21-02-17, 06:33 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  " البارت الثامن عشر " / " اذا اردت شيئا بقوة فأطلق سراحه , واترك له باب القفص مفتوحا فإن عاد إليك فقد كان دائما لك وإن لم يعد ... فإنه لم يكن لك من البداية ! " تسارعت دقات قلبها وتوسعت عيونها وهي تستوعب .. واقف ببرود بعد ماخلص تحليل مشاعرها بعد ما أنتهت مهلة جوابها .. نطق : من ردة فعلك ارجح الأحتمال الثاني ... " كمل بنفس النبره الباردة " عموما سواء الأحتمال الأول او الثاني ماراح تحصلي مني شي فالوقت متأخر ارجعي بيتكم ولا عاد ترجعي لهالمستشفى الا لسبب اسماء تو تستوعب انه رفضها كلش فيها تجمد .. تو تستجمع قوتها عشان تتكلم أقل شي تنفي عشان تنقذ باقي مشاعرها لكنه مشى من جمبها بهدوء ودخل للمستشفى .. مشت قشعريرة بكل جسمها ! وش صار قبل شوي .؟ كان واقف قدامي ! تكلم معي ..؟ لا كيف شلون صار كذا ... سحبت رجلها بخيبة وركبت مع السواق وبنبرة يائسة " البيت" اما هيثم دخل وجلس على مكتبه وعيونه متسمرة على الأوراق , بنت فهاد الشمري مرة وحده جايه برجليها لعندي .؟ ماطال تفكيره عقله ومبادئه مرتبه .. حتى لو البنت فاسدة ماراح يفضحها بيكتم سرها وبيتصرف طبيعي ما كأن صار شي , خصوصا انه يشتري راحة راسه - الظاهر يا اسماء ان هيثم مو الجذاب المثالي اللي تخيليته *** الكـويت / تنهدت سارا : اتركني أفكر لؤي لؤي : شتفكري فيـه .؟ سارا : باللي قلته .. مو شايف انك قلت حاجة كبيرة جدا ويحتاج لها اقل شي تفكير لؤي : انا مابيك تشوفيها حاجة كبيرة .. اعتبري الوضع طبيعي انا مستقل عن أهلي تماما سارا بضيقة : لسى محتاجة تفكير لؤي تنهد : خلاص براحتك .. فكري وردي لي بأقرب فرصة سارا : لؤي لؤي قبل يطلع التفت : لبيه سارا وعيونها بالارض تبعد عنه : لحد ما أجيك واقولك ردي مابي اشوفك .. مابي اشتت تفكيري لؤي طالعها دون مايرد لفترة .. ثم طلع برا المكتب , دق جواله " فراس " رد مباشرة : ايوه فراس : ماقلت لي انك راجع للكويت .؟ لؤي : هذا أنت عرفت .. متى بترجع انت .؟ فراس : يمكن ما أرجع هالفترة .. لؤي : ليش صاير شي .؟ فراس : لا .... يمكن اسافر مع الأهل لؤي : اها .. فراس ضيق عيونه وهو يطالع من نافذة غرفته اسماء نازلة من السواق وداخله : انا بسكر سكر السماعة ونزل مباشرة .. البيت كله هدوء والأنوار مسكرة الساعة 1 ونص , اول مادخلت اسماء وصلها السؤال : فين كنتي ؟!! رفعت اسماء راسها له وهو واقف قدامها ومتكتف .. قالت بصوت مازالت اثار الخيبة فيه : عند عمي ابو نايف فراس طالع ساعته : لهالحزهـ .؟ اسماء : ايه .. فراس : كان انقبرتي عندهم لحد بكرة او دقيتي علي أجي اخذك .. اما راكبه مع السواق بهالوقت !! اسماء مالها خلق : ان شاء الله فراس : انقلعي لغرفتك صعدت اسماء لفوق .. وفراس رجع لغرفته ونام مباشرة *** الصبـاح / صحت اسماء من نومها .. طالعت بالمراية شكلها الفوضوي تنهدت بضيق شكلها قطعت اخر حبل للأمل بيديها رتبت شكلها ونزلت لتحت كان العائلة كلها مجتمعة على غير العادة لكن اصوات طالعة الظاهر نقاش حاد جالس يصير , تأكدت من صوت بدر المعصب : مالكم دخل يعني مالكم دخل ! فراس : انت للحين تناقش .؟ بدر : شنو للحين اناقش ! الموضوع يخصني لو ماتدري يعني فراس : بحياتي كلها ما أذكر قررت حاجة وقبلت النقاش فيها بدر وقف بانفعال : ماودك تنقلع للكويت وتنثبر هناك ولعد تورينا وجهك ! غايب كل هالفترة وراجع وعلى بالك كلمتك تمشي فراس ارتفع صوته طول النقاش وهو يرد بنبره هاديه لكن انتهى صبره : تاكل تبن يا زفت وتختار الفاظك معي , محد ممشي امورك كلها غيري انا .. ودك تجرب اسحب نفسي منك تماما واشوف كيف بتوقف على رجليك ! بدر : يدك وماتعطيك .. مصدق نفسك الهواء اللي من دونه بموت ! في ستين داهية فراس سحب ياقة بدر ونطق بين اسنانه وهو شاد على قبضته : لا تكبــر بالـ.... قاطعهم ام فراس اللي اقحمت نفسها بينهم لحد ما أفلت فراس بدر .. ام فراس : مو صاحين ! كل هذا عشان موضوع مايسوى فراس تنهد وهو يهدي اعصابه ويجلس بينما بدر مازال واقف ... كمل فراس بنبره هادية : بدر .. انا ما أغصبك تتزوج ولا لي مصلحة في قرارك , بس عمي طالب هالشي ومن حقه تبغاها خذها هذي هي موجودة ماتبغاها اتركها تشوف حياتها بدر جلس دون يتكلم : .... اسماء انقهرت منه خصوصا بعد حالة ميهاف امس : حرام عليك يابدر .. اللي بيشوف موقفك ماراح يصدق انك خاطب ميهاف اللي الكل يتمناها ام فراس بقهر : من جد بسم الله عليها تعجز تدور فيها عيوب مالها مثيل ... وانت محسسنا غاصبينك على وحده ماتسوى تنهدت اسماء وهي تشوفه ساكت وعيونه بالطاولة .. حطت يدها على كتفه : وامس عرفت انها شايله بخاطرها عليك كثير .. حرام اللي تسويه فيها ترا البنت تحبك بدر وقف بهدوء وهو طالع : سوو اللي تبون ام فراس : موافق يعني خلاص ! بدر : ايه ..." وطلع وسكر الباب " فراس : حمد الله والشكر بس كأني جالس اناقش بزر اسماء ابتسمت من قلبها : شلون يعني خلاص بيتزوجون قريب !! ام فراس بفرحة : ايييييه .. حسبي الله على بليسه بديران مابغى يفرحني فيه , فراس كلم عمك من اللحين واتفقوا ع كلش فراس : كلمي انتي زوجة عمي وبس .. انا هالورع ماعاد اتدخل في اموره اسماء : يوه لايكون زعلت بس من حكيه .. ترا يقط خيط وخيط فراس : قدامه عشرين سنه يعيشها يتعلم فيها قبل يقدر يزعلني .. انا طالع انام بس اسماء بحماس : انا رايحه ابدل وبروح لميهاف .. وناسه دام فيه خطوبة وعرس قريب قدامنا شغل ام فراس : هههههههههه انا رايحة اكلم زوجة عمك *** بيت نايف :- كانت ابتسام بالمطبخ وماسكه راسها وهي تسمع نايف جالس بالصالة ويتناقر مع غادة اللي بغرفتها ومو عارفه تحقره وهو يغلط ...بعد ماخلص دخل المطبخ وهو يضحك : ههههههههههههههههههههههه ابتسام شتسوين ؟ ابتسام وهي تطلع الكيكة من الفرن : هيثم بيتعشى معنا اليوم .. راح تكون موجود ؟ نايف وهو يتكي على الطاولة : تبغيني اكون موجود .؟ ابتسام : براحتك .. ماتفرق معاي انا نايف : لا ماراح اجلس ..واحد مكلمني بيتعشى معي فطالع ابتسام : بس حاول ترجع بدري شوي .. مو حلوة ماشفت هيثم من رجعت نايف وهو طالع : بحاول .. قبل يصعد لفوق يبدل ابتسم وقرب من باب غرفة غادة وطقه .. غادة : مين .؟ نايف : هههههه انا .. انا طالع تبغين اجيب لك حاجة معاي وانا راجع .؟ ارتفع ضغط ابتسام .. ما سألها هالسؤال ورايح يسأل غادة بس عشان ينرفزها طلعت من المطبخ : نايف ! نايف : هلا ابتسام شدت على الي بيدها وقالت بنعومتها المعتادة: اترك البنت بحالها حبيبي خلاص نايف : جزاي اسألها وش تبي .؟ غادة : ابي قلعتك .. يله انقلع نايف : هههههههههههههههههههه بس .؟ من عيوني .. يله اجل سلام غادة : تافه بجد ع كلش يضحك ! طلع نايف وابتسام دخلت على غادة : غادة وش قلت امس انا ! خلاص يختي اسفهيه .. لانك تردين عليه يقعد يناقرك غادة : هو يوخر عني .. اصلن اسمعي اذا جا هيثم اليوم بقوله اني بطلع لشقه لحالي ابتسام : ماراح يوافق .. وانا مستحيل اوافق شقه لحالك مع بنت صغيره ! بتنثبري هنا وبتعقلي غادة بقهر : والله انا اعقل وما أدري ايش وهو كيفه ! ابتسام : اقول خلك ع حالك اذا قالك كلمة رديها عشر .. عايشه مع بزارين انا *** شقة سارا – صباح / قامت من سريرها وهي مانامت اساسا كل شوي تفزفز هذي عادتها بالنوم اذا صار شي مقلقها .. شالمفروض تسوي تقول لأحد .؟ هيثم اقل شي .. لا لا هيثم مستحيل يوافق وبينتقدها بقوة .. ! كلمت الدوام وبلغتهم انها ماراح تجي .. اول ماسكرت السماعة طالعتها هيفاء : شنو صاير بالدنيا .. سارا ماتبي تداوم لا لا لا معجزه هذي سارا جلست على الكنبة قدام التلفزيون : اسكتي هيفاء راسي مصدع بينفجر هيفاء : يو يو علامج يابنية شنو صاير .؟ سارا تنهدت لازم تقول لأحد .. ماتقدر تفكر بعقلها خصوصا وعواطفها تحكمها : انخطبت هيفاء طاح الصحن من يدها وركضت لحد ماصارت جمبها : شنو شنو شنو ! لاتقولي .. لؤي ؟! سارا هزت راسها باحباط : ايه .. هيفاء : ايه وليش زعلانه ! ماتبينه ! سارا بضيق : ناوي نتزوج سر .. محد يدري هيفاء سكتت لما استوعبت الوضع : ............ سارا : عشان كذا متضايقة .. وش ممكن يصير لو يكتشفون او .....ااخ راسي عورني من التفكير خلاص هيفاء : معاج حق .. بس وقت تتزوجوا تحطون اهله قدام الأمر الواقع مالهم الا يوافقوا سارا : مابي ادخل عليهم بهالطريقة غصب .. هيفاء : والله مدري شنو اقولج .. سارا : عارفه ... اللي يوجع ان الرد الصحيح هو لا بس هل انا قوية ومستعده اجاوب بلا .؟ هيفاء سكتت .. ماتقدر تعلق خصوصا وهي تعرف قد ايش سارا متولعه فيه *** ميهاف ارمشت بعيونها اكثر من مرة بعدم تصديق : وافق .؟ ام نايف : ايه كلمتني امه قبل شوي .. وتتفق معي على الموعد و ... ابتسمت ميهاف : بجد يعني .؟ ام نايف : ايه مو مصدقة يعني ميهاف : ابدا ! تو اسماء كلمتني وجلست اكذبها .. احس غريب يعني ام نايف : لا خلاص تفاهموا معه ووافق .. ميهاف " غريبة وافق اجل ليش ماكلمني للحين " : خلاص اجل انا صاعده ابدل قبل تجي اسوم ام نايف : حلو بتجي تساعدك تخططين .. ترا الملكة قريبة ميهاف : متى .؟ ام نايف : بعد اسبوعين ميهاف بحماس : تمام تمام .. صعدت لفوق مسرعة .. للحين ماسامحته على كلامه عشان كذا ماراح تكلمه راح تنتظر مبادرته للاعتذار فتحت دولابها بحماس بخاطرها تسوي كلش اليوم انفتح باب غرفتها ودخلت اسماء وهي تزغلط : كولولولولوللولوليش الف الصلاة والسلام عليك ياحبيب الله محمد كولولولولوليش ! ! ميهاف سلمت عليها وهي تضحك : ههههههههههههههههه تعالي تعالي قولي لي كلش شلون وافق ! اسماء : ههههههههههه والله مدري السالفة تضحك .. على قولة فراس كانا نناقش بزر نافخ ريشه ويحلف مايبي شوي كلمتين من امي بحنيتها قال خلاص موافق ميهاف : وكيف يحلف مايبي يعني ! اسماء : لا تاخذين بخاطرك .. اصلن احسه كان يحلف ويهاوش وكل هذا بسبب اسلوب فراس مايبيه يغصبه على شي , بس لما جيناه بأسلوب طاح الحطب ميهاف تنهدت : حمد الله اجل .. دريتي الملكة بعد اسبوعين ؟ اسماء : ايييييه واكيد عقبها بفترة العرس .. هالفترة بيكون قدامك شغل كثير ميهاف : ايه .. والمحبط ادق على لورا ابي منها كم فستان ماترد نهائي ! اسماء : وعيه لورا مدري ليش ناشبه فيها انتي .. مرة سوت لي مقلب بفستان كرهتها ميهاف : بصراحة معاي رائعة .. ماعمرها صممت لي حاجة وما سألو الناس عنها وانغمست بتخطيطاتهن بحماس ماتركن حاجة ماخططن لها .. ومن يحب ترتيب الفشخرة اكثر من ميهاف واسماء .؟ *** دخل نايف الشركة وهو يطالع بالمكان : والله وتغيرت .. ههههه اكيد بتتغير لي سنة مو داخلها قابله سكرتير ابوه وسلم عليه بحرارة : اهليييين نايف .. وين يارجال كم لنا ماشفناك ! نايف : هلا هلا والله معاذ .. كيفك شلون صحتك .؟ حمد الله تمام وين بكون ضايع بهالدنيا سكرتير : هههههههههه وامورك تمام ! ما اسمع عنك الا من الوالد جمد حساب نايف كنسل سفرة نايف نايف : هههههههههههههه وانت تطيعه يالخاين ! افزع لي شوي واسحب عليه سكرتير : بايع وظيفتي انا .. اخر خبري فيك انك متزوج قريب الف مبروك نايف : يبارك فيك .. المهم وين الوالد ؟ سكرتير : بمكتبه تفضل دخل نايف وجلس على الكرسي وبعد فترة صمت : على فكرة لون ستارة مكتبك مو مناسب طالعه ابو نايف : اخيرا جيت ! نايف : والله علقت شوي مع الزحمة .. آمر ابو نايف : ايه .. رجعت من سفرتك خلاص امسك وظيفتك نايف كشر : ياليت تنسى لي هالموضوع ابو نايف : انساه طل ! انا قايل تتزوج وتتوظف .. الزواج وتم اللحين امسك وظيفتك .. كيف ناوي تصرف على بيتك .؟ نايف : الخير واجد ما اذكر انك مفلس ابو نايف : انا مالي دخل .. انت صرت ابن مستقل يعني تتولى مسؤولية نفسك وعيالك نايف تنهد : يبه انت تعرفني الحاجة اللي تفرض علي ما أحبها ولا اسلك فيها ! ابو نايف : انت اللي خليتنا نفرضها غصب نايف : خلاص انا تو متزوج ماتميت شهرين حتى .. خل انبسط هالفترة وبعدين اداوم ابو نايف بصرامة : ببدا اسجل حضورك من الاسبوع الجاي .. ولاتفكر تطلب فلوس مني ولا من لؤي ! وقف نايف وطلع دون يتكلم .. تافف بقهر وركب سيارته ودق على بدر : هلا نايف وينك .؟ نايف : كنسل موعدنا اليوم ماراح اجي بدر : ليش عسى ماشر .؟ نايف : ماشر .. سكر السماعة ووصل البيت .. دخل وصعد مباشرة , ابتسام كانت مع غادة بالمطبخ استغربت جا وصعد دون كلمة .؟ غادة : مو كأنه رجلك جا .؟ ابتسام : ايه .. غريبة كملي كملي انا صاعدة اشوفه غسلت يديها وصعدت .. عقدت حواجبها وهي تشوفه منسدح على الأريكة ويبدل بالقنوات : مسرع جيت على اساس معشى .؟ نايف وعيونه بالتلفزيون : اعتبريني مو موجود ابتسام جلست على الكرسي المنفرد جمب الأريكة : صاير شي .؟ هههههه مو بالعادة تصعد دون تطلع صوت غادة .؟ نايف : مو صاير شي .. شوي تعبان ومصدع بارتاح ابتسام قلقت بجد .. لامست جبينه بيديها لكنه مسك يدها مباشرة وابعدها عن جبينه بنفور استغربت ابتسام : شفيك انت مو طبيعي .؟! نايف : قلت لك مافيني شي .. تعبان وبنام وخلصنا ! افف ابتسام : طيب ليش تتكلـم معاي كذا ؟ انت متضايق فيه حاجة مو طبيعية نايف عدل سدحته وجلس وقال بعصبية : كيف اصير طبيعي ! مافيه شي بحياتي يمشي طبيعي عشان اصير طبيعي .. وظيفتي غصب عني سفراتي غصب عني اكنسلها زيارات غصب عني اروح لها .. زواجي غصصصب عني !! وتقوليلي مو طبيعي ابتسام كسرها كلامه .. متزوجها غصب ! اخيرا نطقها ..: ................. نايف تافف ومسح على شعره بقلق وهو يتجه للنافذة يبعد عن عيونها اللامعه تعلن دموعها .. قال بهدوء : قلت لك اتركيني ارتاح .. ابتسام شدت على قبضتها وهي تخفي انكسارها توجهت للحمام للصيدلية وطلعت حبة مسكنة وسكبت كاس موية وحطتها بالطاولة جمب السرير وقالت بهدوء : هذي حبة مسكنه وكاس ماء .. خذ حبه تخفف عليك وارتاح وخفف التكيف وبيروح الصداع ان شاء الله عض نايف على شفته بقهر التفت يبي يبرر لكن قابله الباب يتسكر طلعت .. مسك راسه وهو يحس جاه صداع بجد اما ابتسام اول ماطلعت وقفت قدام المراية بالممر وهي تطالع نفسها بقوة وتتنفس الصعداء : ماراح اسامحك لو تبكين عشانه ! هـدي بالك .. كان واضح من اول شدت على قبضتها واسترجعت هدوئها واعصابها .. ونزلت قابلتها غادة : وينه .؟ ابتسام بطبيعية : شكله مصدع وتعبان شوي .. تركته ينام غادة : عقوبة ربي !! مايضيع حق احد يستاهل ابتسام طالعت الساعة : فينه هيثم تأخر هو كمان غادة : من جـد صوت الجرس يرن .. ابتسام ابتسمت : هذا هو .. روحي افتحي وانا بجيب القهوة غادة طلعت بحماس : لاتنسي رنيم معاك *** بيت أبو نايف / ميهاف : ياشينك .. اجلسي شوي خل نخلص تخطيط الأكل والمائدة اسماء : خلاص ميهاف الساعة 12 تاخرت دقت اسماء على السواق : الو مدام اسماء : هلا راج .. انا في بيت ابو نايف تعال خذني السواق : آسف مافيه اقدر اسماء : اشرح لي شلون ماتقدر ! السواق : سيد فراس قول بعد ساعة 10 مافيه توصيل اسماء : احلف ! السواق : والله .. خلاص انا مابي مشاكل سكرت اسماء السماعة وقالت بقهر : رجعنا للتعقيدات حقت فراس ميهاف : سلامات شصاير .؟ اسماء : امس رجعت متأخر الساعة 1 .. اللحين مطلع نظام للسواق عقب 10 مايوصل احد ! شنو 10 دجاج حنا ميهاف : خلاص كلميه يجي ياخذك .. دام معطل السواق يتحمل المشاوير اسماء : هذا اللي بيصير .. والله لاطلع كل يوم واسهر ل 1 عشان اقلقه يجي ياخذني دقت اسماء وهي منتفخة جاها الرد : ايوه اسماء : يقول السواق انك مانعه يطلع عقب 10 ! فراس : ايه .. عندك اعتراض .؟ اسماء : لا .. بس ابي ارجع البيت تعال خذني ! فراس : بنام .. كلمي بدر لسى مارجع البيت اسماء : مانيب بدر بيقول روحي مع السواق وهو ماله دخل .. انت صاحب القرار تعالي خذني ! فراس بحدة : اسماء دقي على بدر وارجعي معه قبل ما اسفر السواق عشان تعرفين ! اسماء بقهر : زين سكرت السماعة وقالت بقهر : قال يسفر السواق قال ! بسم الله عليه راج فيك ولا فيه ميهاف انبسطت : دقي على بدر طيب ! اسماء : هذا اللي بيصير دقت على بدر : نعم ! اسماء ابعدت السماعة وقالت بحلطمة : وش ذالاخوان كل واحد اخلاقه تجاريه اكثر من الثاني بدر تنرفز : الو !! اسماء : هاه هاه .. ابيك تجي تاخذني بدر : قولي للسواق ماني فاضي اسماء : السواق ممنوع يجي ياخذني .. قوانين السيد فراس الجديدة بدر : دامها قوانين فراس يجي ياخذك هو اسماء : فراس نايم .. يله بدر اشحذكم انا بدر تنهد : جاي بس مب اللحين اذا خلصت اسماء : ومتى بتخلص ان شاء الله .؟ بدر : وش رايك تحاسبيني بعد على طلعاتي !! اسماء سكتت : زين .. احتريك مو تنساني سكر بدر السماعة دون يرد .. اسماء جلست بقهر : اخواني خرا ! لو اسمعك مرة ثانية تشكين من نايف قدامي عطيتك بوكس يطيرك لآخر الدنيا ميهاف : ههههههههههههه والله لو عندك نايف مارد عليك اصلن اسماء : وانا وش استفدت من اللي ردوا علي . ! ليتهم ماردوا اساسا ميهاف : الله يعينك يختي .. بس احسن اجلسي نكمل تخطيطنا اسماء : تعالي وش ورانا *** بيـت نايف / له ساعتين منسدح لكن النوم ماحصل .. تنهد بضيق وهو يطالع الحبه وكاس الموية عرفت تحسسه بتأنيب الضمير , لو مصارخه عليه وقاهرته كان ارتاح .. جلس واتجه للنافذة وهو يشوف الجلسة تحت جالسه مع غادة وهيثم وتضحك ضحكتها الناعمة اللي هي مجرد ابتسامة تمتم : مخلوقة من حجر انتي .. معقولة مو متضايقة بجد ؟! تذكر كلامها انه مفروض يشوف هيثم .. اقل شي يسويه بعد كلامه معها ظل واقف عند النافذة ودق على جوالها , انتبه لها وهي تمسك الجوال وتعقد حواجبها بضيق ثم ترد : هلا نايف ارتبك : اا .. انا احسن اللحين وبنزل اسلم على هيثم ابتسام : طيب ؟ نايف اول مره يحس موقفه ضعيف قدام احد : اذا يضايقك ماحنزل انتبه لها توقف وتبتعد من جلستهم : مايضايقني البيت بيتك نايف : ولا تدرين خلاص مو لزوم توقعها تصر .. لكنها ردت ببرود : اوك وسكرتها .. تأكد انها زعلت طبيعي تزعل واحد ومغصوب عليها ! اففف وانا شدخلني هذا الصدق رمى جواله وبدل ملابسه وطلع من الباب الخلفي عند الجلسة / غادة مستغربة : غريبة ليش تسأل ! هيثم بهدوء وهو يرتشف عصيره : كانت مريضة عندي بجدة .. سؤال عادي يعني ابتسام : متأكد سؤال عادي ! مافي عقلك افكار ثانية غادة تحمست : امااا !! بججد .؟ هيثم ( مابقى الا هي ! والله لو معد في الدنيا حريم ) : لاتتحمسين انتي وياها .. انا مستحيل اخذ من الشمري فارتاحوا غادة : وليش ان شاء الله ! هيثم : دون ليش ابتسام : خلاص مو ضروري الشمري .. ماودك تتزوج بجد هيثم شوف كم عمرك بتدخل الثلاثين خلاص هيثم : بعدين ابتسام .. انا للحين ما استقريت ابتسام : بساعدك ! هيثم : لا تنزلين من كرامتي بهالكلمة ابتسام .. ولعد اسمعها لو سمحتي ! غادة : الا غريبة مريضتك بجدة ! هم بالرياض ابتسام : الناس مايسافرون يعني غادة : طيب دام مريضتك اكيد شفتها هيثم باحتقار : دون تصير مريضتي .. هي تعرف الغطا اصلن غادة : حلـوة صح ! هيثم ورنيم بحضنه شالها بالهواء وهو يبتسم لها : رنومتي احلى .. صح رنومة صح ياقلبي غادة بفخر : اكييييد رنيم احلى .. هذي مو حي الله هذي رنيم بنت غادة وست انعام ابتسام : ههههههههه بشويش لاتذبحين نفسك من الخقة بس هيثم : غادة انتي ماتطلعينها للشمس .. صح ؟ غادة : الصدق ايه ما اطلعها هيثم : واضح ! عيونها للحين فيها صفار .. من اليوم طلعيها لاصارت الشمس باردة صبح او قبل المغرب غادة : كان اطلعها .. بس عقب مارجع نايف ماصرت اطلع من غرفتي اصلن هيثم : ولو غلط , مسكينة واضح عليها ابتسام : المهم ع طاريها .. غادة ترا بكرة عزيمتها غادة : اكيد بروح ! ابي اشوف بيتهم يصرع زي بيت اهل نايف ولا لا *** اثناء ما اسماء وميهاف متبطحات على سرير ميهاف ويحوسون باللابتوب يدورون افكار .. دق جوال اسماء الساعة 3 " بدر " : اخيرا ! : هلا بدر : انا برا اطلعي لبست اسماء عبايتها ... ميهاف : كانك ضايقة انك تاخرتي عندنا ! ترا مو اجانب حنا اسماء : أيه عارفه بس ولو .. امي بتسوي لي سالفة اللحين اصبري علي رافقتها ميهاف للباب : يله اشوفك على خير اسماء : بكرة لا تنسين تجين .. وتعالي بدري اول الناس ميهاف : بحـاول يله باي سكرت الباب وتنهدت وهي تفكر انه برا .. هالفترة تحس بينهم مسافة وحاجز قوي , حتى رغم انه وافق للحين متكبر يدق يتكلم معها لو حتى دون يعتذر .. صعدت لفوق وكملت تخطيط بنفسها واهم حاجة بتخطيطها الأجود والافخم بكل حاجة .. ذائقتها الجمالية عالية وماترضى الا بالكامل سيارة بدر / اسماء : صراحة بدور يفوتك .. خططنا لكلش ياعمري عليها ميهاف مجتهده كلش حاطته اجود شي بدر ومسند مرفقة على الباب ويسوق بيد : لو ماتسوي كذا اصلن ياويلها اسماء : احول شوي اسلوب طيب ! " تتهزا به " ياويلها بدر : نايف بالبيت ؟ اسماء : مدري .. لا ماشفته بدر : اكيد ببيته اجل اسماء : طبعا ببيته ! انت لو تتزوج بتجي تجلس عندنا يعني بدر كشر : احد يطلع من جحيم ويرجع له برجله اسماء : اقول بدر .. ابي اسألك سؤال من زمان بخاطري بدر : شنو ؟ اسماء :انت ليش فجأة قررت تخطب ميهاف ؟ بدر بتملص : مافيه حاجة معينه .. سيرتها طيبة ودايم تمدحونها فحسيتها مناسبة اسماء : ايه بس حنا لنا يمكن سنتين نحاول فيك رافض قطعا .. وفجأة جيت من نفسك بدر : شفتها بالصدفة اسماء فتحت عيونها على وسعها : هااااااه ! بدر دفر راسها اللي وصل لكرسيه : وخخري شوي وش هالشفاححه اسماء : شنو شنو شنو ! اول مرة ادري بهالحكي .. شلون شفتها .؟ بدر : كنت انتظر نايف بالحديقة وهي طلعت اسماء : أيه .؟ بدر وهو يتذكرها : شفت احلى منظر بحياتي .. وحده جسدت الكمال اسماء : ايه وحنا من زمان نقولك ! وانت اصقه بدر ابتسم : مبسوطة ؟ اسماء بصدق :اكييييييد مبسوطة .. احب ثنين على قلبي بيتزوجون اكيد بنبسط بدر كشر : مو انتي ! ...." كمل بصوت خافت " قصدي هي ؟ اسماء وهي ترقص بحواجبها : الله الله ... اكيد مبسوطة حاصلها السوبر ستار بدر قرر يرمي عزوبيته عشانها وبيتزوجها بدر : اهاا اول ماوصلو صعدت اسماء لغرفتها .. تنهدت بضيق طول اليوم تشغل نفسها تفكر بس وقت الليل كيف تشغل نفسها .؟ مافيه غيرها هي وهالفكره بالغرفة , ضربت راسها بقهر : معقولة يا اسماء تخربين السالفة كلها كذا ! اففف اكرهني والهرب كان تبدا تخطط لبكرة من اللحين .. خواته بيجون وهن أملي الوحيد !! صعب اوصله مباشرة .. *** ابتسام واقفة عند الباب تودع هيثم .. هيثم : فينه نايف .؟ الوقت متأخر ابتسام طالعت الساعة 1 ونص .. ماحبت تقوله انه فوق : هو دايم يتأخر عادي هيثم : يله اجل انتبهي لنفسك .. في امان الله طلع وهي مشت بطريقها ترتب المكان والمطبخ .. بعد ماخلصت دخلت غرفة غادة كانت جالسة وتبرم اظافرها ورنيم نايمة : مانمتي .؟ غادة : اللحين بنام ابتسام : تصبحي على خير اجل غادة : وانتي من أهـله سحبت ابتسام رجلها لفوق .. دخلت الغرفة كانت فاضية اكيد طلع , تنهدت وهي تسحب المغاطة من شعرها ويتناثر على وجهها , طالعت الحبة جمب السرير ما أكلها خذتها ورجعتها مكانها ونامت وراها دوام واخر شي تحتاجة تشيل همه عند نايف – قدام بيت نهى :- نايف والسماعة باذنه : انا عند الباب نهى : اوك بوصي الخدامة تفتح لك فتحت الخدامة ودخل لداخل .. كانت بكامل اناقتها ولبس سهراوي ارجواني : حمد الله ع السلامة .. تو مانور البيت , كم لك من وصلت تو تطل علينا نايف استرخى على الكنبة : هلا نهى .. فينه يزيد خفت حرارته .؟ نهى جلست جمبه ورجل على رجل : لا والله .. وزعلان عليك يقول ماجيت تشوفه نايف : مالي اسبوع وتو فضيت نهى : ولو هذا ولدك من اولوياتك ! ماتنلام العرس ماخذ عقلك نايف : نايم اللحين ؟ نهى : ايه نايف وقف : انا صاعد اشوفه نهى : بتتعشى هنا ؟ نايف وهو يصعد : شبعان لاتكلفي على حالك فتح غرفة يزيد الطفولية ونور سهاريه خفيف .. جلس على طرف السرير ويده تلامس جبينه فتح يزيد عيونه اثر اللمسة وفز بسرعة لما شافه وضمه : باااباااا نايف : ههههههه هلا بولي العهد يزيد : متى جيت ؟ نايف : اللحين .. كيفك حبيبي ماما تقول انك تعبان ؟ يزيد : لا لا مب تعبان .. ابي اروح معك السيارة نايف : بكرة ان شاء الله .. الوقت متأخر اللحين يزيد بزعل : انت تنسى بكرة نايف : هههههههه صح معك حق بنسى .. خلاص مو مشكلة وقت انسى ذكرني يزيد : طيب دخلت نهى .. ابتسمت وهي تشوف يزيد : هههههههههه صحيت ؟ يزيد المتعلق برقبة نايف : اييييه نهى : ارجع نام حبيبي ارتاح .. ابي اكلم ابوك لحالنا رجع ينام .. وطلعوا نايف : وش تبين ؟ نهى : ع العشى .. جاهز تحت تعال على طاولة العشاء .. نهى : انا مسافرة قريب مع صاحباتي نايف وهو ياكل : طيب شاسوي لك ؟ نهى : يزيد .. ماراح اخذه طبعا رايحه اوسع صدري مابي بزورة نايف : مو مشكلة قوليلي متى وباخذه نهى : ووين بيجلس ؟ نايف : عند جدته فين يعـني نهى : لا ! اول كنت اوافق يجلس عند جدته لانك عايش هناك .. يزيد يجلس معاك بنفس البيت استرخى نايف على الكرسي وتكتف وهو يطالعها : وش تلمحين له ؟ نهى : ايه مافيها شي يجلس معك وزوجتك نايف : تسوقينها على راسي لانك ماتدرين ولا تسوين نفسك مو عارفة ! نهى : طول عمرها ماراح تدري .. مصيرها بتدري قولها من اللحين احسن نايف : انتي مالك شغل .. وقت يجلس معاي احطه فين ما احطه نهى : لا يكون مو ولدي ! نايف : لا مو ولدك .. ولدنا نهى : معليش نايف احترم رغبتي .. انا مو حابه ولدي يجلس بمكان انت مو فيه نايف وقف : حمد الله اكرمك الله .. يله انا ماشي نهى لحقته : فين بدري .. وبعدين لاتطنش كلامي كذا ! انا جاده نايف والله لازعل نايف دون اهتمام وهو طالع : والله يانهى اللي عندي قلته حبيتي اهلا وسهلا ماتبين مو لازم تسافرين انقهرت وهو يسكر الباب يعني مافيه نقاش .. ضربت برجلها : هين ما اذكرك تحترم مشاعري لهالدرجة ! فجاه صرت تخاف على المدام تنجرح !! وقت رجوعه كان اذان الفجر .. صلى الفجر بالمسجد ثم دخل البيت سمع صوت بالمطبخ دخل كانت بلبس الدوام وجالسة تشرب كاس قهوتها ومارفعت عينها حتى له : ........ تنهد مافيه شي يقوله طلع من المطبخ ..طالعته ابتسام وهو يصعد مافيه حتى سلام ! سحبت عبايتها وطلعت لدوامها *** بيت أبو فراس / على اخر الظهر كانت اسماء خلصت كل التجهيزات مع الخدامة بالمطبخ طلعت للصالة والكل جالس يتغدا ماعدا بدر برا كالعادة .. قالت بتودد : فراااس فراس : لا اسماء : بسم الله مامداني اقول ! وش لا .. تدري وش ابي منك .؟ فراس : ما ادري ولا ابي ادري .. وايش ماكان الجواب لا اسماء : طيب طلب صغنون والله فراس رفع عينه لها : انا وش قلت ؟ اسماء : مالي دخل ليش تقول لا وانت ماتدري وش ابي فراس : لاني ماعمري قلت لك ايه في حاجة وماندمت ... فهمتي ؟ خلاص اقلبي وجهك ولا انثبري تغدي ام فراس تنهدت : وش بغيتي ؟ اسماء : البنات بيجون عصر .. ابيكم تصرفون نفسكم طالعت فراس : للحين لا ؟ فراس : ايه لا .. كان عندي موعد عصر بعد بكنسله بجلس بالبيت اسماء : ياااشينك .. لا تصير سالفة عناد ! فراس : مو عناد .. بجلس ابي اعرف ليش كل ماعزمتي احد تطردين الكل ! اكيد صاير شي عشان كذا ماتبين احد ياسمين : انا بروح لهاجر فراس : مافيه ! اجليها بكرة .. اليوم محد يطلع الا اسماء اذا تبغى اسماء بقهر : زعلت زعلت زعلت ! فراس : ابركها ساعة .. من اول ازعلي ام فراس : خلاص اسماء اسمعي الكلام .. وحنا ماراح نزعجكم فين بتجلسون ؟ اسماء : عند البركة بالقبو ياسمين بحماس : بتسبحون ! اسماء : لا ! بس مكان جلسة حلو .. ومو حق وراعين اهم شي فراس : حبيبتي ياسمين تبغي تسبحي ؟ ياسمين بخوف وهي تطالع نظرات اسماء الثاقبة لها ... فراس مسك يدها : ماعليك منها طالعيني انا .. تبغي تسبحي ؟ ياسمين بخوف ونبره خافته : ايه .. فراس : روحي اسبحي .. واذا اسماء قالت لك حاجة علميني عليها اسماء : ياشينك فراس !!! وربي وربي قهرتني خلاص ماراح اعزمهم ومابي احد يجيني ام فراس :ا نهبلتي ! بس عشان بنت صغيره بتسبح .. ياحلوها تعطيكم جو مير اسماء صعدت وهي تتحلطم : جو الخياس اللي بتعطينا بيت مقرف .. ام فراس هزت راسها بينما فراس ياكل وماعليه منها .. ومحد اشطر منه بالعناد فتح جواله ودق : هلا منير .. اليوم مقدر اقابلك اجلها بكرة .... يله سلام ام فراس طالعته : هاو فراس من جدك ! كنسلت موعدك عشان تجلس فراس ببرود : ايه بجلس .. ابي اعرف وش الشي المهم بهالجمعات حقتها عشان تطرد العالم اسماء بغرفتها ونفسها قافلة من اللبس ومن كلش زي مايقولوا طابت .. بس مهما كان الموضوع مو بس جمعة الموضوع خطة مستقبلية ! لازم تلبس وتمزمز : ابتسام هالخايسة لمحت لميهاف مرتين وهي مخطوبة حتى سجى المعفنة لمحت لها وانا لا !! ليش يعني طايحة طايحة مرة من عينها فتحت غرفتها الواسعة واختارت طابع انثوي هالمرة فستان زيبرا رسمي لنص الساق مع مناكير أسود وأبيض .. وشعرها لففته ع جمب .. وروج أحمر على البرتقالي .. رشت عطرها وهي واقفة قدام المراية وتحس بفخر : ايه يا اسماء كذا ! لو تفكر بس تلمح ان وحده من هالسلق بتاخذها لهيثم علي وعلى اعدائي بهاجمها !! هيثم حقي انا وبس خبت وجهها وهي تستوعب كلامها وخدودها وردت وتضحك بخجل .. انس كان واقف عند الباب ويهز راسه وهو يشوفها جالسة وضامة ركبتها لصدرها ومخبية وجهها وتضحك بحياء : حمد الله والشكر التفتت له اسماء : خير ! انس : ولا شي بس جالس امر اسماء : اقول اقلب وجهك .. ولا وش رايك بعد تجلس تتسبح مع ياسمين ! مبزرة صدق خذت جوالها ونزلت لتحت تكمل شغلها وهي تشوف الساعة : افف متأخرين مفروض جايين رن الجرس راحت ركض : ميييين .؟ ميهاف : انا افتحي فتحت اسماء : بدرررري كان ماجيتي ميهاف وهي تفك لثمتها وتهف على وجهها : ياشيخه اسكتي صارت لي سالفة .. السواق مب موجود مع امي ونايف مايرد اضطريت اركب مع الجيران وسواقهم سيارته الله يعز النعمة اسماء : وشوله راكبه معهم ! كان علمتينا نوصي بدر ميهاف نغزتها : وجعوه استحي ! اسماء وهي تدخل : لك وجه تستحين .. ترا مكتشفه عنك خبر يسود الوجه ميهاف : شنو .؟ اسماء : غطي وجهك بس وادخلي فراس موجود دخلت ميهاف البيت ووقفت عند الصالة مع اسماء : السلام عليكم ام فراس : وعليكم السلام هلا ميهاف هلا حبيبتي فراس : هلا والله ميهاف : كيفكم ان شاء الله بخير .؟ ام فراس : حمد الله نزقح انتي كيفك ؟. ميهاف : بخير دامك بخير خالتي .. اسماء : سنه تسلمين !! خل ندخل بس نزلوا للقبـو وين الجلسة الرايقة قدام البركة .. وجو رايق ميهاف بحسرة : اااا شهالمكان اجعتي قلبي .. اشتهيت اسبح اسماء : ولا يهمك بيجي يوم نسبح ان شاء الله ميهاف : الله الله اسوم كأنه لوكك غير هالمرة اسماء : هاه ! بجد .؟ ميهاف : ايه صايرة ليدي بجد اسماء انبسطت : صدق صدق صدق !! ميهاف : هههههههههه يمه روعتيني .. ايه شفيك اول مرة امدحك فصخت ميهاف عبايتها وهي تقول : قهر كان علمتيني بتكشخين كذا .. انا اليوم قلت بنات بس وماكلفت حالي مرة اسماء ( احسن صيري مخنزة عشان ماتلتفت لك خليني اشوف نصيبي ) : عادي طالعة كيوت وبعدين لاحقة على الفشخرة بملكتك اركدي ميهاف وقلبها يدق بقوة : يوه اسكتي يا اسماء كل ماتذكرت انها الخميس الجاي احس اعصابي تخلص اسماء : هههههههههه ماتدري قد ايش متحمسة دق الجرس ..قامت اسماء : رايحة اشوف فتحت الباب كان وداد وسجى : هلا والله مرحبا ومسهلا وداد : هلا اسسوم .. الله الله وش هالشياكة يختي اسماء وهي تلف على حالها والدنيا مو سايعتها من الثقة اللي عطوها : تسلمي سجى : قلطينا وين نقلط ! اسماء : يادفشك شوي شوي ... من هنا تفضلو ولاتفكون فراس موجود وسجى لاتتربعين عندهم تسلمين ! ارمي السلام وكملي دربك سجى ( ياليل هالغثيثة اسماء ) : زين زين احححول اول مادخلت سجى تشققت لما شافته جالس وصافط رجل فوق رجل وبيديه الأيباد يتصفح فيه ويسولف مع امه باناقته بالثوب مع غزارة شعره الفحمي المرتب على ورا مافاقت من تأملها الا على نغزة اسماء :بنت ! سجى : هاه ! هلا هلا السلام عليكم ... كيفكم .؟ ام فراس : وعليكم السلام مرحبا ومسهلا نورتو ..حمد الله فراس : على البركة وداد الخطبة وداد : يبارك فيك وعقبالـك ان شاء الله ام فراس بلهفة : آممين فراس نزل عيونه للايباد كانه ماسمعهم .. اما سجى تنهدت يفتن ماتوفيه حقه قمة بالفتنة ونزلت بخيبة مامداها تتمقل *** بيت نـايف / كانت ابتسام بغرفتها . . من رجعت من الدوام وهو نايم للحين عصر دخلت الحمام وبدلت / بلوزة طويلة لوركها .. مع بنطال ضيق اسود جلد وهيلز سوداء .. وشعرها مموج ومسرحته من فوق على الخفيف والباقي طايح على ظهرها .. مكياج خفيف روج وردي فاتح وظل اسود ! فتح نايف عيونه ببطء وكسل .. انتبه لها واقفة قدام المراية وترتب نفسها وتطالع تتأكد من طلتها , فاتنة جميلة مافيه حاجة بعقلة توفي شرح شكلها بالوردي كيف يفتن عدل جلسته : آلله ابتسام شهالحلا .. كل هذا عشاني ؟ ابتسام طالعت انعكاسة من المراية .. وتوجهت لشنطتها الكلتش السوداء تحط اغراضها فيها كأنها ترد على جوابه نايف : طالعه .؟ ابتسام : ايه نايف وهو ماسك رقبته بارتباك يبغى يصلح الوضع مو عارف: تبغي اوصلك .؟ ابتسام سحبت عبايتها : السواق برا وطلعت .. تنهد نايف ونهض من سريره يتجهز يطلع .. اصلن من متى بدا يهتم بمشاعرها .؟ كيفها ماتزوجت عشان ارجع لنفس الاسطوانة زعل ونراضي وحوسة .. تبغى ترضى ولا تجلس نزلت ابتسام حصلت غادة بعبايتها ورنيم بيدها جاهزة : يله نطلع .؟ غادة : يله ركبوا مع السايق لحد ماوصلوا ... غادة وهي تتامل البيت : مو فخم زي بيت ابو نايف .. انعم مرة ابتسام : مريته مرة قبل اسافر المالديف ..بصراحة يجنن حسيته قطعة فنية نزلوا وضربوا الجرس .. فتحت اسماء بحماس : هلا هلا هلا والله .. لازم انتن اخر من يحضر يعني ! ابتسام : متآخرين بجد .؟ اسماء : ايوه الكل موجود .. هذا وانتي العروسة ابتسام : ههههههههه مو عشان كذا اسماء : تفضلوا حياكم دخلـوا ... استوقفهم صوت ام فراس : هذي ابتسام انتبوا للجلسة الجانبية .. غادة ماميزت فراس لأنها بوقتها ماكانت بحالة تتذكر فيها احد ولأنه كان عتمة وظلمة وقتها .. الملاحظة الوحيدة لما شافته انه " مين هالمزيون .؟ " ابتسام : هلا ام فراس كيفك شلونك .؟ ام فراس : حمد الله .. انتي بخير دامك بخير ابتسام بلباقة : تسلمين ام فراس قامت من مكانها واخذت رنيم .. غادة بانحراج : لا واللي يعافيك بتزعجك ام فراس : مالك فيها .. روحي انبسطي مع البنات واتركيها معي اتسلى انا وياها غادة :ههههههههههه الله يعينك اجل كملن طريقهن لتحت .. ام فراس راحت تجلس .. فراس : من هالثنتين ؟ ام فراس : زوجة نايف واختها .. اختها نفسها اللي كانت بطريقك ذاك اليوم فراس طالع البنت بيد امه : اهاا .. بالجلسة تحت .. غادة : اسماء شوفي امك .. قولي اذا بتزعجها رنيم تجيبها اسماء : لا ماعليك امي متعودة ارتاحي أنتي سجى : اقول اسوم غريبة اهلك بالبيت ! اسماء : ماعليك منهم خذو راحتكم ميهاف : اساسا ترا محد يطرد اهله اذا جا يعزم غيرك يالخايبة .. شفيها لو جلسوا .؟ اسماء وهي تقدم الشاهي : مافيها شي نقطيني عاد ميهاف ابتسمت وهي تطالع غادة : غدو بسم الله عليك محلوة مرة ابتسام : تلومينها .؟ لها شهر عناية ماعقبها ولا قبلها عناية غادة : من ذوقك ياقلبي .. حلو ان فيه تأثير وجهودي مب ضايعه ميهاف : اقول وينها رنومة .؟ غادة : مع ام اسماء .. بس اسماء تكفين جيبيها ماحرتاح كذا اسماء حطت يدها على خصرها : وش قصدك .؟! ماتثقين في امي ؟ غادة : لا مو كذا بس بتزعجها والله اسماء : ماعليك لا ازعاج ولا يهم يحزنون اتركيهم دام جالسين على راسي بالبيت ينفعونا وداد : شخبار تجهيزاتك ميهاف ملكتك الاسبوع الجاي خلاص ميهاف : كلش تمام حمد الله ..اذا اسماء مانكبتني طبعا اسماء : اعتمدي اعتمدي خلاص ! ابتسام : ميهاف حابه اساعدك بحاجة .. امري بجد ميهاف : لا ياعمري حضورك يسوى ويستوي ابتسام : مو جالسة ارمي مجاملات انا .. بجد قولي ولا بسوي من راسي ميهاف : هههههههه خلاص بكلمك اليوم لارجعت البيت ونتفق ابتسام : ايه كذا من اول غادة واسماء وسجى كانوا واقفات عند طرف المسبح .. غادة غمزت لسجى بمعنى نطرحها .. سجى بصوت مرتفع : لا لا اطرح الكل ولا اسماء .. ماتعرفينها لاعصبت تخوف غادة : اشش يافضحه وش رايك تتكلمين بميكرفون بعد التفتت اسماء : وجع وجع مافيه امان !! غغدو !! غادة : هههههههههههههههههههههه امزح امزح مو من جدي اسماء : ايه انتبهي كلش ولا هالكشخة تخرب غادة نزعت جزمتها وجلستها وغطت رجلها : واااااه منعشش سجى جلست جمبها : من جد .. صار بخاطري اسبح من جد غادة مدت يديها تدفها : ولا يهمك نطت سجى برا المسبح : يمممه ماتفوت فرصة ! غادة : ههههههههههههههههههه ماحبيتها تجلس بخاطرك بالطابق الفوق : - ام فراس : فراس ماتبي تحطها بحضنك تجرب فراس عقد حواجبه : لا يمه اتركيها معك .. مالي بالبزران انا ام فراس : هاو ! ولا جاك ولد شبتسوي ؟ فراس : ماراح يجيني عشان افكر وش بسوي ام فراس ضاقت من رفضه للفكره بشكل قاطع : ليش حبيبي ؟ وش اللي رافضه بالزواج .. فراس : كله .. مو شايف فيه ولا ميزة ام فراس : مايصلح كلامك .. هذا شرع ربك وفطرة تقول عنها مافيها ولا ميزة فراس طالع امه : يمه واللي يعافيك ويحفظك ويخليك لي اذا تحبيني بجد لا تفتحين معي هالموضوع مرة ثانية ام فراس تنهدت بضيق : ان شاء الله صعدت اسماء : فراس ! نبي نصعد لو سمحت فراس اخذ ايباده ومشى طالع برا : انا طالع اساسا اسماء كشت عليه وهو معطيها ظهره : مابغغى ! شهقت اسماء وهي تشوف امها تمسح دمعتها : يمه شفيك ! ام فراس ابتسمت : مافيني شي يمه .. خذي البنت وديها لامها وانا صاعده لغرفتي اسماء شهقت : شنو لا اخاف احملها جلستها ام فراس على مفرشها : خلاص تجي امها تاخذها انا صاعده ارتاح استغربت اسماء وهي تشوف امها تصعد : شفيهم شصاير ؟ راحت للبنات يصعدون وخذت غادة رنيم .. وطلعوا بالحديقة يتمشون والجو عليل ووش احلى من جمعة بنات *** سـارا :- رجعت من الدوام وماعرفت تجلس بالشقة بدلت لبسها وطلعت تتمشى بالشوارع زي كل يوم من قالها لؤي .. تتمشى تحاول تقرر او بالاحرى تحاول تعرف كيف تقوله " لا " دون تجرحه والأهم تجرح نفسها .. جلست بمقاعد بحديقة وتنهدت وهي تمسك راسها ..النوم جافاها وكلش انقلب عكسي ضمت ركبها لصدرها ودفنت راسها وهي تحس حيلتها بكلش ضايعة ! بالشقة / كانت هيفاء جالسة على نار .. الساعة 2 وهي طالعة من الساعة 6 !! دقت عليها مليون مرة ماترد ... جلست بضيق مو عارفة شتسوي ..دقت على لؤي : ايوه هيفاء : الو .. سلام عليكم انا هيفاء رفيجت سارا لؤي تغير صوته : هلا والله مرحبا .. امري هيفاء : سلامتك بس حبيت اسألـك سارا معاك ؟ لؤي : لا .. ليش ؟ هيفاء قررت تقوله ايش بيدها : طالعة من الساعة 6 للحين ماشفتها لؤي قام بسرعة من سريره كان مستعد للنوم : شنو ! هيفاء : وربي خايفه عليها مدري فين راحت ولا ترد على جوالها ... طوط طوط .. الو الو ؟ نهض لؤي بسرعة وبدل بسرعة ونزل .. وصل لشركتها ماحصلها راح لكل مكان راح له معاها لكن ماحصلها .. وقف يلتقط انفاسه وهو تعب من الركض ماترك مكان مادورها فيه .. استعاد نشاطه ورجع يركض يدور *** بيت أبو فراس – الساعة 11 .. وبجلسة رايقة بالحديقة / ميهاف : يعني انتي ثانوي بس .؟ غادة : لا .. شهادة الثانوي اخر سنة ما اخذتها اسماء : ايه .؟ مفروض تاخذيها طيب ايش تنتظري غادة : ماراح تزبط .. خلاص انا يأست من الدراسة ابتسام : وش هالحكي مو بكيفك . انا راح اسجلك وتروحي غصب غادة سكتت ماتبي تناقش هالموضوع قدام العالم .. بس هي مستحيل تدرس وبنتها وش تقدر تسوي بها .؟ وداد : اقول ميهاف .. الملكة ببيتكم .؟ ميهاف : ايه طبعا اسماء تنهدت : ااااخخ عقبال ملكتي ببيتنا ان شاء الله سجى :نجيب عبد المجيد يخطبك وخلاص من بكرة ملكتك ! اسماء فتحت عيونها بوسعها وانفعلت : الله لا يقوله ... وععععع وعع مالت الا عبد المجيد !! قال عبد المجيد قال سجى : واحمدي ربك واشكريه بعد .. وش اللي مو عاجبك فيه ؟ اسماء : يكفي بس انه اخوك .. هذا لحاله سبب انعذر عليه ! سجى : اصلن محد ميت عليك فارتاحي .. بيتزوج الكل الا انتي اسماء : تخسين يالبزر تعرسين قبلي .. والله لا اعرس قبلك ولا اعزمك بعد وداد : سسجى خلاص اصكتي ميهاف : وانتي اسماء اهجدوا .. ديك وجني اسماء لفت بغرور : انا داخله اجيب العصير اول ماراحت قالت سجى بحلطمة : مالت عليها ذالبزر اسماء مصدقة عمرها شي !! اسماء دخلت بقهر .. وععع عبد المجيد وحضرات بنات جدة ساكتات عرضت نفسي عرض ولا تكلمن حتى اففففف !! جهزت العصير وطلعت .. سمعت البـاب ينفتح : لحظظظه من انت !! البنات هنااا : للعشره وبدخل اسماء : ذاه بدر بنات قومن بعد ماراحن دخل شهقت اسماء اللي كانت واقفة وهي تشوف نايف .. وراحت ركض هز نايف راسه : مصدقه عمرها اسوم تستحي بدر : ههههههههههه لا تقول قدامها كذا بلعتك ... حياك بس اسماء وصلت لهم تلهث .. ميهاف : شفيك ؟ اسماء : اخوك ذالوصخ ! واخوي ذالوصخ ! لا احم ولا دستور ميهاف : نايف ؟ ابتسام حست بقهر هالانسان مب معقول صدق مايفوت فرصة يطالع فيها احد ! اسماء : اسفه يازوجته بس والله يقهر ابتسام ابتسمت : لا عادي حبيبتي غادة : خذي رااااحتك اسوم .. يقهر من جد وش هالوقاحة ! اسماء : ايه وصصخ وش يحسبني بزر !! غادة : تعالي عيشي عنده عاد تكرهين نفسك اسماء : ياحبيبتي مجننك ابتسام كانت جالسة بصمت .. وهن يحشن فيه من قلب اسماء وغادة وسجى لأنهن بنظره بزران وشوله يتغطن ! *** بالمجلس / نايف : ايه طيب .؟ بدر : ههههههههههه يا نايف ماجا وقت انك تستسلم .. كم لك تحارب ابوك نايف : هالوظيفة مستحيله .. يبغى يموتني جوع ماعندي مشكلة بدر : والله مدري شأقول لك .. بس انا صح ما اشتغل مكتبي وامشي بمزاجي بس لو اضطر يعني وماعندي العرض اشتغلت وانا ما اشوف الدرب بعد نايف : انت انت وانا انا .. يعني ماني مضطر اسوي كذا عشانك بتسوي كذا بدر : براحتك .. بس ترا شايف حلال ابوك كله صار بحضن لؤي وانت بتروح عليك وبتندم نايف : هذا انت الحلال كله بحضن فراس .. نادم .؟ بدر : لا تقارن .. انا الصغير والحق ان فراس يمسك كلش بس انتو هذا حقك نايف : بلا حق بلا بطيخ بدر تثاوب : يازين النوم بس نايف : قوم نام انا كمان ماشي بدر : يله اجل وقف نايف طالع .. وصله بدر للسيارة .. نايف : يله في امان الله فتح بدر عيونه : تستهبل ! زوجتك عندنا ماراح تاخذها .؟ نايف عقد حواجبه : عندكم ؟ وانا شعرفني بدر : جعله يخلف بس .. انا اعرف عنها اكثر منك دق نايف عليها .. ابتسام : ايوه نايف : انتي عند بيت عمي .؟ ابتسام : ايه نايف : لسى بخاطرك تسهري ولا خلاص اخذك معاي ابتسام : براحتك نايف : براحتك انتي ايش دخلني انا ابتسام : طالعه ثواني سكرت ابتسام : غادة يله نمشي اسماء باحباط : بدررري ابتسام : لا حبيبتي كثر خيرك وما قصرنا .. نشوفك قريب اسماء : في امان الله اجل انتبهوا على حالكم اول ماطلعوا دخل بدر لداخل وجلس مع امه .. ام فراس : هلا .. غريبة جاي بدري بدر : نايف ماله خلق اليوم ورجع بيته قلت وش يجلسني بعد انا ارجع ام فراس تنهدت بضيق : اها بدر : شفيك يمـه مانتي على بعضك .؟ ام فراس ابتسمت ابتسامة صفرا : مافيني شي حبيبي .. تبغى عشاء ؟ بدر : لا حمد الله شبعان *** طلع الفجر .. والنور بدا يكتشح المكان وسط ظلمة الليل وهو للحين ماترك مكان مادور فيه لحد وصل لحديقة وانتبه لبنت موجودة لحالها دافنة راسها بين رجليها قلبه دق بسرعة جنونية وهو يدعي ربه تكون هي قرب منها وهز كتفها بخفة .. رفعت راسها بسرعة تظهر عيونها المرجانية الدامعة تثبت لها انها هي مسحت دموعها بسرعة : هلا لؤي لؤي اهتز كلش فيه وهو يشوفها بهالمنظر .. : ليش تبكين .؟ سارا : .................. لؤي : بسببي ؟ سارا هزت راسها : لا .. بسببي لؤي : قلبتينا فوق تحت .. ايش كنتي تسوي ماتركنا مكان مادورنا عليك فيه سارا :لـؤي .. انا ... ماقدرت تكمل .. تنهد لؤي : تعالي معاي اللحين نتكلم بعدين هزت راسها بموافقة .. مشى معها لشقتها وهو طول الطريق يطالعها بصمت لحد ماوصلوا .. سارا : شكرا تعبتك معاي لؤي : وقفي مكانك .. ماراح تمشين لحد ماتقولي لي ليش كنتي تبكين ؟ سارا : لـؤي .. بالنسبة ل كمل لؤي : لخطبتي .. ايوه شفيها ؟ سارا : ليش ؟ لؤي : شهالسؤال الغبي ؟ سارا دمعت عيونها : رجاء لؤي جاوب لؤي : خلاص خلاص يابنت الحلال لاتبكين .. " تنهد بضيق " ايش اجاوبك اذا ماكنتي تعرفي الجواب للحين معناها ماتدرين قد ايش انا اموت فيك سارا بهم : اذا ... اذا قلت لا .. ايش راح يصير .؟ لؤي : ماراح اوافق سارا : على شنو ؟ لؤي : على الـ لا حقتك .. " مسك يدينها " بس راح اسألك ليش لا .؟ مو عاجبك العريس ترا تاجر سارا : مو وقت ضرافتك ! اتكلم معاك بجد ..!! انا ..انا لؤي بهدوء وهو يمسح دموعها : انا ما انكت سارا .. انا اتكلم بجد , وعارف انك خايفة من اهلي و .. بس صدقيني مايقدروا يسوو شي حتى لو عرفوا سارا : يعني اتزوجك وما أقدر اعلنك .؟ مقدر اقول للعالم هذا زوجي .. مقدر حتى اتكلم عنك مع احد لؤي : حنا بالكويت .. يعني المجتمع هنا كله ماراح يعرف حتى لو اعلنتي لهم ليش مكبرتها كذا ؟ سارا بألم : احترت .. شالمفروض اسوي ؟ ضمها لؤي بحنان وهم يمسح على راسها : لاتفكري كثير .. لأن أي حاجة بتسوينها بالحياة لها مساوئ ومحاسن .. بس دايم العقل والمنطق يركز على المفاسد لأنا خايفين ننجرح , وهالشي راح يخلينا طول عمرنا خايفين وواقفين بنفس النقطة لازم نندفع ونشوف حياتنا .. واذا انجرحنا بنتعلم نمسح دموع بعض ونكمل .. مو هذا الغرض من الزواج؟ سارا دفنت وجهها بصدره .. ماتبي تخسره وهذا المؤلم بالموضوع قالت بين دموعها : ليش دايم احسني احسن بعد كلامك لؤي بثقة : لأنك تحبيني ياهبله *** وصـلت ابتسام وغادة ونايف للبيت والطريق هدوء طول الوقت .. اول ماوصلوا صعد نايف وابتسام جلست عند غادة غادة : شمجلسك عندي بنام انا ابتسام طالعت الساعة : لسى بدري غادة : مو بدري تعبانه انا خلاص بنام ابتسام : تصبحي على خيـر طلعت بتصعد بنص طريقها فكرت انه اكيد ماتعشى كشرت ( احسن عمره ماتعشى شدخلني ! ) تنهدت وهي تستسلم لطبيعتها وتدخل المطبخ وتحط عبايتها وشنطتها على جمب وتفتح الثلاجة تطلع اللي تحتاجه بنص شغلها مر نايف من المطبخ : ابتسام سوي عشاء .. حدي جويع شدت ابتسام على الملعقة بيدها .. نايف : اوه جالسة تسوين .. خلاص اجل شكرا رمت الملعقة على الطاولة وخذت اغراضها وطلعت صاعده .. عقد نايف حواجبه : خير شعندها بعد ! ابتسام رمت اغراضها بانزعاج .. فوق انها تسوي له يجي يتأمر عليها بعد على باله ماتعرف شغلها مثلا .؟! بدلت لبسها ونامت وهي تحس بقهر منه بجد , صح كانت متوقعه مغصوب على الزواج بس وقت يرميها بوجهها ويتهمها هنا توجع بجد سمعت باب الغرفة ينفتح غمضت عيونها مباشرة .. ماتبي تتكلم حتى *** الكويت الساعة 7 .. بشقة سارا دخلت وهي تسحب رجلها بهدوء ثم رجع للباب وهمست : مافيه احد ادخل دخل لؤي وهو يطالع المكان شقة بسيطة تميل للضيق .. ضيقة مرة صالة وغرفتين ومطبخ مفتوح فقط ! .. سارا : خذ راحتك انا داخلة ابدل لؤي هز راسه وهو يطالع المكان ويكلم نفسه : كانت عايشه هنا طول هالفترة دخل للمطبخ وهو يفتح ازرار كم قميصه ويرفعه ويفتح الثلاجة .. اكثر ماقدر عليه سندويتشه بنص شغله دخلت المطبخ : شنو قاعد تسوي .؟ لؤي عقد حواجبه : اشوفك لابسه .. لوين ؟ سارا : الدوام لؤي : ارتاحي اليوم حياتي .. تو رجعتي وسهرانه الليل كله سارا : لا بداوم فيه اجتماع مهم لؤي وهو يحط الصحون على الطاولة : اوك افطري قبل جلست سارا : هههه تسلم يدينك لؤي وهو يصب لها كاس العصير : فيه العافية سارا : شهالعز .؟ لؤي : شفتي هذا الزوج اللي كنتي بتفوتينه سارا لاحظت المائدة مرتبة صدق .. حاط المزهرية بالنص وحركات دلع صح :المهم .. متى وكيف و ...؟ لؤي جلس على الطاولة قدامها : زي ماتبين .. اللي تتمنينه اطلبيه وانا انفذه سارا : وانت ماتبغى حاجة معينه يعني .؟ لؤي بتفكير : همممم .. لا غير اني اشوفك بالابيض مابي سارا حمرت خدودها : ......... لؤي قبص خدها : فديييتها وقفت سارا بعد ماخلصت فطورها : يله انا ماشيه تأخرت لؤي : يله اوصلك معاي طلعت سارا معه وطول الطريـق يسولفون بكلش ايش صارلهم بالتفصيل اليومين اللي راحت .. وقد ايش اشتاقوا لبعض لحد ماوصلها وراح بطريقه *** الأسبوع الجاي – يوم ملكة بدر وميهاف / بيت أبو فراس – عصر / كان بدر بغرفته يرتب كشخته لهاليوم .. انطق الباب : مين .؟ اسماء : انااا بدر : تفضلي دخلت اسماء وهي تشوفه واقف قدام خزانته : كيفـــه عريسنا المز ! بدر وهو يكمل : هلا اسوم .. تمام وش بكون يعني اسماء : مبسوط !! مو بتتزوج الحلوة حبيبة القلب بدر : أيش جاية تبغين انتي .؟ اسماء جلست على كنبته : بدر .. انت ماكلمت ميهاف من بعد مشكلتكم صح طالعها بدر دون يرد : ......... اسماء : اخر مرة حتى لما جتني شكلها احبطت .. لانك ماعطيتها حتى سلام بدر : كانت جمعة بنات ايش تبغيني اطب بنص السوالف اسلم ! اسماء : لا مو كذا .. بس اقل شي دق عليها كيف بتقابلها اليوم و ... بدر قاطعها : اسماء رجاء انتي مالك دخل فلا تحشرين حالك .. وحياتي انا اقدر اتصرف فيها ماطلبت مساعدتك اسماء : يمه لا تاكلني طيب .. جزاي اللي جايه انصحك بعد بدر حقرها وهو يدخل غرفته الثانية : اطلعي لو سمحتي ببدل اسماء طلعت وهي منقهرة منه : كشش بس ! عظم الله اجرك يا ميهاف غثاثه ..." تنهدت " ياترى بيحضر هيثم اليوم .. ادري دكتور بس معقولة مايجي .. يارب يارب يارب يجي صعد فراس لفوق وهو يشوفها رافعه يديها للسماء وتدعي : خير شتسوين .؟ اسماء انتبهت : هاه .. جالسة ادعي لبدر بالتوفيق فراس طالعها باستخفاف وكمل طريقه لغرفته .. اما اسماء ركضت لغرفتها اول ماوصلت الكوفيره عشان تتضبط خلصت على اذان العشاء .. وراحت بدري مع السواق قبل أهلها وصعدت لميهاف مباشرة دخلت عليها ماكانت موجودة : ميهاف .؟ غريبة امها تقول بغرفتها ميهاف : خليك عندك جالسة البس انتظري جلست اسماء على جوالها : اهاا اوك انتظرك... شخبار اعصابك بس .؟ ميهاف : يوه اسكتي على جمر مدري شصاير .. والقهر مافيه حاجة ضابطة معاي ! اسماء : ليش شصاير .؟ ميهاف :اول شي انكبت مع مسؤولة الحلا .. ثم فستاني مابغى يطلع بععد .. واخر شي كلمني لؤي يقول مايقدر يجي وهذا اللي اتلف اعصابي خلاص ! اسماء : يوه كيف مايجي ! ميهاف : يقول عنده شغله مهمه بشكل ما اتخيله اليوم ومايقدر يأجلها اسماء : عادي روقي .. مصيره يحضر العرس اكيد ميهاف : ياحلوه مايحضر كمان ! اسماء : اهم شي خليك مزة .. قبل اطلع شفت بدر وهو يمشع القلب مع الكشخة والتزبيط ميهاف سكتت : .................. اسماء : اقول اطلعي بس اشوف وجهك ! طلعت ميهاف وهي خالصة .. الفستان طويل ضيق عاجي مع كعب فضي اسماء عقدت حواجبها : ليش مالبستي الوردي ؟ ميهاف ضاقت : امي عيت .. ليش مو حلو .؟ اسماء : لا هو حلو .. بس حسيت الوردي عرايسي اكثر ميهاف وهي تمشي قدام المراية : خلاص اسكتي شاسوي يعني اسماء : ماعليك تجنني يله بس ننزل ميهاف : لا شلون ! ما انزل الا قبل يكتمل الحضور بس اسومتكفين انزلي تأكدي كلش تمام ... مابي ولا حاجة من ترتيباتي تخرب سامعة ! اسماء : عارفه عارفه خلاص نزلت اسماء وميهاف وقفت قدام المراية وأول مرة ماتكون واثقة من طلتها .. اول مرة تكون مرتبكة انها ماتعجب احد او تقول كلمة " يارب يعجبه " رغم انها شايله بخاطرها بس مستعده تنسى كلش كرمال هاليوم بس سعادتها ماتنوصف وقفت قدام المراية وهي مو متخيلةان بنهاية هاليوم بتكون رسمي زوجته خلاص نزلت اسماء تحت وابتسمت ونزلت بسرعة وهي تشوف ابتسام : هلا والله جيتي ابتسام : هلا اسوم .. ايه كيفك وكيف العروسة .؟ اسماء : تمام حمد الله .. وين غادة .؟ ابتسام : ماجت .. بنتها اليوم مو تمام وجلست عندها اسماء : ياعمري شفيها .؟ ابتسام : تبكي طول الوقت فيه حاجة مضايقتها بتوديها المستشفى وتشوف عاد اسماء : والله خساره .. بس يله فرصة ثانية ابتسام : ان شاء الله .. ام نايف : هلا والله ابتسام متى جيتي ماشفتك .؟ سلمت ابتسام عليها : هلا خالتي .. هههه شكلك كنتي منشغله في حاجة اعملها قوليلي ام نايف : ارتاحي كلش جاهز تمام *** عـند الرجاجيل / دخل نايف وسلم على بدر اللي كان براس المجلس : من قـدك من قـدك ! بدر : محد .. انت شايف احد قدي .؟ نايف : انطم بس وعن نفخة الراس .. هههههههه ودك اعطيك من خبراتي ولا مايحتاج .؟ بدر : لا مض هالليلة على خير دون خبراتك .. صدق لؤي ماراح يجي .؟ نايف : مدري ماكلمته بس اسمع ابوي يهاوشه على السماعة اليوم بدر : يقنعني ان كل ذاه شغل يعني .؟ نايف : وانت شعليك حضر ولا ماحضر ماتفرق بدر : ايه بس السالفة اصول بركن ثاني / ابو نايف : انشهد اني ماغلطت يم اعتمدت عليك .. ماتوقعت الأمور تزبط بس كثر خيرك فراس : مو انا قلت لك انه بيتزوجها الشهر هذا خلاص معناها بيصير ابو نايف : اقول فراس .. ابسألك عن لؤي صاير معه شي .؟ فراس : لا .. ليش تسأل ؟ ابو نايف : ما أدري معادهوب على خبري .. اجل معقولة يفوت ملكة اخته فراس وهو متأكد انه عشانها : لا عمي حسب معرفتي مو صاير شي ابو نايف : ان شاء الله تنهد فراس وهو محتقر لؤي داخله اجل يسحب على اخته عشانها صدق خيبة *** الكـويت / سارا : لؤي بجد نقدر نأجـله .. اذا بتروح لملكة اختك روح لؤي : ماراح اروح يعني ماراح اروح .. هالليلة تسوى عمري كله وتبيني اروح ؟! سارا : بجد لؤي .؟ مو زعلان عشاني طلبت يكون زواج بالمحكمة وبس لؤي : هو قهر اني ماحشوفك عروسة .. بس فرحتي نفسها : استاذ لؤي لؤي بحماس مسك يدها : دورنا سارا بارتباك : ايه دخـلوا مع الشهود " هيفاء واختها " وقع لؤي وكله ثقة بقراره بينما سارا كانت مرتبكة بجد بلعت ريقها ثم وقعت ضمتها هيفاء مباشرة : الف مبروك حبيبتي سارا : يبارك فيك .. التفتت للؤي بربكة : مبروك لؤي بابتسامة واسعة : يبارك فيـك .. وشكرا هيفاء تعبناك معانا هيفاء : مو مشكلة كرمال سارا .. اخيرا بتنقلعي من الشقة وبرتاح سارا : هههههههههه طلعي على حقيقتك يالخاينة هيفاء بهم : بس بجد .. والله بشتاق لك يا خايسة لؤي كان الدنيا مو سايعته مو مصدق رغم انها كانت بسيطة .. حتى بلبسها الدوام ماغيرته طلعت وراحوا بس هذا مايهم المهم انهم صاروا لبعض بالكامل وهذا يكفيه : مشينا قلبي ؟ سارا : يـ .. يله .. هيوف اشوفك بعدين اول ماطلعوا صرخ لؤي بأعلى صوته بشكل لفت كل اللي حوله .. سارا فزت : بسم الله شفيك ! حصلت نفسها بالهواء وهو يدور بها : مو مصدق .. مـو مصدققق ! انتي انتي مستوعبة اللي صاير .؟ سارا : ههههههههههههههههههههههههه ه لؤي نزلني لؤي مشى بها بين يديه لحد ماوصلوا السيارة ودخلها وركب وتنهد بحب : بيجي يوم يقتلني هالحب انا عارف سارا : ههه بسم الله عليك لؤي : راحت علي خلاص .. والله اعشقك بشكل ماتتخيلينه سارا : انا اكثـر .. وربي مو مصدقة انك قبلتني بهالطريقة لؤي حضن يديها : انا اللي مو مصدق .. انتي اللي قبلتيني رغم ان اهلي ضد هالفكرة وماراح انسى هالمعروف طول عمري ابتسمت سارا وهي تطالعه بحب وبعيونه حب اكبر *** نزلت بتألق وسط عيـون الكل وكأنها نجمة .. مع الأغنية الشغالة باختيارها تقدمت امها وضمتها : يابعد عمري مامي ام نايف : الله يوفقك يابنتي ويكتب لك الخير باست ميهاف خد امها : امين ماما كملت طريقها وهي تسلم على الكل ومبتسمة من قلبها .. وصلت لأم فراس : الف مبروك حبيبتي .. الله يوفقكم ميهاف : ان شاء الله خالتي جلست بعد ماخلصت .. نطت جمبها اسماء : ترا شوي وينادونك للكتاب ميهاف مبتسمة : عارفة اسماء : منتي خايفة ! ميهاف : هههههههههههههه مرتبكة مو خايفة .. شدعوة اخاف دق جوال ام نايف ردت : هلا .. اللحين .؟ يله يله .." سكرت " ميهاف امي يله حبيبتي تنفست الصعداء ومشت مع امها .. دخلت عند ابوها ونايف سلم عليها ابوها وضمها من قلب دلوعته هذي : ماني مصدق جا اليوم اللي اشوفك فيه عروسة ميهاف : ههههههه .. حاس حالك كبرت ؟ ابو نايف : راحت علي كبرت من قبل على راس نايف نايف : ههههههههههههه ميهاف شهالزين اول مرة احس السنافير حلوين ميهاف : ها ها .. ماراح تقهرني اليوم موت نايف : اقول وقعي بس .. هذا جزاي امدحك مشكلتكم يالسنافر ماتنعطون وجه وقعت ميهاف ... نايف نط على طول : يله بروح اناديه ابو نايف : الله يخلف بس مافيه ركادة ميهاف : بابا ماما اطلعوا ابو نايف : تطردينا ! ميهاف بربكة : يوه بابا رجاء .. والله وجودكم مربكني زيادة ابو نايف : ههههههههههههههههههههههههه هههههه قومي قومي يا ام نايف نطلع ام نايف : بس لاتطولون هاه .. ابو نايف لاتتركهم ربع ساعة وارجع اسحب بدر طلعوا .. وجلست ميهاف وهي مشبكه يدينها بعد فترة هدوء انفتح الباب رفعت عيونها وهي تشوفه بطلته الفاتنة بالثوب والدقلة السوداء , نظرتها له هالمرة غيـر .. غير عن كل مرة دون شعور منها وقفت مشى بخطوات راكدة لحد ماوقف قدامها وأول مرة تلحظ ميهاف فرق الطول الشاسع بينهم بعد صمت لفترة .. قالت ميهاف : مبــروك بدر بدر : يبـارك فيك .. مبروك انتي , مبسوطة اللحين ؟ ميهاف رفعت راسها وطالعته : لا تقولها كذا .. ماراح اعرف اجاوب بدر : ايش قلت .؟ سالتك اذا مبسوطة .؟ ميهاف : حيل .. وأنت ؟ بدر : كنت ساكت طول هالفترة عشان ما اضايقك .. بس ايش تتوقعي مشاعري وكلش مقرر غصب عني ؟ ميهاف : غصب ؟ مو كأني غصبتك .. انا عطيتك خيار بدر : خيارين اهونهما مر ؟ ميهاف : مر ؟ بدر وعيونه ثاقبه بعيونها بحدة : ميهاف انا ما أحب احد يجبرني على شي .. ولا شي حتى شرب الموية ! ميهاف تحطمت توقعته اكيد انتهى عناده ومبسوط اللحين : ....... ليتك جلست ساكت وماضايقتني بدر : لاا .. انتهت مهلتك اللحين لازم تسمعين ردي على موقفك هذا لأني ناوي ادفعك ثمنه ميهاف فتحت عيونها : شنو ؟ بدر : مثل ما قلت لك انا ما أنجبر على شي .. واذا حصل اعرفي اني ماراح انساها ولا راح اسكت ميهاف بقهر : الكتاب ليش وقعته ! ماكان ضروري تنجبر بدر : لاتفهمين غلط .. وقعته عشان ماعندي نية اتركك لغيري ميهاف شدت على قبضتها وكلش فيها يرتجف قهر : .................. بدر : وبما اني وقعته .. ماعندي مانع اطلقك اللحين لو تبغي ؟ ميهاف فتحت عيونها : نعم ! بدر وهو يمسح على خدها الناعم بطرف اصبعه : بس انا اعرفك .. مستحيل تتركيني زي ما أنا مستحيل اتركك ميهاف نزلت دمعة من عينها قابلت اصبعه ... بدر : بس الزواج اللي ناوينه عقب شهر راح تروحين لأبوك وتطلبين يأجله ميهاف بقهر : اطلب انت ! بدر : ماعندي مانع اذا يناسبك .. بس راح تصير مشاكل وانتي عارفة , فاتركيها بيني وبينك وقولي لعمي ان رغبتك تأجلين الزواج ميهاف : مابي .. ماراح اقوله بدر بسخرية : راح تقـولي .. ولا الطلاق عندي زي السلام واستانسي بكونك مطلقة من أول نظرة ميهاف بانكسار : ليش تسوي كذا .؟ انا وش غلطت معك بدر بحدة : لويتي ذراعي .. وصار اللي براسك وتزوجتك بالموعد اللي اخترتيه جا دوري اسوي اللي براسي ميهاف تلاحقت دمعاتها على خدها : ............... حاوط بدر خصرها بيده وقرب منها وباسها .. ثم ابتسم وهو يحس انشفى قهره : اشوفك بعدين .. ارجعي لمعازيمك وانبسطي .. قبل يطلع وقف والتفت لها : على فكرة طالعة قمـر اليوم طلع .. وميهاف ارتخى جسمها وجلست على الكنبة ودمعاتها تتلاحق غطت وجهها وبكت بقهر بكت بحرقة من معاملته وتحقيره معه حق صورتها اهم شي بالنسبة لها مستحيل تتطلق .. مسكت صدرها مكان قلبها مكان جرحها : ياربي شاسوي | ||||
|  |
|
21-02-17, 06:45 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت التاسع عشر " - الرجل يحب ليسعد بالحياة .. والمرأة تحيا لتسعد بالحب بعد فتـرة من طلع بعد ماداس على مشاعرها .. انطق الباب بخفة تحنحنت : مين ؟ ام نايف : ميهاف وينك ؟ مسحت دموعها وفتحت الباب .. ام نايف مافاتها عيونها الحمراء قالت بخوف : شفيك ! ميهاف دفنت وجهها بكتف ام نايف وبكت ..: مااماا ام نايف خافت بجد : ميهاف امي شصاير فيك .؟ ميهاف وكلامها مو مفهوم بين شهقاتها .. جلستها ام نايف جمبها على الكنبة : ارتاحي حبيبتي كلميني .. بدر قايلك شي ؟ ميهاف وهي تمسح دموعها دون فايدة : لا .. بس انا خـايفة .. خايفة ماما مابي اترككم ام نايف ابتسمت بحنان : وهذا اللي يبكيك .؟ ميهاف : والله مو متخيلة نفسي دونك ماما مابي ام نايف : عن الهبـال .. وانا بنقطع عنك ميهاف :............ ام نايف : امسحي هالدموع وتعالي المعازيم جايين عشانك عيب ميهاف : لا ماما مقدر .. وربي نفسيتي تعبانه بصعد مابي اشوف احد ام نايف بشك : متأكدة ميهاف تبكين عشان كذا ؟ ميهاف : ايه ماما .. ليش يعني مابكي .. انتي امي من لي غيرك الله لايحرمني منك ام نايف : ارتاحي حبيبتي اجل .. واذا حسيتي نفسك احسن حاولي تضغطي على نفسك وتنزلي مو حلوة والله ميهاف هزت راسها .. ووقفت وسحبت رجلها لغرفتها وسكرت الباب وهي تحس نفسيتها منهارة جلست على مكتبها وهي تشوف دفترها اللي كاتبه تخطيطات زواجها وملكتها وكل شي .. رمته بالزبالة وتسندت براسها على مكتبها وهي تبكي ..طول عمرها مدلعة محد يتجرأ يقولها " لا " عشان ماتنجرح , في بيتهم ملكة الكل يراعي خاطرها وبين صديقاتها ملكة .. فين ماراحت تراعى وتدلع بشكل جدي أول مرة تنجرح بحياتها .. وقفت عند نافذة غرفتها وهي تطل على الجلسة تحت تهشم قلبها وهي تشوفه يمشي مع مجموعة شباب ويضحك ويسولف .. ما كأنه قبل شوي داس على مخلوقة سكرت الستاير ورمت بنفسها على سريرها وهي تفكر بجدية وش مفروض تسوي .. بس ماعمرها تعاملت مشكلة عشان تعرف كيف تحلها .. أكبر مشاكلها كان اذا خلص كوكيزها المفضل بالطابق التحتي :- اسماء : كيف تعبانه خالتي .؟ ام نايف : هههههههههه دلوعتنا تو تستوعب انها بتتركنا ام عبد المجيد : هههههههههههه ام فراس تحملوا خذيتو دلوعة العائلة وش تبون ! اسماء وهي مفهيه : تبكي صدق يعني ! ام نايف : هي تبكي اذا ابوها رفع صوته عليها .. كيف اللحين اسماء حاست بفمها : اتخيلني انخطب وبطلع من اهلي وابكي ! الا فكة سجى : من جد .. اجل اخيرا بطلع اشوف حياتي واجلس اصيح .؟ ام فراس : مالت عليك وعليها .. بزع انتن اسماء وهي تطالع ابتسام : بصراحة بصراحة ... يوما ما بطلع من بيت أهلي وراسي مرفوع دون ندم الله يعجل هاليوم بس سجى : صح لسانك يالخايسة اسماء : صح بدنك يالكلبة وداد : ههههههههههههههههههه خالتي وامي معذورات لو ترمونهن صراحة *** بيت نـايف / كانت غادة بغرفتها كالعادة .. ماتفارقها وبيدها لعبة تهزها قدام عيون رنيم : حبو رنومة حست بحماس وقامت تجيب عدة المكياج .. من زمان نفسها تسوي لها مكياج بس ابتسام ترفض فرصتها اللحين مسكت الروج وهي ترسمة على شفايف رنيم الصغيره الناعمة : ياقلبوس .. تمشعين قلبي انتي طق جرس البيت .. غادة : غريبة اجل مامعهم مفتاح ! طالعت الساعة لسى بدري .. استغربت قامت وطرحتها على راسها وراحت للباب : ميـن ؟ : .......................... غادة خافت بجد .. : ميـن ؟! مشت بسرعة لداخل تدق على ابتسام لكن قبل توصل للجوال شخص بخفة نزل من الجدار مافكرت تلتفتت راحت تركض لداخل تلحق على نفسها اكيد حرامي ! قبل توصل لغرفتها حست شخص يسحبها من الخلف ويحضنها وهو مطوق يدينها وهمس باذنها .. همس تعرفه كويس : وحشتك ؟ غادة صدرها يصعد وينزل بعنف : ا .. ا حـممد .. احمد : زوجتي الوفية مانستني كويس .. واللحين " نفخ بصوت مرعب " ويييييين بنتي ؟! غادة وهي ترتجف : مو هنا .. مع ابتسام .. احمد : قدامي اللحين تلبسين عبايتك غادة وخوفها مسيطر عليها : طـيب .. اتركني اروح مشت لغرفتها وبسرعة بتسكر الباب لكنه سبقها وفتحه : الظاهر انك ماتغيرتي للحين على نفس تصرفاتك غادة صرخت فيه وهي ترمي أي غرض قدامها بوجهه : وخخخخر عننني .. وخخخخررر وخخر فتح احمد عيونه وهو يشوف الرضيعة بالسرير .. ركضت غادة يمها وحضنتها وهي تطالعه بحدة وعيون تلمع دموع كابوسها طلع قدامها .. ناحف زيادة على نحفه ماعدا كذا ماتغير مشى يمها وسحبها من يديها وصفعها بمرفقه بقوة حتى طاح سنها والدم سال بفمها وطاحت على الارض .. رنيم بكت رغم عدم فهمها لشي غادة وهي تسعل الدم : انت ابو انت !! الله ياخذك يارب احمد وعيونه برنيم : هذي بنتي غادة .. مستحيل تحرميني منها حتى لو تركتيني بالسجن غادة برجفة : وانا وش بيدي .؟ هذا حصاد فعايلك احمد حط رنيم بسريرها وسحب غادة من شعرها حتى صار وجهها قريب من وجهه : لاتكذبين ! كنتي تقدرين تدفعينها انتي واختك ال ****** بس ان بوريك والله والله لتندمين غادة انفتحت عيونها برعب : وكيف طلعت .. مامرت سنة احمد : تسألين عشان مهتمة يعني !! بس انا كابوسك اللي ماراح تصحين منه طاح عليها بضرب مرعب اجرامي رغم كل اجراماته السابقة فيها أول مرة يكون بهالشكل ورنيم تبكي بإنهيار حتى حمر وجهها البريء ..وأحمد مابالى لبكاها ولا لأنين امها كان حامل غضب معه بالسجن طول هالفترة لها بنظره مسؤوليتها انها مادفعت وتركته وراحت *** ابتسام اثناء ماهي جالسة مع أم نايف بعد رحيل الكل .. دخل نايف : السلام : وعليكم السلام ام نايف : تعال يمه اجلس اشرب القهوه معنا نايف : لا يمه راجع للبيت .. ابتسام جاية ؟ ام نايف : لا اتركها تجلس معاي شوي نسولف .. اول مرة اجلس معها جلسة كذا ابتسام ابتسمت : وانا ما افوت جلستك خالتي .. خلاص نايف ارجع انا جالسة انتبهت فجاة : لا مقدر ! غادة لحالها بالبيت برجع نايف وهو طالع : ماراح اكلها .. اجلسي وارجعي لاخلصتي وركب سيارته وهو مايبيها ترجع .. هالفترة تعاملها بارد بشكل يقهر ونظراتها لحالها تزعزعه لانه يعرف داخل نفسه انه غلطان وصل للبيت ودخل .. عقد حواجبه وهو يسمع اصوات عالية ( معقولة غادة ) فتح عيونه وهو يسمع صوت رجالي دخل بسرعة لغرفتها وهو يشوف أقبح منظر رنيم تبكي حتى ان صوتها راح واحمد حتى انه مايضرب بيده المجردة .. بخيزرانة مشى بسرعة وسحبه من طرف ثوبة من ورا وشكل غادة المتكورة على نفسها بطرف الغرفة كسره .. التفت لأحمد بنظرات نارية واحمد اللي تدارك الوضع هذا نايف وصاحب البيت ركض بينحاش لكن نايف لحقه بسرعة ومسكه حتى طرحه على الارض وهو فوقه وصرخ فيه : على وين يابن الكلب ! ماودك تاخذ حسابك قبل تفارق ؟ احمد : مااالك حق .. زوجتي ويحق لي نايف لكمه بكل قوته : مو في بيتي يانجس .. رجولتك مالقيت تحطها الا ببزر احمد دفع بقوته حتى انعكس للجهه الثانية وصار فوق نايف ثم وقف وركض طالع .. ركض نايف حتى وصل لآخر الحارة وادرك انه افلت .. تذكر غادة ركض راجع كانت مسكرة غرفتها لما حاول يفتحها كانت مقفلة طق الباب : غادة ... غادة ردي علي غادة كانت ترتجف داخل وهي متسنده على الباب حتى ماقدرت توقف تروح لبنتها تهديها .. نايف مسح على وجهه : انا لله .. غادة برجفة : ابــ ابتسام .. وينها ؟ نايف : لسى ماجت ... شصاير هالحيوان كيف دخل ؟ تنهد وهو يسمع شهقاتها : هدي غادة .. بكلم ابتسام تجي اللحين مسك جواله ودق على ابتسام : ايوه نايف : ابتسام خذي سواق اهلي وتعالي اللحين استغربت ابتسام : ليش ؟ نايف : ما أدري .. رجعت وهذا زوج اختك مدري مين و... تعالي تفاهمي مع اختك ابتسام سكرت السماعة بسرعة والتفتت لخالتها : خالتي سواقكم هنا ؟ ام نايف : ايه .. بتروحين تو بدري ؟ ابتسام : لا مقدر اجلس اكثر من كذا خلاص .. معليش اروح معاه ام نايف : ايه بقوله يجهز السيارة قامت بسرعة تلبس عبايتها وتركب مع السواق .. وهي على اعصابها وكل شوي تقوله " أسرع " ! اول ماوصلت دخلت كان نايف جالس بالصالة : فينها .؟ نايف : بغرفتها طقت ابتسام الباب : غادة افتحي انفتح الباب بسرعة .. اول مادخلت ارتمت غادة بحضنها : جاا . جاا ابتسام شاسوي ابتسام طبطبت على ظهرها تهديها : لا تسوي شي .. انا راح اسوي ماراح ياخذك .. بس اجلسي وتكلمي شصاير لما انسحبت من حضنها وشافت ابتسام وجهها شهقت برعب .. ملابسها دم وكدمات مرعبة بكل مكان وشعرها مشعث وبخدها أثر الكف : جعل يده الكسر .. سوا فيك كل هذا غادة : طلع .. خلاص بيرجعني معاه اكيد مابي ارجع ابتسام : يخسى يرجعك ... مايرجعك لو يموت غادة جلست على الارض وهي متوترة وماسكه راسها: شاسوي .. شاسوي لازم اتصرف ابتسام جلست جمبها : غادة .. قلت لك ارتاحي انا موجودة ماراح ياخذك غادة بهم وانكسار : ابيه يطلقني ابتسام : راح يطلقك صدقيني بس ارتاحي اللحين .. انا باخذ رنيم معاي فوق انتي هدي بالك هزت راسها بموافقة وهي تحس بعجز .. اكبر مخاوفها كان هو خذت ابتسام رنيم بين يدينها وطلعت نايف بقلق : شصاير .؟ من هاللي كان هنا ابتسام طالعته بازدراء وصعدت دون ترد .. بنص ماهي تصعد مسك يدها ولفها له : اكلمك انا ردي ! ابتسام سحبت يديها بقوة : والله .؟ صار اللحين يهمك تعرف الجواب عشان الموضوع يتعلق بغادة .؟ وانا لو اموت واحترق ما اصريت حتى تعرف شصاير معاي !! نايف : على اساس صار معك نفس الموقف ! وبعدين مجنونة انتي تغارين من اختك ! ترا اسأل لان مو طبيعي يدخل رجال بيتي وماتقولين مين وكيف ابتسام احتقرت نفسها : اولا أنا ما أغار من غادة .. على الاقل مو عليك ! ثانيا مشاكلي مشاكل أهلي مالك فيها .. واللحين شمجلسك هنا الساعة 2 تو بدري على رجعتك من سهرتك نايف : بعذرك اذا كنتي ناسية مع مشاكلك انتي وأهلك اللي مالي فيها .. بس اذكرك هذا بيتي يعني اذا ابي اعرف وش سالفة الرجال اللي دخل بيتي وجالس يضرب اخت زوجتي بعرفها .. وماتحاسبيني على جلستي ببيتي ورجعتي له .. فاهمه ؟ ابتسام : تبغى تعرف روح اسألها .. مو علاقتكم زي العسل نايف : سألتها ماردت ابتسام ابتسمت بسخرية .. مايحتاج تقوله يعني سأل وخلص : نايف راسي يعورني والبنت تعبانه بصعد انومها .. أجل هالنقاش أو الغيه يكون احسن بنص ماهي تصعد تكلم : ماخطر ببالك انك لو تقولين لي بقدر أساعدك ... مع احترامي ماراح يطلع بيدك لا انتي ولا كل اهلك تساعدين اختك بس انا سهله علي , بكلمة اقدر اوديه لآخر الدنيا ابتسام وصلت معها .. التفتت له وابتسمت ببرود : ماراح يطلع بيدي أساعدها .؟ اهاا ... راح ارجع اذكرك بكلمتك هذي وقت أحل كل شي نايف رفع حاجبه : عموما ماتبغي تتكلمي كيفك ... بس لو تحصل مرة ثانية اعتبري اختك مطرودة وشوفي لها سكن ثاني .. بيتي مو سلجى ملجى وصعد وسبقها لفوق .. ابتسام واعصابها فايرة لكن مستحيل تبين له ضعفها دخلت الغرفة ماكان موجود سمعت صوت من الغرفة الثانية اكيد فيها سدحت رنيم وفتحت جوالها ودقت على هيثم .. كالعادة مايرد تنهدت كويس مارد بتحاول تحل المشكله دون معرفته واذا ماقدرت وقتها مافي يدها شي .. *** الكـويت – الساعة 7 مساءا / تو رجعت من الدوام ودخلت تتروش وتبدل لقميصها الناعم السماوي .. طلعت للمطبخ وانتبهت بطريقها انه جالس بالصالة وقدامه اللابتوب ومنسجم رفع عيونه وابتسم : هلا والله سارا : متى رجعت .؟ لؤي : ماطلعت اليوم اساسا سارا : غريبة مانتبهت لك لما رجعت هز راسه وهو مو يمها يم اللابتوب .. قربت منه : ايش قاعد تسوي .؟ لؤي وهو يتصفح موقع تسوق : ابي هدية لميهاف اعوضها .. بتكون مطنقره علي اللحين سارا : معاها حق أنت غلطان لؤي : لا تعاتبي انتي كمان .. بتساعدي ولا اسكتي سارا نغزته بكوعها : شنو استاذ لؤي من اللحين اسكتي .. اصبر سنة طيب لؤي بابتسامة جذابه : شيصبرني سنة .. ماتعرفيني يعني مستعجل ع كلش سارا طالعت الطقم اللي فاتحه 40 الف درهم شهقت : يالله عليك يالؤي ايش هذا ! 40 الف !! لؤي غطى عيونها بيده : لا تشوفي السعر غمضي سارا : وخر اتركني اشوف .. والله مايسوى غالي مرة لؤي : اشوفه يسوى .. اولا ذهب وروبي وياقوت والحلق الماس اشوفه رخيص كمان فوق انه من مناجم افريقيا سارا ما أعجبها خذت اللاب من يده : تعال أوريك فيه واحد نفسه بالضبط بس ب 5000 طالع لؤي اللي فتحته : تستهبلي ! تقليد !! انا اهدي تقليد !! سارا جلست اللاب على الطاولة وقالت بقهر : ايش الأنا العالية هذي .. والله اسفة يا سيد الشمري محنا قد المقام وراحت للمطبخ .. عقد لؤي حواجبه ورجع يطالع الصورة وسكرها مباشرة اخر عمره يهدي هالأشياء ورجع يفتح صفحته الباذخه ... اما سارا كانت بالمطبخ الصغير منقهرة : والله مهما كانو لطيفين .. يظل عرق البذخ والبطرة حق الشمري فيهم طار فيني هذا وانا ابي احفظ فلوسه افف والله قهر 40 الف تطير كذا ع الفاضي *** بيت أبو فراس .. نزلت اسماء وجلست بقهر والكل مجتمع طالعتها ام فراس : شفيك مبرطمة ! اسماء : اخخخ ناسية ملف مهم لي بالجامعة .. ولازم بكرة اروح اجيبة مالي خلق بدر : احد قالك انسيها .؟ اسماء : احد حاكاك .؟ بدر : الكلام حق عام فراس : بدر .. انت مسوي شي .؟ بدر تنهد : والله اني مسكين ما أخلص منكم .. تزوجنا عشان تسكون ونظل غلطانين فراس : لا ارتاح ماراح تتزوج .. عشان كذا اسالك وش مسوي ! ام فراس شهقت : وش ماراح يتزوج .. عرسه الشهر الجاي فراس رفع جواله : تو مسكر من عمي .. يقول البنت طالبه تأجل لبعدين ماتبي اللحين بدر رفع حواجبه : بجد .؟ معناها كلموها هي مو انا .. عموما جت من الله " وقف " اجل انا مسافر بكرة اسماء شهقت : وييين ! بدر : عندي عروض ببيروت .. بما انه مافيه زواج اروح اشوف شغلي اسماء : يوه بدر ياسخيف اجلس ابغاك بدر وهو صاعد : الحقيقة المؤلمة انه الكل يبغاني فمو بأيدك اسماء بغلقة : اففف مامداني اشبع منه حقير فراس : خذيها مني ولدك مسوي حاجة من وراك اسماء : يوه منك يالموسوس انت .. وش مسوي يعني مسكين مايسلم منك فراس : محد حاكاك انتي يالبزر خلك برا .. اكلمك يمه بتشوفين بعدين وبتقولين فراس قال ام فراس : وش مسوي يعني .؟ فراس : تسأليني انا .. شوفي انتي شمسوي ولا معقولة فجأة كذا ماتبي تتزوج ! من راسها ! عقب ماقومت الدنيا وجلستها عشان يصير زواجهم بدري اسماء : انا اتخيل عادي .. ميهاف ترا لها شطحاتها ام فراس : عموما انا بكل الأحوال بكلم امها وبعرف السالفة نزل بدر بكشخته الكاملة : يله أنا طالع تشاو ام فراس : في امان الله فراس وقف : انا صاعد انام .." باس راس امه " تصبحين على خير ام فراس : وأنت من أهله حبيبي *** بيت أبو نايف / ابو نايف : يعني من نفسها قالت ام نايف وهي تصب له القهوة : ايه من نفسها .. تقول ابيها بس ملكة عشان تكون حاجة رسمية ولا العرس تو بدري ابو نايف : طيب وينها ماني شايفها ام نايف : بغرفتها .. من امس ماطلعت ابو نايف : قومي ناديها قامت ام نايف وطقت باب غرفتها : مين .؟ ام نايف : انا امك .. انزلي حبيبتي ابوك تحت يسأل عنك ميهاف : مشغولة .. ام نايف : ماحينفع .. قايله لك ماراح يقتنع بهالقرار لين يكلمك فانزلي تنهدت ميهاف بضيق ودخلت الحمام تغسل وجهها .. ونزلت وجلست جمب ابوها : هلا بابا أبو نايف : شفيك حبيبتي .؟ ليش تبغي تأجلي الزواج ؟! ميهاف بخنقه : كذا احسن ..أنا باقي أدرس وبعدين انتو مافهمتوني ! انا قايله من أول ابغى مجرد نرتبط رسمي الزواج مو ضروري أبو نايف : تفكيرك غلط ... اللحين مفروض تكوني عنده وساكنه معاه دام صرتي رسمي زوجته ميهاف لمعت عيونها : مابي .. مابي اسكن عنده مو اللحين تكفى بابا أم نايف : خلاص يمه بتضلي عندنا ابوك بس يقولك افتراض أبو نايف تنهد : خلاص براحتك .. بس وش بيفهمه اللحين مو لعوزناه حنا لما بغينا الزواج بدري ! ميهاف وقفت وصعدت لفوق ومسحت دمعتها .. الله يسامحك يابدر *** صحت إبتسام من النـوم على صوت رنيم تبكي .. حملتها بين يديها وطلعت برا لأن نايف نايم طالعت الساعة " 4 الفجر" تنهدت شكلها ماراح تداوم اليوم , نزلت بهدوء فتحت باب غرفة غادة بهدوء حصلتها جالسة بطرف سريرها ومنلمة على نفسها وتطالع قدامها وعيونها حمراء : مانمتي .؟ التفتت لها غادة : ................. تنهدت ابتسام وجلست ع طرف السرير : نامي شوي ريحي بدنك غادة : مقدر .. مقدر .. مقدر ابتسام : غادة لايدخلك الخوف كذا .. قوي حالك غادة وقفت بانفعال وهي تمشي بالغرفة روحة وجية بتوتر : شاسوي .. شاسوي .. لازم ابعدها عنه ابتسام وقفت ومسكتها وجلستها جمبها : قلت لك هدي .. ماراح ياخذها ولا راح ياخذك ماتثقين فيني يعني .؟ غادة وعيونها تلمع : أكيد ابتسام .؟ ابتسام : أكيد ياقلبي .. وانا من عندي اغلى منك غادة : قلتي لهيثم .؟ ابتسام : كلمته مايرد " طالعت غادة بحزن واثار ضربه بكل مكان " ... جعل يده الكسر غادة : كسر بس .؟ جعلها تتعفن وتعفن كل جسمه ابتسام : والله مو كفو يصير أبو الجميلة هذي طالعت غادة رنيم بهم : وانا وش محرق قلبي غيرها ابتسام .. خايفة يسوي فيها شي وقتها صدقيني راح اموت والله راح اموت ابتسام : بعيد الشر عنك وعنها.. ان شاء الله ماحيقدر ياخذها غادة تنهدت : هاتيها وروحي نامي ابتسام : لا لا انتي ارتاحي بطلع انا وياها .. ادخلي تروشي وحطي مرهم على كدماتك وديري بالك على حالك غادة : اوك خذت ابتسام رنيم وطلعت صاعدة لفوق .. وقفت عند راس نايف وطالعت منبهه مركدة على الساعة 7 .. انقهرت " الحقير الصلاة وينها ! " خذت المنبه وركدته على اللحين دق منبهه فتح عيونه بانزعاج واخذ ساعته كشر وهو يشوف الوقت : وجع من مركد الساعة !! ابتسام كانت تطبطب على رنيم حتى ماطالعته ... نايف طالعها : خير مصحيتني اللحين ابتسام ببرود : شدخلني .. منبهي ولا منبهك , عموما وقت الصلاة اللحين نايف تافف وعدل ساعته ورجع ينام .. ابتسام كشرت " مالت عليه حتى ماعنده نيه يقوم يصلي " *** الكـويت – الساعة 6 صباحا / صحت سارا بكسل على وقت الدوام .. انتبهت للؤي واقف قدام المنظرة ولابس وخالص .. عقدت حواجبها : لوين .؟ لؤي : صح النوم عيني سارا وهي تتمغط : صح بدنك لؤي حاس بفمه : فين عطري مو شايفه .؟ سارا وهي تطالع التسريحة وكلها عطوره ماعدا 3 لها : وكل هذا وشهو .؟ لؤي : ابي الليلك خص نص سارا : مو عارفة يمكن بسيارتك شوف .. وبعدين مافيه داعي كل هالعطور وأنت ماتستخدمها لؤي : من قال ما استخدمها ! سارا : ما أشوفك تستخدمها ..اشوفك معلق ع الليلك والبخور دايم لؤي : تصدقي مهما جبت عطور .. دايم العطور المذكورة في القرآن هي اللي تشدني سارا : ههههههه ايوه ملاحظة الصندل كمان دايم تستعمله لؤي اخذ مفاتيحة وبوكه وباس خدها : يله عيني انا طالع سارا : ايوه لوين .؟ لؤي : فراس بطريقه راجع رايح استقبله سارا : هوا يـعرف .؟ لؤي : بزواجنا قصدك .؟ للحين ما قالي شي بس ماراح اخبي عليه سارا : اوكيه حياتي انا بنام اليوم بشقتي القديمة لؤي : وليه .؟ سارا : مشتاقه لهيوف وفيه اغراض لي هناك ابيها .." كملت بدلع " واتغلى عليك حبتين لؤي حاوطها من خصرها بيديه الثنتين : خذي راحتك حياتي .. راح اشتاق لك سارا وهي تحاوط رقبته بيدينها : راح اشتاق لك اكثر وأكثر .. اتركني حياتي تأخرت على دوامي لؤي : انا كمان تأخرت على فراس لو اتركه ينتظر بالمطار اكلني سارا : اجل تيك كيرا قلبي لؤي وهو طالع : اشوفك بكرة ! طلع لؤي وتوجه مباشرة للمطار بعد فترة وصل فراس سلم عليه : حمد الله ع السلامة فراس وهو يرمي الشنطة ع السواق : يسلمك ركبوا سيارة لؤي ... فراس : أقول يا إنسان عاطل وش مشغلك عن ملكة أختك .؟ لؤي قدم ورقة لفراس .. عقد فراس حواجبه وفتحها " عقـد زواج " فتح عيونه بصدمة .. ثم رجع يسترجع هدوئة ويسكر الورقة ويجلسها بهدوء : ................ لؤي : ماحتقول شي .؟مبروك اقل شي ! فراس : مبروك عليك مرتبة ثور ومتهور لؤي : شأسوي فراس عقلي ماحكمني .. أنا احبها فراس ابتسم بسخرية : تحبها .؟ انت ناسي انها طنشتك أول ما انطردت من عندي ومارجعت تعطيك وجه الا بعد ماعطيتها الشركة ! مو واضح هدفها يعني لؤي ضغط على الدركسون : فراس رجاء قول خير أو اسكت فراس : اوه اسف كنت تبي واحد يجاملك .؟ " كمل باصطناع " الف مبروك الله يبارك لكم ومنك المال ومنها العيال لؤي بعصبية : خلاص عاد ! تزوجتها وصارت وش تبيني اسوي يعني ! فراس ببساطة : طلقها ! لؤي : خايف ان هالموضوع مستحيل .. فراس : المستحيل هو اللي راح يصير لك وقت يدري ابوك ! لا تجلس تتضايق وتسوي حساس بسبب كلامي لأن جايك اعظم والله يعينك لؤي : ممكن تسكت عاد .. اصلن الحق علي انا اللي جاي اقولك فراس : يعني مايمشي الوضع تحبها دون تتزوجها ! لازم تتزوجها ! لؤي تنهد : وصلنا انزل نزلوا كلهم ودخلـوا الشركة ... استقبله مصعب مباشرة : حمد الله ع السلامة طال عمرك .. امر وش تشرب .؟ فراس : وخر من وجهي وكمل طريقة .. لؤي تنهد : امسحها بوجهي مصعب , مزاجه مقفل شوي مشى معه لؤي وابتسم : ماتبي تسألني كيف الحياة الزوجية ماشية معي .؟ فراس طالعه بنص عين .. وكمل طريقة وجلس بمكتبه : بسألك دام الفاس طاح بالراس .. وش الإجراءات اللي حاسبها اذا عرف أبوك ؟ لؤي : أنا فاهم ان ابوي بيعصب .. ويمكن يتبرا مني ما أستبعدها بس أهم اجراء اني ماراح اتخلى عنها وأن شاء الله بيقبل فيها يوم وكثر الدق على الحديد يفكه فراس : كثر الدق على الحديد يفكه .. هذا اللي قدرت عليه ؟ لؤي : تصدق فراس دايم اخاف انا من ردات فعل ابوي .. وقت سحبت على جامعتي خفت من ردة فعله وقت خربت مشروعه خفت من ردة فعله .. أي مناسبة اكون مسوي فيها شي غلط اخاف من ردة فعله , هالمرة ما أحسني خايف .. نهائي معناها أني مو مسوي شي غلط , انا تزوجت وبالحلال فراس : لا تقنع نفسك .. انت مسوي غلطة وكبيرة بعد وأحسن لك تخاف اذا كنت ذكي لؤي : اذا كنت غلطة اجل انا ماني نادم .." كمل بخفة دم يكسر الجو " هههههههههه اللحين كل العائلة صارت متزوجة ترا باقي انت فراس : واحد متزوج بنت فقر وقبلها مطلق وعنده ولد .. والثاني جالسين يسحبونه لزواجه غصب .. والثالث متزوج ورا أهله وحده لاعبه عليه ... لا والله حمستوني أتزوج لؤي : والله أنت نكدي ! اقوله حاجة ايجابية تقول سلبيه خلاص عاد روق فراس : راح أسكر هالموضوع وماراح ارجع اتكلم فيه .. وحتى وقت ينكشف كلش مراح اتدخل بس لؤي اذا بتسمع كلامي حط عقلك هالمفهي براسك وطلقها لؤي : خلصت كلامك .. اجل يله نقوم كافي ولا شي فراس تنهد بضيق من تطنيشه : الشغل لراسي مقدر لؤي : اجل أنا طالع ... وقت تخلص شغلك دق علي طلع لؤي من الشركة وتنهد براحة .. حمد الله ردة فعل فراس توقعها أقوى بس الظاهر انه غسل يديه منه خلاص *** خلصت أسماء لبسها الدوام وهي مكسلة مالها خلق تداوم بس عشان هالملف .. سحبت شنطتها وعبايتها ونزلت مافيه طاولة فطور اليوم وأنس نايم قدام البلايستيشن بالصالة : هههههههههه فراس سافر خلاص رجع نظام أول ! انتبهت لبدر ينزل وشنطته السفر على كتفه : اوه اسوم صاحية اسماء بقهر : بتسافر اللحين ؟ بدر طلع جوازه من جيب بنطاله : يب يب .. بتحوشيني يالخبله اسماء بهم : متى بترجع .؟ بدر : وقت أخلص شغلي اسماء تنهدت : توصل بالسلامة أجل بدر : تبغي اوصلك للجامعة بطريقي .." توها بتقول ايه طالع ساعته بضيق " اوه لا متأخر مره يله اجل اشوفك على خير لبست عبايتها وركبت مع السواق .. السواق : مدينة الملك فهد الطبية ؟ اسماء كشرت تعود انها ع طول تروح هناك خلاص : لااا ! الجامعة تنهدت وهي تتذكره ونبرته الباردة " عموما سواء الإحتمال الأول او الثاني ماراح تحصلي مني شي فالوقت متأخر ارجعي بيتكم ولا عاد ترجعي لهالمستشفى الا لسبب " عقد حواجبها : سبب .؟ اهااااا ... صح صح لازم اخترع لي سبب وأروح اكسر رجلي ؟ لا لا توجع طيب بطني يوجعني !! او معي لوز .. لا صح هو جراح لازم اخترع مرض جراحي .. عملية تجميل .؟ قطع تفكيرها وصولهم للجامعة : متى ايجي ؟ اسماء : خلك قريب ماراح أطول نزلت الجامعة وراحت مباشرة لخزانتها تجيب ملفها .. بطريقها : اسمااااء ! التفتت لـ " ريهام " تلوح لها من بعيد وتمشي يمها : هلا ريهام ريهام : اهلا فيكي .. غريبة مداومة على اساس خلص الصيفي وماترجعين هنا خلاص اسماء : ياليته .. بس ناسية حاجة ضرورية وجاية اخذها ريهام : بجد .؟ يوه بخاطري نجلس سوا نشرب قهوة بس متأخرة مرة على رحلتنا اسماء : رحلة شنو .؟ ريهام بحماس : اليوم مسوين عرض خاص لنا .. محاظرة بمدينة الملك فهد الطبية ماتتخيلي قد ايش كنت اتحلم بهالفرصة اسماء كبست بعيونها .. وهي تستوعب صح ريهام طالبة طب : شنو !! ريهام : ايه زي ما أقولك شايفة كيف حماس اسماء حاولت تكون طبيعية : يوه خسارة .. والله مشتاقة لك نفسي نجلس سوا .. همممم طيب انا ماعندي شغل شرايك أروح معاكم هناك وقت تخلصي محاضرتك نجلس سوا نشرب قهوتنا ريهام استغربت .. هي واسماء زميلات بس مو لدرجة تروح معها ولو ان نفسها تجلس مع بنت الشمري : همممم عادي عندك .؟ اسماء : ايه اساسا مالي خلق ارجع البيت ومافيه حاجة اسويها .. بس ظنك يرضون عادي اروح ؟ ريهام : ماراح ينتبهوا اركبي واذا وصلنا اجلسي معنا بالمحاضرة على اساس طالبة .. استرجعي ايام الدجة اسماء دخلت الفكرة راسها : عبقرييييية ريهام !! يله قدام ريهام : يـله اجل بنمشي اللحين اسماء راحت مسرعة وقلبها دليلها .." اجل ما ارجع الا لسبب .. لقيت لي سبب خلاص !! وبلقى مليون سبب بس عشان اروح اشوفه " *** بيت أبـو نايف / نزلت ميهاف من غرفتها .. ام نايف : اخيرا قررتي تطلعين من هالحبس بغرفتك .؟ ميهاف بابتسامة صفراء : كنت نايمة ام نايف : صدق .؟ ولا دريتي ان حبيب القلب هنا ونزلتي ميهاف عقدت حواجبها : بدر هنا .؟ ام نايف : ايه .. جاي يتكلم مع أبوك الظاهر انه شايل بخاطره ان ابوك ضغط عليه بالزواج وعقبها غير رايه ميهاف ابتسمت بسخرية .. من جد حاجة تضحك : اهاا ام نايف : والله معه حق .. يعني شطحتك هذي ماتدخل العقل ميهاف كملت طريقها للمطبخ : بليز ماما خلاص ولا رجعت امسك خفارة بغرفتي صبت لها كاس ماء وجلست تشربه وهي تحسه ماينزل حلقها من الخنقة , قوي وجه بجد ووقح حسافة ماعرفتك على حقيقتك من قبل كان ماصار هذا كله .. سمعت أبوها يحاكي أمها برا : وين ميهاف بغرفتها .؟ ام نايف : لا بالمطبخ ابو نايف : ايه اجل قولي لها تطلع بدر بيسلم عليها قبل يسافر ضغطت ميهاف على كاس الماء .. أول مادخلت ام نايف طالعتها : مابي اشوفه ! ام نايف : بسم الله علي تو بتكلم .. عيب يمه رجلك وطالب يشوفك ميهاف باستعطاف : تكفين يمة مابي .. والله بنخنق مابي ام نايف : شصاير عليك أنتي وش تنخنقين بسم الله عليك ميهاف انتبهت لنفسها .. قالت بطبيعية : شكلي بايخ وما يمدي استعد فمو لازم ام نايف بحزم : ميهاف ! سكت لك واجد هالفترة احرجتيني يوم ملكتك مع الحريم كلهم ومشيتها .. حطيتيني بموقف مع ابوك ومشيتها .. احرجتيني مع ام فراس وقت أجلتي ومشيتها ! واللحين مو بكيفك أطلعي طلعت نفس بليس ميهاف انقهرت .. محد ملاحظ ان كل هذا بسبته كلش جالس ينحط براسها ما اهتمت بشكلها وهي اللي كانت ماترضى الا بأحسن كشخة وقت تشوفه طلعت وهي ببجامتها وشعرها رافعته بعشوائية ودون مكياج .. دخلت المجلس وعكسها كان بقمة اناقته كشر لما شافها : وش هالشيفه .؟! ميهاف طالعته وجلست بهدوء بمكان بعيد عنه : بغيت شي .؟ بدر : بالله هذا شكل وحده جايه تقابل زوجها ؟! ميهاف بقهر : لا .. هذا شكل وحده تافلة العافية من زوجها بدر رفع حاجبه : باللهي .؟ اجل كملي تفل اهم شي وقت نتزوج تكون خلصت هالمشكلة واللي يعافيك ما أتحمل اشوفك بهالمنظر يوميا ميهاف لمعت عيونها دموع .. انتبه بدر لعيونها قبضه قلبه وهو يشوفها شكلها يحزن : بلاها الدموع ميهاف .. اللي صار مو كبير انتي تعاملي مع الوضع طبيعي محنا أول ثنين يملكون ومايتزوجون على طول ميهاف مسحت دموعها .. وقالت بصوت مخنوق : وانت ع بالك هذي المشكلة ! انا اللحين ابي القى حل معاد ابيك بدر : لا تدوري حل لأن مافيه .. انتي لي ومالك غيري ميهاف قررت تختصر النقاش لأن حالتها سائت بعد ماتحسنت : ايش جاي تبغى ؟ بدر حط كيسة ناعمة صغيرة قدامه : سامحيني مفروض بيوم الملكة بس ماحصلت فرصة .. هذي هديتي ومبروك عليك انا ميهاف : أول مرة اشوف واحد يعزي بهدية بدر : فكري فيها زي ماتبغي .. انا مسافر بيروت عندي كم عرض وبعدها راجع ميهاف ماردت .. خلص مهمته وتزوجها واللحين بيرميها : ............... بدر وقف وجلس قدامها القرفصاء ..ومسح بيده على خدها ميهاف شهقت شهقة مكتومة تنهد بدر ومسك راسها بنعومة وأسنده على كتفه : لا تحبسينها .. اشكيني لي ميهاف انهمرت دموعها على كتفه .. وقالت بغصة : ليش تسوي كذا .؟ صدقني انا ماغصبتك والله ماغصبتك بدر وهو يمسح على راسها قال بهدوء : أدري .. أدري ميهاف عضت على شفتها ورفعت راسها .. مسحت دموعها ووقفت : توصل بالسلامة ان شاء الله أول ماطلعت .. تسمرت عيونه على الكيسة تركتها تنهد وتركها وطلع لبرا وقطع طريقه .. " ليش سويت كذا يا بدر اذا كنت بتندم .؟! ارجع .؟ تو يمدي اكلم ابوها وتمشي الأمور ... لا لا مراح اسويها وأنا ماغلطت رديت اعتباري بنفس الطريقة اللي هي ردت اعتبارها فيها " *** ممرات مستشفى مدينة الملك فهد الطبية / ريهام : ههههههههههههههه والله فلة .. ماتوقعت بتسويها صدق اسماء وهي مو يمها تراقب بعيونها المكان تبغى تلقطه : ايه ايه وقفت قدامهم دكتورة : اهلين صبايا : اهلين دكتورة دكتورة : اهلين انا أيار .. انا المسؤولة عن زيارتكم اليوم تفضلوا معاي للمحاضرة مشت اسماء معاهم وهي تسمعهم يسألون الدكتورة اسأله مافهمت شي منها .. أول مادخلوا المحاضرة تاففت وهي تشوف كل المحاضرات دكتورات والمحاضرة طويـلة وفوق كذا ماتفهم فيها شي حتى ريهام مطنشتها مركزة مع الشرح ..... بعد فترة غفت فيها بالنوم وسط حديث الطب الممل ... ماحست الا بعد فترة تنغزها ريهام : قومي اسوم اسماء فتحت عيونها : هاه شنو ! ريهام : يله بناخذ جولة ع المستشفى .. هههههههههه هذي المغامرة نمتي على طول اسماء : هاه جولة !! ريهام : ايه يله بسرعة مشت اسماء معاهم باقسام المستشفى وهي تدور بعيونها عنه ... تأففت بقهر .. ريهام : شفيك ؟ اسماء بقهر : ولا شي جلسو بعد الجولة عند الكافتريا .. اسماء كانت تحرك الملعقة بقهوتها بملل والبنات متحمسات بكلام الطب ويناقشون الدكتورة التفتت الدكتورة : دكتور هيثم هنا رفعت اسماء راسها وهي تشوفه من بعيد يمشي ولما سمع اسمه استأذن من الشخص اللي يمشي معه وجا ناحيتهم : امري دكتورة شبغيتي .؟ اسماء مسكت يد ريهام بسرعة دون شعور .. ريهام : شفيك ؟ اسماء مو يمها .. جالسة تطالعه وتحس ماتسمع اللي حولها من ضجة قلبها داخلها وهي مركزة عليه الدكتورة : الملفات اللي طلبتها مني ارسلتها لك .. وصلتك ؟ هيثم : ما أدري ماشيكت .. عموما مشكورة دام ارسلتيها اكيد وصلت بس ما أنتبهت الدكتورة التفتت للبنات : بنات هذا دكتور هيثم .. تخصص جراحة عظام .. دكتور هالصبايا طالبات طب البنات بهيام وهن يشوفن الدكتور الوسيم .. وسيم ماتوصفه قمة بالوسامة : اهلين دكتور ابتسم دون يعلق .. اختفت ابتسامته وهو يشوفها بحجابها الملفوف على راسها بإهمال وعيونها السماوية ووجهها البريء عقد حواجبه : قلتي لي طالبات طب ؟ الدكتورة : ايه هيثم طالع اسماء : تـو أدري انك تخصص طب ريهام نغزت اسماء : تعرفينه ! اسماء بلعت ريقها : ايه .." لمعت براسها فكرة .. وتغيرت لهجتها المترددة للثقة " ايه ! آخر مرة كنت جاية اسألك عن حاجة طبية بس أسلوبك وتعاملك ماكان مشجع هيثم رفع حواجبه بعدم تصديق : بجـد ؟ اسماء ارتبكت من نظرته لكن كملت بثقة : ايه بجد ! هيثم : اهـا .. ايوه تفضلي وش سؤالك الطبي " كمل باستهزاء " دكتورة اسماء كبست بعيونها بتناحه : هـاه ! هيثم التفت للدكتورة بعد مارماها بابتسامة سخرية بمعنى " من تلعبين عليه ؟ " : عموما شكرا على الملفات .. وراح ارجعها لك وقت اعدلها الدكتورة : اوك أول ماراح وقفت اسماء : معليش شوي وراجعة مشت يمه بسرعة : دكتور هيثم وقف ............. اسماء وهي مرتبكة وسط دقات قلبها زي آخر مرة وقت تشوفه تنلجم : امممممم هيثم طالع ساعته : رجاء ماعندي وقت اضيعه ... اذا ماعندك حاجة تقوليها انا ماشي اسماء كل مافتحت فمها رجعت تسكت .. شدت على قبضتها وقالت : بغيت أوضح اخر موقف بينا .. لأن .." ماقدرت تكمل وتقول تحليلاتك غلط " هيثم قاطعها بنظرات شك : وليش جالسة تمثلي دور طالبة الطب اللحين .؟ اسماء : ما أمثل .. انا ادرس طب لاتنخدع بالغلاف وتظلم المحتويات هيثم ابتسم : وتعرفي تقولي حكم بعد ؟ اسماء هنا راحت فيها .. ابتسامته وقفت قلبها ..... هيثم : اجل وش مواد مقررك .؟ اسماء قالت بسرعة : ايه انا طالبة كسلانة ! هيثم مبتسم وهو يحبس ضحكته : ههههه طالبة كسلانة .؟ اسماء لمعت عيونها وهي تشوف ضحكته الخفيفة الأنيقة .. تحس دقات قلبها مسموعة : أيـ .. أيه كسلانة جدا التفت هيثم لصوت وراه يناديه : دكتور هيثم يطلبونك ضروري بالطوارئ هيثم : جايك مشى لعنده وهو يهز راسه ومبتسم وميقن انها تكذب .. عجيبة هالبنت وش تبغى بالضبط .. اما اسماء من دلوختها ماشت بطريقها تاركه البنات .. معقولة ابتسم لها .. وضحك !! ضحك !! انهارت ضحك من فرحتها والكل يطالعها وهي تضحك وتمشي بوناسة وماهمها !! ضحك لها ضحك ضححححك ضضضحححكك ! حتى ان ريهام تناديها ومو يمها مدرعمة مبسوطة وصلت لها ريهام : ههههههههههه وين مدرعمة .؟ شسالفة هالدكتور من وين تعرفينه ؟ اسماء : هاه .. هو كان دكتوري بجدة ريهام : يالبيه مز .. بس كأنه مغتر شوي اسماء تنهدت بحب : يحححقق له يحححققققق له *** بيت نايف – المغرب / صحى نايف من نومه .. كالعادة اوقات نومه مضروبه بدل لبسه ونزل ماحصلها لكن يسمع اصوات يم غرفة غادة ما أهتم وكمل طريقه طالع اول مافتح الباب حصل قدامه رجالين أبو احمد واحمد , : خير ياطير .؟! " التفت لأحمد " لك وجه انت جاي هنا واثق اني ماراح اشوهك ! احمد : انا جاي اعتذر .. فعلا ماكان لي حق ادخل بيتك بهالطريقة ابو احمد : وانا اعتذر عنه وعني .. سامحه كان طايش ومنقهر وماحكم عقله نايف بجمود : مايخصني ! وانقلع انت وياه من قدام بيتي لأحفر قبوركم أبو احمد : عيب يا نايف مهما كان انا رجال كبير ماتتكلم معاي كذا احمد : نايف ماتتكلم مع الشايب بهالأسلوب لأحفر قبرك انا نايف تقدم خطوتين حتى صار مواجه احمد مباشرة وقال بتشديد : قلت لك مايخصني ! شايب .؟ الله يحسن خاتمته ويله اذلفوا انفعل احمد بيمد يده لكن ابو احمد مسكه مباشرة , اما نايف كان واقف بثقة ويدينه بجيب بنطلونه ... ابو احمد : نايف حنا مو جايين نتمشكل معاك .. بس بنت ولدي وزوجته عندك وأنت رجال فاهم وتعرف القانون بيطلعها غصب نايف : وانا وش يخصني .؟ زوجته وبنته منه لهم انا بيتي ماتعتبه .. قبل افهمك قانون احترام ملكيات الغير أحمد : أجل وصل كلامي لهم لأنهم مايردون .. قولهم بنتي ابيها ! نايف بطريقة لسيارته : يوصل مشى بطريقة ... احمد بقهر : تمنيت ادفنه .. ليش ماتركتني انهد عليه يبه ! ابو نايف : من جدك انت ! اضبط نفسك .. ناسي هو مين هذا ولد عبد الرحمن الشمري مايرفع الصوت عليه كيف تمد يدك ! أحمد وهو يطالع البيت بوعيد : ماشي يا غادة انا اوريك *** الكـويت – المساء جناح فراس / طلع فراس للصالة والمنشفة على كتفه وبجامة سوداء بالكامل مناسبة فحامة شعره المبتل .. وقف وهو ينشف شعره : انت شمجلسك هنا للحين .؟! لؤي المنسدح على الكنبة : شنو بنام هنا اليوم فراس ابتسم بسخرية : على اساس متزوج ؟ لؤي تنهد : بتنام اليوم عند خويتها .. فوش يرجعني اجلس عندك فراس جلس على الكنبة : تخاف تنام لحالك مثلا .؟ لؤي : لا بس ما أحب اجلس لحالي .. حتى شقتي القديمة كنت مشاركها مع سلطان , انت اللي دايم عايش لحالك بالله ما تحسها صعبه .؟ فراس عقد حواجبه : كيف يعني ؟ لؤي : يعني ماتتمنى تسكن مع احد .. ولا مبسوط لعيشتك كذا فراس : لا ما اتمنى .. مناسبني وضعي لؤي : يعني العيشة لحالك مو صعبة .؟ خصوصا انك ما شاء الله تجلس بالشهور بمدن لحالك فراس : صعبة بس مريحة لؤي ظل يطالع التلفزيون ..بعد فترة صمت قال : العيشة معك تجيب الهم فراس : قدام ثلاث خطوات ثم انحرف زاوية حادة على اليسار تحصل الباب لؤي تجاهله وتنهد : قلبي يتسرب اشتقت لزوجتي فراس : استاجر سباك يصلحه لك .. واذا يعطله تماما يكون احسن دام مامنه فايدة هالسنة لؤي طالعه بنص عين : .......... فراس وقف ومشى يم غرفته : اطلب من الروم سيرفس مفرش اذا بتنام هنا لؤي ظل يطالعه تنهد واضح انه بيضل شايل عليه طول ماهو متزوجها .. طفى التلفزيون وطلع برا ومشى لشقته ونام هناك ابتسم وهو يطالع راس سريرهم عليه نوته " زوجي العزيز .. خصص 15 دقيقة قبل النوم فكر فيها قد ايش أنت تحبني ولا تنسى تفرش اسنانك ووقت تصحى فطورك جاهز بالثلاجة دفه وبالعافية ثم بدل وتعال الشركة لأني مشتاقة لك ... تصبح على خير :** " رجع النوتة لمكانها ونفذ تعاليمها ولجأ للنوم *** قبل تخلد ميهاف للنوم .. طق باب غرفتها فتحتها كان الشغالة : مدام .. هذا كيس كان بالمجلس طالعت ميهاف الكيسة .. تذكرت هديته اللي جابها معاه اخذتها وسكرت الباب وفتحتها قلادة الماس فخمة ومكتوب معها رسالة " رأيتـها وماخلتها صيغت إلا لنحر امرأتي " مررت اصبعها على الطقم الخيـالي بجاذبيته ولمعته سكرته بسرعة وتركته بمكانه .. ماتبي تفكر فيه يكفي النكسة اللي صارت لها اليوم من شوفته .. تو بتغمض عيونها دق جوالها ما كان عندها نية ترد بس لما شافت المتصل " أم بدوري " .. احراج ماترد ردت : هلا والله أم فراس : هلا فيك .. شخبارك ان شاء الله بخير .؟ ميهاف : حمد الله تمام .. انتي كيفك وكيف الكل .؟ ام فراس : حمد الله .. المهم ما أطول عليك بكرة انا بسوي جمعة أقدمك فيها لمعارفي ميهاف مالها خلق : بكرة .؟ ام فراس : أيـه .. وبدر أصر علي قبل يسافر أسوي تقديم لك وتستاهلين فحياك بكرة ميهاف : ان شاء الله على خير ام فراس : يله اجل في امان الله سكرت السماعة .. وش قصده بهالتقديم هذا ! كانت راح تفرح به لولا كلامه وطريقته .. حاليا تحس فيه نوايا خفية لأي حركة يسويها .. صدع راسها يعني يتزوجها ثم يتكلم بكلام يسم البدن ثم يجي اليوم بعده بهدية ثم يبي يقدمني لمجتمعه .. تنهدت وخلدت للنوم لو تضل تفكر بكل حركاته ماراح يبقى فيها عقل *** بيت نـايف – صباح / دخـل نايف البيت الساعة 6 ونص تقريبا .. صعد مباشرة لفوق كانت ابتسام ترتب سجادتهـا وبجلال الصلاة .. طلع مفاتيحه وبوكه على الطاولة وارتمى على السرير وذراعه مغطيه عيونه : بالمناسبة عمك وولده اليوم جو ابتسام التفتت بسرعة : نعم ! متى .؟ نايف : قبل اطلع من البيت حصلتهم .. ويقولون لكم يبون بنتهم ابتسام بانفعال : يموتون ماراح يلمسونها .. الحقير طلع ويبي ينتقم منها نايف ومازال منسدح وصوته متخدر بينام : وانا اقول اختك تعقل وتجهز اغراضها وتروح معهم او تعطيهم رنيم ابتسام بقهر : نعم ! وش هالقسوة اخذ بنتها واعطيهم اياه نايف رفع يده وهو يطالعها : مو قسوة هذا المنطق .. مو زوجته وبنته ؟ خلاص الرجال معاه حق ابتسام : انت مالك حق تتكلم اساسا وانت ماتعرف شصاير بينهم .! نايف : مالي دخل بخصوصياتك بس انا لي بالظاهر انا شايف رجال زوجته وبنته بعيدين عنه ومن حقه يطالب بهم ابتسام خذت جوالها وراحت تطلع من الغرفة دون ترد عليه .. ودقت مباشرة على هيثم : رد رد رد رد بعد فترة جاها الرد : ايوه ابتسام : هيثـم .. كيفك ؟ هيثم : حمد الله انتي اخبارك واخبار غدو وبنتها ؟ ابتسام : مو كويسين ... احمد رجع هيثم وقف بانفعال : نعـــــــــم !! ابتسام بقهر : ايه والله .. ويطالب ببنته و ........ انا مو عارفه شلون اتصرف هيثم : خلاص خلاص ابتسام .. انا جايكم اليوم سكر السماعة مباشرة ودق على أبو احمد لكن مايرد .. وأحمد جواله مغلق من ايام السجن : ابن الكلب كيف طلع ! ما قدر يصبـر استأذن من الدوام وطلع مباشرة وراح لأقرب مكان بعقله ممكن يكون أبو احمد فيه وظنه كان بمحله .. حصله مباشرة بسوق قديم كان دايم يجتمعون عمانه فيه .. وقف وراه وهو جالس مع مجموعة شيبان : ع البركة تسريح أحمد التفت أبو احمد وقال : نعم شجاي تبي .؟ هيثم : انا اللي اسأل هالسؤال .. عموما انا اتحرى ولدك من زمان يطلع وينه اللحين ؟ أبو احمد : مالك دخل فيه .. وحنا نبغى بنتنا هيثم : أي بنت ؟ ابو أحمد : ماشي ماشي هيثم خلك على طريقتك .. بس حنا رفعنا بالمحكمة انا نبغى نجيبها لبيت الطاعة فتح هيثم عيونه : نعم .؟ أبو احمد : ايه ... والاجراءات للحين ماشية في غضون يومين كذا تتنفذ هيثم شد على قبضته .. : ارفع قضية وحده وبرفع بدالها عشر .. من الآخر ماراح تحصلون شي ومشى بطريقة واعصابه ضاربه .. بيت الطاعة .؟ لازم أعجل ارفع قضية خلع قبل يكملون .. ماطول بتفكيره وصل لبيت نايف فتحت له ابتسام : هلا هيثم .. شصار معك .؟ هيثم : وين غادة ؟ ابتسام : جوا تفضل دخل غرفتها .. وقفت غادة مباشرة ورنيم بين يديها هيثم احتدت عيونه فيها : قد ما ودي اطبطب لك .. بس القهر اني منعتك حذرتك لا تتزوجينه , وخذي نتيجة عنادك ابتسام بهمس : هيثم مو كذا هيثم بانفعال : لا ! خل تدري انها بزر وان قراراتها فاشلة .. عشان مرة ثانية تفكر مرتين قبل تعصاني غادة نزلت راسها .. معه حق عضت ع شفتها بقهر : ..................... ابتسام : صار اللي صار بنتحاسب على قبل سنة يعني .. المهم اللحين شصار ؟ هيثم بعصبية : الزفت زوجها وأبوه رافعين طلب يجيبونها لبيت الطاعة غادة فتحت عيونها بصدمة : .. شـ ...شـ ـنو . ؟ هيثم : ايه ليش مستغربة ؟ هذا اللي من هب ناحية الباب رميتي نفسك عليه غادة حطت رنيم بسريرها وقالت بخوف : شـ نو يعني بيت الطاعة .؟ بياخذوني غصب هيثم بقهر : ايه يانانه هذا وقت تكون زوجتك قليلة ادب على بلاطة تسحبها فيه عشان تعقل ... شايفه فين حطيتي نفسك ! والاهم من كذا وش حطيتينا حنا فيه ابتسام : هيثم خلاص ! ناقصة البنت .؟ هيثم بانفعال :رجاء ابتسام خليك برا .. " التفت لغادة " يله قولي لي كيف ناوية تتصرفين ؟ غادة بانفعال وسط دموعها : وانا شدخلني .؟ اساسا انت ماكنت تدري عن شي .. طاير بحياة الدكتور والمستقبل الباهر حقك ماكنت تدري ايش كان يصير بحياة بابا الله يرحمه هيثم : كان ابو احمد يجي يضايقكم .؟ يطالبكم بفلوس .؟ يسب في أبوي .؟ وعشان كل شي سواه قررتي تكافئينه بهالطريقة .. " ارتفع صوته " انتي حتى ماحطيتي لنفسك كرامة وقت قرروا ياخذونك ببلاش غادة بعصبية : شنو قصدك من كل هالحكي .؟ قصدك تعلمني انهم بياخذوني غصب وانت بتنتقم عشاني ماسمعت كلامك وتتركهم ياخذوني ... قول قول انطقها .. اعترف انك بتتركهم ياخذوني ........ بدال كل هالحكي والتمهيد هات الزبدة وبس ! هيثم : انا رفعت طلب خلع .. ولو تطلعي بوجهي زي آخر مرة وتقولي مابي اتطلق وقتها انا بنفسي باوصلك لبيت الطاعة , وانبسطي على حالك صرتي مطلقة قبل توصلين 20 سنة غادة حسته يحتقرها : تحتقرني عشاني مطلقة .؟ هيثم : دون ما احتقرك العالم كله بيحتقرك .. نظرة المجتمع للمطلقة حقيرة غادة : المجتمع مايدري وش صار بالضبط .. بس انت تدري هيثم : اللي أعرفه اني ماتوقعت بيوم تكون اختي مطلقة ... اللي اعرفه انك سودتي وجيهنا كلنا بسبب قلة مسؤوليتك وطيشك , ماتدرين قد ايش علقت بحلقي وقت سألني المحامي الخلع لمين ! غادة بقهر : سودت وجهك .؟ على اساس كنت عادي .. على اساس كان نظرة المجتمع لنا عالية ومحترمة .. تخدع نفسك بايش .؟ قبل انا اتطلق .. عندنا أم انحاشت وتركتنا وسودت وجيهنا .." كملت بألم " اذا كنت سودت وجهك اعذرني فين بروح اشبه امي شهقت ابتسام وغطت فمها بصدمة .. بينما هيثم ماظهر على وجهه شي غير شده على قبضته بقوة وهو يسأل : شدراك ؟ غادة ودموعها على خدها : دريت .. وبأبشع طريقة عرفت فيها وانت وابتسام مشكورين عشان تركتوني غبية ومغفلة في نظر العالم كله فـوق / عقد نايف حواجبة بضيق من الأصوات .. صراخ و ..فتح عيونه بسرعة وهو يستوعب صوت رجال ! اول حاجة جت براسة أحمد مرة ثانية جا ... نزل بسرعة وانتبه لهيثم يطلع من غرفة غادة ويمشي بطريقة لبرا حتى مانتبه له وهو بنص المكان .. تنهد واضح هالمشكلة قالبتهم قلب .. طق الباب على غرفة غادة : ابتسام ابتسام وصوتها متزعزع : مو اللحين نايف شوي ! " طالعت بغادة اللي كانت دموعها على خدها وتهاوش بعصبية " حقير يقهر .. هذا وانا اخته يسوي معي كذا .؟! ابتسام : غادة روقي .. أولا هيثم قالك رفع قضية خلع يعني واقف معاك بس يبي يفهمك ان قرارك كان غلط .. تعالي فهميني وش هالحكي وش امنا انحاشت غادة طالعت ابتسام بقهر : في خاطرك تنكرين ! في خاطرك تجحدين !! عادي قولوها امي انحاشت واتركتنا ماتبينا .. ليش ذبحتوها بعيوني ليشش ابتسام : صدقيني ماكنت ابيك تعرفين و ... كونها ميته ارحم من منحاشة غادة مسحت دمعتها : ابتسام رجاء اطلعي برا ابتسام وهي زعلانة على حالة اختها .. توها صغيره وتعيش حالة طلاق وأم فجأة كانت ميته صارت حية : غـادة .. قاطعتها غادة : ابتسام اطلعي .. رجاء .. مـالي خلق اتكلم تنهدت ابتسام وطلعت وهي منكسرة ... نايف : شصاير .؟ لنا يومين مو مرتاحين يوم طاب واحد واليوم الثاني اصواتكم طالعة ابتسام تنهدت بضيق وهي تجلس على الكنبة وتمسك راسها : ما أدري نايف بهدوء جلس جمبها : ابتسام لآخر مرة اقولها ... تبغين مساعدتي انا مستعد .؟ ابتسام هزت راسها : لا .. لا بحل الوضع أنـا نايف : متأكدة .؟ ... اجل براحتك ابتسام : ................................ نايف وقف وطلع لفوق .. وابتسام جلست مع نفسها تفكر وهي تطالع غرفة غادة وبخاطرها تدخل بس ماتحس تقدر تسوي شي .. *** بيت أبو فراس – الساعة 10 ونص / نزلت اسماء من غرفتها وهي تتمخطر على الدرج وترقص : والحياااااة بئة لونها بمبي .. وانا جمبك وانتا جمبي ام فراس بضيق وهي تشوف فستان اسماء القصير : ياشينك يا اسماء انتي وهالقصير ! اسماء باست خد امها : واناااا جمممبك وانتااا جمممبي ام فراس قبصت فخذها : انتبهي وانتي تتحركين ياسمين : شفيك يمه اسماء ماعليها عتب .. شوفي بالله كانها جسمي اسماء ويدها على خصرها : نعم نعم يالبزر تعالي قابليني ! ياسمين : عليك كععب افصخيه وبتشوفي من أطول اسماء انقهرت ولأنها عارفه ان ياسمين المراهقة 14 سنة بتجي طولها خصوصا انها طويلة .. حتى تركيبة جسمها كمراهقة نفس اسماء مايفرقن كثير : مانيب فاصختها وانا اطول منك وغصب عنك ويله اذلفي من وجهي يالورعة وراحت تتمشى بالحديقة تحتري أحد يوصل .. وأول ماتوافدوا الوصول كانت تستقبلهم بفرحة .. ضحكته بوجهها عطتها سعادة لشهر قدام *** بيت أبو نايف – غرفة ميهاف / كانت جالسة على تسريحتها بعد ماخلصت الكوفيرا تسريحها وصبغها حست الصبغة تغيير حلو بما انها تزوجت خلاص .. رشت عطرها وخذت نظرة كاملة على شكلها بعد ماخلصت انتبهت لبدر يدق عليها قررت ترد يمكن تفهم وش هالزيارة : ايوه بدر : هـلا والله .. كيفـك .؟ ميهاف : وش هالتقديم ! بدر : خالاتي وزوجات ربعي يبون يشوفونك .. عشان كذا رجاء اطلعي بشكل يبيض الوجه ابيك ترفعين راسي ميهاف بغرور : مرفوع راسك لو بس اسمي مقرون باسمك بدر : المهم ! ابيك تسحرينهم ... ابي الكل يدري اني ماتزوجت أي كلام ميهاف ارتفع ضغطها .. مسافر مبسوط وجالس يكايش بها من بعيد : السواق جا مع السلامة أول ماسكر بدر السمـاعة .. جته مكالمه من خالته الي بنفس عمره " اريج " رد : هلا والله اريج بعربجتها : اسسمع انا اللحين دخلت بيتكم ... ومرتك قليلة اصل للحين ماجت بدر : هههههههههه يحق لها ملكة ماتجي الا بعدين اريج : اححلف بس ! بدر : تو سكرت منها بتجيكم اريج : والله لو ماتطلع حلوة .. لا أحاسبك على كل مرة قلت فيها انا بدر ماولدتها امها اللي تملكني بدر بثقة : اوك موافق سكرت اريج اللي كانت واقفة مع أختها " ام فراس " : والله واثق ولدك ام فراس : بحق يوثق .. ما خطبنا له الا زين الشمري كلهم اسماء دخلت وجلست على الكرسي باحباط .. اريج : شبلاك بعد انتي ! توك تطامرين وتغنين اسماء : يمه زوجة نايف مب جاية ام فراس : افا ليه اسماء : تقول مشغولة ام فراس : اجل بعذرها اسماء بانفعال : لا والله مالها عذذذذر !!! ام فراس : هاو كيف مالها عذر ! اسماء وهي تطلع وتتحلطم : اففف اريج : انهبلت بنتك دخلت ياسمين بحماس : ماما ميهاف جت اريج نطت : يله نروح نفحصها زوجة بديران دخلت ميهاف بثقتها العالية وهي تسلم على مجتمع كامل ماتعرفهم .. أول مرة تقابل أهل أم فراس سلمت بذرابتها المعتادة على الكل لحد وصلت لأسماء : والله أهل امك كثيرين اسماء بضجر : ايه ... صح تذكرت ! زوجة اخوك ليش ماجت .؟ ميهاف عقدت حواجبها : ابتسام .؟ ما أدري قالت لي امي انها مشغولة اليوم اسماء حاست بفمها : وش بيشغلها يعني بلا ماتبي تجي بيتنا ميهاف : ههههههه وانتي من متى حساسة كذا .؟ اسماء : المهم اسمعي .. ترا خالاتي بيطلعون معكم يوم كشته هذا اقتراح اريج الخبلة ميهاف عقدت حواجبها : وعلى أي اساس مقررين هالطلعة .؟ مقدر بصراحة اسماء : والله اريج استأذنت من بدر وبدر قال ايه فجهزت كلش ميهاف : وبدر يقرر عني كذا دون يقولي ! اسماء : ماقالك .؟ ميهاف بقهر : لا والله ماقالي .. يقرر من راسه كذا اسماء : ما أدري .. تعالي بس نجلس مع البنات وروقي جلست ميهاف جمب أمها .. وهي تسولف بأناقة .. ترد على اللي يكلمها مخصوص بس ماعدا كذا تكتفي بابتسامة وهي تسمع حديث المجلس *** الكـويت – الساعة 7 مساءا / نزلت سارا من شركتها بعد ما دق عليها انه وصل .. ضرب البوري عشان تنتبه له وركبت / عقدت حواجبها : من هذي سيارته ماعرفتك لؤي : سيارتي فتحت عيونها : متى غيرها تو قبل أمس راكبه معاك ماكانت هذي لؤي : ايه طفشت اليوم رحت شريتها .. بخاطري من زمان سارا وهي تقيم السيارة بعيونها : لـؤي .. انت للحين مامسكت وظيفة .؟ لؤي : لا ولا حاولت .. مرتاح هالفترة كذا سارا : ايه بس اشوفك ترمي بهالفلوس كأنك موظف لؤي بعدم اهتمام : الخير واجد سارا تنهدت بضيق : مو عاجبني وضعك كذا لؤي : انا مقصر معاك بشي .؟ سارا : مو كذا قاطعها لؤي : اجل وظيفتي مالك فيها .. اتوظف ما اتوظف كيفي , بالله سارا كافيني أبوي مقلقني بهالمواضيع مو ناقصك انتي كمان سارا قالت تغير الموضوع : فينك اليوم ماجيتني بالمكتب ؟ لؤي : ماصحيت بدري .. وعزمني واحد ودجيت شوي تو خلصت سارا : اهـا .. وقف شوي قدام السوبر ماركت وقفوا قدام السوبر ماركت ... نزلوا وهم يتمشون بين الأركان .. لؤي : تبغي حاجة معينة .؟ سارا : ايه بس غرض مخصص ... ايوه هذا هو خذت الكم غرض وقفوا عند المحاسبة ... المحاسب : اغراضج بـمية وثلاثين دينار سارا عقدت حواجبها : انا اشتريها من سوبر ماركت ثاني بمية بس المحاسب ضاق .. والمحاسبين مايكرهون شي بالحياة كثر هالاشكال : والله هذي اسعارنا لؤي أول مرة يكتشف فيها البخل هذا .. : خلاص قلبي مايسوى على الرجال بدفعها سارا طلعت من شنطتها مية وحطتها واخذت كيستها : هذي مية مافيه غيرها .. ماني هندية قدامك تلعب علي بالاسعار وطلعت . . المحاسب اخذها متعود ع هالاشكال هز لؤي راسه وعطى المحاسب خمسين : باقي الحساب وامسحها بوجهي لحقها لؤي وركب السيارة : لا عاد تكرري هالحركة .. اذكر مرة اشتغلت بسوبر ماركت كرهت وقاحة الزباين اللي كذا سارا : وقاحة ! لؤي بصدق : ايه ليش الكذب .؟ حركتك وقحة ترا هو ماراح يستفيد من الخمسين عطيتيه ولا لا راتبه ثابت ... صدقيني مو مهتم يلعب عليك ويخدع حنكتك الزايدة سارا : ايه بس الاسعار ثابته ليش يلعب علي فيها ! لؤي : خلاص سارا سكري .. مرة ثانية اذا ناوية تكاسري قولي لي ما انزل معاك بوجودي رجاء لا تكرري هالحركة سارا : افشلك مثلا .! لؤي : ايه الحركة تفشل .. اكثر نقاشات اكرها نقاشات حب المادة سارا انقهرت حست حركتها قلة ذوق صدق .. سكتت دون ترد , لؤي انتبه لها وهي ساكته وتطالع الشباك قبص خدها : ياحلوك مكشرة سارا ابعدت يده : يوه لؤي اتركني رجع لؤي يقبص خاصرتها : روقتي .؟ سارا ابتسمت : ايه روقت .. هههههههه صدمتك صح .؟ لؤي : ههههههه نوعا ما ماتوقعتك كذا سارا : وتو فيه اشياء واجد فيني بتصدمك .. بس انت اللي تزوجتني يعني تصبر مو مشكلتي لؤي : لنا الله شنسوي بعد بنصبر أول ماوصلوا الشقة ... سارا : حياتي وش تبغى تتعشى لؤي : لا شبعان حمد الله .. تعشي انتي انا داخل انام سارا : متأكد ؟ لؤي : ايه متعشي قبل امرك سارا : اجل انا كمان متعشية .. بس خفت تكون جويع خلد لؤي للنوم وهو مدلوخ .. فتح عيونه بنص نومته وهو ينتبه لها تقوم من تمشي على الشقة تطفي الأنوار ... ابتسم على حركة الشيبان اللي سوتها بجد اول حاجة يكتشفها فيها من تزوجوا ومن عرفها , مقتصده لحد البخل عاد رغم انه ماكان يبين عليها *** الكويت – الساعة 12 ونص / المؤسسة بهالوقت هدوء .. كان جالس بمكتبه ينهي بعض المعاملات الضرورية بنص شغله دق جواله سياسته مايرد على احد بهالوقت بس هالرقم بالذات مستحيل يتجاهله رد مباشرة : ايوه صوت رجالي : اهلين طال عمرك .. كيفك .؟ فراس : شداق تبغى ؟ : ابشرك .. حصلناها فتح فراس عيونه وافلت القلم من يده ووقف : متـــأكد ؟!! : ايه والله .. متأكد وابغى حلاوة الخبرية ؟ فراس : لازم أتاكد اول ! واذا طلع كلامك صح اعتبر نفسك مليونير .. واذا العكس أعتبر اسمك بالسوق السوداء ملغي :لا ان شاء الله كلامي صحيح ..و ما أتوقع اقل من كذا من المدير التنفيذي فراس : وينك ؟ : طرابلس فراس : ولا تتحرك .. بأقرب فرصة بكون عندك سكر السماعة وضغط على نداء السكرتير : تفضل فراس : احجز لي اقرب طيارة لطرابلس .. ولا تهتم اذا درجة اولى او غيره اقرب رحلة لو مع العفش ! استغرب السكرتير انه يتنازل عن رفاهيته : حاضر جلس فراس على كرسيه وهو يحس آخرة صبره هالسنين وصل لنتيجة .. شد على قبضته بعزم : والله وطحتي ومحد سمى عليك بيت نايف .. الساعة 1 مساءا / غادة للحين مسكرة عليها غرفتها وعايشة بتوتر فضيع .. للحين كلام هيثم براسها بيت طاعة ! بياخذونها ! .......تفكيرها طول اليوم كان يدور حول فكرة وحده والظاهر لازم تعزم عليها بلعت ريقها بخوف ووقفت عند سرير رنيم واستمدت شجاعتها لما عرفت انها مسؤولة عنها ولازم تتصرف لأن محد بينفعها .. مسكت جوالها بيدين مرتجفه ودقت : الـو .. ممكن اطلب تاكسي بحي ال ******* شارع ******* .... ايه اللحين .. شكرا يعطيك العافية سحبت شنطة متوسطة الحجم ودخلت الأغراض الضرورية بس اللي تحتاجها وكم لبسه لها ولرنيم .. لفت رنيم بمهادها وتركتها وهي تسحب رجلها لبرا ودخلت مكتب نايف الموجود بالطابق التحتي بلعت ريقها وهي تفتح التوجيري حقه ماتدري ليش حفظت رمزه لما فتحته ابتسام .. وسحبت لها رزمتين فلوس وطلعت وهي تترك رسالة على سريرها وخذت رنيم وشنطتها وطلعت بسرعة قبل يدق التاكسي الجرس ويخرب كلش أول ماوصل ركبت معه : المـطار ! ودقات قلبها جنونية .. حتى انها تتوتر من نظرة صاحب التاكسي ومن كلش حولها ومن السيارات والطريق وكلش , ماراح تنتظر خلع ولا بيت طاعة ولا شي ... بتروح ولا راح تطالع وراها | ||||
|
| |
|
25-02-17, 08:56 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت العشرين " \ - ليس كل مانراه فيمن نحب صوابا فـ أعين الحب لا ترى عيوب محبوبها .. " ليلة أمس راجعت حياتي كلها .. من أنولدت بهالدنيا لحتى الـيوم , واللي لاحظته خلال ال 19 سنة اللي عشتها أنك كنتي معاي بكل لحظه للحين , قد ماجو ناس وراحو انتي اللي كنتي ثابتة أنولدت وأنتي كنتي 7 سنين رغم كذا شلتي مسؤوليتي لما قررت ماما تتركنا , انا مافقدت يكون لي " ام " بحياتي والفضل لك ... ماتركتيني افقد دورها .. كنتي طفلة رغم كذا شلتي مسؤولية طفلة , وانا عارفة اني جالسة اقابل كل هذا بالخيانة بس مقدر أقولك غير سامحيني .. ولا تكرهيني بيوم مافيه قلب بهالدنيا يحبني غيرك اذا فقدتك معناها مالي بقلب احد مقدار .. انتي مثالي الأعلى بالحياة وقد ماحاولت اكون مثلك ماقدرت .. تعبت كافحت ماقدرت , كنت بالمتوسط سيئة العن حياتي يوميا رغم وجودكم فيها .. والعن حظي يوميا والعن فقري لأني تمنيت البس زي البنات وآكل زيهم والعب زيهم , بهالوقت اللي كنت اكون فيه تافهه ومنحطة ومزعجة لك ولبابا ولهيثم ... كنت اشوفك غير كلنا نعيش نفس الظروف ومسؤوليتك أكبر لكن كنتي اقوى كنتي أسعد , وقت انهار بشكل درامي شهريا يضربني هيثم ويحبسني بالغرفة كنتي تتوسطي لي وتعتذرين مكاني .. وقت كانو المدرسة يكلموك ويقولو اختك سرقت اختك انحاشت اختك غلطت على المدرسة كنتي تجين وتعتذرين وتسمعي كلام المدرسات المحقر لنا لأن ماتربينا .. ماراح اطول مهما استرجعت ماراح اوفي حقك .. بس انا مضطرة مقدر اترك نفسي وبنتي بين يدين هيثم وأحمد وانتظر أي يد بتفلتني أول .. لا تدوريني ولا تسألي عني لأني عايشة بسلام بمكان يناسبني وأعتذري لي من نايف سرقت من خزنته بس يعتبرها انتقام بسيط للسانه الطويل .. وبالنسبة لهيثم بتضطري تعتذري مرة ثانية عني انا اسفة .. قولي له اسفة اني سودت وجهه كالعادة وقولي له يرتاح ولا يكلف نفسه يستحي من اخت مطلقة اتمنى هيثم يصير أكبر جراح عظام وقتها راح اقدر اسمع اخباره من بعيد .. وأنتي عيشي حياتك مع زوجك براحة وادخلي بقوة في مجتمعك المخملي .. وانا راح اربي بنتي واعيش معهـا .. كذا أحسن وللكل - غادة " ارتجفت يدين ابتسام وهي تجلس على سرير غادة وعيونها تمشي على الغرفة المرتبة ترتيب مغادرة .. للحين بالغرفة لمساتها .. ملابسها اللي اشترتها مع ابتسام لما جت هنا موجودة . ملابس رنيم لسى موجودة ومعظم اغراضها هنا واللي صدمها أكثر جوالها هنا اجهزتها هنا .. كأن الغرفة ما أخذ منها الا اغراض بسيطة بس .. دخل نايف البيت .. انتبه للغرفة مفتوحه على غير العادة مايدري متى آخر مرة شافتها مفتوحه كذا ..تنحنح مافيه رد مشى بخفة الغرفة خالية مافيه الا ابتسام اللي جالسة بصدمة والورقة طايحة من يدها .. عقد حواجبة : ابتسام .؟ ابتسام التفتت له بخوف : غـادة .. نايف : شفيـها ؟ ابتسام بلعت ريقها : مو هنا .. نايف : كيف مو هنا ! ابتسام مسكت راسها : مو عارفة .. طلعت من البيت وكاتبه رسالة توديع وش يعني نايف : انحاشت .؟! ابتسام بهلع وصدرها يرقى وينزل : كيف شلون ... لا شلون تنحاش مستحيل نايف : هـدي .. يمدي القاها لك ماراح تبعد ابتسام : صدق .؟ نايف : ايه قسم الاستخبارات بشركة ابوي يطلعونها لك حتى لو سافرت .. انتي روقي وهي راح ترجع ابتسام هدت شوي : طيب بسرعة ! قبل تبعد اكثر من كذا شكلها طالعه من الليل ولحالها ولا راح تعرف تتصرف .. بسرعة قبل يكتشفها هيثم وقتها راح يذبحها *** وصل فراس مباشرة للشقق المفروشة المتواضعة وصعد لرقم الغرفة .. فتح له رجال ممتلئ الجسم نوعا ما بهيئة رثة بشعر اشقر وكان على وجهه التوتر : مرحبا ومسهلا فراس مباشرة دون مقدمات : وينها .؟ بلع ريقه وقال : تفضل تفضل اجلس ارمقه فراس بنظره : مو جاي أجلس بهالمزبلة ...... وينها ! الرجال : هوا .. هي موجودة موجودة ببيتها بس .. احتدت نظرة فراس : قااااسم ! الرجال بلع ريقه : ......... فراس : تعرفني أكره اللف والدوران والحكي الواجد .. اكرها اكثر من اي شي من الآخر انطق الرجال : مو هي .. كنت اظنها هي لانها رجعت بيتها بس لما رحت طلعت حرمة ثانية لكمـة افرغ فيها غضبه .. ثم ضمه من ياقة بلوزته وحشره بالزاوية وبعيون قادحة غضب : تتجرأ توصل لي معلومة غلط !! الرجال بخوف وهو يمسك يده يقاوم الخنقة اللي يحس بها : سامحني طال عمرك صدقني تلخبطت علي صرخ باعلى صوته : كييييييف تلخبطت عليك كيف !! ما أفهم اشرح لي الرجال : كان عنوانها خالي كل هالفترة .. ولما قالو رجعت تسكنه قلت اكيد هي لكن طلعت وحده ثانية فراس وهو يشد على رقبة الرجال أكثر : لو أزهق روحك بهاللحظة ماراح يكفيني فيك الرجال : لا واللي يخليك .. تكفى انا غلطت بس الا الموت فراس صرخ فيه : انشعععم .. لك وجه تخاف على حياتك .؟ كان خفت قبل تكذب علي الرجال : اسف .. غلطت سامحني تكففى سامحني افلته فراس : ماراح اقتلك اللحين .. قوم وصلني للبيت اللي حصلته الرجال : مو هي صدقني متأكد ركله فراس : كل تبن .. وادع ربك تكون هي بس متغيره لأن لو تطلع بجد مو هي وقتها ذابحك ذابحك الرجال : اطلب أي شي ثاني وحاضر .. أي شي فراس : ما أحب اعيد كلامي مرتين ! " كمل بحدة " قلت لك قم على رجليك وصلني للبيت وقف الرجال وركب السيارة وفراس جمبه بعد ماطلعوا من الشقق المفروشة .. بطريقهم للبيت *** لؤي كان جالس بقلق وهو يدق على فراس مايرد تنهد بضيق .. سارا طالعته مستغربة : شفيك لؤي تغدا لؤي رمى بجواله على الطاولة وياكل بصمت ... سارا : فيك شي .؟ لؤي قلبه قارصه من أمس ..ولما راح للشركة يطمن نفسه وقالو " سافر طرابلس " تأكد ان احساسه صح : مافيه شي سارا : إلا فيه .. منت على بعضك لؤي ترك الملعقة : مالي خلق آكـل سارا بضيق : ما أعجبك الأكل .؟ لؤي : مو على الاكل انا شهيتي مسدوده سارا : لا أكيد مو عاجبك الأكل ! لؤي : وربي مو على الأكـل سارا : اجل ليش ما تاكل .؟ لؤي بضيق : خلاص سارا يعني يا مو عاجبني يا مو عاجبني ! وقف طالع من الشقة وكلش ضايق عليه .. هز راسه بإنكار : مستحيل يسويها .. ما ارتاح ركب سيارته واتجه للشركة لمصعب مباشرة : متى سافر .؟ مصعب : ما أدري والله جاته مكالمة من رقم دولي .. وعقبها حجز مباشرة واللي محيرني انه مستحيل يسافر بغير الدرجة الاولى حتى لو اجتماع مهم هالمرة مسافر بمقعد مسافر عادي لؤي : تعرف الرقم ؟ مصعب : للاسف لا تنهد لؤي بضيق .. يحسب السالفة ماتت بس الظاهر كانت حيه مع فراس طول الوقت ومجرد ينتظر اللحظة المناسبة .. رجع يدق بيأس لكن مايرد : تكفى فراس لا تتهور .. من وين طلعت هالسالفة بعد *** بيت نـايف .. المغرب / دخل واستقبلته مباشرة : شصار .؟! هيثم دق علي اكثر من مرة وكلها اصرفه فينها ! نايف : اكيد ما طلعت من الرياض .. لأن مافيه ولا بيانات انها سافرت ابتسام : يعني ماحصلتها .. نايف بضيق : للأسف لا ابتسام بهم : اسفه اقولك .. بس خزنتك مسروقة نايف حط يده على كتفها : ما ينحكى فيها فدا رجليك .. المهم نحصلها اللحين ابتسام بتوتر : طول عمري اعرف انها مجنونة ومتهورة .. بس لدرجة تنحاش .؟ تتركنا ! لا مو كذا نايف : المشكلة ما تركنا مكان ما دورنا فيه .. ماحصلناها ابتسام : شاسوي !! شاقول لهيثم .. تو كلمني وقال بيجي نايف : ابتسام ماراح تحصلي شي من تمطيط السالفة .. مصيره يعرف ابتسام ما استوعبت بجد .. كيف تنحاش كيف تترك اهلها ! لا مو لهالدرجة انضرب قلبها وقت دق الجرس : ياويلي هذا هيثم نايف : رايح افتح طلع نايف ... بينما ابتسام ظلت واقفة بمكانها تستجمع شجاعتها كيف بتقول بوجهه انها انحاشت وكيف ردة فعله و و و .. دخل هيثـم لحاله دون نايف .. ابتسام : فين نايف .؟ هيثم : سلم علي وطلع يقول مشغول .. " تنهد " هدت غادة ؟ ابتسام عضت على شفتها بتوتر .. هيثم عقد حواجبه : احاكيك ابتسام :آآآ ... غادة مو موجودة هيثم : شلون ؟! ابتسام : مو موجودة .. صحيت اليوم ماحصلتها وتركت رسالة " مدتها له " مسك هيثم الورقة .. وابتسام طالعته بتوتر وهي تشوف حركة عيونه .. مرت لحظة صمت طويلة استغربت ابتسام عيونه مازالت بالورقة اكيد قراها وخلص .... بعد فترة طالت بقوة .. عفط الورقة بيده وعطاها ظهره طالع .. ابتسام لحقته : هيثثثم ! مافيه رد مكمل مشي .. ابتسام مسكت يده ولفته لها : هيثثثم !! شنو شنسوي ؟ غادة انحاشت وشلون هيثم افلت يده منها وقال بهدوء : آخر مرة تقولين اسمها قدامي .. وطلع مباشرة .. ابتسام توقعت هالشي على طول .. ماتوقعته يصارخ ما عمره عبر عن مشاعره او فرغها .. وما عمره عطى انسان فرصة ثانية بحياته هي لحظة وحده ممكن الانسان يرقى وينزل بحياته وغادة بحركتها هذي تركته يرميها برا حياته كليا ! حتى لو يحصلونها مجرد تفكيرها بالهروب سود صفحتها بحياته تماما جلست ابتسام بصدمة .. وقال بقهر : حسبي الله عليك ياغادة .. فين رحتي ! *** عند هيثم .. وصل المستشفى وكمل عملياته ماكنسل ولا وحدة , وفي داخله حقد عليها بشكل كبير لو يتمنى انها ترجع اللحين بيتمنى عشان سبب واحد ... عشان يفرغ حرته فيها , جلس بالكافتريا لحاله بصمت (( غـادة 12 سنة .. هيثم 22 سنة .. ابتسام 18 سنة / غادة واقفة وقفتها الجريئة رغم ارتجاف قلبها .. وابتسام قدامها تصارخ عليها : وش هالشعر ! مهبولة تضيعين 200 عشان تسوين كذا بشعرك غادة : أيه عادي .. انتي عطيتيني اياها وانا تصرف ابتسام : عطيتك عشان تصرفيها بشي صاحي مو تحطين شعرك كأنك ولد ابو هيثم : اتركيها ابتسام خلاص جاها مايكفيها هيثم اللي جالس يراقب : خلاص ابتسام راحت ابتسام : مو بكيفها ! تكبر كذا على هالحركات البايخة غادة انفجرت : والله حتى لو حاطتها بفستان هاوشتي ! لو حاطتها بجزمة هاوشتي ! لو حاطتها بشنطة هاوشتي !! والله لو شاريه فيها أكل هاوشتي ..... بتهاوشين بكل الاحوال فما فيه داعي اكلف نفسي ابتسام قبصت اذنها : كلي تبن يالبزر .. لسانك اطول منك فهمنا انك عايشة فترة مراهقة خلاص غادة ودمعتها بعينها : اااااااااااااا ياكلبة اذني .. " ابعدت منها " اسمعي ابتسام انا ماني بزر تمدين يدك علي .. احترمي نفسك ولا تعيشين دور الأم بزيادة !! هيثم صرخ فيها : اطبقي فممك .. لا أقوم عليك اللحين وتعرفين الباقي غادة : نطق الدكتور اللي له سنين ماتخرج ! هيثم فتح عيونه . غادة لما شافت نظرته الحادة لها وكأنه بيضربها انكسرت على طول : ههه امزح امزح شفيك ابتسام : غادة برا لا يصير شي مايرضيك غادة بقهر : مالت عليكم كلكم ... بيجي يوم انحاش فيه من هالبيت المعفن وطلعت برا الغرفة .. وقف هيثم بيلحقها لكن ابو هيثم مسكه : اتركها هيثم .. صغيره وما تفهم هيثم : زهقنا وحنا نقول صغيرة ! وهذا اللي يخليها تزودها !! بزر ماعندها مسؤولية )) صحى من هالذكرى على صوت زميله : هيثم هيثم : ايوه : فينك لي ساعى اكلمك هيثم : معليش مراد .. دايخ شوي : اها روح ارتاح اجل ونكمل بعدين عدل هيثم جلسته : لا .. اللحين نكمل يله *** فراس بضجر بعد ماطولوا واقفين قدام البيت لكن ماشافوها .. : انزل طق الجرس .. واسأل أي سؤال : شأقول .. فراس رفع حواجبه ...الرجال مباشرة : خلاص حاضر حاضر صلب فراس ظهره من اتكائته وهو يتحرى طلعتها .. أول ماطلعت امرأة بمنتصف العمر تقريبا 30 سنة بشعر كستنائي قصير وطول ممشوق وبشره بيضاء ناصعه وعيون رمادية حدق بقوة ومثل ماقال " مو هي " لكنها مو غريبة يعرفها ... اعتصر ذاكرته وحصلها اخيرا هي ماغيرها ماطاح على راس المشكلة لكن وصل لطرف .. رجع يركب : شايف قلت لك مو هي فراس تسند على الكرسي : معك حق مو هي .. شالمفروض اسوي معاك اللحين ؟ الرجال : راح اضل ادور عنها .. صدقني راح ادور عنها وهالمرة بحصلها اكيد فراس : انسى .. مالك أمل تشتغل عندي بعد اليوم , ومثل ماقلت لك اسمك بالسوق السوداء ملغي ولو تتكلم عن أي شي بيني وبينك وقتها .... ولا أقولك اتركها لوقتها وراح تعرف اني ما امزح الرجال : ماراح اتكلم صدقني ! فراس فتح باب السيارة ونزل : واللحين انقلع من وجهي الرجال ماصدق .. مشى بسيارته لبعيد يبعد قد مايقدر دام نجى اما فراس رمى البيت بنظرة ومشى بطريقه اثناء مشيه وهو يرتب افكاره يرتب رد اعتباره .... دق جواله " لؤي " ..: نعم لؤي ! لؤي مباشرة : شتسوي بطرابلس ! فراس تنهد : ... لا تخاف مو اللي ببالك لؤي ما أقتنع قال بقلق : فراس واللي يعافيك ارجع .. لا تفتح السالفة من جديد فراس : قلت لك مو اللي ببالك ! ومقدر ارجع عندي شغل .. وترا ابثرتني باتصالاتك لؤي : انا جايك اجل ! فراس تنهد : لا تجي مو فاضيلك .. وصدقني مجرد اجراءات وفرع جديد بخلصه هالشهر وراجع تو لؤي بيتكلم : طوط .. طوط .. طوط اول ماسكرها لؤي دق جواله " سارا " ... تنهد وحط جواله دون يرد وراسه يعتصره مرت على السالفة سنين ... ليش للحين يتذكرها ؟! ... لا لا ان شاء الله زي ماقال مجرد شغل ولو ان قلبي مو مرتاح *** بعـد أسبوع :- في بيت أبو نايف / كانت اسماء وميهاف بالصالة مع أم فراس وام نايف ام نايف : ايه والله هالحكي صحيح اسماء شهقت : معقولة ! ميهاف : ايه .. نايف بنفسه قايل لنا بيوم نامو صحو كانت انحاشت ام فراس : لا حول ولا قوة الا بالله ... وعرفتوا ليه ام ميهاف : يقول نايف مشاكل بينها وبين زوجها واهلها .. بس مدري وش بالضبط اسماء مسكت قلبها بحزن ( أكيد بيكون زعلان .. ياقلبي ليش يصير معك كذا ؟ لازم اروح اتطمن عليه ) ميهاف : عاد البنت حبوبة وفرفوشة .. ماتوقعت تسويها .. ام فراس : وكيف ابتسام .؟ ام نايف : والله انا كلمتها وشكلها مو تمام بس وش بتسوي .؟ الله يعينهم ام فراس : الله يعينها ماراح تسلم من كلام الناس .. الكل جايب سيرتها ام نايف : الله المستعان .. المهم يا ام فراس خلاص اكيد الرحلة بكرة ؟ ام فراس ابتسمت : ايه .. خواتي لهم فترة يخططون واخيرا خلاص زبطت يبغونها بكرة أكيد ام نايف : على خير أجل *** السـاعة 5 ونص / دخل نايف البيت .. تنهد وهو يشوفها كعادتها يا تنظف ياترتب ياتطبخ , طول هالاسبوع مابان عليها حزن ولا حتى بكت بس مهلكه نفسها بالشغل .. التفتت لما حست عليه : رجعت .؟ نايف : ايه .. بالمناسبة امي تدق عليك ماتردي , تبغى تقولك تروحين معاهم للرحلة بكرة ابتسام : راح اعتذر منها مقدر نايف : وليه ماتقدري .؟ مو شايف عندك شغل ابتسام وهي تنظف : مو شايفني مشغولة .. سحب نايف المكنسة من يدها : خلاص شغل ابتسام , البيت اشتكى من زود النظافه هلكتيه .. اطلعي غيري جو ابتسام نزلت راسها : مقدر .. نايف : عطيني سبب طيب ! ابتسام بقهر : اختي منحاشة ولا اعرف فينها ولا فين ارضها من سماها .. ولا هي تاكل ولا تشرب ولا عايشة حتى ! واخوي كل ماكلمته عشان يساعدني بالوضع سكرها بوجهي او مايرد ورسميا تبرى منها ... " كملت بغصة " حتى أنت ... لما كانت غادة موجوده كنت على طول بالبيت وتجلس وتسولف من راحت ماعدت اشوفك الا وقت النوم .. خلاص فهمت اني ماني حيوية زيها ومملة بس .." كملت بتردد "مهما كان انا زوجتك وظروفي هالفترة صعبه محتاجتك جمبي .. وبهالوقت بالذات ما أحصلك اظل طول اليوم مع حالي وعقلي فيه مليون فكرة .. وتقولي ليش ماتقدري ! نايف ابتسم وضربها على راسها بخفه : غبية .. تقارني نفسك ببزر ملسونه زي غادة ابتسام مسكت راسها بألم وطالعته : ............... نايف : صـح انا كنت اجلس كثير لما كانت موجودة .. وصح انها مسلية اكثر منك بس صدقيني لو يخيروني بينها وبينك ماراح اختارها , لأن الرجال وقت الجد مايحتاج جمبه وحده تسليه وتضحكه ويلعب معها وفوق كل ذاه تسرقه وتروح .. لا يحتاج وحده زيك قوية يسند كتفه عليها وتتحمل ومهما كان ماتهرب من الموقف , ذكية يقدر يحصل راي منطقي عندها " كمل بابتسامة جانبية جذابه " وانا الصدق ما أحب البزران احب اجاكرهم واناغشهم بس مايجيب راسي الا وحده انوثتها طاغية زيك ابتسام وجهها لان وهي تسمعه وقلبها يدق : ................ نايف حاوطها بذراعه من كتوفه وقال بهمس باذنها : وانا شفت غادة كذا مرة .. ماتنحط جمبك ولا تتقارن يكفي بس هالجسم .. " تنهد " اويلاه ابتسام ابتسمت واسندت راسها على صدره وحاوطت خصره بيدها : بجـد .؟ نايف وهو يضمها : وجد الجد .. عشان كذا عشان خاطري روحي معاي بكرة للكشته وسعي صدرك ابتسام وهي تحس كلامه ريحها : اوك نايف وهو يمسح على راسها : الله يخليك لي ابتسام براحة : ويخليك لي يارب *** يـوم الكشتة رغم انه بالبر .. الا ان تصميم المكان بطريقة الخيام المبنية والاقسام والمطبخ الجاهز كان المكان متعوب عليه / اسماء كانت جالسة تسولف مع ميهـاف وخالاتها .. اول ماسمعت حس ابتسام رفعت راسها مباشرة بقلق وهي تشوفها .. قبصها قلبها وهي تسمع الهمس حولها هي ماتحملت كيف ابتسام .. لكن ابتسام كانت اقوى منها وتسلم وتبتسم وتتجاهل الهمس المزعج .. سلمت اسماء عليها بحرارة وقالت بنبرة واضح فيها القلق : كيفـك ؟ ابتسام ابتسمت : حمد الله كلش تمام .. انتي كيفك .؟ اسماء : بخير اذا انتي بخير جلست بمكان منفرد بهدوء .. كان هدوئها معتاد بس بالنسبة لأسماء فسرته على طول انها اكيد " زعلانه " تنهدت بضيق ... ميهاف بنص الجلسة دق جوالها .. استأذنت وطلعت برا الخيمة وردت : ايوه بدر : سمعت أنك وصلتي للخيام ميهاف : ايه بدر : ههههه وأريج ازعجتني وهي تمدحك ترا .. قلت اسحريهم بس مو كذا ميهاف بثقة : ايش توقعت اقل من كذا مني .؟ بدر بطريقه يكسر فيها ثقتها : ما أتوقع اقل من كذا من زوجة الهاليو بدر ميهاف فعلا احبطت .. لكن قالت بثقة : ايوه .. بما اني رفعت راسك اسمح لي بهالكلمة بدر : شنو ؟ ميهاف : مثل ما أنا ارفع راسك احتاجك ترفع راسي .. ايش هالصور اللي منتشره هاليومين بالمجلة ماحصلت احسن من كذا ؟ بدر وضغطه انقلب فجأة : ................. ميهاف تقلد اسلوبه : يعني أنا ميهـاف اللي الكل يخطبها والكل يتمناها .. بعد كل هذا يجي زوجي بهالصور اللي مافيها تناسق لا بالمكان ولا اللبس ولا شي .. بصراحة فشلتني بدر : .................. الظاهر كنت غلطان لما ندمت على اني سويت فيك كذا تستاهلي اكثر والله ميهاف : شفيك زعلت .؟ حنا زوجين لازم نصارح بعض , انا اتقبل انتقادك وانت تتقبل انتقادي , رجاء انتبه لصورك الجاية يكفي فشايل وسكرت مباشرة .. وابتسمت بنصر بينما كان هو في حالة غيظ يتمنى يوصلها بهاللحظة خربت عليه متعة نجاحة كله بهالكلمتين ! جته مسؤولة المكياج : استاز بدر مكياجك وقف بدر ورمى باللي بيده : ماراح اصور اليوم ! المخرج : شنو .؟ بدر وهو طالع : مثل ماقلت لك ! عدلو تصويركم الخايس وارجع المخرج : ايش صاير معاه هذا فجأة !! : مابعرف *** غـــادة / طول رحلتها هذي كانت مع العفش .. ماعمرها خذت مقعد رسمي عشان مايكتشفوها بالسجلات , واخيرا وصلت طرابلس .. مشت بالمكان وشكلها غريب بين الكل هناك الوحيدة بعبايتها ونقابها .. بلعت ريقها وكلش فيها مكركب وهي تهز رنيم اللي تبكي من الضيق هالفترة بالمشاوير والامكان الغير مريحة : .............. اثناء ماهي تهدي رنيم تملكتها رغبة شديدة تبكي .. فيه حصا بحلقها تبي تبكي .... من اللامكان محتاجة تبكي بلعت ريقها بألم وكملت طريقها لحد ماوصلت العنوان المقصود .. ضربت الجرس بإيدين مرتجفة : .......... : ميـــن .؟! غـادة ماعرفت وش تقـول قالت بتردد : هذا بيت المصممة لارا ؟ انفتح الباب .. غادة فتحت عيونها بوسعها وهي تشوف المفروض تكون " امها " , : .................... عقدت لارا حواجبها من هالغريبة بعبايتها .. خافت تكون ارهابية سكرت الباب مباشرة لكن غادة مسكت الباب بسرعة : ممكن ادخل .؟ لارا : فوضى هيا .؟ شو مين انتي ؟ غادة بألم : انا .. غادة .... بنتـ ....ــك .. لارا فتحت عيونها بصدمة : شـو .؟ مين أبوكي بالضبط ؟ غادة انصدمت .. علااقات كثيرة ماتميز ابوها بينها لكن جاوبتها باقتضاب : مشعل .. لارا : اي.. الختيار .. تفضلي نتكلم دخلت غادة وهي تشوف البيت .. تصميم راقي يناسبها وواضح فيه حسها الفني كمصممة .. ضلت واقفة مكانها لحد مامسكت كتفها ودخلت معها وجلست .. فصخت غادة نقابها وهي منزلة راسها : ...................... لارا وهي حاطة رجل على رجل : أي .. شو جابك لهـون ؟ وكيف عرفتي مكاني ؟ غادة : انتي .. مشهورة عشان كذا عرفت على طول .. لارا : ههههه معك حء شو سؤال غبي ... وشو بدك غـادة ؟ غادة شدت على رنيم وبلعت ريقها : انـا ... انا .... لارا : شو انتي ؟ غادة ماتوقعت امها تكون باردة كذا .. مرة شكلها مو مهتمة رغم انها بنتها : انا هربت من بيتنا .... لارا : ايه مابتنلامي حبيبتي غادة قبضها قلبها حست نفسها تشبه امها صدق .. عشان كذا هي الوحيدة الي تفهمت قرارها لأن عندها نفس عقلها الفاسد : ............. وأول مرة اجي طرابلس .... اول مرة اطلع برا السعودية اساسا لارا تنهدت : بدك تعيشي هون ؟ غادة هزت راسها بصمت : ........... لارا : ايه ماعندي مـانع غادة تفاجأت من موافقتها السهلة : بجـد ؟ لارا : ايه البيت كبير .. وبعدين انا مو آسية لحتى ارمي بنت مالها مكان بالشارع غادة : ............... لارا : من ياللي بيديكي .؟ غادة : بـ .. بـنتي لارا : متجوزة ؟ غادة هزت راسها بصمت : ................ لارا : اد ايه عمرك ؟ غادة : 19 سنة .. لارا : لسى صغيرا .. أيه كنتي اتركي البنت عند ابوها قبل تهربي , شلون بدك تعيشي هلا غادة : ماني مثلك .. انا ماهربت عشان مصلحتي انا هربت عشان بنتي بالذات لارا ابتسمت دون نفس : راح تندمي صدئيني .. هلأ انا طالعة عندي موعد كتير ضروري الخدامة راح تفهمك مكانك هون ارتاحي غادة : بتطلعي ؟ لارا : ايه .. شو بدك تئولي حاجة كمان ؟ غادة : بس ... لا خلاص مافيه لارا طالعتها من فوق لتحت وطلعت ... غادة طول عمرها تتمنى تقابل امها ولما تقابلها يكون هاللقاء البارد .. بس لازم تشوف الجانب المشرق اقل شي ماهي في الشارع تنهدت وهي تشوف المكان .... كيف راح تكون حياتك هنا يا غادة ؟ *** اثنــاء ما اسماء تمشي بالمكان ... بعيد عن الخيام وتستكشف سمعت اصوات بنات مشت ناحيتها سمعت همس : من هذي اللي لابسة اسود ووردي ؟ : زوجة نايف قصدك ! : سمعت ان اختها انحاشت .. : بذمتك ! ........وش هالعائلة المنتهيه غريبة ام نايف راضية تزوج ولدها وحده كذا عائلتها : يقولو ان اخوها دكتور وتبرى من اخته لما هربت .. وفوق كذا يقولون هو السبب في هربها لانه ضربها واللحين يقول متوعد يقتلها : وش هالمتخلف .. ع بالي دكتور راقي اسماء ( 1 ,2 , 3 اعقلي يا اسماء .. امك تقول لاتسوين مشاكل .. شهيق زفير ) : دايم كذا تنخدعي بالمظاهر .. دكتور وياما تحت السواهي من دواهي اسماء وصلت الأمبير معها .. كانتو بنتين من طرف اهل امها بعمرها تقريبا " مها – فرح " اسماء : قص يقص لسانك انتي وياها .. وش هالحكي !! عيب اعقلن مها عقدت حواجبها : اسماء ! شتبغي شهالقطة .؟ اسماء : ارض الله الحرة جالسة امشي فيها .. وسمعت كلام مايعجبني وعلقت عندك مشكلة .؟ فرح : ما تكلمنا فيك فاسكتي .. بجد تافهه اسماء : تكلمي فيني ماعندي مشكلة ! بس العالم اتركيهم بحالهم ... سامعة ! مها طالعت فرح : اسفهيها متخلفة .. بجد قاطة ومالها دخل اسماء نفخت حتى طارت غرتها وهي تمشي ناحيتهن : مالي دخل .؟ ... انا قاطة ومالي دخل .؟! عارفة عن مين تتكلمين ! فرح حطت يدها على خصرها : ايه عن عيال فقر ! اسماء هنا انقضت رغم فرق الاحجام لكن اتقوا شر من قرب للارض : عياااال فقر !! اوريك منهم عيال الفقر يابنت ال ***** ......... كلشش كلشش الا هيثم هاه !! بقص لسانك ترا فرح صرخت وهي تسحب اسماء من شعرها : يا مجنونة وخخخري ععنني اسماء وهي مهاجمة بقوة : تحسبين نفسك شي .. تراك بنت فقر يالقعيطية الله يجزا امي خير اللي تسدد ديون ابوك ولا كان في الشارع من زمان يالبزر فرح شهقت : كيف تجرأتي وقلتي كذاا ! اسماء :اتجرأ ونص .. هجججل هيثثثم مخدوعين بشششكله !! فرح : من هيثثثم يامتخلفة ماحكيت فيه اسماء وهي تعض وتضرب وتمعط : اعتذري !! انتبهو لصوت رجالي : فرح !! رفعت فرح راسها كان اخوها " عادل 23 سنة " : شتسون فشلتونا باصواتكم ! فرح وهي تبكي : هذي اسماء ضربتي وجالسة تذلني ان امها تدفع ديون ابوي مسكت مها فمها لما شافت هالمنظر .. خصوصا ان عادل معروف عنه انفعالي ومجنون وركضت ناحية الخيام اسماء اللي كانت واقفة وشوشتها طايرة من الهوشة .. ووجهها مكمخ اثر الهده .. ولمحة شقاوتها الطفولية محتدة بوجهها بدفاع : خير شتطالعني كذا ! عادل : اسمعي ! مو انك بنت الشمري ترفعين خشمك علينا ترا محنا قليلين اسماء بغرور : هاااافففف ... اكيد اكيد منتو قليلين الشرطة كلها تعرفكم معروفين ابوكم ملاحق له سنين ! عادل تهجم ناحيتها بس فرح مسكته : والله لاورييييك .. فراس وبدر مو هنا يردوني ! اسماء بثقة وجرأة : اليوم مو هنا بكرة يكونو موجودين .. وقتها يمكن الشرطة يعرفونك بعد انت " اشرت بيدها " يله هش بس شغلي مو معك مع اختك البازع ... " طالعت فرح " وانتي اخلصي اعتذري قبل اكمل عليك عادل صرخ باعلى صوته : اكككككككلي تببببن ياكلبببه ! اسماء : كلبه امك ! : اسمااااااااااااء ! التفتت اسماء لأمها وجمبها خالتها ام عادل ... والحريم مجتمعات : ........ ام عادل : عادل يمه ارجع للرجاجيل عادل : ولا راجع ! وانتي خالتي ترا محنا محتاجين احد .. وبنتك ادبيها بسها غرور وقلة ادب ! ام فراس : خلاص يمه عادل امسحها بوجهي انا بأدبها ! اسماء لفت راسها من امها اللي تطالعها بعتاب : ..................... وخالتها اللي واضح زعلت من " كلبة امك " : ..................... كان الوضع مريب ... اسماء طالعتهم : خير وش هالتجمهر وش تطالعون ! " التفتت لفرح ومها " وانتي وياها تراني ماخلصت .. والله واللي اسمه الله قبل ماتعتذرن لأوريكن ومشت بطريقها متجاهلة الكل : معد الا هيثم اللي يسواكم كلكم تغلطون عليه ! ام عادل التفتت لام فراس بعد ماراحت اسماء بثقة ما كأنها سوت مشكلة : ام فراس وش هذا ! والله والله ماراح اجلس هنا ثانية بنات البسو عباياتكم ام فراس : انتظري شوي يابنت الحلال خلينا نفهم وش صاير ... فرح مها وش صاير بالضبط ! فرح طالعت ابتسام اللي واقفة مع الكل ونزلت راسها فشلة تقول قدامها : ................... ام فراس : ماتكلمن اكيد غلطانات ! مها : آآآ ....... كنا جالسين نتكلم عن اخت ابتسام .. ابتسام عضت ع شفتها " الله يسامحك يا غادة وين حطيتينها فيه " ....... مها : بس والله ماتكلمنا فيها ! ...... فجأة طلعت لنا وصارت تمد لسانها ويدها ولا حنا مابدينا عليها ! ام فراس تنهدت : خلاص انا بتصرف معها .. خلاص يا جماعة الخير كلن يروح يرتاح مشكلة بزران وبتنحل مشت ام فراس بطريقها لحد ماوصلت لاسماء اللي كانت جالسة تغسل وجهها وخشمها اللي نزف بالمعركة : اسماء ! اسماء وهي تغسل : هلا ام فراس : ليش ضربتي فرح ! اسماء : لأني ابي اضربها ام فراس بصرامة : اسماء !!! اسماء : قهرتني ماتحملت ! من دخلت ابتسام وهي تهمس وتحش ... ولما لقيتها لحالها وتطلع كلام و .... قلت لها تعقل ما سمعتني فضربتها ! ام فراس : يا اسماء ماينفع .. انتي اللحين زعلتي الكل عليك وصرتي بنظر الكل غلطانة اسماء : مايهموني ! ام فراس : لا .. ابيك اللحين تعتذرين منهن اسماء : اعتذر طل .. يعتذرن قبل عشان غلطن على هيـ .." انتبهت لنفسها " على ابتسام ! ام فراس : ابتسام شكت لك الحال ! اسماء : لا .. بس انا مابيهم يغلطون عليها ام فراس : دام ماشكت لك خلاص ! لا تتدخلين واعتذري اسماء ضربت برجلها الارض بقهر : مابي مابي مابي ! ولو اشوفهن بعد يتكلمن فيها مرة ثانية بضربهن مرة ثانية بعد ... وقبل مايعتذرن ماراح اخليهن يتهنن بهالطلعة وكيفهن ! وراحت بطريقها هزت ام فراس راسها : وش هالبنت العنادية ! راسها ما أيبس منه ! رجعت اسماء للخيمة .. ورغم النظرات لها والكل منتقدها ما اهتمت مشت بثقة وجلست جمب ميهاف .. ميهاف : هههههههههههه هلا بالمشكلجية اسماء : اصبري علي .. فرح ومها ذلا حسابهن عندي ... وينهن اصلن ! ميهاف : بالخيمة الثانية هههههه , والله مجنونة انتي بالله شوفي وجهك 3 لزقات وجسمك حالته حاله ابتسام جلست جمبهم : اسماء اسماء : عيوني ابتسام ابتسمت : مرة ثانية اذا سمعتي احد يتكلم هالكلام .. لا تسوي مشكلة احقريهم ترا الحقران يقطع المصران اسماء : من قال ! انا اذا حقرت احد تتقطع مصراني انا مو هو .. واتركيني كذا مرتاحة مصراني ابتسام : هههههههههههههههههه من جدك ؟ اسماء : ايييه .. لا تخافين انا باخذ حقك ابتسام تنهدت : ياحبي لك اسماء .. اسماء طارت من هالكلمة .. : ايه حبيني وبس ! ابتسام : هههههههههههه بس .؟ الا اموت فيك بعد اسماء استرخت على الكنبة بحب : اااااااا قلبي بيوقف خلاص اسكتي ميهاف وهي تقرا مجلة بدر : ههههههه شوفي اخوك .. سائلينه بالمقابلة الشهرة ولا المال .؟ جلس يجاوب حكم ان المال وصخ دنيا والشهره اهم اسماء : مع نفسه .. والله لو يجرب يفلس عرف ان حكيه خراط ميهاف : ماتدري يمكن معه حق اسماء : ابتسام شرايك .؟ ابتسام : هممممم انا لو يخيروني اخترت المال طبعا .. الشهرة ازعاج صراحة ميهاف : ايه والله ازعاج وقلق بعد اسماء : اقول قومو بس نصور .. ميهاف كاميرتك معك ؟! ميهاف : طبعا اساسيات حياتي بالرحلات الكاميرا ! *** فـراس .. جالس بثقته المعتادة ويطالع الاوراق بيده : مراقبها كويس .؟ : ايه .. وهذي المعلومات اللي جمعتها عنها خلال هالفترة فراس : انصرف اجل استرخى فراس وهو يرتب كلش بعقله .. هالاسبوع فتح جروحه القديمة سند راسه على راس الكنبة وذكرياته ترجع لورا .... قبل اربع سنين لورا / امريكـا – واشنطن / فراس اصغر عمرا واكثر حويه وعيون تشع بالحياه اكثر وصل اليـوم لواشنطن والفرحة مو سايعته بيقابل أبوه اخيرا .. توجه مباشرة لمقر شغل ابوه ودخل مكتبه وقف أبو فراس بابتسامته المريحة : هلا هلا هلا والله .. نورت المكان والله فراس ضمه : ههههههههههههه منـور فيك .. أسمع عاد انا هنا موصى اراقبك لا تغازل احد بعيد عن ام فراس فانتبه! ابو فراس : ههههههههههههههههههههه الله يستر .. تفضل ارتاح ... ايه وش نويت تدرس .؟ فراس : خلاص سجلت ادارة اعمال .. بتخرج ان شاء الله وامسك اشغالك .. ابو فراس : الله يوفقك .. اللحين ارتحت ان حلالي في يدين سالمة عقب عيني فراس : عقب عمر طويل ان شاء الله ابو فراس : انا خلصت شغلي .. يله نطلع سوا اجل نتعشى ونروح الفندق فراس : وش اسم فندقنا .؟ عقد حواجبه بضيق اثر هالذكريات .. كان ابوي المثل الاعلى لي بالحياة .. الأول بقلبي وحياتي حتى روحتي لأمريكا كانت عشان اكون جمبه .. كان قدوتي باختصار ... مرت الأيام مثل النسيم الدافي بحياتي .. كنت رافع راس أبوي وهذا لحاله كافي عشان تصير أحلى ايامي بيـوم .. طالع من الجامعة مع مجموعة مع ربعه السعوديين / فراس : شباب كملوا طريقكم .. انا بمر أبوي واشوفكم المساء : ماحتطول .؟ فراس : لا أن شاء الله دخل الشركة وقبل يدخل المكتب وقفته السكرتيرة : excuze me but mr.Fhad busy فراس : is he alone ? السكرتيرة : I can't tell you , just he ask us to leave him alone فراس عقد حواجبه وهمس : قابليني ياليهودية! وظل واقف لفترة ثم مشى بسرعة بحركة مراوغة ودخل : هههههههههه شسالفتها سكرتيرتك مانعتني أ ...... سكت بصدمة وهو يشوف أبوه بوضعية مخلة مع وحده ... كان يشوفها بين فترة وفترة تتردد بالشركة !! وقف بصدمة ثم رجع وسكر الباب .. ابو فراس : فرااااس ! مشى فراس بطريقه وهو مو مصدق اللي شافه .. ابو فراس اللي كان يمشي وراه : فراس وقف اكلمك ! .... فراس ! مسكه من كتفه فراس التفت وصرخ : نععم ! شتبي ! تبي تفهمني غير اللي شافت عيوني ! ابو فراس تنهد : لا مو قصدي كذا .. فراس وكلش فيه يرتجف بقهر : ليش .؟ متزوج وبعيالك وتسوي هالحركات ! ايش تركت للشباب اجل ! ابو فراس : تعال نجلس لحالنا ونتكلم .. مو حلوه صوتنا طالع بنص الشركة فراس : اتركني بحالي مابي اسمع شي ! ... واسف اشغلتك روح كمل " كمل بقرف " شغلك ! وطلع لبرا الشركة فتح عيونه من هالذكريات بهدوء .. كانت صدمتي كبيرة مرت فترة ما أقابل ابوي ومهما حاول يتكلم معي كنت أصده , ايش مشاعر الانسان لما يكون مثالك الأعلى بالحياة مو نفس ما أنت متصوره .. دايم الرجال كذا رغم الجملود والقسوة والمظهر الجاد مجرد ريحة انثى تنسيهم كلش .. وهذا يخليهم اتفه من الحريم نفسهم .... بعد فترة من محاولات ابوي مل .. ما ضيع وقته يفهمني لأنه مو مهم كان خوفه أقول لأمي وبما اني سكت كل هالفترة ضمن فتجاهلني .. حتى انه مازال معها .. راجع من الجامعة للبيت رمى شنطته على الكنبة وتوجه للمطبخ وقف وهو يشوف حرمة بلبس عاري وتتمشى بالمطبخ تصلح لها أكل .. نفسها هي : ................... رفعت راسها : جيت .؟ يمه وش هالنظرات تخوف فراس : شتسوين هنا .؟ مدت يدها : اولا اهلا انا ريم .. كيفك .؟ مسك فراس معصم يدها بقوة وقال بحدة : وش تسوين هنا ! : فراس ! التفت فراس لأبوه : .............. ابو فراس : أتركها هي جايه معي فراس بصدمة : انت عارف اني اعيش هنا ؟ ابو فراس تنهد : راح احجز لك مكان ثاني فراس رفع حواجبه : تطردني .! عشانها .؟ ابو فراس : أنا ما اطردك .. بس اذا مو عاجبك الوضع فراس شد على قبضته وهو يطالع الحرمة : ممكن اسألك قبل أنقلع من بيتك .. لمتى هالسالفة ؟ ابو فراس بضيق : مو اللحين فراس .. مو اللحين فراس سحب شنطته وطلع بقهـر .. بعمره ماتوقع ابوه كذا .. وقف من الاريكة وهو يمشي للنافذة بالغرفة .. والذكرى للحين ماشيه معه وكأنها امس .. طلعت من البيت ثلاث شهور .. ماشفت ابوي فيها وقد ما سأل واتصل فيني وفي ربعي ماكنت ابي اشوفه .. ماراح اكون كذاب لو قلت كرهته وقتها .. تمنيت محد يناديه ابو فراس من القهر , الموضوع مع الحرمة معه صار علني الكل يعرف عن هالعلاقة وماكانت غريبة كل رجال الاعمال العرب هناك نفس الحكاية .. بس انا ماتقبلتها ! طالع من الجامعة بطريقي كان قدامي .. ارمقته بنظره وكملت طريقي تنهد ونده علي : فراس مارديت عليه كملت طريقي .. رجع ينادي : ماتبي فلوس ؟ جاوبت دون التفت حتى : حولي 20 الف قبض يدي حتى استوقفني : فراس انا ابوك .. كلمني فراس : شتبي يبه ؟! ابو فراس : 3 شهور ما تسأل عني .. فراس : وش تبيني اسأل اقول .. اخبارك بكل مكان واعرف انك عايش ابو فراس بضعف : فراس .. صدقني ان الموضوع غصب عني فراس بسخرية : صدقتك .. اكيد انت ماودك تجدد شبابك مع وحده حلوة ابو فراس : صدقني مب ودي فراس التفت لأبوه : مقدر اصدقك .. مو ودك اجل اسحب عليها ! ابو فراس بضيق : انا .. مسجل الحلال كله باسمها فراس نزلت عليه زي الصاعقة .. ! كل حلال فهاد الشمري تحت يد ***** ؟: شـلـون ! ابو فراس غطى وجهه بخزي : مدري شأقول لـك .. ولا ادري كيف صار .. بس مقدر اتركها اللحين لأن كلش بيدها فراس : مافيه حاجة اسمها مدري كيف صار .. اللحين تقولي كيف صار كل حلالنا تحت يدها! ابو فراس : قمار ... فراس كل شوي ينصدم بأبوه اكثر .. هدا اعصابه وقال بتماسك : خل نروح للشركة ابو فراس : ليه .؟ فراس : عشان نلقى حل لهالمشكلة ... ابو فراس هز راسه وراح معه ... ماتركت الشركة اسبابيع .. استعملت كل الوسائل دورت عثرة في خطتها ولما حصلت حسابها الغير قانوني سرقته دون اتعب نفسي بالقانون .. كان الموضوع سهل لكن المشكلة هي أن ابوي ماعرف يفكر بيومها .. ابو فراس : مو مصدق ! كيف ؟ فراس : ادرس طريقة خصمك قبل تهاجمه .. وقتها تعرف كيف تحلها ابو فراس بفرحة : رايح لها اعلمها فراس ابتسم : ياليت تتركها علي ..انت خلاص اهجد ولا بجد بفضحك عند ام فراس ابو فراس : ههههههههههههههه ينخاف منك انت مشى بطريقه لبيت أبـوه وين ماكانت موجوده .. دخل كانت جالسة بالصالة ومعها صديقتها : هههههههههههههههه الغبي لعب قمار بكل حلالوه مو معئـول شو حمار : الله يبعتلي مثل حضك يارب انتبهت لفراس الواقف : غريب انت بالبيت ! فراس جلس وحط رجل على رجل بثقة : سمعت ان عندك حسـاب سري سويسري .؟ عقدت حواجبها : شو ؟ فراس : شفيك .. سؤال عادي , عندك ولا لا ؟ قالت بثقة : ايه عندي .. فراس : اها .. ودك تشيكين عليه ؟ هلعت هنا بجد .. لأن كل حلال ابو فراس حاطته فيه : شـو ! فراس ببرود : اختصرها .؟ انا سرقت الحساب وقفت بانفعال : شو سرقته ماسرقته ! بشكيك هلأ فراس هز كتوفه : اشكيني .. السرقة من اللصوص حلال .. أي شكوى تقدمينها يبحثون عن كل معلوماتك وقتها حاسبي كل احتيالاتك يا هانم : شو عرفك عن كل هاد ! فراس : اذا ابوي على نياته انا لا .. ماتمر علي سوالف المتشردين مثلك , واللحين ضفي عفشك وانقلعي برا مدت اصبعها بتهديد : انا طالعه بس صدئني انت تعلب غلط وراح تندم .. وانا هلأ حطيتك براسي فراس بطرف اصبعه نزل اصبعها : يدك وماتعطيك طلعت من المكـان .. وفراس جلس باسترخاء مستمتع بحلاوة النصر رجع للواقع اثر دق جواله .. شاف المتصل " لؤي " تنهد وسكرها دون يرد , وهو يتذكر كيف كلش صار .. خذتي العزة بالاثم اغتريت بنفسي ونجاحي , ومع الكل حولي يشيد فيني لحد ماجا اليوم اللي تأكدت اني لعبت مع ناس غـلط وكان ثمن لعبي غالي .. بليله كنت فيها طالع برحلة مخيم .. دق جوالي : الو : فراس .؟ ابوك فين ؟ فراس : مو عندكم .؟ : لا والله ... وفيه اجتماع مهم ومفروض يكون معنا بس ماحصلناه فراس : ومايرد ع جواله ؟ : اذا يرد كنت بدق عليك ! فراس : خلاص ماشي اكيد بالبيت ومقفل جواله رايح اصحيه لك طلعت من المخيم للبيت .. لكن قبل ادخل تفاجأت بخمس سيارات قدام بيتنا , تسارعت خطواتي بخوف من اللي ببالي .. فتحت الباب ودخلت : يبـــه . . مجرد دخولي للصالة هنا فهمت شغلة وحدة بحياتي .. اقرب وصف للشياطين مو الجن .. البشر .. فهمت وش معنى انسان تتجرد منه معاني الإنسانية ... كنت امشي على بحر دم تجمدت حواسي وانـا اشوف ابوي بنص اعضائه .. والنص الثاني .؟ متناثر بالمكان .. صرخت بأعلى صوتي من هلعي من خوفي .. كنت ارتجف ... حاولت اوصل له ماعرفت امشي تحرولت .. تسكر باب البيت .. التفت كانت هي ومعها مجموعة رجال باشكال مشمئزة .. ! : ............................ انحنت لمستواه ومسكت بذقنه : اهلين يـاحلو .. مو قلت لك ماتلعب مع الناس الغلط جلس جمبها رجال بشكل مرعب : هذا هـو ولده ! شاح بنظره برعب للمكان مرة ثانية .. كابوس .؟ لا اذا كابوس وش هالشي اللي جالس يتمزق بصدره .. : يــ . . . . يــبـــه .. نطق واحد فيهم بتبلد : مامات للحين .؟ : الا اكيد مات .. بعد الصراخ والحالة مات : خذو الجثة وارموها بمكان بعيد فراس مسك صدره وهو يوقف .. ومهما حاول ترجع لكمه تطرحه .. يوقف ... ترجع لكمه تطرحه لحد ما غاب عن الوعي ببطء وعيونه لآخر مرة على أبوه ... كان واضح على وجهه علامات الرعب اللي عاشها قبل يموت دموعه ماليه وجهه وواضح الارهاق من التعذيب .. " بعد ما استرجع وعيه " فتح عيـونه ببطء .. المكان هادي . سـكون .... حاول يوقف التفت حوله " كابوس .؟ " كان الجواب شكل المكان المخيف الدم بكل مكان بشكل جشع .. لكن أبوه .. او بالاحرى جثة ابوه مو فيه .. وقف بسرعة ماكان فيه احد .. طلع السيارات مو موجودة ... الا سيارة وحده ركبها اثنين ومشت .. ركض وراها بيأس وهو يصرخ .. مايدري ليش يركض .؟ او وش يبغى منهم .؟ الشي الوحيد خوفه ان جثة ابوه تنهان اكثــر ...... صرخ بأعلى صوته حتى اختفى : يبــــــــه.... يبـــــــه !! تعثر بركضه بألم .. حاول يرجع يوقف وسط دموعه لكن انحنى بيأس وهو يبكـي .. ولأول وآخر مرة بحياته يبكي بهالشـكل وقفت السيارة ... وترجل السايق مسك فراس ياقته وصرخ وسط دموعه : ويييييييييين ابوي !! وييييينه .؟! شي حاد يخترقه ..طالع فراس مكان صدره والسكين داخل ..وسعل بألم .. طعنه بصدره وهمس باذنه : تحاول تجي ورانا .. 3 سم يمين وتلحق ابوك انتهى شريط ذكرياته اللي يستحق يتذكره .. بعد اللي صار وبعد ماصحى احتفظ بالموضوع سر عن الكل ماقال لأحد اللي صار الا لؤي وحتـى لؤي ما يعرف وش صار بهالليلة كل اللي يعرفه أن ابوه انلعب عليه .. وبيوم اختفى دون يدري احد وين صار وبعد فترة حصلو جثته .. وفراس ماتكلم بهالموضوع مع أحد لحد اليوم .. حاول يحصلهم اكتشف اساميهم مزوره كلش فيهم مزور .. وطول هال 4 سنين دورهم بكل مايقدر .. واخيرا حصلهم ! وقف بثقة واذا هالحادثة فادته بشي .. فهي زادته صلابه وقوة طور الصدمة اللي عاشه صحاه على معاني بحياته ماراح ينساها ...واللحين هدفه واضح وبداخله حالف يتخلى عن انسانيته بنفس الطريقة اللي تخلو فيها عن انسانيتهم .. | ||||
|
| |
|
28-02-17, 07:06 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " الفصل الواحد والعشرون " \ - لاتسخر من امرأة عنيدة اثناء غضبها فهي قادرة على القتل حينها ! جبران خليل جبران قالت بدلال ونفاذ صبر : بدوووري .. خلاص بسك نوم لمتى يعني .؟ عبست ملامح وجهه بانزعـاج : ............. انحنت عليه وهمست بإذنه : تـأخرنا على التصـوير ياعسل فتح عيونه وهو يسحب ساعته .. تنهد وهو يبعد الغطا ويلبس روبـه التفت لها قبل يطلع من الغرفة: وش تنتظري هنا ؟ قالت وهي تلعب بشعرها : نروح سوا لموقع التصوير بدر : مو ناقص اشاعات .. روحي لحالك : أنتا لا توسوس وما حيصير شي .. وحنروح سوا بدر وهو طالع : روحـي بيتكم بس وقف قدام المراية بطوله الفارع بعـد مالبس وخلص .. بعد ماقيم الإطلالة طلع برا غرفـته وبطريقة لبرا كانت جالسة ولابسة بلوزته والفطور قدامها : مايصير تروح ما أفطرت بدر طالع الفطور : مارحتي .؟ : مو قلت لك بنـروح سوا .. خلاص معناها بنروح اخذ كاس القهوة وارتشفه وهو واقف .. : ليش طاير اجلس ارتاح بدر : مستعجل ما معي وقت حطت رجل على رجـل : ممكن اسألك سؤال ؟ بدر : شنو ؟ : يعـني انت خاطب .. ومن اعلانك قبل فترة عن خطبتك انك تحبها و ... اجل ليش جالس تلعب من وراها ماعدت تحبها؟ بدر بسخرية : ماعدت احبهـا .؟ اعشـقها وما أبدلها بنسوان الدنيا كلهم قالت بضيق : أجـل ليش تخونها ؟ بدر : لأني أحب نفسي اكثر .. اذا قلت لك اني احبها تتوقعي هي تحبني .؟ محد راح يعطيك الحب والحياة والمتعة غيرك ومحد راح يحبك كثر ماتحبي نفسك .. لأن الكل مشغول يحب نفسه انتي كمان انشغلي بحب نفسك وقتها العالم بيحبك : أفهم منك انها ماتحبك ! بدر حاس بفمه : من يدري .. حط كاس قهوته : يعطيك العافية على القهــوة : استنى نروح سوا ! كان الجواب اغلاق الباب .. نزل لسيارته واتجه بطريــقه لمقر التصوير أول مادخل استقبله المخرج المنزعج : ماراح نصور كمان استاذ بدر ! بدر بغرور وهو ينزع نظارته ويقيم المكان : نقرر اللحين على حسب شغلكم المخرج : معليش استاذ بدر ضاع وقتنا .. لنا اسبوع ما عجبك شي ! بدر : وتضيع سنه عشاني .. ناسي ان وكالتك ماتسوى شي دوني ولا اذكرك بالسقطة حقتك بعد ما الغيت عقدي المخرج : ايش استفيد منك بكل الحالات اذا ماتصور ! بدر : اشتغل زين وقتها راح تستفيد وكمل طريقه بغطرسه .. وهو يأشر : الاضاءة تعـدل الوهج بوجهي مباشرة ناوي تدمر شبكة عيوني .... والستارة مو طلبتها بيضا؟ ! المخرج رمى بالاوراق بانزعاج وجلس مع مجموعة الاخراج : شو صاير عليه ! سلطته ماعاد تطاق ! : شو بدنا نعمل .. ضاع اسبوع للحين المخرج : اذا مامشى الشغل اليوم .. راح اتعاقد مع غيره مو معقول اللي جالس يصير *** صحـت من النـوم .. ضجـة بالبيت كالعادة , وقفت عند سرير رنيم كانت نايمة سحبت رجلها لبرا الغرفة تجهز لها حاجة تاكلها شهقت أول مانزلت وشافت امها جالسة مع شاب وبنت .. ورجعت تركض تصعد عضت على شفتها حتى ادمت عندهم طبيعي هاللي يصير مجتمعهم كذا ... هـي غير , صعدت لها لورا وقالت بضيق : شو عملتي ! سودتي وجهي .. شو صار لك اخترعتي فجأة غادة اللي كانت واقفة عند راس الدرج وماسكه صدرها : ما كنت متغطية لورا : ايه وشو يعني ! بلاها هالتخلفات ماراح تعيشي هون براحة هيك غادة نزلت راسها وقالت بضيق : آسفة .. لورا تاففت : شو طالعه جدبه ومابتفهمي لأبوكي أول مانزلت جلست غادة وسندت راسها على ركبها .. وش سويت بنفسي انا .. معه حق هيثم انا كركبت حياتي كلها .. نزلت دمعتها وهي تحس بوحده خانقتها .. سمعت صوت رنيم تبكي ولورا تحت تصرخ : سدي فم هالبنت ! وقفت وهي تمسح دموعها ودخلت لرنيم تهديها طالعتها بين يديها بعيونها الرمادية .. نسخة من عيون لورا ابتسمت وهي تتذكر هيثم تو تفهم ان هيثم أخذ عيون لورا بعد .. : .................. ابتسمت وهي تشوف رنيم ترضع اصبعها الصغيرة : يا ترى انا جبتك لحياة أحسن ولا لا .. والله معد افهم .. احسني ضايعه طـول وقتها بهالغرفة ماتطلع .. لأن وقت تطلع بتندم من اصدقاء لورا اللي بالبيت 24 ساعة .. فتحت شنطتها وهي تشوف باقي فلوس نايف اللي اخذتها .. تقدر تستاجر بها شقة .؟ لا ماتقدر الفلوس مصيرها تخلص وكيف تشتغل ورنيم و ..................تنهدت وحطت رنيم وتوضت وصلت وهي تدعي ربها يفرجها عليها بعد ماخلصت وقفت عند النافذة تطالع الشارع .. حي بسيط والكل يعرف بعض هنا تنهدت : ياترى ابتسام شجالسة تسوي .؟ بتكون زعلانة علي ... هيثم .. اكيد بيكون حاقد علي ..... أحمد وش ردة فعـله .؟ معقولة اكون فعلا غلطت اني اخذت بنته بعيـد ... *** مدينة المـلك فهد الطبية / واقف برا المستشفى بمكان لحاله .. ومسح على وجهه بتوتر الساعة 3 وله ساعة بالسماعة للحين صرخ : وانا شاسوي لك اللحين !! طالع بايدي شي وقتها كلمني .... أحمد : انا ما صدقك انها انحاشت ! اكيد خاشينها ماتبوني آخذها ! هيثم : على طاري .. تعال ذكرتني ! انا مو قايلك غادة ماتدري ان امها حية ! احمد : ......................... هيثم : ساكت هاه .؟ احمد ربك ان معد لها بقلبي مقدار ولا كان سودت عيشتك احمد : ماشي ماشي .. انا بدورها ووقت القاها بذبحها والله لاذبحها هيثم بهدوء : وقت تلقاها انا اللي بذبحها وسكر السماعة وجلس ... من راحت وهو في مواجهه مع عمانه على موضوع نحشتها هذا وضابط نفسه واعصابه كل هالفترة لكن خلاص طفح الكيل , ركب سيارته ورجع لشقته ماله خلق المستشفى .. ومحتاج يرتـــاح .. انسدح وهو يتمنى النوم يجيه مافيه فايدة أرق , كل مشاغل الدنيا تجيه وقت النوم ... وهو يتمنى داخله ان غادة تكون بأبعد مكان بالدنيا لأن وقت يلقاها ماحيصير خير *** الكـويت – الساعة 9 مساءا / دخـل لؤي البيت بعد ماسكرها من فراس .. للحين يراوغه بس هو متأكد حاسته السادسه مستحيل تخذله , دخل المطبخ وين ماكانت : مساء الخيـر سارا اللي كانت تقطع بالخضره ردت ببرود : مساء النور لؤي : شفيه صوتك .؟ سارا ارمقته بنظرة ورجعت تشتغل .... لؤي : شنـو ؟ جلست السكين على الطاولة بقوة والتفتت له : من جدك ! لؤي : شبلاك معصبه ؟ مزعلك انا شي ؟ سارا وهي تحاول تضبط اعصابها : تدري أنك لك يومين ترجع تنام ماتسأل علي .. وحتى اذا سالت ماتسمع جوابي , واذا دقيت عليك ماترد واحيان ترد بنبرة معصبه لؤي : اعصابي تعبانه هالفترة اعذريني سارا : شنو اعذرك ! وليش اعصابك تعبانة .؟ لؤي : لسبب طبعـا .. ماراح تكون تعبانة لانها طفشانه سارا : أيـوه وكالعادة ماتقدر تقولي هالسبب .. ما ادري ليش متزوجني اذا ما تثق حتى تكلمني لؤي تنهد : سالفة طويلة سارا وفوق كذا ماتخصني .. فراس بمشكلة وانا متوتر بسبب هالشي سارا : اخيرا طاح بمشكلة .. مابغت عقوبته توصله لؤي بحدة : سـارا ! سارا تنهدت : مو قصدي ... بس انا مايرضيني التقصير منك لؤي خصوصا منك لأني رامية كلش ورا ظهري عشانك لؤي مسك يدها بنعومة ورفعها وباسها : عارف ياقلبي .. وآسف اذا ضايقتك هالفترة اعذريني سارا رفعت حاجبها بكبر والتفتت : أفكر لؤي باستعطاف وهو يطبع بوسه ع كتفها : آخر مرة طيب سارا طالعته بتسائل : اسامحك .؟ لؤي بوجهه البريء : ايه تكفين سارا : بشرط ! لؤي : آمري عيوني لك سارا : نروح السوبر ماركت نشتري اغراض وكاسر على نص السعر لؤي كشر : نععععم ؟ سارا بحزن مصطنع : شنو ماتبي تراضيني .؟! لؤي بانكار : لا اطلبي حاجة غيرها ! سارا : مابي غير كذا .. واذا ماتبي خلاص اصلن عادي اضل زعلانة مايهمك لؤي شد على قبضته : ماراح اقدر صدقيني حتى لو أحاول سارا وهي تكمل شغلها : انت ماكلفت نفسك تحاول حــتى لؤي وهو ضاغط على نفسه : بحـاول ... مجرد محاولة سارا : ايه اوك مو مشكلة لؤي : يله راجعلك سارا وهي تسحب جاكيتها : وين وين ! انا معاك ع بالك بصدقك لؤي نفذ صبره : ايه ايه كنت بكذب عليك ! ولا راح اروح ! ولا راح اكاسر ! وعمرك مارضيتي بعد ودخل غرفته ... سارا كبست بعينها اكثر من مرة لهالدرجة صعبه ! دخلت الغرفة وهو جالس ع جواله وجلست جمبه : أحبـــك طيب .؟ لؤي ابتسم : طيب طبعت بوسة على خده : العشاء شوي وراح يكون جاهز لـؤي : اوك *** حست غادة بملل . . بتنخنق من التفكير لو تضل حابسة نفسها بهالغرفة اخذت طرحتها وطلعت , حست البيت هادي فتحت باب غرفة بتخمين وهنا بلعت ريقها وهي تطالع أجمل منظر شافته بحياتها .. غرفة ملابس كاملة بكـل صرعـات الموضة جزم شنط فساتين شالات نظارات اكسسوار قبابيع كل قطعة حلمت بها بحياتها هنا .. مدت يدها وهي تمسك جزمة بين يديها وتتحسس جمالها : عجـبتك ؟ رمت الجزمة من يدها والتفتت للورا اللي واقفة ومبتسمة : ... آسفة مو قصدي .. بس كنت اتمشى و ... لورا جلست على الكرسي الريش : بتعرفي كيف وصـلت لهون ؟ غادة طالعتها باستفهام : .................... لورا وهي حاطه رجل على رجل وبيدها كاس خمر رفيع : كنت متجوزة أبوك .. وماكان معتر بالعكس كان عندوه حلال وايدوه كريمة خصوصي لألي غادة : بجـد ؟ لورا : ايه .. بس الإنسان الناجح بيطالع لفوق فلما ماعجبتني العيشة وكبرت المسؤولية عرفت انه لو اضل راح تخلص حياتي من بكير وراح تتجعد بشرتي بكير غادة بسخرية : تتجعد بشرتك .؟ تركتني كل شي عشان ماتتجعد بشرتك لورا : احكيلي كيف كنتي عايشة عند ابوكي .؟ بذمتك ماكانت عيشة تذل .؟ تطفر ؟ غادة شدت على قبضتها : .................... لورا : بيوم سرقت خزنة ابوكي كلها تركتوه على الحديدة ورجعت لبلادي ورحت استثمر بمصاريه وهيك لحتى وصلت لهلأ غادة انقبض قلبها : الفقر اللي كنا عايشينه .؟ انتي سبته ؟ لورا : ماتلعبي ع حالك .. انتي بنت امك شفت المصاري اللي بسكتك مو هاي سرقتيها من جوزك أكيد ؟ غادة : ................................... لورا : بس هلأ لما بفكر ... انتي انو وحده الكبيرة ولا الصغيرة ؟ غادة بقهر قالت وهي تششدد ع حروفها : بنتك الكبيرة اسمها ابتسام .. متزوجة تاجر وتعيش احسن عيشة بكرك اسمه هيثم دكتور وجراح ناجح وكل المستشفيات تتمنى يشتغل معها ..... وبنتك الصغيرة غادة ومعك حق تشبهك عشان كذا هي الوحيدة اللي فشلت بحياتها لورا : شو بكي تحمستي .؟ سردتي لي حياتهون " ضيقت عيونها وقالت ببرود " مابدي اجرحك بس انتي مو بنتوه لمشعل غادة ببرود وهي طالعه من الغرفة : شنو يعني ! لورا باستمتاع بصدمتها : انا ماقربت ابوكي وقت حبلت فيكي ... " قالت بهمس " كنت بخونه غادة تشنجت التفتت بانكار : ششـ......شنو ؟ لورا وهي تسكر الباب وتنزل لتحت : ياللي سمعتيه... مشعل مو ابوكي غادة طالعتها وهي تنزل ولا كأنها شلت حركتها بهالخبر .. هزت راسها بانكار : كذابه .. كذابه .. مستحيل لاتصدقينها ! دخلت غرفتها وهي في حالة انهيار .. حتى ان رنيم كانت تبكي بضجة وما اعارتها انتباه ..: كيف .. كيف بابا مو بابا ؟ تنصدم أن امها حية .. تنصدم ان ابوها يموت .. تنصدم ان ابوها مو ابوها ... قالت بخنقة : تعبت والله تعبت ابي اموت وارتاح *** السـاعة 6 مغرب - بيت نايف / ابتسام حاسه بانتعاش هاليومين .. نايف ساعدها تتحسن نفسيتها كان جمبها على طول ويطلع معها على طول ابتسمت لنفسها بالمراية وهي تتذكر جهوده معها ولو انها ماتعتبر جهود مجرد يقضي وقته معها .. لكن هذا كافي بالنسبة لها حتى انها عزمت هيثم اليوم نزلت للمطبخ وطلعت الحلا من الثلاجة وصفت الفناجيل وانجزت شغلها وجلست على الطاولة تنتظره انتبهت لصوت الباب ينفتح اكيد نايف جا طلعت له : جيت ؟ نايف كشر : وش هاللبس !! ابتسام بنعومة وهي تحط قدامه خف البيت وترجع جزمته اللي فصخها مكانها : هيثـم اخوي بيجي يتقهوى معاي نايف بضيق : وقتــه .؟ ابتسام بضيق اكثر : اخوي حبيبي نايف وهو يحاوطها من خصرها : عـارف .. بس كان براسي موال ابي اغنيه اللحين ماينفع ابتسام بنظرة جريئة : مين قـال ماينفع .. مجرد يتأجل شوية تنهد نايف وهو يطالعها .. ماكان يشوفها بهالاغراء اول ماتزوجها مايدري وش تغير : ........... دق جوالها طلعته من جيب بنطالها . باست خده بنعومة : هذا هيثم .. انا مجهزه ملابسك فوق بدلها وتعال اجلس معنا نايف : ماشي صعد نـايف وهو يشوف ملابسه مجهزه بترتيب زي كل يوم .. حتى لما زعلت عليه كانت ملابسه ترتب قدامه ماعمره تعب نفسه حتى بفتح دولاب من تزوجها لبس ملابسه ونزل لهم : هلا ابو نسب وقف هيثم وسلم عليه : شكل هالغيبة .وينك يارجال ماتنشاف نايف : ابد موجود .. انت اللي غاط بهالمستشفى ماتدري عن العالم هيثم ابتسم : معك حق .. جلس نايف جمب ابتسام مباشرة : ليش ماجيت لعزيمة قبل كم يـوم .؟ والله كان الجو يفتح النفس هيثم : انا خلقة ما احب التجمعات .. وكان عندي شغل نايف سكت لفترة بسيطة ثم قال : اهم شي تكون مشغول .. مو مستحي من نفسك او شي لأن مافي عيب يوصلك هيثم باقتضاب : قلت لك مشغول ! ابتسام : معه حق هيثم .. انا كمان حسيتك ماجيت عشان كذا , صح راح تسمع كلام بس خلك قوي ومصير الناس تمل هيثم ارتشف فنجال قهوته دون يعلق وعيونه بالارض : ....................... ابتسام قالت بمرح تغير الجو : هههههههه اخر مرة بالبر تكلموا ثنتين ما ادري شسالفتهن عن هالموضوع وتخيل شصار .؟ هيثم وهو ناقد : وليش تضحكين ومبسوطة ان الناس تتكلم عنك ابتسام : هههههههههه بنت عم نايف قامت عليهن وماتركتهن الا لما قالن والضالين آمين نايف : اسوم الهبله .؟ ابتسام : ههههههههههههههه ايه ماغيرها .. فجاة جت وحده تصارخ تقول الحقوا على اختي رحنا نركض كلنا حصلناها متهاوشة مع البنت واخوها بعد ! تصور يا نايف ان اخوها كبير ويخوف وطول بعرض وهالنتفه واقفة قدامه وتهزأ وتهاوش هيثم اشتد انتباهه .. جالسة تهاوش دفاع عشانهم :......... من هذي .؟ بنت عمك نايف ؟ نايف : هههههههههههه ايه شفت فراس وبدر عيال عمي ؟ هيثم : ايه نايف : هذي اختهم الصغيرة .. شحليلها والله محاميه ابتسام : تجنن بجد .. والمسكينة انجرحت وجهها كله لزقات هيثم ابتسم وهو يتذكرها لها فترة مارجعت للمستشفى طلعت مشغولة تهاوش الناس عشانهم : ....... ابتسام : لا وامها تقولها اعتذري تقول لا وبحتريهن يجن لحالهن اكمل ضرب فيهن نايف : ههههههههههه تعلميني فيها اعرفها .. ياحليلها من هي صغيره كذا ماتغيرت دق جوال هيثم .. طالع المتصل ثم طالعهم دون يرد : يله انا اسمحوا لي استأذن واكرمكم الله ابتسام : فيين بدري ! هيثم : هذا الدكتور اكيد طالبني بشغله ضرورية .. يله اشوفكم وقت ثاني نايف : في امان الله .. وخل نشوفك على طول هيثم : استودعتكم الله طلع هيثــم ... نايف التفت لإبتسام : انا رايح لأهلي ابوي يبغاني .. تروحي معاي ؟ ابتسام ابتسمت : شسالفتك هالفترة .؟ وين ماتروح لازم اروح معاك نايف : تروحي ولا ماتروحي .؟ ابتسام : لابسه عبايتي وجاية صعـدت لغرفتها وعدلت شكلها ولبست عبايتها ونزلت لــه ... ركبو السيارة : نايف وهو يحرك السيارة : رايحين زيارة بسيطة عشان ابوي يبغاني .. ماراح نتعشى هناك مو تعزمك امي وتوافقين ابتسام : والله استحي من اسلوبها الملح .. اوافق غصب نايف : لا هالمرة لا تستحين .. ولا خلك جمبي وانا بعرف اتكلم ابتسام بتردد : نـايف نايف وهو يشرب قهوته ويسوق : هممم ابتسام : اهـلك ... لما قلت لهم وعرفوا عن غـادة ....شردة فعلهم .؟ نايف : مدري اساسا ماقلت لهم ... هم سألوني وانا قلت ايه وبس ابتسام : كيف يعني .. احتقروها .؟ نايف : ايه ... بس انتي مالك دعوة ابتسام بألم : اختي .. كيف مالي دعوة ؟ نايف : لو ع كذا ماكان الكل يحترم لؤي ويحبه بسببي ابتسام : لا تقول كذا عن نفسك يكفي بس اني اشوفك غيـر اللي تقول نايف رفع حاجبه : بجد .؟ ابتسام : ايه .. صح كنت بالبداية اطالعك دايم واقول وش يحس به هذا بس مع الوقت فهمت طبيعتك *** ميهـاف / رجعت من النادي وجلست بتعب : اليوم بردت حرتي بالتمارين ام نايف وهي تبخر البيت : قومي بدلي بسرعة .. نايف وزوجته بيجون ميهاف : بجد .؟ حليلهم وش هالزيارة ام نايف : حياهم الله البيت بيتهم ميهاف : يله اجل انا صاعده اتروش وابدل وجايه ام نايف : مو تأخرين ! اعرفك سنة عشان تلبسين اول ماصعدت رن الجرس .. ام نايف : ميري افتحي الباب عقدت ام نايف حواجبها بملل بعد ما تأخروا بجد مادخلوا .. طلعت تشوف حصلت نايف يتسلق لفوق سقف الملحق وابتسام تحت بعبايتها وشايله النقاب والطرحة وشايله فهد اللي يبكي : خلاص فهودي بيجيبها اللحين " طالعت لفوق وعلت صوتها شوي " نااايفف انتبه لنفسك مو ضروري تجيبها ام نايف : هاو شصاير ! نااايف ! شتسوي بالسقف ابتسام : هلا خالتي .. كيفك شلونك ؟ ام نايف : حمد الله بخير جعلك بخير .. شيسوي هالااصدع فوق ابتسام : ههههههههههه فهود كورته فوق وصعد يجيبها ام نايف بقلق لان طريقة تسلقه خطيرة : نااااااايف انزل وبنجيب له بدلها مجنون انت ! نايف رفع الكورة : فهود حبيبي هذي الكورة تبيها فهد وهو يمسح دموعه بفرحه : اييييييييه ! ابتسام باست فهد بخده : ياعمري ياناس نزل نايف بحركة رشيقة : هلا يمه يمسيك بالخير ام نايف : هلا والله .. خلصت عملية انقاذ كورته ؟ نايف : هههههههههههه يستاهل اكثر فهود .. صح فهودي ؟ فهد بثقة : سسححح ام نايف : يله حياكم تفضلوا .. هلا ابتسام هلا امي والله زارتنا البركة ابتسام : البركة بوجودك خالتي نايف : يمه .. ابوي وين ؟ ام نايف : بمكتبه فوق نايف : انا صاعد اشوفـه ام نايف : ابتسام وش هاللي بيدك ابتسام وهي تمد الصينية : حلا اشتهيته لك فسويته .. رايحة المطبخ اوديه ام نايف : الله يسلم هاليدين .. لا لاتروحين المطبخ وين ميري تجي تاخذها خـذت ميري الصينية وراحت .. ام نايف : تفضلي ارتاحي فصخت عبايتها وجلست .. ام نايف : ابي اكلمك بموضوع ابيك تساعدينا فيه ابتسام : آمري خالتي عيوني لك ام نايف : الله يخليك يارب ... نايف ماكلمك مرة عن وظيفتـه ؟ ابتسام : لا والله ام نايف تنهدت : حنا نبيه يتوظف .. مو حلو وضعه كذا لا وظيفه ولا شي وهو رافض وابيك تساعدينا تقنعينه ابتسام : والله مدري شأقول لك خالتي .. من عيوني بحاول بس ما اظمن لك انه يسمع مني ام نايف : هذا ابوه فوق يكلمه .. وانتي بعـد كلميه وكثر الدق على الحديد يفكه ابتسام : ان شاء الله بسوي اللي اقدر عليه وان شاء الله خير دخلت عليهم ميهاف : اهلن اهلن بمرة ولدنا المزة .. كيفك حبيبتي ؟ ابتسام : هلا والله بالعروسة ميهاف : هلا فيك .. وش هالزيارة الحلوة ؟ جايبة حلا من سعد الدين وبخااطري اكله مع احد واكلم اسماء تقول مشغولة .. جابك الله مير ابتسام : يووه ميهاف لا تكفين .. وربي سامنة هالفترة حتى نايف لاحظ ميهاف : يوووه الله يعينك .. عاد نايف يكره السمنة بشكل ابتسام : مممرة .. تخيلي زايدة رقم على الميزان بس لاحظ ميهاف : ههههههههههه بس ماعليكي لقمة ماحتضر ابتسام وقفت : يله رايحة معاك نجهزها سوا اجل ميهاف : لا ارتاحي اجلسي مع امي ابتسام : هههه راجعه لها معاك بس نخلص طلعت معها للمطبخ .. واثناء ما ميهاف جالسة تقطع الحلا : كلمتك ماما عن وظيفة نايف صح ؟ ابتسام بضيق : ايه .. احسها مرة معتمدة علي وانا بجد ما اتوقع انه بيسمع مني ميهاف : القهر انه عبقري بشكل ماتتخيليه .. ابتسام فتحت عيونها بدهشة : بجد ..؟ ميهاف : ايه .. مره ذكي بس مايهمه مهمل مايبي يشتغل مايبي يدرس يبي يدج وبس ابتسام متفاجئة .. هالفترة كلها كان عايشة مع عبقري : .......... ابتسمت ميهاف وهي تسمع صوته برا يكلم امه : هذا هو على طاريه ابتسام شالت الصينية وطلعت لهم وحطتها .. ابتسمت وهي تشوف ابو نايف موجود وسلمت عليه : بالخير عمي .. كيفك شخبارك ؟ ابو نايف : حمد الله .. " ارمق نايف بنظرة " وانت اشوفك بكره نايف بتطنيشة المعتاد وهو ياكل قطعة حلا : مرة لذيذة هالشوكلاته .. تسلم يدينك ميهاف ام نايف : جعله صدق .. اما ميهاف تطبخ ؟! هذا طبخ زوجتك نايف طالع ابتسام : بجد .. متى امداك تسوي حاجة اليوم ماشفتك ! ابتسام : مسويتها امس نايف وهو يضرب على ظهرها بخفه : كفو مرتي .. " طالع ميهاف " شوفي السنع تعلمي ميهاف كشت عليه : مالت والله حرام هالسنع فيك نايف اكتفى انه يطالعها ويبتسم ام نايف بفرح وهي تشوفهم : الله يسخركم لبعض يارب ولا يخليني من هالجمعة ميهاف سمعت جوالها يدق من بعيد : فهود حبيبي جيب جوالي فهد طالعها بشقاوة : انتي قومي ! ميهاف : اففففف بزران اخر زمن صدق ام نايف : قومي انتي .. تخلينه هو يجيبه خاف يطرحه ويكسره قـامت ميهاف واخذت جوالها اللي تركته بالمطبخ .. كان المتصل " بدر " استغربت له فترة مايكلمها ردت : ايوه بدر : هـلا والله بالصوت .. كيفـك ؟ ميهاف حست بضيق .. اشتاقت ترد على هالصوت برواقة وتسولف لكن بعد اللي سواه ماتقدر :طيبـة .. بدر : ما اشغلك ولا اطول عليك .. شفتي العدد الجديد ؟ ميهاف كانت شافته .. عبارة عن تصوير عربي بحت لجو الصحراء ولمحة العروبة وماتنكر انه اعجبها لدرجة كل صورها حفظتها : ايه شفته .. اعرف واحد سوا زي هالستايل قبل فترة وكان مرة احلى ما ادري وش المشكلة مع صورك .. هوا منك ولا من الاستديو بدر : تستهبلي ؟! مين سوا قبل فترة ! قصدك مراد ؟ شفته تصويرنا متقن اكثر !! ذوقك منتهي انتي ميهاف ببرود : معاك حق الناس اذواق .. داق تسألني بس عن الصور ؟ بدر باستهزاء : دامه ما اعجبك ابروح اجلس مع المزز اللي عاجبهم ميهاف وكانه ماهمها : اجل يله باي سكرت السماعة وهي تحس انها قدرت صدق ترفع ضغطه هالفترة .. قاهرها بشكل فضيع وحركاته معها .. مستحيل تسكت له راح ترد بطريقتها ! *** طرابلس / نزلت غادة كالعادة مجرد تبي المطبخ تصلح اكل لبنتها وبتصعد .. انتبهت للورا مكركبة وهي ترتب وبكامل كشختها طالعتها لورا : انتي شو تعملي هون بهالشكل ! طالعت غادة بنفسها .. قميص وشعرها ملموم أي كلام : .................. بصعد اللحين لورا : ايه بسرعة ! جاي ضيف كتير مهم وكتير عندوه مصاري , اذا بدك تسمعي نصيحتي تعدلي حالك وتعي يمكن يعجبك وتنقلعي من وشهي غادة طنشتها وصلحت اكل بنتها وصعدت لفـوق .. وهي تحس حالها ميته هاليومين خصوصا بعد الصدمة لها يومين ما نامت وهي تفكيرها كله انها عاشت عمرها مع رجال مو ابوها ورغم فقره شال مسؤوليتها وهي مو بنته وبكت بحضنه رجع قلبها بقبضها وهي تجر رجلها لفوق .. رن الجرس وقفت لورا قدام المراية تضبط نفسها .. فتحت الباب وظهر قدامها بهيبته ووسامته بالبدلة الرسمية السوداء مع شعره الفحمي وعوارضه ظل وجهه جامد لفترة يطالعها ثم ابتسم بمجاملة : بيت المصممة لورا ؟ لورا انقبض قلبها وهي تطالعه تغير عن آخر مرة شافته .. لكن واضح انها مايتذكرها خصوصا انه شافها مرة وحده بس مع صديقتها وكان صغير : ايه انتا السيد فراس الشمري ؟ فراس دخل بثقة : أيــوه فراس الشمري معاك لورا : تفضل من هون ارتاح فراس جلس بثقة ورجل على رجل ... لورا : شو تشرب ؟ فراس : ولا شي .. معليش بس مستعجل بخلص طلبي وبطلع لورا جلست بوقاحة جمبه وهي لاصقه فيه .. فراس كان جالس يترقب حركتها هذي وما ابدى أي نفور : مقاساتي موجودة .. ابي تصميم ثوب اسود بتطريز مغربي ذهبي لورا : متأكد مابدك ناخذ مقاساتك حنا للتأكيد فراس : ايه متأكد .. واذا طلعت البدلة على ذوقي انا عازمك على الحفل اللي راح البس فيه الثوب تسوقي فيه لنفسك لورا بفرح : بجـد .؟ فراس : بس اذا طلعت على ذوقي ! لورا : ولو شو مفكرنا قليل ..؟ فراس وقف : اجل حنا على موعد .. وقت تخلصي ارسليه لورا : ع فين ,؟ ما بتجلس نشرب قهوه شي فراس ارمقها بنظرة طويله اربكتها ...: شو ؟! فراس لين لمحته واعصابه مشدوده : مثل ماقلت لك وقت تخلصيه ارسليه وطلع .. طالع البيت وهو بداخله يحترق على اللحظة اللي بيتم فيها اللي بباله هدا نفسه وهو يردد بداخله ان كلش قرب خلاص مابقى شي الا صبره كل هالسنين يصبره هالاسبوع *** بيـت نايف / وصـلوا البيت والوقت مازال بدري الساعة 7 ... علقت ابتسام عبايتها : حياتي طالع شي .؟ نايف : معزوم على العشاء بس مو اللحين .. ساعتين كذا واطلع ابتسمت ابتسام : اجل انا رايحة اصلح قهوة ونجلس نشربها بالحديقة نايف : على هـواك .. انا سابقك برا اجل ابتسام : ما حطـول جهـزت القهوة وصحنين كيك , وطلعت له بالحديقة وجلستها على الطاولة : صحه وهنا نايف : تسلم يدينك ابتسام تبي تمهد للسالفة : حسيت ابوك ضايق اليوم .. فيه شي ؟ نايف : مدري عنه ابتسام : وامك كمان .. ضايقة مرة حتى كلمتني وقالت لي مضايقها انك عطالي نايف : هههههههههه والله اهلي مشغلين نفسهم على الفاضي ابتسام : مو على الفاضي ياقلبي .. بجد انت اللحين كيف جالس تصرف على البيت نايف ببرود : لؤي راتبه يكفيه وزياده فيرسل لي ابتسام بنعومتها المعتاده : بس انا يضايقني ان لؤي يصرف علي , يعني مو حلوة نايف : كيف مو حلوة ؟ ابتسام : ايه يعني لؤي مصيره يتزوج كمان .. وبيحتاج صرفيته مو فاضي يصرف عليك طول العمر نايف : مو عارف ابتسام مو داخل مزاجي الشغل ابتسام : صدقني وقت تشتغل وتصير الفلوس بيدك دون تطلبها بتحس بفرق ووقتها بتقول ابتسام قالت نايف : ما احسها راح تفرق معاي ابتسام : امبلا حتفرق .. " حاوطت ذراعه " يله اشتغل وانا حصير سكرتيرتك كمان نايف صدق : بجد ! ابتسام : هههههههههههههه لا شلون مقدر امزح معاك نايف رفع حواجبه : خلاص موافق اشتغل بس تصيري سكرتيرتي ابتسام : من جدك ! نايف : ايه وش فيها .؟ اخذتي شهادات المعهد وصرتي تعرفي الحاسب واللغة خلاص ابتسام تفاجأت : مدري .. يعني ابوك و .. اخاف يضايقه نايف : صدقيني ابوي لو يدري اني اشتغل ماراح يهمه شي ثاني ابتسام : مدري مو عارفه نايف : خلاص انا قررت راح اشتغل وانتي سكرتيرتي غير كذا مابي ابتسام استانست انها اقنعته : خلاص اوك نايف دق جواله : هلا مرزوق .. لا يله جايك بالطريق ...هههههههههه حبيبي والله .... مع السلامة ارتشف قهوته بنفس واحد وباسها على الماشي : يله حياتي انا طالع ابتسام : في امان الله جلست مكانها فترة تستوعب : تشتغل ..؟ وسكرتيره .؟ وبشركة الشمري .؟ وش هالعز ! *** اســماء .. / كـالعادة .. تفكيرها وصلها لأنها بعبايتها اللحين وقدام المستشفى وتمشي روحه وجيه : شاسوي ! شاسوي .. عادي اسماء انتي ما سويتي شي بس بتاخذين نظرة خاطفة من بعيد .. خذت أول خطوة لداخل .. وهي تمشي بتردد " اسماء روقي ! شفيها انتي طالبة طب خليك واثقة وامشي " عدلت مشيتها وصارت تمشي بثقة ..: اففف مدينة الملك فهد الطبية كبيره بشكل مقرف وين بلقاه اللحين اثناء ماهي تمشي بيأس لها ساعة تمشي ماحصلته .. وتترنح بمشيتها صدمت بجثة انردت على ورا حتى طاحت مسكت راسها بالم : اااااااااااا فتحت عيونها وهي تشوفه قدامها بطولة الممشوق .. ترتب براسها خلال ثانية خطة كاملة ومسكت راسها : ااااااااااااااااااا رااااسي " صارت تتمايل براسها " دخت دخت هيثم ضيق عيونه : شتسوين هنا مرة ثانية .؟! اسماء ضغطت على راسها : اااااااااااااااااااااااهه بموت " طاحت " هيثم فتح عيونه وجلس القرفصاء وقال بين اسنانه : قومي ماله داعي هالحركات اسماء مصره ماتقوم .. انتبهت هيثم للنظرات حولهم وهي طايحة قربت ممرضة : بسم الله ايش فيه ! : ايش هالدكتور مريضة قدامه وجالس بس يطالع هيثم شد على قبضته وطالع الممرضة : جيبي النقالة ! ضل يطالعها بنظرات لو النظرات تقتل كان قتلتها .. وهي مستمرة ( اذا ماعنده نيه يعطيني وجه وانا طيبة ! بصير مريضة عشان يعطيني وجه ! ) اول ماوصلت النقالة ... فتحت اسماء عيونها دون شعور وهي تحس بيدينه تحاوط خصرها وتحت ركبتها وتشيلها تشنجت بشكل رسمي ! كلش فيها وقف وهي تستوعب ... رغم انها ثانية لمجرد رفعها من الارض ويحطها بالنقالة .. مجرد ما انحنى عشان يحطها همس باذنها : بتندمي على هالحركة بس اصبري ! اما اسماء ماكانت تحس حتى انها طلعت من النص .. عيونها مفتوحه بصدمة وكبست مرتين وجلست بفزة .. الممرضة : ايش فيكي .؟ صحيتي ؟ اسماء التفتت ببطء وهي تستوعب .. لما التفتت لجهته وهو متكتف ويطالعها هنا اغمى عليها بجد ماكانت مزحه .. وعيها ماساعدها قدام الموقف اللي ماصار الا باحلامها هيثم مسك راسه : انقليها لغرفة لحالها واول ماتصحى عطيني خبر الممرضة : كيف راح تتركها ؟! هيثم بضيق : ايش اسوي لها يعني ! اطبطب لها لين تصحى ! الممرضة : العفو بس .. هيثم تجاهلها ومشى بطريقه .. وهو يتحلطم : اقسم بالله ان هالبنت بتجيب لي جلطة بيوم ! *** طرابلس / اثناء ما فراس جالس بانشغال قدام لابتوبه .. رن جرس جناحه فتح الباب : هذا طرد من لورا المصممة لحضرتك اخذ فراس الطرد ووقع : شكرا رجع يدخل وسكر الباب وماكلف نفسه حتى يفتحه .. مباشرة رماه بالزبالة دون تفكير واخذ جواله ودق على رقم معين : لورا المصممة ارسلها مبلغ طلبيتها .. وارسل لها الظرف اللي تركته عندك اليوم ! سكرت السماعة وجلس عند لابتوبه .. بكرة موعدنا يابنت الكلب ! والله لاخليك تعرفي كيف تتطاولي على اسيادك .. خلص شغله تماما بعد ما تأكد ان كلش ماشي على تخطيطه وسكر اللاب .. دق جواله " لورا " صمت جواله ودخل ينام .. بعد الشين قدر يزورها اليوم ماراح يقدر يجامل اكثر من كذا *** كبست اسماء عيونها اكثر من مرة وراسها مصدع .. لما استوعبت ايش صار .. جت المستشفى !!! شالها بين يدينه !!! فزت تجلس وصدرها يصعد وينزل بعنف : صح النـوم جتها قشعريرة بكل بدنها وهي تستوعب .. اقرب مهرب لقته ترجع تنسدح وتغمض عيونها بقوة .. فتح هيثم عيونه وهو يشوفها ترجع تنسدح ومغمضة بعيونها بقوه حتى بانت تجعداتها : باللهـــي .؟!!! اسماء زادت من قوة شدها .. : .............................................. هيثم : اوكيه نامي .. وش وراي جالس انتظرك هنا نشوف لمتى ناويه تضلين ! اسماء وهي مغمضة : ................... هيثم هز راسه بيأس : وش جايه تبين هالمرة بعـد .؟ اسماء بلعت ريقها وجلست .. ثم قالت بمرح تصرف نفسها : اوه دكتور هيثم ! وش هالصدفة .. ماتوقعت اشوفك خصوصا ان المستشفى كبير كذا .. كنت جاية ازور صاحبتي ههههههههههههههه مو معقوله الصدف هيثم طالعها باستخفاف : بنقالي قدامك ؟ اسماء رفعت عيونها بخوف تطالعه .. عيونه الرمادية ثاقبة فيها بتعابيره الحادة رغم نعومة لمحته رجعت تنزل راسها : محشـوم .. هيثم : تعرفي لو اكلم واحد من اخوانك واقوله اللي جالس يصير ايش ممكن يحصل لك ؟! اسماء : كلم بدر تكفى مو فراس هيثم رفع حواجبه: ........ اسماء قالت بسرعة : آسفة .. آسفة بجد بس ... هيثم : يابنت الناس انا مالي خلق حركات المراهقة هذي .. فارجعي بيتكم ولعد اشوفك اسماء شدت على قبضتها بضيق : ................ هيثم مشى بطريقة بيطلع برا .. وقفه نبرتها القلقة : أنت بخيــر ؟ هيثم وقفت يده على مقبض الباب والتفت لها باستفهام : ....................... اسماء بحزن : تدري .. عقب اللي صار معاكم .. هيثم وكلام ابتسام براسه : انا اللي بسألك .. ليش متهاوشه مع العالم عشان اختي ؟ اسماء : ما أحب الغلط ... فـ .. ماقدرت اسكت هيثم : الشي الوحيد الغلط هو اللي سوته اختي ! واللي يدافع عن الغلط غلط زيه ! اسماء بضيق : بس .... " بلعت ريقها " مو هذا الموضوع .. انت بخير اهم شي ؟ هيثم : مو شغلك ! لا تحشري حالك في اموري رجاء اسماء عضت على شفتها ودمعه نزلت على خدها .. هيثم انتبه لها لكن ما اعار انتباه اخر شي ناقصه هي طلع لبرا ... : دكتور ! التفت لصوتها : ... وقفت وقفتها المرتبكة كالعادة .. وقالت بتردد : ادري اني مالي دخل .. ولا راح احشر نفسي بامورك .. بس .. لا تتضايق ابتهج الدنيا ماتسوى هيثم ببرود : اوك .. " ومشى بطريقه " اسماء رفع يدينها لفمها وصوتت له بالممر : سسسمعتني ؟! ابتهج اضحكك هز هيثم راسه رغم ان كل اللي بالممر التفتو لها مازالت ترفع صوتها بعباراتها التشجيعيه : الدنيا خياس ماتستاهل كل هالزعل ! اضحك واقهرهم ... بضل امعط شعر كل اللي يتكلموا فيكم انرسم على شفته طيف ابتسامة وهو معطيها ظهره ويكمل طريقه .. يومه كان طافي روتيني بهالساعتين اللي جت فيها سوت كل هذا ... *** اول مادخلت اسماء البيت وهي تضرب راسها طول الطريق : غبية ! كل مارحتي تكسبين اعجاب جبتي العيد ..." وقفت وصرخت باعلى صوتها " ااااااااااااااااااااااااا ا اكرهني ! وش احس به يغمى علي صدق عاقبني ربي عشان جالسة امثل : حمد الله والشكر شعندك .؟ فتحت عيونها وهي تشوف ميهاف : اوه ميهاف وش جابك مو قلت لك مشغوله ! ميهاف فتحت عيونها : وصخه بجد ! جيت اشوف وش هالشغل اخبرك اكل وصنعا وقلة مرعى اسماء وهي تسحب طرحتها من كتفها : تغيرت حبيبتي .. انضجي شوي الكل ينضج الا انتي انس قابلها بالطريق : وين كنتي ؟! اسماء طالعته بنص عين : عشتو ! جانا فراس الثاني اقول وخر عن دربي مابقى الا انت تحاسبني وين كنت ووين جيت ميهاف : اسوم بجد وين كنتي ؟ اسماء : راحت السوق ابي اشتري لي اغراض طلع خايس وماشريت ورجعت ! حرام ؟! ياسمين : اسماااء ! اسماء : اااااااااااااه اكره اسمي ! خلاص غيرته مانيب اسماء انقلعوا ميهاف : شفيك انتي كبريت مشبوب .. طولي بالك ام فراس : اتركيها اتركيها .. ما هيب مستنعه لين تعرف قيمتهم جلست اسماء جمب امها : هلا امي حبيبتي .. ام فراس : تعالي ميهاف ارتاحي .. والله وزارتنا البركة ميهاف جلست : تسلمين والله خالتي ام فراس : تو جالسة اليوم ابي اختار مصمم يصمم بيت بدر .. زين جيتي تعطيني رايك ؟ ميهاف : بدر اختار ؟ ام فراس : لا مايرد علي والمشكلة المصمم يبي رد اللحين ميهاف : خلاص خالتي انا اختار .. وردي له اللحين ام فراس : تسوين خير والله اسماء باحباط : انا صاعده ميهاف : شتسوي فوق ؟ اسماء : والله مالي خلق احس حالي تعبانه شوي بنام ام فراس : عيب اسوم ! وش تنامين وضيفتك هنا اسماء وهي بطريقها لفوق : ماهي ضيفه ما شاء الله عليها راعية بيت .. ولا على وش بنت عمنا وخاطبينها لولدنا ام فراس هزت راسها : ماعليك منها ميهاف : هههههههههههههههههههه مع نفسها تعالي انا وانتي نختار بس ونروق جلست ميهاف مع ام فراس واتفقوا على كلش وعطت التصميم كل توجيهاتها ثم رجعت للبيت .. وش تطول له دام حتى اسماء نايمة .. *** بيـت نايف _ الساعة 8 / كانت ابتسام صاحيـة لها نص ساعة .. تبدل لبسها وهي متحمسة لوظيفتها الجديدة , هزت نايف بنعومة بعد ماخلصت تجهيز الفطور وملابسه وحمامه : نايف .. حياتي فتح نايف عيونه : كم الساعة ؟! ابتسام : الساعة 8 يله قوم نايف : وش يصحينا الساعة 8 .. ارجعي نامي بس ابتسام : لاا .. ناسي انك مواعد ابوك اليوم تجيه الساعة 9 يله ياقلبي يادوب نلحق كمان نايف جلس بكسل : عادي ابوي متعود على سحباتي .. صدقيني بيتحراني 12 مو 9 ابتسام زفرت : لا مو حلوة نتأخر ! يلا قوم نايف بكسل : زين زين جهزي لي البانيو وبقوم ابتسام : جاهز ! نايف : وملابسي ؟ ابتسام بملل : جاهزة ! وفطورك جاهز .. وقلت للسواق يطلع سيارتك وكلش جاهز قوم ! نايف وقف : اهب ياوجهها ماتنسى شي ابتسام : هههههه يله انتظرك تحت مو تطول نايف بكسل وهو يتثاوب : والله مو عارفة كيف صحيتي بدري عقب سهرة امس ؟ ابتسام : عادي انتا بس اللي كسول جلست ابتسام تحت ترتب الطاولة .. طاحت يدها على نكهة قهوة بالقرفة نايف يكرها وهي ماتحبها , كانت تجيبها عشان غادة ... رمتها بالزبالة وهي مالها خلق حاجة تعكرها بهاليوم السعيد بالنسبة لها .. نـزل نايف وهو يزبط شاله ... ابتسام عقدت حواجبها : انا مطلعه لك ثوب ليش مالبسته .؟ نايف : ما البس الثياب ولا احبها .. حتى بالمناسبات بالغصب البسها ابتسام : ايه بس اليوم مناسبة .. يعني بتدخل الشركة وكذا ثوب انسب نايف : لا مناسبة ولا شي بروح اتبطح بمكتب وخلصنا ابتسام وهي تصب له قهوته : لا تقول كذا .. انت خذ شغلك بجد مو بروح واتبطح وخلاص . لا حياتي السالفة مو كذا نايف : أقولك شي .؟ ابتسام : قـول نايف : صدقيني ما وافقت على الوظيفة الا عشانك ابتسام وقفت بنص قهوتها : بجد .؟ نايف : ايه .. لو على امي وابوي بس ماكنت باخذها ابتسام : ههههه ليش يعني عشاني ؟ نايف : انتي ذهبه ابتسام .. صدقيني اللي جالسة تسويه معاي والصبر اللي صبرتيه ماتسويه وحده غيرك .. حسيت اقل شي اعوضك فيه اني اشتغل لو بس عشانك ابتسام حمرت خدودها : ماسويت الا الواجب .. ولو اني ماصبرت والله طنقرت عليك كم مرة نايف وهو يتذكر نهى : ماشفتي طنقرة بعض الحريم .. لبى طنقرتك بس ابتسام : ولا يجي ببالك حبيبي .. كان بداية زواجنا وطبيعي يكون فيه اختلافات بالاسلوب وغيره والمهم اللحين انا متفقين .. مو ؟ نايف : خلصتي فطورك ؟ ابتسـام : ايوه نايف : اجل يله مشينا ركبـوا السيارة وابتسام تحس هاليوم من أحسن لأحسن .. انتبهت لآيبوده مسكته : فيه شي ؟ نايف التفت لها ثم رجع يطالع الطريق : ايه .. اسمعي مليان لبست ابتسام السماعة .. عقدت حواجبها وهي تسمع الاغاني : ذوقك غريب نايف : ليه ! ابتسام : توقعت ذوقك صاخب .. اغانيك كلها دينية ووطنية دون اهانة بس ماتعبر عنك نايف : ماسمعتي اللي يقولك أحب الصالحين ولست منهم لعلي انال بهم هداية ابتسام ظلت تطالعه لفترة .. براسها كان انسان داج ومهمل لكن له مبادئ وعبقري اشياء عميقة غير الدشرة والدجة .. بس تو تعرفها وقف سيارته بمواقف الشركة : خليك هنا انا نازل اشوف ابوي شوي .. ثم برجع ابتسام : اوك نزل وهي ظلت بالسيارة .. بعد مانتهت من الآيبود اسندت راسها على المقعد رنة جوال فتحت شنطتها تدور .. ماكان جوالها يدق التفتت لجواله عقدت حواجبها : ناسيه تشنجت وهي تقرا الأسم " نهى " .... مين نهى .؟ حاولت تتذكر كل افراد عائلة مافي اسم نهى .. طولت بالتفكير حتى انتهت الرنة ... حاولت تفتح الجوال لكن كان عليه باس وورد ... فتح نايف باب السيارة عقد حواجبه : شتسوي بجوالي .؟ ابتسام : هاه .. لا بس استغربت ناسيه .. اخذه نايف من يدها : يله انزلي عشان التعيين ابتسام هزت راسها بصمت وخذت شنطتها ونزلت وطول ماهي تمشي وراه وتطالعه وهي في محاولة يائسة تحزر مين " نهى " .؟ *** ميـهاف / صحت من النوم .. بحدود الساعة 3 .. عقدت حواجبها بضيق ليش نايمة بهالحزة ! بدلت بجامتها وغسلت وجهها ونزلت لامها : ماما ! ليش تاركتني نايمة لهالوقت ام نايف : حسيتك تعبانه قلت خل تنام .. وجوالك ناسيته بالصالة وازعجها باتصالاته ماسكت ميهاف : مين .؟ ام نايف : اسماء كم مكالمة وريهام شوفي عاد خذت ميهاف جوالها وهي تشوف المكالمات .. استطرف انتباهها مكالمة وحدة لبدر .. تجاهلت كل هالمكالمات وارسلت له دون تدق " داق علي .؟ شتبي ؟ " اول ما ارسلتها رن جوالها باسمه ردت : ايوه بدر : بأي حق تختارين مصمم البيت ! لايكون البيت بفلوسك ولا راح تسكنيه لحالك ! ميهاف : ايش فيك هايج .. حبه حبه عشان افهم ايش بيته ؟! بدر بنفس الاسلوب : لااا ! اللحين ماتعرفين ايش بيته ؟ ميهاف عقدت حواجبها وهي تحاول تعرف ايش يقصد .. انتبهت لأمها تطالعها وواقفة وهي تحاول تعرف شصاير : وش هالاغبر يقولك .؟ ميهاف عضت على شفايفها ...... بدر بحدة : اطلعي من امك وكلميني ! ميهاف : مافيه شي ماما .. بقولك بعدين " وطلعت لبرا " لو سمحت تكلم باحترام وقولي وش تقصد !! بدر : قصدي المصمم اللي اخترتيه دون تسأليني حتى ! سلامات ياشيخة الدنيا فوضى ميهاف وهي تحاول تمسك هدوئها ودموعها تحجرت بعيونها : امك كانت محتارة وسألتني والمصمم يبي رد سريع وانت ماترد ... فاخترت ! بدر : عذرك هذا بليه واشربي مويته ! ماني محسوب عليك زوج هبال كذا .. ترجعين لي بكلش .. فاهمة ؟ ميهاف : والله يا استاذ الزواج شركة مساهمة مع ضرورة شخص يكون على راسها .. انا شفتك مشغول ومالك خلق تشيل مسؤولية هذا الزواج قدام الناس فعطيت نفسي المسؤولية .... وجاي تكلمني بهالاسلوب بدل ماتقول شكرا .؟ بدر : شـكرا على شنو .. محسستني شايله مسؤولية بجد لايكون انتي اللي جالسة تدفعي مهري وتشتري بيتنا من جيبك ولا حتى ترتبي الحفل ميهاف سكتت بقهر : ................................ بدر : ساكته هاه ! اقسم بالله لو تقرري حاجة ثانية من راسك دون ترجعي لي ليكون حسابك على يدي سكر السماعة .. وميهاف نزلت جوالها من اذنها وتسندت على الكرسي وراها وجلست وهي ماسكه راسها ودموعها تسيب ... الإهانة توجع حتى من الغريب كيف اذا كانت من حبيبك مسكت جوالها ودقت على المصمم والغت معه العقد .. وارسلت لأم فراس " انا الغيت العقد مع المصمم الي اخترته .. واسفه لاني تكلمت بجد مالي حق , وكلمي بدر يختار مصمم ثاني " *** وصلت لورا مكان الحفـل وهي تحس بحماس .. طول عمرها ماتطيح على مطانيخ كبيرين تطيح على تجار صغار واللحين اخيرا طاحت على هامور السوق دخلت قاعة الحفل ووقفت عند المراية تضبط لبسها العاري ومكياجها الفخم ابتسمت ودخلت للقاعة الكبيرة اللي انفتحت لها بمصراعيها واضائة فخمة ..... عقدت حواجبها وهي تشوف المكان فاضي القاعة الفخمة المفترض تكون مكتضة بالناس فارغه ... انتبهت له بنص القاعة يلتفت ببدلته الرسمية الفخمة واناقته ... عقدت حواجبها : شو انا اول الحضور معئول .؟ فراس ابتسم ابتسامة جانبية : مو ليكون فيه حضور بالأول .؟ لورا : مافهمت فراس نزل عينه وهو يطلع ولاعته وسيجارته واستنشق منها : ما تذكريني .؟ او بالاحرى ماتتذكرين فهاد الشمري؟ لورا هذا اللي كانت خايفة منه : مو معئول تكون مجنون وتفكر بهالموضوع بعد اللي صار فراس بنظرة ثاقبة : لا انا مجنون .. واكبر مجنون , وراح اخليك انتي واللي وراك تندمون على لعبكم مع هالمجنون لورا وهي تعطيه ظهرها وتطلع : انا ما دخلني ! تسكرت البوابة بوجهها مباشرة ... فراس : وين وين ؟! بـدري .. ماودك تجلسين ونسترجع الماضي سوا ؟ لورا : بجد انا مادخلني فراس وهو يقرب بخطواته منها : راح اصدق انك مالك دخل ..." وقف مباشرة قدامها وبنظرة ثاقبة " تعلميني اللحين وينها ! لورا : قصدك ريم ؟ فراس : ايه ريم لورا : راح ائـلك صدئني .. ريم بهولي داي مع تاجر امراتي بسويسرا فراس اشر للبودي قارد جمبه : خذها لورا خافت : لوييين !! مو قلت لك ! فراس : امبلا .. وصدقت انك مالك دخل ... شي ثاني ؟ لورا : افلتني ربي يكرمك .. انا مالي بالمشاكل فراس قرب منها وسحب شنطتها من يدها بهدوء : ماتحتاجين هالشي لورا فقدت اعصابها وهم ياخذونها لبرا بسيارة والله العالم لوين ... رمى فراس مفتاح اخذه من شنطتها على الرجال جمبه : روح لبيتها وفتش كلش فيه واي اوراق مهمة عندها او حاجة تثير الشك جبها عندي فورا ! الرجال اخذ المفتاح : حاضر طال عمرك جلس فراس ببرود لما اختلى المكان فيه بالصالة الفخمة .. للحين مايحس بأي انتقامية للحين صدره شاب بس لكلش خطـوة أولى | ||||
|
| |
|
03-03-17, 09:01 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت الثاني والعشرين " - إذا كنت صادقا .. فلماذا تحلف ؟!! " شكسبير " كانت جالسة على البلكـونة شاردة ارمشت عيونها بسواد الليل المزين بالنجوم .. مافيه زي سماك ياجـدة قبضها قلبها وهي تتذكر جدة وايامها مع ابوها .. كيف كانت تسمه بحكيها الطايش , شي داخلها يطعنها لما تتذكر انها كانت تتمرد وهو صابر عليها وهو مو أبوها مو ملزوم فيها .. ارمشت بعيونها وهي تشوف سيارة سوداء توقف قدام الباب وينزل منه 4 رجاجيل ببدلات سوداء ويفتحون الباب ويدخلون .. مسكت قلبها هي الوحيدة بالبيت وش بتسوي !! بلعت ريقها وهي ترجع لغرفتها وتفتح الباب ببطء وتراقب كان صوت الضوضاء واضح وتكسير وجرائم .. مسكت قلبها وهي تقفل الباب قفلتين خصوصا وهي تسمع صوت الخدم يصارخون من الإحتلال .. وسرعان مايتم اسكاتهم .. فتشت ارجاء الغرفة .. تحتاج أي شي تحمي فيه نفسها طاحت يدها على السكين اللي بصينية الفاكهه .. مسكته بإيدين مرتجفة وقلبها طايح , جوال ماعندها ولا عندها أي وسيلة تبلغ الشرطة فزت وهي تشوف مقبض الباب يتحرك بمحاولة فاشلة وتعليق مباشر دون أي ذرة تفاهم : أكسره ! غادة رجلها ترتجف مو عارفة كيف شايلتها وهي تشوف الباب ينكسر قدامها .. رفع الرجال حواجبه وهو يشوفها بجسدها النحيل وماسكه السكين بإيدينها الثنتين ومأشره به ناحيتهم :............. الرجال وهو يكلم الرجال الثاني : خذ السكينه منها غادة اشرت به اكثر : اللي بيقرب بغرسه فيه ! الرجال باستخفاف : لا والله خوفتيني وبلحظة صارت السكينة بيده .. خصوصا انها مستحيل تؤذي مخلوق حضنت رنيم وقالت بقهر : انتو مين ؟! وتبون مين ؟ الرجال بقسوة : ماعندنا وقت نشاركك مواضيعنا !! خذها مباشرة غادة : اتــ .. تـركني تكفى انا مو مسوية شي سحبها بقسوة لبرا الغرفة .. ضمت غادة رنيم حتى غرست وجهها بصدرها وكأنها تبعدها عن هالمنظر مشت حتى ركبت السيارة اللي كلها خدم .. وهي موقنة ان حياتها من اسوأ لأسوا .. عضت شفاتها حتى ادمت طول الطريق ودموعها على خدها ... وهي موقنة ان هذي عقوبتها اللي تركت اهلها عقوبتها على اشياء وااجد ... ساحت دمعتها وهي تبحر بذكرياتها (( غادة 7 سنوات ... تبكي بصخب كالعادة وهي منسدحة بنص الصالة وترجف حولها , ابتسام اللي كان كتابها قدامها على المركى وتحاول بصعوبة تدرس قالت بقلة صبر والعبرة خانقتها من الضغط اختبارات ولا هي لاقية وقت لنفسها : غادة تكفين خلاص اسكتي طلعت جدتها اللي كانو ساكنين عندها لما هربت امهم وقبل تموت .. وقالت بعصبية : ابتسام ! سكتي اختك هالعلة فجرت اذانينها لابارك الله فيها .... وي انا معي السكر ومرتن تعبانه ومبتلاه ابتسام كانت 13 سنة .. عضت ع شفتها : ماعليه بقوم اللحين وقفت ابتسام وسحبت غادة من يدها حتى قامت غصب وبقوة وهي مازالت تبكي وسحبتها لبرا البيت المتواضع حتى وصلوا للحوش وقالت بخنقة : غادة شفيك خلاص اسكتي غادة وهي تبكي : مرزوق ضربني .. مااابي ماابي ابتسام بنفاذ صبر : انا اللي بضربك اللحين لو ماتسكتين ! زادت نبرة بكاها .. جلست ابتسام وهي ماسكة راسها ودمعتها نزلت من القهر وغادة مازالت مجهره بالبكاء .. دخل هيثم البيت " 18 سنة " وسمع صوت غادة بالحوش .. مشى ناحية الصوت وقف مكانه وهو يشوف المنظر غادة تبكي بصخب وابتسام متكورة على نفسها وماسكة راسها بصمت ... فجاة وقفت وضربت غادة بقهر دون توقف : اذا بتبكي اقل شي ابكي على حاجة تسوى !! هيثم مسك يد ابتسام : ابتسام بالهداوه شوي ابتسام ودمعتها على خدها : شاسوي بها ! من صحت تبكي وجدتي تهاوش وجدي عنده ضيوف واختبارات تعبت منها تنهد هيثم : ارجعي داخل ادرسي باخذها معاي ابتسام : لوين ؟! هيثم : ماعليك خلاص طالع هيثم جهة غادة المنفجرة بالبكاء وجلس القرفصاء جمبها : غدو .. ليش تبكين ؟! غادة ارتمت بحضنه : مرزوق ضربني هيثم وهو يمسح على ظهرها : بروح اللحين اضربه .. خلاص ؟ غادة وحدة بكاها تدرجت للهدوء وهي تمسح دموعها : اللحين .؟ هيثم : ايه اللحين .. بشرط ! ماعاد اشوفك تبكين .. وقت تتضايقي تعالي قولي لي وانا اخذ حقك دون تبكين غادة هزت راسها بموافقة ... )) فاقت على صوت عالي : ماتسمعين ! فتحت عيونها وهي تشوف الكل نزل من السيارة ماعدا هي .. وقدامها الرجال يهاوش ارتجفت شفايفها وقالت : شهالمكان ؟ الرجال : جهنم الحمراء ! يله قدامي غادة رجعت لورا : مابي .. مو بكيفك ! مد يده عشان ياخذها غصب .. عضت غادة يده مباشرة بكل قوتها , الرجال صرخ من الألم : ااااااااااااااااا يدي يابنت ال ******** معط شعرها بقوة ومازالت عاضه بكل قوتها حتى ادمت اسنانها والرجال مستغرب من اصرارها وقوتها ما اهتمت حتى لشعرها اللي تقطع بين يديه .. جا رجال ثاني وسحبها غصب : انتي مرة سكين مره تعضين ! غادة تفلت عليه : تفف عليك وعلى اشكالك ! لا وسعودي !! ماعندكم نخوه ولا شرف ياعيال ال ************* صفعها الرجال بقوة : لا تتفلين ياساقطة .. " سحبها بقوة ورماها قدامه " قومي اشوف قبل اسود عيشتك !! غادة وقفت ورفعت عينها وهي تشوف البيت .. بيت ريفي بسيط وبعيد عن المدينة ماحوله شي بلعت ريقها وهي ترتجف : وش هالمكان بكت رنيم بحضنها .. غادة هزتها : بس ماما بس ... " التفتت لهم " ماراح اتحرك قبل اعرف وين ماخذيني الرجال بقلة صبر : ترا عطيناك وجه بزيادة !! سالم خذها غادة مشت لما شافته يقرب منها .. وعيونها تتغارق وهي تطالع المكان ونور الفجر بدا يكسي المكان دخلت وهي ترتجف حتى دخلوها غرفة مع باقي الخدم وسكروها وقفلوها فتحت عيونها بصدمة : ليش تقفلونه ! ماسمعت رد التفتت للخدم وقالت بخنقة : شنو جالس يصير ؟ الخدم اللي ماكان حالهم احسن من حالها : we don't know غادة طقت الباب : افتحوا الباب !! شنو هالمكااان !! افتحوا لا بارك الله فيكم !!! كانت تطقه بالحاح وتهز رنيم بيدها الثانية اللي كانت تبكي حتى غفلت ببكاها *** بيت نـايف / بنص الليل ... وهي منسدحة على جمب ووجهها يم الجدار للحين تفكيرها بالاسم الانثوي الي رن بجواله التفتت بهدوء وهي تشوفه غاط بنومة طالعت يم جـواله سحبته بهدوء ورجعت تنسدح وتعطيه ظهرها وهي تحاول تكتشف كلمة السر .. لكن مافيه امل رجعت الجوال بيأس ... " الله اكبر .. الله اكبر .. لا اله الا الله " اذن وهي مانامت .. جلست وهي ماسكه راسها وصداع فضيع ملازمها ابعدت الغطا ودخلت الحمام وخذت حمام دافي يروق اعصابها شوي .. وبدلت لبسها فتحت انوار الغرفة ووقفت عند راس نايف : نايف .. نايف .. نايف مافيه استجابة .. زفرت بملل : ناااااايف ! نايف فتح عيونه : هلا ابتسام وهي ترجع توقف قدام التسريحة : قوم يله رتب نفسك اليوم دوام نايف تثاوب : تو بدري ابتسام وهي تمشط شعرها المبلول : مو بدري .. طالع وقت الصلاة نايف ابتسم لما قالت " وقت الصلاة " يعني ماله مهرب يرجع ينام : قمت طالعت ابتسام انعكاسه بالمراية بطرف عينها وهو يجلس على طرف السرير وياخذ جواله ويمشي عليه ... ويمر على فمه طيف ابتسامة رجعت تمشط شعرها وسحبت عبايتها من ورا الباب ونزلت لتحت وهي ترمي عبايتها على الكنبة وشنطتها وتدخل المطبخ وعقلها للحين يفكر من ممكن تكون ! نزل نايف ودخل المطبخ : الفطور جاهز .؟ ابتسام اللي كانت تكسر البيض بالمقلاة : ثواني ويكون جاهز نايف هز راسه .. قال قبل يطلع من المطبخ : اوراق التعيين اللي اخذنا امس من الشركة معاك ؟ ابتسام : تحصلها بشنطتي بالصالة مشى ناحية شنطتها وهو يجلس على الكنبة وطلع الأوراق من شنطتها .. عقد حواجبه وهو يشوف بشنطتها علبة حبوب .. قرا المكتوب على الحبوب واكتشف ماهيتها " حبوب منع حمل " رجعها للشنطة لما سمع صوتها وهي داخله والصينية بيدها وحطتها : وبالهنا والعافية نايف مد يده يشرب قهوته دون يعلق : .............. جلست ابتسام بالكرسي الفرادي وهي تاكل بصمت : ................ نايف بهدوء : ابتسام ابتسام : هـلا نايف : كم لنـا متزوجين ؟ ابتسام رفعت عيونها وهي تحسب : همممممم .. 5 شهور للحين نايف : اهـا .. غريبـة والله ابتسام : شنو الغريب ؟ نايف : يعني ماحملتي للحين .. ظنك نزور اخصائية ؟ ابتسام رفعت عيونها .. ونقلتها لشنطتها : شفتها ؟ نايف : ايه .. مو فاهم كيف جالسه تاكلينها دون علمي حتى ؟! ابتسام : مو قصدي شي بس .... " تنهدت " انت تبغى ؟ نايف بثقة : طبعا ابغى ! والأهم انتي تبغي ... شفتك مع رنيم قبل الأمومه مفطورة فيك ابتسام هزت كتوفها بربكة : دام كذا .. اوك راح اقطعها نايف طلع الحبوب من شنطتها : اجل انا رايح ارميها بالزبالة ابتسام ودقات قلبها جنونية من الوضع اللي راح تقبل عليه ... خوف لذيذ , ابتسمت وهي تشوفه يرميها من مكانه بتصويب للزبالة : يله قلبي مشينا تأخرنا ابتسام وهي ترفع الصينية ترجعها : اوك لبست عبايتها وحضن ايدها بيديه وطلعوا لبرا سوا *** بيت أبو فراس / ام فراس جالسة بالصالة ... واسماء منبطحة على الكنبة وقدامها الآيباد زفرت ام فراس بقلق : مادقت عليك ؟! اسماء تنهدت : لا يايمة مادقت .. خلاص واضحة ولدك دق عليها وزفت عليها كالعادة ولا ليش مرسلة لك هالرسالة ! ام فراس هزت راسها : الله يهديه .. والله اني تحسفت اني خطبتها له من خطبتها وانا بفشايل ماخلصت اسماء عدلت جلستها : يمه ! ام فراس : نعم اسماء انسابت من الكنبة حتى صارت جمب امها : تراني اكلمك جد مو امزح ! ام فراس : الله يستر .. لاجيتي تكلميني بموضوع يقبضني قلبي اسماء : لا مو كذا بس ... انا صديقتي بالجامعة جالسة اخر مره تسولف لنا كيف تزوجت ام فراس : ايه ؟ اسماء : تخيلي هي يعني .... شلون اقولك .. هممممم اعجبها واحد بس طبعا هي بنت ماتقدر تخطبه .. تخيلي وش سوت ؟! ام فراس : وش ؟ اسماء بحماس : امها عندها خلطة سرية .. راحت لأم الولد وعطتها كم تلميح وام الولد فهمت وخطبو البنت !!! ام فراس : حمد الله والشكر .. تروح تسوق لبنتها اسماء بقهر : ايه وش فيها عادي ام فراس : اقول طيري مني مناك ! انا وين وانتي وين ... خليني في اخوك اللي بيموتني ناقصة عمر اسماء : انتي ليش متعبه نفسك كذا ! دقي على فراس وعطيه الموجز وبيحل لك المشكلة ام فراس : وفراس رد علي عشان اكلمه !! اسماء : بدر بيوصل بعد ساعتين اصبري ام فراس تنهدت : قولتك .. مشكلته لاوصل ما يجلس ولا اشوفه عشان نتفاهم اسماء : ماكلمتك ام نايف .؟ غريبة بالعادة اول ماتصير مشكلة تدق مباشرة ام فراس بضيق : الساعة 7 تأخرت على زوارة ام ريان .. انا طالعة الظاهر ماراح يجي الا نص الليل , قومي البسي روحي معي اسماء كشرت : وش يوديني .. مالي خلق بجلس بالبيت وفيه فلم انتظره بيبدا بعد شوي ام فراس : براحتك اجل اسماء : اهم شي خذي ياسمين لا تجلس عندي ام فراس هزت راسها وهي طالعة .. بينما اسماء راحت للمطبخ وجهزت لها بوب كورن وبيبسي وقراطيس وتربعت بالصالة بعد ماسكرت كل انوارها .. لها فترة تتمنى هالجو تربعت بحماس ورفعت الصوت لأعلى شي . . وانسجمت مع الفيـلم بعد فترة مرت امها بعبايتها وشغلت الأنوار اسماء كشرت وضيقت عيونها من الإضائة .. أم فراس : ليش مطفية الأنوار تبغي تنعمي علينا !! اسماء : يوووه ماما طفيها مو قادرة انسجم ام فراس : حمد الله والشكر ابليس انتي ماتنسجمين دون انوار ! اسماء : لا مايجي ام فراس : المهم اسمعيني .. انا طالعة وياسمين فوق وتعبانه شوي معها حرارة مو تقعدين هنا وتنسينها انتبهي لها اسماء وهي منسجمة مع الفلم : زيييييين ام فراس بعصبية : انتي مععي ؟! اسماء : يوووه يمه خلاص قلت زين ... ابي اركز الفيلم معقد يبي تركيز ام فراس هزت راسها : يله انا طالعة كملت اسماء متباعتها بإنسجام حتى انتهى الفيلم .. تمغطت بكسل وهي توقف وتشغل الأنوار : سسسوراا... سوراا وصمخ طلعت سورا من المطبخ : ايوه اسماء اشرت على فوضى الصالة : نظفي المكان وجهزي لي صحن سلطة فاكهة .. وقولي للطباخ يسوي عشاء صاحي مو امي مو هنا يتركنا نجوع سورا : حاضر صعدت اسماء لغرفتها .. وفتحت درجها الصغير ووسط كتاب بين مجموعة كتب طلعت صورته بمستشفى جدة وجلست على الكرسي وتنهدت وهي تتذكره : وبعدين يا اسماء .. لي شهر اروح للمستشفى و ... مافيه فايدة واضح اني مالفت حتى انتباهه مشت باصبعها على الصورة كانها تحفظ لمحته الجذابة .. رفعت الصورة لفمها وهي تطبع عليها بوسه وترجعها للكتاب : الله يجمعني فيك يارب فزت وهي تسمع صوت سيارة تحت .. ركضت تطلع برا وتنزل الدرج بخطوات مسرعه : وصل .. وصل .. وصل .. وصل طلعت من البوابة الرئيسية وهي تركض .. التفت لها وهو ينزل شنطته وابتسم بجاذبية وهو يستقبل ركضها بضمه : ههههههههه هلا هلا هلا بحلا هالبيت اسماء والفرحة مو سايعتها : اخيراا جيييييت .. حمد الله ع السلامة بدر : الله يسلمك .. كيفك ؟ اسماء بحماس وهي تحاوط ذراعه وتمشي معاه لداخل : كلش تمام ... صورك تججججنن وترا دكتورتي طالبه توقيعك وقع لها عشان تنجحني بدر بثقة : من ذوقك والله .. من عيوني هاتيها واوقعها اسماء وهي تترفع على اطراف اصابعها وبالكاد وصلت لخده وطبعت بوسه : فديييييتك بدر قبل يصعد : فين أمي ؟ اسماء : طالعه برا معزومة بدر : اها .. اجل وصي الخدامات يصعدون اغراضي انا صاعد اتروش وابدل اسماء : العشااء جاهز لا تتأخر بدر : اكيـــد وصل لفوق وقبل يدخل غرفته انتبه لصوت من غرفة ياسمين .. فتحها ببطء وهي صحت بنشاط وقت شافته : بددر بدر : هلا عيوني .. نايمة اجل ؟ ياسمين وهي تسند راسها على راس سريرها : تعبانه بدر وهو يتوجه لها ويجلس على طرف سريرها : لا لا لا سلامتك ياقلبي شفيك ؟ ياسمين بهم : مدري بدر : رحتي المستشفى ؟ ياسمين : لا ... ماما تقول بوديك بكرة بدر وهو يبوس جبينها : اجل انا بوديك مع ماما بكرة .. ماشي ؟ ياسمين ببراءة : حمد الله ع السلامة بدر : يسلمك .. وترا مانسيتك هديتك معاي ياسمين : فييينها ! بدر : وقت تصيري احسن اوريك اياها .. اللحين ارتاحي ولا تنامي قبل تتعشي ياسمين : بنزل اتعشى معاك بدر بابتسامته الجذابة : بعدين .. اللحين ارتاحي بغرفتك ياسمين : ان شاء الله طلع بدر ودخل غرفته .. ودخل يتروش وطلع بعد مابدل مشى ناحية الشناط بغرفته واخذ كيستين موجودة بشكل جذاب ونزل فيها .. جلس على مائدة العشاء وين ماكانت اسماء جالسة تنتظرة حط كيستها قدامها .. ابتسمت اسماء : كالعادة؟ بدر : طبعـا وانا عمري سافرت ونسيتكم اسماء حطتها على جمب .. متعودة منه مستحيل يسافر ويرجع مايتذكر الكل بهدايا : بدوري بدر وهو يتعشى : عيـونه اسماء : ماما زعلانة عليك .. وراح تكلمك بالموضوع ولا تصعب الموضوع حاول تسهل الأمور عشان تمشي بدر : أي موضوع ؟ اسماء : انت متهاوش مع ميهاف عشان المصمم .؟ بدر عقد حواجبه : على أي اساس تقولي هالكلام ؟ اسماء : لانك عصبت وقت قلنا لك انها اختارت .. وبعدها جت هي وكلمت ماما وقالت انها الغت العقد واختارو انتو بدر : اهـا .. خلاص مالك فيها اسوم بتفاهم انا وامي وقت ترجع اسماء : لا يكون تهاوشت مع البنت بس ؟ بدر : ايه , ومثل ماقلت مالك فيها انا وياها نتفاهم اسماء هزت كتوفها : قولتك *** دخـل أبو نايف البيت بهيبته المعتادة .. وقف بالصالة وين ماكانت ميهاف وام نايف وفهد جالسين ومعهم سجى ووداد ام عبد المجيد الحاضرين زيارة ... قال بهدوء : مزنة ! ام نايف : سم ابو نايف : الحقيني وصعـد .. الكل طالعوا بعض مستغربين حتى ماسلم وقفت ام نايف وطلعت له ودخلت الغرفة كان جالس على مكتبه : هلا آمر ابو نايف : متى آخر مرة كلمتي فيها ولدك ؟! ام نايف : أي واحد ابو نايف : لــــؤي ! ام نايف وهي تحاول تتذكر : والله .. " بلعت ريقها " من زمان ابو نايف بحدة : من زمان متى ؟! ام نايف بربكة : يمكن من سافر ماكلمته ابد .. ابو نايف : شي طيب ... ظل الصمت لفترة ... ثم نطق ابو نايف : ولدك وش جالس يسوي بالكويت ؟! ام نايف : متوظف هنـاك اظن بشركة فراس ابو نايف : ولدك عطـــالي هناك !! ام نايف : متأكد !؟ ابو نايف : ايه متأكد !!! ولدك جالس هناك مدري وش يسـوي ... مبتلا انا بعيال مايشيلون مسؤولية ام نايف : هد بالك طيب السالفة ماتسوى كل هذا ابو نايف :مـــزنة .. انتي تعرفيني زين كلش يسوونه يهون الا انهم يجلسون عطاليين ماينفعوني على وش ربي رازقني هالولدين اجل !! ام نايف : والله غريبة عليه لؤي يعني اخبره راعي مسؤولية وشغل ابو نايف : وانا كنت غلطان لأني حسبته راعي مسؤولية وشغل وتركته يسيب لحاله دون اراقبه ! ام نايف : انت كلمه وان شاء الله خيـــر مسك ابو نايف جواله ودق وكانت المكالمة مختصرة ومهيبة : ألو ! لـؤي بكرة القاك قدامي .... دون ليش ! بكرة القاك قدامي ابغاك ضروري وبس ..... " سكرها " ام نايف : ماقلت له ليش عاد ؟! ابو نايف : ارجعي لضيوفك انا الغلطان اللي ناديتك اصلن واحسبك ام سنعه تعرف عيالها وش حالهم ! طلعت ام نايف بقهر .. هي صح غلطانة بس هو مو بعيد عنها .. *** عقد لؤي حواجبه بعد ماسكر السماعة : غريبة ! سارا اللي كانت جمبه يتابعون فلم : شنو قال ابوك ؟ لؤي : جهزي شنطتي يبغاني ضروري بالرياض سارا بقلق : بتسافر ؟! لؤي : طبعا لازم اروح اشوف شصـاير .. مو بالعادة يطلبني كذا فجأة اكيد سالفة كايدة سارا بخوف : ظنك عرف ؟! لؤي : لا ما اتوقع .. انتي جهزي شناطي وبكرة بروح واشوف شصـاير سارا بقلق : ان شاء الله قامت .. واول ماقامت مسك يدها : فين ؟! سارا : بجهز شنطتك لؤي : مو اللحين اجلسي نكمل الفلم بعدين سارا ابتسمت بتوتر : اوك لؤي : راح تضلين هنا لما اسافر ؟! سارا : بشوف اروح لهيفاء او بعزمها هنا لؤي : ايه لا تجلسي لحالك اهم شي سارا وهي تسدح راسها على صدره : خايف عـلي ؟! لؤي : اذا ماخفت عليك .. على من بخاف ؟! *** طـرابلس _ بالفيلا البعيدة بارض خـالية : كانت مسندة راسهـا على الجدار بالغرفة الخالية من جميع قطع الأثاث اشبه بسجن ... ورنيم بحضنها واليأس دخلها من جميع النواحي والخنادق اللي رسمتها دموعها على خدها جفت .. والكل مضطرب ووصل لمرحلة اليأس من امس وهم هنـا ... مر على وجودهم اكثر من 15 سـاعة .. فتحت عيونها وهي تشوف البـاب ينفتح وغادة كانت في استعداد لهجوم حتى تطلع .. لكن هجومها تراجع بقوة وقت شافت البودي قارد يدخل وبعده يدخل ببدلته الرسمية الطاغي عليها اللون البيج .. ولمحته المرسومة مع حاجبه المرفوع بشكل طبيعي يوحي بالكـبر والعزة بلعت ريقها هو نفسه فراس الشمري مين مايعرفه ؟! ... ولد عم نايف .. قابلته بزيارتها لبيت اسماء .. تمنت الأرض تنفتح وتبلعها .. اصابها هدوء ماتكلمت حتى .. وشعرها الكثيف الطويل مغطي وجهها خصوصا وهي منزلة راسها فراس ونظره يمسح على الموجودين بطريقه عليا توحي باحتقاره للكل : هذولا هـم ؟! : نعم طـال عمرك فراس : خـدم كلهم ؟ : أيـه هذا الظـاهر فراس واخيرا وجه كلامه لهم : تعرفـوا ليش انتو هنا ؟! كبيرة الخدم : لا .. حنا بنعمل عند السيدة لورا ومو فاهمين لشو كل هاد ! شو عملنا ؟! فراس : للأمـانة ماعملتوا شي .. بس استجواب بسيط لأن السيدة لورا متهمة بكم تهمه كثر الهمس بينهم عن وش ممكن تكون عاملة ... قبل يطلع استطرف انتباهه بكاء طفل ... انتبه لها بالزاوية ومتكورة على نفسها وشعرها مغطي وجهها وهي الوحيدة دون زي خدم .. لابسة قميص طويل وكمه لمرفقها طالع الرجال جمبه : هي كمان خدامة ؟! : مو عـارف .. لكن كانت شرسة وتعذبنا كثير لحتى نقلناها لهنا طالع فراس كبيرة الخدم وهو يأشر بعيونه لغادة : من هذي ؟! كبيرة الخدم : هاي ضيفة للسيدة لورا فراس ضيق عيونه ناحية غادة اللي كانت ميتة من الرعب وقت انتبه لها : ........................ فراس طالع رنيم اللي تبكي وواضح ميتة من البكاء .. التفتت للرجال : انت كيف تاركها بهالمكان ومعها رضيعة ؟! : انت ماسمحت بأي استثناءات فراس : جهز لها غرفة لحالها وانقلها لها .. ووفر للصغيرة اللي تحتاجه الرجال بتنفيذ اوامره : تفضلي يا شرسة دخـل فراس غرفة لورا .. اللي كانت عكس مكان الخدم غرفة محترمة واسعة بسرير وجلسة ووجبة اذا احتاجت جلس على الكنب وحط رجل على رجل لورا اللي كانت جالسة على الكرسي المقابل : شو بتريد مني ؟! كل شي عندي خبرتك اياه فراس : جهزي نفسك تسافري معـي بكرة لسويسرا .. بحيث اذا كنتي تكذبين اعرف اتصرف معاك مباشرة لورا : وبعد سويسرا ؟! فراس : اذا كنتي صادقة بأخليك .. غيره انسي لورا مسكت راسها : ياربي شو هالمصيبة فراس مباشرة : من هالضيفة ببيتك ؟! لورا : انو ضيفة ؟! فراس : اللي معها بزر لورا : ايه ضيفة عادية ... مافيه شي مهم فيها فراس : ما ظنيت وحده من معارفك مافيها شي مهم .. لورا برعب : انا مو فاهمه .. يعني لشو بدك توصل ؟! فراس وقف وبطريقة برا : مو انتي اللي اناقش معها لوين بوصل ! طلع فـراس لبرا وبطريقة لسيارته وجه تعليماته : الخدم بعد الاستجواب اخلوهم بس تأكدوا قبل ان افاميهم تضل مسكرة ... لورا راح اجي بكرة اخذها معاي للمطار : والضيــفة الشرسة !؟ فراس : الضيفة الشرسة لا تتركها تطلع قبل اعطيك الأمر .. احسن معاملتها واي شي تحتاجه وفره لها : حــاضر ركب فراس سيارته ومشى بطريقه .. دق جوالة طالع المتصل امه تو بيرد دق جواله الثاني مكالمة مهمة من فريق التتبع تنهد وصمت جواله ورد على فريق التتبع .. *** اليــوم الخميس ... جمعه رسمية في بيت أبو نايف جامع فيها العائلة المقربين بس / اسماء وهي تحس بإنتعاش طلعت من الحمام وجففت شعرها وهي بروبها ومستمتعه بـالكامل .. سحبت فستانها اللي قررته من الصبح نزلت برشاقة من الدرج للصالة : خلصت !! فتحت عيونها وهي تشوف أمها مالبست ولا شي : مااامااا .. ايش تنتظري ؟! بدر اللي كان جالس بأناقته بالثوب الأبيض والغترة الحمراء والجزمة الرسمية وساعته الفخمة وخاتم بالسعر الفلاني مايستغني عنه وقدامه اللابتوب وجمبه امه : ماراح تروح اسماء ويدها على خصرها : ليش ان شاء الله ؟! ام فراس : ياسمين تعبانه مقدر اطلع واخليها لحالها .. روحي انتي وانبسطي اسماء : يوه اتركيها مع الخدامه بتنتبه لها ام فراس : اخر عمري اترك بنتي مع الخدامات ماتركتك بعمرها اتركها اسماء وهي تجلس جمبهم : والله قهــر " طالعت اللاب مفتوح على صور بيوت " .. شتسوون ؟! ام فراس : نختار واجهه لبيته .. وتصميمه وكل هالقلق اسماء : قررت مصمم ؟! بدر اللي كان منغمس وهو يحرك بين الصور : لا لسى محتار بين كم واحد ؟! اسماء : طيب ناقشهم مع ميهاف بدر : ما احتاج رايها .. رايي يكفي ويوفي ام فراس : وش هالحكي ؟! اختك معها حق ... خل البنت تختار بدر : اخترت خلاص ! اسماء : يمه مسرع .. تو كنت محتار بدر : اذا هي بتختار البيت تدفعه .. دام انا اللي ادفع انا اللي اختار غير كذا ماعندي اسماء : براحتك .... " اشرت على صورة " واو بدر هذي خيالية حطها بدر : دامها ذوقك ماراح احطها .. ابي كلش على ذوقي انا اسماء : ووش فيه ذوقي ؟! ما اعجبك !! بدر : لا صار بيتك اختاري انتي اسماء : الله يستر علي مايجيني زوج نذل زيك ومايخليني اختار شي .. " تذكرت هيثم وتنهدت " مع اني من هالناحية ضامنة نفسي ماراح يصير لي زي هالمقرودة ميهاف بدر عقد حواجبه : مقرودة ؟! تحمد ربها وتسجد له سجدتين شكر الي بتعيش ببيت من ذوقي اسماء : اقول مطول ؟! اخلص نبي نلحق على الجماعة بدر سكر اللاب : يله شرفي اسماء : يله مامي سي يو ام فراس : انتبهو على نفسكم ... واسماااء خلي مني الهبال وخلك مرة صاحية وساعدي بيت عمك اسماء وهي تعلي صوتها قبل تطلع : ان شاااااء الله *** مــيهاف نزلت بخطوات أنيقة مع الدرج .. وقفت وهي تسمع حوار أمها وابوها أم نايف : بدر بالرياض ؟! ابو نايف : ايه وصل امس عضت على شفتها بقوة .. ماقالها شي انه بيجي ولا شي , كملت مشيها لتحت كان ابوها بطريقه لبرا ... ام نايف : اخيرا جيتي .. سنة عشان تلبسين ؟! ميهاف : شأسوي بعد لزوم الكشخة .. عزمتي الجيران ماما ؟ ام نايف : لا .. ابوك رفض يقول عائلية بس دق جوال ميهاف .. ردت كان " ام عبد المجيد " : هلا عمتي .... يله يله سكرت السماعة : هذي عمتي تقول افتحوا الباب ام نايف : هاو مو مفتوح ! غريبة ابوك مافتحه ميهاف : رايحة افتح لها أول ماطلعت كان الباب مفتوح وام عبد المجيد وعبد المجيد جمبها وسجى ووداد بلعت ريقها ورجعت تركض لداخل .. عبد المجيد تسمرت عيونه : ............ وداد نغزته : هيييه وين رحت ؟! عبد المجيد تنحنح : ما شاء الله .. ما شاء الله .. ما شاء الله سجى : هههههههههههههه اقول ارقط بس ولاتقول انك شفتها .. ولا سود بدر عيشتك عبد المجيد : يتهقوى بس ! ام عبد المجيد : عاد انا اللي قايله لها افتحي ماهقيت الباب مفتوح .. يله حصل خير دخـلت ام عبد المجيد وبناتها وقالت باسف لما شافت ميهاف : اعذرييني حبيبتي والله مادريت الباب مفتوح ميهاف وهي تسلم عليها : حصل خير ... كيفك وكيف امورك ؟! ام عبد المجيد : حمد الله تمام سجى : محد جا للحين ؟! ميهاف : ههههههههههههه لا كالعادة انتو اول الحضور ... حياكم حياكم تفضلوا جلسوا بالصالة الرئيسية .. بما انها مجرد جلسة عائلية , بعد فترة دخلت ابتسام وشايله فهد بحجبتها : السلام عليكم : وعليكم السلام هلا والله ومرحبا ميهاف : فهود معاك ! متى امداه يوصل لك ... عاد الحقير لي ساعة ادوره ابي اغير ملابسه ابتسام وهي تفك نقابها وتطبع بوسه على خد فهد : مستقبلني جعلني فدا عمره .. بس ترا خطر استقبلنا بالشارع وانا بالسيارة انتبهوا له البيبان مفتوحة اخذته ميهاف : فهوود ! انا وش قلت لك ؟! فهد ببراءة : اثف وداد : واااااااااو ميهاف ماراح تقدري تعاتبين هالبراءة كلها ميهاف : هههههههههههه مشكلته يجلط .. يله انا صاعده ابدل ملابسه ام نايف : تفضلي ابتسام ارتاحي ابتسام : معليه بس ثانية اروح ازبط نفسي عند المرايا نزعت عبايتها وهي تطلع الروج وتضبط مكياجها بعد مسافة الطريق الطويلة ... وتمشط شعرها لحتى انتهت من ترتيب نفسها ورجعت تجلس بالجــلسة مع الموجودين ودخلت وهم بموضوع زواج وداد ... ام عبد العزيز : ابتسام ترا ماراح نعذرك .. الشهر الجاي زواج وداد مو تنسين ابتسام : لا ان شاء الله اقدر وداد : كيفك ابتسام مع الوظيفة ؟! سمعت انك توظفتي سكرتيرة بشركة خالي ابو نايف ابتسام : والله للحين ما باشرت لأن دوام نايف ما استقر للحين وقت يستقر بباشر سجى : والله انا من زمان اقول ولد خالي هذا غير الرجاجيل كلهم .. ولا أول مرة اشوف رجال يدعم شغل المرأة ميهاف : بجد ترا نيوف غير .. عقله غير ابتسام : انا احس عادي .. يعني كثير قابلتهم يتقبلون شغل المرأة ويدعمونه ميهاف : لا حبيبتي .. شوفي بدر هذا وحنا لسى ماتزوجنا رسمي مارضى اني اشتغل طلعها من عيوني وداد : انا كمان .. تخيلي شرطه اني ما أشتغل ام نايف : معلوم الرجال يبي الحرمه تسنعه مو تشتغل وتنشغل عنه ابتسام حست ام نايف تلمح لها : والله انا رفضت اول ماقالي .. بس مره اصر لدرجة يقول اذا ماراح تصيري سكرتيرتي ماراح اشتغل سجى برجاجتها المعتادة : يالبيية عسى لؤي كذا بعد ؟! ميهاف : ايه اخواني كلهم ما شاء الله .. يدعمون ان المرأة تشتغل ام نايف : عيالي ماطلعوا لأبوهم ابد وداد : اخت هشام خطيبي .. موظفة وتحب وظيفتها وناجحة ما شاء الله عليها خطبها وكتبوا كتابهم وتزوجوا .. وقتها قالها تقاعدي مافيه شغل اجلسي بالبيت تخيلوا على طول تركته .. ماجلسوا حتى شهر ميهاف : ههههههههههههه وداد على كذا ابو الشباب ماله داعي يسترجل عليك دام هذي سوات اخته دخلت اسماء البيت ... ميهاف طالعتها : بدري ! الله لا كان جاب الغلا ... وين امك ؟! اسماء وهي تفصخ طرحتها : السلام عليكم كلكم وحده وحده .. " طالعت ميهاف وهي تفح " اااه اسكتي يختي امي ماجت ميهاف : كل هالتأخير وبعد ماجبتيها معك ؟! ام نايف : عسى ماشر ليش ماجت ؟! اسماء : ياسمين محمومة وجلست معها ... رمت عبايتها وشنطتها وهي توقف على الكنبه قدام المكيف : حححححر ابتسام : ههههههههههههه اسوم طالعه من جهاد انتي ؟! اسماء : ماتدرون وش صار معي ! وقف بدر قدام بيت واحد يبي منه شغله وجلس ساعة داخل وانا ملطوعة ومطفي السيارة يعني دون مكيف وداد : يا حياتي كل هذا فيك اسماء جلست : لا ويوم دخلنا نايف وعبد المجيد محجرين للسيارة ماتركوها تمشي !! ويسولفون وانا موجودة ... اففف طفحت سجى : يوووه عاد عبد المجيد امس يقول مشتاق لبدر .. تحصلينهم ولهانين اسماء زفرت : ولهانين ع حساااابي ؟! ميهاف وقفت : هههههههههه روحي حبيبتي رايحة اجيب لك عصير تبردين قلبك ماراح تنفعك القهوة اسماء : ايه الله يجزاك خير مير *** لـؤي / دخـل البيت بسيارته اول ماوصل بحدود الساعة 6 ونص .. نزل من سيارته ودخل مباشرة المجلس وهو يسلم على الموجودين .. والكل يستقبله بحرارة .. اما سلامه مع أبوه كان بارد : يله بالإذن رايح ابدل وجايكم ابو نايف ارمقه بنظرة : لا تطول ! دخل لؤي البيت .. وهو بطريقة لداخل كان جواله بيده كتب رسالة ( وصلت الرياض ) وارسلها لها ... تنحنح وهو عند الباب : لاااتدخل البنات كلهم بالصالة بمجرد ماحسوا قوم البزران بصوته ركضو له من كل مكان : لؤؤؤي جلس لؤي القرفصاء بينهم وهو يسلم عليهم كلهم .. حتى بزران الجيران يعرفونه ويحبونه : اشتقنااا لكك .. جينا اليوم عشانك بس لؤي : هههههههههه لا والله راعيي واجب يسلم شانك ... رفع فهد وهو يوقف ويبوسة بخده : كيفك حبيبي ؟! ابتسم لأمه اللي جته .. وباس راسها : هلا بالغالية ميهاف سلمت عليه وهي تضمه بحرارة : هلاا والله نورت الرياض .." طالعت بالبزران " وش هالتجمع روحوا العبوا انس باعتراض : لا نبي لؤي ! فهد وهو يتعلق برقبته : انا اذلس مع لؤي ام نايف : الله يعينك ماراح يتركوك اللحين لؤي : ههههههههههه اتركيهم يمه مبسوط عليهم ميهاف : طالع على جمب واصعد البنات بالصالة ماراح يقوموا لؤي وهو ينزل فهد : خلاص حبايبي انا رايح ابدل وجاي .. اللي بيلحقني هذا بعلقه بالمروحة جت ام عبد المجيد وسلمت عليه : هلا والله بولدنا الي جاحدنا لؤي وهو يبوس راسها : افاا ماعاش من جحدك ... كيفك اهم شي امورك تمام والعيال تمام ؟ ام عبد المجيد : كلنا بخير حمد الله .. انت كيف امورك ؟! لؤي : اووووه اموري تسرك ام نايف : كنك بلطت عند الباب يله اصعد .. " علت صوتها " ياحريم تغططن صعد لؤي وام نايف جمبه تصعد معه .. طالعها مستغرب : جايه معاي ؟! ام نايف : اصعد بس قدامي .. بكلمك بموضوع عقد لؤي حواجبه وصعد ودخل غرفته : شصاير انتي وابوي وراكم شي .. ام نايف بعد ماسكرت باب الغرفة : وش جالس بالكويت تسوي ؟! لؤي : شجالس اسوي يعني ؟! اشتغل ام نايف : لؤي لا تكذب علي .. وش جالس تسوي ؟! لؤي تنهد : اوك ماكنت اشتغل .. بس عندي حاجه جالس اخطط لها ام نايف : حسبي الله على بليسك .. وابوك اللي كل ماقال احد وين لؤي رفع راسه قال ماسك اموري بالكويت !! لؤي : يمه انا ما اخذت شهادة ادارة اعمال عشان امسك اشغال ابوي .. وبعدين كل هذا عشان وظيفة ؟! هذا نايف له سنين ماتوظف محد حاسبه ام نايف : بس نايف جالس هنا قدام عيونا .. ومحد راضي عنه وفوق كذا ماكذب علينا عارفين انه مايشتغل بس انت تقولنا اشتغل وانت تلعب هناك لؤي جلس على الكرسي وهو يمسح على وجهه : ماني العب ... وكان تقدرون تكلموني بهالموضوع بالسماعة ماله داعي اقطع رحلة كاملة ! ام نايف : مت يوم جيت ! انت صاير معاك بلا ... ماتبي تجينا ابد .. حتى ملكة اختك مافكرت تحضرها لؤي : خلاص يمه واللي يعافيك .. اتركيني ابي ابدل وارتاح تو واصل من سفر مالي خلق هالمواضيع ام نايف هزت راسها : ماشي .. بس اذا كلمك ابوك اسكت واصبر على اللي بيقوله لانه شايل عليك جدا وطلعت وسكرت الباب وراها .. تنهد لؤي بضيق مسوين كل هالسالفة عشان وظيفته ؟! شلون لا عرفوا انه متزوج .. دق جواله .. كانت سارا طالع الجوال ووقف يدخل الحمام دون يرد .. ماله خلق لازم يحضر نفسه للي قدامه اللحين مع أبــوه تنهد جلسته ماراح تغير شي .. وقف وبدل ملابسه وطلع لهم وخذ مكان بالمجلس بعيد عن ابوه , طالع ابوه من بعيد اللي كان يسولف مع اللي جمبه ... ماكان له خلق يسولف مع احد فاحتفظ بالصمت بالمجلس وهو يختلس نظرات لأبوه بين ثانية وثانية .. وقف أبو نايف : خذو راحتكم يا جماعة الخير .. اعذروني دقيقة " طالع لؤي " وانت تعال ابيك وقف لؤي وطلع وراه .. دخل ابو نايف البيت والتفت للؤي : خلك واقف هنا وقف لؤي مكانه بينما دخل هو للصالة وسلم على الموجودين اللي كلهم محارمة خصوصا مع غياب أم فراس .... طول لؤي وهو واقف وهو يسمع سوالفه مع الموجودين ثم سمعه : لؤي بيمر لفوق ثم التفت له : يله تعال صعد ابو نايف وصعد لؤي وراه ... ام نايف كانت ماسكه قلبها وهي تشوفهم , زوجها وتعرفه مايتس اهل مع موضوع الكذب اولا والاستهتار ثانيا .. ودايم مطنش نايف صح بس غلطة الشاطر بعشرة .. تبع لؤي أبوه لحـد مكتبه ... ابو نايف : سكر الباب واجلس سكر لؤي الباب وجلس بهدوء ينتظره ... ابو نايف : وين بوكك ؟ لؤي طالع ابو نايف وقال بهدوء عكس الاضطراب داخله .. لأن كرت العائلة موجود اسمها فيه : ماراح تتعامل معي بهالاسلوب ابو نايف بحدة : وييين بوكك ؟! لؤي رفع نبرة صوته درجة : قـلت لك ماراح تتعامل معي بهالاسلوب .. تاخذ بوكي وبطاقاتي وتجمد حساباتي وتمنع سفراتي ... اسف بس ماراح تمشي هالمرة ابو نايف : ودك تجرب كيف امشيها عليك !! لؤي باقتضاب : انا غلطت .. وآسف ومستعد اصلح غلطتي وبرجع اشتغل ابو نايف : موقعك بشركتي موجود باشر من بكرة لؤي عض على شفته : وظيفتي بالكويت جاهزة .. وراح اباشر فيها ابو نايف : ماراح تشتغل عند فراس .. انا اولى فيك وانت ماتستاهل تخلى لحالك لؤي : دام كذا ماراح اشتغل .. ماعاد يناسبني الوضع هنا وانا مبسوط هناك ابو نايف رفع صوته وهو يضرب على الطاولة : طايح لك على شلة فساد هناك اكيد !! ومبسوط هنا ... مافيه من اليوم ورايح تضل قدام عيـــني لؤي وقف : اللي عندي قلته .. وماراح اتناقش بهالموضوع بالذات راح اشتغل وراح اسافر الكويت واكمل شغلي هناك ابو نايف صرخ فيه : وقففففف مكانك لما اكلمك !! ماتعطيني ظهرك وتمشي !!! لؤي التفت : آمر .. شي ثاني ؟! ابو نايف : انا ابـــوك سامع !! لا تنسى هالشي وراح تشتغل بالغصب لؤي : ابوي .....؟! قد ايش هالمقام مناسبك .. تلبسه متى مابغيت وتفصخة متى مابغيت .... تمر السنة ماكلمتني دام ارباح شغلي توصلك !! ومايهمك فيني انا طيب ولا ردي .... وقت وقفت ارباحي صرت تبي تصير ابوي وتسيطر علي وتقرر حياتي ... قبل اسمح لك تقرر واوافق لازم انت تلتزم بمسؤولياتك ! ابو نايف رفع حواجبه : تعال قدامي لؤي ضل ساكت وهو يطالع ابوه بعيون تلمع : .......................... ابو نايف صرخ : ققققققلت لك تعاااال قدامي ! لؤي عطاه ظهره ومشى بطريقه .. لكن وقفه سحب ابو نايف من مؤخرة ثوبه وصفعه بأقوى ماعنده : تبي ارجعك لأيام المراهقة وارجع امد يدي عليك عشان تحس اني ابوك ؟!!! لؤي : هذا اللي قدرت عليه من مسؤوليات الأبو ؟! بالدور التحتي :- وقفت ام نايف بخوف وهي تسمع اصوت مريبة من فوق ... ميهاف : شصاير ؟! ام عبد المجيد : الله يستر صعدت ام نايف مسرعه وميهاف وام عبد المجيد وراها .. ووقفوا قدام مكتب ابو نايف وين ماكانت الأصوات ضربت ام نايف على خدها وهي تسمع صراخ ابو نايف : هذا اخرة الدلع ... انشهد اني انخدعت فيك ... انت تعلمني كيف اصير ابو هاه !! فتحت ام نايف الباب وهي تشوف ابو نايف ماسك لؤي من ياقته .. ورافع يده لفوق ركضت وهي توقف بينهم : شقاعععد تسوي بالولد ؟! تضربه وهو بهالعمممر !! لؤي اللي كان منزل عيونه طول الوقت ... ابو نايف وهو مازال ماسكه صرخ فيها : وخخخري ولدك هذا ماتربى ام عبد المجيد : بغلاوتي عندك ياخوي تتركه لؤي التفت لجهة الباب وهو يشوف ميهاف الي دموعها نزلت بشكل تلقائي .. وام عبد المجيد ماسكه قلبها بخوف ابعد يد ابوه من ياقته وطالعه : اكتفيت من تقليل قدري خلاص ؟! ابو نايف مشى بينهد عليه بس ام نايف كانت ماسكته وهي محاوطته من خصره : خلاااص اترك الولد بحاله !! لؤي مشى بهدوء وهو يطلع من الباب وكتفه يضرب بكتف عمته .. ويتوجه لغرفته ويسكر عليه الباب ويقفله , ام نايف بقهر : ليش ليش ضربته ؟! ابو نايف : انطمي على شحمة .. ولدك هذا ماتربى ! ! ام عبد المجيد : عسى ماشر ياخوي .. وش صاير ما اخبر لؤي تطلع منه الشينة ميهاف كانت عيونها معلقة على باب غرفته .. اكيد نفسيته مندمرة اللحين ماراح يقبل يتكلم معهم حتى ام نايف : حاط حرتك فيه وهو ماغلط !! فيك قهر رح حطه بولد اخوك اللي غاث بنتك .. مالقيت الا لؤي اللي ماعمره غلط ! ميهاف بقهر : يمه وش هالحكي ؟! ابو نايف التفت لميهاف بحدة : وش صاير بعععد ؟! ميهاف ودموعها على خدها : يمه واللي يعافيك لاتقولين شي ابو نايف نفخ : شصاااااير !! جدار انا بهالبيت ؟! ام نايف : روح كلمه اسأله .. هي ماقالت لي شي بس كل مادق عليها اشوف دموعها بعيونها .. طلع ابو نايف من الغرفة وهو نازل .. ميهاف : يمممممه ليش قلتي له !! ناقصين حناا ام نايف : ابرك خليه يتربى .. لمتى بتسكتين !! ميهاف : مافيه شي ماسوى معي شي ام نايف : ماراح تخدعيني !! ع بالك اني ساكته يعني مدري .. بنتي وخابزتك مسكت ميهاف راسها وهي تحس بخوف من اللي راح يصير .. اما بالدور التحتي .. كانو البنات متجمعات عند الدرج يحاولون يعرفون وش صاير وطارن كلهم يرجعن لمكانهن لما شافن ابو نايف ينزل ويمشي بطريقه لبرا ... اسماء بخوف : يمه شصاير وش كل هالاصوات ؟! بالمجـلس / كان المجلس خف من الرجاجيل اللي انسحبوا وقت تاخر ابو نايف مارجع .. ومابقى الا زوج ام عبد المجيد .. دخل ابو نايف المجلس وواضح على وجهه العصبية .. نايف عقد حواجبه : سلامات يبه شفيك ؟! ابو نايف تنهد وهو يشوف بدر اللي جالس جمب عبد المجيد .. مستحيل يتطاول على عيال فهاد هذول امانه برقبته عقب عين اخوه ودايم يحسب لهم حساب : بـــدر ! بدر : سم عمي ابو نايف : محد غريب بالمجلس .. وانا راح اقولهـا لك مرة بنتي مايتقلل قدرها !! سامع ؟! بدر عقد حواجبه : ومن قلل قدرها ؟! لايكون تقصدني بس ابو نايف : ايه اقصدك ! انا ماني غافل .. وفهمك كفاية بدر بثقة : انا ولله الحمد عارف نفسي ماقللت من قدرها شي .. بس عشان نكون متفاهمين انا ياعمي خطبت بنتك مو معناها بكل واردة بيني وبينها تتدخل ابو نايف فتح عيونه بدهشة : نعم ؟! بدر : ايه ... راح انسحب اذا عرفت ان باقي حياتي معها راح تكون على هالمنوال .. من اقولها كلمة يوصلك الخبر وتجي تسوي لي سالفة ابو عبد المجيد : بـدر مو كذا تكلم عمك !! ابو نايف وهو يطالع بدر بحدة : اتركـــه .. بدر : شفت ان المجلس محد فيه غريب على قولتك .. قلت اعطيك هالمعلومة لأن هالتصرف ما أتحمله ابو نايف بحدة وهو شاد على قبضته : الله يرحم ابـوك .. ولا كان عرفت شلون اتصرف معك بدر : العذر والسموحة .. بس انا قلتها من باب الصراحة وبما ان عشرتنا عمر ابو نايف : انسحب من وجهي اللحين .. تفاهمي مع اخوك ان شاء الله بدر وهو يطلع ويهمس بينه وبين نفسه : شرع وعادة دق على اسماء : الو ! اسماء : هـلا بدر : اطلعي انا برا اسماء : تو بــدري .. بدر : اطلعي اللحين !! اسماء حست انه معصب بجد : يله جايه بالمجـــلس / ابو عبد المجيد : هد بالك يا ابو نايف .. هذول الشباب ابو نايف : لا احترام ولا تقدير وقلة حيا .. يتعب الواحد يربي فيهم وهذي هي النتيجة اللي ياخذها ابو عبد المجيد : الله المستعان وش بيدك تسوي .. تفاهم معهم بالعقل مايجيبهم هالاسلوب ابو نايف : نايف ! نايف : هلا ابو نايف : تفاهم مع بـدر .. ماودي اوصل السالفة لفراس خصوصا انه مسافر وبس بشغله وفهم الزفت بدر يا يعدل عمره يا مايلزمنا ومايلزم بنتنا نايف : ان شاء الله وقف أبو عبد المجيد : يله انا استأذن ابو نايف : بدري يابن الحـلال تونا ابو عبد المجيد : لا كثر الله خيرك ما قصرنا .. اذا ام عبد المجيد تبي تجلس براحتها بس انا مضطر امشي ابو نايف اللي كان متعب هو نفسه : الله معاك اجل *** كـان داخل البيت الجـو متوتر .. ام نايف وام عبد المجيد قدام غرفة لؤي , ام نايف ودمعتها بخدها وتطق الباب : لؤي يمه افتح كلمني .. لا حول ولا قوة الا بالله ام عبد المجيد : خلاص يامزنه اتركيه يرتاح شوي .. وانتي ادخلي ارتاحي وقت تهدا النفوس كلش بيزين ام نايف : شلون اتركه هو حتى مايرد .. ابي اسمع صوته اخاف صاير معه شي لؤي بصوته الهادي : مو صاير شي .. اتركيني بحالي الله يرضى عليك ام عبد المجيد : شفتي الولد بخير يله ننزل ام نايف : لا والله ماهو بخير .. " طقت الباب طقتين خفيفة " لؤي يمه افتح الباب شوي عفية ميهاف سحبت رجلها لفوق وقالت بهم : اسماء راحت ... بدر كلمها معصب وطلعت اكيد أبوي هاوشه ام نايف : اناا وين وانتي وين ! يستاهل هالمخزي خل يتربى شوي لمتى يعني !! ميهاف : بس انا ماشكيت لك ماما .. ومو صاير شي ليش سويتي كذا ؟! ام نايف بنفاذ صبر : ميهاف اتركيني بحالي ماني يمك اللحين .. " رجعت للباب " لؤي افتح انا امك شوي بس تنهدت ميهاف ونزلت لتحت .. استقبلوها البنات تحت بقلق .. وداد : ميهاف شصاير خرعتونا ميهاف جلست على الكنب وهي تنحني وتمسك راسها : ما أدري ابوي متهاوش مع لؤي مدري ليش ابتسام وهي تطالع الدرج وصوت ام نايف واصلهم ... : لا حول ولا قوة الا بالله " جلست جمب ميهاف وحاوطتها من كتفها " روقي ميهاف ان شاء الله مشكلة بسيطة وتنحل ميهاف بهم : إن شاء الله رفعو كلهم راسهم وقت شافوا ابو نايف داخل وصاعد لفوق ... ودخل غرفته مباشره وبعد فترة نزل بعد مابدل ملابسه وطلع ... ميهاف : اكيد رايح يدفن نفسه بالشغل كالعادة وداد : كذا احسن ميهاف خل الكل يروق بعيد عن بعض وبعدها كلش بيضبط ان شاء الله سمعوا صوت واحد يتنحنح عند الباب ... ميهاف : ميـن ؟ ! : نايف .. ابتسام موجودة ؟! وقفت ابتسام بعد ماحطت طرحتها على راسها وطلعت : هـلا نايف تنهد بضيق : هـلا ... امي فين ؟! ابتسام : فوق عند غرفة اخوك ومعها عمتك نايف : مافهمتـو شصاير !؟ ابتسام : والله انا مدري ماصعدت معاهم .. بس ميهاف يمكن تدري نايف : البسي عبايتك انتظرك بالسيارة ابتسام مسكت ذراعه : راح تروح ؟! اجلس شوي مع اهلك اسندهم شوي نايف : لا يقولك ابعد عن الشر وغنيلو ... بكرة بجيهم وقت يهدون اللحين الوضع مايسمح ابتسام تنهدت : اوك دخـلت ابتسام وسحبت عبايتها .... ميهاف : بتروحون ؟! ابتسام : ايه الوقت متأخر ... وانتو ارتاحوا واهدوا وبكرة ان شاء الله كلش تمام ميهاف هزت راسها : راح تجين بكرة ؟! ابتسام : بأحاول ان شاء الله اجي عشان اشوف خالتي ميهاف : اوك ننتظرك بكرة أجل .." وقفت وسلمت عليها " انتبهي لنفسك سلمت ابتسام على وداد وسجى وطلعت .. ركبت السيارة كان عبد المجيد متكي على نافذة نايف يسولف معه نايف : احسن لك تهج بعد انت من هالجو عبد المجيد : مافيه مجال امي اعرفها ماراح تطلع لحد مايهدا كلش نايف : اجل ارتاح بالديوانية لحد يخلصون .. يله سلام عبد المجيد : الله معـك .. ولا تنسى بكرة قابلني عند بدر أول ماحرك سيـارته .... تنهدت ابتسام : شكل فيه مشكلة ثانية كمان غير اخوك نايف : ايه .. بدر خطيب ميهاف تشابك معه ابوي بالحكي بعد ابتسام : يؤ يؤ .. ليش طيب !؟ نايف : هو يستاهل ... اكيد غلطان مع ميهاف وميهاف غبية ساكته له ابتسام : هذي صبورة مو غبية .. ايش تبغاها تسوي ؟! نايف رفع حواجبه : تحط له حد الصبر مايجيب نتيجة ابتسام : انا اشوفه جاب نتيجة معاك ... صبرت عليك وبالآخير مشت امورنا نايف ابتسم : تحجري يعني .. بس لا هذا غير وهذا غير انا قد ما اغلط مستحيل اهينك بدر خويي واعرفه اساليبه مهينة ويحقر بالواحد ماينفع معاه الا وحده غبية زي ميهاف تصبر ع قولتك وبالأخير تسامحه على طول ابتسام عقدت حواجبها : طيب مو هذي امنية كل الرجاجيل وحده غبية تصبر معاهم ووقت يعتذرون عذر غبي تصير غبية وتقبل هالعذر ؟! نايف : بالنسبه لي لا .. وقت اغلط عليك لا تسامحيني بسرعة ابيك تحسسيني بغلطي خلي معدنك صلب زي ما اعرفك ابتسام كالعادة تتفاجئ ببعض مناطقة الغريبة .. واللي للأسف ماتفهمها قالت بمزح : اوك ولا يهمك جرب بس تغلط بتوصل للقبر وانا ما سامحتك نايف حضن يديها بيده اللي ماتسوق : لا تقولي كذا يا دبة الله لا يجيب بينا زعل *** غـادة / راسهـا بيوقف ... تبي تستوعب كل اللي صار للحين مو عارفة , اولا هذا فراس ولد عم نايف مافيها شك .. طيب ليش فراس ولد عم نايف خاطف كل هالناس ؟! ووش هـــدفة ... مسكت راسها وهي تحوس شعرها : مو فـــاهمة شي والله تنهدت بضيق وهي تطالع الغرفة الأنيقة الريفية ... بسرير واسع وجلسة ملحقة بتلفزيون ومتصل بحمام وقفت وهي تجلس رنيم على السرير بعد مانامت بحضنها ومشت ناحية الباب وطقته وطلعت وهي تمشي بخطوات مرتجفة قابلتها مرأة في نهاية الخمسين : شو عم تعملي برا اوضتك ؟! غادة مسكت نفسها بثقة : ابغى حجاب .. وعباية لو سمحتي المرأة : شي تاني ؟! غادة : و .. و لورا فين ؟! المرأة : ممنوع تقابليها وهلا ارجعي لاوضتك غادة : راح انزل المطبخ اجهز حاجة اكلها .. ممكن ؟! المرأة بطولة بال : تفضلي مشت على الرخام البارد برجليها الحافية ... وشعرها لتحت خصرها مفتوح وكثيف مع قميصها التقليدي صاير شكلها متشردة فراس اللي كان جالس بالصالة وينتظر نزول لورا عقد حواجبه وهو يشوفها تمشي ناحية المطبخ وواضح مانتبهت له .. سال الحارس الشخصي : هذي الضيفة ؟! الحارس : ايه معليش حنا نسمح لها تطلع بناء على اوامرك وقف فراس ومشى بخطوات هادية لحد ماصار على باب المطبخ ويراقب ... كانت واقفة عند الثلاجة ومعطيته ظهرها بعد ماتناولت بيدها تفاحتين التفتت للطاولة بتقطعها ومجرد مانتبهت له وهو واقف ومتكتف ومنسند جمبه على الجدار بجاذبيته الكبيرة .. طاحت التفاحتين من يدها وجلست على الارض حتى خبتها الطاولة , عقد فراس حواجبه وهو يمشي بخطواته الثقيلة لحتى تسند مرفقة على الطاولة اللي بينهم ويطل عليها من فوق وهي جالسة ع الأرض : متأكدة انك ضيفة لورا ؟! بلعت ريقها بصعوبة : اا .. ابي اطلع وخر لو سمحت رفع حواجبه وقت سمع صوتها : سعـودية ؟! غادة بخوف : لا ! فراس : اها وخر ومو سعودية .؟! غادة وتحس حضوره مهيب خصوصا وهي تعرف من هو بالضبط قالت والعبره خانقتها : ابي اطلع فراس كان ناوي يكمل استجواب .. بس حس حالتها ما تسمح جا الحارس من بعيد ووقف ورا فراس بمسافة : المدام ل ورا جاهزة فراس وهو مضيق عيونه فيه وهي متكورة وجالسة وعيونها بالأرض : تمام .. احجز مقعد اضافي للضيفة ورجع الفيلا لصاحبتها الحارس الشخصي وهو يطالع الضيفة قدامه : قصدك هذي ؟! فراس : شايف ضيفة غيرها هنا ؟! الحارس الشخصي : لا راح انفذ حالا فراس وهو يطلع من المطبخ : وبسرعة يكفي تأخير انا سابقك الحارس : ممكن دون مشاكل تقومي وتجهزي نفسك تسافرين غادة بسرعة : لوين ! الحارس : مايخصك .. غادة دمعت عيونها : مابي .. ماعندي جواز الحارس بابتسامة سخرية : انتي عارفة من كان قدامك قبل ثواني ..؟! ماعندي جواز هذي ماتعتبر مشكلة عنده يله اعجلي غادة : مـ ابي .. اول وين ؟! الحارس مسك جواله : سيد فراس .. غادة بسرعة ماتبيه يرجع .. وقت يجي كلش فيها يتحرول : خلاص راح اجهز ! الحارس على السماعة : خلاص انحلت المشكلة .. لا بس حضرة الضيفة ماكان تبي تسافر .. ايه انحلت غادة وهي شادة على قميصها : طـ...يــب .. عبايتي وين ؟! الحارس : راح توصلك بس انتي لعاد تسوين مشاكل ! سحبت غادة رجلها لفوق وهي ماتدري وبعدين مع حياتها .؟! ولوين بتصفعها الدنيا هالمرة .. *** بمقــهى ... كان بدر ونايف وعبد المجيد جالسين / بدر وهو يرتشف قهوته : شسر هالمقابلة ؟! طالع نايف وعبد المجيد ببعض ثم تكلم نايف : معليش عبد المجيد تتركنا شوي احترم عبد المجيد رغبته ووقف طالع : احتريكم برا اول ماطلع تكلم نايف : شصاير بينك وبينها ؟! مستحيل ابوي ينفجر فيك عبث بدر : بصراحة .. ضغطت عليها نأجل الزواج وانت اكثر واحد تفهم رغبتي هذي انا مابي اتزوج اللحين نايف : كنت افهم رغبتك هذي .. اللحين لا بدر : بتعطيني عبر يعني من تجربتك ؟! نايف : يمكن .." تنهد " بـدر انت بالذات مايحق له هالرغبة لان محد سحبك تخطب انت اللي جيت بنفسك بدر : قلتها بعظمة لسانك جيت اخطب مو اتزوج نايف : ووش بعد الخطبة ياتنح !؟ بدر : نايف افهمني مابي اللحين .. انتظروا سنة وش بيصير ! نايف : سنة الله يوفقك مع غير اختي .. اما انها توقف حياتها سنة عشانك انا اقولك من اللحين مافيه بدر تنهد بانحراج من نايف : بفكر نايف : وانا مابي منك غير تفكر ... هذا انا سويت مصايب عشان ما اتزوج وجننت أهلي بالأخير اكتشفت اني غلطان بدر وهو مستغرب : من جدك نايف ؟! مبسوط يعني بحياتك اللحين ؟! نايف ابتسم : ايه مبسوط جدا .. ولو تتغير حياتي كلها هي الوحيدة اللي مابيها تتغير بدر تنهد : بشوف نايف : ايه براحتك بس لاتطول .. ترا ابوي ماكلم اخوك بس يقول لو يكبر براسه اكثر من كذا بكلمه بدر كشر : لا واللي يعافيك وش بيخلصني من فراس وحنته انا نايف : ايه كيفك ... " وقال بنبرة جادة " وبعدين عدل اسلوبك مع البنت ترا المرة الجاية تغلط معها بحاكيك بصفتي اخوها مو خويك دق جـوال بدر .. تنهد : هذي امي من طلعت تدق .. يله رايح اكلمها اشوفك بعدين نايف : في امان الله طلع بـدر ونايف جلس لحاله يكمل قهــوته رن جواله طالع المتصل " نهى" تنهد بضيق ورد : ايوه نهـى : هلا والله بالقاطع .. شدعوة كل هذا تغلي ؟! نايف : شخبار يزيد ؟! نهى : زعلان عليك ... يقول بابا مايحبني ولا كان جا يشوفني نايف : هالحكي هذا منك ولا منـه ؟! نهى : واللهي منه تبي تكلمه تتأكد نايف باختصار : قولي له جايه اليوم .. يله باي سكر السماعة وسند ظهره على الكرسي .. ماكان يضايقه انها ماتدري عن ولده وقت ماكان مهتم فيها بس اللحين صايره هالانسانة تهمه وشايل معاه انه مخبي عليها هالمصيبة .. *** أم نايف بانفعال بالسمـاعة : اسمعي يا ام فراس .. انتي شاهدة على ان بنتي مليون واحد يتمناها وحنا وافقنا على ولد عمها على اساس رجال صاحي بس اذا هذا سنعكم فالله يوفق كلن بطريقه ام فراس بانحراج : يا بنت الحلال استهدي بالله من الشيطان ... وش صاير بالضبط ؟! ام نايف : انا نفسي مو عارفه شصاير ! بس بنتي من خطبها ولدك وهي الدمعة على خدها .. سود عيشتها الله يسود عيشته ام فراس : راح اكمله ان شاء الله ام نايف : ماعاد ينفع .. كم مرة صارت مشكلته وسكتونا انكم بتكلمونه ولدكم هذا دبش ماينفع معه الكلام ! ام فراس : هاو يا ام نايف شصاير معك .. كليتيني بقشوري وانا وش بيدي يختك حالي من حالك وميهاف بنتي ووالله ماني راضية اللي جالس يصير لها ام نايف : تلوميني !! انتي حطي نفسك مكاني وتفهمين .. ام فراس : انا بسكر وان شاء الله خير سكرت ام نايف دون تعلق ... تنهدت ام فراس اول مرة يكلمها احد بهالطريقة ومالها حق ترد .. ولدها غلطان وهذا واضح وهي من زمان حاسه بظلمه لميهاف بس وش بيدها .. *** وقف نايف سيـارته قدام بيت نهى .. دق جواله قبل يدخل رد مباشرة : هلا ابتسام : هلا حياتي وينك بالدوام ؟! نايف : ايه .. تبين شي ؟ ابتسام : لا بس حبيت اعطيك خبر اليوم رايحة لأهلك عصر ان شاء الله نايف : خلاص بنروح سوا اجل ... اشوفك وقتها ابتسام : اوك .. راح تتغدى هنا ؟! نايف : لا معزوم ... ابتسام : اوك يله باي سكر نايف السماعة وهو يحس مكالمتها جت بس عشان تحسسه بتأنيب الضمير .. تنهد وطق الجرس نهى بصوتها المايع : مـــين ؟! نايف : انا افتحي بعد فترة انفتح الباب واستقبلته بعراها المعتاد وكأنها مازالت على ذمته : لك وحشـة بجد نايف : فين يـزيد ؟! نهى : اوك طيب سلم بالأول نايف تنهد : السلام عليكم نهى : وعليكم السلامة والرحمة ... تفضل يزيد جوا دخل نـايف البيت وهو ينادي : يـــزيد .. " التفت لنهى " وينه ما اشوفـه ؟! نهى وهي تقرب منه حتى صارت يدينها على صدره : يـزيد طالع زيارة لصديقة عقد نايف حواجبه ... نهى وهي تترفع على اطراف اصابعها وتبوس خده : محد هنا غيرنا قشعر جسم نايف من حركـتها ... قال بحدة وهو يدفرها بعيد : وش قصدك بهالحركة ؟! نهى بخبث : مو معقول مافهمت قصدي للحين .. كنت تفهمني على الطاير قبل نايف سحب نفسه بهدوء ومشى طالع .. نهى مسكت يده : فين ؟! نايف سحب يده وطـلع بسرعة .. تسند على كرسي سيارته وهو يفتح النافذة يتنفس الهواء انتبه لهمس رجالين يمشون جمب سيارته : هذا طليق نهى ؟! : ايه الله لا يبلانا مطلقها ويدخل عليها دون احم ولا دستور ... الله يعافينا من حالهم مسك نايف راسه ... تفكيره الواسع المتفتح صار اضوق الظاهر حرك سيارته بسرعة وهو يطلع من هالمكان وهو ضايق لحتى وصل البيت دخل مباشرة وصعد دون أي تعليق على انها كانت جالسة بالصالة .. استغربت ابتسام صعدت وراه كان بالغرفة وهو يرمي بلوزته بسلة الغسيل ويدخل الحمام : نايف ؟! ماسمعت الا صوت الدش يشتغل ... حاست بفمها مستغربة خذت سلة الغسيل معها ونزلت ترتب غسيل الملابس قبل تطلع من البيت ... مسكت بلوزته اللي تو فصخها وهي تنتبه لطبعة الروج الأحمر الجريء على ياقة بلوزته عقدت حواجبها : ما استعمل انا هالروج .... سمعت صوت الباب يتسكر .. طلع دون يكلمها ؟! شدت على البلوزة وهي تستوعب ان الداشر طول عمره داشر .. *** لـؤي / هالمرة طفى جواله بالكامل بعد مكالماتها الملحة .. مو وقتها يكلمها اللحين لازم يفكر بالمصيبة اللي هو فيـها اهله سوو له سالفة بس عشان وظيفته كيف لو يدرون عن زواجه تنهد بضيق وهو يحس بحجم الورطة اللي حط نفسه فيها حزم شنطته الصغيره الظهر .. ومسك جواله وحجز رحلته بعد ساعتين للكويت .. فتح باب غرفته وهـو يحس البيت هادي نزل بخطوات سريعة .. وقفت ام نايف اول ماشافته ومشت ناحيته بسرعة ويدها على خده : كيفك يمه ؟! لؤي ابتسم ابتسامة صفراء لامه وهو يبوس راسها : مافيني الا العافية فتحت عيونها وهي تشوف شنطته على ظهره : على وين ؟! لؤي : راجع للكويت وراح امسك شغلي ام نايف : قلت لأبـوك ؟! لؤي هز راسه : لا ... ام نايف : كيف تروح دون ماتقول له !! ناوي عليه يذبحك ؟! لؤي بخنقة : راح يرفض اذا قلت له ام نايف : اجل اجلس ماله داعي تروح ليش مستعجل ... تفاهم معاه وبعدها روح لؤي : بعد امس خلاص واضـح مافيه تفاهم مع ابوي أم نايف : لا تقول كذا .. ابوك يحبك صح عصبي ويفقد اعصابه بس والله يموت فيك لؤي : خلاص يمه صدقت كل هالحكي ... بس اتركيني اروح تأخرت على طيارتي : وحـــاجز بعد ؟! عشان كذا اقول هات بوكك التفتو لصوت ابو نايف اللي تو دخل : ناوي تسافر من وراك .. بعيد عن عيونك يازاك اللي يازا نايف محروم من السفر والحسابات وكلش لؤي تسمرت عيونه في ابوه دون يحكي .... ام نايف بدفاع : لا مو من وراك كان بطريقه لك يعتذر منك ويقولك انه بيروح ابو نايف : لا تدافعين عنه هالمخزي !! لؤي : ولمتى راح اضل هنا !؟ هذا جزاي عقب تعبي لك كل هالسنين بغلطة وحده احصل كل هذا ابو نايف : تضل تشتغل هنا معد لك شغل بالكويت .. لا ادري عنك ولا وش تسوي هناك طلعت ميهاف من غرفتها لما سمعت الأصوات وهي تطل من فوق الدرج : ............... لؤي : شغل بالرياض ماراح اشتغل واذا السالفة اني جالس بالرياض جالس راح اجلس عطالي .. وانت كيفك وصعد لـفوق .. قابلته ميهاف : لؤي ليش كل هالعناد ؟! اشتغل شوي مو مشكلة لؤي مشى متجاهلها ودخل غرفته وسكرها وهو يسند ظهره على الباب وينساب بجسمه لحتى جلس وهو ماسك راسه بالــصالة / ام نايف : وانت الله يهداك هد اعصابك مع الولد شوي ابو نايف : انا اتفاهم معه ! لا تدخلين بينا لزوم يتأدب دق تلفون البيــت .. ابو نايف : ميهاف ابوي قومي ردي قامت ميهـاف وردت : الـو صوت مرتبك : الـ ...لو ؟ ميهاف : نعم من بغيتي ؟! بلعت ريقها : هذا بيت لؤي ؟! ميهاف انقرص قلبها بهاللحظة وهي تطالع ابوها : لا اختي غلطانة : لا انا مو غلطانة .. ممكن اكلمه ضروري ميهاف وهي شاده على قبضتها : اختي قلت لك غلطانة الله يستر عليك وسكرت ميهاف السماعة مباشرة ... ابو نايف : مين ؟! ميهاف : وحده غلطانة بالرقم مافيه شي مهم *** التفتت هيفاء لسارا بعد ماسكرتها : هاه شنو !؟ سارا بضيق : الرقم غلط .. هيفاء : هاو شلون غلط ؟! سارا هزت كتوفها : مدري هيوف .. انا ميته خوف خلاص مايرد علي من راح هناك .. اخاف صاير معه شي خصوصا ان ابوه كان معصب لما كلمة هيفاء : لا تفائلي انتي وبيستر ربك ..." ابتسمت هيفاء " ارتاحي اهم شي عشانك وعشان اللي ببطنك سارا وهي تمسح على بطنها بقلق : الله يستر هيفاء : ماقلتي له للحين !؟ سارا : لا .. اذا رجع ان شاء الله *** العـــصر : - دخـل نايف البيت ... ماحصلها تحت صعد لفوق كانت متربعه على السرير وقدامها بلوزته : تأخرت عليك ؟! جاهزة يله نروح ؟ ابتسام رفعت عيونها الكحيـلة له بحدة .. نايف استغرب نظرتها الغاضبه : شفيك ؟! ابتسام تكتفت وهي تأشر للبلوزة بعيونها : عنـدك تعليق ؟! مشى ابتسام وسحب البلوزة وهو مستغرب .. انتبه لطبعة الروج قرصه قلبه ثم قال بطبيعية : وانا شعرفني ؟! ابتسام : بالله ؟! نايف لا تراوغني وش طبعة الروج هذي .. ؟! نهى ؟! نايف فتح عيونه بدهشة : انتي شعرفك ؟! ابتسام وقفت حتى صارت مقابلته وهي تسحب البلوزة من يدها وترفعها فوجهه : لا ع بالك غبية ! بضل مغمضة عيوني طول الوقت ولا أدري عن شي ؟!!! نايف كان فاتح عيونه بدهشه .. مايدري وش تعرف بالضبط وقد ايش تعرف : ابتسام استهدي بالله وحقولك كلش ابتسام وهي ترمي البلوزة بوجهه : ع بالك بعطيك فرصة تلعب فيها على عقلي ؟! احفظ اعذارك لنفسك وسحبت عبايتها .... نايف : لوين ؟! ابتسام : مو عندنا موعد مع اهلك اليوم ! نايف : لا تروحين اليوم ارتاحي .. ابتسام : مافيني شي ارتاح منه !! وبتقوم توديني ولا رحت مع السواق !! نايف تنهد .. معصبه مرة ماراح تسمعه حتى مشى بهدوء قدامها : انتظرك تحت اما ابتسام اول ماطلعت تسندت بيدها على الطاولة وهي تطالع البلوزة بقهر ... شدت على قبضتها وسحبت عبايتها ونزلت وطول الطريق صمت ... مافيه تعليق لا منه ولا منها .. *** طقت ميهاف باب غرفة لؤي : مين ؟! ميهاف : انا .. ممكن ادخل ؟! لؤي : تفضلي دخلت ميهاف الغرفة وجلست جمبه على الكنبة : كيف اعصابك ..؟! لؤي ببرود وهو شارد : محترقه ميهاف : هد بالك .. ان شاء الله كلش بيمشي تمام لؤي : اللي يقهر اني ماغلطت ... ميهاف بعد صمت : لؤي .. لؤي : هلا ميهاف : فيـه وحده دقت من شوي على تلفون البيت تسأل عنك ... كان ابوي موجود وصرفتها وقلت الرقم غلط " تنهدت " لؤي انا حاسه فيك حاجة متغيره ولا راح اسالك ليش او من هذي البنت ... بس رجاء لا تتهور انت شفت ردة فعل ابوي لمجرد وظيفتك كيف لو حاجة اكبر ... لؤي فتح عيونه بدهشة ... معقولة تكون داقة على تلفون بيتهم .... دق جوال ميهاف طالعت المتصل " اسماء " : هلا اسوم اسماء : ميهـاف .... اهلي كان بيغدرون فيك بس انا وفيه اسمعي امي وبدر جايينكم بالطريق يعتذرون ومدري ايش فانا قلت لك عشان تتسنعين ميهاف : اللحين ؟! اسماء : ايه ايه اللحين اعجلي ... تعرفين بدر مايملى عينه شي ميهاف بضيق : معصب !؟ اسماء : لا قبل يطلع كان مروق .. الظاهر فهم انه غلطان ميهاف التفتت للؤي : لؤي انا طالعة .. فكر باللي قلت لك وطلعت مسرعة وسكرت الباب وراها ... اما لؤي مسك جواله مباشرة ودق عليها وهو يمسح على وجهه بتوتر جاه الرد مباشرة بلهفه : هلااا !! لؤي مباشرة : انتي داقة على بيتنا ؟! سارا : لؤي ؟! لؤي بعصبية : ايه لؤي ! جاوبي ... داقه ولا مادقيتي ؟! سارا : أيــه .. بس خفت عليك مارديت على اتصالاتــ .. . قاطعها بصوت مرتفع : واذا مارديت عليك !! تدقين على البيت !! ناوية توديني بداهية انتي ؟! سارا : صاير معاك شي ؟ ليش معصب وليش ماترد علي !! لؤي : مارديت عليك مشغول !! مرة ثانية اعرف انك داقة على البيت صدقيني بتكون اخر مرة تسمعين فيها عني سارا بخنقة : ابوك عرف عنا صح ؟! لؤي متنرفز : سارا اسكتي واللي يعافيك وربي اعصابي مو متحمله اكثر من كذا ... لا تتواصلين معي الا اذا تواصلت معك سارا : انت جالس تنهي علاقتنا ... حاسه كذا .. لؤي بقهر وهو مضغوط من كلش : باسوأ الأحوال ماراح تطلعي منها خسرانة حسابك مليان وسكرها مباشرة ....سارا حطمها بكلمته حتى هو نفس فراس يحسبها طامعه فيه وفي خيره .... مسحت على بطنها وهي تحس انها تتلاشى من حياته بالبطيء ... *** نزلت ميهـاف بعد ماخلصت لبس .. حصلت ابتسام جالسة بالصـالة وشاردة وهي مسندة راسها على يدها قربت منها بشويش : ببببوو ! ابتسمت ابتسام : هلا ميهـاف ... كيفك ؟! ميهاف : حمد الله بخير .. انتي شلونك ؟! ابتسام : تمـام ... فيـن خالتي ؟! ميهاف : بتجيك اللحين ارتاحي ... وعلوم اخبار ؟ ابتسام : مافيه انتي اللي كيف وضع بيتكم ... ان شاء الله الأمور هدت ؟ رن الجرس فزت ميهاف وقلبها يسبقها .. : استني ابتسام رايحة افتح الباب ركضت للباب : مـــين ؟! ام فراس : انا ام فراس سمعت همس بدر وراها : شوفي لي عمي موجود ولا امشي ميهاف فتحت الباب وسلمت على ام فراس ... ام فراس بحنية : كيفك ياعمري ؟ ميهاف : حمد الله تمام حياك خالتي ام فراس : ابوك موجود ؟! ميهاف : ايه موجود ام فراس : اجل ناديه قولي بدر بالمجلس يبيك ميهاف : ان شاء الله ركضت لداخل .. وقابلت امها : يمه قولي لابوي ينزل بدر تحت يبيه ام نايف ما اعجبها : جا حضرته ... يله بروح اناديه وانتي اركدي شوي وعن الطفاقه اثقلي ميهاف : طيب يمه بس عجلي قولي لابوي لا يتأخر عليه رجعت ميهاف وجلست مع ام فراس وابتسام ... وبعدها انضمت لهم ام نايف وبعد نقاش طويل بين ام فراس وام نايف عن بدر وميهاف انتهى الموضوع .. ام نايف : ان شاء الله ماتتكرر والله يكتب الخير ... بس انا ابي الزواج يتم باقرب فرصة وش له التأخير بعد ؟ ام فراس : مثل ما انتي شايفه اخر تأخير كان من ميهاف مو منه ام نايف : خلاص ميهاف غيرت رايها ام فراس : والله ودي والساعة المباركة اللي اشوف فيها ميهاف مرة ولدي .." تنهدت " يا أم نايف انا ادري ان بدر غلطان وحركاته ماتصلح .. بس مانقول الا الله يهديه ياكم واحد سوا العلايل والعبر واخرتها اهتدى والحمد لله ام نايف : فيه هذي بصدقك " ابتسمت وهي تطالع ابتسام " هذا نايف انقلب حاله واهتدى وان شاء الله بدر مو بعيد عنه ابتسام بضيق : لا توهمون عماركم .. الداشر يضل طول عمره داشر الكل طالعها مستغرب .. كان تعليقها قوي ويوضح عن سوء الأمور بينهم .. انتبهت ابتسام لنفسها وابتسمت بانحراج : معليش مو قصدي .. انا رايحة الدورات وقامت طالعة ... ام نايف تبعتها بنظراتها لحد ما اختفت : سلامات شفيها هذي !؟ ميهاف : يمكن متناقره ويا نايف ام نايف بهمس : وتتناقر معه تعلم الناس كلهم انها متناقرة معه دق جـوال ميهاف ردت مباشرة : سم يبه .... اللحين ؟! ... ان شاء الله سكرت السماعة ووقفت .... ام نايف : وين ؟! ميهاف وخدودها موردة : ابوي يبغاني برا ام فراس ابتسمت : روحي ياحبيبتي الله يحفظك ويوفقك وياه طـلعت ميهاف وطقت باب المجلس بأدب .... : تفضلي يا ابوك دخلت المجلس وهي منزلة راسها : هلا يبه جاها صوته الرجـولي : تفضلي ميهاف ارتاحي مشت لحد ماجلست جمب ابوها مباشرة .. ابو نايف طالع بدر بنظرة يعني " تكلم " .. تنهد بدر : ميهـاف .. انا آسف ادري صارت امور كثير زعلتك فيها ومايحق لي فسامحيني يابنت عمي والله ماقصدت ميهاف انحرجت من وجود أبوها .. قالت وهي منزلة راسها : مسموح .. والله يسامح الجميع ابو نايف : تكلمي يابوك لاتستحين .. تو شايله بخاطرك شي عليه ؟! اخلصي دامني موجود امز اذنه لك ابتسمت ميهاف لابوها : لا يبـه خاطري طيب دام خاطرك طيب .. ومالي كلمة بعد كلمتك ابو نايف : الله يرضى عليك يا ابوك .... وترا قررنا الزواج عقب شهرين يناسبك ؟! ميهاف قالت بهمس : بس بعد شهرين رمضان ع طول بدر : اجل بعد شهر وش رايك ؟! ميهاف وقفت وهي طالعة : اللي تشوفونه .. ابتسم بدر وهو يطالعها .. جذابه بكل معانيها .. ابو نايف بحده : هاه يابدر .. مابي ارجع اسحبك هنا بالمجلس مرة ثانية بعد واعتذار وخرابيط كم مرة غلطت للحين وانت تو خاطبها بس ؟! بدر : يا عمي ان شاء الله مايصير خاطرك الا طيب ... بس طول بالك علي ابو نايف : هاه وموعد الزواج ؟! بدر : معها حق .. رمضان ع طول صعبة حلو بعد شهر خصوصا ان خطبتنا لها كثير ابو نايف : اجل توكلنا على الله بدر : ونعم الإتكال دخل عليهم نايف المجلس : الله بدر هنا ؟! بدر : هههههههههه نستلم محاضره من عمي كالعادة نايف : يومك زلابة تستاهل ابو نايف : بلاك واقف ؟ ارتاح اجلس نايف : لا يبه متأخر وباخذ عيالي وماشي بدر : متأكد .. ماراح تجي معاي الإستراحة نايف تنهد بضيق : لا مالي خاطر اليوم برجع البيت ابو نايف : احسن لك يا ابوك ارجع لبيتك مع مرتك وخل منك هالهبال والصداع .. وانت يا بدر خفف بعد بدر : شدعوه عمي شنسوي يعني ؟! نوسع صدورنا مع الشباب وبس ... نايف عاد عنده مايشغله انا وش وراي ابو نايف : نشوفك عقب شهر اجل دخـل نايف البيت وتنحنح ... قابلته ام نايف : هلا نايف نايف : مساء الخير يم ... واللي يسلمك قولي لابتسام تطلع ام نايف : قبل اقولها تعال قـولي شصاير ؟! نايف خاف تكون قالت لهم : ليش ؟! ام نايف : مدري عنها زوجتك صايره ترمي كلام ماتحسب له .. تفشلت قدام ام فراس نايف تنهد : ماعليه يمه اليوم تعبانه وانا ماقصرت فيها .. اعذريها ام نايف بفرح : ليش تعبانه ؟! لايكون ؟! نايف ابتسم : قولي ان شاء الله بهاللحظة جت ابتسام ... ام نايف بفرحة : تعبانه يمه ؟! ابتسام : لا حمد الله ... دايخة شوي وبس ام نايف بنظرة لنايف : انتبه لها زين .. سامع ؟! نايف : ولا يهمـك .. اول ماراحت ام نايف طالعت ابتسام نايف : على شنو تبتسم ؟! وكملت طريقها دون حتى تنتظر جـوابه .. تنهد نايف وركب السيارة : ابتسام سمعيني ؟! ابتسام : رجاء مابي اسمع صوتك .. لو سمحت احترم هالرغبة فيني نايف بضيق : لمـتى ؟! ابتسام : للحين جالسة اسمع صوتك ! نايف : جاوبي عشان اسكت !! انتي حتى مو راضية تفهمين شنو صاير ؟! ابتسام : واضحه مايبي لها زود مفهومية .. وبالنسبة لمتى ؟! لحد ما احس اني ما انغث وقت اسمع صوتك نايف : كذا يعني ؟! ابتسام وهي تطالع النافذة : ايه ... طالع نايف قدام وسكت ... زعلت عليه قبل بس كان زعلها لطيف مقارنة باللحين : ابيك تعرفين اني اسف .. ابتسام : اسفك هذا خله لك أول ماوصلـوا صعدت مباشرة .. وبدلت ونامت على جمبها معطيته ظهرها تنهد نايف وهو يطالعها ( يا ساتر على هالغيرة يا ابتسام ... هذا وانتي تو ماعرفتي ان عندي ولد الله يهدي بالك بس ) *** صحت اسماء من قيلولتها بحدود الساعة 6 مغرب ... توضت وصلت اللي فاتها وطلعت دخلت غرفة ياسمين وين ماكانت امها هالفترة كلها جالسة هنا : للحين تعبانه ؟! ام فراس بهم : لا حرارتها ماخفت ... الظاهر لازم غذاية قومي يمه جيبي عبايتي بوديها للمستشفى ودقي على بدر ياخذني ! اسماء : اوك طـلعت اسماء بطريقها لغرفة امها ... وقفت بنص الطريق ورجعت للغرفة : بتروحين وين ؟! ام فراس طالعتها وقالت بعصبية : هاو وين عبايتي وشنطتي !! وش لك ساعة رايحة تسوين ؟! اسماء : المستشفى !! انا بوديها المستشفى .. انتي رجلك تعورك ماما ارتاحي ام فراس : من قال تعورني ؟! اسماء ببلاهه : انتي ... امس تقولين .. ام فراس عقدت حواجبها : لا ماقلت اسماء : ولو ماما واجب البنت خدمة امها ... ارتاحي انتي هنا وانا اقوم عنك ام فراس عصبت بجد : أسمماء خل مني الهبال واعجلي جيبي عبايتي اسماء باصرار وهي تضرب برجلها على الارض : لااا ... انا برووح ثم لا جا بعدين جلستي تقولين اني ما انفعك في شي !! ام فراس : اسماء والله مو وقتك اسماء : الا هاللحين بالذات وقتي ... ياسمين يله تجهزي بلبس عبايتي وبجي اخذك " كملت بكذب " وترا دقيت على بدر مارد علي بروح مع السواق ام فراس كبست بعيونها مرتين وهي تشوفها تطلع مسرعه ... : انجنت هـالبنت !؟ اسماء جت مسفحة وهي بعبايتها وسحبت ياسمين من كتفها وهي تسوي كلش بسرعة تلبسها جزمتها وتاخذها معها .. ام فراس : شوي شوي ع البنت !! اسماء : ان شاء الله ان شاء الله ام فراس : ولا تنسين تسألين الدكتور عن الأدوية اسماء : يا يمه قدها قدها وطلعت بسرعة ... : مدينة الملك فهد الطبية بسرعة ! وصلت للمستشفى وراحت لعيادة ورمت ياسمين هنا وقالت وهي مستعجلة : دكتور بنتنا معها حرارة وتعبانة ... انا رايحة مستعجلة عندي شغل وراجعه لها ياسمين بتعب : اسوم وين مابي اجلس لحالي اخاف اسماء صرخت فيها : أنطمي يابزر .. وخلك هاجدة لين ارجع " مزت اذن ياسمين " والله والله لو تقولين لامي انا رحت وخليك لألعن ابو ابو شكلك .. واعلمها انك رايحة حب وهبال مع ولد الجيران سامعة ؟! ياسمين وعيونها مليانه دموع : ططيب ... اكرهك ياشريرة اسماء وهي طالعه : من اليوم لبكرة .. يله ربع ساعة وراجعة لك مشت بطريقها وهي حافظة المنطقة اللي دايم تقابله فيها .. قسم الجراحة حصلته يمشي لحاله تبعته بهدوء وهي تمشي وراه لحد ماجلس بالكافتريا لحاله وطلب طلبه ... طالعت ساعتها ماعندها وقت تقدمت وجلست ... هيثم وقف الملعقة قبل ياكلها وفتح عيونه وهو يشوفها جالسة ومبتسمة بوجهها البريء : هـاي هيثم طرح الملعقة وقال بهم : شنو عندك هالمرة بعد ؟! اسماء وتحس الربكة اللي تحس بها كل مرة لما تشوفه صارت اهون .. الظاهر تعودت ؟ : عندي شيئين .. هيثم تكتف : تفضلي اسماء : اولا شكرا على آخر مرة .. هيثم باستفهام : وثانيا ؟! اسماء : يعني كنت اقول بما انا صرنا نتصادف كثير يعني .. فانا اقول مافيه مشكلة لو اسولف معك وقت القاك بأي صدفه .. صح ؟ هيثم : بما انا صرنا نتصادف قلتي ؟! اسماء ورجعت ربكتها بس قالت بطبيعية : ..... أيه ! هيثم تكى بيدية على الطاولة وتكلم معها باريحية لأول مرة : اوك موافق , بس كيف نصير كذا وحنا مو صريحين .... اوه عفوا وانتي مو صريحة معاي ! اسماء بلعت ريقها : مـن قال ؟! هيثم : اسألي حالك يادكتورة .. مشاعرك واضحة وبغض النظر عن جوابي بس اعتبر جحدانك لهالموضوع استهزاء فيني .. اسماء : ابدا مو اسـتهزاء بس .. هيثم رفع حواجبه : اجــل ؟! : دكتور ممكن دقيقة طالع هيثم جهة الدكتور وراح ناحيته .... طول بالكلام معه : دكتور واضح السالفة مطولة اسبقني مكتبي وجايك نكمل نقاش : اوك انتظرك رجع للطاولة ياخذ كوبه وكانت مو موجودة طبيعي له ربع ساعة يتكلم مع الدكتور .. انتبه لورقة تحت كوب قهوته عقدت حواجبه وهو يفتحها وخط عشوائي نص حروفه بالكاد تنفهم : لما تحس ان فيه شخص خطفك من نفسك ؟ مستوطن تفكيرك طول الوقت حتى وانت وسط الناس تلاقيك سرحان فيه لدرجه انك تدعي له وتنسى نفسك ... عموما .. أدري انك تقرأ وتعرف انك المقصود طيب .. انا ضعت فيك ومثل ماقلت بغض النظر عن الجواب .. انا مقدر اكبت هالشي خصوصا وهو واضح للكل اما اسماء كانت بالسيارة وانفاسها تتصاعد بخوف من اللي سوته : ماغلطت ماغلطت ماغلطت ياسمين : شنو تقولين ؟ اسماء : اصصكتي خلك بحالك ... " مسكت صدرها " ياربي شسسويت ....!!!! | ||||
|
| |
|
08-03-17, 08:45 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت الثالث والعشرين " - الحب يضعف التهذيب في المرأة ويقويه في الرجل \\ أم فراس ماسكه الـورقة قالت بدهشة : جبتي a ؟! اسماء وهي واقفة بفخر : يب يب يب ! ام فراس : ما أصدق .. والله انا اقول بترسب اسماء : ايه ايه قللو من قــدري ! وعلى فكرة ترا اقدر احقق اهداف اكثر بس موقعكم الجغرافي مايسمح لي دخـل بدر البيت ... ام فراس : تعال جابك الله شف اختك وش نجحت فيه بدر عقد حواجبه : طلعت النتايج ؟! شخبار درجة ميهـاف ؟ اسماء وهي ترفع ورقتها قدامه : مالت وش لك بميهاف اللحين .. شفني انا اول قدامك بدر وهو ياخذ الورقة رفع حواجبه بدهشة : اما عاد ! اسماء بثقة وغرور وهي مستمتعة بردات فعلهم : قـايله لكم انا داهية بس انتو ماتفهمون بدر : الف مبروك والله مانتي بسيطة اسماء ويدها على خصرها وتحرك شعرها : وتأكد ان درجتي بتكون احسن من درجة زوجتك بعد بدر وهو يرمي عليها ورقتها : في هذي عاد تبطين اسماء : لا تتحدى ! بدر : مدحناك بس لا تتحلمين تغلبينها .. اسماء مسكت جوالها وهي تدق على ميهاف : اوريك اللحين .. بدر جلس وهو مسند راسه على يده ومبتسم وهو يحتريها ترد : حطي سبيكر جا صوتها الناعم : هلا اسـوم اسماء وهي تخز بدر : اقـول ميهاف ! كم نتيجتك ؟! ميهاف : انتي اول كم .؟ اسماء : انا 4.8 ميهاف : اكثر منك حبه بس اسماء سكرت السماعة مباشرة والتفتت وقالت بكبر :نسبتها اقل مني حبه ! ام فراس : بجد ؟! غريبة ... بدر بثقة : اعذريها مشغولة تفكر فيني ... المهم يمه كلميها انا موجود بكرة بس اذا تبي تروح معي تشتري للبيت ام فراس : بس بكرة ؟! ماراح يكفي بدر : بكرة وبعده واللي تبي .. اهم شي تردلي خبر اسماء : وليه ماتكلمها انت ؟! بدر : لسى بينا حواجز ... ماراح اكلمها قبل تكلمني اسماء : ياشين المكابر بس طلع بدر .. وام فراس صعدت جلست اسماء على الكنبة وتنهدت وهي تفكر للحين مر يومين على رسالتها له .. للحين متفائلة برده .. ان شاء الله ماراح يخيبها متفائلة جدا بالايام الجاية .. بس ماعندها الشجاعة تروح المستشفى تستلم جوابه .. ولو انه عطاها اياه من قبل .. *** غـادة صعدت ورجلها مو شايلتها طيـارته الخاصة ... مافيها غيره ولورا وهي ورنيم وهي بعبايتها لأول مرة تحس العباية منقذة عشان مايشوفها ... فراس كان موجود من قبل وبجلسته الملكية رجل على رجل وقدامه مشروب بكاس أنيق وباكيت سيجايره وثلاث جوالات .. كانت ريحته كاسيه طيارته الصغيرة ريحة سيجاير مع كلونيا .. التفت نص التفاته لما ركبوا عقد حواجبه لما شافها بعبايتها رجع يطالع قدام وقال بهمس سمعه الكل : ياشين اللي يسوقون الشرف جلسة غادة بأبعد مكان عنه .. لكن ما ابتعدت عن محيط عيونه ولورا كانت جالسة بهم وتهز رجلها بتوتر .. نطق اخيرا بعد فترة هدوء : حرك كابتن وارتفعت الطيـارة عن اراضي طـرابلس لتنتقل لجنة خضراء ... فراس بعد ما اخيرا صار بالطيارة وعنده وقت ومتأكد وقت يوصل راح يكون مشغول فتح جواله وانفض سيل المكالمات المجنون تنفس الصعداء وتو بيقرر من يدق عليه دق جواله " أم فراس " رد مباشرة : هلا يم غادة انغزت هنا .. هذي أمه يعني " أم فراس " يالله انا وش موقعي هنا بالضبط استمعت باصغاء لباقي المكالمة .. فراس : لا بس مشغول شوي .... لا لا اللحين فاضي شعندكم ؟! ......." ارتفعت نبرته بانزعاج درجة " شنـو ؟! ..... ايه ؟! .........وهذا بدر متى ناوي يصير رجال !! ...... انحلت اللحين ايه بس بكرة بيرجع مرة ثانية .... ابو طبيع مايخلي طبعه ........ لا خلاص انا بحول المهر لحساب بنت عمي ارسليلي رقم حسابها .... اوك ... اوك .... يله برجع اكلمك نزل السماعة وفي ثانتين رجعها لأذنه ينتظر الرد : السلام .. ميهاف كانت منخبه .. فراس وداق عليها هي ؟! : هلا والله وعليكم السلام .. فراس : ماحصلت فرصة قبل .. بس مبروك زواجك على التنح ولدنا ابتسمت ميهاف : هههههه شدعوة تنح ؟! فراس بصدق : لا والله تنح .. امي داعيه له عشان يرزقه ربي وحده مثلك ولا محد بيصبر انا فاهم ميهاف بقهر : ان شاء الله بيتغير فراس : قدهـا ان شاء الله .... انا داق اعتذر بالنيابة عنه ميهاف كانت متوترة صدق .. حتى بطفولتها مو موجود ماتعرفه ابد : على شنو ؟! فراس : انتي عارفه على شنو .. على انك بتتزوجين اكبر ثور ممكن تعرفينه بحياتك ميهاف : ههههههههه معناها انا بقرة اجل فراس : محشومة يابنت العم .. المهم انا داق بطلب منك طلب ميهاف بربكة : آمر فراس : مايامر عليك ظالم ... بس انا اعرف اخوي واعرف طبعه واعرف انه ممكن يغلط دون يحس الشي المهم الي ابيه منك ماتترددين تكلميني وقت تحتاجين شي او يغلط عليك بدر كلميني مباشرة وانا ارجعه لك للدرب كلميني حتى قبل تكلمين عمي اذا ممكن ... اعتبريني بمكانة المرحوم عمك فهاد ولا تترددي ترفعي السماعة لأي شي ... وألف مبروك مرة ثانية ان شاء الله زواج الدهر ميهاف ارتبكت بعد كل هالكلام : ان شاء الله مايحصل بينا شي .. قاطعها فراس مباشرة : في حال حصل انا اقول ! ميهاف بلعت ريقها للحين ماهي مستوعبة انه اساسا داق عليها : ان شاء الله سكر فراس السماعة مباشرة .. وغادة مازالت تتمعن بمكالمته اللي بعدها مباشرة رفع السماعة يدق على رقم ثاني ... بدأت رنيم في البكاء .. رفع عيونه بحده لها مباشرة : ممكن تسكتينها ؟! غادة ارتبكت وهي تهزها وتهمس باذنها : خلاص ماما كان مستمر في التحديق فيها لحد ما سكتت رنيم وغادة تحس كلش فيها يرجف وهو يحدق .. اول ماسكتت نزل عيونه لجواله ورفعه لإذنه وقال مباشرة : شصـــاير ؟! لؤي تنهد بضيق : جالس أخذ درس في الحياة ان كلامك كان صح فراس بضيق : عرف ؟! لؤي : لا ... ليته عرف هذا اللي مخوفني ردة فعله كانت قاسيه وهو ماعرف .. مجرد عرف عن وظيفتي كيف لو يعرف ؟ فراس بهمس : ما اظن ينفع اقولك اني قلت لك بهالحالة لؤي : ......... فراس : وهي ؟! لؤي : هي بالكويت ... ماكلمتها الا مرة للحين ومو عارف شاسوي ابي ارجع لها بس أبوي معند فراس : شوري ؟! لؤي : دايم شورك يحتاج شجاعة وانا رخمة ! فراس : دامها خاربه خاربه قول لأبوك كلش .. مايحتاج تصدمه مرتين لؤي : قلت لك .. انا رخمة فراس : اللي رخمة مايتهور مثل ما انت تهورت .. معناها طلقها واترك كلن بحاله لؤي : تقدر تقنع ابوي يرجعني للكويت ؟! فراس : اذا بقنعه .. راح تكون تحت مسؤوليتي يعني زواجك تحت مسؤوليتي لؤي : يعني لا ؟! فراس : هذا انت فهمتها .. لؤي : مالي الا الصبر لحد مايتركني ارجع للكويت دق جـواله الثاني .. رفعه يشوف الاتصال : لؤي اكلمك بعدين سكرها مباشرة ورد : ايوه ! : اهلين .. رصدناها بشاليه بسويسرا فراس : أرسل العنوان لي اللحين .. وجهز سيارة تاخذني اول ما اوصل عفوا سيارتين مو سيارة : حاضر سكرها وهو يشوف المتصل " اسماء " رد : هلا اسوم اسماء بحماس : متى رحلتنا !؟ فراس : ما نقدر اللحين ..بعد زواج بدر اسماء : باقي على زواج بدر شهر كامل يمدي !! فراس : طيب مشغول مقدر اللحين بعدين .. اسماء بقهر : كنت عارفه انك كالعادة تسلك لي ولا ماعندك نية من أول تسفرني !! فراس بحده : اسماء !! اسماء : خلاص مع السلامة سكـر السماعة وتنهــد لازم يدق على عمه .. ووراه البنك يحول مهر بدر ومليون شغله فوق راسه ..كانت غادة تراقبه وهو ماوقف مكالمات حاست بفمها ( اجل هذي قيمة انك تكون هامور السوق ) *** خـلص نايف شغله بملل وهو فعلا كاره هالدوام مر على أبوه ودخل دون يطق الباب : انا طالع ! ابو نايف دون يرفع عيونه له : بدري ؟! نايف وهو طالع : بكمل بكره انا طالع وبس دخل مكتب ابتسام ماحصلها عقد حواجبه .. مر من عنده موظف : تدور عن المدام ؟! نايف : ايه تعرف وينها ؟! الموظف : غريبة ماتعرف .. استأذنت قبل ساعتين وطلعت نايف : اهـا .. خلاص يعطيك العافية طلع بسيـارته ودق عليها ماترد عليه .. له كم يوم حالته متأزمة معها ماتكلمه واذا كلمته تكسر عظامه بكلامها لدرجة صار معد يتجرأ يكلمها احيان ... دخل البيت بضيق وماله نفس يجي اصلن بس محتاج كم غرض تافف : الواحد يزعل يوم يومين .. مو أسبوع يا ساتر .. طلعت من المطبخ وهي تحط الغداء على الطاولة .. التفتت له ببرود : تغدا ! نايف تنهد : ببدل وبنزل صعد وبـدل ولبس لبس طلعه .. ماعنده نيه يجلس بهالبيت ضاق به الأكسجين هنا خصوصا انه ماتعود يتعب نفسه مع زعل احد .. نزل وجلس وكانت جالسة قدامه على الطاولة ومجرد قدامها كاس عصير عقد حواجبه : فين غداك ؟! ابتسام دون تطالعه حتى بنفس النبرة الباردة : تغديت نايف حمد ربه ردت عليه بالعادة تحقره .. ماكان متوقع رد اصلن لما سالها او توقع تعطيه كلمه تسكته قال يحاول يلطف الجو : كأن الأكل حار شوي ؟! ابتسام رفعت راسها .. وقفت وسحبت الصحن من قدامه نايف فتح عيونه ومسكه من الجهه الثانية : شنو ! ابتسام سحبته منه وهي ترميه بالزبالة : الزباله تستــاهله اكثر منك ! مامداه يرد صعدت لفوق .. شد على قبضته : انا وش يلقفني احاكيها ! لو تاركها مع حالها ابرك لي ! نفسية بجد وطلع وهو يرجف الباب وراه .. ودق على بـدر : وينك ؟! بدر : انا عند عبد المجيد .. تجي ؟! نايف : دقايق واكون عندكم *** دخل هيثم شقته بعد اسبوع منقطع عنها .. وماحيطول محتاج يبدل وكم غرض وطالع رفع بلوزته ورماها طاح من جيبه ورقة .. اخذها كان أعتراف اسماء جلس على سريره وهو يقرا الورقة بتمعن " خصوصا انه واضح للكل " .. من الكل ؟! اهلها ؟! معقولة ! لا مو لهالدرجة حتى لو اذا البنت فالتها ... قال بنبره متنرفزة يكلم نفسه : طيب تعترف وتختفي اسبوع ؟! " رمى الورقة " حمد الله والشكر !! فجأة لبست العقل وصارت ثقل دخل الحمـام وبدل ملابسه .. اول ماطلع من الشقة وقف بنص الممر ورجع يفتح الباب ويدخل ويآخذ الورقة ويدخلها بجيبه ويكمل طريقه أول ماوصل المستشفى وقف عند الإستقبال : سعاد ! سعاد وخدودها مورده من نبرته باسمها : اهلين دكتور هيثم بتوتر وهو يحك ذقنه : تعرفي .. البنت اللي دايم تجي تسأل عني ماجت هالأسبوع ؟! سعاد بضيق : ايه المزعجة ..؟! هيثم : ايه المزعجة سعاد : لا ماشفناها والله هالفترة الظاهر ملت هيثم : اها .. اوك كمل طريقه لشغله " لما تحصل شخص خطفك من نفسك ؟ " : واضح خاطفك من نفسك .. والله هالحريم بياعات حكي ! ضرب فيه شخص وهو يمشي مستعجل وضرب في راسه نفخ بعصبية : اعمى ماتشوف !!! طالب طب بارتباك خصوصا ان منصب هيثم عالي هنا ويتمنى يتعلم منه : آسف استاذ مانتبهت لك هيثم وهو ماسك راسه : اقول حل عن جوي وكمل طريقه .. الطالب : غريبة معصب ! *** سـارا :- كانت راجعة من دوامها وتحس بتعب فضيع .. نفسيا وجسديا استقبلتها هيفاء اللي جالسة على الكنبة قدام التلفزيون : جيتي ؟! سارا بانهاك : ايه .. داخله ابدل ثم نتغدا هيفاء : اوك دخلت سارا غرفتها .. وهي تستنشق ريحته بالغرفة ريحة بخور ومسك حست حاجة تنغزها بقلبها وقت استنشقت ريحته مسكت صدرها وهي تحاول تهدي النغز : صاير شي .. صاير شي اكيد .. طلعت جوالها من شنطتها وبمحاولة متأكدة من فشلها ... نزلت جوالها بضيق لما مارد ودخلت تحت الموية بضيق وبدلت وطلعت .. جلست على طاولة الأكل .. هيفاء بضيق : مارد عليج للحين ؟! سارا بهم هزت راسها : ......... هيفاء : والله ماودي اضايقج السوري بس كثير رفيجاتي تزوجن سعوديين وصار معاهن نفس المنوال سارا بغصة : لؤي غير .. هيفاء : ان شاء الله ... بس طريقته هذي ماتطمن فاذا بتسمعي كلامي .. قاطعتها سارا بعصبية : ماراح اسقطه ماراح اسقطه ! لعد تتكلمي بهالموضوع واللهي راح ازعل ! هيفاء تنهدت : مو عارفه شنو اقولج ... سارا بتردد : رقم ولد عمه عندي ... هيفاء : مو دقيتي على بيته وعصب ؟! تدقي كمان على ولد عمه ! سارا : ولد عمه يدري .. عن زواجنا .. هيفاء بقهر : مو فاهمة كيف انتي للحين متعلقة فيه اساسا عقب كلامه لج سارا : فيه صوت داخلي يقولي اصبري اصبري .. دايم فيه امل بقلبي .. يمكن عنده عذر هيفاء : ياحبيبتي اللي يبغى يضل معاج راح يلقى مليون طريقة .. واللي يبغى يتركج رح يلقى مليون طريقة لاتضيعين حياتج تتمسكين في واحد مهملج سارا : مو مهملني !! خوفي بس يكون ابوه عرف هيفاء : جربي دقي على ولد هالعم يمكن ينفعنا !! سارا وهي تتذكر كلامه وطريقته العليا : لا لا هونت .. هذا مايحشم .. هيفاء : وبعدين معاج انتي ؟! سارا تغير الموضوع اللي جالس يطعن فيها : راح اروح لموعدي .. تروحي معاي ؟! هيفاء : طبعا .. بس ولدج هذا لازم يعرف اني نفعته أكثر من ابوه سارا : ان شاء الله بنت هيفاء : شدعوه تفائلي وقولي صبي ان شاء الله سارا ابتسمت بألم : لؤي يحب البنيات اكثر هيفاء : يوه اللي يجي من ربج يا مأحلاه *** أسماء حاطه رجل على رجل تبرد اظافرها .. وميهاف تطالعها بنص عين وهن جالسات بغرفة ميهاف : ممكن اسألك مرة ثانية وش جالسة تسوين هنا ؟! اسماء : انا اشكل خطر على نفسي .. عشان كذا ما أجلس لحالي عشان اعقل شوي ميهاف عقدت حواجبها : وللمرة الثانية مافهمت ! اسماء : الزبدة اني لو اجلس لحالي راح اودي نفسي لمذبحي .. عشان كذا بروح معاكم وانتوا تشترون اثاثكم ميهاف : حياك والله .. اسماء : غصب عنك ميهاف : عن الغلط عاد !! اسماء : افففف وينه بدر تأخر ؟! ميهاف : مدري عنكم .. مو جاي معاكم اسماء : ايه حطنا وقال مشغول شوي وبيرجع ميهاف طالعت خاتم اسماء الألماسي : صح اسوم دايم اقول بسأل عن هالخاتم .. مرة جميل من وين ؟! اسماء : ايه هذا .. هدية من بدر اتوقع قبل كم شهر بصراحة نص اغراضي اللي يسألوني عنها الناس هدية منه ميهاف : دايم يهدي يعني ؟! اسماء : من جدك .. كل ماغاب عنا كم يوم جاب .. مو فراس يغيب شهور ومانشوف منه شي ميهاف : حرام عليك تقولين كذا .. واضح انه مشغول وبدر فاضي اسماء : والله اللي يبي يهدي بيهدي .. وكمان فراس فلوسه اكثر من بدر ميهاف : اقول خل ننزل لأمي وامك تحت اسماء : لا مابي ! ميهاف : ليه ؟! اسماء : أمي تسولف عن سجى ميهاف استغربت : ليه ؟! اسماء : امي ناوية تخطبها دون يعرف فراس .. وتحطه قدام الأمر الواقع ميهاف فتحت عيونها : من جدكم ؟! اسماء : اندري عنهم ! ذالبزر مدري وش شايفين فيها ميهاف : مو كذا .. سجى والنعم فيها بس وش هالنظام بتظلمون الأثنين سوا اسماء : روحي فهمي أمي .. مالقت الا فراس بيسكت لها والله مايتزوجها اخوي واعرفه ميهاف : والله غلط مرة اسماء : كيفهم يسوو اللي يبغوا *** بيت عبد المجيـد / عبد المجيد : زواجك الشهر الجاي خلاص ؟! بدر والبسمة شاقه وجهه : ايه ولاتخاف عازمك عبد المجيد : والله تعزمني انت ولا بنت خالي المزة جعلها تسلم بتعزمني بدر : اقول احترم نفسك .. لاتجيبها على لسانك حتى عبد المجيد يقهره : رقمها موجود .. ادق عليها وتعزمني مباشرة عاد بدق مرة وحده اعتذر عن آخر صدفه بينا بدر فتح عيونه : وش صدفته ؟! عبد المجيد : آخر عزيمة ببيت خالي عبدالرحمن طحت فيها بدر ضيق عيونه : وانت جالس تقزقز ؟! عبدالمجيد وصل لهدفه واضح ارتفع ضغطه : خلاص هد يخي مامداني حتى اشوفها .. دخلت على طول بدر بكبر : شف وفتح عيونك مايهمني .. بس وقت تشوف اعرف ان اللي جالس تشوفه حلالي ومالك الا تقزقز من بعيد عبد المجيد : وراك كبرتها .. ترا طيحه عادية بدر : انت النجس اللي جايب الطاري احفظ لسانك عبد المجيد : اوك آسف .. " التفت لنايف وقال بصدق " اسف نيوف سامحني مو قصدي اتكلم عن اختك كذا نايف اللي كان شارد : هاه .؟ لا عادي بدر : شفيك نايف ؟ منت على بعضك نايف : إلا معاكم مافيه شي عبد المجيد : صدق ؟ اجل وش كنا نقول ؟ نايف : كنتوا تناقشون بيت بدر .. طالع بدر وعبدالمجيد ببعض ثم طالعوه : صاير معاك شي .؟ ماخلصت اجل مشكلة لؤي ؟ نايف فرك عيونه : لا بس صاحي من فجر .. عبد المجيد : وش الله حادك على العنا .. كان ارتحت شوي نايف وقف وهو ماشي لبرا : استأذنكم .. قبل يركب سيارته كان بدر قدامه : شنو بعد ؟ بدر فتح باب السيارة : انا بسوق .. انت دايخ ماينفع تسوق اركب تنهد نايف وركب ... بدر : على وين ؟! بيتك ؟ نايف وهو يطالع النافذة : حطني عند شركة أبوي بدر : مو تعبان من الشغل .؟! وش صاير فجاة صرت تحب الشغل نايف سكت ماعلق : ................. بدر : او صاير شي ببيتك .. " كمل بروقان " لايكون متهاوش مع المـدام ؟! نايف : ...................... بدر : من جدك ؟ ما اعرفك يشيل معك زعل احد امك وابوك يزعلون عليك شهور ماتهتم نايف : وانا قلت اني متضايق .؟ تعبان وابي انام بدر : وبتنام بالشركة ؟! نايف بنرفزة : خلاص ودني البيت .. انبسطت ؟! بدر : نايف انا خويك تكلم .. شفيك ؟! عرفت عن نهى ؟ نايف : تقريبا ابتسم بدر : ومتضايق لأنها زعلانه عليك ؟! نايف : قلت لك مو متضايق !! سكت بدر لفترة ... بعدها قال : يوم 28 يناير 2015 الساعة 5 مساء بهاللحظة نايف صار يحب نايف طالعه بنص عين وهو متسند على المركى بينهم : ................. بدر وهو مبتسم : لا تطالعني كذا ولاتستحي قدامي .. هذا الحق البنت جابت راسك نايف : لا تخرف بدر وربي مزاجك خرا .. بدر : اوك . . تذكر كلامي هذا بعدين نايف : يمكن اهتم فيها .. بس طبيعي البنت ماقصرت معاي بس مو حب فانثبر بدر : ماقلت شي بنثبر بس قابلني بعد ماتستوعب رفع نايف جواله ينشغل فيه ويتجاهل كلام بدر ... أول ماوقف قدام بيته فتح باب السيارة وتنفس براحه وكأن الجو داخل كان كاتمه أول مادخل للبيت صعد لفوق أول مادخل غرفته عقد حواجبه وهو يشوف حرمتين موجودتين وحده تشتغل بشعر إبتسام والثانية مكياجها طلع وسكر الباب جاه صوتها : نـايف ؟! نايف : ايه .. ليش ماقلتي لي ان عندك ضيوف ؟! ابتسام : طيب ليش طلعت .. " كملت بسخرية " لايكون تستحي ؟! اقول ادخل واترك الشرف لأهله حبيبي وقف نايف مصدوم من كلامها : لكلش حدود إبتسام ! انفتح باب الغرفة وهي واقفة قدامه بكامل انقاتها .. انصدم نايف وهو يشوفها واقفة وماعندها مانع يشوف اللي وراها عقدت حواجبها : ليش كل هالصدمة ؟! جالس تشوف حاجة غريبة عليك يالمحترم مسكها من معصم يدها وسحبها وراه وهو ينزل الدرجات حتى صاروا لحالهم بالصالة وافلت يدها لما صارت قدامه : معك حق ! ماعمري احترمت ان بنت محرمه علي ... عارف ! بس ع الأقل كنت مستعد احط لنفسي حدود عشانك !! مايبين بعينك يعني ؟! ابتسام : لا تضحكني .. اشوفك احترمت نفسك قدامي بالمالديف , ايه مايبين بعيني خصوصا وانت تخدع نفسك والهبلة اللي انت متزوجها نايف : وش جاب اللحين ؟! مر عليها شهور انا نفسي نسيتها ابتسام : لا مانسيتها .. بس لأنك متعود عليها .. نايف صرخ فيها : قلت لك اني غلطان ! وش اسوي بنفسي عشان ترضين !! ماتركت حاجة ماراضيتك بها !! هدايا ؟ حقرتيها .... ٍسفريات ؟ رفضتيها !! اموت يعــني ؟!! ابتسام بقهر والعبره خانقتها : انا طالعة معزومة لزواج .. ووقت ارجع وافك فستاني راح يكون فيه ريحة رجال او علامة برقبتي .. اوك ؟! ووقتها راح اسألك اذا كان هدية راح ترضيك ؟! نايف والإرهاق واضح فيه .. اردع جسمه حتى استرخى على الكنبة ومسك راسه وابتسام مسحت دمعة انسابت على خدها : مدام نقدر نمشي ؟! ابتسام التفت لصوتهن جاي من فوق التفتت لنايف : قوم لمكان ثاني لو سمحت .. عباياتهن هنا نايف طالعها ... ابتسام ردت على نظرته وهي تطالع الأرض : عشانهن مو عشانك .. مايستاهلن بنات ناس محترمين ينعرضن قدامك زفر نايف بتنهيدة طالعه من قلبه .. ومشى ناحية باب البيت وطلع وابتسام اول ماطلع جلست على الكنبة وانسابت دمعة يتيمة على خدها دق جوالها .. تنهدت ومسحت دموعها وردت : هلا خالتي ام نايف : هاه جاهزة ؟ تأخرنا على الجماعة ابتسام : يله مسافة الطريق وراح اكون بالفندق ان شاء الله.. ميهاف معاكي ؟ ام نايف : لا ميهاف طالعة مع زوجها واهل زوجها تشتري لبيتها ابتسام : الله يوفقها .. اوك جايتك سكرت ولبست عبايتها وطلعت وهي من داخلها تحاول تثبت نفسها وتلم شتاتها *** اسماء : لا وععع وش هالخياس ! بدر طالعها وهو صابر عليها له ثلاث ساعات تذم بكلش يختارونه : يمه خذي تاكسي وارجعي انتي وياها للبيت ام فراس : هاو وانا وش ذنبي ؟! بدر مد اصبعه بتهديد : اسوم قسم بالله لو ماتبلمين لأدق على السواق يجي يرجعك للبيت اسماء برجاء : لا تكفى لا... بتندم لو ترجعني بدر : صدقيني ماحندم اسماء : لأنك ماتعرف وش جالس يصير براسي .. اتركني جمبك احسن لك ميهاف عقدت حواجبها : شفيك انتي ؟! اسماء تاففت : رايحه للكافي اشرب قهوه انتو كملوا بدر : من اول يختي بدر غمز لأمه : يمه الحقيها لاتسوي مصيبة .. مو صاحية هذي ام فراس : هي المصيبة ولا أنت ودك تطردني ؟! بدر : هههههههههههه الله يطول لي بعمرك بس ام فراس : يله لعيونك انت وميهاف .. اجلسوا شوي لحالكم اختاروا ميهاف عضت ع شفتها وهي تشوف ام فراس تلحق جهة اسماء .. طالعها بدر وهو يمد ذراعه لها : يلا ؟ ميهاف مشت دون تعلق بذراعه .. مسك بدر يدها ورجعها : ماد ذراعي للجدار انا ؟ ميهاف وهي تطالع حولها : والله احراج سحب بدر يدها وعلقها بذراعه : ايه كذا مضبوط .. يله وش ودك تختاري للمطبخ ؟ولا اقولك هذا اتركيه للطباخ ميهاف وهي متوترة من معاملته : ممكن سؤال ؟! بدر : تفضلي ميهاف : فين راح نسكن للحين محد علمني .. بدر : الدور فوق بيت اهلي .. مو ابوي الله يرحمه بحياته باني دور ثالث للي يتزوج منا ميهاف بضيق : ايه .. بس انا مو حابه بدر : وليش ان شاء الله ؟ ميهاف : دون تتضايق .. ما أبي اكون قريبة من أهلك ولا أهلي مو انت قلت مايتدخلوا بدر : ماراح يتدخلوا ميهاف : بس راح يعرفوا اذا طلعت واذا رجعت واذا عزمت بدر : وإذا ؟! ميهاف : لك فترة ترا تغلط وانا ما اقول شي واسامح .. اقل شي ابغاه هو بيت لحالنا بعيد كإعتذار بدر طالعها لفترة بعيونها الفاتنة : خلاص من عيوني .. راح اعطي المقاول خبر يدور لي فيلا ميهاف : بجد ؟! بدر : يب .. كم ميهاف عندي ؟! ميهاف : لا أنت مو طبيعي اليوم وش هالرواقة ؟! بدر : انا ماعمري تضايقت الا لسبب .. شايفه فيه حاجه تضايقني اليوم ؟ ميهاف : واللهي احيان دون سبب تسوي مشكلة بدر : اعصب يعني ؟! ميهاف : لا لا .. ماصدقنا مزاجك يتعدل تكفى بدر رفع حاجبة : على فكرة ! تعالي .. هذا عبد المجيد من وين شايفك ؟! بلعت ميهاف ريقها ( طريت عليه المشاكل .. ليتني ساكته ) : عمتي دقت علي افتح لهم .. لما طلعت كان بوجهي يعني بشكل طبيعي بدر : لا طبيعي ولا غيره .. لعد تمشي الا بطرحتك اذا كذا ! ميهاف : ان شاء الله بدر : والله لو يجيني مرة ثانية احد ثاني يتكلم انه شافك لارجع فيكي انتي ميهاف : وانا ايش دخلني صدفه والله ! بدر : المهم انا حذرتك عشان ماتلوميني اذا جيتك أتكلم ابتسمت ميهاف دون شعور على غيرته .. واشرت على قطعه : شرايك بهالطاولة ؟! بدر : والله انا مو عاجبني شي هنا .. مابي اشتري بيتي من هنا باشتريه من برا ميهاف : بس كذا بيطول بدر : ادفع لهم عشان مايطولون ميهاف : براحتك .. اللي يريحك بدر : اجل خل نطلع .. وش يجلسنا هنا نص بضاعتهم خراط ميهاف : يله اجل ندور امك واسماء بدر : روحي لهم انتي .. انا ثانية عندي مكالمة ميهاف : اوك بدر عض على شفته : نسيت جوالي بالسيارة .. هاتي جوالك ميهاف طلعت جوالها من شنطتها وعطته اياه .. بدر فتح جوالها وقبل مكالمته وقبل كلش توجه لسجل الكالمات طارت عيونه وهو يشوف مكالمة " ولد عمي فراس " ومدة المكالمة 7 دقايق والمكالمة من طرف فراس ( وش يبي فراس داق عليها ) ! ماتعب نفسه يفكر دق مباشرة من جوالها على فراس .. جاه الرد مباشرة : هلا والله بدر : ................. فراس : ميهـاف ؟! بدر : هلا فراس فراس باستنكار : بدر ؟! بدر : ايه بدر .. كيفك ؟! فراس وهو يمشي : حمدالله .. ماعندك جوال تدق معه ؟! بدر : معاي .. بس بسألك وش داق عليها تقول ؟! فراس : مايخصك .. مو انت اللي بتحاسبني على مكالماتي بدر : ناسي انها زوجتي ؟! فراس : ناسي انها زوجة اخوي ؟! وقبل يطيح حظها وتصير زوجة اخوي كانت بنت عمي بدر عقد حواجبه : ماحتقولي يعني .. هي موجودة باسألها فراس : اسأل .. بس لو اعرف انك مطول لسانك وقتها قص هاللسان بيكون على يدي بدر : حولت لها المهر ؟! فراس : ايه حولته .. شي ثاني ؟ بدر : لاتنسى تحضر العرس .. ولعد تدق عليها رجاء مهما كان زوجتي ومايرضيني فراس : ان شاء الله ما اضطر ادق عليها .. ولا ترا ماعندي حماس اكون بينكم بدر : اجل خلك بعيد فراس : اقول دامك دقيت .. بدل هالحكي اللي زي وجهك وقف مع عمي وحاول تهدي المشكلة بدر : وش مشكلته ؟! .... ااااه قصدك لؤي ! فراس : ايه قصدي نسيبك لؤي بدر : والله مو عارف المشكلة اساسا فراس : ونعم ولد العم .. بدر : والله ابعد عن الشر وغنيلوا .. وش لي بوجع الراس فراس : يله انا بسكر .. طوط طوط سكر بدر السماعة وراح لطاولة أهله وحط جوال ميهاف قدامها وقال وهو ماشي : انا بالسيارة لاتطولون ام فراس : تعال اجلس معنا بدر : مستعجل وراي مشوار ام فارس : بنات قوموا اجل اسماء : تو اشرب قهوتي ! ام فراس : خذيها معك .. بتأخرين الرجال عشان قهوتك اسماء سحبت كوكيزها وقهوتها .. وطلعوا وركبوا وطول الطريق ام فراس هي اللي تسولف ومحور الحديث وقف بدر قدام بيتهم نزلت ام فراس واسماء ...بدر : اركبي قدام ميهاف : غريبة موصلهم قبلي بدر : لأني ابيك بكلمة راس ميهاف ركبت قدام : وش كلمة راسه ؟! بدر : اشوف بسجل مكالماتك فراس داق عليك .. خير ياطير ؟ ميهاف بطبيعية : ايه ؟ يبارك ويقول اذا احتاج أي شي وكلام كذا ... بدر : اها .. اليوم مابي اعكر عليك بس هي كلمة وحده لايصير بينكم مكالمة مرة ثانية , أوك ؟ ميهاف : هو اللي دق على فكرة .. انا مالي دخل بدر : فيه خيار اسمه رفض المكالمة ميهاف : فشلة ! اخوك وش هالعقل وش بيقولي يعني !! بدر : هذا عقلي طيب .. يضايقني الموضوع خصوصا ان فراس بيده كلش مابي تصبي علومي عنده ميهاف : ع بالك اني جالسة انقل اخبارك ؟! بدر : ماقلت كذا .. بس يمكن يجي عارض بالكلام ميهاف تنهدت : تطمن .. بس داق يبارك وبس وانا نفسي استغربت بدر : خلاص بارك لك وانتهت .. ما اظن بينكم مواضيع اكثر من كذا ميهاف : قولتك .. بدر : شوفي ترا مابي امدح نفسي بس والله اني طيب .. لكن عمى عيني اللي يخالف كلامي واتوقع واجب الزوجة تطيع زوجها ميهاف طالعته بنص عين ... بدر : عندك راي ثاني ؟! ميهاف رجعت تطالع الطريق : لا طبعا .. وصل بدر لبيت أبو نايف ونزلت ميهاف .. وهي تحاول قد ماتقدر تمشي هالعلاقة اللي طاح قلبها فيه ضحية , *** هـيثم واقف قدام الفندق .. وهو مستغرب انها طالبه منه يجي ياخذها بعد فترة طلعت وركبت : السلام عليكم هيثم وهو يحرك السيارة : وعليكم السلام ابتسام : عسى ما أشغلتك ؟! هيثم :لا أبد بس فين نايف ؟ ابتسام بطبيعية : اكيد نايم .. الوقت متاخر وما احب اركب مع السواق بهالوقت هيثم : اهـا .. من هذا زواجه ؟ ابتسام : وحده من صاحبات ام نايف .. تبي احد يروح معها وميهاف بنتها مشغولة فاخذتني هيثم : اهـا .. ابتسام : شفت لك هناك مزز .. ماودك بوحده تكمل بها دينك ؟ هيثم : ومزة هي الصفة الوحيدة ؟! وش اسوي بحالي اذا طلعت غبية ولا مجنونة ابتسام : معك حق هيثم : اختاري كويس المرة الثانية ابتسام : واضح تسلك لي .. لو اجيبك الكاملة المكلمة ماراح تاخذها هيثم : لا شدعوة ؟ فيه احد يعيف الكمال ؟ بس مو الكمال الشايل خشمه اهم شي العفوية ابتسام : اوه هذول نادرات .. هيثم : وصلنا انزلي .. ابتسام : يعطيك العافية على التوصيلة هيثم : ولا يهمك نزلت ابتسام ودخلت البيت ... ماكان موجود تنهدت له فترة ما تأخر برا البيت بس احسن يجلس وراه صعدت لغرفتها ورتبت نفسها ونامت مباشرة .. *** غـادة شادة على اعصابها طول الطريق ماغفت عيونها ... لحد ماوصلوا نزل فراس واشر عليهن طاح قلب غادة لما توجهت اصبعه ناحيتها : رافقهن بالسيارة الثانية للفندق .. ارتاحت لما عرفت انهم واضح بينفصلون .. اعصابها كلها مشدودة ورجلها ما تشيلها وقت تكون حوله : ....... فمشت بهدوء وركبت السيارة مع لورا .. بينما فراس ركب سيارته وتوجه للمنتجع وهو يدعي ربه يطرحه فيها لكن ما استجيبت دعوته وقت استقبله زوجها وسلم عليه باحترام وهو يعرفه .. اشتغل معه بكم صفقة وهذا اللي موتر الموضوع وكان الموضوع مرتب ان اللقاء صدفه : كيفك ياشيخ خالد ؟! خالد : حمد الله مبسوطين ... ما شاء الله وش تسوي بسويسرا فراس : شغل .. وانت شتسوي هنا ؟ خالد : شهر العسل فراس : ما شاء الله تزوجت .. الف مبروك خالد : هههههههههههه يبارك فيك فراس : معقولة ياشيخ ماتعزمنا ؟! خالد : صار كلش على عجل ومختصر .. وماكنت وقتها بدبي فراس : لا مايمشي الموضوع كذا .. عازمك انت والمدام لحفلة على شرفكم خالد : ماله داعي كلافة فراس باصرار : لا ياشيخ ماتمشي السالفة كذا .. انا مصر خلاص موعدنا الليلة خالد : خلاص انا بس انفع .؟! المدام مين تجلس معاه ؟ فراس : تقدر تجلس مع مرافقتي خالد استغرب : من متى تتعامل مع مرافقات .. فراس كان فاهم انها ماراح تمشي كذا .. خالد عارف نظامه رجاجيل : معرفه قديمه .. اتوقع كذا انحلت ؟! خالد : ايه خلاص تمام نقابلك الليلة اجل فراس : على خير ان شاء الله رجع فراس وركب مع سايقه : الفندق .. فتح جواله ودق على مسعود : الضيفة موجودة بالفندق ؟! مسعود : ايه تو وصلنا الثنتين موجودات .. فراس : دق على اقرب مصممة تجي تاخذ مقاساتها .. وترتب لي شكلها لليلة مسعود : حاضر سكـر فراس السماعة وكلش فيه يصبر نفسه لبكرة .. بكرة بيشوفها اخيرا القدر وافق على لقائهم .. عنـد غادة شهقت لما شافت قدامها حرمة .. ومسعود جمبها : اتركيها تاخذ مقاساتك ! غادة : وليش ان شاء الله ؟! مسعود : رجعنا لطولة اللسان !! غادة : وانت رجعت لقلة الحيا .. اشوفك قدام معزبك حاشم نفسك ولا راح تتطاول مسعود : والله هذي أوامره .. اجلسي لين يجي بنفسه وتتأكدين غادة : والله انا ما اسوي شي قبل اعرف ليش .. عطني السبب وقتها اوك ! مسعود : الليلة فيه مناسبة .. وشكلك يبي ترتيب غادة : وانا شدخلني بالمناسبة ان شاء الله ! مسعود : وقت يقول طال عمره ان لك دخل معناها لك دخل !! سامعة ؟"التفت للمصممة " خذي مقاساتها غادة تراجعت لورا ... مسعود بطولة بال وهو يحس انه بيقتل هالبنت : ادق عليه يعني ؟! غادة برعبه : لأا ! مسعود : يعـــني ؟! غادة بتردد : طيب وش وضع هالمناسبة ...؟ مسعود : وش يعني ؟! غادة : لا تقول مختلطة ؟ مسعود : حنا بسويسرا وش تتوقعين !! غادة : تكفى مابي .. لورا اللي كانت تتابع بصمت : احسن لك بتسمعي الكلمة .. لانوه اذا مامشيتي بالطيب راح يمشوكي بالغصب غادة بقهر : مابي ! وانا شدخلني والله ماغلطت ولا سويت شي لورا : وقت حصلكي ببيتي انكتبتي مجرمة غادة : وليش يالغبراء !! انتي وش وراك وش مسوية الله يسود وجهك !! انتبهت فجاة لمسعود السماعة باذنه ويتكلم : طال عمرك .. نستعمل العنف ؟! فراس : شصاير ؟! مسعود : الضيفة رافضه ! فراس : وش هالضعف مسعود .. من متى رافضة هذي تمشي عندي ! مسعود : تكلمها ؟! فراس عصب : فاضي انا اداري بزران !! مسعود الظاهر بخاطرك تنطرد !! مو عارف تحكم بزر ؟ على شنو موظفك اجل !! مسعود جت براسه : خلاص حاضر سكر السماعة والتفت لغادة بعصبية : الظاهر انتي ناوية تحديني لأقصى ماعندي ! غادة بسخرية : كرشك المعزب ! مسعود : عطاني اذن استعمل القوة .. راضية ؟ غادة فتحت عيونها : شنو ؟! مسعود : كيفك انتي .. غادة بخضوع : زين ... مسعود : انا طالع بس لو اسمع انك مزعجه المصممة وقتها انا اللي باخذ مقاساتك غادة فتحت عيونها : تخسى يالأرهط ! مسعود وهو منقهر منها ومن لسانها الطويل وحكيها اللي مايفهم نصه مايدري ليش مهمته تكون معها دايم : .. ابتدت مهمـات المصممة والمكياج والتغيير الكـامل .. ورفضت تماما أي لبس عاري يطلعونه لها وبعد معاناة قدروا يخلصون معها .. طلع شكلها النهائي بفستان عفيف ابيض بأكمام طويله وطويل لتحت الكعب شعرها الطويل لخصرها طالع مثالي مع حشمة ثوبها ... طلع شكلها الكامل انيقة وجميـلة بشكل مايوصف .. حتى انها زعلت على نفسها لما شافت نفسها بهالشكل .. مفروض تنبسط وقت تكون بهالكمال .. بس ماتقدر الا تزعل على حالها اللي انقلب .. وصار وضعها تطلع بهالشكل قدام الكـل .. مسحت على الثوب بيدينها .. لورا : طالع بتجنني غادة التفتت لها بعيون دامعة : كله منك لورا : ايه طبعا .. هالجمال كله لأنك بنتي غادة بعفوية وقهر : لا حبيبتي طالعة لأبو.... " مسكت لسانها وهي تعض على شفتها وتمسكها نفس اللوعة لكل مواقفها مع أبو هيثم " انقبض قلبها وكلش فيها وهي تسمع صوته برا : وينهـا ؟! : داخل طال عمرك فراس : خلصوا ؟ : ايه طبعـا .. غادة كانت عازمة لما يوصل تكلمه وتطلب منه يعفيها من هالطلب .. بس كل شجاعتها تروح وقت يكون يجي الصدق .. انفتح الباب ودخل الغرفة رجعت لورا خطوتين تلقائيا حتى صارت جمب رنيم المنسدحة على السرير : .......... فراس مشى حتى صار بنص الغرفة وهو يمسح بعيونه عليها من فوق لتحت : تمام كذا غادة شدت على قبضتها وسط نظراته : ..................................... !! فراس التفت لمسعود : يله السيارة جاهزة مشينا غادة تشجعت وقالت بتردد : لـوين ؟! فراس أول مرة يسمع صوتها .. التفت لها : راح يشرح لك مسعود كلش بالسيارة غادة بلعت ريقها : مقدر اترك بنتي .. فراس طالع برنيم المنسدحة : وفروا لها حاضنة غادة : ما ... مـ عقد فراس حواجبه ... غادة : مافيه داعي انا موجودة ! فراس رفع حواجبه باتسفهام : تعارضين طلبي ؟ عفوا تعارضين أمري ؟ غادة : ممو كذا .. فراس تقدم كم خطوة يمها .. ويديه بجيب بنطاله : هيه انتي انا ساكت لك من أول .. عرفت انك سعودية وسكت وصلتني اخبار انك مسببه فوضى وبرضو سكت .. من الآخر خذيها نظام الأم العاقلة وجالسة تسوقي الشرف علي وعباية وما أدري ايش وشوفني انا المسكينة ماراح ينفعك وخلي ببالك نقطة ترا مافيه شي يستهويني كثر دق الخشوم فاحترمي مكانتك وتصرفي على اساسها غادة انعقد لسانها وهي تبلع ريقها : ............ فراس : خلي العقل والشرف لأهله لانك بعيدة عنه .. واللحين قدامي والمرة الجاية اللي اشوفك لابسه فيها عباية راح اشقها فوق راسك ... غادة نزلت راسها وهي شاده على قبضتها قريب منها ونظراته محدقة ونبرته حادة وصارمة : ................... فراس وهو محدق فيها : قدامي ! غادة تلقائيا مشت .. ماتدري بجد وين حطت نفسها فيه كلش فيها جالس يرجف وهي تمشي باللولبي تبع الفندق والأنظار تتجه لها باعجاب .. ركبت بسيارة وهي تشوف يركب سيارة ثانية قدام سيارتها ... ركب مسعود قدام وهو ينطق تعاليمه : وقت نوصل هناك خليك قريبة من الرئيس .. ولاتنطقي بحاجة غبية وحاولي ماتتكلمي اساسا ! غادة هزت راسها بصمت .... ابتسم مسعود وهو يشوفها خضعت تماما وجالسة بهدوء ومنزلة راسها ... ولما وصلوا : انزلي وصلنا نزلت مباشرة .. انتبهت لفراس واقف مكانه ويطالعها مشت بهدوء ورجلينها تقصف بها طالعها بنظرة قبل يدخل : لا يلعب عقلك كثير .. السالفة كلها اني محتاج وحده من جنس حواء توقف زي المزهرية جمبي ومو فاضي ادور ! دخل فراس وهي تمشي وراه ... ووقف مكانه لفترة وهو يشوفها ماتغيرت مجردت ازدادت قبح بعمليات التجميل الواضحة والخلاعة المعتادة جمب خالد ... اول ماشافته مشت ناحيته بجرأة ومدت يدها : اهلين .. كم لنا ماشفنا بعض 13 سنـة ؟! صاير رجال وعين الله عليك شد فراس على قبضته وهو يحكم اعصابه ... رد : اهلا .. 13 سنة ونص مرت , بالنسبة لك ماتغيرتي خالد : ما شاء الله تعرفون بعض فراس وهو يطالعها : اكيد مين مايعرف ريم .. ولو سمعتها تسبق غادة ماكانت معهم منزلة راسها بهدوء .. ريم طالعتها : مين هاي .؟ جوزتك !؟ فراس : وحده من الشارع جبتها تتسلى معك .. قلت اكيد مواضيعكم مشتركة خالد : اكيد البنات مواضيعهن وحده غادة ماعلقت حتى .. سلمت عليها ريم وهي كانت منقاده بهدوء .. خالد دق جواله : انا رايح استلم هالمكالمة ريم : ماتطول حياتي أول ماراح خالد التفتت ريم لفراس : ماصدقت لما قالي خلودي انوه فراس الشمري عازموه .. بس الظاهر انه مازلت ماتعلمت درسك لهلأ فراس بثقة : مافيه داعي اخاف دامك مازلتي على نفس المستوى ل 13 سنة , الخوف عليك لأني صرت فوق ماتتخيلين ريم : لنشوف مين حيغلب مين ! فراس : مافيه مجال مقارنه .. انتي حتى مو في مستـواي ! غادت رفعت عيونها مستغربة من هالمحـادثة ... ومن لمعة الغضب بعيـونه .. | ||||
|
| |
|
11-03-17, 10:44 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت الرابع والعشرين " - السهر جميل حين نختاره .. ولكنه مؤلم حين يختارك \\ جالسـة منزلة راسها على طاولة الطعـام .. وعقلها شارد وسط اصوات الأطباق والدردشة الراقية عن أهم الأعمال بين خـالد وفراس ... قال خالد بمزح : هههههههه معقولة كذا مو قلت بتجيب وحده تسلي المدام اشوف مالها مشاركة .. " طالعها خالد بإعجاب وهو يوجه كلامه لها " هاه ياحلوة وش رايك بكلامنا ؟! التفت فراس لها ينتظر ردها لكن كانت شارده دعس على رجلها برجله من تحت الطاولة .. غادة انتبهت ورفعت راسها وهي تطالعه بخوف .. فراس رفع حواجبه : شتطالعين ؟! ... " أشر براسه لخالد " يكلمك ردي عليه التفتت له .. وقال بانحراج : عفوا ماسمعت .. ريم وهي تمسح على شعر غاده بشفقه : كأن عيونك ورمانه .. مو هيك حبيبي ؟ خالد : معك حق .. شكل البنت مو على بعضها فراس وهو يضغط على رجلها مرة ثانية .. غادة حست رجلها تهشمت تحت رجله: مافيني شي .. بس شوي مصدعه معليش خالد : مدام كذا اذنك معك .. لا تضغطي على حالك عشانا غادة التفتت لفراس وكأنها تسال عن جوابه ... فراس وهو ضاغط على نفسه يبتسم : مافيها شي ! راح تجلس وانا شوي وبوصلها معاي لبيتها غادة وهي منزلة راسها بألم : بيتي ؟! ... هالمكان بعيــد كثير .. خالد : ليش انتي فين ساكنة ؟! غادة بلعت ريقها : مو مهم ... فراس بتصريف عنها : ماقلت لي شصار على صفقتك مع حمدي ؟! انشغل خالد بالكلام مع فراس بينما ريم كانت تطالع بغادة باهتمام .. مسكت يدها وقالت بنعومة : بدك نطلع شوي نتكلم براحتنا ؟! سحبت غادة يدها من يد ريم : مرتاحة هنا ! ريم : ههههههه طيب ليش اعصابك مشدودة .. مايكون خايفة اعمل فيك حاجة ؟! غادة تجاهلتها .. تحس فيه حمل ثقيل بصدرها : .................. فراس بروقان : ايه استاذ خالد كلمنا كيف قابلت المدام ؟! خالد طالع ريم وقال : مافيه قصة مهمه .. المهم انها صارت كل حياتي اللحين فراس : الله يهنيك .. بس انتبه لحياتك لايجي يوم تنسلب منك من حياتك ريم طالعت فراس ورفعت حاجبها .... خالد : ههههههه شتقصد ؟! فراس بطبيعية : ماقصدي شي .. قصدي ان لك عيال بالسعودية الله يخليهم لك فلا تخلي المدام تاخذك منهم " كمل " حرام توهم صغار خالد : وش جاب لجاب اللحين ؟ فراس : مو قصدي اتهمك .. انا عارف انك تعتبرها نزوة ريم : شو قصدك هلأ ؟! فراس : ليش مامعي حق ؟! خالد : استاذ فراس ماله داعي هالكلام .. الاحترام حاجة ضرورية كمان فراس : من متى الحق ينافي الإحترام .. لاتقول انك ماخذها جد لاتصدمني فيك أبو ريان تراك متزوجها مسيار خالد : تقنعني انك ماسويتها قبل وتزوجت مسيار !؟ فراس : لا اقنعك ولا تقنعني .. وماني في مستوى اتقارن فيه معاك بهالحالة خالد شد على قبضته ..: ................... فراس : عموما الله يهنيكم ... لازم نتقابل ثاني على فكرة عندي صفقة بتعجبك خالد بهم : ان شاء الله ابتسم فراس وهو يوقف .. طالع غادة بحده : مشينا ! وقفت غادة وهي تطالعه مافيه شي تفهمه بهالإنسان .. اول ماطلع فراس ضرب خالد على الطاولة بعصبية ورمى الصحن بالأرض ريم : شو بك حبيبي روق .. وبعدين ليش مارديت عليه ؟! خالد : انتي عارفه هذا مين ! ماتكلم بهالوقاحة الا انه عارف مستواه وعارف اني الخسران لو ارد عليه ريم رفعت حواجبها : ولو .. المصاري مابتسمح لك تكون هيك خالد : قومي بس انسدت نفسي ! ريم : والسهره اللي وعدتني فيها .. خالد ماله خلق : اجليها !! بالسيـارة ... كان صمت طول الطريق قاطع الصمت رنين جواله تنهد وهو يطلع جواله من جيبه ويرد : أيـوه ؟! ............... زين ............. لا دايخ بنام اتركها بعدين سكر السماعة ... السايق : الفندق او الفيلا ؟! فراس : الفندق اول ! مسك جواله ودق على رقم : مسعود .. خلك تحت عشان تاخذها لفوق سكر السماعة ثم التفت لها : وش اسمك الكامل ؟! غادة التفتت له بخوف : ليه ؟! فراس : شنو ليه .. سعودية وغصب عنك بعرف من اهلك وكيف وصلتي هنا ! غادة بلعت ريقها : ............. فراس : انطقي ولا بعرف بطريقتي الخاصة غادة : غادة .. فراس : وتبن ... وش لي باسمك ابي العائلة ! غادة وعيونها تلمع : ما ادري من ابوي .. والله لو اعرف قلت لك فراس : مالك اسم بالنظام يعني ؟! غادة هزت راسها بانكار : .................. فراس : اذا مالك اسم بالنظام معناها ماعمرك كنتي بالسعودية ! اجل كيف تكلمين اللهجة السعودية بطرابلس ؟! غادة سكتت : .................. فراس : مو جالس العب معك هنا ! تكلمي لاني منك او من غيرك بعرف غادة : خدامتنا كان سعودية ... وعرفت منها فراس : خدامتكم سعودية ؟! .... متى فتح باب الاستقدام بالسعودية ؟ ... غادة : جيرانا كان سعوديين قصدي .. فراس : خدامتكم .. جيرانكم ... راوغي كمان بس اذا تبين تنفلتين من يدي لازم تعطيني الأجوبة اللي ابيها غادة دمعت عيونها ومسحت دمعتها بسرعة : مو ضروري انفلت .. ماعدت ارجي من هالدنيا شي اساسا فراس : البنت الصغيرة معاك ؟ بنتك ؟! غادة حست لو تقوله بنتها بيسأل اكثر عن الأبو وبيتهمها اكثر قالت : بنت صديقتي ... ماتت واخذت الوصاية عليها فراس بشك : اها غادة لفت راسها ماتبي تطالعه حتى : .......... من هالناس اللي رحنا لهم ؟! فراس بسخرية : متوقعه جواب حضرتك ؟! غادة : ليش لا ... دام انك غصبتني احضر .. هذا اقل حقوقي فراس : مالك حق غير الهواء اللي تتنفسينه .. فلا تتفلسفين وانزلي غادة لما شافت مسعود حسته المنقذ اخيرا بتطلع .. فتحت باب السيارة ونزلت حتى وصلت لغرفتها كانت رنيم نايمة طالعتها بألم ثم استلقت ع سريرها حتى دون تبدل وسيلان الدموع على خدها ....والثقل بصدرها يكبر *** دخـل أبو نايف البيت الساعة 4 .. توجه لغرفته وجه كلامه لأم نايف مباشرة : وين ولدك ماراح يصلي العصر ؟! ام نايف بالم : وهو متى طلع يصلي اصلن يصلي بالبيت ... حابس نفسه بهالغرفة مايطلع منها ابو نايف : وانتي وينك ! كلميه عقليه !! أم نايف : تعبت احاكيه .. " كملت بتردد " والصدق يابو نايف انت غلطت يوم ضربته كسرته كذا ! ابو نايف تنهد بضيق : وينه اللحين ؟! ام نايف : بغرفته .. وقف ابو نايف وطلع بصمت ... أول مادخل حصل ميهاف جالسة معاه قال بهدوء : ميهاف يابوك اتركيني انا واخوك لحالنا ميهاف وقف تطلع : ان شاء الله يبه طلعت ميهاف من الغرفة .. بينما لؤي كان جالس على الكنبة ومسند ذراعه على ركبه طالع ابوه بصمت : ...... جلس أبو نايف بعد فترة صمت : ليش مارحت للمسجد تصلي ؟! ابتسم لؤي ابتسامة جانبية : جاي عشان تسألني عن صلاتي ؟! وينك الاسبوع هذا كله ؟! ابو نايف : وليش هالفترة كلها تصلي بالبيت ؟! حرمة انت ؟! لؤي : صلاتي ... بيني وبين ربي ابو نايف : ومتى ناوي تداوم ..؟ لؤي : ماتركتني اروح لدوامي .. ابو نايف : قصدي دوامك بشركتي ! لؤي : قلت لك من قبل ماراح اتوظف عندك .. وظيفتي تنتظرني بالكويت أبو نايف : ولمتى هالعناد لؤي ؟ من متى تعارضني .. اعرفك دايم الهدي الرضي لؤي : وانا ماقلت ماراح اتوظف .. انا تحت امرك وبتوظف بس من حقي اقل شي اختار وين اتوظف ابو نايف :طيب اقلها اطلع من غرفتك وش هالعزلة ؟! لؤي : مابي اطلع ! ابو نايف بتردد : انا اسف اني ضربتك .. ماكان يحق لي امد يدي عليك لؤي بتأييد : فعلا ماكان يحق لك ....... ابو نايف : وهذا انا اقولك اسف اللحين ! لؤي : اقدر اروح الكويت بكرة ؟! ابو نايف : قلت لك الكويت مافيه لؤي : اجل اعتذارك هذا مايشكل لي أي اهمية .. أبو نايف بحدة : لؤي ! لؤي التفت بصمت : .............. تنهد ابو نايف وقام يطلع : خلك بالطين لين يلين اجل ! نزل لؤي راسه لما تسكر الباب ... وقلبه يقبضه وهو يتذكرها اشتاق لها بشكل مب طبيعي ... *** إبتســام : جالسة رجل على رجل بأناقة بكشختها الناعمة اليومية .وشعرها الأسود رابطته بوني تيل مع خصل على وجهها ..وقدامها على الكنب مجموعة من زميلات العمل طلعت من الدوام معاهن وعزمتهن بيتها .. وقفت برشاقة وهي تتنقل بينهم تصب لهن القهوة ومبتسمة : والله نورتو المكان وحده من الزايرات : ما شاء الله على بيتك يا ابتسام يجنن الثانية : هههههههههه عاد تصدقني لي يمكن خمس سنين اشتغل عند الشمري ولا عمري دخلت بيتهمواللحين قدرت بفضلك ابتسام : تنوري بأي لحظة ياقلبي البيت بيتك .. تصدقوا مؤتمر اليوم فيه عيوب كثيرة بس مدري ليش محد تكلم ؟ : اذا قدم المؤتمر احد من عائلة الرئيس ابو نايف محد يتجرأ يعارض .. يعني لو احد ثاني تكلموا ابتسام : هالكلام مو صحيح .. انا بكرة بقدم له رأيي بصراحة صوت نايف من برا : إبتسام : شكل هذا زوجك رجع من الدوام ابتسمت ابتسام : ثواني وراجعة .. خذو راحتكم ومدو ايدكم طلعت من غرفة الضيافة وكان بالصالة .. طالع غرفة الضيافة : اليوم كمان ؟! ابتسام رفعت حاجبها : لايكون مضايقينك ضيوفي ؟! تنهد نايف .. له فترة يبي يجلس معها مو قادر ياضيوف بالبيت ياتطلع تزور عالم : ....... ابتسام عقدت حواجبها : مناديني ومطلعني من ضيوفي عشان توقف كذا بس ! نايف : انا عازمك بكرة على الغداء .. فضي نفسك بنطلع لمطعم ابتسام : بكرة عندي اجتماع .. قاطعها نايف : ألغيه ! ابتسام : ماراح الغيه .. مقدر نايف : طيب عازمك اليوم على العشاء ابتسام : طالعة ماني موجودة نايف : مطولين هالضيوف عندك طيب ؟! ابتسام : ايوه بيتغدون هنا .. بوصي غداك لك فوق نايف شد على قبضته : لا تكلفي على حالك ! ماني موجود هزت كتوفها بعدم اهتمام : اوك ورجعت لضيوفها ... صعد نايف لغرفته فوق وسحب شنطه صغيره من فوق الدولاب وهو يرمي ملابسه فيها بقرف طابت نفسه من هالعيشة ونزل وركب سيارته دق جواله " نهى " تنهد ورد باقتضاب : نعم ؟! جاه صوته الطفولي : بابا ! ابتسم نايف ولان صوته : هلا حبيبي يزيد : اشتقت لك نايف تسند بجسمه على الكرسي : انا اكثر .. شتسوي اللحين ؟! يزيد : اتغدا نايف : بعد الغداء قول لماما تجهزك بمر اخذك يزيد بحماس : ياااااااااااااااااي نايف : يله روح تجهز اجل جاه صوتها : على فين !؟ نايف : طالع معاه نتمشى .. حرام ؟! نهى : اخيرا فضيت له ؟! اوك راح نكون جاهزين نايف : عزمتك ؟! نهى : ومن متى تطلع مع يزيد لحالك ! نايف : من اليوم نهى : مو بكيفك نايف لاتصير معقد انا طالعة معاكم نايف : مسافة الطريق واكون عندكم .. ويطلع لي يزيد بس ! وسكر السماعة .. حمقت نهى تعرفه صح طيب بس كلمته ماتتغير قامت بحمق : تعال نجهزك لابوك ! *** سـارا / : انتي بالشهر الثالث .. انتبهي لحالك ولاتجهدي نفسك لأن حملك صعب شوي تنهدت .. له شهر غايب اللحين بلا حس ولا خبر كانت جالسة بكافي وجمبها كيسة الصيدلية لأدويتها وجوالها بيدها مفتوح على اسم " فراس الشمري " مترددة تدق ولا لا .. بس الظاهر الموضوع ماعاد خيار لازم تدق حطت الجوال على اذنها ويدها ترتجف .. جاها الرد : أيـوه ! سارا بلعت ريقها : السلام عليكم فراس : وعليكم السلام . سارا ماعرفت كيف تبدا الموضوع .. يمكن لانها ماتوقعته يرد : ........... فراس : الو ؟ سارا : آآ ... ابي اكلمك بموضوع و .... اكيد ماكنت ابي ازعجك بس مالي غيرك فراس : لؤي ؟! سارا بقلق : شصاير معاه ؟! من سافر مايرد علي ... و .. انا خايفة صاير شي فراس : عنده ظروف عائلية ... عموما ما اتوقع انه بيتواصل معك بعد اللي صاير معاه سارا : .............. شهالظروف ؟! فراس : ظروف ماتخصك .. نصيحتي اطلبي ورقتك وروحي لأبعد مكان قبل يوصلك أبوه ! سارا : ........... فيه حاجة مهمة ابيك توصلها للؤي فراس بسخرية : رسالة وداع ؟ سارا : ماقررت ارحل عشان اودعه ... فراس : اخرتك مقرره سارا استنشقت كل هوا الغرفة وقالت بصعوبة وهي ماتخيلت بتوصل لمعلومة لفراس قبل لؤي : انـا حـامل فراس نزلت عليه زي الصاعقة ..: ................ سارا : الشهر الثالث ... لؤي لازم يعرف .. فراس وقف وطلع من الغرفة ضاق فيه الأكسجين .. قال وعرق براسه طلع من الضغط : ولؤي لازم يعرف ؟! بأي حق تحشرينه بحياته وتنشبين ولد فيه !! بأي حق تحملين اساسا وانتي مو ضامنه هالولد بيطلع في بيئة سليمة ؟ من عطاك حق تظلمين هالولد مين ؟! سارا انضرب قلبها .. كلامه صح وهذا اللي يكسرها : .................... فراس : لهالدرجة تحبين الفضايح والعلن ! عارفة هالولد وش بيصير له اللحين من ورا اللي سويتيه ؟! سارا : ماني مذنوبة لحالي .. ما اخترت هالشي فراس مسك راسه .. وقال بحدة : من هاللحظة ماتقدمين على تصرف الا بأمري .. سامعة ؟! سارا : شلون ؟! فراس : يعني كملي حياتك لحد ما اقرر وش لازم تسوين ...! الظاهر منتي عارفه حجم المصيبة اللي حطيتي نفسك فيها سارا : وإيش يهمك !! فراس : ماهمني انتي ! همي ولد لؤي اللي انتي شايلته سارا حست انها مو في وضع تقدر تتصرف لحالها : طيب قول لؤي يرد علي .. فراس : شاسوي بها هذي ؟! اجيها من هنا تجيني من هناك ! " كمل بقسوة " اقولك لؤي مو فاضي لك يابنت الناس ولعد تنتظرين منه شي سارا : حتى لو انا ما انتظره .. ولده معاي وهذا يلزمه فيني فراس بسخرية : قولي من الأول انك سويتي كذا عشان يلزم فيك غصب ! سارا : ماراح اتعب نفسي اتحاور مع عقليتك المريضة فراس : وانا ماراح اتعب نفسي افهمك هالشي مرتين ... لاتجربي تتواصلي مع احد او تخبري احد باللي في بطنك سامعة ؟! وانا بدق عليك قريب واي حل افرضه لك تمسكي به بكل قوتك لأنه راح يكون حلك الوحيد سارا بسخرية : وانتي ليش تتعب نفسك تحل مشكلتي ؟! فراس : قلت لك من قبل .. انتي شايله ولد لؤي وهذا لحاله شي يرفع مقدارك حتى لو انتي ماتسوين سارا : ....... انت فين ؟ اقدر اقابلك ؟! فراس : انا برا الكويت سارا : فين ؟! فراس بنبرة صارمة : مو اني قلت ولد لؤي يرفع مقدارك معناها تفليها بالاسئلة .. ما أقبل اخوي براسه يسأل اسئلة خاصة فيني كيف انتي ! " كمل بهمس حاقد " يكفي المصيبة اللي جبتيها للكل سارا سكتت وهي ماسكه راسها .. كان مكالمته حسستها بحجم السالفة .: مع السلامة سكر السمـاعة وهو ضاغط على راسه فعلا مصيبة وطاحت على راسهم سحب السيجارة الثالثة من دقت عليها سارا للحين وهو يسحب منها بجنون .. تنهد ورفع جواله ودق على لؤي : هلا فراس ! فراس : كيفك ؟! لؤي : زفت .. ابوي للحين مو راضي ارجع للكويت فراس تنهد : وش ناوي تسوي ؟! لاتنسى ان زوجتك هناك .. لؤي : مو عارف .. الوضع مصيبة للحين ماتواصلت معها حتى مو عارف شاقولها ... وبعدين من متى تهتم انت فيها؟ فراس : مهما كانت تضل مسؤوليتك .. لؤي : عارف .. عشان كذا محتاج ارجع للكويت فراس : طيب داوم مع ابوك بالشركة هالفترة اكسب ثقته .. وعقبها افتح سالفة الكويت .. لؤي : لا ! شركته ماراح اشتغل فيها ان شاء الله ما اشتغل طول عمري فراس : اجل هالعناد اشك انه راح ينفعك .. لؤي : بيفرجها ربي ان شاء الله ... رجعت للكويت ؟! فراس : لا .. بسويسرا لؤي عقد حواجبه : وايش سويسرا هذي بعد ؟! فراس بسخرية : جمهوية فيدرالية في غرب اوروبا مهد الصليب الأحمر وديمقراطية من الدرجة الأولى لؤي : بايخة .. ضحكتني وانا مالي خلق اضحك فراس : ادري عنك وسؤالك الغبي لؤي : ومتى راجع .. ؟! لاتنسى زواج اخوك قريب بعد فراس : تو قدامهم شهر .. المهم انت صلح امورك مع ابوك مب من مصلحتك تعارضه مهما كان يضل ابوك وماسوى كذا الا من حرصه عليك لؤي : يصير خير ... بس صدق وش تسوي بسويسرا ؟! فراس : فيه كم حفلة معزوم عليها .. اول ماتخلص برجع لؤي : بالتوفيق اجل .. فراس : يله سلام .. سكر السماعة وهو للحين ماسك راسه .. وش يسوي الموضوع بجد مصيبة ! الله يسامحك يالؤي على هالبلوة , دق جواله رد : نعم مسعود ؟! مسعود : كيفك ياطويل العمر ؟! فراس ماله خلق : من الآخر ؟ مسعود : الضيفة مريضة .. فراس : مريضة ؟! مسعود : ايه تفاجأنا اليوم وقت الفطور ان معها حمى قوية .. وشنو نسوي انت مانع طلوعهم من الفندق نهائي ؟! فراس : دق على دكتور يجي بالبيت .. ولعد تكلمني بموضوع سخيف ! مسعود : حاضر .. سكر فراس السماعة ورماها وهو ضايقة فيه .. بس لازم يتجاهل موضوع لؤي وزواج بدر شوي , لازم يركز عليها اخيرا حصلها دق على رقم معين : حدد موقعها لي اللحين وارسله لي .. وسكرهـا وهو يستعد لخطوته الجاية .. *** نـايف : - وقفت سيارته قدام بيت نهى بعد ما انتهى يزيد من الفرفرة .. يزيد بحماس ووجهه ملون برسومات وبيده بالونة ومجموعة اكياس : بابا انزل معي نايف : لا مقدر مشغول .. انزل اضرب الجرس وبنتظرك تدخل نزل يزيد .. بعد فترة انفتح الباب وحرك سيارته اول ماحركها دق جواله " نهى " تنهد ورد : وصلك يزيد ؟! نهى : ايه ! ... بس حبيت اذكرك اني مسافرة الأسبوع الجاي نايف مسك راسه ناسي تماما .. مو وقته يزيد اللحين تنهد وقال : متى الاسبوع الجاي بالضبط ؟! نهى : الإثنين .. نايف : خلاص جاي اخذه الأحد نهى : وفين بتحطه ؟! نايف متنرفز : احطه وين ما احطه ! ولدي وكيفي اطلعي منها سكر السماعة خلاص تعب فين مايروح نق و تحقيقات وغيرة ترفع الضغـط .. حرك سيارته لحد ماوقفت سيارته قدام البوابة الفخمة وانفتحت له ووقفها ونزل .. دخل البيت ماحصل احد قدامه وقف عند الدرج ونادى : يممممه !! .... يمم نزلت له ميهـاف : اووه نايفف .. هلا والله نايف : فين امي ؟ ميهاف : برا مو بالبيت ... بس مو مطولة شوي وترجع نايف تنهد : ولؤي وين ؟ ميهاف حاست بفمها بضيق : وين بيكون في غير غرفته .. اعتكاف نايف جلس على كنب الصالة .. ميهاف جلست قباله : ليش تبغى ماما ؟ نايف : نهى مسافرة الأسبوع الجاي .. ميهاف : اها .. يزيد يعني ؟! نايف : ايه .. ماعندي مشكلة اخذه ببيتي بس امي اللي كذبت على ابتسام وهي اللي تتحمل أجل ميهاف : اوك بناخذه ان شاء الله .. بس شفيك معصب كذا ؟! نايف متنرفز : من قال معصب ! ؟ ميهاف فتحت عيونها باستنكار مرة الأخلاق قافلة : محد .. فتحت جوالها تنشغل فيه .. واضح انه مو في مزاج سوالف بعد فترة وقف : قولي لأمي ان يزيد الأسبوع الجاي عندها وبس ! ميهاف : ان شاء الله .. اوه صح بغيت انسى قول لإبتسام ان ام عبد الله ودها تحضر بس ماتقدر ومشغولة نايف عقد حواجبه : تحضر ايش ؟ ميهاف : سهرتكم بكرة ! نايف : سهرتنا مين ؟! ميهاف استغربت : معقولة ماتدري ؟! نايف : واضح اني ما أدري فانطقي ! ميهاف : بكرة ابتسام مسوية سهرة ببيتكم .. اكيد كان بتقولك بس نست نايف سكت لفترة ثم شد على قبضته وقال بهدوء : لا تنسي تقولي لأمي عن يزيد عقدت ميهاف حواجبها بعد ماطلع : شفيه ماكل مليون تبن ؟! *** نهـى : - جالسة رجل على رجل بعد وتحقق مع يزيد : بس لحالك انت وبابا ؟ يزيد : ايه بس انا نهى : طيب .. ماقالك شي ؟ ماكلمه احد ؟ يزيد هز راسه .. نهى : اصعد بدل ملابسك ونام اول ماصعد مسكت جوالها ودقت : الو .. هلا تغريد ........ ابي منك خدمة ....... زوجة نايف سمعت انها مسوية سهرة بكرة ........ تعرفي امه راح تكون هناك وراح تسوي لي سالفة ........... ابيك تروحي مكاني وتسويلي خدمة .... راح افهمك كلش اللحين *** اثنـاء ماهي تتسوق بين الماركات العالمية .. وقفت مكانها وهي تشوفه متسند على جمب وكأنه كان ينتظر خروجها وقفت قدامه : خل نكون منفتحين لبعضنا .. هلأ انتا لشو راجع ؟! شو بدك ؟ فراس : ما أبي كثير .. بس حياتك انتي واللي معك ريم : ههههههه شو ضريف .. مافهمت من المرة اللي فاتت الدرس ؟ فراس وهو يدخل نظارته بجيب جاكيته : لا الظاهر ان الإستيعاب عندي بطيء .. ودكم تعيدون الكرة معي يمكن افهم .. ريم رفعت حاجبها : ماتتهور .. تندم وقتها فراس : خليني افهمك شغله .. " قرب منها واحتدت عينه فيها " راح اسلب حياتك واللي معك مثل ماسلبتو اغلى حياة بعمري .. حتى لو اضطريت اخسر حياتي معاكم ريم : انتا مو فاهم مع مين بتلعب ؟! فراس : انا تجاوزت مرحلة اللعب .. ماعدت العب معاك خلاص ريم : ولشو كل هالمراوغات اذا بدك حياتي .. راح تحتاج اكثر من تواصل مع جوزي فراس ابتسم ابتسامة جانبية : مين قال اني بوصخ يدي فيك ؟ اذا ضبطت معي فنهايتك على يده ريم : لنشوف .. بس انتبه ع حالك وقت الي بتعرف فيه عصابتي عنك راح تكون نهايتك متل نهاية ابوك فراس طلع نظارته من جيبه ورجع يلبسها : بعيد عن عيـونك .. عموما هاتي اللي عندك وانا بعطيك اللي عندي وبنشوف من اللي لعب غلط ! ومشى بطريقه حتى ركب سيارته واطلق امره للسايق : حرك *** المسـاء .. عند ابتسام :- تنهدت بضيق وهي تشتغل بمكياجها .. من امس مارجع للبيت .ومستحيل تدق عليه اساسا مو ضروري تهتم وقفت بأناقة قدام المراية الطويلة تقيم اناقتها لهالحدث الراقي لنساء المجتمع الراقي اللي صارت وحده منهن مسحت بيدها على طقم الألماس والحق الألماسي .. تغيرت ماعادت مثل أول تنهدت ونزلت بخطوات أنيقة وهي تمشي بين التحضيرات : كل حاجة جاهزة ؟ الضيافه اهم شي ! : كلش جاهز مدام ابتسمت ابتسام : اوك شكرا ضرب الجرس .. فتحت الخادمة اللي كان مستعدة تفتح دخلت بعد فترة ام نايف وميهاف وفهد , جلست ابتسام القرفصاء وهي تستقبل فهود بحضنها : هلا هلا والله بالبطل فهد باس خدها ... ابتسام : لبى دلبك ياناس ام نايف سلمت عليها : كيفك ؟! ابتسام : حمد الله .. انتو كيفكم وكيف عمي ؟ ميهاف سلمت وهي مستعجلة : فين المرايا ياقلبي ابي اضبط مكياجي قبل يجي احد ابتسام : تفضلي من هنا جلست ابتسام مع أم نايف بالجلسة المخصصة بالحديقة لهالسهرة : ما شاء الله وش هالزين اليوم ابتسام : من ذوقك والله .. رجعت لهم ميهاف : بصراحة كشختي صارت ماتسوى جمبك مع بوت أنيق كعب أسود ... ابتسام : هههه تسلمي خذي راحتك تفضلي ميهاف : غريبة حنا اول من جا .. توقعتنا متأخرين ابتسام : ايه انا كمان اتحراهم من أول ميهاف : ايه صح ابتسام .. شفيه نايف امس معصب ؟! ابتسام عقدت حواجبها : امس ؟! ميهاف : ايه جا بيتنا ومعصب بجد .. صاير معاه شي ؟ ابتسام : ما اعرف والله .. كان عادي لما جا البيت ميهاف : غريبة اجل وقفت ابتسام : انا رايحة اشيك على التجهيزات.. بعد فترة توافد الحضور .. وصارت الحديقة مكتظة .. وداد : غريبة أم فراس للحين ماجت ؟! ميهاف : عادتهم يتأخرون عادي سجى ابتسمت : سمعتي وش صار ميهاف ؟! ميهاف : لا .. شنو ؟! سجى : ام فراس كلمت امي عن فراس .. و " وردت خدودها " فتحت ميهاف عيونها : ايه ؟ سجى : مافيه حاجة رسمية .. بس نقول ان شاء الله وداد : لا تتحمسي ياهبلة .. ترا امه قالت انه رافض بس بتحاول تقنعه وماظنيت فراس يقتنع سجى بحمق : وليه ! ميهاف : اش اش هذي ام فراس جت اسمـاء توجهت لجلستهم وجلست بثقة : هاي قيرلز ميهاف : تعالي اسوم معاي شوي اسماء : فين ؟! ميهاف : خل نروح نشوف ابتسام تبي مساعدة او شي ؟! وقفت اسماء معها واثناء ماهم يمشون طالعت ميهاف اسماء بلوم : حرام عليكم سجى من شوي تتكلم عن خطبة امك .. ليش تعلقون قلبها كذا ؟! خصوصا وكلنا ندري ان البنت تحبه .. اسماء : وانا ايش عرفني .. قلت لك هالموضوع ساحبه نفسي منه نهائي ميهاف : والله غلط .. وظنك اخوك بيقتنع ؟! اسماء : ما أدري برضـو " ابتسمت وهي تشوف ابتسام " هلا والله بسومة ابتسام : هلا بالزين .. بدري يختي !! اسماء : شاسوي بدر اللي جايبنا وقعدنا ساعة ننتظره ! ميهاف : على طاري .. وش سوا بالاثاث طلبه !؟ اسماء : وش اثاثه مدري ميهاف بقهر : وانتي ماتدرين عن حاجة !! ابتسام : ههههههههه روقوا ياحلوات وروحوا اجلسوا الضيافة بتبدا ميهاف وهي تطالع المكان والتصميم الراقي والاضائة .. كانها مو حديقتهم : جميل الشغل بالمكان ابتسام .. مبدعة بصراحة *** بسيـارة بدر .. ونايف جمبه .. بدر : وليش ماعلمتني انك بتسافر ؟! اقلها اسافر معك نايف : لأني مابي احد .. ابي فترة راحة لحالي كم يوم بدر : راحة من إيش .؟ نايف : من كلش .. بصراحة الجو هنا زفت بيت اهلي متوتر بيتي متوتر وش يجلسني يعني ؟ بدر : حل التوتر هذا بدل ماتنحاش لحالك نايف متنرفز : وش فهمك انت ! بدر بقهر : انا وش فهمني ؟! انا فاهم كلش انت اللي مو فاهم نايف : وصلنا خلاص ... يله في امان الله بدر : الله معــك توجه لطيـارته وركبها وهو يحس براحة .. الرياض معد تنطاق بالنسبة له *** اثنـاء عزلتها لحالها في غرفتها .. الأنوار كلها مسكرة وضامة مخدتها لصدرها والشي الوحيد المحسوس بالغرفة ريحته الباقية ... دق جوالها بعد فترة فزت " فراس الشمري " ردت بسرعة : أيـوه ! فـراس : كم يوم تحتاجين عشان تجهزين نفسك تسافرين للغرب ؟ سارا : الغرب ؟! فراس : اتوقع امريكا تناسبك ؟ سارا : ليش اسافر ..؟ فراس : لان هذا حلك الوحيد .. اللحظة اللي يكتشفك فيها أبو لؤي راح تخسرين لؤي والولد , دامك تقدرين تحافظين على واحد فالحقي على نفسك سارا : لؤي عرف ؟ فراس : ايه .. وسوا نفسه ماسمع ششي سارا لأول مرة تحس انها مجروحة بجد : مستحيل .. فراس : سافري لأمريكا .. ولاتطالعي ورا ولا تنتظرينه لانه ماراح يكون موجود سارا : أنت تكذب .. مستحيل يكون عرف .. مستحيل فراس : بكـرة .. الساعة 10 مساء طيارتك , وتذكرتك جاهزة ومكان سكنك جاهز حتى تكاليف المستشفى جاهزة ونقلت ملفك .. سارا والدموع رسمت خنادق على خدها ...وكلش فيها ينهار ..: ليش الرحيل هو الحل الوحيد ؟! مافيه غيره ؟ فراس : لاتفوتي طيارتك بكرة .. فراس سكر السماعة .. وهي جلست بصدمة والدموع تنرسم فيها , وهي تطالع صورته على الطاولة وهو مبتسم بحيوية .. معقولة هالإنسان الطيب .. اطيب انسان عرفته بحياتها يتركها كذا .. *** إبتســام : - جالسة وسط سيدات المجتمع وتسولف معهم بطلاقة .. حتى ان مواضيعها صارت تشبه مواضيعهم , في نقاش بعيد عنها .. ميهاف : معها حق والله .. فعلا الرجاجيل اسرارهم واجد ومقرفة وداد : اسأليني انا .. لسى ماتزوجنا واسمع مصايب اسماء فتحت عيونها : تسمعين مصايب وش الله حادك تاخذينه ؟! وداد : وش اسوي يعني ؟! كل الحريم كذا الصبر اسماء : والله ما أصبر .. وجع بعد !! ريهام : ياحبيبتي ماتكتشفين اساسا هالاشياء الا لما يطيح الفاس بالراس تغريد " صديقة نهى " قالت بصوت عالي خصوصا ونص المجلس منتبه لهالنقاش : هههههه شفيكم بنات والله كلكم هوال احمدوا ربكم .. اجل ابتسام ايش تقول ؟! الكل صار يطالع جهة ابتسام ... ابتسام وهي مبتسمة وضابطة نفسها : ايش اسمك انتي ؟! تغريد : اهلين انا تغريد ابتسام : ومن تطلعي ياتغريد ؟! ام نايف : هذي وحده من ربوع ميهاف اول .. ابتسام : اها ياهلا والله .. طيب ايش قصدك ياتغريد ؟! تغريد وهي متنرفزة من انضباطها وثقتها : يعني البنات يشكون عشان اكتشفوا سر عن رجاجيلهن انهم يدخنون .. او يسهرون فقلت ايش مفروض تقولي انتي وزوجك مخبي عنك عائلة كاملة ؟! ابتسام : برضوا مافهمت .. أي عائلة !؟ الكل استغرب .. معقولة ماتعرف ان نايف كان متزوج ومطلق : ........... تغريد : معليش ياجماعة الخير بس المحترمة ام نايف ماعلمت البنت المسكينة عن ماضي ولدها ... " تقدمت كم خطوة من ابتسام " ياحياتي زوجك متزوج قبلك وحدة وعنده منها ولد والمشين انه للحين يتواصل مع طليقته ويجلسوا مع بعض .. ابتسام انصدمت .. اجل السالفة كذا ؟! :.............. تغريد : عاد حرام تنرحمين .. مو كافيك اختك اللي انحاشت ليلة مافيها ضو قمر بعد تطيح ع راسك هالمصيبة ابتسام رفعت حواجبها بثقة : ومن قالك اني ما أعرف .. " كملت بألم " نايف الله يخليه لي يارب مايخبي عني شي واذا الرجال كان متزوج مايعيبه شي دامه رجال ومسؤول تغريد : احلف انك ماكنتي تعرفين ! ابتسام : انا اللي بحلف انك لو ماتطلعي اللحين من بيتي راح اسود لك عيشتك .. ويله اذلفي مجلسي يتعذرك ام نايف حست بتأنيب ضمير .. كيف خبو عليها صدق مالهم حق : ...................... اول ماطلعت تغريد .. ابتسمت ابتسام : العشاء جاهز ياجماعة الخير .. تفضلوا مافيه شي من قيمتكم الكل طلع .. وام نايف يزداد اعجابها بهالإنسانه تذكرها بنفسها قوية وقادرة , وميهاف متعجبة من قدرتها هي جاها انهيار وبدر ماسوا مصيبة زي هذي كيف هي متماسكة .. اسماء همست بإذن ميهاف : كانت تدري صدق ؟ ميهاف هزت راسها : ما أظن .. اكيد ماتدري اثناء العشاء ماكانت ابتسام فيه .. سحبت نفسها وجلست بالصالة الداخلية لحالها وهي تمسح على وجهها .. انرمت بوجهها معلومة ماتوقعتها انتبهت ليد على كتفها التفتت " ام نايف " : لاتزعلين يمه .. كلش .. قاطعتها ابتسام وهي تبتسم : مازعلت .. بس لو كنتي قلتيلي وقت خطبتيني ان نايف متزوج وعنده ولد وش كان بيصير ؟! ام نايف : ايه والله اني غلطت .. بس ماتوقعت اني خاطبة وحده عاقلة بتقتنع لان كثير رفضوه بسبب هالعيب ابتسام هزت راسها : حصل خير .. ام نايف : قومي تعشي يله وقفت ابتسام ومشت معها .. وبالطريق قالت : ابي منك طلب خالتي .. ماتقولي لنايف نهائي عن اللي صار ام نايف : ليش ؟! ابتسام : كذا رغبتي .. ام نايف : على هواك اجل مشت ابتسام وكملت السهرة بطبيعية .. كانت فعلا صامدة لنهاية السهرة *** نـــايف – قطـر : - بكـازينو مليء بكل أنواع المتعة .. حفله مقامه على شرف وصولة لقطر جلس جمبه قاسم : شفيك يارجال ماقمت ترقص ؟ لايكون ما اعجبك المكان ؟ نايف حاس بفمه : مدري .. جالس افكر ليش المكان بجد مو عاجبني ؟! قاسم : اقول سقها .. تموت انت على هالأماكن وش تغير ؟! نايف ابتسم بسخرية على نفسه : هذي المصيبة .. اذكرني احبها وش صار لي ؟! قاسم عقد حواجبه : شفيك نايف منت على خبري .. نايف تنهد : ......... مدري تعرف احساس النقص لما ترجع لاشياء قديمه وماتحس بنفس الشعور كأن شغف فيني طفا قاسم ابتسم : معناها انك نضجت ياغبي ! نايف : هههههههه كأن هالنضوج جا متأخر ؟! قاسم وقف : اقول لابو هالمكان لابو ستين كلب .. قوم قوم نروح عند النافورة وهدوء وروقان وقف نايف وهو يطالع قاسم ياخذ كاسة خمره ويعطيه وحده : لا واللي يعافيك مالي خلق افقد عقلي اللحين قاسم : مو بكيفك بنكهة التمر .. المفضل عندك ابتسم نايف وهو يتذكر خمر التمر بالمالديف .. وكيف اهدرته بالزبالة عشان مايشرب قطرة منه , طالع بالسماء مجرد ماطلع من الكازينو .. اليوم سهرة ببيته اكيد طالعة قمر وهي متزينة .. غريبة كيف بيوم اشتاق لكل تفاصيلها شعرها الأسود بسواد الليل .. عيونها الغجرية اللي تطعنه بلا رحمة هالفترة جسمها الفاتن .. *** الكـويت : - طلعت هيفاء من غرفتها .. فتحت عيونها وهي تشوف سارا مجهزة الفطور ابتسمت لها سارا بانتعاش : الفطور جاهز! هيفاء : غريبة .. شصاير لج ؟ سارا : شصاير لي ؟! جويعة وسويت لي فطور .. هيفاء : جعله اول .. من صكيتي على روحج الغرفة امس وانا خايفة يكون صاير معاج شي .. ابتسمت سارا : مو صاير شي .. ارتاحي افطري جلست هيفاء .. بنص الفطور قالت سارا : هيوف هيفاء : ياعيون هيوف سارا : اليوم ارجعي لبيتكم .. واضح ازعجتك مرة بالجلسة عندي هيفاء : لا لا لا ازعجتيني ولا شي .. بصراحة شقة رجلج هذي رهيبة عاجبتني سارا : ايوه بس لؤي بيرجع قريب .. وابي ارتب المكان فطيري لو سمحتي هيفاء فتحت عيونها : رد عليج !! سارا : ايوه .. امس كلمني وقال بيرجع قريب هيفاء : حق انه فطور والوجه منور .. من اول قولي هناج العقلان سارا : هنـاك خير حبيبتي .. هيفاء : يله اجل انا بس افطور وبتقلع من ويهج بعد الفطور اخذت هيفاء اغراضها وطلعت .. اول ماسكرت سارا الباب راحت ابتسامتها وهي تمسح بعيونها على المكان .. جاها صوت التلفزيون " اعلان خسوف للقمر " ابتسمت بألم : الظاهر حتى القمر بيرحل اليوم .. جلست على الكنبة تتابع الأخبار وهي تطالع بأرجاء الشقة .. بكل زاوية فيها ذكرى لهم في المطبخ كلوا سوا , في غرفة المعيشة تابعوا افلام سوا , في غرفة النوم ناموا سوا ..سحبت جاكيتها وشنطتها ونزلت تزور السوبر ماركت زيارة أخيرة .. ابتسمت وهي تتذكر كيف أنتقد طريقتها مع البائع .. ماعرفت تلقى لرحلتها نهاية مكان يقودها للثاني .. شركة فراس هنا تقابلوا .. هنا دافع عنها بضراوة وقت الصورة .. بالحديقة رسم بسمتها فنص هموما .. هنا انطرد من شغله عشانها .. بشركتها احتفل فيها وبنجاحها ... شقتها القديمة .. زارها كثيـر هنا ووصلها كثير .. جلست على جانب الطريق وذكرى تنسج احداثها بعقلها .. ( قبل زواجهم بكم يوم .. كانوا مستلقين على ظهورهم على العشب ويطالعون السماء حضن يدها الناعمة بيده وأبتسم لها ابتسامته المعروفة : مو مصدق انا بنتزوج خلاص سارا ابتسمت : انا كمـان .. ماتدري قد ايش خايفة لؤي : طبيعي كل عروس لازم تخاف بعد صمت لفترة نطق : سـارا سارا : عيونهـا لؤي : اذا عشنا سوا .. يمكن تواجهين ايام صعبة بسبـتي او بسبب أهـلي شدت سارا على يده : لاتخاف خل نحب بعض ونكون مبسوطين سوا .. في كل يوم وكل لحظة من حياتنا , ما اتوقع فيه شي اهم من كذا .. لؤي ابتسم : أحبـك ورب الكـون أحبك .. احس أي لحظة بعيشها دونك مالها قيمة سارا : وانا اكثـر .. الله لايحرمني منك ) لازم تنهي هالرحـلة .. الساعة 6 راح تتابع خسوف القمر وتدمع معاه وهي تطير بعيـد عنه .. لؤي انا متأكدة ان كلام فراس مو كلامك .. بس واضح اني بأخسرك اللحين او بعدين , راح يكون ولدنا صحي وسليم ان شاء الله شكرا لأنك كنت احلى مرحلة بحيـاتي .. *** اسمــاء :- نزلت وهي تفرك شعرها بنعاس وتتثاوب .. فتحت عيونها وهي تشوف امها بعبايتها وبدر واقف ولابس وياسمين بكابها نزلت الدرجات بخطوتين وهي فزعه : وين وين وين بتروحين ؟! ام فراس : بسم الله الرحمن الرحيم .. علامك انتي يهالبنت مرجوجة كذا ؟! بشويش بغيتي تكمبعين من الدرج اسماء مسكت يد امها : وين بتروحون وبتخلوني ؟! انس اللي جالس على البلايستيشن ورا : الله يخلف بس .. انهبلت البنت , بيتركونا للأبد بدر تنهد : مطولين انتو ؟! طالعين انا وامي وياسمين مشوار عشان الذهب وما الذهب اسماء زعلت صدق : وبتتركوني ؟! ام فراس : من متى تحبين تطلعين معي انتي لهالمحلات ! دايم تقولين مابي اسماء : لحححد يتحرك خطوة ... بجمح اجيب عبايتي واجي اطلع معكم .. " كملت بزعل " انا كم مرة اقولكم لاتخلوني لحالي بالبيت !! لهالدرجة واثقين فيني !! الكل عقد حواجبه وهو يشوفها ودموعها شوي وتنزل .. بدر : علامك اسوم ؟! اسماء وهي تضرب برجلها : كله منكم كله منكم ! لعد تخلوني لحالي !! ام فراس وهي تضمها : بسم الله عليك الرحمن الرحيم .. خلاص يمه ماحنروح ونخليك انس هز راسه : بنتكم ذي افياش مخها مفصولة اسماء وهي تمسح دموعها : ما اثق فيكم اصبروا .. سسوراا روحي جيبي عبايتي من فوق جابت عبايتها ولبستها وطلعت معهم ... ام فراس تحاكيها بجد : اسماء مرة ثانية لعد تصيحين من كلش .. والله طيحتي قلوبنا صاير معك شي انتي ؟ اسماء : لا ! وش بيكون صاير ! بس مابي اجلس لحالي دونكم .. انتو اهلي مفروض توقفون معي بدر : نوقف معك في ويش ! مريضة سرطان لاسمح الله !! اسماء تسندت على الكنبة براحه .. دامها معهم بغت تروح فيها لو راحوا وتركوها .. ماكانت تبالغ رغبتها مو معها لو يتركونها راحت له .. كبست بعيونها كم مرة .. رجعت تكبس ثاني ... رجعت تكبس : انا راسي مضروب ولا حنا واقفين قدام مدينة الملك فهد الطبية ؟! بدر : لا مو مضروب .. بننزل نعرضك على دكتور يفحص عقلك ذالمهوي اسماء فتحت عيونها بخوف : وششهو ! ام فراس : يمزح معك .. ياسمين للحين الحمى ماسكتها وانا خايفة عليها وديتها كم مستشفى مانفع بنجي هنا يمكن يلقون لها حل اسماء مسكت يد بدر : بدددر ! سكر علي السيارة وقفل الباب !! بدر عقد حواجبه : هاه ! اسماء : تكككففى قفل البيبان كويس .. ام فراس : وليش ؟! اسماء : ما أحب المستشفيات تخوفني ! بدر : يالله سترك من هالبنت ... مجنونة انتي ! اقول انزلي بوديك دكتور نفسي معادبك صاحية !! وش هالجنان ؟! اسماء : يمممممه شوفيه ! تنهدت ام فراس : اقول بدر اتركها وقفل عليها الباب .. ورانا محل الذهب وكم شغله خل نخلص اختك هز بدر راسه وهو يسكر الباب ويقفل عليها .. مشى بدر وهو يهز راسه : اعوذ بالله من هالبنت .. بكلش تسوي سالفة ام فراس : مدري علامها عاد ؟! وقف بدر وهو يشوف هيثم : هلا والله ابو مشعل هيثم اللي كان منشغل بأوراق بيده .. ابتسم وسلم : هلا والله .. كيفك شخبارك ؟! بدر : حمد الله تمام .. تصدق ناسي انك تشتغل هنا هيثم : عسى ماشر ؟! شتسوي هنا ؟ بدر : اختي تعبانة وجايين نشوفها .. انصحني بدكتور للحمى هيثم عقد حواجبه ( تعبانة كل هالفترة ؟ عشان كذا ماجت ) : فينها اختك ؟ بدر اشر لياسمين .. هيثم ( وتبن ! مب مريضة وش عذرها اجل ؟! ) ابتسم : ماتشوفين شر ياحلوه ياسمين بانجذاب للدكتور الوسيم .. وردت خدودها ومسكت يد بدر : ............. هيثم : هو فيه دكتور واحد بس ربع ساعة لين يجي .. تنتظرونه ولا مستعجلين ؟! ام فراس : لا مستعجلين .. " التفتت لبدر " مايمدي بعد هالخبلة برا بالسيارة بتفضحنا لو نتأخر هيثم ابتسم : اجل الدكاترة اللي هنا كلهم كويسين .. انت توجه لقسم الاطفال اخر السيب هناك وان شاء الله ينفعونك بدر : يعطيك العافية اجل اول مامشوا .. دخل هيثم القلم بجيب بالطوه وتوجه لبـرا المستشفى طالع بسيارة بدر وهو رافع حواجبه : شدعوه كل هذا ! مشى يم سيارة بدر .. وهو يطالعها منسدحة بالمرتبة الورا انفتحت عيونها وهي تشوفه واقف وكردة فعل طاحت لمكان الرجلين .. ضيق هيثم عيونه : بسم الله ! جلست وهي ماسكه راسها بألم ومسكت الباب بتفتحه مقفل والسيارة طافية ماتقدر تفتح النافذة .. كرهت نفسها بهاللحظة تبي تطلع له , هيثم كان عاقد حواجبه طول هالوقت وهو يشوفها مخبوصة تبي تفتح ومو قادرة انتبه لها تفتح شنطتها وتطلع ورقة وتكتب عليها ثم تسندها على النافذة عشان يشوفها ( هـاي ! ) هيثم عقد حواجبه وقال : خرساء لا سمح الله ؟ رجعت تكتب وحطتها ( الزجاج عازل الصوت ! ما اسمعك ) هيثم مسك راسه وعطاها ظهره وهو يرجع يدخل : انا الحمار اصلن اللي جايها .. تصنم محله وهو يسمع البوري يضرب التفت لها وهو مكشر وكتبت على ورقة كبيرة ( لحظظة ) هيثم تنهد بيأس وهو يطالعها .. رجعت تكتب على الورقة ( اشـتقت لك ( طالع هيثم وجهها البريء وعيونها السماوية وهي تطالعه .. طلع من جيبه ورقة وكتب ثم حط الورقة قدامها ( الكذب حرام .. لو مشتاقة بجد كان جيتي تشوفيني ) وهو رافع حواجبه وكأنه يطلب تفسير ... حطت ورقة مرة ثانية ( تبغـاني اجي ؟! ) عقد هيثم حواجبه بإنكار .. وطالع حوله ثم رجع يدخل رجعت تضرب البوري .. عض على شفته وهو يلتفت لها ثم يرجع يتجاهلها .. قابله على الطريق بدر متوجه لسيارته وابتسم وهو يشوفه يفتح السيارة ويصرخ فيها : وجججعع بعد !! خيير ؟! كمل طريقة لـداخل .. كأن العصبية اللي ماسكته الكم يوم اللي راحت اختفت .. طبيعي افقد جيتها لانها مداومة بالمستشفى اكثر من بعض الدكتارة .. مو معناها فيه شي خاص :/ *** إبتسـام وهي بطريقها راجعة من الدوام فتحت جوالها ودقت على نايف .. جاها صوته المستنكر انها داقة عليه : ايوه؟! ابتسام : السلام عليكم نايف : وعليكم السلام ابتسام : ماراح اسألك فينك يومين ماجيت البيت .. بس ياليت تجي البيت الليلة نايف : عشان شنو ؟! عشان آكل وانام بس ؟ ابتسام : راح انتظرك .. سكرت السماعة .. طالع نايف السماعة باستنكار رغم كل مكابراته ماقدر مايحجز طيارته يرجع رغم انه ماعمره كنسل سفرته عشان احد .. *** فـراس : - وقفت سيارته عند الفندق .. دخل مباشرة وجلس بالصالة ومسعود قدامه : تشرب شي ؟! فراس : ماتغديت .. اطلب من الروم سيرفس غداء ونزل لابتوبي من السيارة مسعود : حاضر فراس : وهات لورا .. مسعود : حاضر مسك جواله وهو يطالع الساعة 9 ونص .. دق جواله " سارا " تنهد ورد : ايوه ؟! سارا : انا بالمطار . . قبل اسافر بغيت أقولك شكرا على كلش وراح ارجع لك تكاليف الطيارة والسكن والمستشفى فراس : لاتردي شي .. ولا واحد منهن لك كلها عشانه بس سارا : اعتبرها رد منه اجل .. يله انا راح اسكر فراس بتردد : ممكن طلب أخير ؟! سارا : شـنو ؟ فراس وهو يشخبط على الورقة بربكة : اليوم اللي ينولد فيه .. عطيني خبر سارا بهدوء وكأنها ماتبي تتكلم عن هاليـوم : اوك فراس بهدوء غريب ..: سـلام .. سكرت السماعة .. وفراس يحس بهم زعلان على صديقه اللي ماراح تجيه فرصة يعرف ان له ولد ! مسح على وجهه بتوتر بيديه الثنتين دخل يده بجيبه طلع باكيت السجاير فاضي رماه وراسه مصدع .. دق جواله ورد مباشرة : هلا : الصور متى بتجهز ؟ فراس : خلك بمكانك وانا راح ارسلها لك قريب .. اهم شي تنتبه وانت ترسلها انها تجي بيد خالد مو ريم ! : ولا يهمك ! سكر السمـاعة .. انفتح البـاب ودخل مسعود ووراه الروم سيرفس حطو الغداء ولورا معهم طالعها فراس : تفضلي اجلسي جلست لورا بصمت .. ماتدري لمتى ناوي يحتجزها : ........... فراس وهو يمسك الشوكه وياكل بأناقة : ابي صور ريم مع اكثر من زوج .. او صور عقودها لورا : ماعندي فراس : ما أذكر اني سألت .. انا امرت فهاتي الصور لورا بتوتر : وبعد هيك ؟! فراس : بعد الصور انتي حره لورا بحماس : بجد ؟ فراس : انا فراس كلمتي وحده ما ثنيها لورا : بموبايلي .. كتير كتير صور بموبايلي فراس طالع مسعود : تأكد من كلامها واذا صح ارسل الصور لإيميلي .. مسعود : حاضر قبل يطلع مسعود وقفه صوته : مسعود ! التفت مسعود له ... فراس وهو مكشر : وش هالأكل ؟! مسعود : اكل الفندق فراس ابعد الصحن : ارمه بوجههم ... وجيب أكل صاحي مسعود : حاضر اخذ مسعود الصحن وأول ماطلع ذاقه كان عادي : مافيه شي .. شيعني اكل صاحي اجل ؟! تنهد وكمل شغله ... بينما فراس كان جالس وهو يعد الثواني اللي كلش يصير تمام , بعد فترة وصله الإيميل رفع حواجبه : كلامك صح .. هذي هي الصور لورا : لكان بقدر امشي ؟! فراس : آيـه طبعا .. بس رفيقتك ماراح تروح معك لورا : اتركها عندك لحد تموت .. مو رفيقتي اساسا فراس : لو تتكلمين عن شي صار هنا .. راح ارجعك وهالمرة ماراح تنفلتين لورا طلعت بسرعة وهي ماصدقت خبر .. تسند فراس على الكنبة يسترخي للحظة انتبه لجسم صغير الحجم يحبي ناحيته .. ركضت وراها المربية : آسفة بجد طلعت دون احس فراس وهو يطالع رنيم ونظراتها البريئة بعيونها الرمادية : اتركيها لحظة انحنت المربية وطلعت من المكان .. تسند فراس بذراعه على ركبته وهو يطالعها وهي تضحك وتحبي بحماس وشعرها الناعم لإذنها ومبتسمة ... ماقاوم نفسه يبتسم على براءة الأطفال : بسبب هالأشكال فيه بزران هذا حالهم .. تنهد بضيق وهو ضايقه فيه الدنيا من فكرة ان ولد لؤي راح تكون بيئته مزعزعه .. دخل مسعود وطالع رنيم : فين المربية ؟! فراس تنهد : خذ البنت مسعود : بصراحة وضع البنت صعب .. المربية تتذمر من الشفتات الطويلة وأمها مريضة للحين فراس عقد حواجبه : للحين ؟! مسعود هز راسه : جا الدكتور بس الظاهر ماقدر يساعدها .. يقول حالتها نفسيه فراس : وينها ؟ مسعود : بغرفتها فراس ضيق عيونه على الباب ومشى ناحية باب الشقة بيطلع : تصرف بمعرفتك طلع لسيــارته وهو يحس بثقل في صدره .. ثقل كبير تنهد بضيق .. الله يسامحك يالؤي حملتني شي فوق طاقتي *** ميهـاف .. دخلت غرفة امها : يمه لؤي وين ؟! مو بغرفته ام نايف : بالسطح اكيد يراقب الخسوف .. ميهاف : اهـا طلعت وصعدت لفوق كان جالس على الأرض ويراقب .. التفت لها : هلا جلست ميهاف جمبه : يمه ليش جالس تراقب .. احس يقمط قلبي لاجلست اراقب لؤي وهو يتأمل السواد يلتهم القمر : ما ادري كيف فيه ناس ترفض تراقب هالظاهرة العجيبة . ميهاف : كثيرين مايحبون لؤي : الظـواهر العجيبة زي الخسوف والكسوف .. حتى الأشباح ظواهر اتمنى ادرسها حتى اني فكرت ادرسها بس ابوي رفض ميهاف طارت عيونها : الأشبـــاح .. يممه !! لؤي : إيش يخوف بالأشباح ؟ البشر يخوفون اكثر ميهاف عقدت حواجبها وهي تشوفه يطالع السماء بتأمل : ................ لؤي تنهد .. تعود دايم يقابل القمر ويتخيلها , قمر حياته هي وبمنظر القمر يغيب كأنها تغيب عن عينه . وتفاصيلها تمر عليه كيف كانت تحفظ فلوسه كيف تحفظ اسراره وتنظم يومه .. كيف ابتسامتها تنسيه الهموم .. ليش يحس امسيته حزينة .. حزينة جدا .. حزن فوق العادة .. *** إبتسـام اسدلت شعرها وتمكيجت مكياج ناعم .. ورشت عطرها وجهزت الصينية وفيها قنينة بيرة وكاسين .. وصحن حلا طلعت للحديقة والهوا يلفح وجهها .. وهي تطالع الخسوف واصوات المساجد .. تناشد ربها خوف ورهبة .. ابعدت شعرها ورا اذنها وهي تنتظره .. انفتح الباب ودخل البيت : مسـاء الخير ابتسام : مساء النور تقدم منها ومد يده وهو يسلم ويبوس خدها : كيفك ؟! ابتسام : تمـام .. " بعد فترة صمت وهو يطالعها " صليت ؟ نايف : ايه .. تو طلعت من المسجد جلست ابتسام واشرت لكرسيه : تفضل جلس نايف .. وقال بهدوء : وش تبي تتكلمي فيه ؟! ابتسام : ليش ماقلت لي ؟! نايف : عن شنو ..؟ ابتسام : انك مطلق .. ولك ولد نايف التفت لها : كيف عرفتي ؟! ابتسام : عرفت وبس .. مافيه كذبه تدوم .. نايف تنهد : ماخبيت عنك شي .. ولا طلبت من احد يخبي , كان قرار امي ماتقولك ولا أذكر اني كذبت عليك بهالموضوع .. ابتسام هزت راسها : معك حق .. نايف : مع كذا راح اقولك آسف .. ابتسام طالعته بفترة .. ثم شاحت بنظرها وقالت : عندي طلب .. نايف : آمري .. ابتسام : بكـرة جيب ولدك هنا .. أبي اشوفه نايف عقد حـواجبه : يزيد ؟! ابتسام : اها .. اسمه يزيد ؟! نايف : آيـه .. شتبغي به ؟ ماله ذنب باللي جالس يصير ابتسام : انا عمته .. وبالمستقبل ان شاء الله راح يكون أخو عيالي من حقي اعرفه نايف عقد حواجبه : من جدك ؟! ابتسام : ايه من جدي .. مثل ماقلت ماله ذنب في اللي سويته انت وامه .. نايف هز راسه : بكرة ان شاء الله بجيبه أجل ... مسكت كاسها وهي تشرب البيرة وتطالع الخسوف .... اما نايف كان يتأملها انسانة عاقلة حكيمة وهذا اللي يحتاجه من زمان يحتاج امرأة يغرم بعقلها مو بجسدها .. | ||||
|
| |
|
13-03-17, 11:01 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت الخامس والعشرين " - نحن بشكل أو بآخر , لانوزع مشاعر آلحب كما نريد ! بل ينتزعها منا من يستحقونها رغما عنهم .. فتحت عيـونها بكسل .. رفعت راسها وحست بمنديل يطيح من جبهتها لحضنها رفعت يدها تقوس حرارتها : حمد الله خفت .. طالعت بأنحاء الغرفة المظلمة .. ونور القمر من النافذة الكبيرة .. سرير رنيم فاضي ! وقفت بسرعة وعقدت حواجبها وهي تشوف نفسها بالمراية مازالت بالفستان الأبيض والمكياج سايح بشكل مخيف وكشختها يوم طلعت معه للحين .. تنهدت وهي تطلع من الغرفة كان بالصالة جالسة المربية ورنيم نايمة بنص المكان .. طالعت المربية بحدة : تاركتها تنام بالبلاط البارد كذا ؟! المربية : what are you saying ?! غادة وهي تنزل وتشيل رنيم من الارض : ماعليك شرهه دامك كافرة .. مالت بس المربية تنحت مو فاهمة ... غادة : انقلعي من وجهي بس ! دخل الشقة مسعود .. ماعمرها وقفت قدامه دون حجاب اقل شي لكن معد تفرق بعد ما مشت بمطعم كامل قدام الكل بكامل زينتها .. مسعود : بسم الله الرحمن الرحيم وش هالوجه ! غادة حطت يدها ع خصرها : وانت تارك بنتي مع هاللي ماتخاف ربي ؟ مسعود : اقول امسحي هالوجه واشكريها ! لولاها جلست بنتك هاليومين اللي مرضتي فيها مامعها احد غادة : يومين ؟! مسعود : ايه يومين .. بدري عليك ؟! غادة طالعتها بنص عين : تخسى اشكرها بعد .. المهم ! ابي اغير وين ملابسي ؟! مسعود ببرود : رميناها ! غادة شهقت : ووش اسوي اللحين ؟! مسعود : راح نوصي لك على ملابس غادة : ابي اجيبها انا ! مسعود : مالك حق تتشرطين وتاخذين اللي يجيك غصب ! غادة استسلمت : طيب .. اقل شي لو سمحت جيبها ساتره .. وجيب شيرابات معها وملابس لرنيم مسعود بابتسامة سخرية : لاتتشرطي واللي يجيك احمدي ربك عليه غادة عطته ظهرها وهي تدخل غرفتها .. وحطت رنيم بسريرها وهي تطالع من النافذة الشارع المليان بالناس بلعت ريقها وتخبت ورا الستارة وهي تشوفه بطلته المعروفة نازل من سيارته اكيد بيجي هنا !! كل ماتحس انها بخير وبتمشي بحياتها ... تشوفه وترجع تتوعك , سمعت صوت مسعود : مرحبا طال عمرك فراس وهو يجلس ورجل على رجل ...والسماعة باذنه : كذا اجل ؟! ............ زين ماسويت استاذ خالد .... اعرفك رجال فماحبيت اخبي عليك انك متزوج مجرمة ..... ممكن تدلني على السجن اجل ؟! سكر السماعة وابتسم ابتسامة واسعة .. وهو يحس انه مبسوط بجد : مسعود ! مسعود : سم فراس : جهز لرجعتي للرياض بكرة مسعود : لحالك ؟! فراس : وانت طبعا مسعود : والضيفة ؟! فراس كانه كان ناسيها ... تنهد : فينها اللحين ؟ مسعود : بغرفتها .. تو صحت وطلعت وصارخت كالعادة ورجعت غرفتها فراس : جبها لي دخل مسعود الغرفة حصلها منسدحة .. وواضح من عيونها تتغصب النوم رفع حواجبه : قومي ! غادة ضغطت ع عيونها اكثر : ............... مسعود : قومي قبل اسحبك له سحب جلست غادة وهي تطالعه بحدة ... وطلعت من الغرفة طالعها فراس من فوق لتحت نفس ثوبها اخر مرة وشعرها رافعته ومكياجها مسحته : ............................. غادة كانت واقفة وشادة على ثوبها : .................. فراس : شأسوي بك انتي اللحين ؟! غادة رفعت راسها وكبست بعيونها : اتركني بحال سبيلي .. رفع حواجبه كانه يستبعد هالشي ... كملت غادة وهي تطالع بالارض : اساسا مدري ليش حاجزني او وش بينك وبين لورا ... فتقدر تتركني فراس : جاوبي اجل .. وش علاقتك بلورا ؟! غادة : صديقتها .. فراس : متأكدة ؟! يعني تعرفين كلش عنها غادة : مو صديقتها مرة .... فراس : اها وساكنة ببيتها ؟! غادة وعيونها بدت تلمع دموع وشفايفها ترجف وهي عاضه عليها : ............ فراس : مازلتي تراوغين .. وهذا اللي يخليني مقدر اتركك بحال سبيلك مثل ماتبين .. غادة ودموعها نزلت : انت اللي بأي حق تاخذني دون حتى تعطيني فرصة أتكلم ! فراس وهو يتقدم بجلسته ويشبك يدينه ببعض : هذا انا اسمعك اللحين .. وهذي فرصتك الوحيدة اذا تقدري تقنعيني اتركك فلا تقصري غادة نزلت راسها : ............. فراس : تكلمي بسرعة ! ماوراي غيرك انا ؟! غادة طالعت حولها مسعود واقف مسحت دموعها : انا مو فاهمة .. مو فاهمة حتى ليش مسكتوها فراس ابتسم ابتسامة جانبية : لا صدقتك ! غادة والعبرة خانقتها : والله فراس بحدة : لا تحلفين ! مالك رب انتي تحلفين به ! غادة ورجلها ترجف ماعاد تشيلها : .......... فراس رفع حواجبه : معناها مقدر اساعدك ... " التفت لمسعود " مانقدر نتركها بروسيا احجز لها ترجع معنا غادة : ................... فراس وقف : وانتي ترا مطول بالي عليك اللحين .. بس وقت ينفذ صبري الله يعينك ومشى طالع .. غادة جلست على الارض ودموعها على خدها , ماتبي تطلع ماتبي شي بس ماعاد تبي تشوفه .. ! *** إبتســام : - رجعت من الدوام بدري .. اليوم بيجي يزيد ويتغدى معهم وتقابله مره وحده طالعت بشكلها قدام المراية كلش تمام ! سمعت صوت المفتاح طلعت تستقبلهم .. ابتسمت وهي تطالع يزيد مايشبه لنايف نهائي .. ابيضاني ونايف اسمراني .. اكيد زي أمه ؟! بيضاء اجل .. عيونه بنية نايف زيتية .. لمحته ناعمة .. نايف لمحته حادة ... اكيد مثل امه ... ! لا ابتسام لاتفكري كذا ؟! ابتسمت وهي تمشي ناحيته وتجلس قدامه وتمد يدها : سلام ياحلو تشبث يزيد ببنطال نايف وهو يتخبى وراه .. نايف طالعه : زوزو ! مو قلت لك تسلم .. هذي عمه سلم إبتسام نزلت يدها ووقفت وتكتفت : الأطفال الحلوين اللي يسلمون بوديهم الحديقة وبشري لهم قريقعان يزيد عقد حواجبه : وس قريقعان ؟! نايف : ههههههههه بأي لغة تكلمينه انتي .. خكيري ولدي مايعرف ذالعلوم إبتسام بطريقة طفولية وهي تضوق عيونها : قريقعان هذي حاجة سحرية سرية .. لما نروح الحديقة أوريك اياها يزيد طالع نايف : بابا تلوح معنا ؟ إبتسام ردت مباشرة : ايه بابا معنـا .. ماشي ؟! يزيد : ايه ! ابتسام قبصت خده بنعومه : فديــتك تجنن طالعت نايف : بصعد البس عبايتي ونطلع .. هز نايف راسه وهو مبتسم ويطالعها بحالمية : اوك أول ماصعدت .. جلس نايف القرفصاء لمستوى يزيد وغمز له : حلوه صح ؟! يزيد وهو مستنكر كلش : من هذي ؟ نايف ضربه بخفه على راسه : لي ساعة افهمك ! هذي عمه .. يزيد بذكاء : اخت بابا ؟ زي عمه ميهاف ؟ نايف : هههههههههه وش يفهمك اللحين انت ... زوجة بابا مو اخته يزيد كشر : وماما ؟! نايف حك راسه : مشكلتك ذكي ! اقول يزيد اجلس هنا شوي وجايك صعد نايف ودخل الغرفة .. طالعته ابتسام وهي تعدل طرحتها : ......... نايف مشى ناحيتها وهو مبتسم : شرايك فيه ؟! إبتسام : مايشبه لك نايف : انا احلى صح ؟! طالعته بنص عين دون ترد : .............. نايف : إبتســام .. صدقيني انا مقدر كل اللي تسوينه معاي ومو محصل طريقه اشكرك فيها ابتسام ببرود : ماسويت معاك شي .. مفروض ماصعدت وتركته لحاله واضح دون شي ان راسه معبى علي نايف : مين قال ؟ يزيد سحوي دون شي .. فلا تاخذي بخاطرك سكتت ابتسام وهي تسحب شنطتها من الدولاب وتحط اغراضها داخلها .. مشى نايف ناحيتها : شفيك إبتسام ؟ اذا زيارة يزيد بتضايقك ماكان له داعي تطلبينها من الأول .. إبتسام دون تطالعه وهي تكمل شغلها : من قال ضايقتني .؟ بالعكس فرحتي بشوفته قد الدنيا نايف انحنى لخدها .. اشاحت ابتسام براسها مباشرة عقد حواجبه وهو يشوفها تكمل شغله , عض على شفته وطلع من الغرفة .. حتى لو قالت انها سامحته واضح انها مازالت شايله عليه .. *** ميهـاف : - رجعت للبيت وقت طلوع الفجر .. البيت هادي تماما صعدت مباشرة قابلها ابوها وهو طالع للصلاة : ميهاف ؟! ابتسمت ميهاف : هلا يبه طالع ابو نايف الساعة : تو ترجعين ؟! ميهاف : ايه .. طولنا بالسهرة شوي ابتسم ابو نايف : وكل هذي حفلات عشان بتتزوجين يعني ميهاف : ههههههه شاسوي كل رفيقاتي يحرجوني .. واذا حضرت لوحده لازم احضر لهم كلهم ابو نايف : أيه بس لك اسبوع بهالحفلات .. ماصرنا نشوفك حتى نبي نشبع من دلوعتنا قبل تروح ميهاف ضمت ابوها وهي تبوس راسه : من عيوني اليوم انا لحسابكم .. امروا بس طلعت ام نايف : ميهاف ؟! تو ترجعين ! ميهاف : أيه يمه .. اهلها احرجوني ماقدرت اطلع ام نايف : ولو مفروض ترتاحين هالكم يوم .. وراك عزايم مقبله ميهاف : بيعيني الله ان شاء الله .. دخلت غرفتها وهي تعلق عبايتها وتطالع بكشختها الكاملة .. تنهدت وهي تجلس قدام التسريحة تمسح المكياج هالاسبوع فعلا فقدت النوم حتى تحت عيونها اسود تاففت .. كيف تتزوج بهالسواد ! بكرة ببيت ام فراس حفلة الحنا وعقبه زواجها .. تنهدت بحالمية اخيرا بينلم شملهم .. وقتها بعرف اهجدك يامغرور *** فـراس : - دخل لغرفة السجن خاصتها وهو يحس غليله يشفى فيها .. خالد وقت اكتشف الخيانات بحث عنها بدقة وعرف عن تزويراتها واعمالها الغير قانونية وبلغ مباشرة طالعته بحده من ورا القضبان : مو من مصلحتك ! لو بيعرفوا اني بالمخفر راح يسودو عيشتك فراس : هذا اللي ابغاه بالضبط ... ابغاهم يطلعوا من جحورهم عشان اعرف كيف اتصرف معهم ريم : فرصتك الوحيدة انو تفلتني مشان ينسوك فراس : افلتك ؟! انا على راسي ان الحبس 7 سنين بس .. بس مو مشكلة صدقيني راح اتذكرك بعد سبع سنين ريم : معارفي مراح يتركوني فراس : تدرين ليش انخلقت المقامات بهالكون ؟! عشان كل شخص يعرف مقامه ويتصرف على اساسه ... يعني اذا كنتي ***** تصرفي على هالأساس .. باختصار كلمات معارفك وعلاقاتك وامكانياتك هذي كلمات مو بقاموسك , اتركيها لأهلها .. راح انطقها بالنيابة عنك ريم : شو جاي تعمل هون .؟! انقلع من وشهي فراس ابتسم ابتسامة جانبية ومشى طالع : اقامة ممتعة .. أول ماطلع دق على مسعود : انا متوجه للمطار .. اقابلك هناك سكر وهو يستعد يرجع .. اللحين يقدر يرجع لأهله وهو مرتاح شوي .. اهم جزء من انتقامه نفذ والباقي راح يتفرغ له بعدين .. *** لؤي : - لأول مره يطلع من غرفته وهو لابس ثوبه .. استوقفه صوت امه : لؤي ؟! لوين ياحافظ ؟ لؤي التفت لامه : ماحـطول .. ام نايف : شأقول لابوك لو يرجع ومايلقاك ؟! لؤي : ليش حجز هو ؟! مو لكم شهر تقولون اطلع من غرفتك .. خلاص هذاي طلعت وطلع مباشرة .. ركب سيارته وتوجه مباشرة لبيت فراس وقف لفترة وهو يسند جسمه على الكرسي ويتنهد .. ام فراس بمكانة امه ومو دايم تطلبه .. اكيد عن فراس ! نزل من السيارة ورن الجرس ... : مين ؟! لؤي : هذا انا خاله .. لؤي : ايه يمه تفضل غرفة الضيافه جايتك جلس لؤي بعد فترة دخلت أم فراس وهي بطرحتها وجلست : شخبـارك يمه ؟! تراي شايله همك هالفترة .. ليش معد ترجع زي أول ؟! لؤي ابتسم : على راسي خالتي ام فراس تنهدت : للحين براسي كنه أمس ... انت وفراس سوا مع أبو فراس وهو يوعد كل واحد فيكم ان سياراتكم عليه ... ايييه يالدنيا كبرنا لؤي : الله يرحمـه .. ام فراس : انت عارف انا وش أبي منك .! لؤي : فراس ؟! ام فراس بقلق : وش صاير فيه ؟! اكيد صاير معاه شي .. انا مو مرتاحه قلبي دليلي لؤي : لا تشيلين همه .. فراس ذيب ماينخاف عليه ! ام فراس : وهذا اللي كسر ظهره .. المسؤوليه اثقلته وتغير , ماعاد فراس الأول اللي يجيني يشتكي .. يمه الشغل واجد ! يمه الدراسه صعبه ! معاد سمعت شكواه .. صار بعيد عني حتى وهو جمبي احسه بعيد ... " كملت بهم " او يمكن انا اللي ماكنت قريبه لؤي انكسر على صوت ام فراس المتهدج : طولي بالك خالتي .. هو صح تغير بس حمد الله رجال ام فراس : امنتك الله يا لؤي .. ولدي صاير معه شي انا ما اعرفه ؟! لؤي : صدقيني مو صاير شي .. ام فراس : ما اتكلم عن اللحين .. عن زمان .. من رجع من امريكا عقب موت فهاد الله يرحمه ماكان هو نفسه ولدي , رجع لي ظل ولدي مو هو ... انعصر قلب لؤي .. الأم حتى لو سكتت مو معناها ماتدري .. تحس حتى وقتها حست باللي صار : ....مو صاير شي خالتي تعوذي من ابليس ام فراس والقلق مازال بصوتها : ان شاء الله .. ان شاء الله مو صاير شي لؤي ظل يتمعن بأم فراس .. يدها ترجف وصوتها متهدج قلق وخوف فهم بهاللحظة حاجه مهمه كان غافل عنها : ...................... خالتي انا لازم امشي .. ام فراس هزت راسها : انتبه على نفسك .. طلع لؤي .. وام فراس اسندت ظهرها وغطت وجهها وانسابت دموعها .. وهي تتذكر ( بعد موت أبو فراس باسبوعين ... دخلت غرفة فراس كانت خايفة عليه من رجع مانزلت دمعته وصوته مخنوق اذا تكلم ماحس حتى انها دخلت الغرفة كان جالس على البلكونة وشاارد حطت يدها على كتفه التفت لها .. : ....... جلست ام فراس جمبه وحطت يدها على يده : انت بخير يمه ؟! اكيد تعبت ايام العزى بالوقفة طول اليوم مع عمك فراس بشرود : يمه .. ام فراس : عيون امك فراس لمعت عيونه وهو يلتفت لها : قد ايش تحبين ابوي ؟! ام فراس مسحت بيدها على خده : احبه قد اللي ماله قد يمه فراس : ليش تحبينه ؟ ام فراس استغربت حالته .. عيونه تلمع دموع ويده ترجف حضنت يده بقوه : شفيك حبيبي ؟! فراس غطا عيونه بيده .. ام فراس فتحت عيونها وهي تشوف دموعه تنساب على خده وقفت بفزع وهي تضمه لصدرها : شفيك فراس .. خضيت قلبي شفيك ؟!! حاوط خصرها وهو يدفن وجهه بصدرها وهو يتمتم بين دموعه : كسر ظهـري ... كسرني يمه ..كسرني ام فراس كانت تمسح على راسه وظهره بخوف : وش اللي كسرك .. ؟ " نزلت دموعها على منظره " شفيك ؟! فراس سحب نفسه من حضنها وهو يمسح دموعه ويجلس على الكرسي ويضغط على راسه بيدينه الثنتين : اتركيني لحالي شوي .. ام فراس : والله ما اتركك ؟! فراس : تعبان .. منهد حيلي اتركيني بنام ام فراس قبل تطلع جلست وهي تمسك يده : يمه ... انا ادري انك تحب ابوك .. وكلنا نحبه بس انا ابيك تصبر انت بكري وسندي , انت رجال هالبيت عقب عينه فراس بسخرية على حاله : رجال هالبيت .؟ لو تدرين .. لو تدرين قد ايش رجفت وقتها ماسميتيني رجال البيت .. ام فراس تنهدت : انت ارتاح اللحين . لك ثلاث ايام مانمت طلعت ام فراس .. وهو تقوس على حاله بدوامة ألم : رجال هالبيت ..هه ) ماتدري ليش هالذكريات ترجع لها ... كله اللي تعرفه ان ولدها مو مرتاح .. وان صاير معه شي , عقب هالذكرى بيومين طلب يسافر يكمل دراسته ومن عقبها ماعاد استقر عندها .. *** لـؤي : - بعد مـاطلع من ام فراس .. مسك جواله يدق على فراس لكن سبقته مكالمته رد : هههههههه تو بدق عليك ! فراس : الطيب عند ذكره اجل .. لؤي : بكرة عزيمة اخوك متى ناوي تجي ؟! فراس : وينك فيه ؟! لؤي : بالرياض وين فيه يعني ! فراس : عارف انك محبوس بالرياض ... وين بالضبط ؟! لؤي : بالسيارة ... مو مكان محدد فراس : كيف اقابلك اجل ؟! لؤي بعد ما استوعب : اياااا الخسيس !! بالرياض ؟ فراس : ايه تو وصلت ... قابلني بشركة ابوك لؤي : شركة ابوي ؟! شتسوي هناك ؟ فراس : اسلم على عمي . لؤي : ماراح اجي شركة أبوي .. اشوفك بكرة انا راجع البيت سكر لؤي السماعة ... ودق مباشرة على نايف .. بس مافيه رد رجع يحاول بس مافيه رد رمى الجوال : وانا عمري ادورك واحصلك ! *** رجعو للبيت .. وابتسام طول الطريق محتفظة بالصمت وسط كلام نايف ويزيد , واضح يزيد نافر منها فماحبت تدخل نفسها وقفوا قدام بيت متـواضع ونزل يزيد " هذا بيتها أجل ؟! " التفت نايف لإبتسام بعد مانزل يزيد : شفيك هاديه ؟! إبتسام : مافيني شي .. شكلك نسيت اني ابتسام الهادية المملة نايف عقد حواجبه : احد قال كذا ؟! إبتسام بسخرية : اللي يرمي السهم مو زي اللي يتلقى السهم نايف : انا قايل كذا ؟! إبتسام فتحت جوالها متجاهلته : ....................... تنهد نايف وقال بصبر : داقه علي !؟ ومرجعتني من سفرتي ؟! عشان اخذ يزيد لنزهه وانتي ساكته تراقبينا ؟! اقدر اخذه وقت ثاني .. ماله داعي تعجليني والغي سفرتي إبتسام : ما أذكر اني اصريت ترجع ! كان خيارك نايف رفع حواجبه : كذا يعـني ؟! إبتسام : بالله نايف خل نسكر الموضوع .. محد راح يقنع الثاني فنسكت احسن نايف وقف سيارته فجأة والتفت لها : من قال ؟! انا مستعد اقتنع .. ومستعد اقنعك ! انتي عطيني فرصة وبطلي برودك الزايد وقتها نقدر نتفاهم إبتسام عضت ع شفتها : مافيه شي نتفاهم عليه .. وهلة صمت .. وهو موقف السيارة ومحدق فيها وهي تصرف نظرها لنافذة السيارة بعد فترة صمت قالت ابتسام : لاتظل واقف كذا بنص الطريق .. السيارات تبي تمر زفر نايف زفرة طويلة .. وقال بهدوء : مقدر اتحمل ... الحياة هذي والطريقة هذي مقدر امشي فيها ! إبتسام : انت مكبرها .. رغم ان غلطتك كبيرة ماحطيتك تحت ضغط ! عشت حياتي وتركتك على راحتك !! وش ماتقدر تتحمل ؟! ماتقدر تتحمل تعيش حياتك طبيعي ؟! حاجة تضحك بجد نايف : مابيك تعيشي حياتك ! مابيك تتركيني على راحتي !! انفجري فيني .. هاوشيني .. تكلمي انطقي اصرخي ابكي أي حاجة بتكون ارحم من هالأسلوب الناشف !! إبتسام والعبرة بصوتها : وقت ترفع صوتك علي راح انفجر فيك .. وقت تكذب علي راح اهاوشك .. وقت تهمل مسؤولياتك راح اهاوشك !! حتى لو تضربني وقتها راح ابكي واصرخ .... بس وقت تخون عقد شرعي بيني وبينك وقتها انا مابيني وبينك كلام .. بينا مسؤولية نقوم بها وانتهى ! ....... اقدر اسامحك بكلش نايف بكلش !! بس الخيــانة انسى اتساهل معك فيها نايف : وانا ماخنتك !! قاطعته ابتسام بعصبية : وتكذب بععد ؟! ع بالك ما ادري انك على تواصل مع ام يزيد ومشاوير وروحه وجيه !! واكيد اكيد العلامة على بلوزتك منها !! نايف تنهد بقلة حيلة : ماكان عندي خيار .. هي ام ولدي ابتسام هزت راسها : في هالدنيا مافيه شي اسمه ماكان عندي خيـار .. نايف سند راسه على الطـارة .. وابتسام مسحت دمعتين عبرت خدها ... بعد صمت طويل ونايف على وضعه رفع راسه بهدوء وحرك السيارة حتى وصل للبيت ... نزلت ابتسام حتى دون تسأل ليش مانزل معها .. *** غـادة :- وصلت للرياض وهي تحس بسخرية القدر بجد .. يعني راحت لآخر الدنيا وبالأخير رجعت ! كان مرافقها بالرحلة شخص ماعرفته وأول مرة تشوفه بس فضلت تلتزم الصمت .. كان فيه شخص في استقبالهم أول ماوصلوا .. ركبت معه لحد ماوصلوا فيلا قمة بالجمال , فتحت عيونها بإعجاب بالفن بهالمنبى .. وقفت السيارة امام ملحق برا الفيلا الرئيسية واكتفى الشخص الساكت طول الرحلة بكلمة : لاتعتبين هالباب ! وطلع .. تنهدت غادة وهي تغير لرنيم وتعطيها أكلها , رغم معاناة انها " مخطوفة " إلا انها تحس براحة يمكن لانها ماعاد صارت تشوف مناظر لورا والفحش اللي تسويه مع اصدقائها .. غير ان العناية هنا كاملة هي وش تحتاج غير تاكل وتنام براحة ؟! ... ولو شخص غير فراس كان ارتاحت تماما .. بس اصراره يعرف من هي يخوفها أكثر .. بعد مانامت رنيم بحضنها اثناء انغماسها بالتفكير .. بحيـاتها وبأشياء كثير ... استلقت على السرير الناعم ورنيم نايمة جمبها .. وهي تدعي ربها يسهل أمرها *** بيت أبو فراس – الساعة 9 مساءا / اثناء ما اسماء ببلكونة غرفتها .. والنسيم الناعم ينعش روحها وبحضنها دفتر وتكتب فيه بإنغماس : يادنيتي الحلوة وغاية مطعمي لك ياحياتي حب ماتتوقعه في قمة احساس الوعي واللاوعي أحيا غرامك واعشقه واستمتعه انفتح الباب بقوة وبفزع : اسماااااااااااااااااااااا ااااااااااااااااااااء !! ضمت اسماء دفترها لصدرها بكل قوتها : يمممممه !! ياسمين وهي تلهث : فرااااس هناااا اسماء سكرت الدفتر وهي توقف : وجع بعد وكذا تجين تعلميني خرعتيني ! بكرة عزيمة بدر اكيد بيجي !! والله الذكية صح ياسمين : ايه ويدورك يقول وين اسماء ؟! دخلت الدفتر بصندوق وحطته فوق دولابها وهي تدف ياسمين قدامها : يله هذاي وراك نزلت الدرج بكسل دون نفس ... طالعتها ام فراس : اسماء ! سلمي على اخوك ؟! اسماء بحمق وهي تتجه له : زييين .. بسلم على اخوي الرجال اللي يوفي بوعده رفع فراس حواجبه وهو يبتعد عنها خطوتين : خليك وراك .. ولا ارجعي لغرفتك احسن بدر : وش وعده ؟! ام فراس : المهبولة تبي تسافر برا ! وفراس واعدها ولا قدر عشان زواجك بدر التفت لها : يعني ودك ماتحضرين زواجي ؟! فراس توجه للصالة وجلس : عقب هالتصرف احلمي حتى عقب زواج بدر .. احتري زوجك الرجال يسفرك دامني مب رجال اسماء : من جدك ؟! مناب مسافرين عقب عزيمة بدر ؟ فراس ببرود : ايه .. " دق جواله " بدر : سكر هالجوال شوي خل ناخذ علومك فراس رد مباشرة : ايوه .... لا اتركها بالسيارة باخذها بكرة .. لا سلامتك ...( كمل وهو يطالع اسماء ) ايه مسعود ! التذاكر اللي حجزتها والمنتجع والفندق .... ايه كنسلها كلها ... ايه متأكد اسماء طارت عيونها وهي تهز بدر : وشهو يحكي عنه ؟! لايكون يكنسل سفرتنا ؟! بدر : وانتي من جدك تناقرين فراس .. تستاهلين اسماء ضربت برجلها : فراااااااس ياسخيف اممزح ! فراس : وانا ماعمري هضمت مفهوم المزح كله .. فوفري .. اصلن الواحد يشتري الفكة منك وانا ناوي اسافر معك .. وين عقلي ؟! اسماء بقهر : طيب آسفة .. فراس : اقولك شتسوين بأسفك هذا ولا مايحتاج ؟! اسماء بحلطمة وحمق وهي تصعد لفوق : مايحتاج .. اصلن ماتبي تاخذني من البداية ! واصلن محد يحبني واصلن ليتك ماجيت !! فراس بقرف : بزران آخر زمن بدر : طول باااالك .. شأقول انا هالشهر طلعت روحي معها , لو اقولك وش فعايلها ماصدقت فراس : انس ياسمين اصعدوا غرفكم .. بعد ماصعدوا .. التفت فراس لبدر : شخبار امورك كلش تمام ؟ بدر : ايه الله يسلم أمي ماقصرت بشي .. كلش سنعته فراس : وعزيمة بكرة فين ؟! بدر : عزيمة بكرة حجزنا لها قاعة .. وحريم بس فراس هز راسه والتفت لأمه : يمه أبيك بموضوع بعدين بدر : فهمت ترا .. يله انا طالع معزوم خذو راحتكم بعد ماطلع بدر .. ام فراس : شفيك يمه شتبي تقول ؟ فراس : كم سؤال بس .. ولا تسأليني ليش اسال .. ام فراس : ليش شالسالفة ؟! ابتسم فراس : مو قلت لاتسألين ليش اسال .. ام فراس : لنا الله .. هات اسال فراس : زوجة نايف ... اختها اللي انحاشت ام فراس عقدت حواجبها : غادة ؟! فراس ( والله كنت حاس انه انتي ! ) : اها اسمها غادة .. معليش توصفينها لي ام فراس باهتمام : ليش حصلتها ؟! فراس : ايه شاك بوحده .. ام فراس بفرحة : جزاك الله خير .. زوجها واخوها واهلها يدورونها !! فراس : متزوجة ؟! ام فراس : ايه .. متزوجة وعندها بنت اسمها رنيم صغيرة ... " عقدت حواجبها " وصفها اممم طويلة شعرها طويل نحيفة .. فراس تأكد خلاص .. ماعمره احساسه خاب : لا معناها مو هي .. اللي شفتها برميل ام فراس تنهدت : الله يصلحها مدري وش هالسواه اللي سوتها .. اخوها تبرى منها ويقول لو اشوفها قتلتها فراس : ماينلام الرجال معه حق ام فراس : وانت شخبارك ؟! فراس تسند على الكنبه وتنهد : مرتاااح يمه .. فوق ماتتصورين مرتاح ام فراس : جعله دوم يانظر عيني .. جعله دوم فراس وقف وباس راسها : انا طالع انام .. حدي هلكان ام فراس : نوم العوافي صعد فراس وافكاره توديه وتجيبه ... مايبي يبتلش فيها مفروض يرميها على اهلها او زوجها , هذا اللي بيصير ان شاء الله دق منبـه ساعتها الساعة 11 .. ابعدت الغطا من عيونها وهي تتمغط بحماس .. جدولها مرتبته اليوم تنام حتى تشبع نوم عشان مايتوتر وجهها .. اللحين لازم تاكل حاجة خفيفة .. لبست روبها الناعم ونزلت تحت ابتسمت امها وهي تقابلها : هلا بالعروسة ميهاف وردت خدودها : هلا يمـة ام نايف : شبعتي نوم ؟! ميهاف : ايه .. واليوم ماراح افكر اكشر حتى ابي وجهي مايكون فيه توتر بهاليوم ام نايف : اجل تعالي افطري جلست ميهاف مقابل امها على الطاولة : فين لؤي يفطر ؟! ام نايف : فراس جا .. من امس مارجع للبيت ميهاف : كويس .. فراس عاقل وبيفهمه ام نايف : ان شاء الله .. مدري لمتى وهم على هالمنـوال ؟! ميهاف وهي ترتشف حليبها : مصيرهم يتصالحون .. روقي اعصابك انتي *** عـند بدر :- التعليقات ماخلص من دخل المقهى .. وهو ابتسامته مافارقته : شوفووو شوفوو بس شوي شوي على فمك لا يتشقق بدر : اقول فكني بس .. الا فين نايف ماجا ؟ خالد : نايم بالاستراحة .. صحيناه نبيه يجي معنا عيا اخلاقه بمناخيره اصلن بدر : له فترة على هالحـال شالسالفة ؟ : هذي الحياة الزوجية اللي انت مقبل عليها بدر : تقارن زواجي انا بزواج نايف ؟! وش جاب بنت الشمري عند بنت فقر جده خالد : ماعادت بنت فقر .. واضح انها شايخه اخر مرة كنت بشركة عمك مع نايف شفتها وهي تمشي تقول شركة ابوها بدر وهو يرتشف قهوته : شايخه لانها ماشافت خير .. تصدق عاد نفسي اروح شركة عمي اشوفها بس ماضبطت معي قال واحد من الموجودين بضيق : حرام عليكم .. تراهي زوجة خوينا لاتحكون عنها كذا كشر بدر : اقول ابلع لسانك .. خوينا ماخذها غصب ولاهي تفرق معه لوه هنا نكت معنا سكت بضيق لانه مايقدر يرد ع لسان بدر المتبري منه : .............. بهاللحظة دخل نايف المقهى .. عقد حواجبه وهو بنظاراته الشمسية وهو يدور عن الموجودين .. رفع بدر يده : نيوف هنا ! جلس وهو يرفع يده لنادل : قهوة سوداء لو سمحت بدر : وجهك منتهي وراك مكشر كذا !؟ نايف بقرف من كلش : وجهي ؟! ملامحي ؟! اجل كيفي اسوي بها اللي ابي رفع بدر يده : هووه بشويش علينا ماقلنا شي ترا ارتشف نايف قهوته بصمت ... احد الموجودين بقلق : بجد نيوف شفيك ؟! حتى امس ماكنت على بعض ..؟ لايكون الصداع رجع لك ؟ نايف ببرود : هو تركني عشان يرجع لي بدر : اكلت حبوبك ؟ نايف : ماتسوي شي هالحبوب .. لازم اغير المعيار بدر : ايه غيره واللي يعافيك ناقصك تجي بكرة لعرسي بهالنفسية " تررن .. تررن " رفع نايف جواله ثم رجعه للطاولة دون يرد ... بدر : ماحترد ؟! نايف : تؤ بعد فترة رجع يدق .. كشر نايف بوجهه وهو يمسك اعصابه مد الجوال لبدر : رد .. قل نايف نايم ميت في اجازة باع جواله اللي هو طالع بدر المتصل " نهى " : وليه ماترد عليها ؟! نايف سحب الجوال من بدر بعصبية : شكرا لخدمتك ووقف طالع .. فتح بدر عيونه بدهشه : يمه شفيه ذاه ؟ انا قلت شي خالد : قايلين لك من امس وهو مقفل عند نـايف : نععععععععم ! نهى : هو هو هو .. شوي علي نايف : ماتفصلين انتي ! من امس تقدين ! نهى : اليوم سفرتي ! مو مشكلتي انك ناسي ! تعال خذ ولدك ! نايف : اقسم بالله اني ناشب يوم جبت منك ولد ! نهى : نعم ؟! نايف سكر السماعة .. وهو يركب سيارته ويسوق بسرعة يفرغ غضبه , وصل لبيت نهى طلع له يزيد بشنطته .. يزيد بطفولة : بااباا نايف دون نفس : نععم يزيد : امث جت نونه هز نايف راسه : ...... يزيد : باباا نايف بعصبية خفيفة : يزيد راسي مصدع ومالي خلقك ! اقصر شري وخلك ساكت لين نوصل نزل يزيد راسه والعبره خانقته من نفخته : .................. اما نايف ما اهتم كان عقله مشوش كليا .. والسؤال الأكبر ( زعلت ! مليون جدار تطق راسها فيه ..؟! انا ليش اهتم ؟! ليش شايله معي هالمخلوقة ) ... وقف قدام بيت أهله : انزل ! نزل يزيد مباشرة وهو يركض لداخل ... استقبلته ام نايف : هلا هلا هلا حبيبي ضمها يزيد والدموع نزلت مباشرة ... ام نايف : هاو هاو شفيه حبيبي ؟ يزيد وهو يبكي بانهيار : بابا ثرخ علي هزت ام نايف راسها : الله فيه بابا الخايس .. تعال تعال حبيبي انا اراضيك *** اسمـاء : - واقفة بنص القاعة والتجهيزات مستمرة وام فراس ترشدهم : ليييييييه ليه ؟! انا وش دخلني تخربون نومتي عشان اجهز لحنا ميهاف وهي راقدة بالبيت .. مو عرسها تجي هي تسنع عمرها ! ام فراس : عرس اخوك ! وميهاف بنت عمك ! ماعندك حشمة لاحد انتي ! ؟ اسماء : ايه انا كنت صابره على كل هالضغوط عشان اسافر .. اطلع من السعودية ! ارتاح شوي من الازعاج النفسي اللي بالرياض ! دامكم كنسلتوها انا اعلن الحرب ام فراس بعد مافقدت صبرها كليا عليها .. قامت من مكانها وتوجهت لها اسماء نقزت من مكانها : يمممه يمه ! قبصتها ام فراس من ذراعها وسحبتها حتى دخلتها غرفة جانبية للتجهيز ونفخت فيها : خل اشوفك طالعه بس ولا موريتني وجهك ! نامي هنا ! وفكيني من الحنه فكييييني !! وسكرت الباب .. كبست اسماء بعيونها : احول شفيهم عصبوا ! هذا وانا تو مافرغت اللي داخلي ! افففففففف سحقا لك يافراس ماتجي هنا الا تدمر كل معنوياتي طالعت السـاعة 7 مساءا ... تاففت : لزوم البس ! خلاص معد بقى شي جلست على التسريحة تتمكيج مكيـاج بسيط ناعم يناسب طفولة ملامحها .. ثم وقفت وهي تسحب فستانها التركوازي المذهب وتلبسه حطت رجل على رجل بملل وهي تخبص بجوالها : اففف انا غبية ! ليش ما اخذت رقمه ! كان امداني اشبكه ! كبست بعيونها وهي تستوعب .. اوه ابتسام بتجي اليوم ! تخيلي تجي اللحين !وامي معصبة مني ! وكلهم يشتغلون حتى ياسمين وانا بالغرفة راقدة ! لاااااا ! لاااااااااا ! فتحت باب الغرفة وطلعت مسرعة لأمها .. ام فراس واجهتها باصبع تهديد : اسماء وخري من وجهي ! اسماء مسكت يد امها اللي توجهت لها بتهديد وباستها : آسفة يمه .. بس بجد كنت مقهورة يعني والله ماله داعي فراس يكسر بخاطري كذا ام فراس : جايه تكملين حلطمة ؟! اسماء هزت راسها : لا ! جايه اقول آسفة واساعدك واشتغل معك ! عزيمة زوجة اخوي كيف اجلس ؟! ام فراس تنهدت : رجع عقلك ؟! اسماء : ايه رجع ابشــرك .. ام فراس : هاه روحي جيبي الدخون بالمطبخ اسماء : ان شاء الله *** إبـتسام :- وصـلت للقـاعة .. وهي تضبط اناقتها قدام المراية ثم دخلت بثقة وعز وهي مكونة علاقات مع نص الموجودين خصوصا بعد الوظيفة .. والإدارة سلمت على أم فراس : ان شاء الله الف الف مبـروك .. الله يسخرهم لبعض ويخليهم لك ذخر نقزت اسماء : هلاااا ابتساااااااام كيفــك شخبارك ؟! ابتسام : هلا والله فيك ياقلبي .. كيفك انتي ؟ وش احساسك واخوك بيتزوج خلاص اسماء بصدق : قلبي منفطر .. بشتاق له الوصخ ابتسام : والله انا احس بك اول .. يعني ماكنت اتخيل هيثم يتزوج بس عقب ماتزوجت اتخيله خلاص عادي تزوجي عشان تتبلدي اسماء : يله ان شاء الله على يدك ! ابتسام : ههههههههه من اعطيكي ؟! هيثم اخوي .. بيوم زواجكم يقولك انا طالع مشوار عندي عملية ضرورية ! اسماء رفرفت لفوق اخيرا تلميح اخيرااا : عادي احب الدكاترة انا ابتسام : لا ما اصفطه لك عيوني تستاهلين اكثر ام نايف : هلا ابتساااام .. تعالي حبيبتي تفضلي كشرت اسماء يوم راحت : ما استاااهل اكثر ما استاااهل ! استاهل قده بالضبط ! افففف كريهه هالابتسام ماحبيتها سبحان الله عقب الشين تفهم دخلت وهي تجلس جمب ميهاف اللي محاوطينها الحنايات يشتغلون فيها : امنيتي اشوفك مبتسمة اليوم ابتسمتي شوي يم جت ابتسام هم سلمتي وعودتي مكشرة اسماء بهم : تحبين بدر ؟! ميهاف وردت وتلعثمت : وش .. وشب .. وشهو ؟! وش هالسؤال ! اسماء نغزتها : اف بلا هبال .. جاوبي صدق ! تحبينه ؟ ميهاف بحيا : لو ما احبه ماتزوجته اسماء تنهدت : ياحظك .. بتتزوجين اللي تحبين ميهاف : الله يرزقك واحد يخطبك وتحبينه ! ام فراس من بعيد : اسمممماء وين الكليجة ؟! اسماء : رجع الشغل ! حرام اسماء تجلس شوي اليوم ... ياويلك ماتعوضيني انتي وبديران ! *** وقف فـراس قدام الفيلا .. توجه مباشرة للملحق انتبه لأصوات داخل عقد حواجبه وهو يشوف الباب مفتوح نصه التلفزيون يشتغل على كرتون طفولي جدا ورنيم جالسة ببرائتها قدام التلفزيون وغادة جمبها جالسة ومتحمسه وهي تتابع وشعرها الطويل مرتمي وراها على الأرض .. ابتسم بسخرية وهو يشوف منظرهم كانت متحمسة اكثر من رنيم وهي تتابع : وش تركتي للبزورة انتي ؟ فتحت غادة عيونها وهي تشوفه يدخل قالت بدفاع تلقائي : شتبي ؟! رفع حاجبه : عندك مشكلة في تواجدي في ممتلكاتي ؟ غادة وهي تحرك شعرها ورا اذنها بتوتر : ......... لا .. بس ... وش هالمكان !؟ فراس ( اذا هي أخت زوجة نايف .. فأمها وابوها ميتين .. وش علاقتها بلورا اجل ؟ فيه حاجة مفقوده بهالأحجية ) قال بكبر وهو يحط رجل على رجل ويجلس بالكرسي الوحيد بالغرفة : تقولين البنت هذي بنت صديقتك ؟! غادة وهي تطالع رنيم اللي تطالع فراس بصمت .. : آيه ... فراس : غريبة .. تشبه لك متأكدة مو بنتك ؟! ترا عادي طبيعي اللي يعيشون حياتك بيوم يجيهم بنت غادة عضت على شفتها وقالت بقهر : وش قصدك ؟ فراس : قصدي واضح .. البنت هذي بنتك ! وبطلي كذب لأرميك بالشارع غادة سكتت وهي تنزل راسها ودمعتها تنزل بخدها ... فراس بتقزز : وبعدين انتي وهالدموع ؟! حومتي كبدي بهالدلع ترا ! غادة شاحت بنظرها للجهه الثانية بزعل والدمعه بخدها وقالت بنبرة دلال عفوية متذمرة : آففف ! رغم نعومتها ودلالها .. إلا ان فراس ماقدر الا يحس بغثيان كشر بوجهه وهو يقول : لا وصرنا نقول آفف وعلوم ؟! لا ترفعين خشمك قبل ادقه لك ! غادة سكتت وهي مازالت شايحه بعيونها ماتبي تطالعه حتى : ................. ورنيم كان ساكته وهي تراقبهم طول الوقت ... ابتسمت رنيم وهي تحبي حتى وصلت لساقه وهي تتعلق فيها فراس طالعها وقال بهدوء وهو يطالعها : والله حرام هالبنت فيك غادة التفتت وهي تنتبه لرنيم اللي جالسه تبتسم له وتصفق وتضحك قالت بصرامة : رنيم ! طاح قلبها وهي تشوف يفتح عيونه ويرفعها لها فور صرختها : قص يقص لسـانك !! غادة بقهر : بنتي كيفي ! ابتسم فراس هنا وهو يرفع حواجبه : اهااا بنتك ! هذاك قلتيها بعظمة لسانك .... تعرفين الأبو ولا ناسيه بعد ؟! غادة بقهر : ايه بنتي ... ومايهمك تعرف أي شي ثاني ! ورجاء انا تعبت من هالطريقة اتركنا نشوف حياتنا فراس بهدوء وهو يسند ظهره : موافق ... راح اشتري لك بيت ملك خاص فيك وأوفر لك وظيفة اذا محتاجة عشان تربين هالبنت بالمكان اللي تختارينه .. غادة فتحت عيونها : بجـد ؟! فراس قاطعها : بشرط واحد ! نفذيه وكل اللي قلته بيحصل لك غادة بلعت ريقها : شـنو ؟ فراس : وش كنتي تسوي ببيت لورا ؟! غادة سكتت بقهر : ........................... فراس : هذا عرضي لك .. وبما انه عرض كريم لزبالة مثلك ماراح يطول هي يومين تتكلمين فيها ولا وقتها انا مو مسؤول عن اللي يصير لك غادة اكتفت بأنها تضم رنيم بحضنها والدموع تنزل رغم مقاومتها : .............. وقف فراس وطـلع .. غـادة بلعت ريقها مافيه طريقة بيتركها فيها .. لازم تتصرف .. لازم تسوي شي .. فكري غادة ! فكري فكري .. *** أم عبد المجيـد : سمعت ان فراس رجع .. ام فراس : ايه رجـع .. بس تو ماكلمته بالموضوع بكلمه اليوم ان شاء الله ام عبد المجيد : وان شاء الله زواجهم راح يكون بعد ما أخلص وداد وعرسها ام فراس : ايه خذي راحتك حنا مو مستعجلين .. ابي اخلص بدر بعد انا اسماء كانت جالسة قريب منهم وساكته وهي تطالع بقهر .. وقفت وهي تبعد عن جلستهم انسدت نفسها يتكلمون كأنه موافق ! احسن يافراس خذ سجى خلها تأدبك وتعلمك اني عاقله ! طلعت برا القاعة بكبرها ... وهي تجلس على درجات المدخل حاوطت نفسها من نسمة برودة هبت فيها .. تنهدت بضيق وهي تحس بحصا خانقتها .. سندت راسها على ركبتها وهي تعض على شفتها تمنع نفسها تبكي ... ليش أبكي ؟! شصاير ؟! ...... ما صاير شي بس تعبت .. تعبت .. ليش اللي يحب أكثر هو اللي ينوجع .. قلبها رهينته ماعاد بيدها ... انتبهت لصوت ورا : اسماء ؟! التفتت لسجى اللي فتحت عيونها بخوف وهي تشوف وجهها مب على بعضه وعيونها تلمع دموع : بسم الله شفيك ؟! وش جالسة هنا تسوين ؟! رجعت اسماء تطالع قدام : ............... عقدت سجى حواجبها .. جلست جمبها وقالت بخوف : اسوم فيك شي ؟! طالعت اسماء سجى ... شردت فيها وهي تستوعب بهاللحظة شغله وحده .. انا وسجى نشبه بعض .. اكيد إبتسام تشوفني زي نظرتي لها .. وأكيد هيثم يشوفني بزر ومزعجة زي فراس مايشوف سجى رجعت تطالع قدام وهي تحس بسخرية على حالها : ............... سجى هزتها : اسسمااء ! شتسوين هنا ؟! وقفت اسماء وهي تمشي سافهتها ... وهي تدور حول القاعة , تحس بوحده فضيعه .. اول مرة تحس بنفسها وحيـدة لهالدرجة محد يفهمها .. محد تقدر تكلمه ... رغم كل اللي حولـها تحس نفسها وحيده بجد .. هيثم انسان قاسي وصعب بالنسبة لها وبعمره ماراح ينجذب لها ... بهاللحظة صحت للواقع وكان الواقع قاسي وصادم *** إبتسـام :- عقدت حواجبها وهي تشوف يزيد بين الأطفال يلعب .. التفتت لأم نايف : خالتي .. مين جايب يزيد ؟! ام نايف : ليش مادريتي ؟! امه الثعلبه سافرت اجازة وجالس عندنا هالفترة .. إبتسام : شدعوه ينام عندكم وبيت أبوه موجود ؟! ام نايف : مدري عن نايف .. انا قلت اكيد انك معارضه إبتسام : لا خالتي الله يهداك .. اساسا ما ادري عن هالموضوع كله .. اتركيني اليوم أرجع معكم اخذ اغراضه ويجي معاي أم نايف : لا حبيبتي لاتضغطي على نفسك .. اتركيه عندنا ماشي حاله إبتسام : انا مصره خالتي .. وش بيقولون الناس بيقولون اكيد اني طاردته وما ادري ايش ! مو حلوه بحقي ولا حق نايف ولا حقكم ام نايف : اجل انتي روحي البيـت وانا برسلك شنطته مع السايق إبتسام : ان شاء الله وقفت إبتسام .. وهي تتوجه ناحية الأطفال الي يلعبون يزيد وقف عن اللعب واختفت ضحكته لما جلست عندهم بينما فهد ارتمى بحضنها : إبتسااااااااااااااام ضمته ابتسام : هلا فهاده .. هلا عيوني فهد اللي مازال متعلق برقبتها : يذيد هذي ذوذة نايف ابتسام : ههههههههههههههههههههه ذوذة أجل ! " طالعت يزيد بحنية " كيفك يزيد ؟! يزيد طالع فهد : فهود يله نلعب ابتسام حصلت حيلتها : فهودي تجي تنام عندي اليوم ؟! يزيد طارت عيونه .. ًصديقه بينام بمكان ثاني وبيتركه : ...................... فهد بحماس : اييييييييييييييييييه ! ابتسام : خلاص حبيبي انا بقول لماما تنام عندي اليوم .." طالعت يزيد " هاه يزيد تجي تنام عند بابا اليوم مع فهد ؟! يزيد هز راسه بمعنى " ايه " وخدوده مورده حيا من الانثى الغريبة .. باست ابتسام خد فهد : يله بروح اقول لماما .. روحو العبوا اللحين مسكت جوالها وبنيتها تدق .. لكن قررت تكتفي برسالة " اليوم يزيد بينام عندنا ! خلك بالبيت " ودخلت جوالها شنطتها وتوجهت لجلسة البنات حول ميهاف ... ابتسمت لها ميهاف : إبتساااام ! تذكرين ليلة الحنا حقتك إبتسام : ههههههه شلون انساها ؟! ايه اذكرها وداد بخبث : تذكرين وش قلتي فيها ؟! إبتسام عقدت حواجبها مو فاهمه : ................. ميهاف تكمل : قلتي بعد فترة من زواجي بتحنا باماكن خاصة ! ابتسام فتحت عيونها وحمرت : انا قلته !؟ الكل : اييييييه وكلنا شهود ! إبتسام فعلا ماتذكر انها قالت شي كذا : مستحيل ! وين اسوم هي اللي تشهد بالحق مو انتو الخونه سجى بضيق : صح بنات .. احد منكم شاف اسماء ؟ ميهاف : لا لي فترة ماشفتها الدبه ! وينها ؟ سجى : تخيلو برا .. كلمتها بس شكلها متضايقه مرة ميهاف انقرصت : شتسوي برا ؟! .. هي فعلا اليوم كنها مو اسماء ضايقة ومكشرة ومعصبة التفتت ميهاف للحناية : معليش توقفين شوي وداد : لا ميهاف كملي وحده منا بتروح تشوفها ... سجى روحي سجى : لا والله ! رحت ماعرفت اكلمها وداد : وانا ماراح اقدر اكلمها .. بعمري ماشفتها بهالحالة بتستحي مني حتى إبتسام : طيب قولوا لأمها تروح تشوفها .. ميهاف : صح سجو قولي لخالتي تروح تشوفها برا .. عـــند اسماء : - ضاغطه بيدها على راسها .. ويدها الثانية ماسكه الجوال واصابعها ترتجف فيه رمت الجوال بكل قوتها حتى تهشم على الأرض وتغطي وجهها بيديها الثنتين .. كلش هنا ضيق الهوا ضيق تنفسها ضيق .. وقفت بسرعة وهي تدخل وتسحب عبايتها وتطـــلع وتلبسها ماتقدر تجلس هنا ثانية اكثر ...... الدنيا ضايقة فيها : اسماء ! التفتت اسماء لأمها اللي كانت تطالعها بخوف وهي فاتحة عيونها : وين ؟! ليش لابسه عبايتك ! وش بتسوين انتي ؟! اسماء وهي ترتجف : مدري ..." كملت وهي تصرخ " مدري مدري مدري مدري ام فراس مسكت قلبها بخوف وهي تقرب منها وتعوذها : اعوذ بكلمات الله التامات من شر ماخلق ... " حطت يدها على جبينها " تعبانة فيك شي ؟! اسماء اشرت لقلبها : هنا يمـه ... هنا ! تعبت والله تعبت ام فراس ضمتها لصدرها : بسم الله عليك الرحمن الرحيم ... قل اعوذ برب الفلق ! لا تخوفيني عليك يا اسماء مو ناقصني خوف انا .... شفيك تكلمي ؟! اسماء وهي تدفن وجهها بصدر امها : مدري .. مو عارفه شصاير فيني .. احسني جالسة اموت ام فراس حاوطتها وجلستها على درجات المدخل : لا حول ولا قوة الا بالله .. خلك هنا اصبري مسكت جوالها تدق على فراس .. لكن تراجعت فراس مو المناسب لنكسات المراهقة بيزيد الطين بله دقت على بدر : الو بدر : هلا يمه ام فراس : بدر يمه تعال القاعة .. اختك تعبانه ابيك توصلها البيت بدر : ياسمين ؟ ماتشالت للحين ام فراس تنهدت : مو ياسمين .. ( ابعدت من اسماء خطوتين اللي كانت جالسة وضامه ذراعها لصدرها ومنزله راسها ) اسماء مدري وش صار لها هالشهر كله مو معجبتني حالتها وشكلها اليوم انفجرت بدر بخوف : شفيها يعني ؟! اوديها المستشفى طيب ام فراس : ايه مر بها دكتور يشوفها ... يله ننتظرك بدر : ماراح اطول مسافة الطريق .. خلها تجهز بس سكرت أم فراس السماعة وتوجهت لاسماء : يمه حاكيني احد مضايقك ؟! صاير معك شي ؟! : شصاير يا ام فراس التفتت ام فراس لام عبد المجيد واشرت لها بيدها تتركهم .. تراجعت ام عبد المجيد خصوصا شكل اسماء تعبانه بجد .. اسماء هزت راسها بقلة حيلة : ............. ظلت أم فراس معـها .. ورغم كل محاولاتها تعرف شفيها ماتكلمت .. دق جوال ام فراس " بدر " : هلا ... يله بتطلع لك اللحين " سكرت السماعة " يمه بدر برا .. اركبي معه هزت راسها وهي تلف طرحتها وتمشي بثقل وهي تطلع .. ركبت السيارة بصمت طالعها بدر بتفحص : شفيك !؟ اسماء : مافيني شي ........ بدر : ماراح اتحرك لحد ماتتكلمين ! شفيك وش صاير !؟ هالشهر كله وانتي مبهذلتنا اسماء : وجعي ! مايوجع غيري فليش احكي به ؟! بدر رفع حواجبه وهو يحرك سيارته : تمام ! بس اذا مايوجع غيرك لعد تبهذلين اللي حولك ! اسماء سندت راسها على يدهـا وهي تطالع الطريق .....وهي شاردة بالسيارات والناس : ....... : انزلي ! انتبهت للمكان .. موديها لسبب مرضها ؟! !! التفت له : شنسوي هنا ؟! بدر : المريضين يروحون للمستشفى .. ! اسماء : ماحنزل ! مافيني شي .. ودني البيت ! بدر : اسماء لاتفتريني انزلي نشوف شفيك ؟! اسماء : مـــابي .. بتوديني البيت ولا نزلت اخذ تاكسي بدر تنهد ومسك يدها بحنية : اسوم قلبي .. شناقصك انتي ؟ ادخلي لو بس عشاني ريحيني اسماء وعيونها دموع : بدر تكفى مابي .. بروح البيت .. مافيني شي صدق والله بدر تنهد بحيرة .. مسح دمعتها بطرف اصبعه : وليه الدموع دلوعتي ؟ اسماء : مابي المستشفى .. ودني بيتنا بدر : خلاص برجعك بس وقفي هالدموع مسحت دموعها وطالعته بمعنى " خلاص " ..حرك بدر سيــارته حتى وصل للبيت نزل مباشرة وفتح لها الباب نزلت اسماء ... بدر : اسماء .. انا بتركك الحين روحي ارتاحي .. بس بعدين لازم تقولين لي شفيك هزت راسها وهي تدخل البيت الهادي الساكن .. سحبت رجلها لفوق حتى وصلت غرفتها جلست بتعب على سريرها فتحت درجها وهي تطلع دفترها المشبع بمشاعرها وكتاباتها .. : لو شفت شلون كان إنكساري ماظنتي تقدر عن عيوني تروح لكن حسافة منت بالحال داري تضحك مع العالم وأنا كلي جروح ياروح روحي يابرودي وناري ياروح روحي مابعد غيبتك روح انسل بين طيات الدفتر صورتــه .. تناولتها من الأرض وطعناتها تزيد وهي تشوف لمحته الجديـه ..استلقت بجسمها ودموعها تاخذ مجاريها .. لازم تلقى حـل ! لمتى بتظل وراه وهو مو داري .. وبالأخير بتاخذ غيرها مكانها .. *** عقد حواجبه وهو يطالع رسالتها ... ضغط على الجوال بعصبية وقال بتمتمة : اقسم بالله ان هالمره بتـ .. : مالك يافندم ؟! تنهد وهو يطالع الدكتور : بالله دكتور واللي يرحم والديك اعجل علي ابي اطلع الدكتور : مائدرش اصرف لك الدواء دغري كذا نايف : راسي بينفجر .. ماعادت الحبوب اللي عندي تهديه بالعكس تزيد الضغط احس عصب براسي بينشل الدكتور هز راسه : واللهي مش عارف .. يعني كدا بتكون وصلت أعلى معيار نايف : ما أهتم ! هات اللي عندك دامه بيسكت الدكتور : المره دي راح اديك اعشاب .. اعملها مع الشاي وان شاء الله بتدعي لي نايف بقلة صبر : مابي اعشاب ! مابي أي زفت ! عطني حبوب مو فاضي لشاهي انا الدكتور تنهد : حاضر .. بس لازم توقع انها ع مسؤوليتك نايف : بوقع بس هات استلم الأوراق ووقع وهو ينزل للصيدلية ياخذ حبـوبه ... طالع سيارته الواقفه قدام المستشفى تنهد مافيه حيل يسوق تجاهلها ووقف له تاكسي .. وصل البيت دخل وهو ينتبه للمساتها ... بجلسة الحديقة مجـلتها سحب رجله لداخل دون يشغل أي اضاءة , بلع حبتين دون حتى مويه واستلقى .. يحس حتى نظره مشوش غمض عيونه بقوة وهو يجبر نفسه يسترخي *** دخـلت إبتسام البيت ومعها فهد ويزيد .. يزيد وقف : بابا موجود ؟! انحرجت ابتسام .. سيارته مب برا اكيد ماجا : لا حبيبي لسى بيجي اكيد .. تبغى تكلمه ؟! هز يزيد راسه بايه ... ابتسام ابتسمت : خلاص اجل ندخل ونرتاح ثم تكلمه .. يله ياحلوين دخلت ابتسام البيت .. شغلت الأنوار فتحت عيونها وهي تشوف نايف اللي كشر وقال بإنزعاااج : سككككرووا الننور ! ركض يزيد : بااااباااا جلس نايف وهو معبس من الإضاءة ... طالع يزيد وقال دون نفس : هلا طالع فهد وعقد حواجبه : وش جابك بعد انت ؟! فهد وهو يوقف جمب ابتسام ويمد لسانه : إبتثام تبيني نايف طالع إبتسام ... طالعه تفتن بالأحمر على شفايفها المقسومة .. اول مرة يشوفها بمكياج كذا قال بهدوء : شخبار العزيمة ؟ إبتسام هزت راسها : تمام ... تنهد نايف وهو يسند ظهره ويطالع يزيد وفهد : وهالنشب ليش جايبتهم ؟! وين بتحطينهم اللحين ؟! إبتسام وهي تصعد : اذا ما اسعهم البيت تاسعهم عيوني فرك شعره بإرهاق وهو يطالعهم واقفين ويطالعونه : شأسوي بكم اللحين !؟ يزيد : بطن يزيد جويع فهد مسك بطنه بحركه طفولية : وبطن فهد بعد ! نايف : راجعين من عزيمة كلها اكل وتو جويعين ؟! هذا اللي حطكم براميل يزيد : بابا وين ماما ؟ نايف تنهـد : وش تبون تاكلون ؟! فهد : أبي مكرونه إبتســـام :- لبست بجامتها النـــاعمة الليمونية ... حست بضجة تحت واصواتهم ترتفع عقدت حواجبها ونزلت استغربت الاصوات طالعه من المطبخ قبل تمشي ناحية المطبخ وقفت وهي تشوف الحبوب اللي على الطاولة .. مسكتها وهي تقرا العنوان " لعلاج الصداع النصفي ؟ " عقدت حواجبها ! معقولة نــايف ؟!! .. كانت هيئته مرهقة لما دخلوا بجد .. تركت العلبة وهي تدخل المطــبخ كان نايف واقف بطولة الفارع قدام الفرن ويزيد وفهد جالسين على الطاولة جمب الفرن يتابعون خطوات الطبخ ... طالع شكله يفتن ببنطاله القطني الرمادي وبلوزته السوداء الضيقه وشعره البني المبعثر بتجعيداته وبشرته السمراء ... كان فــاتن وهو يستلم المقلاه بيده ويطالع كتاب الطبخ جمبه .. ويزيد يصفق بطفولة مستانس : باااباا تعرف تطبخ ؟! نايف : شوفوا وش بيطلع معي .. لو يطلع السم بتاكلونه غصب عنكم ابتسمت ابتسام لاتلقائي من محادثاته معهم ... مشت ناحيتهم حتى صارت جمبه وهي تطل على القلاية : شتسوي لهم ؟ نايف انتبه لها ... : انا نفسي مو عارف وش هاللي جالس اسويه ؟! ابتسام : طيب ليش ماقلت لي اسويه وبس ؟ نايف وهو يشيح بنظره للمقلاه ويحركها : ماني في وضع اقدر اقولك فيه شي .. سكتت لفترة .. بعدها طالعت الكتاب وتوجهت للثلاجة تطلع المكونات وتقطع وهي تكمل معه الطبخه بصمت : ...... بعد فترة جهز الأكل .. وجلسوا بالصالة عشان ياكلون : .... فهد نطق بتذمر بعد ماذاق اللحمة اللي طبخها نايف : اااااااااعععععع طعمها يع نايف فتح عيونه : بجد ؟! يزيد اللي جرب وعبس : مملللحح إبتسام : ههههههههههههه معليش أكلوا الرز طيب فهد بهم : نايف ماتعلف تسوي شي نايف وقف : هذا جزا اللي يعطيك وجه يالفصعه ... اقول قم بس ارجعك البيت شتسوي ببيتي ؟! فهد حاوط ابتسام من خصرها : ماااااااااااااااااااااااا بي لااا نايف وهو يتوجه له : ع بالك بتشفع لك ؟! فهد تعلق بقوة .. ونايف انحنى لهم وهو يسحبه .. ابتسام : ههههههههههههههههههه خصصري فهود بشويش وقف يزيد بفزعه لأبوه وهو يسحب فهد .. وابتسام محاوطته : خلاااص سامحه هالمره عشاني افلته نايف وقال بتهديد : هالمرة بس ! وتبيني اسامحك اكل اللحمة كلها فهد فتح عيونه بكرب : كلها ؟! إبتسام : حرام عليك تبي تسممه ؟ نايف : خل يتسمم ملعون الخير مقلقني بجوعه واخرها يذم بعد إبتسام همست باذن فهد .. عقبها طالع نايف ببراءة : آثف .. آخر مره نايف رفع حاجبه : اكيــد ؟! فهد هز راسه مباشرة : ............ هز راسه ومشى ناحية الدرج .. قبل يصعد التفت : فين بينامون ؟! إبتسام وهي تاشر لغرفة غادة وتحاول تكون طبيعية : هنا .. جاهزة باثاثها .. هز نايف راسه وصعــد لغرفته ... بعـد ساعة دخلت الغرفة وبيدها صينية حطتها على جمب , كان جالس وبحضنه كتاب يقرا .. انتبه لها وهي تشتغل بالصينية .. مشت ناحيته حتى صارت واقفة قدامه عقد حواجبه : شهذا ؟! إبتسام : تو بتقرا ولا خلصت ؟! نايف استغرب : فيه شي مهم ؟! إبتسام : لا خذ راحـتك بعد ماتخلص قولي .. سكر الكتاب وطالعها : خلصت .. قـولي وقفت ورا كرسي ومسكت راسه واسندته حتى يسترخي نايف جته قشعريرة من لمستها لناعمة .. ضغطت باصابعها جبهته من اليمين واليسار وهي تحركها بهدوء في حركه دائرية قالت بنعومة وصوت حنون رغم برودها : غمض عيونك واسترخي قد ماتقدر نايف اللي كان يطالعها وهي تدلك راسه بحركه ناعمه .. ويحس اعصابه ترتاح : شجالسه تسوين ؟ إبتسام : شفت الحبــوب .. كالعادة ماتقدر تقولي مباشرة لازم اكتشف بنفسي أي شي يخصك نايف ابتسم : هذي عقوبتي الظاهر .. فرصتك تقولين أحسن إبتسام : أحســن .. تستاهل اكثر نايف تنهد وهو يمسك يدها : وقفي إبتسـام .. انا لو أبي منك خدمه طلبتها إبتسام : اترك يــدي .. مو عارفه اكمل شغلي تقدم بجلسته : لا تكمليه .. ماني موافق على كلمتك مابينا غير المسؤولية .. " التفت لها " أنا يا أبيك كلك يا ما أبيك ! مسكت كتوفه ورجعته يتسند غصب وهي ترجع تدلك وقالت بحده : ما أظنك في وضع يسمح لك تتشرط كمان ؟! اتركني ارضي هالضمير الغبي اللي فيني وعقبها بأروح استسلم نايف وهي تدلك جبينه .. بعد فترة صمت قال : ليش انتي كاملة بكلش .؟ اعجز ادور فيك عيب ما أحصل إبتسام : ماني كاملة .. ماعرفت تدور ولا كان حصلت .. مافيه احد كويس بكلش .. ومافيه احد سيء بكلش .. " كملت بهم " حتــى انت .. احتفظ بصمته .. وهو يترك نفسه يسترخي بين يديها حتى انتهت .. تحركت ناحية الصينية وحطتها قدامه : النعناع بيساعدك تسترخي .. اشربه ونام ومشت لبرا ... نايف : فين ؟ إبتسام : مقدر اتركهم لحالهم تحت .. بنام عندهم هز راسه .. وهو يحس كذا اريح لها : ............... طلعت وهو ظل شارد بكاس النعنــاع قال بهم : ضميرك هالغبي صار يعذبني معاك .. كيف تبيني احقرك واكمل حياتي وانتي مو راضيه تروحين ؟ *** دقـوا الطبول .. دقوا الدفوف خلونا نسمع صفق الكفوف " ليلة الفــرح " تمشي بتوتر بين الأغراض .. صرخت بقهر : فيييييييييين الشنطة الصفراء مو محصلتها ؟! هزت أم نايف راسها : هذي هي قدام عينه ياعميه .. ميهاف : اوووه ما انتبهت .. طيب الكوشه وصلت ؟! جهزوها ؟ ام نايف : لا تو بدري ... ميهاف طالعت الساعه : كيف بدري ؟ انا قايله لهم 5 يكونوا هنا .. " مسكت جوالها " والله لا اغسل شراعه ام نايف : انتي شفيك هدي ارتاحي ميهاف : مدري يمه .. احس فيه شي بيخرب .. فيه شي مب زاين ابي كلش يصير بيرفكت ! أم نايف : ميهاف ! ابوك برا يله البسي عبايتك نوصل الفــندق بسرعة ميهاف بربكة : لحظه يمه واللي يعافيك بصعد اتاكد من شناطي وجايتكم هزت ام نايف راسها : انا طالعه ! وانتي اعجلي ولا رحنا وهملناك صعدت ميهاف ...وبعد ماتأكدت من كلش للمرة المــليون نزلت وركبت السيارة هز ابو نايف راسه : كل ذاه تلبسين عبايتك ! ميهاف : معليه حصل خيــر جلست تلتقط انفاسها من الفرفره ... مسكت جوالها وهي تدق على اسمـاء من امس تدق عليها تبي تتطمن عليها تنهدت بيأس ماترد : ............ *** بيت أبو فراس : - دخلت ام فراس غرفة اسماء ... كانت نايمة هزتها بهدوء : اسماء ! فتحت اسماء عيونها بكسل : ها يم ام فراس بصرامة : غسلي واجهك وانزلي ! انتظرك تحت وطلعت مباشرة ... جلست اسماء وهي تطالع الباب تنهدت وقامت تغسل وجهها بعدها نزلت كانت جالسة وجمبها بدر جلست : ................ نطقت ام فراس : كيفك اللحين ؟! اسماء : حمد الله .. شكلي توعكت شوي امس شبك بدر يدينه ببعض : شوفي اسوم ! معد بقى الا 5 ساعات على عرسي وتو ماتسبحت ولا تجهزت ولا طلبت الكيكه ولا سويت شي ! وجالس هنا لين تتكلمين شفيك .... واذا فاتني عرسي ترا منك اسماء : من جدكم ؟! بدر : بلاك ماشفتي عمرك امس ! خوفتينا ورجيتنا عليك !! ولا هي على اليوم وامس ... لك شهر وانتي كانك المجنونة ام فراس بهدوء : حنا خايفين عليك حبيبتي .. قولي شصاير معك ؟! بدر : وترا فراس فالطريق .. قسم بالله لو ماتتكلمي قبل مايجي لاحطه قدام الموضوع وهو يتصرف معك اسماء عضت على شفتها .. ومالقت الا هالمخرج : منقهره وزعلانه ... بدر : من ايش ؟ اسماء : منقهره ان ميهاف بتتزوج قبلي وانا لا ... وزعلانة انك بتتزوج وتتركني بدر فتح عيونه : نعم ؟! اسماء : اففف بتنقدون علي انا عارفه .. بس هالموضوع فعلا ياثر فيني ليش هي تتزوج وانا لا وش ناقصني يعني ؟ طالع بدر وام فراس ببعض : ............................. انفتح باب البيت .. دخل فراس : سلام ! ام فراس : وعليكم السلام والرحمة فراس جلس وهو يطالع بدر مستغرب : شمجلسك هنا انت ؟ ماعندك نيه تتجهز ؟ بدر : إلا حاجز بالصالون ومتاخر عليهم .. " طالع اسماء " انا بسوي نفسي ماسمعت والله انتو يالبنات..." سكت لما ما حصل كلمة تشرح " اسماء نزلت راسها ( قلت نص الحقيقة .. ): ........................... ام فراس بجدية : يا يمه الحياة قسمة ونصيب ... " قست ملامحها " وبعدين كانك عجله على العرس ليش ما وافقتي على لؤي ؟ فراس مافهم : شالسالفة ؟ اسماء طارت عيونها بامها يعني اسكتي ... اخر شي تتمناه فراس يعرف هالامنية السطحيه .. ام فراس كانت منقهرة : المهبولة زعلانه عشان ميهاف تزوجت وهي لا ارتسمت على ملامحه اكبر تعابير السخرية والإستهزاء وهو ياشر لها: انتي تبين تتزوجين ؟ ..... اقول اكبر ياصغير اسماء ورد وجهها : مااااااقلت كذااا !! قلت زعلانه عشان بدر بيروح ! فراس طالعها بنص عين : يعني امي تكذب ؟! اسماء : لاا .. فهمت غلط بس فراس : والله ماغلط غيرك , صفي قلبك الوحده تستانس لصديقتها وانتي حاقده ! اسماء وقفت بقهر وهي تضرب برجلها : ماااااااااحقدت ! فراس : هجل وش معنى انك زعلانه ؟! اسماء : عشان بدر ! فراس وهو مستمتع بنرفزتها : ماتبغي اخوك يعني يتزوج وينبسط بحيـــاته .. حاسدته على فرحته اسماء تبي تنتقم : إلا مبسوطة .. وبستانس اكثر لزواجك ان شاء الله القريب ام فراس طالعتها بتهديد ... فراس بسخرية : ومن قالك بتفرحين بزواجي ؟! ما اذكرني خاطب( ن ) احد اسماء ابتسمت : ليييييش ماتدري بمخططات امي العظيمة لك ؟! امي خاطبه لك سجى بنت عمتي الله يوفقكم يارب فراس عقد حـواجبه وقال بتمهيد : نعــم ؟ ام فراس نطقت بسرعة : خل منك اسماء تهذري ماتدري وش تقــول .. قاطعها فراس : مافيه دخان من غير نار ! وش طابخين من وراي انتي وعمتي ؟! ام فراس : ايه وش فيها .. اعرس وريح قلبي هذي امنيتي حرام فيني تحققها لي فراس : يعـــــــني صـــدق ؟! ام فراس باستسلام : ايه صدق .. اسماء : وسجى ياقلبي مبسوطة تطامر بين العالم تعلمهم ان فراس الشمري خاطبها فراس هنا وصلت معه .. قال بحده : انقشعي فوق ! صعدت اسماء مباشرة وهي تحس بندم .. شكلها بلحظة تهور نست ان فراس لاعصب محد يقربه : ........... فراس التفت لأمه وهو ضاغط بيده على يد الكرسي حتى بانت عروقه : وش هاللي سمعـــته ؟! ام فراس : انا خطبت لك سجى بنت عمتك .. فراس : وبأمر من ؟! وبشور من ؟ وبرآي من .؟ وعلى أي اســـاس ! ام فراس : بامري وبشوري وبرايي .. انا تعبت وانا اشوفك بهالحاله اقل شي لاسافرت معك حرمه تردك عن الحرام فراس ماقاوم ارتفع صوته : وش حــــالته ؟! مريض لاسمح الله فيني بلا ! ماني بنظرك رجال عاقل يشيل المسؤولية ؟ ام فراس : ماقلت كذا .. بس انا من حقي افرح فيك فراس نفخ : رجعـــــية وبدائية ! محد يفرح بغير الزواج .. اللحين اللحين بهاللحظة اقدر اعطيك مليون سبب تفرحين فيها دون تنكدين حيــاتي وتنزلين مقامي بنظر العالم ام فراس : انا نزلت بمقامك ؟! عشان خطبت لك بنت عالم وناس ! فراس شد على قبضته وهو ينتبه لنفسه .. تنهد : اعوذ بالله من الشيطان .. سكت لوهله بعدها وقف وقال بهدوء : بإختصـار ومن الآخر ... اسلوب لوي الذراع هذا مايمشي معي ومشى طالع ... ام فراس : من عقلك هالحكي ؟! والبنت واهلها خلاص عطيتهم كلمة فراس التفت بطرف عيونه : مو قلت لك انك تبغين تلوين ذراعي ؟ ادعي ربك مايجي واحد من اهلها يتفلسف فوق راسي ماراح يصير طيب فاحسن لك تكلمينهم وتحطين نهاية لهالصداع ! و طراااااااااااااااخ سكر الباب بأقوى ماعنده ... ام فراس انقهرت التفتت للدرج بعصبية وهي تتوجه لفوق وناوية عليها : اسمااااااااااااااء ! *** إبتســـام :- صحت من النوم أثر اصوات الإزعاج طالعت الساعة 5 العصر .. اوفف نامت كل هذا ... انتبهت لفراش يزيد وفهد فارغ وجوالها يدق " ام نايف " تحنحنت تعدل صوتها وردت : هلا خالتي ام نايف : هلا عيــوني .. شخبارك مع هالبزارين ؟ إبتسام : هههههههههه تمام حمد الله .. ام نايف : والله ماودي انك خذيتي فهد بيقلقك بس انتي عندتي ابتسام : شفيك خالتي غريبة انا ؟! حمد الله ونسنا امس ام نايف : وشهو يسوي اللحين ؟ ابتسام طلعت من الغرفة : والله تو صحيت وشكلهم صاحين قبلي .. بروح ا " شهقه " ام نايف : شفيييييييك ؟! ابتسام فتحت عيونها وهي تشوفهم بالحديقة ونايف معه خرطوم الماء وبالبرمود والبلوزة العلاق الماسكه عليه من اثر الموية وشعره مبتل تماما بالماء بشكل جذاب وهو يضحك .. ويزيد وفهد ماعليهم غير صروال داخلي ومبللين بالموية ويتراكضون ونايف يرش عليهم صرخت باعلى صوتها : ناااااااااااااااااااااااي ف !!! ام نايف وهي تسمع الإزعاج : إبتسام معي انتي ؟! صرخت وهي تركض داخل لما رش الموية عليها ... ام نايف بقلة صبر : ابتسااااااام ! ابتسام : اكلمك بعدين خالتي .. بروح اشوف هالمجنون ولدك ما امداها تتكلم سكرت ابتسام السماعة وهي تسحب فوطتين وتطلع وتمد اصبعها بتهديد : جرب ترش هنا بس ! " التفتت ليزيد وفهد " وانتو تبغون تمرضون ؟! تعالو هنااااه نايف افلت الخرطوم ومشى ناحيتها .. وهو يأشر ليزيد وفهد : تعااالو صدق لاتمرضون ابتسام التفتت له ويدها على خصرها : لا والله ! تو تدري انهم بيمرضون انت اصلن ...... مامداها تكمل وهو يشيلها بين ذراعيه ويمشي بها برا ناحية الزرع والخرطوم ويرشه عليها : ناااااااااااااااااااااااي ف !! نايف وهو مثبتها وهي منسدحه ويرش عليها وميت ضحك : ههههههههههههههههههههههههه ههههههههه اجتمعو يزيد وفهد وهو يصفقون : ههههههههههههههههههه ابتثام ثبحت ابتسام دفرته من صدره وسحبت الخرطوم وهي توجهه ناحيته : ياااااااااامجنون يا أهبل نايف ماكان يقاوم الموية .. اتجه ناحيتها باندفاع رغم ان الموية مصوبه على وجهه حتى وصل قدامها مباشرة وهو يضحك : هههههههههههههههه للأمانة انا ماعزمتهم ! طلعت اسقي الزرع جو يبغون يسبحون وانا وافقت ابتسام : وافقت ؟! هم بزران ماعليهم شرهه .. انت يالكبير مفروض قلت لا ! نايف هز كتوفه : وليش اقول لا خل ينبسطون ابتسام : حرام عليك بيمرضون ! فهد بدفاع : لااااااااا مانمرض نبي نلعب ابتسام مشت ناحية الصنبور وسكرته : مافيه ! قدامي داخل انشفكم قبل تمرضون اللحين صدق .. ثم ماتحضرون زواج اليوم نايف : وانا مين ينشفني ؟! ابتسام بقهر : نشف نفسك ! ودخلت لداخل مع البزران وهي تحط المناشف فوق راسهم وتبدا مهمة العـلاج ... اما نايف صعد لفوق وهو ينشف نفسه ثم نـــزل تحت دخل الغرفة عليهم وهم قدامها وهي تمشط شعورهم : اقول ابتسام الساعة 7 متى ناوية تروحين ؟ إبتسام طالعته بقهر : اسال نفسك ! مفروض اكون عند الكوفيرا اللحين ! نايف : طيب ليش معصبة ؟ انا شدخلني اذا انتي طولتي بالنوم إبتسام هزت راسها وهي ترش عطر عليهم بعد ماكشختهم كلهم بالثياب : اجلسوا بالصالة بأدب .. لحد ما اخلص نايف برواقة : اصير لك كوفيرا ؟! ابتسام : اتركني بس بحالي خل اخلص ... بتنتبه بعد للبزران ولا بتسبحهم بعد ؟! نايف وهو يعدل شماغه : لا مقدر اجلس عندهم .. لازم اروح لبدر اللحين متأخر عليه ابتسام كملت طريقها لفوق : مايعتمد عليك اصلن في شي ! اما نايف طــلع وجواله يدق رد : نعم نعم يالغثه ! خلاص بجيك يخي فكني من اتصالاتك شوي ............ ايه بالطريق اللحين ...... ههههههههههههههههه زين زين ........ قوله يلزم العافيه بس *** بيت أبــو نايف :- نزل لؤي بعد ما كمل اناقته بالثوب قابله ابو نايف : هلا والله ! لؤي : امي وميهاف راحوا ؟ ابو نايف : ايه ... ونايف سبقنا هناك باقي حنا لؤي : يله تفضل أبو نايف : قبـل نروح .. ابكلمك لؤي : اللحين ؟! ابو نايف : ايه ... انا وضعك ماعاد اتحمله ... لمتى ناوي تضل على هالحال ؟ لؤي : آي حال ... مو انت تبيني بالرياض هذا انا بالرياض ابو نايف : انا ماتركت شي ماسويته عشنا ابسطك انت واخوك .. سيارات شريت لكم احسن سيارات مناصب ؟ عطيتكم احسن مناصب .. اراضي ؟ ما تركت بخاطركم شي ! وعقب كل هذا تقابلني بجحدان لؤي بهدوء : جزاك الله خير وما قصرت .. على اني ما اوافق على كلامكم هذا ينطبق على نايف مو علي .. انا مسكت وظيفتي من كنت بالجامعة ومن تعبي الخاص طلعت قيمة كل اللي ذكرته .. بس برضوا اقول شكرا ! بالنسبه لانك سويت كل هذا عشان انبسط ... صح انبسطت على السيارة يوم يومين .. وعلى الفلل يوم يومين .. بس عشان اكون مبسوط على طول لازم ينعاد ولادتي بمكان ثاني أبو نايف والكلمه زعلته .. : عقب كل اللي سويته بس عشان مصلحتك وعشان تعيش مرتاح .. صرت ازعجك ؟ ماعاد تبيني تبي تفارقنا ...؟ لؤي : مصلحتي ؟ .... قصدك مصلحتك ! دراستي طموحي ماكانوا بمصلحتك عشان كذا رفضتها !!! لو انت تهتم بمصلحتي ما اجبرتني اشتغل عندك اتركني اشتغل باللي ابغى وادرس اللي ابغى ابو نايف هز راسه : اشهد اني ماعرفت اربيك سكت لؤي :........................... مشى ابو نايف طالع ... اما لؤي تنهد وجلس جروحه اعمق من اللي يعتقدها .. بحياته ماتمنى شي وحصله كل اللي بخاطره ينلغى ويوافق ويخضع .. بس امنيته هالمرة أكبر من انه يتخلى عنها .. تنهد بضيق وهو يحس نفسه ميت محتاج قربها .. لازم يلقى طريقه يطلع من كل هذا *** غـــادة : - تاففت بملل .. رنيم نايمة وهي ملت من مقابل التلفزيون سكرت التلفزيون وطلعت برا الملحق طالعت الفيلا الرئيسية بفضول مشت ناحيتها وهي تفتح الباب مقفول .. تاففت وهي تبعد من الفيلا وتمشي بانحاء المكان تتفحص انتبهت لموقف سيارات ورا الفيلا مافيه غير سيارة وحده .. سيارة سباق باللون الأسود مشت ناحيتها تتفحصها : واااه تجلط اول مرة اشوف وحده حقيقية فتحت السيارة ,, عقدت حواجبها مستغربة لما انفتحت توقعتها مقفلة انتبهت لصورة في تعليقة بالسيارة مسكتها كان شاب وسيم ... قمة الوسامة بلمحة العروبة المتجسدة فيه : من هــذا ؟ هذا الفايمس بدر ... لاتكون هذي سيارته فزت تطلع وتسكر السيارة لايجي اللحين احد وتروح فيها ... عقدت حواجبها ورجعت تدخل السيارة كان فيها مفتـاح , ابتسمت : مب ذكيين ! مكشوفه هذا مفتاح الفيلا اكيد توجهت للفيلا وهي تجرب المفتاح .. انفتحت لها الفيلا وكلش فيها مغطى بشراشف بيضاء عشان ماتتلف القطع الثمينة فيه .. انتبهت لأصوات سيارة برا شهقت وطلعت تركض وهي تقفل الفيلا وتوجه لملحقها قابلها بالطريق مسعود طالع من الملحق : فين كنتي ؟! غادة بلعت ريقها : كنت اتمشى ! زهقت من الملحق ورحت امشي شوي طالعها مسعود بنص عين : تتمشي بس ؟ غادة : ايه بس ... ودخلت بسرعة الملحق وهي تسكر الباب قبل تنكشف قدامه وتروح فيها *** أسمــــــاء : لأول مرة ماتتحفز لحضور ابتسام .. وماتتمنى تشوفها ! وخطتها عشان ماينقلب جوها زي امس ..تتجنب انها تجلس معها .. كانت امها تطالعها بحده للحين منقهره منها .. تنهدت بضيق وهي تطلع من القاعه وتصعد فوق لغرفة ميهاف ميهاف : خييييييير لابسه ابيض ؟! قاطه ! اسماء : لسانك وش طوله وانتي عروسة ! اخبر العرايس يستحن مالت بس ميهاف : هههههههه .. خليك هنا بلبس فستاني وبجيك جلست اسماء قدام المنظرة وهي تعدل مكياجها : اوك طلعت وهي ماسكه فستانها عشان تقدر تمشي .. : شــرايك ؟ اسماء ابتسمت بفرحة لصديقتها : وااااه ميهاف طالع خيــال ميهاف وهي تراقب نفسها ومكياجها بألوان مناسبة فستانها الفريد .. وشعرها الكاكو رافعته بتسريحة فوق : لازم اطلع خيـال .. اخوك مايعجبه أي شي اسماء : تصدقي ماتخيلت بيوم انك انتي وبدر لبعض ميهاف : وليش مو لابقين يعني ؟ اسماء : لا مو كـذا .. بس بدر يعني كان رافض فكرة الزواج العائلي ميهاف ابتسمت بنعومة : الله يكتب اللي فيه الخير أهم شي بالقــــاعة : - دخلت ابتسام و استقبلتها أم نايف : هلا والله اخيرا .. طولتي وينك ؟ ابتسام : اهم شي جيت .. شخبار العروسة ؟ ام نايف : بخير بس انتي تعالي وش صاير .. خضيتيني على السماعة ابتسام : لما طلعت ادورهم حصلت نايف جالس يسبحهم بالحديقة .. نشف دمي ! وهذا يزيد مزكوم ام نايف : نايف ؟ شرع وعادة .. لو تدرين وش سوا بيزيد هذا سوالف ابتسام : بس شي عن شي .. انتبهو لفهد بعد لايجيه شي ام نايف : لا بيستر ربي ان شاء الله .. وينهم هم ؟ ابتسام : مع نايف برا عند الرجال ام نايف : يله اجل ندخــل تفضلي مسكت طرف فستانهــا وهي تدخل وتسلم على الموجودين *** جالس بالنص بالمشلح الأسود .. والكشخة الكاملة بوسامته الملفته .. وجمبه فراس اللي كان مكشر وماله خلق ... بدر : انت افرد وجهك شوي .. الكل يطالعك فراس اللي كان يحدق بالموجودين .. انتبه لهيثم ولؤي جمب بعض التفت لبدر : من اللي جمب لؤي ؟ بدر طالع ناحيتهم : هذا هيثم .. نسيب نايف دكتور بمدينة الملك فهد الطبية فراس رفع حواجبه ( هذا أخوها .) ! , وقف بدر يسلم على ابو عبد المجيد وعبد المجيد وقف فراس وسلم على ابو عبد المجيد برسمية ... سلم عبد المجيد واختتم سلامه بـ : وعقبالك ان شاء الله رغم ان كل اللي سلموا عليه قالوا له هالكلمة .. لكن هنا غير قال بطبيعية : لااا انا مستحيل .. اتركني مرتاح كذا بشغلي عبد المجيد : واذا شيبت ؟! خلص الشغل خلاص .. فراس : وقتها باحتري الموت بهدوء لحالي عبد المجيد استغرب .. لكن ماحب يكثر حكي قرر يخليها بعدين ومشى : ........... *** دخلت أم فراس غرفة ميهـاف تسلم عليها ... اسماء اللي كانت هنا تهرب من نظرات امها سكتت وام فراس تقزها ثم تسلم على ميهاف : الف مبــروك ياعمري .. الله يجعلها فاتحة خير بحياتك يارب ميهاف : جعلك تسلمين خالتي ... طلعت ام فراس مباشرة ... التفت ميهاف لاسماء : شفيها امك تطالعك كذا ؟! اسماء حاست بفمها : متهاوشات ميهاف فتحت عيونها : وانتي ماخليتي احد ماتهاوشتي معه ؟! اسماء : بالله ميهاف اسكتي .. جايه هنا ابي اخلص من ذالحكي ميهاف بنبره جديه : أقول اسماء .. شصاير معك هالفترة ؟ منتي اسماء اللي اعرفها ؟ اسماء اللي مسترخية على الكرسي وحاطه رجل على رجل : العرس ضارب راسك .. ولا انا نفسي ماتغيرت ميهاف : باللهي ؟! يعني اسماء اللي اعرفها بيوم زواج بتجلس بغرفة بعيد عن الصجه .. بالعادة انتي طول العرس ترقصين اسماء طالعت بصديقتها لفتره ... اقولها ؟ يمكن ارتاح اذا تكلمت مع احد .... دخلت الغرفة وهاجموا البنات يسلمون على ميهاف .. صديقاتها واهلها اما اسماء كانت فعلا ضد الإزعاج هالفترة سحبت نفسها تطلع من الغرفة وتنزل تحت وتاخذ لها مكان على المقاعد بهدوء ... تنهدت بضيق وهي تطالع الكوشه .. واحلام طفولية تنرسم .. تتخيل لو الكوشة كوشتها وعروستها هي وعريسها هو .. : بو ! مسكت قلبها وهي تشهق .. التفت كانت ميسون " ميسون صديقة اسماء القديمه .. ايام الثانوي ولما دخلوا الجامعة انفصلوا بحكم التخصصات " : ميسوووون !! ضمتها ضمه حاره : هلا واللله بالحـــــــــلوة .... كيفك يامجنونة ؟ وحشششتيييني موت " كملت بصرقعة " وكيف خطيبي ان شاء الله للحين جالس يحتريني اسماء : هههههههههههههههه هو للحين جالس بس مدري يحتريك ولا يحتري العنوسة ميسون : لا ماعليك يحتريني يحتريني اسماء : والله انك غبيه احد يخق مع ذالمتعجرف فراس ! مالت عليك بس ميسون : حددددكك حددك ! كلش الا هو عاد ..تو شفته بمقابلته لأنجح شاب ياويل حالي بس يخرففن اسماء : هههههههههههههههه تبين اوجع قلبك ؟ ميسون : لا قلبي ماله حيل جروح اسماء : اقول شوفي قدام .. وحده لابسه فيروزي وشعرها قصير ميسون : ايه ايه اللي جالسه تضحك اسماء : ايييييييييييه .. هذي امي خاطبتها له ميسون فتحت عيونه : اماااانه ؟! على اساس مايبي يتزوج ؟ اسماء : ايه خاطبينها له من وراه ... ولما عرف سوا لهم سالفه ميسون طالعت المسرح بحماس والطق : قدامي خل نرقص هالرقصة اسماء : لا ميسون مالي خـاطر ارقص ميسون : امااا عاد القينه اسماء ماتبي ترقص ! وش جرى لك يختي لايكون كبرتي وعقلتي ؟ اسماء : لا يختي بس مالي خاطر ميسون : معقولة زواج اخوك وماراح ترقصين ! قومي بس بلا هبال اسماء : ماراح اقوم لا تقلقيني ميسون كشت عليها : مالت عليك بس .. شفيك لايكون معك الأخت وقافله بجوك ؟ انتبهت اسماء لامها تشر لها من بعيد : لحظه امي تبغاني مشت ناحية امها .. ام فراس : اسماء الله يرضى عليك بسرعة اركضي للديجي يشغلون الزفه صعدت للديجي تشغل الزفــة .. مجرد ما اشتغلت الأنغام دخلت ميهاف وسط نظرات الإعجاب كثير تمنوها .. جمالها مشهـود له بنظر الكل طاغية بتفاصيل انوثتها واليوم طالعه بأجمل رونقها .. ماكان الخجل تعبيرها كانت تمشي بباكيت الورد بيدها وتبتسم للموجودين حتى وصلت لكوشتها وجلست بأناقة : ... اسماء اللي كانت تطالع من نافذة الغرفة فوق عند الديـــجي : بو حصلتك ! التفتت لميسون : يمه وش جابك انتي ؟ ميسون : هههههههههههه ابيك يختي .. الا اقول حرمتكم ذي ماتستحي وراها فاتحه خشتها وتضحك اسماء : وش تبينها يعني تبكي ؟! ميسون : لا يختي بس تستحي شوي وش ذاه اسماء اكتفت بالصمت وهي تطالع ميهـاف .. المتكيفة مع الجو وفور وصول المصورة وقفت بنعومة وهي ماسكة فستانها وتوقف بوضعية تصوير وتاخذ صور تذكارية مع رفيقاتها .. ميسون : ماحتنزلي تصوري معاها ؟ اسماء اللي كان جالسة ومسندة وجهها على يدها : ما أحب اصور ! ميسون بجدية : اقول اسماء انتي صاير معك شي ؟ منتي على خبري تنهدت اسماء : شا أقول لك ميسون .. اتركيها بالقلب تجرح لا تطلع وتفضح ميسون : شفيييييك ؟! خوفتيني اسماء : مو وقته ... سكتت ميسون احترام للمكان والوقـــت ... بعد فترة دخـل بدر بطلته الفاتنه ونص الحضور معجبات لنجوميته وجمبه أبو نايف اللي توجه لبنته وباس راسها : الله يحفظك يا أبوك .. " التفت لبدر " تــرا ميهاف امانه وتراهي غالية ! بدر اللي ابتسم برضا لما شافها .. ماغلط لما اختارها : وانا قـدها ان شاء الله تقـدم ناحيتها وصافحها وسلم عليها بالخد : الف مبروك ياعمري .. تسلم لي هالطلة ابتسمت ميهاف بخدود موردة حتى بان فصها الألماسي : مـاعليك قصور جلس الثنـائي الوسيم بنظر الكل بالكوشة ..وأبو نايف طلع عشان يحتفل الكل صعدت ام فراس مباشرة تسلم عليهم .. بـدر : يمه فين اسوم مو شايفها ؟! ام فراس وهي تطالع بالموجودين المتغطين : مدري من وصيتها الديجي ماشفتها بدر طالع ياسمين : ياسمين ناديها لي الـتفت بدر لميهاف وهو يكحل عيونه بتأملـها .. رفعت ميهاف عيونها وابتسمت : خلصت تكحيل ؟! بدر : تـؤ .. والله لا أتملك من اليوم لآخر يوم بعمري ماشبعت ضحكت ضحكه خافته ممزوجه بحيـاء : بدر : فدا الضحكه وراعيتها صعدت اسماء المسرح حتى وصلت عندهم : مــبروك ! طالعـها بدر : اخيرا جيتي .. تتغلين ويا وجهك ؟ اسماء لمعت عيونها دموع .. اعز اخوانها لقلبها : .......... هذاي جيت .. نغزت ميهاف بدر .. وبدر فهم لما شاف وجه دلوعته الطفولي وعيونها تلمع مسك يدينها وهي واقفة قدامه : بلاها ميهاف وبلاه هالعرس كله اذا بيخليك كذا ضحكت وسط همها : ههههههه بجد ؟ اجل يله ننحاش ميهاف : هههههههه شفيك اسوم من جدك زعلانه عليه وانتي كل يوم تحشين فيه قدامي التفت بدر لميهاف وهو رافع حواجبه : بجد ؟! اسماء : وإذا ... حتى لو حشيت فيك اظل بفقدك .. وقف بدر وهو يضمها ويبوس راسها ويهمس باذنها : لو اعرس بدل الوحده اربع .. تضلين انتي دلوعتي ! خلاص اسوم بتضلين كذا اسماء مسحت دموعها وهي تسحب نفسها من حضنه وتبتسم : الله يهنيكم مسك يـدها وسط انغام الدف ورقص معها حتى تأكدت انها ضحكت وصارت احسن .. بعدها رجع لمكانه ابتسمت له ميهاف : زين سويت .. اول ضحكه تضحكها اليوم بدر تنهد : والله ماني مرتاح لحالتــها .. ميهاف ابتسمت وهي تشوف جانبه الأخوي .. رغم انتقادات الحضور للوضع بينهم من ضحك وبدر يمسح بيدها ويرفعها كل ثانية يبوسها .. إلا انهم ما اهتموا اليوم وقتهم يحتفلون بحبــهم .. *** الفـــندق : - مجرد مادخلوا الجناح هنا وضح عليها الإرتباك .. وهي تشد على فستانها بيدها .. اما بـدر رما المشلح اللي بيده على الكنب وجلس وياشر لها : اجلسي ارتاحي جلست ميهاف بكرسي بعيد عنه بمسافه معقولة : .......... بدر : وش شعـورك اللحين !؟ ميهاف رفعت عيونها الواسعه له : ... ماينوصف بدر ابتسم : مو مصدق اني جالس ابدا حياه جديده معك اللحين .. ميهاف بلعت ريقها : ........................ بدر : اهم شي عندي بهالزواج الإحترام والثناء والحب ... هالثلاثة بالذات ماراح ارضى بأي تقصير ناحيتها ميهاف : هالحكي ينطبق عليك كمان .. بدر : وانا ما عمري خليتها ولا راح اخلها ان شاء الله كان لميهاف راي ثاني بهالنقطة بس فضلت تسكت : ............... وقف بدر بثانية وسحبها له وهو يحاوط خصرها ويبتسم بنشوة : اما اللحين... # عيب # مشفر # رقابة # إذن ولي الأمر # أعقلو *** المجـــلس : - انتبه فراس لأبو عبد المجيد " زوج عمته " يجلس جمبه : هلا والله با أبو عبد المجيد .. كيف حالك ؟ ابو عبد المجيد اللي كان واضح في فمه كلام : هلا فيك .. حمد الله بخير جعلك بخير , كيف امورك هالفترة ؟ فراس : كلش تمــام حمد الله ابو عبد المجيد بتردد : والله يا أبو فهاد .. انا انتبهت لسلامك انت وعبد المجيد فراس : أيه ؟! و ......؟ ابو عبدالمجيد : مو حلوه بحقنا تقول هالحكي انك ماراح تتزوج .. حنا لنا مكانة والبعض سمعك واستغرب فراس قرر يمشي بالموجه اللي تعجبه : مكانتك محفوظه يا أبو عبد المجيد .. مو فاهم والله كيف اهنتك بأني ماراح اتزوج ؟! ابو عبدالمجيد حس انه يستغبي بجد : الوالدة تكلمت مع ام عبد المجيد ... وصار رسمي انك خاطب البنت والكل يدري فراس عقد حواجبه بضيق : وش هالحكي ؟! أول مرة اسمع فيه منك ... " اشر لنفسه " انا خاطب بنتك ؟ ابو عبدالمجيد حس موقفه محرج : ليش الوالدة ما قالت لك ؟ فراس : لا والله ما قالت لي ولا خذت شوري .. واول مرة اسمع بهالكلام هذا كله منك اللحين ! وانا موضح للكل اني ماراح اتزوج فاعذرني يا أبو عبد المجيد ابو عبدالمجيد : الموضوع ماعاد بيدك .. وش بنقول للناس ؟! تحملوا غلطتكم ولا حنا ماطقينا احد على يده وقلنا اخطب فراس : لا ترفع صوتك هذا اولا .. ثانيا مو انا اللي اكسر شي من قناعاتي عشان حرمه " كمل بتشديد " حتى لو كانت امي ! مو بهالموضوع .. ابو عبدالمجيد عصب بجد : وحنا وش بنقول للناس اللحين ؟! فراس : الصدق راحه .. انا ماغلطت ولا اتحمل أي مسؤولية ! وزواج ماني متزوج لابنتك ولا غيرها ابو عبدالمجيد حس اهانه بجد .. خصوصا والموضوع يتعلق ببنته كانه يرميها عليه : ...................... وقف ومشى بعيد عنه وهو بداخله يتوعد ام عبدالمجيد ... اما فراس ما اهتم مسك جواله يشوف الساعة 1 .. دخل جواله بجيبه وهو يطلع .. بطريقه وقفه صوت : فراس ! التفت للؤي اللي كان واقف مع هيثم عند المغاسل : على وين .؟! فراس : معد الا خير طالع لؤي : البيت ؟! فراس طالع هيثم وخطه خطرت براسه .. ابتسم : ماتعرفنا ؟! صافحه هيثم : معك هيثم مشعل .. نسيب نايف فراس : يا هـلا والله ومرحبا .. دكتور مو ؟! لؤي استغرب .. مو بعادته فراس يتكلم مع غريب بالعاده يحقر : ............ فراس : تشرفنا والله ... " التفت للؤي " انا طالع للفيلا تجي معي !؟ لؤي وهو ياشر لهيثم : مقدر اللحين متواعد مع هيثم فراس : حياك انت وهيثم .. لؤي التفت لهيثم : شرايك ؟ تجي .. تفوتك الفيلا ترا شي ثاني هيثم : ماعندي مانع قدام .. فراس وهو يمشي طالع : اجل انا سابقكم ركب سيارته وهو يراهن على ردات فعلها ... وصــل للفيلا وهو يشوف اوامره تنفذت وكلش جاهز توجه للملحق ودخل كانت مستلقيه بملل وهي تراقب رنيم اللي تلعب بانحاء المكان .. وقفت مباشرة لما شافته : ............ فراس تكتف وهو يسند جمبه على الباب : باقي لك يوم ترا .. ماودك تتكلمين ؟ غادة : مافيه شي اقوله ....... فراس اشر لرنيم براسه : سكتيها ومابي اسمع لكم حس .. عندي ضيوف برا مابي يحسون حتى بوجودكم هزت غادة راسها بصمت .. اما فراس طلع وهو يسكر الباب وراه ويحس بمخاطرة اللي يسويه .. دق جــواله رقم دولي .. ابتسم وهو يرد : Fainlly decide to show up ! : you have no idea who you playing with !! | ||||
|
| |
|
17-03-17, 05:02 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت السادس والعشرين " - الشخص الذي يغير رأيه اكثر من مره ليس منفصم شخصيا ! بل لآنه ,, ذا قلب أبيض وطيب ويغير رأيه حتى لآ يضايق أحد من حوله ؛ -احمد الشقيري \\ : يانعاس .. يانعاس .. دق رنومتي بالمصبـاح ترقد عني وعن الناس .. يانعاس . يانعاس .. دق رنومتي بالمصباح ترقد عني وعن الناس ابتسمت وهي تتأمل وجه بنتها الطفولي الغاط بالنوم ويدها الصغيره حاضنه اصبعها .. طبعت بوسه على خدها وهي تسحب اصبعها وتتركهـا تغط بالنوم .. سكرت الإضائة عشان ترتاح , طالعت الساعة 2 صباحا .. تنهدت : الله يصلحك يارنيم كل هذا سهر ! طالعت ستارة الغرفة بفضول ..: من معقوله يكونو ضيوفه .. اكيد من مجتمعه المخملي ! معقولة نايف يكون موجود .. لا لا وش هالرعب .. وقفت ناحيتها وهي تسحب الستارة : !!!!!!!!!!!!!!!!!!!!!! سكرتها مباشرة بفزع وهي تسكر فمها بيدها بصدمه .. مو معقــولة ؟! لا لا اكيد مو معقولة ! رجعت تفتح الستارة ويدها ترتجف ... جلسة أرضية مغربية بنص الحديقة .. وهذا فراس بغروره جالس وهو يسحب انفاس عميقة من تعسيلته المذهبه خصيصا له ! ... وشخص بعيون ناعسه متربع وهو المتحدث بالجلسة .... والصدمة !! هذا هو ماغيره .. عيونه الرمـادية الحادة وهدوئة المعتاد متكي على المركى وينصت بهدوء كعادته ... وش جابه !؟ وش جابه ؟! ....... شهقت الشهقة الأكبر وهي تطالع فراس وهو يرمي نافذتها بنظرة وكأنها تلمح طيف ابتسامه على ثغره .. لا لا مستحيل ! معقولة تكون مقصودة ! حست بلوعه وسط هذا كله ركضت للحمام وهي تفرغ كلش ببطنها .. بالجـــلسة : - هيثم بعد صمت طـويل نطق بصوته الهادي : الفيلا ملكك ؟ فراس ينتظره من أول يتكلم .. استغرب هدوئه الزايد : آيــه ملك .. تصميم الوالد الله يرحمه هيثم : الله يرحمـه .. شغل مرتب ما شاء الله لؤي ابتسم : تذكر فراس ايام الثانوي ؟! كنا على طول هنا .. ههههههه مجننين عمي فهاد الله يرحمه كان يقفلها احيان من البلاوي اللي سوينا هنا فراس : الله يرحمه .. دق جوال هيثم .. طالع المتصل ثم طالعهم : هذا المستشفى .. لازم امشي " طالع فراس " تشرفنا وفرصة أسعد ان شاء الله فراس : خلص فنجالك طيب هيثم : خيرك سابق يعطيك العافيه مستعجل رفع السماعة وهو يتوجه لبـرا .. وقف لؤي : يله انا بعد ماشي .. قاطعه فراس : اقول انت انثبر .. مطـولين انا وياك ! لؤي تنهـد وهو يتربع له فترة يتهرب من هالجلسة : هذاي جلست فراس : وش قاعد تسوي كل هالفترة بالرياض ؟! لؤي : ولا شي .. فراس : جالس بالبيت علة على قلب اهلك ؟! لؤي : فراس رجاء انت ماتدري وش صار بالضبط .. ابوي .. قاطعه فراس : لا تقعد تلوم احد لا أبوك ولا غيره ! هذا ذنبك .. اضحك على بدر ونايف وعبد المجيد تجي زيهم ! وش عذرك انك جالس عطالي بالكويت شهر كامل ! ... لا ومن الخيبة رايح تتزوج من ورا اهلك .. احمد ربك ان العلم ماوصلهم للحين لؤي بقهر : صدقني انا اكسل من اني ألوم أي شخص باللي يصير معي ... بس هذاك قلتها بعظمة لسانك انا متزوج فراس وراي مسؤولية تاركها هناك مالها غيري .. فراس : اللي يلبس التاج يتحمل وزنه .. ياما قلت لك ان المسوؤلية هذي اكبر منك وماسمعتني لؤي : مايغير هالكلام من الواقع شي ... هي مرتي وانا مسؤول عنها تاركها لحالها ما أدري وش احوالها اخاف ادق عليها جوالي مراقب .. ومقدر اسوي شي .. انقبض فراس وهو يشوف لؤي وعيونه حمراء وهو يتكلم عنها .... سكت لوهله وقال بهدوء : اذا انا فاهم شغلة وحده يالؤي فانا فاهم ان اذا راسك يابس فعمي راسه أيبس .. والمعاملة الطيبه تثمر انت اشتغل .. وريح باله وريح بال امك المسكينة ... لؤي : واذا عطيته اللي يبي كالعادة .. ورفض .. فراس : انا اقدر اتكلم مع عمي واقنعه .. بس مو وانت ميبس راسك كذا اشتغل فتره وقتها من عندي انا بجيبك الكويت لؤي : ................ أكيـد ؟! فراس : عقب هالعمر كله منتب واثق فيني يعني ؟! لؤي : لا مو قصدي .. بس صدقني فراس ماعاد اتحمل أي خذلان خصوصا فهالسالفة فراس تنهد : ان شاء الله خير ... بس من بكرة انت داوم لؤي : قـولتك .. ان شاء الله خير فراس : معسل ؟! لؤي : مايضر هالمرة جيب *** بيـــت نايف / رجعت من الــزواج مع يزيد .. وهي تتنهد بضيق ( الله يسامحك ياخالتي ماتركتي فهود يجي معنا ! ) نزلت طرحتها وهي تبتسم ليزيد : هاه يازوزو ننام اللحين ؟ يزيد طالعها بطرف عينه .. ثم تقدم لكنبة التلفزيون وجلس وهو يشغله ويتابع بصمت : ............... ابتسام : شتسوي يزيد الوقت متأخر .. اللحين النوم يزيد طالعها بطرف عينه ثم رجع يطالع التلفزيون : .............. ابتسام بقلة حيلة وقفت وهي تصعد لفوق ... مالها سلطة انها تجيه بصرامة تسكر التلفزيون ! طلعت جوالها من شنطتها ودقت مباشرة على نايف : ................................... تاففت وهي ترمي الجوال : وينه هذا بعد ؟! نزعت فستانها وجزمتها الكعب .. وبدلتها بلبس مريح بجـامة سماوية حرير مع روب طويل سماوي ربطته على خصرها وهي ترفع شعرها وتزيل مكياجها .. مسكت جوالها بمحاولة ثانية ... برضو مشغول ! : واللهي انك يانايف مهما حاول الواحد يمشي معاك مايقدر ! افف وينه ؟! سمعت صوت صاخب جدا .. عقدت حواجبها وهي تستوعب الصوت صادر من تحت نزلت تحت وهي تشوف التلفزيون مرتفع صوته لأعلى درجه .. ماكان كذا مع فهد كان لطيف .. وش فيه اللحين ؟! بس مو على كيفه يكسر راسي .. يكفي ابوه ! مشت بصرامة وهي تسحب الريموت وتطفيه نهائيا .. يزيد طالعها بتذمر : لييييه ؟! إبتسام بتعابير ونبره صارمة : لأنه وقت النوم ! يزيد : ماابي انام .. مابي انام ... ابي بابا إبتسام : بابا مشغول ! بيرجع وبتشوفه صبح ... اللحين الساعة 2 روح نام يزيد سعل بشكل متتابع .. تنهدت ابتسام : بكرة بابا ياخذك المستوصف يعطيك دواء .. تمام !؟ يزيد وعيونه تلمع دموع : ابي بابا اللحين .. إبتسام : قلت لك بكرة تشــوفه ! يزيد انكسر من نبرتها الصارمة .. وهو يسحب نفسه للغرفة مشت ابتسام وراه لكنه سكر الباب .. مالها خلق اللحين صعدت لفوق وهي تسمع جوالها يرن بالغرفة .. " نايف" ردت : بدري ! نايف : من عمرك .. وين انتي بالقصر ؟! ابتسام : لا رجعت .. أنت فين ؟! نايف : مع الشبــاب سهرانين ... ليه فيه شي !؟ ابتسام تنهدت : يزيد تعبان .. بكرة لازم تاخذه المستوصف نايف : شفيه سلامات ؟! ابتسام : لا والله متوقع ترشه بالموية اليوم .. ويرجع لك تمام ! لا والقهر الحريم يشوفونه اليوم تعبان ويطالعوني كأنوه ماتعب الا من جا عندي ! نايف : بالله ابتسام وش لك بكلام الناس ... لاتصيرين سطل كل من جاك عباك ابتسام فتحت عيونها : انا ســطل !؟ .. ايه ايش عليك الكلام مو عليك .. نايف تنهد : طيب انا شا أسوي اللحين !؟ خلاص بكرة بودي يزيد المستشفى . شي ثاني ؟ ابتسام بتردد : ليش سهران .. مو زين لراسك .. نايف كالعادة اهتمامها يداعب ارهف احاسيسه : .... خايفه علي ابتسام ؟ ابتسام : انا نعست .. بنام تصبح على خير نايف بنعومة : وانتي من اهله .. سكرت إبتسام السماعة وهي تتنهد .. نزلت تحت وهي تفتح باب غرفة يزيد بهدوء نايم .. دخلت وهي تعدل التكييف وتغطيه كويس ابتسمت وهي تبعد شعره عن جبينه .. تنهدت من قلبها وهي تطلع وتسكر الباب وراها *** " الله اكبر .. الله اكبر .. لا اله الا الله" تثــاوب لؤي من قلبه .. : والله هالسهرة هي اللي كنت محتاجها .. بس خلاص نعست ننام هنا ؟ فراس : لا الفيلا ماجهزوها ! لؤي : والله مافيني حيل اسوق .. بس يله وقف لؤي وهو يسحب شماغه على كتفه .. التفت لفراس اللي جالس : ماحتقوم ؟! فراس : روح انت .. بخلص شغلي وبجيك هز لؤي راسه وهو يــطلع .. اما فراس ابتسم وهو يتخيل ردات الفعل اللي ممكن تكون على وجهها , فتح باب الغرفة .. كانت جالسة على الكرسي أول مادخل رفعت عيونها له بنظرات حادة : .............. فراس : شفــيك معصبة ؟! لايكون اشتقتي للي برا ؟ فتحت غـادة عيونها .. مثل ماتوقعت حركته مقصودة نظراته كان واضحة : ..................... فراس انتظر تعليقها .. ماراح تثبت كلامه فاهم هالشي تماما احتدت نظرته : نزلي عيونك !! غادة وقفت بهدوء وسحبت نفسها للحمام : .... اما فراس ابتسم برضا .. اللحين صارت تعرف انه كابش من هي , سحب نفسه برا وهو يتوجه لسيـارته .. قريب بيرميها عند أهلها دام تأكد خلاص بس لازم يفكر بطريقه يطلع نفسه من السالفه أول .. *** اليــوم التالي .. الساعة 4 عصرا : - اسماء تتجـول بغرفتها والسماعة بأذنها : شنـو ؟! ميسون : ايه تعـالي خل نشوف بعض اسماء : لا مالي خلق اطلع برا البيت .. تعالي انتي ميسون تنهدت : لنا الله بجي انا .. أي وقت تمام ؟! اسماء : ايه انا موجوده عـلى طول .. بس ردي لي خبر اهم شي ميسون : خلاص الليلة ؟ " اسمممممااااااااااء .. اسمااااء " اسماء : يله انا لازم اسكر اللحين .. اشوفك سكرت السماعة وهي تطلع من غرفتها وتوقف على دربزين الدرج : ايييييوه ام فراس : ترا بدر ومرته بيمرون اللحين .. اجهزي اسماء تاففت : وش يبون جايينا !؟ ام فراس : بيته ! وبيجي يسلم قبل يسافر ! البسي من فم ساكت وانزلي اسماء رجعت لغرفتها بتذمر : معرسين مبسوطين حلو عن جوي طيب ! لازم تجون توروني حياتكم الوردية ! فتحت دولابها بكسل .. جذبت فستان حاز اعجابها بعدها كشرت : فراس هنا ماينفع بيسوي سالفه على الشورت ! سحبت أي قطعتين قدامها حستها مناسبه .. ودخلت تبدل / حاست بفمها وهي تشوف طلتها البسيطة جدا : افف زينه يحمدون ربهم اني غيرت بجامتي اصلن جلست قدام التسريحة وهي تلم شعرها الأشقر القصير بوني تيل ..تمكيجت بشكل معقول .. وسحبت جوالها دخلته جيب بنطالها من ورا .. وخذت ساعتها تلبسها وهي نازله .. طالعت بالصالة الفارغه تنهدت وهي ترتمي بجسمها وتشغل التلفاز والريموت بيدها وتمرر بين القــنوات بملل .. نزلت ام فراس بجلابيتها الأنيقة وبيدها البخور تبخر البيت .. عبست وهي تشوفها : وش لابسه انتي ؟! اسماء دون تلتفت : اللي يريحني ! ام فراس : الله يريحك وانا امك . . بس تراهي عروسه بتجيك كاشخة وانتي خلك بهالخلق اسماء : هي معرسه يحق لها تكشخ .. انا وش اكشخ له ؟! اكشخ لحياتي الرائعه وحظي اللي زي وجهي ! ام فراس عبست .. ثم لان وجهها لابتسامة وهي تشوف ياسمين تنزل بفستان ناعم بناتي.: ما شاء الله .. حتى البزر متلبسة ازين منك اسماء ماردت حتى : ............................ ياسمين جلست جمب اسماء .. وهي تطالعها بخوف تبي تقولها شي : اسماء اسماء دون نفس : نععم ! ياسمين : فيه برنامج اتابعه غيري التلفزيون اسماء : تشوفيني جالسه اتابع وتقولين غيري ! اقول اقلبي وجهك بس ياسمين يأست قدام مزاجية اسماء الفضيعة هاليومين .. رجعت الابتسامة تزين ثغرها وهي تسمع الجرس وتركض : بددددر جاااا اسماء طالعت ياسمين اللي تركض وتتبعها ام فراس وهي تمشي بعجلة بحقد : حمد الله كانهم اول مره يشوفون بدر ! بعد فــترة دخل بدر البيت بقامته الطويلة وطلته الرجولية بالثوب والغترة .. والإبتسامة مزينه ثغره وجمبه ميهاف بعبايتها وقامتها القصيره بالنسبه لطوله وتسلم على أم فراس ..: تسلمين تسلمين حبيبتي .. الله يسعدكم ويخليكم يارب اما ياسمين كانت بحماس تراقب .. وسلمت بخجل : مبـروك ميهاف : يبـارك فيك غلاتي التفت بدر يمين ويسـار : فين اسوم ما اشوفها ؟! ام فراس وملامحها عبست : بالصالة هناك تاركينها لحالها محد يقربها هي ومزاجها المكهرب بدر مد يده لميهاف : تعالي نشوفها ! ميهاف ابتسمت وهي تناوله يدها وتمشي وراه .. رفعت عيونها وهي تشوفهم وقالت ببرود : هلا .. بدر : قومي ياخايبة سلمي ! اسماء : آآآفف تو مسلمه عليكم كلكم امس .. طالع ميهاف وبدر ببعض ..بعدها تقدم بدر وجلس جمبها وهو يحاوط كتفها ويتابع معها : اقول اسماء ! اسماء : قول بدر .. بدر : ظنك لو ماتقومين اللحين تسلمين علي .. مانيب زعلان عليك ؟! تنهدت اسماء والتفتت له وباست خده ثم سالت : وش جايين تسوون ؟! ميهاف تقدمت : تعالي سلمي واعطيك الأخبار اسماء سلمت عليها سلام غير معتاد منها .. سلام بارد : يله قولوا جلست ميهاف جمبها من الجهه الثانية : مافيه جينا نسلم عليكم قبل نسافر أسمـاء طالعت ميهاف : وانتي ليش بعبايتك ؟! ميهاف ابتسمت بحياء وهي تطالع بدر ثم تطالع اسماء : جايين نسلم على الماشي .. ماحسبت حساب لبسي يعني اسماء بغباء : ايه وش يعني ؟! بدر ابتسم : يعني كشختها حقتي مايصلح تشوفونها اسماء وهي تستوعب : اهااااااااا .. ع بالك ماراح اشوفها يعني ؟! ميهاف : ماراح تشوفيها ع جثتي والله عيب ! اسماء : ماااالت مارزقنا ربي زوجة ولد تبرد كبدنا .. جايتنا من اولها بقميص النوم ! بدر : ههههههههههههههههههههههههه هه حياتي معليش بس هههه ميهاف بحمق وهي تطالعه يضحك : يعـني كذا بدوري ؟! بدر فهم نبرة التهديد الخفية ... ابتسم بنعومة : لا مو كذا .. ميهاف رفعت حواجبها برضا : ايه ع بـالي بعد .. اسماء اكتئبت من جوهم .. : اقول قوموا عني اتابع فلمي ! وصخين بدر : مافيه قومي تقهوي معنا اسماء : والفلم ! بدر : شوفيه وقت ثاني .. اسماء : ماراح افوت فلمي .. بدر بعد ماطفر .. وقف وفصل فيش التلفزيون وتوجه لها مباشرة وشالها بين يدينه : بتتقهوين يعني بتتقهوين اسماء : ااااااااااااااااا بطيح بطيح بدر : ههههههههههههه انا بطرحك يالعصلا اسماء : عصلا بعينك ! ميهاف لحقتهم : ههههههههههههههههههههه ماتجين الا بالعين الحمراء انتي بدر وهو يحطها بتعب عند جلسة القهوة ويمسك كتفه : الله يعينه زوجك .. اتوقع عمره قصير الضعيف كل مابغى منك شي لازم يسحبك سحب اسماء : ............................. ام فراس : اجلسوا ارتاحوا تقهوو .. " طالعت ميهاف " شيلي عبايتك ياميهاف ارتاحي فراس مب هنا البيت بيتك انحرجت ميهاف وهي تطالع بدر ... ردت اسماء مباشرة : لابستن لبسن مخزي يمه ماتقدر ! بدر ضرب اسماء بخفه على راسها : بنشوفك لا اعرستي وش بتسوين ؟! اسماء والموضوع مؤلم بما فيه الكافيه لها : ........................ ام فراس اكتفت بالضحك : ههههههههههههههههههههههههه اقطع شياطينك ياميهاف ميهاف وردت خدودها وهي تتمنى انها سوت اللي براسها وكشخت .. طالعت بدر بلوم على تعليقه " انتو يالحريم راعيات طويلة .. ماراح نجلس بنسلم على الماشي اجلسي بعبايتك " ! ام فراس بأمومه : اهم شي مبسوطين ان شاء الله ؟! بدر وهو يطالع ميهاف : افا عليك يمه .. مبسوطين وبس ؟ ام فراس : ووين ناوين ان شاء الله ؟! بدر : باريس .. واذا قدرنا مرينا الريف الفرنسي ام فراس : ومطولين ؟ بدر : لا يمه ماحنطول نص شهر بالكثير " شرب فنجاله بنفس واحد وحطه " اكرمكم الله .. ميهاف يله مشينا يالله يمدينا على اهلك قبل موعدنا ضبطت ميهاف طرحتها وهي توقف : يله .. " باست راس ام فراس " نشوفكم على خير ان شاء الله ام فراس : الله يحفظكم ويهنيكم .. انتبهو على عماركم وعطوني خبر لاوصلتوا بـدر : ان شاء الله .. دعواتك اهم شي طلع بدر معها .. وام فراس طالعتهم بأحن قلب بهالدنيا وقالت بدعوه صادقة : الله يوفقكم ويكتب لكم الخير يارب اسماء بغصة : آمـين .. " وقفت وهي تمشي صاعده " .. ام فراس : وين ؟! اسماء : صديقتي بتجيني .. بستعد لين تجي .. بيت نـايف :- تهز رجلها بتوتر بالصالة وهي بعبايتها وطرحتها بحضنها .. وكل شوي تطالع الساعة : .......... اخيــرا صوت المفاتيح .. وقفت بسرعة متوجهه له : بدري ؟! نايف اللي مازال بكشخة العرس : هلا والله .. خبرك زواج وجمعة راحت سهره ابتسام وهي تلبس طرحتها وتضبط لثمتها : المهم انا متأخرة على دوامي .. فطور يزيد جاهز لاتنام وتخليه لحاله صحه من النوم اساسا متأخر بالنوم سهران امس وده للمستوصف يشوفونه نايف : اذا صحيت ابتسام بقهر : ناااايف ! تخيل صحى الولد ماحصل احد بيخاف نايف تثاوب : والله حتى لو اقولك ماحنام راح انام غصب عني .. مره منتهي ابتسام : ولدك وكيفك ! انا متأخرة ولازم امشي ثبتت نظارتها المزينة بعلامات شانيل على اطرافها .. وشنطتها الماركة بيدها وطلعت مباشرة للسواق اللي ينتظرها .. عـند نايف :- تمغط بكسل أول ماطلعت .. ابتسم لاشعوري وهو يحس هاليومين الوضع تمام بينهم .. مو تمام بس ارحم من طريقتها أول .. غضبها طفى ؟ استلقى بالصالة على الكنبة .. بحيث يكون موجود قدام يزيد مباشرة وغط بنومـه *** غـادة : - مازالت تمشي بالغرفه ذهاب واياب .. النوم ماتجرأ يجيها وهي بهالحالة الغاضبه ! عضت شفتها بأقوى ماعندها حتى حست بدمعها في فمها وهي تجزم داخل نفسها مليون مره ان حركته متعمده .. هالإنسان بدا يغضبها لدرجة ماتتخيلها مولود بشري بس تصرفاته حيوانيه.. تكرهه تكرهه ! فتحت الدولاب بعصبية تشرب مويه تبرد على قلبها انتبهت لمفـتاح الفيلا .. حضنته بيدها المرتجفه وهي لقت حاجة تفرغ غضبها .. طالعت رنيم النايمة جهزت رضاعتها جمبها وطلعت بتصميم .. الوقت الفجر يفتح النفس توجهت بخطوات جريئة مرتجفه حتى وصلت للباب الطـويل .. حست الموضوع أقوى منها لكن ماتوارت فتحت الباب وهي تفتحه وتدخل بخطوات متردده وتسكره وراها .... راح تكسر تحفه تحفتين مجرد تفرغ اللي داخلها وتنتقم منه .. ! لكن توقفت للحظه وهي تتمشى بالمكان ولسان قلبها يتوق شوق لحيـاة كذا .. في بيت كذا .. مازالت امنيتها الطفولية انها تكون غنية حيه داخلها ... تنهدت وهي تصعد الدرج الطـويل المنقسم لجهتين .. اختارت اليمين علامة الحظ ! ... ولو انها فقدت ايمانها بالحظ من فترة طـويلة .. فتحت الغرفة الممتده بطول الممر المزين بالثريات الذهبية .. كأنها داخل قصر والهدوء المخيم يربكها .. ماتراجعت دخلت حتى وصلت غـرفة عرفت صاحبها مجرد مادخلتها .. صورته العملاقة بطول الجدار المعلقة بنرجسية .. : هذي غرفة بـدر .. سكر الباب وطلعت .. مالها شغل مع بدر تبي غرفته هو ! كانت غرفته برأس الممر دخلتها وهي تشوف اللون الأبيض مخيم على الغرفة .. اثاث ابيض وإن تمردت الألوان بهالمكان تتبرد باللون البيجي .. الأبيض الأغبر , سكرت الباب وراها وهي تتنهد : وصـلت .. " دارت بعيونها بارجاء المكان .. تحزر فين تبدا " ضربت عينها بقعة مكتبـه .. فتحت الدروج بعشوائية وهي تنتبه لأوراق مافهمت محتواها .. فتحت ملف بعشوائية , استوقفها صور عديدة .. من ظمنها صورة " ريم " عقدت حواجبها : هذي اللي قابلناها .. طاح من الملف مجموعة أوراق .. التقطتها بيدها وهي تنتبه لعقود زواج .. كلها للإسم " ريم " لكن اسم الرجال يختلف حتى وصلت للإسم اللي صدمها : فهـاد نايف الشمري زوجة أبـــوه ؟! .... بس يقولو ميت وهو على زوجة وحده ! كل الرجاجيل حشرات ليش تستبعد ؟! رجعت العقود كلها محلهـا .. وهي تحـاول تفهم وش الرابط بالضبط ؟! اكيد هذي ريم لاعبه عليه .. عشان كذا مقهور منها ؟! طلعت من غرفته وهي تسكر الباب وراها .. وقفت قدام صورته بالممر .. صورة رسمية له بالثوب والغترة وتعابير جامده وكأنه يخترقها بنظراته ويهددها ماتتجرأ تلعب معه ! ... لانت نظرتها : معقولة يكون هالإنسان عانى كثير ؟! ... وش صاير عشان يكرهها كذا .. النظرات اللي بينهم والكلام بالمطعم ماكان يطمن .. أو ابوه ؟! كيف مات ؟ شكله متعلق فيه .. نزلت عيونها من صورته وهي تتراجع عن خطتها الإنتقامية .. ماهي ناقصة تعقيد بحياتها بس لازم تلقى حل ! على هالحال بيرميها على أهلها بأقرب فرصــة .. لازم تعترف له بكل شي .. وقتها بتلحق على وعده لها ! بيت لحالها *** شــركة أبو نايف / دخل لؤي المكـان والهمس حوله يزيد : هذا لؤي ! ولد الرئيس ..؟! سمعت انه له فضايح بالكويت .. تجـاهل لؤي هالهمس وهو يتوجه للمصعد .. وقبل يتسكر وقفته يد ناعمة مستعجلة حتى رجع ينفتح المصعد وقفت بإعتدال وهي ترفع نظارتها الشمسية بإصبعها ولثمتها .. وشنطتها الأنيقة بيدها ..دون تطالعه ووقفت بالمصعد .. انفتح المصعـد .. طلع لؤي وهو ينساق بطريقة وهي تنساق معه بنفس الطريق حتى وصلوا قدام سكرتير أبو نايف اللي وقف وسلم على لؤي بحرارة : والله ومنـور المكان ! لؤي : بوجـودك " التفت للمرأة جمبه وقال بلباقة " بتقابلي الرئيس ؟! ماردت عليه ووجهت كلامها للسكرتير : عط الرئيس خبر اني وصـلت بتقاريره طالع لؤي السكرتير وهو يدق : ألـو .. كيفك طال عمرك ؟! لـؤي موجود بيقابلك وابتسام وصلت بالتقارير رفع لؤي حـواجبه .. والتفت لها وهو مبتسم بوداعه : أنتي زوجة نايف ؟! ... هلا والله تشرفنا انا أخوه إبتسام وهي تو تستوعب مين هذا .. اول مره تقابله : ههههههه معليش ماعرفتك .. هلا والله, كيفك ؟ ان شاء الله بخير ؟! لؤي : حمـد الله .. وينه نايف مداوم ؟! ابتسام : لا اليوم ولـده تعبان ومايقدر يداوم لؤي : سلامات عسـاه بخير بس ؟! ابتسام : لا حمدالله رشح بسيط طلعوا ضيوف أبو نايف من مكتبه .. واشر السكرتير لهم : تفضــلوا اشرها لها لؤي : من بعدك .. تفضلي ابتسام هزت راسها وهي تحط الملفات قدام السكرتير : لا شكرا .. تفضل ووصل سلامي له انا اخليكم على راحتكم وطلعت مباشرة .. دخل لؤي المكتب وهو يتنهـد قدامه محادثة ماله خلقها *** تحرك الملعقة بحركة لولبية في نص كوب قهوتها بشرود .. والأخرى كوب قهوتها بيديها وتحدق بحدة فيها .. بعد تحديق طويل جلست كوبها وقالت : لنا ساعة على هالوضع ! اسماء انتبهت : أوه آسفة ميسون شردت .. ميسون : لا لا انتي مو طبيعية بسرعة تكلمي !! اسماء استنشقت هواء المكان وقالت : ميسـون انا راح اتكلم لك لأني احس راسي بينفجر .. محتاجة اقول لأحد يفهمني ميسون : رجيتي قلبي يابنت الحلال .. من جيت وانتي تقولين بقولك شي وابي احد يفهمني ! بفهمك والله بفهمك تكلمي عاد اسماء بصوت بعد الشين ينسمع .. وكأنها خايفة من هالتصريح : انـا ... احـ .. ـب .. ميسون بدلاخه : حب !؟ شالفايده منه ذاه بتطبخينه بتاكلينه ؟! اسماء طالعتها بحده كأنها ندمت على انها صرحت لها : .............! ميسون ضحكت : ههههههههههههه ياقلبي امزح امزح .. كنت متوقعه ان هذي علتك اسماء فتحت عيونها بدهشة : شلون ؟! ميسون تنهدت : لأني كنت بوضعك بيوم .. " تنهدت " ويزعلني اقولك ان بهالمسألة الأنثى دايم هي الخسرانة وتبكي والرجال يهمل ومايكترث لها .. اسماء بفضول ممزوج بخيبة : كلميني ميسون .. كيف حبيتي ؟! ليش ماقلتي لي ..؟ ميسون : بعد الثانوي هالموضوع .. وماكنتي عندي فـماحصلت فرصة " تنهدت " خلاص صار موضوع قديم تجاوزته تماما اسماء بأصرار : تكلمي مالي دخل ! شلون ومين وكيف ؟ ميسون : ولـد خالتي .. عشت سنتين في حبه اعترفت له واعترف لي اسماء : ايه ؟! ميسون ابتسمت : واللحين متزوج وعنده بنت اسماء فتحت عيونها بذهول : كيـــــــف ؟! مو اعترف لك ؟ ميسون بقناعه تامه اكتسبتها من تجربه مؤلمة : حبيبتي الرجاجيل سوا مايحبون .. يخربطون على عقلك وهم ماوراهم سالفة .. فأنا اقولك استسلمي .. اسماء بخيبة : حاولت .. بس الظاهر الإستسلام مب في قاموسي .. مو هالمرة ميسون : بأشتري لك قاموس جديد اسمـاء توقعت لما تتكلم بترتاح .. بس الظاهر الحال صار اسوأ : ........................ ميسون : بس انتي كلميني .. كيف ومين ؟! تركتيني فترة توقعت القاك متغيره بس ماتوقعت القاك تحبي اسماء بخيبة : انا مو مثلك ميسون .. مايقرب لي .. ولا رد على مشاعري .. مجرد الاحقه من مكان لمكان ابي بس اشبع شغفي فيه .. ميسون بحزن على حال صديقتها : اعترفتي له يعني ؟ اسماء هزت راسها : ............................. ميسون : و ......؟ اسماء : رفض .. ميسون : تقولي مايقرب لك .. فين قابلتيه اجل ؟ اسماء وقلبها تعتصره الذكريات : دكـتور .. انكسرت رجلي فترة وكان هو دكتوري .. ميسون سكتت تعطي صديقتها راحتها تتكلم : ................... اسماء بغصه : حبيته بيني وبين نفسي .. ماتمنيت منه مشاعر ميسون ماتمنيت منه يحبني والله ماطمحت لهالشي .. تمنيت بس يتركني اشوفه اسولف معه .. " مسحت دموعها اللي انسابت بخدها " ماتخيلت اني حبيت انسان قاسي حديد .. يشوفني احبه ويعرف اني اتعذب مع كذا ماكلف نفسه .. " قبضت صدرها " قلبي مو بيدي احس به يتمزع ماتقدرين تخمنين قد ايش اعاني ميسون ماتوقعت بيوم تشوف اسماء بهالحال .. طول عمرها الانسانه النشيطة المرحه حالها انقلب بهالمرض : .... قربت منها وضمتها وهي تمسح على ظهرها ... اسماء : شاسوي ميسـون .. احسني عاجزة مو بيدي شي .. ابي .. قاطعتها ميسون : هشش .. لاتقولي كلمة ابكي بس فرغي اللي بقلبك ارتاحي *** مكـتب أبو نايف :- بعد ان انتهى ابو نايف من محاضره وعظ طويلة استعمل فيها كافة العبارات اللي تبين انه الأعرف بمصلحة أبنه .. ابتسم : رئيس قسم الشرقية بيتقاعد بعد أسبوع .. بعدها استلم مكانه لؤي تنهد براحة : كويس هالاسبوع يعني اعفاء ابو نايف : لا من قال ! إبتسام للحين ملخبطه بالقسم اللي ماسكته لانه كبير .. ومحتاجة احد يساعدها لؤي بتردد : ماعندي مشكلة بس .... ابو نايف : بس شنـو ؟! لؤي : يعني اخاف نايف يتضايق اني اشتغل معها .. تدري زوجته وحقه ابو نايف : هو لو يتضايق ماتركها تداوم اساسا .. يوميا تتعامل مع اشكـال الموظفين ! وبعدين هذا مكان عمل ودام الإنسانه محترمه راح تشتغل باحترام .. مافيه مجال للعلاقات الشخصية لؤي وهو مازال متردد : ... اذا عصب او شي وقتها انت المسؤول .. ابو نايف : روح بس ومـاعليك وقع أبو نايف على مجموعة ملفات واشر لها : خذ هالملفات لها بطريقك لؤي ومازالت الفكرة مو معجبته .. : ان شاء الله ابو نايف طالعه بعدم رضا : وانا مو كافيني نايف يجي يداوم عندي دون ثوب ! تجي انت بعد .. البس ثوب المره الجاية لؤي وهو يطالع نفسه بالجنز الرمادي والشيرت الأسود .. عقد حواجبه وهو يطلع متجاهل , رن جواله بطريقه سحبه من جيبه وهو يرد : هلا فراس ! فراس : هلا فيك ... انت وين اللحين ؟! لؤي : في الشركة .. ماسك دوامي فراس برضا : اخسس ما شاء الله .. اثر خاطري عندك يسوى والله لؤي : ايه يسـوى ومعك حق .. بس انت بعد شبلاك على الوالدة ؟! مو راضيه عليك ترا فراس وهو يعبس من الطاري ويتذكر الخطبة اللي صارت من وراه : .......... اقول انا جايك اللحين , فاضي ولا اتوجه لعمي مباشرة لؤي وهو يدخـل جناح قسم إدارة ابتسام : هههههههههههههه لا فاضي حياك فراس : يله اجل اشوفك .. دخل لؤي .. وهو يمشي بين الموظفين لحد ماوصل لمكتبها تنحنح وهويطق الباب : ......... تفضل ! فتح البـاب .. حصلها جالسة على مكتبها وتضرب باصابعها على كيبورد الحاسب رفعت عيونها له ووقفت مباشرة : هلا والله .. حياك تفضل لؤي بعدم راحة واضحه : لا .. " جلس الملفات على الطاولة " هذي من ابوي و .." حك ذقنه وهو مو عارف كيف يقولها انا بصير شريكك بإدارة القسم " .. جاه صوتها مطمن : الرئيس قالي كل شي .. وعشان نكون واضحين وكل واحد يعرف وش له وش عليه انا راح اكتب لك المهام كامله وايش مفروض تسوي وانا ايش مفروض اسوي , عشان مانعترض شغل بعض ويكون كلش تمام . لؤي من ربكته مستحيل يتجادل حتى هز راسه : اوك .. اجل انا .. تحصليني بمكتبي هزت ابتسام راسها .. ولؤي طلع مباشرة وهو يتنهد براحة كأنه فقد الإكسجين لوهله : لا الوضع مايمشي لازم اكلم ابوي ! وين تصير هذي ..؟ مو فاضي لنايف بعد وفلسفته *** : آيــه كذا ابتسمي .. وجع قلبك بيتكفل به ربك ان شاء الله ابتسمت اسماء براحـة .. كان جزء من كتله على صدرها انزاحت طالعت السماء بمنظر الغروب : والله ازعجتك معي ميسون .. تسلمين بجد ريحتيني ماتدري قد ايش .. ميسون : ايه بس اتركيني اقولك شغله .. اسماء : قـولي ميسون : هو يعـني انتي غلطتي انك تركتي ورقة اعتراف وانحشتي .. يعني ماعطاك رد كذا اسماء بكئآبة : ميسون مايحبني .. احس بهالشي واضح بروده قد ما انا احبه مقدر اطلب منه يكون معي .. مو غصب ميسون : لا اسمحي لي انتي مو فاهمه ! بس صدقيني هذا هيثم نظام السهل الممتنع اسماء عقدت حواجبها : كيف سهل ممتنع ؟ ميسون : يعني يبغـاك واضح .. ولا ليش طلع لك بالسيارة وهو عارف انك فيه ؟! بس صعب يصرح لك اسماء هزت راسها : صدفه ميسون .. كنا قدام مستشفاه كيف يعني .. ميسون حضنت يد صاحبتها : شوفيني ياقلبي .. القلب احيان عشان يمضي من علاقه لعلاقة يحتاج يتعرض لرفض صريح .. انتي اللي متعبك انك ماتدري وش ردة فعله .. اسماء : يعـني ؟! ميسون : قومي جيبي عبايتك .. بنروح نقابله مرة اخيره ! شوفي ايش عنده ؟! اذا رفضك عوافي هو الخسران اصلن اسماء بخوف من الفكرة : لا لا ميسون .. ماتدري انا من اعترفت له معد قربت ناحيته .. خايفة بجد اقابله ! ميسون : اسوم بتقومين ولا كيف ؟! انا اساسا رايحه رايحه اقابله بك ولا بدونك اسماء فتحت عيونها : بتروحين ؟! ميسون : ايه بروح .. اشوف هاللي ماعنده مستوى ليش رافع خشمه عليك وانتي بنت الشمري اسماء عصبت : لا تقولي ماعنده مستوى ! ميسون ابتسمت للهجتها الدفاعيه : اسفه اسفه .. بس يله خل نروح نصلي المغرب ونتيسر اسماء تنهدت : مدري مو مقتنعه .. بجد خايفة من ردة فعله .. ماتدرين قد ايش ردات فعله تخوف ميسون حضنت ذراعها وهي تسحبها : اقول قدامي ! ماراح اتناقش معك حتى بهالموضوع .. بتروحي يعني بتروحي *** وقفت قدام منظرة انيقة بمكتبها .. وهي تعدل طرحتها ولثمتها وشنطتها قدامها تستعد لموعد المغادرة طالعت ساعتها : متــأخرة مرة ! مسكت جوالها وهي تنتظر الرد ... جاها الصوت الذكوري الرسمي: اهلـين .. عيادة ال ********* معاك تفضل إبتسام : هلا والله .. حبيت اخذ موعد مع الدكتورة نعيمة ابا الخيال : الدكتورة نعيـمة ابا الخيـال .؟! ومتى حابه الموعد ؟ ابتسام : بأقرب فرصة .. اذا يجي اللحين ياليت : ههههه لا اختي صعبه اليوم ... تقدري تزوريها بكـرة صباح ؟ ابتسام : السـاعة كم ؟ : السـاعة 9 ونص حياك الله ابتسام : يحيـيك .. مشكور سكرت السماعة وهي تدخل الجوال شنطتها وتطالع نفسها بالمراية تضبط اللثمة وتشق طريقها طالعه وقفت قبل تسكر المكتب وهي تتذكر ورقة لؤي رجعت تسحبها من الطاولة .. " ترررن ... ترررن " تاففت بطفش يدها مليانه من كل مكان كاس قهوتها بيد والاوراق بيد والشنطه معلقتها ع ذراعها جلست قهوتها وهي تسحب جوالها " نايف " ردت مباشرة : هـلا .. نايف : ســلام .. حبيت اطمنك وديت يزيد المستوصف ابتسام : أيـوه ؟! عسى ماشر ؟ نايف :لا ماشر .. عطوه كم مضاد وان شاء الله انه بخير ابتسام : انت فين اللحين ؟! نايف : جالس انتظرهم يصرفون الدواء .. بالبيت انتي ؟ ابتسام : لا والله تو ماطلعت .. نايف : للحين ؟! المغرب بيأذن ابتسام : ايوه عارفه بس انشغلت اليوم ... السايق بيكون بطريقه اللحين نايف : لا كنسليه .. انا طالع اللحين وبمرك ابتسام : اوك بس مو تتأخر نايف برواقة : ما حتأخر .. مره وحده نطلع نتعشى برا ونبسط يزيد شكله مكتئب ابتسام : تمام .. يله انا بسكر اللحين سكـرت السماعة ورجعت تتناول اغراضها بيدها .. طرقت باب مكتب لؤي جاها الصوت الفخم : تفضـل دخلت بشكل مستعجل وهي تتكلم : هذي الورقة تقدر تـ ... " سكتت وهي تشوف لؤي مو بالمكتب , ووجه معروف جالس باريحية وثاني رجل فوق رجل ومرخي جسمه ومتسند بين يديه جوال ويطالعها ببلاده " قالت برسمية : فيـن الإستاذ لؤي ؟! فـراس ببرود وعيونه رجعها لجواله : شعرفني ؟! إبتسام : بمـا انك بمكتبه اتوقع منك تعرف فين طلع .. واذا بيرجع او لا ؟! فراس بنفور من نبرتها المتعاليه : قـالو لك سكرتيره ولا متتبع حقه ؟! انتي صاحبة الحاجة اعرفي مكانه ... " كمل بهمس بتذمر " والله ناس .. إبتسام قبل تستعد ترد بقـوه على تجاوز الحدود بالكلام .. دخل لؤي وقال بربكة لما شافها تطالع فراس وعيونها تخترقه وفراس ماهمه منشغل بجواله .. ولما انتبه للؤي اشر بدونيه براسه : شوف هذي صجتني تبيك قبل يرد لؤي .. ردت ابتسام بقوه : هذي لهـا أسم ! ابتسام مشعل رئيسة القسم اللي " بنفس النبره الدونيه اللي استعملها " انت حاط رجل على رجل فيه وتشرب قهوه وتحسبها ديوانية ! ... عموما ماراح انزل نفسي لمستوى غير محترم زي مستواك والتفتت للؤي مباشرة وهي تحط الأوراق : هذي الأوراق .. فراس استوعب الإنسانه الواقفة قدامه ... هذي زوجة نايف واخت غادة .. صدق الصدف .. قاطعها نبرته الشامته وهو يشدد على " هذي " : هــذي زوجة نايف .. ورئيسة قسم قلتي ؟! الظاهر ماسكة القـوامة بالنيابة إبتسام ارتفع ضغطها .. الظاهر الوقاحه في هالعائلة مب متوقفه على نايف وبس تسري فيهم كلهم : ضمـان العيش واجب على كل فرد .. وفي هالموضوع ماتفرق المره عن الرجال ! وطلـعت مباشرة قبل تنزل مستواها وتصير تتلاسن مع رجاجيل .. تنهدت بضيق واستوقفها خطوات متسارعه ولؤي يوقف قدامها : معليش حبيت اعتذر عن اللي صار من شوي .... هو فراس ونايف بينهم مشاكل فـ ... ابتسام قاطعته : نايف تحت مابي اتأخر عليه .. الورقه وصلتك اتمنى تتطلع عليها واي ملاحظه ارسلها لي لؤي وهو معجب بشخصيتها .. والله ورزقك ربي يانايف : بس ياليت ماتوصلي اللي صار لنايف لان وقتها بيصير ما لا يحمد عقباه ابتسام باقتضاب : نورت الموقع استاذ لؤي .. موفق ان شاء الله وطلعت مباشرة ... اما لؤي طالع مكتبه بلوم ورجع يدخل : مهبـول انت ! مافيه حرمه يمشي حالها معك لازم تتمشكل معها ! فراس : طلع عمي يعرف يختـار .. اجل هالسنع لنايف ! لؤي عقد حواجبه : الســـنع !؟ فراس : ايه .. البنت قوية ومحترمة .. احترم هالشي فيها , حسوفه في هالأهبل لؤي : دام تحترمها ومدري ايش .. ليش تكلمت معها كذا ؟! فراس : ما احترمها .. تخسى هي ورجلها واهلها قلت احترم قوتها ونقطه ! لؤي عقد حواجبه : عجيب انت .. فراس وقف : اقول كمل شغلك بس .. انا طالع مافيه شي يسوى هنا لؤي : الله معـك .. وين بتـروح ؟! فراس : البيت .. لؤي : بكرة اجل تعال نفطر سوا فراس : خل بكرة يجي وارد لك سكر الباب وراه .. اما لؤي رجع يسترخي على مكتبه ويشتغل .. دق جواله " الفـندق " عقد حواجبه وهو يرد : هـلا الموظف : استاذ لؤي عبد الرحمن ؟! لؤي : وصلت اخوي .. تفضل الموظف : الجناح اللي سلمتوه هالشهر مازال فيه ممتلكات شخصيه .. ودفع الشهر اللي فات للحين مادفع ؟ لؤي عقد حواجبه : ايه برسل لك الدفع ان شاء الله .. بس الجناح مازال تحت الإستعمال الموظف : لا اخوي غلطان .. المدام سلمت المفاتيح الأسبوع اللي فات لؤي اصابته حيره ..: تمام تمام .. اكلمك بعدين سكر السمـاعة .. والحيره للحين مستوطنه عقله مسك جواله يدق لكن تراجع , اكيد ابوه بيبحث عن الرقم وبيوصل لها وقتها راح فيها .. وقف وسحب جاكيته وهو يطلع من الشركة ويتوجه للاتصالات لازم يطلع رقم جديد معقولة رجعت لشقتها القديمــة ؟! *** أسماء مجرد ما استنشقت شعيراتها الأنفية رائحة المعقمات تراجعت خطوتين : لا لا ميسون خل نرجع ! انا مجنونة بإيش كنت افكــر ؟! ميسون زفرت بقلة صبر وهي تسحبها من يدها : اسماااااء وبعديــــــــن ؟!!! يختي معليش بس عقب شفت صورته يسوى تسوين كل هذا .. امشي قدامي بس اسماء : لا ميسون تكفين خل نرجع البيت .. انا غبيه اصلن واكيد هو ... قاطعتها ميسون : بتمشين قدامي ولا اروح اقوله عن كل اللي صاير معك ! تعرفيني اسوم تراي مجنونة واسويها اسماء : ميسـون ! لا تخليني اندم اني قلت لك زفرت ميسون وهي تطالع ارجاء المستشفى .. مسكتها من يدها وسحبتها غصب : طيب تعالي بنشوفه بس وبنطلع ! مو انتي تبين بس تشوفينه !؟ اسماء وهي تحاول تنكر الرغبه اللحوحة داخلها لشوفته : ممـو .. لا .. ميسون بمعاناه وهي تمشي معها طول المستشفى وهي تلح عليها بقوة يرجعون .. انتبهت ميسون للقامه الطويلة هذا هو ! سحبت اسماء اللي كانت وراها بحركة متهورة ودفتها قدامه حتى ارتطمت فيه .. شهقت اسماء وهي ترتطم بصدره وترتد على ورا .. ويده بسرعة لا إرادية مسكت كتوفها تمنعها من السقوط ووجهه مكشر من ألم ارتطامها : انتبـــهي للطريق اختي ! طالع المتهورة اللي ارتطمت فيه وماكان احد غيـرها .. في ثانيه سحبت نفسها بسرعة من بين يديه وتراجعت ورا عامود بعيد عنه وقلبها يضرب ضربات متهورة ودموعها تجمعت بمحاجرها .. حالتها الفترة اللي راحت كلها كوم واللحين كوم : ........................ هيثم أستوعب العيـون الزرقاء .. والوجه الطفولي طالع ناحية العـامود ثم التفت لرفيقه بالمشي : اسبقني لاحقك .. مشى بخطـوات راكده حتى وصل للعامود .. وهو يشوفها واقفة وضامه شنطتها لصدرها وترتجف سند يده للجدار وهو يطالعها بنص عين : شـايفه بعبع اجـل ؟! اسماء بلعت ريقها .. وهي تحبس دموعها وقالت باقتضاب : لا .. هيثم عقد حواجبه وهو يطالعها .. مو زي كل مرة رجفتها غريبة فيها شي : مريضة فيك شي ؟ اسماء كان نفسها تصرخ ( فيني أنت ! ) قالت بمرح تخبي فيه حزنها : ههههه لا مافيني شي .. بس " عضت على شفتها وهي تنزل عيونها تمنعها تقابل عيونه " بس مشغولة و دكتوره هي .. بروح بعدين هيثم طالعها مستغرب وش قاعده تقول : مفروض افك شفرات كلامك اللحين ؟! اسماء بانحراج اشرت لجهه ثانيه : انا رايحه .. مشت بطريقها وهي تسحب رجلها بخذلان .. قاطعها صوته ينطق اسمها لأول مرة : اسماء ! اسماء تمنت عندها تسجيل لنبرته بصوتها .. للحين يتردد بعقلها ( اسماء ! .. اسماء ! ) رهافة نطقه تقتلها التفتت دون ترد : ............... هيثم بوجه اقرب للتوعد اشر باصبعه الإبهام للكافتريا جمبهم : ممكن اخطفك دقيقة ؟! اسماء توسعت عيونها ( بشويش .. اسمي ثم بخطفك ! يارب ثبت رجولي بس ) كانت فعلا رجولها تقصف بها وهي تبلع ريقها .. وتهز راسها دون تتكلم .. رفع حواجبه وبهدوء نطق : الحقيني .. ومشى بانحاء الكافتريا حتى استقر بجلسة منفرده بـزاوية وجلس .. اسماء وقفت وهي متردده تجلس ولا لا , لا مو متردده خايفه من الكلام اللي بيقوله .... اشر لها : ماحتجلسي ؟ جلست اسماء .. وهي تطالع المكان تصرف عيونها عنه , جالسين سوا على طاولة !! مو مصدقه هي بحلم ولا علم !! جاها صوته : تشربين شي ؟! اسماء هزت راسها : .......... هيثم : فيه قسم هنا للإعاقات ... روحي افحصي لسانك منخرس شي ؟! اسماء فتحت عيـونها : هاه .. ؟! هيثم : لا حمدالله سليمة اسماء نزلت راسهـا وهي تقبص يدها تخفف الضغط على نفسها : ................. هيثم حط الورقة على الطاولة وقال بهدوء : ماتنتظرين جواب على هذي ؟ رفعت اسماء راسها وهي تشوف الورقة ... وتبلع ريقها هذا اعترافها : لما تعرف ان الجواب بيوجعك .. وقتها احترم قلبك وانسى السؤال .. هيثم سكت لفترة وهو يطالعها .. تنهد : فين كنتي الفتره اللي راحت ؟! اسماء ابتسمت بألم : اريحك مني .. اراهنك انك ارتحت بجد اسماء رفعت راسها بعد فترة من صمته .. تحاول تلقى جواب بوجهه , كان يطالع بالجهه الثانية وكأنه هو نفسه يعاني بترتيب الكلام : ......................... اسماء قررت تنهي هالوضع .. توترها وصل حده وقفت : انا لازم امشي .. نطق هنـا بطريقة ملتويه : ماله داعي تريحيني منك اسماء عقدت حواجبها .. وهي تطالعه ويده على فمه ويطالع بجهه ثانية قال بزمجرة خفيفة : انا شاكي لك راحتي ؟! اكره اللي ياخذ سياق غير شخصيته .. اذا انتي مزعجه خليك مزعجة .. لاتعارضي رغبتك حتى لو كانت زي وجهك اسماء : مافهمت .. كيف يعني ؟! والرسالة ...؟ هيثم بصرامة : شعور غير متبـادل ! " ابتسم بجاذبية وهو يطالعها بقوه " ... متشوق أشوف اذا بتقدري تغيري هالشي اسماء وعيونها تغارقت دموع .. مو دموع حزن .. دموع بصيص امل بسيط .. سألت برجاء : أقــدر ؟ هيثم ومازالت ابتسامة مرسومة رفع حواجبه بتسائل : انا نفسي اتسـائل اذا بتقدري .. اتسائل اذا شعورك يسوى اني التفت له ؟! اسماء وقفت وضربت على الطاولة بيديها وقالت بتصميم : اذا حبيتك أكثر من كذا يمكن أموت ! هيثم فتح عيونه بدهشه من تصريحها المباشر .. رفع يده يغطي فمه واحمرار خفيف انرسم على خده والبعض التفت لنبرة تصميمها قال بهمس : هيـــه انتي شقاعده تقولين ؟! اسماء ابتسمت ودموعها على خدها : افهمك ان شعوري يسوى ! " كملت بنبرة صادقة " والله بموت هيثم تنحنح وهو يوقف ويمر من جمبها : بتفضحيني انتي .. ومشى بطريقة وهي تطالعه يمشي وتبتسم من قلبــها ... جلست بتعب وكأنها بذلت مجهود عظيم وماسكه قلبها وتمشق , اللي يصير بقلبها مو طبيعي .. مسكته وهي تحس برهبة هالشعور داخلها رجفان لذيذ داخلها ممزوج بحماس لشعلة الأمل البسيطة .. ركضت لطاولتها ميسون : يامهبـــولة ههههههههههههههههههه الكل يطالعكم ! هاه تحسفتي عشان جيتي اسماء ضمت ميسون من قلبها : احبببببببببببببببببببك اموت فيك اعشقك اهواك ! يختي ماتدرين قد ايش انتي انقذتي كل شي فيني ميسون وهي تسعل بخنقه من ضمتها : هههههههههههه احككححح اسما بموت وخري *** فـتح عيـونه على إشراقة الشمس ... فرك عيونه باصابعه بضيق , ابتسم وهو يحس بثقلها وهي نايمة بحضنه , ظل يلعب بشعرها بنعومة : ميهـاف .. حياتي .. ميهاف والسكون مخيم عليها وغاطة بالنوم .. بدر بنفس النبره الهاديه : دوبه قومي ميهاف عقدت حواجبها بضيق من اثر الإزعاج : هممممم.. بدر : هذي اللي بتفطر برا اليوم .. يله اعجلي قبل يفوتك ! ميهاف فتحت عيونها بكسل : كم السـاعه ؟ بدر : الساعة 8 ونص .. على ماتخلصين ونوصل يالله نلحق على اطلالة كويسه ميهاف جلست بكسل وهي تخلل اصابعها بشعرها : والله ماشبعت نوم .. بدر وقف وهو يرمي الغطا على وجهها : يله ياكسلانة ولا رحت لحالي ميهاف ابعد الغطا عن وجهها وقالت بدلال : ماتقــدر .. حتى لو تبغى ! بدر سحب ملابسه : دام عارفه اجل اخلصي علي ابعدت الغطا وهي تقوم بنشاط .. وتطالع من النافذه باريس مدينتها المفضلة , امس ماطلعوا لان وصلوا متأخر بس اليوم لازم تطرح اللي براسها .. لبست بالطوها الأنيق الفوشي .. والإيشارب التفاحي والأوانها المشرقة تناسب جـو الصباح .. طالعته وهو واقف قدام المراية ويلبس جاكيته الكحـلي ويضبط شعره بعد ما خلص التفت لها : خلصتي ؟! ميهاف وهي تشتغل بعدة المكياج : فايف منتز وقف وراها وهي جالسة قدام التسريحة وحضنها من ورا ... ميهاف وهي تطالع انعكاسه من المراية : كيف بخلص كذا؟ بدر : مو مسؤوليتي اخلصي .. " ابتسم " كيف نومتك امس ؟ ميهاف : هذي باريس حبيبي مافيه نومه عكره فيهـا بدر : دوم يارب .. حركتك قليلة بالنوم ما شاء الله ميهاف وهي ترسم شفاتها باللون الخوخي : بجـد ؟! بدر وهو يفلت خصرها .. ويجلس باريحية على الكنبة : ايه .. ههههههه اذكر بمره اسوم تعبت فترة تعب قوي .. وليلتها نمت جمبها انواع التكفيخ والكفوف تحارب كونغ فو وهي نايمة ميهاف : هههههههههههههههههههههههه ايه اسوم حركتها كثيره بدر : طحت من سريرها 3 مرات يمكن .. ليلتها حلفت لو اتزوج وحده كذا ارميها بغرفة لحالها وانا لحالي ميهاف برضا : اجل ربي عطاك على قد نيتك بدر بشوق : واكــثر بعد دخلت مكيـاجها شنطتها ودخلت رجلها لكعبها العالي والتفتت لـه : يـله ؟! بدر وقف وهو يحتضن ذراعها : مشيـنا *** السـاعة 9 ونص .. بالعيـادة : - دخلت ابتسـام ووقفت عند الاستقبال مباشرة : صبـاح الخير : صباح النور ابتسام : انا عندي حجز باسم ابتسام مشعل ؟ : عند الكتورة نعيمة ؟! ابتسام : أيـه .. : هي بانتظارك تفضلي .. دخـلت ابتسام واستقبلتها الدكتور بإبتسامة : تفضلي خذي راحتك جلست إبتسام عند مكتب الدكتورة المتواضع : تسلمين ... الدكـتورة : تفضلي بإيش اقدر اخدمـك ؟! ابتسام : عندي بعض الإستفسارات عن الحمل .. حملي تأخر وابي اعرف اذا فيه مشكلة الدكتورة : ان شاء الله خير .. اولا انتي لك كم متزوجة ؟! ابتسام : بتم السـنة قريب ان شاء الله الدكتورة : كنتي تاكلي أي نوع حبـوب ؟ ابتسام : أيــه .. بس قطعتها حاليا الدكتورة : كـم لك من قطعتيها ؟! ابتسام : يمكن شهر الدكتورة : معناها مسألة طبيعية .. وقت توقفي الحبوب الدورة ماترجع لمجراها الطبيعي الا بعد 3 اشهر واحيان 6 اشهر .. يعني مجرد تأخر في التبويض ابتسام بعدم ثقة : معليش تفحصي تتـأكدي .. دام جيت ابي اتأكد ان مافيه أي مشكلة هزت الدكتورة راسها : مافيـه مشكلة " تررن .. تررن " ابتسام : لحظة بس طلعت جـوالها .. المتصل " نايف " ردت : هلا نايف بقلق : انتي ويـن ؟! طالعه من صبـح الله ابتسام : عندي كم شغـله .. انت فين اللحين ؟! نايف : بالشـركة .. ابتسام شهقت : ويـزيد ؟ نايف : عـند اهلي .. انتي وين لاتراوغيني ؟ ابتسام : بالطريق .. سكرت السماعة مبـاشرة .. عقد نايف حواجبه وهو يطالع السماعة : شفيـها ؟! *** أسمـاء بإنتعاش طلعت للحديقة وجلست مع اهلها المجتمعين يفطـرون : ياصبـــاح اللوز والفستق .. ياصباحكم ورد وعنبر ام فراس : لا اله الا الله .. الف من فضلك يارب , اخيراا رجع هالوجه يشرق اسماء وهي تجلس وتقذف زيتونه بفمها : وجهي مشرق من يومه فراس هز راسه : انفصام شخصية الله لا يبلانا اسماء تجاهلتـه ماتبي شي يعكر مزاجها .. بتفطر وتروح عن نفسها .. دق جوال ام فراس .. طالعت المتصل بكرب ثم ردت : الـو .... ياهلا والله ...... ايه حمدالله كلهم بخير انتي شلونك وشلون البنات ؟! ............تشرفون ... نتحراكم اجل .... ياهلا ومرحبا سكرت السماعة وقالت بهم : هذي عمتك ! فراس بعدم اهتمام وهو ياكل : طيب ؟! ام فراس تنهدت : يافشلتي وش بقـول لها اللحين ؟! اسماء : تبين احاكيها عنك ! بقول مالكم عندنا نصيب البنت رافضه .. عفوا قصدي الولد رافض ام فراس : انتي انثبري ! وقت تجي هي وبناتها خلك سنعه مع سجى .. مو تتهاوشين انتي وياها والله يا اسماء لو تلاسنينها ان يكون حسابك عسير ! اسماء : ولا يهمك عـندي .. بحطها على كفوف الراحة بإذن الله فراس وقف وهو يمسح يده : اكرمكم الله اسماء بسرعة : فراس ! اليوم قل للسواق يوديني لخويتي فراس : وانتي مافيك لسان ؟! اسماء بقهر : قصـدي اني بجلس لوقت متأخر .. وهو ميبس راسه على نظام الساعة 10 ! دجاج حنا !! فراس : من خويتك هذي ؟! اسماء : ميســون ... فراس : روحي وارجعي قبل الساعة 10 .. وش بتجلسون لوقت متأخر تسون غير الحكي الفاضي ؟ اسماء : خلاص طيب انت رجعني فراس : ماني فاضي مقدر ودخل مبـاشرة .. اسماء تاففت : اااااااااه يابدر ويـــنك عني بس ؟! اما ام فراس قالت بضيق : والله متفشله منها ..! اسماء : يا ما قلت لك يا يم فراس ماحيوافق بس هذا انتو ! ام فراس : الله يصلحه ويهـديه بس اسماء تنهدت : اشتقت لبدر .. وينه يجي يفطر معي بس ! *** وصـلت ابتسام الشركة .. واتجهت لقسمها مباشرة قابلها هناك نايف : اخيرا جيتي ! ابتسام : هـلا نايف فتح باب مكتبها عشان تدخل ودخل وراها : طالعة من 8 وتو توصلي للشركة 11 ! ابتسام وهي تجلس : رحت لدكـتورة نايف عقد حواجبه : دكتورة ؟ ليش سلامات .؟ ابتسام : سألتـها كم سؤال عن الحمل وغيره نايف فتح عيـونه : حـــامل ؟! ابتسام ضحكت بخفه على هول تعابيره : ههههههههههه لا .. بس اسألها ليش تاخرت نايف : اهااا .. مو شايفك تأخرتي ابتسام : إلا متأخرة شعرفك انت بسوالف النسوان ؟ نايف : هههههههه لا وضعك طبيعي مرة لا تخافين .. انتو يالنسوان كذا تبهذلون عماركم بهالحبوب وعقبها تاكلونها حتى نهى تأخرت بسبب .." سكـت وهو يستوعب انه كلام محضور " وابتسام طالعته بقهر .. ثم رجعت تنزل عيونها للأوراق قدامها .. تنحنح نايف وقال بطبيعية : ايه وايش قالت لك ؟! ابتسام دون تطالعه : نفس ماقلت يالخبير ! بسبب الحبوب .. نايف كشر بوجهه من غبائه .. كيف يقولها كذا هو ماصدق هالكم يوم رضت : ........... متى بتطلعين اليوم ؟! ابتسام : بتأخر ! لاتنتظرني هز نايف راسه وهو يطـلع .. اما ابتسام تنهدت بضيق ومزاجها معكر دون شي من كلام الدكتورة ويجي هو يستعرض خبراته مع زوجة الغفلة! *** دخـل فراس الفيلا ... وقف سيارته قدام الملحق مباشرة وهو يتعهد نفسه انه لازم ينهي هالمسأله خلال هالإسبوع , طق الباب طقه وحده ودخل مباشرة كانت جالسة بهدوء لأول مرة .. بالعادة تكون تلعب مع رنيم او التلفزيون هالمرة جالسة وتعابيرها جامده .. رفعت عيونها لما شافته وبلعت ريقها ونطقت : انا موافقة ... قول كل شي , بس لازم انت تحافظ على جزئيتك من وعدك فراس رفع حواجبه : كل شي ؟! غادة هزت راسها بإستسلام ... سحب فراس له كرسي وجلس : تفضلي اسمعـك غـادة شبكت يدينها ببعض بتوتر : أنـت تعرف من انا .. فراس : عارف بس ابي اسمعها منك بعظمة لسانك ! غادة وهي تحس بخزي الكلمة : انـا اخت هيثم .. وأخت زوجة نايف ولد عمك فراس بإشمئزاز : والله حسـافة اخوك رجـال واختك ماعليها قصور .. ! المهم مو حديثـنا .. شتسوين عند لورا ؟! غادة عضت على شفتها : لـورا أمي .. فراس ماتوقع هالمعلومة : أمـــك ؟! غادة : ماكنت اعرفهـا .. من انولدت على الدنيا ماكانت حولي .. انحاشت وتركتنا وكان ابوي مجرد ضحية من ضحاياها ... ! قابلتها في استراحة نايف أول مرة .. فراس : استراحة نايف ؟! شتسوي هنـاك ؟ غادة هزت راسها : مدري .. اظن هي مصممة وطالبتها ميهاف .. فراس : أيـه .. كملي ؟! غادة : بس .. فراس : وليش تركتي اهلك ورحتي لأمك وانتي تعرفيها زباله ! بس الظاهر الطيور على اشكالها تقع غادة بقهر : ز.. زوجي مجرم ! وطلع من السجن ورفع قضيه , وقتها انا خفت مقدر ارجع له .. فشلت نفسي انا وبنتي وتركت الرياض .. فراس بنبره هاديه : البيـوت مليانه مشاكل .. ماكان لازم تتخلين عن مسؤولياتك وتتركين كلش وراك غادة لامست نبرته قلبها الضعيف .. معه حق عضت على شفتها وقالت بتردد : ............... وعدك ؟! فراس بصمت وهو يطلع : رآح اوفي به تنهد أول مـاطلع ... مشى بخطوات متثاقلة وهو ينادي البواب .. : سم طال عمرك فراس : روح جيب مفتاح الفيلا . اسند ظهره على جمب الباب ينتظر البـواب .. بعد فترة جا : المفتاح مو موجود ! فراس عقد حواجبه : نععم ؟! كيف مو مـوجود ؟ البواب بقلق : معـقولة يكون فيه حرامي طب وأخذه .. فراس تصوبت نظرته مباشرة ناحية الملحق .. مافيه غيرها !! مشى بخطـوات متسارعة ناحية الملحق وهو يفتح الباب بقوة ... وقفت غادة بفزع وهي تشـوفه يطالعها بنظرات حادة وبنبره غاضبه : وصـرتي تمدين يدك ؟! غادة : شـنو ؟! مامديت يدي ... فراس وهو يتقدم ناحيتها بخطوات واثقة : مامديتي يدك ! واذا فتشت هالغرفة شبر شبر وطلع فيها ... شأسوي بك وقتها ؟! غادة بثقة : فتش .. ماعندي شي , لا تتهم العالم ! فراس اشر للبواب : فتش ! غادة سحبت رنيم من سريرها وهي تشوف تفتيش البواب العنيف حتى السرير حركه من مكانه .. ماتم البواب تفتيشه لنص الغرفة وقفه فراس وهو يطعن فيها بنظراته : اطلع برا وسكر الباب وراك غادة كبست بعيونها بخوف وهي تتراجع تلقائيا خطوتين لورا .. وهو يتقدم ناحيتها حتى وصلت لزاوية مالها مهرب بهدوء سحب رنيم من حضنها بين يديه وسدحها على سريرها ثم رجع لها : كل شبر بهالغرفة يشـــملك ! ع بالك غبي قدامك ؟! وقد ماتعزني نفسي ألمس لقمة غيري .. بس ماراح اتردد غادة بفزع لما شافت خطواته الواثقة المعزمه طلعت المفتاح من جيبها ورمته على الارض .. اما فراس احتدت نظرته فيها وهو يسحبها من شعرها : كذا يابنت الكلب ! يدك هذي الكسر حلال فيــها ! لا وفوقها تكذبين ! غادة وهي تمسك راسها بألم : ااااااااا .. فــكني والله ما اكررها والله ماسويت شي فراس وهو يشد بقبضته اكثر ويهمس باذنها : ماسويتي شي ! ع بالك بأصدق كذابه شحاذه زيك !! سحبها معـه وهو يلتقط المفتاح ويمشي متجه للفيــلا وغادة تمشي وراه بخطوات متسارعه تحاول تفلت شعرها اللي راح رهينه بين قبضته : ااااااااااااااااااههههءء .. والله ماسويت شي فراس صرخ فيها : بأي حق اساسا تدخلينها حتى !! غادة وهي نادمه بجد تحس خربتها على نفسها .. وهو اللي تحسب كلش انتهى عضت على شفتها : تكفــى اتركني والله ما اكررها فراس : ياحلوك والله وانتي تكررينها !! " رماها قدام الباب ورمى المفتاح قدامها " قدامي افتحي الباب غادة وشعرها متناثر حـولها وتطالعه .. فراس رفع حـاجبه : شتطالعين ؟! .. قومي افتحي الباب سحبت غادة المفتاح .. وفتحت الباب اما فراس تقدم بخطواته وخذا جوله كامله على البيت يتأكد من كلش .. غادة كانت تعض اصابعها تنتظر برا .. اول ماطلع طالعته بقهر : قلت لك ماسويت شي ! فراس : احمدي ربك انك ماسويتي ولا كان ذبحــتك .. جلس على درجات المدخل وهو يطالعها ... ظل يطالعها لفترة غادة بتوتر وهي واقفة قدامه : شنــو ؟! فراس وهو يطالعها من فوق لتحت من انكماش قدميها الحافية لشعرها الجذاب المبعثر حول وجهها : شأسوي فيك اللحين ؟! معاد ينوثق فيك حتى بالملحق ! غادة نزلت راسها وقالت بنبره منكسره : آســـفه فراس وهو يحدق فيها : وين اصرف اسفك هذا فيه ؟! غادة بتمتمة بينها وبين نفسها : شنو فين تصرفه .. ناقصك فلوس انت .. فراس : نعـــم ؟! غادة : ولا شي .. ولا شي .. " كملت بلامبالاه ممزوجة بطيش " كنت طفشانه واخذت جولة .. فراس : ان شاء الله تموتين طفش وارتاح انا من بلوتك ! انا قايل الفيلا ماتعتبينها ... غادة قالت بنبره خافته وكانها خايفة من اللي بتقوله : إيش راح تسوي اللحين ؟! بعد ماعرفت اهــلي .. فراس : محتاج اخرس فمك قبل كلش غادة : تخرس فمي ؟! فراس : اللي صار بطرابلس .. وسويسرا ! مابي جنس مخلوق يعرف فيه .. لاينزل لسانك فيه حتى بينك وبين نفسك غادة تمنت تسأل ليش .؟ تحس فعلا وراه قصه لكن اكتفت بعلامة الخضوع : ان شاء الله .. فراس : اعتبري نفسك ماقابلتيني حتى ! غادة دون تحس بنفسها : امنيتي اساسا .. فراس بسخرية : لا انا اللي ميت على مقابلك ! والله وبنفتك من لسانك الطويل ! غادة بتردد : اقدر ارجع للمـلحق ؟ فراس : لا ! خلك واقفة هنا لين احسك نادمه غادة : انا نادمة بجد .. والله اسفه .. فراس بتشديد : قلت خــلك مكانك ! تنهدت وهي كل شوي تبدل بوقفتها .. بمعنى تعبت من الوقفة , اما فراس كان يشتغل بجواله ولأول مرة يستمتع بتطفير شخص غير اسماء .. او يمكن لأنه عرف انها مو زي تفكيره مو ***** مجرد قليلة أدب وقلة الأدب امرها محلول اطلقت غادة " آفف " بسيطة تعبر عن تذمرها ... رفع فراس راسه : وتأففين ؟! غادة اطبقت شفتينها ببعض : لأ ! فراس طالع ساعته .. لسى مغرب اكيد عمته مازالت بالبيت وماعنده شغل ويحس بملل بجد اسند خده على يده : وش سويتي بالفيلا ؟! غادة بتبرير : بس مشيت شوي .. وطلعت على طول ! فراس ببغته : هيثم ولا ابتسام ؟! غادة ما استوعبت : شنو ؟! فراس : هيثم ولا إبتسام ؟! ارميك عند من .؟ مفروض ارميك عند زوجك بس لأنه مجرم وبنتك صغيره بأفوتها هالمرة غادة برجاء : ولا واحد .. فراس : مو بكيفك ! فاضي انا ابزاك ؟! اهلك اولا وآخــرا مردك لهم ! غادة هزت راسها : مـابي .. هيثم بيقتلني .. وابتسام متزوجه ومشغوله مابي اعكر حياتها .. فراس : لا عكري حياتي انا ! غادة : اتركني بحالي مثل ماقلت لك .. وانا بشيل مسؤولية نفسي وبعكر حياتي انا فراس : مقدر اتحمل مسؤولية اني اتركك ! فلا تطولينها وخلينا نخلص من بعض .... ! غادة بتمتمه مقهوره : حتى انهم مو اخواني .. مو ملزومين فيني فراس صنف انها حلطمة .. وقال ببرود : ارجعي لملحقك .. والله واللي اسمه الله لو اعرف انك متجرأة على أي شي ثاني بهالمكان لأسود عيشتك فوق ماهي سودا ! غادة ماصدقت يجيها الإذن .. هرولت مباشرة لملحقــها , اما فراس تنهد بضيق نظرته لها تغيرت ماصار يحتقرها زي أول .. أبو ميت .. ام منحاشه .. اخو بيقتلها .. زوج مجرم .. صارت حالة مثيرة للشفقة بالنسبة له .. *** اقتحموا المطعم وقهقهاتهم العالية بالمكان ... : ههههههههههههههههههههه مجنون والله بدر : ههههههههه تعبت .. ابي ارتاح خلاص خذو مقاعدهم على المطعم .. وتناولوا المنيو وهم يشيرون لأطباقهم المفضـلة بعد ماسلموا طلبهم تنهد بدر وهو يطالعها ويحضن يديها وبإنجذاب تام لها : مـو مصدق هاليومين .. كأنها خيال ميهاف برضا : وأنت اللي كنت تأجل هاليومين الخيال ! بدر : كنت أجل لاني اعرف انك الوحيده المقدره لي مايهم كم بأجل بتضلين لي .. حتى لما كنتي تهددي تفارقيني وتقابلين غيري كنت متأكد ان بالأخير انتي لي مو لغيري ميهاف بإنجذاب لمعسول كلامه : بيوقف قلبي على فكره .. بدر وهو يرفع يدينها ويبوسها : ههههه بسم الله عليك افلت يدينها لما حضر النادل وهو يرتب الأكل قدامهم .. اثناء اكلهم اتجه لطاولتهم انثى بفستان سهـراوي يناسب اناقة المطعم .. وشعر ناري رافعته لفوق وتقول بعدم تصديق : بـــــدر ! هههههههههه فينك يازلمي زمان عنك ؟! ميهاف فتحت عيونها وهي تطـالع السلام باليدين بينهم .. وجرأة البنت في السلام بالخد معه : ................ بدر : ههههههههههههه هلا والله غاليه .. وش الدنيا مسويه فيك زمان عنك ؟! غالية : بمية صحة وعافيه حمد الله .. انتا كيفك وشو تعمل هون ؟! بدر أشر لميهاف اللي تطالعهم بصدمه : اعرفك ميهـاف زوجتي .. ميهاف هذي غالية منتجة في عالم العروض واشتغلنا مع بعض كذا مرة ميهاف رفعت حاجبها بكبر وهي تحط رجل على رجل وتطالع غالية .. اللي تنتظر منها تسلم عليها : ......... لما فهمت غالية انها ماراح تسلم عليها وجهت كلامها لبدر : لكان تجوزت .. ان شاء الله الف مبروك , ومابدك تعزمنا كان ؟! ميهاف بحده : بصفتك إيش نعزمـــك !؟ غالية بمرح : ههههههههه بصفتي سبب نجاحوه بدر طالع ميهاف مستغرب انقلاب مزاجها : شفيك ع البنت ماقالت لك شي ترا ! ميهاف مسحت فمها بإناقة من الأكل ووقفت وهي ترمي المنديل على الطاولة ... وتطلع من المطعم عقدت غالية حواجبها باستنكار : شو بهـا ؟! بدر اللي كان يحدق فيها وهي تطلع متجاهلته .. : اسفهيها ! .." ابتسم لها " تفضلي عازمك غالية : لا مافيه داعي تؤبرني .. روح الحئها ماتكون فكرت غلط بدر ابتسم : يعني نحشتي زوجتي وما راح تعوضيني . غالية بانحراج : ههههههههههههه لكان ع حسابي بمناسبة جوازك اما بـدر جلس يكمل عشـاه .. وغرضه يفهمها ان هذي حياته ولازم تقبلها ! ولا راح يغيرها عشانها عـند ميهـاف : - وقفت لفترة برا المطـعم تنتظره " يلحـقها " ... التفتت تطالع حصلته يتعشى معه وصلت حدودها هنا وهي تحس بغميصه رفعت يدها بقهر وهي توقف تاكسي يوصلها للفندق .. - لساتكم ثاني يوم .. لحقتوا تخربوها ؟! xD *** ام فراس بهدوء تحـاول تهدي ام عبدالمجيد : حصـل خير الله يعوضها خير ان شاء الله ام عبدالمجيد بعصبية : بيعوضها ربي خير ونص ! وش هذا يا ام فراس .. ماعرفتي تحكمينه وهو ولدك ام فراس : انا من كلمتك بالموضوع قلت لك لاتعلمين الرجاجيل .. لأن فراس للحين مايدري .. ام عبدالمجيد : ماتوقعت حضرته فراس مكبر راسه حتى على بنت عمته .. الله يرحم اخوي ماعرف يربيه طلعت ام عبدالمجيد من البيت وهي مرتفع ضغطها .. تقدمت اسماء لامها اللي كان ماسكه راسها اللي صدع من النقاش الطويل : يمه طولي بالك .. بعدين عمتي الله يصلحها ماكان لازم تتكلم معك كذا ! ام فراس تنهدت : معها حق .. مقهورة على بنتها شتسوي ؟! انفتح الباب بهاللحظة .. كان فراس اللي مجرد ماجلس لاحظ الجو الغريب عقد حواجبه : يمه تعبانه فيك شي !؟ ام فراس تنهدت : فيني انت .. الله يصلحك ويسامحك بس فراس : انا .؟! شفيني انا ؟! اسماء بقهر : تو عمتي طلعت .. ومنقهره على بنتها .. ام فراس : مسكينه كان متحمســه لهالزواج فراس : لا تتحمس مافاتها الا الشر ام فراس : وانت ماقدرت تمشي الموضوع بس عشان خاطري .. لهالدرجة مالي خاطر عندك فراس : خاطرك يسوى مليون خاطر ام فراس .. بس الزواج انسوا ام فراس وقفت بتثاقل وهي تصعـد ... فراس طالع اسماء : امي فيها شي ثاني غير هالموضوع ؟! اسماء : مافيـها شي .. بس انت ماتدري قد ايش كانت متحمسة لهالموضوع طول ما انت تسافر وهي تخطط فيه فراس احتفظ بالصمت .. تنهد وهو يوقف طالع .. اسماء : وين تو جيت ؟! كان الرد صوت اغلاق البــاب .. اما فراس ركب سيارته وهو يفتح جواله ويطلع رقم مدفون بين الإتصالات وضغط اتصال مباشرة رفع السماعة لإذنه وهو ينتظر الــرد جاه الرد المستنكر : الـو ؟! فراس : السـلام عليكم .. مساك الله بالخير عمه ام عبد المجيد باقتضاب : هلا .. فراس : وينك طلعتي بدري ؟! مالحقت اسلم عليك ؟ ام عبدالمجيد بمقصد واضح : خيــرك سابق ! فراس : خيـرك أسبق .. عموما حبيت اعتذر لك ولسجى والله يرزقها من يسعدها , واذا هي عندك هاتيها اعتذر لها شخصيا .. وصدقيني مو عيب فيها ولا فيكم العيب فيني ومني انا ام عبدالمجيد بانحراج : حصل خير .. فراس بحده : دام حصل خير ياليت معاد تغثين الوالدة بهالموضوع ! ام عبدالمجيد : من حرتي على بنتي وش بيدي ؟! فراس : مالك لايم .. وفيك حره واجهيني فيها انا المتسبب مو هي ام عبدالمجيد بضيق : الله يرحم ابوك .. هو نفسه كان يقول فراس لوداد .. وداد راحت وانا ماحبيت اخسرك فراس باقتضاب : حصل خير ونضل اهل ..في امان الله *** غـادة افكارها توديها وتجيبها ... ماتبي تروح لأهلها ماتبي ترجع لازم تلقى حل ! تنحاش ؟! اووه صارت عاده عندي .. حست بكمته من الملحق .. سحبت رجلها برا الملحق وهي تتمشى بالحديقة وقفتها خطواتها قدام الفناء الخلفي وين مكان السيارات .. كبست بعيونها وهي تحس اللي تشوفه يمكن وهم .. رجال مسند راسه على طارة سيارة سوداء ماوضحت ملامحه .. لكن الشعر الفحمي الكثيف هذا شعره هو .. : .................... لوحة السيـارة كانت " ف ر س " , اول مرة تشوفه بهالهيئة .. هيئه هادية حزينة مع ضوء القمر , معها حق هالإنسان تضرر اكيد من هذي ريم .. لايكون تزوجته ثم تركته ؟! ... سحبت رجلها قبل يشوفها ويصير مالا يحمد عقباه ... استوقفها صوته الهادي : شتسوين هنا ؟! التفتت بخوف .. كان على نفس وضعه , بلعت ريقها وهي تقول : اتمشى ! فراس رفع راسـه وهو يحس بخمـول .. جواله جمبه ينتظر ردود البلاغ اللي ارسله لل في بي أي عن اعمال العصابة : ...... كأنه ينتظر نهـاية همومه .. نهاية كربه ( معد بقى شي يبه .. كلها ساعات ) : ..................................... غادة استغربت هدوئة ..حتى عيونه هاديه مو تطعن كالعادة : ادري انها ممتلكاتك .. بس شتسوي هنا بالليل ؟ فراس ابتسم دون نفس : صايره تمونين حضرتك ؟! غادة كبست بعيونها .. وهي تحس بحركة بصدرها من اثر ابتسامته الكسوله : ................... غادة : ماراح تصارخ علي عشـان جيت هنا ؟! فراس : بـكرة .. مالي خلق اللحين غادة هزت راسها باقتناع .. : شكل حالتك متأزمة بجد .. فراس رفع راسه وهو يتسند على الكرسي الجلدي التفت لها بملامح هادية أول مره تلمحها بوجهه : انتي اللي تقولي هالحكي .؟! غادة : عمـوما راح اقول لك من خبره .. ترا الحب دايم يخذل مستحيل يجي حب كامل فانت لاتترك هالتجربه الفاشله تحبطك , " كملت بقهر " عاد الصدق مايناسب هيبتك تروح تحبها فراس عقد حواجبه يحاول يفهم وش اللي اسائت فهمه : .................... اما غادة كملت بوعظ .. ماصدقت تلقى احد يكلمها تحس فقدت مهارات التواصل :عاد هي الخسرانه احد يضيع هالعز كله ! فراس كبس بعيـونه وهو يطالعها جالسه على الزرع وتلعب فيه ومتحمسة تتكلم .. كأن لها سنة ماتكلمت : عاد ترا اذا هي ماتبيك اعرف لك وحده بمجتمعك تبيك ميته عليك رح لها ... " ضيقت عيونها " شاسمها .. شاسمها ... ايه سجى! فراس ( ما شاء الله عليك ياسجى مصرحه للكل ) : ....... فوزية الدريع خلصتي وعظ ؟! غادة ابتسمت : اعرف ولا ماش ؟ ابتسامتها ترسم شقاوة طفولية .. وطرحتها الملفوفه حول وجهها الصغير زايدتها جاذبية مع ضوء القمر .... فراس : دامك خلصتي اجل خذي هالنصيحة ... " غادة بتركيز وهي تسمع النصيحة " خمي عمرك وانقلعي لملحقك غادة كشرت .. ووقفت بقهر وهي تقطع مع العشب بيدها وتمشي مبتعده .. اما فراس هز راسه : ههههههه انا احب ريم ؟! ابي اعرف وش التحليل الرائع اللي وصلها لهالنتيجة .. دق جواله التفت بسرعة وهو يرد مباشرة : yes ! : thanks for you'r reporting فراس : so ?! what's happined to them ? :now there'e all in tha gail نزل فراس السمــاعة من اذنه وهو مو مصدق .. بهالسهولة انتهى كلش رفع عيونه للقمر : حمدالله يارب .. حمدالله | ||||
|
| |
|
18-03-17, 11:40 PM
| #30 | ||||
| نجم روايتي وفراشة الروايات المنقولة 
| الروايه حلوه. هل. لهاتكمله:  الشخوص متفرقين بالتعامل والتجارب والاخلاق ونظرتهم بالمجتمع وباهل المجتمع.  فيها اثاره. وظلم واشياء ترفع الضغط كتصرف. اسماء. وغاده. ونايف. واحمد واهله  فيها من واقع المجتمع. الشئ الكثير. من. حالات ناس عندهم بذخ وحالات عدم وحلات استغلال وحب الفشخره من حالات الاستغلال  | ||||
|
| |
 |
| أدوات الموضوع | |
| انواع عرض الموضوع | |
|
|
12Likes
العرض العادي
