آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-02-13, 11:41 AM
| #31 | ||||
| نجم روايتي ومشرفة سابقةومصممه 
|   فاطمه اركضت لغرفه اميره اميره : ويين الاكل فاطمه : اميييره بساافر الكويت ضروري اميره : شفيييييج لييش فاطة : يدي تعباااان ضروري قولي لياسر عفييه يحجز ل ي على اقرب طياره بروح الشقه بضبط اغراضي اميره : اوكي اووكي ما تدري شلون وصلت الشقه بس كانت بقمه توترها حتى عي الها كانو يبجون من شافوها جذي شهاب : ماما وين بتروحين .. لييش بتخلينا بنروحنا فاطمة : شهوب حبيبي ما بخليكم بتروحون معاي .. بس بزهب اغراضي لا تزعجني دادا : فاطميه شبكي فاطمة : برجع الكويت ضروري دادا يدي تعبان هنااك دادا : لاااء سلامتو بدك ساعدك شي فاطمة : لو ما عليج امر جهزي جنطه لليهال كانت تقريبا خلصت.. اتصلت اميره تقولها عن موعد طيارتها بس بيكون ترانزييت دبي وتقعد 7 ساعات بعدين بتروح الكويت فاطمة : وااااااااااااااايد جذي يعني ما بوصل الا بعد يوميين اموور ماكو غيرها اميره : مااكو فطوم اصلاا الحجوزات فل اغلبيتهم بيرجعون باجازه الكرسمس فاطمة : اوكيي اوكيي اخليج الحييين وسدت الخط بدون ما تنطر الجواب واهي حدها مستعيله طيارتها بعد 6 ساعات وتبي ترتب وضعها .. راحت المستشفى وقالت لاميره انهاا بتصكرها لمده اسبوع وتشوف بعدين شنو بيصيير عشان شغلهم ما يوقف نزلت طيآإرتهآ على ارض الكويت دمعت عيونهااااا لين قال الكابتن انهم وصلو اشتاقت لهاا لحرها ولبردها اشتااق لاهلها وناسها الطيبين اشتاقت لابوها وامهاا لاخوانها وللكل .. خذت عيالها ونزلت سوت اوراقها وارفعت سماعه التلفون اطمن اميره .. واضغطت على رقم حافضته : الو فاطمة : الوو هنوي هناء بد قلبها يطق بسرعه : منوو فطوووووووووووم فاطمة : هنووووي اشتقت لكم وايد هناء : انت وييين هذا رقم داخلي فاطمة : اناا بالمطاارهناء تعالي بس بدون محد يدري بلييييييييز هناء : الحيييين يايه لج مسافه الطرييج بس مسكت عيالها ومشت فيهم ما انطرت واايد الا هناء يايت لها ضمو بعض وهم يبجون هناء : شنوووووووو سويتي فيناااا حرام عليج كلنا اشتقنا لج فطوووووووم فاطمة: بس بس مو وقته يا الخاااااااايسه لا تخليني ابجي شافت اليهال ماسكين بفاطمة من وراا واهم خايفين هناء وويها مصدوم : منو هذذولي فطوم لا تقولين عيااااالج فاطمة : هههههههه أيه يشبهوني هناء : لاااااا يشبهون احمد اكثر بس فيهم منج .. متى زين ؟ فاطمة : يوم سافرت كنت حامل هناء : من صجج ؟؟؟ فاطمة : والله .. شهوب عبود فهود تعالو سلمو شفيكم سلمو وهم مستحيين حتى شهاب الا ما توقعت يستحي جذي هناء : ما شاء الله فطوم يهبلون .. تعاااااالي بسرعه اكيد الكل بيفررح فاطمة : انا ما يت عشان جذي يت بشوف يدي دريت انه تعبان هناء : لاااااا الحمد الله الحين احسن صج بعده بالمستشفى بس احسن بوايد .. واهلج ما بتشوفينهم حرام عليج فطوم امج وابوج بيتقطعون على ما يشوفونج الكل فاقدج حتى احمد تغييييير حييل تعبان والله صاار نادر ما يضحك ولا يطلع والحين بعد ريله ما ادري شفيها مسوي حادث فاطمة : تدرين منو سوا العمليه لاحمد .. انااا هناااء: جذي تذبحين عمرج وتذبحينهم يلاا امشي معااي فاطمة : زيين اول بروح ليدي وباجر اروح لهم البيت هناء : ويين بتنامين فاطمة : الله يخلي الفنادق هناء : الله واكبرر تنامين بفندق وبيوت اهلج مفتوحه بعدين يدج اليوم بيطلع من المستشفى على الظهر فاطمة : خلااص بس بروح فندق اريج واخذ شور والمغرب اروح هناك هناء : والللللللله بيستانسون وايد فاطمة ابتسمت لها وطلعوا من المطار واهي جاهله المستقبل هناء : هاا بشري شسويتي بهالخمس سنين فاطمة : ههههههههه بكمل ماستر ان شاء الله هناء : لا لا لا تقولييييين فاطمة : ههههههه ان شاء الله والله تعبت بالسنين الي طافت واييد كملت الي باقي لي بطب ب 3 سنين تخيلي هناء : هههههههههه هذا انجاز .. ما شاء الله عيالج هادين فاطمة : عبود وفهود أي بس شهوب ما اظن شكله الاخ نزله عليه الحيا من السما .. شهااب فيك شي ماما شهاب : لا بس هني وايد حرر فاطمة : ههههههههه هناء : لا الاخو متعود على الثلج اذن المؤذن المغرب كانو فرحانين بطلعت اليد من المستشفى بس فرحتهم مثل 5 سنين الي طافت نااقصه واييد ساره : خالتي ايب لج حبوبج ولا بعدج قاعده ام عبد الرحمن : لا ويين بعدني ساره : ههههههههههه مو تقولين بعد شوي ارتفع علي السكر وكل من ساره ما ذذكرتني ام عبد الرحمن : اذا قلتها لا تقابلين بعد ساره : هههههههههههه وانا اقدر رائد : عسى دوم ضحكم ضحكوني معاكم ام عبد الرحمن : يا شين الغيره .. بس كنت بقولك لو من مرتك اثنين جان هالدنيا بالفين خيير رائد ابستم ولف ويهه ما ينكر انه يعزها بس ما توصل درجه الحب لان قلبه رااح مع لين وما قدر احد غيرها يملكه ساره تجمعت الدموع بعينها على الاقل يبرد خاطري بكلمه مستخسر عليه ادنات الدون وقامت تروح المطبخ تشوف البنات ام عبد الرحمن : جذي تكسرر بخاطر البنت .. مسكينه شايلتك انت وولدك فوق راسها مو مخليه عليكم قاصر .. تبديكم على عمرهاا وعشانكم تسوي النون وما يعلمون رائد : يمممه شقلت اناا الحين عشان تقومين علي ام عبد الرحمن : عشانك ما قلت قمت عليك قوم اشوف قوم طيب خاطرها رائد : يمه مو وقته الحين عمي بي ام عبد الرحمن : قووم راضها تلاقيها بالمطبخ ولفت ويهه عشان تقطع النقاش رائد راح لها المطبخ واشر لفجر ورنا والخدامات يطلعون وصكر الباب اهي لفت على الصوت بتشوف منو دخل شاف عيونها حمره رائد : افاا السوري تبجين .. من مزعل خاطرج ساره : لا ولا شي بس دلع حريم ماصخ رائد : دلع الحريم كله ماصخ الا دلعج عسـل ساره : هه توه صار عسل يا رائد رائد : ليش رائد جذي حاف عاد ساره : وانت ليش انا بحياتك سااره حاف بس رائد : ساره انتي تدرين اني فقدت انسان عزيز علي ومو بهالسهوله انساه ساره : انا ما قلت لك من اول ليله انسااه بس صار لنا الحييين جم سنه متزوجيين رائد انت حتى الضنا حارمني منه .. وقلت ميخالف فارس مغنيني عن 10 يهال .. بس انت حتى كلمه تبرد خاطري فيها ماكو ، وانا متاكده الحييين يايني بعد ما خالتي زنت على راسك ساعه رائد : ادري مقصرر بس انتي ما خذيتي بايدي وقلت لج انج وجذي وجذي كنت دايما سايلنت ما تقولين انا اتضايق من هذا ولا انغث من هذا ساره : رائد اناااااا مره يعني ابي الاهتمام أي منك انت مو انا اقولك سولي جذي ولا يبلي جذي رائد : زيين الحين حقج علي مسحي دموعج وما لج الا الي يرضييج ساره : خلاص رائد خلني بروحي شوي رائد باسها على خدها : انا اسف وحقج علي وخلاها وطلع ساره : هذا الي الله قدرك عليه خسلت ويهها وضبطت مكياجها مره ثانيه وطلعت كان الكل متيمع وهناء كل شوي اطالع الساعه تنطر فاطمة .. طولت وبدت تحاتي راحت الصاله الثانيه تتصل عليها الجهاز مغلق ياا ربي ليكون صار فيها شي واهي تحاتي يت لها مها واسيل اسيل : هنو فيج شي هناء : ها لا لا ولا شي بس احاتي فيصل اخوي جهازه مغلق مها : لا يمكن مخلص الشحن ولا ماكو سيرفس .. شوي وتلقينه متصل عليج ، تعالي الصاله قبل لا تبدأ مناقشات العايله هههههههههه اسيل : اووس لا يسمعج والله انتي نايمه بيت اهلج اليوم مها : يمممممممممه يخوف خخخ هناء : والله عمي ماكو منه طيب اسيل : شوف شوف النصابه عشان يد عيالج هناء : ويعه انتي واهي تراه بعد يد عيالكم وريايلكم اسيل : ههههههههههههههههههههه شوف شلون قبت يعني انا مرت الولد الفدائيه مها : أاااي أي طاع طاع شلون حمقت ما عليج هذي انا اشك ان فيها انفصام امس اهي طايحه بالريال واهو مريض هناء : اناااااااااااااااااااااا يلي ما تخافين الله مها : لا عيل اناا نكري بعد نكري انج ما قلتي هناء : مهوو تراني متلعوزه والله يا ويلج مني بس اخلص بتشوفين شي ما يسرج مها : مرسي مرسي ادري بتقدمي لي ورده حمراا اسيل : لااا بتعيشج بجو رومانسي على ضوء الشموع هناء : والله لو تشفـو ما كملت الا ورن تلفونها ,, الووووووووووو انتي وينج ــــــــــ اسيل : انتي تنطرين فيصل متاكده خخ هناء : غرب الله بلسيكم دوختوني .. انت وينك اتصل عليك من زمان كله مغلق فاطمة : هههههههههه ربع ساعه وتلقيني عند الباب خبري في سرداب بعده ولا لا هناء : أي أي بعده انطرك خلاص فاطمة : ههه سي يو اسيل : طااع هذي هناء : اممم اسول مهو تدرون منو كنت اكلم اسيل : مو فيصل اخوج هناء : لاا مها : عيل انا كنت شاكه بس خفت اخرب بيتج هناء : اقول جب بس جب .. كنت اكلم فاطمة اسيل : هاا أي فاطمة مها : فطوووووووم ولا غيرها هناء : قصري صوتج لحد يسمع فطوم اسيل : قووولي واللله ليش ما خليتيني اكلمها مشتاقه لها مها قامت تبجي هناء : هييييي انتي ما قلت لج عشان تبجيين فاطمة بتي تعالو معاي السرداب قبل لحد يحس فينا مها واسيل قامو يركضون جنهم يهالو هناء : طع هذذولي محد بيفحضنا غيرهم ما جنهم حريم وعندهم عيال منى طالعه من الطبخ : شفيكم ينيتو مها : هاا لا خالتي بس الخبله اسيلوه ناسيه فونها بالسرداب ووو هناء بهمس : عفييه ترقيعه ما شاء الله منى : ينيتي اسيل اسيل : ههه قلنا نسترجع ايام الطفوله هه منى : الحمد الله على العقل هناء : ههههههههههههههههههههههههه وااك مها : بسرعه بسرعه قبل لا أي احد ثاني اسيل : حسيت بسوي جريمه بحق الشعب العربي هناء : الله اسئلك الصلآح والاستقامه على طريق المسقيم اسيل : وياج اجمعين J مها شالت شحاطتها بايدها مثل الحرامييه واهي من وناستها بيوقف قلبها اسيل : وانا كذالك وشالتها معاها هناء : الله يخلف علي برفيجات عقال بس اسيل : هناء هناء يلا يلا الجو امن ولا احد هنا مها : نزلووووووووووو يلا شكلها وصلت وقامو يكرضون على الدري واهم يتاسبقون فاطمة كانت متوتره حدهاا ودموعها ما وقف من شافت البيت صار لها ربع ساعه بالسياره ولا قدرت ريولها تشيلها وتنزل : ياا رب انا عبدك وابن عبدك ونزلت واهي ماسكه عيالها الي مستغربين الوضع اول ما شافت مها واسييل قامت تبجي انهاارت ومها من فرحتهااا قامت تصاررخ واهي حاضنتها : لييش تسوين فينا جذي والله ما شفتينا كلنا انقلب حالناا ، فقدناااااااج وايييييييييييد فاطمة : حتى اناا والله لا تشوفون الدنيا الي كنت عايشه فيهاا والله كنت اتعذب باليوم الف مرره هناء : بسكم فلم هندي خلونااا نصعد والله بيستانسون اسييل : يا لبييييه عيالج فطوم يهبلون فاطمة : يلااا مهمتكم الصعبه الحين رفيجاتي وحده تقعد مع عيالي هون اسيل : لييييش خلينا ناخذهم فاطمة : لاا اول شي بهيئ الوضع هناء : خلاص انا اقعد معاهم عبود : لااا بروح مع ماما فاطمة : عبود عيب ماما بعدين يقلون هذا ريال مو شاطر عبود : no my mathar that is jmsop woman فاطمة : هههههههه عبود ويعه جب يلا واقعد هني ما بطول شهاب : صيير ريال بعدين بابا اذا شافك جذي يقول هذا كخه مها : هههههههه اماا كخه هناء : فطووم صعدي هذولي اليوم ما ادري شفيهم افصلو على كبرر فاطمة : خاايفه مها : نحن معكي اختاه اسيل : بالسراء والضراء فاطمة : وه فديتكم والله اشتقت لااصفر اسيل : ماااااا دريتي خذينا الكاس فاطمة : هههههههههه تراني متابعه لا تنصبين بعدين أي كاس واحنا شهر 1 اسيل : عاد بهذي صدتيني مها : يلا خلاص بس خلاص خل نصعد خلاص اسيل : واحد اثنين ثلاث خلاص هناء : ربي لك الحمد صعدي قبل لا يحطون العشاا صعدت واهي ميته خووف كانت دقات قلبها واصله المليون ما تدري شلون وصلت الصاله مع اسيل ومها اسيل : بدخل انا بعدين انتي دخلي فاطمة : او اوكي اسيل : خالتي لفت عليها منى : هلا اسيل : لو قلت لج طلبي الحين الي تبين شنو بتطلبين منى : ههههههههه اكيد بطلب بنتي اسيل : بس بمقابل هههههه منى : لج الي تبين .. بس وين يا حسره اسيل : خالتي شوفي ادوريين من الحين معرس لفطوم بنتي زيين منى : هههههههه هذي عمرها سنه وجذذي نطري حبيبتي ليين تكبر وانا بزوجها السايق والله انه كفو صار له فوق 12 سنه عندنا اسيل : هذا وانااااا يايبه لج ضناج اليوم طلعت اسحبت فاطمة ودخلتها الصاله الكل من شافها وقف .. كانت صدمممه لهم وفاطمة دموعها ما وقفت كااااانت مشتاقه لهم من قلب منى : يمممممممممه بنتي فاطمة اركضت لها ضمتها واقعدت تبجي بحضنها منى : انا بحلم ولا بعلم فاطمة : ههههه لا يمه انتي بعلم شلونج يا الغاليه ما اشتقتي لي منى : شهالكلام والله ان دموعي نشفت من كثر ما ابجي عليج فاطمة : افاا يا الغلا ما عاش من يبجيج يا تاج راسي سلمت على الكل واهم يبجون واهي من فرحتها شوي تضحك وشوي تبجي مرت عليهم كلهم مثل ما خلتهم مثل ما رجعت لهم من كبيرهم لي صغيييرهم واحد ورا الثااااني فاطمة : وييين يدي وابوي وعمامي رائد : ورئود ما تسئلين عليه يا الخايسه فاطمة : هلاااااااا بالخاااااااال وضمته واهي مو مصدقه انها الحين بين اهلها فاطمة : شفتك بلندن ضعفاان صاير عود يا الخايس رائد : احلى مو فاطمة : خيزرانه .. وين فروس رائد : لا صاار ريال فاطمة : اقول جب صار ريال هذا ولدي اصلاا رائد : اهم شي ولدج خخخ فارس : فتوووووومه فاطمة : فروووووسي شلونك يا الخايس ما اشتقت لفتومه فارس : لا تسالين اذا اشتقت ولا لا لان اظن بيخلص الشوق وانا بعدني فاطمة : هههههههه يا لبيه قلبه يا ناس كاان لي الحين والوضع امن بس الي ينخاف منه لقائها مع يدها تدري يدها مهما يكون ما راح يرضى بالي سوته دخلو الشباب وهم مو مصدقين سلمو عليهااا وتحمدو بالسلامه واخوانها الي مو مصدقيين من اول ما دخلت الصاله واهي كل شوي بحضن واحد فيهم من شوقه لها ضاري : روحو نادو يدي فاطمة : في احد بالديوانيه ضاري : لا بس عمامي وعبد الرحمن فاطمة وعيونها تدمع : خلاص انا بروح له .. لحد أي بلييز راحت واهم ايدهم على قلبهم مرت ربع ساعه وما سمعو شي كان الاغلبيه طالع بالحوش عشان يسمع شنو يقلون بس ما سمعو شوي وبدت النقاشات تعلى وصوت فاطمة كاان اعلى ومبين انها تبجي شافو الكل يطلع ما عدا فاطمة واليد عبد الله فهد طلع يمسح دموعه ضاري : قرت عييينك يبه فهد : بشوفه نبيك يبه جاسم : يبه شنو تعطيني فهد : صخرر جاسم : افااااا حسين الي كان ساكت واحساسه بالذنب يحرقه وكان بس يبتسم لهم رغم سلام فاطمه الي كاان حاار له ولا حس انها شايله عليه بشي دخلو الصاله واهم بعدهم خايفيين من الي يصير بالديوانيه | ||||
|  |
|
19-02-13, 11:45 AM
| #32 | ||||
| نجم روايتي ومشرفة سابقةومصممه
| مرت نص ساعه وهم متوتريين وشوي ودخلت فاطمة ويدها واهي ماسكه ايده ودموعها على ويهه عبد الله : قعديني على الكرسي يا العصلا فاطمة : زين بس لا تناجر عبد الله : لو عدتيها مره ثانيه بهالعصااة على ظهرج فاطمة : ههههههههه قلت لك التوبه اقعدت ووي عيال خوانها حولها فاطمة : يحليلكم تذكروني بس هالفعوص ولد عزوز موو عبد العزيز : هههههههه لا ما حزرتي ولد جسوم بس يحليله من كثر ما تؤامج يحبني ياب واحد يشبهني فاطمة : وه فديته يا ناس كتكوت وهم يضحكون يه شهاب يركض شهاب : خلااص ما بصير ريال اذا بقعد جذي الكل استغرب وفاطمة ما اعرفت شنو تقول شهاب : go away I wont seet with my mather فاطمة : اوماا شهاب سايلنت مام الكل مستغرب واكبر علامه ؟ فوق راسهم فاطمة : ا ا ا انا كنت حامل يوم سافرت الكل استغرب بعدين ضحك وقعدو يسألونها عنهم ويسولفون ودخلو عبود وفهود وكل واحد ينتقل من حضن لي حضن فاطمة : شوف يدي سميك مو يشبهك عبد الله : سبحان الله ما رضيت اسمي الا ولدج على اسمي وطلع فيه مني فهد : لا يبه يشبهون ابوهم اكثرر مو فاطمة : اااي وايد جنهم احمد يوم كان صغير اسيل : انا خاطبه مفعوص الرئبه شهوب لفطوم بنتي مها : لا لا انا ابي فهد هاادي فاطمة : هههههههه محاوله فاشله فهود محجوز خخخ مها : افااا خلاص نحتل عبيد قبل لحد ياخذذه فاطمة : المفروض انا اختاار شهاب : لا انا ابي بانا منى : بععععد الاخو مختار فاطمة : هههههههه لا ماماهذي مغنيه ياهل رنا : تعاال انت قول عمتي رنا شهاب : اسمي شهاب رنا : يممممممه منه لسانه اطول مني شهاب طلع له لسانه وانحاش واقعدو يضحكون طول الوقت على خبال شهاب وسوالفهم بو فهد : ما سألتي عن ريلج فاطمة نزلت راسها واسكتت بو فهد : شكل الغربه نستج السنع يا حفيده عبد الله فاطمة ارفعت راسها : مو انا الي يغيرني الزمان ولا المكان يا الغالي بس خلااص الي صار سبب حواجز بينا لا يمكن ترجع اشواق : بس انتي مرته ولا اهو قدر ينساج ولا انتي قدرتي تنسينه فاطمة : الي اكسر صعب يجبر يا خالتي بو فهد : انتي شنو تقولين انتي بعدج على ذمته والحين لو أي يقول ابيها والله انا الي بوصلج بيته فاطمة : طلعتني بالاول ذليله يا الغالي وبترجعني بعد اسفه بو فهد : كبر راسج يا بنت فهد ولا صرتي دكتوره وما تحشمين احد فاطمة : انت على راسي .. بس هذي حياتي وانا الي اختارها يدي فهد : فااطمة فاطمة : يبه اناا يت اطمن عليكم وعلى يدي ما رجعت عشان افتح جروح تصكرت انا كلها اسبوع وبرجع لندن شغلي حياتي كلها هناك بو فهد : معصييي مدامج يتي هني والله مالج رجعه لبلد الكفار فاطمة : يبببببه انا حياتي هناك بو فهد : هذا الي قاصر مو كلمتج معناه اني راضي على الي سويتيه ، حطييه فبالج سفرر لديره هناك ماكو فاطمة اسكتت واهي الي براسها بتسويه نزلت راسها وقعدت تلعب اضافرها اسمعت خالتها تكلم مرام وتقولها تتصل باحمد تسأله ليش طول تلقائي همست لرنا الي قاعده يمها : تزوج رنا بخبث : وعنده 3 عيال فاطمة : من اخذ رنا : يهمج فاطمة : مجرد فضول رنا : علينا فاطمة : رنو خلصييني منى : شتهامسون انتو ما امداكم رجعتو لحركات اول ومساسره فاطمة : لا ابـ تبطل باب الصاله الداخلي شافته بطوله الي تعودته عليه صج شافته بلندن بس كان غير والوضع غيير دمعت عيونها واهو نصدم لانها كانت بويهه تلقائي وقفت له واهو طاحت عكازته الي يتسند عليها على ما يخف جرحه همس : فاطمـــه الكل طلع وتركهم بروحهم كانت عيونهم تتكلم قبل أي شي كانت اشواقهم لبعض تسبق أي كلمه بيقلونها .. نست شنو كانت تقول شافت عيونه الي عشقتها وضاع كل الكلالآلآم .. وهو نسى ريله وجرحها نساا انه رياال ودمعته عاار نسا كل شي وحس انولد من يديد .. مشى وهو متحمل الم ريله حضنها بكل قوته وهمس : اشتقت لج يا نظر عيني .. والله اني كنت ميت بس بعد شوفج حييت فاطمة كانت بس تبجي يمكن استغربت من نفسها بس ما قدرت تنطق لسانها نشل : احممد احمد : عيونه فاطمة بعدت عن حضنه : احنا ما نقدر نكمل مع بعض فلا تعذبني وتعذب عمرك احمد : فطووم شهالكلام انتي من الاول تدرين ما خليتج فاطمة : لييش احمد ليييييش تسوي فيني جذي تدري من انت بالنسبه لي اناا تعذبت وايد بهالخمس سنين والله احمد : حياتي اناا مثللج والله كان لا ليلي ليل ولا نهاري نهار كنت روح ميته بجسد حي .. فلييش تخلينا نتعذب اكثرر فاطمة : احمد انت عندك حياتك .. واناا حياتي صارت عيالي وشغلي ومو بيوم وليلى بيرجع الي راح فجر : دخلي عيالهم عشااان يلينون راس فطوم شوي ادري فيها عنيده مي : أي والله احسسن رنا : زييين لو ما كانو يتهاوشو شنو نسوي نقطع عليهم حرام لحضاتهم الرومانسيه مي : على جنب بس يا خايسه رنا : هههههههههههه شهابوه عبود وفهود دخلو يا قوم دخل شهاب واهو يتحلطم ما يحب احد يامره احمد استغرب ورفع حاجبه .. كلهم صرخو بوقت واحد : بااااااااباااااااااااا احمد وبعده مصدوم : بابا شهاب : مامااا هذا بابا صح انت وينك كله اقول حق ماما بابا باجر أي عبود : انتت وايد حلو احلى من الصوره احمد لف على فاطمة ابتسمت له ونزلت راسها فتح ادينه ويو يركضون لحضنه ما يدري لييش ضحك واهم يتهاوشون من أي اول فاطمة : نسيتوني الحين احمد : لا تظن انساك وانت قطعه مني عمرك سمعه بقلب عاف دقاته وغمز لها فاطمة : عيالك هني ترا كل واحد مخه اكبر من مخي ومخك شهاب : ماماا اناا ابي بابا يقعد معانا خلاص ما ابي اروح لندن وييع لندن وييع فاطمة : يا خاين العشره بس احمد : ههههههههه ليش غيرانه عيالي و يحبوني فاطمة دمعت عيونها : مو غيرانه بس ابي اكون معاهم احمد : هههههههه وخرو يلاا ابي امك فاطمة : فهودي ماما وخر عن بابا ريله تعوره احمد : انتي صح فاطمة : صح احمد : كان قلبي حااس فاطمة : فديت قلبك الغالي احمد : احمم ما ودج نرجع بيتنا فاطمة نزلت راسها : لاا .. واستح على ويهك رنا : بسكـم مغازل ما شبعتو احمد : انا قايل انج نشبه بس محد صدقني بشااااااااااااار ما تي تاخذ خطيبتك وتفكني رنا : خاايس اوريك وطلعت تركض برا الصاله فاطمة واحمد : هههههههههههه شوي وارجعت واهي ناويه : احمد وين مرتك وعيالك ليش ما يو هههههه وانحاشت فاطمة وصلت معاها ولفت ويهها وهمست : صج الضره مره احمد : فطومتي فاطمة : امم احمد سدها سيره بلييز احمد : تراا بس تبي تقهرني والله محد سكني قلبي غيرج ولا احد شاركج فيني فاطمة ارفعت راسها واهي مبتسمه : اخااف باجر تي وتقولي هذا ولدي احمد : ههههههههه لا لا اذا بقول فبقول منج طبعا ههههههههههه فاطمة طقته على جتفه : قليل ادب احمد : اااااخ جرحي فاطمة : جرحك بريلك مو هني احمد : اممم مشيها عاد انتي شهاب : يلااا انا مليت احمد : انت شكلك بو لسان فاطمة : حددده ما ادري طالع على منو احمد : امم متأكده ما تدرين فاطمة : هههههههههه خايس احمد : يلااا روحي لاهلج باخذ عيالي وبرجع فاطمة : ويين ماخذهم احمد : بنحااش هههه .. بس بطلع معاهم شوي اتعرف ويصير بينا عيش وملح عشان باجر يقلبون عليج فاطمة : احممممد لا بلييز احمد : ليكون صدقتي بس بطلع اتمشى شوي وارجع فاطمة : مو عن بس دربالك عليهم مو يتعورون احمد : تراهم عيالي بعد وهمس باذونها : ما بطول نطريني زيين فاطمة ابتسمت من قلب باسته على خده ونحاشت واهو طلع واهو يضحك دخلت عليهم الصاله الثانيه اشواق : وييينه قيس فاطمة : هههههه طلع مع عياله رنا : وليش ما رحتي يا ليلى فاطمة : خلهم على قولته يصير بينهم عيش وملح ويقلبهم ضدي هههههههه فجر : اخااف ياخذ صخولج وينحاش احذفت عليها المخده : صخوول بعينج عيالي احلى منج وشوي ورجع احمد ويمشي من دون عكاز وشايل فهود على ظهره قامو حسين واشواق وفاطمة : ينييييت انت جرحك بعده احمد : مشكله لي صار امك وابوك ومرتك دكاتره ما فيني شي وتوني شايله ثلاثتهم يبه النفسيه تلعب دور .. تبيني اشيلج فطوم تتاكدين فاطمة نزلت راسها من الفشيله : يا الخاايس احمد : ههههههههههههههههههههههههه ههههههههههههههههههه وتيمعو كلهم يضحكون ويسولفون وهم مستانسين من زمان ما تيمعو جذي رائد : اثااريج شفتينا هناك وما تكلمتي فاطمة : ههههههه قالو لك خبله رائد : اشتقت لسوالفج الماصخه يا الماخصه راكان : لااا لالا كلش ولا سوالفها بالمزرعه فاطمة : اووووش فشلتوني لا يسمعون عيالي واطيح من عينهم رائد : صبري اصلاا انا قايل قايل بس بنطرهم شوي لين يكبرون عشان ما يسنون ساره : تصدقين مريم اول مره اشوف رائد جذي يضحك مريم : لان فطوم كانت تعني له واااايد كانو حيل مع بعض ساره : شكلها حبوبه مريم : حييييييل اظن بتحبج وبحبينها مع الوقت فاطمة : اثااري مرتك مزيونه خالوو ساره : هههه تسلمين رائد : شفتي شلون عندي ذوق مو فاطمة : هو بيني وبينك يعني اهي حلوه بس جدامها بقول لاا عشان ما تشيخ على راسي وراسك ههههههه ساره : يو عاد انا مو مخلصه من حزب فروس ورائد تي حليفه ثالثه لهم فاطمة : هههههههه كسرتي خاطري ادري هذول قرود بيقمون عليج خلاص بعاونج لج 3 محاولات فقط فروس : لا لا خلاص انا اوقف بصف ماما وانتي مع خالج فاطمة : خلاص جذي نتعادل بس لازم نعاون المرأه ونناصرها فبخلي ابوك صفر على الشمال رائد : طع هذذي قلبت علي .. صج من قال انا واخوي على ولد عمي وانا وولد عمي على الغريب فاطمة : ههههههههههههه الظاهر مكثر قعدتك مع يدي وعمامي رائد : اممم تقدرين تقولين ذالك فاطمة رن تلفونها وشافت المتصل واضحكت : الو اميره : هااا بشري تراني على عصابي فاطمة : طردووني اميره : لاا شنو طردوج من صجج انتي فاطمة : اميره انا قاعده بالشارع خذو عيالي وحذفوني جني جلبه عندهم ما ادري وين اروح في هذا البرد القارص رائد : نصب الله اكبر اميره : لا تحركييييييين باتصل باخت ياسر تي لج فاطمة : ههههههههههه لا تولدين بس من الخرعه اميره : ينيتي انتي تضحكين فاطمة : احسج بتطلعين لي من السماعه .. امي تسلم عليج وتقولج شكرا تحملتي بنتي لمده خمس سنين امييره : ياااااااااااا خايسه تدرييييييين بغيتي توقفين قلبي هذا واحنا محاتينج فاطمة : تعيشين وتاكلين غيرها اميره : يتني فطومه صغيره فاطمة : لا لا حلفييييييي .. جذي بخسرررررر وايد بدفع سماوه عوده اميره : ههههههه لو سمحتي بنتي وامها تحملو منج الكثير والكثيير زهبي عمرج بتخسريين اكثر فاطمة : مبروك يا البطه تستاهلين والحمد الله على السلامه وباركي لياسر بالنيابه عني وتراها انخطبت خلاص اميره : ههههههه شوي شوي وين الحق افهم انا فهمت بس انخطبت فاطمة : خايفه عليها لا تعننس فهمتي بس هذا اميره : ههههههههههههه شنو نسوي بعد بنت .. يلا الحين اخليج مع اهلج ما اطول عليج فاطمة : خلي تلفونج يمج بتصل فيج بعد شوي اتطمن عن احوال الرعيه اميره : هههه زيين يا حرم احمد فاطمة : وه بس يا فديت الطاري اميره : تراا غرت جذي ... يلا بااي قبل لاا اطلع لج من السماعه والي يمج يذبحوني فاطمة : باي مها : مكونه صداقات من ورانا ونسيتينا وهانت عليج العشره اسيل : تهو تهو تهو هناء : يا خاينه يا ناكره المعروف .. بقول لدانه عليج عشان ما تنصدم المسكينه اسيل : تهو تهو تهو مها : أنآ بصراحه ندمت على سنين الي ضيعتها هدرا اسيل : تهو تهو تهو ضاري : كملي بعد مسلسلج تهو تهو تهو اسيل : انت شفيكم علي اليوم بس مكسرين مجاديفي فاطمة : تهو تهو تهو ههههههههههههههههه احمد يه وقعد يمها وهمس : جنج نسيتيني فاطمة : ما عاش من ينساك احمد : عيل يلا نروح بيتنا فاطمة : اممم اوكي مسك ايدها وقام : احنا نستأذن ام فهد : تو الناس خلكم قاعديين ما شبعنا من فطوم احمد : لا دوري الحيين منى : يمه فاطمة خلي عيالج عندي وروحي مع ريلج فاطمة : لا ماما مو متعودين اهم وبصراحه ما اقدر ما يطاوعني قلبي منى : روحي بتكونين احن مني عليهم يلاا هذولي نطرتهم سنين فاطمة : زين بس دربالج عليهم مام غطيتهم عدل منى : تسهلي انتي بس باستهم ولا يخلى من دموع عبود وفهود ان بيرحون معاها وشهاب يسكتهم انهم كبار وعيب اهم ريايل فاطمة : شهوبي لا تعب ديدو زين شهاب : زين ماما بس لا اطولين اذا قعد الصبح ابيج جدام عيوني فاطمة : هههههه ان شاء الله ماما يلا بااي : بااي ماما اشواق : تعالو يمه فديت قلبهم والله ينحبون بالسياره : احمد : شرايييج نحجز لنا فندق يومين مو احسن فاطمة : ليييش خلنا نروح البيت والله اشتقت لشقتنا احمد : بس انا شريت بيت بروحي فاطمة : وخمس سنين قاعد بروحك احمد : تقريباا .. خلينا نروح فندق على ما اضبطه ويكون يليق بمقامج فاطمة ابتسمت له : على راحتك احمد مسك ايدها : احببج فاطمة : وانا بعد بطلت عيونها استغربت المكان ابتسمت لين تذكرت ولفت لقت مكان احمد فاضي وين راح ؟ قامت صلت الصلاه الي طافتها واقعدت بالصاله تنطره دخل واهو ماسك عياله ومبتسم : صباااح الجوري والكادي صبآح ما يليق الا فيج فاطمة : ههه صباح العسل والشهد اركضو لها عيالها باسوها وقعدو يقلون شنو صار ومع منو العبو احمد : دنوو لي بقعد يم ماما شهاب : لاا روح حق امك انت احمد : يا اخي انا المفروض اقولك انت بابا مو انت تقولي فاطمة : هههههههه شهوب ماما عيب جذي عبود : ماماا بابا شرا لي لعبببببه كبييييييييييييره .. عشان انا شاطر وما اذيت ديدو فاطمة : شاطرر حبيبي احمد : ترا اغااااار فاطمة : هههههههههههه احمد : قومي لبسي نطلع نتريق برا فاطمة : يبت جنطتي من البيت العود احمد : يبتها عند الباب باستها وراحت تلبس على السريع بعد سنه احمد : مبرووك يا الغاليه فاطمة بتعب : الله يبارك فيك احمد : قمرر تشبهه امها فاطمة ابتسمت له : بشوفها احمد : الحين اقولهم ايبونها لج قبل لا ايون امي وامج ولا ولا فاطمة : ههههه .. شهوبي شفت اختك صغيره شهاب : نونه عجيببه .. خدودها ورديه ماما فاطمة : مو اطقها بعدين شهاب : لا انا راح اصير درنقايزر مالها احمد : اماا درقايزر زين ما شلت خدودها مساع وانت كل شوي تبوسها عبود : بابا شنو اسمها احمد : قول حق ماماا اهي تسميها فاطمة : اسمها حمدا على وزن احمد عشان تصير حمدا احمد احمد : شنو حمدا بتعقديين البنت انتي فاطمة : هههههههه اضحك انت سمها احمد : امممممممم شوق فاطمة : شمعنى يعني احمد : لانها يت بعد شووق ذباح ( وابتسم ابتسامه كرتونيه ) فاطمة : مع انه مو عاجبني بس شوق شوق احمد باس جبينها : تتربى بعزنا ان شاء الله فاطمة تعلقت عيونها بعيونه : احبك احمد : وأنآ احبـج اكثر | ||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
