شكراً سحوبة على الفصل الجميل

خوخة خوختي راحت فين يا حبيبتي يا ديجا كده يا سحوبة تاخدي البنت لعالم الشهرة والروايات تقومي تسلطي عليها بلطجي من أول فصل مين البلطجي ده وعايز ايه
يا عيني عليكِ يا خوخة وعلى حظك وفي أول بطولة ليكِ يحصلك كده وآسفاااااااااااااااااه

أستاذ يوسف صحيح أنت عملت موقف جدعنة في الأخر بس ده العادي يعني بنت عمك وواحد بيتهجم عليها لازم تعمله كفتة سيبك من الموقف ده مش هضخم فيه كتير عشان متاخدش في نفسك قلم أكتر ما أنت واخد

ليه الغرور يا يوسف يا عسول مش معنى ان في فريق متحفز للخناق عليك تقوم تسوق فيها لأ طبعاً أنت غلطان وقت الجد كل الفريق ده يتقلب عليك ويشهر أسلحته لصالح خوخة يعني بلاش مكالمات والحركات دي أدامها هتندم يا يوسف هتندم

خوخة هسيبلك كلامي تقرأيه بعد ما تفوقي من اللي حصلك اهيء
شخصيتك واقعية جدااا تعرفي انك تشبهي بالظبط بالظبط خالتي حبيبة معاميقي ما عدا موضوع يوسف ده هههههه معطائه جدااا العطاء بيجري في دمك وبتلاقي سعادتك فيه أي نعم بتكوني مرهقة لكن مش هتقدري تعيشي بدون عطاء اللي زيك بيكونوا أوتاد لأهلهم وأصدقائهم ميقدروش يتخيلوا العالم من غيرهم وعايزة أقولك ان من واقع تعاملي مع خالتي عارفة انك هتفضلي كده لأنها مش بتلاقي نصف ساعة لنفسها ولو لقت اولادها بيخانقوها عليها ده عايز يكلمها وده بيصحيها بدون سبب
ساعات ببصلها وأقول هي بتتحمل ده كله ازاي بس هي طبيعة ربنا خلقها فيها سبحانه تعالى حبيتك جدااا لأنك بتفكريني بيها وهي صديقتي الأولى بعد أمي ربنا يخليهم ليا آمين

عرفت سبب حزن والدك حاسس بتعلقك بيوسف وهو ولا على باله الأخ احنا في العشر الأواخر والليلة دي ليلة وترية ادعي وقولي يارب يا يوسف يا ابن ام يوسف لو كنت خير ليا يارب قربه مني ولو كنت شر يارب ابعده عني
وهو ان شاء الله خير فهيقربه منك يا كتموتو

علاقتك بوالدك مميزة جداااا ربنا يخليه يارب وماتتحرموا منه
أما علاقتك بزميلاتك جميلة بس فعلا الازدحام ده بيسبب ارهاق شديد كنت زيك كده في فترة وبعدين قننت الموضوع في حدود لأن مكنش ليا حرية شخصية وقتي كله ملكهم

جمال يا بيخاتك يا أخي رخم وغلس وبارد والله تخيلت شكلك وضحكتك الصفرا يع يع يارب وفاء تظبطك بس هو بيعمل ايه مجرد رخم ولا ايه بالظبط ؟؟

سحوبة في انتظار الفصل القادم بسرعة عشان أطمن على خوختي وأشوف حصلها إيه

في أمان الله حبيبتي