21-01-17, 10:38 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  قد يرجع الخوف من الزواج لسبب بسيط جداً، وهو الشعور بالضعف أمام الإنفصال عن العائلة الأم والإستقلالية وعادة ما يكون هذا الشعور عند الفتيات، لأنهن يحظون بدرجة تواصل ورعاية وعناية عالية من قبل أهاليهن. .......... لكن سبب خوف الجوهرة من ثنيان ماتعرفه من شخصية ثنيان من خلال ماوصلها عن طريق متعب وأخواته وخاصة عندما ضرب سارة أخته صديقة الجوهرة وتأثرت الجوهرة وعندما علم متعب بنقطة ضعفها وخوفها من ثنيان كان يدعي عليها ممازحا لها بالزواج منه . عندما علمت بخطبة ثنيان لها أغلقت باب غرفتها عليها يومين . سارة صديقتها تأثرت وكانت دائما تجادل ثنيان لذلك تأخذ نصيبها من الضرب الذي يوصل للجوهرة عن طريق سارة . سارة : تطرق الباب على ثنيان ثنيان : أدخل سارة : تدخل وفي نفسها تسمي بِسْم الله وترد السلام عليه ثنيان : في نفسه (يضحك منها يعرف بمدى نظرات الخوف لكنها غير عن خواته عنيدة ما تتوب تحب تجادله ) ويرد السلام عليها خير وش المطلوب سارة : في نفسها (الله يعين ) ما يأمر عليك عدو بس بأخذ من وقتك دقيقتين ثنيان : لك عشر دقائق لان دقيقتين ماتصلح لك وبعد العشر لا أشوف رقعة وجهك سارة : ثنيان أنتَ أخوي وحبيبي ثنيان : يصفر لك ساعة بعد الكلام الحلو اللي ماهو من عوايدك ، كملي ياحياتي (يتريق على أسلوبها ) سارة : مدام تتريق على كلامي بقولها من الآخر ثنيان : أجل هذه سارة أختي اللي أعرفها هات بسرعة من الآخر لاني مشغول سارة : الجوهرة مقفلة على نفسها الباب لها يومين بعد ماعرفت بأنك طلبتها ثنيان : ( بدأيعصب ) أن شاء الله العمر كله تقفل وما عاشت من ترفض ثنيان ، قالوا لك ميت عليها خلها تولي والله بعد حركتها هذه أن مالها غير ثنيان وتشوف كيف الدلع يطّلع من رأسها سارة :خافت ماتوقعت رد ثنيان الله يخليك لا تضر الجوهرة ترأها صديقتي وبنت عمي ثنيان : بصوت عالي أطلعي برى سارة : بسرعة البرق أختفت ........... ثنيان : (عصبي وغيور لأبعد حد وشكاك ) أوريك يابنت العم ترفضين وتسوين كذه قدام أهلك لكن هين لو رفضت بدون حركات والله ما أخذها تحرم عليه بس بعد الفضيحة والله مايعديء الموضوع على خير أنا شاك في كلام متعب من الأول قدام رجال العائلة يلمح بالرفض وهي كملت الناقص لا يكون في خاطرها واحد أكيد خرج من بيت أهله متجه للشقة اللي فيها زوجته وهو في قمة الغضب بيفرغ اللي نفسه فتح الشقة قابلته طالعة من الغرفة ليلى : بصوت ناعم حيّا الله ثنيان ثنيان : هلا وغلا بس وش فيك كنت مستغربة وجودي وش عندك ليلى : تضع يدها على بطنها البارز قليلا وتمسح عليه لاني مستغربة ولاشيء كنت بتصل فيك ثنيان : خير ياطير وش تبغين ليلى : وش فيك ياثنيان معصب (هي عارفة بحب ثنيان لها ودائم تسوي حركات علشان تشوف الحب رغم من شخصيته اللي تتعبها أحيانا الغيرة والشك والعصبية ) بس تحاول تكسبه مدام يحبها ويلبي طلباتها في حدود ثنيان : معصب من موقف الجوهرة لاتلفين وتدورنين معي وش بغيتي ليلى : تُمسح على بطنها والثانية على ظهرها وتجلس بهدو لابسه بجامة حرير ضيقة بغيت أستأذنك أروح بيت أهلي ثنيان : ماقلت لك مليون مرة طلباتك لا أسمع بها في بيت أهلي ولا أشوف رقمك أنا بس اللي أكلم فاهمة ويرفع صوته ليلى : تُمسح دمعة نزلت منها عَصّب ثنيان : يمسك جوالها ويأخذه كعادة ويفتش فيه لأنه يدخل عليها بدون موعد علشان لا تأخذ راحتها في البيت وكذلك في المكالمات يرمي الجوال عليها ويدخل غرفة النوم ويقفل الباب بقوة ثنيان : في نفسه بنت عمي بسرعة غيرت مزاجي والله لا أوريها نجوم الليل ******* في مكان آخر في الشركة : فارس يحاول الاتصال بضيء لكن ماترد هذه وش ناوية عليه لي ماسمعت صوتها غير مرة حمد يدخل على فارس فارس : كيف ضيء حمد : ليش السؤال اليوم ماعندك رقمها فارس : ماترد ماسمعت صوتها ألا مرة حمد : ههههههههه شكلك خرعت بنتي اليوم مني لك وعد هي تدق عليك بنفسها فارس : بشوف كيف تنفذ وعدك مع ضيء حمد : لا أدق والجوال مقفول وتسوي فيها حركات فارس : هذا رأيك فيه حمد : يطّلع مع السلامة في نفس اللحظة يدق جوال فارس فارس غريبة ثنيان يتصل لا يكون يبغى الرد خليت الجوهرة على راحتها لاني ماشفت في ثنيان رغبة فيها وثنيان رجل ماينرد لكن رأيه في أختي أهم من الجوهرة نفسها ويضغط زر الرد فارس : هلا وغلا ثنيان : هلا فيك ياولد العم المهم عندي كلمتين بقولها لك بما أنك الكبير من أخوانك وولي أمر الجوهرة . فارس ( الله يستر في نفسه ) : قول اللي عندنا وأبشر بسعدك ثنيان : أولا جوهرة بنت عمي وأنا أولى فيها من الغريب ثانيا طولتم عليه وأنا شاري الجوهرة ولها اللي تريد وكل شروطها مجابه فارس : والنعم فيك لكن أبشر بكرة الرد يكون عندك ثنيان : بقولها لك صريحة متعب ماعجبني كلامه في الشاليه قدام عماني والعيال أنا وهو مابيننا شيء يلمح بالرفض وهو ماسمع رأي الجوهرة فارس : لا تفهمه غلط بس متعب الله يهديه يحب الجوهرة بجنون ويخاف أحد يضغط عليها ، لا تشيل في خاطرك منه وأنا ولد عمك ثنيان : ( أجل فيها حب وجنون ) فمان الله لاتنسى الرد بكرة فارس : ههههههه لا ماني ناسي بصراحة ما أصدق هذا ثنيان اللي يكلم ثنيان : مع السلامة ........... بعد صلاة العصر فارس راجع من المسجد وهو يمشي المسجد قريب من بيتهم يدق جواله رقم حمد يعني ماقدرت فيها جبتها بالإجبار من جوالك فارس : هلا وغلا حمد : خذ ضيء معك ولا تطول أبغى جوال فارس : خلها تكلمني من جوالها ما أضمن أقفل بسرعة وأنا الان بدق مع السلامة ، رنة وردت ضيء ضيء: وعليكم السلام فارس عرف من صوتها أنها تبكي : هههههه بعد ماقلت السلام بس شكلك متلهفة على صوتي ضيء : بدون كلام فارس : بنت وينك ماتردين الوووو ضيء: ليش تشتكي لـ بابا فارس : من قال أني أشكيت ضيء : تبكي اليوم بابا ضربني ، علشان .... فارس : وش هذا الكلام ياضيء أنا آسف بكلمك وقت ثاني مع السلامة . فارس (في قمة الغضب ): يضرب ضيء علشان جوال ........... فارس يحكي لأمه الموضوع أم فارس : وأنتَ وش ناوي تسوي فارس : بوريه نجوم الظهر في الشركة أم فارس : مالك دخل بينهم له طريقته في تربية عياله فارس : ذي زوجتي خلاص أم فارس : لا تتسرع تخسرهم الاثنين زميل وزوجه فارس : معك حق يمه ويطلع فارس متجه لغرفة الجوهرة يطل برأسه كيف الحلو اليوم الجوهرة :تضحك تفضل فارس : العروسة وسندريلا طولت في الرد على العريس الجوهرة : خايفة مجرد أسمع أسمه ، كيف بحياة كاملة فارس : ليه الخوف تعرفيه من قبل الجوهرة : لاتفهم غلط بس أخته سارة صديقتي فارس : جوجو أنتِ كبيرة وواعية ، الأخت مثل الزوجة مستحيل واللي أعرفه أن سارة عنيدة ومتسرعة وأنتِ غير شخصيتك وبصراحة ثنيان رجال والنعم فيه وأنتَ ترضين نفصل عن عماني لان عماني متشددين وخاصة في الأمور هذه ، شوفي لو ثنيان مايستاهلك أقاطع كل عماني ولا همني أحد فيهم ، لكن أقاطعهم وأنا ندمان ترضينها تكون السبب في شيء كبير والخسارة أقل من الربح عندك المرأة هي اللي تحبب الرجال فيها بحركاتها ودلعها وتمسك لسانها الجوهرة : بعد كلامك هذا مالي كلام موافقة فارس : أبغاه من القلب لا تقولين فارس أجبرني لا لان الحياة فيها مشاكل وأفراح سنة الحياة كذه الجوهرة : ماعليك أصلا أنا مترددة لكن الآن خلاص قررت فارس : يبوس رأسها الله يوفقك .......... اليوم الثاني في الشركة فارس يكتب ورقة يطلب من حمد جرد الأرشيف اليوم كامل حمد : أنصدم من الخطاب اللي من مدير قسم ..... عارف أنه فارس يعاقبة بطريقة غير مباشرة علشان ضيء وأنقهر من أسلوبه وفي نفس الوقت تطمن أن فارس يحب ضيء وهذا المهم عنده ، بس جرد مرة وحده أوريك فيه يحسبني بحاول فيه كلم زملاءه اللي في المكتب أربعة الكل تذمر لكن مايقدرون يخالفون القرار الكل شمر عن ساعديه وبدأ العمل ......... فارس :يسأل العامل في الشركة مكتب أرشيف وش فيها العامل : كله فيه شغل حتى سته عامل نظافة ساعد فارس (منت هين يا حمد كل يوم أعجب بك أكثر ) طلع للأرشيف الكل ماهم حوله أندهش عمل على السريع تقول خليه نحل. خمسه موظفين وسته عمال نظافة حمد :انتبه لفارس ولف يكمل شغله فارس : انقهر من نفسه وش هذا اللي سويته بالموظفين ....... خمسة أيام بالتمام خلص الجرد للملفات سارية المفعول فقط بعدها شهر حمد ماعاد يدخل على فارس وفارس ماعاد حاول يتصل بضيء حمد : يدور في وظيفة ثانية ، ناوي يرجع ديون فارس خايف على بنته ضيء لان عقابهم كبير هذه العائلة اذا زميله وكبير في السن مارحمني كذلك خالد يشتغل في برمجة أجهزة بعد المدرسة بيساعد أبوه كيف بنتي اللي بتعيش معه ........ فارس يتصل بحمد حمد :هلا فارس : ياعمي اليوم بعد المغرب بمرك في البيت حمد : أنا وخالد عندنا وظائف ليليه بس الله يحييك عمتك موجودة فارس : خلاص وقت ثاني أصلا كنت بسولف معك حمد : خلاص ماهو مشكلة بس صدقني جديد في العمل ما أقدر أستأذن فارس : فما الله ......... فارس يحكي أمه بموقف حمد أم فارس : ماقلت لك لا تتهور حمد رجال كبير وذكي ويخاف على عياله الله يعينه ويعينك أنتَ من عمانك فارس : وش الكلام هذا يمه أنتهى البارت سبحانك اللهم أشهد أن لا إله ألا أنت التعديل الأخير تم بواسطة لامارا ; 22-01-17 الساعة 06:27 PM | ||||
|  |
|
21-01-17, 11:54 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| إن لك في القلب أنواع من المحبة .. حب نتج عن طيب معشرك .. وحب نتج عن صدق محبتك .. وحب نتج عن حبك لله .. فأنا أعيش مع الأول أحلى الذكريات .. وأشعر مع الثاني بالسعادة &&&&&&&&£ هذا حال ثنيان اليوم الجزء الثالث """ يشعر بالسعادة بعد موافقة الجوهرة وضع رأسه على قدمين ليلى وهي تشاهد التلفاز يمسح على بطنها وكأنه يكلم أبنه وليلي تضحك معه ( هذا حبيب بابا ..صح يابطل .. هذا غير لانه من الحب ) ويبدأ الجنين بالحركة كلما مسح على بطنها ( الشهر الخامس ) ليلي : خلاص ثنيان أزعاج ثنيان : يمسح على بطنها ويعجبه تفاعل الجنين معه ليلي : أنتَ وولدك ، تُمسح على بطني وهوينطنط ثنيان : هههههههه. مالك شغل فينا خليك مع مسلسلك بس بيجي اليوم اللي ترمين كل شيء في يدك وتطلبين رضاءنا ليلي : هههههههه ليش مايكون العكس ثنيان : بنشوف وأنا أراهنك .............. بعد شهر تقرر خطوبة ثنيان والجوهرة ثنيان : صار كثير ملازم ليلى وخايف من ردت فعلها بالذات مع الحمل ليلى : مبسوطة من تغير ثنيان معها وصار حنون ويجلس كثير عندها ثنيان : لازم أحطها في الأمر الواقع وأعلمها ليلى : (في حضن ثنيان ) الله لايحرمني منك ثنيان : يمسح على ظهرها بنعومة ، بقلك شيء ياليلى بس لا تقاطعيني وأفهميني وقدري ظروفي ليلي : تكلم خوفتني وجلست جلس معها ثنيان وهو حاضنها ثنيان : تعرفين عائلتي وأفكارهم ليلى : لايكون اللي في بالي وجلست تبكي ثنيان : يمسح دموعها بدينا بالحركات أسمعيني أنا مجبر على بنت عمي وهي مجبروه عليه يعني طريقنا من البداية مسدود وأنتَ غالية عليه وحبيبة وملكتي القلب وبأمن مستقبلك ومستقبل عيالي بعد لك شقة تمليك في مكان راقي وأباجرها وكل شهر يتحول لك المبلغ غير مصروفك اللي دايم أحوله لك ليلى : تبكي وتصرخ وش فائدة الفلوس ثنيان : لاترفعين صوتك عليه ليلى : أعترف بوجودي بين عائلتكم وأنا موافقة ثنيان : الجوهرة بتعرف أول وحدة وبتسمع صوتك وتسمعين صوتها والباقين لاحقين عليهم بشوف الوقت المناسب وأبلغهم وعدتك ليلى : تبكي بقوة وثنيان :يضمها يمسح دموعها ليش البكاء هي خسارة وأنتَ الرابحة (أولها الجوهرة بتعرف بك ِ وماني مطول بعدين الباقين وشقة من قدك ) ياويلك وسواد ليلك لو صار في ولدنا شيء من زعلك تعرفين ثنيان اذا قال وزعل . | ||||
|
| |
|
22-01-17, 10:14 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ويلي على نظرات دعج العيوني تشعل لهايبها ب ليل الرموش ********* خالد ولد حمد يتصل على فارس فارس : هلا وغلا بالنسيب خالد : بِسْم الله الرحمن الرحيم شكلك ماترحب ألا وأنت مراقبنا وش عرفك أن حرمك المصون معي فارس : يا أخي القلب دليلي ، وش عندك تتصل ماهي عوايدك خالد: طال عمرك نبغى الوالد ضروري فارس : ليش وش عندك قل أنا من أهل البيت أبوك عنده أجتماع خالد : يا أخي تعطلت علينا السيارة فارس : خلاص مسافة الطريق عندك ^^^^^^^^ ضيء: ليش تكلم فارس خالد : ماعندنا غيره الشمس أحرقتنا لازم اليوم تغيبين علشان نسوي البحث ضيء : في العصر والليل أنت وبابا مشغولين مافيه ألا أغيب علشان في الصباح أروح المكتبة خالد : خلاص تعودي كل أشغالك مع فارس ، أعتقيني لوجه الله . وقفت سيارة فارس ينزل خالد ويسلم على فارس ويأشر خالد علشان تنزل ضيء &&لكن ضيء رفضت تنزل ( طول وعرض وهيبة وأبتسامة جذابة ) في نفسها&& خالد : يكلم فارس الله يعينا على حركات البنات لازم وساطات لين تنزل وتركب معك ويصيح في الشارع أنزلي لا تخافين أنا معك خافت ضيء من الفشيلة تعرف أخوها خالد ونزلت ومرت من جنبهم بدون كلام فارس : السلام لله خالد: يضحك بصراحة ماتوقعت تنزل بسرعة ، لا تكلمها أخاف ترجع مرة ثانية يركب فارس وخالد السيارة فارس : ( وش هذا النقاب كل الوجه واضح ، عليها عيون ماشاء الله والأخت مدعجتها بالكحل أوريك ياضيء )في نفسه السيارة هدوء فارس وش رأيك ياخالد غداءكم في أحسن مطعم على حسابي خالد : موافق بس نوصل أختي الحبيبة أولا فارس : العزيمة لها ولَكِ خالد : لا تسوي حركات علينا علشان سيارتك البنت ترجع وأنا معزوم عندك فارس : يضحك خلاص ولا يهمك ألا أقول خالد شفت البنت اللي مرت قريب من السيارة خالد : لا ماشفتها فارس : بدقه ل ضيء وش ذيك العيون والنقاب أسم بس الوجه كله طالع خالد : فهم عليه مسرع لمحة العيون ، بس أمشيء في طريقك وأنتَ صاكت جوال ضيء يدق خالد : ردي أزعجنا جوالك ضيء : تنغزه من جهة الباب وتعطيه الجوال خالد : الووو بابا يقلد ضيء لا خلاص رايحين مع فارس للبيت تعطلت السيارة ... خلص قريب من البيت توقف سيارة فارس تنزل ضيء بسرعة وتقفل الباب بقوة فارس : ووووووه ويسكر أذنه من قوة الضربة خالد : من قدك ولد عز تغير السيارة ، ماشفت كيف تعطلت سيارتي والسبب حرمك المصون فارس : فدوة لها وسيارتنا كمان خالد : شفناك قبل شويه بغى يجيك جلطة من تقفيلة الباب وينزل خالد فارس وين يالحبيب الغداء علينا وحلف وخالد يحلف خلها مرة ثانية تعبان والشمس ماقصرت فيه حرك فارس السيارة 000سبحان الله حمد وعياله عندهم عزة نفس ماشفتها في أحد قبلهم ... يخلون الواحد يحترمهم غصب عنه | ||||
|
| |
|
22-01-17, 10:14 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سبحان رب الكون قـد أبدع صــورالإنـــسـان فـأحـسـنـا خـــلــق وديــن قــــد أودع في بـــنــت الــكــرام وأثقلا فسبحـان الذي بارك وأجمـع بــيــن الــكـــرام ووافقا في هذه الليلة قد أضاء وألمع نور العروسين فبورك لهما معا ******* الليلة حفلة عقد قرآن الأنسة الجوهرة بن ...... الثنيان على الشاب ثنيان بن .......الثنيان ثنيان الشعور مختلف هذه الليلة عن زواجه ب ليلى بالذات مشاركة الأهل والأصدقاء الكل يتجهز وخاصة أهل العروسين وبما أنهما من عوائل معروفة لها مكانتها في المجتمع الحفل مميز وقام بالديكورات والتنسيق خبراء الجوهرة تزينها خبيرة تجميل ثنيان في أفخم صالون بعد المغرب الكل كان في استقبال الضيوف ثنيان أول مرة ترتدي البشت وبلونه الأسود زاده هيبة الجوهرة تلبس عقد الألماس الذي يزين عنقها متوترة وسارة :أخت ثنيان بجانبها ليش طالبة المصورة من بدري الجوهرة :بصراحة بطلع من بدري في القاعة بحضر كل الحفل لين النهاية بقابل صحباتي هذه ليلة ماتتعوض ما أحب حركة دخول العروسة آخر الليل الفرحة لي وتكلفت في لبسي والمكياج والمجوهرات علشان أطلع وأحلل كل التكلفة هذه الليلة بحضرها كاملة ههههه وش رأيك سارة : حلوة حركتك الله يوفقك الساعة أحدى عشر تستعد الجوهرة للزفة حيث شارك في أحياء حفل النساء مطرب ومطربة مشهوريين ...... المطربة :تمسك يد الجوهرة وتسمى عليها ماشاء الله وش هذا الجمال الجوهرة :تبتسم لها مشكورة عيونك الحلوة المطرب في خلال شاشة القاعة يعلن زفة العروسة الجوهرة تنزل وبجانبها المطربة وتبهر الحضور من جمالها وأناقتها وطبعا حفلا مميز نهايته يعلن دخول العريس والكل يشاهد ثنيان برزته وهيبته من خلال الشاشة الجوهرة تقف تستقبله كالعادة أم الجوهرة تقف بجانب أبنتها يدخل ثنيان ويتوسط متعب وفارس وعبدالعزيز خلفهم أخوان الجوهرة عند دخول الشباب على زفة الكل يشجع ويصفر قبل العريس رأس الجوهرة وهمس في أذنها مبروك ياعروسة وسلم على كفها بعدها بعد البنات بالتصفير والتشجيع لهما فارس بهيبته باللبس السعودي الثوب والشماغ سلم على الجوهرة وكذلك أخوته متعب وعبدالعزيز وباركوا لها متعب همس للمطربة وطلب أهداء أغنية من أخوان العروسه ورقص ومعه عبدالعزيز أما فارس (رفض الرقص الأخ ثقيل ) ثنيان أول مرة يرى الجوهرة أنبهر من جمالها وأنوثتها ( رفضتني وهي لم تعلم أنني متزوج كيف لو علمت وأنا مافيه عيوب علشان ترفضني شكلها مغرورة ) في نفسه نظر إليها وهي مبتسمة وتراقب متعب ( زادت غيرته ) ثنيان : يهمس للجوهرة شكل متعب يستعرض بالرقص الجوهرة : يتساهل متعب زينة شباب العائلة ( شكل العريس يغار من متعب الله يعين ) كلمتها ( زادت من غيرت ثنيان ) طلع أخوان الجوهرة شعرت الجوهرة بالخوف بمجرد خروج أخوانها يدها تهتز في يد ثنيان ثنيان ( شعرت بخوفها لان يدها تهتز في يدي بدون قصد وضغطت عليها بقوة حتى تشعر بالأمان ) سارة : تسلم على ثنيان مبرررروك عليك الجوهرة ثنيان : يهمس لها كلامك يجعلها تشوف نفسها بزيادة قولي لها مبروك عليك ثنيان سارة : أسفة الجوهرة غير هههههههههه ثنيان : يهمس لها ياويلك لو ماقلتي لها سارة : نونو ههههههههه وبدأت سارة بالرقص أمام العروسين وكذلك كل القريبات وبعدها تم تقطيع الكيكة التي تتكون من عشر طبقات وتم لبس الدبل ثنيان : يهمس للجوهرة لاتنزل من يدك نهائيا الجوهرة : هزت رأسها بمعنى موافقة وتم تصوير العروسين في القاعة زفة خروج العروسين لمكان مخصص لهم في القاعة لفترة جلوسهم مع بعض انتهى البارت توقعاتكم ثنيان والجوهرة | ||||
|
| |
|
23-01-17, 07:16 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قال خالد الفيصل.... الله أكبر كيف يجرحن العيون كيف مايبرى صويب العين أبد أحسب أن الرمش لا سلهم حنون أثر رمش العين ماياويلأحد يوم روّح لي نظر عينه بهون فزّ له قلبي وصفق وأرتعد ****** الجزء الرابع عند باب قاعة الحريم يقف فارس مع حمد طبعا حضور عائلة حمد أولا دعوة أم فارس والتأكيد للزوم الحضور ثانيا فارس أكد على حمد حضور أم ضيء وضيء وأخواتها تخرج أم ضيء وبناتها الأربع يكلم حمد فارس هذولي الأهل بس شكلهم ماشافوني من كثر معازيمكم فارس : هههههه ماشفت شي ء هذه عقد قرآن الزواج غير حمد يأشر لعائلته فارس ينظر لها كيف مايعرفها ذات النقاب والعيون الكحيلة والعدسات الرمادي أطول من أمها وزادت طولا بالكعب العالي ( شكلها الليلة غطت على الجوهرة هههه) تنظر له ضيء عندما مرت من عنده فارس : يهمس لها غطي العيون ضيء : تمر ولا تعطيه وجه حمد : كيف عرفتها ..ضيء .. فارس : من العيون بصراحة النقاب ماهو عاجبني حمد : ضيء عندها ضعف في النظر لازم نقاب وكل البنات يلبسون نقابات وأكيد حتى عائلتكم فارس : ماعندي مانع تلبسه بس تضيقة أنا حتى العدسات عرفت لونها حمد : لاحول ولا قوة ألا بالله ، ماخذ راحتك وأنا أقول واقف معي وتارك معازيمك فارس : زوجتي وأنت عارف عندي غيرة ليتك توصلها لها حمد : يالله مع السلامة حمد في السيارة ليش ياضيء تخرجين مامسحتي المكياج أنحرجت من فارس ، وش يقول عني ماعرفت أربي بناتي ضيء : بابا أنت عارف عندي ضعف نظر وهذولا ناس مستواهم عالي مرة عنا حتى زواجهم مبالغ فيه ، الظاهر فارس يتحجج علشان يتخلص مني حمد : أص ولا كلمة زيادة غلطانة وترفعين صوتك ، منبه عليكم اللي تلبس نقاب تُمسح حتى الكحل تدورين عذر علشان ماتطلعين غلطانة فارس رجال والنعم فيه ماعنده حركات واذا الله منعم عليهم أرادت الله وحكمته ، الله يهنيهم الرجال حتى لون العدسات ميزها وهذا زوجك كيف الباقين من الرجال ضيء : تُمسح دموعها الكل التزم الصمت ******** عند العروسين ثنيان : مبروك يالجوهرة الجوهرة : تنظر في الأرض خجلا ، الله يبارك فيك ثنيان : عندي سؤال الجوهرة : ترفع رأسها تفضل ثنيان : ليش كنتِ رافضتني ؟ الجوهرة : من قال لك ؟ ثنيان : يمسك يدها ويضغط عليها لاتردين السؤال بسؤال ثاني الجوهرة : من اللي أسمعه عنك ثنيان : ( تفاجأ لايكون تعرف عن ليلى) وش سمعتي أو تعرفين عني الجوهرة : قاسي وتضرب خواتك ثنيان : ههههههههه بصوت عالي يضحك لا يكون سارة الخبلة موصلة لك الأخبار ، طيب كيف وافقتي الجوهرة : ألتزمت الصمت ثنيان : لا تجاوبين لكن مع الأيام تعرفين من هو ثنيان بس شدي حيلك في الدراسة الفصل الأول ثالث ثانوي تبغى لها مجموع لان زواجنا بعد اختبارات الفصل الأول الجوهرة : مستحيل ثنيان : مافيه شيء على ثنيان مستحيل الجوهرة : ( خافت ) ولو قلت علشان الجوهرة في الإجازة الطويلة نهاية العام ثنيان : مسكتيني من يدي اللي تعورني لكن بشرط الجوهرة : موافقة ثنيان : فترة الخطوبة خرجات ومكالمات ، هذا الشيء تعويضي وتصبيرة حتى الزواج الجوهرة : تبتسم ماعندي مانع ثنيان : وعد بيننا ، الأنقطاع ممنوع ألا لظروف مقبولة ( أستغرب من نفسه أندمج معها ووعد الله يستر بعد ) &&&&&&& الكل رجع بيته ثنيان : في غرفته ( عند أهله )يكلم ليلى وبعدين معك اللي يشوف دموعك يقول ثنيان مات أنا موجود يالغالية ليلى : قولي الصدق ( ليلى عند أهلها لها يومين ) جلست معها وكيف الوضع ثنيان : أولا مالك حق تسألين هذا السؤال ونفس الشيء الجوهرة كل وحدة لها عالمها وحياتها الخاصة ليلى :معصبة أنتَ تغار وأنا أغار ومن حقي أسالك ثنيان : ليلى بالله هذا سؤال معقول هذا تدخل وقلة حياء ليلى : تبكي أفهم من كلامك أن بنت العم المصون لحست عقلك ثنيان : ليتك قريبة مني كان علمتك كيف توزنين كلامك وقفل الخط في وجهها طبعا ليلى ممنوع تتصل على ثنيان وهو عند أهله ثنيان : ( حلو الواحد يكون له حرمتين ) يدق على الجوهرة الجوهرة ماترد أرسل لها رسالة ( هذه البداية يابنت العم لاتنسين الوعد ) الجوهرة في الصالة مع أمها وأخوانها طبعا الكلام عن الحفل ******** فارس :يهمس لأمه كيف حبيبة القلب أم فارس : ماشاء الله عليها طلعت تعرف أختك الجوهرة أم فارس : الجوهرة كيف تعرفين ضيء الجوهرة : زميلتي ي أمي كيف عرفيتها (الجوهرة تدرس في مدرسة عادية وبعيدة من بيتهم علشان صديقاتها تعرفت على ضيء من صف ثالث متوسط عن طريق مشاركتهن في الإذاعة والبرامج مع بعض الجوهرة أكبر من ضيء بسنة فقط ) أم فارس : سألتها لما شفتها ترقص معك فارس : يتسمع في الحوار ومندهش الجوهرة : تصدقين ي أمي عائلتها من الطبقة الوسطى لكن ذويقة ومثقفة دايمً تعلمنا بالماركات النازلة من النت أربعة وعشرين ساعة عليه . كل زميلاتنا دايم حولها ويشاورنها في أي شيء يشترونه ما تلبس كثير بحكم أحوالهم بس اللبس اللي تلبسه فخم مرة لو تلبسه طوال العام أحلامها كثيرة ههههههه حتى أحيانا تصور لنا كيف بتكون حياتها الزوجية وتعشق فلتهم أزعجتنا دائم تتكلم عنها متعب : بتهور تكفين ي أمي أخطبيها فارس : (بعصبية وغيره )يصرخ فيهم هذا اللي ناقص وأنتَ وش قلة الأدب شباب جالسين معك وتكلمينا عن البنت كذه متعب : شك في فارس وماتكلم الجوهرة : ريح عمرك مخطوبة لواحد اسمه فارس الكل ألتزم الصمت زادت شكوك متعب قام الكل لغرفته متعب يدخل على فارس الغرفة فارس : تفضل متعب : بروح مرحه بدخل من غير كلام فارس : وش عندك متعب : أنتَ خاطب ضيء زميلة الجوهرة فارس :علامات الدهشة..... وش تقول أنتَ متعب : أبصم بالعشرة ، أنا متعب مايفوتني شيء سرك في بير لكن عماني وش يفكك منهم فارس : الله كريم متعب : بنت من ضيء فارس : حمد زميلي متعب : ههههههههه البنت صغيرة أجل | ||||
|
| |
|
23-01-17, 11:40 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| التحدي هو الإرادة القوية التي تجعلك تصمم على ما تريد، وهو أيضاً الصبر على ما تواجهه من عقبات في سبيل الوصل إلى هدفك *********** بعد خروج متعب من عند فارس تتصل ضيء بفارس فارس لانها المرة الأولى من ضيء أستغرب وخاف صار لهم شيء ضغط الزر الأخضر فارس : هلا ضيء ضيء : صمت فارس : وش فيه تسمعين ؟ردي عليه حمد فيه شيء ،أنتي طيبة كلك بخير ردي تكفين قبل ما أقفل وأجيكم ضيء : إلى متى هذا التمثيل فارس  أنصدم من كلامها ) وش هذا الكلام ضيء : أنتَ تدور أعذار علشان تتخلص مني حتى وصلت لأبويه أنك متضايق مني وطريقة لبسي للنقاب فارس : وش هذا الكلام ضيء: رجاءاً لا تقاطعني كيف لو شفتني على الطبيعة مجرد لقاءيين بالصدفة تضايقت وشكيت ل بابا وصلت لدرجة ماعاد تتحمل ربط اسمي باسمك &&البداية مشينها أنك ماتبغى أحد يعرف بالخطبة حتى أهلك الخاصيين والمتواجدين معك في البيت مايعرفون وش معنى هذا التصرف && الجوهرة صديقتي من لما قرأت أسمك عرفت أختك أنصدمت أولا :بعدم حضورها مع أمك ثانيا : في المدرسة لما تهاني صديقتي بلغت البنات الجوهرة جتني تبارك وتسألني من زوجك؟ (سكين أنغرسك في قلبي ) ليه ليه !! قلنا عندكم عادات حتى الجوهرة تعلمني في عاداتكم بس لو شاريني وتحب حمد ماخليت أخوانك من صلب أمك وأبوك مايعرفون تعرف أني كرهت أبويه قبلك لانه عرضني عليك علشان ديونك وعليها كذب عليه يقول فارس يحبك من كثر ما أكلمه عنك كلكم كذابين الله ينتقم منك ورقة طلاقي تجيني ولا أبغى قرش منك ومتنازله عن المؤخر اللي كاتبه لي أبويه خايف عليه وحاس أنك تلعب في زواجك علشان كذه كتب المؤخر لو يحبك ما كتب مؤخر مع السلامة فارس : لا تصكرين والله لو تقفلين لا أجيك البيت الآن وكل كلامك أقوله لحمد ضيء : مايهمني تهديدك فاهم بس مابسمع كلامك يا.... لاني عارفة أنك بتطلق بعد ماكشفتك على حقيقتك (هم فوق رأسك والحمدلله عطيتك الضوء الأخضر) يالله طلق وبكرة أنا بتنازل عن المؤخر فارس : واللي خلقني لو يشنقوني ماطلقتك ياغبية أنا عندي حق المؤخر أضعاف أضعاف ماهمني طلب حمد لكن يكون في بالك كلامك كله أنتِ تتوهمين وكذب ( بيقهرها ) أكيد شايفة واحد ومعجبة فيه أو تحبين أحد ضيء : تصرخ تخسي أحبك أو أحب غيرك | ||||
|
| |
|
23-01-17, 11:41 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فارس :عرفت تفسير هجومك الليلة وراءك بلوة خايفة أكشفك والجوهرة ماعلمتها لان أنتم يالبنات ماتخلون شيء في خاطرك لازم النشر والتوزيع وأنا بخلص الجامعة ولَكِ حادث حديث ماني فاضي حاليا لمناقشات مع عماني لاني بإذن الله أنا اللي تمشيء كلمتي عليهم كلهم هذا مستقبلي والكل يحضر زواجك يابنت حمد أن شاء الله وأنا حبيتك من حب كلام أبوك لكن بعد كلامك الليلة بتشوفين فارس على حقيقة وتخسين توصلين في قلبي حبك بعد مانزعتيه بغباءك يا أم أفكار سوداء قبل ما أصكر العيون الرمادية اللي ماتشوف أنا بعميها ولا عاد تدقين لان أتصالاتك تغث ******* اليوم الثاني طبعا الجوهرة ماردت على ثنيان ولا أتصلت ثنيان متعود على الدلع وأن ليلى تطلب رضاءه والجوهرة أرسل لها رسالة عتب ماعبرته ولا أتصلت كل شويه يمسك الجوال في النهاية قرر يروح شقته ويقابل ليلى حبيبة القلب ليلى : تُمسح دموعها ثنيان : ترى طفشت من دموعك طول الطريق تبكين ما تملين ليلى : علشان أحبك وما أبغى حرمة تأخذك مني وتنشغل عني وعن اللي في بطني ثنيان : ومن قال ، لو بتشغلين الجوهرة كان اليوم مصبح في بيت عمي عروسة جديدة بس شوفيني مقابلك أحمدي الله على وجودي معك ، وحاولي تكوني شاطرة في طريقة جذبك لي ماهو النفور منك أنا رجال ما أحب الدموع والكلام اللي مايغير شيء ثنيان : يمازحها أدعي أني أنشغل عنك غيور وعصبي وشكاك يمكن أخف عنك شويه بعد زواجي الثاني ليلى : من شكى لك ثنيان : فاهم نظراتك عند دخولي المفأجى للشقة ولما أسألك من كلمك ومن جاءك ولما أفتش الجوال ماتفوتني نظراتك ، لكن علم بوصله لك حتى لو تزوجت أربع هذه أطباعي ما أحب حرمة تميل عن الخط المستقيم | ||||
|
| |
|
24-01-17, 11:10 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد أسبوعين طبعا ثنيان على وضعه عند ليلى أكثر وقته نسى الجوهرة لانه رسالة أرسلها بعد الحفل وماردت ثنيان : ليلى وش تسويين ليلى : تضع يدها على ظهرها أمسح البلاط ثنيان : ماقلت لك من قبل لا أشوفك تشتغلين ماتشوفين شكلك وين الشغالة اللي تجيك بالساعات ليلى : اليوم عندي نشاط قلت بنظف ثنيان : يمسك يدها خلي نشاطك معي لشيء ثاني والشغالة خليها تجيك مثل موعدها قدمت في خادمة بعد شهر تجيء ليلى : تسلم حبيبي الله لا يحرمني منك ثنيان : ولا منكم ، بوديك عند أهلك بكرة أن شاء الله أجتماع العائلة يومين في الشالية ليلى : خايفة ياثنيان من الولادة أنا نهاية السابع وتعبانة وش رأيك أجلس عند أهلي لين الولادة ثنيان : عن الدلع كل الحريم يحملن ويتعبن وفِي بيتهم أنا حتى النفاس أفكر تكونين في بيتك ليلى : لا لا ألا فترة النفاس ثنيان : بدري نفكر لين هذاك الوقت يالله لا تتأخرين أنا في السيارة ******** في الطابق الثاني تحديدا في غرفة سارة الجوهرة وسارة أصوات ضحكهم مرتفعة ثنيان يمر بالصدفة من غرفة سارة متجه لغرفته سارة تكفين يالجوهرة هاتي الجوال الجوهرة : تتصلين تعالي طفشانة والنهاية كل وقتك على الجوال ثنيان : يفتح الباب عليهم وكانت الصدمة الجوهرة لابسة بنطلون ماسك وبلوزة ماسكة وربطت عنق مستحية ومتفأجاءه ثنيان :سلام عليكم سارة والجوهرة ردوا السلام ثنيان : هلا ببنت العم وزوجتي المصون أم الوعود سارة : أحلى حركات من وراءنا الجوهرة : مستحية ووجهها ألوان ثنيان : مع السلامة ********* بعد العشاء وعد أخت ليلى وعد :تفكين ياليلى بنروح المول بنأخذ لفة مابنطول نزلت التخفيضات ليلى : مجنونة الساعة كم وعد : الساعة ثمانية ونصف مابنطول قريب المول ليلى : لو أتصل على ثنيان يرفض وعد : شايلة هم ثنيان الرجال خطب بنت عمه ورايح وعائش حياته وأنتي محجوزة أصلا بنت عمه تلقينها بدون أذن تسوي كل شيء ( نقطة ضعف ليلى هذه ) ليلى : بس مانتأخر وعد : خلاص . بس نمشيء صعبة وأنتِ كرشتك ناطة مترين ، نوقف لوزين أحسن ليلى : خربانة خربانة يالله ********** ان لكل جريمة دافعاً لها … قد يكون الدافع الحقد ، الانتقام ، الحسد ، الخوف ، أو المال لكن خروج ليلى غير في المول بعد اللف والدوران تجلس ليلى على الكراسي ووعد تطلب شيء يأكلونه ليس ببعيد عن ليلى جلسة شباب ثنيان وزملاءه وعد: تجلس بعد ماطلبت وتناظر في الشباب اللي في الطاولة خلفهم بقليل وتنصدم بوجود ثنيان وعد : تقترب من ليلى وبصوت منخفض ليلى لا تطالعين في الخلف ليلى : ليه علشان فيه شباب وعد : ثنيان معهم ليلى : أيش عاد ليلى الآن حالتها حالة (وخاصة تعرفون شخصية ثنيان ) وش نسوي وعد : أنا معك لا تخافين &&&ويحضر الطلب وعد : يابنت الحلال أكلي ماهو زين لك الخوف ليلى : تُمسح دموعها لانها تبكي بصمت وش الحظ هذا وعد : لا توقفين مابنروح لين يطلعون ليلى : الساعة قرب أحدى عشر وهم ماطلعوا أخاف يطولون يدق جوال ليلى تناظر في الجوال وعد : مين أمي ليلى : لا .ثنيان (في الطرف الآخر ثنيان يتصل بيأخذها من بيت أهلها مادام قريب) وعد :لا تردين مازال الجوال يدق ويرسل ثنيان ليلى ماتقدر تفتحها واحد من الشباب غريبة البنات هذولي متأخرات المحلات تتقفل وهم موجودات ثنيان : ماوراءهم رجال وألا البنات من زمان طايحات في المول وعد : ترد على أمها مسافة الطريق لا مابنتأخر وتقفل ليلى تأخرنا وأمي تخاصم ليلى : بنقوم مافيه أحد غيرنا معهم يمكن لو قمنا من قبل ما أحد أنتبه لكن الآن عبايتي يعرفها لانه أمس يقول العباية ضيقة بنزل السوق تشترين غيرها وعد : لا تقومين أمي زعلها أهون من ثنيان بدأت الأنوار تغلق الشباب : قاموا وعد : الحمدلله أخيرا طلع الشباب وطلعت وراءهم وعد وليلى واحد من الشباب غريبة البنات طلعوا وراءنا التفت ثنيان وكانت الصدمة وعد تسحب ليلى وتمشيء بسرعة متجهات مشيء لبيتهم انتهى البارت | ||||
|
| |
|
24-01-17, 11:10 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحب الحقيقي هو الحب الصادق النابع من القلب، والذي لا تشوبه تداخلات المصالح أو أي أمور أخرى، وهو رغبة الإنسان بوجود من يحبّ قربه لا أكثر ********** كل الشباب غادروا ثنيان : يكبس بالنور أمام وعد وليلى ليلى : تقف ماعاد أقدر أكمل بقف شويه وتمسك بطنها وظهرها من شدة التعب وعد : مجنونة الرجال وراءنا ليلى : خلاص شافني وعد : باقي دقائق نوصل تحملي ليلى : تجلس فوق الجسر المقابل للبيت ثنيان : يوقف السيارة ، وينزل بسرعة من السيارة ويمسك طرف ثوبه ويرفعه ويجري متجه لها وعد : تتحرك بسرعة للبيت ثنيان : يقرب منها. ليلى أنت بخير ليلى : أنصدمت من ثنيان وأنهارت تبكي ثنيان : يمسكها يحاول يوقفها ليلى : من الخوف والصدمة ماتقدر تقف لحظة لحظة ياثنيان برتاح شويه ويجلس ثنيان بجوارها على الجسر ويمسك يدها ويحاول تهديتهاوخاصة أن ليلى واضح التعبان عليها نفسي وجسمي خلاص ليلى هديء تقبل عليهم أم ليلى أم ليلى : كيفك ليلى ثنيان : هديء ياليلى أم ليلى : ثنيان أنا أرسلت ليلى مع وعد تجيب لي أغراض مانبغى أبو ليلى يعرف بها ماكان عندنا طريقة. ألا نقول الأغراض ليلى ثنيان : خلاص ياخالة حصل خير بس نبغى ليلى الان تهديء ماهو زين الأنفعال لها ليلى : خلاص يايمه الآن تمام تقف أم ليلى متجه للبيت ثنيان يضغط على يد ليلى يالله ياليلى للبيت ويقفان إلى أن دخلت أم ليلى البيت وأغلقت الباب ثم يتجه ثنيان وهو يمسك بيد ليلى إلى السيارة ********** طبعا ثنيان لم يتكلم ولم يسألها لماذا فعلت ذلك يجهز الساعة عشرة شنطة صغيرة ملابس له بيذهب إلى الشاليه في العادة ليلى تقوم بتجهز الشنطة له ليلى مقهورة من تطنيش ثنيان لها حتى ماعبرها تجهز شنطته ليلى : ثنيان بتوديني بيت أهلي ثنيان : ألزمي بيتك ليلى : لم تناقشه رجعت وأدخلت جسمها باللحاف وكملت نوم خرج ثنيان وهو في نفسه مقهور أنه يتركها لوحدها في الشقة يومين وخاصة أن الشاليهات بعيدة عن المنطقة | ||||
|
| |
|
24-01-17, 11:11 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في الشالية مسبح ؛ماقصر الشباب في السباحة والمسابقة فيه ولعب كرة في المسبح البنات يجهزون الطاولة الاكل طبعا من المطاعم الفاخرة وبعد الأكل والتصوير فلوها بالرقص ثنيان : يتصل بليلى لكن ماترد عليه ( غريبة وش فيها ماترد الله يستر ليتني خليتها تروح) فارس : يالأخو وين رحت ثنيان : ولا مكان معكم فارس : من الصباح وأنت ماسك الجوال فيه شيء ثنيان : وش بيكون فيه ********** اليوم الثاني في الشاليه بعد المغرب أم فارس : تدق على عيالها ما أحد يرد الجوهرة : بسرعة يمه يدي أنحرقت سارة : تدق على ثنيان ثنيان : خير سارة : ألحق ياثنيان ثنيان : يقف وش فيه سارة : الجوهرة يدها أنحرقت ثنيان : كيف وش صار سارة: مافيه وقت للكلام ثنيان : بسرعة يدخل عليهم البنات يهربون لانه دخل من غير مايقول لهم الجوهرة : أه آه ثنيان : يرفع يدها وش هذا وكيف أم فارس : بسرعة ثنيان كلم فارس يودينا المستشفى ثنيان : يوقف الجوهرة وأنا وين رحت يالله وين العباية أم فارس : تلبسها العباية وتلبس ********* في المستشفى الخاص الجوهرة : تصيح بشويش يدي تعورني ثنيان : ماسك يدها تحملي باقي شويه أم فارس : كيف يادكتورة الجرح عميق يجلس دايم طمنينا الدكتور : هو عميق لكن مع الوقت يطيب والآن خلصنا الجوهرة : تُمسح دموعها مستحية من ثنيان ومستغربة حنانه ثنيان : شكرا يادكتورة ، متى موعد الغيار علشان نجيك الدكتورة : بعد يومين لازم تلتزمون بالمواعيد علشان يطيب الجرح خاصة أنه عميق ثنيان : أن شاء الله ******* في السيارة ثنيان : يطالع في الجوهرة مع المرآية لان الجوهرة في المقعدة اللي خلفه وخالته جنبه ثنيان : شوفي مواعيد الجوهرة كلها أنا أوديها ياخالة أم فارس : مبسوطة بالذات لان ثنيان أول مرة يكون مع الجوهرة خلاص ولا يهمك الجوهرة : تلبس نظارتها الشمسية ثنيان : ( في نفسه. لا لا تلبسين النظارة تحرميني أشوف العيون ) شوفي ياخالة البيت مليان خدم لا أشوف الجوهرة بعد اليوم تمسك إبريق الشاهي الخادمة تصب لها ... شوفي النهاية أم فارس : لا الجوهرة ماعاد تمسك شيء ثنيان : وش عند الخادمات لما هي تصب من الإبريق وحدة خليها مخصصة للجوهرة يدها ماتحركها كثير علشان بسرعة تطيب عند باب الشاليه فارس ومتعب وعبدالعزيز يقف ثنيان بالسيارة الكل متجهين لهم فارس الله يهديكم ولا واحد يطمنا على الجوهرة وش فائدة الجوالات متعب يضم الجوهرة كيفك ياقلبي سلامتك (ثنيان مقهور من كلام متعب وغزله لها ) يدفه عبدالعزيز خلنا نسلم الكل سلم عليها وتحمد لها بالسلامة متعب : والله لو أشوفك تسويين شيء يالجوهرة مايصير طيب بعد العشاء ثنيان كل شويه يتصل عليها ثنيان : كيف يدك الجوهرة : مرة تألمني وبصراحة ماني قادرة أكل شيء من كثر التعب ثنيان : مايصير لازم تأكلين يالجوهرة علشان العلاج والمسكن الجوهرة : طيب ثنيان : وين سارة الجوهرة : قريب مني هاتيها ثنيان : سارة جيبي الأكل اللي تحبه الجوهرة علشان تأكل علشان العلاج سارة : تصرخ في الجوال ، وطلع أخوي حنون ثنيان : أقصري صوتك راحت طبلتي | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
