|
مشاهدة نتائج الإستطلاع: ما مستوى الرواية | |||
جيده جدا | 54 | 51.43% | |
جيدة | 42 | 40.00% | |
سيئة | 9 | 8.57% | |
المصوتون: 105. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
16-03-17, 02:27 PM | #21 | |||||||||||
نجم روايتي
| رواية جميلة يا سما عجبنى قوى حديث شهد مع نفسها و اقتنعاها أنها من عالم و مازن من عالم تانى لكن القلب له أحكامه و للأسف مازن و ماضيه الحزين و علاقاته المشبوهة بتشجيع من عامر بتخليها تتأكد من الفكرة دى أو لازم تقنع نفسها بالفكرة دى علشان ما تتصدمش للمرة التانية فى حياتها . سما القصة جميلة و أسلوبك جميل و مرح و أنا بحب جداً القصص بالعامية المصرية . بالتوفيق يا سما و يا ريت بس أعرف ميعاد تنزيل الفصول لأنى دخولى قليل فى المنتدى بس إن شاء الله كل ما أدخل المنتدى حتابع رويتك و أشوف وصلت فين و خصوصاً أنك كاتبة لكارى أنها 8 فصول يعنى حتخلص بسرعة إن شاء الله . موفقة دايماً يا سما | |||||||||||
16-03-17, 05:24 PM | #22 | ||||
كاتبة في قسم قصص من وحي الأعضاء وراوي القلوب
| ا [/color][/size][/b][/QUOTE نهاد الجميله كﻻمك اسعدنى جدااااا واشكرك على تعليقك وتشجيعك ليا الرايه هتطول شويه ﻻنى اضفت احداث جديده ارجو انها تعجبك وبنزل الفصول يوميا او يوم ويوم على اﻻكثر | ||||
16-03-17, 11:11 PM | #23 | ||||
كاتبة في قسم قصص من وحي الأعضاء وراوي القلوب
| شكرا لكل الناس الجميله اللى متبعانى و معلش الروايه هتطول شويه ﻻنى اضفت احداث ارجو انها تعجبكم : الفصل الرابع وصلوا لليخت ووجدوا عادل ومن بصحبته قد وصلوا بالفعل فحيوهم وصعدوا لليخت ومد مازن يده لشهد يساعدها فى الصعود ترددت شهد فى مد يدها ثم مدتها لتمسك بيده وهى تنظر الى عينيه وترى ابتسامه رقيقه على شفتيه وصعدوا معا لسطح اليخت وحيوا الجميع وجلسوا يتحدثون ويضحكوا سويا ويشربون عصائر كﻻ حسب رغبته و مر بعض الوقت ثم بدأوا فى اﻻنتشار باليخت فاخذ عامر صديقته وجلسوا بمفردهم وكذلك سامى وسكرتيرته ساره و جلست شهد بجانب ناريمان زوجة عادل يتحدثوا سويا ووقف مازن مع عادل وشريف الذين جلسوا يمارسون هواياتهم فى اصطياد السمك ........................ بعد قليل من الوقت انضمت ناريمان لهم وجلست بجانب زوجها تتحدث معه فبدأ مازن يبحث بعينيه عن شهد التى اختفت من امامه وابتعد عنهم يدخن سيجاره وهو يبحث عنها فوجدها جالسه فى مقدمه اليخت تنظر للبحر وقف يراقبها حتى انهى سيجارته ونزل ليلحق بها اقترب منها وجدها تضع السماعات فى اذنها وتغنى بصوت منخفض فاقترب خلفها ووقف يستمع لها ********** انا حبيتك حب فوق الحب واديتك سنين عمري وسميتك حبيب قلبى وصدقنى ماصدقت ان انا لقيتك واقول من تانى نفسى تبقي الدنيا سمعاني غرامك ليا ودانى لدنيا بعيده ونفسي اعيد معاك كل اللى فات تانى حبيب قلبي هنا روحي لقيت فرحه سنيني معاك ومأمناك وهقسم حياتي معاك بحبك وانا وياك احلامي هعيشها معاك وهحكيلك عشان تعرف واوريلك وصلت لفين ولو ينفع هاخد من عمري واديلك حبيبي يا غالي بيك لقيت احلامي رجعالى يا اكتر حد ابقالى انا اتمنيت وشكلي دعيت في ساعه ببانها فتحة لي حبيب قلبي هنا روحي لقيت فرحه سنيني معاك ومأمناك وهقسم حياتي معاك بحبك وانا وياك احلامي هعيشها معاك ************* جلس مازن بجانبها فالتفت بسرعه ترى من بجانبها وجدته مازن ونظر الى عيونها المملؤه بالدموع مازن باهتمام : مالك ياشهد حد ضايقك شهد وهى تمسح عيونها و تبتسم : ﻻ ابدا ..... انا بس اتأثرت باﻻغنيه مازن بمكر : انتى بتحبى ياشهد شهد بسرعه : ﻻ... ﻻ مازن : مش عيب على فكره شهد بخجل : ايوه ....... بس مش بحب مازن : الحب احساس جميل .....وسكت قليﻻ ثم أكمل : لو كان صادق لم تفهم شهد كﻻم مازن ولكنها اطالت النظر اليه ومازن ينظر فى عيونها وتبادلوا النظرات طويﻻ حتى قاطعهم صوت عامر ينادي : ميزو مازن بضيق : فى ايه ياعامر عامر : وصلنا يﻻ تعالوا شهد بقلق : وصلنا فين احنا فى نص البحر مازن : هننزل الميه نعمل سنوركلينج انتى بتعرفى تعومى شهد : ﻷ مازن : طب تعالى اتفرجى مشى مازن خطوتين وتوقف ينظر لشهد وقال بابتسامه : خليكى قدامى احسن ابتسمت شهد ومشيت امامه وحين وصلت لمؤخره اليخت وجدت الجميع بمايوهات حتى ساره ويقذفون فى الماء واحد تلو اﻻخر فالتفتت لمازن فوجدته عارى الصدر فشهقت فى وجهه : هه مازن بمكر : ايه اكيد مش هعوم بهدومى خجلت شهد ووجهها تشبع باللون الوردى من الخجل ولم تستطيع الكﻻم فاقترب مازن منها ووضع التيشرت حول رقبتها وهو يقول بخبث : عمرك ماشفتى رجاله على البحر قبل كده وتركها ليلبس نظارات البحر وقفز فى الماء امسكت شهد التيشرت بين يديها وهى تشاهده يعوم بالماء بمهاره شديده واقتربت ناريمان منها التى لم تنزل معهم البحر فابتسمت لها شهد ناريمان : انتى مش بتعومى ليه معاهم شهد : مابعرفش اعوم وحضرتك ناريمان ضاحكه : ماليش فى السنوركلينج وقفوا يشاهدوهم يغطسون بالماء و يتنافسوا فى مسابقه للعوم حتى جزيره قريبه ففاز مازن عليهم فصفقت شهد بسعاده وهى تراقبه ثم بدأوا بالعوده مره اخرى ولكن مازن اختفى فى الماء قلقت شهد واخذت تتلفت لتراه فﻻحظتها ناريمان وحاولت طمأنتها : ماتقلقيش ياشهد مازن سباح ماهر ابتسمت شهد بقلق : مش قلقانه ظهر مازن من بعيد فشاورت ناريمان تجاهه : اهوه هناك اتجهت شهد بنظرها ناحيته وابتسمت حين رأته بخير ابتدوا يصعدوا لظهر اليخت مره اخرى وكان اخرهم مازن ووجدها مازالت تمسك بالتيشيرت فابتسم لها ودخل ليستحم من ملوحه الماء ثم خرج ليأخد التيشرت منها ويرتديه مره اخرى اقترب احد العاملين على اليخت : الغدا جاهز على سطح اليخت يافندم مازن : اوكيه شكرا ......ثم صاح للجميع : يﻻ ياجماعه الغدا صعدوا لسطح اليخت وجدوا طاوله مليئه باﻻسماك والسى فود والجمبرى واﻻستاكوزا فجلسوا حول الطاوله واشار مازن لشهد لتجلس بجواره عادل : الميه تحفه فاتتك يا ناريمان ناريمان مبتسمه : المره الجايه شريف : والشعب المرجانيه واﻻسماك الملونه ... سبحان الله ناريمان : الميه صافيه اوى احنا شفنا اﻻسماك من هنا صح ياشهد شهد : سبحان الله الوان الاسماك جميله اووى عامر مازحا : واكل السمك كمان جميل اووى فضحك الجميع مازن : بكره تقشير الجمبرى ده شهد بحماسه : انا هقشرلك ابتسم مازن : بجد ... ياريت اخذت شهد تقشر الجمبرى وتضع فى طبقه وهو ياكل وطبعا لم ينسى عامر خطف الجمبرى من امامه : اشمعنا انت فضحكوا جميعا مازن وهو يضحك: طول عمرك كده ياعامر غاوى خطف عامر وهو يضحك: ده انا استاذ ضحك مازن ثم كلم شهد : انت ماكلتيش حاجه شهد بصوت خافت : باكل امسك مازن بواحده جمبرى وقربها من فمها فاخذتها من يده لتضعها فى فمها فابتسم من خجلها المعهود امسك بطبقها ليضع بيه بعض اﻻصناف ووضعه امامها مازن : مش هنقوم غير لما تخلصى طبقك شهد بضحك : كل ده مش هقدر مازن مبتسما : كلى بس وانا هساعدك ومد يده يلتقط من طبقها جمبرى ويأكله فضحكوا سويا واكملوا اﻻكل وكان مازن وشهد اخر من قام عن المائده حتى تنهى شهد اكلها تماما وبعد اﻻكل قام مازن وشهد لغسل ايديهم مازن : تشربى شاى معايا شهد : اوكيه مازن مبتسما : طب يﻻ ورينا الشطاره .....انا من غير سكر ابتسمت شهد وهى تتجه للكاتيل وتضع الشاى بالمجات وتصب عليه الماء ومدت يدها لمازن بالمج وهى تقول بابتسامه : طلعت شاطره مازن وهو يرتشف من المج : اووى انتشر الجميع فى اليخت كل يقضى وقته حسب رغبته فاصطحب مازن شهد الى مقدمه المركب ليجلسوا ويشربوا الشاى ويتحدثوا سويا مازن : ليه مش بتندمجى مع الناس وتتكلمى معاهم شهد : ابدا احنا جايين لشغل وانا مجرد موظفه وانتوا...... مازن مقاطعا : قلتلك قبل كده احنا جايين شغل وفسحه فى نفس الوقت..... ما تعزليش نفسك عن الناس وانتى مش اقل من اى حد شهد بسعاده : انا متشكره جدا مازن : على ايه شهد بخجل : على كﻻمك الجميل مازن وهو يضحك : وانا كمان متشكر شهد : على ايه مازن وهو يضع المج بجانبه : على الشاى ضحكوا سويا وسألها مازن : بتحبى تغنى شهد وهى تضحك : ﻻ ابدا مش بغنى انا بدندن بس مازن بصوت هادئ : صوتك حلو واحساسك كمان احنت رأسها بخجل فابتسم مازن وهو يتأمل مﻻمحها وفجأه ابتدى المركب فى اﻻهتزاز بشده واﻻمواج ترتطم بشده بالمركب فزعت شهد والتصقت بمازن ومدت يدها على صدره تمسك بمﻻبسه بشده وهى تغمض عينيها وتكتم صرختها من الخوف لف مازن ذراعه حول كتفها وضمها لصدره محاوﻻ تهدأتها مازن : اهدى ياشهد ماتخفيش شهد بفزع : هنموت فى البحر مازن محاوﻻ تهدئتها : ماتخفيش ديه امواج جامده بس المركب قويه ظلت ملتصقه بيه مغمضه العينين و تتنفس بخوف وهو يضمها لصدره بشده ويسند رأسه على رأسها حتى هدأت اﻻمواج فبدأ نفس شهد ينتظم وتفتح عينيها وتترك مﻻبس مازن ولكنها ﻻزالت بين احضانه ثم بدأت فى اﻻبتعاد عن حضنه بهدوء فابعد يديه عنها وهو يقول : بقيتى كويسه شهد بخجل : الحمدلله مازن : ليه الخوف ده كله شهد بتوتر : مابعرفش اعوم .....هموت غرقانه مازن بحنو : تفتكرى هسيبك تغرقى ..... ماتخافيش طول ما انا جنبك اخذت شهد تنظر لعينيه العميقه وبداخلها يزهر اﻻمل بحبه لها اقترب عامر منهم مع صديقته : مازن 10 دقايق وهنوصل الشط مازن بضيق من عامر : اوكيه عامر : هنطلع السطح نتفرج على الغروب تيجوا معانا مازن وهو يسأل شهد : تحبى نطلع معاهم شهد : ايوه صعدوا لسطح المركب ووقفت شهد بجانب ناريمان يشاهدوا الغروب وسرحت شهد مع الوان السماء وهى تفكر بمازن وتحدث نفسه (هو ممكن فعﻻ يحبنى / اسلوبه اتغير معايا خالص / هو عاوز ايه بالظبط / يمكن فاكرنى سهله ويضحك عليا بكلمتين / ﻻ مش ممكن ييحبنى .... ) فاقت من افكارها والتفتت بجانبها وجدت مازن بجانبها فاتسعت عينيها وهى تنظر اليه مازن : مالك شهد بتسائل : هما راحوا فين مازن : نزلوا على الشط ..... انتى كنتى سرحانه سبتك براحتك ........ بتفكرى فى ايه شهد : ابدا الغروب جميل اووى ..... يﻻ نحصلهم مازن : يﻻ بينا وصلوا للفندق وصعدوا للغرف وقفت شهد امام غرفتها مازن : هنتقابل الساعه 8 على العشا شهد : ممكن استأذن انا ومحضرش معاكم مازن : ليه شهد : مش جعانه ومحتاجه استريح مازن : قدامك ساعتين ترتاحى فيهم وتكونى جوعتى كمان ما تتاخريش وتركها ليذهب الى غرفته ..................... فى الثامنه طرق مازن على غرفه شهد فتحت الباب شهد : آنا آسفه اتأخرت ..... ثوانى بس هجيب الشنطه وجريت للداخل تحضر الشنطه وتلبس الحذاء بسرعه ومازن يراقبها بابتسامه شهد : انا جاهزه مازن وهو يشير أمامه : اتفضلى نزلوا لقاعه العشاء وانضموا لباقى الجروب ولكن عامر لم يظهر فسأل عادل عنه : فين عامر مش هيتعشى معانا مازن بابتسامه : ﻻ عامر مش فاضى .... بس هيكون معانا الصبح ماتقلقش عادل مداعبا : لسه بينشنط السياحه ضحكوا على دعابته وتكلم شريف : وانت يامازن مالكش فى تنشيط السياحه وﻻ انت محلى زى سامى غضب مازن من تلميح شريف على وجود عﻻقه بينه وبين شهد مثل سامى وسكرتيرته مازن بعصبيه : مش كل سكرتيره تيقى زى ساره تدخل عادل : على فكره سامى وساره مجوزيين عرفى شعرت شهد بالضيق واﻻحراج من التلميحات والحوار الدائر بينهم مازن وهو ينظر لشهد : شهد انسانه محترمه ومش بتاعه الكﻻم ده عادل لتلطيف الجو المشحون : طبعا باين عليها بنت ناس اوى شريف معتذرا : آسف ماقصدش شهد خالص ....انا خانى التعبير تدخلت ناريمان لتغير الموضوع : مازن ايه رايك احنا نازلين السوق التجارى النهارده تعالى معانا مازن : مفيش مانع ناريمان : برافو عليك .....هيعجبك اووى ياشهد شهد : هااه ..... ﻻ اتفضلوا انتوا براحتكم انا هستنى هنا عادل : يبقى زعلتى من كﻻمنا ... احنا نعرف نفرق بين الناس وعارفين اخﻻقك كويس شهد باحراج : متشكره اوى ....بس مازن مقاطعا بحزم : هتيجى معانا شهد حاولت تتكلم فقاطعها مازن : خﻻص عادل : جميل ونروح اﻻرض بكره يامازن بعد الفطار مازن : تمام شريف : احنا عاوزين تصميم مميز ويكون حاجه تحفه كده مازن : اكيد انت عارف شغلنا كويس عادل : طبعا عشان كده قلت مفيش غير مازن للمهمه ديه مازن : اشكرك على ثقتك تناولوا العشاء بهدوء وبعده توجهوا الى سيارات تنقلهم للسوق التجارى ............. | ||||
17-03-17, 01:28 AM | #25 | ||||
نجم روايتي
| السلام عليكم ورحمة الله وبركاته الفصل جميل وهادي وبحر وجمبري وسمك ملون هههه عامر مفيش منه امل مازن اتغير بس شكله اتغدر بيه هي ازاي نسيت المنظر ال شافته الصبح مراية الحب عامية ف انتظارك موفق بإذن الله ... لك مني أجمل تحية . | ||||
17-03-17, 02:06 AM | #26 | |||||
كاتبة في قسم قصص من وحي الأعضاء وراوي القلوب
| اقتباس:
عليكم السﻻم ورحمه الله وبركاته اكيد مرايه الحب عاميه طبعا سعيده جداا باعجابك بالفصل وارجو متابعتك للروايه .. شكرا | |||||
17-03-17, 12:13 PM | #29 | |||||||||||
نجم روايتي
| فصل بحرى بأمتياز يا سما و لأنى ابنة الأسكندرية فطبعاً وصفك للبحر و المرح المصاحب للرحلات البحرية عجبنى جداً . شهد وقعت فى غرام مازن و للأسف أصبحت تتنمى و تأمل من أى كلمة منه أنه بيكون بيبادلها الحب و اعتقد أنه معجب بيها لكن هو أتغدر به و مش عارفة كلام عامر و مازن أنه غاوى خطف يا ترى له علاقة بحالة مازن . فصل جميل يا سما و سعيدة أنك قررتى تزودى الفصول و بالتوفيق الدائم إن شاء الله | |||||||||||
أدوات الموضوع | |
انواع عرض الموضوع | |
|
|