آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-08-17, 04:47 PM
| #11 | ||||
 
|  سلمت أناملك أختي 💚💚 رواية اسمها مميز ، وأحداثها شيقة و رائعة جداً ،وكنت اعتقد أن عناد هو نفسه راكان وأنه قام بتغيير اسمه لكي لا يعرفه أحد من أهله عند البحث عنه ، ولكن باءت توقعاتي بالفشل ولم أفهم الى الآن قصته ، وإنني أشعر بالرهبة من أن يكون راكان هو صديق أخو لتين السكير ، أتمنى ان لا تتأخري علينا بالبارت التاسع 💓استمري لكِ مني جزيل الشكر 💜 | ||||
|  |
|
18-08-17, 08:03 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| ( الـبـااارت الـتـااااسـع ) : : : ،سكرت السمااعه وطلعت للمكااان اللي قالـه لههها وانصدمت وهي تشوف فيصل واقف وقدامه طفله جمييلهه ام التسع سنين وحامله بيدها لعببه صغيره،،قـربت أكــثتـر لـهم وهي تقوول بهدوء:فيـصـل مـنـو هاذي؟؟؟،،، "فيصـل بهـم:بنـتـي!،،، ".. ''أم راكان بصدمه:بـنتــكك؟؟!!،،،وهالـ� �بـر يافـيـصل،،،".. ..كـانت الطفله صاحـبة العـيون الـواسعه الـرماديه الممتلئه من الدمـوع تنقـل نظراتها مابيـن آبـووها وآم راكـاان بحيـرهه وتحـاوول تستنتج مــن تـكوون هالحرمــه!!،،هـي جـدتهـا او عمـتهـا!!،، او مــن!؟؟؟... "فيصـل:أنـا مسـافر ضروري ..سكت ثواني ورجع ينطق بهم وضيق:تعـتبرينها لـتــيييـن ياام راكـان لـين ارجع من السـفر!!".. "ام راكان وطاري لتيين جاها على الوتر الحساس؛نطقت بحب حقيقي للطفله وهي تآشر لها تجي:تعـالي ماما تعـالي عنـدي".. الطـفله رفعت عيونها لآبوها كآنها تطلب الآذن مـنـه شافت آبوها يهز رآسه لها تحركت ببطـئ لـها وهي مازاالتت تناظر لعيون الحـرمه ببرآئه كـآنها تطلب الآمـان منهـا،،ضمتها ام راكان لصدرها ونطقت بكل بحب وشوق تحمله للتيـن:شـنـو اسمـك يـمه!!؟؟"... "نطقت الطفله بتوتر:اسس ..اسسمممي..وو..وسن..".. "ام راكان بحب لهاشالتها وضمتها لحضنها:تدرسين؟؟،،" "وسن:آيه انا بالصف الـرابـع..ناظـرت لابوهـا كآنها تسآله مـنـو هاذي!".. "نطق فيـصل بحـب لها:هاذي خالـه ام راكان".. "وسـن ببرآءه:بس هي مـو خيت ماما خيتك بابا".. "ضحكت ام راكان ونطقت:عاادي يممه ناديني اللي تبين خاله او عمهه او حتى مامـا ".. "ابتسمت وسن وهي تضم العروسه وتنطق:بابا وينو جدو محمد وتيتا مزنه".. ناظر فيصل لام راكان ونظرااته تطلب فيها المساعـده تكلمت ام راكان:روح يافيصل انا رااح اتصصرف".. ودعها وهو يححط ظرف بالشنطه المايله على ظهر وسن ونطق بهم:ترااها أمـااانه عندك يايُسرى لاحد يآذيها أو يهاوشها لاتناام الا عندك..قرب من ام راكان وهمس لها بكلمات بلمت وانصدمت من سمعتها ام راكان ودعها وانطلق من حيث ماجاء".. "نطقت وسن بخوف وهي تشوفه يبتعد:بابا بيروح فيينن؟؟.." "ضمتها ام راكان ومنعتها من انها تشوف ابوها مبتعد نطقت بحب أمومي:تعالي معي ماتبين تشوفين جدك وجدتك وعمامك!!".. "رفعت عينها الرماديه لها وهي تنطق بخوف:بس بابا ويينو لييش راااح!؟؟".. "ام راكان بهم:بابا مسافر عشان عنده دوره بشغله ويرجع ان شاءالله".. "وسن ببرآءه:يرجع صح خالـتو".. "ام راكان وهي تبتسم لها وتمشيها معها:اي صح حبيبتي".. --- "اما عـند مـؤيد اللي طلع من مجلس الرجاال وهو مو مهتم للوضع اللي هم فيه،،،او بالأصح واثق من جرااح مايخطئ على أحد بلاسبب كييف لو انه من كااان صدييقه قببل،،ابتسم باستهزاء وهو يطلع الجوال الوردي من مخباة ثوبه فتحه وكانت صورة خالـه فـهد معروضه على الشاشه "ابتسم وهو ينطق:اششوى انها ماحطته عرض الشااشه بعد"،،شاف فهد ولد صالح يلعب بعيد نادااه وجاهه" نطق مؤيد بابتسامه خداعه:فههود انت رجاال صح،،شافه يهز راسه وينطق بصوت واثق:اتييد رزاال"،،"ضحك مؤيد وقال:لو اعطيك مهمه تنفذها بدووون ماتقووول لاحد اني انا قايل لك!؟؟،،،فهد وهو يطق الصدر وبحماس طفولي:ابثثر"،،،"ضحك هالمره صدق على كلامه وفتح يده وحط الجوال بيده:خـذ هالجواال و ادخل عند الحرييم قل هالجواال من له لقيته طايح بررا زيين يابطططل"،،شااافه اخذ الجوااال وانطلق صوووب الحريم زفر براحه وابتسم بشر على الفكره اللي جت بباله"،،، --- انطلق بطفولته حامل معه الجوال بيده وهو فرحان مؤيد العصبي يمدحه ويؤكله بمهمه صعبه عنده لانه يبي يكذب وامه معودته على الصدق دخل عند الحريم وهو يتلفت لين شاف عمته شهد معهم انطلق لامه وهو يقول :"ماما هاذا الجوال مادري لمنو لقيته طايح على الارض"،،حطه بيد أمه وانطلق يعلم مؤيد بكل فخر وهو يضحك عليه ويكآفئه بشوكلاه،، دلال باستغراب وهي تمد لشهد الجوال:خـذي جوالكك يقول فهود لاقيه طايح برا،،شلون لو نسيتيه هنا لايكون فيه صورك!؟؟،، اخذت شهد منها الجوال وهي حاقده على مؤيد مسوي نفسه بريئ ومرسله مع فهود"هيين يامؤيد"نطق بضحكه:مااافقـدته تصدقيينن كملت :لا مااصور فيه نفسي كله صور ابوي واخواني،،،، تالا:هههههههههههههههههههه� � غريبه منننك اللي اعرف مستحيل يطيح جوالك من يدك،، شهد بقهر:عاااد تغيير الوووضع الحيييين،، ماهي دقاايق الا وتـدخـل ام راكاان وبيدهـا طفـله قليله كلـمة جمـيلـه عليـهـا الكـل يطـاالع لههـا بدهـشه ويتسآئل "مـنن هالطـفله المـلائكيه اللي بيد ام رااكااان"،،،طـنشت دهشتهم وهي تتجهه لعمتها مـزنه الجالسه بصدر المـجـلس ومازالت مطوقه الطفله بيديها حطت الطفله قدام الجـده ونطقت بهم":طـلـبتكك ياعـميمه انكك تسامحينه عشااان هالمسيكينه الا ماالها ذنب بشئ طلبببتكك ياعميمه".. "الـجـده بجزع وهي تنفض يدينها:وش بـلاااكك ياام راكـاان ومـن هالبنت!؟؟،،ومـن اسااممح عشانها!؟،،".. "ام راكـاان وهي تحاول تفهم الجده:هاذي وسن بنت فيـصل أمهـا مريضهه وماعندها أهل غيرنا".. "الجـده تهز رآسها بهم:لاحـول ولاقـوة الا بالله..سواها سواها وتزوجها ونفذ اللي برآسه".. "ام راكان محاولة لتهدية الجـده:صار اللي صار هاذا الواااقع لازم نرضى فيه والبنت كآنها يتيمه امها مريضه بفراش الموت وابوها سافر تكفيين ياعميمه عشان هالمسكينه عدي الموضوع على خيير".. "ناظرت الجده بالطفله اللي واقفه بحيره قدامها وتناظر لها بنظرات بريئه تبحث فيها عن الآمان مسحت على رآسها وباست جبينها وهي تنطق:خليها عندكك هالاسبوع ياام راكان".. "ام راكان بهدوء:هي بذمتي ليين يرجع ابوها".. "الجـده بهم وغبنه:رااح يطررردهه مثثل ماطلع غيرهه ياحسسرتي علييكك يافيصصل".. جـت بنتها منيره واختها نوره وحريم عيالها بمحاوله لتهدئة الجده وان الجد مستحيل يعيد سالفه راكان ولتيين ويطرررد ولددهه".. اما وسـن الكـل رحـب فيها وحبهـا من جـهة الحريـم والكـل يدعـي ان الجـد يستقبلها بكل حب واحتراام لها ولابوها"... .."بـعد سـاعه الكـل ركـب سيارته وتوجهه لبيته ومازال الجـد مو عاارف عن وجوود الطفله بينهم".. ---- | ||||
|
| |
|
18-08-17, 08:15 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( جـرااح ) ركـبت سيارة الشرطه وانا اضحك باستهزاء على حـال القـدر آخـر شئ تـوقعتـه غـدر الصـديق اللي ياما غطـيت عليـه وعلـى أغـلاطه بالأخير يطـعنك ويتزوج حبيبتـك ويعيل منها ويشتكيك على غـلط سـوااهه..تنهدت بضيق على حاله ونطقت بصدري( انت اللي بـديت يا ياسـر تحـمل اللي راااح يجييـكك منـي ).. اسمـع الشـرطيين اللي قداام يتساسرون وطبعا كله عني بعد ماعرفوا اني محـاممي معرووف عمـري ماغلـطت بقضيـه مسكتها على رغم ان لـي ثلاث سنـين بالمحاماه الا اني مسكت قضايا كثيره وخطييرهه ...رجـعت رآسـي لــورى وانا اتذكر وش صـار قـبل ثلاث ساعات من الان.. #فـلاش بـااااك# طلـعت من الحمـام وانا امسح رآسي بالفوطه اللي بيدي سمـعت صوت رنين جـوالي اتجهت لــه وعصبت يوم شفت الرقم (رصيت على سنوني وانا انطق بعصبيه:اكيييد انهه مسوي لها شئ بعدد هييين ياياسر مانفع معك الضرب )،،فتحت السماعه وانا اسمع صوتها الهادئ وبنفس الوقت الخوف مسيطر عليها:الـووو جرااح،،، اخ يالصـوت وصاحبته ياحـلو اسمي وهي تنطقه طنشت مشاعري ونطقت بهدوء مماثل هدوئها:هلا سـ ...هلا ام شههد،،صااير مععك شئ؟،، نطقت بصـوت خايف: جراح ياسر راح بلغ عنك ومعصب ويتوعد فيك انتبه على نفسك وعلى عمي لانه شكله يبي يدخله بالسالفه،،، ابتسمت(يعني خايفه علي ياروحي)نطقت وانا احاول اهديها:ماعليكك ياام شهد خليه يسوي اللي براسه مااحد نادم غيره لا تنسين انا محامي واعرف اتصرف ،،سكت ثواني وكملت بهدوء:تـبين الطلاق منـه ياام شهد؟.. نطقت بحيره وخوف:اتمـنى بس ماابي عشان شهد،،، نطقت وانا احاول فيها:شهد راح تكون معك تطمني ماراح تجلس عند ابوها بعد مايمسكون عليه قضايا كثيره بس انتي فكري بحالك وبالضيم اللي عايشته تتطلقين وبنتك معك تعيشين بييت خالي معززه مكرمه،،، ماسمعت ردها ونطقت وانا احثها على الجواب:هااه شقلتي ياام شههد،،، نطقت بتردد:اذا كاانن شهد تبقى معي انا ابي الطلاق،،، ابتسمت وحمدت ربي ماحد حولي يشوف ابتسامتي اللي حسيت اني نذل بس كل مقصدي اساعدها نطقت:الله يكتب اللي فيه خير لك،،. نطقت وهي خايفه مثل عادتها:مشكور جراح تعبتك معي باااي،،، نطقت:افا ياام شهد لاتعب ولا شئ ولو تستاهلين انتي وشهوده ..انتبهي على نفسك وقفلي الباب عليك عددل ..بااااي،،، سكرت من عندها وانا ابتسم (اخيييرا قررب اللقااء فيييككك ياروحـي)... ومن بعدها سمعت صوت الشرطه برا وطلعت لهم،،،، ------ فـرنسـا بالعاصمـه بـاريسس جـالسـه وهي ضامه مذكرتها اللي راح تعرف منها مـن هي..!؟؟ وهـل هم اهلها او لا..!؟؟ ومـن اخوها الصـدق مششعل او رااكانن..!؟؟.. نـاظرت لأختها ليـان وهي تجلس بجنبها بمرحها المعتااد نطقت:شفييها الحـلوهه تفكـر وتهوجسس بمـنو هاه وهي تغمز لها بعينها،، ضـحكتت لتـين وهي تقـول بجديه:ليان انا احس اني ماني بنتكم،؟؟لييان انا منــوو،،. ليـان بخـوف:انتـي اختي شفييك وامي امك وابوي ابوك ومشعل اخووك،، نطقت لتين بحيره:طيييب وراكـااان اخوي؟.. ليان باستغراب:راكان صديق مشعل ماهو اخونا،،ليششش تسآلين عن الماااضي،، لتـين وهي تصـرخ :لـيااااان مـننووو انااا تعبيت بعرررف هوييتي لييييييشش مااتذكر الماااضي لييييييشششش،،،،تكفيييين لياااان ساعدييني مـو انتي اختتتتي ساااعديني تعبت لييااان احسسن ماااني مرتااااحه هنااا ابي امممي احسسس بشوووق لهااا ابي اعرررف منو انا تكفييين ليااان ساعديني،،، ليان حمدت ربها ان امها وابوها طالعين والاهم مشعل مو هنا نطقت بحسره على حالها:لتيين هدي ياقلبي رااح اقوولكك كلل شئ،،واسااعدك لييين تتذكرين!،،، لتيين بهدوء:قـولي لي صح انا ماني بنتكم صح؟،،. ليـان بهدوء:انتي اختي بالرضاعه ومشعل اخوك وامي وابوي يكونون امك وابوك بالرضاعه بس بالحقيقه انتي عندك اهل غيرنا من سنه وشوي فقدتي الذااكرهه انا ماادري شنـو صاير معك يالضبط بس اللي اعرفه جانا عمي عم ابوي وهو يكون جدك تتذكرينه اسمه محـمد ؟،، لتيين بضيااع:لاا مااعرفه مااتذكره بس كملي وش صار بعد؟،،، ليان تكمل:جانا عمي محمد معصب وكلم ابوي بكلام ماادري شنو كان بس اللي اعرفه كان معصب وانتي معه وكنتي مضروبه من كل جهه اللي اعرف كان ناوي يرميك بس ابوي وامي اقنعوه تسكنين عندنا لاننا اهلك الثانين.. قاطعتها لتين باستغراب:ليييش يبيبي يرميني وش سويت انا؟؟،،طيب امي وابوي وعايلتي وينها ؟؟...عندي عايله،،؟.. ليان وهي شوي تصيح على حال اختها:انتي عندك ام واربع خوات واخو وابوك متوفي الله يرحمه وعندك اعمام وجده وجد وبنات اعمام تكفييين تذكري لتييين ابي اسااعدكك،، كملت وهي تصيح:لتييين انا ادري ان مششعل مضاايقكك ودايم يتحرش فييكك تكفيين لتيين اهربي عناا روووحي لعمتتك عمتتك منيره هنا ساكنه قرييب منا وعمتتك طيبه وزوجها طيب راح تستقبلك تكفيييين لتيييين اهربي وانا اساعدكك بس مششعل لايسوي فييك شئ،،.. لتيين وهي شبه منهاره :ليان انا اشوف حرمه كبيره بالسن وطيبه بس ماادري مييين تعبت لياان تكفيين ابي اتذكر ليييش مااتذكر،، ليان بخوف انها تنهار ماتستفيد شئ يمكن يزيد عليها الانهيار:لتييين شرااايكك ترتااحين بكرا اكمممل لكك انا معكك لاتخافين ماراح اخلي مشعل يقرب صوبك لاهو ولا راكان،،، لتيين وهي تصرخ وتصييح بانهيار:تعبببت والله تعببت ابي اعرف نففسسسي نططقت بقهههر (سااااااممممي)... ليان انصدمت من ذكرها هالاسم:لتين اهدئ تكفيين والله رااح اسااعدكك تكفييين،،،، شربتها ماء وحاولت فيها تنام وتهدئ بس مازالت تهمس بكلمات غير مفهومه وبين كل كلمه وكلمه تنطق سامي،،،.. ------ بالريـااض الـكـل رجـع لبييتـه ووسن رجعت مع ام راكان عشان مايشوفها الجـد وينصدم لازم تستدرج له موضوعها،،، ،،ببيت العـم فـهد،، دخلت شهد غرفتها وهي تحس بتعب وارهااق تبي تناااام بعد تعـب السـيااارهه اخذت لها شوور عالسريع وانسدحت على السرير وهي تطقطق بجوالها ماحسست الا بدخوول ابوها المفآجـئ استغربت وشهقت بصدمه:إهـئ يـبـه.. دخل ابـو محـمد بكل هدوء وهو يحاول يسيطر على نفسه وسكر الباب وراه هنا خافت شهد ان مؤيد كلمه بالموضوع لانها اول مرا تشوف ابوها كذا ويدخل بدون اذن ..تقدم وجلس على الكرسي الموجود قدام التسريحه ونطق بهدوء:شههد مؤيد ولد خالتك منيره طالبك مني وأنا واخوانك نشوف انه من خيرة الشباب .. شهد :بس يبه انا ماابييه ... ابو محمد بهدوء يخوف: عطيني السبب ؟؟ شهد بتوتر: كذا يبه ماافكر بالزواج نهائي وبعدين توي صغيره وابي اكممل دراستي،، ابومحمد بصوت حاااد:بس انا اشوف هالسبب مو مقنع عاادي تزوجي وكملي دراستك ياكثرهن البنات اللي كذا،؟واتوقع مؤيد مايعيبه شئ.. شهد بخوف من صوته الغريب بالنسبه لها لانها دلوعته اللي مايرد لها طلب ولا يغصبها على شى:بس يبه مؤيد للحين طالب ماكمل دراسته كيف يصرف علي.. انقهر ابو محمد وهو ينطق بصوت غاضب:لييييش ياششههد ليييشش تخيبيين ضنني فيييكك ليييشش انا عطيتك الثقه لييش تخوفيني ياشههد ماتبين مؤيد عششااننه عششان الغريب اللي خدعك ياشههد،،، شهد بخوف حقيقي وتوتر :يـب..ييييبه..شش..ششقاعد تقووول ماني ففا ..فااهمه!؟؟.. قرب ابو محمد منها بقهر وعطاها كف ولا اكتفى فيه عطاها كف ثاني وثالث ورابع وهو ينطق بفحيح غاضب:عطييني جواااالكك يالحيواانيهه هاذا جزااهه مؤيد يبي يستر علييككك ويتزوججكك وانتي للحيين تركضين ورى الغريب اللي قاعد يخدعك من متى ياششهد ولييش تسوين فيني كذا ليييش؟؟؟؟. شهد وهي تصيح بقهر:يبه اقسسم لكك ماسويت شئ غللط لا تظلمممني والله ماسويت شئ غللطط... قرب لها اكثر وهو منقهر انها تحلف وهي تكذق شد شعرها بقوه ورماها على الارض ونطق بعصبيه وصوت غاضب ومقهور:مؤيد غصبن علييكك تتزوجينه ولو يبييكك الليله قبل بكره عطيتك اياه بدووون مههر لانكك ماتستاهلينه وجوااللكك هااذا انسيييهه فاااهمممه خسااره خساااره تربيتي فييييككك خسااارهه ياششههد... شهد وهي تشاهق بقهر:يببه والله ماسويت شئ تكففقى لا تهدم حياتي مع مؤيد ماابيه مابييه.. صرخ ابو محمد بقهر وهو ماسك قلبه ويجلس:ليييشش تبيينه هو تبيينه ياقليلة الحييا تبييننهه تف علييكك من بنننت ..حسبي الله عليييك ونعم الوكييل كاان تبيين تفضحييني على اخر عمري....صرخ ب :آاااااااهه مغبـوونهه.. صرخت ششهد وهي تقرب له:ييييببهه فيييكك شى يبييه ررررد علللي.. شافته يطالع لها بقهر وهو ماسك قلبه ولاينطق بكلمه ..طلعت من غرفتها طيران للصاله تحت شافت الكـل موجود فيها الا زوجة اخوها صالح صرخت بخوف :الحـقوووووووووني ابووووي مااادري شفييييهه طااااح وهو مااسكك قلببهه..محححممممممد الحقققني تكففففى.. ......... : : : ( نهـااية الباارت التاااسع ) #توقعااتتكم 😻 | ||||
|
| |
|
19-08-17, 03:22 PM
| #14 | ||||
| كإنه البارت قصير 💔😭.بس رائع 💜 🙈🙈شهد اعتقد انها مظلومة وبتوقع أنه بتكون تكلم اخوها أو اخوها بالرضاعة ومؤيد بيزوجها وبيعذبها وبعدها بيعرف انها كويسة وأب شهد بيموت أو بتصيبه غيبوبة أو جلطة قلبية 😂 ولتين محيرني أمرها هالبنت 😶يعني بتوقع أنها اخت راكان 😑أو حبيبته .والله مش فاهمة قصتها سلمت أناملك أختي ويتمنى ما تطولين علينا بالبارت العاشر 💜💜😊 | ||||
|
| |
|
20-08-17, 06:32 AM
| #15 | |||||||
| الـسلام علـيـكم ورحمـة الله وبـركـااته.. بدايةً آعتـذر أشـد الأعتـذااار عـلى عـدم تكـملـتي لـروايه ب هاذا المنتدى الـرائـع..لآنـي نسيت البـاسوورد وبعـد محـاولات تـذكـرتـة .. : : آشـكرك كُـل الشـكـر أخـتـي لامارا على نـقـل روايتي لـكِ جـزيـل الشـكـر 🌹🌹 وأكـرر آسفـي الشـديد لـكم..☹ .. أخـتكـم:smtalklam7 | |||||||
|
| |
|
20-08-17, 01:29 PM
| #16 | ||||||||
| اقتباس:
يسلم مرووركك يالغالليهه🌹🌹 هههههههههههههه عناااد رااح تتضح سالفته البارتين القادمه ان شاءالله...راح يتضح بعد رااكاان منـو😉 شااكررهه مرووركك وتوققعكك الجمييل😻🌹 | ||||||||
|
| |
|
20-08-17, 01:35 PM
| #17 | ||||||||
| اقتباس:
ان شاءالله البارت الجاي راح يكون طويل شهد راح يتضح بالبارت الجاي هي مظلومه او لا☺ موووتي الرجااال ياقااسيه هههههههههههه لتيين لو ركزتي اكثثر كان فهمتي هي شتقرب لراكان😉 البارت السبت بإذن الله اسعدتيييني بمرورركك وتوقععااتكك الجمييللهه🌹♥ | ||||||||
|
| |
|
27-08-17, 06:09 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| : : ( الـبــااارت الــعــااااشــر ) : : شافته يطالع لها بقهر وهو ماسك قلبه ولاينطق بكلمه ..طلعت من غرفتها طيران للصاله تحت شافت الكـل موجود فيها الا زوجة اخوها صالح صرخت بخوف :الحـقوووووووووني ابووووي مااادري شفييييهه طااااح وهو مااسكك قلببهه..محححممممممد الحقققني تكففففى.. ماهي ثوااني الا الكـل متـواجـد بغرفـة شهـد "محـمد يقرب من أبوه وهو منصدم من حالته:يـووووبه شفيييكك..تسمعني يوووبه!!..".. "نطق ابو محمد بتعب وصوت شبه مسموع:امنتك الله يامحمد لو يصير لي شئ لا تزوج اختك الا مؤيد".. "نـطق صالح بخوف عليه:اسم الله عليك يبه شفييكك مـنن اللي خلاااكك بهالحاله!،.." "ناظـر لشهـد نظرااات تحمل كـل معاني الخيبه والحسـره ونطق بتعب:اختـكم اختكم يامحمد وطت رآسي بالارض قدام ولد اختي ..مسك قلبه بقوه وهو يسند راسه على الكرسي اللي وراهه وانقطع صوته.." نطـق سعـد وهو يتقدم لابوهه ويحركه:يووووووبه يوووووبه ..ماكاان فيه اي ردت فعل من ابوه..نطق بشبه صرااخ:محححمممد شييللله مععي للسياره.."شالوهه سعد ومحمد للسياره.. ( شــهـد ) من أول مادخل علي أبوي الغرفه وانا احسس من ورى نظرااته شئ بس ماتوووقعت ابوي يغصبني على شئ كيف على الزوااااج ومن مـوؤيد بعععد اللي اكـرهه من طـفولتـي انصدمـت انـه كـذبنـي وصـدقه..حسييت وقتها بحقد وكرهه لمؤيد وحسسره على حالي وحال ابوي اللي طاااح بسببي ماحسسيت الا بنظرات سعد قبل يطلع حامل ابوي اللي لو تقتل كآن قتلتني فزيت بخووف وانا اشوف صااالح يقرررب مني والششر ماالي عييوووننهه لا يااارب الا صااالح لايقرررب صوووبي اعرفه ضرربه قوووي ومايرررحمم قرررب منـي وعيونه تتطاير شرر وغضب علي نطق بصوت غاضب وحاقد بنفس الوقت: "لـو يصـيير بأبوووي شـئ والله ياحقييـرهه ماتباتيين الليله سااالمـهه"... زفـرت براااحه وانا اشـووووفه يـططلع بس سرعااان ماتبدلت الراحه بخـوف وقهر وانا اشوف امي تقرب مني وتعطيني كـف بأقـوى ماعندها ودي اصرخخ وأقوول( والله مظـلووووومه ) بس مااني قااادره انططق بحرف..مااكتفت امي بالكـف نطقت بصوت غاضب وهي تمد يدها لي:هااااتي جوااااكك يالحقييرهه تسودين وجيهنا على اخر عمرناا كنت شاااكه فيكك بس اقووول بنتي ماتسويها..سحبت الجوواال من فوق السرير وهي تقول بكرهه:ليييييتتتكك متتتتي يوووم جببتتكك..."..طلعت من الباب ولا حسست بالحطاام اللي تركته ورااها لااا يمممه تكفييين الا انتي صدقيني انا بنتك مستحيل اسوي الغلط مستحيييييل بس ماقدرت انطلق بكلمه وتفكيري كله بأبوي ( ويلي من الله طلعت قااااسييهه ذبحححتت ابووووي وزعللت امي واخواااني) يااارب ارحمممننني باااقي محمد يلا تكففى تعاااال عاقبني بس لاتعاقبني بالحـككي يكفي تجريييح اضررربني اقتلني وريحني لوتبببي بس لا تجرحني بالحكككي ... شفته يدخل بس ووراهه عبير زوجته غمضت عيوووني عششان مااشووف يده وهي تنمد علي ونزلت رآسي بحسره..ماحسسيت الا باللي ينطق بهدوء وصوت حاني وهو يرفع رآسي:"افـتحي عيووونكك وآرفعي رآسكك انا واثق فيييككك اعرف اختي مستحييل تسوي الغلط ادري فيه سبب مخلييكك تكلميين..". فتحت عيوني ودموعي تنسكب بحريه على جفوني رميت نفسسي بحضنه وانا اصيح واشاهق:"والله محـمد مااغلطت والله مااسوي الغلط لو على مووتي تكففى محمممد لاتصصدقه هو فاااهم غلللط والله فاااهم غلللط تكفففى مححمد..." نطق بصوته الحاني:"ششهد انا مععك مثل ماقلت لكك بس لاتكسريني ياششهد قووولي لي الحقييقهه تكفيييين وريحييني..".. نطقت عبير بهدوء:" شـهـد ترا عمـي مهما كاان يحـبك وماسوي هالشئ الا انه خاايف عليك حتى مااكان ناوي يقول بس صار اللي صار..".. نطقت وانا اشاهق":مااقققدر اقووووول والله مااقدددر انا انا..لااا لااااااا والله مااققددر جـدي رااااح يذبحححنا اذا تكلمممت لااا.." محمد وهو يمسح دموعها وينطق بحيره:"مـنـو يذبببح!؟؟..ليييش تقووليين هالكلااام!!؟؟. انططققي ششههد وريحييني."... شــهـد بخوووف وانا انقل نظراتي بين محمد وزوجته:" امننتكم بالله ماتقوووولووون لاااحد لو ظلموووني لو زوجوووني غصصب بس لاتقوولووون انااا وعددتتتهه يببقى سسسر انا انا اكللللم ............".. شفت الصـدمه بعيووون عبيير والصدمه والراحه بعيووون محمد نطق وهو يضمني :"الله يططممن قلللبببكك مثل ماريحتيني ادري انكك قد الثقه بس ليييش ليييش ياششههد ماطمنتي قلب ابوي لييش لو صاار له شئ الحيين وش راااح يفييد سكوووتتكك .." نطقت بخوف على ابوي:"لاتقووول كذذا مااقدرت والله مااقدرت خففت من جددي مااقدر".. نطقت عبير اخيرا :"محمد لاتقول كذا عن عمي ان شاءاالله مافيه الا العافيه اكييد صدمه وراح تعدي ان شاءالله..سكت ثواني ولفت لي وهي تنطق بتسآؤل وحنين:مـن متى ياششهد؟؟.".. نطقت:"مـن سنه وست شهور ".. شفتها تنزل رآسها وتبتعد طالعه من الغرفه ولحقها محممد بهدوء سكرت الباب وانا ارمي نفسي على السرير بكيت بققهر وحسسره:"ساااااااااامحححننن ي ياعناااد ماااقدرت ماااقدرت أحفففظ سسررركك سااااامححننني بس اووعددكك راح ابقييكك سسر عن الباااقييين لو ابوي زععل مني وامي زعلت وعاتبوني اخواني وتزوجت مؤيد راااح ابقيييككك سسسر مثثل ماووعدتتكك سااااامحححنننني ياعنااااد".. ------- بـالـريـاض بيـت الجـد الـجـده تنطـق بهدوء:"تذكـر ياابوفهـد البنت اللي كانت جارتنا بنت مساعد الصالح".. الجـد باستغراب:"وش جااب طاريها يامـزنه اتوقع قاطعينهم من سنين..".. الجـده بخوف وهي تنطق الكارثه:"شفت بنتهم سلمـى تزوجـها فيصل وعنده بنت منها".. ناظر لها الجد بغضب:" وش قااعده تقووليين ياامرره!؟؟..كيييف يتزوجهاا وانا حالف انها ماتصير حليلتن له؟؟..وشش اللي قااعده تخربطين فيه انتي؟؟ من اللي قايل لك هالعلم".. دخلت ام راكان وهي تحاول تهدئ الوضع: "لا يااااعم فيصـل ماأخذ سلمى!؟؟.".. الجـد بغضب:"اججل وش تققصد هالعجوووز خرففت!؟؟.".. ام راكان بهدوء:" صحيح فيصل تزوج ياعـم بس ماهي سلمـى".. الجـد بعصبيه وهو يضرب الأرض بعصاه:"مـن متى ياام راكان وليييشش مااقالتي لنا!؟؟ ومن هي بنته اللي لاعبه علييهه!؟؟".. الجـده بهدوء:"اهدئ ياابوفهد يسرى ماتدري عن ولدك الا امس جاب بنته ووصاها عليها واختفى مثل ماجاء لاتححط اللوم على ام راكان هي نفسنا مصدوومه منه".. ام راكان تحاول تحنن قلب الجد:"ياعمـي البنت متشوقه لشووفتكك وكل شوي تقول وين جدي محمد،،ماتبي تشوفها؟؟".. الجد وهو طالع من البييت:" لا تشووفها عيني ليين يرججع ابوووها".. ------ *خيانة الصديق سكين تصيب القلب فلا يبرأ* بقسسم الشـرطـه دخل بكل ثقه وهيبه مع الشرطي اللي كان يقوده مثل المجرميين دخل غرفه حافظها هالغرفه يتم فيها التحقيق مع المجرمين مو معه هو محامي كبير دخل بكل هدوء وجلس على كرسي التحقيق بدون اذن الضابط اللي كان لاف بكرسيه لورى ويكلم بجواله انقهر الشرطي اللي كان معه من جلوسه بهالثقه نطق:سيدي المتهم وصصل.. ضحك باستهزاء من كلامه وانصدم وهو يشوف الضابط لف صوبه وهو منصدم الثاني من وجوده هنا نطق الضابط وهو يبتسم باستغراب:"جـراااح شجاايبكك هنـا!؟؟.انت المحامي له؟؟!!.. ضـحـك جراح باستهزاء:"لا غـلطـان انا المتهم طاال عـمـرك..".. عـمـر بهدوء وهو يناظر لشرطي اللي واقف:"خالد يمكنك الانصراف الان".. انقهر خالد وهو يدق له التحيه:"امـركك سيدي." بعد ماطلع خالد نطق عـمـر:"جـراااح انت متأكد تعرف وشش متهمك فيه ياسر؟!!".. نطق جراح بحسره:" اي صديقي متهمني بالتعدي على حرمة البييت وضررربه ومحاوله الاعتداء على زوجته".. عمر نطق:"انا واااثق ان مالك يد بالسالفه وانت تعرف ياسر خبيث راح يورطك معه انا راح اشهد انك معي بذاك الوقت ".. نطق جراح بعصبيه:"لااااا مسستحييل انا ماارضى بشهادة الزووور وانا فعلا كنت هناااك بالوقت اللي قاله ودخلت بيته وضربته بس الاعتداء على زوجته يخسسى لانها بنت خالي ".. عمر بقهر:"جراااح المحقق راح يوصل بعد دقايق خلني ادور لك شهود انك معهم وتطلع من السالفه لاتندم ياجراااح".. جراح ببرود:"قلت لااااا يعني لاااا واذا فيها ندم مارااح يندم الا ياااسر".. عمر بقهر:"انا حذرتك وانت بكيفك ".. قبل ينطق جراح دخل الشرطي وهو يطلب انه يأخذه معه لتحقيق وطلع معه دخل الغرفه اللي كان موجود فيها المحقق والكاميرا صوت وصوره توصل للضابط والمسؤؤل عن هالقضيه.. دخل وسلم وهاذا نرفز المحقق والشرطي اللي كان متنرفز منه من قبل امره يجلس وجلس بكل هدوء نطق المحقق:"اسمك وعمرك ومكان عملك؟؟".. نطق جراح بهدوء وصوته الواثق:اسمي جراح عبدالرحمن النايف عمري 34سنه اشتغل محامي لي ثلاث سنين ومسكت اكثر من 25قضيه واغلبها قضايا خطيره.......".. قاطعه المحقق بعصبيه:"ماطلبت منك كل هالمعلومات اسمك وعمرك وعملك فقط.." ابتسم جراح كان ناوي ينرفزه اكثر وهو يمدح نفسه بس ماعطاه فرصه بسرعه عصب... كمل المحقق:"معرفتك بياسر صالح ال...."... جراح:"كااانت بيننا صدااقه ويكون زوج بنت خالي"... المحقق:"وش السبب اللي خلاك تتعدى على حرمته وتدخل بيته وتحاول تعتدي على زوجته".. نطق جراح ببرود:"الشطر الثاني من سؤالك غلط بالنسبه للشطر الاول زوجته تعتبرني مثل اخوها بما اني ولد عمتها ومتربي معها وحصل بينها وبينه مشكله وطلبت حضوري لان ابوها متوفي واخوها مختفي من سنتين ".. قاطعه المحقق:"وش اللي يثبت كلامك لييش طلبت منك انت بالذات ليش ماطلبت من اعمامها؟؟!!".. جراح:"قـلت لـك انا بالنسبه لها اخ وتقدر تتأكد من جوالها انها طلبتني وكان خالي معي مارحت لحااالي لها".. المحقق بهدوء:"انطق كل القصه ياجراح".. رجع راسه لورى بدأ يتكلم عن التفاصيل اللي صارت معه ... #فـلاش بــاااااك# قبل ثلاث أيام الساعـه 10:45م كان جالس مع خواله وجده وعيالهم بالمزرعه جااهه اتصااال وطلع من المجلس ابتسم وهو يشوف الرقم فتح السماعه وسمع صوتها وهي تبكي بخوف:"تكككككفىى جرررراااااح طلبببتتتككك تعااال بسسررعه ياااسر سكرااان وجااايب صااحبه معهه ويحاااول ..."ماقدرت تكمل وهي تصيح حس بالقهر والغيض مالي قلبه وصلت فيك لهدرجه ياياسر تجيييب الرجاال لبييتتكك لزوجتتكك يالحقيير نطق والغضب والحقد مالي قلبه:"ويينننكك فييه الحييين".. جاوبته بشهاق:"اننا بالغرفه قافله على نفسي وبنتي بس هو ناوي يكسر الباب تككفى الححححق علي ياجرااااح اتصلت على عمي فيصل بس مغلق جواله ".. نطق وهو يحاول يهديها:"انتي اهدي وحاولي مايقرب لك ولا لبنتك انا جااايك الحييين ".. اتجهه لسيارته بس شاف بطريقه خاله فهد اللي نطق بهدوء:"ووش فيها سميه ياجرراااح؟!!"".. نطق جراح:"شدراااكك خااالي؟،".. نطق ابومحمد بهدوء:"سمعت مكالمتك ويين راايح ؟؟!".. جراح بغضب":زوجها الحقيير جايب صاحبه وناوي عليها هو وياهه والمسكينه خايفه هي وبنتها".. نطق ابومحمد وهو يركب السياره بمكان السايق:"ارككب انا راااح اسوووق اخااف يصير لك شئ".. نطق جراح بغضب:"خااالي مو لازم ترووح معي؟!".. نطق ابومحمد بغضب مماثل غضبه:"لاتنسى ماانت بمحرم لها ووجودك لحالك عندها راح يكون محل شبهه لك ولها ووجودي معك راح يبعد الشبه عنكم".. هز راسه جراح بدون ماينطق بكلمه صح كلام خاله لازم وجود محرم لها...وصلوا وتوجهوا لشقتها ضرب الجرس بس مافيه رد اضطر خاله يكسر الباب وانصدموا وهم يشوفون المنظر اللي قدامهم كان صاحب ياسر جالس على الارض وهو شبه واعي وياسر بعد ماكسر باب غرفته كان يسحب بنته معه يبي ياخذها لصاحبه وسميه تجر بنتها لها وهي ضايعه وتصرخ عليه وصوت صياح بنتها مغطي على الجوء حس بغضب وغيره رجوليه وهو يسمع صاحب ياسر ينطق بكل وقاحه:"يااسر اتركك البنت ماابيها ابي امها شكلها كيكه ولك اللي تطلب اي مبلغ تبي"... قرب له وضربه كف وبقس بطنه بكل قوته مما خلاه ينحني ماسك بطنه بآلم ضربه بكوعه من عند رقبته من ورى سقط على الارض مغمي عليه من حركه جراااح ...ابتعد عنه وهو يقرب من ياسر نطق بغضب :"وشش قاااعد تسسوي يالمجنووون تبيييع زوجتك وبنتك لوااطي نفسسكك عششان الفلووس بنتتك شذنبها طفله بريئه تبي تنهي حياتها وحياة امها".. سمع صوته الكريه وهو يترنح بمشيته تارك بنته ومتجه لجراح :"انت وش اللي جااايببككك هنناا ؟؟ لف نظراته لسميه وبغضب نطق:"انتي اللي قلتيله يالحقيره وليش واقفه هنا والا عشان تبينه طالعه له".. ماحس الا بضربت جراح اللي ركله برجله على بطنه ونطق بعصبيه وهو شاد على بلوزته ورافعه فوق رغم ضخامته:"تحسسب اني وااطي وحقيير مثلك ومثل صاحبك استغل ضعف الحرمه يالنذل هاذي اللي امناك عليها تسوي فيها كذا.. رمااه على ظهره وبدا يسدد ركلات برجوله بشكل عشوآئي لجسد ياسر الملقى على الارض ماحس الا بصوت خاله اللي يآمر:"بس ياجراااح اتووقع اخذت حق سميه لاتذبح الرجااال ونبتلش فيه ".. ماكان كلام خاله الا زاده حقد عليه ورجع يضربه بكل حققد وقهههر بس توقف وهو يسمع صوت الطفله اللي صرخت":مااااامااااا لااااااا".. ناظر لجسد سميه المرمي على الارض لف رآسه مايبي يناظر لها وهي بالشكل ماتحل له شاف خاله يتجه لها ويحاول يسعفها وبعدها نقلوها للمستشفى وتمت يومين فيه ورجعت لبيتها رغم محاولات عمها فهد انها ترجع معه الا انها رفضت عشان بنتها تخاف تفقدها وتتركها عند واحد مايخاف ربه مثل ياسر.. #نهايه الفـلاش باااك# ناظر للمحقق وهو يكمل بهدوء:"هاذا كل اللي صااار وتقدر تتأكد من خالي ومن سميه وبنتها وياليت تبدأ تحقق مع ياسر وصاحبه".. ناظر له المحقق بهدوء:"عندك كلام ثاني قبل ينتهي التحقيق".. نطق بخفوت:"لاااا".. نطق المحقق :"تقدر تطلع الحيين بكفاله من الضابط عممر بس اذا احتجناك راح نطلب حضورك".. جراح:"اوووكيي".. قااام طالع وهو يحس بقهر وقرر ينفذ اللي دااار بباله دامه هو اول من بااع الصداااقه راااح يبيع صداقته برخييص ... ------ | ||||
|
| |
|
27-08-17, 06:11 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بالمستشفى .. طلع الدكتور وهو يشوف عيال المريض وزوجته قدامه اتجهه لهم ونطق بهدوء:"الحمدلله الوالد يتعدى مرحله الخطر جلطه خفيفه عدت على خيير بس محتتاااج الراااحه التااام وافضل انه يظل بالمستشفى اسبوع حتى نتأكد من سلامته".. نطق صالح :"يعني نقدر نشوفه الحيين يادكتوور؟؟".. نطق الدكتور:"اي طبعا بس لاتتناقش معه بأمور تعصبه وتطلعه من طوره".. نطق محمد:"شكرا دكتور ماقصرت".. الدكتور:"ولو استاذ محمد هاذا واجبي والحمدلله على سلامة الوالد "..تركهم ورااح اتجهوا للغرفه نطق محمد بهدوء وهو يبوس رآس ابوه اللي يناظر للسقف :"الحمدلله على سلامتك يالغالي ".. هز راسه بدون ماينطق بكلمه تقدم صالح منه وباس راسه ويده وتحمدله بالسلامه ومن بعده سعد وزوجة محمد عبير وام محمد زوجته.. كانوا يحاولون يتكلم بس كان صامت وعيونه تناظر للسقف جاء وقت الزياره ينتهي واستآذنوه طالعين الا محمد اللي كان راح يرافق معه اخيرا نطق ابومحمد بصوت تعبان:"رح خلك عند اختك يامحمد ابي صالح هو يبات عندي".. عرف محمد ان ابوه مايبي صالح يستفرد بشهد لانه راح يذبحها فضل انه ينفذ كلام ابوه وهاذا نرفز صالح كثير وبدأ يتوعد بشهد.. ------- ( سععد ) ماصدقت اطلع من المستشفى وكل تفكيري شلووون ششهد تسوي كذاا مستحيييل تسوي الغلط اعرفهها اختي واعرفها عددل؟؟بس مؤيد شدرااهه ووش اللي قاله لابوووي خلااهه يغصب شهد على الزوااج منهه؟؟؟معقوووله مؤيد يكووون له يد بالموضضووع؟؟؟والا يمككن صدق ششهد تكلم وتعرف ومؤيد عرف وحاول يبعدها؟؟؟بس شلون عرف؟؟ولييهه هو بالذااات؟؟؟..... ماصدق يوصل للمكااان المطلوب اكيييد انه متوااااجد الحييين هييين يامؤيد والله لاتندم لو لك يد بهالموضوع....دخل الاستراحه وكله شرر ... ----- “عندما سُئل محمود درويش عن لونِ عينَيْها قال : لا أدري في كلّ مرّة أتأمّل عينيها أفقد الذّاكرة”، بـاريـس السـاعه 10:45ص كـانت تمشـي بحـرم الـجـامـعـه وهي ضـامه كتبها لصدرها ومنـزله عيـونها تـحت تفكر بكلام اختها وتحـاول تتذكـر أهلهـا ومـنـو هـي بالضبـط ماحسـت الا بكـتبها تتناثـر على الأرض وهـي صـادمـه بـجسم ضـخمم رفعت عيونها بخوف وهي تناظر للشخص باستغراب ( وييين شااافته!!؟؟،،شافتته من قبل بس وييين ماتدري؟؟.. ياربي اعرفه بس ماادري منـو؟!!. ) أما هـو انصدم من نظراتها لـه وهو يركز في عيونها نطق بداخله ( سبحاان الخااالق نففس عيووون لتيييين ؟؟!! ) هز رآسه وهو يبعد هالفكره من باله اكييد من شوقه لها شبه عيونها فيها..نزل وجمـع كتبها ورتبها وهو يمدها لها عرف انها عربيه من العبايه واللثمه اللي عليها نطق بهدوء وهو مستغرب من نظراتها( صدق ماتستحي ):"المعذرهه اختتي ماكنت منتبه لطريقي".. مدت يدها بهدوء واخذت الكتب شافته يبتعد نطقت بصوت شبه مسموع :"سااامــي!؟؟".. لـف عليها لما سمـع اسمه بس شافها مقفيه ورى هز كتوفه بلامبالاة:"اكــيد انـي اتـوهـم".. كممممل طرييقه بعججله راايح يستلم وثيقه اخووه سععووود لانـه مارجع من السعوديه.. ------- بـصحـراء خـاليـه تمـامـاً من البـشـر الجـوء كاان مخـيف وظلااام الليل الدامـس مغطي السماء الشـبـه غائـمه كـان يقـوود سيـارته متجااوز السرعه المطلووبه وكـل ثانيه يـلف رآسه على ورى يناظـر للضحيه اللي كانت مربوطه بالسيت اللي ورى وماسكها صـاحبه بأحكامم تعـدى المـدينـه حـوالي 700كيلو وقـف السياره على طـرف لمـا سمـع الامر من صـاحبـه اللي ماسك الضحيه ينطق بأمـر:"وقققف هنـا ياراااكااان اتـووقع المـكااان بعييد عـن الـطـريق الـعااام ومنقـطع عن العـااالم "...نـزل بكـل برود ووحشيه نزل الضحيه اللي كـانت مربوطه يديها ورى ظهرها وفمها وعيونها مربوطه بقماش اسوود مسكها بأحكام وهي تحاول تفلت منه ومن قبضته الوحشيه..نـطق الشخص اللي كاان يقوود السياره قرب من الضحيه وفتح القماش من عيونها وفمها بس يديها مازالت مربوطه شاف عيـونها اللي تطلب منه الابعاااد عنها نطقت بصوتها المبحوح والباكي:"مششعل حرااااام علييييككك انا اختتتتككك وش قاااعد تسوووي انت ومــنو هاااذا اللي مععكك حراااام يااامشششعععل انا اختتتككك لييش تسوي فيني كذاا"... نطـق راكان بغضب:"مـاااكنت ناااوي اسسوي فييككك شئ ولا اخططفكك بس انتي اعترضتي طرييقي ومن يعترض طررييقي يستاااهل اشششد عذااااب ومششعل ماقصصر ساااعدني لاني صدييقهه وهو عدووهه وعدووي".. نطـقت بصوت غاضب ومرتججف:"وانا شنننو دخلللني فيييهه وشش ذنببي ماسووىيت لكككم شئ انا اختتتكك يامششعل تككللم قووول شئ".. نطق اخيرا مشععل بصوته الكرييهه ببرود:"انا ماعنـدي خواااااات الا لييااان..كممل بحققد:"انتتي اختتتهه هوو ماانتي اختتي وراكاااان اعجب فييكك وطلبني يتسلى مععكك وطبعا مااقدر اردهه ".. حسست بقههر وضييق اخووها يبيعها لصديقه راااح تخسسر اغلى ماتمللكك اذا مااتصررفت الحييينن وش راااح تسسسوي لو خسسرته جلسسست بكل ضييق على الارض حاوللت تفك الرباط من يديها بس مااقدرت لانه مربوط بأحكااام جت ببالها فكره وهي تناظر لهم جالسين على البساط اللي نزله راكان من السياره وشكلهم مطوليين وشافت مشعل يتقدم وهو حااامل بيده قواريير ماااي كبيره بس اللي داخلها ماكاان ماي كاان سايل لونه مايل للبني الشفاف عرفت من شكله انه "مشرووبهم الخاااص اللي دايم تشوفه عند مشعل" انتظرت لين بدوا يشربون منه وبدا مفعوله يطلع عليهم من هلوستهم الواصله لها تنهدت بضيق وهي تدعي ربها يبعدها عنهم زحفت على رجولها ليين وصلت لراكان قربت من جيب ثوبه وطلعت السكين الموجود فيه بدون مايحسون انها اخذت شئ من جيبه"كان عندنا معلومه عن راكان دايم سكينه بجيبه لانه راعي مشاكل وقتال"شافت راكان يضحك وهو غايب عن الوعي:"ههههههههههههههههههه ههههه شف يامشعل جايتني برجولها اخييرا حست فيني وكمل قهقهته ومشعل يشاركه القهقه وينطق بصوت شبه متقطع:"تراااها حلاااالكك ياراااكان واعتبرها رد لجمايلك بس تخلص منها انا استلمها ".. حسست بقرف منهم وهم يتعازمون عليها وهي موجوده عندهم حسست تبي تستفرغ بس هاذي فرصتها لازم تهرب من عندهمم مسكت السكين بعد محاولات وقدرت تقطع الرباط وتحرر يديها وتقوووم بكل خوووف وهي تششوف الغضب بعيون راكاان وهو يآمر مششعل:"الحققها يامشعل ياويلكك تهرررب والله لاذببحححكك يامشششعل "... شافت مشعل يقرب منها وهو يترنح بمشيته مسكها مع خصرها حاولت تتحرر منه بس كان اقوى منها رغم انه سكرااان ركـلته برجلها مع بطنه تركها وهو يلعن ويسب فيها وفي امها واخوها ومسكت كميه تراب وهي ترميه على عيونه محاوله انه يبتعد عنها شافته يحك عيونه والغضب واصل حده من صوته:"وييين راااح تروحيين مني يالحقيييررهه ياابنت ال........".. طنشت كلامه واسرعت بخطاها فتحت باب السياره وكانت مشغله سكرت الباب وحمدت ربها انها تعرف تسسوق والا كاان راحت فيها دعسست بالسواقه وهي تحمد ربها ماهي مصدقه انها قدرت تفلت من اكبر اثنين خططر على حياتها وهي تشوفهم يلحقونها مع المرايه ادعسست اكثثثر واكثثر بس صار اللي ماكان بالحسبااان توقفت السياره عن الحركه خافت وبدت تستغفر وتقرأ كل اللي حافظته وهي تدعي انها تسلم منهم خمس دقايق مرت عليها بقلق وخوف حست بالزجاج اللي عندها يطق بشويش فزت بخوف وهي تشوف الشخص اللي مايل بجسده عشان يوصل رآسه لزجاج الشباك اللي عندها حست بخوف كان متلثم بشماغ ولابس ثوب اكييد هاذا راكان لانه هو اللي لابس ثوب بس استغربت كيف قدر يوصل لها تقريبا نص ساعه مبتعده عنهم وبسرعه عاليه وهو يمشي على رجوله فوق هاذا سكران مستحيل يتعدى هالمسافه بهالسرعه ..عرفت ان هاذي نهايتها لامحاله رفعت السكين لرقبتها تقتل نفسها ولا يقرب صوبها وتفقد شرفها تكون انتحرت لانها دافعت عن شرفها اشرف لها ولاهلها من انها تفقد شرفها وعلى يد من اخوها وصاحبه انفتح الباب اللي انصدمت انها ماقفلته فتح اللثمه وباااان شكله منن هاذا مووو لا راااكااان ولا اخوووها!؟؟؟... صرخت بخوووف:"بععععد عننننني والا اذبح نفسي والتهمه تكون عليك من انت من!!!؟؟؟..." قرب من عندها وهو يسحب السكين من يدها بسرعه ويرميه ورى ظهره وينطق بصوته الخافت وبكل هدوووء:............................. : : : ( نـهـايـة الـبـااارت العـاشـر ) *من هالشخـص المجهـول اللي ساعد الضحيه؟؟؟.. *من تكوون الضحيه هل هي لتين اخت مشعل او ضحيه ثانيه من ضحايا مشعل؟؟؟.. *وش اللي يدوور برآس جراح ووش هي خطته القادمه؟؟؟.. *وش السسسـر اللي بين عناد وشهد؟؟..وليش انصدموا عبير ومحمد منه؟.. *وش راااح يسوي سععد بمؤيد؟؟.. _دمـتـم بــوووووووود_🌹 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
