19-02-17, 10:09 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته ..اتمنى الجميع يكون بخير ...اشكركم جميعا على الردود للي اسعدتني : ) بارت 5 ** ** ** انقهرت منه : حتى عيالك يبغون ملابس و قاطعها بعصبية : وبعدين معك ؟! وش رأيك اصرف الفلوس وأجلس أشحد علشان حضرتك تتفشخرين !! وبسخريه : خلي عمي ابو راكان يعطيك فلوس ! ام عمار بقهر : والله أبوي وش دخله يصرف على عيالك ! خلف طنشها وطلع وتكلم وهو طالع : لو أجلس دقيقه الا تفلسيني !! طلع من البيت وهو يكلم نفسه : وش هالناس هذي ؟! كل ما تشوفني هات هات عمرها ما قالت خذ !!! الشاطر يبغى يكسب مني وكأني جالس على بنك ! شاف ساره جالسه بالحديقة اقترب منها وبطبيعه صوته الخشن : وين عمار ؟! دق قلب ساره بخوف لما سمعت صوته رفعت نظرها له : راح مع سلمان ضرب الأرض برجله بعصبية: وقته هالزفت يختفي ! وين انقلعوا ؟! رفعت كتوفها بمعنى ما ادري ! طالعها بقهر وجلس جنبها : روحي على البقاله تعرفينها؟! وقفت بحماس : ايه اعرفها ؟! طلع فلوس واعطاها علبة الدخان : جيبي نفس هذي العلبه بسرعه لا تتأخرين فاهمه! ابتسمت بحماس : ان شاء الله ! خلف وهو يجلس مكانها : خذي الباقي لك ! هزت رأسها وتوجهت ركض للبقاله بفرح دخلتها وهي تبتسم اشترت ووقفت تنتظر يعطيها الباقي وهي تفكر وش تشتري بالباقي!! ناظرها البائع :وش تبغين ؟! ساره ناظرته : الباقي! البائع : ما في باقي هذا سعره (...) حست بالخيبه كيف قال لها الباقي لها ؟!! طلعت من البقالة وهي تحس بالخيبه !! زفرت بضيق وهي تناظر علبة الدخان حست بالرعب دب بقلبها لما شخص سحبها من ثوبها ووقفها تبغى تصرخ بس الخوف اخرسها التفتت وسرعان ما تنهدت بارتياح لما شافته هزها بعصبيه : وش هذا للي معك ؟! ساره ناظرت العلبه وبسرعها حطتها خلف ظهرها عزام بعصبية : هذي العلبه ليه معك ؟! وجرها لداخل البيت وهو معصب طفله صغيره ليه معها علبة الدخان ؟! وقف خلف اول ما شافهم تقدم منهم : وش فيه؟! عزام بغضب : الظاهر انها الحيوانه تبغى تتدخن ؟! خلف بعصبيه،: وش تقول ؟! وبسرعه انهل بالضرب عليها وبالشتائم !! حاولت بكل قوتها تحمي وجهها عزام ابعده عنها وقرصها بكتفها : يا ويلك اذا شفت رجلك عتبت البقاله ! زمت شفايفها تمنع البكاء ومدت لخلف العلبه خلف فتح عيونه بتذكر وضحك ضحكه قصيره : ارسلتها تجيب لي دخان ونسيت طالعه عزام بغضب يحس فعلا انه متخلف وشخص ما يقدر يوصفه !! يستغرب كيف جده زوج عمته ام عمار له !! رجع نظره على ساره للي تتكلم مع خلف وصوتها مخنوق: البائع يقول ما في باقي ! خلف بضحكة قصيره: غبيه اي باقي ؟! زم شفته بسخريه وتوجه لسيارته وغادر المكان ناظرها وهي تمشي للداخل بهدوء زفر بضيق من الغباء للي فيه ما حاولت تتدافع غن نفسها او تبرر موقفها متأكد لو يأخذها للمستشفى الا يطلع عقلها ضارب! زم شفته مو عاجبه وهو يشوفها تركض باتجاه جودي وتبتسم معها !! مو كأنها قبل لحظات حصلت كم طراق ! المفروض الحين تبكي !!! ** ** ** ** ساره وهي تكابر بالابتسامه : وين كنتي ؟! جودي بغرور وهي تلعب بخصله من شعرها : في بيت جدي ! ساره بتساؤل : ليه ما اخذتوني معكم ؟! جودي : لانه جدتي ام راكان ما تحبك ! ساره بابتسامة باهته : بس انا ما زعلتها !! ليه ما تحبني؟! جودي تركتها وراحت تركض بجهة ليان زفرت بضيق ليه يزعلون منها هي ما عملت شيء زمت شفتها وركضت للداخل بسرعه وخي تكس نفسها مخنوقه ** ** ** ام عزام بلوم : ليه تضربها ؟! عزام بقهر : قهرني اخوك كيف يرسلها للبقاله ؟! علشان تشتري له سم الهاري ! ام عزام بضيق : عيب عليك هذا خالك ! مط شفته ما عجبه : كله هالخال ما يدخل مخي ! هو واخته ما ادري من وين جايبينها ؟!! استغفرت ام عزام بصوت عالي وقف عزام : اروح اقابل كتبي احسن ! وعفس ملامحه وهو يشوفها دخلت وهي تركض. وفرحانه ام عزام ابتسمت لها : هلا بساره ! ساره وهي تلهث اخذت نفس وابتسمت بطفوله : خالتي تقول لك خالتي ام عمار تعالي اجلسي بالحديقه ! عزام باستغراب : الحين جايه ومبسوطه علشان كذا ؟!- هزت رأسها بابتسامه : ايه وناظرت ام عزام : جوالك مقفل ! ام عزام : قولي لها الحين تيجي ! نطت بفرح لقدوم ام عزام وسألت بطفوله :وين سلمان وعبد الرحمن ؟! عزام دفها بقرف : يا مخلوقه بالله طيري من خلقتي ! ساره ببراءه ابتسمت: ما اعرف اطير ؟! تفكرني عصفور اطير ؟!! عزام وهو يمسك جواله : الا قولي بومه ! وتركهم وطلع ! ناظرت ام عزام بابتسامة غريبه وهزت كتوفها بطفوله !!! ** ** ** ** بعد مرور شهر دخلت عند ام عمار بابتسامة : خالتي نظفت الحوش ! ام عمار ابتسمت لها: شطوره ! ساره بحماس : ونظفت عن جودي المطبخ حرام تعبانه !!! ام عمار ما تبغاها تكون هبلة : وليه تنظفين عن جودي !! ساره ابتسمت بحنيه : حرام تعبانه ام عمار مطت شفتها : ولا فيها شيء بس تمثل عليك يا الخبلة ! لفت نظرها صوره معلقة على الحائط اول مره تشوفها تقدمت بخطوات بطيئه وسألت وهي رافعه اصبعها : من هذا ؟! ام عمار ناظرت الصوره وابتسمت بحزن : هذا ابوك الله يرحمه !! لفت رأسها لأم عمار وناظرتها بصدمه : ابوي!! ام عمار هزت رأسها بالموافقة وطلعت من الغرفه وهي تسمع ليان تنادي عليها ! رجعت ناظرت الصوره بصدمه اقتربت اكثر وهي تتدقق بالصوره وهي مو قادره تصدق او تستوعب ! هذا الشايب ابوها !! رجال كبير كبير مو قادره تتخيل إنه ابوها !! إذا كان ابوها كذا أكيد امها عجوز مثله ! هزت رأسها بالرفض دوم تتخيل امها وابوها صغار مثل ام عائشه وابوها ! هي صغيره وهذا الشايب ابوها ! جلست على الارض وهي تناظر الصوره عقلها رافض يصدق هالكلام ! ليه هي الوحيده ابوها شايب ! ليه ما عندها اب وام مثل البنات ؟! الخيبه خيمت عليها وقفت على حيلها لما سمعت عمار ينادي عليها ناظرته نظره اخيره قبل ما تطلع وهمست بعدم تصديق : ابوي !! وطلعت من الغرفه وهي تركض تبغى تنسى الشيء للي سمعته ! عمار مسكها من اذنها : ليه تأخرتي ؟! ساره بتبرير : لما سمعتك جيت قاطعها : خلاص خلاص اسمعي بسرعه روحي للبقاله واشتري لي قاطعته : واذا شافني عزام ؟ عمار بحده : قولي له عمار يقول لك ما يخصك ! وش دخله يمنعك من البقاله ؟! ساره هزت كتوفها ما تدري ! عمار ،: خذي الفلوس واشتري لي .... هزت رأسها بطاعه وراحت تركض للبقاله ! ليان بضحكه : مين يصدق هذي عمتنا !! عمار وهو يجلس بكسل : والله إنها أحسن منك مطيعه وما تقول لي لا ! ليان تخصرت : هذا للي تبغاه مصلحتك !! حاطها طرطوره لك ! عمار خزها بعيونه : مين للي يخليها تكمل شغلها وهي جالسه !! ليان : اصغر القوم خادمهم !! وهي اصغر وحده بالبيت ! عمار بجلافه : خلاص انكتمي ! كشت عليه وتوجهت للغرفه عند جودي ! ** ** ** اشترت الاغراض وطلعت من البقاله وهي تتلفت حولها تخاف يشوفها عزام حست بالراحه لما وصلت باب البيت دخلت بابتسامه واعطته الاغراض : تفضل ! ابتسم بسخريه: ما ادري على مين طالعه مؤدبه ومطيعه ! كل هالعائله نفسيات واولهم اخوك خلف أخلاقه دايما مقفله ويطلع حرته فينا ! ساره ابتسمت له وجلست قباله على الكنبه ! عمار وهو يآكل خزها بعيونها : وش قصتك انت بالضبط ؟! لما اشتري تجلسين قدامي علشان اعطيك ؟! رجع يكمل اكل ويتكلم : لو تجلسين من هنا لباكر ما رح اعطيك ! جودي دخلت وسمعته عفست ملامحها : ابخل منك ما شفت !! عمار حمل اغراضه وبسخريه :طالع لابوك ههههه جودي بقهر: يا كرهي له لما نشتري نعطيه اما هو بخيل وطماع .. وانت يا خبله لا تروحين تشترين له ! ساره : حرام مين يشتري هو ! جودي فقعت منها : غبيه غبيه خليه ينقلع هو !! قومي جيبي لي كأس عصير نشفتي ريقي ! طالعتها باستغراب ليه معصبه وردت بهدوء :إن شاء الله ! ** ** ** ** نهى شدتها من شعرها : اقول لك روحي طلعي الزباله برااا عائشه وهي تحاول تبعدها عن شعرها: تخسين! نهى ولعت من عنادها : والله اقول لأمي ! عائشه فكت يد نهى وتخصرت : والله ما اطلعها ! وبغرور : انا ما احمل زباله ! ام سعود بحده : ليه صوتك طالع ! نهى بقهر : مو راضيه تطلع الزباله ! ام سعود بحده : ثلاث ثواني إذا ما طلعتي إلا عائشة بقهر : ليه انا اطلعها ! ام سعود بحده : بدون اعتراض خلصيني ! ضربت رجلها بقوه واخذت وطلعت وهي مولعه من العصبيه وتبربر حطتها بالحاويه ورجعت وعند الباب التقت مع أبوها تخصرت : عاجبك عاجبك اخر عمري اصير اجمع زباله ! ابو سعود ابتسم : ما فيها شيء ! فتحت عيونها باستنكار : لو شافتني وحده من صاحباتي !! وش يقولون عني ! ابو سعود ابتسم : يا بابا المسلم يحافظ على نظافة بيته ويأخذ حسنات ! طالعته وهي رافعه حاجب : وللي يدخن وش يأخذ حسنات والا سيئات ؟!! احتقن وجهه وصار احمر هالبنت جالسه له على الكلمه !! ابو سعود بغضب : كل يوم عليك ترمين الزباله عقاب على طول لسانك ! حركت ملامحها باعتراض : انا وش قلت ؟! ابو سعود بحزم : ولا كلمه ! زمت شفتها بقهر وغبن : يا ليتني ما شفتك عند الباب ! لو جلست عند الحاويه احسن لي قاطعها بحده : بنت!! ركضت للداخل وهي تبربر !! ** ** ** ** ** ام عمار نادتها :،ساره ! ساره بسرعه توجهت لها : نعم ! ابتسمت وهي تتمنى بناتها مطيعات مثل ساره : ليه تلبسين ملابسك القديمه ! ساره ابتسمت : ما ابغى اوسخ ملابسي الجديده ! ام عمار ابتسمت على تفكيرها : عادي اشتري لك جديد ! اخوك محمد ارسل لك ملابس ! ابتسمت بهدوء اخوها وما تعرفه ! ام عمار تبغى تفرحها : ا لحين خلف على الطريق ! ساره باستغراب وخجل : محمد أخوي يعرفني ؟! ام عمار حزنت عليها : ايه ارسلت صورتك له ! ساره ابتسمت بخجل : وش قال عني ؟! ام عمار تجاملها : اكيد قال عنك حلوه ! ساره فتحت عيونها بعدم تصديق : بس البنات هنا يقولون اني مو حلوه ! ام عمار : لا تردي على احد ! انت احلى وحده ! ساره ابتسمت بألم: جدتي كانت تقول لي اني احلى وحده ! ام عمار مسحت على رأسها: البنات يغارن منك ! ساره باحباط: العيال يقولون اني مو حلوه ! وابتسمت تشجع نفسها : الابله قالت مو مهم الشكل اهم شيء الخلق ! هزت رأسها ام عمار : صحيح اهم شيء الخلق ! لازم نتمثل بالأخلاق الحسنه ! ساره ابتسمت بانفعال : وما نشتم احد ونسامح الجميع ! ام عمار هزت رأسها وناظرت البوابه وهي عافسه ملامحه : هذا اخوك خلف جاء ! نزل من السياره وتقدمت تسلم عليه بفرح : السلام عليكم خلف سلم عليها كالعاده مستعجل ام عمار سلمت بهدوء : وين اغراض ساره ؟ ! خلف رفع حاجب :اي اغراض ؟! ام عمار بقهر منه ومن تصرفاته : للي ارسلهن اخوك محمد ! حك راسه بتذكر : ايه ايه تذكرت وناظر ساره : شفت بالطريق بنت ما معها ملابس واعطيتها الملابس ! زعلتي ؟! ساره حست بالخيبه وابتسمت بخيبه : عادي ! ام عمار ولعت من كذبه : قول انك بعتهن ! خلف بحده : انت وش دخلك ؟! ام عمار بقهر : مال يتيم مو من حقك ! خلف بعصبيه : وبعدين معك ! قسم بالله اني اقرف البيت لأجلك ! ام عمار بقرف : انا قرفت الدنيا كلها بسببك ! وتركته ودخلت البيت ! ناظر ساره : وش هالحرمةهذي ؟! يا كرهي لها ؟! جلس على الكرسي : روحي خلي الزفته ليان تعمل لي شاهي ؟ ! هزت رأسها بطاعه : ان شاء الله استغرب رد فعلها يتذكر لما محمد مره ارسل هدايا لعياله وباعهن وقتها ناموا وهم يبكون ! اما هذي عادي الوضع عندها سألها :- زعلتي علشان الملابس؟! ناظرته بهدوء: ما زعلت لأنه يمكن البنت بحاجة الملابس اكثر مني وختمت كلامها بابتسامة طفوليه بريئه! هز رأسه باستغراب: خلاص روحي والمره الجايه اجيب لك غيرهم ! توسعت ابتسامتها بفرح وتوجهت للداخل بسرعه!!! ** ** ** يتبع يوم الثلاثاء بإذن الله....دمتم بخير ** ** ** | ||||
|  |
|
19-02-17, 10:10 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته .....أتمنى الجميع بخير: ) •• •• •• بسم الله •• •• •• يتبع بارت 5 "" "" "" "" ام عمار وعلامات القهر واضحه على ملامحها : قهرني بتصرفاته ! هزت رأسها بفقدان امل : ما اقدر اتحمل ! هذي يتيمه كيف يتصرف بأغراضها على كيفه ! ابو راكان بغضب مكبوت : الله يهديه ! عموما خذي فلوس واشتري وفرحي هاليتيمه ! ام راكان باعتراض : وحنا وش دخلنا ؟! ام عمار بتأييد : مو ملزوم فيها يبه ! ابو راكان بحزم : كلامي واضح ! ام عمار ابتسمت بدون نفس وللحين مقهورة من خلف : ليتك سالم يبه وربي يجزيك الخير يوم انك تفرح هاليتيمه ! مو مثل اخوانها مو داريين عن هوى دارها ! كل واحد لاهي بحياته ! ام راكان تنهدت : يعين الله ! ام عمار بوجع : وقسم بالله قرفت الحياه معه ! ابو راكان ما يبغى يخرب بيت ابنته :اصبري ولك الاجر ! واذا قصر عليك بشيء أنا موجود ما يردك لسانك ! زفرت بضيق :،الله يخليك لنا ! والله احيانا اتمنى ما ييجي البيت اذا عصب يطلع حرته بالعيال ويطقهم! ام راكان تهدي فيها: يا ام عمار ما فيها شيء لو طقهم كل أب يطق عياله ! نسيتي أبوك كم كان يطق إخوانك ويطقك !! ام عمار بقهر :،بس يكون في سبب للطق مو على الطالعه والنازله ! ابو راكان بسخريه: ليه هو يجلس بالبيت علشان يطقهم! وزفر بضيق ما يدري وين كان عقله لما زوجها لخلف ؟! خلف ما يقدر يوصفه شخص متخلف بخيل طماع !! لو يرجع الزمن ما أعطاه ابنته لو يجيب لبن العصفور! بس خلاص النصيب حكم والحين بينهم عيال ! كم سنه ويصير عمار رجال والبنات كبار! ** ** ** بالحديقة للي مشتركه بين العوائل ابتسمت ساره بطاعه : إن شاء الله عمار مسكها من يدها بقوه : اقول لك روحي جيبي من البيت الشوز الاسود بسرعه ! سلمان سحبها لجهته: انا قلت روحي اشتري لي من البقاله أنا طلبت بالأول ! عمار بعصبيه شدها: اقول انقلعي بسرعه ! ساره تاهت بينهم الشاطر يسحبها لجهته ! سلمان بحده: والله لو ما تركتها إلا أدفنك هنا ! وناظرها بعصبيه : اقول لك انقلعي على البقالة ! ماجد يناظرهم بتفكير : خلاص تروح للبقاله تشتري لك وبطريقها تجيب الشوز لعمار ! ناظرتهم تشوف ردهم وهي ضايعه بينهم ! عمار زفر بقهر : انقلعي بسرعه ! سلمان شدها من اذنها : والله لو تأخرتي الا اكسرك فاهمه ! هزت رأسها بطاعه وركضت بسرعه حتى ما تتأخر عليهم ماجد جلس وهو يناظرها تركض : مو مصدق انها عمتك يا عمار ! سلمان جلس جنبه وابتسم : أنا مثلك مو مصدق ! عمار جلس وتربع قدامهم: وانا مثلكم أتخيل شكل عمتي اميره وجنبها ساره مو راكبه معي ! ** ** ** ** أخذت الشوز وبسرعه انطلقت وهي تركض خايفه تتأخر ويزعلون منها وصلتهم وهي تلاهث بتعب تقدمت منهم واعطت كل واحد اغراضه سلمان ناظر عمار : مو كأنها تأخرت ؟! عمار ناظر ساعته وبعدها ناظرها بحده : وين كنت ؟! وليه تأخرت ؟! ساره بتبرير : انا آسفه والله ما كان قصدي أتأخر ! ماجد ضحك بصوت عالي وهو يناظر عمار : صدق إنها خبله !!! وتتأسف بعد !! ورجع يضحك على ساره ناظرته باستغراب ليه يضحك ومع ذلك ابتسمت سلمان بأمر : روحي بيتنا وجيب عصير بسرعه لا تتأخرين ! ماجد ابتسم بخبث : لا من بيتنا ابعد! سلمان باعتراض : ما عندنا وقت ! خلاص روحي من بيتنا ساره رفعت حواجبها باستنكار: كيف اجيب من بيتكم ما في احد ؟! سلمان ناظرها باستخفاف: قولي للشغاله تعطيك وتعالي بسرعه! او افتحي الثلاجه وجيبي ولا تنسين في الثلاجه الكيكه! ساره بانحراج هزت رأسها وتوجهت لبيت سلمان دخلت البيت نادت الشغاله ما أحد رد عليها توجهت للمطبخ ناظرت ما في أحد فتحت الثلاجه وبلعت ريقها وهي تشوف الكيكه طلعتها من الثلاجه وحطتها على الطاوله ورجعت أخذت العصير احتارت كيف تحمل هالأغراض كلها مره وحده خطرت لها فكره وحطت العصير بكيس وحطته بساعدها حملت الكيكه وتوجهت خارج البيت حست الطريق بعيده تحس يدينها ما تتحمل أكثر ناظرت مكان العيال بس ما في أحد ! استغربت وين راحوا ؟! التفتت تبحث عنهم تعثرت ووقعت على الأرض وكانت فوق الكيكه للي اختربت ! رفعت نفسها وناظرت الكيكه اختربت بلعت ريقها بخوف ! فجأة حست بالثلاثي فوق رأسها سلمان وهو يشوف الكيكه اختربت عصب سحبها من يدها: الله يآخذك !! عمار قرصها بخدها بقوه: عميه ما تشوفين ؟! ساره تحاول تخلص نفسها منهم وهي تعتذر: آسفه! والله مو قصدي !! ماجد وهي يناظر ملابسها متوسخه من الكيك : لازم تتعاقبين ! ناظرته ساره بعيون لامعه تبرر موقفها : تعثرت قاطعها عمار بغبن وهو يشوف الكيكه :انكتمي! سلمان بخبث :وش رأيكم نربطها بالشجره عقاب لها ؟! ابتسم ماجد بمكر : موافقين ؟! ساره ناظرت عمار بتوسل لعله يرحمها ويتركها بس خابت ظنونها لما قال بحماس : موافق! مسكها سلمان من يدها بقوه وسحبها باتجاه الشجره ينتظر عمار يجيب الحبل ! ماجد بتحسف : لو معنا جوال كان صورناها ! سلمان : لو عبد الرحمن هنا كان انبسط ! ربطوها بالشجره حاولت تفلت منهم بس صعب حجمها صغير بالنسبه لهم ! بعد ما ربطوها تكلم ماجد : هذا عقاب لك ! سلمان : يلا بسرعه تأخرنا ! ناظرتهم وهم يبتعدون عنها حاولت تفلت نفسها ما في فائده تنهدت باستسلام ونزلت رأسها بألم تبغى تصرخ بأعلى صوتها وتنادي عيشه تدافع عنها ! تتمنى لو ابوها عايش ويدافع عنها !! ناظرت العشب الأخضر زمت شفتها حتى ما تبكي ! رفعت رأسها لما شافت رجلين قدامها رفعت راسها باستغراب ! ابتسمت بفرح لرؤيته وعيونها تلمع بالدموع! عقد حواجبه وهو يناظرها بفوقيه ساره والابتسامة مرسومه : كيف حالك ؟! رفع نظره للسماء ما يطيقها يصيبه اشمئزاز لما يشوفها ! ومع ذلك رد الجواب: بخير بدون شوفتك ! واعطاها ظهره متوجه لبيت جده نادته برجاء: تعال ساعدني ؟!! ابتسم بسخريه كان على الشرفه وشاف كل شيء: لما ارجع من بيت جدي إذا ما فكوا الحبل اقطعه اوكي! كالعاده هزت رأسها بطاعه وسكتت وهي تنتظره يرجع من بيت جده او واحد من العيال يفكها ! إلتزمت الصمت طول الفترة وهي تناظر الارض بهدوء ...... تحس يدينها انشلت أذن المغرب وما أحد معه خبرها ! تبغى تدخل الحمام ما تقدر تتحمل أكثر !!! الغصة خنقتها وهي تحس بالعجز ! وكل شوي تعطي لنفسها امل يفقدونها ! قطعت افكارها وهي تشوف عمار فوق رأسها ** ** ** دخل عمار بيت جده وخلفه ساره تمشي بهدوء والدموع بعيونها تلمع أول ما شافها فتح فمه نسي أمرها والظاهر الحين العيال تذكروها ! عمار بعصبيه دفها : شوفيها يمه عملتها على نفسها ؟! ساره ناظرته باستنكار واحراج والكل يطالعها ام عمار وقفت : ليه جبتها كان رجعتها تبدل ملابسها ؟! عمار جلس : بدلت وجبتها ! ام عمار جلست وناظرت ساره للي وجهها احمر وباين رح تنفجر بالبكاء بأي لحظه: اجلسي ساره ! ام راكان بوسوسه : اخاف ما غسلت قاطعتها ام عزام : يا خالتي البنت غسلت وبدلت ملابسها ! ليه هالوسوسه الزايده ؟! وناظرت ساره : عادي يا ساره كل للي بعمرك يعملونها ! تعالي اجلسي عندي ! ساره باحراج من نظرات البزران وضحكهم عليها جلست وهي تمسح مكان الحبل بيدها بهدوء! ام راكان بتعنيف : تظنين نفسك صغيره للحين تعملينها على نفسك ؟! نزلت رأسها باحراج مو بيدها غصب عنها ! ام تالا وجهت كلامها لام راكان :،يا خالتي ما يصير تحرجينها كذا ! ام راكان حركت يدينها ببراءه : انا وش قلت ؟! شدت قبضة يدها بقوه تبغى تبكي من الاحراج رفعت رأسها لما همس لها بصوت منخفض : ساره! ناظرته وابتسمت تحاول تخفي للي بداخلها خانتها دمعه نزلت على خدها مسحتها بسرعه وردت بصوتها الطفولي : نعم ! عزام وهو يشوف نظرات جدته متضايقه وهي تشوفها جالسه على الكنبه ما يحب احد يضايق جدته كلمها بصوت منخفض : روحي اجلسي على الكرسي الخشبي هناك ! ناظرت مكان ما اشر بعيونه وهزت رأسها بطاعه: ان شاء الله وقفت وراحت جلست بهدوء ناظرته وابتسمت له بطفوله طنشها وانشغل بالجوال ... ناظرت جودي والبنات يضحكن ابتسمت بهدوء وقف جنبها : اعطيني الكرسي ! ساره وقفت علشان يأخذه وباعتذار: انا آسفه علشان الكيكه !! سلمان دفها بالخفيف بقرف واخذ الكرسي وبتوعد: حسابك بعدين يا زفته ! وين تجلس ما تدري تخاف تجلس على الكنبه ويزعل منها عزام! جلست على الارض بهدوء وتناظرهم كل واحد منشغل مع الثاني لمحتها أسيل وهي جالسه على الارض : ليه جالسه على الارض ؟! تعالي اجلسي هنا! واشرت على المكان للي جنب عزام !! نهضت نفسها بابتسامه سرعان ما بلعتها لما شافت نظراته الحارقه ! ام راكان : لا تجلسي على الارض الحين تبردين !! قاطعهم دخول ابو راكان ركض الاحفاد كلهم وسلموا عليه بمحبه له ابتسم من قلب ابو راكان وهو يشوف احفاده حوله ! شجعت نفسها وتقدمت تسلم عليه بابتسامة سلم عليها وهو يسأل عن حالها قبل ما ترد تكلمت ليان : لا تخليها تقرب عليك عملتها على نفسها اليوم !! طالعت ليان باحراج كيف فضحوها ونزلت رأسها باحراج وخجل بس تفاجأت لما حملها ابو راكان وجلسها بحضنه: وش فيها ؟! وانت بعمرها يا ليان كم مره عملتيها على نفسك ؟! ومسح على رأس ساره بحنيه : لا تهتمي لاحد بعدك صغيره ! ابتسمت بخجل له وما ردت ! ابو راكان باسها على خدها : الله يحفظك ! صار وجهها احمر من الخجل ! بس بداخلها فرحه من تصرف ابو راكان ! سلمان بغيره ناظرها وهو يتوعد فيها ام راكان بطبعها ما تحب البنات : خلاص نزلها تراها مو صغيره! وقف ابو راكان وهو حاملها بحضنه : تعالي اعطيك هديه جبتها لك بالسياره ! توجه للباب ... كل العيال انقهروا واعترضوا ليه ساره الوحيده ؟! اسيل : لانها مطيعه اعطاها هديه ! سلمان بغيره وقهر همس لعمار : والله ما تفرح فيها !! دخلت مع ابو راكان وهو ماسك يدها تركت يده وركضت بفرح لعزام ومدت له بالهديه: شوف وش جاب لي ؟!! ناظرها وهي مبسوطه بالهديه وبدون نفس همس : طيري ؟! ورجع يطقطق بالجوال ! اسيل سحبت منها الهديه وابتسمت : الله لعبه حلوه ! وغمزت لها : وش رأيك تعطيني اياها !! ام عزام نهرتها : لا يسمعك اهل خطيبك يقولون مزوجينا بزر ! اسيل ضحكت على كلام امها !، جودي باعتراض وشوي تبكي من القهر : ليه يا جدي جبت لساره بس؟! ابو راكان جلس : تراك كبيره سنتين زمان ونزوجك ! صار وجهها احمر بخجل : جدي ! ابو راكان ناظر ام عمار : ترى بناتك مو صغار للحين دايرات مع البزران ويلعبن !! المفروض الحين يتحجبن ! ليان باعتراض : ما نبغى نتحجب.. قاطعها بغضب: نعنبوا ابليسك ! اطول مني ودايره مع العيال !! الحق على ابوهن للي جالس عند الحلال وتاركهن ! ام عزام بتأييد : صحيح المفروض على الاقل محجبات ! ام عمار بترقيع : يتحجبن لما يروحن للمدرسه ! ابو راكان بغضب يناظر جودي : اذا شفتك انت واختك بدون غطاء يا ويلك فاهمه ! هزت راسها وهي عافسه ملامحها مو عاجبها ! أم تالا : اول اعدادي خلاص لازم تتحجب مو صغيره !! ام عمار سكتت ما عندها شيء تقوله مع انها تشوف عيالها صغار مو باين عليهم ! وخاصه عمار ملامحه طفوليه مع انه ثاني اعدادي ! بس حركاته الطفوليه ما تخليها تعتبره كبير ! ابتسمت وهي تشوف شكل جودي وليان منتفخات من القهر !! ابو راكان : وانت الثاني طول الوقت وانت ماسك هالجوال ارحم عيونك ! ابتسم عزام وهو عارف انه جده مقهور منه للحين على خطبة ابنة عمه للي رفضها : ان شاء الله ام راكان عندها العيال مميزين على البنات : علامك تكلمه كذا ؟! ابو راكان رمقها بنظرات حاده وما علق واكتفى بالسكوت ! ** ** ** ** عائشه جلست على طاوله الاكل وبدأت تفك شعرها نهرتها ام سعود : ليه تفكينه الحين ؟! عفست ملامحها ووقفت وهي تبكي ام سعود ناظرتها : تعالي تغدي !! عائشه وهي تبكي : ما ابغى كلكم تصرخون علي! ام سعود وهي تتصنع الهدوء: مين صرخ عليك ؟! عائشه مدت بوزها بطفولة: إنت !! ام سعود : أنا ؟! طيب خلاص تعالي تغدي يا ماما ! جلست وعفست ملامحها وهي تناظر الاكل : كفته ؟! ام سعود وهي ماسكه نفسها خزتها بعيونها : تغدي وانت ساكته ! عائشه بطفش رمت الملعقة: ما ابغى كفته! ووقفت بزعل !! ام سعود طفشت من دلعها وعنادها صرخت: انقلعي من وجهي ما في غداء اشوف ! وناظرت نهى كملي اكل ونظفي المكان عمرها ان شاء الله ما خلطته! وأعطت عائشة نظرات ناريه ! بعد لحظات ما شافتها الا وهي راجعه مكانها بهدوء وتتغدى بهدوء ! ابتسمت ام سعود بداخلها تعرف بناتها ما يمشن الا بالعين الحمراء والتطنيش !! ** ** ** ** ام عمار وهي ترتب البيت صرخت : بسرعه يا جودي ! عمتك اميره على الطريق بسرعه خلصيني !! جودي بطفش : كله علي ؟! ام عمار وهي تشوف ساره ترتب معها : الله يسعدك يا ساره ! يا ليت تتعلمين منها يا جودي ! جودي بغيره وقهر: لو ابني لك قصر ما عجبك ! دخل خلف مبسوط لاول مره : جهزتي الضيافه ؟! ام عمار بدون نفس : ايه جهزتها ! ** ** ** يتبع يوم الخميس بإذن الله...دمتم بخير : ) | ||||
|
| |
|
12-03-17, 07:27 PM
| #34 | ||||
| بسم الله •* *• •* يتبع بارت 5 •* *• •* *• ** ام عمار وهي ترتب البيت صرخت : بسرعه يا جودي ! عمتك اميره على الطريق بسرعه خلصيني !! جودي بطفش : كله علي ؟! ام عمار وهي تشوف ساره ترتب معها : الله يسعدك يا ساره ! يا ليت تتعلمين منها يا جودي ! جودي بغيره وقهر: لو ابني لك قصر ما عجبك ! دخل خلف مبسوط لأول مره : جهزتي الضيافه ؟! ام عمار بدون نفس : ايه جهزتها ! خلف عفس ملامحه بكره:علامك تقولينها كذا ؟!، ام عمار لوت بوزها : كيفي ! خلف بتوعد :،يصير خير ! طنشته متأكده ما عنده سالفه ومو طالع بيده شيء اهلها عندها وإلا متأكده لو يستفرد فيها كان شافت نجوم الظهر !! دخل عمار البيت مستعجل : عمتي وصلت ! مسكه خلف من إذنه: متى تعقل وتصير رجال ؟! تراكض مثل البزران ! عنبوا إبليسك فشلتني وما صرت رجال مثلي !! ام عمار بنفسها يبقى بزر ولا يصير رجال مثلك امحق رجال !! قاطعهم دخول اميره مبتسمه : السلام عليكم خلف بفرح وبخاطره أخيرا بفتك من حمل زايد ومصاريف : هلا هلا والله بأختي العزيزه نور البيت ! رفعت حاجب اميره بتشكيك من متى هالترحيب ؟؟ السلام يا الله يرده عليها حتى لما تزورهم ما يجلس بالبيت !! وش للي استجد عليه ؟! اكيد عليه حراره ! ومع ذلك جاملته وابتسمت له : الله يطول بعمرك ! وبعدها سلمت على ام عمار وتقدموا البنات وسلموا بخجل ! تقدمت ساره من اميره بابتسامة خجوله سلمت وقبلت رأسها ! ما تنكر الصدمه للي تلقتها وهي تشوفها كبيره بالسن !! كل إخوانها كبار بالعمر ! معقول ما في اخ او اخت بعمرها ! خلف ابتسم بسخريه : هذي أختنا المنتظره ! طالعتها اميره بتفحص وبعدها ناظرت خلف : تعبت من الوقفة خلينا نجلس ! جلست اميره تسولف مع ام عمار وخلف وبعض التعليقات على العيال ! كان تهميش واضح لوجود ساره ! اما ساره كانت تناظر اميره بتمعن وتبتسم بسعاده لوجود أختها بالرغم من فارق السن ! خلف وهو قاعد على نار : وش رأيك بالعنزه الجديدة ؟! وأشر بعيونه على ساره للي توزع ابتسامات أميره بدون ما تناظر ساره تكلمت بوجع: والله يا خلف ما لي نفس اشوفها واتذكر الماضي ونكده ! ام عمار تضايقت من تشبيه خلف تكره اسلوبه الهمجي المتخلف ناظرت أميره : البنت ما لها دخل ! اميره هزت رأسها بتفهم : أدري ما لها دخل ! خلف انتفخ وجهه لما حس من كلام اميره رفض لوجود ساره وبغضب: بس هذي أختك مو أختي لوحدي ! الشاطر رماها علي اشوف !! أميره باستنكار : وش تبغى أخذها عند زوجي واربيها وانتم يا إخوانها جالسين! وإنت تعرف ما أطيق البزران ما صدقت عيالي يكبرون والكل يعرف هالشيء! أم عمار بهدوء: بس ساره غير ! بنت هاديه ومطيعه ورح ترتاحين معها ! اميره عفست ملامحها باعتراض: اشوف تبغين تتخلصين منها وترمينها علي ! بما إنها مطيعه خلها عندك ! ومطت شفتها بانتصار! ام عمار عفست ملامحها بضيق : لا تظنين اني متضايقة من وجودها بالعكس ساره حبوبه واعتبرها مثل بناتي ! ناظرتها ساره وابتسمت على كلامها متأكده يتكلمون عنها بس مو فاهمه وش السالفه بالضبط ! خلف بقهر : مو على كيفكم ! اميره انقهرت منه والحين عرفت سبب هالترحيب يبغى يدبس ساره فيها بس حامض على بوزه تكلمت وهي رافعه حاجب : لا تنسى زوجي عندي تبغى يقول وين إخوانك عن اختك راميينها ؟! خلف كتف يدينه وهو ماسك نفسه : طيب ما تبغينها على الاقل ساهمي واشر لها بالابهام والشاهد دليل على الفلوس ! فهمت من حركة اصابعه يبغى فلوس ردت وهي ماسكه نفسها من طمعه وجشعه : وش تبغاني اقول لزوجي اعطيني فلوس لأختي أخوي عجزان عن مصروفها ؟! تبغى تفشلني عند زوجي ؟! ناظرها بنظرات ناريه وبخاطره الله يفشلك انت وزوجك من زينه عاد ! ام عمار راحت تجهز الشاهي وراحت خلفها ساره تساعدها ! خلف خلاص قفلت معه : والحل ؟! اميره هزت كتوفها ما لها دخل : وش اعمل لك ؟! وبعدين وش رح يزيد مصروفها عليك ؟! اكلها من اكلكم ؟! وابتسمت بسخريه ! انقهر منها كان حاط كل آماله عليها تأخذ ساره ! عض شفته بقهر منها اميره بنبره هاديه : وبعدين لو تدري امي اني أخذتها الا تزعل مني ومو مستعده اغضب امي علشان هالمتطفله! ناظرها وللحين مقهور منها وبخاطره والله ما احد متطفل غيرك يا حشره يا بقره يا قاطعهم دخول ام عمار بالضيافة ! مد بوزه بغضب وهو يشوفها ترتشف من الشاهي يقال برستيج وحالتها حاله وبخاطره جعلك بالسم للي يهريك ! قال برستيج ! يرحم ابوك لما كنت تشربين من حنفيه الحمام ! الحين صايره برستيج مالت عليك وعلى زوجك الاهتر الحيوان ! قاطعته وهي تبتسم بطريقه قهرته : علامك تناظرتي وكأني ماكل حلالك ؟! كتم غضبه وهو يخزها : ولا شيء ! اميره شرقت بقطعة المعمول كحت بسرعه توجهت لها ساره بالمويه خلف ناظرها وابتسم بشماته وبخاطره تستاهلين وبمجامله : اشربي مويه ! شربت اميره وخزته بعيونها وبخاطرها ما احد نقم عليها غيره جالس مثل البوم يجح فيني ! والله لأكون شوكه بحلقك يظني هبله يضحك علي ! هذا الناقص اتفشل عند أهل زوجي ! خلف بمحاولة اخيره : طيب خذيها بس اسبوع قاطعته بحده : ولا يوم مستعده أخذها ! شد قبضة يده بقهر ماسك نفسه عليها فقعته تابعت كلامها : ترى امي كلمتها البارحه وتقول مستحيل ترجع وهذي هنا ! خلف انفجر : وبعدين ؟! وين اروح فيها ؟!! حسستوني اني مخلفها !! خافت اميره من عصبيته : انا وش دخلني هبيت فيني؟! خلف بغضب: الشاطر يقول ما لي دخل ! ووقعت برأسي ! خلاص خليها عند محمد علشان ما تشوف هالبومه! واشر على ساره ! استغربت ساره ليه يقول عنها بومه ! ام عمار تهدي الوضع : هدي شوي ! خلف بعصبيه : هو للي يشوفكن يبقى فيه عقل ؟!. قسم بالله تطلعون الواحد من ثوبه ! اميره بتفكير : طيب ما لها اخوال؟! خلف ناظر ساره بحده : أخوالك وين ؟! ساره ببراءه : قصدك خالي أخو أمي ؟! خلف بغضب : ايه خالك اخو امك !! ساره ببراءه : الكبير والا الصغير ؟! خلف بنفاد صبر : الكبير الصغير الزفت اي واحد فيهم !! ساره ابتسمت ببراءه : ما عندي أخوال ! ولع من هالغباء وبصرخه : انقلعي قبل ما ادفنك وقف وسحبها من طرف ثوبها وبصراخ: ليه تسألين الكبير او الصغير دام ما عندك ! وش هالغباء يا ربي ؟! ودفها بقوه : انقلعي على الغرفه ! تضايقت اميره من اسلوبه مع ساره متأكده كل عصبيته ما يبغى يصرف فلس واحد ! تكلمت بقهر منه : تعال اجلس ابغاك بسالفه ! ناظرها بعصبية وجلس وهو يزفر بغضب: نعم ؟! ابتسمت بدون نفس :،اسمع انا مستعده ارسل لها مصروف شهري وناظرت ام عمار : أي شيء يخص ساره من ملابس ومصروف كله علي ! خلف حط رجل على رجل مو عاجبه : وش تفرق ساره عن ليان وجودي ولا مره شفتك صرفتي عليهن فلس واحد ! وإلا هذي اختك وحنيتي عليها ! فتحت عيونها بصدمه صدق انه حيوان وبخيل وما يستاهل ! لو تلف العالم ما تلاقي بجشعه وطمعه ! يبغى اصرف على عياله وهو جالس لكن هين يا خلف المتخلف وقفت بعصبيه واخذت شنطتها : اقول لك ما رح اصرف لا على ساره ولا غيرها ! وما لي دخل بأحد جعلكم بالطقاق ! وتركتهم متجاهله نداء خلف خلص طق قلبها من تخلفه ! ضرب جبهته بقوه خسر عرض من الاخر بسبب جشعه وطمعه ناظر ام عمار تناظره بشماته : الله يأخذك كله منك ! ضرب الارض بقوه : كلكم ترفعون الضغط حسبي الله عليكم !! ام عمار بشماته ابتسمت وبخاطرها تستاهل من هالحال واردى ! ** ** ** ** في اليوم الثاني جالسه بالفسحه مع عائشة وتبرر موقفها : ما عندي اخوال ! من وين اجيب اخوال ! عائشه عفست ملامحها بقرف : لانه غبي ما يفهم ! ساره بضيق: الظاهر زعل مني لأنه ما عندي اخوال ؟! عائشة : بالطقاق خله يزعل ويطق راسه بأقرب طوفه ! فتحت ساره عيونها باستنكار: لا لا هذا اخوي عيب ! مالت شفتها عائشة : وش يعني اخوك ؟! المهم ليه يبغى اخوالك ؟! فتحت فمها بفهاوه: ها عائشة بتفكير : اكيد يبغى يرسلك لهم ! ساره ابتسمت على عائشه : اقول لك ما عندي اخوال كيف يرسلني لهم ؟! عائشه : تراك خبله الكل يضحك عليك ويتمسخر عليك وانت فاتحه فمك وكأنه مصيده ذبان !! ساره هزت رأسها بالرفض : لا عائشة قاطعتها: إلا بس انت ما تدرين عن هوى دارك ! صحيح ما قلت لك بابا يبغى يدرس تستر!! عقدت حواجبها ساره بعدم فهم عائشة وهي تحرك يدينها بشرح: يا غبيه تستر يعني بصير ءءءءءء سكتت ما عرفت لأنها نفسها مو فاهمه شيء وبسرعه غيرت الموضوع : بعده الغبي يجيبك المدرسه ؟! ابتسمت ساره : ايه عزام عائشه بطمع طفولي : ما قال لك انه يبغى يجيب لي لعبه ثانيه ؟! ساره هزت رأسها بالرفض : لا ما قال ** ** ** ** واقف قدام باب المدرسه بضجر حاطينه سرفيس محسسينه إنها ابنته وهو ما يدري ؟! متى ينتهي الفصل وينقلونها مع اخواتها وتنقلع من وجهه ! نزل القزاز لما سمع طق على القزاز : مرحبا ابو الشباب ! رد بطرف خشومه متعمد: نعم ؟! عائشة بفشيله : كذا تستقبلني وانا من زمان ما شفت خشتك ؟! عزام بضحكة قصيره :وش بغيتي ؟! وناظر ساره واقفه جنبها وتوزع ابتسامات: انت اركبي بسرعه ! هزت رأسها ساره وركبت بهدوء رجع ناظر عائشة : بسرعه وش بغيتي؟! عائشه ابتسمت وبانت اسنانها المقلوعه: اللعبة للي اعطيتني إياها طول الوقت تبكي ! رفع حاجب باستخفاف: والله ؟! اجيب لها رضاعه ؟! عائشه بابتسامة عريضة : لا تبغى لعبة ثانيه تلعب معها ! عزام خزها بعيونه: كأنه خلف قدامي ! اقول انقلعي من هنا اشوف ! وحرك السياره مطنشها : والله حاله! وش هالناس هذي ؟! ناظر ساره بالمرايه بعصبيه: متى يخلص هالفصل ! ساره ابتسمت ببراءه: إسأل الابلة سعاد هي تعرف ! عزام ناظرها بتوعد : تتمسخرين علي ؟! ناظرته باستغراب علامه زعل ! وقف السياره قدام البيت وقبل ما تنزل سحبها من اذنها : مو انا للي تتمسخرين عليه ! ساره بتبرير : والله ما اعرف ابله سعاد تعرف ! ترك اذنها بقرف فعلا انها خبله وعقلها ضارب : انزلي خلاص انزلي ! ناظرته وابتسمت : مو زعلان علي لاني ما اعرف متى ينتهي الفصل ! شد ثوبه بقهر : اشق الثوب واطلع منه ! وش هالهبل هذا ؟! وبصرخه : انزلي ! نزلت بخوف من صرخته وتوجهت للداخل وهي تركض بعد ما دخلت ابتسمت براحه وهي حاطه يدها على صدرها ** ** ** ** ابو سعود جالس يدرس فيها وارتفع ضغطه منه : يلا لماذا شربت سعاد الحليب ؟! عائشه : قصدك ابله سعاد ؟! ابو سعود ضغطه ارتفع : لا سعاد للي بالدرس مو ابلتك !! فتحت فمها بفهاوه : هاه ظنيتك تسألني عن ابله سعاد!! تدري بابا هذي الابله ما احبها دوم لما تشوفني تصرخ «ادخلي على فصلك » ابو سعود خزها : اتركينا من ابله سعاد وجاوبي ! عائشة عفست ملامحها بتذكر : وش السؤال؟! ابو سعود ماسك نفسه : لماذا تشرب سعاد الحليب ؟! هزت كتوفها : وش يدريني عنها؟! ما قالت لي ! ابو سعود نفذ صبره : بالدرس مكتوب هذا هو تشرب سعاد الحليب لانه مفيد قاطعته : ايه تذكرت بابا ابو سعود ارتخت ملامحه : الحمد لله انك تذكرت يلا قولي ؟! عائشه بفرح : خلف اخو ساره يدور على اخوالها صرخت بوجع لما انضرب الكتاب برأسها : انكتمي يا زفته ! لي ساعه اشرح لك وانت عقلك مع ساره الزفته ! عفست ملامحها وبدأت تبكي ابو سعود بصراخ: ولا نفس انكتمي ! ما اسمع النفس !! تخصرت ودموعها تنزل: يعني اموت وتكورت على نفسها: كلكم ما تحبوني وتضربوني وتصرخون علي ! سحبها من يدها وهو عارف عائشة وافلامها : كملي الدرس وبعدين اعملي هالفلم خلصيني! طالعته بقهر :-يعني شو شو كله دراسه دراسه دراسه ابو سعود طنشها ومسك الكتاب : ماذا تتناول سعاد بوجبة الافطار؟ عائشة بقهر : زفت بحلقها وش دخلني فيها؟! جعلها تموت وانفك منها ! اقرفتوني ماذا تشرب سعاد وماذا تأكل؟! كتم ابو سعود ضحكته عليها ام سعود جلست : احفظي الدرس علشان ما نقرفك ! ناظرها وهو ماسك ضحكته: بسرعه جاوبي قبل ما اجيب العقال ! عفست ملامحها بقهر وهي نفسها تمسك هالسعاد وتطلع حرتها فيها !! ** ** ** ** كمل دوامه بالجامعة وتوجه للبيت وهو قرفان نفسه من ضغط الدراسة دخل وشاف سلمان وعبد الرحمن يلعبون بلايستيشن وبعصبيه سحب السلك : كم مره قلت لك ممنوع اللعب حتى تكمل حل واجباتك ؟ سلمان بقهر: خلصت واجباتي! عزام بحزم : بسرعه كل واحد يقابل كتبه اشوف ! ما عندكم امتحانات؟! عبد الرحمن باعتراض: يعني كملنا وش نجلس نأكل الكتب ؟! عزام :-مو غلط تأكلهم يمكن يصير فيك فائده!! سلمان وهو شاد على يده :شاطر علينا شوف نسرين 24 ساعة على التي في وما احد يقول لها شيء ! عزام بحزم : كلامي واضح بسرعه كل واحد يقابل كتبه ! طلع سلمان بقهر وخلفه عبد الرحمن ناظرهم وهم طالعين ورمى نفسه على الكنبه بتعب اهم شيء عنده الدراسة يكره الاغبياء يبغى اخوانه يكونون من المتفوقين! بس اللعب شاغل بالهم ! دخلت ام عزام البيت وجلست عنده : يعطيك العافية يا يمه ! عزام ابتسم مجامله: الله يعافيك ! عند جدتي كنت ؟! ام عزام : لا والله عند عمتك ام عمار ! البارحه كانت خالتك اميره عندهم ! تخيل وخبرته بكل شيء صار ! عوام ابتسم بسخريه : يعني خالي خلف ما يعرف خالتي اميره ما تطيق البزران ! ويبغى يعطيها ساره !! وميل شفته بسخريه ام عزام : المشكله امي رافضه ترجع وساره موجوده !! عزام عدل جلسته :،بسيطه يرسلها عند خالي محمد وهي ترجع بيتها!! ام عزام بسخريه: الحين تظن زوجة خالك محمد تهلي وترحب مثل ام عمار !! الحين تلاقيها هي وامي مثل الديوك ! اوام عمار تقول انه خلف يقول لو لها اخوال كان ارسلها لهم ! عزام مسح على وجهه بتعب : ما علي منهم ابغى الحين الغداء ميت جوع! ام عزام وقفت بابتسامة : يخسى الجوع ** ** ** ** جالس بمكتبه وهو ماسك نفسه : يا خلف ما يصير وش هالكلام ؟! خلف بعصبيه : ام عمار قالت لك ؟! ابو عزام: لا اميره قالت لي ! تبغى تفضحنا عند اهل زوجها يقولون عنا مو قادرين نصرف على هالبنت ! خلف بقهر : ايه مو قادرين نصرف عليها ! الكل رفع يده عن الموضوع وكأني الملزوم فيها ! ابو عزام يخفف من نبره صوته: يا خلف هذي اختك قاطعه خلف : وهذي ابنة عمك وابوك عمها ! ابو عزام بهدوء: خلاص اليوم اخذها عندي وانسى انها اختك ! رح اعتبرها وحده من بناتي وأحتسب الاجر من ربي! خلف بقرف من هالموضوع ويكره المثاليه للي يحاول يظهر فيها ابو عزام : الخلاصه وش بغيت؟! ابو عزام انقهر من رده : ولا شيء خلف : خلاص خذها عندك ومبروكه عليك بس لا تيجي باكر تشتكي منها ! ابو عزام فتح عيونه باستنكار: انت بعقلك كل واحد يقول لك اخذها خلف بغضب يكره المثاليه الزائفه بنظره: شفت بس مجرد كلام ! تيجي فوق رأسي تغثني بالمثاليات وانتم شغل الكلام وعند الفعل ما نشوفكم ! على كل حال اختي عندي وانا بحل موضوعها سلام وقفل الخط ناظر ابو عزام الجوال بقهر من اسلوب خلف! مع إنه كان جاد بالموضوع بس استنكر طريقه خلف اي واحديقول له شيل ؟! وش هالناس هذي!! ما يدري ام عمار كيف متحمله للحين ؟!!!! ** ** ** ** جودي وهي ترقص بفرح : ماما مو هنا ماما مو هنا ! ليان نطت بفرح :-وش رايك نرقص ؟! جودي مطت شفتها بسخريه : ما تعرفين للرقص ! ليان مسكت ريموت التي في حق الصاله وصارت تدور بالقنوات: الحين تشوفين رقصي! استقرت على قناه جودي ما عجبتها وحاولت تسحب منها الريموت كل وحده تشد بأقوى ما عندها ! ليان وهي تسحب فيه. وشاده على اسنانها: هاتي يا حيوانه! جودي شدت اقوى وما بين المد والجزر بحركه غير متوقعه طار الريموت بالجو ارتفعت الانظار عليه والشاطره تبغى تمسكه قبل الثانيه ! وسرعان ما صرخت جودي لما شافت الريموت ضرب بالفازا خلال ثواني كانت الفازا قطع متناثره على الارض شهقت جودي وليان حطت يدها على فمها بخوف وعيونها طلعت من مكانها من الخوف نزلت جودي للارض ومسكت قطعه من القطع المكسوره رفعت رأسها برعب لما شافت خلف واقف يناظرهم والنار تطلع من عيونه معصب وبصراخ : جعلكن للكسر ! مين للي كسرته ؟!!! جودي وقفت برعب ورفعت اصبعها وهو يرجف واشرت عليها فتحت ساره عيونها باستنكار : انااااااااا *** *** *** دمتم بخير : ) التعديل الأخير تم بواسطة لامارا ; 15-03-17 الساعة 11:39 AM | ||||
|
| |
|
15-03-17, 12:31 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته ...اتمنى الجميع بخير ... بسم الله بارت 6 «» «» »« »« جودي وهي ترقص بفرح : ماما مو هنا ماما مو هنا ! ليان نطت بفرح :-وش رايك نرقص ؟! جودي مطت شفتها بسخريه : ما تعرفين للرقص ! ليان مسكت ريموت التي في حق الصاله وصارت تدور بالقنوات: الحين تشوفين رقصي! استقرت على قناه جودي ما عجبتها وحاولت تسحب منها الريموت كل وحده تشد بأقوى ما عندها ! ليان وهي تسحب فيه وشاده على اسنانها: هاتي يا حيوانه! جودي شدت اقوى وما بين المد والجزر بحركه غير متوقعه طار الريموت بالجو ارتفعت الانظار عليه والشاطره تبغى تمسكه قبل الثانيه ! وسرعان ما صرخت جودي لما شافت الريموت ضرب بالفازا خلال ثواني كانت الفازا قطع متناثره على الارض شهقت جودي وليان حطت يدها على فمها بخوف وعيونها طلعت من مكانها من الخوف نزلت جودي للارض ومسكت قطعه من القطع المكسوره رفعت رأسها برعب لما شافت خلف واقف يناظرهم والنار تطلع من عيونه معصب وبصراخ : جعلكن للكسر ! مين للي كسرته ؟!!! جودي وقفت برعب ورفعت اصبعها وهو يرجف واشرت عليها فتحت ساره عيونها باستنكار : انااااااااا ليان قاطعتها بسرعه : ايه انت انا شفتك لما كسرتيها ! فتحت عيونها بصدمه من كلام ليان حست لسانها عاجز عن نطق حرف واحد يبرر موقفها بعد ما شافت نظرات خلف لها وكأنه إعصار ! ** ** ** ** دخلت البيت بصدمه وهي تشوف خلف يطق ساره بدون رحمه ركضت بسرعه وسحبت ساره والشرار يطلع من عيونها: جعل يدك للكسر ان شاء الله! خلف وهو يلهث ناظرها وللحين ما طلع حرته يتمنى ام عمار تحت يده ويطلع حرته فيها بس مستقويه بأهلها اخذ نفس ورمق ام عمار بنظرات كره : اصبري على رزقك رح ييجي يوم وأكسر كل عظمه بجسمك وبهمس لا تستعجلي على رزقك ! وتركها وطلع من البيت ناظرته وهو طالع من البيت وبنفسها جعلك ما ترد للبيت يا ناس ما اطيقه ! وش حظي للي رماني عليه ؟! يا رب لا اعتراض بس! عضت على شفتها بقهر وناظرت الكائن الصغير للي متخبي خلفها مسكت يدها وقلبها يتقطع وهي تشوفها تبكي بصمت ! تستغرب من هالطفله ما تصرخ ما تشكي مثل باقي الاطفال ! رفعت رأس ساره والدموع تنزل على خدودها بغزاره مسحت دموع ساره بحنيه : خلاص يا قلبي لا تبكي ! نزلت ساره رأسها بهدوء ودموعها رافضه الوقوف ! ام عمار بضيق على حال هالبنت : ليه ضربك ؟! ساره رفعت رأسها وبانكسار فتحت فمها ترد: للل وقطعت كلامها بشهقه ما قدرت تكتمها ! حضنتها ام عمار بقوه : خلاص جعل يده للكسر الله لا يوفقه ! ناظرت بناتها واقفات يناظرن بملامح مخطوفه سألت بهدوء: وش صار ؟! ليان بتردد: كنا قاطعتها جودي : ساره كسرت الفازا وضربها بابا ناظرت ام عمار القزاز على الارض ما انتبهت له اول ما دخلت ! رجعت ناظرت البنات ومتأكده بقرار نفسها مو ساره للي كسرتها سألت بحده: جودي انت للي كسرتيها والا ليان ؟ ! ليان بخوف وتبرير: مو انا جودي للي رمت الريموت وجاء قاطعتها جودي :كذابه هي كسرتها صرخت ام عمار والنار يطلع من عيونها : وليه حطتوها بساره ؟! وقسم بالله قاطعتها جودي وهي تبكي : والله يا ماما خفت لما شفت بابا بوجهي ! فكرت اذا قلت ساره ما يضربها لأنها أخته ! وركضت بسرعه لساره وحضنتها باعتذار : اسفه والله مو قصدي !! ناظرتها ام عمار بغضب : صدق المثل « تقتل القتيل وتمشي بجنازته » ** ** ** ** بعد العصر جالس سلمان يتكلم بحماس : وجاء خالي خلف وطقها طق ! ام عزام بانفعال : وليه جودي تكذب وتحطها بساره ؟! عبد الرحمن : علشان خالي ما يطقها ! ابو عزام كتم بداخله وهو نفسه يمسك هالخلف ويكسره تكسير ! زفرت ام عزام بضيق من تصرفات خلف عياله ما سلموا من يده ولا حتى هاليتيمه !! قاطعهم دخول ام عمار ردت السلام بدون نفس وجلست ! تقدمت ساره وهي تبتسم وسلمت على ام عزام وابو عزام تقدمت من أسيل تسلم عليها مسكت اسيل يد ساره وعفست ملامحها بقهر من خلف وهي تشوف كف يد ساره مكان العقال لون ازرق سألتها وقلبها يتقطع : يوجعك ؟! ساره ابتسمت بمكابره تحس الدموع بأي لحظه تنزل وهزت رأسها بالرفض: لا ناظرها عزام وباين البكاء بعيونها سألها بفوقيه : ليه ضربك ؟! ساره وكأنها مذنبه : لأني كسرت الفازا ! اسيل بقهر من خالها خلف : انت كسرتيها ؟! هزت رأسها بالنفي مسكها عزام من ثوبها بانقراف : تراك ترفعين ضغطي قاطعه ابو عزام بعصبية : عزام !! ناظر ابوه وهو رافع حاجب : وش فيه ؟! ابو عزام ظهر على وجهه الانفعال والزعل : عدل اسلوبك ! وقف ما عجبه كلام ابوه وبقهر دفها على الخفيف وطلع بملامح فيها الزعل ! ام عمار مطت شفتها بقهر : اعوذ بالله القسوه وراثه !! اسيل بتأييد: صادقه يا عمتي ! ما ادري على وش شايف عمره وناظرت ساره واقفه تتابع بصمت : اجلسي الله يكون بعونك ! جلست ساره وهي تبتسم وتناظرهم بهدوء ام عمار بضيق خلق: قسم بالله ما اقدر أصبر من كذا !! مو صاحي ضربه جنان بجنان !! تعالي يا ساره تقدمت ساره بهدوء عند ام عمار : نعم خالتي؟! ام عمار كشفت على ذراع ساره : شوف شوف مكان الضرب ! ومسكت فستانها ورفعته وكشفت عن ظهرها : هذا بني آدم ؟! هذا وحش !! ساره بانحراج نزلت فستانها وهمست : عيب يشوفوني ! ابو عزام بضيق : اخخخخ لو يرجع الزمن ! ام عزام :،الله يهديه تذكرين لما طق عمار وتنوم بالمستشفى ؟! ام عمار وخلقها ضايق : وقسم بالله العيال يتعقدون لما يسمعون انه جاء ! وما يرتاحون حتى يطلع ! أسيل : طيب حاولتي تكلمينه بهدوء يمكن يغير من طبعه !! ابتسمت ام عمار بسخريه : إسألي امك بما انه اخوها !! ام عزام بصراحه : والله خلف ما ينفع معه الكلام بهدوء من يومه طبعه حار وبسرعه يعصب ويضرب عكس إخواني مو مثله ! ** ** ** ** اليوم الثاني عائشه وهي حاضنه يد ساره بحزن : يعور ؟؟؟؟ ساره ابتسمت : لا !!! عائشه بتأثر : اخوك وحش !!! ليه ما ضربتيه ؟! ساره باستنكار: كيف اضربه هذا اخوي !! عائشه :،عادي انا اضرب أخوي سعود ساره : أخوي كبير عيب اضربه،! عائشه بتفكير : وش رأيك ننحاش ونعيش مع بعض لوحدنا ؟! علشان ما احد يضربنا او يتحكم فينا ؟! فتحت ساره عيونها بدهشه: وامك وابوك كيف تتركيهم؟ ! عائشه بلامبالاه : عادي ازورهم بالاسبوع ناظرتها ساره بنظرات محروم ونبره حزن : لو عندي ام واب ما اتركهم ولا لحظه اجلس معهم طول الوقت !! مطت عائشه شفتها بطفوله : لو عندك أم واب الا تهجين من كثر طلباتهم يقرفونك عائشه تعالي عائشه روحي ! وش هذا ؟! ما يملون من اسمي ؟! ساره ابتسمت بألم والدموع تلمع بعيونها : أمك وابوك يحبونك عائشه ابتسمت : وش عرفك ؟! ساره بحزن : لو احد ضربك يدافعون عنك تتذكرين لما ضربك ابن صبحيه وش عمل ابوك !! عائشه عدلت جلستها وابتسمت بفخر وهي تتذكر : شفتي كيف طقه ؟! وبصوت منخفض تابعت : اقول لك سر ؟! هزت رأسها ساره تابعت عائشة بسعاده : أحس ماما وبابا يحبوني اكثر من اخواتي !! انا سمعت امي تقول لابوي انها تحبني اكثر وحده وتنتظر رجوعي من المدرسه لانها مشتاقه لي ! حز ساره بخاطرها كلام عائشه ما في احد ينتظرها او يشتاق لها !! تكلمت ساره بضيق : حرام تنحاشي امك رح تخاف عليك ! عائشه هزت رأسها : خلاص لما نكبر رح ننحاش اتفقنا ؟! ساره ابتسمت بدون نفس وهزت رأسها بالموافقة ** ** ** ** طلعت من بيت ابو عزام وهي مبسوطة وبيدها هديه من اسيل توجهت للبيت بطريقها شافت عزام متوجه لبيت جده ابو راكان ركضت له وهي تلوح بالهديه : عزاااام عزااام وقفت عنده وهي تلهث وتبتسم بفرح : شوف اسيل وش اعطتني ؟! قاطعها صوت أخوها خلف ما تدري من وين طلع لها : ما تستحي على وجهك تنادي رجال طويل عريض باسمه ؟! قولي له عمي عزام ! ناظرته بنظره غبيه وهزت رأسها بالموافقة: ان شاء الله ورفعت نظرها لعزام بفرح طفولي : عمي عزام شوف ومدت له الهديه ناظرها بدون نفس ورجع يناظر خاله خلف مو طايقه لا هو ولا اخته ! تجاهل يد ساره الممدوده وببرود:عن اذنك يا خالي وتركهم وتوجه لبيت جده ابو راكان حز بخاطرها رد فعله نزلت يدها بخيبه ناظرها واقفه تناظر عزام وقع نظره على أماكن الضرب وركز نظره على الهديه للي بيدها سحبها بهدوء و ابتسم بمكر : ساره بلعت ريقها وناظرته وقلبها يدق طبول: نعم ! خلف : امممم بما انك كسرتي الفازا رح أخذ هذي الهدية تعويض فتحت عيونها باستنكار هذي الهديه لها ناظرته بتردد: بس مسك إذنها : اسمعي انا لما اقول شيء ما ابغى اسمع اعتراض او مبررات تنفذين وانت ساكته ! تفهمين !! هزت رأسها وتوجهت للبيت وهي تركض وبداخلها قهر !! تبغى تبكي هذي الهديه لها كيف اخذها ؟!! دخلت بهدوء وهي ماسكه نفسها ما تبكي قدام عمار و جودي ! جودي بتحقيق : وين كنتي ؟! جلست ساره جنبها وبصوت مخنوق : عند بيت عمي ابو عزام !! عمار :-سلمان بالبيت ؟! ساره ما لها نفس تتكلم ردت بصوت منخفض:ايه وقف عمار مستهم : خليني اروح له وسرعان ما جلس لما شاف ابوه خلف دخل طلعت منها آه غصب عنها لما حست شيء ضرب كتفها ناظرت خلف وهو يتكلم : اشبعي فيها على بالي شيء محرز وله قيمه!! صدق انها اسيل سخيفه ! وتوجه لغرفته عفست ملامحها بألم وهي حاطه يدها على كتفها وتناظر الهديه كيف اختربت حست بداخلها قهر بس ما تقدر تحكي او تعترض !! تناول عمار الهديه وباستغراب: هذي لك ؟! وقبل ما ترد تابع كلامه بسخريه : لا تقولين ابوي جابها لك هديه !! نزلت نظرها للارض بانكسار وفيها الغصه: هديه من اسيل ! عمار انقهر من تصرف ابوه ومد شفته مو عاجبه جودي بهمس: لازم ينكد على الكل ما يقدر يعيش عمار تأفف بضيق وهو يسمع صوت امه وابوه واصل عندهم : بدأ مسلسل النكد وقسم بالله حياه تقرف ! كله صراخ بصراخ مشاكل ! وبقهر كمل : نفسي نجتمع على سفره اكل بدون مشاكل مثل باقي الناس ! نفسي أحس اني عايش بجو اسري متفاهم قسم بالله تعقدت كل العيال مبسوطين مع اهلهم الا حنا ؟! جودي بضيق : لو عايشين ايتام احسن لنا عمار بسخريه اشر على ساره : هذي يتيمه بس ما خلصت من ابوك ! نازل فيها طق !! نزلت ساره رأسها باحراج وبحزن على حال عيال خلف ابوهم مو سائل عنهم ! بس شاطر يطقهم ! ما يهتم فيهم!! تسأل نفسها باستغراب معقول لو امها وابوها عايشين يعاملونها نفس معامله خلف لعياله !! ابتسمت بسخريه ابوها شايب كبير وامها اكيد عجوز كيف يضربونها ؟! ناظرت جودي تمسح دموعها وبصوت حزين تتكلم : نفسي احس إنه ابوي ! دوم يطقنا ويكرهنا ! ليه يعاملنا كذا ؟! قاسي وطول عمره رح يبقى قاسي ! ساره بتأثر وحزن بكت على حال عيال اخوها خيم الصمت لثواني قطعه عمار لما ضرب ساره على رقبتها بخفه : ليه تبكي يالخبله؟! سؤاله صادف مرور خلف من الصاله ناظرها وهي تبكي وبتهديد: ولا نفس ما ابغى اسمع صوت مثل البزران تبكين على هديه مقرفه ! كتمت ساره انفاسها بخوف منه اعطاهم نظره حاده : النفس ما ابغاه اسمعه منكم ! وتركهم وطلع من البيت عمار بضحكه ضرب ساره على ظهرها وهي كاتمه نفسها بيدينها : خلاص خذي النفس طلع ! وانسدح على الارض من الضحك : حتى النفس ممنوع جودي بسخريه :باكر يقول لنا النفس بفلوس !! وناظرت ساره للي مستمره بالبكاء رفعت حاجب باستغراب : ليه تبكين الحين ؟! ساره قلبها تقطع عليهم من معامله خلف لهم عمار فهم سبب البكاء تكلم بحب لأمه :، صحيح ابوي ما يحبنا وقاسي معنا ! بس ربي عوضنا بأمنا صح يا جودي ؟! جودي ابتسمت : صحيح لو ماما مو هنا كان زمان هجيت من هالبيت ! رنت بإذنها « هجيت» «هجيت » « هجيت» « هجيت» ساره بنفسها جودي جالسه بالبيت علشان أمها بس هي علشان مين جالسه هنا ؟؟؟؟ ** ** ** ** ** لابسه بيجامه باللون الزهري ومتربعه على الكنبه جنب ابوها : بابا ابو سعود وبيده الريموت : نعم !! عائشه تقلد أمها بالكلام : اطفي هالزفت خلينا نسولف مع بعض !! واشرت على التلفاز ابو سعود بدون ما يناظرها وعيونه على الشاشه : روحي نامي عائشه نفس كلام امها : يعني التي في احسن مني تسهر معه ! ابو سعود ناظر ام سعود :،البنت حافظه كلامك عن ظهر قلب !! ام سعود بدون نفس : وهي صادقه ! مو عاجبك جلستنا ! ما رد وعيونه على الشاشه عائشه : الابله تقول الاب الناجح يجلس مع عيالها ويتكلم معهم ويلاعبهم ! وبقهر : حظنا ابونا فاشل وامنا 24 على الجوال ما في احد يسمعنا ! عدل جلسته وهو رافع حاجب ما تصدق كلامها انها بهذا العمر : اوكي ! وش عندك ؟! وناظر ام سعود : خلينا نسمعها ونشوف وش عندها ؟! وباسلوب فيه سخريه : تفضلي يا حلوه فضفضي ...فشي غلك ....حنا نسمعك ! تكتفت ام سعود وهي تناظرها بابتسامه عائشه ابتسمت بفرح : اول شيء اطفي الزفت علشان اعرف اتكلم ! ابو سعود عقد حواجبه : وتتشرط بعد !! اوكي وناظرها : تفضلي المايك معك ! عائشه عقدت حواجبها : بابا ما تعرف انه الكذب حرام ؟! وين المايك ما اشوفه ؟!! ابو سعود بضجر : بدأت المحاضره !! وبعدين معك تحاسبي على الكلمه ؟!!! عائشة رفعت حاجب بانتقاد : انت ما تقبل النصيحه لانك متكبر ومغرور ! والمغرور الله ما بحبهم قاطعها وهو يسحبها من بلوزتها بغضب: الله يأخذك انقلعي على غرفتك ! صدق انك ما تنعطي وجه ! عبست ملامحها وبمسخره: وجه والا رجل وبسرعه ركضت لغرفتها لما شافت ابوها وقف معصب !! ام سعود بقهر : ليه تدعي عليها !! ابو سعود جلس وهو يزفر بضيق : قهرتني ! وبعدين انا بقلبي اقول يأخذها للمدرسه !! ام سعود وهي تثاوب : اعوذ بالله لسانها طويل اخواتها كله نايم إلا هي جالسه !! قاطعتهم وهي تتخصر : مو حرام عليك تدعي علي !! ابو سعود خزها بعيونه : تستاهلين ! يلا انقلعي لفراشك ونامي مثل اخواتك !! ونهرها لما شافها واقفه مكانها : بسرعه !! مطت شفتها مو عاجبها : انا مو مثل بناتك مثل دجاج المزارع ينامون المغرب !! وبثقه كملت : اذا نعست انت وماما خلاص روحوا ناموا انا ابغى احضر قطعت كلامها وركضت بسرعه للغرفه لما وقف ابو سعود : حسبي الله ! وش هالبنت هذي ؟! انا أعرف العيال على الساعه 8 ينامون ! وهذي طقت الساعة 1.30 بالليل وهي صاحيه ! وفاتحه عيونها مثل البومه تجح فينا !! ضحكت ام سعود على تعليقه وناظرت عائشه للي رجعت وقفت وهي تتخصر : اذا انا بومه أنتم امي وابوي !! يعني طالعه لكم ! ام سعود مسكت أبو سعود وهو ناوي يعطيها قرصة إذن : اتركها تراها صغيره ! باكر تكبر وتعقل !! تذكر نهى واسماء نفس الشيء وهم صغار ! تعوذ من الشيطان وجلس وهو يتوعد لو رجعت مره ثانية الا يكفخها!!! ** ** ** ** ابو راكان بمجامله : وينك يا خلف ما تنشاف ؟! قلنا نيجي نشوفك ! ام عمار لوت بوزها وبنفسها وش تبغى بشوفته للي تغث !! خلف ما فاته شكل ام عمار بس طنش ورد : والله مشاغل يا عمي،! ابو عزام باستغراب : علامك تركت تجاره الحلال؟! خلف : التجاره بالسيارات افضل !! ابتسم عزام بسخريه متأكد من فشله ! ام عزام بحب اخوي : الله يوفقك ! ام راكان : اخوك محمد نازل بالعطله هنا!!) خلف هز رأسه : احتمال كبير ! ام راكان : وأمك للي رافضه ترجع وابنة شريكتها هنا ! خلف بدون اهتمام : مصيرها تتقبلها !! ما تلومنا حنا ما لنا دخل ! تزعل على زوجها للي قاطعه ابو راكان بضجر : بالله تقفلوا هالموضوع ! دخلت تركض متحمسه وقفت لما كلمها خلف : ليه تركضين؟!، ساره متحمسه كثير : ابغى آخذ عصير واروح للعرس قبل ما ينتهي !! الكل عقد حواجبه باستغراب : عرس ؟!!! ساره ناظرتهم وابتسمت بفرح : عرس سلمان !!! ** ** ** ** سلمان واقف وماسك بيدها قاطعتهم ليان : خلاص الحين تنزلون عن الكوشه علشان تتصورون ! سلمان يمثل بثقل : ما نبغى صور ! عمار باعتراض : لا ابغى اتصور مع اختي !، سلمان : لا قال انا برفض الصور والحين نروح للبيت يلا جودي تعالي قطع كلمته لما حس بالنعال بنص وجهه ! ناظر جهة الضربه ونشفت عروقه من الخوف وهو يشوف العائله كلها متواجده تناظره والشرار يطلع من عيونهم وخاصه خلف !! بلع ريقه وغمض عيونه وهو يتشهد وبعدها ما يدري من وين تجيه الكفوف والرفسات !! ** ** ** بعد ما نالوا للي فيه النصيب جلس خلف وهو معصب: هالكلاب هذي نهايتها ؟!! ام راكان ما تحب احد يمد يده على الاولاد تكلمت بقهر : الخطأ راكب بناتك طول الباب ويلعبن مع العيال !! خلف بغضب : وقسم بالله للي اشوفها طالعه بدون غطاء إلا أكسر رأسها !! الحق على امهن قاطعته ام عمار تقهره : ما صار شيء تراكم مكبرين الموضوع ! البنات عقلهن طفولي ويلعبن ببراءه !! ابو عزام بحده : اوكي البنات صغيرات ؟! والعيال صغار ؟! ابو راكان بتوعد : حسابهم عندي ! وش هالمسخره هذي؟! متى يكبرون بعدهم يراكضون ويلعبون مثل البزران !! ام راكان بدفاع : اوه وبعدين ؟! تراهم صغار وش فيها ؟! عزام بكشره : بالله يا جدتي لا تدافعين عنهم تراهم زودوها طول وقتهم لعب لعب !! وهذي اخرتها الله يستر منهم ؟!! خلف قاطعه بقهر : انا ما قهرني إلا عمار الحمار !! ابتسم عزام بدون نفس وناظر ساره جالسه تناظرهم بهدوء : وانت وش دورك بالعرس ؟! اسيل وهي كاتمه ضحكتها : توزع عصير وحطت يدها على فمها تكتم ضحكتها وهي تتذكر شكل سلمان ماسك يد جوري وفرحان وجوري عامله نفسها مستحيه وفجأه النعال بنص وجهه ساره ابتسمت بهدوء : ليان قالت لي اكون الطقاقه !! خلف بغضب : قفلي حلقك وانقلعي للغرفه احسن ما اكسرك مثل الحيوانات للي بالداخل !! ناظرته باستغراب ما عملت شيء ! وبسرعه ركضت للغرفه لما صرخ عليها !! ابو راكان بلوم لخلف : ليه تصرخ عليها كذا ؟! ام عمار بقهر : ابو طبيع ما يجوز عن طبعه وتركتهم وتوجهت للمطبخ !! ** ** ** ** مرت الايام وحصلت ساره طراق من جودي وليان والعيال لانها بنظرهم هي للي فسدت عنهم !! لفت ساره الحجاب على رأسها من بعد ذيك السالفه ممنوع وحده تطلع بدون حجاب وممنوع اللعب مع العيال !! ام عمار ابتسمت لها : يا عيني وش هالقمر ؟! ابتسمت ساره وهي تعدل الشاله : عمي عزام يقول لي قمر مخسوف ! وش قصده !! ام عمار ابتسمت على كلامها: يلا جهزي نفسك اخوك محمد على وصول ابتسمت ساره بتوتر من لقاء اخوها !! كيف رح يكون فض وعصبي مثل خلف ؟! يتبع يوم السبت بإذن الله ...دمتم بخير : ) | ||||
|
| |
|
19-03-17, 05:20 PM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته .....أتمنى الجميع بخير : ) يسلمووووو على ردودكم وتواجدكم الجميل : ) »« «» »« بسم الله يتبع بارت 6 ~~ ~~ ~~ ~~ خلف بالمطبخ تكلم بصراخ : الحين اهلي على وصول مو مجهزه الاكل للحين؟!، ناظرته ام عمار وهي كاتمه غيضها ومن بين أسنانها تكلمت : خلف ! خلف بنفس خايسه :،بلا خلف بلا بطيخ ! تبغين تفشليني ؟! أم عمار ردت بصراخ : وبعدين معك ؟! كل شيء تتدخل فيه ؟! ما تشوف الأكل جاهز ؟! الحين أبغى أشوف وش الي مو جاهز ؟! يلا تكلم أشوف !!! ناظرها وبعدها ناظر الأكل ومط شفته ما في شيء ناقص بس يحب ينكد عليها :المويه ما اشوفها ؟! ناظرته تبغى تأكله وتقطعه : المويه الحين نمد لهم خرطوم المويه يشربون منه و أعطته نظرة سخرية ! مسك معصمها ويتمنى يفتته يكرها وبغضب: وش قصدك ؟! تتمسخرين بأهلي ؟! قاطعهم عمار بعجلة :،بابا عمي محمد وصل !! خلف توجه لعمار يطلع حرته فيه : بزر بعدك تقول بابا ؟! شده من إذنه : وقسم بالله إذا سمعتك تقول بابا إلا قاطعته أم عمار بعصبية وبعدته عن عمار :،بعدين معك ؟!! ما خليت حد من شرك ! طالعها بسخرية : خلي عنك يا طيبه!! انتبهي لا يطق لك عرق دخلت وهي تركض المطبخ بفرح : خالتي ! سكتت لما شافت خلف بالمطبخ ! ناظرها بازدراء وهي لابسه الشاله بعشوائيه على فستان : علامك سكتي يا ابنة الشايب !! رجعت ساره خطوه للخلف بتردد لما شافته يكلمها وقبل ما ترد تكلمت أم عمار بغضب وهي رافعه أصبعها بوجه خلف : اسمع مو تطلع حرتك بالعيال لأنك صرفت كم فلس بالعزيمة ؟!، خلف وهي صادقه مقهور من الفلوس للي صرفها علشان العزيمه رد عليها يستفزها : وإنت ليه معصبه ؟! كل هذا لأني ما عزمت ابو راكان وإخوانك ؟!!، أم عمار بقهر تحسه ما يحترم اهلها ولا يقدرهم : لا تفكر اهلي ميتين على اللقمه عندك!! أبوي بفلوسه قاطعها بعصبية : مو عاجبك العيشه هنا روحي عند ابوك المليونير وإخوانك وماله داعي تنفشي ريشك بفلوس أبوك أعطته ظهرها وهي ترتب بالأكل وبحسره : لو يطلع بيدي دقيقه ما جلستها هنا !! كتف يدينه وناظرها بسخريه : ليه مو عاجبك عيشتنا ؟! وش ناقصك ؟! زفرت بضيق وناظرته : روح استقبل أخوك مو وقت هالكلام ! رمقها بكره وطلع من المطبخ بدون كلام ! ناظرت عمار وساره يناظرونها بصمت تابعت شغلها بدون تعليق صحيح تسكن في بيت حلو بس ما يتقارن مع بيت أهلها وإخوانها ! عمرها ما فكرت بالماده والفلوس بس يقهرها بتصرفاته ! خلف وإخوانه مثال للفشل كان معهم فلوس بسبب طيشهم وكسلهم طيروا فلوسهم ! حتى ابو خلف نفس الشيء فاشل وما يحسن التصرف بالفلوس ! محمد بعد ما انتقل من هنا مسك فلوسه وتغير وصار وضعه ممتاز ! مو مثل خلف ما تدري وين يروح بالفلوس !! اما أخوهم نادر ابتسمت بسخريه لذكراه وقطعت أفكارها لما سمعت صوت خلف يناديها عفست ملامحها بقهر وأخذت نفس وهي تدعي بداخلها ربنا يعطيها الصبر !! ** ** ** ** ام محمد جلست بعد ما سلمت على أم عمار وحاسه بنار بقلبها وهي تشوف ساره للي تذكرها بخيانه زوجها بنظرها !! صدت للجهة الثانيه مو طايقه تشوف وجهها ! تقدمت ساره ومحمد ماسك يدها وجلسها جنبه ومسح على راسها : أخبارك يا حلوه ؟! ناظرته ساره وابتسمت بخجل : بخير ! أم محمد بغضب ناظرته : ما بقى غير تحطها بحظنك ! خلف وكل عقله بالفلوس للي دفعهم بالعزيمه مولع ما في احد جاي إلا امه ومحمد والأكل للي عمله ؟!! ناظر محمد وسأله : وين زوجتك والعيال ؟! محمد ابتسم ورجع يمسح على راس ساره : والله أم محمد معزومه عند أهلها والعيال راحوا معها أم عمار براحه وبنفسها أحسن وناظرت خلف وجهه منتفخ ابتسمت بشماته متأكده الحين يحملونه على المستشفى تكلمت بشماته : ليه راحوا ؟! والأكل للي طبخناه مين يأكله ؟! وناظرت خلف بابتسامة : لو خبرتونا كان ما حسبنا حسابهم ! خلف ماسك نفسه ما يكسرها يكره نظراتها الشامته محمد حك رأسه بإحراج : والله نسيت ! ** ** ** ** بعد الغداء ألقى خلف جسده على الكنبه مو قادر يتنفس ام محمد ناظرته : الله يسامحك ما رحمت نفسك أكلت وكأنك طالع من مجاعه ! خلف واصابته التخمه : خلهم يعملون شاهي بسرعه !! محمد ناظره : ارحم نفسك وين تحط الشاهي؟؟ لو نفتح حلقك الا نشوف الاكل !! وناظر جودي : قولي لأمك ما تعمل شيء الحين !! جودي هزت رأسها وناظرت ساره : روحي قولي لأمي قاطعها خلف بعصبيه : قومي انقلعي إنت عمك قال جودي ما قال ساره ! فزت جودي بسرعه وطلعت من الصاله ! ام محمد بغضب: علامك هبيت بالبنت كذا ؟! وش فيها لو راحت هالقرده ! اصغر القوم خادمهم ! طنشها خلف وغمض عيونه تناظر اخوها محمد بابتسامه صحيح انه كبير بالعمر وأكبر من خلف بس جذبها له حنانه وتعامله معها ! وقع نظرها على زوجة أبوها وسرعان ما نزلت نظرها لما شافت نظراتها الحارقه لها ! ما تدري ليه تناظرها بهذا الشكل ؟! خلف اعتدل بجلسته بعد ما حس انه ريح شوي من الأكل وناظر محمد : هذي أختك ! شفت المسخره ؟!! أصغر من عيالنا ! محمد تنهد وما تكلم ينتظر خلف يكمل كلامه متأكد بعد هالمقدمه في مصيبه ! خلف بهدوء: شوف يا محمد ترى من اول ما جبتها وهي ساكنه عندي وكأني انا للي خلفتها !! محمد ببرود : الزبدة ؟ خلف ابتسم : الزبده انا حطيتها عندي والحين عطلة وإنت تبغى تستقر هنا يعني بالمختصر خذها عندك !! محمد احتدت ملامحه : وش مضايقك بوجودها عندك ؟! اذا على مصروفها انا اتكفل فيها وأعطيك زياده ! أم عمار دخلت على كلامه وبداخلها تغلي يبغى يرقي زوجته او يخاف يزعلها ردت بإعتراض : بس خلف مو أخوها لوحده !! محمد كلمها بهدوء يقنعها : يا أم عمار البنت صغيره وأنا ما عندي بزران كل عيالي كبار ! ما لي خلق للبزران ! ام عمار بعناد :-مستحيل لو تعطينا فلوس العالم !! أعطاها خلف نظره حارقه السالفه فيها فلوس ورجع يناظر محمد بجديه : كم رح تعطيني مصروف لها ؟! قبل ما يتكلم محمد وقفت أم عماربعصبيه : خذها من هنا وأنا طالعه من هنا وخلي عيالك عندك ناظرها بحقد دوم تخرب مخططاته ام محمد تهدي الوضع : صلوا على النبي يا جماعه ! وناظرت خلف تقنعه هي ما تحب زوجة محمد وما تبغى تريحها وتعرفها ما تطيق أي دخيل على بيتها تكلمت بخبث : أم عمار صادقه مو مجبوره تقوم فيها أنا أقول يوم عندك ويوم عند محمد وكذا انتهت المشكله !! محمد ما عجبه اقتراح أمه : تبغون تشتتون البنت ؟! خلاص البنت عندي مو عجزان عنها ! أم محمد ابتسمت بسخريه لمحمد : نشوف خلف هم وانزاح عنه : تعمل خير ! ** ** ** ** وقفت عند الباب ورافعه خشومها بالسماء اتفقت مع محمد بعد الغداء تيجي لبيت خلف بعد ما دخلت وسلمت على أم عمار بدون نفس ما تطيقها جلست وحالها يقول يا ارض اشتدي ما عليك أحد قدي !! أم محمد دخلت بالموضوع بسرعه تبغى تقهرها : هذا محمد أخذ البنت عنده تعيش ! ناظرت ساره وبعدها ركزت نظرها على محمد للي كان وجهه ألوان ! محمد انقهر من أمه كان يبغى الموضوع يكون عن طريقه ويقنعها ! زوجه محمد رفعت حاجب : والله محمد مو ملزوم فيها لوحده !، وإخوانها موجودين !! ام محمد بخبث : تبغين تكسرين كلمة زوجك ؟! زوجه محمد بمكر : اوكي ما عندي مشكله ! بس تدفعون لنا فلوس مصروف لها قاطعها خلف بغضب : ادفع فلوس !!!! وإلتفت على محمد : اسمع نرجع للحل الاول يوم عندي ويوم عندك وغيره ما عندي ! ابتسمت زوجه محمد بانتصار لما شافت شكل خلف ! محمد بملل : خلاص اعملوا للي تبغون ما لي دخل ! وبعدها وقف : يلا يا أم خالد وقفت ام خالد وهي تناظر ام عمار بابتسامه افتزازيه شدت ام عمار قبضه يدها بقهر منها ! وقفت ام محمد : وانا استأذن ابغى ارتاح في بيتي ..... ** ** ** ** بعد العصر طلعت تلعب بالحديقه بما انه الحين عطله وما عندها دراسه تحس بالطفش ما في أحد تلعب معه جودي وليان من بعد ذاك الموقف ما يلعبون تحسهم كبروا ! ونسرين ما تلعب معها طول وقتها داخل البيت ومع العيال ممنوع اللعب ملل !!! فكرت تروح لبيت أخوها محمد بس استحت وكنسلت الفكره !! ناظرت حولها وقررت تجلس تحت الشجره أفضل شيء جلست وهي تناظر حولها ببراءه تتمنى لو جدتها عايشه وتسكن معها بهذا المكان أحسن من الخرابه للي كانت تعيش فيها ! زفرت بضيق أم عمار قالت لها باكر تروح عند أخوها محمد تنام ! رفعت نظرها وشافت سلمان واقف فوق رأسها ابتسمت له : هلا سلمان مط شفته مو عاجبه وجلس قريب منها :وش تعملين هنا ؟! ساره وهي تعدل الشاله : طفشت قلت اطلع شوي برا !! سلمان : رحتي عند خالي محمد ؟! ساره تنهدت : لا وطالعته وابتسمت : باكر رح انام عندهم !! خالتي تقول يوم عند اخوي محمد ويوم عندهم ! سلمان رفع حاجب : ليه كذا كل يوم عند واحد ؟!، ابتسمت له ببراءه : اليوم تشاجروا إخواني الشاطر يبغى أعيش عنده آخر شيء اتفقوا كل يوم عند واحد !! قطع كلامهم ضحكه بصوت عالي رفعت نظرها للي واقف ومتكي على الشجره ابتسمت له : عمي عزام !! ناظرها وهو يضحك بصوت عالي لابسه الشيله بشكل مضحك ولابسه فستان حفر لحد الركبه مدموج بألوان كثيره وتحته لابسه بلوزه لونها بني وتحت الفستان بنطلون لونه نهدي !! ما في تناسق وزاد ضحكه بعد سالفتها انهم يتشاجروا مين يأخذها !! صدق من قال انها خبله ! سلمان رفع حاجب: ضحكنا معك !! دخل عزام بنوبة ضحك ثانيه مجرد ما يناظرها ساره ابتسمت وهي تناظر سلمان : شكله اخوك مجنون ! للي يضحكون كذا يكونون مجانين !! تركهم عزام وهو يضحك بقوه دخل بيت جده جلس على الكنبه وضغط على بطنه صار يوجعه من كثر الضحك !! ناظروه بإستغراب ليه يضحك كذا !! اشر لهم يتركوه بحاله وهو يحاول يهدي نفسه وبعد جهد جهيد اعتدل بجلسته ومسح على وجهه وهو يتعوذ من الشيطان وبعدها بلوم ناظر عمته ام عمار : يا عمه ليه ما ترتبي لبس ساره ؟! ام عمار : هالبنت غريبه ما تبغى الا فستان بأكمام وطويل !! اقول لها بعدك صغيره تقول لا عيب !! وبتساؤل ناظرت عزام : ليه وش لابسه ؟! وقبل ما يرد أشر على ساره وهي داخله توزع ابتسامات ودخل بنوبة ضحك ثانيه أم عمار كتمت ضحكتها :،ساره !! ليه لابسه كذا ؟! بسرعه روحي خلي جودي تلبسك بسرعه ! ساره بهدوء : خالتي جودي تعطيني ملابس قصيره ! ام عمار هزت راسها بقله حيله : عادي لو قصيره بعدك صغيره !! يلا بسرعه ارجعي بدلي الحين ازعل منك !! هزت راسها بطاعه وتوجهت للبيت ... ام عمار رفعت حاجب وبانتقاد : الحين هذا للي يضحك ؟! ام عزام بتأييد : الظاهر عقله ضارب اليوم وانا على بالي عنده سالفه وهو يضحك !! ام راكان بدفاع :،علامك انت واياها عليه ؟!! خله يضحك على كيفه ! حتى الضحكه ممنوع عندكم ! ام عمار : نفسي افهم ليه تفرقين العيال عن البنات ؟! عزام بابتسامة:قل اعوذ برب الفلق .. لا تصكيني عين وتطردني جدتي !! ام راكان بحب : صدر البيت لك ! ام عزام باستغراب: وكيف وافقت ام خالد تعيش ساره عندها! مطت ام عمار بقرف : لا تجيبين سيرتها يجيني مغص !! ام راكان :، على وش شايفه نفسها ؟! ام عمار بكره : لو شفتيها يا ارض اشتدي ما عليك حد قدي !! ولابسه عبايه اخر مديل وكأنها بنت العشرين !! لكن انا اراويها اذا ما جلست لها على الدقه !! ابتسمت ام عزام على ملامح ام عمار !! ام راكان بتشجيع : وقفيها عند حدها وإلي بطلع فيك بعين اطلعي عليه بعيونك الاثنتين ! عزام ابتسم : ايوه يا جده حرضيها !! ام عزام : الله يصلح الحال !! قاطعتهم ساره وهي تدخل بعجله : خالتي خالتي !! وقفت ام عمار وقلبها نقز : وش فيك ؟! ركضت بسرعه واختبأت خلفها : عمار بيضربني ! دخل عمار معصب ويدور بعيونه عنها : وين راحت ؟!! ام عزام : وش تبغى فيها ؟! وليه تبغى تضربها ؟ ! عمار بقهر : حسبي الله عليها ! فضحتني بين ربعي بهذا اللبس وكأنها متسوله !! واقترب من امه يبغى يمسكها بيدينه وام عمار حاجز بينهم وبقوة مد يده وسحب شيلتها ورماها على الارض : اذا شفتك متحجبه ادفنك هنا ! سامعه ! مثل الغبيه ! جن جنونها وهي تشوف شيلتها على الارض وبسرعه مسكتها وهي تحطها على رأسها وتلف الشاله بنفس الطريقه مسكها عمار من كتفها : وش مطلعك للشارع ؟! ساره وتحاول تفلت نفسها : جودي قالت لي اروح للبقاله اشتري لها وقبل ما تكمل كانت يد أقوى سحبتها من عمار واستقر كف يده على خدها : كم مره قلت لك لا تدخلين البقاله ؟! هزها بقوه وهي مثل الريشه بيده :كم مره نبهتك ؟! ليه ما تسمعين الكلام ؟! أم عزام عصبت من عزام وسحبت ساره منه : لا تضربها ! ام عمار علامات الزعل بانت بوجهها : عزام ما اسمح لك تمد يدك عليها تفهم !! ام راكان دائما بصف العيال : خليه يربيها دام اخوانها راميينها ؟! وشهوله تدخل البقاله ؟! ما تستحي على وجهها؟! ام عزام بحنق : اخوانها موجودين هم يحاسبوها !! وبعدها صغيره ام عمار بتأييد : ايه اخوانها موجودين ناظرهن عزام وهو مكتف يدينه : صدق إخوانها موجودين ؟! وانا على بالي ما عندها إخوان ؟! وبعصبيه : اي أخو للي يرسل اخته للبقاله تشتري دخان ؟! اي اخوان تتكلمون عنهم ؟! وناظر ساره بتهديد : وقسم بالله لو اشوف رجلك عتبت باب البقالة الا احش رجولك ! وبصرخه «سامعه» هزت رأسها بخوف منه وهمست بصوت يرتجف : ان شاء الله ورجع جلس مكانه وناظرها بحده: انقلعي إلبسي مثل العالم و الناس !! هزت رأسها وطلعت تركض بسرعه من البيت لما حست إنها بعدت عن بيت ابو راكان وقفت وهي تلهث وبدأت تمسح دموعها ليه الشاطر يضربها ؟! عزام يضربها اذا دخلت البقاله !! وعيال خلف يضربوها اذا رفضت تروح البقاله !! على مين ترد ؟؟؟؟؟؟؟؟؟؟؟ ** ** ** ** عائشه بطفش ناظرت ابوها : بابا من لما بدأت العطله وحنا بالبيت !! ملل وطفش وووو قاطعها وهو مندمج بالجوال : روحي إلعبي مع أخواتك !! تأففت وناظرت أمها:، أقول له اخواتي مملات وما أحب ألعب معهن ! يقول لي روحي إلعبي معهن،! الظاهر عقل زوجك ضارب وسكتت لما ضرب الريموت برأسها وتكلم بعصبيه : صدق إنك قليلة أدب وما تنعطي وجه !! تراك زودتيها بالكلام !! تتكلمين معي وكأني بزر عندك ! انقلعي اشوف على غرفتك ! ام سعود وهي حاضنه عائشه أعطته نظره لوم وبترقيع : علامك عصبت البنت تمزح معك !! ابو سعود بعصبيه : ما ابغى تمزح معي وخلها تنقلع على غرفتها اشوف !! ام سعود حركت عائشه : خلاص ماما روحي على غرفتك ! عائشه وهي تبكي : إن شاء الله أموت علشان ترتاح مني وتبقى جالس على الزفت ! رد وهو يطالع بالجوال ويسترق النظرات بطرف عينه : إنت تسهلي وما عليك ! أم سعود قلبها نقزها وبعصبيه : وش هالكلام ؟! وحضنت عائشه بقوه : بعد عمر طويل يا ماما ! عائشه مستمره بالبكاء ناظرها وقلبه تقطع عليها ما يتصور يفقدها وبسرعه وقف وحضنها بقوه بعد ما رفعها بالهواء : حبيبة أبوها زعلانه ! بعد عمر طويل يا بابا ! عائشه وهي تمسح دموعها : بعدمي زعلانه ! ابو سعود ابتسم : وش يرضيك ؟! عائشه ناظرته : ابغى اطلع للملاهي ! عفس ابو سعود ملامحه ونزلها من حضنه : اسمع خذيها على بلاطه ! زعلانه طقي رأسك بأقرب جدار متر واحد مو طالع من البيت ما صدقت تيجي العطله علشان أبقى متمدد على الكنبه ! انقهرت عائشه منه : لأنك كسوووووول وبسرعه ركضت طالعه لما شافت نظرات أبوها ** ** ** ** طلعت من عند جودي بعد ما لبست وقفها صوته الغاضب : ساره !!! إلتفتت له وردت بارتباك : نعم ! اقترب منها وأشر عليها : وش هاللبس ؟! مو قلت لك تتحجبين ؟! ردت ببراءه وهي تؤشر على الشال : لابسه حجاب !! تكلم بغضب : اي حجاب وسيقانك طالعه ويدينك ؟! قاطعه صوت من خلفه : اتركها بعدها صغيره واقترب منها وسحب الشاله : ما لها داعي !!! يتبع يوم الثلاثاء بإذن الله ....دمتم بخير : ) | ||||
|
| |
|
22-03-17, 07:05 AM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة يتبع بارت 6 ~~ ~~ ~~ طلعت من عند جودي بعد ما لبست وقفها صوته الغاضب : ساره !!! إلتفتت له وردت بارتباك : نعم ! اقترب منها وأشر عليها : وش هاللبس ؟! مو قلت لك تتحجبين ؟! ردت ببراءه وهي تؤشر على الشال : لابسه حجاب !! تكلم بغضب : اي حجاب وسيقانك طالعه ويدينك ؟! قاطعه صوت من خلفه : اتركها بعدها صغيره واقترب منها وسحب الشاله : ما لها داعي !!! خلف بعصبيه : انا قلت لها تتحجب ! محمد ببرود اعصاب : وانا اقول ما تتحجب ! بعدها صغيره على الحجاب !! خلف بعصبيه : لا تخرب البنت بأفكارك ! وناظر ساره بحده : انقلعي إلبسي طويل ! هزت رأسها بخوف وهمت بالمغادره بس يد محمد وقفتها : لا تردين عليه السنه الجايه ان شاء الله تتحجبين ! خلف بغضب : تكسر كلمتي يا محمد ! محمد ابتسم بمكر :،اكيد لا خلاص دامك تبغاها تتحجب خذها للسوق واشتري لها لبس طويل كذا ما ينفع حجاب وسيقانها طالعه ! احمر وجه خلف ضغط محمد على الوتر الحساس (الفلوس) وبقهر : عمرها ان شاء الله ما لبست وتركهم وطلع ! ابتسم محمد وناظرها : وين رايحه الحين ؟! ساره ابتسمت باحراج : لبيت عمي ابو راكان خالتي ام عمار هناك هز رأسه بتفهم : خلاص روحي الحين نطقت بهمس مع ابتسامه جميله : شكرا وركضت بإتجاه بيت ابو راكان ناظرت خلفها ما شافت محمد وبسرعه لبست الشال ولفته على رأسها تحب الحجاب واستحت تقول لمحمد إنها تبغى الحجاب !! ... ** ** ** ** كملت فطورها وناظرت ام عمار توجه الكلام لها : جهزي نفسك وروحي عند أخوك محمد ! هزت رأسها بإحراج ما تبغى تروح بس نفس الوقت ما تحب تجادل احد جودي بإعتراض : طيب وش فيها لو عاشت عندنا ؟! ليان بتأييد : ايه خليها عندنا ! عمار بنغزه وهو رافع حاجب : ايه تبغون طرطوره لكم ساره تعالي وساره روحي ! ساره ناظرت جودي وليان وبتبرير : لا هم يحبوني ! قاطعت ام عمار كلامهم : لو عندي ما طلعت من البيت بس جكر ببعض ناس ! جودي باستغراب : وش قصدك ؟! عمار ابتسم لساره : يلا روحي لبيت عمي محمد رح تنبسطين هناك لأنه عندهم شغاله ! ساره ابتسمت ببراءه : انا أحب الشغل ! جودي عفست ملامحها : أقسم بالله إنك متخلفه ! احد يحب الشغل ؟! ليان بحالميه : آه يا ليت أبقى جالسه بكيفي ما أحد يقول لي قومي والخدم حولي .. ضربها عمار كف على رقبتها : اصحي يا حلوه تراك ابنة خلف !!! ليان بعصبيه : كسر يكسر يدك ! ام عمار بصرخه : خلاص وبعدين معكم ؟! ليان شوي وتبكي : شوفيه كيف ضربني !! ام عمار وهي تغمض عيونها : يا رب تعطيني الصبر ! ساره ببراءه،: في بالسوق صبر اشتري منه !! انفجر عمار واخواته من الضحك عليها ابتسمت ام عمار على كلامها وبحسره : يا ليت الناس بريئه مثلك !! جودي بتأييد : صحيح ماما ساره طيبة وهبله وعلى نياتها !! عمار : مو مثلك خبيثه ولئيمة ! أم عمار بضجر : الحين نرجع نتشاجر من تول وجديد ! عمار اطلع من البيت وجودي وليان على شغلكم وانت يا ساره روحي مثل ما قلت لك ! هزت رأسها وطلعت من البيت بضيق ناظرت بيت ابو راكان وعياله تمنت لو تروح تعيش عند بيت ابو عزام احسن من عند إخوانها بس مو بيدها تعترض توجهت لبيت محمد بخطوات هاديه وقلبها يدق طبول وقفت عند باب البيت وطرقت عليه بهدوء فتح لها الباب وناظرها بإستغراب : نعم ! ساره ناظرته بإحراج وصارت مثل الطماطم : انا ساره ! عفس ملامحه : مين ساره ! ساره ما تدري كيف تعرف بنفسها وبتوتر : تعرف خلف ؟! انا أخته ! رجع عفس ملامحه : مين خلف ؟! إنت شكلك مخربطه بالبيت ؟! بيت مين تبغين ؟! ساره وقلبها يدق بخوف معقول خربطت بالبيت ردت بصوت مرتجف : بيت محمد ! هز راسه : هذا بيت ابو مهند شفت مخربطه بالبيت ! ساره تفشلت : آسفه ولفت تبغى ترجع وهي تناظر حولها متأكده انه بيت اخوها محمد ! وقفت لما سمعت صوته وهو يضحك ويناديها : تعالي تعالي رفعت حاجب باستغراب : انا ابغى بيت محمد مو بيت ابو خالد ! اقترب منها ومسك يدها : يا الخبله اخوك ابو خالد ! ادخلي اشوف ! وسحبها للداخل وهو يبتسم دخلها الصاله رفعت ام خالد حاجب :،صارت مرسليتها !! مهند : شوف يا خالد هذي عمتك ههههههه ناظره خالد باستصغار : وش للي يضحكك ؟! مهند بكلام متقطع : تخيل جدي لو عايش يمشي جنبها وهذي ابنته شكلهم يضحك ! ام خالد بجمود: لا تهبل بالبنت اتركها بحالها ! ساره تناظرهم وجهها احمر وبأدب تكلمت : أنا ساره ! مهند بمزح : قرأنا بالجريده اسمك !! أم خالد أعطته نظره : وبعدين معك ؟! وناظرت ساره : لا تردين عليه اجلسي هنا !! مهند يقلد ساره بطريقه مضحكه : انا مهند وهذا اخوي خالد متزوج وعنده بنت وهذي أمي وعندي أخوات متزوجات بعدين تتعرفين ع قاطعه خالد بضجر : وبعدين معك ما تعرف تسكت ؟! مهند وقف : يا أخي روق الواحد يصبح يضحك وانت ماد البوز!! طنشه خالد ورجع يطقطق على الجوال وام خالد توجهت للمطبخ ... ناظرت ساره مهند وهو طالع وبعدها إلتفتت على خالد تتأمل شكله دخلت ام رغد وابتسمت : شكل عمتك معجبه فيك ! خالد ناظر ساره تتأمل فيه ابتسم : حلو صح ؟! انحرجت ساره ونزلت رأسها ام رغد جلست جنب خالد وابتسمت : الحين تقول لها عمه ؟! خالد ابتسم بسخريه : تخيلي شكلي اناديها (عمتي ) ام رغد بنظره تقييم : شكلها مسكينه وهاديه !! خالد حك ذقنه : الظاهر كذا ! بس جدتي ما اتوقع تتقبلها ! مع انها ما لها ذنب ؟! وابوي حاول يقنعها ويفهمها انه البنت ما لها دخل بس راكبه رأسها !! ام رغد : الله يهديها وناظرت ساره : بأي صف يا ساره ؟! ساره وقلبها يدق طبول : بالصف الثاني شعبه ب ام رغد : يا حليلها صغيره !! دخلت ام خالد الصاله : تعالي يا ساره ادلك على غرفتك ! هزت راسها بطاعه : ان شاء الله ** ** ** ** ام عزام تحاول تقنعها : يا يمه مو ذي الدرجه !! ام محمد بعناد : ممنوع تدخل بيتي سلمان : طيب لما اخوالي يسهرون عندك وين تروح ؟!. ام محمد بكره : خلها تنطق مكانها ! خلود : والله يا جدتي انها هالبنت حبوبه وعلى نياتها ! وما لها ذنب بجدي ! أشوفها تيجي تجلس بس تبغى رضى من حولها ! أم محمد بحقد : اسكتي وش عرفك هذي تتمسكن حتى تتمكن وباكر تشوفين كيف رح تطلع انيابها ! عبد الرحمن باستخفاف بجدته : جده تراك تبالغين تراها هالساره خبله عبيطه ما تدري عن هالدنيا ! ام محمد عصبت : الصغار ينكتمون لما الكبار يتكلمون ! صدق قليل أدب .. ابتسم عبد الرحمن على ملامح جدته المعصبه ام محمد لما شافت عزام يدخل ،: تعال شوف اخوك هذا ما يحشمني ولا يحترمني وأمك جالسه ما قالت له شيء !! عزام بابتسامة سلم عليها: جدتي عندنا نور البيت يا هلا أم محمد : اجلس جنبي وأعطيني أخبارك ودراستك ؟! عزام بابتسامة : الحمد لله بخير أم محمد خزته بعيونها : مو ناوي تخطب وتفرح أمك المسكينه ؟!! عزام : مو الحين لما اتخرج من البكالوريوس يصير خير أم عزام بملل من ولدها : خليه على راحته خلينا نشوف وين رح يلاقي المواصفات الخياليه للي حاطها !! يا خوفي تقع على رأسك عزام بثقه : لا تخافي يمه بتشوفين اختياري وغمز لها خوله رفعت حاجب بعدم اقتناع : نشوف !! ** ** ** ** ** واقفه تناظر ام خالد بابتسامه : صباح الخير أم خالد ناظرتها : هلا صباح النور وبعجله كملت كلامها : اذا تبغين فطور روحي خلي الشغاله تحطلك ساره بانحراج هزت راسها بالرفض ما تبغى ام محمد وهي تعدل شيلتها : خلاص روحي لبيت خلف أنا طالعه عندي موعد بالمستشفى وما في احد بالبيت ! هزت رأسها بطاعه وتوجهت لبيت خلف طرقت الباب ودخلت والهدوء يعم المكان ناظرت الصاله لما سمعت اسمها : ساره !! ساره ابتسمت : صباح الخير خالتي ! أم عمار عقدت حواجبها : علامك جاية الحين الساعه سبعه الصبح ؟!! ساره بهدوء : خالتي قالت لي قاطعتها ام عمار وهي مفوله من العصبيه من ام خالد : مو على كيفها تمشي هالعالم ! وتقدمت من ساره وسحبتها بعد ما لبست العبايه : تعالي معي طلعت برا البيت وشافت ام خالد جالسه بالحديقه وتشرب قهوه ولا عبالها توجهت لها وبعصبيه : مو على كيفك ترسلينها الحين عندي ! ارسلتها لك البارحه بعد الظهر ترجع بعد الظهر فاهمه ! حطت كوب القهوه وبغضب : بأحلامك نامت عندي البارحه وبدأنا بيوم جديد ! ! يعني الحين عندك وحركت حواجبها تستفزها أم عمار اعصابها فالته ما تطيق ام خالد والعضب تملكها : والله والله والله ما تدخل بيتي الا بعد الساعه 2 بعد الظهر وغير كذا ما عندي وتركتهم وراحت وهي تبربر واقفه تناظر ام عمار راجعه لبيتها نزلت رأسها بإنكسار وين تروح ؟! إلتفتت لما حست بخطوات خلفها شافت ام خالد وهي متوجه لبيتها وتردح بصوت عالي : والله ما تمشي كلمتها علي ونشوف مين للي تمشي كلمته ودخلت وقفلت الباب بقوه ! اخذت نفس وهي تحس بالغصه ما تبغى تبكي وين تروح الحين ؟! انتقل نظرها بين بيت خلف وبيت محمد لثواني !! نزلت نظرها بحزن وقررت تجلس تحت الشجره هذي الشجره تحب تجلس تحتها جلست وتكورت على نفسها وسمحت لدموعها بالنزول ..... وين جدتها ليه تركتها وراحت !! تتمنى ابوها الشايب عايش !! مسحت دموعها تحس نفسها ما تستحق البكاء او الشكوى او الدلع كل هذا بنظرها لا تستحقه تحس نفسها ناقصه عن جيلها .... لو كان عندها ام واب كان بكت عندهم او تدلعت او شكت لهم ... بما انها فقدتهم بنظرها عند مين تبكي ؟!. عند مين تتدلع ؟! اخذت نفس ورجعت تكورت على نفسها قاطع عالمها يد هزتها : وش تعملين هنا ؟! رفعت رأسها وابتسمت اول ما شافته : عمي عزام صباح الخير رجع سألها : وش تعملين ؟! ابتسمت بهدوء،: شبعت نوم وجيت اجلس هنا !! نهض نفسه وهمس : متخلفه حد يترك الفرشه وييجي يجلس تحت الشجره ابتسمت وما ردت قبل ما يمشي : ادخلي داخل الجو الحين يصير حار هزت رأسها بطاعه وبعد ما تركها رجعت اسندت رأسها على الشجره وين تدخل وكل وحده قفلت الباب ؟!! ابتسمت بألم وداخلها شعور بالذنب هي السبب بالشجار للي صار !! ** ** ** ** ** جالسه تفطر مع أخواتها ومرتبكه بلعت ريقها بخوف لما سمعت ابوها ينادي عليها ومعصب !! نهى ناظرتها : بابا ينادي عليك ما تسمعين !! عائشه بتوتر : سامعه اسماء بنهر : وليه ما تردين ؟! عائشه : ما ابغى أرد دخل معصب : إنت هنا ؟! عائشه بالرغم من توترها ردت : لا هناك هذا خيالي جالس يفطر ! ضرب الطاوله بقوه واهتزت الصحون من قوه الضربه : لا تستهبلين علي! عائشه بتوتر : تراني مو من طلابك تعاملني كذا،! ابو سعود خزها بعيونه : إنت لمتى تبغين تفضحيني بين هالجيران ؟! متى تعقلين ؟! عائشة بخوف : انا عاقله ابو سعود بتحقيق،: ليه طاقه ولد الجيران حجر والحين رأسه مفلوع ام سعود دخلت وبعصبيه : مجنونه كيف تضربينه بحجر !!! نهى بخبث : الحين رح يتصلون بالشرطه ويأخذونك عائشه فزت برعب : ليه يشتمني ؟! ابو سعود بنهر : حتى لو شتمك تضربيه بالحجر،؟!! اسماء بلقافه : وش قال لك ؟! عائشه مدت بوزها : يقول لأصحابه شوفوا هالصاروخ !! ابو سعود هز رأسه بتوعد : وقسم بالله لامسح فيه الارض هالوقح وطلع من البيت ام سعود قلبها نغزها قلبها وخافت على عائشه : اسمعي من يوم رايح ممنوع تتطلعين للشارع لوحدك حتى الزباله انا بطلعها ابتسمت عائشه بفرح ارتاحت من الزباله : لو ادري من زمان كان قلت له يقول لي صاروخ او طياره ضربتها ام سعود على رأسها : غبيه ** ** ** باستغراب لما شافها نفس المكان اقترب منها وهي مستلقيه تحت الشجره وتغط بنوم عميق هزها على الخفيف : ساره ساره فتحت عيونها بصعوبه وهي عافسه ملامحها عزام باستغراب : مو قلت ادخلي داخل،؟! ساره حكت رأسها : كم الساعه ؟! عزام ناظر ساعته : 12 رجعت اعتدلت بجلستها بهدوء نهرها عزام بعصبية : وبعدين معك إما دايره عند البقاله او جالسه هنا ؟! ادخلي داخل ما تحسين الجو حار ؟! صدق من قال انها ما تحس ! وبصرخه :فزي على حيلك وادخلي ! هزت رأسها بطاعه وقلبها يدق من صرخته تقدمت خطوه ورجعت ناظرته بحيره والغصه بحلقها : وين أروح ؟! عزام خلاص قفلت معه من الغباء للي فيها : انقلعي لبيت خالي خلف او محمد !! زمت شفايفها بحزن : بس قالوا الصبح لي للساعه 2حتى يفتحوا الباب وحكت راسها بقلة حيله !! عقد حواجبه : نعم ما فهمت ؟! بسرعه روحي لبيت خالي بسرعه بلا خرابيط! هزت رأسها بهدوء مط شفته بسخريه : مثل الغبيه بس تهز رأسها !! تقدمت خطوه ناظرت بيت خلف ومحمد وبحيره على مين تروح ؟!!! *** *** *** ** ** قبل ما يدخل جذبه صوت الصراخ برا استغرب وهو يسمع صوت عمته أم عمار وبسرعه توجه لمكان الصوت ام عمار بردح : والله ما تدخل الا بعد 2 مو انت للي تمشين كلمتك علي ! ام خالد وهي رافعه اصبعها :كلمتي تمشي عليك بالغصب مو بكيفك قاطعها عزام : تعوذون من الشيطان ! ام خالد اشرت على ام عمار : هذا الشيطان بكبره تدخلت ام عزام وهي تلهث من العجله بعد ما وصلها صوتهم : وش فيكن ؟! ام خالد : شوفي اخت زوجك ما ادري عنها حاقده علي ! ام عمار بقرف : مسكينه يا حرام !!! اسمعي خذيها على بلاطها انا حلفت والحين اعيد الحلف والله ما تدخل البيت الا بعد الساعه 2 ام خالد بلا مبالاه : عمرك ما دخلتيها انا وش دخلني بالاول وبالأخير تبقى ابنة عمك وبسخريه أخت زوجك ! ام عزام فهمت الموضوع : طيب وين المشكله ؟! ام عمار تخصرت : حضرتها مرسليتها من الساعه 7 الصبح ! انا ارسلتها البارحه بعد الظهر المفروض ترسلها بعد الظهر ام عزام ناظرت ساره ....... يتبع يوم الاحد ....دمتم بخير | ||||
|
| |
|
27-03-17, 08:19 AM
| #39 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته.....أتمنى الجميع بخير : ) أشكركم على ردودكم ومتابعتكم : ) بسم الله »« «» «» »« يتبع بارت 6 ## ## ## ## قبل ما يدخل جذبه صوت الصراخ برا استغرب وهو يسمع صوت عمته أم عمار وبسرعه توجه لمكان الصوت ام عمار بردح : والله ما تدخل الا بعد 2 مو انت للي تمشين كلمتك علي ! ام خالد وهي رافعه اصبعها :كلمتي تمشي عليك بالغصب مو بكيفك قاطعها عزام : تعوذن من الشيطان ! ام خالد اشرت على ام عمار : هذا الشيطان بكبره تدخلت ام عزام وهي تلهث من العجله بعد ما وصلها صوتهم : وش فيكن ؟! ام خالد : شوفي اخت زوجك ما ادري عنها حاقده علي ! ام عمار بقرف : مسكينه يا حرام !!! اسمعي خذيها على بلاطها انا حلفت والحين اعيد الحلف والله ما تدخل البيت الا بعد الساعه 2 ام خالد بلا مبالاه : عمرك ما دخلتيها انا وش دخلني بالاول وبالأخير تبقى ابنة عمك وبسخريه أخت زوجك ! ام عزام فهمت الموضوع : طيب وين المشكله ؟! ام عمار تخصرت : حضرتها مرسليتها من الساعه 7 الصبح ! انا ارسلتها البارحه بعد الظهر المفروض ترسلها بعد الظهر ام عزام ناظرت ساره وعقدت حواجبها :،ساره انزلي عن الشجره ! ساره هزت كتوفها ورسمت احلى ابتسامه بريئه تخفي خلفها أحزانها : عادي خالتي ما رح اوقع عزام بحده ناظرها : انزلي عن الشجره احسن ما احش رجولك ! ام عمار : ساره انزلي قاطعتها ام خالد بسخريه : حنونه ما شاء الله ومن الصبح طارديتها ! ام عمار بتبرير : انا ما طردتها ! لا تكذبين على لساني انا تركتها عندك ! ساره جالسه على جذع الشجره وتناظر ام عمار مطت شفتها بألم طفولي قاطع نظراتها صراخ عزام : انزلي تمسكت بقوه بالجذع لاخر لحظه من سقوطها بسبب صرخته من خلفهم بسخريه : انتبه لا يطق لك عرق ! عزام مط شفته بعد ما إلتفت له : سخيف ضحك مهند ضحكه قصيره وهو متوجه نحو الشجره : اووووه عمتي سويره هنا !!! وبضحكه على شكل ساره :ومحجبه بعد !! رفع يدينه وهو مبتسم : تعالي يا عمتي أنزلك أخاف تسقطين ومن وين نجيب عمه صغيرونه مثلك ؟! جدي الله يرحمه مات ما في غيرك ! ابتسمت له بطفولها حملها بيدينه وقبل ما ينزلها باسها بخدها : يا ناس ما احلاها استحت ساره ونزلت رأسها بالأرض بعد ما نزلها عزام بقرف : يا حبك للمبالغه وين الحلى للي فيها ما ادري عباره عن شكل متسوله مهند جلس على مستواها : قول انك تغار منها! وحك ذقنه بتفكير : بس يا عمتي الحلوه مو كذا اللبس ؟ احد يلبس بنطلون بيجاما تحت فستان ؟! وبتذكر ناظر من حوله بابتسامة : صحيح نسيت اسال ! وش سبب هالتجمع ! اكيد في مصيبه ! ام خالد بفوقيه : اترك عنك السوالف وتعال البيت وقفتها ام عمار بأمر : خذيها معك وبعد 2 بترسليها ! ام عزام زفرت بضيق مو عاجبها تصرف حريم إخوانها مهند باستغراب : وش السالفه ؟! خبرته ام عزام السالفه وهي مغبونه عزام تربع على الارض بسخريه : نشوف اخر هالمهزله !! وقف مهند وابتسم : لا تتربع ولا على بالك انتهت المسخره وحمل ساره بين احضانه : اشوفكم بعد الساعه 2 ام عمار بخوف : وين رح تأخذها ؟! مهند وهو ماسك ضحكته: اوقف عند المسجد اشحد عليها تنفع وضحك بصوت عالي ! ام عزام بعصبية : وش هالكلام يا مهند ؟! انت ما تستحي على وجهك ! عزام ابتسم : والله يمه صادق ام خالد بحده : مهند وش هالكلام ؟! ام عمار بسخريه خزتها بعيونه : انتبهي لا يطق لك عرق ! ام خالد بكره : ما يخصك قفلي حلقك احسن لك !! هزت ام عزام راسها بفقدان امل مستحيل تختفي هالعداوه بينهن !! مهند ابتسم : انا رايح للبقاله أشتري لعمتي الحلوه وناظر ساره وغمز لها :،صح ؟! هزت رأسها بخجل قاطعهم هادم اللذات : انت ما تستحي على وجهك تأخذها للبقاله ؟! ناظره مهند باستصغار : والله كيفي عمتي آخذها وين ما بغيت !! لا تتدخل ! عزام طنش كلامه وناظر ساره بتوعد : انزلي بسرعه ! بلعت ريقها وناظرت مهند ما تدري وش تعمل ؟! تحرك مهند متوجه للبقاله ومطنش عزام ولا كأنه موجود !! ام عزام بقهر : بالله لا تحطون هاليتيمه اداه لانتقامكن من بعض ! عزام انقهر من مهند وقف على حيله وناظر حريم اخواله وبحده : تراها بنت تاركينها برا لو طلعت هجت ما احد يدري عنها وكل وحده مقفله بابها من الصبح !، وين صارت هذي ؟! ام عمار حركت شفتها ترد قاطعها عزام : يا عمتي تصرفك ما يصير خلاص ارسلتها الصبح وش صار بالدنيا ؟! حاملتها على ظهرك ؟! ام عمار حاسه بغلطها لانه ساره ما لها دخل بتصفيه الحسابات تابع عزام يحل المشكله : خلاص اتفقوا على الساعه 10 وفكونا من هالسالفه ! وزفر بضيق وش هالعيشه كل يوم في بيت ! المفروض تعيش عند جدته ام محمد ! لازم يحاول معها ويقنعها حتى ما تزيد المشاكل لانه يعرف عمته مع ام خالد عباره عن نار وقاز ما يجتمعون !! ** ** ** ** ** في اليوم الثاني في بيت ابو راكان جالسه تلاعب تالا ومبسوطه معها ام راكان تناظرها : الحين يفقدونك روحي للبيت ! ساره بدون ما تطالعها منشغله باللعب:،ما في احد يفقدني خالتي ام خالد عند اهلها !، ابو راكان بهدوء يناظرها وهي تلعب وتضحك ومبسوطه : اتركيها يا ام راكان !! ام راكان قبل ما ترد كحت بقوه بسرعه فزت ساره وتركت اللعب وتوجهت للمويه واعطتها لام راكان اخذته ام راكان وشربته بعد ما سمت ساره ناظرتها بإهتمام : حلقك يوجعك يا جدتي !! حطت ام راكان الكأس جنبها وردت وهي تعدل صوتها : صرت جدتها !! ابتسم ابو راكان وما علق ! تابعت ساره بحرص : لا تأكلين مثلجات ! اخوي خلف يقول لا تأكلون علشان ما تمرضون وابتلش بالمستشفى ! ابو راكان بضيق من سيره خلف : الله يهديه ! ام راكان بهدوء : روحي كملي لعب ابتسمت وهزت رأسها: ان شاء الله رجعت تلعب باندماج مع تالا رفعت رأسها لما سمعت صوته دخل :،سلمان طنشها وجلس عند جدته : جده طلبتك قولي تم ! ابتسمت الجده متأكده السالفه فيها عزام : تم سلمان بقهر من اخوه : في مباراه لنا اليوم وحضرته رافض !! وكل العيال رايحين الا أنا ! ام راكان حطت يدها على كتفه : خلاص اعتبره الموضوع تم ! ابتسم سلمان بفرح وحماس للمباراه : الله يطول بعمرك ابو راكان خزه بعيونه : وش مهبب حتى يعاقبك ! سلمان يبرر : والله ما عملت شيء بس يبغى مني أدرس منهج السنة الجايه ! يا رب هذي عطله لازم يغثنا بالدراسه ! الناس تعطل وترتاح من قرف الدراسه !، ابو راكان عنده التعليم درجه اولى : وليه ما تحضر من الحين للفصل الجاي ؟! قطب سلمان ملامحه بقهر وتكتف : بس يا جدي كل العيال... ابو راكان يكمل كلامه بحزم : لا تقارن نفسك بالعيال حنا عيالنا غير اهم اولوياتك الدراسه ولا تناظر عمار الفاشل واشكالهم ! شوف الفرق بين عيالي وعيال اخوي ابو محمد الله يرحمه !! ولا واحد منهم فلح بالدراسه الا محمد دبلوم !! ومط شفته بتكبر ام راكان بتأييد:،صادق جدك نبغاك تصير مثل ابوك واعمامك يرفعون الرأس سلمان هز رأسه : ان شاء الله ام راكان : خلاص روح للمباراه وانا اكلم عزام نط سلمان بفرح من مكانه قبل ما تكمل ام راكان كلامها وطلع مستعجل ... تأملها وهي متربعه وتناظر زول سلمان وتبتسم بهدوء ناظر زوجته بنظره غموض : وش تتوقعين مستقبل هالطفله ؟!! ام راكان بشفقه : دام خلف اخوها ما اتوقع لها مستقبل !! ابو راكان وعيونه تتأملها : ما احسها تشبه اخوي ام راكان ومسلطه نظرها على ساره : يمكن تشبه اهل امها !! حركت رأسها وشافتهم يتآملون فيها استحت وابتسمت : تبغين شيء يا جدتي !! ابو راكان ابتسم لها : لا ما تبغى شيء كملي لعبك ! رجعت تكمل لعبها مع تالا والابتسامة مرسومه على وجهها !! ** ** ** ** عزام بقهر : انا اراويه حط جدتي واسطه له ام عزام : اترك الولد رح تطفشه من الدراسه كل العيال يلعبون عزام ما عجبه كلامها : تراك تخربينه بترقيعك !! ام عزام : اتركنا منه وقول لي وش رأيك بالموضوع ؟! عزام رفع حاجب بتفكير : انا أفكر بعد التخرج قاطعته :،بس مجرد خطوبه وبعد التخرج يصير خير ابغى اشوفك عريس ! ابتسم على لهفة امه : طيب وش مواصفات العروس؟؟ ام عزام بفرح انه اعطاها مجال : العروس انا شفتها ما شاء الله عليها تقول للقمر انزل واقعد مكانك ! قاطعها بملل : ما نبغى لا تقعد ولا تنام كملي ! ام عزام : اففف منك المهم سنه اولى ومن الأوائل على دفعتها !! عزام بتفكير : وش تخصصها ؟! ام عزام متحمسه : فنون جميله قاطعها بفجعه : نعم ؟! تحطمت آمالها بعد رد فعله تابع عزام كلامه : من جدك تبغيني اتزوج وحده هذا تخصصها ؟! والله مهزله !! ام عزام لوت بوزها : بس البنت حلوه كثير ! وقف عزام متنرفز : اخطبيها لأبوي دامها عاجبيتك وقفت ام عزام بغضب : صدق انك قليل أدب أروح أتصل بأسيل احسن من الجلسه معك ! ** ** ** ** صلى المغرب وقرر يروح لبيت جده دخل وسلم على جدته : اخبارك يمه ! ام راكان وهي ماسكه السبحه : الحمد لله بخير ! سأل باستغراب : وين جدي ؟! ردت بهدوء : يبغى يروح لابو مفلح هز رأسه وعقد حواجبه لما شافها متوجه لهم وحامله صينيه الشاي : هذي وش تعمل هنا ؟! ام راكان تناظرها بخوف : انتبهي الشاي لا ينكب عليك ساره بابتسامة : لا تخافي يا جده حطتها بسلام وتربعت على الأرض وابتسمت وهي تناظر عزام : كيف حالك يا عمي ؟! عزام خزها بعيونه : اشوفك مبلطه هنا ؟! ام راكان : من الظهر وهي هنا !! طالع جدته وبعدها اعطاها نظرات حاده : انت ما تستحي على وجهك ! اعوذ بالله لزقه ما تنعطي وجه ! وطالع بجدته بتحذير : جده لا تعطينها وجه ما استبعد عنها تجيب فرشتها وتنام عندك ! ام راكان ما تحب خلفة البنات : قول لجدك كل ما يشوفها يلاعبها ويضحك لها ! والبنت على الحنيه تركض !! لا عندها اب ولا ام يسأل عنها ! ومقصوفة الرقبه زوجة محمد من الصبح طالعه لعند اهلها ! عزام تنرفز من زوجة خاله :،وكيف تتركها هنا ؟! ام راكان لوت بوزها : تقول مو مستعده تنحرم من اهلها وتنربط علشان ساره وخالك محمد المحترم حط زوجته عله على قلب ام عمار ورجع سافر من ثاني يوم ! قطعت كلامهم وهي توزع الشاهي متحمسه: أعطيني رأيك بالشاهي ساره مدت لعزام الشاهي : تفضل ! رفع يده بالرفض : ما ابغى ! ام راكان ناظرته بعد ما تذوقت الشاهي : خذ منها والله انه طيب ! مط شفته بقرف : فكيني منها !! ام راكان ابتسمت وهي تناظر ساره : كل يوم تعالي واعملي لي شاهي يا زينه زمان ما ذقت مثله ! عزام ناظر ساعته الفضيه : ومتى ترجع زوجة خالي ؟! ام راكان : والله ما ادري عنها !! حتى خالد البارحه راح مع زوجته لاهلها ومن بعدها يبغى يسافر مع زوجته ! عزام ناظر ساره بشفقه: يعني البيت فاضي ! ام راكان عفست ملامحها : كل عيال ابو محمد ما يدخلون رأسي !! تدري اليوم ما شربت الدواء ! فزت ساره بحماس : اروح اجيبه ؟! ام راكان هزت رأسها : ايه تلاقيه قاطعتها ساره : اعرف مكانه وطلعت من الصاله !! بعد دقائق دخلت وهي حامله الدواء اعطته لأم راكان وناولتها كأس المويه : تفضلي ! ساره بسعاده : وش رأيك يا جدتي كل يوم آجي هنا واعملك شاهي واعطيك الدواء !! عزام مط شفته : قلت لك ما تنعطى وجه !! قاطعهم رنين جوال ام راكان ردت بهدوء وبعد ما كملت مكالمتها ناظرت ساره : ام خالد رجعت روحي لها عزام بسخريه : واخيرا شرفت !! ساره بتردد : عادي ابقى هنا لوقت رجوع عمي ابو راكان قطعت كلامها وحطت يدها على فمها بعد صراخ عزام : انقلعي على البيت بسرعه ! ما تنعطين وجه ! اكره ما علي البنت اللطعه !! هزت رأسها بخوف من عصبيته وبسرعه طلعت خارج البيت ** ** ** ** خلف بعصبيه : ما يطلع لها تترك البنت وتروح لأهلها ! محمد ببرود : طيب وش الحل ؟! يعني زوجتي متى تروح لاهلها ؟! خلف : تروح باليوم للي يكون الدور عندي ! محمد وهو ماسك : إنت ما تفهم أقول لك أمها دخلت المستشفى وراحت لها ! خلف ورأسه يابس : ما افهم ولا أبغى أفهم ! ولا حضرة زوجتك فوق غلطها تطلع علينا بالصوت ! محمد قاطعه بغضب : خلف احترم نفسك !! ما أسمح لك تتكلم على ام خالد قاطعه بقرف : تسمح ولا عمرك سمحت مره ثانيه اذا طلعت قاطعه بصراخ : مين حضرتك تهدد بزوجتي !! وحتى تكون بالصوره ترى باكر طياره ام خالد اصلا انا الحمار للي فكرت ارجع بالعطله ! وقفل الخط ناظر خلف الجوال وكأنه بركان : شفتي يمه ولدك الكبير وش عمل ؟! ام محمد بضيق وهي تشوف عيالها متزاعلين : هدي حالك قاطعها بغضب : مو انا للي خلفتها انا اراويه وقسم بالله الا ام محمد مسكت يده بترجي : خلاص يمه خليها تيجي عندي سكت وهو يناظر امه وتكلم وهو يفتح رساله وصلته فتح عيونه بفرح وهو يشوف المبلغ وبخبث ناظر أمه : خلاص خليها عندك بس لا تخبري محمد ! ام محمد بضيق : اففف من عصبيتك نسيت اخبرك نادر باكر جاي ورح يستقر هنا !! خلف رفع حاجب،: والمدام راضيه تيجي هنا !!! ام محمد : ايه موافقه ! خلف طالع الغرفه : وأكيد رح يسكن هنا ؟! ام محمد : اكيد لا شغل ولا مشغله !! خلف : مين خبرك انه رح يرجع ؟! اخبره ما عنده جوال ولا حتى المدام ؟! ردت بهدوء : أختك اميره خبرتني جارتها اختها متزوجه هناك وقالت لها خلف بتنبيه : من الحين انا مو متكلف بالعزيمه مفلس وما معي اعطي العيال مصروف ! خزته ام محمد بعيونها : ومتى كان معك ؟! لا تخاف الاكل عندي !! خلف : خلاص لا تنسي تتصلين علي وتخبريني بوقت الاكل علشان قاطعته بقهر من بخله : هذا للي يهمك كرشتك !! *** ** ** ** انتهى البارت ...انتظروني يوم الأربعاء بإذن الله ...دمتم بخير التعديل الأخير تم بواسطة لامارا ; 27-03-17 الساعة 08:36 PM | ||||
|
| |
 |
| أدوات الموضوع | |
| انواع عرض الموضوع | |
|
|
125Likes
العرض العادي
