آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-11-13, 07:10 PM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  الجزء السابع عشر اليوم الي بعد العزومة سعد كان ناوي يروح عند عايدة بعد دوامه حتى يأخذوا هدنة بينهم لين بعد ما القضية تنتهي في الجهة الثانية عايدة كانت تحس بالذنب لأنها ما حاولت تفهمه الأمر بطريقة متحضرة فكانت عند الكمبيوتر تخلص أشغالها و تلفونها يرن عايدة تشوف الرقم ما تعرفه:السلام عليكم ....:و عليكم السلام عايدة:لو سمحت أخوي من معي؟ .....:أنا سعد يا دكتورة عايدة بارتباك:أه سعد أهلين كيف الحال؟ سعد:هلا بك تمام الحمدلله عايدة:سعد ممكن تجي المكتب اليوم شوية؟ سعد:سبحان الله أنا كنت ناوي أجي اليوم عشان نناقش القضية عايدة حست بإحباط بس ما فهمت ليش:أه أوكي ف أي وقت أتجي؟ سعد:وقت البريك عايدة:أوكي تمام أنا أنتظرك سعد:تمام بعد ما سكر سعد من عايدة كلم نفسه:ليش كان الإحباط ف صوتها لما قلت إني أبروح نناقش القضية؟لا يكون؟لا لا مستحيل فجأة دق باب مكتبه سعد:ادخل و دخل سكرتير سعد و نسى السالفة و كمل شغله ******* لما وصل وقت البريك عايدة كانت ناسية كل السالفة بسبب انشغالها مع المرضى و الاجتماعات فجلست تأكل ف كفيتيريا المستشفى أما سعد فكان رايح لمكتبها لما وصل سأل ميساكي:أين الدكتورة؟ ميساكي:إنها ف الكفيتيريا سعد:ألم تقل لكي شيئا عن موعدنا؟ ميساكي:لا لم تقل سعد:حسنا لا مشكلة سأتصل بها أخذ تلفونه و اتصل فيها عايدة لما شافت تلفونها يرن و المتصل سعد ردت بسرعة و هي تجمع أشياءها:الو هلا أقول أنا جاية مسافة الطريق و أكون عندك. و سكرت التلفون من دون ما تعطيه فرصة يتكلم سعد شاف على تلفونه كأنه ما مصدق و مستغرب إنها سكرت ف وجهه ما لحق يتكلم إلا و كانت عنده تتنفس بسرعة عايدة:السلام عليكم سوري نسيت لأني كنت منشغلة كثير اليوم سعد:و عليكم السلام عايدة:تفضل ادخل تو جاية سعد:تمام عايدة تكلم ميساكي:لا تحولي أي اتصالات أو تدعي أحدا يدخل إلا بعد خروجه من الغرفة ميساكي:حسنا ف المكتب سعد كان جالس على الكرسي الي عند طاولتها فدخلت و راحت تجلس على كرسيها ورا المكتب عايدة:اسفة كنت مشغولة كثيرة سعد:لا عادي أنا حتى كنت ناسي السالفة و ظننت إني متأخر عايدة:اها اوكي خلنا نبدأ سعد:يلا و اشتغلوا الاثنين و البريك كان لمدة ساعة تقريبا فلما بقى على البريك 15دقيقة سعد:أوه أنا لازم أروح الحين لان عندي اجتماع بعد شوي عايدة:اوكي بس لازم نخلص القضية قبل بكرة عشان المحكمة بكرة لا سعد:همم اوكي ايش رايك نلتقي ف مكان اليوم؟ عايدة:همم لا أحسن تجي البيت لأنه ما عندي سيارة بعد الدوام سعد:تمام الساعة سبع بكون عندك عايدة:تمام ********* الساعة ستة عايدة رجعت البيت و كانت كثير تعبانه بس راحت تأخذ لها شاور سريع و لما نزلت لقت طارق يدخل من الباب طارق:السلام عليكم و راح عندها و حضنها و باسها على خدها عايدة:و عليكم السلام كيفك؟ طارق:تمام الحمدلله أخبارك أنتي يا الي ما نسمع عنك و لا نشوفك؟ عايدة:ههه الغائب عذره معه طارق:ههه معروف هذا الشي,وحدك بالبيت؟ عايدة:لا سالم راح عند صديقه تو أيرجع طارق:اها و البقية وينهم؟ عايدة:راحوا عند جدتهم مع أخوي عبدالله طارق:ما أتخيل شكل عبد الرحمن لما يشوف خالي عايدة:ههههه أصلا هذاك الفأر يخاف من اخوي عبدالله و لما يكون هناك هو يطلع من البيت طارق:ههههه دواه يلا أعطيني المفتاح خلني أروح و ما أتأخر عايدة أعطته المفتاح:هاك استمتع طارق ابتسم:شكرا بعد ما راح طارق دخلت المطبخ و جهزت شوية مقبلات حتى تعطيها سعد لما يجي و سالم رجع و راح المكتب ينظفه ويعدل المكان و ف الساعة سبعة بالضبط رن جرس البيت و راح يفتح الباب سعد:السلام عليكم سالم:و عليكم السلام تفضل سعد:شكرا موجودة عمتك؟ سالم:ايوا تفضل المكتب ********** يتبع\ | |||||||||
|  |
|
09-11-13, 07:11 PM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| ***** ف المكتب عند عايدة و سعد بدؤوا يشتغلوا من جديد و نسوا الوقت بس كانت في لحظات سعد يشرد و هو يشوف عايدة كيف تتكلم و لما تضحك كان يحس نفسه أسير ضحكتها و يرجع يذكر نفسه هي تكرهك اصلا بعدين يرجع إلى العالم الواقعي و ينغمس ف القضية بعد ساعة و نص الباب اندق عايدة:تفضل دخل سالم:عمتي ما ناوين تتعشوا؟ عايدة:ليش تو الساعة كم؟ و شافت على ساعتها لقتها 9:30 عايدة:يا ربي أخذنا الوقت سالم تعشيت؟ سالم:لا انتظرتكم عايدة:اوكي سعد تفضل تعشى سعد:أوه لا شكرا سالم تدخل:لا ما يصير تعال تعشى معنا أصلا إحنا ما طبخنا عشان نشوف على الأكل يلا تعال معنا عايدة:سالم قال كل شي سعد:ما يرد الكريم إلا اللئيم و أنا ما أبغى أكون لئيم يلا خلا نأكل راح و جلسوا على الطاولة يأكلوا بس عايدة ما جلست معهم راحت و أخذت أكلها للمطبخ سعد:إذا كان في أي إزعاج خبريني عايدة بإحراج:أه لا ما في أي إزعاج بس عشان تأخذوا راحتكم سالم:عمتي تعالي ليش تروحي المطبخ؟ عايدة (ف نفسها أنا يا دوب اقدر أتكلم قدامه عاد أكل معه ف نفس الطاولة لا مستحيل):أه لا عادي أنا بعد أحب اخذ راحتي لما أكل سالم باليابانية:عمتي هذه أول مرة عايدة بنفس اللغة:اسكت و كملت بالعربي:سالم عيب لا تتكلم ياباني قدام الناس لما نكون وحدنا تكلم سالم:إن شاء الله عايدة:يلا خذوا راحتكم و راحت المطبخ لما جلست حست نفسها غبية *********** بعد العشاء سعد يكلم عايدة ف المكتب:انزين الحين ما باقي إلا إننا ندور على العم حسين عايدة:لا ما لازم لأني اتصلت فيه و قلت له يجي بكرة المحكمة سعد:من وين جبتي رقمه؟ عايدة:هو جارنا سعد شاف على عايدة بنظرة كلها دهشة عايدة بسرعة لفت وجهها عشان ما يشوف ألوان القوس قزح عايدة:اوكي و كذا خلصنا نلتقي بركة إن شاء الله ف المحكمة سعد:تمام بعد ما راح سعد راحت عايدة غرفتها و بدلت ملابسها نامت على السرير و أول ما حطت راسها على الوسادة تذكرت نظرات سعد لما كانت تتكلم بس هي تجاهلته لأنها ما كانت تريد تسبب الإحراج له و لنفسها بعد كذا ما قدرت تفكر زين لأنها كانت تعبانه حيل و نامت على طول ***** اليوم الي بعده ف المحكمة الكل كان جالس بهدوء ينتظروا القاضي يدخل و عايدة كانت على أعصابها تشوف الشرطي الي جاء يفتش يشوف عليها بلا حياء و كانت تتمنى تعطيه شوية حقه بعد كم دقيقة دخل القاضي و بدأت المحكمة بعد ساعة كل شي انتهى ****** ترقبوا معنا الذي سيحدث في الفصل الثاني من الجزء السابع عشر | |||||||||
|
| |
|
09-11-13, 07:17 PM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السابع عشر\الفصل الثاني ****** مريم ف البيت جالسة على أحر من الجمر تنتظر أي حد يتصل فيها يطمئنها فجأة تسمع صوت سيارة و كم واحد ينزل ركضت عند الباب لقت سعد و جهاد ينزلوا و يدخلوا البيت راحت و فتحت لهم الباب جهاد+سعد:السلام عليكم مريم:و عليكم السلام ها خير ايش صار؟ سعد:ايش تقصدي؟ مريم:المحكمة؟ جهاد:أي محكمة؟ مريم تعصبت:ياخي لا تلعبوا على أعصابي قولوا ايش صار جهاد و سعد:ههههههههه جهاد:أقول سعد أحسن ترجع مرة ثانية شكلها مرة مشوطة مريم:إيه انتوا الاثنين تكلموا ولا تشوفوا شي ما يسركم سعد:سبحان الله نفس عايدة ف الأعصاب التلفانة جهاد:بس ما تتعدي عايدة مريم خلاص هنا ما قدرت تستحملهم دخلت داخل و سكرت الباب بالقوة سعد:ههههههه خلنا نروح نطمئنها جهاد:اوكي جهاد فتح الباب شوي شوي خاف لا تكون واقفة ورا الباب مع مقلاة ساخنة فلما دخل ما حصلها و قال لسعد:أنت روح شكلها معصبة كثير سعد:اوكي تمام اعتذر لي لها جهاد:تمام جهاد راح للمطبخ و ما حصلها هناك فراح الغرفة و حصلها جالسة على الكرسي الي عند الشباك و تبكي جهاد:مريوم حبيبي ايش فيكي؟ مريم بين دموعها بدلع:حرام عليك تعذبني كذا جهاد:دلوعتي زعلانة؟ مريم:أكيد زعلانة صار لي ساعة انتظر الخبر و لما جيت جلست تلعب على أعصابي جهاد قرب منها و ضمها من خصرها:لا تخافي حبيبي إحنا طلعنا براءة بكل تأكيد مريم لفت عليه و حطت يدها على صدره:صحيح الكلام هذا؟ جهاد:أكيد ليش انتي ما واثقة من زوجك و أختك؟ مريم:إلا واثقة بس كنت قلقانة تعرف الحكومة ما لعبة جهاد بحنان:فديت الي تقلق علي المهم الحين لازم تروحي تتصلي ف عايدة و تكلميها اكيد محتاجة تسمع صوتك مريم:و يلوموني فيك يا روحي أنا جهاد:روحي قبل لا أغير رأي مريم ابتعدت عنه و قالت:انتظر خمس دقايق بس جهاد بصوت يذوب:ليش أنا رايح مكان ************** بيت عبدالله سالم:عمتي الحمدلله براءة عايدة:الحمدلله عبدالله:كيف تذكرتي سالفة العلامة؟ عايدة:كنت جالسة أراجع بعض الملفات و كانت مريم تحاول تتذكر سالفة صارت لها مع عمي حسين فمرت على بالي السالفة عبدالله:سبحان الله عايدة:المهم الحمدلله ساحتنا تبرأت و لازم نسوي رحلة للبحر عشان نرتاح سالم:انزين ليش ما نروح سوادي؟ عايدة استغربت من اقتراح سالم لأنه عمره ما حب الرحلات :سالم الي اقترح هذا و لا أنا أتخيل عبدالله:هههههههه لا سالم عايدة:خلاص مادام سالم الي طلب غالي و الطلب رخيص سالم:متى؟ عايدة:بعد التعب هذا شكلي بأخذ إجازة شهر عبدالله:و بعدين الشغل أتخلي لمن؟ عايدة:هذا السبت جهاد يبدأ دوامه أيام العسل خلصت بعد أسبوع أنا بأخذ إجازة و نشوف سالم:يا سلام رحلة عايدة و عبدالله شافوا على بعض و استغربوا من سالم أول يتحمس يروح رحلة عايدة ابتسمت بحنان:هذا حبيبي كبران .و دمعت عينها و بدأت تبكي سالم بخوف:عمتي خير ايش فيكي تبكي؟ عايدة ضحكت بين دموعها:هه و الله أحس كأنك خلاص دامك كبرت ما عاد تحبني سالم:ههههه عمتي الله يهديك أنا لا 16سنة ما 20و حتى لو كنت 50سنة لتضلي أعز إنسانة ف حياتي. عايدة حضنته و قالت:الله لا يحرمني منكم كلكم عبدالله:آمين ********* بعد أسبوع عايدة بدأت إجازتها قامت من بعد صلاة الفجر و نزلت الحديقة جلست على الكراسي مع كتاب أغاثا كريستي (الإصبع المتحركة) و ما انتبهت للوقت و لما نزل سالم يروح للمدرسة شافها مندمجة مع الكتاب و خلها على راحتها أما لما نزل حسين أبو العريف قال ما أطلع لمن أخوفها فراح يمشي بهدوء ورا الكرسي الي كانت جالسة عليه و لما وصل ورآها صرخ:بووووووووووووووو عايدة طيحت الكتاب و صرخت بقوة أما حسين لا حياة لمن تنادي ماسك ظهر الكرسي و ميت من الضحك عايدة عصبت عليه:حسينوه صلب عمرك حسين لما سمع صوت عمته و شافها تتجه عنده قام يشيل شنطته و يهرب منها و ركض للبوابة عايدة جلست ع الكرسي و بدت تضحك على نفسها و على حسين :هههههه الله و أ:بر على هذا الولد متى يعقل و يكبر خلني أروح أشوف أحمد أحسن لي راحت داخل و ركبت لغرفة أحمد لقته نايم و كانت الساعة لسى 7 و شي قالت تخليه ينام أكثر نزلت تحت تعمل فطور لعبد الله بس لقته يفطر عايدة:صباح الخير عبدالله:صباح النور كيفك؟ عايدة:تمام الحمدلله أنت كيف أصبحت؟ عبدالله:بخير و عافية إلا متى الرحلة؟ عايدة:يمكن يوم الخميس لأن الشباب يداوموا عبدالله:اها نظمي كل شي و خبريني عايدة:تمام ******** عايدة طول اليوم كانت ملانة أحمد راح الحضانة و ما في أحد ف البيت فقالت تروح كوفي شوب و تتسوق شوي لما طلعت حصلت سيارتها متسخة قالت ايش علي أنا فاضيه أروح أغسل السيارة أول راحت تغسل سيارتها فجلست تنتظر و كانت البنت الوحيدة هناك و حست نفسها غريبة و لما خلصت سيارتها ارتاحت ********* نهاية هذا الفصل ترقبوا الفصل القادم و ما الذي سيحصل لها ف الكوفي شوب | |||||||||
|
| |
|
09-11-13, 07:24 PM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| ****** الجزء السابع عشر\الفصل الثالث بعد ما أخذت سيارتها راحت لكوفي شوب يطل على البحر و جلست فيه مع اللاب توب مالها و كان عندها وايرليس موديوم ففتحت النت على الماسنجر و جلست تكلم صحباتها و فجأة تشوف النادل يجيب لها الكرواسون الي تحبه و استغربت لأنها ما طلبته عايدة:لو سمحت أنا ما طلبت شي النادل:أوه هذي هدية من الأستاذ الي جالس هناك عايدة رفعت عينها و شافت رجال جالس مع صاحبه و كلهم الاثنين هزوا راسهم كأنهم يسلموا عليها فاستغربت من وقاحتهم لا هي تعرفهم و لا هم يعرفوها عايدة:لو سمحت خذها أنا ما طلبتها النادل بارتباك:اوكي آسف عايدة:عادي فكملت شغلها بعد كم دقيقة طلبت كوب قهوة و كاب كيك لما خلصت قامت و لمت أغراضها و راحت تدفع عند الكاونتر النادل (فلبيني):لقد تم دفع فاتورتك آنستي عايدة تأففت:أوف من فعل ذلك؟ النادل:السادة هناك عايدة:سأدفع فاتورتي بنفسي أعد لهم مالهم النادل:أنا آسف آنستي لكن لا يمكننا إعادة المال عايدة أعطته فلوس:خذ أعطهم هذا المال لا أحتاج إلى أموالهم و طلعت من المقهى من دون ما تشوف ورا و لا تنتظر النادل يكمل كلامه ******** كانت أسماء توقف سيارتها عند مواقف كورنيش مطرح (من أقدم مدن سلطنة عمان)و جلست تتأمل الأمواج كيف تصطدم بالصخور الكبيرة إلي على شواطئها فجأة تذكرت أسماء صديقتها ف الثانوية إلي قالت لها:أي وقت تحتاجيني فيه أنا بكون عندك حتى لو ما كلمتيني مرة ثانية أخذت تلفونها و بدأت تدور على الرقم بس توقفت و قالت يمكن مغيرة رقمها بعدين تذكرت إنها قرأت اسمها ف جريدة فقررت تتصل بالاستعلامات عشان تطلب الرقم ******* عايدة طلعت من الكوفي شوب و راحت تركب سيارتها فرن تلفونها و كان المتصل رقم غريب عايدة:السلام عليكم ....:و عليكم السلام كيفك عايدة؟ عايدة:عفوا أختي من أنتي؟ أسماء:افا ما عرفتيني؟ما توقعتها منك يا الفارطة عايدة باندهاش:أسوم الدلخة؟وينك يا بنت عاش من شافك و سمع صوتك أسماء:عاشت أيامك حبيبتي (أسماء كانت صاحبة عايدة أيام الثانوية تخاصموا بسبب إن أسماء كانت مو مهتمة بدينها و كانت ما تلبس الحجاب و عايدة حاولت تنصحها بس هي انقلبت عليها ) أسماء:عيود؟ عايدة:هلا أسماء:ممكن أشوفك؟ عايدة:أكيد وينك الحين؟ أسماء:أنتي مو ف الدوام؟ عايدة:لا ماخذة إجازة أسماء:تمام نلتقي ف كوفي شوب؟ عايدة:لا أحسن شي تعالي بيتنا أسماء:نفس البيت؟ عايدة:هو نفسه أسماء:اوكي أنا جاية ******* عايدة اتصلت بالبيت و ردت عليها الشغالة عايدة:ماريا حضري بعض الشاي و اخرجي الكعك من الثلاجة ستأتي ضيفة إلى المنزل ماريا:حاضر آنستي عايدة سكرت من عندها و شغلت السيارة تتجه للبيت بعد نص ساعة وصلت البيت راحت المطبخ و تأكدت من أن كل شي تمام بعدين راحت تبدل لبست تنورة حريرية طويلة لونها أسود و حزام بنفس النوع و اللون مع قميص أبيض من دون كوم مع جاكت أسود خفيف بعد كم دقيقة رن الجرس و راحت عايدة تفتح الباب عايدة و أسماء حضنوا بعض بقوة و فترة طويلة عايدة:وينك يا القاطعة؟ أسماء دموعها نزلت لا إراديا :عايدة أنا و الله ما أستحق هذي المعاملة عايدة أسكتتها:شششش بس ما أريد اسمع أي شي عن الي حصل سالفة و عدت يلا تعالي ادخلي أخذتها للمجلس الداخلي و جلستها على الكرسي جنبها و اعطتها كلينكس أخذته أسماء و مسحت دموعها أسماء:آسفة حبيبتي بس اشتقت لك كثير و ما توقعت انك أتوافقي تقابليني عايدة:افا أنا ايش قلت؟إنه أي وقت تحتاجيني فيه أنا بكون عندك حتى لو ما كلمتيني مرة ثانية صح؟ أسماء:أكيد عايدة:ها شو الأخبار؟ أسماء:ما حلوة أبدا عايدة:ليش؟ أسماء:أنا حامل عايدة:و هذا خبر سيء؟؟؟؟؟؟ أسماء:و زوجي فيه سرطان الدم عايدة اندهشت:كيف هو يعرف؟ أسماء:هو ما يعرف إني حامل و لا يعرف إني أعرف إنه مريض عايدة:و تو؟ أسماء:هو رافض العلاج و كل ما أسأله إيش فيه يقول ولا شي عايدة أنا خايفة ساعديني أرجوكي و بدأت تبكي مرة ثانية عايدة فكرت بالسالفة و قررت:ف أي مستشفى ملفه؟ أسماء:ليش؟. عايدة:انتي بس خبريني أسماء:المستشفى السلطاني عايدة:تمام اسمعيني زين خبريه انك حامل و لا تكوني سرحانة طول الوقت تصرفي عادي كوني طبيعية و بعد كذا خبريني ايش أيصير اوكي؟ أسماء:أوكي بس ايش اتعملي؟ عايدة بنظرة ذكية و حيلة بعينها:انتظري و شوفي ********** أول ما راحت أسماء عايدة اتصلت بجهاد عايدة:السلام عليكم جهاد:و عليكم السلام و رحمة الله و بركاته عايدة:شو الأخبار؟ جهاد بنبرة شك:كل تمام الحمدلله عايدة تحاول تخفي ابتسامتها:ليش النبرة الشكاكة هذي؟ جهاد:لا تقولي إنك تريدي ترجعي للشغل؟ عايدة:اووف وع لا بس أريد خدمة منك جهاد:اها اوكي ايش تبغي؟ عايدة:دور لي على ملف سلمان بن حمد آل...... في المستشفى السلطاني جهاد بنبرة واضحة فيها الشك:ليش؟ عايدة ما قدرت تحبس ضحكتها:ههههههههههههههه أقول بس دور من دون ليش ولا برجع أدوام جهاد:أرجوكي الدكاترة و الممرضين مرتاحين يقولوا لي ياريتها تأخذ إجازة كل يوم عايدة:هاهاي أقول عن الهذرة الزايدة و دور على الملف جهاد:خخخخ اوكي ********* بعد ساعة رجعوا الشباب البيت و تغدوا مع بعض بعد الغدا كانوا جالسين ف المجلس يحلوا واجباتهم و عايدة تشوف التلفزيون وتذكرت:صح سلوم ايش رايك نغير بدل سوادي نروح جبل أخضر سالم بحماس:ايوا صحيح أحلى جبل أخضر أفضل عمتي عايدة:تمام الأسبوع الجاي إن شاء الله يوم الأربعاء بعد صلاة العصر نروح سالم:بس أنوصل متأخر عايدة:لا أيكون مبيت نوصل و نرتاح أنا بضبط كل شي الفندق و غيره سالم:اوكي بس من أنعزم عايدة:بعد من نعزم إحنا بس الي أنروح مع هما خالو و مريم و جهاد بس سالم:أوه عايدة:ايش ورا ها الأوه؟ سالم:احم لا ماشي عايدة بصوت هادئ بس يحمل الكثير بين طياته:سالم سالم:اوكي اعترف عزمت شخص و لا شخصين عادي؟ عايدة:يعتمد على من عزمت سالم:احم احم مازن و ماجد عايدة:مــــــــــــــــــ� �ـن؟هذيلا إذا عزمتهم يعزموا غيرهم سالم:بس..... عايدة:بلا بس بلا خرابيط عبدالله:السلام عليكم عايدة و سالم:و عليكم السلام عبدالله:خير ايش في؟ عايدة:لا ما في شي حسين:لا في سالم راح يعزم التوأم المختلف و عمتي زعلانة منه عبدالله:التوأم المختلف؟؟؟؟ عايدة:ههههه مازن و ماجد عبدالله:انزين ايش فيها إذا عزمهم؟ عايدة قالت ف نفسها(يعني سعد النشبة أيجي ):لا أريد أتصرف على راحتي عبدالله:و جهاد يعني اتتصرفي على راحتك قدامه؟ عايدة:على الأقل هو يعرفني عبدالله:عنادا لك أبتصل ف عمي أبو سعد أعزمهم كلهم عايدة كانت شوي و تموت من القهر مادام عبدالله قال هذا الشي ما تقدر تعترض حسين بضحكة خبيثة بالانجليزي:لا مزيد من الحرية نياهاهاها عايدة:شب أنت عبدالله:ها وين قررتوا تروحوا؟ عايدة:مبيت جبل اخضر من يوم الأربعاء بعد صلاة العصر عبدالله:حلو هذي الأربعاء؟ عايدة:لا الجاية عبدالله:تمام أنا بتصل ف عمي و أخبره عايدة بإحباط:اوكي تمام ********* اليوم الثاني اتصل فيها جهاد:أنا جبت الملف عايدة:واو حلو اوكي أريدك تتصل فيه و تقول له إن إحنا تبرعنا نأخذ حالته و نعالجه و إن في إمكانية لعلاجه جهاد:ممكن تخبريني السالفة من أولها عايدة:كل السالفة و ما فيها مساعدة صديقة You are the boss جهاد: عايدة:لا تنسى تخبرني بأي تطورات تصير مع هذا المريض أنا بعد شهر برد الدوام سو راح استلم حالته لما أرجع. جهاد:اوكي على راحتك ************* عايدة بعد ما جهاد اتصل فيها اليوم الثاني و قال لها إن سلمان قبل العلاج على طول من سكرت منه اتصلت فيها أسماء أسماء:السلام عليكم عايدة:وعليكم السلام و رحمة الله و بركاته أسماء:عيود الفارطة عايدة بابتسامة:هلا ب الدلخة أسماء:تخيلي عايدة:ايش؟؟؟ أسماء:سلمان قالي كل شي و اليوم اتصل فيه دكتور من مستشفى خاص قالوا إنهم يعالجوا على حساب المستشفى عايدة:والله مبروك حبيبتي و كيف تقبل خبر حملك؟ أسماء:سكتي فرح كثير و ف نفس اللحظة قالي انه مريض و بيتعالج عايدة:الحمدلله إن شاء الله أمورك تتحسن للأفضل أسماء:إن شاء الله الفضل لله أولا و ثانيا لك شكرا حبيبتي أعرف إن الدكتور الي اتصل يشتغل معاكي عايدة:ههههه طول عمرك ذكية و تعرفي تربطي الأمور But not as good as youأسماء: ************* وصل اليوم المنشود يوم الرحلة إلى جبل أخضر و اليوم الي قبله سعد اتصل ف عايدة عايدة:و عليكم السلام سعد:احم كيف الحال؟ عايدة:تمام الحمدلله سعد:ممكن أسأل ايش المطلوب منا عشان الرحلة؟ عايدة (أوف أخلاق زفت):بس خيم سعد:كم خيمة و أي حجم ؟ عايدة:تقريبا 3خيم و كبير والي يسلمك Tamam see ya thereسعد: Ok I can’t waitعايدة بسخرية: و سكرت ف شكله سعد بعد ما سكر من عندها:ما عليها تسكر ف شكلي أنا كان ما وريتها من سعد محمد آل.... سكت عنها كثير بس خلاص اكتفيت و صبري نفد *********** توقعاتكم كيف أينتقم سعد من عايدة؟؟؟؟؟ عايدة أتسكت قدام انتقام سعد؟ ايش أيصير ف الرحلة؟؟؟ و لمزيد من التشويق في شخص أيكون غير مرغوب فيه بالرحلة و جاي من دون دعوة من يا ترى؟؟؟؟؟؟ | |||||||||
|
| |
|
09-11-13, 07:26 PM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثامن عشر عايدة:سالم روح شوف حسين ايش يسوي سالم:إن شاء الله حسين جاي يركض من غرفته:لا ما لازم تجي تشوفني أنا جاي عبدالله:ايش كنت تسوي الناس تنتظرنا حسين:خلاص أنا جيت خلا عايدة:حسبي الله و نعم الوكيل أسميك أنت ما ولد حسين بغى يتكلم فسالم سحبه من قميصه و طلعه برى ****** عشان الرحلة تحلى استأجروا باص و الشباب بيسوقوه و ف مكان الانتظار الجماعة كانوا ينتظروا هم عايدة معاذ:اقول مريم اتصلي ف عايدة ليش تأخروا؟ مريم:أوكي دقائق مريم:السلام عليكم تمام وينكم؟ اها اوكي ننتظركم يلا سلام مريم سكرت من عندها :توهم جايين حسين أخرهم الكل:ههههههه بعد نص ساعة وصلوا و كلهم كانوا راكبين الباص ما عدا معاذ و جهاد ينتظروا عشان يرتبوا الشنط زين معاذ:زين جيتوا كنا بنروح عنكم عايدة:هاهاي اوين أنشوف ف أي فندق أتروحوا هع اوين معاذ:سكتي باه عبدالله:يلا عاد بسكم ضرابة و اركبي الباص يلا حسين يعاير عمته:سكتوني عايدة:حسونة اوريك كيف يسكتوا صح حسين:اشكره ما اقصد انتي عمتي عايدة:انا رايحة اركب الباص ركبت الباص و سلمت:السلام عليكم و رحمة الله و بركاته الكل:و عليكم السلام و رحمة الله و بركاته عايدة اول ما لفت راسها شافت سعد يسوق و غدير جالسة ف الكرسي الي وراه بالضبط عايدة فنفسها:وع ايش جاب هذي البلشة تو كملت طريقها سلمت على البنات و البقية و جلست عند مريم عايدة:ايش جابها هذيك؟ مريم:لاصقة فينا من كم يوم ما قدرنا نقول لها ترجع بيتهم عايدة:اوف الله يعين المهم كملوا الرحلة و في الطريق كانوا يستمتعوا بس بعض الاحيان عايدة كانت تحس ان في احد يراقبها بس كانت تطنش بعد فترة معاذ بصوت مرتفع:اقول عايدة كيف بتستحملي ف التخيم ؟ عايدة:ليش؟ معاذ:الحشرات أتخليها لمين؟ عايدة:هههههههههه لا تخاف عندي احتياطاتي (عايدة عندها فوبيا من الحشرات و هذا مرض نفسي ) حسين كان جالس عند معاذ:عمتي تخاف من حشرات؟ معاذ:ايوا حسين:اها معاذ:اسمع إياني و إياك تسوي لها شي بعلقك من رجولك حسين:إن شاء الله وصلوا للجبل ف وقت متأخر و سعد ما كان يعرف الفندق فنادى معاذ يوريه الطريق لما توقفوا للاستراحة الاخيرة سعد:اقول معاذ اي فندق انروح؟ معاذ:انا ما اعرف اسأل عايدة سعد(اوف هذي كل مكان تنط علي):اسألها انت انا ما اعرف وينها معاذ:اوكي دور عليها حصلها ف الباص معاذ:عيود سعد باغي يعرف وين الفندق عايدة:هذاك الي انت خبرتني عنه معاذ:اها اوكي بعلمه عايدة:تمام معاذ:إلا تعالي ماله مزاجك كذا بايخ مثل شكلك عايدة:حد يشوف هذا الشكل و يتعدل مزاجه.و اشرت على غدير معاذ:تو هي ليش تعاديكي؟ عايدة:معاذ هل انت غبي ام تستغبى؟اسمع انا ما فيني بارض لك روح عني معاذ:ياخي مالك كذا قلبتي انا لا سألت عايدة:اوووووووووف معاذ حل عني ما فاضية لك معاذ:حشى مزاجك زفت مثل أخلاقك عايدة شافت عليه نظرة لو كانت النظرات تقتل لو قتلت معاذ بنظراتها معاذ راح عند سعد و فهمه الطريق معاذ:سعد لو سمحت ابسألك سؤال رد علي بصراحة لو سمحت سعد:أوكي هات ما عندك معاذ:ايش في بين عايدة و غدير؟ سعد وجهه قلب 180درجة :ها انا ما اعرف ليش تسألني انا اسأل جهاد و مريم معاذ:سعد لا تكذب سعد:صراحة لا تعصب معاذ:اوكي بحاول سعد:اذا تحاول خلاص ما اقول معاذ:لا خلاص ما بعصب بمسك نفسي سعد سحب نفس طويل:غدير تغار من عايدة معاذ:عشان هذا الشي اعصب هذي سوالف بنات سعد ضحك و قال ف نفسه(الحمدلله قاطعني) معاذ:اسميها عايدة صايرة سخيفة ********* وصلوا الفندق فعايدة راحت مع سالم عشان تاخذ مفاتيح الغرف عايدة:السلام عليكم موظف الاستقبال:و عليكم السلام و رحمة الله و بركاته عايدة:لو سمحت أخوي انا عاملة حجز باسم عبدالله الحارثي موظف الاستقبال قلب الدفتر و قال:اه ايوا هذا هو طلبتي اربع غرف عند بعض لا؟ عايدة:ايوا الموظف:تمام هذي هي المفاتيح عايدة:شكرا سالم:عمتي ما شفتي كيف كان يشوف عليكي هذا الموظف؟ عايدة:خليه راحوا و عايدة و زعت المفاتيح:ميا و شهد و وعد و رغد و غدير غرفة وحدة انا و مريم و خالتي و خالتي ام سعد غرفة وحدة ميا أخذت مفتاح غرفتهم من عايدة و تشوف عليها نظرات معاذ:و إحنا؟ عايدة اعطته المفتاحين و قالت:قسموا بنفسكم فكان تقسيم الشباب:سالم و سالم و جهاد و سعد و معاذ وحدهم و عبدالله و ابو سعد و ابو هيثم و مازن و ماجد إلي كانوا معصبين ليش مخلينهم مع الشياب الكل راح غرفته و نام ****** اليوم الثاني قاموا بعد صلاة الفجر و تجهزوا راحوا لمكان التخيم و حطوا ثلاث خيم كبيرة وحدة للنساء و الثانية للرجال و اكبر وحدة خلوها جلسة للكبار من النساء و الرجال قضوا اليوم يتفسحوا ف المنطقة و كانت كبيرة و كلها أشجار لما وصل وقت الصلاة الكل صلى و بدؤا يطبخوا الغدا و كان اليوم كله عادي حتى وصل وقت الشوي بعد صلاة المغرب عايدة راحت تجيب معقم و شاش حتى تربط سالم(ع) لانه تعور بعود الشوي فجأة سمعوا صرخة رعب فظيعة عبدالله راح يركض للغرفة حصل عايدة جالسة القرفصاء و تتأرجح قدام و راى و دموع ف عينها و الكل متجمع عند الباب عبدالله:عايدة خير ايش فيكي؟ عايدة بين دموعها تأشر على شي ف الارض و رى الشنطة عبدالله:ايش في هناك؟ عايدة بصراخ:سحلية سحلية الكل:هههههههه عايدة لفت عليهم و الدموع ف عينها صرخت:اطلعوا اطلعوا برى ما اريد اشوف اشكالكم الكل مستغرب ايش صار فيها عبدالله:اطلعوا لو سمحتوا الكل طلع اما عبدالله اخذ المعقم و الشاش أعطاه جهاد عشان يضمد سالم و رجع لعايدة و جلس عندها عايدة:اسفة و الله اسفة بس ما قدرت امسك اعصابي لما ضحكوا عبدالله:عايدة قلتي لي انك تعالجتي عايدة:حاولت بس ما قدرت عبدالله:المهم ارتاحي الحين بعدين لما يجهز العشى أناديكي تمام؟ عايدة:تمام ****** بعد العشى عايدة رجعت طبيعية بس كان فيها شوية قلق و تعب لكنها جلست مع الكل في دائرة حوالين النار و كانت تشرب شاي ساخن يدفي البردان و كان الكل يتكلم و يمزح و يضحك فجأة تكلمت غدير بصوت عالي:تخيلوا دكتورة ايش كبر ايش عرض و تخاف من الحشرات ههههههههه الكل سكت و شاف على عايدة إلي سكتت و كملت تكتب المسج ف تلفونها غدير اغتاظت منها :تو يعني انا متأكدة ان ف "المستشفى"في كثير حشرات لأنك انت ما تهتمي بنظافتها. عايدة مسفهتنهم و لا عندها خبر غدير:متأكدة انك ما اتفقتي مع المجرم يعني الي جاء يتعالج عندك عايدة رفعت عينها و شافت عليها:يخاطبني السفيه بكل قبح و آسف ان اكون له مجيبا يزيد سفاهة و ازيد حلما كعود زاده الاطرف طيبا. بعدين رجعت تشوف على تلفونها غدير هنا ما استحملت:اصلا انتي وحدة ما تعرف مقامها تسوي نفسك تعرفي كل شي و اننا اقل منك مستوى ليش؟ بس لأنك حلوة اوين؟اقول لا تفتخري في إلي أحلى منك اوكي؟انتي اصلا زبال غدير ما كملت كلامها إلا و صفعة على وجهها الكل استغرب ******** نهاية الفصل الأول من الجزء الثامن من إلي صفع غدير برايكم؟؟؟؟؟ الردود و التوقعات لو سمحتم | |||||||||
|
| |
|
09-11-13, 07:29 PM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| ******** الفصل الثاني من الجزء الثامن عايدة رفعت عينها و شافت عليها:يخاطبني السفيه بكل قبح و آسف أن أكون له مجيبا يزيد سفاهة و أزيد حلما كعود زاده الأطرف طيبا. بعدين رجعت تشوف على تلفونها غدير هنا ما استحملت:أصلا انتي وحدة ما تعرف مقامها تسوي نفسك تعرفي كل شي و إننا اقل منك مستوى ليش؟ بس لأنك حلوة أوين؟أقول لا تفتخري في إلي أحلى منك اوكي؟انتي أصلا زبال غدير ما كملت كلامها إلا و صفعة على وجهها الكل استغرب من شهد إلي عمرها ما تتجرأ تقتل ذبابة تصفع غدير غدير شافت على شهد و صرخت عليها:انتي ما تعرفي من أنا يا الحقيرة شهد و وجهها محمر من العصبية:اسكتي من الحقيرة يا قليلة الأدب توسخي اسمنا بتصرفاتك و الله خسارة تربية عمتي عليكي سعد:شهد عيب عليكي هذا كلام كبير شهد و الدموع ف عينها:ايوا هي تشوف كيف انتوا ساكتين عليها و تزيد على بالكم بتحس؟لا اخوي أول يكون عندها قلب لتحس سعد بعصبية:شهد خلاص عاد عايدة قامت من مكانها و راحت عند شهد و حضنتها أما شهد أول ما حضنتها بدأت تبكي بقوة عايدة:نوعاً ما كلام شهد صح انتوا ساكتين على غدير و الحين ما تقدروا تتحكموا فيها أو بالأحرى ما عارفين كيف, شهد تحس انه تصرفات غدير ما لائقة بس هي صغيرة ما تقدر تقول شي فلو سمحتم يعني خلوها البنت من كثر ما كبتت داخلها تعبت. عايدة أخذت شهد و دخلتها الخيمة من دون ما تلتفت عليهم وعد و رغد كانوا ورآها و أول ما دخلوا الخيمة حضنوا بعض أما عايدة فطلعت و خلتهم براحتهم لما رجعت عند النار كانوا ف أمكانهم ما تحركوا كأن مل واحد فيهم انكب عليه دلو ماي بارد عايدة ما قدرت تمسك عمرها:ههههههههههههههههههه� �ههههههههه و الله ههههههه أشكالكم تحفة ههههههههههههههه معاذ:يا شماتة الأعداء فينا الكل:ههههههههههههه جهاد و سعد الوحيدين الي ما كانوا يضحكوا جهاد حس انه غلط بحق عايدة لأنه يسكت عن غدير كل ما تطول لسانها على عايدة مريم لاحظت شرود جهاد راحت عنده و مسكت يده مريم:جهاد خلا نمشي شوي اوكي؟ جهاد شاف على مريم و ابتسم:يلا خلا راحوا يمشوا على طول الفلج لما ابتعدوا عن المخيم شوي مريم:ايش فيك حبيبي؟ جهاد:و الله كلام شهد و عايدة صحيح و أنا حسيت كأني مقصر بحق عايدة و عائلتي مريم:إذا على عايدة لا تخاف هي ما تأخذ على شخص بخاطرها حتى غدير ما تهمها بس تصرفات أختك هي التي تخليها كذا أما على غدير اعتقد إنها تريد شوية انتباه منكم عشان كل واحد ف عائلتكم منشغل بنفسه حتى لما بس لما طلعت أذكى من غدير. جهاد:و الله إني محظوظ بزوجة مثلك يا رب يخليك ليا مريم:جميعا آمين خلا نرجع و خذ غدير على صوب و كلمها و فهمها انك من اليوم و رايح أتهتم فيها هي و لما أكثر اوكي؟ جهاد:تأمرين أمر يا الغالية لما رجعوا جهاد راح عند غدير و كلمها و طلع إن غدير إنسانة رقيقة من الداخل تريد شوية اهتمام من أهلها و بكت كثير ف حضن جهاد إلي تأثر ببكائها لما رجعوا عايدة كانت جالسة عند مدخل الخيمة تتكلم ف التلفون عايدة(بالإنجليزي):نعم أعرف ذلك لكن عليكم القيام به ولو كان خطرا اعرف اعرف لكن هل قرأت سجل المريض؟ إذا إقراءه ثم حدد ما تريد فعله و اتصل بي حبا بالله أين عقلك يا فتى؟ أنت أذكى الأطباء المقيمين عندي تماسك. غدير انتظرت عايدة تخلص تتكلم و راحت عندها غدير:عايدة لو سمحتي ممكن أكلمك؟ عايدة:تفضلي. غدير:اعرف إني قليت أدبي عليكي كثير و أنا ناوية اعتذر منك من كل قلبي عايدة قاطعتها:ما عليه غدير المهم انك عرفتي غلطتك اوكي؟ غدير:تمام بس في شي واحد ما اسمح لك تأخذيه مني عايدة:ايش هو؟ غدير:اعتقد انك تعرفي عايدة:اها قصدك ولد الخال عادي حلالك أنا ما محتاجة غدير بابتسامة ارتياح:شكرا بعدين لا تندمي تمام عايدة بابتسامة مرحة:افا عليكي ******** اليوم الي بعده الكل جمع أشياءه و انطلقوا عائدين إلى مسقط في الطريق حسين جلس جنب عايدة و قرب منها حسين:عمتي؟ عايدة:هلا حبيبي حسين:أنا آسف عايدة بشك:ليش ايش سويت؟ حسين يبلع ريقه:أنا الي حطيت السحلية بأغراضك عايدة بصوت:نـــــعـــــــم الكل التفت عليها عايدة:هههههههه ههههههههه حسين:عمتي يعني انتي مو زعلانة؟ عايدة:ههههه لا بس بتشوف ف البيت ايش بسوي فيك يا المشاغب ************ سوري حبيباتي ع الجزء القصير بس من قبل كم يوم بس حصلت على الشاشة الجديدة و كنت لاهية بالدراسة إن شاء الله بحاول أعوضكم بحفظ الرحمن | |||||||||
|
| |
|
09-11-13, 07:31 PM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| الجزء التاسع عشر مر شهر من بعد الرحلة الكل رجع لدراسته و دواماته يوم الأربعاء الكل ف بيت عبدالله يتعشوا (عبدالله و أولاده و عايدة-طارق و زوجته و ولده-حمدة و زوجها و بنتها إلي ولدتها قبل ما تصير الرحلة) بعد العشاء الكل كان جالس يتكلموا مع بعض علي ولد طارق يلعب مع أحمد حسين يلاعب رونق بنت حمدة الحريم ف صوب يتكلموا ف سوالف الحريم الرجال داخلين ف السياسة (as usual) فجأة رن جرس الباب قام سالم يفتحه بعد شوي رجع سالم:أبوي في رجال باغي يشوفك دخلته المجلس عبدالله:انزين أنا رايح سالم جيب القهوة و خلها عند الباب لا تدخلها سالم:إن شاء الله عبدالله راح للمجلس و البقية كملوا سوالفهم ما عندهم خبر شوي يدخل عبدالله مع الضيف الكل عدل من جلسته و جلسوا محترمين شوي لأنهم كانوا ماخذين راحتهم عايدة و حمدة شافوا على بعض و ابتسموا (لأنهم تذكروا موقف صار لهم مرة لما كانت حمدة بالثانوية و عايدة ف الإعدادية كانوا ف المجلس و ماخذين راحتهم على كيف كيفهم عايدة نايمة على الكرسي رافعة رجلها على الجدار و راسها يتدلى من الكرسي أما حمدة فكانت نايمة تحت على بطنها تستخدم اللاب توب و دخل عليهم عبد الرحمن<<تتذكروه لا)المهم الضيف:السلام عليكم الكل:و عليكم السلام عبدالله:تفضل الضيف: شكرا الكل شاف على عبدالله مستغرب أول مرة يسويها عبدالله ابتسم:أعرف إنكم مستغربين بس هدوا شوي عشان الصدمة الجاية تكون أقل عبدالله رمى القنبلة:هذا فيصل ولد عمنا الكل:هاااااااااااااااا عايدة:ههههههههههههههههه حمدة:أوهوه خلاص بدأت هستريتها عايدة هدأت:هه لا سبحان الله اليوم كنت أفكر غريبة ما في مفاجأة كل هذي الفترة و اليوم سبحان الله عبدالله:عايدة تحتاجي تنظفي أفكارك حسين:بخ فشلوني عايدة شافت عليه نظرة و قال بسرعة:سوري ما أقصدك أنتي شوفي الرسوم الشخصية فشلوها عايدة:ايوا في نفس الوقت إلي فشلوني فيه لا؟ عبدالله:المهم أيبقى عندنا هنا في البيت عايدة بالياباني:وداعا يا حريتي طارق:لحظة أنا ما مستوعب شي من وين جاء هذا العم عبدالله:فيصل أيقول كل شي فيصل:أحم أنا أبوي الله يرحمه قالي قبل لا يتوفى بأسبوع قبل ثلاثة أشهر انه عنده أخ في عمان و هو هاجر لأيرلندا بعد ما تولدت بسنتين و يقول السبب لأن جدي تبرأ منه بعد ما تزوج أمي إلي كانت أيرلندية بس مسلمة. الكل:الله يرحمهم فيصل:أنا متردد أطلب منكم شي يكفي إنكم استقبلتوني و رحبتوا بي من دون كره عبدالله:لا تفضل آمر فيصل:أنا عندي بنت ..... ما كمل كلامه إلا و عايدة تقاطعه:عادي مو مشكلة بنتك بنتنا صح؟ عبدالله:أكيد فيصل: مشكورين عايدة قامت:وينها؟ قامت تدورها عند الباب و راحت للمجلس لما رجعت سألته:خليتها مع أمها صح؟في ايرلندا؟ فيصل:ها؟لا أمها ماتت بعد ولادتها عايدة:أوه كم عمرها؟ فيصل:سنتين عايدة:انزين وينها؟ عبدالله:شوي شوي ع الرجال يا عايدة عايدة:أخوي حبيبي أنا ما أصدق إني و أخيرا ما بكون البنت الوحيدة بالبيت مع إن عددكم زاد فيصل:موجودة عند جدتها ف ايرلندا عايدة:اها متى تجيبها؟ فيصل:بروح بعد أسبوع أخذها عايدة:يا سلام خلاص هي بتنام عندي أنا بحط لها كل شي ما يحتاج تسوي شي فيصل:لا هذا كثير عايدة:لا افا عليك عبدالله:عذرا بس ما عرفتك بالأهل فيصل:معنا وقت طويل إن شاء الله *********** العائلة تعودت على فيصل و تم تعريفه ببقية أعضاء العائلة و بعد أسبوع بالضبط راح يجيب بنته و رجع بعد أربع أيام عايدة راحت المطار مع سالم عشان تستقبل البنت و فرحت كثير و البنت حبت عايدة كثير و كان اسمها رزان و تعودت عليهم بسرعة و كانت حبوبة كثير عايدة ما كانت تستحمل تبعد عنها و تعلقوا ف بعض كثير أما فيصل فكان كل يوم يميل إلى عايدة بس ما كان يحسسها و كان يراقبها من بعيد عايدة ابتعدت عن صوب هم سعد ما كانت تلتقي معهم لما تروح عند مريم و بالتدريج نست سعد و مشاعرها نحوه و أصلا مشاعرها كانت مجرد أعجاب لا أكثر أما سعد كان بادي يحبها بس بعد الرحلة كل شي تغير حتى غدير تغيرت صارت للأفضل و أصلحت معها صاحبتها سناء و كانت دائما تتذكر عايدة فصارت صديقة ميا و بدأت تعامل مريم باحترام و صارت محترمة قدام الشباب لدرجة إن مازن و ماجد كل ما يشوفوها يعايروها مازن:ماجد نزل رأسك الشيخة غدير جاية ماجد:استغفر الله و الله أنا ما عملت شي أما غدير فكانت تسكت عليهم و تطنش *********** في يوم من الأيام عايدة كانت تقرأ مجلة فوق السرير و فاتحة شعرها و كان طولان كثير دخلت رزان الغرفة رزان:ماما(عايدة) عايدة:عيون ماما رزان ركبت على السرير و جلست على حضن عايدة و حطت إبهامها على فمها و مسكت شعر عايدة كانت هذي علامة على إنها تريد تنام عايدة ابتسمت و حضنتها بحنان لين ما نامت بعد خمس دقائق سمعت حد يدق باب غرفتها عايدة حطت رزان على السرير و غطتها زين راحت عند الباب و سألت:من؟ :أنا سالم عمتي عايدة:أوه لحظة.ضمت شعرها بربطة و فتحت الباب عايدة:هلا حبيبي ايش بغيت؟ سالم:عمي فيصل يبغى غدير عايدة:خبره توها نامت سالم شاف عليها نظرة عايدة سألته:ليش تشوفني كذا؟ سالم:عمتي أنا قلقان عليكي عايدة ابتسمت:خير يا عمري ليش؟ سالم:انتي متعلقة كثير ف هذي البنت و هي بعد أيكون صعب عليكم إذا انتقلوا عايدة بحدة طفيفة:ليش ينتقلوا؟البيت مو مالي عينهم مثلا؟ سالم:عمتي أنا قلت إذا يعني مو متأكد عايدة زفرت:عارفة أنا أحاول بس ما أقدر على العموم خبره توها نايمة لما تصحا بجيبها تحت سالم:تمام.لف و بعدين رجع يشوف عليها:عمتي تراني بدأت أغار أنا ما متعود أشوفك تهتمي بحد غيري هالكثر عايدة ضحكت عليه و سكرت الباب و جلست تتأمل رزان و هي تفكر إذا انتقلوا صحيح ايش أتعمل؟!! *********** بيت جهاد مريم في المطبخ تكلم عايدة ع التلفون و تطبخ مريم:كيف ران(دلع رزان)؟ عايدة:ران بخيرة خليتها في البيت مع أحمد و الشغالة مريم:اها عايدة:أخبارك؟ مريم:أنا تمام الحمدلله انتي الي وينك ما نشوفك من لما جات ران عايدة:ههه معك حق خلاص اليوم أطلع من الدوام أروح أمر على الصغار و نجيكم مريم:تفضلوا حبيبتي البيت بيتكم عايدة:تسلمي حبيبتي جهاد دخل المطبخ و شاف مريم سألها:من تكلمي؟ مريم:عايدة جهاد:خبريها تجيب فيصل يوم من الأيام هنا مريم تكلم عايدة:عيود دقيقة عايدة:أوكي مريم:كيف ما سمعتك أنت و عايدة تكلمتوا ف نفس الوقت؟ جهاد:خبريها إني عازم فيصل في أي يوم يريد مريم:تمام رفعت التلفون لأذنها:عيود جهاد يقول جيبي فيصل عايدة:خلاص لما بجي بجيبه معي مريم:تمام اوكي مع السلامة عايدة:يلا نلتقي بعد ما سكرت من عندها كملت شغلها و طلعت تشوف أحد المرضى<<ياخي صعب انك تكون طبيب بس حلوة ف نفس الوقت<<الأخت داخلة عرض خخخخ ************ بيت أبو سعد شهد:أوووووووووووووه أنا ملانة مرة مال بالقوة رغد:هع ما وحدك أنا طفشانة مرة عهد:أقول خلا نخبر سعد يطلعنا رغد:ليش هو بالبيت؟ شهد:ايوا موجود ف غرفته رغد:عهد انتي روحي هو يحبك انتي أكثر عهد:هذا لأني أعرف أطلبه شي بأدب و احترام ما مثلكم يعني رغد:أقول عن الهذرة الزايدة و روحي خبريه عهد:لا والله طرار و يتشرط راحت غرفة سعد و دقت الباب سعد:من؟ عهد:أنا سعد:من انتي؟ عهد:أوهوه سعد يعني من الي يدق الباب لما يريدك؟ سعد فتح الباب:ههههه أعرف بس حبيت أرفع ضغطك عهد:يا سلام يعني تستمتع على حساب غيرك سعد:خلصيني ايش عندك؟ عهد:إحنا ملآنين طلعنا بليز سعد:اوكي أنا أصلا كنت طالع خلاص روحوا تجهزوا بسرعة عهد:اوكي شكرا بس وين رايحين؟ سعد:نروح عند جهاد أول بعدين نطلع نتغدى برى ********* نهاية الفصل الأول من الجزء التاسع عشر توقعاتكم ما الذي سيحدث في منزل جهاد؟!!! | |||||||||
|
| |
|
09-11-13, 07:33 PM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| الجزء التاسع عشر مر شهر من بعد الرحلة الكل رجع لدراسته و دواماته يوم الأربعاء الكل ف بيت عبدالله يتعشوا (عبدالله و أولاده و عايدة-طارق و زوجته و ولده-حمدة و زوجها و بنتها إلي ولدتها قبل ما تصير الرحلة) بعد العشاء الكل كان جالس يتكلموا مع بعض علي ولد طارق يلعب مع أحمد حسين يلاعب رونق بنت حمدة الحريم ف صوب يتكلموا ف سوالف الحريم الرجال داخلين ف السياسة (as usual) فجأة رن جرس الباب قام سالم يفتحه بعد شوي رجع سالم:أبوي في رجال باغي يشوفك دخلته المجلس عبدالله:انزين أنا رايح سالم جيب القهوة و خلها عند الباب لا تدخلها سالم:إن شاء الله عبدالله راح للمجلس و البقية كملوا سوالفهم ما عندهم خبر شوي يدخل عبدالله مع الضيف الكل عدل من جلسته و جلسوا محترمين شوي لأنهم كانوا ماخذين راحتهم عايدة و حمدة شافوا على بعض و ابتسموا (لأنهم تذكروا موقف صار لهم مرة لما كانت حمدة بالثانوية و عايدة ف الإعدادية كانوا ف المجلس و ماخذين راحتهم على كيف كيفهم عايدة نايمة على الكرسي رافعة رجلها على الجدار و راسها يتدلى من الكرسي أما حمدة فكانت نايمة تحت على بطنها تستخدم اللاب توب و دخل عليهم عبد الرحمن<<تتذكروه لا)المهم الضيف:السلام عليكم الكل:و عليكم السلام عبدالله:تفضل الضيف: شكرا الكل شاف على عبدالله مستغرب أول مرة يسويها عبدالله ابتسم:أعرف إنكم مستغربين بس هدوا شوي عشان الصدمة الجاية تكون أقل عبدالله رمى القنبلة:هذا فيصل ولد عمنا الكل:هاااااااااااااااا عايدة:ههههههههههههههههه حمدة:أوهوه خلاص بدأت هستريتها عايدة هدأت:هه لا سبحان الله اليوم كنت أفكر غريبة ما في مفاجأة كل هذي الفترة و اليوم سبحان الله عبدالله:عايدة تحتاجي تنظفي أفكارك حسين:بخ فشلوني عايدة شافت عليه نظرة و قال بسرعة:سوري ما أقصدك أنتي شوفي الرسوم الشخصية فشلوها عايدة:ايوا في نفس الوقت إلي فشلوني فيه لا؟ عبدالله:المهم أيبقى عندنا هنا في البيت عايدة بالياباني:وداعا يا حريتي طارق:لحظة أنا ما مستوعب شي من وين جاء هذا العم عبدالله:فيصل أيقول كل شي فيصل:أحم أنا أبوي الله يرحمه قالي قبل لا يتوفى بأسبوع قبل ثلاثة أشهر انه عنده أخ في عمان و هو هاجر لأيرلندا بعد ما تولدت بسنتين و يقول السبب لأن جدي تبرأ منه بعد ما تزوج أمي إلي كانت أيرلندية بس مسلمة. الكل:الله يرحمهم فيصل:أنا متردد أطلب منكم شي يكفي إنكم استقبلتوني و رحبتوا بي من دون كره عبدالله:لا تفضل آمر فيصل:أنا عندي بنت ..... ما كمل كلامه إلا و عايدة تقاطعه:عادي مو مشكلة بنتك بنتنا صح؟ عبدالله:أكيد فيصل: مشكورين عايدة قامت:وينها؟ قامت تدورها عند الباب و راحت للمجلس لما رجعت سألته:خليتها مع أمها صح؟في ايرلندا؟ فيصل:ها؟لا أمها ماتت بعد ولادتها عايدة:أوه كم عمرها؟ فيصل:سنتين عايدة:انزين وينها؟ عبدالله:شوي شوي ع الرجال يا عايدة عايدة:أخوي حبيبي أنا ما أصدق إني و أخيرا ما بكون البنت الوحيدة بالبيت مع إن عددكم زاد فيصل:موجودة عند جدتها ف ايرلندا عايدة:اها متى تجيبها؟ فيصل:بروح بعد أسبوع أخذها عايدة:يا سلام خلاص هي بتنام عندي أنا بحط لها كل شي ما يحتاج تسوي شي فيصل:لا هذا كثير عايدة:لا افا عليك عبدالله:عذرا بس ما عرفتك بالأهل فيصل:معنا وقت طويل إن شاء الله *********** العائلة تعودت على فيصل و تم تعريفه ببقية أعضاء العائلة و بعد أسبوع بالضبط راح يجيب بنته و رجع بعد أربع أيام عايدة راحت المطار مع سالم عشان تستقبل البنت و فرحت كثير و البنت حبت عايدة كثير و كان اسمها رزان و تعودت عليهم بسرعة و كانت حبوبة كثير عايدة ما كانت تستحمل تبعد عنها و تعلقوا ف بعض كثير أما فيصل فكان كل يوم يميل إلى عايدة بس ما كان يحسسها و كان يراقبها من بعيد عايدة ابتعدت عن صوب هم سعد ما كانت تلتقي معهم لما تروح عند مريم و بالتدريج نست سعد و مشاعرها نحوه و أصلا مشاعرها كانت مجرد أعجاب لا أكثر أما سعد كان بادي يحبها بس بعد الرحلة كل شي تغير حتى غدير تغيرت صارت للأفضل و أصلحت معها صاحبتها سناء و كانت دائما تتذكر عايدة فصارت صديقة ميا و بدأت تعامل مريم باحترام و صارت محترمة قدام الشباب لدرجة إن مازن و ماجد كل ما يشوفوها يعايروها مازن:ماجد نزل رأسك الشيخة غدير جاية ماجد:استغفر الله و الله أنا ما عملت شي أما غدير فكانت تسكت عليهم و تطنش *********** في يوم من الأيام عايدة كانت تقرأ مجلة فوق السرير و فاتحة شعرها و كان طولان كثير دخلت رزان الغرفة رزان:ماما(عايدة) عايدة:عيون ماما رزان ركبت على السرير و جلست على حضن عايدة و حطت إبهامها على فمها و مسكت شعر عايدة كانت هذي علامة على إنها تريد تنام عايدة ابتسمت و حضنتها بحنان لين ما نامت بعد خمس دقائق سمعت حد يدق باب غرفتها عايدة حطت رزان على السرير و غطتها زين راحت عند الباب و سألت:من؟ :أنا سالم عمتي عايدة:أوه لحظة.ضمت شعرها بربطة و فتحت الباب عايدة:هلا حبيبي ايش بغيت؟ سالم:عمي فيصل يبغى غدير عايدة:خبره توها نامت سالم شاف عليها نظرة عايدة سألته:ليش تشوفني كذا؟ سالم:عمتي أنا قلقان عليكي عايدة ابتسمت:خير يا عمري ليش؟ سالم:انتي متعلقة كثير ف هذي البنت و هي بعد أيكون صعب عليكم إذا انتقلوا عايدة بحدة طفيفة:ليش ينتقلوا؟البيت مو مالي عينهم مثلا؟ سالم:عمتي أنا قلت إذا يعني مو متأكد عايدة زفرت:عارفة أنا أحاول بس ما أقدر على العموم خبره توها نايمة لما تصحا بجيبها تحت سالم:تمام.لف و بعدين رجع يشوف عليها:عمتي تراني بدأت أغار أنا ما متعود أشوفك تهتمي بحد غيري هالكثر عايدة ضحكت عليه و سكرت الباب و جلست تتأمل رزان و هي تفكر إذا انتقلوا صحيح ايش أتعمل؟!! *********** بيت جهاد مريم في المطبخ تكلم عايدة ع التلفون و تطبخ مريم:كيف ران(دلع رزان)؟ عايدة:ران بخيرة خليتها في البيت مع أحمد و الشغالة مريم:اها عايدة:أخبارك؟ مريم:أنا تمام الحمدلله انتي الي وينك ما نشوفك من لما جات ران عايدة:ههه معك حق خلاص اليوم أطلع من الدوام أروح أمر على الصغار و نجيكم مريم:تفضلوا حبيبتي البيت بيتكم عايدة:تسلمي حبيبتي جهاد دخل المطبخ و شاف مريم سألها:من تكلمي؟ مريم:عايدة جهاد:خبريها تجيب فيصل يوم من الأيام هنا مريم تكلم عايدة:عيود دقيقة عايدة:أوكي مريم:كيف ما سمعتك أنت و عايدة تكلمتوا ف نفس الوقت؟ جهاد:خبريها إني عازم فيصل في أي يوم يريد مريم:تمام رفعت التلفون لأذنها:عيود جهاد يقول جيبي فيصل عايدة:خلاص لما بجي بجيبه معي مريم:تمام اوكي مع السلامة عايدة:يلا نلتقي بعد ما سكرت من عندها كملت شغلها و طلعت تشوف أحد المرضى<<ياخي صعب انك تكون طبيب بس حلوة ف نفس الوقت<<الأخت داخلة عرض خخخخ ************ بيت أبو سعد شهد:أوووووووووووووه أنا ملانة مرة مال بالقوة رغد:هع ما وحدك أنا طفشانة مرة عهد:أقول خلا نخبر سعد يطلعنا رغد:ليش هو بالبيت؟ شهد:ايوا موجود ف غرفته رغد:عهد انتي روحي هو يحبك انتي أكثر عهد:هذا لأني أعرف أطلبه شي بأدب و احترام ما مثلكم يعني رغد:أقول عن الهذرة الزايدة و روحي خبريه عهد:لا والله طرار و يتشرط راحت غرفة سعد و دقت الباب سعد:من؟ عهد:أنا سعد:من انتي؟ عهد:أوهوه سعد يعني من الي يدق الباب لما يريدك؟ سعد فتح الباب:ههههه أعرف بس حبيت أرفع ضغطك عهد:يا سلام يعني تستمتع على حساب غيرك سعد:خلصيني ايش عندك؟ عهد:إحنا ملآنين طلعنا بليز سعد:اوكي أنا أصلا كنت طالع خلاص روحوا تجهزوا بسرعة عهد:اوكي شكرا بس وين رايحين؟ سعد:نروح عند جهاد أول بعدين نطلع نتغدى برى ********* نهاية الفصل الأول من الجزء التاسع عشر توقعاتكم ما الذي سيحدث في منزل جهاد؟!!! | |||||||||
|
| |
|
09-11-13, 07:43 PM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| *********** الجزء العشرون و الأخير وصلت عايدة لبيت جهاد مع رزان و فيصل فدخلوا و جلسوا يسولفوا كان بيت مريم عبارة عن:أول ما تدخل البيت على يمينك مجلس الحريم و مركبين له أبواب منزلقة(سلايدينغ دورس) عشان لما يعملوا العزايم يفصل بين المجلسين و على اليسار الرجال. فعايدة و مريم كانوا ف مجلس الحريم و الرجال ف مكانهم أما رزان و أحمد فكانوا مرة هنا مرة هناك. بعد فترة رن جرس الباب جهاد قام يفتحه سعد:السلام عليكم الكل:و عليكم السلام ********** سعد بعد فترة الانقطاع جلس مرة و راجع نفسه بخصوص مشاعره لعايدة و حس إنها مشاعر عادية ما تتعدى حدود الحب هو يمكن كان يفكر كذا لانها حلوة و الشاب بطبيعة الحال ينجذب للحلوات(تراهم ما حاطين عقولهم برأسهم يشوفوا الي برا ما يعرفوا الي داخل على قولة المصريين من برا هالله هالله و من جوا يعلم الله<<توا انتي مو حارينك) ******** سعد:السلام عليكم الكل:وعليكم السلام سعد أول ما شاف على عايدة زادت نبضات قلبه و سأل نفسه:معقولة إني صحيح؟!!! أما عايدة لفت على الي وراه و راحت تسلم على البنات.عايدة:هلا و الله بالبنات وينكم عاش من شافكم؟ شهد:هلا بيكي انتي الي وينك رغد:خلاص كلنا غلطانين الكل:هههههه مريم:تعالوا تفضلوا انقسم الجمع و راحوا لمجالسهم فيصل لما شاف نظرات سعد لعايدة حس بنيران الغيرة تأكله فحس إن سعد ناوي يجلس ف مكان يقدر يشوف عايدة بوضوح و هذا الي سواه سعد فيصل راح و جلس قدام سعد بحيث يغطي عليه سعد بغى يذبح فيصل جهاد حس بتغير ف الجو فحاول يكسر هذا التوتر الحاصل:أوه سعد هذا فيصل ولد عم عايدة سعد من دون نفس:تشرفنا جهاد بتوتر:احم و هذا سعد ولد خالي فيصل بكل برود:الشرف لي جات رزان:داد أديد (داد=بابا ,أديد=أريد) فيصل رفعها احضنه:ايش تريدي؟ Waterرزان: فيصل:روحي عند ماما رزان راحت تركض صوب عايدة و تنادي:مام مام عايدة:عيون مام سعد لما شاف رزان تركض عند عايدة و تنادي ماما فتح عينه ع الأخر و قال بصوت:هوع لحقت تتزوج و تجيب بنت؟؟؟؟؟ نفس الوقت التوأم بصوت واحد:ماما؟؟؟؟ عايدة و مريم وجهاد و فيصل:ههههههههه عايدة:لا هذي بنت ولد عمي إلي جاء من ايرلندا أمها متوفية فأنا اهتم فيها عشان كذا تناديني ماما سعد ارتاح قلبه لما سمع كلام عايدة و بان هذا الشي على وجهه و ما لاحظه غير فيصل أما التوأم:اها *********** جلسوا مع بعض و تكلموا بس ف مجلس الرجال كان الجو بارد نوعا ما جهاد كل ما يجيب سالفة يا إن سعد ما يعرف ف هذي الأشياء أو إن فيصل يسمع عنها أول مرة يعني كانوا النقيض مرة.بعد خمس دقايق سعد قام:يلا إحنا رايحين عندنا مشوار ثاني جهاد:مرة تعشوا عندنا مريم:ايوا عايدة و فيصل معنا بعد سعد ف نفسه(عشان كذا أنا ما أريد أبقى)قال بابتسامة صفرا:لا واعد البنات أطلعهم اليوم جهاد:اها اوكي مرة ثانية سعد:إن شاء الله ********* عايدة و فيصل تعشوا عند مريم و جهاد بعد العشاء رزان و أحمد كانوا نايمين و حطوهم ف كراسي الأطفال ف السيارة و فيصل الي ساق السيارة ف السيارة فيصل:شكلك تعرفي جهاد من قبل عايدة نبرة صوت مصطنعة:ايوا كنا مع بعض ف الجامعة فيصل حس كأنه ضرب ف الوتر الحساس:اها..الساعة كم الحين؟ عايدة:عشرة إلا عشر فيصل:نفسي ف هوت شوكليت عايدة:انزين نوصل الصغار و أخبر اخوي عبدالله و نروح فيصل فرح لأن خطته نجحت و قال بصوت من دون ما يحس:يا سلام عايدة:هههههه لهذي الدرجة تتمناه فيصل أنحرج:هه ******** لما وصلوا البيت أخذوا الأطفال و حطوهم ف غرفهم بعدين عايدة راحت عند عبدالله المجلس عايدة:السلام عليكم عبدالله:و عليكم السلام ها خير شكله عندك سالفة عايدة:سبحان الله محد يعرفني أحسن منك ههههههه عبدالله:ههههه يلا سم؟ عايدة:امممم فيصل يريد يروح كوفي شوب الحين عبدالله:أوكي عايدة:شكرا أخوي فديتك أنا عبدالله:العفو ******** بعد ما طلعت عايدة عبدالله يكلم القراء الأعزاء:أعرف إنكم مستغربين ليش سمحت لعايدة تطلع مع فيصل ف هذا الوقت المتأخر أنا ما سويت كذا إلا لأني متأكد من عايدة لأنها تربيتي ضيعتها مرة و ولا ناوي أضيعها مرة ثانية بعدين فيصل شكله ولد محترم و إذا لا عايدة ما راحت اليابان من دون سبب.و شكرا لكم ********** عودة إلى الواقع عايدة و فيصل راحوا كوفي شوب عند الكاشير عايدة:لو سمحت 2 هوت شوكليت الموظف:هنا و لا برا عايدة لفت تسأل فيصل:هنا و لا برا؟ فيصل:برا عايدة رجعت للموظف:برا ******* رايحين عند مازن و ماجد أعرف إنكم اشتقتوا لهم هع هع المهم مازن و ماجد كانوا طالعين رايحين مقهى فيه ألعاب الكترونية و بلياردو و الحالة و كانوا مع شلتهم محتلين المكان ********** (راح أوصف لكم أي نوع هي شلة التوأم) هي شلة من الشباب كانوا أصحاب من أيام الإعدادية و في الي كانوا أقدم منهم لما تكونوا اتفقوا على إنهم يساعدوا الناس إذا يحتاجوا و إذا يشوفوا شخص مظلوم يُضرب يساعدوه و يضربوا العدو و يشردوا و الشرطة ولا مرة مسكتهم(يلعن أبو الحظ). ********** عودة إلى الواقع في المقهى الشلة كانت تلعب و الحالة مسوين فوضى ف المكان فدخل سالم مع صديقه ناصر أول ما شاف الفوضى و شاف التوأم التفت على صديقه و قال:خلا طالعين من هنا ناصر:خير ايش في؟ سالم:خلا طالعين أخبرك بعدين ناصر:ياخي أنا احتاج انترنت ضروري سالم:قلت لك خلا البيت أنت ما بغيت عادي أجيب لك اللاب توب تحت لا ما رضيت ناصر:خلاص عاد إحنا هنا ليش نطلع سالم:خلا طالعين يعني طالعين ......:افا إذا كان عشان إحنا هنا فعادي نطلع سالم بصوت مسموع:هذا الي كان ناقص التوأم يشوفني ماجد:أقول مازن كأنه ما شافنا و لا سمعنا؟ مازن:شكله سالم لف صوبهم:السلام عليكم ماجد:إيه هيك التعامل و لا بلاش ناصر و مازن:هههههه سالم بابتسامة إذ كانت هذي طريقتهم ف التعامل الواحد ما يخلي الثاني يشوفه:ياخي أنا دائما أخسر بسببكم حاطين عيون كل مكان الكل:هههههه كل واحد راح يشوف شغله بعد مدة كذا ناصر خلص فجلسوا على طاولة يسولفوا و يشربوا عصير و الحالة فجأة ....:أوه شوفوا من هنا دلوع عمته سالم لف و شاف خاله عبد الرحمن و قام يسلم عليه:أهلين خالي كيفك من زمان عنك عبد الرحمن:زين عرفت أن عندك خال و لا منشغل بعمتك و ناسي خالك ؟ سالم:لا افا بس محد يعرف مكانك حتى جدتي ما تعرف مازن و ماجد تذكروا شكل عبد الرحمن مازن:أقول سالم هذا خالك؟ سالم:ايوا اصغر إخوان أمي ماجد:يا خسارة عبد الرحمن:ايش قصدك يا الحقير مازن و ماجد قاموا يوقفوا و الكل ساكت ينتظر الأوامر سالم وقف قدام خاله:خلوه ف حاله هو ما يعرف ايش يقول عبد الرحمن:إيه أنا ما محتاج مساعدة من واحد دلوع سالم هنا ما قدر يستحمله أي رجال هذا الي يستحمل يقولوا عنه دلوع لف على خاله و وجهه مرة محمر :خالي لو سمحت أنت تعرف إن ما يعجبني هذا اللقب البايخ الي يستخدموه على البنات و هذا جزائي لأني دافعت عنك؟صراحة خالي أنت ما تستاهل الي جدتي تسويه لك عبد الرحمن:خل الشغالة هذيك بعيد عني سالم عصب:هذي الشغالة الي تتكلم عنها ما هي إلا أمك و صارت شغالة بسببك محد رضا يعطيها فلوسه عشان تضيعه عليك ترى كل الي ساترك من عند جدتي أنت واحد حقير و سافل ما توصل شعرة رجال محترم عبد الرحمن:احترم نفسك سالم بصوت عالي:شوف من يتكلم و يقولي احترم نفسي احترم نفسك أول بعدين خلي الناس تحترمك و أنا ما أتشرف احترم واحد مدمن الكل سكت حتى عبد الرحمن ما درى ايش يقول سالم لف عنه و قال لناصر:ممكن توصلني البيت؟ ناصر شاف كيف صديقه مصدوم من نفسه و قال:يلا خلا طلعوا بسرعة من المقهى و ركبوا السيارة *********** | |||||||||
|
| |
|
09-11-13, 07:44 PM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| ********** عند عايدة و فيصل كانوا يمشوا على البحر و يشربوا هوت شوكليت عايدة:أقول تعال نجلس هناك الرمل مرة عميق فيصل:اوكي راحوا و جلسوا على كرسي و يشربوا من دون صوت فيصل:ممكن أسألك سؤال؟ عايدة:اوكي بس يعتمد على السؤال فيصل:اوكي على راحتك امممم إذا جاء حد و قال لك انه يحبك ايش بتكون ردة فعلك؟ عايدة ضحكت بحزن:أنا لا أؤمن بهذه الأشياء بعد الآن فيصل:و لما لا؟ عايدة:صارت لي سالفة ف اليابان خلتني أغير رأي فيصل:ممكن أسأل ايش هي السالفة ؟ عايدة:اسمع انت ثاني واحد اقول له هذا الكلام و ما اريد حد يعرف بالسالفة كان في واحد معي ف الجامعة عماني كنت معجبة فيه وكنت اعتقد انه يطيح الطير من السماء كل البنات كان يعتقدوا كذا و هو كان شخص مرح محبوب من الكل و متفوق و كانت عندي عادة إني اكتب مذكرات و كنت اكتب فيها كل شي حتى إني كتبت عن إعجابي بهذا الولد.إحنا الطلبة العمانيين قررنا نأجر بيت كبير و نقسم فيه الغرف فمرة كنت جالسة ف المجلس المشترك اكتب في المذكرة و رن تلفوني ف الغرفة و حسبت إن محد ف البيت خليتها المذكرة و رحت أرد على التلفون و لما رجعت حصلته يقرأها و في الصفحة الي كنت كاتبة عنه لما حس إني واقفة عند الباب كنت خلاص بادية أبكي من الإحراج و ما عرفت ايش اعمل هو خلى المذكرة و طلع من دون ما يقول شي أنا رحت خذيت المذكرة و رجعت غرفتي و بكيت لليوم الثاني و قمت محمومة و هو كان الوحيد الي ما عنده محاضرات هذاك اليوم هو الي جلس معي ف البيت تخيل كيف كان الجو بس أنا قررت انهي الموضوع و كذبت عليه و قلت له إني كتبته ف أول مرة شفته أما الحين تخطيته وهو صدقني و كتمت الشعور بداخلي و حاولت انساه لدرجة إني تخطيته صحيح بعد ما رجعنا عمان جلست كم سنة ما أشوفه ولا اسمع عنه شي و فجأة جاء يشتغل معي ف المستشفى و هو الحين متزوج من وحدة اعرفها و ادعي ربي يهنيهم و يرزقهم الذرية الصالحة. فيصل:يشتغل معاكي ف نفس المستشفى؟ عايدة:ايوا فيصل:جهاد يعرفه؟ عايدة:أكيد.( و كملت ف نفسها:في شخص ما يعرف نفسه؟)و ابتسمت ورا دموعها و هنا فيصل عمل شي ما كانت تتوقعه مسك ذقنها و رفع راسها و خلى عينه بعينها و مسح دموعها بإبهامه و قال:امسحي دموعك تراها غالية و ما استحمل أشوفها على واحد مثل هذا ما كان يعرف على أي كنز هو اكتشف عايدة انصدمت و ما عرفت ايش تسوي فيصل عشان يكسر الصمت و يغير الجو:الحين دوري عايدة:ها؟ فيصل:أخبرك كيف جاءت أغلى شي ف حياتي في السابق كنت كأي شاب يعيش ف بلد أجنبي لعب و هرج و الحالة ف مرة كنت ف حفلة و كانت عندي صديقة اسمها لندا و انجرفت ورا حماسي و في اليوم الثاني ما لقيت نفسي إلا و أنا نايم جنب لندا ف غرفة ف الفندق بعدها ما عرفت ايش أسوي رجعت البيت بسرعة و خليتها ف الفندق بعد كذا بدأت اسأل أبوي عن الصلاة و الإسلام و أبوي فرح أكيد لأني رجعت لصوابي بعد ثمانية أشهر بالتحديد جاءت ليندا و كانت حامل و بسرعة عرفت إني الأب أمي و أبوي أكيد انصدموا بس كانوا كثير طيبين و أخذوها و جاءت تسكن بيتنا و حسب العادات اضطريت أتزوجها مع أني كفيت عن حبها مر الوقت و دخلت المستشفى و كانت تعودت خلاص على أمي و حبوا بعض كثير و دخلت المخاض و كأي أب جديد كنت متوتر طلعوا و قالوا إن البنت سليمة و ما فيها شي بس ليندا تعبت كثير بعدين ف غرفتها جابوا البنت و رضعتها بعدين كانت تحاول تقول شي ف قربت عندها و قالت لي اسمي البنت رزان و ف نفس الوقت رحت و عملت لها شهادة ميلاد ارجع الغرفة احصل رزان ف يدين الممرضة و مغطين ليندا للوجه و أمي تبكي.بعد سنة كاملة أمي مرضت جاها السرطان و كان التشخيص متأخر و بعد التشخيص بثلاثة أشهر توفت و بعدها توفى أبوي بعد ما قالي كل شي عن عمي الله يرحمه و كيف كانوا يتراسلوا و توقفوا لما عمي انتقل لمكان أرقى.انتوا انتقلتوا من بيتكم صحيح؟ عايدة و هي تمسح دموعها الي نزلت مرة ثانية لما سمعت سالفة فيصل:لا أنا مولودة ف هذا البيت حتى أخواني فيصل:انزين ليش أبوي قال إن هو و عمي توقفوا يتراسلوا لما انتقل عمي لمكان أرقى؟ عايدة:لأن أبوي كان يسمى الجنة أرقى مكان فيصل:اها عايدة:ممكن نروح فيصل:ها اوكي ******** ف السيارة مع ناصر و سالم ناصر:سالم لا تسوي ف نفسك كذا حرام عليك سالم:ناصر أنا شهرت بخالي قدام الناس و صرخت عليه أنا أبوي ما رباني كذا ناصر:انزين هدي شوي اعتذر له ممكن أيسامحك سالم:أصلا أنا مستحيل أحط عيني بعينه بعد الي سويته ناصر:انزين ايش أتعمل؟ سالم:ما اعرف و صلني البيت أحسن ناصر:اوكي *********** ف البيت فيصل راح يودي رزان الغرفة عند عايدة و دخلها فلما طلع حصل سالم قدامه سالم بحدة:ايش كنت تسوي ف غرفة عمتي؟ فيصل ابتسم:هدي هدي كنت أخذ رزان لسريرها سالم:اها انزين تصبح على خير فيصل:و أنت من أهله.(ف نفسه:زين ما طردة هذا الولد في أوقات يخليني أحس كأنه أكبر مني)<<لول سالم دق باب غرفة عايدة عايدة:من؟ سالم:أنا عمتي عايدة:تعال حبيبي سالم فتح الباب و دخل الغرفة و حصل عايدة تغطي رزان عايدة لفت و ابتسمت له سالم رد الابتسامة بس كانت حزينة عايدة:خير حبيبي ايش صاير سالم:عمتي أنا آسف عايدة:ليش ايش في سالم خوفتني سالم:عمتي أنا شهرت بخالي عبد الرحمن عايدة:كيف يعني ما فهمتك؟ سالم:صرخت عليه قدام الناس و قلت له إني ما أتشرف احترم واحد مدمن عايدة شهقت بصوت و سمعها عبدالله الي كان مار من عند الغرفة لان الباب مفتوح عبد الله دخل:خير ايش في؟ سالم أول ما شاف أبوه راح عنده و مسك يده وحبها و جلس يصيح و يقول:أبوي سامحني أرجوك سامحني أنا ما كان قصدي أسوي كذا أرجوك سامحني عايدة تأثرت و عبدالله وقف مصدوم :ليش تتأسف ايش عملت؟ سالم هدأ شوي عايدة أخذتهم و جلستهم على الكراسي الي ف غرفتها سالم شرح كل شي لأبوه الي كان ساكت و يسمع كل شي لما خلص سالم قام من مكانه و قال لسالم:روح اغسل وجهك و نام بكرة بنتكلم سالم:إن شاء الله عبدالله طلع من الغرفة بهدوء من دون أي صوت سالم حس بالخوف أول مرة يشوف أبوه كذا لما لف يكلم عمته لقاها تبتسم بارتياح سالم:عمتي ليش تبتسمي ما تشوفي أبوي كيف حالته؟ عايدة:لا تخاف أبوك ما زعلان منك أنا عارفة أبوك زين لا تخاف أنت روح تغسل و نام و بكرة إن شاء الله يعدي على خير سالم ارتاح لما سمع كلام عمته و راح ينام و يرتاح شوي ******* اليوم الثاني لما قام الصبح كان البيت كله فوضى صراخ رزان و أحمد من صوب و بلاي ستيشين حسين من صوب نزل لقى أبوه يقرأ الجريدة و عايدة طالعة من المطبخ سالم:صباح الخير عايدة رفعت حاجب واحد:من جدك أنت أي صباح هذا الحين الساعة وحدة يا بابا سالم فتح عينه ع الأخر:الساعة وحدة؟؟!!! كيف نمت للحين أنا ما متعود على كذا عبدالله:بسيطة شكلك كنت تعبان تعال معي المكتب سالم شاف على عمته الي رفعت أكتافها بإشارة إنها ما تعرف شي بعدها لحق أبوه للمكتب لما وصلوا المكتب عبدالله جلس على الكرسي ورا الطاولة عبدالله:سكر الباب و تعال اجلس قدامي سالم سكر الباب و كله خوف من الي أيقوله أبوه :إن شاء الله.و راح يجلس عبدالله:سالم الحين كم عمرك؟ سالم:17سنة داخل 18 بعد شهرين عبدالله:يعني صاير شاب عاقل فاهم صحيح؟ سالم:اعتقد عبدالله:سالم أنت ولدي البكر و أنت أكثر واحد أنا اعتمد عليه سالم بحزن:يعني خذلتك أبوي؟ عبدالله:ف البداية بس بعد ما شفتك تعتذر على تصرفك الخاطئ و ندمك خلاني ارفع راسي مرة ثانية و اتاكد من انك قد الاعتماد سالم:يعني مو زعلان مني أبوي ؟ عبدالله:أبدا بس أنا حزين ما كان لازم تقول الكلام هذا لخالك سالم:اعرف و انا نادم لكن تعرف عادته ف الاستفزاز و انا مرة اعصب عبدالله:هذا هو الشي السلبي فيك,تو ايش ناوي تسوي؟ سالم:يمكن اتصل فيه و اتأسف عبدالله:انزين بس لازم تتأسف اليوم قبل بكرة سالم:ان شاء الله اسف ابوي ما كان قصدي اخيب ظنك عبدالله ونظرة افتخار ف عينه:هذي اخر مرة طلع سالم و لقى حسين جالس قدام الباب حسين:ايش قال لك بابا؟ سالم:بابا؟؟؟خخخخ اقول ما كأنك كبرت على هذي الكلمة؟بابا!!ههههههههههههه ههههه راح عنه سالم و هو ميت ضحك عليه اما حسين مرة منقهر ************* مرت الايام وكانت حلوة سالم اعتذر لخاله الي قبل اعتذاره بس بطريقة فظة و سالم تقبل هذا الشي اما عايدة فكانت تحاول تتجنب فيصل بطريقة او بثانية اما رزان و احمد ظلوا يلعبوا مع بعض و يكبروا, مريم حملت و لما اكتشفوا عملوا عزومة كبيرة و ميا تخرجت و بمساعدة من ابوها و اخوها فتحت محل مع صديقاتها يصمموا ديكورات لختلف المناسبات **************** ف عزومة مريم الكل راح بس عايدة الوحيدة الي ما راحت لانها كانت بلندن عندها دورة لمدة اسبوع. ف العزومة الكل كان فرحان يدعي لمريم و جهاد و يستمتعوا مع بعض حتى ان فيصل و سعد اتفقوا نوعا ما فجأة فيصل يسمع صوت رزان تصرخ رزان:بابا بابا الكل لف يشوف ايش في و شافوا واحد اجنبي يحاول ياخذها فيصل اول ما شافه راح وركض عندها اول ما وصل اخذ رزان و ضرب الرجال بوكس ف شكله وطاح رزان بكاءها زاد من عصبية فيصل و راح صوب الرجال عشان يضربه زيادة لكن سعد و طارق مسكوه و بعدوه عنه فيصل:خلوني اعلم هذا الحقير شغله فجأة يسمع صوت وراه بالانجليزي:اهداء غضبك هذا لن ينفعك فيصل لف و شاف أم و أبو ليندا واقفين وراه فيصل بصوت كله حقد و كراهية:ماذا تفعلان هنا؟و كيف عرفتما اننا هنا؟ ام ليندا بغرور:لا تحاول الاختباء منا يا فيصل فكما تعرف اننا نستطيع العثور عليكما اينما كنتما ابو ليندا بصوت هادئ وقور:كيف حالك يا فيصل؟ فيصل:أوتسألني عن حالي سيد بيترسون؟ماذا تتوقع ان تكون حالي بعد سماع بكاء ابنتي و رؤية رجل غريب يحاول اخذها دون علمي ثم ظهوركما؟ ابو ليندا:معك حق هذا سؤال في غير محله أم ليندا بنفاد صبر:أوه دعنا من الرسميات أرجوك فلتدخل في صلب الموضوع بحق الله أبو ليندا:معكي حق نحن هنا كي نسترجع حفيدتنا.... فيصل:و هل تعتقد انني سأسمح بذلك؟؟ أم ليندا بعد ما طق صبرها:سواء سمحت بذلك او غيره فلا يهمنا فنحن سنأخذها فيصل بصراخ:لا يمكنكم اخذها مني انها ابنتي انا ابو ليندا:فيصل ارجوك اهدء انها حفيدتنا و من حقنا ان ناخذها فيصل:هذا غير صحيح ليس من حقكم ليس بعدما رفضتوها و امها جفل ابو ليندا:ارجوك انا نادم جدا الان ام ليندا راحت صوب رزان تريد تحملها فيصل صرخ:ابتعدي عنها و راح ياخذ رزان و طلع له اثنين من حراس ابو ليندا و ضربوه ضرب بينما ام ليندا راحت تاخذ رزان الي كانت تصيح و تصرخ تنادي ابوها الشباب حاولوا يساعدوا فيصل بس طلعوا حراس غيرهم و ما قدروا يواجهوهم سالم كان مرة معصب بس مازن و ماجد و سالم اخو مريم مسكوه عن يورط نفسه مع هذيلا ************** بعد ما رجعت عايدة من لندن اول ما وصل البيت راحت تدور على رزان و ما حصلتها فراحت تسأل فيصل بس فيصل حتى ما كان موجود فظنت انها طالعة مع فيصل و راحت غرفتها لان محد كان بالبيت *************** وقت العشا سالم راح ينادي عمته لما نزلت شافتهم كلهم ماعدا رزان عايدة:فيصل وين ران؟ فيصل لف وجهه و عايدة شافت كدمة ف عينه ما لاحظتها اول ما دخلت:و ايش صار لعينك؟ عبدالله:عايدة خلصي اكلك عايدة حست ان في شي غريب الكل ساكت و فيصل على عينه كدمة عايدة:ايش في؟صار شي لرزان؟ عبدالله:ما صار الا الخير انتي كملي اكلك عايدة:ما اريد اكل خبروني ايش صار فيصل قال بهدوء عكس نظراته الي تعكس غضبه:اخذوها الحقيرين عايدة:اي حقيرين فيصل بصوت عالي:جدها و جدتها عايدة:من متى؟ فيصل:يوم العزومة عند مريم و جهاد عايدة:الحين اسبوع و لا رايح تاخذها؟ فيصل عصب:تحسبيني مرتاح إنهم اخذوها؟ عايدة اول مرة تتكلم بإزدراء قدام اخوها:لا شكلك مرتاح و لا انت كذبت علي لما قلت ان رزان كل شي ف حياتك و انك بتضحي بنفسك عشانها؟ما شاء الله اشوفك ضحيت كثير.و قامت من مكانها و عم صمت رهيب ع المكان فيصل ما استحمل ان عايدة بالذات قالت له هذا الكلام فعصب و قام من مكانه عبدالله ما عجبه الوضع و حاول يهدي فيصل عبدالله:فيصل استهدي بالله و اجلس فيصل حاول يهدي نفسه و ما يعصب على عبدالله لانه يحترمه و له فضل كبير عليه:اسف عبدالله انا ما استحمل حد يقول عني اني ما اهتم ببنتي و خاصة من شخص يعرف ايش كثر انا احب بنتي.عبدالله سكت و ما عرف ايش يقول اما سالم فكان ساكت طول الوقت يفكر انه اول مرة يحس عمته ظلمت انسان.ما بقى حد بالطاولة غير عبدالله و سالم خلصوا اكلهم وكل واحد راح ف سبيله ف الغرفة عايدة كانت تبكي و تشوف على ملابس ران و تتذكر كيف كانوا يلعبوا مع بعض و انها خلاص ما بتقدر تلعب معها مرة ثانية لين نامت. اما فيصل فكانت عينه تدمع على بنته و على النظرة الي شافها ف عين عايدة و تمنى انه يموت و لا يشوف النظرة هذيك مرة ثانية. *********** مرت الايام و فيصل يحاول يوصل لبنته بس ابو ليندا غير الرقم و مكان سكنه و كل شي بس عشان فيصل ما يوصل لبنته و يوم بعد يوم عايدة كانت تنطوي على نفسها اكثر يوم الخميس وقت الغدا و الكل مجتمع طارق:وين خالو عايدة؟ سالم:ف الدوام ما ترجع الا بعد العشا حمدة:صراحة عايدة زودتها هذا كل بسبب اخوي عبدالله عبدالله شاف عليها و رفع حوجبه:كيف بالله؟ حمدة:احم احم اولا انت مدلعها واجد واجد مخليها على راحتها و عاد عايدة الا و تخليها تسوي الي براسها اسالني انا اعرفها زين سالم:عمتي حرام عليش حمدة:انت ارجوك لا تتكلم سالم:عمتي عايدة اصلا متأثرة لانها تعلقت كثير برزان صح اني حذرتها بس عمتي مسكينة كانت تريد حد يونسها صح ان احنا حولينها بس كلنا شباب و عمتي حمدة عندها حياتها عبدالله:كلام سالم صح حمدة:ارجوكم كلكم ف صفها طارق قل لك شي طارق:لا معهم حق حمدة ما مصدقة كلهم واقفين ف صف عايدة:قلت لك يا عبد المعين تعني لقيتك بتنعان الكل:ههههههههه دخل فيصل الصالة:السلام عليكم الكل:و عليكم السلام فيصل جلس معهم ع الطاولة و بدأ يغرف اكله عبدالله:كي فقدرت توصل لهم ؟ فيصل:لا بس قررت اخذ اجازة من الدوام و اروح ايرلندا بيكون اسهل لي طارق:احسن لك ترفع لهم قضية فيصل:و على اي اساس يا طارق؟ عبدالله:انا ما محام بس اعتقد ان عندك الاسباب الكافية فيصل:بس انا ما اعرف اي محام بيوافق انه يساعدني سالم:انا اعرف الكل:من؟ سالم:سعد ****************** فيصل ما كان حابب يروح لسعد بس كل شي يهون لاجل رزان ف مكتب سعد السكرتير دخل الغرفة بعد ما دق الباب السكرتير:استاذ سعد عندك موكل جاء سعد:زين العمل كان راكد هذي الفترة خله يدخل طلع السكرتير و دخل فيصل فيصل:السلام عليكم سعد:و عليكم السلام. و لما رفع راسه اندهش من الي قدامه سعد:اوه فيصل تفضل كيف ممكن اساعدك؟ فيصل:شكرا.و جلس ع الكرسي:انت كنت موجود لما اخذوا بنتي تعتقد انه ممكن ارفع قضية حضانة؟ سعد:نحتاج ندرس الاحتمالات اولا بعدين نشوف فيصل: يعني بتساعدني؟ سعد:صح ان احنا ما نتفق بس ما اقدر اشوف شخص ينظلم اكيد بساعدك فيصل:مشكور يا اخ سعد و الله انك عطيتني امل ف اني ارجع بنتي مشكور. سعد:افا ************* مرت الايام و عايدة انطوت على نفسها اكثر صاروا ما يشوفوها الا صدفة اما فيصل فكان دائما ف المكتب عند سعد يبنوا قضية ضد ابو ليندا و البقية كانوا عايشين حياتهم الطبيعية بس كانوا يحاولوا يفرفشول الجو لعايدة الي كانت عنيدة و ما تغير رايها بعد ما تقرر شي حتى ميساكي كانت تحاول فيها بس ما قدرت. ************ بعد مرور شهرين تقريبا عايدة جاءها اتصال من رقم دولي فردت عليه:نعم من معي؟ رد عليها صوت رزان:ماما ماما انا ران عايدة اشتاقت لهذا الصوت البريء الطفولي الحاد و دموعها نزلوا تلقائيا:ران حبيبتي كيفك؟وينك؟ليش رحتي و ما ودعتيني حبيبتي؟ رزان:ماما لا تبكي انا بخير بس انا اشتقتلك واجد و امس بابا جاء عندنا البيت عايدة:بابا؟متى جاء؟ رزان:هو قال انه وصل قبل امس وجاء و شافني امس و وعدني انه بيرجعني معاه عشان اشوفك عايدة:انتي تريدي ترجعي؟ رزان:ايوا انا ما احب جدتي و جدي واجد عصبيين عايدة ضحكت لبراءة رزان:استحملي حبيبتي انا متاكدة ان بابا بيرجعك رزان:انا بسكر لان بابا عطاني رقمك من دون ما يعرفوا مع السلامة ماما عايدة:مع السلامة حبيبتي انتبهي لنفسك عايدة فجأة بدأت تراجع نفسها الي سوته قبل شهرين غلط و حتى خلال هالشهرين كانت غلطانة بعد ما رجعت البيت راحت مباشرة لعبدالله و اعتذرت منه و اتصلت ف كل الي غلطت بحقهم و رجعت عايدة القديمة و كانت كل يوم لما تصلي تدعي ان رزان و فيصل يرجعوا بسلامة ********** عند فيصل و سعد الوضع كان مو هين بس فيصل ما رضى يتخلى عن بنته بهذه السهولة ما بعد ما شاف النظرة على وجه اكثر انسانة حبها هو و سعد صاروا اصحاب و سعد ظل يسأل نفسه ليش كان ما يستسيغه لانه يحب عايدة؟بس هو سعد ما عاد يحبها الحين شافله وحدة ثانية ممكن تعوضه و لا يقدر يسممح لنفسه انه يظلمها و يقارنها بعايدة صح ان عايدة مافي مثلها بس هي مو من نصيبه. *********** بعد شهر من محادثة عايدة و رزان الي كانت تتصل فيها كل ما تحصل فرصة عايدة كانت ترتاح ف غرفتها بعد ما رجعت من النايت شيفت<<اعذروني ما اعرف ايش معناها بالعربي << و فجأة قامت على اصوات عالية تحت و خافت ما عرفت ايش فيه بسرعة نزلت تحت من دون ما تتغطى و تلاكت شعرها مفتوح الي طول و وصل لتحت ظهرها و كانت لابسة بنطلون سكيني مع توب لفوق الركبة اول ما وصلت تحت ما شافت الا جسم صغير يركض صوبها و تصرخ رزان:مااااااااااااااااااا� �اااااااااااااااماااااااا ااااااااااااااااااااااااا ااااااااا عايدة كانت مصدومة ف البداية بس بعدين حضنت رزان بالقوة و بدأت تبكي فيصل:سبحان الله صح ان الحريم عاطفيات زيادة عن اللزوم يبكوا ف الفرح و الحزن عايدة رفعت راسها و شافت عليه و الدموع ف عينها هو اندهش و انربط لسانه من منظرها الي جذبه اما هي صار لها فترة ما شافته و حست انه تغير كثير و ف سرها اقرت انه صار احلى بعدين شوية كذا تذكرت انها ما غطت نفسها عايدة:شيت.و خلت رزان و ركضت بسرعة لغرفتها تجيب لحاف سالم و حسين ما قدروا يسكتوا و ماتوا من الضحك اما عبدالله فحاول يمسك نفسه لكن ابتسامة فلتت منه و فيصل نزل راسه باحراج لانه طول الوقت ما شال عينه منها اما رزان و احمد ما كان عندهم خبر و جلسوا يلعبوا مع بعض و يتفاهموا بلغتهم المكسرة ******** بعد كم يوم فيصل عمل عزومة كبيرة يعزم فيها الكل برجعة رزان ف مجلس الرجال كان عبدالله و جهاد و ابو سعد و سعد و طارق و التوأم و سالم و حسين الي عقل بنسبة 5% و ابو هيثم وهيثم ومعاذ و سالم و شلة غير معروفة للقراء لكنها من الاهل بعد الغدا و صلاة العصرعبدالله لفت انتباهه ان سعد و جهاد يحاولوا يقنعوا فيصل بشي ف شك فيهم لكن عداها اما ابو سعد فلاحظ هو الثاني و قال:انتوا مالكم ع الولد ؟و يا ولدي اذا ما قادر تتكلم انا اتكلم عنك. فيصل:لا لا لا بتكلم انا يا عمي.فيصل نقى حلقه:احم احم عبدالله انا حابب اخطب عايدة الكل سكت و شاف عليه جاه صوت معاذ من ورا:هلا و الله بك انت ولدنا و احنا طبعا موافقين بس لازم نسال البنت اول ابو هيثم(ابو معاذ):اقول انثبر انت و خلي الكبار يتكلموا الكل ضحك بصوت و المجلس اهتز من ضحكهم و ف نفس الوقت عايدة وميا كانوا مارين من عند المجلس وسمعوا الضحك عايدة:حشى عاد ما ضحك ميا:يا الله حارني اريد اعرف ايش مضحكهم عايدة:خلا تعالي انفتح الباب شوي محد ايعرف و سمعوا ابو هيثم يتكلم:كيف ما قال الاثول معاذ احنا موافقين بس لازم نسال البنت اول مازن:احم انزين متى اتردوا علينا؟ ابو سعد:اقول انتوا اسكتوا مالكم دخل معاذ شاف الباب يفتح و عرف ايد ميا الي كانت ماسكة الباب لانها كانت مسوية مناكير كل ظفر لون و قال:ابوي ممكن انا اروح ازف لها الخبر انا اخوها بعد لا؟ ابو هيثم:ايش تقول يا عبدالله؟ عبدالله:خله يروح يجرب حظه ميا و عايدة شافوا جهاد جاي و بسرعة سكروا الباب و لفوا يطلعوا من المكان بس معاذ لحقهم:تعالي عايدة:ميا روحي معاذ يريدك معاذ:لا انا اريدك انتي ميا شافت على عايدة و طلعت لها لسانها عايدة صفعتها على ظهرها.ميا راحت و عايدة لفت لمعاذ:خير اخوي بغيت شي؟ معاذ عرف ان كل الي ف المجلس يسمعوا:اولا انتي كم عمرك ها؟لابسة هالملابس كانك مراهقة ما كانك دكتورة عمرها 26سنةو بعدين ما تعرف انه ما زين تتنصتي؟ما اعرف ايش اتسوي لما بتتزوجي الله يعين زوجك بس. فيصل ما عجبه الي قاله معاذ فرسل له رسالة"اقول عيب عليك الكل يسمع ف المجلس" معاذ قرأ الرسالة و ضحك بعدين رد"بدينا ندافع من الحين؟" عايدة عصبت من كلام معاذ:اسمع انت قول الي تريده و لا تضيع وقتي باهاناتك الي ما تودي و تجيب انا حرة اسوي الي اريده سامع و اذا قلت الي عندك انا رايحة. و لفت عنه معصبة. معاذ دخل المجلس يحاول يخبي ابتسامته و قال بنبرة حزينة مصطنعة:البنت ما وافقت اسف يا اخوي. التوأم و سالم وسالم وجهاد و سعد ومعاذ ما قدروا يسكتوا و ماتوا من الضحك عبدالله عصب:يا البزر هذا موضوع تضحكوا فيه؟ بعدين انت ما رحت تسألها انت جاكرتها و عصبتها عاد حظك انها ما مسكت اول شي قريب منها و ضربتك به روح تأدب و اسألها زين بأي طريقة فاهم؟ معاذ استحى على وجهه شوي:ان شاء الله ابو هيثم:اولاد هذي اليومين ما فيهم عقل مازن و ماجد قلدوا صوت الذئب يغايروا معاذ الي تهزأ ابو سعد:اسكتوا يا الضباع ماجد:ابوي احنا ذيبان ابو سعد:الذيب اذا شافكم يتف على اشكالكم الكل:هههههههههههههههههههه� �هههههههههههههههههههههههه ههه معاذ شاف على فيصل و ابتسم له و طلع برا اتصل ف عايدة بس عطته بزي فرسل لها رسالة "سوري و الله سوري بس تعالي اخبرك الموضوع مهم واجد واجد" "I don’t care"عايدة معاذ"هذا موضوع حياة او موت" عايدة خافت و راحت المطبخ لقيته جالس ع الكرسي و راسه بين ايديه عايدة:خير معاذ ايش في؟ معاذ رفع راسه و ابتسم لها:اولا انا اسف ثانيا في حد جاي يخطبك عايدة شحب وجهها:من؟ معاذ:واحد عايدة:و الله عبالي اثنين خلصني و قول من معاذ: اوكي بس عندك يومين تفكري فيهم و بتجي عندنا البيت عايدة:ليش اجي عندكم البيت؟و من هذا الي خطبني؟معاذ قووووووووووووووووووووول؟ معاذ:احم فيصل عايدة:مــــــــــــــــــ� �ـــــن؟فيـــــــــــــــ ــــصل؟ معاذ:عشان كذا اليوم اترجعي معانا احنا انروح اخر ناس كالعادة ابوي ايكلم امي انتي روحي جهزي شنطتك عايدة بدهشة:ان شاء الله.و لفت عشان تطلع من المطبخ معاذ:و عايدة عايدة:نعم؟ معاذ:لا تظلمي الرجال و فكري زين عايدة:اها ان شاء الله.و طلعت من المطبخ و فكرها مشوش و ركبت مباشرة لغرفتها مريم شافتها سحبت معاها ميا و راحوا وراها لما وصلوا عندها الغرفة مريم دقت الباب عايدة قامت تفتح الباب و رجعت من دون ما تتكلم و خلت الباب مفتوح عشان يدخلوا مريم:خير عيودة ايش في؟ ميا دخلت و سكرت الباب:لا يكون معاذوا الخايس قال لك شي ازعجك؟ عايدة:فيصل خطبني و عندي يومين عشان ارد مريم و ميا:حلفيييييييييييييييييي� �يي مريم زغرطت:و اخيرا مبروووووووووووك عايدة:ليش انا وافقت عشان تقولي لي مبروك؟ ميا:ليش انتي ناوية ترفضي؟ مريم:اياني وياش تظلمي الرجال فكري زين بعدين قولي قرارك و احسن تروحي عند امي عايدة دموعها بدأت تنزل:بس انا ما اقدر افارق اخوي عبدالله ميا:و السبع سنوات الي فارقتيه فيها؟ عايدة:هذي سالفة ثانية مريم:لا ثانية و لا اولي قومي حط ثيابك و روحي مع امي و أول ما توصلي صلي استخارة عايدة:انزين ليش ما اقدر اجلس هنا بالبيت؟ ميا:اول مرة احس انك غبية عايدة بدهشة:ميـــــا ميا:ما انتي تحبي الصراحة؟هذي هي الصراحة.يا الذكاء الي خطبك يعيش معاكي ف نفس البيت كيف ممكن تفكري زين اذا مجابلك اربع و عشرين ساعة؟ مريم:ميا كلامها صح للأسف. عايدة ضحكت غصبن عنها:ههههه ان شاء الله سمعوا دق ع الباب عايدة:من؟ ام هيثم:انا خالتك حبيبتي عايدة راحت تفتح الباب:تفضلي خالتي ام هيثم دخلت:اخوكي قالي كل شي يلا تجهزي عشان احنا رايحين الحين عايدة خجلت:ان شاء الله ميا:عايدة يا ان جو الغرفة مأثر عليكي او انك خجلت ام هيثم:اسكتي انتي على الاقل هي تعرف تخجل الكل:هههههههه ************************* بعد يومين ف بيت ام هيثم عايدة كانت ف الغرفة تفكر ف كل الي مر بينها و بين فيصل و تذكرت هذاك اليوم ع البحر لما شافها ف عينها و قال لها إن دموعها غالية عليه هذاك الوقت عقلها توقف عن التفكير و ما قدرت توصل للمعنى الخفي وراها بس الحين امعنت ف كلامه زين و حسيت وراها حب و خوف و الحين كأنها تسمع كلامه يوعدها بكل الي هي محتاجة له من مشاعر و عواطف و حماية و امان كله و قررت توافق. ********************* الكل ف العرس انتظر عايدة تدخل القاعة بعد ما تسكرت كل الاضواء و ضوء واحد بس كان موجه للمدخل ضوء واحد بس كان موجه لعايدة الي ف هذا اليوم الكل شافها ملاك يمشي ف الارض الكل بكى من منظرها الحلو و تذكروا كل الي مرت فيه ما شوية ******** النهـــــــــــــــــــــ ـــــــــــــــــــــــــ ـايــــــــــــــــــــــ ـــــــــــــــــــــــــ ــــــــــــــة شكرا لمتابعتكم الرواية واعتذر عن كل وعد قطعت لكم واخلفته و اتمنى انكم استمتعتم بالرواية .gif) | |||||||||
|
| |
|
| الكلمات الدلالية (Tags) |
| alucard16, الكاتبة, حلالي, miss, فيها |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
