بنت السيل / للكاتبة Manahel.omar ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية بنت السيل للكاتبة Manahel.omar قراءة ممتعة للجميع....

[لامارا]

بسم الله الرحمن الرحيم

السلام عليكم ورحمة الله وبركاته

هُنا راح أحط روايتي الاولى "بنت السيل" روايه فكرتها فريده من نوعها وجديده.
ان شاء الله تعجبكم ، نزلتها ب الانستقرام ونالت على أعجاب وتفاعل كبير ونجاح ولله الحمد.
اتمنى هنا كمان تنجح ، انا نزلتها هنا لسبب واحد وهو أن لا تضيع حقوقي ككاتبتها وتقتبس وزي ماتعرفون الانستقرام مايحفظ حقوق الكاتب مثل المنتدى وشكرا.

[لامارا]

رابط لتحميل الرواية

https://www.rewity.com/forum/t402288.html#post13030500



الجزء الاول❤


ناظرها بقرف ولف عنها وهو يقول : لا يعني لا مارح اخذها لو اموتا
بوه : بتاخذها ي مناف وانت راضي ان شاء الله

لف لابوه وشياطين الارض كلها متجمعه عليه : وانا وشدراني عن اخلاقها عشان اخذها يبه ايش عرفني مع مين كانت بالمزرعه ايش عرفني اذا كانت " سكت وهو يستغفر "

ابوه : ترى انعمل لها تحليل وقدامك قالت الدكتوره انها بنت واسمعني ي ولد ابوك ي تطلع معاي من هنا للمحكمه ي والله ي مناف لا اغضب عليك ليوم الدين

.

فتح عيونه بوسعها بصدمه ناظر لأبوه : تتبرا مني عشان ### م اعرف ايش اصلها

.

رفع يده ابوه بيضربه كف : انا استحي امد يدي عليك وانت بوجهك شوارب

.

مناف تناهد : وفي المحكمة ايش نقول لهم ؟ بنت مين ايش اصلها وايش فصلها.؟

ابوه : انا راح احلها لا تشيل هم بعدين انت زواجك منها لمن نحصل اهلها او ترد لها ذاكرتها بس .
مناف : ماني مصدق ان هذا تفكيرك ي بوي ؟ تضحي بولدك عش
قاطعه ابوه : وانا مضحي فيك كيف علمني ؟ سلمتك للموت ولا وقعت على قتلك ؟مناف اقترب منه وباس راسه : على امرك على امرك ي ابو مناف ولو تبي موتي .
لف عنه ابوه : جهز نفسك وانتي ي بنتي لبسي عباتك .

( بعد ساعتين )

طالعين من المحكمة .
ركب مناف نظارته الشمسيه ولف لها : تروحين مع ابوي ولا معاي؟
ابوه بحزم : معاك انا بروح لمكتبي .
مناف اقترب من ابوه وبهمس : البنت خايفه .
ابوه : خلها تتعود عليك .
ركب ابو مناف سيارته وشخط من قدامهم.
تناهد مناف وركب سيارته رفع نظره لها واقفه للحين : اركبي ولا تبين افتح لش الباب لا سمح الله ؟ " صرخ " اركبي لا اروح واخليش.
ركبت ورى وسكرت الباب .
مناف همس لنفسه : سواق ابوها وانا مدري.
مناف : كم عمرش ؟
نغم بهمس وغصه : م اذكر .
مناف : تذكرين ايش كنتي تدرسين او بكم ؟
نغم : ما ذكر شيء .
مناف : على شكلش 16 سنه م فيها كلام .
نغم : يمكن ليش لا .
وقف عند كوفي ولف لها برفعه حاجب وهو ينزل نظارته : تخيلي بس ماخذ بزر .
نغم : يمكن فعلاً اكون بزر.
مناف : فاضي لش اربيش انا .
نغم اغتاظت: اول شيء انا مرباه من قبل لا اعرفك ثاني شيء منت مضطر .
مناف بأستهزاء : خفي علي ي التربيه اللي ما في مثلها انتي تذكري اسم ابوش بالاول بعدين راجعي تربيتش .
نغم : الظاهر من كلامك دا واضح من يبي له تربيه .
مناف : وبعد طويلة لسان عزالله توفقت ي مناف .
نغم : مش طولة لسان لكن ردة فعل لكلامك.
مناف : اش تشربين ؟
نغم : ولا شيء.
مناف : صديق اثنين موكا بارد.
نغم : قلت لك مابغى.
مناف طنشها وهويرفع السماعه لاذنه : هلا هند .
هند : للحين بالمحكمة ؟
مناف : لا جاي بالطريق .
هند : جهزنا لعروستك غرفه م في مثلها خياليه
بملل رد : تسلمين
هند : اللي هي غرفتك.
شهق : كذابه. .
هند بارتياح : شفت تيشيرتا لنادي الاجنبي اللي كان مدبس بالجدار اللحين بح ههههههههههههههه.
مناف : كلي تبن تكذبين صح ؟
هند : اقسم بالله واشرطت البلاستيشن كلها ع الزباله وهذا غيرالكور وبعض الملابس
مناف بصدمه : كذابه
هند : هه هه هه وحتى صورت المزه اللي جنب السرير اختفت.
مناف بحزن : كيف صار شكلها ؟
هند : تفتح النفس وتجنن وريحتها بخور
مناف : تكذبين.
هند : اخخ الحمد لله والله اني براحه نفسيه لا يعلم فيها الا الله.
بقهر قفل بوجهها واخذ الموكا مدها لنغم ودفت يده وانكبت عليه .
رجع مناف حط العلبه جنبه ولف عليها وعيونه تطلق شر

نغم : قلتلك م ابغى تفهم ولا اللي براسك تنك ؟
مناف : شوفي انتي وقحه فوق م انا ظافش من الشارع ومكرمش ومتزوجش تردين علي بهالاسلوب وهالحكي.

نغم : على فكرة يكون بمعلوميتك ان ابوك كان بيحميني لين يجي لي احد بس المشكله كانت فيك

.
مناف : موذنبي اني الولد الوحيد ولا هو ذنبي اني ابي راحتي ببيتنا.
نغم : وانا مب ذنبي اني ابي رجل يحميني بحالتي دي وي ليت اهلك رموني ع رجال بس .
ضحك ببرود : يمستفزه قهرتيني بموت من قهري شوفيني بصيح على فكره انا م احتاج منك شهاده برجولتي .
لف عنها وركب نظارته وحرك السياره.
نغم : ركب ركب نظارتك اخفي شر عيونك . .
مناف. : م فيني اهاوش ولا انتي طحتي بواحد م يتنازل .
نغم : ابشرك انت طحت بمشكلجيه .
مناف : حاولي معاي م تتذكرين شيء ؟
نغم بقهر : م اذكر شيء ما ذكر شيء ليش م تصدق .
مناف : طيب خلاص.
استمر السكوت لمن وقف مناف عند بيتهم وقال : اذا احتجتي شيء كلميني .
نغم : مارح تنزل .
مناف : اقصد بالايام الجايه .
نغم : طيب .
نزل ونزلت معاه استقبلوهم خواته : اللحقي يبنت جهزي نفسك في ضيوف !!
نغم : والله مافيني حيل .
هند : الضيوف عشانك يحظي .
مناف : مسرع مالي ساعه من ملكت انتشر الخبر
امل اخته : تعرف الحريم ياخوي .
مناف : عموماً انا بنام .
دلال : وين وين خالاتي يبون يباركون لك .
مناف : نغم تكفي وتزيد.
نغم : لا م اكفي لازم انت معي .
جات امه : هلا والله بالمعرس وعروسته تو م نور البيت.
مناف : قبل ساعه كنا هنا يعني كان مظلم .
انطلقت ضحكات خواته
مناف لف عليهم مسوي معصب : انطموا.
امل : مسوي نفسك مالت عليك
ابتسم لها مناف وناظر لأمه : من عيوني اللحين ابدل واجيك اسلم عليهن تامرين امر.
ام مناف : وانتي ي بنتي لبسي وتعالي معاه وتتحصني لا تنسين.
ابتسمت : تسلمين خالتي !
ام مناف : يالله انا بروح وانتو ي بنات لحقوني بالضيافه .
مشت ومشوا البنات وراها .
مناف سحب امل قبل تروح : اقولو انا اخوش خالتش ام عبير جات ؟
خزته وتخصرت وهو تقول بحده : وييعععه ايه جات .
رفع حاجبه ع اسلوبها : ضفي وجهك وانقلعي .
نغم : لا لا اصبري خليك معاي .
امل : ي حياتي والله ودي بس امي ضروري توري الحريم ان بناتها سنعات .
مناف : م تنلام كود تزوجكن وافتك منكن زحمتوا علي البيت .
امل : قاعدين على قلبك لين تموت
مناف : بسم الله علي !
امل : اي على فكرة نغومه اغراضك كلها نقلناها غرفة مناف .
" كشت ع مناف ومشت "
مناف : امشيء معاي .
دخل غرفته وناظرها شوي ولف ل نغم : تشجعين نادي عربي ؟
نغم وهي تفسخ عبايتها : لا عربي ولا اجنبي عموما مذكر شيء .
مناف يفسخ ساعته : طيب خلاص خليك برشلونيه .
نغم : احس ميولي اتحاد اما اجنبي ف مادري صراحه بس يمكن مدريد .
مناف : احسك تعاندين ؟
نغم بلعانه : حتى انا حسيت !!
تناهد وراح للغرفه الصغيره الملحقه بغرفته طلع له ثوب وشماغ ودخل للحمام يتروش .
اما نغم دخلت للغرفه وطلعت لها فستان اسود لنص الساق من عند خصرها فيه كسرات بسيطه بالاسود وشوي كرستال ومن نهاية الفستان نفس الشيء .
فكت شعرها اللي يوصل لنص ظهرها وكثيف وحطت روج عودي ومسكراوبلشر خفيف لبست ساعه سودا وكعب اسود وجلست تنتظر مناف .
طلع مناف وانبهر من شكلها كانت فعلاً جميله تنحنح ثم قال : تحصني .
نغم : طيب بس انت خلصنا.
وقف قدام المرايه وشعره مبلول : دقيقه بس انشف شعري.
نزل راسه وصار ينشف شعره .
نغم : غبي حتى م يعرف ينشف شعره.
مناف رفع راسه وناظرها بتصغير عين : جاهزه تتهاوشين ها ؟ !
نغم اخفت ابتسامتها وصارت ترمش بدلع لا ارادي.
مشط شعر هو لبس الشماغ ولف لها : موزون ؟
نغم : وشهو ؟
مناف : التشخيصه موزونه ؟
نغم : مادري بس حلوه تطمن !!
مناف تعطر ولف لها ومد يده : يالله ؟
نغم وقفت عند المرايه : صبر بعدل الروج .
مناف : طيب بسبقش اللحقيني .
طلع وما مداه وصل الصاله الا لحقته جري : مناف .
لف عليها وكأنه اول مره يسمع اسمه لانها نطقته بطريقه غير
: هلا
تناهدت : نسيت ساعتك .
ناظر يده ورجع ناظرها : اي والله الحمد لله ذكرتيني .
قربت له وسحبت يده وركبت له الساعه وهو يناظرها رفعت راسها له وتشابكت نظراتهم . .
قاطعها مناف : حتى وانتي لابسه كعب نتفه .
صغرت عيونها فيه : القصر فتنه
مناف همس لها : القصر ولا الفله ههههههههه .
نغم لفت عليه : الفله ولا الوناسه .
مناف : وناسه ولا امبيسي .؟
نغم : امبيسي ولا بوليود ؟
قاطعتهم هند : اعنبو دارك انت وياها واقفين عند غرفة الضيوف تسيمجون م في وجيهكم حيا ?
مناف : حيا ولا مات هههههههههههههند
: انم علمت امي ي قليل الحيا مانيب اختك .
مسكها قبل تدخل : امزززح ابوهنود وش فيك؟
هند : بعد فوق شينك قوات عينك ؟
قرب منها وباس راسها : حقش علينا .
نغم : اقول هنوده كيف شكلي حلو ؟
تكتف مناف ينتظر رد اخته .
هند : تجننين اهم شيء تحصنتي ؟
نغم : اي تحصنت .
مناف : في احد غريب ولا خالاتي بس .؟
هند : م في احد غيرهم .
مسك يد نغم : يالله بسم الله .
دق الباب ودخل وكألعاده بأبتسامه تجنن : السلام عليكم .
ردوا عليه السلام باصوات متفرقه سلم عليهم وبعد عناء جلس .
دخلو وهم يناظرون نغم بحده : مبروك مناف
مناف : الله يبارك فيكن
نغم بهمس لمناف : ذولا خواتك من الرضاع ؟
مناف : لا بنات خالتي .
نغم : وليش م يتحجبوا ؟
مناف : وش دراني .
ام عبير : اي ي مناف كم عمرها زوجتك ؟
بلع ريقه وناظرها وقال : مادري .
ام عبير : وهو في احد يتزوج وم يعرف عمر زوجته ؟
نغم بهمس : الله يل*** م تعرف تكذب ؟
مناف بنفس الهمس : انطمي .
ام عبير : اقول ي خيتي هي زوجت ولدك م تعرف السنع حاطه هالروج وهي توها عروس .
نغم : ي صبر ايوب .
وحده من الحريم : اي والله منجد . .
عبير : مرتاح بزواجك ي مناف ؟
رفع عينه لها مناف ورجع نزل عيونه بسرعه .
نغم : اكيد بيرتاح م دام ماخذ وحده مثلي !!
عبير : اتوقع كلمت مناف م كلمتك .،؟
نغم : انا وهو واحد !!
عبير : ومن متى صرتوا واحد ترى مالكم غير ساعات من ملكتوا اصلاً اول مره اشوف وحده تملك وتلزق بزوجها ع طول اللي اعرفه لازم عرس بعدين تنشب .
ثار الغضب بعيون نغم : وانتي ايش حارك ؟ لا يكون كنتي تبغينه ؟
عبيربقهر : يقاله كان خطيبي .
نغم ناظرت مناف ورجعت ناظرتها : واللحين زوجي ورجاءً لا عاد اشوفك لابسه كدا قدامه انتي وخواتك مفهوم " قامت " يلا مناف .
ام عبير : وين ماخذه الولد لسى م سولفنا معه ؟
بابتسامه مستفزه قالت : اذا بغيتي ي خاله تسولفين معه لا تجيبين بناتك واذا اضطريتي تجيبينهم لبسيهم عبي ." سحبت يد مناف " قووم .
قام معاها مناف وطلع وهو مصدوم منها طويلة لسان بشكل يفجع شخصيتها قويه واضحه .
سحبت مناف معااها للغرفه وسكرت الباب وجلست ع السرير وخزته : خطيبتك ها؟
مناف : اي كانت خطيبتي وللحين .
نغم : كيف يعني ؟ وانا
مناف : انتي بمجرد م ترجع ذاكرتك او نلاقي اهلك راح اطلقك .!
نغم : اذا على كذا عندي شروط !؟
لف لها ورفع حاجبه : وشهي شروطك ؟
نغم ناظرت عيونه ورجعت نزلت عيونها : نبقى مثل الاخوان لمن ترجع لي ذاكرتي او يجي احد من اهلي ؟
مناف : انا ماني مضطر انفذ ؟!
نغم : ايش دراك يمكن اكون مخطوبه او احب احد !!
مناف : ويمكن تكونين متفقه مع واحد وطلعتوا ومسككم السيل ورماك بمزرعة جدي .
عضت شفايفها بقهر : وليش م اكون مخطوفه ؟

[لامارا]

البارت الثاني

نغم : ايش دراك يمكن اكون مخطوبه او احب احد !!
مناف : ويمكن تكونين متفقه مع واحد وطلعتوا ومسككم السيل ورماك بمزرعة جدي .
عضت شفايفها بقهر : وليش م اكون مخطوفه ؟
مناف : لو مخطوفه بلغوا عنك اهلك !!
نغم : موافق ع شرطي ؟
مناف : لا .
نغم : اذا على كذا انا مو موافقه ع زواجك .؟!
مناف ضحك بأستهزاء : م انتظر موافقتك .
نغم : انت كذا بتخرب حياتي وبنهاية بتطلقني ولو ان وحده من خواتك مكاني م رضيت .
جلس شوي يفكر وقال : طيب خلاص .
توجه مناف للجهه الثانيه من السرير بعد م فسخ ثوبه وانسدح وغمض عيونه بينام .
نغم : ايش تشتغل انت ؟
بهمس وهو مغمض عيونه : عسكري .
ضحكت : وضيفتك حلوه .
مناف : م كرفتي فيها ولا م كان قلتي حلوه .!
نغم : قوم سولف لي طفشانه
مناف : بناام من البارح سهران
نغم : طيب شسوي طفشانه ؟؟
مناف : اطلعي للبنات !!
نغم : تخيل بس مع وجهي راجعه عندهم .
مناف ؛ البنات يجلسون بغرفه غير غرفة الحريم تلاقينها جنب المطبخ من اليسار .
نغم : اروح ؟؟
مناف : روحي .
نغم : روحي ولا قلبي ؟
مناف : قلبي ولا كبدي ؟
نغم : كبدي ولا امممم .
ضحك مناف : طفي الضوء وانتي طالعه .
نغم : طيب .
عدلت شكلها وطفت الضو وطلعت . .
.
.
.
( الساعه 2 الفجر . )
دق المنبه ورفع جواله مناف وسوا غفوه .
ثلاث دقايق ودق من جديد .
قام بقهر : الله يلعنك .
قفله وقام وتوضى وصلي صلاواته اللي فاتته ولبس لبس دوامه وضبط شكله وطلع لصاله وانصدم التي في شغال ع اعلى صوت هند تتابع فيلم ومندمجه وتبكي معاهم وامل منسدحه .!
قرب مناف من التي في وفصله وناظر هند .
هند : خيير ي ابو الشباب مييين سمح لك تصكه " صرخت " ميين
مناف يستهبل : اه فجعتيني بمووت من فجعتي شوفيني ارتجف انتي امسحي دموعك اول بعدين احكي .
هند : اللحين بأيش ضرك ابغى افهم ؟
مناف : رافعين الصوت على اعلى شيء ي قليلات الادب وامي وابوي نايمين ؟؟
هند قامت وفتحته : خلاص بخفضه .
مناف : اييوه ادب الا دلال ذلفت بيت زوجها ؟
امل : ايه
مناف : نغم وينها ؟
امل : راحت المطبخ تسوي بوب كرون
مناف : منجدك تخلينها وحدها بتحرق المطبخ ؟
امل : شف المطبخ قدامي واشوفها وهي تسوي .
مناف جلس جنبها وناظر نغم وابتسم : شصار اليوم لما جات وجلست معاكم ؟
امل : تبي الصراحه تضاربت هي وعبير حتى امي زعلت عليها لعنة شكل البنت !!
مناف مصدوم : كذذااابببه ؟
امل : قسم بالله حتى امي قالت لا تعلمون مناف عشان لا يهاوشها .
مناف يناظر نغم بصدمه وهي معطيته ظهرها بالمطبخ .
هند : عبير قطعت شعر نغم وخرمشت وجهها بأظافرها تبن واضح غيرانه منها .
قام مناف : نغم ايش سوت ؟
امل بحماس : فقعت وجهها بالكعب.
قام مناف وكله غيض منها وراح لها : ممكن اعرف ي استاذه نغم وش عملتي اليوم .
لفت عليه : بسم الله الرحمن الرحيم تنحنح سو شيء .!
مناف بصبر : وش سويتي اليوم ؟
نغم : تضاربت مع عبير .
قرب منها وهو يشوف لصق جروح تحت عينها وعلى خشمها وتحت شفايفها : وليش ؟
نغم : انا م ارضى احد يدوس لي ع طرف واسكت .
مناف : ولأنك م ترضين فقعتي وجهها بالكعب ؟
نغم : ايه
دفها مناف ع ورى لمن دقت بثلاجه وراها : شوفي ي بنت الناس انا م ودي امد يدي عليش ولا اغلط عليش بس بأسلوبش ذا تخليني اسوي م هو اعظم .
نغم : لا تهددني .
مناف عض شفايفه : صبري له حدود انتبهي .
عطاها ظهره وطلع
اول م طلع حطت يدها ع قلبها وقالت : يمهه يخوف .
جهزت الفشار وطلعت الصاله .
امل تربعت وغمزت لها : بالله كيف شكله باللبس العسكري ؟
ابتسمت نغم : عادي !
هند جلست جنبها : حلفي ؟ انا وانا اخته اخق ع شكله تجين انتي تقولين عادي
نغم : يعني حلو شوي .
امل : ترى علمته بالمضاربه
ننغم بعدم اهتمام : ع اساس خايفه منه .
هند : بردتي كبدي بعبير .
نغم : الاا بسأكم هما لييش م يتحجبوا عن مناف ؟
امل : خواتها يقال لهم متربين معاه هي عشانها خطيبته
نغم : غبيه
هند : والله جلست اسبوع م اكلم مناف لما قال انه يبيها .
امل : ويععه مدري وش شاف فيها .
نغم : اتوقع تُجلُس في بيتها شهر من التشويه اللي جاها .
امل : ي ليت خالتي توفيي بحلفتهاولا عاد اشوفها لا هي ولا بناتها ببيتنا
هند : من فمك ل باب السما .
نغم : متى يرجع من دوامه ؟
امل : كذا ع الساعه 11 واذا مره طول الساعه 2
نغم : خلينا نكمل فيلمنا وننام .
امل قامت : انا مابغاه بروح اخمد.
.
.
دخل للبيت هجده توجه للمطبخ على طول " سعودي عاد وش تتوقعون منه"
مناف : سلاام
لفت عليه امه : هلا يمه هلا الحمد لله انك جيت .
مناف جلس ع الطاوله : ليش ؟
امه : اول شيء قم عن الطاوله لانها وصخه بتعدم لبسك ثاني شيء م شفت الجيران الجدد سكنوا اليوم ببيتهم ابغاك تاخذ هالاكل وتوديه لهم وتمر محل حلويات وتجيب لي حلا ومعجنات عشان العصر بسير عليهم وابارك لهم ببيتهم .
مناف : على هالخشم الا بسألك نغم تضاربت مع عبير ؟
لفت عليه امه : مين قالك ؟
مناف : هي
امه : شكلها مستانسه ع اللي سوته .
مناف : وش سوت طيب ؟
امه : تهاوشت مع عبير وضربتها بالكعب .
مناف : تعورت عبير .
امه : مالك شغل بعبير لك شغل بزوجتك اللي مثلك يسأل عن زوجته
مناف : يمه مو لاني تزوجت يعني غضيت النظر عن عبير لا انا للحين ابيها .
امه : وشهو اللي في عبير مو بنغم وترى الصراحه نغم احلا وواضح اصغر .
مناف تناهد :القلب وما يهوى ي ام مناف .
ضحكت امه : اجل ابشرك خالتك حلفت معاد تطب بيتي .
مناف : افا ي ذا العلم ليش ؟
امه : زعلانه ع اللي حصل ببنتها .
مناف : كلمتيها انتي طيب
امه : تقول مارح ترضى لما تعتذر منها نغم ومن عبير .
مناف : بس الحمد لله اجل بسيطه .
امه تناظر له بنص عين : تهقى نغم بتوافق
مناف قام : غصب عنها مو طيب .
دخلت امل توها صاحيه من النوم وكالعاده شعرها شمس مشرقه : شمسوين لنا غداء اليوم .؟
مناف : سكنهم بمساكنهم .
امل : كل تراب " فتحت الاكل المقسطر " ذا لمين ؟
ضربت امها يدها : عيييب ذا حق الجيران الجدد ؟
امل : ذولا اللي بيتهم لاصق ببيتنا ؟
امها : ايه يالله مناف خذ الاكل .
قام مناف : طيب " شال الاكل وطلع "
خطوتين ولا هو قدام بيتهم دق جرس البيت مره ومرتين والثالثه فتحوا .
مناف : سلام عليكم .
صافحه : اهلاً
مناف : حنا جيرانكم اللي هناك " اشر على بيتهم " وهذا من امي وتقول علم الوالده انها بتسير عليكم العصر . : الله يحيها الا انت مناف ؟
مناف : ايه
تناهد : فجعتني جاي لي بلبس دوامك عاد قلت الشرطه وش يجيبها عندي اللحين
ضحك مناف : شكلك راعي مشاكل عشان كذا انفجعت
: لا والله حرام عليك بعدين انت شكلك هيبه بزياده الا ادخل ادخل حياك .
مناف : لا ي شيخ توي راجع من دوامي ذابحني الصداع بنام
: اجل فمان الله
مناف : سلام " عطاه ظهره ماشيء "
: ااا اقول مناف
.
.
_اتمنى الاقي تفاعل❤☹

[لامارا]

البارت الثالث .
\
مناف : سلام " عطاه ظهره ماشيء "
: ااا اقول مناف
لف له : هلا
: فيه ملعب كوره هنا ؟
مناف : اي تلاقيه قدام الكفتيريا اللي بأول الحاره
: شكراً
مناف : انت شسمك ؟
: مهند
مناف : ارحب ي مهند وترى العيال يتجمعون من الساعه ثلاثه ويتفرقون ع المغرب .
مهند : انت معاهم ؟
مناف حك راسه بأحراج : لا والله عشان دوامي م يسمح لي
مهند : طيب اذا كنت فاضي تعال لي نسولف لان مافي الا انا والوالده واختي واذا عندك خوات جيبهم يسولفون مع اختي .
مناف : ابشر بكلم خواتي يجون مع امي العصر واذا فاضي المغرب بمرك ونطلع اتفقنا ؟
مهند : اوكيه
مناف : يالله سلام .
دخل مناف بيتهم ومهند دخل بيتهم .
امل فزت بوجهه : ها كيف الجيران ؟
مناف : اعوذ بالله " لف لامه " يقولون حياك .
امه : متى بتطلع تجيب لي الحلا والمعجنات ؟
مناف : بعد الغداء ان شاء الله امل روحي مع امي العصر .
امل : ليش ؟
مناف : عشان الولد قالي انه مافي غيره هو وامه واخته وطلبني اجيبكم لان اخته تمل لحالها .
امل : يصير خير
امه : م عرفت اسمه ؟
مناف : مهند
امل : اما يشبه مهند التركي طيب ؟
ضحك مناف : لا لا تطمني سعودي اصل .
امل : يشبهك ؟ عاد اذا يشبهك اعوذ بالله
مناف : تلايطي بس انا ببدل ملابسي وبرجع اتغداء
امه : بالله معاك صحى لي هند ونغم نايمات بغرفة الجلوس
مناف : حاظر
دخل غرفة الجلوس كانت بارده
مناف : تماسيح مو بنات اعوذ بالله وش هالبرد .
قفل المكيف وشغل الضوا : هنننددد قوووممممي
قرب منها ودفها بجزمته : ابوهنود قوممي
فتحت نص عينها : قسم بالله لو م بعدت لا اوكلك هالجزمه .
مناف : هههههههههههههههههههههههه
نزل لمستواها وسحبها ووقفها : يالله قومي غسلي وجهك وتغدي
هند دفت يده : ماابغىى انقلع عني .
مناف سحبها للمغسله ودخل يده تحت المويه ورشها بوجهها .
هند : الله يل*** ي كلللب ي حمااار ي وصخ
مناف تركها وراح لنغم نزل لمستواها وهزها ع خفيف : نغم نغم قومي
دفت يده ولفت عطته ظهرها .
هند من وراه بقهر : اي عشانها زوجتك م خذتها للمغسله وكبيت بوجهها مويه ولا حركتها بجزمتك
ضحك مناف لما بانت صفت اسنانه العلويه : هذا لاني امون عليك سويت كذا
هند : ومين قالك انك تمون علي ؟
ضحك مناف من جديد بصوت عالي : وتدرين وش بسوي لنغم عشانها زوجتي بشيلها وبوديها للغرفه تكمل نومها هههههههههههههههههه.
هند بقهر : كل تراب و**** ي معفن ي طوووط
ضحك مناف زياده اما هند خذت علبه المويا ورمتها بوجهه وهربت لغرفتها .
مناف ناظر نغم : بننننت قووومي ي نغغغم .
نغم بهدوء : مابغى اقوم ياخي ابعد عني
مناف : لا بتقومين وانتي م تشوفين الدرب
نغم : مو بكيفك مابغى اقوم انا حره
مناف قام وسحبها من يدها وقومها واخذها غصب للمغسله : الظاهر م ينفع معاك الطيب .
نغم : بعععد لاااا لااا دخيلك بيروح النوم لا تكفففى
لما شافت انه م في مفر منه خبت وجهها بصدره اما هو جمد بمكانه .
..
ثواني ثم تنحنح : خلاص مو مغسل وجهك تطمني .
نغم بهمس : احلف ؟
مناف : والله
بعدت عنه .
مناف : غسلي وتعالي ابغى اشوفش مرزوزه قدام ع السفر
بمجرد م ابتعد تناهدت وهمست : يمه ي ريحة عطره تدوخ .
.
.
ع العصر بعد م جاب مناف الحلا والاشياء الباقيه دخل غرفته .
كانت نغم متمدده ع الكنب قدام التلفزيون ومكشره .
نغم : ملل
مناف : امي بتطلع للجيران روحي معها
نغم : مابغى بعدين م عندي ملابس مناسبه
مناف : الخميس انزلك السوق .
نغم بتردد : سولف معاي
مناف : مو فاضي لش بنام
نغم : تلعب معاي بلاستيشن
مناف صغر عيونه فيها : تعرفين ؟
نغم : اتعلم
مناف تثاوب : اذا م بتطلعين صحيني المغرب ولا اسمع لك صوت
نغم : بكيفك تكتمني ؟
مناف بحده : خيير ؟
نغم : ولا شيء
مناف : سكري الضو واطلعي والمغرب صحيني
نغم : طيب .
بصاله امل تزبط نفسها عشان تروح للجيران .
جلست جنبها نغم بتأفف .
امل : وش فيك ؟
نغم : طفشانه
امل : اقول وش رايك اركب عدسات زرقا ولا موف ؟
نغم : موف .
امل فتحتها وركبتها وصارت ترمش اكثر من مره : ها كيف ؟
نغم : تجننين .
قامت امل ولبست عباتها وراحت لإمها المطبخ : يالله يمه مشينا ؟
امها : امسكي هالحلا والقهوه واسبقيني بلبس عباتي وبلحقك
امل : طيب .
غطت وجهها وخذت الحلا والقهوه وطلعت لبيت جيرانهم
وقفت قدام الباب وطاحت غطاتها ورفعت يدها بتعدلها بس الباب انفتح .
عند مهند فتح الباب مستعجل وتفاجأ فيها رمش اكثر من مره وهو يقول بباله ادميه ولا ملاك ؟ .
صد عنها لما ادرك ان نظرته هذي حرام : شتبغين ؟
امل : ااا حنا الجيران " تإشر على بيتهم برجفه " جاييـ…
قاطعها بعصبيه وشراسه : غطي وجهك .
برجفه غطت وجهها وعيونها تمتلي بالدموع .
بعد مهند عن الباب وقال : ادخلي حياك يارا الجيران جوو .
طلع وهي دخلت .
يارا : هلا والله تو م نور البيت
امل والرجفه واضحه بصوتها : هلا فيك .
يارا : شفيك خايفه حبيبتي ؟
امل : ااا ولا شيء
يارا : مهند خوفك ؟
امل : لا لا بس عشان .
ضحكت يارا : اعذريه مستعجل المستشفى دق عليه .
امل تفسخ عباتها : ايش عنده بالمستشفى ؟
يارا بإبتسامه : دكتور .
امل : م شاء الله الله يحفضه لكم .
يارا : امين وياك الا امك وينها
امل : جااايه اللحين
يارا : حياك ادخلي . .
.
.
المغرب دخلت للغرفه بهدوء وشغلت الضو نص شعرها نازل ع وجهها وماده شفايفها بزعل وقفت عند راس مناف نايم والفراش حوسه .
نغم : هذا شكل ادمي نايم ؟ اعوذ بالله بس ي مناااف قوووم مناااف
انقلب ع جهه الثانيه : طيب
نغم : لو رحت مارح ارجع مره ثانيه يالله قووومم بسررعهه
مد يده واخذ جواله من على الكومدينه ناظر الساعه ورماه بدون م يقفله وقام يتوضى عشان يصلي المغرب .
اول م دخل للحمام "وانتو بكرامة " نقزت ع السرير وخذت جواله .
اول شيء تصفحت البرامج بدون م تدخلها بعدين فتحت الانستا تصفحت حسابه وكل م شافت بنت خاقه عند صوره تنقهر يعني مهما يكون هو زوجها هذي الغيره فطره بالانثى لو كان الرجل م يعني لها شيء فتحت الخاص وهي تشوف مسجات مفتوحه بدون رد ل كثثثييير بنات معجبين وكثير يتغزلون ومسجات مو مفتوحه و طلعت من الخاص وهي بتموت غبن طلعت من البرنامج ودخلت ل تويتر كانو متابعينه فيه اقل من الانستا بس برضوا عنده معجبين فتحت الخاص ع طول وهي تشوف كلامه مع اصحابه عن المباريات وحتى انه يناقش بنات قطع عليها صوته .
مناف : وش رايك اذا خلصتي تحطيه بالشاحن .
خافت والخوف بان بوجهها بلعت ريقها ومدت له الجوال .
اخذه من يدها بقوه : لو يدك انمدت لأغراضي مره ثانيه والله لا اكسرها !
نغم بلعت ريقها وتظاهرت بالقوه : م سويت شيء غلط
مناف : لا ي شيخه تفتشين جوالي عيني عينك ولا سويتي شيء غلط
نغم : ل هالدرجه بجوالك شيء خطير م ودك اشوفه ؟
.
.
تفاعل؟

[لامارا]

مناف : لا ي شيخه تفتشين جوالي عيني عينك ولا سويتي شيء غلط
نغم : ل هالدرجه بجوالك شيء خطير م ودك اشوفه ؟
فرش السجاده مطنشها وهي راحت للباب بتطلع .
مناف : وين ؟
نغم : بروح لهند ؟
مناف : استاذه نغم خليك بعيده عن خواتي مفهوم ؟ اذا م كان مفهوم علميني عشان افهمك بطريقتي .!!
نغم : ليش ؟
مناف بيقهرها : انتي مارح تطولين هنا اشهر معدوده وما ابغى اذا بقيتي تقلبين روسهم على عبير زوجتي المستقبليه !!
نغم بقهر : على تبن انت وهي وماني مبعده عن احد خل هالفكره براسك .
مناف رفع حاجبه : انا تحاكيني كذا ؟ " اقترب منها "
بسرعه نغم لفت للباب بتفتحه وتطلع بس كان مناف اسرع قفل الباب وعيونه بعيونها .
بلعت نغم ريقها بخوف وتحاول م تبين خوفها وهي تقول بداخلها " والله ي عيونه لحالها رعب "
مناف : وقسماً بالله ورب العزه لو تحاكيني كذا مره ثانيه ان م يحصل لش طيب .
نغم بحاله جمود من خوفها .
مد يده مناف وسكر الباب بالمفتاح وسحبه وحطه بجيبه .
نغم برجفه : بطلع ؟
مناف طنشها .
طول م هو يصلي هي تتأمله ورجفتها م راحت صوته حاد وعيونه حاده حتى وهو يصلي بالنسبه لها مرعب .
خلص صلاته وعينها م نزلت عنه ثواني وقام يلبس
خلص لبس وجلس ع السرير : جيبي جزمتي ؟
نغم : نعم ؟
مناف رفع حاجبه : جزمتي جيبيها من جوا ؟
نغم بقهر : ترى ماني خدامتك.
مناف : ي شيخه اجل وشو ؟
نغم : اختك .
ضحك بأستهزاء ثم لف ناظر لها وعيونه تنطق شر : اختي ي محترمه م يجيبها السيل نص بأخر الليل .
دمعت عينها : الله يلع*** كريهه كلب لو اني اتذكر صدقني كان رديت عليك .
اقترب منها ورفع شعرها عن وجهها بأستفزاز : حلوه عيونك لما تبكين !!
نغم دفت يده : اذا انا حلوه عيوني ف عيونك بشعه اكثر من ما تتصور .
مناف اقترب منها اكثر لما لزقت ب الباب ثم همس لها : انتبهي لكلماتك معي لان اللطف الظاهري م ……
قاطعته : م يعكس الشر اللي بداخلك
ابتعد عنها ولبس جزمته " وانتو بكرامه " ثم تعطر ورجع لها : ولان الشر اللي داخلي يقول خلها تندم ع كلامها تدرين وش بسوي ؟
بأستهزاء : وشو ؟
ابعدها عن الباب وفتحه وطلع ورجع سكر عليها من برا اما هي تجمدت بصدمه وفي بالها تردد " حبسني ؟ انا حبسني ؟ "
لا ارادي صرخت : منااااف ي كلللب ي ***** افتح لي لا تخليني .
مناف من ورى الباب : اهجدي ونامي .
بصوت باكي : مناااف والله اخاف وحدي .
مناف : تعلمي م تخافين يالله سلام . .
.
.
اندق الباب وقامت فتحت الباب وتعلقت عيونها عليه كان معطيها جنبه يناظر لمجموعه من الاطفال رايحين السوبر ماركت .
رجع لف عليها وألتقت عيونهم اي حُب يٌحكى اي شوق يُغنى به على لقاء عيونهم أللهفه بعيونهم لبعض كانت واضحه .
لفت عنه وسكرت الباب وهي تقول : نعععم ؟
همس : نعامه ترفسك ، وين خالتي ؟
هند : مب موجوده شبغيت منها ؟
بنفخه رد : بسلم عليها يعني شبي منها .
هند : اها ببلغها سلامك اذا جات لا تصيح .
: ي ثقل طينتك
هند : تلايط وكل تبن .
جاه الصوت من وراه : سامي ؟
لف لخالته وابتسم ابتسامته العريضه : هلا والله هلا بخالتي
باس راسها : وش حالك ان شاء الله طيبه
خالته : اي والله الحمد لله بس ارجيلاتي تعورني شوي
سامي : سلامتك ي بعد عمري .
ام مناف : ي زينك ي سامي م شاء الله لا أله الا الله .
ضحك لما بانة اسنانه : والله ي خالتي انا ب الحلاوه طالع عليك .
ام مناف : ادخل حياك ؟
سامي : لا والله ي خاله تعبان بروح اريح .
ام مناف : علي الحرام ان تدخل تقهوى .
سامي باس راسها : انا فداك خليها وقت ثاني .
ام مناف سحبته لداخل : ادخل اقول بس .
دخل معها ل مجلس الرجل .
ام مناف : ي هننننننندددد ي هننننددد سوووي قهوه .
سامي : م يحتاج ي خاله .
ام مناف : افا تدخل مجلسنا ولا تقهوى اقول احمد ربك م مسكتك للعشى .
ضحك بقوه : ي حبي لك ي خاله .
ام مناف : ها طمني عن احوالك وكيف العمل ؟
سامي : تعرفين الدوره كرف .
كانت هند مو بعيده عنهم بالمطبخ ولان مكيف المجلس طافي ومكيف المطبخ طافي كانت تسمع حكيهم .
جهزت القهوه ووقفت عند باب المجلس : يممه القهوه ؟؟
ام مناف : خليها عندك وطسي بياخذها سامي .
هند : طيب
تركت القهوه عند الباب وراحت ل الصاله مسكت جوالها ودقت رقم امل شوي وجاها صوت امل : هلا هنوده ؟
هند : وينك ليش م جيتي مع امي ؟
امل : بقعد اسهر مع يارا اذا طفشانه انتي ونغم تعالوا ؟
هند : نغم نامت وامي جاها سامي وهي اللحين جالسه معه !!
امل بفرحه : سامي جاء؟؟
هند : ايه قطيعه .
امل : تقطع وجهك انا اللحين جايتن له .
هند تناظر الجوال بصدمه بعد م قفلت بوجهها امل : بلاء بوجهك انتي وياه.
ثواني وكانت امل مرتزه بالبيت .
دخلت للمجلس بدرعه وكأنها واحد من الشباب : هلا والله مرحب الليّ مرحبا مليون .
زادة ابتسامته يوم شافها سلم عليها وجلسها جنبه : ها علميني كيف دراستك ؟
امل : ي حبك ل النكد ي اخي .
سامي : ي شيخه اجل وش تبيني اسألك عنه
امل : لا تسألني خير شر انا بسألك
سامي : هيا اسألي ؟
امل : كيف بالدوره كرفوك ؟
سامي : هذا سؤال ينسأل اكيد كرفوني .
امل : خلصت ولا باقي ؟ .
سامي : باقي شهر .؟
امل بفجعه : ثلاث شهور ويعني لسى م خلصت ؟
سامي : ايه
امل : بكل صراحه لمين اكثر شيء اشتقت ؟

تفاعل؟

[لامارا]

امل : بكل صراحه لمين اكثر شيء اشتقت ؟
سامي : للكل .
امل : قول مين اكثر شخص سيطر ع تفكيرك ؟
سامي : يعني ابوي اكثر شيء .
امل : مالت عليك هذا وانا متوقعه تنطق اسمي !!
سامي : لا جد قسم بالله مره تذكرتك وانا رايح اصلي ومت ضحك !!
امل : ايه الحمد لله اهم شيء انك تذكرتني .
تنهد : وين مناف له وحشه التبن ؟
امل : طلع لولد جيراننا الجدد كذا كم ساعه وبيبدا دوامه.
سامي رفع حاجبه : بس هو دوامه من الفجر ل الساعه 11 صح ؟
امل : اي بس ذا اضافي عشان لا بغى اجازه وكذا .
سامي : اها .
امل : ترى مناف تزوج بقى دورك ي الشايب.
سامي : تزوج ؟؟
امل : ايي .
سامي : كييف متى وش هالسرعه .
: السلام عليكم .
قامت امل سلمت ع ابوها : حياك يبه " غمزت لسامي وطلعت "
ابو مناف : مرحبا مليون تو م نور البيت ي سامي .
سلم عليه سامي : والله انك وحشتني ي عم بشكل م تتصوره .
ابو مناف : وانا فاقدن حسك بيننا العصريه بالموسسه محد يجيني يسولف لي فقدتك يبوك .
سامي : خلني اخلص هدوره انفداك والله لا اسنتر عندك من الصبح للمسا
ابومناف : طمني عن احوالك وايش مسوي .
سامي : الحمد لله م علي خلاف الا ي عم مناف متى تزوج ؟
ابومناف : سالفتن طويله صبي قهوه ي مرّه خلني اعلمه بالعلم .
سامي عدل جلسته بحماس : اسلم ي عم ( بالصاله )

امل جلست عالكنب بأبتسامه : واااههه وحشني التبن
هند : توحشك العافيه
امل : كلي تراب مدري ليش كارهته
هند : يكفيه انه اخو عبير والزفتات الثانيات
امل : بس سامي غير
هند : ايي مره غير .
امل : تخيلي شفت ولد جيراننا اللي اسمه مهند
هند بملل : طيب ؟
امل : يجننن انا يوم شفته تجمدت لا وبعد دكتور .
هند : م شاء الله .
امل : وذي يارا مررره طيوبببه وعلى نياتها وبعمري وبتسجل بنفس مدرستي بعد .
هند : واو مره حمستيني اتعرف عليها .
امل : الشرهه على اللي يسولف لك بروح لنغم
هند : نايمه مناف قالي لا تصحونها تعبانه .
امل : معقوله نايمه وهي م صحت غير الظهر .
هند : شدراني عنها .
امل : بقوم اشوفها .
قامت امل شوي وسمعت شهقتها هند وفزعت لها .
هند : شفيك ؟
امل ضامه نغم اللي تبكي: قفل عليها التبن .
هند : كذابه م يسويها مناف ؟
نغم تبكي بصوت مسموع وتشاهق .
هند : وشسويتي له ؟
نغم : م سويت له شيء صحى من نومه منفس .
هند مسكت جوالها : انا اوريه ابن ال###
نغم : كيف لقيتي المفتاح ؟
امل : بالباب م شاله .
نغم : حيوان كلب .
هند : الو
مناف : هلا
هند : ي ### ليش مقفل على نغم ؟
مناف : داقه عشان كذا ؟
هند : اي داقه عشان كذا ليشهي حيوان عندك عشان تحبسها ؟
مناف : زوجتي وانا حر .
هند : اقسم بالله لا اعلم ابوي ي تبن ي الزفت .
مناف : هههههههههههههههه وش رايك تعلمين الشرطه ؟
هند : مالت عليك . " قفلت الخط بوجهه "
امل : تعالي نغم علمي ابوي ذا تبن ميستحي على وجهه .
ام مناف : وش فيكن ي بنات تصارخن ؟
هند بأنفعال وصراخ : التبن مناف المعفن الزباله الزفت مسكر على نغم بالغرفه وحابسها تقول انها حيوان عنده .
ام مناف : اييش ؟
بالمجلس كان حكي هند جداً واضح ومسموع .
قام ابومناف : اعذرني ي سامي شوي !!
سامي : خذ راحتك
همس سامي بعد خروج ابومناف : جعلني طولة لسان .
طلع ابومناف ل الصاله : خير ي هند وش في ؟
هند : التبن الحيوان الزفت المعفن مسكر على نغم بالغرفه حابسها من المغرب تقول انها حيوان مو ادميه .
عقد حواجبه ابو مناف بضيق ولف ل نغم : هالحكي صحيح ي نغم ؟
نغم ببحه : اي .
ابومناف : مالك الا اللي يرضيك وانا ابوك .
نغم دخلت للغرفه ودخلت معها امل وهند .
ابومناف : دقي على ولدك خليه اللحين يجي .
ام مناف : ابشر .
رجع ابو مناف للمجلس : اعذرني وانا ابوك .
سامي ابتسم له بس
ابومناف: اخاف بعد اللي سمعته تهون ؟
ضحك سامي ضحكة طويله : لا لا انا عند حكيي للحين .
ابو مناف : تراها لك من اللحين لو هي ذبيحه م عشتك .
سامي : لا لا ي عم خلني اكون حالي اول وبعدين انا جايك جايك ان شاء الله .
ابو مناف بجديه : وانا ابوك حكي الناس بدا يطلع على بنتي والخطاب يشهد الله كثار .
سامي قاطعه : بس يكمل بيتي ان شاء الله متزوجها .
ام مناف دخلت : منهي سعيده الحظ ؟
سامي ضحك ومرد .
ام مناف : على طاري الزواج اليوم جارتنا قالت ان ودها تزوج ولدها وقالت تبي وحده مقاربه ولدها بالعمر وانا وصفت لها هند عاد قالت بتجي تزورنا تشوفها .
انقلب وجه سامي ودقات قلبه تسارعت .
ابومناف : وايش يصير ولدها ؟
ام مناف بفخر : دكتور
ابو مناف : م شاء الله .
" ناظر سامي ورحم حاله " لا جات قولي لها مالك نصيب عندنا .
تنهد سامي بارتياح .
ام مناف : وليش انت تعرف عن الرجال شيء ؟
ابومناف : ابد والله غير طيب اخلاقه وكرامة اجداده معرف لكن هند طلبها واحد وانا عطيته وماني مغير حكيي.!
ابتسم سامي لعمه وقام : انا بطلع بروح لأهلي لسى م سلمت عليهم .
ابومناف : اسمعني ي سامي بكره ترى لك غداء عندي ولا ابي اي اعتراض .
سامي : ي عم الله يهديك ماله داعي تكلف على نفسك .
ابومناف : لا كلافه ولا شيء بكره تجي انت واهلك تسمع .
حط اصبعه على خشمه : على هالخشم تامر .
ابومناف : تسلم .
مناف دخل : سلام ع…… " قطع كلامه يوم شاف سامي "
سامي : م ودك تسلم ؟
مناف بدون شعور ضمه : وحششتتتنننني .
سامي : كييف حالك ؟
مناف : وانا اقول ابها ريحتها عطر اليوم اثاريك منورها .
ضحك سامي : عن المبالغه ؟
مناف ابتعد عنه وهو يضحك : والله م ابالغ من صحيت المغرب وانا حاس بشي غريب
سامي : ذبحك الاحساس .
مناف : وين سيارتك مشفتها برا
سامي : تركتها عند الورشه بغير الزيت وبنضف المكينا .
مناف رجع ضمه من جديد : وااااههههوه لك وحشه فقدتك .
سامي غمز له : اعرست ي الاخ .
ضحك بقوه : الله الله .
سامي : استح على وجهك كان انتظرتني مو كنا متفقين انه اشهد بزواجك وتشهد بزواجي ؟
مناف : وانا للحين عند حكيي .
سامي رفع حاجبه : كيف ؟
مناف : زواجي ذا مجرد وقت واصلاً م يعتبر صحيح المهم سالفه طويله بكره اقابلك واعلمك فيها .
سامي : م يحتاج عمي قال لي .
مناف لف لأبوه ورجع ناظر سامي : كأنك ماشيء ؟
سامي : اي م سلمت على اهلي جيتكم على طول .
مناف ضحك : وش جابك قبل تمر اهلك ؟
سامي : بيتكم اقرب من بيتنا ، يالله ي عم مع السلامه
ابومناف : ودعناك الله لا تنسى بكره تجي .
سامي : ان شاء الله مع السلامه .
طلع سامي وجلس مناف وصب لنفسه قهوه .
جلس قدامه ابوه : اللحين انا زوجتك بنت الناس عشان تسوي فيها كذا ؟
مناف : وانا ايش سويت فيها ؟
ابوه صر على اسنانه : حاكني بعقلانيه ي مناف !!
مناف تناهد : م يحتاج اعلمك بأخلاقي اذا صحيت من النوم وهي مستفزه بعدين هذا عقاب بسيط .!!
ابوه : ومين انت عشان تعاقبها ؟
مناف : زوجها يبه زوجها .
ابوه : ي شيخ ؟ مناف البنت امانه تعرف وش يعني امانه بتنسأل عنها قدام ربي .
سكت بأمتعاض .
ابوه : اعتذر لها !!
مناف شرق بالقهوه : كححح كححح
مد له ابوه المويا .
مناف : خييير يبه خيير
ابومناف : بتعتذر لها لانك غلطان .
مناف : انا اذا غلطت في حق نفسي ماعتذر لي تبيني اعتذر لذي .
ابو مناف : ي هنننددد ي هننند .
جات له هند جري : سم
ابومناف : سم الله العدو قولي لنغم تجي
هند : ابشر
مناف : ماني معتذر يبه لا تحرج نفسك
جات هند ومعها نغم وامل .
ابو مناف : مناااف؟؟
مناف رفع عينه لنغم يخزها .
ابومناف : لا تخوفها .
نزل عيونه مناف وتنهد
ابو مناف : هذي تربيتي لك ؟؟
مناف قام ووقف قبالها كان اطول منها بفرق كبير وهي منزله راسها : طيب ي ابوي انت تامر .
رفع راسها بأطراف اصابعه وطبّع قبله على جبينها : انا اسف حقش علي
انحرجت نغم من حركته وطلعت من المجلس.
ناظر مناف خواته : وشو انتو تبون اعتذر لكم بعد ؟؟
هند خزته : لا .
ابومناف : جهزن ي بنات سامي واهله بيجون بكرا .
هند بهمس : كمّلت عاد !!
امل : لو انه قايل بس سامي لوحده كان ازين ؟!!
هند : ويععه لا سامي ولا امه .
ام مناف : مناف تعال ودي احاكيك شوّي
قام مناف : سّمي
ام مناف : خالتك حلفت معاد تطب بيتي وانت قلت نغم بتعتذر ؟
مناف : ابشري على خشمي الحين بكلمها واذا جات بكرا نعتذر لها .
ام مناف : كويس
مشى مناف لغرفته وهو يفكر كيف يقنع نغم تعتذر من خالته " بحسب خبرة مناف بلغة الجسد ف نغم عنيده جداً ومستحيل ترضا " .
انسدح ع السرير وهو يتنهد ويفكر .
رفع جواله ودق على خالته شوي وجاه صوتها : الوو
مناف : سلام عليكم خاله شخبارك ؟ : تمام يمه مناف كيف حالك انت ؟
مناف : بخير الحمد لله سامي جاكم ؟
: اي توه وصل
مناف : الحمد لله ع سلامته
: الله يسلمك امر يمه احس عندك حكي ؟
مناف : اي والله خاله عندي حكي
: قول يمه لا يردك الا لسانك ؟
مناف : ودي اعتذر لك عن اللي سوته نغم بعبير وبكرا اذا جيتوا نغم بتعتذر لك ولعبيير
: معذور يمه بس لو تعلم مرّتك الاصول .
مناف : ان شاء الله تجون بكرا ؟؟
: ان شاء الله
مناف : حياكم الله .
: الله يحييك م اطول عليك ي ولدي ؟
مناف : ابد والله مع السلامه
: ودعتك الله
مناف : فمان الله
سكر منها وهو يقول بباله من جهت عبير وخالتي حلينا ها بس نغم"تأفف" ي دين الله !!
قام وفتح باب الغرفته واستند عليه : نغغغغغمممم نغممم
طلعت من غرفة هند : نـعم ؟
مناف بجمود بملامحه : تعالي .

[لامارا]

قام وفتح باب الغرفته واستند عليه : نغغغغغمممم نغممم
طلعت من غرفة هند : نـعم ؟
مناف بجمود بملامحه : تعالي .
دخل الغرفه وترك الباب مفتوح شوي جات نغم منزله راسها قفلت الباب وجلست ع الكنب بعيد عن السرير .
مناف : يعني بتقنعيني انك خايفه
نغم : لا
مناف تناهد : تعتذرين من خالتي وعبير بكرا!!
نغم : انا ؟ مستحيل
مناف : وليش م تعتذرين ي سمو الاميره ؟
نغم : انا اعتذر ؟ لا ومن مين ؟ " قالت كلماتها الاخيره بسخريه شديده "
مناف : وليش م تعتذرين مو انا مناف بجلاله قدري اعتذرت منك انتي " اردف اخر كلمه باستهزاء "
نغم : فرق بين السما والارض .
مناف : تعتذرين ؟
نغم تناظر اظافرها ببرود : تبطي
مناف : لسانك الطويل بقصه !
نغم : تبي مقص ههههههههههههههههههههههههه ه .
قام لها مناف وقبل يوصل قالت برجفه : لا تقرب خلك بعيد لا تقرب
غمضت عيونها لما حست انه واقف امامها تماماً وان عطره تخلل انفاسها كان مناف يتأملها تمثل الثبات وهي ترجف تقول حكي هي مو قده .
مناف : ناظريني ؟
رفعت عينها ل عينه وبسرعه لفت وجههها للجهه الثانيه ابداً م تنكر خوفها من شر عيونه !!
بقوه رفع راسها لمستواه وثبتها ع الجدار وكأنه ماسك رجال : لسانك الطويل وربي لأقص……
قطع كلامه لما سمع صوت جواله ، ابتعد عنها ورد ع جواله .
مناف : حاظر سيدي هاللحين جاي ابشر دقايق واكون عندك .
قفل ورجع ناظرها تعلقت عينه بعيونها للحظه حس بشعور م عمره حس فيه نظراتها الخايفه البريئه حركة بداخله احساس م يدري وش نهايته .
.
.
.
الساعه 9 الصباح دخل مناف للبيت واستقبلته ريحة البخور قبل يدخل ل الصاله قاطعته هند .
هند : افسخ جزمتك هالوصخه عندك !
مناف : اقول تعالي بخريني بس
هند : مرره شكلك يساعد
ناظر نفسه كله طين وابتسم : يكرفون اخوك
هند : تسلم يديهم
مناف : على تراب
هند : امل توها خلصت تنضيف الصاله يعني لو جات ولقت طين والله ان تفصل علينا وانت تعرفها " رفعت يدها لراسها بمعنى مو صاحيه "
مناف فسخ جزمته وسيده ع المطبخ استند ع الباب كان موجود فيه امه ونغم وامل : سلام
ناظرته امه : هلا يمه توك جيت ؟
مناف : ايه
امل : يارب تكون وصخت الصاله ي رب
ضحك مناف بقوه : ايه وصختها !!
امل : وربي اذبحك والله .!
تقدم لهم وجلس ع الطاوله مد يده ل الشوكلاته وظربتها امل .
مناف يناظرها بمعنى شفيك ؟
امل : يدك وصخه
مناف مدها لها : غسليها ههههههههههههههههههههههههه ه
امل : هها هها هها مره تضحك " قربت من اذنه وهمست " لو ان امي مب فيه كان كشيت على وجهك يالله فارق .
مناف زاد ضحكة : والله اني اوسع الصدر
ام مناف : رح يمه تروش ونام قبل يجون الضيوف .!
مناف قام : طيب " ناظر امل " ابغى شوكلاته .
امل قافله اخلاقها : تبغى كف ؟
ضحك مناف لما بانة صفة اسنانه العلويه : بطلع خلاص " قال حكيه وطلع "
ام مناف : امل كملي عن نغم وانتي ي نغم لحقي زوجك
نغم ناظرة امل بتعقيده وحواجب وامل اشرت لها بمعنى روحي .!
نغم : طيب
عند مناف دخل للغرفه وعلى طول فسخ تيشيرته ورماه ثم طلع جواله وحطه بالشاحن رفع عينه لنغم لما دخلت تعلقت عيونه فيها وجهها انصبغ احمر اقل من دقيقه ثم قال
مناف : وش تبين ؟
نغم تناظر اي شيء بس م تناظره : خالتي قالت لي الحقك .
مناف : اهه اجل بدل م تظلين واقفه كنك جدار خذي ملابسي واغسليها .
نغم : م اعرف
مناف : طيب طلعي لي بجامه .
تقدمة وفتحت الدولاب وطلعت له بجامه وحطتها ع السرير : شيء ثاني ؟
مناف : ايه خذي ثوبي وشماغي واكويها واذا مكويه بخريها .!
نغم : طيب " اخذت ثوبه وشماغه وطلعت "
.
.
عند هند تبخر مجلس الحريم وترتب
دخلت امل : اقول ترى جارتنا الجديده بتجي
هند : واذا جات شسوي لها ؟
امل : حاطه عينها عليك ترى
هند : واااو حاطه عينها عليّ وهي م تعرفني .!!
امل : امي حكت لها عنك يـ زفته وبعدين تراها فرصه ذهبيه ولدها دكتور ووسيم .!!
هند : خذيه انتي الدكتور و الوسيم !!
امل : تحسبيني برفض يعني ؟ لا والله ي روحي هذي الساعه المباركة اللي بفارق وجهك بس هي تبي وحده تقارب ولدها بالعمر !!
دخلت ام مناف ومسكت امل من اذنها : ايااا قليلة الادب ياللي م تستحين وش هالحكي هاه ؟

[لامارا]

هند : خذيه انتي الدكتور و الوسيم !!
امل : تحسبيني برفض يعني ؟ لا والله ي روحي هذي الساعه المباركة اللي بفارق وجهك بس هي تبي وحده تقارب ولدها بالعمر !!
دخلت ام مناف ومسكت امل من اذنها : ايااا قليلة الادب ياللي م تستحين وش هالحكي هاه ؟
امل : اييي يمه م قلت الا الصدق مو هي قالت تبي وحده مقاربه ولدها بالعمر .
ام مناف : مالك دخل ويالله اشوف روحي خُمّي الحوش يالله .
امل : الله كل شيء انا كل شيء انا " راحت وهي تحلطم "
هند : صدق حكي هالخبله ؟
اخذت منها ام مناف المبخره وصارت تبخر : ايه صدق بس ابوك قال اعلمها انه مسميك لواحد من عيال اصحابه ولا هو مغير حكيه
شهقت : ومنهو صاحبه ذا
امها : م ادري منها .
حطت يدها ع فمها ببكاء وغادرت الغرفه .!
عند امل بالحوش : امل قومي امل حطي امل شيلي كل شيء فوق راس امل وهند الحيوانه مدلعه وانا بس اشتغل الله ياخذ امل استغفر الله جعلني اتزوج بعد شهر وافتك من هالكرف .
بعيد عن امل شوي كانت عيونه عليها حلطمتها بدت له اكثر من جميله وكأنه يستمع لـ موسيقى ، موسيقى قادره على نزع الصداع من رأسه ، غمض عيونه لما صوتها ابتعد وهي دخلت لجوا " يـ الله يـ هذا الشعور يـ الله "
صحاه من سرحانه فيها صوت اخته : مهند ؟
لف لها وابتسم: تجهزوا خلاص
يارا : متأكد ؟
مهند : ايه ايه
يارا بفرح : ياااس يالله بروح اتضبط .
مهند رما حاله ع السرير وعيونها م تفارق خياله !
.
.
.

الظهر

بالمطبخ امل تقطع الحلا نغم ترتبه بالصحون .
دخلت هند : ها خلصتوا
رفعت عينها لها امل ثواني وهي تناظرها : وش فيها عيونك كنتي تبكين ؟
هند هزت كتوفها : عادي كنت انظف الرف وانكبت البودره عليّ وجات بعيوني !
امل : بسوي نفسي صدقتك لين نخلص من هالعزيمه ونتفاهم !!
دخل مناف مستعجل : القهوه يـ امل
امل : لسى م غليت المويه !!
مناف : افف بجلس انتظرك انتي وغلايتك " لف لهند " ابوهنود انتي تعرفي.……… " قطع حكيه لما شاف عيونها " وش فيك تهاوشتي مع التبن امل ؟
امل : تبن وجهك والله م سويت لها شيء
هند ضمة مناف وبكت .
مناف : الله الله ايش فيه تهاوشتي مع البنات ؟ تكلمي .
هند ع وظعيتها تبكي وم ردت .!
مناف لف لامل : تهاوشتي معها ؟
امل : لا والله
ناظر نغم بحده : وانتي
نغم : لاوالله اصلاً م حاكيتها اليوم !!
مناف : اجل ايش فيك امي هزأتك تكلمي ؟
هند ابتعدت عنه وهي تمسح دموعها : م في شيء بس صديقتي عملت حادث بسيط وقلقانه عليها
امل : ع اساس البودره ؟
مناف : انتي انطمي !
امل رمت اللي بيدها وطلعت : الشرهه ع اللي يجلس معكم
هند : بروح اغسل وجهي
مناف : والقهوه ؟
هند : نغم فيه
طلعت هند ومناف لف يناظر نغم ورفع حاجبه : تعرفي تعملي قهوه ؟
نغم حركة راسها بمعنى لا .
مناف تناهد وتكتف : يعني لازم انا اعملها .!!
م ردت نغم وهي تناظره .
شمّر عن اكمامه : اللحين انا بسوي وانتي تتعلمين طيب .
نغم : طيب
مناف صار يعلمها ويشرح لها ويتفلسف : وكذا بتكون خلصت " صب لها بكوب " يالله ذوقي ؟
نغم : لا والله وليش م تذوق انت ؟
مناف : بتذوقين ولا الدله بوجهش ترى ؟
نغم اخذت الكوب من يده وشربت قليل : واااو مررره ناييسس يمه تخقق بموت من روعتها ههههههههههههههههه
مناف : شف هاللي بفقع وجهها " شال القهوه " لحقيني بالاكواب المجلس !!
نغم : م في حد ؟
مناف : لا مافي غير ابوي
شالت الاكواب ولحقته كانت امل قبلهم بالمجلس جالسه مع ابوها وتسولف .
مناف : كملي كملي وانا بقهويك ؟
امل : غصباً عنك
مناف قرب بيظربها وتخبت ورى ابوه : بابا شووفه
ابو مناف : اهجد يـ مناف
مناف : مهبوله وغبيه
امل : ياخي وش دخلك مهبوله مجنونه مالك شغل مناك يالله
مناف ناظر نغم : لا اشوفش تسولفين معها مفهوم ؟
امل : بموت لو م سمعت صوتك انت وزوجتك تلايط وكل تراب بس !
دق جرس البيت .
مناف : يالله جوا يالله اكيد ذولا خوالي !!
نغم دخلت بس امل لا .
مناف : خير انتي ؟
امل : خوالي واهلي !!
مناف : يمكن الجيران يالله جوا يالله
دخلت امل بقهر وهي تتحلطم !!
فتح الباب : حيّ الله من جانا نور البيت نور
ابو سامي : الله يحييك ويبقيك ومبروك زواجك يـ ولدي !!
مناف سلم عليه وحبّ راسه : الله يبارك فيك حياك اقلط .
دخل سامي : سلام عليكم
سلم عليه مناف : ارحب حياك ادخل ؟
.....: بتوخرون من وجهي ولا كيف
مناف : ارررححححببب نور المجلس نور حي الله وليد .
سلم عليه وليد : الله يحييك ومبروك زواجك
مناف : الله يبارك فيك اقلط !!
وليد : وين اختي والله اني جاي عشانها ؟
مناف : عد لين ثلاث وتلا………
قطع حكيه دخولها وهي تصارخ : ااااااا ولللللييييد وحشتني ليييش م تجي .!
سلم عليها وليد : حي الله الحلوه اخت الحلو
مناف : م عليك زود
وليد : كل تراب انت اقصد نفسي .!
مناف : والله لا انت حلو ولا هي حلوه !!
دق الجرس .
مناف : يالله جوا يالله جوا اكيد ذولا الجيران
امل دخلت وهي تحلطم وتقلد مناف بقهر : يالله جوا نننءءءنننءءء
هند : ايش فيك ؟
امل : مناف م خلاني اجلس مع وليد طردني
ضحكت عليها هند بشماته .!
نغم : مين وليد؟
هند : ولد خالتي يصير اخو امل من الرضاعه
نغم : ادخل هاللحين اسلم ولا لا ؟
امل : ليش انتي م سلمتي ؟
نغم : لا "سكتت شوي" مناف قال لي اعتذر وانا مابغى
امل : بتعتذرين انتي ؟
نغم : لا
امل : خلاص ادخلي سلمي واطلعي
نغم : بس مناف بيعصب
نغم : واذا عصب يعني على تراب .
مناف داخل للمطبخ : احم احم
هند : مافي احد
دخل مناف : الشاهي ي ابوهنود
هند : دقيقه !!
مناف تكتف يخز امل وهي تخزه ولف عنها يناظر نغم : سلمتي على خالتي ؟
نغم تناظر اي شيء غيره : لا
مناف : بتدخلين اللحين وتسلمين وتعتذرين !!
نغم : بدخل اسلم لكن اعتذار ماني معتذره
مناف : لا والله بتعتذرين
نغم : مارح اعتذر انا ع حساب تزين علاقتك بخالتك وبنتها !!
مناف : لا بتعتذرين واللحين امل روحي نادي خالتي
امل : ي جماعه صلوا ع النبي .
مناف : روحي امل نادي خالتي
امل : مناف قل لا إله الا الله وش فيك عصبت ؟؟
مناف رفع جواله وقال بصراخ : بتروحين ولا اكسر وجهك بذا ؟
امل : طيب طيب
طلعت امل ولحقتها هند ولا زالت حرب النظرات قائمه بين مناف ونغم .
نغم بقهر : مارح اعتذر " مرّت من جنبه بتطلع ومسك يدها بقوه ولفها لورى ظهرها وصرخت " آآآآآآآه .
امتلت عيونها دموع ونطقت بألم : ايي مناف يدي
فكها لما سمع صوت خالته اقترب من المطبخ ، لفت نغم تناظره عيونها مليانه دمع ونظرة الانكسار بعيونها واضحه .
.....: امر مناف بغيتني .
مناف سلم عليها : ابد والله نغم ودها تسلم عليش وتعتذر منش ومستحيه .
قربت منها نغم وحبت راسها وقالت برجفه واضحه بصوتها : السموحه " وغادرت بعد هالكلمه "
مناف : ان شاء الله رضيتي اهم شيء رضاك !!
خالته : تسلم يمه .
امل بقهر مدت له الشاهي : خذ
مناف خذه منها : عن اذنك خالتي .

[لامارا]

امل : اقولك صار لها فوق الساعه والنص مسكره ع حالها الباب ولا طلعت سلمت ع حد !!
مناف : وانا شسوي طيب ؟؟
امل : وش دراني عنك امي قالت لي نادي مناف وبس !!
مناف : الله يل### بسرعه شوفي لي طريق
بعدت امل عن الباب : ادخل محد بصاله .
مناف دخل وراح يمّ غرفته دق الباب بحده : نغممم نغممم
م في رد من ناحية نغم .!
مناف : لا تخليني اكسر الباب وتصير فضايح !!
ثواني وانفك الباب .
دخل مناف : وش هالكابه ؟ اعوذ بالله .!!
فتح الضو كانت نغم جالسه ع الكنب وظامه رجولها بيديها ومنزله راسها .
جالها وجلس جنبها : هيا خير وش فيك ؟
م ردت عليه ولا رفعت راسها !!
مد يده ورفع وجهها بأطراف اصابعه عيونه تعلقت عليها وخفق قلبه وتوتر بسرعه عطاها ظهره وسحب فاين ولف لها من جديد : مسحي دموعش عيب الناس مالين البيت .!!
خذت الفاين من يده ومسحت دموعها وشفايفها ترجف .!!
مناف : هاللحين ابغى اعرف انتي ليش زعلانه كله اعتذار لا راح ولا جاء ؟
نغم : وانا م تعودت اعتذر وانا مو غلطانه .!!
رفع حاجبه مناف : م شاء الله تتذكرين طيب ع ايش تعودتي ؟
لفت وجهها عنه نغم بقهر ودموعها تنزل .
مناف : عيب متخبيه هنا والضيوف برا يعني م يستحقو يشوفو جمالك ؟
نغم : م تلعب عليّ بهالحكي والله !!
ضحك مناف : تتوقعين وش اقترفوا من ذنب عشان ربي م كتب لهم شوفتش انتي وجمالش " اردف جملته الاخيره بسخريه "
نغم : السبب انت يعني لو بيدعون ع السبب بيدعون عليك !!
مناف : واهون انا عليش يدعون عليّ ،!
بقهر وهي تشد ع اسنانها : مرره تهون مرره .!
ضحك مناف ثم قال بجديه : طول عمري راضي باللي كتبه لي الله الا انتي .!
لما شافت انه يحكي بجديه رجعت ناظرته بأهتمام .!
مناف : كل م حصل لي شيء م ابيه ؟ قلت خييره اقداري تحمل لي الاجمل الا انتي دخلتي حياتي بأسبوع واخذتي اهتمامي والاسبوع الثاني اخذتي مكاني بين اهلي والاسبوع الثالث اخذتيني من عبير م اشوف انك خيره بحياتي ي نغم !!
نغم : ولا انا اشوف انك المناسب ي مناف !!
مناف : جيتي كأنك من المُستعمرين تاخذين كل شيء غصب .!
نغم : اللي اعرفه ان بعض المُستعمرين ياخذون كل شيء ذو قيم وبنهايه يروحون تحت مبدأ ان مافي بلد مثل الوطن!
مناف احتد بصره وضعط ع اسنانه بقوه وقبل يحكي قالت !!
نغم : بس انا مارح اخذ منك شيء وبروح نفس م جيت صدقني .!
مناف تناهد وهو يقوم ويسحبها معاه ل المرايه ويجلسها : المطر م يجيب غير الخير اتمنى يكون هالمطر والسيل اللي جابك رحمه مو غضب .!!
نغم تناظر عيونه بتمعن قد ايش تحمل كلام وشراسه وحده .
مناف : ضبطي شكلك ويالله نطلع الغداء خمس دقايق وبيوصل !!
ظلت تعدل شكلها وحكيه يدور براسها الاسرار اللي حملتها كل جمله طلعت من بين شفايفه والتهديد الصريح الواضح كل شيء قاله مناف يدور براسها ويتكرر لما قامت وقالت : خلصت .
.
بالصاله .
امل جالسه ع الكنب تنتظر مناف يطلع !
اول م طلع فزت بوجهك : بسررعههه انقلع سامي ابثرنا الغداء وصل الغداء وصل .
مناف ناظر ساعته : اي والله يالله انا بدخل الصحون وانتي شيليها ل جوا .!
امل : يصير خير
نغم : امل كيف شكلي ضابط ؟
امل : ايه طالعه زي القمر بس يالله خلينا ندخل
مناف : انتبهي ي نغم مابي اي مشاكل مابي مشاكل !!
امل : لا توصي حريص انا معها !!
مناف : هذا اذا م افتعلتي المشكله انتي !؟
طلع مناف وامل راحت للمطبخ كان فيه هند ويارا وبعض البنات .!
امل : هند مناف يقولك بيدخل الصحون وانتي شيليها !!
هند : ي شيخه وانتي ؟
امل : انا م اقدر
هند خذت شيلتها وحطتها ع راسها : ارحميني ي الرقيقه !!
طلعت هند وفتحت الباب حق البيت كان بوجهها سامي قاعد ينفض ثوبه تعلقت عيونها فيه ومجرد م رفع عينه لها نزلت عيونها ونزلت للأرض بتشيل الصحن .
سامي عيونه عليها م قدرت تشيل الصحن عض شفايفه وهو يتقدم منها : وخري مناك بس وشوفي لي طريق بالصاله بدخله .
هند : مالك شغل انا بدخله !!
سامي : بتروحين ولا كيف ؟
هند دخلت جوا شوي ورجعت : ادخل مافي حد !!
سامي دخل ودخل الصحون كلها وهند واقفه ع جنب لما خلص وعدى من جنبها : مافي شكر ؟
هند : م ظربتك ع ايدك تساعدني
سامي : صوتك ايش فيه ؟
هند : مو شغلك " دخلت ل جوا وصكت الباب بوجهه بقوه "
مناف : هييي سامي م ودك تغدا ؟
سامي متجه للمغاسل : تعال بسألك ؟
مناف جاله : خير ؟
سامي : هند ايش فيه صوتها كأنها تعبانه ؟
مناف : اول شيء انت مالك شغل بأختي ثاني شيء وين قابلتها وسمعت صوتها ؟
سامي : اول شيء كل تراب ثاني شيء زوجتي وحر بأي وقت احاكيها ثالث شيء دخلت الصحون ل جوا وجلست تنافخ عليّ بدل م تشكرني
مناف : ترى لسى م ملكت عليها يالله تقلع اخخ ي الكللبببه امل انا قايل لها تدخل الصحون هين انا اوريها .!!
سامي : عيال عمي عبدالله انا شاك بعقولكم والله .!
مناف : كل تراب وحياك للغدا .!
دخلوا سامي ومناف وكان جنبهم وليد اللي من دخل هالمجلس وجواله م سكت .
وقام : اكرمك الله ي عم عبدالله " وغمز له "
ابو مناف : بالعافيه وانا ابوك !
طلع وليد وعلى طول رد ع جواله : خيير ……… الواحد م يقدر يعني يغيب عنكم دقيقه ………… انت كل تراب ………… مالك شغل ……… والله العظيم فظاوه ……… اللحين جايكم يويلكم تغدون قبلي ………… ايه م تغديت منكم ازعجتوني ………… طيب طيب جاي ……… سلام .
قفل جواله ودخله بجيبه وراح للمغاسل يغسل .
بالمناسبه كانت فيه عيون مفتونه تراقبه من بعيد .!
.
.
العصر .!
امل : يممه تكفففييين الله يسعدك .!
امها : م فيه .!
امل : والله م نطول ؟!!
امها : قلت لا يعني لا اذا تبغين دقي ع ابوك يجيب لك بطريقه .
امل : بابا مارح يجي غير العشاء وانا بنام ماما الله يسعدك تكفين باخذ عبود ومارح نطول بسرعه .
امها قامت : لا يعني لا .!
امل قامت معها بقهر وظربت الارض برجلها : يمممههه تكفففين
ام مناف مشت وطنشتها .
امل جلست ع الكنب بقهر وهي تفكر وفجأه خطرت ببالها فكرة وراحت لأمها : خلاص انا بنام ولا تصحوني جعلني م اصحى
ومشت وكأنها زعلانه .
دخلت لغرفتها وسكرة الباب بقوه. دليل غضبها وراحت ل الشباك فتحته ونزلت عبايتها ونقزت للحوش .
لبست عبايتها و وجزمتها " وانتو بكرامة " وطلعت .
ع طلعتها كان مهند طالع بس م انتبه لها .
مشت هي ل الكفتيريا وهو للملعب .!
من جهة مهند كان منزل راسه ع جواله بس فجأه حس بحركة وراه لف وناظرها واستغرب اللي يعرفه انه عيب البنت تمشيء لوحدها .
ركز فيها شوي وهمس : امل ؟
امل رفعت عيونها له ودقات قلبها بتخرج من الخوف نطقت برجفه : ايه .
مهند : وش تسوين هنا ؟ ووين رايحه
امل : بروح الكفتيريا .
مهند : ووين مناف ليش جايه وحدك ؟
امل : مناف نايم .
مهند سحبها من يدها ومن طريق مختصر وقف فيها ورى الكفتيريا .
مهند : خليك هنا بجيب لك وش تبين ؟
امل : ابي شاورما وكولا .!
مهند : طيب .
دقايق وجاب لهها اللي تبي ومده لها : ثاني مره انتظري اخوك لين يصحى .!
امل : طيب .
مهند : امشيء وراي بوصلك لبيتكم .
امل : طيب .
مشت وراه ومن نفس الطريق المختصر رجعها لبيتهم م هدى باله لين شافها دخلت لبيتهم .
.
.
كلماتك دعم وتحفيز لي ، لا تبخلون.