آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-12-10, 06:57 PM
| #21 | |||||
| نجم روايتي وكاتبة في قسم قصص من وحي الأعضاء  
|  ........محاوله ثانيه .!...... راكان واقف بسيارته عند الباب ينتظر لورين تخرج .. ولورين واقفه عند الباب من داخل باقي تعدل لثمتها .. :خالو تعرفيني ما أحب ها التجمعات ام فراس : عشان خاطري ها المرة ..من حملتي ما رحتي ..ودي تغيرين جو لورين : ما اعرف ..بنفسها ما فيه حجه غير راكان: طيب و راكان ؟ يمكن يرفض ام فراس أنا بكلمه وأقنعه بس أنتي تجهزي وتعالي هنا البيت أول ...كل البنات بـ يحضرن فـ ليه أنت لا ..كم ساعة ونرجع لورين : طيب يا خاله ما يصير خاطرك إلا طيب ..مع السلامة راكان بيذبحني تأخرت عليه مع السلامه يمه ..وراكان طيوب ما ينخاف منه طلعت وركبت السياره راكان : بدري ..كان ما طلعتي .. لورين ..: خاليتي...قاطعها بصوت حازم : خلاص مابي اسمع أعذار ..راسي يوجعني .. التزمت لورين الصمت ..راكان على ما هو طيب على ما هو شرس لما يعصب ...بس نادر ما يعصب ...يحب يكون حليم وصلوا البيت دخل راكان غرفته من اخر موقف صار ينام بغرفه بالغرفه الثانيه ..جلست بالصاله ..مرت عشر دقايق طلع ..مبين انه متجهز لنوم ما نام طول اليوم من الصبح ..دخل المطبخ شرب ماء ..وقف عندها بالصاله ..: فيك شي ء : لا ما فيني بس ابي اكلمك اذا ممكن .. :خلي كلامك لبكره ..قومي نامي ..مشى عنها دخل غرفته وسكر الباب .. راحت غرفتها بدلت ملابسها واندست تحت لحاف السرير ..تحاول تنام ..عدت الساعة وهي تتقلب ..أفكارها ما خلتها تقدر تنام ..كيف تبدءا صفحه جديدة مع راكان ..وراكان بـ يتقبل الوضع هل فعلا بتنسى حب مراهقتها حمد ..وكأنه ما كان اليوم استأنست مع البنات أول مره تحس إن سندس رقيقه كذا ..بس جوري حزينه مره ..مبين في عيونها وجهاد كنه يحاول يحميها من شو مدري ...فراس هذا إحساسي ورآه بلاوي طيب انا وش دخلني بالعالم ..قامت وراحت تجلس بالصاله تجلس ع التي في لين يجيها النوم ..غفت وما حست على عمرها ........ وفر اعتذارك ما ابي اسمعك! الساعه 2 الفجر فاقت ريهام من المخدر كانت تحس ان جسمها مكسر ..رأسها يوجها وثقيل ما تقدر ترفعه ..تدفقت إلي ذاكرتها أحداث البارح ..امتلأت عيونها بالدموع التي سرعان ما أخذت مجراها على خدها .. دخلت الممرضة : الحمد لله على سلامتك قاست لها الضغط ووضعت لها مغذي ..ريهام : ماجد هنا الممرضة وهي تكتب في ورقه : رجلك ..؟ : ايه ! :ثواني وأقوله انك صحيتي خرجت ودخل ماجد شايل مهند النايم .. كانت نظرات عينه تنطق بالاعتذار ..حزين لفقد ابنه ..متألم لأنه ضرب وألم قلبه ..وقف عند حافه السرير : الحمد لله على سلامتك ..كان بيقول يا قلبي ..بس احتفض بها ريهام ..ــــــــ..كانت نظرات عينيها معلقه على ميلاد ..:ليه ما اخذته للبيت ينام ...وإلا تبيه يمرض في ها البرد.. :كان متلهف يبي يشوفك بنفسها : وأنت ما تبي ...تتمنى اني اموت .. ريهام أنا أسف ..بجد .ما عرفت شو صار ما قدرت امسك أعصابي وفر اعتذارك ما أبي اسمع بس أنا قاطعته بأمر :خذ مهند ينام .. وأنا أبي أنام ..غمضت عيونها كطريقه لأنها الحوار بعد دقايق من وقفت ماجد قرر انه يروح لين تهداء ما يبي يزيد الطين بل ..خصوصا انه يعرف ريهام عنيده وما ترضى بسرعه .. ....روائح قذره ! نايمه ومبين الراحه من تقاسيم وجهها الطفولي من الضوء الخافت المتسلل من الاباجوره على الرف البعيد لا تستطيع النوم بلا ضوء كهذا اصبحت انسانه يستوطن الخوف خلايا عقلها الصغير ...صوت موسيقى الجوال يصدح بشده في هذا السكون تقلبت يمين وشمال باتت تبحث بيدها عن منغص نومتها ..اخيرا وجدته قالت بصوت ناعس بدون ان تفتح عينيها : الو ..نعم ؟ الطرف الاخر : أسف حبيبتي صحيتك من النوم .. فتحت عيونها الصوت غريب جدا مو صوت جهاد ..ناظرت الرقم ..والساعة ..كان المتصل على الطرف الأخر يتكلم بس هي أغلقت الجوال بدون تفكير ...اندفع التفكير إلى عقلها ..شو اللي ذكره بي ..صار لنا أيام وما اتصل ...تقطع تفكيرها الصامت ..صوت الجوال ..فكرت ..ارد ..والا مارد...لا يا جوري ..وش تردين مجنونه يعني واحد داق ها الوقت وش يبي غير المسخ ..نامي ..قفلت الخط بوجه وحطت الجوال سايلنت ..أغلقت عيناها ..بعد ثواني أضاءه أجبرت عينيها على ان تفتح جفنيها ..مسج من المتصل ..يابنت الكلب ردي أحسن ما أجي بيتكم ..وتعرفين النهايه دب الرعب قلبها ..وشل تفكيرها ..أنزعت نفسها من السرير وبخطى مبعثره وصلت للباب الذي حاولت فتحه رغم انه مقفل بالمفتاح تذكرت انها أغلقته قبل نومها ..خرجت وهرولت مسرعه الى غرفة سندس القريبه منها ..طرقت على الباب طرقات خفيفه ربما تكون مستيقضه فتسمعها لكن لارد ..زادت من قوة طرقاتها ..حتى فتحت الاخرى الباب بدون ان تسأل من الطارق وقفت على الجدار مبعثره الشعر مغلقه عينيها سندس : نعم ؟.فيه شي ؟ جوري دخلتها الغرفه وسكرت الباب : فتحتي عيونك وقري الرساله سندس : من جدك قاطعه نومتي عشان اقراء رسايلك بلاك ما تعرفين منو المرسل ..اقري بس ..وشوفي لنا حل بها المصيبه فتحت سندس عيونها بأمتغاض ..قرت الرساله مره ..مافهمت ..مره ثانيه ..وصل لها المفهوم بعدها دق الجوال بيدها ردت : خير ؟ المتصل : ايه كذا خلينا حلوين لو رجال تعال البيت ..أخر زمن ! ..سكرت الخط بوجهه جوري : أش سويتي .. سندس :يا الهبلا ما يعرف البيت روحي نامي جوري : من جدك والا تمزحين سندس تناظر ساعتها ..وترجع تناظر جوري : بالله هذا وقت مزح ..روحي نامي يرحم امك خرجتها عن الغرفه وسكرت الباب ..ظلت جوري واقفه دقايق ..كانت بترد تدق بس دق المتصل عليها ..ما ردت ..جلست جنب باب سندس بخوف وهي تطالع الشاشه .. بعد دقايق ..سمعت باب البيت ينفتح ..وصوت خطى تصعد الدرج ..اتسعت عيناها ..وزاد نبض قلبها أصبح كالمجنون ..داخل قفص ..بردت أطرافها .. لم تستطع حتى طرق باب غرفه سندس ..حتى وصل القادم كان منكس رأسه لم يتبين وجهه بادئ الأمر ..كانت صورة المتصل تظهر بعينيها .. وصل مسامعها فراس : خير جوري وش فيك هنا .. فيك شي أخيرا اتضحت الصورة انه فراس مو المتصل:: ..لا ما فيني ..شي ..كانت كلماتها متقطعه خائفه ووجود فراس أضاف الى خوفها توتر ..جات بتقوم بس فراس لمح ضوء الجوال اللي بيدها ..شاله بقوه ..كانه نسي التعامل مع الانثى او مع طفله بحجم جوري الضئيل ..ناظر الرقم بدون اسم ..سالها .:منو؟ هزت كتفها : ما اعرف كان يدق من ساعة تقريبا رد فراس : الو...الو ....لو رجال تكلم ...ما يعرف ليه توقع انه رجال المتصل : اوه الحلوه الليليه معك ..سوري بكره ليلتي... اوكي ! بعصبيه بصوت منخفض نوعا ما :ياحيوان لو اتصلت على ها الجوال مره ثانيه ..عد نفسك في المقبره جوري ترجف وفراس معلق عيونه عليها ..مسكها بيده الخاليه يطمنها ..بس جوري بسرعه انفضت يده من ع ذارعها ..وجلست ع الارض المتصل :بعذرك ما تعرف مع منو تتكلم ...و اعذرني حبيبي ..بدق ..ثانيه وثالثه ...لين اوصل للي ابي وبعدين ليه معصب نتشارك الحلا ما عندك مشكله ليله لي وليله لك ! فراس: قايل لك انك حيوان ونجس ..سكر الخط وارسل الرقم على جواله .. وقال بنفس كريهه : خذي ..ولا تردين على ارقام غريبه اذا ما تبين توصلين للمقبره بعد انتي ..رمى الجوال عليها ..وراح غرفته لمت جوري عمرها ودخلت غرفتها ..استندت على الباب بعد ما سكرته وجلست خلفه تبي بصمت حتى ارتفع صوت بكاءها الا نشيج . .......... كلن يشوف الناس بعين طبعه ! دخل فراس غرفته ..يحس الصداع بيكسر راسه ..الليله طويله وحاس بضياع فضيع ..رمى الملابس اللي كان لابسها واخذ له شور ..تذكر احداث ليلته مع غلا اللي انقلبت الى كارثه ..دايم يطلع مع بنات يسهر معهم ..بس يخلي مساقه قانونيه درب نفسه عليها .دائما يكون في اماكن عامه معهم واذا زودها بمطعم عائلي ...بس غلا تخطت كل الحواجز ..هي تقول انه تهجم عليها واجبرها بعد ما طلع طلال وسلوى ...مع انه ما يذكر شي ..وهو حاليا منقرف منها ومن نفسه ..الكارثه انه مو الاول واكيد مو الاخير في حياتها .. مسح وجه يحاول ينسى ..بـ الطقاق فيها رقمها من اليوم بيمسحه ..وينهي كل شي .. بس لا ..هي تقول اني تهجمت عليها اشلون وانا ما اذكر ..لازم افهم السالفه يمكن بكره لما تهدىء ...تذكر وجه جوري الخايف وارجفه اللي بجسمها ..شكلها ببيجامه النوم الطفوليه ..قال لنفسه : المفروض ما افكر فيها لأني وسخ وهي طاهرة ..وإلا ..لا يمكن تكون مثل غلا ..تتبع طريقه أنها بريئه وطفوليه مسكينه ..والدليل المتصل الوقح ..سكر المويه ..ولبس ملابسه ..انسدح ع السرير ..يفكر ..ويفكر ....طلع رقم الجوال الي ارسله من جوال جوري :ان شاء الله بكره نعرف منو انت؟ صوت المؤذن جهور عالي يصدح في السماء معلن عن دخول وقت صلاة الفجر قام فراس وخرج من غرفته ..يبي يروح للمسجد ..مر على جهاد وصحاه ..ونزل لقى ابو فراس ينتظرهم فراس : صباح الخير يبه هلا فراس صباح النور ..وين جهاد ؟ الحين بينزل ...... عند جوري اللي انقذها صوت الاذان من نوبات بكاءها الهستري ..وضت ..وصلت وجلست تقرءا قران في سريرها لين نامت وعند راكان اللي قام يصلي وشاف لورين نايمه ع الكنب ..اوجعه قلبه قومها تصلي وتنام وبغرفتها ................مذاق الشوق..! شروق شمس ليوم جديد ..ارق سكونه صوت العصافير المتنقله من شجره الى اخرى .... نسمات بارده قليلا تسبق الشتاء .. ..كانت تمشي بجانب الجدار المتهالك تنظر خلفها ..خوفا من ان يراها والدها ..طرقت الباب ثلاثا فتحت لها امراه عجوز ..: ليلى : صباح الخير ام سعيد ام سعيد : صباح الخير ..خير وش فيك جايه ها الوقت ليلى : تعرفين ابوي ينام الصبح ..قلت ها الوقت المناسب ... قطعتها ام سعيد ..: ادخلي ..ما اخذتي من ابوك غير الشقاء .. ليلى ما تبي تعلق كل الناس عارفه ابوها فمالها داعي تبريرات كاذبه:ام سعيد ما عليك امر ..ما ابي ادخل داخل تعرفين عيالك موجودين مو حلوه ..خليني هنا واعطيني جوالك ام سعيد تعفس وجهها وتعطيها الجوال وتدخل ..ما يمديها تسمع السالفه ليلى تدق على رقم ابو وليد االي حفظته عن ظهر قلب من البارح ما نامت ..خايفه ومشتاقه ..وولهانه ..متضاربه مشاعرها لدرجه انه موقادره توقف .. رد صوته كان هادي جدا مثل ما تعودت ..الو .. ردت بتردد ..ا..لو .. ابو وليد : ليلى .. ايه الله يحيي ها الصوت اللي يشرح خاطري رويدا على قلبي فهو لا يحتمل بعدك ودفء كلماتك :الله يبقيك .. اشتقت لك ..ما اشتقتي لي :الا و ..ولهانه عليك ..سكتت ..كيف حال وليد ولييييد ياام وليد بخير ..ومشتاقه لحضن امه غصت بعبره دموعها ... ليلى انت حابه ترجعين لي ..مستعد اسوي اي شيء ..بس ما اشوفك انت ووليد متعذبين وانا ساكت ليلى :شو الحل ..انت تعرف ابوي ما جاوبتين ..تردين لي ليلى:ايه ..لو من الحين بس ..قاطعها: لابس ولا شي ..صحيح إني تزوجت بس مكانك محفوظ في قلبي قبل بيتي .. متى اقدر أجي أخذك ليلى : وأبوي ..أخاف يسوي لك شي بأخذك بدون ما يعرف ..أنت زوجتي .. ليلى:وخزام ..اتركها لحالها تنهد ..ليلى ياليلى ..ما اقدر اتحمل اكثر ..تعبت من البُعد اللي بينا بدون سبب ..بكل بساطه بإمكاني أروح ابلغ عنه الشرطه بس عشانك أنا ساكت ليلى:ادري ...ويظل أبوي مهما سوى :طيب ليه خزام ما تجي معنا ؟؟ ليلى:ما تعرفها أقنعتها من قبل ما رضت تقتنع ..تقول ما تبي تكون ثقيله :انا مثل اخوها اشلون ثقيله علي ليلى:رأسها يابس ما راح تقتنع طيب ..أعطيها جوال متى ما حست انها في مصيبه تدق علينا ليلى:ما اعرف ..بترضى تاخذ الجوال؟ :غصب عنها ..هي لا حست بالخطر اللي هي فيه بتأخذه وبتتصل ويمكن تقتنع تجي تعيش معنا ..أبوك حالته متازمه بزياده ليلى ..تتاخذ قرار ها :خلاص ..متى بتجي متى أبوك يقوم ليلى:العصر ع الاربع ...اذا ما حس بالجوع طيب بعد ساعتين بكون عندك ..اقنعي خزام يمكن ترضى ان شاء الله حبيبي مع السلامه ياقلبي سكرت ونادت ام سعيد اللي كانت وراء الباب تتسمع فلما نادتها ردت عليها بسرعه ..عرفت ليلى انها سمعت نص الكلام اذا مو كله ..اعطتها الجوال ورجعت البيت تقنع خزام .. اللي مارضت تقتنع ..لين جاء ابو وليد واعطها الجوال وراحت ليلى معه .. .......محاوله ثالثه! صحت من النوم .. خذت لها دوش ولبست ثوب فوشي قصير ضيق عند الصدر والباقي واسع ..عاري الكتفين ..مصغرها بس مشكلتها بطنها ..لمت شعرها بطريقه عشوائيه ..طلع كيوت مع لبسها..حطت مكياج نعومي هادي جدا وتعطرت ..اليوم راكان ما عنده شغل الصبح .. طلعت ..رتبت الصاله اللي شوي معفوسه ..راحت غرفته على امل تلقاه نايم او يمكن جالس ع الكمبيوتر ..دقت الباب ..حست نفسها غبيه ليه تستاذن ..فتحت الباب ..دارت عيونها ع المكان ..راكان مو موجود .. وغرفته مرتبه .. رجعت سكرت الباب بخيبة أمل ..جلست بالصالة يمكن نزل يجيب فطور او شغله انتظرت ...وانتظرت ..ملت وذبحها الجوع ..سوت لها كوفي ..وكلت بسكويت ..قررت تتأصل عليه.. كان جواله مقفل ..رمت الجوال ع الكنب ..وجلست ع التلفزيون بملل بعد ساعتين ..دخل راكان البيت ..سمع صوت التلفزيون ..: السلام عليكم وعليكم السلام ..وين كنت؟ استغرب السؤال ..: مو معقوله لورين تسأل عني ..مو من عوايدك سكتت تنتظر الاجابه على سؤالها ..راكان : كنت بالمستشفى : ما عندك شغل الصبح اليوم ايه ..حاله طارئه ..جلس ع الكنب ..وشال الريموت يغير بالقنوات تبي شي .. هز راسه بلا .. لورين : راكان ممكن نتكلم .. راكان وهو مركز بالتي في : تكلمي ..أسمعك ..من البارح وانت بتكلمي .. لورين :ليه مهمشني راكان : اسالي نفسك ها السؤال .. انا اسالك .. راكان : أعاملك بنفس طريقتك في التعامل معي . ابتسم لها ..وحده بوحده انت شايل بخاطرك علي ..راكان ...قاطعها ..: لورين ما أجبرك انك تحبيني ..ببساطه ..لو أنت شايفه انك ما تقدرين تكملين معي ..عادي ..نتتطلق ...قلبه يوجعه وهو ينطق هالكلمه بس لازم يحط حدود خلاص تعب بسرعه قالت : لا ما بي اتطلق عشان ابوك عشان...ترددت ..عشانـ... صعب إجبار لسانها على ولكن ستحاول ..عشانك ..تراقبت اي تغيرات طرت على وجهه بس راكان كان جامد مأخذ حصانه من نزواتها المعتاده :لاتضحكين علي بكلام مو لقلبك .. راكان بجد ابي افتحه صفحه جديدة ..معك قبل لا تقولين اي شي ..ابك تتاكدين من نفسك ..قلت لك مو غصب تعيشين معي ..حبيتك ايه ..بس صدقيني اقدر اعيش من دونك .....في نفسه كذاب ياراكان ماتقدر تبتعد عنها ....:: يمكن ع الاقل لو نبتعد ابقى انا احبك ..ما اعرف عن مشاعرك ..! :موغصب ..بعيش معك برضاي ..تقبل ! انت تقبلين اعيش معك بس ما احبك ..ابيك معي بقلبك ..بعقللك ..مو احس انك مجبوره ..مستغرب انه لنا سنتين متزوجين وانت باقي بنقطه الصفر .. ادري ..وانا اسفه .. لاتشيلين هم ..اهتمي بعمرك وها اللي ببطنك .. قلبي متعود ع نزواتك ..رمى الريموت على الكنب اللي جنبه وقام يبدل يبدل ملابسه .. بعد دقايق راحت له الغرفه ..لقته لابس وبيطلع ..: بتطلع ..؟ اعتقد انك شايفتني لابس ..يعني بطلع .. أوجعها قلبها من طريقته في الكلام ..بس لازم تتحمل : طيب وين ؟ ما عندك تحضير ليوم السبت ..أو رصد درجات ثاني ثانوي ..أو تسوين نموذج لبنات ثالث لا ما عندي ... اممم عشان كذا متفرغه لي ..لعبه تشغلين وقتك بها ..بس ما راح أتعبك في التفكير ..بروح أصلي ..وأجيب غداء لا تجيب غداء أنا بسوي لا ...مستحيل الاميره لورين بتطبخ ! ناظرته ..ونزلت عيونها اللي امتلأت دموع من طريقته ..طلعت من الغرفة بدون ما تتكلم ...مسحت دموعها وجلست بالصالة ..بعدها طلع راكان يصلي الظهر ..لما رجع كانت حاطه الغداء ..وتنتظره .. | |||||
|  |
|
31-12-10, 10:19 PM
| #22 | |||||||||
  
| السلام عليكم ورحمة الله وبركاته ،،، مســآإ الخير ،، روآيتك روووووعه و ابداااااااع ،، استمري قريت البآرت الاول و نجننت عليها ،، موفق بإذن الله ... لك مني أجمل تحية . | |||||||||
|
| |
|
01-01-11, 02:20 AM
| #23 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| مشكورة أرجوانا على البارت الرائع ... الجورى ... كم أنا خائفة عليكِ >>> يبدو المتكلم واثقاً من نفسه ... ربما يصل للعنوان من رقم الجوال ... فراس ... لقد وقعت فى الفخ >>> ألم تدرك ذلك بعد ؟؟؟ ليلى ... الحمد لله على عودتك لبيتك و زوجك و طفلك >>> و لكن خزام هى من بقيت فى وجه المدفع ... ربى يسترها أرجوانا متابعاكى و شكراً لك | |||||
|
| |
|
28-04-11, 04:27 PM
| #24 | ||||||
| نجم روايتي وكاتبة في قسم قصص من وحي الأعضاء
| اقتباس:
: وعليكم السلام ورحمة الله وبركاته الابداع بـ تواجدك الود لقبكـ : | ||||||
|
| |
|
28-04-11, 04:29 PM
| #25 | ||||||
| نجم روايتي وكاتبة في قسم قصص من وحي الأعضاء
| اقتباس:
شكرا لك غاليتي هبه كل الاستفهامات حلولها ان شاء الله في الفصول القادمه الود لقلبكـ : | ||||||
|
| |
|
28-04-11, 04:49 PM
| #26 | |||||
| نجم روايتي وكاتبة في قسم قصص من وحي الأعضاء
| ............استعداد ! سندس وهي تدق على باب جوري الي شوي وبتخلعه من مكانه : جوووووووري فتحي الباب ما صار كل ذا نوم جوري كانت صاحيه بس مهدود حيلها ومافيها حيل تقوم وتفتح الباب ...دقت بجووالها ع رقم سندس وردت الثانيه بسرعه : ...خير اشفيك خلعتي الباب ؟ سندس :مالت عليك ...قومي بسك نوم ..صارت الساعه6 وانت للحين ناميه جوري تدفن عمرها زياده بالسرير : بكيفي ...عندك شي سندس تضغط على اعصابها مع ها البارده : ماتبين تجهزين والا مو رايحه معنا ..؟ : قلتي الساعه 6 اجهز من الحين مجنونه ...!..روحي انت جهزي عمرك عبال ما تلقين لك فستان وسط اكوام فساتينك اللي ع الارض سندس انقهرت منها : شوفي من يسوي لك مكياج يا بنت السلطان جوري : لورين بتجي ... يعني ما عندي مشكله مكياجها يجنن :بس انتبهي على عمرك ما فينا نروحك شهار و سكرت الخط بوجهها ونزلت الصاله وهي حاطه على وجهها قناع جهاد وهو داخل الصاله تفاجئ بنزولها . : بسم الله وش ها اللي حاطه ع وجهك سندس وتناظره من فوق لتحت : اقول يالقروي استريح طال عمرك جهاد قرب وجلس جنبها وياشر بيده ع وجها ..: بجد هذا وش فايده ..! دخل فراس ماعجبه قرب جهاد من سندس : جهاد اش رايك تدخل بوجهها ! جهاد حس على عمره..ودارى خجله بأن قام : هبلتني بها اللي ع وجهها .. .صعد الدرج و تذكر : سندس ....جوري صحت ؟ سندس : ايه بس ما رضت تفتح فراس بنفسه : اكيد تكلم الحبيب .. طلع جهاد ..سندس تلفت لفراس المصلوب باول الصاله: فراس ليه تكلم جهاد كذا فراس بعصبيه وبصوت واطي : اشلون يعني معجبك الوضع شوي وبيدخل وجهك ...اش رايك تجلسين بحضنه سندس بعصبيه :اش ها الكلام ...عيب يا بابا ..بعدين جهاد مثلك مثله ..لاتسوي لنا قصص بدويه فراس :انا اخوك بس هو ... سندس اذا كنت تشوف جوري مو اختك فانا لا اشوف جهاد اخوي ويمكن اقرب منك بمراوغه ..واستدراج ..:وهو يشوفك أخته !؟ قررت تعطيه انطباع عن نفسه لـ وضوح ما يقوم به :فراس بلاويك الي براء لاتجي تطبقها في البيت ...مو شرط كل الناس مثلك ...قامت ..:عن اذنك ..طلعت غرفتها فراس تناظر في الدرج ويفكر بكلامها : فعلا مو كل الناس مثلي ...ع الاقل جهاد.. قطع افكاره صوت جرس البيت ... : .....لاذنب لي ! ..ابو طلال يصارخ بالصاله: ياااااااابنت خزام قلبها ينبض بقوه ..عضامها موشايلتها طلعت من الغرفه :هلا عمي غاضب ..من نفسه ومن ابنته التي مشت كلام رجلها وهواها عليه : وين ليلى بتلعثم ..وخوف :..ماا..مادري .. هاذي اللي تبي تطلع لي قرون بغباءها :اشلون مادتدرين ؟صحيح زوجها خذها مااادري .. مادري ...مسكها بشعرها وشده ....صرخ فيها بأعلى صوت غير مصدق عدم معرقتها وان ليلى قررت الخروج عن سلطته والتمرد ..: راحت معه . خزام بألم وخوفتحاول تخليص خصل شعرها من قبضه يده : ايه ..راحت رماها وانفاسه لاهثه..:زين يصير خير ياابو وليد .. ....مااااأبيه ! صوت صراخه العالي وصل لمسامعها قبل لايفتح الباب واضح جدا انه معصب :زيييييين حرقت الجرس ...تسندت على الجدار ..رفضت تجلس معاه بالسياره لين يفتحون اهلها الباب ... فراس فتح الباب : نعم ؟..من انتي ..التفت للسياره اللي نزل منها ماجد .:.ريهام ..! ريهام بصوت تعبان : ايه ريهام ..ممكن توخر عن الباب ادخل .. بعد عن الباب ..:وش فيك ..؟ شكلك تعبانه .. ريهام :ــــــــــ دخلت البيت وطنشته تدعي الامبالاه لمواجهة القادمه وقلبها ينزف الم ..ميلاد يجري لفراس اللي شاله وباسه :كيفك يابطل ميلاد: زعلان ماما مارضت تتكلم معي فراس يسلم على ماجد وييتطلع لوجه الاخر الشاحب :فيكم شي ..وجهك مو عاجبني ... ماجد يحاول اخفاء امر مفظوح وكلن ابقاء الامر معلق افضل من التصريح سيوكل لها المهمه : خل هيام تقول ..عن اذنك انا ماشي ..ركب ماجد سيارته وراح فراس مستغرب من الوضع وستدرج : ميلادوه وش في امك ميلاد : ما عرف امي قالت لاتقول لاحد اوكيه تعال نشوف امك وش مسويه .. سكر الباب ودخل الصاله كانت هيام تبكي وام فراس ضامتها مو عارفه وش السالفه ام فراس على وشك البُكاء فهذه الام قريبة الدمعه : هيوم يمه اش فيك وقعتي قلبي ريهام : ــــــــــــــــ سندس نزلت من الدرج ووقفت تناظرهم : خير وش فيكم ...مسكت كتف هيام ..هيوم وش فيك ليه تبكين ؟ ريهام تبكي : مابيه خلاص .....مااابيه تعبت منه ام فراس حبت تلف السالفه لان هيام كذا محد فاهم وش فيها وسبب زعلها من ماجد : خلاص ارتاحي الحين ... ريهام تدريد فقط الاختلال بنفسها خلاص تحس انهم على مفترق طرق : بطلع فوق غرفتي ام فراس هزت راسها بمعنى طيب ومسحت دموعها : خلاص يمه بسك بكاء هدي حالك طلعت ريهام وسندس ..ام فراس جلست على اقرب كنب قريب منها بالصاله خافت من شكل هيام واضح انها تعبانه كثير فراس : يمه انت بخير ام فراس .تناقض نفسها.: بخير يمه...ما قالك ماجد شي لا ..ولا هذا المفعوص راضي يتكلم ..ويأشر ع ميلاد... ام فراس :خلها ترتاح شوي بعد هي بتتكلم من حالها .. ........صفحه جديده إني أحبك عندما تبكينا وأحب وجهك غائما وحزينا الحزن يصهرنا معا ويذيبنا من حيث لا أدري ولا تدرينا تلك الدموع الهاميات أحبها وأحب خلف سقوطها تشرينا بعض النساء وجوههن جميلة وتصير أجمل .. عندما يبكينا لورين واقفه على المرايه تحط اللمسات الاخيره على وجهها لابسه فستان مشمشي طويل مخفي بطنها..عاري من على اكتافها .. راكان طالع من دورة المياه ..وانتم بكرامه ..بعدالشور كانت واقفه في المرايه : راكان استعجل شوي عمتي قالت نجي بدري راكان يطالعها من فوق بتحت نظرات اعجاب ..مشكلتها انها حلوه بس ماتطعيه وجه ..راكان : ليه مستعجلين الناس مايروحون الا تسع او عشر ..بدري لورين تناظره وجها قلب احمر ماتوقعت انه طالع بالهالشكل بس الفوطه على خصره لفت وجهها: ما تعرف سندس لازم نخيم عندها ساعه لين تخلص ..عمتي قالت نجي عشان تستعجل راكان لاحظ انحراجها وحب يزودها شوي يمكن يذوب الجليد اللي بقلبها قرب لها حلو فستانك ..متى خذتيه لورين تبعد شوي..وتشيل فرشه بلاشر ..واللي بيدها شدو ..مرتبكه ومو ملاحظه : خذيته من شهر ..مع رؤيا لاحظ راكان المسافه اللي بعدتها بس مصمم الليله ما ينسحب مسك يدها قبل لا تحوس ووجها لانه مبين مو عارفه وش تسوي : لاتحوسين مكياجك _ قرب لها ورفع دقنها باصبعه بخفه : والله تهبلين ..ركز نظره بعيونها : حرام عليك حارامتني من كل هذا لورين قلبها ينبض بشده تحس ان وجهها من كثر الخجل مسكوب عليه ماء ساخن تحسسته بيدها البارده ..كانها تطمن عمرها انو ما انحرق ..بخجل قالت :اسفه راكان يتعلق بقشه الامل : على شو ...!؟ لورين غمضت عيونها راكان بنظراته كانه يدخل عقلها : على كل شي ..كل شي ...واخرها قبل 4 ايام لاتفكر ما احس ..بس كذا طبعي . فضلت تكون صادقه ..:او كذا تطبعت .. راكان باس خذها : انا مسامحك من زمان وعارف طبعك ..قاطعته بانها ضمته .وهمست .:راكان تكفى لاعاد تسكت لما نتهاوش .وتسوي عمرك مااهمك .. راكان يضمها اكثر : استفذتي قواي لورين ففضلت الصمت .. ما احب ازعلك وتهارين مثل كل مره ..لماتحب شخص لازم تتقبله بعيوبه .. لورين دموعها خنقتها فقررت تحررها وتبكي .. رفع وجهها ومسح دموعها بنبره تهديد مصطنعه مع ضحك : قلت لك لاتحوسين مكياجك..ما ابي دموع .. لورين هزت راسها وبنفس الوقت قالت طيب ..حررته ذراعيها ..وقالت بنفس نبرته ..وانت روح البس لانتاخر على عمتي ضحك راكان ودخل يده يشعره يرجعه على وراء : اوووه نسيت ..طيب دقائق ...البسي عباتك ... هدت شوي ريهام من بكاها عندها جوري وسندس وميلاد اللي جالس معها بالسرير دقت الباب ودخلت ام فراس : هاه يمه ريهام كيفك الحين .. ريهام: الحمد لله يمه ..احسن من اول ... ام فراس تناظر في سندس وجوري .يعني اطلعو برا ابي اتكلم معها ..جوري فهمت وقامت ..بس سندس ملزمه تقعد ..: سندس قومي جيبي عصير لاختك سندس :امي فاهمه طريقتك بس مو قايمه لين اعرف السالفه هيام تبتسم : ماهنا سالفه ...طفشت منه وجيت وبس ام فراس : خلاص عرفتي اجل قومي شلي شلايلك...وجهت كلامه لـ ميلاد: وانت حبيب جده روح مع سندس ميلاد: ماراح تبكين ريهام ريهام بعصبيه : ريهام بعينك ..قول ماما .. سندس حست ان هيام فيها شي ماراح تقوله غير لامها فتطلع بكرامتها احسن ام فراس :هيام وش فيك عليه ..خلاص ميلاد روح ..ماراح اخليها تبكي طلعت سندس وميلاد .. ام فراس : شو صاير ياريهام ..البيت كله مشغول عليك .. هيام ..امتلت عيونها دموع .: ضربني يمه.. ضربني وصارت تبكي ام فراس ضمته : مو من عوايده ماجد ..ليه ضربك هيام : سقطت البيبي من كثر ما ضربني ام فراس فتحت عيونها على الاخر :ضربك وانت حامل ...ليه تهاوشنا على الراتب نفس كل مره ..ماعاد ابي اعيش معه ...تعبت خلالالالاص ...كانت ام فراس شوي وتبكي بس ما سكه عمرها ابو فراس دق الباب ودخل .. : هيام ..خلاص يبه ارتاحي الحين ولاتفكرين بشئ الزم ماعلينا صحتك .. هيام : انت عرفت :ايه كلمته ..ما قدرت استنى لين تتكلمين .. بس خلاص الدموع ..ما بترجع شي ..خوفتي ولدك من كثر ما تصحين ..مسوي مناحه تحت .... ....في الصاله .... فراس قاعد يسب ويشتم بماجد ما ترك عليه كلمه ...رايح جاي ما رضى يجلس ...كان ناوي يروح يتضارب مع ماجد بس ابوه ما تركه ..ميلاد يبكي ويقول السالفه لسندس وجوري وجهاد اللي متجمعين بالمطبخ ..جوري صارت ترجف لاحظ جهاد عليها ..بسرعه قال :جوري اطلعي جيبي جوالي نسيته فوق ... جوري : بس .... قاطعها بأمر : قلت قومي ..قامت وخرجت الصاله اللي فيها فراس وشكله يموتها خوف طلعت بسرعه فوق كمل ميلاد السالفه وظل يشاهق ويبكي سندس تهديه : خلاص ميلادو ..انت رجال عيب تبكي ..وبابا وماما يحبون بعض .. :ثدق ثندث سندس تمسح دموعه :ايه صدق ببراءه : ابي العب بلايستيشن او كيه قوم جهاد قام معهم بس طلع فوق لجوري ..اللي جالسه بغرفته تطالع في الفراغ تتذكر ابوها كيف كان معذبهم جهاد : جوري وين صرتي التفت له: هااا ..مالقيت جوالك جلس ع السرير : انسي اللي سمعتيه تو ..ما تبين ترجعين زي اول ايام المراجعه في المستشفى صح ..؟ هزت راسها بايه ..جهاد: اجل قومي انزلي تحت مع سندس وميلاد .. طيب ...قامت وصلت للباب : بس فراس تحت عندهم جهاد .بهدوء .:واذا اش عليك فيه شكله يخوف كنه ناوي يقتل احد .. قال بحزم :جوري ..شيلي ها الافكار من راسك ..مو قلنا لازم تكونين قويه .. بترجي : قوم اجلس معنا تحت .. :لا...وانزلي الحين ... خرجت جوري من غرفته ..وجهاد ارهف سمعه لو تلاقت هي وفراس بالدرج بتموت خوف ..اوجعه قلبه عليها وقام يبي ينزل تحت ....سمع فراس يتكلم بصوت عالي ..فتح الباب بسرعه ..جوري كانت لسى واقفه عند بدايه اللدرج تو ما نزلت ..تنفس الصعداء..وهدت نفسه ..مسكها بيدها : امشي خل ننزل نزلت معه بدون كلام ...ونبض قلبها مغطي على سمعها من الخوف فراس كان يقول السالفه لراكان اللي توه واصل مع لورين ..راكان : طيب و ريهام وينها الحين..؟ سندس : خلوها ترتاح ..امي وابوي عندها جلس راكان ..فراس : وبس بتجلس عادي عندك راكان : فراس مو كل شي ينحل بالضرب ...اصبر خل نفهم القصه من ريهام أكيد فيه أشياء ثانيه اغفلها ماجد فراس واقف وكل وعروقه باينه حتى لون وجهه احمر مع اسمرار : عادي قول انك مو قادر تهاوش ماجد راكان يمسك اعصابه ويطنش فراس : ميلادو تعال اجلس عندي ....وانتِ سندس سوي لي شاي ميلاد يجلس جنبه ..فراس يمسك راسه يحسه بينفجر من الصداع : بكيفكم... ليه احرق اعصابي ؟..انت اخوها وهذاك ابوها ..خلوه بعد كم يوم يجيبها لكم جثه ...طلع برا البيت ..... صوت اذان العشاء يفض التجمع الي في بيت ابو فراس الشباب كلهم راحو المسجد .. ام فراس نازله الدرج بعد مانامت ريهام ...: سلمت ع لورين .. : سندس بعدك ما لبستي ..ناظرت بجوري وانت بعد ...ليه ما تلبسون ؟ سندس : يمه بنروح وريهام كذا ام فراس : ايه انتم روحو وانا بجلس عندها :بس يمه ...لابس ولا شي انا كلمت ام مهند ..اعتذرت منها وقلتها انتم بتروحون ..صلو العشاء واجهزوا .. وبسرعه سندس سندس : يمه انا بجهز بسرعه ..الباقي على الاخت ..واشترت ع جوري جوري : نشوف سندوسه هانم من يجهز الاول ............ لااحبهم! في قاعة احتفال ام مهند قاعه فخمه جدا جدا مزينه بالتماثيل والزجاج مع الاضاءه الخافته ..موسيقى كلاسيكيه رومنسيه تقف بكل شموخ وهيبه.. بعد ان لونت وجهها بالوان الطيف وارتدت فستان يناقض عمرها كيف لا وقد اسرفت ملايين الدولارات على جسدها من شد ونفخ وشفط فاصبحت في عقود العشرين ..تستقبل ضيفاتها من الطبقات المخمليه والراقيه يتمخطرون بغرور الطاؤؤس .. كل واحده تتباهى بما تملك من جمال ومال دخلت ام فهد وكادي ونوره وبناتها مياس وسوسن ..في ابهى حلتهم ..وتانقهم كباقي الحضور سوسن بدلع : كادي صاحبك ما بتجي؟ كادي : الا بس بتتاخر شوي سوسن : اوكيه تعالي اعرفك على صاحبتي الروح بالروح ..اسمها سلوى كادي : ماوراي شي نتعرف مشو الثنتين وتركوا مياس مع صاحبتها فدوى سلمو البنات على بعض وعرفت سوسن ..سلوى وكادي على بعض .. سلوى :اول مره اشوفك هنا انت دايم تجين لا هذي اول مره اجي دايم كنت انعزم بس اليوم اتفقت انا وصاحبتي سلوى بابتسامه مصتنعه :/خلينا نتعرف عليها ..تكبر المجموعه سوسن : لاتكون سندس وجوري اللي تنتظرينهم ..؟ كادي :ايه.. سوسن: اجل بطلنا نتعرف .. سلوى: ليه سوسن : ما احبهم وجوري معروف اني ما اكلمها سلوى باستفسرار : هذي بنت خالتك سوسن : ايه اتصال على جوال كادي من سندس تخبرها انها وصلت القاعه .. طائر الحب ! كادي بأبتسامه صادقه : شوي شوي كليتي الجو علينا وش ها الزين اليوم سندستضحك لتخفي خجل من الكلمات : ناويه اصيد لي عريس كادي :بصراحه ..من حقك لبسك خياااال ومكياجك واااو جوري : قولي لها ما رضت تقتنع .تقول ...وتقلد صوت سندس ..احس لبسي بايخ .. سندس : ابد الكلمه عندك مو امانه كادي : اه ..تخبط على صدرها بحركه دراميه وتقول بالمصري ..تخبي عليا يابت ..اسرار من ورايا سندس : ارتاحي قلبو احسك تعرفيني اكثر من عمري كادي تسرح شوي ..سندس: بعدك بالرياض والا .. لابعدي ..افكر لو تزوجتي .. بتذكرينا والا اللي لقى احبابه نسى اصحابه :شوفي ياقلبي لو كان حبيب ولد ناس فاعذريني صراحه ما بي شي يشغلني عن ابو عيالي جوري بضحك على مخيلت سندس الخصبه :بعد ابو عيالي ..خليه بالاول يجي بعدين عيالك ..والا ..زهقتي منا ..بتنسينا بسهوله كادي : هذا وانا مزهبه لك زين العريس ..اجل دوري لك سندس ...: خخخ من متى وانت خاطابه كادي : مو خطابه ياحيبه قولي مرسول الغرام ..طائر الحب سندس : اما طائر الحب ..فيل الحب اصدق كادي ..: ما كذب فراس يوم يقول ما تنعطين وجه جوري انغاظت من كادي بس مشتها : الا من هو العريس كادي تبين اقول سندوسه سندس :قولي يا فيل الحب ... كادي : زين يالاميره العصلاء ..اممممم واحد مملوح وطيوب واخوي فهد زين الخجل محياها : اقول بلا كذب ..ادري فيه فهد ما يفكر فيني ولا ربع تفكير ...>>>علي انا طيب واللي صار بالمطعم كادي : بكيفك صدقتي والا لا ..المهم ..حبيت يكون عندك خلفيه للموضوع مو يجي بعد يومين ..ثلاث ..يخطبك تقولين مدري ؟...و شنو ابي افكر ابي اخربط ..فكري من الحين .. سوسن اللي سمعت نص الكلام كانت واقفه وراء كادي والثانيه ما شافتها ...قالت بغيض واضح : بس لاتنسون تعزموني كادي تلعثمت وتغير لونها ماتوقعت وجود سوسن خصوصا انها تحب فهد والكل عارف ما عندها اي تعليق الا انها تبتسم جوري بشك :الموضوع جد .. كادي بنفسها لو قلت ايه بتزعل سوسن وتخبص الدنيا فوق راسي ولو قلت مزح ..سندس بتبهذلني وبتزعل وفهد يبي يعرف ردة فعلها سندس حست بتلبك كادي فحبت تنقذ الموقف : اقول بسكم هبال ..خلونا نستانس كادي خذت بخاطرها شكلها مو معبره فهد ولا تكن له اي مشاعر بس سكتت على الاقل تفتك من سوسن سوسن : يستحسن انك تستانسين ..لانك لو قربتي لفهد ..بتدخلين مستشفى المجانين سندس وماهزها التهديد : ليه ...؟ سوسن بغيض كـ طفله انانيه اخذت منها لعبتها عنوه ..وتشكي عند والدتها : كادي قولي لها انك تمزحين وان فهد خاطبني من سنه >>>اوف عاد كادي تفجر القنبله : لا ما خطبك ..وهو يبي سندس ...التفت لسندس وياليت انك تفكرين بجد في الموضوع لانه موصيني صدمه لسندس ولسوسن ... سوسن بعصبيه تحاول كتم غيضها حفاظ على برستيجها امام الحضور : نشوف من يضحك بالاخر ...مشت وتركتهم سندس تدعي الاستغراب لـ التأكد فقط : وش فيها الاخت ..هي تحبه ؟ كادي : ايه ..بس فهد ما يبيها ...الا اذا انت ما تبينه سندس بجديه : كادي ..بما ان الموضوع جدي ..ابي وقت افكر ..مو خبط لزق ..وبس اسكتي هذي لورين جايه .. خلي الموضوع سر ما ظنيت بيبقى سر دامه وصل لسوسن .. لورين بمتغاض واضح : اسوى ما في الحياه تجامل ناس ما تبي تشوفهم جوري : تبين امورك تمشي ...جاملي سندس بتدقق النظر في وجه لورين الشاحب :..لورين فيك شي ...يألمك ...وجهك متغير لورين : ظهري شوي يوجعني .. جوري: تعالي نقعد ..حتى انا احس ارجولي توجعني مو متعوده على الكعب كادي : اوكيه انا وسندس بـ نروح نجيب شي نشربه.. يارب يعجبكم ..الود لقلوبكم .. | |||||
|
| |
|
28-04-11, 05:04 PM
| #27 |
| | اااااااااااية دة كيت كات انتى ارجوانا  ....والله حرام تصدقى انا رحت دورت عليكى لما اختفيتى ورحت دعونى اتنفس... ومش عارفة اوصلك واقولك البنت اختفت ومش بتدخل  ...طلع العسولة موجود فى رواية ايزمى وانا اللى مش واخدة بالى... انا بسجل حضور ولى عودة بعد القراءة .gif "Eh S(7)") |
|
| |
|
29-04-11, 03:01 PM
| #28 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى kit^_^kat على البارت و إن شاء الله تكون آخر الغيبات عن الرواية ... سندس ... إكتسبت عدوة جديدة ... ربى يسترك منها و من حقدها ... ريهام ... الحمد لله على سلامتك و ضعى فى بالك إبنك قبل أن تصرى على الطلاق ... الجورى ... والدك كان قاسياً إلى هذه الدرجة ؟؟؟ kit^_^kat متابعاكى و شكراً لك | |||||
|
| |
|
29-04-11, 04:21 PM
| #29 | ||||||
| نجم روايتي وكاتبة في قسم قصص من وحي الأعضاء
| اقتباس:
نورتي يالغاليه في انتظار نقدك ورايك ..واسعدني تواجدك الود لقلبكـ | ||||||
|
| |
|
29-04-11, 04:25 PM
| #30 | ||||||
| نجم روايتي وكاتبة في قسم قصص من وحي الأعضاء
| اقتباس:
هلا غاليتي هبه ...ان شاء الله التزم بتنزلي فصول الروايه سندس وسوسن الايام القادمه ان شاء الله ستكشف من سيربح الرهان على قلب فهد الود لقبك عزيزتي وشكرا لك | ||||||
|
| |
|
| أدوات الموضوع | |
| انواع عرض الموضوع | |
|
|
14Likes
.png)
.png)
العرض العادي
