18-04-14, 03:11 PM | #221 | ||||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
ام غيث ... حبيت مداخلتج انا اكتبها على انها مذكره مغتصبه .. اوصف حالتها بشكل يومي .. اسبوعي .. شهري او سنوي .. احساسها كيف يكون و كيف يتحول من يوم للثاني .. مع وجود صور تتكرر ع البال .. اقدر ادخل باقي الشخصيات بس الطريقه اللي بديت فيها راح تخترب .. لـ هالسبب سلطة الضوء على شخصية وداد و وليد فقط .. ودخلت كذا شخصيه لـ اكمل بها القصه .. بالنسبه للغياب و التأخير .. لـ ظروف قاهره غير اني امر بـ امور تخيلي الخيال عندي يقفل .. فـ احاااول اني اكتب خاطره و اطلع الأفكاار منها .. تسلميين ام غيـــث ع المدااخله الجميله .. دمتـــي بـــ ــود dam3ahel3in | ||||||||
20-04-14, 12:32 AM | #223 | |||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| بداية افتقادي لـ نفسي اصوات موسيقى تصدر من صندوق موسيقى قديم .. في داخله راقصة باليه .. تدور حول نفسها .. تنظرة اليها بتمعن شديد .. اردت ان اعيبها في شيء رأيتها و هي تنظر إلي مبتسمه .. رافعةٌ يدها الي كأنها تخبرني بأن اشاركها الرقص .. " انا ارقص شاركيني " دعوة وهميه .. !! نظرت اليها و الإبتسامه ابت ان تصل الى عيني .. وضعتها في مكانها على الطاوله .. غالقةٌ غِطائها خلفها .. لـ يتوقف معها صوت الموسيقى .. إلتفتُ خلفي .. اتفحص المكان .. غرفه موحشه .. ابقيتُ نظري على فراغٍ صنعته من وحي خيالي .. تشكلت لـ عدة صورٍ لـ ماضٍ جميل .. اصواتٌ لـ انغام موسيقى هادئه ( سمفونية ضوء القمر) بدأت بالتحرك خطوة بـ خطوة .. نحو جسدٍ قتل روحي .. اقتربت منه انظر لـ عينيه امالةً بـ أن اجد ما ابحث عنه .. لا ألتقى بـ نظرات بارده و جمود يزيد من قسوة قلبي .. تمتد منه يد لحوحه .. تريد ان تجبرني ع الرقص .. نظرة إلي يدهِ بـ حزن .. لـ ارفع مرة اخرى لـ ألتقي بـ عيون .. تملؤها الأمل للـ تقدم و الخوف من الإنكسار .. .. لـ أبادله بـ الموافقه لـ نبدأ رقصتنا .. لـ مستقبلٍ غامض .. dam3ahel3in | |||||||
25-04-14, 01:31 AM | #225 | |||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| ملخص .. مليت من وجودي بين الناس .. طفرت من نظرااتهم لي .. اللي اتحسسني اني مب لابسه شي .. شردت من جداامهم ساايره للمطبخ .. البشاكير بحركه دائمه من الصبح .. اللي إتدخل صحون واللي إتظهر صحون .. اللي شاايله فواله و اللي راده بـ غسول .. طلعت من الباب المطبخ .. ابي اتنفس شوي و اطلع من جو الكتمه و الإزعاج.. صوت الأغااني مب طبيعي و كلها اغاني ترفع ضغطي .. مشيت لـ ورا المطبخ كنت افكر بـ شغلاات اتضحكني ـ. لـ ما اتفاجأت بـ شخصين .. بنت و ولد .. ماسكين بـ ايادي بعض و يمشون في الظلمه .. شوي ولا يرتفع رأس البنت حسيتها اتطالع صوبي .. رفعت ايدها و مسكت ويهه الولد .. قربت ويهها من ويهه الولد طبعت على خده و حطت ايدها على ايده .. خير شو هالرومنسيه اللي مالها معنى و جداامي بعد !!!! سمعت الولد يقول : ينييتي انتي شو .. !! هالصوت مب غريب علي .. طالع صوبي : وداد ..!! كان وليد !!!!!!!!! | |||||||
25-04-14, 02:15 PM | #226 | |||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| الجزء 14 الفصل الأول الفصل الـ14 ج1 .. يييت اركض من برع .. كيف يصير هالشي جدامي و في يوم العزيمه .. هذيج كيف رضَت على نفسها انها اتسوي هالشي ... و تنزل مستواها لـ هالمستوى الهابط .. احنا وين عايشيين .. شو هالزمن اللي كله قلة ادب .. كله غلط في غلط ... هاييل شو مستفيييدين من الغلط اللي يسوونه .. و اخرتها شو بيحصلوون .. اللبس بدا يكتم ع نفسي .. بدييت اتضاايق منه .. دورت ع الفصووص بـ اصاابعي حاااولت افج كم فص .. اشيل الكتمااان اللي نزل ع صدري فجأه .. شي غاثثني .. شي قاهرني .. كنت احرك اصاابعي وانا ارجف مو قادره اضبط اعصااابي .. مو قادره اتحكم بـ رجفتي .. شقييت الفستااان .. و تمييت اقطع فيه .. لـ ما حسييت اني اتنفس من اول و اييديد .. دمووعي سبقتني .. اللي كنت كاتمتنه في قلبي وانا اركض للحجره .. طلع الحين .. صرخت بـ اعلى صوووتي : فكـــــــــــــــــــــــ ــــــــــــــــــه .. فكــــه .. قبل العزيمه بـ اسبوع .. البيت بدا ينترس بالناس .. كل شوي حد يوصل و يقولون لي تعالي سلمي عليهم .. عيال خالته علياء، خالته لولوه و عيال خالته نوال .. السوالف وياهم ما اتخلص و قعدتهم بالنسبه لي وايد علي من الخااطر وايد .. لو علي اختار القعده ويا الصغار .. ما عليهم كلاام فرفوشين وكل واحد عايش حياته .. كنت العب ويا اليهال كانوا يضحكون و يمرحون .. إلا وحده قاعده على طرف ماسكه في لعبتها .. اتجوف اليهال و خاطرها اتشاركهم اللعب .. حسيت انه في شي يمنعها من انها اتشاركهم فرحتهم وتعيش مثلهم الفرحه .. سيرت عندها من جافتني اقبل عليها .. حضنت بـ لعبتها اكثر لـ صدرها و نزلت نظرها لـ تحت .. ن زلت لـ مستواها وابتسمت لها : ماتبين تلعبين معانا !! هزأت رأسها بـ لا .. : ليش .. ما يعجبج اللي يصير الحين .. هزأت بـ لا .. : عيل شو اللي يعجبج وانا بسويه لج .. تبين اسوي لج شي من اللي انتي تبينه .. هزت رأسها بـ لا .. ابتسمت لها و خليت نفسي افكر في شي .. : شو اسم لعبتج !!! حضنتها حييل : نوره وما بعطيكم اياها .. : صدق اسمها نوره !! .. : هيه .. : منو شراها لج .. : امي .. : وقالت لج سميها نوره .. : لا انا قلت اشتري لي نوره .. و شرتها لي .. : اشمعنى انتي بس عندج نوره ... انا بسير عند امي بعد عسب تشتري حقي .. سويت نفسي افكر .. : شو قلتي لي اسمج ..!!! : وديمه .. : هيه بقول لها تشتري لي وديمه .. و بخلي الكل يلاعبها .. : هاه اسمي ما يصير تحطينه حق لعبتج .. : بس وديمه اسم حلو .. ليش ما تبيني اخلي الكل يلاعبها .. : لأني ماابي العب : ليش .. : امي اتقول انا تعبانه لو لعبت بتعب و بدخل المستشفى .. : اذا على جيه .. تعالي انفكر في شغله .. انتي ما تتحركين فيها واايد .. واتسوين الشغله وانتي قاعده .. بس تلعبين معانا و اتشاركيين .. : اقول ودااد .. : هلاا عمتي .. : شو رأيج تودرين عنج اليهال .. و اتيين تقعدين ويا الكبار .. : عمتي طول عمري قاعده ويا الكبار .. الحين بقعد ويا الصغار ارجع ايام طفولتي شوي .. : خليهم ويا بشاكيرهم (خداماتهم) و تعالي قعدي شوي ويا الحريم .. : اخلص منهم و ايي اقعد معاكم .. : سوي اللي يريحج .. لفيت على وديمه .. : يلاا جااهزه .. !! هزت رأسها بـ هيه .. مسكت بـ ايديها .. وقعدتها في مكان كله فواكهه .. جمعت اليهال حواليها و قلت لهم :تلعبون معاي لعبة .. !! ورا هاللعبه قصه حلوه .. اللي بيعرف يجااوب على كم سؤال .. يقدر من نفسه يكمل قصه و بطريقته .. موافقين .. ! كلهم بصوت واحد : ايووه .. : نبدأ اول شي بالتخطيط للسيطره على المكان .. اهم شي ما انظهر صوت .. الحين احنا نعتبر الحاميين المكان .. الكبار اللي هناك هم الشريريين .. لازم ما يسمعون مخططاتنا .. عسب ما يسجنوننا .. طيب .. !! كلهم بصوت واطي : طيب .. واحد منهم: انتي من الكبار .. : من قال اني من الكبار !!! : انا اقول .. انتي طويله .. : انا شربت سحر و كبرت عسب اقص عليهم بس .. تم ينااظرني بطريقه ضحكتني يا بيتكلم .. : يا غبي .. الحين لازم انسوي كل شي .. عسب الكبار ما يحسوون علينا .. واحد من الصغار استلمه بداالي و اقنعه : زين موافق .. : الحين نلعب .. اريد وااحد منكم يقص على اي وحده فيهم .. و يجمع لنا اكل .. يقول لها اريد برتقال اي شي يحبه .. لو رجع و معاه البرتقال يكون فايز .. يعطي الشغله لـ وديمه و عقبها يبدا يختار اي واحد من الموجودين و يقوله اللي يريده .. حلو .. !! اليهال .. : حلوو .. : الحين .. انا بسير اساايرهم بالكلاام و ابي كل دقيقتين حد فيكم ايي .. ويشيل شي من عندنا و يرجع هنيه .. عقب بنتقاسم الأكل من بيننا .. واحد من اليهال الغلسيين : وانتي يوم بتسايرينهم شو بتسوين .. : بسرق لكم عصاااير اكييد .. كل شوي بمسك بـ ايدي قلاااص بدل ما اشربه .. ببيي اعطي وديمه و هي اللي بتوزع العصااير .. : الحين اللعبه عن الأكل !! : لا عن الغنايم إللي هو الأكل .. : انا مب لاعب و بسير اقعد عند امي .. بقول لها تعطيني اللي اريده .. مشى من عندنا وقف بعييد يصاارخ .. : و بخبرهم ع اللي بتسووونه .. اشرت عليه و طالعت اليهال : هذا خاين من يرجع بنربطه في النخله .. و بنخلي الشمس تصلخه و من يستوي بنفجه .. محد يعطيه شي لا اكل ولا ماي .. واللي بيأكله ولا بيفجه و بنحطه وياه .. نظرت اليهال تغييرت صاروا يطالعون فوق .. في حد ورااي وانا ماادري !!! : شو قاعده اتخبصين في راسهم !! منو بتربطيين .. !! رفعت راسي له .. اشرت عليه : انت .. : ليش انا.. !! شو امسوي انا .. واحد من اليهال : ولييل .. انت من الكبال لادم تنلبت .. : هاه .. وديمه و هي ترص ع لعبتها .. : انت من الكبار لازم ما اتكون هنيه .. ولا راح نربطك في النخله .. كان يطالع فيني وانا احرك له حواجبي اغيضه .. : منو اللي بيربطني .. طالعت وديمه .. لقيتها تأشر علي وانا حركة لها راسي بـ لا .. : هاي تربطني.!! انا اربطها لكم .. تراها من الكبار .. واحد من اليهال .. كفو عليك والله: لا وداد شاربه سحر كبرها .. عسب تدخل من بينكم بس .. لا فصحتني .. ييت اقول لك كفو .. طالعني بـ ابتساااامه : ايووه .. زين خبرتني بسير اخبر الموجودين .. اليهاال كلهم .. : لاا.. لا اتخرب .. : عيل شركووني وياكم ولا افتن عليكم .. طاالعته بـ غيض .. : يا عياال انضمه للمجموعه ولا !! : هييييه لفيت عليهم..: ما اتصدقوون انتوا على طول هييه .. تخيلوا ع اخر شي يفتن علينا .. نزل لـ مستواي.. : ما اسويها .. تراني شارب سحر بعد عسب ادخل بين الكبار .. قربت منه اسااسره : يعني الحين انا اخرط عليهم وانت مع الخيل يا شقرا .. : اجوفج صايره الحبابه و امجمعه اليهال حوولج .. : احسن من قعدت العيااايز .. طالعني بـ استغراب: عياايييز !!! صبري .. لف صوب عمتي : امييييييييييييييه لفييت ع اليهال .. : جفتوا .. خبرتكم انه خاااين .. ربطناااه .. طالعني بـ نظره .. : اخبر امي اني بتم وياكم .. مب سااير اخبرها .. : صدقتك انا .. و بدينا نلعب .. وليد شل الأولاد له و خل البنات لي .. عنصريه حتى في اللعب .. شوي بدا يخطف البناات .. اول من خطف ودييمه .. تمييت ألاحقه ابي اردها لي .. كنت اسمع صووتها و هي تضحك و اتصاارخ .. ييت بشيييلها منه قربني .. شو اللي يقربني منه . لقيت ايده ع خصري.. : لا تستخف تراهم يطالعوننا .. والبنت مب مال مراكض و ضحك تراها تعبانه شوي .. احاول افج نفسي .. : ويعني !! حرمتي .. وابي العب وياها طالعته بغييض.. : اقووول .. البنت اتطالعنا .. فجني .. مو وقتك والله .. فجني من جهه ورديت وديمه لي .. غمزت له : ترا فزت عليك .. طالعت في وديمه : صح ودووووم .. وهي تضحك لي .. : صح واحد من اليهال سار صوب وليد : انت ما اتعرف تلعب .. اطلع .. : افا .. هاه وانا ياي العب وياكم .. : خسرتنا وحده من الأساااير .. اطلع لا نحكم عليك بالإعدام .. سمعت ضحكته كان يضحك بـ صوت عالي .. وصله اتصال طلع الفون من مخباه .. طالع صوبي : نتقاابل فوق بعدين .. رد ع الفون و عطاني ظهره .. نزلت وديمه : لعبي وياهم و استانسي لو حد ضايقج خبريني .. زيين !! هزت رأسها بـ اوكي .. سيرت عنها لـ عمتي و قعدت العياييز .. قعدت من بينهم وانا اضحك ع اللي صار في وليد .. : الله يهنييكم .. رفعت رأسي ادور ع الصوت : الجميع ان شاء الله .. : شكلكم وانتوا تلعبون ويا اليهال حلو و الله .. ما شاء الله يعني .. ابتسمت لها .. : تسلميين أمل : لا تمدحينها الحين بتتصل عليه و بتقول تعال نكمل الخبال .. : عفوا منو المخبل .. !! : انتي و ريلج .. يعني امودره هالقعده الحلوه و الرزينه .. سايره صوب اليهال .. بـ شو قصيتي عليهم و خليتيهم يسايروونكم .. !!! : لا إله إلا الله محمد رسول الله .. يعني الحين انتي .. مب امزعلج غير اليهال !! : لا .. : عيل شو .. !! قربت مني تهمس لي فـ اذني : اللي عجبني في السالفه كلها .. انه قربج منه .. و ابـ وجوود اليهال و احنا انطالع فيكم .. ويهي احترق ..طالعتها عادي..: رمسي اخووج عن هالأشياء و نبهييه .. : انتي حرمته ليش نخرب جووكم .. امي ييت اتسير عندكم .. من جاافته هدج ردت مكاانها .. ههههههههههه : انتي ما اتيووزيين عن سوااالفج .. : والله شكلكم كاان حلو .. خسااره امي ما خربت عليكم .. ما سمعنا غير كلمة وي وي وي استخفوا استخفوا .. لفينا ع اللي اتطالعه .. لقينا الكناري يحضنون بعض .. : بس زيين فضحتيينا .. : انتوا فضحتوا عمااااركم و جداامنا .. اشكري ربج ابوي مب هنيه صوب الرياييل .. : غيري الموضوع يغربل اللي يغلط جداامج .. : احسن عسب اتحرموون اتسوونها جداامنا ههههههههههه... سمعت اصواات ضحك حواليي .. الله يسااامحك فضحتنا يا ولييد .. لـ عوده بالفصل الثاني dam3ahel3in التعديل الأخير تم بواسطة كاردينيا الغوازي ; 13-05-14 الساعة 12:13 PM | |||||||
26-04-14, 12:29 AM | #228 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| مشكورة دمع على الفيصول الرائع ... توقعى أن الجزء الأول عبارة عن حلم تحول إلى كابوس بالنسبة لوداد ... تصرفاتها تؤكد أنها تحاول دفن مشاعر غضبها و حقدها و أنها تحاول أن تتقبله فى حياتها ... هى تعبت و تريد الراحة ... الله يكون بعونها ... دمع متابعاكى و شكراً لك | |||||
مواقع النشر (المفضلة) |
أدوات الموضوع | |
انواع عرض الموضوع | |
|
|