آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-03-17, 01:14 AM
| #1 | ||||
| نجم روايتي 
|  الحيلة تغلب العار ...قصة من الثرات المغربي القديم  السلااام علييييكم هااانااا رجعت مرة اخرى فيدي قصة وعبرة .... قصة كتقول لينا ان الحيلة حسن من العاار... شي مرااات نخدمو عقلنا قبل ذراعنااا.... واللي خطاااتو القوة ماااتخطاااه الحيلة اليوم قصتنا قصة القنفوذ (القنفد) اللي غلب الغول.... نتمنى تعجبكم .... اوااا يلااااه اش كتسنااااو هاااهي القصة قدااامكم قرااااو وتعلموا حكمة جدودنا حكمة ماتشرا لا بذهب ولا بمااال ﻛﺎﻥ ﺣﺘﻰ ﻛﺎﻥ ﺍﻟﺤﺒﻖ ﻭﺍﻟﺴﻮﺳﺎﻥ ﻓﺤﺠﺮ ﺍﻟﻨﺒﻲ ﺍﻟﻌﺪﻧﺎﻥ ... ﻭﺍﺣﺪ ﺍﻟﺮﺍﺟﻞ ﻣﺎﺗﺖ ﻣﺮﺍﺗﻮ ﻭﺧﻼﺗﻮ . ﻣﻊ ﺳﺒﻌﺔ ﻣﻦ ﺑﻨﺎﺗﻮ ﻭ ﻟﻴﺪﺍﺗﻮ ... ﻓﻴﻮﻡ ﻣﻦ ﺍﻳﺎﻡ ﺍﻟﻠﻪ .. ﻗﺮﺭ ﻳﺤﺞ ﻳﺰﻭﺭ ﻣﻘﺎﻡ ﺭﺳﻮﻝ ﺍﻟﻠﻪ ... ﻋﺪ ﺍﻟﻌﺪﺓ ﻭﺟﻤﻊ ﺍﻟﺮﺣﻴﻞ .. ﻭﻗﺒﻞ ﻣﺎ ﻳﻐﺎﺩﺭ ﺧﻼ ﻭﺻﻴﺔ ﻟﻮﻟﻴﺪﺍﺗﻮ ... ﻗﺎﻝ ﻟﻴﻬﻢ " ﺫﺑﺤﻮﺍ ﺍﻟﺜﻮﺭ ﺍﻟﻠﻲ ﻓﺎﻟﺰﺭﻳﺒﺔ ﻧﻬﺎﺭ ﺗﺒﺎﻥ ﺍﻟﺸﺤﻤﺔ ﻓﻮﺩﻳﻨﺎﺗﻮ ... " ﺩﺍﺭﺕ ﻟﻴﺎﻡ ﻭﺍﻟﺼﻐﻴﺮ ﻓﺎﻟﺨﻮﺕ ﻧﻔﺬ ﺻﺒﺮﻭ . .. ﻋﻴﺎ ﻣﺴﻜﻴﻦ ﻣﺎ ﻳﺘﻤﻨﻰ ... ﻭﻣﺎ ﻗﺪﺭ ﻣﺎﺯﺍﻝ ﻳﺘﺴﻨﻰ ... ﻓﻜﺮ ﻭﺧﻤﻢ ﻣﻴﺎﺕ ﺗﺨﻤﻴﻤﺔ .. ﻭﻗﺼﺪ ﺍﻟﺰﺭﻳﺒﺔ ﺧﺸﺎ ﻃﺮﻑ ﻣﻦ ﺍﻟﺼﻮﻓﺔ ﻓﻮﺩﻳﻨﺎﺕ ﺍﻟﺒﻬﻴﻤﺔ . .. ﺟﺮﺍ ﻋﻴﻂ ﻋﻠﻰ ﺧﻮﺗﻮ ﻭﺧﻮﺍﺗﺎﺗﻮ .. ﻗﺎﻝ ﻟﻴﻬﻢ " ﺍﺟﻴﻮ ﺗﺸﻮﻓﻮ ﺭﺍﻩ ﺑﺎﻧﺖ ﻟﻠﺜﻮﺭ ﺍﻟﺸﺤﻤﺔ ﻓﻮﺩﻳﻨﺎﺗﻮ ..." ﻓﺮﺣﻮﺍ ﺍﻟﺨﻮﺕ ﻛﺎﻣﻠﻴﻦ ... ﻭﺟﺎﺏ ﺍﻟﺒﻜﺮ ﻓﻴﻬﻢ ﺍﻟﺴﻜﻴﻦ . .. ﻋﺰﻡ ﻭ ﻧﺤﺮ ﺍﻟﺒﻬﻴﻤﺔ ... ﻭ ﺷﻌﻠﻮ ﺍﻟﻌﺎﻓﻴﺔ ﻗﺪﺍﻡ ﺍﻟﺨﻴﻤﺔ .... ﺯﺍﻝ ﻟﻨﻬﺎﺭ ﻭﻇﻼﻡ ﺍﻟﺤﺎﻝ ... ﻭﻗﺒﻞ ﻣﺎ ﻳﺒﺪﺍﻭ ﺍﻟﺨﻮﺕ ﺍﻟﻘﺲ ... ﻗﺮﺏ ﻟﻴﻬﻢ ﺍﻟﻐﻮﻝ ... ﻭﻋﻠﻴﻬﻢ ﺑﺪﺍ ﻳﺘﺠﺴﺲ . .. ﻫﺠﻢ ﻋﻠﻴﻬﻢ ﻫﺠﻤﺔ ﻭﺣﺪﺓ ﻭﻫﺪﺩﻫﻢ ﻭ ﯕﺎﻝ ﻟﻴﻬﻢ ": ﺍﻟﺴﯖﻴﻄﺔ ﺩﻳﺎﻟﻲ ﻭﻟﻲ ﺗﺤﺮﻙ ﻣﻦ ﻣﻜﺎﻧﻮ ﻧﺸﺮﺏ ﺩﻣﻮ ﻭﻧﯖﺪﺩ ﻋﻈﺎﻣﻮ " ... ﺯﺭﻉ ﺍﻟﺮﻋﺐ ﻭﺍﻟﺨﻮﻑ ﻓﻘﻠﻮﺏ ﺍﻟﺨﻮﺕ . .. ﺷﻲ ﻳﺒﻜﻲ ﺷﻲ ﻳﻨﺪﺏ ﻭﺷﻲ ﻳﻐﻮﺕ ... ﻫﻨﺸﺮ ﺍﻟﺴﯖﻴﻄﺔ ﻭﻋﻤﺮ ﺍﻟﻤﻌﺪﺓ .. ﻣﺎ ﺧﻼ ﻓﻴﻬﺎ ﻻ ﻋﻈﻢ ﻻ ﺷﺤﻤﺔ ﻭﻻ ﻛﺒﺪﺓ ... ﻭﺟﻤﻊ ﺍﻟﺨﻮﺕ ﻓﺎﻟﺒﻄﺎﻧﺔ .. ﻭﺳﺪ ﻋﻠﻴﻬﻢ ﺳﺪﺓ ﻭﺣﺪﺓ . ... ﺭﺍﺡ ﺍﻟﻠﻴﻞ ﻭﺑﺰﻍ ﺍﻟﻔﺠﺮ ... ﻗﺼﺪ ﺍﻟﺴﻮﻕ ﻭﺣﻂ ﺍﻟﺒﻄﺎﻧﺔ ﺟﻨﺐ ﺍﻟﻄﺮﻳﻖ ... ﺳﻤﻌﻮ ﺍﻟﺨﻮﺕ ﺻﻮﺕ ﺍﻟﺒﯖﺮﺓ ﺟﺎﻳﺔ ﺗﺘﻤﺎﻳﻞ .. ﻋﻴﻄﻮﺍ ﻋﻠﻴﻬﺎ ﻭﻗﺎﻟﻮ : "- ﻋﺎﻓﺎﻙ ﺍﻋﻤﺘﻲ ﺍﻟﺒﯖﺮﺓ ﻧﺘﻲ ﺧﺼﻤﺔ ﻭﻣﺎ ﺗﺮﺿﺎﻱ ﺑﺎﻟﺤﯖﺮﺓ ... ﺣﻠﻲ ﻋﻠﻴﻨﺎ ﻫﺎﺫ ﺍﻟﺒﻄﺎﻧﺔ ... ﻭﺍﺟﺮﻙ ﻛﺒﻴﺮ ﻋﻨﺪ ﻣﻮﻻﻧﺎ "... "- ﺷﻜﻮﻥ ﻣﻮﻝ ﻫﺎﺫ ﺍﻟﻔﻌﻠﺔ ﻳﺎ ﻭﻟﻴﺪ ﺍﺗﻲ؟ " "- ﺍﻟﻐﻮﻝ ﺍﻟﻠﻲ ﻣﺎ ﻓﻘﻠﺒﻮ ﺭﺣﻤﺔ ﻭﻻ ﺷﻔﻘﺔ " "- ﺳﻤﺤﻮ ﻟﻲ ﺍﻧﺎ ﻏﻴﺮ ﻭﻟﻴﺔ .. ﻭ ﻣﺎ ﻧﻘﺪﺭ ﻧﺪﻳﺮ ﻫﺎﺫ ﺍﻟﻤﺰﻳﺔ . ﺟﺮﺓ ﺍﻟﻐﻮﻝ ﺻﻌﻴﺒﺔ ".... ... ﻣﺸﺎﺕ ﺍﻟﺒﯖﺮﺓ ﻭﺗﺒﻌﻬﺎ ﺍﻟﺠﻤﻞ ... ﺯﺭﺑﺎﻥ ﻳﺠﺮﻱ ﻭﻳﻌﺎﻭﺩ . .. ﺷﻮﻳﺔ ﺳﻤﻊ ﺷﻲ ﺻﻮﺕ ﻭﻭﻗﻒ -... "- ﻋﻤﻲ ﺍﻟﺠﻤﻞ ﻋﺎﻓﻚ ﺣﻨﺎ ﻓﻌﺎﺭﻙ ﻣﺎ ﺗﻔﻮﺗﻨﺎ " - ".. ﺍﺵ ﻫﺬﺍ ﻣﺎ ﻫﺬﺍ ؟ " .".. ".- ﺣﻞ ﻋﻠﻴﻨﺎ ﺍﻟﺒﻄﺎﻧﺔ ﻭﺍﺟﺮﻙ ﻋﻨﺪ ﻣﻮﻻﻧﺎ " .. "- ﺷﻜﻮﻥ ﻣﻮﻝ ﻫﺎﺫ ﺍﻟﻔﻌﻠﺔ ﻳﺎ ﻭﻟﻴﺪﺍﺗﻲ؟ ..." "- ﺍﻟﻐﻮﻝ ﺍﻟﻠﻲ ﻣﺎ ﻓﻘﻠﺒﻮ ﻻ ﺭﺣﻤﺔ ﻻ ﺷﻔﻘﺔ ..." "- ﺳﻤﺤﻮ ﻟﻲ .. ﺍﻧﺎ ﻣﻮﻻ ﻭﻟﻴﺪﺍﺕ .. ﻭﻣﺎ ﻧﻘﺪﺭ ﻧﺪﺧﻞ ﻓﻬﺎﺫ ﺍﻟﺸﺒﻮﻗﺎﺕ " ... ﻣﺸﺎﺕ ﺍﻟﺤﻴﻮﺍﻧﺎﺕ ﻭﺟﺎﺕ .. ﻭﻣﺎ ﻗﺪﺭ ﺣﺪ ﻳﺘﺠﺮﺃ ﻭﻳﻔﻚ ﺻﺮﺍﺡ ﺍﻟﻮﻟﻴﺪﺍﺕ .. ﻗﻄﻌﻮ ﻟﻴﺎﺱ ﻭ ﺳﻠﻤﻮ ﺍﻣﺮﻫﻢ .... ﺍﻟﻠﻲ ﺧﻠﻘﻨﺎ ﻭﺧﻠﻘﻬﻢ .. ﺷﻮﻳﺔ ﻫﺎ ﺍﻟﯖﻨﻔﻮﺩ ﺟﺎﻱ ﻳﺘﺨﻨﻄﺮ . .. ﺭﺍﻛﺐ ﻋﻠﻰ ﺍﻟﺪﺟﺎﺟﺔ ﺩﺍﻳﺮ ﻟﻴﻬﺎ ﻟﺠﺎﻡ ﻭﺗﺎﺑﻌﻴﻨﻮ ﺍﻟﻔﻠﻴﻠﺴﺎﺕ .. ﺍﻟﻠﻲ ﺷﺎﻓﻮ ﻳﻘﻮﻝ ﻋﻨﺘﺮ .. ﻳﻐﻨﻲ ﻭﻳﻌﺎﻭﺩ " ﺩﻧﺎﻧﺎ ﻳﺎ ﺩﻧﺎﻧﺎ . .. ﻋﻠﻴﻚ ﺗﻮﻛﻠﻨﺎ ﻳﺎ ﻣﻮﻻﻧﺎ " - " - ﺣﻨﺎ ﻓﻌﺎﺭﻙ ﺍﺧﺎﻟﻲ ﺍﻟﯖﻨﻔﻮﺩ ... ﺣﻞ ﻋﻠﻴﻨﺎ ﺍﻟﺒﻄﺎﻧﺔ ﻭﺍﺟﺮﻙ ﻋﻨﺪ ﻣﻮﻻﻧﺎ ." "- ﺷﻜﻮﻥ ﻣﻮﻝ ﻫﺎﺫ ﺍﻟﻔﻌﻠﺔ ﻳﺎ ﻭﻟﻴﺪﺍﺗﻲ؟ ".. "- ﺍﻟﻐﻮﻝ ﺍﻟﻠﻲ ﻣﺎ ﻓﻘﻠﺒﻮ ﻻ ﺭﺣﻤﺔ ﻭﻻ ﺷﻔﻘﺔ ".. ." "- ﻫﺎﻱ ﻫﺎﻱ ﺍﻟﺴﻴﺒﺔ ﻫﺎﺫﻱ "! ﺑﺪﻭﻥ ﻣﺎ ﻳﺘﺮﺩﺩ ﻭﻻ ﻳﻬﺮﺏ ... ﺟﺒﺪ ﺳﻜﻴﻦ ﻣﺼﺎﻭﺑﻮ ﻣﻦ ﺍﻟﯖﺼﺐ ... ﻭﻗﻄﻊ ﺍﻟﺒﻄﺎﻧﺔ ﻭ ﻓﻚ ﺻﺮﺍﺡ ﺍﻟﺨﻮﺕ ... ﻭﯕﺎﻟﻴﻬﻢ : " ﺭﺟﻠﻴﻜﻢ ﻋﻠﻰ ﺭﺟﻠﻴﺎ ﻭ ﺗﺒﻌﻮﻧﻲ ﻓﺎﻟﺤﻴﻦ .. ﻏﻴﺮ ﺑﻴﺎ ﻭﻻ ﺑﻬﺎﺫ ﺗﺴﻌﺔ ﺭﻫﻄﻴﻦ " . ﻣﺸﺎ ﺍﻟﯖﻨﻔﻮﺩ ﻟﻠﺴﻮﻕ ﻭﺗﺒﻌﻮﻩ ﺍﻟﻮﻟﻴﺪﺍﺕ . .. ﻋﻠﻰ ﻇﻬﺮ ﺍﻟﺪﺟﺎﺟﺔ ﻳﺘﻤﺎﻳﻞ ﻭ ﻣﻮﺭﺍﻩ ﺍﻟﻔﻠﻴﻠﺴﺎﺕ ... " ﺩﻧﺎﻧﺎ ﻳﺎ ﺩﻧﺎﻧﺎ .. ﻋﻠﻴﻚ ﺗﻮﻛﻠﻨﺎ ﻳﺎ ﻣﻮﻻﻧﺎ " .. ﻓﺎﻟﺪﺧﻠﺔ ﺩ ﺍﻟﺴﻮﻕ ﺑﺎﻥ ﻟﻴﻪ ﺍﻟﻐﻮﻝ . . ﻋﻴﻂ ﻋﻠﻴﻪ ﻭﯕﺎﻝ : " ﺍﺟﻲ ﺍﻧﺖ ﺃﺩﺍﻙ ﺍﻟﻤﻬﺒﻮﻝ . .. ﻫﺬﺍﻙ ﻭﺟﻬﻚ ﻭﻻ ﯕﻔﺎﻙ ؟ ! ﻣﺎ ﺣﺸﻤﺘﻲ ﺷﺎﻱ .. ﺗﺎﻛﻞ ﺭﺯﻕ ﺍﻟﻮﻟﻴﺪﺍﺕ ﻭﺗﺨﺮﺝ ﻟﻌﻴﺐ ﻃﺎﻱ ﻃﺎﻱ " ﺟﺎﻭﺑﻮ ﺍﻟﻐﻮﻝ ": ﺍﺵ ﺣﺮﯓ ﺷﻄﺎﻃﺘﻚ ﻳﺎ ﻫﺎﺫ ﻛﻤﻴﺸﺔ ﺍﻟﺸﻮﻙ ... ﺩﺧﻞ ﺳﻮﻕ ﺟﻮﺍﻙ ﻭﻻ ﻧﺨﻠﻲ ﻋﺸﺔ ﺑﻮﻙ " ... ﻧﻘﺰ ﺍﻟﯖﻨﻔﻮﺩ ﻭ ﯕﺎﻝ ﻟﻴﻪ ": ﺍﺳﻤﻊ ﺍﺫﺍﻙ ﺍﻟﺠﻴﻌﺎﻥ ... ﺍﻧﺎ ﻭﺍﺣﺪ ﺣﻘﺎﻧﻲ ﺩﻏﺮﻱ ﻭﻧﻴﺸﺎﻥ . . ﻣﺎ ﻧﺮﺿﻰ ﺑﺎﻟﻈﻠﻢ .. ﺭﺍﻩ ﺍﻟﺪﻧﻴﺎ ﻏﻴﺮ ﻗﺶ ﻭﻟﻲ ﺗﻨﻔﺦ ﻓﻴﻬﺎ ﻻﺯﻡ ﻳﺘﻔﺶ ... ﻣﻴﻌﺎﺩﻧﺎ ﺍﻟﺴﻮﻕ ﺍﻟﺠﺎﻱ ﻓﺎﻟﻐﺎﺑﺔ ... ﻭﻋﻨﺪ ﺍﻟﻔﻮﺭﺓ ﻳﺒﺎﻥ ﺍﻟﺤﺴﺎﺏ " . ﺩﺍﺯﺕ ﺳﺒﻊ ﻣﻦ ﻳﺎﻡ ﺍﻟﻠﻪ ... ﯕﻠﺲ ﺍﻟﻜﻨﻔﻮﺩ ﻳﺘﺴﻨﻰ ... ﺍﻟﻐﻮﻝ ﺍﻟﻠﻲ ﺑﺎﻟﻘﻮﺓ ﻳﺘﻌﻨﻰ ... ﻗﺪﺍﻣﻮ ﻗﺸﺔ ﻣﻦ ﺍﻟﺸﻮﻙ ﻣﺤﻄﻮﻃﺔ .. ﻓﻴﻬﺎ ﺟﻤﻴﻊ ﺍﻟﺒﺨﺎﺧﺶ ﻣﺨﻠﻮﻃﺔ . .. ﺷﻮﻳﺔ ﻫﺎ ﺍﻟﻐﻮﻝ ﺟﺎﻱ ﻳﺘﺨﻨﻄﺮ .. ﺷﺎﻑ ﺍﻟﯖﻨﻔﻮﺩ ﻭ ﯕﺎﻝ : " ﺃﺯﻳﺪ ﻗﺮﺏ ﻋﻨﺪﻱ ﻳﺎ ﺩﺍﻙ ﺍﻟﻜﻤﻴﺸﺔ ... ﺍﻟﻠﻲ ﻣﻬﻮﺳﻨﻲ ﻭﻣﺤﺮﻡ ﻋﻠﻴﺎ ﺍﻟﻌﻴﺸﺔ "... ﻗﺎﻝ ﻟﻴﻪ ﺍﻟﯖﻨﻔﻮﺩ ": ﺍﻟﻠﻲ ﻏﻠﺐ ﻳﻌﻒ .... ﺑﻴﻨﻲ ﻭﺑﻴﻨﻚ ﺍﻟﻘﺸﺔ ... ﺇﻻ ﺳﻤﻴﺘﻚ ﺷﺪﻳﺪ ﻭﺻﻨﺪﻳﺪ ... ﻧﻘﺰﻫﺎ ﻭﺯﻳﺪ ﻗﺮﺏ ﻋﻨﺪﻱ ﺭﺍﻙ ﻣﺎﺯﺍﻝ ﺑﻌﻴﺪ ". ﻧﻘﺰ ﺍﻟﻐﻮﻝ ﺍﻟﻐﻮﻝ ﺍﻟﻘﺸﺔ ﺩ ﺍﻟﺸﻮﻙ ﻧﻘﺰﺓ ﻭﺣﺪﺓ .. ﻫﺠﻢ ﻋﻠﻴﻪ ﺍﻟﻨﺤﻞ ﻭﺍﻟﺒﺨﻮﺵ ﻭ ﻭﺭﺯﺍﻥ . . ﺍﻟﻌﯖﺎﺭﺏ ﻭﺍﻟﺤﻨﺎﺵ ﻭﻛﺎﻧﺖ ﻧﻬﺎﻳﺘﻮ ﺑﺎﻟﻘﺮﻳﺺ ﻭﺍﻟﻌﻀﺎﻥ . . ﻗﺎﻟﻮ ﻧﺎﺱ ﺯﻣﺎﻥ ﺍﻟﺤﻴﻠﺔ ﺣﺴﻦ ﻣﻦ ﺍﻟﻌﺎﺭ ﻭ ﺣﻤﻴﺔ ﺗﻐﻠﺐ ﺍﻟﺴﺒﻊ ﻭﺻﻴﺎﺩ ﺍﻟﻨﻌﺎﻡ ﻳﻠﯖﻬﺎ ﻳﻠﯖﺎﻫﺎ ... ﻣﺸﺎﺕ ﺧﺒﻴﺮﺗﻲ ﻣﻦ ﻭﺍﺩ ﻟﻮﺍﺩ ﻭ ﺑﻘﻴﺖ ﺃﻧﺎ ﻣﻊ ﻭﻟﻴﺪﺍﺕ ﻭﺑﻨﺎﺕ المنتدى الغزلااان ♡♡♡♡ | ||||
|  |
|
03-03-17, 02:31 AM
| #3 | |||||
| نجم روايتي
| اقتباس:
| |||||
|
| |
|
03-03-17, 02:54 AM
| #5 | |||||
| نجم روايتي
| اقتباس:
| |||||
|
| |
|
03-03-17, 07:17 AM
| #7 | ||||||
| مشرفة منتدى الصور وتسالي مصوره وعضو مميز في القسم الطبي والنفسي ونبض متألق في القسم الأدبي وفراشة الروايات المنقولةوبطلة اتقابلنا فين ؟ومشاركة بمسابقة الرد الأول ومشارك في puzzle star ومحررة بالجر 
| يسلموووووووو ميري على القصه الحلوه والدعوه الرقيقه ...كانت اصعب قصه باللهجه المره هاي ...بس الحمدالله فهمت .... شكرااااااا........ويعطيك العافيه...... وجمعه جميله للجميع | ||||||
|
| |
|
03-03-17, 04:19 PM
| #8 | |||||
| نجم روايتي
| اقتباس:
اسعدني مروووك ... وشكرااا لتلبية الدعوة ♡♡ | |||||
|
| |
|
03-03-17, 05:14 PM
| #9 | ||||
| مشرفةوكاتبة في قسم قصص من وحي الأعضاء وبطلة اتقابلنا فين ؟ 
| ديما الحكمة كتغلب ... ربي يخليك الزين وتبارك الله عليك ... غير البارح سولت راسي فين غبرات علينا حكايتك دالمعاني و الحكمة.... كيعجبوني ... بزاف ..... و كنتسناو الحكاية الجاية ان شاء الله ..... | ||||
|
| |
|
03-03-17, 06:00 PM
| #10 | |||||
| نجم روايتي
| اقتباس:
| |||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
