17-12-14, 01:17 AM
| #561 | |||||||||||||
| كاتبة بقصر الكتابة الخيالية  
|  اقتباس:
أنتي حقاً معقده ياعزيزتي :a555: ما فهمته أنك متضايقه بسبب أنقطاع خيالك وضياع أجزاء منه  لا تقلقي لأن هذا يحدث لكل الكتاب  ولتسترجعيه عليك تسجيل ما ترينه في خيالك كأفكار مبعثره على ورقه ثم أقرأيه بتعمق وحاولي أن تصلي الأحداث ببعضها أستشعريها وتذوقيها كما تتذوقين الروايات الأخرى  تذوقي الفكره  فإن أمسكت بها جيداً صيغيها بأسلوبك ورتبيها على أوراقك وهكذا تستعيدين خيالك . أما لماذا تركته يضيع ل4 سنوات ؟!  فلما فعلتي ذالك ؟! لما أهملته ؟! هذا خطاك فأنتي من تركته يضيع وهل هناك كاتب يهجر خياله ل4 سنوات؟!  كأنما أم تركت أولادها من نعومه أظافرهم وجعلتهم يواجهون المجهول ويتخبطون في الحياه ثم إذا كبروا فأتتهم لتحتضنهم من جديد !! فهل سيكونون بارين بها ؟! هل سيحنون إليها وقد هجرتهم؟! هذا الخيال الذي ربيته في دهاليز عقلك لم يكن عليك هجره !! والأن هو يضيع لذالك السبب الذي ذكرته سابقاً !! عزيزتي أنصحك بأن تجمعي ما تبقى من قطعه الممزقه والتي أصبحت مبعثره داخل عقلك وأن تنفذي ما ذكرته في أول السطور عسى أن تسترجعيه مجددا .gif "Eh S(7)") >>>>انها مجرد وجهه نظر خاصه لذا لا تغضبي وتقتليني في ردك التالي  | |||||||||||||
|
|
17-12-14, 11:53 AM
| #562 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
|  اقتباس:
يالغلاا .. اقدر اقول انه الرد ع السؤال قريب جدا .. ها دليل ع ان المعرفه بين السطور صحيح بس البحث عن السبب كان له سبب في الرد العجيب .. هبوووش قربت من الإجاابه .. دمــتي بـــود دائـــم دمـع العيــن | ||||||||
|
|
|
17-12-14, 12:04 PM
| #563 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
وجهة نظر احترمها و اضعها نص عينيي ( مثل ما يقولون ) اجابتج في داخل و خارج السؤال .. العتاب اللي حطيتيه و تم التشبيه فيه بين افكار و بين نفسي .. واقعي و تحتااجين لـ تركيز للإخراج ما تبيقي من شغلاا مخفية .. يلاا فككي الخيوط المتشابكه .. ولا اتقصينهم .. بس فك و ربط و رص .. بـ تظهر لج الإجابة بكل بساطه .. شو اخذت انا و شو وضعت  دمـــتي بـــود دمـع العيــن | ||||||||
|
|
|
17-12-14, 12:44 PM
| #564 | |||||||
| مشرفة وكاتبة قسم ستفاني ماير وكاتبة وقاصة وساحرة واحة الأسمر بقلوب أحلام ونجمة خمن الرواية وشاعرة ونبضٌ متألّق في القسم الأدبي وبطلة اتقابلنا فين ؟  
| اقتباس:
حبيبتى انا متابعه معاك وبقيت انام واغطى رجلى هههههه تعرفي انا كمان ليه تجربه سوده وايام ربنا لايعيدها ...كنت اشوف حجات واسمع اصوات ومصدقت ان الكابوس انتهى تعرفي معاناتى هذه ليها حوالة 10 سنين والى الان بظل اخاف اقعد لوحدى وتاركه اثر في نفسي لن تتخيليه ... عشان كده انا بخاف اوى وانا بقرأ روايتك لانى بتذكر اوقاتى الصعبه وهسمع نصيحتك وهقرأ في الصبح بعد كده بس تعرفي سر هههههههه هذه الاشياء بتظهر حتى بالنهار ومابيفرق معها شيء  بس على الاقل بالنهار العيال هيكونوا معايا ومش هخاف  | |||||||
|
|
|
17-12-14, 01:28 PM
| #565 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
ماقصدت ارجع اشياء تزعل او تذكر حد فيهم .. لكن في شغلات الواحد لما يكتبها يكتبها عن تجربه احسن صح ..!! واقع اللي نعيشه و ما انريد حد يعرفه .. راح يجي يوم و انقوله .. كـ تخويف ّ!! اكيد لا .. لكن للعظه و العبره .. واقع .. كنت امشي بالليل و انا ماعرف ليش لكن اصحى و أحصل نفسي عن باب الحمام ( انتوا بكرامه) .. واقع .. كنت اقوم و احصل رضوض في جسمي .. ولما اقعد مع الأهل يقولون انتي عملتي كذا و كذا .. شكرا ع التذكير بـوجودهم فـ النهار والليل هههههههههههههههههه يلا محد يقرا لا باليل ولا بالنهار .. مورا بـ اتقول في كل الحالتين موجودين ..  دمتـــي بـــود يالغلا .. دمـع العيـــن | ||||||||
|
|
|
18-12-14, 12:13 AM
| #566 | ||||||||||||
| كاتبة بقصر الكتابة الخيالية
| هههههههههههه فهمت تريدين نهايه لقصتك لكنك وصلت لمرحله تشابكت الخيوط فيها فعجزت عن الفكاك حسنا عزيزتي لدي إقتراح لقد علمتي وليد درساً قاسياً  لكنك ادخلتنا في وسط افكار وداد وجعلتي تركيزنا واهتمامنا لها فقط نريد أن نعرف ما الذي اصاب وليد لقد طرحت القليل عن حالته لكنني أريد المزيد أريد أن أعرف ما يدور داخل خاطره ما مقدار الالم الذي امتصه؟!>>شريره مو أريد ان أرى تخبطه ومقدار إنهياره  وأريد أيضاً نهايه عظيمه وغير متوقعه �����: ملا حظه : كفي عن جعله مستفزا بهذا الشكل فهو يغضني ويجعلني أشعر وكأن الذنب كله على وداد كم اريد حرقه :7R_001::7R_001::7R_001::7R_001::7R_001::7R_001::7 R_001: | ||||||||||||
|
|
|
18-12-14, 02:59 PM
| #567 | |||||||||||||
| مشرفة forum français وعضو في فريق التصميم روايتي ومصممة في قسم الروايات والقصص المنقولة  
| وااااااع أروح أصليلي ركعتين ورجعالك برد ياختي اهئ اهئ اهئ ...واااع وعدتيني بفصل رومانسي أخ أخ منك أخ بس رجعالك ملاحظة(أسلوبك وأفكارك مبهرة لدرجة تجعلك تعيش القصة وتتقمص دور الشخصية الرئيسية وتعيش معها كل الهواجس الي بتعتريها)) مبدعـــــــــــــــــــة ماشاء الله عليكي | |||||||||||||
|
|
|
18-12-14, 09:38 PM
| #568 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اللي يخاف لا يكمل .. اشياء من الواقع السلام عليكم ورحمة الله و بركاته تكملة البارت الـ 18 حسيت بـ حد يدزني ( يدفعني) ويلمسني ع كتفي .. فتحت عيني ع شكل السقف .. حاولت اني اقعد و في شي يمنعني .. نزلت بـ نظري لـ تحت .. إيد وليد بعدها محاوطه خصري .. ييت بشلها عني .. تغيرت لـ شكل غريب وبـ نفس اللحظه وقفت إيدي .. لفيت بـ رأسي .. "العنزي" يطالعني و ويهه قريب من ويهي ..ابتسم لي " لاصق فيج انا " مديت إيدي وبديت اصفعه .. كورت إيدي ع شكل قبضه عطيته بوكس في ويهه .. شل إيده من ع خصري .. من الطرف الثاني وقفت بسرعه عند الكبت .. كان ينزل منه ويهه شي لونه اسود .. حط إيده ع مكان الجرح .. يوم جاف انه ينزف .. رفع رأسه لي .. طالعني بـ كره وشر .. قاعد ع الكرفاية في مكان وليد .. بكل بساطة رفع لي إيده إللي مسح فيها الجرح .. أشره لي كأنه يقول لي "طالعي شو سويتي فيني" .. تقرب من مكاني شوي ما خفت منه وقفت وشكله ما هز فيني إشعره .. يوم حس اني ما صرت اخاف منه بدأ يصرخ بصووت عاااااالي .. فتحت عيني ويهي مجابل ويهه " وليد " الدموع تجمعت في عيوني .. رفعت إيدي وحطيتها ع خده .. ما ادري شو اسوي اوعيه ولا أخليه نايم .. حركة ابهامي ع الهالات السودا تحت عينه .. خطوط التعب كانت امعبيه ملامحه .. كنت احدد الخطوط بـ السبابه .. : يعني ما أنام ..!! ابتسمت له ..: كيف اتنام وانت تعبان ..!! طلع تنهيده و غمض عينه ..: كنت نايم ترا .. : تبي اتكمل نومتك ..!! : إذا تسمحين لي .. : إذا ما سمحت لك .. : ورانا درب ترا .. أريح شوي بس .. ما ادري ليش سويتها .. نزلت إيدي لفيتها عليه و دفنت رأسي في صدري .. : بيأذن الآذان وأبي اكون جيه معاك .. : إنتي جفتي الساعة ولا شي ..!! : لا بس احساسي يقول انه بيأذن عقب دقيقتين .. سمعت صوت شي يتحرك ..: دقيقتين و يأذن الساعه ألحين 4:28 .. وانتي واعية من وقت مب من عوايدج .. طلعت همهمه خفيف و زفرت تنهيده طويله .. كنت احس بـ جسمه بدفاه .. سرعة دقات قلبه قريبة مني .. احسها في كل عصب يلمسها رأسي .. مر في بالي كل اللي سواه لي .. تحمله لـ تعبي، مرضي حتى تلبسي .. رفعت رأسي اجوف شكل ويهه كيف صار .. نزل رأسه لي إبتسم لي .. : اليوم بتطولين وما بتنامين ..!! اجوفه بـ تعب وشي غريب يخليني اتحرك بـ راحة معاه .. شي المفروض اوقفه عند حده .. شي لازم ما اتعداه معاه هو بالذات .. رديت رفعت إيدي و حطيتها ع خده .. احساسي له عادي و غير عادي .. " آآه " كلمة صاح فيها قلبي .. لا إرادياً رفعت نفسي و طبعت ع يبهته بوسه و رجعت احضنه بـ قو ..: شكراً جسم بين إيدي بدا يرجف .. من الدفا صار يولع من الحرارة .. شوي شوي حط إيده ع إيدي و سحبها من ع جسمه .. قعد ع حافة الكرفاية ونكس رأسه لـ تحت .. كنت اجوفه كيف يتحرك .. طالعني من ع طرف ..: العفو ع هالكلمة اذن آذان الفجر .. تم ساكن في مكانه ورجفته امبينه عليه .. قعدت أبيه يهدي نفسه شوي ..مديت إيدي توي بـ لمس ظهره ما ادري كتفه .. " خليه خليه ..هو يستاهل ترا" .. وقفت إيدي .. " لا ما يستاهل " .. " بلا يستاهل هو سوى فيج الـ اخس من جيه ووقفته معاج كم يوم و تختفي" .. " انتي اشدرااج !!" .. " أدري لأنه هالأشكال ما تتعلم من غلطها ..خليه يعاني شوي" .. " وداد .. سامحيه ودااد " " لا اتسامحيه .. لو خفيتي بـ يرجع يعذبج و يخش عليج شغلات .." .. " هيهااااء انتي في وين وهيه في وين .. انطمي بس " .. " لا تسمعينها هاي خوانه .. خليه يعاني " .. " لا وداد سامحيه هاه دليل انه شااريج ساامحيه .." " خليييه ....." حطيت إيدي ع اذني مابي اسمعهم مابي اسمع حد ابي اسمعه هو .. رده هو وبس .. : وليد .. لف علي بسرعه .. نزلت إيدي عن اذني .. : متى بـ انسير عزبتكم و اجوف عيال الناقه ..!! ضحك بـ صوت عالي ..: ع الساعة 8 بـ نتحرك من هنيه .. وقف ع حيله وهو يكرر عيال الناقه .. : ألحين ليش تضحك ع الكلمة ..!! : لأنهم عيالها صدق وانتي صدقتي بالكلمه هههههههههههههه : يوم صدق ليش تضحك .. لف حوالين الكرفاية مسك ويهي بين إيديه ..: لأنج اتقولينها بطريقة حلوه .. لعب بـ شعري ..: يلاا قومي توضي .. يوم اتخلصين طولي في الصلاة .. حركة له رأسي بـ اوكي .. عدلت ملابسي وخرت اللحاف ووقفت عداله .. مشيت جدامه وكنت اسمعه وهو يضحك علي .. : عيال الناقه .. اتفاهم وياك عقب .. قلت دعاء الخلاء و دخلت عسب اتغسل واتوضأ .. خلصت و ظهرت لقيت كل شي جاهز عند الكرفاية .. سيري شلي اغراضج .. انا عطيني كم دقيقه و اطلع لج .. قلت دعاء الإستفتاح بدون تغليط ولا نسيان .. كبرت وبديت صلاتي وانا احس براحة مب طبيعية .. يوم خلصت قعدت استغفر ربي وما وقفت عن الإستغفار .. عقب 6 دقايق بالضبط سمعت صوت الباب يتبطل .. حاطط الفوطه فوق رأسه .. و امغطي خصره .. يمشي صوب الكبت بـ هدوء غريب .. جسمه احمر بشكل غريب .. طلعت تنهيده ما دريت انها عالية ..: شو بلااج ..!! اشرت عليه ..: ع شو حرقت نفسك .. لف ويهه ع الكبت و بدا يطلع لنفسه ملابس .. : وتراك ضعفان .. : يمدحون الضعف .. : الضعف اللي وراه الإغراء مب لوعت جبد اتقول سلوقي .. حطيت إيدي ع حلجي .. عطااني نظره .. : يوم بخلص بوريج .. ألحين بسكت عنج .. إبتسمت له ..: ما قصدت هالتشبيه .. حط ملابسه ع الكرفايه .. : قلتيه و خلصتي .. بعدين بـ نتفاهم .. مشى من جداامي و تذكرت شغله ..: وانا بعد ابيك في موضوع بخبرك عليه .. وقف طالعني شوي .. : ان شاء الله .. و كمل طريقه للحمام (وانتوا بكرامة).. كم دقيقه و طلع شل السياده و بدا يصلي .. ما كنت ابي اجوف ظهره ولا ابي ألمح شي منه .. ابي اخبره وبس بـ إللي جفته عسب يكون عنده علم لا غير .. هو قال بـ يتحملني .. قال بـ يكون معاي لـ مايموت .. قال لو خيروني بينج وبين الياهل .. كنت بـ اقول لهم خلوهم و خذوني بدالهم .. حطيت إيدي ع قلبي .. كلمة خذوني بدالهم حركة فيني شي .. من روحه ارسل رعشه ع كبر خلايا جسمي .. " تعالي " لفيت ع الصوت .. ما بين شي غير ضروس اتيب المرض .. يبتسم لي ع باله حليو هالخسف .. : استغفر الله العظيم .. بديت اسمي و اقرا ع نفسي .. لـ ما خلص وليد من الصلاة .. حط السياده ومشى صوب مكانه .. طلع غرشه صغيره .. من صار فيني موضوع الظل و حرقة جلدي من لمسته .. وهو كل يوم يشربني من الغرشه .. شلها رجع عندي و قعد عدالي .. سمعت يسمي و يحط في القفشه زيت الزيتون و شربني اياه ع الريق .. كان ثقيل ع صدري .. لا إراديا نفسي قززت منه .. هو من جاف ملاامح ويهي تنعفس ضحك علي .. : هيه اضحك .. جربه لو تبي تحس في إللي حسيت فيه .. طالعني فـ عيوني ..مسك القفشه و حط له نفس الكميه و شربها بدون ما اتقز نفسه .. فتح لي حلجه .. : هاه بدون ما اقز بلعته ع طول .. : تتحرش انت و تتعمد اعرفك انا .. غط الغرشه .. و لفها بـ كلينيكس و حطها عداله: خلج من هالكلام .. إشتبيني فيه ..!! طالعته بـ تركيز .. كأني ابي اتذكر شي .. : جفت في الحلم .. ريال ويا العنزي .. وحرمه وياها بنتين .. كنت ارسم بـ إيدي المكان ..: الحريم قاعدين في مكان كأنه ميلس .. يوم ييت اقرب منهم تحركوا .. و مشى وراهم الريال و العنزي .. وصلوا لـ الباب و اتغير المكان ع المطبخ .. الحرمة كانت ماسكه بـ إيدها قطعه لافتنها بـ خيط احمر .. ولعت الغاز .. حطت القطعه ع الملاس وقربتها من شوله .. قبل ما تلمسها النار طلع العنزي و ذبحها .. طاحت هي ع الأرض و الملاس طاح ع رأسها وهو نزل شل القطعه و اختفى .. : بروحه موضوعج يشيب شعر رأسي .. بعد فيها حد يبي يسحر .. طالعته بـ كسل ..: بـ تتطنز اجلب ويهك .. طالعني بـ حقد ..: ودااد عقلي .. : عيل اخبرك و اتقول يشيب الرأس ..!! انت موضوعك اييب الشلـ... حطيت ايدي ع حلجي .. : كملي كملي .. اهم شي اتظهرين إللي فـ خاطرج .. يمكن تفتكين .. نزلت إيدي .. : ليش اكمل ..!! انت اتعرف كل شي و خاش شغلات و امطوف شغلات .. تبي اتحسسني بالذنب ع شي انت المفروض اتكو.. مسك إيدي .. : لو ع اني احسسج بالذنب .. مابي اسويها ولا ابي اقول لج شي يضايقج .. لأني انا السبب فيها .. حرك لي رأسه ..: كملي طلعي اللي فـ خاطرج .. انا اسمع لج .. : خير فوزيه دريع .. ما قلت بشكي لج وضعي .. : عادي يا عيوني انا هنيه عسب اساعدج .. : يع .. والله مب راكب لا اتقلدها .. ضحك بـ صوت عالي ..تقرب مني وانا رديت ورا .. طالعني مستغرب .. شل الغرشه في إيده .. فتح السده حطها في الدرج اللي في مكانه و قفل السده .. قعد في مكانه ومد إيده لـ تلفونه .. : الساعه بعدها 5:15 و مطعم الفندق يفتح 7ونص .. بنقعد هنيه لـ ذاك الوقت ولا تبيننا انام شوي ..!! حركة رأسي بـ ما ادري ..: تعالي هنيه .. أشر لـ قربه .. : اذا ماتبين تنامين نتكلم شوي .. قربت منه وانا اساساً ابي اكون معاه و قريبه منه .. ما ابي اكون بروحي واتقابل ويالخسف القبيح .. قعدت قريبه منه و مواجهه ويهه .. قلبي اعرف انه ينبض بسرعة .. ما صرت اعرف ان كان حب ولا لا.. قعدت قريبه بس ما لصقت فيه .. طالعت إيدي ابي اشرد منه .. : ألحين بـ تبعدين عني ..!! رديت بـ رأسي ورا و طالعته من طرف عيني ..: ليش اقر... حط إيده ع كتفي و سحبني له شوي شوي .. : بدون ليش و غيره .. لو خايفه خليج قريبه مب بعيده .. و إلتهي بـ اي شي غير انج تفكرين فيه .. رفعت رأسي له كأنه دخل عقلي و قال الكلام اللي كان في خاطري .. "متى عطيته هالتصريح .. متى عطيته !! فـ انه يدخل ويجوف بـ شو افكر و غيره .. متى حللت له انه يكون جزء مني و من كياني ..!! متى صرت مني ..!! متى وليد ..!! " : من طلبتي مني اتم معاج دوم .. من اعتبرتي وجودي معاج حل للي يصير فيج .. يوم تقربتي مني وانتي تكرهيني تبيني اتنبه ع إللي سويته فيج .. من طالبتيني بإني اعيش همج .. كل يوم بـ يومه .. من طلبوا مني اني أبتعد عندج من عقب ما قالوا لي لا اتفارقها و إتقرب منها .. من ذاك الوقت و التصريح خذيته منج .. مسك رأسي و قربه من صدره ..: من نبض لج هاه .. من جرحج هاه القلب ومن عورتج هالإيد .. "لا اتصرح لـ نفسك شي انا ما عطيتك الإذن بـ إنك تتخطاه" .. بعدت رأسي عن صدره .. حطيتها ع كتفه و نظري وجهته لـ جدامي ( امامي) جفته واقف وويهه ينّزل منه لون غريب .. كان يطالعني بـ حقد رفع إيده مسح من الجرح شوي ووجهه لـ إتجاهي .. طالعته بكل برود .. ما اعرف كيف كانت ردة فعلي .. كل الي سويته اني رجعت رأسي ع صدره .. ما كنت اسمع شي منه .. صوته صار مثل الصدا و الدنيا عندي رجعت تظلم .. تقبضت فـ كندوورته وغمضت عيني .. : لا اتخليني انام .. سوي اي شي بس لا تخليني انام .. و تراني ما اسمع شي منك غير صوت الصدا .. شي يتكرر في اذني بس والله ما اسمع لك شي .. صداع على دوخه على لوعت جبد .. رفعت رأسي يمكن يخف .. بس زاد .. فتحت عيني و سكرتها ابي اركز سمعي ع شي المفروض يكون موجود .. " إلا هو .." من ويه هالكلمتين ايوون ..!! ركزت و ركزت و ركزت .. سمعت الصوت و لوعت الجبد وصلت لـ بلعومي .. تركت مكاني ركضت ع الحمام " انتوا بكرامه " طلعت اللي فـ بلعومي .. شي طويل اسود و عليه دم و قطع بيضا اشكالهم غريبه .. فتحت الماي رجعت ورا .. شي بارد لمس رقبتي .. ضربت الإيد بدون ما اعرف إيد منو .. : هاه انا هاه انا .. اهدي .. طالعت الأرض بـ ضياع ..: زيعّت نفس الشغله بس هالمره معاهم شي ابيض .. و احس انه بطني يمشيني في شي يرص ع اعضائي وابي اطلعه .. رافع إيده جداامي .. كأنه يبي يهديني من اني اسوي فيه شي .. : انتي دخلتي بدون ما اتقولين الدعاء .. قولي الدعاء وانا بظهر عقب ما اتقولين .. غمضت عيني و قلت دعاء الخلاء ..هو ظهر و سكر الباب وراه .. رجعت ع الكرفااايه و احس انه فيني شي ضايع .. جسمي بديت احس انه في فجوه غريبه .. كنت منسدحه ع صوب اليمين امجابله نص وليد الفُقاني .. لفيت إيدي عليه و دفنت رأسي فيه .. مسك إيدي و فجهم من ع خصره .. ما اهتميت للي سواه .. بس قلبي حس بـ طعنه .. طعنه تتسدد عليه .. انسدح عدالي .. مد إيده قربني منه .. حسيت بـ شي يرجع لي .. رص ع رأسي لـ صدره .. بديت اغطي رأسه بـ كندورته يدري اني أرجف من الخوف و التعب ..: لا اتخافين انا عندج .. ولو خفتي بـ يرجع اقوى .. : خلني ارتاح شوي بس .. لا اتخليني انام او اغفا .. : إغفي و ارتاحي و ريحي عيونج و بالج .. انا موجود هنيه و عندج .. هالكلام شال شي من الخوف من قلبي .. تنهدت بـ صوت مسموع خلته يرصني لـ صدره اكثر .. : لا تضغط مابقدر اظهره منك صدرك لو خنقتني .. بكون ميتــ.. إيد انحطت ع حلجي تمنعني من اني اكمل الكلام ..: نامي بدون تعليقات .. بخف الرص .. لو حسيتي بـ خوف تلصقي ع كيف كيفج .. غمضت عيني و دفنت رأسي بين ضلوعه .. بس ارتاح شوي مابي اغفى .. قمت ع حركة إيد غريبه ع ويهي .. فتحت عيني كان وليد .. إبتسمت في ويهه .. كون الويهه الحلو احسن من الخسف اللي صار يقابلني و بشكل يومي .. : ماتبين تتريقين ..!! : بلا ابي اتريق ويوعانه .. : يلاا عيل قومي تغسلي و تجهزي .. بـ ننزل نتريق في مطعم الفندق .. صوت القرآن ما وقف و هاه المطلوب .. حركة له رأسي بـ اوكي .. ع السريع تغسلت و رجعت قعدت مكاني .. افكر فـ اني ما انزل .. قعد في مكاني .. امقرره ما انزل ولا اطلع .. : غيرت رأيي مابي انزل .. خلص من لف الحمدانيه ولف علي .. : قومي بس تلبسي بـ ننزل نأكل تحت .. قعد عدالي ع الكرفايه .. : وانا شكلي تعبان ..!! مب نازله .. حط إيده ع خدي ..: تعدلي و تعالي .. حركة بـ رأسي بـ لا ..: ما اقدر اطالع المنظره اجوفه واقف وراي و عدالي .. طلع تنهيده طويله ..: خيير شو عندك تتنهد و اتطلعها من اعماق اعماق جوف قلبك ..! حك رأسه ..: ألحين انا ابي اطلعج من هالمكان المرض وانتي تبين تقعدين فيه ..!! لف برأسه ع التسريحة ..: وين تحطين خرابيطكم ..!! رفعت له حاجبي ..: خرابيطنا ..!! : هيه مكياجكم و غيره .. : اولاً ويهي تعبان .. ثانية لازم ارتب حواجبي .. قمت اقعد وياك كأني واحد من ربعك .. رفعت له السبابه ..: وانا عمري ما قعدت بـ هالشكل مع حد حتى خواتي .. عطاني نظره ..: ترا وانتي صغيره كنتِ امشعره اخس عن ألحين و ما علقت .. بـ علق عليج ألحين .. كبيره و معاي ..!! : يوم صغيره محد ينتبه لـ هالأشياء .. : انا كنت انتبه و متذكر .. غطيت ويهي .. بديت أأشر عليه ...: انت عيوونك ماااصخه من الصغر .. وزين انك خبرتني يالمااصخ .. ضربته ع ريوله ..: مااااصخ .. : أييب لج الموس تشيلين الشنب .. : اشل حوااجبك فيهم .. و أخليك تتمشى بين الناس أمرط الحوااجب .. لا تتحرش .. : انا جفتج كم مره ترتبين حواجبج بـ آله غريبه .. : مال الحواجب هاي ارتب حواجبي فيهم .. قرب من ويهي ..: مرتباات شي طيب .. تم يركز في ويهي .. مايبين شي في ويهج مافي شعر .. ضربته ع كفته بـ قو .. آآخ ..: انا ما اتكلم عن الشعر .. اتكلم عن المييكب .. اسوي ليزر عسب ما يطلع إلا عقب فترة .. انت شو دراااك .. : زين لازم تضربيني بـ قو .. !! دفشه .. رفعت إيدي و كورتها ع شكل قبضه ..: ألحين بأكلك ضرب لو قعدت تتحرش .. : زين زين .. وين خرابيطكم .. : ما اقدر اسوي لأني بجوفه .. : زين خبريني و انا بسوي لج .. فتحت عيني ع وسعها .. لا لا لا لا .. بيطلعني جنية .. بمشي بين الناس وبخووفهم لا .. لازم افكر في شي .. لون ما يخليني اخووف ابد .. هيه .. : بـ نطلع مثل ما تبي بس بشرط .. انا اقول وانت اتسوي ..!! : لو شي يقفط و شي فيه احراج انسي .. : لا بـ اتسوي لي الميكب .. : بعدني ما اشتغلت في خرابيطكم ولا ادري عنكم .. : خلاص عيل بظهر جيه .. بحط لوشن و بظهر ب ويهي الأشلح و الأملح .. يلا مشينا .. : يلا .. طلعت عبايتي و شيلتي .. بطلت غرشة العطر و حطيت شوية مسك ع راحت إيدي .. فركت إيدي ووزعته ع رقبتي و ورا اذني .. حطيت الربطه ع رأسي ومشيت عنده وانا ألف الشيله .. : جاهزه .. يلاا نزلنا .. إيد انحطت ع خدي ..: بعده ويهج تعبان .. تبين اتحطين شي ..!! حركة رأسي بـ لا ..: محد بـ يطالع فيني غيرك .. مسكت إيده ..: يلاا مشينا .. دخلنا مطعم الفندق و الطاولات فاضيه إلا من كم وحده تنعد ع الأصابع .. شخص يقرأ جريدته و يشرب قهوته .. وحده مع صديقتها يتريقون .. و حده قاعده لـ حالها .. كل واحد لاهي بـ نفسه .. قعدنا في مكان خاص للعائلات .. أشر وليد ع النادل و طلب المينيو .. حط النادل المينيو ووقف بعيد .. : يلا جوفي شو تبين و خلينا نطلب .. انا اعرف شو أبي بس اتأكد اذا موجود ولا لا.. إللي ابيه لقيته ..: مناقيش جبن و شاهي .. عطاني نظره ..: انتي هاه اللي يهمج شاهي و شاهي .. تراج بـ إتمين تعبانه .. طلبي شي عدل .. : اخترت خبز ويا جبن منقوشه و شاهي .. هالشيئين بيفيدوني .. تنهد بصوت عالي و حر رأسي يمين و يسار ..: كلي ع راحتج .. أشر للريال وقرب مننا .. خذ الطلب و مشى عننا بعيد .. كنت اجوفه وهو يختفي .. اعرف ان اللي جداامي يطالع فيني بـ خوف .. : كلي عدل و انتبهي لـ نفسج .. سندت رأسي ع إيدي وتمقلت فيه .. : شو اتجوفني بخير ولا لا ..!! : لازم تأكلين عدل و اتسوين كل شي صح عسب تخفين بسرعه .. حركة له رأسي بـ اوكي .. كم دقيقه و حطوا جدامنا اللي طلبناه .. كنت اجوف الجبن و هو سايح ع الصحن و شكله كان لذيذ .. سميت و بديت أقصها .. احب قبل ما اكل شي اقصه لـ قطع صغيره .. بعدها اكل ع راحتي .. خلصت من التقطيع .. رفعت الشوكة وطعنت فيها قطعه كلها جبن سايح .. حطيتها في حلجي و بديت امضغها عادي .. حسيت بـ شي اسود يدخل القطعه إللي جدامي .. رفعت عيوني لـ وليد لقيته مندمج في اكله .. مديت الشوكه عسب اتأكد من اللي جفته .. رفعت قطعه ما كان فيها شي .. رفعت الثانيه مافيها شي .. وين راح ..!! رفعت الثالثه لقيت شكل غريب النص منه موجود .. فتحت غيرها لقيت رأس اسود .. تكمله للنص الأبيض .. شوي بديت اجوف القطع تتحرك جدامي .. دورت ع كلينيكس .. رفعتها لـ حلجي اغطيها و بنفس الوقت اطلع اللي كليته .. كان في شي اسود داخلها بعد .. مسحت حلجي حطيت الكلينيكس عدال الصحن .. بعدت الصحن لـ جدام ع اني خلصت .. انا حتى ما لمست منه شي الدود يتحرك عليه كأنه ملعب لهم .. كانوا يظهرون و يدخلون ع كيفهم .. وانا كـ ردة فعل ع المنظر رفعت إيدي و بديت احك رأسي ع انه شي طبيعي لكنه بالنسبه لي .. شي يقز شي يرفع الضغط شي يسد النفس .. شي يلووووع الجبد .. شليت الكلينيكس و غطيته مابي جوف هالمستعمره الوسخه .. ارف استغفر الله العظيم .. قربت قلاص الشاهي مني .. تأكدت لو فيه شي ولا لا .. حطيت السكر العادي و حركته .. ليتني ماحركته تحول من حليب لـ شي احمر لـ شي اسوود .. حطيته عن الصحن و تربعت .. كانت احس بالدموع و هي تتقرب تنزل من عيوني .. مسكتها و بديت اطالع اي شي ثاني .. صوت حديد ينحط ع فخار .. : لو سمحت .. الفاتورة .. لفيت بـ رأسي عليه .. كان يطالعني بـ قهر .. ما طولت النظر لـ عيونه و رجعت اطالع مكان ثاني .. دفع الحساب ومشينا ع الإستقبال .. : شنطنا ..!! ما رد علي .. مسكني من إيدي و سحبني لـ عداله .. لصقني بـ جسمه .. : سو وسع الناس تجوفـ .. لف علي و ويهه احمر ..: عنهم ما جافوا شي .. خلينا نمشي لا نتأخر .. عودة لـ تكملة الجزء لأنه طويل شوي .. تقدرون تحطون لايكات بدون وضع رد يتبع.. | |||||||
|
|
|
19-12-14, 07:11 AM
| #569 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| نهاية الخوف التكمله البارت الـ 18 قعدت في السياره وانا اتذكر منظر المستعمره ع الأكل .. كنت قاااازه منهم بالقو .. كنت احسهم يمشون ع جسمي كل شوي اقز و ارجف من منظرهم .. من هالتذكر مر في بالي إللي كنت امضغه في حلجي .. حاولت ابعد الصوره عن بالي .. ما قدرت .. ما قدرت امسح الصوره من بالي شي يدور في بلعومي .. غطيت حلجي و حاولت افكر بـ شي ثاني غير يتحسس احبالي الصوتيه .. رأسي يعوورني .. آآآق .. أبي ابلع وما فيني ابلع عالق .. عااالق .. كل شوي احس بـ شي بـ يظهر من حلجي .. مسكت رأسي ع الدوخه اللي بديت احس انها اتزيد .. السيااره وقفت فجأه ع درب كله رمل .. كنت اجوف الأشياء كلها بـ اللون الأبيض .. صوت غريب مثل الطلاسيم يتردد ع مسامعي .. وانا مابين الواقع و الخيال .. احس انه نفسي بـ تظهر من جسمي .. ليت (نور) قوي دخل من طرف اليمين .. و شي سحبني لـ برع .. اسمع طلاسم فوق رأسي مب قاادره استوعب شي .. مب قاادره اسمع شي رنين مب طبيعي فوق رااااسي .. حد يطلعني من اللي انا فيه .. حد يطلعني .. اي حد طلعوني من هالـ النوور اللي قرب يعمي عيوني .. حد يطللللللعني .. رأسي بـ ينفجر حد ايي و يساعدني .. حد يسااااااعدني .. جسمي ما صار يتحمل شي .. ثواني احس بـ إيد تدخل حلجي .. طلعت كل شي ع الأرض .. المنظر الله لا يوريكم اياه .. كنت اصيح صياح مب طبيعي و تمسكت في شي ابيض قاعد عدالي .. الأرض كلها دوود .. كله دود ابيض و اسوود .. فوق هاه الشعر الأسود طاالع بـ أحجاام اكبر من قبل .. مسكني وقفني و ركبني السياره .. طلع لي غرشة ماي و شربني اياها غصب .. حسيت بـ شي بارد يدخل حلجي من وصل بلعوومي حرق احبالي .. بديت اكح .. كلما كحيت طلع شي مثل الدخان الأسود من حلجي ويرجع يدخل .. صدري قام يعورني اكثر من قبل .. " غمضي " فتحت عيني ما اجوف غير نور قوي .. واختفى كل شي من جدامي كأني ما صرت موجوده .. فتحت عيني ع حجرة مب غريبه علي .. امل ع يميني قاعده تمسح ع رأسي .. و صوت القرآن مالي الحجرة .. : امول .. : عيونها يالخبله .. ضحكت بـ صوت تعباان ..:ألحين انا خبله مب انتي ..!! : انتي بديتي تتخبلين بدون ما اتشركيني وياج .. جفتها بتعب ..: وانتي شو تبين بالأمراض و طلعت الروح .. لا اتشاركيني بـ شي مب زين .. : إحنا خوات اكثر من اننا انكون بنات عم .. لو ما شاركتج فـ افراحج و احزانج .. اشارك منو ..!! قولي منو ..!! حطيت إيدي ع عيوني أغطيهم من الدمع اللي اعلنت انها تنزل ع خدي .. محد منهم سأل علي .. : وين وليد .. : لا أتخشين دموعج .. لو ما صيحتي الحين مابـ اتصيحين بعدين .. طلعت تنهيده طويله .. : ما عليج من دموعي .. وليد وينه .. !! حركت رأسي لها .. من بين دموعي جفت الظل واقف وراها .. نظرتي له كانت عاديه بدون خوف .. قلت لها بـ هدوء غريب .. : امل طلعي برع الحجره ألحين .. طالعتني بـ إستغراب .. : وليد قال .. قرب من ظهرها .. : برررررررررع .. طلعي برع و ألحين .. حطت إيدها ع قلبها و ركضت لـ برع الحجره .. من صكت الباب قو تقرب من الكرفاية .. عيونه كانت متروسه دم و سنونه من باانت مثل الشفرات .. عطيته نظرت الأرف .. ولفيت اطالع جداامي استغفرت ربي و اقرا المعوذات بصوت جهوري .. وقف جدامي بـ موازاة نظري ومد لي إيده .. بيني و بينه زاوية كرفايه .. مد إيده و منها بدأت تتمدد واتحاول توصل لـ ويهي .. ما اعرف ليش سويتها بس سويتها .. ع مدت إيده حركة عيوني و بديت ادور ع شي ثقيل .. لمحت حديده عند الباب .. الإيد قربت تلمس ويهي تحركت من مكاني .. مشيت من عداله عادي .. وصلت عندها و سحبتها من مكانها .. لفيت عليه و بديت اتقرب منه .. حلجه بدا يتحرك ويحاول يطلع شي بس ما وصل اللي يبي يقوله .. بالحديده ضربته ع رأسه ما ألقى غير ناار تظهر منه .. : انا ما صرت اخاف منكم .. ما صرت اهتم حتى لو سويتوا فيني اللي بـ أتسوونه .. بدا يرجع ورا .. وانا بالحديده اعطيه ع رأسه لـ ما اختفى .. : ودااد .. لفيت ع الصوت ..: انت قلت ما بتخليني بـ روحي .. : سيرت أييب الشيخ عسب يكمل العلاج وياج .. كنت اشر بالحديده عليه ..: تييب شيخ ولا لا .. ان وعدتني لا تخلف بـ وعودك معاي .. ولا بخلي دمك يرقص ع هالحديده .. فتح إيديه لي و إبتسم لي ..: سوي اللي تبينه فيني .. لو ع الركيض اللي ركضته لج و انذبح ع إيديج .. عادي و استاهل الموت .. منها ترتاحين مني و ترتاحين من اللي سويته فيج .. فرييت الحديده من إيدي ..: انت تستهبل علي ولا شو !!!.. ما اعرف ع شو اشرت .. هاه صاار لك لا اتـ.. نزلت رأسي ع إيدي و مكان التأشير .. رفعت له رأسي .. : انت سببت لي انـ... شي وقف في بلعوومي يبي يطلع ألحين .. ركضت ع الحمام ( انتوا بكرامه) .. كل شي تجمع و الضغط ع رأسي ارتفع .. سوائل تتجمع من فوق و تحت في ثمي .. كنت اطلعهم وينزلون من ثمي كأنه حنفية ماي تخر .. اما اللي يبي يطلع حااولت بـ نفسي ما قدرت .. إيد انحطت في ثمي .. عرفت الإيد "وليد" يوم طلع إيده حسيت مثل الخيط تعلق في اصابعه .. مسكت الخيط و بديت اسحب .. انا واقفه عند المنظره .. اجوف إيدي تتحرك في الهوا .. مافي شي اسود يطلع .. لو انعكاسي قال العكس معناته اتخيل انا ..!! مستحيل مب تخيل .. مب تخيل .. انا مب مينونه .. كملت السحب و طلع الإنعكاس ع المنظره .. كتل من الشعر صاروا في إيدي .. ويا كل سحبه احس انه قلبي ينسحب و جزء من بطني يطلع مع الكتله.. ابيه يطلع من جسمي .. اطلع ولا ترجع .. تحرك شي في بلعومي .. كأنه مثل الباقين بس اكبر .. سحبته بـ قو .. طلع رأسه كان اكبر من حلجي بـ ضعفين .. نكست ظهري و بديت اطلعه بـ صعوبه .. حطيت إيدي فوق و تحت شفايفي .. من طلع رأسه شوي .. مسكته و بديت اسحبه .. ركعت وكملت السحب لـ ما سمعت صوت غريب ينضرب ع رخام الأرضية .. طلع كله وطوله بـ طول ذراعي شكل دود كله شعر أسود و الدم يقطر منه .. رفعت رأسي وانا احس بـ دوخه .. لالا هالمره روحي بتتطلع .. شي يتحرك في حلقي فوق .. نزلت رأسي اكمل الأرض فيهم .. كلها صارت شعر دم و دود ابيض .. خلاص مافيني اتحمل هالألم .. ما فيني اشيل همي و هم غيري .. خلاص ما فيني .. رفعت رأسي وانا احس انه شي ماي ينزل ع ويهي .. يتحول لـ شي مقرف وينزل ع الأرض .. طالعت السقف بـ أرف مب طبيعي .. الظل كان فوق رأسي بالضبط .. مد إيده لي .. كنت احس بـ شي ينزل منه و يستقر ع يبهتي .. رفعت له إيدي ابي ألمسه .. ليش مديتها محد يسألني ع السبب مديتها وانا ابيه يلمسني .. بسني ألم بسني هم بسسسسني .. جفت إيده تتقرب من إيدي منها غمضت عيني وانا مب متأكده إذا لمسته ولا لا.. "وداد إرجعي البيت وانا بهتم فيج" من يعرف اسمي ..!! " إرجعي وانا بـ اهتم فيج " .. من انت ..!! عسب تهتم فيني ..!! من اتكوون ..!! " إرجعي البيت لنا يا وداد " منو انت زين ..!! صوتك مب غريب من انتـ...!! فتحت عيني ع أشخاص ما عرفت فيهم غير وليد انتبه علي .. حرك رأسه يكلمهم .. تحرك من مكانه .. دقايق و رجع لي .. قعد تحت عند رأسي .. مد إيده و بدأ يمسح شعري .. لف شوي شل شي و بدا يمسح يبهتي .. كان يبتسم في ويهي .. اخبره ما اخبره ..: ودني البيت .. عضله تحركت عند خده .. كان بعده يبتسم .. : أي بيت ..!! : بيتنا ودني للبيت .. بيت اهلي ودني لهم .. بعده يحرك إيده ع رأسي .. : بـ وديج باجر ألحين ريحي .. رفعت نفسي بالغصب وهو حاول يخليني منسدحه ..: ودني ألحين .. هم يبوني هناك .. ودني لهم .. مسك إيدي بـ تملك ..: ألحين الدنيا ليل ما بنوصل من وقت .. : يا اتوديني ألحين يا اتخليني مثل ما انا .. ودني ألحين .. وقف و طلع عباتي و شيلتي .. لبستهم و ساعدني ع اني ألبسهم .. توي بـ وقف حسيت بـ دوخه تشل حركتي .. طيحت ع الكرفايه مثل ما وقفت قعدت .. وقف عدالي و سندني بـ إيده .. طلعنا من الحجره مشينا في الممر شوي .. كانت امل تتطالعنا مستغربه ..: وين بـ اتوديها وهيه مافيها حيل تتحرك ..!! : هيه تبا اتسير بيت اهلها .. و بسوي لها اللي تبيه دام اتجوف هالشي صح .. : لا اتوديها و هيه تعباانه .. ما بتقدر تتحمــ.. : لا اتوقفيني امل و خليني اكمل طريقي و اجوف اهلي .. مشينا وليد .. حاولت فيني ويوم تعبت قالت بتيي ويانا .. انا رفضت ووليد وافق .. كملنا طريقنا لـ ميلس الحريم .. كانت موجوده هناك .. سعاد هناك و تأكدت انها هيه .. : لحظة وليد .. هدني شوي ابي اسوي شي .. و بنظهر لـ بيت اهلي .. مشيت لـ عندها من روحها وقفت .. بدأت ترجع لـ ورا ..: ليش تردين ورا ..!! ييت اسلم عليج و اظهر .. يمكن ما اجوفج بعد هاليوم .. حركة رأسها بـ لا ..: ماله داعي سيري بدون ما اتقربين مني انتــ .. مسكتها من إيدها قربت بـ جسمي و حطيت رأسي ع كتفها .. لفيت بـ إيدي ع ظهرها اودعها .. همست لها ..: سحركم ما صار الحرمه ماتت بس اللي ذبحها بـ يذبحكم .. كم يوم و ينكتب اجلج و يتدخل واحد من اعوان ابليس و يأخذها لج .. بيتدخل في شي ماله حق فيه .. و بيأخذه غصباً عنكم .. انتي ووصايل .. رصيت ع الكلمه و انا اقولها ..: يا ام اللون الأحمر .... خليتها وانا ما اعرف بـ الملامح اللي كانت تظهر ع ويهها .. مشيت لـ عنده .. عند اللي كنت احبه .. سندني وحاوط خصري بـ إيده .. فج باب السياره و قعدت في مكاني .. سكر الباب و انفتح الباب اللي وراه ..: ييت بسرعه .. ع كلمتها وصل وليد دخل و سكر بابه وراه .. و مشينا ع بيتنا .. بقابلهم اخيراً .. كنت احس بـ إيد كل شوي تلمس كتفي و اتهديني .. القرآن تم مشتغل كنت احس بـ راحة .. مرات احس بـ ضيق و كتمه تنزل ع صدري .. لفيت بـ رأسي ع الشارع .. صف طويل من ظلال سودا كانت امعبيه الطريج .. محد يجوفهم غيري .. لفيت ع وليد و رجعت نظري عليه .. تغير مكانه لـ يكون ع الشارع و ع زجاج السيارة .. قلت بـ صوت عالي ..: اللهم اني استودعك نفسي و اهلي و مالي و ديني و خاتمة عملي .. فـ أحفظهم كما تحفظ عبادك الصالحين .. الدرب صار فاضي إرتحت غمضت عيني بـ تعب ونمت .. ود ..اد " وداا.. دااد .. : ودااد .. قومي وصلنا .. ظلام ما أحب الظلام .. حطيت ريولي ع ارضية بيتنا .. كان واقف " إرجعي من وين ما يتي " كان واقف عند باب البيت يطالعني بـ كرهه .. مشيت من عنده و الباب انفج لي بكل بساطه .. امل كانت اتجوفني بـ خوف .. : تمي هناك لا تتحركين .. حركة رأسها بـ لا ..: معاج ولو فيها اتغشى عشانج .. : ما ابيج تسمعين شي ولا اتجوفين شي .. تمي هنيه .. حركة رأسه بـ لا .. : معاج يعني معاج .. حركة رأسي بـ قلة حيله .. دخلت ميلس الرياييل كلهم كانوا واقفين .. سلمت و تقربت منهم للنص .. مافيني اكمل وقفتي قعدت ع الأرض و تربعت .. كان العنزي واقف جدامي و الظل واقف في الزاويا .. نزلت رأسي بـ زعل .. الكل كان يطالعني مستغرب من شكلي .. إبتسمت في ويههم .. الكل تم ساكت إلا خميس ..: هاه بدأ يضربج وياي يفرج علينا .. جفت الظل وهو يتقرب من خميس .. : ارجع مكانك ولا تلمسه .. هاه اخوي .. كان رافع إيده يبي يسوي فيه شي ..: إرجع مكانك ونزل إيدك .. نزلت رأسي و رفعتها .. ميلت بـ ظهري لـ جدام .. عقب تفكير بسيط .. بدأت الخيوط تتشابك عندي .. : يقولون ان الأهل سند .. يقولون ان الأهل عزوه .. قالوا الحرمه لو تطلقت مردها بيت اهلها .. قالوا لو غاب كل شي عن الحرمه ترجع لـ اهلها .. قالوا الحرمه مالها مكان ثاني يضمها ويكرمها غير بيت اهلها .. قالوا الأهل يكتمون الأسرار .. قالوا الأهل راحة للحرمه .. قالوا الأهل يحضنون بنتهم لو كانت في مشكله .. قالوا الأهل ما يجرحون ما يطعنون ولا يذبحون .. قالوا الأهل خير و رحمه لـ بنتهم .. بس هالشي ما لقيته فيكم .. ما لقيت غير كركهكم لي من عقب ما كنت حبيبتكم .. كلكم تبريتوا مني .. كلكم تخليتوا عني .. محد يسأل عني و اولكم ابوي .. طالعت صوبه عادي مثل ما حسسنني اني منبوذه عطيته نظرة النبذ نفسها .. : اللي من كثر ما يقول دلووعتي قام يتفل علي و تليفونااته يا مغلقه يا مايرد علي .. ما صرت اسوى شي بـ عيونك ولا صرت اعني لك شي انا صح ..!! طلعت من حياتكم و من الخلاصه و صارت لي حياه ثانية ..!! تحركت عيوني من عند ابوي .. : محد يسأل علي فيكم ومب هامني هالشي .. انا توقعت الأذيه من فلاان و فلاان و فلاان .. بس من فلان تتطلع الأذيه ما اتوقعتها .. عيوني تمت امركزه عليه .. وقفوا وراه و عيونه تفضح فعلته .. : اخوي انت شو .. !! شو قصدت يوم طرشتهم علي ..إتطرشهم علي ليش ..!! انا شو سويت لك ..!! في شو أذيتك .. !! شفت حالتي شفت وين وصلتني ..!! أشر ع وليد ..: هو خرب حياة اختي و لازم ما اتمين وياه ولا دقيقه .. : شكيت لك الحال ..!! بينت لك اني ما ابيه ..!! قلت لك تعال فجني منه ..!! نزل رأسه و حرك رأسه بـ لا .. : يوم لا .. ليش إتطرش هالإثنين علي ..!! كان يطالع وراه و يجوفهم مثل ما اجوفهم بالضبط .. : كنت .. : كنت شو ..!! تبي اتموتني ..!! اتطلع روحي شوي شوي ..!! اتزيد جسمي ديداااان .. اشرت ع نفسي و عليه ..: هالأجساد بتموت و تندفن و الدود بيأكلهم .. انت من طلب منك تتدخل .. !! : إرجعي و اوعدج اسكنج في شقه بعيد عن الكل و بتكونين بخير .. بس ارجعي لنا .. وقفت ع حيلي و تقربت منه .. : حياتي وياكم انتهت .. اشرت ع وليد .. : اما هو حياتي وياه توها تبتدي لا اتخرب .. اللي قاعدين نصلحه .. : إرجعي يا اختي و بسكنج في شقه ترتاحين فيها والله .. : عبدالله .. جفت عمايلك ..!! جفت عمايلك ع ويهي ..!! هذا مب حب ..!! هذا مب خوف اخو ع اخته .. هذا حقد كان في قلبك و طلعته فيني .. طلع العمل و ألحين .. سمعت صوت شي ينضرب بالأرض .. صديت صوب الصوت كان وليد ع الأرض .. : ان آذيته بـ يكون اخر تواصلنا و بداية لـ بعدنا و رابط الدم بـ ينتهي .. : ما لمسني .. ما لمسني شي من اللي قلتي عليه .. هاه اللي بحصله من اللي سويته .. هاه اللي احصله من اللي سويته فيج .. انقلهم علي بس هيه لا تلمسها .. يكفيها اللي سويته انا لا اتزيدها هم فوق الهم اللي هيه فيه .. عذبني انا بدالها .. ردي ما اعرف ليش كان بارد ..: ما شكيت لـ حد غيرك الحال .. ما طلبت من حد غيرك المساعده .. لفيت ع عبدالله ..: العمل طلعه .. و راوني وين حطيته .. لو في حجرتي الله يسامحك .. مشى جدامي و لحقته وانا تعبانه .. كنت ازلق و اتمسك في شي غريب .. شي مر من فوق رأسي ولمس يبهتي .. دوخه فجائية يتني إيد مسكت كتوفي .. اعرف إيد منو .. وليد هاه .. لفيت لقيتها إيد ابوي .. حرك رأسه بـ تجدمي كملي طريقج .. وصلنا لـ حجرتي وليتني ما دخلتها .. من عقب ما كانت دوم متعطره بـ متبخره .. ريحة العفونه و الوساااخه تتطلع منها .. شغلت الليت بـ إيدي .. لقيت ديدان تشابه اللي استفرغهم .. ع فراشي و اغراضي .. لفيت ابي اطلع من هالمكان .. دورت بـ عيوني عليه .. وين رااح قال بـ يكون معاي .. قال بـ يكون معاي في كل شي ..: وليييييييد .. كنت بـ مشي شي طاح من فوق و توسد الأرض .. بدا شوي شوي يكبر و يتكون جدامي .. شي ما ينوصف ولا ينكتب من لوعت الجبد لـ تكونه .. : ولييييييييييييييييييييييي يد .. شي يمسك إيدي و يسحبني له .. "هو" ادري انه "هو" : انت بعدك تستهبل و تختفي .. : لا والله كنت واقف جدامج .. : وين جدامي ..!! لو جدامي كان لمحتك و ييت عندك ع طول ..!! ضربت كتفه ..: لا تستهبل و اتخليني بروحي مره ثانية .. : إن شاء الله .. لفيت ع الحجره ..: الحجره لازم تسوي فيها شي .. اغراضي كلها مستخدمه .. الدود ع كل شي في الحجرة .. اللي ازوعه يشبهها ..اشرت ع الحجره و عيوني في عيون وليد .. : روحي تتطلع بسببتهم ..تقبضت فيه ..: مب هامني شي ولا هامني ارد لـ هالبيت .. لا اتردني له .. أتم وياك نتضارب انسوي اللي انسويه اهون علي من اللي جفته ألحين .. صوت كنت من زمان ادوره عسب يحن علي ..: احنا اهلج .. صديت لـ صوبها ..: اهلي ..!! وينكم يوم اتصل ..!! وينكم ما سألتوا عني ..!! وينكم عن مرضي ..!! وينكم عن تعبي ..!! زوجتوني و افتكيتوا مني .. فريتووني مثل العظم و ألحين تتطلبون مني اللحم وانا ناشفه .. ما ابيكم .. : كنا بخير بدونك بس ولد بنت سعيد ما بيطلع غير عليها .. : كم مره يااكم و رفضتوه ..!! كم مره ..!! عقب ما صرت له ييتوا تتكلمون ..!! عقب هالفتره ييتوا اتحاسبووون ..!! اختفيتوا من حياتي وانا احاول ارجع لكم .. طردتووني بالكلام و بالإسلوب و المعامله الشينه .. و اتقولون لا تزعلين ..!! إنتي امي المفروض تحنين علي اكثر من غيرج .. بس هالشي انحرمت منه .. تقبضت فيه اكثر ..: اتم وياه والله اهون من اني اقعد من بينكم و نظراتكم هاي لي .. ما ابيكم ما صرت ابيكم .. لفيت ع عبدالله ..: انت كنت سندي و خونت فيني .. قربت تضيعني منه ما اهتميت للـ بمر فيه .. المهم ارد لكم و اتزيدني هم و نظرات كره .. شيل سحرك شيل اللي سويته في جسمي و علقته فيني بدون سبب .. راضية فيه و رضيت فيه .. صرت اجوفه احسن منكم و هو كان بـ نظري شين .. كنت اكرهه كره ما يعلم فيه غير اللي خلقني و ألحين هالإحساس طار و اختفى .. قربتني منه و صرت التصق فيه اكثر منكم .. رديتني صغيره .. غطيت رأسي في صدره ..:عبود شيل سحرك و ابعد عن حياتنا .. انا بخير معاهـ ... حطيت إيدي ع حلجي .. بيطلعون بـ يمرضوني و جدامهم .. وين أروح اي حمام ادخل ..!! " إنتوا بكرامه " رفعت عيوني له اقول له اني بسويها .. بـ يطلعون من حلجي .. مسك ظهري بـ خوف ..: تبي اتزوع نبي اندخلها الحمام ألحين .. : ما اندخل مسحورين حماماتنا لا ينقلونه لنا .. الدموع تجمعت في عيوني و لوعت الجبد قربت تظهر .. قعدني ع الأرض .. وقف .. امغطيه حلجي بـ إيدي امسكهم عن يطلعون .. كنت اجوفه بـ عيوني .. وين بـ إتسير عني ..!! مسكت ريله و حركة له رأسي بـ لا .. " لا اتروح عني " .. فصخ كندورته طلع الأغراض و حطها ع الأرض بسرعه .. ربط كندورته من جدام .. رصها عدل نزل لي فتح لي كندورته .. : طلعي هم هنيه .. جفته و نقلت نظري ع البيت اللي يقول لي احنا اهلج .. دموعي غطت ع نظري .. بديت اطلع الديدان من جسمي مثل كل مره نزلوا 7 و الباقين ديدان بيض .. مسح حلجي بـ طرف الكندوره .. كمل ربط الكندوره .. حطها ع طرف .. نفسيتي ما صارت لي بـ روحي .. صار هو جزء من نفسيتي و كل شي .. حط الكندوره ع طرف .. جمع اغراضه و ناد امل ..: روحي بطلي السياره .. مسك كندورته و حطها في حجرتي ..: مثل ما سحرتها اسحرني وياها .. يالأخو .. شلني بين إيديه جدامهم .. محد وقفه محد علق .. جفت عبود بـ زعل ..: انتبه لـ منال .. لف عنهم بدا ينزل الدري و طلعني من البيت .. الأيام اللي بعدها دريت ان الحجره تم تنظيفها بشكل تام .. الشيخ بشكل متكرر كان يمر ع البيت .. يقرا ع حجرتي ويرش فيها ملح البحر فيها و تم ع هالوضع لفترة 4 شهور .. اغراضي من ملابس و غيره تم حرقها بعد ما رشوا عليها ماي مقرئ عليه .. ما صار لي في البيت شي من ملابس و اغراض غير صور قديمه تجمعني فيهم .. حسيت اني بخير و بديت اصلي بدون ما اكون مجبوره ع شي .. العلامات في جسمي تمت مثل ما هي .. بدون ما تنزف بديت احط عليها دوا مقرئ عليه .. شكلها بدا يقول انها حساسية " أكزيما " كنت اسمي واحط عليها بشكل يومي .. احط بالليل و اغسلها بالنهار .. فتحت عيني كان ويهي قريب من ويهي وايد .. التعب اللي كنت اجوفه ع ويهه اختفى .. الهالاات السودا اختفوا من تحت عيونه .. خدوده بدوا يظهرون مثل قبل .. قربت سبابتي من ويهه و بديت انغزه شوي شوي .. حرك ويهه شوي .. ابتسمت ع ردة فعله " حلوه ردة فعلك بـ كمل " .. رجعت انغز خده .. رد عاد نفس الحركة .. مسكت ويهه و حطيت ابهامي ع خطوط ويهه .. : كبرت وليد .. : انتي ليش واعيه ألحين ..!! ليش ما اتخليني نايم ..!! : لـ متى بتم نايم الآذان شوي و يأذن .. قوم توضا و انزل ع المسيد .. مسك إيدي بـ إيده سحبها و حطها ع صدره .. : بقوم .. بسير و برجع لج .. برد لج اللعوزه اللي اتسوينها فيني .. ألحين كل يوم تقومين قبلي .. كل يوم اتقوميني بـ نفس الحركه .. ما اعرف ليش اتقوميني وياج .. سحبت نفسي له ..: انت وعدت و قلت بـ اتكون لي كل شي .. تتحمل اسلوبي معاك .. و اتحمل اسلوبك وياي .. ورانا اشياء لازم نعدلها و انرتبها .. يلاا قوم .. هد إيدي و وخر اللحاف عنه .. وقف ع حيله تمطط و مشى للحمام (انتوا بكرامه) .. قعدت رفعت إيدي و بديت أرجع شعري لـ ورا سويته ع شكل بان كيك .. الساعه 4:45 الفجر شوي و بيأذن .. وقفت عند الكبت و ظهرت له كندورته و الحمدانية .. حطيتهم ع الكرفايه و مشيت برع الحجره ع المطبخ .. حطيت الغوري ع النار فيه سكر .. بـ يرجع و فـ خاطره يشرب شي .. ظهرت من المطبخ ورجعت للحجره كان يعدل الحمدانية .. : اخلص الصلاة و نتفاهم .. حركة له إيدي مثل ما تبي .. دخلت الحمام " انتوا بكرامه " تغسلت توضيت و ظهرت.. كنت احس بـ راحة مب طبيعيه وانا اتحرك في المكان .. لبست شيلتي فرشت السياده .. قلت دعاء الإستفتاح كبرت و بديت اصلي .. خلصت وانا استغفر و اكبر و اهلل .. وقفت عند الشوله حطيت ورق الشاي عقب شوي حطيت الحليب خفيت النار و خليته ع كيفه يفور .. رجعت الحجره وقفت عند التسريحه فتحت شعري و بديت امشطه ابي اعدله .. رجعت سويته بان كيك و نزلت كم خصله قدام و طلعت ارتب الكرك .. طلعت قلاصين وصبيت فيهم الشاهي .. الباقي حطيته في الدله .. حطيتهم في صينيه .. خذيتهم ع البلكونه .. ما بقى شي ع رجوعه .. هو يعرف وين يحصلني .. طالعت الشمس و هي ترتفع شوي شوي تنور المكان بـ نورها ودفاها .. مسكت الكوب بديت ارشف منه شوي .. ادفي جسمي من هالبرد.. تحركت من مكاني و تقربت من الحافه اجوف الناس .. يمكن ألمحه من فوق و يمكن لا .. " وينك .. وينك .. وينك " ..: شو اتدورين ..؟!! عدلت وقفتي و طالعت صوبه .. : متى وصلت ..!! : توي ييت .. تحركت من مكاني و قعدت ع الكرسي .. : زين .. قعد عدالي و شل الكرك يشرب منه ع راحته .. : لـ متى بـ اتمين اتقومين بدالي ..!! حركة كتفي بـ ما ادري ..: متعوده اقوم من وقت و اصلي قبل ما الشمس تظهر .. تبي تقوم مثلي .. عود نفسك ع هالشي .. : ايوه .. وانتي همج تتضاربين معاي .. : ما قلت شي يخليج تعصب مني او تعتبره ضرابه .. مجرد رأيي هاه .. : ما عليه .. المهم امي ما شاء الله عليها صباحيه مثلج .. تقول تعالوا عندنا باتوا كم يوم و ارجعوا لـ خلووتكم .. موافقه انسير ولا لا .. : دام عمتي طلبتنا .. موافقه اسير وأبات عندها ع طول ما عندي مشكله .. بسوي جو معاهم و خاصه امول بتكون موجوده ألحين .. طالعني بـ غيض ..: وانتي مب هامج غير امول و كيف بتتقابلون ..!! : حسد .. حسد .. اختي بنت عمي و اربيعتي .. انت شو تبي .. : بتصل ع امي و بقول لها مب ياايين .. عيل تقهريني ع موضوع امل .. : ليش عاد و تراني ما قلت لك شي عسب تنقهر عليه .. : ما علينا من هالكلام .. متى بـ يكون عندج موعد في المستشفى .. : عقب يومين بـ يكون شي .. صارت الحين كل شهرين تسوي لي موعد .. عادي اكنسل العلاج و ألغي كل شي .. : تمي عليه لـ ما اتحسين انج خفيتي صح .. طلع تنهيده طويله .. : بعدهم يقولون لا اتقرب .. عطيته نظره ..: انت بتم جيه قليل ادب ..!! : أبي حرمتي .. عطيته نظره وكملت اشرب الشاهي .. حط إيده ع إيدي .. : أبي حرمتي والله .. : بـ اتضارب وياك ترا .. خلني ساكته ولا اتخليني افكر في الموضوع .. : آآخ قلبي .. بصبر شو وراي غير الصبر .. نتلاقى ع البارت الـ 19 .. دمتــم بــود .. دمـع العيـــن التعديل الأخير تم بواسطة كاردينيا الغوازي ; 19-12-14 الساعة 01:28 PM | |||||||
|
|
|
19-12-14, 01:22 PM
| #570 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء 
| صباح الخير تفاصيل التلبس التي تضعينها سأترك لك مهمة حل طلامسها في القادم لان فيه امور غامضة ما بين الاحلام وما تراه وداد في الواقع من حولها اعتقد يفترض ان نركز على تأثير ما يحدث بين وداد ووليد اكثر ما أثر بي هو تذكرها لقول وليد (خذوني بدالهم هم الاثنين) وكان يقصد وداد والجنين الي راح وداد وتقربها الواضح من وليد يتضاعف في هذه المحنة العصيبة اصبحا فعلا متلاصقين روحيا وهذا هو المهم تحمل وليد عالي جدا لاجل وداد مزاحهم عن تفاصيل خاصة كمسألة شعر الجسم او المكياج او غيرها كلها بتقربهم من بعض وليد المسكين يبدو واضح متشرب تفاصيل وداد من الصغر ومنتبه على كل شي يخصها للاسف انه عمل الي عمله حتى يحصل عليها غصب والنتيجة كانت مأساوية بس هو يعمل المستحيل معها بصراحة وقوفه جنبها بهذه المحنة غير العادية تستحق ان ننظر له بطريقة خاصة كرجل صعب رجل يتحمل هذه الامور لازم يكون عنده مقدار كبير من التفهم والصبر والحنان ووهو لوحده معها يتحمل الكثير ويراعيها كيف بتراعي الام طفلها فعلا مراعاة وليد لوداد تشبه مراعاة الام لاعز اولادها من ناحية ثانية هو كابت كل مشاعره نحوها ويتحمل تقاربها منه وهي تلتصق فيه تطلب حمايته وذفئه اتمنى ان تنتهي محنة التلبس الرهيبة هذه فعلا شي مرعب والعياذ بالله عاشت ايديك حبيبتي رغم الرعب الا ان تفاصيل تطور التعامل بين وليد ووداد رائع جدا وطاغي على اي مشاعر سلبية خاصة ان وليد اصبح يقرأ دواخلها وعايش بيها ولها في قمة الشوق للقادم | ||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
.png)
.png)
العرض العادي
