01-09-18, 02:09 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  شُموخ عزك ...|| بـ قلم. شُموخ عز.
التعديل الأخير تم بواسطة لامارا ; 04-09-18 الساعة 08:15 AM | |||||||||||||
|  |
|
01-09-18, 02:10 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته نقدم لكم رواية شُموخ عزك ...|| بـ قلم. شُموخ عز.  بالنسبه للأيام : الخميس ،الجمعه ، السبت . أساسيه وبعد منتصف الليل او الفجر . يوم الاثنين على حسب ظروفي لأن محاضراتي الثلاثاء متأخره . اتمنى اكون عند حسن الظن واتمنى روياتي تكون قريبة من قلوبكم ... اتقبل وبصدرٍ رَحِب النقد البناء . التعديل الأخير تم بواسطة لامارا ; 04-09-18 الساعة 08:10 AM | ||||
|
| |
|
01-09-18, 02:17 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شُموخ عز. البارت الأول .. الشخصيات ... عائله أبو خالد : الجد : عبدالعزيز ( ابو خالد ) مُتعلم ونشيط محافظ على صحته لانه كان صحي مره وعنده لياقه مافيه من الأمراض الاا الضغط ومن الشغل والتجاره والربح والخساره حنون يعتبر من تجار السعوديه وله اسمه بالسوق وبين الطبقه المُخمليه، حنون طيب وسيع صدر ماعنده تفكير رجعي ولا تعصب قبلي متفهم متدين ولا يرضى بالغلط والظلم ولا يرد لعياله وعيال عياله طلب لمصلحتهم عنده شركه بالشرقيه (الخُبر ) ولها فروع صغيره بالرياض والقصيم ومخلي عياله شُركاء معاه وخلاهم يتعبون ويشقون علشان يجمعون راس مال ويدخلون بشراكه معاه علشان يحسون ان كل شخص تعب لين وصل للي وصل له ابوهم ما يتهاونون ويعتمدون على ورث او حلال ابوهم. الجده : فوزيه ( ام خالد ) طيبة قلب ماقد شفتوها حنونه اي شي يبكيها تموت بعيالها وبناتها تفديهم بروحها تعشق شي اسمهه عبدالعزيز وروحها بروحه وهي من أصل قصيمي من القصيم بس حبهم ونصيبهم جمعهم ببعض عمرها ابداً ما يعطي على شكلها رغم كبر سنها وبين التجاعيد بعيونها الاا انها صحيه وفيها لياقه من اخذت ابو خالد وهي راعية رياضه ومعاه الي يسويه من مشي ومن اكل صحي ومن نوم منتظم وكل شي علشان كذا صحتهم مره كويسه فيها سكر للأسف جاها من بعد ولادتها بولدها الاخير اولادهم : بيت أبو عبدالعزيز : خالد : صارم قوي كلمته وحده لكنه حنون وطيب مره مره اذا قال الكلمه الكل يسمعها ومايرفضون له كلمه هيبه وإحترام وقدر من يكون موجود مع ذلك مع اخوانه وخواته وعيالهم غير غير شخصيته تعكس الي عند الناس يحبهم حب مب طبيعي وما يسمح ب احد يعتذر بالاجتماعات الكل يجي لو ساعه عكس ابوه الي سامح لهم وكل معه عذر لكن هو لا من حبهم مايبي يجي يوم الجمعه على الغداء ومحد منهم مو موجود بعد العصر الكل الله يساعده ، مهندس معماري عنده شركته الصغيره ومع ذلك مشترك مع ابوه بشركته وابوه من الداعمين ل أعماله رحاب : ام عبدالعزيز .. دكتورة جامعه تخصص لُغه إنجليزيه أنيقه جداً جداً متهتمه بصحتها وجسمها وشكلها الكل يحبها لطيبتها وروحها الخفيفه وعدلها وإنصافها ما ترضى بالغلط وما ترضى تشوف الشي وتسكت لو هو على زوجها الي هو جنتها ونارها .. حنونه على عيالها لاكنها نظاميه وما تحب الحوسه والاهمال ما رزقها ب بنات لكنها لها بنت بالرضاعه من اختها .. جميله جميله جميله وابو عز (اسرع) غيوور عليها للحين .. عيالهم : عبدالعزيز : له هيبته واحترامه نسخ لصق شخصية ابوه اخذ من جمال امه وسمار ابوه شعره كثيف رموشه مرسومه له غمازه ما تطلع الاا اذا ضحك بقوه او صرخ جسمه مميز لكن مب مره معضل طويل عمره 34 ما تزوج للحين مايحب احد يفاتحه بهالموضوع ابداً ابداً وامه مستحيل تغصبه ولا ابوه تاركينه براحته ولا يحب الزواج التقليدي ابداً يميل للرومنسيه يحب الشعر مره ويحب يقرأ ويتثقف يعشق الصيد والبر متخرج من جامعة أمريكا إدارة اعمال ولانه اول حفيد يأخذ شهادة اداره اعمال وبمرتبة شرف اولى اخذ ادارة فرع شركة جده بالقصيم يُسمى عند جدته ( عروق جدتك ) تعرفون بعدين فيصل : إستاذ لُغة عربية هادي مره جميل رجوله فيه على جده بشكل يحب البر حب بدمه مثل اخوه ودايم معاه بالكشتات والصيد قريب من عز بشكل ما حد يتصوره وهو اخوه وصديقه وكل شي بحياته وكأنه تؤامه بالشبه والجسم وكل شي محد يصدق ان بينهم 4 سنوات عمره 30 حنون ونقطة ضعفه الدموع متعلق باخته من الرضاع مره تميم : اخر العنقود واخر واحد جاء ويسمونه اخوانه في ليله رومنسيه لانه جاء بعمر ما حد توقع ان امهم تحمل يدرس لُغة بـ بريطانيا عمره 27 مزوح وراعي ضحك واستهبال وماتهمه الدنيا ولا تسوى عنده شي ودايم هو علاج لكل شخص مهوم ومتضايق يحب عايلته واهله ودايم يجلس عند جدانه اذا جاء السعوديه يحبهم حب اهله يشكون فحبهم احياناً وهو يضحك ويزيد بعناد يبي يغارون ما تسوى الجلسه بدونه رومنسي وحالم ويؤمن بالحب من اول نظره ودايم يقول بتزوج الي احبها من اول نظره يكره الحر والرطوبه من وهو صغيره ويتحسس جسمه من البحر وهواء البحر مره يتعب منه عائلة ابو خالد 2 : الولد الثاني لأبو خالد من كثر حبه وتعلقه باخوه خالد سمى ولده عليه : اسمه عبدالله ، تميم طالع عليه بكل شي البنات يموتون بعمهم وخالهم عبدالله من دونه ما تتحقق احلامهم على قولتهم طيب طاهر قلبه ينوكل حقه وهو يشوف من هو صغير ودايم يقول( الي لي عند الله مايضيع ) مدير مدرسه ثانوي تعرفون شخصيته اكثر مع الإحداث < بتحبونه مره ! ام خالد 2: تغريد ، سيدة اعمال حُره عندها صالونين بالشرقيه من افخم وأرقى الصالونات بالشرقيه فرع بالدمام وفرع ب الخُبر شخصيه هاديه مره همها كله بيتها وزوجها وعيالها وشغلها واهلها تحب حمولتها مره وكأنهم اهلها مب اهل زوجها انيقه وذوقيه وحيل جميله وجسمها جداً جميل ما كان لها بنتين وولدين( ماشاء الله ) عيالهم : خالد: تؤام فيصل بكل شي وشبيه عمه بالاطباع والصفات اخذ من سميّه كل شي والشبهه على امه جداً فيه من روح ابوه المرحه مصمم مشهور بالمنطقه وله اسمه بالسوق من تصاميم صالات اجتماعات حفلات وووو يحب شغله من كل قلبه يجلس مواصل يومين مب مهم المهم شغله يكون على ما يبي وعلى ما طلبوا منه واجمل قليل يشوفونه خصوصاً بالاجازات والمناسبات وحتى يجيه شغل برا الشرقيه وبرا السعوديه ك كل عمره 33 اذا حب انعمى عيونه تخدر غصب واذا عصب الي قدامه ينسى امه من الخوف ريم : أخصائية تغذيه عمرها 29 فاتحه لها نادي رياضي نسائي وهي تديره وهي الأخصائيه فيه بعد ومع ذلك موظفه أخصائيات على اقسام للتخسيس للتسمين ووو من ارقى واجمل النوادي بالرياض من تصاميم من جوده من شهادات دوليه تاخذ دورات وشهادات من كذا دوله ومهتمه بنفسها وجمالها دلوعا بدلع بريئ رقيقه حنونه قريبه من عمها الصغير مره مره وكانها اخوها الثالث الكل من البنات يجيها يحبون ذوقها ويثقون فيها مره مستحيل يسوون شي بدونها كامله والكامل وجهه الله متزوجه رجل اعمال بالرياض ( راكان ) من سنه ونص . محمد: موظف ب بنك جميل رجولته تلفت يعشق الافلام يعشق البر وقريب مره فمن تميم وهو اكثر شخص يتعب اذا سافر وتقريباً شهرياً او كل شهرين يروح يزوره ويجلس اسبوع يحب اخته الصغيره روان وهي دلوعته وهي روحها محمد ودايم يصير بينها وبين تميم عمره 27 روان : خريجة لُغة إنجليزيه ، عمرها 24تعشق الرياضه وتموت فيها ومع ذلك تحب شي اسمه مطاعم واكل وموفره بين الاثنين تعشق الميك اب وهالاشياء هي الميكب ارتست تبع العائله طيبه تعشق الاطفال هي وتميم اعداء من وهم صغار وللحين بدون سبب ما يجتمعون بمكان واحد ماتبي تتوظف دلوعة ابوها تبي تنام وترتاح همها دورات الميك اب وهالاشياء حلللللوه حيل ما ينمل من يتأمل وجهها عنيييده وصعب الواحد يرضيها بنات ابو خالد : العمه منيره الثانيه بالترتيب بعد خالد . مالها بالمشاكل مع ان وحده من خوات زوجها مأذيتها بشكل مخليها تسكت من حبها لزوجها وتربيتها تحب بيتها وزوجها مُعلمه متقاعده من 3 سنوات طيبه مره مره ساكنه بالرياض لان زوجها هناك متواضعه مره لا تحب التكلف مع انها مقتدره داخله بجمعه الايتام وتدعمهم من راتبها التقاعد وعيالها ابوهم متكلف بتصاريفهم ويمنعهم من ان انهم يطلبون من امهم لانه يدعمها هو بالي تسويه منيره تسوى عيونه ويحبها امه وابوه متوفين وهي بالنسبه له كل شي فيها السكر لها بنت وولد. سلطان : موظف بشركة ابوه وحنون طيب مره يموت ب اهله وخصوصاً خواله خاطب بنت خالته الي من انولدت وهو يقول هي حقتي ومدلعها ومدللها ومايبي يجيها شي جميل جميل جميل على امه اذا زعل صعب الواحد يرضيه غيور غيور لدرجة تموت اخته عنده بالدنيا عمره 33 سحر : دلوعة ابوها رقيقه مره مره حساسه ونسخة امها الاا انها تنقهر بسرعه وماتقدر تكتكم قهرها مثل امها الي بقلبها بلسانها ودايم مشاكل مع عمتها الصغيره وعمتها تكرهها وهي ماسوت لها شي لكن الحقد وكيد النساء عمرها 27 قريبه من ريم مره ومن حسن حظها صارت عندها ريم بالرياض وتشتغل معها بالنادي خريجة علم نفس تهتم بلياقتها مره جميله وشعرها طويل مره لاخرظهرها وناعم عيونها عسليه على ام ابوها وفيها من جمالها وابوها يموت فيها لانها تذكره ب امه تكملة البارت بعد ساعه بإذن الله وراح انزل بارتات متواصله وبعدها بتكون بالأوقات المحدده .. بالنسبه للأيام : الخميس ،الجمعه ، السبت . أساسيه وبعد منتصف الليل او الفجر . يوم الاثنين على حسب ظروفي لأن محاضراتي الثلاثاء متأخره . اتمنى اكون عند حسن الظن واتمنى روياتي تكون قريبة من قلوبكم ... اتقبل وبصدرٍ رَحِب النقد البناء . | ||||
|
| |
|
01-09-18, 05:52 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم ... || البارت الأول - 1 || ببيت ابو عبدالعزيز ( عز اسرع) .. بالصاله . ابو عز وهو يتقهوى : من زمان ماشفت سُمو وينها ام عز وهي تبتسم بحب : ياقلبي هي والله مرسله لي امس انها بتجيني الخميس العصر ابو عز : زين والله البيت بيتها : السلام عليكم ابتسموا بحب : وعليكم السلام والرحمه فيصل يبوسهم على روسهم ويجلس جنب ابوه ويمد ايده للقهوه ويصب له : شلونكم : بخير حمدلله فيصل ابتسم : يمه يبه ودي اروح لعز بالقصيم مشتاق له وهو مب حاصل له يجي هالاسبوع ابد امه قلبها حن لولدها الي ماشافته من اسبوعين : براحتك يمه ابو عز: وراه مب جاي هالأسبوع مب هم اسبوعين ويجي اسبوع اوف فيصل : الاا يبه مالك لوا بس يبي يجي الاسبوع ااجاي علشان زواج ساره وسلطان ابو عز براحه : براحتك وانا ابوك فيصل قام وهو يستأذنهم : بمّر على جدي وجدتي بسوف يبون شي من هنا ولا من القصيم قبل امشي لان بكرى عندي زواج ولازم اشرف عليه والخميس العصر بمشي ام فيصل بفخر : ياقلبي انت والله الله يعينك ويقويك ابو عز : الله يبيض وجهك وانا ابوك رح الله يسهلك طلع من عندهم وهم يبتسمون وكل واحد ودهم يدخلون عيالهم بقلوبهم ام عز تتنهد : ياروح امك يافيصل ابو عز بغيره تنحنح : لولا الله ثم خالد ماجاء فيصل ام عز ابتسمت بحب وحياء : احب عيالك من حبك يانظر عيني ابو عز ابتسم لها بحب : الله يخليك لي ولا يحرمني وجودك ووجودهم. ام عز : امين. | ||||
|
| |
|
01-09-18, 05:53 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــ ــ ـــــــــــ تابع البارت الأول ... بـ الرياض تحديداً بـ بيت العمه منيره .. ام فراس.. بـ الصاله جالسه وهي لابسه عباياتها وتقرأ اذكار المساء تنتظر سحر تخلص وتنزل . نزل فراس : هلا يمه خلصتوا؟ ام فراس بحب : ياقلبي ياوليدي الله يعجل بالايام بخير واشوفك عريس وافرح بك فراس ابتسم : ياروحي يايمه ان شاء الله هانت كلها اسبوع ام فراس بدموع: ياقلبي انت ان شاءء الله الله يتمم لكم بخير فراس : اميييين يارب والتفت وماشاف سحر راح لجهت الدرج : سسسححرررخلصي يالله ماصارت تراا بروفه بس سحر تنادي من غرفتها وهي تحط الماسكرا بكثافه , طيب طب جايه ياللا دقايق ونزلت وناظرت ب اخوها : عمممررري وقلبيييييي وهه فراسي فراس بضحك : اقوول اعقلي بس محد يناديني فراسي غيرها ام فراس بضحك : بدينا اخلصو الوقت المحدد لنا بالبروفه بعد نص ساعه فراس ب استعجال : اي ياللا وخالد متصل له شوي يقول وصلت لي شوي استعجلوا سحر تنهدت وتحجبت واخذت شنطتها وطلعت معاهم **متوجهين لقاعة زواج فراس وساره علشان البروفه للزفه والديكورات وخالد هو متكفل بديكورات الزواج من الى وهديه منه لهم ** ملاحظه مهمه : ( البنات يتحجبون عن العيال وحتى برا ) بـ بيت العم عبدالله .. ابو خالد .. ابو خالد دخل من صلاة المغرب وهو يكلم فارس : هههههههههههههههههههههههه انت ثور ؟ اقولك يوم قبل الزواج ويومين بعد الزواج وبنرجع الشرقيه ... فارس يسوق رايح لفارس وخاالد ويكلم : طيب طيب لا تدف هذا جزاي ابيكم تجلسون اكثر بس خلاص بجهز لكم المزرعه والله يحييكم ابو خالد بمزح: اي ادري الله يحيينا حلال ابوي .. هههههههههههههههههه فارس : ههههههههههههههههههه ياخيي خل اسكر واركز بطريقي لا اتاخر على ولدك وولد اختك يذبحوني ابوخالد يروح لغرفة بنته : طيب طيب ياللا ياعيني استودعتك الله انتبه وسلم عليهم كلهم فارس : اابشر الله حافظك سلم لي على ام خالد والبنات ..مع السلامه ابو خالد يطق باب غرفة روان : روان قمتي ؟ يابنت روان وهي تسلم من صلاةالمغرب ,: استغفرالله استغفرالله , اي اي ياروحي قايمه ادخل ابو خالد دخل وابتسم : تقبل الله وانا ابوك روان وهي تتقدم له وتبوس راسه : هلا والله نورت غرفتي , منا ومنك ابو خالد : يازينك بس , تعالي تقهوي معي امك معزومه وطلعت روان تربط شعرها وتلتفت على ابوها وتمسك ايدده وتاخذ جوالها: الحييين ننزل ونتقهوى واسولف لك وكل شي اسويه لك كم عبدالله عندي؟؟ ابو خالد : ابووي انتي والله ياللاه بـ بيت الجد ..جالسين بالحديقه ويسولفون وعندهم ام رعد ورغد .. جت الشغاله لهم **من تزوجوا عندهم اسمعها مريم وكلامها واطباعها كانها سعوديه وهي هنديه**: يارغد ادخلي اللبسي بفتح الباب جاء فيصل رغد قامت بسرعه وتركت جوالها دخلت تلبس عبايتها دقايق دخل فيصل وهو مبتسم وسلم على جده وجدته وعمته جلس بمكان رغد : وشلونكم : بخير الحمدلله ام رعد : شلون امك وابوك واخوانك ؟ فيصل بضيقه : يووه يا اخواني مشتاق لهم ليتنا ماكبرنا الجده برحمه : يابعد جدتك انت والله الله يجمعكم ياقلبي ولا يفرقكم الكل: آآآآآآآآآميييييييين جت رغد وسلمت : السلام الكل : وعليكم السلام ام رعد دق جوالها وقامت : هلا وغلا بالغاليه ..... رغد جلست : كيفك فيصل فيصل بـ إتحرام : بخير حمدلله شخبارك انتي؟ رغد بخجل : حمدلله الجده بشوق: عروق قلبي مب جاي هالأسبوع؟ فيصل ابتسم: لا والله يمه بيجي الاسبوع الجاي على طول للرياض وعنده اسبوع اجازه الجد: ياعيني عينه واالله فيصل اابتسم : علشان كذا جاي اقولكم ابستاذنكم بروح للقصيم الخميس العصر اذا ارتحت بعد الدوام بشوف عز مشتاق له الجده فز قلبها : ياحي اهلي والله خذني معك عند اختي اجل وانا امك اذا ما معك احد اجنبي؟ بعد اذن ابو خالد الجد : انا اقدر ارد لتس طلب؟ الجده بحب : عسى الله لايخلين والله رغد بنعومه اجبرت محمد يلتفت : يمه فوزيه ممكن اروح معكم ؟ فيصل ابتسم :..... الجده :انا اخذك للي تبينه بس راعي الروحه استأذني منه وامك واخوك بعد رغد بخجل شوي وتبكي لفت لفيصل : يصير اروح معكم ؟ فيصل ووده يضحك على شكلها : أكيد عزيزه وغاليه رغد تمنت ماطلعت من الاساس همست : شكراً فيصل يصب له قهوه : العفو شدعوا مب بيننا , يمه ترا طيران الجده : مخالف الي تبي ممعك بس علمن الوقت علشان اجهز اغراضي اناا ورغد لو جزمت فيصل يبتسم : ابشري , قام واخذ جواله ودخله بمخباته .. ياللا اجل عن اذنكم بروح اخلص اشغالي قبل صلاة العشاء وراي نوم وحصص بدري بكرى الكل: الله حافظك ان شاء الله .. قام وباس جده وجدته ام رعد : وين وين ؟ فيصل يبوسها براسها : والله ابي اغراض من المكتبه ودي اجيبها قبل الصلاة وبي نوم مانمت من قومتي بعد الفجر ام رعد : يابعد قلبي الله حافظك فيصل : امين ياعيني سلموا لي على رعد , مع السلامه الكل: الله معك بـ الرياض , بقاعة زواج.. ساره & فراس .. جالسين يتناقشون عن الزفه مع المنتج ومع خالد بتصميم الكوشه والصاله كـ كُل بجهه جالسين ام فارس وام تركي وريم وسحر وساره يتناقشون بالتقديمات للقهوه والموالح والزفه والعشاء ولوقت الزفه ووو ... وعند المنتج لـ الزفه والاغاني وكيف دخول الرجال وكيف دخول ساره .. فارس , فراس , خالد , هيثم .. تركي كان مسافر لـ دبي عنده اجتماع وبيستلم فستان ساره من المصمم ويجيبه.. سحر دقيقه معاهم دقيقه قلبها يجر عيونها تلف تدور خالد ... خلصوا تجهيزات واتفقوا ع كل شي وهم مرتاحين ومتوكلين على الله ثم خالد وشركته .... خالد جلس بتعب : اشوف ان شاء الله بعرسي تنسى فضلي يا استاذ فراس فراس يضحك : بجحد اهلك بعد ,, اخذ ساره وطلعوا لان عازمها على العشا اليوم .. خالد يفرك وجهه ويضحك: اي لو انك مب ولد عمتي منيره كان قلت ايه وصدقت بس هين ام فراس : بعد قلب عمتك ياخالد الله يوفقك ياوليدي ويسعدك ويجعلني افرح فيك وابشر بالزواج الي كل الدنيا تحكي فيه خالد ابتسم: ان شاء الله ياعمه ادعوا لي ان شاء الله تتسهل اموري ويحقق ما اتمنى ام تركي: الله يسعدك ويوفقك ويحقق لك ماتتمنى وتسعى له ويجمعك بمن تحب عاجلاً غي آجل خالد بحب : اميييييييييييييين ياحبيلك ياعمه ام تركي وام فراس طلعوا .... فارس : الولد طايح على وجهه ريم : يوهه من زمان اخخوي رايح فيها سحر كل مره قلبها ينعصر الف مره ومره وساكته مابيدها شي والي تعرفه من ريم ان خالد يحب بس قلبها يموت ولا تسال مين هي خالد بضحكه : الحب اعمى جعلك تذوقه فارس : امين ابي احب ريم تعدل عبايتها لانهم بيطلعون : بزوجك وحده بتطيح بطولك لو تشوفها فارس يمسك ايد سحر يقويها لانه حس بيعونها تفضحها : ابيها تشبه سحر وراضي سحر بحب: قلبي يافارس | طبعاً ماينادونه عم او خال لانه قريب نهم ومن صغرهم ينادونه فارس || خالد : اقول اخلص بس " طلع وريم مع سحر وفارس وراه ـــــــــــــ بـ بيت الجد ... رغد : يماااااااااه وين جوالي والله مالقيته ام رعد : اخر مره بالحديقه يوم جاء فيصل وقمتي روحي شوفي رغد بزعل : يمه والله مالقيته حتى مريم تقول ماشفته وجناحنا مافيه والصاله والمطبخ وحتى المسبح مع اني مادخلته من جينا رحت اشوف ام رعد: هذا وانتي توك شاريته دقي عليه من جوالك الاول رغد شوي وتبكي وهي تدق يرن يرن ماحد يرفعه ... دقت فوق العشر مرات : اوفففففففف ببكي يماه ـــــــ طالع من المسجد وركب السياره وهو هلكان نوم شغل سيارته ودق جواله وهو بشاحن السياره ... استغرب فيصل يلمس مخباته وعاقد حاجبه: هه !! مين جواله الي يدق وانا بالمسجد ؟ رد على جواله وكلم خويه وقفل وهو يشوف خلفية الجوال ... الله يهديك يارغد بس رجع لـ بيت جده ودق على عمته مااردت وصل ودق الباب وكانت رغد بالحديقه تدور جوالها .. رغد وراء الباب : مييين؟؟ فيصل : إفتحي رغد انا فيصل رغد بخوف: بفتح لك واروحـ قطعها فيصل فيصل : لالا مب داخل بروح بس بعطيك جوالك رغد براحه وخوف وبكت من الخوف ولان خلفيتها صورتها : طـ طـيب ,فتحت ومد لها االجوال فيصل : معليش اخذته مانتبهت وهو جنبي على بالي جوالي , وغيري الخلفيه رغد لحد يشوفك ولا ينسرق ويضيع رغد تبكي : والله جديد كان وبس كذا كنت اللعب وحطيتها بجرب , شششكراً مره فيصل واسفه قطعتك ورجعتك فيصل : تعبك راحه, ياللا استودعتكك الله رغد : الله معك .تنفست براحه وسكرت الباب وعلى طول غيرتها ودخلت داخل بــ القصيم , بـ شاليه عبدالعزيز الي ساكن فيه .. جالس ويسوي شغله بـ اللاب ومشغل عبادي وقهوه وبخور وطقوسه المفضله .. دق على فيصل .. فيصل نصه نوم ومتخدر يبي يوصل للفراش , : هلا ابوي عز ابتسم : هلا وغلا وش الاخبار ؟ فيصل يتثاوب : آآآآهخ حمدلله عز: دايم , الاا وش صار عليك بتجي ولالا ؟ قلت بترد لي ومارديت فيصل : انشغلت والله وان شاء الله الخميس المغرب بمطار القصيــــــ....... عز فز من مكانه بـ خوف وصرخ : ففيييصصصصلللل !!!!!! قطع الخط وهو حس روحه بتطع من سمع صوت الفرامل والصدمه .. مايدري وش يسوي وده يطير للخبر .. دق على فارس قال بالرياض قفل ماقال له ولا وش يبي توتر ولا يبي يدق على ابوه ويخاف يكلم السواق مع امه وتميم مب بالسعوديه اساساً عز : ايييمالي غيره .. دق كان توه داخل للبيت وسلم عليهم وجلس ... رعد: رغد ابي ماء رغد قامت: سم رعد دق جواله: هلاااااا وغلااااا بالغالي ... سم وشبك؟ .... وششوووو؟؟ مممتى ووينه هو ؟؟ قالك للبيت ؟؟ طيب يطيبخلاص والله الحين اروح واشوف لاتخاف مافيه الا كل خير الله معك ام رعدبخوف: وشو وشو ؟ الجد: وش بك بسم الله رغد دخلت وعطته المويا الي تركها علىالطاوله . رعد: عز دق وقال فيصل كان يكلمه وهو بالسياره وسمع فرامل وانقطع الخط بروح اشوفه رغد انصمت حست نار بجسمها جلست بحاة ذهول الجده بكت : تكككككفى دق علي تكفى رعد: سمي سمي وطلع الجد: لا تسسرع ياولدد ام رعد تهدي امها والجد يستغفر وقلبه يدق بخوف رغد قامت لغرفتها وهي تحس بذنب تحس حقدت على نفسها لانه رجع علشان جوالها وبكت وصارت تدعي له ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ بـ بيت ابو خالد (عبدالله ) .... روان نزلت ومعاها اغراضها بتروح لبيت جدها تنام عندهم علشان رغد .. رغد : بابا ابو خالد: سمي ؟ رغد توديني بيت جدي ؟ ولا اروح مع السواق ؟ ام خالد جايه من المطبخ معها قهوتها هي وابو خالد: بتروحين الحين ؟ ابو خالد : ايهه بوديها وبجي واجيب عشاء معي لا تصلحون بيتأخر وانا بنام وراي دوام ام خالد وهي تجلس: الي تبي حبيبي رغد باست امها : اغار على ابوي .. طلعت تركض ام خالد تضحك وتناديها : حبيبي انا الاولى قبلكم كلكم ههههههههههههههههه ابو خالد يضحك : يخليكن لي بس ام خالد : ويخليك لنا , الله حافظكم طلعوا وإتجهو لـ بيت الجد ... ـــــــــــــــــــــــــ ـــــــــــــــــــــــــ ـــــــ نرجع لـ القصيم , لكن مكان ثاني .. بيت أم إبراهيم.. شموخ : يمه موضي الجده موضي : سمي وانا امتس ؟ شموخ وهي تجلس وعليها عبايتها : يمه ياروحي بروح لصديقتي أفنان الجده موضي وهي تبتسم لـ حفيدتها الوحيده : روحي وانا امتس الله حافظتس بس لا تتأخرين منب نايمه بحتريتس شموخ ب ابتساتها الي تجذب تبوس ايدها ورأسها : سمي ياروحي ساعتين وجايه , قامت وكلمت الخدامه تهتم فيها لين ترجع مع انها مب محتاجه بس زود حرص الجده اتبعت بعيونها شموخ وهي تطلع واستودعتها الله وقلبها ينعصر .. : ياعيون جدتك إنتِ الله يبلغني فيك ويعوضك بـ الي يحبك ويسخره لك ويعوضك عن كل كسر وكل فقد ووجع . بيت ام إبراهيم : موضي .. جدة شموخ , وهي الي بقى لها من هالدنيا بعد وفاة امها وهي بالمتوسط .. ابوها كان متزوج من قبل وفاة امها لان امها من بعد ولادتها تعبت ولا قدرت تجيب له عيال وهو قرر يتزوج وشموخ رفضت بعد وفاة امها تروح لأبوها بالرياض تمت عند جدتها .. ريحة امها .. جدتها رحبت فيها وخلتها عندها وصارت لها كل شي بدنيتها لانها ربي مارزقها الاا ببنت وولد وكلهم توفوا .. وكل شي بحياتها شموخ طيبه وحنونه وجميله رغم شيباتها الاا انها من جمالها ينحب وجهها فيها سكر وكلى . شموخ (بطلتي ) : خريجة تصاميم ازياء عمرها 29 سنه .. ورثت من امها خير كثير .. وسوت لها مشغل ازياء كبير وجميل .. أنيقه أنيقه أنيقه جميله بششكل ان حتى وهي تبكي ودكم تأكلون البراءه الي بعيونها فيها غمازة الدقن وخدها اليسار , جسمها جميل محافظه عليه مره صوتها فيه بحه مُميزه مره وملامحها بريئه جداً جذابه .. شعرها ناعم كثيف لنص ظهرها .. هي الي مسئوله عن جدتها ولا ترضى هي تدفع اي شي من حسابها اي شي هي تصرف عليها وعلى البيت وعلى سواقها الخاص وعلى سواق جدتها والخدم وعمال المزرعه والفواتير .. تخاف حيييل من فقدها تتعب اكثر منها اذا مرضت وهي تروح معاها لمواعيد غسيل الكلى ماتت وهي تحاول تتبرع لها وهي رافضه ..والجده ماتبي احد من الدنيا يتبرع لها الاا متببرع بالاعضاء ميت دماغياً .. شموخ صبوره مُتفهمه تفكيرها واعي ربي راضي عنها ومنزل قبولها بقلوب العباد والكل يشهد لها بالطيب والاخلاق والكل يتمنى وحده مثلها .. لكن هي اخر همها الزواج والإرتباط ... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ بـ المستشفى , عند رعد وفيصل .. فيصل يضحك بالم : شفيك ياولد الحلال والله اني بخير . عبدالعزيز بخوف : أحلف ؟ دق سناب بشوفك فيصل يسوي عصب: ياولد انا كبرك اكذب عليك ؟؟ عز : اقول اخلص بسس ولا والله لا امسك خط وتشوفني قدامك . وسكر فيصل ضحك : ههههههههههههههههههههههههه يارب تخليلي بس رعد بضحكه :وش فيه فيصل يطالع ايده الي فيها الجبس : يبيني اتصل كام يتأكد رعد : ياحبيله الله يخليه لنا بس فيصل: امييييييين . ياللا نطلع علشان ادق عليه وعلى جداني قبل رعد : ياللا طلعوا وركبوا السياره .. ــــــــــــــ بـ بيت الجد ... ابو خالد بخوف : وهو وينه الحين ؟ ام رعد تسوي مساج لراس امها : يقول مافيه شي بس جرح فوق حاجبه من قزاز السياره وايده انشعرت وفيها شبه كسر طفيف بس مايحتاج عمليه يكفيها الجبس الجد : ياكرهههي للسيارات وحوادثهن انا مت وانا احرصهم مايكلمون وهم يسوقون بس ما يسمعون الجده : حمدلله عدت على خير بس :الحمدلله .. عند رغد الي متقطعه هم وخوف : ..... روان : تككفيين يارغد خلاص والله يقولون مافيه شي بعدين خير تخافين على فيصل اكثر مني ؟ رغد بضحكة هم : مب وقتك والله روين روان تدقها بكتفها : من وراي ؟؟؟ تحبينه ؟ رغد دمها صار حار وتجمع بوجهها : خير انتي وش تبين علشاني حسيت بالذنب قلتي لي اني احبه وخري تكفين روان بضحكه على شكلها: والله احببببببك , قومي قومي تكفين ننزل لا تجينا عمتي عاد احساس الام مايكذب , قامت تركض بضحك رغد فهمت قصدها وضحكت بخجل: وجججججع ياحماره هيييين , حست قلبها يدق بقوه , .. لا يارغد ما تحبين ولا عمرك حبيتي وش الي جاني طيب !! حسبي الله على بليسك ياروان هين قامت عدلت نفسها ونزلت تحت وسلمت على خالها وهي تتوعد روان بنظراتها ... ـــــــــــــــــــــــــ ـــــــــــــــــــــ بـ الرياض .. بـ أرقى المطاعم .. فراس بحب يطالعها وهي تأكل وقلبه يدق بقوه .. ساره حست بنظراتها طالعت عيونه وابتسمت بخجل : فراسي ؟ فراس بـ هيام : قلب فراسك ؟ ساره بخجل: شفييك تطالعني كذا فيك شي ؟ فراس : بشوفك تعرفين تأكلين ولالا علشان القاها عذر اخذ وحده ثانيه ساره بذوق وثقه : تطمن حبيبي ما بتلاقي مثل ولا بتاخذ علي وحده طول ما انا حيه فراس بخوف : الله لايجعلني اعيش يوم بدونك ساره بحب من اعماقها : ولا انا ياحبيبي انت فراس : ساره حبيبي ؟ ساره : ياقلبي ؟ فراس :فيه شي مضايقك ؟ ساره بتنهيده : والله اتمنى ابوي يرجع قبل زواجي اتمنى اسامحه اتمنى ماصار بين اهلي شي اتمناه يزفني عليك مثل اي بنت والله اتمنى فراس وقلبه يعصر ومسك إيدها وشدها : ياروحي انتِ وقلبي قولي حمدلله انه بخير وعافيه ولا تضايقين صدرك وتخربين فرحتك .. ككلنا معك ورعد ابوك وحبيبك واخوك ساره تنهدت بهم : مع اني اتمنى بس وربي اني مابي اشوفه بليلتي ذي يمكن تقول متناقضه بس حلمي زي حلم اي بنت لكن لو هو مفقود ورجع فرحتي بتكبر اكثر واكثر لكن مابيه يجي يخرب علي ليلتي الي حلمت فيها معاك .. فراس بحب ابتسم : محد بيخرب ليلتنا خليك واثقه بالله ثم بي انا ساره باست ايده الي حاضنه ايدها : الله لايحرمني وجودك بحياتي ياحياتي فراس شد ايدها وغمز لها : ارفقي بي ياعيون فراس . ساره بخجل تبتسم : طيب خلاص فراس ضحك من خجلها : أحبكك والله ساره بخجل : أنا اككثر ـــــــــــــــــــــــــ ـــــــــــ بـ بيت ريم وراكان ... كان فارس وسحر توهم طالعين من عندهم متعشين.. خالد قام وهو يتمغط : آآآآهخ , استأذنكم راكان بطنازة مزح : لالا اجلس للصبح تكفى .. خالد ب استهبال : والله ؟ .. جلس : اجل هاتوا السهره راكان رمى الشاحن المتنقل : قم قم برا ريم دخلت بـ ابتسامه وهي متعوده على هبالهم : والله تطرد اخوي وانا موجوده ؟ خالد بـ غرور: شفتي وانا اخوك راكان بمزح : اطرد قبيلتكم كلها ريم رفعت حاجبها بدلع : اكيييييد ؟؟؟ خالد قام ومسك اخته وهو طالع : امشي وانا اخوك مشينا لبيت ابوي راكان قام وسحبها له وشدها بخصرها : هيي ذي حلالي ما تجلس بغير بيتها وعندي خالد بضحكه : وشهوله الهياط اجل ؟ ريم بغرور اخذ قلب راكان : مايقدر يتنفس بدوني دقيقه خالد ياخذ جواله وهو طالع يتطنز : اي اشوفه تو كنت بعطيه تنفس صناعي الاا انتي دخلتي ريم ضحكت بقوه : ههههههههههههههههههههههههه ههههههههههههههههههههههههه ههههههه راكان طالعها وابتسم وراح يركض وراه : والله ما اخليك .. بس خالد اسرع منه طلع وسكر الباب وراكان قلبه رجعه لها وهو يضحك : ماقدرت اتنفس ورجعت ريم تضحك وتمسح دموعها هههههههههههههه آهخ ياربي بطني , وانت تطنز يالرومنسي ؟ راكان بحب يشيلها : لا ما اتطنز والله صدق ماقدر اعيش بدونك شايل هم الاسبوع الجاي اذا جو اهلك شلون بنام بدونك ريم تعلقت فيه وباست جبينه القريبه منها : احبك راكان غمز لها وصعد للغرفه : أحبك حب ياعمري زمن بالشوق ماينقاس ريم تنهدت بحب وغمضت وابتسمت .... ـــــــــــــــــــــــــ ـــــــــــــــــــــــ بالسياره , فارس وسحر .. سحر تكلم امها : طيب ياقلبي الحين جايين , بالطريق هذانا , طيب ياروحي , مع السلامه .. فارس يطالعها : سحر ؟ سحر التفتت له : هلا ؟ فارس بحنيه: لا تضايقين نفسك ترى والله الي مايحبك خسران وانا خالك وخالد ل يدري بحبك يمكن يبادلك يمكن تكونين انتِ الي يحبها او خاطره فيها . سحر تنفست براحه : لا يافارس انا قلت لك اذا يحبني وهو نصيبي بيجيني لبيتنا ويخطبني واذا خاطره بوحده ثانيه الله يوفقه ويهنيه وانا مب واقفه حياتي فارس بشوي عصبيه : شلون مب واقفه حياتك ؟ وانتي ترفضين كل من يتقدم لك !! سحر بضيقه : فارس تكفى والله مافيني احكي , وارفض لاني مب مستعده نفسياً ولا جاء نصيبي اذا جاء نصيبي بروح صدقني خاالد او غيره فارس يتنهد ويطالع الطريق : الله يختار لك الخيره بكل امور حياتك ويحقق لك ما تتمنين خير مب شر سحر ابتسمت له بحب : عمري فارس لا تشيل همي انا واثقه بالله ومتوكله عليه فارس بادلها : يازينك بس ماكذبت يوم قلت لك ابي وحده تشبه لك سحر بخجل : قلبي والله ... نزلها ونزل معها لين شافها دخلت داخل البيت طلع وسكر الباب وراح للمزرعه علشان ينام ويقوم بدري يخلص اشغاله .. ـــــــــــــــــــــــــ ـــــــــــــــــــــــــ ـــــــــــــــــــــــ بالقصيم ... بالكوفي .. أفنان , شُموخ ... شموخ بضحكه : الله يخليك لي قولي امين أفنان بحب : أمين ياروحي . شُموخ : ياللا افنان نروح ؟ جدتي تنتظرني أفنان تقوم : يااللا مشينا طلعوا وكلمت السواق وقالت له يجيب السياره شموخ شافت سيارتها جايه : ياللا جاء أفنان منشغله بجوالها : طيب ياللا وقفت السياره مرسيدس سوداء وفتحت شُموخ الباب الي وراء الرديف مو السواق : ... أفنان فتحت الباب وركبت . أنصدم من الي شافه واستغرب .. : نعم أختي ؟ شُموخ تصنمت بخوف وتيبست من الي شافت : ... افنان عرفت انها مب سيارة السواق خافت وفتحت الباب : شُموخ بسرعه مب سواقك عبدالعزيز يطالع بالمرايه ينتظرها تتحرك .... شُموخ بدموع فتحت الباب : اسفه اسفه ونزلت بسرعه عبدالعزيز هز كفوفه وسكر السياره واخذ اغراضه ونزل :.... افنان ترتجف وشُموخ أشد منها : حسبي الله على بليسك شُموخ بتبكي من الاحراج : افنان امشي جاء زيد افنان بصوت واضح : اقول لا تتحركين لين يدق تبلشيننا مب كل مره يطلع ولد حلال ويهج فينا شُموخ بضحكه وخوف : والله هو امشي عبدالعزيز مشى من قدامهم وشافهم رايحين للسياره وشافها مثل سيارته ابتسم ودخل الكوفي .. أفنان ركبت براحه : اووووه يمه شُموخ بفشله : تدريييييييييين انه يقرب لي !!!! أفنان بعصبيه : وجعع ليه توك تحكين ! شُموخ تقول للسواق يوديها بيت افنان : انا مثلك ارتبكت و اسوي اسولف بالشارع ولا بسيارة الرجل أفنان بـ غمزه : والله عايلتكم وراثه الجمال شُموخ بطنازه : ههه جدتي موضي وجدته ام ابوه خوات يعني جدته فوزيه خالتي أفنان : الي بـ الشرقيه ؟ شُموخ : اييييييوه ـــــــــــــــــــــــــ ـــــــ بـ بيت الجده موضي ... منسدحه تتابع فلم هندي .. دخلت شُموخ وباستها براسها : قلبي المندمج الجده : قلبي انتي جيتي شُموخ : ايه ياروحي تأخرت الجده بحنيه : لا وانا امتس توي متعشيه شُموخ : اخذتي علاجك ؟ الجده : ايه حمدلله شُموخ : فيه العافيه ياقلبي الجده بفرحه : تدرين اختي فوزيه بتجي الخميس العشاء القصيم عقب ماطلعتي ددقت شُموخ بفرحه : صدددق وهه مره مشتاقه لها كلهم ولا بس هي ؟ الجده ب ابتسامه : لا بس هي ويمكن بنت بنتها مها شُموخ بتفكير: اييي اذا مخاب ظني رغد مدري روان , ياحبيلهم الله يحييهم اجل يمديني بكرى احجز لعزيمتهم الجده بحنيه : وله تكلفين على نفسك واا امك اهلنا شُموخ بحب وحزن لمع بعينها :يمه هاذ فيها ريحة امي وامي تحبها وعمر يفدأ من تحبهم امي الجده بحزن : يابعد قلبي يابنيتي الله لايحرمك الجنه ببرك ب اميمتك وهي حيه وميته شُموخ باست راسها : الله يجعلكن قبلي بالجنه , تبين ننام يمه ؟ الجده بثقل : اي وانا امك تعبني الغسيل اليوم ومانمت العصر شُموخ بضيقه تعضدلها: ياجعله بعروق قلبي ولا بك الجده بزعل : شُموووووخَّ!!! شموخ باستها : اسفه اسفه إنتهى البارت الأول ... رأيكم , ثم توقعاتكم .. شُموخ .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ | ||||
|
| |
|
04-09-18, 08:05 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــ البارت الثاني ... يوم الأربعاء .. الفجر بعد الصلاة .. دخل ابو عبدالعزيز البيت شغل النور والتكييف للصاله وجلس يقرأ قران كالعاده الي تعودوا عليها من ابوهم من وهم صغار وللحين عليها وام عبدالعزيز تسوي قهوته .. جاء خالد بعد الصلاة ودخل البيت ودخل الصاله وسل على ابوه براسه : السلام عليكم , صبحك الله بالخير يالغالي .. ابو عبدالعزيز خاف من الي لمحه وكمل الصفحه ورفع راسه لولده : صبحك الله بالسعاده وانا ابوك , افا وش صاير بسم الله عليك ؟ خالد ابتسم : لا تخاف مابي الاا العافيه حادث بسيط امس وانا راجع للبيت ام خالد دخلت وانفجعت وحطت القهوه : يمه بسم الله عليك فيصل امي وش بك ؟ خالد بحب : ياروحي يمه مابي شي حمدلله هاي قدامكم بســ ( حكى لهم كل شي ) .... ابو خالد : بسم الله عليك وانا ابوك انتبه كم مره اكرر . خالد : ابشر على هالخشم ام خالد قامت تصب قهوه : بعدوانك وانا امك . خالد : الحمدلله , يمه بنام واذا صارت 6 ونص قولي للخدامه تجهز قهوتي بتقهوى قبل اطلع ام خالد : سم رح ارتاح وانا امك خالد قام : استأذنكم ـــــــــــــــــــــــــ ـــــــــــ بـ بيت الجد بالحديقه يتقهوون ... ام رعد تتثاوب : ياللا بدخل اكمل نومتي عندي دوام الساعه 8 شكل ابوي مب جاي من المسجد الحين : نوم العافيه ام رعد وهي رايحه : نامن بس وانتي يارغد قولي لرعد عن روحتك روان تصارخ تنادي عمتها : مابترووح الاا اذا وافق ابوي وامي يمه ام رعد به نوم : ... رغد : ههههههههههههههههههههههههه هههههههههههه سحبت عليك روان : ههه تضحكين , اقول بس شصار بتعتذرين ولا هونتي مب رايحه؟ رغد مغصها بطنها : هاه رواني مادري  روان عدلت جلستها : والله عاد بتقررين والحين ولا والله لا اسحبك سحب معي !! رغد بتنهيده : طيب طيب بس متى ارسل ؟ خايفه وش بيقول عني ! روان رجعت انسدحت على بطنها : قلت الي عندي عاد انا رغد بزفره : هيييين هيين اشوف فيك يوم روان بضحكه: اذا صرت حساسه مثلك ورقيقه يصير خير رغد انقهرت : خيييييييير دخل رعد والجد ... الجد ب استهبال : شعندهن جوج وماجوج يتهوشن ؟ < علشان قامتهم حبتين قصيرات < فزوا ب احترام وباسوه براسه وايده : تقبل الله . الجد بحب : صبحكن الله بالنور والسرور , منا ومنكم رعد بنوم : ليش مانمتن الجد : يأذنن الظهر وينامن رعد والبنات :هههههههههههههههههههههههه� �هههههههههههههههههههههههه روان : افا افا يايبه ترا نصلي الظهر ونطلب فطور وننام الجد : ايه هين صبن لنا قهوه بس رغد تصب لهم قهوه : رعد حبيبي روان تتطنز فيه : رعد حبيبي , عدلت صوتها :لـ مصلحه اللهم ياكافي رعد بضحكه ناظر فيها : انتي اعقلي عن اختي , عيون رعد سمي ؟ رغد تطلع لسانها : يخليلي قلبك , ودي اروح مع جدتي عند خالتي موضي بالقصيم يوم الخميس ونرجع الأحد المغرب رعد بـ إستغراب : مع مين ؟ رغد : مع فيصل وجدتي ويمكن روان اذا وافق خالي عبدالله رعد مايقدر يقولها لا وما ارسلها الاا مع ثقه ومن بيته لبيت اهل : طيب روحي وانا اكلم فيصل الصبح وانا طالع لشغلي علشان اشوف تذكرتك بكم الجد بزعل: اقول اعقل , انا الي بعطيهم كل شي حتى فيصل ولا ريال بيصرف والسكن بـ شاليه عبدالعزيز رعد قام وباسه براسه سم وابشر الجد قام : خذني معك بدخل اقرا لي كم صفحه و انام رعد مسك جده ودخله للغرفه وراح جناحه يرتاح قبل الدوام ... ـــــــــــــــــــــــــ ـــــــــــــــــــــــــ ـــــــــــــــــــــ مكان جديد .. خارج المملكه ... تحديداً بريطانيا .. عند هيثم , تميم ,محمد . تميم وهو متخدر نوم : ايييه هيثم وومحمدد ميتين ضحك على شكله: وش ايه ؟ تميم غفت عينه :... هيثم صبخ بالطاوله وصرخ : تمييييم تميم فز : ولعـــــ... , استغفرالله وجع يوجعك وش تبي ؟؟ محمد ميت ضحك : قم قم غرفتك نم بس هيثم : رح كمل سالفتك بالحلم مهذري نوم ويسولف تميم جلس: من فرحتي بالرجعه ماودي بالرطوبه محمد : الشكى لله تعود مصيرك تتوظف تميم: لالالا بروح مع فارس بالرياض ولا افكر اكمل شغل بشركة جدي هيثم : اي تبي تقزر الوقت غيابات وسحبات تميم : لا والله العظيم بس اقوم من نوم لشغل واطلع حر ورطوبه وكرف اموت على طول محمد وهو يقوم يودي الاكل للمطبخ اقول قم انت وياه بس ناموا ورانا طياره وتعب .. العيال : اي والله ياللا يمدينا نريح ك ساعه محمد بشوق يتمغط : يووو مشتاق لرواني تميم يتطنز وهو يفصخ تشيرته : رواني ياشين ماطريت محمد بعصبيه : انطم بس ونم من زينك اجل انت يوم إني اعني لك من شوقي لك تميم بمزح : غصب عليك هيثم يعدل مخدته : قم نقلع انت وياه كملوا هواش برا تميم : اي والله غرفتي ويطرد انت الي قم انقلع كمل نومتك بالسعوديه محمد : لحووول خلاص اهووهه ناموا ناموا وهم مرتاحين بقرب بعض ويتمنون تميم يخلص هالسنه بسرعه ويرجع قريب منهم ... ـــــــــــــــــــــــــ ـــــــــــــــــــــــــ ـــــــ على الساعه 8 الكل اتجهه لـ دوامه وشركته ووظيفته ومدرسته .. بـ غرفة رغد .. روان معها جوال رغد .. رغد بخوف سحبته : خلاص خلاص والله مابي روان بعصبيه : يووووه ياكرهك بعد هاتي ولا اكتبي ! رغد تجمعت الدموع بعينها : طيب طيب بكتب .. دخلت واتس وراحت لـ جهات الإتصال واكتبت اسممه ودخلت المحادثه وبالعرض صورته من الربكه رمت الجوال على روان : يمه صورته كأنه يشووفني روان :هههههههههههههههههههههههه� �هههههههه غبيه ؟ .. اخذت الجوال وسوت هاي للجوال : هاي فيصل ههههههههههههههههههه رغد وججها تصنم من روقان روان : كرهههههك روان بعناد: بكتب انا اوريك واونلاين بعد شكله ماعنده درس الحين رغد بخوف سحبته : لالا والله انا بكتب , اخذته وشافته مب اونلاين آخر ظهور اليوم الساعه 7:30 ص .. عطتها نظره : انتي ليه كذابه كذا ؟ روان يرقص على الأغنيه : للغروب بوسط قلبي ذكريات ... رغد : اسكتي اسكتي بس روان منطربه : اكتبي لا اكتب بسرعه اكتبي وخل ننام رغد سفهتها وكتبت ... تكتب وتمسح .. آخر شي توكلت على الله وكتبت ... صار صحين : اووف صحين رواني روان تسكر جوالها : حمدلله على السلامه , اخلصي نامي واذا قمتي الظهر للصلاة شوفي وش رد رغد : ياغبيه مالنا صلاة روان وهي تتغطى : اي صح العصر اذا قمنا صذقين اذا مارد بعد 10دقايق مب راد الاا اذا خلص دوامه رغد تركت جوالهاوفكت روبها ب استسلام : طيب .. ناموا رغد كل شوي تتقلب وتنتظر يرسل .. خاايفه من الي سوته بس مب قادره تقابله وهي تحس انها هي السبب مع التفكير نامت .. ـــــــــــــــــــــــــ ـــــــــــــــــــــــــ ـــــــــــــــــــــــ بالقصيم ... بيت شُموخ .. الساعه 10 ونص الصباح .. صحت وافطرت مع جدتها ووعطتها علاجها ولما قربت جية جارات جدتها قامت ولبست وجهزت تروح للجم .. ركبت السياره وطلبت من السواق يوديها لستار بوكس .. اخذت قهوتها ومرت على افنان وراحوا سوا .. طقوس كل يوم .. وبعدها تنام الظهر والعصر تروح مشلها تشيك على الفساتين والخياطه والزباين والمغرب ترجع للبيت وكل يوم على نفس الروتين الاا اذا صار عند جدتها غسيل الصبح من 6 الصباح لين 11 ونص بالمستشفى بعدها يرجعون يتغدون ينامون والعصر اذا لها شغل ظروري تطلع مالها ماتروح للمشغل ساعه وترجع بسرعه ..هذي حياة شُموخ .. حتى سفر ماتسافر ابداً الاا مكه المدينه علشا جدتها او دول الخليج اذا لشغلها وجدتها تكلم افنان تروح لها يومياً لين تخلص شغلها وترجع ـــــــــــــــــــــــــ ـ بعد صلاة الظهر البعض خلص شغله والبعض لـ الساعه 4 العصر .. *** بـ بيت أبو عبدالعزيز .. على الغداء .. ام عبدالعزيز: فيصل امي وش صار جازم للقصيم؟ فيصل :اي ان شاء الله وجدتي قالت لي بروح معك عند خالتي موضي ورغد بنت عمتي مها معها ابو عبدالعزيز بحب : والله اني مشتاق لها ومقصر معها , لف لأم عبدالعزيز ..: وش رايك نروح لها يومين ونرجع الاحد الصبح علشان اشغالك واكلم اخواي وخواتي بالقروب الي يبي يروح معنا نحجز لهم ام عبدالعزيز بـ إبتسامه : انا معاك بكل شي واشغالي أأجلها وفيه سُمو تمسكه عني ابو عبدالعزيز: اي صح سُمو مب قلتي بتجي الخميس العصر فيصل : لالا كلموها تجي اليوم ابي اشوفها انا ام عبد العزيز : ان شاء الله ارسلها تجي اليوم على العشاء اتفقوا انهم يروحون عند خالتهم موضي مع امهم ... فيصل قام : الحمدلله , بروح انام والعصر علموني بالاكيد علشان احجز معي انا وجدتي ورغد ام عبدالعزيز: زين امي اكلم عماتك ومرة عمك العصر اخذ منهم العللم الاكيد فيصل : زين ... صعد غرفته دخل جناجه ودخل يفرش اسنانه وطلع وسكر الباب واخذ جواله الي كان يشحن وانسدح بتعب : آآهخخ بس ,فتح الجوال وجلس يشوف الواتس الي من الصبح ماشافه مايحب يفتحه وهو بالمدرسه لانه يشغله .. شاف قروب العائله وابوه يحكي لهم عن الروحه للقصيم .. شاف رسالة رغد استغرب ودخل المحادثه .. رغد: صباح الخير فيصل ..كيفك عساك بخير ؟ الحمدلله على سلامتك ماتشوف شر يارب , أنا اعتذر مره على دخولي عليك ومتردده مره من اني ارسلك بس مره احس بالذنب لانك رجعت علشان جوالي وانت كنت تبي تنام بس تنتظر الصلاة مره تضايقت لما عرفنا من رعد اسفه مره ولو اني عارفه انه معاك ماطلبت ترجعه متى ماجبته بس كنت خايفه لانه جديد وقلبت البيت مالقيته وجلست ادق .. طمني عليك , الله حافظك . فيصل ابتسم وهو يقرأ كلامها وضحك على برائتها وتفكيرها :... يازينك والله .. مهب صاحيه تفكر كذا ههههههههه وهي شدخلها ؟ , قام على حيله وجلس يكتب لها وابتسم وحط المنبه ونام ... ـــــــــــــــــــــــــ ــــــــــــــــــــ عند عبدالعزيز .. جالس يعدل اشغاله باللاب وينتظر غداه دق جواله ابتسم للأسم وفز قلببه : هلا بروح عبدالعزيز ام عبدالعزيز دقيقه وتبكي : هلا ياعيون امك انت شخبارك ياروحي ؟ عبدالعزيز بشوق : مشتاق لك يمه والله تعالي مع فيصل انتي وابوي ام عبدالعززيز ماقدرت تكمل المفاجئه : بجي ياروح امك بجي بكرى كنت بسوي مفاجئه بس ماقدرت عبدالعزيز بضحكه وفرحه: ههههههههههههههههههههههههه ههههههه الله يحييك ياروحي وقلبي انتي وخلاص وما كأني دريت وش رايك ؟ ام عبدالعزيز ضحكت : ههههههههههههههههههههه قل والله بس ؟ عبدالعزيز : الله يخليك لي بس ام عبدالعزيز: امين ويخليك لي ياروحي فيصل نزل للصالة : يمه بطلع اصلي وبمر لي مشوار وارجع تبين شي ؟ ام عبدالعزيز : لاوانا امك الله حافظك ولا تتأخر علشان سمو بتجي بس العصر العشاء عند عمامها فيصل ابتسم : سمي باللا مع السلامه ام عبدالعزيز .. كملت مكالمتها مع عز كملوا مكالمتهم وجلسوا يسولفون .. ـــــــــــــــــــــــــ ــــــــ بعد العصر الكل صحى والي مارجع من دوامه رجع وعرفوا بروحة القصيم .. الي بيروحون .. ( الجده وخالد وعبدالله وزوجاتهم ون العيال فيصل ورغد وروان .. ) الباقي مايقدرون ... والجد عنده مها لان دورية اخوياه يوم الجمعه بالليل ولا يقدر يخليهم وهو كل شهر عند واحد .. صحت رغد وتحممت ولبست وجلست تصحي روان : روانن قوميي ياللا.. رواننننن ياللا روان بنوم : خليني اصحى شوي مابي اقوم الحين بطني يوجعني رغد تنشف شعرها:ساعه وبرجع اصحيك تككلمين خالي عبدالله علشان الحجز روان : ............ رغد تعدل حواجبها : استغفرالله اكلم نفسي ...تعطرت وعدلت بجامتها واخذت جوالها ونزت (طبعاً نست تاماً سالفة فيصل وانها ارست له .) .. نزلت وراحت للصاله :.. فيصل رفع راسه لما دخلت طالعها ووجهه ابتسم غصب ونزل عيونه بسرعه قبل يشوفه جده هي رجفت بخوف وطلعت بسرعه وراحت للمطبخ بخوف وتذكرت انها رسلت له..فتحت جوالها بسرععه ودخلت واتس وشافته راد عليها .. فيصل : هلاوغلا.. مساء النور .. بخير الحمدلله , الله يسلمك ويخليك يارب , كيفك انتِ؟ لا يارغد شدعوا تفكرين كذا ماصار الاا شي مكتوب لي والحمدلله .. ياحبيلك مشكوره على سؤالك انا بخير حمدلله رغد وجهها احمر مرره وتحس مب قادره تتنفس ابد اخذت نفس : اووه.. ياربي استغفرالله سمعت صووته : ياووولد .. رغد تخبت بسرعه وقلبها يدق ... فيصل مبتسم وطلع وسكر باب الفله .. رغد طلعت للصاله وسوت نفسها عادي من دخلت وشمت عطره كش جلدها :.. السلام يبه , باست راسه الجد : هلاوالله وغلا شلونك وانا ابوك؟ رغد صبت لها قهوه ولجده : بخير ياقلبيي وين امي فوزيه ؟ الجد : تكلم خالتك موضي رغد ابتسمت .. وجلست تفكر وش ترسل ... كتبت له ..( الله يديمها عليك يارب , تسلم الله يسعدك , ماسويت شي واجب .) عند فيصل على طول فتحها وابتسم ورد: ياحبيلك .. الاا تعالي وش صار بتروحين ؟ رغد بخجل ردت: اي إن شاء الله بروح فيصل : حلو بكرى الساعه 2 الظهر امركم مع اهلي وبيت عمي عبدالله رغد بفرحه : بيروحوننن ؟؟ فيصل : اي ماشفتي قروب العائله ؟ رغد : لا والله .. حست انها طولتها . : ما اطول عليك اجل توصيني شي ؟ فيصل ابتسم : لا ياعيني الله معاك رغد ابتسمت : الله حافظك . سكرت الواتس وطارت تركض لـ روان .. ـــــــــــــــــــــــــ ـــــــــــــــــــــــــ ـــــــــــــــ بـ الرياض .. بيت ريم وراكان .. جالسين يتقهوون ... ريم : اي بكرى الظهر طيارتهم راكان : الجمعه اجتماع عمامي ولازم تحظرين معاي واذا تبين نروح بطيارة السبت ريم بحب: لا ياحبيبي بيجون الاسبوع الجاي علشان زواج فراس وساره راكان : طيب حبيبتي الي تبينه ريم : شرايك نطلع نتمشى ونتعشى ؟ راكان : تأمريني امر ريم حضنته بقوه : قلبي انت الله يخليك لي راكان شدها : ويخليك لي ياقلبي ريم تذكرت: اي راكان ترى بكرى لازم اروح لدكتوره علشان تصرف لي حبوب بتخلص اليوم راكان ابتسم وطالع عيونها : والي يقول لك توقفينهم خلاص ؟ وشرايك ؟ ريم بخجل وفرحه : آآمم الي تبيه راكان : انتي مستعده نفسياً لـ حمل و ولادة ؟ ريم تنهدت : مره حابه ومتحمسه احس بشي داخلي يكبر منك راكان عض شفته : بس تم ياللا مشينا ريم بخجل قامت بسرعه : راككاني لا مافيه بنروح مطعم ونتمشى راكان يطالع فيها وهي تروح تجيب عبايتها : اي وين بتروحين مني راجعين ان شاء الله . ـــــــــــــــــــــــــ ـــــــــــــــــــــــــ ــــــــــــ بـ القصيم .. بيت الجده موضي . شُموخ: ليه ؟ الجده : والله عييت تقول عبد العزيز ولد ولده خالد مجهز لهم شاليهه الي ساكن فيه شُموخ ب إستغراب : وعبدالعزيز ساكن بشاليه ؟ الجده: على حسب علمي انه شاليه كبير مره ويكفي عايلتهم يعني مب صغير مره شُموخ : اهااا , طيب يمه بقوم الحين اوجهه الخدم للمجالس الخارجيه وصالة الطعام الجده ب ابتسامه: الله يقويك ياقلبي شموخ قامت وراحت مع الخدم للمجلس الخارجي الكبير وقالت لهم يرتبون ويمسحون ويبخرون وووو وطلعت للحديقه وجلست تكلم المحلات الي حجزت عندهم الحلا والتقديمات والعشاء وصارت تطلب وتزيد بالبوفيه خلصت وحطت جوالها بجيبها وصارت تمشي بالحديقه وتتذكر موقف امس وعبدالعزيز .. وبعدها راحت غرفتها تشوف لبس لـ ضيوفها بكرى .. ـــــــــــــــــــــــــ ـــــــــــــــــــــــــ ـــــــــــــــــــــــــ | ||||
|
| |
|
04-09-18, 08:07 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الرياض .. بيت ام فراس . ابو فراس : وين سحر وفراس ؟ ام فراس : سحر الحين نازله وفراس طلع يقول علشان بنت عمتي تاخذ راحتها ابو فراس : زين اجل ام فراس بهداوه : فهد ؟ ابو فراس بحنيه : سمي ؟ ام فراس : ياقلبي اذا جت اختك واحتكت بـ سحر مثل كل مره لا تسكت والله انفطر قلبي على بنتي وهي تتحطم منها وتسكت ابو فراس : والله يامنيره انتي ادرا بوضعي معها هي تحب هالاشياء وانا والله مادي بزعلها علشان ابوي وامي الله يرحمهم وه وصيتيهم لي ام فراس بحب : انا اذتني لين قلت امين بس ماتحرك فيني ساكن لان والله ماهمتني وحركاتها معروفه بس سحر ماتقدر تمسك لسانها ودايم تقول لي رضى ابوي مسكتني ابو فراس بضيقه : قلب ابوها هي والله ابشري : وش فيها قلب ابوها ؟ طالعو فيها وهي داخله بجمالها الطاغي الي يلفت رغم بساطة كشختها :.. ابو فراس : تعالي ياقلب ابوك سحر راحت له وحضنته على طول وكاننها تقول خايفه مابي اجلس معها :.. ابو فراس يلععب بشعرها : بسم الله على بنيتي حصنتي نفسك سحر بحب تطالعه : اي ياقلبي ام فراس ابتسمت وقامت لمجلس النساء تشوف ترتيب القهوه والضيافه بعد دقايق سمعوا صوت العمه نجلاء داخله ... سحر قامت وابوها قام معها ومسك ايدها وطلعوا لاستقبالهم شافتهم طالعين من الصاله الفرعيه ميلت وجهها وتقدمت لأخوها : هلا وغلا بريحة اهلي ابو فراس ابتسم لأخته : هلا فيك شخبارك وش اخبار ابو عمار ؟ ام عمار : بخير دامك بخير جت سحر وتقدمت لعمتها وسلمت والعمه ترد ببرود وتطالعها كأنها ماكله حلالها .. : شخبارك ياعمه ؟ ام عمار : بخير ام فراس دخلت ب إبتامتها الي تدخل القلب : هلا والله حياك الله ام عمار ام عمار قامت وهي تتفحص لبس ام فراس النها تموت من اناقتها وجمالها رغمكبرها بالعمر : اهلين تسلمين ام فراس جلست : كيفك وكيف عيالك والبنات ؟ ام عمار بـ تسليك : بخير حمدلله وبـ هياط ومفاخر : عيالي رايحين اوربا والبنات رايحين مع عمتهم لـ دبي ابو فراس ب بتسامه : الله يهنيهم ان شاء الله سحر صبت قهوه وصارت تقدم الحلا والتشوكلت لـ عمتها واهلها :.. عاد مشتاقه لـ نور مره ام عمار سحبت عليها : الاا اقول ياخوي متى ناوين توزعون دعوات الزواج ؟ ابو فراس كسرت قلبه بنته وماقدر يترك قلبها كذا قال لأخته وهو رافع حاجبه : سحر تكلمك تقول مشتاقه لـ نور ام عمار تفشلت وسحر ابتسمت ودها تحضن ابوها : اي الله يسلمك معليش مانتبهت ياسحر ولفت لاخوها : ماقلت متى ؟ ابو فراس طالع بـ ام فراس : ام فراس المسئوله عن كل شي بالزواج انا مسئول عن الحساباتات ام عمار انقهرت مره : اهاا المهم متى ما وزعتوهم ابي 5 بطاقات بعطي خوات زوجي وحماتي لزوم يحضرون علشان ما تقولون نسينا ام فراس بحكمه : انا ما انسى احد , والي من جهة ابو فراس هم اول من بيحضر اذا مابيضت وجهه قدام اهله وناسه منب مره سنعه ولا اعرف الاصول ام عمار بخجل : اصيله يـ ام فراس .. ام فاس ابتسمت لـ بنتها الي ودها تدخل امها وابوها بقلبها : .. ـــــــــــــــــــــــــ ــــــــــــــــ بيت ام تركي ... ام تركي جالسه وتكلم ام رعد ..: اليوم الصبح وصلنا الخبر . ام رعد : زين حمدلله على سلامتكم وكيف البروفات والصاله ؟ ام تركي براحه : بعد قلبي ياخالد ماقصر بشي والله بسم الله عليييه مثل ما اخترنا واحسن ام رعد : والله كان ودي اجي معكم بس مواعيدي وقدمت مواعيد الاسبوع الجاي علشان اقدر اجلس معكم يوومين بعد الزواج ام تركي : ياقلبي انتِ الله يعينك ام رعد : الاا بتجين بكرى ؟ ام تركي : لا والله بكرى عمتنا عندي على العشاء تعالي اذا عشيتي ابوي ونام ونتعشى سوا ونسهر وبرجع للبيت معك انا وساره ونجلس معك لين ترجع امي ام رعد بحنيه : زين ياقلبي ان شاء الله . ـــــــــــــــــــــــــ ــ بـ بيت ابوخالد .. ام خالد جالسه تختار العشاء من هنقر ستيشن وعبدالله يشوف فلم : وش مشتهي انت ياعبدالله ؟ ابو خالد مندمج : الي تبينه انا معك ام خالد بحيره : لحوول !! وين العيال بس ولا روان هم يعلمونن : السلام عليكم ام خالد فزت لـ محمد وراحت تحضنه وبكت . ابو خالد ابتسم : يوووه عاد وش يسكتها الحين ام خالد ابتسمت بحب وهي تحضنهه : اشتقت لك والله . محمد يبتسم ويبوس راسها : والله انا اكثر يايم راح وبس ابوه وضمه : اشتقت لك والله ابو خالد : ياكذبك من اسبوعين عندي محمد ضحك : والله اشتقت لكم ام خالد بحنيه : يوه انا اسبوعين وخالد يومين احس لي سنه ياروحي يا ام عبد العزيز الي ماتشوفه اللاا بالشهر مره والي بالسنه مايجي اللاا ثلاث شهور محمد : رجع تميم : احلف ؟ ضحك على امه وابوه : والله بس بيسوي مفاجئه لأهله ابو خالد بضحك : اشوا انك جيتوا اليوم ولا كان ما لقيتونا محمد ب استغراب : وين رايحين لـ تركيا < لان هم بين كل فتره وفتره تطري عليهم اوزنجول ويروحون لبيتهم هناك ياكلهم يا عايلتين او بيت لحاله . ام خالد تصب له قهوه : لا وانا امك بنروح للقصيم عند خالتك موضي محمد بفرحه : زين اجل نشوفه ونكشت مع عزوز ام خالد : ذا الي هابلكم ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ بـ بيت ابو عبدالعزيز .. الي قرر ياخذ ام عبد العزيز لـ بيت ابوه ومنها يشوفون ابوه واخته قبل يمشون وينامون هناك اختصار .. فيصل كان توه داخل : السلام ابو عبدالعزيز : عليكم السلام فيصل : ها ما خلصتوا ؟ ابو عبدالعزيز : انتظر امك . فيصل قام يروح غرفته يأخذ شاحنه وهو صاعد شاف الباب ينفتح ابو عبدالعزيز لف للباب وابتسم فيصل عيونه طلعت ومب مصدق الي قاعد يشوفه فيصل نزل بسرعه وراح ركض لأخوه وضمه بقوهه تميم شد على اخوه بقوه وضمه وكل واحد بحضنه يعبر للثاني شكثر اشتاقوا لبعض ام عبد العزيز نزلت وشافت زوجها يبتسم ويطاله جهة الباب استغغربت ووصلت اخر درجه وبتسأله : شفيك تطالـــ ... تمييييم ؟؟؟ تميم فك اخوه وركض لأمه وحضنها بقوه وبكى شدته امه وباسته بقوه وضمته : ياروح امك انت والله تميم حاضنها بقوه :... ام عبدالعزيز جلست وهي ضامه ولدها لصدره : ياقلبي انا وعمري متى رجعت تميم يبوس ايدينها : المغرب وتو ابوي من ساعه جابنا ممن المطار فيصل استغرب : يبه وليه ماقلت لي ابو عبدالعزيز طالعه ورفع كتوفه : هو صدمني قال تعال انا بالمطار من الفرحه رحت طيرانن تميم قام ضم ابوه : والله لو احضنكم لين ارجع ما شبعت ام عبدالعزيز بضيقه : كم بتجلس لنا 8 شهور ماشفناك تميم بـ بتسامه : بروح بعد عيد رمضان ب اسبوعين عندي اجازه شهرين الكل : زين , الحمدلله .. تميم يشوف االخدامه نازله بشنط سفر : وين على الله سوزي بفرحه : تميم تميم راح يصافحهاويضحك : اي تميم كيف حالك ؟ سوزي : حدلله , حمدلله على سلامتك تميم : الله يسلمك فيصل : ودي الشنط لسيارتي تميم : وين بتروح خييييررر ! ابو عبدالعزيز بضحكه : كلنا مب بس هو تميم : افا وش عندكم من الحين بتروحون باقي على الزواج اسبوع ! ام عبدالعزيز حكت له كل شي .. تميم : كويس والله اجل بروح معكم اشوف عز طلعوا كلهم وركبوا السياره متوجهين لـ بيت الجد . ـــــــــــــــــــــــــ ــــــــــــــــــ بـ بيت الجد .. جالسات يتقهون مع مها ورعد وجدهم وجدتهم يتعشون .. رعد : روان خلي القناة روان بزعل : رعودي تكفى مابيها رعد : اقول خليها بتابع روان عطته الريموت وقامت : رغد خلينا نمشي شوي بالحوش رغد قامت : ياللا اخذت تشوكلت وطلعوا روان بطنازه وهي تشوف رغد عيونها بالجوال : شكلنا نتراسل مراسيل الهواء رد فهمت وطالعتها : وجع لا والله اكلم بنت عمي شفي هاه بعد .. لفت لها الجوال روان ضحكت : ههههههههههههههههههههههههه هههههه احب اعصب فيك امشي جهة المسبح ودي اسوي اخراج على اغية ماجد المهندس رغد وهي تمشي معها : لحول ياماجد الله يعينه على الذنوب بسببك روان تشغل الاغنيه وتمشي : شدخلك امشي بس .... جهه ثانيه . رن جرس البيت وراحت الخدامه تفتح .. ام رعد : انتبهي ياميري فيه بنات برا اذا فيصل بيدخل رعد : ماتوقع لانه بينام بدري عنده حصص اولى وبيستأذن يريح قبل الطياره ام رعد بحب: يازين هالفيصل لو بكيفي زوجته رغد : منهو الي بتزوجينه رغد كلهم فز : تميمم .. قاموا حضنوه وسلموا عليه والجده متقطعه بكي وهو يدللها ويطفشها الجده : قم هناك بس ياسفاب دموعي الكل: ههههههههههههههههههههههههه ههههههههههههههههههههههههه ههههه ام رعد بحب: شلونك واناعمتك ؟ تميم ومعزة عمتهم ذي غير بقلوبهم كلهم : بخير ياقلبي انتي وش اخبارك انتي ورغد ؟ ام رعد : بخير كلنا حمدلله تميم بمزح : من بتزوجين رغد له تحسبيني نسيت ؟ههههههههههههههههههههه رعد وام رعد :هههههههههههههههههههههههه� �هههههههههههههه رعد : ما تخلي هبالك تميم : جاوبوا بس فيصل شده الموضوع:... ام رعد بحب : نسولف عن فيصل وقلت لو بكيفي زوجته رغد ام عبدالعزيز : والله ما تنعاف بنيتك يامها وهه يازينه سنع وزين وحسن ودلال تميم بهبال : هيييي لا تمدحون البنت عند الغريب < يطالع فيصل فيصل رماه بالمنديل : قم هناك لا اشوتك ـــــــــــــــــــــــــ ـــــــــــــــــــــــــ ــــــــــــــــ . بيت العمه ام تركي ... ساره جالسه مع هيثم ويسولفوم وتوريه التجهيزات : مره مره حابه شغل خالد هيثم ب اعجاب : ماشاء الله يجننن مره هذا هو خالد بسم الله عليه مبدع تركي الي نزل وكان توه صاحي من النوم بعد مارجع دبي الظهر : سلام هيثم قام وسلم عليه وضمه : صح النوم تركي ب ابتسامه : صح بدنك , الحمدلله على السلامه هيثم : الله يسلمك ياعيني ام تركي دخلت وابتسمت لهم بحب : الله لا يجعلن اذوق حزنكم : امييين تركي : ولا نذوق حزنك يالغاليه .. ام تركي : بكرى عمتكم حصه بتجي وبناتها هيثم فز قلبه : متى يمه ؟ ساره ابتسمت : .... ام تركي : المغرب خلوكم موجودين علشان تسلمون عليها وعقبها توكلوا ويمكن تجي خاله مها هيثم : ودي ارو لجدتي وجدي بكرى ساره : امي فوزيه بتمشي بكرى للقصيم مع فيصل عند خالتي موضي هيثم بزعل : يوه مشتاق لها اغديني اذا ارتحت وهي بتطول اروح لهم القصيم مشتاق لعز ام تركي بحب: الله لا يفرقكم , واهم شي يوم الثلاثاء لازم نكون بالرياض ساره بهم : يوه لا تذكروني ارتبك هيثم بطنازه : ههههههههههههههههه ياي مسويه العروسه الي خذوه فغلوه ما كأنهم من الطفوله ينتظرون هاليوم تركي وام تركي ضحكوا : ... ساره بخجل: تركييي يممه شوفوه هيثم قام : بقوم بقوم لا يشوفوني ميت تعب ونوم ام تركي : نوم العافيه وانا امك .. هيثم يبوس راسها : الله يعافيك ياقلبي ـــــــــــــــــــــــــ ـــــــــــــــــــــــــ ـــــــــــــــــــــــــ يوم الخميس ... الساعه 1 ونص الظهر .. القصيم . شموخ توها مخلصهه ماخذه شاور ولبست وجلست تنشف شعرها حطت كريم وتعطرت وفتحت شبابيك جناحها ونزلت لجدتها .. : مساء الخير الجدهه وجهها منور ومبسوطه : مساء النور هلا والله شُموخ باستها : شخبارك ياروحي ؟ الجده : حمدلله شُموخ : كلمتك خالتي فوزيه ؟ الجده : الصبح تقول بتقلع الطياره الساعه 3 ونص يصيرون ببعد المغرب ان شاء الله شُموخ : كويس تبين نتغداء؟ الجده : اي وانا امك كلمت الخدم وجهزوا الغداء وقاموا يتغدون .. ـــــــــــــــــــــــــ ـــــــ بـ المطار ... رغد : روان والله مصدعه مابي اقوم روحي مع محمد روان قامت : هين .. راحت لجهة العيال .. : حمودي؟ تميم : وع روان : انت شتبي الحين احد كلمك ؟؟ فيصل بزعل: تميم اترك البنت لا اعلم ابوي روان تجاهلته : ... محمد يناظر تميم : عيون حمودك ؟ روان : قوم معاي ابي كوفي راسي مصدعين مره حتى رغد ماتقدر تتحرك من الدوخه فيصل لف بشكل الفت روان :.... روان ابتسمت :... محمد قام : ياللا تعالي راحوا يطلبون قهوه ... رغد وهي مغمضه سمعت صوت الواتس تجاهلته .. دقيقه الاا جوالها يدق واتس .. اخذته وشافت اسم فيصل فز قلبها غصب وارتبكت .. ام خالد : بسم الله عليك شفيك ؟ رغد بهدوء : مافيني ياخاله .. فتحت الواتس وشافت فيصل مرسل له .. فيصل : رغد , شفيك , عس ماشر ؟ ليش فيك دوخه ؟ .. رغغد ؟؟ بعدها اتصل . رغد ابتسمت .. وردت : هلا فيصل فيصل : هلابك .. معليش ازعجتك ؟ بس شفيك ! رغد ترجف وهي تكتب : مافيني شي والله بس دوخه وصداع ويخف الحين فيصل : اكييد ؟ رغد : اكيد , مشكور على سوالك فيصل : حمدلله ,لا تشكريني ماسويت شي واي شي تبينه تحتاجينه امانه ترسلين لين على طول حتى ولو تميم موجود انا موجوود رغد ابتسمت : ماتقصر ادري الله يخليك وانت بعد .. : امسسسسسسكي حاررر بسرعه رغد رفعت عينها واخذت الكوفي من روان : ششكراً روان : والله بس ؟ رغد لفت عينها شافت فيصل يضحك مع محمد ولف عينه لها واببتسم لها هي ابتسمت وصدت .. روان مايخفاها شي : هيييين هييييين عند عمتي بس نرجع . رغد : جنيه مايخفاك شي وجعع ـــــــــــــــــــــــــ ـــــــــــــــــــــــــ ـــــــــــــــــــــــــ ـ بعد ساعتين ونص ... بـ مطار القصيم .. عبدالعزيز واقف ينتظرهم .. لمح تميم فز قلبه وابتسم : تميييييييييم تميم لف لصوت اخوه طار يركض وترك شنطته وحضن اخوه بقوه : عبدالعزيز يضحك ويضم اخوه بشوق : هلا والله وغلا بالشيخخخخ تميم يبوس راس عبدالعزيز : اشتقت لك والله عبدالعزيز : انا اكثر والله وش هالمفاجئه ؟ متى جيت السعوديه تميم بضحكه : من يومي مفاجئات , وصلت امس المغرب ويومشفتهم جايين قلت اجيك اشوففك منب صابر عبدالعزيز يشد على كتف تميم ياللا وين اهلي ؟ تميم بضحكه يشوفهم : شوفهم ينتظرون الفلم الهندي يخلص عبدالعزيز يدفه : قم انقلع ... راح وسلم على جدته وابوه وامه وعمه وفيصل الي ردت له روحه وهو يشوف اخوانه قدامه .. ربع ساعه وتوجهوا للسيارات نصهم مع عز ونصهم مع سواقه .. الجده وام عبدالعزيز ومحمد وتميم مع عز .. ابو خالد وابو عبدالعزيز وفيصل والبنات مع السواق اتجهوا لـ الشاليه يرتاحون شوي ويجهزون لـ عزيمة إم إبراهيم |( جدة شُموخ) .. ـــــــــــــــــــــــــ ـــــــــــــــــــــــــ ــــــــــــ بـ بيت شُموخ .. الساعه 7 المغرب ... كل شي جاهز والجده كاشخه ولابسه ومتبخره ومتعطره وتنتظر دخول اختها وعيال اختها عليها .. وشُموخ بالمطبخ توصي الخدم على الضيافه ووو .. طلعت وجت لجدتها لابسه فستان اسود ماسك على جسمها ولابسه طقم الماس مررره ناعم ورايق وشعرها مسوي ويفي وتاركته مفتوح وحاطه ميك اب مره ناعم ومبرز ملامحها .. وروج احمر .. ولابسه كعب سان لوران جملي لهم سنه وعليها ماتقابلوا فـ حبت شكلها يكون ناعم وجميل وبدون تكلف .. لانها تمون عليهم .. شُموخ جلست : ها يمه وصلوا ؟ الجده : تو كلمتني تقول حولكم على وصول شُموخ : اجل بدخل انا علشان العيال اذا دخلو ومن يروحون ناديني الجده بحب : سمي ياعيوني .. دقايق الاا وهم واصلين .. شُموخ صارت تطل عليهم من شباك غرفة جدتها بتشوفهم < ههههههههههههه شرافه فتحت الخدامه الباب ودخلت الجده وام خالد وام عبدالعزيز والبنات ... والخدامه تشيل بعض الهدايا والاغراض الي جايبينها شُموخ بنفسها (يوو لي مكلفين انفسهم فشله ) ... بعدها دخلوا ابو عبدالعزيز وابو خالد والعيال .. (ي الله خالي خالد ماتغير نفس الهيبه لا إله الاا الله .. هذا خالي عبدالله .. ممم ذا اتوقع فيصل يشبه خاله ام خالد .. وذولا مين *محمد وتميم * ماتعرفهم كثير كش جلدها ومغصها بطنها لما شافت عبدالعزيز دخل وسكر الباب حست انه يشوفها قفلت الستاره مع ان الغرفه ظلام .. (يمه بسم الله ليش خفت كذا ؟ , يمه تخيلي يكون عارفني بذيك الليله يافشلتي .. ) راحت تشيك على شكلها وتصور سناب .. بعد ثلث ساعه جتها الخدامه .. روز : مدام ؟ شُموخ : ايوه روز ؟ روز : ماما موضي تقول تعالي خلاص .. شُموخ قامت : اوك جايه , الخدم قدموا الضيافه ؟ روز : اي من وقت مادخلوا تقهوو الرجال والحريم الحين بعد يتقهوون شُموخ : مثل ا وصيتك بعد كل 10 دقايق يجون يضيفون تمام ؟ < تعدل شعرها روز بحب ابتسمت : تمام شُموخ ابتسمت على شكلها وسمت بالله وطلعت .. اتجهت لـ الصاله وبـ ابتسسامه : اهليييين هلا وغلا قاموا لها بـ إحترام وحب وهم مبتسمين :... الجده ب ابتسامه حب وماسكه عبرتها وهي تشوف بنت اختها الي ماتت بعز شبابها بملامح بنتها : هلا والله وغلا بـ بنيتي ؟ شُموخ حضنتها بقوه وباست راسها : هلا والله ياقلبي تو مانورت القصيم .. الجده : منوره بتس وانا خالتس .. شُموخ راحت سلمت على الباقي وجلست : حمدلله على سلامتكم , نورتوا والله ام عبدالعزيز بـ اعجاب : يازينك الله يسلمك .. ام خالد: شخبارك ياقلبي ؟ شُموخ ب ابتسامه : حمدلله ياعمري .. شخباركم بنات . رغد بـ إبتسامه : حمدلله انتي كيفك ؟ شُموخ تصب لهم قهوه : حمدلله بخير من الله , مابغيتوا تجون والله مشتاقه لكم وللبنات وخالاتي روان : والله حنا بعد مره مشتاقين لك ولخاله موضي الجده موضي : يازينتس بعد جلسوا يسولفون ويضحكون والجلسه ماودهم تخلص من كثر ماهم مرتاحين وحابين بعض .. بـ مجلس الرجال ... عبدالعزيز بـ إعجاب يطالع تصميم المجلس وتنسيقه : ماشاء الله تبارك الله مره جاز لي ابو خالد بحب : ذوق شُموخ وليه مايطلع جميل .. ابو عبدالعزيز: ياقلبي هي الله يعوضه عن كل فقد تميم بحنيه : وابوها ما فكر يرجعها عنده يبه ؟ ابو عبدالعزيز : لا هي رافضه تقول مابي اخلي جدتي لحالها ابد حتى الزواج ماتفكر فيه عبدالعزيز : وليش ؟ ابو عبدالعزيز : لانها ماتبي تبعد عن جدتها ويرفضون شرطها انا تسكن جدتها معها لان اغلب من تقدم لها سفير ولا رجل اعمال تنقلهم كثير وهي ماتبي فيصل : ماشاء الله عليها الله يعطيها على قد نيتها . الكل: آمين .. دق جوال ابو عبدالعزيز .. وشاف اسم زوجته رد وبلغته انه يجي هو واخوه شُموخ تبي تسلم عليهم وتجلس معهم شوي ابو عبدالعزيز : ياللا ياعبدالله شُموخ تنتظرنا قاموا وراحوا داخل وسلموا عليها وجلسوا معاهم وتقهووا .. قراءه مُمتعه ... توقعاتكم ...؟ ألتقيكم بـ البارت القادم بـ إذن الله .. أستودعتكم الله .. شُموخ . | ||||
|
| |
|
04-09-18, 08:18 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث ..." بالقصيم .. بـ بيت شُموخ .. بعد العشاء .. شُموخ برجاء: تكفى ياخالي خلهم عندي والله مبسوطه فيهم مره وخالتي مبسوطه مع امي موضي ابو عبدرالعزيز : يابنيتي والله مابي نكلف عليك وانتي اقصرتي ماليه البيت علشاننا جينا والعشاء متكلفه مره وانا ابوك والله لو اني داري ماجينا شُموخ بحب واحترام : والله من حبي لكم ودي ادخلكم كلكم بقلبي من اكبركم لـ اضغركم وعيوني وعمري ما تغلى عليك ابو عبدالعزيز : ياعمري انتي والله الله يوفقك ويسعدك ويخليك لنا , والله اني احبك مثل حبي لعيالي وانتي بنتي الي مب من صلبي شُموخ باسته براسه : الله يخليك لي ياعيوني الثنتين ماكانوا عارفين ان في شخص جالس يسمع حوارهم .. ابتسم : احم ياولد شُموخ انفجعت وفزت : ... ابو عبدالعزيز بضحكه : بسم الله عليك لا تخافين وش بك ذا عبدالعزيز .. شموخ بربكه : بدخل علشان يطلع هو ولا تروح مصره على رأيي وانت تعرفني , راحت تركض داخل .. ابو عبدالعزيز : ههههههههههههههههههههههه عنيده من يومك .. تعال ياعز عبدالعزيز طلع من جهة المجلس : ها يبه متى ماشين ابو عبدالعزيز : الحين بس شُموخ مصره تبيهم ينامون عندها عبدالعزيز بحنيه : خلهم يبه هالليله وبكرى يجون لـ الشاليه حقي ايجتمعون فيه لين نرجع امن البر ابو عبدالعزيز : تم شموخ صفقت بصوت وصلهم : يييييييييييسس , وصلها صوت ضحك خالها وولده شهقت وراحت تركض داخل ... ـــــــــــــــــــــــــ ـــــــــــــــــ دخلت عندهم لقتهم لابسين عباياتهم .. ابتسمت بحب : ماراح ترحون بتنامون بقلبي . الكل ابتسم على عيونها البريئه الفرحانه :... الجده موضي: كفو وانا امك شُموخ غمزت لها وبضحكه وبغرور لايق : انا شُموخ لا قلت فعلت بصوته الجهوري ينادي : ياولد .. يممه شُموخ وتحص صوته ب اذنها من قربه وهي واقفه عند الباب من الربكه والخوف كانت بتطيح .. الكل : شُموووخ ... رغد وروان قاموا لها وهم يضحكون .. : شفيك انتي خوافه امشي امشي .. اخذوها ودخلو للمطبخ علشان عبدالعزيز يدخل ... عبدالعزيز ومعه فيصل : السلام : عليكم السلام .. ام خالد بضحكه : خرشتوا البننت كانت تبي تطيح عبدالعزيز : وش سويت ناديت هي خوافه .. الجده موضي : هذا هي من توفت امها وهي بزياده خوافه لدرجة الشتاء تنام عندي كله علشان الرعد ماتروح لجناحها فوق الجده فوزيه : على امها طالعه فيصل : حنا بنمشي الحين وبكرى الفجر بنطلع للبر .. عبدالعزيز : الحين من اوصل اغراضكم برسلها مع السواق والمفتاح ذا يمه للشاليه علشاان تجونه بكرى ولا ترديني ييمه ( يكلم الجده موضي ) الجده بحب : ياوليدي انا ماعندي مشكله بس شُموخ حاجزه منتجع لبكرى ومدري وش مسويه بعد ام عبدالعزيز بزعل : الله يهديها بس , راحت تناديها .. شُموخ ؟ شُموخ من المطبخ ترد : سمي خاله ؟ ام عبدالعزيز : وش انتي حاجزه بكرى ومتكلفه بعد ؟؟ شُموخ : ياخاله والله مبسوطه فيكم وودي اراويكم القصيم كلها واجيبها لكم هنا من زمان ماجيتوا القصيم دايم انا وماما موضي نجي وتتكلفون بعد ام خالد : حتى لو وانا امك ماتسوين كذا .. عبدالعزيز وماحد توقع انه يحكي : كيفك ياشُموخ ؟ شموخ تبلمت ماقدرت تستوعب : الحمدلله انت كيفك ؟ الجده فوزيه : ذاا عزوز ياشُموخ شُموخ تحس كرهته من كثر ماا انحرجت وانحطت بمواقف وهو فيه: ياهلا والله عبدالعزيز : انعم الله علييك وكثر الله خيرك ماقصرتي كلفتي على نفسك شُموخ : صحه وعافيه ماسويت شي حق وواجب عبدالعزيز : اذا ماعليك امر بكرى ابيكم تشرفون شاليههي وتجلسون فيه ماعندكم احد وحنا بنكشت وموقعه وسط البيوت ماعليكم خوف وعندكم السوواق شُموخ بخجل : ماعندي مشكله والله بس المنتجع حاجزته لـ بكرى عبدالعزيز : مافيه مشكله روحوا للمنتجع السبت او الاحد شُموخ لان صاحبة المنتجع صاحبتها تقدر تأجل: سم ان شاء الله والله يكثر خيرك , والغداء بكرى هنا لا تنسون ومحرصه خوالي عبدالعزيز قام : ان شاء الله الله يكثر خيرك , تسلمين ماسوينا شي .. عن اذنكم .. باسس جدته وخالته وامه وطلع . فيصل : كثر الله خيرك ياشموخ ماقصرتي والله العقبال ما نحط لك بالافراح شُموخ ابتسمت : الله يسعدك ان شاء الله ماسويت شي والله ذا مب قدركم والعقبال ما افرح فيكم كلكم استأذنوا العيال وطلعوا .. فيصل بضحك : لايقين على بعض وانتم تتعازمون عبدالعزيز ضحك : والله ؟ اتوكل على الله واكلم امي ؟ فيصل بجد : اي والله اذا انت جازم قل لامي عبدالعزيز يفتح باب سيارته :اقول اركب بس بي نوم لا اصدمك واكسر ايدك الثانيه فيصل :ههههههههههههههههههه تسويها عاد.. ركب وكمل سالفته : الى متى كذا ماراح تفكر بالزواج ؟ عبدالعزيز يربط الحزام : لا كتبه الله ولقيت بنت الحلال فيصل بتفكير : تصدق احس برغبه اني اتزوج كره عبدالعزيز وهو يطالع الطريق: انت منتب خالي وراك بلا قل لي احسن من اني اغصبك تتقول فيصل: احلف بس ؟ عبدالعزيز ضحك : هههههههههههههههههههههههه والله .. قل ياللا فيصل تنهد بخفيف : ان شاء الله بقولك بس خل نوصل الشاليه ونجلس وينامون عمي وابوي > لان تميم ومحمد من بعد العشتء على طول راحوا للشاليه دايخين ماناموا زين .. ـــــــــــــــــــــــــ ـــــــــــــــــــــــــ ـــــــــــــــــــــــــ ــ الشرقيه .. بـ بيت ام تركي .. الساعه 2:00 جالسين بالصاله بـ حضور العمه رحاب (لها بنتين تؤام بس مالها غيرهم لتين و وتين ) .. والخاله مها .. وساره وام تركي ولتين و وتين .. ام تركي : خلاص ولا يهمك تروحون معنا يوم الثلاثاء واذا خلص شغله ابو لتين يلحق خير من كثركم وبسيارتين ام لتين : ياعيني انتي والله ادري ماتقصرين بشوف عنه واعلمك الاثنين بالاكيد ام تركي : على خير ام رعد: ولا انا وسواقي يا ام لتين سيارتي توسع .. وبنتي من غير شر اكيد مع روان بنت اخوي يعني بيوسع وهي وحده لو كانت موجوده ونسلي بعض ام لتين : يازينك يامها والله جلستك ماتنمل .. لكن اشوف ان شاء الله , حنيتكم علي احن ممن اختي من امي وابوي الي ماتعرف عن ولا سلك ام رعد بحب : ياحبيلك يارحاب والله اني اعدك اختي الثالثه ام لتين بحب : والله وانتم بعد خواتي الي ماجابتهن امي وخالتي فوزيه تسوى عيوني ساره قامت تحضن عمتها وبكت : ..... ام تركي حست ببنتها ونزلت راسها والموقف كان موجع للكل لانهم يعرفون تعلق ساره بعمتها ليش .. لانها نسخة ابوها ونفس الحنيه والحكمه وكل شي ام لتين تحضنها : بس ياقلبي انتي بس ساره بشهقه : هد حيلي ابوي والله جالسه احس اني اتجهز لولا شي ما كأني اجهز لـ ليلتــ ... كملت بكي .. لتين بكت ماتحملت تشوفها كذا .. وتين بحنيه حضنتها : ماعليه حبيبتي اهدي تكفين ولا تضايقين نفسك وخالي مستحيل يخلي بنته بمثل هاليـــ .. ساره بفلتة اعصاب وانهيار: لاا مابيه يجي ولا ابيه يزفني ولا يبارك لي ولا يودعني من بيته لبيت زوجي مابي منه شي مابي منه شي ما احببه اكرهه .. صعدت غرفتها ولحقتها لتين ... ام لتين بكت بحرقه على حال بنت اخوها وعلى اخوها الي ما ينعرف عنه شي من 8 سنوات .. بعد ماجلس سنه يحاول ويترجى ام تركي ترجع له وعاف الديره بالي فيها وسافر عند ساره بغرفتها والبرود يكتسي ملامحها ما كأنها الي قبل دقايق تبكي ومنهاره .. لتين حاضنتها : بس يالبي انتي لا تسوين بنفسك كذا .. وانتِ عارفه وش الي صار وحصل وكنتي كبيره وقتها .. ساره تنهدت : اهخ يالتين اشتاق لحسه ولصوته ولاهتمامه وخوفه علي اشتاق لكل شي كان ببيتنا .. بيوم وليله صار ابوي مايبينا ولا يبي شي بالدنيا كل همه يبي امي ترجع له ولو مارجعت بيروح ويتركنا .. احنا شذنبنا . لاانا شذنبي اخواني رجال قادرين يسندون بعضهم ببعض قادرثين يقوون انفسهم انا كلهم حولي من جدي من خوالي من اهلي وخالاتي ومنكم ومن عمتي ومن تركي الي يحاوول قد مايقدر يغطي الفراغ فراس على د ما هو معوضني ومحسسني بالحب والامان الاا اني مقدر الفراغ الي داخلي مو قادر احد يمليه لتين حضنتها بقوه : اذكري الله ياقلبي وكل شي يهون .. تركي الي جالس يسمع كل كلمه انقالت من ساره حس بروحه تنجرح حس ان دلوعته ناقصها شي مايقدر يجيبه لها.. تنهد وهو يتوعد ويحلف ان الي اذا اهله وشتتهم وفرق جمعهم ماراح يشيلونه من تحت ايديه الاا ميت ... راح لغرفته بعد ما سمع صوت جاي . فتحت الباب وهي بتبكي من الاحراج : على فكره استاذع ساره اخوك هذا بيجيب اجلي وقريب قليل ادب من نفسه مب من اهله .. ساره ضحكت لها : هههههههههههه هيثم صح ؟ وتين وهي منحرجه : فيه غيره يحب يجنني من واحنا اطفال ؟ ساره ولتين بنفس الوقت : ومن الحُب ماقتل .. ههههههههههههههههههههههههه هههههههههههههههههههههه وتين انحرجت وهي تدري بحب هيثم وساره ولتين يعرفون .. : يابيخكممم بعد .. طلعت ورجعت دخلت .: انزلوا معاي اخاف يواجهني ساره راحت ضمتها وضحكت : ياللا .. نزلوا ولتين وراهم الي قلبها اجبرها تلتفت لـ جناح تركي تنهدت ونزلت .. تركي كان طالع من جناح هيثم ياخذ الشاحن وشافها تطالع جناحه .. عرفها تنهد بوجعع ودخل غرفته : اسف يالتين والله اعرف بالي بداخلك ومن زان لكن ماقدر احقق لك حلمك الله يعوضك بالاحسن حس بشي يحرقه وهو يدعي ان انسان ثاني ياخذ منه حلم طفولته لكنه مايقدر ياخذ شي يحبه وما يسعده .. ـــــــــــــــــــــــــ ـــــــــــــــــــــــــ ـــــــــــــــــــــــ عند فارس وخالد وفراس ... بـ مزرعة الجد بـ الرياض . جالسين يسولفون ويضحكون وربعهم معهم .. بعد الساعه 3 استأذنوا ربعهم وراحوا وبقى فارس وخالد وفراس خالد : اخسسس من قدك يالعريس الخميس ذي معنا الخميس الجايه نايم بالعسل .. فرراس : الله يجيبه على خير خالد : اقول عاد اشبع عندك شهر كامل لا تخربه بـ رمضان فراس بضحكه : هههههههههههههههههههه الله يجيب هالعسل خلوني اغرق به لحد يسأل عني بعدها فارس بطنازه : ياكافي لـ هالدرجه !! الحب كذا خالد ببتنهيده : واكثر جعلكك تذوقه يافارس فراس بضحكه :| اخس الاخ بالله من متى طايح بالغرام خالد : اييه من عرفت اني خالد وانا احبها .. الاا تعال وين ناوي شهر العسل ؟ فراس : شدخلك ؟ فارس : ههههههههههههههههههههههههه ههههههههههههههههههههههه نتفك خالد : انا اوريك انت وحرمك المصون مهنا كوشه ولا صاله ولا شي اقعدوا ب كراسي بيض حقات ابو ريالين : ههههههههههههههههههههههههه ههههههههههههههههههههههههه ههههههههههههههههه فراس : لا ابو هديتك اللي ذليتني فيها فارس هو يضحك : تخيلت يوم العرس قاعدين تحترون خالد والكوشه خالد : وانا اصور لهم بالطياره فراس ب استهبال : كان تطيح بك دام ذي نيتك فارس : على وين يالعريس ؟ خالد يفتح له بيره : بدينا بحكات المتزوجين فراس رمى عليه الصينيه البلاستيك : انطم انطم ياحبي الغفله فارس : لحوول اثنين , وين رايح انت ؟ فراس : بنام وراي صلاة جمعة وعماني بيجتمعون على الغذاء بكرى لازم اكون موجود فارس : زين الله معك فراس : فمان الله فارس التفت ل خالد وخنقه : الحين انت ماتقول لي ياسرمادي تحب مين ؟؟ خالد بضحك : وش تبي وش بك فارس يشد : منهي ذي الي انت تحبه ومعذب دلووعتي بحبك ؟ خالد استغرب : وش دلوعتك وش تقول فارس هيه ! فارس تنهد : اسمع بقول شي وان سمعتك تتكل فيه ولا رايح للبنت ومأذيها او شي والله ان يصير لك شي مب طيب وانسى فارس خالد بخوف: وشو انطق ومنب برز مراهق توصيني كذا انا اعرف الشي الي اسويه قبل اقدم عليه فارس تنهد وحكى له عن حب سحر له ... خالد انصدم وسوى عادي : صادق ؟؟ فارس تنهد : ما كنت ابي اقول ولا كنت ابي اعلمك لان هي مت وانا اقولها وضحي له وبيني له وهي تقول لا اذا هو نصيبي باخذه مابي اطيح من عين نفسي ومن عين الرجل الرجل اذا ما اختار المره من قلبه ورغبته عمره مابيقدر يعيش معاها وانا لما شفتك حكيت بذا الكلام قبل شوي ماقدرت ما اقول ابي اتأكد منك علشان بطريقتي اخليها تفقد الامل فيك خالد تنهد : بحكي لك كل شي يافارس بس انتك ما يطلع .. فارس يقلده بكلامه : وشو انطق ومنب برز مراهق توصيني كذا انا اعرف الشي الي اسويه قبل اقدم عليه خالد ضحك : هين اوريك ....(...............................) حكى له كل شي ومن حب لليوم !! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ بـ القصيم .. شاليهه عبدالعزيز .. الكل نايم وعبدالعزيز وفيصل يسبحون .. فيصل طلع وجلس على طرف المسبح : عز؟ عبدالعزيز وهو على ظهره : هلا فيصل يشيك بجواله : وين اللاب حقك ؟ عبدالعزيز : بالشركه ماجبته ليش ؟ فيصل : يوو ابي ادخل نظام نور هنا مره تبن عبدالعزيز : والله ماجبته مخليه علشان اعرف نفسي لو جبته بشتغل وانا ودي ارتاح فيصل طرأ بباله شي : خلاص بكلم خويي يشوف عبدالعزيز يكمل سباحته : ... بـ بيت شُموخ بـ الحديقه .. البنات جالسات يتقهوون ويسولفون والجدات نامو من 12 وام خالد وام عبدالعزيز من 2 ... روان : عاد احس القصيم مره هادييه حيل .. مب مثلنا شُموخ : من الساعه 1 تفقدين الازعاج .. رغد : خاطري ادورها كلها . شُموخ بـ إبتسامه :ماطلبتي شي رغد : يازينك والله .. سمعت نغمة واتس .. لفت على طول لجوالها وفتحته ... فيصل : صباح الخير رغد , صاحيه ؟ رغد بربكه ترجف وهي تكتب : صباح النور إي امرني شفيك ؟ فيصل ابتسم : ما يأمر عليك عدو ... ابي منك خدمه اذا ُموخ عندها لاب ؟ رغد استغربت : اوك بسألها دقيقه ... شُموخ ؟ شُموخ كاننت تأكل مكسرات وتطالع سنابات ..: هلا قلبي؟ رغد : عندك لابتوب قريب ؟ شُموخ : اي قلبي الحيب اكل الخدامه تجيبه .. رغد ابتسمت : شكرا قلبي شُموخ ابتسمت : ولو ياروحي مابيننا روان دخلت عرض : انتي هيه شعندك من كلمك ؟؟ رغد ابتسمت : وشو شتبين روان من الاخر : فيصل صح ! رغد ابتسمت : يوه روان شُموخ بضحكه وهي تأخذ اللاب من الخدامه :ثانكس , لفت لرغد : خطيبك فيصل ؟ رد وجهها احمرر : هاا لالا روان بضحكه وغمزه لـ شُموخ : قريباً بـ نوزع الشربات شًموخ فهمت : اهاا ياحلللوكك والله لايق عليك الحب رغد بتبكي : والله كذابه مافيه شي بس يبي مني افتح له نظام نور يقول بيشيك على شغله روان تطالع شموخ الي تفتح اللاب لـ رغد : انا بقولك كل شي واحكمي انتي شُموخ ابتسمت : ياللا .. تمد الللاب لـ رغد : خوذي قلبي رغد اخذته وحطته بحضنها ورجعت لـ فيصل .. : فيصل ؟ فيصل ينشف شعره وهو جالس على كراسي الاسترخاء : عيونه؟ رغد ولع وجهها وتحس مافيه هواء : تسلم عيونك , عندي اللاب ؟ فيصل : اوك حلو تمام ..وعلمها شتسوي وهي تصور له كل شي رغد: مافي فيصل .. صورت له . فيصل : عندك احد ؟ رغد : اي البنات فيصل : طيب عادي ادق ؟ رغد للبنات : يمه بيدق روان بضحكه : ههههههههههههههههههههههههه هه قلت لكم ررغد : ياكره مب وقتك شُموخ بهداوه :اسكتي روان , تحكي رغد : عادي قلبي لا تخافين كلميه واحنا نسكت .. رغد بخوف : اففف طيب فيصل : وينك ؟؟معليش اذا سببت لك احراج بس والله عز اللاب حقه بالشركه وماعندي والوكيل مرسل لي ادخل لانه بالبر قلت ا عندي اللاا انتي .. اذا احراج مب لازم رغد تعطي الجوال شُموخ .. : مدرري شُموخ بهدوء : اشش لا ترتبكين خليك عادي .. كتبت له لا عادي مافيها احراج اتصل البنات بعيد عني .. وعطتها الجوال : يااللا خوذي وانا وروان بنقوم نمشي روان بعناد : لا بقعد شُموخ قومتها : قوميي قلت .. رغد تنفست براحه ورجعت انتفضت لما دق ... تنفست بقوه وسمت بالله وردت : آآلوو فيصل ابتسم لا شعوري وعيونه بالمسبح الي اخوه جالس ومسترخي فيه : هلا وسهلا معليش على الوقت الغلط بس نشبه هالوكيل ومعتمد علي لانه كبير ومايعرف لشي وانا الي اساعده بالمدرسه رغد بصوتها الناعم : لا شدعوا والله عادي بس قولي وين اللاقي الخانه ذي فيصل وهو يشرح بيده بالهواء كأنه يشرح لها : شفتي اذا دخلتي الاسم والرقم السري وفتح ؟ رغد تدخلهم : ايوه وبعدين فيصل كمل شرح لها ولين حصلته :ها لقيتيه ؟ رغد براحه : اي اي هذا هو فيصل ابتسم : ايوووه كفو عليك دخلي الباس وورد الي بعطيك رغد ابتسمت : تمام .. دخلت الباس وورد وكملت الي قالها فيصل ثواني وقال : هاا شطلع لك ؟ رغد : يقول غير مُتاح حالياً فيصل : قايل له ان مب فاتح الموقع خلاص الاا الاحد الساعه 8 بس الاا يتمم كلامه رغد بضحكه بريئه : ماعليه المهم سويت الي عليك اانت فيصل تنهد براحه : ياحبيلك يارغد فكيتي ازمه .. بخليك مديرة اعمالي اذا صرت طالع للبر ولا مكان مافيه شبكه ولا بالمدرسسه وعندي درس بوظفك وانتي ببيتكم وش رايك رغد استحت وابتسمت : مب شينه فيصل تنهد بشعور حلو : الله لا يخلين .. غمض عيونه وحس انه بيجيب العيد .. رغد الحيا ذبحها : .... فيصل : ياللا امي ما اطول عليك مشكوره الله يسعدك ماقصرتي , تبين شي توصين شي؟ رغد بخجل وتحس قلبها بينشلع من مكانه : ماسويت شي والله ابرك ساعه , ابي سلامتك والله وفيصل انتبه لـ ايدك لا تشد عليها بشي فيصل ابتسم: سمي وابشري وانتبهيلك رغد تنهدت وفيصل سمعها : اللله يبشرك بالجنه ووالدينك ,سم ان شاء الله . فيصل سكر وهو مبتسمم ... وانتبه لأخوه الي مب موجود بالمسسبح : بسم الله عز ؟؟ وين اختفى ! لف بيحط جواله على الطاوله الي جنبه ويقوم .. : بسم الله من متى انت هنا ؟ عبدالعزيز وهو منسدح ومغمض عيونه : من يوم تقول ياحبيلك يارغد فيصل ابتسم وقال له كل شي : ... وبس عبدالعزيز : ترا رغد ما تنتعوض اذا صدق حاس نفسك تبيها وتس ان هي الانسانه الي بتكملك لا تتردد ولا ثانيه واخطبها لا تندم بكرى فيصل ابتسم لأخوه بحب : ان شاء الله ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ بعد اسبوع بالتمام ... ماصار شي جديد او مهم يذكر .. الاا ان ساره كل يوم تحس بتوتر اذا قرب زواجها .. وخوف ! الجده رجعت لـ الشرقيه هي وعيالها وعيالهم ... بعد ما انبسطوا بـ القصيم وحبوها حيل ووعدوا شُموخ كل فتره يجونها وبالشتاء يجون اسبوع او لاكثر علشان التخييم .. والكل مبسوط وجالس يتجهز لـ زواج ساره & فراس .. ريم تحس بشوية تعب وأ فلونزا والدوره تلخبطت عندها مره وتعبتها .. سحر اتخذت قرار بعد الي سمعته من فارس انها ماعاد تفكر بشي اسمه خالد ولا تنتظره ومن يتقدم لها احد بتوافق وتروح بنصيبها .. مع ان المها كبير ووجعها لكنها اقوى منه ! فارس ندم انه حكى لـ خالد عن سحر , كان يبي يسعدها لكن ماعرف داخل خالد ايش ... لكن ماقال لها انه يعرف بحبها له رغد وفيصل صاروا ينتظرون اي صدفه اي شي يخليهم يحاكون بعض وكل واحد متلهف على الثاني وينتظره .. هيثم كل همه يبي يتقدم لـ وتين لكن يبي يشتري البيت اول علشان يقدر يرتاح ... إنتهى البارت الثالث ... رأييكم .. توقعاتكم .. ادري هالبارت يمكن يكون قصير ومافيه حدث مشوق .. لـكن انتظروني بـ البارتات القادمه وبـ الاحداث الي بتغير مجرى حياة بعض أبطالي للأحسن وللأسسف للأسوى .. لكن اوعدكم بنهايه جميله .. بـ أستمر إذا لقيت تفاعل .. قرأه مُمتعه .. أستودعتكم الله .. أللاقيكم يوم الخميس بـ الليل ... شُموخ .. | ||||
|
| |
|
22-09-18, 10:39 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "البارت الرابع... " بـ الرياض .. بـ مزرعة الجد عبدالعزيز .. ليلة زواج ساره & فراس ... الاربعاء ... الساعه 12 .. الكل نايم الاا البنات .. لانم مقررين يحتفلون بـ ساره ريم : ساره تعالي نمشي شوي وعدها ندخل ننام لازموجهك وجسمك يرتاحون ساره تحس قلبها يدق لان بكرى ليلتها مع حبيبها : تمام , تجون بنات ؟ ريم تسحبها : لا لحالنا .. روان : حركات متزوجات وقلة ادب رغد بخجل ضربتها على فخذها : عيبب وجع روان بهمس مايسمعه غير روان وشُموخ : قريب نشوف ياعيب شُموخ بضحكتها الحلوه الي تخلي الي معها يبتسم غصب :هههههههههههههههههههههههه� �هههههههههههههههههههههههه ههههههههههه سحر ب ابتسامه جت تركض : ياللا ياللا قوموا البنات قاموا كلهم وراحوا بسرعه وراحوا لـ داخل المجلس البعيد الي مسويه لهم خالهم عبدالله علشان يسهرون فيه ووو مايكون قريب من الرجال ولا الحريملو نايمين او عندهم احد ... سحر دخلت تجيب الشاحن .. اخذته وهي طالعه تركض صقعت بـ.. : بسم الله عليك .. مايدري مين سحر بخوف رفعت راسها وقلبها بيطلع من بين ضلوعها ... وشافته وحست بداخلها شي يوجعها بكت لا شعورياً .. خالد وجعه قلبه مره عليها وعرف شعورها .. : اسف والله سحر بربكه تمسح دمعتها وبهمس وصوتها يرجف وهي تلف وتطلع : انا الي اسفه .. وقفت وهي معطيته ظهرها .. الله يوفقك ياخالد . وراحت خالد حس بشعور غريب حس ان شي داخل يرجف وجسمه قشعريرا ..تنهد ودخل للمطبخ عند البنات جالسين يشغلون الاغنيه ويرتبون المكان .. وتين : لالا مب حلوه ترا رغد : وش نحط طيب ؟ شُموخ بتفكر : ذي الاغنيه الي هابين فيها الجديده روان : اي وحده شُموخ :اتوقع ذيك الي تمنيته رجل بيتي مدري اروح اخطبه روان بضحكه : ههههههههههههههههههههههههه هههههههههه صرتي امي فوزيه شُموخ بضحكه : والله ذي اذا زينه سمعتها بسناب وحده عندي رغد : انا سامعتها لا ماحس زينه لان بدايتها مب لعروسه بعض منهاا لتين : خلاص نشغلها بعد الاساسيه سحر دخلت: وش فيكم ؟؟ ياللا ترا ريم ارسلت لي سناب رغد تطالع سحر : وش احط اغنيه سحر : وداعً للعزوبيه مافيه غيرها يصلح روان: قلت لكم من الاول ... جهزوا كلشي .. وقفلوا النور وفتحوا الباب وشغلوا الاغنيه .. ساره لفت للصوت .. وبطنها يمغصها يوم سمعت الاغنيه بدت .. ريم ابتسمت لها وركضت فيها لـ داخل المجلس وهي تشوف البروجكتر الي يعض صورها هي وفراس من صغرهم لين قبل 3 شهور وقت ملكتهم وتجهيزتها للزواج وكل شي لفت على البنات وهم يصفقون ويضمونها ويدورون حولها وريم بتبكي وهي تلبسها الطرحه .. ساره بكت وهي مبتسمه وتحس روحها انبرت من كل شي انوجع وهي :ياااهه احبكمم والله روان وهي ترقص وتصرخ : بعديييين قولي شعورك مانسمعك ارقصوا افرحوا ياااللااا شُموخ مسكت ساره وصارت ترقص هي وياها ووالبنات معهم .. عند الشباب ... وقت ما اشتغلت الأغنيه .. تميم عرفها وضحك وقام ومسك فراس وصار يرقصصه ويغني قبل تبدأ الاغنيه ... الشباب : ههههههههههههههههههههههههه ههههههههههههههههههههههههه هههههههههههههه < هيثم ومحمد قاموا معهاهم فراس صار يرقص وهو مبسوط .. خالد بهبال لما جاء مقطع الاغنيه (بلا طلعه بلااصحاب خلاص القلب والله تاب واصير الحين بيتوتي ابقفل علينا الباب )صرخ : انششششششششششهههد فارس طق كفه : ههههههههههههههههههههههههه ههههههه راكان و تركي وفيصل وعبدالعزيز يطالعون فرحة فراس ومبسوطين له مره : .... ... جلسوا العيال وهم يغنون مع الاغنيه .. لين اخفى الصوت .. عند البنات ساره مبسوطه مره من البنات ومفاجئتهم : ياحبيلكم والله مره انبسطت وفاجئتوني الله يخليكم لي رغد : حبيبي انتي والله تستاهلين اكثر ريم : تضمها : قلبي الي بكرى عروس ساره ابتسمت لها : قلبي ريم شُموخ ابتسمت : ياحلوك والله الله يتمم لك فرحتك بخير قطعوا الكيكه بعد ماصوروا معها الف صوره بسناب وصاروا يشغلون اغاني ويرقصون ويصورون بالكام الي فيها كل اوقاتهم من وهم صغار .. لتين : وش اشغل بنات ؟ سحر : شغلي امنتك الله عباس ابراهيم .. روان : يووووه ياحلوها .. اي تكفين دق جوال ريم : استنوا .. هلا وغلا .. تسمعون ؟ هههههههههههههه انبسوا من وراء الحاجز .. ههههههههههههههههه اصص بس ... استنوا باقي قدامكم طلب سحر وبعدين انت وخالد .. اسألوا العريس وش طلبه وارسله لي .. ههههههههه اي هو اهم بعد سحر .. ياللا طيب روان: ركوني وش يبي ريم بغيره وبمزح : ركوني لي هالكلمه .. وذا تميم يبي اغنيه .. وخالد بعد قلت فراس قبلكم ساره ابتسمت :.... روان : ياشين ماطريتي شُمموخ : يو يو للحين انتي وتميم ؟ روان : وللأبد لتين : اص بشغلها .. وشغغلتها .. عند الشباب .. خالد : ها وش تقول تميم : تقول بعد طلب سحر يطلب فراس بعدين انتم فارس : كفو عليها .. فراس يفكر : وش اختار لها ساعدوني .. عبدالعزيز : ماجد المهندس جيت احبك . فراس : صصححح كفو ابو خالد عبدالعزيز يمثل الغرور وهو ينسدح وبضحكه :علشان تعرف قدري خالد بمـزح : بدأ يتميلح ... وارتفع صوت الاغنيه وانقبض قلبه وسكتوا كلهم فجأه .. فارس على طول طالع لخادل وخالد عاقد حواجبه ويطالع الي قدامه .. شُموخ تطالع بـ سحروهي حاسه ان فيها شي لانها سرحت من اشتغلت الاغنيه .. سحر تحس بتبكي بس ماتبي قدامهم : .... وتين ورغد وروان يصورون سناب مع الاغنيه .. ريم تصور سحر ومندمجين .. لتين تطقطق بجوالها .. شُموخ اخذت سحر وراحت فيها لـ برا وابعدت عن البنات صاروا يسمعون الصوت خفيف .. سحر ب استغراب : شفيك شوشو ؟ شُموخ بعصبيه : ابكي !!! سحر مب قادره تستوعب : شفيك وش صاير شُموخ بصرخه بوجه سحر : ابكككككي طلعي الي بقلبك !! سحر تحس مب قادره روحها تحرقها : شوشو تكفين خلينا نرجع شُموخ بقهر على وضعها : الى متى الحزن يلمع بعيونك بكل مره اقابلك فيها .. الى متى وانتي تخبين !!! سحر نزلت راسها : شُموخ ماقدر اقوا نفسي شُموخ ضمتها بقوه : ياقلب شُموخ انتي سحر بكت بحرقهه قويه : اهخخخ ياقلبي شُموخ حضنتها اكثر ومسحت على ظهرها : بسم الله عليك ياروحي انا سحر بوجع : ياليتني ما احبه ياليتني مااعرفه وليته مب ولد خالي للييييته شُموخ مسكت وجهها بين ايديها : انتي اقوأ الي مايبيك لاتبينه والي يبيعك بيعيه صدقيني مابينفعك بكيك ولطمك سحر مسحت دموعها وتنهدت : انا مافيني شي خلاص هو وبساه وبشوف حياتي ونصيبي مابنتظره شُموخ بعقل : بكون معك للأخير .. ماراح اخليك تتخذين قرار بسبب عقل بس ونتفاهم بعد زواج ساره تمام سحر بحب : تمام شُموخ شدت ايدها وابتسمت : ياللا تعالي رجعوا للبنات .. روان : ام بي سي اف ام ؟ قالوا لكم فارس : اقول شغليها وانتي ساكته روان : افا ياحبيبي فارس :ب سرعه بس شغلي منت فاهم ... خالد قال لهم (منت فاهم .. عباس إبراهيم ) ... (ماجد المهندس .. جيت احبك ) فراس .. (رغم البعاد .. ماجد المهندس ) تميم .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ مساء اليوم المُنتظر لـ ساره & وفراس .. خاصه ولـ الاهل عامه .. الخميس ,1438/8/8 الكل مبسوط وفرحان وام تركي حيل مبسوطه لـ بنتها وتدعي لها ومثل الفراشه تتنقل لـ الضيوف وتسلم وتوجب .. ام فراس بعد بالمثل .. البنات الفرحه مو سايعتهم وكل وحده تقول الزود عندي .. ريم تسحب شُموخ : قومي تكفين ارقصي معي شُموخ بخجل: طيب طيب ريم تعطي الجوال رغد : صورينا تكفين راحوا يرقصون والكل يطالع فيهم ويذكر الله ... روان تطالع وحده من بعيد : رغد رغد شوفي ذي رغد تطالع مكان ما تأشر روان : شفيها ؟ روان:من اهل زوجة عمي خالد؟ رغد : اي ذي بنت اختت خالتي ام عبدالعزيز والي معها بنت عم امها << ام خالد وام عبدالعزيز بنات عم > روان : اييي توقعت رغد : شفيها ؟؟ روان : بعدين اقولك عند الرجال .. فراس مب سايعته الفرحه وجالس يسلم على الضيوف وهو مبتسم وفرحان .. والعيال مب تاركينه لحاله يستهبلون عليه ويوترونه وووو مد ايده لـ فراس : مبروك الله يوفقكم ويتمم لكم بخير .. فراس مد يده وصافحه وهو مبتسم واختفت ابتسامته لما حس بـ شي بـ ايده تركه الرجل وراح .. نزل عيونه لـ ايده شاف ورقه بسرعه خباها بـ مخباته .. وسلم على باقي الضيوف .. ـــــــــــــــــــــــــ ـــــــــــــــــــــــــ ـــــــــــــ الساعه 11ونص .. وقت زفة الرجال .. المطربه بلغت الحضور قبلها بـ 10 دقايق .. دخلوا الرجال مع العرضه الشعبيه الي قبلهم .. (الجد وعياله وتركي وهيثم وفراس وابوه ) .. وصلوا للـ كوشه تقدمت ام فراس وراحت حضنت ولدها وباسته وبكت .. فراس بحنيه : لاتبكين يمه ام فراس : الحمدلله ياولييدي الي بلغني بـ هاليوم ... سحر تقدمت لأخوها وباسته : مبروك حبيبي فراس بحنيه : الله يبارك بك قلبي .. بعدها بـ دقايق طلع ابو فراس علشان تنزف ساره على امها واهلها .. وقت زفة ساره ... ريم : ياللا تكفين لا ترتبكين ولاشي سمي بالله وانا حولك مابتركك بعدل طرحتك لا تخافين ساره برجفه : طيب طيب ..بسم الله .. بدت الموسيقى الي بتنزف عليها ساره .. انفتح الباب الي كان يخبي وراهه ساره .. وصارت تمشي بخطوات هاديه وعيونها بس على فراس .. فراس الي يحس وده ياخذها ويحضنها ويخبيها داخله .. وصلت للـكوشه .. تقدموا لها جدها وجدتها وباسوها الجده : مبروك ياقلب يمه فوزيه ساره ترجف وتبوس راسها : الله يبارك فيك ويخليك لي الجد ضمها وباسها : مبروك ياعين جدك ساره بـ ابتسامه : الله يبارك بك يبه .. مسكت ايد جدها الي مدها لها وجدتها جنبها تمشي .. تقدم الجد لـ فراس وحط ايد ساره بـ ايده ..الجد : وصيتي ساره وانا ابوك وما وافقت عليك لها الاا لاني واثق فيك وعارفك فراس يبوس راس جده ويشد على ايد ساره ويطالع عيونها : ساره بـ روحي وبـ قلبي يبه الجد بحب: الله يوفقكم ويبارك لكم يارب ويجمع بينكم بخير فراس وساره : اللهم امين .. الجده وهي تغمز له : حافظ عليها ولا بقول لها وش سويت لـ أجل عيونها ساره أبتسمت وفراس ضحكت : لالا يمه استري علي تقدمت ام تركي وضمت بنتها وبالموت مسكت دمعتها : ياقلب امك انتي الله يوفقكم ياروحي ساره تبوس راسها وفارس بعدها : الله يبارك فيك ويخليك لنا ام فراس تقدمت وهي تزغرت بفرحه وبكت وضمة ولدها : مبروك ياروح امك انت الحمدلله الي بلغني هاليوم ساره ابتسمت بحب لخالتها وهمست لها : لاتبكيني ياخاله تراني على طريف فراس باس ايده وراسها : الله يطول لي بعمرك ياروحي انتي ام فراس تضم ساره : ياقلبي اناالله يوفقكم ويسخركم لبعض يارب ياحبيبي : اميييييين تقدموا خوالهم لهم وباركوا لهم واخوانها يوصون فراس على دلوعتهم ..وجوا خالاتهم وسلموا عليهم ... فراس غمز لـ سحر ال تقدمت ومدت لـ فراس ومدة له المايك .. وفتحته ساره ولع وجهها وارتبكت : فراس وش بتسوي ؟؟ فراس ب إ بتسامته الي تاخذ قلب ساره والتفت للـحضور وهو مغمض عيونه مايبي يغلط بكلمه : اشكر كل من تعنى وحظر ليلتنا هاذي وشرفنا وبارك لنا وهنانا من قريب وبعيد وصاحب وحتى عدو < قصده عمته وبناتها الثنتين > ليلتي هاذي تسوى عندي عن كل اليالي يوم مستحيل انساه يوم من وانا عمري 10 سنوات احلم فيه ونتظره وسعيت له مارضيت احد ياخذها مني ... <لف وهو يشد على ايدها الي ترجف ب ايده وطالع بعيونها الي بتبكي وابتسم لها وفتح عيونه > : أوعدك قدام اهلي واهلك اني اصونك واحبك لـ أخر يوم بـ عمري واعاهدك بالله أني اسعدك واهنيك وواداري خاطرك وماتشوفين مني الاا الهنا والسعاده ... أوعدك اكون لك الأب والأم والأخ والحبيب والزوج والصاحب والولد البار ... أحبك يـ حبيبة فارس يـ حلاله يـ أم عياله .. < قرب باس ايدها وجبينها وضمها .. ام تركي وام فارس والجده يبكون .. البنات يصفقون ويصفرون وينادون لـ ساره والخوال والجد واخوانها وخالتهم مها الي ماسكه عبرتها تطالعهم بحب مبسوطين مره ويسمون عليهم .. العمه ام عمار تميل وجهها : وععع مب لايق نجلاء بشر وحقد وعيونها بتنفجر من الدموع : عساها تموت قدامك وتنقهر مثل ماقهرتني يافراس نور اختفت ابتسامتها وهي مقهوره من امها واختها : حرام عليك استتتغفري ياويلك من ربك ام عمار : اسكتي انتي ياعرق حصه <ام ابو فراس اسمها حصه وام ام عمار غير عن ام ابو فراس > نجلاء : ياجعل عيني ونفسي هالدقيقه تحوسكم . نور ببرود غث امهاواختها : الله خير الحافظظين من شرور انفسككم .. وقامت بسرعه لـ سحر لانها عارفه اختها اذا عصبت ماتشوف وماتببي تخرب على خالها وعياله ليلتهم جلسوا الرجال يصوورون مع ساره وفراس .. ساره بخجل من تعليقات هيثم وفارس : فراس فراس بحب وضحكه : خلاص خلوها انتم خييررر فارس : يوه عاد هاللقطه فاتت العيال خصوصاً خالد فراس : ما تتوصون عاد انتمم تركي يبوس راسها : ما اوصيك يافراس على راس المال فراس : لا توصوني على روحي تركي ابتسم وربت على كتفه وطالع بخواله : ياللا نطلع الجد قام بهيته : يااللا.. سلموا خوالها وطلعوا مع الجد واخوانها ... والعيون تتلاقط على العيال ... وهيثم يحاول يلقط شي يخص وتين بس للأسف مالقى قامت العمه مع بنتها الي فاصخه الحيا بلبسها وشكلها وبدون غطاء يسلمون على فراس .. العمه بتصنع : مبروك ياحبيبي الله يوفقكم فراس بمجامله : الله يبارك لك العقبال لـ عمار والبنات تقدمت لـ ساره ومدت بدها بخفه وسحبتها بسرعه كأنها مغصوبه : مبروك ساره ب مجامله : تسلمين < وحطت ايدها ب ايد فراس وهي تشوف نجلا جايه بـ مياعه لـ فراس ومدت ايدها : مبروك فراس فراس حس بغيرة ساره من حطت ايدها ب ايده غمض عيونه عن نجلاء وهمس وصل لمسامع امه الي جنبه وساره وعمته : استري نفسك يابنت نجلاء تفشلت وتمنت الارض تنشق وتبلعها .. مدت ايدها لساره الي ودها تموتها : مبركك ساره بقهر : شكراً العمه ماتت قهر وتتوعدهم بعيونها ونجلاء تحس قلبها بيوقف بقهر نزلت مع امها .. ام فراس ب ابتسامه : كفو وانا امك فراس تربيتك ياعيون فراس ساره ب ابتسامه : الله يخليك لي ام فراس : ويخليك لي ياقلبي جلسوا يصورون مع الجده ومع خالاتهم ومع سحر وبعدها انزفوا وطلعوا لـ جناح ساره علشان يصورون بـ راحتهم .. وبعدها يطلعون لـ بيتهم .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ صباح يوم الجمعه .. بـمزرعه ابو خالد .. الجد وعياله صحوا لـ صلاة الفجر .. وللحين ماناموا .. جالسين يتقهوون ويقدعون ويسولفون .. دخلت 3 سيارات للحريم والرابعه فيها العيال ... ابو خالد : يووه جو هم وزيرانهم < يقصد الحريم بعد الرقص والطق .. الجد وابو عبدالعزيز : ههههههههههههههههههههههههه ههههههههههههههههههههههههه ههههههههههههههههه الجد بحب : الله يحفظهم ويخليهم لنا : امينننن نزلوا وهم ميتين تعب ويسولفون ويضحكون .. واتجهوا للجلسه الي فيها الجد وعياله والعيال دخلوا داخل يريحون على بال مايوصلون فراس وساره ويودعونهم لأن رحلتهم الساعه 10 الصبح لجده بتعب : الله يدوخ العدوا اسكتوا الجد بحب : افا افا من مزعج نور عيني ؟ الجده بحب : حي هاللحس والله سلموا وجلسوا .. ام ابراهيم : وش اخبارك يا ابو خالد .. مبروك ماسويتوا العقبال للـ الباقين الجد : بخير الله يجعلك بخير .. والحمدلله الله يبارك بك والعقبال ما افرح بـ شُموخ بنيتي شُموخ بحب: بعد قلبي يايبه .. بحضورك يارب الجد بحب: ان شاء الله وانا ابوك روان بتعب : وينهم ذولا فيني نوم ام خالد : اصبري يابنت سحر بضحك وهمس : شكلك بتخطبين من هالجمال الليله والرقص والمصري ام خالد ابتسمت لساره : الله يسمع منككككككك رغد بخوف : لا الاا روان اضيع بدونها لو تتزوج صدق شُموخ بـ مزح : خلاص شرايك نتزوج اخوان ونكون مع بعض ونسحب على روان ؟ رغد بضحكه : مب ششينه روان بقهر : تخسين انتي وياها وبهمس وبمكر وهي تهمس لهم : ولا الصدق لايقين فيصل وعبدالعزيز رغد وشُموخ بـ إحراج وقت واحد : وجججججعع , هييييييييييييييه روان بضحكه : ههههههههههههههههههههههههه ههههههههههههههههههههههههه ههههه احسن رغد بتردها لها : خوذي تميم تكمل شرايك .؟ روان بكره : يخسسي ويعقب مدري شلون خالي خالد ابوه ريم بحب لـ سحر : والله ياوحده من حمولتي نشبت لي علشانك روان بضحكه : ههههههههههههههههههههههههه ههه انقلب السحر على الساحر الخطاطيب جو لك انتي مب انا : ياوووولد .. >> البنات تغطوا بالطرحه وشُموخ لبست النقاب .. خالد : صباح الخير : صباح النور .. سلم على جده وعمه وابوه وجلس جنب روان الي يسارها سحر خالد :شفيك انتي ضحك على هالصبح ومن الي جبتي لها خطاطيب روان بضحكه : سحر من اليوم تقول بيجوني خطاططيب من جمال اختك تعرف يعني وكذا واخر شي جت ريم قالت ان فيهه وحده من حمولتي تبيها وتسأل عنها خالد عقد حواجبه ولف لـ ريم الي تسولف مع رغد : ... اهاا اسكتي بس انتي وهرجك الكثير روان قامت وراحت عند جده وضمها : ..... سحر قلبها يدق بقوه من دخل من سمعت صوته من جلس قريب منها ودق اكثر وقلبها يرجف من قامت رووان وصار يفصل بينهم مسافه قليله خالد لف بعيونه لـ سحر الي جنبه وشاف التوتر باين من هزها برجلينها .. تنهد ولف لـ ريم :ريم قلبي تكفين ابي باور جوالي بيطفى ريم قامت ومدته له ورجعت .... العيال جو علشان يتقهوون ويروح الصداع .. بعدها بـ ساعه جاء فراس وساره والبنات ركض لـ ساره وحضنوها وصاروا يدورون حولها وهي ميته خجل وابتسامتها مافارقتها ... فراس وهو ماشي لـ اهله : هييييه زوجتتتتي ابيها سلم عليهم وباركوا له مره ثانيه .. وجت بعده ساره وسلمت عليهم وجلستبين امها وتركي وهيثم الي جالس جنب امه وناط بحضنها علشان يحاكي ساره جلسوا يحكون عن الزواج وفخامته وجماله وووو خالد بغرور: الفضل يرجع لـ الله وتوفيقه ثم انا فراس بملل : يووووه ذلنا ذا رعد بضحك : خلونا نتقاط ونسدد علشان مايذله فراس يدفه : خخخير وبهياط ترا قادر ازين زواجاتكم كلكم تميم : يووه يالكاش محمد غمز لـ تميم وتميم فهم وقاموا ومسكوا ايدين بعض :... تميم بضحكه : اعاهدك احبك للأخير وعد فراس انفجرضحك والكل معه :هههههههههههههههههههههههه� �هههههههههههههههههههههههه ههههههههههههههههههههه ساره بخجل تضحكك :..... روان بكره لتميم قامت وبصوت عالي : مايضحك وعع والله تميم : محد طلب رايك والله ولا تقييمك عبدالعزيز لتميم : تميم خلاص عمي وابوي وجدي موجودين تميم بعصبيه : شوفها هي تحب تحارش الجد ببرود : والله مدري وش نهايتكم انتم يالاثنين مها بضحكه : الزواج تميم بكره : وععع لو انها اخرر وحده بالدنيا ما اخذتها روان وهي راجعه تاخذ سماعاتها وسمعته : والله لو انك اخر رجل بهالدنيا ما أمنت نففسي عليك باست راس عمها وابوها وجده : اسفه . مكان هو فيه مب داخلته تميم بيقوومم ومسكه فيصل : اقعد وييينن خخير الجد هز راسه : الله يصلحكم .. بعده بـ ساعه سلموا عليهم وطلعوا للـ مطار .. واللكل دخل غرفته علشان ينام ... قبل صلاة الجمعه . ـــــــــــــــــــــــــ ــــــــــــــــــــــــ بـ المطار جالسين يصورون ويضحكون ومبسوطين .. ساره وهي تفتح لـ فراس الكوكيز : سم فراس ابتسم : سم الله عدوك ياروحي . ساره : فيني نومممممم فراس بغمزه : قلت لك نامي بس اننتي خوافه ساره بخجل : والله ماخفت بس ماقدرت انام لان مايمدينا فارس بضحكه : اي هين ساره بخجل : فراسسي والله فراس ب ابتسامه: ياقلب فراس انتي .. بعدها بساعه وشي .. اقلعوا لـ باريس .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ بعد صلاة المغرب بـ المزرعه .. بالحديقه تحديداً .. الجد والجده ووالجده ام ابراهيم و عيالهم وحريمهم وبناتهم ورعد وعبدالعزيز وتركي صاحين .. وباقي البنات والعيال للحين ماقاموا الجد بزعل : مها قومي قومي البنات وقولي جدكم معصب وبيعاقبكم وانت ياعبدالله قم للعيال بالمثل مها بقل حيله : يبه لو اقومهم من اليوم لـ بكرى مايقومن ابوخالد قام واخذ علب مويا : الحين اوريك بهم ام عبدالعزيز : قومي انا اعرف اقومهم شلون .. مها قامت معها .. الجده ام ابراهيم بحنيه : اكيد من التعب ماقدروا يقاومون .. ولا شُموخ مب عادته بنيتي لهالحزه بالعاده مقابله شغله ام فراس : اي من الرقص امس والهبال بعدها بساعه نزلوا البنات بعبياتهم وهم ميتين ارهاق وتعب .. وسلموا وجلسوا .. والعيال سابقينهم بنص ساعه .. الجد : خير شهالنوم فارس وهو راسه بحضن امه : يبه والله النوم سلطان .. الجد :اقول اعقل بس هذا وانت عمهم وقدوتهم ابو عبدالعزيز : اسمع بس انت وياه عقاب ابوي فريقين نقسمكم .. بقرعه . نصكم يطبخ عشاء اليوم ونصكم غداء بكرى ولو ماقمتوا بكرى كلكم على الغداء بيتكرر العقاب .. ومن الحين اقولكم الي يطلع اسمه مافيه تغيير .. الجد : مافيه من مطاعم المطبخ ملليان من كل خير ونعمه البنات بملل تنهدوا.. الجد بصوت عالي: تسمعووووووون؟؟ الكل: اي اي نسمع الجد : احسب بعد ابوخالد: يازينكم وانتم مؤدبين :هههههههههههههههههههههههه� �هههههههههههههههههههههههه ه البنات يتقههون ... وشُموخ قامت تصب لخالها فارس ورغد وراها تدور بالحلا للعيال ... ام تركي : يازين السنع ووالله بدو بالقرعه ... الجد : كل واحد ياخذ ورقه وما يفتحه لين اقول والي يطلع لهاليوم يقوم الحين والي بكرى يقوم بكرى 11 الساعه 1 كلنا على السفره : سم رغد جلست ومعها فنجالها وتشوكلت وشافت جوالها ينور ابتسمت وهي تقرأ :.. فيصل : يارب انتي معي رغد : يارب وانت معي .. فيصل ابتسم وطالعه وهي تطالعه ... وكل واحد اختار ورقه .. اغلبهم انسط اغلبهم لا ... ابو خالد جلس بعد مادار عليهم كلهم واخذ كل واح واسمه بضحكه : يوووووه النار حاميه والله .. ام رعد تطالع بالاوراق ..: يووووووه الله يعين الجده تلعب بشعر فراس : ياالا اخلصوا شطلع .. ابو خالد ب ابتسامه : .. فريق الاول ..( فارس ,شُموخ , تميم , فيصل, رغد , روان ) روان مالها خلق تعلق سكتت:... تميم طالع فيها على طول وتوقعها تققول شي ...: .... الكل استغرب سكوتهم .. فيصل ابتسم وارسل لـ رغد : يسسسسس رغد ابتسمت بخجل : يازينك فيصل ارسلها قلب احمر وفيس يغمز.. رغد ابتسم وطالعته وهو غمز لها :... ابو خالد : الفريق االثاني : (خالد , ريم , محمد , هيثم , سحر ) .. ريم : مايمدي ادق على راكان يجي ياخذني ؟ الكل :هههههههههههههههههههههههه� �هههههههه سحر : لا حبيبتي مافيه مهرب .. خالد : يبه اي وقت حنا ابو خالد : الاول غداء .. الثاني الليله عشاء . الجد : مثل ماقلت لكم الي مب قايم على الغداء بيتعاقب .. الكل : سم ام عبدالعزيز : وش بتذوقوننا ؟ عبدالعزيز مشتهي لازانيا شُموخ بسرعه : لالا تكفى خلها لي بكرى بسويها وبتعجبك عبدالعزيز ابتسم : صددق ؟ شُموخ استحت : ان شاء الله ام خالد : سوو شي ثقيل علشانكم ماتغديتوا والعيال ماتغدوا <تركي ورعد وعز> خالد: بسوي مقلوبه ولا يافريقي ؟ روان بطنزه وهمس وفيها النوم : خف علينا ياتوب شيف تميم :هههههههههههههههههههههههه� �هههههههههه خالد :اص بس انتي هيثم : الله يالدنيا فرقتنا الفرق ياتميم وصرت تضحك علينا وحنا نتعنى لك تميم : والله محد قالكم ناشبين لي محمد : هين بس والله مانجيلك غير ماجينا الجده: اخلصوا بس وشو عشانا محمد: مثل ماقال خالد مقلوبه جوعانين مره ريم : خلاص تمام بنقوم انا وسحر نجهز الاغراض وكذا وننادديكم الجد : لالا كل شي مع بعض قوموا ياالله قامو وهم يتحلطمون ... ........ انتهى البارت الرابع .. واتمنى تكون الاحداث عجبتكم .. التكمله بإذن الله اليوم بالليل او الاثنين .. لا تحرموني من دعمكم ومن توقعاتكم ... قرأه مُمتعه ... استودعتكم الله . شُموخ .. | ||||
|
| |
|
22-09-18, 10:41 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ** الــبارت الــخامــس ** ابو خالد : الفريق االثاني : (خالد , ريم , محمد , هيثم , سحر ) .. ريم : مايمدي ادق على راكان يجي ياخذني ؟ الكل :هههههههههههههههههههههههه� �هههههههه سحر : لا حبيبتي مافيه مهرب .. خالد : يبه اي وقت حنا ابو خالد : الاول غداء .. الثاني الليله عشاء . الجد : مثل ماقلت لكم الي مب قايم على الغداء بيتعاقب .. الكل : سم ام عبدالعزيز : وش بتذوقوننا ؟ عبدالعزيز مشتهي لازانيا شُموخ بسرعه : لالا تكفى خلها لي بكرى بسويها وبتعجبك عبدالعزيز ابتسم : صددق ؟ شُموخ استحت : ان شاء الله ام خالد : سوو شي ثقيل علشانكم ماتغديتوا والعيال ماتغدوا <تركي ورعد وعز> خالد: بسوي مقلوبه ولا يافريقي ؟ روان بطنزه وهمس وفيها النوم : خف علينا ياتوب شيف تميم :هههههههههههههههههههههههه� �هههههههههه خالد :اص بس انتي هيثم : الله يالدنيا فرقتنا الفرق ياتميم وصرت تضحك علينا وحنا نتعنى لك تميم : والله محد قالكم ناشبين لي محمد : هين بس والله مانجيلك غير ماجينا الجده: اخلصوا بس وشو عشانا محمد: مثل ماقال خالد مقلوبه جوعانين مره ريم : خلاص تمام بنقوم انا وسحر نجهز الاغراض وكذا وننادديكم الجد : لالا كل شي مع بعض قوموا ياالله قامو وهم يتحلطمون ... بمكان جديد .. لأول مره نبحر له .. جالس وهو مقهور وحس روحه بتطلع لما انجبر يروح لمكان كان بالنسبه له ساحة قتل لـ حلمه .. دخل وهو هزيل الجسم والهموم كبرته 20 سنه شاف ولد اخته جالس ومهموم وهو عارف سبب همه : السلام عليكم .. فز صالح لعمه وراح مسكه ب ايده : وعليكم السلام ياخال , ليش قمت من فراشك تكفى لا تتعب نفسك ابوتركي : والله ياصالح ماعاد فيني على هالحال تعبت ماببي استسلم للهم والمرض صالح بحزن على خاله وحاله : بتنفرج ياخال بتنفرج يابعد عيني انت ابو تركي بحزن ونبرة بكي بصوته :اشتقت لشبيهك ياصالح اشتقت له ولهيثم ولحبيبتي ام عيالي ولقطعة قلبي صالح بهم وهو يتحسب عليها بوجع لان المفروض مايتحسب عليها : حسبي على من كان السبب ابو تركي بهم : ربك كريم وانا ابوك .. وسامحني يابوي انت ماقدرت ازوجك اياها صالح بحزن وحرقة قلب: تكفى ياخال خلاص راحت لنصيبها وقلبي على كثر مايحبها داعي لها ابو تركي يحضن ولد اخته ويشده بحضنه : ياعين حيي هالعين .. الله لايحرمني منك وانا ابوك صالح تنهد وشد على ظهر خاله : الله يخليك لي يايبه .. صالح .. ولد اخت ابو تركي [ ابو تركي له اختين من امه وابوه .. ام لتين واخته ام صالح .. ] صالح هو الوحيد الي عرف مكان خاله وظل معاه من 8 سنوات وحلف ووعد خاله مايدري احد عننه ووعده اانه يرجع خاله لزوجته حبيبته وعياله .. كان حلمه ساره من وهو صغير لكن الله ماكتب حياة خاله اهم من حياته من كثر حبه لزوجة خاله وعياله وساره ترك حلمه لغيره بس علشانن خاله ... ... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ بـ الرياض .. بـ المزرعه .. تحديداً المطبخ .. خالد رافع ثوبه ورابطه على خصره ومشمر اكمامه ويقطع اللحم ويكسر ضلوع ووو ... لانه قرر باللحظه الاخيره يسوي مندي لحم .. سحر حطت الدجاج جنب خالد وهي تغسل الرز : خالد لاهنت قطع الدجاج خالد تنهد وطالعها : ليش الدجاج هذا؟ سحر طالعة عيونه وجعها قلبها وسكتت للـ دقيقه ..: ..... خالد يطالع عيونها وساكت :... فارس سحب سحر وضمها بقوه لصدره : دلوعة خالها ما تأكل لحم والخدم ما يأكلون خالد بقهر: خير تضمها طيب ؟ فارس رفع حاجبه : حلال لي هي وكمل شغلك بس خالد : تبي بهالساطور على هالأوامر سحر بالموت بلعت عبرتها وبعدت عن خالها وابتسمت له ولفت لخالد: شكرا خالد .. راحت برا على طاولة الطعام مع ريم ومحمد وهيثم تقطع سلطه فارس ب ابتسامه وقهر لبنت اخته طالع خالد : ليتها مب بنت اختي واحبها خالد : فارس لا تحسسني بالذنب لو سمحت خلني اعرف اسوي شغلي فارس اخذ السكينه الي جاي علشانها لان ريم وهو داخل طلبت منه يجيبها وطلع وشافها تضحك وتحاول تتناسى .. جلس جنبها وابتسم لها محمد وهو ياكل خس : ياخي ماعرف اتحرك بدون تميم هيثم بزعل مصطنع : ياكل تبن جحدنا بساعه ريم بحب لهم : ياخي والله لو تتزوجون وتجيبون عشر عيال ما تكبرون بعيني سحر بضحكه : يارب الله يبلغك هاليوم وتحسين بالشعور الحلو الي حسيته امس ريم بحب : اميييييييييييييييييين الله يبلغني هاليوم : اي يوم ؟ محمد : زواجي وزواجك خالد بحيره : انا ولا بعد عشر سنين بتزوجين عيالك قبلي فارس لف له بصدمه :....... سحر وخيبة املها ثبتت هالمره تنهدت وهي تذكر ربها بسرها :... ريم بعصبيه : مب بكيفك انت وياه بزوجكم قبل احمل ويخرب جسمي هيثم :هههههههههههههههههههههههه� �ههههههههههههههه ذا الي هامك خالد قعد واخذ التقطيع من اخته : لا تخافين مب خارب وانتي 24 ساعه بالجم لاتحطينها علثه ريم : لا حبيبي مب بكيفك تشوف . محمد : الله يعين عيالك بتزوجينهم وهم بالابتدائي ريم وحطت ايدها على بطنها : بعد امهم والله خالد وسحر بصوت واحد وبفرحه باينه على عيونهم :حامممممممل؟؟؟؟طالعوا بعض وابتسموا بلا شعور .. الكل:هههههههههههههههههههه� �هههههههههههههههههههههههه ههههههههههههههههههههههههه ه ريم بضحكه: دامكم تحبون الاطفال لهالدرجه تزوجوا وجيبوا لنا فارس : ليتتت نحتاج طفل بحياتنا سحر بخجل من نظرات خالد الغريبه : ان شاء الله ساره وفراس يجيبون لنا قبل اتزوج انا ريم بغمزه : شكل حمولتي حاطينك براسهم للحين ذكريني اوريك القروب سحر تلفع وجهها : اسكتي بس خالد قام : ابو هرجكم الفاضي .. محمد هيثم تعالوا نطلع المندي .. ـــــــــــــــــــــــــ ــــــــــ بالحديقه .. الجد وابو عبدالعزيز جالسين يتابعون الاخبار والجده واختها وحريم عيالها وبناتها يسولفون .. ابو خالد والعيال يلعبون بلوت .. شُموخ وروان ورغد جالسين يسولفون عن الزواج ويشوفون الصور والسنابات يوم صحصحوا ... شُموخ شالت نقابها وصارت متحجبه بس ومعطيه الرجال ظهرها علشان فيصل وعبدالعزيز وتميم الجد شاف خالد شايل المندي ومعه محمد : كفو على عيالي بعد قلبي .. خالد : عطنا دعم اكثر لين يخلص المندي الجده : بعد حيي والله يدري اني بخاطري منديه كم لي خالد جاء وباس راسها : بعد قلبي يمه كان قلتي لي من زمان الججده : ياوليدي شغلك كثير ويتعب ويكفيك خالد : الاا انتي يانور عيني اترك اشغالي كلها لجلك .. الجده ببحب : الله يرضى عليك ويحقق مبتغاك خالد براحه : كثري من هالدعوه يمه روان : شُموخ وش تبين بالنقاب وانا اختك والله كتمه تحجبي شُموخ : وددي بس استحي رغد : عادي يابنت والله اكسري ذا الشيي روان بتهور : خلاص ياعيال لحد يطالع بجهتنا كثير لين شُموخ تتعود على الحجاب ام عبدالعزيز : ابد اريح لك وانا خالتك بتنكتمين كذا وحنا طول جلستنا جيمع شُموخ بخجل وجهها قلب احمر: سمي ياخاله ام ابراهيم بحب : بعد حي حيي هالوجهه شُموخ قامت لها وباستها وحضنتها : قلبي يمه ام ابراهيم بحنيه : ياقلبي انتي والله شُموخ : يمه لازم نرجع الاحد علشان غسيلك بتفوتين بكرى الجده :لا وانا امتس خلوكم عندنا والله ولهين عليكم شُموخ بحب : والله ودي بس امي تتعب اذا فوتت غسيل اكثر من يوم وانا عندي اجتماعات لشغلي واشغال وطلبات قبل رمضان وابدا اشرف لطلبيات العيد ابو عبدالعزيز بفخر: ماشاء الله عليك وانا خالك حققتي حلمك شُموخ تنهدت بوجه :حلمي وامنية امي : الله يرحمها .. ابو خالد : اجل كلنا نرجع للشرقيه فجر الاثنين ولا الاحد عبدالعزيز : انا بمشي للقصيم يوم الاحد بالليل ام رعد : اجل خذ خالتي وشُموخ معك روان نغزت رغد وضحكوا : ههههههههههههههههههههههههه ههههههههههههههههه الجد :هه وش بلاكن روان تطالع شُموخ : لا يبه مافيه شي عبدالعزيز : مخالف ابركه ساعه لو تبارك سيارتي بخالتي وشُموخ ام ابراهيم بحب: ياجعل عيني ماتبكيك ياوليدي .. مابي اكلف عليك عبدالعزيز : مهنا كلافه يمه الله يخليك رايح رايح ولا تتعبين بالمطار ام ابراهيم: اي والله اني اكرهن شُموخ رجعت للبنات : انا الغبيه الي اتكلم عندكم بععد رغد : والله والله ناسيه بس روان ذي شُموخ بصوت مسموع : الله يزوج هالروان ونرتاح روان تشوف سنابات ومو معطيتهم وجه :.... تميم يطالع بروان وهو يحس بشعور يكرهه .. .......................... بعد ساعه ونص . ريم وسحر يجهزون طاولة الطعام وهيثم معهم .. محمدجايب الصحون : افف الله يعين الخدم 15 صحن وملعقه وشوكه وكاس اثر حنا بنعمه فارس صاير مشرف عليهم : مثلك لما تكرف عمالك حس ريم بحنيه : ياقلبي عليه يكرف اكثر منهم خالد : بعد اخوتس انتي سحر:هههههههههههههههه خالد ابتسم لضحكتها : وش بك تضحكين سحر بخجل : على كلمة اخوتس خالتي ام ابراهيم خالد ضحك معها وغمز لها : بقولها دايم واضحكي تميم دخل بهباله :اخلصوا لو سمحتوا جوعان خلو غزلكم بعدين خالد حذفه بالمويا : قم انقلع برا بس سحر بخجل وربكه دخلت مع ريم تجهز السلطه ... فيصل قام وهو يتمغط ..:بروح للخيل يبه عبدالعزيز تجي معي ؟ رغد فز قلبها للخيل : اننا ابي اروح ام رعد بضحكه : وش تبين انتي يكلم ابووي فيصل ابتسم : ماعليه خليها تجي من وهي صغيره تجي معي ام رعد : ذاك وهي صغيره الحين بزوجها هههههههههههههههههههه فيصل : هههههههههههههههه الله يبلغك فيها ان شاء الله الجد بحب لرغد : تعالي وانا ابوك نروح مع فيصل رغد بخجل بتبكي : يمه؟. || يعني اروح ام رعد : انا مالي كلمه دامك مع ابوي وفيصل ولدي اامنك عليه روحي رغد قامت وراحت مسكت ايد جدها ومشت جنبه وفيصل جنبها .. ـــــــــــــــــــــــــ ــــــــــــــ عند المعاريس .. باريس 🎶 طالعين يتمشون وهو سارح ذهنه يفكر بالي قراه بالورقه .. ساره وقفت قدامه وهي ماسكه ايده وتطالع عيونه : حبيبي؟ فراس بحب : ياروح حبيبك ؟ ساره: ابوي شفيك مب على بعضك اذا فيك شي ولا تعبان خل نرجع ترتاح فراس ابتسم : لا ياعين ابوك انتي مافيني شي بس افكر بالشغل وخلاص مب مهم اذا رجعت الاوتيل اكلم ماجد يلغي الرسايل على ايميلي ويحولها على ابوي ساره رفعت نفسها له وباست تحت شفته : احبك فراس ضمها بقوه وده يدخلها بقلبه وخايف من الجاي : اعشقك ياروحي ساره بعدت عنه وابتسمت : ياللا خلينا نروح مكان دافي نتقهوى فارس بحب: برداننه ؟ ساره : الجو حلو بس خاطري بقهوه من صحيت فراس بيجننها : حامل ؟ ساره بخجل شقهت : فراس لاا ويييييين فراس بضحكه اخذت قلبها : نسيت ما امدا 24 ساعه ماصارت ساره مشت قدامه : طيب طيب اوريك فراس ضحكت ولحقها وشبك ايده ب ايدها : احب خجلك ساره ابتسمت بخجل ولفت للجهه الثانيه :...... ـــــــــــــــــــــــــ ـــــــــــــــــــــــــ ـــــــــ بـ المزرعه ... الجد جالس يطالع خيوله ويسولف مع فيصل ورغد وراهم تلاعب الخيل وتأكله .. فيصل: بكرى الفجر ان شاء الله بجي اركبه الجد : طالع على جدك تحبهم فيصل : ياحظي لو اطلع عليك بكل شي حتى بحبك ووفاك لجدتي الجد :صدقني انا اشوف نفسي بك وانا شباب وخذ الي قلبك يختارها وانا ابوك ومستعد اخطب لك مثل ما خطبت لفراس فيصل : صدقني قريب بجيك وبقولك نروح لأهلها واخطبها لي .. الجد بحب : ان شاء الله وانا ابوك .. لف لرغد علشان يرجعون للعشاء : رغد :.... فيصل لف بسرعه لما ماسمعها ردت : .. رجع للمكان الي كانت واقفه فيه وصار يناديها : رغدددددددد يارغدددد وين راحت الجد ب ابتسامه : تعال تعال يالمطفوق رغد جت تركض بخوف :شفيكم فيصل فز ولف لها: اوففففف وين رحتي انتي رغد ب ابتسامه عفويه :رحت اغسل ايدي بعد ما أكلت الخيل الجد ضحك : دليت البيت وانا ابوك فيصل بخجل من جده وابتسم : زين اسأل عنهم اجل رغد ب استغراب : ووشو ؟ الججد : شغل وانا ابوك. رغد ببرائه : يبه ابي اركب الخيل الجد : مايصير الحين وانا ابوك بكررى فيصل : الحين ماتعودوا هالوقت رغد : ليه ؟ فيصل : انا وعبدالعزيز وفارس متعودين ممن الفجر للمغرب نتدرب عليهم وندربهم وكذا الجد يمشي اسرع شوي : ابسبقكم انا رغد : جينا يبه فيصل يطالع جده الي ابعد : تبين تركبين الخيل بكرا الفجر؟ رغد بحماس : وددي بس جدي ينام ورعد فيصل رفع حاجبه : اذا صارت 5 ونص تعالي هنا وبس رغد بخجل: طيب .. ياللا نسرع فيصل: نتسابق ؟ رغد بضحكه : ياللا فيصل يحط جواله بجيب بنطلونه ..: هاتي جوالك علشان مايطيح رغد عطته الجوال : ياللا فيصل : 1 2 3 .. انطلقوا وفيصل سبقها رغد بصراخ : يبه عبدالعزيز امسكه بفوز الجد سوا نفسه مايسمع يوم قرب فيصل ركض الجد وسبقهم ووصل لهم رغد وفيصل: ههههههههههههههههههههههههه ههههههههههههههههههههههه غش الجد : انا الي فزت فيصل بحب: تمون يالغالي روان بزعل : وش ذا تلعبون بدوني ؟؟ ام خالد : اتركي الجوال انتي وتلعبين مع الدنيا روان بحب : مقدر يمه حياتي فيه كان يطالع وهو مقهور ووده يقوم يصفقها قاموا كلهم وغسلوا وتعشوا .. وعلى الساعه 12 الكل تخدر ودخلو ينامون .. البنات بالصاله يكلمون ساره لاين ... ساره با ابتسامه وفهمت على حركة ريم الي وراء البنات : اي اي اسكتي بس روان بقفطه : ياوصخاتتتتتتتتت حركات متزوجات بمكالمه ثانيه انتي وياها ساره بخجل لان فراس جنبها وماحطت سماعه: وش تبين اننتي اسكتي بس شُموخ انقذت الموقف : اي وهي صادقه تزوجتوا سحبتوا علينا ساره عطتها بوسه : احبك فراس بصوت مسموع : هيييييهه اغار انتي وياها .. روان وهي قايمه اخذت سماعاتها وجوالها: اييه الله يرزقناا بالي يحبنا : فتحي عيونك واركدي ويرزققك الله روان فزت : يمه بسسم الله تميم : شايفه جن ؟ روان : ليتي شايفه جن ابرك .. بعدين شتقصد بكلامك ذا تميم : اللبيب بالاشارة يفهمُ روان رفعت حاجبها: ليكون انت تحبني بس ؟ تميم : مب عاجبك ؟ روان بطنازه : مابقى الاا انت والله تميم سحبها بقوه وطلعها برا من جهة المطبخ روان تحاول تفك ايدها : خير ششتبي انت وخرر تميم دفها على الجدار وقرب لها حيل وبعصبيه موتت روان خوف: انتييي ليش تكرهيني انا وش مسوييي لكككك علميني وش الي مسسويييه روان بخوف بس تخفيه : مالك شغل فيني تسمع ؟؟ واكرهك اكرهك كره الجن للأنس وعمرك تتجرأ تقرب مني شبر واحد ادفنك بمكانك . تفهم .. لفت بتروح تميم سحبها بقوه ولصق فيها وثبتها وقرب وباسها حيييل .. روان مصدومه مب قادره تستوعب شي .. تميم ابتسم : خقيتي ؟ وريني وشلون بتدفنيني ؟؟ روان بقهر وبتبكي صرخت : انت حقييير شكل دراستك نستك خوفك من الله ونستك اني عرضك واني بنت عمك والظاهــ تميم : اشششش لا تفضحين نفسك بنفسك ولا تصحينهم بصراخك .. ويا انا يا انتي ياروان والايام بيننا .. عدلي روجك وادخلي نامي .. راح جهة قسمهم . روان بقهر جلست مكانها وبكت بقهر وهي ودها تلحقه وتذبحه وتموته وترتاح منه ودها تصحي ابوها وتقوله كل شي وابوها ياخذ حقها منه بس اهلها وعمها وعايلتها ماسكينها مع اليد الي توجعها قامت وهي تعدل بلوزتها وروجها ورفعت عيونها للسماء: يارب امسح كل الي بقلبي يارب افرج لي همي يارب يطالعها من بعيد وهو ندمان وكارهه نفسه .. : احبك والله . : تحب مين ؟ لف وانصدم:...... ـــــــــــــــــــــــــ ـــــــــــــــــــــــــ ــــــــــــــــــــــ دخلت الجناح وعلى طول اخذت روبها ودخلت تتحمم ومتجاهله ريم الي تكلمها .. نص ساعه وطلعت روان عيونها متفقعه بكي دخلت غرفة الملابس ولبست طلعت وشافتهم نايمين تنهدت بوجع وراحت تصلي لها ركعتين .. بعدها دخلت بفراشها وفتحت تويتر ... قلبت فيه شوي وغردت وطلعت ..قفلت جوالها ونامت \****************************** يووم السبت .. الساعه 5 الفجر .. بـ قسم العيال .. فيصل طلع من الجناح بـ استغراب : تميم ؟ تميم التفت له : هلا فيصل بحنيه : شفيك وانا اخوك ؟ تميم تنهد : مافيني شي فيصل حط ايده على كتف اخوه : لا تكذب علي تميم تنهد : مالي خلق ارجع ادرس مليت وشايل هم الرجعه فيصل بعدم تصديق : بس ذا ؟ اكيد؟ تميم قام : اي اكيد وش بيكون يعني بروح اننام فيصل يطالع اخوه ب استغراب : نوم العافيه ـــــــــــــــــــــــــ ـــــــــــــــــــــــــ ـــ عند رغد الي تجهزت وحست روحها مبسوطه مره تتحرك بشويش ماتبي احد يصحى وتنحرج .. اخذت جوالها وطلعت نزلت للمطبخ وراحت لجهة آلأات القهوه وجلست تسوي لها ول فيصل .. حطتهم بصينيه مع قطع تشوكلت واتصلت عليه .. فيصل يجهز الخيل وابتسم يوم شافها تتصل : حي هـ الصوت والله رغد ابتسمت بخجل : هلا والله صباح الخير فيصل : صباح النور وينك طولتي ؟ رغد تشيل القهوه وتطلع : جايه بس قلت اشوف انت وين اخاف ارووح للجهه هذيك لحالي فيصل : هههههههههههههه لا تخافين انتظرك انا يياللا رغد : ياللا قريبه دقيقه وعندك فيصل ابتسم بحب : ياللا انتظرك دقيقه ورغد صارت عند فيصل حطت القهوه على طاوله فيها اغراض الخيل .. فيصل تقدم لها بـ إعجاب فـ شكلها وهو مبتسم : منور الوجهه اليوم رغد ب ابتسامه تمد له قهوته : تفضل ... فيصل يطالعه : شكراً ياروحي رغد نزلت عيونها غصب واخذت قهوتها : المكان يشرح الصدر الصباح فيصل ابتسم لخجلها : مره احب اكون هنا الصبح واخر العصر احس بطاقه ايجابيه رغد : ما تنلام والله شي حلو ومريح للعين وللخاطر فيصل شرب من قهوته ولف لها : تبين تركبين : رغد وهي تشرب من قهوتها : ودي وبقول لرعد العصر يركبني فيصل رفع حاجبه : اهاا رغد ابتسمت : الاا ماقلت لي ليش تبيني اجي هنا ؟ فيصل نزل كوبها من ايدها ومسكها وراح لجهة مكان تدريب الخيول وكان فيه العامل الهندي المسؤؤل عن الخيول رغد تخبت وراء فيصل وتمسكت بتشيرته لما شافت العامل : فيصل ماجبت لي حجاب فيصل تنهد وقلبه يدق بقوه : لا تخافين انا احرص منك قايل له لا يلتفت من هالجهه خليك وراي اذا مرتاحه ..حط ايده على ايدها الي شاده بتشيرته رغد تحس تبي تدخل بحضنه اكثر تحس ب امان فاقدته غمضت عيونها وهي تشمت ريحة عطره : اذا راح قول لي فيصل : نوحح نوح معطيهم ظهره :نعم بابا فيصل فيصل: خلاص خل الخيل مربوط وروح ومثل ماقلت لك سو طيب ؟ نوح : ان شاء الله .. راح من الجهه الثانيه وقفل السياج .. فيصل بهمس : خلاص راح رغد بخجل بعدت: اووه كويس فيصل ابتسم لها وراح لجهة الخيل وفكه وركب فوقه وطالعها ومد ايده : تعالي .. رغد بخجل وخوف : هاا ! فيصل بحب : تعالي رغد وقلبها الي يقودها اكثرمن نفسها .. راحت ومدت ايدها له وشدها وهي رفعت نفسها وركبت وصارت رجلينها من جهه وحده وتمسكت بفيصل :فيصل ترى اخاف والله بشويش فيصل تنهد ووصل تنهيدته لـ رغد الي لفت وطالعت عيونه بلا شعور .. رغد :... فيصل بهمس : جاهزه ؟ رغد غمضت عيونها وهزت راسها .. فيصل صار يمشي الخيل بشويش وهي تتامل المكان ومبسوطه متمسكه بذراع فيصل وهو مبسوط رغد بخجل تمد لفيصل الجوال /: فيصل صور لي اخاف انا فيصل ضحك : لا تخافين مابطيحك ولا بخليه يركض رغد برهبه : ياربي والله ودي انزل فيصل : اشششش مافيه ياللا تمسكي .. صار الخيل يسرع شوي رغد تشد على فيصل وهي مبسوطه وخايفه : خلاص خلاص فيصصل فيصل طاير مبسوط ويحس يبيها تدخل بحضنه اكثر : رغد شدت نفسها وخبت وجهها بصدره :فيصصصل فيصل صار يهدي ويطالعها : خلاص ارفعي راسك .. رغد رفعت راسها وهي مبسوطه بالمكان المرتفع الي يشوفون المزرعه كلها : يجننننن فيصصصل فيصل بحب : ياعيون فيصل رغد استحت وبعدت عنه شوي وصارت تتمسك بالمربط تبي تطلع جوالها وتصور .. فيصل مبتسم على كل حركاتها ... رغد تطالع فيصل: امسكني ابي اعدل جلستني مثلك فيصل ابتسم ومسكها لين عدلت جلستها : ايووووه رغد تطالعه : شكراً فيصل : ولو العفو رغد صورت شكلها فيد والفيو ونزلت الجوال وهي تطالع الصور حست ب ايدين فيصل تحاوط خصرها ودقنه على كتفها وفمه قريب من اذذنها .. كش شعر جسمها ومغصها بطنها وحست بشعور حلو وغريب ماقدرت تمنع او تعطي ردة فعلل فيصل تنهد من تهوره وبهمس وهو يطالع قدام : طالعي قدام رغد بلا شعور ارخت نفسها عليه وايدها على ايدينه الي على بطنها : همممم فيصل بهيام باس كتفها : تصدقين ؟ ماكنت متخيل بيوم ان الحب شي حلو كذا شي طاهر شي عميق يوصل للقلب بدون مانحس بدون ما نختار بدون ما نقول لا و ايه كنتي تجذبيني بنعومتك وهداوتك مره بس ماكنت اعرف ان الي فيني اعجاب .. لين وصلت لـ مرحلة الغيره لما شفت صورتك بجوالك حسيت بشعور الي لو احد غيري شافها ؟؟ كنت ابي اهاوشك واكسر الجوال قدام عينك ومع الايام اكتشفت انك شي يليق بـ فيصل عرفت اني احبك .. اهتمامك وخوفك علي واسلوبك وهداوتك ورقتك كلها خلتنا اسلم قلبي لك . لاني عارف اانا اخترت مين وتستاهل عمري مب بس قلبي واسمي رغد قلبها يدق بقوه تحس انها طايره فوق مب مستوعبه شي تحس انها ماصحت مانزلت لفصيل تحس انها نايمه تحلم :... فيصل بحنيه : احبك رغد ومالي باللف والدوران ابيك حليلتي وام لـ عيالي وحبيبتي للعمر كله رغد لفت عليه وطالعت عيون وعيونها بتنفجر دموع : ... فيصل فز قلبه مسح دمعتها الي نزلت : تكفين لا تبكين لاا دموعك غاليه رغد نزلت راسها ب ابتسامه : احس معك ب امان لي 15 سنه ما حسيت فيه امي ورعد مب مقصرين معاي بس انت من صرت قريب مني صرت احس بشعور ماليني رضى وسعاده شعور مطمني احس من ترسل احس براحه احس بشي مابيه ينتهي مابي تقول بنام بروح اخلص شغلي او شي صرت ابيك معي 24 ساعه اعذرني على الجرأه بس والله كل شعور حلو حسيته معاك مدري كيف اجازيك عليه فيصل ابتسم براحه وحب : تبين تردين الدين ؟ رغد بحب : اكيد ابي فيصل : اذا رجعنا للشرقيه وخطبتك وافقي رغد قلبها بينفجر من كثر مادق : احم تمام فيصل بضحك يلطف الجو : تدرين وش احساس الخيل ؟ رغد ب ابتسامه لفت عليه تطالعه : ايشش ؟ فيصل : احسه يقول لا ابوكم لا ابو رومنسيتكم الخايسه كسرتوا ظهري الخيل طلع صوت صهيله كأنه يأيد فيصل بالكلام :. رغد بضحكتها الي تأسر قلب فيصل : ههههههههههههههههههههههههه هههههههه فيصل ضحك :هههههههههههههههههههههههه ضمها بقوه وباس خدها .. احبك والله رغد بخجل : ياللا نرجع فيصل بيطفرها : منب راجع لين تقولينها رغد بخجل : فيصصصل ياللا علشان يمدينا نرجع ننام شوي قبل 11 فيصل يطالع قدامه : لا مالي شغل رغد بضحكه : حرام طيب الخيل انكسر ظهره فيصل ضحك : قوليها ونروح رغد لفت وجهها وصارت تطالع قدام اخذت نفس : ...احبك فيصل تنهد : ياوييييل قلبك يافيصل رغد ابتسمت له : .... ابتسم لها ورجعوا ورجعوا الخيل مكانه واخذت القهوه هي ورجعت وفيصل واقف يناظرها ن بعيد يتطمن لين تدخخل ويروح لقسمهم .. دخلت وحطت القهوه والدنيا مب سايعتها من الفرحه راحت للجناح ودخلت وبدلت لبسها ورفعت شعرها وردخلت فراشها وارسلت له : انا صرت بالجناح فيصل الي فصخ تشيرته وانسدح "كويس قلبي ماراح انسى هاليوم ابداً نحكيه لعيالنا بكرى .. احبك رغد غمضت عيونها بحب وردت له : ولا انا حبيبي .. ان شاء الله .. اححبك .. ياللا اشش نام فيصل : وييييييين انام طاير من الفرحه رغد : مو كثررري ... جلسوا يتكلمون ويسولفون لين غفت رغد بدون ماتحس ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ الساعه 10 .. الجد وعياله والحريم صاحين .. الجد بتأثر .. لاحول ولاقوة الاا بالله الجده تطبطب على فخذ ابوخالد : راح وارتاح من المستشفى وعذابهم الله اختار له الخيره الجد : الحمدلله على كل حال .. ياللا ياعيال خلونا نمشي ونروح للرياض قبل يكفنونه بشوفه واغسله ابوعبدالعزيز يقوم : ياللا يايبه .. وانت ياعبدالعزيز خلك مع اهلك وقوم اخوانك والعيال يلحقووننا للصلاة عليه وللعزاء عبدالعزيز : سم يبه وانتبهوا لجدي ابوخالد : لا تخاف مهنا الاا كل خير الجده : استودعتكم الله وطمنونا : ان شاء الله .. ام عبدالعزيز : ياعمري الله يكون بعون عمي ام رعد : اي والله وش تلاقين حال زوجته وعياله ام تركي: ربي يربط على قلوبهم ويصبرهم الجده ام ابراهيم : عز وانا امك بكرى قبل نمشي ودي اعزيهم عبدالعزيز : ابشري يمه دخلت شُموخ ورغد .. شُموخ : مساء الخير رغد : السلام : مساء النور.وعليكم السلام.. رغد : وين ابوي عبدالعزيز وخوالي ؟؟ مب بالعاده ام فراس : راحوا للرياض ولد عمي توفى الفجر شُموخ وهي تكرهه طاري الموت : لحوووول استغفرالله الله يكون بعونهم جد رغد بضيقه : ياعمرييي ابو شوق ووعد ؟ ام خالد : ايه رغد : لاحول ولاقوة الاا بالله عبدالعزيز قام : يمه قولي للخدامه تجهز قهوه فرنسيه لي بقوم اصحي العيال يلحقون على الصلاة عليه شُموخ قامت : انا اشرب قهوه فرنسيه بسوي لي ولك عبدالعزيز : الله يسعدك والله شُموخ ابتسمت : وياك .. طلعت للمطبخ وجلست تجهز القهوه والاكواب .. : شُموخ ؟ شموخ فزت وحطت الطرحه عليها بـ إهمال : سم ؟ عبدالعزيز : تسلمين .. قههوتي وسط ترا شُموخ : ايوه حلاوتها وسط عبدالعزيز : كويس يمه مشكوره شُموخ : العفو ... طلع وهو مبتسم وراح يصحيهم وهو يكره يبلغ احد بموت ويفكر بردة فعل فارس .. بعد ساعه صحوا العيال وبلغهم عبدالعزيز .. ومره تأثروا لانه كان طيب وحنون ويحبهم مثل عياله .. فارس كان قلبه منقسم نصفين وده يطير لها وده يطمن قلبها وده يسمي عليها .. مره ضاقت نفسه عليه جهزوا وراحوا بسيارة تركي وبسيارة رعد الجده وام تركي وام فراس وحريم العيال .. (ام رعد بعد وفاة زوجها صارت ما تدخل بيت فيه عزاء مثل شُموخ ) على الساعه 3 العصر ... جالس بالحديقه ومعه الجده ام ابراهيم وعمته مها .. البنات كانوا جالسين داخل الي نايمه والي تتابع والي تتحمم وريم تجهز اغراضها لان العشاء بيجي راكان ياخدها ... وشُموخ تسولف عليها وتختار تصاميم للعيد من عند شُموخ .. دق جوال شُموخ .. شُموخ ب استغراب : رقم ريم وهي تجمع اغراضها الي على التسريحه : ردي واسكتي شُموخ ردت وجاها الصوت الي تموت ولا تسمعه : .......... : ماتسمعين ولا صمخى ان شاء الله ؟ شُموخ بتبكي : نعم يبه ؟ ريم لفت بخوف : ...... ابو شُموخ بعصبيه : اذا ماطلعتي والله لا ادخل اطلع لك روحك وارتاح منك شُموخ : وش مسسسوويه انا يبه !!! ابو شُموخ: لا تقولين يبه انا ماعنندي بنات غير فاطمه انتي ماتشرفيني شُموخ دموعها تنزل بـ إنكسار : طيب دامني ما اشرفك ليش راجع وش تبي مني ؟؟ ابو شُموخ بصراخ : قلت اطلعي لي برا بعفششك جالسه عند الغريب لك يومين ولا حسيب ولا رقيب باخذك عندي واعرف كيف اربيك يابنت امك شُموخ قفلت الخط اخذت عبايتها ونزلت تركض لـجدتها : يممممممهه يمممممممه وينكككك الجده بفزة قلب : يمه وش فيها شُموخ عبدالعزيز لف للباب الفله الي انفتح وجايه تركض فز لها : شفييك ؟ شُموخ ركضت لجدتها وبكت تحت رجلينها : يمممه جاي بياخذني تكفين يمه لا ياخذني تكفين ابيك انا مالي غيرك بعد امي الجده بعقل : وش فيك يا شُموخ وشصايررر شُموخ منهاره بكي : يمه ابوي دق علي وقال لي اطلعي لي الحين باخذك معي جالسه عند الغرب لك يومين باخذك اربيك يمه تكفين لاياخذني عبدالعزيز عصب : مهب على كيفه الدنيا مب سايبه وانتي منتب بزر يمشيك بكيفه مها ضمتها : سمي بالله وانا خالتك ماراح يقدر ياخذك دامك عندنا البنات طلعوا متضايقين من حالها .. عبدالعزيز : شُموخ وينه هو شُموخ بصوت متقطع من البكي: بـ بـ برا قال لي مدري وين عبدالعزيز : قومي معي شُموخ تضم خالتها : الله يخليك والله مابيه والله ماابيهم عبدالعزيز بحنيه : والله محد يلمس شعره منك وانا حيٍّ مها : لا وانا خالتك ذا مايسوى فلس مايهمه احد .. عبدالعزيز : انا اعرف اوقفه عند حده .. دق على الحرس وقالهم يدخلونه للمجلس ويوقفون عند الباب لين يدق عليهم.. الجده وهي معصبه من وجوده : وش له تدخله ذا حيوان مريد عبدالعزيز : يايمه خليه علي .. لف على شُموخ .. : قومي شيلي عبايتك وعدلي شكلك ومسحي دموعك البنات ومها : وشوووووووووو؟؟ عبدالعزيز عصب : قلت شُموخ ولحد يتكلم .. بعد اذنك يايمه الجده بحكمه : الي تشوفه مصلحه لشُموخ سوه وانا امك هي امانه عندك شُموخ بخوف : تكفى والله بيجلس يجرح ويســ عبدالعزيز بهداوه : قلت لك مب مأذيك وانتي بـ أماني .. سوي الي قلت لك ياللا شُموخ بخجل شالت عبايتها وكانت لابسه ليقينز اسود وتشيرت بولو اورنج .. ربطت شعرهاالبني ذيل وعدلت وجهها .. الي صار شكلها ينوكل عبدالعزيز يحاول يسوي طبيعي : ياللا تعالي راحت شُموخ معاه لجهة مجلس الضيوف ... داخل المجلس جالس بجبروته وبـ قوته والنار تطلع دخانها من انفه وعيونه ... دخل عبدالعزيز وشُموخ جنبه : السلام عليكم ابو شُموخ فز بشياطينه بيمد ايده عليها : يابنت الكلب داخله بقل حياء وما همـــ عبدالعزيز دفعه وهو معصب : لو سمحت احترم نفسك تراك بمحلي واحتررامك واجب علي لكن ان تطاولت علي والله لا ادفعك ثمن تجرأك شُموخ بكت وتخبت وراء عز :.... ابو شُمووخ : ابي بنتتتي انا وشتبي انت عبدالعزيز مسك ايدها وجلسها جنبه : ان كانك رجال وتبي العلم من الرجال اجلس ونتفافهم ابو شُموخ جلس وهو معصب : وانت ووش انت يومنك تدافع وتعلمني المرججله شُموخ تحت تأثير صدمه وتأثير كل شي يسوي عبدالعزيز : ... عبدالعزيز تقدم بجسمه وهو جالس ودخل اصابعه ببعض : اول شي انا الي اعلمك الرجوله حفيد عبدالعزيز خالد الـسـ ... ولد خالد عبدالعزيز الـــ.. زوج بنتك المصون شُموخ عبدالرحمن العــــ شُموخ مب قادره تعطي ردة فعل وعيونها ب الأرض ولحسن حظ عبدالعزيز ماعطت ردة فعل علشان مايبين الكذب ... ابو شُموخ زادت ناره وقههرره : انتييييي شلون تتجرأين وتتزوجين بدون شور ابوك عبدالعزيز : دامي عايش ودامها زوجتي واسمها بظل اسمي ماتقدر تمسها ولا بسلك .. شُموخ وحست ان عبدالعزيز عطاها قوه : وين ابوي الي انت تتكلم عنه ويييييينه .. لك 17 سنه ما تدري عني لك 17 سنه ما عمرك قلت لي بنت وحيده صغيره مراهقه عند جدتها المريضه اسأل عنها اشوفها محتاجه شي تبي شي ناقصهم شي ... من قبل تتوفى امي وانت ما تعترف فيني من قبل تتوفى امي وانت حارمني منها ومن حضنها وريحتها ماتت بحسرتها ومرضها ماتت وهي تتمنى بنتها بحضنها ماتت وانا اتمنى اني كنت معها بالمستشفى ماتت وانا ماشبعت منها كنت اترجاك كل نهاية اسبوع ودني القصيم ودني لامي كنت تاخذ زوجتك وبنتك للخرج لاهلها وتخليني يوم بالبيت لحالي مثل المجنونه كنت اشكي لك منها ومن عذابها وكنت تكذبني وتصدقها وتضربني ..صرخت بوجع ..: ححرررمنتتتتني ممننن اممممي بصحتها وبمرضهاااا و ماشششفتتتتتتتت اممممممممي الااا وهي بكككفففففنهاااااا وين ابووي الي انت تقول ؟؟؟ وين حنيته وينهه وهو حرمني من امي .. انت منتب ابوي ولا لي ابو انا كلهم قالوا لي اشتكي عليه وارفعي قضيه واكسبي نفسك وامنيها عن غدر الزمن قلت لا ذا ابوي وين لي وجهه اقابل رب العالمين يوم القيامه وانا اشتكي على ابوي بيجي اليوم الي يحن فيه على بنته حبيبته اخر مره اذكرك حضنتني فيها وانا ب اول ابتدائي والحين ؟ اسألك بالله كم عمري كانك ابوي قل لي عمري !!!!!! انا منب محتاجه لك ولا لحنيتك عوضني الله خير كثيرجدتي ماعمرها قصرت علي جدي عبدالعزيز ماخلاني ابد خوالي وخالاتي والحين ذا الرجل الطيب الي اخذني له هذا الرجل الكفو الي اسميه ابوي وزوجي وحبيبي ذا الي أأمن نفسي وعيالي معاه غير عبدالعزيز وجدتي وجدي وخوالي انا ما ابي بحياتي لاعادد تذكرني لا عاد تقول بيوم لي بنت اسمها شُموخ انساني خلاص فاطمه وامها بيكفونك .. قبل نص ساعه من الحين تقول لا تناديني يبه ماعندي بنت غير فاطمه وانا ماعندي ابو غير عبدالعزيز .. ابو شُموخ ولا كأنها حكت شي .: انتي كذابه وستين كذابه عمرها ما اذتك وعذبتك لولا الله ثم هي كان ماصرتي مصممه على مستوى القصيم ماوصللتي للـي انتـي فيـ شُموخ : تخخخخسيييي وتعقب والله ماووصلني لهالمكان الاا رضى الله وتوفيقه ثم جدتي و بـ بري بها ودعاها لي تقدمت له ورفعت تشيرتها لحد سنتيانتها وببحه هلكت قلب عبدالعزيز : ششوف اثر زوجتك الي ماراح انساه لها صدق شوف كيف دمرتني وشوهتني دامني كذابه .. قل لها قل لها شُموخ ماراح تسامحك حيه ميته وكل ماذكرتك تحسبت الله عليك .. وانت يا يبـ اقصد يا ابو فاطمه الله يسامحك لانك ابوي لاني من صلبك لاني عشت تحت حبك وحنانك 8 سنوات هي الي تغفرلك لاني اعرف ان ابوي ذاك مات قبل يتزوج على امي انت منتب ابوي ولا اعرفك ابو شُموخ بهم وضيقه ووجع لما شاف كل بطنها وجوانب ظهرها حرق واثر غرز قامم وطلع بسرعه :....... شُموخ يوم شافته طلع صرخت بوجع : لييييييييتك ضميتنييييي واسامحك ليتككك يايبببببه اهخخخخخخخ يممممهههه عبدالعزيز قلبه انصهر ماقدر يتحمل راح ولحقه ومسكه من ياقته : اقسسسسم بالله لو تتعرض لـ شُموخ بشي ولا تأذي زوجتي مره ثانيه ورب الكعبه يشيلونك تحتي جنازهه تفهههمممم شُموخ خطط احمممررر شُموخ رضاها عندي يسوى الدنيا بالي فيها ابيع الدنيا واشري سعادتها وانت ما تسوى ولا تستاهل وحده مثلها تكون بنتك .. بررررررااااااااا اطلععع ببببرررررااااااااا طلع موجوع مقهو خيبه امل انكسار هدة حيل ركب سيارته وصرخ بقوه والجنونه الي ركبتها زوجته على بنته رجع وهم راكبين عليه عليها ... عبدالعزيز رجع ركض لـ شُموخ وشالها من الارض وهي تبكي وضمها وشدها لحضنه بقوه وراسها بصدره : اهخخخ ابييي اميييييييي عبدالعزيز بحنيه وقهر على حالها : الله يرحمها ياشُموخ خلاص والله ما يتعرض لك وانا حي صدقيني الجده والبنات وخالتهم مها جو يركضون بععد ما سمعوا صوت سيارته راحت .. الجده بخوف : شُموخ امي شُموخ بوجع تبكي تشد على ثوب عبدالعزيز : يمههههههه الجده تقدمت وهي ميته بكي واخذتها من حضن عز : بس ياعين امك انتي بس ياعسى حوبتي ما تتعداهم شُموخ بوجع : يمه قلبي يوجعني يييمهه ام رعد ميته بكي والبنات بالمثل .. : خلاص ياقلبي هذا هو راححح مب راجع شُموخ بخوف : بيرررجع بيررججع وش يضمن لي ما يسوي لي شي دامها للحين حاطتني براسها بتدمرني عبدالعزيز قام وبثقه : يخسون ياشُموخ دامك معي واسمك مرتبط بـ إ سمي يمسون شعره وحده من راسك .. تطمني وقومي غسلي وصلي لك ركعتين واذكري الله .. طلع الكل مصدوم من كلام عبدالعزيز ... شُموخ بلا وعي تحس انها تحلم: ابي غرفتي .. البنات عضدولها ومشوها لغرفه دخلت اخذت شاور وطلعت ولبست وصلت ونامت ... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ بـ الرياض تحديداً بـ بيت ابو شُموخ.. بالصاله .. فاطمه : اتخيلها ساحبها من شوشتها ام فاطمه : اهخ بس برجع اتلذذ بتعذيبها من جديد .. اجل انا يقارنوني بجمال امها ؟؟ انا يقولون وش لقى فيني علشان ياخذني على امها عسى امها بالدرك الاسفل بالنار فاطمه : وعععع انتي اجمل ما خلق ربي ولا كان ما كنت انا جميله ام فاطمه بغرور : طططبعاً حبيبتي طبعاً : نوووووووووووووووووووووووو رررررررررررررررررررررهههه هه يابنتتتتتتتتتتتتتتتت الككككككككككككككككككككلب ام فاطمه فزت بخوف : بسم الله وش صاير دخل وبيده العقال والنار شابه فيه وهجم عليها ضرب ورفس بالأرض : انننناااااا تخليني امشي وراك مثل الغبي انا تخليني امشي واقول ما تكذبين وانتي من جهنم انتتتتتي مالك قلببببببب مالك قلببب م مافيييييك ررررررحمههه حسبي الله عليك دمرتيني ودمرتي بنتتتتتي وذبحتي زوجتي بهمهاااا الله لا يسامكككك ... يرفسها ويصقع راسها بالارض فاطمه بصراخخ : يبببببببببببببببه لااااااا اممممممميييي يبههههه ابو شُموخ : ططططسسسي عن وجهي لا اكمل علييييييككك ... لفت عليها وسحبها للمطططبخ وهي تصصارخ .. ام فاطمه : فكككككككككني ياعبدالرحمن ماسويت شي هم السحره الكهنه ساحرينك فكنننننتي انا نوره حبيبتك فكني مسكها من فكها وبصراخ : تخسسسسسسسسين مالكاهن الساحر غيرككك ماحد حبيبتي غيرها محد كان مسعدني غيرها وانا الي ماعرفت احمد ربي على نعمته وطمعت ابي الولد وجاني الي مايرحمني ويعاون امه على الشر سكر عليها بين رجلينه واخذ سكينه وحماها بالنار وقرب لها وهي تصارخ وتستنجد وبنتها اغمى عليها من الموقف ابو شُموخ : ششوفففييي وذوووقيييي عذاب البنت الضعيفه الي ماخفتي الله فيها ام فاطمه صرخت من الالم بكت لين اغمى عليها ..قام وطلع وترك البيت لهم .. ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ المزرعــــــه ... على صلاة العشاء وصلوا الكل من العزاء ... الجد : غريبه وينهم ليه هدوء ؟؟ ابو خالد : يمكن داخل .. ابو عبدالعزيز : يالله عسى خير دخلووا بعد ما تنحنح ابو خالد علشان ام ابراهيم .. الهدوء يعم المكان والكل جالس وساكت .. ابو خالد : السلام عليكم الكل: وعليكم السلام ..قاموا يعزونه ويبوسون على راسه .. ابو خالد : الله يجزاكم خير ويطول ب اعمارنا بعمل صالح ,وش بكم ؟ عسى ماشر الوجيه حزينه ! عبدالعزيز بهداوه : مهنا الاا كل خير يبه اجلس ارتاح وعين من الله خير ام عبدالعزيز : وين شموخ ؟ رغد : فوق تعبانه شوي الجده : عسى ماشر طالعين مابها خلاف عبدالعزيز بعد ماجلسوا بدقايق وقهوتهم ريم ورغد .. عبدالعزيز : يبه السالفه ومافيها ... حكى كل شي ابو خالد : لا اله الاا الله حسب الله والنعم الوكيل . ابو عبدالعزيز بعصبيه : هذا ما يفتهم مايسمع الكلام يبي يموت ام خالد : اذكر الله وانا امك ابو خالد : وش بنسوي الحين طيب ؟ عبد العزيز : انا استخرت الله و قررت اخطب شُموخ منكم .. وبعد موافقتها ابي نملك قبل نرجع القصيم علشان اقدر اخذهم لبيتي او اقدر ادخل واطلعع ببيتهم بدون احراجات الجد بحنيه : عز الله انك ولدي منتب ولد ولدي بس الجده ام ابراهيم ببكى : عسى عيني ماتبكيك ياوليدي ابو عبدالعزيز بحنيه : الله يبيض وجهك وانا ابوك الجد قام : بروح استخير وقوموا لي شموخ وتعال معها ياعبدالعزيز عبدالعزيز : سم يبه الكل بحالة ذهول تام وتسأول وحزن بسبب الوفاة .. والي حصل لـ شُموخ ام عبدالعزيز صعدت فوق تصحي شُموخ .. : شُموخ امي ؟ شموخ ! شُموخ بتععب : هممممم ام عبدالعزيز بحنيه : قومي وانا امك شُموخ صحت وتعدلت : سمي خالتي ام عبدالعزيز : قومي ياروحي مشتاقه لك ماشفتك قومي صحصحي وتحممي وانا بجهز لك قهوتك وجدك يبيك شُموخ بتنهيده :بعد قلبي انتي الحين اقوم , جدي عرف؟ ام عبدالعزيز : اي ياعمري ومهنا الااا كل خير اذكر الله وقومي شُموخ قامت وغسلت وفرشت اسنانها وتوضت وصلت ودعت ربها يفرجها من عنده .. لبست عبايتها وحجابها ونزلت .. وهي تدعي الله ماتقابل عبدالعزيز.: مساء الخير : مساء النور .. سلمت عليهم وجلست تتقهوى.. روان دخلت : شُموخ حبيبي جدي يبيك بالمجلس شُموخ قامت بهداوه وراحت لـ جدها .. : السلام عليـ... الجد بحنيه : تعالي وانا ابوك مافيه الاا عبدالعزيز شُموخ بداخلها (البلا بـ عبدالعزيز ) : ... الجد جلسها جنبه وحضنها: وشلونك وانا ابوك ؟ شُموخ والعبره بحلقها : احسن حمدلله لفت لعبدالعزيز .. شكراً عبدالعزيز على كل شي سويته اليوم ممنونه لك عبدالعزيز بحنيه : ماسويت شي تستاهلين ومابيننا هالكلام شُموخ : الله يسعدك الججد : وانا ابوك دامك ممنونه لـ عبدالعزيز لاتردين طلبه شُموخ : اكيد يأمر عبدالعزيز: مايأمر عليك عدو الجد : عبدالعزيز طلبك من انا وخوالك للزواج . عبدالعزيز : ولا ابي تغصبين نفسك علشان شي اذا ماتبين ما اجبرك .. ولا تقولين اني تقدمت لك علشان الي صار .. لا والله من شفت استقبالك وكرمك وسنعك ونجاحك ومدح امي لك ولأخلاقك كانت ذي مواصفات شريكة حياتي وربي يشهد علي وكنت مقرر اخطبك بعد مانرجع للقصيم بس خيره من الله وصار هالموقف وخلاني اخطبك الحين وارتاح وانتي ببـ بيتي .. ولو وافقتي ماراح اخذ اي حق من حقوقي ولا اطالبك بشي لين احط لك زواج مثلك مثل اي بنت وتفرحين وتنبسطين وتنزفين علي بس انا ابي نتملك بكرى العصر علشان اقدر ادخل واطلع ببيتك بدون احراج .. والقرار قرارك شُموخ مب قادره تستوعب شي شعور متلخبط مره مره فرحه خوف ربكه : ما ادري الي يشوفه جدي انا موافقه عليه , قامت طلعت بسرعه الجد بفرحه : على البركه اجل البنات سمعوا كلمة جدهم بطلعة شموخ صفقوا وصرخوا : .. شُموخ بخجل وخوف : بسسسم الله بتموتوني عبدالعزيز بعد ماباس ايد جده وراسه قاموا بيطلعون .. مبتسم :هيههه بشويش على حرمتي شُموخ راحت ركض لجدتها الي حضنتها وباركت لها وبكت والكل بارك لهم وانبسط .. انتهى .. اتمنى دعم وتشجيع من جميع المشاهدين .. بالتوفيق جميعاً .. | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
