24-04-17, 05:41 AM
| #1 | ||||
 
|  عيناكِ غابتا نخيلٍ ساعةَ السحَرْ.. ، . ..  .. المقــــدمـه.. صدفه جعلتك قدراً.. الرياض.. الـ3 ظهراً.. تقف في الشارع تحت أشعة الشمس الحارة تنظر الى سيارتهم المتعطله بسبب أرتفاع في درجة الحراره..لسوء الحظ سائقهم قدم حديثاً للسعوديه.. تنتظر سياره الأجره لتقلهم الى المنزل.. أقبلت سياره بيضاء يقودها شاب سعودي...اشارت له ياسمين بيديها.. توقف السائق السعودي.. ياسمين: كريم..؟ عبد الكريم: ايه.. ياسمين ركبت الساره وأشارت لسائقهم ان يركب في المرتبه الاماميه.. : وصلني حي الـ *** امسكتب بهاتفها وأتصلت على ابيها: هلا يبه.. خلاص ركبت انا وعمران مع تاكسي كريم وهذاني راجعه البيت والسياره بمكانها.. سكتت قليلاً ثم أردفت: ايه الله يطول بعمرك لاتشيل هم.. الله يخليك مع السلامه.. عبد الكريم: اختي في سوء تفاهم انا مو تاكسي كريم لكن راح اوصلك للحي حقكم ولا يهمك.. ياسمين بخوف: شلون..! معليش نزلني ولا راح اتصل على الشرطه.. عبد الكريم: اختي ماراح يجي مني لك ضرر.. انا ولد بلد واخاف ربي.. وهذانا قربنا لمنطقتكم لو راح اسوي لك شي كان ماجبتك لمنطقتكم كان خطفتك برا الرياض.. ياسمين : اجل ليش وقفت لي وقلت انك من تاكسي كريم..!! عبد الكريم بضحكه: انتي اشرتي لي ووقفت.. ياسمين بنرفزه: وليش قلت انك مع شركة تاكسي كريم..؟ عبد الكريم : انتي سالتيني قلتي كريم ورديت ايه لان اسمي عبد الكريم.. ياسمين : تستهبل على راسي.. وقف وقف نزلني.. عبد الكريم ببراءه : والله اسمي عبد الكريم بذلك الوقت وصلوا الى الحي الذي تقطن به ياسمين .. عبد الكريم : وين اروح الحين..؟ ياسمين : امشي لين المسجد الابيض ادخل من بعده يمين ثالث بيت على يدك اليسار.. اكملت : كم حسابك..؟ عبد الكريم : عيب عليك اختي حنا اولاد بلد.. ياسمين : عمران انزل.. شكرا لك اخوي.. حطيت لك كرت العمل حقي على المرتبه .. لو احتجت في يوم نرد المعروف هذا لك ماراح نقصر.. نزلت ودخلت بيتهم.. امسك عبد الكريم جواله بعدما ذهب .. فتح برنامج الواتس اب على محادثه لصديق دربه منصور سجل له مقطع صوتيا.. ( منصور فاتك صار لي موقف مع مزززه ورقمتني بعد.. شكل اخوك جايه له ايام بيضاء هههههههههههههههههه) دخلت ياسمين.. قابلت اختها لجين .. ياسمين : لجين بموت اليوم كله نحس من اوله لاخره.. تخيلي طلعت من الشغل خربت السياره بـنص الشارع وعمران زي الجدار واقف يناظر فيني مايعرف يتصرف .. كلمت ابوي طلع واصل للمطار مايمديه يرجع.. قال لي اطلبي تاكسي كريم طلبت وجاني مسج ان التاكسي وصل وان سيارته بيضاء تمام.. وقفت سياره سالت السواق انت كريم قال ايه الحقير.. طلع واحد يطقيق علي يقول انا اسمي عبد الكريم .. لجين : شوفي الحقاره لوين وصلت..وانتي بعد فاهيه ماقريتي وشو لون السياره ورقم لوحتها... ياسمين : من الحر ماركزت قريت سياره بيضاء وانخرشت يوم شفت سيارته مقبله علينا.. لجين : طيب وش صار.. ياسمين: ابد والله وصلني لين البيت ولا اخذ فلوس وتركت له بطاقه الشغل حقتي قلت لو تحتاج خدمه.. لجين بعصبيه: تستهبلين..!! تاركه للرجال رقمك بعد.. متخلفه انتي ولا وين عقلك..؟ ياسمين : لاتصرخين تركت رقم الدوام.. لجين : حتى ولو..غلط اللي سويتيه .. لاتقولين لاحد الموقف هذا ابد.. اسكتي واستري على نفسك.. ياسمين : اكيد طبعا.. لجين : وسيارتنا وينها الحين..؟ ياسمين : شركة الصيانه راح ياخذونها للتصليح.. ..~ السلام عليكم ورحمة الله وبركاته أعزائي قارئين هذه الرواية: اطرح لكم أول روايه لي في هذا المنتدى العظيم.. والثالثه لي شخصيا.. أتمنى عند كتابتكم لأحد الردود أتمنى من صميم قلبي أن يبتعد الشخص عن المجامله أو عن الردود التي لا تعطيه الكاتب (الحماس) حتى يكمل ما بدأه! وأتمنى أن هذه البدايه تكون قد نالت أعجابكم أنتظروني في الفصل الأول .. أختكم روي.. ..~ .. روابط الفصول المقدمة... اعلاه الفصل الأول... المشاركة التالية الفصل الثاني... بالأسفل الفصل الثالث الفصل الرابع الفصل الخامس الفصل السادس الفصل السابع الفصل الثامن الفصل التاسع التعديل الأخير تم بواسطة rontii ; 06-10-17 الساعة 12:21 PM | ||||
|
|
24-04-17, 06:04 AM
| #2 | ||||
| الفصل الأول . وليس لنا في الحنين يد ... وفي البعد كان لنا ألف يد سلامٌ عليك أفتقدتك جداً ... وعليَّ السلام فيما افتقِد . . كانت ياسمين ابنة ال 25 ربيعاً جالسه في مكتبها حيث تعمل مسؤولة علاقات عامه بالقسم النسائي في شركة الــ .. قطع عليها هدؤها صوت رنين الجوال.. اجابت: السلام عليكم معاك ياسمين كيف اقدر اخدمك..؟ عبد الكريم : وعليكم السلام.. انا عبد الكريم عرفتيني..؟ اصابت ياسمين الدهشه ف هذا رقم خاص بالعمل حيث لا أحد يتصل بها الا عندما تحدث مشكله في القسم الرجالي ويجب عليها حلها: نعم!! عبد الكريم : عبد الكريم اللي تحسبينه تاكسي كريم.. وصلتك قبل كم شهر لبيتكم مع عمران سواقكم.. ياسمين تذكرت الموقف: نعم اخوي اقدر اخدمك في شي..؟ عبد الكريم : أي والله.. انا استاذ محاظر في جامعة الملك سعود.. تخصص علوم وهندسة حاسبات.. عندي طالب حاب يتدرب في شركتكم.. وابغى اعرف هل تقبلون بطالب تدريب او لا..؟ ياسمين : ايوا الشركه تقبل طلاب متدربين.. عبد الكريم : اقصد تقبلون طلاب تدريب تخصص علوم وهندسه حاسبات..؟ ياسمين : نقبل أي تخصص متعلق بالحاسب.. عبد الكريم : طيب جزاك الله خير حبيت اعرف كيف دوامكم في شهر رمضان لان التدريب يشمل اسبوعين من شهر رمضان..؟ ياسمين : رمضان الدوام يبدأ 9 ويخلص 4 العصر.. عبد الكريم : جزاك الله خير اختي.. عادي بكرا يقدم اوراقه لكم..؟ ياسمين : أي وقت عادي .. عبد الكريم : اسف للازعاج جزاك الله خير.. مع السلامه ياسمين : العفو.. مع السلامه.. ***** نظرت الى شاشة هاتفها .. الساعه تشير الى الـ9 صباحا.. زفرت بضيق فهي اكملت 28 ساعه لم تنم.. تنهدت بضيق: حسبي الله ونعم الوكيل.. اللهم فارج الهموم افرج همي يالله.. اللهم ياجبار أجبر كسر قلبي على فراقه.. دمعت عيني فجر.. أمسكت بهاتفها مجدداً .. فتحت الاستديو وبدأت تنظر الى مقاطع الفيديو لهما.. تغمض عينيها عندما تسمع صوته كأنها تريد حفر صوته أكثر داخل عقلها وقلبها.. مر على فراقهما 4 أشهر.. الى الان لم تستطيع التصديق كيف فرط بها بكل سهوله.. بكت بحرقه حتى نامت.. *** أبها.. في احدى العمائر السكنيه القديمه.. شقه من احدى شقق الدورالرابع.. تقف ديم في الصاله.. تنظر لها نائمه بلا وعي على الأرض .. تنهدت بضيق فسيناريو حياتها يتكرر يوما بعد يوم.. جلست بجانب امها امسكت بذارعها وضعته على كتفها وهي تقول: ماما قومي معي اوديك تنامين في سريرك.. مشت مع ابنتها وهي تترنح يمينـاً وشمـلاً وتأثير الخمر لم يزل منها حتى الأن .. نظرت لها ديم بأسى .. وضعتها في سريرها..عادت الى الصاله بدأت بترتيبها وأزلة أثار سهرة الليله الماضيه وهي تدعوا الله أن يخرجها من هذا المنزل قريباً وأن يبدل حالها حالاً افضل .. ***** جده.. عاد أبو سعود من الخارج وجد زوجته في الصاله تجلس مع أبنتهم لمى.. ابو سعود : السلام عليكم.. الكل: وعليكم السلام والرحمه.. أبو سعود : لمى ليش مارحتي الجامعه..؟ لمى: دوامي يبدأ 1 الظهر اليوم.. أبو سعود: الله يوفقك.. خالد وينه..؟ أم سعود: خالد نايم فوق.. أبو سعود: ماداوم..! أم سعود: لا أخذ اجازة.. أبو سعود: الله يهديه ويطمن قلبه.. قومي يا لمى صحيه للصلاة بعد شوي اذان الظهر.. أم سعود: انا بقوم له.. ذهبت الى الاعلى.. دخلت غرفته أقفلت المكيف وأشعلت جميع اضاءة الغرفه.. أم سعود : خالد .. اصحى حبيبي ماباقي شي على الصلاة.. خالد : اذا أذن صحيني.. نمت متأخر.. أم سعود : متى نمت.. خالد: 9 أم سعود : ليش وأنت من امس الليل في غرفتك.. خالد يغطي عينيه بغطاء السرير : ماجاني نوم والله.. أم سعود : تفكر فيها صح.. جلس خالد: طار النوم من عيني .. طيرتيه أم سعود : انا ماطيرت شي .. كلنا عارفين ايش مطير النوم من عيونك.. خالد : ايه يمه.. مانمت الا لما نامت هي.. ارتحتي الحين..! أم سعود : والله ياوليدي راحتي من راحتك.. انت كلمتها امس..؟ خالد : لا ليش أم سعود : كيف عرفت متى نامت..؟ خالد : كنت مراقبها على الواتس.. أم سعود : ودامك تراقبها ويهمك أمرها ليش طلقتها ..؟ خالد : يمه لا نتكلم بالموضوع احسن.. أم سعود : تدري اليوم اخر يوم بالعده..؟ خالد اخذ نفس عمييق : ادري يمه ادري.. قام من سريره : بروح استعد للصلاه.. خرج من الغرفه .. *** أبها سمعت صوت تحطم بعض الاواني الزجاجيه وتكسرها.. فزعت.. جرت بسرعه الى المطبخ.. ديم: ماما ايش صار..؟ الأم ومازالت تترنح: كنت اسوي لي فطور وطاح الصحن.. لين تجلسها على أحد كراسي المطبخ: انا اسوي لك فطور وأسوي لك قهوه عشان تفوقين بعد.. الأم بعصبيه: تستهبلين..!! انا ادفع دم عمري عشان المشروب وتبيني افوق..؟ سوي لي عصير.. ديم : حاضر.. الأم : بعد الفطور ابروح لسوق الذهب ابيع تعليقتك اللي جابتها لك جارتنا أم محمد ماعندي فلوس.. روحي جيبيها لي.. ديم: حاضر.. نزعت السلسله من رقبتها وأعطتها والدتها بإنكسار.. لم تكن ديم تمتلك من الذهب الأ هذي التعليقه.. وهي أول هديه تحصل عليها في حياتها.. بعد دقائق .. أقبل زوج والدتها.. شعرت بالأنزعاج من نظراته لها.. ذهبت الى غرفتها ملجأها الوحيد وأقفلت الباب عليها.. *** الرياض.. الـ 6 مساء استيقظت فجر امسكت بشعرها بإهمال ونزلت الى الصاله.. قبلت رأس امها ثم جلست.. فجر : رنا صبي لي قهوه.. ام فجر: فجر صليتي..؟ فجر : مالي صلاة .. الأم: طيب قومي غسلي وجهك على الاقل.. فجر : مالي خلق.. الأم: فجور يمه لاتزعلين من الكلام اللي ابقوله لك بس تعرفين العدة خلصت ولا راجعك زوجك عشان كذا لازم نبدا نبلغ الناس باللي حصل.. سكتت قليلاً ثم أكملت بتردد: أبوك وأنا بعد نبي نعرف وش سبب الطلاق عشان نمنع كلام الناس ونكون على بينه.. فجر: مادري.. الأم: هو فجور هذا كلام.. حبيبتي اسمعني انا ماودي اضغط عليك ولا اجرحك بس الأ مايكون فيه سبب.. بعدين حنا سكتنا طوال المده اللي راحت بس خلاص لمتى راح نسكت.. رنا: يمه وش هالكلام ماتبي تتكلم بكيفها لاتضغطون عليها.. الأم: اسكتي انتي .. قولي يمه ليش تطلقتوا..؟ فجر : يمه والله العظيم ما ادري.. فجأه قال لي انا أبسافر شغل أسبوع وأنتي روحي بيت اهلك.. وبعدها طلقني ومادريت حتى انتم دريتوا قبلي لاتنسين.. قعدتوا يومين عارفين ان خالد طلقني وانا ياغافل لك الله.. الأم: اذكر وش صار .. اقصد بعدها يوم كلمتيه وش قال لك..؟ فجر بإنكسار: قال لي بالنص(أذا سألوك اهلك قولي طلع مهب كفو ولا يستاهلني..) الأم: حسبي الله عليه ونعم الوكيل.. الله يكسر قلبه مثل ماكسر قلبك.. *** بيروت.. على احدى محطات الراديو الفنيه... مساء الخير استاذ اشرف اشرف بلهجته اللبنانيه : مساء النور مين معنا ؟ نغم: معاك نغم.. اشرف: اهلا وسهلا ست نغم.. شو بدك تئولي لمسيو بسام.. نغم: مرحبا بسام... انا سعوديه لكن جدتي مصريه.. حصلت ليا قصه في مصر وابغى رأيك فيها... كان عمري ١٠ سنين وكنا نلعب في حديقه عامه.. كان في شجره كبيره محفور عليها عبارة الحب كذبه.. كان في عائله سعوديه جالسين وفي ولد عمره ١٤ سنه قال ليا الحب كذبه لاتنسي هذي العباره .. اليوم بعد مرور 10 سنوات انا لازلت اكره الحب وقصص الحب بس هو صار يتغنى بالحب.. هذا عدل برأيك..؟ ضحك بسام بصوت عالي: اولا اشكرك يانغم على اتصالك شرفتيني.. ثانيا انا اسف لو اوهمتك وانتي صغيره ان الحب شي سيء لهالدرجه وبعدها انا كبرت وصرت مغني يتغنى بالحب بكل اغانيه زي ماتفضلتي .. احب اقولك حاجه.. الحب كذبه الا حب واحد بالعمر.. يجي مره ويكون هو الحب الحقيقي.. عشان كذا لا تيأسي وانتظري حبك الحقيقي.. اشرف: نئدر نئول نغم هي صديقه الطفوله.. بسام بخجل : تقريباً.. اشرف: طالما اتكلمنا ع الحب كتار من معجباتك بدون يعرفو لو انت مغروم؟ بسام: حاليا انا مركز على البومي الجديد وعلى نشاطاتي الفنيه ولا افكر بالحب او الزواج .. اشرف: نطلع فاصل ع غنيه ميسو بسام الجديده حبيت وراجعين بسام: كنترول ممكن تعطوني رقم المتصله نغم.. . بعدما خرج بسام من محطة البث عاد الى غرفته في احدى فنادق بيروت.. دخل فوجدها على سريره مرتديه قميص نوم قصير باللون الاسود.. بسام: احد شافك وانتي داخله الغرفه..؟ نهضت من السرير توجهت اليه.. وقفت امامه وملاصقه له..شابكت يديها خلف رقبته.. هيفاء: لا حبيبي ماحد شافني..تقولي مركز على البومك ومشاريعك ولا في احد بحياتك هاه.!! وانا وين رحت..؟ بسام: لا تنسين انتي منسقه ملابسي.. وهذي شغلتك عندي وفي عقود بيننا تثبت ذا الشي.. قبلته على شفتيه ورقبته قبلات متواصله: ومنسقة الملابس تبوسها كذا..؟ بسام: هههههههههه ابوس ليش لا.. عاد لتقبيلها... بعد مرور ساعه.. يجلس على السرير ويشرب سجائره: قومي البسي ملابسك واطلعي من غرفتي روحي غرفتك.. هيفاء: حبيبي ابنام معاك هنا بسام : كم مره قلت لك لاتقولين حبيبي..؟ انا مو حبيب احد.. هيفاء : بسام حرام عليك انا احبك.. بسام انا عطيتك اغلى شي عندي لاني احبك والله العظيم احبك وقلبي مادق الا لك بسام: روحي لغرفتك نامي يلا.. نهضت من السرير.. لملمت ملابسها من الارض.. ارتدها بكشل عشوائي وهمت بالخروج.. بسام: هوووب هوووب.. على وين يالطيبه.. هيفاء: مو قلت لي اطلعي بروح غرفتي.. بسام : اطلعي من الباب الي بين غرفتي وغرفتك مو من الباب تبع الممر تبين احد يشوفك طالعه من غرفتي.. هيفاء عادت ادراجها وهمت بالخروج من الباب الذي يفصل غرفتها عن غرفته.. بسام: نسيتي ساعتك على التسريحه تعالي شيليها لايشوفها الروم سيرفس بغرفتي وتصير فضيحه.. هيفا: تمام حبيبي لاتعصب بسام بعصبيه: اعصب لاقلتي لي حبيبي.. خرجت بسرعه من عنده وهي تضحك.. **** أبها.. خرجت ديم من غرفتها متوجهه الى المطبخ فهي تشعر بجوع شديد.. سمعت صوت زوج والدتها وهو يقول: انتي تحتاجين فلوس للمشروب وانا بعد.. والراتب حقي مايكفي.. ترا هالبطل اخر شي عندنا.. لو خلص خلاص بح.. الأم : ايش اسوي طيب.. بعت الذهب ولا جاب نتيجه.. زوجها: اسمعيني للنهايه ولا تعصبين..عندك دجاجه تبيض لك ذهب .. ديم.. لو نعطيها شباب او الشياب باليوم .. نخلي ليلتها ب 7 الاف..لاتنسين هي شابه وجسمها طري.. طبعا نتفق معهم ماتفقد عذريتها واللي يفقدها عذريتها ملزوم يتزوجها.. الأم بصدمه: مجنون انت..! ابيع بنتي..! دور لها شايب غني يتزوجها ونخليه يصرف علينا.. زوجها: الشايب الغني راح يكون له عيال.. وعياله راح يتحكمون بفلوسه.. وماتدرين لو تزوجت ممكن تسحب علينا ولا تعطينا فلس أحمر.. الأم : ماراح افرط ببنتي .. زوجها: بكيفك انا ماراح اجيب لك مشروب انا راح اشرب برا مع ألعيال وانتي دبري نفسك.. الأم : متأكد يوميتها ب 7 الأف..؟ زوجها: وزياده بعد.. ممكن نوصل باليوم 15 الف.. البنت شكلها أصغر من عمرها.. نقول عمرها 17 راح يصدقون لا تنسين مرغوب هالعمر عند الرجال.. الأم : أخاف على سمعتها بعدين..؟ زوجها: لاتخافين.. مادام ماراح تفقد عذريتها ماعليها خوف.. تسللت ديم الى غرفتها وجسدها يرعش من شدة الخوف... ...~ نهاية الجزء الاول.. فجر ديم نغم ياسمين .. هناك حبل متعقد بشكل خفي يربط جميع الشخصيات ببعضها البعض برابط غير الحب.. توقعاتكم كيف ستلتقي الشخصيات ويرتبط مصيرها معاً..؟ دمتم بــود أعزائي.. إلى لقاء أخر.. التعديل الأخير تم بواسطة ebti ; 25-04-17 الساعة 02:52 AM | ||||
|
|
|
24-04-17, 11:20 AM
| #4 | ||||
| مشرفة منتدى قصص من وحي الأعضاء 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك الاطلاع على موضوع تعدد العضويات فهو مهم جداً https://www.rewity.com/forum/t291277.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html وارجو منك الاحتفاظ بهذه الصفحة وتنزيل مشاركات الفصول فيها... | ||||
|
|
|
24-04-17, 10:52 PM
| #6 | |||||
| اقتباس:
السلام عليكم ورحمة الله وبركاته اهلا وسهلا bobosty2005 انت الاجمل.. الجزء القادم راح يوضح كثيير .. شاكره مرورك وانتظرك في باقي الاجزاء..  | |||||
|
|
|
24-04-17, 10:54 PM
| #7 | |||||
| اقتباس:
اهلاوسهلا فيك.. شكرا على الترحيب.. تم الأطلاع على جميعا وبأذن الله ستجدون مايرضيكم .. | |||||
|
|
|
24-04-17, 11:08 PM
| #8 | ||||
| الفصل الثاني يذهب كل شي.. فيبقى الله ويغني عن كل شيء.. .. . الرياض.. الـ 12 ونص صباحا.. لجين دخلت إلى غرفة ياسمين .. لجين : الحقيني تكفين.. ياسمين : وشو تهاوشتي مع خطيبك..؟ لجين : لا ..شي ثاني.. ياسمين : ايه اخلصي علي وشو.. لجين : عندي بكرا العصر اختبار برمجه ب 30 درجه ولا انا فاهمه منها شي.. ياسمين : طيب خلي صاحباتك يشرحون لك.. لجين : المنهج صعب محد فاهم مضبوط وما احد فاضي لي اصلا يشرحلي.. ياسمين : يافلاحتكم.. طيب روحي بكرا للدكتوره من الصباح تشرح لك. لجين : دكتور مو دكتوره.. ياسمين : وين كان عقلك طوال المحاظرات ماركزتي..؟ ليله الاختبار تبغين احد يدرسك.. لجين : عاد صار كذا دبريني.. ياسمين : شلون ادبرك انا..! دبري عمرك..اسمعي افتحي اليوتيوب وطلعي شروحات.. شوفي قوقل بعد.. لجين : طيب بروح مع اني من العصر اتفرج ولا فهمت شي.. ياسمين : بالتوفيق عيني.. خرجت لجين.. .. صباح اليوم التالي.. أبها.. بعد أن تأكدت ديم أن والدتها وزوجها دخلا في حالة نوم مابعد السكر.. ارتدت عباءتها وخرجت من الشقه.. صعدت إلى الدور الرابع.. طرقت باب أحدى الشقق.. أتاها الصوت من خلف الباب.. أم محمد: مين..! ديم : انا ديم.. أم محمد فتحت الباب بسرعه : بسم الله عليك صاير شي.. ديم : لا يالغاليه ماصار شي.. وأعذريني أني جيتك بوقت زي هالوقت.. بس بعد ما تأكدت ان عمي أبو محمد والعيال طلعوا للصلاة جيت أسلم عليك.. أحضتنت أم محمد بحب.. أم محمد: ديم قولي لي وش صاير..؟ ديم : ابهرب من البيت.. أم محمد: مهبوله..! وين تروحين..؟ ديم : ياخاله امي تبي تتاجر بعرضي عشان تشتري المشروب.. سمعتها تتكلم مع زوجها.. أم محمد: والحل برايك أنك تهربين..؟ أقعدي وانا وأبو محمد نحل الموضوع.. ديم : لا ياخاله.. جزاكم الله خير.. ربي عالم بنيتي وأني هربت منهم عشان الله .. انا هاربه منهم ومن حياتهم لله.. واللي يسلك درب الله مايضيعه ربي.. أم محمد: وين بتروحين ..؟ ديم : ماراح اقولك..عشان اذا فاقوا اللي تحت وأكتشفوا اني مو موجوده راح يجون عندك يبون يعرفون انا وين.. فـ أفضل حل اني اختفي عن نظر الكل.. أم محمد: ديم انا مو مقتنعه ولا راضيه باللي تسوينه.. ديم : لاتخافين معي الله.. استودعك الله يالغاليه.. أم محمد: لحظه .. معك فلوس..؟ ديم بخجل: لا.. أم محمد دخلت لشقتها وعادت ومعها مبلغ 120 ريال.. أم محمد: والله أن ماعندي غيرهم.. خوذيهم لك .. قبلت ديم رأسها: مشكوره يالغاليه.. الله معك انا رايحه.. أم محمد: استودعك الله الذي لا تضيع ودائعه استودع الله دينك وآمنتك وخواتيم عملك.. تعرفين رقم جوالي أي وقت دقي علي.. ديم : اكيد.. خرجت بسرعه من الشقه.. بدأت في المشي إلى أن وصلت وجهتها المقصوده.. الرياض.. الـ7 والنصف انهت ياسمين من تصفيف شعرها.. ارتدت ملابسها .. ذهبت للأطمئنان على أختها.. دخلت غرفه لجين فوجدتها تبكي.. ياسمين : بسم الله عليك .. كل ذا خوف من الأختبار.. وكلي امرك لله وحلي اللي تعرفينه لايكلف الله نفساً الا وسعها.. لجين : انتي مو فاهمه.. تتذكرين الأختبار اللي كان بنفس يوم خطوبتي وغبت عنه..؟ ياسمين : ايه لجين : هي نفسها هالماده والدكتور رفض يختبرني اختبار اول واختباري اليوم عن اختبارين يعني الدرجه من 60.. ياسمين : اوف.. لجين : خايفه ارسب فيها والله واتنكد في الأجازه بدال ما افرح بزواجي. ياسمين : اعوذ بالله من فالك على هالصبح.. قد ايش فهمتي..؟ لجين : شي بسيط والله اما الأشياء المهمه مافهمت شي .. تعبت مانمت الليل كله احاول في المنهج.. ياسمين: عندي فكره.. واحد موظف معانا تخصصه علوم حاسبات راح أسأله لك لو يقدر يشرح لك .. لجين : بلا استهبال شلون يشرح لي .. ياسمين : والله ما استهبل.. صوري له الاشياء اللي مافهمتيها وأرسلي له على الواتس ويشوفها ويشرح لك لجين : طيب شافها وفهمها شلون يفهمني هي ياسمين : ع الواتس يسجل لك مقاطع صوت.. لجين : باللهي!!! عشان اصير مطلقه وراسبه 2 في 1 ياسمين شعرت بجرح داخل قلبها: الشرهه علي انا اللي اساعدك... خرجت من الغرفه وتبعتها لجين .. لجين: وقفي وقفي.. معليش والله .. اسمعي خليه يكلمني على رقمك.. ياسمين : لا والله.. تدرين جوال الشغل ابو كشاف مافيه واتس ياظريفه لجين: اقصد رقمك الثاني.. اتركي جوالك عندي .. ياسمين : اقول طيري بس.. بكت لجين .. أعطتها ياسمين جوالها: ياويلك تفتشين فيه.. نامي واترتاحي وانا الساعه9 اصحيك وأخليه يشرح لك احتضنتها لجين : الله يخليك لي مافي زي الخوات بالدنيا خرجت ياسمين الى العمل.. وصلت بعد مدة.. عندما اصبحت الساعه الثامنه والنصف امسكت بجوالها وبدأت البحث عن رقمه.. اجاب بعد وقت: الو ياسمين بتردد: الو صباح الخير دكتور عبد الكريم انا ياسمين من شركة الـ** عبد الكريم : صباح النور عرفتك ياهلا فيك.. ياسمين : اسفه ازعجتك بأتصالي هالوقت بس ممكن أطلب منك خدمه .. عبد الكريم بداخله(خدامين لعيون المزز) : اتفضلي اختي ياسمين : اختي عندها بعد كم ساعه اختبار برمجه وتحتاج أحد يشرح لها بعض الأشياء.. ممكن تصور لك اللي مو فاهمته وترسله لك على الواتس تشرح لها.. وأكملت بإستدراك: هي ذكيه راح تفهم بسرعه ماراح تغلبك.. عبد الكريم : عادي مافي مشكله متى الحين..؟ ياسمين : جزاك الله خير مشكورر.. أي الحين عبد الكريم : خلاص أعطيها رقمي وخليها ترسل لي ولو فهمت أدق عليها اشرح لها.. ياسمين : لا لا لا لا.. أشرح لها ع الواتس .. عبد الكريم : المكالمه افضل بدال مايضيع الوقت عليها.. ياسمين : ماينفع والله.. عبد الكريم : يا اختي ماراح اكلها بس عشان نتناقش وأشرح لها وتفهم علي.. ياسمين بدأت تشعر بالعصبيه: والله زوجها مايرضى.. عبد الكريم ببراءه : وزوجها عادي الواتس بس مكالمات لا.. عموما ماشاء الله اللي اصغر منك متزوجه .. انتي متزوجه..؟ ياسمين : مو من شغلك لو سمحت يعني.. وبعدين الرقم مو رقمها .. لزوجها الرقم.. عبد الكريم : طيب خلاص خليها ترسل لي صور اللي مو فاهمته.. ياسمين : شوف والله لو مو الموضوع مهم وفي احتمال انها ترسب وتخرب فرحتها في زواجها كان ما أتجرأت وطلبت منك هالطلب.. عبد الكريم بأستهبال : يعني هي مخطوبه مو متزوجه.. ياسمين : وبعدين معاك..؟ ضحك عبد الكريم ..تلقائياً ابتسمت ياسمين.. عبد الكريم : خلاص خليها تكلمني.. مع السلامه.. اقفلت منه.. اتصلت على لجين .. اجابت بفزع: بشري وش صار.. ياسمين : تطمني يقول خليها تراسلني.. سجلي رقمه.. 050******* والرقم السري لجوالي ***** ولا تنسين اول ماتخلصين منه اعملي له بلوك تمام.. لجين : تمام تمام... الله يفرج همك وييسر لك امورك قادر ياكريم.. ياسمين : يابعد عمري أمممين وياك.. أقفلت من لجين وعادت الى عملها.. .. أبها.. وصلت ديم الى جامع كبير .. دخلت إلى المصلى النسائي .. صلت ركعتين .. شعرت بالنعاس يغلبها.. أستسلمت للنوم .. بعد مرور ساعات أستيقظت على صوت الأذان داخل المسجد.. تمنت أن يدخل المسجد نساء لإداء الصلاة.. بعد وقت دخلت امرأه مسنه ومعها ابنتها شابه.. تقدمت لهم بكل هدوء..: السلام عليكم.. البنت: وعليكم السلام.. ديم: انا محتاجه ومستعده أشتغل أي وظيفه لو تحبون.. اسألي الوالده لو تحتاج خدامه انا حاضره.. البنت بخوف: الله يرزقك.. الأم فتحت شنطتها وأخرجت 10 ريال : خوذي يابنتي... ديم : مابي فلوس.. أحتاج أشتغل.. عموما جزاكم الله خير.. ذهبت بعيداً عنهم.. بعد انتهاء الصلاة خرجوا فيما عادت ديم لإستكمال نومها.. الرياض كانت تجلس بتملل واضح بين اهلها .. اتاها اتصال من رقم دولي.. ظهر لها ان الأتصال يأتي من لبنان.. بعد مدة أعاد الكره.. بسبب لاتعلم ماهو اجابت.. نغم بتردد: الو بسام : مساء الخير.. مرحبا نغم.. نغم نهضت بسرعه الى غرفتها .. بسام بتشكك : عرفتيني..؟ نغم : بسام؟ بسام: ماشاء الله عليك كيف عرفتيني.. نغم :تستهبل صح.. احد يسمع صوتك ولا يعرفك..! بسام : ههههههه اعتذر على اتصالي فجاه بس في كلام حاب اقوله لك يناسبك الوقت.. نغم: تفضل بسام : اممممم اول حاجه عشان ماتفهمين غلط انا فرحت في اتصالك بالبرنامج.. ثاني حاجه انا والله اعتذر لك .. كنت صغير طبعا.. نغم ب استغراب : لا عادي مو موضوع مهم.. بسام بضحك : ولما مو موضوع مهم ليش فضحتيني عن الناس ههههههه نغم : ههههههههههه شفت كيف.. بسام : بس للأمانه هنا ماعندنا حب .. ولو فيه راح يقيد ب قيود كثيره منها المجتمع والاهل والعادات والقبايل ووووو اشياء كثير.. نغم : يعني انت على التفتح اللي انتي فيه ماقد حبيت..؟ بسام : لا نغم: هيا عاد.. يعني انت من كنت 17 سنه مشهور وتسافر وعايش حياتك بالطول والعرض .. بسام : انا ترا بالاخير سعودي ومقيد ب المجتمع ..ولي سمعه اخاف عليها.. نغم بعدم تصديق : غريب !! بسام : وحتى لو انا عايش بالطول والعرض عندي احترام للمراءه واكيد اكيد ماراح اتلسى في بنت عشان بس انا مستقل نغم بدأت بالاعجاب ب طريقه تفكيره : ماشاء الله عليك وانت في وسط فني ومعروف ايش يحصل هناك الا انك متمسك ب مبادئك.. بسام بدا يعلم انها ابتلعت الطعم: من ذوقك.. الا ماقلتي لي انتي عمرك 20 صح..؟ نغم : صح.. كيف عرفت.؟ بسام : انتي قلتي في البرنامج.. العمر كلو نغومه.. نغم: وانت 24 الكل يعرف ههههههه بسام : يلا ما اطول عليك.. حبيت بس ان اتأكد انك مو شايله علي هههه نغم: لا لا هههههه الله معك.. بسام: باي.. اغلق منها .. بحث عن رقمها.. اجابت ب لهفه: هلا حبيبي.. بسام : تعالي الغرفه.. هيفاء : ليه؟ بسام : ليش يعني.. هيفاء بدلع: ايييش مافهمت..؟ بسام : تعالي نلعب شوي.. هيفاء : هههههههههه انا برا نص ساعه واكون عندك.. جده.. خرج خالد لإيصال صدق دربه عمر إلى المطار.. عمر: بس أبي افهم.. يوم أنت تحبها ومتهني بحياتك معاها ليش طلقتها..؟ خالد: عمر خلاص لانتكلم بالموضوع تعبت والله .. ما أحد يكلمني الأ على موضوع الطلاق وكاني اول واحد يطلق بالدنيا.. عمر: مو أول واحد يطلق.. بس استغربناها بين يوم وليله تطلقها وبدون سبب واضح.. خالد : ماينفع تعيش معي.. عمر : يعني..! خالد : يعني سلامة فهمك.. عمر : بالله عليك ياخالد أن تتكلم.. كيف ماينفع تعيش معاك.. خالد : انا راح أتعبها معاي.. اقولك شي.. لو كملنا زواجنا راح تعيش معاي ماراح تكون سعيده.. بس حياتها بعد ماطلقتها راح تكون حياة طبيعيه.. عمر: خالد لاتتكلم بالألغاز.. كيف يعني؟؟ خالد: راح اعطيك جواب ولا عاد تفتح الموضوع هذا أبدا .. وتسكر فمك لين مانوصل المطار وتركب طيارتك.. بإختصار طلقتها عشان أحميها من احساس النقص بسبب شي مقدر اعطيها هو .. ولا تسألني أيش.. سكت عمر وسط أستغرابه من جواب خالد.. بعد ساعتان قضاها عمر بين المطارات والطائرات وصل أخيرا إلى وجهته.. بدأ في تحضير دروس يوم غدا وبعدها خلد للنوم.. أبها.. بعد انتهاء صلاة العشاء بدأ العمال في أغلاق التكيفات والأنوار.. اصابها الذعر.. لم تعلم أن المساجد تغلق أبوابها في الليل.. خرجت الى الشارع.. لا تعلم أين تذهب.. مشت بلا وعي وبلا هدف .. وصلت إلى مستشفى أبها العام بعد أن مشت قرابة الساعه.. دخلت إلى الداخل.. وجدت عامل يسير أمامها.. ديم: لو سمحت أختي تولد هنا.. فين غرف الأنتظار بقسم الولاده..؟ العامل: امشي للمصعد الدور الثاني الغرف اليسار.. ديم : شكرا.. ذهبت الى غرف الأنتظار.. اخرجت من حقيبتها فطائر وعصير كانت قد اشترتها في طريقها إلى هنا.. لم تأكل شي منذُ ليلة امس.. دعت الله أن يطعم جارتها أم محمد من طعام الجنه .. أستلقت على احدى الكراسي وغطت في نوم عميق.. الرياض.. الـ9 مساء.. بعد أن أنتهت من صلاة العشاء وجدت رساله نصيه من رقم مجهول (السلام عليكم كيفك ياسمين طمنيني عن أختبار أختك) اصابتها صدمه .. ذهبت مسرعه الى لجين.. ياسمين : لجين انتي قلتي للأدمي أن الرقم بأسمي انا..؟ لجين : لا وعطيته بلوك بعد.. ليه ياسمين : مرسل لي رساله نصيه يقول كيفك ياسمين يعني تراي اعرف انه رقمك .. لجين : طنشيه حركات بزارين.. *** في أحدى استراحات الشباب.. كان يجلس مع أصدقائه ويحكي لهم عنها.. عبد الكريم : سبحان الله من بين كل الناس أختها مافهمت ومالقيت أحد يشرح لها غيري.. ماعندها صديقات ولا دكتوره تشرح لها.. ولا لقيت في النت شروحات.. ههههههههههههههه منصور : لا وشوف الكذب أعطتك رقمها الثاني بعد.. علي: اوخص.. البنت عندها رقمين بعد..!! شكلها خبره في التشبيك.. المهم لا طفشت منها عطني أياها.. عبد الكريم يأشر على عيونه: من عيوني.. أساساً اختها اللي اصغر منها متزوجه وهي لا.. شكلها عنست في بيت أهلها وتبي أي رجال هههههههههه منصور : وانت مصدق ان فيه أخت بالموضوع ههههههه تلاقيها ماسكه الجوالين بيدينها وتراسلك منها هههههههههههه عبد الكريم : ايه هههههههههههههههه ... اسكتوا اسكتوا ابدق عليها وأحط مكبر الصوت.. اتصل وبعد دقائق ردت بعصبيه: نعم خير وش تبي..! عبد الكريم : الناس تسلم بالأول.. السلام عليكم.. ياسمين : فيه شي..؟ عبد الكريم : السلام سنه ورده واجب.. ردي السلام على الاقل.. ياسمين : وعليكم السلام.. نعم..! عبد الكريم : الله ينعم عليك بس ابتطمن على اختبار أختك.. ياسمين : جزاك الله خير .. زين اختبارها خلاص تطمنت يالله مع السلامه.. عبد الكريم : هووووب هوووووب هوووب.. لحظه .. مو هذا رقم زوج اختك.. ياسمين : انا مو غبيه ترا.. طلع لك جنب الاسم مكتوب ياسمين وعرفت انه رقمي.. والنمبربوك مايقصر بعد.. ضحك عبد الكريم : وليه كذبتي علي طيب.. ياسمين بعصبيه : مع السلامه.. أقفلت الخط بوجهه.. عملت حظر أتصال لرقمه.. ضحك منصور: مسويه نفسها ثقل ههههههه علي: أنت شفتها..؟ عبد الكريم : ايه يوم وصلتها كانت كاشفه.. صاروخ الله وكيلك.. *** انتصف الليل وفجر ورنا يتحدثون.. رنا: فجور.. أخر كم شهر معاه لاحظتي شي عليه..؟ فجر: ابداً.. هذا اللي مجنني.. حياتنا اخر الوقت زي اول زواجنا ماتغير شي يعني.. رنا: اسألك سؤال ولا تزعلين..؟ فجر : قولي رنا: يمكن ماحبك.. فجر : ياحليلك رنوش على نياتك.. انا وخالد عشنا قصه حب سنتين وبعدها تقدم لي وتزوجنا .. رنا بصدمه: شلون يعني..! تعرفين خالد من كم سنه..؟ فجر : 5 سنين.. من كان عمري 19.. رنا: صدمتيني والله.. ماتوقعتها منك فجر.. فجر: عشان كذا اقولك ماطلقني لانه مايحبني.. في سبب ثاني.. رنا: حكيني طيب قصتكم.. فجر : روحي نامي انتي وراك جامعه.. مره ثانيه احكيك.. رنا: طيب تصبحين على خير.. ووسعي صدرك مافي شي يستاهل.. ولا تنسين هالكلام خالد مو كفو ولا يستاهلك.. ضحكت فجر بسخريه .. نهضت رنا وتوجهت الى غرفتها.. التعديل الأخير تم بواسطة ebti ; 25-04-17 الساعة 02:54 AM | ||||
|
|
|
24-04-17, 11:13 PM
| #9 | ||||
| .. . بعد مرور عدة أيام أبها.. الـ6 فجرا.. وصلت ديم إلى أحد الجوامع الكبيره .. وقفت امام مدخل الرجال.. أحكمت غطاء عينيها.. دخلت إلى المسجد وهي متيقنه صحة ماتفعله.. من بقي بالمسجد بعد شروق الشمس فهو شخص تقي صالح ويخاف الله.. كان امام المسجد جالساً يقرأ القرأن.. وقف وأتجهه نحوها حينما رأها.. الأمام: مدخل النساء من الجهه الثانيه.. ديم : ياشيخ ابغاك تساعدني.. الأمام: تفضلي أختي.. ديم : انا ماما مدمنة خمر مع زوجها.. وقرروا يتاجرون بعرضي عشان يشترون الخمر.. في الليل أخذت هويتي الوطنيه وجميع أوراقي وأثباتاتي الحكوميه وهربت منهم.. أحتاج ياشيخ تساعدني القى لي سكن وعمل.. الأمام: لاحوال ولا قوة الا بالله.. مالك أهل يابنتي..؟ ديم : لا ياشيخ.. بابا شخص يمني أخذ الجنسيه السعوديه .. وبعد وقت توفى ولا اعرف احد من أهلي.. وأهل أمي ما اقدر ارجع لهم لأن راح يرجعوني لها.. ومن الاساس ما اعرفهم متبرين منها .. الأمام: يعني انتي سعوديه..؟ ديم : ايوا.. الأمام: طيب يابنتي وين قاعده انتي الحين..؟ ديم : في بيوت الله.. أطهر وأأمن مكان بالدنيا.. الأمام: وبالليل..؟ ديم : انام بغرف الأنتظار بالمستشفى.. الأمام: كم لك يوم هربانه..؟ ديم: 4 ايام تأثر الأمام معها: يابنتي أنتي فررتي بدينك لأجل الله.. وتركتي حياتك وبيتك لأجل الله.. وتذكري أن الله لان يخيبك.. من ترك شي لله عوضه الله خيراً منه..تيقني أن الفرج قادم لا محاله.. اصبري وأحتسبي.. ديم :ونعم بالله.. الأمام: يابنتي أكيد امك بلغت عن اختفائك والشرطه تدورك.. عشان كذا مانقدر نأويك في بيوتنا راح تعتبرنا الشرطه خاطفينك.. بس أدخلي مسجد النساء وأنا راح اعطيك مفتاح باب المسجد قفلي على نفسك فيه.. لاتفتحين لأي أحد .. ولا تطلعين للشارع عشان محد يعرف مكانك .. عند الباب راح نحط لوحه أن المسجد مغلق للصيانه.. وأنا والاخوه راح نتناوب ونجلس في المسجد في حال احتجتي شي.. حتى في الليل راح نكون موجودين.. نامي هنا .. ديم بتأثر : الله يجزاك خير ياشيخ.. الأمام: افطرتي ..؟ ديم : أفطرت الأمام: معاك فلوس ..؟ ديم : معي الحمدلله.. الأمام أعطاها المفتاح: روحي وسوي زي ماقلت لك وانا العصر راح اجتمع مع الرجال ونشوف حل لمشكلتك.. ذهبت ديم.. دخلت المسجد أقفلت الباب.. أمسكت المصحف بدأت تقرا القران وهي تبكي.. الرياض.. وصلت ياسمين الى مقر عملها.. صدمت عندما وجدته أمام شركتهم يقف مع طالب التدريب .. كأن ينظر لها بنظرات غريبه.. تجاهلته ودخلت الى الفرع النسائي.. بعد مرور نصف ساعه اتصل عليها على جوال العمل.. أجابت : الو السلام عليكم معاك ياسمين كيف اقدر أخدمك..؟ عبد الكريم : وعليكم السلام.. لما اسمع السلام ارد عليه انا.. مو زي بعض ناس.. ياسمين : هه هه هه كوميدي ماشاء الله.. ايش تبغى نعم خير..؟ عبد الكريم : سؤال الحين داخل الشركه المكالمات مو تكون مسجله..؟ ليش تصارخين على المتصل وتهاوشينه..؟ ياسمين : لا مو مسجله.. واصارخ على المتصل لانه نشبه حلق.. عبد الكريم : افا.. ماهقيتها منك.. ماعلينا بشريني طلعت درجه اختك..؟ ياسمين : طلعت وجابت 44 من 60 شكرا لك ولا عاد تدق.. أغلقت الخط في وجهه.. وصلتها رساله نصيه منه ( طالبي راح يتدرب عندكم لمدة 8 اسابيع وراح ازوره كل اسبوعين يعني راح اشوفك ياجميل 4 مرات واكحل عيوني..) غضبت بشده.. ندمت على يوم ما اعتبرته أنسان وطلبت مساعدته.. أبها.. دخل عمر غرفة المعلمين.. سمع وشوشاتهم وتعليقاتهم حول زواج صديقهم ناصر.. صالح بالعقد الرابع من عمره : اقول يا ناصر دور لي بعد انا.. شكلي أخذ الثانيه على أم العيال.. ولا من شاف ولا من دري.. ناصر: والله مافي أريح من هالزواج.. وحتى لو ماوثقته بالمحكمه ما أحد يعرف أنك متزوج.. انصح كل العزابيه فيه.. عمر ادور لك عروسه مع صالح..؟ عمر : لا شكرا راح اتزوج مره وحده وبعلم اهلي والناس.. ناصر: والله ياخوك أنا أنصح أي واحد يشتغل بمدينه غير عن مدينه أهله يتزوج كذا.. وحده تطبخ لك وترتب شقتك وتغسل ملابسك وأنت تفرغ شهوتك فيها ومهرها قليل أقل من 5 الاف ومتنازله عن النفقه والمبيت عندها.. وفالأخير ما أحد يعرف انك متزوج مسيار .. في دلع أكثر من كذا..؟ تجاهله عمر وبدأ بتصحيح أوراق اختبارات طلابه.. فقلبه ممتليء بحبها ولا يريد له زوجه سواها.. جده.. كان خالد يعمل في مكتبه.. أمسك بهاتفه فقط ليطمئن عليها.. يعرف مواعيد نومها من مراقبة دخولها عبر الواتس اب.. كان أخر ظهرو لها قبل دقائق.. يبدُ انها لاتزال مستيقظه.. ذهب الى برنامج سناب شات.. وجدها قد أرسلت صوره لفطورها في أحدى المطاعم.. كتبت تعليقاً (مافي زي قلوب الخوات بالدنيا.. يخليلي رنوشا وحنية رنوشا) تذكر كيف كانت تعامله بحنان فائق وكأنه صغيرها المدلل وليس زوجها.. زفر انفاسه بضيق.. الرياض.. في احدى المقاهي تجلس فجر مع قريباتها.. تشعر ان عليها فرض واقعها الجديد على الجميع وعلى نفسها .. الان هو الوقت المناسب فجميع بنات العائله مجتمعات وتعلم ان كلامها سوف يصل إلى اهاليهم.. تحدثت بحذر فجر: عرفتو اني انا وخالد تركنا بعض..؟ البنات بإصوات مختلفه: ايه ندري الله يعوضك خير.. الله يرزقك باللي احسن منه... احمدي ربك مابينكم عيال.. هو الخسران.. وش السبب طيب..؟ فجر: مافي سبب معين بس ربي كاتب كذا.. اكملت بعد برهه : قسمتي ونصيبي.. تحدثت بسمه: لسى في حب بينكم..؟ فجر: في اشياء اعمق من الحب ومع الوقت ماتروح .. تغيب عن البال بس ماتتنسى.. مشاعل: زي ايش..؟ فجر: العشره والتعود .. والاشياء اللي ارتبطت بعقلنا الباطن انها للطرف الثاني في علاقتنا.. بسمه : مافمت رنا: ولا انا.. فجر: شفتو تارت الفواكه هذا اللي طلبته بسمه.. انا اول ماشفته جاء ببالي خالد.. يحب تارت الفواكه .. هذي الاشياء اللي مخزنها العقل الباطن هي اصعب شي.. ساره: فجور احس صعب تتطلقون والعلاقه بينكم كويسه يصير ببالك على طول وصعب تتطلعينه من قلبك.. فجر: لا بالعكس.. انا احمد ربي اني تطلقتنا بدون مشاكل.. تخيلي لو في مشكله اجلس افكر كيف انتقم او كيف ارد اعتباري.. بس بوضعنا انا وهو عارفين ومقدرين الموقف .. وبكذا مايجلس في بالي٢٤ ساعه... مشاعل: صادقه والله.. مضى الوقت سريعا.. تفرقوا البنات.. ركبت فجر ورنا سيارتهم .. اجهشت بالبكاء بصوت عالي.. رنا: شفيك حبيبتي ..؟ فجر: مقهوره نفسي ادري ليش طلقني .. رنا : توك تقولين انا مقتنعه..؟ فجر بصوت باكي: تمثيل قدامهم .. احاول افك نفسي من السنتهم.. وبعدين عشان كبريائي .. اجل اقولهم طلقني بدون سبب.. رنا دمعت عينيها على حال اختها .. لم تتحمل اكثر.. امسكت هاتفها وأتصلت عليه.. اجاب بعد ثاني رنه وبصوت متلهف : هلا والله فجر بصراخ وعصبيه : ليش طلقتني ليش خالد: قلت لك انا مو كفو.. زاد صراخ فجر وهي تقول: لاتنرفزني سامع.. اعطيني اسباب قول بسبب كذا وكذا وكذا لا جواب على كلامها.. بكت بصوت عالي.. اغلقت الخط في وجهه.. رنا: ليش كلمتيه فجور.. خلاص اقطعي العلاقه بينكم وأتناسي لين ماتنسي.. فجر: في نار بصدري .. بعد دقائق ارسل لها على جوالها (بسبب اني غبي.. بسبب اني ما اقدر النعمه اللي بين يديني.. ) اعادت الاتصال به.. اجاب سريعا: يرضيك كذا..؟ فجر: ندمان..؟ خالد: هذا سؤال بالله عليك..؟ فجر: اشتقت لي..؟ خالد: ميت شوق والله العظيم.. ولهان عليك بشكل.. فجر : وشو اكثر شي اشتقت له..؟ خالد : اشتقت اصحى من نومي القاك جنبي.. اشتقت ارجع من دوامي والقاك بوجهي.. اشتقت انام بعد ماتلعبين بشعري.. اشتقت لريحتك.. بكت فجر : تعال خالد ورجعني لك.. مالي حياة بدونك.. تعال لا تتركنا .. لا تتخلى عننا.. خالد بفرح: فجر انتي حامل..؟ فجر : لا خالد: مين انتم طيب.. فجر : انا وانت... بكت وهي تقول: خالد حرام عليك انا وانت .. خالد رجعني لك الله يخليك.. ادري انت بعد تبغاني ارجع .. ادري بحبك لي.. خالد بكى معها : خلاص فجر ماينفع نكمل مع بعض.. الله معاك اقفل الخط منها.. بدأ بمسح دموعه في طرف شماغه.. رنا: فجر خلي لك كرامه يعني بجدك ترجعين له بعد كل ماسواه..؟ فجر: ايه طبعاً.. بعدين ايش سوا بالله عليك..؟ هذاني عرفته لـ 5 سنين ماشفت منه اذى.. بس هي مره او مرتين اللي زعلني فيها .. رنا: ويوم طلقك بدون سبب وبدون مايعطيك خبر..؟ فجر: اسكتي رنا اللي فيني مكفيني.. *** كانت تجلس داخل مكتبها تتحدث مع أميرة زميلتها في الدوام..طرقت الباب عامله من أحدى الدول الاسيويه: مدام ياسمين هذا فطور وصل حق أنتي.. أخذته ياسمين من يديها.. فتحت الصندوق ووجدت بداخله كوب قهوه وقطعتان كوكيز.. أميره بحماس: وااو يابنت هذا من وين معجب سري هاه..؟ ياسمين : والله ولا معجب سري ولا معجب خفي.. مادري من وين جاي مافي كرت.. أميره: شكله في معجب سري دوري في أرشيف طفولتك يمكن تتذكرينه .. ياسمين ضحكت بصوت عالي : الله يقطع شرك ضحكتني كلمة أرشيف.. أميره وهي تقف: قلبي في الأرشيف على بال ما اروح اكمل شغلي.. ياسمين : حاضر اوامر ثانيه..؟ أميره تقترب منها وتمسك بيدها: حبيبتي سوما ممكن يكون هذا الفطور من .... وبصوت منخفض : طليقك اقصد..؟ ياسمين ارتعشت فقط من ذكراه: ذاك البخيل مايدفع ولا ريال الله لايعيد طاريه.. أميره: قلت يمكن ماتدري الدنيا تغير .. ياسمين تعلم في قرارة نفسها أنه من عبد الكريم لكنها تشعر بالجوع وهذا لايزعجها على الاطلاق.. *** نغم وبسام في تواصل قليل مع انجذاب كبير من نغم.. أرسلت له على الواتس: متى طيارتك..؟ بسام اجاب بعد ساعه: الليل.. نغم: ح تنور السعوديه.. بسام لم يجيبها.. *** أبها.. ديم سمعت صوت طرق للباب تلاها بعد ذلك أصوات أقدام تغادر.. تقدمت إلى الباب وعندما تأكدت من عدم وجود اشخاص عند الباب فتحته.. كان هناك صحن غداء وبجانبه علب ماء شرب.. أبتسمت بسعاده فالدنيا لاتزال بخير.. ** * عاد عمر الى شقته.. ينظر لها والفوضويه تعمها.. يشعر بالجوع الشديد.. لا يستطيع الأكثار من تناول طعام المطاعم فهي تسبب له ألام في البطن وأنتفاخ في القولون.. تمنى لو يستطيع الزواج بها وأن يحضرها معه الى هنا.. لكنها لاتزال طالبه في الجامعه.. أخرج من الثلاجه كيس توست وجبن وأعد له غداءه.. حديث ناصر لايزال يتردد في ذهنه.. تجاهل افكاره وذهب الى النوم.. بعد مرور ساعتين أستيقظ وذهب الى المسجد لصلاة العصر.. بعد الأنتهاء من الصلاة قام من مكانه وهم بالخروج من المسجد حيمنا اوقفه صوت الإمام وهو يقول: يا أخواني حدثتكم بعد صلاة الظهر عن البنت الي هربت بشرفها وعفتها.. أي أحد يرى في نفسه أنه كفؤ وقادرعلى معاملتها بما يرضي الله ثم يرضيها يتقدم عندي .. سأل عمر أحد المصلين : ايش السالفه..؟ المصلي: هذي بنت هربت من أمها لأنها خافت على شرفها من زوج أمها.. تقدم بلا وعي إلى الإمام وهو يقول: انا ياشيخ مستعد.. أخبرهم الأمام انه سيتكلم معها ثم يخبرهم بقرارها.. فمن حقها الموافقه على من سيكون زوجاً لها.. عاد إلى شقته وهو يفكر فيما فعله هل هو صحيح أم لا.. ** أخبر ألإمام ديم أنه تقدم لخطبتها 3 رجال بعدما اخبرهم أنها هربت من زوج والدتها حمايةٌ لشرفها.. الرجال الثلاثه 2 منهم متزوجان و 1 أعزب.. الرياض.. ياسمين ولجين وأمهما خرجوا من المحل بعدما أستلموا بطاقات الدعوه لزفاف لجين..قرروا الذهاب الى إحدى المطاعم للعشاء.. كانوا يجلسون على أحدى الطاولات ينتظرون وصول طلبهم.. لجين : شيلوا الكروت من وجهي سدت نفسي عن الأكل خايفه .. الأم (عُـلا) : ليش..؟ لجين : لاتذكرت أن ماباقي الأ 3 اسابيع انمغص.. ياسمين : هبله.. اعطوني بطاقه أبغى اصورها سناب.. إلتقطت صورة للكرت وكتبت (ربي يبلغنا هاليوم ونزفك أحلى عروس..) بعد مرور ساعه عادوا الى المنزل.. عندما دخلت إلى غرفتها وجدت جوال العمل به 4 مكالمات من عبد الكريم ورساله جاء فيها (ياسمين ردي علي والله شي ضروري..) تجاهلته وذهبت عند لجين .. ياسمين : لوجي شفتي النشبه رجع يدق ويرسل لي.. وش اسوي طاح بكبدي.. ما أقدر حتى أسوي له بلوك بجوال أبو كشاف لجين : عبد الكريم ..! ياسمين : فيه غيره بالله.. لجين : طنشيه .. سكتت دقيقه ثم أكملت: والله أنك دلخه..روحي جيبي جوالك أبو كشاف وطلعي الشريحه ودخلها في الايفون وأعملي له بلوك للمكالمات والرسايل.. ياسمين بفرح: كيف غابت عن بالي.. نهضت إلى غرفتها ثم عادت وعلى وجهها تبدو علامات الصدمه.. ياسمين : الحقيني.. لجين بخوف: وشو.. ياسمين : أرسل لي رساله تو .. خليني اقراها لك.. (ياسمين اليوم شفت بالسناب حقك صورة كرت زواج اختك.. أسم أمك علا محمد ناصر السليماني وأسم أمي علياء محمد ناصر السليماني.. اذا جدتك أم أمك هيا سوريه تزوجها جدك في حلب فأنا وانت عيال خاله..) .. نهاية الجزء الثاني.. ارائكم وتوقعاتكم.. وأخيرا ردوردكم وتفاعلكم..  دمتم ب ود..  | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
