعترض طريقهم ثلاث شباب فيهم من الجمال ما كان ايه وفيهم من الوقاحه ما كان قذر الشاب الاول :هيه انتي وياها فيه مجال يا غزال جوري طنشتهم وكملت طريها لان هذا اللي تربت عليه الشاب الاول كمل :يا ثقيل ،، خف علينا ،، يالله نبلع الموضوع لان جمالك يشفع لك جوري تنرفزت فمسكت يد رباب وصارت تضغط عليها بقوه رباب بالم وبصوت واطي :آه يا جوري كسرتي يدي الشاب الاول ضحك :خفي على أيد البنت كسرتيها جوري عصبت مره وما قدرت تمسك نفسها فقالت:كل تبن يا حيوان يا حقير يا واطي بالله ترضاها على خواتك يا قليل الادب يا عديم التربية وَيَا سويد الوجه انت ما تخاف على محارمك يا ابن اللذين الشاب الاول بغرور:انا فهد العاصم وحده مثلك يالـ#### تقول لي هالكلام رباب بطبعها لما تخاف ،، بكت : جوري خلينا نروح يخوفون يا جوري خلينا نروح صوتها الناعم المرتجف كان مثل الموسيقى الهادئة عكس جوري صاحبه الصوت الناعم الغاضب ولاكن مع غضبها صار صوتها حاد جداً يعني صار مزعج جواهر وسط دموعها الخائفه سحبت جوري بقوه اما جوري من غضبها ما انتبهت للشاب الثاني يدخل الرقم في شنطتها • & & & • جالسه بملل تلعب بخصلات شعرها قالت بطفش وحنين :لورا لورا بملل:وش ؟؟ سلمى بحنين :تدرين ؟؟ ،، اشتقت لـصقر لورا:صدق له وحشه صح انه كان ينرفزني بس جد الكل مشتاق له حتى عمي رغم انه تبرا منه الا انه واضح انه يبيه بس وش جاب طاريه الحين ؟؟ سلمى بحزن:سمعت من أبوي وامي انه طلع من السجن قبل خمس سنوات بس ما عرفو فينه ولا لقو له خبر لورا بصدمه : طلع !!؟ سلمى:ايه طلع بس ما ندري فينه لورا:الله يرده لكم ،، صراحه مصدومه للحين من هذا الشي !! سلمى ما قدرت تمسك نفسها وبكت لورا فزت بسرعه وراحت لسلمى وضمتها لورا بحنان:سوما يا عمري الكل مشتاق له يا عمري وامش أكيد تحتاج اللي يصبرها اكثر منش بما انها أمه وولدها انسجن بعدين طلع من السجن قبل خمس سنين انتي مستوعبة المده اللي كانت أمش تتعذب فيها يعني لا تبكين يا قلبي وروحي لامش وحاولي تساندينها اذا انتي تبكين وامش تبكي والين اذا شأفتكم كذا اكيد بتبكي لذلك خلش قويه ياعمري سوما ادري والله ادري باللي فيش وحاسه فيش بس اللي تسوينه غلط وربش غلط يا سوما ادعي ان ربش يرجعه لكم افرشي سجادتش وارفعي يدينش وادعي يا روحي سوما سلمى بعدت عن لورا ومسحت دموعها ولفت وجهها وقالت :اوكي تسلمين لورا قلبي لورا حست بالضيق لضيق بنت عمها بس وش كان بيدها بنت عمها واللي بحسبت اختها كانت تحس فيها تربو سوى وعاشو سوى لذلك لورا تفهم كل اللي بقلب سلمى بدون لا تنطق به حتى • & & & • كانت نايمه لكن ؟ كانت الكوابيس المزعجه تراودها في كل حين تمنت النوم دون كوابيس مزعجه تمنت انها تنام زي الناس العاديه بدون كوابيس بدون قسوة بدون قيود بدون السواد اللي يغلف حياتها تعرفون من هذي كانت ضي صاحبة القلب الميت صاحبة النور المنطفئ بحزن ضي وقفت ومسكت جوالها ودقت على الوحيد اللي يكلمها ضي بهدوء :نجاد نجاد بنوم:هاه ضي :هوا يشيلك قل أمين ؟؟ ،، اقول اصحى نجاد صحى:وش فيك ضي:ابي اقابلك نجاد قام وهو حاس بحزنها صح انه هو اللي دخلها في السواد هذا بس برضو كان يساعدها كثير ويحس في حزنها والمها ويخفف عنها نجاد:طيب تعالي ضي :ابي اقابلك برا نجاد :جايك بس وين نروح ضي :تعال للصحرا لمكاننا المعتاد نجاد تنهد:طيب جاي سكر نجاد المكالمة وراح يقابل ضي اللي كانت تنتظر نجاد عشان تشكي له باللي بقلبها — • — • أظهرت في هذا البارت انه سلمى ولورا لهم علاقة بصقر او بالاصح يقرب لهم وهذا الشي ما كنت ابي أظهره الحين بس كان عشان التوضيح موعدنا بالبارت الجاي واَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
20-02-17, 10:29 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:6 #طعنتني بمئة سكين وكنت لك عن الف جثة# #رافليسيا# • • سمعت ان العشق انواع **عشق الفضاوه وعشق مشتاق العشق الاول كان نوع امتاع**اما الثاني كان كان للوصف سباق شفت الحب والنَّاس عن غزله سمّاع**ماشفت ان اللعب ينطاق حرام اللي تسويه ان القلب له منطاع**مسكين وسائقة انت ياللي انكتبتو مع بعض عشاق ' ' الحقوني ولمو شتاتي**فقدت قلبي بين الماضي وطياته حرام يا روحي ونبضي ** غرقت اليوم في بحر حبه وامواجه ' ' في بيت تحفة الفخامة من كل جانب امها:يا بنت اعقلي هذا سادس واحد يخطبك وانتي والعناد ذَا موب تاركته رفيف برفض تام:لا يا يمه انا حلفت اني ما اتزوج ولين مهيب هنا كأنكم تبوني اتزوج جيبو لي لين امها بعصبيه :رفـــيـــف !! رفيف دخلت المصعد وقالت:ماني متزوجة لين تجي لين امها :اخخخ يا ذَا البنت بتجنني رفعت ام فواز عيونها على اولادها وقالت:وانتو متى بتعرسون فواز:انا رايي من رأي رفيف باتزوج اذا جت لين ،، يمه انا متاكد انها ما ماتت احس فيها يمه وأحلم بها في كل ليله هي حيه يا يمه لذلك اذا جت لين خليتها تختار لي العروس نواف ما تكلم وقف وراح لغرفته وفواز مسك مفاتيحه وبوكة وراح امهم بحزن :ادري انه الموضوع يضايقكم بس متى بتجين يا لين خذيتي قلوبنا كلنا ورحتي يا لين في غرفة رفيف كانت دموعها تنزل بدون توقف كشلال لا يتوقف رفيف حست بالم في قلبها المعتصر ندمانة !!؟ على كل لحضه تركت لين فيها ندمانة !!؟ على كل لحضه طنشتها فيها الندم يذبحها وهي تتذكر كل لحضه طلبتها لين طلب ورفضته لها تتذكر كل لحضه قدمت صديقاتها على لين رفيف بالم :آه يا لين فينك اشتقت لك مسكت رفيف جوالها اللي كان يتصل باستمرار وبطريقه مزعجه رفيف ردت بدون لا تشوف الرقم :سلام سمعت صوت رجولي قاعد يقولها:اوه القمر طلع يستخدم الجوال رفيف:خييير متصل علي وتقول كلامك الوصخ ذَا مثلك يا قليل الادب الرجال:ماعهدت القمر يصارخ يا حلوه رفيف عصبت وسكَّرت الجوال بوجهه لاكن الطامه العظمى جتها بعد ثواني وصل لرفيف مسج فيه كل معدومه صغيره وكبيره عنها وكان فيه مجموعه كبيره من صور لها بس اللي صدم رفيف اكثر المعلومات اللي قدر يجيبها عن لين كل معلومته عن لين كانت موجوده وصور لها وآثار الضرب كانت تملأها من كل ناحيه وكان كاتب في اخر الرساله ..(اذا كنتي تبي تشوفي اختك مره ثانيه كلميني).. فزت رفيف برعب واتصلت على ذَا الرجال الغريب لعلها تقدر بطريقه انها توصل للين رفيف اتصلت على الرقم مره .. مرتين .. وثلاثه .. بس ما يرد ابداً رفيف بكت:الله ياخذه الحيوان ذا ابي لين • & & & • في سويسرا بيدها كوبها وقدامها كتابها وتذاكر لاختبارها نهى:سارة مو ذيك طيف بنت ماسه ؟ سارة :اية هي يا عمري عليها تذاكر وتداوم رغم انها ما تسمع نهى:المشكله انه الكل يستحقرها والدكاترة ماهم متعاونين معها سارة:رغم انه درجاتها ممتازة بس ناس متخلفه نهى:خلنا نروح لها سارة:كنت باقول لك نفس الشي وقفت نهى وسارة ومشى بثقه الين وصلو لـ طيف نهى دقت طيف بخفيف على كتفها بخفيف طيف حست باللي يديها ولفت لورا وسرعان ما ابتسمت ابتسامة تخفي خلفها الالم والحزن العميق نهى بدات تتكلم قدام طيف عشان تقدر طيف تقرى حركة شفايفها وتفهم : كيفك طيوف لك وحشة طيف تكلمت بصوت ناعم ومنخفض:تسلمين يا عمري انا بخير دامك بخير ساره :يالقاطعه ما تسألين عنا ولا تتكلمين معنا جحدتينا طيف حركت يدها بنفي :لا السالفه موب كذا بس انشغلت شوي نهى طالعت في ساعتها وصاحت :ساره لازم نروح الحين الدكتور جورج بيذبحنا امشي ،،سوري طيف لازم نروح الحين مع السلامة حبي انتبهي لنفسك وارسلت لها بوسه في ألهوا بالنسبه لطيف نزلت عيونها لكتابها والحزن يكتسي قلبها من كل جانب ضايعه كثير ومشتتة بين سمعها وقلبها وحياتها كلها سارة ونهى ساعدوها كثير وهي صارت تحس انها تثقل عليهم لذلك قررت تبعد عنهم بس اليوم الصدفة اللي جمعتهم عند سارة ونهى ركضو بسرعه عشان يلحقون على الكلاس بس انصدمو من شافو الدكتور جاي قبلهم وبدا يشرح المحاضره سارة :ياليل بأخذ تحذير هفففف نهى :عادي عادي ادخلي مو اسوء منك الا انا خلنا ندخل اصرف دخلو نهى وسارة واخذو محاظره على التأخير بالنسبه لطيف راحت لفصلها والحزن يملأ قلبها والطلاب إلي ما تركوها بحالها وقعدو يستهزئون فيها والدكتور اللي مغير يستحقرها قهر .. حزن .. الم .. كل هذي الأحاسيس اجتمعت في قلبها الصغير المرهف طلعت طيف من الجامعه بعد ما انتهت المحاضره وراحت سجنها !؟ او ما يقع في مسمى بيت دخلت طيف ذلك البيت المترئ من جميع الجوانب طيف بخفوت:أمي ام طيف بسرعه جت وقالت:ليش تأخرت وش كنتي تسوين يالـ#### صدق انك حيوانه طيف صح انها ما كانت تسمع بس كانت تقرى شفايف امها وكانت تنجرح مع كلامها وكانت تشوف ملامحها الغاضبه والإشبه بإعصار ثواني وجا زوج امها رامز:انتي وش ترتجين في وحده ماتسمع حيوانه مثلها لازم تنرمي في الشارع قرب رامز وشال طيف صاحبة الجسد النحيل ورمى بجسدها على الارض البارده وبدا بضربها بأبشع انواع الضرب وسمم اذنيها بمر الحديث • & & & • في جامعه ثانية ......:ياليل يعني الخبله الثانيه بتقل هنا ضحكت سلمى:ما اسمح لك مهما كانت ذيك الخبله هي في النهايه بنت عمي لذلك ياست سماح ما اسمح لك بلورا سماح:اوكي طيب طيب بيجتمعون العصابه في الجامعه الله يعين سلمى:تخيلي شفتي ذيك ام جكيت احمر سماح:لون جكيتها غبي سلمى:ماعلينا من اللون وفد ايش ايش هو غبي يقولون ان ابوها هو قاسم عبدالله البسام سماح:ايه والله عندهم فلوس وبطر في النهايه شوفي لبسها سلمى:شوفي ذيك اللي لابسه اسود سماح:ذيك البنت إيمو الله يكفينا سلمى بصدمه:كذابه سماح:هذا اللي سمعته والله وشكلها يدل على كذا أصلاً سلمى:اوووح والله توني ادري خلنا نروح تجنبها شوي ونعلمها كيف تبطل ذَا الحركات سماح:اقول اهجدي انتي تبينا نروح لهذي عشان تذبحنا رسميا هي ايمو يا قلبي ومعتقداتهم وأفعالهم تفجع خلنا بعيدين عنهم وانتي بالله مكانك وبدون لقافه بالله سلمى طالعت في سماح بنص عين:نفسيه سماح:الحين عندي محاصره صراحه منيب فاضيه لك لذلك يلا مع السلامه وايراني وإياك اللقافه يا سوما سلمى من شافت سماح راحت قررت بلقافتها المعتادة تروح لبنت الإيمو ذي وتستهبل عليها شوي .. وما فكرت بعاقبة اللي بتسويه راحت سلمى وعينها على جوالها وهي راسمه في بالها مخططات كثيره عشان بنت الإيمو ذي • & & & • في كوخ صغير في صحراء الرياض نجاد كان قاعده وضي جنبه تحكي له عن كل اللي فيها لدقائق فقط اعتدل نجاد في جلسته وضي اعتدلت معه حط نجاد يده على كتف ضي وقال لها :اسمعيني يا ضي ،، هذي الحياة مافيها شي سهل ابداً وان صار وملكتي شي امسكيه زين ولا تتركينه ابد لانه لو تركيته غيرك بياخذه ودائماً اسمعي كلام عقلك لان القلب مجرد عاطفه لا اكثر وانتبهي من الحب لانه بيوجعك كثير ضي :نجاد نجاد مسك جواله عشان يخفي الم قلبه ضي :نجاد انت الوحيد اللي ساعدتني بعد موت أبوي نجاد طل فيها وقال:وانا اللي ضيعتك ضي :انت اللي فهمتني نجاد:ضي انا اعتذر على أني ضيعتك معي ضي:نجاد وش جاب هذا الكلام الحين ؟؟ نجاد مد لضي الجوال وقال:روحي اهربي مسكت ضي الجوال وانصدمت من شافت اللي موجود بالشاشة ضي بصدمه:محاصرين المكان!؟ نجاد صرخ :اهربي يا ضي هم مايعرفون انك بنت ضي فزت بسرعه :نجـ.. قاطع كلامها صوت تكسير الباب ودخول مجموعه كبيره من الرجال اللي مسكو نجاد وضي دخل سلمان ومعه سلطان والخبث اكتسا وجوههم اللئيمه: اوه ضياء ونجاد طحتو عندنا ضي بسرعه لفت وجهها عشان ما يعرفو انها بنت سلمان يضحك بلئم :وش فيك يا ضياء لفيت وجهك ؟؟ سلطان :شكل ضياء غريب مو ؟؟ ،، كأنه بنت سلمان لف على ضياء بسرعه وصار يركز في ملامحه اكثر نجاد صرخ :اتركو ضياء لأحد يقرب منه سلمان قرب من ضي ورفع وجهها له نجاد يصارخ وهو يحاول يبعد نفسه:سلمان ابعد عن الولد سلمان على ضي بكس بقوه وهو يقول :ولد !!! ،، هذا بنت ؟؟! ،، كنت ترسل لنا في كل مره بنت !! ،، وكانت تهرب مني في كل مره ضي بالم:كنت اقدر اهرب لأنك انت ورجالك اغبياء سلمان رفس ضي وقال بصراخ وغضب :انطمي نجاد صرخ:سلمان سلمان بخبث:تخاف عليها ؟؟ ،، حبيبتك ؟؟ ،، قريبتك ؟؟ ،، بنتك ؟؟ ضي صرخت:لا هو منقذي سلمان مسك ضي وقربها منه وقال:منقذك ؟؟ ،، بتموتين انتي ومنقذك سوا يالـ#### نجاد كان لا يزال يحاول يحرر نفسه اما سلطان مسك المسدد وصار يقرب لنجاد حط سلطان المسدس على راس نجاد وسط صرخات ضي المجروحة و الرافضه دقائق فقط لتنتشر أصوات متعددة في المكان صوت ضحكات سلمان وصرخات ضي وصوت الرصاصه !!! وصوت سقوط جثه نجاد على تلك الارض ضي صرخت ودموعها تخونها :اتركوني نجااااد ركضت ضي لنجاد بسرعه ومسكت وجهه بانكسار ضي بالم وانكسار ودموع وصراخ:نجاد تكفى اصحى يا نجاد تكفى اااااه يا نجاد اصحى سلمان طالع في ضي وملامحها البريئه تحمر بسبب بكائها والمها • & & & • في أراضي الجنوب لورا:اخيراً وصلنا وش ذَا الطياره المخيسه ام لورا:السيارة احلى صح ؟؟ فزت لورا وقالت:لا لا مو كذا الطياره احلى ام لورا:ايه اهجدي يا نت وش بلاش انتي عقلش فين هو ؟؟ لورا بتافف :هنا بعقلي جواد:عقلها موب راسها أصلاً ما عندها عقل لورا:جواد وربي تعبانه مالي حيل اتهاوش معك جواد ضحك:طيب خلاص سكتنا لورا بحزن وهمس لجواد:لقو صقر ؟؟ جواد تحولت ضحكته لحزن وقال:لا ام لورا:ايش فيكم ؟؟ جواد طلع لغرفتة بدون كلام اما لورا قالت بحزن:ولاشي وطلعت هي بعد لغرفتها — • — • آسفة على التاخير بذا البارت بس صارت لي ضروب لذلك تأخرت في البارت موعدنا بالبارت الجاي واَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
20-02-17, 10:30 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part:7 #طعنتني بمئة سكين وكنت لك عن الف جثة# #رافليسيا# • • مو حرام اللي تسويه في قلبي محروق & صعب اني أعيش بين نيراني شفت الطرائق كلها وطريقي بين الظلام مفروق & عشت طول عمري بين حزني والامي شفت ذيك الملاك على قلبك مسبوق &نسيت حبي وَيَا بري حالي نسيت الكلام وش كان فيه منطوق&جمالك هذاني ونساني ' ' سمعتك تصارخ على المخاليق جيبوه** كيف تنادي بعد ما تقتل صوتك لحن هادي ومشبوه** ياكثر ماسمعت لطاريه منادي ' ' بين اربع جدران يحفها الظلام من كل جانب وزاوية تلك الحبال كالافعى تحف يديها وقدميها لم تشعر بِظَلاَّم المكان لان ظلمت قلبها كانت أشد عتمه شأفته!! شأفته قدامها ميت او بالاصح شافته بنقتل قدامها كان صعب عليها تستوعب هذي اللحظات نجاد كان مثل ابوها احتواها وقت ضياعها صح انه ضيعها بس برضو المعروف يبقى مهما كان كانت دموعها تنزل بتفاوت الم قلبها كبير وجرحها اكبر ولكن كانت ضي قد اتخذت الصبر والجمود سلاح تختفي وراهم ...:يعني مالك نية في الكلام رفعت ضي عيونها لسلمان اللي يناظر فيها ضي لفت وجهها عنه معلنه رفضها لكلامه سلمان:غبيه انتي ونجاد سوا ضي بكتمة:لا تجيب طاري نجاد على لسانك يا قذر سلمان صفق ضي كف وقال بقر:ان كان فيه شي قذر هنا فهو انتي ضي ما حست بالكف رغم قوته كان تفكيرها كله في نجاد وهذي ثاني مره يموت قلبها مع موت احد سلمان:تنكرتي بهيئة ولد وماحد شك فيك بس طلعتي على حقيقتك ضي طالعت فيه لفتره بنظرات ممتلئه بالكره والحقد سلمان:نهايتك بنت بدون سند ،، انتي الحين تحت رحمتي انا لذلك بس خالقي امر من أوامري وحتشوفين نجوم الليل في عز الظهر ضي بقهر:اطلع سلمان عقد حواجبه وقال:ما سمعت ،، انتي يا حثاله تقولي لي اطلع ،، تطرديني يعني وانا اللي جايبك هنا ،، وعلى فكره اقدر أقتلك والحين بدون لا يشره علي احد ،، لان انسانه زيك تستاهل الموت ضي صرخت:اطلع يا حقير اطلع سلمان ابتسم بخبث:اوكي بأطلع يا حلوه بس صدقيني بتندمين طلع سلمان بعد ان هيج براكين كانت خامدة لسنوات ضي بكت بصوت مسموع نسبياً كانت تلوم نفسها على كل شي تلوم نفسها على موت ابوها وعلى موت نجاد صعب عليها تتحمل كل اللي قاعد يصير لها وكان يتعبها الكتمان كثير لذلك مافي حل عشان تفرغ لللي في قلبها الا بالبكاء بينما سلمان كان يراقبها من برا من زجاجه صغيره كانت تسمح للي برا يشوفو اللي جوه شكل ضي البريئ وشعرها القصير متناثر على وجهها بعشوائية كان شكلها فاتن رغم الالم المكتوب في وجهها الا انه بقي جمالها زي ما هو ...:سيد سلمان عرفنا معلومات كثيره عنها. سلمان طل فيه وقال:وش هي ؟؟ ...: اسمها ضي عبدالعزيز بن سعود الجاسم عمرها 18 سنة اشتغلت مع نجاد بعد موت ابوها بسنة ونص سلمان:بس هذي المعلومات اللي عرفتها عنها ؟؟ ...:لا هذا ملف كامل بكل معلوماتها مسك سلمان الملف وصار يقلبه بين يدينه ثم لف سلمان وراح لمكتبه يقرا ملفها بالتفصيل • & & & • في احدى الشركات المعروفه كانت واقفه بملل تنتظر اختها بينما الثانيه واقفه تنتظر اخوها ريم أخت جواهر بطفش:ياليل كم بأقعد انتظرها هففف رفعت الثانيه نظرها لذي البنت وبلقافة ممزوجة بغرور قالت:من تنتظرين ؟؟ ريم:انتظر اختي وانتي ؟؟ الثانيه:انتظر اختي واخوي وابوي جوا ريم:كلهم متوظفين هنا ؟؟ الثانيه:لا بس أبوي صاحب هالشركة وجا يتفقدها وراحت اختي معاه اما اخوي فهو مدير الشركة ريم :مشاءالله الثانيه:يب ريم:وش اسمك انتي؟؟ الثانيه:اسمي ريم ريم فزت:وشو ؟؟ الثانيه بغرور:ايه اسمي ريم وش فيك ريم:وانا بعد اسمي ريم ،، تشرفت فيك ريم الثانيه بغرور:الشرف لي يا قلبي رغد من ورا ريم:مطوله؟؟ ريم:لا جايه الحين ريم أخت رغد طالعت في ريم أخت جواهر وقالت:تشاوي يا سميتي ريم باستغراب:باي بينما في نفسها كانت تقول ؛ غريبة ذَا البنت شافت ريم شاب في قمت الوسامة كان يمشي مع ريم أخت رغد فتوقعت انه اخوها بس جمال اخوها كان فاتن جواهر:اوه ريم يا قلبي تأخرت عليك سوري ريم بتسرع:من هو مديرك جواهر باستغراب:الاستاذ رعد ،، ليه ؟؟ ريم:لا ولا شي جواهر استغربت كثير بس قالت:اوكي براحتك مشو جواهر وريم وركبو مع السواق ريم كان تفكيرها مع رعد الوسيم جداً اما جواهر فتفكر بمشروعها الجديد للشركة ريم :جواهر جواهر بتفكير:هاه ريم:مديرك جميل جواهر ضحكت:غبيه ريم:اخخخ الله يرزقني بواحد مثله جواهر:وانا معك ياختي ريم:والله انه يهبل ياخي حض زوجته فيه جواهر:مو متزوج ريم:اجل هذي فرصتك خليه لك حاولي انك تحببينه فيك جواهر:خبله ريم:اتكلم صدق ياخيًة جواهر:ياقلبي ريمو اذا رجع لك عقلك كلميني ريم وكتفت وهي مكشره • & & & • في أراضي الجنوب وفِي جامعة الملك خالد كانت لورا جالسه وأحاطه راسها على الطاولة قالت بتحلطم:انا وش غدا بي ادخل طب صديقة لورا (نغم)؛واللهي نسبتش زينه وميولش للطب لذلك زين لش انش دخلتي طب لورا:بلاش ما دريتي اني بانقل جده وباصير في جامعه عزوز مع الخبله سلمى نغم:اووه انتي وذكي الخبله تجتمعون بتسوون مصيبه لورا:طايحين من عينش نغم:انتو دواهي ما تجتمعون سوا لورا:افففف طقيت ابي اخرج نغم طالعت في ساعتها وقالت:باقي دقيقتين ونخرج لورا فزت:جد نغم:ايه بعد دقيقتين بدو الطلاب يخرجون من القاعه ولورا تمشي مع نغم وتوزع حسناتها على الكل بالحش نغم:خلاص عاد من لاقى ما حشيتي فيه لورا:استغفر الله خلاص باسكت نغم:طيب نشوف اذا ما الحين بتحشين وحده لورا:شوفي ذيك استغفرالله نغم:مو قلته مستحيل ومسكين لسانك لورا:خلاص الحين باسكت مارح احش ابداً نغم:ايه زين نشوف • & & & • في احد القصور الفارهه كانت جالسه على الكنبه وبيدها كتابها تذاكر لها كلمتين تنفعها منيرة:وش اخبارك يا سوير من زمان عنك ساره:منك والله انتي وشغلك اللي ما تتركينه ابد منيرة ضحكت :واللهي شغلي لازم وانتي بتورثيني بس انهي دراستك ساره بغموض:ليش أورثك وانا غريبه عنك منيرة عقد حاجبيها وقالت:وش ذَا الكلام انتي اختي يا ساره متى بتفهمين ساره:لا منيب اختك ليش ما تقولي لي الصدق يا منيرة اشرحي لي قوليلي لا تعذبوني وتخليني محتاره منيرة:ساره انتي اختي وغصبن عن الجميع وعنك بعد ،، اللي لي هو لك واللي تبينه تطلبين بس ساره:منيرة تكفين تكلمي لا تدوخيني بكلامك الللي ما ينفهم والله تعبت يا منيرة صار صعب علي استوعب يا منبره ارحميني وقولي لي كل شي منيرة :ساره ساره بكت:والله تعبت يا منيرة والله صعب اني أكون فاقده الذاكره وأكون تايهه بين الجميع بدون نسب تكفين يا منيرة تكلمي منيرة وقفت وقالت:سارة اللي عندي انتي تعرفينه غير كذا ما عندي شي طلعت منبره من القصر بدون لا تسمع لسارة سارة دقت على نهى عشان تفضفض لها نهى:آلو سارة ببكاء:نهى تكفين تعالي يا نهى محتاجه لك ... نهى فزت بخوف :وش فيك سارة ببكاء:تعالي يا نهى بسرعه نهى:الحين جايتك راحت نهى بسرعه ولبست معطفها وركضت خارجه من البيت متوجهه لبيت سارة نهى دخلت بسرعه للبيت وتوجهت لغرفة سارة دخلت نهى الغرفه وشافت ساره تبكي ووجهها احمر من البكي ضمت نهى ساره لها نهى: ياعمري يا سوير اهدي سارة:ضايعه يا نهى ضايعه نهى :اهدي يا قلبي وتعوذي من ابليس سارة:مو راضيه تقول لي شي محتاره ضايعه يا نهى نهى ضمت ساره لها وشدت عليها سارة دفنت وجهها في صدر نهى وتركت دموعها الحائرة تنزل لعل قلبها يهدا مع نزول دموعها • & & & • بالنسبة لطيف كانت تقرا احد الكتب اللي عندها فقط لثواني وجا امها وسحبت الكتاب من طيف ورمته على الارض طيف طالعت في امها بهدوء عشان تعرف وش تبي امها:يا فاشلة يالللي ما منك فايزة انا ابي اعرف ليش جبتك يا صمخا طيف انجرحت من كلام امها كثير بس ما أظهرت هذا الشي لانها تعتبره ضعف وانتقاص لها ام طيف:انتي اذا ما تعدلتي وحاولتي تدفعي على نفسك معي انا وابوك والله ان تنطردين من ذَا البيت طيف فهمت كلام امها وقالت بهدوء:هو موب أبوي هو زوجك انتي ام طيف عصبت وقالت بصراخ :نعم ؟؟ ،، ابوك وغصباً عنك ولا اسمع ولا كلمه سامعه طيف بقهر:يخسي ام طيف مسكت طيف وصارت تضربها وتلقي عليها من سم الحديث ما يقتل ثواني فقط ويجي زوج امها ويشاركها في تعذيب هذه الملاك البريئه بعد نصف ساعه جلست طيف بوهن وكل خليه في جسدها تصرخ بالم تبي تعرف بس وش قلب امها عليها كانت امها ينضرب فيها المثل بالطيبة اما الحين فصارت امها عباره عن وحش ينتضر الفرصة ليهجم على فريسته • & & & • عند عز كان جالس بين مكتبه وأوراقه ولابتوبه اما يزيد كان جالس قدّامه عز:يعني بتروح مع صديقك يزيد:ايه عز : تروح وترجع بالسلامه يزيد :الله يسلمك ،، تامر على شي عز:لا والله يزيد:اجل بالتوفيق في شغلك طلع يزيد من عند عز والاف الأفكار الغريبه في راسه بس كان تفكيره اغلب شي في صقر !!؟ يزيد في نفسه كان يقول :متى بتعقل يا صقر وترجع لأهلك هذا هم قالبين الدنيا عشانك مشى يزيد وراح للمطار عشان يروح لامريكا ويقابل صديق عمره اما عز فترك الاوراق لفتره وسَرِّح بعيد وافكاره صارت ولف فيه بين اعاصيرها المدمره عيشته الثريه هذي غيرته كثير تذكر أيامه قبل مع أهله كان اكبر همه هو وش يأكل او وين يروح او ايش يسوي للمتعه أما الحين تغير كل شي كل شي صار غريب عليه خصوصاً ان حياته انقلبت في لحضه بس طلع من الشركة وهو يمشي ويفكر لعل المشي يقدر يربحه من بعض الأفكار المتعبه له راح عز للمطل وجلس على وحده من الطاولات وصار يناظر في المساحات الخضراء أمامه مناظر تجيب الراحه مهما كان اللي فيك اخذ نفس طويل وصار يفكر لفت نظره بنتين على طاولة ثانيه وحده كانت تبكي والثانيه تهديها فتوقع انه حبيبها خانه او شي زي كذا لانه هذا الشي المنتشر هنا وهذا سبب حزن اغلب البنات هنا بس جمال البنت اللي كانت تبكي جذبه كانت جميله جداً بعيونها الزرقا النيليه اللي كانت تلمع مع دموعها مافكر عز بالموضوع كثير وطلب له اكل وصار يأكل وعيونه على المناظر الخضراء أمامه وعقله مع همومه ومشاكله • & & & • بالنسبة لسلمى صارت البنت الايمو تجذبها وتحاول تسحبها معها وتحاول تدخل سلمى معها في السواد اما سلمى كانت حذره جداً معها بس كان في بالها انها تلعب على بنت الإيمو بس طلعت البنت اذكى من سلمى سلمى :هاي سحر سحر (بنت الإيمو ):أهلين سلمى:ليش اليوم لبستي ذهبي سحر بخبث:يعني قلت تجديد وكذا سلمى:اها ،، وش خطتكم اليوم سحر:اسمعي سلمى ايش رأيك اليوم تجيني لبيتي يعني عشان نعرف بعض اكثر وكذا سلمى بغباء:اوكي عادي سحر ضحكت على غباء سلمى واستمرت سحر تلعب بالخيوط وكانت نيتها خبيثه وكانت تبي تطيح سلمى في شباكها المحيكة بإتقان — • — • موعدنا بالبارت الجاي يوم الجمعه الجاي باْذن الله واَي سؤال فأنا موجودة محبتكم في الله : رافليسيا ..(استودعتكم الله ودمتم بود).. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
