26-04-17, 07:54 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  " البارت الخامس والثلاثين " - رجل بلا غيرة كـ أمرأة خلقت للدنيا بدون حياء . دخـلت اسماء المجلس وواضح عليها الربكة عقب اللي صار ... رغم كثر ندائاتها له ما استجاب لها ! اشرت لأمها ولإبتسام .... أول ماطلعوا قالت بربكة : اااا ....... هممممم ام فراس : شفيك وش مطلعتنا من المجلس له .؟! اسماء بعد تفكير : مافيه شي خـلاص تطمنيإبتسام : وينغادةمن طلعت وماشفتها .؟! اسماء : هممم برا تشم هوا ... تقول شوي وراجعهأول مارجعت إبتسام وام فراس ... راحت اسماء تفتح جوالها وهي تحاول تدق على فراس بس مايرد يقفل الخط بوجهها : هين يافراس ! سايق علينا العقل وممنوع تسوون وهذي فعلتك ! انا اوريك عــــند غادة : - بعد كل صراخها وهواشها ومحاولاتها اللي مامنها فايدة ... بدت تيأس نطقت بهدوء : ناوي ترجعني ولا لا ؟! فراس فتح الشباك .. وهو يشفط سيجارته دون يستجيب لها : ............. غادة امتلت عيونها دموع ... اخر مرة كانت بسيارته لما وصلها لاهلها واللحين رجعت وكالعادة اللحظات بهالمحيط حوله مخيفة : .................مصنوع من حديد انت ؟ ماتحن .؟ ماتون .؟ ماعندك مشاعر ! فراس : لا ألعن من الحديد انا .. الحديد ينصهر انا تسؤغادة شهقت شهقة مكتومة : ................ فراس وهو يقود بهدوء .. تحت السرعة الطبيعية : اولا يانجسة حنا رمضان ولاراح اخربها بسببك .. بس ماعليك الأيام جاية بتوريك منهو فراس وكيف تلعبين معه ! غادة بقهر : إيش تتوقع تحصل مني عقب ماسحبت بنتي من يدي ! اصفق لك ! اشكرك .؟! ... " كملت بيأس " انا كنت اشوف منك جوانب كويسة معاي انا ورنيم قبل ماتوقعت يهون عليك تبعدها عنيفراس بحدة : مو ذنبي لما تكون مجاعتك العاطفية طاغية عليك ! وتخليك نظنين اني بكل حركة وكلمة اقصدك .. انا ماعمري حنيت عليك لا أنتي ولا بنتك .. انا كنت اتصرف بطريقة ترضيني من نفسي .. بس لا انتي زودتيها وانا بلشت ابطل اتجاهلكغادة بمحاولة يائسة : بكل مرة احاول اتكلم ما اقول الا الكلام اللي مابي اقوله .. هذا من قهري ماتقدر تلومني ! فراس وقف سيارته بنص الفيلا ونزل وهو ينطق : أنزلي ! بلعت غادة ريقها وهي تنزل : هذي الفيـــلا .؟! تافف فراس من جواله ... اسماء ماخلصت مكالماتها .. اشغله بوجهها وهو يمشي ناحية غادة : ماعندي وقت ف على السريع ! سحب طرحتها من راسها ... شهقت غادة وكلش ينكشف قدامه : شتسوي مجنون ! فراس بقرف : لاتحسسيني اني مبسوط بشوفتك ! " طلع جواله وبحركة سريعة لقط صورة ..." كذا صار عندي تهديد يلوي لي ذراعكغادة فتحت عيونها بوسعها : شسويت .؟! فراس رجع يركب سيارته : اخلصي .. ولاتجلسين تنصدمين انتي توك ماشفتي شي ! عضت غادة على شفتها وهي تركب .. ومو مستوعبة القذارة اللي فيه .. نطقت بهدوء : وش ناوي تسوي ؟فراس : الصورة هذي مجرد لوية ذراع .. بأمانة انا ما ارتاح اذا ملف معلوماتي اختفى او صار بيد غيري ! فانا راح ارجع هالملف مكانه ويادار مادخلك شر غادة : مافهمت ... فراس : اللحين تفهمين ... لا تستعجلين على رزقك ! على اني بعترف اني بعطيك هدية ماكنتي تحلمين بها بيوم .. بس لاتغرك كثير راح تكون اكبر كابوس بحياتكغادة : مابي منك شي .. فراس : تخسين تاخذين مني شي اساسا ... " اول ماقربوا من البيت نطق بحدة " الكلمة الوحيدة اللي بتنطقيها اذا دخلنا هي ايه .. ولا انتبهي ترا الفضيحة على البابغادة بقهر : اكرهك . فراس باستهزاء : لا انا اللي اموت فيك .. انزلي بس ! أول مانزل استقبلته اسماء برعب : فرااااااااااس ! انهبلت مجنون ! فراس : خير ؟اسماء وهي تنقل بصرها بين وبين غادة .. نطقت : اسمع انا ماقلت لاحد ! وراح استر عليكم ... بشرط بعثتي تجهز !! فراس التفت لغادة وهو يتجاهل اسماء : قدامي انتي .. دخلت غادة البيت وهي مو عارفة وش حطت نفسها فيه .... نطق فراس اول مادخل : يمـــــــه .... يماسماء لحقتهم : مجنون ! تبيها تشوفك تبي تذبحها ! طلعت ام فراس ببشاشة ... اختفت لما شافت اللي بعبايتها جنبه : ................ فراس : يمه نادي أخت هالزفت هذي .. راح اكون بالمجلسام فراس : شصاير ! وش تبي باختها !! وش تسون سوا !! اسماء بقهر : لا وتو راجعين من مشوار بعد ... خذوا لفة بالسيارة وجوام فراس شهقت : مستحيل ! انت يافراس تسوي كذا .. فراس : انا بالمجلس .. مشى .. ولما استوعب ان غادة بمكانها للحين التفت : شتنتظرين انتي ! بلعت غادة ريقها وهي تمشي ..... ام فراس التفتت لاسماء : اللي جالس يصير قدام عيني صدق .؟! اسماء : والله يمه شكل هذي فرصتك انتي وابتسام دامهم سوا ... تعرفون كلش ! هالوضع ماينسكت عليهام فراس : نادي ابتسام وتعالي .. وانتبهي احد يحس ان صاير شي .. اسماء : هم بيحسون انتي وابتسام وغادة مختفين ! بس يله بروح اناديها .. عدلت ابتسام عبايتها .. وجت لام فراس وقالت بقلق : وش صاير .؟! ام فراس : علمك علمي ... بس خل نروح نشوف والله يستر .. هالسالفة راح تقتلنا ناقصين عمرأول مادخلوا المجلس .. كانت غادة جالسة بعيد عنه بمسافة معقولة , اما ابتسام كشرت أول ماشافته شكله مايوحي بطمأنينة نهائي سيجارته اللي بفمه .. ملامحة المشمئزة من كلش حوله ... رفع حواجبه : مضيعه شي بوجهي؟ إبتسام قررت ماتنطق شي بحضور امه .... نطقت ام فراس بعصبية نادر تستعملها مع فراس : اللحين تكلموا شصار ! انا ماني حمل كل هاللي يصيرفراس : ارتاحوا انتو ... انا بفهمكم وش جالس يصير " مجرد ماجلسوا " للأسف هالحيوانة اللي جمبي مريضة .. انا مستوعب هالمعلومة من طلعت لي من غرفتي بسوالف وما أدري ايش .. ابتسام بقهر وهي تعرف اللي بينهم : هذا مو صحيح ! فراس بحدة : ماخلصت كلامي ! ...." كمل " انا على بالي الموضوع خلص بموقف واحد سخيف ... بس لا " التفت لابتسام " وش ردك على اني ارجع لبيتي احصلها تركض تطلع قدامي وتهاوش .؟! بالله وين حياها كمره .؟ وقبل كلش وين كرامتها كا انسانه ؟إبتسام التفتت لغادة اللي كان منزلة راسها : هالحكي صحيح .؟! فراس التفت لغادة وهو يدق باصبعه على جواله الموجود على الطاولة .... بلعت غادة ريقها وهي تنطق : ايه . ام فراس التفتت لإبتسام : مو قايله لك البنت هي اللي ناشبة له ! فراس : عموما انا صبري نفذ ... وقررت اعرف وش تبي بالضبط .. " ابتسم بشماته وهو يلتفت لغادة " قولي لهم وش تبغين مني .؟! غادة والردود محفظها اياها ... شدت على قبضتها : ............................. الكل عيونه عليها ويحتريها تتكلم ..... غادة اول مرة تحس بذل بحياتها كذا دعت عليه بالموت بابشع الأمراض بهاللحظة ... نطق فراس بسخرية : لايكون استحيتي .؟! غادة نطقت بين اسنانها : ابغــاه ..... يـ ..يتزوجني ... وسط انصدام الكل .. نطق فراس : كملي ... انطقيها بالحرف غادة بقهر : ويستر علي .. حتى لو اكون خدامة عنده .. فراس رجع يلتفت لملامح امه المصدومة : مو مقامي هالعروسة ..؟ام فراس نطقت بصعبية : فراس ! وش هالمزحة ! فراس : ليتها مزحة ... بس للأسف هالاشـــكال موجودة , لو كل من بغت واحد سوت معاه الي انتي سويتي على الدنيا السلام ابتسام معد تحملت وقفت : غادة امشي قدامي ! فراس رفع حواجبه : ويـن .؟! ماتبون ردي على الخطبة .؟ ولا عارفين قدركم شكلكم . ؟ ابتسام طالعته : أنت واحد حقير ... ولا تستعجل على عقوبتكم ماراح تسلم .. الجهل اللي انت فيه ماراح تخبيه بساعتك الغالية ولا سيارتك .. ولا شركاتك .. رغم كل اللي انت فيه ما اقدر اشوفك الا انسان جاهلفراس : بالله هذا منطق .؟ مو اختك هي اللي قاطه عمـــرها علي .؟إبتسام بنظرة حادة لغادة : اختي شغلها عندي .. ام فراس : غادة .؟ انا مو مصدقة فيك ... معقولة كل هذا يطلع منكغادة عضت على شفتها حتى ادمت : ايه .. فراس ارخى جسمـه : عمــــوما ... يمه انتي وش شايفة ؟! ام فراس فتحت عيونها : بشنو ؟! فراس : بشنو .؟ بها ..... ام فراس فتحت عيونها بوسعها : بتــــــــاخذها يعني .؟!!!!!!!! فراس التفت لغادة : بالله مو تكسر الخاطر .. جايز اتصدق عليهـا , " كمل بقسوة " عموما هي عطتني النظرة الشرعية ... وماعليها تمشي الحال الكل معد استوعب اللي جالس يصير .... محد توقع " زواج " , ام فراس : بس مو انت رافض الزواج .؟فراس : بس انتي تبغيني اتزوج .؟ خلاص هذي هي عروسة وببلاش .... وبعدين خليني اخلص من كلام الناس هالزواج بيسكتهم .. ترا طفشت من الحن والرن بالمجالسغادة فهمـت قصده لما عطاها النص اللي تقوله ... بالهدية الشكليه حقته ؟! . " عروسة وببلاش " هالكلمة سمعتها من احمـد قبل ... الظاهر راح تضل طول عمرها رخيصةفراس وقف بهاللحظة وبطريقه لبرا : عموما انا موافق ... وراح ارد لكم متى اكون فاضي عشان استر على بنتكممجرد ما اختفى الكل طالع ناحية غادة .... ام فراس طلعت مباشرة وهي تلحق فراس لفوق .. اما ابتسام قربت من غادة : غادة ! وش هالمصخرة وش اللي جالس يصير ...؟!!!! غادة بقهر : هذا الصدق ... انا ماصدقته يرضى فاتركيني .. اسماء كانت متنحه وسط هذا كله .... مستحيل ماتوقعت فراس يتزوج نهائي ! ومن بياخذ .؟! غادة !! عــــند فراس / دخل غرفته وهو يرمي شماغه وعقاله بتعب ويجلس .. تنهد : كذا صارت ملفاتي حولي ... مستحيل اترك اللي خبيته كل هالسنين يروح .. طق البـاب نطق : ادخلي .. دخلت ام فراس وواضح على وجهها الإنزعاج ... أبتسم لها بإرهاق واضح : مافيه مبروك ام فراس ؟! ام فراس بقهر : على وش مبروك !! " جلست جمبه وهي تمسك يده " تبي تتزوج .؟! انا اخطب لك مليون وحده اللحين تتمناك ... ليش تاخذ غادة ماتناسبك ! فراس : عارف انها ماتناسبني .. ولا بعمرها بتناسبني , بس الحكي كثر وانا هالموضوع ماعاد ابيه يطول , خلاص باخذها وكلن يحط لسانه بحلقه ام فراس : بس حتى اخلاقها ماتنفع .. ولا من الحرمة العاقلة اللي تترجى رجال يتزوجهافراس تنهد : الحكي مايودي ولا يجيب .. ام فراس : إلا يودي ويجيب ... مدري من وين طلعت هالغادة وحاستنا كذا ! وش بينها وبينك عشان تسوي كل هذا فراس : نتكلم بعدين ... انا بنام مرة منتهيام فراس : وش أقول اللحين لإبتسام ولا للحريم حتى ؟فراس بضجر : شتقولين يمه اول مرة ينحس رجال حياته ويعرس ! ام فراس تنهدت بضيق : وانتي ليش تدخل زواجه تشوفهـا نحس .. فراس : انا لي منظوري الخاص ... ومن منظوري هالزواج لازم يتم فلاتطولينها الله يرضى عليك اللي فيني كافينيام فراس حسته متعب بجد .. فهزت راسها وهي تطـلع : الله يعين نشوف التاليه نـزلت استقبلوها الحريم بتعجب من اختفائها فجأة ... اعتذرت وهي تجلس جمب ابتسام همست لها : وين غادة ؟إبتسام بضيق : وصيتها للبيت ... الموضوع فيه شي غلط ! ام فراس بهمس : ماعاد فيه شي غلط .. هي قالته بنفسها " تنهدت " انا حاكيت ولدي وشكله مصمم .. واعرفه لاصمم على شي مستحيل يهون منه إبتسام : انا مو عارفة شاقول والله ... الموضوع كله يصدع الواحد , اليوم كل وحده ترجع بيتها وتحاول تفهم وبكرة نتواصل ان شاء الله ام فراس بضيق : ان شاء الله *** عـند لؤي / اثناء ماهو بشقته اللي استاجرها هالفترة .. ويفكر كيف يحصل طريقه لها , مايدري متى صارت تكرهه كل هالقد , دق جواله طالع المتصل .. تنهد وهو يرد : سم يبه ابو نايف : هلا لؤي ... شخبارك شعلومك ؟لؤي : حمدالله .. انت كيفك وكيف امي ؟! ابو نايف : ماعليها .. انت وين للحين ؟! امريكا ؟ لؤي : ايه .. ابو نايف : ماخلصت ؟! مابقى على العيد الا 3 ايام ... حسافة تقعد العشر اساسا هناك مفروض جالس معنا هنا لؤي : مكتوب يبه .. ابو نايف : طيب متى بترجع .؟! لؤي : قبل العيد بيوم ان شاء اللهابو نايف : اهم شي فجر العيد احصلك بالصلاة جمبي ! سامع ؟ لؤي : ان شاء اللهابو نايف : يله في امـان اللهسكر لؤي السماعة ... وهو يرجع جواله ويستلقي يحس يدينه مربطة على انها جمبه ’ *** دخـل بدر البيت بعد نهاية الأمسية : يمــــــه ! دخل الصالة كانـوا كلهم مجتمعين ... ميهاف كانت جالسة ومستغربة الجو , واضح شي صاير بس محد يتكلم وقفت ام فراس وهي تدخل غرفتها : بدر تعال ابيك عقد بدر حواجبه وهو يطالع اسماء وميهاف : شصاير ؟! اسماء : روح وبتعرف دخل بدر الغرفة .. استغرب هيئة امه جالسة ومسنده راسها على يدها وواضح عليها الهم جلس قدامها : سلامات شصاير ؟ ام فراس : أخوك نوى يتزوج ! بدر رفع حواجبه بعدم تصديق : امـــــــــــــانة !!! لا مو مصدق ... " عقد حواجبه " لحظة وانتي ليش زعلانة ؟ام فراس : وليش بكون زعلانة ... لأنه بيتزوج وحده ماتناسبهبدر بتحزير : سجى ؟ بس انتي كنتي ميته عليها .. ام فراس : وانا بزعل لو يتزوج سجى ! امنيتي هذي ! بدر : اجـل مين ؟! ام فراس : غادة ! اللي سوت له سالفة اخر مرة ! بدر : ايه وانتي ليش مضايقتك .؟! ام فراس : أولا مطلقة ! ثانيا عندها بنت ! ثالثا اخلاقها واضحة من اسلوبها .... مو كافي هي اللي عارضة نفسها عليه للزواج بدر فتح عيونه : هي عارضة نفسها .؟! وفراس مهبول يوافق ! ام فراس بهم : يقول انا اشوف شي انتو ماتشوفونهبدر : معلوم ماهو نظرته للعالم كلها مخبوصة ! طبيعي يشوف شي مانشوفهام فراس بيأس : وش اسوي .؟! تخيل انه عنـد عليها !! بدر حاس بفمه : مدري والله الموضوع يخبص ... اجل هو مهبول ياخذ وحده مطلقة اساسا ؟! لا وبنتها وش بيسوي بها يبحل بها ! ام فراس : انت بعد ماشفت طريقة البنت اليـوم .. الله لايبلانا شوي وتحب رجله عشان ياخذهابدر فتح عيونه : اصلن ليش تقابله ؟!! معليش يمه بس انتي لازم تمنعينه ... مهبول هذا خلصوا الحريم إلا هي ؟ ام فراس : يقول كلام الناس مب مغيره الا هالشي .. بدر : وش عليه من كلام الناس ! متى كان يهتم اساسا ؟! ام فراس : والله انا يدي مربطة ... ماعطاني فرصة احاكيه من شوي نام على طولبدر تنهد : هدي بالك وخليه ينام كود عقله يرجع له ... وانا بكرة جايكم بدري ونتفاهم , " وقف " تامرين على شي ؟ ام فراس : سلامتك حبيبي الله معك طلع بـــدر ... بالسيارة : ميهاف : صاير شي .؟! ايش كان تبي منك خالتي ؟بدر : بموضـوع .. ميهاف : ايه خابره بموضوع .. بس ايش ؟ خصوصا انها اليوم ماكانت على بعضهابدر : مافيني اقولك ميهاف سكريميهاف عقدت حواجبها : وليش مافيك تقولي ؟! سر يعني ؟بدر بتغيير للموضوع : ثالث يوم عيد انا عندي تصوير بدبي ... فبمشي ثاني يومميهاف فتحت عيونها : نعـــم !! بدر : ينعم بحالك ... عندي تصوير وبروح ميهاف : بس هذا عيد ! وأول عيد لنا من تزوجنا .!؟ ليش تسافر .؟ بدر : وانا بسافر مزاج ؟! بسافر عندي شغل ! ميهاف بقهر : أيـواه ومشروع الجامعة مو كان برمضان ورفضت لأن اول رمضان لنا سوا ونبي نجلس سوا ! يله انت كمان مالك حق تروح ... بدر دون نفس : ميهاف انا مسافر مسافر ... ودك تطنقرين ودك ترضين ميهاف : اجل بروح معك ! بنقدر نستانس هناك بدر : ماني فاضي شغل تصوير بخلصه سريع وبرجع ... وين تروحين معي ؟! وبعدين نايف بيكون موجود يعني كلش مب جونا ميهاف : اهااا .... نايف يروح معك اوك ماعندك شغل ! وانا لا عندك شغل مايزين !! بدر : نايف بيروح يتونس لحاله ماراح اكون معه ..مجرد بيسافر معي , لاتحسدينا على بسطتنا يعنيميهاف تكتفت بقهر : بصراحة انا اشوف هالتصرف انانية .. ولا اقلها كان لاترفض المشروع . بدر بعصبية : من بكرة روحي لمشروعك لايفوتك ! ذليتيني بهالمشروع اللي بيسمعك بيحسبك بتحررين القدس بهالمشروع ! ميهاف : لا كلش شغلك هو اللي بيحرر القدسبدر : ميهاف اذا من اللحين بتقارنين نفسك بكل حاجة اسويها بنتعب كثير ... معلوم اني الرجال وامكانياتي اكبر من امكانياتك فروقينيميهاف : بس انا عشت ببيت مافرض علي هالقانون رجال وحرمة عشان تفرضه علي اللحينبدر : اذا مشتاقة لهالبيت قولي عشان ارجعك لهميهاف فتحت عيـونها : كذا يعـــني ؟! " كملت بقهر " هذا انت يابدر طول الوقت محد احسن منك ... بس وقت اناقشك بشي بسيط تطلع غربتكبدر وهو يوقف السيارة : والمصيبة انك تنسين كل هالوقت اللي اكون فيه محد احسن مني ! وتركزين لي على هالنقاش ! محد كامل ميهاف ... ولا حتى انتيسكتت ميهاف وهي تنزل وتسكر الباب وراها بقوة وتصعـد ... سخيف بجد ! اجل لازم ادفن نفسي هنا عشاني بنت ؟ *** إبتسـام/ بعد ما انتهت من نقاش طويل مع غادة .. دون أي استجابة جواباتها مقتصرة على - ايه , لا - ! صعدت غرفتها ... حصلت نايف تو صاحي من النوم ... نطقت بقهر : ماراح تصدق شصار ! نايف وهو يفرك عيونه بكسل : وش بعد ؟! إبتسام : مدري حتى كيف اشرح لك السالفة ... شي يضحك نايف وهو يتوجه لغرفة الملابس : اجل لاتشرحينهاإبتسام : آسفة شكلي ازعجتك وانت تو صاحي ... غريبة امس رجعت حصلتك نايم بدري على غير العادةنايف : جاني النوم فنمتإبتسام تنهدت : مو مصدقة أن باقي يومين على العيد ... رممضان هذا كان كله مشاغل دنيا محد تفرغ لعبادته طـلع نايف وهو لابس وخالص .... إبتسام : لوين ؟! نايف وهو يتوجه للتسريحة ويكمل اناقته : بداومإبتسام فتحت عيونها : بدا دوامك ! نايف : ايوه ... وقلت لك امس على السحور بس الظاهر ما انتبهتيإبتسام : بجد .؟! لا والله ما انتبهت راسي مخبوص هالفترة .... " ابتسمت " مبـروك حياتينايف : يبارك فيـك .. عموما راح يكون هناك فطور فلاتحسبي حسابيطـلع مباشرة اما ابتسام تنهدت بكسل وهي تحاول تدق على أم فراس بس مافيه رد ... لو الموضوع جا بغير هالظروف كان بيكون أسعد خبر ان رجال مثل فراس يخطبها بس الله يسامحك ياغادة وش حطيتي نفسك فيه .. *** بعد ماخلص تزرير ثوبه .. ورمى شماغة نزل وهو يلبس ساعته , حصل أمه وبدر اخوه جالسين وكأنهم كانوا ينتظرونه ... جلس بطبيعية : مساء الخير بدر : غريبة عليك صاحي متأخر ! فراس : صاحي بدري بس كان عندي كم ملف خلصتها ونزلت بدر تنهد : فراس أنا احترمك .. وانا ما احترم كثيرين , مو فاهم كيف انسان زيك بياخذ وحده كذا ام فراس : ايه والله .. كان خاطرك بالعرس مليون وحده تخدم عيونك غيرهافراس : انا للحين ضد الزواج .. واخر شي افكر اسويه ! بس مثل ماقلت لك امس انا شايف شي انتو مو شايفينه .. وبطلوا تناقشوني بهالموضوعبدر : اذا قصدك على كلام الناس ... طنشهم سنه كذا وينسون الموضوعفراس : ........................... بدر : لايكون ماخذ هالموضوع من ناحية انتقامية .؟! مايكفيك اخذت بنتها خلاص اترك السالفةفراس وقف : اتوقع اني رجال عمري بالثلاثين ومسنع حياتي وحياة غيري ... فمايحتاج اناقش احد بقراراتيبدر بقهر : يعني بتاخذها .؟! فراس : وانت شحاشرك ؟! خلك في حالك احسن .. ام فراس بقهر : وانا ؟! مقدر اتدخل في حياة ولدي .... انا احس اللي جالس تسويه بتندم عليهفراس : انتي اذا واثقة انك مربيتني بتفهميني ... " تنهد " اذا كلموك قولي اني فاضي خامس العيد يقابلوني بالمحكمة ام فراس : شنو ..؟!!! محكمة ! زواج خشاشة ؟!!! فراس : ملكة ما ابي .. عرس ما أبي .. كلها شكليات مامنها فايدة ! ام فراس : لا واللي يعافيك لاتخرب فرحتي فيك ... خلاص سلمت امري خذها بس اقلها بفرح فيكبدر : عاد لو تسوي هالحركة من جد راح يشكون الناس ! فراس : خل يولون ... اذا بخاطرك يمه سوي عزيمة عقب العرس براحتك , بس سالفة بشت ومجلس وتباريك ما ابيهاوطلع مباشرة ... مسكت ام فراس راسها بقهر : يارب رحمتك وش المفروض اسوي اللحين .؟! بدر تنهد : انا بكلم عمي يكلمه .. كود يطلع منه بشيام فراس : الله يعـــين .. كلمه ورد لي .. بدر : ان شاء اللهأول مـاطلع جلست أم فراس وهي ترفع جوالها .. دقت على إبتسام جاها الرد مباشرة : هلا ! ام فراس بضيقة : وش صار عندك ؟! ابتسام : وش بيصير عندي مو مهم ... لو ولدك بس يكنسل الموضوع منراسه وقتها انتهت السالفة .. ام فراس : هذاي تو حاكيته ... يقول العرس خامس العيد وليته عرس بعد بس بالمحكمة وخلصنا ! إبتسام : والله مو عارفة كيف تمشي السالفة ! انا هيثم اخوي بيجيني اليوم وبكلمه بس ما اتوقع منه ردة فعل .... اكيد بيشوف فراس رجال وبيقول تاخذه عاديام فراس : عموما حنا قلنا لعمه يكلـــمه ان اقتنع ولا الشكو على الله ابتسام : كيف يعني ؟! ام فراس : وقتها مالنا الا نرضى ... اللي براسه بيصير برضاي ولا بدونهإبتسام : يا ام فراس انا ماعندي مشكلة مع هالشي ... عندي مشكلة مع الطريقة اجل معقولة اختي تروح دون مهر لا وهو محقرها ويقول خاطبتهام فراس : هذا الحق .. لا تزعلين يا ابتسام بس اختك ماقصرت بعد ولا ليش كل مادخل بيته راحت تناقره ! تحمد ربها اللي وافق بعد إبتسام حست بلهجة ام فراس نرفزة غريبة عليها ... فردت بهدوء : يصير خير .. سكرت ابتسام السمـاعة وهي تحس بغبنة صدق .... راحت للمطبخ تجهز الفطور لأن هيثم بالطريق , لازم تكلمه وتحطه بالصورة لايسوي سالفة بعد ... *** ســارا / لها فترة ماتطلع من البيت .. كل ماتطلع تحصله قدامها وهذا الشي اللي ماتبيه , لكنها اللحين مضطرة تطلع تركت مايا عند صوفي وهي تطلع ... انتبهت له بالكراسي اللي على الطريق جالس رفع عيونه من جواله اول ما انتبه لها وابتسم ابتسامته المعهودة وهو يأشر لها ... ارمقته بنظرة وهي تكمل طريقهـا .. اما لؤي تنهد وهو يلحقها : جالسة تكسرين قلبي انتي كذا ؟ ! سارا وهي مركزة على طريقها : كويس .. انكسر الشرلؤي : اوف ياساتر ! سارا : ............................ لؤي : فين مايا .؟! سارا : لا تدخل جو الأبو بزيادة ... انا مابي مايا تعرفك فرجاء باقرب فرصة ايأس وارجعلؤي : اللي مثلك يتركون سارا .؟! مستحيل اقدر .. سارا : إلا تقدر ! لأنك بالنسبة لي صرت تحت مسمى كان ياماكان .. لؤي : لا تكابرين .. مستحيل تكوني نسيتيني بهالفترة سارا : خفف من كبريائك .. ترا فستان جديد يكفي عشان ينسيني من أنت ! لؤي وقف وهو يطالعها : .............................. سارا ! وقفت وهي تلتفت بقسوة : نعم ؟! لؤي : انا راجع للـسعودية ... راح اقضي العيد هناك وراجع , بهالفترة فكري مضبوط .. لأني ماراح اترك حياتنا تنحدر اكثر من كذا .. سارا ابتسمت بسخرية : راح يكون طبيعي لو ماترجع نهائي ... لك سوابق لؤي تنهد بضيق : اللي ابيه منك ماعاد تسألين غيري عني .. اسأليني انا , لأن عشاق التأليف كثيرين ما شاء الله .. اولهم فراس .. سارا طالعته لفترة وكمـلت طريقها .... ماراح يرجع لاتصدقين ! اعتبريه ماجا .. ماجا .. ماجا ! *** دخـــل هيثم وضيفته ابتسام بالمجلس وراحت تجيب الأغراض وهي تستعد نفسيا تعطيه الخبر ..: ............. هيثم وهو يستنشق ريحة الأكل : اللـــــه يا إبتسام كم لي عن وجبة كذا ! إبتسام : هذي العزوبية الله لايبلانا ... قايله لك من أول خلني ازوجكهيثم أبتسم : قريب ان شاء اللهابتسام : تسلك لي كالعادة ..؟! هيثم : شدعـوة انا قايل لك من أول بتزوج .. بس زواج المنطق مايناسبني لازم يكون فيه سبب قوي عشان اتزوجهاإبتسام : واخترت وحده ولا لسى .؟! هيثم : قبل كلش .... شكلك مب عاجبني شفيك ؟! إبتسام : شوي إرهاق ... " تنهدت " هيثم ترا ... " حاولت تصيغ الجملة بافضل صيغة ممكنه " غادة يمكن تتزوج قريب هيثم فتح عيونه بوسعها : نعـــــــــــــــــــــــ ــم ؟!!!!!!! إبتسام : مو أكيد ... احتمال والظاهر انه اكيد , بس قلت احطك بالصورة في حال احد كلمكهيثم عقد حواجبه : مين ؟! إبتسام : ولد عم نايف ... فراس اذا تعرفه هيثم باستخفاف : تمزحين ؟ إبتسام : لا والله ما امـــــزح . هيثم : من قالك ! امه ؟ كيف صار كل هذا .. إبتسام عضت على شفتها ... مستحيل تقوله ان غادة هي اللي رامية نفسها بيذبحها : والله كلام كثير ... بس المهم ان هي موافقة .. هيثم : ما اشيل همها هي ! هي لو يجي الهندي حق البقالة وافقت عليه ! انا مو مصدق .... فراس براسه هامور السوق بياخذ مين ؟! غادة مطلقة ! إبتسام : انا كمان قلت كذا ... بس هذا اللي جالس يصير .. هيثم : حتى لو صدق ! انتي عارفة غادة وش بتسوي معاه ..؟؟؟ بتفشلنا كالعادة ... انا مو موافق اتنقد مع الرجال عشان حركاتها الطفولية إبتسام : أتوقع راح تتنقد معه اكثر لو ترفض ... " تنهدت " انا مابي اصير كأني ارمي اختي , بس نايف احسه بلش يتضايق من وجودها عندي ... وانا اقول يمكن مشاكلها اللي ماتخلص تخلص لو تتزوج .. هيثم بعدم استيعاب : ............... عموما انا اغسل يدي من كل هالموضوع مالي علاقة فيهاإبتسام : احتمال يكون خامس العيد هيثم : بدري كذا !!! إبتسام بضيق : هو امه قالت لي .... انه مايبغى الا ورقة عند المحكمة وبس .. هيثم ابتسم بسخرية : طبعا مايشرفه يسوي حوسه عشان وحده زيها ... تحمد ربها هذي رحمة من السماء نزلت لها انه بيتزوجها اصلنإبتسام حست بضيقته .. هذا وهو مايعرف السالفة كلها كان قتل غادة وخلص : .......... خل منك اللحين وش كان بتقول أنت ؟! هيثم تنهد : بغيت اسألك ... فراس عنده خـوات صح ؟ وش وضعهنإبتسام : ايه عنده ثنتين ... الكبيرة اسماء اتوقع انها اكبر من غادة بسنتين تقريبا وهمم وضعها اتوقع بتبتعث السنة الجاية هيثم عقد حواجبه : تبتعث ؟! إبتسام : ايه اخر مرة كنت عندهم كان امها معارضة .. بس هي البنت عنيدة احسها بالاخير بتروحهيثم انقلبت مزاجيته : ................ اها . إبتسام فتحت عيونها : لايكون تبيها ! هيثم : لا ... بس بما ان غادة يمكن تاخذه بغيت اعرف وضعهم .. إبتسام : ايه اشوى .. مو ناقصة انا سوالف مع ام فراس يكفي غادة الله يجيب عواقبها سليمةهيثم ( ... وين عقلي انا ! راكض ابيها احجرها وهي ناوية تشوف حياتها ! ) غادة رجعت لغرفتها بعد ماسمعت محادثتهم اللي وضحت لها ان حتى اهلها مو بصفها ويشوفونها غلطانة .. واكثر شي عزمها كلمة ابتسام ... حتى نايف صار متضايق من وجودي .. بلشت اصير حمل ثقيل على الكل *** اثناء ما لــؤي بالمطـار .. رغم ان لقائهم ماكان مثل مايبغى , بس دام شافها حمدالله نعمة .. فتح جواله واتصل على ابوه : هلا لؤي ؟! لؤي : سلام .... انا بالمطار حبيت اعطيك خبر اني بالطريق .. أبو نايف : بكرة بتفطر معنا ان شاء الله ؟! لؤي : ان شاء الله ... خل نودع رمضان جمبكم احسن .. ابو نايف : مادريت بآخر خبر .؟! لؤي : لا خبرك منقطع هناك عن العالمأبو نايف : احزر من اللي نوى يعرسلؤي عقد حواجبه : عبد المجيد ؟! ابو نايف وبصوته ضحكة : لالؤي : هممممم .. ولد خالتي فؤاد ؟ ابو نايف : هههههههههههه برضو لا ... لاتبعد قريب هو ! لؤي : الله يهداك يبه لحستني من يعني ؟! فهد اخوي ! ابو نايف : هههههههههههههههههه لهالدرجة مستبعد ... حتى فهد اخوك عرسته قبله ! خويكلؤي انقلب صوته لجدية : ميــــــن ؟!!! ......... فراس ؟ابو نايف : ايه فراسلؤي : تمزح معي يبه ؟ فراس مستحيل يتزوج ... ابو نايف : إلا بيتزوج .... والعالم مسوين حوسة مو عاجبهم الزواج , بس انا خذا شوري ودعمته دامه بيتزوج فحمدالله اهم شي راحته لؤي : ومن العروسة ؟ابو نايف : اخت إبتسام مرة نايفلؤي انصدم هنا بجد : لا مستحيل ! هذول لو بيدهم ذبحوا بعض ! ابو نايف : هو بيني وبينك حسيت الولد مو عاجبه الزواج ولا يبيه ... بس انا مزعجني انه عزوبي ! فحتى لو عنده هدف سلبي مايهم الزواج سترة للرجال.... " ابتسم " وعقبالك ! ماتبي تتزوج مع خويك مرة وحده ؟لؤي : لا تقول حتى .. هالزواج مو لله انشدني انا ! عموما الله يوفقه... انا طيارتي اللحين سلام *** في غضـــــون ليلة العيـد ... انتشر الخبر للكل , وكثر الحكي والكلام .. خصوصا ان ام فراس ضايقة وواضح عليها الضيقة ! اكيد بينهم شي ..... صاير شي ... ! والكلام الدارج هو فـراس ولد فهـاد ... خطبوه كثيرين وماعمره خطب , المليـــاردير اخيرا قرر يتخلى عن عزوبيته ... توقعوا حرمة اسطورية لكن خيبتهم لما عرفوا هويتها – مطلقة – أم - والكل قرر يقضي العيـد با استراحة أم فراس نظرا لأنه مافيه حفلة عرس ... فرصتهم الوحيدة للأخبار ويقابلون العروسة مرة وحدة ... اما فراس كان واضح عليه الضيقة لكن ماقبل أي نقاش بهالموضوع من أي شخص .. واي اقتراح يدل على الفرحة يرفضه ... اما غادة عايشة عزلة مع نفسها ووساويسها تكثر .. وش ناوي يسوي ! هالإنسان السادي اساليبه ماتقدر تتخيلها حتى ... غير انتقاد الناس لها انها باليته بمصيبة ... والكل راحمه من العروسة الرثة .. وهالزواج صار حديث السـاعة أثنـــاء ماهو بالصالة ومصحفه بيـده يقرا قراءة صامته ... وقف وهو ينتبه لأمه اللي جلست جمبه بصمت وكأنها تنتظر تكلمه : يمه ... بكرة العيـد ؟! والكل بيجي وبيسأل والحكي كثير ..... واللي يرضى عليك حبيبي اقلها حفلةفراس تنهد وهو يرجع يفتح مصحفه بمعنى للحين مايأستو ..؟! : ................ ام فراس : يالله طول عمرك تدور رضاي .. وش صار عليك من ورا هالسالفة ماعدت تبي تسمع ليفراس سكر المصحف وطالعها : يمه انا مو مبسوط ! ولا اتمنى هالزواج ولا أبيها .... ليش لازم ابين للعالم اني مبسوط ؟! نفاق هو ؟! ام فراس : انا للحين مصرة افهم ! اذا ماتبي ليش تضغط على نفسك .؟! فراس ( عشان اللي تعبت عليه طول عمري مايضيع من ورا فمها اللي مايتسكر ) : منتي واثقة اني جالس اسوي الصح يعني ؟! ام فراس بزعل : والله انا شايله هم بكره ... بيحطون فيها مليون كلمة فراس : اذا على كذا لاتعزمينهم ... ارتاحي واجتمعي مع القريبين بسام فراس : انا معاشرة البنت اكثر منك .. وحافظتها .. وهذا اللي مزعلني ماراح تناسبك .. فراس ( تعلميني فيها ؟ ) : يمه البنت يتيمة .. ومالها احد وعايشة عند اختها وحالتها حالة ومطلقة وببنتها ! اعتبريه مشروع خيري ولا راح تندمينام فراس : بالله فيه واحد يسمي زواجه مشروع خيري ؟! فراس : ايه ... زواج صدقة يسمونهام فراس : الله المستعـان .. اول مرة ما افرح بالعيد كذافراس : لاتخلين الموضوع يكدر عليك انبسطي وكلش تمام ..... انا طيارتي الليلة لاتخليني اروح وانا احسك زعلانةام فراس : مصر ماتحضر العيد معنا ؟! فراس : لا عندي شغل بكمله ... راح ارجع بيوم خمسة عشان المحكمةام فراس زعلت داخلها .. مايبي يقول انه بيرجع عشان عرسة معتبر الموضوع صفقة : ............... ترا اول ماتتزوج بسوي حفلة ومالك الا ترضى ! فراس : وقتها سوي اللي يريحـــك .. اما اللحين تكفين سوي اللي يريحنيام فراس : ايه صح ... من الربشة نسيت اقولك وص لك مقاول ولا مصمم يشوف لك الدور الثالث ! فراس : ليش ؟! ام فراس : وش ليش عشان تسكنونه ... لا تقول بتسوي زي بدر وتسكن بعيد بعدفراس تو يستوعب : اهااا ... ايه صح رايح عن بالي والله ام فراس : ياعساه يخلف بس .. طار قلبي ع بالي بتسكن بعيد وقتها حنجنفراس : وانا اقدر ابعد عن هالعيـون ؟! ام فراس : الله يخليك لي حبيبي : ماخلص المسلسل التركي ! التفت لاسماء اللي كان واقفة براس الصالة : منقهرة ؟! اسماء : ايه معلوم منقهرة .. كل هالدلع لك يالشايب خلصته علينا معاد لنا شيفراس : انتي بزر لاكبرتي تعالي طالبي بدلعك ! اسماء تخصرت : ياسلاااااااااام اذا اعجبكم صرت بزر واذا ما اعجبكم صرت كبيرة ! ام فراس : اقول فارقي خلينا نخلص اموره وبعدين تعاليانس اللي تو نزل : كالعادة اسماء بكل نقاش عائلي لازم تنطردين ! اسماء : اقول انثبر يالبزر ! فراس : من حكمتها الزايدة ما شاء اللهاسماء بقهر : اقول انا بروح للثلاجة بس اجهز فطوري ابرك لي منكم .... " تنهدت " الثلاجة عقب الضيوف اجمل من الضيوف نفسهماول ماراحت ابتسمت ام فراس : ما شاء الله نفسيتها رجعت زي أول حمدالله فراس وقف : يله انا ماشي ... وانت انس مو عشاني مو موجود تنسى الصلاة بالمسجد ! لو ادري انك مصلي بالبيت لبستك عباية ! انس برجولة اكبر من سنة : ابشر ولا يهمكطلعت أسماء لهم بقهر : ويييييييين كيكتي ؟! انا تاركه قطعتي ما اكلتها امس وينها ! انس ببرود : اشتهيتها وكليتهااسماء : حماااااااااااااااااااارام فراس : صوممممي !! خلاص بنجيب لك غيرهااسماء بحلطمة وهي تصعد : بصراحة انا عايشة مع ناس حتى لو احط لي ثلاجة بصمة ماتنفتح بقوم من النوم محصله اصبعي مقطوعة ! مشافيح حشى *** إبتســــام ... بآخر ساعات رمضان جالسة على سجادتها وتقرا , اثناء قرائتها انتبهت له يدخل وهالأيام صار وجودة شبه نادر عقب الوظيفة : .............. بعد ما انتهت وردها سكرت المصحف وهي تلتفت .. عقدت حواجبها وهي تشوف الشنطة على السرير وهو يسحب ملابس ويرتبها فيه : نايف ؟! التفت لها : هلاإبتسام : وشوله الشنطة ؟! مسافر ؟! نايف : ايه ... ثالث يوم العيد ان شاء اللهإبتسام فتحت عيونها : ايوه وليش ماقلت لي ؟نايف : هذا انا اقولك .. إبتسام : ايوه جالس تعطيني خبر ... مو تناقشني , حتى هالكم يوم ابي اناقشك بزواج غادة مارديت علي .. خامس العيد هي كيف تسافر ؟! نايف : ماني ابوها تناقشيني بزواجها ! تسوي اللي تبي ماخصنيإبتسام كشرت من طريقته : وش هالأسلوب ؟! نايف : اسلوب عادي شفيه .؟! مسافر وهذا انا قلت لك .... انا اساسا بكل عيد لازم اسافر احضر يومين هنا بسإبتسام : لا قصدي بغادة ... انا ماقلت انك ابوها .. الله يرحم ابوها ! مجرد اناقشك عادي وش مضايقك ؟! تنهـد نايف : اوك خل نتناقش ! زواجها خامس العيد ؟! مافيه عرس ولا غيره مجرد محكمة .. يعني حضوري مب مطلوب فماراح ارجعإبتسام : يعني بتضل لمتى ؟! نايف : لحد ما احس حالي مليت .. إبتسام : متضايق انت شي .؟! اسلوبك جاف معي ... مزعلتك انا شي ؟ نايف ابتسم ابتسامة جانبية : مزعلتني .؟! لا حشى .... تغيرتي معي ؟ ايه بس قلت ع راحتها .. ماعدتي فاضية لي ؟! قلت ظروفها ع راحتها ... ماعاد صرتي تنتبهي لكلامي ؟! برضو براحتك ! بس انك فجأة تنتبهين لي وترجعين وتبيني زي اول ؟!! لا هنا تبلش راحتي اناإبتسـام سكتت لفترة وهي تطالعه ... ثم نطقت بهدوء وهي تطلع من الغرفة : اها ... براحتك ! ونـــزلت لغرفة غادة ... جلست على الكرسي بملل : افففغادة اللي كان بحضنها قرآنها .. عقدت حواجبها : شفيك ؟! إبتسام : ابد .... بس بشتاق لك ماني مستوعبة انك بتتزوجين بجد بغض النظر عن الطريقة غادة نزلت راسها . كل ماكلمها احد بهالموضوع تصرف : ............. شفيك انتي كانك متضايقة ؟! إبتسام : سلامتك مافيني شي ... جيت اشوف تجهيزاتك وش ناوية تلبسين بكرة ؟غادة : بكــرة ؟! إبتسام : ايه بكرة عزيمة ام فراس بالمزرعة .... لازم تكونين كاملة وتحاولين تحسنين نفسك مع مجتمعهم بتتعبين بالبداية بس حتى انا كنت مثلك بعدين لما تثبتين انك قوية راح يبلشون يحترمونك ويحطون لك وزنكغادة : .............. ايه بس انا ماراح اروحإبتسام : خير ياطير ! ليش ماتروحين ؟! غادة بضيق : مو حلـوة اروح وش بيقولون .. إبتسام : مسألة وش بيقولون لازم تتعاملين معها اللحين ولا بعدين غادة : اجل خليها لبعدين ... إبتسام : غادة روحي وخليك مبسوطة .. هم يتوقعون يشوفونك زعلانة بس وقت يحصلونك مبسوطة راح يكرهون انهم جو عشان يذلونك غادة بضيق : مو هاين علي احتفل بعيد دون رنيم ... إبتسام : ............... خلاص ارتاحي بكرة , نامي اللحين ارتاحيهزت غادة راسها بصمت : ................ طلعت ابتسام اما غادة استلقت وهي .. تمسك جوالها بمحاولة يائسة مع احمد يرد لكن مافيه امل : .......... *** فجـــــر العيـد / ارتفعت التكبيرات بصلاة العيــــــد ... والكل بكامل اناقته بهالحدث , ام فراس كانت تكمل تجهيزاتها بالمزرعة لازم تجهز بحيث المساء يكون كلش جــــاهز ... ام فراس : اسماء دقي على اخوك وينهم تأخرو ؟!!! اسمـاء : بصراحة حنا جايين بدري حتى ما أمداني البس ولا شي .. ! ام فراس : البسي من اللحين اخلصي ... ام نايف وأم عبدالمجيد وخالاتك بيجون بدري ! اسماء : زين زين ...! مجرد ماصعــــدت ... انتبهت ام فراس لازعاج عند الباب كان بدر يسلم على ياسمين وأنس ويعطيهم عيدياتهم ابتسم لما شاف امه وهو يبوس راسها ويدها : كل عام وانتي بخير وصحة وسلامةام فراس : وانت بخير حبيبي ... ومن العايدينالتفتت لميهاف وهي تسلم عليها : كل عام وانتي بخير يالعروسةميهاف : هههههههه ماعدنا عرايس خلاص .. العروسة اللحين مرة فراسام فراس وضح عليها الضيق لكن ابتسمت بمجاملة : ارتاحوا اجلسوا بدر : لا انا طالع نايف بالطريق بروح انطحــــه .. توجهت ميهاف للمرايا تفصخ عبايتها وتعدل شكلها ... طالعه قمة الاناقة والأوفر كعادتها راحت لأم فراس : فين اسوم ؟! ام فراس : اسوم يومها سنه ! راحت تلبس بتنام وراها اللحين : كولولولولولولولوليش !!!! كانو اريج ومرام " التوأم " خوات ام فراس ... مرام بصرقعة : ومباااااااااااااااارك عرس الاثنين ليلة خميس و .... مدري وش بعداريج : الف الصلاة والسلام عليك ياحبيب الله محمد ! كولولولولولوليشعجباء " اخت ام فراس " : جوك المهبل استري ماواجهتي ! مرام : بصرااااااااااحة انا جاية مخصوص اشوف العروسةام فراس : جعله يخلف ... سلمي انتي وياها ! ضحكن وهو يسلمن على ام فراس وميهاف .... اريج وهي تاشر لميهاف : بالله فين بتحصلون زوجـــة لفراس تجاري ميهاف ! عاد هو الكبير حرام ! ميهاف : هههههههههه ماعليك قصور حياتياريج : وينها وينها ! موجودة ؟! ام فراس : بتجي بس مب اللحين .... وفكينا من الصرقعةمرام : حسافة فراسوه الزفت مب هنا ! ناويه استلمه بس اشوفه ... بس صبره علي اجل سوالف وغرفته واكشن وما أدري ايش ... من البداية قل بتزوجها وخلصنا اريج : ههههههههههههههههههههههههه هههههه شفيك حبيبتي هذي مغامرات حب انتي ماتفهمينها يالجاهلةمرام : جاهلة بعينك ! : وانا اقول وش كل هالصرقعة .؟! اثركن هناالتفتتن لبدر اللي كان بكامل اناقته بالثوب الأسود المطرز خصيص للعيد ... ورزته اللي محد يجاريها بالثوب : اقول انثبر ! ماله طعم عيدك دونامرام تنهدت : لنا الله لنا عيال اخت عندهم مليارات ولا منهم فايدةاريج بدعم : كل عام وحنا مالنا هدية .. كل عام وحنا مزهريةبدر : اقول تعالي انتي وياها اعايدكم ... ما اقول الا الله يكثر من امثالي اللي معطيكن وجهمرام : ههههههههههههههه امين امين .. اخلص هات العيدية بسسبنص الصرقعة نزلت اسماء مجرد ماشافها بدر تجاهل اريج ومرام اللي واقفات يحترن العيدية : هلااا والله بالعيييييييييد كله ! وخري انتي وياها سومتي جت عياديتها قبلكناريج : اقول تراك بثر ! حنا خالاتك اعجل علينا ! بدر : هذي اللي لاقالوا طرار ويتشرط ! مشت اسماء بثقة بينهم وهي تسلم عليه : فين عيديتي .؟! بدر : بسيارتي ... ثواني واجيبها لكمرام بقهر : تدرون ليش مابي من احد هدية ! لأني اعتبر نفسي هدية في هذا العالم البائس لنشر السعادة فيهاريج : صح صح ف حنا براسنا سعادة ومانحتاج هدية تسعدنامرام : واذا فيه هدية مافيه مشكلة بعد ! ام فراس : هههههههههههههههههههههههه الله يخلف بساريج : اقول ميهاف اذا هديته لاخته بالسيارة يعني شي كبير ! انتي وش عيديتك .؟! ميهاف اللي كانت مطنقرة عليه هاليومين ماعطته فرصة يهديها حتى : هههههههههههههه سر عاد ! *** وقت المســــاء باشروا الضيوف بالإجتماع ... والكل ينتظر حضور زوجة فراس ! البعض ماحضر الا لهالغرض بالذات ! وما انفكوا من الاستفسارات اللي كانت ام فراس ترد عليها بكئابة ... دخلت اسماء وهمست لام فراس : ابتسام جت ... بس غادة مو معها ! طلعت ام فراس وهي تسلم على ابتسام / أم فراس بعد السلام : ليش ماجت غادة .؟! ابتسام تنهدت بضيق : حاولت فيها ... بس الظاهر مو حابه تقابل الناس قبل الزواج بيقلقونها بالاسئلة .. ام فراس هزت راسها : احسن اجل .. انا مو خالصة من الاسئلة دون شي .. ابتسام : الله يعين ابتسمت ام فراس : ما شاء الله عليك يا ابتسام محلوه مع الحملابتسام وردت خدودها : من ذوقك والله بعد ماسلمت ابتسام ... سألت وحده بصوت عالي : وين العروسة اجل ماجت ؟! ام فراس : مو حلوة تطلع وباقي على عرسها كم يوم ... ! : اللي سمعناه مافيه عرس .. يعني وشوله كل هذا ؟! ابتسام ابتسمت بمجاملة : حتى لو مافيه اسمها عروسة .. ويضلمو حلوة تطلع قبل عرسها . ام فراس : عموما عقب العرس ان شاء الله فيه عزيمة كبيرة على شرف العرسان وحياكم الله كلكم | ||||
|  |
|
28-04-17, 09:50 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت السادس والثلاثين " - عينـآك أرض لآتخون . : يـا هآنم انا مو شايفة منك أي مراعاة لحالتك ! حالتك سيئة مرة .... ليش كذا .؟! نزلت إبتسام راسها بضيق : ظروفي هالفترة صعبة شوي .. الدكتورة : ولو ياحبيبتي .. لازم تهتمي بنفسك ! تغذيتك سيئة جدا وواضح عليك الإجهاد هاليومين لازم ترتاحي ضروري إبتسام بضيق : هاليومين صعبه علي .. عندي مناسبة مهمة وماراح اقدر .. الدكتورة بعصبية خفيفة : ماراح تنبسطي لحد ماتأذي الجنين يعني ؟ إبتسام بضيق : بيستر ربي ... الدكتورة : هالمواضيع مافيها مثل هالتساهل ! انا فعلا مستائة من وضعيتك يامدام... زوريني بعد يومين واتمنى يكون فيه تحسن لازمك راحة سريرية بقوة.. احسك ماتسطحي ظهرك وهذا ماراح يساعد حملك يثبت إبتسام : ان شاء الله الدكتورة : تفضلي وقفت إبتسام وهي تطـلع من المستشفى .. اليوم – 4 – ونايف فعلا معطي نفسه اجازة من قلب , يكلمها باليوم خمس دقايق بالكثير .. وتكون هي المتصل .. بكـرة زواج غادة من وين ترتاح بعد .؟! ركبت مع السـواق وهي تامره لسوق الذهب .. حتى لو هذا وضع الزواج لازم اقل شي هدية بسيطة لهـا .. *** لــؤي بضيق : لازم يعني .؟! أبو نايف بعصبية خفيفة : شف ... ام نايف اسمعي ولدك هالمهبول وش يقول ! وش يعني لازم ! ام نايف : هاو لؤي من عقلك ! وش يعني ماتحضر وش بيقولون عنك ... عاد هذا فراس خويك الروح بالروح وماتحضر له بعد لؤي : انا وياه متفاهمين .... عندي شغل ولازم امشي وش المشكلة ؟! أبو نايف : لا تجادلني ! يكفي نايف مسود الوجه اللي ماراح يرجع ... تجي بعد انت ! هز لؤي راسه بضيق ... فتح جواله وهو يكتب لها رسالة - يمكن اتـــأخر بالجية ... عندي زواج عائلي هالفترة وعقبها راجع , لاتحسبيني نسيتك يعني – بعد فترة وصله الرد / في البداية علمني غيابك ان النعم ماتدوم .. ثم جاء الزمن وعلمني ان النعيم كان غيابك يعني ما أنتظر منك شي فلاتتعب نفسك تنهد لؤي وهو يحتسي فنجاله .. راسه بينفجر , نجح في انه مايقابل فراس لأن فراس مسافر , لكن بكرة زواجه... أكيد لازم يتقابلون . *** قالت بنبرة متضجرة : مجرد حقيقة ان كل ثانية من حياتي جالسة تضيع بهالديرة بتجنني ! ام فراس بقرف وعصبية ملازمتها هاليومين : انتي شايفتني انا في ايش وانتي جالسة تحاكيني في ايش !! خلاص ايأسي ... افففف أسماء ضربت برجلها : مابي مابي مابي ! بروح بروح بروح ... فراس بيتزوج خلاص يحط سلطته على مرته معد له دخل فينا ام فراس بيأس من عنادها : يا اسماء انتي ماكنتي كذا وش صار لك .! ؟ اسماء بقهر : عادي وين المشكلة .؟! هذا تحديث جديد .. ام فراس نفخت فيها : برا فارقيني ! اخوك عرسه بكرة وانا مقدر استعد له ولا اسوي له شي بلا صافنه يدي .... ولا راح يجي الرياض الا بكرة ! وكلش يغبن .... حاطه حرتي بشقته اللي ماطرت على باله حتى المصمم نسى يكلمه لين كلمه بدر ... وتجيني انتي بسخافتك ! اذلفي من وجهي زين ياسمين اللي كان جالسة ومو مستوعبة .. لا هي ولا أنس لانهم صغار وموضوع هالزواج صاير شي غريب : ماما ... فراس بيتزوج صدق !؟ ام فراس بقهر : ايه ... بكرة ياسمين بدهشة : ماجبنا ثوب عرس ؟!كيف ؟ ام فراس بغبنه : حتى البزر تقوله .. الله يسامحك يافراس كانك ماحتخلينا نفرح بك اسماء زفرت وهي تصعـد .. كل محاولاتها للاغتراب تبوء بفشل فضيع *** ميهـاف ... الساعة 6 مساءا / تو رجعت من النـادي ... امس بدر عطاها خبر بمسج انه بيرجع اليوم , موعد وصوله بهالوقت دخلت تاخذ لها شاور بعدها لبست بجامة قطنيـــة وردية ناعمـة .. ورفعت شعرها بعشوائية ودخلت المطبـخ تسكب لها عصير وجلست عـلى لابتوبها تخلص بيانات الجامعة بما انها على الأبـــواب .. بعد فترة انفتح البـاب .. دخل وهو يسحب شنطته رفعت عيونها له بعشوائية : حمدالله على السلامة طالع بدر شكلها وكانه ما اعجبه الهيئة ... لكن نطق بهدوء : الله يسلمك ... كيف حـالك عيوني ؟ ميهاف وهي مازالت تشتغل على اللاب : حمدالله بخير بدر عقد حواجبه : ناسيه اني بوصل اليـوم اجل ؟ ميهاف : اذا انا جوالي اللي اهم شي بحياتي انساه ... جايز اكون نسيت بدر مشى ناحيتها وهو يحضن يدينها ويوقفها ويقربها لحضنه وهو يبوس خدها بنعومة : اذكـرك مو مشكلة .. حياتي انا وصلت اليـوم ميهاف ابعدت بوجهها عنه بطريقه نافره : .............. بدر رفع حواجبه : عفــــوا ؟! ميهاف : العفو منك .. بس مالي مزاج اللحين بدر وعندي شغل . بدر : شغـــــل ؟!!! " التفتت للابتوبها .. وسكره وهو يلتفت لها " هالشغل اهم مني .؟! ميهاف : مو موضع مقارنة .. مجرد شغل ضروري ولازم اخلصه بدر : واو سنيوريتا ميهاف .. ماتفرغين جدول اعمـــالك المزدحم لنا شوي ؟! " تبدلت ملامحه من السخرية للجدية " عوافي عليك شغلك ! انا داخل انام مشى ناحية غرفته وهو يسكر الباب ويقفله من داخل .. كبست ميهاف بعيونها : وش قصده يعني .؟! طرده .؟! منعتها كرامتها تحاول تفتحه وتتفشل .. لأن واضح انه مقفله ولا راح يفتحه كشرت بقهر وهي ترجع تشتغل , يعني هو مشغول لازم ادعمه وانا مشغولة حرام ! اففففف *** اليــــوم التالي / ام فراس اللي كانت جـالسة مع العائلة في حدود الساعة 2 ظهر تنتظر وصولـــه ... انفتح الباب فتحت بسرعة لكن كان بدر : هذا انت ... هلا يمه ادخل بدر : هههههههههههه وش هالإحباط .. كانه طابت نفسك لما عرفت ان الضيف انا ام فراس : وين ميهـاف ليش ماجات ؟! بدر : ما أدري عن وضعكم اليـوم .. اخاف مافيه جمعة ام فراس : مافيه جمعه بس عمتك أكيد بتجي ولو انها ماخذه بخاطرها .. بس اجودية ياحليلها بدر : شدعوة تاخذ بخاطرها .؟! عشان بنتها .. تحمد ربها وتشكره لو بنتها كان زواج محكمة دون فرحة ولا طقطقة ولا حتى مهر ... شحقه تزعل ؟ هي الربحانة ام فراس : شر البلية مايضحك بدر : هههههههههه. . الله يعين ام فراس : بس ميهاف بنتنا تجـي تجلس معنا كود انا نحس ان فيه فرحة اليوم بدر بتعجب : اللحين هو عقب المحكمة وين بيروح ؟! فندق ولا هنا ولا بيسافرون ؟ ابتسمت ام فراس بسخرية : ياحليلك يسافرون .. بيجي هنا على طول , حتى شقته ماعليه منها ولا اهتم وش صاير فيها بدر : انا مو فاهم العرس بعقله وش يعني .!؟ ام فراس بضيق : انا جالسة اصبر نفسي اني بسوي عزيمـة ماصارت عقب كم يوم .. اعوض فيها انتبهـوا لصوت سيارة .. فزت ام فراس لبرا : هذا هو جا ! اول ماطلعت قابلها على الدرج يصعـد .. ابتسم من تحت نظارته الشمسية وهو يبوس راسها : كيف الحال يالغالية ؟ ام فراس : حمدالله ماشي الحـال دخـل فراس وهي جمبه : وكيف اخـواني ام فراس : هذاهم كلهم قدام عيـــــنك دخل فراس وهو يسلم على بدر والكل .. وقال مباشرة : انا بطلع انـام لي شوي .. لحد يصحيني لحد ما يأذن المغرب ام فراس فتحت عيونها : بتنااااااااااااااااام .؟! فراس : ايه بنام . ؟ شي غريب علي انام ؟ بدر : من جدك ! رح شف شقتك شصار عليها سو شي احتفل شوي ... وش بنام ! من وين يجيك النوم .؟! فراس دون استجابة : اقول انا بنام .. محسسيني قضية الشرق الأوسط عاد وصعد مباشرة .. اما أم فراس فهي فعلا بدت تيأس من ولدهـا بهالموضوع واضح انه نهائي ماله مزاج وهذا اللي يزعجها .. ليش يتزوج وحده مايبيها ؟! مستحيل تكون قادرة تجبره على شي مايبيه .. *** إبتسام اثناء ماهي جالسة على سرير غادة والطقم بيدهـا تجهزه : خلصتي .؟! طلعــت غادة من الغرفة .. وواضح على وجهها الهـــم والكرب وهي واقفة :- ماكانت نــاوية تكون بوضعية " المتأنقة " لكن بعد الحاحات من إبتسام عن كلام اهله لو يشوفونها داخله بلبس عادي ..قررت تخضع .. لكنها رفضت محاولات إبتسام للفستان الأبيض حتى لو ناعـم لأنها مجرد ماتفكر تلبس أبيض تتخيلشكله قدامها بلمحته الساخرة " هه ؟! لا عايشة جو العروسة بجد ؟! " ويقشعر بدنها كله .. هي تحس بكرب وتعب نفسي هالفترة بسبب انها بتتزوج للمرة الثانية .. من إنسان جالس يهددها بحياتها معه .. فقررت تاخذ نقيض الأبيض تمام ..الأسود ! خاتمها زمردي أخضر مذهب .. هدية إبتسام لهـا ..كان الفستان بقماش قطني فخم .. طويل الأكمام ومسدول على الأرض بفتحه لنص فخذها ولآبسة كيـلون أسود للفتحة .. لأنها نفس الشي ماتتخيل ردة فعله لو يشوفها بهالشكل .. وشعرهـا الملفت تاركته مفتـوح ومنعمته بشكل تام وطارحته على وجهها .. بلونه الغزالي طالع فاتن .. مع مكياج بدرجات البيج والخربزي .. إبتسام نطقت بضيق : يعع اسود ! عزا هو ؟! غادة دون نفس : يمكن . إبتسام : لا غادة لاتبدين حياة جديدة بهالنفسية .. تفائلي الله يكتب لك كل خير وان شاء الله بيسهل لك كلش غادة : الله يستر بس ... إبتسام :بس والله ياشينك لو لابسة أبيض وش كان صار ! غادة : ابد سلامتك .. ماحيصير شي بس مابي إبتسام : يله انا بلبس عبايتي وبجيك ... راح يودينا السواق عقب الصلاة مباشرة ان شاء الله , وهيثم يقول بسبقكم هناك هزت غـادة راسهـا وهي ترجع لغرفتها وتوقف قـدام المراية .. حاولت تتنفس قبل تطلع دموعها ويخرب المكياج للمرة الرابعه , كلش فيها مضطرب ... للحين عقـلها ماهو مصدق حقيقة انه بيسكر عليها معه , هي وهي بعيدة عنه ماقصر انه يكسرهـا بأبشع الطرق واقساها ... كيف لاصارت متاحة له بكل وقت .. الأيام اللي فاتت كـانت منعزلة وماتبي شي .. إبتسام تسحبها تنبسط غصب , ودايم تسمعها تكلم ام فراس .. لكن هي ساحبه نفسها ماتتدخل لو ايش مايقولون ..؟ تكفلت إبتسام وام فراس بالشقة والأغراض .. كانن يحاولن يفرحن بأبسط شي ... وهي مستخسرة وضعهن ينبسطن على ايش ؟! مايعرفون وش الجحيم اللي جالس يصير .. حتى أم فراس واضح محتقرتها وماتتمناها نهـائي .. وماتنلام ؟! بس جالسة تحاول تتعايش معها ... تنهدت بضيق : غادة يله .؟! هزت راسهـا وهي تسحب عبايتها وتلبسها *** أثنـاء أم فراس واقفة وهي بعبايتهـا كانت تلقي تعليماتها لأسماء وميهاف : انتبهي للتجهيزات ... ولاتنسين توصين لجناح أخوك الصينية اللي قلت لك أسماء : ان شاء الله ام فراس : وعمتك بالطـــريق .. اول ماتجي استقبليها لحد مانرجع ميهاف : لاتخافين خالتي كلش بيضبط ان شاء الله .. انتي روقي اسماء : ميهاف تعالي نصعد نجهز ... وعقبها ننزل نخلص الضيافة في نص طريقهن لفـوق انتبهوا له يـنزل .. بالثـــوب الأبيض والشماغ الأبيض وجزمته الجلد الطبيعي وساعة أرماني , طالع بقمة الوســـامة بفخامة شكله .. وقفت ميهاف اللي كان بعبايتها وهي تنطق : الف مبـروك ان شاء الله فراس وقف وعيونه لتحت : هـلا والله ميهاف ... كيف حالك .؟! ميهاف مافاتها تجاهله لتبريكاتها .. لكن نطقت : حمدالله بخير جعلك بخير هز راسه وهـو ينزل ... استقبلته ام فراس بالدخـون وهي تلفه حـوله , فراس عقد حواجبه بضيق من الطيب اللي خز جرحه : ....................... ام فراس انتبهت له .. ابعدت الطيب مباشرة : والله اسفة مانتبهت يمـك ابتسم فراس : حصل خير عادي .. ام فراس بقهر : وش هالحال .؟! حتى الطيب ماتقدر تتطيب فراس دون نفس : مابه احد يستاهل هالطيب .. مشينا بس وهو يـطلع هزت ام فراس راسها بيأس وهي تطلع .. كانت بنفس السيارة مع فراس وبدر سبقهم : تراني حددت موعد عزيمـــتك عقب بكرة ان شاء الله فراس : حريم بس طبعـا ؟! ام فراس لانه حذرها من قبل انه مايبي رجاجيل : ايه حريم بس .. مقدر اعزم الرجاجيل الأمر بيدك فراس : هجل انا مالي خلق الرجاجيل ... اعزمي هالملقف خل يشبعون يشوفونها قبل تذبحهم اللقافة هزت ام فراس راسها من طريقته بالحكي : مو شرط ياحبيبي فيه ناس يبون بس يفرحون لك فراس بسخرية : لا فيهم الخير والله مسحت ام فراس على خـده .. استغرب فراس حركتها اما هي نطقت بقهر : صاير كأنك الثلج يامك .. على زينك برودك يقتلني , معقولة منت مبسوط بهاليوم ؟! فيه رجال مايستانس بعرسه ؟ فراس حط يده فوق يدهـا وهو يسحبها ويبوسها : حطي ببالك يمه انا مايبسطني بهالعالم غيرك انتي واخواني .. اما هالزواج اخر اهتماماتي بطلت ام فراس تناقشه بهالموضوع لانه مستحيل يعطيها السبب الحقيقي ورا زواجـه منها وهذا اللي يخوفها .. أول ماوصـــلوا ... نطقت ام فراس : هذا سواق نايف .. اكيد وصلـوا سحب مفتاحه من السيارة وهو يـنزل ويمسح بعيـونه على السيارات الموجودة عشان يقيم الموقف ... سيارة سواق نايف هذي اكيد هي واختها , سيارة حزر انها سيارة هيثم .. سيارة بدر .. كويس مافيه متطفلين طالع امه اللي تنتظره يدخل ... تنهد وهو يصعد درجات البوابة الخفيفة حتـى وصل للمكان المخصص , حيث كان بدر وهيثم واقفين مع القاضي .. دخل بهيبته وهـو مصمم على هالـخطوة , اكتفى مع هيثم بمصافحة رسمية دون أي تعليق .. لأن ماله خلق بجد .. اما هيثم كان مستغرب حتى اللحظة اللي طلع فيها فراس ما توقع ان الخبر صح ! القاضي : أنت العريس .؟! فراس : أيـوه .. تفضل نقدر نبدا القاضي : ممكن أطلب حضــور العروسة فراس ابتسم ابتسامة جانبية على مصطلح " العروسة " .. هيثم مسك جـواله واتصل با إبتسام : الرجـال وصل قولي لها تجي . بدر نغـز فراس بالخفيف وهو يهمس له : كيف اعصابــك .؟! رفع فراس حـواجبه : اعصابي في ثلج لاتجلس تتميلح بدر : يا ساتر كلش مافيه احساس .. عموما ترا عمي ابو نايف بيسبقنا للبيت عشان يباركون هو والجماعة فراس : ليش كلفوا على روحهم ؟! مايحتاج ... مصير الحي يتلاقى ابتسم بدر وهو يوجه كلامه لهيثم : عقب المحكمـة ان شاء الله فيه جمعة بالبيت .. حياك لازم تكون موجود هيثم نقل بصره بين فراس وبدر : لا انا اسمح لي مقدر .. بقولك هنا مبروك وانتهينا فراس تو بينطق "توفر " ... نطق بدر مباشرة :لا مايصير ! الموجودين كلهم بيسألون عنك اكيد .. لازم تجي حنا مصرين في هاللحـظة دخلت ثنتين بعباياتهن مع ام فراس اللي كان واضح شكلها .. تقريبا بنفس مستوى الطـول , عبايات كتف عادية دون أي تفاصيل , لكن واضح شكل غادة من إبتسام .. لأن إبتسام حامل وهذا واضح ... غادة منزلة عيـونها طول الطريق ... ماتبي ترفعها له حتى كل اللي تشوفه ارضية المحكمة الرسمية : ............... لحد ماوقفت بنقطة مناسبة ... فراس طالعها بنص عيـن ثم طالع القاضي : ابدأ *** بالبيت .. كان وضع البيت يحاول يكون فرحـان قد مايقدر , ياسمين طالعه بشكل ناعم بفستانها الخربزي اللامع وطوق الورق المزين شكلهـا الناعم أسماء اختارت لطلتها فستان فوشي دون اكمام لنص الفخذ بنفشه طفوليه مع كيـلون سكري بنثر سكر ... وشعرها الأشقر لكتفها تركته مفـتوح مع حركة خفيف من جنب وطرحته على الجنب الثاني .. ومكياج مناسب لبسهـا ..طالع شكلهـا ملكـع كعادتها ..دق جـوالها " ابو نايف " يطلب منها تفتح الباب عشان يدخلون الرجاجيل ... نادت على انس : انسسس .. اعجل افتح الباب لعمي والرجاجيل وضيفهم ! ركض انس لبرا مباشرة وهو مستانس انه الرجال هنا دام مافيه احد غيره ... نزلت ميهاف من الدرج وهي ماتقل اناقة عن أسماء : كان عمتي تأخرت .؟! أسماء : لا تو دقت علي بتجي .. الا امك وينها بتتأخر ؟! ميهاف : امي ماراح تجي .. تقول بشوفهم بالعزيمة ان شاء الله هزت اسماء راسها بتفهم وهي تنطق بكئابة : حتى خالاتي اعتذروا .. ماراح يجي الا خالتي عجباء ميهاف : لأن وضعهم اليوم عرسان .. يبون يخلونهم لحالهم فاهمة كيف ؟ اسماء : خربانة خربانة .. فيجون ماحيصير شي ميهاف : الجيـران طيب بيجون .؟! اسماء كشرت : بس ام صالح ميهاف : ههههههههههههههههههههههههه ام صالح هي اللي كنتي تحبين ولدها وانتي صغيرة .؟! اسماء بفشلة : خلاص انسي يختي كنت بزر ! ميهاف : صعب انسى مواقفك الشنيعة معه ههههههههههه اسماء : وبعدين عقب موقف الشنطة معد صرت احبه خلاص ميهاف : شف وش موقف الشنطة ماقلتيه لي ! اسماء بقهر : كانت اخته معي بالصف وكل شوي ادق باب بيتهم عشان يفتح لي واطلب دفترها .. عاد لما زهق مني عطاني الشنطة كلها وقال لعد تجين ! ميهاف : ههههههههههههههههههههههههه ههههه اح ياجبهتي اسماء بحمق : على **** ! اف استغفر الله تحدين الواحد على الكلام الوصخ غصب عنه ميهاف : اقول انتبهي بس للجمر بين يديك لايموت ! اسماء انتبهت له بدا يموت .. التفتت لميهاف بقهر : كله منك يالوصخة ميهاف وهي تنتبه لصوت عند الباب : هذا صوت عمتي ... اكيد جو تعالي اسماء : ظنك سجى جاية .؟! ميهاف : لا ما اعتقد .. تعرفين قد ايش كانت تحبه مستحيل تجي طـلعوا يستقبلـون عمتهم ... نطقت ام عبدالمجيد عقب السلام : وصـلوا ولا تو .؟! اسماء : لآ ... تو بالطريق اكيد لان لهم زمان من راحوا وداد : طيب احد جا .؟! ميهاف : لا شكل محد بيجي اليوم اصلن ... الكل يقول بنجي بالعزيمة ام عبدالمجيد : طيب فيه حاجة نجهزها شي .؟! اسماء : لا عمه ارتاحي انا خلصت كلش .. تعالوا نجلس وداد : ع طاري وحنا داخلين نشوف فرقة برا ! اسماء : هههههههههه بدر اخوي موصي عبدالمجيد اخوك يجيبهم .. حالف يرقص فراس ام عبدالمجيد : هذا وجهي .. فراس مايرقص اصلن ! اسماء : ههههههههههههه انا اهم شي حاجزة اروح السطح اقزقز ركضت ياسمين لعندهم : مااااااااامااا وفراس جو وقفت اسماء وام عبدالمجيد .. وراحوا عند الباب يستقبلون دخـلت ام فراس .. ام عبدالمجيد زغرطت بالخفيف لكن وقفت لما حست ان ام فراس ما استجابت : هاو شفيك يختي .؟! ام فراس مسحت دمعتها : مافيني شي .. مانيب مصدقة ان اليوم فراس تزوج خلاص ام عبدالمجيد : وتبكين الله يهداك .. قولي حمدالله " كملت تفرفش " الا وينه خل نمزه ونبارك له .؟! اسماء : ههههههههههه إلا وين العروسة .؟! ام فراس : هذا هم ورانا جايين مع اخوهم أسماء صنمت وقتهـا ... ! جاية مع اخوها .؟! يعني هو بيدخل بيتهم ... بلعت ريقها واضطرابات قلبها ترجع تعاودها .. عضت على شفاتهـا وهي تحاول تتناسى لكن هيهآت مازال متربع بقلبها مهما كابرت عـــند فراس / أول مادخـل المجلس .. استقبله عمـه : هلا والله .. مرحبا ومسهلا , على البركة ان شاء الله الف مبروك أبتسم فراس مجامله لعمه : هلا والله فيـك سـلم على كل الموجودين واللي ماكانو قليل .. بالنسبة لأن مافيه دعوة اساسا ولا حاجة رسمية حتى وصل للؤي , سلم لؤي سلام السنة ورجع يجلس دون أي تعليق .. ولا حتى مبروك ؟! ماعلق فراس هو نفسـه .. اللي فيه كافيه خذا مكانه براس المجلس وهمس لبدر مباشرة : وش المصخرة اللي جالس اشوف برا .؟! بدر : شنو .؟! عرس اليوم بنرقص ... عندك اعتراض ؟! فراس : لا تتسيمج بدر ورح قلعهـم لاقلعك انت معهم ... هذا اللي ناقص بعد طرب ! قاطعهـم تعليق أبو عبدالمجيد الساخر : ما شاء الله .. هذا اللي يقول ماني معرس ! وعايف نص بنات الأصل والشرف مايبي الزواج ... هذي هي التـــالية .؟! فراس استحقر تعليقه قدام المجلس كامل .. رد ببروده المعتاد : وش له داعي هالحكي .؟! " إبتسم بسخرية " لايكون منقهر اني عييت اخذ بنتك .؟! ابوعبدالمجيد انفعال : اللي مثلك مايشرفنا اصلن ! ولا اتمناك لبنتي ! فراس : اها .. لا واضح ما شاء الله , دامني ما اشرفك وش جالس تسوي بمجلسي .؟! نغزه بدر : فراس شنو تسوي تطرد الرجال ! فراس دون نفس : احترم عمرك يا أبوعبدالمجيد انت رجال كبير ولا له داعي تنقدني فيك .. واذا انا اعرست هذا قراري منت ابوي ولا لك اهمية عندي اعتبر لرايك ... عموما يشرفني اني اكون اكبر همك بدت الأصوات تتعالى : خلاص ياجماعة هدوا : ايه والله هدوا حصل خير وابو عبدالمجيد ماقصده شي اكيد فراس : ان شاء الله مايكون قصده شي دخـل بهاللحــظة هيثم : السلام عليكم .. وقف الكل يسلم عليه .. والكل مستغرب كيف انسان عادي زيه .؟! قدر يناسب ثنين من احفاد عبدالرحمن الشمري ولا أي ثنين اول احفاده .. *** بهاللحـــظة دخلت إبتسام وغادة ... استقبلوهم الحريم بالزغاليط : كولولولولولولوولويش استغربت غادة نوعا ما الجو ... توقعت يكون نكدي اكثر من كذا , على الرغم من ان زواجها مع احمد كان رضا الطرفين ومافيه ظروف مدمرة زي اللحين الا ان فرحتهم كانت ميته ... يمكن عشان هذي طبيعة حياة البذخ .؟! وهذي اقل فرحة ممكن يفرحـونها ... بلعت ريقها وهي تشوف البيت ومو متخيلة نفسها ان هذا بيتها خلاص : ...... سلم الكل عليها وهم يباركــون .. صح فرحتهم ماكانت كاملة بها لأنها مهما كانت رسمت صورة سيئة قبل تجي عندهم لكن المجاملة بهالمجتمع .. كانت واجبة ! فصخت عبايتهـــا .. وهي تعدل شكلها وللحين اللحظة بالمحكمة تنعاد براسها ... همسه القاسي لما ترددت توقع " اخلصي علي ! " ... صورة توقيعها للحين تنعاد براسها كانه توقيع موافقتها على حياة الجحيم المقبلة .. لكن تفكريها لازم يكون اذكى من كذا .. دام طاح الفاس بالراس .. لازم تلقى طريقة تعتذر فيها وتحاول ان رنيم ترجع لها .. قبضها قلبها على ذكرى بنتهـا اللي انسحبت من يدهـا .. : طـالعة قمر ما شاء الله التفتت لميهاف اللي كانت واقفة وراها ... ابتسمت ميهاف : الف مبروك ان شاء الله غادة ضحكت بتوتر : ههههههه .. هلا ميهاف ميهاف : شفيك انتي ورجلك كل ماباركت لواحد فيكم ماتردون علي التبريكة غادة ( طبعا ماحيرد ! الا اذا عزيتيه طبعا ) : لا والله بس انربشت .. يبارك فيك ميهاف : خلصتي تعديل شكلك خلاص .؟! طالعه تهبلين ما شاء الله ... تعالي اجلسي معنا عاد غادة هزت راسها دون تعلق .. نفضت شعرها تعدل شكله , ثم التفتت ... علقت ميهاف بخفة دم : هههههههه لاتمشين جمبي بهالطول ! تحطميني هذا وانا لابسة كعب غادة : ههههههههه انا كعبي اليوم عاد بزيادة دخلت غادة غرفة الضيوف الصغيرة .. اول مرة تدخلها بالعادة يفتحونها لضيوف العائلة بس اذا كانو قليلين بهالشكل بتصميم فكتوري جميل خذت مكانها جمب إبتسام ... همست لإبتسام : ماقالت لك ام فراس شي ؟ أبتسام : لا وش بتقول يعني ؟ غادة بربكة : مدري احسني متوترة .. مو عارفة شي ولا فاهمة شي حتى .. إبتسام : روقي غادة .. وعدلي وجهك ونتفاهم بعدين ميهاف : هههههههه غدو الله يعينك .. ترا اسماء من عرفتها وهي تتوعد زوجة فراس المستقبلية تنتقم فيها ! فانتبهي! اسماء اللي كان مفهيه نوعا ما : هاه .؟! لا بطلت انتقم بنتقم فيه هو وخلصنا اكتفت غادة بابتسامة صفراء .. وكان الجو متوتر فعلا عند الحريم , ام فراس فرحتها مو كاملة .. ام عبدالمجيد مازال خاطرها مو صافي وكل ماطالعت غادة تزعل وش اللي في هالمطلقة والأم مميز يتركه ياخذها على بنتها .. واسماء طاريه رجع يلعب فيها .. والوحيدة الي تحاول تروق الجو هي ميهاف .. *** عند الرجاجيل ... اشتغلت الفرقة بالدف وقام أنس مباشرة يرقص بحمـاس .. اما من الشباب محد تفاعل غير عبدالمجيد وبدر ... اثناء ما بدر يرقص توجه لفراس : ماتجي ترقص .؟! فراس : لا شكرا .. عندنا رقاصتين هنا مايحتاج بدر : هههههههههه مالت عليك بس توجه بدر للؤي : وانت بعد ما حترقص .؟! لؤي : لا مالي مزاج .. رح شف مساعد هناك بيرقص ماعنده مشكلة بدرالتفت لهيثم اللي كان جمب لؤي : ونسيب اخوي ماله بالرقص بعد .؟! هيثم : ههههههههههه عمرك شفت دكتور يرقص .؟! بدر يأس منهم ورجع للساحة يـرقص بحركات متقنة .. ابو نايف : وانت ياهيثم شخبار وظيفــــتك كلش تمام .؟! اذا محتاج شي حنا حاضرين هيثم : اموري تمام .. ماني محتاج شي قد نفسي لؤي : أحسن لك .. الواحد يكون قد نفسه ومايحتاج احد عشان ما ينكب فراس فهم التلميح هنـا .. لكن حفظ رده لنفسه : ............................. لؤي كمل تلميح : اسألني انا .. اعتمدت على واحد الله يستر عليه في خدمة وماكان لي غيره واخر شي خذلني خذله ماصارت , احسن شي الواحد مايحتاج اللي حوله ولا يوثق .. هيثم : مو شرط .. إلا ماتلقى لؤي : اذا لقيته عطني اياه وراح اعطيه كل شي املكه بين يدي فراس ماتمالك نفسه هنا .. رد بعملية : يمكن انت الوحيد اللي تتعرض لهالموقف .. لانك معتمد بزيادة لا تواخذني بس مافيه مرحلة من حياتك تميتها بنفسك ... من دراستك لوظيفتك , " التفت لهيثم " اتوقع انت ما احتجت أي دعم مادي من أي شخص بحياتك العملية ؟! هيثم : نهـائي حتى بعثتي كانت حكومية فراس رجع يلتفت للؤي : هذا معنى الإعتماد على النفس .. اما انك تعيش كل حياتك بشكل إتكالي على اللي حولك , ثم تجيني اللحين تقولي انك انخذلت .؟! اذا اعتمدت على إنسان بنسبة 95 % من حياتك مهما كان هالإنسان طيب بتتعرض لخذلان لؤي رفع حواجبه : أنت اللي ما احتجت لدعم مادي يعني ؟! فراس : انا ماجلست افضفض اني انخذلت ... تكلم عن نفسك هنا ! هيثم حس بحده بالجو بينهم : ......... عموما أتوقع المادة ماتنافي الجهد .. يعني مو معناة انك اندعمت ماديا انك فاشل ؟ فراس : اذا اندعمت ماديا مرة .. مرتين , مو استغفر الله مدري كم مرة لؤي : عجزت تحسب .؟! فراس : واذا انت جالس تشكي عن صاحبك اللي خذلك بمرة ... اجل لو اقولك عن خويي انا وش بتسوي ؟! احمد ربك على اللي عندك احسن شي لؤي بسخرية : وش رايك اعتمر شكر بعد .؟! فراس ببرود : ماراح يضرك .. كفر شوي من هالذنوب لؤي : ماتسلف اللي حولك شوي من حبك لنفسك .. ما شاء الله ماتحقرها نهائي فراس : تدري وش مشكلتك يالؤي .؟! انك لما ماتحصل جواب منطقي تسلك لنفسك بجواب غبي .. وما ترضى احد يوعيك للمنطق ! تتمنى تعيش بوهمك لحد ماتجيك صدمة مستحيل تنرد منها لؤي : تدري وش قمة الوقاحة فيك ؟! انك تنسى فعلك وتحاسبني على ردة فعلي .؟! فراس : لا سلامتك ماعندي وقت احاسبك .. تصطفل . عموما يشرفني حضورك اليوم .. واتمنى انا مانتقابل بعد كذا ووقف وهو يطـــلع ... حتى وصل لسيارته تسند عليها وهو يطلع سيجارته ويسحب منها , هالنقاش كان يضايق للحد اللي خلاه مايتمنى يقابل لؤي بعد كذا .. *** ماطـــولوا الحريم .. ماكان الجو يحث على انهم يجلسون خصوصا وام فراس واضح عليها الضيقة فالكل غادر بدري , ماعدا ميهاف وإبتسام ... وقفت إبتسام بعد ماكلمها هيثم : يله انا استأذن .. هيثم عند الباب وقفت غادة مباشرة وهي تهمس لها بقلق : بتروحين اللحين .؟! انتبهت ابتسام لعيون اختها واضح عليها الخوف من انها تجلس هنا لحالها ... : ............. ام فراس : اذنك معك إبتسام ... ولاتنسين العزيمة عقب بكرة مالك عذر إبتسام : ان شاء الله اسماء كانت هادية هالجمعة .. متضايقة من وجوده بنفس المكان : ................ طلعت غادة مع إبتسام لحد الباب ... حضنت إبتسام يدينها : غادة ... اسمعيني ما ابيك تجلسين متوعكة كذا , حاولي انهم يحبونك قد ماتقدرين .. انتي الخسرانة لو تضلين كذا غادة وصوتها يرتجف : بشتاق لك إبتســــام .. مو عارفة كيف بجلس اتصرف دونك ؟! انتي شايفة حالتهم .. ما احس لي مكان إبتسام : وش تبيني اسوي يعني ؟ لازم تتصرفين .. غادة وهي تفرك يدينها بتوتر : الله يعيـــن .. حتى ميهاف الوحيدة اللي تسولف معي بتروح .. إبتسام تنهدت : انا بروح وبكلمك ... اهم شي انتي ريحي اعصابك فزت غادة وهي تسمع صوت الباب ينفتح : احـــــم احم ؟ غادة بتوتر : هذا هو ؟ ياويلي وش بسوي ... ابتسام وهو تمسح من جبينها العرق : غادة كل هذا فيك .. خلاص اعرفك جريئة وش هالرخامة ؟ غادة : انتي مو حاسة فيني والله .. سمعت صوت ميهاف ترد على الصوت ... تنهدت بارتياح : مو هو ... هذا اخوه إبتسام سلمت عليها : يله انا ماشيه .. لاتنسين تكلميني .. تنهدت غادة بضيق من قلب : ان شاء الله .. اول مارجعت للغرفة .. كانت ميهاف تلبس عبايتها : بتروحين ؟! ميهاف : ايه بدر جا .. هههههههه استانسي بنذلف من وجهك غادة بضيق : شدعوة ... والله وجودك مريحني ماتدرين قد ايش .. ميهاف : تسلمين ... يله اشوفك على خير ياعروسة طـلعت ميهاف لبدر وركبت السيارة : سلام ! بدر : هلا وعليكم السلام ميهاف بقهر : بتقفل الغرفة اليوم بعــــد ؟! بدر : على حسب اذا بترفضيني زي امس ولا لا رفعت ميهاف حواجبها : انت مستوعب اني نمت بالكنبة .. حركة مو راقية على فكرة نهائي بدر : واستقبالك لي امس كان بالمره حركه راقيه يعني !! ميهاف : ايوه كنت مقهورة .. ساحب علي العيد ! وفوقها معطي الكل هدايا ومطنشني .. ايش تبغى مني عقب كل هذا ؟ بدر بانفعال : انتي شايفة نفسك يوم العيد ! كبريت يشب ! ما اتجرا حتى اقولك شي ميهاف : تلومني ؟ بدر : ايه طبعا الومك .. شدعوة مسافر ترا مو مسوي جريمة ! لايكون غيرانة عشان ماجتك هدية بالعيد ؟ ميهاف بقهر : أيه اغار وين المشكلة ؟! ممنوع تعطي غيري وانا لا بدر : انتي روقي وعطينا وجه .. وهديتك جاهزة ميهاف رفعت حواجبها : بالله ؟! بدر : اكذب يعـــني .؟! ميهاف ابتسمت .. ورجعت تتكلم طبيعي : شخبار العرس اليوم ؟ *** غـــادة : - فور مغادرة ميهـاف .. طالعت حولها بالغرفة الفاضية , توترت شتسوي ؟! تجلس ولا تطلع ولا كيف ..؟! من ربكتها فكرة تتصل بإبتسام تسألها وش مفروض تسوي بالضبط ... قاطع حركة اصابعها بالجوال تبحث عن اسم إبتسام ... صوته برا الهادي : يمــه .؟! ...... يمه طلعت له ام فراس : هلا يمه .. جيت ؟! فراس وواضح على وجهه الإرهاق : ايه .. ومرة تعبان بصعد انام مسكت ام فراس بذراعة : بتصعد ؟! ... والبنت ؟ فراس زفر : وش فيها البنت ؟! ام فراس اشرت للغرفة : البنت تو هنـا .. بتصعد كذا لحالك دون شي فراس تنهد .. ودخل الغرفة كانت جالسة ومجرد ماشافته وقفت مباشرة بطـولها الفارع مع الكعـب الطويل والفستان الأسود الملكي على جسمها مع شعرها بلعت ريقها وهي تنتبه له قدامها .. ماتستشعر مصطلح " زوجها " بهاللي واقف قدامها .. طالعها من فوق لتحت ونطق : وراي . وطلع مباشرة .. عضت على شفتها وهي تسحب شنطتها وعبايتها وتطلع , نظرتها لبيتهم هالمرة غير أول مرة تشوفه اساسا بهالوضع الهادي .. مافيه غيرها هي وياه صعد الدرجات وهي وراه لحد ماوقف عند درج جانبي بالدور الثاني يؤدي لشقتهم بالدور الثالث : اصعدي هالدرج بتحصلين باب ادخليه وانقبري هناك ثم اتجه ناحية غرفته بالدور الثاني ... نطقت مباشرة بربكة : و ... " كان بتقول وأنت ؟! لكن تراجعت " يعني ... فراس بحدة : ما أحب هالطريقة بالحكي ! ياتقولين اللي عندك بسرعة ياتسكتين غادة مرج قلبها .. هذي اولتها : ابي اكلمك .. بموضوع .. لو سمحت يعني ؟! فراس ماعطاها رد حتـى دخل غرفته مباشرة .. حاقرها تماما , بلعت غادة ريقها وهي تحس بقهر وش بتسوي ؟ وبعدين وش يحس به ينام تحت وانا فوق .. تنهدت وهي تصعـد الدرجات مثل ماقال حصلت الباب دخلته كانت شقة واضح متعوب على تصميمــــها ..صالة بتصميم فكتوري تحت بألوان التيفاني المذهب والأبيض .. والجدران المنحوته بطريقة ملفته ... والمطبخ الجانبي كبير فعلا ومخشب بطريقة ملفته .. وغرفة النوم الواسعة بنص طريقة الصـالة الفكتورية حست أنها بغرفة نوم ملكية فعلا ... وكل الغرف كان مصممة بطريقة رائعة .. وهذي جهود أبو فراس في حال زواج عياله عشان يضلون حوله .. علقت عبايتها وحطت شنطتها وهي تتنهد بكئابة .. بس مو بكيفه بكرة بتحصل ان شاء الله فرصة تكلمه .... فتحت الدولاب وكانت إبتسام مرتبة اغراضها بالفعل هنا .. وبدلت لبسها لبجامة ناعمة ودخلت السرير ونامت مباشرة *** ســــارا :- كانت جالسة بالحديقة مع صــــوفي ومايا قدامها ببطانيتها .. صوفي : السمـاء صافية اليوم سارا طالعت السماء : السماء صافية دائما لأن البشر لايعيشون فيها .. يبدو أن الارض أبتلت بنا صوفي : هههههههههه يبدو ذلك ... الم يخبرك لؤي متى سيعود؟ سارا وهي تحاول تتكلم طبيعي : اخبرتك انه لن يعود ابدا ! هذا الرجل اكبر كاذب رايته بحياتي صوفي : أنا لا أتفق معك .. في هذا العمر يجب ان اكون قادرة على معرفة الرجل عندما يكذب سارا : اذا هذا مؤسف انكي لم تري الكذب في عينيه آخر مرة صوفي : سارا عزيزتي سارا في تهرب من محاولات صوفي الملحة بعد ماقابلت لؤي : مايا بحاجة لتبدل ملابسها .. ساذهب حملت مايا بين يديها ودخلت *** غــادة صحت من النوم على صوت جوالها ... فزت وهي تطالع الغرفة الملكية اللي نايمة فيها , النومة هنا مريحة بشكل وهذا طبيعي مع الريش الفرنسي اللي هي نايمة عليه .. طالعت الساعة بزاوية الغرفة تشير لـ 12 ونص شهقت ماصلت للحين .. تركت الجوال وهي تصلي الظهر مباشرة , بعدها رجعت لجـوالها كان ابتسام المتصل .. دقت عليها جاها الرد مباشرة : هلا غادة ! إبتسام : صح النوم ... ههههههههه نايمة بالعسل اشوف غادة بكئابة : أي عسل واللي يعافيك إبتسام : لحالك انتي ؟ غادة بسخرية : طبعا إبتسام : ايه طمنيني ... وش صار وشخبارك ؟ غادة : مقدر اقولك اللحين إبتسام .. " تنهدت " تقدري تجين اليوم ؟ إبتسام : لا فشلة .. بيقولون وش هاللي مداومة عندهم غادة : اللي يقهر ان فيه مدخل خاص بالشقة .. بس مقفول اكيد الحيوان قافله مايبي احد يجيني ما أدري عنه إبتسام : غادة لاتتكلمين عنه كذا اللحين صار زوجك .. حاولي تتكيفين معه قد ماتقدرين غادة : يعني ماراح تجين ؟ إبتسام : لا صعبة ... بكرة ان شاء الله غادة : بكرة العزيمة ! مقدر اجلس معاك وافضفض لك ولا شي .. إبتسام : هو اللحين وين ؟ غادة بقهر : امس لما رحتي .. جا وقالي الشقه تحصلينها بالدور الثالث ودخل غرفته إبتسام بصدمة : غرفته .؟ قصدك اللي ..؟ غادة : ايوه غرفته ببيت اهله ... بس احسن كذا اريح لو يجلس معي انكتمت إبتسام : ايه بس لو يشوفونه اهله عايش عندهم بيلومونك انتي مو هو .. غادة : هم لايميني ولا يطيقوني من دون .. انا مو عارفة حتى وش لازم اسوي اللحين ؟ إبتسام : اسمعيني .. روحي اللحين وانزلي تحت لعندهم أو حاولي تدقين عليه غادة : ماعندي رقمه .. إبتسام : اجل انزلي .. اكيد هو عند اهله , وحاولي تصيرين عاقلة لاتتهورين اعرفك مطفوقة لاجيتي تتكلمين غادة : قولتك ؟ إبتسام : ايه وصدقيني كلش بيتم معاك مضبوط غادة : ان شاء الله إبتسام : يله تحركي سكرت غادة السمـاعة .. وراحت تبدل بجامتهـا :- لبست بلوزه رسميه بيضاء فضفاضه دون أي تفاصيل مع بنطال ضيق طويل قليتري اسود ... شعرها المخصل باللون الغـــزالي رفعته بوني تيــل مع خصل طرحتها على وجهها ورسمت كحـل فرنسي مع روج وردي بيج ..وصندل أسود دون تفاصيل مميـزة ثم وصلت للمهمة الصعبـة ... كيف تنزل .؟! فتحت الباب وهي تنـزل الدرج بخطـوات مترددة .. مجرد ماوصلت للدرج بدت الأصوات تطـلع ..فيه حياة بالدور الأرضي .. اصوات جمعة ..أول ماوصلت للدور الثاني كان هادي تماما وصلت لحد غرفته .. طرقت الباب مافيه رد .. رجعت تدق الباب بس برضو مافيه رد .. سمعت صوته تحت .. بلعت ريقها وهي تحس لو تنزل كذا فجأة شكلها بايـخ : ......... وقفت عند الدرج وهي تحس نفسها في نكته وحلم مفروض تصحى منه .. شي غريب تكون ببيت ام فراس بهالوقت تحس مكانها غلط .. ماتحسه بيتها نهائي .. رجلها ماتساعدها تنزل حتى , مفروض تتحنحن ؟! لا وش هالحركة البايخة .. حست بيأس من نفسها لدرجة فكرت ترجع تصعد لفوق وطقاق مو لازم تكلمه ... تو التفتت عشان ترجع .. جاها صوت ناعم : غادة ؟! كانت ياسمين تمر من الصالة وانتبهت لغادة براس الدرج ... الكل بالصالة التفت لياسمين , ام فراس وقفت وهي توقف عند الدرج : غادة ؟! شتسوين عندك تعالي يابنتي انزلي هزت راسهـا وهي تنزل ... : صباح الخير .. : شمسك عالية اليوم ! مساء الخير يقولون اللحين كان هذا تعليقه لهـا لكن غادة ماتبي تلتفت له حتى .. نظراته محبطة دايم , ام فراس : وش مشتهيه فطورك ؟ غادة : لا مافيه داعي ... افطرت .. ام فراس : ما أخبر المطبخ فيه شي للحين فوق .. من وين افطرتي ؟ غادة كانت دموعها بعينها من قال تعليقه لها ... فاكتفت بانها قالت : مالي نفس .. ام فراس : روحي ارتاحي اجلسي وانا بوصيهم يجهزون لك حاجة تاكلينها هزت غادة راسها دون تعارض .. التفتت للصالة وهي نادمة انها نزلت تبي ترجع تصعد كان جالس على كنبه فرادية وجهازه قدامه على الطاولة ويشتغل فيه .. واسماء متربعة على الوسادة بالارض وتطالع التلفزيون .. التفتت لغادة : غدو شفيك واقفة ؟ تعالي اجلسي تنهدت وهي تجــــلس على ابعد كنبه عنه .. كان برنامج معروف بين البنات : تتابعينه انتي بعد ؟ اسماء : اييييييييييه اكيد .. عاد شوفي اللي جا اللحين هالمكسيكي مارك تعرفينه ؟ غادة : لا .. شفت البرنامج بالصدفة مرة بس اسماء تنهدت بعشق : مستعدة انا اتنازل عن ثروتي كلها اذا هذا بيصير رجلي رفع فراس عيـونه يطالع المكسيكي .. ثم رجع يطالع جهازه : انا بتنازل عن كل املاكي كلها اذا رضى فيك اصلن اسماء : ماطلبت رايك ! وبعدين مستهين فيني .؟! مليون واحد زيه يتمناني فراس : أيه يصير خير اسماء : جملة بيصير خير اذا طلعت منك انت خصوصا ! يصير مالها علاقة بالخير ابدا غادة كانت تطالع نقاشهم الإعتيادي بالنسبة لهم .. حتى مع اهله رافع ضغطهم يمكن هذا نسق شخصيته : ......... اسماء وهي تتابع اعلان معجون اسنان : اموت واعرف شلون بالدعايات يفرشون اسنانهم دون يطلعون المعجون ! انا لما افرش اسناني المعجون يوصل لأذني فراس تو بيتكلم قاطعته اسماء : لو سمحت لاتعلق ! اتركني افضفض مع نفسي ! فراس : احمدي ربك كنت بقول فيك خير تفرشين اسنانك اصلن ! اسماء بانفعال : وش قصدك اني وصخة ؟! بنت كهف ما افرش !! فراس : معقول جدا ابتسمت غادة على هواشهـم الأخوي .. مجرد ما انرسمت ابتسامتها رماها بنظرة اخفت بسمتها مباشرة , كانه يقول على ايش تضحكين ! اسماء وقفت وهي تسكر التلفزيون : الشرهه علي اللي جالسة اتابع عندك اصلن ! غادة اذا تبين تتابعين تعالي بتابع بغرفتي انا غادة حصلتها فرصة تكلمه : لا روحي انتي ... انا شوي .. هزت اسماء راسهـا وهي تطلع من الصـــالة ... مجرد ماطلعت نطقت غادة بتردد : امس .. قلت لك بكلمك بموضوع بس .. قاطع حديثها وقوفه المفاجئ .. عقدت حواجبها لايكون بيسفهها وبيطلع زي امس انتبهت له يطلع من الصالة ويلتفت للجدار اللي برا الصالة ... كانت اسماء واقفة هناك وتبي تسمع وش بيقولون ضحكت بانحراج لما شافته واقف متكتف قدامها : ههههههههههههههههههههههه !! نسيت جوالي كنت برجع اخذه طالع فراس جوالها اللي بيدها : .......................... اسماء : يوووه ! عنوه ههههههههههههههههههه بسم الله احيان الشي تدوره ساعتين وهو بيدك فراس اشر بوجهه للدرج : غرفتك تحصلينها يسار هناك اسماء راحت بسرعة وهي تتحلطم : اففففف يمتي سكن ! مخاوي هالرجال ... ما ا استوعبت انه معرس ابي اسمع وش قال حشى اول ماراحت .. رجع يجلس مكانه وقال بحدة : ترا البيت مو بيتك تمشين فيه كذا .. انس عايش هنا حطي شي على راسك ولا انثبري فوق يكون احسن بعد ! غادة عقدت حواجبها .. انس هو اللي شافته يلعب مع ياسمين امس : انس اخوك ؟ بس هو صغير لسى بزر فراس تكتف وهو يطالعها : هالبزر مابينك وبينه الا ثلاث سنين على فكرة ! غادة قررت تسايره : المرة الجاية طيب اللحين نسيت ! فراس : نسيتي ولا تناسيتي ؟! غادة بين اسنانها : نسيت ! " تو بتكمل تبي تقوله الموضوع .. جت ام فراس ووراها الخدامة بصينية فطورها حطته قدامها " ام فراس : وين اسماء وياسمين اجل ؟! هز فراس كتوفه بمعنى مدري : ................... ام فراس ابتسمت وهي تنقل بصرها بينه وبين غادة اللي منزله راسها وضامه ذراعها بيدها : مابخاطركم تطلعون مكان تسوون شي .؟! فراس فهم قصد امه غصب تبي تحس انه معرس وهو مافرقت معه .. نطق باقتضاب : لا ماله داعي ! غادة خافت من اللي بتقول بس لازم هذي فرصتها : بس انا ابي اطلع .. لكن صدمها الرد المباشر : الباب ياسع جمل ام فراس انحرجت من طريقته معها : طيب اطلعوا وسعوا صدوركم شوي فراس : صدري وسيع هنا مايحتاج غادة وقفت تاركه فطـورها وهي تصعد لفوق مباشرة ... ام فراس تنهدت : ليش قلت لها كذا .؟! خذت بخاطرها اكيد فراس : من اليوم لبكرة .. " وقف وهو يسكر لابتوبه " انا عندي موعد على الغداء فتغدوا ماعليكم مني ام فراس : دامك طالع ليش ماوافقت تطلع معك ؟ فراس : طالع العب انا .؟! وطلع مباشرة .. ام فراس تنهدت بكئابة وهي تطالع الصينية ماكلت منها شي مامداها تاكل اصلن صح انها مو راضية انها تكون زوجة ولدها بس اللي صار صار وخلاص حسن المعاملة شي واجب بالنسبة لها مادام الشخص ببيتها : ميييييري ... ميري جت ميري .. ام فراس : خذي الصينية الله يرضى عليك ووصيها للشقة في الدور الثالث هزت راسها وهي تاخذ الصينية وتصعدها لفـوق *** إبتسـام / كانت تحس بفراغ بالبيت .. خصوصا عقب ماراح غادة فاضي ومافيه احد وهو اللي كان مليان قبل ومكتظ عليها , والسيد نايف ماتطوع يتصل عليها هاليومين هذا وهو يعرف ان غادة تزوجت .. قررت تتبع نصيحة الدكــتورة جهزت لها شي تشتهيه ثم جلست على الكنبة وهي تمد رجليها وتحاول ترتاح .. لما خلصت متابعة برنامجها طالعت الساعة 7 مساء .. مسكت جوالها وهي تتصل بغادة جاها الرد : ايوه إبتسام : هلا غدوشتي .. كيفك حبيبتي شصاير معك ؟ غادة : مو صاير شي .. جالسة إبتسام : مانزلتي غادة : إلا نزلت .. بس الظاهر ماعنده نيه يعطيني فرصة اتكلم معه أو اقول أي شي .. إبتسام : راح يكون صعب لك تتكلمين معه لأنه معتبر نفسه عايش ببيت اهله .. لو انتو بنفس البيت غصب عنه سمع لك غادة : ماعلينا .. انتي شجالسة تسوين ؟ إبتسام : ابد ماده رجلي واتابع بالتلفزيون غادة اللي كانت حاسة بتأنيب ضمير ان امور ابتسام مع نايف مو تمام بسببها : نايف مارجع ؟ إبتسام : لا .. عقب ماكان البيت مليان فجأة فضى علي غادة : إبتسام لعد تشيلين همي .. عطي حياتك اهمية شوي إبتسام : وانا وش سويت معطيتها اهميه عادي ! غادة : لا يعني بدل ما انتي جالسة تكلميني .. اتصلي على نايف , يكفي اقتحمت حياتك بما فيه الكفاية وخربت ابيك اللحين تعطين نفسك وجه إبتسام : ماعليك مني اموري تمام ! نايف عنده شغل وبيرجع ... ماخربتي شي ولاهم يحزنون غادة : ان شاء الله يكون كلامك صح .. إبتسام : المهم انتي روقي وانا بكرة جايتك ومتطمنة عليك ان شاء الله غادة : ان شاء الله سكرت السمـاعة .. ورجعت غادة تلهي نفسهـا بألبوم رنيم وهي تتصفحه وقلبها يعتصرها على هالحـال .. ومن عقب ماصعدت ظهر مافكرت حتى ترجع تطل او تنزل .. خصوصا عقب كلمته " ولو تظلين فوق يكون احسن " *** اليـــوم التالي – الساعة الثالثة عصرا / " طق .. طق .. طق " : ميــن ؟! ام فراس : أفتحي انا ! اسماء : الباب مفتوح دخلت ام فراس وجلست ... كانت اسماء على مكتبها واللاب قدامها وتشتغل عليه : وش تسوين ؟ اسماء تنهدت : الجامعة قربت .. وانا بديت أيأس من البعثة فجالسة ارتب جدولي ام فراس : اخيرا يأستي ! مامنها خير الغربة تمزحين انتي ؟ اسماء : والله انها رهيبة .. ازين من ديرتكم البائسة هذي اللي كلمة " صباح الخير " فيها تسوي علاقة غرامية وسوء نية وكلش ام فراس : والله ان ديرتنا ما ازين منها يالمهولة ! اجل الزين تروحين عند الكفار هاه ؟! اسماء : المهم يمه امري !؟ ماجيتي غرفتي الا تبين شي ام فراس بضيق : ايه .. ابيك تصعدين لفوق تشوفين غادة اليوم العزيمة وانا امس شفت طريقة فراس معها الله يهداه يكسر فيها بالحكي .. واخاف تتضايق واليوم العزيمة مهمة وابيها بأحسن شكل اسماء : اخاف فراس فوق ويبلشني يقول وش جايبك ! ام فراس بضيق : انا من يوم تزوجوا ماشفته جالس بشقته الا وقت النوم ظني ! اقوم الصبح احصله قدامي تحت ولا راجع من شغل .. وبالليل عاد يصعد ينام ! واللحين طالع عقب الغداء يقول عندي مؤتمر اليوم وماراح يرجع الا متأخر اسماء : ان شاء الله بخلص اللي بيدي وبروح اشوفها ام فراس : يله اعجلي مو تنسين أسماء : ما حنسى اللحين بروح خلصت اسماء شغـلها وصعدت ... طقت الجرس عقب فترة انفتح الباب كانت غادة بـبنطال قطني وتيشيرت عادي وشعرها لامته بعشوائية : هلا اسوم اسماء استغربت هيئتها .. لكن ماعلقت : هلا والله .. جيت اعرض عليك مساعدتي ؟! تبين اساعدك بشعرك شي ! نكلم كوفيرا ؟ غادة : لا لا ماعليك .. انا مدبرة كلش , انتي تبيني اساعدك بشي حاضرة ؟ اسماء : هههههههههههههههه جايه اعرض عليك مساعدتي تعرضين مساعدتك ! غادة : لا حبيبتي مابي اشغلك عن نفسك .. روحي خلصي نفسك وانا قد نفسي لاتخافين اسماء : اوك اجل لاتتأخرين .. مغرب ع طول انزلي غادة : ان شاء الله نزلت اسماء وهي سكرت الباب ورجعـت تشتغل بمكياجها وتجهز بشكـلها ..فستان ذهبي طافي باكمام قصيره تكاد تنحدر مت كتفها .. وبقصه انيقه وفيونكة مربوطه تحت صدرها والفستان لنص ساقها مع منـاكير باللون الكبدي .. وشعـرهـا موجته بشكل زاد كثافته وسوته كبـه بشكل ملفت .. وتركته مفتـوح على وجههـا الصغيـر بلمحتها اللي زايدة جاذبيتها بمكيـــاجها المتكلفه فيه .. روجهـا عنابي داكن طافي مع خشمها الدقيق وعيونها مبرزتها بكحل مناسب لمعة عيونها طـلع شكلها رايق .. الفستان مناسب طولها المتناسق مع طول رقبتها وطول شعــرها يوصل لخصرهـا .. رغم نعومة فستانها جاذبية لمحتها وجسمها تفرض فخامة بشكلها .. وزادت فخامة فستانها بخـاتم هدية إبتسام الماس .. تو بتنـزل تراجعت وهي تسحب طرحـتها مو ناقصة حكيه مفروض مافيه شي يعكرها اليوم أصـلن .. اليوم بتطلع رسميا كزوجته ماراح تسمح له يحقرها .. قد ماتقدر تحط نفسها مقامه ماحتقصر نـزلت وهنا كانت مفاجئتها اليـوم مانزلت نهائي وامس بس ظهر ..كان البيت انقلب فوق لتحت ..كلش غيـر الصـالة نص اثاثها مشيـول وصايرة كانها قاعة افراح .. بمنصة بالنص وحولها جلسـات كراسي وطاولات وأضائة بالأرضية كبست بعيـونها مستغربة وبكل طاوله ضيافة كامـــلة وهدية بكل كرسي للضيوف ..: غادة .؟! التفتت لأم فراس وواضح على وجهها الذهـول : وش كل هذا .؟! ام فراس اللي كانت بكامل اناقتها بجلابيتها الفخـمة : هذي فرحتي ببكري وعروسته .. والله ماني راضية ان مايكون فيه عرس وهذا اقل شي اسويه طلاعتك ماتمر كذا عادي غادة : ايوه بس انا ماحسبت حسابي ان المناسبة كبيرة كذا .. ام فراس : بالعكس ما شاء الله لا اله الا الله طالعة قمر مصور .. الله يهنيك فراس غـادة ابتسمت بانحراج من مدح ام فراس لها : تسلمين ام فراس كانت مذهـولة بشكلها فعلا .. طالعة فتـنة مكملة بجاذبية تسحر : ليش لابسه طرحه ؟ غادة بربكة : مافيه احد .؟! ام فراس استغربت : من بيكون فيه يعني . ؟ غادة بربكة : انس مو هنـا ؟ ام فراس : تستحين من انس .؟! انتي عايشة عندنا وهو صغير بزر لايهمك غادة تذكرت كلامه ( هالبزر مابينك وبينه الا 3 سنوات يالكبيرة ) : لا معليش كذا مرتاحة ام فراس : لا مو هنا محد فيه .. تقدرين ترتاحين اسماء من وراهم : الله ياغادة ايييييه الحلاه دي يابت ؟ غادة : ماعليكي قصور فستانك مرة يجنن اسماء : لا لا مستحيل ... وش هالحلا كله ! تخبين وتتخبخبين على ولد امي ام فراس نغزتها : وش فيه ولدي .؟!!! اسماء : مافيه شي سلامتك يهبل ! ام فراس : يله روحي تسنعي وافتحي الباب يدخلون الضيوف مباشرة اسماء : ان شاء الله غادة : انا وش اسوي .؟ بساعدكم ام فراس : لا مايجوز للعروسة تلمس شي ..ياسمين حبيبتي روحي دقي على السواق يعجل ! ياسمين : ان شاء الله : غدوشه ! التفتت لإبتســام .. وراحت يمها وسلمت بحرارة : هلا والله حبيبتي سلمت عليها بحرارة : وش سوا العرس فيك ياحيوانة .؟! وش كل هالحلا غادة ابتسمت : حتى انتي طالعة تجننين .. هالمكياج يصرع عليك "تنهدت" قبل يجتمعون العالم عقب العشاء عادي تصعدين معي شوي بكلمك ؟ إبتسام : لا مو حلوة نترك ام فراس وهي مجتهده كل هذا لحالها .. بعدين اوعدك اجيك بيوم على رواق اللحين انبسطي الليلة ليلتك : كولولولولولولولولولولولول ولولوليششش !!!!! الف الصلاة والسلام عليك ياحبيب الله محمد : كولولولولولووليش التفتت غادة للصخب .. وما امداها انسحبت من يدينها الثنتين من اريج ومرام بعباياتهن وجلسنها قدامهن : اسمعي عشان مانخوفك ! مرام : ايه حنا اريج ومرام ! خالات وتاج راس رجلك ابو خشم مايل اريج : والمراد هنا بخشمه مايل يعني مايعجبه شي ! ظلن يراقبنها لفترة .... مرام : وش زينك يختي والله ... كيف وافقتي على هذا فراس ؟! غادة : هههههههههه هلا والله اريج ومرام , كيفكن ؟! اسماء جت من وراهن : لا تبثرنها الله لايبلانا يالمشافيح ! اريج : احترمي خالتك ياورعة ! وخلك ع جنب رجاء غادة سلمت عليهن : ياحليلكن والله ههههههههههههههههههههههه اجل ابو خشم مايل مرام : شف شف شف اعجبتها الذبه ! اريج : والله فراس دايم يكسر توقعاتي اجل امداه يغثها المسكينة ام فراس بعصبية : اريج ومرام ! خلن البنت وتعالن ساعدن .. بيوصلن الحريم وحنا في حوسة اريج : حرم فراس راجعين لك عقب العزيمة ... لنا جلسة طويلة يالحبيبة مرام : واستعدي تجاوبين كل الأجوبة ... كلها ! لانا ماراح نتركك الا ناطقة وراحـــن ... بهالاثناء اجتمعــــــوا الناس وكانت غـادة ملفتة بوجودها لانها رافعه مقام نفسها بمشيتها وطريقتها بالكلام , مستحيل تسمح لنفسها تنهان اكثر من كذا كانت تمشي بثقة .. وتسلم من طرف خشمها على اللي تحسهم جايين باسئلة تسم البدن زي " ليش ماسويتو عرس " بهالاثناء وصلت ميهـاف متأخرة :- استقبلتها اسماء معصبة : بدري ياشيخة كان ماجيتي ! ميهاف : طيري بس ... عقب الشين خلصت الكوفيرا الحيوانة تاخرت وصارت مشكلة بالمشغل اسماء : كان بنبدا الرقص دونك ! ميهاف : ياويلك ! جت الفرقة ؟! اسماء : ايه من زمان ! تحتريك يعـــــني .؟! اخلصي امشي دخلت ميهاف وهي تسلم على الكل باجتماعيتها المعتادة حتى وصلت لغادة : واو غادة الله يحفظك وش هالزين ؟! غادة : ماعليك قصـــور بهالاثناء صعدت اسماء المسرح وطلبت اغنية " دقو خبيتي " ومباشرة صارت تـــرقص وهي تمشي ناحية ميهـاف تسحبها لفوق معـها .. كانت ميهاف هي راعية الرقص ومايعلى عليها .. اما غـــادة كانت مذهـولة كانه عرس بجـد .. توقعت عزيمة عادية لكن لا عرس بجد مايمزحون .؟! ابتسمت من قلب وهي تشوف ابتسام تصعد معهـن وتبعتها ام فراس واكتظ المسرح باللي يرقصـون ... كانت تصفق لهم من مكانها بهالاثناء انتبهت لسجى من بعيد الوحيده اللي مارقصت ... استغربت لكن ما استغربت كثر ما استغربت نظراتها لها .. محتقرتها من قلب عقدت حواجبها لكن تجاهلتها .. الكل كان يصفق ويصفر لميهاف وإبتسام خصـــوصا لأنهن خذن الجو برقصهن المميـز غير الكل .. وأول مرة تجي وحده ترقص بمستوى ميهاف بالعائلة اما غادة بهاللحظة حست بفرحة ماحست بهـا حتى مع احمد لان اصلا ماصار لها حفلة ولا غيره ... نست فراس وطريقته معها وكل شي اللي بعينها هاللحظة انها مبسوطة بجــــد ... حتى لما قربت منها اسماء تسحبها ترقص مارفضت صعـدت والكل وسع لها ... قربت منها اسماء : وش تطلبين اغنيتك ؟! غادة بعد تفكيـر ... نطقت ماتدري ليش طلبتها لكن حستها انسب شي : خاتم سليمان . بدا اللحن ينطـــلق بأغنيتها اللي طلبتها ... كيف نوصلك ياخاتم سليمـــان .؟! قلنا سرك يالولو ومرجـــان ~ وماخلق مثلك لا إنس ولا جـان وماخلق مثلك لا إنس ولا جان دلنا بالله ياخاتم سليمـان كان رقصها ناعـم بحكم اللحن النــاعم .. حست الأغنية دخلتها سحبت إبتسام معـها ترقص وهي مستمتعة بهاللحظات المميزة من حيـــاتها .. ياملك شكلك هيبة وسلطــان .. أكيد من حقك نلبس ونزدان وماخلق مثلك لا إنس ولا جان ماخلق مثلك لا إنس ولا جان دلنا بالله ياخاتم سليمان نادرة لحـظات الفرح بحياتها .. هذا اذا ماكانت هذي هي الوحيدة بين كم فرحة نادرة تبي تخلد هالشعور بهاللحظة داخلها يوسفي حسنك باهر وفتـان .. جيت من نفسك ولا جابك الدان ؟! ماخلق مثلك لا إنس ولا جـان وماخلق مثلك لا إنس ولا جان ودلنا بالله ياخاتم سليمان .؟! دخلت ام فراس وهي تنقط فوقـها بفرحة ... ماقاومت غادة بهاللحظة تبوس راسها راس الإنسانة اللي سوت لها كل هذا وفرحت فيها ... يمكن هذا قصد فراس لما قال انه بيعطيها هدية لاتنخدع فيها .؟! مهما قال هي انخدعت بالفعل .. هالهدية ماتقاوم .. هدية كونها مهمة ولو للحـظات التعديل الأخير تم بواسطة لامارا ; 01-05-17 الساعة 11:35 AM | ||||
|
| |
|
01-05-17, 11:37 AM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "البارت السابع والثلاثين" - لاتجرحوهم , فالحياة لاتمنح فرصة الإعتذار دائما بعـد نهاية أمسية جامحـة جدا .. حست غادة فيها باللي ماحسته بعمـرها كله , ظل موجود حتى اللحين إبتسام واريج ومرام وميهاف وأم نايف .... كانت عجباء " اخت ام فراس " واقفة ونطقت لمرام واريج : وبعدين معكن انتن ؟! يله بنمشي مرام واريج عايشين مع عجباء اختهن لان امهن وابوهن متوفين .. بحكم أن عجباء ارملة وماعندها إلا ولد واحد كبير متزوج وبعياله ... اريج : مانبي نروح ! مرام : ايه مانبي بنجلس مامدانا نسولف مع العروسة حتى .. يوم بدت الوناسة وانفكوا الحريم ودعالتهم تقولون يله أم فراس : عجباء خليهن عندي اليوم ... ينامن ويتسلن عجباء : بيقلقونك وانتي عندك عرسان .. " طالعتهن بنظرة حادة " قومن قامت قيامتكن ام فراس : لا تصعبينها يجلسن مافيها مشكلة .. والعرسان بشقتهم وش بيصير يعني ؟ يسلنا عجباء تنهدت : اللي تشوفينه .. وانتن اوريكن بعدين ! يالجاحدات اول ماراحت عجباء نطقت مرام بحماس : ياااااااااااااااااسسس ! غادة : هههههههههههه بالله مو خايفات ؟! كانه ناوية عليكن بس ترجعن لها بكرة بعقاب اريج : لا عجوب حليوة ماعليك بس تهديدات كذا ام نايف اللي كانت تطالع ابتسام اللي جالسة وواضح على وجهها التعب : إبتسام حبيبتي اذا تبين تتمددين مب مشكلة .. واضح الجلسة متعبتك التفتت غادة لها مباشرة : يؤ .. ابتسام وجهك منتهي ؟! إبتسام انحرجت لان الكل صار يطالعها : لا سلامتكم مافيني شي والله ام فراس مسكتها من يدها دون نقاش : تعالي اجلسي هنا بالجلسة الأرضية ومدي رجليك .. لا تستحين مابه غريب ميهاف : باي شهر انتي إبتسام .؟! ابتسام : لسى بآخر الرابع ام نايف : الله يسهل عليك يارب مرام : الفـــال لك ميهاف .. اخلصي نشبي بدر ببزر قبل تخققه عارضه ويهملك ! ميهاف تخصرت : نعـــــــــــم .؟!!!!! اريج : وهي الصادقة يابنت الحلال .. لا نشبتيه ببزر ا ماقدر يروح ! اللحين سهله بلا انتي ام فراس : وي بسم الله على ولدي ... حرام عليكن والله انه يحبها مايستغني عنها ميهاف بثقة : يسلم لي قلبك خالتي انتي الفاهمه .. اصلن هن ما آخذ بكلامهن ! مرام : أسمعي عاد ! الحق ان اناقة الرجال تبدا من ويش .؟! اريج : من غض البصر ! وبدر مايحتاج اقولك .. عيونه مكبسه ينتبه لكلش ! ويشوف كثير .. من وين ترجين منه شي؟ ميهاف : مالت عليك وعليها بعد .. اصلن انتن وش حشركن خلكن في حالكن بس ! اسماء جت وجلست : ااااااااااه اخيرا خلصت .. حشى هالمستأجر سواها لي ذله ! ام فراس : خذوا الاغراض كلها ؟ اسماء : ايه خذاها خـلاص .. مسكين انس سهر عشانهم ام فراس : راح ينام .؟ اسماء : أيه ايه راح.... " طالعت اريج ومرام " خالتي عجباء راحت ترا ! اريج : يس يس بننام هنا اسماء : ههههههههههههههه صدق .؟ مرام : يب يب صدق .. يله اسجدي سجود شكر اسماء : على وش على الضيق اللي بيصير بغرفتي .؟! اريج : نرد عليك بعدين " التفتت لغادة " اللحين عندنا جلسة تحقيق .... بالله وش سوا فراس اول ما شافك .؟! قال كلمة حلوه .؟! وش قال .؟! يعرف يقول كلام حلو .!؟ ابتسم ؟ مرام : يمه اتخيل فراس يبتسم ! احس فكوكه ماتعرف تبتسم غادة تخيلت كلامهم صح بس .. من سابع المستحيلات : كيف اجاوبكن اللحين اسئلتكن صعبة ! اريج : اما ! تو ما سألنا الاسئلة الصعبة ... للحين نسأل اشياء خفيفة بس ام فراس : حمدالله والشكر بس ! وقفت ام نايف : يله انا لؤي جا .. تامرون على شي ياجماعة .؟! : سلامتك الله معك ام نايف طالعت ابتسام : ابتسام نوصلك معنا .؟! ابتسام : لا السواق بالطريق ام نايف : لا وش سواق بهالحزة ؟!! تعالي بنوصلك .. واضح عليك تعبانة مالك خير من السهر غادة : ايوه ابتسام شكلك مرهق مرة ... ارتاحي حبيبتي استجابت ابتسام وطـلعت مع ام نايف ...ميهاف تنهدت وهي تحوس بجوالها : بدر تأخر ! اسماء : دقيتي عليه .؟! ميهاف : ايه بس مايرد غادة : وانتي وش معجـــلك .؟! اجلسي سهرانين مبسوطين اريج معطت خد غادة : يالبييييييييييييها ! مبسوطة بالسهر معنا ... فديت ياناس غادة مسكت خدها : ههههههههههههههه ااااي تعور يادبه ! اريج رجعت تمعطها : كيـوت انتي يخي ما اقاوم امعط خدودك ! غادة : انا كمان ما اقاوم امعط شعرك اخرب تسريحتك ترا .؟! اريج : هههههههههههههههههههههه لا استسلمنا يختي دق جـوال ميهاف .. ردت مباشرة : هلا حبيبي .؟! مجرد ماقالتها نقزت اريج ومرام جمبها وهن يهمسن : سبيكر سبيكر ! ميهاف بضيق من قربهن : ايوه وبتتأخر كمـان .؟! .......... ايه راحوا .... تمام .. اوك سكرت السماعة وهي تنفخ فيهن : ادخلن السماعة احسن ! مرام : شفيك انتي قشرا ! لبى غادة لنا ساعة نحوسها ماقالت شي اريج : هذي معادهيب عروسة معد تستحي ... الله يستر من غادة بعدين مرام : مدري شفيكن ترا حنا نشوف عيال اختي زي عيالنا والخالة أم مثل ما انتي عارفة ! اسماء : هههههههههههههههههههه امي حتى ماسوت كذا يا ساتر ام فراس طالعت الساعة ... تشير لثنين حكم : غريبة فراس لهالساعة برا .؟! اسماء : ايه من جد .. بالعادة 12 برا البيت متأخر عنده ام فراس : هو انا قلت له ضيوف وبيطولون ... " وقفت " بروح اكلمه اخاف متاخر عشانا ميهاف : إلا اقول بنـات .. وش سويتو عشان الجامعة ؟! تجهزتو ؟ اسماء : انا ضبطت جدولي باقي السوق بطلع له هالكم يوم ميهاف : تروحين معــي ؟! انا كمان ناوية اطلع هالكم يوم اريج : انا شكلي بأجل هالترم .... مرة مالي خلق مرام : لا اريج ياحيوانة لاتاجلين ! اتخرج قبلك كذا .. خلينا ماشين سوا اريج : مدري بفكر .. والله مالي نفس اسماء التفتت لغادة : غادة انتي بأي سنة .؟! غادة حست وضعها فشلة صدق .. : انا ماخلصت اخر سنة ثانوي اسماء : اهـــــااا ... وناوية تكملين ؟! غادة : لا راحت علي خلاص .. وبعدين انا من يومي ماني راعية دراسة فمو ضروري اريج : انا مثلك يختي بس ضغطت على نفسي وهذاي شكلي برجع اسحب دق جوال ميهاف .. وقفت : يله هذا بدر ... تمسون على خير ياجماعة : وانتي من اهلــــه .. انتبهي على نفسك طلعت ميهاف .... اسماء : حنا وش جالسين ننتظر ؟ قوموا خل ننام خلاص تعبت اريج : احتري فراس يجي ! ماحقوم قبل ازعجه الخايب مرام : ايه اصلن مو جالسين الا نزعجه .. وبعدين خاطرنا نشوفه هو والعروسة سوا !! اسماء : ياروقكم بس ... قومن نامن ولاحقات بعدين تزعجونه مرام : اساسا غادة ماحتنام اكيد إلا لما يرجع ! بدل نخليها سهرانة لحاله نجلس نسليها .. تبين تنامين انتي روحي نامي اسماء وهي توقف : وهذا اللي بيصير .. يله تصبحون على خير : وانتي من اهله جتهم ام فراس : فراس مو جاي الا عقب الصلاة .. قوموا نامو لكم شوي قبل الاذان اريج : اما عقب الصلاة ! وش عنده برا وش يسوي .؟! ام فراس : يقول الملفات محيوسة وعنده تسيب موظفين يقول مقدر اطلع لحد ما اخلص .. انا بروح انام تصبحون على خير وقفت غادة وهي تحمد ربها انه بيتأخر ... موقف انه يجلس يهينها قدام اريج ومرام هذا اللي ماراح تتحمله كويس جتها من الله : يله اجل نوم العوافي ياجماعة مرام صعدت وهي تتذمر : فاتنا والله بس وش عليه جالسين له لبكرة ! اريج وهي تتثاوب : قولتك *** صحت غـادة من نومها .. على حدود الساعة 11 ونص / جلست بكسل على السرير وهي تسحب جـوالها ... سكرت المنبه وراحت تغسل وجهها دخلت المطبخ تبي تجهز لها شي تاكله لكن المطبخ فاضي انقهرت لازم تقـوله يجهز لها المطبخ مو معقولة كل ماجاعت لازم تنزل خصوصا مع وضع انس بالبيت ..: ............. انتبهت لاصوات ازعاج طلعت من النافذة بعد ماتتبعت الأصوات كانو اسماء واريج ومرام بالحديقة جالسات حست جوهن عليل صدق .. وهي بدت تستمتع بصحبتهن .. انتبهت لجوالها يدق " ام فراس " ردت : هلا والله ام فراس : صاحيه ولا صحيتك .؟! غادة : ههههه لا صاحية ام فراس : البنات تحت جالسات دام فراس طالع اذا ماعندك شغل انزلي تسلي معاهن غادة : ايوه من عيـوني ان شاء الله سكرت بحماس وهي تطلع لغرفتها مباشرة تبدل لبسها :- التنورة ميدي لنص الساق سودا مع بلوزه رسميه بنكي دخلتها تحت التنوره وثبتتها بحزام بني انيق مع جزمة سوداء بكعب خفيف .. ومكياج صباحي ناعم وشعرها عمـلته على كتفها بطريقة رايقة عطاها شكل صباحي بالفعل اعترفت بهاللحظة بينها وبين نفسها ان حياتها هنا تجنن .. نزلـت بحماس .. وابتسامتها زادت لما شافت ام فراس بالصالة : صبـاح النور ام فراس ابتسمت : صباح الخيـــر .. البنات برا بالحديقة هزت غادة راسهـا وهي تطلع لهن : صبـــاح النور مرام : صباح الخير والسرور والشر عنك يزول يارب اريج : طولتي بالنوم ! اسماء الي واضح ماكله تبن : الانسانة الطبيعية بتنام كذا عقب سهرة امس ! وانتن من 9 مصحياتي ... ادرنالين من صبح الله اريج : للأمانة حنا ماصحيناك ! اسماء : والازعاج اللي سويتن في غرفتي ! مرام : لا لا اسماء ماتوقعتها منك ! حنا ازعاج ؟ اسماء : انا بالذات توقعي مني كل شي ... اخر مرة اترككن تنامن هنا مرة ثانية على جثتي ماتجلسن ببيتنا اريج : ههههههههههه لاتخافين عصر بنذلف ! اسماء : ابرك ... غدو افطرتي .؟! غادة : لا تو صحيـت اصلن " خذت من صحن الفاكهة قدامهم تفاحه تاكلها " تو غرست اسنانها بالتفاحة سمعت الباب ينفتح .. صعد قلبها لحلقها , كان متوجه لداخل مباشرة قاطعة صوت خالاته اريج : فرااااااااااااااااااااسسس سوه ! ياثقل خففف علينا عطنا نظرة ولو غلطة مرام : اخييييييييييييييرا لقينا موعد مع صاحب السمو والجلالة فراس انتبه للجلسة الجانبية بالحديقة : هلا برية وسكينة اريج : رية وسكينة بعينك ! يالمروح .. هذا وحنا خالاتك .؟! تقدمن عنده وهو يسلمن : على البركة على البركة ! مرام : من امس نحتريك نقولك مبروك ... مابغينا نحصلك .؟! غـادة كان تطالعهم من مكانها زادت ربكتها لما علقت اريج : يفوتك امس ! عوذ مرتك هبلت بالعالم امس .. غادة انصبغ وجهها .... تمنت تسطرهن على هالتعليق , احترت تعليقه : اها .. ما شاء الله مرام : وش هالتسليك مالت عليك ! اريج : بالله تعال اجلس ابي اشوفكم سوا وش شكلكم فراس طالع ناحية غادة حمدت غادة ربها ان طرحتها على كتوفها .. ثم طالعهن ناقد عليهـن ... وتوجه لداخل , تنهدت غادة بارتياح لما دخل : ............ مرام : كش عليه بس الثقل ! اريج : اقول بنات قومــــن خل ندخل ... الغداء بيجهـز اكيد غادة طالعت اسماء اللي تدق رقبه من النعاس .. هزتها بخفه : اسوم اذا فيك نوم اصعدي نامي ارتاحي اسماء فزت .. تثاوبت بكسل : ايه ان شاء الله .. أول مادخلت انفصلن صعدت اسماء لغرفتها ... بينما غادة فضلت ماتجلس بحضور فراس فصعـدت لكن قاطعها صوت مرام : غااادة .؟! ويييين وين ؟! اريج : ايييييييييييييه وين على الله جالسين نقول الغداء جاهز تصعدين ؟! غادة انحرجت ونـزلت وهي تجلس بالصالة عقب مارتبت طرحتها لأن انس موجود .. خذت مكانها بالكنبة الفرادية رفعت عيـونها له كان ثاني ساقه على فخذه وجاذبيته غير محدوده بشعره الفحمي لنص رقبته .. تنهدت لازم تحصل فرصة تكلمه قريب : ......................... ام فراس : ماتبي تسأل شخبار العزيمة أمس .؟! مرام : انا بقولك مايحتاج تسأل ! كلش كان يفتح النفس .... بس بصراحة اكثر شي رهيب لما صعدت غادة المسرح ورقصت فراس رفع حواجبه : أول مرة اسمع بوحده ترقص بعرسها .. اللي اعرفه انها تجلس بمكانها وتثقل شوي غادة فهمت التلميح رفعت عيونها للسماء تجمع صبرها ... عشان كذا ماكان تبي تجلس : ............ اريج : غادة بتسكتين له .؟! جالس ينقد عليك !! غادة بخيبة : وش تبيني اقول ؟! مرام : انا اقول عنك ولا يهمك ! " التفت للفراس " لو تشوف رقصها ماقلت ذالحكي ... جابت عقول العـــالم ! فراس رفع حواجبه : انا ما أصدق الا اللي تشوفه عيـوني مرام : ولا يهمك الديجي يجي اللحين !! غادة قومي وريه كسري راسه غادة انخبلت .. هذا اللي ناقص ترقص له بعد : لا مستحيل مابي ! اريج : مستحية ..........؟! فراس كان يطالعها وهي ماتحط عيونها بعيونه .. مجرد تطالع اريج ومرام وهي تقاوم الفكرة : ماابي .. جد مالي خلق فراس إبتسم بسخرية : قدام أمة محمد امس تنقزين ... واللحين ماتبين , ماحاكلك ترا غادة طالعته بقهر .. ونطقت بدلع رباني : إيـــــوه مابي ! الدعــوة مزاج .. وانا مزاجي طاف اللحين فراس باشمئزاز : تكلمي زي الـناس لأهفك غادة بلعت ريقها .. والتفتت وهي تتكتف وتكابر : هذا كلامي .. مو عاجبك لاتسمعه ! فراس : وهـذا بيتي .. تمشين زي الناس ولا روحي قابلي الجدران فوق اريج ومرام حسـوا انهم شبوا بينهم ... اريج : هههههههههههههههه الله ريحة الغداء تشهي .. مرام تعالي نشوف مرام لقتها من الله : ايه ايه يله غادة كانت شادة على شفاتها لاتخنقها العبرة وعيونها تلمع ... جاها تعليقة : ابكي قدامهم ازين ! غادة وعيونها بعيد عنه لاتهزها نظراته : ماحبكي ! بس .... بس كل اللي قلته ان مابي ارقص , إنتا جلست تهاوش فراس : اهـاوش ؟! انا حتى صوتي ما ارتفع ... حابه اعرف لك الهواش كيف ؟! غادة : مايحتاج .. " كملت بنبرة منكسرة " كل اللي ابيه منك تسمعني وانت مو راضي تسمع .. فراس زفر بضجر : اللهم طولك ياروح ... انطقي وش عندك ؟! غادة نزلت راسها وهي تلعب باصابعها بتوتر وهي تختار كلماتها بعناية : لو سمحت .. اذا مايضايقك انا عندي طلب واحد وعقبه مابي شي ... حتى لو ماعاد تبيني انزل .. فراس قاطع كلامها المتردد : اللي هو ؟! غادة : رنيـم .. فراس : .......................................... غادة لما ماحصلت رد منه قررت ترفع راسها ... ملامحه ماتغيرت مجرد التمست منه استهزاء بطلبها كملت باصرار : انا ... انا آسفة على كل اللي صار .. بس , رنيم هي بنتي وماني متطمنة وهي بعيـد .. وأكيد احمد بيقتنع منك فراس : لو يقتنع هذا أحمد دوني ويوصلك بنتك لباب غرفتك .. اعرفي اني مستحيل اوافق تجلس ببيتي غادة فتحت عيـونها : ليش ! فراس بكل بساطة : ماني مذنوب في بنت آلمرزوق ... كافيني وحده هنا غادة : بس ... هي مجرد بتعيش معي .. فراس : زيارات بس ! وكلمة زايدة .. احلمي تشوفيها زيارة حتى غادة عضت على شفتها بصدمة من رده ... توقعته يرفض يقنع احمد بس مو يكون هو نفسه عائق بطريق رنيم ! وقفت بقهر : الله يقدرني اشوفك ترجي احد ويسكها بوجهك مثل ماسكيتها بوجهي فراس : زمان عن هاللسان الطويل .. اثر العقل المفاجئ هذا مصلحة ؟! غادة بقهر : ترا أنا مو جالسة اطلب منك المستحيل ! كل اللي اطلبه تكون مثل الرجال اللي تتمناه لاختك ! فراس : وهي بكرامة ! غادة زاد بريق عيونها دمـوع .. وهي تطالعه وهو يطالعها ببرود الدنيا : ... كنت متوقعه انصدم فيك .. بس مو كذا , ماتقدر لو مرة تكون احسن من توقعاتي ؟ فراس : إنا انسان مثلي مثل غيري لاتصوريني قديس بعقلك وتورطيني كل شوي صدمتني وصدمتني ! ووفري علي منظر دموع التماسيح لو سمحتي واصعدي لغرفتك غادة طـلعت من الصالة وهي تصعـد مباشرة لفـوق .. قدر يقلب مزاجها في ثانيتين ! دخلت ام فراس الصالة : الغداء جاهز " تلفتت " وين غـادة ؟! فراس وقف : بقريـح ... شكل الغداء على كيفك اليوم , هاه ؟ *** عقد حـواجبه بضيق من صوت الجـوال ... فتح عيـونه بكسل وهو يمد يده للطاولة ويسحب الجوال ويرد : ايه ؟ نايف : ناااااايم .؟!!! بدر : كم الســــاعة ؟! نايف : اسأل روحك ! خرج النوم صح ... لهالساعة نايم ؟! بدر : المهم شتبي انت مبثرني من صبح الله ؟ نايف : صبــــح الله ؟! الله يعافيك بس .... الدنيا عصر ! بدر تنرفز : خلاص زين دريت ... شتبي اللحين انت متصل ؟! نايف : بغيت ابارك لك مجلتك نزلت بدر بكسل : يبـــارك فيك ياموجب ... إلا متى ناوي ترجع انت ماشبعت دجة .؟! نايف : إلا شبعت ... وخلاص تقريبا يومين كذا وراجع ان شاء الله بدر : اها .. يله اقلب وجهك اشغلتني سكر السماعة وهو يجلس بكسل .. هز ميهاف بنعومة من كتفها : ميهـاف .... ميهاف .. ميهاف .؟! ميهاف فتحت عيـونها : هممم بدر : قومي الساعة 3 ماقصرنا ! ميهاف فزت : يؤ يؤ يؤ يؤ !!! كيف مارن المنبـه ؟! بدر : شكله رن وماصحينا له .. " تثاوب " جعل ليلتك أمس تسلم ماتركت فينا عقل ابتسمت ميهاف وهي تسحب روبها وتنهض : هههههههه هذا المطـلوب بدر نهض هو نفسه يلحقون على الصلاة اللي راحت عليهـم ... بعد ماخلصت ميهاف خذت صحن غداها وهي تجلس قدام لابتـوبها , جلس بدر مقابلها على الطاولة وصحنه قدامه : شتسوين .؟! ميهاف : اتأكد من جـدولي .. " تنهدت " زي الزفت شكله هالسيمستر بدر : اهـا ميهاف : عموما حياتي انا يمكن اطلع اليوم أو بكرة مع اسماء .. بنروح السوق لكم شغله بدر : مو مشكلة خذي راحتك إبتسمت ميهاف بجاذبية : يعـني أخذك ؟ بدر بذوبان : فـداك والله .. " وقف وهو يستعد يطلع " بس وقت تروحين عطيني خبر بوصلك انتي واسماء ميهاف : اوك من عيـوني .. في امان الله *** لـؤي نزل بشـنطته .. وهو يبوس راس امه : وين ابوي عاد ؟! أم نايف : طلع عنده شغله ... بس يقولك في امان الله , وانتبه على نفسك ولا تطول علينا لؤي : ان شاء الله ام نايف : المرة الجايه اللي تجي فيها لازم نفرح فيك ... خلاص انت الوحيد مع عبدالمجيد العزابية ! لؤي : هههههههههههه ايوه يصير خير ام نايف : الله يستر عليك طلع لؤي وهو يرمي شنطته بسيارته ويتجه بطريقه للمطــــار *** غــــادة : - كانت جالسة وهي تحس بجـوع فضيع .. لكن نفسيتها مشغلتها بالفعل , ماكلت لما صحت الا تفاحة واللحين الوقت عشاء .. تنهدت وهي تمسك جوالها وتدق على إبتسام : الو ؟! إبتسام : هلا غـــادة .. شخبارك ؟! غادة : ماعلي حمدالله ... انتي كيفك ؟! مارجع نايف ؟ إبتسام بنبرة محطمة : للحين ماكفته نقاهته شكله ... شمسوية انتي ؟! غادة : زفت ..... ماتقدرين تجيني بكرة ؟ إبتسام : هممم والله بكرة عندي موعد بالجمعية وحوسة شوي ... بس أول ما اخلصها بجيك غادة : ايه تكفين .. خلاص انا ماعدت طايقة نفسي من الجلسة لحالي إبتسام : حرام عليك غادة .. يعني خليك منه هو اهله حليوين معاك انزلي ونسي نفسك معاهم غادة : عارفه أن اهله كويسين .. وماحلمت انهم يكونون كذا معي بس .... " تنهدت " مالي خلق اللحين .. إبتسام : وبعدين حتى لو أجي بكرة ما أحسني جالسة ادخل بيتك .. عطي ام فراس اقل شي خبر , لاتنسين اني بدخل من مدخل بيتها غادة : بقولها مو مشكلة ... بس ماراح نجلس تحت اصعدي عندي ترا مشاعري تلفت من المجامل إبتسام : طيب ليش التعقيد ؟! ليش ماتجين انتي عندي وبس !! غادة : مابي اطلب منه شي .. إبتسام : ههههههههههههههه شدعوة ما اذكرني طلبت من نايف إذن اني اطلع مكان وهو ماكان يضايقه غادة : وش جاب لجاب اصلن ! إبتسام : لا بجد انا قبل اتزوج نايف كان فكرتي ان كل الرجاجيل زي اللي حولنا .. إذن للطلعه والدخلة بس لما تصرفت بشكل طبيعي وطلعت ماتضايق ولاحظت كل اللي بعائلته كذا , يعني انتي جربي ودرعمي اطلعي وبتكتشفين انه عادي غادة كوش جلدها : لا لا لا لا ... ما اتجرأ حتى ! اساسا من بيوديني ؟! " تنهدت بتذمر " اففف اللحين انتي ليش ماتجين وبس .. خلاص قلت لك بقول لأم فراس إبتسام : ماشي .. بكرة أول ما أخلص شغلي بجيك غادة : ايه من أول ! .... يله اشوفك على خير بالدور التحتي / دخلت ام فراس غرفة اسماء ونطقت بعصبية : اسماء ! كل هذا النوم ! الساعة 7 !!! اسماء بكسل : مستحيل اللي يصحيني يقولي الوقت الحقيقي اصلن فما حصدقك ام فراس : قومي طالعي ساعتك وصدقي ! طالعت اسماء ساعتها وفزت بخوف : اوففف نمت كل هذا !!! ام فراس : بدري .. ولما نصحيك تقولين جثة ... مافيه استجابة نهائي ركضت اسماء للحمـام وهي تطلع مباشرة وتصلي تعوض الصلوات ... اول ماخلصت مسكت جوالها عشان تنزل انتبهت لكم هائل من المكالمات من " ميهاف " .. تنهدت وهي تدق جاها ردها المعصب : بـــــــــــــــدري !!! اسماء : اففف وش تتوقعين مني عقب امس ! اكيد بنام ميهاف : احلفي ؟! كلنا كنا معك امس ومحد عبى نوم زيك اسماء بتذمر : داقة تهاوشين انتي .؟! ميهاف : خلاص مابي منك شي ... كان فرصة نطلع السوق بس وش عقبه مافيه وقت خلاص اسماء وهي تتثاوب : خلاص مو مشكلة بكرة ان شاء الله مياف : بكرة ؟!! مو تسحبين ؟!!! اسماء : لا ما حسحب ... بكرة موعدنا ان شاء الله ميهاف : ترا والله لو تسحبين لاروح لحالي وخلك مع نفسك اسماء : اصبري بعد بشوف غـادة ... احسها ماتطلع نهائي ولا أرجي من فراس يطلعها كود انها تطلع معنا تتوسع ميهاف : يله اجل شوفي وردي لي سكرت اسماء المكالمة وهي تجلس جمب امها بالصالة : غادة فوق ؟! ام فراس تنهدت : من ظهر صعدت ولعد نزلت .. حتى ماتغدت , من شوي دقت تقول إبتسام بتجي بكرة ولما قلت لها انزلي صرفت أسماء : هممممم .. ام فراس : الله المستـــعان .. وانا اللي وافقت حتى لو عليها ابي فراس يتزوج ويتهنى بس شكلهم ماعرفوا لبعض اسماء : هو فراس ماعطى نفسه فرصة .. يعني بالله يمه مين البنت اللي بتتحمل اصلن انه يكلمها بهالطريقة قدام اهله ام فراس سكتت بيأس : .......................... اسماء : انا وميهاف طالعين بكرة ان شاء الله السوق ... قلت بشوفها يمكن تطلع تتوسع معنا ام فراس اعجبتها الفكرة : كلميها اجل شوفيها ... ان شاء الله تطلع اسماء هزت راسها وهي تطلع جوالها وتدق جاها الرد : هلا اسماء : هههههههههههههه بالله مو بياخة اكلمك وانتي فوقي ! انزلي يختي خل اقولك وش عندي غادة : ودي والله بس جالسة ارتب اغراضي .. اسماء باصرار : بوصي لك الخدامة ترتب وانتي تعالي غادة : لا ما أحبهن يلمسن اغراضي وبعدين بس اخلص وراي كم شغلة .. اسماء تنهدت : خلاص اجل بقولك هنا وبس ... بكرة انا وميهاف طالعات السوق تجين معنا ؟! غادة : لا ... ابتسام اختي بتجيني بكرة مقدر اطلع واتركها اسماء : تطلع ابتسام معنا ! غادة : هههه لا إبتسام ماتحب الأسواق .. وبعدين حامل وتعبانة مالها خلق سوق اسماء : مافيه امل نهائي يعني ؟! حتى لو نروح بدري قبل تجي إبتسام غادة : لا اساسا انتي وميهاف بتطلعوا عشان الجامعة .. انا اطلع عشان شنو ؟! اجلس مع اختي اونس لي اسماء : اللي يريحك اجل ... طيب ماتنزلين تتعشين معنا ؟ غادة : لا تعبانة وبنام اللحين .. باي سكرت اسماء السماعة وهي تهز راسها : رفضت تقول اختها بتجي وماتبي تطلع .. يله بكيفها حنا سوينا اللي علينا ام فراس : قولي لهم يحطون العشاء .. فراس مب متعشي هنا بعد اسماء : ان شاء الله *** إبتســـام / بعد ماخلصت شغـلها بالجمعيـات ... ركبت مع السايق : بيت أم فراس في نص الطريق دق جوالها ... رفعت حواجبها وهي تشوف أسم المتصل " ابو يزيد " , عضت على شفتها وبعدها ردت : أيـوه ؟! جاها صوته الرايق بأثر نقاهته : مســـاء الخير لأحلى بسمة إبتسام باقتضاب : مساء النور . نايف : كيفـك .!؟ شمسوية ؟ ابتسام : طالعة من الدوام ورايحة لزيـارة . نايف : هههههههههههههههه حمدالله وانا اقول بتمل بالبيت لحالها .. كويس دامك تطلعين وتوسعين صدرك إبتسام : يب . نايف : عموما انـا راجع بكرة ان شاء الله إبتسام : توصل بالسلامة .. اذا ماكفتك نقاهتك تقدر تطول كمان عادي نايف : شدعـوة ماتكفيني ؟! وبعدين واحشيني ناس حلوين هنا لازم ارجع إبتسام : أيـوه مصدقتك نايف كان يكذب نبرتها " الرسمية " مب البداية لكن هنا تأكد : فيك شي .؟! إبتسام : لا مافيني .. ليش تسأل؟ نايف : ما أدري صوتك وطريقة كلامك .. مو زي العادة إبتسام : نايف أنت ليش سافرت .؟! مو نقاهه ؟! نايف : كنت أبي ابعد عن كل اللي جالس يصير شوي .. يمكن تفرغين لمشاكلك وتخلصينها وتشوفيني كويس إبتسام : أشوفك كويس ؟! عميا ؟ نايف : الفترة اللي راحت كنت اسولف سوالف ولما اذكرك فيها تقولين اني ماقلتها ! بالك مرة مو معي .. وبعدين حنا مانقدر نقرا الورقة اللي لازقة بوجيهنا والمسافة تخلق الإحترام إبتسام : المسافة تخلق الإحترام .؟! اتفق معك ... اجل خلك وراك لحد ما أحس الإحترام جا بعيوني وسكرت السمـاعة مباشرة بقهر .. ! أول ماوصلت لبيت أم فراس نزلت وهي تضرب الجرس , فتح لها أنس الباب ابتسمت : هلا والله انس .. كيف حالك ؟! أنس : حمدالله بخير .. تفضلي حياك امي داخل دخـلت إبتسام ... قابلتها اسماء بعبايتها : اووووه القهر جايه وانا بطلع ! إبتسام : هههههههههههههه معليش فرصة ثانية أسماء : لاتروحين لحد ما أرجع .. نسهر سوا ان شاء الله وركضت بسرعة تطلع ... دخلت ابتسام وهي تسلم على أم فراس .. نطقت ام فراس : غـادة فوق .. من امس ظهر ماشفناها إبتسام : لاتشيلين همها ام فراس .. يعني اعتبري انها ساكنه بعيد شوي كان جلست ببيتها اكيد ؟! ام فراس مابغت تقول لإبتسام انها ماعمرها شافت فراس يصعد لفوق .. ولاعمرها شافته مدخل اغراض لفوق عشان كذا هي شايله هم : .............. إبتسام : عموما انا صاعده اللحين اشوفها .. وبنزلها , بس من وين الطريق ؟! ام فراس : هههههههههه ياسمين حبيبتي ودي خالة ابتسام لشقة اخوك صعدت إبتسام وهي تضرب الجرس .. وهي تطالع مقدمة الشقة بس رايقة كأنها شي منفصل عن الدور الثاني من ناحية التصميم حتى بالدرج المذهب بشكل لامع ورسومات على الجدار انفتح لها الباب ... ابتسمت غادة مباشرة : ابتسااااام ! سلمت عليها بحرارة ثم نطقت : هههههههههههه خنقتيني انا وولدي .. دخليني عاد ! غادة : تفضلي حياك دخلت إبتسام وهي تطالع التصميم العتيق ... كانت شقتهم قطعة فنية بجد : واااااو غادة ... يجنن المكان كأني داخلة قصر هنري غادة : ايوه مرة الشغل متعوب عليه ... تعالي شوفي غرفة النوم عاد خيال إبتسام لما دخلت انذهلت فعلا .. تحس كل قطعة بالمكان قطعة أثرية قالت بمزح : هههههههههههه ومنفسة وانتي عايشة بهالمكان ! اقول انثبري بس غادة طالعتها بنص عين : وش تستفيدين من كل هذا اذا انتي مع نفسك .. ولما تحاولين تدخلين مع الناس تحطمين إبتسام : هو للحين ينام تحت ؟! غادة : ولا مرة حتى صعد .. عموما أحسن انا مرتاحة من هالناحية , انا ما أطيق اشوفه وقت انزل كيف يجلس عندي بعد ! ماراح القى هوا اتنفسه إبتسام : غـدو انتي تكرهينه بجد ؟! غادة وهي تشد على قبضتها نطقت بقهر : جـدا .. انا لو يرجع الزمن اخترت اتزوجه مرة ثانية .. انا احب مكانتي معه , يعني لما سوت لي ام فراس الحفلة لأول مرة اشوف بعيون الناس حسد لي واحترام .. حتى لو بلسانهم يبون يغلطون مايقدرون .. غير أهله يجننون امه أول مرة افهم معنى كيف الأم تصير أم إبتسام ابتسمت بحنان وهي تحمد ربها انها حصلت ايجابيات بالموضوع : اجل ركزي على الإيجابيات .. وهو طنشيه غادة بقهر : إبتسام انا ابي رنيم ... اشتقت لها ! احمد صار مايرد علي حتى .. ولا عاد يرسل لي صورها , وعقب الشين قدرت اقول لفراس ... بس جلس يقولي بكل انانية انه مو مذنوب فيها ! وانه مستحيل يسمح لها تعيش هنا .. إبتسام : مصير كلش يتسهل ... انتي بس روقي وحاولي تاخذين كلش بذكاء ! صدقيني بتحصلين طرق تقنعينه دون تنطقين حتى غادة بسخرية : هه تعالي قابليه نص ساعة بس ثم اتحداك تعيدين كلامك إبتسام : حالتك تجيب لهم بالبجامة وما أدري ايش .. بدلي خلينا ننزل نجلس مع ام فراس شايله همك تقول معد نزلت لنا غادة : إبتسام طلبتك انا مو مصدقة حصلتك تجيني .. مابي انزل ولا أبي اقابل احد ابتسام : والله ماوراك سالفة .. اجل احد يفوت جلسة ام فراس ؟! غادة : ايوه اذا صار فيه احتمال ان فراس يجي ويشارك هالجلسة .. يفوتها ويكفي نفسه شرها كمان إبتسام : طيب انا اللحين موجودة ! مستحيل يتربع بنص الجلسة معاي .. يله تعالي والله مو حلوة جالسين فوق وهي تحت غادة بضيق : خلاص انزلي انتي .. انا ثواني بس ابدل وجايه إبتسام : يله لاتتأخرين سابقتك نـزلت ابتسام ... بينما غادة تنهدت وهي تدخل غرفتها اساسا لازم تنزل لأنها بتموت جوع ! لبست بنطـال أسود سكيني مع بلوزة بيضاء رسمية فضفاضة لنص فخذها , مع هيلز سوداء وشعـرها طرحته على وجهها بطبيعته .. وماكانت محتاجة غير هالشعر عشان يعطي طـلتها جاذبية غييير بشكله الملفت لآخر ظهرها ,اكتفت بمرطب على شفايفها وكحل على السريع ... ونزلت مباشرة وهي تسأل الخدامة : وين المدام ؟! ميري : برا حديقة دخلت المطبخ قبل تطـلع .. لأنها رسميا بتموت جوع ماقدرت تشتغل بالمطبخ فخذت اسهل خيار قدامها توست وجلست تحشاه جبنـه ... جتها الخدامة بخوف : هاتي اسوي انا ! غادة : شعقبه خلاص خلصت ... بس لو سمحتي كاس عصير طلعت لها الخدامة عصير وهي تنطق باعجاب : مدام انتي هـــيلو ما شاء الله تنهدت غادة : هييييه ياميري .. وش فاد الزين دام الحظ طايح ميري مافهمت كلامها .. فرجعت تنطق : ما شاء الله اثناء ماهي تـاكل انتبهت لأنس يدخل المطبخ ... واضح لما انتبه لها وردت خدوده لأنه أول مرة يشوفها لكنها ما اهتمت .. ما عادت ترجي منه مصلحة عقب مارفض طلبها مو مضطرة تهتم به ! كملت أكلها طبيعي .. أنس وهو يحك خده : ميري وين ؟! غادة : همممممم شكلها طلعت .. إيش تبغى ؟! انا اسوي لك انس بربكة : لا بس ... ولا شي خلاص غادة : هههههههههههه عادي قول يمكن اعرف أنس : جويـع ابيها تسوي لي سندويتشه غادة ابتسمت : ولايهمك اسنعك انا اللحين انس هز راسه وطلع مباشرة .... غادة : هههههههههه ياحليله يستحي سوت له سندويتشه على السريع مع كاس عصير ... وحطتها عنده بالصالة ثم طلعت مباشرة وهي تحس بانتعاش من نسمة الهواء اللي برا .. : هلا والله .... تو مازانت الجلسة ابتسمت لأم فراس وهي ترجع شعرها ورا اذنها وتتوجه لهم : الجلسةزينةدامك فيهـا إبتسام : ايه والله معها حق جلستك انتي ماتمل غادة : إلا اقول ابتسام عرفتي جنس البيبي !؟ إبتسام : عرضت علي تعلمني بس انا رفضت ... مابي اعرف اللي بيجي من الله وش حلوه غادة : ايوه بس حلو تعرفين عشان تستعدين له يعني ام فراس : لا والله معها حق لاتعرف ... وبعدين مو دايم يصيبون ... انا ببدر ولدي قالو لي بنت شوي جا ولد إبتسام : اتوقع بهالوقت صارت تحليلاتهم دقيقة اكثر ... بس برضو معك حق مو شرط يصيبون انتبهوا لصوت الباب ينفتح .. لكن الجلسة كانت عند النافورة منفصلة عن مقدمة الحديقة , ابتسمت ام فراس : هذا أكيد فراس رجع .. غادة حبيبتي روحي شوفيه لايدور احد بالبيت ومايحصل غادة بتهرب : انس وياسمين جوا .. بيقولوا له أم فراس تعمدت تحرجها عشان تقوم : هاااو ؟! ماتبين تقومين لولدي يعني ؟! غادة : لا شــدعوة بس ... نغزتها ابتسام وهي تعطيها نظرة بمعنى " قومي " ... ابتسمت غادة بانحراج : رايحة اللحين ابعدت كرسيـها وهي تمشي دون نفس ... مجرد ماوصلت الممر المزين للحديقة الرئيسية انتبهت للباب الرئيسي للبيت يتسكر يعني دخل , تاففت مفروض ترجع وتحقره ! ... دخلت وهي تسمع نبرته المتشائمة : من جالسة معـاه ؟! ياسمين اللي كان جالسة بالصالة مع انس : ابتسام اخت غادة هنا فراس دون نفس : كملت .. غادة انقهرت .. مو عاجبة حتى ان احد يزورها ! ياسمين طالعت انس : ابي زي سندويشتك ! ميري ماتسويها كذا ! انس بوناسة : هذي سوتها لي غادة بلعت غادة ريقها وهي تتمنى تسد فم انس ( لأا لا لا لا لا اسكت اسكت ! ) وصل قلبها لحلقها وهي تسمع فراس : سواها لك مين ؟! انس بطبيعية وهو ياكل : غادة .. " التفت لياسمين " تبين قولي لها فراس بتحقيق : وليش حضرتها تسوي لك ؟! أنس : دخلت المطبخ حصلتها هناك ... سالت عن ميري عشان تسوي لي بس هي قالت وش تبي وانا بسوي , وقلت لها وسوت .. فراس نطق بنبرة تهديدية ما فهمها انس لكن هي فهمتها : ماشي . مجرد ماطلع من الصالة .. قبل يصعد التفت وهو ينتبه للي واقفة عند الباب , غادة مجرد ماطاحت عيونه عليها سكرت الباب وهي ترجع تطلع ... اثناء ماهي تمشي بشكل مسرع استوقفها صوته الحاد : مكانك ! غادة غمضت عيونها وهي تعض على شفتها .. انا وش يلقفني اسوي له سندويتشه ولا غيره ! حاولت تلتفت وتحكي بشكل طبيعي : انت جيت .!؟ فراس رفع حــواجبه وهو يوقف قدامها مباشرة : ليش طلعتي أول ماشفتيني ؟! ولا السارق على راسه خياله ! غادة وعيـونها بعيونه .. شاحت بنظرها دون ترد : ................ فراس بحدة : إذا تحسبين فترة مصلحتك عندي انتهت عقب رنيم ! وناوية تلفين لي يمين ويسار فتعدلي لك أخت أنا للحين تاركك تقابلينها! غادة فتحت عيـونها .. ونطقت بقهر : جزاك الله خير تكرمت علي طال عمرك ! فراس طالعها من فوق لتحت : هالمنظر لايشوفه أخوي مرة ثانية ! سمعتي ؟! غادة كانت شادة على قبضتها وتحسه جالس يلعب باعصابها : ................................. فراس رفع حواجبه : صقهــــــى ؟! غادة : لا ماني صقهى . . بس .. : جيـــت حبيبي ؟! فراس : ايه تو جيت غادة كانت منزلة راسها وتحمد ربها ان ام فراس جت , ام فراس نقلت بصرها بينه وبين غادة : وش بتسوي اللحين؟ فراس : ما اشوف قدامي ابي النوم ... فعجلوا العشاء ام فراس : إبتسام هنا مانقدر نتركها كلنا ... غادة نطقت مباشرة : لاتشيلين هم إبتسام انا بجلس معها تعشوا انتو ورجعت مباشرة لإبتسام ... ام فراس تنهدت باحباط كان بتقول " تعشوا لحالكم " , فراس : وش هالتنهيدة ؟! أم فراس بعصبية خفيفة : أبد سلامتك ! ليش ماتتعشى معها ؟! فراس : عشان تنسرط عيشتي ولا تنشب بنص حلقي ! ام فراس : حرام عليك مو لهالدرجة ... والله انت لو تحاول تنتبه لها شوي بتكتشف انها تدخل القلب فراس : اقول وين اسماء مو شايفها ؟! أم فراس : طلعت مع ميهاف يتسوقون للجامعات قربت فراس : الساعة 11 ! سوق هالحزة ؟!!! أم فراس : بكلمها اعجلــــها .. بس اكيد بتتعشى برا وبعدين اللي بيرجعهم بدر اخوك خل ياخذون راحتهم عـــند إبتسام / رجعت لها غادة وهي تجلس باحباط : .................. إبتسام : ماجلستي هناك حتى ربع ساعة ! امداك تكشرين ؟! غادة مددت رجولها على الطاولة وهي تسند راسها على الكرسي : امنيتي بمرة أتكلم معه .. ولا احس اني ابي ابكي إبتسام : طولي بالك ... مصيره يمل من هالتوتر اللي عايشه غادة : من قالك انه متوتر ؟! عايش حياته بطولها وعرضها .. إبتسام حست أنها ضايقة بجد : ترجعين معي اليوم .؟! نسهر ونروق شوي .. غادة دون تفكير : لا ... مابي اسأله ولا أبي اكلمه وارجع انخنق إبتسام تنهدت : شصار من شوي .؟! غادة : ماصار شي ! دون سبب بيسوي لي سالفة ..خلاص انا انكتمت منه , صرت ما اتحمس اجلس مع اهله من كثر ماينقدني قدامهم ابتسام : آسفـة حبيبتي غادة بضيق : من النكد اللي جالس يصير جالسة أحس البسطة والوناسة يكرهوني ! مايبون يجوني إبتسام : غادة انا لازم اروح اللحين ومابي اروح وانتي بهالحالة .. وسعي صدرك .. غادة : .............. ابتسام : اسمعيني حبيبتي ادري انك جالسة تحسين ان مواقفك تعيسة مرة وان الكئابة مغطية حياتك وأن كلامه يزعلك بس أظل اقولك إلا ماتجيك لحظات حلوة لاتصيرين انسانة نكدية مهما صار .. ومع الايام بتجيك لحظات تنسيك كل اللي صار فلاتفكرين كثير غادة كانت ضايقة بس مايحتاج تضايق ابتسام معها : ليش ما اكلتي صحنك ؟! إبتسام : شبعت حمدالله خلاص غادة : انتي تاكلين عن اثنين ! استرينا في نايف بالله لايبلشك يقول ليش ولدي ضعيف إبتسام : هههههههههههه اكلي انتي ماعليك مني .. انا اكلت نص صحني اقل شي غادة : سد نفسي الله يسد نفسه إبتسام : غغغدو خلاصص ! " تنهدت " السواق ادق عليه من شوي مايرد غادة : لا ترجعي مع السواق بهالوقت .. متأخر مرة , كلمي هيثم شوفيه إبتسام : بشوف مع اني ماظنيــــته يفضى أول مادقت رد : هلا ابتسام ابتسام : هلا والله ... فاضي ياحلو ؟! هيثم : على حسب .. إيش عندك ؟ إبتسام : هممممم انا عند غادة ... وابي ارجع لبيتي بس السواق مايرد هيثم ( عند غادة اجل ؟! ) : مسافة الطريق . إبتسام : يله يعطيك العافية سكرت السماعة : يقول مسافة الطريق .. غادة هزت راسها : كويس *** بسيارة بدر .... زفرت اسماء بقرف : اففففففففففففففف !!!! امي سوت لي حالة استنفار لأن فراس رجع البيت وانا مو فيه ! ميهاف : لحول مع اخوك انتي مو مع الجني بدر : قولي لهم مسافة الطريق خلاص . ميهاف : والله قهر كان نفسي نوقف عند مطعم نتعشى قبل نرجعك بدر : خاطرك بمطعم عيـوني ؟! ولا يهمك نرمي هاللي معنا بيتهم ونروح اسماء : وجعــــــوه .. احتروني انزل ثم قرروا ! بدر : سوي حالك ماسمعتي مايخالف أول ماوصلـــوا ... نزلت اسماء وهي تتهزا : سوي حالك ماسمعتي مايخالف " وسكرت الباب باقوى ماعندها " مشت السيارة مباشرة حتى طيرت الهواء بوجهها .. اسماء بقرف : وجع بعد ! حيوانات بعـــــد ! ما انتبهت اثناء حلطمتها للسيارة الـواقفة قدام البيت والشخص اللي يطالعها من انعكاس المراية وماتوقع انها تطلع قدامه بهالسهولة... قبل تضرب الجرس انوخزت لشي وراها التفتت وعيونها الزرقاء توسعت وهي تنتبه له , هو نفسه لبس الدكـاترة عليه حتى : ................................ دارت الدنيا فيها ... زمــــــان زمان ماشافته تجمعت دموعها تلقائي وهي تشوفه ليش كل مرة تشوفه ترجع للصفر ؟! فتح هيثم النـافذة .. نطق : كيف البعثـة ؟ اسماء دون تحس بنفسها نزلت الدرجات حتى صارت قدام سيارته .. وهي تتأمله كانت بخير وقت غاب عنها مدة طويلة واللحين كأنها ماتجاوزته اصلن ابتسمت بين دموعها : عليك أنت عيـون .. تشافي المبتلي رغم قلقه طول هالفترة من اختفائها ... ماقدر الا يظهر بمظهر بارد وهادي : أيـوه كمان كثري من هالحكي .. راح اصدقك صدقيني اسماء وهي تستشعر الاستهزاء من نبرته : إذا قصدك عتب .؟ اجل انا عتبانه اكثر .. هيثم ابتسم ببرود : اها .. اتمنى تحصلين وقت ببعثتك تعتبين على هالأمور اسماء : بعثـه ؟! هيثم : اجحدي كمـان .. معلوم بعثتك يالناجحة ! أسماء : وانت مافكرت ليش انا ابغى هالبعثة ؟ هيثم : مايبيلها تفكير ... مستقبلك مهم وهذا حقك بس لعب المشاعر هذا بطليه ! اسماء انفجرت : ما اخترت ابتعث واغترب وابعد إلا اني احس بتعب وضيقة نفس ببشاعة وبشكل زايد .. ومزاج يتقلب ألف مرة باليوم ! " نزلت دمعه " اشتقت لك .. واحسني محتاجه افضفض لاحد بس مابي احد اذا ماكان أنت هيثم توتر منشكـلها .. تلفت يمينه ويساره وهو يتنهد : ادخلي لايشوفك احد .. أسماء عضت على شفاتها : اذا .. اذا في راسك أني ما ألعب مثل ما انت تقول , وش راح يكون جوابك على مشاعري وقتها ؟ هيثم تنهد : خليك واقعية اسماء قاطعتها اسماء بقهر : مابي اصير واقعية ! الواقع زبالة مايناسبني هيثم توتر من انفعالها خصوصا ان المكان غلط ... نطق : تقولي اذا في راسي انك ماتلعبين ؟! صعب افكر لك بجـواب شي مو حقيقي ! اسماء ... ظلت تطالعه بقهر يعني في راسه انها تلعب ومرسوخة بعقلة : ................ دق جـواله ... رفعه وهو يرد : هلا ابتسام ............ انا برا .... يله اول ماسكرتها نطقت اسماء وهي تنفطر : غيرك بدا يكسبني وأنت ابقى على حالك ياثقيل ! ودارت ظهرها وهي تدخل .. هيثم رجع القلق ينـاوبه ماعمره كذب عيـونها , بس الواقع يقول كذا ! انفتح الباب ودخلت ابتسام : سلام هيثم وهو يحرك السيارة : وعليكم الســـلام . إبتسام : حسافة انا طالعة واسوم داخلة هيثم قرر يحاول يعرف الصدق : اللي تقولي مبتعثة ؟ إبتسام : لا امها رفضت ابتعاثها .. راح تدرس هنا هيثم احبط .. يعني لو امها موافقة راحت ولا همها : ......... اها الله يوفقها *** بعد ماراحت إبتسـام .. دخلت البيت حمدت ربها لما ماحصلته , ابتسمت لها ام فراس وهي جالسة مع ياسمين : راحت ابتسام ؟! غادة : ايه تو راحت ام فراس : تعشين ؟! غادة : لا ماقصرت أكلت خلاص .. فيه العافية ام فراس : يعافيك غادة : تصبحون على خير ام فراس : وانتي من اهله صعـدت لفـوق .. ومباشرة وقفت قدام غرفته بلعت ريقها وهي تستعد نفسيا وطقت الباب جاها صوته : من .؟! غادة : احـــم ... انا غادة بعد وهلة انفتح الباب وطلع نص جسمه .. كان بالثوب بس مفتوحه ازاريره ودون شماغ وشعره مبعثر على غير العاده وعيـونه العسلية ناعسه اكثر من العادة كان شكله جــذاب : نعــم .؟! غادة بلعت ريقها وبعد صعوبة نطقت : المطبـخ فوق محتاج اغراض فراس : جالسة تضربين الباب بهالوقت عشان تقولين المطبخ يبي اغراض ؟ سواق ابوك انا ؟ غادة : مو قصدي ... ماعندي مشكلة اطلع مع السواق اذا يضايقك واجيبها ! فراس اسند مرفقه على الباب : جتك من الله بتطلعين مع السواق ؟! غادة : ماجيت عشان تتهزا فيني ... انا اجوع فوق واتوقع هالشي مسؤوليتك ! فراس تنرفز : وين يمديك تجوعين وانتي 24 ساعة في 24 ناشبه بوجهي تحت ! غادة بقهر :خلاص اسفة اعتبرني ماقلت شي ومشت بطريقهـا وصعدت فوق مباشرة ... وهي تضرب الارض تحتها : عند كلش يسوي سالفة ! لازم الواحد ينزل يعني ويذل نفسه .... لا فوق اني حابسة نفسي معظم اليوم فوق يقولي 24 ساعة ! بوريك انا ال 24 ساعة كيف *** اليـوم التالي – 8 صباح / فتح عيـونه من النوم .. طالع الساعة 8 لسى بدري تو بيرجع ينام انتبه انها مو موجودة جمبه عقد حواجبه وهو ينادي : ميهاف ؟! نهض من سريره وهو يطلع .. حصلها بالصـالة جالسة على كـافي ولابسة شيرت كم نص مخطط بنكي وشفاف مع شورت أبيض وشعرها رافعته بشكل عشوائي .. واللاب قدامها ابتسمت لما شافته : صباح الخير .. غريبة صحيت بدري ؟ بدر : ماصحيت ... أبنام بس استغربت لما ماحصلتك " مشى ناحيتها " شجالسة تسوين ؟! ميهاف التفتت له : مافيه شي مهم بس دكتورة مراسلتني وكنت ارد عليها وبالمرة اشيك على شنطتي وصلت ولا لا .؟! " ابتسمت بحماس " دام صحيت شرايك نطلع نفطر برا .؟! بدر وهو يمسج رقبته بيده : أقول ميهـاف .؟! ميهاف : عيونها قول .. بدر سحب له كرسي وهو يجلس قدامها : مابي أحبطك بس .. انتي ليش جالسة تدرسين اللحين ؟! ميهاف عقدت حواجبها باستنكار لسؤاله : عشان مستقبلي طبعا ! محتاجة شهادة بدر : الشهادة للوظيفة مو !؟ ميهاف : اجل لشنو ؟ بدر : أيـوه بس انا وضحت لك من قبل ... مابي موظفة وانتي باقي لك سنتين على ماتتخرجين اتوقع انك خلال هالسنتين راح تنشغلين عن الوظيفة اساسا ميهاف ما اعجبها كلامه : لا ماراح انشغل ! شدعوة يعني ؟ بدر : إلا ماتنشغلين ! انا اشوف ربعـي ماني غشيم واشوف اللي حولي .. البيت له عامودين الرجال برا والبنت بالبيت اذا صارت البنت برا البيت معنـاه البيت ماله عامود , مو ؟ ميهاف تنهدت بضيق : قدامنا سنتين على ما اتخرج .. مو ضروري افكر بوظيفة او غيره اللحين خلها لوقتها بدر : انا مابي اصدمك عشان كذا اقولك من اللحين .. وظيفة مافيه فاذا حاسة تضيعين وقتك بدراستك فبطلي ميهاف فتحت عيونها ونطقت بقرف : واصيـــــــر انسانة غير متعلمة ؟!!! بدر : شوي شوي على عيونك لاتطلع من محلها ! وخير ياطير انسانة غير متعلمة ؟! كلها شهادة ترا ميهاف : بـدر انا انسانة ناجحة .. انا الوحيدة بدفعتي كلها اللي جاها عروض من الدكاترة لوظايف بعد الجامعة , والوحيدة اللي انعرض لها تصير معيدة ! واخرها شنـو ؟ ما اخذ شهادة واجلس بالبيت بدر تنهد : اوك خذي الشهادة لاتفوتك ... بس انا من اللحين ضد الوظيفة ولا راح تتوظفين ميهاف : ماراح اناقشك بحاجة عقب سنتين ... بدر حاس بفمه وهو يوقف : انا قلت لك وبس .. وهالموضوع بالذات قناعة يعني احلمي تكسرينها عندي سكتت ميهـاف .. مستحيل تنكد نفسها عشان حاجة عقب سنتين , رغم انها تنكدت بالفعل بس قررت تطنش وتكمل دراستها ومصير الدنيا تفهمه تنهدت وهي تنتبه له يبدل ويستعد يطلع *** صحـت غادة من النوم بدري ... لغرض واحد بس ! بتنزل تنكد عليه عشان يعرف كيف تكون قدامه 24 ساعة .. خلصت لبسها وسحبت طرحتها تو بتنزل حصلت اكياس كثيرة قدام الباب .. كبست بعيـونها وهي تنتبه لورقة ملاحظة فوق الأكياس .. سحبتها وهي تقرا " وخل اشوفك نأزلة بعد ! " حاست بفمها وهي تتأمل الأكياس المنوعة بجميع أنواع المأكولات ... تنهدت وهي تسحبها لداخل وتلغي الخطة قطع حجـتها بالنزول خلاص ... تحت / أم فراس جالسة مع ياسمين وانس يفطرون ... انتبهت لفراس ينزل الدرج بخطوات سريعة : صباح الخير يمه فراس : صباح النور .. تامرين على شي ؟ ام فراس : بتطلع اللحين ؟! تو بدري ! فراس : فيه رجال يبيني وحاجة مستعجلة ماتتحمل تأخير ام فراس : طيب غادة شتسوي خل تنزل تفطر معنا .. فراس وهو بطريقة لبرا : انـا طالع وهي تفطر افطروا انتوا اهم شي ام فراس ابتسمت دون شعـور .. اول مرة يتكلم عن شي بينهم , حمدالله طلع فيه اكل فوق !؟ اجل الوضع ماهو بذاك السوء , انغمر قلبها بالفرحـة طول عمرها تنتظر تشوف ولدها مستقر واللحين شافته *** وصــل نايف اراضي السعـودية ... اول ما استلم اغراضة وفتح جـواله جته مكالمة من ابوه : هلا يبه ! جاه صوت ابوه الصارم : اللحين تجيني بالشركة ! وسكر السماعة مباشرة عقد حواجبه باستغراب .. تنهد وهو يركب سيارته ويتوجه مباشرة لعنده أول مادخلت حصله جالس وفراس عنده والصمت مخيم : سلام عليكم فراس : وعليكم السلام جلس نايف ونطق بمرح لفراس : مبروك عرسك مابغيت يخي .. كويس اعرست قبل تموت طالعه فراس بنص عين ... وهو ياشر لأبو نايف اللي كانت حالته واضح متنكدة نايف : عسى ماشر وش صاير ؟ فراس هز كتوفه : عم تكلم .... نشفت معك من وصلت وانت ماتكلمت ابو نايف فتح جواله وهو يجري مكالمة استغربوها : الو ...... طيارة مصر المتوجهه لأمريكا فيها مسافر ابيه يوقف ...... آسمه لؤي عبدالرحمن بن نايف الشمري فتح نايف عيـونه باستغراب ... اما فراس حلل الموقف مباشرة اكيد عرف اكتفى بانه يطالع الطاولة بينما أبو نايف يطالعه بحده : يعــــــني فهمت انا وش اقصد !! يعـني كل هالفترة تدري وصاف يدك !! فراس : .................... | ||||
|
| |
|
06-05-17, 01:26 AM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "البارت الثامن والثلاثين" - إن أردت أن تدفن سرا . ضعه في كتاب فنحن أمة لا تقرأ : إنقـــلع ! أنقلع برا شركتي .. انا انا الحمار اللي احسبك عاقل ولؤي ماراح يغلط دامك خويه ! نايف : هد اعصابك يبه وش دخل فراس اللحين .؟! هو اللي مخربها ولا لؤي ؟! ابو نايف بعصبية : هو ستر عليه ! ماقالي ! ساكت عاجبه الوضعوقف فـراس بهدوء .. وطلع مباشرة دون تعليق ظل يمشي بالممـرات وتفـــكيره متأزم , لا هو اللي يقدر يوقف مع أبو نايف ولا اللي يقدر يوقف مع لؤي .... رغم كلش قدر بطريقة عجيبة يخليهم كلهم يعتبون عليه .. *** غـادة :- ظلت تدور بالغرفة وهي تعض اصبعها بقلق والجوال بأذنها .... وللحين مافيه رد منه جلست بقهر , مايرد الحيوان ! اااا يارنيم وحشتيني .. الله ياخذهم ثنينهم كانهم بيكرهوني بالرجاجيل كلهمتنهدت بملل . تبي تنزل بس برضو ماتقدر ليتها ماطلبت منه يجيب اغراض المطبخ ! كان محصلته عذر تجلس مع العالم توجهت للنــــافذة تطالع اذا كانو جالسين برا بس مافيه احد .. تو بتسكر الستارة انتبهت لفراس يدخل كشرت وهي تنطق بقهر : مالت عليك بعدتغيرت ملامحها للتعجب وهي تشـوفه مجرد ماسكر الباب جلس على عتبات الحديقة وواضح عليه الإنزعاج وهو يفتح ازارير مقدمة ثوبه ويرمي شماغه ويطلع سيجارته .... بالأخير حتى السيجارة مو على مزاجه رماها وهو يدعسها برجله ويحضن راسه بين يدينه ... أول مرة تشوفه بهالحاله بالعادة هو إنسان متزن تماما وش اللي مسبب له كئابة .؟! أحسن هذي عقوبة ربي يوم ارسل رنيم لجدة .. سكرت الستـارة وهي تتجاهله وترجع لداخل قررت تدق على إبتسام تسلي نفسها ... قبل تدق دق جوالها " ام فراس " ردت مباشرة : هلا والله أم فراس : هلا فيك بنتي ... شخبارك طيبة ؟! غادة : حمدالله ... انتي شلونك ؟ ام فراس : ِشدعـوة ياكافي نسأل عنك كانك منتي فوقنا .. متى مافضيتي تعالي سليني ترا ماعندي احدغادة : ولا يهمك من عيونيأم فراس بنبرة قلق : إلا فراس عـندك ؟! غادة : لا والله ... ليه ؟! ام فراس : طيب متى آخر مرة كلمتيه ؟! لاني ادق عليه مايرد ولاهي بعوايده يسكر تلفونهغادة وعيونها على النافذة توجهت كان على نفس وضعه : ........................... ام فراس : غـادة ؟! غادة بانتباه : هلا هلا ؟ام فراس : اسألك متى آخر مرة كلمتيه ..؟! الوقت متأخر وهو للحين برا معقول ما انتبهتي غادة وهي مازالت مسمرة عيونه عليه وهو حاضن راسه بانزعاج : إلا انتبهت ... بس هو قالي اليوم بيتأخر عشان كذا ... ام فراس تنهدت بضيق : الله يعين ... بروح احاول اكلمه يمكن يرد ولا بشوف سكرتيره غادة : اوك .. سكرتغادة السماعة وهي تطالعه بضيق ... تنهدت بقهر وهي تدخل غرفتها النوم وتسحب جاكيت قطني يستر كتوفها : احمد ربك أن هالمتفانية أمك ولا ماشفت مني إلا الشماته ! سحبت اقرب مغاطه ولمت شعرها بعشوائية وهي تنزل الدرج بخـطوات هادية حتى وصلت للباب الخلفي للبيت من المطبخ وطلعت للحديقة .. مجرد ماوصلت عند مكانه وقفت وهي تطالعه .. ماحس حتى بخطواتها ؟! : ....................... حاست بفمها وهي تقرب رجلها من رجله وتدفها بالخفيف .. يعني انتبه لي رفع راسه لها مباشرة .. وزادت تكشيرته تكشير : خيـــر؟! غادة بإنزعاج ( غلطانة يوم جيتك ! ) : وش خير ؟! كنت اتمشى وحصلتك قلت اخاف تنام هنا والجو برد ... ماعندك غرفة ؟! " ابتسمت بشماته " ولا شكلك تنام هنا كل يوم؟ تبي تصعد ترا عادي ماحقفل البابفراس رماها بنظرة استخفاف .. ونطق : مو ع اساس بتكفيني من وجهك ..؟! غادة وهي تلعب بالحصا برجلها : أمل ... فراس عقد حواجبه : نعم ؟غادة : أيـــوه .. ازهق فوق وامك دايم تكلمني فأنزل لها , " كملت بتوتر " يعني جالسة اقولك ان حتى لو فيه اكل فوق بنزل .. فراس بخشونه : ومزعجتني اجيب كل هالمقاضي ليه ؟! غادة ( ياشينك ! ) : لاتكون المقاضي خلصت فلوسك؟ فراس : لا مو مشكلة خلها تكون درس لي اني معد افكر اجيب لك شي ! غادة : تبيها من الله انت ! فراس : مو قلتي جالسة تتمشين ؟! ليش غرزتي هنا كملي طريقك ! غادة : شسمه .. فراس زفر : وش بعد ؟! غادة كان بتسأل " وش تسوي هنا " بس نبرته خلتها تتراجع عقدت يدينها ورا ظهرها : ولا شي ! فراس : حمدالله والشكر " وقف وهو يسحب شماغه ويمشي بطريقه يدخل .. وقف من مشيه وهو يلتفت لها وراه " وين جايه ؟! غادة كبست بعيونها : بدخل ! فراس رفع حواجبه : تلحقيني انتي .؟! روحي كملي مشيك ! غادة : خلصت ! فراس ضيق عيونه فيها .. وبالأخير رمى غترته اللي بيده عليها : خلي منك فايدة اجل ! غادة ضرب صدرها وغترته تطيح على وجهها وريحته تلفح خشمها مباشرة .. عطست مباشرة من الريحة القوية بانفها ! التفت فراس ووجهه انقلب وهو يطالع غترته : ................... غادة: حمد الله " انتبهت لنظراته لها " أوبس ! " كملت بدفاع " انتا اللي رميتها بوجهي .. كان حطيتها بيديفراس فتح فمه بينطق ماحصل كلمه .. رجع يسكر فمه وهو يقزها : ..................... شأسوي بك اللحين ؟! مازانت لك تعطسين الا على غترتي ؟؟ غادة طالعت غترته : ماصار لها شي ! خذها " مدتها له " فراس نفخ بالخفيف : كلهـــا جراثيمك اشبعي بها ! غادة حاست بفمها : مو مشكله راح اشبع بها ! فراس سحبها من يدها ورماها بالزبالة اللي جنبه ... غادة فتحت عيونها : طيب ليش ! اغسلها وبتنظف ! فراس وهو يدخل البيت : طابت ! كشت غادة على الباب .. وهي تتحلطم : عمى حسسني اني بكتيريا ! أول مادخل فراس البيت كانت ام فراس جالسه .. والقلق راح لانها شافته وهو برا بس ماطلعت ماصدقت تشوفهم سوا قررت تخليهم .. ابتسمت : هلا حبيبي .. جيت ؟فراس : أيـه جيت ام فراس : وين غـادة ؟! فراس وهو يصعد : جالسة تجرثم المكان ! انا ابارك نفسي اللي ماسحبتها من شعرها وصكيتها باقرب جدار ام فراس مافهمت تحسبهم برا يسولفون مستانسين مير شكل مافيه فايدة... وهو صعد مباشرة ثم دخلت غـادة وغترته بيدها وتتحلطم : وصخ غسيل وبتنظف ! حسسني اني همجيه بجدام فراس ابتسمت ابتسامتها المعتادة : مادخلك البرد برا ؟! انتبهت لها غادة وتنهدت : فيه ناس ماشاء الله " كشرت وهي تتذكره " وناس اعوذ بالله مدري كيف ام فراس مافهمت : هههههههههه شتقولين انتي ؟ غادة : اقول أني احبك خـالة .. وياحظ اللي حولك فيكام فراس انحرجت : يابعد عمري وانا احبك أكثـــر .. " تنهدت " ولأني احبك ابي اقولك اني فاهمه انتي وش جالسة تعيشين بس اصبري ترا فراس كذا طبعه صعب شويغادة ( شوي ؟ ) ابتسمت بمجاملة : شدعـوة .... " كملت بتردد " انـا فاهمة انك ماكنتي تتمنين ان ولدك يتزوجني وهو كمان .. بس صدقيني انا مو مثل ما انتي مفكرة ام فراس : هذا أول ... بس لما سكنتي هنا وشفتك من قريب دخلتي قلبي حسيتك زي بنتيغادة بانكسار : صدق ؟! ام فراس : ايه والله الشاهد عليغادة تحس هالإنسانه دخلت قلبها ... حسستها باللي ماحسته من مصطلح " الأم " مستعدة تسوي أي شي عشانها ... ام فراس طالعت الغترة بيدها : هاتيها اعطيها الخدم يغسلونها غادة : لا مو وصخة ! ام فراس : اهـا ع بالي وصخة ... يله روحي اصعدي لا يتباطاك غادة ( يتباطاني ؟! مادرى عني اصلن ) : تصبحين على خير ام فراس : وانتي من اهله صعـدت غادة مباشرة .. ظلت تطالع باب غرفته وهي تحوس بفمها : قال ايش قال ارميها بالزبالة ! والله المغرور صح صعـدت لفوق وهي ترمي غترته بالغسيل ... وتستعد لنـوم ناقص فرحتها بهالحياة كون رنيم حولها ... *** إبتســام / بعد ما انتهت من تجهيـز الطاولة استغربت تأخر مرة يمكن مرت ساعتين من وصلت طيارته , جلست بتعب ماتدري ليش كثرةالحركة صايرة تتعبـها ... واذا ضغطت على نفسها تمسكها دوخة مباشرة ..تنهدت بضيق وهي تمسك راسها من الدوخة المفاجئة ..مسـحت وجهها وهي تغطي الأكل لأن واضح شكـله مطول .. وماتقدر تكلمه لأن اخر مكالمه وضحت فيها انها رسميا مايهمها جا ولا قعد ! *** نـايف :- كان جالس ومشبك يدينه ببعض بصمت .. وابو نايف جالس وهموم الدنيا فوق راسه تنهد بعد صمت طويل وهو ينطق : تامر شي يبه !؟ابو نايف وهو ماسك راسه : وين ؟! نايف : بيتي ... لي ساعة هنا لا انت اللي تكلمت ولا اللي تركتني اتكلمأبو نايف : انا منصدم ! لؤي الهدي الرضي .... تطلع منه هالمصيبة !!! نايف : لاتجلس تحكم .. انتظر تقابله وتفهم منه وش صارأبو نايف بعصبية : وش بيكون غير وحده لاعبه عليه ومتزوجها بالسر !!!! نايف : الله يجعله خيــــر ... أبو نايف بصرامة : اسمعني انت ! مابي جنس مخلوق يعرف بهالسالفة ! نايف هز راسه : ان شاء اللهابو نايف بتأكيد : اكيييييييييييييييد ؟!!! لاتفلت منك انتبه ... حتى عيالك لايدروننايف : طيب ... " وقف قبل يطلع " متى راح يوصل لؤي ؟أبو نايف بنرفزة : بكرة عصر !! نايف بضيق : الله يسترابو نايف : شنو ! خايف عليه .؟! يتحمل هذي نتيجة مصيبته !!!! نايف : ماني خايف من نتيجة اللي سواه .. خايف من نتيجة النتيجةابو نايف : شقصدك ؟! نايف وهو يطلع : قول الله يستر احسن شيطـلع نايف .. وهو يحس أنه الوحيد اللي كان متوقع هالشي ؟! معقولة ماحسوا من سفراته .؟! تـوجه للبيت وبطريقه دق جواله " نهـى " تنهد وهو يرد : هلانهى : هاي نانو ... حمدالله ع سلامتك نايف : بطليها نانو هذي تحوم كبدي ! نهى : يعنـي ؟! اللحين صارت تحوم كبدك .. من أول كانت تعجبكنايف : كيف يزيد ! نهى : يسأل عنك .. ماشافك بالعيد ولا غيره مرة زعلان نايف : بكرة ان شاء الله بجي أخذهنهى : تكلمه اللحين ؟! نايف : لا لا تو واصل من السفر وتعبان بنام ... اشوفك بكره وخلاص , يله سلام سكر السماعة مباشرة دون يسمع ردها لأنه وصل للبيت ... دخل وهو يطرق الباب طرقات خفيفة باصبعه : يـا أهل الدار فزت إبتسام من غطتها على الكنبة .. وهي توقف ابتسم نايف : آسف صحيتك ؟! إبتسام وهي ترتب شعرها : لا عادي .. " طالعت الساعة ثم طالعته " فين كنت ؟! متأخر مرة ؟نايف : صارت لي مشكلة بالمطـار بالاغراض وكذا ..." حضن يدينها وهو يوقفها قدامه ويبوسها " وحشـــتيني والله إبتسام طالعته دون ترد : ....................... نايف : شـنو ماوحشتك انا يعني ؟! إبتسام : لا والله .. كنت مشغولة عن أني اشتاق لك اعذرنينايف هز راسه : زعلانه .؟! إبتسام : نفس الشي كنت مشغولة عن اني ازعل .. فين احصل وقت بيت تجهيزات غادة والدوام ومواعيد المستشفى والوحـام اللي مو راضي يفك .." كملت بطبيعية " عموما حمدالله ع السلامة حياتينايف استقرت يده على بطنها .. ابتسم بلهفة : بعدي بنتي زعلي امك وهي تحطها فيني ! إبتسام رفعت حواجبها : بنتك ؟! نايف : ايه ان شاء الله انها بنتإبتسام : علموني جنس البيبي .. نايف فتح عيونه .. سال بحماس : شنو ؟! بنت ؟! ولد ؟! إبتسام : ماحقـولك .. لو تبغى كان صرت جمبي دكتورتي اتوقع تحسبني مطلقة ولا أرملة ولا مرة شافتك معي نايف : خلاص ابتسام لاتعذبيني ... شغالة عتاب فيني من دخلتإبتسام : آسفة ... بس مو مشكلة بحجز لك طيارة بكرة تاخذ نقاهه ثانية من عتاباتي اللي ماتخلص ! الله يعينك بسنايف رفع راسه بقلة صبر : اوهوووه ... راح ننذل على هالكلمـة إبتسام : شدعـوة ؟ حقـك ... وبعدين الواحد لازم يتعلم يثق في نفسه وانا صرت واثقة جدا بنفسيبنقاهتك هذي .. اصلن محد غيرها يستحق ينوثق فيهنايف : ما أشوف نفسي اسوي معاك كذا وقت تحقريني ولا تطنشيني ! إبتسام : ممكن تبطل كلام عن فترة رمضـان .. لأني ما اذكر اني قصرت بحقك وقتها انت اللي سحبت نفسك دون سبب نايف شد على يدينها بين يديه : اوك انا حيوان .. ورجال وصخ " سحب ملعقة خشبيه طويلة من على طاولة العشاء " امسكي اضربيني هاوشيني ابكي اللي هو ! اطرديني من الغرفة اليوم ... بس اسلوبك حق اللي متفهمه ! اعفيني تكفين إبتسام رجعت الملعقة مكانها : ماراح اترك الملائكة تلعني عشان شي سخيف كذا .. نايف : محللك يابنت الحلال ... بس اسطوانة اللي شهر زعلانة بس مو زعلانة رجاء لا ! إبتسام ظلت تطالعه لفترة ... ثم جلست على طاولة الأكل : تفضل استريح .. ولا راح تتركني على هالطاولة لحالي ؟ نايف : مو قبل ما أتاكد ان مو بخاطرك شيابتسام ببرود : مابخاطري شينايف تكتف : لسى ما تأكدت ! إبتسام طالعته بنص عين ... نطق مباشرة : لا تطالعيني كذا ! إبتسام : تبي تتأكد ؟! نايف : أيـه .. ماراح اتهنى بلقمتي وانا عارف انك تعطيني وجه البوكر حقكوقفت إبتسام وهي توقف قـدامه .. سحبته من ياقة بلوزته حتى انحنى لمستواها وتركت نفسها تنغمس بقبله معـه .. بعد ما انتهت نطق نايف : برضـو ما تأكدت .. إبتسام : هششش .. مايحق لك عقب كل هالغياب تتكلم .." همست " يكفيني عطش كل هالفترةماقدر يـرد ماعـطته فرصة .. رقــابة # مشفر # إذن ولي الأمر # حجـب *** لــؤي / بعـد ماتم حجـزه من انه يكمل سفـر .... حـاول يتصل على أبوه بس مافيه رد , وما عرض عليه غير تذكرة " عودة " .. قبضـه قلبه بشدة ! هاللي جالس يصير مب عبث .... عجـز ينطقها حتى بعقلة أو يترجم فكرة أن ابوه طاح على اللي تخبى سنـة كاملة ... مسك جـواله ودق ... جاه الرد من فراس : هـــلا ..؟! لؤي بهجـوم مباشر : انت قايل لأبوي شي ؟!! فراس : اذا قصدك أبوك عرف باللي جالس يصير .. أيـه عرف . لؤي صرخ بفزع : كيــــــــــف ؟! فراس : شبكة المعـلومات حقته كانت راح تطرحه على اللي جالس يصير اللحين ولا بعدينلؤي : .......... يعني انت ماقلت شي ؟! فراس : مالي مصلحة ... الكذب حبله قصير ... " نطق عقب صمت لوهلة " عمومـا أي خـ ...طوط طوط طوطتسكرت السماعة مباشرة ! طالع فراس جواله وهو يمسح على وجهه ... راح يكون الوضـع مأساوي بجد ! طالع ساعة الجـوال " 9 ونص " ابعد الغطـا وهو ينهض مباشرة ,لازم يلقى طريقة يمضي فيها هاليـوم .. لبس ثوبـه مباشرة وسحب شماغه وعقاله وثناها على يده وهو ينزل ... استقبلته ام فراس : ياصــباح الخير .. شمصحيك بدري ؟! فراس وهو يبوس راسها : وين بدري يم الساعة 9 ونص ... " طالع ارجاء البيت الهادي " محد صحى ؟ام فراس : زين فيهم يصحون الظهر يصلـونفراس : انا بصلي بعيد فانتبهي لأنس يطلع يصلي بالمسجدام فراس : ان شـاء الله ... غـادة نايمة ؟! فراس عقد حواجبه : ليش ؟! ام فراس : ابيها تنـزل تفطر معي لو صاحية .. فراس وهو يطلع : الله يغنيك عن هالصحبة بسام فراس : هاو ! شبلاه يقول كذا ..؟! طلعـت الخـدامة وبيدها سلة الغسيل تصعد بها .... ام فراس : من ملابسه هذي ؟! الخدامة : هذا ملابس بابا فراس ام فراس : ايه معليه بس انتبهي تودينها غرفته ... صعديها الدور الثالثهزت راسها الخدامة وهي تصعـد للدور الثالث .. طقت الباب بعد فترة فتحت غادة وبعيـونها النوم : نعم ميري !؟الخدامة : هذا ملابس باباغادة : ايه طيب وش جايبها هنا ؟! .." استوعبت " اااااااه قصدك فراس نزليها تحت غرفتهالخدامة : بس مدام قول ودي هناغادة فهمت .. لو تدري ام فراس سوت سالفة : اهـــا هاتي هاتيخذتها ودخلت وهي تجلسها قدامها وتطالعها .. سلة كامله ملابسه : شاسوي بها اللحين ؟! افف بيجي يقول جرثمتيها اللحين ! ... انزلها لغرفته .؟! " وصل قلبها لحلقها " لااا توبة ! دخلتها مرة ودفعت رنيم وسمعتي وكلش ... ! اففف ليش مايقول لأمه انه نايم تحت وبس ! وقفت عليها يعني؟! حطت السـلة ع جمب .. ومددت رجليها على الطـاولة , دقت على إبتسام مافيه رد حاست فمها : غريبة اول مرة ادق عليها ماترد ! لايكون صاير لها شي ! وهالحمار رجلها مسافر ! وقفت بقلق وهي ترجع تدق ... برضو مافيه رد ... في المكالمة السابعة جاها الرد من صوت رجولي منزعج : خير ياطير ! قلنا انقلعتي وافتكينا وللحين ناشبه ! قطبت غادة حـواجبها وهي تستوعب الصوت .. نطقت دون نفس : انـــــت هنااااااه ! بدري كان انثبرت وراك ! الله لا كان جاب الغلا ! نقل نايف بصره بين ابتسام اللي تحاول تاخذ الجـوال وهو يسمع غادة ونطق : ههههههههههههه ما شاء الله عليك عاتبتيني اكثر من اختك حتى ! ماتعطينها شوي من هالإنفتاح ؟! غادة : اسمـــع مب ان اختي حليوه تجلس تتمرد وتفلها ! تـراهي تعبت الفترة اللي رحت فيها خاف ربك البنت حاملنايف : ان شاء الله عمتي .... " وقف يبعد عن ابتسام وهو يغمز لها وينطق بهمس : جويع , فهمت ابتسام وقامت تسوي الفطور بينما رجع نايف للسماعه " إلا نسيت اقولك مبـــروك والله منتي سهله راس الشمري بكبره خذاكغادة : بــــدري ! نايف : ههههههههههههه وش بدري حسستيني لكم سنين من اعرستوا تو الاسبوع اللي طاف غادة : يبـــارك فيكنايف : ايه وماودك تعطيني الوصفة ؟! غادة مافهمت : وش وصفته ؟! نايف : كيف فراس قرر يترك عزوبيته وياخذك أنتي ؟! غادة : كأنك محقرني ؟! نايف : هو يعني خلينا منفتحين غادة ... محد توقع فراس الشمري يتزوج أي بنت زيكغادة تنرفزت : يرزق من يشاء بغير حساب ! وبعدين مالك دخل ..... دامني انقلعت من بيتك واخذت نقاهتك وخلصت عدل اسلوبك مع اختي وانتبه لها ! الدكتورة زعلانة كثير من صحتهـا ! نايف : ان شاء الله ... طيب ماقالت لك جنس البيبي ؟غادة : لا ! اساسا ابتسام نفسها ماتعرف , " فجأة استوعبت " اقول انت فالها بالسوالف !! وين ابتسام ؟! نايف : إبتسام مشغولة تجلس مع زوجها وحبيبها اللي مشتاق لها ... اللي هو أنا طبعا ! فيله مع السلامة فارقي ولعد تدقين .... روحي استمتعي بحياتك الخاصة مدام فراسوسكر السماعة مباشرة ... طالعت غادة السماعة بعصبية : وجججععع ببطنك بعـد ياوصخ ! عـند نايف ... طالع الساعة 1 وربع , صلى بالبيت وعقبهـا لبس وجهز نفسه ونزل ... ابتسم لها وهو يشوف الطاولة جاهزة بالحديقة باسها بخدها بنعومة : يسعد لي هالصبـاحإبتسام ابتسمت بحياء : تسلم نايف جلس : حياتي بس تخلصين اجهزي نطلع إبتسام : لويــــن ؟! نايف : المستشفى .. احس صحتك مو عاجبتنيإبتسام : أيه بس ماعندي موعد اللحين .. انتظر الموعد الجاي ونروح سوانايف : متى الموعد الجاي !؟ابتسام : بعد اسبوعـــين نايف : اوووه مطـــــــول !!! إبتسام : ولو ماراح يدخـلوني وانا ماعندي موعد ... عموما صحتي مافيها شي مجرد إرهاق الفترة اللي راحت وان شاء الله صرت احسننايف : بالنسبة للفترة اللي راحت .... سامحيني ماطرى على بالي انك بتتعبين كذا كانت حركة طايشة مني اني اسافرإبتسام وهي تاكل: عادي نايف معاك تعودت على كل حاجة غريبة ومو منطقيةنايف : عارفـة ان هذا أول يوم لنا ببيتنا لحـالنا ... يمكن ما اكون منطقي بس انا كمان فقدت الخصوصية ببيتيإبتسام بضيق : انا مابيك كذا ..." تنهدت " ابيك تشوف غادة زي اختك لأنها بنتي ومالها غيري وحتى اليوم .. لو يصير شي بينها وبين فراس وشكل هذا اللي راح يصير .... راح يكون هنا بيتها وبتجي وبتجلس زي ماتبينايف : وليش متشائمة ؟! ان شاء الله مايصير شي بينهم .. إبتسام : هو رافض رنيم .. وانا عارفة غادة حتى لو صابرة اللحين مستحيل تمضي حياتها كلها دون رنيم نايف بضيق : اوهووه يافرحة ماتمت ! إبتسام بقهر : نـــــــــايف !!! نايف وهو يوقف : عموما انا مثلك ماظنيت زواجهم يستمر .. فأنا اقول حتى لو رجعت البيت اللي شريتيه يضمها احسن لهاإبتسام حست بضيق .. معقولة غادة بتتطلق مرة ثانية ؟! واضح من كلام نايف ان فراس مستحيل يستمر معها ... تنهدت بضيق كلامه صح .. هي نفسها ماتخيلت ان غادة بتكون ذكية وبتقدر تكسب رجال زي فراس .. نايف انتبه لصفنتها : عموما انا طالع اللحين .. واليوم بكون مشغـول فاشوفك بالليل إبتسام وهي مازالت صافنة : على خيـــر .. *** بيــــت أبو نايف / كان الوضع هــــدوء وهم يحترون وصـول لؤي .... ام نايف جالسة وماسكة راسها ومنهارة من الخبر كيف نزل عليها , وأبو نايف جالس بصمت ومحد يدري وش جالس يدور داخل عقـــله ... نايف كان موجود لغرض واحد .. يمنع أي تمادي ممكن يصير بهاللحظة اللي يتواجهـون فيها .. أبو نايف رفض حتى ان ميهاف تدري ... قد مايقدر يخلي الخبر مختصر راح يخليه لحد ماينهي المشكلة ويقتصها من جذورها , ! الساعات تمر ثقيلة عليه ... تو وصله خبر ان لؤي وصل الرياض وبطريقه لهـــنا ... مجرد ما أنفتح بـاب البيت .. الكل تكهرب وهو يرفع راسه ماعدا نايف كـان جالس بهدوء ومافكر يرفع راسه حتى ! وقف أبو نايف مبـــاشرة .. وهو ينتظره يدخل لأنه طول وكأنه يحاول مايواجههم .. مجرد مادخل وطاحت عيـونه على أمه اللي نزلت دموعها تلقائيا يم شافته .... عكس أبوه اللي عبر عن مشاعره بطريقـــة اخشن .. نطق بحدة : ادخـــــل ! لـؤي كان رجـوله ترتجف لحظتها .. كان داخله خوف أن اخر مرة شافها فيها يمكن تكون آخر مرة , لأن ساعات ماتحس بالحقيقة .. إلا وقت تصطدم بالواقع فجأة , سكر باب البيت وهو يدخل ومنزل راسـه بخزي .. مايقدر يقابل أبوه وعيـونه يكفيه صوت أمه يتسلل لأذنه وهي تبكي : ..................... أبو نايف نطق بحدة : أرفع راسك ! لؤي ما أستجاب لهالطلب : ............................... غمض نايف عيونه بقلق وقت نطق أبو نايف بصوت عالي : أرفـــــــــــــع راسسسسك ! رفع لؤي راسه بتردد .. وهو يقابل عيـون أبوه اللي مجرد مارفع لؤي راسـه سحبه من شعره بكل قوته : انت وش ســــويت ؟!!!! وش سويت !!! أم نايف نطقت بخوف : لا يا أبو نايف تكفى اتركهابو نايف التفت لها ونطق بصوت زلزل البيت : انشششششششعمي ولا كلمة لأرمي عليك يمين الطلاق يامزنة ! مالك مكان بيني وبين ولدي وقت ينزل راسي بالتراب " التفت للؤي " رد علي !! وش سويت ؟! لؤي نطق بخنقة : معد فيه فايدة من اني اخبي .. " شهق هواء لصدره يساعده يبوح بهالحقيقة " صار عندي زوجة وبنت أبو نايف ماكان عنده خبر بحقيقة " البنت " لأنها باسم سارا .... افلت لؤي من صدمته وهو يوسع عيونه وينطق بعدم تصديق : وش ..... وش قلت ؟! لؤي وهو يطالع ابوه ويحاول يتماسك : عمـرها تقريبا شهرين اللحين .. ام نايف ارتخى جسمها وهي تجلس على اقرب شي جمبها بصدمة .... الكل انصدم ! ماكانت الصدمة الأولى سهلة .. بس لها حل يطلقونها وبس ... بس وش حل صدمتهم الثانية !!! نطق أبو نايف :نصاب ! انا شفت كرت العائلة حقك !!! مافيها الا اليهودية اللي انت ماخذ !!! لؤي : البنت بأسم امها .. لكن راح انقلها باسمي قريب .. نطق أبو نايف بانفعال : تخسى الا انت !! والله واللي اسمه الله ماتحطها باسمك !!! إلا على جثتي ! لؤي : ..................................... أبو نايف : والله ثم والله اذا صار لي شي انا وامك اعرف انك السبب ... حسبي الله عليك ونعم الوكيل !! حسبي الله عليك ونعم الوكيل !! حســـبي الله عليك ونعم الوكيللؤي كان كل مرة ينطقها تنطعن بنفسه أكثر : ............................. أبو نايف : اناشهد اني ماعرفت اربي ! الله لايرزقني عيال كان هذي تاليتها ! الكل انوجـع من كلمـته " الله لايرزقني عيال " ... لؤي : .................................. أبو نايف : اسمعـــــني !! البنت تتركها باسم امها وانت تطلقها وهالمشكلة تخلص !! تخلص تماما سااااامع ؟!!!! لؤي : مقدر .. أبو نايف : وتردني ؟! شين وقوي عيـــــــــــــن والله ... بتطلقها وانت ماتشوف الدرب ! لؤي جلس على ركبته : ابوس رجلك .. اللي تبي لك , بس اللحين انا مقدر أقول إلا تكفى وافق عليها ... ابو نايف : اصلب طولك ! اذا وافقت اعرف اني مب بعقلي !!! لؤي ازدادت انحنائته : رجيـــتك .. ابو نايف ارتفع ضغـطه وهو يشوف يذلل نفسه عشانها ... : اذا تبي تجلس معها ماراح امنعك ... روح بس ماني ابوك ولا اعرفك ولاني راضي عليك ليوم الدينلؤي وقف .. لكن مازال راسه منزل : ماراح اروح ... ولا راح اقابلها ... بس ماراح اطلقها . أبو نايف : عنـــــــــــاد يعــني ؟!!!!! لؤي : ماعاش من عاندك يبه .. بس مو بيدي ماراح تطلع مني لو أموت .. ام نايف : ليش تسوي كذا فينا ؟! حرام عليك يمه ..... مستخسر علينا نعرف عشان تروح تتزوجها بالسرلؤي : لو عارف أنكم حتوافقون .. ماخبيت , وبعدين .. لما تبنون هالحواجز بينا والرسميات ... عيب علي اهدمها ؟ صح ؟ أبو نايف : وانت مافكرت ليش ماراح نوافق ! اكيد انك عاف انها ما تشرف !!! لؤي : .................................... ابو نايف : انقلع لغرفتك ! لا أششوف وجهك إلا لما تقرر من تختار أبوك واهلك ولا هي !!! لؤي بخنقة : لاتوقف على صدري يبه .. لاتضطرني اختار بينك وبين اني اتنفس أبو نايف بخشونة : وأنا ابيك تختار بيني وبين أنفاسك ! عمرك ماتنفست لو بتخالف امري !!! سحب لؤي رجله وهو يصعد لفوق بانكسار ... اما ابو نايف التفت لنايف بعصبية : اصعد وراه وعقله ! اشوفك جالس لي زي الجدار هنا مامنك فايدة ! نايف وقف : خلني جدار احسن ... انا ماشيوطـلع مباشرة ... اما ابو نايف صفق يدينه ببعض : فلس !! فلس ! ماجبت عيال انا !!! *** هيثــــم / كان يتكلم مع احد الدكـاترة اللي نطق له : الهلال الأحمر طالبين دعم ... وحاب اسألك اذا ماعندك مشكلة تروح معهم ؟! هيثم : لا ماعندي مشكلة .. عطني خبر بس متى وراح تحصلني عندهم ان شاء الله الدكتور : خلاص تمام راح اوافيك بالخبرهيثم : تمــــام . الدكتور نطق بتردد : حاب اسألك دكتور هيثم .... انت متزوج ؟هيثم : ههههه لا والله ما كتب لي للحينالدكتور : افااااا ... انسان مثلك عزابي للحين ؟! والله حسافة ... انا عندي بنت تفداكهيثم ابتسم بانحراج : احرجتني دكتورالدكتور : والله اني صادق .... متى مابغيت طق الباب وماراح تطلع الا بهاهيثم : يعطيك العافية ... بس انا عزابي لأن مابراسي زواج اللحين الدكتور : اجل متى ماجا براسك تعال ! حنا نشتري الرجـال يادكتور افا عليك بسهيثم : تسلم .. الدكتور : اجل راح ارسلك الموعد حق الهلال لاحمر لاتنساه هيثم : ان شاء اللهاول ماراح الدكتور بطريقه زفر هيثم .. كأن الهواء انكتم فجأة ! جا من وراه مراد : وراك واقف بنص الدرب ؟! هيثم كمل طريقه : مافيه شي ... حصلت الملف؟مراد : ايه تركته بمكتبكهيثم : تمام يعطيك العافيةتـــوجه لمكتبه .. وهو يتصفح الملف , فتح الدرج يدخل الملف فيه واستقبلته ورقتها رفعـها استرخى بجسمه وهو ينطق بقهر ( شفيها ذحين لو قلت لإبتسام ! وقتها حتى لو طلعت كذابه مايهم ... لا شلون مايهم ! شلون تعيش مع وحده ماعندها وفاء ولا صراحة ولا حتى إخلاص لكلامها ) قرر يعطي صدقها فرصة اخيرة ... اذا جت المستشفى خلال هالأسبوع معناه صادقة ومتعلقة فيه بس لو طنشته ... معناها مايهمها *** دخـل فراس البيت وقت المساء .... استقبلته امه جالسه لحالها بالصالة : مساء الخيــرام فراس انتبهت له : هلا حبيبي .. مساء النورفراس جلس جمبها : ليش جالسة لحالك ؟! وين اخواني ؟ام فراس تنهدت بضيق : اسماء بغرفتها تقول عندها استعدادات جامعة .... وانس مع الجيران بالحوش وياسمين رايحة لصديقاتهافراس طالع الساعة : اجل نطلع نتعشى سوا ؟ام فراس : لا حبيبي اذا فاضي وبتطلع ... رح مع مرتكفراس كشر : الله يهداك يا يمه ! اعزمك تقولين رح مع مرتك ! انتي المره الوحيدة اللي افضى لهاام فراس : ياحبيبي مب معقولة ماتطلع معها .. مو كافي مارحتو شهر عسلفراس : ماتبين تتعشين معي قولي لا وخلاص ... لعد تنشبيني معها انتي عارفة اني ماتزوجتها حبن فيها ام فراس بضيق : خلاص نطلع كلنا سوافراس حاس بفمه .. مو عاجبه انها تطلع بس نطق : قولي لأخواني اجل يستعدون انا بجهز ونطلع مباشرة ابتسمت ام فراس : ان شاء الله صعـد فراس لغرفته ... وتفكيره مع لؤي اكيد وصل من زمان , غاطس نفسه بالشغل من صبح مايبي يفكر بس هيهآت! فتح خزانته ... مجموعة كبيرة من ثيابه وغتره مو موجودة , عقد حـواجبه وهو يـنزل لأمه : يمه ثيابي وغتري وين؟! ام فراس استغربت : هاو مو بدولابك ؟! فراس : فيه بس الدفعة اللي تو فصلتها مو فيه ! ام فراس : غريبة موصيتها اليوم لشقـتك .. اصبر اشوف الخدامة جعله يخلف عليها لاتكون نست ولا حطتها بغرفتك القديمةفراس رفع حـواجبه .. نطق : خلاص خلاص لاتشوفينها ولا شيام فراس : وثيابك ؟! فراس وهو يصعد : حصـــلتها ! ام فراس مافهمت .... بينما هو صعد للدور الثالث لأول مرة , طلع مفتاحه وهو يفتح الباب الرئيسي مسح بعيونه على المكان من صممته امه وجهزته ماصعد حتى ... أول مره يشوف المكان عقب التأثيث لكن المكان فوضوي نوعا ما .. المجلات مرمية على الطاولة وجمبها صحن قهوه ودونات .. مع صفة مناكيرات وعدة اظافر والتلفزيون مفتوح على قناة عرض أزياء عقد حواجبه : مقطعتها الكشخة حضرتها ! سكر التلفزيون وهو مستغرب مالها حس ... استطرف حسه صوت بالمطبخ عقد حواجبه وهو يدخـل حصـلها هناك وواضح من هيئتها ماتتوقع احد يدخل .. لابسه شورت سماوي وبلوزة خفيفة صيفيه سيور , مع جاكيت صوفي اطول من الشورت مع " سليبرز " لنص الساق , وطالعه تجذب بالشورتالقصير لحد مبالغ فيـــه ... وشعرها المموج الكثيفتاركته مفتوح والسماعات باذنها وتتمايل بخصرهامع اللحن وهي تحرك المقادير بالقدر .... وانفعالات وجهها الجذاب مع الأغنية انخنق فراس من هيئتها بهالشكل ! أول مرة يشوفها بلبس كذا ... اول ماخلصت والتفتت انتبهت للي واقف عند باب المطبخ شهقت مباشرة وهي تطرح المقلاة الحارة على الأرض : يمه ! فراس : شايفة سكني ؟! غادة بلعت ريقها وهي منحرجة من شكلها قدامه :لا .... بس .. خفت ماتوقعت احصل احد هنا ... فراس وهو يطالعها من فوق لتحت : واضح . غادة غاصت من نظراته اللي جالسه تمسحها.. لعنت نفسها اللي فكرت تلبس شورت قالت بقهر : شعرفني انك بتصعدفراس : بيتي ... توقعي اني بأي لحظة بكون هنا واحترمي شكلك واحترمي مكانك , زود على هالخلاقين اللي لابستهاالمكان كأنه شقة عمال غادة عضت على شفتها : طيب اطلع بغير ! فراس رفع حواجبه : عفـــوا ؟! غادة وهي توقف ورا طاولة المطبخ بحيث مايشوف الا جزئها العلوي : عشان أغير ! فراس مشى بخطوات واثقة حتى صارت الطاولة ماتخبيها .. غادة رجعت خطوتين تلقائي ودموعها تجمع بعيونها : شنو ؟فراس تقدم خطوتين حتى صار قدامها مباشرة .. غادة بلعت ريقها من قربه بهالشكل ... معط فراس اذنها : ماتقولين لي أطلع في بيتي ! انا الداخل وانتي الطالعة ...." زاد شده على اذنها " وهالفوضى تترتب ... هالفوضى ايش ؟غادة بلعت ريقها وهي مقطبة حواجبها وعيونها من شدة على اذنها : تترتب تترتب ... برتبها اترك اذني ! فراس افلت اذنها وهو يطالع المقلاة الطايحة بالأرض : شيلي النعمة ! غادة كانت ماسكه اذنها الحمراء بألم وهي تطالعه بلوم ..... فراس : شتطالعين ؟! غادة : حتى لو اطالع الأرض قلت شتطالعين ! فراس : لا يالقافطة وقت تطالعين الارض بينك وبين الأرضتصطفلين ! بس وقت تطالعيني .. ايه خير وش تطالعين ؟! مضيعة شي بوجهي ؟غادة شوي وتمعط شعرها .. حمدت ربها صدق انه ينام تحت ولا كان انجنت رسمي ! فجأة استوعبت .. وش صاعد يسوي ؟! لايكون بيجي هنا ع طول ؟! نطقت بخوف : شسمه .... انت .... " سكتت لوهله ترتب الكلمه عشان ماتجني على نفسها بكلمة عفوية يفسرها شي ثاني " وش صاعد هنا تسوي ؟فراس : ملابسي وينها ؟غادة تنهدت بارتياح : اهـــــــــــــــــــاا .... ايه موجودةفراس : وش جالسة عندك تسوي ؟! غادة : الخدامة صعدتها هنا شاسوي يعني ؟فراس بنرفزة : عاطسي عليها زي ماسويتي بالغترة !! غادة ( إنا لله مانساها للحين ) : ..................... فراس بقلة صبر : وش واقفة مكانك تسوين ! جيبيها ولا ناوية تخلينها عندكغادة مشت وهي تمر من جمبه وتطـلع لغرفة النوم .... سحبت السلة تو بتلتفت تطلع حصلته بالغرفة ويمسح بعيونه على المكان اللي ماكان يقل فوضى , معدات تزيين الشعر مرمية على التسريحة والشوكلاته على الطاولة وواضح على وجهه الأشمئزاز من الوضع : وش هـالزبالة .؟! غادة وهي تحط السلة قدامه : منت تعيش هنا يعني مايضايقك .. اتركني بزبالتيفراس : اها شي حلو انك متراضية مع نفسكغادة بقهر : مو زبالة ! فوضى بسيطة بس .. فراس طالع السلة قدامه : لايكون مفروض اشيلها انا ..؟! غادة : اساسا .... انت لازم تقول لأمك انك تنام تحت لأنه راح تضل توصي الملابس لفوق , مو كأنك خادعها يعني من معاملتك لي قدامهم ماراح ينصدمون اذا عرفوا انك تنام بغرفتك .. فراس : الخلا ولا يكثر ... محد سألك عن رايك فانطمي ! وكل مرة تصعد لك سلة نزليها لغرفتي ... ولو أشوف شي واحد متحرك من مكانه بتندمين .. ولك خبرة مع اللقافة ووش يصير للملقف ! غادة اكتفت بهز راسها : .................... فراس سحب له ثوب وغترة , ونطق قبل ينزل دون نفس : البسي عبايتك وانزليغادة كبست بعيونها بعدم تصديق ... : شنو ؟! فراس رماها بنظرة ... غادة : لا مو قصدي ... قصدي يعني وين ؟! فراس : مو انا اللي ابي اطلعك ! امي مارضت الا حضرتك تجين ... فاخلصي هي خمس دقايق وبحرك السيارةغادة فزت : لا لا بجي اللحين ركضت تسحب عبايتها .. هي ماصدقت خبر تطلع وين يحرك السيارة دونها !! لبست عبـايتها بسرعة وهي تنـزل حتى انها لحقت عليه وهو لسى بينزل الدرج للدور الأرضي : كل ذي شفاحهه للطلعة .؟! غادة وهي تلقط انفاسها : خفت تحرك دوني ! فراس وهو ينزل : ليته .. أول مانزل فراس وغادة وراه استقبلتهم ام فراس : اسماء ماراح تقدر تجي .. وشكلي بجلس معها , انتو اطلعوا توسعوا فراس : ام فراس ! فاهم حركاتك هذي انا ... بتجين ولا طلعت لحالي وكلن يقضب ارضه ام فراس هزت راسها : ماينقدر عليك أنت ! غادة حاست بفمها ( عدال انا اللي ميته اطلع معه لحالي ! ) ... اثناء ماهم واقفين ينتظرون ام فراس دق جوالها " إبتسام " انتبهت له يقزها ... فسكرته : ليش مارديتي ؟غادة : بلا ابتسام وبكلمها بعدينجت أم فراس : يله مشيناطـلعوا وركبت ام فراس جمب ولدها قدام ... وغادة كانت ورا وهي تحس زمان عن الشارع يمكن من جت الرياض ماتمشت كويس زي الناس : ............................. كانت عيونها معلقة على الشارع بكل تفاصيله .. أم فراس وهي تأشر لمدرسة ابتدائية : غـادة شفتي هالمدرسة .. هنا درس فراس الإبتدائيغادة ( مدري ليش ما اتخيله بزر احسه انولد رجال كذا ) : يعني هالإبتدائية قديمةام فراس : اييييه ... درسوا فيها كل عيالي حتى انس غادة طالعت فراس اللي كان يسوق دون يعلق : ............ ما شاء الله ام فراس : ههههههههههه اذكر يوم يرجع لي هو وربعه عقب الدوام يتغدون سوافراس : ياسمين عند مين ؟! ام فراس : عند ام صالح فراس : دقي عليها قولي لها تجهـز بنمرها ام فراس : تو بدري اكيد تبي تجلس بعد .. خل نتعشى ثم نمرهافراس : محنا متأخر الساعة 10 ... قوليلها تطلع خلاصام فراس : ان شاء الله دقت ام فراس عليها ... وعقب فترة طلعت ياسمين اللي كان مو راضية تبي تجلس اكثر وركبت : السلام عليكم : وعليكم السلامظلت ساكته بزعل .. كان ناوية تتحلطم بس لما شافت اللي يسوق السيارة تراجعت : ................ فراس : ياسمين .. خفي رجلك من هالزيارات شوي مرة بالشهر يكفي مو كل يومين رايحة لهم ! ياسمين : بس هي تجيني بعد .. فراس : كمان تجيك ؟! اجل معد يحتاج تروحين لهم .. هي تجي وخلصنا ! ياسمين جنت على نفسها : لا خلاص بخفف ... ابي اروح لها بعد اناام فراس : خلاص حبيبتي بتروحين بس مو كل شوي .. فراس تأفف وهو يضرب بوري : غشـامة الرياض ماشفت زيها ! ام فراس : هد بالك وبيمشي الطريقغادة : غشــامة جدة تهزمها والله فراس : محد طلب رايك انتي ! غادة انقهرت .... لازم كل مرة تنطق يكسر فيها , ام فراس زعلت من رده عليها همست له : فـــراس .. فراس وجودها مزعجه وهذا الشي مايقدر يتحكم به : قايل لك من اول مابيها تجي ! غادة قالت بغصة : رجعني البيت اجل .. فراس : سواق ابوك انا ارجعك واجيبك ! ام فراس تنهدت بضيق : الله يصلحكم ويهدي بالكم ياربانقبض قلب ام فراس وهي تحس بشهقة مكتومة من المقعد اللي وراها : .................... أول مـاوصلوا المطعم ... نـزلوا بينما غادة جلست مكانها التفتت لها ام فراس : غادة ليش جالسة ؟! غادة : مابي انزل ! شبعت حمدالله ام فراس عرفت انه من قهرها من كلمته ... طالعت فراس وهي تغمز له يعني كلمها : ........... فراس اكتفى بانه يسكر الباب ويقفله ويمشي ..... ام فراس : فراس ! بتخليها بالسيارة ؟! فراس : بالطين لين يلين ... مابقى الا احلف عليها تنزل ! ام فراس : لا يمه عشاني ... والله ما اتهنى اكل وانا اعرف انها تحت بالسيارةفراس بانفعال : هي قالت ماتبي ! خلاص قلعتها ! ام فراس : ماقالته الا من كلامك لها ! فراس : واذا ؟ مالي خلق دلعهـا ... " وكمل مشيه لداخل المطعم " دخلت ام فراس وهي تحس بضيق صدق .. التفتت وهي تشوفها جالسة بالسيارة هزت راسها بقلة حيلة وهي تدخل ومر العشـاء بهدوء ........ فراس ماله يخلق يتكلم هو دون شي ضايق من " لؤي " ووش ممكن يكون صاير معه اللحين .... ام فراس طلبت سفري لغادة وهي تنطق بقهر : فـراس ... بسألك وامنتك تجاوب الصدق ؟! فراس وهو ياكل : اذا عنها لاتسألين ... وقت الأكل اتركيني اتهنى فيه ام فراس باصرار : انت وش شايف عليها ؟! غير سوالف قبل زواجكم ..؟فراس : شايف فيها لقافة وقلة حيـا ويد طويلة وبجاحة ! ام فراس : بس هي اللحين شكلها تبي رضاك بسفراس : حلم ابليس بالجنة .... انا قلتها قبل اتزوج ! زواج اسم ! فخلاص لعد احد يكتمني لاني مستحيل اعاملها زوجة نهائي ! ام فراس : وليش ؟! بنت صغيره وحلـوة وطيبةفراس كمل : ومطلقة وأم والتبن أكرم منها ! انا ماراح اضرها ... بس لحد يتوقع مني شي , اللي بيني وبينها اسم بس ام فراس بزعل : واذا جبـتو عيال بكرة كيف بتربونهم ؟! فراس ابتسم بسخرية : اقولك مابيني وبينها شي تقولين عيال ؟! كيف نجيب عيال وانا انام بغرفتي ؟! ام فراس توسعت عيـونها بصدمة : وش قــــلت ؟! فراس وعيونه بعيونها : اللي سمعتيه ... تخسى الا هي تشيل ولديام فراس ... سكتت وهي منصدمة ! معقولة لهالدرجة ؟! وماقدرت تتكلم بحضور ياسمين اللي هي نفسها مندهشة من اللي جالس يصير ... بعد هالمحادثة اختتموا العشاء وهم يقومـون .... وطول الطريق كان صمت , ام فراس بصدمة .. وغادة يائسة من نفسها وفراس احتفظ بصمته ... أول ماوصلـوا دخلت ام فراس غرفتها .. وغادة صعدت مباشرة , دخل فراس غرفته وهو يجلس على حاسبه ويخلص معاملاته الضرورية ... ويسكر جهازه , تو بيبدل اكتشف انه نسى الملابس فوق زفر دون نفس وهو يصعـد , دخل البيت كان الجو هادي والأنوار طافية ... تو بيدخل غرفة النوم وصله صوت شخص يبكي داخل , تنهد وهو يطق الباب .. غادة مسحت دموعها مباشرة ... اكيد هو , طالعت السلة اكيد يبغاها تو بتقوم تفتح الباب فتحه هو .. طالعها ووجهها واضح عليه اثار البكي : ........................... غادة نزلت راسها وهي تنطق : ملابسك هناك بالصالة خذهافراس ظل يطالعها وهي تمسح دموعهابذراعها وشعرها منتشر على كتوفها ..... فراس : كل هذا عشان كلمة ؟! غادة عضت على شفاتها وهي ترجف ... رفعت عيونها الدامعة له : كل هذا لأني احسني مليانه حكي .. بس سخيف اني اطلعه لأنه ماياثر في غيري زي ما يأثر فيني .... وأبي حل لهالشي بس مو محصلة ! حتى لو حاولت اتكلم تجيني ردود سخيفة زي ردك اليوم ... فراس : تبيــن حل ؟! غادة طالعته دون تتكلم : .......................... فراس : خليه يحرق بصدرك ونامي . . ودموعك هذي بطلي تطلعينها قدام امي مو ناقصها انتي ترا ! وسكر الباب وراه وهو يطلـــع ! عضت غادة على شفاتها ... كيف إنسان يقدر يكون صلب كذا ! مافيه قلب هذا ؟! حست كأن كلامه تحريم لها تبكي .... ورجعت تحط راسها على وسادتها وهي تتبع نصيحته ... تترك هالحكي يحرق بصدرها وتنام *** رجـع نايف للبيت بساعة متاخرة .... دخل البيت حصلها جالسة وقدامها كومة اوراق وتشتغل , تنهد وهو يجلس جمبها : ليش متعبه نفسك بالشغل لهالساعة ؟! ريحي جسمك الله يرضى لي عليك ابتسام .. إبتسام : مريـــحة مافيني شي ... كلها كم معاملة ابي اخلصها .. نايف سحب الأوراق من يدها ... وانسدح بحضنها : خـــلاص! ياويلك تمسكين شيإبتسام طالعته بنص عين : اللحين تبغى تريحني تنسدح بحضني ! نايف : ايه اتبطح جمب بنتي وين المشكلـة ؟! إبتسام اسندت راسها وهي تلعب بشعره : ليش تـأخرت اليوم ؟نايف : إبتسام .. شرايك باللي يتزوج وحده يحبها بالسـر ؟! إبتسام : ما أأيد .. أولا فيها كسر لعاداتنا وتبجح بالغــلطنايف ابتسم بتعب وهو يطالعها : اتوقع لو تردين غير هالرد ماراح اصدق انك إبتسامإبتسام رفعت حواجبها : أنتا ايش رايك ؟! نايف : انـا .. على حسب , يعني اذا اهله رافضين .. ويحبها .. ممكن يكون معه حقإبتسام : وباعتقادك هي أهم من اهله اللي ربوه وتعبوا فيه ؟! نايف ابتسم بجاذبيه وهو يرفع يده ويمسح على شعرها : انا لو اقابلك بمكان ثاني .. ويرفضون أهلي اني اتزوجك راح اخذك بالسر , مجرد ان الحظ وقف معنا وقابلنا بعض بطريقة محترمة للمجتمع مايترك اللي ماحالفهم نفس حظنا غلطانين ومتبجحينإبتسام عقدت حواجبها : صاير شي ؟! احد متزوج بالسر ؟... اقدر اساعدك ؟نايف : لا جلست افضفض لك .. مو قصدي اوجع راسك بانك تدورين لي حلول , السالفة ابسط من كذا مجرد اني اتكلم معاك اصير احسنإبتسام بقلق صدق : لا شكله صاير شي بجد ... خوفتنينايف :هههههههه ياليل مو مهم شصاير ... المهم انك يابنت الناس تقلبين مزاجي قلب ! إبتسام : ان شاء الله انه مو صاير شي ... " ابتسمت وهي تلعب بشعره " إنت كمان , لو تعرف قد ايش كنت اتهدد عليك لما كنت بدبي ماراح تصدق اني جالسة العب بشعرك وتاركتك بحضنينايف: هههههههههههههههههههههه ي ساتر ! *** فـــراس : - صحى من النوم بدري .. رفع جواله يشوف كم الساعة لكن انشل اهتمامه من الساعه وهو يقرا رسالة من لؤي " تقدر تجيني اليوم ؟! " نهض مباشرة وهو يبدل ويطلع ... نزل الدرجات مسرع : فراس ! التفت لامه : هلا يمهام فراس : تعال معي بكلمك ! فراس : ضروري اللحين ؟! عـــندي شغل ضروري بالمرة أم فراس : خلاص اجل اتركه لبعدينفراس هز راسه وطلع مبــــاشرة ... ركب سيارته وهو يتـــجه لبيت أبو نايف ,.. ضرب الجرس فتح له الباب نايف : فراس ؟! فراس : السلام عليكم ... لؤي فين ؟! نايف تنهد بضيق : بغرفـــته .. وأبوي عنده والحاله حاله فراس تنهد : اقدر اصعـد له ؟نايف : ايه اكيد تفضل .. بفضي لك الطريق عشان تصعدهز فراس راسه ... بعد مارجع له نايف : تفضل حياك الطريق فاضيدخل فراس البيت ... ومجرد مادخل وصلته الأصوات المرتفعه فوق اكتفى بانه يوقف على جمب ينتظر المحادثة الصاخبة داخل والمليئة بكلمات جارحة من أبو نايف ! بعد ماطلع ابو نايف بعد فترة طويلة أرمق فراس بنظره : شتسوي هنا ؟! فراس :جاي اتعـامل مع الموقف بحضاريه اكثر منك . أبو نايف رماه بنظرة وهو يتجه لغرفته .... بهاللحظة لحقه نايف الي كان صامت طول هالفترة , وجلس على الكنب المقابلته : شصار ؟! أبو نايف بعصبية : معـــند ! مايبي يطلقها !!!!! نايف : يبـــه لو الموضوع على زوجة .. الأمر هين يطلقها وانتهت , بس عنده بنت ... وأنت ابو فاهم غلاة الضنا كيفأبو نايف : ايه فاهم ! بس مستحيل ارضى تطلع لي حفيدة فجأة مدري من وين !!! بياكلون الناس وجهينايف هز راسه : كالعادة راح نضل طول عمرنا مجتمع مهموم بكلمتين الناس قالت والناس بتقول ! أبو نايف : شالمفروض اسوي يعني !!! اقوله هات مرتك وبنتك ويادار مادخلك شرنايف : لا ما اقولك كذا .. تقدر تبدى بانك تكلمه بوتيرة صوت هادية عشان يفهمك ... لؤي حساس وعمر هالاسلوب ماراح يجيبه ... بالعكس يزيدة عناد بسأبو نايف : ....................... نايف : هد اعصابك يبه وكلش بيتصلح ... بتتعب اعصابك كذا , وامي يكفيها اللي فيها مو ضروري كل مرة تكلم لؤي تروح تصارخ عليهاعـــند لؤي / دخل فراس الغرفة ... كان لؤي جالس وعيونه الحمر متسمرة على الجدار : حمد الله ع السلامة التفت له لؤي مباشرة : جيـــت ؟! جلس فراس وهو يشبك يدينه ببعض : انت تطلبني وما أجي ..؟ لؤي تنهد بضيق : أبي اطلب منك طلب ... اعتبره تعويض للحرمان اللي جاني بسببك فراس : اللي هو ؟لؤي : انتبه لسارا لا يوصل لها ابوي ... " طالعه برجاء " طلبتك . فراس : .................................... لؤي : كمان ماراح توافق ؟ فوق طعنة الظهر اللي عطيتني ؟فراس : ماراح يوصلها ابوك .... بس وبعدين ؟! وش بتسوي اللحين ؟! صار الشي اللي حذرتك منه .. لؤي : مالي الا اصلب طولي .. لحد ما يقتنع ابوي ولا يفرجها ربك , بس انا همي اللحين هي ! فراس : مابي اشئمك واقولك ابوك بعمره ماحيوافق ... بس قالها احمد شوقي ليس المطالب بالتمني ولكن تؤخذ الدنيا غلاباسكت لؤي ..... فراس تأمل الغرفة بعيونه وهو ينتبه لصورة له مع لؤي يوم تخرج لؤي : .... للحين هالصورة عندك ؟! لؤي انتبه لها : ........ايه , يوم تخرجي كيف ارميها ؟! فراس : الله يرحمه كان موجود وقتهالؤي تنهد بضيق على طاري عمه " فهاد " كان بمكانة ابوه : الله يرحمـهفراس هز راسه : آمين ... " تحنحن " عموما ولا يهمك سارا ماراح يوصلهاتو فراس بيقوم نطق لؤي وهو يبتسم بين همه : وين ؟! ماراح تقولي كيف تزوجت انت وام لسان طويل ع قولتك ؟! فراس ابتسم دون نفس : خلنا في همك اللحين ... خل هالسالفة ع جمبلؤي : يابن الحلال من امس وانا بنكد .. عيوني تورمت سولف عن شي ثاني ابي انسى شوي فراس : أبد ... ماصار شي مجرد زهقت وهي تهددني بالمعلومات اللي عندها فقلت احطها قدام عيني عشان ماتفكر تلف يمين ويسار لؤي : والكلام اللي تقوله انها خاطبتك وما أدري ايش مو صحيحفراس ابتسم : كنت عارف انها ماحتمشي عليكلؤي : تكسر الخاطر راحت سمعتها فيها ولا تقدر تربي لنفسها لحية عشان تمحي هالسمعة فراس طالعه بنص عين : لاتكسر قلبي بالله ببكي ترا ! لؤي : يخسك ياشيخ ... رحت وجيت وانت على نفس البرود ! شصاير معك ؟ منت مبسوط معها يعني ؟فراس : ماتزوجتها عشان انبسط معها ... مجرد احطها قدام عيني ولا غيره مابيني وبينها شي لؤي : توقعت ... ما صدقت انك بتتزوج لأنك تبي تتزوج فراس : وهذا اللي صاير ... عموما انا بقوم عندي موعد وراح اطمنك على المدام لؤي .....: . فراس فراس التفت له قبل يطلع :هلا لؤي ابتسم : شكرا .. ماراح انساها لكفراس : احسن لك ماتنساها ... يله سلام طــلع فراس ومعنوياته ارتفعت ... كان شايل همه بس اللحين اقل شي قدر يتطمن عليه | ||||
|
| |
|
10-05-17, 11:56 AM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " البارت التاسع والثلاثين " - الأشياء التي تأتي متأخرة .. تشبه تماما قبلة اعتذار على جبين ميت ! سـكرت غادة السماعة من أم فراس وهي تجلس بضيق .. الليلة صاحبات أم فراس مسويات حفلة بمناسبة زواج فراس وضروري تحضر , وهي بإختصـار مالها خلق ... فتحت جوالها بيأس وهي تدق على أحمد ... كبست عيونها وهي توقف لما جاها رد ماتوقعت نهائي !!! : خير ياطير .. هلا بعروسة الموسم غادة دون تصديق : وينك ماترد ؟! كم لي ادق عليك حاقرني !! تستهبل ؟! وين رنيم ؟ شخبارها ؟ ليش معد ترسل صورها ! أحمد بسخرية : قلت مافيه داعي ازعجك اكيد مشغولة ... بس اللحين فهمت ليش فراس عطاني كم تلميح عشان آخذ بنتي من وقتها ناوي يخطب ومايبيها غادة بقهر : هالكلام مو صح ! وبعدين ...... رنيم تأخرت عندك كم لي ماشفتها جبها الرياض أحمد بخشونة : اقولك مافيه ! ولاتزعجيني ! خلاص ارتحتي منها خلك مع اللي خذيتيه... مدري وش محصل فيك عشان ياخذك ! غادة : طيب ابي اسمع صوتها ... وينها ؟ احمد : مع عمتها مو فاضيه لك .... " كلم اللي جمبه " شروق حياتي اذا نامت وديها عند امي خل ناخذ راحتنا غادة تحطم كلش فيها لحضتها ... نايمة بحضن زوجته وهي جالسة تحترق هنا ! : .................. احمد : يله تبين شي انا مشغول .؟! غادة بقهر : جالس تصرفها .... اذا تبي تاخذ راحتك مع البقرة اللي جمبك جب بنتي عندي ! أحمد : احترمي نفسك ! وقت عرضت عليك ترجعين لي وتجلسين جمب بنتك رفضتي وقلتي ما أبي الزواج ! واللحين يوم جا هو رحتي تركضين له ..... اجل تحملي النتيجة ! غادة : وععــــوه والله لو فيها موتي ما ارجع لك انت وأهلك ! وبنتي مو بكيفك ... يحق لك تاخذها اوك بس تحرمني منها والله لو اسحبك بالمحاكم ماهمني !! أحمد : من قال بحرمك منها .؟! تبغينها تعالي زوريها من مانعك ؟ غادة عضت على شفايفها وصوتها بدا يختنق : احمد طلبتك لاتصعبها ... وش طالبه منك انا .؟! ابي اشوفها بس .. احمد : والله يا غادة انا بنتي ماتتربى في بيت رجال غريب اعذريني .. تزوجتي ؟! تحملي النتيجة غادة : وانا ما ارضى بنتي تنام بحضن حرمة مو امها ! يعني وقفت علي ؟ احمد : انا ابوها ويحق لي ... انتي حدك امها اللي ما اهتميتي فيها حتى , يله مو فاضي لك سلام ! سكر السماعة قبل تنطق .... عضت غادة على شفتها وهي تنحني بقهر وتنهمر دموعـها , مافيه حاجة تصير زي ماتبغى وكلش يمشي عكسي .... حسبي الله عليكم ثنينكم .. *** فــراس دخل البيت وهو هاليومين نفسيته تشرح الصدر .. لؤي صار يكلمه طبيعي وهالشي يطمنه ارتمى بالصالة وهو يشوف الكل مجتمع : مساء الخـــير ... الغداء جاهز ؟! أم فراس : الغداء .؟! قبل الغداء انا ابيك بموضوع... ولك يومين ماتجلس بالبيت ! فراس عدل جلسته وهو ينتبه للضيق على وجهها : هلا يمـه امري .... فيك شي ؟! ام فراس وقفت : تعال معـاي ! عقد حواجبه وهو يطالع اخوانه بالصالة ... وقف وهو يتبعها لغرفتها دخل وراها وهو يجلس قدامها وعاقد حواجبه : شصاير يمه رجيتيني ؟! أم فراس بقهر : كل اللي جالس يصير وتقول وش صاير ؟! فراس : شقصدك ؟ أم فراس بزعل : صاير ترمي الكلام يا يمه ولا تحسب له .... وش تتوقع حالتي عقب ماتقولي انك تنام بمكان وزوجتك بمكان ؟ مايجوز هذا شرع ربك فراس تنهد : الله يهداك يمه خوفتيني ع بالي صاير شي ... وبالنسبة لها الله يعديني اثامها بس صدقيني ماراح اقدر لو ايش فلا تحـاولي ام فراس بعصبية : ليش تزوجتها اجل ؟! كان جلست عزوبي وبس !! متزوجها وجايبها عشان تمرضني وانا اشوفك تظلم صريح كذا ! فراس : عندي سبب مقدر انطقه .. لولا هالسبب مافكرت فيها حتى ام فراس : ماتبي تقولي السبب بكيفك بس وقتها تعايش مع الوضع واستوعب انك تزوجت وماعدت زي أول ! يا إمـــا طلقها ولا تتركني انحرم من النوم خوف ان عقوبتها تنزل علي فراس تنهد بضيق : شنو يمه جالسة تحشريني انتي ؟! مقدر اطلقها ولا اقدر اعاملها زي ما أنتي تبين ... ام فراس : يعــني راح تضل بغرفتك ؟! فراس باقتضاب : ايه بضل بغرفتي ! ام فراس : وإذا قـــلت لك عشاني .؟! فراس : يكرم شانك بس مقدر ام فراس : والله حرام عليك ... اقل شي احترمها قدام العالم ذاك اليوم خالاتك يسألوني وش صاير نافخ عليها قدامهن واخوانك الصغار يحسون يسمعونك تهاوشها قدامهم ! وكثير غيرها .... صارت ماعاد تقابلنا تخاف تفشلها قدامنا فراس : لو هي تحكي زي العالم والناس ماصار كل هذا ... بس عبث ام فراس : لما كنا بالسيارة نفخت فيها دون تقول شي ... تكلمت طبيعي ! فراس : بالسيارة ماكنت ابيها تطلع .. وضغطتي علي وهذا اللي صار ام فراس : المهـم اللحين شلون ؟! انا صدقني ماراح ارتاح بطريقــــتك معها كذا .. " كملت بقهر " انا ماصدقت قلت لي بتزوج حتى اني ما اهتميت بحالة البنت قلت دامه بيتزوج حمدالله وينقلب الحال كذا ؟ فراس : اذا تذكرين أنا واضحت لك كلش من البداية " وقف " هالكلام يمه ما غير يوجعك ولا ينفعك ... بالذات هالبنت لاتتوقعون مني شي ناحيتها .. وطلع مبــــاشرة وهو يصعد لغرفتـه قاطعه صوت انس : فراس الغداء .؟! فراس وهو يصعد : عليكم بالعافية . اسماء صقعت راس انس : يالبثر خله بيتغدا مع مرته فوق وش يبي بك ! ام فراس كانت متأكدة انه متوجه لغرفته ... تنهدت بضيق من تعليق اسماء وهي تجلس .. اسماء : شفيك يمه صاير شي ؟! ام فراس بضيق : قولي للخدم يجهزون الغداء .. الله المستعان بس *** نـايف / بين طرق الرياض.... رن جواله طالع المتصل " نهى " تنهد وهو يـرد : هلا نهى نهى : هـاي نانو كيف حالك ؟! نايف : بخيـر ... انتي شلونك ويزيد شلونه ؟ نهى : حمدالله بخير .... كلمت أبقولك انوه يزيد حاب يشارك في كشافة قبل تبدا الدوامات وابي فلوسها نايف : وش له داعي هالكشافة .؟ خلاص الدوامات قربت بس بتعطله على الفاضي نهى : واااااي نانو عن العيارة .. مافيها شي الولد بخاطره نايف : ما اشوف لها داعي نهى : شفيك نانو صاير بخيل .؟! ولدك ترا نايف : مو بخيل بس ما احب احط فلوسي على شي ماله معنى .. تبغين انتي ادفعي , ولا فكيني وبعدين كشافات هنا مافيها مسؤولية وانتي كيفك نهى : معـلوم ماراح تدفع يزيد مو ولد ست الحسن والدلال عشان تدفع له ! نايف : وش جاب اللحين .؟ نهى : وش جاب ! جاب انه ماصرت تشوفنا زي أول من تزوجت ... انعميت ي ساتر نايف : بتجاهل تعليقك السخيف هذا نهى : لعبة الجحدان ممتعة ي نايف بس وقت تمس قلب طفل وقتها قل سلام عليه ماراح يحبك عقبها نايف : لا بالله .؟! لعبة الجحدان ؟! وش وضع هاللعبة وش قوانينها .... نهى : تتريق حضرتك ؟ نايف : طبعا اتريق مو شايفه كلامك يضحك ... عموما نهى انتي سوي اللي يريحك بفلوسك بس بفلوسي ماتقدرين تجبريني على شي مابيه وقولي بخيل او غيره ما أهتم ! يله سلام سكـر السماعة وهو يوقف سيارته قدام البيت وينـزل دخل وهو يصفر برواقة ويغني : ياعســل من اللي ذاقك ياعسل .؟! " حصل البيت التحتي بحالة ركود .. استغرب ماطلعت له " بسمــــتي .. عمري صعـد وهو يدخل الغرفة حصلهـا غاطة بنومه .. إبتسم وهو يتـأملها يدها تحت اذنها وواضح غاطة بقـوة وقف وهو يسحب كاميرته من طاولته ويضبط الدقة أول مالقط الصورة فتحت عيـونها .. ابتسمت بكسل : انت هنـا ؟! نايف انحنى وهو يبوس خدها ويبعد شعرها عن وجهها : تو جيت ... صاير نومك كثير هذا وانتي ماعندك دوام إبتسام بضيق : والله ما أطيق حالي وانا صاحية .. لوعة كبد مو طبيعية ما ارتاح لحد ما انام نايف : دامك ماتتوحمين علي زي باقي الحريم اجل عوافي ! إبتسام رفعت حواجبها : لااا .. يعني عادي اهم شي انت ؟! نايف : من جـدك .. تخيلي انتي تتوحمين فيني وش بسوي بحالي ؟! وين اضيع عمري ؟ إبتسام بنظرة لها معنى : وقتها بيكون دوري اخذ نقاهتي .. مو ؟ نايف رفع عيونه وزفر : مانسيتي انتي للحين إبتسام : تو مامر عليها حتى شهر انسى .. وحده غيري ماراح تعطيك وجه اساسا يادلوع ! نايف ابتسم بجاذبية : وانا وش لي بغيرك .؟! خليني فيك انتي ... قومي خلينا نطلع نتغدى بمكان إبتسام ابتسمت : ثواني وبجهـز معط نايف خدها بنعومة قبل يقوم : يله بنتظرك تحت *** ســارا نفخت بعصبية وهي ترمي مايا بسريرها : افففففففففففف !! التفتت لها صوفي بقلق : مابك .؟! سارا : لا أعلم ماذا افعل معها ! الى متى ستستمر بالبكــاء ! وقفت صوفي عند سرير مايا وهي تطبطب على ظهرها بنعومة ... حتى هدت مايا تلقائي ورمت صوفي سارا بنظرة : انتي لاتريدين ان تتعاملي معها كما يجب ! هي تحتاج القليل من الاهتمام فقط سارا جلست دون نفس : لا أملك وقت لها ! يجب ان ابحث هم وظيفة ايضا اين سيحصل لي ان ادللها ! صوفي شالت مايا من سريرها : دعيها تنام معي الليلة ... وسترين انها لن تبالغ بالبكاء ! سارا سكتت بقهر وهي جالسة على سريرها ... حضنت راسها بين يديها وهي كلها حقد للؤي .. ماكان فيه داعي يرجع يلخبطني ثم يغيب ! كان ماظهر من البداية ... خلك وفي لغيابك ولا ترجع تظهر قدامي عشان اقدر اكون مخلصه لنساينك .. *** ميهـاف لها كم يوم مستغربة وضع امها .. ماترد عليها الا عقب الشين واذا ردت صوتها مره مايعجبها: ....... كانت جالسة تشرب كافيها بالصالة بينما بدر مشغول باللاب .. رفعت راسها له : بدر ؟ بدر رفع راسه لها : لبيك ميهاف : متى آخر مرة شفت بابا ؟! بدر حاس بفمه : ما أذكر والله ... ظني آخر ماشفته يوم زواج فراس ميهاف عقدت حواجبها بضيق : وليش ماتشوفه على طول ؟! بدر : ماعندي سبب اقابله ! ميهاف وقفت : انا بروح اجهـز وبروح ازور اهلي .. بدر : هيه وين وين .؟! فجأة كذا قمتي وبروح اهلي ! ميهاف وقفت : شنـو ؟ اهلي زمان عنهم بروح ازورهم ... فيها شي ؟ بدر نطق بحده : ميهاف ! طبع بيت اهلك هذا بطليه ... مو متى مابغيتي تطلعين تقومين وتروحين ع طول ! استأذني قبل ... وانا اوافق او ما أوافق عاد ميهاف ما اعجبها كلامه .. تخصرت بقهر : اوك انا قلت لك من شوي ... مو كأني مخبيه عنك ! بدر : لا تعطيني خبر كأن امرك بيدك ما شاء الله ! ميهاف رمته بنظرة استخفاف وكملت طريقها : والله ياعمري بيت اهلي ما احتاج استاذن احد عشان اروح له .. متى مابغيت اروح باروح بدر بعصبية : لو متكلمة زي الناس كان درب السلامة ! بس على هالأسلوب انثبري مافيه ميهاف بعناد : راح اروح يعني أروح .. مو بكيفك هذا بيت أهلي اللي عشت معاهم عمري كله وانت مالك بحياتي الا كم شهر ! بدر استرخى على الكنبة : اوك روحي ... بس لاترجعين اجلسي وراك ميهاف فتحت عيونها : كل هذا عشان بروح ؟! بدر : والله اللي ماتقدر كلمتي ... فرقاها عندي ماتبغى لها صلاة استخارة ميهاف عضت على شفتها بقهر .. ثم دخلت الغرفة وهي تسكر باب الغرفة باقوى ماعندها , صرخ بدر بعصبية : اكسري الباب احسن ! رجع يكمل شغله بقهر وهو ما اعجبه اسلوب حياتها الاستقلالي .. بنظرة هو اللي له الكلمة ! تافف وهو يسكر اللاب ويحدق بالباب ... قرب منه سمع صوتها وهي تكلم بالجوال : لا ماما مقدر اجي اليوم معليش .. بشوفك بعزيمة فراس بكرة ان شاء الله تراجع انه يدخل وسحب مفاتيحه من الطاولة وهو يطلع ويتركها دامها خضعت ارتاح *** كافتريا المستشفى / اثناء جلوسه مع مجموعة دكاتره ببريك يفطرون ... كان صامت بالاجتماعات كالعادة , مراد التفت له : اقول هيثم لو يقولون لك أقتل صنف بهالعالم .. من بتقتل ؟! هيثم انقلبت ملامحه للبغض : ام وجهين ! ضحك دكتور : هههههههههههههههههه ليش ام وجهين مو أبو وجهين ! من ملعوزتك ؟ ابتسم هيثم بانحراج ما انتبه لنفسه : محد .. اساسا اعتقد كل الناس كذا مسألة الوجه الثاني متى تقابله مسألة عاجلا أم اجلا بس مراد : عللللي ؟! انا عرفتها خلاص ! هيثم رماه بنظرة : خلك ساكت انت ! مراد حط يديه على فمه : هذاي ساكت ... بس انت اهم شي لاتنكر ! هيثم ارتشف قهوته : بالعكس مايهمني من زعل ولا من غيرته الأيام المهم انا باكل وبنام وداهيه تاخذهم كلهم . الدكتور : ههههههههه شتقولون انتو والله مو فاهم هيثم : ولا يهمك مراد هذا صار يهلوس .." طالع ساعته .. ثم ارتشف قهوته مره وحده " انا تاخرت لازم امشي وقف وهو يكمل طريقه ... معد بقى الا هي تهمني ! الاسبوع اللي احتريتها تجي فيه ماجت .. اجل قلعه تقلعها بعد !! قال ايش قال صادقة ...؟!!! *** اسمـــــاء :- دخلت البيت ويدينها كلها أكياس ...جلست بتعب بالصالة عند امها : السوق خياس ! ام فراس : واضح خامه كل السوق وتقولين خياس ؟! اسماء كشرت : فراس معطيني بطاقته مقدر ارجع قبل اصرف كل مافيها ام فراس تنهدت بضيق : معطيك بطاقته ولا قال لغادة تطلع معك اقل شي تتوسع .. " التفتت لاسماء بلوم " وانتي بعد ليش ماقلتي لها تروح معك ؟! اسماء فتحت عيونها : اماا اقولها ! ثم اكتشف انه مايبيها تروح ويحطها براسي اني طلعتها ... لا اسفه خليني سالمة بس ام فراس : هو خليه علي ... بس انتي لعاد تطلعين الا هي معاك ! تنهدت اسماء بضيق : شفيك انتي عليهم ... من امس ومنتي راضيه عنهم ام فراس بضيق : اكتشفت امس ان فراس ينام بغرفته من اول ما اعرسوا شهقت اسماء : امااااا عاد ! ام فراس بضيق : ايه والله اسماء : يؤ يؤ ماتوقعت لهالدرجــة عاد .. مسكينه ياغادة ام فراس : شايفة .. يعني لاتجلسين تحقرينها كل مانزلت وتطلعين وتسفهينها حاولي تكونين معها , اليوم كلمتها صبح اقولها عن العزيمة حقت ربوعي وشكلها مكتئبة ومالها خلق اسماء : طيب هي ليش ماتروح لاختها !؟ احسها ماتروح لها نهائي حتى زيارات ام فراس صفقت يدينها بقلة حيله : الله يستر مايكون بعد معيي عليها اسماء وقفت : خلاص لاتشيلين هم بصعد اغراضي اللحين ثم باروح اشوفها صعـدت اسماء وهي تحط اغراضها وعبايتها وتتنهد بقلة حيله .. هي نفسها محتاجه احد يسمعها ويوقف معها تروح تساند غيرهـا .. فتحت صورته وهو بعرس نايف وهي تمسح على وجهه عضت على شفايفها وهي تتأمله .. وجهه اللي كانت تحبه من قلبها رغم لؤمه .. خذلها اللحين .. معد صارت تحس برفرفه ترفرف بقلبها لاشافته زي أول .. صارت تحس بهم وغم وطعنه بصدرها تنهدت وهي ترجع صورته لمكانها وتبدل لبسها لحاجه مناسبة البيت .. وبعدها صعدت وهي تحوس بفمها , اصلن ماتخيلت فراس يتزوج ويعيش ببيت له مع وحده يعني ما استغربت مرة ... بستغرب اكثر لو احصله بشقته ! ضربت الجرس .. بعد فترة جاها الرد : ميــــــن ؟! اسماء : انا اسمـاء .. مشغولة ؟! فتحت غادة مباشرة : هلا اسوم .. لا مو مشغولة حياك اسماء دخلت : شجالسة تسويــن ؟! جلست اسماء بالصالة اللي كانت مرتبة جدا .. مافيها ذرة فوضى وهذي النتيجة عقب اخر مره صعد : قررتي ايش راح تلبسي بكرة ؟! غادة بضيق : تقريبا .. استريحي بروح اسوي حاجه نشربها وش مشتهيه ؟ اسماء : لا لا لا .. اذا بنشرب خل ننزل تحت مع ماما جالسة لحالها غادة : لا انا مافيني والله ... عندي كم شغلة لازم اخلصها اسماء : من شوي تقولي فاضيه ! فجاة جا الشغل ؟! عن الدلع يله ننزل غادة : لا اسوم يعطيك العـافية بس بجد بجد ما ابغى انزل اسماء : ليش تضايقك الجلسة معنا ؟ غادة انحرجت : مو سالفة ... بس احسني متوعكة شوي ولايعة كبدي فارتاح احسن اسماء تنهدت : اوك ماراح اضغط عليك ارتاحي .. طلعت اسماء بينما غادة رجعت تجلس على الكنبة وهي تسحب ألبوم الصور من ورا الوسادة .. وتكمل حالة كئابتها وهي تتأمل صور رنيـــم بكل حالاتها .. عضت على شفتها وهي تحس بشوق مو طبيعي لها .. رن جوالها " إبتسام " صمتت جوالها وهي تضم الألبوم لصدرها وتستلقي تتامله *** اثنـاء ما أبو نايف جالس بمكتـــبه وهموم الدنيا راكبه راسه من عرف أن لؤي عنده بنت .. واللي قاهره ماحصلها للحين : ................... رن تلفون مكتبه رد : طال عمرك عندك ضيفه حابه تقابلك عقد ابو نايف حواجبه : ماني اتوقع ضيف .. ماعرفت مين ؟ الموظف : تقول ام يزيد ابو نايف : حياها حياها ... قول لها تتفضل بعـد فترة دخلت نهـى ... استقبلها ابو نايف وهو مستغرب زيارتها : هلا والله بأم يزيد حياك .. الله يهداك وينه يزيد ليش ماجبتيه معك ؟! تنهدت نهى وهي تصطنع الضيق والدموع : ابي اكلمك بموضوع . . ما ابي يزيد يسمع عنه ابو نايف عقد حواجبه : عسى ماشر ... فيكم شي صاير شي ؟! نهى : والله ماحبيت أقولك هالحكي ... بس انا جايه اشكي لك نايف أبو نايف انعـاد قدامه هالمنظر ... لما جته قبل طلاقهم بفترة تشكي نايف وسوء معاملته : شفيه نايف شصاير بعد .؟ نهى : انا مالي حق اتكلم ... بس غصبن عني من القهر نايف من تزوج وهو متغير على ولده يصاحبه يوم ويهجره شهر يقربه ثم يبعده ويقوله كلام دون فعل .. حنا تعبنا يا يكون قريب يا يبعد نهائي وينسى ان عنده ولد اسمه يزيد ! ابو نايف فتح عيونه : ليش تقولين هالحكي ؟! نايف يموت على يزيد هذا بكره كيف تبعدينه عنه ؟ نهى نزلت راسها : خل يجلس دون أبو اقل شي محد يتمنن علينا ونكون غصب ممتنين له ابو نايف : نايف يمن عليكم ؟! نهى : الظاهر ياعمي انت ماتدري وش جالس يصير .. من عقب زواجه تغير تماما , تخيل دخل بيتي وامي موجوده ما احترمها وجلس يمن علي قدام يزيد بالبيت والفلوس وكل شي ! هذا غير يزيد اللي كل ماراح بيته ياخذه غصب ويتركه ويروح مع زوجته .. ابو نايف نطق بعصبية : وانتي ليش ماتكلمتي من أول !! نهى : لا تلومني من اشكي له ... قلت يمكن تو متزوج وباش ! بس لما عرفت انه ينتظر مولود مستحيل اسكت ! واترك ولده يجي وعقبها ينهضم حق ولدي كله .. يزيد صار يكره نايف عقب ماكان يموت فيه اخر مره طلب منه فلوس عشان المخيم رفض ! ابو نايف هز راسه : لا حول ولا قوة الا بالله ... خلاص يابنتي انتي توكلي وانا بشوف وش بيطلع معي نهى وقفت : جزاك الله خير ياعمي مانطلع من جزاك أبو نايف : تعالي " طلع من بوكه مبلغ هائل وحطه بيدها " هذا ليـزيد من جده وخليه يزورنا قريب يلعب مع فهود نهى ابتسمت وهي تشوف المبلغ الي راح يعيشها بعز شهرين قدام .. هزت راسها : ان شاء الله مجرد ماطلعت ... طلع مباشرة وهو يتوجه للبيت وطول الطريق يدق على نايف لكن دون اجابة " كالعادة ؟! " أول مادخل نادى بعصبية : مــــــــــــــــزنة !!! مزنة !! طلعت ام نايف بخوف : هلا شفيك يارجال خرعتني ؟! أبو نايف : لؤي مازال بغرفته .؟! ام نايف تنهدت : لا طلع للمجلس شوي مغرب جلس مع فراس .. ولماراح رجع غرفته أبو نايف : أحسن ! يموت هناك بعد عشان تكمل فرحتي شهقت ام نايف : هاو ليش تقول هالحكي .؟! أبو نايف جلس وهو يمسك راسه : حضرته نايف زوجناه والظاهر معد صارت تعجبه مسؤولياته القديمه ! ام نايف : شصاير ؟! أبو نايف : اللي صار ان حركات الحريم اللي ماتعجبني صارت تشتغل ! ونايف مو عارف يحكم الوضع .... إبتسام ماهي يم يزيد ام نايف : بالعكس ! حرام والله دايم تاخذه عندهـا وكل ماشافته جلست معه ابو نايف : حركات النص كم هذي ماتخدعني !! البنت خذت عقل الولد معد التفت لولـده أم نايف تنهدت بضيق : ماظنيت هذا غلط ابتسام .. نايف من يومه ماهو يم مسؤولياته أبو نايف : بكلمه ان شاء الله بس انتي شوفي مرته خليها تستوعب ان عنده ولد هو مسؤول عنه ! وتخلي غيرة الحريم والهبال تنهدت ام نايف : لاتضايق عمرك ان شاء الله بتهـــون *** اليــــوم التالي / غــــادة وقت قاربت الساعة 8 ونص .. انتهت من آخر لمسات المكياج / كـان شكلها العرايسي بفستانها الروماني الأبيض معطيهـا شكل ثاني .. شعرها الغزالي طلبت من الكوافيرا اللي طلبتها اسماء لها فجأة ترفعه بتسريحة .. رفعته بتسريحة واضح فيها طبيعة شعرها الكيرلي .. مع خصل نزلتها على وجهها بطريقة أنيقة .. مكياجها قررت تلجأ للناعم .. واللون الوردي المخملي غالبا دعمت طلتها بخاتم مرصع بالألماس هديـة " ام فراس " لها وسـوارة ناعمة على اليد الثانية هدية إبتسام .. تنهدت وهي تطـالع نفسها بالمراية .. من نظرتـه لها صارت تصدق انها عادية .. وأقل بينما المراية كانت تنطق أنها فائقة الجمال ..دق جـوالها فتحت عيونها وهي تشوف المتصل .. ردت مباشرة : ألو ! احمد : لا جت حاجتك عند الكلب قول له ياسيدي هاه ؟! والله شي غريب أول مرة تردين علي بسرعة كذا غادة : كويس انـك عارف انك كلب أحمد : هيــه انتبهي ! مو تحسبين صرتي حرم فراس ترفعين خشمك ..انا احمد الوحيد اللي تتكلمين معي دون طوالة اللسان ولا منتي عارفة وش ممكن اسوي ؟ طق جرس الشقة ... راحت والسماعة باذنها وهي تنطق : من ؟ ياسمين : أنا ياسمين ... تقولك ماما يله بنروح غادة : يله حبيبتي ثواني بس البس جاها صوت احمد : عندك مشـــوار اجل ؟! غادة صعبية : مايخصك ! بنتي وينـها بكلمها ؟ احمد : وش قلنا عن طوالة اللسان ؟!!! غادة عضت على شفتها : احمد وش تبغى اللحين ؟! اذا قصدك تحرني بس .. رجاء سكر احمد : لا جاي اسوي معك صفقة ... تبغين بنتك ؟! من عيوني والله بس لكل شي مقابل غادة انقبض قلبها .. احمد حيوان طول عمره تفكيره مادي : ........................ احمد : السكوت علامة الرضا .. اجل دام بنتك غالية وتبين تشوفينها ماعندي مشكله لو تخلينها طول العمر عندك بس ابي تسيرين لي راتب شهري على هالخدمة 100 الف .. واي شهر يتأخر هالمبلغ بسحب البنت من يدك غادة لو بيدها عطته ... بس اللي مايعرفه انها على الحديدة مهما صارت اختها مليونيرة وزوجها هامور : تتاجر بنتك ؟! صدق انك زبالة ! تحـــت : زفر فراس بعصبية : وينهــــا ذي .؟!!!! ياسمين : تقول بلبس وبجي فراس : كل هذا لبس ! ام فراس غمزت لاسمها يعني " قومي " ... وقفت اسماء : بروح اناديها ! فراس وقف : خلك محلك ! وتركهم طالع لفوق ... ام فراس ضربت على خدها بالخفيف : الله يسسستر ... " التفتت لياسمين بعصبية " قلتي لها ان فراس تحت ؟! ياسمين بخوف : لا ماقلت ... ام فراس نفخت فيها : شاطرة ! ماتتوصين انتي دخل فراس مفتاحه وهو يدخل .. عقد حواجبه وهو يحدد مكان همسها بغرفة النوم " غرقانة مكالمات حضرتها ؟! " دخل غرفة النوم وهو يشوفها معطيته ظهرها بقامتها الطويلة وشكلها الجذاب بالفستان وتمشي والسماعة باذنها : نتفاهم بعدين انا لازم اسكر ! وقفت من حركتها وهي تنتبه لانعكاس المراية يعكس لها الشخص الواقف عند الباب وواضح من نظرته " عدم الرضا" لاشعوريا سكرت السماعة مباشرة بربكة ورمته على الكرسي جمبها رفع فراس حواجبه من حركتها : من كنتي تكلمين .؟! غادة بلعت ريقها وقشعريرة سرت بجسمها : مو حــاجة ضرورية... رن جـوالها مرة ثانية .. عضت على شفتها وهي تشوف المتصل " احمد " تو بتلتقط جوالها نطق فراس بهدوء : اتركيه مكانه مشى بخطـوات كانت مثل الجحيم على غادة ... لحد ماوصل وهو يشوف المتصل التقط جوالها وطالعه لفترة ثم جلس على الكرسي ورجل على رجل وعطاها الجوال : ردي غادة طالعت الجوال بيده : ارد ؟! فراس ببرود : ايه ردي .. ليش خايفة كذا ؟ غادة : مو ضروري ... بس كنت اسال عن رنيم وخلاص .." التفتت لشنطتها تبي تخلص من هالموقف " قاطعها صوته بحده : غاااااااااادة !!! التفتت غادة برعب .. بينما نطق بتشديد على حروفة : ردي على جوالك قطع الخط هنـا .. تنهدت غادة بارتياح : قطع الخط .. فراس باصرار : مو مشكلة فيه خيار اسمه إعادة اتصال غادة شدت على قبضتها ونطقت بقهر وهي تاخذ جوالها من يده وتدخله شنطتها : مكالماتي مالك علاقة فيها ! واذا ما ابغى اكلم ماراح اكلم فراس : لو انا منك اعتذرت عشان ما أروح للزيارة مشوهه غادة التفتت له ونطقت بقهر : ايش تبغاني اكلم احمد له ؟! عشان احر نفسي وانا اسمعه يحرمني من بنتي !! فراس : بالضبط غادة عضت على شفتها وهي تقاوم دموعها : انا اسفة .. خلاص رضيت ؟ نقدر نروح تاخرنا فراس مد يده : هاتي جوالك غادة : ايش تبغى به ؟! فراس رفع حاجبه : صايره ردودك واجد .. " احتدت نظرته " هاتي جوالك ! غادة طلعت جوالها وعطته اياه .. انتبهت له يطالع خلفية جوالها ويبتسم بسخرية على المقولة المكتوبة كخلفية مجنونة حين أحب , وطفلة حين أبكي , وكبيرة عندما يتحدثون معي وضعيفة حين أفقد احدهم ! فراس : لايكون تحكين عن نفسك بس ؟! غادة : وإذا .؟ فراس رماها بنظرة : كبيرة وقت يحاكونك .؟! وونات البزارين كل يوم والثاني وش وضعها .؟! غادة عضت على شفتها : وقت تجرب شعور تشتاق لإنسان غالي عليك .. تعال قولي ونات البزران فراس رماها بنظرة باردة : تو فقستي من البيضة .. لاتتكلمين عن الدنيا كأنك مجربة ! اوك ي نانه ؟ نطقت غادة بهمس مقهورة : ماني نانه ! رن جوالها بمسج ... طالع المرسل " احمد " ( الظاهر انتي حتى لو تزوجتي المليونير براسه بتضلين بنت فقر ) ... بلعت غادة ريقها وهي تشوف نظراته لجوالها ... لما انتبهت لنظراته المتشائمة نطقت بربكة تبرر نفسها خصوصا ان تأمله للجوالها طول : احمد واحد مجنون ... وانا بس كلمته عشان رنيـــم .. وهو رافض يتركني حتى اشوف صورها وتاركها عند زوجته عشان كذا كنت احاول ............. قاطعها صوته : والله فاضية جالسة تشكي لي همومك .؟ بس تدرين شلون ماراح الومك محد في عيشته راضي .. " رمى جوالها عليها " اخلصي انزلي يكفيك تأخير ! غادة بلعت ريقـها وهي ماصدقت الموضوع مر كذا بسلام ... سحبت عبايتها ولبست وهي تـــنزل مباشرة طول الطريق كان صمت ... حتى انها اضطرت تعلق كذا مره لأن اسماء وام فراس يخصونها بالكلام بس كان ساكت ... رغم انها توقعته يعصب كالعادة .. فور وصولهم كانت طريق الإستقبال راقية بقاعة الأفراح ... وطبقة كاملة من نساء المجتمع الراقي ماعرفتهم .. همست لها ام فراس لما جلسوا : غادة يمه تعوذتي .؟! غادة ابتسمت : ايه تعوذت .. ام فراس : اشوى ... الله يحفظك طالعة ملاك اليوم , وين اسماء .؟ غادة : راحت تتضبط وبتجي جتهم مباشرة بعد ماخلصت وهي تجلس : ياويل قلبي وانا امشي بس اسمع حكي حساد عن مرة اخونا الله يحفظها غادة : ههههههه على شنو عاد .؟! شهقت اسماء : لاتقولين كذا ! والله بحقهم ينقهرون غادة ماكانت تبالغ كانت فعلا تشوف نفسها اقل من العادية .. كانت تشوف نفسها ملكة جمال قبل تتزوج فراس .. بس فراس حسسها انها شي اقل من العادي : ............... ام فراس : إلا وين ابتسام ؟ مو شايفتها غادة بضيق : ماراح تجي .. حملها متعبها مرة وماتقدر ام فراس : الله يعينها ويسهل عليها يارب شاركهم بالطاولة أم عبدالمجيد وبناتها ... نطقت ام فراس بحنان : شخبارك ياسجى .؟ زمان عنك وينك ياحافظ ماتنشافين .؟ سجى : موجودة خالتي .. بس انشغلت فترة : هـــــــــالو ! التفتوا لميهاف وام نايف .. ام نايف خذت ام فراس وام عبدالمجيد مباشرة وراحو يسلمون على الضيوف جلست ميهاف بعد ماسلمت على الكل : وااو غدو ماشاء الله وش هذا تجلطين .؟ اسماء : بالله ميهاف وش رايك بشعرها ؟! ترا انا اللي وصيتها تعمل كذا كنت متاكدة انه بيطلع عليها خبال ميهاف : اييييييه صح .. ع طاري شعرك صديقتي اخر مرة تسأل عن صبغتك تقول بخاطرها هالتخصيل غادة ومدحهم يعطيها ثقة دمرها فراس : بجـد .؟! سر حبيبتي اتركينا نتميز سجى : شدعوه ؟ انا محصله مثلها بالمشغل اللي جمب بيتنا اخر مرة ! حتى رخيصه مب ذيك الغالية عقدت غادة حواجبها وهي تتأكد ان سجى تكرها .. من نظراتها لها اخر مرة وهي مو مرتاحة واللحين تأكدت .. لكن الدفاع كان موجود .. اسماء بصوتها الحاد : والله حصلتيه بالمشغل اللي جمب بيتكم .؟! ورا ماصبغتيه عشان تعرفين ان اللبس من لبيسه ! سجى : شدعوه اقلدها مو بس هي اللي تعرف تتميز حتى حنا ! اسماء : والله ماعمري شفتك متميزة بشي ... يا صابغه شعرك زي ميهاف ياشارية نفس قلادة هيوف لا والتقليد بعد ! وتبين تتميزين ؟! ضحكتيني والله غادة اطلقت ضحكة خفيفة دون شعور .. التفتت لها سجى : وش يضحك ؟! غادة طالعتها باحتقار : اذا الكلام اللي قالته اسماء صدق اجل اعذريني الموضوع يضحك ميهاف : هاو غدو وانت تشبينها بعد ... عاد اسماء وسجى نعرفهم من زمان مهبل ! اسماء قالت بطريقة تعمدت تقهر فيها سجى : لاااااا انا مكبره عقلي من زمان بس كلش ولا زوجة اخوي هااه .. بعد زوجة بدر حلال عليك بس زوجة فراس حدك ! " كملت بمبالغة " وااااي لو يدري عنك فراس انك زعلتيها سوا لك سالفة .. اخوي قلبه ضعيف مايرضى عليها غادة ( والله لو يدري بيعزز لها قال مايرضى قال ) : ................. ميهاف : هييييييييييه اسوم وش قصدك زوجة بدر حلال عليها !! سجى : اللحين فراس صار مايرضى عليها .. وش عدى مابدى ! اللي سمعناه انه ماخذها غصيبة ! حتى زواج زي العالم ماسوا اسماء : وش قصدك !!! ما اعجبك الزواج ؟! نسوي لك مليون واحد غيره ولا يهمك وداد : خلاص بنات بزارين انتو .. " التفتت لسجى " سجى قومي عند امي اشغلتينا غادة نطقت : لا مافيه داعي تاخذ راحتها .. انا خالتي تناديني بروح لها حاوطتها اسماء من ذراعها : وانا معك ! راحن سوا ونطقت اسماء مباشرة : غدو لايزعلك كلامها .. ع فكرة ترا سجى تحب فراس فتحت غادة عيونها بدهشه : بجد ؟! اسماء : ايه وكل العائلة تعرف هالشي عشان كذا هي ترميك بهالتعاليق لما فكرت غادة استوعبت .. انها من قبل سمعت تعليق من سجى انها تحبه ..ياترى لو متزوج سجى كان عاملها كيف ؟ : ........................... وصلت عند ام فراس اللي جلست تقدمها للموجودين بفخر والكل ماقاوم ينبهر بجمالها رغم انهم مازالوا يستحقرون فكرة انها مطلقة .. *** فراس _ بمكتبه / كان جالس ويقــــلب الورقة بيده ومتسند على يده ... قاطع صفونه جواله رد مباشرة : هلا لؤي لؤي : ليش حولك هدوء ؟! مو اليوم عزيمتك عند أبو عزام ؟ فراس : ايوه عارف .. بس مارحت لؤي ماصدق : مارحت ! تستهبل معي ؟ عزيمتك والله تنقد نفسك انت ! الرجال متعني يعزمك فراس : تدري انا أي عزيمة اسمها .. مبروك فراس العرس وعشاك الليلة عندي .. ما احبها ولا ابي اروح لها لؤي : مهبول انت .؟!! فراس : لا ماني مهبول .. لوني اساير هالعزايم وقتها اكون مهبول لؤي : بس والله عيب ! فراس : تبغاني اروح .؟! لؤي : ايه طبعا ابغاك تروح فراس : قوم اجل ادحر الشيطان واحلق والبس امرك قبل اروح لؤي تنهد بضيق : ماعندي مانع .. بس ابوي ماراح يعجبه وجودي فراس : براحتك اساسا خل نجلس انا وانت بالهدوء احسن لؤي : .............................................. بروح اتجهز فراس : ايه هذا لؤي اللي اعرفه .. اعجل يله انا مسافة الطريق واكون عندك سكر فراس السمـــاعة ... وسحب جواله يجري مكالمة ثانية بعد صراع : .................... *** أبو نايف : بـــدر ! التفت له بدر اللي كان يسولف مع مجموعة شباب : هلا عمــي ابو نايف : وين نايف .؟! بدر : طلع برا يكلم هز ابو نايف راسه وهو يطـــلع ... كان نايف متسند على الجدار بمكان هادي بعيد عن ازعاج العزومة ويتكلم بهمس وعلى ثغره ابتسامه توحي بعشقه للطرف الثاني بالمكالمه : ههههههه وهو فيه شي احلى منك .؟! " تنهد " مافيه ولا فيه احد اسعد مني وانتي معي ........... ايوه ماقلتي لي وش صار على موعدك ؟ ......... شفتي مو قلت لك .... ارتاحي انتي وانا ماراح اطول بطلع قبل العشاء ابو نايف كان يراقبه ونايف بعالم ثاني ما انتبه له نهائي .....: نايف ! التفت له نايف .. ورفع له يده باشارة " لحظة " : راح اجيبه معاي وانا راجع ... تامرين على شي ثاني ؟ " أبتسم " اوكيه سكر السماعة : هلا يبه ههههههههههه شفيك الله يهداك تشوفني متخشش عشان تلحقني ! ابو نايف باغته مباشرة : متى آخر مرة شفت يزيد ؟! نايف عقد حواجبه : شالطاري فجأة ؟! ابو نايف : جااااااااوب انا اسالك !! نايف بعد تفكير : هممممممم ... قبل اسبوع يمكن ما أذكر بالضبط أبو نايف : قول الصدق ! انت تحب ولدك ولا نسيت انك تحبه ؟!!!! نايف : يبه شفيك خرعتني .. ايه طبيعي احبه مو ولدي ؟! أبو نايف صرخ فيه : وش فايدة حبك له وهو كل ماشاف ولد مع ابوه حسدهم !! نايف : تكـــلم بوضوع عشان افهم .. انت جالس توجع حلقك اللحين مع واحد واقف مو فاهم شي ! ابو نايف : نهى جتني مكتبي امس ... وتقول انك مقصر على الولد ماتشوفه ولا تصرف عليه !! انتبه ياولدي من كيد الحريم لاتغيرك على ولدك وتخسره نايف : وش دخــــــــــل ابتسام اللحين ؟! أبو نايف :شفت ! مادافعت عن اللي قالته نهى بحقك ... تدافع عنها هي اتركها بداهية وشف الولد اللي انجرح من طريقتك معه نايف : في كل الأحوال ماكان يحق لها تجيك تقولك هالحكي عني ! انا موجود تجي تكلمني ... ولا عشان رفضت رحلة الكشافة البايخة زعلت ابو نايف : الكشافة انا عطيته فلوسها ومشى امرها خلاص ! نايف بعصبية : تحسبني رافض بخل مني ولا مامعي فلوسها .؟! انا مو مقتنع فيها !! ولا عشان اسم امه مطلقه لازم ينحط بفمه ملعقة ذهب ابو نايف : كذا تتكلم عن ولدك ! انخرس ولا كلمة ...." رفع اصبعه له بتهديد " والله والله يانايف لو يستمر الوضع كذا بيكون لي ردة فعل ثانية نايف : تدري شلون ماراح احاول افهمك موقفي .. لأن محد بيفهمك إلا ثنين واحد مر بحالتك ولا احد يحبك .. وانت لا هذا ولا هذا , لاتفوتك نهى رح دافع عنها .. وطـلع مباشرة وهو يركب سيارته ... ويحركها من المكان , اما ابو نايف رجع للمجلس وقف مصدوم وهو يشوف فراس جالس وبجنبه لؤي اللي كان بكامل أناقته ويسولف ويضحك ... مثل عادته أول , لكزه فراس وهو ياشر لابوه ... وقف لؤي مباشرة وهو يسلم على ابوه ويبوس راسه وخشمه : مساك بالخير يبه ابو نايف : جيت ؟! لؤي ابتسم : ضايقك اني جيت .؟! تنهد ابو نايف بضيق : نتكلم بعدين وراح يجلس ... رجع لؤي لمكانه جمب فراس وهو يهمس له : تدري انا حاس ان ابوي بيستضعفني عقب هالموقف فراس : طبعا وقت تجلس مع الرجاجيل ضعيف ماوراك سالفة .. بس وقت تجلس بغرفتك تندب حظك زي الحريم كذا تصير قوي هاه ؟! لؤي طالعه بنص عين : مو كذا قصدي ... بس هو بيحس اني صرت بخير واقدر استغني فراس : لؤي ! هالموضوع خله ع جمب ... اللحين خلنا باللي حنا فيه ماتبغى ابوك يغضب عليك ! صوت صاحب المجلس للكل : هلا بالمعرس هلا بأبو فهاد اناشهد انك نورت المجلس والله ... وعقبال كل العزابية ان شاء الله بدر التفت لفراس : ع طاري فراس ... وش رايك نطلع للمزارع هالأسبوع ؟! فراس : شالطاري .؟! بدر : مافيه طاري ... الدراسة بتبدا خل العالم يوسعون صدورهم قبلها " ابتسم " وبعدين خل المدام تشوفها ماتعرفها ترا ... الا اذا ودكم تروحون لحالكم فراس : قول لأمي .. اذا وافقت فتوكل على الله بدر : امي سهله من اللحين موافقة ! *** دق نـايف على نهى .. جاه ردها : هــلا نايف : لا هلا ولا غلا ! وش نظام المبزرة هذي رايحة تشكين لأبوي ؟! نهى : أيـوه انت ماتركت لي خيار ... مو شايف ان كلامي صح نايف : وسويتي اللي براسك وراح يزيد ؟! نهى : أيـــه نايف : اجل خذيها من الآخر نهى ... لاتكلميني عقب اليوم تقولين يزيد يبغى ولا يزيد سوا ! روحي كلمي أبوي نهى : وش رايك تتبرا منه احسن ؟! نايف : ولدي يا أهتم فيه بطريقتي يا انسحب وسوو اللي تبون ! والبيت ياهانم ادفعيه بالتقسيط ولا ضفي عفشك وخلي ابوي يشوف لك مكان ثاني نهى : شـــنو !؟ نايف : اتوقع انا حذرتك قبل كذا .... مو مسؤوليتي ! نهى : راح نشوف وش راي ابوك بالموضوع ؟! نايف : الخير واجد بيعطيك بيت من عنده ... بيتي ماعاد ابي اشوفك فيه ! نهى : ماشي ماشي ! راح اوريك يانايف نايف : يدك وماتعطيك . . . اللي مثلك مايبين بوجههم معروف ولا زفت سكر السماعة مباشرة .. وهو يوقف عند البيت ويدخل استقبلته ابتسام : هلا حياتي ... جيت بدري , مو ؟! نايف بقرف : سـدو نفسي ماتعشيت ! ابتسام وهي تستلم غترته منه : سلامات شصاير ؟! نايف : نهـى داقة على ابوي تشكيني له .. تخيلي جالسة تكذب بنت ابليس تقول مايصرف علينا ولا يشوفنا ! ولا ادهى من هذا كله الا ابوي واقف معها ضدي ؟! ابتسام : يـــؤ ... يؤ .. كل هذا صاير ؟! نايف وهو يرمي جسمه على الكنبة بقرف : قفلت معي انا خلاص ! بس انا اوريها بنت الكلب بخليها تذوق الذل كل مرة تحتاج شي إبتسام : معليش حياتي روق .. وقت تصدمك قلة ذوق شخص هذا دليل على اخلاقك لو انك بمستواها كان صار عادي عندك نايف : مالي حظ انا ! لا منها ولا من ابوي ولا من امي حتى .. مكلمه تقول ابوك معه حق ! ابتسام : عيب تقول مالك حظ ! انا في حياتك احمد ربك غيرك يدورني دوارة ترا نايف تنـهد وهو يحاول يتخلص من الطاقة السلبية : ليش مانمتي مو ع اساس تقولين بنام ؟ إبتسام : جاني احساس ان حبيبي بيرجع متضايق قلت اجلس صاحية عشانه نايف : بالله !؟ كيف عرفتي إبتسام : قالت لي العصفورة نايف : تكلمين العصافير وتقولين لي اني اتعاطى منك لله ! إبتسام لكزته : ههههههههههههه وربي انت تتعاطى بس انتظر اكبشك نايف : من القهر طلعت ماتعشيت .. وبحلت اللحين جويع إبتسام وقفت : ماتبحل وانا موجودة .. ثواني ويكون العشاء جاهز لحقها نايف المطبخ : مشتهي روزيتـو .. عاد من يدك شي مجنون *** وقفت غادة بعد ماخلصت العشاء .. : وين ياعروسة امداك تشبعين .؟! ام فالح : هههههه اكل عصافير غادة : هههههههههههه لا شدعـوة والله شبعت اكرمكم الله ماقصرتوا ام فراس همس لغادة : غدو حبيبتي دام خلصتي .. كلمي فراس قولي حنا خالصين ميهاف : خالتي تبين نوصلكم معنا .؟! بدر بيجي بيجي ام فراس : لا شدعوة تقطعون مشوارين .. وفراس اصلن طالع مو بالبيت بيمرنا اكيد غادة اكربها الطلب .. راحت تغسل انتبهت لسجى جت تغسل : على فكرة .. مابيك تاخذين مقلب ويجي ببالك اني حاسدتك انا من البداية ماطحنتك غادة سحبت مناديل تمسح يدها : شي راجع لك . سجى : طبعـا ! غادة : أنك ماتحبيني راجع لك .. بس انك تحترميني لا يعمري هذا واجب عليك ! ماني ملطشه قدامك سجى : انتي حطيتي نفسك ملطشة .. مو انك تزوجتي فراس تنسين تصرفاتك قبل الزواج ! غادة بقلة صبر : ماراح اتعب نفسي معك .. اخر همي انتي عموما ! بس راقبي كلامك معاي .. اوكيشا ؟! رن جـوالها .... رمت سجى بنظره وهي ترد وتنطق بدلع : هلا حبيبي ...... ابتسام : غادة ؟! غادة وهي تضحك بغجر : هههههه وانا ولهانة اكثر ... حنا خلصنا تقدر تجينا ؟! إبتسام : ياساتر استر .. البنت انهبلت ! سجى تركت المكان لها ... نطقت غادة : ههههههههه اسفة ! بس سالفة طويلة ابتسام : شتحسين به وش تقولين ! غادة : هههههههههه انسي يابنت ! بعدين اقولك ... الا بغيت اسالك ام زوجك وش عندها ! سالتني عنك وواضح كارهه نفسها وهي تسأل ... حتى يوم قلت لها انك ماراح تجين قالت وليش ماكلفت نفسها تقولي ؟ ولا مو قد المقام ! انصدمت شصاير ؟! إبتسام تنهدت : سالفة طويلة كمان ... المهم ع بالي رجعتي اكلمك بعدين غادة : اوكيه حبيبتي باي بعـد ماخلصت غادة .. طلعت لمكان فاضي وهي تستنشق الهواء ومو عارفة كيف تكلمه بالضبط .. فتحت جـوالها وهنا استوعبت ! رقمه مب عـــندها .... الإحراج كله بهاللحــظة .. لا ومصدقة قدام سجى انها جالسة تغازله بعد .؟! طلعت وهي تنتبه لأسماء ..: اسوم ! اسماء : هلا غادة همست لها : تقدرين تدقين على فراس .." حولت نظرتها للرجاء " تكفين ؟! اسماء احترمت رغبتها : اوك من عيوني بينما طـلعت ميهاف بهاللحـظة وهي تركب السيارة : السلام ! بدر وهو يحرك السيارة : وعليكم السلام ميهاف طلعت جـوالها تشتغل عليه .... بدر : كيف العزومة ؟! ميهاف : ماعليها . بدر : شفتي امك ؟! ميهاف : ايه شفتها ولله الحمد بدر : حمدالله اجل ميهاف : ............................. بدر : ناقص البيت شي قبل نرجع ؟! ميهاف : شعرفني ؟! اسأل الطباخ بدر : ردي زين طيب ليش تزفرين ! ميهاف : كيفي مالي خلق .. ولا ماتدري ان مالي خلق يعني ؟! بدر : لايكون عشان امس .؟! ماتسوى ترا .. انا اللي مفروض ازعل مو انتي ميهاف : كمان ؟! بدر : اندري عنك ! ميهاف : ازعل طيب وش تنتظر ؟! بدر رفع حواجبه : ميهاف احكي زي العالم ... ماني كومار جمبك ! ميهاف : شوف بدر يا أنا يا أنت ... انا اسلوبك مايعجبني ! وتشدديداتك ع بعض الأمور ماتعجبني ! ولازم نلقى حل .. بدر : الحل عندك .. خلك مره سنعه زي باقي الحريم ! مو لازم المنافخ والمراد.. ميهاف : وانا شنـــو اللحين ؟! بدر : خلاص ميهاف اسكتي احسن لي واحسن لك ! لان لو نضل نتعابط للصبح محد فينا راح يقتنع براي الثاني ميهاف بقهر : يكون احسن .. *** كانت غادة ساكتة بالسيارة كالعـادة .. وفور وصولهم كان الوقت متأخر فقررت تصعد مباشرة لكن استوقفها صوت اسماء : غااادة ! تعالي لحظة بوريك الفلم اللي قلت لك غادة : يؤ اللحين .. خلاص وقت نوم اسماء سحبتها : عن السخـافة خل نسهر خربانة خربانة ام فراس : ايه اسهري ثم الصبح كدي نوم ! اسماء سحبت غادة من يدها معها : مو مشكلة ماعليه ... يله غدو بسرعة ام فراس هزت راسها .. التفتت لفراس : بتنام اللحين يمه ؟! فراس وواضح عليه الإرهاق : مافيه وقت للنوم بيأذن الفجر ... بكمل لي كم شغلة بمكتبي لحد الأذان عـــند غادة واسماء / غادة كانت جالسة على الكرسي الفرادي بغرفة اسماء .. بينما اسماء في مهمة بحث عن شريط الفلم .. غادة : اقول اسماء انتبهتي لنظرات ام جاسم لك ؟! اسماء : لا مانتبهت ! غادة : هههههههه من جدك وربي تخزك خز .. لا وسألت ميهاف عنك بعد ! ظنك ناوية تخطب ؟! اسماء ببرود : مدري عنهم اخر همي غادة : كيف اخر همك من جدك ؟! يعني ماحتوافقين اسماء عضت على شفاتها ... تنهدت وهي تتذكر اللي قلبها عنده : والله مالي مزاج افكر حتى اللحين تو غادة بتتكلم رن جوالها ... طلعت جوالها وهي تشوف المتصل " أحمد " استغربت متصل بهالسـاعة ! وقفت : معليش اسوم ثواني بس اكلم وراجعة طلعت من غرفة اسماء وهي ترد : نعـــم ؟! احمد : هلا ... شخبارك ام رنيم ؟! بخير ؟! غادة استغربت مصطلح " ام رنيم " .. استغربت انه يسأل عن احوالها اساسا : وش تبي احمد الوقت متأخر ! ودامك معند على قرارك ما اتوقع بينا حاجة نتكلم فيها احمد : اا ..... غــاد .. عفوا ام رنيم قصدي انا داق اعتذر لك عن كلامي لك .. مايحق لي اقولك بنت فقر ولا غيره اعذريني اني طلبتك فلوس بعد .... انا بجد آسف سامحيني غادة فتحت عيونها مب مستوعبة اللي تسمعه : ................................... احمد : الـو ؟! غادة : تبغاني اسامحك ؟! هات رنيم .. احمد : مو بيدي والله .. بس تكفين قولي انك سامحتيني غادة : انت وراك شي ! من متى تعتذر انت ..؟! قبلها جروحك أكبر ولا اعتذرت ! احمد : عموما انا آسف مرة ثانية واوعدك ما أقلل احترامك بعد كذا ورنيم راح اجيبها بعد بكرة زيارة لك ! يله في امان الله تو غادة بتتكلم سكــر ... طالعت جوالها بصدمة وهي مو مستوعبة ! احمد يعتذر ؟! ولها !! وبيجيب لها رنيم !!! انشرحت وابتسمت حتى برزت اسنــــانها !! بس كيف كل هالإنقـلاب ؟!! جمعت يدينها لفمها وهي تنطط بحمـاس أول .. طلع فراس من غرفته يستعد للصلاة وانتبه للي تنطط قدام غرفة اسماء والجوال بيدها بفستانها الأبيض وطولها الفارع : ............. رن جواله بمسج .. فتحه وهو يقراه من " احمد المرزوق " ( ايه اعتذرت لها ... رضيت ؟! ) رجع جواله لجيبه وهو يطق باب غرفة انس : أيــوه ! فراس : قـم الصلاة انتظرك تحت ! نـزل لتحت استقبلته امه : صحيت ؟! تو بصعد اصحـيك ؟! فراس : لا صحيت خلاص .. إلا يمه غتري معد حصلتها ! وش سالفة ملابسي هالأيام ماعاد احصلها ! ام فراس : ملابسك وصيتها لشقتك ! فراس عقد حواجبه : وانا مو قايل توصل لغرفتي ؟! ام فراس : إلا قلت .. مثل ما انت تتصرف من راسك انا بتصرف من راسي ! ملابسك بوصيها لشقتك تبيها اصعد فوق ... واي شي يخصك بتحصله فوق فراس : غصب اصعد يعـني ؟! ام فراس ببرود : والله كيفك ... انا حتى لو يوصلني طرد لك بصعده لفوق فراس رفع حواجبه : عنـاد فيني يعني ؟! ام فراس : هذا لمصلحتك .. وبتعرف بعدين فراس كشر وهو يوقف : سوو اللي تبون ! بكل الأحوال انا بكرة مسافر ام فراس شهقت : لـــــــــيش ! فراس : عندي شغل ... " نادى بصوت هز البيت " انسسسس وتبــــــــــن ! نقز انس المسكين واالخمس درجات ينزلها بدرجة : سسم جيتك فراس : كان رقــــــدت وراك احسن ! أنس وهو يركض ويلبس جزمته وهو ينزل يلحق : هذااااني جيت طـلع مباشرة وهو يرمي عليه كم كلمة يكمل التهزيء .. عـــند غادة فوق .. تثاوبت : يله اسوم اذن خل نصلي وننام اسماء : استني بس دقيقة بروح اجيب لك حاجه من غرفة ياسمين بتعجبك !! ركضت اسماء تجيبها .. ابتسمت غادة وهي تشوفها معنوياتها مرتفع رنيم بتجي .. غير كذا اسماء روقت بها وقفت تتامل تسريحة اسماء بصورها الكثيرة لمراحل اسماء .. استطرف انتباهها بين الصور صورة لاسماء وهي طفلة بالابتدائي تقريبا وشاب نسخـة من أنس ناعم الملامح .. وسيم كأنه شامي .. ابتسمت غادة : هذا اكيد ابوهم ؟! ... ههههه مايشبه فراس نهائي عقدت حواجبها وهي تنتبه لصورة ورا الكومدينة ... لما سحبتها تأكدت ظنونا وهي تشوفه ... هذا هيثم ماغيره أكيد !!! على ظهر الصورة مكتـوب خاطرة قصيرة هجرت بعض احبتي طوعا لأنني ! رأيت قلوبهم تهوى فراقي .. نعم اشتاق , ولكن وضعت كرامتي فوق اشتياقي ارغب في وصلهم دوما ولكن ! طريق الذل لا تهوآه ساقي كبست عيونها مو مستوعبة ! لا الصورة ولا الخاطرة ولا غيـــــــــــــره ... معقولة اللي جالسة افكر فيه صح .؟! : غادة حصلته هذا هو شو ..... " سكتت وهي تنتبه لغادة مركزة بالصورة اللي بيدها " بلعت اسماء ريقها وهـي تنتبه لغادة ترفع عيونها لها والصورة بيدهـا : اسماء .... معقولة ؟ | ||||
|
| |
|
17-05-17, 08:30 AM
| #47 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " التشابتر رقم اربعين " # رجال _ الشرق يليق بهم كل شي إلا الحب شدت على قبضتها وهي تسحب الصورة من يدها وتصرخ بقهر : من سمح لك تفتشين وتحوسين باغراضي !!! غادة فتحت عيونها بدهشه وهي ترد بتردد : ..... آسفة اسوم ماقصدي بس ... قاطعتها اسماء بقوة : اطلعي بــــرا ... طلعتغادةبعد تردد ماعرفت وش تقول ... فقررت تنسحب صعدت غرفتها وهي تمسك راسها معقـولة اسماء تحب هيثم .؟! بس كيف ومتى ويـــــن .... متى عرفوا بعض والاهم من كذا ما أتوقع هيثم من هالنوع !! صح انه خصوصي جدا ومايحكي عن أي شي يخصه ... بس مايزال ... صعب اربط بين هالثنين بشي .. مستحيل بجد .. رن جـوالها مقاطع تسلسل افكارها .." إبتسام " , استرجعت حماسها وهي تتذكر رنيم لازم تقول لإبتسام ان رنيم بتجي بكرة ... ردت مباشرة : الو !! إبتسام : هلا غدو ؟! وصلتي البيت ...... كيف العزيمة اليوم ؟ غادة : مرة جميله مو ناقصها الا أنتي !!! تخيلي وش صار !! إبتسام : وش صاير ؟! غريبة عليك ادق ومزاجك عالي كذا ... بالعادة تكوني منفسة وحالتك حاله غادة نطقت بحماس : رنيــــــــــم بتجي زيارة بكرة تخيلي !!! إبتسام بعدم تصديق : بجد ؟! غادة : ايه ..... تو احمد كلمني وقال يالله متحمسة اشوفها ! إبتسام نطقت بتردد : بس زيارة ؟! غادة ونبرة اكتئاب خالجت صوتها : آيه بس ... ولا راح اصر خصوصا وابو الشباب اللي عندي مو موافق ! اساسا للحين ماقلت له انها بتجي .. إبتسام : يؤ قولي له طيب لاتصير سالفة بعدين غادة : وقت اصحـــى .. اللحين اتركيني مبسوطة لاحقة على النكد إبتسام : خلاص وش رايك بكرة تجين عندي وتزورك رنيم عندي ؟! وقتها منتي محتاجة تقولين له ولا شي ... واساسا زمان عنك جحدتيني مرة غادة بتفكير : تصدقي ... بجد فكرة , بشوف الأحوال عندي وارد لك خبر فورا إبتسام : تمام يله باي غادة : باي .. *** اليـوم التالي / صحـت غادة بقمة طاقتها ... اللحين لازم تبدا تصرف نفسها , كشخت على عجـل وهي تلبس طرحتها وتنـزل .. ارتاحت لما شافت أم فراس جالسة لحالها ... تباشر الموضوع معها احسن شي ابتسمت بانتعاش وهي تدخل الصالة : صبـاح الخير ام فراس : صبـاح النور ... غريبة صاحية بدري ؟! سهرانين امس كان ارتحتي غادة : وانتي خالتي ليش صاحية بدري .. كمان انتي كنتي سهرانة معـانا ام فراس : انا خلاص تعودت اصحى بدري ... مقدر اجلس للظهر بسريري ياكافي ما اعرف غادة تلفتت : ومحد صحى للحين ؟! ام فراس : لا والله كلهم نيــــام ... تو قبل ساعة طلع فراس من بدري يلحق طيارته غادة كبست عيونها : مسافر ؟! ام فراس بيأس من حالتهم : ماقالك ؟! ... " تنهدت " ايه سافر الله يحفظه عنده شغل ..يوصل بالسلامة يارب غادة : همممم ... كنت أبغى اروح لإبتسام اليوم وماحصلت فرصة اقول له .. ام فراس : غـادة يابنتي .. انتي مرتاحة على هالوضع ؟! مايضايقك انك بالشقة لحالك .. ليش ماقلتي لي من بدري ؟! غادة عضت على شفتها .. مو وقت هالنقاش .. : ........ خالتي انا .. انا مو عارفة شاقول لك بالضبط ؟! بس ما اتوقع الموضوع هذا يضايق اكثر من كلامه لي قدامكم .. او تجريحه لي بالكلام .. " كملت بغصة " ولا يضايق اكثر من طريقته اللي قدمني فيها اني شاحذته اتزوجه ... صدقيني انا ماشحذته ولا غيره .. ام فراس : اجل كيف صار كذا بالضبط ؟! غادة نزلت راسها : ماعندي مشكلة أقولك .. بس انا صرت اخاف اقول شي يضايقه وبعدها ماخسران غيري .. اسأليه هو احسن ام فراس : صدقيني ماحقوله انك قلتي لي شي .. تكلمي اعتبريني بير مدفون غادة هزت راسها بيأس : راح تعرفين من غيري ان شاء الله .. بس انا مابيك تظنين اني جالسة اترصد له .. صح صعب تصدقين عقب موقف الغرفة .. والسيارة .. بس بكل الموقفين لي عذر .. ام فراس بيأس من انها تعرف : خلاص اجل ماراح اضغط عليك .. " ابتسمت " بكرة ان شاء الله راح نطلع للفيلا نغير جو قبل الدوامات حطي ببالك غادة : ان شاء الله ام فراس : وابتسام روحي لها راح ابلغ السواق يوصلك .. غادة بربكة : و ... وفراس ؟! ام فراس : لاتشيلين همه .. اليوم اطلعي لاختك ووسعي صدرك غادة ابتسمت من قلب : يعطيـك العافية خالتي بجد مو عارفة شأقول لك ام فراس : لا تقولي شي ... متى حابه تروحين ؟! غادة : اللحين اذا مافيه مانع ! ام فراس : يله اجل باقول للسواق يجهــــز صعدت غادة بحماس وهي مو مصدقــة كيف كلش مر بسهـولة كذا .. *** في درجة رجال الأعمـال وهو يرتشف القهوة العربية .. دق جـواله استلم المكالمة مباشرة : هلا والله لؤي : هلا فيك ... غريبة صاحي والله داق اجرب حظي ولا اعرفك ماتصحى بدري كذا ! فراس : عندي سفـرة .. عشان كذا لؤي : لوين ؟! فراس : الصيـن انا بالطيارة اللحين .. مابقى شي على الوصـول لؤي : ومسرع طرت .. كان جلست اقلها لبكرة الكل بيجتمع فراس : بالعافية .. عموما ماحطول ان لحقت ع اخر يوم ولا مو ضروري بعد اقابل هالناس لؤي : لهالدرجة كاره هالناس ؟! فراس : ما اكرهم .. بس احس نفسي احسن لما ما احصلهم حولي لؤي : استغفر ربك .. يجي يوم تتمنى تحصل احد حولك ماتحصل فراس : المهم ! انت كيفك ؟ كلمت ابوك امس ؟ لؤي بكئابة : لا ... والله الظاهر انه ماعمره بيقتنع ... وانا جالس هنا بس ومستحيل اسوي اللي هو يبغاه مني فراس : لا تقول كذا .. الايام تمشي ومع الوقت بتتخلى عن اشياء كنت مدمنها لؤي : اذا قصدك هي .. املك اتخلى عنها ! فراس : احسن لك تتقبل واقعك بالطيب قبل تتقبله بالغصب .. لؤي : واقعي ان شاء الله ماحيكون بدونها ... انا واثق بربي ان اللي جالس يصير بلاء .. ولولا البلاء ماكان سيدنا يوسف مدلل في حضن ابيه بالعكس صار عزيز مصر فانا راح اصبر وكلي امل في وعد ربي فراس : ربك كمان قال وبالوالدين احسانا لؤي : ...................................المهم انا ابي منك تكلمها اذا ماعندك مانع ؟ فراس : وليش ان شاء الله ؟! لؤي : مجرد عطها خبر بالوضع ... انا واعدها ارجع ولا رجعت .. مابي الكره تنعاد وتنتظرني ولا أرجع .. فراس : ............................. لؤي : ماراح تقولها ؟! فراس تنهد بضيق : امري لله برمي عليها خبر ... لؤي : يله اجل سكر السماعة وعطني خبر لاوصلت سكر فراس السمـاعة وهو يتمنى لؤي بسرعة يتقبل اللي جالس يصير ... لانه عارف انه جالس يعذب نفسه وبس .. *** غـادة : نايف مو فيه ؟! إبتسام : امبلا موجود بس نايم فوق .. خذي راحتك يعني غادة : خرج النوم هذا مايتغير .. اتوقع طول حياته نايم مالت عليه .. إبتسام : هههههههههههههههههههههه اجلسي بس بجيب قهوتك وش عليك منه.. وين حابه نجلس بالحديقة ولا داخل ؟! غادة : لا اللي يعافيك خل نجلس بالحديقة نوسع صدورنا شوي ! ابتسام : اوك اسبقيني جايتك غادة وهي تاخذ صينية القهوة : وين اتركك تشيليها ؟! انتي حامل ولا ناسية !! إبتسام : واذا ؟! كلها صينية قهوة مو شي .. غادة : ولو انا بشيلها .. طلعت غـادة لبرا وهي تستمتع بالنسيم ... بيت ابتسام كان كانه بيتها اللحين تحس شي غريب انها موجود زيارة بس : ..... إبتسام وهي تجلس : متى قالك بيوصلون ؟! غادة وهي تطالع الساعة : مفروض لهم نص ساعة من وصلوا .. بس مدري وينه هذا ! والمشكلة مايرد ! ابتسام : انتظري كمان نص ساعة كذا وارجعي اتصلي شوفي وينه بجد .. نـزل نايف مدرعم على اذان المغرب : إبتســـ... قاطعته إبتسام بسرعة قبل يطلع الحديقة : استنى خلك مكانك لاتطلع ! نايف : فيه احد ؟! إبتسام : ايه غادة مــــوجودة نايف تغير صوته : الله الله يالدنيا والله وصارت غادة تجينا زيارات هههههههههههه غادة همست لابتسام : سكتي رجلك لا توصله جزمتي اللحين ابتسام : نــــايف عن المناقر من اللحين .. اطلع من الباب الخلفي نايف : بســـلم طيب ؟! غادة بانفعـال : وصل خلاص انقلع ! نايف تو بينطق دق جـواله .. رد وصوته يبتعد تنهدت ابتسام : فضيع .. لازم كل ضيوفي يمرون بنفس الإسطوانة غادة : ههههههههههههههه لو مكانك معد اعزم ! وش الهبال بعد فترة رجع صوت نايف يدخل : غـادة حصلت مفاجأة لك عند الباب ! غادة فتحت عيونها بوسعها : وصـــلوا !! " نغزت ابتسام " ابتسام تكفين بسرعة روحي جيبيها دخلت ابتسام وهي تشوف نايف واقف وبيده رنيم .. ركضت بسرعة وهي تستلمها من يده : ياحياتي ياناس ياروح خالتك كبرتي !! نايف بضيق : شلون شايلتها انتي .. بترفس بنيتي نزليها ابتسام وهي تبوس خدها : خل ترفسها هذي رنومة مو حي الله نايف : عز الله انهضم حق بنتي من اللحين ! : إبتســــام وينك ؟! ابتسم نايف : طلعيها لامها .. انا ماشي للصلاة تامرين شي ؟! ابتسام وهي مشغولة برنيم : سلامتك حبيبي .. " طلعت لغادة مباشرة وهي تكحل عينها بفرحة اختها " *** نـزلت اسماء من غرفتها بعد ماعرفت ان غادة طالعه يعني مستحيل تشوفها ... تسدحت قدام التلفزيون وهي تنطق بكسل : والله زمان بيتنا عن هالهدوء ام فراس : من تزوج فراس وهم مالين علينا البيت .. اليوم فجاة كلن راح بدربه اسماء : مالينه مشاكل الله لايبلانا كنا ناقصيـن تنهدت ام فراس : الله يعين دخل انس وهو يغير القناة .. صرخت فيه اسماء : خير تغيرها !!! انا جالسة اطالع انس طالعها بنص عين : انتي جالسة ع جـوالك .. مو بكيفك ! الجوال ولا التلفزيون اسماء : ايه كيفي بشغل التلفزيون وبقعد على جوالي ... " رجعت القناة " فيك خير غيرها مرة ثانية !! انس غيرهـا عناد : هذا انا غيرتها وش بتسوين ! اسماء رمت على المخدة حتى ضربت راسه : غيرها قبل الزقك بالجدار ! انس رجع يرميها بالمخدة : امحق بنت !! تكامخ وحالتها حالة !! اخبر البنات محلهن المطبخ وانتي ما اشوفك الا متسدحة هنا اسماء فتحت عيونها بدهشة من طريقته بالحكي : عشتو عشتو .. جلس فراس هنا اسبوع وشوفو الولد شلون تطبع !! اسمع مو ناقصني فراس صغير بحياتي ... يكفيني واحد ! وبعدين شنو محلي المطبخ ؟! على اساس انت مكانك مجلس الوزراء ياقهوجي العيد وسواق العائلة المستقبلي انس : تخسين الا انتي اصير قهوجي وسواق !ّ ام فراس : بس انت وياها !! انس احترم اختك الكبيرة ... وانتي اتركي التلفزيون ولاتحطين عقلك بعقل بزران اسماء : مانيب ! والله مايكسر راسي .... التلفزيون ماراح يتغير .. انس رجع القنـاة .. وهي رجعتها ... ثم رجعها .. وبعد عناد طويل رفعت اسماء كممتها وهي تهاجـمه وتمعط شعره .. انس صرخ بالم من معطها : ااااااااااااااااااااااااا ا يممممه شوفيها !! انس اللي كان نفس طول اسماء بالضبط .. معط شعـرها وتشابكـو بمعاركة صدقية .!! ام فراس صرخت فيهم : صـــاحين انتو !! والله والله ان ماتسنعتو لاحطكم قدام فراس أول مايوصل مافيه استجابة .. مجرد المعاركة تستمر , قاطعــــهم صرخة رجولية هزت البيت : انــــــــــــــــس وثول ! وقفت المشاجرة وانس مازال ساحب شعرها وهي عاضته باقوى ماعندها ... بدر فتح عيونه بوسعها من المنظر : سلامات صراخكم للشارع ! ام فراس : جيت بوقتك ... تعال شف لك حل معهـــم تفككت وهم متهادين افلتـوا بعض واسماء تنطق بقهر : انا الكبيرة مفروض يحترمني !! بدر طالع انس بحدة : بزران فلس ! هذا وانت توك فصعة تضربها لاكبرت وش بتسوي ؟! انس نطق بقهر : لا مفروض هي تسحب شعري وأسكت لهـا ؟!!! " طالع يده بقهر مكان العضة وهو يمدها " بالله شوف هذي عضة بشر بدر : جـــب ولا كلمة ! وترد بعـد ؟! " طالع اسماء " وانتي وين الأنوثة شوفي يد الولد متورمة اسماء بقهر : لا تقولي كذا انا ماغلطت !!! " وعطتهم ظهرها وهي تصعـد " انس همس بقهر : حيوانه ! ضربه بدر على راسه : شف ! قدامي بعـد .. اذلف وراها لفوق حسابك بعدين صعـد وهو يتحلطم .. تنهدت ام فراس : فراس سافر من هنا سافرت الأخلاق معه . جلس بدر جمبها : بزران مصيرهم يكبرون ... المهم جيت أأكد لك جمعة بكرة , راح نمشي من بدري ان شاء الله نتغدى هناك ؟ّ ام فراس : راح نجلس كم يوم بعـد خل العالم تستانس قبل الدوامات بدر : عاد كلن على راحته .. المهم انتي عطي القريبين خبر بس مانبيها سلجى ملجى ام فراس : ان شـــاء الله بدر : يله اجل تامرين على شي ؟ ام فراس : اجلس تعشـــى معي بدر : يعطيك العافية والله بس معزوم ... " باس راسها " راح اخذكم انا بما ان فراس مو هنا ام فراس : على خير ان شاء الله طالعت الساعة فور مغادرة بدر ... 10 , دقت مباشرة على غادة جاها الرد بصـوت مبتهج : هلا والله ام فراس : هلا فيك , شخبارك شخبار ابتسام ؟! غادة وهي تطالع ابتسام اللي جالسة وممدة رجليها ورنيم متنحة ببطنها : تسلم عليك كثير ام فراس : الله يسلمها ... بغيت اسألك متى بترجعين عشان اوصي لك السواق ؟! غادة : لا لاتشيلين همي ... سواق ابتسام موجود بيجيبني ام فراس : وبتطولين ؟! غادة : أيــــه يمكن .. ام فراس : بغيت أأكد لك .. بكرة صبح ان شاء الله بنطـلع بدري ونتغدى هناك غادة : ايه تو ابتسام تقولي ام فراس : كويس اجل دام عندك خبر ... سلمي على ابتسام واجد غادة : الله يسلمك ... يله سلام سكرت السمـاعة وهي تسحب رنيم لحضنها : ااخ يا ابتسام .. شوفتي لها علقتني زود شلون برجعها لأحمد اللحين ؟! إبتسام : عارفة شلون ؟! انا احسك غبية .. غادة عقدت حواجبها : ليش ؟! ابتسام : بأمانة ياغادة ... انتي مو ذكية ماحاولتي تكسبين فراس عشان يلبي لك اللي انتي تبغين بالعكس جالسة تحاربينه وتتحدينه وتتوقعينه يسمح لك ! بالعكس صدقيني كل اللي يسويه لعانة فيك غادة : والله حاولت ! بس انتي ماتعرفين هذا شلون الدنيا ماشيه عنده .. " كملت بقهر " لو المسألة سوء تعامل اقدر احلها بس المسألة انه يكرهني ومو طايقني حتى الشي الكويس اللي اسويه يشوفه العكس تماما ! إبتسام : بعض الرجاجيل لازم تخذلينهم عشان ماينسونك .. لازم توجعينهم عشان يحبونك اكثر ! اسالي مجربة غادة : لاتقارنين .. هذا لو بيده موتي قتلني .. لاتقارنينه مع نايف اللي منهبل عليك ! احمد اول كان يحسسني انه مهما قسى علي يضعف قدام اغرائي شكلي .. مثل رجال طبيعي ! هذا وقفت قدامه بأحسن شكل ... ومالقيت منه شي بالعكس كأنه مافرقت معه اساسا انا وش جالسة اسوي .. بديت اشك اني فعلا مافيني ذرة جمال تنهدت ابتسام بضيق : حالكم صعب .... بس برضوا حاولي تكسبينه بطيبتك اهتمامك صدقيني حتى لو قسى بالبداية مصيره يلين غادة بيأس : ياحبيبتي فيه ناس مهما تسوين معاهم مايبين بعيونهم كانهم يقولون لك احنا كذا حيوانات مانتغير .. تسمرت بعيونها على xxxxب الساعة .... تنتظر الوقت اللي لازم ينتهي مفعول سحر السعادة وترجع وصفة السعادة حقتها لمكانها ... بعيد كثير عنها .. دق جـوالها يعلن نهاية هالموعد .. طالعت المتصل بيأس وهي تبعد جوالها دون ترد طبعت بوسه على خد رنيم وهي تستنشق ريحتها .. ثم طالعت ابتسام : تكفين وصليها للباب .. انا مقدر إبتسام احترمت رغبتها وقامت توصل رنيـم لابوها برا ... اول مارجعت حصلتها بعبايتها : السواق جاهز ؟! انا لازم ارجع ابتسام : ليش ماتنامين هنا اليوم ؟! غادة اللي كان تحاول تضبط نفسها : بكرة بيروحون من بدري ... لازم ارجع ابتسام : روحي معنا طيب حنا رايحين لنفس المكان ! غادة : لا ملابسي واغراضي و ..... ارجع احسن . ابتسام تنهدت بضيق : اوك بقول للسواق يجهز السيارة اجل .. *** بعـد ماوصـل لجناحه .. بعد انتهاء جدول اعماله المزدحم سحب ربطة عنقه وهو يرخيها عن رقبته ويفتح مقدمة ازاريره ويجلس باسترخاء .. فتح جواله ودق مباشرة على رقم سارا .. خل هالمسؤولية تنفك وخلصنا ! بعد فترة جاه ردها : الو ! فراس : معـاك فراس ... سارا ؟ سارا : ايه سارا ! دقيت عليك قبل فترة ... ليش مارديت ؟! فراس : ما اتوقع بينا كلام نقوله .. سارا : واللحين صار بينا ؟! فراس : لا ..... " كمل بقهر " جالس اوصل لك كلام زوجك المصون .. يقولك انه مارجع لأن ابوه اكتشف الموضوع وحجر عليه ..... وصل ؟! سارا نطقت بصدمة : ابوه عرف ؟! بكلش ... انا و مايا حتى ؟ فراس : ايه . سارا : و ردة فعله ؟! كيف ....؟ فراس : مثل ردة فعل أي أبو . سارا نطقت بقهر : كويس ان ابوه عرف .. اجل اقدر اطلب الطلاق رسمي ؟1 فراس نطق بسخرية :بجد للحين مو فاهم وش لؤي محصل فيك ! حتى لما عرفتني انه بوضع صعب كل تفكيرك كيف تطلعين نفسك من السالفة ؟! ي حسافة كل اللي جالس يمر به عشانك ... ليته يفهمني وقت اقوله انك زباله ماتستاهلينه سارا : مو انت اللي قلت اطلب الطلاق !!! فراس : انا انا .. وانتي انتي ! وش لك في انا وش قلت لك ؟! قبل سنتين قلت لك لاتقربين لؤي .... سمعتيني ؟! سارا : اللحين انا احس هذا الشي الصح ... فراس : اللحين صارت مشاعرك كلام وبس ... ازعجتينا وزعزعتي حياته على الفاضي ! لؤي يستاهل فعل .. شوي تضحية وصبر عشانه ! ترجمي كلامك الكثير هذا لأفعال لو مرة ! حسسيني انك شخص سوي يستاهل كل هالازعاج اللي جالس يصير بحياتي ..... ولا الثرثرة ؟ كل الحريم يعرفون يثرثرون.. وانتي اولهن سارا : ........................لما تغيب عن شخص وما يسأل عنك ؟! خلاص لاتكذب على نفسك انك تهمه لو تهمه كان فقدك وفكر فيك وسأل عنك .. لازم استوعب هالشيي فراس : انا احاكيك بالشرق تحاكيني بالغرب ! " كمل دون نفس " عموما لؤي السخيف هذا يبي يطمنك وبس ! وصل ؟! اجل سلام ! سكر السماعة وهو يرمي الجـوال دون نفس ويهمس بقرف : بجد شو شايف فيها هذي !! عـند سارا / نـزلت السماعة من اذنها ببطء وكلامه يرجع ينزل على اذنها ... نطقت بهمس مكتوم : ياربي وش اسوي ... *** أسمـــاء ... صحت من النوم بدري بحكم الرحلة اللي لازم يتجهزون لها , تنهدت بضيق كيف لازم تتعامل مع غادة اليوم عقب اخر مـرة !؟ امس ومشى الوضع وراحت لاختها .... اليوم راح يتقابلون طول الوقت .. سحبت رجلها بكسل لغرفة الملابس تجهز شنطتها ولبسها وتستعـد سحبت شنطتهـا الملابس على كتفها وشنطتها اليد وهـي تطلع من غرفتها وتنزل لتحت ... غـادة للحين مو موجودة .. تنهدت وهي تكلم امها : من بيويدنا؟ ام فراس : بدر اخوك ... بس غادة وينها .. امس نمت وهي لسى مارجعت اخاف راحت عليها نومة اسماء توجهت لطاولة الفطور وهي تتجاهل اللي جالس يقال : ......... ام فراس قاطعتها : اصعدي فوق شوفيها تنزل تفطر معك اسماء وهي تسكب حليبها : كلميها طيب وقولي لها ام فراس : اكلمها ما كأنا تحتها .. قاطعهـم صوتها : صبـاح الخير .. ام فراس : هههههههه الطيب عند ذكره .. تو اقول لاسماء تصعـد تناديك , غادة : يؤ كان اتصلتي علي وبنزل على طـول ام فراس : قلت اكيد رجعتي امس متأخر وحي مانمتي .. غادة مانامت الليل اساسا .. مجرد مارجعت عاشت ليلة كئيبة من وجود رنيم الخاطف .. انتبهت لاسماء اللي تهرب بنظراتها منهـا .. تنهدت وهي تجلس على طاولة الفطور وتحاول تكسر الجو البشع بينهم .. مو من اهمية هيثم بحياتها عشان تخرب علاقتها مع اسماء بعـد عشانه : صبـاح النور اسوم اسماء دون تطالعها : صباح الخيـــر فور مغادرة ام فراس المكان نطقت غادة مباشرة : اسمـاء .. بالنسبة لآخر مرة .. عضت اسماء شفتها بقوه ... ونطقت مباشرة : تقدرين تنسين ؟! صدقيني مو شي .... صورة من ايام العرس وطاحت بيدي بين التصوير غادة مستحيل يفوتها الشعر المكتوب كاهداء ... والصورة كانت لهيثم بالمستشفى بجدة مو العرس لكن قررت تسلك مع الوضع : ايوه انا اقول ننسى احسن شي .... ونعتبر ماصار شي .. اسماء ابتسمت مباشرة : كذا تمام ! حست غادة بضيق داخـلها اسماء طيبة وتنحب ... حرام تعلق نفسها بواحد قاسي وصعـب زي هيثم , بتتعذب لو يكون اللي ببالي صدق وتحبه : ......................... *** ميـــهاف دخلت اغراضها لشنطـتها وهي تشيك ان كلش كامل بشنطـتها ... بدر اللي كان واقف قدام المراية ويربط حزامه على خصره : خلصتي ؟! ميهاف : أيـه بدر : اجل ولا عليك أمر سكري شنطتي نسيتها مفتـوحة توجهت لشنطته وهي تنطق بقصد : اوف مو مصدقة بشوف أهلي اليوم .. احس عايشة بكهف مدري كم لي عنهـم ؟! بدر فهـم الدق بكلامها .. قرر يتجـاهل مقصدها : ميهـاف معليش بس نسيت ادخل جاكيتي الجلد الشنطه .. ياليت تدخلينه طالعته ميهاف وهي فاهمة تجاهله لقصدهـا ... قالت بقهر : لما سكرتها تقول دخلي جاكيتي ؟! خلاص مو ضروري ! سحبت شنطتها وهي تطلع من الغرفة وتسحب عبايتها .... رفع بدر حواجبه وهو يطالع الجاكيت اللي تركته مادخلته : ماشي ماشي ياميهاف ... طـلع بوكه من جيب جاكيته الحالي ودخـله جاكيته الجـلد وتركه مكانه وهو يـاخذ شنطته ويطلع : مشينا يله ركب السيارة وهو ماخذ وضعية الصامت طول الطريق ... شغل المسجل وانشغل فيه اما ميهاف كانت منقهره كل ماحاولت تحسسه بتأنيب ضمير تجاهلها بنفس الطريقة : .............. وصـلوا لعند بيتهم وركبوا اهله ورجعت ميهاف لورا عشان تركب ام فراس قدام : السلام عليكم الرحمة ... شخبارك ياميهاف عساك تمام ؟! ميهاف : حمد الله ياخالتي بخير ... انتي شلونك ؟! ام فراس : حمد الله تمام ركبت غادة واسماء ... حرك بدر السيارة وهو يطالع انعكاس المراية لورا وينتبه لها مشغولة تسولف مع اسماء وغادة بهمس بينهن : ...................... اسماء قالت بوناسة : اقول بــــدوري ..نقدر نشغل الدبابات هالمرة صـح ؟! بدر : المفتاح مع نايف .. مدري وينه حاطه فيه تفاهموا معه ؟! اسماء : لااا .. اذا هو مع نايف عليه السلام خلاص ! ضاع اكيد بدر : ولا يهـمك مفتاح بدله مفتاح .. انشاء الله بنشغلها لعيونك كبست غادة بعيونها مب مصدقة ان هذا اخو فراس .. صح الشكل فيه بينهم روابط كثيرة نفس قوة اللمحة .. رغم ان بدر لمحته اخشن مع الحاجب المقطوع والعيـون الداعجة .... إلا ان الاخلاق فرق !! شلون يتكلم مع اسماء ... اللي ماعمرها شافتها مع فراس الا يتهاوشون .... واسلوبه بشكل عـام غير ... خلق وفرق صدق بدر تنح نح فجاة وهو يرفع صوته درجة : غـادة شخبارك ان شاء الله تمام ؟! غادة اللي كانت منسحرة مع اسلوبه النقيض تماما لاسلوب اخوه : حمد الله بخير ... انت كيفك !؟ بدر : تنشد عنك العافية يارب .... ماحصلت فرصة من قبل على البركة زواجة الدهر ان شاء الله غادة " لا تدعي واللي يرحم والديك " : يبارك فيك يارب وياك بدر : بما اني اخو فراس اعتبريني حسبة اخوك غادة : فيك الخير يعطيك العافية اسماء : هههههههههههههههههه ياحليلك يابدر وانت رسمي كذا ابتسم بدر : شرايك ؟! ترا على طول كذا بس اول مرة اسويها قدامك بالعادة مع الرجاجيل اسماء : رجال جعلني فدا .... بدر دخل الفيـلا وهو ينتبه للسيارات الموجودة : يافشلة الجماعة كلهم هنا سبقونا وحنا راعين العزومة ام فراس : الله يهداك انت تأخرت .. متى جيتنا ؟! وقف بدر سيارته : انزلوا اللحين والشناط بوصيها بعدين دخـلوا وهم يسـلمون ويقابلون الموجودين .... ام نايف ... إبتسام .. ام عبد المجيد وبناتها ... اول ماسلمت غادة على ابتسام وجلست همست لها : فينكم طولتوا ؟ غادة : على ماجهزنا على ماجينا ... ابتسام بقلق : وكيفك اللحين ؟! غادة فهمت قصدها لكن نطقت بطبيعية : حمدالله ماعلي مبسوطة .. اسماء بقهر : ليش فصختوا عباياتكم !!! قومو خل نتمشى ولا نخزز ولا نقلق الرجاجيل ولا شي ! ام فراس : اسماء مو من اللحين ! واللي يسلمك هالرحلة مانبي مشاكل ... اجلسن هنا وانبسطن اسماء : لا والله ! جايبيني اجلس بالبيت ... كان خليتوني ببيتنا اصرف سجى بقهر : ايه صادقة كان نجلس بالبيوت بس ... نبي نطلع نتنفس نشم هوا ام نايف : خلاص روحن بس مو تطـولن اسماء بحماس : بنات يله قومـن التفتت غادة لابتسام : بتجين ؟! ابتسام قطبت حواجبها بضيق : مافيني حمل امشي ام فراس : ليش يا ابتسام المشي زين لك .. قومي شدي همة شوي ابتسام : لا بعدين راح امشي اللحين روحوا انتوا غادة رجعت تجلس : خلاص اجل امشي انا معك بعدين اللحين بجلس معك اسماء أول من طلع .. التفتت للبنات : اول شي خل نروح لسيارة بدر ابي اطلع كاميرتي وصـلن لمواقف السيارات .. واثناء ما اسماء بالشنطة تحوس ب اغراضها ... شهقت سجى : بنات من هذا !! ميهاف : منو ؟ سجى وعيونها على جلسة الرجاجيل : تعالي اقربي ... شوفي هذا اللي جالس بجـواله ضيقن البنات عيـونهن ..... نطقت وداد بنرفزة : فيه ثلاثة ماسكين جوالهم !! سجى بقهر : لا لا ... لابس بنطـال اسود وبلوفر بيج البنات طاحت عيونهن عليه : ايه صدق من هذا ! سجى : اول مرة اشوفه حتى انا .... يلعن شكله وش هالشعر " ضيقت عيونها " بالله هذا رمادي ولا اشقر ! ميهاف : صادقة والله ... تقولين اجنبي مو كذا ! هذا مو من اهلنا عرقه اجنبي بحت وداد وهي تنتبه له يوقف يسلم على بدر اللي تو دخل : شــــوفي الطول بس ... سجى : هههههههههههههه شكله جمب بدر .. ميهاف : وش فيه شكله ؟ سجى : قصدي بدر مره ناطع .. وهالمزيون الثاني ناعم " تنهدت " وش هالفكوك وداد : حشى امداك تقزينفكوكه !! سجى : شاسوي والله جاذبيته تذبح ميهاف عقدت حواجبها : وانا وين شايفته من قبل ؟ احس شكله مو غريب جتهم اسماء : يله بنات خلصت .. مشينا سحبوها البنات : تعالي اسماء شوفي .. لقينا واحد يفوتك اسماء : وين ؟! سجى تاشر : شوفي اللي جالس جمبب بدر اللي لابس بلوفر بيجي وداد ضربت يد سجى : لاتأشرين ياحماره ! تخيلي انتبه لنا توسعت عيـون اسماء وهي تنتبه له ... معقـولة جاي ؟! . عضت على شفتها ثم نطقت بقهر : وانتو جالسات تقززن الرجال ليه ! افف مشينا نكمل بس سجى : اما انتي اللي ماتقززين مرة ! فجأة صار عيب .. والله ام وجهين صدق اسماء : ولا انتي اللي كلش .. كل يوم تقزين لك واحد وتتغزلين فيه ام صفحات انتي ما شاء الله مو بس وجهين ! سجى شهقت : احترمي نفسك ياكلبة اسماء : ما احترم اللي مايحترمني ... عموما هذا اخو ابتسام وغادة ! تخيلي لو غادة جت وسمعتك تحكين كذا عن اخوها ... طاح وجهك وقتها صدق ! فاعقلي واثقلي شوي سجى بقهر : اخر همي غادة كملت اسماء طريقها بقهر وهي تقاوم نفسها ماتلتفت تاخذ نظرة خاطفة ... الشي المؤلم انه صار شخص ممكن تقابله بالمناسبات .. ماتقدر تحطه غريب وبس ! *** عـند الجلسة / كان هيثم جالس بهدوئة .. مايتكلم الا اذا احد كلمه ... انس كان جمب بدر وواضح عليه ان مزاجه مو تمام .. التفت له بدر : انس وش فيك قم العب مع العيال ؟! انس بغصة : مقدر يدي تعورني بدر : لا يكون من امس ؟ عن الهبال كلها عضـة ترا انس رفع كمه بقهر .. بدر انصدم من شكلها كانت غارسة اسنانها من قلبها حتى سببت نتوءات بلحمه وطلعت دمه , تحول لونها للأسود من الإهمال ... نايف اللي كان جمبه شهق : وش هذي ! بدر : الله يهداك ليش ماتكلمت من أول ! هيثـم : ممـكن اشوفها ؟! نايف : صـــح انت دكتور ! انس رح خل الرجال يشوفها عبدالمجيد : قايلك انت واللي معك لاتروحون جهة الكلاب .. وتروحون وخذ لك ! هيثم وهو يقلب يده ... وهو يسمع انس يرد بقهر : مارحنا ! عندنا كلبه بالبيت مايحتاج بدر بصرامة : انس !!! وش هالخرابيـــط ؟! عبدالمجيد مافهم : جايبين كلب لبيتكم ؟! بدر بانزعاج : لا ... تناقر هو ويا أسوم وش اسوي بهم يعني ! هيثم فتح عيـونه وهو مو مستوعب .. اسماء ماغيرها مسوية كذا بالولد ؟! زاد ذهوله وهو يشوف قد ايش عضتها مجرمة : ................ نايف : اوف اوف ... حتى حنا يالشباب لما نتناقر مانسوي كذا ! انت شايف يده مو عضه هذي ماكله لحمه هيثم ( كل هذا يطلع منك يا اسماء .. كلب بوليسي مو بنت ) :......... فيه صيدلة بشنطتي بروح اجيبها اول ماطلع هيثم التفت انس لبدر : وامس تهاوشني ! وانا اللي مهضوم حقه عبدالمجيد : هههههههههههههههههههههههه ياحليلها اسوم مجرمة صح ! انس : ياحليلها ! جعلك تجرب عضه من عضاتها رجع هيثم وهو يطهـر الجرح وانس مسكين رايح فيها .. ويضمده بشاش : خلاص اتركها كذا وان شاء الله سليمة انس بخوف : بتخلي أثر ؟! هيثم : ههههههههه لا وين كل السالفة عضة مو شي وقف انس وهو يطلع ويتحلم .... بينما هيثم ما توقع كل هالشراسة منها , شكلها يقول انها بريئة ... المظاهر خداعه من جد .. نايف : الا بدر وين بطاقتي تركتها معـك اخر مرة بدبي .!؟ بدر : اووه كويس ذكرتني .. " دخل يده بجيب جاكيته " غريبة بوكي مو هنا ! لحظة اكيد بالشنطة بروح اجيبها طـلع من المجلس وهو قاصد هالحركة رد لتصرفاتها هالأسبوع .. سحب الشناط من السيارة وهو يدخـلها لداخل .. دخلت ام فراس عنده بغرفة جانبية : هاو ببدر ليش حاط الشناط هنا هات اصعدها لغرفتك ؟! بدر وهو يفتح شنطته : لا مستعجل بعدين .. ابي غرض ضروري اللحين ام فراس : وباقي الشناط دخلتها ؟! بدر : ايه تحصلينها بالممر .. " عقد حواجبه باصطناع للحيرة " غريبة ! وينه مو محصله ؟! ام فراس : شتدور انت ؟! بدر : جالس ادور لي جاكيت فيه بوكي ... " وهو يدور بحيرة " بس مو محصله كلش ... وين ميهاف ؟! ام فراس : طـلعت من شوي مع البنـات يتمشون طـلع جواله ودق على رقمها : الو ؟! .... انا بالفيلا تعالي دقيقة سكر السمـاعة ... ام فراس قربت منه بقلق من نرفزته : دور كويس اكيد موجود وانت مانتبهت بدر : حســـت الدنيا مو محصل شي .... بس انا فهمت شلون ! ام فراس : شلــون ؟! بدر : انا قايل للرفلـه ميهاف تدخله بس زي كل مرة انا اقول الكلمة تسمعها من اذن وتطلعها من الثانية ! ام فراس : يمكن نست .. جايز الإنسان ينسى بدر : وانا اتكلم عن مرة ولا مرتين ؟! ما تسمع مني يمه ماخذتني تطنيش ! ام فراس : روق وهـد بالك .. ودور زين وان ماحصلته حصل خير..... يتبع.... | ||||
|
| |
|
17-05-17, 08:31 AM
| #48 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخـلوا البنـات .... اما ميهاف دخلت الغرفة وهي تنقل بصرها بين ام فراس وبدر : شالسالفة .؟! بدر اللي كان الشنطة قدامه محيوسة وواقف متكتف : وين جاكيت الجلد اللي قلت لك دخليه يا هانم ؟! ميهـاف كبست بعيونها وهي تحاول تستوعب .. هي بنفسها قايله له انها ماحتدخله ! انحرجت من وجود ام فراس ماحصلت رد مناسب " مو انا قلت لك ماحدخله ! " قدام امه بتقول مهملته اكيد ! : ....... اي جاكيت جلد ؟! بدر رفع صوته : اللي قلت لك قبل نطلع لاتنسينه .. فوق اني قايل لك مذكرك بعد ! ونسيتيه ؟ ام فراس : بدر ادحر بليس عشان جاكيت بس ؟! بدر وهو يطالعها بحدة : مو أول مرة لك اقولك شي وتطنشينه ... بس هالمرة الجاكيت فيه بوكي !! يله دبريني ابي بوكي اللحين ميهاف نطقت بغبنة : وط صـوتك لو سمحت .. عرفـوا كل الفيلا باللي صار ! بدر : خلي مني الفيلا ! انا سألتك ســؤال .... الجاكيت ليش مادخلتيه ؟! وقبلها أمس اقولك العشاء حاقرتني ... وقبل قبلها الموية .. وبعجز لو بعد لك اللحين ! انطرق باب الغرفة .. دخلت ام نايف وهي تنطق بقلق : وش صاير ؟! اصواتكم طالعة .. ميهاف : تكلم معي زي الناس ارد عليـــك ! يكون بمعلومك انا ماني امه جايبها بيتك ... ع بالك ما أقدر اعدد بعد انا ؟! بس خلها مستورة احسن شي يكفي اللي قلته .. وطلعت من الغرفة مباشـرة .... بدر : وين ويـن تعالي عددي ! حقرته ميهاف دون ترجع .. ام نايف : سلامات بدر شصاير وش كل هذا ؟! ام نايف : بـدر ! وش هالأسلوب ... حتى لو بينك وبينها شي كلمها لحالكم مو تنشر غسيلها قدام العالم بدر : كلمتها ... بس بنتك الحكي زهق منها ! أدبيها ولا ترا انا هالوضع ماني حمله ام نايف : بنتي ماعليها خلاف ! انت وش شايف ؟! بدر : شايف اني لازم اطق طريق 3 ساعات للرياض اللحين بسبب رفالة بنتك ! ام فراس : خـلاص ياجماعة جايين انتوا تكلمونها بعـد ! بدر خلاص اطلع كلامي معك بعدين .. فضحتنا الله يفضح العدو طـلع بدر مباشرة عقب ماسوا اللي ببـاله .... وركب سيارته يكمل التمثيلية ويرجع للرياض يجيب بوكه .. جـته رسالة بالطريق " قمـــري " ( أتوقع ابليس وهو جالس يتفرج عليك يحس تعبه مو ضايع .. شكرا على الموقف البايخ ) رد عليها مباشرة ( تتغيرين باسلوبك معي ؟! اتغير ... وفرصة سعيدة ) وماجـاه رد عقبـها ... طلع مشروب من ثلاجته وفكـه وهو يرفع نظارته الشمسية ويمسك الطريق .. *** دخلت ام نايف وأم فراس .. والكل كان بوضع صامت مستغربين اللي جالس يصير ... ام فراس : وين ميهاف ؟! وداد : صعـدت مباشرة .. مارضت تكلمنا حتى ام نايف : انا صـاعدة اشوفها غادة كانت تطالع بصـمت والظاهر الفكرة اللي خذتها عن بدر بالسيارة خدعه .. طلع بدر اخو فراس من حق وحقيق , كلهم عندهم فن الإحراج العلني : ........... صعـدت ام نايف .. دورت بغرفة البنـات للنوم حصلتها منسدحة ونايمة تماما , هذي عادت بنتها اول ماتزعل تنام ماتغيرت .. تنهدت بضيق وهي تغطيها كويس وتطلع من الغرفة .. نزلت وهي تجاوب على نظرات ام فراس القلقة : نايـمة ... يله ياجماعة خل نجهز للغداء اكيد خلاف بين أي متزوجين حصل خير ابتسام راحت لأم نايف اللي كانت جالسة لحالها بينما الكل يشتغل : ميهاف اكيد مافيها شي ؟! حابه اصعد اجلس معها شي ؟ ام نايف بنرفزة : قلت مافيها شي ! وش بتجلسين معها تسوين ... هذا انتي بمشاكلك وحارمة رجال من ولده .. الكل عنده مشاكل تفاجأت ابتسام من نبرة ام نايف : انا حارمة رجال من ولـده ؟! ام نايف : لا تسوين البريئة ... " تنهدت " الله يعديك اثام هالولد بس ماقدرنا نجيبه معنا حتى اليوم ! وقامت ام نايف تاركه ابتسام .. ابتسام كانت تحس من يوم جت بنبرة زعل من ام نايف بس كذبتها لأنها متاكدة مو صاير شي ... طلعت هي الملومه في نايف ويزيد ... فتحت جوالها مباشرة وهي تدق على نايف : هـلا وغلا إبتسام : هلا نايف ... شجالس تسوي اللحين !؟ نايف وهو يرفع عينه للشوي : ابد جالس عند الشوي اشوي ... ليش ؟! إبتسام : اها .. لا بس كان بخاطري نتمشى سوا شوي نايف : يلعن شكلي اذا ماجيت .. خلك عند الباب بسحب واحد من هالزلايب يمسك الشوي وجايك سكر السماعة وهو يلتفت للشباب اللي جالسين متكين وهو عند الشوي : عبــــــــد المجيد ! وين بدر ؟! عبد المجيد : ركب سيارته وراح يقول نسى غرض بيرجع يجيبه ! نايف : تعال انت امسك الشوي طيب عبدالمجيد : لا والله سلامتك انت مسكته كمله وقف هيثم : هـات انا امسـكه نايف رمى عبدالمجيد بنظرات لوم : اوريك يازلابه .... " التفت لهيثم " معليش والله مفروض ضيف وترتاح بس هيثم قاطعه : لا ماعليك وقف نايف وهو يرفس عبدالمجيد بطريقه وتوجـه لباب الفيلا وين ماكانت واقفة بعبايتها وشنطتها بكتفها وتنتظره ابتسم وهو يمد يده لها .. شبكت يدينها بيده وبلشوا يمشون ناحية الحدائق المـزينة باحلى اشكال : كيف الجـمعة ؟! ابتسام : تمـام ... بجد تغيير جو بس تصدق حرام ما اخذنا يزيد كان بينبسط .. يقولون بدر رجع خل يجيبه معه نايف دون نفس : مالي دخل يجيبه أبوي ! إبتسام بعتاب : من جدك انت !! هذا ولدك نايف زفر : إبتسام ! انا فاهم انك مصلحة اجتماعية من الدرجة الأولى .. بس هالمشكلة بالذات بتحل نفسها دون تدخلين فيها إبتسام رفعت حواجبها بقهر : لا ؟! نايف رفع يده المحاوطة يدها وباسها : بجد إبتسام .. انا ما احب العلاقات المتوسطة هذي لاتتدخل في قرارات الولد بس اصرف عليه وونسه .. لا انا يا أحبه يا ما أحبه يا أبوه يا مو أبوه ! وضعية خدمة بدون صاحب هذي ماتناسبني تنهدت ابتسام بضيق : بس هالوضع هذا ماحيمشي .. نايف : وبعدين انتي ليش محرقة حالك ؟! خليك باردة عشان تموتين بصحتك إبتسام : انت مو محترق على هالوضع يعني ؟! نايف هز كتوفه : لا ... ولدي بالأخير بيكبر وبيقرر بنفسه اذا يناسبه اصير أبوه ولا لا .. ابتسام : واللحين ؟! نايف : اللحين الله يخليه لأمه .. وقت تتعدل انا اتعدل إبتسام : الله يصـلح بالك .. انت فكر كويس وحاول تحاور بالمنطق العناد ماعمره ودا ولا جاب نايف : لا صدقيني نص مشاويري انا بالعناد .. يودي ويجيب ! إبتسام ضربت راسه بخفه : افففففف اقوله شي يقولي شي ! خلاص بطلت اتكلم نايف : وانتي مطلعتني نتمشى ع بالي سوالف تفتح النفس ... ماخذتني جلسة وعض ؟! إبتسام : مايفتح نفسك انك تمشي معي ؟! نايف : يفتحهـا ونص " تنهد وهو يتأمل عيونها " والله هالعيون بلا وانا المبتلي إبتسام بنعومة : بسم الله عليـــك نايف وصـلوا لجلسة رايقة جنب النافورة : حابه تجلسين شوي ؟! إبتسام : أيـه شكل النافورة خيــال *** شهقت ام فراس وهي تشوف أنس يدخل : بسم الله الرحمن الرحيم ! وش فيها يدك ؟!!! انس وهو يطالع اسماء اللي جالسة مع وداد قدام مجلة يتصفحونها : الشاطرة بنتك عضتها أمس تورمت ! وداد شهقت : اسماء ! لهالدرجة ؟! اسماء وهي تطالعه بنص عين : لحـــــول راح يلف عليها شاش يعني شوفوني تعبان صدق ! اتحداك " قامت " تعال افكها صدقني مافيه شي بلا ودك تاخذ امي بكم كلمة وقف انس ورا أمه : يمه وخريها عني والله توجع ! اسماء وهي تراوغ امها تبي توصل ليده : تعاااال اشوف .. والله لو انك صادق كان جلست وخليتني اشوفها واصدق بعيوني مو تنحاش انس ركض يطلع من الفيلا كلهــا : مهبول انا احط يدي بين يدك مرة ثانية ؟!!1 وصل لعند الرجاجيل وهو يفح ... عبدالمجيد : خير ياطير بشويش ابو نايف : تركد لاتطيح على وجهك اللحين ويلحق يدك انس وهو يلتقط انفاسه لانها لحقته لآخر رمق : المجرمة اسماء تبي تفك يدي هيثم كان منصدم بجد ( يا ساتر وش فيها هذي طعسة ! ) ابو نايف بعصبية : واسماء هذي انهبلت ! لعد تروح عندها ... ليش تفك يدك ؟! انس : تقول نصاب مافيه شي .. ماصدقت هيثم : انتبه تفكهـا خلها كذا لفترة عشان المرهم انس : وانا مهبول اخليها تلمسني اصلن " جلس بتعب " يمـه بغت تلقطني ابو نايف : وين نايف .. الشوي جهـز ! عبدالمجيد : لحظة ادق عليه *** سارا : - كانت منحاسة من كلمها فراس ... توترت وش مفروض تسوي !؟ هي مؤمنة بمقولة لو كان خيرا لبقى ... يعني خلاص تيأس .... طيب أنتظر شوي ؟! لحد ما اشوف وش يطلع من ابوه .... مسكت راسها بإرهــــاق خلاص مو عارفه شتسوي تحس بحيرة فضيعة ؟! من كلمها فراس وهي تاركه مايا مع صوفي وداخله عزلة مع نفسها تفكر بس الظاهر مافهي أمــــل من أي شي تفكر فيه !! صارت تخاف تتعـود عليه ويرجع يختفي .. لاتتمسكين بأي امل خليك كذا يائسة .. واطلبي الطلاق وشوفي حياتك ! يكفي شركاتي اللي راحت وحياتي ودراستي .. بس ... تنهدت بيأس من نفسها كل تفكيرها سدى .. *** آخر العصـر ... اثناء مالبنات جالسات والسوالف تتدارج والكل موجود ماعدا ميهـاف / إبتسام كانت جالسة ونفسها ضايق .. فاحتفظت بهدوئها .. اما اسماء كانت مفهيه في بطن ابتسام اللي كان يتحرك حركات خفيفة .. فتحت عيونها بذهول مو مصدقة اللي جالسة تشوفه اول مرة بحياتها تشوف كذا .. سجى : هيه اسماء ! خرقتي ولد نايف بعيونك خلاص انتبهت اسماء لنفسه ونطقت بانحراج : ههههههههههه فهيت معليش سجى : ياشينها احيان عيونك تصفن ع اماكن غلط واوقات غلط اسماء : إبتسام ! ابتسام : هلا اسماء بانحراج : ممكن طلب صغـنون ؟! إبتسام : امري ياقلبي اسماء : ابي المس بطنـك ام فراس فتحت عيونها : اسماء ! اسماء : يوه ماما والله بخاطري المس بطن وحده حامل ماصدقت حملت وحده امون عليها ابتسام : هههههههههههههههه والله ما أردك تعالي اسماء بحماس : صدق !؟ ابتسام : ايه اكيد صدق .. قبلك غادة مزعجتني كل ماشافتني لمسته طمرت اسماء بحماس وهي تلمسه ويدها متردده .. تغيرت ملامحها للسعادة المفرطة وقت استقرت يدها على بطنها : كييييييييييوت ... يجنن الشعور غادة بحماس : صح ؟! لا بعد اللحين سكون ... وقت يرفس هنا انصرعي بجد اسماء : متى يرفس طيب ؟! ابتسام : ههههه اربعه وعشرين ساعه يرفس .. بس مدري وش فيه اللحين سايق العقل ؟! اسماء : من شوي وانا اطالعه كان يرفس .. اللحين هجد غادة : ههههههههههه مشعل ياوصخ ! اسماء : سميتوه مشعل ؟! طيب واذا بنت ابتسام : لا ماسميناه هي سمته من راسها ... نايف ما اعجبه مشعل اسماء : طيب على ابوه عبدالرحمن ابتسام : حتى عبد الرحمن رفض ام نايف : لانه رجال بسم الله عليه ولدي غادة : بصراحة كيـوت شكل الحامل بفقدك لاولدتي ابتسام : ايه وراك ماتحسين ... ام عبدالمجيد : ان شاء الله تحس قريب يارب ام فراس من قلب : اللهم آميـــــــــــــن غادة طارت عيونها ... شرقت بكاس العصير اللي تشربه.. اسماء : بسم الله عليك !!! " كملت عليها بنذاله " وش الغريب يعني ؟! ابي اصير عمة غادة دخلت نوبة سعال ... ام فراس : ههههههههههه قوموا جيبوا لها مـــاء ركضت ياسمين تجيب لها موية ... شربتها غادة بنفس واحد واسماء تضرب ظهرها وهي ميتة ضحك .. سجى اللي ماتت قهر وسط هالتعليقات : راح يكون أول ولد لفراس .. اما انتي مجربة مايحتاج ! الكل انصدم من تعليقها ... غادة انحرجت بجد من تعليقها .. والكل ماعرف يرد على هالحقيقة , ماعدا اسماء الدفاعية : سكت دهرا ونطقا كفرا ! خلك على جنب لو سمحتي ... آففف تو سجى بترد طفى الكهرب فجأة ! شهق الكل : بسم الله ! ام فراس وقفت بقلق وام نايف يتطمنون على البزران ! اسماء : يمه وش فيه طفى فجأة كذا ! وداد : والله مو مرتاح الا ميهاف نايمة ولا عارفة وش جالس يصير اسماء وقفت : انا بروح لكباين الكهرب اتطمن ! ووداد : مهبولة ! كباين الكهرب آخر الحديقة اسماء بحماس : عادي خل نــروح ... نستكشف كيف طفى فجاة ! وداد : لا ياويلك .... الشمس بتغيب خلاص اسماء : انا بروح بروح من معي ؟! سجى بحماس : انا بعـــد ابي استكشف .. اسماء : اوكيه تمـام .." التفتت لغادة اللي واضح انها كتمت " غدو تعالي بالمرة اوريك المزرعة اليوم مالحقنا نشوف كلش غادة ماتبي تروح مع سجى : لا روحوا انتو انا برتاح هنا اسماء سحبت يدها دون نقاش : اقول تعالي بس بلا هبـــــال !!! طـلعن مباشرة وهن يشقن طريقهن واسماء متحمسة تعرف وشالعلة ..... غادة : افف مفروض مارحنا ! يعني بالله حتى لو شفنا الكباين محنا ميكانيكيات نقيم الحالة ! سجى : اف اسماء زوجة اخوكم تجيب الزهق .. شفيك انتي بنروح نغير جو نغامر ! اسماء : ما ألومها زوجة اخوي تنسد نفسها دامك موجودة سجى : هيه اسوم محد مشاوعك بهالجنون غيري فالزمي العافية غادة كانت حاقدة بجد على سجى .. بس تحس موقفها ضعيف قدامها ! لان كل ذبه تقولها لها تكون حق *** فتحت ميهاف عيونها من النوم أثر الحر فجأة ! كشرت وهي تنتبه للكهرب طافي .. مدت يدها تتلمس حتى وصلت جوالها وشغلته ينور لها المكان .. نزلت تحت وهي تتوجه للجمعة المضائة بالشموع .. ام نايف : صحيتي حبيبتي ؟! جلست ميهاف جمب امها : ايه ... الكهرب طافي اجل ؟! وداد : صح النـوم ياحلو .. له ساعة طافي ام نايف : طولتي بالنوم اللحين كيف بتنامين الليل ؟! ميهاف : ارجع انام مو مشكلة دخل فهـد : ميهاف بابا يبيك ام نايف : ابوك مرتاع عليك .. من قلت له انك نايمة وهو مشتحن روحي شوفيه ميهاف : يا حياتي يابابا ... " شالت فهـود على خصرها " وهي تتوجه ناحية المجلس حتى دخلت لابوها اللي استقبلها با ابتسامة ابوية : هلا والله بقلب ابوها ميهاف ضمته : هلا بابا ... وحشتني والله ابو نايف : قالوا لي نايمة .. وانا اعرف حبيبتي ماتنام بهالأوقات الا متضايقة ؟! شفيك ؟! ميهاف : مافيني شي بابا بس مو نايمة كويس امس .. وفجاه مسك معي نعاس ونمت ابو نايف : اكيييييد ؟! ميهاف : اكيد ابو نايف : تعالي اجلسي اجل .. قلت لنايف يضبط عند القهوجي قهوة ويجيبها نتقهوى سوا ميهاف : زمان عن القهوة معـك ... بجد مافيه اطعم من القهوة مع سوالفك ابو نايف بمزح : هاه ليش ماتهملين بــدر وترجعين بس ؟! هههه ي ساتر من تزوجتي معد جيتينا حتى زي العالم قطعتي ميهاف بقهر : شاسوي بعـد ؟! حكم القوي على الضعيف ابو نايف : افاااا .. لايكون بديران يقولك لا بس ؟! ميهاف : وهو لو قايل أيه كان حصلتني على طول قدامك ابو نايف : اوريك فيه هالخايب ! دخل نايف بالقهـوة وهو يجلس : اوووه رجعت دلوعة ابوها ابو نايف : بدر وينه من عصر مو شايفه ؟! نايف : رجع للرياض يقول ناسي غرض ابو نايف : يوه ! وش هالغرض اللي يخليه يقطع 3 ساعات روحه ورجعه نايف : مدري عـــنه والله ميهاف انقهرت منه .. داخل جو المظلوم من قلبه حتى انه قاطع طريق سفر بس عشان يقهرها ! *** سجى : يغربل بليسك يا اسماء !!! وش هالمكان أول مرة اشوفــــه اسماء بربكة : انطمي شوي .... انا اعرف اكيد الكباين من هناك غادة وهي تضرب خدودها : ياويلي لايكون ضعنـــا !! اسماء كان نفسها خايفة انهم ضاعوا ... بس تبي تقوي نفسها : لا ماعليكم تعالوا معي من هناك .. سجى : اسماء لا تحوسيني ... قولي انا ضعنا وبس ...! هالمكان وين اول مرة اشوفه اسماء صرخت فيها : وش رايك تصيحين بس ؟! اقلقتيني ضعنا ضعنا .... ايه خلاص ضعنا ! سجى : حسبي الله على بليسك ... لا وماخذه دور اللي داله المكان وانا المهبولة جالسة امشي وراك غادة : ماينفع هالحكي اللحين !!! " نقلت عيونها للمكان والشمس جالسة تغيب " اسمعوا خل نتفرق كل وحده تروح يم جهه ونشوف سجى : لااااااااااا والله ! مانفترق ثم نضيع بعد ثم اجلس لحالي واموت خوف ... مافيه حل الا ندق عليهم يقولون لهم يدورونا اسماء : ماراح اكلم انا ! مو ناقصة اتهزأ ... سجى كلمي انتي متعودة على الطقاق سجى : لا ياحبيبتي محد متعود على الطقاق غيرك ... كلمي انتي ! اسماء : غادة .. انتي امي ماتهاوشك قولي لها .. غادة بلعت ريقها : لا والله متفشلة ... وبعدين ليش تكلمين خالتي ماراح تنفعنا ؟! كلمي واحد من الشباب دال المكـان اسماء باحباط : صادقة .. طيب سجى كلمي عبدالمجيد تكفين .. سجى : عشان يسود عيشتي ! كلمي انتي بدر حليو ماحيقول شي اسماء بقهر : بدر مو هنـا .. بخوفه على الفاضي ..عبد المجيد حليو بعد سجى : وراك ماعرفتيه لما يعصب ! اسماء : هاه شنسوي ؟! سجى : ليش ماندق على نايف هو اللي مستحيل يعصب .. غادة بخوف : دقوا على اللي هو ... شوفو الشمس غابت يمه ظلمة !! بلعت سجى ريقها وهي تفتح جـوالها وتدق .. وتهمس بقلق : يارب يستر بس ... ما أسمع حتى مسجد الفيلا لهالدرجة بعدنا : نعم سجى ؟! سجى بلعت يريقها : عبد المجيد قربت اسماء من السماعة تسمع : ............ عبد المجيد : داقه علي عشان تقولين اسمي ؟! نعم شتبين ؟! سجى : اقـول عبد المجيد ... " قبصتها اسماء وهي تهمس لها : تكلمي " انا والبنات في مكان مو عارفينه .. و موعارفين كيف نرجع عبد المجيد : نعــــم ؟! ووش موديكن لمكان ماتعرفنه سجى شوي وتبكي : عبدالمجيد لاتزودها علي !! شنسوي وربي خايفين الشمس غابت زفر عبدالمجيد بصبر : اشرحي لي المكان ! سجى : ظلمة مو شايفة شي عبدالمجيد عصب : تستهبلين ! كيف تبغين ادلك اجل ؟! نايف التفت له : شفيك ؟! من تصارخ عليه عبد المجيد : لحظة انت ... اخلصي علي بعد انتي سجى نطقت بقهر : لاتصارخ علي ! لحالي خايفة .... " بلعت ريقها وهي تطالع المكان " بنات كيف اوصف له المكان !؟ البنات يحاولن يوصفن ... نطقت غادة : قولي فيه طـاحونة بمسافة معقولة سجى : فيه طاحـونة قريبة منا عبد المجيد : اسطرك اللحين ؟! وين طاحونة مافيه طاحونة بالفيلا كلها سجى بكت : امانه ؟ يمممه وين رحنا .. عبدالمجيد تكفى دورنا والله خايفات ابو نايف : عبدالمجيد شفيك ؟! ابو عبدالمجيد: ايه وراك تصارخ ؟! عبد المجيد بنرفزة : هذي سجى ! ضايعــــــة حضرتها تقول عند طاحونة ... تخبرون طاحونة قريبة ؟ ابو عبدالمجيد بعصبية : وش وداها بهالوقت !!!! نايف : طاحونــة ؟ وين خفست هذي مافيه طاحونة حولنا عبد المجيد : تسألني ! " صرخ بالسماعة " بسك بكاء ولا كلمة ! هيثم كان ساكت وبداخله منصدم من بنات هالعائلة .. مافيهن صاحية وحدة مجرمة والثانية مهبولة ضايعة ابو نايف : مفروض تترك ضايعة طول الليل عشان تعرف ! بازع قليلة حلا... وش موديها بهالليول لحالها بعيد ؟! عبد المجيد : بجد انتي وش موديك لحالك والشمس تغيب !!! سجى نطقت بقهر : مو بس انا !! اسماء حتى معي وغادة ! عبد المجيد وهو يكلم ابوه وعمه : كملـــت ... الصدعة اسماء معها وغادة هيثم ( الشيخة موجوده كمان ! لا وغادة بعـــــد ؟!!! ) سحب ابو عبدالمجيد السماعة من عبدالمجيد : سجـــــى !!! سجى مرجت لما كلمها ابوها : يـ ... يــبه .. ابو عبدالمجيد : جعل عدونا الهـــزل !! ليت من تركك عشان تعرفين ان الله حق سجى : بابا هذا وقته وربي بنموت خوف حرام عليكم .. ابو نايف سحب السماعة : سجى كلميني .. مو شايفين شي غير هالطاحونة ؟! سجى : بنات شوفوا شي غير الطاحونة طيب .. غادة : طيب قولي ان الطريق العام حولنا سجى : نشوف الطريق العام ابو نايف : الطريق العام ! وش وصلكن هنـاك ؟! " زفر بضيق " خلكن مكانكن الله يستر مايشوفكن احد يحسبكن شحاذات ويخطفكن سجى طار عقلها : ننخطف !! لا تكفى .. سحبت اسماء السماعة وهي تكلم : خليك تبكين انتي ! " كملت بجرئتها المعتادة " الو ؟! من معي ؟! ابو نايف : هذا انا عمك عبدالرحمن ... اسماء ؟! اسماء : ايه اسماء ! اخلصوا دورونا بدل هالهواش والتخويف ! ابو نايف : شين وقوي عين بعد ! اسماء : شنو لكم ساعة تهاوشون تنتظرونا ننخطف صدق ... والله مصخت اخلصوا بتدورونا ولا ندور لنا طريق ؟! هز ابو نايف راسه : خلك مكانك سكر السماعة وهو ينطق بيأس : كل واحد ياخذ سيارته ويدور حول الخط العام والمزارع اللي حولنا .. واللي يحصلهن يكلمنا هيثم وقف : انا بروح مع الشرق ابو نايف بانحراج من هيثم اللي عرف بكل هذا : ارتاح انت حنا بندور هيثم : ناسي ان اختي معهن ؟! ابو نايف استوعب وهانت مصيبته بما ان عندهم وعنده خير : يله اجــل اللي يحصلهن يقول للكل ركب الكل سيارته ... والكل مسك له طريق يدور .. عـند البنات كانو جالسات بحال ميأوس منه وسجى دافنه راسها بين ركبها ونشف قلبها من البكاء ... اما اسماء كانت تطفي خوفها بنبرة غاضبة : والله قلة ادب ! يشوفونا ضايعين وخايفين وحالتنا حالة ... يجلسون يهاوشون ويخوفونا زيادة ! غادة تنهدت وهي تطلع شوكلاته من شنطتها : احد يبي شوكلاته ؟! سجى بقهر : هذا وقته شوكلاته !!! بس ماتنلامين منحاشة قبلها اكيد متعودة على هالمواقف ... بس هيه حنا بنات عالم وناس ماتعودنا على كذا .. واذا انتي تختفين كذا ومحد يفقدك حنا عندنا اهل يفقدونا ! غادة وصلت حدودها .. زفرت بقرف : انتي كملي بكاك محد كلمك ! اقرفتينا ترا ... هذي اللي مسوية بتغامر ومدري ايش كان جلستي وراك ولا جيتي سجى : مالك دخل انتي ! اسوي اللي ابي غادة : وانتي مالك دخل تعقبين على كلامي ... صدق فراغة !! سجى : لان حكيك يسد النفس زيك غادة : لا انتي اللي كلش تفتحين النفس ! اسماء صرخت فيهن : بسس خلاص ! وانتي سجى كملي بكاك صدق وفكينا .. " سحبت الشوكلاته " هاتي انا ابي ... اففف جويعة سجى : كلش مافيه دم .. تدرون لو محد حصلنا اللحين وش بيصير ؟! اسماء : مو صاير شي غير اني بنطلك مع اقرب هندي يمر واروح اعيش حياتي سكتت سجــــى بقهر وهي تشيح براسها من برودهن الزايد .. بينما السالفة ماكانت برود مجرد اسماء مستحيل تعبر انه خايفة .. وغادة كانت بمواقف اسوأ هذا مو شي : ...... همست سجى بقهر : تأخروا .. *** وصـل بدر اخيرا واستغرب مافيه ولا سيارة ولا رجال حتى .. دخل الفيلا وهو ينادي : يمه ! طلعت ام فراس مسرعة : حصلتوهن ؟! بدر : حصلنا مين ؟! شالسالفة انا تو واصل ومافيه احد لا عمي ولا زوج عمتي والعيال ام فراس بقلق : اسماء وسجى وغادة طلعـن وضيعن الطريق .. وراحوا يدورونهن لهم ساعة للحين ماحصلوهن بدر طارت عيونه : كيف ضيعن ؟! ام فراس : تسألني عن هالبنات وين عقولهن ! ياربي لايكون صاير معهن شي بس بدر مشى مسرع : ليش ماقلتوا لي من قبل !!!! رايح اشوف بعد انا طلع مسرع وهو يركب سيارته ... ودق مباشرة على اسماء ردت بسرعة : الو ! بدر : اسماء ؟!!! وين انتي ؟! اسماء بقهر : وانا لو اعرف انا وين بجلس استنجد في العالم ذلوني بدر : يذلونك ويكسرون راسك بعد ! هبله انتي كيف ضيعتي الطريق وانتي حافظة المزرعة زي اسمك اسماء : بدر لاتزودها علي ! شعرفني فجاة صرنا بمكان مانعرفه بدر تنهد بضيق : اشرحي لي المكان ... اسماء : قريب من عندنا طاحونة ورصيف بدر : ومافيه شي غيره ؟! اسماء : لا مافيه .. حتى الرصيف وضعه مريب مافيه سيارات تمر من عنده ... كوش جلدي والله من المكان يخوف تكفى بدر حصلنا بدر : سكري اللحين ! لو يخوفك كان قريتي بمكانك ! بزر صدق سكر السماعة مباشرة وهو ينقلق بالمشاوير .... يحاول يحصل .. اسماء هزت راسها بيأس : اذا للحين ماحصلونا .. معناها المكان مجهول صدق ياربي كيف وصلنا هنا ! سجى : هذي بركات توجيهاتك ! بس هذا درس لي ... توبة توبة اتبعك في شي اسماء : يكون احسن ... غادة تنهدت : بـرد .. مالبست شي يدفي سجى : بنات هناك نور سيارة !!!! ضيقن عيونهن وهن يركزن على السيارة اللي مصوبة نورها عليهن حتى وقفت قدامهن : ................ اسماء بلعت ريقها وهي تركز حتى بان الشخص بالسيارة .. من بين الكل ماحصلهن غيره ؟! واضح على نظراته قمة الغضب طلع راسه من الشباك ونطق بهدوء : اركبن . بلعت غادة ريقها وهي تسحب رجلها ... ركبت قدام بينما اسماء وسجى ورا .. سجى اللي كان تنهج : حمد الله يارب اللي ماضعنا ولا حصلونا عصابة يبيعونا ونموت صغار حمد الله يارب هيثم : ليته صدق عشان تعرفون تقصرون رجليكن اسماء فتحت عيونها .. نطقت بقهر : كلامك على اختك لو سمحت ! انا وياها مالك علاقة فينا ! سجى : معها حق ... بعد يدعي علينا هيثم وقف السيارة فجأة : انزلي انتي وياها سجى طارت عيونها : شششششششنو !!! لا وش ننزل .. هيثم : مالي علاقه فيكن .. يله انزلن مسؤوليتي اختي انتي وياها بالناقص اسماء طالعته بقهر : اذا نزلنا وصار فينا شي تعتبر مسؤوليتك ! هيثم : قلتيها بعظمة لسانك .. مالي علاقة فيكن غادة نطقت بهمس متردد : خلاص خل نرجع وبس ... هيثم بحدة : ما أذكر اني اتكلم معك انتي بالذات فاطبقي فمك ! " رفع صوته برعب " شنو تنتظروني اسحبكن برا السيارة ؟! اخلصن انزلن !! سجى : لا والله اسفة تكفى مانبي نجلس لحالنا ! هيثم : اعتذري .. واشكري خدمتي واحمدي ربك اللي تنازلت وربكت اشكالك سيارتي اسماء : شنو يهود حنا ! هيثم نفذ صبره منها هي بالذات .. : انتي بالذات شوكتك كسرها سهل .. انزلي اخلصي علي سجى : حنا اسفات صدق مو قصدنا تكفى نبي نرجع للبيت وبس هيثم : شكرا ؟! سجى : شكرا انك بتوصلنا ... بس خلاص حرك تكفى هيثم وعيونه على المراية العاكسة عليها وهي تحدق بغضب : حتى مع اعتذارك بتنزلين .. سجى انقهرت منه بجد .. صدق جاذبيته تخدع وش هالمرعب هذا : نو تلعب فينا انت ! والله لا أكلم ابوي هيثم : اكلمه عنك كمان ؟! فوق الغلط بجاحة ؟! اسماء فتحت باب السيارة ونزلت مباشرة : منة الله ولا منة خلقه .. ولا منتك انت بالذات تابعها بعيونه حتى رجعت وين ماكانوا جالسات .. هيثم نقل عيونه لسجى : وانتي اخلصي انزلي ! سجى قفلت باب السيارة من داخل : علي وعلى اعدائي ماحنزل ... وربي خايفة والله ما ارجع خلاص تاسفت وش بعد! انتبه هيثم لسيارة من بعيد جاية .. ضيق عيونه سيارة بدر , تطمن ورجع يكمل طريقة وهو يحس بداخله انه رد اعتبار نفسه لما فكر فيها وهي مطنشته .. غادة كانت تطالع هيثم وبداخلها منقهرة على اسماء .. واضح انها تحبه وهو هيثم مايتغير , مسكينة يا اسماء حبيتي واحد ابعد وصف يناسبه الحب .. اول ماركبت اسماء مع بدر قابلها بنبرة غاضبه : شاسوي فيك انتي اللحين ؟! اسماء : بدر صدقني مرة مالي خلق .. خل نوصل للفيلا وبس بدر : لا ياشيخة ! مالك خلق عقب ما مرجتي العالم كلهم !!! اسماء : وربي اسفة بس صدقني ما عرفت انا بنضيع ! بدر تنهد بضيق : ولو اسوم انتبهي لنفسك خصوصا بالليل لاتطلعين .. لو ماحصلناك اللحين وش كان بيصير ؟ اسماء : ستر ربي بدر : ليش ماركبتي مع هيثم ؟! اسماء: شفت سيارتك جت فقلت اركب معـك وبس بدر : اهـــا اول ماوصــــلوا نزلت اسماء ودخلت وهي تسمع الهوشة اللي صايرة .. ابتسام تهاوش غادة وام عبدالمجيد سجى .. : جت الثانية !!! اسماء رفعت اصبعها : اسمــــعوا ... لنا ساعتين من ضعنا وطول هالساعتين جالسين نتهزأ فانا اقول وفروا خلاص حنا غلطانين واسفين ام نايف : ياسهلها غلطانين واسفين !!! طاحت قلوبنا ! اسماء : حتى انا طاحت قلوبنا !! خلاص حصل خير ام فراس : اسمـــاء ! فوق الغلط قوة وجــــه ... صدق انك مدري لمن طالعه اسماء بقهر : شنو حنا مخططين نضيع يعني ! هذا امر ربي ضعنا وش نسوي ... وحمدالله هذانا رجعنا بسلامتنا اللي بيضمني ويتحمد سلامتي ولا يتركني بحالي ! يكفي بعض الاخلاق التجارية نطقت سجى بقهر :ايه معليش يا ابتسام وغادة دون اهانة ! بس اخوكم يرفع الضغط غادة همست بينها وبين نفسها : ماشافن الا قطرة من غيث .. ابتسام : خلاص ياجماعة روقوا .. حصل خير اسماء : صح لسانك ... انا بصراحة تعبانة وبصعد انام تعبت من الهواش وكلش صعدت اسماء وهي تدخل غرفتها وتسيح الدموع مباشرة : ........... حقير ... حقير ... حقير حست بقهــر فضيع .. ليش لازم تشوفه ! ليش لازم تقابله ! ليش لازم تنجرح مرة ثانية ... خلاص فهمت ان مابينا نصيب اتركني بحالي ... ليش للحين مصر تجرح فيني ... مو ناقصتك والله .. ودخلت نوبة بكاء صامته مع نفسها...... يتبع..... | ||||
|
| |
|
17-05-17, 08:38 AM
| #49 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| " تشابتر واحد واربعين " يقول أحد علماء النفس : الرجال ينسون لكن لايسامحون , والنساء يسامحون لكن لاينسون جـالس على شرفته .. يراقب ساعات طلوع الشمس الأولى وامامه ورقة وقلـم وكاس قهـوة , هو أكثر شخص مستمتع بهدوء البيت العارم ..هالشخص الحالم الخيالي يقدر يبحر بنفسه بعيد عن هالعالم وينسى اللي حوله لساعات .. تنهـد وهو يفلت قلمه .. تناول فنجاله وهو يوقف ويراقب الحديقة ويشرب قهـوته , كتاباته هي متنفسه الوحيد .. لحد مايفك الحديد كثر الدق .. طالع ساعته قرب المـــوعد دخل غرفته وهو يلبس جاكيته القطني البيج على بلوزته الجنز الرسمية وبنطـال برتقالي .. ونظارته الشمسية مجرد ماخلص دق جواله .. رد مباشرة : وصلت ؟! فراس : ايه انا عنـد الباب اللحين لؤي : يله جايك نزل الدرجات بسرعة حتى وصل لبرا .. حصل فراس بالمقعد اللي جنب السايق , يعني افهم وسق .. ركب : حمد الله على السلامة فراس : الله يسلمك لؤي وهو يحرك : كيف شغلك ؟! مشى كلش تمام ؟! فراس : ليش عند شك انه ماراح يمشي تمام يعني ؟! لؤي : لا حشى لله.... تصدق مالي خلق نهائي اروح لو مو انت زرعت لي مارحت اساسا فراس : تغيير جو ... لؤي تغيرت نبرته : ابسألك كلمت سارا ؟! فراس تغيرت تعابيره للتشاؤم : كلمتها ! وعندي سؤال واحد بس ..؟! عقلك وين يوم تزوجتها ؟ لؤي : ياليل رجعنا لنفس المنـوال ... فراس : والله اشوف حالتك تجيب الهم .. وهي عايشة حياتها ولا درت عنك حتى لو مكانك خذيت خطوتين ورا واختفيت من حياتها ! لؤي : وش تبغـاها تسوي يعني ؟! فراس : ماتطلب الطلاق مثلا ! عطها ورقتها وفكنا .. والله يعوضك خير لؤي : انا فاهم انها زعلانة .. ويحق لها اللي جاها مو سهل اضطرت تشيل مسؤولية كبيرة ..بس لازم اعطي نفسي واعطيها فرصة ثانية .. فراس : مو كل الناس يستاهلون فرصة ثانية .. في ناس اصلا ماكانت تستاهل الفرصة الأولى ! لؤي : انا ماراح اناقشك بسارا .. ماراح احط جهدي فيها اللحين .. خل اخلص ابوي قبل فراس : ابوك ماراح يخلص .. صدقني لؤي لما حس بقتمه من الموضوع قرر يغيره : شخبار اصابتك .؟! متى اخر مرة رحت للمستشفى ؟ فراس : لي شهر مارحت .. خلاص معد احتاجهم لؤي : من جدك !! مفروض وقت تبدا تلتئم يشوفونها فراس : يشوفونها يصورون معها ؟! خلاص التئمت والحمدلله لؤي : ما شاء الله عليك .. بالحيل مهتم بصحتك , ماعادت تعورك ؟! فراس : نهائي .. لؤي : افلقني ! بس معلوم ماراح تقولي فراس : وقف عند دكتور كيف .. المشوار 3 ساعات ابي قهوة لؤي : على اساس انت اللي تسوق ؟! فراس وهو يطلع لابتوبه : على اساس انا اللي بجلس اشتغل طول الطريق لؤي : حتى بالطريق ؟! هذا وانت بتغير جو ... الله لايبلانا *** الســـاعة 8 صباحا .. كان نظـام غرف مرتب على سريرين , غادة واسماء تشاركوا الغرفة .. وحصلن نفسهن صاحيات من بدري اسماء كانت بالغرفة تكمل كشختها بينما غادة بالحمـام تاخذ لها شاور , طـلعت غادة من الحمـام بروبها وهي تتجه لشنطتها .. نطقت اسماء بتذمر : اف صبغتي نزلت صاير شكلها بايخ لازم اروح للمشغل قريب غادة : ايه تو بقولك .. بس وقت تروحي لاتصبغي اشقر بس , لو منك بحط خصلة ملونة اسماء عقدت حواجبها : ملونة ؟! غادة : ايه رمادي مثلا .. او بنفسجي حتى بس بيطلع بايخ مع الاشقر ..رمادي حلو ! اسماء : خلاص وقت اروح روحي معي .. ونقرر , المهم تتوقعين احد صاحي اللحين ؟! غادة : ما أدري احس هدوء مرة .. اسماء : اجل بسرعة البسي خل نروح ناخذ لفه لفتين قبل يصحون غادة : لحظة يامطيورة .. خل البس اسماء : ناشبه تتسبحين من صبح ! طلعت غادة بسرعة بعد مالبست على السريع اسماء : افف سنة ! خلصتي ؟! اخلصي قبل يقومون وتروح علينا الطلعة غادة وهي تطبع البلوشر على خدودها : شاسوي بخلص مكياجي ... " رشت عطرها وسحبت عبايتها " يله سرينا لبسن عباياتهن وهن يطـلعن والجـو يجيب انتعاش .. هالوقت من الصباح مايعلى عليه , اسماء : ياربيه الجو يجيب العافية غادة : هههههههه انتبهي بس نضيع زي امس ! اسماء : يابنت الحلال الواحد اذا ضاع يحس نفسه مهم .. يفقدونه اهله ويبكون ووقت يرجع يضمونه ! حنا اعوذ بالله شوي ويعلقون حبل مشنقة عند الباب يستقبلنا غادة : ايوه حنا طرق التعبير عندنا مضروبة شوي اسماء : وماقهرني الا سجى هالوصخة ! هي اللي رايحه تركض سابقتنا ثم تجي تقول فكرة اسماء يقطعها ام وجهين ذي حقدت غادة بحقد : وفوق انها عايشه بوجهين ولا وجه فيهم حلو ! اسماء : ههههههههههههه ايه والله صدقتي غادة وهي تتأمل المزرعة : بس بجد اسوم شغلكم مرة رهيب .. اول مرة اشوف مكان كذا خيالي بجد اسماء : التصميم كله كان عمي عبدالرحمن .. ووقت كبروا الشباب صار كل واحد يضيف له فكرة او مشروع او أي شي , واغلبها طبعا نايف وعبدالمجيد غادة : ما شاء الله عليهم شاطرين جد" وقفت غادة فجأة " اسمـاء اللي قدامنا هو كباين الكهرب !! اسماء : شف شف !! ايه هذي هي .. وجع وحنا امس ضعنا ندورها غادة : جعله يخلف بس .. اسماء قربت من الكبينة : تعالي نكتشف الخلل غادة : اشتغل الكهرب خلاص ! اسماء : مشغلينه بمـولد .. ولا هو مازان غادة : بجـد !؟ " قربت معهـا وهي تطالع تحاول تكتشف " شوفي هذا السلك مفصول اكيد هو اسماء : تصدقين شبكنـه مكانه واسماء تضرب يدينها ببعض : لا ويجون يهاوشونا وهم مايسوون دونا غادة : ههههههههههههههه وناسه حلينا السالفة صدق كملن جولتهن على المكـان .. وقت قربت الساعة تصير 10 رجـعن اول مادخلن كان الكل مجتمع على الفطور : بدري ! وين كنتن ؟! سجى : يضيعون مرة ثانية اسماء : مانقدر دونك ! ام فراس : اغسلن يديكن وتعالن افطرن غادة تلفتت : فين إبتسام مو شايفتها وداد : ماحبيت اصحيها .. مسكينة أمس مانامت طول الليل تقيئ ام فراس : غريبة .. هي اللحين الشهر السادس مفروض وقف الوحـام غادة : الله يعيـنها .. ميهاف نزلت بعد فترة .... ام نايف : كل هذا تلبسين ! حشى ! ميهاف : فجأة نسيت كلمة سر شنطتي .. عقب الشين انفتحت لي اسماء : من الفهاوة ! ميهاف : ياحلوك ساكته انتي اسماء : المهم ! اليوم ابي اركب الخيول .. والدبابات وابغى اركب المنطاد بعد و .. قاطعتها ام فراس : كل هذا بتسوينه اليوم !؟ اسماء : ليش مقدر ؟! ام فراس : ايه ماتقدرين ! امس لادباب ولا خيول ولا منطاد وضعتي .. كيف بكل هذا ! غـادة : كل هذا موجود ؟ ! اسماء : ايييه كله .. بس طبعا لازم تبيعين كرامتك تشحذين نايف وعبدالمجيد ميهاف : انا بصراحة ابي الخيل وبس .. دخلت ياسمين بحماس : ماااااامااا .. فراس ولؤي جو !! ام فراس : وصــــل من الصين ؟! ام نايف : ياحليله والله كويس جا يجيب لؤي معه بعد اسماء : لااااااااااااااااا ... جا فراس خلاص مافيه دباب ولا منطاد ولا غيره ومافيه حتى هواء نتنفسه ! ام فراس : احسن .. سنايدي والله ليته من امس هنا اسماء : يممممه .. طاح قلبي وانا اتخيل بس سجى : غادة شفيك كأنك مو مبسوطة ان فراس جا ؟! غادة عقدت حواجبها .. شتبي هذي : احد قالك اني مو مبسوطة ؟ سجى : اسود وجهك من قالت ياسمين انه جا غادة : وتراقبيني كمـان ؟ّ واضح اني شايله معك بجد سجى رفعت حواجبها : فوق ماتتصورين غادة وقفت : الله يعينك اجل .. انا رايحة اشوف ابتسام بس همست وداد لسجى بعصبية : شقاعدة تقولين للبنت انتي ! سجى : قاااااااهرتني قاهرتني ! شوفي واصل من سفر ولا همها حتى رايحه تشوف اختها ! وداد : خلاص سجى .. صارت زوجته انتي مالك علاقة باللي يصير بينهم ! عـند فراس :- دخل هو ولؤي وسلموا على الكل ... أول ماجلسـوا , جلس لؤي جمب هيثم : هلا والله بالدكتور منور والله .. ماتوقعت احصلك لا وممسي بعد هيثم : مو ناوي والله .. بس ابوك اصر احرجني ! لؤي : هههههههه ايه معليش اجلس وسع صدرك هيثم : لا ساعه كذا وماشي لؤي : يوم جيت ؟! لا والله ماتروح ... حنا كلنا بنرجع اليوم خلاص ارجع معنا وبس بدر : من امس وحنا نمسكه وهو بيطير .! ابو نايف : شخبار الصين .؟! عسى كلش تمام ؟ فراس : ايه خلصنا كلش باجتماع واحد وكنسلنا الباقي ... واثنين من الإداريين جالسين يبيعون شهادات هناك كويس اللي رحت ابو نايف : ايه تحتاج متابعه مستمرة ولا راح تسلم من اللي ماعندهم ضمير فراس : لا طردتهم مايحتاج .. خل اللي يفكر يسوي سواتهم يعرف بدر : الله وصل فراس صرنا مجلس وزراء خلاص ! عبدالمجيد : هههههههههههههههه من جد .. الا اقول وينه نايف ؟! بدر : طفشت منه رفسته حست ام امه .. بس مافيه امل يصحى يقولي دقيقة ويرجع ينام لؤي : نايف نومه ثقيل لاتحلمون يصحى لكم ابو عبد المجيد : إلا اليوم طفيت المولد .. طلع الكهرب زان بدر : بجد ؟ فراس : ليش خربان اجل ؟ ابو نايف :ايه امس طفـى ولا اشتغل نهائي .. بس غريبة كيف زان فجأة انا تو اقول بكلم عامل يصلحه لؤي : كويس اللي تصلح اجل هيثم : يمكن عـطل بسيط وخلاص زبط ابوعبدالمجيد : ايه اكيد فـراس وقف عقب ماخلص فطوره .. ودخل يشوف امه مرة وحده اول ماراح نطق بدر : اقول .. انتبهوا احد يقول لفراس وش صار امس ؟ لؤي : شصار امس ؟! بدر : سالفة ماتسوى .. بس المهم لحد يزل لسانه بيعصب وبتخرب على الفاضي دام الامور عدت سليمة خلاص ابو نايف : تنذكر ماتنعاد خلاص مايحتاج احد يتكلم فيها بعد دخـل فراس يم الفيلا وتنحنح : احححم ... يمـــه ام فراس طلعت له مباشرة .. باس راسها : هلا والله ام فراس : حمدالله على السلامة ! كذا ماتقولي انك بترجع ؟ فراس : اهم شي أني جيت .. سلمت عليه ياسمين .. تلفت عقبها : وين اسماء اجل ؟ طلعت اسماء : هذااااني ... كيف حالك ياصاحب السمو ؟ داخــل .. كانت سجى عند النافذة العاكسة تراقبه , داخت على شكـله بالجنـز الفاتح وتيشيرت أبيض دون تفاصيل وفوقه جاكيت أسود جلد .. تناسق الأسود مع شعره الفحمي معطيـه فخامة غير العالم .. انضرب قلبها وهي تنتبه له يرفع حاجبه باستبعـاد لكلام أسماء الكثير , تنهدت بغرام : يــــذبح .. الله ياخذها يارب فتحت جزء من الشباك عشان تسمع .. طاحت على ام فراس تسأل : اسماء وين غادة ؟! اسماء : صعدت لاختها فوق ام فراس : روحي ناديـها تسلم فراس : مافيه داعي .. طالع انا اللحين سجى ( مو ميت حتى يشوفها ! انا من أول حاسه زواجهم مريب ) : ................ اسماء : طيب فراس تكفى نبغى نركب الدبابات طلبتك ! فراس : اختاري .. الدبابات او المنطاد او الخيول ! مو كلها اسماء : اففف صعــــب اختار ... انس : نبي الدبابات ّ! اسماء : شدخلك تختار انت عني ؟! عقد فراس حواجبه وهو ينتبه للشاش بيد انس : انس شفيها يدك !؟ انس بانتقام : اسماء عضتني ! طلعت دمي مو صاحية اسماء عضت شفتها وهي تفتح عيونها تبيه يسكت ... التفت لها فراس : ليش عاضته !؟ اسماء : لأنه معط شعري ! انس : نصابه .. انتي معطتي شعري أول عشان كذا معطتك اسماء : لانك قليل ادب وبزر ! انس : عشان غيرت القناة .. والله انتي البزر فراس : ايه والله انتي البزر .. " ضيق عيونه فيها " ولك وجه جايه تبين دبابات وخيول وماخليتي شي اسماء : اففف شاسوي .. والله هو يقهر فراس : لا تسوين شي خذي لك أقرب سكين المرة الجاية واقطعي يده مره وحده ! اسماء : إلا بقطع لسانه ذالنمام ! فراس سحب اذنها : قدامي بعـد ؟! " هز اذنها بالخفيف " مافيه لا خيول ولا دبابات ولا غيره انثبري في البيت لين تسنعين اسماء ترفعت على اطراف اصابعها من سحبه وهي تمسك يده تبي تفلته : ااااااااااااااا فراس توجع !! وش هالسخافة طالعين عشان مانسوي شي ! فراس افلت اذنها : تأسفي لاخوك ويمكن اتركك للدبابات بس اسماء : على قطع يدي ما أتاسف له ! اصلن بدر بيركبني فراس : يعــــني ؟ بنشوف اذا بيركبك ولا لا .. اسماء طالعت انس بحقد : حسابك عندي ! " طالعت فراس بقهر " وبعدين هو حتى عورني ومعط شعري لازم يعني الف شاش على راسي عشان يوضح ! وفوقها قايل لي مكاني المطبخ ! فراس : اوك هاتي يدك واتركيه يعضك زي ماعضيتيه .. ثم لك اللي تبين شهقت اسماء : تبيه يعضني ؟ فراس : العين بالعين . والبادي اظلم ! ام فراس : خلاص هالمرة عشاني اتركها .. اخر مرة تسويها فـوق عند غادة / كانت جالسة على سرير إبتسام تنتظرها تلبس بعد ماصحتها , انتبهت لغادة مسرحة بانعكاس المراية : غدو ؟ غادة : لبيك إبتسام : فيك شي ؟ كانك مو على بعضك غادة تنهدت : فراس جا ... إبتسام : اهااا .. طيب ليش زعلانة ؟! انتي بحالك وهو بحاله غادة : سجى موجودة .. احسها تراقب كلش واللي يقهر لو اقابله راح يفشلني انا متأكدة .. ومابي اتفشل قدامها .. إبتسام : ماعليك منها .. وبعدين سجى هذي وش عندها حاطه نقرها بنقرك ؟ غادة : على كلام اسماء .. هي كانت تحب فراس إبتسام : اوف ! بجد ؟ غادة تنهدت : تحبه بالطقاق جعله قدرها ماهمني تتزوجه بعد ... بس انا خلاص انقرفت منها بأي حق تجلس تحط من قدري كذا ! ابتسام : ماعليك منها عطيها طاف .. الحقران يقطع المصران غادة : انا لاحقرت تتقطع مصاريني انا مو هم ! إبتسام وقفت : تعالي بس ننزل .. بيقولون وش هاللي تكد نوم للحين ؟ غادة : لا وداد قالت لهم انك تعبانة شوي .. ابتسام : يوه ليش قالت لهم .. غادة : عادي عشان يعذرونك نـزلوا لتحت .. ابتسام : صباح الخير : صباح النور ميهاف : كيف ابتسام اللحين ؟ احسن ؟ وداد : ايه والله شلت همك امس ابتسام بابتسامة عذبة : لا حمدالله ... اللحين مرة احسن انتبهت غادة لسجى تطـالع من النافذة بحماس ... وداد همست لسجى بقهر من تصرفها : سسجى ! تعالي اجلسي غادة انتبهت لخلفية النافذة ... فراس بنفسه ! صعد قلبها لحلقها مجرد ماشافته .. وانقهرت من هالوقحة اللي جالسة تقزقز !! مهما كان اللي بينهم لازم تحترم علاقتهم وش هذا ! مشت بجرأة ناحية النافذة وسكرت وهي تطالعها بنص عين : خلصتي قز ؟! خرقتيه بعيونك خلاص ! سجى : هييييه انتي وش دخلك تسكرينها ! وخري بس لايكون تغارين مثلا غادة : انا اغار منك انتي ؟ وعــــوه سجى : احترمي نفسك ! وعوه انتي يالشحاذة ام عبدالمجيد طلعت من المطبخ : سجى ! غادة ! ياساتر شفيكن ؟ نخلص من سجى واسماء تجي سجى وغادة ماتخلصين مشاكل انتي ياسجى ؟ سجى سكتت وهي تتجاهلهم وترجع تجلس .. إبتسام اشرت لغادة بعيونها تطلع , وغادة حست شكلها بايخ صدق الكل يدري انه برا وواصل من سفر وهي جالسة ماطلعت لو أنس موجود حطته عذر بس القهر انه حتى ياسمين مو موجودة راحو يلعبون .. كرهت الوضع وهي تطـلع على كلمته : احمدي ربك امي شفعت لك .. الدبابات ويخب عليك اجل ! اسماء برجاء : طيب والخيول ؟ فراس رفع حواجبه : نكنسل الدبابات مره وحده ؟ اسماء : اففف لا لا اسفة خلاص كذا زين تنحنحت غادة بالخفيف : احــم .. ابتسمت ام فراس من قلب لما طلعت : هلا والله جيتي ؟! غادة وهي تصرف عيونها عنه وتطالع ام فراس : ايه ... " التفتت لفراس اللي كان يطالعها بصمت " حمد الله على السلامة فراس : يسلمك .. " التفت لأمه " يله انا ماشي اسماء : مافيه امل نهائي ؟ حتى لو غادة نفسها فيها .. فراس طالع غادة : غادة نفسها فيها ؟ جالسة تعطيني سبب ثاني عشان ارفض ؟! غادة : شنـو ؟ شدخلني انا اسماء : افف ماراح نركب الا الدبابات غادة : .............. ام فراس تنهدت : الله يستر عليك .. خلاص الدبابات تكفيكن طلع مبـاشرة .. غادة رجعت تدخل واسماء دخلت تتحلطم : ااااااااااااااااااااااااا ااااااااا ! بايخ بايخ " جلست باحباط " يله دبابات واحمدوا ربكم واشكروه بعد سجى : شدعـوة بس الدبابات ؟! غادة ليش ماتوسطتي لنا ؟! غادة حست باستفزاز بجد .. هالبنت تستفزها : شايفتني مهبـولة .. كلمات فراس بالذات اوامر عندي سجى طالعتها بنص عين : لا واضح .. اسماء استلقت على الكنبه : سد نفسي الله يسد نفسه غادة اللي دخلت كئابة نفس الشي " تعطيني سبب ثاني عشان ارفض ؟ " كشرت بقهر وهي تنثبر مكانها .. *** أول ماطلع فراس من الفيلا .. طفى الكهرب مرة ثانية ! عقد حواجبه وهو يكلم ابو ناايف : عمي مو قلتو تصلح ؟! ابو نايف : غريبة والله .. اليوم صحينا حصلناه ضبط .. مدري وش صار بعد ؟! فراس بتذمر : هذي سالفة بعـد .. " طلع جواله " لحظة اكلم الصيانة .. بدر دخل على نايف ونطق بعصبية : اسمع للثلاثة .. لو ماتصحى قفلت الغرفة واجلس هنا لليل نايف وهو نص نايم : تسوي خير والله بدر : يقطع جوك البايخ .. " التفت لعبدالمجيد " امش بس نشوف الخيول دخل هو وعبدالمجيد حضيرة الخيـول ... عبدالمجيد انتبه لخيل جديد باللون الأبيض : وش هالخيل أول مرة اشوفه ؟ بدر : انا شاريه هدية للمدام عبدالمجيد : حركــــات ! خيل مرة وحده ؟! وش رايها فيه ؟ بدر : للحين ماعطيـتها اياه .. شريته بداية زواجنا وماحصلت فرصة اعطيها للحين عبد المجيد : ما تتزوجني ؟ بدر حامت كبده : يخسك حومت كبدي وع طلـع بدر خيـله .. وهو يمتطيه برشاقة : اخلص يابطيء بسبقك امتطى عبدالمجيد خيله برشاقه وهم يشقون طريقـهم للحلبة المخصوصة للخيول .. اثنـاء ماهيثم يراقب منظر الخيـول الرايق ... فجأة دق جواله طالع المتصل عقد حواجبه ! رقم غريب ابعد عن الموجودين وهو يرد : أيـــوه ؟! : عرفتني ؟ هيثم لقط الصوت مباشرة : سارا ! : ههه أيـوه .. هيثم : ع بالي ميته بمكان ومحد داري عنك ! وينك يابنت الحلال ؟ سارا : موجودة .. بس صارت لي ظروف شوي هيثم : اللي هي ؟ سارا : كلام كثيـر .. هيثم : يابنت الحلال لا تتهربين ولا تبلين قولي زهقت منك وبس سارا : انا اقول كذا عنك ؟ ..." تنهدت " ادري اني غايبة كل هالوقت وفجأة بكلمك اطلب خدمة بس .. هيثم قاطعها : ايش خـدمته ؟! سارا : انا جـــاية السعودية للرياض بكرة .. تقدر تستقبلني ؟ هيثم : ايش عنـدك بالرياض ؟ سارا : فيه حاجات لازم اخلصها .. تقدر ؟ هيثم : والسـكن ؟ سارا : بحـجز طبعا .. ابيك بس تستقبلني وأبيك تحجز لي باسمك ؟ هيثم عقد حواجبه : ماتعرفين تحجزين ؟ سارا : اعرف ... بس ابغى باسمك .. مو باسمي هيثم : اوك انا اللحين مو فاضي .. بس اول ما افضى الليلة ان شاء الله بضبطه لك سارا : شكــرا مره .. هيثم : يله سلام .. سكرت سارا وهي تتأمل الفوضى اللي هي فيها .. شكلها يرثى له بعد ما أهلكت نفسها من صبح في التنظيف حتى الصعب تنظيف السقف والنوافذ ترتيب الأسرة كان البيت يلمع .. دخلت عليها صوفي : انت تلجأين حقا لإهلاك نفسك سارا وهي توقف وتكمل شغلها : ربما ... *** بعـد مارجع فراس وأبو نايف من كباين الكهرب ... نطق ابو نايف بعصبية : من هاللي شابك الكيبل غلط !! فجر الطبلون كله فراس : مو هو الكهرب لما تصلح فجأة على قولتكم ! كان مضروب على اقوى شي واللحين .. بدر : شالسالفة ؟! ابو نايف : احد شابك الكهرب غلط .. وفجره بدر : افــــا ! فراس : السؤال اللحين من هالملقوف !؟ مع اني تقريبا اعرف ! عبدالمجيد : ميـــن ؟ فراس وهو يتوجه للفيلا : من يعني راس كل المشاكل ؟!!! أول مادخل الفيلا نادى : اسمــــاء ؟!!! اسماء وهي جالسة داخل : جاي يكمل علي النكد يعني ...؟ فراس : اسمـــاء ؟!!!! طلعت له بكئابة : هـلا ؟! فراس بنبرة عادية : اليـوم الكهرب فجأة تصلح ..؟ ماتعرفين ليش ؟! اسماء تحمست وابتسمت من قلبها : انـــا وغادة صلحناه ! "كملت بغرور " ادري انا رهيبات وشاطرات ! لاتحاول تتأسف اللحين يوم عرفت قد ايش انا مبدعة ؟! فراس هز راسه : اها ... انتي وغادة ؟! روحي نادي غـادة معك طيب ودنا نعرف كيف صلحتوه لانه رجع يخرب ؟ اسماء صدقت دخلت بحماس : غادة ! فراس يبيك غادة فتحت عيونها " وش يبي .. من متى وهو يبيني " : .............. اسماء : اخلصي متحمسة اكمل فلسفتي !! غادة : ليش ؟ اسماء وهي تسحبها من يدها : تخيلي يبون يعرفون كيف صلحنا الكهرب .. بس اصبري والله ما اعلمه لين يوافق على الدبابات والمنطاد وكلش ! طـلعت غادة وهي مب متطمنة .. حتى لو صدق هن صلحنه مستحيل يسألهن : ................ انتبهت له متسند على العـامود اشر لهن باصبعه يقربن : من ودهـا تبدا ؟! اسماء رفعت يدها بحماس : انا انا ... بس لازم مقايضة اولا ّ! فراس رفع حواجبه : مقايضه ؟ اسماء : ايه .. تتركنا نركب الدبابات والخيول والمنطاد وقتها نقولك كيف .. اما غيره معليش ماراح اعطيك سر الوصفة فراس التفت لغادة : وانتي ؟! ماودك تقولين .؟ غادة كبست بعيونها : انا احس .. احس بس ان السالفة غلط ! اسماء : كيف السالفة غلط ؟! فراس : احساسك صح .. الكبينة انفجرت واللحين تعطلت ! اسماء فتحت عيونها : تستـــهبل ؟! فراس : السؤال هو .. من اللي معطيكن شهادة مكيانيكي عشان تشتغلن من راسكن ؟ انتن حتى شهادة سباك ماتجيبنها! اسماء : ايه طبعا مو مقامنا ! فراس وهو ينقل بصره بينهن : انا فاهم اني متزوج كمخة بس اللي تو افهمه اني جمعت كمختين في بيت واحد ! غادة باستغراب : ......غريبة والله كنت متأكدة اني مركبته صح ! فراس : انتن بالذات فلس ثقافي ! ومصدقات بتصلحنه ؟! ام فراس طلعت على صوته وهي تنتبه له متسند على العامود وقدامه غادة واسماء : ..... شفيكم ؟ فراس : تعالي تفرجي .. الحلوات هذول موكلات عمارهن عمـال وفجرن كبينة الكهرب ! ام فراس شهقت : انفجرت انفجرت ؟! ومتــــى ! لاتقولن امس ؟ اسماء عضت على شفتها لايزل لسان امها وتقول انهن ضاعن : ... لا لا ! اليوم فجر رحنا ! ام فراس : يعني الواحد امس عجز يحكي واليوم تروحن ... الواحد يتعب يقولكن الحكي تسمعن نصه وتفهمن ربعه وتسون عكسه بعد ! غادة : طيب آسفات .. والله ماقصدنا فراس باستهزاء : لا انحلت المشكلة ! غادة اعتذرت ؟! خلاص اكيد الكبينة بتصلح نفسها بنفسها " طالعها بحدة " اسمعـي انتي ! " والتفت لاسماء " وانتي ! مبلغ الكبينة يندفع كامل اسماء : ولا يهمك بقول لأخوي فراس يدفع لك .. مليونير ترا ! فراس ضرب راسها بخفه : تنكتين ووجهك ؟! بتدفعينه من جيبتك ! ريال على ريال لين تصلحينه كامل اسماء : يوه فراس !! ماتقدر تدفعها يعني ؟ فراس : ليش ادفعها ..؟!! مو انتي اللي خربتيها يله صلحيها ! غادة : طيب انا مامعي .. مفلسة " طلعت جيوب بنطالها " من اليوم لبكرة ماحتحصل شي فراس بحدة : النص بالنص .. انتي نص المبلغ وانتي نصه ! وامي مافيه وبدر مافيه ! " التفت لغادة " واختك مافيه ! غادة فتحت عيونها : كيف طيب ؟! فراس رفع يديه : مالي دخل .. والله ثم والله لو يخلص هالشهر وهو ماتصلح ! بتاكلينها على راسك انتي وياها ! انا مطول بالي ترا بالنسبة للي شفته ... اسماء : بكم طيب ؟ فراس : قولي 35 زائد 15 وزيديها 23 وعشان التختيم 7 ... كم ؟! غادة : 80 ؟!!! فراس : لا شاطرة تعرفين تحسبين اسماء : وش 80 ؟!!! فراس : الف . اسماء : يووووه فراس واجد ! غادة بقهر : ايه صدق واجد وش دخلنا .؟ ماكنا ندري انه بيخرب يعني فراس : تعرفون تخربون ولا تعرفون تصلحون !!! 80 الف ان شاء الله تبيعون خلقكم غادة : متأكد ؟! فراس : مية بالمية . اسماء : بسوي أي شي ثاني الا فلوسي ! وش ذالقهر ادفع 80 الف وانا بنت الشمري فراس : شوي شوي لاتقطعين نفسك يابنت الشمري ! غادة : طيب بنحاول نصلحه مرة ثانية ... يمكن يتصلح ومب لزوم ندفع مهر حشى ! " كملت بحلطمة " حتى انا ماجاني مهر كذا فراس تكتف : عندك شكاوي ؟ غـادة ببراءة : والله واجد .. فراس : انتي بالذات كيد الحريم اللي فيك هذا شغليه صح ودبريها ! غادة : كيدي عظيم بس عطفي اعظم مقدر . فراس انقلبت ملامحه لقرف : .............. ايه لاحجت البقر اسماء : انا ابي ارجع البيت ! وش هذا مافيه الا دبابات لا وفوقها ادفع ومدري شلون ! فراس اشر لها بيده : درب السلامة .. ارجعي البيت اسماء : والله بجد فراس انك تقهر .. نبي ننبسط خربت علينا داخل الفيلا / سجى وهي تراقب الوضع .. واضح ان النقاش مطول وماتسمع فجأة انتهى بان اسماء تدخل معصبة متجاهلتهم وام فراس تدخل .. انقهرت وهي تشوف بس غادة اللي جلست .. طالعها فراس بنص عين : وش عندك بعد ؟! غادة : ابي .. ابي اكلمك بموضوع .. بس مو هنا فراس استقام بوقفته : مو فاضي لك اللحين قبل يروح مسكت غادة يده لا يروح .. وقف فراس وجسمه قشعر من لمستها التفت لها وهو يطالع يدها النحيلة اللي ماسكه معصم يده ... طالعته غادة برجاء : لو سمحت . فراس وعينه بعينهـا ... مسك يدها اللي ماسكه يده بيده الثانية وسحبها من يده بخفه ونطق بهدوء : لا تلمسيني .. نهائي , سامعة ؟ غادة بلعت ريقها من اثر مسكته ليدها .. حست فعلا بجفاف حتى بلمسته حضنت يدها بيدها الثانية وهي منزلة عيونها : الموضوع ضروري . . . راح تقولي اللحين مو فاضي .. وبالبيت ماراح تجلس .. وبالأخير بتسافر ماقلت لك شي .. فراس طالعتها لفترة .. واضح على عيونها منكسرة : رنيم جت امس .. جالس أنتظرك ترجعين تشتكين ؟ ماراح تسكن في بيتي ... فانسي الموضوع غادة : ليش طيب ؟! انا مو عايشة مع أحد .. لا انت ولا أهلك .. ابي احس احد معي فراس طالع بحدة جهة النافذة .. قمطت سجى وهي تسكر الستارة : يمة أنتبه لي ! رجع فراس يطالع غادة لما تسكرت الستارة .. كانت منزلة راسها ماتقدر تتكلم وهي تطالعه , وضامه يدها بيدها الثانية وواضح ضاغطة على شفتها : عشان ماترجعين تعورين راسي كل فترة بهالسالفة ... راح اقولها لك مرة وحده وافهميها رنيم ماراح تسكن ببيتي غادة رفعت راسها بقهر : انا ماراح انحرم من بنتي طول عمري .. ماراح تسكن ببيتك اجل انا مابي بيتك بعد ! فراس : حتى بيتي وأهله مايبغونك ! " كمل بعصبية " تجلسين تحسسيني انك متعذبه معنا وحنا ميتين عليك .؟! لولا الظروف ماكان لك مكان عندي " كمل بحدة " صدقيني انا كاره وجودك بحياتي اكثر من الكل ! مو من زينك ولا زين اخلاقك اتعلق فيك ! غادة : لا طال عمرك ! انا اللي ميته عليك انا اللي خاطبتك اساسا وساحبتك تعيش معي فراس رفع حواجبه وهو ينتبه لنظراتها المحتده فيه .. خطى خطوتين لقدام .. غادة تراجعت مباشرة بخوف : شنو ! لما قابل ظهرها الجدار .. وقف قدامها مباشرة وهو يسند يده على الجدار : ايه أنتي اللي خاطبتني .. ولا نسيتي ؟! غادة بقهر وضيق من قربه وريحته الرجوليه تلفح خشمها : بأحلامك بس ! فراس : مالك مكان بواقعي عشان يكون لك بأحلامي .. استوعبي هالشي نزل يـده من الجدار وهو يعطيها ظهره .. قبل يطلع : موضوع رنيم لعد يتكرر . وطـلع مباشرة .. اول ماطلع انتبهت لجسمها يرجف من القهر , ارخت جسمها على الجدار وهي تعض على شفتها .. ماقدرت ترجع تدخل نزلت درج مقدمة الفيلا وراحت تمشي تدور مكان تنعزل فيه .. تحس بوهن فضيع عقب مايكلمها .. دفنت راسها بين ركبها .. وهي تكرهه بداخلها زود تكره رقابته عليها .. تكره كلامه لها .. لما كانت محبوسة عنده بطرابلس كانت اكرم من اللحين .. أول مارجع فراس .. كان الكل مشغول بالسوالف ماعدا نايف اللي تو صاحي وجالس يفطر .. نايف : اوه انت هنا .. حمدالله على السلامة فراس وهو يجلس : يسلمك . ابو نايف : عرفت من اللي خربها ؟ فراس : ايه عرفت .. وراح يصلحها بنفسه فلحد يلمسها ! ابو نايف : من ؟! فراس : اللي هو .. نايف : لايكون ركبتوا الخيول وانا نايم ؟ بدر : اييييييييييييه .. بنحتريك مثلا !؟ نايف : ياشينك ياكلب ... تصدق امس لما رجعت للرياض كان بنركبها بس اجلناها عشانك ! كانك كفو ؟ عبدالمجيد : ايه نايف شفت الخيل اللي شفنا امس ولا عرفنا لمين ! طلع لاختك هدية من الرومانسي هذا نايف رفع حواجبه : اخسس اخسس ... والله وعرفنا نناسب ! بدر : ايه معـلوم عرفتوا .. عكس هيثم سبحان الله نايف : ترا اخوك معي هاه ! بدر : حتى اخوي ! هيثم : لا والله والنعم فيهم كلهم ... حاصل لنا حنا ؟ نايف : صح لسانه ! خلك انت بس ترا ابوي كل ماقابلته حش فيك يانسيب الفلس ابو نايف : حسبة ولدي ولا ماعليه خلاف نايف : عموما ترا هالخيل كان بشتريه اخر مرة .. بس حصلت واحد احسن بدر : بكم ؟! نايف : اغلى من حقي اللي مات اول ابو نايف : ايييه بالخيول بتقط فلوسك ! ويوم طلبك ولدك كم ريال عييت نايف : إنا لله ... الله يخليك له يبه جعله مايحتاج لي ابو نايف بقوة : آمين ! مدري كيف صرت ابو انت ! نايف : اشرح لك يعني ؟! بدر : ههههههههههههههههههههههههه ههههههههه ! نايف انقلع قبل تتكفخ عبدالمجيد : هههههههههههههههههه وصخ لؤي حبس ضحكته احتراما لأبوه اللي معصب ... لكن بالأخير الكل ماقاوم .. ابو نايف هز راسه بيأس : انا مدري للحين ليش اناقشك ! نايف : اندري عنك *** اسمـاء اللي كانت تتمشى بالحديقة لحالها تتنفس شوي عقب فراس .. وبنفس الوقت تدور غادة اللي من طلعت مارجعت .. تنهدت بضيق : اكيد كمل عليها بعد .." طالعت ساعتها " مابقى شي على مانرجع ولاركبنا دبابات ولا شي ! اففف .. وش هالزيارة المقرفة اثناء مشيها أنتبهت لهيثم ينسحب من جلسة الرجاجيل وباذنه جواله .. واضح المكالمة مهمة جالس يبتعد عضت على شفتها بقهر وهي تطالعه : ................. تجاهلته وهي تكمل مشيهــا .... بالأخير تراجعت وهي تحاول تعرف وجهته .. مشت ببطئ وراه ناحية الحدايق اللي دخلها ... وقفت بخطوتها وهي تحاول تتراجع .. لازم ترجع وش تلحقه له ؟! : شايفك ترا .. انتبهت له يطالعها وهو يسكر السماعة : .. لوين كنتي ناوية تلحقيني ؟! اسماء برد اعتبار : حديقتنا ! انت اللي جاي مو انا هيثم : يعجبني كبريائك اللي يمنعك تحاكيني بس يجبرك تراقبيني من بعيد .. " تغيرت نظرته " حاس عليك من قمت من الجلسة .. ماراح تكوني اسماء اذا مالحقتيني اسماء : اها حاس علي ؟ عشان كذا جيت مكان مافيه احد ؟! يمكن كبريائك هو اللي يخليك تراقبني مو انا هيثم ضغط على نفسه ورمى السؤال بصعوبة : الفترة اللي راحت .. ماصرتي تجين المستشفى .. اسماء استغربت كلامه .. نطقت بقهر : صدق انك غريب .. وقت اجي ترمي كلامك علي وتتوقعني ارجع اجيك ؟! هيثم : لأن اللي يحبك بيجيك مهما كان ! " كمل ببرود " عشان تفهميني وقت اقولك انك تخدعين نفسك اسماء : بالله كيف تقول كذا ؟ بس معك حق هذا مو حب .. هذا مرض انك توجعني بس مازلت أبيك .. هذا اكيد مو حب هيثم : الفرق اللي بيني وبينك اني صح شفاف ساعات واحيان قاسي وعنيد ومزاجي بس ماعمري كنت منافق .. ولا زورت نفسي ولا مرة....... كنت أنا ! اسماء : انا المزورة يعـني ؟ انت ماكنت قاسي ولا عنيد لا .. انت كنت كارثي بالنسبه لي احسك موجود بس عشان تتفنن في كسر صبري .. هيثم : وتقنعيني انك تحبيني عقب كل هذا ؟! اسماء عضت شفتها ونطقت بقهر : ايه .. لو عندي دليل واحد عليك .. كان ماتراجعت لحظة .. بعد فترة صمت وحرب نظرات بين الإثنين .. عين تواجه صعوبه في التعبير وعين تواجه صعوبة بالتفسير هيثم شد على قبضته : ...... تبغيني ؟! اسماء فتحت عيونها مب مستوعبة : ............... هيثم : متأكدة بتتحملين هالشي ؟ اسماء ماستوعبت كلامه للحين : ........... اذا جاوبت ؟! راح تصدقني ؟ هيثم : ... انا اصدق افعال مو كلام .. اسماء : ........... اذا انت ماتعرف الجواب عقب كل هذا .. اجل انا شكنت جالسة اسوي كل هالوقت ؟! هيثم دخل يدينه بجيب بنطلونه : عطيني دليل .. دليل مقدر اكذبه حتى لو اجتهدت ! وانا مجتهد مثل ماتعرفين اسماء بقهر : تدري انك تضحك ؟! تجلس تتكلم وكأنك ضحية هالعلاقة ! " عضت على شفتها " انا اللي لازم تعتذر لها وتثبت لها ! لا تجلس تجيني باسلوب ملتوي .. ماعدت اتحمل هالأسلوب ! ماراح اعطيك دليل ... ولا راح اعطيك شي .. " كملت بقوة " انا احبك هيثم ! وانت تعرف هالشي .... اللي لازم نعرفه اللحين هو انت ! ولا انا .." كملت بغصة " ماراح اجتهد عقب اليوم .. ليش اجتهد ؟! عشان تقولي كذابه ومنافقة !! شكرا يكفيني اللي وصل منك للحين ! ضربت رجلها بالارض وهي تعطيه ظهرها .. وقبل تكمل طريقها التفتت : ولعاد تطردني من سيارتك ! مو من زينها ! وكملت طريقها .... هيثم : .................................................. ......؟ تردد على اذنه لهجتها الحادة " انا احبك هيثم ! وانت تعرف هالشي .. ماراح اعطيك دليل " : معناها ... انا اسف مقدر اساعدك .. اسمـاء / ضربت خدودها وهي تعدل نفسها وتدخل الفيلا .. حصلت غادة طالعة من مؤخرة الحوش : غادة ! انتي هنا ؟ غادة : ايه .. ليش ؟ اسماء : لا بس كنت جالسة ادورك .. غادة : موجودة .. اسماء : تعالي بس ندخل .. الرحله هذي كلها على بعض زي وجيهم دخـلوا داخل ... نطقت ام فراس : وينكن تاخرتن جلست كل وحده باحباط دون كلام .. اسماء وهي جالسة جمب غادة اسندت راسها على كتفها : متى بنرجع البيت ؟ ام فراس : طفشتي عقب كل هالمشاكل ؟ اسماء : ايه والله انبطت تسبدي خلاص ... غـادة ؟! غادة : همم اسماء : ريحتك ريحة فراس ! غادة فتحت عيونها : شنو ؟ اسماء : ايه والله .. " شمت " ريحـته واضحه بجد ميهاف : اووووه امداكم ! وداد : هههههههههههههههه ماعندهم صبر معاريس ! سجى كانت تطالع غادة اللي انحرجت وهي تشم ريحة بلوزتها ... بغى ياكلها من شوي طبيعي تلزق ريحته نطقت بانحراج : والله مو عارفه كيف .. ميهاف : مو عارفة ؟!! كلش يالبريئة ام فراس : خلاص لاتحرجون البنت ! دق جـوال ابتسام ردت مباشرة : هلا ؟! اوك تمام وقفت وهي تلبس عبايتها : يعطيك العافية ام فراس على هالطلعة الحلوة انبسطنا بجد ام فراس : بدري ! بتروحين من اللحين ؟ ابتسام : ايه خلاص نبغى نمشي قبل تغيب الشمس ... يله سلام طـلعت إبتسام .... وعقبها أم عبد المجيد وبناتها ..وأم نايف .. دخل عقبها بدر : احم احـــم .... ميهاف ؟! ميهاف : جاية ! سلمت على البنات وهي تطـلع ... ركبت السيارة دون تعليق : ............... بدر وجه سيارته ناحية الإسطبلات ... وقف وهو يقولها : انزلي بوريك حاجة ميهاف تكتفت : مابي مالي خلق اشوف شي .. خل نرجع البيت وبس ! بدر : انزلي وصدقيني ماراح تندمين ! ميهاف : آففف ! مابي ... شنو لعبة هي تمسح بكرامتي الأرض امس واليوم الحقك ! بدر رفع حواجبه .. ورجع يركب : انا المهبول اصلن اللي مفكر فيك ! كويس مانزلتي ميهاف : أيـوه هذا انت تغلط .. وتجي تتكلم طبيعي ومفروض اسايرك ! لا حبيبي اذا ماتحب تعتذر لاتغلط من البداية ! بدر : خلاص انبلمي ! لا اعتذر ولا غيـره ... معليش ميهاف بس احيان استخسر اهتمامي فيك ميهاف : شعور متبادل ... بدر طالعها بنص عيـن ... وعقبها طلع سماعاته من الدرج وهو يشبكها باشارة لانهاء النقاش : ... *** بعد مغادرة الكل .. دخل فراس ووهو ينتبه لهم جالسين بعباياتهم يستعـدون للرحيل : جاهزين .؟! ام فراس : ايه فراس : اجل مشينا تراكض انس وياسمين للسيارة ... اما غادة واسماء كانو يسحبون رجليهن بالسيارة ... اسماء بتذمر : اول مرة اكره رحلة زيه المرة ياساتر وش هالطفش .. ام فراس : لا والله انبسطنا .. خلك اجتماعية وشوفي العالم وانبسطي اسماء : من زين هالمجتمع عشان اصير اجتماعيه فراس : الله يريحك اجل ... اقعدي بالبيت وبس اسماء : امنيتك عاد ! فراس : لا والله شدعـوة ؟! بس مافيه داعي يجتهد احد يطلعك دام مافيه شي عاجبك .. ارتاحي بالبيت وبس انس بتأييد : ايه والله اسماء التفتت لانس بعصبية : طولك طول ساقي وجالس تنصحني !! هش بس التفتت اسماء لغادة حصلتها مسندة راسها على النافذة وغاطة بنومة عميقة .. تسندت بعد هي لحد مانامت صاحيات من فجر ومن صحن وهن من سالفة لسالفة .. أول ماوصـلوا كان الكل نايم تقريبا .. ام فراس : كلهم ناموا واضح تعبانين فراس ضرب البوري حتى فزوا كلهم .. : وصلنا انزلوا اسماء : انفجر راسي من البوري وش ذا ! سحب الكل رجله وهو يتـوجه لمكان نومه .. اسماء مجرد مادخلت غرفتها .. حست نفسها مرتاحة وبنفس الوقت قلقة .. قدرت تعبر عن اللي داخلها اخيرا .. بس مو مرتاحة لنتيجة فضفضتها .. لبست بجامتها وهي تسحب حرف الأتش وتضمه وتفكيرها ياخذها ويوديها .. استوعب كلامي ؟ ولا للحين متسـاهل ويحسبني العب ولا ...؟ وفكرة تودي وتجيب حتى غطت بنومـــتها *** صبــاح ... بالمطـار ينقل بصره ينتظر مسافره يوصل . لما انتبه لها وقف وهو يستقبلها : حمدالله على السلامة ! والله وتغيرتي سارا : ههههههههه بجد ؟! ايه معلوم بتغير كم لنا عن بعض 3 سنين ؟ هيثم سحب شنطتها : يله السيارة برا ركبوا وسارا تراقب ممرات الرياض وبداخلها خوف من اللي راح يصير : ................ هيثم : صاير شي ؟! احس جيتك للرياض مو لله سارا : لا مافيه شي .. شدعوه تقول كذا ؟ هيثم هز كتفه : إحساس سارا : لا تشيل هم .. مشاكل بسيطة وبتنحل هيثم : عموما بأي وقت ابيك تعرفين اني موجود متى ما احتجتيني .. دوريني مباشرة وقت تحتاجين كتف تسندين عليه , راح اكون لك هالشخص سارا ابتسمت : مشكور هيثم ... بجد وحشتني هيثم : نصابة لو واحشك ماجلستي سنتين مانعرف عنك " تذكر " اييه على فكرة !! انتي كنتي تشتغلين بشركة فراس ؟ ترا قبل فترة كلمني لؤي ولد عمه وقالي انه يبغى يتواصل معك ضروري بس وقتها ماكنت اعرف وين ارضك من سماك سارا : ولا تقول له انك حصلتني ! هيثم استغرب : ليش ؟ سارا بربكة : لا بس .. اكيد بيصرون علي اشتغل وانا خلاص كرهت الوظيفة عندهم هيثم : .... اهـا سارا : انت كيفك ؟ وكيف حياتك .؟ هيثم : ولا شي ... نفسها سارا : ماتزوجت .؟ هيثم : لا والله فكرة تودي وفكرة تجيب ولا أدري وش التالية سارا : اخس صرت تفكر في هالموضوع يعني ! هيثم : كم عمري .. خلاص طبيعي افكر فيه سارا : الله يوفقك ويسعدك مع اللي ترضيك يارب وصــل هيثم عـند الشقة اللي استاجرتها : يله مفروض اعزمك ع فنجال قهوة شي بس مشغول .. بعدين ان شاء الله سارا نـزلت : يله بــاي مجرد ماغادرت سيارة هيثم ... وقفت لفترة ثم رفعت يدها من جديد توقف لها تاكسي .. وترجع تركب *** فـراس كان جالس بالبيت .. ولؤي في زيارته / فراس بصدمة : إيش ؟! لؤي : شفيك ؟ قلت بقول لواحد اعرفه بالسفارات سالفتي .. عشان يقدر يدخلها السعودية دون يعرف ابوي ثم احطه قدام الأمر الواقع فراس : وعلى أي اساس بتقول لهذا اللي بالسفارات ؟ بيقول لابوك على طول لؤي : انا واثق فيه فوق اني بعطيه مبلغ يسكته فراس : وابوك بيعطيه مبلغ ينطقه .. لؤي : ايه بس انا واثق بالرجال من زمان اعرفه .. بيساعدني يعني فراس : انت واثق فيه وهو واثق في ذاك وذاك يثق بالثاني .. وسلم لي على سرك ! لؤي تنهد بضيق : خلني متفائل ... احسن فراس : اللحين هي كارشتك ماتبيك ... وقت تتعدل قرر لؤي طالعه بنص عين : هذا انت عايش مع وحده ماتبيك .. وقفت علي ؟ فراس : عايش مو أحب ! فرق لو سمحت ..ومو عايش كمان أتعايش لؤي : اللي هو .. " تنهد " انا كمان ما أحب انا اعشق .. فرق لو سمحت فراس : شالفرق ! كلها بلا لؤي : الفرق انه اذا كنت تقدر تنام .. منت عاشق , واذا اللقمة ماتوقف بنص حلقك منت عاشق .. ملخص الكلام دامك أنت هو أنت منت عاشق فراس طالعه بنص عين : احلف ؟ لؤي : اقول .. انا بروح البيت يخسك انت واللي جالس معك . فراس : الله معـك صدعت بي بخرابيطك لؤي ابتسم : ماودك تجي معي ؟ نوقف بمحل شي ؟ فراس بتعابير الكسل على وجهه : لايخي والله عجزان مالي خلق اطلع لؤي : يله ... اشوفك على خير دخـل فراس البيت .. كان ام فراس جالسة مع ياسمين وأنس : راح لؤي ؟ فراس وهو يسترخي على الكنبة : أيـه راح ام فراس : الله يستر عليه فراس طالع الساعة تشير لـ 9 .. : بكرة دوامات " طالع ياسمين وانس " شتسون سريرك انتي وياه انس : لحظة بس هاللعبة وأقوم ياسمين : لاراح أنس رحت .. فراس : لكم دقيقة قبل افصل التلفزيون ولعد تشوفونه استسلم انس وهو يسكر القيم .. صعد : تصبحون على خير ام فراس : وانت من اهله .. " تنهدت " يازينها الدوامات بنرجع ننتظم فراس : اسماء وين ؟ لاتصدموني وتقولون نايمة من اللحين ام فراس : مدري وينها هالبنت اصلن مو بعادتها تداوم أول يوم .. : الزين على طاريه ام فراس : هلا .؟! اسماء كان حاطه قبعة على شعـــرها .. فكته وهي تنفح بشعرها بطريقة مغرية : تاااااااااااااااداااا شهقت ام فراس .. اما فراس طارت عيـونه من المنظر : ................ كان شعرهـا بلون الكحلي مدرجه ا طرافه بكحلي أفتح ... وقاصته فيكتوريا قصير مـرة .. وناكشته بشكل جميل وشبابي ... حطت روج أحمر تكمل جمـال شعرها اللي ماراح يفهمه لا أم فراس .. ولا فراس ! فراس : كأن احد غاسل شعرك بكلوركس ! ام فراس : وش هـــذا ؟! متى رحتي للمشغل اليـــوم اسماء هزت كتوفها : مارحت ... غادة ما شاء الله كأنها مشغل " جلست تهز راسها بحماس " هي قصته لي وصبغته أم فراس : وينهـا ؟ الله يهديها وش هاللون وش هالقصة اسماء : والله ياماما حلـــو ... انتظري اداوم بكرة بينجنون كلهم عليه فراس هز راسه : انشهد ان العقل نعمة .. لا ولا الثانية لاعبة عليك لو هو حلو صدق حطته براسها بس ماخذتك مصخرة يالهبله اسماء بلكنة غـادة الجداوية اللي تستعملها باوقات نادرة : غدوشتي فاهمــا بالدوق .. إنتا ماتفهم خليك باركينق لو سمحت فراس بقرف : تكلمي زي العـالم .. يكفي الزفته اللي فوق وانتي خليك امعه وش ماتقول اجري وراها اسماء : ههههههههههههههههههه ام فراس : وينها غادة عـاد ؟ اسماء : فـوق ام فراس : شتسوي فوق كان نزلت معك ؟ اسماء : يوم سمعت صوت فراس تحت عيت .. شاسوي اذا ولدكم مسوي لها بعبع ام فراس هزت راسها : والله هالصبغة مب زينة يا أمك .. غيريها احسن لك اسماء : ترا جـويل براسها بتموت قهر لو تشوف صبغتي عشان تفهمون بالذوق بس ام فراس : احلفي عاد .. مستانسة ان هاليهودية بيعجبها شعرك اسماء : ما أحلف على امور سخيفة .. وبعدين انتي سببتوا لي يأس من الحياة عقب أمس فصرت احتاج تجديد فراس : انتي يأستي من الحياة ؟ انتي خليتي الحياة تيأس منك أسماء : يله خلاص انتهى الشــو .. بصعـد خلاص ام فراس : بتداومين بكرة ؟ اسماء : ايه بـداوم .. لاتنسين تصحيني صعـدت اسماء حصلت غادة على راس الدرج : سمعتي ؟ غادة : القط كلمة وتفوتني كلمة .. بس كنت متوقعة مايعجبهم اسماء : ماعليك فيهـم .. انا عاجبني وهذا أهم شي ! بصراحة يجنن مبدعه غادة : ههههههههههههههه هوايتي من وانا بزر .. بس ابتسام ماتحب تغير بشعرها ماتعطيني وجه ماصدقت احصل احد يعطيني وجه اسماء : تسلمي والله جميل ... يله انا بروح انام تصبحي على خير غادة : وانتي من أهله انتبهت غادة لخطوات أول الدرج ركضت مسرعة تصعد .. آخر شي تتمـناه تشوفه ! صعدت وهي تستلقي قدام التلفزيون صاير شغلتها هالأفلام .. عـند فراس / بنــص نومة ..انعقدت حواجبه بألم بنص نومة .. زاد انعقاد حواجبه والعرق ينصب من راسه ... ! فتح عيونه بضيق وهو يحس حلقة جـاف .. مسك مكان رصاصته .. " عقد حواجبه بألم وهو يرفع بلوزته " الجرح يطلع صديد .. عض على شفته هذي فايـدة الإهمـال ... فتح درجه وهو يبلع حبتين ورا بعض دون مويـة ... بس مافيه فايدة يحس نفسه جسم بارد جدا مرمي في مقلاه حاره .. فتح باب بلكونته وهو يطلع يحس جو الغرفة مكتومة ... مسكه سعـال دون انفصال .. لكم مكان رصاصته يبغى الألم يسكن مافيه فايدة .. البلكونة اللي فوق بلكونته مباشرة ... بلكونة شقته , غادة اللي دخلت غرفة النوم بعد ماداعبها النوم بنص الفلم .. لبست بجامتها وهي تستعد تنـام .. توجهت للبلكونة اللي تعودت تتركها مفتوحه وتنام عشان يتجدد هواء الغرفة .. اول مافتحتها انتبهت لسعلات متتالية .. عقدت حواجبها باستنكار للصوت .. خطت برا البلكونة وهي تتبع مصدر الصوت .. نزلت عيونها للبلكونة اللي تحتها .. انتبهت له ببنطـال البجامة ودون حاجه تغطي صدره .. فتحت عيونها بعدم تصديق للجرحين بصدره . . والثاني نازل تحت بمعدته .. فيه جرح متشكل على شكل ندبه قديم .. بس الثاني هو اللي يخوف واضح ملتهب ... : ............ كان مرخي جسمه على البلكونة وهو يسحب سيجارته ويوقف بنصها من نوبة السعال .. ماسك فمه يحاول يسيطر على هالسعال اللي مايوقف : اخخخ قبضهـا قلبها وهي تشوفه بهالهيئة .. معقولة فيه هالجرحين ويتصرف طول اليوم كأن مافيه شي .. الجرح اللي بصدره هذا الرصاصة .. اللي تحته شنو ؟! " ظلت تتأمله " كلام كثير صار بطرابلس يوضح ان هالرجال وراه قصـه .. بس ليش مايتهشم ؟ ليش مايون ؟! " عضت على شفتها حتى ادمت " دخلت داخل وهي تسحب شـال طويل اورانج من درجها .. ثم راحت للمطبخ وهي تطلع مويـة بدرجة حرارة الغرفة .. واخذت سطل مويـة معه منشفة نطقت بقهر من نفسها : ولو انك ماتستاهل .. فــراس / اثناء ماهو جالس يعاني .. ويحاول يلتقط انفاسه .. عقد حواجبه من الشال اللي نازل ومربوط فيه قنينة موية رفع راسه لفوق ماشافها .. مجرد الشال نازل هزت الشال بمعنى " استلم " مد يده وهو يفك الشال من الموية .. وللحين متعجب اكيد شافته .. تافف وهو يلعن مكان البلكونة البايخ .. شافته بهالوضع البايخ .. سحب قنينة الموية وهو بيدخل لكن وقف لما انتبه للشال ينزل مرة ثانية ومعاه سطل موية بمنشفة : .............................. تراجع عن الدخـول وفك الشال وهو يسحب السطل .. وبكل مرة يرفع راسه مايشوفها .. اكيد ماتبيه يشوفها : ... غـادة فوق كانت جالسة عشان مايشوفها .. وماتلقط الا يده المرسومة بالعروق .. وهي تفك الشـال .. جلست تفكر وش ممكن ترسل بعد , انتبهت لسلة ملابسه اللي مازالت ام فراس مصرة تصعده .. سحبت منها بلوزة ثقيلة وربطتها بشالها مع ورقة .. ونزلته مرة ثانية استلمهـا وهو يقرا " تدفى كويس واترك الوجع يحرق بصدرك ونام " .. شهقت غادة وقت انفلت شالها من يدها .. مسكه فراس لايطيح ... عقبها سمع باب البلكونة يتسكر : ................ ابتسم بخفة وهو يقرا الورقة مرة ثانية .. : وانا تاركه يحرق بصدر غيري ؟ بس لازم تردها يعني البزر .. لبس البلوزة مبـاشرة .. رغم ان ريحتها موجودة فيها ماعارض .. وهو يدخل ويرمي شالها على كنبته ويحس تنفسه رجع ينتظم بعد الهواء النظيف .. *** ابو نايف بساعات متأخرة من الليل مازال بمكتبه ... دخل سكرتيره : عند زايره ابو نايف: بهالساعة ؟ مين ؟ ام يزيد ؟ السكرتير : لا تقول اسمها سارا .. وتبيك ضروري ابو نايف لقط الأسم مباشرة نطق بعصبية : اتركها تدخل !! بعد فترة دخلت المكتب .. وهي مخبية وجهها لأول مرة بالطرحة .. لانها تخاف وجوده ويلقطها مباشرة : .... ابو نايف وهو يحكم اعصابه : وش جاية هنا تسوين !! سارا : السلام عليكم ... ابو لؤي ؟ ابو نايف بغضب : ايه ! سارا تنهدت : جاية اساعـدك ... واساعد نفسي .. | ||||
|
| |
|
19-05-17, 08:45 PM
| #50 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "تشابتر ثنين وأربعين " أستمعي للرجل جيدا من باب الذوق .. أما من باب الإحتياط ؟! فلا تصدقي كل ما يقوله لك • جنون المطر بعـد ليلة عصيبة متعبة .. صحـى بكسل على صوت المنبه , تافف بقرف .. هو متى نام عشان يصحى اللحين ؟! استقعد بجلسته وفور حركته رجع الجرح ينغزه عقد حواجبه بضيق وهو ينطق بقرف : الله ياخذك وجع ! فتـح جدوله يحـاول يراوغ اشغاله .. لكن مستحيل اليوم بالذات حضوره مهم , مثل كل يوم .. دخل الشـاور بصعوبة بالغة قدر يخلص حمـامه .. وقف قدام المراية وشكل جرحه زايد قبح قبح اكسبه قناعه انه لازم يزور المستشفىغير وجهه اللي يحس كبر عشر سنوات من الهلاك اللي شافه أمس , لبس ثوبه وتراجع عن العطـر هالمرة ... أي ذرة عطر بتزيد الوضع سوء بس .. توجه لطاولته ياخذ اغراضه المهمه المرمية فوقها ... انتبه للشـال الأورانج بالكنب , فجأة استوعب .. امس ؟ صـح امس ... حدق في الشال لفترة .. ثم سحب اغراضه ودخلها جيبه وهو ينـزل وكأنه يأجل التفكير .. أو يمكن يلغيه ؟! صبـاح اليوم نشيط عكس العـادة ... أسماء : محـــد طلب رايك يالفصعه ! أنس وهو يفطر : والله المصخرة ... " التفت لامه " بالله يمه هذي كيف صارت اختنا ؟! شكلنا خلصنا العقل عليها اسماء شهقت : حسبي الله على بليسك ... " التفتت لفراس اللي تو نزل " صباح الخير ! ولو سمحت انا امنعك من أنس التطبع اللي جالس يصير مو طبيعي فراس ماله خلقها .. تجاهلها وهو يسحب كاس قهوتـه : ..... انس : هاهاها سفهك ! روحي اوقفي بدال المزهرية بالله فراس رفع عينه لأنس ونطق بحدة : أنـــس ! ام فراس طلعت من المطبخ وبيدها صحن فاكهة : صح النوم يمه فراس : صح بدنك ام فراس : انتو خلوا منكم الهواش بسرعة السواق ينتظركم ! اخلصوا افطروا اسماء : انا مالي دخل .. بيجيني بدر يوديني مع ميهاف انتو يالبزارين اخلصوا ام فراس : وليش تخلينه يتعنى عشانك ! كان رحتي مع السواق وبس اسماء : اذا ماتعنى عشاني يتعنى عشان مين بالله ؟! ام فراس : ياسمين لاتنسين الورقة .. ياسمين طلعت ورقة وهي تتوجه لكرسي فراس ..وتحطها جمبه : وقعها .. فراس : شهذي ؟ ام فراس : بداية السنة عشان تستلم مقررها فراس وقع على السريع وهو يكمل كاسه ... ام فراس ضيقت عيونها فيه واضح وجهه شاحب وغريبة يكون فيه نقار بين اخوانه الصغار ومايهجدهم : فراس ؟! يمه فيك شي ؟ فراس وهو يحتسي فنجاله : شوي صداع بس ام فراس : بسم الله عليك .. فيه صداع ارتاح اليوم مو لازم تداوم فراس دون نفس : ومن بيخلص الشغل ؟ خيـالي ؟ ام فراس : وهالشغل مايتأجل ؟ فراس : لا مايتأجل .. انا اللي أتاجل ام فراس عقدت حواجبها من نبرته .. مره ماله خلق واضح , وقف وهو يطـلع مباشرة . *** زفرت إبتسام بضيق من شكل معجون الأسنان مرمي على المغسلة دون غطا .. رجعته مكانه وهي تطلع لنايف بغرفة النوم جالس بكسل على اللابتوب : نايف ! كم مرة اقولك لاتترك المعجون كذا ؟! اموت انا ؟ نايف : بس معجون ترا .. لايطق لك عرق إبتسام : بس معجون ؟! وملابسك المرمية ... من بيصدق اني تو رتبت الغرفة قبل ساعتين ! جيت بخمس دقايق وعدمت المكان نايف هز راسه بتبلد وهو يكمل شغله .. هزت ابتسام راسها بيأس وهي ترجع ترتب , اثناء ماهي تشيل بنطلونه انتبهت لجواله داخله : ناسي جوالك ببنطالك ! لو دخلته الغساله وش بتسوي ؟ نايف ببرود : بشتري جديد إبتسام قبل تجيب جواله لعنده انتبهت ل 24 مكالمة فائته من نهى .. نطقت بضيق : وش كل هالمكالمات ؟! نايف : ما أدري ولا ابي ادري ابتسام : حتى لو ضروري شنو 24 مكالمة ؟! نايف رفع عيونه لها وابتسم : تغارين ؟! ابتسام حطت جواله على الطاولة : لا عادي .. بس انا اقول رد وخلصنا احسن نايف : افا مفروض تمنعيني اكلمها ! وش هالجفاف رد وخلصنا ! إبتسام : ليش امنعك ؟ حط ببالك اني مستحيل امنعك انك تكلم غيري او حتى تتعرف وتحب غيري .. لأنك لو تحبني صدق كان بتمنع نفسك دون أقولك نايف ضيق عيونه : يعني هذا معناه لاتكلمها بس بطريقتك الملتويه ؟ إبتسام : ...... هذا معناه عقلك براسك وتعرف خلاصك ! سحبت سلة الغسيل وهي تطـلع .. نايف عقد حواجبه مافهم شي , اساسا صاير مزاجها هاليومين مقفل .. من رجعوا من المزرعة , بس نفسية الحوامل مايتعبث معها .. عنده خبره قبل كذا , *** هيـــثم : لا اترك هالوقت لإجازة الربيع أحسن لك مؤيد : وانا وش مستفيد منها ؟ اخذها رسمية احسن هيثم : تستفيد كثير .. وقتها مره كويس غير انها طويلة لانك تقدر تمسكها مع اجازة رسمية مؤيد : بس بخسر الإحتياطي حقي هيثم : والله اللي يعرس يتحمل ! مؤيد تنهد : ظنك يعني .؟! هيثم : ايه صدقني ماحتندم .. لانك لو تروح موسم سياحة راح تكون الأسعار ضاربه غير الزحمة والقرف هالوقت ركادة لك مؤيد : خلاص على قولتك .. وين ظنك اسافر ؟ هيثم دون تفكير : استراليا .. سدني على طول ! مؤيد : يمه مسرع جاوبت ! ليش ؟ هيثم : جوها خفيف وحـلو .. مو جو مدينة يمرض ولا عاد مقطعة , وسط يعني مؤيد : رحت لها من قبل ؟ هيثم : لا .. بس درست مع ناس من هناك كلامهم مره يطمن غير انهم شعب كويس مؤيد تنهد : مو مصدق بتزوج .. لو ومو بس كذا باخذ اللي تمنيتها من زمان راح اكون لها اللي تبي بكون صديقها وقت حزنها .. حبيبها وقت حاجتها واخوها وابوها واللي تبي .. هيثم : انا اقول خلك بنكها تختصر كل وجع الراس هذا بشيء واحد ! مؤيد : فداها والله اصير بنك .. بس ابوي الظاهر ناوي يتركني ادفع نص المهر يعني ابي اصير بنك بجد هيثم : انا اقول احسن لك تدفعه كله .. خلك مكتفي بنفسك من اللحين قدامك مسؤولية مؤيد : ايه لان قدامي مسؤولية ابي اوفر ! هيثم : والله انا لو يجوني عيال ماراح ادفع القرش .. انا ادفع وهو ينبسط خله يسنع نفسه مؤيد : جعلني مب ولدك بس ! هيثم : آمين مؤيد : مفروض الممرضات والعالم اللي طايرين فيك يعرفون جانبك المجرم هذا عشان يحرمون يعجبون بك بعد ! هيثم : لا تخاف اول معجبه عرفت هالجانب وماشفت الا غبرتها مؤيد : اول معجبة ؟! هيثم وهو منوجع من طريقتها في الإنعتاق منه : ..... المهم زواجك متى ؟ مؤيد : لا لا تعال من اول معجبة ؟! اللي تزورك كل شوي ؟ هيثم : يالقفك ! " وقف " قوم بس تاخرنا مؤيد وهو يلحقه : وين رايح ابعرف يعني ابعرف هيثم : اقول فك عني .. بدال ماتنشب لي اشكرني راح البريك حقي كله اخطط عنك مؤيد : شكرا مع خالص احتقاري ! هيثم وهو يكمل طريقه : عفوا مع خالص حقراني مؤيد وهو يخز ممرضة : يالبيه ياغمازاتها .. شي يقتل ان شاء الله زوجة المستقبل فيها غمازات هيثم انقهر بجد : كف عيـونك ! استح على وجهك فيه وحده بذمتك مؤيد : يمه وش قلت ؟! بس ادعي ان فيها غمازات هيثم : تدعي عليها بتشوه في عضلات الوجه ؟! هذا وأنت دكتور مؤيد : علامة جمال ياغشيم ! هيثم : طبيا هي تشوه .. ماتقدر تنكر مؤيد : إلا اقدر انكر ! طبيا يسوون عمليات تجميل عشان الغمازة هيثم : طبيا يشوهون عضلة الوجه عشان الغمازة مؤيد : رب ضارة نافعة يخي هيثم بتسليك : خلاص زين خذ معك دريل اخرق خدها اول ماتشوفها , اوك ؟ مؤيد : ههههههههههههههههههههه تخيل بس قابلوا دكتور بطريقهم : ههههه جالس تودع العريس قبل يروح هيثم : شدعوة بيروح المريخ؟ كلها شهر وراجع مؤيد : بتفقدني وقت اغيب ؟! هيثم : لا .. بغيب وقت تغيب , باخذ اجازة الدكتور : صدق ؟! هيثم : ايه .. مقدمها قبل كم يوم ووافق عليها الرئيس .. هالكم يوم اخلص معاملاتي وباجز مؤيد : ليش طيب ؟! فيه شي ؟ هيثم : بوسع محيطي شوي .. يمكن القى نفسي بمكان ثاني واشتغل فيه مؤيد : لا عاد ! هيثم : ماتدري وش الدنيا مخبية لك .. *** فـراس / لؤي تنهد : اليـوم وانا امشي بالشركة جالس احس بشوشرة .. شكل العالم بدوا صدق يستغربون وضعي فراس وهو يكمل شغله : وليش تتضايق ؟ رصيد شهرة ببلاش . لؤي : لاتقول كذا .. امي اليوم تقول حتى اهلنا عمتي وخالاتي صاروا يسألونها .. فراس منغمس بشغله : ................ لؤي : اللي يقهر كلهم يشكون فيني .. بجد احيان مواقف صغيرة تبين لك انت شنو بالنسبة للي حولك ! يحسسوني اني مقصر بحقهم بجد .. فراس وهو يزيح الملف ويسحب الملف اللي بعده بعجل : ماقصرت بحق احد .. بس الحيوان حيوان فلا تفكر كثير لؤي : أبوي له يومين مطنشني مدري شالسالفة كانه نسى الموضوع .. فراس : او يمكن جالس يرسم نهاية للموضوع لؤي طالع فراس : ............. كيف يعني ؟ فراس رفع عيونه له .. وهز كتوفه بخفه : انت ابخص لؤي تنهد بضيق : احيان افكر اني جالس اظلمها بكل هالظروف ... عشان واحد مايستاهل واناني مثلي فراس : تحسب انك متواضع وانت تقول هالحكي ؟! لا انت جالس تدمر نفسك وشخصيتك ذاتيا عشان وحده ماتستاهل وانانية مثلها !عز نفسك شوي يرحم والديك لؤي : ياليل ! يخي انت ليش مو متفهم كذا ! بحقها البنت تزعل وقت اسحب عليها ... بس انا مو قارفني الا حكي هالناس حتى اللي خادمهم طول عمري يتكلمون فراس : عندك عيـون ؟! لؤي كبس بعيونه : ايه عندي .. ليه ؟ فراس : اجل تشوف الناس باذنك ليه ؟! دامهم قدام عينك ساكتين وقتها مايهمك وش يقولون من وراك .. هذا اذا قالوا من الإساس .. يمكن امك تبي تحسسك بس انك لازم تغير وضعك , وانا بصراحة ماسمعت شي لؤي : تتوقع .؟! " تنهد " الا اقول شخبارك انت والمدام المصونة ؟ فراس : مطول انت هنا ؟! لؤي : ما اعجبتك جلستي فراس : مشغـول .. وانت واضح جاي تسولف لؤي : لا يخي والله ماعندي سوالف حتى بس شاسوي احب احكي معك! وبعدين مافكرت تطردني الا يوم جبت طاريها ! فراس : لا من أول جالس اقول هالسالفة بيخلص بس واضح انك راعي طويلة لؤي : ايييه حال الدنيا اللي يبون بعض متعذبين ! واللي كارهين بعض حاصلهم القرب.. نيالك يخي فراس بنص عين : مغصتني بهالحكي ترا .. اخلص بجد اطلع لؤي : لاحظ اني صديقك الوحيد ترا .. وتطردني ؟! صدق المفرط بتجلس لحالك طول عمرك ترا فراس : ابد .. يقولك قلل ناسك يرتاح راسك لؤي : اقول انا باخذ باقي كرامتي واذلف .. اشوفك بعدين يالئيم فراس : على خير . مجرد مـاطلع ... سكر فراس الملف وهو يوقف ويستعد يطلع قابله قبل يطلع رئيس الفرع الداخلي : طالع طال عمرك ؟ فراس : هاه وليد شبغيت ؟ وليد : لا بس .. فيه المشرف موجود ويبغى الأسعار اللي طلبها فراس زفر : موجود اللحين ؟ وليد : ايه نعم .. فراس كان حاس انها ماراح تزبط له : دخله غرفة الاجتماعات .. دقيقة وأكون عنده *** غـادة تنهد بزهق من نفسها : خلاص تو شفته قبل يروح الدوام من الشباك ! وشكله مافيه شي .. " لانت لمحتها " بس شكله امس كان بالحيل تعبان .. مسكت جوالها تدق على ابتسام تشغل نفسها .: هلا غدو غادة : هلا بالقاطعة ! عارفة انك ماصدقتي انتي ونويف انقلع من وجيهكم ! بس شوي اهتمام يخي مره وحده نسوني مايسألون ولا شي ابتسام : هاو شوي شوي علي كليتيني تو رادة ! غادة : هههههههه كيفك .؟ ابتسام :ههههه تمام ... مايحتاج اسالك كيفك من صوتك واضح معنوياتك كويسة غادة : تقدري تقولي ابتسام : لا مستحيل .. الله يتم لك لاتنضلين نفسك غادة : تخيلي امس سويت شعر اسوم يفوتك شكله مره جمميل , جاني قهر ابي اقص شعري ! ابتسام : اوك قصيه غادة : بس حرام شعري تعبت لين صار طويل ! ابتسام : معناها خليه غادة : بس اسوم تقول القصير بيجي حلو عليك إبتسام : اجل قصيه غادة : بس القصير التسريحات ماتضبط عليه ابتسام : افففففففف !! غادةبغيت انسى انك مريضة بهالأمور ! غادة : لا خلاص ماحقصه .. يمه منك بس اسألك إبتسام : يوه غادة عندي مكالمة بالإنتظار سكري احاكيك بعدين غادة : اوك .. سكرت ابتسام وهي ترد : هلا هيثــــم .؟! هيثم : هلا بسمه .. كيف حالك ؟ إبتسام : كويسة .. إنت شلونك ؟ هيثم : ماعلي .... " سكت لفترة ثم نطق " شعندك اليوم ؟ إبتسام : ماعندي شي ... ليه ؟ هيثم : عازمك لمطعم .. نتعشى سوا إبتسام : وانت فاضي تعزمني ؟ هيثم : ايه اليوم فاضي لك ... اهم شي انتي افضي لي وتعالي إبتسام : هههههه وانا اقدر اقول لا ؟ ولا يهمك بس وش رايك تتعشى عندي وبس احسن هيثم : لا لا ! مطعم اريح لي ... خلاص راح امرك بدري مالي خلق الزحمة إبتسام : اوك من عيوني هيثم : اشوفك .. سكر السمـاعة .. تنهد وهو يمسك راسه , صعب عليه يتنـازل .. طالع الساعة وهو يفرك عيونه ,سحب اغراضه وشنطته وهو يستعد يطلع من المستشفى *** طـلعت ميهاف واسماء من الجامعة .. وركبن مع بدر , اسماء بحماس : بدووووري !! وش رايك كل يوم توديني وتجيبني ! بدر بسخرية : هههههههههه اسومتي ! وش رايك تطخين راسك باقرب جدار ترجعين للحياة الواقعية اسماء كشت عليه : مالت ! هذا وانت اخوي ... بدر : انا بيتي وين .. وبيت اهلي وين .. والجامعة وين ! فاضي لهالمشوار كل يوم ؟ اسماء : مايهون عشاني .؟ بدر وهو يحرك : لا مايهون اسماء : وبعدين وش بيت اهلي هذي ؟ مو بيتك يعني !!! بدر : ياليل ... اقول شخبار الجامعة اليوم ؟ اسماء : ميهاف قولي له .. انا زعلت ميهاف : هممم .. كويسة , بس بدر انا امي تو كلمتني تقول تعالي تغدي معنا .. قاطعها بدر قبل تكمل : بوصلك اللحين ميهاف : وأنت ؟ بدر : ماحضيع .. اسماء : تعاااال معي نتغدى سوا مع امي بتنبسط بدر : هذا اللي بيصير *** ام فراس .. ابتسمت بسعة وهي تشوف بدر يدخل واسماء : يالبى من دخل .. هلا والله مابغيت تنور ؟ بدر وهو يبوس راسها : هههههههه لو ادري من زمان اني مهم كذا كان حصلتيني ! ام فراس : افا وليدي وعندك شك انك مهم ؟ بتتغدى معنا ؟ بدر : أيـــه اسماء : يمه وين غادة ؟ ام فراس : ما ادري .. مانزلت من صبح اسماء : غريبة ! " طمرت " بروح اشوفها بدر : ووين فراس ؟! مفروض رجع اللحين الساعة 2 .. ام فراس : شكله مشغول .. ادق عليه مارد وارسل رسالة انه مشغول بدر : الله يعيــنه .. يعني ماراح يتغدا معنا ؟ ام فراس : ماظنيت .. *** بيت أبـو نايف / دخل لؤي البيت وهو ينتبه لأمه وابوه وميهاف جالسين سوا : اووه ميهاف عندنا قامت ميهاف تسلم عليه : وحشتني يادب كيفك ؟! لؤي وهو يطالع ابوه اللي يتغدى بصمت : مشتاق لك اكثر شلونك انتي وشلون بدر ؟ ميهاف : شفيك ناحف كذا ياولد ! ماتاكل اجل ؟ لؤي ( وهو اللقمه تنبلع بحلقي بهالبيت . ؟ ) : وش تتوقعين نفسية واحد حابسينه أهله بالبيت ! لاشغل ولا مشغله أبو نايف : أنت اللي اخترت تكون كذا ! لاتخليني انشر غسيلك قدام اختك ... يكفي انا وامك طحت من عينا ميهاف استغربت .. مشاكل لؤي كاثرة من ترك وظيفته واللحين شكل فيه مشكلة بعد : شفيكم صاير شي ؟ ابو نايف : اللي صاير يا أبوك اني ماعرفت اربي مضبوط ! هذا اللي صاير .. مجتمع محافظ زينا يجي هذا يسود وجهي فيه شد لؤي على قبضته : معك حق يبه .. حنا مجتمع محافظ اكيد .. محافظ على التخلف والجهل والتعصب ! أبو نايف : تتمصخر .؟! انقلع من وجهي ... انقلع لابارك الله فيك ! اصلن حقارتك هي انك نسيت أهلك وكل اللي وراك بسبب وحده عرفتها عن طريقنا .. انا الغلطان اللي تركتك تشتغل اساسا ! اذا كنت بترضى الذل لي ولأهلك فياليتك ما أنولدت ولا جيت على هالدنيا من الاساس !! ميهاف فتحت عيونها بدهشة " وحده " لاتكون اللي وراها صورتها ... كانت خايفة من عواقبها من شافتها واللحين : ... ابو نايف : انا مدري ليش تغيرت كذا ! ولا متى حتى تغيرت كذا .؟! لؤي بألم : أقلدك .. وين المشكلة ؟ أبو نايف : ليتك تقلدني كان ماصار كل هذا ! اذا هذا حال شبابنا الله يخلف على بكرة من اللحين لؤي : بالضبط .. حنا الشباب يبه مو أنت ! اتركني اخطط لبكرة انا اللي راح اعيشه مو أنت ... مو كافي ان مستقبلكم الفاشل هو حاضرنا اللحين ! ضرب ابو نايف بكل قوته على الطاولة : لــــــــــــــــــــــؤي !!!!! عبر طريقه يصعـد لفوق ينهي هالنقاش اللي ماراح يرتقي أبد ... صار يكره هالبيت .. يكره الرياض يكره هالمدينة اللي اضطرته يعيش هالحب كله تزوير وتهريب , مجرد مادخل غرفته مسك جـواله وهو يفتح على صـورتها ... ابتسامتها كانت كافية انه يعيش باقي عمره دون ندم .. تنهـد هو يشكي شوق ولا يشكي ألم .؟ كتب رسالة يحاول يفرغ فيها اللي بداخله : ( ماني متعـود احد يفهمني .. ماني متعود لدرجة أول ماعرفتك حسيت الموضوع مزحة أكيد .. واللحين بلاك رجعـت اعيش شعور ليش صعب عليهم يفهموني زيك؟ .. ) رمى جـواله وهو يستلقي .. صار محتار وش مفروض يسوي ؟! الواقع بدا يتسلله ويحاول يفهمه ان ابوه معه حق مافيه أمل انهم يقبلونها .؟! قطع تفكيره صوت جواله .. رفعه بكسل لكن تعابيره انقلبت لتعجب ! ماتوقعها ترد مجرد ارسلها تفريغ ... فتح الرسالة ( الدنيا مشوار طويل فيها الصعب وفيها السهل .. وفيها برضو المستحيل . السهل .؟! انك تلقى احد يجرحك .. حتى أنت كان سهل عليك الصعب .؟ انك تلقى احس يحس فيك .. والمستحيل .؟ تلقى احد يمسح دموعك ويبيع الدنيا ويشتريك ... كان مستحيل علي حتى أنا آسفة .. ) لؤي حس بمرارة عقب ماقرا رسالتها ... بلع ريقه وهو يرسل ( كيف مايا .؟! اقلها صورة ... أكيد كبرت مو ؟ ) لكن هالمرة مافيه رد ... ! حس بهلع داخله . . فيه حاجة غلط ! رسالتها تجيب المـر .. مر فوق مر كلامها لما راح امريكا .؟ رغم انه عبر .. مازال يحس بمرارته داخله .. *** اثناء جلسة العصر .. ام فراس وبدر جالسين .. وقف بدر بعد ماخلص فنجاله : اكرمكم الله .. يله انا ماشي .. تامرين شي ؟ ام فراس : اقول بدر .. فاضي اللحين ؟ بدر : ايه ماعندي شي .. ابتسمت ام فراس بوسع : اجل وش رايك تطلعنا معك للحديقة وبالمرة نتعشى سوا بدر عقد حواجبه : ليش .؟ ام فراس : هاو ؟ مشتهيه اطلع معك .. واخوانك حتى فاقدينك بدر بمضض : اوك .. اللحين ولا متى ؟ ام فراس وقفت بحماس : اللحين ! صعدت مسرعة : اسماء !!! انس ! ياسمين !! يله تجهزوا بسرعة بنطلع ياسمين : فين ؟ ام فراس : مع اخوك بدر .. بنطلع نتمشى طلعت اسماء : شالسالفة ؟ ام فراس : كم مرة بعيد انا !! اخوك بدر بيطلعنا معه نتمشى .. اسماء : يله ... اوه لحظه بروح اقول لغاددة تجهز مسكتها ام فراس من كتفها : لا غادة ماراح تروح معنا !! اسماء : ليش يمه غريبة عليك !! ام فراس : حنا بنطلع مع بدر .. بنجلس معه مانبي ننفصل " همست " وبعدين راح نرجع متأخر خلي البيت يفضى يمكن يزهق فراس ويصعد ولا هي تنـزل يتدابرون عاد رفعت اسماء حواجبها : اهــــــــــا !! والله منتي بسيطة يا أم فراس ... كل هذا تخطيط؟ طيب فلنفترض مثلا بس ان فراس مارجع الا اخر الليول كالعادة تجلس البنت لحالها ؟ ام فراس : لا هو كلمني وقال بيرجع بدري بيتعشى معنا .. فخلينا نطلع وهو يرجع اسماء : طيب واذا نزلت غادة وحصلت البيت فاضي ؟ ام فراس : انا راح اكلمها أول مانطلع وبقولها حنا طالعين ومشغولين وفراس بيرجع يبي عشا وهي تسوي اللازم اسماء : والله يا يمه حركات عجز صدق ام فراس قبصتها : عن الحكي الزايد واخلصي علينا ! سوت ام فراس اعصار لين خلص الكل وركبوا السيارة .... اول ماركبوا دقت ام فراس على غادة : هلا والله ! ام فراس : هلا غادة .. شلونك طيبة ؟ غادة : ايه حمدالله .. راحت علي نومة اليوم فمانزلت ام فراس : لا عادي الله يحفظك .. بس حبيت اقولك ترا محد بالبيت بدر اصر علينا نطلع معه من زمان عن اخوانه بدر فتح عيونه وهو يأشر على نفسه : انا ؟! ام فراس ضربت كتفه بخفه وهي تاشر له يسكت : فعاد طلعـنا وميهاف اصرت نتعشى عندها ... فراح نتأخر بدر فتح فمه وهو يطالع امه : ياكبرها عند الله ! ميهاف بعد ؟ غادة وصوتها دخله احباط : اهــا .... اوك الله يحفظكم انبسطوا ام فراس : ايه نسيت اقولك ... فراس بيرجع على الساعة 8 كذا ويبي عشى اكيد اليوم ماتغدى مشغول , فانتبهي لعشاه وسوي اللازم غادة : هـــاه .؟! ام فراس : يله في امان الله هذا حنا دخلنا عند الناس .. مع السلامة سكرت بسرعة قبل تعطيها فرصة لأي كلمه .... بدر يطالع امه بنص عين : ........ ام فراس : لاتطالعني كذا ! شاسوي اذا اخوك اعوج ... خله يحتاج لها غصب بدر : هي مرته طبيعي بيحتاج لها دون كل هالدراما ! ام فراس ( بلاك ماتدري ) : ................ بدر : وبعدين ميهاف مو بالبيت ترا ... كيف حطيتي نفسك معزومة عندها ام فراس : بس عشان اسكتها ... حنا بنروح المنتزه ونغير جو ولاخلصنا رحنا لخالاتك وسهرنا عندهم اسماء : ههههههههههههههههههه ماراح استغرب من نفسي اجل لما كنت اسوي تخطيطات كذا ! طلع العرق دساس يمه هاه ؟ ام فراس : جب ولا كلمة ... صدق البازع هذا لمصلحتهم مو لعب بزران *** ابتسام : كان البانيو مغري لدرجة ماقدرت تحرك نفسها تطلع لمدة ساعتين بالأخير سحبت نفسها بصعوبة .. لبست حاجة تدفيها .. مع بطنها البارز بالبلوزة الصوف .. كانت تنطق نعومة .. سليبرز عشان تدفي رجلها .. شعرها المبلول تركته على حاله .. نزلت تحت وهي تجهز لها حليب دافي عشان تجلس تختم معاملات قسمها .. لازم تخلص كلش قبل تاخذ اجازة امومة اثناء ماهي جالسة .. فجأة فزت على اللي نغزها من ورا حتى ضرب بطنها بالطاولة قدامها : اااااااااا ! " التفتت بفزع " نااااااااااايف !!!! نايف خاف مباشرة : بسم الله عليك ... عورتك .؟ إبتسام وهي ماسكه بطنها وعاقدة حواجبها : بالله هذي حركة !؟ فجاة تجي تخوفني ! نايف جلس القرفصاء قدامها وعلى وجهه تعابير تأنيب الضمير : آسف والله .. شاسوي ماطرا علي ..نروح المستشفى؟ إبتسام سحبت هوا وهي تتنفس : لا عادي .. نايف إبتسم : ياكثر ماتقولين لي لا عادي وانا احس ودك تهفيني بكف يلف وجهي مرتين ! ابتسمت إبتسام : من جد ههههه نايف : اخيرا ضحكتي ! اليوم كله مابغت تطلع هالضحـكة .؟ " ضرب خدها بخفة " شلت همك هاليومين .. احسك مو تمام إبتسام : الله يعين .. وهو العيال ببلاش ؟ نايف وقف وهو يجلس بالكرسي المقابل : وهو الجنة تحت رجليكن ببلاش ؟ إبتسام : إلا اقول .. ادق عليك قبل ساعة ماترد ليه ؟! تخيل لو كنت ابغى شي ضروري . نايف : شوفي يابنت الحلال من عاداتي السيئة .." قلب وجهه بسخرية " وياكثرها بصراحة ! ان علاقتي انا وجوالي مشوهه اتمناه مايرن وانبسط اذا تعطل أو خرب .. واذا رديت ارد وانا مالي خلق إبتسام : لا عاد ؟ طيب اذا جتني الولادة .. وادق عليك ماترد؟ راح اقول معليش عادة سيئة ؟ نايف : لا المشكلة اني وقح .. لاشفت اللي حولي جوالاتهم ترن ويردون احسدهم ! اتمنى اني زيهم بس .. ماتضبط ماش اكره جوالي صدق إبتسام : هذي مو عادة سيئة ياحلو .. هذا قلة مسؤولية واهتمام نايف : صدقيني كل اللي يعرفوني من وانا صغير فاهمين ان هالموضوع عادة فيني لا أقل ولا اكثر إبتسام : اجل لاتزعل اذا قلت لك ان الجدار مفيد اكثر منك ! نايف بتفهم : معك حق والله .. اقل شي فيه فيه الشاحن .. والمكيف .. اكيد مفيد اكثر مني ! دق جـوال ابتسام ... نايف : مين .؟ إبتسام : هذا هيثم لحظة .. " ردت " هلا هيثم ... ايه ايه جاهزة ؟ اوك سكرت السمـاعة وهي توقف : حبيبي انا طالعة اتعشى مع هيثم عازمني .. نايف فتح عيونه : وانا .؟! إبتسام وهي تلبس عبايتها : بتحصل صحن بالثلاجة .. حرره وبالعافية نايف : لحـــالي ؟ وبعدين ماقلتي لي انك معزومة ويا هيثم اليوم إبتسام : نايف مو وقته الولد برا ... يله باي طلعت مبـاشرة بينما نايف تكتف وهو يتحلطم : ولا عزمتني معهم حتى ! *** غـادة كانت تتحرك روحة وجيه وهي تحس بورطة ! هو يبي عشاء يعني ؟ طيب يمكن مايبغى مني ... افففف .. لا ولحالنا بعد ؟ عقب امس مدري كيف بطالع في عيونه اساسا .. احقره وبس ؟ مسكت راسها وهي تحس بصداع ... دقت على منقذتها : هلا غدو غادة وهي شوي وتبكي : ابتسااااام ... ابتسام : شفيك خرعتيني ؟ غادة : تخيلي ..." بلعت ريقها " ام فراس طلعت هي وعيالها كلهم .. وتقول بتسهر برا وفراس بيرجع بدري ويبي عشاء وتبغاني اسنعه ابتسام : طيب وش فيها .؟ غادة بربكة : ... هو ... امس صاير بينا موقف غريب .. مدري كيف بتصرف ابتسام : غادة ! اسمعيني زين .... اعتبري هذي فرصة ذهبية البيت فاضي ومافيه غيركم .. اضبطي نفسك واكشخي مايحتاج اوصيك بالكشخة .. وسوي طبخة تفتح النفس وجهزي جو رايق خليه يهتم فيك شوي عشان تكسبينه يالهبله ! كيف تبغين رنيم ومدري ايش وانتي كذا ! وبعدين خلاص تزوجتوا تسنعوا عن الهبال !! غادة كانت فاتحه عيونها بوسعها وابتسام تتكلم : اقول أبتسام ! شكل حرارتك مرتفعه ... روحي من وجهي هناك .. قال ايش قال اكشخي واطبخي .... اقولك امس صاير موقف انا احتري ردة فعل عليه ... يعني يمكن يقتلني لو يشوف كل هالإهتمام فجأة إبتسام : ليش وش صاير أمس ؟ غادة عضت على شفايفها : ..... كيف أقولك شصاير وانا ماعندي كلمة مناسبة اشرح فيها الوضع لنفسي حتى .. إبتسام : اقول غادة انا مشغولة اللحين .. بعدين اتفاهم معك , انا عطيتك الحل المناسب للحين .. تبغينه ولا اجلسي وسكرتها مباشرة ... غادة طالعت الشاشة وهي تعض شفايفها .... اف ببكي اكرههـــا .. ضربت برجلها الأرض : وش يعـــــني اكشخي وأطبخي ! الله يسامحك يا خالتي على هالموقف بعد صراع مع نفسها ومع الوقت اللي يمشي بسرعة .. قررت ماتبالغ بحاجة .. راح تسوي الواجب وأنتهينا .. غيرت بجامتها البنكيـة وهي تلبس بنطال قماش اسود رسمي " high waste " مع بلوزه رسمية سماويه دخلته تحت البنطال شعرهـا رفعته بوني تيل .. مع مكياج خفيف كحل بسيط .. وروج وردي غامق لبست صندل بسيط .. ونـزلت مباشرة ..لما شافت البيت فاضي وكلش هادي .. كان غرابة بجد .. تنهدت بضيق : مايمزحون يعني .. دخلت المطبخ .. وهي واقفة بحيرة ..تخاف تسوي أكبر غلطة وهي تطبخ حاجة مايحبها .. تنهدت بضيق وهي تمسك جوالها : يقولك في قانون الذكاء خلك غبي عشان تعرف .. اسألهم وبس .. دقت على اسماء لكن مافيه رد ... والحقيقة كانت أن ام فراس سحبت جوالها ورفضت انها ترد بحجة " تخربين عليهم!" ... : بعد فوق انهم تاركيني حاقريني ... " تاففت " حتى الخدم ماخذينهم !!! " تنهدت " انتظر لين يرجع واسأله ؟ ايه اتوقع احسن من اني اتلقف واطبخ حاجة ماتنوكل سمعـت صوت الباب ينفتح ... بلعت ريقها ومن قهرها ضربت راسها بالطاولة اللي قدامها !! سمعت صوته ينادي : يمـــــه ..؟ يمم .... " غير الإسم " اسماء ؟ انسسس !! انسس .. ياسمين ؟ ..... ميري غادة هنا كرهت نفسها .. فوق انهم تاركينها ماعطوه خبر !! مايدري انهم طلعو ؟ بالله وش هالحالة حتى الشغالة قال اسمها وماقال اسمي .... وايقت من المطبخ وهي تشوفه يرفع جواله ويتصل على رقم ثم نطق بحيرة : وماترد ؟ جلس على الكنبة وهنا دق جواله ... رد مباشرة : هلا دكتور .." استطرفت المكالمة انتباه غادة ! صح لازم يروح دكتور عقب أمس " ... لا معليش اليوم انشغلت ماقدرت اجي .. " تنهد " فاهم والله ..... خلاص بكرة على خير سكر السماعة وهو يرفع راسه : لا بجد العالم وينهم !!! : طلعـوا .. التفت لصوتها وهي واقفة عند مقدمة الصالة .. وشابكه يدينها ورا ظهرها : .. فراس عقد حواجبه : طلعوا وين ؟ غادة هزت كتوفها : مدري ... فجاة دقت علي امك وقالت بيطلعون كلهم مع بدر وبيسهرون برا فراس شد على قبضته .. ثم عض على شفته بصبر وهو ينطق : وأمي اللي تحبك مدري على ايش .. ليش ماسحبتك معها كالعادة ؟ " تو بتتكلم نطق " مايحتاج تقولين .... اتوقع اللي يصير واضح .... " همس بقرف " مهزلة غادة ظلت واقفة لوهلة .. بس الظاهر مو وقتها : ........ " تنهدت بإحباط " تبغى شي قبل أصعد ؟ فراس رفع حواجبه : احلفي ؟ شمري عن كمومك وادخلي المطبخ ياهانم ! غادة : طيب .... وش حاب تاكل ؟ فراس : ما شاء الله منيـو مفتوح ؟ على اساس تعرفين تطبخين كلش ! غادة تنهدت داخلها " اللهم طولك ياروح اللي بيشوفه اللحين مو مصدق ان حالته امس قريبة من الموت " : .... فراس : معناها ابغى جريش غادة : جريش ؟ .... ما أعرف فراس : اجل ليش تسألين ! وش تعرفين حضرتك ؟ غادة : طيب وش رايك تطلب من مطعم جريش .. ونرتاح كلنا فراس : ترتاحين ؟ على راسك انا ... مابي طبخ المطـــاعم ! غادة : إيوا بس مو تتذمر .. لأنوه ما اعرف كثير فراس : انتي اساسا تعرفين شي ؟ لا طباخة .. ولا ذرابة ... ولا فوق كل هذا خرابة ! وش فايدتك بالحياة اجل ؟ بزر صدق غادة تنهدت وهي تنطق بقهر : اقل شي مو بزر لدرجة ما أنتبه لصحتي ! سكت فراس .. وهو يضيق عيونه فيها : نعـــم ؟ غادة عضت على شفتها : ...... أمس .. " شاحت بنظرها " واضح جرحك محتاج راحة لأنه رجع ينفتح .. فـ .. ليش . قاطعها فراس : يهمك ؟ غـادة : يهمك اذا يهمني او لا ؟ فراس ببرود : لا , عموما لاتفلينها انتي وهالشرفة قبل أسكرها غادة : إنتا اللحين ليش معصب ؟ فراس : عشان ! غادة : عشان شنو ؟ فراس : عشان تمثلية شوفوني انا البنت الطيبة ما تعجبني , اوك ؟ غـادة رفعت حواجبها : ماحزرت .. انا بجد بنت طيبة ! فراس : لاتضحكيني وانا مالي خلق اضحك ! غادة : مافيه خير بإهتمام يجي متكلف ! فراس : بالضبط مافيه خير .. غادة : اوك آسفة ! انسى .. تمام ؟ راح اعطي امك الخبر مرة ثانية واتركها تهتم بك وخلصنا ؟ فراس : اذا بخاطرك اصير أرمل سويها ! غادة : معناها اقبل المعروف وقل شكـــرا دون تحقيق .. لان ماعندي أي دافع خفي فراس رفع حواجبه : أقول ؟ وريني عرض اكتافك وانقلعي المطبخ غادة بالفعل ورته عرض اكتافها .. لأن نفسها طابت من هالإنسان الصعب : ............... فراس : غادة ! غادة وقفت " وش بعد " : هلا .؟ فراس : تكلفة الكابينة .. مافيه داعي تدفعينها غادة فتحت عيونها : بجد ؟ فراس وهو يشب سيجارته: عشان تعرفين أني على عكسك .. المعروف مو خسارة فيني غادة اكتفت بإبتسامة صادقة : فيك الخير ودخلت المطبــخ ... وبدت تجهـــز *** ميهـاف : ام نايف : كأن الوقت تأخر ؟ ماراح ترجعين ؟ ميهاف : واااي ماما زهقتي مني ؟ ترا زمان ماجيتكم حرام عليك .. ابو نايف : ايه والله اتركيها ... شفيك على البنت ! إلا اقول ميهاف مابقى لك شي على التخرج .. فكرتي وش بتسوين ؟ ميهاف تنهدت بضيق : طبعا أبغى اشتغل .. اكره جلسة البيت بس ... ابو نايف : بس شنو ؟ ميهاف : محتاجة دعــــم .. ابو نايف : افا بس ! شايله هالهم وانا موجود ؟ الدعم من اللحين موجود لاتشيلين هم ميهاف : بجد بابا ؟ أبو نايف : ايه اكيد ... اللي تبين كرمـال عيونك يحضر ميهاف : ميرسي بجد بابا .. مو عارفة ايش كنت بسوي دونك ؟ دق جـوال أبو نايف .. رد مباشرة : هلا والله .؟! لا انا بالبيت بس شوي وطالع ....... خلاص تعال نتقهوى على ما أروح ... يله يله جايك سكر السماعة ... : جهـزوا القهوة هذا بدر ميهاف : انبسطي ماما يله بروح ! ام نايف : ايه وناسة الأم تشوف بنتها مرتاحة ببيتها ميهاف : رايحة اشيك على القهوة وأخذها معـاي دخلت المطبخ تاخذ القهـوة بعد ماجهزت .. دخلت المجلس وهو متربع جمب أبوها ويسولف : السلام بدر : وعليكم السلام والرحمة .. ماكان فيه داعي كلافة قهوة شوي وماشين ميهاف وهي تحط الصينية : فنجال مايضر ابو نايف : تو كنا نتكلم عن تخرج ميهاف .. ومن اللحين انا ضامن لها مكانها عندي بشركتي اول ماتخلص ! مو تقول ماقلت لك ؟ بدر وقف بنص فنجاله ... نطق يستوعب : وميهـاف وش رايها بالموضوع ؟ أبو نايف : هي اللي طلبت تشتغل عندي .. وانا عطيتها بدر : اهــــااا .. " طالع ميهاف وإبتسم باصطناع " مبروك حياتي جتك الوظيفة مثل ماتبين ميهاف مافاتها انه متضايق .. بس ماهمها اهم شي مستقبلها : يبارك فيك .. دق جـوال ابو نايف .. تغيرت تعابيره ثم رد : هلا ....... اللحين ؟ ... تمام ... لا ... خلاص زين ! سكر السماعة : انا لازم امشي اللحين .. خذ راحتك البيت بيتك بدر : درب السلامة عمي .. مجرد ماطلع أبو نايف انفكت ابتسامته المزيفة .. وهو يطالعها وكأنه يطلب تفسير : ............... ميهاف تجاهلت نظراته : اتجهز نمشي ؟ بدر : لا اجلسي مكانك ياحلوة .... كابره معك هالاسبوع مو ملاحظة ؟ ميهاف : شقصدك ؟ بدر : قصدي اني صابر لي اسبوع .. بس ترا تكوني غبية لو تظنين اني صابر غباء ولا طيبة مني ميهاف : شدعـوة ؟ حنا ماصبرنا كلش يعني ؟ بدر نطق بين أسنانه : انتبهي ميهاف ! لا تستوطين حيطي عشان ما أهده عليك .. ميهاف عضت على شفاتها : ماله معنى هالحكي هنا ؟ بنرجع البيت ونتفاهم بدر : حلم ابليس بالجنة .. اليوم ما أبي اشوفك قدامي ! خليك هنا ميهاف : تستهبل ؟ بدر وهو ينزل فنجاله ويوقف : من غير مطرود .. ابي اظل لحالي ! مو مزعجتني لك اسبوع بأهلك اللي ماتشوفينهم .. تخلخلي عندهم اجل وطلع مباشرة دون يعطيـها فرصة ! ميهاف مو مصدقة هالبدر ... عليه حركات فضيعة ! مسكت راسها بقهر .. على باله بهالحركة بيخليها تتراجع عن قرارها .... بس ماراح تخسر له .. *** فراس كان مسترخي على الكنبة .. وبيده جواله يتعبث ..طلعت راسها من المطبخ : فراس ! فراس : نعـــم .. غادة : تحب الحار ولا لا ؟ فراس : وسط ! غادة : اهــــا .... " رجعت للمطبخ " ربع ساعة ثم طلعت للصالة .. فراس بتذمر : ماخلص هالمفطح اللي تطبخينه ؟ غادة : حطيته بالفرن يبي له دقايق ... ليش مستعجل ؟ فراس : ماني مستعجل .. لك ساعة والله لو عزيمة كان خلصت غادة جلست بكرسي بعيد عنه بشكل معقول : قلت لك اني مو طباخة ! سويت اللي اقدر عليه فراس طالع الساعة .. 11 ونص , وللحين اهله مايردون : استغفر الله بس ! غادة : بجد تأخر الوقت .. للحين مارجعوا ؟ فراس هز راسه : عمرهم مارجعـوا ! غادة : أوف ليش تقول كذا ! بسم الله عليهم فراس : والله امي مسكينة .. على بالها تاركتني مع وحده سنعة ! هذا انا جويع وبطق من الجوع بعد غادة : آله انا؟ فراس : ليته .. غادة : هو أنا آلة بس باشياء ثانية طبعا ... المطبخ كلش مو مجالي فراس بسخرية : ونعـم والله .. غادة : عادي اسألك سؤال ؟ فراس : لا . غادة بوزت : بخيــــل ..بس راح اسأل بكل حال ! يعني أنت مو ناقصك شي كامل .. قاطعها : قولي ما شاء الله ! غادة : ما شاء الله ! صح تنقصك الأخلاق شوي بس ماتضر .... ليش ماتزوجت من زمان ؟ فراس : مكتوب اني ابتلش فيك شاسوي ؟ غادة : هههههههههههههههههههههه ظنك ! فراس رفع حواجبه : مبسوطة ؟ غادة هزت كتوفها : لا بس تضحك طريقتك وانت تقولها .. فراس : وأنتي ؟ ليش تزوجتي من بدري ؟ غادة اختفت ضحكتها .. نطقت بكئابة : مكـتوب .. فراس : هذا مو جواب .. غادة : هممم ... كان ولد عمي , وعمي طالبنا فلوس .. " صارت تدلك يدينها ببعض بضيق " وبابا كان مريض .. وإبتسام راتبها مايوفي شي .. وهيثم تو يدرس ... فخطبني من أبوي كحل بديل .. فراس وهو يتأملها .. واضح ضيقها من هالموضوع او من هالمرحلة بحياتها : حل بديل ؟ معناها مافيه مهر غادة هزت راسها : كان دايم يقولي مهرك اني مارميت اهلك بالشارع .. عموما عمي كان يكرهنا بالأخير قرر أني حل بديل فاشل فرجع يطالب بالفلوس ... بس فرجها ربي وقت خطب نايف ابتسام والمهر وفى كلش .. " تنهدت " كنت دايم اخاف اعنس زي إبتسام ... فراس : التالي عند ربه غالي ... مطيورة ! غادة ابتسمت بضيق : ههههه .. معك حق ..بس حمد الله على كل حال .. اللي مايقتلك يخليك أقوى فراس : اللي مايقتلك يخليك نفسية غادة ظلت تطالعه .. وهو مسند راسه على يده ويسولف معها لأول مرة .. ابتسمت لاشعوري من إحساس داعب قلبها: حياتي هنـا .. بجد حياة كثيرة علي , بيت اهلي كان كئيب لدرجة المرض ... بيت عمي كان جحيم من جميع النواحي .. بيت إبتسام كنت احس بثقل .. وقت جيت هنا .. شفت كيف أم تحب عيالها لأول مرة .. شفت كيف اخوانك يحبون بعض .. شفت كيف أنت شايل مسؤوليتهم ... مستحيل اصدق انك تعاقبني بهالزواج .. لأني عشت اوقات اصعب.. فراس كان يتامل الطاولة بالنص وهو يسمع كلامها : هذا اللي افنيت نفسي عشانه .. غادة تو بتتكلم انتبهت لتعابيره تنقلب ... : قلتي لي بالفرن ؟ غادة شهقت وهي تنقز : نسيــــــــــــــــــــته !!!! فراس مسك راسه : ................... أقتلها ولا أقتلها .؟ *** المطـــــعم / إبتسام : جت التحلية ... انت فيك شي وتراوغني كل ماسألتك هيثم تنهد ... نطق بربكة ويده ورا رقبته : إبتســام ... اذا قلت لك أني بسألك كم سؤال .. بس دون تقولين لي ليش .. إبتسام : اسأل اللي تبغى .. وماراح اقولك ليش ! هيثم : ....... وش رايك في أسمـــاء بنت فهاد الله يرحمه ؟ إبتسام توسعت عيـــونها : تبغـــــــــــاها !! هيثم : واللي يرحم لي والديك ابتسام .. انا اسأل مو انتي .. إبتسام حست ان هيثم يواجه صعوبة بجد .. طول عمره كذا عنده مشكله اذا صار يعبر عن نفسه : ... رايي فيها ؟ من أي ناحية ؟ هيثم : اخلاقها .. إبتسام : البنت وقحة ! هيثم فتح عيونه ... إبتسام : وقحـة لدرجة كل مرة اطلع معهم مشوار ماتطلع الا متضاربه مع نص الموجودين , لأنها ماتسكت عن حقهـا ولا حق غيرها .. هيثم وعيونه على صحنه ويسمع .. وكلامها يرسم صورتها بعيونه .. دفاعية ؟ يناسبها : ............ إبتسام : و ماتعتبر مسؤولة .. مرة هبلة .. بالحيل مطيورة .. بس كل هذا لأن قلبها طيب .. واللي فيه على لسانها ..انا أحبها بجد هالبنت هيثم وعيونه مازالت شاردة بالصحن : ............... إبتسام ابتسمت وهي تقرا اللي بداخله : تبغـــاها ؟ هيثم رفع عيونه لها :............................ ابتسام حضنت يده اللي على الطاولة : راح اقولك انها عكسك بكل شي ... بس يمكن هذا اللي تحتاجه , وبأمانة ؟ هي عطتني كم تلميح عنك .. ههههه كنت مستغربة بس اللحين فهمت .. ماراح اسألك كيف صار كل هذا لأني واثقة انك مستحيل تتجاوز حدودك .... " ابتسمت بوسع " نتوكل على الله .؟ هيثم رفع يده وغطــى عيونه وهو ينطق بانحراج : ونعـم بالله ... ابتسام ماتت ضحك .. : ههههههههههههههههههههههههه ه ياربيه ! اول مرة اشوفك مستحي !! ارنسمت إبتسامته الجذابه وهو مازال مخبي عيونه : للحين أحس مخي مغسول لأني كلمتك بهالموضوع إبتسام : صدقني راح تسعـدك .. فوق ماتتصور , البنت روحها تجيب العافية هيثم نزل يديه وهو يبتسم براحة بعد ما قال اللي بخاطره : أدري .. *** لــؤي اللي كان بالسيارة مع ابوه .. ومستغرب انه طالب منه يروح معه : ............... كان ساكت طول الطريق .... عقد حواجبه وهم يوقفون عـند المحكمة : شالسالفة ؟ ابو نايف : مو عارف .. كلمني القاضي وقال فيه قضيه مرفوعه علينا .. لؤي : شغل يعني ؟ ابو نايف كمل طريقه دون يرد .... تبعه لؤي لحد ماوصلوا عند الشيخ ... ابو نايف : تفضل ياشيخ .. القاضي : انت لؤي بن عبدالرحمن بن نايف الشمري ؟ لؤي : أيـ..يـه القاضي : زوجـتك سارا والكر رافعه قضية خلع .. وكل الأدله بصفها فراح نضطر نخلعك للأسف .. ياليت تصير طلاق بالطيب .. لؤي : مستحيل ! كيف تطلب خلع وهي .... " استوعب " هي وين ؟!!! القاضي : موجودة .. راح نوصلك لعندها ونسمح لك بلحظة لكن احب افهمك ان القانون مو بصفك لؤي صرخ بقهر : هي فين !!! بعـد ما مشى لحد ماوصل لغرفة .. اول مادخلها كانت جالسة بعبايه على كتوفها وطرحه لافتها على راسها .. وقفت أول مادخل وهي تنتبه لهيئته المفزوعه ... والإرهاق واضح عليه : .................................. لؤي وبعيونه عتب نطقه بصعوبة : انتي هنا !!! سارا نزلت عيونها .. كان صعب تواجه عيونه : ....... ايوه انا هنا .. لؤي : قبل شوي ... قالي القاضي .. كملت سارا : ايوه .. انا طلبت خلع , راح تساعدني اذا تمت الامور بسهوله ورجع كل واحد لمكانه الصح .. لؤي هز راسه بإنكار : لا ... مستحيل ! اكيد انتي مو بعقلك !! " صرخ فيها " ليش قابلتي ابوي .... ليش صار بينكم تواصل !! اكيد كل هذا بسببه سارا : ابوك ماله دخل ... هذي قناعتي .." تنهدت " لؤي انا ماراح اندم على اللي صار بينا .. اللي صار ذكرى راح اعتز بها طول عمري ...ومايا هديه ماراح انساها منـك وراح اشوفك فيها طول عمريبس اللحين انا محتاجة اشوف حياتي .. ويكفي اللي صار للحين . لؤي حضن يدها وواضح على لمحته فزع من كل اللي يصير : انا لك سارا .. لاترجعيني لي انا لك ! شقاعدة تسوين ؟ سارا وهي تمسك نفسها لاتنهار : انت مو لي ... ولا بيوم حسيت بهالشعور وانا اعتذر اني رغم هذا غلطت وسايرتك .. كان حلم مسمم بالنسبة لي .. خلاص لؤي خل نوقف لحد هنا .. شف حياتك .. وانا راح اشوف حياتي .. تزوج وحده تقدر تواجه العالم بها لؤي بعصبية : شقاعدة تقولين !! منهي اللي راح تكفيني بعد مارفعتي سقف التوقعات عندي لحد تعجز عنه أي وحده بالعالم ! انا مالي غيرك صدقيني .. سارا : انا ماراح اقبل بأقل من اللي استاهل .. وهالوضع اكيد اقل من اللي استاهله .. لؤي : صدقيني فترة وراح تمر ... ليش ضعفتي ! لازم نصير قويين اذا نبغى نهاية تناسبنا .. سارا رفعت يدها بألم وهي تمسح الدمعه بخده .. ودمعتها ماقاومت تنزل : ظنك الدنيا تنسينا بعض .؟ لؤي اكتفى باعتصار دموع تعبر عن خوفه واهتزازه بهاللحظة : ........ سارا : لؤي خلاص .. انت تنتمي هنا هذي ديرتك واهلك ! صدقني انا لو مكانك سويت كذا .. لؤي : انا من سافرت وشفتك تغيرت نظرتي للحياة .. تغيرت فكرتي عن الرفاهيه اللي كنت عايشها وعن الهواء والراحة .. وعن انتمائي .. ما انتمي هنا انا انتمي لك .. انطرق الباب ..... : الوقت مو لنا ياجماعة ؟ سارا استنشقت الهواء بقوه وهي تنزع يدهـا من يده وتمسح دموعها .... : هنا مكان قانون .. لاتحاول تلحقني .. ماعلى الدنيا عتب .. كل مافيها اماني .. *** فراس كان جالس ومتكتف ... وقدامه صحن الأكل المحترق تقريبا : ................... غادة كانت تطالعه بربكة : ...... فراس قلب الأكل بالملعقة .. لكن ماطول رمى الملعقة : هذا المحترق شوي بس ؟ غادة عضت على شفتها : ما أعجبك ؟ فراس ضرب بالملعقة على الطاولة .. حتى فزت بخوف : قومي انتي وهالسم الهاري اللي حاطته لي ... وسوي لي خبزة اخلصي علي بنام ! الساعة 12 وحنا للحين ننتظر هالأكل وبالأخير ..." ماحصل كلمة يعبر بها " غادة شالته وهي منقهره من السوالف اللي ضيعت عليها طبختها اللي تعبت عليها .... سوت له سندويتشه وهي تطالع التاريخ : اول مرة نتعشى سوا ! هههههههه ماكانت فكرة شينه انهم يروحون بعد كلش .. جهزته بصحون وحطت كاسين عصير .. وهو ترسم سمايلي فيس على سندويتشته .. شالت الصينية وأول ماطلعت .. انتبهت لوجهه متغير وهو يكلم : شفيك يابن الحلال خرعتني !! .... تكلم زين مو فاهم !! .... " رجعت ملامحه للبرود ونطق بهدوء عقب فترة " انت وين اللحين ؟ .... خلك مكانك وقف وهو يمشي يطلع .. غادة : وين ؟! العشاء ! كان الجواب تسكيرة الباب ... وش المكالمة فجأة !! طالعت العشاء بقهر .. عقب كلش ماتعشوا اساسا .. | ||||
|
| |
 |
| أدوات الموضوع | |
| انواع عرض الموضوع | |
|
|
12Likes
العرض العادي
