آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-08-17, 09:14 PM
| #61 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  Part 59 هزت راسها بدون ماترد وهو تنهد وصد وبعدها تذكر شي ولف لها : وان شاء الله راح نروح المدينه كم يوم بعد ما نطلع من مكه جنات : كويس سامي سكت شوي : مرتاحه بمكانك ؟! جنات تنهدت وهي تلف عنه للنافذه وهو عرف قصدها أنها مو مرتاحه بسبب وجوده بس ما اهتم _ فهد : سافرت ؟! طلال : اي فهد بلع ريقه : وين ؟! طلال : راحت مكه وبعدها المدينه فهد : بتحج معه ؟! طلال اخذ نفس : فهد خلاص انساها ، ارحم نفسك خلاص ، البنت تزوجت وشافت حياتها أنت بعد شوف حياتك فهد : انا اصلا نسيتها بس أسأل عنها لأنها بنت خالتي وعزيزه علي طلال : ايوه نسيتها والدليل انك مارحت لزواجها فهد : خلاص طلال ارحمني واسكت طلال : انت الي ارحم نفسك وشيلها من بالك ولا تفكر فيها " سكت شوي " اسمع الليله راكان ولد خالتك مسوي عقيقه لولده ، تروح معنا سامع ؟! فهد مارد عليه طلال عصب وتكلم بحده : فهد مو تزوجت معناها انك تعتزل حياتك الاجتماعيه !! وين فهد الي كان ما يخلي عزيمه ولا جمعه الا وراح لها !! وين فهد الي يحب الناس ولمة الاهل وجمعاتهم !! وين فهد العاقل الحكيم المتفهم !! كل هذا راح بعد زواجها !! اسمع لا تسمح لنفسك تضعف سامع !! وبعدين شيلها من بالك ، الي تسويه انت حرام ، البنت على ذمة غيرك وما يصير تفكر فيها فهد : طلال قوم اطلع طلال وقف : بطلع بس غصبا عنك الليله تروح معنا طلع طلال وفهد تنهد وانبطح على السرير وهو يفكر في جنات مو قادر يشيلها من باله مو قادر غصب عنه تجي في باله مو بإيده ، كل ما حاول ينساها يرجع يفكر فيها _ الساعه ٢:٣٠ ص سامي : تبين ترفعين رجلينك اريح لك وانتي نايمه ؟! جنات : اي احسن سامي : طيب سحب سامي الشنطه الكبيره شوي الي كانت بجنب كرسيه لهم وحطها تحت رجلينها وهي رفعت رجلينها عليها سامي انتبه لها انها شاده على البطانيه وتحاول تبعد شوي عن مكان ضرب الهوا لأنها مو عارفه للمكيف سامي : بردانه ؟! اغير توجيه المكيف ؟! هزت راسها بإيجاب وهو قرب وغير توجيه الهوا سامي : كذا زين ؟! جنات : ايوه ، شكرا سامي ابتسم لها بلطف : العفو لف عنها وحاول أنه ينام جنات صارت تناظره وهي مستغربه اهتمامه و حنيته الزايده بس توقعت لأنها مسافره معه ومو معها اهلها والبنت تتحسس من هالشي ولأنها اول مره تسافر معه بعد عشان كذا يعاملها بهالحنيه والاهتمام ابتسمت ولفت لجهة النافذه وثبتت الوساده عليها وحطت راسها بتنام . صحت على صوته الهادئ وهزه لكتفها وبسرعه رجعت غمضت من أشعة الشمس الي بوجهها سامي : جنات ، وصلنا للمحطه ، انزلي عشان بنصلي صار له ساعتين من اذن ، يلا قومي _ انتهى | ||||
|  |
|
01-08-17, 09:15 PM
| #62 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 60 رفعت راسها وهي ترمش لين بدت تعتاد على الضو سامي وهو يحاول يعجلها : يلا جنات !! جنات مددت جسمها الي تحسه متكسر وسحبت نقابها وحطت جوالها في مخبى بنطلونها ونزلت معه صلت وخلصت ورجعت ركبت الباص وما لقت سامي وتوقعت انه لسى يصلي شوي وركب سامي ومعه أكياس فيها فطاير وعصيرات وحلويات بعدة انواع شبسات وشوكولاتات وبسكويتات واثنين بوظه جلس جنبها وهو يفتح الاكياس : جايب لك فطور جنات كشرت : نفسي في شي بارد سامي : جبت عصيرات وبوظه ضحكت : الله كأنك عارف وش ابي اعطاها البوظه وبعد ما اكلوه جنات بسرعه بردت جنات : ووووه ثلجت سامي : لأنك كليتي بوظه ، وبعدين انا مبعد المكيف عنك جنات : وجهته علي من شوي من الحر سامي : ماعندي شي يدفيك المشكله جنات : حتى لو في بخاف على اسناني وبطني يضربون علي من بارد لحار سامي : لفي روحك بالبطانيه زين وبعدي المكيف عنك وبتدفين سوت جنات الي قالها عليه وسامي طلع جواله يلعب فيه شوي وبعدها انشغلوا بالتسبيح والاستغفار والصلاة على النبي وبعدها بساعه صار واحد من كوادر الحمله يتكلم عن مناسك الحج وكيفيته والمحظورات ويعني كل شي يخص الحج . بعد ساعات من الانتظار والتعب وصلوا للميقات اخذت جنات شنطتها الي فيها الاحرام ونزلت مع الحريم وسامي نفس الشي بعد ثلاث ساعات من الزحمه خلصت وركبت الباص وبعد ما خلصوا الكل مشى الباص والحجاج يلبون ، لما وصلوا لمكه وبالتحديد ( بيت الله ) نزلوا الحجاج وبعض الكوادر راحوا يودون الاغراض للفندق جنات اول ما شافت الكعبه انبهرت وتمت ساكته وحست برهبه وهيبه ولا شعوريا نزلت دموعها وهي تكبر وتلبي مسحت دموعها وأخذت نفس ومشت مع سامي الي حاس بنفس الشعور سامي : تعالي نشرب ماء زمزم وبعدين نبدأ بالطواف ، ما راح نتقيد بأفراد الحمله نبي ناخذ راحتنا بالعباده مشوا للمويه وشربوا لهم شوي وبعدها بدأوا يطوفون ، جنات قدام وهو ورى وماسكها من اكتافها عشان لا يضيعها طافوا وسامي ماسك الكتيب ويقرأ أدعية الطواف وجنات تردد وراه خلصوا طواف وراحوا يصلون خلف المقام وجلسوا شوي يقرون كم دعاء وبعدها اتجهوا للسعي وجنات حاسه بروحانيه غير طبيعيه تحس نفسها طاهره من اي ذنب ومافي شي يحجب بينها وبين ربها وخصوصا بصوت سامي الخاشع بعد ما خصلوا قصروا وجلسوا شوي يقرون كم جزء قرآن وبعدها رجعوا للفندق الي كل حاج كان عنده كرته من عند الحمله تأكد سامي من المسؤول هو بأي غرفه وجنات بأي غرفه وكانت جنات بغرفه ٤١٣ بالطابق العاشر وسامي بغرفه ٣٠١ بالطابق السابع _ أنتهى | ||||
|
| |
|
01-08-17, 09:16 PM
| #63 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 61 لما وقفوا عند المصعد ينتظرون لف لها سامي بإهتمام واضح : اسمعي انتبهي لنفسك طيب ؟! اذا جيت بروح للحرم بدق عليك ، واذا انتي بتروحين مع الحريم الي معك بالغرفه دقي علي وقولي لي أو ارسلي لي رساله ، انا اذا بروح مع الرجال بقولك عشان ما تنتظريني ، واذا تبين اي شي محتاجه اي شي عندك رقم المسؤوله مديرة الحمله أو المسؤول واذا شفتي انهم ما اللتفتوا لك قولي لي ، طيب ؟! جنات : طيب ركبوا للمصعد ولما جاء بينزل سامي لف لها : يلا امنتك الله ، مع السلامه جنات ابتسمت له : مع السلامه طلع سامي من المصعد وهو خايف عليها ، اول مره يسافر مع أحد ومو اي احد بنت ناس امانه عنده وصل المصعد للطابق العاشر ودورت جنات الغرفه لين لقتها ، طقت الباب وشوي وفتحت لها وحده دخلت جنات وسلمت على الموجودات ال٣ وتعرفوا على بعض دخلت تغتسل ولما خلصت طلعت جوالها وكلمت امها وهنوف ورهف وريناد وانسدحت بتنام من التعب . الساعه ٦:٥٥ م صحت جنات على صوت وحده من الي معها بالغرفه تصحيها عشان يروحون الحرم ويلحقون على الصلاه طالعت الساعه وشافت انها نامت ساعه وحده بس غسلت وجهها وتوضأت ولبست عبايتها ودقت على سامي وبسرعه رفع جنات : هلا سامي سامي : هلا هلا ، ها اجيك عشان نروح ؟؟ جنات : لا بروح مع البنات ينتظروني هم سامي : طيب معليش بس انتبهي لنفسك ولا تنسينا من الدعاء جنات : وانتم من اهل الدعاء سكرت جنات وتركت جوالها في الغرفه وراحت مع البنات للحرم صلوا الفريضه وتفرقوا الي راحت تطوف والي تقرأ قران والي تدعي والي تصلي ركعتين نيابه ومن ضمنهم جنات بعد ما خلصوا الكل رجعوا للفندق بعد ساعتين وهم فرحانين أنهم أخذوا راحتهم في الحرم ، صلوا النوافل وقرأوا التعقيبات وطافوا وصلوا نيابه وكانوا مره فرحانين ، لما رجعوا للفندق جلسوا يسولفون شوي وبعدين كل وحده انشغلت بشي جنات جلست على الجوال وصارت تكلم اهلها في قروبهم { عائلة عدنان } الي فيه اخوانها وحريمهم وامها وابوها وسامي صارت تسولف معهم وكل شوي تطلب من رهف تصور منال بنت اخوها بعد ساعه جت المسؤوله تقولهم انهم فتحوا البوفيه للعشى نزلوا كلهم جماعه تعشوا واخذوا راحتهم وبعدها رجعوا غرفهم وناموا على طول . يوم ثاني في الحرم كان سامي جالس يقرأ دعاء وجنات تتابع معه بعد ما خلص هي مسكت لها قرآن وجلست تدرس وهو كمل قراءة أدعية أخرى حست بتهدج صوته علامه على أنه يبكي بس ما لفت ابد ، هي طول عمرها ما تحب تشوف احد يبكي وقت عبادته ، لانها تعتبر أنه شي والمفروض ما تتطفل ولا تجلس تطالعه ولا تجلس معه بنفس المكان عشان يختلي بنفسه مع ربه _ انتهى | ||||
|
| |
|
01-08-17, 09:28 PM
| #64 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 62 بعد ما خلص سامي لفت له جنات : سامي تكفى ابي اوصل للحجر الاسود سامي : ما يمدي عند الحجر زحمة الموت ، تبين يدهسونك وتموتين !! جنات : تكفى تكفى ابي اوصل لو مره وحده بس سامي تنهد بإستسلام اول مره تطلبه طلب لازم ما يردها : طيب بس اذا حسيت ان مو قادرين بطلعك على طول جنات ابتسمت بحماس : طيب موافقه ابتسم لحماسها ووقف وقربوا من الكعبه وحط ذراعينه حولها وهو وراها بس مو لاصقهم على جسمها لا بعيد بس عشان يحميها من التدافع ومن ملامسة الرجال لما قربوا من الحجر الاسود حسوا بالزحمه بس لا اله الا الله كأنها تسهلت لهم وما شافوا نفسهم الا وهم قدام الحجر الاسود طالعوا بعض مبتسمين أنهم قدروا يوصلون أرخت جنات راسها وباست الحجر ومسحت يدينها فيه وبعدها على وجهها وبعدها سامي باسه ، لكن لما جوا بيطلعون حسوا أن الزحمه اشتدت سامي قرب من اذنها وهو يهمس لها : تمسكي فيني وانتبهي من ملامسة الرجال لك ، وانتبهي لا تدفين أحد بعد صعوبه طلعوا جنات بعد ما طلعوا اخذت نفس عميق وبعدها زفرته بإبتسامه : مشكور سامي : ولو ، يلا الحمدلله انها جت سهالات وقدرنا نوصل له جنات : الحمدلله سامي : يلا خل نرجع السكن ، احس طولنا جنات : ولو طولنا وش ورانا يعني !! ما ورانا شي عادي سامي : طبعا من تاريخ ٨ الي هو بعد بكرى خلاص ما بقدر اشوفك ، لان بتبدأ مناسك الحج بس ابيك تهتمين في نفسك وتاكلين زين ولا بتتعبين ومابتقدرين تقومين من فراشك ، اسمع في بنات كثير طول ما هم في المشاعر مايقدرون يقومون من التعب وحتى ما يقدرون يرمون الجمار لأنهم ما اهتموا بنفسهم ، ابيك تنتبهين لك ، طيب !! جنات : طيب ، لا تشيل هم اصلا انا متحمسه سامي : اي بس اقولك انبهك عشان لا تنسين سكت شوي وبعدها تكلم : افكر اني انضم مع الحمله السنه الجايه من الكوادر جنات لفت له وابتسمت : كويس ، الله يكتب لك الاجر سامي : اللهم امين . تاريخ ٩ من ذو الحجه في عرفه مرت الايام وهم في مكه وعايشين احلى وانقى واطهر ايام وجنات مره مرتاحه واخر مره شافت فيها سامي اول امس بما انهم ينقلون الحريم لحالهم والرجال لحالهم للمشاعر كانت جالسه وهي تدعي وتستغفر ودموعها تهل وهي تبكي تذكرت كلام محمد لها يوم ثاني زواجهم ولما جوا لهم البيت قبل لا يجون لمكه وصارت تبكي اكثر _ انتهى | ||||
|
| |
|
01-08-17, 09:36 PM
| #65 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 63 هي حاسه ان سامي وده أن تتصلح علاقتهم بس هي الي تصد وترفض وهو يشوف رفضها من معاملتها له وتصرفاتها ويتراجع وما يتكلم لها وينتظر تجي منها تذكرت معاملته لها بداية ملكتهم وحتى بعد زواجهم واتفاقهم أنهم يكونون مثل الاخوان عشان ما يتهاوشون ويقللون احترامهم لبعض وعشان كذا حست انهم تقربوا لبعض اكثر وحست انها بدت تتقبله تذكرت كيف عاملها لما كانوا في الباص وكيف كان يبي يرضيها بأي شي من لما تزوجوا للحين تذكرت كلامه واعترافه لها بيوم ملكتهم تذكرت كل حسناته لكن ( الله لا يغير ما بقوم حتى يغيروا ما بأنفسهم ) كيف هي تبيه يندم بدون ما تسامحه ؟! كيف تبيه يعتذر وهي تدري انها ما راح تسامحه ؟! اذا هي كانت تبيه يندم فهي صدق شافت ندمه من يوم الملكه اذا هي كانت تبيه يعتذر فهو اعتذر من يوم الملكه ولو بشكل غير مباشر اذا هي تبيه يتغير لازم هي تتغير معه بعد والطلاق مو حل واذا على حبها لفهد ، الحب مو كل شي الله سبحانه وتعالى قال( وجعلنا بينهم مودة ورحمه ) ذكر المودة وما ذكر الحب اساس الزواج الاحترام والثقه والموده مو الحب ليش ما تعطي نفسها وتعطي سامي فرصه ؟! . بعد اذان المغرب اتجهوا لمزدلفه وصلوا فيها المغرب والعشا وظلوا يقومون بالعبادات بدون كلل أو ملل أو تعب وبعد صلاة الفجر اتجهوا لمنى لما وصلوا جت لها الي معها بنفس الغرفه لما كانوا بمكة ( زهور عمرها ٢٦ ) والي كانت اكثر وحده تجلس مع جنات وكانت لطيفه بشكل وملامحها هاديه وناعمه مثل شخصيتها زهور : يلا جنات بنروح نرمي جمرة العقبه جنات ابتسمت لها بلطف : معليش بس بروح مع زوجي زهور ابتسمت لها : طيب براحتك ، بس ترى الرجال للحين ما وصلوا جنات : اكيد هم الحين على وصول زهور : طيب انتبهي لنفسك طلعت زهور وبعد عشر دقايق وصلوا الحجاج الرجال وارسلت لسامي انها ما راحت مع الحريم لرمي الجمار عشان تروح معه وقال لها تطلع له طلعت وراحت له سامي : تقبل الله جنات : منا ومنك صالح الاعمال ظلوا ساكتين الاثنين مايدرون وش يقولون ومشى سامي ومشت وراه جنات لمكان متجمعين فيه بعض من كوادر الحمله والحجاج لما وصلوا اول شي رمى سامي وبعدها ساعد جنات بما أنه هذي المره الثانيه الي يجي فيها للحج بعد ماخلصوا انتبهوا لواحد من الكوادر واقف وماسك لافته عليها اسم الحمله ووقفوا لين ما صاروا مجموعه صغيره ورجع معهم للخيام دخلت للخيمه ومسكت لها كتاب من كتب الادعيه تقرأهم ولما خلصت بعد ساعه انتبهت للحاجات رجعوا ومن ضمنهم زهور الي قربت وجلست جنبها _ انتهى | ||||
|
| |
|
01-08-17, 09:36 PM
| #66 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 64 جلسوا يسولفون وهم ينتظرون يجون ويعلمونهم بأسماء الحاجات الي تم النحر عنهم دقت نوره على جنات وعايدتها وقالت لها انهم توهم راجعين وينتظرون اسماءهم عشان يقصرون ويحلون من الاحرام بعد ما تم النحر للحاجات قصروا واحلوا من الاحرام ورجعوا لمكه _ تاريخ ١٤ من ذو الحجه اليوم راح يطلعون من مكه ويتجهون للمدينه وكانوا طوال الأيام الي فاتت قليل شافت سامي لانهم كانوا منشغلين بالعباده وطبعا لما كانت في السكن طول الوقت جالسه مع زهور الي تبادلوا ارقام بعض و يسولفون أو على جوالها تكلم اهلها ونادرا هي وزهور يجلسون مع الثنتين الباقيات لأنهم خوات وانطوائيات . في الباص سامي قطع الصمت الي هم فيه : جنات جنات لفت له : هلا سامي : ممكن اطلب منك طلب جنات استعدلت بجلستها وبإهتمام : اكيد سامي سكت شوي وتكلم وهو حاس بغبنه وحاس أن دمعته بتنزل : ابيك تسامحيني على الي سويته فيك قبل سنتين جنات هي الثانيه تغبنت من ملامحه الندمانه والحزينه ونبرة صوته والدمعه الي عالقه بطرف عينه : مسامحتك سامي مسامحتك سامي ماقدر يمسك دمعته وطاحت لأن الشي الي سواه مو بسيط ، انتهاك شرف ، بسرعه صد ما يبيها تشوف دمعته جنات مدت يدها ولفت وجهه لها ومسحت دمعته الي نزلت وهمست له : ما تستاهل تنزل دمعتك على هالشي دامك صلحته ، يكفي انك اعتذرت من ربك وندمت وتبت وان شاء الله أنه يكون قبل توبتك واعتذارك ، وغيره مايهم سامي سحب يدها وباسها : والله ما استاهلك ي جنات " سكت شوي ويحس أن روحه بتطلع مع الكلمات الي تطلع منه " اذا ، اذا تبين الطلاق وتحسين أنه أفض...... جنات قاطعته بسرعه : لا تكمل ، إن شاء الله حنا راح نفتح صفحه جديده وننسى كل شي سيء صار قبل ونعتبر أن زواجنا توه بدأ سامي ما استوعب كلامها وكان يطالعها للحين جنات ضحكت : شفيك تطالع كذا ؟! سامي : تتكلمين من جدك ولا تمزحين ؟! جنات ابتسمت له : لا من جدي _ طبعا قضوا أيامهم في المدينه وكانت حلوه بس فيها شوي لحظات متكهربه بسبب عدم التوافق الكلي بينهم ، وطبعا مافيها كلام غزل ولا شي زي كذا لأن لسى جنات ما استعدت لهاشي . بعد ٣ ايام يعني آخر يوم في المدينه جنات : سامي سامي : هممممم جنات : انت قلت لي قبل لا نقرر نروح للحج أننا نسافر كيرلا أو جورجيا أو أذربيجان " بمزح " العرض للحين مستمر ولا ؟! سامي حك موخرة راسه بإحراج : والله احس أننا تأخرنا على اهلي ، صار لنا اسبوعين مسافرين جنات : اي صح ، حتى انا اشتقت لأهلي اصلا سامي مسك يدها بإبتسامه : زعلتي !! _ انتهى ▶ | ||||
|
| |
|
22-08-17, 09:47 PM
| #68 | ||||
| بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
|
30-08-17, 10:04 AM
| #69 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 65 جنات ابتسمت وهي تسحب يدها بهدوء : لا شدعوه ، عادي نسافر بالإجازه الجايه أن شاء الله سامي : طيب شرايك نروح الإمارت ٤ ايام مع اخواني واهلك ؟! يعني جماعه وان شاء الله نعوضها بعدين بسفره لحالنا جنات ابتسمت بوناسه : اي اي تكفى خلاص نعتمد الامارات سامي ضحك : طيب خلاص بعد ما نرجع كلمي اهلك واذا وافقوا بحجز لهم جنات بحماس : بكلمهم من الحين سامي : كلميهم في الطريق الحين جهزي الشنط بعد ساعتين بنمشي جنات : اوه صح ، طيب راحت جنات تجهز الشنط ولما خلصوا راحوا للحرم لانهم بيمشون اليوم _ نقول بعد يومين كانو نوره وجنات في بيت جد اخوانها يزورون ام ناصر ( ام هنوف ) ويباركون لها زواج بنتها الثالثه الي كان في أيام الحج وجنات ما حضرته جا محمد وجلس معهم وجلسوا يسولفون ومن سالفه لسالفه وانفتح موضوع الزواج وان محمد ضروري يتزوج وأنه كبر وصعب بيحصلون له بنت عمرها مقارب له إذا طول وظلوا يهدرون لين محمد طفش محمد : طيب خلاص اخطبوا ، كل يوم تفتحون هالسيره ، امي وابوي وعماتي وعمامي وخالاتي وخوالي ، كلكم ، خلاص اقلقتوني ، كل واحد من جهه يهدر على راسي متى بتعرس متى بتعرس ، ارحموني ي خي ، مشعل قبل لا يخطب كان عمره ٣٣ وماسويتوا له كذا ، مدري ليش مستلميني انا ناديه : لان مابقي الا انت ، ها نخطب !! خلاص !! محمد : اخطبوا اخطبوا ، اذا بتريحوني من هالسيره اخطبوا طلع محمد من الغرفه وهو مقهور بس بداخله ابتسامه كاتمها وهم ضحكوا عليه وعلى انفعاله نوره بضحكه : ماعليكم هو يبي يعرس ، لو مايبي كان ما قال اخطبوا ، اعرفه انا لو مية سنه نجلس على راسه نكلمه بموضوع وهو مايبيه ما يوافق عليه جنات : يمه انا عندي ٣ بنات في بالي ، انتي تعرفي ثنتين بس الثالثه لا ، بس مدري عنك انا ، يعجبوك ولا لا نوره : منهم ؟! جنات : ميعاد وملاك صاحبات ريناد ، ميعاد نفسها اخت ياسر زوج ريناد نوره حاولت تتذكرهم : ميعاد السمره شوي ؟! جنات : اي نوره : والله حلوين واخلاق وماعليهم كلام ، طيب ومن الثالثه ؟! جنات : زهور ، البنت الي قلت لك عنها ، الي صارت معي بنفس الغرفه في الحج !! نوره : اي اي ، حلوه هي ؟! جنات : اي تجنن يمه ، اذا تبون تشوفونها وماتبون تحرجونها بزيارتكم لها ، اعزمها مره تجيني وتشوفوها ناديه : والله مهي شينه الفكره نوره : بس خالاتك بعد ام راكان وام فهد يبون يشوفونها بعد مايصير ما يجون جنات : يمه الله يهديك انتي بس بتشوفينها واذا عجبتك وتبين تخطبينها خذي معك خالاتي نوره هزت راسها بإقتناع : زين زين ، خلاص كلميها واعزميها _ انتهى | ||||
|
| |
|
30-08-17, 10:05 AM
| #70 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| Part 66 بعد ثلاث ايام عزمتها جنات وجت لها وعجبتهم كثير ومن باب السوالف عزمتهم على ملكتها الاسبوع الجاي وتفاجأوا وجنات قالت لها انها ما كانت تدري انها مخطوبه بس قالت إنها ما كانت مخطوبه بس كل شي صار سريع بعد ما رجعت من الحج لأنها ما راحت المدينه مثلهم ومثل بعض الحجاج وقرروا انهم يخطبون ميعاد الي داخله مزاج جنات وبقوه وتبيها لمحمد وقالت أنهم راح يخطبونها بعد ما يرجعون من الامارات الي راح تكون سفرتهم لها بعد بكرى _ الامارات تاريخ ٢١ من ذو الحجه رهف : مقدر اجي معكم عندي منال جنات اخذت منال من يد رهف وسحبت عربتها وقربتها من سياف وحطت منال فيها : انتبه لبنتك البنت تبي تتمشى معنا ومبتلشه فيها ، دام ماعندك شي امسكها عنها ابتسمت له من ورى النقاب ومشت مع حريم اخوانها وريناد ونوره سياف يناظرهم وهم يبتعدون ورافع حجاجاته منصدم لأنه مايعرف يتعامل مع البزران عبدالله ضحك على تعابير وجه سياف وارخى واخذ منال الي صار عمرها ٤ شهور وصاحيه بس ما يبونها لأنها مزعجه عبدالله صار يلعبها والرجال كلهم جالسين ينتظرون يخلصون الحريم من تسوقهم في المجمع كالعاده . في الفندق قرب سامي من جنات وباسها على خدها وهو يمسك يدها ويهمس لها : انبسطتي ؟! جنات ابتسمت له وهي تهز راسها : اي كثير سامي : عساه دوم جنات بعدت وحطت راسها على رجله : تدري !! ما كنت متوقعه ولا واحد بالمئه أن علاقتنا راح تتحسن وتوصل لهذي المرحله سامي ابتسم لها : ولا انا جنات غمضت عينها : مدري ، يمكن كلام محمد اثر فيني وصحاني من أشياء كثير انا كنت غافله عنها ، الي خلى علاقتنا تتحسن بهذا الشكل هو اختيارنا لطريق بداية زواجنا ، واننا اخترنا عبادة وركن على سياحه ووناسه ، مع أن كنت بتغلب على كرهي في لحظه وبختار واحد من البلد الي كنت مقترحها أننا نزورها وبقولك خلنا نروح عشان بس ابي انبسط ، بس مدري ليش رفضت وقلت ما ابي اسافر معك ، يمكن عشان ربي كاتب لنا هالحجه عشان يتصلح الي بينا ، اخترنا تطهير ذنوبنا ونفوسنا وقلوبنا ، وهذا الشي الي ساعدنا على نجاح العلاقه ، وبعد الله سبحانه يجي محمد الي وعاني والي لولا كلامه بعد هداية الله لي كان الحين انا جالسه في بيت ابوي انتظر ورقة طلاقي سامي تنهد : اكتشفت انك نعمه المفروض احمد ربي عليها كل يوم ، ف الحمدلله حتى يبلغ الحمد منتهاه جنات فتحت وقامت من رجله وتربعت بإبتسامه : وبكذا نقول طوينا صفحة الماضي ؟! سامي ابتسم : طويناها _ بعد سنتين ونص ٤:٢٠ م سامي : حمودي حبيب البابا روح لعمو عبادي واجلس مؤدب ، طيب ؟؟ بنروح انا والماما مشوار قصير وبنجي _ انتهى | ||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
