آخر 10 مشاركات
202- لن تعيده الاشواق - لي ويلكنسون (الكاتـب : Gege86 - )           »          شيء من الندم ..* متميزه و مكتملة * (الكاتـب : هند صابر - )           »          سارق قلبي (51) -رواية غربية- للكاتبتين: وجع الكلمات & ولقد أنقذني روميو *مكتملة* (الكاتـب : قلوب أحلام - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          سيدة القصر- سلسلة زواج لأجل الإرث -نوفيلا غربية زائرة-بقلم الجميلة روما-(مكتملة) (الكاتـب : ريهام ماجد جادالله - )           »          عشق من قلـب الصوارم * مميزة ومكتملة * (الكاتـب : عاشقةديرتها - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          ندوب من الماضي ~زائرة~ || ج2 من وعاد من جديد || للكاتبة: shekinia *كاملة (الكاتـب : shekinia - )           »          1060 - زهرة الربيع - ناتالي فوكس - د ن (الكاتـب : hAmAsAaAt - )           »          حَــربْ معَ الــرّاء ! (1) *مميزة و مكتملة*.. سلسلة حـــ"ر"ــــب (الكاتـب : moshtaqa - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree3Likes
إضافة رد
 
LinkBack أدوات الموضوع انواع عرض الموضوع
قديم 08-02-12, 04:42 AM   #1

وردة الزيزفون

نجم روايتي وأميرة حزب روايتى للفكر الحر وفراشة الروايات المنقولة

 
الصورة الرمزية وردة الزيزفون

? العضوٌ??? » 111109
?  التسِجيلٌ » Mar 2010
? مشَارَ?اتْي » 1,005
?  نُقآطِيْ » وردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond repute
Icon24 رواية عهدي مع الأيام / كاملة




كيفكم ال روايتي ان شاء الله تمام ..رواية عجبتني وحبيت انقلها لكم ..اتمنى اني القى تفاعل منكم ... وماراح اتأخر بتنزيل البارتات ان شاء الله لانو الرواية كاملة ... يالله نبتدي


بعد النجاح الي حققته بروايتي الاولى :ياروح الروح حبك فرضته فرض ياروح الروح اصبحت انت انبض
عدت بروايتي الثانيه{عهدي مع الايام}
الروايه واقعيه بس انا غيرت فيها شوي للخصوصيه

قبل ماأبدي الروايه
(ماأحلل أي شخص ينقل روايتي بدون ذكر اسمي @أحلاهم وأتحداهم@ او ذكر هذي الجزئيه الاني فعلن تعبت عليها)


قرائه ممتعه


البارت الاول

بيت بو فواز
بعرفكم على الشخصيات (الاب احمد بو فواز عمره 57 سنه رجل ملتزم ذو شخصيه قويه وعصبي بمعنى الكلمه واذا عصب مايشوف جدامه ولا يرضى بالغلط حتى لو كان صغير عايش حياته بين المسيد والاعمال الخيريه ومع الاسف ناسي بيت .....الام حصه55 سنه ماخذه من اطباع ريلها شوي عصبيه بس مو مثل احمد اخف ...وتعامل بناتها بطريقه ناشفه وايد واغلب وقتها بره البيت.....فواز مهندس بشركة النفط 26 سنه متزوج بعد قصت حب دامت 7 سنوات العنود وعمرها 23 سنه والحين حامل.....
محمد23 سنه طيب وحبوب واهم شي بدنيا عنده رضى امه وابو طالب بكلية الطب ....
بطلتنا ليال 18 سنه مرحه وتحب الضحك وايد وطيبه لي ابعد الحدود طالبه بتكنلوجيا بس آخر همها الدراسه و اهم شي بنسبه لها تتزوج وتكون اسره سعيده*بيبي فيس ...بيضه طويله ضعيفه وجسمها نفس عارضات الازياء شعرها كستنائي لي نهاية الظهر عيونها حلوه متوسطة الحجم ورموشها كثاف وطوال خشمهم صغير وشفايفها صغار وايد ....آلاء 16 سنه طالبه بثانويه عكس اختها بكل شي اتحب الدراسه وطموحها تصير مهندسه كبيره....حلوه مثل اختها بس ملامها اشوي تفرق آلاء خشمها شوي اطول من خشم ليال وشفايفها اكبير بس الي يشوفهم يقول ليال اصغر من آلاء )


حصه تتكلم بتليفون
حصه:والله هذي الساعه المبارك يا أم يعقوب
ام يعقوب:ساعتج ابرك يا ام فواز ..بس متى تعطونه خبر ولدنا مستعيل وايد (ام يعقوب ارفيجة حصه من عمر )
حصه:انشالله عطيني بس جم يوم اشاور البنت وابوها وردلكم خبر
ام يعقوب:على خير انشالله..ماأطول عليج ياأم فواز يالله مع السلامه
حصه:الله يسلمج

بدخلة فواز البيت
فواز:السلام عليكم
حصه:هلا يمه وعليكم السلام
فواز :شلونج يمه انشالله بخير ..وباس راسها
حصه:دام اشوفكم بخير انا بخير
فواز : الحمدالله...يمه وين العنود ماشوفها
حصه:اكيد فوق وين فيها شده على الصعده ونزله يالله اتشيل الي بطنها
فواز:الله يسهل عليها انشالله وتولد وفتك
حصه:الحين منو الي يفتك انت ولا هل الفقيره الي متحمله كل هل ثقل ..المهم اليوم دقت علي ارفيجتي ام يعقوب تبي تخطب ليال حق ولدها
فواز:يمه من صجج هذي وين وزواج وين بعدها ياهل
حصه:وين ياهل انا بعمرها كنت حامل فيك
فواز :يمه زمنكم غير عن زمنه وبعدين خت خلص دراستها بالاول ولاحقه على الزواج
حصه:عادي تتجوز وتكمل مافيها شي الزواج ستر للبنت
فواز:والله كيفكم انا اقولكم البنت بعدها صغيره ولاحقه على الزواج...الا كلمتي ابوي
حصه:لا بعد اليوم بكلمه وكلم ليال ...لازم اعطيهم خبر الولد بسافر ويبي ياخذها معاه الانه يدرس بره
فواز:اممممم اهوا جم عمره
حصه:22
فواز:موالمفروض يكون متخرج
حصه:اي كان موقف قيده سنه كامل
فواز:امممم....على خير انشالله

شوي ودخل بو فواز
احمد:السلام عليكم
حصه وفواز:وعليكم السلام
فواز:شلونك يبه ...وقام حب راسه
احمد:بخير الحمدالله....الا وين العيال
حصه:محمد راح ايب آلاء من المدرسه وليال بالكليه
احمد:اممممم
حصه:بوفواز اليوم ام يعقوب داقه اتخطب ليال حق ولدها يعقوب
احمد:والله ونعم فيهم
فواز :يبه بس ليال بعدها ياهل وينها اوين الزواج
احمد:الزواج ستر للبنت وخصوصن بزمنه
فواز:هذي وين ومسؤلية الريل وين
احمد:كل الحريم جذي في بدايت زواجهم وبعدين مع الايام كل شي يتعلمونه....حصه كلمي البنت واذا ماعندها مانع قوليلي عشان اسأل عنه
حصه:انشالله



العصر بغرفة ليال
آلاء :واي متى اتخرج وفتك
ليال:ومنو قال بتفتكين الدراسه وراج وراج
آلاء:الثانويه غير والجامعه غير
ليال:والله احلى ايام ايام الثانويه ولا الكليه لوعه
آلاء:لوعه عندج
ليال:وانا صاجه الدكاتره ملاقه شايفين روحهم على شنو مادري
بدخلة حصه
حصه:شقاعدين اتسون
ليال:نسولف
حصه:بدال السوالف البطاليه جابلو دروسكم احسن
آلاء:يمه توني ماخذه بريك والله تعبت
حصه:انتي ماينخاف عليج ...الخوف من اختج الي ماتجابل دراستها
ليال:يمه اهم شي خلصت الثانويه وماعندي مانع اتنقع بالكليه
حصه:انا قايله انتي موفالحه بشي...المهم ام يعقوب داقه بيون يشوفونج شقلتي
ليال:حياهم الله بس خل ايي معاها مالي خلق يوم امه ويوم اهوه خل ايون بيوم واحد...يبيه خل ضحك عليه شوي
حصه:ليش ارقوز تضحكين عليه...انا مادري منو المينون الي بيرضى فيج
ليال:يمه حرام عليج هذا وانا بنتج اتقولين عني جذي
حصه:شلون ماتبيني اقول جذي وانتي ومخج مخ ياهل واحد
ليال:..........
حصه:خلصيني شقول حق المره
ليال:حياهم الله...يمه شنو اسمه وجم عمره
حصه:بنات آخر زمن
ليال:يمه هذا زواج ولازم اعرف
حصه:اسمه يعقوب وعمره 22
ليال:وين يشتغل
حصه:يدرس بأمريكا
ليال:يااااي يعني بروح عند ...(برور بنت خالتها وتؤم روحها متزوجه من 6 اشهر وعمرها 20 سنه )
آلاء:من صجج ودراستج مافكرتي فيها
ليال:لاحقه على الدراسه اهم شي اتزوج واستقر
آلاء:ليش انتي عانس وانا مادري توج 18 سنه على شنو مستعيله مادري
حصه:الزواج ستر
آلاء:يمه ماقلنا شي بس مومعناته ماتكمل دراستها عشان ريل هذا مستقبلها والشهاده اهم من الريل...مردت بتتزوجين ليش مستعيله
حصه: النصيب الزين موكل يوم يطق بابنه
ليال:يمه ماعليج منها ...هذي ام قليب وتموت على الكتب...وبعدين انا بوقف قيدي بس
آلاء:احسن منج ...مومثلج ميته على الريل

بعد سبوعين املجة ليال على يعقوب وحددو موعد العرس بعد اسبوعين من الملجه وقبل سفرهم بيوم .... وكانت فرحت ليال ماتنوصف
وأخير حلمها تحقق وتزوجت وبتكون لها اسره مثل ماكانت راسمه بمخيلتها....بس ياليت كل شي يتمناه الانسان يحصل عليه...ومثل مايقولون ليس كل مايتمناه المرء يدركه


في احد المجمعات التجاريه
ليال:اف هذا شفيه من امس ادق عليه مايرد
العنود:يمكن نايم ولا مشغول
ليال:ماعتقد امس طول اليل ادق عليه كله ويتنق
العنود:ولا دق عليج
ليال:لا
العنود:معقوله...انزين انتو صاير بينكم شي
ليال:لا
العنود:انا اقول مامداكم تتهاوشون
ليال بخوف:عنود انا من اول يوم حاسه انه في شي مو طبيعي
العنود بستغراب:شي موطبيعي...مثل شنو
ليال:مادري احس يتهرب مني وايد
العنود :ليال اذا في شي تحجي من الحين دامكم على البار ...باجر اتسافرين وتبتلشي
ليال:لا ماتوصل لي هدرجه...وخالتي امس اتقول حق يعقوب تعبان ويبي مرته بسرعه...شنو قصدها
العنود:هههههههههههههه من صجج مافهمتي
ليال:لا
العنود:ههههههههه خليه اهوا يقولج
ليال:خل يرد علي بالاول وبعدها يصير خير
العنود:يعني حتى خالتي ملاحضه انه يتهرب منج
ليال:اي ...وعشان جذي كلمت خالتي
العنود:والله مادري شقولج ...ومابي افتح عينج على شي ويكون الموضوع شي بسيط يعني مثل ماقالت خالتج
ليال:قولي قولي...وبعدين اذا على كلام خالتي مفروض يجابلني مو يتهرب مني ..عنود قوليلي شنو قصدها
العنود اتغير الموضوع:ليول امشي خندخل هل محل عنده شغلات حلوه
ليال:اوكي ..بس موعبالج بنسى السالفه بقوليلي غصبن عليج
العنود:هههههههههه ماطوفين شي


مرت الايام على ليال مثل البرق اما يعقوب فكانت اتمر عليه كل لحظه جنها سنه ...وصار يوم العرس ..اليوم الي تحلم فيه كل بنت ...وأخير بتلبس بدلتها البيضه وتمسك بيدها المسكه الصغيره..وتدخل الصاله وعيون الكل اتلاحقها


بفندق زمرده
آلاء:يالله ليول الحين اتبلش الغنيه تزهبي
ليال برتباك:اوكي
بدت اغنية هب السعد .....بعد مانطفت الاضواء ...ادخلت ليال
تمشي بخطوات بطيء ....تمشي بسعاده وخوف حزن ارتباك كل المشاعرها مختلطه في بعض ...اوصلت الكوشه وكانت راسمه احلى ابتسامه على شفايفها الضغار ...الكل باركلها والبنات قامو يرقصون ومستانسين لها...وصار وقت زفت المعرس
ودخل يعقوب ومعهاه عمامه وخواله وخوان ليال وابوها وعمامها وخوالها ..وصل الكوشه ..والكل سلم عليه ووبعدها مشوو ....

ليال اتكلم العنود بصوت واطي:عنود هذا شفيه ماد البوز
العنود:يمكن مرتبك اشوي عادي لاتحطين ابالج...وخذت الشبكه عشان تعطيها يعقوب....يعقوب لبسها التراجي
يعقوب بدون مايتكلم خذا التراجي ولبسها وبعدها لبسها باجي الشبكه وعلى نفس الوضع ..اشربو العصير وبعدها الكيكه ...وليال كانت خايف من سكوته شكله مو مستانس اكيد في شي ...يمكن شكلها موعاجبه او في شي وخصوصن طول الفتره الي طافت ماكان يكلمها الا دقايق بس ...وبعد ماخلصو من كل شي ...طلعو من الفندق متجهين لي الفندق الي بقضون فيه ليلت العمر

بالفندق بعد مابدلت ليال
العنود:ليال اشفيج
ليال بحزن :قلبي مقموت
آلاء تلطف الجو:ادري الانج بتشتاقين لنا
ليال ترسم الابتسامه على ويها:اكيد
العنود:ليول والله بشتاقلج
ليال وعيونها مغورقه:وانا بعد...ولمتها حيل
آلاء:لاتبدون فلم هندي خلصونه الريال ناطر بره
العنود:اي والله بس فواز قاعد معاه
ليال بحزن:دام جذيه خليه يتنقع بره
العنود:ليال اليوم عرسج ومالازم اتكدرين خاطرج...قطي كل شي ورا ضهرج
ليال:انشالله

البنات سلمو عليها وطلعو ...دخل يعقوب وطق البشت وراح صوب الكبت الي حاط ملابسه فيها ...طلعله ملابس ودخل الحمام
ليال كانت قاعده على حافت الفراش ومن الخوف الي فيها كانت ماسكه تليفونها واتسكره وتبطله...اشوي وسمعت صوت باب الحمام يتبطل ...زاد ارتباك ليال وخوفها ...حست بخطوات يعقوب الي صارت قريبه منها
يعقوب بصوت اول مره تسمعه منه:حبيبي المفروض انا الي استحي مو انت
ليال ومومستوعبه الي سمعته ارفعت راسها وشافت يعقوب ابمنظر عمرها ماتوقعته ولا حتى خطر على بالها
ليال بقلها (اكيد في شي غلط مومعقوله هذي يعقوب الي ملجت عليه ...مومعقوله هذا يعقوب الي كان واقف معاي على الكوشه بكامل اناقته ورجولته ) ليال كانت مصدومه من الي تشوفه بعيونها
هل حلم ولا هذا واقع ...واقع مر وغريب من نوعه ولا يخطر على بال اي شخص...اركضت ليال ودخلت الحمام وقفلت الباب وراها
كانت ترجف ودقات قلبها كلمالها وتزيد بسرعتها
ليال ودموعها على خدها:اكيد حلم ... اكيد حلم
ليال انتبهت انها ماسكه تليفونها بيدها ...وعلى طول دقت على اخوها محمد


محمد مع فواز والعنود وآلاء بسياره رادين البيت
محمد بستغراب:هذي ليول داقه
فواز:من صجك ...اخاف بالغلط التليفون داق ابروحه وهيا ماتدري
محمد:يعني ماأرد
فواز :لآ...قتلك بالله بالجنطه ولا شي وصار فوقه الاغراض ودق عليك
محمد :جايز
شوي ورن تليفون فواز
فوازبخوف:هذي ليال اكيد صاير شي
محمد :رد ابسرعه
فواز:هلا ليول
ليال هيا تبجي وتشاهق:فواز الله يخليك ابوس ايدك وريلك تعال اخذني
فواز:ليال صاير شي
ليال:فواز الله يخليك تعال اخذني وبعدين اتعرف كل شي
فواز بخوف:ليال تحجي شفيج ليش تبجين جذي
ليال بصراخ:موريال جنس تدري شنو يعني جنس
فواز جسمه كله يرجف من الخوف:ليول حبيبتي هدي شوي وفهميني ابي افهم شوي شوي علي
ليال:الله يخليك فواز عيفه تعال اخذني الله يخليك ابوس ايدك وريلك
فواز:ليول اشلون اي آخذج ...انتي ناسيه انه اليوم دخلتج
ليال بشكل هستيري:فواز هذا جنس تفهم شنو جنس
فواز يبلع ريجه:ليول انتي وينج الحين وين يعقوب
ليال:انا منخشه بالحمام عفيه تعال اخذني ...وتبجي اكثر
فواز:كاني الحين اي بس انتي هدي شوي
ليال:فواز اكيد بتي تاخذني فواز عفيه والله اخاف منه شكله يخرع
فواز موقادر يسوق السياره الانه جسمه كله يرجف ومايدري شلي صاير بضبط ...فواز نزل ومحمد ساق السياره ...وفواز ضل يكلم ليال لين اوصلو الفندق

فواز:ليول انا عند باب الغرف تقدرين اتبطليلي
ليال وهيا تبجي:اخاف اطلع من الحمام
فواز:لاتخافين انا ومحمد ورا الباب
ليال:انزين...ليال اطلعت من الحمام وبسرعه على باب الغرفه ويعقوب وراها يناديها
يعقوب بكل دلع ونعومه:حبيبي مايصير تطلع
ليال بطلت الباب ومن شافت فواز قطت روحها عليه وهيا ترجف وتبجي وتصارخ من قمت راسها
ليال:ودوني البيت مابي اقعد هني ...ودوني البيت بسرعه
اما فواز ومحمد كانو واقفين مثل الصنم من الي يشوفونه جدامهم
يعقوب كان لابس ملابس بنات وحاط قلوس بس القلوس ماكان ضابطه عدل...موعارفين شيسون ولا شلون يتصرفون الموقف صعب وايد اختهم بليلة دخلتها تنصدم بريلها
محمد:ريال طول وعرض وآخرتها تطلع جذي
يعقوب كان واقف بكل ثقه ولا كأنه شي صاير
فواز:محمد ادخل ويب اغراض ليال
محمد :انشالله...دخل ياب جنطت ليال الصغيره
فواز دق على العنود عشان اتيب عبايتها اتغطي فيها ليال...العنود اراحت لهم ابسرعه وغطت ليال بالعبايه وخذتها معاها
اما فواز ومحمد طاحو طق في يعقوب ...الي صار مصيبه كبيره بنسبه لهم...ولختهم....اشلون اترد يوم عرسها بيت ابوها ...اكيد اناس بتتكلم عنها ...وخصوصن احنا في زمن مايرحم
بعد يومين في بيت بوفواز
ليال كانت متحطمه بالمره وبس تبجي الموقف وايد صعب عليها شي مايتقبله العقل اشلون يصير جذي وليش كل شي كان طبيعي شلي غير الموضوع...بو فواز اتفق مع ابو يعقوب على الطلاق بأسرع وقت ...طبعن كان عندهم شرط انهم مايقولون حق احد عن الي صار ...وبوقتها ابو فواز ماكان يفكر بكلام الناس كل همه اشلون يتخلص من هل انسان


بدوانيه
سعود:صدقوني الموضوع في انه (اسعود ولد عمهم صالح اكبر عيال صالح عمره 30 سنه متزوج وعنده ولدين)
محمد:بالله شنو الانه الي فيه ...الاخ مادري الاخت طلع جنس بعد شي وشفناه بعينه
فواز:انا بعد حاس انه الموضوع في شي ...مو معقوله ايي ويفضح روحه ...هل اشكال شغلها كله بالخش ...وياما جنوس متزوجين وعندهم عيال ومايبينون حق حريمهم هشي و مافي احد يدري عنهم
محمد:قصدكم اهوه متعمد يسوي جذي
سعود:لا ماتوقع يعني اذا ريال وموجنس ليش يسوي جذي
فواز :والله مادري الموضوع كبير وموهين ..الله يلعنه عقد البنت
محمد:والله الطق الي كلاه مني مابرد قلبي فيه
سعود:اهم شي انها افتكت منه
فواز:والله قلبي كان حاس من البدايه انه مو طبيعي ...لا كان يدق ولا يطلع معاها ولا يدري عنها
محمد:لاتخاف بي اليوم الي كل شي يبين فيه وليول بعدها صغيره والف واحد يتمنى ظفرها
سعود:الا متى بطلق
فواز:مادري عنه ...بس الي عرفته انه عنده شروط قبل الطلاق
سعود بستغراب:بعد...آخر زمن والله
محمد:الله يهدي ابوي مايخلينه نتصرف معاه والله و لكسره تكسير
سعود:وعلى بالك الطق بحل المشكله ...اهم شي الحين تطلق وتفتك منه


نهاية البارت

ندى تدى likes this.


التعديل الأخير تم بواسطة لامارا ; 22-10-13 الساعة 08:15 PM
وردة الزيزفون غير متواجد حالياً   رد مع اقتباس
قديم 09-02-12, 11:26 PM   #2

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

الله يعطيك الف عافيه زيزفونه ع الروايه وان شاء الله نتابعها معك ..

امم الحين في البدايه باقي نعتبره تعريفي بس .

ننتظر الباقي ياقلبي على نار ..


جرح الذات غير متواجد حالياً  
التوقيع
رد مع اقتباس
قديم 10-02-12, 12:24 AM   #3

nahe24

نجم روايتي

alkap ~
 
الصورة الرمزية nahe24

? العضوٌ??? » 142458
?  التسِجيلٌ » Oct 2010
? مشَارَ?اتْي » 3,256
? الًجنِس »
? دولتي » دولتي Jordan
? مزاجي » مزاجي
?  نُقآطِيْ » nahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond reputenahe24 has a reputation beyond repute
¬» مشروبك   pepsi
¬» قناتك action
افتراضي

روايه اكثر من رائعه سبق وقرأتها
مؤلمة لدرجة الوجع
اختيار موفق حبيبتي راح اتابعها معاكم للنهاية ان شاء الله


nahe24 غير متواجد حالياً  
التوقيع








رد مع اقتباس
قديم 10-02-12, 03:15 AM   #4

وردة الزيزفون

نجم روايتي وأميرة حزب روايتى للفكر الحر وفراشة الروايات المنقولة

 
الصورة الرمزية وردة الزيزفون

? العضوٌ??? » 111109
?  التسِجيلٌ » Mar 2010
? مشَارَ?اتْي » 1,005
?  نُقآطِيْ » وردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond repute
افتراضي

اقتباس:
المشاركة الأصلية كتبت بواسطة جرح الذات مشاهدة المشاركة
الله يعطيك الف عافيه زيزفونه ع الروايه وان شاء الله نتابعها معك ..

امم الحين في البدايه باقي نعتبره تعريفي بس .

ننتظر الباقي ياقلبي على نار ..

هلا جروحة منورة ياقلبي ... الرواية تستحق المتابعة وفعلا الاحداث لم تبداء بعد ....اتمنى الاقي متابعات لها وتفاعل يشجعني علشان اتحمس انزل غيرها بعد ماتنتهي...


وردة الزيزفون غير متواجد حالياً  
التوقيع




رد مع اقتباس
قديم 10-02-12, 03:23 AM   #5

وردة الزيزفون

نجم روايتي وأميرة حزب روايتى للفكر الحر وفراشة الروايات المنقولة

 
الصورة الرمزية وردة الزيزفون

? العضوٌ??? » 111109
?  التسِجيلٌ » Mar 2010
? مشَارَ?اتْي » 1,005
?  نُقآطِيْ » وردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond repute
افتراضي

اقتباس:
المشاركة الأصلية كتبت بواسطة nahe24 مشاهدة المشاركة
روايه اكثر من رائعه سبق وقرأتها
مؤلمة لدرجة الوجع
اختيار موفق حبيبتي راح اتابعها معاكم للنهاية ان شاء الله

هلا فيك ياعسل .....كلامك صحيح الرواية جدا رائعة وتستحق الدعم والمتابعة والكاتبة اسلوبها جميل في سرد الاحداث منورة ياقلبي اتمنى تواجدك معي


وردة الزيزفون غير متواجد حالياً  
التوقيع




رد مع اقتباس
قديم 10-02-12, 03:23 AM   #6

وردة الزيزفون

نجم روايتي وأميرة حزب روايتى للفكر الحر وفراشة الروايات المنقولة

 
الصورة الرمزية وردة الزيزفون

? العضوٌ??? » 111109
?  التسِجيلٌ » Mar 2010
? مشَارَ?اتْي » 1,005
?  نُقآطِيْ » وردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond reputeوردة الزيزفون has a reputation beyond repute
افتراضي

البارت الثاني




سعود:الا متى بطلق
فواز:مادري عنه ...بس الي عرفته انه عنده شروط قبل الطلاق
سعود بستغراب:بعد...والله آخر زمن
محمد:الله يهدي ابوي مايخلينه نتصرف معاه والله لكسره تكسير
سعود:وعلى بالك الطق بحل المشكله ...اهم شي الحين تطلق وتفتك منه



بعد مرور سنه من طلاق ليال ...سنه كلها حزن كلها عذاب سنه ماشافة طعم السعاده فيها...ليال بعد ماتطلقت كان الوضع عادي ...لاكن بعد خمس اشهر من طلاقها انتشر خبر زواج يعقوب والخبر كان مثل الصاعقه على مسامعها ..يعقوب من طلق ليال على طول تزوج ...ومن احمل مرته
امه تعمدت تنشر خبر زواجه وحمل زوجته عشان اناس الي تكلمت عن ولدها اتشيل من بالها فكرت انه ولدها جنس والعيب كان في ليال مو ولدها...وفوق كل هذا الناس بدت تتكلم عن ليال ...ردت بيت ابوها بيوم عرسها اكيد العيب منها وهذا الولد تزوج ومرته حامل يعني مافي شي




بيت بو فواز

فواز وهوه يفتح باب الغرفه على ليال:ليول يالله افراج ابوي وامي مو بالبيت
ليال من داخل الغرفه:فوازلا تفتح الباب مابي اطلع
فواز بعد مافتح قفل الباب:انزين ممكن ادخل عشان انتفاهم
ليال:تفضل
فواز وهوا يدخل الغرفه:مساء الخير ياحلوه
ليال بحزن:مساء النور
فواز:الحلو شفيه زعلان
ليال:.....
فواز:ليال اشفيج ليش ماتبين تنزلين
ليال:ليش انزل خلني محبوسه بالغرفه لين اموت
فواز:بعد عمرن طويل ....ليول ليش هل كلام
ليال بحزن:ماتقولي ليش انزل ...انا تعودت على هسجن مابي اطلع منه وانشاالله اي اليوم الي اموت فييه ابسرعه وريحكم مني
فواز بحزن:ليال ليش هل كلام انتي ماتدرين بغلاتج عندنا
ليال:فواز والله تعبت ...ابوي قاعد يعاقبني على ذنب وملي دخل فيه وانت ومحمد شفتوه بعينكم
فواز:والله ادري انج مالج ذنب ابشي...بس ابوي الله يهداه يسمع حجي الناس وحط حرته فيج
ليال:ماتقولي شنو ذنبي انا ماغلطة ابشي الي يحبسني كل هل فتره وممنوعه من كل شي ...فواز شنو الغلط الي سويته ليش يحبسني طول اليوم بغرفتي ليش مايخلي آلاء تقعد معاي ....وتبجي بحرقه...ابوي ظلمني مثل الناس.... بس انشالله الله ياخذ حقي من كل واحد يتكلم عني واولهم ام الزفت يعقوب
فواز:ليال حبيبتي لاتبجين الحين ابوي مو بالبيت تعالي شقتي وقعدي معاي انا والعنود...ولا ماتبين تلعبين مع احمداني
ليال:فواز مابي اطلع من الغرفه من اليوم ورايح خلوني ابروحي اشتبون فيني...مو انا الي سودت ويهكم بين الناس خلاص خلوني بروحي
فواز بحزن كبير:ليال انشالله تفرج وانا كلمت عمي صالح اليوم ..قتله انه ابوي حابسج البغرفه طول اليوم ..بسبت الكلام الي ينقال عنج بين الناس وهوا وعدني انه يحل الموضوع
ليال:مابي شي منكم خلوني ابروحي اشتبون فيني ..تبجي وتصارخ....فواز انا تعبت والله تعبت كل يوم يمر علي اصعب من الي قبله ..وكل يوم ادعي ربي ياخذ امانته عشان ارتاح من كل شي
فواز راح صوبها ولمها حيل ...قلبه كان يتقطع على اخته الي انظلمت بدون سبب:انشالله اي اليوم الي ينحل فيه كل شي
ليال تبجي وتشاهق:ماتقولي متى بيي صارلي اكثر من 6 اشهر وانا محبوسه بالغرفه وممنوعه من كل شي ...قولي شنو ذنبي ...كل هذا الاني تطلقت ورديت بيت ابوي بيوم عرسي والله انا مافيني شي والله انا ماسودت ويهكم انت شفت كل شي ابعينك يعني انا مالي ذنب بكل شي صار
فواز :ليال بس والله الي قاعده اتسوينه راح يضرج
ليال:انشالله اموت وافتك
فواز:الا حولا ولا قوته الا بالله....وحب يغير الموضوع...ليول ماتبين وجبه من ماك
ليال اتهز راسها بنفي
فواز:يعطونج لعبه
ليال بحزن :فواز خلني بروحي اطلع قبل لا ايي ابوي ويسويلك سالف
فواز:شلون اطلع وانتي بهل حاله ومن الصبح موماكله شي
ليال:انا تعودت على جذي طول اليل و النهار ابروحي بالغرفه وابجي ولا احد يدري عني زمابي آكل شي لين اموت
فواز كان خايف عليها:ليول اشرايج اشتريلج تليفون بدل الي خذا منج ابوي ولاب توب على الاقل اتضيعين وقتج
ليال:لا فواز اخاف ابوي يشوفهم والله يذبحني
فواز:آخذلج موبايل اصغير ينخش ابأي مكان واذا على الاب حطيه بين ملابسج
ليال:فواز شكلك نسيت انه ابوي يفتش غرفتي كل يومين
فواز:استغفر الله ربي واتوب اليه
(هذي كانت حال ليال من يوم ماسمع ابوها بخبر زواج يعقوب ومن يوم ماناس بدت تتكلم عنها ...من ذاك اليوم وليال محبوسه بغرفته ماتشوف احد ولا تكلم احد وماتطلع من الغرف الا اذا ابوها بالبيت ..واوقات الاكل بس... وحتى الكليه سحب اوراقها منها...كل ما سمع تنقز حجي عليها رد البيت وطقها وشدد العقوبه عليها...محد كان عاجبه الوضع الكل حاول مع ابوها لاكن بدون فايده الي براسه يسويه وبس...وفواز طلعله نسخه من مفتاح غرفتها عشان يقدر يطل عليها ويطلعها من الغرفه بغياب ابوها وامها )

تحت بصاله
فواز يتكلم بتليفون:يمه يعني لي متى وهيا جذي
حصه كانت طلعه :والله كلم ابوك ليش ياي اتكلمني
فواز:يمه هذي مو بنتج ...قلبج مايتقطع عليها وعلى حالها
حصه:اكيد قلبي يتقطع عليها ..بس انت ادرى ببوك
فواز:وليش ماتكلميه ..يمه والله الي قاعد يصير لايرضي الله ولا رسوله وبعدين ليال لاهي اول ولا آخر بنت تتطلق
حصه:فواز انا كلمته وايد وكل مره يزفي وقولي خليني اربيها ...قولي شتبيني اسوي بعد ابوك عقليته متحجره ..شكله ناوي يذبحها مو عارف اشلون
فواز:انزين والحل ..لي متى ليال بتضل بغرفتها محبوسه
حصه:والله مادري انا ماأقول الا انشالله ايي لها النصيب الزين عشان ترتاح من ابوك وعمايله
فواز:وليش بعد سوالف ارفيجتج في احد خطبها البنت صارلها سنه محد يه وخطبها...حسبي الله ونعم الوكيل فيهم انشالله يشوفونه ابناتهم
حصه:آآآخ الواحد مايدري شيقول يعني هذي الي كانت عشرت عمر معاي صارت تمشي وتتكلم عن بنتي
فواز:يمه ولي يرحم والدينج كلميه مره ثانيه البنت بتموت والله بتموت
حصه:اسم الله على بنتي ليش اتفاول عليها
فواز:انا ماأفاول عليها بس اذا ضلت على هل حال صدقيني بصير فيها شي
حصه: شسوي ابوك عصبي والي براسه لازم يسويه
فواز:خلاص يمه لاتعبين روحج انا اتصرف
حصه:شبتسوي
فواز:بدورلها ريل
حصه:ليش عبالك ابوك بوافق يزوجها مره ثانيه
فواز :مو بكيفه يحرمها من شرع ربنه
حصه:والله كيفكم سوو الي تبونه بس المهم لايحس انه ليال اهيا الي تبي الفكه والله يذبحها
فواز:خلاص يمه خليها علي وانشالله اقدر احل الموضوع


بيت صالح
اول شي ابي اعرفكم على عايلة صالح(صالح عمره 62 سنه ريال طيب وحنون على عياله وخاف عليهم من الهوا الطاير وزوجة صالح متوفيه من 4 سنوات ...وعياله سعود 30 سنه متزوج بنت خالته غيداء 28 سنه وعندهم ولدين صالح وفهد...لمياء 29 سنه متزوجه وعندها ولدين وبنت ...آمنه 25 سنه وتوها متزوجه ...رناد 16 سنه ورفيجة آلاء )

صالح:اليوم فواز كلمني بخصوص ليال...والله عمك مادري شلون يفكر وهذا وهوا عارف كل شي وانه بنته مالها ذنب ابشي
سعود:الله يهديه انشالله ..اليوم محمد يقول صارلها فتره تعبانه وويها اصفر وايد وكل مالها وتضعف اكثر الانها ماتاكل شي
صالح:والله لو عندي ولد غيرك جان زوجتها منه وريحتها
رناد:بابا عمي ليش يسوي فيها جذي والله حرام ليول اتهبل واهيا ماتزوجة الا الانها تبي اتكون اسره هذا حلم حياتها انها اتكون اسره ناجحه على قولتها
صالح:عمج كل ماسمع واحد سأله عن سبب الطلاق مايعرف شيرد ويحط حرته بالبنت ...الله يعينها
رناد:بابا دام عمي احمد حابسها ومايبي يشوفها ليش ماتيبها عندنا تعيش معنا
صالح:لا يبه مايصير بيت ابوها موجود وتعيش عند عمها...انشالله ايي لها ولد الحلال الي يفكها من معاملت ابوها وكلام الناس
سعود:اي ولد حلال وهوه حاف مايزوجها
صالح:ستغفر الله ربي ...والله عمكم ين وقعد في احد يسوي ابنت جذي ولا منو ليال الي مالها حس وشيخة البنات
رناد بدلع:بابا اذا اهيا شيخة البنات وانا شطلع
صالح:انتي احلى واغلا البنات كلهم
سعود:انتي متى تكبرين بس صرتي مره وليلحين تتدلعين
رنان بدلع: خل اتدلع بيت ابوي انت شحارك ...بعدين اذا ماأتدلع على ابوي وحبيبي اتدلع على منو صح باباتي
سعود وصالح:هههههههههههههههه



بليل بدونية سعود
فواز توه واصل:السلام عليكم
الكل:وعليكم السلام ورحمه حياك
سعود:حيالله ولد العم
فواز:اتحيا ودوم
الدوانيه كانت مليانه شباب مجموعه يلعبون كوت بوسته وثنين يلعبون بلي ستيشن ...وثلاثه قاعدين على الاب توب ..والباجي يسولفون والي يطالع التلفزيون
محمد يساسر فواز:بشر اطلعت من الغرفه ولا لاء
فواز:لا ماطلعت ولا راضيه تاكل شي
محمد:والحل
فواز:مادري
سعود:شفيكم تتساسرون
فواز بصوت واطي:مافينا شي بس نتكلم عن ليال...لاراضيه تاكل ولا تطلع من الغرفه والله خايف يصير فيها شي

شوي ودخل طلال(ارفيج سعود وعمره 30 سنه .. ... طيب وحبوب ووالي بقلبه على السانه وفوق كل هذا من عايله كبيره وايد ومعرفه )
طلال:السلام عليكم
الكل:وعليكم السلام
سعود:حيالله القاطع
طلال وهوه يبتسم:الله يحيك
سعود:وينك كل هل مده قاطع وماتبين
طلال:والله لاهي مع الوالد بشركه ..جراح مسافر والشغل صار كله علي
سعود:دام جذي معذور
طلال دخل وسلم على محمد وفواز الانه يعرفهم عدل بحكم علاقته بسعود القويه
طلال:فواز خير عسا ماشر بيعني بسوق ياخوك
فواز:اشتريك ياخوي..مشكور وماتقصر
طلال:فواز فيك شي محتاج شي انا ملاحظ عليك صارك فتره منت طبيعي بالمره
فواز:مشاكل اشوي وانشالله تنحل
طلال:افا بس اخوي عنده مشكله وانا موجود خبر انشالله محتاج شي ..ترى ارقبتي سداده
فواز:تسلم ياطلال...وسرح بليال وحالتها
سعود:فواز فواز
فواز:هلا سعود بغيت شي
سعود:الي ماخذ عقلك..وين رحت
فواز:.....
طلال:شكله سرحان بالحبايب ..هذا وانت متزوج وتسرح اش خليت لنا يالعزوبيه
فواز بتسم ومارد عليه وهذا الشي الي خلا طلال يحس انه فعلن فواز فيه شي ..فواز طول عمره يحب يضحك وسولف حتى لو كان متضايق بس هل مره الكل لاحظ عليه انه مخنوق ومو قادر يبطق بكلمه
سعود:محمد شصار على اختك
محمد:على حطة ايدك
فواز ماقدر يقعد كان طول الوقت يفكر اب ليال الي صارلها فتره تعبانه وايد وابوه مو مهتم والي زاد عليه كان يتذكر شكلها وهيا تبجي وتدعي انها اتموت عشان ترتاح
فواز وهوا واقف:انا اترخص ياجماعه مع السلامه
الكل :الله يسلمك
طلال:وين توناس ماقعدنا معاك
فواز:مره ثانيه انشالله
فواز:مع السلامه ...وطلع
الكل:حياك
طلال:سعود فواز شفيه شكله تعبان وايد..اول مره اشوفه ابهل حاله حتى محمد مو طبيعي
سعود اخذ نفس عميق:خلها على الله بس
طلال:سعود ترى انا اعين وعاون اذا محتاجين شي رقبتي سداداه
سعود كان يطلع وهوه ساكت
طلال:لا انتو اكيد فيكم شي ..بتقول ولا والله ماأطب دوانيتك بعد اليوم
سعود:طلال المشكله عائليه
طلال:انت متأكد انها عائليه ..يعني مافي شي ثاني
سعود:مثل ماقتلك المشكله عائليه
طلال:امممم
سعود سرح شوي كان وده يقوله عن مشكلة ليال...بس تردده وايد ..معنه عارف طلال عدل السر عنده مايطلع لو على قص ارقبته
طلال حس الوضع غريب ومومتعود علهم جذي
طلال:سعود قوم معاي ابيك شوي
سعود:خير انشالله
طلال:ماكو الا الخير انت قوم وبتعرف
سعود قام مع طلال وطلعو من الدوانيه
سعود:طلال خرعتني فيك شي
طلال :انا الي فيني شي ولاانت وعيال عمك الي معتفسين بالمره...شوف لاتقولي المشكله عائليه وكلام فاضي تكلم
سعود سكت فتره كان متردد وايد
طلال:سعود انا وياك مو بس ربع انا وياك مثل الاخوان قول شفيكم يمكن اقدر اساعدكم
سعود بحزن:والله ياليت يكون الحل عندك
طلال:وانا حاس انه الحل عندي...طلال كان متوقع انه المشكله ماديه وهما مستحينه منه
سعود:شوف الكلام الي بقوله لك مايطلع لاي مخلوق
طلال:افا يسعود وانا من متى اطلع الكلام الي بينه
سعود:لاتلومني بس المشكله كبيره
طلال:انت قول وانشالله تنحل
سعود قال السالفه كلها حق طلال بس في اشياء ماقالها مثل حبست ليال بالغرفه ومعاملت ابوها لها
طلال:لا حول ولا قوته الا بالله ..شنو هناس اشلون يتكلمون عن البنت جذي
سعود:عشان يغطون على خياس ولدهم
طلال:انزين بنت عمك جم عمرها
سعود:19 سنه
طلال:19 سنه هذي صغيره ليش متزوجه بسرعه
سعود:انصيب ياخوي
طلال:امممم ...انزين بنت عمك اتحب اليهال
سعود:وايد ..واهيا ماتزوجت ابسرعه الا عشان حبها لليهال بس ليش تسأل
طلال:لا ولا شي ..خلاص عطني يومين وانا اعطيك الحل
سعود سكت وماعرف يرد عليه
طلال:لاتكدر خاطرك ياخوي المسأله مو صعبه ..وانشالله حلها عندي
سعود:شلون
طلال:انت ماعليك بعد يومين اعطيك خبر ..المهم انا استأذن الحين
سعود:وين توناس
طلال:والله ودي اقعد بس باجر وراي قعده من الصبح
سعود:انزين اقعد اشوي وبعدين توكل على الله
طلال:والله كنت ياي بس اشوفك واتطمن عليك

سعود اصر على طلال انه يقعد بس طلال اعتذر وطلع

بسيارة طلال
طلال:يت والله يابها بس جنه البنت صغيره وايد عليه .....وقطع عليه تفكيره صوت تليفونه الي يرن
طلال:هلا بالحب
:واااي حياتي انت وينك ..اشلون تحرمني من صوتك كل هل مده
طلال:حنونتي سوري والله عندي شغل لي الراس
حنان:ولو انا هم اعتبرني صفقه من صفقاتك التجاريه..ولا ماأستاهل اتفكر فيني
طلال:والله انتي احلى صفقه بحياتي كلها
حنان:واااااااااااي طلول احبك
طلال:وانا اموت فيج
حنان:قولي شسويت اليوم ابي تقرير مفصل
طلال:هههههه شنو لازم كل يوم تقرير
حنان:اي لازم كل يوم تقرير.....ولاا ماتبي اتقولي اخبار حبيبي طلولي ...حياتي مايصير كل يوم اعيد الاسطوانه
طلال:ههههههههههههههه خلاص الحين اعطيج التقرير
حنان:ابي بتفصيل
طلال:انتي تامرين امر جم حنونه عندي
حنان:وحده
طلال:وحده وماخذه قلبي وعقلي كله ..حنون والله على كل شغلي ماتغيبين عن بالي لحظه
حنان:يااااي حبيبي والله ويلوموني فيك

حنان عمرها 24 سنه اتحب طلال من 4 سنين حبهم حب خيالي مافي منها الا بالمسلسلات بس ليلحين مو قادرين يتزوجون ..الانه ابو طلال رافضه الفكره من اساسها

وهما يسولفون ويضحكون طلال صار عنده خط ثاني
طلال:حنون جراح داق علي وابيه بموضوع ومن اخلص ادق اوكي
حنان:اوكي
طلال:موتنامين ابي اكلمج
حنان:انشالله...باي
طلال رد على اخوه جراح
طلال:هلا جراح
جراح بعصبيه:لا غلطان جان زرعتني اكثر..انت متى بتيوز عن سوالفك
طلال:اي سوالف
جراح:والله انت ادرى اي سوالف...الي بعمرك عيالهم طولهم
طلال:الي يسمعك يقول عنه درزن يهال يمشون وراك
جراح:على الاقل عندي بنت انت اشعندك
طلال:عندي حنونتي الي تسوى الدنيا بالي فيها
جراح:وماتقولي شنو نهاية هل حب
طلال:ماعليك مني عندي لك خبر حلو
جراح:خيران شالله
طلال:لقتلك بنت الحلال
جراح:هههههههههههههههههههه� � ..انت منصجك
طلال:اي والله شفيك
جراح:ههههههه قمت تشتغل خطابه من وراي
طلال:شسوي اخوي وادور سعادة
جراح:انزين من بنته
طلال:بنت عم سعود ارفيجي ...بس صغيره وايد
جراح:جم عمرها
طلال:19
جراح:هههههههههههههه شسوي فيها هذي اربيها ولا آخذها مره
طلال:الصغيره احسن...انت اتشكلها مثل ماتبي
جراح:امممم بس فرق وايد
طلال:والله احسن لك اشفيك انت وبعدين البنت اتحب اليهال وايد
جراح:انزين من بنته
طلال:قتلك بنت عم سعود
جراح:من صجك هذي وين وحنا وين
طلال:خذيت بنت الحسب ونسب ومن مستوانا شنو سوتلك...ولا شي.... توكل على الله ياخوي وروح اخطب البنت ترى ناس ونعم فيهم
حراج:طلال شلون آخذ وحده بيني وبينها وايد
طلال:عادي مافيها شي بالعكس المره كل ماكانت اصغر احسن لك كل ماكانت اصغر اتحس معاها انك صغير يعني اتشببك...اي ونسيت اقولك ترا البنت مطلقه
جراح بستغراب:19 ومطلقه متى مداها تتزوج وتتطلق
طلال:نصيبها
جراح:وشنو سبب الطلاق
طلال:الولد مو كفو
حراج:طلال انت متأكد
طلال:بالله عليك بيبلك وحده اقولك تزوجها وهيا موزينه....شقلت متى انروح نخطبها لك
جرام:الحين منو الي بيتزوج انا ولا انت وبعدين انا توني طالع من تجربه بقمت الفشل مابي افشل مره ثانيه هل مره ابي اختار البنت الي تستاهل اتكون مرت جراح ال....
طلال:وانا اقولك تستاهل انها اتكون حرمك المصون
جراح:انت اش سالفتك ليش مصر عليها جذي ...شكلك اتعرفها عدل
طلال:لاوالله ماعرفها بس اعرف اخوانها عدل ريايل ينشد الظهر فيهم والله لو ماكنت احب حنونتي ولا بينه شي جان ماطوفتها
جراح:غريب امرك
طلال:والله ابيلك ازين
جراح:اجل الموضوع الحين لي رجعت من السفر يصير خير
طلال:انأجل الموضوع ليش لاء ...بس متى توصل
جراح:باجر اصبح انشالله
طلال :على خير انشوفك باجر ...وتوصل بسلامه
جراح:انت اشفيك
طلال:جريح بروح اكلم الحب قبل ماتنام
جراح:يتعبان .. منت كفو الواحد يكلمك اذلف الحين
طلال:هههههه مو مشكله
جراح:ايا تعبان تبيها من الله
طلال:جريح انت كل يوم اسمع صوتك واشوفك ..بس الحب مو كل وقت اقدر اكلمها
جراح:اوكي روح وباجر نتفاهم...يالله مع السلامه
طلال:الله يسلمك



ثاني يوم الصبح في بيت بوفواز
احمد :فواز ومحمد انا اليوم العصر طيارتي ماوصيكم على البيت
فواز:لاتوصي حريص يبه ..امي والبنات بعيوني
احمد:وليال اتضل على هل وضع وماتطلع من البيت
محمد:يبه بعد اذنك ممكن اوديها الطبيب ليال تعبانه وايد
احمد:اشفيها
محمد:ويها اصفر وكل مالها تضعف ولا راضيه تاكل شي
احمد:يعني مافيها شي...وكل هذا دلع بنات
فواز:يبه ليال صج تعبانه وايد
احمد سكت فتره وبعدها:خلاص اليوم ودوها الطبيب بس اثنينكم كونو معاها وعيونكم ماتغفل عنها
محمد:يبه ليش اتحسسنا انها مسويه جريمه البنت ماغلطت
امحد بعصبيه:اختك ردت بيتي بيوم عرسها تدري شنو معناته ...هذي وطت راسي بين الناس
فواز:ماعاش الي يوطي راسك يبه وليال لا اول ولا آخر بنت اترد بيت ابوها بيوم عرسها...يبه خل انكون واقعين اشوي...يعني ايهو احسن بنسبه لك..اترد بيت ابوها بيوم عرسها ولا اتعيش مع هذا الي مايخاف الله ...ومايندرا ...يمكن يجبرها اتسوي اشياء موزينه
احمد بعصبيه:الريال مافيه شي ولا شلون تزوج ومرته حامل ..قول اختك الي فيها البلا
محمد:يبه ليال تربيتك ومستحيل اتسوي شي يمس اسمك ...وبعدين وايد من هل اشكل متزوجين وعندهم عيال ومحد يدري عنهم حتى حريمهم مايدرون
احمد بصراخ:سمعوني انتو الثنين اذا فتحتو الموضوع مره ثانيه ماتلومون الا نفسكم فاهمين وليال بتضل طول عمرها جذي ...وان سمعت انها طلعت من البيت بغيابي والله ماتلومون الا نفسكم
محمد وفواز ساكتين ولا يقدرون يردون الانهم عارفين ابوهم اذا فقد اعصابه مايشوف الي جدامه


نهاية البارت


وردة الزيزفون غير متواجد حالياً  
التوقيع




رد مع اقتباس
قديم 10-02-12, 02:19 PM   #7

mahaty73

نجم روايتي

 
الصورة الرمزية mahaty73

? العضوٌ??? » 103213
?  التسِجيلٌ » Nov 2009
? مشَارَ?اتْي » 2,724
? مزاجي » مزاجي
?  نُقآطِيْ » mahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond reputemahaty73 has a reputation beyond repute
افتراضي

زيزفونة.....................شو هالرواية الحلوة.........شكلها بجد روعة.......أما هالخايس يعقوب كيف فكر يعمل هيك يخرب بيته شو غبي و ما بيفهم....شعرت بالقرف و أنا اشوف مع ليال منظر يعقوب و هو بنت كنت بده أكسره مع محمد بمقلايتي .................. و آخرتها يطلع رجال و بيتزوج و مرته حامل..............ليكون حامل انابيب بس........معقول في رجال غبي لهالدرجة و ما بهمه سمعته و لا انه ينضرب في سبيل أنه يتخلص من زواج ما بده اياه....................طيب ياخد موقف رجولي و يعترض على الزواج بدل الحفلة و الملكة والعرس و كل هالقصص هاي..........يا مين ينولني رقبته اقصها قص............بعدين السيد طلال ... بأي شرع و بأي دين بتحكي مع البنت 4 سنوات و ما بينكم لا خطبة ولا قراية فاتحة ولا شي رسمي بين الأهل.......................... و نازل أمام أخوك بدي احاكي الحب و بدي أحاكي حنون قبل تنام.....استحي على دمك رجال طول بعرض نازل تتوله على البنت على مسامع اخوك يا التعبان....................و أنت سيد جراح.....اسمع ترى من رد ناهي على الزيزفونة فهمت إنك ناوي الظاهر تعذب ليال اذا تزوجتها ترى يا ويــــــــــلك من مس مهاتي,..............روح على رواية لا صد قلبي و شوف البهادل و التكسير اللي نازل على راس نايف...................... اذا الغازي بن جالي عند صدوووودي ما سلم منا بكبره .....و بمركزه اللي معروف طاردناه في كل بلد يروحه..........احنا العصابة اللي ما نحسب حساب أحد و نقاتل بشراسه ضد كل متسلط و دفش و خشن و غليظ........... منو احنا..؟؟؟ نعم نعم ما تعرفنا؟؟؟ .......احنا بنوتات المنقولة الامورات................. دير بالك منا و ياويلك يا سواد ليلك إن ظهر منك تصرف هيك وإلا هيك ما يعجبني ..............نحن لك بالمرصاد.........................بكفي� �م عاد يا جنس آدم الخشن ظلم و استبداد يا مغرورين يا دفشين يا متنيلين بستين نيلة.....................لحظة خل آخد نفس و أكمل... شهيق زفير .......... المهم زيزفونة بعد هذا التهديد والوعيد تنشوف شو بيسوي السيد جراح الجارح اللي يجرح و لا يداوي.........يا خوفي يكون له من اسمه نصيب ......على راسك بمقلايتي ترى يا جراح ................. يحي الحب و يسقط التعسف و الاستبداد الذكوري الهمجي ................ ( وحدة حاقدة من قلب) ساحطم وجه كل رجل لا يغرق زوجته حبيبته بكل الحب الموجود هذه الأرض.............. انا قادمة .....انتظروني............................. ........................................ زيزفونة كملي متحمسة جدا .............اقف بالمرصاد لجراح ..............هيا زيزفونة نزلي البارتات بسرعة................... يسعد ايامك و تسلم الايادي يا احلى زيزفونة .................................................. مهاتي

mahaty73 غير متواجد حالياً  
التوقيع
رد مع اقتباس
قديم 10-02-12, 02:54 PM   #8

دلع الكويت

نجم روايتي

 
الصورة الرمزية دلع الكويت

? العضوٌ??? » 205877
?  التسِجيلٌ » Oct 2011
? مشَارَ?اتْي » 864
?  نُقآطِيْ » دلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond reputeدلع الكويت has a reputation beyond repute
افتراضي

موفقه زيزفونه بنقلج

روايه رائعه كنت من متابعينها بمنتدى الكاتبه من بدايتها لنهايتها

وديــ ...

" دلع الكويت "


دلع الكويت غير متواجد حالياً  
التوقيع
رد مع اقتباس
قديم 10-02-12, 03:50 PM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


السلام عليكم ورحمة الله وبركاته

زيزفونه تسلم يمينك على النقل يالغاليه الروايه في البدايه لكن متحمسه أتابعها

لأني واثقه من ذائقتك الادبيه الراقيه والسبب الثاني إنها مكتمله يعني ماراح نعاني من الإنتظارالطويل ونسيان الأحداث

البارت الأول كان تقريبا تعريف بالأبطال وكان لي تصور وتعليق بعد قراءته لكن بعد ماقرأت البارت الثاني تغييرتصوري للأحداث

ليال

اللي إنقلب نهارها لليل بسبب يعقوب لابارك الله فيه كنت كنت أظن أنها البنت الدلوعه واللي ماهي حاسه بالمسؤليه وكل همها الزواج والسفر وإنها راح تعاني مع زوجها اللي واضح إنه مغصوب عليها أو يحب
وحده غيرها لكن ماتخيلت المصايب المقبله عليها وأولها الزوج اللي إنخدعت فيه وثانيها عقاب ابوها لهاوالظاهر الجاي أعظم

أبو فواز
قبل ماتعاقب البنت على طلاقها من الخايس واللي إنت عارف ومتأكد من كلام إخوانها إنها مالها ذنب فيه عاقب نفسك أولا لأنك ماسألت عن يعقوب وكل همك تزوجها وتنفك منها وبعدين وش هالتفكير المتخلف
إنت ليه رافض تزوجها بعد يعقوب إنت بتصرفك تأكد كلام الناس فيها


فواز
ونعم الأخ والظاهر إنت اللي بتوقف معها وتقنع أبوك بزواجها من جراح


حصه

لازم تأخذ موقف من أبو فواز وتكلمه يرحم ليال ماعجبتني سلبيتها وسكوتها عن اللي يسويه أبوها فيها

آلاء
ماشاء الله عليها طموحه وتفكيرها يسبق سنها

يعقوب

والله من البدايه ما تعشمت فيك خير لكن ما ظنيت إنك بالصوره هذي إخس عليك ورايح تتزوج مره ثانيه لا ومرتك حامل أشك إنها حامل منك

سعود وأبوه
طيبين وكاسره ليال خاطرهم لكن ضعيفين قدام تجبر أبو فواز

طلال
واضح أنك تحب أصدقاءك وبتساعدهم لكن المفروض لما كلمت جراح وضحت له وضع ليال هذا زواج وعشرة عمر بدل ماتخليه ينصدم بمعرفته من غيرك ويمكن يسمع كلام غير اللي سار وتتشوه سمعت البنت قدامه


جراح

واضح إنه خارج من تجربة زواج فاشله لابد يكون لها تأثير على حياته اتوقع راح يتقدم لليال وراح يوافق أبوها إما لأن أخوانها وعمها راح يقنعونه أو إن جراح وعيلته راح يكون سبب لإقناعه لكن يمكن
في ليلة زواجه يسمع كلام على هديل راح يقلب حياتها معاه لنكد خاصه إن طلال مابين له الوضع وما أتوقع راح يسأل طلال


زيزفزنه مشكوره يالغاليه على النقل ويعطيك العافيه منتظرينك وكلنا شوق لمعرفة مصير ليال


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-02-12, 09:02 PM   #10

عانـ طيفك ـقت

نجم روايتي

alkap ~
 
الصورة الرمزية عانـ طيفك ـقت

? العضوٌ??? » 58596
?  التسِجيلٌ » Oct 2008
? مشَارَ?اتْي » 1,155
? الًجنِس »
? مزاجي » مزاجي
?  نُقآطِيْ » عانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond reputeعانـ طيفك ـقت has a reputation beyond repute
?? ??? ~
My Mms ~
افتراضي

رواااية حممماس

وتحمست اكثر من رد البناات

وايكفي انها من اختيارك..

ليال ياعمري عليك يافرحة ماتمت والسبب الكبر لمشكلتها المجتمع وانه الحرمة دائما غلطاانه

جرااح أحسه بيزيد من جروحها والسبب بيجيه كلام بالأضافة لتجربة الفاشله اللي طلع منها |...


عانـ طيفك ـقت غير متواجد حالياً  
التوقيع
(( اللهم آطعم آمي:
منـ الجنهـ وآرهآ مكانهآ منـ الجنهـ
وقل لهآ آدخلي منـ آي بآب تشآئين)**))

~(( اللهم وآجعل قبرها روضة من رياض الجنه))~



رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:48 PM



Powered by vBulletin®
Copyright ©2000 - 2024, vBulletin Solutions, Inc.