فارس الوئام / للكاتبة بنت الخزاعي

لامارا · 29-11-12, 04:14 PM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية فارس الوئام للكاتبة / بنت الخزاعي كلمة الكاتبة ~{ مــدخــل.., في غربتي تلاقينا بصدفه وعهدت على النفس اني ماناظرك وقلبي يحرم عليه عشقك..واكتفي بعذاب غربتي واكمل طريقي لحالي بدون حبك واعتزل امبراطوريتك...، ..السلام عليكم..، ..في بدايه خط قلمي وبث افكاري..ولدت رواياتي الاولى بمساعدت استاذتي لغة العربيه في سنتي الاولى لـ ثنوي وكانت لربع فتيات دمجت فيها خيالي بقصص واقعيه..., فاسميتها .. \|\|الرباعي المرح شلة الوناسه\|\| وفي سنة1429انتهت.. ×××××××× في سنة1431انتهت روايتي الثانيه \|\|بعد كذبك لاترتجي مني ترى لقيت الي يسواك الف مره\|\| وبروايتي هذه استمر قلمي بطرح قصص من واقعه ومن اشخاص تحدثت له.. وهو مستمتع باقلام تهتف له باجمل العبارات التشجيع وهو يقف لهم خاجلا يشكر لهم جهدوهم ولو تلك الاقلام لمى استمر في هذا الطريق .. ×××××××× وفي سنة1432 توقف قلمي عن واقعه .. ليبدا بخياله ويبحر في عالم الخيال .. بروايته ماقبل الاخيره روايه\|\| فارس الوئام\|\| .. بين ارضي السعوديه واسبانيا .. في احداث من الحقد والحسد وضعف الايمان يقابلها الحب والطيبه وقوة الايمان .. بين الطبقات الفقيره والمتوسطه والمخمليه.. *×××××× وفي اخر كلامي ..كل مايكتبه القلم فهو النظره العامه ليس لـ أناس محدده وخيالي يلامس شي من الواقع لكنه ليس من الواقع .. ولا اسمح بنقل روايتي بدون ذكر اسمي .. اعتذر لتأخري بتنزل روايتي ولكم فائق شكري واحترامي .. مخرج}~.. راح العهد والقلب خضع الى امبراطوريتك من عرفتك وماهوى قلبي غيرك ..ومن تقبل عليّ فز قلبي لشوفتك ولهان ..!**

لامارا · 29-11-12, 04:37 PM

&&..××ــالــ ج ـــزء الاولـــ××..&&
....

..

....

الساعه سابعه صباحا..

في جامعه من جامعات الاسبانيه.. دخلت السياره الحمره وصوت الاغاني العالي طالع منها..

نزلت من سيارتها.. وعيون الكل عليها ..والي يسلم عليها وترد عليه بكل غرور بجميع اللغات فرنسي عربي اسباني
وانجلش.. معروفه في جميع اقسام الجامعه..

جات لها صديقتها وهي تركض وضمتها: سوسن مبروك قالوا انك نجحتي ياقلبي مبروك

سوسن ببتسامه لها: الله يبارك فيك مومي لاتزعلي ان شاء الله تنجحي السنه الجايه انتي مع الحبيب ..تغمر لها..

دخلت الكلاس وهي فرحانه من داخل الكل يناظر فيها..وفي لبسها تنوره لنص الفخذ لونها اسود وحاطه عليها حزام
لونها وردي فيه اجراس لونه اسود وبلوزه شفافه ورديه : مومشكله.. وتجلس وتحط رجل على رجل..
ولا كانها سعوديه..

ساره تجي لها: هلا والله كيفك غرومه

غرام: بخير الا تعالي فارس اليوم ماشفتيه

ساره: لا بس شفت خويه.. بنبره رومنسيه.. حمود

غرام: وع الله يقرفك وشجاب فارس لحمود.. لفت وفتحت شنطتها طلعت الجوال وناظرت ساره.. اسكتي ابي
اكلم فوفي

××× غرام الفادي22سنه.. بنت دلوعة وتحب الكشخه والستايل.. ابوها تاجر بس تجاره داخل اسبانيا..
وحياتها كلها في اسبانيا لا امها اسبانيا.. وتمووت في شي اسمه فارس×××

رفعت جوالها الفوشي ودقت على فارس..

×

×

×

النـــور الاحمر الخافت ينور في غرفه واســعه في القصر الراقي..

نور جواله وبدات الموسيقى الكلاسيكيه تصدر منه..

لف صاحب الجوال يمين ويسار امس سهر وتعبان ماله خلق يكلم بنات كافي امس.. استسلم الى جواله ورفعه ورد
وصوته مليان نووم: الوو مومي

ارتاحت لمى سمعت صوته.. وبدلع قالت : فوفو وينك انا وصلت وانت لحد الحين نايم

فارس يضم المخده ويسكر عيونه:طيب الحين بجي

غرام: فارس موتنام تكفى تعال

فارس: لعيونك بجي كم عندي مومي انا

غرام: ياحياتي.. يلا أديوس

.. مع السلامه..

سكر منها ورى جواله على السرير وهو يضحك ... هالبنات جد مهبل... وراح الحمام وهوشبه عاري ويحك في
دقنه الي بدا يطلع..

××× فارس الماسي..من عائلة تاجره وكبيــره مــــره ومشهوره عالميا..
عمره 25سنه وصاحب جمال ساحـــر.. فاشل بدراسته واكثر من جامعه اسبانيا انطرد منها بسسب فشله..
واحــلى شي عنــده بالكون البــنـــاات..×××

&&&&&&&&

من ارض اسبانيا الى ارض السعوديه..

من الحي الراقي المليان بالقصور والفلل الى حي اقل المتوسط..

بالبيت الصغير صاحب الدور واحد.. ويالله الي فيه يعيشون حالهم..

الساعه 10 الصباح

.. اطلعت من المجلس وهي تتحسر على عمرها جابت خمس اولاد وكل واحد شغله احسن من الثاني وبالموت
يجون عندها وحتى لو جاو ماجابوا احفادها معاهم..حمدت ربها ان عطاها بنت تبر لهم والي في جيبها لهم..

ام عبد الله تعلي صوتها : وئـــام يـــاوئـــاااام

وئام تلم شعرها الاسود الطويل: امري يمه

ام عبدالله: اخوك سلطان يبغاك بالمجلس

وئام تسكر الباب وتخفظ صوتها وتستهزء:وربي في الخير جاي وانا اقول ليه البيت منور

امها: عن اطنز وروحي وشوفي وش يبي

وئام: قولي له نايمه

امها: وغلاتي عندك يايمه

وئام تبوسها: طيب ..انا عندي اغلى منك انتي وابوي ..احبك يا اغلى ام ..وتروح له

×

×

في المجلس الصغير.. صاحب الاثاث البسيط..

سلطان برزته وعطره الي منتشر في المجلس الصغير.. عقد حواجبه وعوج فمه..: آآآه انكسر ظهري يبغالي اشتري لهم كنب احسن من هذا

وئام تدخل عليه وهي تناظره.. مسكين نسى جلست على الارض..:هلا اخوي

سلطان يوقف ويسلم عليها: هلا باختي الحلوه مبروك على النجاح

وئام: من3ايام طالعه النتيجه توك تبارك

سلطان :مشغوول ..ياشر على راسه.. الين راسي

وئام: اسم الله على راسك .. تاشر له اجلس وتبعد من قدامه عشان تجلس

××× وئام الرافد 19سنه بنت شاطره في دراستها.. هي البيت الوحيده من خمس اولاد.. جمالها جمال عربي
..تساعد اهلها بقد ماتقدر.. وحبوبه وخفيفة دم.. ونفسها تكمل دراستها عشان تساعد ابوها ×××

سلطان يجلس: انا جاي اقول لك كلام بعد ماتفقت انا واخواني

وئام ترفع حاجبها: وليه تقول لي اتفقت انت واخوانك مولازم انا

سلطان يخز فيها..عشان تسكت..:انتي المره الي فاتت قلتيي تبغى تكملي دراستك برى السعوديه صح ولا انا غلطان

وئام اسكتت تبغى تعرف الباقي كلامه زهزت راسها بنعم..

سلطان: انا بسفرك بس مو البلد الي انتي تبغيها

وئام بسرعه: لا تقول البحرين يرحم امك ماسويت شي

سلطان : لااا البحرين بوديك اسبانيا

وئام رفعت حواجبها: اكيد تستهبل انا وش يعرفني بلغة الاسبانيه انا انجلش ولك عليه تقول اسبانيا مره وحده

سلطان: ماعندنا بنات يسافرون لحالهم بخلي ولدي محمد يروح معك هو يبغى اصلا اسبانيا.. وبعدين بنت احترميني
انا اخوك الكبير..

وئام:اذا احترمت ابوي احترمك..وبعدين ولدك مزاجي اذا طفش وقال برجع ان شاء الله تبغوني اوقف دراستي
وارجع معه

سلطان ينهي الكلام: لايكثر ..انا بدفع عن ولدي واخوانك كلهم عنك حنا كذا اتفقنا ..يوقف..
اذا ماعجبك قولي وانا اشوف فرصه واستغليها منو حاصله فرصتك ويرفض فكري وردي.."وكمل كلامه وهومكشر"
وسلمي على ابوك.. ويطلع..

وئام مدت بوزها تفكر.. تروح ولا لا... واذا رحت يمكن ينكبونها ولا يدفعون او محمد هذا مايوافق في اخر لحظه..
" يارب وش الحل.. وانا مااعرف اسباني..لو حالي من حال هالبنات عندهم لاب توب وانترنت كان درست نفسي من هالنت
حسبي على من كان السبب " انقزت من مكانها لمى سمعت صوت ابوها: وئام

ابوها يدخل المجلس وهو يبتسم : الحلو في شنو يفكر

وئام تلف عليه وتبستم: هلا يبه ترى سلطان يســ...

يقاطعها ابوها: شفته "تنهد"الله يهديه وشيبغى

وئام ناظرت فيه بحزن ياشين المظلوم لا لزقت فيه التهمه وهو ماله ذنب: امين ..ابتسمت له.. يبه شكل امنيتي بتتحقق
اخواني وافقوا اكمل دراستي برا وراح يتكفلون بكل شي..انا بفكر بس ابي رايك قبل كل شي

ابوها: وبتروحين لحالك

وئام: لا محمد ولد اخوي بيروح

ابوها جلس يناظر كل شي في المجلس: وانتي شنو رايك

وئام: مالي راي بعد رايك.. انت ابوي وتاج هالراس

ابوها: ودي انك تروحين وتجين بالشهاده وتعرفعين راسي.. وماودي لان بيصير البيت علينا فاضي وانا وامك
ماحد مسلينا في هالبيت غيرك

وئام تقوم وتجلس جنبه: انا بفكر وبصلي صلاة استخاره وبشوف

ابوها: عين العقل كلامك يلا قومي ساعدي امك

وئام: ياعمري ياقمر انت هههههههههههه

ابوها ابتسم: جد انا قمر شرايك تعجلين بالسفر وترسليني وحده هالشقر

وئام تلف يمين ويسار وتهمس له في اذنه: اذا ناوي على عمرك تصير غدا وانا الحلا بعدك قول هالكلام قدام امي

ابوها يظربها بخفيف: هههههههههههه عارفه لامك ماشاء الله

&&&&&&&&&&

عــريــض..

طويل..

ابيـــض..

عيون واسعه ومكحله

انف طويل وفيه عكفه بسيطه وضعيف..

شفايف صغيره ومورده بسبب الدخان باهت لونها..

باختصار وســـيم وله هيــبه..

دخل الكلاس ولقاه هاادي ..الكل لف عليه ابستم:بوينوس دياس.. صباح الخير..

غرام توقف ولا همها حد: هااي حبي تعال

لفوا اثنينهم على الدكتور الي بدا يصارخ عليهم .. وبعد المنقشات الحاده اطر فارس يطلع مطرود والقاعه
ميته ضحك على هباله

غرام جلست وهي مقهوره.. ونفسها تدوس في بطن الدكتور

حمود لغرام: روقي مايستاهل كل هالعصبيه

غرام: واحشني مووت امس كله ماشفته بسبب الحفله الي مسويها ابوي

حمود يكتم الضحكه" الله يرجك يا فارس حفلة البنات صارت حفلة خاصه لابوك ..من متى تحسنت العلاقه مع ابوه":
اوكي باقي شوي وتخلص المحاظره

غرام تعوج فمها:..........

×

*

×

طلع وهو مبستم على الهبال الي سواه ولع زقاره وهو يددن..باغاني اسبانيه..

جلس على الطاوله وهو يناظر البنات ويبتسم لهم وهم نفس الشي
قام من طاولته وراح لعندهم وهويقول في قلبه..(( الله يكثر من هالبنات هالاغبيه)) والابتسامه تتسع كل ماقرب لهم

&&&&&&&&&&

بعد الغداء.. في الصاله المتوسطه الحجم.. والاثاث لونه وبني على بنفسجي.. قدامهم شاشة بلازما

: والله هي الخسرانه انا مدري على ايش شايفه نفسها اختك حاصل لها تروح اسبانيا

سلطان: نوال جنبنا العيال عيب تتكلمي عن اختي كذا

محمديعدل جلسته: هو وين بيتهم فيه عشان اتكلم مع عمتي وئام..نسيته

سلطان: حبيبي اذا تبغى تشوف عمتك اجيبها لعندك بس لاتروح هناك لحالك..اخاف عليك منهم

محمد: خلاص بابا اليوم بالليل نروح حنا وياها الى المطعم

امه نوال: انت وابوك شنو حنا لاتجمع

محمد ينقل نظراته بين امه والتلفزيون: ماما موكانك قمتي تصارخي ماما لاصارختي يخشن صوتك

نوال انحرجت: اقول قم عن جهي لا بالجوال

سلطان يناظر فيها: والله لو اجيب لك مدرسين وخبراء في فن الاسلوب ماكو فايده منك

نوال تلف عليه: ليه وش فيه اسلوبي يا سيد سلطان

سلطان يرمي الجريده: سلامتك انا بصعد فوق

محمد يلف على امه: انتي ماراح ترتاحي الين ماتجيبي له السكر او القلب

نوال بعصبيه: اسكت اسكت.. واسمع روحه لعمتك مافيه سامع

&&&&&&&&

سيارات رايحه وسيارات جايه.. وهي خايفه من بعض السيارات الطايشه..
وارتاحت لمى وقفت السياره واشر الرجال انها تمشي.. مشت وبيدها كيس

وصلت الى البيت المطلوب وهي تاخذ انفاسها

طقت الجرس وبعد الطقه الثالثه جالها صوت رجولي: مـــين

وئام :صحونكم تعالوا خذوها

الرجال: طيب طيب.. ويسكر..

وئام تتحلطم: شنو طيب خست انا حر صرت عبده من الشمس الواحد بحاله شين هم بعد نسود

صوت من وراها:خلاص هاتي الي بيدك

وئام:هلا خاله ام جميل.. تمد لها الكيس..

ام جميل.. تاخذ الكيس..: ليه كذا الصحون ثقيله

وئام: انا سويت لكم ورق عنب

ام جميل: مشكوره.. ادخلي

وئام: لا مشكوره .. امي في البيت لحالها.. وتعطيها الصحن وتروح عنها.. بعد ماقربت البيت مرت على عماره
قديمه.. " يووه من زمان عن بنات خالتي بروح اشوف اشوفهم بس كمل بمر على امي وابوي اشوف وش يبغون
واستاذن منهم ..آآه من هالاخوان محد جاب لنا جوال .." وكملت طريقها الى البيت

&&&&&

12الظهر بتوقيت اسبانيا ..

فارس:شكلي بنطرد من هالجامعه من كثر هالغياب والسقطوط

حمود: انت اول مره تسقط هنا..يلف على الشله الكبيره..Que tiene un concierto ..من فيكم السهره عنده..

واحد اسباني :Voy a hacer concierto en mi casa..Y que vendr? sobre ti con el resto de los estudiantes
..انا سافعل الحفله ..وانتم عليكم حضور الطلاب ..ستكون في بعد غد..

غرام تحط راسها على كتف فارس وتهمس له:حبي بعد بكره عمامي راح يجوا من السعوديه..عشان شغل

فارس يحط راسه فوق راسها: لاتخافي راح تحظري لو انط من سور اهم شي تحظري

غرام: I love you

فارس: ياعمري "ويناظر في حمود الي مبتسم له"

&&&&&&&&&&&&&&&&&&&&&&&&&&&&&&&&&

بعد يومين..

في السعوديه.. الساعه وحده الظهر... وعند اسبانيا 11 الظهر...

بعد جدال قوي بينه وبين امه عشان زياره بيت جده الي زياراته له ماتنعد فوق الاربع مرات حتى مايذكر
متى اخر مره زاره.. ولا يعرف ليه كره ابوه وامه لبيت جده اخذ العنوان من ابوه ورقم بيت جده

في الحي الفقير دخل بسياره سوده دوج2008...وقف سيارته عن باب بيت قديم ونزل ..

وهومستغرف في بيوت في الشرقيه زي كذا وحنا في القرن الواحد والعشرين وعلى خير النفط.."مد شفايفه متعجب"
ليه ابوي يسمح لاهله يعيشون في هالمكان .. كيف هم مستحملين اصلا..

سكر باب سيارته وهويسمع حوار بين اطفال صغار..

الطفل الاول: حلوه الكامري

الطفل الثاني يظربه: يالغبي هذي مرسيدس

الطفل الثالث وبحماس يتكلم:هذي اكييد هونداي اصلا انتم بقر ماتفهمون انا الي افهم<< وانا معك انك تفهم

عدل نظارته الي من ديورولف على الباب الي ماكله الصدا.. ودق الباب وهومنقرف من حاله رافع ثوبه عن يتوصخ.. وطول الوقت يتأفف .. انا موعارف كيف ابوي يجي ويجلس ثانيه هنا..

انفتح الباب وطلع له رجال كبير في العمر..لابس ثوب النوم..

محمد: السلام عليكم هلا جدي.. يحب راسه.. عمتي وئام هنا..

جده: ايه ادخل..

محمد مكشر:شكرا

جده" ماراح تجيب شي جديد سلطان ابوك": طيب انتظر ..وتركه ينادي بنته..يا وئاام ياوئام محمد ولد اخوك جا

وئام تلبس النقاب: يلاجايه.. مع السلامه يبه ترا الغدا جهز .. وتطلع وتشوف محمد قدامها يلاحبيبي مشينا

×

في السياره

×

محمد يشغل السياره:عمه موقلت لك نتقابل اول الشارع ليه غيرتي كلامك

وئام تحط شنطتها على رجلها وتسكر الباب: شنو نتقابل اول الشارع وفي سيارات ماشيه وناس تشوف
عشان يتكلمون علي.. قبل لايتكلمه تقاطعه.. يلا نمشي عن الكلام الزايد

محمدعوج فمه: يلا

وطلعوا من الحي الفقير..

ام وئام: انا خايفه عليه ماودي تروح

بووئام: ولد اخوها معاها وانا كلمت عيالك واحد واحد قلت لهم اخذوا روحي ولا تبهدلون البنت في الغربه

ام وئام تمسح دموعهاوهي تدعي: يارب مالي غير هالبنت يارب استر عليها وفرح قلبها .. يارب انت اعلم بحالها
..يارب نور قلبها بايمانك في دوله مافيه اسلام ولا ايمان عدل..

بووئام: اللهم امين
×

×

×

بعد ماعدوا عن الحي..

محمد: ووووووع وش هالقرف الي انتم عايشين فيه.. عمه وئام انا بصراحه لومنك امووت شنوو هذا

وئام كانت بترد عليه كلام يحرجه بس صرفت السالفه:الحين وين بنروح الي ماخذني وصاجني بتلفون
بدويك مشوار بوديك مشوار

محمد يناظر ساعته: الحين ناخذ اختي ريهام من المعهدونطلع كلنا المطعم نتغدا

وئام عوجه فمها: وقلت لـ امك

محمد: اكيد تعرف.. يلا انزلي ونادي اختي ريهام

وئام فتحت عيونها:من العمه الحين هنا

محمد ينزل نظراته: عمه رويهم جمالك شوي وكشخي ريهام ان عندها عمه تجنن

وئام انزلت وهي تضحك على خرابيط محمد..

دخلت المعهد وعرفت عنها الغطاء.. وبان الجمال..

عيون واسعه ورموش كثااف كانها عيون المها..

انف طويل وضعيف ..

بشره بيضه صافيه مورده..

وشفايف صغار وردييه مره كانها توت..

وحده من البنات يوم شافت وئام اللزقت فيها: من تبغي انتي..

وئام: ابغى ريهام سلطان الرافد

البنت بصدمه: انتي اختهااا

وئام ابتسمت : لاعمري انا عمتها

البنت داخت: تسلمين دقيقه واناديها لك.. البنت ماعطت فرصه ان وئام تشكرها على طول راحت
يالله يمديها تخبر البنات وتخبر ريهام.. ثواني الا وصار المكان الي فيه وئام كله بنات..

ريهام تسلم على صديقتها تلف على عمتها: يلا عمتي

وئام: معهد حاسب ولا انجليزي

ريهام تفتح جوالها: معهد انجليزي ماقريتي اللوحه.. تغطي وجهها.. يلا نطلع

وئام تغطت وهزت راسها واطلعوا " تشبه امها حييل مالت على امها": اخوك وين راح توه واقف هنا

ريهام: يمكن انخطف ياكثر البنات

وئام: ليه توم كروز ولد اخوي

ريهام: هههههههههههه هذا هو يلا مشينا

&&&&&&&&&&&&&&&&&&&&&&&&&&&&&&

في مدريد

في القصر الفخــم..

في احدالملحق الفخم مخصص بس للحفلات ... جنب الكنبه الراقيه..

فتح عيونه لقى غرام بحظنه نايمه.. عقد حراجبه وقال: هذا الخمر ومايسوي.. حرك غرام من حظنه ..
ابعدي انتي وشجابك في حظني اصلا تبغين تورطيني مع اهلك

غرام تفتح عيونها بكسل وتبعد عنه:يالله ماحسيت ..تلف يمين ويسار.. وين الناس

فارس يناظرها: اي ناس .. يشهق.. الساعه 11وانتي لحد الحين عندي

غرام دايخه تحس راسها ثقيل كانها سكرانه: عاادي.. خلني انا فيني النووم

فارس ابتسم: جد هبله .. ياشر لها .. وين راح تروحي

غرام: اتركني

فارس يمسكهاويعلي صوته: ايلون ايـــلووون

ايلون: سي.. نعم.. سنيور..سيد..

فارس يرمي له غرام .. ايلون مواول بنت يرمي عليه من جهت فارس..تعود يوصل بنات له ويجيب بنات له.. واشياء غير البنات

بنـــات!!

خمـــر!؟

ودخــــان!!

والخـــافي اعظـــم.. وش هالحياه الي عايشها..

اخذ ايلون غرام الي موحاسه بالي حولها وراحت معه..اما فارس طلع من الملحق ودخل القصر ..

ام فارس : ماما فارس انت من وين جاي شكلك توك صاحي من النوم

فارس: من الملحق نايم فيه

ام فارس بعصبيه: زين ابوك ماشافك كان سوه سالفه ..

فارس: يووه مام ماني ناقصك كافي الي فيني انا رايح انام

ام فارس:روح نام ليتك تنام ولا تجلس

فارس لف عليها وناظر فيها بحده: الله يسمع منك عشان افتك منك ومن زوجك

ام فارس: زوجي هو ابوك ياقليل الادب.. روح انقلع عن وجهي الحين ابوك يجي ويشوفك في هالحال
والله بتصير سالفه لان ريحتك فايحه

فارس ياشر بيده : عادي هو او مره يصارخ وينابح تصبحي على خير

&&&&&&&&&&&&&&&&&&&&&&&&&&&&&&&&&&&&

في السعوديه..

بالشرقيه.. في احد مطاعم الفخمه...

وئام: وربي غالي المطعم انت ليه تبذر فلوسك خلها لك في اسبانيا

ريهام: عمه ابوي موجود الله يخليه

وئام: يعني خلصتوا كل شي

محمد: حبي عمه حنا في عصر السرعه مع شويه فتامين واو

وئام: شنو فتامين واو انا خبري فتامين دي ومن هالطخه واو جديد

محمد: الواسطه

وئام تحط العصير: اهاااااا واي جامعه بندرس فيها

محمديشرب عصير: في جامعة كومبلوتنس

وئام: وين في اسبانيا

محمد: العاصمه

وئام: محمد.. وتغمز له.. هالله هالله لارحت لاتقول لي عمه تكبرني قول هذي اختي عشان انا اظبط الاولاد وانت البنات شرايك

محمد يشرق بالعصير: هااا عمتي هذا مابعد نروح وقلبتي داشره

وئام: شسوي امووت في الرجاجيل هههههههههههههه

ريهام: ابغى انا بعد عمه

وئام ترفع العصير: شفتي هالعصير على وجهك قليلة ادب

ريهام: هذا انتي تبغين اولاد وهوبنات جات علي

وئام: خلاص انتي مدير الجامعه

الكل: ههههههههههههههههههههه

ريهام: احس جو سفركم بيصير حلو

محمد: دام ابوك ماهوب فيه ولا امك اكيد حلو

وئام: انتم كل سنه تسافرون

ريهام: مو دايم على حسب شغل بابا

وئام: السنه الي فاتت وين رحتو

ريهام: دبي بس بدون بابا.. على فكره رحناها اسبانيا تراها فضيعه حيل

محمد: الي قبلها رحنا تركيا

ريهام: وانتي عمتي وين رحتي

وئام" تستهبل ذي ولا شنو" قال بتريقه: سويسرا

ريهام :جد

محمد ووئام: ههههههههههههههههههههههههه ه

ريهام حمر وجهها: عمه ليه تتريقين عليّ

وئام: حبيبتي ريهام جدك على قد حاله يادوب يسدد الفاتوره الماي والكهرباء والتلفون.. وانتي تقولين نسافر
لا ياروح عمتك انا مارحت ولا مكان حتى دبي والبحرين الي جنبنا ماقد مره شفتهم

ريهام:يعني اول سفره لك اسبانيا

وئام: ايه

ريهام: اجل بتخافين من الطياره

وئام: ماعليك عمتك قويه بعدين محمد اخوك معي

ريهام: راح تلبسي حجاب ..انا اقول فكيه بس

وئام: يالله بالستر ..لا يغرك كلامي مع اخوك ترا كل شي ولا الدين

محمد عوج فمه: راحت امي جات عمتي

وئام لفت عليه: هااه حموود لايكون تفكر انو بخليك تاخذ راحتك لا حبيبي رجلي على رجلك

ريهام تلف عليه: حياتي يا اخوي راحت ايام الدجه

محمد بمزحه: اجل انسو السفره

وئام وريهام: ههههههههههههههههههههههههه هههههههه

&&&&&&&&&&&&&&&&&&&&&&&&&&&&&&&&&&&&

غابت الشمس واختفى نورها وساد الظلام ارجاء المملكه وصطع نور القمر بين النجوم المتناثره..
في احد الاحياء الفقيره ..في احد العمارات القديمه.. الساعه ثمان ونص

واقفه تناظر في الشارع السيارات الرايحه والجايه ..

: ياليت عندي اخوان زيها وربي لا ادق صبع من الوناسه

مي: تتوقعين لا راحت بدق

ساميه: مالها غيرنا اكيد بدق

مي: ان شاء الله.. خلنا نجهز شي نلبسه حق يوم نودعها

ساميه: شرايك نشتري لها حاجه تذكرنا فيها

مي: وربي فكره يلا خلينا نروح...

ساميه توقف في مكانها..

مي بستغراب: وشفيك

ساميه: وئام هي بنت خاله الوحيده عندنا تتوقعين لاراحت بتتغيرولا بتنسى اخوك الي عاشقها

مي: لا وئام ماتنسى هي طيوبه

ويلفون على على فتحت الباب القويه: سلااااااااااااااااااااام

مي وسوسن: وئــــــــــــــــام

وئام: والله احلفوا وينكم ساعه ادق الجرس

مي: مافتحت لك طلال

وئام حمر وجهها: ايه فتح لي

سوسن ترمش بسرعه وبهبال تتكلم: ايه وبعدين وش صار

وئام تجاريها في الاهبال: يووه اسكتي قالي كلام خلاني اذوب

مي: جد وشو

وئام: السلام عليكم كيفك وئام ههههههههههههههههههههههههه هههههه

سوسن: يالله اخوي رومنسي

مي: لالا تلاقينها هي الي ماعطته وجه وادخلت داخل صح وئام

وئام تهزء راسها: صح مالها داعي طق الحنك معه ..ترا ولد خالتي موزوجي

سوسن:على الطاري الزواج متى راح تروحين اسبانيا قبل زواج صديقتنا اريج ولا قبل

وئام: تصدقين ماسالتهم متى السفر ..طلعت من شنطتها ظرف

سوسن: وش هذا

وئام: فلوس عطاني اخواني ..اسمعي انا بعطيك جزء منهم لكم وبخلي جزء ثاني لاهلي بس اروح اسبانيا
عطيهم امي ..

سوسن دمعت عيونها: وئام وش هالحكي هذا لك

وئام تظربها بالظرف:بلا هبال اشتري لك ولمي فستان عشان الزواج

مي:شوفي صحيح انا في اول ثانوي بس ترا عقلي كبير وبلا هبال وشلي فلوسك

وئام: وربي ان ماخذتو الفلوس وقسم بالله بزعل عليكم

سوسن: كم المبلغ

وئام: هم عطوني عشره انتم لكم الفين وابوي ثلاث الف يبقى لي خمسه اشتري فيهم ملابس وشنط وجوال

مي: متى نروح السوق

سوسن: قبل السفر بشهر

وئام: ماني مكثره ملابس بشتري من هناك

سوسن تضمها: رااح توحشيني موووووووت

وئام: خلااص خنقتيني

مي تنط عليها: حبيبة قلبي وئام

وئام: شكلي بموت ماراح اسافر

الكل: ههههههههههههههههههههههههه ههههههههههه ههههههههههههههه

××سوسن..عمرها ثلاث وعشرين سنه مخلص جامعه وجالسه بالبيت

مي عمرها 16 في اول ثانوي ..××

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

في اسبانيا ..

الساعه ست ونص..

قدام البركه جالس وضام ركبته وحاط راسه على رجله وجنبه اعز اصحابه من فتح عيونه وهو معه ..

فارس: ابوي بكره يبغاني اجيه المكتب عشان في وفد من السعوديه جاي

حمود حاط رجله في البركه: فارس ترا مو سالفه كل مره ابوك يرسلك تجيه تذكرت هالسالفه

فارس: شسوي في قلبي قولي شسوي في قلبي

حمود يطلع رجله من الماي: صار لها خمس سنيين فارس معقوله مانسيت

فارس: كل ما اشوف وجهه احس كان السالفه امس مو من خمس سنين

حمود وقف: فارس حبيبي انسى خلاص وبعدين يلا نقوم نغير جو

فارس تربع على الارض: مالي نفس اطلع

حمود مشى ولان رجله فيها ماي والارض سراميك تزحلك وطااح.....

فارس ضحك بصوت عالي على شكله وقف وراح له:شكلك هههههههههههههههههههههه حموود ههههههههه

حمود وقف وهو يتالم ودف فارس في البركه : هههههههههههههههه الحين احلا

فارس وهو يتسبح: ماعندي مشكله انت الي رحت فيها شوف وجهك المتعكر هههههههههههههه

حمود مد بووزه زعلان وجلس:آآآآآخ ياظهري

فاارس: ههههههههه ياحرام

×× حمود النايف عمره من عمر فارس نفس مستوى جمال فارس لكن هو اسمر ..
اغلب الاوقات يفكرونهم توام لانهم نفس التفكير
والاستايل لكن الجسم غير حمود جسمه احلى من فارس ..××

فارس يطلع من البركه: وربي احبك .. تصدق ياحمود انت احسن شي في حياتي اتخيل حياتي من دونك ولا شي

حمود يتكي راسه على يده: كمل كمل كذبك ترا انا مو غرام ولا وحده غيرها

فارس كشر: وع غرام ليه تنكد عليه

حمود: تحبك

فارس: هذي تموت في شي اسمه رجال غني تذكر يوم لزقت فيك يوم انا مسافر اول ماتعرفنا

حموود: بس انت غير بنسبه لها

فارس: ياشيخ فكني منها

:فــارس

حمود وفارس لفوا على الصــوت...

$$$$$$$$$$$$$$$$$$$$$$$$$$$$$$$$$$$$$$$$$$$$

تتوقعون اسبانيا بتغير وئام ؟؟

وش سالفة الي صارت قبل خمس سنين؟؟

يمكن اول بارت ممل بس التشويق جاي في البارتات الجايه ..

لامارا · 29-11-12, 04:46 PM

&&..××ــالــ ج ـــزء الــ ث ـــانــي××..&&
....

..

....

فارس يطلع من البركه: وربي احبك .. تصدق ياحمود انت احسن شي في حياتي اتخيل حياتي من دونك ولا شي

حمود يتكي راسه على يده: كمل كمل كذبك ترا انا مو غرام ولا وحده غيرها

فارس كشر: وع غرام ليه تنكد عليه

حمود: تحبك

فارس: هذي تموت في شي اسمه رجال غني تذكر يوم لزقت فيك يوم انا مسافر قبل مااتعرف عليها

حموود: بس انت غير بنسبه لها

فارس: ياشيخ فكني منها

:فــارس

حمود وفارس لفوا على الصــوت...

ابو فارس بكل غرور واقف واحتقار الدنيا كلها في عيونه لفارس وحمود: ليه مسوي في روحك كذا؟؟ ناوي تمرض
ولا تجي لي بكره..

فارس لف عنه :........

حمود نسى الالم الي في ظهره: عمي انا راميه في البركه

بو فارس: اظن عنده لسان بكره تكون في الشركه الرئيسه الساعه ثمان بالظبط ثمان ودقيقه ماتجي جاك شي ماتتصوره

فارس: طيب

بوفارس: مااسمعت شنو تقول

فارس: ان شاء الله

بوفارس: ايوه كذا تمام ..يلا ..ناظر في فارس وفي حمود.. سلام.. وراح عنهم

فارس تفل على المكان الي واقف فيه ابوه: اكررررررهك

حمود: وش هذاا اعووذ بالله

فارس: شفته كيف يناظرني كل مره اشوفه يسمني ويروح

حمود: هو متى جا من السعوديه

فارس: هذا يروح السعوديه شهر شهرين ويرجع معتفس اكثر من اول

حمود: سؤال السعوديه هذي كيف تصير فيها تجار وكذا زينا

فارس: واحد قالك اني انا اعرفها ولا قد مره زرتها انا لو تقول كم عندك مااعرف

حمود: نفس حالتي مره ابوي خلاني اكلم وحده عجوز تقرب له

فارس:امه يمكن

حمود: لالا وحده من اخواته

فارس: قوم نطلع جد سد نفسي اجلس من هنا ..

×× فارس وحمود ادرسو في الملحقيه السعوديه في اسبانيا ..طول حياتهم في اسبانيا مامره شافوا السعوديه
ولا احد فيهم يعرف من اهل ابوه احد..××

حمود: نطلع بكذا استاذ فارس

فارس: دقيقه اخلي الخدم يجبون لنا ملابس

حمود: اوكي انا انتظربس عجل مالي خلق امرض

&&&&&&&&&&&&&&&&&&&&&&&&&&&&&&&&&&&&&&&&&&&&&&&

فــي السعوديه ..

في احد الاحياء المتوسطه .. في المجلس ..خمس اخوان مايتجمعون الا ضروره والصفه الوحيده الي يتشاركون
فيها الكره لابوهم ..

عبد الله: انا دفعت لها عشره كامله

سلطان: عارف ومحمد ولدي عطاها الفلوس بس انا ابي وعد منكم

فهد: والله ماعندك سالفه جايبنا هنا عشان تقول هالكلام

سلطان: لالا في كلام ثاني

خالد: اخلص وراي اشغال

سلطان: امي كلمتها خالتي تبي تملك على وئام قبل السفر عشان يلحقها طلال

عبدالله: من طلال هذا

فهد: هذا الي يحبها ولد خالتك

خالد: يخسي من بين الرجال انا اناسب هالاشكال

سلطان: احسن يخفف المسؤوليه يقولون ان وافقنا ترا بيجي عن طريق بعثات

تركي: الا صحيح ليه ماولدك راح عن طريق البعثات

عبدالله: لان فااشل طالع على خواله.. ماجاب نسبه تشرف

فهد: ترك عمامه الشطار وطلع على خاله الفاشل

سلطان: اذا زيك شاطر وبيجيب لنا امريكيه مانبيه

فهد:على الاقل ولدي شاطر من الاوائل في مدرسته

سلطان: شرايكم نعطيها اخو زوجتي

تركي: منو عسى الفاشل خريج السجون عبد المحسن

سلطان: خذوها من ناحية ماديه؟؟

خالد: شوف انا معك ابوك شين ومسود وجيهنا ويستاهل اشكال عبدالمحسن.. بس اختي وئام لا

عبدالله:انا معك في الراي

سلطان: ماشاء الله من متى الحب لوئام

عبدالله: شوف صحيح مدري عنها بس تراها غاليه انا الي وصلت امي يوم تولد فيها
وانا الي سميتها يوم ابوها في السجن

فهد:الله لايردها من ايام..يلا انا بمشي

تركي: وين ماشي ولدك عنده عطله وماوراك حرمه ليه هالعجله..

فهد: جالس لحاله بالبيت اخاف عليه ودايخ تعبان مدري وش فيه

عبدالله: هذا الي يجي من ورا الزواج من اجنبيه.. الا على طاريها ماتسال عنه ابد

فهد:ولا شي .. اصلا غيرت مكان بيتها وكل شي ابد انسانه وسخه وماعندها اي مشاعر

خالد: انت متاكد انه ولدك بصراحه اشك فيه

فهد: انا مسوي له تحليل dnaماني مهبول اصرف على واحد ماهو ولدي

عبدالله يولع الزقاره: كم عمره الحين؟؟

فهد بملل: سادس ابتدائي 12 بيروح متوسط

تركي: ولا تذكر شكله ..

فهد يوقف وينهي كلام لان مايحب احد يتكلم على ولده عشان امه الامريكيه: متى راح تسافر اختكم

سلطان: بعد اسبوعين

دخل محمد وسلم على الكل..

فهد يناظر محمد ويلف على ابوه: والله ماهو شويه.. يعرف يتصرف لحاله

خالد: طايش وئام اركد منه

تركي: وهو في زي اختي وئام الله يحفظها

محمد يناظر فيها( شفت ناس كذابه بس زيكم ماشفت): العشا جاهز

سلطان يناظر فهد: دق على السواق يجيبه

فهد: لا تعبان خله مره ثانيه اجيبه ونتعشا سوا

سلطان يوقف: يلا تفضلو على العشا..

×× اخوان وئام..

عبدالله(بويوسف): عمره 45 وشغال مع ابو زوجته واخوانها وعيال يوسف وخالد ونور ومرام

سلطان(بومحمد):عمره43شغال في ارامكو عنده ولدين وبنت محمد وفيصل وريهام

خالد(بووليد): عمره40 متزوج من لبنانيه وعنده ولد واحد وليد واربع بنات ليان وخلود ولجين وآيه
وشغاله دكتور جراحه قلب

فهد(بو الياس): عمره 35مطلق من وحده امريكيه وعنده ولد واحد اسمه الياس

تركي:عمره 30 توه متزوج وزوجته حامل.. شغال في احد شريكات×××

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

يوم جديد..،

بعد ماصلت صلاه الفجر نامت وعلى الساعه ست ونص اجلست..

ارفعت غطا السرير القديم لونه ابيض مصنوع من الخشب والصبغ طاير:أصبحنا وأصبح الملك لله وحده لاشريك له,
له الملك وله الحمد وهو على كل شيئ قدير.

ارفعت نفسها وحطت المخده ورا ظهرها وجات عيونها على جوازها" معقول انا بسافر وبترك السعوديه..
في ناس سعوديه هناك؟!.. ادرس مع البنات والشباب..شبــــــاب؟؟!! ..شباب فشله راح يشوفوني..
لالا اصلا هم متعودين على البنات ..آآآه نفسي اعرف شنو شعورك ياطلال ودي افهم تبيني اروح ولا لا
.. متى تخلص دراستك وتشتغل.. يوه ياطلال راح افقدك حيل"سكرت عيونها وابتسمت وهي تتخيل شكله
اسمر ضيف يلبس نظاره طبيه ماهو ذاك الجمال بس يجذب الواحد..

قامت من السرير ومشطت شعرها ولمته واطلعت من الغرفه ودخلت الحمام غسلت وجهها وفرشت
اسنانها وطلعت وهي تحس بحماس شافت ابوها قدامها: صباح الخير يبه

ابوعبدالله: صباح النور هلا بنتي هلا

وئام: وين امي

بو عبد الله: تغسل ملابسها

وئام: الله يهداها انا قايله لها لاتسوي شي انا بسوي كل شي

بو عبدالله: خليها على راحتها انتي جهزي الفطور

وئام: من عيوني احلى فطور لكم الحين

وراحت من عينه وهو مبتسم ..وجات له زوجته ام عبد الله: صحت وئام

بو عبدالله: ايه.. هاتي انشر ملابسك في السطح

بوعبدالله ياخذها منها: ياحرمه صعود الدرج عليك موزين وانتي تشتكين من الركبه

ام عبدالله: خلاص سو الي تبي

وبعد نص ساعه جهز فطور وئام حليب وبيض بالطماط وشويت نواشف.. فطور جدا بسيط

وئام: يلانسمي بالله

ام عبد الله: ياجعل عيني ماتبكيك.. وربي بخلى البيت علي من بعدك

وئام: يمه اذا ماتبين اسافر والله مااسافر ولا اشوف واحد فيكم زعلان

ابوعبدالله: ماعليك منها بس هي راح يصير الشغل عليها وتقصر في حقي واعرس عليها

وئام: شف بانت النوايا الخبيثه ههههههههههههههههههههه

ام عبدالله وهي تاكل: ويسالني عيالي على من طالعين اكيد طالعين عليك

وئام بضحكه: زين كذا زعلتها

ابوعبدالله يحط يده على اكتافها: زعلتي ياحلوه

ام عبدالله انصبغ وجهها احمر من الحيا: عيب يارجال

وئام:هههههههههههههههههههه� �هههه ياحلوك يايمه تستحين

ابوعبدالله: دامها ستحت اكيد رضت علي عني ههههههههههه

وئام يوم شافت امها اضربت ابوها بخفيف ضحكت بصوت عالي..مبسوط مع ابوها وامها تبيع
الدينا ولا تشوف واحد منهم..

......

...

......

عكس فارس الي جالس قدام مكتب ابوه.. رفع ساعته من احد الماركات العالميه وشافها الساعه ثمان ونص
من جا وابوه لحد الحين ماشافه جا ومستحيل يدق عليه.." آآخ لو بيدي اذبحه وافتك منه"

لف وجهه على الباب الي انفتح وناظر في ابوه" متى افقد هالوجه بس"

بوفارس يدخل بدون مايسلم ويجلس على الكرسي الفخم ويرفع بعض الاوراق وبدون مايطلع في ولده:
تعرف ياحثاله لو انك ماجيت ثمان بالظبط كان ذبحتك

فارس لف وجهها وجميع السب والشتم يقول في داخله لابوه:................

بوفارس يكمل كلامه: كالعاده يجي الوفد انا بقول انت الي مفكر هالفكره الشبابيه وتسرد كل الي في
هالورقه اخذ

فارس اخذها وناظر فيها: مكتوبه عربي.. انا صعب على العربي خلها انجليزي او اسباني انا ماعرف اقرا عربي زين

فارس: انت عشت هناك وتعلمت زين انا عشت هنا وحياتي ماتطلب لغة عربيه كثيره زي لغة
الاسبانيه او الانجليزيه

بو فارس: انت لو جاي لي بنت احسن وجودك وعدمه واحد فاشل وصايع وراعي خمر..

فارس وقف: اذا جايبني هنا تهاوشني انا بروح الجامعه احسن

بوفارس: شدعوه انت فالح بالجامعه الله يفشلك زي ماانت مفشلني

فارس كان بيرد عليه بس سكت يوم شاف السكرتيره داخله وتبلغ ابوه ان الجماعه الوفد السعودي موجود
في غرفة الاجتماع..
ماكان معاهم ولا بحاس فيهم كان معصب ودمه محروق" ليه يعالمني كذا وانا ولده الكبير.. يحاسبني علي ذنب
وهو السبب فيه موانا(ناظر في يده بقايا حرف d&f) كان محروف بس الحين اختفى رفع راسه وهو يسمع
السكرتيره تناديه عشان تعلمه وش يقول قدام الوفد وتشرحه له.. ابتسم لها وهو يناظر فيها من فوق الين تحت
وقام معها..

بعد نص ساعه دخل فارس غرفه الاجتماعات ومعه اوراق كان بيقول هاي او اي كلام عادي بس شاف ابوه يخز فيه
ابتسم لهم: السلام عليكم

الكل رد السلام..

واحد من الوفد: هذا عبد العزيز

بوفارس يبتسم: لا هذا الغالي فارس ولدي

واحد ثاني: يلا نبدا الشغل..

فارس ناظر ابوه ينتظر الاشاره منه:........

بوفارس: ابد يلا

فارس بدا الشرح وزي ما فهم من السكرتيره بس تعمد يستخدم جمييع اللغات الي يعرفهاعشان يفشل ابوه
وطبعا ابوه صارالمترجم وكل شوي يشرح كلامه وهو في داخله يسب ويلعن في ولده..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

في الظهر..،

جامعه الفيصل .. في قسم الكيمياء

سكر الجوال وهو ساكت جاها الخبر زي الصاقعه من فم امه لف على يمينه ويساره شاف كسري
راح له وجلس وهو يحاول يهدي عمره وهو تيذكر كلام امه..

" يمه لاتخاف ابوها قال بس تتوظف انت راح يزوجها بس الحين هو ساكت عشان مستقبل وئام تحت ايدهم
لاتزعل يمه ماقلت لخواتك عشان مايقولون لوئام"

تنهد وسكر عيونها ويدور على الراحه ..متضايق حيل يدرس صيفي عشان خاطرها يبغى يخلص دراستها ويتوظف وياخذها حليلته...
بس الكلام الي جاه صدمه ان اخوانها مو موافقين بحجة لسى ماتوظف .. اخذ نفس عميق" ام ابوها ضمني انها لي مايحتاج ازعل"
وقف وعدل نظارته الطبيه وكمل طريقه " لاتخلي سفرها ياطلال ياثر عليك"

ابتسم وهو يتذكر كلامها وهبالها مع خواته ويتخيل حياتها معه..

حب عفيف مافي اي مكلامات تلفون او مقابلات سريه..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

من الجامعه الى الحين الفقير..،

وهي تنظف البيت وترتبه بعد الغدا نامت امها وابوها ومافي الا هي جالسه لحالها تنظف رن التلفون البيت..
راحت له وهي مستغربه ان في مااحد يدق عليهم هالوقت: الوووو

: السلام عليكم

وئام: وعليكم السلام

:آآآ.. انا اخوك فهد

وئام: هلا فهد..شخبارك؟؟

فهد: بخير.. انتي شلونك وشلون دراستك؟؟

وئام" لك يارب الحمدوالشكر": اي دراسه انا مخلصه دراسه..وكملت في داخلها" اكيد كالعاده دقي على بنات
خالتك وجهزي عمرك تعالي نظفي البيت"

فهد: طيب يااخي ممكن اطلب طلب

وئام من دون نفس: هلا اخوي امر

فهد: ودي تجين وتنظفين البيت حالته حاله وتطبخين لنا شي

وئام تناظر في الساعه يدها: فهد اي غدا الحين ثلاث وربع

فهد: عارف بس انا طول الليل مانمت كنت بالمستشفى ولدي جاته جرثومه وحالته حاله ولازم اكل عدل
عشان ياخذ دواه وانتي عارفه بالحال..

وئام: خلاص بتجي ولا اخلي ابوي يجيني

فهد: انا بالسياره الحين.. شوي وبجيك شكرا وئام

وئام : اذكر اللع وصل على نبيك.. حنا اخوان .. يلا سكر بدق على بنات خالتي

فهد بندفاع: لالا لاتدقين عليهم ابيد لحالك.. ولدي بالبيت ومن النوع الخجول والهادي ويحب الهدوء
وهو ماراح يطلع لان تعبان

وئام" طرار ومتشرط": طيب بيتك دورين وانا لحالي تعب حيل علي

فهد: كلمت اخوي عبدالله يعطيني شغاله من شغالاته..

وئام: طيب طيب متى راح تجي..

فهد: كاني بسياره جايك

وئام: طيب يلا مع السلامه

سكرت السماعه وهي معصبه.. مايعرفها الا وقت التنظيف " تبي عرس مو شغاله عندك انا"

طقت الباب على غرفة ابوها وامها: طلعت لها امها..: هاه يمه فيك شي

وئام: لا سلامتك كنت بقولك ان فهد اخوي بيجي ياخذني انظف بيته "كنت بتقول لها ولد فهد تعبان ..وامها بتجلس
تحاتي وتفكر فيه وبتفتح القديم والجديد بس غيرت رايها"

امها بشبه ابتسامه: راح ينزل خاطري اشوفه من زمان ماشفته لا هو ولا عبدالله؟؟

وئام عوجة فمها: طيب لادق بقوله ينزل ..

وبعد عشر دقايق جا فهد ودخل البيت وهو مكشر يكرهون البيت وهالحي وكل شي عشان ابوهم..

امه تعطي الماي: ليه حبيبي ماتعرس بدال هالحوسه..

فهد ابتسم: هذا الي يقول يوم شاب ودوه الكتاب ..اي عرس يايمه وانا بهالسن اي عرس

وئام تلبس عباتها: توك شباب انت قول وحنا نخطب لك

فهد : لالا وانسو مانبي ابهدل ولدي يلا وئام

واطلعوا من البيت

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

في اسبانيا..

في احد الكفيات..،

فارس يشرب عصير المانجو المفضل : اقولك جننته خليته صدق يصدق ان انا ماعرف عربي

حمود يشرب قهوه تركيه: ههههههههههههههههه.. الا تعال كيف شرحت وتعلمت

فارس: هذا السكرتيره علمتني عدل اليوم بالليل بشوفها هي صديقتها شكلها حيل توسع الصدر

حمود: وانا

فارس: وانا اقدر اخطي خطوه من دونك اكيد الثانيه لك

حمود: حبيب قلبي هههههههههههههههههههه

فارس عقد حواجبه ان عصيره خلص: تعال وجهي يناسب عليه اسم عبد العزيز

حمود: لا ليه؟؟..

فارس: اكثر من مره اروح عنده بشريكاته يقولون هذا عبد العزيز خصوصا الي يجون من الخليج

حمود: هذا اكيد النائب الي بالسعوديه اسمه عبد العزيز

فارس: مدري عنه اهم شي هبلت فيه

حمود: تجي نلعب بولنق في قصري

فارس: يلا

وقامو ولا دفعو شي لان المحل صاحبه ابو حمود..

حمود يركب سيارته وفارس المرافق له: ابوي بينزل اسبوع الجاي السعوديه تخيل يقول تعال معي

فارس بنرفزه: وهو شيبغى فيك عنده عيال شكر في السعوديه من زوجتى الاولى

حمود: يقول تعال تعرف على اخوانك

فارس: كم عند عيال منها

حمود بضحكه: مدري بس احس كثار لان يطول لا راح هناك

فارس: زي ابوي مدري وش السر بالسعوديه اذكر مره ريماس اختي سالته فيها طبيعه قال فيه بس مناطق
محدده

حمود: ياشيخ ولا افكر اروح لها..

فارس: مي تو" ويدخل سي دي ويعلي الصوت وهو يصفق ويرقص"

<<<شدعوه السعوديه ميته عليك انت وياه

فديت دياري بس

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

.. من شوارع اسبانيا الى الــســــعــــوديـــــه..

دخلت البيت او بالاصح دوبلكس عباره عن دورين الدور الاول مطبخ مفتوح على صاله ومجلس وحمامين ومكان مخصص
فيه غساله ونشافه ..والدور الثاني ثلاث غرف وحمام بس..

وئام حطت الكيسه الي فيها ملابسها على الكنب ولفت على الشغاله: روحي نظفي المطبخ وانا بشيل العفسه
الي بالصاله .. وانا بنظف الغرف وبغسل الملابس

فهد:خليها هي الي تنظف وانتي اطبخي ..

وئام:اخاف تسوي فيك ولا في الولد شي مااثق فيها.. الا وينه ابي اشوفه اخر مره شفته فيها كان عمره سنه ونص

فهد ببتسامه شوفي صورته: هذا في حفل تخرجه في قبل اسبوعين

وئام: الله يحفظه يهبل.. وينه

فهد: امين ..فوق نايم تعبان.. بروح اشوف

وئام بعد ماراح اخوها نظفت الصاله وشالت الملابس منها وحطتها في سلة الملابس وراحت المطبخ

......

...

......

دخل فهد غرفة ولده لقاه نايم جلس جنبه ومسح على شعره الاشقر ماخذ من امه البياض ولون العيون
اما الملامح كانت ابوه..

كان عاقد حواجبه من الالم والتعب وجهه كان شاحب .. فهد تنهد وهو يشوف ولده بالحال وكره الحياه الي خلته
كذا هو ولده.. رفع ولده وحطه على صدره وسكر عيونه وهو يتذكر كل شي بينه وبين ام ولده..

"الله ياخذك الخاينه قدام عيني ومع مين مع اعز اصاحبي تخونيني وانا الي لميتك من شوارع امريكا ولبستك
وشربتك وخليتك حرمه سنعه ..حسافه فيك كل شي كل شي يا الخاينه"

حرك راسه يمين ويسار كانه يبعد صورتها من باله .. فتح عيونه باس راس ولده بخفيف..
ابتسم لمى شاف ولده يفتح عيونه ورفع راسه: دادي

فهد: عيونه امر يابابا

الياس ابتسم: مانمت ؟؟

فهد: لا

الياس: ليه..مانمت؟؟

فهد: لان اخاف انام وانت تحتاجني

الياس: دادي انا احبك

فهد يضمه بقوه: وانا اموت فيك

الياس: يلا ننام مع بعض

فهد انبطح جنب ولده ونام ولا حسوا باحد ..

وبعد ساعه دخلت وئام شافتهم نايمين اخذت سلة الملابس الوصخه واطلعت .. انزلت تحت وهي تتحلطم
"لو راضي اجيب مي وسوسن مو احسن لي على الاقل وناسه معاهم اففف" شافت صورت ولد اخوها
باستها "والله اغليك من بين عيال اخواني مدري ليه " غسلت الملابس ونظفت الصاله وصلت الصلاه
العصر وطبخت لهم الاكل .. وبعدها صعد فوق تقولهم الاكل جهز

طقت الباب لمى ماشفت رد لقت الياس يصلي وجنبه فهد.. ابتسمت "ماشاء الله انسان ويعرف الله ليه مايعرف
ان الاب له حق وان عاق في حق ابوي"

فهد لف عليها بعد ماخلص صلاه: وئام ادخلي ليه واقفه

وئام اول ماشافت الياس قدامه" ماشاء الله عليه ايه بالجمال ياربي كانه من الي نشوفهم بتلفزيون يجنن"

الياس اول مره يشوفها كل مره تنظف البيت ياخذ فهد ولده ويطلع فيه واذا خلصوا وراحو جا هو ولده.. يخاف على ولده
من عيون الناس.. ناظر في ابوه وكانه يساله منو هذي؟؟!

فهد فهم على ولده: بابا هذا عمه وئام

الياس راح لها وسلم عليها: كيفك ان شاء الله طيبه

وئام ضمته: حبيبي انا كويسه انت كيفك؟؟ وجهك اصفر ليه

فهد: فيه الجرثومه سوي له شي مسلوق

وئام: سويت له رز ابيض وانت لك مكرونه

فهد: جهز

وئام تحط يدها على اكتاف الياس: ايه يلا نزل حبيب عمه ننزل

والكل نزل تحت

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&

بالليل الساعه 11 في اسبانيا..

دخل فارس القصر وهو يدعي مايشوف ابوه ولا احد من اهله .. ناظر الساعه شافها الساعه 11 " لا اكيد الكل نايم"

ماشاف احد وراح على طول الى جناحه ويحس انه هلكان.. فصخ بلوزته وهو يناظر شلكه بالمريا..
يشوف في شي ولا لا ماله خلق غرام بكره تزعجه وتسوي له سالفه..

ابتسم وهو يتذكر كل الي صار جد البنات اغبيه.. بعد عن التسريحه وراح الى جهه غرفة الملابس يبغى يتروش..

وقف عند دولابه الي ماخذ نص الغرفه شاف اول بجامه قدامه وطلع ورامها على السرير واخذ روب السباحه

بس قبل مايكمل سباحه رن جواله .. شاف المتصل رد من دون نفس: الو غرام مانمتي

غرام بعصبيه: لا كيف انام وحبيبي سهران مع وحده

فارس برود اعصاب : اي حبيب الي سهران

غرام بصراخ: لا تستهبل من البنت الي معك في الكافي من

فارس: اهاا قصدك صديقة حمود ترا كان معنا حمود معي

غرام من عصبيه ماحست في عمرها: بس جاني كلام قصدي انا شفتهم اربعه اشخاص

فارس عرف من كلامها ان في احد شافهم موهي: طيب وش كنت لابس

غرام بربكه: هااه بنطلون وبلوزه

فارس: يا سلاام والله توني ادري اخلصي وش اللون

غرام: مو مهم ابي منو البنت

فارس: الف مره قلت لك لاتصدقي كلام ناس حابه تفرق بينا بس ماتفهمين ..يلا اقلبي وجهك عني باي

وسكر تلفون في وجهها وقفله وكمل طريقه الى الحمام..

.....

..

.....

رمت الجاول على فراشها وهي مقهووره : طيب طيب يافارس ان ماخليتك تندم انك زعلتني.. والله
لا اخليك تترجاني ارضى عليك.. طيب

قامت من فراشها معصبه وهي تتوعد في فارس ..وفي راسها مليون فكره ..،

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

شفت ردود كملت ماشفت وقفت ^_^

لامارا · 29-11-12, 05:38 PM

&&..××ــالــ ج ـــزء الــ ث ـــالــث××..&&
....

..

....

صحت من نومها وفتحت عيونها استغربت المكان الي هي فيه.. بعدين تذكرت انها نامت في بيت اخوها
وهذي اول مره تنام في بيته.. شافت الساعه ثلاث ونص قريب باقي 20 دقيقه ويأذن الصلاة الفجر
قامت تروشت على السريع.. ومشطت شعرها وتوضت وصلت.. لفت مافي ساعه توقتها .. " اخاف انام ويروح موعد دوا الياس .. احسن اغسل ملابسي وانظف هالغرفه وقبلها بجلس الياس وفهد لصلاه"

طلعت من غرفتها وطقت غرفة اخوها فهد.. ماسمعت اي رد فتحت الباب ولغت النور ..فهد غطى وجهه
منزعج من النور.. قربت منه وئام: فهد..فــهد قووم فهد

فهد فتح عيونه بكسل: ايش فيه وئام ليه مجلستني

وئام: قوم صلاه يلا

فهد يناظر ساعته: توها اربع

وئام: الله واكبر عليك الناس تصليها بالمسجد ياحظي ..وانت تقول تو الناس قووم الله يهديك قووم

فهد: طيب طيب..ياكثر ماتحنين

وئام: اي هذي صلاه يلا قوم..بجلس ولدك وبرجع لك ان شفتك نايم بكب الماي يلا قووم

فهد يرفع نفسه: خليه هو تعبان

وئام: تعبان ماهو مغمى عليه يقدر يصلي ..وبعدين عشان ربي يعجل بشفاه لاتخرب الولد ..يلا قوم

وطلعت من الغرفه

فهد بعد ماطلعت وئام من الغرفه: اعوذ بالله لسانها زي اخوها عبدالله تاكل الواحد اكال

....

..

....

طلعت وراحت لغرفة الياس وجلسته.. انزلت تكمل غسيل الملابس ونتظف الصاله والمطبخ لان الشغاله
عبد الله راحت امس .. رجعت الى النشافه وطلعت الملابس وتذكرت كيف تامر على فهد ولده ويسمعون
كلامها.." احسن يستاهل ليه يعامل ابوي كذا وهو اب ويعرف ان الاب يشتاق يشوف ولده" تروعت على
صوت الياس: عمتي

وئام لفت عليه: بسم لله الرحمن الرحين.. الياس روعتني

الياس ابتسم: اسف

وئام " تناظره جد عيال الاجانب ناس ذربه وهاديه..فديت رجة محمد ولد اخوي لو مكانه كان مت ضحك على خباله"
: لا عادي .. ليه قايم من فراشك تبي شي

الياس يحك شعره الاشقر: لا بس طفشت وانا جالس بالغرفه.. ورحت لدادي نايم.. رحت غرفتك شفت مو موجوده قلت اكيد هنا ..

وئام ابتسمت له هادي وناعم في كلامه : طيب شرايك ناكل لنا شي وبعدها نطلع نصفط الملابس

الياس: طيب يلا بس الساعه كم الحين

وئام تناظر ساعتها: ست ..تعال وانت مع بجامتك كأنك ذاك الاشقرالشرير الي معه هاري بوتر

الياس : هههههههههههههههه عمتي انا احلى منه

وئام: اكييد هههههههههه

سوت حليب وحطت له شابوره ماحبت تسوي له شي لان معدته ماتستحمل ..

الياس جالس ياكل وئام تشرب حليب وتناظر فيه..

" بالله في وحده عندها ولد بهالجمال وهاذرابه والشطاره تتركه.. في احد يستغى عن ولده..
طيب موطايقه ابوه ..اسالي عنه هذا ولدك.. بس هذا هم الاجانب لا مذهب ولا دين وش نرتجي منهم..
و لا الي فوق مسوي فيها متعقد من الحريم ..وهو موقادر ينساها ميت على اطلالها.. رايح يدرس وخلص
دراسته وجاب لنا وحده مع ولدها قال ايش تزوجت.. الدوله مسفرته تدرسه وهو اخذها دراسها
وساعت صدر بغى يروح ابوي علينا من غبائه"

الياس وهومبتسم: عمه ليه تناظرين فيني ..لايكون بعد انتي تقولي زي ابوي اشباها الله يرحمها

وئام عقد حواجبها: الله يرحمها؟؟ من الي ميته وتشبهها

الياس مد شفايفه: مامي ..دادي يقول هي ماتت وهي تجيبني

وئام بفهاوه: هااااااه ..اي اي الله يرحمها" الله يرجك يااخوي ميته عااد"

الياس: جد اشبهها؟؟..

وئام كشرت: لا انت حلى منها بواجد

الياس: شفتيها مره عمه وئام

وئام" شافها ملك الموت قبل ما اشوفها" :اذكرها كا طيف يعني كيف ياعمري اشرح لك.. لمحه لاني ماشفتها الا مره

الياس يمسح فمه بمنديل: انتي شفتيها بس انا ولا شي ودادي يقول ماعنده لها صوره لها ماتحب تصور

فهد يدخل المطبخ: صباح الخير

الياس ببتسامه: قود مورننق دادي..صباح الخير..

وئام: صباح النور

فهد: في من كنتم تسولفون??

وئام: في زوجتك .. كملت بتريق..ماشاء الله عاطي ولدك معلومات عن امه بكل شي

فهد: لازم هذا امه وئام صبي لي حليب على ما الف لي خبز وجبن

وئام اوقفت:انا بسوي لك وين الخبز

فهد يعطيها كيست الخبز ويهمس لها: وش قلتي له

وئام لفت على الياس وناظرته: حبيبي روح جيب دواك خل اشوف متى مواعيدهم

الياس يوقف ويروح.. وئام لفت على اخوها: لاتخاف ماقلت له شي هو الي تكلم وانا اجاري كذباتك
اجل امه ميته هااه.. حتى وهي في غيابها ماتبي تجرحها وابوي المسكين لا في غيابه ولا بوجوده محترمينه

فهد: هو الي جابه لنفس ليه اشتغل بهالشريكه ليه

وئام تحط جبن كيري في الخبز وتوزعه: والله ابوي ماهو بعالم الغيب ربك عالم الغيب وانت ادرى
ان ابوي اشرف من الشرف وابوي طلع من سالفه بريء..خافوا ربكم جبتوا له الضغط والسكر

وتحط على طاوله الحليب والخبز الي سوته له..

فهد:قاله عبدالله اطلع وانا كلنا قلناله بس هو مارضى يطلع منها ويروح شريكه احسن منها
سوانا عيال خريج السجون وحنا مالنا ذنب.. اسكتي بس سديتي نفسي عن الاكل

وترك وئام وطلع من البيت معصب..,

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

الساعه ثمان في الجامعه كومبلوتنس في العاصمه مدريد..,

دخل فارس وهو مبتسم ماشاف غرام ..فصخ نظارته الشمسيه وهو عاقد حواجبه" من جدها الخبله ماجات" شاف
ساره تقرا كتاب وبعدها بصفين حمود واحد من اصدقائهم.. راح لساره: ساره وين غرام

ساره بدون ماتناظره: مابعد تجي

حمود انتبه لفارس: بو الفواارس تعااال شوف

فارس ابتسم: جاايك يابعدي جايك

بعده جا الدكتور وخلصت المحاظره وطلع الدكتور وغرام لسى ماجات.. الكل لاحظ غيابها هذي اول مره تصير
فارس موجود بالجامعه وغرام لا ..

ساره ارفعت الجوال بتدق الا تدخل غرام وهي لابسه فستان اصفر قصير فوق الركبه نااعم بدون اكمام
عاري الصدر والظهر من ماركة لوي فويتون..شعرها مسويته ستريت ولابسه نظاره من ماركة جست كفالي..
دخلت والكل يناظر فيها شعرها بالعاده يكون كيرلي بس هالمره غير .. فسخت نظارتها وراحت لساره:هاي
ولا لفت على فارس حتى ولا ناظرته زعلانه عليه...

حمود يعلي صوته: يااويلي على الاصفر ياا ويلي

غرام لفت عليه : هااي

فارس يلف وجهها عنها ويناظر في حمود ويهمس له: طالعه حلوه اليوم

حمود: غريبه ماجاتك

فارس: زعلانه علي درت على سهرت امس.. ويجلس يقوله كل شي ..

حمود يهز راسه وهو يسمع له..

فارس:بس هذا كلي الي صار

يلفون على صوت جمال التونسي : ولك يلا انت امعاه بدنا نمشي..

فارس ببتسامه يتكلم تونسي: مانحبيش تحكون معنا هكا

حمود لف عليه ويجاري فارس: اشبيك تعيط علينا

جمال:يالله تحبو تنرفزو الواحد.. وينط الى الصف القدام ويطلع برا القاعه وفارس وحمود يضحكون

ساره تلف عليهم: حرام عليكم كل مره تشفونه ترفعون ضغطه عشان بس انه فقير

فارس مكشر: اسكتي بس اسكتي محد حاطك عنه وصي او مدافع

حمود: قوم بس قوم هذا انسانه جدا غبيه

قامو ومرو عليهم حمود وقف: غرام الاصفر عليك يجنن تخاويني اليوم

غرام تضحك بدلع: ايه هههههههههههههههههههههههه

فارس يحسب حمود: يلاا نمشي

وراحو عنهم.. لفت غرام على ساره :شفتي السخيف الخاين

ساره تحط الكتاب بالشنطه: ماعليك مرده لك ..يلا قومي خلينا نطلع

××

في الكفتيريه

××

بعد ماطلبو لهم عصير اجلسوا فارس وحمود على طاوله .. وجاتهم سوسن فرحانه: هااااااي

حمود وفارس بدون نفس: هاايات

حمود : وشفيك فرحانه

سوسن تحب حمود: كذا بس ..وين غرام

فارس: انتي ماعدتي سنه زينا

سوسن: لا طبعا انا اهم شي دراستي

حمود: اعصابك يانيوتن

فارس: فارقي شوفي غرام هناك

سوسن ترفع حاجبها توقف: ترا انا مو جايه عشان وجهك عشان تمن علي ..غبي

حمود ببتسامه: لا تزعلين ..ناظر فارس.. روق بو الفواارس.. اشر لسوسن تجلس

سوسن اجلست: عشانك بس حمود

فارس عوج فمه ..:...............

شويات جات لهم غرام وساره..

غرام تحط ايدها على كتف سوسن: هاااي سوسن

سوسن تصفر: يازين الاصفر بس

غرام ببتسامت غرور: ثانكس

فارس طلع جواله ولا ناظرها ..:..................

حمود: اجلسوا

غرام: لا شكر ابي سوسن

فارس بدون مايناظرها وبصيغة امر: لاتزعلين حمود اجلسي

غرام بعناد: مابي غصب

فارس لحد الحين مارفع عيونه من جواله: حمود تبيها تجلس ولا لا

حمود يناظر في غرام: براحتها هالحلوه

فارس يرفع عيونه عليها وياخذ مفتاح السياره والمحفظه ويوقف .. فكرته وئام كالعاده بياخذها وبيجلسها
بحضنها يوم قرب منها بس انصدمت ان صار وراها قال بنبره رومنسيه: يلا حمود نمشي

حمود كان ماسك الضحكه لان غرام عصبت..:طيب

فارس ابتسم وقرب كثير لعند غرام صار ظهرها قريب بصدره مد يده وانفاسه على خدها واخذ العصير
من الطاوله وانقله من اليد اليسار الين اليمين وبعد عنها وهو مبتسم ويشرب عصيره,,ولحقه حمود

بعد هالحركه غرام بركان وانفجر من العصبيه راحت تلحقه وهي تركض: فاااااااااااارس ..فاارس

فارس يمشي ولا يسمعها..:.........

غرام تمسكه من بلوزته وتلف: اكلمك انا فاارس

فارس يلف: نعم وشتبين

غرام:الحين من الي يزعل انا ولا انت

حمود يسوي نفسه موفاهم شي: ايش السالفه ياجماعه

فارس يمثل دور المظلوم: تخيــل يا حمود الاخت هذي تصدق كلام ناس حاقده ويقولون
ان صديقتك هي صديقتي انا تخيل

حمود بنزعاج: لالالا ياغرام وش كلام فارس يحبك مستحيل يخونك وش هالحكي
هو جا معي بس نسهر عادي اما خيانات ماهو من اطباعنا

فارس: نفسي اعرف من قالك هاه انا احبك ومن دخلتي ودي اروح اضمه زي قبل بس جالس مقهور

حمود يناظر فيه وهو عاقد حواجبه" نفسي اعرف كيف يصفف الكذب كذا ": فعلا فعلا هو كان كذا ..من قالك جد
غرام نفسي اعرفه؟

غرام نزلت راسها: جورج

حمود: الله يسامحك بس

غرام سكتت كانها بدت تصدقهم:..........

فارس شاف سكوتها عرفت انها بدت تصدق فقلب السالفه عليها: انت هبله ولا تستهبلين ..تكذبيني انا
وتصدقين جورج الكذاب ياغرام

غرام من الخوف قربت من حمود:......

فارس يكمل كلامه: وبعدين الف مره قايلك هذا الانسان لا تقربين منه نصاب ..صرخ فيها.. ليه ماتسمعين
الكلام هااه ليه

غرام خافت ولزقت في حمود.. الي على طول بادرها بضمه: فااارس وشفيك عليها ..خلاص تراها غلطت
سامحها

فارس ابتسم وبسرعه اخفها وسحب غرام لعنده: بعد عنها تعالي نتفاهم برا الجامعه

حمود: اهم شي الرضى الخفيف بلا الثقيل لان ينتج معها ظرايب

فارس :هههههههههههههههههههههههه� �ه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

في الحي الفقير.. وقت الظهر بالسعوديه

دخلو البيت .. الي من طابق واحد ثلاث غرف وحمامين ومجلس واحد بس..

سوسن تعلي صوتها: وئااام ياوئام

مي تلف عليها: لاتصارخين من كبر البيت

ام عبدالله تطلع: هلا هلا يابنات

سوسن: هلابك ماجات وئام

ام عبدالله: لا ماجات

سوسن شهقت :ناامت هنـــــــاك

ام عبدالله: اي عادي بيت اخوها

مي: من حب اخوانها لها فهد مايحب احدغير ولده

سوسن تدقها بكوعها على خاصرتها ..: متى راح تجي؟؟

ام عبدالله: تقول بالعصر

سوسن تفصخ العبايه: اجل بنساعدك الين ماتجي هالوئام..

ام عبد الله: الله يحفضكم من بنات

مي: امين..

سوسن: عمي بو عبدالله وينه خالتي

ام عبدالله: تعرفين هذا وقته يشتغل تاكسي

مي: الله يعطيه العافيه

سوسن: امين يارب

ام عبدالله :شخبارها اختي؟؟

سوسن: بخير تسلم عليك

ام عبدالله: الله يسلمها يلا بكمل الغدا

مي بعد مارحت خالتها: وربي وئام حدها طيبه لو اخوي زي فهد ماعطيته وجهه
مايعرفها الاوقت تنظيف

سوسن: يمكن يحسون ويحنون على عليهم ويطلعونهم من هالخرابه

مي: اي احلم اقول خلنا نساعد خالتي بس

سوسن: وانتي الصادقه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&

في العصر ..

في حي ارقى من بيت بو عبدالله .. عند الطبقه المتوسطه المعيشه..

جالسه تنتظر اخوها يجي من دوامه ويرجعها الى بيتها اشتاقت لابوها وامها حيل

الياس برجا :تكفين اجلسي معنا طفش البيت بس انا ودادي

وئام : حبيبي انا عندي ابوي وامي ابي اجلس معاهم

الياس: اي عادي تعالو معنا

وئام كانت بتتكلم بس دخل فهد: جاهزه وئام

وئام: ايه

الياس برجا: دادي بلييييييز قولها تبقى معنا بعداليوم

فهد: اجلسي معنا عشانه تراه البيت بيت اخوك ماهو بيت غير

وئام: وابوي وامي من لهم

الياس: عمه قلت تعالوا معنا

فهد بسرعه: لالالالا هم مايرتاحون الا في بيتهم

وئام تناظر اخوها: شدعوه فهد ..وابتسمت ابتسامه سخريه.." حيلك ياخوي لاينط لك عرق من كلام ولدك"

الياس: ابي اشوفهم دادي

فهد: لمى تتشافى من التعب راح اوصلك لهم

الياس: دادي متى راح نسافر؟؟

فهد: بعد ثلاث ايام

وئام: وانا ومحمد متى

فهد: بعد اسبوعين

وئام حطت ايدها على فمها: مايمدي اجهز عمري والحين طلال هالفتره عنده دراسه

فهد بحده: وليه طلال؟؟

الياس عقد حواجبه: Do not raise your voice Daddy Please.. لا ترفع صوتك ارجوك أبتي..

فهد ياشر له على الدرج:Go up to your room.. اصعد الى غرفتك ..

وئام مستغربه: ليه عصبت عليه ..اصلا ليه معصب

فهد يحاول يهدي اعصابه: اظن طلال ماله داعي يوصلك الى السوق ابوك شغلته سواق واذا ماتبين ابوك
خذي تاكسي ..

وئام ترفع حاجبها: ابوي على كلامك هو ابوك هذا شي.. ثاني شي مايسوق الا بالنهار لان نظره على قده
واخر شي وهو اهم شي ..طلال ولدنا منا وفينا ونثق فيه ..مو سواق ماندري وش طينته ومن وين جاي

فهد: دبري عمرك ركوب مع طلال لا

وئام: وانا لحالي ترا معي امي واخواته

فهد يمسح على وجهه: انتي ماتفهمين قلت لك لا

وئام : طيب ماعندي مشكله بس الله يخليك دق الصدر وصلنا.. اما سالفة نركب تاكسي لا

فهد: دام ابوك يسوق بالنهار مايحتاج طلال

وئام: انت قلت باقي اسبوعين.. يادوب اجهز لي ملابس ونعل وحجابات وشنط وكل شي

فهد: خلو محمد يوصلكم ولد سلطان..

وئام طقت على فخذها: تغار علي فهد ..( تغيرت نبرة صوتها الى حزينه)ماشفت الغيره طلعت يوم انا وامي نطبخ
ونبيع الاكل لخلق الله ونشحت الفلوس من فلان وعلان ماكان عندنا خمس اولاد وكل واحد وظيفته احسن من الثانيه
.. انا احمد ربي ان ابوي وحيد ابوه وامه وهالبيت صار له ولا كان الحين بالشارع .. ولوالله ثم بوفايز كلم لنا واحد
وابوي صار سواق تاكسي على هالكبر.. مفروض يرتاح بس مامن هالاولاد فايده..

فهد سكت ماعنده كلام لمى شاف وئام نزلت دموعها :.........

وئام تمسح دموعها وتشيل كيستها وشنطتها: يلا وصلني عند ابوي وامي

فهد وقف : بروح اشوف الياس وبعدين نمشي

وئام اجلست تبكي بعد ماراح فهد " هذا همه ولده وحنا عادي حريقه تحرقنا.. موعاجبه طلال تسواه انت طلال
وربي ماتجيب ظرفه مالت عليك"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&

في بيت سلطــــــان..

ريهام: لا ماما نبغى نسافر كافي العام راحين دبي

نوال "امها": من وين الفلوس ..ابوك بيشحن سيارة اخوك الى اسبانيا وبيدرسه على احسابه من وين له الفلوس

ريهام: مالي دخل نسافر مانجلس بالبيت

نوال تحط راسها: وااااااااي راسي ريهاام بسك حنه

محمد يدخل وبيده اكياس: سلاام

محد رد:..........

محمد: اعوذ بالله داخل على يهود انا

ريهام: كله منك ماراح نسافر هالسنه عشانك وعشان عمتك الغبيه

محمد يكشر: وقسم ان ماانقلعتي لا اسوي وجهك فلافل مقلي انقلعي

ريهام توقف : مالت عليك.. وتكش عليه ..وتروح عنه

محمد: يمه بنتك يبغالها تربيه ماعلمتها عمتي وئام ادب واخلاق

نوال: والله الحين عمتك الزينه واختك الكخه

محمد: يوووه نسيتك انك تكرهينها.. اسفه

نوال بصراخ: قم عن وجهي لا اشيلي هالتلفزيون وعلى راسك

محمد يشيل الاكياس: كلها ايام واروح عنك يالغاليه ..

نوال كانت معصبه بس لانت ملامحها: محمد وش هالكلام الي يسمعك منت براجع

محمد: شدراك يمكن اموت

نوال رمت عليه المخده: لاتفاول على نفسك عمى بعين العدو

محمد: ههههههههههههههههههه ان شاء الله

سلطان يدخل هالوقت..: السلام عليكم

نوال عدلت جلستها: وعليكم السلام

محمد يوقف: وعليكم السلام.. عاد هنا لازم انسحب العصر مايحلى عند نوال الا بوجود سلطان

سلطان: هذا ولدك على منو طالع لسانه طويل

نوال: فديته طالع على روحه

سلطان: وانا

محمد يصفر: استر علـــــــــــــــــــيه ابوي يغااار..يناظر في امه ويتكلم بهبال.. انتبهي عليه من العيون الحاسده
ترا مر كنافي مجمع شافته وحده ورقمته بس قالها احب نوال زوجتي بس ماحبيت ازعلها اخذت رقمها انا

نوال: ههههههههههههههههههههههههه ههه

سلطان وهو مبتسم: تعرف تتوكل وتنقلع من الصاله ولا هالعقال على ظهرك

محمد: مايحتاج ادل الطريق هههههههههههههههههههههههه

وراح عنهم..

سلطان بعد ماراح محمد لف على نوال: كبر ولدنا

نوال تتنهد: كل صغير يكبر .. انا خايفه عليه من هالروحه

سلطان: محمد رجال وئام راكده

نوال: بس توهم صغار العشرين مابعد يصكونها اثنينهم ولدي هذا ياسلطان

سلطان: الي اصغر منه راحو ..عادي ياحرمه

نوال: ان صار فيه شي راح اذبح اختك

سلطان : ههههههههه حلالك

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&

مر الاسبوعين بسرعه وجات يوم السفر ..

الساعه ثلاث الفجر اوقفت سيارات اهل وئام قدام مطارالملك فهد الدولي..ناظرت المطار بخوف وهي تنزل من السياره
كانت تشوف صوره بس ماتوقعته بهالحجم .. حست انها باحد المسلسلات ..لفت على سيارة الي نزل منها اخوانها
الاربعه الخامس فهد سافر وهو ولده الي قال بيجيب ولده ولا جابه لهم .. تنهدت يوم شافت ابوها متضاق على
اولاده الي تمر عليهم الشهور ومايشوفهم .." هذول مايخفون عيالهم تسوي فيهم كذا .. حسبي على ابليسهم"

راحت لاخونها وسلمت عليهم: ارحمو شيبته ولا تفشلونه قدام بيت اهل خالتي.. روحو سلمو على ابوي

عبدالله ببتسامه لها: ان شاء الله ..يلا نسلم عليه

وئام ابتسمت " ياحلوكم لا صرتوا مطعين".. ولحقتهم .. خلصوا اجراء السفر ونادو على طيارتهم

وئام ضمت امها وخالتها وجلست تبكي وتوصيهم على انفسهم وبعدها بنات خالتها .. وسلمت على ابوها
الي ضمها بكل حنان: خلي ربك بوسط عيونك ولا يلهيك يابنتي السفر عن طاعة ربك

وئام وهي تبكي: ان شاء الله

طلع ابوها ظرف صغير: هذا مبلغ صغير لك

وئام: يبه اخواني مغرقيني فلوس خلها لك

ابوها: لاتزعليني يبه

وئام: ان شاء الله .. اخذتهم وباست راسه ..

سلمت على اخوانها عادي بس عبدالله ضمه وهذي اول مره يسويها فجاء الكل: انتبهي على نفسك طيب..
وفكري بدراسك.. طيب حبيبتي

وئام بكت : عبدالله وصيتي ابوي وامي عشان خاطري لاتقطعونهم

عبدالله: لا تخافين.. بعدها عنه وباس راسه.. يلا لاتروح طيارتكم عليكم

وئام استحت وبعدت عنه وراحت تمشي ورى محمد وهي تبكي بهدوء ..

اصعب شعور تبعد عن شخص غالي غليك ..وانت عارف انه محتاج لك.. وامها وابوها محتاجين لها حيل..
لفت ناظرت طلال شافت متضايق زادت ضيقها ضيق ..كملت الطريق لين ماختفو عنها..
وصارت بمكان ثاني مافي الا المسافرين قفط.. بعد ربع ساعه وئام اركب الطياره واجلست في المكان المخصص
لها .. شافت ولد ابيض تذكرت الياس الي كلمها قبل ماتطلع من بيتهم وارجعت بكت .. اشتاقت لكل شي في السعوديه
قبل ماتبعد عنها.. " الله حفظك من ديره"

محمد لف عليها: عمه ترا ماراح نطول وشفيك اسم الله عليك

وئام: الاهل غالي

محمد: بس تروحين هناك وتشوفين ذاك الاشقر بتسين اسمك.. وتقولين يازين هالاسبانين زينااه

وئام تبكي وتضحك: محمد يالفاضي

محمد: لو موفاضي شفتيني اكلمك ياختي ولا في وحده في الطياره توسع صدر اناظرها

وئام اقرصت يده: اعقل ترا مابعد نبعد عادي نلغي السفر

محمد بهبال : طيب طيب.. بصير عاقل

وئام اضحكت ولفت وجهها عنه.. تذكرت حركة عبدالله اخوها الكبير.. هو سوه معها كذا يحبها او عشان شوفوا
انا حنون مع اهلي.." مومهم الي سواه معي الاهم يكون صادق معي ومايقطع امي وابوي..الله يحفظك يا يبه انت وامي"

اعلان الكابتن ان الطايره بتقلع ولازم يربطون الاحزمه ..محمد لان متعود مد لعمته علكه وهومبتسم لها وسوه لها
حزامها.. وطارت الطياره ..وئام من الخوف كل شي حافظته من آيات من القران وادعيه قالتها من الخوف وهي
ماسكه ايدمحمد.. بعد ماستقرت الطياره في السماء وئام بعد يدها عن محمد.. رخت راسها وسكرت عيونها..تدور
الراحه بوسط هالاهموم الي اسكنت في صدرها من صغرها.. لفت على صوت محمد..

: عمه متى راح تفصخين غطاك

وئام: بعدين مو الحين

محمد مابغى يطول معها في الكلام حس من صوتها مالها خلق:............

وصارت طياراتهم في وسط السماء ..وئام ناظرت ساعتها ..ولفت على محمد : اذا اذن وين يصلون الناس

محمد: بما ان حنا في الطياران السعودي اكيد في هالطياره مسجد نقدر نصلي فيه

وئام بدهشه : جد فيه مسجد

محمد بستغراب: قلبي عمه ايه فيه انتي ماتعرفين؟؟

وئام انحرجت: توني ادري منك .. فديتها من ديره تهتم في صلاه حتى بالطياره حاطه مسجد

محمد: حدك وطنيه

وئام طنشت كلامه ورخت راسها على الكرسي وسكرت عيونها ..

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$

اشوفكم في الجزء الرابع ..اتمنى يعجبكم

لامارا · 29-11-12, 05:46 PM

&&..××ــالــ ج ـــزء الــرابـــع××..&&
......

...

......

اعلان الكابتن ان الطايره بتقلع ولازم يربطون الاحزمه ..محمد لان متعود مد لعمته علكه وهومبتسم لها وسوه لها
حزامها.. وطارت الطياره ..وئام من الخوف كل شي حافظته من آيات من القران وادعيه قالتها من الخوف وهي
ماسكه ايد محمد.. بعد ماستقرت الطياره في السماء وئام بعد يدها عن محمد.. رخت راسها وسكرت عيونها..تدور
الراحه بوسط هالاهموم الي اسكنت في صدرها من صغرها.. لفت على صوت محمد..

: عمه متى راح تفصخين غطاك

وئام: بعدين مو الحين

محمد مابغى يطول معها في الكلام حس من صوتها مالها خلق:............

وصارت طياراتهم في وسط السماء ..وئام ناظرت ساعتها ..ولفت على محمد : اذا اذن وين يصلون الناس

محمد: بما ان حنا في الطياران السعودي اكيد في هالطياره مسجد نقدر نصلي فيه

وئام بدهشه : جد فيه مسجد

محمد بستغراب: قلبي عمه ايه فيه انتي ماتعرفين؟؟

وئام انحرجت: توني ادري منك .. فديتها من ديره تهتم في صلاه حتى بالطياره حاطه مسجد

محمد: حدك وطنيه

وئام طنشت كلامه ورخت راسها على الكرسي وسكرت عيونها .." وش الغباء الي انا فيه ليه اترك امي وابوي.. انا شضمني انهم يصدقون في كلامهم.. انا عارفه اني عيال خالتي ماراح يقصرون بس اخواني
ما اظمن .. الله يحفظكم يا يمه ويايبه" نتهدت ..وبقت على هالحال مره تعاتب نفسها ومره تشجع نفسها
الين مانمت..

محمد لمى شاف مال راسها..حط راسها على كتفه ..وهويناظر فيها " هي طيب وابوي طيب وجدي
طيب وحتى جدتي ليه احس ان القلوب ابد موصافيه وش السبب ..انا لازم اعرف ..خل تستقر الامور
واعرف السالفه كلها " بعد عيونه عن عمته وركب السماعه واختار فلم وجلس يشوفه

&&&&&&&&&&&

من بين السحب الين ارض اسبانيا ..دق جرس الساعه ثمان في قصر بوفارس .. الكل كان موجود
في غرفة الطعام وجالس ياكل بهدوء اليوم عطله مافي دوام..

بوفارس يكسر الصمت الي مسيطر في المكان:انا بعد بكره راح اسافر فرنسا وبجلس
بس اسبوع في احد حاب يروح معي

ريماس بنته بحماس: اكــــــــيد انا بروح معك مامي لازم تجين ترا جورج حبيقه وبيار كترا راح ينزلون ازيائهم
لشتاء ماما لاازم نروح

ام فارس: اكييد بروح .. فارس راح تجي معنا

فارس هز راسه بــ لا:.........

ريماس بحمااس: راح يفوتك الازياء

بوفارس: بابا ريماس دامك تحبي الاشياء اخليهم يجون لك قبل الكل

ريماس: لا ابي اروح فرنسا بعد اتمشى وحشتني مره ولا ماتبيني معك

بوفارس ببتسامه ياشر على عيونه: ان طيارتي ماكفتك عيوني لك انا عشان خاطرك ..ناظر فارس..
متحمل ناس ولا هم بعد الي سواه مكانهم مكان السواق برا

فارس وقف.. كان بيمشي بس صوت ابوه وقف: وقف مابعد اخلص فطوري اجلس

ام فارس: بوفارس وشفيك عليه

بوفارس مسح فمه بمنديل ورماه على الطاوله: انا اسمي يوسف ماني ابوه واحد فاشل زي هذا حثاله
..لف على فارس وكمل كلامه بحده .. قلت اجلس

فارس ماكان يناظر فيه وظل واقف:..................

ام فارس: يوسف عشان خاطري روق وخلها يروح ..تاشر لفارس يطلع ..لا تعصب راحتك تهمني يوسف

ريماس تترك الشوكه: بااابا.. توقف وتروح عنده وضمته وتبتسم.. حبيبي انت لاتزعل اتركنا منه وخلنا
بالمهم وين راح تفني في باريس

بوفارس او زي مايحب يوسف.. يجلسها بحضنه وهو مبتسم: كل مكان يحبه قلبك

ام فارس: ريماس قومي عن رجل ابوك ..اوقف تبي تروح تشوف ولدها.. انا اخليكم

ريماس: بابا ازعل عليها تبين انك انت شايب وماتقدر تتحملني

بوفارس: افااا

ام فارس بضحكه: لاا موقصدي كذا بس خلاص اكبرت

بوفارس يناظرها ببتسامه: اكبرت ولا قصدك اني شيبت

ام فارس : لامو كذا

ريماس توقف من رجل ابوها : بابا يلا قوم ورها شبابيتك

بوفارس يوقف : ان شاء الله

ام فارس حاولت تركض بس يوسف مسكها وشالها صرخت وجلس يدور فيها ..وريماس ضحكت عليها ..

يوسف: هااه من الشاييب قولي انا بسرعه قولي انا مريم( اسم ام فارس) الشايبه سرعه ههههههههه

ام فارس مريم ..ماسكه فيه بقوه ومسكره عيونها: يوسف والي يسلم عمرك نزلي بلا حركات صغار
..يووسف عيب فشلتنا نزلنا

يوسف ينزلها: خلك تقولين شايب

مريم تعدل بلوزتها السماويه وجهها احمر.. كانت تنافس بنتها في الرشاقه والاناقه..حتى الملامح ماكنت تبين
انها كبيره في العمروبنتها طالعه عليها ..عكس فارس ماكان يشبه ابوه الا بالجسم بس: وش هالحركات يوسف

يوسف: عشان تعرفين اني شباب

ريماس: والدليل انك تصبخ مافي شعره ابيض

يوسف: شكلك مافي سفره ريماس

مريم+ ريماس:
ههههههههههههههههههههههههههههه

......

...

......

طلع من الغرفه وهو معصب موعارف وين روح .. دق على خويه واقرب الناس له مايرد..
واليوم مافي دوام كان راح الجامعه .. وقف حاير في الممر الي فيه كرسين وانتريه على تحفه

كان بيكمل طريقه وبيمشي بس وقف لان سمع صراخهم وضحكم وتبخرت هالصعبيه.. صارت
حزن جلس على الكرسي ..اشتاق لـ هالجمعه اشتاق للايام هذي اشتاق لها حيل قبل خمس سنين
كان معاهم كان وسطهم كان دايم مع ابوه بس تغير كل شي .. تمنى فلوسه ترجع هالايام الحلوه

ابتسم بحزن وناظر يده " آآآخ ياغلاتي لو تعرفين شنو صرت من بعدك ماتركتيني"
باس مكان المحفور فيه حرفه وحرف d وقام من مكانه وهو يحس الدنيا مافيها هواء
مخنوق ماهو عارف كيف يحرر من هالحزن الي هو فيه ..

&&&&&&&&&

في مكان ثاني في مدريد الساعه تسع الصبـــــــــــــــاح اوصلت المطار الطياره الي فيها
وئام ومحمد ..

انزلت وئام من الدرج الطياره وهي ترص على حجابها وهي مبتسمه الهواء البارد يظرب خدودها
: الحمدلله لك يارب

محمد: كانت رحله متعبه ومخوفه جدا بنسبه لك

وئام انحرجت: ايه ..امسك يده وسحبته عندها بعد ما وحده تمشي واضربته بكتفه.. وجع وشفيها ماتشوف الاخت

محمد: اكيد ميته عليّ

وئام : اكــــــيد مو انت مهند مايصف جنبك امش بس امش

محمد: مصيبه لا واحد غار منك

وئام رفعت حواجبها وناظرته بطرف عينها: من زينك

محمد: ههههههههههههههههههههههه ههههههههههههههه

بعد ماخلصوا الاجرات اطلعوا وانصدمت وئام من الي يتظرون كانوا كثار وفي منهم خلجين..
كان في مجموعة شباب واقف ..طاحت عينها بعين واحد استحت وئام اشبكت يدها بيد محمد الي يدف
عربة الشنط .. لفت وجهها شافت وحده تركض لواحد وضمته ..

وئام: حمودي شوف قليلة الادب تضم زوجهها

محمد لف شافهم:اووب اووب تحمسو هههههههههههه بس اشك انهم متزوجين

وئام تلف وتشوف وتلف وجهها وتلف وجه محمد: فلم الاباحي من الصباح ربي

محمد: ههههههههههههههههههههههههه هههههههه بعدك ماشفتي شي

وئام: يامثبت القلوب ثبت قلبي على دينك

محمد قرب من مطعم: خلينا ناكل شي جوعان حدي ابي اكل

وئام:مو قبل ما اطمن امي اني وصلت اسبانيا

محمد: طيب .. طلع جواله وافتح .. كم رقم بيتكم

وئام : هاته انا بدق ..وبعد كم رنه جاها صوت غريب.. الوو هذا بيت سعيد الرافد

: ايه انا عبدالله ولده

وئام بصدمه: عبدالله اخوي انت في بيتنـــــــا

عبدالله: هههههههه وشفيك تراه بيتي زي ماهو بيتك

وئام عطت ظهرها لمحمد: عارفه بس تذكر متى اخر مره شفتك فيه انت في بيتنا
كان عمري 17 سنه وانا الحين عمري 19

عبدالله: السموحه منك ..كيف كانت الرحله معك

وئام اسكتت منحرجه هو الوحيد ماتقدر ترد عليه وتعانده زي باقي اخوانه دايم تتفشل
منه ودايم يعاملها بحنان واي شي تطلب منه يصير عنده امر وينفذه تستحي منه حيل :خفت من الطياره

عبدالله ابتسم : لان اول مره تركبين .. ترا الشقه الي بتروحين فيها نظيفه وفيها اكل وكل شي
لان صديقي كان فيها وطلبت منه يسوي منه كذا

وئام تناظر محمد الي جلس على كرسي: طلع منها طيب

عبدالله: ايه امس بالليل طلع منها

وئام: انزين وين امي

عبدالله: حالفه تسوي لي شاهي وقهوه

وئام : طيب قولهم بدق عليهم بالليل

عبدالله: ترا الوقت غير عندنا حنا الساعه 11الظهر ..انتبهي وانتي تدقين عليهم

وئام تقرب من محمد وترفع ساعته: وحنا تسع خلاص بدق عليهم بالظهر يكون عندهم العصر

عبدالله: طيب بس..وانا اخوك ركزي على دراستك ابي اكشخ فيك حتى على عيالي..ابي افتخر فيك
انتي اختي الوحيده وغاليه عليّ طيب يابابا

وئام :طيب يلا انا بقفل انتبه لنفسك وسلم على امي وابوي وانتبه عليهم.. شدد على الكلمه الاخيره..

عبدالله: زي ماتامرين بيصير ..لاقصرك فلوسك دقي

وئام: ان شاء الله

عبدالله: يلا مع السلامه

وئام بعد ماسكرت اجلست وهي تتنهد" ليت هالحنيه على ابوي ليت قلبك صافي من جهة ابوي
ودي نصير حالنا من حال اي اخوان نجلس مع بعض ونسولف مع بعض ونضحك.. حسبي على
مكان السبب" تروعت على صوت محمد: وشفيك

وئام: مدري وش اقولك؟؟ يارب رحمتك يارب

محمد: كانك تكلمين عمي عبدالله

وئام وكانها تذكرت شي: اي صح انت ليه ماقلت بنسكن في شقة اخوي .. وليه ماقلت لي
ان في شقه عنده

محمد: ترا اخوك ماهو اخوي مفروض تعرفين عنه كل شي مو انا الي اعلمك

وئام ضاعت ماعرفت شو تقول مهما كان ماتبي تكرهه في ابوه ولا في عمامه ولافي جده..
فغيرت السالفه: متى بنمشي تعبانه انا

محمد: خلنا نطلب لنا اي شي

وئام: مااثق في اكلهم خلنا نروح البيت عبد الله اخوي يقول مجهزه من كل شي

محمد : يلا مشينا

واطلعو من المطـــــــــــــــار..

&&&&&&&&&&&&&&&

طقت باب القسم ودخلت ..شافت ولدها يسكر ازارر القميص.. وقفت جنبه وبنان قصرها
اخذ البياض منها والجسم من ابوه بس الملامح ماطلع لا لها ولا على ابوه .. امسحت على
ذراها بحنان: ماما فارس راح تطلع

فارس بهدوء : ايه

امه تلمس شعره: توه متروش خله ينشف حبيبي

فارس يمشط شعره: مالي خلق ..انا بجلس يومين العطله في المزرعه

امه تناظر شكلها في المرايا: حبيبي حاول تسمع كلام ابوك وحاول تتقرب منه

فارس يلبس ساعته: ترى هو السبب هو الي كبر السالفه ورفع ضغطي وخلقها تلحقني

امه عوجة فمها: السالفه قضت .. لفت عليه تلبسه ساعته من العصبيه موعارف يلبسها..
ياعيون ماما لازم تكسب ابوك هذا لمصلحتك ياعيون ماما

فارس رفع راس امه وناظر عيونها: شفتي كيف احبك واموت عليك ..قد ماانا اكره الحين
ذبحني يا يمه زوجك ذبحني

دارت عيونها على القسم كله ..وتنهدت: اوكي اوكي بس الحين روق لاتسرع وانت تسوق

فارس يهز راسه : طيب

امه تشم واحد من العطور الي مصفوفه على التسريحه: خذ هذا حلو

فارس ياخذه ويتعطر : في شي ثاني

امه تناظر فيه : اممممم حلوه.. تفتح الازارر ثلاثه الي فوق واخر واحد .. كذا حلو عليك

فارس يمسح على شعره الي بدا ينشف : يلا شكرا.. يبوسها على خدها .. اخذ الشنطه
الي جهزته الشغاله وطلع

امه بعد ماراحت وهي ميلت نفسها على التسريحة: انا الغبيه سويت فيها طيبه وقلت ليوسف
جبها معك طيب ابوها مات وانت اخوها شنو حنا مكلفين فيها اصلا شكثر اخوانه بالسعوديه ..
بس انا الغبيه قلت له جبها والقصر كبير .. وليتها جات واحترمت نفسها الا جات ولحست عقل
ولدي وراحت زين ما راح وولدي معها..افففففف انا شو اسوي خمس سنين ابيهم مايرجعون
زي قبل ما رجعوا ..نفسي افهم وش القلوب الي عليهم ..

......

...

......

نزل لقى سيارته جاهز لف على صوت ابوه واخته ريماس يضحكون ..ناظر ابوه باحتقار
فتح الباب الخلفي ورمى الشنطه بقوه وسكر الباب بنفس القوه ..لبس نظارته وركب سيارته

وطلع من القصر وهو معصب" لو بيدي كان ذبحتك وشربت من دمك انت اصلا مو كفو
تصير ابو " ظرب الدركسون بقوه وصرخ: اكـــــــــــــــــــــره ك

&&&&&&&&&&&&&&&&&&

الساعه 11 ونص ..

وصلت الشقه جلست تناظر فيها كان مستواها عادي توقعتها فخمه بس كانت عاديه
يغلب عليها التصميم الامريكي .. افصخت حجابها وعباتها .. واجلست على الكنب

محمد رمى نفسه على الكنب:آآآآآآآآآآآآآآآآآآآ� �آخ ابي انام لحد الحين مواصل

وئام: منت موصاحي

محمد: مااعرف انام في ازعاج.. انا مدري كيف انتي متعوده

وئام: ياشيخ اذا جاني النوم والله انام ولا همني لوتجيب طقاقه تطق ماحسيت

محمد: ههههههههههههههههههههههههه ه لبى الي تحمست في الكلام

وئام ابتسمت له: تعودت على الرجه والخبال مع بنات خالتي

محمد لف وهو منبطح : كم اعمارهم؟؟

وئام انقزت من مكانها: يووه تذكرت عطاني كيسه بروح اشوفها.. وجلست على الارض ..
وفتحت شنطت الصغيروطلعت منها كيسه حمره فيها علبتين .. ابتسمت وهي تناظر الكيسه..
فتحت اول علبه كانت تعليقه فيه صوره بنت صغيره اضحكت كانت صورتها وهي صغيره
كانت من مي وسوسن ..

اما العلبه الثانيه .. فيها كرت احمر وسواره ذهب معلقه في دب صغير..قرت الكرت
كان مكتوب ..

ماعرف اصف كلام غزل بس الي بقول بخاطري
خلصي دراستك عشان تنورين حياتي وبيت خالتك
اتمنى تعجبك السواره ..
طلال

وئام صار وجهها احمـــر.. استحت حيل طلال هاديني هديه ولا قالي كلام ناظرت محمد الي رافع
حواجبه مستغرب من الحياء المفاجا الي جاها : شسالفه

وئام حطت الكرت في جيبها: بنات خالتي عليهم قلت حياء.. اوقف وراحت جهة محمد واجلست
على الارض..شوف صورتي وانا صغيره هههههههههههه دبه

محمد يناظر فيها: كم كان عمرك هنا

وئام: تسع شهور بس حدي دبدوبه

محمد: واضح ..ناظر التعليقه.. هذي ام ريالين من جابها لك

وئام: الهديه مومهم القيمه المهم ان احد قدرك وذكرك بشي ..شوف الثانيه ..

محمد يناظر السوارة الذهب: اي هذي حلوه ..وحده منهم موظفه

وئام: لا وحده خلصت الجامعه والثانيه توها صغيره اول ثانوي

محمد: اهاا طيب

وئام بحماس: جد حلووه

محمد: ايه حلوه

وئام اوقفت: يلا قوم نشوف الغرف ..

محمد انبطح على ظهره: مالي خلق.. ابي انام

وئام تمسك يدها وتسحبه: باقي على الصلاه نص ساعه قوووووووووم

محمد يقوم: جايب معي بزر انا ياكثر ماتحنين

وئام: هههههههههههههه عيب انا عمتك ياولد

محمد : مابي اسب خليني ساكت

وئام تقرص خدوده: فديتك من ولد اخو .. يلا تعال نشوف الغرف ..

وراحوا يتفرجون على الغرف.. جلسوا يتفرجون على الغرف ..واستقرت وئام على غرفه لونها
بنفسجي .. ومحمد لون احمر ..

بعد ماصلوا ونـــاموا

&&&&&&&&&&&&&&&&&&

في المزرعه ..

راكبين الخيل .. واحد لونه اسود والثاني ابيض.. وكل واحد يعلق على الثاني ..

فارس يقرب من حمود: تجي لا راحوا اهلي فرنسا تنام معي

حمود: اوكي مومشكله بس شل باقيرا عني

فارس:وانت ماوكلي فتى الادغال خوي باقيرا ههههههههههههههههه

حمود: انت شريخان هههههههههههههههههههه

فارس: ههههههههههههههههههههههه

حمود: روقت

فارس: كثير والله ياحمود اذا صرت معك احس ترد روحي لي

حمود: وانا بعد ..يلا قول ليه كنت متضايق يوم جيتني

فارس: ابوي يلمح على سالفة القديمه

حمود: الله يرحمها

فارس بنبره حزن: له هيبه تمنعني اطلع كل الي في قلبي في وجهه .. كل ماشوفه يعامل اختي غير انقهر
قبل هي الي تنقهر .. قبل غلاتي تغطي على الكل بس الحين كل شي تغير

حمود: معليش اسمحني بالكلمه ذي ابوك هذا لازم احد يكلمه يوقفه عند حده.. ترى هو سبب كل هالسالفه
هو الي هاوشك وعطاك كف عشان زعلتها يعني مايعرف يحل الامور بينكم

فارس: قلت له هذا خطيبتي وانا حر فيها لاتدخل رد علي بكف عمري ما كنت اتخيل يجيني
خلاني اطلع واسوق بجنون في وقت المطر ينزل .. تغير نبرة صوته.. هي اصرت تجي معي
كانت تقول خفف سرعه بس ماكنت احس ..وصار الحادث وراحت مني

حمود: لاتزعل ولا تضايق عمرك شي مضى وراح لاتكدر عمرك على شي راح.. يلا صارت وحده
ونص ابي غدا

فارس: يلا بقول لهم يجهزون الاكل ..

حمود: وبعد الاكل ابي اللعب كولف

فارس: اوكي ..

حمود بنبرة هبال: فارس شرايك نهبل في غرام شوي

فارس: لا لالا سوسن خويتها احسن

حمود: عندك رقمها

فارس: ايه

حمود : بعد الغدا ندق عليها

فارس : اكيييــــــــــد

&&&&&&&&&&&&&&&&&&&&&&&

بعد هواش وصراع مع اخوه الكبير استسلم لاوامر اخوه وراح يزور اهله..

فـي الســعوديه بالتحديد في المنطقه الشرقيه .. في احد الاحياء الفقيره دخلت سياره خالد..

وقف سيارته عند البيت وهو يناظر بكل قرف طق الباب كذا مره جاها صوت ابوه قال بشبه همس: ذا الشايب
هنا متى جا

فتح له الباب ابوه او على حد تعبيره الشايب: اووه خالد جاينا تفضل ياولدي

خالد لف عنه: يمه وين امي

بو عبدالله انحرج: بالصاله جالسه تتقهوه

خالد راح لها اما بوعبدالله طلع مكسور الخاطر ..طلع لان عارف وجوده يغثه .. يخاف على زعلهم
بس مو مايخافون على زعله ابد.. طلع يجول في شوارع يتمشي وهو يتذكر وش صار قبل ماتجي وئام
وتطلع على الدنيا كانت في رحم امها بالشهر الثالث ..

%%××××××××××%%
كان اصغر لعيال فهد خلص الثانويه

في العصر انطق الباب وكانت الشرطه طلع لهم عبدالله: هلا من تبون

الشرطي: سعيد الرافد لو سمحت

عبدالله :طيب

وجاه ابوهم واخذته الشرطه قدام الناس كلها .. وصل قسم الشرطه وهو موفاهم وليه يعاملونه بهالقسى
دخل وشاف المكتب الضابط وشاف صاحب الشريكه واحد من الي يشتغلون معه كان يكره سعيد الي يشتغل فيها
اسمه زكي: السلام عليكم

الكل رد السلام اشر له الضابط يجلس: تفضل

سعيد(بوعبدالله &وئام): شسالفه ليه جايبيني

صاحب الشريكه: فلوسي وين يالحرامي فلوسي وينها

سعيد بستغراب: اي فلوس انت الي تعطينيها اغلبها شيكات واروح احطها بالبنك طال عمرك
والي مبالغ بالبسيطه عندك تكون في خزانتك وانا معك صار لي 16 سنه ليه تشك فيني

زكي بحقد: بلا كلام فاضي طلع الفلوس اقولك

سعيد يلف على الضابط: ياولدي اي فلوس متى انسرقت طيب هالفلوس

الضابط كسر خاطره سعيد لف على صاحب الشريكه وزكي: خلاص اطلعوا وانا اتفاهم معه

صاحب الشريكه طلع بدون اي كلمه اما زكي ماهان عليه يطلع بدون ماقال كلام جرح سعيد ومشى..

سعيد سكت موعارف وش يسوي :.................

الضابط :شوف ياعم انا احسك منت راعي سرقه ولا حمل بهدله وانا ودي اساعدك بس لازم انت تساعدي
وتذكر تفاصيل ذاك اليوم

سعيد لف عليه بحزن: ياولد اي فلوس ومتى انسرقت ؟؟

الضابط: المدير لشريكه يقول ان عاطيك امس حوالي 11 الف تحطهم في الخزانه حقته صح

سعيد يهز راسه: ايه 11الف وستمائه ريال اي اذكر وكان زكي معنا واسامه بن عبدالعزيز

الضابط: اسامه وين

سعيد: سافر عند اهله اليوم

الضابط: وين اهله

سعيد تنهد: بالكويت.. انا عمري ماسرقت وهذا انا معه 16 سنه ليه رخص فيني كذا

الضابط : شوف ياعم ماعمري ساعدت بس من دخلت المكتب وانا حسيتك مظلوم وانا مااحب الظلم

سعيد ابتسم بحزن له: الله يوفقك ويعلي مراتبك في الدنيا وفي الاخره ويجزيك على قد نيتك

الضابط ابتسم: امين ..ادعيلي ياعم الله يرزقني بالاولاد

سعيد: الله يرزقك ..

الضابط: ودي اخليك تنام في المكتب بس ماقدر

سعيد: لا عادي ياولدي

ومضت الايام والضابط يحاول يطلع الحق وسعيد يدعي ربه وماياس من رحمة ربه ..وبعد ست شهورجا خبر ولادة وئام
سعيد سجد في اخر الليل ودعا ربه بقل متعلق في ربه..: أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ ..
يارب انت قلت ادعوني استجيب لكم ..وانا جيتك ادعيك يارب تفرج كربي وتقر عيني بشوفة بنتي
يارب يارب يــ.. ماكمل وجلس يبكي الظلم شين .. بس ربي ما ينسى من دعاه ولا بد ينصر المظلوم ..

وفي صباح اليوم وصل اسامه من الكويت واستدعاه الضابط الى مكتبه ..وكان بالمكتب سعيد جالس

الضابط : اسامه يقول سعيد ان مافي المكتب غير الثلاثة انت وزكي وهو

اسامه بربكه ..يناظر سعيد..: آآيه وسعيد هو السارق

الضابط يناظر فيه : تحلف على القران ان هو السارق

اسامه خاف بالاول بس تذكر دعم زكي له بالفلوس هز راسه بـ نعم: ايه احلف

الضابط يطلع قران من الدرج ويحط على الطاوله: قبل ماتحلف في رب شايف وعقابه اعظم من عقابنا..ترا
عقابنا مده ويزول ..بس ربك لا عقابه طويل ومايخلص وحط في بالك بعد دعوة المظلوم ماترد ابد(ياشر على سعيد)

اسامه سكت موعارف وش يقول:...............

الضابط: قول وانا بحميك باذن ربي ان شاء الله بحميك

اسامه بخوف: زكي هو الي سرق موسعيد .. هذا بعد ماطلع بو جمال صاحب الشريكه جا زكي وقال
سعيد بوجمال يبغى المفتاح وسعيد على نياته عطاه المفتاح .. وزكي اخذ المفتاح وسرق 6000
على اساس انا ثلاثه وهو ثلاث هــ....

الضابط ما خلاه يكمل كلامه عطاه كف على وجهه: خااافو ربكم .. الرجال انحرم من عياله ست شهور
وجاه مولود وحرمتوه يشوفه بالله انتم من ايش قلوبكم مخلوقه بس ابي افهم ليه زكي سوه كذا ليه

اسامه حاط يده على خذه: قلت له رجال كبر ابونا بلاها نسوي فيه كذا زكي مارضى..

الضابط صرخ فيه : ليــــــه سوه كذا لييـــه؟؟ انطق

اسامه: مره من المرات جاه زكي لسعيد وقاله عطني من الفلوس الي في الخزانه مارضى سعيد الا لمى يستاذن
من بوجمال لان كان يبغى يطلع يتزوج وناقصه حول ست الالف

الضابط :وطبعا العم سعيد ماعطاه وانتم اتفقتوه تسون كذا هااه..( شاف اسامه هز راسه بايه رفس الضابط
رجل اسامه بقوه وطاح اسامه هو والكرسي الي جلس عليه وراح الضابط لعنده).. والله ان ماخليتكم تندمون
على اليوم الي فكرتوا تسون كذا في الرجال .. يا عااادل ياعــادل

دخل عادل : امر

الضابط : اخذ هالنصابه وارميه في السجن زي الكلاب ..واخذ دوريه وجب زكي لعندي

وبعد هالحوسه اعتذر الظابط لو ابو عبدالله وبعد ماخلص اجراءاته طلع من الشرطه..

%%××××××××××%%

طلع من السجن بعد ست شهور كانت وئام توها بالاشهور الاولى .. بس بعدها انفصل سعيد من الشريكه..
وجلس بدون شغل و زوجته جلست تتطبخ وتبيع الي تتطبخه اكبرت وئام وقامت تساعد امها.. والعيال
كل واحد دبر عمره وهم متفشلين من ابوهم ..

رفع عيونه سعيد وهو مايدري كم صارله يمشي في الشوارع شاف مسجد قدامه دخل ووجدد وضوءه وصلاه
ركعتين لربه وجلس يقرا قران ..يخفف الهم الي في قلبه..

&&&&&&&&&&&&&&&&&

بعد مرور يومين ..

انتهت العطله في اسبانيا ..

رجع فارس لقصـــره ومعه حمود.. وبوفارس مع زوجته وبنت راحوا فرنسا ..اواصلت سيارة محمد لاسبانيا
..وئام اخذت في اليومين تمشيه في مدريد .. لكن اليوم هي متحمسه جلست من بدري وسوت فطور وجلست
محمد الي بالموت رضى يجلس..

وئام وهي تشرب الحليب: ونـــــــــــــاسه حمووودي ونااسه اليوم بندرس

محمد: بس عاد لايقولون مشحوفه على المدرسه

وئام: ههههههههههههههه شوف زي ماتفقنا انا وئام وبس عمه لا تفشلنا

محمد: هذا مابعد نروح وبدا الخراب

وئام تسوي روحه ذايبه: واخيرا بشوف مزااين

محمد يحط الحليب : بس بطلنا مافي دراسه ويله على غرفتك

وئام تمثل دور الخايفه منه: لالالا اتوووب اخر مره اقول كذا عموو محمد

محمد ينفخ صدره وضخم صوته: ايوووه خليك كذا .. يرفع جواله ويكمل هبال.. مادقت خويتي اليوم هههههههههههههه

وئام: ههههههههههههههههههههههه يلا بس تاخرنا

واطلعوا الى الجامعه وهي متحمسه ..وفي السياره ارفعت جوالها ودقت على بيت اهلها .. وجاها صوت
ابوها ..

وئام بفرحه: صباح الخير يبه

ابوها: هلا وئام شخبارك حبيبتي ؟؟

وئام: انا بخير اليوم بداوم انت اخبارك واخبار امي كلمتها امس تعبانه كيفها اليوم

ابوها: امك خلاص اقدمت هاتي لي وحده من عندك جديده

وئام: ههههههههههههههههههههههههه هه هين ان ما قلت لها

ابوها: افاا وانا اقول انك طيبه وحنونه طلعتي شريره

وئام: ههههههههههههههههه افااا وانا اقدر عليك بس انا قدامها اقول كذا بس دامنا لحالنا ابشر يالغالي

ابوها:ههههههههههههههه الله يحفظك بس ..يلا تخسرين اخوانك انتبهي لحالك وانتبهي لمحمد

وئام حز بخاطرها يخاف عليهم وهم ولا يسون له حساب: ان شاء الله ..وانت بعد انتبه لنفسك واخذ
حبوب الضغط في مواعيدها مع ابرة السكر ..

وئام سكرت من ابوها ونتهدت.. حس فيها محمد: عمه وشفيك

وئام ببتسامه باهته: لا بس امي شوي تعبانه ..

محمد: ماتشوف شر جدتي

وئام: الشر ما يجيك

محمد حب يغير جو صرخ صرخه وئام خافت منه: بــــــــــــــــــروح الجــــــــــــــــــــــ امعه

وئام ظربته: وجع محمد وش هالخبال

محمد: ههههههههههههههههههههههههه ههه اسف فجاه جاني حمااس

وئام بنرفزه: الله يخليك مره ثاني حماسك سوه بعيد عني اذني ابغاها

محمد بهبال: ان شاء الله

وئام ابتسمت " ياحظ الي بتاخذه يجنن ولد اخوي .. عكس امه وابوه .. آآآآآخ من ابوه واخوان ابوه
راح يموتون ابوي ناقص عمر بسببهم "

&&&&&&&&&&&&&&&&&&&

في الجامعه ..

يدخل فارس وحمود الكلاس .. كان شكلهم ملفت الانظار مسوين شعورهم زي بعض ولابسين زي بعض.. الاختلاف
ان فارس مسوي سكسوكه وحمود مسوي عارض ..

غرام اول ما شافت فارس اركض له وضمته: وحشتني يومين ماشفتك

فارس يبعدها عنه: حبيبة قلبي وانا اشتقت لك واجد

غرام : تعال نجلس

فارس سحب حمود معه وهمس له: شوف سوسن صدقت انك تحبها شوف كيف متكشخه

حمود: ههههههههههه خلها الغبيه تصدق

غرام: وش تقولون

فارس: اقوله بعد عيونك عن حبيبتي

غرام:هههههههههههههههههههه� �هههههههه

وراحوا اجلسوا وصراخهم مالي القاعه .. بس بعد دقايق بسيطه الكل سكت ولفوا جهة باب القاعه ..
لالالا ماجا الدكتور بس وئام ومحمد وصلوا .. كانت وئام لابسه عبايه ومتحجبه بحجاب وردي
ومحمد لابسه قميص رسمي وبنطلون جنز وناظروا في الناس الي جالسه والناس ناظرتهم

وئام عقدت حواجبها ومسكت يد محمد خايفه .. حمود يناظر في فارس : يالبى الجمال الخليج

فارس يناظر فيها و.......

$$$$$$$$$$$$$$$$$

لامارا · 29-11-12, 07:12 PM

&&..××ــالــ ج ـــزء الــ خ ـــامـــســـ××..&&
......

...

......

في الجامعه ..

يدخل فارس وحمود الكلاس .. كان شكلهم ملفت الانظار مسوين شعورهم زي بعض ولابسين زي بعض.. الاختلاف
ان فارس مسوي سكسوكه وحمود مسوي عارض ..

غرام اول ما شافت فارس اركض له وضمته: وحشتني يومين ماشفتك

فارس يبعدها عنه: حبيبة قلبي وانا اشتقت لك واجد

غرام : تعال نجلس

فارس سحب حمود معه وهمس له: شوف سوسن صدقت انك تحبها شوف كيف متكشخه

حمود: ههههههههههه خلها الغبيه تصدق

غرام: وش تقولون

فارس: اقوله بعد عيونك عن حبيبتي

غرام:هههههههههههههههههههه� �هههههههه

وراحوا اجلسوا وصراخهم مالي القاعه .. بس بعد دقايق بسيطه الكل سكت ولفوا جهة باب القاعه ..
لالالا ماجا الدكتور بس وئام ومحمد وصلوا .. كانت وئام لابسه عبايه ومتحجبه بحجاب وردي..
ومحمد لابسه قميص رسمي ابيض وبنطلون جنز وناظروا في الناس الي جالسه والناس تناظرهم ..

وئام عقدت حواجبها ومسكت يد محمد خايفه .. حمود يناظر في فارس ويهمس له : يالبى جمال الخليج

فارس يناظر فيها ويرفع صوتها وهويتريق: حيــــــــاكم تفضلوا شكلكم حبيبيه زينا(ياشر على نفسه وعلى غرام)

وئام ناظرت فيه وهمس لمحمد: مالت عليه ساكنين في جامعة ابوه تعال ندخل

واول صف اجلسوا عليه .. جات لهم وحده واجلست جنب وئام: هاااااااي انا خلود من الكويت( تمد يدها لوئام)

وئام ببتسامه: وانا وئام من السعوديه كيفك؟؟

خلود: انا بخير..انتي شخبارج؟؟

وئام : الحمدلله بخير.. (شافت خلود تناظر محمد)..هذا محمد ولد اخوي

خلود: امبيييه توقعته خطيبج

وئام ابتسمت: ترا فرق بينه وبيني اربع شهور بس

خلود: بس ماشاء الله انتي وياه حلوين

محمد ابتسم وبعد وجهه:.............

وئام: تسلميـــن

......

...

......

بعد كم صف من وئام ومحمد .. شلة فارس وحمود..

حمود: ابي اعرف من وين

غرام ترفع راسها تشوف وئام ومحمد: من زبالة الخليج تلاقيها

سوسن والغيره بتقطعها: حموود وش تبي فيها

غرام: حيااتي تغار ..(لفت على حمود).. وش تبي فيها

فارس كان سرحان ..تذكره باحد غالي عليه .." آآخ صرت ياالغاليه من اشوف احد من السعوديه ..اتذكرك.."
رخه راسه على راس غرام وهو يمسح على شعرها .." يمكن تعرفها هي بالسعوديه ..بس ابوي على كلامه السعوديه
كبيره ..اصلا وش يذكرها البنت راحت منك يافارس راحت " لف ناظر وئام وهي تضحك مع خلود .. ابتسم لا شعوريا
ماتذكر وئام تذكر حبه الي راح قبل خمس سنين" وش هالفكره الي علي هي وش يعرفها في غلاي" لف وهو عاقد
حواجبه على صوت حمود.: ويين رحت

فارس: مدري

حمود: يلا قوم نتعرف

غرام تقوم من حضن فارس: خير خير وش تتعرف

حمود يقوم فارس: طسي تراه صديقي يلا فارس

فارس مايرفض لحمود طلب وكلها ثواني وصارو قدام وئام ومحمد: سلاااااااام

وئام كانت متكيه يدها على الطاوله شافت فارس وحمود اجلسو ارجعت لورى:........

محمد عطاهم نظره على هالحركه: وعليكم السلام ..امروا

حمود يتربع على الطاوله: وشفيك علينا

خلود: اعرفكم على حمود وفارس

فارس وهو يتفحص وئام : مايحتاج انا فارس الماسي وهذا (ياشر على حمود) حمود النايف صديقي

محمد يلف وجهه فارس لعنده: وانا محمد الرافد ..تشرفنا

وئام اوقفت ووجهها صار احمر من نظراتهم: تشرفنا شكل الدكتور ماهو جاي

فارس: اي اصلا قبل ماتجون جا واحد قالنا ماهو بجاي .. انتم سعودين؟؟

محمد وقف لوقفت عمته: ايه يلا وئام مشينا

حمود: وييت لحظه ..حنا مابعد نتعرف عليكم

فارس: من وين من السعوديه؟؟

وئام بملل: الشرقيه

فارس بستعجاب: الشرقيه؟؟ ايش الشرقيه

وئام تناظر في محمد: يستهبل هذا خلنا نمشي

حمود: مانستهبل ابوي مامره قال لنا السعوديه فيها الشرقيه اخلصي قولي من وين انتي

محمد بنرفزه: شنو مافي الشرقيه اجل الخبر والدمام وين يكونون ولا ماتعرفهم بعد

حمود مايبغى يتفشل :اي اعرفهم

فارس بندفاع: اي اعرفهم بالرياض

وئام غطت وجهها بالدفتر تضحك:...............

محمد انفجر ضحك بشكل هستري ..

فارس وحمود جلسوا يناظرون بعض ..فشلوا..

وئام تمسك يد محمد: اجل الخبر والدمام بالرياض انا خبري ماعجبتهم الرياض راحوا لحايل ابرد

محمد: لا راحوا تبوك ههههههههههههههههههههههههه ههههههههههههههه

وئام: هههههههههههههههههههههه يلا مشينا تعالي خلود خلي العباقره لحالهم

فارس: اسكتي انتي وحجابك ياللحجيه اصلا انا الغلطان جايك قوم قوم حمود

حمود مالقى فيها شي عيناب كامله والكامل وجهه: اقبح بنت شفتها في حياتك انتي وزوجك ذا

محمد: والله محد طلب رايك فيها انت وياه وانتم الي قاطين وجيهكم علينا

وئام: اللي يترق على حجابي تراه زي اي مسلمه ..اذا انت مسلم وعارف ربك ..عرفت قيمة الي لابسته هذا شي..
ثاني شي ..ناظرت في حمود..ماراح انتقد شكلك لان خلقة ربي ..واحمد ربي الي عطاني شي معطاك موبياض لا
العقل المتنح الي فيك .. ماهو عندي

وتمشي عنهم ويلحقها محمد وخلود ..

فارس وحمود ظلوا ساكتين ..حمود مد شفته معصب .. اما فارس سكت يناظر في مكانها ...

حمود: هين والله اوريها شغل ربها انا عقلي متنح

فارس: ايش متنح؟؟

حمود: وانا شدراني..بس اكيد مسبه ..شفت كيف اكلتنا

فارس: نفس ابوي قويه ( يقلد كلامها) زي اي مسلمه (يعدل صوته ويكمل كلامه بنبرة عصبيه) الله ياخذك
وياخذ زيك الي لابسته

حمود: حسستني لابسه من جفنشي ولا قوتشي

فارس: قوم خل نطلع ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

في العصر ..بـالسعوديه .. في بيت بو عبدالله وام عبدالله ..

كلهم جالسين في المجلس صاحب الاثاث البسيط ..سوسن ومي وام عبدالله وام طلال

سوسن: الخايسه وئام راحت عند البرد وحنا جالسين عند الخياس

ام طلال: احمدي ربك

ام عبدالله: اليوم اول يوم لها بالجامعه

ام طلال: خلها تعجل طلال ينتظر

سوسن: عاد اخوي ماشاء الله ذابح روحها بس مسوي ثقل

مي: هو بيقوم بس يسمع وئام صار يسوي روحه مشغول لين ماتخلص السالفه عن وئام ويطلع

ام طلال تظرب مي: عيب اخوك

سوسن:واختي صادقه ..لادافعين عن ولدك

جات مي ترد بس طق الباب وراحت تفتحه .. بعد مالبست عباتها ..: مييين

: انا تركي

مي اركضت لداخل تنادي خالتها ..وجات ام عبدالله افتحت الباب ..: هلا هلا وغلا بتركي

تركي دخل ولف على وراه :ادخلي حياتي عن الحر

ام عبدالله ناظرت الي وراه كانت زوجته : هلا يمه ادخلي

زوجته دخلت وهي تناظر المكان بقرف: توتي مانطول هنا طيب

تركي : طيب حبي لاتخافين

ام عبدالله تناظر فيهم بحزن" انا الي ربيت ولغيري صفيت.. حتى كلمة شخبارك يمه ماقال ..": يمه تركي
خلها تدخل عند خالتك وبناتها ..

تركي : خالتي هنا ناديها خل اسلم عليها

اسيل تحط يدها على بطنها الكبير: اففففففف

ام عبدالله: خلاص تعال معها المجلس

اسيل بحده: انتي وشفيك تاخذين رجلي عند بنات اختك وين حنا فيه

ام عبدالله انحرجت : بيتغطون طيب يمه

اسيل: لا تجي خالته هنا ..لفت على تركي.. توتي شوف لك صرفه مع امك

تركي يلف على امه: يمه ناديها جد وش اروح ..يناظر في زوجته..روحي ارتاحي في المجلس

على هالكلام اطلعت ام طلال لهم : السلام عليكم

اسيل لفت على تركي: انا بروح المجلس لاخلصت دق علي ..اطلع لك

تركي : طيب وبشويش انتي حامل

ام طلال كشرت ماعجبها الي يصير بس اسكتت عشان خاطر اختها...

......

...

......

دخلت اسيل وجلست بدون سلام واكشفت عن وجهها .. مي وسوسن جلسوا يناظرون بعض .. مي انقز جنب
اختها : داخله على يهود ماتسلم الاخت

سوسن: مالك دخل فيها ..تناظر فيها سوسن.. وشفيها عافسه وجهها كانها موعاجبها الوضع

اسيل تناظر فيهم: في شي حبيبات امكم..ايه صح نسيت بنات فقر ماعمركم شفتوا ناس نظيفه

مي بخبال تشم روحها: والله توني متسبحها وفيني ريحة عطر

سوسن تكتم الضحكه وتجاري اختها: وانا توني حاطه لوشني الجديد للجسم فازلين

مي تاكل فصفص وتتكلم بسرعه : كان حطيتي فكس فيه ريحه حلوه ..

سوسن تحط فنجال القهوه وتمدد يدها ينقال متحمسه في السالفه: لاااا هذا بس نحطه في العروس

اسيل تحط يد على بطنها: الله يفرقكم..ابتسمت بخبث وارفعت حاجب ونزلت حاجب.. من فيكم سوسن؟؟

سوسن : هلا انا

اسيل: انتي الي كانو بياخذونك لتوتي بس توتي مابغاك ..

سوسن: من توت انا مااعرف توت ولا اكل توت

مي بغباء: قصدها توفي هذا الحلاو الي ناكله

اسيل: توفي بعينك توتي هذا تركي

سوسن كانت عارفه وش تقصد بس حبت ترفع ضغطها..بس ماحسبت ان اسيل بتقلب على طاوله عليها وصارت هي
الي معصبه واسيل الي رايقه :يكون بعلمك انا الي مابغاه مو بس جوتيك قصدي توتيك

اسيل بغرور: انتي اصلا حاصل لك توتي حبيبي ..بس لابق لك انك تجلسين عانس عند اهلك

سوسن اسكتت مقهووره :..........

مي لفت عليها: شدعوه انتي الي ماكنتي بتعسين ..الحمدلله والشكر ماصدقتو تركي يجي لكم.. وظيفه دورتوله
دراسه ساعدتوه ..حتى يوم جا خطب ماسالتوا عن اهله ..شنو مشفوحين على الرجال

سوسن كانت بقوم تبوس راس اختها يوم شافت وجه اسيل صار احمر ..:.............

اسيل اوقفت بعصبيه : انطمي انتي واختك الغبيه العانس

سوسن ترفع راسها وهي تشرب قهوه: شدعوه الي ماخذته يشرف الحين موكانه مفتشل ان ابوه سواق تاكسي
روحي روحي لحد يضحك عليك

اسيل: شدعوه مايقربك السواق تاكسي

سوسن: اتشرف فيه نعم الاب بس زوجك الي مفتشل منه ..اساليه ليه هذا اذا عنده عقل ناس تافهه

اسيل مالقت رد كشت عليهم واطلعت من المجلس معصبه .. بس شاف تركي اسيل وقف لها : يلا مع السلامه يمه

اسيل بدون ماتناظر فيهم: انا طالعه باي

ام طلال" روحه بلا رده ": ...................

ام عبدالله : وشفيها معصبه زوجتك

تركي :مدري يلا مع السلامه (وطلع تركهم)

ام طلال: روح جعل

ام عبدالله: لالالا تدعين عليه ..قولي الله يهديه

ام طلال: طول محنا جالسين زوجك ولا سعيد تبين قال ابوي ماقال قليل الادب ..ويوم طلع حتى حبة على الراس
ماحبك.. ليه ساكتين عليه

ام عبدالله: صغير طايش

ام طلال بعصبيه: شلي صغير ياختي شصغيره داخل على 31 صغير اذكري ربك بس

ام عبدالله: الف من ذكره ..بس وش اقول اخاف يزعل ويقطع ولا اشوفه

ام طلال: عمره ماجاه الله يقطع هالنسل دام هذا الاشكال تجي عاقه

ام عبدالله: قومي نروح لعند البنات

وراحوا الى البنات ..الي فاطسين من الضحك .. وهم يتذكرون كيف يستهبلون على اسيل..

ام طلال :بسم الله وشفيكم

ام عبدالله: ضحكونا معاكم

مي بحماس:تعالوا بقولكم هبلنا باسيل هههههههههههه

واجلسوا يسمعون سوالفهم ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

راح نور الشمس واختفى وجا الليل وشع نور القمر بوسط سمــاء مدريد..

كانت واقفه في بلكونه غرفتها تشوف الهدوء الي حل على مدريد ناظرت الساعه 11 بالليل .. كانت لابسه
ملابس شتويه لان الجو بارد .. تكت ايدها على الحاجز " هذا اول يوم وصار سالفه مع ذوليك
..بس خلود حبوبه فديتها بنت الكويت تهبل".. ابتسمت "قال ايش الخبر والدمام في الرياض هههههههههههه"

: روميو مايجي الحين جوليت امه تعبانه

وئام لفت عليه: ههههههههههههههههههههههه محمد وش مسوي في روحك

محمد كان لابس مريله وشعره شوي فيه طحين مع يده : هذا الله يسلمك بسوي فطاير جوعان

وئام: هههههههههههههههههههههه وكذا عاد

محمد جا جنبها: وشدراني جا على بالي فطاير..وش تسوين هنا

وئام: اناظر في اسبانيا.. حلوه حيل اسبانيا.. اعجبتني

محمد: بكره لاخلصنا جامعه بنروح شارع غران فيا

وئام ترفع حاجبها: تستهبل شنو شارع

محمد: هذا معروف ويجنن في مطاعم وسينمات واسواق ويربط بين بوابة ألكالا وساحة إسبانيا
يتوسطه ساحة ديل كلاو وسيبليس .. رهييب هالشارع

وئام تهز راسها: اهاا طيب بنجي هلكانين من الجامعه

محمد: لارحتي هناك وربي تنسين التعب عاد الحريم تموتون في السوق

وئام تظربه ويطير منه طحين: الي يسمعك يقول انا مبلطه في السوق ..ههههه وش مهبب في عمرك

محمد: عمه ليه جدي علاقته مع ابوي كذا

وئام تصرف السالفه: مدري ..يلا تعال نسوي فطاير حتى انا جعت

وراحت عنه وقف محمد واقف " طيب ياوئام بعرف ان ماكان اليوم بكره انا وراك وراك " لحقها وين ماراحت

شافها تعجن العجينه الي سواها : كفوو اشتغلي بنات مايجون الا بعين الحمره

وئام بضحكه: وانا شنو سويت لك ..ليه هالعقاب شوف المطبخ عفسه

محمد ببتسامه: عدله العجينه لان امي هي الي علمتني كذا

وئام قامت تعجن بقوه ماتبي تسب امه: زينه..

محمد بكذب: تسلم عليك

وئام تناظر فيه: صحيح الله يسلمك حبيبي ...

محمد جلست جنبها على الارض: ليه تعجنين على الارض

وئام: تعودت على الارض ..شايف في بيتنا طاوله في المطبخ

محمد: مامره دخلته..ماعلينا ابي فطاير لبنه بالزعتر

وئام: طيب حبيبي اوامر ثانيه

محمد: وابي بعــ... ما كمل كلامه لان جوال وئام رن ..وراح عنده يجيبه لها

وئام: منو اقرا الاسم

محمد:الياس (بدهشه) الياس ولد عمي فهد يدق عليك

وئام افصخت القفزات وردت على الياس واخذت الجوال من محمد: هلاا اليااس كيفك ؟؟

الياس: I miss you my aunt...اشتقت لك عمتي..

وئام ببتسامه: وانا بعد اشتقت لك حبيبي ..كيف ايطاليا

الياس: حلووه انا حاولت في داادي وراح اخليه يجيني عندك اسبانيا انا احبها

وئام: وشفيكم عاشقينها محمد وانت

الياس مافهم عليها: وش تقولين مافهمت

وئام: ههههههههه ولا شي حبيبي متى راح تجون عشان نستقبلكم

الياس: مااعرف بس على دادي كيف اسبانيا معك

وئام: حلووه حيل محمد يقول بياخذني شارع نسيت اسمه

الياس: مومهم اهم شي تنبسطي خذي دادي يبغاك

وئام بدهشه: فهــد

فهد اخوها: مرتاعه الاخت اي فهد

وئام تدخل غرفتها : خير وشتبي

فهد بحده: لسانك وئام ..

وئام: وانا سابتك قلت شتبي ؟؟ جد شتبي

فهد: ابي رقم البيت حقكم جوال طاح في الماي

وئام: اجل هذا جد جوال الياس

فهد: ايه ..ليه مسميته فهد

وئام: لا ..ولا واحد فيكم مسميه في الجوال باسمه..كلكم اسامي عيالكم ..اخاف احط اسمكم يخرب الجوال

فهد تنهد: استغفر الله ..وئام انا اخوك الكبير احترميني

وئام: انا احترم اي احد يحترم ابوي اي احد سمعت حبيبي

فهد:تدرين ماني جاي وبقول لـ الياس انك مشغوله ليه اجي عشان تغثيني.. حتى رقم بيتكم ما ابيه

وئام كسر خاطرها بس ردت بجفا: احسن ..عيش الي يعيشه ابوي

فهد: اهااا طيب يا البنت الحنونه انتبهي لنفسك باي

وئام: بووس لي الياس يلا مع السلامه.. تسكر التلفون في وجهه..انت الي جبته لنفسك

وراحت لــ محمد في المطبخ ..,

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

في هالوقت دخل القصر وهو وصديقه وهم سكرانين توهم جاين من حفله ..والي ماسكهم الحرس
الشخصي لهم .. ايلون مع جون

فارس وهو سكران : اقول حموود من الي ماسكنا ذول

حمود: ماهو صديقك

فارس كان بيطيح بس امسكه ايلون: لا يمكن صديقك انت

حموود يعطي ايلون كف: امسك فارس عدل لا اذبحك

فارس: ليه انا كل شوي اطيح

حمود: لان الغبي الي وراك لازق فيك

فارس يدف ايلون وايلون يقوي مسكته: ابعد ياغبي

حمود يناظر في جون الي ماسكه وهو يدخله المصعد: ورا شكله يشبه الضفدع ذا

فارس : امه متوحمه على ضفادع.. هههههههههههههههههههههههه

حمود: ههههههههههههههههههههههههه هه

وطلعوا من المصعد..

فارس: شكلهم بينامون معنا ذول

حمود: مااعرف الا للبنات ..جديد علي الاولاد

فارس:ولا انا اعرف لهم بس ذول مايفتحون النفس

حمود: اخذ حبوب فاتح النفس

فارس :ليه هوحبوب فاتح النفس

حمود وهو يتمسك في جون عدل موعارف يمشي زين: ايه فيه زي مافي حبوب فاتح الشهيه اكيد في هذا

فارس: والله انك احسن انسان شفته في حياتي

حمود كان بيطيح امسكه جون: هذا بيدوسني اخر شي ياغبي امسكني عدل

ووبقوا على الحال الين ماوصلهم الين قسم فارس وسدحوهم على السرير اثنينهم .. ونامو

ايلون يتنفس بصعوبه لان ريحة الخمر كريهه فصخ فارس جزمته مع الجوارب وساعته وغطاه..وطلع عنه
متعود كل مره يسوي له كذا ..والي معه جون سوه زيه لحمود واطلعوا برى الغرفه ..سكر ايلون جناج
وتفل على الباب :repugnante .. مقرف ..

جون هز راسه بــ لا وهو مكشر.. ورتب بلوزته وطلع مع ايلون من القصر..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &

يوم جديد..،

صبــــــــــــاح جديد على الشرقيه.. في شقة ام طلال .. الساعه تسعه ..

سوسن تغسل صحون الفطور.. وهي تذكر كلام اسيل "انتي اصلا حاصل لك توتي حبيبي ..بس لابق لك انك
تجلسين عانس عند اهلك.." سكرت عيونها وتنهدت ..تذكر كلام تركي يوم قال لــ امه تعالي اخطبي لي اسيل
وامه ماوفقت قالت له اخذ سوسن.. كانت جايه لـ وئام وهو مع امه بالمجلس سمعت كل شي..

×××%%%%%%%×××

ام عبدالله: يمه سوسن احسن لك هذي ماعرفها

تركي:وش سوسن يمه ما ابيها مااحب بنات اختك

ام عبدالله: هذي مااعرفها

تركي:يمه انا موجايب طالب شورك انا جاي اقولك ابي اسيل اخت صديقي ماراح تجين ماهو لازم

ام عبدالله: تعاف امك عشان حرمه

تركي: يالله بدت المحاظرات يمه ماعفتك بس سوسن ما احبها مااطيقها كذا انا احسهم ناس لزقه
اربع وعشرين ساعه عند اختي

ام عبدالله: موعيب ترا جاين بيت خالتهم

تركي: طيب شيلي سوسن من راسك.. وقومي نروح نخطب اسيل

ام عبدالله: ماني جايه..تبي اجي اخطب سوسن غير كذا مافيه

تركي صرخ فيها: لاتجي اصلا احسن انها جاتك منك ..كافي زوجك مفشلني

اكتفت سوسن من سماع انقاش ورجعت لروى وطلعت من البيت..

×××%%%%%%%×××

مرت على السالفه سنتين بس شي يحز الخاطر ليه يتكلم عنها كذا ولا يتفاخر بهالشي قدام زوجته
رتبت الصحون "اصلا ربي حكيم لو اخذته بيصير لنا زي كذا لا كبرنا لان الدنيا دواره والقصص والعبر
كثيره من حولنا"

ماحست الا بسماعة تلفون تنحط على اذنها .. انقزت مكانها: مي ميين؟؟

مي ببتسامه: وئام

سوسن بحماس: وئـــــــــــام يالخايسه اشتقت لك.. تلف على مي .. كملي الشغل مي

وكملت طريقها واخذت منديل تمسح يدها من الماي ..وركضت على غرفتها ..
: وئام حيل اشتقت لك حييل

وئام بضحكه: وانا ياعمري اشتقت لك حيل ..يالله اشتقت لخبالنا حييل

سوسن تسكر الباب: بشري كيف اسبانيا

وئام: استغفر الله ياختي كله شورتات تنانير قصيره ..انا بنت استحى اللبس كذا في ناس حاشمه نفسها
بس الاغلبيه اعوذ بالله والمصيبه في عرب كذا تخيلي

سوسن: يااشيخه فكينا منهم انا همي اسبانيا جد حلووه

وئام : رهيييبه واجنن بس اشتقت لسعوديه حيل ..حتى الجامعه الي انا فيها رهييبه شي يشرح النفس للدراسه

سوسن: احسك مبسوطه

وئام :منبهره بس مشتاقه لابوي وامي ..كيفهم؟؟

سوسن تلعب في دبدوب اختها: ايه امس جا تركي مع اسيل

وئام بدهشه: جد تركي اخوي

سوسن: ايه

وئام: وش صار طيب

سوسن: رفعت ضغطها

وئام: ههههههههههههه كفوو بس كييف

سوسن قالت لوئام كل شي حتى الي اسمعته من امها عن تركي ..

وئام: السخيفه التافهه الغبيه قهرتني

سوسن: بس شرايك برد اختي مي

وئام: فديتها بنت خالتي وانتي ليه مارديتي عليها ليه ماسفلتي فيها

سوسن: وش اقول انا..وبعدين بس ابي ارفع ضغطها وفي نفس الوقت مابي يطلع اصواتنا(تقلد صوت اسيل)
تووتي يزعل بعدين

وئام: مالت على جوتي مدري توتي وعليها ..اجل هالحلا عانس مالت عليها بس

سوسن: قاهرتني ..

وئام :ماعليك منها هالخايسه ..(تكمل كلامها بخبال)ان ماجبت لك ذاااك الاشقر الي يرد الروح

سوسن:هههههههههههههه عجلي فيه نبغى نحسن النسل نبي شقر

وئام: على طاري الشقر كلمت لك فهد اخوي ولده ..سميت بدن فهد وسكرت

سوسن:وش هالخوان الي عندك

وئام:كل الناس تتفاخر بالاولاد والاخوان الا انا استحي انهم اخواني

سوسن: لاتقسين قلبك لايكرهونك ويرجعون عنها ويخرب عليك خططك

وئام : سوسن انا بالجامعه الحين اكلمك بعدين طيب

سوسن: انتظرك باخذ رقمك من كاشف بيتنا

وئام: اوكيك باي

سكرت سوسن وهي تحس بفرفشه .." فديتك من بنت خاله تجنين" وراحت الى المطبخ..

......

...

......

من الطرف الثاني .. وئام سكرت من سوسن ودقت على اخوها عبدالله معصبه ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &

جالس في المكتب يرتب اوراق هنا وهنا يوقع على اوراق وفي وسط هالزحمه رن جواله ..,

رد برود: هلا عبدالله

عبدالله بعصبيه: الله لا يهلي فيك ولا مسهلا وش مهبب انت في بيت امك امس

تركي يناظر في الرجال الي حواله ويطلع من المكتب ..: شنو رحت لهم زي ماتبي

عبدالله بعصبيه: وش قلت لامك ؟؟ ووش سوت زوجتك المصون

تركي: زوجتي كانت بالمجلس ماسوت شي

عبدالله: وئام دقت وهي زعلانه .. زوجتك زعلت سوسن و تقول كانت امي متضايق من تصرفاتك

تركي: تــاكل خـ.....( كلام عيب ههههه) تحمد ربها اني ارسل لها فلوس ومسفرها مكان عمرها ماتحلم
فيه

عبدالله: ثمن كلامك لا اجيك واتوطاك ولـــــــــد ترا انا اخوك الكبير والف مره قلت لك وئام لاتغلط عليها

تركي بحده: وانا ماني بصغير .. خلاص ماراح اروح عندهم

عبدالله: لابترووح بس لاتجيب زوجتك ..انا مدري ليه ماخذها ..الله والمكان الي ماخذها لها..
انا وعدت وئام ان هالشي مايتكرر ..وابيه جد مايتكرر

تركي: انا مدري ليه ميت عليها

عبدالله: لان ماابيها تضيع ..وابوك مايشرف ناسي انه خريج سجون..

تركي: كل ماتذكر يوم نترجاه انه يترك الشريكه ذي ويروح احسن منها مارضى قال ايش
16 سنه معاهم

عبدالله: يستاهل كاهم ارخصوا فيه واطردوه ..ومااخذنا منه الا لقب عيال خريج السجون.. ولا بعد زعلان
ماحظر ولازواج فينا .. مفشلنا

تركي :حسبي عليه من ابو .. المهم بسوي زي ماقلت يــلامـــ...

قبل مايكمل كلامه سكر بوجهه هذا عبدالله كله كذا لاخلص كلامه سكر في وجهه
ماعاد اخته وئام مايسوي فيها كذا عنده وئام حاله خاصه ..

تركي ناظر جواله : تفوو عليك من اخو زباله ..

ورجع الى مكتبه معصب ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &

بعد ماخلصت مكالمتها من اخوها جلست تتمشى في الجامعه تهدي نفسها..لفت على اليسار شافت فارس وشلته
" وع وع وش هالاشكال استغفر الله " كملت الطريق وقفت لمى شافت محمد واقف مع وحده
اوربيه ..راحت له ركض ..

وئام توقف بينهم وتدف محمد بخفيف لوراها وهي مو عارفه وش تقول انجليزي معصبه: يس يس
واات ..

محمد يمسكها من كتفها: هذي تسال عن مكان بالجامعه

وئام تلف عليه: تفكرني ماافهم حركات بناتهم لاعيوني لااا..وبعدين مالك دخل

البنت الاوربيه: !!Are you crazy

وئام وهي تمسك حجابها معصبه: هذي اهلك والي تعرفينهم وانتي معاهم كريزي.. جعلك الماحي

وتسحب محمد من يده: وانت تعال معاي ..

محمد بعد مابعدو عن البنت سحب يده من وئام بقوه :وشفيك انتي؟؟ اتركي يدي

وئام: وشفيني تستهبل انت موشايف كيف قريبه منه شوي وتدخل فيك

محمد يعدل حجاها بدا يميل: خرب حجابك من عصبيتك بس تسال البنت عن مكان في الجامعه

وئام تمسك حجابها وهي لحد الحين معصبه: ايه اليوم تسال عن الجامعه بكره تسال الشقه ..شوف
دامك امانه عندي تسمع كلامي وغير كذا مافي ولا السعوديه ترا ترحب فينا ..

محمد يمسح بيديه على وجهه : طيب روقي بس انا ماسويت شي عشان كل هالعصبيه

وئام بعدم تركيز من العصبيه: لان مرتفع ضغطي من عمامك وانت كملتها

محمد لقها فرصه :ليه وش صاير؟؟

وئام تعوج فمها: ولا شي وين الحمام بروح الحمام

محمد يناظر فيها: داخل المبنى الجامعه على اليسار

وئام ترص على حجابها: ماعرفت ..هذي خلود بروح اقولها وينه وانت روح كمل اكتب المحاظرات

......

...

......

كل هذا شافته غرام وفارس وسوسن وحمود..كانو جالسين على العشب .. ماسمعو الصوت من التصرف
بايان ان وئام كانت معصبه على محمد عشان البنت ..

فارس يلف على حمود: اقص يدي اذا كلام خلود صحيح ان هذا ولد اخوها

سوسن :شايفه عمرها.. يعنني انا ملتزمه

غرام توقف : تعالي معي سوسن اكسر لك خشمها

فارس: اجي معك

غرام بغيره: ولا تتحرك من هنا فاهم

حمود يقوم من الارض: اجل بجي انا

فارس يسحب حمود من بلوزته ويطيح حمود على الارض: اقول اجلس في مكانك(يناظر غرام) وانتي اسمعي
ابيها تبكي تتندم انها جات اسبانيا فاهمه

غرام بضحكه شيطانيه: شكلك ماتعرف منو غرام لا كرهت وحده وش تسوي (وتغمر له)

حمود: كفووووووو مومي الحلوه كفوو يلا روحي

سوسن تاخذ الشنطه حقتها: فارس عيونك عليه ..

فارس يهز راسه بـ ايه: طيب فارقي مع غرام

بعد ماراحوا لف انبطح حمود على الحشيش الاخضر ..: يالله راسي احسه بينفجر من الالم

فارس ظل جالس ولف يناظر فيه: وانا بعد شربت قهوه وقبل شوي بلعت حبوب بس مافي فايده هلكان

حمود: كانت سهره فضيعه

فارس: اكيد جميله بتكون دام غرام مو فيه هههههههههههه

حمود: ههههههههههههههههههههه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &

في نفس الجامعه لكن بالحمام ..

بعد ماوصفت لها خلود الحمام راحت عنها ..وهي دخلت الحمام ماشافت في احد .. فصخت الحجاب
وغسلت وجهها بالماي البارد اكثر من مره ..تحس نار تغلي بصدرها تندمت كثير انها جات اسبانيا..،

" انا غبيه كيف اترك اهلي واجي هنا ..اجل حياتي سوسن اقرب الناس لي يصير لها كذا..ومن الي يحرجها
اسيل ..هين ياتركي بس لو اعرف كم رقمك كان صارت علوم وربي.. اجل ابوي تسميه باسمه ..
كيف هو اصغر عيالك وانا مدري ..آآآآآآآآآخ مقهوووره حدي منهم"

انتبة لاصوات قريبه من الحمام تحجبت ..ولفت على الي داخل على طول كشرت ومسحت وجهها من
بقايا الماي ..

غرام تناظر وئام بغرور واحتقار وتوقف جنبها تعدل شعرها القصير..: امممم تصدقين سوسن

وئام تناظر اشكالهم في المرايا" انتي سوسن وبقول لبنت خالتي تغير اسمها":............

غرام تكمل كلامها :في ناس تاخذ الحجاب ستر عن بلاوي شعرهم

سوسن تحط شنطتها على المغاسل وطلع روج احمر صارخ يناسب بياض بشرتها وصبغتها الشقره:
ولا يسون نفسهم ملتزمين وخري عنهم بس وفي اجسامهم كائنات غريبه عجيبه.. (تحط الروج على شفايفها)

غرام تلف على وئام: صحيح هالكلام يا بنت مااعرف وش اسمك انتي ..الا جد ليه تلبسينه(تاشر على الحجاب)
جد فيك كائنات غريبه ولا ماتحبين تمشطين شعرك ههههههه

سوسن: ههههههههههههههههههههههههه ه

وئام ناظرت فيهم" والله انتم مواحسن من اخواني ولا من محمد ان ماخليتكم تحرمون تكلموني مااكون وئام":
وانتي حيااتي ليه لابسه تنورت اختك(تاشر على تنورة غرام القصيره) ماعندك ملابس ولا البابا مانع عنك
المصروف( ناظرت في سوسن) وانتي يا اخت مارلين مونرو على غفله ملابسك ليه ضيقه كذا ماعندك فلوس تجددين
الملابس ..تعالي اعطيك فلوس وجددي ملابسك الا اذا في حاله وحده حابه تسوي اغراء عاد الله واغرائتك
مفكره روحك اليسا ..

وبدون ماتسمع اي رد اخذت جوالها واطلعت وسحبت منديل تمسح وجهها..وهي طالعه اصدمت في فارس ..
ورجعت على ورى كانت بطيح لان دايسه على عباتها بس فارس مسكها ..: حوله انتي ماتشوفين

وئام تناظر فيه وتبعد يده: بعد ياقليل الادب ..وتروح عنه..

فارس مسكها بقوه وبحده:وش قلتي؟؟

وئام ناظرت حولها مافي احد خافت منه: اسفه اتركني

فارس رفع يده الثانيه..وئام فكرته بيظربها سكرت عيونها بقوه خايفه منه.. بس شافته مسح على حواجبها وتركها
فتحت عيونها ورجعت لورا..فارس ناظرها باحتقار: لمى تمسحي وجهك بمنديل تاكدي انه مابقى على وجهك اثر منه
..يلا فارقي

وئام راحت تركض تبعد عنه .. اما هو ظل واقف مكانه " عيونها جمييله كانها عيون داليا..بس داليا احلى..آآآخ ياداليا ليه
رحتي عني".. انتبه لصوت سوسن :وين حمود

فارس كشر "وين الخبله الي راحت وين انتم وربي لو تحطون كومة مكياج ماتصفون جنبها": راح.. وين غرام

غرام تطلع وهي مولعه: وينها الغبيه بنت الفقر

فارس ابتسم ابتسامت استهزاء: هذي الي بتكسر خشمها.. والله مايجي منك الا كلام بس خلونا نطلع

......

...

......

وفي جهه ثانيه وئام وصلت لمحمد الي يسولف مع خلود .. وهي خايفه يجون لـها غرام وسوسن واضح راعين مشاكل

وئام وهي تتنفس بصعوبه: محمد يلا نطلع من هنا

خلود: يوه وفيج اسم الله عليج من مكلمج

وئام: ولا احد بس احس اني مخنوقه من هالجامعه ابي اطلع الحين.. تعالي معنا خلود

محمد: خذي معك خلود وانا اجلس هنا اكمل كتابه

وئام: احلف بس ..يلا قوم قدامي نطلع كلنا

خلود تمد لها عصيرها: اسم الله عليج حبيبي خذي هالعصير بردي على عمرج وفهمينا شنو السالفه

وئام تبعد العصير عنها: لا مابي الحين نطلع من الجامعه

خلود: انزين الحين بنطلعج هااو ياحافظ شفيج تتنفسين جذي كان احد ملاحقج

وئام: تكفين خلووود يلا

محمد يسكر كل الدفاتر ويشيلها ويحط فلوس ويمشي: يلا مشينا

ويطلعوا برى الجامعه ..

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$

يلا توقعوا ..

في شارع غران فيا...

في بيت فهد..

فارس و زياره خاصه

خالد وتركي وابوهم بوعبدالله ..

ولاتحرمونا من التعليقات والطلعه الحلوه .. اشوفكم يوم الابعاء الجاي مع بارت جديد..صحيح
ودعتكم كل اربع ايام بارت بس هاليومين مشغوله الاربعاء احط لكم بارت ..,

لامارا · 29-11-12, 07:16 PM

&&..××ــالــ ج ـــزء الــ س ـــادســـ××..&&

>>>( الــــفـصــــــ الاول ـــــــــل )<<<......

...

......

في السعوديه .. الساعه 10 ..

دخل البيت شاف الباب مو سكر عدل عقد حواجبه وهو يسمع الاصوات مرتفعه .. دخل ماشاف احد بالصاله تبع
الصوت شافه طالع من المجلس .. خالد فصخ نظارته وعدل شماغه وفتح باب المجلس بشويش وهو يسمع النقاش
الحاد

: ومن تكووون هذي الي اسمها سوسن تقول لوئام هااه من تكوون

: لا ترفع صوتك علينا لاتنسى حنا امك وابوك

خالد يكشر" الله والابو عاد" فتح الباب ودخل : السلام عليكم ..وش فيك تركي معاهم

ام عبدالله تروح لخالد: وعليكم السلام.. هلا يمه كلم اخوك يصارخ علينا وحنا موفاهمين شي

بوعبدالله: وعليكم السلام كملت..ويجلس وهويتنفس بصعوبه من العصبيه..

خالد يبعد يد امه الي ماسكته:وشفيك تصارخ تركي

تركي: عبدالله اليوم دق وهومعصب لان وئام الحلوه زعلانه لان ست الحسن والجمال سوسن زعلانه

خالد: وليه زعلايين

تركي: سوالف تافهه

بوعبدالله يوقف: دامها سوالف تافهه ورا جاي ومعصب علينا

تركي لف عليه بعصبيه: اسكت الي مثلك مايتكلم

خالد لف ويناظره بحقد: هو جاي يتفاهم مع امي انت وش دخلك وبعدين انت وش مجلسك موالحين دوامك
روح تكّس بس

بوعبدالله ياشر على نفسه: الحين انا وشدخلني ؟؟..اذا كنتم ناسين اذكركم انا ابوكم الي جبتكم وصرفت عليكم
الين كبرتوا..انا الي اجي من دوامي هلكان بس الشوق يخليني اجلس معاكم وارفع هذا وابوس هذا واذا فيكم تعبان
عيوني ماتذوق النوم ..بس الظاهر نسيتوا

تركي صرخ فيه: دامك ابونا ليه تركتنا في زواج كذا تقول عيال يتاما

خالد يقاطع تركي: اترك كل هذا.. قول ليه ماسمع كلام عبدالله وسلطان وترك الشريكه المعفنه الي كان يشتغل فيها
وظايف كانت قدامه..قال ايش قال 16 سنه معاهم وش اخذت منهم غير خصم من راتبك لا تاخرت
والثقه المعدومه واخر شي خريج سجوو...

سكت ماكمل كلامه لان جاه كــف من ابوه ... تركي مسك اخوه خالد ورجعه لورا ..اما ام عبدالله اشهقت
وبعدها تبكي .. خالد كا في لحظة صدمه موعارف وش يقول ..

بوعبدالله يرجف من العصبيه ويفتح ازارر ثوبه: مومتشرف فيني وحتى انا اتشرف فيك ..وفلوسك الي ترميها
على امك تراها مانلمس منها شي .. ويلا اطلـــــ... ماكمل كلامه لان طاح على الارض

ام عبدالله: سعـــــــــــــــــــــــ ــــــــيد.. وتروح له

تركي راح له وجلس يحرك فيه لف على خالد: دق على الاسفاف لايروح فيها.. بســــررررررعه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

فـــي اسبانيا الساعه ثمان

في سيارة محمد.. من اطلعو من الجامعه الساعه سبع الين ثمان وهم يتمشون بالسياره .. طول الوقت ساكته
هدت نفسيتها شوي .. وجلست تناظر الناس الي تمشي " يووه لو رديت عليه كان رحت فيها..
بالحمام الخايسات وهو معي والممر فاضي ..بس من غبائي قلت له اسفه ..يلا اهم شي طلعت سالمه من هالسالفه "
لفت على صوت خلود :وئـــام عمري وشفيج

وئام لفت عليها: ولا شي بس تهاوشت مع سوسن وغرام

محمد: ومسويه زحمه عشان هالسالفه جد ماعندك سالفه

خلود: تصدق عاد وانا طول الوقت افكر فيها وشفيها هالبنت اثاري جذي شالفتج محمد وقف وقف هنا
خلنا نتسوق ..لوعة جبدي عمتك

وئام وجهه صار احمر : خلود وشفيك عليّ ..وهذا انا اقول انك طيبه

محمد بهدوء: البنت صادقه احسك احيانا تبالغين في الشي ..احسك بسرعه تعصبين من جينا هنا.. وشفيك

وئام: مدري ..اشتقت لسعوديه

خلود: ويييييييييييي طاااع هذي كلنا مشتاقين لديارنا بس مو جذي وئام حبيبتي اذا كله بتسوين في عمرج
جذي والله بتتعبين ..وهذول غرام وشلتها دايم جذي ياتصيرين زيهم ولا ترا كل يوم على هالحال

وئام: يعني شنو اغير تخصصي

محمد: لاتغيري تخصصك ولا شي انا دوم بكون معك والي فيه خير يجي عندك..ولا انا مومالي عينك

خلود تصفر: كفوووووووو وربي انه ريااااال(ريال= رجال) هذي الريايل ولا بلااش

محمد يقلب زيها كويتي: اي والله اني ريااااال ابن رياااااال..

خلود ووئام: ههههههههههههههههههههههههه

محمد يوقف قدام محل : يلا انزلوا وش تنتظرون

وئام تلف: شكله غالي المحل

خلود: شوفي ياحظي عليه تخفيضات

محمد عوج فمه وهو يلف راسه يمين ويسار:نزلي بس نزلي

دخلوا المحل وجلسوا يفرجون .. خلود ترفع بلوزه واسعه وطويله : شوفي هذي حلوه البسيها بدال العبايه

وئام تخز فيها: تبين افصخ العبايه انجنيتي

خلود: واسعه البلوزه

وئام: وتحتها بنطولون يفصل جسمي اسفه ..

خلود: بس موحلوه

وئام: ماحب الواسعه احسها كاني وحده حامل

خلود: محمد شوفها

محمد كان لاف وجهه يناظر المحل لف على خلود يناظر فيها: نعم

خلود ببتسامه ترفع البلوزه: حلوه البلوزه ولا لا

محمد: هي حلوه بس لا تعبي نفسك عمتي لا قالت لا مافي امل تغير رايها

وجلست وئام تشوف الملابس اخذت لها كم بلوزه وبنطلون وبعد اقناع من محمد وخلود اشترت لها فستانين

واطلعوا من المحل .. وجلسوا يتمشون في الشارع .. وهم يضحكون ويعلقون على الناس..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

من السوق الى احد الاحياء الراقيه في السعوديه ..

الساعه الساعه ثلاث..,

كان نايم في جناحه الخاص.. كل هالعز الي عايش فيه من خير زوجته واهلها كسب ثقت اهلها بسرعه
واخذ بنتهم وجاب منها ولدين وبنتين .. ماكان يتخيل يوم من الايام بعيش بهالعز ولا بيكون يشتغل مع كبار التجار ..
رن جوال كذا مره ازعجه بنومه ..رفعه بكل كسل شاف خالد المتصل عليه :يالليل وش يبون ذول..رد عليه ..هلا خالد

خالد بحزن: عبدالله اللحق ابوك

عبدالله يحط يده عيونه: وش بعد امسكوه الشرطه

خالد: ابوك بالمستشفى

عبدالله بصدمه:وشووو ..كيف متى صار هالكلام وئام درت

خالد: لااااا محد درا

عبدالله يدي نفسه: ليه بالمستشفى

خالد: مدري طاح علينا والحين مع الدكاتره

عبدالله: يالله هذا وقته

خالد: اخلص تعال امك مسويه عزا هنا

عبدالله: وئام لا تدري ..الحين انا جاي ..

خالد: انتظرك انا وتركي

عبدالله: تركي موجود بعد

خالد: ايه

عبدالله: طيب جاي ..

سكر التلفون بعد ماخذ من اخوه عنوان المستشفى وغير ملابسه وونزل .. شاف في الصاله زوجته وعياله
ماعده ولده الكبير ..

عبدالله: انا طالع تبون شي؟؟

زوجته :عبدالله غريبه جالس هالوقت

مرام: اكيد شغل بابا دايم مشغول

عبدالله: كا بنتك عرفت وش يجلسني ..يلا سلام وراح عنهم لحقته زوجته ..لعند باب

: عبدالله انتظر

عبدالله لف عليها: هلا مهااا (اسم زوجته)

مها تاشر على ساعتها الفخمه: اي شغل الساعه الثلاث الحين

عبدالله: بروح عند اهلي

مها: افففف عبدالله والي يعافيك اي اهل الي تتكلم عنهم

عبدالله: الف مره قلت لك الواحد مايقدر يغير اهله .. بعدين غريبه لاحقتني الين الباب

مها ترفع كتوفها: بس حبيت اعرف وين بتروح؟؟

عبدالله لف وجهه: مامنك فايده ابد.. نفسي يوم تحسسيني جد زوجك وحبيبك ابد مافي فايده

مها: يووه من جدك عبدالله كبرنا هالسوالف ..ماعلينا ليه بتروح عندهم

عبدالله: ابوي في المستشفى

مها: ماات

عبدالله عقد حواجبه على كلمتها لـ ابوه جد يكرهه بس مايتمنى له الموت: مهاا انجنيتي شي..

مها بضحكه: الي يسمعك عاشقه ..يلا انا راجع الصاله باي ..

عبدالله تنهد بعد ماراحت عنه وطلع من القصر .. رايح المستشفى .. ركب السياره وهو يفكر لو درت وئام ..

" وقسم لا تجي وتذبحنا واحد واحد.. انا مدري له تموت فيه ..اصلا بسببه محد جا لها خطبها ..من يبغها وابوها
خريج سجون ..بس ليه طاح اكيد خالد وتركي هم السبب هذول من يوم هم صغار من يجتمعون يسون البلاوي "

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

دخل المطعم .. بعد غياب خمس ساعات عن اعز شخص على قلبه.. دق عليهم وعرف وينهم وراح الى المطعم
الي هم فيه .. والساعه 12 دخل المطعم

حمــــــــود يدخل المطعم ويرفع يده لفارس وغرام وسوسن .. يجلس جنب سوسن: هاااااي

فارس: هاايات .. بشر وشصار على ابوك

حمود: ماني رايح السعوديه ..الا بشرو وشصار على هدى

سوسن: من هدى

فارس :اي هدى انت

حمود يحك راسه: هذي ام حجاب الي بتخلونها تبكي

فارس انفجر ضحك ..ام سوسن وغرام كشرو ..:..............

حمود ابتسم: وشفيكم

فارس حط راسه على طاوله يضحك ..غرام عصبت وجلست تناظر في فارس: اسمها وئام .. آآخخخخ قاهرتني

حمود رفع حاجبه : الحين بتخليها تبكي ومدري ايش وفي النهايه كذا

غرام لفت وجهه على جهة اليسار تناظر النافذه :............

حمود يلف على سوسن: وانتي يا انسه سوسن

فارس يرفع راسه: تخيل قالت لها مارلين مونرو ههههههههههههههههههههههه

حمود ابتسم بعدين افجر ضحك .. سوسن عصبت اوقفت ..: انا ماشيه

فارس رجع وغطى وجهه وهو يضحك .. حمود مسك يد سوسن: وشفيك نمزح

سوسن: هذا مووقت مزح

غرام: من جد تراكم حدكم تافهين

حمود يناظر سوسن الي صار وجهه احمر من القهر: اجلسي خلاص ..يناظر فارس.. وانت اثقل

غرام تاشر لها: اجلسي ..يلا اطلبوو صارت الساعه قريب الوحده ..

فارس يصفق :Si se permite.. لوسمحت ..

......

...

......

الساعه قريبه وحده وئام ومحمد وخلود يدخلون وهم يسالفون .. ولا بحاسين بالعيون الي جات عليهم اول مادخلوا

وئام: الحين انتم واثقين من نظافته

محمد: عمه حبيبتي روقي مطعم راقي اكيد نظيف

خلود تعدل حجابها :واااي وئام شفييج اسم الله عليج هدي شوي

وئام تجلس على اقرب طاوله تشوفها: طيب يالله تعبت وانا احوس.. ماخليتونا نرتاح في المسجد

خلود: من صجج تراه مسجد مو استراحه

محمد: بروح اطلب لكم شي تاكلونه

......

...

......

حموود: يامحاسن الصدف نفس المطعم الي حنا فيه

غرام توقف : انا اوريها

فارس يمسكها: وين وين ست غرام

غرام: بروح لها افشلها

فارس: شايفه المطعم حلالك ولا حلال ابوي ولا حلال حمود عشان تصارخين فيه

غرام: مقهوره خلني اسفل فيها

فارس يجلسها : اقول اجلسي بس

غرام:آآآه يدي فارس

حمود ياشر لفارس بيده: روق ياخي.. وشفيكم ..

غرام انقهرت من حركة فارس: انا بمشي

فارس بدون تركيز: شوفي وئام مالي خلق هواش

سوسن: انت هييه وش وئام اسمها غرام

غرام: ايوووه بان على حقيقتك البنت داخله مزاجك ..حتى اسمي مومركز فيه

فارس: بلا غباء انــ....

غرام تقاطعه : اسكت انا ماشيه باي.. انتظرك برا سوسن..واطلعت من المطعم ..

سوسن تلبس نظارتها: ارتاح حبيبي لاتتحرك خلك جالس لاتروح تراضيها

واقامت وراحت لطاولة وئام ..فارس وحمود اول ماشافوها راحت هناك الحقوها .. سوسن تظرب الطاوله: انتي

محمد بعصبيه: وجع

خلود: بسم الله.. شفيج انتي ينيتي(جنيتي= انهبلتي= نفر مجنون هههههههه)

سوسن: اسكتوا ..تناظر وئام..انتي يالي اسمك وئــ...

حمود يجي ركض ويلزق في سوسن وهويبتسم ابتسامه عريضه: الله يقطع سوالف ياسوسن ..اعرفك تحبين
تسلمين على الناس

فارس كان يطالع وئام الي مارفعت عيونها صافطه الكل وجالسه تاكل بهدوء " يالله حدها هالانسانه حلوه ..
وجهها مرسوم رسم ..جمال رباني مثل مايقولون.. انف طويل وضعيف ..بشره بيضه صافيه مورده.. تقول ورده
ولا بسه حجاب احمر يناسب بياضها ..وشفايف صغار وردييه مره كانها توت.. وعيونها الواسعه صاحبة الرموش
الطويله ..يالله هالبنت غصب تخليني اناظرها ..البراءه الي في وجهها نفس داليا ..بس داليا كانت انعم داليا
كانت بيبي حبوبه موهذي لسانها طويل وترفع الضغظ" سكر عيونه وسحب سوسن الي شد كلامها مع محمد وخلود
ووئام ساكته ماتتكلم وحمود ياحول يهديهم لان الناس بدت تناظرهم ..

سوسن تحاول تفك يد فارس: اسكتي وتعالي معي ..واطلعوا من المطعم ..

محمد بعد ماراحو عنهم سوسن وفارس وحمود: وجع خلتنا فرجا لناس

خلود: انا مو باط جبدي(يعني فاقعه كبدي) غير ذي الي جالسه تزط (تاكل)ولا قالت شي

وئام تترك الملعقه:شوفي حبيبتي هذي ماينفع معاها الا كذا شفتها جلست تنبح وعصبت
لحالها بس انتم عطيتوها وجه مره ثانيه لا سمعتوها تبح اسكتو وصدقوني لحالها بتروح

خلود: يابرود اعصابك وئاام المطعم عربي الناس اغلبيتهم عرب صرنا فرجا

محمد رمى الملعقه: سدت نفسي مالي خلق اكل شي

وئام: طيب نقوم

خلود: يكون افضل

......

...

......

في السياره .. كان الوضع غير ..

فارس بعصبيه: اسكتـــــــــــــــي انتي وياها ..خير على هالحركاات خير

حمود: شفت غباء زيكم ابد ماشفت سلامات انتي وياها

غرام: انا طلعت هي الي راحت لها..وبعدين ليه معصبين عشانها

سوسن: كيفي اسوي الي ابيه واخر مره استاذ فارس تمسكني كذا ..فاهم

فارس يلف عليهم وجهه احمر من العصبيه : قلت اسكتــــــــــــــــي تفهمين ايش معنى اسكتي.. والله ان شفت
وحده فاتحه فمها بكلمه ذبحتها ..فاهميــــــــن

غرام وسوسن اسكتو لان كلمه زايده يمكن يذبحهم فارس جد.. فارس لاعصب مايعرف احد ابد

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

فـــي المستشفى .. ووصل ما مكان اخوانه وامه فيه ..شاف امه تبكي ..كشر.. وراح لاخوانه الي يكلمون الدكتور ..

تركي لف على عبدالله بعد ماراح الدكتور: الحمدلله

عبدالله:وش صار وشفيه

تركي: ارتفاع في السكر والضغط

عبدالله: من ايش مرتفع

خالد: مومهم المهم ان امي من بيجلس معاها الحين

عبدالله: قلت من ايش جاه

تركي: من اخوك شد معه بالكلام

عبدالله يلف على خالد: انت مهبول ولا تستهبل ناوي تذبحه

خالد: ياخي اكرهه تعرف كيف اكرهه

عبدالله بعصبيه: اسكت ولا ابغى اسمع صوتك روح ياشيخ الله ياخذك ..الحين وين امك بتروح من بياخذها

تركي: انا زوجتي اخذتها بيت اهلها خلاص هي بالشهر التاسع

عبدالله: وانا بعد بكره اهلي بيسافرون

خالد: في سلطان كلموه

عبدالله: تستهبل ماتدري ان سلطان مشى الرياض اليوم الفجر

خالد: زوجتي ماتبيها ومالي خلق هواش.. اخذها لعندك

تركي: دقوا على فهد قريب ياخذ الشهر من سافر

خالد: وليه هو ماياخذها هو ..ناظر عبدالله..انت عندك خدم وحشم وبيتك اكبر من بيوتنا

عبدالله: كم بيجلس بالمستشفى

تركي: حوالي اربع ايام

عبدالله يمسك ذراع خالد: والله لو ماحنا في مستشفى كان دفنتك في ارضك

خالد : دقوو على فهد يرجع

عبدالله يدفه على تركي: انطم طمك الله .. وراح جهة امه الي تبكي على حال زوجها.. يمه

ام عبدالله: هاه يمه امر

عبدالله: قومي معي البيت ارتاحي

ام عبدالله تمسح دموعها: وابوك يمه ..

عبدالله: الحين موحاس فينا نايم بكره اجيبه لك ..تعالي معي في بيتي

ام عبدالله: زوجتك ماتبيني وصلني بيتي وادق على اختي وبناتها يجلسون عندي

عبدالله: طيب وقت النوم

ام عبدالله: الله الحافظ

عبدالله يمسك يدها: لالا قومي معي يمه ..

واخذ امه وطلع من المستشفى..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&

بعد ساعه من هالاحداث ..الساعه خمس في مطار الملك فهد الدولي .. اهبطت طيارة روما ونزل منها ركاب
السعودين وبعض من الجاليات العربيه .. بين هالزحمه في المطار فهد يسوق عربية حقة الشنط والياس جنبه زعلان

الياس وهو زعلان:Lied to me o Father .. كذبت علي يا ابتي..

فهد: ماكذبت عليك بس انا مقدر اطول اكثر من كذا وراي دوام ..وش نروح اسبانيا ماتسمع العمل طالبيني

الياس: كان خليتني عند My aunt ..عمتي..

فهد: خلاص رجعنا السعوديه..(شاف ولده بتكلم على على صوته )..الياس Shut your mouth... اغلق فمك..

الياس: دااادي

فهد عطاه نظره وسكت الياس .. كمل طريقه معصب الشريكه داقين عليه والحين لازم يترك الياس في البيت
لحاله ..ماله احد وئام موموجوده " روحي جعلك المرض الي فتت جسمك ياارما.." وصل الى سيارته
ورمى الشنط بقوه لمى تاكد الياس ركب.. ركب هو ويفكر وين يحط الياس ..اخوانه يخاف عليه من حريمهم ..

" مافي الا امي قلبها طيب واكيد بتعامله زين .." لف على ولده شافه يبكي وجهه احمر زعلان ان عصب عليه..
: بابا وشفيك

الياس لف وجهه زعلان وهويبكي:........

فهد ابتسم على حركت ولده: انا اسف اخر مره اصرخ عليك

الياس: كل مره تقول كذا وترجع ..ولاتنسى ان انت كذبت علي مرتين

فهد فهم قصده ان قال بيوصله عند امه وابوه ولا اخذ والثاني مره قاله باخذته لعمته وغير رايه: انت شايف في وقت
..وبعدين كاني بوصل بيت ابوي وامي وشوفهم

الياس: بس My aunt مو موجوده

فهد: انت اجلس عنهم وانا بروح اشوف وش سالفة الشريكه وبرجع اخذك لا خلصت

الياس: طيب لاتسرع ..مااحب السرعه

فهد: اوكي

......

...

......

في هالوقت اوصلت سوسن ومعها شوية اكل لبيت خالتها ام عبدالله (بيت وئام).. طقت الباب مره مرتين
ثلاث بس مافي اي رد ..: يووه وين راحت خالتي

حطت الاغراض الارض ورجعت تدق الباب بقووه : خااالتي ويينك
تبعت من الطق ويدها المتها من الظرب باب الحديد القديم .. شالت الاكياس بس اوقفت لمى شافت سيارة اوقفت
عند الباب ونزل منها رجال طويل وسمين بس مومره .. لابس بنطلون جنز وبلوزه زرقه .. نزلت الغطا على عيونها

فصخ نظارته: نعم خاله

سوسن" خاله في عينك مالت عليك": انا مو خاله شايفني كبرك ..وبعدين شتبي تكلمني

رفع نظارته على شعره وناظرها من فوق الين تحت: هذا بيت ابوي وش تبين؟؟

سوسن حطت الاكياس على الارض: والله صار اسلوب جديد بالامغازل اقول اقلب وجهك لا هالاكل على وجهك

لفت على الصوت الي جا من السياره: دااادي Is this my grandmother

سوسن" هذا الياس شايفه صوره بيت فهد يعني هذا فهد"قالت بصدمه: انت فهــــد

فهد وهو مسكر اسنانه واضح انه يحاول يمسك اعصابه: وانتي من تكونين

سوسن: انا بنت خالتك ام طلال.. ماعلينا اخذت ربع ساعه وانا ادق محد يرد

فهد بعد استوعاب: كيف ماردو؟؟

سوسن تتريق :يعني سويت كذا.. طقت الباب .. بس شوف محد يرد

فهد كان بيضحك بس مسك نفسه: تستهبلين انتي بعدي اشوف

سوسن: شوف انا بروح بيتنا

فهد: انتي هييه انتظري.. وجلس يدق الباب

سوسن: تموون انت عشان تقولي هييه ..وبعدين واقف تكلمني بصفتك شنو

فهد: ولد خالتك ..وين راحوا اهلي..

سوسن: علمي علمك

فهد رفع جواله ودق على احد من اخوانه وبعد عن سوسن..

سوسن اول ماشافته بعد عنها.. جلست تناظر فيه" صحيح دبدوب بس مو مره جميل شكله بس تركي ووئام احلاهم ..
سبحان من خلق ولده ..جد امريكي كانه من اولاد النجوم الي يطلعون بالتلفزيون ..ماالومه لاخاف عليه ..امه الخبله
ليه اتركته شوف وجهه محمر من الحر ..ياحليله يجنن " انقز على صوت فهد..

فهد: ياااهووو اكلمك انا

سوسن: انت هييه حنا في الشارع موبيتك على هالاسلوب شتبي

فهد: والله لو محنا بالشارع كان دفنتك ..

سوسن طنشته: وين خالتي

فهد كان بيقولها الي صار بس تهديد اخوه عبدالله سكته: عند اخوي عبدالله.. يلا تعالي اوصل لك لبيتكم واخذي الياس
معاكم وحطي بالك على ولدي

سوسن: لا يكون انا الداده مدري النانه حقت ولدك طير انت ولدك قال ايش انتبهي عليه

فهد: اففففففففف طيب انقلعي عن وجهي

سوسن تجلس على الارض: والله انا جالسه في ديار بومتعب مو ديارك

فهد كش عليها وراح عنها وهو يسب ويلعن فيها وفي طليقته راما... بعد مامشى قامت سوسن وراحت عند بيتهم

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

في مدريد ..

في الشقه .. بعد ماصلت العصر..رتبت الشقه راحت غرفة وشافت محمد نايم .. ارجعت الى غرفتها ودقت على
اهلها محد رد كررت الاتصال اكثر من مره..استغرب " لا اله الا الله اكيد بيت خالتي" دقت على بيت خالتها وردت مي..

وئام: هلا بالقمر كيفك

مي: وئــــــــــام هلا وغلا كيفك ؟؟

وئام: بخير .. امي عندكم

مي: لا ..سوسن راحت عندها

وئام عقدت واجبها: كيف عندها ومحد يرد

مي: شلون سوسن قربت تاخذ نص ساعه من راحت هناك

وئام: مي متاكد ..انا دقيت محد يرد

مي: يمكن بالمطبخ ..لالا كيف بالمطبخ وسوسن مجهزه لهم الفطور لان امك وابوك صايمين

وئام بدا الخوف والشك يدخلون قلبها: مي ترا ابد كلامك يخوفني

مي: يالله وئــ...(قطعت كلامها وبحماس تكلمت) كااا هي سوسن شرفت

وئام: هاتيها

سوسن ترفع النقاب وترفع عباتها الراس ولمها على جنب وتحط الاغراض على الارض وتتكلم بهبال:
على 50 كبسه وهريس على خمسين ..

مي: ههههههههههههههههههههههه يالهبله مووقت خبالك

سوسن مستمره على الخبال : شنو من تكلمين ؟؟

مي :وئام بسرعه

سوسن تناقز وطاحت:آآآآآآه ..تاخذ السماعه من مي الي فاقع ضحك عليها.. الووووو

وئام بلهفه: سوسن شفتي امي

سوسن: لا شفت فهد بوكرشه صغيره تقولين وحده بالشهر الثاني

وئام : يالفااضيه امي وين؟؟

سوسن بجديه: عند اخوك عبدالله

وئام: ايـــــــــــــــــش

سوسن: وجع اذني عند ولدها وشفيها

وئام: ماني مرتاحه ..ابوي مايدخل بيت احد فيهم ..والحين يرجع ابوي من دوامه وامي مستحيل
تطلع وتترك ابوي لحاله

سوسن:مدري بس اخوك فهد قال انها عند عبدالله

وئام: فهد؟؟ فهد بـ ايطاليا.. لايكون خالد ولا تركي الي شفيته

سوسن: لا فهد حتى ولده معه ياختي يهبل ولده

وئام تنهد: انا خايفه

سوسن: ليه تخافين عبدالله من كلامك هو طيب

وئام: على ابوي انا قصدي تدرين بدق على جوال ابوي

سوسن: كم الساعه عندك

وئام: ثلاث العصر

سوسن: نامي ارتاحي ولك مني اجيب لك الخبر

وئام: وين يجني النوم وانا موعارفه ليه امي عندهم

سوسن: ماعليك لاتخافين

وئام: تيب بنام وبعد ساعتين بدق عليك ..

سكر وئام من سوسن وهي خايفه على امها وابوها كثير ..,

××

؛؟*

تــم الفصل الاول

؛؟*

××

لامارا · 29-11-12, 07:22 PM

&&..××ــالــ ج ـــزء الــ س ـــادســـ××..&&

>>>( الــــفـصــــــــــل الــــثـــانــــي )<<<
......

...

......

في السعوديه..,

صحت من نومها على اذن المغرب وهي تناظر المكان الي هي فيه .. قامت بشويش وهي تحس بتعب ..كبيره بالعمر
جددت الوضوء وصلت .. اجلست على السرير تفكر في حالها وحال عيالها وزوجها .. جلست تبكي " تف عليك
يازمن الي مارحمت كبيرنا قبل صغيرنا.. وصار عيالنا يتفشلون منا " مسحت دموعها وهي تدعي ربها يفرج كربتها

ناظرت الغرفه وهي تشوف الفخامه.. "الله يرزق ياولدي اكثر.. ويشفي ابوك" لفت على الباب الي انفتح ..:السلام عليكم

ام عبدالله ناظرت البنت : وعليكم السلام ..من انتي

البنت: انا نور

ام عبدالله: بنت عبدالله ولدي

نور: ايه كيفك يايمه؟؟

ام عبدالله ابتسمت: ياعمري تعالي تعالي اجلسي

نور: لا..انتي تعالي معنا تحت

ام عبدالله اختفت ابتسامتها لان تعرف زوجة عبدالله ماتحبها: لا يمه.. انا ارتاح هنا

نور تروح لها وتمسك يدها: لالا.. تعالي انزلي تحت

انزلو الين تحت ..,

اجلست ام عبدالله على اول كنبه : ياالله ..

نور تجلس جنبها: منوره يايمه

ام عبدالله: النور نوك الا وينهم مااشوفهم

مها تنزل من الدرج: الكل في غرفته .. الا كيفك عمه ام عبدالله..

ام عبدالله تصغر عيونها وتركز فيها مها وهي نازله من الدرج..شافتها لابس تنوره سوده وفي زاويتها ورده متفرعه
منها ورقات.. لونها ازرق.. ولابسه بلوزه عاريه الظهر زرقه وبيدها عباتها والشنطه.." لمى شاب ودوه الكتاب..
شايبه وتشبب عمرها ..بنتي وئام مالبست كذا ..": بخير انتي كيفك كانك طالعه

مها تناظر في نور وهي تجلس: ايه بنطلع..ليه ماجهزتي ست نور

نورتقوم وتجلس على طرف كنبة ام عبدالله: مامي ماودي اروح بجلس مع امي ام عبدالله

ام عبدالله تناظر فيها: ياحلوك من بنت ..انتي اي صف سادس ولا خامس ابتدائي

نور مدة شفايفها الصغيره: يمه.. انا باول متوسط

ام عبدالله تمسح على ظهرها: الله يحفظك..

الكل لف على الباب عبدالله دخل: السلام

الكل رد السلام عليه ..

مهااوقفت: منتي رايحه روحي نادي اختك تاخرت انا

عبدالله: طالعه

مها: ايوه ..

ام عبدالله تشهق: وبهاللبس

مها تناظر عمرها: ايوه وانتي شايفه لبسي غلط

ام عبدالله تلف على عبدالله: انت راضي لها تطلع كذا

مها تلبس عبايتها: افففففففففف

عبدالله: عادي هي رايحه حفله

مرام تنزل وتوقف جنب ابوها: هااااااااي

ام عبدالله تلف على نور : وش فيها تقول هااااه من مناديها

نور: ههههههههههههه هذي تسلم بالاجنبي ههههههههه

مها : انا انتظرك برا عبدالله تعال ابيك

عبدالله يلحقها .. ام عبدالله جلست تناظر في مرام ونور منحرجه نزلت عيونها الى الارض" اكيد الحين بتهاوشه ..
ولاتبيني اجلس عند ولدي قالتها اختي واصدقت العزوه والسند مو العيال وزوجك ..الله يقومك بالسلامه ياسعيد.."

ارفعت عيونها الابرجعن عبدالله من برا وجهه باين عليه الضيقه : يلا مشينا يمه ..(ناظر مرام)
وانتي تقولك امك اخلصي

......

...

......

نفس هالوقت .. بوعبدالله فتح عيونه لف استغرب المكان بعدين تذكر كل شي .. لف على يسار شاف ولده نايم
على الكرسي .. لف على اليسار شاف على الكنب ولد شعره اشقر نايم.. رفع يده شاف مغذي بيده..
كان بتكلم بس سكت .. تمنى في هاللحظه ان وئام تكون جنبه ويشوفها ويموت .. احساس قاسي جد تربي وتتعب
وفي النهايه عقوق .. كـــــان يتفاخر بين اصدقائه ان عنده خمس اولاد وانهم شطار ولا في احد احسن منهم..
بس الحين كل شي تغير ..الشطار ذول مايحبونه ... سكر عيونه بس بسرعه فتحها لمى سمع رنة جوال ..

فهد بصوت كله نوم: هلا عبدالله ..وش فيها بعد .. وين اخذها ترا امك كبيره ويبغالها وحده ترعاها..وانت ماتخلي
الشغاله عندي اكثر من ساعتين.. واختك ماهي موجوده .. واصلا بيتي يبغاله تنظيف .. مع مين اتفاهم مين؟؟
خالتي ام طلال اي يصير خير..

بوعبدالله : ابــي ماي

لف فهد عليه : انت صحيت؟؟.. دقيقه اجيب لك ماي

بوعبدالله: امك وين؟؟

فهدوهو يصب ماي: عند اخوي عبدالله

بوعبدالله: ابي اطلع اليوم

فهد: ممنوع الدكاتره قالوا لازم تجلس اربع ايام

بوعبدالله: مالهم خص فيني.. وبعدين اريح لكم ..

فهد عطاه الماي: مالي دخل تفاهم مع الدكاتره

بوعبدالله يحاول يزحم لجهة اليسار: طيب

فهد عقد حواجبه: وش تسوي انت؟؟

بوعبدالله: جب هالولد واسدحه جنبي الكرسي ماهو مريح

فهد سكت موعارف وش يرد عليه :..................

بوعبدالله: جيبه

فهد تو بيشيل الياس الا الياس جلس: داادي انا نمت ولاحسيت ..صحى grandfather

فهد: ايه صحى

الياس قام وهو يمسح على شعره: السلام عليكم امممم جدي بالعربي

بوعبدالله: تراني اعرف انجليزي

الياس: هههههه ..انت طيب زي عمتي وئام

بوعبدالله: وهو في زي عمتك وئام

الياس: اي فيه بابا .. لف على ابوه المبتسم .. بابا انت زيي عمتي وئام مررررره طيب

بوعبدالله يمسح على شعره: الله يحفظك ويحرسك من العين

الياس: دايم عمه وئام تقول لي كذا من اكلمها

وبعد ربع ساعه من هالسوالف دخل عبدالله وامه..

فهد:الياس سلم على جدتك

الياس يروح لام عبدالله الي استقبلته بالاحضان..,

عبدالله يجلس جنب اخوه: وش قررت

فهد: باخذها .. وبدق على بيت خالتك وبقول لهم بالسالفه وبخلي بناتها ينضفون بيتي

عبدالله: اكد عليهم وئام لايجيبون لها سيره

فهد: اكيييييد افااا عليك

عبدالله لف يشوف امه وابوه كيف يسالفون مع الياس ..

اما فهد سرح "هين يا ام لسان طويل ان ماذليتك وخليتك تتحسفين هين..آآخ لو بس اعرفك منو انتي
انا اوريك " وقام وطلع من الغرفه ..

&&&&&&&&&&&&&&&&&&&&&&&&&&&&&&&&&&&&&&&&&&&&

في الشقه البسيطه ..في الحي الفقير..

طلال دخل الشقه مع ابوه وهو هلكان : مالقيناه

ام طلال: شلون مالقيتوه الرجال وين راح

بوطلال: دورنا عليه في المسجد ..طقينا باب البيت بس محد رد علينا

طلال: والله شي يفك الراس خالتي في بيت عبدالله

بوطلال: وينها سوسن

ام طلال: نايمه

طلال: لاتفكر تجلسها عشان ماتسويك عشى لنا اليوم

بوطلال: ههههههههههه والحل طيب

ام طلال: نروح لـ بيت عبدالله

بوطلال: لا ..ولا يحتاج اكرر الكلام

ام طلال: ابي اطمن على اختي

بوطلال: وانا قلت لك لا.. عندك تلفون البيت وجوالي وجوال ولدك دقي على عيالها بس ان نروح لهم لا

ام طلال: يارب انك تحفظهم

وبعد دقايق رن التلفون .. وقف طلال ورد : الووو

الطرف الثاني:السلام عليكم

طلال: وعليكم السلام من اخوي

المتصل: هذا بيت خالتي ام طلال

طلال باستغراب: خالتك؟؟ من انت من عيال عمي بوعبدالله

** ملاحظه : طلال اي احد يحترمه وكبير يسميه عمي ..احتراما له ..وبوعبدالله يقوله عمي احترام **

المتصل بسهزاء: عمك .. طيب يااخ طلال ممكن تخليني اكلم خالتي

طلال كان وده يسكر على اسلوب المنرفز: من انت

المتصل: ولد عمك فهد هههههههههه

طلال طنشه: يمه فهد يبغاك

ام طلال راحت واخذت السماعة بلهفه:هلا فهد اختي وش فيها ؟؟

فهد: هلا خالتي شخبارك؟؟

ام طلال: ماني بخير اختي شفيها ماخذينها ..فهييدان لايكون تبريتوا من ابوكم

فهد: ههههه لا شدعوه .. بس

ام طلال عصبت على برود اعصاب فهد: انت جد فاضي .. انا طايح قلبي على اختي وزوجها وانت جالس تضحك

فهد: مافيهم شي امي عند اخوي وكاني باخذها بيتي ..

ام طلال: وابوك وينه

فهد: في المستشفى

ام طلال بشهقه: شنووووووو مستشفى ..حسبي الله عليكم من عيال بتذحون الرجال

فهد: انا مالي دخل جيت قالوا بالمستشفى ..تكفين خالتي لاتقولين لبناتك عشان ماينقولون لوئام

ام طلال: موشغلك ..شخباره الحين

فهد: الحمدلله صار زين هو في مستشفى ؟؟؟؟؟؟؟؟؟؟

ام طلال: طيب الحين بنجي

فهد: خالتي ممكن اطلبك

ام طلال: نعم

فهد: انا باخذ امي عندي وامي مافيها حيل تنظف فايليت بناتك يعني

ام طلال: وليه ماتعرس وتفك عمرك

فهد: جربته مره ولا ابيه

ام طلال: طيب لاجينا اخذهم مع امك وينظفون

فهد: مشكووره يلا اخليك عشان تجون

ام طلال سكرت التلفون: روحوا عساكم تذقون الهم الي ابوكم ضاقه ..

مي تدخل الشقه معها كيس كبير: السلام عليكم

ام طلال: وعليكم السلام يمه حطي الكيس على جنب وصحي اختك وقولي لها يلا بنروح نزور عمك بوعبدالله

مي وهي تتكشف: حصلتوا وين

ام طلال : طايح عليهم اكيد رافعين ضغطه ..حسبي عليهم

مي وهي تحط الكيس: شهالعيال مالت عليهم

طلال: لايكثر وين كنتي فيه

مي: هذا امي مرسلني لعند ام فهد جارتنا الي تبيع الاقمشه .. بتشتري قماش

طلال: طيب يلا روحي جلسي سوسن

مي: تبي انت جلسها انا صراحه موناويه على عمري

ام طلال تدق على صدرها: انــــــــــا ..انـــــــــا بجلسها ..مامنكم فايده ..

وبعد صراع جامد الكل راح المستشفى ..

&&&&&&&&&&&&&&&&&&&&&&&&&&&&&&&&&&&&&&&&&&&&

من مستشفى في السعوديه الى احد شقق اسبانيا ..،

سمعت كلام بنت خالتها ونامت وعلى سبع بالليل صحت على صوت ولد اخوها.. :عمى قومي وش هالنوم

وئام مسكره عين وفاتحه عين: شنوووو محمد

محمد: ياحبك للنوم قومي صلي وشوفي شي اكله جوعانه

وئام: اصلي ؟؟ليه صلاه شنو

محمد: المغرب وشويات بيجي صلاه العشا يلااااا قومي

وئام: طيب طيب..(تذكرت شي وشهقت) محمد ابوي وامي

محمد :وشفيهم ؟؟

وئام تقوم من الفراش بسرعه وتروح للجوال ماتشوف اي اتصال .. وتلف على محمد : محمد سوسن مادقت

محمد: من سوسن ذي لايكون ذيك

وئام كشرت: لاااا اقصد بنت خالتي

محمد: ليه تدق وشتبين فيها

وئام: اهلي مدري وينهم.. انا بس اخلص صلاه بدق عليهم..

حطت الجوال على الطاوله ودخلت الحمام ..

......

...

......

في هالوقت دخل فهد غرفة : يلا يمه نروح البيت

ام عبدالله: يلا تبي شي بوعبدالله

بوعبدالله: سلامتك

ام طلال: يلا بنات روحوا مع خالتكم

سوسن: لا يمه بكره نروح عشان فهد ياخذ راحته في بيته

بوطلال: كلام سوسن عدل

فهد صغر عيونها " الحين عرفتك انتي سوسن هين ..ان مالعنت اسلافك والله لهبل فيك تهبيل.. طيب يا ام اللسان
طويل " وهو في وسط افكاره رن جواله .. وئام يتصل بك ..: وعليكم السلام ..اخبارك؟؟

وئام: بلا اخباري بلا اخبارك .. امي وشفيها عند عبدالله

فهد ببرود وهويكذب: زياره رايحه تزور ولدها حرام

وئام: دقيت عليهم محد رد

فهد عطى الكل ظهره يوم شاف الكل يناظر فيه: لاني عزمتهم على بيت عشا

وئام بتريقه: مشربينك ماي زمزم ولا شيخ قاري عليك ..وش هالحب الي فجاء الي نزل لابوي وامي..
اقووول فهد وين ابوي وامي بس

فهد: مومصدقه طيب الحين اخليك تكلمينه ..(حطها تعليق وراح لعند ابوه).. وئام تبي تكلمك لاتقولها انت في المستشفى
انا قلت عزمكم عشا عندي وتغديتو عند عبدالله..( وعطها الجوال بعد ماشال التعليق)

بوعبدالله بفرح: هلا بنتي وئام

وئام ارتاحت لمى اسمعت صوته: هلابك يبه اشتقت لك حيييل

بوعبدالله: وانا بعد.. كيف الدراسه معك

وئام: كل شي تمام.. يبه تاخذ دواك زين تاكل زين

بوعبدالله: والله يا اخوانك يا بنتي ماقصروا

فهد فتح عيونه على الاخر وهويناظر في ابوه:...................

بوعبدالله وهويناظر فهد: تركي وخالد جابولي اكل ماهو طبيعي يجنن ياوئام..واخوك عبدالله عطاني حلا حلو
..وفهد بيعشيني عشى راهي ..

وئام شكت بالسالفه: يبه من جدك تتكلم

بوعبدالله: عهدتي مني الكذب

وئام: لا ..بس موداخاله بالراسي اخواني كذا يتغيرون

بوعبدالله: كل شي جايز يايبه

وئام: امي جنبك

بوعبدالله: ايه ..تبينها

وئام: لا اكلمها بعدين حبيت اطمن عليكم سلم عليها ..

بوعبدالله: اليوم بنام عند فهد لان المكيف الغرفه خربان دقي على فهد

وئام:خلاص من عيوني ..ادق على جوال فهد

بوعبدالله : يلا مع السلامه..

سكرت وئام من ابوها وهي شبه مرتاحه .. لفت على صوت محمد..: تراني سمعت كل شي

وئام: موعيب الي تسويه

محمد وهو يتكي على الباب وياكل دجاج: موعيب اسالك تكذبين علي اوتصرفين

وئام: من وين لك هالاكل

محمد: طلبت من مطعم قريب جوعان حدي وانتي شكلك مطوله

وئام: توها سبع

محمد: غلطانه قريب الثمان الحين

وئام عظت شفايفها: طيب مو 12 عشان تطلب ..متاكد من نظافت المطعم الحين ولا دجاجهم حلال

محمد: اكلت خلاص وئام

وئام هزت راسها بــ لا: مامنك فايده ابد ..عنيد

محمد: على عمتي طالع..يلا بروح اكمل عشاي باي يا ام الاسرار

وئام عوجة فمها على جنب:..........

&&&&&&&&&&&&&&&&&&&&&&&&&&&&&&&&&&&&&&&&&&&&

بعد يوم حالف من الاحداث ..جلس من النوم وهو رايق ناظر في سقف قسمه ورفع من نفسه ..دق على صديق عمره
مارد قام وهو شبه عاري .. ويحك العارض الي بداء يطلع .. اخذ له ملابس وتروش ووقف عند الماريا يمشط شعره

دخلت عليه احد الخدم: Sr. Faris desayuno listo... سيد فارس الفطور جاهز

فارس لف عليها وهو يهز راسه وبعد ملابسه نزل تحت..

شاف امه تفطر مع ريماس اخته: بونس دياس .. صباح الخير..مااامي(يبوسها) متى جيتووو

امه ببتسامه : امس بالليل وصلنا

فارس ياخذ توست وبدا يحط عليها جبن: الحمدلله على السلامه .. غريبه فاطره متاخر

امه: توني صاحيه ابوك مايخلي الواحد ينام عدل

فارس: خفي من هالحلا ويبعد شوي.. ياكل .. الا جد ليه جيتو بدري

امه عوجة فمها:شغل لوع كبدي بالشغل..ايوه صح اذا جيت بتطلع قولي ابوك ناسي اوراق ابيك توديهم له

فارس ترك السكين: والسواق

امه بكذب: لالا هو طلبك بالاسم

فارس : اففففففففففف طيب ..

امه تناظر فيه وفي بلوزته كانت سوده شبكات بس صغيره يبنان منها جسمه وجنز رمادي: غريبه لابس بلوزه
كذا من زمان مالبس كذا انت

فارس يشرب عصير: تغيييير يا قمر تغير وش جبتي لي ملابس

امه: شريت لك ملابس وابوك شرا بعد

فارس شرق بالعصير:كح كح كح

امه اوقف جنبه: يوه وشفيك حبيبي

فارس وجهه صار احمر: من جد يوسف شرا لي ملابس

امه ظربته بخفيف: خوفتني فارس.. لا حق له هوو بس

فارس: اييييييييييه قولي كذا..(وقف) وين الاوراق

امه توقف: تعال معي..

وطلع مع امه فوق الدور الثاني امه كملت الطريق ودخلت المكتب هو وقف مكانه ممنوع يدخل هنا .. الكل يدخل الا
الخدم وصار هو الحين معاهم.. تذكر ذاك اليوم الي فيه ابوه مسك اهم قسم في الشريكه وخسر ابوه اكثر من15 مليون يورو
ووخله ابوه يبيع كم اراضي وعمارات وشريكه نفسها عشان يعوض الخساره .. سكر عيونه وهويذكر

×*×*×*×*

فارس واقف: دادي لاتصارخ علي وافهم السالفه زين

بوفارس وهو معصب: بــــــــس بــــــــس مابي اسمع منك شي انت بتبقى طول عمرك انسان فااشل ..
انا الغلطان الي سلمتك مدير شريكه انت زباله ماتعرف تديرها اصلا

فارس: داادي انت فاهم غلط مومني هو الي اقترح

بوفارس يعطيه كف: لاتكذب انا دريت بكل السالفه

: عمـــــــــــــــي دخييلك عمي لا

لف فارس الصوت ..كان صوت داليا ..: عمي ليه تضربه الفلوس ترجع بس فارس مايرجع..مسكت يد فارس..

فارس بعد يدها عنه: بعدي انا طالع

بوفارس: حتى موكفووو داليا

فارس بصعبيه: مالك خص انا وزوجتي حرين ..وراح عنهم

داليا راحت وراه برا القصر تحاول تهدي: فااارس تكفى فاررس وقف

فارس: وش تبين بعدي تراني موطايق نفسي

داليا تمسكه: عشان خاطري فاارس روق ..عمي والله يحبك بس هو من العصبيه ..فارس هدي

فارس لف وجهه وهو يحاول يهدي نفسه.. داليا المست خده الي انطبع اصابع بوفارس..: ليت هالالم فيني ولا فيك
فارس ..

فارس: قهرني انا ولده وحبيب قلبه ويسوي لي كذا والمشكله هو الي اصر علي اخذ الشريكه

: داليا ارجعي البيت مالك بواحد مزعل ابوه

لفو على الصوت كان بوفارس واقف وهو الى لان معصب

فارس يمسك داليا: الف مره قلت لك هذي خطيبتي مالك عليها امر انا ولي امرها..

ويركب السياره معها ويطلع وهويسوق بشكل جنوني ولان الارض كانت رطبه من ماي المطر..صار حادث قوي
ماتت داليا ..وفارس جلست 10 شهور بالعنايه .. ومن بعد ذيك الليله كل شي تغير عليه

×*×*×*×*

فتح عيونه على صوت امه ..هي الوحيد ماتغيرت عليه ومهما صار تبقى معه ماشاف احن منها ولا راح يشوف..

امه ابتسمت: وشفيك حبيبي

فارس ضمها: ماامي انا احبك ..انت احلى ام شفتها بحيااتي

ام اضربت ظهره بخفيف:ههههههه ياحبك للحركات بعد منت بصغير

فارس : الحمدلله انك ماجبتي واحد ثاني

امه: واختك ريماس

فارس: ماهي ولد ..تصدقين يوسف زوجك مااطيقه بس عليه قرار حلوه ماخلاك تحملين بعد ريماس

امه: طيب فارق حبيبي ابوك ينتظرك صارت ثمان ولا رحت ..

فارس : طيب

وراح عنها ..وهو يحاول يداوي هالجرح الي بقلبه موقادر ..

&&&&&&&&&&&&&&&&&&&&&&&&&&&&&&&&&&&&&&&&&&&&

ثمان في اسبانيا والساعه عشر الصباح عند السعوديه..

اطلعوا من المستشفى رايحين بيت فهد مع طلال..

مي: امي قاهرتني مسويتنا عبيد عنده

سوسن: لاتخافين انا بخليه يحرم ان يطلبنا ننظف بيته

طلال: والله لو مو امي حالفه علي ماتكلم كان دفنته

سوسن: اوريه بوكرشه ام شهرين

طلال: مدري كيف بتورينه وهو يدوام الحين

مي: شفتوووو ولده امس يهبل

طلال ببتسامه: تصدقون شكيت انه من صلبه

سوسن: فيه من ابوه مالت على ابوه

مي وطلال: ههههههههههههههههههههههههه ههههههه

ووقفت السياره عند بيت فهد وانزلت مع ومعها كيس فيها ملابس لهم ..:.........

سوسن وهي تحط عبايتها على راسها وتكلم طلال: الساعه خمس بالضبط تجي اوكي

طلال يهز راسه: طيب سلموو على خالتي

سوسن: ان شاء الله واذا تبي وئام بعد بسلم عليها

طلال ابتسم: اثقلي بس

سوسن: علينا انت وجهك يلا باقي هالفصل وتخلص ويااااااااااارب تتوظف

طلال: بتشحتين انتي اخلصي قفلي الباب

سوسن: ان شاء الله ..(وتسكر الباب بقووه وتمشي وهي تسمع صراخ طلال من وراها).. تستاهل اجل انا
تقول لي اشحت

ادخلت البيت شافت خالتها تنظف ومعها الياس يساعد.. ومي معاهم..افصخت عباتها ..

الياس يلف: هاااااي وسن

الكل ضحك علي وهو حمر وجهه: ليه انتي مو اسمك وسن

سوسن تجلس: لا اسمي سوسن

الياس: ايش معنى اسمك

سوسن: زهره جميله لها عطر لو تشمه على طول تدوخ من جماله

مي: تكلمي زين بلا خبال ..هذا وجهي ان فهم

سوسن تحط رجل على رجل:Meaning of my name attractive aromatic perennial flower ..
..معنى اسمي زهرة جذابة عطرية معمرة..

الياس: نااااايس

ام عبدالله تلف عليها: والله تعرفين تتكلمين غربي

مي: حبيتها الغربي خالتي

سوسن: تخصص غربي ههههههههههه

ام عبدالله : مااعرف انطقها عجليزي

الياس ومي وسوسن: ههههههههههههههههههههههههه ههههههههههههههههه هههههههههههههههه

سوسن تقوم تضمها: يارب ان يحفظك لنا بس.. يلا بعدي ورحي اجلسي وانا بكمل عنك

الياس: جد وانا بساعدكم بعد

مي: ناوي علينا ابوك يسوينا غدا اليوم

سوسن تقرص خدوده: ياقلبي عليك ..هالسوالف حق حريم مولكم يلا روح اجلس مع جدتك

الياس: طيب ..ويروح ورا جدته

مي: لو انه كبير شوي كان خطبته لي

سوسن: ماوافق دام ابوه فهد

مي: ههههههههههه وشفيك حاقده عليه

سوسن: قاهرني ..

مي ببتسامه شيطانيه: اذا جا وقت الطباخ عندي لك خطه حلوه حيل

سوسن: نزلتي كيسة ملابسنا

مي تهز راسها: اكيد

&&&&&&&&&&&&&&&&&&&&&&&&&&&&&&&&&&&&&&&&&&&&

نـــظـــاره ســـوده من ديــور

ســاعــه رمــاديــه وابيض من سلفاتور فيراقامو

بلــوزه ســوده شبكــات من تصميمات زهير مراد

بنــطلــون جيـز رمــادي من جفنـــشـــي ..

نزل من السياره الفخمه السوده السبورت .. يعشق اللون الاسود يحس يجمع كل صفاته .. سلم السياره لحارس
الشريكه .. كمل طريقه الين ماوصل مكتب ابوه

طق الباب اكثر من مره وجاه صوت ابوه: تفضل

دخل المكتب وشاف كم رجال مع ابوه واضح من اشكالهم توهم شباب ووقف ساكت وفصخ النظاره:.................

بوفارس ببتسامه: هلافارس تعال سلم

فارس: السلام عليكم

بوفارس: احب اعرفكم ولدي فارس ..

واحد من الشباب: ماتوقعت تعرف عربي طول حياتك هنا ياولد العم

فارس لف على ابوه وهمس له: من ذول

بوفارس: اي صح ماعرفتك على عيال عمك الكابتن متعب والكابتن سطام

فارس بصدمه: عيال عمي؟؟؟

متعب: يحق لك ماتعرفنا مامره جيت السعوديه

سطام: تاخرت علينا كنا نتظرك..

فارس حك شعره: كنت بالجامعه

متعب: وش تدرس

بوفارس: يخلص الماجستير وبيكمل الدكتوراه تعرفونه ولدي هوايه الدراسه

سطام: وييع انا ماصدقت خلصت الجامعه

متعب: شكلك ماخذ الاول على دفعتك

فارس يكمل كذبت ابوه: ايه

سطام: اجل جنبك حنى فشله قدام انا الثالث على دفعتي

متعب: وانا الثاني على دفعتي

فارس: انتم كباتن شنو

سطام يوقف: طياار

متعب: انا ولد عمي سطام حرفيين سواقة طياره تجي معنا

فارس: لا وراي دكتوراه

سطام: ياشيخ استريح بلا دكتوره بلا هم مدري الي اخذو دكتوره مدري وشسوو لنا

متعب: عين عذاري يفيدون الغريب مايفيدونا

بوفارس: لا بالعكس فيه

سطام: في بس نادر.. المهم لانتاخر على مواعد سفارتنا

فارس: الحين بتسافرون

سطام: ايه

فارس: كذا حالكم من ديره الى ديره

متعب: عيال ابن بطوطه

سطام يمد يد لفارس : تشرفنا بشوفتك ياولد العم

فارس ابتسم اول مره حس جد ان رجال سعودي بس المشكله مايعرف يضبط الشخصيه السعوديه بدون اي لمسات
دوله: وانا بعد فرحت بشوفتكم بس ليه ماطولون

سطام: مانقدر تراه طيران دولي مو طيار داخلي في ديرتك

متعب :تعال مع ابوك السعوديه

فارس: ان شاء الله

بوفارس: سلموا على الاهل كلهم

فارس ناظر في ابوه وهو كيف يناظر عيال اخوه بحب وفخر" يحق له طيارين وغير كذا شكلهم حيل طيبين .. وغير
كذا شكلهم يحبونه مرره" نقز على صوت ابوه: شف ياحثاله كيف الناس الي تشرف

فارس كشر ورمى الاوراق على الطاوله: الله يوفقكم.. مع السلامه

بوفارس: طيب فارق

فارس لبس نظارته وراح .. بس وقف على صوت ابوه: انت ماتعرف تلبس عدل ماتدري ان الجو بارد الوقت حنا
داخلين على الشتا ناوي تتعب علينا

فارس لف عليه: انت دايم تقول فارق يمكن امرض واموت وافارقك جد

بوفارس فتح عيونه على الاخر: اقول انقلع بلا هالخرابيط الي تقولها

طلع وهو معصب من المكتب ومن الشريكه بكبرها وقف عند باب الشريكه ينتظر الين ماجتيه سيارته .. رفع جواله
وهو معصب ودق على امه.. بس ماردت ..جات سيارته وركب وسكر الباب بقوه ..وتحرك بسرعه جنونيه..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&

في الجامعه ..

بعد ماخلصت المحاظره الاولى .. طلعت وئام مع محمد من القاعه .. جسلوا على العشب .. زي الناس الي جالسه

وئام تناظر محمد: وشفيك محمد

محمد: مافيني شي بس احس بطني من يومين يالمني

وئام: قلت لك اسوي لك حليب ماسمعت كلامي

محمد: مالي نفس..وين خلود

وئام: هذا انا بدق عليها فقدتها اليوم..( دقت وجوالها مقفل).. جوالها مقفل مدري وشفيها

محمد: براحتها ..

وئام: غريبه تسال عنها

محمد: كان ودي ارجع البيت ..ماابي اخليك لحالك

وئام: سلامتك راسك حبيبي نرجع الحين الشقه

محمد: لا لازم واحد يبقى منا كافي محاظرات الايام الي راحت وحنا بالسعوديه

وئام: ناخذها من اي احد

محمد: لالا عادي ماهو الم قوي يعني عادي

وئام: طيب ..لفت على اليسار وشافت حمود ومع غرام وسوسن وحده ثالثه ماتعرفها كشرت وجلست تناظر محمد

محمد حط راسه على رجل وئام: آآآآخ

وئام:محمد قوم لاتفشلنا

محمد يناظر فيها : ياشيخه شوفي العالم متبطحه عادي

وئام ظربته على جبهته :طيب

محمد بنبره جديه: وئام

وئام تلعب بشعره: هلا

محمد: ماراح تقولين لي شقصة عمامي مع جدي

وئام تنهدت: مدري وش اقولك بس خلاص سالفة وقضت

محمد: قولي طيب

وئام: مووقته قوم جعت بروح اكل لي اي شي

محمد :طيب

اوقفت اثنينهم شافو مجموعة شباب من دول الخليج جالسين وفارشين لهم سفره ويفطرون..
محمد: شوفي الناس المروقه

وئام: ههههههههههه ونااسه ودي افطر معاهم

محمد يخزها: نعم

وئام تمسكه: هههههههههههههه امزح معك

&&&&&&&&&&&&&&&&&&&&&&&&&&&&&&&&&&&&&&&&&&&&

في مكـــان هادي فارس هواء يحرك خصل شعره ويطيره .. واقف وعيونها على تراب مرتفع ارتفاع بسيط عن الارض..

: ليه رحتي عني ليه خليتني اروح لبنات غيرك ..ليه ماخذتيني معك .. وين كلامك لي بنبقى مع بعض ..
ليه قسيتي فجاء.. ابوي تغير علي وصار واحد ثاني .. ماعدت اسميه ابوي صرت اقوله يوسف ..

طاح على الارض وهو يبكي ..: تدرين انا متضايق كثير غلاي ارجعي لي او خذني معك مابي اجلس هنا اكرهم كلهم
..يمسح على التراب .. انتي احن وحدها شفتها بعد امي ..انا احبك كثير ... جلست يبكي زي الاطفال

مـــاكأنه فارس المغرور ..العنيد .. القوي .. ولا احد يشك انه يشكي الهم ولا التعاسه يوم .. الهوا البارد يظربه
ويطير الاوراق الي حوله ..بس الدموع الي تنزل على خده والحرار الي يحس فيها بادخله ..ماتحسسه برودة الي برا

وهو على هالحال رن جواله وكان حمود المتصل .. رد عليه وهو يبكي: هلا

حمود بصدمه: فـــــــارس وشفيك؟؟

فارس يبكي:.......

حمود شوي و ينهبل: فارس الله يخليك قلي انت وين

فارس: انا عند داليـ.... وراح صوتها بالبكي

حمود: انت وش اخذك هناك هااه فارس الحين تجي الجامعه ولا تدري انا اجيك

فارس: لالا خلاص انا بجي الجامعه

حمود: خلني معك على الخط عشان ارتاح

فارس: حمود انا موصغير خلاص الحين بجي ..

حمود: كل شوي بدق اطمن

فارس: طيب

سكرمن حمود وهويحس هدت نفسه شوي مسح وجهه بيده ولبس نظارته وقام ..

&&&&&&&&&&&&&&&&&&&&&&&&&&&&&&&&&&&&&&&&&&&

في السعوديه الساعه 11 ونص ..

في بيت فهد ..

مي نزلت سلة الملابس الوصخه واللحاف حق فهد الى المطبخ ..

سوسن: ليه منزله اللحاف

مي: عشان يخيس بريحة الطباخ ولد عمك يحرم ان يطلبنا

سوسن: ههههههههههههههههههههه بس اذا شافتنا خالتي ولا الياس

مي: نقول بنغسله ..وبعدين الياس وخالتي ناموو

سوسن : ههههههه طيب قربيه هنا عشاان تلزق فيه الريحه

مي تشيل ورميه جنب سوسن: هههههههههههههه

سوسن: هههههههههههه فديتك من اخت ..تعطيها بوسه في الهواء..

مي: يلا بروح اغسل الملابس ..وطلعت من المطبخ..

سوسن تحط البصل على الزيت : هين يافهييد

&&&&&&&&&&&&&&&&&&&&&&&&&&&&&&&&&&&&&&&&&&&

الساعه تسع ونص الجامعه ..في القاعه الكل كان ينتظر الدكتوره ..

وئام تناظر محمد: روح اطلع برا مولازم تحظر

محمد ولونه شاحب ويسكر عيونه ويفتحها بشويش وحاط يده على بطنه: مومشكله الم بسيط ويروح

وئام: بيديت تصفر محمد شوي وتصير ليمونه خايفه عليك

محمد: لان ماكلت شي عاادي وئام وشفيك

لفو اثنينهم على الصراخ والترحيب لدخول فااارس..

حموود يروح لفارس : هلا بوالفوااارس هلا بحبيبي

الدكتوره وراهم:Excuse me .. لوسمحت او تجي معذره ..

فارس يسحب حموود ويجلس قدام وئام ومحمد .. يهمس له: مالي خلق احد ..

لف حمود وابتسم ابتسامة هبال لمحمد وئام.. وئام ناظرت الدفتر ومحمد كشر .. والكل لف منتبه لدكتوره الي
اظربت الطاوله .. وبدت تشرح .. وبعد ربع ساعة محمد وقف وهو ماسك بطنه واضح التعب عليه..

محمد:Excuse me Dr. I would go to the toilet...المعذره دكتوره اود ان اذهب الى دورة المياه..

وئام لفت عليه: حبيبي اجي معك

محمد هز راسه بــ لا وطلع بعد ماسمحت له الدكتوره .. حمود وفارس لفو يناظرون فيها.. بعد ماطلع محمد..

فارس: لاتبكين بيرجع

حمود: ومن الحب ماقتل ..

واثنينهم عطوها ظهرهم .. ناظرتهم بحقد" مدري اخذهم واقتلهم ذول جد ناس غبيه"..تكت يدها تكتب لفت انتباها شي
في ظهر فاارس دققت النظراكثر كان فارس متكي على الطاوله ومشدوده البلوزه جهة الظهر .. ومن السهل تشوف
الجرح الي واضح غزاارته ماراح" معقوله واحد غني ماسوا عملية تجميل يشيل الجرح يالله شكله يعور القلب
واصل الى نص الظهر ..الله يكون بعونه.. اكيد مسوي عمليه بظهره او شي "

نزلت عيونها لمى شافت فارس لف يناظر فيها..,

حمود لف عليه: اتركها وش تبي فيها ..

فارس: انا الغلطان لابس بلوزه زي كذا

حمود مافهم قصده: وش يعني اغريتها مثلا

اسكتوو لمى الدكتوره طقت طاولتها .. وئام " احسن تستاهلون (ناظرت الباب) وينك يامحمد ليه تاخرت"

&&&&&&&&&&&&&&&&&&&&&&&&&&&&&&&&&&&&&&&&&&&

؛:×*يقول المتنبي في احد قصائده *×:؛
{مصــــــــــائب قــــــــوم عـــنــد قــــوم فــــوائــــــــد}

الساعه ثلاث العصر ..

ام عبدالله تجلس: الله يعطيكم العافيه ..

مي تنشف شعرها بالفوطه: الله يعافيك..

ام عبدالله : وين اختك سوسن شفتها مساعه طالعه بلحاف ولدي فهد

مي وهي تطلع مشط من شنطتها: هذا اكيد بتنشره تعرفين توها مغسلته

ام عبدالله نست النشافه الي عند ولدها: ايييه الله يعطيها العافيه

مي: ياشين الطباخ ..مايخلص الا وريحتك اللهم ياكافي ماتنشم

ام عبدالله: الحمدلله على كل حال.. وين راحتك اختك..

مي: فوق تتروش

......

...

......

في الدور الثاني ..

سوسن حطت الملحف على السرير: ويييييييييييع وش هالريحه ..تستاهل

وطلعت من غرفة فهد وراحت تتروش .. اوقفت تناظر الحمام.." كل مره نجي نشوف طقم من زهور الريف يتغير
بسرعه يخلصه هو وولده "

وبدت تتروش ..وهي مستمتعه بخطتها هي واختها على ولد خالتهم ..

......

...

......

اما عند فهد كان يتمنى يقتل اخوانه .. الي قررو انو تبقى امهم طول الاربع الايام الي بيجلس فيها ابوهم في المستشفى

دخل البيت وطق الباب: يالله يالله

ام عبدالله: ادخل

فهد دخل وشاف وحده لابسه عباية راس ومايبين منها غير اطراف اصابعها : انا بصعد فوق غرفتي اتروش
وانزل اوديكم المستشفى

مي: لاتروح غرفة الياس اختي فيها

فهد: ماني ميت عليها .. وصعد فوق ..

&&&&&&&&&&&&&&&&&&&&&&&&&&&&&&&&&&&&&&&&&&&

ثلاث العصر عند السعوديه وعند اسبانيا 1 الظهر..

محمد شبه منبطح على الكرسي ويتقلب من الالم ..وئام بخوف ..: محمد حبيبي مافيك حيل تقوم

محمد: وئام بطني دقي على الاسعاف دقي على اي احد

وئام: طيب انتبه لنفسك على مااجيب لك احد ..

وراحت ركض الى الكفتيريا لان اغلب الطلاب يكونون هناك لان الحين فترة الغدا .. افتحت بقوه بدون ماتنتبه
كان حمود يكلم تلفون من صقعت الباب طاح جواله ..

حمود بعصبيه: حوله ماتشوفين

وئام والدموع بعيونها: الله يخليك ولد اخوي طايح بطنه يوجعه موعارف اتحرك ومالنا احد هنا

حمود ناظر فيها و...

××

؛؟*

تــم الـــفــ الـثــانــي ـــصــــل

؛؟*

××
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$

فهد وسوسن؟؟

حمود و وئام ومحمد؟؟

فارس ليه معصب؟؟

اشوفكم في البارت الجاي ..,

تحيااتي..,

لامارا · 29-11-12, 07:26 PM

&&..××ــالــ ج ـــزء الــ س ـــابــ ع ــ××..&&

......

...

......

بعد دوام متعب جدا بنسبه له .. واتصالات ونقاش حاده مع اخوانه استسلم ان امه تجلس عنده الاربع الايام ..
نزل من سيارته وسكر الباب بقوه وهو مصعب ..دخل البيت وطق الباب: يالله يالله

ام عبدالله: ادخل فهد

دخل فهد وشاف وحده لابسه عباية راس ومايبين منها غير اطراف اصابعها : انا بصعد فوق غرفتي اتروش
وانزل اوديكم المستشفى

مي بصيغة امر : لاتروح غرفة الياس اختي فيها

فهد: ماني ميت عليها .. وصعد فوق ..

صعد فوق وهو مكشر" مالت عليك وعلى اختك وعلى عيال خالتك ..احسن شي صار في هالسالفه اني بيتي
صار نظيف .." كان بيروح غرفة ولده بس تذكر ان سوسن فيها.. وراح على غرفته .. اخذ له ملابس وماشاف

الفوطه وروب السباحه كلم نفسه بصوت شبه مسموع: نفسي افهم وش الحلو في اغراضي عشان تستخدمه ياالياس..وليتك يرجعهم او يستخدم حمامي يروح حمام الي برا .. افففففففف ..

وطلع من غرفته وقبل ما يفتح باب الحمام انفتح الباب .. توقعه الياس: بابا اليـ.... راح صوته من الصدمه ماكان الياس

كــــــان...

بيـــاض وعيـــون بنيه فــاتحه برموش كثيفه ..

انف ضعيف وقصيــــــر ..

شفايف مرسومه مورده حجمها وسط..

وخدود محمره من حراره الماي..

وفوطه ورديه ملفوفه على شعرها الي باين كم خصله منه لونه بني ..

لابسه قميص رمادي بيت مرسوم عليه الجاسوسات ..

وقف يناظر وشبه ابتسامه على وجهه ..وكأن الوضع عاجبه ..

اما كان الوضع عند سوسن غير.. من الصدمه ماتحركت كانت رافع شوي من قميصها عشان مايتبلل ماي
واليد الثانيه ماسكه فيها باب الحمام.. من التناحه جلست ترمش مره ..مرتين.. ثلاث مره ..الين استوعبت الموقف..تكلمت بسرعه: ياقليل الادب ..(وسكرت الباب في وجهه..وجهها صار احمر).. وجع تبين ولد يشوفك بالغلط ولا يتنح مافي تقولين ماعمرهم شافو بنت جد ناس مفجووعه ..

فهد ماسمع كلامها طلع وراح غرفته ... سكر الباب وسكر عيونه بقوه " وشفيني انا..وين الي بيصارخ عليها وين بيذلها..( فتح عيونها ونظار غرفته)..حيلك يافهد كنت في ايطاليا وشفت بنات احلى واجمل "

رخى راسه على الباب" حسبي عليها طلعت جمييله بس لسانها مشنها..(نزل عيونه في الارض وتنهد).. زي راما حلوه بس خاينه .. وخلتني مجروح وراحت "

سمع طق خفيف ..بعد عن الباب وفتحه .. كان الياس اول ماشافه فهد ضمه:...........

الياس ابتسم: دااادي امي تقولك يلا

فهد: روح جب من الحمام فوطتي الي سارقها

الياس بتسامه عريضه: ماسرقتها تسلفتها ههههههههه

فهد يعض شفته ويقرص اخذود الياس: لاتتسلف مره ثانيه واغراضي لاتحركها

الياس بعد مابعد ابوه ايده حط يده على خدوده: دادي تراني شبعت اليوم من هالحركه تعقدت الكل يسوي فيني كذا

فهد رفع حاجبه: من الي مسوي لك

الياس: اول شي سوسن بعدين مي بعدين امي واخر شي انت وعارف لارحت معاكم عمامي راح يسون لي

فهد: لانك حلو وتجنن يلا روح

&&&&&&&&&&&&&&&&&&&&&&&&&&&&&&&&&&&&&&&&&&&

اسبانيا الساعه وحده الظهر..

في الجامعه ..

محمد شبه منبطح على الكرسي ويتقلب من الالم ..وئام بخوف ..: محمد حبيبي مافيك حيل تقوم نطلب لنا تاكسي

محمد يسكر عيونه من الالم ويده على اسفل بطنه: لا.. وئام بطني دقي على الاسعاف دقي على اي احد

وئام تظرب خدها : ياربي وش اسوي ماعرف احد.. طيب انتبه لنفسك على مااجيب لك احد ..

وراحت ركض الى الكفتيريا لان اغلب الطلاب يكونون هناك لان الحين فترة الغدا .. افتحت بقوه الباب بدون ماتنتبه الي واقف وارى الباب ..كان حمود يكلم تلفون من قوه صقعت الباب طاح جواله ..

حمود بعصبيه ويده على راسه: حوله ماتشوفين

وئام والدموع بعيونها: الله يخليك ولد اخوي طايح بطنه يوجعه موعارف يتحرك وانا موعارفه اتصرف ومالنا احد هنا

حمود ناظر فيها كان بيستغل الفرصه وبتشمت وبينتقم منها بس هذا مو طبعه اذا احد اطلب منه شي يصد عنه...تنهد: طيب لاتبكين اخذ مفتاح السياره والمحفظه واجيك

وئام: بسرعه الله يخليك ..

حمود رجع الى شلته ..

فارس: وشتبي منك

غرام: اكيد عرفت انه ولد بطرا وتبي تتلزق

سوسن: حمود وين رايح

حمود اخذ مفتاح السياره وطلع من محفظته فلوس وحطها على الطاوله: هذا حسابكم باي مشغول

وراح عنهم مع وئام .. وخل الكل مابين مستغرب ومعصب ..

فارس بعصبيه: انت هيييييييه وين راح

غرام باستغراب : وشفيه انهبل

سوسن اوقفت: ناويه تنذبح هذي

ساره تشرب عصير: اكيد في شي اول مره اشوفه كذا جدي

سوسن اخذت الشنطه : بروح لهم

فارس يوقف : خذيني معك

......

...

......

وصلت وئام وحمود وقفوا مصدومين من ثلاث شباب الي متجمعه حول محمد..

وئام بخوف صرخت: يمـــــــه ولد اخووي

حمود راح ودخل وسط الشباب: خير الولد ماهو فرجه

واحد كويتي: ماهو فرجه بس يينا ( جينا) نساعده ماهو راضي ..شوف حالته يامعود

حمود: خلاص انا بتفاهم معه

محمد وهو يميل الى جهه ثانيه: ماني متحرك الين ماتجي عمتي

واحد اماراتي: شو بلاك انته شو عمتك ماعمتك انته وين وعمتك وين

حمود: بعدوو .. ياشر لوئام ..تعالي

الشباب بعدوو وجات وئام وجلست على ركبتها: حبيبي كاني جبت لك احد ياخذنا للمستشفى

محمد هز راسه بــ ايه بالم : .........

وئام لفت على حمود: ولد اخوي بيروح فيها حمود تصرف

الرجال الكويتي: يلا شباب خلونا نحمله لسيارته

واحملوا محمد وحمود ركض يجيب سيارته .. وئام قلبها يرقع خوف على محمد لف عليها الاماراتي:ياالشيخه لاتخافين
حنا كلنا اخوانك وماهو حاصل الي كل خير

وئام هزت راسها وعيونها على محمد .. وراحت معاهم ..

......

...

......

كل الي صار شافته عيون فارس وغرام و سوسن..

غرام: عساه الموت عشان تنقلع لبيتهم

فارس: اقول فكينا بس انا بروح معاهم ..

وركض الين جهتهم يوم شاف حمود واحد ثاني بيركب السياره صرخ: حمـــــــــــــــــــود

حمود لف: شنوو

فارس يقرب منه :ابي اروح معاكم

الرجال الكويتي ينزل: خلاص تعال وانا خلاص

بس فارس ركب ووئام نزلت النافذه : اخووي اخووي

لف الكويتي عليها: امري اختي

وئام: مشكور وربي يفرج همك زي ماسعدتتني

الكويتي: عيب عليج حنا اخوان واي شي تبينه اخوج عدنان تحت امرج ..

وئام ارتاحت حيل لكلامه ابتسمت له وراح عنها ..فارس انقهر يحب دايم هو البنات الي يشكرونه..
: حموود حرك وش تنتظر

تحرك حمود ..وئام جلست تمسح على راس محمد وتقرا بعض الايات عليه .. رفعت راسها :بنطول على مانوصل
المستشفى

فارس: لا ..لاتخافين على زوجك

وئام: اي زوج ..هذا ولد اخوي

فارس فتح عيونك على الاخر ولف عليها كانه مومصدق الكلام الي يسمعه.. وئام طنشته ولفت على حمود: دخيلك عجل

حمود: قربنا مابي الاقليل اصبري ..

&&&&&&&&&&&&&&&&&&&&&&&&&&&&&&&&&&&&&&&&&&&

في شارع ثاني بس بالسعوديه..

في السياره كان الهدوء الخارجي سيد الموقف ..لكن في داخل كل واحد حوار نفسي.. لكن صوت فهد كسر هالهدوء
: بنات خالتي العزيزات

مي وسوسن بدون نفس: نعـــم

فهد حاب ينتقم من سوسن: من فيكم نظفت الحمام الفوقي

ام عبدالله: سوسن

فهد يعدل المرايا ويشوف سوسن وراه ومي جنبها والياس جنب الباب وراه ام عبدالله.. وبنظرات خبث ناظر فيهم
: وليه كذا نص الشامبو منكب والماي مومسكر عدل والارضيه فيها صابون

سوسن بصدمه : انا منظفته عدل كيف صار كذا؟؟!!

فهد يكمل الكذبه: اظن عيوني ماتكذب.. يلف على امه.. تخيلي يمه كنت بطيح

سوسن بحده: انا نظفته زين و اخر وحده متروشه كيف صار؟؟

فهد ناظر فيها: اكذب يعني انا

مي: ولا اختي التكذب يمكن طاح لحاله

فهد: طيب بمشيها هالمره

سوسن تنزل وكانها بتعدل نعالها وتهمس له: ليتك طايح ومنكسر كان احسن

فهد سرعه بالسياره ولف يسار وصقع راس سوسن بالباب:آآآه

فهد: ااوه ماكان قصدي

الياس: دادي لاتسرع

فهد ببتسامه نصر: ان شاء الله ياعيون دادي

مي تلف على اختها:ياعسى عيونك البط

&&&&&&&&&&&&&&&&&&&&&&&&&&&&&&&&&&&&&&&&&&&

وصلو الى المستشفى ودخل محمد الغرفه مع مجموعه من الاطباء والممرضات.. حمود وفارس اجلسو على كراسي
الانتظار.. الا وئام كانت تروح وتجي ..صعب يوصونك على شخص ولاتحافظ عليه .. صحيح مافي فرق بينهم الاسبع
شهور بس تحسه امانه عندها تحسه اصغر منها بسنين تخاف عليه من الهوا الطاير.. لفت على الصوت الي وراها:
وئام

وئام عقد حواجبها وارجعت الى ورى: نعم

حمود استغرب من رجعتها الى ورا..مد لها كاس ماي: خذي ماي وهدي ..انا وصيت عليه الدكاتره

وئام مسكت الكاس من تحت (القاع) واخذته: شكرا

حمود تعجب من حركتها" يالله هالبنت جبر تخلي الواحد يحترم نفسه معها":.................

وئام راحت عنه ماشربت ماي حطت على الجنب" شكله غالي هالمستشفى .. اوقفت شوي.. من وين لي ادفع
الفلوس انا.. خلني اسالهم" وراحت لفارس وحمود الي كانو يسولفون ..: اممم لوسمحت اخوي حمود

كانت بتضحك على شكل فارس وحمود كانو منصدمين من اسلوبها .. راحت واجلست على كرسي بعيد عنهم
:هذا المستشفى غالي

حمود ناظر فيها: ايه غالي

وئام على طول نزلت عيونها وجهها صار احمر: طيب

حمود ابتسم: بس لناس الي للسانهم طويل وكذا نسوي بلاش

وئام تكره هالنظرات تحرجها تتمنى تتغطى : مستشاك هوو

حمود هز راسه بـ ايه:......

وئام "ياشين المهايط": ومتى صار

فارس يحط رجل على رجل: شكلك ماتعرفين عيال من حنا

وئام اوقفت موعارفه وين تروح ..توهقت" باين على هالمستشفى غالي ومحمد لحد الحين ماطلع احد يقول وشفيه"
لفت على صوت حمود : طلع الدكتور ..

والكل راح لعند الدكتور الاسباني ..: اولآ سنيور حمود .. مرحبا سيد حمود..

حمود لف يدور على وئام لقها بعيد شوي عنهم بس تسمع الكلام لف وجهه لدكتور يفهم السالفه .. وبعد دقايق راح
الدكتور ..وحمود وفارس جاو لوئام..

حمود : محمد سوه عملية الدوده الزايده ..والحين مافي الا العافيه

وئام شهقت: عمليه

حمود: اكدلي الدكتور ماهي خطره ..

وئام" جد غبي ادري انها موخطره": طيب ابي اشوفه

حمود: اصبري يحطونه في غرفه..بتجي لنا من هالممرضات تقولنا ونشوفه كلنا

فارس :على هالخوف حبيبك ماهو ولد اختك مدري اخوك

وئام: وانت تفكر عيال الاخو ماهم غالين..تصدق انا وحده غلطانه اكلم واحد مافي مخ..

حمود: خلاص ماهو مكان للهواش

وئام: مشكور حمود ..

حمود: لا عادي ..

وئام راحت عنهم واجلست على الكرسي ..

حمود يلف على فارس: على انها لسانها طويل بس محترمه

فارس كشر: ياكرهي لها

:سنيور حمود.. سيد حمود

حمود يلف على الممرضه: سي.. نعم..

الممرضه عطيته ورقه وقلم : سنيور حمود

فارس لف يناظر وئام الي كانت تقرا .." ياحلوك وانتي هاديه " نقز على صوت حمود:وئــام (يروح لها)
وئام كملي البينات..ويناظر فارس..

وئام تسكر القران وتحطه بشنطتها: اي بينات

حمود يعطيها الورقه والقلم: ولد اخوك

وئام اخذت الورقه وشافت الكلام بالاسباني: حمود ماعرف اسباني

حمود جلس جنبها.. وئام بعدت وحطت وسطهم شنطه حقتها: قولي شنو يبغون وانا بقول لك وانت اكتب

فارس ابتسم وجلس على الكرسي الي قدامهم " مسويه فيها انا البنت المؤدبه مالت عليك بس":............

حمود" جد ربي خلق وفرق اجل ذي تشبه سوسن ولا غرام ولا ساره ..هذي غير عنهم ": طيب يلا قولي ..

&&&&&&&&&&&&&&&&&&&&&&&&&&&&&&&&&&&&&&&&&&&

بعد مرور ساعتين من الاحداث ..في السعوديه ..

الساعه خمس ..تدخل ام طلال وبناتها مع طلال البيت ..

سوسن تنبطح على الكنب حقهم:آآآآآآآخ يايمه ظهري ألمني

مي: الله ياخذه يارب ويكذب بعد

ام طلال: ياخذ العدو لا دعين عليه الله يخليه لولده ولامه

طلال: يمه اخر مره خوايتي ينظفون بيته يبغى يجيب شريكه تنظف بيته

ام طلال: تبغى يجيب رجال غرب وخالتك فيه

طلال يجلس جنب امه: اذا جاب الشريكه يجيب خالتي عندنا

ام طلال: طيب لاقال بقول البنات مشغولات خلاص ارتحتو

مي :ايه

سوسن ماعلقت " شكله قال هالكلام اني مانظفت عشان شم ريحة اللحاف .. ليته ماشافني ياربي وشهالحظ
اكيد بيقول يوم سمعت صوته طلعت له اتلزق فيه ..زي اخوه تركي ..مالت عليه وعلى اخوه وزوجة اخوه"
وظلت على هالحال الين مانقز على صرخ اخوها طلال:ســــــــــــــــوسن وصمخ جدي ان شاء الله

لفت عليه معصبه: نعم شتبي

طلال معصب: نعامه ترفسك جيبي الريموت الي تحتك كسرتي

سوسن تسحب الريموت من تحتها : بعد عمري تبي الريموت ..(توقف وتشيل اغراضها) ياروحي اسفه كنت
سرحانه ماسمعتك يابعد قلبي بس تبي الريموت مــاطلبت شي غالي والطلب رخيص.. (ناظرته بخبث) ورمت
عليه الريموت وركضت الين الغرفه وقفلت عليها ..

طلال جاه الريموت على راسه وقف بيلحقها بس دخلت سوسن وقفلت الغرفه صرخ : هين هين ياسوسن

امهم طلعت من المطبخ: بزارين انت وياها على هالصراخ

مي ببتسامه وهي ترمش بسرعه: الله يخلف ماجبتي احد سنع غيري

ام طلال كشرت وكشت عليها: مالت عليك ..ودخلت المطبخ..

&&&&&&&&&&&&&&&&&&&&&&&&&&&&&&&&&&&&&&&&&&&

فتح عيونه والتعب واضح عليه شاف وئام جالسه تكلم تلفون لفت عليه.. ابتسم لها..قفلت السمعه وئام وجات لعنده
: كذا محمد تخوفني عليك..

محمد: اسف.. وشفيني انا ماحسيت الا بتخدير

وئام: مافيك الا العافيه .." بقوله بعدين مابي افجعه "

محمد: متى راح اطلع

وئام: مدري ..وش عاجلك بدري عليك؟؟

دخل دكتور معه ممرضه وئام بهمس لمحمد: عز الله توهقنا

محمد ابتسم: بنام انا

في هالوقت دخل حمود ومعه ورده : الحمدلله على سلامتك .. يحط الورده على الطاوله..

محمد: الله يسلمك

الدكتورالاسباني يتكلم الانجليزي:Do you know English.. هل تعرف اللغه الانجليزيه؟

وئام ومحمد: Yes

الدكتور: How are you؟

محمد:Felt a mild pain Avatar ..احس بألم بس خفيف..

حمود: شي طبيعي انت مسوي عمليه

محمد: عملية شنو

حمود: الدوده الزايده..

وئام خافت على محمد: حمود وشفيك شوي شوي على الولد..

الدكتور يلف على حمود يكلمه بالاسباني:Sr. Hammoud en Xi؟

حمود:نذآ.. لاشي ..

الدكتور راح ومعه الممرضه بعد مافحص محمد...

وئام تعدل لمحمد المخده :سلامتك ياحبيب عمتك سلامتك

وكل لها شويات ومحمد استسلم لنوم.. حمود حس نفسه ان غلط وقف :يلا توصين شي؟؟

وئام: ايه ..ممكن تجلس؟؟

حمود ببتسامه: اكيد

وئام: جد المستشفى لك

حمود: مولي انا لابوي ...

وئام: يعني مستشفى خاص موحكومي

حمود: اكيد.. ليه

وئام: وكم حساب محمد ولد اخوي كله؟؟

حمود: عذرا على الكلام الي بقوله..الي فهمته من خلود انكم ناس جاين على حسابكم الشخصي..

وئام: ايه

حمود: يعني يادوب هالفلوس تدرسكم.. انا كلمت ابوي ولاتخافين الحساب مدفوع ..اعتبريها هدية الصلحه

وئام حمر وجهه: بس مـ..

حمود يقاطعها وهو يوقف: لابس ولا شي ..وعلى فكره صوتك وانتي تقرين القران حلو

وئام نزلت وجهه المحمر: .......

حمود : يلا مع السلامه.. طلع قبل مايتهور " جمال واخلاق وادب كل شي فيها حلو حتى طوالت لسانها حلوه "

..*×*×*×*..

من الطرف الثاني وئام " على انه صايع كبير ..بس فيه اشياء زينه الله يهديه" رن جوال وئام وردت ...
: هلا سوسن كيفك؟؟

سوسن: انا بخير اخبارك يا حلوه؟؟

وئام: توني صايره بخير.. هااه نظفيتي بيت اخوي زين ههههههههههههههه

سوسن: اسكتي لاتطرينه وقسم نفسي اخذه واذبحه السخيف ..تخيلي شاافني الوصخ

وئام: كيف شافك؟؟

سوسن: فتحت باب الحمام ولا اشوفه الابوجهي

وئام: ههههههههههههههههههههههههه ه عساك كنتي كاشخه زي ماكنت كاشخه يوم شافني اخوك

سوسن: ههههه كنت لابسه قميص الجاسوسات تذكرينه ههههههه

وئام: هههههههههه ايوه كملي والشعر كيف كان

سوسن: لالا كنت لافته بالفوطه

وئام: كويس ههههههه احس من اخوك الي شافني بقميص اصفر منقط بنفسجي وراسي فيه حنه

سوسن: ههههههههههههههههههههه لحد الحين عندك هالقميص

وئام تمسح دموع الضحك: ايه تعرفين غالي علي ذوق اخوي عبدالله هههههههههههههههههههههه

سوسن: ماعنده ذوق ابد ههههههههههه

وئام: كلهم ترا ..يقولك تعرفين ذوق الرجال من زوجته ههههههههههههههههههههه

سوسن: ههههههههههههههههههههههههه ههههههههه

وئام:آآآآآآآخ يابطني بس اسكتي لا ازعج محمد نايم

سوسن: ليه مونايم في غرفته

وئام بدون تركيز: لان حنا في المستـ... استوعبت الي تقولها.. آآآآ لا هو

سوسن قاطعتها: بلا كذب وئام انتي وين

وئام بجديه: راح اقولك بس الله يخليك ..بس مابي احد يدري

سوسن: طيب يلا قولي

وئام: محمد بالمستشفى مسويه عملية الدوده الزايده

سوسن: ياعمري ..سلامته ..كيفه الحين؟؟

وئام: دايخ ..نايم هو الحين..تخيلي المستشفى الي حنا فيه كشخه زي مستشفى سعد الصانع يفتح النفس

سوسن: عطاكم قهوه سعد يعطي ؟؟

وئام: وش قهوته انتي حنا باسبانيا..

سوسن: تعالي لايكون خاص

وئام: ايه ..هذا الله يسلمك ..وتجلس تقول وئام السالفه من اول الين الاخير..

سوسن: يـــالببيه يجنن ابييه

وئام تتريق: بحاول اسولف له عنك

سوسن صدقت: من جدك؟؟

وئام: هههههههه انتي خبله.. بس تصدقين عجبني موقفه معنا ..

سوسن: هييييه هيييه اخوي طلال بيموت شوق وانتي هناك تغازلين

وئام: كيف دراسته الحين؟؟

سوسن: اذا خلص هالماده ونجح بيتخرج وبيقدم على وظايف..

وئام: الله يوفقه

سوسن: ماراح تقولين لابوه وامه

وئام: لا ...هم دقو ورديت قلت لهم الاخ سهران ونام ..

سوسن: حلو انا بخليك البطاقه بتخلص.. يلا مع السلامه وسلمي على هالكريم النشمي الجميل حمود

وئام بضحكه: يصير خير ..مع السلامه ..

سكرت من سوسن.. وكلها ثواني وادخلو النيرسات معاهم مخده ولحاف وصحن اكل ..

وئام بستعجاب:Is this me?.. هل هذا لي؟؟..

النيرس ببتسامه:Yes

وئام : اكيد حمود قالهم .. ناظرت الساعه ..يووه صارت صلاه العصر بروح اصلي ..

&&&&&&&&&&&&&&&&&&&&&&&&&&&&&&&&&&&&&&&&&&&

في السعوديه ..

بعد ماخلص صلاه العشاء رجع بيته هلكان .. صعد غرفته .. ورمى نفسى على الفراش.. بس مسرع ماقام:
وش هالريحه الخاايسه .. هذول منظفين الغرفه ولا طابخين فيها..

قام وطلع من غرفته معصب نزل تحت بس شاف الياس دخل المطبخ ماشاف احد رجع الى الياس: وين جدتك

الياس: صعدت فوق تقول بتنام

فهد بعصبيه ظرب فخذه: افففففففف

الياس: وشفيك دادي

فهد: مافيني شي .. بروح انام بغرفتك ولاتصحيني فاهم

الياس بخوف هز راسه بـ ايه :..............

فهد دخل غرفة الياس: هين هين ياسوسن الزفت انا اوريك مخيسه فراشي هين

انبطح على الفراش الياس وجلست يتقلب يحاول يهدي عمره .." حلوه ولسانها طويل وافعالها شينه ..الله ياخذك
اطلعي من راااااسي .. " حط المخده فوق راسه " وشفيني انا قلبت مراهق على اخر عمري" رجع المخده تحت راسه
"اكلم بنات عشان انسى الي صار ولا شنو اسوي .. افاا يافهد يوم صكيت الثلاثين بتخربها"..( ظرب وجهه)" وش
اسوي ابي انام هلكان مابي افكر فيها "

بقى على الحال مده طويله الين مانام..

&&&&&&&&&&&&&&&&&&&&&&&&&&&&&&&&&&&&&&&&&&&

خارج مدريد بــ 50 كليو بحيره جميله ..<< يقولكم هالبحيره تخليك تغار وتعبي الجكوزي حقك وتتبطح فيه هع

فارس يتكتف:ممكن اعرف ليه خليتني الغي كل شي واجي معك هنا

حمود يجلس على الارض: ياني اعشق هالمكان ..فارس انا فرحان اليوم اجلس الحين بيدا الغروب

فارس: حمود وقلب لنا رومنسي ( جلس جنبه) وهذا حنا جلسنا تكلم

حمود بنبره رومنسيه: فارس

فارس كشر وناظره بنص عين: شتبي

حمود:هههههههههههههههههههه� �هه وشفيك

فارس: مدري حاس بتقول كلام بيقرفني

حمود : فارس انا مسحور

فارس: الا مهبول وانا اهبل منك الي جاي معك ( بيرفع نفسه عشان يوقف )

حمود يمسكه من يده : لالالا خلاص بتكلم

فارس بتهديد: بدون هبال

حمود: الي تبي بس اجلس ..ياحبك لذل

فارس: اخلص

حمود يتنهد: وئــام يافارس عاجبتني

فارس جلس يناظر في حمود ويرمش: وش قلت يا اخ حمود

حمود: وئام عاجبتني ..احس غير هالبنت ..

فارس يعض على شفته: اي شلون ما تكون وهي لسانها طـ..

حمود يقاطعه : بس تنكر انها محترمه ..تخيل عرفت اني ولد ناس اغنيه ولا تغيرت ملامحها ولا تصرفتها(يلف على فارس ويعطى
البحيريه ظهره) يافارس اليوم انهبلت على ضحكتها يوم اكتشفنا انو فيه نسخه من البينات انجليزيه .. ولا عيونها
ورسمت شفافها كل شي فيها اعجبني مدري ماقولك احبها بس كذا اعجبتني راسي ماعدا غير صـ...

فارس يقاطعه: والمطلوب حمود ..اقول شيلها هذه ابدا ماتناسبك وبعدين هذي تبي واحد ملتزم

حمود: لا تاكدت اني احبها جد ..بيصير لها زي ماتبي

فارس بعصبيه: شنوووووووو

حمود: الي سمعته

فارس بالعصبيه: والسهرات والشرب ..انت انهبلت

حمود: بالطقاق

فارس يوقف:انت اكيد مجنون بتتركني وبتروح وراها

حمود: لا انت اخوي وهي بتصير زوجتي

فارس فتح عيونها على الاخر: شنـــو زوجتك ..

حمود :اكيد لا حبيتها بتزوجها

فارس: وبتروح الرياض وبتتركني من جدك حمود بتبعد عني

حمود: هي موساكنه بالرياض هـ..

فارس يقاطعه بصارخ: في جهنم ان شاء الله ..ساكنه مكان ماساكنه مالي خص فيها انــا .. انت فاهم وش قاعد
تقول راح تتركني.. يمسكه من ثيابه.. تتركني عشان بنت ياحمود

حمود يبعد يده: فارس وشفيك ماني تاركك فارس انا بكون معك وبتزوج وبسكن هنا

فارس: حمود انا ولا هي

حمود: اكيد انت ..فارس وشفيك كبرت سالفه تراها مجرد اعجب فيها

فارس: سكر فمك ابي ارجع القصر الحين

حمود: شوف الغروب بدا

فارس يروج لجهة السياره: مابي اشوف

حمود يلحق: مصاحب انا اكبر مريض نفسي ..صرخ.. خربت جـــــــــــوي

&&&&&&&&&&&&&&&&&&&&&&&&&&&&&&&&&&&&&&&&&&&
يوم جديد .. الساعه ثمان ..

في مستشفى ..

صحت من نومها على صوت خلود : صباح الخير

وئام تفرك عينها:صباح النور..حمودي نايم

خلود تجلس على الطاوله الي قدام وئام: حمودك جلست معه شوي بعده نام حده هلكان

وئام: حياتي فديته..خليه نايم ..جبتي لي ملابسي

خلود: اي

وئام: بقوم اتروش ..

خلود: وانا بروح اجيب فطور

وئام قامت راحت شافت محمد نايم باسته على جبهته وراحت تتروش .. وبعد ربع ساعه طلعت من الحمام ..
سمعت تسكيرة باب الغرفه .. طلعت وهي تنشف شعرها: خلود كل هذا فـــ.... سكتت وهي تشوف الي قدمها

حمود واقف على صوتها ولف عليها" هذا مستحيل تكون انسانه.. ياحلو الشعر الاسود عليها" بقى واقف و يناظر شعرها
الاسود المبلول بالماي و ملامح الناعمه والجسم المتناسق " وينك يافارس تشوف الي انا اشوفه"

وئام حست على عمرها ودخلت الحمام .. دقايق ودخلت خلود: حموود انت جيت

حمود بفهاوه: هااه ايه جيت انا عشان عشان

خلود: وشفيك حمود

حمود حط الاكل على الطاوله: باي عطي هذا وئام ..

وطلع من الغرفه ..

خلود تروح لحمام: وئام وئام كل هذا تتروشين

وئام: حمود راح

خلود: ايه

وئام تطلع وجهه احمر: راح جد

خلود: اشفييج اي راح وجاب لج فطور وانا بعد جبت لج بتصيرين متينه

وئام لحد الحين وجهها احمر : يالله ياخلود شافني

خلود: عشان جذي الريال(الرجال) متدوده( اممم كيف اشرحها لكم مايعرف يتصرف او زي صكه بعض من الفهاوه هع)
وموعارف ينطق كلمتين على بعض

وئام تجلس على الكنب وتطلع مشط وتمشط شعرها: .........

خلود: ماشاء الله شعرج طويل ماتفكرين تقصينه

وئام: لا ..احسه غالي علي ههههه

خلود: ياشيخه ههههههه

وئام تلم شعرها: يلا نفطر..

&&&&&&&&&&&&&&&&&&&&&&&&&&&&&&&&&&&&&&&&&&&

فارس وصل الجامعه وشاف شلته موجوده ماعدا حمود .. راح لعندهم .." اكيد الغبي راح لعندها من جده ذا يبغى
يتركني عشان بنت .. انا لازم ادبر لي صرفه عشان يبعد عنها":هآآآي

الكل: هاااااي

غرام توقف: فاارس حبي تعال ابيك في موضوع خطير

فارس بملل :وش بعد

غرام تسحبه بيعد عن الشله: حمود وينه ؟؟ من امس ماشفناه

فارس: مع وئام

غرام بدهشه: مع منووو

فارس: مع وئام

غرام: وسوسن

فارس: اساليه انا قاهرني ...آآآآآخ ودي اخذها واقطعها ألف قطعه قطعه

غرام: ماجات اليوم

فارس: في المستشفى مع ولد اخوها

غرام: الي معها موزوجها

فارس: لا .. غرام صرفيها هذي لازم تنقلع السعوديه اليوم قبل بكره

غرام: اصبر انا عندي خطتين اذا مانجحت الاولى الثانيه اكيد بتنجح

فارس: شنوو

غرام: قلت لك اصبر.. موبنت زي هذا تجي وتقلب الشله وتفرقها ..هين ياوئام

فارس ببتسامه خبث: الله ياغرام لو جد تضبط خططك وتسافر هالخايسه ذي..ساعتها لك الي تبين

غرام تحط يدها على اكتافها: ابيك انت لي طول العمر.. فارس انا احبك

فارس فهم وش تقصد غرام تبيه زواج.. ابتسم وناظرها بنظارت رومنسيه كذابه: وانا اموت فيك محد فاهمني غيرك

: يـــــــاعيني يـــاعيني مقدر انا

غرام تبعد عن فارس: انت متى جيت استاذ حمود

حمود يقلد غرام: من فارس احبك..( يعدل صوته)وش هالغرميات في الصباح

غرام: وين كنت ؟؟

حمود يهز راسه بــ لا: انا موتخصصك انتي مع " يقلد نبرتها" فارس

فارس يكشر: اكيد مع الحبيبه وئام

حمود ابتسم وتنهد: ايه

غرام بعصبيه: انت مهبوول

فارس: وازيدك بعد دفع لها قيمة العلاج والاكل وحاجز لهم سويت وموصي الاطباء عليهم

غرام لحد الحين معصبه: وش هالحركات ياحمود وسوسن انت ناسي

حمود عصب على صراخه: انتي هيييييييه لسانك عدليه لا بكف على وجهك انا موفارس

فارس: مابقى الا هي تصارخ علينا عشان وحده متخلفه زي وئام

حمود: ماني راد عليك مابي اخسرك تبقى فارس صديقي الي انا احبه ..سلاام انا ماشي.. وعطاهم ظهره ومشى

فارس شوي وينهبل حمود تغير عليه: حموود حموووووود .. ركض له وسحبه .. حمووود انا اكلمك

حمود يبعد يده: مالي كلام معك .. انا تصارخ علي ولا بعد تساعد المعفنه غرام تصارخ علي ..اسمع ولامليون زي
وئام ولا غيرها يبعدوني عنك ..بس دامك بتاخذ السالفه عناد فانا راسي من فالوذ مايغير رايه شي ..

فارس يمسح على وجهه: المطلوب يا حمود

حمود: قفل سيرة وئام ومالك شغل فيها

فارس بهدوء: لك الي تبي..كمل في داخله" اسوي كل شي ولا تبعد عني ياحمود اي شي اسوي"

حمود: اسف اني صارخت عليك

فارس: ولا يهمك ..تعال نطلع مالي خلق احد

حمود: وانا بعد

واطلعو من الجامعه ..

......

...

......

غرام شافتهم اطلعوا ارجعت لشلتها واخذت شنطتها والحقتهم بس سوسن وقفتها مع ساره .. : غرررام وين

غرام : بلحق فارس وحمود

ساره: ليه

سوسن: وشفيكم احسكم تهاوشتو

غرام بحقد: كله من وئام الزفت

ساره: ماشفتها اليوم

غرام تعدل شعرها الي يطيره الهواء: تخيلي ولد اخوها تعبان واستاذ حمود دافع العلاج والاكل وحاطهم بسويت
ولابعد يصارخ علي عشان بنت الفقر ذي

ساره: اسم الله عليه وش هالكرم الي هو فيه ..

سوسن ترفع حاجبها: من متى المعرفه ؟؟

غرام: قاااهرني السخيف

سوسن : انا بس اشوفها والله لا اذبحها الا حبيبي

غرام: تعالي نروح المستشفى لها

ساره: ويت ويت.. وين بتروح انتم ناسين ان المستشفى لابو حمود ناوين ابوحمود يقتلكم بتشوهون سمعت المستشفى
وبعدين وش هالحركات سلبخيسمو .. (همجيه بالاسباني)..الي راح تسونها ..انتم بنات راقيات في مليون طريقه تحلون فيها
المشكله..

غرام: ياكرهي لفلسفتك ..

سوسن الى لان معصبه: كلامها صحيح انا مابي اطلع قدامه كذا الدفشه وهي الناعمه

غرام: والحل

ساره: تعالو نشرب لها عصير يروق اعصابكم ونفكر بخطه

غرام: يلا

*×* ياترى وش براسهم ؟؟

&&&&&&&&&&&&&&&&&&&&&&&&&&&&&&&&&&&&&&&&&&&
في الرياض ..

في مقهى .. كب اند شينو.. الساعه عشر ..

: عجبك المكان حبيبتي

:عادي بس لو مسافرين احلى

سلطان يعدل شماغه: السنه الجايه نسافر انا وانتي بس

نوال: والعيال ..تشرب شاهي..

سلطان: نخليهم عند اهلك

نوال :طيب ..ابتسمت.. سلطان قلبي

سلطان ببتسامه: امري

نوال: متى راح تشتري الساعه الي خاطري فيها

سلطان: بسوي لك مفاجاء

نوال بدلع: حبيبتك انا قوول

سلطان يشرب قهوته: مافيه..

نوال: طيب..امسكت شنطتها وجلست تدور ..

سلطان: وش دورين

نوال:جوالي ابي اكلم محمد

سلطان يطلعه من جيبه :شفتيه مافيه..يرجعه بجيبه.. مافيه انتي معاي تقولي محمد

نوال: صار لي يومين ماكلمته ..ويوم بكلمه قالت اختك سهران ونام ..بصراحه شكيت في كلامها

سلطان: وئام ماتكذب

نوال وتمد يدها: هاته بس الي يسمعك هالحين اختك ملاك قال ماتكذب

اخذت الجوال وجلست تدق عليهم ..

......

...

......

في هالوقت وئام محمد كانو يشفون الرسوم كونان من الطفش .. ماعندهم احد خلود راحت الجامعه عنهم ..

لف محمد على صوت الجوال ..: وئام شوفي من داق علي ..

وئام قامت واخذ الجوال من الطاوله: هذي امك

محمد: مالي خلق اكلم احد

وئام: وانا ماقدر اصرف

محمد :خلاص هاتي

وئام تعطيه الجوال : لاتقولها شي قول تعبان ماخذ برد اي شي

محمد: طيب.. ويرد على جوال امه.. هلا يمه

نوال بخوف: يمه وشفيه صوتك كذا محمد تعبان

محمد: شوي ماخذ برد

نوال: سلامتك يمه انتبه لنفسك ..وخل هذي تهتم فيك

محمد: ماقصرت عمتي الله يخليها

نوال: طيب طيب عطني اياها ..

محمد يصرف: يمه تنظف الشقه هي

نوال: طيب ماراح اطول عليك ارتاح ولاتعب عمرك يمه.. واي كلمه شينه عني لاتصدقه هي ماتحبني

محمد: طيب باي

نوال: مع السلامه ..

وسكرت نوال من ولدها ..

سلطان: وش هالكلام الله يهداك نوال

نوال: انا مااثق فيها اخاف تحشي راس ولدي بكلام فاضي

سلطان: وئام موكذا

نوال: والي عافيك بس حومة كبدي فيها ..قوم خل نرجع البيت..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&

بعد مرور ثلاث ايام ..

رجع بو عبدالله الى بيته مع زوجته ورجعت الحياه زي قبل ..ووئام ماعرفت عن طيحته في المستشفى ..

طلع محمد من المستشفى ورجع الى شقتهم وحمود عرف شقتهم ولا علم فارس عنها ..

غرام وسوسن وساره .. مابقى خطه شيطانيه ماجهزوها في العطله عشان يطفشون وئام ..

فارس صابر على حركات حمود وينتظر خطط غرام بفارغ الصبر ..

سلطان وعياله ارجعوا الى الشرقيه .. وفهد صاير كل يوم يوصل الياس عند بيت ابوه ..

......

...

......

اليوم اول يوم في اسبوع بنسبه في اسبانيا .. في الجامعه الساعه ثمان ونص دخلت القاعه هذا اول مره تدخل
القاعه مع خلود بدون محمد .. جلست في مكانها المعتاد .. وطلعت الدفتر .. القاعه بدت تتعبه بالطلاب .. باقي ربع ساعه
وتبدا ويجي الدكتور الي عليهم .. طلعت المرايا تشوف حجابها عدل ولالا.. دخلت مرايتها ولفت على خلود: خلود

خلود: هااه

وئام: احس جاني تانيب ضمير خليته لحاله

خلود: وئام تراه كبير مو جاهل

وئام: طيب بس

خلود تقاطعها : جا حمود.. يازين الاحمر عليه يهبل حييل

وئام: وشفيه ناشب خلاص عاد

خلود: مدري ليه احسه عاشق

وئام: سكتي بس

حمود يجلس على الطاوله : سلااااام

خلود +وئام: وعليكم السلام

خلود:مولع بالاحمر

حمود: لون العشاق .. ناظر وئام.. حلو علي

وئام" وانا شنو دخلني فيك" : ايه ..

: حمــــــــــــود

لف حمود: هلافارس تعال

فارس اول ماشاف وئام كشر وراح لعندهم: هاي

خلود: هايات

فارس عصب وئام ماردت عليه: ليه مارديتي علي يا ام زي اسلامي

وئام تكمل الكتابه:طيب.. وعليكم السلام

حمود حس ان بقى فارس دقيقه بصير هوشه: يلا عن اذنكم..تعال فاارس الشله جااو

وئام بعد ماراحو: فكه

خلود: جا الدكتور ..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&

في جامعه في ثانيه لكن بالسعوديه ..الساعه ثنتين الفجر..

طلال يكلم امه: يمه الحمدلله خلصت الاختبار وكان سهل علي جدا ..

امه: يعني خلاص هالصيفيه وتخرج وتتوظف ان شاء الله

طلال: الله يسمعك

امه: الله يوفقك ويسهل دربك قول امين

طلال: امين

امه: يلا اخليك الحين..

سكرت منه وهي فرحانه .. وراحت لجهة المطبخ : سوسن يمه

سوسن: عارفه لاتكملين خذي هالاكل وصليه لبيت خالتك

ام طلال: حرام الياس خاطره في هالاكله

سوسن: وه فديته هالولد بروح اوصل الاكل وارجع ..

وبعد ربع ساعه سوسن اوصلت بيت خالتها .. وطقت الباب ..

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$
وانا اقول الين هنا الجزء خلص اشوفكم في الجزء الجاي ..

وكـــل عـــام وانتم بخـــير يا احسن واجمل وكل ابوشي فديتكم من اعضاء..،

لامارا · 29-11-12, 07:29 PM

&&..××ــالــ ج ـــزء الــ ث ـــامــ ن ـــ××..&&
......

...

......

دخلت القاعه والغرور مصاحبها مع صديقاتها .. لابسه برموده بيضه بلوزه حمره رسمه نص كم ..وشعرها
مسويته غجري .. شافت فارس وحمود ابعدوو عن وئام عصبت بس امسكت اعصابها عشان خطتها..

غرام تشيل النظاره من شعرها وهي معصبه وتحطها في الشنطه: ودي اذبحها

سوسن: نروح لها

غرام: لا انتي ناسيه الخطه ..

ساره : تعالوا نجلس جنبهم

اسمعوا صراخ فارس وحمود ينادون لهم بس طنشوهم ..

وئام ارفعت راسها منصدمه منهم.. سوسن وغرام وساره ابتسمو لها: هاااي

وئام وهي تناظر فيهم" وش هالستر الي نزل عليهم بنطلين ..لا الخايسه لابسه برموده تموت اذا ماتفصخت": هلا

غرام تجلس جنبها: هلابك سلامات حبيبتي سمعنا ولد اخوك بالمستشفى

وئام: اي بس الحمدلله ان طلع

خلود: من قالكم

سوسن تجلس جنب خلود :حمود

ساره تجلس جنب غرام: ناسيه ان حمود صديقنا

وئام تهز راسها بــ ايه" ونعم الصديق ": ........

سكتوو يوم تكلم الدكتور بعد دقايق ساره لفت على غرام: اخلصي قولي لها

غرام: اصبري مو الحين

وئام موعارفه تركز بالها مشغول كل شوي تلف تناظر فيهم" معقوله هالمغرورات جاين يتحمدون على سلامة
محمد.. لايكون حاطين عينهم على ولد اخوي ..بس ذول شكلهم اكبر مني .. عليهم عطور تجنن ..الله يرزقنا بس"

......

...

......

نفس القاعه بس مكان ثاني

فارس بستغراب: وشفيهم ذول ماجاوو

حمود: ولا يسالفون مع وئام جد شي غريب

فارس: بالله طالع كيف صايره اشكالهم من بعيد

حمود: وئام احلاهم

فارس: اقول اسكت بس.. انا اقصد شوف الخبث بعيون سوسن وغرام وساره

حمود يطالع البنات ويلف على فارس بسرعه: لايكون ناوين على وئام بالشر

فارس يناظر فيه: بالله هذول يعرفون يسون شي غير المهايط على قولة يوسف(يوسف ابو فارس)

حمود: هم مايسون يرسلون ناس يسون اعرفهم خبيثين

فارس كان بيرد بد الدكتور وقف قدامهم ويخز فيهم ..فسكتو

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

في جامعه في ثانيه لكن بالسعوديه ..الساعه ثنتين الظهر..

طلال يكلم امه: يمه الحمدلله خلصت الاختبار وكان سهل علي جدا ..

امه: يعني خلاص هالصيفيه وتخرج وتتوظف ان شاء الله

طلال: الله يسمعك

امه: الله يوفقك ويسهل دربك قول امين

طلال: امين

امه: يلا اخليك الحين..

سكرت منه وهي فرحانه .. وراحت لجهة المطبخ : سوسن يمه

سوسن: عارفه لاتكملين خذي هالاكل وصليه لبيت خالتك

ام طلال: حرام الياس خاطره في هالاكله

سوسن: وه فديته هالولد بروح اوصل الاكل وارجع ..

وبعد ربع ساعه سوسن اوصلت بيت خالتها .. وطقت الباب ..وانفتح الباب وكان بالنسبه لها صدمه

تركي على الباب : نعم

سوسن: ابي خالتي وينها

تركي: اووه انتي من بنات خالتي سوري ماعرفتك

سوسن" باللهي من متى المعرفه والله مالت عليك بس": اقول وين خالتي

تركي: امي تجهز عشان بنمشي المستشفى عشان زوجتي ولدت

سوسن: مبروك وش جابت

تركي: بنت

سوسن: تتربى بعزك

تركي:تسلمين

سوسن" هذا مطول على الباب خست انا ": طيب ممكن ادخل

تركي يبعد : اي تفضلي

: السلام عليكم

سوسن من الخوف مسكت الكيس زين لاتطيح من الخوف :بسم الله

تركي: فهد بارك لي جاتني بنت

فهد :مبروك( كمل وهو ياشر على سوسن) من ذي

سوسن: لي اسم واسمي سوسن

فهد: الله وماقلتي عاد

سوسن: غبي ..وراحت ركض لعند المطبخ

فهد كان بيلحقها ..بس تركي امسكه: هيييه وين رايح

فهد: بذبحها رافعه ضغطي

تركي : اتركك منها

الياس يجي لهم : دادي

فهد ببتسامه: ياعيون داادي امر

الياس: ابي اجلس مع سوسن

فهد كشر وتركي انفجر ضحك ... اما الياس عقد حواجبه : ايش فيه دادي

تركي: ياعيون ابوك انت خلها بعدين تعال شف بنتي

الياس يضرب رجله في الارض: ابي اجلس عند سوسن

فهد: خلاص خلاص اجلس لاتحن

ام عبدالله: انا جهزت يمه

تركي: تجي معنا فهد

فهد: ايه لاني لوجلست سويت جريمه هنا

تركي: هههههههههههه على كبر غبي هههههههههههههههههههههه

فهد: تلايط تركي

ام عبدالله : وشفيكم يمه

تركي يناظر فهد: ولا شي يلا مشينا

......

...

......

في المطبخ..

حطت الاغراض وبعد ماطلع الياس سكرت الباب وتكشفت .. اشربت ماي تهدي من اعصابها
شوي: الله ياخذه مسوي لي رعب .. كل ماتذكر نظراته لي وشوفته اخاف مالت عليه بوكرشه

اجلست على الارض دقايق بعدين انفجرت ضحك " احسن يستاهل فشلته قدام اخوه جد هو غبي"
ابتسمت " جد لابس ثوب ومتكشخ بس تركي احلا ..زي وئام حلو ..آآآخ ياوئام وينك"

......

...

......

في السياره

تركي يسولف مع امه عن حال الرجال الي بسنه وين وصلو ومن الي طلق وعرس ومن الي تزوج
على زوجته ...الخ ..اما فهد كان في عالم ثاني .. الذاكره كانت عنده موقفه على خيال سوسن

" وشفيك يافهد تجدد عندك هالشعور.. هذي بزر تعرف كم الفرق بينك وبينها 10 او 11 سنه
وشلك فيها اتركها "

لف على السياره وشاف بنت صغيره ابتسم لها" الياس بدا يتعلق فيها ..وهذا شي ابد موزين لان
في الطالعه والنازله يتكلم سوسن ومي واذا بيغير قال وئام عمته " هز راسه بــ لا" انتبه يافهد لنفسك"

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

بعد ساعتين .. في اسبانيا..

خصلت المحاظره وبدت تفضى القاعه وئام توقف وحطت في الشنطه دفترها..
غرام اوقفت تناظرها بحقد بعد ماراحت ساره مع خلود: اقول وئام

وئام" يازين من زار وخفف" : هلا

: باااك جينا

وئام " كملت..و هذي خلود وين راحت":...................

فارس ببتسامه: ياحلو الاحمر فديت الفراوله انا

وئام كشرت وجلست تناظر فيهم" ويييييييييييييييع وييييييييييع هذي خنفسانه ":.....

حمود ببتسامه: وئام انا ماكتبت المحاظره ممكـ...

سوسن تقاطعه: انا كتبتها لغرام

فارس: صح تذكرت موانتي في سنه ثانيه وش جابك هنا

غرام: الدكتور غبي مايدقق

وئام حطت الشنطه على كتفها : ممكن شوي سوسن بمر

غرام تمسكها من يدها: وييين خلك بعزمك على عصير وشيز كيك

وئام: ودي بس حابه اطمن على محمد

سوسن: الحين مومي عازمتك

حمود: حابه اوصلك وئام

وئام حمر خدودها" عليه نبرة صوت ونظرات تحسين شوي وياكلك": لا شكرا ..باي

صعد على الكرسي ومشت شوي ونزلت وراحت عنهم ..غرام وسوسن انقهرو منها ..

حمود: يلا نطلع

سوسن وهي مسكره سنونها: وش اشتقت لها حبيبي

حمود رافع حواجبه: ايه بمووت عليها .. يميل على فارس.. اللحقني فارس بيغمى علي

غرام: وع وع على ايش شايفه نفسها اصلا وهي صاعده على الكرسي ذكرتني بزورو

حمود بهبال: الللله احلى زورو

غرام: نعم

حمود يبعد عن فارس: ممكن اكلم زورو فارس

فارس: لا يابابا بعدين ماما غرام وجدتك سوسن يقتلونك ههههههههههههههه

حمود: ههههههههههههههههههههههههه هههههههههههههه

سوسن : انا ماشيه ..

غرام: ترا مايضحك الي قلتوا حدكم سخيفين.. انا بمشي بعد

......

...

......

طلعت من القاعه وراحت الكفتيريا .. وقفت مستغرفه وهي تناظر خلود وساره منسجمين مع بعض
" شسالفه اليوم غرام وسوسن صايرين معاي عسولين والحين خلود طايحه سوالف مع ساره..
شسالفه من قاري عليهم شكل اللبس اثرعليهم ولا هم موكذا"

: شخبار بنت السعوديه اليوم

وئام نقزت : يمه

: هههههههههههههههههههههههه هههههههههههههه

وئام وجهها احمر: خرعتني

: اسف حقج علي

وئام تناظر السقف وهي تذكر: امممم ياربي شنو اسمك نسيته

:عدنان الحين من قايلج اسمي معلق فوق عشان رافعه عيونج فوق

وئام: هههههههههه لا انا اتذكر

عدنان ببتسامه : خوش تفكير.. الا بسالج ولد اخوك شخباره؟؟

وئام: الحمدلله زين بس ماخليته اليوم يداوم

عدنان: شكلج تموتين فيه

وئام: اكيد ولد اخوي هذا

عدنان: ماتعرفين احد هنا

وئام" الاخ ناوي يدق سوالف": الا اعرف وحده من الكويت زيك

عدنان: اختي حبيت انصج نصيحه ..

وئام: تفضل

عدنان: بعدي عن هالشله حمود وفارس ورفيجاتهم.. ترا سمعتهم ابدا موزينه .. وانتي شكلك بنت حلال
ومالك بهالسوالف ابد

وئام: انا مالي علاقه فيهم ومساعدة حمود لنا لان اول شخص شفته في وجهي .. لاتخاف
انا اخاف على نفسي وقبل كذا اخاف من ربي ..

عدنان: افا عليج هذا واجب واعيد واكرر اخوج عدنان تحت امرج في اي شي( ابتسم لها) .. الحين
اخليج بروح لرفجاي (( جمع رفيج = رفيق = صديق >> بس موهندي ركزو هههه)) مع السلامه

راح عنها ووقفت متنح" ويازين الكويت واهل الكويت.. شكلي باخذه لسوسن ..( ابتسمت) صرت
خبله ..كله اعلق" راحت لعند خلود وساره: سلاام

ساره: وعليكم السلام

خلود: وعليكم السلام.. تونا ذاكرينج

وئام ببتسامه: في شنو

ساره: انا بسوي حفلة بنات وحابه تجون عندي

وئام بشك: بنات بنات اكيد ولاا

ساره: لا بنات لاتخافين

وئام: وحمود والي معه..

ساره: انسي اجيبهم .. الجلسه كلها بنات لاتخافين وبعدين خلود مواول مره تجي الحفله عندي

خلود: اي جد مو اول مره ..لو غرام وسوسن اقول بس ساره اضمنها لك

وئام: اشوف وضعي وارد لك خبر.. يلا خلود وصليني

ساره: وين ..

وئام: عندي اليوم بس محاظره وحده والثانيه تكنسلت

ساره: اوكيك اشوفك بكره

وئام: طيب الا تعالي متى حفلتك

ساره: يوم الاربعاء

وئام: اهاا زين اجل

ساره بفرح :بتجين

وئام: مدري يلا بااي

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

العصـــــر.. بالسعوديه .. الساعه خمس

في الشقه الصغيره .. طلال واقف عند باب غرفة اختها " اقول لها ولا ما اقول .. منت بخسران
سوسن ماتقول لحد " طق الباب وجا صوت سوسن: ادخل طلال

فتح الباب وهومبتسم: شدراك ان انا الي طاق الباب

سوسن وهي تكوي الثوب: شوف يااخ طلال مع احترامي لـ امك واختك البيت هذا مافي ذوق
غيرك وغير ابوي وانا ..اما الباقي الذوق معدوم عندهم مثال على كلامك اختك ماتعرف اطق
باب على طول تفتح الباب غرفة امي وابوي .. اي شي تفتحه لو الحمام مومقفل كان فتحته

طلال رافع حواجبه ويهز راسه: لان الذوق متركز في شعرك

سوسن تحط يدها على شعرها:ههههههههههههههههههه� � شكرا اخوي

طلال يجلس على سرير: ممكن خدمه

سوسن: امر

طلال: ممكن دقين وتطمنين على وئام

سوسن تفتح عيونها على الاخر : من جدك.. ؟؟

طلال وقف: اذا بتسوين فيها حرام ولا عيب امشي احسن لي

سوسن: لالا مو موكذا ..انا تفاجأت

طلال: والحل الحين

سوسن: جوالك هاته عشان ادق عليها

طلال : بس هااه وعد هالسالفه محد يدري فيها

سوسن: يصير

واخذت الجوال ارسلت رساله وارفعت راسه له وهي مبتسمه: بنت خالتي شريفه ماترد على
ارقام غريبه .. ارسل لها رساله انا فلانه ترد

طلال: لانها مؤدبه

سوسن: اسكت بس خلني ادق عليها ..ودقت عليها كذا بس ماجاها الرد.. ماترد شكلها نايمه

طلال: مومشكله اذا دقت سلمي عليها

سوسن: اشتقت لها

طلال: كثير ..تعود على صوتها معاكم لها جوها الصراحه ..

سوسن: ياعمري ياخوي ..الحين اللبس عباتي وحجابي وبس ماراح اتغطى واروح اسبانيا واجرها
لك من شعرها واجيبها لك ..

طلال: هههههههههههههههههههه لا شكرا لاتروحين.. وقف .. كم هناك تدرس

سوسن: ثلاث سنين ..اذا صارت دراستهم على الدوله بس اذا تم على الحال بيرجعون

طلال: ان شاء الله ترجع ابيها انا

سوسن: لهدرجه تحبها

طلال: احبها ومتعود عليها

سوسن: لالالا متعود على شخص غير انك تحبه في فرق ياطلال

طلال:بدت الفلسفه ..امشي احسن مع السلامه ..

سوسن توقف جهة المرايا وتناظر شعرها الي حاطه فيه زيت: والله شحلاتي كاني سالي بس شقرا هههههههههه

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

في المستشفى ..

يدخل الغرفه عبدالله ومعه شوكلاته من باتشي.. اول مادخل استقبله تركي: هلا وغلا

عبدالله يعطيه الكيس: هلابك ..وينه المولوده

تركي: داخل عند امها

عبدالله: قلت لوئام

تركي: لا

عبدالله: ابوك جا

تركي: لا

عبدالله: دق عليه وخله يجي لحد يتكلم علينا

تركي: افففف مو لازم

عبدالله يشدد على الكلام وهومسكر سنونه: اقولك دق عليه ولايكثر

تركي: طيب

تركي طلع يدق و عبدالله رفع السماعه جواله يدق على وئام يبشرها..

......

..

......

وئام بعد مانظفت الشقه ورتبتها دخلت الغرفه تريح .. انبطحت على فراشها ورن الجوال
رفعت راسها شافت الجوال على التسريحه: لاااااااااا موقته هلكانه .. تقوم .. افففففف.. اخذت
الجوال وردت بدون ماتشوف .. نعم

: السلام عليكم يابابا كيفك؟؟

وئام بدهشه: اخوي عبدالله

عبدالله: ايه اخوك ؟؟ وشفيك معصبه

وئام: لا ولا شي كيف امي وابوي

عبدالله: بخير.. شخبار محمد سمعنا انو تعبان

وئام: لا خف كله زكام وكحه

عبدالله: لايعاديك بس

وئام: لا عادي ..

عبدالله:مبروك صرتي عمه من جديد

وئام بصدمه: وش زوجتك حامل ؟؟

عبدالله: هههههههههههههههه وش حامله انتي .. خلاص مانبي عيال الله يخلي الي عندنا

وئام: امين .. اجل من الحامل

عبدالله: تركي زوجته ولدت

وئام كشرت" الله ومن قلت عاد ": مبروك وش جابت

عبدالله: بنوته حلوه زيك

وئام: اكيد طالعه على اخوي حلوو

عبدالله: لاعليك ..

وئام: خلني ابارك له عطني اياه

عبدالله: راح يكلم ابوي يبشره

وئام بتريقه: اللهم صلي عليك يانبي ..ياحليلهم اخواني ماشاء الله وش هالحب الي نازل الله لايغير علينا

عبدالله ببتسامه: اللهم امين

وئام: اجل امي عندك

عبدالله :ايه بس مقدر اعطيك اياها لانها عند الحريم

وئام: طيب اجل سلم على اخواني وبارك لتركي عني انا فيني النوم يلا مع السلامه

عبدالله: لحظه

وئام: وشوو

عبدالله: دقي عليه وعلى زوجته وباركي لهم

وئام: والله محد احسن من احد ..انا نجحت محد دق ولا احد بارك وقبلها ابوي طايح ماسال
عنه ..ليه اسال فيه ..

عبدالله: شي فات ومضى وشلك فيه

وئام: اسفه ماني متصله عليها ولا عليه

عبدالله بحده: وئام انا ماعمري عصبت عليك خلك عاقله وسوي الي اقولك عليه

وئام: بعد ما اجلس

عبدالله: طيب ..بسال تركي ياويلك لو مادقيتي ..يلا مع السلامه

وئام بس سكرت منه : مااالت على اخوك وزوجته افففف.. ناظرت في الجوال شافت رساله فتحتها وقرتها..
وع سوسن داقه علي وراسله رساله موناقصه اشوفه بالجامعه تدق علي ماني رده عليك..

حطت الجوال تحت المخده ونامت

&&&&&&&&&&&&&&&&&&&&&&&&&&&&&&&&&&&&&&&&&&&&&&&

بعد صلاه العشاء..

فهد في سيارة جالس ينتظر ولده من بيت خالته.. نزل الياس من العماره ومعه وحده ..ترك يدها لمى قربو من السياره
اشر لها الياس مع السلامه بيده وركب سيارة ابوه ..

فهد ببتسامه: فرحان يابابا

الياس: يس داادي

فهد يحرك السياره: من الي معك

الياس: سوسن.. دادي انا احبها حيل .. تخيل ورتني رسوم حلو بس قديم اسمه جندايزر

فهد : اسمه جريندايزر هههههه

الياس: ابي دادي هذا

فهد: خلاص اشتري لك

الياس: انا احبها حييل سوسن هي ومي.. مره طيبن كانهم عمه وئام

فهد كشر" حبتهم القراده امهات البصل والثوم .. شنو اختي جنبهم هم غطوا عليها.. ****ب ذول"

&&&&&&&&&&&&&&&&&&&&&&&&&&&&&&&&&&&&&&&&&&&&&&&

في الليل في ملهى ليلي في مدريد .. 12 بالليل...

حول الطاوله الدائريه فارس وغرام وسوسن وساره ..

فارس : بعيد الخميس

ساره: يادوب اجهز للحفله

غرام: ياني بذلها ذل

سوسن: كيف؟؟

ساره: هييه مابي مشاكل في بيتنا

غرام: بس تجي وتصير سوالف البنات ببدا اقط عليها النغزات .. وبعد كل شي
بسحبها لبرا عند البدي قارد يتسلو فيها

ساره شهقت وحطت يدها على فمها

سوسن: لالالا غرام مولهدرجه

فارس ناظر في غرام" وجع وجع انا الولد مافكرت في هالفكره":............

غرام: اسكتي انتي وياها لا اذبحكم الحين.. تمسك يد فارس.. حبيبي شرايك في الفكره

فارس: غبيه

غرام رفعت حاجبها: وليه ؟؟

فارس: تقدر ترفع عليك قضيه وتلعن خير خيرك ..

غرام: راح انكر ومافي شي يثبت

فارس اشر على ساره وسوسن: هذول اكبر دليل واثبات عليك .. اول كف مو كف بس يشفون
الكلب البوليسي راح يخرون لهم كل شي .. بلاها الفكره الغبيه

غرام: والحل

سوسن: لقيتها نصورها وهي ترقص ونخلي جورج الخبيث يدمج معها واحد يرقص ونرسلهم
لاهلها في السعوديه

فارس ابتسم: صح عليك .. لف على غرام .. هذا التفكير ولا بلاش موانتي

غرام توقف وتعدل بلوزتها الفاضحه مع التنوره القصيره : اوكيك يلا بيبي ابي ارقص

فارس يترك الوسكي: يلا

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

يوم جديد .. على اسبانيا ..

في الجامعه ..

وئام كانت تكلم امها وابوها سكرت منهم وناظر الساعه : وي بدت المحاظره الخاينه خلود راحت عني

ركضت الى القاعه وطقت الباب :Would you please enter me.. هل تسمحي لي بالدخول؟؟

الدكتوره وهي تناظر فيها: no

وئام انحرجت لان كل العيون عليها :please

غرام: بسررررررعه خلصونا

حمود يوقف:Please let her.. ارجوك اسمحي لها..

الدكتوره تكلم وئام: Get out.. اخرجي..

وئام نزلت وجهها واطلعت .. حمود طلع وراها.. ولا هتم في اي احد ..

حمود: وئام وئام

وئام تلف عليه: هلا

حمود: لاتزعلين على الي صار

وئام: انت الحين طالع عشان تقول لي كذا

حمود: واجلس معك .. خلود داخل وانتي مالك احد ..

وئام: لاعادي روح لاتسقطك وتسقطني معك

حمود: مومهم

وئام: بكيفك .. مشت عنه

حمود مشى وصار قدامها بالظبط وئام شهقت: ما احب احد اكلمه ويعطيني ظهره ويروح

وئام: بس انا خلص كلامي

حمود:وانا ماخلص

وئام ناظرت الكتاب وجهه احمر لان حمود جالس يناظر فيها : طيب اسفه ممكن تبعد من قدامي

حمود" يازين بناتك ياديرتي": بشرط افطرك ..

وئام" ياربي وش هالنشبه ": لا .. شكرا شبعانه

حمود: اعرف انك موشبعانه لو شبعانه ماصار طريقك للكفتيريا

وئام ارفعت حاجبها: المطلوب اخ حمود

حمود: ابيك في موضوع ضروري

وئام : شنوو

حمود: تعالي الكفتيريا

وئام : طيب

وراحو الى الكفتيريا ..,

حمود سحب لها كرسي واجلست وهو جلس معها: احم احم

وئام تلف يمين ويسار" بيخطب هذا جالس يتنحنح":..........

حمود وكانه اول مره يكلم بنت متوتر : امممم ...آآآآ..(اخذ نفس) تحبين اطلب لك شي

وئام: لاحبيت شي بروح اطلب بنفسي.. يلا قول موضوعك

حمود يحط يده على الطاوله : هو الموضوع ومافيه اني

وئام: ايوه

حمود يشبك ايديه مع بعض: اتمنى هالكــ..... يقطع كلامه صوت تصفيق لف حمود مع وئام على سوسن

وئام توقف " عز الله رحت فيها ":.........

حمود: هلا سوسن تعالي

سوسن حاطه يدها على خصرها ورافع حاجبها: الي اعرفه ان الحين وقت محاظرتك مو وقت جلسات غراميه

حمود: سوسن وش جالسه تخربيط

وئام تاخذ دفترها مع الشنطه : عن اذنكم

حمود:لحظه وئام

مشت وئام بس يد سوسن وقفتها: وين وين بدري ياحلوه

حمود يبعد سوسن عن وئام: انتي اشفيك انهبلتي

وئام راحت عنهم .. سوسن تبعد يدها من يد حمود: بعد يدك ..

حمود:خبله انتي فيك شي

سوسن:انا مو خبله هي الخبله تبي تاخذك مني

حمود: وش تاخذني حلاو انا .. انا ماشي.. وتركها وراح

سوسن: هيييييييين انا اوريك

......

...

......

طلعت برا الكافتيريا .. تدور مكان ترتاح فيه الين ما تخلص المحاظره .." الحمدلله والشكر بغت تاكلنا الهبله.. ولا
امس داقه علي بكل ثقه انا سوسن زين مارديت عليها" جلست تناظر الناس .. طلعت من شنطتها علبة ماي
شربت شوي وبعدها طالعت سوارة طلال" يااااني اشتقت لك وشتقت لسواليفك وخبالك " ابتسمت وهي تتذكر شكله

:وين حموود

وئام اشهقت : يمممه .. بسم الله وجع

فارس: اخلصي علي حمود وين

وئام بعصبيه: وانا شدرااني ..تبي دق على جوااله ..

فارس: شوفي يا البزر ان مابعدتي عن حموود يااويلك

وئام تدخل الماي في الشنطه: ماااااااالت علييييك وعلى حموود فوقك .. شدعوه انا ميته عليه ..

فارس: تكفيين الي حنا ميتين عليك

وئام توقف: والله محد طلع ولحقني غير خويك .. ناسي ولا اذكرك

فارس: يلا يلا فارقي عن وجهي

وئام تجلس وتحط رجل على رجل: انت فارق وانقلع عن وجهي ..

فارس يعض شفته: طيب ياغبيه ..ويروح عنها..

وئام بعد ماراح فارس: ماالت عليك

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

العصر..في السعوديه ..

طلع فلوس من جيبه وحطه في لفاف الطفله: الله يحفظها .. بنتي الصغيره الحلوه ..حبيبة جدها " باسها على خدها"
تركي يبه اخذ بنتك

تركي يشيل بنته : بسم الله

ابو اسيل: جبها انا غرت من ابوك يعطيها فلوس وانا لا تعال

تركي ببتسامه: خذ يا عمي

ابو اسيل: خلها عندك اخاف طيح من يدي " باسها وحط في لفافها فلوس" شيلو فلوسها لا ياخذونها

تركي: ان شاء الله

بوعبدالله: يلا انا بمشي

تركي: تبي اوصلك

بوعبدالله: لا شكرا

ابو اسيل: خذني معك

تركي: ويين خلك ياعم ..ولا ماهي حلوه جلستنا

بوعبدالله طلع من الغرفه" انا يبغى الفكه مني ..وابو زوجته يترجااه يجلس معه.." كمل طريقه وهوحزين

" الله يحفظك لي ياوئام "

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

في الليل ..

وئام تجلس على السرير: خلود قلت مابي اروح غصب هوو

خلود: يالغبيه مو غصب بس ليش ماتروحين وبعدين سوسن شكووو في السالفه

وئام: مابي اشوفها

خلود: الي يسمعج الحين يقول ماراح تشوفينها بكره

وئام: متى الحفله طيب

خلود: بعد بكره

وئام: مابي الروح ماني مرتاحه لروحه

خلود: وااااااي منج ليش عاااد

وئام: بس كذا مابي اروح خلود ..خلاص عاااد

خلود بنرفزه: كيفج كيفج مالت عليج ..خمدي بس

وئام تقلدها: فديتج يا خلود ههههههههههه

خلود: ياكرهج ههههههههه

وئام: يلا بكره اشوفك

خلود: محمد بيداوم بكره

وئام: ايه خلاص صار زين

خلود: الحمدلله

وئام: يلا اشوفك بكره بااي

خلود: باي

وئام سكرت من خلود.. وحطت راسها على المخده" اخيييييرا افتكيت من هالروحه اووف " غطت وجهها ونامت

......

...

......

من الجهه ثانيه دقت خلود على ساره ..

ساره ترد بلهفه: هاااه بشري

خلود: مارضت تجي

ساره: ليييه ؟؟

خلود: مدري عنها .. الا تعالي ليه متحمسه انها تجي؟؟

ساره: هااه ..بس كذا حبيتها تجي

خلود: يلا مره ثانيه

ساره: اوكي ..يلا باي ..

سكرت من خلود ولفت على سوسن وغرام : مارضت تجي

غرام: ايششش

سوسن: حقيررره

ساره: كله منك انتي خربتي كل شي

غرام: مومشكله في الف طريقه اخليها تجي

ساره: كيف وهي تخرب كل شي اخت سوسن؟؟

سوسن: مقدر كل مااشوف الاخ يتلزق فيها.انسى كل شي

ساره: اجل هذا وجهي ان ارجعت السعوديه

غرام تلف سوسن: بلا هبال طنشي عشان ترجع السعوديه

سوسن: خلاص زي ماتبون اففففففف

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&

بعد مرور شهرين من الاحداث ..

في المقطع بخلي كل شخصيه تتكلم عن نفسها ..

.. وئــــام ):..

اليوم اول يوم اجازه عندنا ..واليوم بالضبط اخذت شهرين ..جد تعودت على اسبانيا بس اشتقت لامي وابوي
صارت اشياء غريبه في غيابي.. اخوااني صايرين مهتمين في ابوي كثير شي يحير بصراحه.. انا موزعلانه
بس احس شي غريب .. بس ما انكر ان مرتاحه لهالتغير وان شاء الله دووم .. اليوم بروح نطلع مع خلوود
قد ايش هالبنت حبووبه وعسوله وطييوبه وتدخل القلب بسرعه .. بس امس صار لي شي غريب وحيرني..

جاني حموود يركض وقالي وهومبتسم: ممكن دفترك وئام

انا عن حسن نيه عطيته بدون اي نقاش ولا قبل لانسى محمد ولد اخوي مطيح ميانه بشكل موطبيعي مع حمود
وبعد نص ساعه جا حمود لي وعطاني الدفتر بس ما كان مسكر عدل .. محمد ماكان موجود.. فتحت الدفتر
ولا اشوف الا ورده حمره .. اضحكت خلود وانا انحرج شهالسخافه ..

خلود اوقفت قدام وتخصرت: هااه اشوف بدا شغل الحب

جا محمد وحطيت الورده في الشنطه مع الدفتر.. وطلعنا من الجامعه بس هالانسان محيرني شنو يبغى مني
لايكون يفكر ان عدلت اسلوبي معه .. اني احبه .. اصلا انا ما احب الا طلال ..طلااال وبس

...........................,،؛

....................,،؛

...............,،؛

.. طــــلال ):..

تخرجت ومابقى شي ماقدمت عليه عندي دورة حاسب واللغه الانقلش هم عندي تمام وعندي لها دوره .. وان ماحصل
قدمت اوراقي ورحت اسبانيا واخذتها غصب عن الكل.. اشتقت لها كثيـــــــــر ..تعوودت عليها وعلى ضحكتها
اتذكر كل شي بينا من يوم كنا صغااار .. صرت احب الياس لان من ريحتها ودوم يسولف عنها .. وغير كذا
خلاني اكلمها وقبلهااسمع هبالها معه .. كنت ماخذه البقاله وبالصدفه دقت وئام ..

لف علي الياس:My aunt

لفيت عليه متفاجا: عمتك وئام

هز راسه لي وهو فرحان وجلس يسولف معها ويضحك .. اخذت الجوال من يده وحطيته سبيكر الحمدلله انه
ماعلق وجلس يسولف واسمه ضحكها وخبالها بعدين قفل عطيته فلوس وقلت له انزل اخذ من البقاله الي تبي
وخل جوالك بلعب فيه نزل من هنا انا دقيت على عمته من هنا .. جاني صووتها النااعم

: هلا الياس حبيبي

جلست سااكت ياحظه الياس تقول له حبيبي :......

كررت كلمت الوو مره مرتين بعدين انا حسيت على نفسي وتكلمت: انا مو الياس

شفتها اسكتت بعدين قالت لي: طلااال؟؟

ابتسمت ياحول اسمي على فمها: امري

سكتت شوي وسكرت التلفون بوجهي وبعدها ارسلت لي مسج " رجع الجوال لراعيه وعن حركات نص كم ومسح
المسج" ضحكت عليها وسويت الي قالته .. متى بس تجي اشتقت لها حيل ..

...........................,،؛

....................,،؛

...............,،؛

.. ســــوسن بنت خالة وئام ):..

صار شهرين وماتعودت على غياب وئام بس تعودت على وجود الياس في بيت خالتي ..

صرنا عشانه كل يوم نروح هناك .. حيل حبوب هالولد .. في كل روحه الا ومانسمع صوت ابوه الخايس ..

احيانا يسلم بس بالاغلب ينتظره عند الباب .. صرنا ماننظف بيته صار يجيب شريكه..والله خطط اختي مفييده ههههههههههه

بس يوم من الايام امي وخالتي مع الحريم بالمجلس واختي مي مع اخوي طلال ..واناكنت بالغرفه اقص قصه
لـ الياس عشان ينام ..عودته قبل ماينام اقص له قصه جد هو بخامس ابتدائي بس تحسه كانه ثاني
ولا اول من نعومته .. قصيت له القصه ونام طلعت من الغرفه وتوجهة الى المطبخ بس وقفت لمى
سمعت صوت امي وخالتي ..شكلهم كانو يجهزون العشا

ام طلال:بس ابوها ماوافق

ام عبدالله:يو الله يهداه ابو طلال ليه كذا

ام طلال: والله ان الولد زين واخلاق وماعليه كلام بس ابوه واحد سكران

ام عبدالله: بس سوسن ماهي بصغيره عشان ماتقولون لها

ام طلال:هذا اوامر ابوها والله يعجل بنصيبها

ام عبدالله: بكلم ولدي فهد بخلي يخطبها ولده حيل متعلق فيها

كانت كلمة خالتي صدمه لي انا اخذ فهد..لو عبدالله اهون من حب فهد لي ياخالتي الله يهداك بس
جيت برجع الغرفه ولا اشوف قداامي الا فهد ماعرفت وين اروح يمين يسار والمكان صار فجاه
حار ونظراته لي ماكانت تبشر بخير ركضت بسرعه للغرفه وئام الي فيها الياس وسكرت الباب
وقفلته .. بعد دقايق سمعت صوته من ورا الباب : صدق اخوي تركي يوم قال انك نشبه

كنت برد عليه بس احس صوتي راح صفطه ورحت غطيت نفسي جنب الياس ومدري كيف نمت
بعدها جلست ولا شفت الياس جنبي بس شفت مي نايمه ..ماقلت لحد عن الي صار.. بس الي حيرني
ابوي ليه ماقال لي ان جاني خطيب ..بس ان شاء الله فهد يرفض عرض خالتي ولا يخطبني
احس بموت لو اخذته ..مالت عليه كاانه حرمه حامل ام شهرين

...........................,،؛

....................,،؛

...............,،؛

.. فـــهــد ):..

تعب في تعب في تعب .. صدق من قال حلات الثوب رقعته منه وفيه ..ليتني اخذت بنت بلادي
احسن على الاقل ماراح تتركني عشان ولدها .. قبل ما اروح الدوم اروح لبيت اهلي احط ولدي
اجي هلكاااااااان اروح بيت اهلي اخذ ولدي واكلي وامشي ..تعباان حييل ..بيت بدون حرمه
خرابه .. بس اخاف اتزوج تطلع ماهي زينه وتعذب ولدي زي القصص الي نسمعها ..والحال
ابد موعاجبني ..

ليتني ماتزوجت ولا جبت عيال وشي جلست عزابي احسن لي من هالوحسه كلها .. بس ماتخيل
حياتي بدون ولدي الياس ابيه انا .. حسبي عليها من حرمه عقدتني في الحياه .. تحديت اهلي
عشانها في النهايه خانتني وراحت .. وتركت لي طفل صغير مابعد يكمل الست شهور

صرت له اب وام واخ واخت وكل شي .. آآآخ منك يازمن .. الله يسامحك يايمه دخلتي براسي
سالفة الزواج .. احس بستجن من كثر مافكر .. عاد والي اختارتها لي سوسن بصراحه ماينقال لها لا
وغير كذا ولدي الياس يحبها .. الي مخرب الموضوع لسانها واخاف اتقدم ترفضني ..

وتعال شوفوا وجهي قدام اخواني بنت بزر ترفضني انا .. وبعدين انا وش يضمني انها ماتسوي
هالحركات عشان اخذها ..لالالا لسانها طويل ذي علي لوتبيني جد كان لسانها معدلته معي ..

وكل ما اتذكر كلام امي اتذكر اخر مره شفتها فيه .. كانت واقفه ولامه شعرها بهمال ..ماكانت
كاشخه ولاشي جمالها طبيعي كانت واقفه وكانها تسمع كلام ..من عرفتها وهي ملقوفه وتحب تسمع الكلام..
من ورا البيبان شكل هذي هوايتها ..جلست اناظر فيها لمى شفتها تلف رجعت مكاني وكاني داخل البيت..

احس حركاتي رجعتني الى ايام المراهقه ..كنت بضحك على شكلي بس تبخرت الضحكه وجات
التناحه بدالها ..سبحان من سواها..جلست اناظر فيها..بعدين اختفت مني ..تذكرني بساره الي
فلم ليدي ..ناعمه زيييه بس فرق بينه وبين ساره لسان طويل وحركات دلاخه ..واحيانا تقلبها عربجه

دخلت الغرفه وقفلت الباب جاني خبث مدري من وين جاني رحت لعند الباب وقلت:
صدق اخوي تركي يوم قال انك نشبه

كان خاطري اسمع صوتها بس ماسمعت غير صوت امي تناديني ..وقالت لي خل الياس وتعال
باالليل اخذه.. وفعلا جيت بالليل وافتحت لي سالفة الزواج.. وانصدمت ان امي قالت لي اخذ سوسن
جلست تمدح فيها وتوصف لي شكلها ..عاد الحريم لاجاو يوصفون بنت عاجبتهم اعرف انو نص
الكلام كذب .. قالت امي شي حاولت ابلعه ماقدرت تقول سوسن تقولها يمين جاتك يمين تقول
لها يسار جاتك يسار حيل هااديه وعاقله وطيبه حيل.. وانا ماشفت غير العناد وطول اللسان

قلت لها افكر .. بس الي استغربته اخوي تركي ليه رفضها وربي انها احلى من زوجته ..
سافرت معه مره وزوجته تحجبت عني .. ذبحني فيها ملكة جمال وملكة جمال..والي شفته
عاادي .. راما احلى منها بوااجد ..انا لازم انسى هراما .. واخذ قرار في حياتي ..

...........................,،؛

....................,،؛

...............,،؛

.. محمـــد ):..

اسبــــــــــــانيا ومادراك ما اسبانيا ..هوا حللو ..جو حللو الدنيا غير ..والاهم مافي هيئه هههه
اليووم انا مبسوط احلى شهرين عشتهم احس حياتي كلها اكشن في اكشن ..بس عمتي وئام
لو تتغير شوي كان الدنيا تصير احلى ..

الي عجبني في السفر انه عرفني على احن عمه شفتها في حيااتي.. صحيح احيانا تزعجني
حركاتها بس اعرف ماتسوي هالشي الا انها تخاف علي.. نفسي اعدل علاقة امي معها بس
ماقدرت حاولت بس فشلت ..

اشتقت في هالشهرين لشباب وخرابيطهم .. ودي ارجع بس مستقبلي اهم ..تعرفت على شباب
خليجين ساعدوني يوم كنت تعبان .. والجلسه معاهم حلوه .. بس الي منكد علي وعلى عمتي

شلة ابليس غرام وسوسن مافي يوم الا وغاثينا فيه قبل كان معاهم حموود وفارس الحين
ذول ابعدو والبنات صارو يغثونا انا مقدر ارد على حريم ..

صحيح عمتي وئام ماتقصر معاهم بس هم انا ما احب احد يضايقها.. الله يعدي هالسنه على خير

كلمت اختي ريهام السنه هذي تروح ثاني ثنوي خايف على بنت طايشه وصيتها على دراستها
وانها تساعد امي في مذاكرت اخوي فيصل.. ياني اشتقت له حييل فصوول ..

والله موبس فيصل اشتقت له .. السعوديه بكبرها اشتقت لها ..

...........................,،؛

....................,،؛

...............,،؛

.. فـــــارس ):..

من جات ام زي اسلامي وحمود متغير علي ماعاد حمود الي اعرف ..ويوسف هاليومين غاثني غثه
كل بين يومين راسل الى الشريكه هالانسان متى بيحس اني مااحبه لاهو ولا شغله كرهني بحياتي
والغبيه غرام ماشفت من خططها شي فااشله مامنها فايده..

احس بقهر لا شفت ام زي اسلامي ودي اخذها واحرقها..لسانها طويل ولا هي بذاك الحلا عشان
حمود يموت فيها ..بس قاله كل يوم حجاب ولابسه هالعبايه يدخل معها الف ..وفرحانه على عمرها..

اكرها اكرها والين عشر سنين اكرهاا.. انا من شفتها اول مره كرهتها بس بعد ماشفت حال حمود
معها اخر مره موبس كرهتها ودي امحيها من هالدنيا كلها .. مره من المرات كنا جالسين انا وحمود
جات هي لنا سلمت علينا لفت على حمود اشوف ملامحه انصدمت بالحب الي طالعه من عيونه والابتسامه

انقهرت وكلمتها بغروري المعتاد: خير جايه

ماناظرتني ولا حتى فكرت تقول لي شي لفت على حمود صوتها ناعم يذكرني بصوت غلاي بس احلى
واطيب هذي خبيثه لفت لمى سمعت صوت حمود يضحك وجهها هي احمر اشكرته ومشت

لفت على حمود الي عيونه عليها: شنو تبي منك

رد علي وهومبتسم: تسال عن ولد اخوها .. تعال فارس ماتعرف محل ورد قريب

استغربت من سواله : شنو تبي فيه؟؟

رد علي حاب :اشتري ورده ..لسوسن

فرحت هذا حمود الي اعرفه وصفت له المكان وراح وتركني وبعد غيابه اكتشف ان الورده مولسوسن
الورده لوئام ..حمود خلاص استجن ماهو صديقي .. بس غرام اوعدتني بخطه انو تسفرها وخلال
هالاسبوع وئام راح تسافر .. هي ماقالت لي بس بشوف اخرتها معها وان فاشلت راح اتركها
ان شاء الله وئام تسافر .. وغرام تموت وسوسن تزود ونبقى انا وحمود حرين ونسوي الي نبي

...........................,،؛

....................,،؛

...............,،؛

.. حمــــــــــود ):..

احس هالشهرين من احلى الشهرين سوسن وغرام ودي ابوسهم ..كل ما شدوا كلام مع وئام اجي اشوف وئام
عن قريب ..ياخي هالبنت عاجبتني دخله في راسي بس موعارف كيف اخليها تحبني .. الي مشتت افكاري

فارس صاير كانه بزر على اقل الاشياء يتهاوش معي احس صاير اناني بشكل موطبيعي الله يعينه بس ماهو بصاحي
انا مدري كيف داليا كانت متحملته بصراحه ربي رحمه يوم ماتت ولا كانت بتدخل مستشفى المجانين بسبب فارس

وانا ان بقيت على هالحال بدخل بعد مستشفى المجانين ..وئام مشغله كل بالي صاير قد مااقدر اسوي الشي
الي يعجبها معنى نفسي ماتحبه بس عشان خاطرها اسويه ..هي صحيح اسلوبها معي تحسن وهذا شي زين
بس الى لان احسها تحد بينا حدود وطايحه لي بكلمة اخوي واخوي .. غصب تخلي الواحد يحبها ويحترمها

يالله احس على شهرين عشتها بحياتي بس الي مشغل بالي هاليومين سمعت همس بين غرام وسوسن
كلام غريب بس خوفي هالكلام يطلع في وئام ..سمعتهم يقولون وحنا كنا في بيت صديقنا سهرانين

انا كنت بروح الحمام وقفنو ضحكت سوسن .. قربت شوي من الجدار شفتهم جالسين على الكراسي
لحالهم وسمعت كلامهم ..

غرام: اقولك دفعت لجورج حوالي 10الالف يورو ..بعد مايخلص عليها 30الالف

سوسن: احسن بس برا الجامعه

غرام : اكييد

سوسن: يلا نطلع

بعدت وانا خايف على وئام منهم صرت كملت معاهم بس بالي مشغول في وئام صرت اراقبها من بعيد
اخاف عليها سوسن وغرام دااهيه ..ابليس مايصف جنبهم في الخبث ..

الله يستر عليها بس ..

...........................,،؛

....................,،؛

...............,،؛

.. غرام ):..

امس سويت نفخ في خدودي ..احس زدت جمال فوق ما انا جميله .. شعري غيرت صبغته الى اللون البني الفاتح
جاي على لون بشرتي ..مافي احد يجيب جمال .. بس نفسي اعرف فارس ليه مايتقدم لي حاله من حال غيره ..

انا غرام الفادي من الي يتردد في خطبتي ..آآخخخخخخ بس هذي الي اسمها وئام ودي اذبحها تبي تدخل في
الشله غصب وتتلزق في حمود ..وياليتها حلو ولا تلبس عدل اكررررررررهه ولا اسوي كل شي وابعدها عنه حمود

وفارس يسوي الي ابيه ويتزوجني .. قد ايش احب هالانسان .. بس ياويله جورج لو مانفذ الاتفاق بذبحه
تفقت معه ان ياخذ وئام وقطها في مكان مقطوع ويتسلى فيها ولا يقصر فيها .. ويتركها مكانها ويجي عندي
وياخذ فلوسه.. وبشوف راح ترجع السعوديه ولا لا

وتحرم تاخذ شي مولها ..

...........................,،؛

....................,،؛

...............,،؛
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$
اشوفكم رابع العيد ..
وسامحوني على التقصير ..
ابي اجي واشوف توقعاااااااات البارت الجاااااي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري