أنا الشموخ ومارضيت البهاذيل كسرت خشم الناس من قو ذاتي .. للكاتبه : ظميانة عشقهy - الصفحة 3

دلع الكويت · 29-01-12, 11:13 PM

اقتباس:

المشاركة الأصلية كتبت بواسطة em esoos

السلام عليكم ورحمة الله وبركاته

وي وي وي شنو هذا يا دلع جد ابداع يالغلا وانا من متبعينك من زمان بس ما كنت اقدر ارود لانه جهازي مافي عربي بس الحين معاكم الا مام ههههههههههه
وابشري بعزك يا دلع بردود الزينه يا عسل ههههههههه

جد الروايه باين انها تستحق المتابعه ولا تطولين علينا

تقبلي مروري يالغلا

ام السوس

وعليكم السلام ورحمة الله وبركاته
يسلمو أم السوس ومن جد الرواية روووووعه
كوني بالقرب عزيزتي

دلع الكويت · 29-01-12, 11:17 PM

اقتباس:

المشاركة الأصلية كتبت بواسطة صبوحة2008

اهلين دلع كيفك غاليتي توني جايه من البر وتعرفي تعب وسهر ومدرسه

لاكن هيهات ان اغفل عن منتداي الغالي

قرائت الروايه ولي عوده بعد مااصحصح وامخمخ وابدا بتعليقي

دمتي غاليتي لنا ويعطيكي العافيه

علا فكره تراني نجحت وتقديري رائع وباركو لي فديتكم

هلا فيج صبووووحه

ألف ألف ألف مبرووكـ النجاح غاليتي

بانتظار رأيج تعليقج عن أبطال الروايه
كوني بالقرب

دلع الكويت · 29-01-12, 11:22 PM

اقتباس:

المشاركة الأصلية كتبت بواسطة babo

بسم الله الرحمن الرحيم
اهلين دلع
مرحبا بك وبروايتك الجديدة
انا لسه ما قريتها بس حبيت ارحب بيك
ولي عودة بعد القراءة

أهليييييين قلبو نورتي الروايه

بانتظار ردج المره القادمه

دلع الكويت · 29-01-12, 11:30 PM

بعد اسبوع...


	كنت قاعده ارتب غرفتي...كنت زهقانه وملانه....طلعت اشوف امي وسعاد اتونس معاهم....طبعا سلط والجازي نايمين...صارلهم يومين سهرانين....يعني اليوم كله راح يقضونه نوم....صج مهبل هالاثنين....يقاومون النوم مقاوم....واذا ناموا ماقعدوا...نزلت من الدرج وصدمت كتف خالي....ناظرته وانصدمت من وجهه....كان اسود والضيق مبين بوجهه....قال بعصبيه:اخوانك وين؟... قلت بخوف:نايمين خالي....ناموا متأخر... قال بنرفزه:روحي صحيهم غصب طيب....وتغطن عدل وتعالن المجلس....ابوكم تحت وترا معاه عيال أخوه.... شهقت بصدمه ونزلت دموعي....انصدمت ماتوقعته يجي....قال خالي بقل صبر:ريم مو وقت صدمات...روحي صحي اخوانك...وربع ساعه بالكثير وانتوا تحت....ترا اللي فيني كافيني....وقولي للمجنونه بلاش غلط....وخل تمسك اعصابها...وماتطول لسانها.... ونزل وخلاني...متوجه للمجلس....جلست على الدرج استوعب....أبوي...أبوي بالمجلس...مايفصل بينا شيء....طول عمري احلم بهاللحظه....وأخيرا جت....توجهت لغرفه سلطان وانا اركض...فتحتها وتجمدت....من الهوا البارد...كانت ظلام....بطلت النور...وناظرت الغرفه بلمحه سريعه...الالعاب المرميه....الشيبس والكاكاو...وعلب البيبسي والعصاير...واشرطه البلاي ستيشن...غرفه شباب وعزابيه بعد...توجهت لسرير الجازي ....وانا اشوفها منكمشه تحت اللحاف الخفيف...ومو مبين منها شيء ...قلت بفرح:جوجو....جازي قومي فيه خبر ماراح تصدقين... بصوت كله نوم...:هممممممممممممممم.... قلت بنرفزه:جوجو وجع....قومي....ابوي تحت.... ثواني ورفعت اللحاف....وانصدمت من وجهها المتجهم.....وعيونها الحمرا....خفت من عيونها الجامده....حاولت اقرأ تعابير وجهها بس كالعاده فشلت....قلت بفرح:مانتي مصدقه صح.....ماتتخيلين شكثر انا فرحانه.......حلم حياتي تحقق.... قالت باستهزاء...وهي تتوجه لكبت سلطان تدور له ملابس...:الله واكبر حلم حياتك ذا.....لو ادري انك تفرحين بجيته هالقد....كنت جبته لك من زمان....وكسبت فيك أجر.... قلت بعصبيه:جازي بلاش طنازة....خالي معصب....أنا نازله مو تتأخرين....وترا عيال أخوه معاه.... شفت ملامحها اللي احتدت زياده....وسفهتها وانا آخذ جلال اتغطى فيه....والعن بالجازي والساعه اللي رحت اقولها الخبر...دايما الجازي تنغص فرحتي.....عجزت افهمها هالبنت......نزلت تحت وشفت أمي لامه سعاد وتصيح....وسعاد تهدي فيها....وجدتي...وجهها أسود...وتسبح بمسباحها...بس شافتني...أمي نادتني...ولمتني وهي تصيح...وسعاد تحاول تفكني....قالت بهدوء:مها اذكري ربك بس بيشوفهم....ريم حبيبتي روحي المجلس بسرعه.....صحيتي أخوانك؟.... هزيت راسي بايه...وكملت بسرعه:أجل روحي للمجلس بسرعه....خالك معصب بالمره....تكفين روحي لايجي يفضحنا... توجهت للمجلس وانا أرجف...ضربت الباب...ووصلني صوت خالي الهادي:حياكم.... دخلت وتصنمت...طاحت عيوني بعيون شاب مملوح وابتسملي بلطف....نزلت راسي بسرعه....ووصلني صوت رجولي قوي...:تعالي عندي يبه..... رفعت رأسي بسرعه...وناظرته وماقدرت أمسك شهقتي....ودموعي سالت....هو والله هو....بس الفرق انه كبران شوي...نفس صورته اللي عندي..نفس القوة ونفس الهيبه... يشبه سلطان كثير....قال خالي بهدوء:ريم تعالي سلمي على أبوك.... ماصدقت خبر... مشتاقتله كثير......ركضت ورميت نفسي بحضن أبوي وأنا أصيح وهو يمسح على راسي بحنان ويهديني....كنت مشتاقتله كثير...توني احس بالراحه....حضنه دافي كثير....توني لقيت الشيء اللي فاقدته....بالغصب تمالكت نفسي....وانا قاعده قباله...وهو يسألني عن أخباري....وعرفني على اللي جايين معاه...أشرلي على اللي قاعد جنبه...ووجهه جامد....بس مزيون لدرجه كبيره....اسمه عزيز...قال بصوته الرجولي الخشن:كيفك يابنت العم؟.....قلت وانا أحس قلبي وقف من صوته بهمس:بخير....والثاني كان بس يضحك وينكت...كان باين اكبرهم اسمه تركي....سلم علي بميانه كأنه عمري كله قاعده معاه....والثالث يمه هو اللي ابتسملي اول مادخلت....كان وجهه هادئ والطيب نابع من وجهه....اسمه مشعل...حسيت انهم مندكجين مع خالي الا عزيز والعياذ بالله.....قعدنا ساعه.....وابوي كل دقيقه يناظر ساعته بضيق ويسألني عن أخواني....وخالي وجهه دخن...اشرلي خالي انادي الجازي....قمت بأناديهم....بس جمدني صوتها البارد:السلام عليكم.... أبوي وعيال عمي فزوا من مكانهم والصدمه بوجيهم....ناظرت بالجازي بعباتها السودا الواسعه...وطولها الملفت...ولثمتها الدائمه الجذابه...ونظرة عيونها جامده...والغموض والبرود يشع منهن..وسلطان بدشداشته البيضاء وشعره الاسود المبلول مرجعه كله لورا بأناقه....قال أبوي بسعاده وهو يفتح يدينه..:يالله انك تحييهم تعالوا يبه....سلموا على ابوكم.... ناظرت أبوي والعيال بهدوء....ومشت للطرف الثاني ....وسلطان مسك يدها بسرعه ومشى معاها....وجلست ببرود وسلطان لازق فيها....ثواني والكل منصدم....قال خالي بعصبيه:جازي وجع قومي سلمي على أبوك.... قال أبوي بألم وهو يجلس:خلهم على راحتهم يافيصل لاتجبرهم.... قالت بهدوء وببرود وصوتها الحاد:خالي علامك؟....شفت حتى هو مايبغى يسلم علينا عادي..... قال أبوي باستنكار:أنا....مابغى أسلم عليكم....وبعصبيه...من قايلك هالكلام؟... قالت بثقه:انت قلته....والحين بعد.... قال خالي بعصبيه:الجازي بلاش طواله لسان أحسن.....هذا ابوك.....فاهمه أبوك؟....تعوذي من ابليس....وقومي سلمي على أبوك... قالت باستنكار ووقاحه:أبوي...أي أبو ذا....وباستفزاز...انشالله تبغاني ارتمي بحضن اي أحد يجي ويقول انا ابوك.....وضحكة باستهزاء...قال ابوي قال....وأنا عمري ماشفت وجهه الا بهالدقيقه.... صرخ خالي بعصبيه:جااااااااااااااازي. .... قال سلطان بصراخ وعصبيه:وجع انشالله....لاتصارخ ...راسي يعورني....كيفنا مانبغى نسلم....كل شوي جازي جازي...أوووووووووووف.....وبعد ين انت غبي....أبوي ميت .....ميت ماتفهم انت.....وبثقه...صح جوجو؟... الكل انصدم...وأنا شهقت من الصدمه.....وقال خالي بنرفزة:لا غلط ياسلطان...وأشر على أبوي....هذا أبوك....أبوك مو ميت... سلطان بعصبيه:يخسي والله مو أبوي....أنتم أغبياء....كلكم اغبياء....وماتعرفون....بس جوجو تعرف.... وبصراخ....أبوي ميت....مات من طلق امي وطلقنا معاها....مات من خلى اخوي حالته كذا....وبثقه....صح جوجو؟.... دمعت عيوني...وأنا اسمعه يعيد مصطلحات وكلام الجازي....اللي سلطان شغلته بس يحفظه....ويطبقه....قالت بثقه وتحدي وهي تناظر ابوي:صح ياقلب جوجو انت.....الكل انصدم...ولفت على سلطان...حبيبي مو عيب ترفع صوتك على خالي.... قال بضيق:هو صارخ عليك.... قالت بحنيه وهي تمسح على صدره:مو هو ابونا اللي يحبنا....وهو اللي ربانا..... وكمل سلطان بملل:واللي يعطينا فلوس...واللي طلق مريم علشانا....واللي يحبنا أكثر شيء بالدنيا.... قالت بهدوء:صح ياقلبي....والحين أبغاك تروح تبوس راس خالي.... قام سلطان بسرعه وباس راس خالي ورد قعد جنب الجازي...لأن مستحيل يخالف اي كلمه تقولها الجازي....قال ابوي بحزن والم:جزاك الله خير يابنتي.....ويجي منك أكثر....موتيني وأنا حي.... قالت ببرود:والله هذا ماجنيته....وبغرور....عمل يدينك ياولد الناصر.....انت اللي بعتنا بالاول...والحين وبكل سهوله... عقب هالسنين كلها....تبينا نرتمي باحضانك....بعيده عن شاربك.....وبقوة وحده...ولا شتبغاني اقوله...وهو صاحي نايم يسأل عنك....أقوله طلق أمك وطلقنا معاها...ولا كأننا عياله....ولا تبيه يعاني مثلنا....وبثقه...بالعكس بدال لاتتضايق المفروض تفرح خليت صورتك تشرف بعيونه.....وبخبث....كبرتك بعيونه...أسأله عن أبوه وشوف شيقولك؟...... صرخ عزيز بصوت مرعب:بنــــــــــــــــــ� �ت....... فك أبوي زر ثوبه الأول....قال خالي بعصبيه:جازي وبعدين..... قال أبوي بحزن:اتركوها....طلعي اللي بقلبك يابنتي....اجل انتي اللي خليتي صورتي تشرف...والحقيقه صورتي توطي الراس.... قالت بهدوء:اول شيء لاتقول بنتي....مانيب بنتك.....وثانيا اي هذي الحقيقه.....ولا شترجى من رجال رامي عياله ورا ظهره عمر كامل..... قال خالي بنرفزه:الجااااااااااااااز� �...... قال ابوي بهدوء وضيق:فيصل اتركها تقول اللي عندها.... قال خالي بهدوء وهو يناظر الجازي بعصبيه:انشالله.....بس عن اذنكم....بتركم على راحتكم.... وطلع بعد ماعطى جازي نظرات تهديد.....وتركنا بروحنا....الكل يناظرها هي وسلطان....همس لها سلطان...وناظرته بهدوء وهي توقف....شغلت ال tv...وحطته على قناة سيارات...دايما سلطان يتابعها....وجلست وسلطان انسدح على رجلينها....وهي تلعب بشعره....والكل مثبت النظر عليهم.....وهي تناظر بسلطان...مرت نصف ساعه تقريبا...والكل ملتزم الصمت.....وابوي مثبت نظره عليهم....قالت بهمس هادئ مسموع:ليه جيت الحين؟.... الكل انصدم....قال بحنيه:تسأليني هالسؤال؟....جيت أشوفكم...أشوف عيالي...انتظرتكم تجوني بس ماجيتوا....وماقدرت أتحمل أكثر... لا تحسبين اني نسيتكم بيوم.....مايمر يوم علي الا وانا أفكر فيكم.... بنفس الهمس بس بحده أكبر:ليه جيت الحين؟.... مشعل وتركي كانوا يتغامزون والصدمه مرسومه على وجيهم.....أما عزيز كان طايح خز بجازي....ونظراته تخوف...أحسه شوي ويذبحها.....قال أبوي بحنيه أكثر:ماكفاك اللي قلته...أنا ما أبعدت عنكم برضاي....ربي العالم غصب عني..... الجازي كانت للحين تلعب بشعر سلطان بهدوء.....بعد دقايق وببرود وهدوء:تدري عمري كله راح وانا انتظر هاليوم....كان عندي أمل صغير انك راح تجي.....ومعك عذر....عذر صغير...يشفع على غيابك 19 سنه....وباستهزاء....عمري كامل تتخيل......للأسف بس...... قلت بضيق:جازي عيب هالكلام....هذا أبوي.... قالت باحتقار:أبوك....ومن متى المعرفه انشالله؟....تو ماصارلك ساعه شايفه وجهه....بهالسرعه ياريم صار ابو...لو انه ابونا صج ماطلق امنا وطلقنا معاها.....لو هو ابونا صج وينه عنا هالسنين كلها...لا سأل ولا حتى بالتلفون....مايدري جوعانين شبعانين....بردانين...عايشين ميتين.....وينه ماتقولين وينه؟....لو هو ابونا صدق كان ماسوا بسلطان اللي سواه.....اي ابو واي بطيخ....أبونا مات مات من زمان....من رمانا وراه....ولا كاننا عياله....التهى بجمع المال...التهى بالدنيا....ونسانا وراه.....خلانا ملطشه للناس....الكل يناظرنا بضيق....همس الناس تذكرينه..ولا اذكرك فيه.....أبوهم طلق أمهم ومايدري عنهم....يقولون تزوج ونساهم......لا والبلا لو تدرين ابوهم منو؟.....ذلنا وترك الناس يذلونا بنظراتهم وشماتتهم..... صرخت وانا اصيح:كافي خلاص....حرام عليك... صرخت بحده:لا مو كافي....خل يشوف شسوى فينا.....ليه للحين تراعين مشاعره....وهو رمانا وحنا بزران.....خل فلوسه اللي رمانا علشانها تنفعه....خل يشتري عيال غيرنا بفلوسه....وبألم وهي تناظره...شفت اللي قاعده تدافع عنك ....أكثر وحده تأذت من غيابك اللي طال...أكثر وحده انجرحت من نبذك لنا....وقفت حياتها علشانك....دايما كنت أعص عليها....وأخانقها علشانك....وبالم...تذكرين ريم لما جيتي من المدرسه تصيحين....أن البنات يضحكون معاك...أن ماعندك ابو....وأمي عطتك صورة لأبوي...وبضحكه استهزاء....وأخذتيه ووريتيها لكل البنات وانتي فرحانه.... صرخت وأنا منهارة وأبي أهرب:خلاص والله حرام عليك....كافي.... وجيت أبي أركض داخل....بس أخذني أبوي وحظني بقوة...وهو يهديني.....ودموعه مغرقه وجهه والكل منصدم ...ويناظروا الجازي بحقد....بس هيهات يهزون شعره فيها.....كملت بصوتها المبحوح:تذكرين لما شفتك ماسكتها وتصيحين....وأخذتها وقطعتها....وانتي انهبلتي.....وبالم....على كثر ماكسرتي خاطري....على كثر مازاد كرهي لصاحب الصورة...... قال أبوي بالم وهو للحين حاظني....وحسيت بصدمته ورجفته:تكفين خلاص يابوك....لاتعذبيني فوق عذابي.... صرخت بألم:بعدك ماشفت من العذاب شيء....شتقول علينا حنا.....تبي تعرف العذاب وشو...تخيل بصباح العيد...للحين صياح ريم وسلطان بأذني....وأمي بلاحيله قعدت قبالهم تصيح...."ارتجفت بأحضان أبوي بهالموقف"....كملت بحزن...خالي كان رايح بدورة عمل طويله....كان معطي أمي مصرف البيت.....بس أمي طيرته.....وخلصوا...واستحت تطلب من خالي فهد....والا تطلب خالي فيصل...وهو كان معطيها مبلغ كبير....سلطان وريم لما شافوا الكل كاشخ ولابس....قلبوا البيت علينا...الا يلبسون شيء جديد....غاروا من عيال جيرانا....وعيال خالي فهد....أنا كنت أناظرهم بضيق...كرهت العيد مره....وكرهتك مليون....طلعت من البيت وأنا أحس البيت يضيق علي.....طلعت برا وأنا أحس اني كاره نفسي....حلفت من بعد هاليوم ما أشوف دموع ريم وسلطان وأمي.... بعدها رد خالي فيصل وقلتله....وقلب البيت فوق تحت على أمي....شلون ماتقوليلي....ولا تقولين لفهد...وتخلين العيد حسره بقلوبهم....للحين خالي يحس بالذنب...وخالي فهد انهبل وزعل على أمي....وأخذونا للسوق....وماخلوا بنفسنا شيء....بس عقب شنو؟.....عقب مامت بحسرتي على دموع أخواني....وصاروا كل عيد يشترولنا كل واحد بروح.....وخالي فهد حتى قبل عياله.....وابتسمت بألم....هذولا اللي يستاهلون مني كلمه يبه....وهذولا اللي راح أظل مديونه لهم عمري كلهم....ومافيه مخلوق بهالدنيا يستاهل من كلمة يبه غيرهم......ولفت عليه ببرود....الا صج شنو تبغاني أناديك؟.... قال عزيز باحتقار...وهو يناظر أبوي اللي انهار من الصياح :المسمى الطبيعي يا آنسه....يبه...وهجاها لها باستفزاز ي..ب..ه.....يا مؤدبه.... ناظرته ببرود واحتقار وهي تأشر برقم واحد:أولا ما سألتك...ثانيا...أكيد مؤدبه وغصب عنك بعد.... صرخ أبوي بعصبيه:انتي وبعدين معاك ماتحشمين أحد.... قالت بخبث:فيه ناس تجبرني احشمها....وفيه ناس تغصبني اوريها قدرها....وبلعانه جازي المعروفه واسلوبها الاستفزازي...لأن الحشيمه ماتنفع معهم أبد.... صرخ عزيز بعصبيه مرعبه:انتي وبعدين معاااك....احشمي نفسك وتأدبي...لاتخليني أعلمك الأدب بنفسي.... قالت بعصبيه:لا والله...ومن تكون حضرتك؟....وبخبث ...واذا تبغى تأدب أحد أدب نفسك ياولد حمد.... وباستهزاء... يالمتربي.... هنا ثار عزيز...وركض لها يبغى يضربها....وعياله عمه مسكوه وهم يهدونه....قال بعصبيه:اتركوني....والله لأدفعها ثمن كلامها....قليلة التربيه....لوفيك خير عيدي كلامك...والله لتشوفين اللي بعمرك ماشفتيه.....واذا عندك كلام قوليه ....لاتقعدين تنغزين بالكلام يالبزر....وتتكلمين بالألغاز.....هذا اذا كان عندك كلام..... كنا نناظر بجازي اللي قاعده...وما أهتز لها جفن....وعيونه تناظر بخبث واستهزاء....وعزيز طفر.....وبس قال انها مو متربيه فزت الجازي وهي توقف قدامه....وبتحدي وهي رافعه حاجب:بما اني فيني خير ياولد حمد....وبما ان كلام الملوك لايعاد....وماني من اللي كلامهم ينعاد....وبخبث ...بس أعيد الصياغه....متربيه من قبل أشوف وجهك....واذا فيه أحد يبغاله تربيه....مابه أحد كثرك يستاهلها....وبخبث...وكلامي واضح....وعمري ماتكلمت بالألغاز....كلامي طول عمره واضح....بخبث....والألغاز مخليتها لأهلها....وبتحدي...ووريني اللي بعمري ماشفته.... الكل شهق بصدمه....ومشعل وتركي يجاهدون علشان مايضحكون.... وأنا أترجى الجازي تسكت....وعزيز انهبل....فك نفسه من عيال عمه بعنف....ويبغى يضرب الجازي...بس خالي مسك يده بعصبيه....ووقف بينه وبين الجازي....اللي عيونها تلمع بخبث....قال خالي وهو يرمي يده بتقزز:ماأسمحلك ياولد الناصر....ماتنضرب بنت أختي ببيتي.....هالمره بعديها لأنك ببيتي....والا لو بمكان ثاني ماتطلع الا محمل.... قالت الجازي باستهزاء:ليه مسكته ياخالي....مخليه يضرب علشان أنهيه من هالدنيا....وباستهزاء ونغزه....ويشوف اللي بعمره ماشافه....وبخبثها....وأحل له ألغاز عمره....مره وحده.... مشعل وتركي يجاهدون علشان مايضحكون...وهم يناظرون عزيز اللي دخن واحترق وجهه.....قال خالي بحده:جاازي خلصنا.... قال عزيز بحده واحتقار:ليه خلصنا؟....دامها مو لاقيه رجال يردها.....أجل شنرجــــ.... وانقطعت كلماته على صوت الكف اللي رج البيت رج....والكل الصدمه ملت وجيهم.....قالت من بين أسنانها....وصوتها انبح من العصبيه....وهي رافعه اصبعها بوجهه بتهديد:عيد ذا الكلمه وشوف اللي يجرالك....لو مانت ببيتنا وضيف عندنا....كان جاك الرد عدل......ومجلسنا من اليوم يتعذرك..... عزيز كان يناظر بعيونها بصدمه....ويرجف من العصبيه.....والجازي عيونها كلها حقد....ومشعل تدارك الوضع...وجا وجر عزيز المنصدم.... هنا قام ابوي....ووجه المتجهم....وبهدوء وهو يضرب كتف عزيز.:فيصل...بآخذ عيالي معي....الحين..... الكل انصدم....والجازي بحده:والله لو تموت...ما أروح معك.... قال ببرود:ومن قال أنا أقصدك....أنا أقصد سلطان وريم.... قالت بحده:سلطان ماتاخذه لو ايش ماصار.....وماله طلعه الا على جثتي..... قال ببرود:سلطان بيطلع معاي وغصب عنك....واذا ملزمه على جثتك.....غالي والطلب رخيص...ادفنك بمكانك ونتوكل...... خالي ناظر وجه الجازي اللي احتدت عيونها....وتناظره باحتقار...وتبي تتكلم...وقطعها خالي اللي قال بارتباك:اذكر الله يابوسلطان.....وين تأخذهم؟...واذا قصدك على الجازي....الحين تعتذر منك.... ناظرته الجازي بحده....وهزلها خالي راسه برجا.....قال أبوي بهدوء:مني ومن عزيز.... قال خالي بهدوء:انشالله....ولف لجازي وبرجا....تكفين الجازي....علشان ماياخذكم......وبرجاء أكثر...علشان خاطر خالك....اذا لي خاطر عندك..... ناظرت الكل ببرود....وثبتت عيونها على عزيز اللي يناظرها بخبث.....وعطته نظرة احتقار جمدته....ولفت على خالي....وباسته براسه:خاطرك كبير...و......

دلع الكويت · 29-01-12, 11:36 PM

((6))


	قام ابوي....ووجهه متجهم....وبهدوء وهو يضرب كتف عزيز.:فيصل...بآخذ عيالي معي....الحين..... الكل انصدم....والجازي بحده:والله لو تموت...ما أروح معك.... قال ببرود:ومن قال أنا أقصدك....أنا أقصد سلطان وريم.... قالت بحده:سلطان ماتاخذه لو ايش ماصار.....وماله طلعه الا على جثتي..... قال ببرود:سلطان بيطلع معاي وغصب عنك....واذا ملزمه على جثتك.....غالي والطلب رخيص...ادفنك بمكانك ونتوكل...... خالي ناظر وجه الجازي اللي احتدت عيونها....وتناظره باحتقار...وتبي تتكلم...وقطعها خالي اللي قال بارتباك:اذكر الله يابوسلطان.....وين تأخذهم؟...واذا قصدك على الجازي....الحين تعتذر منك.... ناظرته الجازي بحده....وهزلها خالي راسه برجا.....قال أبوي بهدوء:مني ومن عزيز.... قال خالي بهدوء:انشالله....ولف لجازي وبرجا....تكفين الجازي....علشان ماياخذكم......وبرجاء أكثر...علشان خاطر خالك....اذا لي خاطر عندك..... ناظرت الكل ببرود....وثبتت عيونها على عزيز اللي يناظرها بخبث.....وعطته نظرة احتقار جمدته....ولفت على خالي....وباسته براسه:خاطرك كبير...وانت أكثر واحد تدري...انصدم الكل....وخالي قال برجا:جازي لا.... قطعته وهي تبوس راسه..مرة ثانيه...:مالك لوا ياخالي....وأنا ماغلطت بشيء....وماربيتني اعتذر وانا على حق....واذا فيه أحد يستاهل اني اعتذر منه بهالمجلس....هو انت...انت وبس....عمري ماكنت خجلانه منك....كثر ماني خجلانه منك الحين...وبصدق...اعذرني يالغالي...اعذرني اني تركت ناس ماتسوى مواطي رجلينك تتمادى عليك.... صرخ عزيز اللي مسكه ابوي المتجمد:انتي هييييه.... وهي ماهتز لها جفن....وعيونها بعيون خالي:بنروح معاهم الحين....بس رادين قريب...قريب كثير....ولفت علي....ريم روحي حطي لسلطان ملابس...وكثريله....وانا وانتي بسرعه.... قال خالي بعصبيه:جازي اذا ماتبغين تروحين لا تروحين....والله ماتطلعين غصب عنك وانا خالك.... قالت بحب:قول وفعل ياخال...وبغرور وتحدي....وأفا ياخال....ماهقيت انك تظن بي هالظن....وماعاش من يغصبني....وانا الجازي....بس أنا رايحه بصفي حساب لي...وبتحدي وثقه....واللي خلقك وخلقني....لاتظن انه لوى ذراعي بسلطان....وانتي تعرفني ياخال.... وباست راسه....واعذرني ياخال....وسلم لي على الداخل.... قال خالي بضيق:ادخلي على الأقل سلمي عليهم.... قالت بغموض...وهي تقوم سلطان اللي غفى غصب:ماله داعي ياخالي....سلم لي انت عليهم.... ولفت علي بضيق وهي رافعه حاجبها:انتي مارحتي للحين؟.... قلت بصدمه:بس... قالت بحده:لابس ولاشيء....يالله بسرعه....وسلمي على الكل داخل.... وطلعت هي وسلطان.....وانا رحت وانا اناظر خالي اللي أحسه بيموت من القهر والضيق.....أما الباقين....متجمدين من الجازي...بعد مارمت عليهم نظرة قويه....أحسهم منصدمين...ضحكت بداخلي باستهزاء:الله يعينكم....ماشفتوا شيء للحين....والله لتطلع أخذتكم لنا من عيونكم..... طلعت وارتميت بحضن أمي وانا أصيح....وأمي انهارت تصيح....وجدتي تتحسب وتدعي...وأمي تترجى خالي ينادي سلطان والجازي....وسعاد راحت حطت لنا أغراض لما قالها خالي....وغصب جرني خالي من أحضانهم....طلعت وصوت صياح أمي باذني...شفتهم واقفين....والجازي واقفه بهدوء تناظر بيتنا....رحت للجازي ومسكت كتفها من ورا....وبصوت باكي:جازي روحي لأمي حرام.... قالت ببرود:خلصتي الأغراض... قلت بضيق:ايه حطتهم سعاد...الحين سيتي تطلعهم.... قالت بهمس:طيب...امشي نركب.... ثواني وطلعت سيتي ومعاها أغراضنا....ثلاث حقائب وسط....ركبوهم الشباب....وركبوا....كان همر أسود....ركب أبوي وعزيز المتجهم وجهه قدام....وورا عزيز بالضبط الجازي...وجنبها أنا....وجنبي سلطان....وجنبه مشعل....وبعدين تركي....السيارة كانت ضيقه كثير....وسلطان مكشر وهو نايم...وكل دقيقه ضربني أو ضرب مشعل....كان الصمت هو المحيط بالسيارة....ماغير نظرات عزيز الناريه للجازي...والجازي تناظر من الدريشه وماهمها شيء.....ومبين تفكر بشيء كبير....وهمس مشعل وتركي....وصوت شهقاتي اللي ماني قادره أوقفها.....وابوي اللي كل دقيقه....يلتفت لنا ويشوف الجازي ويتنهد....ويرجع يناظر قدام...وجازي كل دقيقه يضوي جوالها....وأخير شيء أغلقته وهي تزفر.....بس قطعني صوتها الغاضب...... من خبرتني ريم...وانا أحس قلبي يرجف....مانكر اني ودي أشوفه....بس كنت خايفه من نفسي لا أثور فيه.....تروشت وصحيت سلطان اللي بالموت صحى....خاصة انه مانام شيء....وقلت له يتروش على السريع....لبسته ثوبه الأبيض....وسرحت شعره لورا....وصار سلطان لايقاوم....عطرته بالعطر الرجالي اللي أموت فيه....لبست لي بنطلون أبيض....وبدي وردي عادي....سرحت شعري ولفيته....لبست عباتي وتلثمت....وماحطيت بعيوني أي شيء....لبست ساعتي الكبيره....ولبست جزمتي"تكرمون" الكعب.....رغم اني مانيب ناقصه طول...بس ماعرف امشي الا بالكعب.....مسكت سلطان بيده وضغطت عليها....تحسبا لأي شيء بيصير لازم آخذ حذري....قلت بجديه:سلطان حبيبي اسمعني عدل....حنا بننزل الحين لناس أنا ماأحبهم....وأنا أبغى أسوي مغامره.... قال بفرح:الله مغامره...أبي أسوي معاك.... قلت بحب للهالانسان...وحسرتي عليه مقطعه قلبي:أكيد انت معاي....وبتحذير....بس أنا ما أبغاك تخاف اذا شفتني عصبت أوكي حبيبي.... قال بخوف:أنتي راح تعصبين واجد.....اذا تعصبين واجد لا نسويها خلاص.... جاهدت علشان أكبح دموعي.....والله لأندمك ياولد الناصر.....حسبي الله عليك.....لميته بحضني....وأنا الود ودي أدخله داخلي....ومابغى أحد يجرحه....أو يأذيه.....آخ ...وألف آخ ...ياكبر حسرتي عليك ياخوي.....حسرتي عليك راح تظل ترافقني طول عمري....وحسيت حقدي وكرهي لناصر زاد وملأ قلبي.....والله لأوريك وأذلك....وأذوقك من كآآآآس حسرتي على أخوي.....مسكت يده وأنا أناظره بقوة....وبزعل..:سلطان أنا ماحبهم....وأنا ماراح أعصب جد....راح أمثل....نفس المسلسل.... قال بضيق:خلاص مثلي...أووووف منك.... ضحكت وأنا أمسكه ونوقف قدام المرايه....ناظرنا أشكالنا....قلت لنفسي:أنا قويه....وقويه حيل....كنت أتمنى يجي بروحه علشان مانزل من قدره قدام أحد .....بس ولو اليوم هو اجبرني اهينه قدام أعز الخلق عنده....عيال أخوه....ابتسمت باستهزاء......طلعت وأنا أدعي اني ما أشوف أمي...مالي مزاج لدموع وصياح.....بس خاب أملي وأنا اسمع صوت شهقاتها وانا أنزل من الدرج....كشرت بسرعه....وهي بس شافتني ارتمت بحضني....وجرت سلطان المنصدم معاي....وهي تصيح....وجدتي تناظرنا وتصيح....وسعاد تترجا أمي تفكنا....وهي تمسح دموعها....لأننا طولنا....وفعلا حنا طولنا...وطبعا أنا متعمده......همست لأمي وأنا عيوني بعيون سلطان:يمه والله يخليك لاتصيحين كذا....روعت سلطان.... فكتني بسرعه...وناظرت سلطان....لمته حيل...وتركتنا....وصوت شهقاتها سكاكين بقلبي....وهي توصين لا أتنرفز وأطول لساني...جريت سلطان معاي....وغمضت عيوني وأنا أشجع نفسي....وسلطان مستغرب تصرفاتي...سميت بالله...وأنا أصوات سوالفهم توصلني....دخلت ببرود:السلام... الكل فز....والصدمه مرسومه على وجيهم....أنا بعد انصدمت....بعد ماتعلقت عيوني بعيون ناصر....حسيت بشيء قريب....شبه بسلطان كسرني....كسرني كثير....نظرة الحنيه اللي تشع بعيونه.....تطعني وتقرفني منه.....وابتسامة الفرحه زادتني حقد عليه....تجاهلت وقفتهم ونداءاتهم وتوجهت باجلس بمكان بعيد عنهم....وسلطان مسك يدي وهو مرتبك....ضغطت على يده بقوة....وقعدت وقعد وهو لازق فيني....والصدمه اللي بوجيهم والفشله أرضتني كثير....قعدت وخالي عصب...وكلمه مني وكلمه من ناصر....وكلمه من خالي...وطبعا سلطان فضح خالي...وصارخ عليه....يابعد قلبي مايرضى علي....ياعساني فداه.....والجو صار متوتر....طفر خالي....وطلع من المجلس...وهمس لي سلطان...اللي النوم عامل عمايله فيه....انه يبغى يشوف الtv....أنا هنا لعبتي علشان أتفرغ لهم عدل....شغلته لسلطان....وقعدت أمسح على راسه....نص ساعه مرت وأنا أبغاه يتكلم....بس عيونه وعيون الحقير عزيزوه اللي حرقتني....مسلطه علي....طنشتهم ....وبعدها تكلمت وولعت بيني وبين عزيزوه.....ماأنكر اني خفت....ولأول مره....بس تجاهلت كل شيء....وفجأه قام بيضربني....بس خالي وقف بوجهه....ومني كلمه ومنه كلمه...وبس قال ان ماوراي رجال...ماحسيت بنفسي....الا بيدي على وجهه....ومن شدة الكف يدي قامت توجعني....الا خالي لأحد يتكلم عليه....خاصه انت يابو الأدب....وحمدت ربي مليون مره انه ظل مصدوم.....وبعدين قال ناصر انه يبغى عياله....انا انهبلت....بس جرحني لما قال انا ماقلت انتي....أنا ابغى ريم وسلطان....كنت ابي أمسح فيه الأرض...بس قطعني خالي....اللي مرعوب من فكرة اننا نفارقه....>>يابعد عمري هو..... أنا انهبلت لو موتي ماياخذ سلطان....أنا من غيره ما أعيش....خالي قعد يترجاني أعتذر منهم....وناصر شرط اني اعتذر منه ومن عزيز....علشان مايتركنا....انصدمت من خالي....على شنو أعتذر؟...وأنا ماغلطت...أنا عمري ماعتذر حتى ولو كنت غلطانه....الحين يبوني أعتذر....ومن منو؟....من ناصر والزفت الثاني....ناظرتهم وشفت عيونه اللي تقدح احتقار واستهزاء....رفعت حاجبي بتحدي....ورميت كم كلمه....ماأدري حتى شنو؟....أحس اني ماكنت بكامل عقلي....شوفتي لناصر هدمتني....قعدت سلطان اللي الحمدلله كان غافي بكل اللي صار بصعوبه.....وطلعت من البيت وخالي يترجاني أسلم على اللي داخل....طلعت وانا أحس بطلعتي من بيت خالي....روحي هي اللي طلعت....ناظرت الهمر الأسود....ركبت سلطان....ووقفت أناظر بيتنا....هذا بيتي الوحيد اللي أعترف فيه....هذا البيت اللي بكل زاويه لي ذكره فيه....ياما ركضنا أنا وسلطان.....اسألوا جدرانا عن ضحكنا وسوالفنا....عن أغانينا وصراخنا.....ناظرت الحديقه وابتسمت....ياما شهدت هالحديقه على لعبنا وضحكنا.....تنهدت بضيق وأنا اتذكر أمي....وتبغاني أسلم عليها ياخال.....دايما كنت ضعيفه قدام دموع أمي.....أكره أشوف دموعها....وياويل اللي ينزلهن....أذوقه الويل....بس وش بيدي اذا انا كنت سبب هالدموع؟.....آه يايمه.....ياليتك ماتزوجتي ناصر....ولاجبتينا للهدنيا......بس ياليت وش تسوي....حسيت بأنفاس حاره تلفح رقبتي.....وبهمس خبيث:قسم بالله لوريك اللي ماشفتيه.....وأطلع كل اللي صار اليوم من عيونك....وبحقارة....تأملي عدل...وأحفظي كل شيء....ترا بعمرك ماراح تشوفين هالبيت بعد.....وكلامك بتدفعين كلامه غالي.... ماانكر ان قلبي رجف....بس هيهات....مو الجازي اللي تظهر رجفتها....قلت بخبث أكبر وأنا للحين مغمضه عيوني:ضحكتني ياولد حمد....وراسك الرخيص عندي....أني راجعه للهبيت....وبتحدي....وأعلى مابخيلك أركبه وسويه ياولد حمد.... ثواني وصرخ ومشعل وتركي يجرونه....وأنا حركتي ماتغيرت....كنت أبغى استفزه متعمده....أبغاه يضرب...علشان أقلب السالفه كلها عليهم....ثواني وطلعت ريم وهي ميته صياح....جتني تبغاني أروح بأمي....وتجاهلتها وأنا أدري بأمي وصياحها....صعدنا السيارة الضيقه....ماكان يبغى ياخذنا أحلف بالقرآن....مشينا الرياض....وعزيز يرمي علي نظرات حراقه....وأنا مطنشته...وناصر كل دقيقه يلف علينا ويتنهد....ومشعل وتركي همس شغال....مدري ليه؟...هالاثنين احسهم تافهين....وسلطوني نايم.....وجوالي تكسر من كثر الاتصالات....خالي أمي البيت سعاد....وأنا مطنشه الكل....لما مليت وقفلته.....السيارة كانت هدوء...مايقطعها الا صوت شهقات ريم وبكائها....بالأول عذرتها....بس بعدين أحسها نرفزتني.....صرخت بضيق:ريم وبعدين.....ليه تصيحين الحين؟... قالت وهي صوت صياحها زاد:أهي أهي...أمي تكسر الخاطر....أبغى ارجع لها....والله راح تموت..... وصاحت بانهيار.....كسرت خاطري....أخذتها بحضني وأنا أمسج بحنيه عليها:خلاص حبيبتي.....يعني ماتعرفين أمي أنتي....الحين راح تصيح وتسكت....الصياح مايفيد....ووعد يومين بالكثير وراجعين لها.... قالت بعد ماهدت:طيب انتي ليه ماسلمتي عليها؟...وربي قلبي وجعني وهي تناديك وتترجا خالي يجرك غصب عنك انتي وسلطان.... قلت وانا اتنهد:يعني ماتعرفيني انتي....أدري انها راح تسوي كذا....فليش أعور قلبي....وأنا أشوفها تصيح.....وبمرح....بعدين أحسن علشان يشتاقون لي أكثر منك.... قالت بضحكه:لا تخافين....أكيد راح يشتاقولك أكثر....انتي حبيبتهم ودلوعتهم..... قلت بعتب من احساس ريم الدائم بالنقص:ريـــــــــم..... سكتنا شوي وقالت ريم بضحكه:طافك أكثر وحده منهبله عليك منو؟....ماراح تصدقين...... قلت بثقه:أكيد الكل....وبضحكه...وجدتي طبعا..... قالت وهي ريم تضحك:تخيلي....تصارخ....جيبوا الجازي.....والله ماقولها شيء.... قلت بحب:ياعمري هي....

دلع الكويت · 29-01-12, 11:37 PM

قراءة ممتعه للجميع ...

وديـــ ...

" دلع الكويت "

em esoos · 30-01-12, 12:58 AM

السلام عليكم ورحمة الله وبركاته

الف مبروك يا دلع تستاهلين يا غاليه الى الامام

ام السوس

صبوحة2008 · 30-01-12, 09:10 AM

هلا والله وغلا بدلوعتنا دلع الكويت

صبوحة2008 · 30-01-12, 09:23 AM

اهلين دلع بارت رائع اعجبتني شخصية الجازي

ناصر ماحبيته يستاهل اللي يحصل لهريم قاهرتني ليه تسوي كذا نست اللي سواه ابوها فيهم

صبوحة2008 · 30-01-12, 09:25 AM

اسفه النت بيقطع معي وبيرسا قبل ماارسل

اصلحه وارجع لكم:7r_001::7r_001:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري