وااااااااااااااااااااو بجد واااااااااااااااو شكراااا سحوبة على الفصل الرائع تحفة

أولاً عايزة أقولك انك انسانة رقيقة جدااا بتجيبي ردات فعل لـ خديجة بطريقة بحسها أقرب لشخصيتك في الحقيقة كلامها بيكون طالع من قلبك أوووووي ... معلش يا سحوبة مندمجة جاااامد وعايزة اخرج من المود وانظم الكلمتين فسامحيني لو طلعوا ملغبطين انتِ السبب

يوسف بيحب خديجة بطريقة متملكة وأنانية جدا بيشوف نفسه وبس هو عايز ايه لكن هي مشاعرها ايه مش مهم المهم هو يكون مرتاح مقدرش اقول ان بكائه كان مصطنع لا بس برده ميمنعش انه بيحبها حب امتلاك مش بيشوف صورتهم سوا لا بيشوف صورته وهو بيضحك ومبسوط مرة قرأت مقولة مش فاكرها نصاً كانت الكاتبة بتقول " أنا لا أحبك لأنك الأفضل ولكني أحب نفسي حين أكون معك " المقولة جميلة وناعمة لكن تخفي أنانية شديدة يعني حتى في حبه ليها مش شايف غير أربع حروف يـــــــــــــوســـــف وبس

جميلة غيرته لكن في الواقع عمركم شفتم في حياتكم رجل في ظروف يوسف لا محروم معنوياً أو مادياً ممكن تتغير انانيته ونرجسيته في الواقع لأ الطبع في الحالات دي وفي معظم الحالات بيكون جزء من الروح حتى لو بطل لحد ما يتزوجوا وقعدوا فترة بعدها هيرجع لنفس الأنانية ومش عارفة ازاي هتتهذب أنانيته إلا لو يوسف اتكسر نفسه اتكسرت وبصراحة رغم اني من حزب سمرمر لكن اكره اني اشوف يوسف مكسور مش عشان هو كويس لأ أنا بكره ده لأي بني آدم بجد يا سحوبة عندي فضول كبير ازاي هتربيه لأني واثقة انك هتربيه تربية تمام

كمان انا اتعجبت من كرم والدها معاه جدااا كان عارف هو بيعمل ايه في قلبه وعينيه خديجة وساكت ؟! والله البنت في مجتمعاتنا مظلومة حتى لو دلوعة أبوها وحبيبة قلبه برده هي اللي لازم تتحمل وخلاص

خديجة والله انتِ فخر النساء فعلاً بجد كلامك ليه تستهالي عليه بوسة ومعاها كوباية سحلب أد إيه كنت شايله في قلبك وعارفاه وحفظاه زي كف ايدك وبالرغم من ده صابرة عليه بس كلامك انهارده محير لما بتكوني مع يوسف بتنسي سامر ولما بتكوني مع سامر بتنسي يوسف احنا متأكدين ان سامر لسه مجرد اعجاب لكن يوسف بقى لو كانت مشاعرك تجاهه حقيقية مية في المية مكنتيش هتشوفي راجل غيره بمعنى لا الارتباك ولا كل اللي بيحصلك ده لأنك مش مراهقة انتِ بنت كبيرة حيريتينا يا فخر النساء بس كلامك بيدي سمرمر أمل وميرفت كمان

سااااااااااااامر 50 وردة جورية مشمشي يابني أنت عنوان للذوق والأخلاق استمر يا بني قلبي وربي راضين عليك

سحوبة سلامتك الف سلامة يارب الحساسية الوحشة تروح عند وش البوم ياااااااااارب

في انتظار الفصل القادم ورد خديجة يا شريرة انتِ كمان في قفلاتك بقت عدوى في القسم وانتشرت

في أمان الله حبيبتي