آخر 10 مشاركات
أهواكِ يا جرحي *مميزة & مكتمله* (الكاتـب : زهرة نيسان 84 - )           »          586 - حب لايموت - صوفي ويستون - ق.ع.د.ن ( عدد حصري ) (الكاتـب : سنو وايت - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          602 - عودة الحب الى قلبي - كارول مورتيمر - ق.ع.د.ن *** (الكاتـب : ^RAYAHEEN^ - )           »          جدران دافئة (2) .. سلسلة مشاعر صادقة (الكاتـب : كلبهار - )           »          صفقة طفل دراكون(156)للكاتبة:Tara Pammi(ج2من سلسلة آل دراكون الملكيين)كاملة+رابط (الكاتـب : Gege86 - )           »          عالقة بشباك الشيطان (105) للكاتبة: Carole Mortimer *كاملة* (الكاتـب : Gege86 - )           »          عشق من قلـب الصوارم * مميزة ومكتملة * (الكاتـب : عاشقةديرتها - )           »          معذبتي الحمراء (151) للكاتبة: Kim Lawrence *كاملة+روابط* (الكاتـب : Gege86 - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )


العودة   شبكة روايتي الثقافية > قسم الروايات > منتدى قصص من وحي الاعضاء > ارشيف الروايات الطويلة المغلقة غير المكتملة

Like Tree3Likes
موضوع مغلق
 
LinkBack أدوات الموضوع انواع عرض الموضوع
قديم 31-12-09, 04:32 PM   #1

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي خيال عيشني بظلمته *مميزة*










السلاام عليكم ورحمة الله وبركاته ..
للعلم فقط هاي مب قصه .. مجرد صور وتخيلاات ..
تظهر فجأه في وقت ميعاد نومي ..
حاولت اني اكتبها وانزلها ع المنتدى بس كانت تختفي ولا اترد ..
بس من مسكت الخياال قررت اني انزلها ..
إن شاء الله تعجبكم ..









تصاميم مهداة للروايه












الفصل الأول



: ماااااااا ابييييه مااااااااااااااااااا ابيه .. الحيوااان مااااااااابيه ..


ابوي : بتأخذييينه غصباً عنج .. مب انتي اللي اتمشين رمستج علييي فهمتي ..


:: مااااااااااا ابيييه .. مب لأنه اغتصبني خلاااص بوااافق عليه الحيوااان .. ماااا ابييييه ..


ابوي : كلمه ثاانيه وبرااويج شو بيصير لج .. بس ارمسي ..


: اذبحني ان شاء الله ما عشت ان شاء الله ما كملت حياتي ويااااه .. لو يكون آخر شخص ما اوااافق عليه ..


ابوي : بتأخذييينه وبنجووف رمست منو اللي بتمشي ..

ظهر ابوي من الحجره وهو يصك الباب بالقو .. لدرجه اني حسيت ان البيت اهتز بـ هالصكه القويه ..
تمييت اصيح والهم ركب رااسي .. لعنته الحيواان كرهته ودعيت ان الله يأخذه .. وتذكرت اللي سواه فيني ..
ياارييتني مت ولا صار لي هالشي . يارييتني مت ولا صار لي هاااااااالشي ..
تميييت اصيح من القهر وتذكرت اللي صار لي ..
كنت بروحي في البيت .. امي وابوي وكل خواتي سارن العين ..
ولد خالتي سوا حادث وهو الحين امرقد في المستشفى
وانا في هاليوم كنت ملزوومه اني اداوم والمسؤول عني ما طاع يعطيني اجاازه .. رديت البيت ع الساعه 6 المغرب ..
ادري انه اهلي محد .. وساايرين عند خالتي ..وانا خبرت امي اني ما اقدر ..
قالت لي : جووفي عمرج امييه .. محد ترانا .. ولا تنسين تقفلين البيبااان ( جمع باب )
قلت : ان شاء الله امييه .. بس انتوا جوفوا عمااركم واستسمحي لي من خاالتي..
و اتحمدي لـ احمد ع سلاامته ..
صكرت عن امي وسيرت اتسبح و ارييح شوي ..
عادتي اطلب من برع يوم محد في البيت .. ويكون معاي 2 ولا3 من خواتي بس هالمره محد ..
فقلت بسوي لي عشى خفيف .. ع الساعه 8 سيرت المطبخ .. حطيت الحليب ع النار وضفت فيه وصفة الـ






















Keer شوربه هنديه حلوه


خفيت ع النار وقمت اعيين العجيين .. كاان في خاطري اكل خبز بوري .. ضربة العجينه عدل وطلعت حلووووووه ..


حطيت التاااوه ( مقلاه ) وحطيت دااخله الزيت النباااتي خالي من الكليسترول.. ما احب الدهوون . اتلووع جبدي ..


اتخليني ارجع كل اللي اكله .. سويت لي 4 بعد بقى عجييين غلفته وحطيته في الثلااجه ..


قمت شليت اللي سويته وحطييته في الصاله ..


ما كنت ادري انه في حد بيدش البيت .. كنت مستاانسه اني بروحي .. يعني بنام من وقت وخاصه انه يوم الخميس واجاازه لي من بعد الكرف اللي كرفوني اياااه في الشغل .. الله يخسهم ماشي رااحه ..

حطيت الأكل ع الطاااوله .. وسيرت المطبخ عسب اقفل الباب .. قفلته .. وصكيت وياااه الليت..
رجعت للصاله .. وإتفاجأت ان التلفزيووون مشتغل وانا ادري اني ما شغلته ..
في البداايه خفت يكون يني فـ قعدت اسمي واذكر الله واقرا المعوذاات .. ولا فجأه اسمع صووت ورااي ..
صوت حد يتحرك .. صوت خطواات .. ما عرفت منوو .. في البدااايه خفت يكون حرامي ولا حد من هالمجرمين
اللي اختي دووم اتخبرني عنهم .. قلت مابا ألف وبسوي عمري اني ما سمعت شي .. خطواته اتقرب مني واتقرب واتقرب .. خلااااص ما فيني صبر..
ابي اعرف منو هاه اللي تجرأ ودش البيت .. كااان في خااطري أألف .. بس والله ويهي كاان محترق من الحيا .. إتحملت ع نفسي .. وما لفييت .. لأني مب لاابسه شيله وشعري برع ..
ويكفي اني لابسه تي شيرت شوي فااصخ و وياه برمودا .. خفت يصيير فيني شي .. قلت في نفسي .. دامه دش يعني جاافني الهييس ..
خلااص عيل بـ لف وبجووف شو مشكلته هالمنحرف .. لفييييييت بسرعه
وقلت بصووت عااالي: اظهر برع البيت ولاااا ... انصدمت من اللي اجوفه .. : وليد ..!!! .. شو اتسوي هنيه ..؟؟؟!!!!
وليد : الباب كان امشرع ( مفتوح ) وانا من جفته جييه دشيت ع بالي خالتي وعمي هنيه .. بس ما لقيت سيااير حد من الأهل هنيه غير سيارتج انتي ..
قلت: زين.. شو تبي في الأهل .. ؟ شو تبي في امي وابوي ..؟
وليد : انا رمست امج امس عن شي مهم وهيه لين الحين ما ردت علي .. اتعرفين متى بترد .. ؟
ما ادري ليش ما ارتحت له .. مع انه ولد عمي بس والله في هاليوم ما رتحت له ابد .. نظرته لي اسلوبه معاي..
وخااصه اني احس اني امفصخه مب لابسه شي .. دعيت ان الله يرأف بـ حالي ويعدي هالليله ع خير .. . ..
لقيت كلما سأل يتقرب مني .. وانا من خوفي ارجع لـ وراا ..
قلت له :ب بـ بعد سااعه ب بـ بـ يرجعوون البييت ..و و و وليد احسن لك اترد بيتكم ..
مب عدله إ إ إتم هنيه .. عقب الناس بـ يرمسوون عني بالغلط ..
كااانت جذبه ( كذبه ) مني وانا ادري انه الأهل بااجر بييووون .. بس وما حبيته يعرف ..
وخاصه انه شكله يقوول انه ناوي ع شي شيين .. حاااولت ألطف الجو.. واطرده من غير ما يحس..
: وليد .. لو رجعوا بعد سااعه بخبر امي انها تتصل عليك .. وان شاء الله بترد عليك خبر ..
الريااال مب طااايع يظهر .. ولا يبي يتحرك من مكااانه . نظرته صاارت غريبه واتخرع والله ..
يتقرب ويسأل : متى بترد .. ؟؟!!
ماعرفت شو اسوي وبديت ارجف من الخرعه ( الخوف ) وحااولت ابعد عنه عسب ما يقرب مني وااايد ..
خلاااص الهييس بدا يتقرب مني ..
وشكله خلاااص التييس يبا مني شي مب زييين ولله
خوووزت عن دربه .. بس تم يتقرب وانا ارجع لـ ورا .. يتقرب مني لين ما لصقني في الطوفه ..
ماشي مجال اني اشرد ولا اتحرك .. حجزني حجزننننننننننني ..
تميييت اصييح واقول له : خلني اسير .. والله ما اييب الساالفه لـ حد بس فجني ..
اعتبر إنك ماييت .. والله ما اييب السالفه لـ حد بس فجني ..
قرب مني وانفااسه ع خدي ..لقيته امعصبه
وبنفس الوقت مكسوور.. قال : والله من كثر ما ابيج قمت اهووجس فييج .. خلااص مافيني اتحمل ..
رمست امج اكثر من مره وهي مب طاايعه اترمس عمي..
اقول لها والله ابيج وانا شاريج واللي تباه بسويه ..
بس إيواافقوون علي .. .. آخرتها عمي يقول لي ما عندنا بنات للزواج ..
خاصه لك انت ماعندنا بنات للزواج ..
شو عيبي ..؟؟!! قولي لي شو عيبي ...؟؟!!!
احبج من يوم جفتج .. قمت احلم فيج .. مب قادر اكل .. ضعفت كله منج انتي .. وامج زادت علي همي .. والله ما اقدر اصبر ..
يا اخذج بالزين يا اخذج بالغصب .. وما علي من حد .. ابيج وخلااااص مافيني اصبر واايد ..
والله صبرت 8 سنوات صبرت وااايد .. خلااص مليت من الصبر .. واليوم بأخذ حقي .. وبخليهم غصب يوافقون علي ..
انا بخووف مابين ع ويهي .. : شو بتسووووووي .. وليييد شو بتسووووي .. ؟؟؟!!!
وليد : بسوي اللي مفروض من زمااان اسوييه ..
خلاااص وصلت عندي : شو تبي فيني يعني هم ما يوافقون عليك انا شو يخصني ..؟
وليد : براويج الحين شو يخصج ..
بدا يلمس ايدي وانفااسه ع رقبتي قعدت اصيح واترجاااااه انه يخليني بس الحيوااان مب طاايع يسمعني ..
قعدت ادووور ع شي عسب اضربه .. هو مشغوول بــ ... آآآآخ يالقهر .. كل شي بعييد عني ..
قعدت اقاااومه واضربه وادزه ( ادفعه ) بعيييد عني .. وهوو يلصق اكثر واكثر .. ولااعطييه كف .. وقف .. كنت بشرد .. لف ويهه بسرعه علي .. وهو امعصب ..
قااال : انا تصفعييني انا تصفعيييني والله لا اراااويج كيف اتمديين اييديج علي ..
صفعني من قوووة الصفعه انضربت بالطووفه ودووخت .. فصخ غتره وربط ايدي فيها .. وسحبني ع اقرب حجره .. كانت حجرة الضيوف ..
صك الليت .. ووووو ..
صار اللي خفت منه .. صاااااااار .. صااار .. مسكت التليفوون .. إلا واخبر ابووي ..
تذكرت اللي استوى .. ما قدرت ادق علي ما قدرت .. ابوي رياال عود في العمر ..
فيه القلب .. يااربي كيف اجرحه كيف امرضه .. دشيت الحمام .. طاالعت المنظره .. تذكرت اللي صااار ..
الحيواااان ما رحمني .. ماااااااااااااااارحمني .. آآآه يالقهر ..
كنت اصرخ وهو يقطع ملااابسي .. صرخت وصرخت .. هددني انه يذبحني ..
قلت اذبحني بس لا اتسوي فيني جيييه .. صفعني ضربني .. نزف لي حلجي .. علاااامااات زرق وحمر حوالين وعيني و على خدودي .. شوووهني الحيوااان شووووووهني ... كيف اواااجه اهلي كييييف ...
ما قدرت انااام ونطرت ابوي يرججع .. تميييت اصييييح .. لين ما جفت دمووعي .. انخشيييت في ركن من الحجره ..
قعدت افكر بصووت عالي .. كيف اخبر ابووي .. شو بيسوي فيني .. مابيه يجووفني وانا جييه ..
انا دلووعته جيه يصيير فيني .. انا جييييييييه يصيير فيييني .. شو سويت له وليش جييه عذبني .. ليش جييييه عااااقبني ..
ورديييت انوووح بصووووت عااااالي .. ما حسيت بنفسي ولا دريت كيف رقدت ع الأرض ..
قمت ع هزت ابوي .. كان يهزني وانا مب داااريه بـ عمري .. لقيته يسألني .. وانا مب فاهمه عليه ..
حسيت كلاامه كأنها طلااسم .. اجووف حلجه يتحرك بس والله ما اسمع شي من اللي يقووله ..
طاااااااااااااااااااااااا ااخ .. كااان هاه شي حاااار لصق في ويهي .. ما عرفت شو هو .. مرت علي خمس دقااايق ..
قبل ما استوعب شو اللي صاار وليش صاار وشو سببه ..
بطلت عيووني .. ابوي كاان فااصخ عقااله وقرب يضربني .. انا ما انتبهت لـ اي شي ..
بس جفت ويهه .. قمت حضنته .. وتمييت اصيييح .. قلت له : و و ولييد .. البيت .. علي ..
ابوي وهو امعصب : مافهمت .. ارمسي قولي لي انتي ليش جييه !!!.. ليش مب لابسه شي !!..
شو استوى فييج !! ... شو ساالفة وليد !!!.. ارمسسسسسسسسسسي.. !؟؟؟!!!
وانا اشاااهق .. : و وليـ ـد امس بالليـ ـل فجأه طـ ـب البيت وقعـ ـد يقول.. انه يبــ ـي امي ورمسـ ـها
عن شـ ـي مهم وهي ما ردت علـ ـيه خبــ ـر .. وقال بأخذ حقي الحيـ ـن .. واعتدى علي .. ..
يوبا ضربني .. والله ضربني جووف ويهي جوووووفه .. جووف شو سوى فييييني جوووف ..
انا شو سويييت له ليش انا ليييييش .. ليش اناا .. انا شو سوييت له .. ليش انااا لييييييييش..
قام ابوي من عندي ما ادري وين ساار .. محد كان معاي محد .. حتى امي ما كانت موجوده ..
رد وفي ايده العباايه و قاال : لبسي بوديج المستشفى .. وبرفع عليه قضيه ..
في طريج روحتنا للمستشفى جفت ابوي يودييني لـ طريج غير عن طريج المستشفى ..
سألته وانا منكسره : وين نحنا .. انت بعدت عن طريج المستشفى ..
ابوي : ... .....
خلااص مابي الحياه مابي اعيش .. الللي صار مب شوي مب شوي .. قلت وانا منهاره: يوبا وين اموديييني ..
خبرني ويين .. جانك بتذبحني حلاال عليك .. اذبحني في مكان محد يسير له ..
بس لا اتم صاخ .. واتخلييني جييه .. خبرني اذا تبي تذبحني ..
ابوي: ... .....
تمييت اطاالعه وهو مب رااضي يرد علي .. كاان ودي اصرخ .. كاااان ودي اقووووول مب ذنبي هو اللي اعتدى علي
هو اللي ذبحني وكسر كل احلاااامي .. ذبح احلاااااااامي وانا توي ما حققت اي شي منها ..

























يتبـــع ..




الفصل 28 ج1













تصميم الغلاف الرسمي : كاردينيا73
تصميم قالب الصفحات الداخلية : حلا
تصميم الفواصل : كاردينيا73
تصميم وسام التفاعل المميز : كاردينيا73
تصميم البنر الاعلاني : انثى الهوى




عند إكتمال الرواية بإذن الله







التعديل الأخير تم بواسطة كاردينيا الغوازي ; 18-01-16 الساعة 08:28 PM
dam3ahel3in غير متواجد حالياً  
قديم 31-12-09, 06:47 PM   #2

هبة

روايتي مؤسس ومشرفة سابقة وقاصة في منتدى قصص من وحي الاعضاء

alkap ~
 
الصورة الرمزية هبة

? العضوٌ??? » 3455
?  التسِجيلٌ » Mar 2008
? مشَارَ?اتْي » 23,166
? الًجنِس »
?  نُقآطِيْ » هبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond reputeهبة has a reputation beyond repute
افتراضي

ما شاء الله دمع العين شو هالبداية القوية >>> و بتقولى مش قصة مجرد تخيلات ...


شكله أبوها فعلاً كان راح يقتلها >>> بس شو غير رأيه ؟؟؟


وليد ... قسم بالله لو كان قدامى لقتلته معقولة فى واحد بيحب بيقتل حبيبته بهالطريقة ... حسبى الله عليه



دمع العين متابعاكى و شكراً لك


هبة غير متواجد حالياً  
التوقيع






اللهم ارحم والدى برحمتك الواسعة ...إنه نزل بك و أنت خير منزول به و أصبح فقيراً إلى رحمتك و أنت غنى عن عذابه ... آته برحمتك رضاك ... و قهِ فتنة القبر و عذابه ... و آته برحمتك الأمن من عذابك حتى تبعثه إلى جنتك يا أرحم الراحمين ...

اللهم آمين ...
قديم 31-12-09, 07:29 PM   #3

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي

اقتباس:
المشاركة الأصلية كتبت بواسطة هبة مشاهدة المشاركة
ما شاء الله دمع العين شو هالبداية القوية >>> و بتقولى مش قصة مجرد تخيلات ...

تسلمييين والله يا هبه .. هيه والله انها تخيلات
للعلم بس تظهر لي في وقت النوم يوم ابي انام ..




شكله أبوها فعلاً كان راح يقتلها >>> بس شو غير رأيه ؟؟؟


وليد ... قسم بالله لو كان قدامى لقتلته معقولة فى واحد بيحب بيقتل حبيبته بهالطريقة ... حسبى الله عليه




دمع العين متابعاكى و شكراً لك



نووورتي خيااالي .. واسعدتي قلبي بـ مرورج الحلو والله
لا خليت من طلتج الحلوه
دمـــتي بــــود

dam3ahel3in


dam3ahel3in غير متواجد حالياً  
التوقيع


كاردينيا73 تسلمين يالغلاا ع كل شـي


خيال عيشني في ظلمته نهاية الفصل الـ28
قديم 31-12-09, 09:29 PM   #4

عهد ناجي

? العضوٌ??? » 103807
?  التسِجيلٌ » Nov 2009
? مشَارَ?اتْي » 86
?  نُقآطِيْ » عهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond reputeعهد ناجي has a reputation beyond repute
افتراضي

اهئ اهئ << تأثرت..

دمع العين.. شكرا لك على هالجزء الصغنطوط..!

بس من جد ليش كذا...

اما عن اسلوبك.. فحلو اسلوب التشويق هذا...!!

تابعي وانا معاك باذن الله...


عهد ناجي غير متواجد حالياً  
التوقيع
قديم 31-12-09, 11:22 PM   #5

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ??? » 1678
?  التسِجيلٌ » Jan 2008
? مشَارَ?اتْي » 15,447
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

اهلا بنزف قلمك قارئتنا دمعه العين

سرد واسلوب الحكاية كبداية اتوقع انه جيد

والمهم ان تقدم فكرة هادفة ويكون للحكاية مضمون يفيد القارئ

دمعة العين

انتظر البقية ..


~sẳrẳh غير متواجد حالياً  
قديم 01-01-10, 03:05 AM   #6

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي

اقتباس:
المشاركة الأصلية كتبت بواسطة عهد ناجي مشاهدة المشاركة
اهئ اهئ << تأثرت..


دمع العين.. شكرا لك على هالجزء الصغنطوط..!

بس من جد ليش كذا...

اما عن اسلوبك.. فحلو اسلوب التشويق هذا...!!


تابعي وانا معاك باذن الله...



ياهلاا والله فيج يا عهد نــاجي .. ..
وترا هالأشياء مجرد خيااالاات ليلية لا غير .. :blushing:
اسعدني مرورج والله ..
كوني من المسانديين لـ فكرتي .. :blushing:

دمتــي بـــود
dam3ahel3in


dam3ahel3in غير متواجد حالياً  
التوقيع


كاردينيا73 تسلمين يالغلاا ع كل شـي


خيال عيشني في ظلمته نهاية الفصل الـ28
قديم 01-01-10, 03:24 AM   #7

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي

اقتباس:
المشاركة الأصلية كتبت بواسطة soon مشاهدة المشاركة
اهلا بنزف قلمك قارئتنا دمعه العين
اقتباس:
المشاركة الأصلية كتبت بواسطة soon مشاهدة المشاركة


سرد واسلوب الحكاية كبداية اتوقع انه جيد

والمهم ان تقدم فكرة هادفة ويكون للحكاية مضمون يفيد القارئ

دمعة العين

انتظر البقية ..

نوووورتي خيااااالي يا soon هلاا فيييج زوود يالغلاا
التقييييم جييد الحمدالله انه مب سيء
هيه مجرد خيالاات ليلية .. وإن شاء الله تعجبج الفكره
نوورتي خياااالي يا soon
دمتـــي بـــود
dam3ahel3in


dam3ahel3in غير متواجد حالياً  
التوقيع


كاردينيا73 تسلمين يالغلاا ع كل شـي


خيال عيشني في ظلمته نهاية الفصل الـ28
قديم 01-01-10, 03:40 AM   #8

..وفات الآوان..
عضو موقوف

? العضوٌ??? » 54183
?  التسِجيلٌ » Oct 2008
? مشَارَ?اتْي » 215
?  نُقآطِيْ » ..وفات الآوان.. is on a distinguished road
افتراضي

هلا والله بشيخة نهيان ... ( متأثرة تلبس فيني شبح ساااااااااااااااااااااااا اااالم ..) يمة أسم الله علي ..
الله .. الله ...
شو وليد ماله نهايه اليوم .. ولا شو ..
يالله عاد أقبليه .. تدرين أبوج بيوديج للمحكمة حق عقد القران ......

الله عليج .. أنت وخيلاتج .. أزمة خليجة حتى الإتقان ..
ههههههههههههههههههههههههه ههههههههههههههههههههههههه هههههه
أمزح .. يالله أبنتظر الend


..وفات الآوان.. غير متواجد حالياً  
قديم 01-01-10, 04:10 AM   #9

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي

اقتباس:
المشاركة الأصلية كتبت بواسطة ..وفات الآوان.. مشاهدة المشاركة
هلا والله بشيخة نهيان ... ( متأثرة تلبس فيني شبح ساااااااااااااااااااااااا اااالم ..) يمة أسم الله علي ..
الله .. الله ...
شو وليد ماله نهايه اليوم .. ولا شو ..
يالله عاد أقبليه .. تدرين أبوج بيوديج للمحكمة حق عقد القران ......

الله عليج .. أنت وخيلاتج .. أزمة خليجة حتى الإتقان ..
ههههههههههههههههههههههههه ههههههههههههههههههههههههه هههههه
أمزح .. يالله أبنتظر الend
ههههههههههههههههههههههههه
هلااااااا بج زوووود شيختـــي بنت ابو متعب
عاااد انتي فاااهمه الوضع عدل مدل:icon30: ..
نوووورتي خيااالي يالغلااا ..
دمتـــي بـــود

dam3ahel3in


dam3ahel3in غير متواجد حالياً  
التوقيع


كاردينيا73 تسلمين يالغلاا ع كل شـي


خيال عيشني في ظلمته نهاية الفصل الـ28
قديم 01-01-10, 04:11 AM   #10

dam3ahel3in

نجم روايتي وقلم مميز بخاطرة من وحي الكلمةوناقده متالقه بالقسم الادبي

alkap ~
 
الصورة الرمزية dam3ahel3in

? العضوٌ??? » 1684
?  التسِجيلٌ » Jan 2008
? مشَارَ?اتْي » 2,004
? الًجنِس »
? دولتي » دولتي United Arab Emirates
? مزاجي » مزاجي
?  نُقآطِيْ » dam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond reputedam3ahel3in has a reputation beyond repute
افتراضي

التكمله .2


ابوي طوول الطريج كاان ساااكت .. ما طاع يرمس ولا طااع يخبرني وين سايريين ..

غمضت عيني خلااااص كرهت نفسي كرررهت كل شي .. تمييت في قلبي ادعي ع وليد .. كنت اطااالع جاامتْ السياره .. كل شي تراب .. ابوي امودييني ع البر .. يعرف اني ما ادااني شي اسمه بر ولا اي شي يتعلق في البر ..المفروووض يودييني المستشفى .. شو سالفته ... شو اللي براسك يا بووي..

ما اهتميت للمكان اللي بيوديينه له .. جاانه ( دامه ) يبي يذبحني حلاال عليه ..

يلعنها من حياه داام فيها ناااس جييه ..

رديت لـ سرحاني بعدني اعاني من اللي صار لي .. ابي استووعب المكااان اللي يبي ابوي يوديني له .. بس حركة هاكي اللي ما يستحي ولا يخاف الله لين الحين في بالي ..

تمييت اطاالع البر .. وانا في خاطري اختفي من هالدنيا اسير لـ مكان محد يعرفني فيه .. غير هاه ابي اعرف وين سااايره .. وين ابوي امووديني.. والله فيني صيحه ابي اعرف شو مصيري .. تمنييت ساعتها اني اموت ولا اجوف ابوي في هالحاله .. متوتر .. سارح بـ أفكاره لـ بعيد .. مستوي غاااامض ..

رد لـ عادته الجديمه اكره هالطبع إللي في ابوي .. قبل .. ابوي يوم كان يعصب ولا يتضايج من حد .. يحبسه في غرفه بروحه .. يأكله خبز وماي او خبز وعصير ..
من يدخل البيت يدش عليه الغرفه يضربه ويظهر برع .. ونفس الشي قبل ما يظهر من البيت .. كاان تعذييب ع اصوووله وما كان يرحمنا في اي شي ..
سمينا هالأسلوب ( السجن ) بس الحين ما قام يضربنا .. وصار يرحمنا واايد ويتفهمنا .. قلت في نفسي:" اووووف مب حاله هاي .. ابي اسير المستشفى جسمي يعورني ومب رايمه ( قادره )اقعد عدل .. كلما سندت ظهري ع الكرسي عوورني.. تحركت يمين ولا يسااار شي عوورني ..
مايكفي الألم الدااخلي حتى الخارجي قام يعوورني ..
آآخ يالدنيا .. ليش نقلتي همج لي .. ليش .. ؟؟!!"
سندت رااسي ع الكرسي وغمضت عيني .. ما ادري كيف نمت .. بس خلااص الضيج جثى صدري .. عقبها بـ نص ساعه .. حسيت بـ إيد ابوي ع كتفي وهو يهزني ..
فتحت عيني جفت ابوي .. وعقب جفت برع السياره .. سألته : نحنا وين ..؟!!
ابوي:" انتي نزلي وبتعرفيين .. وبسج اسأله ترااج صدعتييني .."
قال لي هالكلااام ونزل من السياره .. قلت في نفسي .. : "اذا عسب هاكي الهيس وهو غاصبني .. جيه يتعامل معاي .. عيل لو كان برضاااي شو بيسوي .. قسما بالله قهر .."
نزلت من السياره وانا يالله يالله اقدر امشي .. كل شي فيني متكسر ويعووورني ..
ابي دواا .. ابي مهدي للآلام والله ما اقدر اتحمل الويع .. حااولت اخبر ابوي بس خفت يعصب .. عاد الشيبه يوم يعصب يكون شي ثااني ..
اصخ واتحمل الوييع اللي فيني ابرك لي من اني اسمع كلمه اتعور قلبي ..
لقيت إنا واقفين عند بيت مب غريب علي .. شكلي يت هالمكان قبل هالمره ..
بس متى ما اذكر ..!!
يا ابوي صوبي وقال لي :"لا تتحركين من مكانج .."
جفت ابوي يسير صوب الباب ويدق الجرس .. ويطالع الساعه إبـ ملل جنه ( كأنه ) اموااعد حد وانا ما ادري ويايييبني هنيه عسب هالشي .. .. عقب شوي اجووف الباب ينفج ( ينفتح ) .. طل منه وااحد هندي ما ادري بنقالي المهم شكله هالحارس .. ما علينا منه .. ابوي قعد يرمسه ..
ويأشر بإيده ما ادري والله ان كان معصب ولا بسبب الشمس ملاامحه تغيرت..
جوفوا ع التعب اللي فيني ودي اتصوووخ .. ودي اعرف ابوي عن شو يسأل هالحارس .. انا وااقفه بعييد .. كنت ابي اتقرب بس ابووي قال لا تتحركين ..
يعني لو تحركت وييت صوووبه اسأل .. بلقى كف ولا تهزييبه سنعه ..
وبـ يزييد الويع علي .. شوي ولا اجوف الحاارس يأشر لـ داخل ..
ويفج ( يفتح ) لنا بااب الحوي ..
لف علي ابوي وقال لي : "ركبي السيااره بندش دااخل البيت .."
طالعت ابوي يييت اقول "اشعنه كل هالتعني ( العذاب ) يعني لو قايل لي اتم في السياااره ابرك لي من اني انزل وارد اركبها مره ثااانيه" ... هزيت رأسي بـ اوكي و ركبت .. جفت البيت من الداخل وقعدت اقول في نفسي والله مب غريب والله .. هالمكاان ييته من قبل .. بس .. بيت منووو ..؟!!
قعدت اطااالع النخل .. الصندقه (store).. الزريبه .. وانا اقول في نفسي والله انه مب غريب علي .. حاااولت اتذكر واتذكر .. عصرت ع مخي بس بعد ماشي فايده .. ولا اقول يوولي إلا مكااان حاله من حال غيره ..



دقايق ولا اجوف ابوي يووقف عند بيت عود .. شكله شعبي ع الطراز الجديم .. مع شوية تعديلاات الأرضيه السراميك و ع الجوااانب امزينينه بالخشب السنديان وشي نباتات متسلقه ملتفه حوول السنديان .. وشي اربع نخلااات امغطيات الباب الكبير إللي يجووفها يقول انها امظلله المدخل وصج شكله كان روعه مع انه جديم ..

نزلت من السياره عقب ما ابوي قال لي نزلي .. اول ما حطيت ريلي ع الأرض حسيت بألم داخلي .. غمضت عيني عسب اكتم شهقتي .. ابوي طالعني .. كان امعصب .. كان وده يسأل بس صرخ علي : "امشـــــــــــي "..

طاالعته ومشيت ولا همني صراخه انا ما غلطت في شي .. ولد اخووه التااااافه هو اللي امغلط سير حاااااسبه يعله مايربح التااافه .. وامسمي روحه ريااال .. يعلهم يحرقووونه في نار جهنم .. ومشيت وما علي من عصبيته ..

ظهرت لنا بشكااره ( خدامه ) وقال لها ابوي : "وديها ع الميلس ( المجلس )"

ابوي وهو يطاالعني : "لحقي البشكاااره ولا اتضيعيين الدرب ترا البيت عود ( كبير) يالله وصليها للـ ميلس"

قالت : "إن شاء الله بابا .. مييين ساب .. تئال منيه .."
ولحقتها .. دخلتني ع الميلس الداخلي للحريم .. استئذنت مني واختفت ما ادري وين سارت .. شكلها اول ما وصلتني للـ ميلس قالت خلااص وافتكت مني خسها الله من بشكااره ..
"زين انا عطشاانه ابي شي ابلل فيه ريقي .. امحق خدمه .."
سيرت لـ اقرب كنبه لي .. بالأصح اكبر كنبه .. ابي اريح عمري شوي .. جفت الكنبه اللي ابيه وسيرت عندها ..
كنت انزل شوي شوي لأنه ظهري كان يعورني .. ما حبيت ازيد الويع ..
ومن استكنت في قعدتي .. ع طول سندت رأسي ع حافة الكنبه ..
حسيت إبـ ثقل بـ جفوووني و غمضت عيني .. كنت ابي اناام ما نمت امس ..
آآه يالقهر ع هاكي اليوم ..
غمضت عيني ولا اغوص في عالم الهروب من الواقع .. كم دقيقه ولا احس إبـ شي يتحرك ع خدي المنتفخ .. حركة ويهي للجهه الثاني لأنه عوورني.. شوي ولا شي رطب ينطبع ع يبهتي ( جبهتي ) .. شي غريب ما اتعودت عليه .. محد يسويها فيني غير اختي منووووول ابتسمت وقلت : "منوووول بعد وحده يالدوبهـ ".. ولا اتبووسني الدوبهـ ع يبهتي .. وانا بعدني مب مستوعبه السالفه بس عااايبتني سالفة البوس وخاصه انها من آخر العنقووود في البيت .. المره الثاالثه حسيت بـ شفاااه اتقرب من اذني ... اسمع اشياء غريبه في اذني .. قلت هاه مب صوت مناال .. مب صوووتها .. احساااسي صار مابين الخوف وبين ما اعرف شو الإحساس الثاني .. ابي اقوم بس في شي يمنعني من اني ابطل عيوني .. بعده يتكلم في اذني وانا بعدني امقفله .. بطلت عيني تمييت امركزه في الفراغ .. حسيت بتعب غريب .. شوي ولا نفس الصوت يرد يهمس في اذني .. هالمره بطريقه غير الصوت قال (حبــي) بطلت عييني ولا يبتعد عن اذني و اجووفه واقف فوق راسي وهو يبتسم .. وليد ..!! اول ما جفته عصبت .. تمييت اجووفه بنظرات كلها كره واحتقاار ..
هو يبتسم لي وانا امبوووزه وماااده البوووز شبريين .. قلت في نفسي: "ابوي يايبني لـ بيت الهيس ..؟؟!!من جيه قال لي ما اتكلم .. ؟!!"
ولين استوعب كل اللي يصير لي .. كاان التييس امقرب شفاايفه من يبهتي .. خوووزت رأسي بسرعه ... وقفت ولا اتويييع ( اأتألم ) و اطيييح ع السراميك عند الكنبه .. قعدت اوووون من الويع ... كان واقف ورا الكنبه .. بس من جاافني ع الأرض واتوويع إلتف حوالينها ويا قعد صوووبي ع الأرض .. طااالعته بكره وقلت : "اووونك مهتم يالهيييس.. يالحقييييييييييير .." ما اهتم لـ كلاامي له ومد ايده انا من جفت ايده تذكرت اللي سواه فيني واضرب ايديه .. وقلت بصوت كله غضب وصراخ : "وخر عني يالجليل الحيا .. اتسوي فعلتك واتي اتجييسني مره ثانيه .. شو من نجاااسه عليك .. شو تفاااهه إللي فييك ,, انت شوو بالضبط.. "
نزل لـ مستوااي .. قرب ايده مني .. حاول يحطها ع خدي رفعت ايدي بضربه لو تقرب اكثر .. من جاف ايدي مرفوعه والعلااامات إللي سواها فيني اتراجع عن اللي يبي يسويه قعد يطاالعني وهو يبتسم ... قسما بالله في هاي اللحظه كاان في خااااطري اعطيييه كف التيييس .. بس ان لم تستحي فـ افعل ما شئت .. طااالعته بحقد .. وقلت له من بين ضروووسي: "إلتعن من جداامي .."
قال : "خليني اساااعدج .."
قلت له : "جفت مساااعدتك عدل مابي هالمساااعده .. "
تغيرت نظرته جنه ( كأنه ) ندم :" بس اساعدج مابي شي منج "
ارد بـ عصبيه و صريييخ :"اتخسي اخليك اتساااعدني .. تغتصبني وعقب تتطلب هالشي ..
شو جاايف كل الناااس مثلك وااطييين وما عندهم كرااامه ..
قووووم انجلع من جدااامي ولا والله بصرخ وبيمع ( بجمع )
عليك كل اللي في البيت .. انجلع .."
انقهرت زياااده يوم جفته يبتسم .. جنه السالفه عاجبتنه .. انا امعصبه وهو يبتسم .. كرهته يعله الحرق .. حسيت من ضحكته الواطيه كأنه يوصل لي رساله: "سوي اللي تبينه ما اهتم المهم سويت اللي ابيه فيج .."
انقهرت وانقهرررررت وانقهررررررررررررررت
قلت في نفسي من الغيييييظ : "إلا واصفعه إإإإإإإإإإإإإإلا واصفعه .. "
بعده يبتسم .. آآآآآخ يالقهر ..
وقفت بسرعه وانا صج غبيه .. نسيت اني اتألم من سوااايا هالهيس.. : "آآآآآآآآآآخ .. آآآآآخ ...آآآخ .."
قعد يطالعني وهو مستغرب .. إعتفست ملاامح ويهه
وعااد جوفوا اللقاافه يبي يعرف إشفيني .. هو امسوي هالشي
ويبي يعرف بلااااني .. يعلك الماااحي يالهييس

ما طالعته في عيونه.... هالمره يت سلييمه والله ما اعرف شو سوى فيني وليش هالألم بالذات .. كان ع جنبي الأيمن وفي وسط المعده و جنبي الأيسر .. صج صج عورني كنت بصيح .. بس من جفت هذا هنيه واقف قلت يحلم يجوف دموعي جافها مره وما رحمني .. بيرحمني الحين يعله الحرق يااربي .. حطييت ايدي ع مكاان الويييع قمت اوقف شوي شوي.. وهوو بعده يطااالعني بـ خووووف ..
والله اكرهه والله .. مااقدر استحمل اجوووفه ما اقدر اساااااامحه ..
قرب مني .. قال: "وداااااا.. "
لفيت عليه بسرعه ولا ..طااااااااااااااااخ .. طااالعته وانا امعصبه .. الصفعه ما خففت من قهري منه إلا وازيد عليه.. جفته وهو منصدم من اللي وصل له مني..
عصب علي .. قرب صووبي.. وانا من خرعتي رديت لـ ورا .. لقيت شي ينلمس في ايدي .. خذيته وفلعته فييه .. يت في بطنه .. قلت في خاااطري : "احسن يالهييس .. والله لا اردها فيك .. ان شاء الله إييبلك شلل نصفي .. بكسرك مثل ما كسرتني .."
بدييت افلعه بـ كل شي توصل له ايدي وهو يحاول يشرد من الصحون الطائره اللي توصل رأسه .. انا اسب وافلعه بـ شي .. ادعي عليه وافلعه بـ شي
نص الأغراض توصل له والنص الثاني كان يتفادااها لأنها ثقيل ..
ييوم جااف اني كسرت نص الأشياء الموجوده في الصااله ..
وخلااص شكلي تعبااان من المجهوود اللي سويته .. ما دريت كيف خطف من جداامي وصار قريب مني..
حاوط ويهي في ايده ..يييت اضربه ولا يمسك ايدي ويبوسني .. ..
خلصت ايدي من ايده و ييييت احااول اصفعه مره ثاانيه .. بعد سوى نفس الحركه .. .. باااااااااااااااسني .. من العصبيه اللي فييني شتته ( رفسته ) فيييي ريييله ..
قعد يناااقز شرات السبااال جدااامي .. صفعته ودزييييته .. ويييوم ييت اشرد ..تألمت ... وماهمني الألم .. ظهرت برع الميلس خفت يكون ورااي .. قعدت ازقر ( انادي ) ابوي وانا ما اعرف ويينه .. ظهرت من وين ما ييينا وقعدت اناااديه اصلااً ضيعت طريجي وكل شي كاان صدفه.. دقيقه دقيقتين ولا ابوي ايي.. كان يطالعني وهو امعصب .. قلت له : "انت ويين يبتني .. وليش هالهيييس هنييييه ..؟!!"ابوي:" مانبي فضايح .. يت هنيه عسب شي في نفسي وعمج كان مديون لي بـ شي والحين بـ يسدد دينه لي .. رضى في هالشي ولا ما رضى .. بـ يسدد الدين اللي عليه .."
بـ صدمه :" يبتني لـ عند ابو اللي اغتصبني .. ليش و ع اي اساس اتييبني هنيه ..؟!!
المفروووض تأخذني المستشفى عسب يجووفووون حااالتي مب اتييبني لـ هنيييه واتخلييني اعاااني ويا إللي مايستحي .. يبتسم في ويهي ولا جنه امسوي شي ..
شو من قلب عليه هالآدمي .. ودني المستشفى يوبا .. ماعلي من حد .. وإذا ع دينك .. تقدر تأخذه في وقت ثاني مب الحين .."
اشوي ولا اجوف رياال عوود يوقف ورا ابوي .. شكله سمع صوتي وياا ع صرااخي .. كان شيبه اللي يجووف يعطيه 68 ولا 70 غير ان التجاعييد راسمه ع ويهه خطووط عمره .. كاان ابيـض واللي يجوفه من اول مره يرحمه .. كان شكله مصدوم .. وخاصه ان شي علاامات امبينه ع ويهي .. شفايف مجروحه .. عيوون مزرقه .. وربع الويه عليه كدمات صوب الإذن و ع خدودي.. ماقدرت اسمع لـ كلاام أبوي لأني سرحت في اللي وراه ... من جاف اني اطااالع وراه .. لف راسه يبي يعرف شو اللي اجوووفه .. من جاف الشخص نزل رأسه بـ حزن وبسرعه رفعه و قعد يطالعني .. قال: "هاه عمج محمد وانا قلت له ع اللي سواه فيج وليد .. و قررنا انزوجكم لـ بعض .."
انا من سمعت كلمة انزووجكم .. حسيت بـ ريووولي ( رجلي ) تتخدر مب قادره اتشييلني .. ولساااني إنربط .. جرحني ابوووي جرحني .. طعنني في الصميم ..
ابيه عوون ابيييييه عووون لا هاه مب ابوي اللي دوم يوقف معاي قعدت ارد ( أرجع ) لـ ورا وانا اكرر : " انت اتنكت ..!!! والله اتنكــت .. كيف اتزوجني لـ هالحيوااان كيــف..!! .. لـ هالدرجه انا رخيصه عندك يوبا .. !!! رخييييييييييييصه" ..
بدت الدمووع تنزل من عيني مب قادره اتخييل اني بأخذ هالمنحـــرف كملت كلاامي وانا احس بـ ويع في صدري .. : "اتزوووجني لـ وااحد مايخاااف الله و يتعدى ع حرمة البيت ويعتدي ع سكاانها وبدوون وجه حق .. كيف تباااااني اخذ واااحد مثل هاااه .. ولا اونه ولد عمي .. كيف تبااني أخذه وارضى فيه كـ زوج .." علييت صووتي وقلت بـ صرييييخ : "كييييييييف ..؟!!"
من عرفت اني بأخذه وانا اصيييح واصصييييح .. اصرخ واصيح .. اقووول مااابيه واصييييح .. لين ما طحت ع ركبي وانا اردد واعيد نفس الكلمتيين مابيييه ولااا
فجأه اسودت الدنيا في عيني ودخلت عالم الظااالم ..
















يتبــــــع ..



التعديل الأخير تم بواسطة rola2065 ; 28-12-13 الساعة 08:47 PM
dam3ahel3in غير متواجد حالياً  
التوقيع


كاردينيا73 تسلمين يالغلاا ع كل شـي


خيال عيشني في ظلمته نهاية الفصل الـ28
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:58 AM



Powered by vBulletin®
Copyright ©2000 - 2024, vBulletin Solutions, Inc.