16-02-12, 12:47 AM
| #61 | |||||
| نجم روايتي وأميرة حزب روايتى للفكر الحر وفراشة الروايات المنقولة 
|  اقتباس:
مشكورة فتوما لاخلا ولا عدم من طلتك . | |||||
|  |
|
16-02-12, 12:51 AM
| #62 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
هلا فيك منورة ارجوان ان شاء الله تتابعي الرواية للنهاية | |||||
|
| |
|
16-02-12, 12:57 AM
| #63 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
الله يسلمك ومشكورة ياقلبي مامنك قصور ردودك ومتابعتك شرف لي وتسعدني وتشجعني دايم | |||||
|
| |
|
16-02-12, 01:02 AM
| #64 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت 11 طلال:شورتك وهدايت الله احمد:اذا قالتلك خل اهلك يدقون باليوم الفلاني امش معاها بالفلم ...انا اخلي اختي الكبيره اتكلمهم على اساس انها امك وفهمها الموضوع بس بطريقه مختلفه شوي طلال:صار ...بعد اشوي اكلمها واعطيك خبر ثاني يوم في بيت احمد محمد كان يدرس بصاله وحوالينه اوراقه وفايلاته ....واحمد الصغير يحوس عنده محمد:احمدو وخر ....ويصارخ....آلاء ...آلاء آلاء كانت بالمطبخ:نعم محمد بصوت عالي:تعالي بسرعه آلاء:كاني يايه....واول ماطلعت من المطبخ....اوالله حمود شنو هل حوسه محمد:شيلي احمدو لا اكفخا حصه وهيا طالعه من المطبخ:هذا الي ناقض تذبح ولدي محمد:يمه ذبحني مايخليني ادرس لعب بالاوراق لعب آلاء:ليش ماتدرس بدارك محمد:مليت من الغرفه قلت انزل تحت حصه وهيا تشيل احمد:تعال ماما ...ليش اتسوي جذي عمي بيدرس...اقعد عاجل زين حبيبي محمد:لا فهمج آلاء:حمود تقدر اتسولي بحث محمد:لا ماقدر حصه:اخوج دراسته صعبه ومو فاضي لج آلاء:ماما والله ماعندي وقت اسوي شي محمد:حتى انا ماعندي وقت احك راسي آلاء:اوووف....خل ادق على رناد واقولها محمد من سمع اسم رناد هد كل الي بيده :آلوء البحث لج ولا لها آلاء:انا معاها محمد:متى تبون البحث آلاء وهيا تبتسم بخبث:مادري بس رناد تبيه ابسرعه اما انا اي وقت عادي محمد:خلاص ان شاء الله اليوم اسويه لكم بس شنو موضوع البحث الي تبونه ليال وهيا نازله من السلم:ألوء تعالي ساعديني والله ينيت ماني عارفه البس ولا البس ملوكه ولا ازهب جنطتها محمد:شنو تبين انا اسويلج ليال:بس حط اغراضها بالجنطه محمد:وين اغراضها ليال:فوق بداري محمد:خلاص روحي يبي الاغراض علشان احطهم بالجنطه ليال:اوكي ثواني بس ...وصعدت فوق ويابت ملابس ملاك والاغراض الي تبيهم......تفضل محمد:ليول:الحين انتي بتروحين بيتهم يعني اكيد عندها ملابس واغراض هناك ...مالا داعي كل هل ملابس ليال:الملابس الي ابيتهم كلها حفر ومابيها تستبرد محمد:ليول ماتوقعت تتعلقين فيها جذي ليال:حمود والله ماجذب عليك انا بعد ماتوقعت احبها جذي ....ملوكه تدخل القلب بشكل موطبيعي محمد:بس ملوكه الي تدخل القلب ......وابوها مايدخل القلب ليال بحيا:قليل ادب محمد وآلاء:هههههههههههههههه ليال بعصبيه:بتساعدوني ولا لاء محمد:يبي انا احطهم لج آلاء:انتي روحي لبسي بعد شوي ريلج يوصل وانتي بعدج ليال:الحين البس وبعدين البس ملوكه محمد:ليول يبيها انا ابدلها آلاء:ههههههههههه بيبي سيتر مومحمد محمد:مافيها شي لي ساعدة اختي ....على الاقل احسن من بعض الناس الي مايسون شي آلاء:لاوالله ليال:انا بروح البس وانتو تهاوشو على كيفكم فلاة خالد طلال كان متوجه للباب يبي يطلع من البيت ....وهنادي واريام قاعدين بصاله هنادي:طلال طلال:هلا يمه هنادي:وين رايح طلال:بروح دوانية سعود من زمان عنهم هنادي:لايمه اليوم عمامك وعماتك بيون عندنا على العشى روحلهم وقت ثاني طلال:يمه اهما ياين علشان جراح مو علشاني هنادي بحزم:ولالو مايصير ماتكون موجود اريام:طلول جنى بعد بتي طلال بنفسيه:شسويلها اريام:لا بس حبيت اقولك هنادي:مايحتاج اتقوليله بنت ابليس ماكله عقله ماتخليه يشوف غيرها طلال:يمه خلاص اريام:طلول من صجك انت اتخلي جنونه وتركض ورى بنت الفقر طلال بعصبيه:اقول يابنت العز ياليت تكرمينه بسكوتج هنادي:طلال لاتكلم اختك جذي ...ولا علشان منو يليتها وحده تستاهل طلال:يمه اذا تبيني اقعد بالبيت لاتتكلمين عنها جذي مهما يكون عندج بنات هنادي بنبره حاده:لاتقارن خواتك بهذي فاهم طلال كان معصب حده بس سكت وماحب يزعل امه ....هدهم وطلع من البيت اريام:كل هذا حب هنادي:اي حب هذي لاعبه بعقله عدل ...واخوج طيب وعلى نياته يصدق الي جدامه بسرعه في احد المجمعات التجاريه فرح:مساء الخير سحر وهيفاء:مساء النور فرح:مريوم وينها سحر:والله من ذاك اليوم وهيا مختفيه هيفاء:سحور كله منج ليش قلتيلها انه جراح تزوج سحر:واذا قتلها عادي مافيها شي فرح:مهما يكون هذا ريلها وابو بنتها اكيد بتزعل وتتضايق سحر:اخاف صج حبيبتي مريوم ماتحب جراح ومن اول ماخذته وهيا تتشكه منه هيفاء:سحور كلنا انعرف ليش تطلقت مريوم فرح:انزين ماعرفتي شنو ناويه تسوي سحر:كل الي اعرفه انها قاعده تسأل عن مرت جراح هيفاء:وليش تسأل عنها اهيا تبي تأذي جراح مومرته سحر:ياغبيه اشلون تحرق قلبه ...لازم اتسوي شي بمرته فرح@@:شي مثل شنو سحر:والله مادري بضبط هيفاء:سحور قولها مالها شغل فيهم واذا على بنتها مردها لها سحر :يعني انتي ماتعرفين مريوم الي براسها تسويه ...ورن تليفونها.....هذي مريوم....الووو مريم:هااااااااااي سحر:هههههههه شكلج مستانسه مريم:مو بس مستانسه حاسه اني بطير سحر:اكيد حصلتي الي تبينه مريم:معلومات عجيييبه ...وهم احنه انزيد عليهم جم معلومه من عندنا ونقدمها على طبق من ذهب حق جراح سحر:هههههههه شكلج نويتي عليه مريم:من زمان ابي احرق قلبه ابي ماينام اليل سحر:تعالي بسرعه شوقتيني ابي اعرف شنو ناويه تسوين مريم:كل خير ...كل خير سحر:اي خير وانتي بتذبحين الريال مريم:ابركها من ساعه فلاة خالد بعد ماوصلو الاهل وتعرفو على ليال البنات خذو ليال بعيد عن الكبار علشان ياخذون راحتهم معاها اكثر...ليال كانت كل شوي اتشوف الساعه جنى تساسر اريام:شفيها مرت اخوج كل اشوي اتشوف اساعه ليكون ماتبي قعد معانه اريام:لا احنه الي ميتين ونقعد معاها جنى :لالا جد شوفيها امبيه مو طبيعيه اريام:الحين اوريج فيها....ليال ليال:نعم اريام:فيج شي ليال:لا اريام:مادري كل شوي قاعده اتشوفين الساعه ....وانا اتوقع ياوحده من الثنتين ياأنج مليتي منا او انج مومصدقه لابسه ساعه بشيء الفلاني دانه:ريمو انتي وبعدين معاج كادي:ليال حبيبتي ماعليج منها هذي مافي احد عاجبها اريام:وانا صاجه من اول ماقعدت وهيا كل شوي اتشوف الساعه امينه:اريام مايصير تتكلمين مع البنت جذي اريام:وانا ماقلت شي غلط...اضاهر مومصدقه انها لابسه ساعه غاليه كادي بعصبيه:الغالي للغالي عليها بالعافيه جنى:بنات خلاص حصل خير اريام:والله اهما مكبرين السالفه على الفاضي دانه بعصبيه:احنه الي مكبرين السالفه ولا انتي ماتثمنين الكلام الي تقطينه اريام:اوووف....ترا ماصارت لوعتو جبدي ...ليال كل الي صار ابسبتج هذا زياره وصار جذي الله يستر لي سكنتي عندنا شبي صير ...شكلج بتشبين حريجه بالبيت كادي:لا انتي مصختيها ...وقامت اما ليال كانت طول الوقت ساكته ومقلبها مقموت ودها تبجي بس ماسكه روحها امينه:اريام خلاص وبعدين معاج صكري الموضوع اريام وهيا تحط ريل على ريل:تدرون على الفرق الي بينها وبين مريوم الا انه مريوم بنت نعمه وذربه كادي راحت حق جراح وقالتله الي صار .....جراح دخل وسمع آخر الكلام الي نقال وثارت عصابه على اريام :اريام اريام من اسمعت صوت جراح تشنجت ابمكانها وبرتباك:نعم جراح بعصبيه:نعم الله عليج ....انتي شنو ماتستحين....ولاتحترمين غيرج اريام:جراح انا جراح يقاطعها :جب ولا كلمه ...وبعدين من متى الهلقيه مريوم صارت ذربه مو طول عمرها هيلقيه بنضرج الحين الي صارت ذربه اريام:............... جراح:ماتردين ليال:جراح ماصار شي علشان اتعصب جذي جراح:كلمه وماأثنيها اليال احترامها من احترامي والي يغلط عليها او يجرحها بحرف مايلوم الا نفسه....فاهمه ولا اعيد الكلام اريام:فاهمه جراح مسك ايد ليال وسحبها:امشي معاي وراح فوق ليال:وين بتروح جراح:بوريج الجناح الي بنقعد فيه ليال :اوكي نهاية البارت | ||||
|
| |
|
16-02-12, 01:03 AM
| #65 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت 12 وراح فوق ليال:وين بتروح جراح:بوريج الجناح الي بنقعد فيه ليال :اوكي وقبل مايروح لجناحهم راح طابق الاول الي فيه غرف البنات جراح :شوفي الطابق هذا للبنات والي فوق لي انا وطلال ليال:وناسه البنات لهم طابق بروحهم جراح:موبروحهم بس ابوي وامي بالجها الثانيه ليال:اها جراح:يالله تعالي اوريج جناحنه ...وراحو الطابق الثاني.....ليال دشي بريلج اليمين ليال وهيا تبتسم:اوكي ...واول مادخلت اوقفت بمكانها تتأمل المكان الي بتعيش فيه كان شي ولا بالخيال الاكسسوارات والاثاث الفخم والسجاده الحرير والالوان المتناسقه كل شي راقي ومسق بطريقه حلوه جراح:هذي الصاله تعالي شوفي غرفت النوم وتوجهت ليال مع جراح لغرفة النوم واول مافتح جراح الباب اوقفت منبهره من الغرفه ....الغرفه كبيره والاثاث فخم والاكسسوارات الي بالغرفه حلوه والالون حلوه وهاديه جراح: شرايج ليال ببتسامه:يكفيني انه مكانك الي ترتاح فيه جراح:امممم يعني موعاجبتج ليال:بالعكس الجناح فخم وكلمت روعه شويه عليه جراح:يعني ماأغير فيه شي ليال:لا لاتغير شي كل شي فيه مرتب وحلو جراح وهوا يقرب صوبها: انزين قوليلي شنوا كثر شي عجبج بالجناح ليال بقلبها انت ياجراح انت:كل شي جراح قرب صوبها اكثر حط ايده على خصرها وسحبها لي صدره وحضنها .....ليال حست بالخوف اول مره يمر عليها موقف مثل هذا ...جراح حس برتباكها جراح وهوا يلعب بشعرها :ليولتي ليال:نعم جراح قرب من اذنها وبهمس:احبج بدوانيه سعود احمد:كلمتها طلال:لا احمد:اش ناطر طلال:مادري احس راسي راح نفجر من التفكير ...مابي اظلمها احمد:ومنو قال انك بتظلمها طلال:احمد مو علشان كلام انقال عنها العب ابمشاعرها وحمسها لزواج وبعدها ارد اقولها كل هذا كان فلم احمد:هذا اذا طلع الكلام مو صج....طلول البنت مومضبوطه وانا من الاول قايلك طلال:حرام عليك لا تظلمها حنون بنت محترمه احمد :منو محترمه اخاف صج اقول امثال حنان وايد موشويه طلال بنبره حاده:احمد لو منت غالي عندي جان سمعت مني شي مايرضيك احمد:طلال انت مو ياهل وتعرف مصلحتك عدل وحنه دليناك الطريج وانت لازم تمشي في بحذي عشان توصل بأمان طلال:تدري شلون الحين بدق عليها وبقولها احمد:توكل على الله طلال قام وطلع بره سعود:وين رايح طلال:مشوار صغير وراد ماأطول سعود:لاطول تعال قبل مايطيح العشى طلال:لالا ماراح اطول...وطلع راح قعد بسيارة ودق على حنان حنان:الوووو طلال:حنون حنان:هلا طلال:تحبيني حنان:..... طلال:حنوووووووووووووووووو� �وووون حنان:............... طلال بحنيه:شفيج منو مزعلج حنان:محد مزعلني طلال:اذا مو زعلانه وين ياعيون حنون حنان:.......... طلال بحنيه اكثر:شلي يرضيج ياقلبي انا كلي لج حنان:..... طلال وايد حساس وبسرعه يتأثر بلي حوله حتى لو كان شخص مايعرفه ...شلون لو كان الشخص هذا روح و حبيبة طلال...كان متردد شلون يفاتحها بالموضوع يخاف يجرح مشاعرها ........ بالاخير قرر يفاتحها يبي يرتاح من التفكير .......الانه الكلام زاد بالفتره الاخيره عن حنان طلال:حنون عندي لج خبر حلو حنان بنفسيه :خير ان شاءلله طلال :اممم والله مادري شلون افتح الموضوع معاج حنان:تكلم عادي طلال:اهلي وافقو اني آخذج حنان بنفسيه وستغراب :بالله شلون وافقو طلال:قدرت اقنعهم بطريقتي وبعدين اهما يدرون اني احبج واموت فيج حنان:اها بس انا مومن مستواكم طلال:يعني مرت جراح الي من مستوانه...حنون شكلج مومستانسه حنان:انا مومصدقه ليلحين ...احنه صارلنا فتره طويله مع بعض وفكرت الزواج منك شبه مستحيله طلال:حنون ماتوقعت ردت فعلج جذي حنان بجديه: طلال انت من صجك وافقو لا تلعب بعصابي طلال:وانا من متى العب بعصابج حنان:يعني صج بتخطبوني طلال:اي خلاص حنان:متى طلال:اذا تبين باجر اخلي احد من اهلي يدق ويكلم امج حنان:اكيد علشان اتأكد من كلامك طلال:ياحماره وانا من متى اجذب عليج حنان:عمرك ماجذبت علي بس .....طلال والله مومصدقه اخاف يقولولك انهم موافقين علشان تسكت ولاتحن طلال:بالعكس جذي راح احن عليهم ابزود حنان: اوكي ننطر باجر ونشوف بدقون ولا لاء طلال:لاتخافين بدقون .....المهم انا الحين وصلت الدوانيه اكلمج من اطلع من عندهم حنان:اوكي طلال:حنوون حنان:ياعيون حنون طلال:تحبيني حنان:وااااااااااااااااايد طلال:فديتج...يالله قلوب باي حنان:باي طلال نزل من السياره ودخل الدوانيه سعود:توقعتك ماترجع طلال:انا قتلك برجع سعود:انزل العشى طلال:على راحتكم....وراح قعد عند احمد احمد:ويهك فيه مليون تعبير قولي شلي صار طلال قاله كل الي صار بينهم وانها ناطره باجر يدقون عليهم علشان يخطبونها احمد:خلاص انا اخلي اختي اتكلمهم باجر طلال:بصفتها شنو احمد:امك اختك ماتفرق اليوم اقعد معاها وافهمها كل الكلام الي تقوله لهم طلال:اذا البنت اطلعت مظلومه ذاك الوقت اشلون اتصرف احمد:تزوجها بسر طلال:نعم ....من صجك انت احمد:طلال اذا البنت تحبك صدقني بتقدر ضروفك طلال:احمد انا ماأرضاه لها.... اهيا مثل كل البنات من حقها تفرح بزواجها وبريلها جدام الناس احمد:الحين مو وقت الكلام هذا لي طلعت مظلومه تعال تكلم بيت احمد آلاء كانت اتكلم رناد بتليفون:تعالي بيتنا احس بملل رناد:وين ليال آلاء :طالعه ...يالله تعالي والله ضايق خلقي رناد:ألوء الوقت متأخر واخاف ابوي مايرضى آلاء:وين متأخر توها 9 رناد:على ما اي الا صارت 10 .....لو داقه العصر وقايلتلي احسن ......خليها باجر بعد المدرسه اي بيتكم آلاء:احسن شي علشان انسوي البحث مع بعض رناد:انتي ماقلتي حق اخوج آلاء:قتله وقالي لا ماعندي وقت اسويلكم شي ومن قتله رناد تبي البحث قال خلاص اسويه لكم ......انا مادري انتي شنو مسويتله الي كل ماقلنا رناد يتنح رناد:مومسويتله شي بس يمكن ينحرج لاأكثر ولا اقل آلاء:كل شي جايز بدخلت محمد:آلاء سألي رناد البحث الي تبونه عن شنو آلاء:ههههههههههههههههه محمد:انا قلت شي يضحك آلاء: لاهههههه محمد:خلصيني بلا مصاخه دقي عليها وسأليها آلاء:حمود يقولج شنو الموضوع الي تبينه محمد:هذي رناد آلاء:اي محمد:عطيني التليفون خل اتفاهم معاها آلاء:رناد حمود يبي يكلمج رناد:لالالا محمد خذا التليفون من آلاء :مساء الخير....شلونج رناد رناد:هلا محمد مساء النور محمد:شخبارج مع الدراسه رناد:الحمدالله محمد:الحمدالله ....المهم شنو الموضوع الي تبينه رناد:كوريات الدم البيضاء محمد:صار باجر يكون عندج رناد:مشكور وماتقصر راح انتعبك معاني شوي محمد:لاتعب ولا شي الموضوع عندي موجود بس اضبطه شوي رناد: المهم مشكور محمد:العفو ...اذا احتجتي اي شي انا حاضر حتى لو تبين احلج الواجبات ماعندي مانع آلاء بلقافه:صج والله حمود عفيه واجبي الرياضيات حله بدالي صعب محمد خزه خزه علشان تسكت بس آلاء ماسكتت آلاء:ليش تخز يعني اتحل واجباتها وانا الي اختك لا محمد انحرج وماحب يطول بالمكالمه:تامرين على شي رناد:سلامتك محمد:مع السلامه ....وعطا التليفون حق آلاء آلاء:الووو رناد:ألوء انتي ليش سخيفه آلاء:الحين منو السخيف انا ولا اهوا ...المهم خليج منه باجر تعالي غدا رناد:لا خليها ورا الغدا باب مايحب لازم انتيمع كلنا على الغدا آلاء:تعالي صج اختج مو حامل رنان:اي وحده فيهم آلاء:امونه رناد:لا موحامل...خلينه من امونه الحين انا بروح اقعد مع ابوي اشوي آلاء:اوكي سلمي عليه وايد رناد:يوصل ان شاء الله بشقة فواز العنود:يعني مصر نطلع فواز بضيقه:اي ...وانتي زهبي الاغراض شوي شوي ...علشان من القا شقه على طول نطلع العنود:لاحول ولا قوته الا بالله فواز:الله كريم العنود:انا توقعت انه المسأله بس جذي مو صج فواز:وابوي من متى عنده هالسوالف العنود:الله يهديه ا ن شاء الله وهون عن الي براسه فواز:وليلحين عندج امل انه يهون.....ابوي لي قال كلمه مايثنيها العنود:بس ثناها مع ليال قال مابي ازوجها وكاهي تزوجت فواز:الانه عمي ضغط عليه على سالفة ليال العنود:انزين كلم عمك خل يكلمه فواز:لاتنسين هذا بيته ومن حقه يقعد الي يبيه ويطرد الي يبيه العنود:اي بس ..... فواز يقاطعها:لا بس ولا شي خلاص صكري الموضوع العنود:ان شاء الله فواز:الا ليول اشلونها مع جراح العنود:الحمدالله جراح وايد مستانس منها الانها قايمه في بنته ....وفوق كل هذا مبين عليه خوش ريال ويخاف الله فلاة خالد وتحديدن في جناح جراح ليال وهيا اتشوف الساعه:امبيييييييه انا نسيت حليبت ملوكه بعد عمري اكيد يوعانه جراح:خليها عنج الحين اقول حق البنات يعطونها حليب ليال:لاجراح مابي احد يعطيها ....وبعدين ملوكه ماترتاح الا عندي الحين اتلاقيها مسويه مناحه تحت جراح:مومشكله خليها تحن عليهم صارلهم فتره مانزعجو منها ليال:جراح لازم انزل جراح:اشعندج تحت ليال:بعطي ملوكه الحليب وهم فشله اهلك كلهم تحت وانا قاعده معاك فوق جراح:مافيها شي وبعدين اهما بيعذرونه ليال :ليش جراح:معاريس ويحق لهم يقعدون بروحهم ليال:جدامنا العمر كله نقعد مع بعض ....جراح خل ننزل ولي راحو صعدنا جراح وهوا يتصنع الزعل:اذا جذي مومشكله ليال:جراح لاتزعل مني عفيه......والله مابي ازعلك بس مايصير اهلك ياين علشاني وانا كاشته فيهم موحلوه بحقي.....جراااااح لاتزعل جراح وهوا يبتسم:لا مو زعلان لاتحاتين ...ويالله قومي خل ننزل ليال:اوكي تحت بصاله هنادي:شيخه بناتج ليش مايو شيخه 66 سنه(عمتهم الكبيره واكبر من خالد ....ارمله وعندها 3 بنات ....هيا 34 متزوجه وعنها ولدين وبنت....سديم 30 سنه ومتزوجه وعندها بنت او ولد ....هند 26 سنه متزوجه والحين حامل بشهرها) شيخه:لاهين مع اليهال وهند رايحه السوق تخلص باجي اغراضها هنادي:ليلحين ماخلصت مابقى شي على ولدتها شيخه:والله من متى وانا احن عليها علشان اتخلص بس اهيا بارده غنيمه 59سنه(عمتهم والي تصير اصغر من خالد...عندها ولد واحد عادل 35سنه وهوا ماسك شركات جراح وطلال بره الكويت) شهد 50 سنه مرت عمهم محمد 57 سنه (خالد 26 سنه....جنى 23 سنه) ساره 50 سنه مرت عمهم حسين55 سنه(مشاري 31 سنه ريل رتاج اختهم .... فيصل 28 سنه اعزب ...أمينه 24 سنه ) غنيمه:هنادي شلون جنتج هنادي:والله ليلحين ماينعرف خيرها من شرها بس احلى شي فيها انها فكتنه من حنة ملاك شيخه:اهيا عندكم ولا ليلحين ابيت ابوها هنادي:لا ليلحين ابيت اهلها بس ملوكه عندها شهد:الحمدالله شكلها طيبه وتحب اليهال هنادي:اهم شي نقدر انام باليل نهاية البارت | ||||
|
| |
|
16-02-12, 01:20 AM
| #66 | ||||
| نجم روايتي وأميرة حزب روايتى للفكر الحر وفراشة الروايات المنقولة
| وهذا بارت ثالث لانو البارتين احداثهم مو كثيرة ......... وفي شخصية بتظهر فيه لها دور كبير بالاحداث الجاية البارت 13 شيخه:اهيا عندكم ولا ليلحين ابيت ابوها هنادي:لا ليلحين ابيت اهلها بس ملوكه عندها شهد:الحمدالله شكلها طيبه وتحب اليهال هنادي:اهم شي نقدر انام باليل غنيمه:وجراح ان شاء لله مرتاح معاها هنادي:الحمدالله جراح يقول انها ماتحب اتزعله وفوق هذا وايد تهتم بملوكه شيخه:الحمدالله يارب جراح وايد تعب مع مريم وان شاء الله يرتاح مع ليال...الا مريم ماتسأل عن بنتها هنادي:لا من يوم ماخذاها جراح وهيا ماسألت عنها غنيمه :عفيه قلب شهد:حشى يايبه قطوه مو ياهل بنزلت جراح وليال جراح : يمه وين ملوكتي هنادي:مع البنات شيخه :ليال تعالي يمه تعالي قعدي عندي جراح مسك ايد ليال بقوه علشان لاتروح:عمتي ليال ماتقعد الا عندي شيخه وهيا تبتسم:ماراح آكلها ابي اسولف معاها جراح:قصدج تحققين معاها شيخه:جريح ويهد اشوف طال السانك جراح راح وقعد عند شيخه:اذا الساني طال اقصه لج ولاتزعلين شيخه:اي قص علي بجم كلمه حلوه جراح:افا ياعميمه انا اقص عليج ملاك كانت عند البنات بالجه الثانيه من الصاله ومن شافت ليال بجت ليال:عمتي بعد اذنج ايب ملوكه و ايي أقعد عندج شيخه:اذنج معاج جراح:يبيها وتعالي ولا اقولج قعدي خل البنات ايبونها الحين اتبط راسهم من البجيها ومايتحملونها ليال:حرام عليك بنتي موحنانه ...عن اذنكم ...وراحت غنيمه:جنه قالت بنتي جراح:اي ملوكه ماعندها أم غير ليال هنادي:ومريم شتطلع جراح بحزم:يمه ملاك مالها بدنيه غير ليال هذي امها ....حتى اذا كبرت بقولها انه ليال امها وماراح تعرف شي عن مريم شيخه :بس مايصير تحرمها من امها جراح بضيقه:عميمه اي ام....امها الي قطتها علشان وناستها ....امها الي ماكلفت على نفسها اتشوفها او تسأل عنها حتى لو بتليفون او مسج غنيمه:وليال اشلونه معاها جراح:والله يعميمه مو الانها زوجتي وبرفع فيها.....ملوكه تغيرت وايد من بعد ماخذتها ليال هنادي:اي والله انا لاحظت هشي صارت اهدا وتضحك قبل بس اتحن غنيمه:الله يتمم عليكم ان شاء الله ..ويرزق طلال وخلود وحده اتبرد اقلوبهم مثل ما مرتك بردت قلبك جراح وهوا يرفع ايده:آآآآمين يارب ... سكت اشوي وبعدها ......هذي وينها طولت شيخه :يمكن اقعدت مع البنات بدخلت ليال جراح:ليش طولتي ليال:سويت حليب حق ملوكه شيخه:تعالي يمه ..تعالي قعدي عندي جراح:لا تعالي عندي شيخه:انت اشفيك مومصدق حصلت مره ولا شنو بضبط جراح:تبين الصراحه لا مومصدق اني حصلت وحده كل المواصفات الحلوه فيها وفوق كل هذا صغيره ليال اقعدت بين شيخه وجراح...وكانت تعطي ملاك الحليب شهد:جراح جم سنه بينكم جراح:14 سنه شيخه :وي الله يعينج يايمه باجر يصير عمره 40 وانتي بالعشرين ...ويناشبج على كل شي ..لازم يغار صار شايب جراح:عميمه انا موكبير بعدي شباب شيخه حبة تضغطه:مابقالك شي على الاربعين ...الله يهداك ماخذ وحده قد بنتك جراح وهوا رافع حاجبه:بنتي ...عميمه انا ولد اخوج مايصير تكسرين من مياديفي جدام مرتي باجر تتفلسف على راسي ليال:عمتي حتى اذا صار بالاربعين بظل بعده شباب وجراح ما شاء لله عليه مومبين عليه الي يشوفه يقول مايعطيه اكثر من 27 جراح بهمس:بعد عمري والله غنيمه:من يشهد للعروس هنادي:وهيا صاجه ولدي بعده شباب وحتى اذا كبر بظلون البنات يركضون وراه من مكان لي مكان جراح وهوا يغمز حق امه:يمه موجدامها.....خليها بيني وبينج ليال بهمس وهيا معصبه:خلهم ينفعونك جراح:هههههههههههههههههههه� �ههه البنات راحو اقعدو مع الكبار وضلو يسولفون ويضحكون ....جراح كان مستانس وايد حس ا ن اهله حبو ليال عكس مريم الي كانو يذمون فيها وايد .....وهما يسولفون دخل عليهم طلال طلال:السلام عليكم الكل:وعليكم السلام طلال راح سلم على عماته وحب راسهم شيخه وهيا اطقه :يالقاطع ماتقول عندي عمات اسأل عنهم طلال:عميمه الشغل ماخذ كل وقتي جنى:طلال شلونك طلال التفت عليها:هلا جنى ...بخير انتي شلونج جنى وهيا تبتسم:بخير الحمدالله طلال:دوم ان شاء الله جنى:تسلم طلال:امون شلونج امينه:دام امي وابوي بخير انا بخير والحمدالله طلال وهوا يكلم جنى:هذا الرد الي يبرد القلب...الله يخليهم لج ولنا ويطول عمرهم الكل:امين طلال:مرت اخوي شلونج ليال:بخير الحمدالله انت شلونك طلال:الحمدالله على كل حال جراح:افا ياليال والله ماهقيتها منج ليال بستغراب:شنو الي ماهقيت جراح:الحين امينه قالت دام امي وابوي ابخير انا بخير...انتي ليش ماقلتي دام جراح وملاك بخير انا بخير الكل:هههههههههههههههه جراح:انا اتكلم بجد وانتو تضحكون طلال :بعيد السؤال...شلونج ليال ليال وهيا تبتسم:دام ملوكتي وجراح ابخير انا بخير الحمدالله جراح:لا والله....عيديها من الاول وقولي دام جراح وملوكه بخير انا بخير طلال:ليال ماعليج منه هذا يدلع ليال:خله يتدلع جراح يقاطعها:محتر مني الانه موحاصلك وحده ادلعك طلال تنهد بضيقه :اي والله مو حاصلي هنادي:طلال تعشيت طلال:اي يمه الحمدالله جنى:طلال شلون الشغل طلال وهوا يطالع جراح:والله رئيس مجلس الاداره كارفني عدل جراح:لازم اكرفك اذا احنا ما جابلنا حلالنه منو الي بجابله الموضفين جنى بدلع:جراح هذا اخوك الصغير اشوي اشوي عليه المفروض ادلعه جراح:بس ياغالي وطلب ارخيص...طلال باجر قبل ماتي الشركه مر الموقع وشوف طلبات الموضفين وبعدين روح الجمارك خلص الشغل الي واقف وبعدين روح طلال يقاطعه بعصبيه:غلطان ماتبيني اغسل ملابس العمال جراح وهوا يبتسم :لا مايصير انت ولد ال...... ماتنزل لي هل مستوى جنى بدلع:جراااااح حرام عليك...قلنالك دلعه مو تأذيه وتكرفه جراح وطلال يطالعون بعض وعلامة الاستفها بويوهم دانه تساسر كادي:هذي شفيها ...الحمدالله وشكر كادي:ويع ويع ويع...... اشكره جذي طلال:ليال فواز اشلونه ليال :بخير الحمدالله طلال:صارله فتره غاط مايبين كلش ليال:حتى احنه مانشوفه من الصبح بدوام لي بليل طلال:بل ......كل هل مده ليش ليال:يقول عنده مشروع ولاهي فيه.....وبقلبها(المسكين موبيده ابوي مايبيه بالبيت ) طلال:اذا شفتيه سلمي عليه وايد ليال:يوصل جراح:بس بس جم سؤال سألتها طلال وهوا رافع حاجبه:مادري ليش جراح :حدك 3 أسأله باليوم غير السلام طلال:طير زين ....قالولك آكل اوادم جراح:وانا صاج ...وبعدين ليش اتسولف معاها طلال وهوا يلعب بحاجبه:مرت اخوي وكيفي جراح:كيفك بعينك ...ليال اذا كلمج لاتردين عليه فاهمه طلال:الله يدنيا هذا وانا الي مختارها لك اتقولها جذي جراح:انت ماخترتها....لا حبيبي انا الي اخترتها طلال وهوا يحرك حواجبه ويضحك على غيرت اخوه :لاعاد ليال انا الي مختارها.....انا الي قتلك عنها جراح بعصبيه:طلال صكر الموضوع ليال تضايقت من الي صار ونزلت راسها ...حست انه الاخوان يتهاوشون عليها رتاج حبت اتلطف الموضوع:ليال متى ناويه اتين اهني ليال:لمن اخلص شغلي جراح بجديه:اعتقد كان بينا اتفاق ....انج اتين بعد اسبوعين هنادي:ماتفرق اسبوعين او اكثر جراح:لا تفرق معاي طلال ابتسم ووهمس بذون جراح:لاتحرج البنت ...لاتنسى اني قاعد جراح بنفس النبره: ماقلت شي غلط هنادي:مايصير البنت لازم اتجهز اغراضها وبعدين اتي جراح:وانا ماني قادر اتحمل بعدها عني اكثر طلال ماحب يقعد اكثر كان حاس انه ليال منحرجه وايد وهم منحرجه من وجوده...وانسحب اشوي شوي بدون مايحسون فيه شيخه:خلاص يمه نامي اليله عنده ...خل يستانس ولدنا شوي ليال@@:... جراح:اي والله نامي اليله عندنا لياال:لاماأقدر رتاج:واااي جراح اشفيك على البنت خلها على راحتها دانه:اي والله ترى البنت مابطير جراح:دانو صج فروسج وينه مايبين دانه:فديته لاهي بتجيز البيت جراح:ماعندكم سالفه ...انتو كله شخصين بتقعدون في بيت اكبير رتاج:عادي يلعبون حيله بالبيت الكل:هههههههههههه ليال بهمس:جراح الحين موعد نومت ملوكه لازم ارد البيت جراح:نوميها بغرفتها وبعدين شيليها ليال:لا حرام مابي اخرب نومتها جراح بهمس:ماشبعت منج تراني مشتااااااااااااااق ليال ويها صار احمممممممممممر جراح:فديت الخجول والله كادي كانت اطالعهم وحاطه ايدها على خدها:والله اخوي رومنسي جراح : انتي شكو قاطه اذنج عندنا كادي:ابي اتثقف جراح خذا الكوشيه وحذفها عليها كادي:آآآآآي بعد اسبوع بالشركه ندى سكرتيرة جراح كانت اتكلمه من الجهاز:استاذ جراح جراح:نعم ندى:الاستاذه غرور ال.... موجوده وحابه تقابلك جراح:خليها تتفضل ندى قامت وراحت مع غرور لي مكتب جراح ودخلتها جراح كان بستقبالها لمن ادخلت غرور مدت ايدها حق جراح علشان اتسلم عليه:غرور ال.... (غرور عمرها 39 سنه بس شكلها اصغر من عمرها بوايد مطلقه من عشر سنوات ..وكرست حياتها بالشركه مع ابوها ولمن توفى اورثت كل شي كونها وحيدته اما عمامها تنازلولها عن كل شي ......ومن الناحيه الماديه مستواها احسن من جراح ...اما شكلها سمره ومتروسه شوي وقصيره لاكنها حلوه وتجذب الي حولها بسلوبها ودلعها وشخصيتها القويه بس ليلحن مادخل مزاجها الشخص الي يرضي غرورها) جراح :بنت المرحوم محمدال... غروي:اي نعم جراح:تفضلي غرور وهيا تقعد:شكرا جراح:خير اخت غرور اقدر اخدمج ابشي غرور :استاذ جراح بدون لف ودوران ....راح دخل بالموضوع على طول جراح:تفضلي غرور :الي عرفته من مصادري الخاصه انك حاب تدخل بمشروع فرنسا وانك ادور على شريك يدخل معاك بنص راس المال جراح:اي نعم بس ليلحين غرور تقاطعه:انا ليلحين ماخلصت كلامي جراح بنفسيه :تفضلي غرور :انا حابه ادخل معاك بنص راس المال ونكون شركاء بالمشروع ...مثلك عارف المشروع كبير ويبيله راس مال كبير وانا ماأقدر اجازف بمبلغ مثل هذا جراح:اكيد المبلغ وايد كبير والربح مو مضمون 100% وضلو يتناقشون على المشروع فوق الساعه ومن بعدها اتفقو على الشراكه بالمشروع ....واتفقو على كل شي حتى على العقود الي بوقعونها والشروط الجزائيه ومن اطلعت دق جراح على طلال طلال بتعب:هلا جراح جراح كان عارف بكل الي صار وحاس بالي فيه:هلا فيك ...بشر طلال:ليلحين ماكو خبر وحنون صاكه جهازها جراح:طلال والله البنت ماتبيك وقاعده تلعب بمشاعرك ...انسى ياطلال انسى طلال:شنو الي انساه ...انسى روحي ...انسى الهوا الي اتنفسه ....انسى احلى 4 سنين من عمري ..جراح هذا شي مستحيل جراح:مافي احد يستاهل ياخوي ...لاتقول بنت حبيتها....ولو تحبك وتبيك اتبيع ادنيا بالي فيها علشانك بس انا قتلك من قبل وانت ماصدقت طلال بضيقه:جراح الي فيني مكفيني لاتزيد علي همي جراح:ان شاء الله بتلقى بنت الحلال الي تعوضك عن حنان وطوايف حنان طلال:وانا مابي غير حنان جراح:لاحول ولا قوة الا بالله طلال:جراح انا تعبان تعبان وايد جراح:سلامتك ياخوي ياعله فيني ولا فيك ....طلال اذا لي خاطر عندك قوم اطلع من البيت غير جو...ولا اقولك تعال الشركه ابيك بموضوع مهم طلال:جراح اعفيني مالي خلق شي جراح:خلاص اذا رديت البيت اتناقش معاك بالموضوع طلال:ا ن شاء الله من ثاني يوم بعد العزيمه الي صارت ابيت خالد ...اتصلت اخت احمد وخطبت حنان من اهلها ....وام حنان اطلبت يومين مهله علشان يسألون عن طلال وياخذون راي البنت ...لاكن المهله طالت وصار اسبوع ومن يومها وحنان مصكره جهازها وماتطلع من البيت علشان لاتشوف طلال...اما طلال كانت حالته لايرثا لها لاياكل ولا ينام واذا بيطلع يطلع مع احمد او بدر ويقعد معاهم طول اليوم وساعات ينام عند بدر بسيارت احمد احمد كان طالع مع طلال وبدر بروحون قهوى ....رن تليفون احمد والي كان متصل اخته هبه هبه:احمد ام البنت دقت علي توها احمد يأشر حق الشباب علشان يسكتون:اي شقالت طلال قلبه كان اشوي ويوقف ...حس بتوتر غريب وبدر لاحض هشي مسك ايد طلال وضغط عليها علشان يهدى شوي هبه: امها اتقول ماتعطي حق العايلة ال..... احمد بعصبيه:نعم نعم....اي شي صح ليش اهما من بيته ليكون من اكبرها واسمنها وانا مادري عيال فقر ويتفلسفون.... مالت عليهم وعلى بنتهم ميتين عليها...دقي عليها وقوليلها مالت عليكم وعلى بنتكم الهليقيه هبه: احمد ليش تعصب انا شعلي ....كل الي قلتلي سويه سويته وبالحرف احمد:يعطيج العافيه هبه:الله يعافيك اي خدمه ثانيه انا حاضر وشوف...واذا تبي اخطبلك الحين ماعندي مانع احمد يتنهد:خليها على الله ......اكلمج بعدين هبه:اوكي باي احمد:باي طلال بغصه:بشر احمد:امها اتقول مانعطي عايلة ال.... طلال عينه غورقت وماتحمل اكثر ...غمض عينه ورد راسه لي ورى برد:طلال انت مليون بنت تتمنى ضفرك احمد:موقتلك ماراح يرضون بتتهرب منك طلال مغمض عينه:اكيد الموضوع فيه غلط حنون تبيني بس اهلها مايبوني...انا عارف هشي احمد:اوكي ونفترض مثل ماتقول ...ليش مصكره جهازها من يوم الي دقت اختي المفروض انها تكون مستانسه وتعطيك كل الاخبار اول بأول بدر:طلال انا طول الفتره الي طافت كنت ساكت بس الحين لا والله ماراح اسكت وبقولك الي اعرفه طلال:في شي العن من جذي بدر:هذا ولا شي احمد:بدور اذا مجرد كلام سمعته ومومتأكد منه لاتقوله طلال مو ناقص بدر:لا يبه متأكد مليون بالاميه طلال:غرد بدر:عندي واحد من الربع لمن عرف انك اتكلمها ياني وقالي طلال ولد عايله ومعروف بين الناس اشلون يماشي هل اشكال...انا سويت روحي ماعرف عن بلاويها علشان اسحب منه حجي....يقول البنت الله يستر عليها راعية خرابيط وانه معاشرها معاشرت الازواج اكثر من مره وانه حافض كل قطعه بجسمها وقالي لها وحمه كبيره على فخذها اليمين طلال يقاطعه بصراخ:بس كافي حرام عليكم رحمو حالي انا احبها تفهمون شنو يعني احبها احمد:طلال هدي ياخوي الموضوع مايسوى طلال:عندكم مايسوى مو عندي...انتو ماتحسون وماخذين الدنيا لعب بدر:طلال خلاص طلال بحزم:احمد ردني البيت بدر غمز حق احمد الانهم عارفين طلال اذا وصل حده يحب يكون بالبيت وبغرفته الانه هذا المكان الوحيد الي يرتاح فيه بيت خالد بغرفت طلال اول مادخل الغرفه بدل ملابسه ودخل الحمام (تكرمون) خذاله شور علشان يريح اعصابه.....لاكن مارتاح كان يغلي من الداخل ...كان يفكر شلون يرتاح ...وضل يدق عليها والجهاز مغلق طلال:ليش ياحنون انا عمري ماقصرت معاج بشي ليش تعذبيني وتخليني على اعصابي طلال قام توضى وصلى ركعتين ...من خلص صلاته رن التليفون وكانت نغمت حنان... من بين الناس حبيتك ....طلال فز من مكانه وبسرعه رد طلال:هلا بقلبي هلا بعمري حنون حرام عليج ليش تخليني كل هل مده ليش مصكره جهازج حنان:مو بيدي ياطلال الله العالم بحالي طلال:شفيج ياقلبي قوليلي حنان:طلال من اختك دقت وبيتنه شاب ضو طلال:ليش شلي صاير حنان:اهلي اعرفو اني لي علاقه معاك علشان جذي رفضو الموضوع طلال:المفروض يوافقون مو يرفضون حنان:هذا الي صار طلال:حنون حنان:ياعيون حنون طلال :ابي اشوفج ...ابي اعوض الاسبوع الي فقدتج فيه حنان:ياغالي وطلب ارخيص....يناسبك باجر الصبح طلال:ولو انه بعيد وايد بس ننطر لي باجر حنان:طلولي احبك والله احبك طلال:وانا اموت بحنون وضلو طول اليل سوالف حب وغزل ....طلال نسى كل الي صار ونفسيته ارتاحت من سمع صوت حنان ....ولمن اطلعت الشمس طلال:حنون حنان:ياعيون حنون طلال:يالله نطلع حنان:الحين طلال:مافيني صبر اكثر ابي اشوفج حنان:اممممم اوكي ...وين بتروح طلال:انروح انتريق بموفنبيك البدع حنان:اوكي ...بس عطني ساعه البس واطلع طلال:اوكي...ياقلبي بس بسرعه لاطولين علي حنان:طلولي ماراح اطول ...موبس انت مشتاقلي حتى انا مشتاقتلك واااااااااااااااايد...باي طلال:باي...ومن صك التليفون دق احمد عليه.....هلا احمد احمد:زين الي رديت كل هذا قرقه طلال:كنت اكلم الحب احمد:بعد انت شنو ماكو فايده منك طلال: لين اتأكد من الكلام الي سمعته احمد:شبتسوي طلال:مادري ...ليلحين مافكرت ...انت فكر بدالي ياابو الخطط احمد:انت وينك الحين طلال:انا بالبيت وبطلع معاها الحين احمد :خلاص من تخلص دق علي علشان انشوف شنسوي بس لاتبين لها شي ولا تيب طار اي موضوع خلك طبيعي طلال:مايبيله كلام بيت احمد بغرفة ليال جراح كان داق على ليال ....وليال كانت بسابع نومه بس تليفونها حاطته هزاز....جراح ضل يدق لين شالته ليال وهيا نايمه:الووو جراح:صباح الخير ياليولت قلبي ليال بنفس النبره:جرااااح جراح:اح لاتتكلمين جذي اذوب ليال :بنام عفيه جراح:ماكو نوم قومي انا يايلج بطريج ليال:حبيبي انت عفيه خلها بعدين جراح:عيدي عيدي شقلتي ليال:بنام خلها وقت ثاني جراح:جنج قلتي حبيبي ليال:حبيبي ودنيتي كلها بس خلني انام جراح:بعد هل كلام انسي ...انا الحين ياي باي وصكره قبل ماتقول شي نهاية البارت | ||||
|
| |
|
16-02-12, 07:50 AM
| #67 | |||||||
| نجم روايتي  
| زيزفوووونه مشكووورة علي البارتات وغرور وش راح يكون لها دور في حياة جراح وليال طلال اتوقع بيتاكد من كلام الناس عن حنان وبيشوف الوحمه اللي فيها جني ماحبيتها هي وريتااج | |||||||
|
| |
|
16-02-12, 11:53 PM
| #69 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
هلا وغلا فيك ......جدا تسعدني توقعاتك ...فعلا غرور لها دور كبير جدا بحياة ليال وجراح وقريب بتعرفي كيف ....وطلال اممم تتوقعي انو بيكتشف الحقيقة ...اما جنى راح يكون لها تواجد في الاحداث الجاية وماتدري يمكن تغيري رايك فيها بعدين ...مشكورة ياقلبي على التفاعل | |||||
|
| |
|
16-02-12, 11:55 PM
| #70 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
ياهلا فيك ياعسل وعلى تواصلك معي ...منورة | |||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
