11-05-11, 01:49 AM
| #991 | |||||
|  اقتباس:
 وماعاد بدي اتقهووووو | |||||
|  |
|
11-05-11, 02:01 AM
| #996 | ||||
| نجم روايتي وكاتبة في قسم قصص من وحي الأعضاء 
| فرسان على جمر الغضى الجزء الثلاثون اليوم كان الشيخ ابو طايل وولده طايل ناويين يروحون لديرة عيال العطاوي الا ان جية ضيوف عندهم منعتهم من السيره وعزمو من بعد مايمشووون الضيوف يروحون كانت قوت جالسه هي وعبله بالبيت الي خلووه لقوت التفتت قوت وهي تحس بضيقه قوت:عبله خلينا نمشي للغدير عبله:هالحيين يا خيه قوت:احس ان خاااطري ضااايق عبله:لزوووم بلاوله تقوليين للشيخ ان ودج تروووحي للغدير قوت بضيقه:زيين قولي للبنت تروووح وتقول لهم قالت عبله للبنت انها تروووح وتاخذ لهم الاذن لاجل ايروحن للغدير ومن بعدها عاااودت لهن ناظرتها عبله :هااه قلتي لهم البنت:اييه يا عمه مير عمي الشيخ عتاااب قال لا تخطي اي وحده منكم خطوه وحده برا البيت ناظرت كل من قوت وعبله الثااانيه قوت:زيين روحي ظلت قوت واقفه ومن بعدها التفتت لعبله وابتسمت لها عبله:وش جاااج قوت:صرت محكووومه انا قوووت صرت محكووومه مير ماعليه انا الي جبته لنفسي بعدها بكم ساعه نادت قوت على البنت والضيقه تعاااود لها وطلبت منها تاخذ لهم الاذن ويمكن هالحيين يوافقو مير ردت البنت بنفس الجواب حست قوت حينها ان ضيقتها زادت عليها لاكنها ظلت ساااكته ورجعت تقعد جنب عبله قماااد من بعد كلام الليث له اختفى عنهم ورااح مع ربعه شوق وظبيه كانن مع راكاان وكثير ما كااانت ظبيه تظجر من شوووق من الي تسويه للعيل ومايجووز لظبيه ظبيه:يا شوووق يا شوووق هذا الي تسوينه ما يجوووز شوق وهي تضحك:للا يجوووز هذا الشيييخ راكاااان لزوووم يكووون بالشكل ذا هزت ظبيه راسها:يا وييييلي دخل عليهم ليث الي ابتسم اول ما شاااف راكااان ليث:وش الي يصييير ظبيه:يا شيييخ انت ما ودك بولدك ليث:لييه يا ظبيه وش به ولدي ظبيه:العيل بعده صغيير وشوووق اتجلسه بالزووووور هو هالحييين مايقدر يجلس شوق:هذا هووو جاااالس ظبيه:ادري انه جااالس مير ذا مهب زييين لجل ظهره...يا شيييخ ارجااااك قوول شي حمل ليث اولده وضمه لصدره:بعده صغيير يا شوووق شوق:يا شيييخ هو جاالس وحوليه الفرش ليث:دااري مير بعد ذا ماينفع لزوووم عضاامه تقوا بلاوله شوق:انت اتشوووف يا شيييخ اني ما انفع اكووون له ام ضحك ليث:للا يا شوووق ...راكااان يحبج حيييل وما يرضى ينااام الا وانتي قرييبه منه ..مير ظبيه عندها عيااال خليها قريبه منج وخذي بشووورها ناظرت شوق ظبيه وهي مهي براااضيه من الي يقووله لييث باليوم الثااني وبالصبااح البااكر ابعثت قوت من ياخذ لها الاذن لجل اتروووح للغدير من الشييخ لاكن الجووواب كان نفس الجواااب صرخت قوت:لييييه هو ما قااال اننا تحت الوصااه ليييه مايرييدني ارووح للغدير قربت قوت من البنت:عاااودي للشيخ عتاااب وقولييله انه ودي اروووح للغديير البنت:يا عمه قلت له مير ماهب راااضي وهو قااال لا عاااد تعاااودي اتشاااورين قوت:زيين هذا هووو قالها وانا بعد ما ودي اعاااود اشاااور ...انقلعي من قدااامي خطت قوت الخطوات لجل تطلع من البيت عبله:على وييين يا قوووته؟؟ قوت:ودي اروووح للغدير عبله:الشيخ مارضي يا خيه قوت:خليه ينقلع هووو من ويييش خااايف؟؟ عبله:خااايف من الي يذكره منج يا خيه قوت:زييين وش اسوي ودي اطلع روووحي زهقااانه عبله:اصبري يا خيه اصبري ووكاااد هو من حاله يخلييج تطلعي قوت:زييين عااودت قوت وجلست وهي تحس بالضيقه تكبر بصدرها وظلت قوت على هالحاال كل يووم ترسل للشيخ اترييد تطلع للغدير وعتاااب يرفض رغم ان لييث قال له خلها تطلع قوت بغضب:تعااالي يا بنت البنت:نعم يا عمه قوت:خذي الصندوق ذا وعاااودي به للشيخ قوليله قوت ما ودها اياااه ناظرت البنت الصندوق الي بيه الذهووب البنت:زيين يا عمه خذت البنت الصندوق وقبل لا تطلع من البيت قوت:قوليله عمتي قوووت اتريييد صندوووق اكبر منه ومليااان ذهوووب البنت :زييين يا عمه وصلت البنت الصندوق عند الشيخ ومعه عتاب عتاب وهو يوقف:وش اترييييد؟؟ خافت البنت:هي الي قااالت لي يا عمي التفت عتاب لليث:شفت يا شيييخ هذا الي انا دااري عنه ليث بابتساامه:زييين خلهم يا خذوون الصندوق الكبير ويعطوونه لبنت العم تستاااهل عتاب:ودك اتمشي شووورها ليث:خلها تقنع يا خوووي لجل الي اتخاااف منه مايصيير هي وش اترييد اكثر من الي حنا مسوينه لها عتاب:ودها اترووح الغدير ليث:زيين خلها تروووح للغدير عتاب:للا ماودي ايااها تبعد عن عيووننا...وعند الغدير العااالم الله وشراااح اتسوي لجل اتهج التفت للبنت عتاب:زيين خبري عمتج وقولي لها الصندوووق هالحييين يجيهاا انتظرت قوت الصندوق الثااني ويوم وصل عندها اخذت تضحك وهي تشووف الي فييه قوت :شوووفي يا عبله شوووفي الذهوووب وش كثرها ودي هالحييين البس كل هذي الذهوووب عبله:وش الي جاااج يا خيه؟؟ قوت :هو وكاااد يحسبني كذا وانا راااح اكووون مثل ما وده التفتت للبنت:عاااودي للشيخ وقولييله ان ودي بعد بثيبااان اتليق ببنت العطاااوي ودي البس ازين الثيبااان وخليه بعد يزيدنا من الذهووب اول ما قااالت البنت للشيخ وعتااب طلب قووت وقف عتااب غضبااان:هي قااالت كذا؟؟ البنت:اييه يا عمي الشيييخ ودها ذهوووب كثيره وثيبااان كثييره وبعد يا عمي قااالت ان البيت الي هي فييه ما يجوووز لها ودها ببيت اكبر منه وازين ويكوون بعد قرييب من بيت الشيييخ عتاب بغضب:وش ودها بعد؟ كل الي طلبته قوت استجاااب له الشيخ وعتاب وباليوم الي عقبه تفاااجئ انها تطلب من الحلال نصييب كان عتااب قااايم ووده يوصل لبيتها الا ان لييث وقفه ليث:خلها يا خوووي خلها الحلااال كثير ولزووم يكووون لها منه نصييب لا تنسى يا خووي انها كاانت حرمة ولد الشييخ وكل الحلااال ذا كاان تحت ايديها عتاب:الحلااال ما همني يا خوووي مير هي وش اتحسب حالها ليث:عطاااويه يا خوووي عطاااويه وودها تقنع من الخير الي حنا فيييه وهذا هو الي حنا نريييده عتاب:ليت انها لحقت بالي ماااتو ولا ظلت وهي نفسها شييينه ليث:خل صدرك وسيييع يا خوووي وباذن الله انها تقنع ابتسمت قوت اول ما قااالت لها البنت ان الشيخ راح يخلي لها نصييب كبير من الحلال قوت :ودي اطلع للغديير هو ليييه ما يرضى اني اطلع للغدير اليوم الشيخ ابو طايل وولده طاايل وصلو للديره ومعهم ام الشووق استقبلهم ليث بالترحاااب بارك الشيخ ابو طاايل لليث وعيال العطااوي انتصاارهم ولليث بالمشييخه وليث قاام بالوااجب ناحيتهم قبل المسا طلب ليث شوق لقمااد العطااوي وخبر الشيخ وولده عن نفس شوووق انها تكوون قريبه من راكاان الشيخ وولده وافقو وتمت الملكه وحينها قاامت الاحتفالات بديرة عيال العطاااوي الفرسااان اجتمعو بقماااد واحتفلو معه بليلة عرسه وابعثت قوت البنت تااخذ لها الاذن من الشيخ انها تحضر العرس عتاب ما كاان قريب من ليث حينها يوم قاال للبنت انها ترخص لها ولعبله انهن يحضرن العرس حينها فرحت قووت كثير وقررت انها تلبس ازين ما عندها من الذهوب والثيبااان ومعها عبله ناظرت ام شوق شوق وهي تنيم راكان ام شوق:يا بنيتي انتي راااضيه بالي تسوينه؟؟ شوق:اييه يمه انا ما وافقت على ولد العطااوي الا لجل راكااان ودي اكوون قريبه منه يمه ام شوق:وش الي خلى قلييبج يتعلق بالعيل يا شوووق شوق:ترااني يمه كنت معه يوم ينولد الام باستغرااب:وش اتقووولي!!؟؟ شوق بارتباااك:اقصد اني احس حااالي كنت معه ..ناااظريه يمه يقول الليث انه يشبهني كثييير يا ويييلي قليييبي متعلقن فييه كثيير ما ودي اتركه ام شووق:ولجواازه ذي وشلووون شوق بارتبااك:ذي لجل اكوون هنيا المقصد منها ان ابوووي مايمنعني اني اظل اهنيا ام شوق:وولد العطااوي الي وده يتجوزج شوق:هوو بعد يمه رضي بالجوااازه ذي لجل راكاان ام شوق:هذا جنااان يابنيتي جنااان شوق:المهم اني اكووون قريبه من راكاان ام شوق:زين وان جبتي انتي عيل وش راااح اتسوييين براكااان ارتجفت شوق من هرج امها شوق:للا يمه وش عيله الشيخ ليث قال لولد العطاااوي انها راااح تكووون بس ملكه لجل اكوون قريبه من راكااان ام شوق:هذا هرج يابنيتي لزوووم اقووول لابووج لجل يمنع الهرج ذا شوق التفتت لامها :ارجاااج يمه وش الي راااح تقولينه لابووووي ام شوق:ودي اقوووله بكل شي وان هذي الجواازه جوااازه باااطله لزوووم تكوووني ببيت رجلج وتكووونين حرمه مثل كل الحريييم شوق:انا الي ارجاااج يمه انا راااضيه بذا الشي والجواازه ذي لجل راكااان وبس ويكوون بعلمج اني الي براااسي راااح اسويه حتى لو قلتي لابوووي ام شوق بغضب:زييين وهالحيين العرس الي صاااير بالقبيله ما ودج تجهزي له شوق:ليييه اجهز له يمه ام شوق:ودج اتجننيني يابنت شوق:خليهم يسووون العرس يمه مير انا راح اظل اهنيا انا وراكااان بس ولد العطاااوي يدري انه ماراااح يبيت اهنيا قامت ام شوق وطلعت من الشق وهي زعلاانه على المسا كثير من مشااايخ القبااايل الثاانيه لبو الدعوه لحضور عرس ولد العطااوي ومن بينهم سعد اخو المها الي اول ما وصل للديره ارسل لعبله هدايا كثيره رضوتن لها بسبب الي جاها منه الا ان عبله رجعت الهدايا رافضه اياااهن زجر عتاب البناات الي رجعو بالهدايا وقال لهن ان هدايا الشيخ سعد ماتنرد ولزوووم عبله ترضى فيهن ومن بعد مارجعن بالهدايا البناات:عمي الشيخ عتاب يقووول ان هدايا الشيخ سعد ماتنرد ولزوووم تقبلي بالهديه ناظرت عبله قوت الي ابتسمت وتقدمت من البناات قوت:زييين قولي للشيخ عتاااب ان قوووته قبلة بالهديه هي ...عبله ماودها بيها وانا راااضيتن بها حس عتاااب انه راااح ينفجر من الغضب اول ما عاااودت البنااات وقالت لهم بالي قااالته قوته عتاب:لزوووم اذبحها ضحك ليث:اتركها يا خوووي اتركها عتاب:احس ان عقلي وده يطلع من راااسي كاان مقهووور كثير منها ومقهووور من نفسه وهو يشووف ان كل الي تسويه قوت يقهره هو وليث والبااقي يكوون الامر عندهم عااادي عاودت ام شووق لبنيتها تطلب منها تتزين لاكن شووق رفضت وقالت ان الزينه مالها لزووم حينها بكت ام شووق وهي تقول لها ان ودها تفرح بيها من قبل لا ترحل من الديره حضنت شوق امها ووعدتها انها راااح تتزين لجل خاااطرها بس ومن بعد ماتعشو المعاازيم بدت الرقصاات البدويه والكل اجتمع قدااام بيت الشييخ ..كل الشيووخ شاركو بالرقصاات كان عتاب جالس وقدامه الولد الي يصب لقهوه يوم لفت نظره راعية الثووب الاحمر طالعه من بين الي واقفين يناظروون الرقصاات وكل الي حواليه من الشيووخ توجهت انظااارهم لها دقااات قليبه زااادت وهو يعتقد ان الي فيه غضب عليها وكيف انها سمحت لحالها تطلع من البيت كان الغضب باااين بعيونه يوم التفت ليه ليث:تراااني انا الي ارخصت لها تحضر العرس عتاب:هقوتي يا خوووي انها بالعده وشلووون تطلع وهي بالزينه ذي ابتسم ليث:من يومين يا عتاااب رحت لبنت العم وسالتها وشلووون تريديين تطلعي من البيت وانتي بالعده قالت امر غريب ما كاان ودي اقوله مير هالحيين لزوووم اقوله عتاب:وش قاالت؟؟ ليث:قالت انها مهي بالبنيه الي ملكها الشيخ الي ارسله ابو عساف لجل يملك بها على ولده عتاب فتح عيونه ازود:وش اتقووول؟؟!!؟ ليث:الشيخ ملك ولد الشيخ على بنيه ثااانيه وهي الي حضرت لجل اتكووون عروووسه عتاب:وشلووون ذي يا خوووي هي ماكاانت عروووس لعساااف ليث:ايييه تقول انها جت لجل اتكووون عروووسه....والليله الي اتفقنا نغير بها على الديره كانت ليلة عرسهم عتاااب:خسيييييسه وشلووون تسوي كذا؟؟ ليث:مدري يا خوووي هي لييه سوت كذا ويوم اني سالت لييه تسوين كذا سكتت وما جاوبتني رفع عتاب نظره ناحية قوت وهو يناظرها بحقرااان زينتها كانت باااينه وملفته نظر كل شيووخ القبااايل توجهت بعدها قوت وعبله لخيمة العرووس الي كانت هي متزينه بعد وحاطه راكاان قدامها وكانت زينتها بس لجل ترضي امهاومن بعد ما خلص العرس قامت قوت ومعها عبله لجل ايعاااودن للبيت وبطريقهن كان عتاب الي وقف ووقفت قوت قريب منه اول ما سمعت لسانه يقول :خسيييييسه التفتت ناحيته وناظرته وهو يناظرها بطرف عينه وغضب منكتم باااين بعيونه حست بقليبها اوجعها كثييير من الكلمه ونظرته لها قوت:ياله يا عبله اسرعت بعدها قوووت بخطاويها نااحية البيت...عبله وقفت مكاانها اول مافاجئها سعد الي طلع من بيت الشيخ وظل واقف يناظرها بعدها انتبهت على حالها واسرعت تمشي ورا قوت ودعت شوق امها وابوها وجدها من بعد ماباااركو لها وارحلو من الديره وهم يوصووون عيال العطاااوي عليها كانت بعدها بزينتها يوم اسمعت صوت قماااد ينااادي ويقووول ان الشيخ وده بدرب لجل يدخل يشوووف اولده شووق تفاااجئت بالصوووت صااار رجلها وهو هالحييين مسؤول عن كل من يريييد يدخل لشقها شوق بربكه:تفضل يا شيييخ دخل قماااد وليث يتبعه توجه ليث لولده لجل ياااخذه بحضااانه ويسال شوووق عنه اما قماااد فكااان منبهت من الزينه الي كااانت متزينه بيها شوق ابد ما ناااظرت ناحية قماااد وظلت تهرج مع الشيخ الي كان ياخذ علوم اولده ويوم طااال هرجهم التفت ينااظر الشق والفرش الي فيه اعجبه كثير كل شي بالبيت واكثر شي فرشة النوووم الكبيره والعاليه توجه ناحيتها وجلس على طرفها شي ياااخذ العقل ما عمره مره نااام على فراااش مثله شاف انهم مشغولين بالهرج تمدد على لفراااش وهو يحس بشي غريب راااحه ما يتخيل يحصل مثلها ليث:ودي اخذ راكاان معي للمجلس اشوي عندي قصيده وودي اقولها له الحاله التفت ليث لقمااد الي بااين انه بسابع نومه وابتسم ونزلت شوق راسها تحت من الاحرااج ليث: تهقيين ناام ناظرت شوق نااحية قماااد ليث:ترااه من يومين ماناام ارسلته يكوون مع الفرسان الي يحرسووون الحلال الي بالناااحيه الجنوبيه..خليه نااايم لجل يتريح شوي التفت عنها ليث وطلع ومعه راكان للمجلس الي كان الشق ذا تاابع له ظلت شوق تناظر قمااد واول ماتحركت لجل تااخذ شالها المرماااي قريب الفرش تفاااجئت بيد تمسكها وتجرها للفرشه ويخليها تتمدد وهو منكب عليها متكي على ايديه وهو يناظرها تسارعت انفااس شوق الي تفاااجئت فيه وبالي سواه وهو انفاااسه متسارعه وهو يناظرها وهي قريب منه دارت عيونها في المكاان شوق بتوتر:قماااد وش اتسوي؟؟ قماد بانفاس يحاول يكتمها:وش اسوي يعني؟؟ كان يناااظر كل ملااامح وجهها القريبه منه شوق ناظرت لبااب الشق:الشيخ اهنيا ويمكن يعاااود قماد:ليييه هو مايدري ان حنا اعرسنا حطت ايديها على صدره ترييد تبعده:ارجاااااك بعد زاد قماد من قربه وهو يلامس بخشمه خشمها:بلاوله يا بنت الشيخ طاايل ودي نهرج عن الشرووط الي شرطتيها لجل ترضي بالعرس ابعد راسه وناظرها قماد:كان شرطج الاول ان العرس يكوون بس ملكه لين مايكبر راكاان شوق وقليبها تزيد دقاته من قربه منها:العرس ذا ما صارالا لجل راكااان قماد وهو يحكم بيديه اكثر حواليها:والشرط الثاني بعد كااان لجل راكااان لاحت ابتساامه خبيثه على شفايفها وهي تناظر لطرف البيت قماد:انج تحرميني من نصيبي من السبايا شوق وعيونها تلتقي بعيونه:للا لجل اني بنت الشيخ طااايل...ما ودي النسوااان تهرج على ان رجلي يلتهي مع السبايا قماد:لييه وانتي تحسبين ان قمااااد راح يظل من غيير صحبه بلاااد الله واسعه ولي صحيبااات بكل ديره.... سمعت شوق صوت ليث ينادي مقرب من الشق سحبت حالها بالسرعه من تحت قمااد وظل قماااد نايم على الفراش استقبلت شوق الليث وراكاان وخذته منه ...ناظر ليث قمااد الي عاااود للنوم وابتسم لشوق وتركها وراااح توجهت شوق للمكان الي يناام فيه راكاان وجلست تنيمه ومن بعدها حطته بفراشه والتفتت لقماد الي كان باين عليه انه ناايم جلست قريب من راكان وسندت راسها على طرف افراشه ونااامت وهي جالسه بانصااف الليله قفز قماااد على صوت راكان الي عاااود وناام مرتن ثانيه قام وتوجه ناحيتهم وناااظر شوق الي بعدها نااايمه...ابتسم قماد:عيل يحرس عيل قرب منها وقدر انه يحملها من غير ماتحس بيه وتوجه بيها للفراش وظل واقف يناظرها الا ان راكان عااود يبكي حينها توجه له قمااد بالسرعه لجل يسكته من قبل لا تصحى شوق ظل قماااد يهز راكاان الي مارضي يسكت ومن بعدها حرك له راسه وتحرك شعر قماااد وسكت راكاان وهو يناظر قماد وبعدها ضحك قمااد:يا ويييلي اعجبتك قذيلتي ...زييين جلس قماد بمكان ثااني واخذ يهز راسه لراكااان وراكااان يضحك قماد:يا ويييييييلي وانا راااح اظل الليل يا ولد اهز راسي ليييه منت رااااضي تناااام؟؟ نطت شوق وهي تسمع قماد يحجي وقربت منهم شوق:وش به رااكاان؟؟ ناظرها قماد:زييين الله جااابج خذي خذييه اوجعني راااسي من كثر ماهزييته له وهو مهب راااضي ينااام ابتسمت شوق وخذت راكاااان:لجل اتعرف انه بعده عيل ويحتااااج من يرااعيه ناظرها قماد:زييين ودنا ننتظر لين مايكبر وقف قماااد وهو ينااظرها وهي تكلم راكاان وتبتسم له وتفاااجئت بيدين قماااد اتحيط وجهها قماد وهو ينسحب طالع:تصبحي على خييير يا بنت الشيييخ طااايل وقفت شوق تناااظره وهو رااايح ودقاات قليبها تزيييد باليوم الثااني طلب الشيخ سعد عبله للجواز وارسل الشيخ ليث من يشاورها ورجع لهم الرد بالرفض سعد انصدم من ردها عتاب:انجنت ترفض الشيييخ سعد:البنيه يا خوووي وكاااد زعلااانه من الي سويته معها ....ودي اشوفها يا خوووي واتعذر منها عتاب:للا يا خوووي انت طلبتها للجواز وذا ما بعده اعتذااار وهي الي عييت وما هقوووتي انها تلقى رجااال اكثر منك خييير ومن ديره ثانيه تقدم فارس من اشجع الفرسان بالقبيله ذي لقوت الي رفضت هي بعد وردت عليهم بان الفارس مهب من مقااامها رحل سعد الي عرض خطبته مره ثااانيه لعبله من قبل لا يرحل وجاه الرد بالرفض بعدها بايااام كثرو الرجال الي جو يتقدمون لقوت والي كااانت تردهم جميع وانهم كلهم مهب من مقااامها قوت:الي وده بقووت لزوووم يكووون شييييخ ومهب اي شييييخ شيييخ عنده خييييرا كثييير ناظرها عتاب الي كانت واقفه قدامه هو وليث بمجلس ليث ليث:زين الشيييخ مزعل رجااال عنده خيرا كثير وهو جا يطلبج مرتن ثااانيه قوت :للا ما ودي فييه ودي بشيييخ حلاااله كثييير ...يغطي على حلااالي كانت تنااااظر عتااب بنظرااات تقهره وهو منجن من زينها الي قااام يزيييد يوم بعد يوووم الليث:ومن ويييين وده الشيييخ ذا يجيييج يا بنت العم قوت بخبث:هذا هووو شرطي يا شيييخ ...خوووف بعدييين نفسي توزني واخلي رجلي يغزووو ديرتكم هز عتاااب راسه متعجب حيييل من الي تهرج بيه ...ابتسمت له ابتسااامه زادت وجع قليبه قوت:تريييد مني شي يا شييييخ؟؟ ليث:دربج سمح وعاااودي بفكرج بالشييييخ لانه رجااال ماينتعوض قوت:للا ما هقوووتي تركتهم قوت وراااحت والتفت ليث لعتاااب ليث:وش الراااي يا خوووي الخطاااب كل يوووم وهم جاييين وقف عتاب:مدري عنها ..هذي نفسها شييينه وودها بالحلال الي حنا فيييه التعديل الأخير تم بواسطة jello ; 12-05-11 الساعة 01:58 PM | ||||
|
| |
|
11-05-11, 02:01 AM
| #997 | ||||
| نجم روايتي وكاتبة في قسم قصص من وحي الأعضاء
| بليله من الليالي كان قماد متمدد بالمجلس التابع لشق شوق ومعه ليث نايم كان يسمع صوتها وهي تنيم راكااان وتلاعبه تقلب بفراشه وماجاااه النوووم اعتدل جالس وقام وهو يحاول يطل من الشق جاه صوت ليث الي كان نايم ومغمض عيونه:عاااود لفرااااشك يا قمااااد التفت قماااد وهو مبتسم وحك راسه:هقووتي ان راكااان ماجاااه النوووم ليث:يجيييه النوووم هالحييين قماد وهو يعاااود لفراااشه:زيييين هذا انا معاااود لفراااشي وتمتم:وش هالحاااال باليله التاااليه صحي قماد على صوت ليث يصحيه اعتدل جالس:وش صاااير يا شييخ ليث:اليوووم نمت هااه والعيل يبكي من الصبااااح قماد وهو يحك عيووونه:ليييه وش الي يبكييه؟؟ ليث بضيقة خاااطر:مدري عنه وكااااد موجوووع من شي...المهم الشوووق ودها تروووح للغدير لجل تسبح قماد باستغراااب:تسبح هالحيين لييييه؟؟ ليث:راكااان رجع عليها كثير وتقووول ودها تسبح قم يا خووي وخذها للغدير الي عند الجبل وكاااد انه ادفى من الغدير الي حووول الديره وعاااود بها بعدييين قماد:اخذها لويييين؟؟ ليث:يا خووووي قم البنيه مستااااذيه من ريحة ملابسها قم قم نط قمااااد واقف:زيييين والعيل ليث:راااح يظل عندي هو هالحييين نااام وان صحي وعاااود يرجع خذيته للحكيم المهم انكم تعاااودو بالسرعه قماااد:زييين زيييين ..خلها تطلع راااح اجييب الفرس واعاااود قدام البيت نزل قمااااد من الفرس وناااظر شوووق قماد وهو يقرب الفرس:وش لج بالعيل وغثاااه شوق:ارجااااك تسكت عني قماد:زيين زيين اركبي ركبت شوق ونط قمااااد معها على الفرس شوق:تراااني اعرف للفرس ليييه تركب معي قمااااد:ماجبت الا فرس ودج اياااني اركض ورااااج مثل لول سكتت شوق وتوجهت الفرس ناااحية الجبل القريب من الديره وهناااك نزلت شوق وناظرت الغدير....كان الوقت الساعااات الاولى من الصباااح والنور توه بااادي يظهر التفتت لقماااد:خوووفي انه باااارد قماد وهو يناظرها بابتساااامه:للا الليث قال لي انه دافي شوق وهي تتلفت:زييين ...وهالحييين تيسر خلني لحاااالي قماد:وش قلتي اخليييج الحااالج ...والذيب اتركه ياكلج وانتي لحااالج شوق بنظرة رعب:وش الي يجيييب الذيب هالحيييين؟؟ قماد:ذا جبل يا بنت الشيييخ طاااايل وانا يوم جيييت معج جيييت لاني رجلج ليييه الخوووف شوق وهي تناظر لتحت:ما ماااودي اياااك تناظرني ارتعش قمااااد وهو يقووول بخاااااطره"ياويييييييلي ويلااااه"ّ قماد وهو يلتفت:زيييين هذا انا التفتت عنج اخلصي شوق:ودك اتظل اهنيا؟؟ قماد مدعي الغيض:ترااااني هالحيييين اروووح واخليييج لحاااالج اخلصي يابنت الشيييخ اخلصي شوق:زيييين ..زييين..بس احذر تنااااظر ورااااك شبك قمااااد اصابع ايديه سوا وهو مغمض عيونه مدعي انه راااح يصمد:اخلصي بدت شوق تخلع ملابسها وهي تناظر حواليها وتناظر قمااااد بخووف انه يلتفت ناحيتها لفت حواليها شال فتح قمااااد عين وهو مبتسم بخبث ونيته انه يالتفت لجل يناااظرها كانت توها ملتفته لجل تدخل الغديروتفااااجئت باليدييين الي تحاااوطها وبالهمس قريب اذانها قمااااد بهمس:ودج تذبحيييييني يا بنت الشييييخ طاااايل شوق:الله يااااخذك اتركني قمااااد:يا ويلي ويلاااااااه ....ارافي بحاااالي يابنت الشيييييخ تراااج اتعرفيييني رجااال هواااوي امسكت شوق ايدينه تحاااول تبعدهن:الله ياااخذك والله لقووول للشيخ لييث بالي تسوييييه قماااد:تراااج حلاااالي وماعلي من حد اسوي الي ودي اياااه التفتت له شوق وناظرته بغيض وهي ترجف من الخوووف:حدك يا ولد العطاااوي حدك الي اوله شرط اخره نووور ودك تخلف بوعووودك ابتسم قماد :ليييه انا وش الي سويته لجل اخلف اوعووودي اخذ يناااظرها بخبث:هقووتي ان النظر ماكااان من شروووطج انج تمنعيييني منه شوق وهي تلتفت عنه وتلم الشااال ازود عليها:خلني لحااالي يا ولد لعطاااوي كان صوتها يدل على ان ودها تبكي سحب قمااااد نفس طويل والتفت:اجل اعجلي ...ماودي افقد صبري مرتن ثاااانيه تركها ومشي عنها بخطواات واسعه مبتعد عن المكاااان وهو ينفث الهوا الي بصدره مرت الايام وظلت شوق تراااعي راكااان وقليييل ما كااانت تشوف قماااد الي كان يوم يدخل مع ليث عندها تصد عنه وماتحجي معه كان قماد بس يوقف مع ليث ويوم يطلع ليث يطلع هو بعد بمجلس الشيخ عتاب:قماااااد التفت قماد الي كان فكره مشغووول قماد:نعم يا خوووي عتاب:وش الي شاااغل فكرك قماد:ابد يا خوووي مابه شي بالوقت ذا كان المجلس يخلو من الرجال وما يظل فيه الا عيال العطاااوي دخلت عليهم شوق ومعها راكااان وهي تضحك قام ليث اول ما شااافهم جو واخذ راكااان وهو يحكي مع شوووق الي كان كل اهتمااامها باااين مع راكااان وبس قام قمااااد وهو يهمس لعتاااب:ودي ارووح لربعي هز عتاب راسه له وهو يتبعه بنظره وعيووون ثااانيه تتبعه بعد الا ان قماد من قبل لا يطلع التفت للشيخ قمااد:يا شيييخ التفت له ليث وهو شايل راكاان قمااد:ودي يا شييييخ ترخص لي اروووح اقنص خااارج الديره ...صارلي زمااان ما طلعت للقنيص حينها التقت عيونه بعيونها وهي تصرفهن عنه بالسرعه وفكرها يا خذها ان مقصده بالقنيص شي ثاااني ليث:ودك تاااخذ معاااك حد؟؟ قمااد:للا ودي اقنص لحاااالي شوق من غير ماتحس بحااالها:وليييه ودك تقنص لحاااالك؟؟ عيال العطاااوي كلهم ناظروها باستغراااب وهي ناظرت لتحت باحراااج شوق بارتباااك:ما هقوووتي ان وده بالقنيص وكاااد وده بشي ثااااني اخذ قمااااد يناظرها وهو يفهم وش هي تقصد قماااد:زييين ومن الي يمنعني من الشي الثاااني ..هقووتي ان الي ودج اياااه صااار والي براااسي تراااه برااااسي ناظرت شوق ليث وهي تحاااول تمنع دموعها:ودك تتركه يا شيييخ يروووح احتااار ليث معهم وماعرف وش يقول وهو يلتفت لعتااااب الي وقف وقرب منهم عتاب:ان كان ودج اياااه مايطلع للقنيص صااار يابنت الشيييخ طااايل قماد:ليييه هو انا تحت شووورها ...شروووطها ووافقت عليهم لجل خاااطر راكااان والي براااسي تراااه برااااسي خلااهم قمااااد وراااح وعتاااب يناااظره بغيض منقهر من الي قاله ناظرتهم شوق وهي تحس بجسمها يرتجف بالحيييل منقهره من قمااااااد تركت المجلس وانصرفت للشق من غير ما تاااخذ راكااان قماد سو الي براااسه وطلع للقنيص اما شوق عااودت للشق وهي تحس بحمى اشتعلت فيها وخلتها طريحه بالفراااش يومين طلب ليث المعووونه من قوت وعبله لجل ايكووونن قريبااات من شوق وراكااان لان ظبيه ورجلها الشيخ ارسلهم ليث من قبل يومين يوصلو اماانه لحرمه عتاب ارسل من يدور على قمااااد ويخليه يعااااود وليث انشغل فكره كثير بشوق وراكااان بالمسا وبمجلس الشيخ عتاب:وش لووون حالها هالحييين يا شيييخ ليث بابتسامه:البنيه متولعه حييييل بقمااااد مير هو ما وده يرحم قليبها عتاب وقوووت تلوح بخياله غصبا عنه:الله يعيين يا خوووي الله يعيين التفت عتاب وهو متفاجئ من الي دخلت عليهم المجلس وهي حامله راكااان قوت:الشيخ راكااان وده يسلم على الحاااضرييين قام ليث لجل ياخذه من عندها ليث:وشلووون هي الشوووق قوت:الحمدلله الحمى زااالت ولبنيه بدت تنتبه لحالها مير ما ودها بالزاااااد ليث:حاااولي معها يا خيه تراها امااانتن عندنا وما ودنا يصير معها الي يصير قوت وعيونها تتجه لعتاب الي كان نظره لمكان ثاااني:كل شي تراااه مكتوووب وباذن الله تتعااافى قوت بصوت فيه بحه دلع:تريييد شي مني يا شيييخ التفت لها عتاب وناظرته بنظره تقهره ليث:مكثوورة الخير يا خيه ان بغييت شي عاااودت انااادي عليييج قوت:زيييين تراااني قريبه وتحت الشووور يا شييييخ مشت خطوتين وعاودت تلتفت للشيخ قوت:اقووول يا شيييخ ودي باكر ارسل مرسووول يشتري لي ثوووب مزين بالزمرد ينباااع بالجنوووب ودي فيييه يا شييييخ ليث:زييين راااح ارسل انا له من يجيييبه والمااال من عندي قوت:مكثووور الخير يا شيييخ راحت وابتسااامتها الخبيثه بفمها وعتاااب يغلي عليها من القهر ناظر ليث عتاب وهو مبتسم وقام عتاب وهو مقهور وطلع من المجلس باليوم الثااني طابت شوق من الحمى وعاااودت تشيييل راكاان وتهتم فيه وهي تحس بحزن مالي قليبها اول مادرت ان قماااد بعده ماعاااود للديره اليوم بعد عاااود لهم واحد من الشيوووخ ينقال له الشيخ ظافروالي عنده حلاااال كثيريزييد عن حلال عيال العطااوي وذا شيييخ مايعرفونه عيال العطااوي سمع عن قوت وزينها وجا يطلبها وهو متاكد انها ماراااح ترده لكثرة حلاله وماااله استقبله ليث بالترحاب وذبح له الذبااايح ووجبه ومن بعدها قال لهم بغيته ليث وهو يهز راسه:زييين باذن الله تحصل بغيتك مير بلاوله ودنا ناااخذ بشورها ما يدري لييه حس عتاااب بضيقه ودها تكتم على انفاااسه ما جا بباله وقوووت ترد كل الي يتقدمووون لها بسبب حلالهم انه راااح يجي يوووم ويتقدم لها من هو يزيييد عن حلااالهم انصرف ليث لجل يشااور قوووته وظل عتاااب مع الشيييخ والضيقه تزيييد بصدره وهو يشوووف ان مالها دااعي الا ان كلااامه مع الشيخ بين له ليييه هووو متضااايق عتاب:تراااها حرمه ...الماااال هو كل همها ومبتغاااها الشيخ:عندي من المااال والحلاااال الي راااح يرضيها والي ودها تسوي فيه الي ودها فيييه عتاب:وترا نفسها شييينه تاخذ برووح الرجال لجل تااخذ المااال ناظر الشيخ عتاب باستغراااب وسكت وهو يلتفت لليث الي دخل عليهم وهو مبتسم واول ما ناااظر عتاب ابتساامة ليث حس بوجع براااسه وهو يشوفه يهز راااسه الليث:موااافق خييير يا شيييخ ودها تفكر اشوي بالموضوووع الشيخ بابتسااامه:زيييين زييين تااااخذ راااحتها بنت العطاااوي الليث:وش رااايك يا شيييخ تمسي عندنا اليوووم وبالصباااح ان شااالله تكون البنت اعطتنا قرااارها وافق الشيخ وامسى عندهم عتاب الليله ماقدر يمسي وهو يحس بالضيقه تزيييد بصدره كل ما حاااول يقنع نفسه ان قووت ماتهمه وانها ابرك الساعااات الي ترحل فيها من الديره زادت الضيقه بصدره وبين ما هو جالس يتقلب على نااار الغضى سمع صووت فرس قماااد بخااارج البيت حينها قااام وهو يحس ان في طريقه يقدر فيها ينفث عن غيضه قماد اول ما اقبل ناحيته تلقاااه عتاب بضربه على وجهه خلتهه يطيح على الارض قماد وهو يحاول يبتعد لانه شاف عتاب ناوي عليه مرتن ثااانيه:هووونك يا خووووي هونك يا خووووي عتاب:خسييييس خسييييييس وش الي سوييييته هاااه وش الي سويييته قماد وزحفه ما فاااده لان عتاااااب مسك فيه وضربه مرتن ثااانيه قماد:ما سويييييت شي يا خووووي ما سوييييييت عتاب:البنيه ....كاان ودها اتمووووت من بين ايدينا والسبب انت قماد وهو يتالم من الضربه الي جته مرتن ثانيه:وش ابنيته يا خووووووي عتاب:بنت الشيييخ طااايل هذي فعااايل اتسويها فيهااااا وانت تدري انها متولعتن فيييييييك انبهت قماااد:متولعتن فيييي عتاااب:ايييه اجل لييييه رضيت تعرس فيهااااا...وشرطت شروووطها الي توثق فيها بغيتها فيييك قمااااد وهو يمسح الدم الي ساااح من ثمه:للا يا خوووي هي رضيت بي بس لجل راكاااان وشروووطها بس لجل انها بنت الشييييخ طااايل عتاب وهو يسحبه من ثوبه ويخليه يوقف مقابلنه:والحمى الي جتها وانت ناااوي ترووح للقنيص من بعد ما خليتها تعتقد انك راح تقنص شي ثاااني بعد لجل انها بنت الشيخ طاااايل قماد تفاااجى:وش اتقووول حمى؟؟ عتاب:ايييه الحمى الي خلتها طريحه بلفراااش يومين لا شااافت فيهن راكاااان ولا قااالت فيهن انها بنت الشيييخ طاااايل قماد وهو يناظر اخوووه والغضب الي بعيونه:يا خوووي هووونك على وش اخباااارها هالحييين ترك عتاااب ثوب قماد والتفت عنه:هالحييين اخباااارها زييينه ظل قمااااد واقف وهو ساااكت مايعرف وش يسوي هديت انفاااس عتاب الي حس بحاله احسن من اول والتفت لقماد الي ماحصله واقف وراااه باليووم الثاني الكل كاان جالس بمجلس الشيخ ليث واليوم كان عتاب احسن من امس من بعد ما فرق بغيضه بقمااااد اما قمااد فكاان جالس وهو يحس انه ينتظر بشووق اللحظه الي وده يشوفها فيها وكل الي يصير بالمجلس يشوفه ثقيل على نفسه ووده ان الكل يقووم ويطلع من المجلس الشيخ ظافر:اقووول يا شيييخ ليث ما ودكم اتشوفووون لي وش هووو راااي لبنيه هز له ليث راسه وقام مستاذن انه يروووح يشوف وش رايها ببيت قوت استقبلة قوت الشيخ ليث وهي متزينه وببتسااامه الليث:هاااه يا خيه وش الراااي بالشيخ ظااافر قوت بابتسااامه:يا خوووي ودي بلاوله اسلم على الشييخ ظافر ابتسم ليث:ودج اتشوفيييه ...حلاااله ومااااله مايغني عن الشوووفه قوت:للا ودي اسمع من ثمه وش عنده ووش يملك ووش راااح يعطيييني من حلاااله ليث:زييين اقووول للشيخ ظاافر الي تريدينه رجع ليث للمجلس وقال لهم بالي تريييده قوت ..ناظر عتاااب ليث باستغراااب من الي يسمعه وهمس له:وودك اتمشي شووورها يا خوووي؟؟ ابتسم ليث:ودها تعرف وش عنده ووش راااح يعطيها عتاب:الله يا خذ روووحها قام عتاب وهو ناااوي انه يترك الي يصير قدامه ويطلع لخااارج الديره الا انه يوم طلع من المجلس انصدم من الي شافها قدااامه وناااويه تدخل للمجلس اليوم زينها يبهر العقل وياااخذه وهي متزينه وقاااصه قرتها الي ما كااانت فيها من قبل وخلتها بشكل ثاااني حبس عتاب انفااسه ومسكها من عضدها وهو يناااظرها عتاب:كل ذا لجل الشيييخ ظااافر ناظرته قوت وهي تبتسم:اجل المن؟ عتاب:ابركها من ساااعه الي راااح ترحليييين فيها من الديره ومن غييييير رجعه سحبت قوت يدها من يده وعاااودت تعدل من شكلها التفت عنها عتاااب وعاااود للمجلس وهو يغلي من داااخل وعاااود له الوجع براااسه وهو يشوووف الشيييخ ظااافر فاااتح عيووونه يناااااظرها ويوووقف قرب منها الشيخ ظااافر:انا ماااالي وحلااااالي ورووووووحي كلها فدوتن لبنت العطاااااوي ابتسمت قووت وهي ترمق عتاااب بابتسااامه ونظرة تحدي:تسلم يا شيييخ بعدها التفتت قوت وطلعت من المجلس وهي تدعي الخجل الشيخ ظااافر:ياويييييييييييلي والله انه يحق لها تطلب اعيووووني بعد عتاب بغيض:ما ودها اعيووونك ودها مااالك وحلاااالك التفت الشيخ ظافر لليث:وهالحييين يا خووووي ودي املك هالحييين ناظر ليث عتاب وهو يدري ان عتاااب ما وده انها تعرس ليث:يا خوووي يا عتاااب ودي اياااك تروووح وتاااخذ بشووورها من قبل لا نملك عتاب:هقووتي ان سكوووتها هو موافقتها ليث:ودي اياااك تسمع موافقتها من ثمها احسن قام عتاااب وتوجه لبيت قوت قااامت قوووت وهي متفاااجئه انه هو الي جاااها وتقربت ناحيته ناظرها عتاب بطرف عينه :وش رااايج بالشيييخ ظااافر قوت بابتسااامه خبيثه:ايييه الشيييخ ظااافر والنعم فيييه مااال وحلااال ومشيييخه مير انا ما ودي فييييه ناظرها عتاااب باستغراااب:وش اتقووولي؟؟ قوت:مهوب مزيووون انا ودي برجاااال مزيووون !!!!!!!!!!!!!!!!!!!!!!!!!!!!!!!!!!!!!!!!! انقهر منها ازود وما حس بحاااله وهو يمسكها بعضدها ويهزها بقو عتاب:انتي وش الي تريدييينه هااااه وش الي تريديييينه؟؟ قوت وهي متالمه منه:اتركني ما ودي فيييه عتاب:ودج بشييييخ عنده مااال وحلاااال ازود قوت :ويكووون مزيووون عتاب:انتي ودج اتجننيني....الشييييخ من اصل طيب وولد قبااايل وعنده من المااال والحلاااال الي يغنيييييج عن حلااالنا ومااالنا قوت باصرااار:ماودي فييييه قلتلك ماهوب بمزيوووون عتاب:ومن ويييين ودج بالمزيووون قوت:الي جاااب الشيخ ظااافر وحلاااله وماااله يجيييب المزيوووون عتاب:الله يااااخذ روووحج والله بعااالي سماااه ان ما مشيييتي معااااي هالحيييين عند الشيييخ ورضيييتي بالشيييخ ظاافر اني ما اخلي دوونج ووراااج اي حلاااال واي مااال واني اخلييييج بخيمه تشبه خيمة الرعيااان ما تلقييين من ورااانا الا المااااي والزااااد وحتى الغدييير ما توصلييينه سحبها عتاااب وهو يتوعدها ويهددها وهي تحاااول تخلص يدها منه كل ما مشي بيها عتاب خطوتين وقفت وهي تقول له قوت:ماودي مهوب على كيييفك عتاااب وهو يجرها:اليوووم راااح تدرييين من على كيييفه قوت وهي تحاااول توقفه من اندفاااعه:الله ياااخذك اتركني ما ودي فييه بالمجلس الكل تفااجى بعتااب الي دخل وهو يسحبها ورااه عتاب:هاات المليييك يا قمااااد سحبت قوت يدها من يده ووقفت منحرجه من الكل الي ظلو يناظرونها وقف ليث:وش ايصيير يا عتااب عتاب:ابد يا خوووي البنيه كاانت مستحيه وانا جبتها لجل الملكه ناظر ليث قوت باستفسااار قوت :يا شييييخ انا راااضيه بالشيييخ ظااافر عتاب حس انه انصفع على وجهه وهو يلتفت ناحيتها ما شهد بحيااته خبث مثل خبثها مير هذا هو الي يريده وتهديده لها جاب نتيجه خلها تنقلع الله ياخذ روحهااا قوت وعيونها عند الشيخ رجل ظبيه والي ملك بيها من اول بعتااب:يا شيخ مير بلاوله خل الشيخ عتاب يطلقني التعديل الأخير تم بواسطة jello ; 12-05-11 الساعة 01:59 PM | ||||
|
| |
|
11-05-11, 02:03 AM
| #1000 | ||||
| نجم روايتي وكاتبة في قسم قصص من وحي الأعضاء
| عتاب كان ناايم بالعسل ويديه تضم قوته له...فتح عيونه على ايديها الي تحاااول تبعد ايديه عنها عتاب:هييييه على ويييين؟؟.. ودج تنااظري صنااديقج ان كانت اهنيا ولا انهبت قوته:اتركني يا ولد العطاااوي عتاب وهو يقرب وجهه من وجهها:مااودي قوت:انت بغيييض ولزوووم اتكوون هالحييين بالمجلس عتاب:للا انا ودي اظل اليوم كله اهنيا قوت:ولييه تظل اليووم كله اهنيا مهب انت شوير الشيييخ اخذ يناظرها:ودي اظل عند حبة عيني ونظرها هههههه سحبة قوت حالها بالغصيبه من ايديه وقااامت مبتعده عنه وهي تسب فييه تدري ان كل الحجي الي يقوله يقوله لجل ايغيضها وانه مايعنيه بحق لقيها من بعد ما جهز انه يرووح للمجلس جالسه عند النار بمجلس بيته قامت لجل تتخطااه وترووح للشق وقف بطريقها ومسك وجهها بيديه عتاب:الزعل مايلبقلج يا نظر عييني تزعليين مني انا رجلج قوت بقهر:انت وش اترييييد مني؟؟ عتاب وهو يلمها من وسطها له بيد والثاانيه ماسك بها وجهها وينااظر فييه عتاب:ودي اعرف وش الي قلب حااالج كذا لييه تحااجيني من ورا خشمج ظلت ساكته وعيونها تجوول بالمكاان تنااظر فيييه والزعل بااين فيها عتاب:تذبحييييني العااالم الله انج تذبحيييني سحبت حالها منه ورفعت ايدها تشيير له بتهدييد:ترااني راااضيه تسوي فيني اي شي الا انك تاخذ بعقلي بالحجي الي قاااعد تقوله ضحك عتاب:الحمد لله انج تعرفييين زييين انه بس حجي تركها وطلع وهو يحس بقليبه طرباان"يا ويييلي والله انه حجي من القلب مير ما ودي اياااج تدرين انه من قليبي بمجلس الشييخ وصل الشيخ سعد الي كان يصحب معه فهاد واخته المها..المها توجهت لبيت شووق وهنااك كان اللقا قماد بالبدايه حس بالخووف من شوفة فهااد الا انه تذكر الي صااار من قبل لا يطلع من البيت وتريح قليبه اشوي مير كان الي مزعجه انه وده يشوفها ويحجي معها ويشووف الي صاار كان صحييح ولا هو وهم يشوفه ارسلة قوت لعتاب تريد انها تروح وتزوور عبله وارخص لها عبله:هااه يا خيه غطيتي ومعاااد شفناااج قوت وخدودها تزيد حمااار:يا ويييلي متولعه يا عبله متولعه حيييييييل فيييه مير هو كذووب يحجي بحجي ادري انه مهو من قلييبه عبله:ليه تقولي كذا يا خيه قوت:لاني اعرفه زيين حجي كله زييف هو ابتلاابي وكاان يحسب اني................. عبله:يحسبج ويييش ؟؟ ابتسمت قوت بخجل:اييه يا عبله خلااص ما ودي احجي عنه بشي ...قولييلي انتي وش علوووم الشيييخ سعد يقولوون انه مصبح اليوووم بالديره عبله :وش يدرييني ؟ قوت:اتركي عنج لهبااال وريحي الرجااال وكاااد انه متولعن فييييج عبله:ماهقوووتي زارتهن من عقب المها وشوق وجلست المها مع عبله اتحجي معها عن سعد وانه متولعن فيها ووده تكون حرمته على سنة الله ورسوله وظلت المها تقنع فيها لين ما اعطتها لموافقه وهي خجلانه من المها عبله:زيين انا بس ما ودي هالحييين اعرس المها:ليييه يا خيه؟؟ عبله:هذا هو شرطي وارجااج تتركين اسباابي لي المها:زييين اقوول لخووي سعد بلاوله خبرت المها سعد بالي تريده عبله وكاان سعيييد انها وافقت ورضي بالي تريده على امل انه يخليها تقلل المده من عقب وانها ترضى بالملكه هالحيين وافقت عبله على الملكه وتمت الملكه وهي رافضه انه يشوفها كانت عبله وقوت لحالهم بالبيت:ودي افهم وش الي تريدينه من كل ذا هالحيين انتي صرتي حرمة الشيييخ سعد وودج تظلين بديره ثاانيه غير الديره الي هو فيها عبله:يا قووته انتي تدرين انه ما كاان ودي ارضى بالجوازه ذي قوت:بس انتي متولعه فييه وش الي يمنعج انج تكووني معه عبله:مدري مدري الي سوااه فيني بعده يا خيه ما وده يطلع من رااسي ترااه ضربني من غيير رحمه وش الي يخليه يعااود يطلبني الا ان وده يكفر عن الي سوااه ولا هووو وكاااد انه ابد ما تولع فيني قوت:اييييه ليييه اتقوليين كذا اخته قاالت لج انه متولع فيييج هي ودها تكذب؟؟ عبله:وش يدرييني المهم انا ما ودي بالجوااازه هالحييين ولا ودي اياااه يشوووفني قوت:بكيييفج يا خيه بكيييفج الي تريدينه يصيير مثل ما ودج الليث طول اليووم ظل بالمجلس لين الليل وطلب من قماااد انه يبييت مع الشييخ سعد بالمجلس ويترك فهااد وحرمته يبيتو ببيته عند شووق ناظره قماد من غير مايقول شي"ليييه يا شيييخ هو انا قدرت اليوم احتمله يعدي ودك اياااني بعد انتظر لييين الصباااح والعاالم الله متى رااح اشووفها كانت شوق سعيده بجلووس المها وفهااد عندها مير كانت تحس بضيقه انها ما شااافت قماد طوال اليوم وماتدري وش رايه بالي صااار وخايفه انه يرمي عليها يمين الطلاق عند رحيل فهاااد من الديره لجل ترحل معه وقف عتاب قريب من بيت عبله ونادى على قوته حطت قوته يدها على قليبها:يا وييلي هذا هووو حسي يا عبله بقليييبي وشلووون يرجف ضحكت عبله عليها وهي تشيير لها تقووم لعتاب قامت قوت وهي تعدل خصلاات الشعر على جنب وجهها وقربت منه عتاب اخذ يناظرهاوهو موشك انه يبتسم وقفت قوت وهي تكتف ايديها لصدرها مدعيه انها زعلاانه:وش اتريييد عتاب :وش اريييد!!!؟ اريييد حبة عيييني قوت:عتاااب قرب عتاب منها ومسك خدها بصاابعه:ودي بنظر عيييني جاااي لجل اوصلج للبيت قوت:لييه هو انا مدل الدرب ولا البيييت بعييييد عتاب باستخفاااف:من خوووفي علييييج خااايف الذيييب يهجم على الدييره ويااااخذج وانتي بالطريييق قوت:الذيب يخاااف مني مهو انا الي اخاااف منه عتاب:زييين وش اسوي بقليييبي ابعدت يده عنها عتاب:اقووول امشي امشي ودج اياااني اظل للصباااح اتغزل فييج قداام بيت الحرمه مشت قوت وهي تحس بغيض عليه وهو يمشي وراها قريب منها ويصفر بفمه وعيونه عليها وعلى مشيتها عند باااب بيتهم تفااجئت به رفعها عن الارض ومشي بيها لداخل البيت قوت وهي متنرفزه:يييه عتاااب نزلني ضحك عتااااب:ما ودي اياااك تتعبي من المشي يا حبة عيييني تنرفزت ازود وحااولت انه يتركها تنزل وتوجه هو بها لداخل الشق نزلها قريب صندوقييين جداااد عتاب:نااااظري يا حبة عيييني وش جبت لجلج قوت"هذا وده يستخف بي زيين يا عتاااب انا اورجيييك" ناظرت قوت عتاب وهي بين ايديه:لجلي انا يا عتاااب؟؟؟ نزلها وهو يناظرها:اجل لجل من توجهت قوت للصناديق وفتحتها وانهن مليناات قلااايد وذهووب وثيبااان قوت وعيونها ودها تطلع من راااسها:يا ويييلي يا وييلي هذا كله لي يا عتاااب ناظرها عتاب وهو هاااادي:جبتها مخصوووص لجلج بدت قوت تطلع القلااايد وتناظرها بفرحه كبيره قوت:وهذا لي يا عتااااب هز رااسه بنعم قوت:يا ويييلي شف يا عتاااب القلااااده ذي وش زييينها ولا ذي لالا ذي ازييين والحلق ذا هذا هووو الي كااان ودي فيييه كان يناظرها منبهر من انبهااارها بالذهوووب هز راسه "هي صحيييح تعشقها هالكثر؟؟ ظلت قووت تطلع الذهوب وتلبسها وتناظر حالها بالمرااايه قوت:يا ويييلي انت يا عتااااب نظر عيييني ورووحي وقليييبي الي بين ظلووووعي فتح عتااب عيونه مندهش كل ذا اليوووم انا صرته كل ذا لجل الذهووووب جلس قريب منها ونطت تضمه :وش ودي اسويييبك اليوووم وش ودي اسوي هذا كله لجلي تركته وقاامت للصندووق الثااني وطلعت الثيبااان قوت وهي توقف وتناااظر الثوووب عليها وعشريين قلاااده لابستنها قوت:ناااظر يا عتاااب نااااظر الثوووب ذا وش زييينه جلس عتاب على الارض ماكااان حاسب حساااب انها راااح اتسوي كذا قوت:وش البس ذا ولا ذا عتاب:ودج تلبسينه هالحييين قوت:اييييه لزوووم اشوفها كلها على واشوووف وش ازين واحد انت نسييت ان عندنا نااس ودي البس واكشخ تراااني حرمة شوييير الشييييخ زاد من اتساااع عيووونه قوت:وش رااايك بذااا اشوووف انه ما تفصل الا لجلي ولا الثوووب السمااوي يا عتااااب يهوس وياااخذ العقل وقف عتاب:اقووول يا حرمه اتركي الهبل ذا كله وتعااالي لجل انااام لزوووم من الصباااح اقوووم لجل اروووح للمجلس قوت وهي تترك الثيبان بالارض وتركض لصندوق الذهووب:زين نااام انت نااام انت انا ودي اشوووف وش راااح البس بالصباااح ولزووم اشوووف وش راااح البس بالعصييير والمسا ايييه لزووم من هالحييين اعرف وش راااح البس عتاب وبدا يغضب:وانا اقووول اتركي كل شي الذهووب والثيبااان ماراااح تروووح لمكاان قوت:ايييه يا عتاااب ولزوووم اشوووف مكااان لجل اخبيها جلست عند الصندوق وظلت تطلع وتناظر :هذا هو الي ودي البسه وذا الحلق يلييق بالقلااده الي عندي من زماان اييه وذي الخواااتم يييه مزينها ودي من باااكر البسها كلها لجل ايشوووفو ان حرمة شوير الشيييخ عندها خييير كثييير عتاب وهو يناظرها:يا جهد البلااااا توجه ناحيتها وحملها بكل الذهوووب الي هي لابساااها قوت:عتاااب اتركني اتركني لزووم احط الذهوووب بالصندووق جلسها معه على لفراااش وهي تحااول تتخلص منه وعيونها عند الذهوووب عتاب:قوته ..قوووته قووووووووته قوت ناظرته:وش اتريييييد مد ايديه للقلااايد الي لبساااها وبدا يفكها عنها حست قوت برجفه قوت:انت وش اتسوي عتاب:ودج اتنااامين فيهاااا قوت برتبااك:انا بكيييفي انام بيها ولا لااا انت ما ودك اياااني افرح فيهااا عتاب وهو بعده يفتح القلاايد:تفرحي فيها هالحييين وقت النوووم قوت:اتركني يا عتااب اتركني ابعدت ايديه عنها:انت الي جبتها لي وودك ايااني افرح فيها عتاب رجع يخلعهن:ودي ايااج صحييح تفرحيين فيهن مير مهب هالحييين ومهب بالي تسوينه ذا ابتسمت قوت وهي تلتفت له لجل يقدر يفتح البقيه بسهوله قوت:صحييح يا عتاااب كل ذا لجلي عتاب بابتساامه وهو يهز راسه بلااا:ايييه قوت:زيين لزوووم بلاوله اقوووم واحط الذهووب بمكااان امن عتاب وهو يلفها ناحيته:للا ماعليهن خوووف قوت:وان جا حد ونهبهن عتاب:ومن الي يقدر ينهب بيتي وانا فييه قوت:قليبي ما يطاااوعني اخليهن من قبل لا اوثق مكااان لهن عتاب بهمس:وقلييبج مايعرف شي غير الذهوووب ناظرته بخجل:وش ودك اياااه يعرف؟؟ عتاب وهو ماسك بوجهها بيديه:ودي اياااه يعرف عتاااب وبس وعهدن على اني اخلي الذهوووب من حولييه تبرق برق قوت وهي ترتجف:ودك اتغزي مرتن ثااانيه عتاب:مرتن ثااانيه وثااالثه وعاااشره لجل حبة عيييني ودي اسوي كل شي توجه لييث لبيته من بعد ماودع قماااد وسعد بمجلسه كانت متمدده قريب من راكااان وتمسح على شعره لجل ايناااام وهو قرييب من حضنها ناظرها لييث وهو يرمي بالبشت على جنب ويبدا بفك حزاامه ليث:راكاان نااام البدور :من تو نااام قرب ليث منهم وهو ينااظر راكاان ويحبه على وجهه:اليووم ما قدرت اجي اشووفه لجل ان عندي ضيوووف رفع نظره وتلاااقت عيونه بعيونها حينها ابعدت نظرها عنه وظل هو يناظرها كانت بثوب اسود بسيط ومن غير كحل او زينه عاودت اتناااظره وحينها اعتدل جالس وقام متوجه عند النار الي بمجلس بيته ذا طلت عليه من عقب وشافته سارح بفكره وهو ينااظر النار التفت وهو يحس بيها تمشي قريب منه البدور:ودك اسوي لك اقهوه هز راسه بلااا ونااظر النااار حينها وقفت وظلت واقفه محتااره وهو سااكت ما يحجي معها كاان ودها تحجي وتقوول له بالي صاار مير ما قدرت وعااودت حينها للشق تمددت قريب من راكاان "انا اشهد انك شيييخ يا لييث وولد شيييخ وشلووون انا قدرت بيوم اني اسوي الي سويته لييه اليووم ماني قاادره احجي معه هو لجل انه شيييخ ولا لييه زييين وليين متى رااح اظل بالحااال ذا لزووم يعرف ان قلييبي تولع فييه من زمااان هقووتي ان الوقت هالحيين معااد يفييد هالحيين من بعد ما صااار شييخ ودي اياااه يفهم اني متولعه فييه وكااااد بسبب ذا يضن في الضنوون الشينه ظلت البدور تقلب بفرااشها ولييث بالمجلس كان كل شوي يطل عليهم ويعااود يجلس قريب الناار بالمجلس كان الحال اردى عند قماااد الي تقلب كثيير وفكره عند شووق وسعد قريب منه بعد سهيرالعيين فهاااد وشووق والمها كانو بعد سهرانييين مير كانو بحالة طوارئ والمها موجووعه وترجع كل حيييين فهاد بخووف:وش الي قلب حاالج وكاااد كلتي شي مهب زيين المها:للا يا فهاااد صارلي كم يووم نفسي عااايفه الزاااد مدري لييه اليوووم ماني قااادره احتمل اللوعه الي تجييني شوق:ان ماخاااب ظني يا عمي فهاااد المها حبلا التفت فهاد لشووق:وش قلتي حبلا التفت للمها:صحيييح يا المها؟؟ المها:وانا وش يدرييني شوق:الي اعرفه يا عمي ان الحرمه يوم تحبل تقلب عليها نفسها فهاد التفت للمها بفرحه:اويلااااه صحيييح ابتسمت المها:الي اعرفه هالحييين ان نفسي تقلب يا فهااااد وودي ارتااح فهاد بارتباااك:زييين وانا وش اسوي ضحكت شوق:هااات الحكيييم يا عمي قام فهاااد:اجييبه هالحييين المها:للا وش حكيمه هالحييين فهاد وهو يحط غترته فوق راسه:لزوووم اجييبه ويعاااينج ولجل اتوكد من الحجي الي تقوله شوووق عند مجلس الرجال نط قماد اول ما شااف فهاااد جاي ناحيتهم قماد:وش صاااير يا شيييخ فهاااد فهاااد:المها تعييبه وودي بحكيم يعااينها قماد وهو ينزل وياخذ سلاحه وحزامه:خلك يا شييييخ هالحييين اجيبه بالسرعه عااود انت للبيت راح قماد بطريق وعااود فهاد للبيت حينها كشف سعد اللحاف عن وجهه ااوجع زاااد بالمها وشوق حست حالها بمكان غلط وفهاااد يطوق المها بيديه ويواسيها راحت للمجلس وجلست فيه وهي متوتره من الحال الي هم فيه عند البيت قرب قماد والحكيم قماد بصوت عالي:يا شييخ فهاااد طلع فهاااد لهم ودخل معه الحكيم ..انتبه قمااد للي جالسه بالمجلس وراسها منثني على الوساده وناايمه تقدم للبيت وقرب منها يناظرها ناايمه ابتسم وجا جلس قريب منها وهو يناظرهابعدها قرب اكثر وجلس جنبها وظل ملتفت ناحيتها يناظرها ............ كانت عبله تستعد للنوم واول ماحطت راسها بالفراش سمعت صوووت وجلست اتناظر حولها بعدها عاودت اتناام وسمعت الصوت مرتن ثااانيه وجلست وكان شخص جالس قريب منها وحط ايده على فمها يمنع صريخها نااظرته مرعوووبه سعد بهمس:هذا انا سعد ظلت تناظره متفاااجئه سعد:اوعديني ما تصرخي واتركج هزت راسها بنعم تركها وجلس قبالها نزلت راسها لتحت وهي متوتره بعدها رفعت نظرها له وناظرته عبله:وش الي انت قاااعد اتسوييه يا شيييخ سعد:هقووتي انه من حقي شوووفتج لييه ما ودج اتشوفييني ما يكفيييج ان العرس بعد عاام ودج تحرمييني من شوووفتج عبله:ولييه ودك اتشوووفني سعد:مهب حلااالي عبله:بس انا ما ودي اياااك اتشووفني هالحييين النفس بعدها ماهي براااضيه بالي سوييته لي سعد وهو يمسك وجهها ويرفعه لجل اتناااظره:اتهقيين اني سويت الي سويته كذا من غيير سبب ..ترااني متولعن فيييج يا عبله من زمااان ولجل كذا كاان الي جااج مني ولو ماكنتي تعنيين لي شي ما رفعت يدي عليييج مير انحرق قلييبي بالي قاااله الخسييييس عبله:متولعن فييني!!؟؟ سعد بابتسااامه:وهقووتي انج تركتي لي رساله من قبل لاتهجيين مع قووت انج متولعه فيييني نزلت عبله وجهها خجلاانه:ما كنت ادري اني راح اشوووفك مرتن ثااانيه عااود ورفع راسها مرتن ثاانيه:وصحيييح تولعتي فييني ظلت مبتسمه والخجل محااوط فيها سعد:اويلللاااااه وودج انظل حووول كامل من قبل لا نعرس وش يصبرني يا الغلااا ............................. عند طلعت الحكيم الي اكد لفهااد ان المها حبلا صحيييح وكاان فهاااد سعيد بحييل قفزت شوق على صوتهم وتفاااجئت بالي كاان جالس قريب منها حيييل ونط هو بعد واقف تقرب قماد من الحكيم وفهااد الحكيم:لزوووم تجييب لها النبته ذي لجل اتساعدها وما تنقلب نفسها عليها كثيير فهاد:زين ووين ودي القااها الحكيم :ذي نبته ما تطلع الا قريب من البحووور ملزووم منك ترحل للجنوووب لجل اتعااود بها فهاااد:اييه لزوووم اجيبها ودع فهااد الحكيم الي طلع معه قماااد لجل ايعاااود بيه لبيته وظلت شوووق بمكااانها نادمه انها نااامت ولا قدرت انها تشوووف قمااد انتبهت لسلاااحه الي تركه وعاااودت دقااات قليبها تدق وهي تقول انه وكاااد راح يعااااود لاكنهما عاااود يوم شاف ان الشيييخ سعد ماهو بالمجلس وراااح يدور عليه بالصبااح اول ما قام قماااد شاف الشيخ سعد بفراااشه قرب منه ورفع اللحااف قمااد:وين كنت يا شيييخ ابتسم سعد:اهنيا وين كنت قماد:للا لين ما بد الضو يطلع وانت مهب اهنيا التفت عنه سعد:اقووول ودك تتركني سااعه انااام فيها من قبل ما ييجي الشيييخ وربعه وبعديين اقووول لك وين كنت هز قماد راسه علاامة انه مايحتااااج انه يقووول وهو داااري وين كاان قام واخذ يدور سلااحه وتذكر انه ببيته وحينها توجه لهناااك المها وهي بين ايدين فهاد والوجع مخليها تبكي:للا يا فهاااد ما ودي اياااك تتركني فهاد:لزووم اروووح يا المها ما ودي اتركج بالحاااال ذا المها:مقدر يا فهاااد مقدر انا ودي اياااك تكوون قريب مني قماد من الخااارج:يا شيييخ فهااااد نطت حينها شوق ورااحت له ابتسم اول ما شااافها وهي جاايه بسلاااحه قماد:صبحج الله بالخيير شوق:صباااحك كله خيير تنهد حينها قماد وهو ياخذ السلااح:وشلووونها حرمة الشييخ فهاااد شوق:الحكييم قال على نبته والنبته ذي مكاانها بعيييد والمها ما ودها من فهاااد يرووح يجييبها قماد:يبشر الشيييخ انا اروووح اجيبها طلع فهاد من ورااهم:كفو يا قماااد مير ما ودي اكلف عليييك قماد:للا طاال عمرك حنا حااضرين وهالحييين ودي اروووح للحكيم لجل اعرف وشلووون هي النبته ذي ارخصووولي تركهم قمااد من قبل لا يقولوون شي وظلت شووق واقفه تنااظره وهو يروووح حط فهاااد يده على كتف شوووق:رجالج رجل مامثله حد الله يسعدك وياااه يا شووق عاود فهااد للمها وظلت شوق وهي تحس بحرقه بقليبها لجل ان قمااد وده يرحل من الديره الشيخ سعد ترخص من الشيخ لييث بالرحيل وطلب منه يشااور عبله مرتن ثاانيه ان كاان ودها ترحل معه ولا تظل بالديره وحينها تفااجئ لييث انها وافقت ترحل معه سعد قبل ساعاات الرحيل ارسل لفهاااد وحينها دري بالمها انها تعييبه ورااح لها سعد:ليييه يا فهاااد ما ارسلت لي تعطيني علم ان المها تعييبه ابتسم فهاااد:ودك تكوون خاال يا سعد قرييب ابتسم سعد وهو يلتفت للمها:صحييح يا المها...يا لبي قليييبه الي رااح اكووون خااله لزوووم عاااد اني اعجل واجييب له بنيه لجل يعرس عليها ضحك فهاااد:ودنا ننتظر عااام بعد سعد:للا الحرمه واافقت انها ترحل معي للديره فهاااد:ااه اجل كاانت تتغلى عليييك يا سعد ابتسم سعد:هقوووتي فرحت المها لجل اخوها وحلفت عليه انه يرحل لجل ايساااوي عرسه بالديره وانها قريب تتشافى وتزووره رحل الشييخ سعد مع عبله وقماااد كان بطريقه للجنووب وظل فهااد والمها ببيت شوق ينتظروون عودة قماااد الي كان لابد ايطول فيها كم يوووم الليث كان يطلع من عند البدور من الصباااح ولا يعااود الا بالمسا يظل جالس مع راكاان ومن عقبها يناام من غيير ما يحجي مع البدور بكلمه اما عتااب شاف قوته بمره من المراات واقفه من اثنيين من الرعيان اعطتهم حاجه وطلبة منهم ايوصلوها للمكان الي تريده لحقهم عتاب وعرف وش هي ارسلة كانت مرسله اذهوووب ومااال كان متفااجئ وزاااد خوفه منها وش هي نااويه علييه ويوم مر من واحد من البيوت طلع الرجال وشكر عتاب على الي ارسلته قوت لهم وكان بعد قليل من المااال ظل عتاب طول اليوم يفكر وش هي ناااويه علييه "وكااااد ان وراها شي كااايد لييه ترسل اذهووبها ومالها لييييه يكوون لجل تطلب منهم المعووونه والنااس اهنيا وش اتريييد منهم وكااد لجل يحموها زيين هي وش اترييييد اتسوي الحرمه ذي ورااه بلاا وانا لزوووم اخذ حييطتي منها لزوووم اويلااااه ليييه يا قوووته اتسويين كذا يوم شفتي القلب قده غرييق بهواااج ودج اتعاااودي لنواياااج الشيينه وش اتريييد هي اكثر من الي هي فييييه ليث:وش اتهههوجس فييه يا خوووي عتاب:هااه للا انا ما اهوجس بشي ...وش علوومها ام راكااان ليث:زينه عتاب:ما ودك يا شيييخ تعطيها من الحلال الي عندنا الذهووب والثيباان الي ماليه المغاااره ليث:للا خلها على حاالها ودي اشووف لين متى ودها تصبر لزووم انها قريب اتبين نواياها وتطلب من الحلاال عتاب:ما هقوووتي يا شيييخ ما هقووتي ليث:انت داايم كذا تحسن الظن بالي حولك لاكن يوم تنلدغ حينها تعرف انك اخطييت بالي تظنه قام ليث وترك عتاب الي عااودت ظنوونه الشينه بقووت تعاااود له دخل عتاب على قوت وهي جالسه قريب الناار اتناااظر فيها عتاب:اشوووفج اليوووم جالسه بعيييد عن حلااالج التفتت له وهي تبتسم قوت:انا ماالي حلال غيرك يا عتااب انتفض قليبه لاكنه ابعد شعوره ذا عتاب:ودي انااام وما ودي حد يزعجني اتركييني انااام لي ساااعه قامت قوت بالسرعه وقربت منه:وش فييك يا عتاااب يوجعك شي عتاب:قلت اتركيييني لحااالي دخل عنها للشق وظلت قووت واقفه مصدوومه من حجيه وهي تحس بهم يجثم على قليبها من حاال عتاب الي تغير عليها اول ما دخل لييث عند البدور التفتت له وكانت حاطه من الكحل بعيونها توتر من نظرة عيونها وحااول قد ما يقدر انه ما يناظرها وهو ياخذ راكاان ويجلس معه بمكان بعيد يلاااعبه ظلت البدور اتناظرهم وهي واقفه قريب العمود وشافت ان مالها لازمه بوجودها خذت حالها وراحت للمجلس وظلت جالسه قريب النار اتناظرها بعدها بمده قامت وراحت للشق وشافت ليث جالس وهو سارح بفكره وراكان قدامه ناايم قربت منهم وناظرها بالسرعه وعااود ينااظر راكان مدت ايديها وهو يناولها اياه وحملته حطته بفراشها وهذي اول مره تحطه بعيد عنها ليث:خليه يناام قريب مننا التفتت حينها البدور لراكان وعااودت لجل تحمله وتحطه معهم بالفراش وكان لابد لها انها تمر من قدام ليث واول ماصاارت قدامه تعثرت رجلها وطاحت عليه تفاااجئ ليث بها باحضانه وتلاااقت عيونهم البدور بابتسااامه:السموووحه رجلي عثرت زاااد التوتر عند ليث وهي قريبه منه كذا وساعدها على انها تقوووم وحينها توجهت البدور لراكان وخذته وهي بعدها بابتسااامتها وتوجهت لفراااشها وهو قدامها ونااامت الليث قرب منهم وناام وهو معطيهم ظهره من غيير ما يقووول كلمه بالصباااح كان ليث يستعد لجل يطلع لمجلسه يومن قربت منه البدور ولفت ايديها حولين خصره لجل اتعينه بتسكيير حزام السلاااح كان وده يصرخ عليها لجل تبعد عنه لاكنه تمااالك حاله وبين لها ان الي تسويه مايعني له شي عيونها كاانت اتناااظر عيونه الي ابد ما وجهها لها وهو يصرفهن كل حييين بشي لين ما خلص وطلع من الشق لمجلسه الكبير كان قليبه يرجف بالحيييل"وش ودها مني ودها تطيح الحطب والله اني ماهقيتها منج يالبدور لجل اني صرت شيييخ ودج قربي هالحيين" عااود عتاب لبيته بعد الظهيره وما حصل قوته بالبيت وظل ينتظرها على نااار واول ما دخلت للبيت قام ثااير عليها:ويييين كنتي يا قوووته قوت وهي تنااظره باستغرااب:وين كنت يا عتاااب قلتلك ودي ارووح اشووف المها حرمة الشيييخ فهاااد الحرمه تعييب حيييل عتاب:وكاااد يا قوووت كنتي عند الحرمه قوت:اجل وييين كنت يا عتااااب؟ اخذ عتاااب يناظرها وحااول انه يهدي من حاله لجل يوصل للي تريده وابتسم لها وهو يقرب منها عتاب وهو يرفع ايدها لشفاااايفه:ولهت علييييج ومعذوور ان لقيتيييني بالحااال ذا نزلت قوت يدها من يده والتفتت:انت يا عتااب من امس منت مثل لول وش الي قلب حااالك عتاب وايديه اتحاااوط بيها:الولع يا قوووته الولع وده ياااخذ روووحي على المسا جلس ليث واخذ راكاان قدامه وظلت البدور جالسه قريب منهم ظل يلااعب راكان وبعدها خذاه معه ورااح للشق ونيمه قدامه ونااام قربت منهم البدور وهي تناظرهم من بعدها تمددت قريب منهم وهي تناااظر ليث الي كاانت عيونه مغمضه ونااايم ارتجف قليبه وهو يحس باصااابع رجلها تتخلل رجوله حس بحاله انه استوا على الناااار لاكنه ظل مثل ماهو ومابين لها بشي وكان هذا حال البدور يوم بعد يوم وهي تحااول انها تقرب من الليث بحركاات غير مقصوده وكان ليث يصدها بجموده اما عتاب حين يجن من الي تسويه قوت يوم اتغييب عن نظر عينه ومايدري وين تروووح ولا على ويييش ناااويه وحين يلعببه الولع فيها وما هو عاارف على وييش يستقر جلس بيوم ليث قريب من البدور واخذ يناظرها وهي جالسه تلاعب راكان ..نا ظرته بنظره خجوله ونزلت نظرها لتحت قرب واخذ راكان قدامه والتفت لها ليث:ودج من الذهووب والثيبااان الزينه يالبدور البدور بابتساامه:ما ودي بشي يا شيييخ ليث بابتسامه سااخره:لييييه مهب انتي حرمة الشيييخ ولزوووم تلبسي وتعزي حااالج وتخلييين الحريم تشووف انج حرمة الشيييخ مهب هذا هو الي خلاااج تتركيين ديرتج وربعج وتجيين لهنيا من بعد حتى وليييدج ارسلتيه ظلت البدور ساكته وهي تناظر لتحت من بعد ما اختفت ابتسامتها وقامت بعدها وراااحت للشق زفر الليث بضيقه واخذ راكان باحضااانه بعدها بشوي قام ليث وهو حامل راكان ودخل للشق وشافها نايمه بفراشها وهي ملتفته للصوب الثاااني وكانت اول مره تلتفت عنهم للصوب الثااني الليث حط راكان لاول مره بفرااشه وقرب منها وناام وهو بعد ملتفت للصوب الثااااني ملااامس بظهره ظهرها وهو محترق كانت البدور فاتحه عيونها وهي تدري انه ناايم قريب منها تضااايقت حيييل بالي يقوله ودها تحجي مير هو لييه يقول لها كذا هو مااجد وش قااال له ما قااال له انها انطخت وكانت قريب من الموووت وانها ارسلت راكان خوفن عليه من اهل الديره "حينها رجف قليبها وهي تفكر ان مااجد يمكن ما قااال لليث خوفن منه لو درا انه هو الي ذبحها تشجعت البدور ونوت انها تحجي مع ليث التفتت ناحيته وظلت تفكر وش رااح تقووله ..ما قدرت تحس ان بينها وبينه حااجز كبير يمنعها من الحجي قربت منه وطوقته بيدها وهي تدفن وجهها بظهره الليث غمض عيووونه وهو يحاااول بكل ما يقدر انه ما يخليها تضعفه قدامها لزوووم تعرف ان كل الي تسويه مامنه فااايده ابعد ايدها عنه وقاااام طالع من الشق التعديل الأخير تم بواسطة jello ; 12-05-11 الساعة 02:06 PM | ||||
|
| |
 |
| الكلمات الدلالية (Tags) |
| الله |
| أدوات الموضوع | |
| انواع عرض الموضوع | |
|
|
12Likes
العرض العادي
