اللي يبينا عيت النفس تبيه واللي نبيه عيا البخت لا يجيبه / عيونك آخر آمالي ، مكتملة

[لامارا]

قلت واناا اجلس يم وافي: طيب..ليش ترفض؟؟"
وافي وهو يقلب الجريده بايده: ماابيك تأثرين...انت مرة حساااسه ونفسيتك راح تتعب وتندمر.."
: واافي..هذولي مثلي...يتامى محتاجين لاحد يحس بنفس احاسيسهم.."
وافي وهو يمسح على شعري برواق: تراني اناا بعد كنت يتيم... اناا عارف وش اليتم بكل معانيه...بس اناا خايف عليك لذا رافض.."
: واافي واللي يخليك لي..."
ابتسم وهو يطالعني: مغرورة يا ناس..." وقلد صوتي: واللي يخليك لي...قولي واللي يوفقك واللي يرزقك بالزوجة الصالحه الجميله واللي.."
صرخت فيه مقاطعه: نععععععععم؟؟..قال زوجه صاالحه قال..وافي احمد ربك اني دعيت لك....يله قفل الاباجورة ونام...ترى فيني نوم..."
واعطيته قفاي وغمضت عيوني...سمعت ضحكة وافي الخفيفة وهو يقفل الاباجورة وينام بعد....







ارتحت لمن مهاا وافقت تخلص باقي اشغالهاا مع صيته...وقعدت انتظر ساره واناا عند باب بيتهم....شفت اخوهاا خالد وهو يطلع من البيت...طالع بالسيارة المضلله شوي وبعدين صد...
مشاء الله عليه شخصية مهيبة....وعليه رزة حلوة... وكان دوم يعجبني في بداية المراهقه...بس عمري مافكرت فيه الا كأخ وبس...
تذكرت يوم وافقت عليه عشان اهرب من بيت عمي...زين ماوافق عمي....لأن حيااتي مع وافي مافي احلى منهاا...صح ان بدايتها نكد..بس بعد هالنكد عشت حياة مختلفه...
اختلف عن معظم المتزوجين...اللي بداية حياتهم فرح ووناسه وفرفشة...ونهايتها كآبة مافي مثلهاا...
ياخووفي اقوم بيوم ولااا الاقيه جنبي...ياربي احفظه لي وطول بعمره...
مشكله الصداع يزيد معه مرة...وهو مصيبته رافض يعترف لي...مدري ليش؟؟...لااازم اكلمه اذا رحنا مونتريال علشان يروح يدور علااج في امريكاا...ماراح اسكت اكثر...
طلعت ساره من البيت...واركبت السيارة جنبي...ضميتهاا بقوة وبست خدهاا...
قالت وهي تبتسم لي: احس اني بحلم...يالقاطعه بالرياض ومع هذا ما اشوفك ابد.."
: ساره..انا عارفه اني قاطعه...لكن اوعدك ان هالشيء يتغير..."
وقلت للسواق يتحرك...
ساره وهي تتنهد: قووي قلبك يا ملكه...تراهم يقطعون القلب...انت عاارفة ان الملجأ يدور متطوعاات عشان ينامون مع الايتام...مسااكين موب لااقين احد...خصوصا ان الشغله هذي بدون راتب.."
قلت واناا امسك قلبي: كافي انهاا لوجه الله...ساره..اخاف اصيح اذا شفتهم...تعرفيني اناا علي حساسية فضيعه.."
ساره وهي تمسك ايدي بقوة: قووي قلبك..اضحكي لهم..ولااا عبيهم ووزعي عليهم بساكيت وحلويات وخليهم يحبونك وواعديهم بزيارة ثانية..."
قلت وانا ااشر على الاكياس الي بألارض: اشتريت لهم العاب كثيرة مرة...ان شاء الله يحبون هالألعاب.."
ساره وهي تهز راسها بصبر: ان شاء الله..."








وصلنا الملجأ اخيرا...واستقبلتناا المديره وبعض المتطاوعات بفرح كبير....وقدموا لناا القهوة والحلى...وقامت المديره تسولف معناا...
: ان شاء الله ان ربي عطانا عمر بالعطله راح اجي واتطوع هناا.."
المديره بفرح: ياليت والله...ياما حاولنا انا نقنع ناس كثيرين يجون يتطوعون...لكن كثير مايبون يضيعون وقتهم على قولتهم...مايدرون ان هالشيء كله يدون بكتبهم..."
ساره وهي تأيد كلاام المديره: بدل ما اسهر عند وحده من خوياتي واقضي الوقت حش بخلق الله...اجي لهالمكان والااعب هالاطفال المساكين.."
ابتسمت للمديرة: ابي اشوفهم الله يخليك..متحمسه...مررة..."
المديره وهي تضحك من قلبهاا: اكيد...حبيبتي..." وقاامت ودلتناا على غرفهم...انصدمت من رداءة الملجأ وقدمه...وحززني وضعهم وغرفهم...واكلني قلبي عليهم...
دخلت لصاله صغيرة كانوا متجمعين فيهاا يطالعون بالتلفزيون...
المديره وهي تأشر لي: هذا وقت التلفزيون..تقدرين تفرجين معهم...لأننا راح نقفله بعد شوي.."
: اكيد طبعاا...راح انتظر.."
هزت راسها المديره وراحت وتركتني اناا وساره...فصخت عبايتي اناا...وكنت لاابسه تنورة سودا رسميه..وبلوفر ذهبي..جلست على طرف وكنت ارقبهم وقلبي دقاته تصاعد بقوة وبسرعه....
كانت فيه بنوتة صغيرة تزنن يا قلبي عليهاا...تطالع التلفزيون بلهفة...لبسهاا قديم مهلهل...حزنتني مرة...ولقيت نفسي ادمع عليهاا وانا اتذكر يتمي...
كيف هم الاطفال؟؟..يا عالم اطفال ويتامى...اذا احنا البالغين ماتحملنا هاليتم...فكيف بهالاطفال الرقيقين..
كان باين عليهم التشتت...والبعد عن الهوية...ماكانوا مثل الاطفال اللي نشوفهم دايم...هذولي كانوا غير...كان في عيونهم لمعة غريبة...وهاللمعه وضحت اكثر يوم بدوا يتفحصوني كأني شيء غريب..مخلوق فضائي..حاجه ماتعودوا يشوفونهاا...
ثلااثة بنات ركضوا لساره بسرعه اول ما انتبهوا لها: ماما سارا..ماما سارا..." كانوا يرددون بفرح...
اناا لقيت نفسي ارتعش وحاولت اتماسك وانا اشوف ولد صغير يقرب من سارا ويقول لهاا: انت ليس مازيتي الاسبوع اللي فات؟؟..انت وعدتيناا تكونين هناا.."
ساره باسف: حبيبي حمودي كنت مشغولة مرة..."
ضربهاا الولد بقوة على بطنهاا وقام يصيح: انت مسل ماما سعاد...بتروحين وتتركيناا...اناا ما احبك.."
حاولت تضمه سارا بس ما اهتم فيهاا وقام يصيح...اناا اللي كانت دموعي تنزل بسرعه...فتحت الكيس..وحاولت اضحك وانا انادي باقي الاطفال..
: تعالوا شوفوا ماما ملكه وش جابت لكم؟؟...شوفوا هالبسكوت؟؟.."
تجمعوا حولي وقعدت اوزع عليهم شبسات وبساكيت وعصيرات..
وقلبي يعورني عليهم...كانوا شوي ويتهاوشون وهم يآخذون العصاير وخايفين تخلص عليهم...بس انا طمنتهم ان فيه اكثر مما يتصورون...
ورحت لحمودي الصغير اللي كان يبكي بالركن...
: حمودي؟؟..لااا تزعل من ماما سارا....كانت مشغولة شوي..."
حمودي وهو يمسح دموعه" كلهم يروحون...محد راح يرجع.."
قلت وانا امسح على شعره الناعم: انا راح ارجع مرة ومرتين وثلاااث...ولااا راح اتركم...وراح اخذكم ملااهي والعبكم...واخليكم تشترون اللي تبغون..."
حمودي وهو يمسح دموعه الكثيرة: صدق؟؟"
قلت وانا اضمه بقوة: اي والله صدق...."
وماقدرت امسك نفسي لمن تعلق بحظني...وانهرت اصيح واصيح بحرارة...اناا نفسي كنت محتاجه هالحظن ولااا لقيته...يارب لااا تحرمني من وافي...ماابي ارجع يتيمة من جديد...ليش وافي مريض؟؟؟..ليش مكتوب لي الشقاا طول العمر..
حاولت سارا تهديني ولااا قدرت...فلبست عبايتهاا واسحبتني من بين الاطفال اللي تأثروا مرة وهم يشوفوني ابكي...
تركت سارا ودخلت الحمام...وغسلت وجهي كذا مرة...بعدين رجعت ولقيت المديره...
المديره بقلق: انت بخير؟؟..."
: لااا ابدا ماني بخير...يقطعون القلب هالاطفال..خصوصا حمودي.."
سارا وهي تمسح دموعهاا الي نزلت: انت عاارفه ان اهل حمودي عايشين..."
طالعتهاا وانا ارفع حواجبي مذهولة: وشووووو؟؟..وينهم؟؟"
المديره وهي تكمل حكي سارا: اهل حمودي عايشين...لكن امه متطلقه من ابوه...والابو متزوج والام بعد متزوجة..والابو رافض ولده...والام ماتبي ولدهاا فجات ورمته هناا..."
حطيت ايدي على قلبي وقلت بحرارة: مستحيل هذولي بشر....معقولة ربي يعطيني مخلوق جميل زي كذا...واروح استغني عنه ببساطة...ياربيه.."
حطيت ايدي على فمي احاول امنع شهقة بتطلع من صدري.....
سارا وهي تمسك ايدي: خليناا نرجع لهم...واذا انت فعلاا ماراح تتركينهم...العبي معهم...وشوفي وش يبون؟؟.."
هزيت راسي لسارا...ومسحت دموعي الكثيرة ورسمت ابتسامة على وجهي واناا ارجع لهم...








قلت لوافي بحسرة: شعور فضيع اللي تحسه يا وافي يوم تشوفهم...شيء يقطع القلب..تحس صدق شلون انت مقصر.."
وافي وهو يقلب بين يدينه اوراق: ملكه هذا اللي ربي كاتب لهم...وانت ماتقدرين تغيرين في الموضوع شيء.."
: وافي ودي اخذ واحد منهم...واجيبه هناا ونربيه اناا وانت..."
وافي طالع فيني شوي وبعدها ابتسم وهو يقرص خصري بقوة: ماايحتاج...بكره انت بتجبين عيال بطنك...وراح تنسين كل اللي شفتيه..."
صرخت فيه بعتب: وااااااااااااااااافي...اقو� �ك يحزنون ويقطعون القلب..تقولي بكره تجيبين بزر وتنسينهم.."
وكملت بجدية: اناا ماراح انساهم..وافي انت ربي عطاك جدتك يوم تيتمت...بس اناا لاااء؟؟..انا ربي عطاني عمي اللي انقلب فجاة وصار انسان شرس مافيه اي رحمه..."
دمعت عيوني واناا ابلع ريقي واطاالع بوافي اللي ترك الاوراق اللي بايده..وحط ايده فوق ايدي..
كملت بتعب: وافي...شعور غريب...انك انسان وحيد..مالك سند في هالدنياا..كان دوم يلاازمني...كان يذبحني...انت عاارف ان مرة بدرية ضربتني بكل جرأة...ولمن دافع عني سلطاان.."
غمضت عيوني واناا ما احاول اتذكر...كان الالم ينهشني وشوفة الاطفال اليتامى جددت فيني مشاعر تعب ومعاناة قوية...
: واافي.." قلتهاا لمن فتحت عيوني..
وافي اللي كان سرحان: هلاااء..."
: ارجوك..خليني اخذ طفل من الميتم...واربيه بيناا...واذا جبت طفل...راح نربيه مع هالطفل...راح نعطيه من حنانا...وحبنا وعطفناا...راح نجيب له حصان صغير...ونشتري له العاب...وبنعامله مثل مانعامل ولدناا...واكيد انا ماراح نفرق بينهم..."
وافي بجدية: ملكه انسي الموضوع...صعبه نجيبه...وصعبه نربيه مع ولدناا...ملكه لو حصل بيوم وعصبتي عليه...وضربتيه...او انا انقهرت منه ونهرته....ملكه بنكون كذا قهرناااه وآلمنااه...آلمنا هالطفل الجميل...آلمنا هاليتيم....ملكه احناا راح نعذبه لأن النااس....الناس يا ملكه بعد راح يساهمون في تحطيمه..."
وكمل بجدية اكبر وهو يحط يدينه على كتوفي:وبعدين..اناا وانت حيااتنا توهاا بدت تستقر...وماندري وش الدنيا مخبيه لناا من مفاجأت...اعتقد انا لااازم نفكر مية مرة قبل اي خطوة نخطيهاا مستقبلاا.."
: وش قصدك؟؟..تعقتد انا راح نفترق؟؟" سالته بخوف..
وافي وهو يحك شعره: كل شيء جايز يا ملكه...يمكن يحصل بيناا سوء تفااهم...يمكن اتسرع...يمكن انت تتركيني محد يدري.."
صرخت فيه بعتب ودموعي تلمع: اناا لااا يمكن اترك يا وافي.....اناا لو اترك هالعالم كله...لو اعتزل هالخليقه لااا يمكن اتركك...انت يا وافي بالنسبة لي الهوا اللي اتنفسه...انت بالنسبة لي الماء اللي كل حي انخلق منه...انت بالنسبة لي شيء اساسا مثل الاوكسجين...لااايمكن اعيش بدونك...وافي والله ثم والله اناا راح اموت لو تتركني.."
وحطيت ايدي على عيوني احاول اني اضغط على عيوني عشان ما اصيح وكملت بتعب: اناا خاايفه...خاايفه اقوم بيوم...والقاك مو جنبي...خاايفه اعيش بلياك لحظة بس...خاايفه تفهمني غلط..خاايفه تعاملني مثل اول...وافي اناا خايفه من كل شيء...اناا مو قادره اعيش بسعاده...لأن فيه خوف كبير يسكني...وافي اناا انسان هش...هش ورقيق وبسرعه يتحطم مثل الزجاج.."
وافي ضمني بقوة لصدره...وقال وهو يمسح على ظهري بقوة: لااا تقولين هالحكي...لااا تتكلمين بهالطرريقة...لأني اعيش معك احلى ايام حيااتي...ولااا احس بنص الخوف اللي انت تحسينه...ودامك ماتسوين شيء غلط فليش كل هالخوف؟؟.."
قلت وانا ارتجف بين يدينه: اناا خايفه تموت وترحل عني...وافي جعل يومي قبل يومك يالغالي...يا اعز ماخلق ربي..."
مارد وافي علي...واناا نهرت ابكي بقوة..اكيد يفكر بمرضه...اكيد عاارف انه بيموت..ماطمني حتى...آآآآآآآآآآآآآآآآآآآآ� �آآه...لااا ياربي لااا تموت وافي...خذ روحي قبله...يا رب...ماتسوى الحياه بدونه..كافي يا دنيا تراك خذيتي مني كل غالي...لااا تبعدني عن احبابي يا دنياا...لااا تزيدين قسوة وتماادين..وتجرحيني...
ماتكفي الجروح الي تسكني...وتسكن كل خليه بجسمي...كل قطرة دم في هالجسم النحيف....الحزن سااكن ومستوطن وسط قلبي...لدرجه اني صرت اشك اذا فيه فعلاا سعاده صافيه..لأن حتى بعز سعادتي مع وافي فيه حزن جوااتي...






مهاا وهي تنتظر رساله من فارس على جوالهاا..: ليش مايدق هالخبل؟؟..هاااا؟؟...مسوي فيهاا ثقل..ايه اكيد مشاعره الرقيقة مصدومة..."
: يا مهاا عيب...يا مهاا اعقلي...مو معقول اللي تسوينه برجلك...فيه مرة عااقل تسوي برجلهاا كذا..."
مهاا وهي تحط ايدها على خصرها: رجلهاا اللي تحبه...اللي خذته برضاها اللي شافته وشافهاا..مو يا حظي اللي مثل حالناا...لااا اطيقه ولااا اطيق ريحة اهله...ولااا اطيق اي شيء من يمه..."
ماعلقت على كلاام مهاا...وحاولت اني اضبط فستانهاا اللي كان يبيله شوية تضييق..خصوصاا ان وزنهاا نقص كم كيلوو بكم يوم...
مهاا وهي تمسك الجوال من جديد وتجلس جنبي...: شوفي وش برسله؟؟....اسمعي بقراها لك...فاارس...لو فيك لو ذرة من اسمك...كان احترمت حالك وطلقتني...الحر مايرضى على نفسه...انه يآخذ وحده ميب رايدته..عايفته..كارهة حتى طرياه...مثل ماتزوجتني وانت عارف رايي..طلقني يا ابن الناس..وجعلك تلااقي شبيهتك..اللي تسعدك..."
صرخت وضربت ايدي بالابرة اللي بايدي: مهاا...لاااااا الله يخليك لااا ترسلين هالرسالة.."
مهاا وهي تسفهني وبكل شر: تم الارسال...اييييييييييه...ذوق يا ولد عمي...يومك تزوج وحده ماتبيك ولاا تد********************************..."
حطيت ايدي على خدي واناا اطالع بمهاا: الله يرحمك من هاالحين...كنت طيبه وبنت ناس.."
مهاا وهي ترفع حواجبهاا: ليش مفاولة علي بالموت؟؟..بيطلقني ان شاء الله...وهو مايشوف الدرب.."
: ايه بيذبحك يا قلبي عشان كذا ادعيلك بالرحمه...مهاا والله فارس ماراح ينسى اي حركة من حركاتك ذي..وقولي مرت خالي قالت.."
دخلت حصه الغرفة بذي اللحظة...وهي شايله مجموعة علب بيدهاا وتكلم بالجوال وتضحك...
اول ماسكرت الخط..ووقفت مهاا...وراحت بتشوف العلب المخمل...: مامي شو هيدا؟؟"
حصه وهي تبتسم وتجلس يمي: هذي يا حبيبتي...هداياك من بيت عمك..."
مهاا وهي تضرب برجلها الارض بقوة: ماابيهاا...ارميهاا يا شيخه وش نبي بهداياهم تلااقينهم جابوا لي ذهب مقلد.."
حصه وهي تشوف الاطقم وتوريني: الله لااا يجيب مسلم على دربك...قولي آمين.."
مهاا بعتب: يمه مو لهالدرجه؟؟"
حصه وهي تعطيني العلب وتحط يدها على قلبهاا: اشهدوا ان مت فالبنت ذي هي السبب..."
: بسم الله عليك من الموت وطريااه يا حصه...ان شاء الله عدوينك قبلك..."
مهاا انقهرت من كلاام امهاا وطلعت من الغرفة...
حصه وهي تطالعني بضيق: اناا عارفة انه هالبنت بتجينا مطلقه...وقولي حصه قالت يا ملكه.."
: لااا تقولين كذاا..ان شاء الله لااا تطلق ولااا غيره...ان شاء الله انها تنبسط مع فارس وتبسطه..."
حصه وهي ترجع للعلب اللي بايدي: وش رايك بهالطقم؟؟..كششخه صح؟؟.."
وكان الطقم عباارة عن مربعاات هندسية شكلهاا غريب مرة متداخله مع بعض..وفيه شوية زمرد...
: ايه رااايق حيل.."
حصه وهي تكمل: ويناسب الفستان الفيروزي اللي شريناه لهاا...؟؟"
: ايه يناسبه مرة عشان الالوان ....بس ليش بتلبس الفستان الفيروزي؟؟.."
حصه :تعررفين عشان الزوارة..."
: آآآآآآآآآآآآه نسيت سالفة الزوارة نهائي...مافصلت له فستان...ان شاء الله اشتري جاهز من امريكاا..."
على كلمتي دخل وافي: مشاء الله على طول تخطيط لنزول السوق...طيب تونا يااهوو ما سافرناا.."
ضحكت انا وحصه: هههههههههه..."
وافي وهو يجلس جنبي: وراها بنتك؟؟...شفتهاا تصيح.."
حصه وهي توقف: بنتي ذي ان صار لي شيء بسبتهاا...والله يا وافي خايفه عليهاا مرة..."
وافي وهو يقوم ويبوس راس اخته: لااا تخافين عليها ترى فارس مافي مثله...وان شاء الله انها بتعيش مبسوطة معه..."
: ان شاء الله...بعدين مهاا تنحب بسررعه...واكيد راح يحبهاا على طول..."
وافي: بس مصيبتهاا طولة اللسان...."
حصه وهي تهز راسها: طالعه على خالااتهاا..."
: ليتهاا طلعت عليك يا حصه..."
وافي بغرور: انا الوحيد اللي طالع لحصه.." وضم حصه بقوة...حسيت بالراحه وانا اشوف مشاعر الاخوه الفريدة من نوعهاا بين وافي وحصه...بينهم حب غريب...اكبر من حب الاخ لاخته...يمكن مثل حب الام لابنه...والابن لامه...ضميت رجولي لصدري برااحه..الله لااا يفرق بينا كلناا....ورفعت عيوني للسما بتوسل صاامت...
اخيرا جاء اليوم الموعود...يوم زواج مهاا...كان يوم خراافي مرة..خصوصا مع افكار مهاا الغير طبيعية لزوااجهاا...
والصراحه ان ابو مهاا ماكان مقصر ابد...خصوصا ان الزواج عليه اهو عكس زواجي انا اللي كان على اهل العريس...
يمكن على قول حصه فيه عيوب كثيرة....بس مو من ظمنهاا ابدا...البخل....
لذا كان العرس بقاعه في فندق الانتر...وكان فيه كل مظاهر البذخ اللي مهاا كانت تحلم فيهاا...
اثاري الابو كان مخطط للعرس من غير مايهتم ببنته...يمكن حب يعلمهاا بس عشان تشتري لهاا كم غرض قبل لااا تروح بيت رجلهاا..
الصراحه شيء يخوف ان الوحده تزوج وهي ماتدري وهذا اللي تقريبا حصل مع مهاا...((ان شاء الله مايصير لكم نفس الشيء))
المهم...اني اناا حطيت اغراضي واغراض صيته وحصه ومريم ومنيرة خوات وافي بغرفة العروس...ورحت مع وافي اللي هو وصل مهاا للكوفيرة...
في السيارة مع وافي...كان واضح على وافي الفرحه...كان فعلاا مبسوط لهالزواج...وكنت مستغربة منه..
: وافي مهاا مغصوبة على هالعرس مع هذا؟؟.."
وافي وهو يهز كتوفه: صدقيني مافيه مثل فاارس.."
: مافيه مثله اوكيه...بس اقلهاا راعي مشاعرهاا لاا تظهر لها هالابتسامه الواسعه.."
وافي وهو يحط ايده على راسي: حاظر عمتي.."
: ههههههههههه...مفهوم؟؟.."
ابتسم وافي وهو يهز راسه: مفهوم ونص.."
وكمل واحنا نوقف عند اشارة: وش رايك بكشختي؟؟"
قلت وانا غيرانه: والله وسألتني عن هالكشخ مية مرة..لااا يكون ناويلك على نية..."
وافي بضحكة: موو بس اي نية...الا نية ونص..."
: وافي؟؟..اهتمامك غير طبيعي باناقتك.." وكملت بمزح: ترى مكتوب على جبهتك ملكه...يعني البنات ماراح يهتمون فيك حتى لوو كشخت.."
وافي بغرور: البنات راح يهتمون فيني...لين ما اوصل الستين يا ملكه..وقولي وافي قاال.."
وكمل وهو يغمز: عااد وقتهاا عجيز وش حليلك..ياله تحركين من سريرك..."
: آآآآه يا النذل..اثاريك مخطط ومنتهي..."
وافي بشر: لااازم الواحد يشوف مستقبله ويخطط لبعيد..."
ابتسمت وانا امسك ايده بقوة: وش شفت بمستقبلك؟؟.."
وافي وهو يحرك سياارته من جديد ويآخذ لفة يمين: شفت بمستقبلي...ثمانية اطفال..كل واحد فيهم ازين من الثاني...وكل واحد فيهم شيخ بمجلسه....وشفت امهم...امهم اللي هي الخير كله...واللي هي الزين كله...ولسه تهتم فيني...وتسأل علي...وحتى رومانسيتها ماتغيرت..كلهاا ماتغيرت..مازالت تحبني وتموت علي وتغار علي بعد..."
قلت وانا انسى نفسي واحط راسي على كتفه: واناا تخيلت مستقبل غييير...تخيلت حبيبي والشيب خطه...وصرت احبه اكثر من حبي له اول....تخيلته وهو لسه يغازلني...وبكلاامه الحلو يأسرني...يحاول يغيضني بالثاانيه...لكن عمر هالثانية ماجت...تخيلت عيالي وهم يحومون حولناا...اربع بنات واربع اولااد....ويحبونك ويموتون عليك مثل ماكل هالبشر تحبك."
وافي وهو يوقف اخيرا: ودي اسولف معك اكثر...لكن مهاا لو تدري انك جلستي بالسيارة اكثر من دقيقة بتسويك ذبيحه..."
شلت راسي عنه وخدودي حمر وعلى فمي ابتسامه واسعه...وقلت برومانسية وانا احط ايدي على ذقنه: انتبه على نفسك..مووعدناا قبل الزفة.."
هز لي راسه بكسل واعطاني ابتسامة خاصه فيني اناا هالابتسامة كلهاا جمال بجمال...وصرت اعرف ابتسامتي اناا عن كل هالكون..ابتسامة وافي الخاصه فيني...غريبه تغيره بالمره...تخليه وسيم اكثر من وسامته...تخلي عيونه تبرق بقوة...تخليه حاجه خاصة فيني اناا..اناا وبس...







دخلت الصالون...وفصخت عبايتي وحطيتها بشنطتي...ورحت للاستقبال وعلمتهم بحجزي عندهم...ودفعت لهم الفلوس...
رحت للكوافيرة الخاصه فيني بعد ماطليت على مهاا...بس كانت مغمضة عيونه وماتدري عني..
جلست على الكرسي...وخليتهاا تشتغل على راحتهاا بعد ماغمضت عيوني...
بدت تمزج الشدو الماائي فوق عيوني...وكانت رطوبته تخفف علي حرارة الصالون بسبب مجففات الشعر والالات الثانية...
فتحت عيوني بعد فترة...وشفت شدو اسود وفضي مخلي عيوني اكثر جمال من شكلهاا الاول...
وحطت لي جلوس ناعم بيجي بلمعه فضي..وبلااشر ناعم مرة بلون ذهبي على بيج..
وسووا لي شعري بسرعه خصوصا انه قصير مع انه بدا يوصل اكتافي وينزل شوي..ماسويت بشعري شيء...سشورته على برا بطريقة مرتبه مرة...وحطيت وردة ورى اذني لونهاا اورنج ناعمه..
رجعت لمهاا وكانت مخلصه بس تنتظر الكوافيرة تخلص من المناكير...مهاا اول ماشافتني صفقت بفرح ونست المناكير...
فصرخت فيهاا اللبنانية بعصبية وحاولت تصلح اللي تقدر تصلحه...فعضت مهاا على شفايفها وهي تقولي بكلاام الشفايف..
: بذبحهاا بعد شوي..او هي راح تذبحني.."
ضحكت عليهاا...وقلت لهاا : تبين عصير؟؟.."
هزت لي براسهاا وقالت: ماشربت شيء نهاائي اتوقع بيغمى علي بسبب الجوع.."
: طيب...اجل انتظريني....هناا...فيه بشنطتي عصير بنت صيووته.."
مهاا وهي تهز راسها لي يعني جيبي اي شيء..
رجعت لهاا بعد شوي وقعدت اشربهاا بحذر مرة عشان ماينتثر العصير كذا او كذا...
خلصت الكوافيرة من اظافر رجولها ويدينهاا...وكانت فن بفن...الاظافر نصها بالمناكير الاحمر...والفصوص اللماعه وفيه رسمة ورود بيضاء..كان شغلها خيالي مرة..
ورتني مهاا اظافرهاا وقلت بشراسه وهي تسوي زي القطو: راح امخش له وجهه..."
قلت وانا اسوي نفسي مرعوبة: الله يستر لااا يكسر لك اظافرك.."
مهاا وهي منقهرة مني: اساسا راح امخشه بعدين بهج الحمام وبزيلهاا عشان اصلي الفجر.."
: اهاا...يمكن يمسك قبل لااا تهربين.."
مهاا بتحدي: ماراح يكون متوقع...لأن كل شيء بيكون على غفلة.."
قلت لمهاا: طيب اسكتي...الصلااة على النبي قمر...بس يا شينك اذا تكلمتي.."
مهاا غصبا عليهاا ضحكت وراحت تشوف نفسها بالمرايه باهتمام..كان مكيااجهاا حلو مرة مو صارخ ابدا ومرتب بالوان ورديه حالمه...
وشعره ماسوت فيه تسريحه غريبة سويت فيه حركة عادية جدا زي ذيل الحصان بس مايل على جنب عشان طرحتهاا...
قلت لمهاا: بدق على سواق صيته عشان يآخذناا...لأن وافي راح يجيب لك باقة الورد..والمصورة اللي ضيعت..."
مهاا وهي تجلس على كرسي: باقة الورد...آآآآآآآآآآآآآه يا القهر...عندي احساس انهاا بتطلع شكل ثاني غير اللي طلبته..."
قلت لهاا وانا ارجع خصل شعري ورا وجهي وادق بالجوال: ان شاء الله لاااء...بعدين عندنا ذيك الباقة البلااستيك الكشخه تآخذينهاا.."
مهاا بعصبية: من زيني انزف بباقة بلااستيك..اففف...اللهم طولك يا روح على هالعرس..."
ابتسمت لهاا واناا اكلم السواق عشان يجي يآخذناا...ودعيت لهاا من كل قلبي انها تحب فارس والاهم انه يحبهاا..حرام مهاا بالذات انهاا تعيش مغربلة...لأنها عاشت طفولتهاا تقريبا مغربله عند ابوهاا ولاا صارت حياتهاا حلوة الا يوم خذاهم وافي عنده...
وافي...بعدني افكر فيك وفيك وفيك...وافي...انت الامل والحاظر والمستقبل...انت اللحظات الحلوة والاشراقه في حيااتي...انت..انت وترددت انطقهاا..على كثر مااحبهاا لكنهاا تخوفني...انت حبيبي يا وافي...حبيبي اللي مافيه مثلك...واناا حبيبتك يا وافي...حبيبتك اللي راح تحبك لآخر يوم من حياتها...يارب عطني طولة العمر عشان دوم اكون يم وافي...







رجعناا للقاعه..ودخلناا مهاا لغرفتهاا بسرعه...اول مادخلت الغرفه بعد مهاا...لقيت الدنيااا حوسه..خليت الشغالاات اللي جالسات يسولفون يرتبون الحوسه بسررعه...وطلعناا فستان مهاا الضيق مرة الا من عند الركب ناافش وهو من قطعتين...
سااعدتهااا بالفستان وسكرناا السحاب وجلست وهي مرتااحه على الكنبه..كانت تطاالع باصابعهاا بتوتر...
: اكيد يبي يتصور."
قالتهاا لي بكآبه....
قلت واناا اجلس جنبها واسوي شعراتها اللي طالعه من تحت الطرحه الدانتيل الفخمه: مهاا...خلااص يا قلبيه..لااا تقطعين قلبي...اضحكي وارقصي واستانسي ورحبي بالضيوف..سووي كل اللي قلت انك تبين تسووينه..."
مهاا بحرارة: اكيد بسوي كل هالاشياء بس ماودي اشوف وجهه...اكرررررررررههههه يا ملكه اكررههه..."
ضميتهااا بقوة...وحسيت بدمووعها على كتفي...: مهااا.." قلتهاا بتوسل..
فقالت وهي تمسح دمعتهاا: اناا ما ابكي...ماراح ابكي...روحي البسي فستاانك...عشان تصورين معي.."
هزيت راسي لهاا ودخلت الحمام..ولبست فستاني الاسود الساتان الناعم مرة واللي مافيه غير كلفه دانتيل من عند فتحة الصدر...لبسته على السريع....وطلعت من جديد لمهاا..
مهاا صفرت بخفه: روووووووووعه يا ملكه...بيموت وافي عليناا اليوم..."
: ههههههههههه بيموتون اثنين اليوم....فارس ووافي.."
مهاا وهي تهز اكتافهاا وترد على جوالهاا: بتمووووووووت اليوم يا خالي....ملكه طاالعه قمر 14"
كملت بعد شوي: لا والله ابو الغروووور انت ومرتك...طيب..وصلتهاا؟؟..ايه..� �هههههه...بتدخل بتصور...طيب حلووو...مع مين؟؟؟.."
وقفلت الجوال بقرف..ورمته بلاا مبالاة....
دخلت عليناا حصه بعد شوي وقالت وهي مبسوطة: هذي هي المصوورة.."
كنت استغرب فرحة حصه..وفرحة وافي لكن تأكدت ان هالرجال عن عشر رجال عشان كذا هم مبسووطين...
مهاا وهي تشوف المصورة استخفت من جديد ووقفت بسرعه: يله صووريني الله يخليك...ابي صوور كششخه.."
المصورة السمينه وهي تحط اغراضها على الارض: ان شاء الله...بس عااوزة مية اول..."
مهاا تقول للشغالاات: قوموا بسرعه جيبوا جك موية...ولااا ابي اشاوفكم بهالغرفة...يمه الله يهداك خليهم يروحون مكان ثاني.."
حصه بعصبية: وين احطهم ان شاء الله؟؟..خلي الشغالاات هنا..اناا بروح اجيب موية.."
هزيت راسي اضحك لمن مهاا قامت تستهبل ورا المصورة بحركاات...الحمدالله انهاا على الاقل ضحكت..
سوت المصورة الديكورات وساعدانهااا لأنهاا بطيئة شوي...دخلت عليناا صيته وماتت على شكل مهاا ضحك...وقررت انهاا تصور معناا...وبعد شوي دخلت مرام وحنان....وحتى ابتسام..وسلموا على مهاا وقالوا لهاا ان شكلها رووووووعه...وقاموا يمدحون فيهاا...
لااحظت ان مرام كانت الغيرة واضحه بنظراتها لي وهي تطالعني من فوق لتحت...بس انا كنت ابتسم لهاا ولااا احاول اكبر الاحاسيس عشان انبسط بعرس مهااوي الغالية...
وقفت جنب مهاا وهي جالسه بغرور وتبتسم للكاميرا اوسع ابتسامه....ولاا كأنها عروس خجول...
جيت وتصورت جنبهاا وست وحركات هبلت بي...وهي تمسك ايدي...او تطالعني بنظرات تضحك..وعصبت عليناا المصورة بس بالاخير استسلمت لمهاا وقالت دي صورك على اي حال"
اماا اناا ومهاا ضحكناا شوي بعدين بديناا نآخذ طابع جدي...وتجمعناا كلناا اناا وهي وحنان وابتسام وصيته وحصه ومريم ومنيرة خوات وافي اللي مالهم لااا حس ولااا خبر وطول وقتهم مع رجالهم...
كانت صورة رووعه...وبعدين مهاا بدت تصور مع حصه لوحدهم...وكانت صور مؤثرة مرة...وكلناا قمنا نصيح بحرارة..خصوصا ان علااقة مهاا بامهاا قوية مرة..وبعد شوي دخلوا خوات مهاا وتصوروا بعد...
وبالاخير جاني اتصال من وافي عشان اطرد كل الموجودين ماعدا حصه عشانه بيدخل مع المعرس وبيتصورون مع مهاا...
علمت مهاا وقامت تقوي نفسهاا بثقتهاا بنفسهاا...وفعلاا طلعت وهي ظاهريا واضح عليهاا القوة...لكن كنت عاارفه شلون قلبها يفرفر..








وافي وهو يسولف معي بالجوال: تذكرين؟؟"
ضحكت بنعومة وانااا امسك فنجال القهوة: شلون ما اذكر...اناا اذكر يا وافي كل لحظة تكون انت فيهاا.."
وافي بحرارة: كنت خجوولة مرة..بعكس مهاا لو شفتيهاا كان انفجعتي...كانت مرة قوية ولااا همها بزوجهاا ابد..."
قلت وانا اضحك: ههههههه...اماانه وش سوت بالتصوير؟؟"
وافي وهو يآخذ نفس: اول شيء لمن دخلناا عليهاا..كان واضح على وجه مهاا نية قشرة..تصوري انهاا رفعت عيونهاا لناا وطالعت فزوجهاا من فوق لتحت..ما كأنهاا تطالع برجلهاا ولااا حيا ولااا غيره.."
: ياااويلي.."
وافي كمل: طبعاا حاولت الطف الاجواء...فجيت وجلست جنبهاا وقعدت امازحهاا فصارت تضحك واخذت المصورة كذا صورة وهي مبسوطة عليناا..شكل الصمورة اعجبت فيني" قالهاا وافي بجدية فضيعه..
فقالت بتريقة: هه..عاادي حلاالهاا..."
وافي وهو يضحك: ايه لو حلوة كان ذبحتيني وذبحتيهاا.."
قلت وانا ابتسم: اناا لااايمكن اذبحك...انا راح اذبحهاا اهي بس...طيب...وش سوى فارس بعد ما انت تصورت؟؟"
وافي وواضح انه يبتسم..: جلسته جنبهاا...وتخيلي ابعد عنه مرة بس اهو قرب منها لين ماحشرهاا بزاوية الكرسي...فغمضت مهاا عيونهاا بقوة مرة...وهي تعد لعشرة بصوت عاالي..والمصورة معصبه على الاخير وقاعده تهزأهاا وفارس يغمز لي وهو فيه ضحكة..وماسمحت مهاا للمصورة انها تآخذ لهاا صور كثيرة...يعني يمكن عشر صور بس هي اللي اخذوهاا.."
قلت بحسرة: لااااااااااااء...هذي فترة ماتنعاد بالعمر...لاازم ترجع وتصور من جديد...ليش ما هزأتهم؟؟"
وافي: مااعليك منهم...ترااني اليوم عازمك على ليلة رومانسية.."
قلت مو مصدقة: والله..."
قال وافي بجدية: ابيك تهرربين بعد الزفة على طول...وبنقفل جوالاتنا وبنروح للمكان اللي ابيك تروحين له..."
قلت بلهفة: من عيوووني الثنتين..."
وافي وهو يكلم واحد جنبه: طيب ان شاء الله...يلاا حبي باي.."
وقفل الخط وانا حطيت الجوال عند صدري مو مصدقة ليلة رومانسية وااااااااااااااااااو ونااسه الله لااا يحرمني منك يا وافي...
وقمت بسرعه لكن انتبهت لنظرات مرام نااحيتي...وصدت عني بسررعه..
ابي اكلمهاا لكن هل الوقت منااسب؟؟؟..اعتقد عمر هالوقت المناسب ماراح يجي...







رجعت لمهاا اللي كانت قاعده تتدرب على الرقصة..ضحكت على شكلهاا وقلتلهاا: يله ترى الناس تنتظر عروسناا.."
مهاا وهي تآخذ نفس: يله...اناا مستعده.." وكملت بفخر: مااعلمك وافي وش سويت بفارس لمن تصورناا؟؟"
قلت وانا اروح اعدل الشدو حقي والجلوس: الا علمني على الهباب اللي سويتيه يا اخت مهاا..."
مهاا وهي تنط بفرح: راح اكسر خشمه..يا ملكه..لو شفتي كيف نظراته؟؟...كان مصدوم من شكلي؟؟...وبانت هالصدمه عليه...بان انه اعجب فيني.."
قلت بفرح: الف مبروووك حبيبتي...ان شاء الله يعجبك فيك ويذوب في هواك ويموت على دباديبك..."
مهاا وهي تتنهد: يااااااااااااارب...يله بسررعه..قووولي لوافي يكلمهم عشان يحطون الزفة.."
هزيت راسي لهااا ورجعت للقاعه اجلس جنب حصه وباقي خوات وافي وجدته اللي كانت مبسوطة مرة...وكان شكلهاا روعه واناا ووافي اللي اشتريناا لها هالجلاابيه الفخمه وسويناها مفاجأة لهاا وكانت احلى مفاجأة...
صبيت لهاا قهوة وانا اكلم وافي واقوله..وقعدت ادردش معهاا..ولاااحظت قد ايش هي تحبني وفخورة بي...وهالشيء زادني حب لوافي لأنه اعطااني نعمه ماحد يعرف قدرهاا غير اللي عاشت مثلي...






تسلط الضوء على مدخل القاعه...واشتعلت الشموع في كل انحاء القاعه...ولمعت الكوشة اللي كلهاا ريش طاؤوس وكريستالات فخمه ملووونه....
وكانت فيه بوكيهات ورد فخمة مرة منسقة بطريقة خيالية..ووسطها هالشمعات....
طلعت مهاا من الباب...على الموسيقى حقت اغنية حقلق راحتك لمريام فارس...حقت البداية بس..
كان شكلهااا خيالي....وجسمهااا ولاا تمثال منحوت لاجمل الحوريات...وفستاانها واضح عليه المبالغ المهولة اللي انصرفت بالجزء الاسفل بس....لأن الجزء اللي فوق نوعا ما ابسط من اللي تحت..
وكانت تبتسم وتأشر لنا مبسووطة..وتأشر لصديقااتهاا بجرأة..وتوقف للمصورة وتصور وتسوي حركات بعيونهاا ووجهاا...وتبتسم بثقة.....وحسدت مهاا في ذيك اللحظة على قوة وجههاا...
وصلت اخيرا الكوشة وهنا اشتغلت اغنية الواد ئلبو بيوجعوا...ولااحظت الصدمه بوجيه خوات وافي ماعدا صيته وحصه...خصوا ان وحده فيهم طااحت التمرة من فمهاا اللي كانت توها مدخلتهاا...والثانيه غطت وجههاا...
بدت مهاا تهز وتماايل...بحركات متعوودة عليهااا...وكانت تغني بعد...وتأشر لناا بفرح...
في البدايه محد كان مستوعب...بس بعد شووي...
اجتمعوا صديقااتها عندهاا وقاموا يرقصون معهاا...واناا بعد رحت لهاا...وقمت ارقص معااهم...واصفق لمهاا...
وارتفع صوت البنات وهم يغنون الآآآآآه من قلوبهم...وشاركتهم انا الاستهبااال مع مهاا..اللي كانت مشاء الله عليهاا ترقص بطريقة خيااالية...
كانت المصورة تطلب من البنات يبعدون عشان تصور مهاا لوحدهاا..وهي مو مصدقة اللي تشوفه..وقالت لي لو انا بمصر كان سدئت...!!..دي حاجه ماحلصتش ئبل هناا..."
لمن جا مقطع مابلااش تلعب بالنار قامت مهاا تردد النار بأعلى صوت..ولااا همهاا بالناس اللي كانوا مفتحين عيونهم مفجووعين...خصوصا خوات فارس وامه...اللي لااحظت ان وجيههم سودت..وفيه ناس بشمااته قامت تطالع بحصه...بس حصه كان ماهمها لأنها فرحانه لبنتهاا...
لمن قربت الاغنية تخلص....جمعت مهاا خويااتهاا..ووقفت بعيد عنهم شوي....ولااحظت ان البنات في عيونهم ترقب...ورمت عليهم باقة الورد حقتهاا من ورا ظهرها والتفت عشان تشوف كيف البنات تحولوا لوحوش لأن كلهم يبغون هالباقة...باقة وردهاا الكشخه واللي طلعت مثل ماطلبت بالضبط...وقاموا يصاارخون بأعلى صوت ويتهاوشون...وصارت الكوشة حلبت مصاارعه اماا مهاا رجعت تجلس على كرسيهاا...بعد ماطلبت من الطقاقة اغنية خليجية لامهاا وخالااتهاا...
اناا مت ضحك على شكل خويات مهاا...وعلى الباقة اللي تقطعت بين ايدينهم...
جاتني وحده وهي ماسكة ورقة من وردة وقالت بفرح واستهبال لي: ياااااااااااااااااي راح اتزوج قريب..اذخت ورقة بس..."
وبعدين صرخت فيني وافجعتني: ماقرصت مهااااا..!!!"
وراحت ركض لمهاا بتقرصهااا ورجعوا صديقاتها يوم تذكروا انهم ماقرصوهااا...لانهم سمعوا صديقتهم...
حصه رجعت لي وهي تضحك: لاااااا صدق شر البلية مايضحك..."
: يا حبينيلك يا حصه...والله هذي مهاا تهبل...صراحه احلى زواج حظرته..."
صيته جاتنا وقالت بصوت عالي: ياااويلي قطعوا خصر البنت...يقرصونهااا بقوة...كل هذا يبون يتزوجون.."
حصه وهي تحط يدها على قلبهاا: يااويلي على بنيتي بروح اشوفهاا.."
وانشغلوا كلهم بهاا وتجمعوا ناس كثير بيسلمون عليهاا..خصوصا ان عدد صديقات مهاا فوق العشر...
دق علي وافي بهاللحظة ورديت بفرح ووعدته اطلع له هاالحين...دخلت بين الزحمه وسلمت على مهاا بقوة وقلت لهاا عن مفاجأة وافي واني لاازم اطلع...وودعتني بفرح وقالت انهاا راح تدق علي بكره...





طلعت لوافي واناا لسه اضحك على صديقات مهاا..وركبت سيارة حبيبي....اللي كان ينتظرني عند الباب...
اول ماركبت فصخت غطاي كانت السيارة مضلله بالكامل...وقلت لوافي وانا اضحك: ههههههههههه فاتك شكل مهاا يا وافي..بنت اختك تحفه.."
حرك وافي السيارة: ليش وش صار؟؟..رقصت مصري؟؟"
قلت واناا احكيله اللي حصل: صاار شيء موو بالخيااال...لو تشوف وجه منير اختك..دخلت تحت الطااولة..والثاانية اختك...عارف وش سوت؟؟"
وافي باهتمام: وشوو؟؟"
قلت: آآآآآآآآآآه...طاحت التمره اللي بفمهاا وبققت عيونهاا فينا تقول اللي اشوفه علم ولااا حلم.؟؟؟هههههه..مسكينه ياا عمري..."
وافي وهو يطالعني بكسل: اول مرة اشوفك تضحكين بهالطريقة.."
: آآآه لاني صدق مبسووطة اليوم..."
ومسكت ايده: وين بتآخذني؟؟"
قال وهو يدخل سي دي: بآخذك اول شيء للمطل..حق الفيصلية...ابي اكون معك ونطل على الرياض انا وانت وبس!!"
صرخت فيه مو مصدقة: وافي من جد؟؟..لالالالا..اكيد تمزح.."
وافي بكل حرارة: لااا والله...اليوم راح يكون احلى يوم بحيااتك...وحجزت لناا سويت بالفيصلية حق عرسان...واخترت لك عشااا عمره ماصار..."
قلت واناا اضمه بقوة مو مصدقة: يااااربي ويلوموني بحبك.."
قال وافي وهو مختنق: ملكه...خنقتيني..بعدين ترانا بسيااارة.."
قلت وانا ارجع اعدل جلستي بخجل: آآسفه مو قصدي اخنقك...انت بخير؟؟..."
وافي وهو يمسد رقبته: بخير اناا دامني اشوف وجه الخير..."
انتشرت موسيقى رومانسية رايقة...وكانت اغنية انجليزية احبهاا مرة لرونان اسمهاall over again
قعدت ارددهاا مع وافي وانا ماسكه يدينه واتمايل قداامه والخجل يغطيني...بس حبي له يدفعني للجرأة...
كان وافي في اغلب الوقت ينسى انه يسوق ويركز يطالع فيني وكأنه يشوفني لأول مرة...وهذي حاال وافي دوم من تزوجته...
قال لي لمن وصلناا الفيصلية: ترى فيه مفاجأة ثانيه ابي اقولهاا لك.."
قلت واناا كلي لهفة: وشوو؟؟"
وافي وهو يدور موقف: تركت التدخين يا ملكه...ماعاد راح ادخن ابد...انا رجعت للتدخين بسببك وهاالحين بتركه بسببك.."
حطيت ايديني على فمي مو مصدقة: والله؟؟"
وافي وهو يهز راسه: والله....حرام آذيك...لأن التدخين السلبي بيضرك..وبيضر طفلنا في المستقبل.."
حمرت خدودي وسويت شيلتي لأننا وقفناا...ونزلناا واناا ماسكه يده بفرح...وصلناا..لعند التفتيش وحطيت شنطتي عشان يفتشونهاا وبعدين خذيتهاا ولحقت وافي اللي كان حاجز ومرتب اموره ومخلص...
طلعنا بالاصنصير...وانا كنت ميته رعب ولاازقة بوافي من الخوف...ووافي يحاول يخليني اشوف واطاالع بس لااا كنت رافضه اطالع مرة وميتة خوف...
سفهني ووافي وقام يسولف مع السكيورتي اللي معنا بالاصنصير...اماا انا كنت احاول استمد بعض الامان من وجود الوافي بجنبي..
اخيرا وصلناا للمطل طبعا بعد رحلة شوي طويله من اصنصير لآخر...صرخت بخوف لمن حسيت بالهوا القوي والباااااااارد اللي كان يحركناا....
قلت لوافي: وافي راح اطيييييييييييير..."
وافي وهو يضحك لااا تخافين مانتيب طاايره...تعالي خليناا نشوف الرياض..."
صرخت فيه بتردد: لااااااء...والله يخوف.."
وكنت فعلاا ارتجف خوف...المكان كان مخيف والهوا قوي مرة وماكان فيه احد غير بعض السكيورتي...
سفهني وافي وجرني بقوة معه ووقفناا عند القزاز....وقمناا نطالع الرياض...حط وافي ايده على كتوفي وحسيت براحه كبيرة وقام يأشر لي على مكان شغله...وعلى مكان بيتناا...وعلى مكان القاعه اللي فيها زواج مهاا...
كانت الرياض عبارة عن مجموعة مربعات باحجام مختلفه هذا اللي كنت اشوفه...والانوار كانت روووعه..والسيارات عبارة عن نقط صغيرة مرة...اما الناس فيدوب ينشاافون...
قمت انط بفرح بعد ماحسيت بالامان: واااااااااااااااااااااااا ااااااااااااافي..."
صرخت باسمه..
وافي ضرب جبينه بقوة وقام يجااريني وفيه ضحكة: ياهلااااااااااااااااااااا اء..."
: واااااااااااااااااااااااا افي..احبك.."
وافي طالعني وابتسم ابتسامه واسعه: ملــــــــــــــــــــــك ه....احبك موووت..."
: موووووووووو اكثر مني..."
وافي باصرار: انااا اكثررررر..."
ضحكت بفرح...ونسيت اني امسك شيلتي فبغت تطير الشيلة وطار شعري...وحاولت انا ووافي نمسك الشيلة كلناا..وافي كان مغطيني بظهره عن السيكيورتي...اللي واقفين يطالعناا مستغربين ان فيه سعوديين كذا...
اخيرا قدرنا نسمك الشيله وحاول وافي انه يعدلهاا لي بس ماقدر بالاخير ربطهاا بقوة وطلع شكلي تحفه مرة..وقمناا نضحك على بعض...خصوصا ان الهوا بدا يقوى ويزيد البرودة..فقمت ارتجف وحسيت انه دخلني...
طلعناا من المطل وعدلت شيلتي...ورحناا للسويت حقناا...
وكانت ردة فعلي لمن شفت السويت اني فتحت فمي بقوة..كان السرير مغطى باوراق ورد الجوري...وفيه شموع حمر معطرة...حسيت بمشااعر فضيعه...وناظرت لوافي بامتناان وهو يهز كتوفه وكأنه ماسوا شي..رمى شمااغه...واناا رميت عبايتي وشيلتي...ورحت للمراية ورتبت شكلي...
سحب وافي كرسي لي عند طاولة الاكل...وطالعت وانا مبهورة باللي اشوفه..كل شيء كان دنيا من الخيال...وحتى العلب المغلفة اللي على نفس الطاولة الدائرية...
وبهالحظة عرفت اني لااايمكن الاقي مثل وافي ابدا...مسكت ايده بقوة وكلي نظرة امتنان..

[لامارا]

الفصل الأخير

الجزء الأول...

اممم...النور يشع على عيوني بقوة!!..غطيت وجهي بالمخده ....حرام عليك يا وافي!!
وافي بلؤم: يله حياتي قوومي!!..."
قلت بتمرد: لاااااااااااء..يله روح هناك...ابي انووم.."
وافي وهو يفتح التلفزيون ويرفع الصوت على الاخير: ما اذكرك بأحد؟؟"
طالعته من تحت المخده: وافي الله يخليك.."
وافي وكأنه مايسمع: قلتي شيء؟؟..تراني ما اسمع..قومي وتعالي وقوليلي وش تبين؟؟"
ابتسمت بنعومة واستسلمت ورميت المخده:خلاااص هذاني قمت...ممكن تقصر الصوت عشان ما تجينا شكاوي من العرسان اللي في السويتات الثانية!!"
وافي وهو يهز كتوفه ويسفهني ويرفع الصوت لآخر شيء على موسيقى اوبرا قوية...
ويجي يجلس جنبي على السرير..طاالعته شوي..وابتسم لنظراتي فحمرت خدودي مرة..وقمت من السرير...
رحت للحمام واخذت شاور سريع..ورجعت عشان الاقي وافي يفطر على رواق...
وهو يقرأ بجواله...
ابتسم بوجهي اول ماشافني...واشر لي عشان اجلس قريب منه بس سفهته وجلست قباالته...وطلبته جواله لأني مدري وين راميه جوالي؟؟!!
دقيت على مهاا على طول...كانت الساعه 8:00ص...وصدق ان وقتي غير منااسب بس بشوف هالبنت وش سوت؟؟؟..
طول الجوال وهو يدق...وبالاخير...
: الووووووووو...وينك يا الدبه؟؟؟..هاا قولي لي وش صاار؟؟.."
بغى وجهي يطيح يوم سمعت صوت قوي ثقيل يقول: نعممم؟؟..معليش مهاا نايمه.."
قلت باحراج وانا اطالع بوافي واعض على شفتي: اوووه...آسفه مرة...ياليت تقولهاا تدق على هالجوال اذا صحت من النوم...آسفه مرة ثانية.." وقفلت الخط وانا العن نفسي مية مرة على غبائي..
وافي وفيه ضحكة: رد عليك فارس؟؟"
: ايه..واااااااااافي لااا تطالعني كذاا.."
وافي كان يحاول انه مايضحك وانا حاسه باحراج فضيع...وش هالفشيلة ياربي؟؟..اكيد بيقول مرت خالهاا مرجوجة درجة اولى...وبعدين انا وسؤوالي الغبي وش صاااار؟؟..آآآآآآآه...
وافي ماتحمل يشوفني كذا...وقام يقلدني عشان يقهرني..
: الوووو...مهاا وش صااار؟؟.."
اه حررررني مرة...فرميت عليه الخدادية اللي كانت على الارض...فطاح كاس العصير اللي عنده وانتثر على روب الحمام حقه...حقد علي مرة وطالعني مقهور...ومسك الخدادية اللي رميتها ورماها مرة ثااانية...فحاولت اني اهرب لكن ماقدرت...وقمت احذفه باي شيء الاقيه....وبالاخير طحناا على الارض واحنا ميتين ضحك...
رغم اني جواة نفسي كنت اردد الله يكفينا شر هالضحك!!







قلت واناا مبتسمة وبلؤم: آهاا.....مو مصدقة..احس اني اسمع قصة رومانسية خيالية..."
مهاا وهي معصبة: اي رومانسية واي بطيخ...اقولك تهاوشنا امس..وقلبناها من ليلة دخله لليلة نكد عمرها ماصارت باي زمن.."
: مهاا لااا تقولين هالحكي...يمكن كان حاقد عليك شوي بسبب سواياك اللي..." وسكت وانا منحرجه من مهاا..
مهاا بعصبية: سواياي تسواه مية مرة...ملكه...ذلني والله ذلني...تخيلي اول مادخلناا وش قالي؟؟"
قلت وانا اسمع القصه للمرة الرابعه: وش قال؟؟.."
قالت بعصبية: طلب مني اسوي له شاهي... ورديت عليه وقلت له: موب انت اللي تخدم فيني...تخيلي وش رد علي.: الزمي حدودك لااا تخليني اقلب هالليلة عليك نكد...فرديت عليه بغرور: ترا مايهمني...لأن ليلتي من اولهاا نكد..."
قلت وانا اكمل عنهاا: فقام وطالع فيك بطريقة شديدة..وحط شماغه على راسه وطلع وترك...صح؟؟"
مهاا بحسرة: ايه...فيه رجل يقول لمرته روحي سوي لي شاهي من اول ليلة بينهم؟؟..بعدين فيه رجل يقول لمرته لااا تخليني اقلب هالليلة عليك نكد...والنفس يا له متحملتك؟؟؟"
رديت وانا اشوف وافي يتحرك ببطء على فراشه ويتململ من صوتي: مهاا يا عمري...اناا والله مو عاارفه وش اقولك...خلك قوية...انت لو تدرين ان اول ليلة لي مع خالك انضربت فيهاا..."
مهاا صرخت بعصبية: وجع وجع...والله لو يمد يده علي...اني قسم بالله لاضربه والله اهتم فيه.."
بعدين تعوذت من ابليس وانا ساكته ماعلقت كملت بعد شوي: استغفر الله العظيم...معقولة وافي يضرب؟؟..اجل ما الوم فارس لو ذبحني.."
: مهاا...هدي اعصابك...بعد بكره راح نسافر كلناا...حاولي تمالكين اعصابك هاليومين...اخاف يحلف عليك انك ماتسافرين..."
مهاا وهي تتكلم بصوت واطي: يااويلي..الله لااا يقوله...بحاول امسك لسااني..رغم اني ما اقدر..ملكه تصوري اني طلبته يطلقني...مع هذا رفض...شلون الحر يقرب من وحده عايفته؟؟.."
: آآآآآآآآآآآآآه...لااا تقهريني يا مهاا..امسكي اعصابك واذا شفتك لي تفاهم معك...يا شيخه لخليك تعلمين فارس مين مهاا صح.."
مهاا بحماس: اوكيه...بروح انام..عشان اذا قام من النوم...مايقعد يتأمر علي..باي"
سألتها قبل لاا تقفل: دقيت عليك الصبح..ورد علي هو.."
مهاا: ايه...اخذ جوالي مني...يقول اني ما احتاجه خير شر...هذا طبعا بعد مارجع الساعه 6 الصباح..فيه عريس يطلع من بدري ومايرجع غير الصبح..فيه عريــ.."
قاطعتها قبل لاا تكمل: يله تصبحين على خير...امسكي اعصابك ولاا تنافخين وخلك حلوة ووش زينك؟؟...وتززيني..وباي...."
مهاا باستسلاام: باي...بوسيلي سيد السيد حقك نيابة عني.."
: يوصل حبيبتي..باي"






طالعت بوافي اللي كان في سابع نومه...كان شكله يحلم بحاجه حلوة...واضح من ملاامحه اللي تغير 180درجة وهو نايم...احس كأنه طفل صغير محتاجني بقوة...كل الخشونة بملاامحه تختفي..ويحل مكانها راحه كبيرة...
لعبت بشعره بخفه..وقريت عليه المعوذات وآية الكرسي....وبست راسه بخفه...ورحت يم الشباك...
طالعت بالرياض في آخر الليل...كان الهدوء غالب على المكان...ويادوب تمر بعض السيارات من وقت لثاني..
رفعت عيوني للسماء..يمه..يبه...اناا بديت اعيش الحياه...اناا مو مصدقه كل شيء فعيوني غايم..احس حتى ضحكة وافي لي شيء اكبر من اني اصدقه...يمه...يبه...اناا خايفه...خاايفه وافي يروح لكم..واقعد وحيده...اقعد من جديد يتيمة...انا ذقت مرارة اليتم وتجرعتهاا مرة ورى مرة...
لوو...حصل ان صار لوافي شيء..فأعتقد اني راح امووت فوق قبره من الحزن والالم والهم!!
سمعت صوت وافي.. فالتفت عشان اشوف وش يبي..بس لقيته نايم ويحلم..رحت يمه بسرعه عشان اسمع وش يقول؟؟.
كان يقول بصوت واطي: احبك..لااا تتركيني...والله آسف!!.."
ومسك ايدي بقوة مرة...حاولت اني اسحبهاا منه واقومه بس كان اقوى مني...ولااا قدر يقوم من النوم...
وافي وهو يتكلم بحزن فضيع: لاا ترووحين...خلك هناا...انت هناا..لااا ترووووووووحين!!" صرخ بآخر كلمة بقوة...
فتح عيونه وصرخت فيه: واافي قوم انت ناايم...قوووم..."
وافي وهو يحاول يستوعب انه مو ناايم: ووووين؟..وش صاار؟؟"
كان جسمه معرق وصدره يلمع عرق...حتى شعره التصق في وجهه...طالعني وغمض عيونه بقوة...
قلت واناا امسك ايده: وشو؟؟.."
وافي وهو يعض شفته بقوة: اناا خايف..." قالهاا لي ورمى براسه على صدري وحوطني بقوة بيدينه وهو يرتجف..
استغربت من خوفه وحاولت اني اهديه قد مااقدر...بس ظل يرتجف لوقت طويل!!...حتى غلبناا النوم سوه!!








في المطار...كنت مومصدقة اني اشوف مهاا... اول ماشافتني ضمتني بقوة مرة...وبدون تفكير..بالناس اللي حواليناا...
وسلمت على وافي بعد....وافي راح يم زوجهاا واخذوا منا الاوراق المهمه عشان يخلصون اجراءات ونروح كلناا سوا...
جلست جنبي مهاا في آخر صف الكراسي حقت الانتظار...وقالت وهي ترتجف: قهرررني يا ملكه...تصوري اني قعدت اتوسله عشان مايلغي السفره.."
قلت واناا احط ايدي فوق ايدهاا: ليش؟؟..وش اللي صار؟؟"
مهاا بعصبية وبصوت شوي مرتفع: حيواااان!!....اكرررررهههههه.. .اكررررررهههه مرة..يقول اني ما احرك فيه شعرة...واني ابدا مو حلوة..ومدري ليش اشوف نفسي عليه...فرديت عليه وقلت له يحمد ربه اني اقدر اطالع بوجهه من غير مايجني غثيان.."
: وشوووو؟؟..هدي اعصابك يا مهاا..يمكن مقهور من حركااتك..وبعدين فيه عروس تقول لرجلهاا كذا..."
مهاا وهي تغمض عيونها بقوة عشان ماتصيح: الله لااا يسامحك يا يبه...ظلمتني وطول عمرك ظاالمني..."
: ريحي نفسك...الدعاوي ماراح تريحك يا مهاا...لأن المكتوب صار..ولاا عاد يمديك تسوين شيء...غير ترضين بقدرك..اسفهي فارس يا مهاا..اسفهيه....لااا تتهاوشين معاه.."
مهاا بحسرة: ليتني اقدر اسفهه...بس اذا شفته غصب اتشاكل معه...تصوري زواجنا له يومين كنهاا سنتين..."
: طيب وش قلت لامك؟؟"
مهاا ببرود: وش قلت لها بعد؟؟..قلت لهاا اللي تبي تسمعه...مثل ماقلت لوافي...الحياه اروع ماتكون مع فارس"
: احسن ماسويتي...لااحد يدري عن مشاكلكم...وبأذن الله اني لساعدك واخلك تخلين فارس هذا خاتم في اصباعك تحركينه مثل ماتبين..."
مهاا وهي تهز راسها: ماابي منه شيء...ابيه يطلقني...صدق انه وجه قرادة..بسبته تزحلقت اليوم بالحمام وبغيت اموت...ولااا مسوي فيهاا مساعده..جاا يساعدني حظرته بس طردته بره..."
طالعت مهاا واناا مو مصدقة هالبنت شرسه مرة...ماعندهاا اي رقة الله يعينك يا فارس عليهاا..ومانتبهت اني قلت الكلمة بصوت عاالي..لأن مهاا طالعت فيني مقهورة: ياختي ادعي لي انا اولى.."
عضيت على شفايفي وسكت واسفهتني مهاا لأن صدرهاا ضاق مرة..من كلمتي اللي سقطت سهوا..






دخلناا الطيارة وافي كان ماسك ايدي بكل رقة...وخلاني اجلس جنب الشباك مكاني المفضل على طول...
قلت بنعومة وانا اشوف فارس يأشر لمهاا تجلس بالمكان اللي تبي وهي تبعد صدره عنهاا بقوة وبطريقة ابدا مو لاايقه: شوف بنت اختك.."
وافي وهو يحك شعر راسه بقهر: ودي امسكها واطقهااا...ياربي هالبنت اخلااقها تراب!!"
: هههههه...يا بعد عمري يا فارس..!!"
وافي وهو يسوي نفسه معصب: نعععم؟؟...اناا بعد عمرك وبس!!"
: اكيد انت بعد عمري وقلبي وحياتي وعيوني وكبدي..وووبعدهم كلهم.."
وافي برضا وهو يبتسم لي: اكيد؟؟!!.."
: اكيد.."
غمض عيونه ورمى راسه على ورا...طالعته براحه...بدى شوي يرجع لوافي اللي اعرفه...امس انقلب علي بطريقة غريبة...كان شكله تعبان وطول وقته يطالعني..واحس انه وده يقول لي شيء...بس كان رافض يتكلم...وبآخر الليل اجبرته يتكلم ويقول وش فيه؟؟" كنت متأكده ان الموضوع بسبب الحلم...وفعلاا طلع مثل ماتوقعت...قالي وهو يرتجف غصبا عليه....شفت نفسي ارميك بالبحر...واغطس راسك فيه بقوة عشان اموتك...كنت احس بحقد غريب...وانت كنت توسلين لي وتصيحين بأعلى صوتك وتحلفين لي انك بريئة...لكن انا ما اهتميت...رصيت على راسك بقوة عشان ماتقدرين تنفسين وتموتين...
لكن كانت الرياح في البحر قوية مرة...فطحت من القارب اللي كنت فوقه...ولقيت نفسي اناا اللي اغرق وانت تبعدين عني...وترفضين انك تنقذيني...رفضتي يا ملكه انك تسامحيني...!! رفضتي ونظرت لي وعيونك مليانه دموع وصديتي عني ورحتي!!





قلت واناا اقرا لوافي المذكرات لأنه يحب صوتي مرة: ممكن اوقف؟؟"
وافي وهو يسحب مني الكتاب: وقفي بس انا بكمل قرايه.."
قلت له: وااااااااااافي...خلنا نسولف!!"
وافي قفل الكتاب: يله سولفييي..واناا اسمع..."
قلت واناا اشوف المضيفه جاية تصب القهوة لناا: صراحه هالمضيفه مو عاجبتني..من اول وهي توزع ابتسامات لك.."
وافي : ههههههه...عاادي معجبه...مثلهاا مثل غيرهاا.."
وكمل بغرور: عااد انت لاا تنكرين جمالي يا ملكه...ترى جمالي له تأثير مو طبيعي على البنات..."
قلت وانا مقهورة منه: ترى مافيك زود...رجال عادي...هذا تقييمك...يعني من واحد لعشرة تآخذ سبعه..."
وافي بغرور اكثر من اول: سبعه!!..هه...ياحليلك خلي مهاا تقيمني تعطيني عشرة وزود..."
مديت بوزي يوم وقفت المضيفه فوق راسناا وهي تسأل اذا نبي قهوة او لاااء؟؟...
مد لهاا وافي فنجاله واناا بعد مديت لهاا فنجالي...ابتسمت بوجه وافي بنعومة...وعيونهاا تطوف عليهاا..
اناا ولعت غيرة هناا...وحسيت اني ياله ماسكه نفسي.. وافي عارف وش افكر فيه بس سفهني...ورجع لكتابه...
طالعت بره الشباك..كان الهوا بارد مرة...والدنياا ظلاام...بيناا وبينهم تقريبا سبع ساعات...يعني على الفجر تقريبا هم هالحين..
رجعت طالعت بوافي اللي كان متأثر بالكتاب اللي يقراه...وحسيت بملل..بس بالاخير تركت قهوتي على جنب...وحطيت راسي على كتف وافي..استنشق ريحة عطره الحلوة...ابتسم لي بنعومة وقمنااا نقرا الكتاب سوه...

[لامارا]

في آخر الرحلة وماعاد بقى على مونتريال شيء كثير...




كشفت الغطاا اللي على وجهي بخجل...ماكان ودي اكشفه..بس بالاخير اضطريت اني اسمع كلاامه واكشف وجهي بس...وابقي على باقي حجابي...
مهاا من ركبت الطياره اساسا كشفت ولاا اهتمت بفارس نهائيا...وشرح لي وافي انهاا متعودة اذا سافرت بره انهاا ماتلبس اي حجاب...وكل العايله تقريبا مثلهاا...وقال لي اذا ابي اكشف ماعنده اي مشكله...
بس اناا رفضت نهائيا...كافي اني كشفت وجهي...تذكرت موقف عمي معي...لمن اجبرني انزل عبايتي...كان انسان فضيع..ماعنده اي اسلوب او طريقة للتفاهم...
ارتجفت غصبا علي وانا اذكره...ومسكت يد وافي بقوة...قالي وافي وهو ياكل شبس: بردانه؟؟.."
هزيت له راسي بدون ما اتكلم..ففصخ جاكيته الجلدي الانيق وحطه على كتوفي...حسيت بامتنان فضيع له...ولمست شعره ببطء...وكنا بدنيا ثانية...بس صوت مهاا خلانا نبعد عن بعض على طول...
مهاا وهي توقف فوق راسناا: يا عيني على الرومانسية...بس ترى مكانهاا غلط..."
وافي اللي طالع حوله منحرج: بروح اجلس يم فارس..."
مهاا وهي تطالع بوافي وتغمز له: عشان كذا حاجز لناا بفندق..خايف نجي ونقلق راحتك!!"
: مهاااااااا...وش هالحكي...تعالي انثبري...ياطول لسااانك.."
طالع وافي بمهاا اللي انحرجت من كلاامي: لقطي وجهك.."
قال لهاا وراح جنب فارس...اما مهاا جات جلست بجنبي وتقول لي: شفتي كيف كسرت عينه؟؟..فصخت عبايتي ولاا قدر يتكلم ويقول كلمة وحده بس!!"
: مبروووووووووووك..مشاء الله عليك..وش هالانجاز؟؟" قلتهاا بتريقة..
اخبطتني مهاا على كتفي: هالانجاز بالنسبة لي يعني كثيييييير...شوفي كيف منزل وجهه مسوي مستحي.."
: آآآآآآآآآآآآآآآآه...بسكت عشان ما اضايقك.."
مهاا ابتسمت وهي تغمز لي: وش هالحركات انت وخالي وافي...معقووووول فيه رجال سعودي يتخلى عن انانيته ويعطيك جاكيته.."
طالعت بجاكيت وافي وابتسمت: فيه..وافي يا حبيبتي..بس قولي مشاء الله.."
مهاا بلؤم: لااااء ابي احسده عشان تحسين بمعاناتي.."
عصبت عليهاا: مهاا قولي مشاء الله..."
مهاا بعناد: لاااء..." وطلعت مراية من شنطتهاا وقامت تسوي شعرهاا الكثير والناعم وتضبط مكياجها الثقيل... وكملت: وش رايك بلبسي؟؟"
طالعتهاا وانا اشوف الحريم يروحون الحمامات ويطلعون بشكل ثاني اللي بحجاب بس يغطي شعرهاا...واللي بعباية ملونه.. واللي على طول خلعت كل شيء مثل مهاا: لبسك حلووو..مرة"
مهاا وهي تطالع بحجابي: طيب انت روحي البسي شيء زي الناس.."
قلت لهاا وانا اسوي طرحتي زين: مهاا كافي اني شلت النقاب...وزين وافي خلااني البس عباية على الكتف..وهذا صراحه كافيني...وبعدين ان شاء الله اذا وصلت شقتنا دورت لي لبس مرتب وساتر ولبسته..."
مهاا وهي تهز كتوفهاا: انت حرة!!..."
وسفهتني وقامت تقرا بمذكرات موسليني اللي كان وافي يقراها..






واخيرا وصلنا...



ضحكت على حركة مهاا وفارس وشلون يطالعون ببعض بغيض..ومهاا بكل بساطه تركت شنطة التجميل حقتهاا وخلت فارس يشيلهاا..
وجات وراي بالضبط واناا مع وافي وشايلين شنطنا الخفيفة لأني ما اخذت ملاابس كثير...على اساس اني اشتري من كنداا كم قطعة...ومافيني صراحه اشيل معي شنطة كبيرة..
نزلناا اخيرا من الطيارة...كان الهواء بارد مرة فارتجفت منه بقوة رغم ان جاكيت وافي لسه علي...وانتبهت ان القميص اللي لاابسه خفيف مو ثقيل...فأول مالامست رجولناا ارض كندا...عطيته الجاكيت ولاابسه بسرعه بدون مايناقشني..
خلصناا اجراءات المطار للاسف مو بسرعه...وكنت متأكده انه بسببي اناا وحجابي...وكمان لأن الطياره جايه من السعودية..
بس مهاا ورجلهاا خلصوا بسرعه..لكن اناا ووافي توهقناا شوي...بس بالاخير كل الامور مشت على احسن حال...
وصلناا للشارع...واخذناا باص..واناا كنت مبسوطة اطالع بكل شيء بفرح...لأني متعودة اجي لكندا مع اهلي اول..وانا اللي طالبت وافي يآخذني هناا...
كنت اتنفس الهواء بفرح وحسيت ان ودي اركض...واترك وافي ومهاا وفارس واروح لوحدي...اركض وسط الامطار والطبيعه الخلاابة...لكني تحكمت بنفسي وركبت الباص معهم...
جلست اناا ومهاا جنب بعض...وكانت مهاا لاابسه بنطلون جينز وبوت عالي وبلوزة صوفيه اكمام طويله لونهاا عنابي..
كانت مهاا تأشر لكل شيء مبسوطة لأنهاا اول مرة تجي لهالمكان...واناا بعد كنت اوريهاا الاماكن بفرح..فارس ووافي كان واضح عليهم التعب...وحتى ماتكلموا كانوا مغمضين عيونهم...وقف الباص كذا مرة...وكان ينزل ناس وناس تركب..
بالاخير وصلناا قريب للفندق اللي مهاا ورجلهاا لاازم ينزلون له...باستني مهاا ووعدتهاا اننا نتقابل الظهر او العصر...وحلفتهاا انها ماتسوي اي مشاكل مع رجلهاا..وهزت راسها لي ان شاء الله..
جلست جنب وافي..وطالعناا بالشباك...وشفناا مهاا وهي تبعد عن ي زوجهاا اللي كان مادهااا..فغمضت عيوني بقوة..ووافي بعد تأوه..لأننا تذكرناا ببعض وكيف كنا متمردين بقوة؟؟؟...
وافي وهو لسه مغمض عيونه: ليش لااازم بعض الناس تنكد على نفسهاا في البداية؟؟.."
مارديت عليه وراقبت بعيوني مهاا وفارس حتى يوم بعد الباص عنهم...ولااحظت انهم وقفوا في نص الشارع وكان واضح ان مهاا تصرخ بوجهه..هزيت راسي بحسرة على فارس المسكين!!..
ورجعت طالعت بوافي اللي كان يفكر بنفس تفكيري..وعشان اشغله عن هالهم..قعدت ااشر له على بعض الاماكن واحكيله عني اناا واهلي...ووش كنا نسوي؟؟..
وافي بعد تفاعل معي وقام يحكيلي عن بعض المغامرات اللي عاشهاا هناا هو واصحابه لمن كان يدري الجامعه بامريكا..
وتفاعلناا بالحكي مرة...وكنت احاول اني احفظ كل معلومة يقولهاا وافي...لأني احب كل شيء يخصه...وابي اكون اكثر وحده تعرف عنه كل شيء..اكثر من مهاا وحصه وجدته والكل...







تأملت العماره الصغيرة المكونة من طابقين..واعجبني شكلهاا المريح نفسيا نوعا ما...سلم البواب على وافي وكان واضح انه يعرفه ومتذكره...وشال شنطنا القليلة...
وصلناا للشقه اللي في الدور الثاني...وكانت شقه مرتبة مرة..وشكلهاا حلووو..وحسيت فيهاا براحه مرة..بس مدري ليش اشتقت بنفس اللحظة لحصه وصيته وكل اهل السعودية...
وقررت اني اكلمهم بعد ما اقوم من النوم...قال وافي وهو يقفل الباب حق الشقه: بآخذ لي شاور سريع...وبننزل نروح نفطر في مكان..."
قلت له وانا افصخ عبايتي: ان شاء الله...."
وشفته وهو يدخل لغرفة..وعرفت انها غرفة النوم..رميت الشيله اللي على راسي بضيق..خنقتني مرة...وحررت شعري الاحمر...
ورحت للشباك الكبير اللي بالصاله وفتحته على اوسع شي..وطالعت بالشارع وبالحركه اللي فيه...ماكان فيه سيارات كثير...كانت فيه باصات كثيرة تمر..وكمان ناس راكبين على سياكلهم..
وناس كثير يمشون على رجولهم..محد له شغل باحد...كلن ماشي بحاله وهو يفكر بهمومه ومشاكله..
اخذت نفس...اتنفس هوى مونتريال البارد..وارتجفت واناا اسمع صوت الموية بالحمام..وافي!!...الله يستر عليه.. ان شاء الله يكون انتظر لين ماتدفى الموية..
رجعت قفلت الشباك..ودخلت المطبخ غسلت وجهي بالموية...فتحت باب الثلااجه بفضول مع اني متأكده ان مافيه شيء..
بس اللي استغربته اني لقيت الثلااجه مليانه بكل شيء...اجبان انواع مختلفه..معلبات بكل الانواع...وعصيرات...
بس انا كنت مشتهية قهوة تركية...فطلعت كيس القهوة...وركبت موية على النار...وقعدت على كرسي انتظر الموية تغلي ووافي يرجع لي...
رجع وافي بعد نص ساعه..وكان شكله ميت برد..وراح يشغل التدفئة...وبعد ماشغلهاا رجع وجلس قدامي...وقام ينشف شعره...حطيت ايدي على خدي وقعدت اتامله وهو يمسك جواله ويدق على....مدري مين...
وافي وهو يطالعني: الووووو..."
ابتسمت واناا اسمع صوت حصه وهي تصيح: ووووينكم؟؟..ما قلتولي انكم وصلتواا...قلقت عليكم مرة.."
طبعا وافي كان فاتح السبيكر...رحت للموية اللي تغلي وسويت لناا القهوة وجلست قباله..
اخذ مني فنجال القهوة..وشرب منه شوي...وسولف مع حصه بعد ماشال السبيكر..
شربت شوية قهوة ولااحظت ان لسه شعر وافي مبلول..ياربي هالرجال مايعرف ينشف شعره...
قمت وتركت قهوتي واخذت المنشفه منه..وقمت انشف شعره بسرعه...
وافي وهو يضحك ويعلم صيته: كلمي مرت اخوك...تعاملني كأني طفل..."
قلت وانا اخذ الجوال منه: هلااا والله بحصه...شلونك يالغلااا؟؟..شفتي شلون اخوك مايملى عينه شيء.."
وافي بأعلى صوت: انااا؟؟...انا ماقلت لك عامليني مثل هالبزران.."
قلت مبررة: والله يا حصه...اني بس كنت خاايفه عليه...تارك شعره مبلول...والجو بارد مرة.."
حصه وهي تدعي: يا رب..ان مهاا تعامل فارس بهالطريقة.."
قلت لهاا وانا اعض شفتي: يا حصه..دقي على مهاا..ترى والله انها مهبلة برجلهاا.."
حصه وهي تحسر: دقيت...قاهرتني يا ملكه...بس مو قادره اسوي لهاا شيء.."
: الله يهديهاا انا بحاول قد مقدر اني اخليهااا ترضا بنصيبهاا وتحبه بعد..."
وافي اللي سحب الجوال مني: ياهووه اجلوا مخططاتكم بعد شهر العسل.."
قلت وانا ارمي عليه المنشفه فوق راسه: اعاملك كنك طفل؟؟...صدق اني غبية.."
وتركته ورحت مسوية حالي ان صدري ضايق...بس مالحقني الا بعد عشر دقايق تقريبا...
قال وهو يشوفني منسدحه على السرير: خففتي علي الله يخفف عليك...ودي اروح اقابل صديقة قديمه وكنت مستحي اقولك..وجات من رب العالمين.."
صرخت فيه وانا ارمي المخده: مالك امل تروح لوحدك..."
وافي اللي تخبى ورى باب الدولااب...: طيب خلااص..روحي البسي ملاابسك...عشان نطلع.."
قلت وانا اسحب باب الدولاب: ولااا فيه شوفة لصديقات؟؟"
وافي وهو يهز راسه: حاظر عمتي...بس خلصيني والبسي.."
طعت بنطلون جينز..لبسته ولبست فوقه جاكيت طويل لحد الركبة ولونه عسلي...وحطيت على راسي ايشارب ملون يغطي شعري..ولاا حطيت مكياج..وطلعت مع وافي اللي تفحصني من فوق لتحت وبعد ماسوى بعض التعديلات بلبسي وافق اني اطلع وياه...
اممم...لذيذة هالقهوة...الذ قهوة ممكن تذوقونهاا..دسمه وفيها طعم توفي غير شكل..على قولة وافي..
كان المقهى الصغير اللي رحنا نفطر فيه مرة بيتوتي...كأنوا صاله في بيت..كنبات وبينهم طاولاات صغيرة مرة للقهوة...
ختم وافي كلامه: ما كانت ايام مميزة بحيااتي..عانت فيهااا كثير..."
قلت وانا اتذكر موضوع المرض اللي فيه: ليش عانيت؟؟.."
وافي وهو يغمض عيونه يتذكر: بعد سنة من جيتي لامريكا...اكتشفت اني مريض بمرض صعب اني اقوم منه.."
سألته بتردد: مرض؟؟....سر....سرطان قصدك؟؟"
فتح وافي عيونه بقوة: شلون عرفتي؟؟..."
بلعت ريقي وانا احاول اركز على الكلاام اللي راح اقوله: اناا عرفت من فترة يا وافي.."
وافي وهو مستغرب: بس..شلون ما احد يعرف عن السرطان نهائيا..."
قلت اشرح له: لقيت بصيدليتك ادوية كثيرة...وو...و..عرفت منهاا المرض.."
وافي وهو يضرب جبينه وابتسم: ايه احتفظت بالادوية هناك.."
سألته وانا اتألم: المرض له سنين وهو معك..ومع هذا ماعالجته؟؟...ليمتى يا وافي؟؟.."
وافي فتح عيونه الناعسه على الأخير وطالعني كأنه مو فاهم وش قاعده اتكلم عنه...
قلت بمرارة: تخيل الآلامي يا وافي..واناا اتاملك كل ليلة وميتة خوف انك تموت..ميتة خوف انك تألم ولا اقدر اخفف عليك...لدرجة اني حتى الفرحه حرمت نفسي منهاا لأني عارفه الالم اللي بيلحقهاا.."
وافي وهو يشد شوي من شعره وبعدين يرجعه ورى: مو فااهم حبيبتي...ليش خاايفه؟؟.."
وكمل وهو يجي يجلس جنبي وانا عيوني كلها دموع ابكي بصمت لأنه مصر يخفف علي حتى رغم ألمه!!
: ملكه...اناا شفيت من هالمرض..ونسبة رجوعه كبيرة...بس حتى الآن..ما رجع لي.."
فتحت فمي مو مستوعبة اللي قال..وطالعته...غمضت عيوني من جديد....ودفنت راسي بصدره..ابكي..وابكي..وابكي...
وافي وهو يضحك على شكلي: مفرو تضحكين بأعلى صوت ان رجلك مافيه اي مرض مو تصيحين.."
قلت له وانا اشاهق والناس تطالعني مستغربة: انت مو فااهمني...اناا عشت بكابوس...طول الفترة اللي فاتت.."
وافي وهو يرجع يجلس مكانه ويمسك الآيسكريم اللي بالكاسه الكبيرة: ملكه..من متى وانت تعرفين بموضوع المرض؟؟"
طالعته وانا امسح دموعي: من فترة طويله..."
وافي بابتسامه باهتة: رجعت لي بس علشان اعتقادك اني مريض؟؟"
ترددت في الاجابه...ماودي اكذب..بس هذا الصدق رجعتلك لأنك مريض...وغفرت لك واعطيت نفسي فرصة بس لأنك مريض...كنت ابيك تعيش كل ايامك الباقية بفرح..وتموت وانت راضي علي..!!
وافي اللي قرا الاجابة في عيوني...بلع ريقه وحسيت انه يجاهد عشان ماينفجر بوجهي..رجع شعره ورى كذا مرة... وقام يطقطق اصابعه...وشرب كوبين قهوة...والمصيبه العظمى..طلب علبة سجاير...
جات له علبة السجاير...فطلع السيجارة الطويله النحيفه اللي اكرهها...ورماها بفمه وولعها!!
قلت وانا آكل شوي من الكروسان اللي معي: ماحكيتي لي حكاية مرضك؟؟"
وافي طالعني ببرود وقال وهو يهز اكتافه: بعد ماجيت لامريكا بسنة..اكتشفت ان معي ورم في راسي...وهالورم كان قريب مرة من مناطق البلاغه في دماغي اللي تتحكم بحركتي وكلاامي...فرحت وازلته عند دكتور شاطر وكبير هنا..."
قلت بلهفة: وبعدين؟؟..والادوية اللي في صيدليتك؟؟"
وافي وهو يرمي السيجارة الاولى ويطلع سيجارة ثانية وبهمة ونشاط يولعهاا ويرميها بين شفايفه: الادوية...لأني بعد العملية..عانت من الآلام فضيعه....وصداع مو طبيعي شوي ويشق راسي من قوه...فكتبوا لي الدكاترة بعض الادوية اللي تخفف الألم..استخدمتها فترة طويله وبعدين خذيتهاا معي كلهاا للسعودية...كنت احب اني اشوفها عشان اتذكر النعمة اللي انا فيهاا..اللي مثل حالتي مفروض ميت من سنين...وشوفة الادوية كانت صدق..تخليني احمد ربي صبح وليل..."
اتنفست بفرح: الحمدالله....توعدني اذا رجعنا السعودية ترميهاا كلهاا الا حقت الشقيقة.."
وافي ببرود: لااااء...وبعدين.."
وسكت وحاول يدور كلمات: خلااص انت هالحين..تقدرين ترجعين تعيشين مع..مع جدتي.."
ووقف وتركني وطلع من المقهى!!







لحقته بسرعه...بس ما اهتم فيني بالمرة...سفهني..وكان واضح ان صدره ضايق مرة...
انتبهت ان الجو مغيم...والمطر على وشك ينزل...والبرد...اووووووه..مو طبيعي..
قلت بحسرة بنص الشارع وبأعلى صوت: والله احبك.."
وافي وهو يلتفت: فضحتينااا!!"
قلت واناا مو مهتمة واركض بسرعه عشان اجي قدامه: مايهم...خل هالعالم كلهم يعرفون قد ايش انا احبك...وقد يش انت قاسي علي.."
وافي وهو يطالع حوله: ملكه..مايحتاج تزاعقين.."
قلت بحرارة: بس انت بتتركني...وبتردني عند جدتك...انت ماتخاف الله فيني.."
وانقهرت منه يوم سفهني وحط سماعات الجوال بأذنه....ضربته بقوة على صدره وتركته...حاول انه يلحقني....بس هربت منه قبل مايقدر يمسكني...وركبت باص شفته على وشك يتحرك...






طلبت من الباص يآخذني للفندق اللي مهاا فيه...وصلني للمكان اللي طلبت...
نزلت من الباص...والمطر بسرعه بللني...بغمضة عين... ما اهتميت بالبلل اللي انتشر بملاابسي...
فتحت شنطتي...وطلعت جوالي...لقيت فوق الثلااثين مكالمه من وافي...سفهته ودقيت على مهاا...
ردت علي من اول مرة...وكان واضح انها تبكي بحرارة..
: الحقينييييييييي ملكه.."
قلت وانا مفجوعه ونسيت نفسي: وشووو؟؟..ووينك؟؟"
مهاا وهي تشاهق: شوفيني في الصالة حقت الفندق..."
دخلت بسرعه للفندق...وشفت مهاا واقفه في نص الصاله...بملاابس بسيطة عادية..
اول ماشافتني استغربت وضمتني بقوة...وزاد بكاءها...سحبتهاا وطلعناا من الفندق..
مهاا وهي تبكي: اناا اكرررههه نفسي....اناا اسوأ انسان في هالعالم.."
مسحت دموعهاا وجلسنا على كراسي موزعه في الشارع...
قالت مهاا يوم انتبهت لشكلي: صح..ليش انت هناا؟؟"
قلت بحسرة: خلااص انتهى الحلم الجميل!!"
مهاا وهي تحط ايدها فوق ايدي بتفهم: وش صار؟؟...وش صار لك انت بعد؟؟..وش هالنحس اللي يطاردنا بكل مكان؟؟..ليش مايحق لنا نعيش سعداء طول العمر؟؟"
قلت لهاا وانا امسح دموعي: انا كنت سعيده طول عمري...بس من ماتوا اهلي...تغربلت وتبهذلت...وافي بالذات...عشت معه ساعات فضيعه مميتة مؤلمة...ويوم حبيته.." غمضت عيوني بقوة امنع الدموع اللي بللت وجهي...بس ماقدرت...فصحت بحسرة وحطيت ايديني على وجهي...
مهاا مسحت على راسي من فوق الحجاب وهي تصيح: يا شيخه الرجال والله مايستاهلون اللي نسويه لهم...قساة متحجرين..."
وكملت بألم: صدق ان اللي يبينا عيت النفس تبغيه..واللي نبيه عيا البخت لاا يجيبه.."
قلت لهاا وانا ارفع يديني من فوق وجهي: صاادقه...تخيلي ان اول حب لي...كان حب ممنوع..حب مستحيل...لاا يمكن ارتبط فيه لو يصير اللي يصير...وتصوري انه بنفس الوقت اللي كنت احب فيه....كانت فيه قلوب تعذب وتحبني...ومنهم خالك..وافي...تخيلي اني يوم حبيت وافي..حسيت ان فيه اشياء كثيرة تمنعني عنه...دايم فيه حاجز دايم فيه شيء يوقف بوجهناا...ليش حظي كذاا؟؟..ليش ما اعيش سعيده بدون الم وبدون حب وبدون هم؟؟..تخيلي ان بدرية حبت مساعد وهو حب غيرهاا...تخيلي ان عفرا حبت جاسر ومات...تخيلي ان روعه حبت سلطان لكن مشاري هو اللي حبهاا...تخيلي ان صيته حبت صالح لكن هو راح لغيرهاا...ليش؟؟...ليش كلناا كذا؟؟..ليش مافيه وحده فينا حبت وانحبت وانتهى الموضوع..."
مهاا وهي تشاهق: روعه وسلطان؟؟..آآآآآآآآآآآآآآه عليك يا خالي....اسمعي قصتي اناا....تخيلي ان فارس يحبني...يحبني من زمااان مرة...تخيلي اني اناا قاسية معه..ملكه انا بالثلااث ايام اللي فاتت سمعته حكي زي السموم...لو بقعد اعوضه العمر كله مايكفي..ملكه انا متحطمه...احس اني انسان سيء ماله اي قيمة...احس اني مثل دود العلق..اللي يمص الدم عشان يعيش..."
قلت واناا احاول اخفف على مهاا: تقدرين يا مهاا تعوضينه...انتم مالكم الا ثلاث ايام.."
مهاا بحسرة: عمري...ماراح اقدر اعوضه يا ملكه...خلااص..فيه شيء انكسر بيناا...وعمره ماراح ينصلح.."
ضميتهاا بقوة ولاا تكلمناا...خلااص وش نقول؟؟..وش نحكي؟؟..هذي هي الدنيا..وهذا المكتوب..وهذي اقدرانا بكل بساطه...






بعد ثلااث ايام...






وافي وهو يجلس قريب مني على السرير: زعلاانه لسه؟؟"
قلت وانا اهز راسي ببرود: لاااء..ليش ازعل؟؟.."
وافي ابتسم ببرود: لأني احبك سويت كذا...عارف اني قاسي...بس غصبا علي...انجن يوم اعرف انك حبيتيني شفقه!!...شفقه يا ملكه.."
قلت وانا اتحرك من على السرير: احبك شفقه؟؟؟...هه...الشفقه يا وافي اني اواسيك من وقت لوقت..مو اني اعيش معك..مو اني اعطيك كل شيء...وافي حرام عليك لي ثلااث ايام اشرح لك...ليش مو راضي تفهم.."
وافي بحرارة: احاول افهم...لكن مو قادر..حبي لك يمنعني من اشياء كثيرة...حبي لك يسبب لي الجنون...ملكه صدق...انت انسانه غريبة...انسانه تسببين جنون للي يعرفك.."
ابتسمت غصب علي وقلت ببرود: يمكن لأني مجنونة!!"
وافي عصب علي ووقف وقال: خلااص انت حرة...مجنونة مجنونة...بس المهم اني ابيك واحبك حتى وانت مجنونة.."
ورجع ركع جنب السرير ومسك ايديني: خلااص يله...ابتسمي بحرارة...لاا تخليني احاسبك على هروبك مني بذيك الطريقة قبل كم يوم.."
قلت وانا مقهورة منه: من حقي اهرب...مفروض اني ما ارجع ابد لك...عارف مفروض اعيش هناا طول العمر.."
وافي وهو يآخذ نفس: متهورة...انت متهورة...لو وحده ثانية كان تعلقت فيني موب راحت لأول باص تشوفه..."
كنت بتكلم بس عطست بقوة...ضحك وافي علي..فعصبت ورميته بالمخده اللي جنبي...طبعا انا مسامحته مايحتاج يسألني..مسكين يا وافي..ماتدري ان الحق معك مو معي؟؟!!( ان كيدهن عظيم!!)






انقطعت اتصالااتي مع مهاا...ولااا تقابلنا معها هي ورجلهاا خصوصا اني انا مرضت شوي..بسبب الامطار اللي ذاك اليوم..وكنت طول وقتي اعطس واكح...ووافي منعني من الحركه الكثيرة...
سمعت وافي يكلم رجلهاا: ايه...لاا المنطقة مرة ممتازة..انتم روحوا ولاا تخافون..فيهاا بعض السباع...بس لاااء..ماتقرب من المناطق المأهولة..ايه..سلم لي على مهاا..."
قلت بعد ماقفل: وافي...بيروحون للغابة؟؟؟.."
وافي وهو يتمدد ويرفع صوت التلفزيون: ايه...غيرانه منهم؟؟.."
وكمل عشان يقهرني: محد قالك تسوين فلم هندي وتركضين تحت المطر..."
قلت واناا صدق غيرانه لأن هذا كان مخطط الرحله لي ولوافي: يا ثقل دمي!!"
وافي اللي عارف اني اقصده ضحك من قلبه...ورجع يتأمل التلفزيون..كان الفلم رومانسي قديم..واسمتعت بشوفته...خصوصا اني انا رومانسية وابكي بسرعه...وافي اول ماشاف الدموع بعيوني ناولني كرتون المناديل عشان امسح دموعي...وهو ميت ضحك علي...دوم يتريق فيني..يعتقد ان البكاء سلااح للمرأة...لكنه يقول لي انه مايهتم بهالسلااح بالذات...وانا عمري للصراحه ما استخدمت البكاء كسلااح..بالعكس اخر ما افكر فيه اني اصيح عشان يتحقق طلبي..فيه طرق كثيرة مرة ممكن اخليه فيهاا يجيب لي اللي ابي بدون صياح ووجع قلب!







صوت التيلفون ازعجناا واقلقناا.. كنت نايمه على بطن وافي وعلى الأرض بالصاله...واستغربت مين اللي بيدق بهالوقت...كانت الساعه 2:00ص..
قمت وانا اترنح من النوم...ورحت للتيلفون...رديت وانا احاول اتنحنح عشان يوضح صوتي..
:Hello
سمعت صوت كأنه بعيد: الووو...ملكه؟؟..."
: ايه...مين؟؟.."
:هذا اناا مشاري....وين وافي؟؟.."
استغربت انه ماقالي كيفك وش اخبارك؟؟؟..وحسيت ان بطني يعورني فسألت مشاري: وش فيه؟..مشاري صاير شيء عندكم في السعودية؟؟.."
مشاري بتردد: ملكه...الله يخليك...خلي رجلك يدق علي...بسرعه...يله روحي...سلاام.."
طالعت بالسماعه..ومسكت صدري بقوة...دقات قلبي تتعالى..مين؟؟..وش صار؟؟؟...غمضت عيوني بقوة وطحت على الارض...
وافي اللي فقدني..تحرك من مكانه ببطء...ولمن لااحظ اني موب جنبه..رفع عيونه يدورني...شافني عند سماعه التيلفون...وشكلي مفجوعه وميته خوف..
وافي وهو يحك عيونه: ملكه؟؟..وش فيك؟؟..بسم الله الرحمن الرحيم...انت عارفه الساعه كم؟؟.."
قلت وانا اتكلم ببطء: وافي...تعال بسرعه..اناا مو قادرة اوقف.."
وافي اللي صدق انفجع علي...وقف وجا يمي بسرعه وسندني عشان اوقف...
قلت وانا ارتجف: مشاري اخوك.."
وافي باهتمام: وش فيه؟؟.."
: مدرري...اناا خايفه..."
وافي وهو يبعد شعري عن وجهي: ملكه..مشاري وش فيه؟؟"
وصرخ فيني بقوة: وش فيييييييييييييييه؟؟"
قلت وانا ارتعش: دق علي...شكل..فيه مصيبه...روح..ارفع السماعه...وافي..اناا....اناا خايفه..."
وافي تركني ومسك التيلفون...حاولت اني احافظ على قوتي وتمسكت بطاولة التيلفون...
وافي: هلااء..مشاري...وش فيك؟؟...هااا؟؟؟ميييييين؟؟؟. ..قول والله...مشاري...وش هالحكي...؟؟"
مع كلمات وافي اللي واضح انها مو طبيعية...كنت اتمسك فيه بقوة..وصرخت فيه هو واخوه: وش فييييييييييه؟؟؟..مين؟؟..مين مااات؟؟؟"
وافي قفل السماعه ومسك التيلفون ورماه بقوة على الجدار...قلت وانا ارتعش: وافي وش فيه؟؟..طمني...قولي ماصار شيء...وااافي.."
وحطيت ايدي على فمي اكتم صرخااتي....
وافي طاح على الارض...وضرب ايده بقوة على الارض كذا مرة...وكان شكله منهاار...اول مرة اشوف دموع وافي..كانت دموعه تنزل وتطيح على ايده وعلى الارضية الخشب...
قلت واناا احاول احافظ على البقية المتبقية من عقلي اللي طار بسبب هالمكالمه: وافي رد عليييييي.."
وافي عيا يرد علي...كان يبكي...وافي يبكي...وبحرارة...قربت منه..وضميت راسه بقوة...كان يصيح مثل الطفل...وافي انهاار...وش اللي خلااك تنهار يالغالي؟؟؟...
قال لي بصوت مرتعش: ماتت يا ملكه...ماتت..."
بعدته عني بسرعه: مييييييييييين؟؟؟.."
صرخت فيه...طالع فيني وعرفت انهاا قريبه مني..
قلت لاا شعوريا: لاا تقول عفاري..."
وحطيت ايدي على فمي يوم هز راسه...انهرت...حاولت اوقف...لكن ماقدرت رجعت طحت من جديد...كنت اتخبط مو مصدقة...عفاري تموت...عفاري اكثر انسانه عايشه عررفتهاا...شلون؟؟..لاااء اكيد ماماتت يمكنها مريضة او شيء؟؟؟..
طلعت بوافي وصرخت فيه بقوة: لااا تكذب علي"
وافي بحسرة: وهالأمور ينكذب فيهاا؟؟.."
قلت واناا ارتعش بقوة: بس عفاري...لاا يمكن تموت..."
وافي وهو يغمض عيونه بقوة: انتحرت يا ملكه..عفاري انتحرت.."
صرخت فيه بقوة: انتحرت؟؟...آآآآآآآآآآآآآآآ� �آآه...لااا تقول كذاا...وافي انت تمزح....عفاري لاا يمكن تنتحر...هي وعدتني..."
وضربت الارض بقوة وحاولت اني اتنفس...بس ماقدرت كنت احس بخنقة كبيرة..وابي اشم هواء...
عفاري ليش انتحرتي؟؟..ليييييييييييش؟؟ ؟...خسرت اخرتك ياعفاري خسرتي اخرتك...خسررتي كل شيء....ماعاد بقى شيء تقدمينه لربك...
ليه يا عفراء؟؟...حرااام...والله يا دنيا حرااام...ليش يصير فيني كذااا؟؟..
غطيت وجهي بيديني...وبكيت بمرارة...








في دبي....في بيت عمي....في العزاء...






كان السواد موشح المكان...كل شيء اسود...الناس ...الاثاث ....الحدايق..كل شيء حزين على خسارة عفاري...حتى الطيور مو راضيه تغرد...كل شيء ناقصه شيء...فيه شيء مو طبيعي حتى بالجو...حتى الاكسجين كأنه نقص وقل..معقولة الحزن يحسسنا بكل هالاشياء؟؟؟..ولااا الكون حزين لعفاري؟؟
عمي وعمتي نورا كانوا في عالم ثاني...عمي الى الان ماكان مستوعب اللي يحصل...كان واضح عليه عدم الاستيعاب...حتى وهو يستقبل الرجال ويعزونه ويرد عليهم...كان واضح انه مو فااهم شيء...كان معه سلطان...وسلطان كان خلااص واضح عليه انه منتهي..عيونه حمر...واضح انه بكى قدام الكل بدون مايهتم...حتى شعره كان واضح عليه انه شاده كثير....كانت اشكالهم مخيفه..مغبرة مؤلمه...اول مارجعوا من الدفن..وكان وافي معاهم...جاا وافي وبكى بحظني بمرارة..كان يقول لي حكي غريب..يقول لي عن عفاري وثقلهاا والكفن...واشياء مخيفه مرة...مخييييييييفه...ولاا قدرت اسمعهااا...كنت ارتعش خوف..وانا اتخيل عفاري تندفن..خيالي ماكان يقدر يشيل هالصورة....
بدرية ومحمد وريم كانوا حزينين...وريم كانت مريضه مرة....اماا محمد فكان واضح انه مو فااهم الموت مرة...لأنه رغم عمره بس واضح انه مو فااهم وش يعني موت؟؟؟
..بدرية...حزنهاا كان اخف من حزن الكل...او يمكن اهي من الناس اللي مايبين عليهاا الحزن...
مهاا وفارس حظروا العزاء...وكل اهل وافي واهل نورة...الناس التمت من كل مكان...وعفراء لها صديقات كثار كلهم جوا...وطبعاا اصحاب عمي من كل مكان جو له..






سمعت همس حريم واناا جالسه جنب عمتي نورا..اللي كانت لاابسه اسود وحاطه شيلتهاا فوق راسهاا....
وحده تقول: يقولون انها انتحرت..الله لاا يبلاانا.."
والثانية ترد عليهاا: ايه..عاد كانت مزيونة...انا سمعت انها خافت من الفضيحه بعد موت خطيبهاا...شكلها كانت..."
وطالعوا ببعض بشماته..
ارتجفت وانا اسمع حكيهم.... ياويلهم من ربي..قاعدين يحشون بوحده ميتة....طالعت فيهم بطريقة خلتهم يحترمون انفسهم ويستأذنون عشان يطلعون..
استأذنت من عمتي نورا..ورحت للدور الثاني...
فتحت باب غرفتها بتردد...تخيلوا اني طقيت الباب في البداية...طالعت وانا ارتجف في المكان..كان فيه شيء مو طبيعي بالغرفة...
شفت دمهاا لسه على الارض...بلعت ريقي...دخلت وقفلت الباب...
طالعت بالاثاث اللي ماتغير مكانه....بادوات المكياج المفتوحه مكانهاا......بالعطور اللي بعضهاا طايح على الأرض...
شفت بعض ملاابسهاا اللي شكلهاا لبستهاا اخر مرة..رحت لروبهاا السماوي..وضميته بقوة واناا اشم ريحتهاا فيه..
ياااااااااه وش كثر ريحتهاا جميله؟؟...وش كثر مميزة؟؟...ضميت الروب بأقوى ماعندي...احاول اني اتذكر عفراء..آآآه..لي فترة ماشفتهاا...ليتني ماتزوجتك يا وافي..ليتني كنت يم عفراء...آآآآآآآآآآآآآآآآآآ� �آآآآه...صرخت بقوة....طلعت الآه من صدري وبست روبها بقوة..
طالعت ببقعة الدم اللي على الأرض...
ارتجفت واناا احس بالهواء يدخل عظامي..تخيلت عفرا مرمية هناك على الأرض... ودمهاا مغطيهاا...
طحت على الأرض بقوة..وحطيت راسي على الكنبة حقتهاا...ودفنت وجهي بين الخداديات..وتلمستهم وكأني ادور على ايد عفرا بينهم....حبيت على ركبي...عشان اوصل لسريرهاا...راح يرسلون اغراضها لجميعة خيرية...بس لااااء...اناا ابي المس كل شيء واحتفظ بكل شيء...ماابي انساهاا...اهي كل شيء...عفرا هي آخر شيء باقي من عيلتي...
ضميت فراشهاا بقوة..حتى تغرق بدموعي..كانت ريحة عطرها لسه منتشره بالمكان...كنت اشاهق بحرارة..تذكرت عفراا بكل وقت...
تذكرت شلون كانت تعاملني اول ماجيت بيتهم...تذكرت كيف كنا نروح انا وياها للسوق...تذكرت ابتسامتها الطفولية...وشعرهاا الاسود الحريري...تذكرتهاا يوم كانت تشوف جاسر...وكيف كانت تبتسم بخجل له...تذكرت مكالمتها الاخيرة...وارتفع صوت صيااحي..اناا السبب...ماراعيتهاا..كان واضح انهاا تحتظر...ومع هذا اهتميت بعمري ونسيتهاا...
طالعت بصورتهاا اللي كانت معلقه فوق المكتب حقهاا...كانت تبتسم براحه...رغم ان فعيونهاا دموع...صورة غريبة...
شلون تجتمع الابتسامه مع الدموع!!
الحزن مع الفرح!!
الشتاء مع الصيف..
وكانت حاطه صورة جاسر في ركن الصورة..جاسر؟؟..انت السبب يا جاسر...انت السبب..قلتهاا بضعف...واناا اطالع بدمهااا...دمك يا عفرا...دمك...ذبحتي نفسك..قلتهاا واناا مو مصدقة..وحسيت ان فيه يد تخنقني بقوة..فاضطريت اركض للباب...
واطلع من غرفتهاا..شفت بدرية قبالي...كانت عيونهاا حمر....طالعتني من فوق لتحت...
قالت ببرود: ليش جيتي العزاء؟؟؟..اللي مثلك الافضل انا مانشوفهاا.."
مارديت عليهاا..
قالت بدرية: انت السبب في موتهاا..عارفة هالشيء؟؟"
قلت مدافعه ومصدومة: اناا؟؟؟..ليش؟؟..ماسويت شيء.."
قالت بدرية بحقد وهي تبكي: الا انت السبب...بآخر مكالمه لكم...كان واضح ان عفرا بتنتحر...مع هذا مافكرتي تدقين تطمنين عليهاا...مافكرت حتى تجين تزورينهاا.."
قلت واناا ابكي: لاااا والله ما انتبهت....ماكان واضح...بعدين اناا...اناا...اناا كنت مشغوولة.."قلت آخر كلمة بعجز...
بدرية ببرود وهي تمسح دموعها: مشغوولة؟؟...سفريات للخبر ومونتريال وبعد تقولين مشغولة؟؟..وش كان عندك يا آنسه ملكه.."
قلت وانا اصيح: انت ليش كذاا؟؟..مافيك قلب...ماتشوفين شلون حزني عليهاا..اناا احبهاا والله..."
بدرية وهي تمسح دموعهاا: تحبينهاا؟؟..اناا اكرهك..اكررههك...عندك كل شيء..رغم انك ماتستاهلين شيء...عفاري كانت تحبك اكثر مني...وبالأخير لمن نسيتيها انتحرت...اهي قالت لي بلسانها...انك انت السبب.."
قلت بحرارة: لااااااااااء...مو انااا.."
وغطيت وجهي اصيح...بس ما اهتمت فيني بدرية..وقامت تنفث حقدهاا وسمومهاا علي...كأنها ثعبان عملااق ناوي يآكلني ويموتني ويحطمني...
قالت وهي تتكلم بمرارة: لمن قطعت عروقهاا...اناا اول وحده لقيتهاا ...تخيلي وش قالت؟؟..قالت لي سلمي لي على ملكه..وقوليلهاا اني فقدتهاا كثير وكنت محتاجتهاا.."
ضميت نفسي بقوة مابي اسمع هالحكي..كله كذب...بكذب...بدرية تكررههني وتغار مني....
بدرية وهي تقرب مني مرة: والله لأنتقم يا ملكه....لأنتقم منك...وقريب مرة مرة..لأنك خذيتي مني مسااعد..وراح انتقم منك...لأنك خذيتي مني عفاري...راح اخليك تكرهين كل ساعه انولدتي فيهاا...راح اخليك تكرههين نفسك وعمرك...وانت بنفسك تلحقين عفااري.."
صرخت فيهاا بدون ما اهتم بالناس اللي بالدور اللي تحت: روووووحي عن وجهيييييييي...رووووحي....انت استحاله تكونين بشر..."
طالعت فيني بدرية من فوق لتحت...وبعدت عني...وهي تبكي..واناا بعد كنت ابكي..تعلقت بباب عفاري وحاولت اني انسى فكرة اني اناا السبب بموتهاا...لكن خلااص انا ايقنت اني انا السبب..

[لامارا]

الجزء الثاني من
الفصل الأخير


مروا يومين بطيئين بعد وفاة عفراء.. الله يرحمهاا..كنت اتجنب اني امر خلال غرفتها...لأني اتخيل انها بأي لحظة راح تفتح الباب وتطلع مثلها مثلنا..ويكون الموضوع مجرد حلم مزعج عابر..
جلست في الصاله مع المعزين...ولااحظت ان اعدادهم قاعده تزيد..طالعت بعمتي نورا...كان شكلها في عالم ثاني...كانت الدموع تملاا عيونها...ولاا تتكلم ولاا تدري عن الناس من حولهاا..حتى لمن يجون يسلمون عليهاا يضطرون يمسكون يدها ويصافحونهاا..
وكانت تنهار فجأة في خلاال اليومين اللي فاتوا..وتصرخ وتقول جيبوا لي عفاري...عفاري بنتي...لالالالا ما ماتت..
خنقتني العبره وانا اطالع بصورة عفراء اللي على الطاولة قريبة مني..كان وجهها الابيض الجميل منور هالظلمه اللي في البيت....لكن بعد موتها ما اعتقد ان هالظلاام راح يروح بيوم...
تلمست الصورة بتردد وابتسمت لهاا بحسرة...ارد على ابتسامتها الواسعه....ليش؟؟..هذا سؤالي الوحيد..الدنيا مو لهالدرجه سيئة...فيها خير يا عفراء...ليش مادورتي عن الخير...ليش حصرتي نفسك بغرفتك وتناسيتي كل العالم من حولك..
غمضت عيوني بقوة لأنها تحرقني...الدموع قاعده تألمني..مو راضية توقف من عرفت الخبر...انا وهالدموع اللعينة مكتوب علينا نكون اصحاب طول العمر!!





طالعت بالغرفة الواسعه اللي قررت اني انظفهاا...بعد الحاح من عمتي نوره...ودخلت معي سماح...
طالعناا انا وسماح في بعض...كنا نحس بروح عفاري بالمكان..فيه شيء غريب ما اقدر اوصفه لكم..شيء عايش لسه حتى والغرفه فاضية..
سماح حطت يدهاا على فمهاا وزاد صياحها وهي تشوف دم عفراء على الأرض..
قلت لها بهدوء بصوتي المبحوح: سماح..تماسكي...وادعي لها بالرحمه.."
سماح وهي تنتفض: اي رحمه يا ملكه بعد اللي اهي سوته!!.."
طالعت في الأرض وانا اسمع صوت سماح يتردد في ذهني...اي رحمه بعد اللي سوته؟؟..اي رحمه بعد اللي اهي سوته؟؟...صح يا سماح اي رحمه...اذا البشر وهم بشر مارحموها من حكيهم حتى بعد ما ماتت وشبعت موت...
ناديت الشغالات وجوا يساعدوني..وحتى هم كانوا متيتين صياح...اما سماح كانت واقفه عند الباب ماكانت قادره تدخل اكثر...
مسحنا الأرضية بالكامل...وشلنا المفارش والملابس وعطيناهم السواقين عشان يودونهم للجمعية الخيرية...ودقيت على جمعية ثانية وطلبت منهم يرسلون لنا شاحنه عشان تشيل باقي الاثاث من دوالايب ومكاتب وسرير...كل شيء راح يتبرعون فيه..ماراح يبقى شيء من ريحة عفراء...
لقيت صورة لهاا وملزق بطرفهاا صورة صغيرة لجاسر...وانا اطلع الأغراض اللي بالتسريحه..ضميت الصورة بقوة لصدري.. مااتوقعت ان الاحباب يكون قدرهم متشابه...وقررت اني آخذ الصورة معي..
وقفت عند باب الغرفة اطالع بالفراغ اللي حل فيهاا... وغمضت عيوني بقوة وانا اقفل الباب للمرة الأخيرة وانا متأكده انه ماراح ينفتح ثاني ابد...





كان العزاء لسه قايم والناس تجي وتعزي..وفيه زحمه تملاا المكان...رغم ان مر هالحين اربع او خمس ايام على موت عفراء...
...مهاا وفارس راحوا...وكمان معظم اهل وافي..لأن جلستهم خلااص مالهاا لزوم...والبيت ياله يكفي الناس اللي توهاا تدري ان عفاري ماتت..





كنت في الحديقة والوقت على العصر تقريبا... وارتجفت واناا اشوف المسبح الكبير...كان مفرغ من مويته...وفيه معدات بناء...شكلهم اخيرا راح يقفلونه....
جلست قباله واناا اتذكر كل شيء حصل هناا...كل المصايب..كل اللحظات الحلوة..كل شيء امتزج في راسي..
صرت اشوف عفراء تضحك...وفي اللحظة اللي بعدهاا تبكي...حتى اني غطيت عيوني غصبا علي وانا اصرخ: لاااء...لاااء.."
بعد دقايق...سمعت خطوات وراي..فالتفت بسرعه...كان هو...هو بلحمه وشحمه...مساعد..!!
فتحت فمي مفجوعه..شوفته ضيعت علومي...اختبصت ونسيت وش مفروض اقول؟؟..مو مفروض يكون هناا..شلون يتجرأ ويجي..وافي راح يذبحه...ولقيت نفسي اتلفت حولي عشان اتأكد ان محد فيه..او مافيه احد يشوفني..
مساعد كان مثل ماهو...بس لأول مرة ارتجف بقوة وانا اتأمله..حسيت انه شرير...وأنه يطالعني بطريقة....اممم...غير...طريقة قذرة!!
قال لي مساعد بهدوء: عظم الله اجرك.."
مارديت عليه...كنت عارفه ان وقفتي معه غلط...لكن شوفته خلتني انسى وش الغلط ووش الصح؟؟..اكرهههه يا ناس...اكررررهههه..******************* ************* وسافل وحاول يحطم حياتي..
تجمعت كل هالمشاعر بقلبي وماعرفت ابدا بأي جملة..ووش اقوله وشلون ابدا؟؟
كنت لابسه جلابية ناعمه لونها رمادي وحاطه الشيلة فوق راسي....قرب مني مساعد كثير..فرجعت شوي..لكنه كان اسرع..ولمس خدي..
كنت مفجوعة من جرأته...حاولت اتحرك لكن رجولي تيبست بالأرض...حسيتهاا علقت..وكأنهاا انصبت في قالب اسمنت...دقات قلبي كانت ترتفع..وفيه عرق مجنون قاعد ينبض بجبيني..وحلقي جف على الأخير...ولساني لصق بحلقي من الرعب اللي قاعده احسه...
مساعد بنعومة وخبث: وش فيك؟؟..الشوق لي نساك..وش مفروض تقولين؟؟"
: آآآه..آ....آ..."لقيت نفسي افتح فمي واسكره وارجع افتحه ثم ارجع اسكره
كنت احاول اتكلم لكن ماقدرت..امتلت عيوني دموع....وحاولت اني ارجع على ورى...وبصعوبة قدرت...وتذكرت وافي..وافي ياااويلي منه....راحي يذبحني..وافي وينه هاالحين؟؟؟..ليش مايجي؟؟؟..على الأقل يفكني منه؟؟؟...حتى لو ذبحني مو مشكله...اخيرا لقيت صوتي فصرحت بمساعد بدون ما اهتم اذا فيه احد يسمعنا...
: مسا...عد...روووح...رووووووووو� �ووح..ابعد عن وجهي...."
صرخت فيه اخيرا بقوة...واستغربت من رد فعله...طالع فيني ببرود...ثم طالع فوق في الفيلة..وابتسم بخبث..وفجأة..وبدون ما انتبه...مسكني من كتوفي بقوة...وضحك وهو يمرر يده على وجهي....كان قذر...واناا ماكنت قادره اني ازيحه عني...كنت ارفس برجولي...واحاول ابعده...بس لااا جسمه ووزنه رفضوا يتزحزحون من قدامي..واللي يشوفني في ذيك اللحظة يعتقد اني مستانسه ومبسوطه بقربة لأن محاولااتي الضعيفه بسبب جسمي ايام العزاء وقلة اكلي انعكست على حركتي اللي صارت ثقيله لدرجة اني ما احس بجمسي..قدرت ادفه بعد كم محاولة مني....فبكل بساطه..وانا عيوني مفتوحه على الأخير...اعطاني قفاه وراح..مشى بسرعه واختفى....طالعت بظهره وهو يروح بسرعه اقرب للركض...وش قصده؟؟..وش استفاد بهالحركه؟؟...وش السالفه؟؟..فيه شيء غلط بالموضوع...
ظليت واقفه مكااني...وكلمات مثل..وش فيه؟؟..ليش يتكلم بهالطريقة؟؟..تردد بذهني..حتى رفعت عيوني اطالع مكان ماطالع...ولااحظت الصدمه الكبيرة....لااحظت المصيبه العظمى..لااحظت نهايتي بعيون وافي وبدرية اللي كانوا واقفين يشوفوني......
كان وافي يطالعني وكأنه شايف شبح...كان واضح ان وافي في ذيك اللحظة مات...ومابقى غير جمسه....روحه ماتت وانتهت...وهالشيء بان بسواد وجهه...بان بشفايفه اللي مفتوحه...وبحواجبه اللي كانت مرتفعه...وافي مذهول..مو مصدق اني اخونه؟؟!!!
وبدرية كانت جنبه تبتسم بفرح وكأنها اربحت احلى جائزة بحياتهاا...كانت ابتسامتها شماته وفرح وخبث...وكانت تطالعني بطريقة شفتي اني قدرت ادمرك؟؟!!
بس ما اهتميت ببدرية بذيك اللحظة..كل اللي همني وافي..وافي وبس...لقيت نفسي انطق اسمه بصوت خافت..
: وافي؟؟" قلتهاا وانا احس بالموت يمشي بجسمي...ويجمد دمي عن جريانه...ويوقف نبضات قلبي.....
ودمعت عيوني بسرعه...وغمضت عيوني بمرارة...وغطيت وجهي ابكي...
خيانه وانتهت آخر....سوالف عشقي المجنون...في ليلة حلمي الوردي..تحطم في نهايتها
في ذيك الليلة..كان اهون علي احيا بدون عيون...ولاا اشوف اللي شفته من حبيبة قلبي ساعتها..
خيانه... آآآآآآآآآآآآآآآآآآه خيانه....آآآآآآآآآآآآآآآآآآ آآه...خيانه..
بعيني شفتها وياه...تضحك له وهو مفتون....سعادتها بقربه تشبه سعادتها بقربي...
بعيني شفتها ماهو حكي واشي وخيال ظنون...بعيني ليت عيني عمرهاا مايوم حبتهاا...
وقفت لسان حالي يقول..ليه ومن متى وشلون؟؟...عسا يلقا سبب واحد يبرر خيانتهاا...
انا ماكان عندي شك..ولو واحد من المليون...في صدق اللي تقوله عن غلااي وعن محبتهاا...
خيانتها عطت حجه لكل اللي يبي يخونون ومن هالليلة كل خاين ...يتعذر بقصتهاا
مدام اوفى البشر خانوا...حرام الباقي ينلاامون...كلمات الوفا لاا عاد احد يطري لي سيرتهاا
خياااااااااااااانه..آآآآآآ آآآآآآآآآآآآآه...خيااااا اانه...آآآآآآآآآآآآآآآآآآآ� �...خيانه...
حسيت بيد تمسكني بقوة وتلفني...كان وافي...وكان شكله مخيف...
صفقني بقوة...كف على وجهي..طحت على الأرض..وحسيت بطعم الدم على شفايفي...بس ماقدرت اتحرك....وعرفت اني..خلااص..انتهيت!!
كان وافي يرتجف من القهر اللي يحسه ومسكني بقوة وجرني...اصابيعه حسيتها تقطع لحم جسمي....لأنه غرزها بأقوى ماعندها وبدون مايفكر فيي..كان يسحبني مدري لوين؟؟..تعلقت عيوني ببدرية اللي كانت تضحك مبسوطة...بس اول ماشافت ان وافي قام يجرني..اختفت من عند الشباك...في البداية ماكنت ادافع عن نفسي...كنت مثل الجثه اللي فقدت الحياه والاحاسيس...بس لمن شفت وافي يسحبني لباب الفيله..تذكرت الناس والفضيحه...وبيت عمي وعفاري والعزاء...
صرخت ف وافي اتوسله لااا يفضحني....فيه ناس كثير بالعزاء..وماله داعي هالفضايح....كنت عارفه اني ماراح اقدر ادافع عن نفسي..ولاا عدت ابي ادافع عن نفسي...ابيه بس يستر علي ومايقعد يقول حكي يدمرني العمر كله..
سمع توسلي سلطان وعمي...اللي كانوا واقفين عند مجموعة النخيل اللي عند الباب اللي ورى....وطالعوا بوافي مفجوعين وهو يسحبني بقوة من ملاابسي وبطريقة بشعه...بيدخلني البيت ..
سلطان اول ماشاف هالمنظر وجهه سود....وصرخ في وافي: اترررررررركههاااا..."
صرخ فيه وافي بشراسه: وخر عنييييي...مالك شغل...مالكم شغلل.."
سلطان وهو يمسك ايد وافي اللي ماسكتني: قلتلك اتررركهااا...."
طلعت بدرية بهالللحظة وصرخت وهي تصيح: يبه....خله يترك ملكه...انا مسامحتهااا....الله يخليك يبه...مانبي فضاايح...هذا عزاء عفاري....آآآآآآآآآه..احترموه ااا.."
عمي وهو يطالعني بحقد: فضايح؟؟.."
قالت بدرية وكلهم يطالعونهاا: لااا تجبروووني اتكلم...خلااص ارحموا عفراء حرام عليكم...آآآآآآآآآآآآآه.."
وحطيت ايدينهاا على وجههاا....صرخ عمي فيهاا: بدرية تكلمي...يله...ولااا انت يا وافي..وش صاار؟؟؟.."
وبعدين طالعني وجا يمي ووقفني بقوة ورجع دفني: تكلمي...وش صاار؟؟؟..وش الفضيحه؟؟؟..هااء؟؟"وشال عني الشيله اللي كانت على راسي...طالعت بسلطان بخجل...وهو صد عني...وعيوني تذرف دموع بدون توقف...
قلت وانا ارتعش واصرخ: اناا ماسويت شيء..مااسويت شيء.."
وغطيت وجهي ابكي....
وافي كان يرتجف وحسيت انه بيموت في هاالحظة: سعود...بنت اخوك ما ابيهاا..تراها طالق...وتحرم علي من هاللحظة..."
صدمني وافي...وافي يطلقني...لاااااااااء يا وافي...اناا احبك...والله ما اقدر اعيش بدونك...راح امووووووت...
قلت وانا اروح يم وافي امسك ايده بقوة: لااااااااااااء يا وافي لاااااااااااااء لاا تطلقني...حرااام والله حرااام عليك..."
سلطان طالع ببدرية اللي تصيح: تكلمييييييي وش السالفه؟؟؟.."
بدرية مسحت دموعهاا اخيرا: خالي... اكتشف.. ان.... ملكه تخونه..وشافهاا ....مع...مع...مع...مسا... مساااااعد... قبل شوي.."
عم الصمت المكان....وحسيت ان كل شيء توقف....صمت غريب...ثقيل مرة....له حجم ووجود...حسيت كأن هالصمت رجال اسود....يخنقني بقوووة...كلهم طالعوا ببعض مو مصدقين....وافي كان لسه يرتعش..بدرية تبكي وتمسك ايد ابوهاا....عمي...يطالع وافي وكأنه مو عارف وش يقول؟؟..
سلطان اول واحد تكلم وهو يطاالعني...: كذب ملكه لاا يمكن تخون..ومع مين مساعد؟؟...كذذب.."
والتفت علي: ملكه قوليلهم الصدق..."
قلت واناا ابكي: الصدق...الصدق...والله ما خنتك يا وافي.."
وافي وهو يتهجم علي وكان بيضربني: الصدق؟؟..لااا تحلفين...اسم الله ماينطق على لساانك...يا قذرة...يا خاينه....ليش صدقتك اناا ؟؟...لييييييييييييش؟؟...غبي انا غبيييييي....ليتني حكمت عقلي يا الخاينه...ليت!!.."
مسكه سلطان بقوة: لااا تكلم على بنت عمي....ومو بنت عمي اللي تخون..."
وافي بعد يد سلطان بقوة وقال وهو يطاالعني باحتقار: لو هي بنت عمي كان دفنتهاا وارتحت...مادافعت عنهاا...."
صرخ عمي: بس هي مو بنت عمك...هي بنت اخووي..اناا اللي مسؤول عنهاا...اناا اللي لاازم ادفنهاا..."
صرخت يوم مسكني عمي بقوة...حاولوا بدرية وسلطان يمسكونه بس ماقدروا...كان خانقني بقوة...وحسيت اني ماراح اقدر اتنفس...قوت ضغطه على رقبتي....واناا ارفس برجولي..احااول ابعده عني..لكن هو رجل...واقوى مني مية مرة..تجمعوا عليه سلطان وبدرية...ووصل صوت صراخناا لبعض الحريم اللي اطلعوا يشوفون وش الساالفه؟؟؟..
طلعت عمتي نوراا وسماح وميران...وشفت يزيد....حاولت عمتي نورا انهاا تبعد ايدين عمي عن رقبتي...وماقدرت وقامت تصيح وهي تشوفني خلااص راح امووت: راح تذذبحهااا يا مجنووووووون..راح تذذبحهااا..." وقامت تخبط خدودهاا بقوة....وافي اخيرا تحرك..ومسك ايدين عمي وبعدهاا بقوة عن رقبتي....طحت على الأرض احاول اتنفس..ومسكت رجل سلطان...سلطان قام يمسح على شعري ويحاول انه يهديني...اما انا خلااص انتهيت..طالعت فيهم وكأنهم يتكلمون عن شيء ثاني...احساس المهاانه يذبحني يتغلغل فيني...ينهيني....اكررررررررر� �هه نفسي...اكرررههها لأنهاا تعذبت كثير وعمرها ماعاشت سعيده...
وافي وهو يطالعني وكأني قذارة: خلااص يا سعود...لاا تسوي لنفسك فضيحه...ماتسوى انك تلوث يدينك فيهاا..."
عمي كان ماسك محل قلبه بقوة...وقال وهو يرتجف: شلون تخونيناا؟؟..سامحنااك المره الأولى وسترنا عليك وزوجنااك.....ليش تسوينهاا مرة ثاانية؟؟؟"
مافهمت وش قصده؟؟؟...وغمضت عيوني بقوة..واناا اشوف عمي يطيح على الأرض عليهم....ويلحقونه بسرعه...وبدرية وعمتي نورا يصارخون بأعلى صوت...وسلطان راح وتركني..وتجمعوا الناس عليه...اناا رجعت على ورى ببطء...وطلعت في المنظر هذا وكأني اطالع بفيلم سينمائي..كرررهتهم كلهم..حطيت ايديني على فمي امنع ضحكة تطلع مني...ربي عاقبه...اكيد..ايه..لأنهم ظلمووني!!...شفت سماح تركض لي...وتحاول تمسكني واناا وجهي كله دم...بس ماقدرت اوقف اكثر طحت على وجهي!!





وافي كان يحاول يغرقني بقوة بماء البحر المالح..والماء يدخل خشمي وعيوني وفمي...وانا اصرخ واتسوله انه يوقف ولاا يحاول يذبحني لأنه راح يندم..رااااح تندم صرخت فيه...واناا ابعده عني وارميه بموية البحر معي...واهرب بعيد عنه....
حسيت بهزة على كتفي..ففتحت عيوني مفجوعه...شفت سماح بوجهها الحبيب تطالعني...
سماح بحنان: ملكه؟؟...شلونك يالغلااء؟؟"
قلت وانا اتحرك على السرير ببطء واطالع بميران النايمه على الكنبه: وش صاار؟؟..وش فيني؟؟..وين وافي؟؟"
سماح غمضت عيونهاا عشان ماتصيح: وافي طلقك يا ملكه...وعمك في العناية المركزة...وماحد يبي يشوفك.."
قلت وانا العب بايدي بعصبية: وافي بخير؟؟؟..."
سماح وهي تبتسم غصبا عليهاا: ماعليه شكله طيب...كلهم طيبين ماعدا عمك...ومرت عمك.."
: عمتي نورا؟؟..وش فيهاا؟؟" سألت سماح وانا ارتجف واضم نفسي بقوة...والمس رقبتي اللي تألمني...
سماح وهي تمسح على شعري: ماعليك منهم يا ملكه...انت معي هناا..واحمدي ربك قدرت آخذ جوازك...وراح نسافر ونرجع للرياض.."
: جوازي؟؟..وين اروح؟؟"
سماح: لأي مكان..المهم انك ماتجلسين عند بيت عمك.."
قلت لسماح وانا منهارة: سماح مالي غير بيت عمي...ماحد راح يقبل يحطني عنده...سمااح والله والله والله اني ماخنت وافي.."
سمعناا صوت ميران اللي ماكانت نايمه مثل ماعتقدت: انا عارفين بس اهلك مو عارفين..."
قلت وانا مرتاحه شوي: دامكم انتم مصدقيني راح يصدقوني هم.."
سماح وصوتها يرتجف: ملكه...ملكه....ملكه انسي بيت عمك.."
: ليش؟؟"
ميران بعصبية: لأنهم ماحترموا يتمك ابدا.."
قلت ادافع: اكيد يحسبوني خنت زوجي...يعني هذي فضيحه..اكيد بيزعلون بس اذا قابلت عمي..راح اقدر اشرح له..الصدق.."
سماح وهي تهز راسها بألم: اهم يبون اللي صدقوه يا ملكه..." وحطت ايدهاا فوق ايدي: ليتني اقدر اخذك في بيتناا...بس يزيد راح يرفض علشان حبيبة القلب بدرية..."
اول ماسمعت اسمهاا صرخت: هي...بدرية هي السبب...هي اللي سوت كذاا..."
طالعت سماح بميران:تقدرين تثبتين هالشيء؟؟"
قلت واناا اصيح: ماا اقدر....حرام افضحهااا عند اهلهاا..حرام يعرفون قد ايش هي شريرة...ما اقدر...ماا اقدر...وبعدين...حتى لو قلت...ماراح يصدقووني...لأنهاا هي لعبتهاا صح.."
دخلت الممرضة ويوم شافتني اصيح طلبت من سماح وميران يتركووني..







دخلت علي عمتي نورا..وكان شكلهاا غريب..يعني ما احس انهاا كانت حاقده علي..رغم كل المصايب اللي صارت...اول ماجلست جنب السرير...
قلت لها: وين وافي؟؟؟..كيف حال عمي؟؟"
عمتي نورا بهدوء: وافي رجع السعودية..انت عارفه انه طلقك؟؟..صح؟؟"
قلت وانا احاول اتماسك رغم صعوبة الواقع: ايه...عاارفة...كيف حاله؟؟"
عمتي نورا بنعومة ودموعها تلمع: بخير...ماعليه وعمك...بعد بخير..ماعليه..."
ابتسمت براحه: الحمدالله.."
عمتي نورا وهي معهاا اغراض بكيس جلدي:هالاغراض لك يا ملكه...عشان اذا سافرت الرياض..بالفجر ..ان شاء الله.."
اخذت الكيس وشكرتهاا: كلك ذوق يا عمتي...عممي...."
وسكت مابي ابكي..ولااني قادره انطقهاا بلسااني...
عمتي نورا بخجل: آسفه يا ملكه...آسفه...عمك عصبي مرة..وصدقيني افضل لك انك تعيشين بعيد..."
قلت بتردد: تبرى مني يا عمتي.....عارفه وش كبر هالكلمه؟؟"
عمتي نورا وهي تمسح دمعه صغيرة نزلت من عيونهاا: معليش..سامحيه يا ملكه...الله يخليك..ساامحيه.."
هزيت راسي بتمرد: لااا يمكن اسامحه..كان بيذبحني..ماراح اسامحه لااا هو ولااا وافي....لأنهم ذبحووني..."
عمتي نورا بكت بصمت..ولاا قدرت تقول لي اي شيء...كان يألمهاا انها عارفه الواقع....واكيد حاسه اني بريئة...براءه كامله...مايشوبهاا اي شيء..
طلعت من عندي بعد دقايق...وضليت انا اطالع بالكيس اللي حطته بايدي...كان فيه بعض الاغراض حقت زواجي..طالعت بالأغراض وصرخت بقوة وبحسرة..وانا اضم الكيس بقوة لصدري...





رجعت الرياض اخيرا بطيارة الفجر...وكنت لوحدي...في الطيارة كنت انتفض واشاهق بصمت وانا اشوف العالم من حولي..وكلهم مع اهاليهم واناا وحيده مالي احد..حتى زوجي تركني وراح بدون مايفكر فيني..
ماحد كلف نفسه يوصلني المطار...انا اللي رحت وخلصت اموري كلهاا...كنت احس بشعور غريب يرافق شعور الحزن اللي بقلبي..كنت احس بالوحده واخيرا الاعتماد على نفسي...
عرفت اني خلااص انا وحيده وماحد راح يفكر فيني فأنا اللي لاازم اضبط اموري...ماكان عندي استعداد اسكن في بيت اهلي من جديد....
قالت ساره وهي توصف للسواق بيت اهلي: متأكده انك بتنامين الليلة هناك..ملكه انا خايفه عليك.."
مارديت عليهاا...كنت افكر بوافي...وافي..هه...عمرك ماكنت وافي طول عمرك غادر وقاسي...وين الحنان اللي عيشتني فيه الايام اللي فاتت...وين كلمات الحب والحنان والوعود...
تركتني بأول مشكله صادفتنا....حتى بدون ماتتأكد اذا كنت انا مظلومه او لااء؟؟...
ساره وهي تتألم: ملكه...لااا تسوين بعمرك كذا...مصير وافي يرجع لك...وانت ترمينه.."
قلت واناا امسح دموعي: مابي اشوف وجهه ابد...عمري ماراح اسامحه يا ساره...ظلمووني..وهانوني...وذل ووني.."
ساره برقة: خلااص..انسيهم..وعيشي حياتك..والله يعينك.."
ماعلقت على كلاامها وانا اشوف انا وصلنا للبيتي...وقف السواق قبال الباب...وترددت شوي قبل ما اخذ اغراضي وانزل من السيارة...
نزلت معي ساره...ووقفت جنبي وانا واقفه اطالع الباب...لمسته بتردد وغمضت عيوني اللي بدت تحرقني... وقلت كأني اكلم ابوي: كنك يبه عارف اني راح ارجع من جديد لبيتك.."
وسلمت على الباب برقة...ودخلت المفتاح بتردد..كانت ايدي ترتجف بقوة...وتطيح المفاتيح وارجع اخذهاا...
انفتح الباب اخيرا...وحسيت بهواء يدخل قلبي ويقبضه ببرودة...وانا اشوف شكل الحوش اللي كله غبار...والزرع اللي مات...دخلت رجلي اليمين اول وبعدها اليسار...
دخلت وراي ساره...ودق جوالها بهاللحظة...طالعت فيهاا وهي ترد على امهاا: ايه يمه...لالا ماراح اطوول...ان شاء الله يمه.."
طالعتني ساره بخجل..وقالت وهي تهز كتوفها: امي ماتبيني اتأخر..."
رديت ببساطه وانا ارتعش: عادي عيوني..روحي..وتعالي لي بكره.."
ساره وهي تطالع بالنور اللي بدا يشع: ماتخافين؟؟..."
قلت وانا ابتسم: لااء...ليش اخاف؟؟..اهل البيت ماتوا ورحلوا...ماراح يكون احد معي..."
ساره اللي شكلها ارتاحت قالت وهي تغطي وجهها: خلاص اجل بكره بتكلم مع اخوي عن الكهرب حقت البيت والموية...وبشوف وش بيسوي؟؟؟"
قلت لها بتأكيد: مو مشكله...يله مع السلاامه.."
ووصلتها لحد الباب وقفلت الباب بعدها..وارتكيت عليه اطالع في بيتناا الكبير...
شفت الباب ينفتح..وتطلع منه امي...كان شكلهاا يهبل...وابتسمت لي وهي ترفع المغرفه حقت الأكل..وتقولي: يله تعالي ساعديني...وش تنتظرين؟؟؟"
وشفت اخواني يلعبون بالمراجيح اللي قبال الباب...وابوي قاعد يقص الزرع...ويقطف لي ورد وفل..
التفت اطالع بالحوش اللي فيه كورة مكانها ماتحركت...رحت للكورة ودموعي مليانه...وضميتهاا بقوة...تذكرت اخواني يوم كانوا يلعبون فيهاا مع ابوي...ويسددون هدف ورى الثاني....شلت الكورة معي...ورحت للبيت....وفتحت بابه بمفتاح ثاني...وقفت عند الباب مترددة لفترة طويله..وانا اسمع صوت الرياح يعصف بالمكان...واتهيأ اصوات اهلي...وهم يسولفون يا بعض...او اخواني وهم يتهاوشون...
صرخت بأعلى صوت وانا ارتعش: كاااااااااافي..."
وحطيت ايديني على اذني وماقدرت ادخل البيت رجعت قفلته من جديد وجلست على الدرج واناا اصيح بحرارة...اصيح كل شيء...ياااه يا الدموع صرتي جزء مني...صرتي ماتستغنين عني ولااا انا استغني عنك...صرتي لي مثل الهواء ماقدر اعيش بدونه...صرتي مثل الوافي غالية علي على طول حتى وانت قااسيه...صرتي مثل الدفاا في عز البرد والبرودة في عز الصيف...انت يا الدموع الصديقة اللي مو قادرة استغني عنك...انت اغلى من الغلاا نفسه...لأنك تريحيني كثير..كثيييييييير....
في العصر

[لامارا]

استغربت ان الباب يطق...ورحت بسرعه ابي اعرف مين يطق باب بيتنا الفاضي...
قلت وانا مرعوبة: مين؟؟؟..."
سمعت صوت صيته: اناا يا ملكه...صيته...افتحي لي الباب.."
قلت وانا ابكي: رووووحي عني...لااا تجين...ماابيك...وش تبون فيني؟؟؟...روووحواا"
صيته وهي متضايقه: ملكه الله يعافيك...افتحي الباب..ترى نفسيتي تراب وماافيني اتهااوش معك..."
فتحت الباب واول ماشف صيته ضميتهااا بقوة وانهرت ابكي بحظنهاا...وصيته بعد كانت تصيح وسكرت الباب وراها..
قالت وهي تمسح دموعهاا: وش صااار؟؟...اشرح لي..."
قلت وانا انتفض: صار اللي صار...وماعاد نقدر نرد شيء...تخيلي ان وافي طلقني.."
صيته وهي تصيح من جديد: علمني...وليته ماعلمني...وش صار يا ملكه...ريحني الله يخليك..."
وسكتت فجأة واخذت تطالع في الحوش....وطالعتني من جديد: لالالالا انت لاا يمكن تسكنين هناا....راح تموتين او تنجين يا ملكه..."
قلت بحرارة: لاااا هذا بيت اهلي..مالي غيرهم يا صيته.."
صيته بعصبية وهي تمسح دموعها: اهلك ماتوا..ومابقى منهم شيء...مو من صالحك تعيشين هناا..."
قلت وانا ارتجف من البرد: لااا تقولين كذاا.اهلي لسه حيين...بقلبي عايشين...والله اني سمعت اصواتهم.."
فتحت صيته فمهاا ورجعت سكرته من جديد...وقامت تهز راسهاا كانهاا مو مصدقة..
قلت لهاا: ليت عندي شيء اضيفك...بس توني ساكنة بالبيت..."
صيته وهي تمسك حلقهاا: مابي شيء..ابي اعرف وش حكايتك انت واخوي؟؟..كنتوا قمة السعااده..كل شيء كان بينكم خيالي...ليش يطلقك؟؟..لييييييييش؟؟"
قلت وانا اتذكر وافي: اخوك يعتقد اني خنته....اخوك..ضربني يا صيته....اخوك فضحني عند عمي..."
ماردت علي صيته...كانت تبكي بحرارة....وتحاول انهاا تستوعب او تتكلم لكن ماقدرت...
: مين علمك بمكااني؟؟"
صيته وهي تهز كتوفها: ساره خويتك..كانت خايفه عليك حيل..."
: يابعد عمري يا ساره...قلت لهاا راح اكون اوكي...لكن ماصدقت.."
صيته بعصبية: اي اوكيه؟؟...شوفي كيف شكلك؟؟..طالعي شلون الغبار مالي وجهك وشعرك...ملكه...امشي معي المزرعه..امشي معي...وافي موب فيه ولاا راح يدري..."
قلت وانا اصيح: ماقدر...ماقدر يا صيته...راح امووت من الحزن...وافي ماقدر اقربه ولاا اقرب اي شيء يمسه...صيته اناا لسه احب اخوك...اذا مات هالحب في قلبي راح اجي ازورك.."
صيته بقهر: تحبينه؟؟؟...وهو طقك وهانك وطلقك؟؟...اللي مثل اخوي حلاال فيه الموت...ما اصدق ان اخوي يسوي فيك كذاا...واناا اللي كنت الوم صالح على قسوته..."
: لااا تقطعين قلبييييييي...ترى اللي فيني كافيني.."
مسحت صيته دموعها والكحل اللي سال واختلط... وقالت وهي تطالع بالكيس اللي كان بايدي وبعبايتي اللي عند الباب: طيب...تبيني اساعدك بترتيب البيت؟؟..واجيب لك ملاابسك؟؟؟.."
قلت وانا مرتاحه لتغيير الموضوع: ما اقدر ادخل البيت...يبي لي كم يوم عشان تجيني الجرأة اني افتحه وامشي فيه...انت روحي هالحين...وانا ان احتجت شيء دقيت عليك..."
صيته بتردد: بسس!!..انت حتى ماعندك جوال.."
قلت كاذبة: راح اطلع جوال وادق عليك...بوسي لي بناتك... وعلميني عن اخبارك...اوكيه؟؟؟..."
صيته وهي تهز راسها باستسلاام: من عيوني..."






مرت علي اول ليلة في البيت بصعوبة...وكنت راح انهبل من الخوف...كان شيء يخوف مرة...خصوصا ان البيت مظلم حيل حتى ايدي ما اقدر اشوفهاا...ومافيه ولاا شمعه تضوي علي....
لكن قدرت اني اخطي هالليلة مع قراءة المعوذات وايات الكرسي ...واقنعت نفسي ان اي شيء اشوفه هو مجرد حلم وتخيلاات واوهام وان الفجر قريب...
لكن مثل ماحنا عارفين ليل الشتا طووووووووووويل طويل...كنت استمد الامان من بعض الاصوات اللي اسمعهاا في البيوت الثانيه..وكنت ارتاح يوم اسمع صوت الأذان واتمنى يطول ولاا يخلص..
لكن ماكل مايتمنى المرء يدركه...كذا مرة اضطريت اترك باب البيت الرئيسي مفتوح واجلس جنبه بعبايتي....وكنت ادعي ان صيته ترجع او ساره..او اي احد يسوي فيني خير ويطل علي...
لكن ماحد فكر يمر علي...حتى ساره وانا متأكده ان اهلها منعوهاا من زيارتي...وصيته مو بأيدها المزرعه بعيدة مرة وماتقدر ترجع كل شوي..تمنيت اشوف مهاا...صراحه هي الوحيده اللي ارتاح لشوفتهاا مرة...واتمنى احط راسي على صدرهاا وابكي واشتكي لهاا من خالهاا وظلمه...خالها اللي الى الآن لو يرجع ارمي نفسي على صدره واعتذر له...رغم اني مو عارفه اعتذر له عن ايش؟؟..

[لامارا]

بعد شهر...





ابتسمت بنعومة وانا اشوف الأطفال ناموا...كانت اشكالهم روعه وواضح عليهم السلم والامان..
مابغوا ينامون...خلوني اقرا لهم اربع قصص...بس الحمدالله بعد رابع قصه كانوا في سابع نومه...
غطيتهم زين...وبست جبينهم..وطلعت من الغرفه بعد ماقفلت الباب...ورحت لغرفة ثانيه عشان اتأكد اذا ناموا الكبار او لاااء..
لقيتهم قاعدين يسولفون..ابتسموا بوجهي اول ماطليت عليهم...
قلت: ماراح تروحون معنا بكره لفيفا؟؟"
ردت وحده فيهم: ودي اروح...بس لااء..عندي اختبار بعد يومين.."
والثانيه قالت بسرعه: اناا بروح معكم...متى بتروحون؟؟"
قلت وانا اطالع بالساعه: ان شاء الله 8 الصباح..راح يفتحونهاا لناا...ودي وحده تجي معي...اخاف يضيع واحد من هالاشقياء وبعدين اموت.."
ردت علي بسرعه: بعيد الشر عنك..لاا تجيبين طاري الموت الله يعافيك..."
هزيت راسي: ان شاء الله...عااد لاا اوصيكم لاا تسهرون..."
وقفلت اللمبات فوق روسهم وسمعت صراخهم بعد ماقفلت الباب...وضحكت غصبا علي..هالبنات غاليين عندي كثير..كنهم خواتي اللي امي وابوي مانجبوهم...
رحت لغرفتي..ولقيت ملكه الصغيرة نايمه على سريري..كان عمرهاا سنتين لقوهاا ضايعه وسألوا عنهاا كثير وسوينا اعلاانات...لكن محد جا وطالب فيهاا..
كنت متهاوشة مع المديرة ابي اسميهاا...بس هي عيت...وقررت انوا هي تسميهاا..وسمتهاا ملكه...على اسمي...يمكن لأني ماقصرت على هالملجأ بأي شيء..
خصوصا بعد مابعت الفله حقتنا...وحطيت نص فلوسهاا هناا..والنص الثاني تبرعت بمعظمه لجمعيات خيرية كثيرة...
بست خد ملكه بحنان وضميتهاا بقوة وتضايقت كثير..فتركتها مكانها وفتحت صندوق كنت مخبيته تحت السرير....وطلعت منه صورة مرسومه لوافي....
تلمست الصورة ونزلت مني دمعه حارة ...بست الصورة وضميتهاا لصدري..ورجعت جلست جنب ملكه...تمددت على السرير...وكلمت الصورة: افتقدتني؟؟؟...ولاا لسه متأكد من خيانتي؟؟...سمعت انك راح تتزوج قريب...الله يهنيك اذا تزوجت انا مقدر امنعك يا وافي...بس اتمنى تكون وحده ما اعرفهاا.."
رجعت الصورة للصندوق الخشبي..وطالعت بصورة عفاري...وتبمست لهاا بحنان...ورجعت لصور امي وابوي وبستها صورة صورة...وسولفت معهم شوي بعدين قفلت الصندوق ورجعته مكاانه...
تلمست بطني بتردد...لسه توهاا مابدت تكبر...صغيرة مرة...مرات اشك اذا فعلاا كنت حامل او لااء؟؟..بس الدكتورة اكدت لي حملي..واحرجتني وهي تسألني عن زوجي..فاضطريت اعلمها الصدق واقولها ان زوجي طلقني وراح...
يارب ماتكون بنت...يكون ولد...عشان يآخذني معه ونبعد عن كل النااس ونعيش لوحدناا...ويمكن آخذ ملكه معي...تبسمت في وجه ملكه من جديد وغمضت عيوني...ونمت!!






شهرين ثانيين
......في زواج ساره.....





صرخت مو مصدقة وانا اشوف مهاا قدام عيوني....كانت هي بعد تطالعني مو مصدقة...ركضت وضمتني بقوة مرة..حتى اني كنت راح اطيح على الأرض...
قالت وهي تلمس وجهي مو مصدقة: ملكه...انت قدامي...مو مصدقة اناا..."
قلت وانا ابتسم لهاا:ههه.. الناس تطالعناا...اششش...لاا تفضحيناا..."
مهاا وهي تلفت حولهاا: لالالا احلى صدفه في العالم...ماتوقعت اني راح اشوفك لو بعد مية سنة..."
: ليه يا ساتر؟؟..تراني لسه موجوده بالرياض.."
مهاا طالعت في ككل...وبعدين قالت بتردد: حاام...حامل؟؟"
قلت وانا مستغربة: ايه...بس شلون عرفتي؟؟"
مهاا وهي تطالع بجسمي: طالعة لك بطن صغيرة مرة..وانت عادة بطنك لاصقه بظهرك.."
: ههههههه...يقطع ابليسك..مايفوتك شيء.."
مهاا بقهر: اممم..ليت امي معي..ماحد جاا معي غير خالتي صيته.."
قلت واناا اطالع في الناس اللي لاابسين افخم الملاابس وجالسين باماكنهم: مين عزمكم على العرس؟؟"
قالت مهاا: اناا اعرف اهل العريس..."
: حلووو..ماتوقعت اني بعرس خويتي راح اشوف اهل طليقي..."
مهاا ضربتني على خصري بعدين تأسفت: اووووه...آسفه نسيت ان فيه بيبي...مرة آسفه...بعدين تعاالي...طلااقك من وافي مايعني انوا خلااص علااقتنا انتهت...رغم انا مقهوورين على هالشيء.."
قلت وانا آخذ نفس واعدل فستاني الذهبي: وين صيتوه؟؟..ابي اشوفهاا..."
مسكتني مهاا من يدي وسحبتني لعند طاولتهم...كانت صيته جالسه تسولف بالجوال...اول ماشافتني طاح الجوال من يدهاا..وتمت تطالعني مفجوعة...
وصرخت بأعلى صوت: ملـــــــــــــكه...وش تسوين هناا؟؟"
قلت وانا اسلم على خدهاا: عرس صديقتي...يعني وش اسوي فيه؟؟؟..انتم اللي جيتكم ماكانت على البال..."
سحبت مها لي كرسي وجلست وانا مرتاحه...
قالت مهاا وهي ترجع غرتها شوي ورى: تصدقين ان ملكه حامل؟؟"
صيته وهي تطالعني لسه مو مستوعبة: حاامل؟؟..بسس..وافي مايدري.."
قالتهاا لمهاا..
قلت بسرعه: ولاا ابيه يدري...الله يعاافيكم...لاا تقولون له..."
صيته بقهر: ملكه هذا ولد اخوي...بتحرمينا منه...بتحرمين جدتي منه...بتحرمين اهلي منه..."
قلت ادافع عن نفسي: وافي ماراح يرحمني يا صيته...راح يآخذه مني...ماراح يتردد لحظة وحده..."
صيته هي ومهاا بنفس الوقت: وافي تغير.."
قلت بجفا: وافي عمره ماراح يتغير.."
صيته بصراحه: والله ان قلبك قاسي يا ملكه...طاوعك قلبك تغيبين عناا هالشهور كلهاا..ماتركت رقمك عند احد..كأن الأرض انشقت وابلعتك..حتى صديقتك ساره غيرت جوالهاا.."
مهاا وهي تهز راسها:نسيتيناا بسرعه يا ملكه...ترى عمر الطلااق ماكان نهاية الكون.."
قلت ببساطة: صح عمره ماكان نهاية الكون...لكن..طلااقي من وافي..كان شيء الى الآن مو قادره اطلع منه..ما ابي اي علااقه فيكم عشان ماتحسر على شيء مات وانتهى.."
مهاا وهي ترجع شعرهاا ورى: مافيه امل تنصلح حياتكم..."
قلت وانا ابتسم والمس بطني: لاااء..كلهاا كم شهر واتطلق من وافي واتزوج واحد ثاني يعتني بولدي.."
صيته وهي مصدومة: تفكرين بالزواج؟؟..ملكه الله يخليك..فكري بوافي راح يمووت لو تزوجتي غيره.."
قلت وانا مو مهتمة باخبار وافي: خلوه يموت..."
لااحظت ان صيته ومهاا سكتوا...وشكلهم تضايقوا من كلاامي...قلت لهم وانا ابي اغير الموضوع بس فيني فضول: وافي بيتزوج قريب صح؟؟.."
مهاا تكلمت قبل صيته: لاااء...صح انه خطب مرام بعد مارجع من دبي بفترة قصيرة...بس رجع وتركهاا...ولا له نية يتزوج ابد يا ملكه..."
صيته بلعت ريقها وقالت وهي تعطيني فنجال قهوة: ترى وافي القديم مات.."
قلت بقسوة: الله يرحمه..."
مهاا حبت تغير الجو الكئيب هذا فقالت وهي تبتسم بوجهي: مدري عني اناا وفارس..."
: آه صح وش صار لكم؟؟"
مهاا بفرح: ماراح اتطلق منه يا ملكه.."
قلت وانا صدق مبسوطة: والله؟؟؟...مبروك حبيبتي...اخيرا عقلتي..."
مهاا بحرارة: انا عقلت من زمان...فارس يحبني كثير..وانا صدق مرتااحه له مرة...لو تشوفينه كيف اعتني فيني ايام عزا عفراء الله يرحمهاا من بعدها عرفت اني لاا يمكن الاقي رجل مثله..."
اخذت نفس وحسيت براحه: عقبال ما اشوف بزرانكم ماليين الدنيا..."
مهاا وهي تهز راسها: ماراح انساك..وانت هالحين راح تعطيني جوالك..وعنوانك..عشان اجي ازورك..."
: من عيوني...بس شوفوها امانه برقابكم...ماابي احد يعرف عني شيء...بالذات وافي..."
صيته قالت بحسرة: يا ملكه هذا طفله...وافي يحب الاطفال...راح تذبحينه وهو حي.."
قلت وانا مقتنعه: ماراح يدري عنه وانتهى..وقفلي السالفه..وعلميني عنك...كيف مع الطلااق؟؟..كيف حياتك هالحين؟؟"
قالت صيته وهي تبتسم: انا رجعت لصالح من فترة طويله..."
: نععععم؟؟؟..رجعتي له؟؟؟...ليييييش؟؟"
سألتها بقهر...
قالت صيته وهي تآخذ نفس: صالح تغير يا ملكه..."
قاطعتها: اللي مثل صالح ووافي عمرهم مايتغيرون..."
صيته بحرارة: لاااء والله يتغيرون...الدنيا تغيرهم وتعلمهم ان الله حق..."
قلت ادافع عن وجهة نظري: عقب وشو؟؟..عقب مايخسرون كل شيء حولهم...عقب مايحطمونا ويذبحوناا ويلعبون بمشاعرنا..عقب مانصير بقايا مشاعر وبقايا انسان..عقب وشوو يردون لناا؟؟...عقب ماخلااص ننسلخ وتروح هويتناا؟؟..ليش دون نوطي روسنا لهم؟؟؟..عمر الجبل ماينحني للرياح يا صيته...وانت جبل..."
صيته بقوة وبصوت عالي وهي تقاطعني: بس صالح تغير...يا ملكه...صالح انشل..نصفه السفلي كله صار زي قلته.."
فتحت فمي...وغمضت عيوني بقوة..ماكان عندي حكي اقوله..كنت مصدومه..ليش انشل؟؟؟..حرااااام...حتى لو هو قااسي...حرام ينشل...يصير بقايا انسان...مثلي انا..اناا بقايا...
مهاا وهي تحاول تهدي الوضع بيناا: ياما رجالنا غفروا لناا...فالمفروض انا نغفر لهم بعد..."
: انا اسفه...ماكنت ادري انه...انشل.."
قالت صيته وهي تمسح دموعها: تخيلي بعد شهر العسل حقه...صار له حادث..تركته زوجته على طول اول ما درت انه مشلول..وطلبت انه يطلقهاا....من ايش مخلوقة ذيك الانسانه؟؟.."
قلت وانا اضم نفسي: فيه ناس كثير مثلهاا..ناس قساة مايهمهم غير نفسهم وبس..مثل عمي...مثل وافي...مثل الاغلبية..."
قالت مهاا: اناا معك يا ملكه ان وافي غلط بحقك..وسوا فيك اللي مايتسوى لكن سامحيه...وافي تغير هاالحين..وافي صار شخص ثاني...انا حاسه انه راح يموت بأي لحظة.."
صيته بفزع: بسم الله على اخوي..."
مهاا بصراحه: الدكتور قاله قبل كم يوم...يوم دخلناه المستشفى عشان النزيف اللي بمعدته...قال اذا هو رافض الحياه...ماراح الحياه تفرض نفسها عليه..."
طالعت بمهاا وانا مصدومة...مريض؟؟.. ومادريت اذا اضحك او ابكي...ودي اضحك عليه لأن ربي عاقبه...وودي ابكي علشان الناس اللي تحبه..ولاا هو ماعاد يهمني...وقمت من عندهم بعد ما استأذنت بلباقة...ودخلت على ساره وسلمت عليها وطلعت من القصر..ما اقدر اجلس اكثر...احس المكان بدا يضيق علي...





ركبت السيارة وطلبت من السواق يروح للملجأ...وش هالدنياا الغريبة؟؟..رجل صيته انشل ورجع لصيته مثل الكلب ال******************************** وعرف قدرهاا زين...مهاا صارت تحب فارس وعرفت اي فارس تزوجته؟؟...ساره تزوجت اخيرا وتحقق حلمهاا الوردي...
واناا؟؟...اناا ملكه وش تحقق لي؟؟..تحقق لي الحزن والالم...صرت حقودة...صرت انسان ثاني..انسان انا نفسي ما اعرفه..حتى يوم اطالع بالمراية استغرب من نفسي...
راح الحنان اللي كان يميز ملاامحي..صرت اشوف بنت ماهمها باحد...تاكل وتنفس بس عشان تعيش...لو بيدهاا تذبح عمرها كان ذبحت عمرها من زمان وارتاحت...
تصدقوني اذا قلت لكم ان وافي ماعاد يسكن قلبي...تصدقوني اذا قلت لكم اني ماعدت احبه؟؟...
والله هذي الحقيقة..حب وافي اختفى مني للابد...حتى صورته قدرت اقطعها واحرقها بدون ما اتأثر او تنزل مني دمعه..صرت لمن اذكره احس بانقباض بقلي...هو وعمي وبدرية ومساعد اول ناس علموني الكره...
تصدقون اني طول عمري كنت اتمنى اكره..كنت احب واحب واحب وواوزع حبي على الكل...كانوا الناس يستغربون يوم اقولهم والله اني ما اكره اي احد...كان ودي احس بالكراهية تجاه احد...لكن هالاحساس كان يرفض انه يزورني...كان بعيد عني...متباعد شامخ...يمكن مايبي يحمل قلبي الضعيف اكثر من قدرته...
اناا هالحين ما احب احد غير الملجأ وعيال الملجأ وطفلي اللي فبطني..هالطفل اللي بيكون النور بحياتي...
فيه شخص ودي اقابله واشكره من كل قلبي..سلطان...فعلاا ودي اشكره...وودي اقوله اني موافقه اتزوجه واروح معه...انا ابي سلطان...لكن...تتوقعون سلطان راح يرجع لي؟؟...ما اظن...لأن سلطان صار يحب سمااح وراح يتزوجهاا قريب...صرت ما اعني له اي شيء..هذا هو قدري...اللي يبينا عيت النفس تبيه واللي نبيه عيا البخت لاا يجيبه...!!

[لامارا]

واخيرا...وصلنا لنهاية مذكرات ملكه...مذكراتها اللي ماعادت رجعت وافتحتهاا....لأنها تأكدت ان خلااص حياتها استقرت من جديد..ووصلت لمرحلة الروتين..
ملكه اول مابدت تتكتب مذكراتهاا...كان لسبب واحد..هو سبب النكسه في حياتهاا...موت اهلهاا اجبرهاا انها تكتب كل شيء...كل تفصيل صغير بحياتهاا...كل لحظة حلوة وشينه فيهاا...كانت تبي ذكريات اللي تحبهم تكون مكتوبة في دفترها الخاص...عشان اذا رحلوا مثل اهلها تقدر تذكرهم بمجرد ماتفتح دفترهاا...
عرفت اشياء كثيرة بعدين...لكنها رفضت تكتبهاا...لأنها اعتبرتها وصمة عار مفروض ماحد يدري عنهاا...
ملكه كريمه بحفظهاا لاسرار بيت عمهاا...خصوصا بعد ماعرفت ان سبب كل الآثار اللي بجسمها هي بدرية....
وبعد ماعرفت ان بدرية اسوأ من الحقيقة اللي كانت تظهرها لهم...بدرية الصايعه الضايعه اللي تدخن وتحشش وعايشه اجواءها على الأخير....
بدرية اللي كانت صدمة ابوهاا فيهاا كبيرة...بدرية اللي ماتوقعت بيوم ان فيه احد راح يعاقبهاا عن اللي كانت تسويه بملكه...وعن كل الاذى اللي سببته لهاا...
كانت بدرية مبسوطة بحياتهاا...ومبسوطة ان يزيد بيخطبهاا قريب..ومبسوطة ان ابوهاا تبرى من ملكه...وخلاها ترجع لوحدهاا السعودية..
كانت تعتقد ان خلااص حكاية ملكه انتهت...وتسكرت كتبها ولاا عاد احد يدري عنهاا...
لكن ربي مايضيع حق احد....ميران رغم الخوف اللي كان فيهاا...خوفهاا من بدرية وخوفهاا من نظرة اخوانها لهاا قررت انها تعلم اخوها بكل الصدق...اعترفت باشتراكها مع بدرية بكل شيء ماعدا موضوع الكلب..اعترفت انها بعد حكاية الكلب تهاوشت مع بدرية لأنها خافت على نفسها كثير....
يزيد لمن عرف الموضوع....انهاار..وماكان متوقع ان فيه ناس وحوش بهالدنياا...كان يظن ان هالشيء اكبر من ان بنات مراهقات في عمر الزهور يسوونه...تذكر امه وشلون قتلت ابوه...ذكرته بدرية...وكره كل شيء يمسهاا وقطع علااقته فيهاا بدون مايقولها الاسباب...
بدرية ماعرفت ابدا سبب ترك يزيد لهاا وانهارت وتعبت كثير...اما ميران فراحت لأمريكا بعد مازعلوا منها اخوانهاا ولاا قدروا يسامحونها وقررت تعيش ويا امهاا...وتكمل دراسات عليا هناك...
عم ملكه...اللي كان من حال لأسوأ...بدت ملكه تحاصره بكل مكان...بأحلاامه بأفكاره بخياله...
كان يشوفهاا تصيح في كل مكان..وانهاار عند زوجته بيوم...وقالهاا انه حاس انه ظالم ملكه...وانه خايف من عقاب رب العالمين له...وانه لاازم يستسمح منهاا حتى لو هي فعلاا خانت رجلهاا...
زوجته...كانت واثقة من براءة ملكه...لأن عفراء كتبت رسالة قبل لاا تنتحر وضحت فيهاا ان ملكه بريئة من اي علااقة بمساعد...وان الرسايل اللي بغرفتها كانت بس من طرف واحد وهي عمرها ماردت له رسالة...وقالت بعد انهاا عرفت ان بدرية هي سبب الأثار اللي بجسم ملكه وان ملكه مو مجنونة ودخلت المستشفى ظلم...وهالشيء عفراء ماقدرت تعايش معه فترة طويله...لأنهاا كانت تحس بذنب كبير...اكبر من قلب عفراء الطيب... الابيض...
قررت زوجة العم نوره تحرك وتدق على وافي وتقوله كل الصدق...بس بعد ماحلفته ايمان انه مايأذي بنتهاا ابد..ويتركهم بحاالهم...وحلفته انه مايقول لرجلهاا عن هالكلاام كله..
وافي انهار كثير...وكان مصدوم..لدرجه انه قفل الخط بوجهها ولاا رد عليهاا...كان يتذكر ملكه..وشلون جرهاا قدام اللي يسوى واللي مايسوى...شلون ماراعى حياتها...شلون مافكر فيها مرتين...شلون نسى يتمهاا...شلون نسى حلفانها له..شلون نسى كل اللحظات الحلوة...وشلون مرغها بالتراب...
مرض وافي كثير....ودور عن ملكه كثير...لكن ماعرف ابدا وين مكانهاا...اختفت وكأن الارض انشقت وابلعتهاا...
دخل المستشفى فترة طويلة...كان يصارع في ذيك الايام شبح القهر والالم والندم...ايه الندم...الندم على شكه اللي خسره اغلى ماخلق ربي في نظره...خسرهاا...وكان متأكد من هالشيء...لكنه كان يبي بس يستمسح منهاا...بس يبيها تحلله عشان لو ماات..او اهي ماتت...!!
مساعد...حبيبنا المقهوور..اللي حاول يحطم ملكه مرة ورى مرة..هو الوحيد اللي ماندم على اللي سواه بملكه..وكان يعيش اسعد ايام حياته...وهو يتذكر وجهها وصدمتها بشوفته...
كان مبسوط ان اتفاقه مع بدرية حطم ملكه للابد...ملكه اللي من وجهة نظره دمرته..ولعبت فيه وتركته...لذا كان لاازم يدمرهاا...ودامه ماقدر يدمرها بخطته مع الريم...فبدرية هي اللي راح تساعده وفعلاا هذا اللي صار بدرية ساعدته وضحكوا بالاخير..وضحكوا كثير...
اتجه للشراب...وجمع البنات...وصار طول وقته بالحفلاات..كان مرات يحس بتأنيب الضمير...لكن لأقل من لحظات...
سماح...تزوجت بعد فترة طويله شوي سلطان...كان حفل هادي عائلي ومختصر جدا...ماحظرته ملكه اللي كانت تعاصر ندمها لرفض السلطان من البداية...
وياما قلنا لك يا ملكه ان مايبيلك الا واحد مثلك وسلطان كان مثلك...والملكات مفروض مايتزوجون غير السلااطين....
سماح كانت سعيده جدا ان سلطان فكر فيهاا وحبهاا بصدق..ويمكن اكثر من حبه لملكه بكثير...
لقى فيهاا نصفه الثاني وهالشيء خلااه يسعد ويضحك...رغم انه بكى معاها كثير على فقد عفاري وعلى فقد ابوهاا لكنهم تجاوزوا الموضوع مع بعض...لأنهم كانوا يد وحده وجسد واحد وروح مندمجه...
روعه رفضت مشااري كذا مرة...كانت تبكي على اطياف ابوها واطياف عفراء...وعلى اخوها المحطم...
قررت انها ماتبي تتزوج ابد...وطلبت من مشاري بكل طيبة قلب انه يدور وحده تناسبه..لأن روعه ماعادت روعه..روعه هي مجرد جسم بدون روح...بقايا مثل ملكه..وماتعتقد انها بتقدر تزوجه..
ماندري يمكن بيوم بعد كم سنة ترجع بكلاامها وتزوجه؟؟...ماندري كل شيء جايز...
مرام...حاولت انها تقرب لوافي كثير..حتى بعد مافسخ خطوبتها...كانت رافضه تستسلم..خصوصا ان وافي هو حب الماضي والحاظر والمستقبل...








بعد سبع شهور....





ملكه جالسه على الرمال الذهبية قبال البحر....وشعرها الاحمر يتطاير حول وجهها اللي القسوة غيرت ملاامحه...رغم الراحه اللي ظاهره عليه....
ماسكه عفراء بيدينهاا...عفراء الصغيرة الملااك القمر...ببشرتها البيضاء الناصعه...وعيونها السود الواسعه المكحلة...ورموشها الكثيرة الطويله وحواجبها المرسومة...زي ابوهاا فكرت ملكه ببرود...وهي تقطب حواجبهاا...
فعلاا..عفراء..كانت تشبه ابوهاا كثير...بس فيه شبه غريب يجمعهاا بعفراء الاصلية......عفراء الله يرحمك...ويغفر لك...
مسكت اصابع بنتها الصغيرة بنعومة..وباستها لهاا..هذي طفلتهاا هذي املها هذي المستقبل وكل لحظة حلوة راح تنبني بحياتها...
هذي سبب رجوعهاا بقرارات كثيرة...ملكه مابغت بنتهاا تعيش بجو متفكك....محطم...وحيده..يتيمة مثل امهاا...
مابغتها تسمع الصياح والآهات المعذبه...مابغتهاا تكون مقطوعة من شجرة...لأنها يمكن بيوم تروح عنهاا فمين راح يعتني فيهاا...
سامحت ملكه عمهاا وسامحت عمتها....خصوصا انها كانت متأكده ان الدنيا علمتهم كثييييير...
خصوصا بعد ما اكتشفوا بدرية مع رجال غريب بالملحق...سبحان الله الزمن دوار...والظالم مرده ينظلم !!
ملكه رجعت بعد لوافي...لكن خلااص كل المشاعر اللي كانت بقلبهاا ماتت..لأنها حتى يوم شافته ابتسمت بوجهه ببرود...رغم ان الحب كان يطفح من وجهه...لكن قلبهاا اللي تغير..رفض يشوف هالمشاعر وشاف الماضي وبس...
تحركت بملل على الرمل...ووقفت واعطت وافي اللي كان واقف قريب منها يتأملها بنتهم....سوت شيلتها ومشت جنبه عشان يروحون لسيارتهم...
مد وافي يده بتردد وهو يطالع قدامه وماسك بنته بيده الثانية..كان يبيها تحس فيه..وترجع الأولية..لكن للاسف يا وافي ماتت الاولية بسببك...
كان يبي يلمس يد ملكه...لكنهاا بعدت عنه بكل قسوة وتجاهل يدهاا!!
ورجعناا للاسف لنقطة البداية..!!

الحب شعور جميل...ممكن ينموو وممكن يموت هو بالمهد...واللي يحب ممكن يكره***وجهة نظر شخصية***


تمت بحمد الله
في الساعه 12:32ص
في تاريخ 13-2-2007
يوم الثلااثاء

تعليق
اللي يبينا عيت النفس تبيه واللي نبيه عيا البخت لاا يجيبه

القصه هذي فيها الكثييييييييييييييييير والكثير من الاحداث الواقعية...
قصص الملجا كلهاا صحيحه....
قصة صيته مع زوجها صحيحة...
قصةموت اهل ملكه بالطريقه اللي كتبتها حقيقية...



نجي للشخصيات الحقيقية....

ملكه شكلا واحساسا حقيقية.....وفعلاا هي يتميه وعايشه هي وامها عند عمهاا...وعمها لئيم مرة لكن عاد مو نفس القصه...
انا شفت بملكه صديقتي كل مقومات البطله بعيوني اناا...حبيت صدقها وطيبتها ورقتهاا...حسيتها بطلة بكل ماتعنيه الكلمه...

وافي....شكلاا واسم حقيقي...لكن اناا ماخترت اسم البطل وافي بسبب هالشخص...
انا سميت البطل وافي لسببين: اولهم...ان فيه حصان رااائع مرة للامير خالد بن سلطان اسمه وافي
ثانيها ان وافي رغم قسوته في القصه الا انه ماخانها ولاا مرة ولاا غدر فيهاا او طعنهاا من الخلف...

ساره...هذي صديقتي العزيزة الغالية...
بدرية...شخصية حقيقية...الله يكفينا شرهاا...
مساعد..ههههههههه...شخصية حقيقة والله...وانا ما اسميه غير يابو عين طوويله...

اول ماكتبت القصه وعرضتها على صديقات مقربات لي...سببوا لي احباط فضيع...حسسوني اني شخص جدا تافه وان ماعندي اي قدرة على صياغه القصه الطويلة..


وصابني احباط لمن نزلتها بجروح الوقت....وماكان عليهاا اي اقبال....
وتزايد الاحباط عندي لمن نزلتهاا بشموع الليل وكانت النتيجة وحده...

لكن مع بداية وصول الرسايل الخاصه...وكلاام بعض العضوات اللي يشرح الصدر...قررت اني اكمل واواصل مع ملكه ووافي ويا اغلبهم ويا يغلبوني....

صدقووني معظم الاحداث ماكان مخطط لهاا...كنت اكتب بشكل عشوائي...
اول ما اجلس على الكمبيوتر..خلاااص انسى العالم كله...واتخيل نفسي ملكه وابدا اكتب واكتب واكتب وكأني فعلاا عايشه الحدث....

اتخذت اسلوب ما اعجب ناس كثيرين في البداية..اللي هو اسلوب المشاعر...
لأني مع قراءة المشاعر...القصص الحوارية تقهررني احس اني ما افهم وش يدور بذهن الشخصيات...
اسلوب المشاعر والتشبيهات والتصوير حسيته تحدي لي...واتمنى اني قدرت ابرع فيه...
وراح استمر فيه حتى بقصتي الجديدة لكن بشكل اروع واطور من كذا بكثير...
استودعكم الله الذي لاتضيع ودائعه

[ندى تدى]

جميله ومؤثره جدا جدا جدا

والله حاسه دموعي نشفت وبقلبي

ألم يسلمو حبيبتي ووفقك الله

[hidaya 2]

موفق بإذن الله ... لك مني أجمل تحية .

[نورر العيون]

جميله ومؤثره جدا جدا جدا

والله حاسه دموعي نشفت وبقلبي

ألم يسلمو حبيبتي ووفقك الله